دلـيـل كـيـكي .. للشـارع الأمـريـكي ..(بارت تو)..

أما بعد..

قبل عدّة أشهر..
عبر كيكي .. الشهير بكريم .. الأطلسي، من دوحة الخير..
من شتاء قطر المشاغب كثير المزاح.. والى بلاد العم سام.. حيث الشتاء الجّد جّد
في زيارة مختصرة ومفيدة..
متيقن بدعوات حبّانه الدوحاب.. وبدليلنا الكارب

لم تكن الزيارة مختصرة ومفيدة فحسب،
وإنما أيضا سريّة الى حّد ما .. نظام حمدو في بطنو
لم يحكي بعدها كيكي الكثير ولا القليل..
رغم إبداعاته السردية.. بشهادة هذا الدار وأهله..
(which made me wonder)


سألت نفسي.. (مرّتين تلاتة كده )..
قلت .. يا ترى هل أعطيت كيكي فكرة ممعنة في الإيجابية لدرجة التضليل؟
أم أنها كانت موغلة في السلبية لدرجة التخويف؟
(بس الأخيرة غير واردة .. لأنه مشى يا ناس!)..

أم أن الفكرة كانت متوازنة لدرجة الكمال ..
فكفت كيكي عناء التعليق والمحاججة؟

وعليه..
طالما ما سمعنا منك..
بنجاري طبعك .. يا كيكي..
وتحسبا.. لظروف أي سفر من طرفكم (والذي لا يصرّح كثيرا بحلّه وترحاله)،
سنعاود إصدار الدليل..

________
خليك قريب ..

دليـــل كيــكي.. في الشارع الأمريــكي

هلا يا نجوان وحبابك والله
وانتي تعودين الي ملاعب سودانيز اونلاين وتدشنين العودة بالدليل الحصري الذي صار في نسخته الاولي سمع وشوف..
وامريكا بلدا ماكن بالحيل يقيني انه يحتاج الي دليل ودلائل..
نعم اعترف بانني لم اسرد ايامي القليلة في فرجنيا وبعض الطلعات العاجلة الي واشنطون بصحبة الصديق متولي مالك
واحيانا عماد حسين كخبراء اجانب يعلمون في امور تلك البلاد كما يعلم متولي شوارع امدرمان وعماد بشوارع مدني
وحاولت ان اجد تفسير لعدم التحمس في الكتابة عن تلكم الايام القصيرة ولعلي وجدت ان الحيز الجغرافي الضيق الذي زرته ليس بكافي
في ان يحكي ويكتب عنه رغم ما حواه من دهشة ومشاهد امريكانية جاعلة الفاه مفغور حتي الان...
دليلك يا ستي كان هو دليلي ومنذ اللحطات الاولي في مطار واشنطون وتذكرت العوض ايضا وضرورة التحدير الي الخواجة في عينيه الاثنين حتي يستغيث وجال في خاطري بعض من مداعبات كوستاوي المرحة في امر المضيفات في الطائرة ولولا شهوق الطيران لحققت له رغبته اللعينة
ولكن الثلوج وهيبة الطيران جعلت مني مسمرا خلف الحزام ومستمتعا بحكايات منسي للطيب صالح التي كانت هي صديقتي في ذلك الطيران
المتقوس المسار..
وحبة حبة مع دليلك في جزئه الثاني ممكن نساهم باستخراج بعض من مشاهد الايام القليلة المحفورة في الذاكرة رغم الثلوج والبرد الذي لا ادري لماذا هو يضرب في الاطراف فقط(برد عالي الحسادة والعدم رحمة)

وح اكون قريب في دليلي الثاني فلقد اقتربت ساعات الحوجة حقا لدليل ثاني وثالث ورابع

نجوان

الزول مشى ورجع سالم لانو مسك قوى فى الNavigator ... هديتي

هسع الإشكال حايبقى فى مرحلة ما بعد إستلام جواز اولاد جون ديل

تخيلي يقوم كده يدلق فيهو كباية شاي لبن وينقلب الجواز بقدرة قادر لجواز بوركينا فاسو او بتاع ناس جمهورية الموز ....

ويقوم يرحلوه لغوانتانمو ...

غايتو خليل - من الشماتة - حايضبح عديل

Quote: هسع الإشكال حايبقى فى مرحلة ما بعد إستلام جواز اولاد جون ديل

ما يمكن إستلمو يا حيدر ولابد..
قلنا ليكم سفرة سرررّية ..

Quote: الزول مشى ورجع سالم لانو مسك قوى فى الNavigator ... هديتي

قلت يا حيدر ياريت لو حيدر بدل لي Navigator بقفازات
دبل يابانية دبل جنت ياخي انا البرد كهربني ليك كهربة شديدة ونشفني نشاف السنين
عشان كده سااااكت وماعاوز احكي ليكم حاجة

نجوان
الحميدة عودتك

بس كان في داعى للعودة من خلال مقطوع الطارىء

تنهدات: من نكد البورد على المتصفح ان
يحد بوست مامن دخوله بد...

هلا ود الأمير..

Quote: بس كان في داعى للعودة من خلال مقطوع الطارىء

مقطوع الطاري ده منو؟
كيكي ولا الشارع الأمريكي..
حدّد بالله!

عفوا.. مكرر

Quote: بس كان في داعى للعودة من خلال مقطوع الطارىء

حدد يا زول هووووي حدد
كيكي ولا الشارع الامريكي
وفي الحالتين شيل شيلتك يا المتنبي

Quote: ولعلي وجدت ان الحيز الجغرافي الضيق الذي زرته ليس بكافي في ان يحكي ويكتب عنه

لا بالله!
يعني في حيّز جغرافي أصغر من الدوحة دي!.. وانت مش بتحكي منها وتكتب..
بل وتتفلسف كمان ..


________
شوف ليك عذر تاني يا كيكي..

Quote: لا بالله! يعني في حيّز جغرافي أصغر من الدوحة دي!.. وانت مش بتحكي منها وتكتب.. بل وتتفلسف كمان .. ________ شوف ليك عذر تاني يا كيكي..

هلا يا زرزرة
والفلسفة دي ذاااتها ياها الطيرت من راسنا الحماس للكتابة في امر امريكا يانجوان..
وفالبلد ديك كبير وعريض ولسع عشان اقول عنو حاجة ليها رقشة داير لي جولة ليها ضل وتحليق في مداراته المتعددة
وامتصاص نبضه في زوايا كثيرة لم تتاح لي المشية القصيرة ان احقق فيها شي ذو بال..
فحسع التخزين للاحداث قاعد في فولدر بعيد وقريبات دي ح ارجع تاني والمرة دي بجوطها من اقصاها الي ادناها
ولو ربنا مد في العمر حنجي هنا وبربها ليكم ربة ليها ضل..
ونقول كلام ليهو فائدة...!!

الأخت نجوان لك التحيةو الإحترام و لمداخليك وضيوفكم ...



كيكى وينك راجى تلفونك طيلة الإسبوع !!!
ده حالتك لسع من غير جواز أمريكانى!
يعنى لو إستلمته لينا الله و عيشة السوق


تصريح خطير تكمن فى طياته نوايا- على شكل ضمير مستتر

Quote: فلقد اقتربت ساعات الحوجة حقا لدليل ثاني وثالث ورابع..

أها متين ساعة الحوجة




ش

Quote: كيكى وينك راجى تلفونك طيلة الإسبوع !!! ده حالتك لسع من غير جواز أمريكانى! يعنى لو إستلمته لينا الله و عيشة السوق

ناسكم ديل يا شكري ما بدوك فرصة تحك راسك ذاااتو خليك من تضرب تلفون
مشاغل يا باش مشاغل لذا تجد التلميح الغامض قد طل الي السطح

Quote: بقفازات دبل يابانية

عليك بالجرسلين

قفازات دي بتعمل ليك شبهة لو دخلت بيها سوبر ماركت

يا حيدر ميرغني

هل تم قلع النمر بتاع الراجل

وللا النمر سليمة

Quote: هل تم قلع النمر بتاع الراجل

والله ياخلي سكاتي ده ماساااكت زي ماقالت نجوان..
احتمال يكونو الامريكان ديل قلعو النمر وانا ماجايب خبر
بعلموها الناس ديل تصدق

Quote: قفازات دي بتعمل ليك شبهة لو دخلت بيها سوبر ماركت

والله يا حيدر ملف امريكا ده كلامو كثر
والبقالات المشيتها كلها لاتعرف تشتري لاتعرف تقهي في الاسبانش القاعدة في علو
لا تعرف تتضاير من الكاميرات التي يمكنها ان تلطشك فلاش وتوديك غونتامو لو قحيت ساكت..!!

Quote: Quote: ولعلي وجدت ان الحيز الجغرافي الضيق الذي زرته ليس بكافي في ان يحكي ويكتب عنه لا بالله! يعني في حيّز جغرافي أصغر من الدوحة دي!.. وانت مش بتحكي منها وتكتب.. بل وتتفلسف كمان ..

تنهدات: ياخليل تعال شوف الرد الدراب والتعقيب الدرر

اللورد بدر الدين

محاولات مستميتة من كيكي من الولوج في متاهات الوجد الشفيف ولكن اني له

فهو يبقي سجين بين الماء وبين النار

Quote: اللورد بدر الدين محاولات مستميتة من كيكي من الولوج في متاهات الوجد الشفيف ولكن اني له فهو يبقي سجين بين الماء وبين النار

ممكن الترجمة يا خليل..
بليز!

Quote: تنهدات: ياخليل تعال شوف الرد الدراب والتعقيب الدرر

يا بدر
كيكي.؟؟؟
ولا الشارع الامريكي..؟؟
بالله جاوبنا سرررررريع لانو ورانا دليل ثاني وعاوزين نقعد ليهو بمزاج و بدون ملفات معلقة

النمر سليمة

Quote: قفازات دي بتعمل ليك شبهة لو دخلت بيها سوبر ماركت

شبهة بس؟
يا حيدر .. لا تضلّل صديقي..

نجوان كيكوفيتش ما جاب سيرة عن الذي "حصل" وافتكرنا نسينا؟؟ هو الحصل ايه ؟؟

كيكوفيتش..يعني تسافر يوم كامل وتقعد يومين وترجع الخرتوم ياها دي البقولو عليها "مكوكية"؟

Quote: يعني تسافر يوم كامل وتقعد يومين وترجع الخرتوم

مفتّح يا باش!




______
شفت يا كيكي!

Quote: كيكوفيتش..يعني تسافر يوم كامل وتقعد يومين وترجع الخرتوم ياها دي البقولو عليها "مكوكية"؟

اووو
الباش الكبير
وكدي يا دوبك ممكن نقول ياهو الدليل الانا بعرفوا او بلاش
وبحضورك يكون القريت بيم بتاع الدليل الثاني قد اتشطب
وفقط في انتظار نجوان لنري من اين ستلتهم كتفهو وتحلق بينا في جولة تقينا بلاوي العم سام...


...
طبعا يانجوان لقدام ح احاول افك بعض الاوراق وحنتكلم في النقاشات الدارت مع بعض الاصدقاء هناك
ورويتهم كاهل داخل امريكاني عن دليلك التاريخي



ياخ دار الوثائق عاوزة ليها 25 سنة عشان تفك السرية عن الوثائق الرهيبة
نجوان عصرت يا باش صحبك كيكو فتش واهو داير يفتها ليكم في 6 شهور ونيف

Quote: مفتّح يا باش!

يعني ساركوزي يمشي بجينج ومعاهو ولدو (الساكن دبي مع امو وزوج امو )وكمان يمشي جورجيا وكل المشاويير في تلات ايام ونحن نكون عارفيين وكيكوفيتش يمشي واشنطون و الخرتوم ويرجع الدوحة وبرضو في تلات ايام ونكون ما عارفيين... هو الحاصل ايه ؟؟ نكلم كونداليزا يعني تقولينا

Quote: وكيكوفيتش يمشي واشنطون و الخرتوم ويرجع الدوحة وبرضو في تلات ايام ونكون ما عارفيين

ما يصحش طبعا يا باش..
كيكي ده زولنا برضو!

مصلحة البريد الأمريكية..

البوستة لا تتأخر يا كيكي في بلاد العم سام..
ونادرا .. جدا.. تضيع..
(حكومة والناس أهالي )

هذه يا كيكي مصلحة فيدرالية من الطراز الأول
تسعى لخدمة المواطن الأمريكي.. المقيمين
وكل من زار بلاد العم سام..
قديما اتت بخطابات الغرام.. أخبار المسافرين والحروب..
وبعد الثورة المعلوماتية.. كالشبكة العنكبوتية والهواتف الجوّالة
أصبحت تأتي بأقل مما فعلت في السابق..
قلّت الخطابات والفواتير.. وكثرت المشتروات..

وإحدى علامات العالم الأول
أن يكون مكتب بريده محترم ويمكن الإعتماد عليه..
مع هكذا مصلحة، يمكن للمواطن الأمريكي بكل بساطة
أن يكتفي من الدنيا بكومبيوتر وصندوق بريد أمام بيته..
(كتار العملوها)..

تخطيط الأحياء الدقيق وترقيم البنايات والبيوت
توزيع مكاتب وصناديق البريد بصورة منظمّة وإستراتيجية،
يحوّل إمكانية ضياع خطاب أو فاتورة الى شبه إستحالة..
(حتى وإن تمنّيت ذلك )

وباللونين الأزرق والأبيض
تستقبل مكاتب البريد وموظفوها.. عملاءهم بكفاءة عالية..
لكل سؤال جواب في هذه المكاتب.. وليس للمفاجآت حضور كبير..
إلا إن كان في محتوى ما يحمله ساعي البريد
ودي ما عليهم لوم فيها

في كل صباح..
يجوب سعاة البريد.. من رجال ونساء
الشوارع في أناقة ورشاقة لإيصال الخطابات والطرود..
لا يسمحوا لظروف الطقس أن تمنعهم من أداء واجبهم..
إن كان حر.. برد وثلوج.. أو عواصف وأمطار..

يعتمد المواطن الأمريكي على البريد بصورة عالية..
ويتوقع مستوى عالي من الخدمة..
إلى جانب الموظفين، تحتوي مكاتب البريد على محطّات للخدمة الذاتية
حيث توزن بريدك، تدفع العليك للماكينة، تكتب العنوان
وتودع مرسولك لنافذة صغيرونة .. وتنساه..
لأنه يصبح بعدها في أيدي أمينة.. وعارفة بتسوّي في شنو..

وإن كان هناك حرص من جانبك بخصوص مرسول ما، فهناك عدة خيارات متاحة لك..
فمكتب البريد لا يهدف لإيصال الرسائل فحسب، وانما لراحة بالك أيضا
وهذه ترجع لquality of life matters
هناك خدمات للزول العادي الما بشيل هم.. والزول الموسوس وقلق..

مكتب البريد يوفر لك جميع مستلزمات الخدمة البريدية
من أوراق، ظروف، صناديق، شرائط لاصقة، وطوابع..
والأخيرة .. موجودة حسب ذوقك، ومزاجك في ذلك اليوم..
من طوابع وطنية يرفرف فيها العلم الأمريكي..
لطوابع تمجّد مناسبات وشخصيات عالمية..
طوابع بها ورود رقيقة..
قلوب..
وطوابع بها مهرجانات من الألوان..
بالجملة.. والقطّاعي..


_____
ونعود

وبالصور كمان..


أسطول سيارات البريد..


مكتب البريد من الداخل..
دون غبار يعلو الأرفف


أخدم نفسك بنفسك يا كيكي وأنسى تدليل الدوحة..


طوابع.. طوابع..
وطوابع

Quote: هناك خدمات للزول العادي الما بشيل هم.. والزول الموسوس وقلق

هلا نجوان وحباب البريد كضربة بداية للدليل..
وملاحظاتي السريعة يا نجوان توكد سطوة هذه الخدمة..وشايف قدام كل بيت صندوق يتاوق فيه الجميع
بطريقة منتظمة وكل مرة بتشوف ليك زول او زولة مطلع ليهو ظرف من الصناديق المنتشرة زي المطرة امام المساكن..
وايضا لاحظت الاهتمام العالي بالعنوان منذ ضربة البداية في مطار الدوحة..
وحتي العنوان معمول بطريقة تخيل لي لو باريتها حتصل بكان انت داير..
ايضا المباني لها ارقام (ذكروا لي رقم البيت الابيض لكن نسيتو حسع)..
ياخي بلد منظمة بطريقة تخلعععععععععع
ومتابعين حكاوي امريكا المرسال البمشي وبجي سريع ده..ليس كمرسال وردي رغم علو الموسيقي هناك