......(((( نحن النساء )))) .....

......(((( نحن النساء )))) .....


21-08-2009, 07:11 PM


  » http://sudaneseonline.com/cgi-bin/sdb/2bb.cgi?seq=msg&board=166&msg=1254460689&rn=0


Post: #1
Title: ......(((( نحن النساء )))) .....
Author: Ishraga Mustafa
Date: 21-08-2009, 07:11 PM








وتصوموا وتفطروا على خير

Post: #2
Title: Re: ......(((( نحن النساء )))) .....
Author: خالد علي محجوب المنسي
Date: 21-08-2009, 07:18 PM
Parent: #1

Quote: نحن النساء

مالكم ؟؟؟؟؟؟

رمضان كريم أشراقة وكل سنة وانت طيبة

تحياتي ومودتي

Post: #3
Title: Re: ......(((( نحن النساء )))) .....
Author: Amira Elsheikh
Date: 21-08-2009, 07:23 PM
Parent: #2

Quote: مالكم ؟؟؟؟؟؟


فى قلب الحياة يا خالد...

اول مرة يا اشراقة اسمع الاغنية دى..

ياريت لو فى زول عندو تفاصيل عن التسجيل دا

شكرا اشراقة وعودا حميدا من اجل انسان جديد...


يديدك العافية

Post: #4
Title: Re: ......(((( نحن النساء )))) .....
Author: عبدالوهاب علي الحاج
Date: 21-08-2009, 07:32 PM
Parent: #3

العزيزة اشراقة
رمضان كريم
وكل سنة وانت طيبة
وتصومي وتفطري على خير

Post: #10
Title: Re: ......(((( نحن النساء )))) .....
Author: Ishraga Mustafa
Date: 21-08-2009, 07:58 PM
Parent: #4

وانت طيب واسرتك طيبة يا ابو شموس

تصوموا تامين وتفطروا لامين

Post: #5
Title: Re: ......(((( نحن النساء )))) .....
Author: Ishraga Mustafa
Date: 21-08-2009, 07:35 PM
Parent: #3

Quote: مالكم ؟؟؟؟؟؟



Quote: فى قلب الحياة يا خالد...




واسمع الاغنية حاتعرف نحنا مالنا
نحن دى بتعنى كلنا


ورمضان كريم ياخالد

Post: #6
Title: Re: ......(((( نحن النساء )))) .....
Author: توما
Date: 21-08-2009, 07:35 PM
Parent: #3

very nice

thanx Ishraga

Post: #7
Title: Re: ......(((( نحن النساء )))) .....
Author: خالد علي محجوب المنسي
Date: 21-08-2009, 07:41 PM
Parent: #6

Quote: واسمع الاغنية حاتعرف نحنا مالنا
نحن دى بتعنى كلنا


أختي أشراقة ماكان القصد غير أنه لم يظهر التسجل في جهازي

تحياتي ومودتي

Post: #8
Title: Re: ......(((( نحن النساء )))) .....
Author: Ishraga Mustafa
Date: 21-08-2009, 07:50 PM
Parent: #7

اكيد ياخالد لمن تتمكن من سماعها حاتنحاز اكتر لقضايا انسانيتنا


وتبقى بيننا محبة الاهل يا اخوى

Post: #14
Title: Re: ......(((( نحن النساء )))) .....
Author: Ishraga Mustafa
Date: 21-08-2009, 09:48 PM
Parent: #6






شكرا ياتوما وشوفى الوجع الفوق ده

Post: #9
Title: Re: ......(((( نحن النساء )))) .....
Author: Ishraga Mustafa
Date: 21-08-2009, 07:55 PM
Parent: #3

امورتنا الواعية

بتمنى برضو معلومات عن تفاصيل التسجيل دا

شوفى كنا ووين وبقينا ووين

ولسه الدرب طويل وداير فعل على ارض الواقع


وتصومى وتفطرى على خير يا اخيتى





..................
مابلقى لى عندك ابرى

Post: #11
Title: Re: ......(((( نحن النساء )))) .....
Author: esam gabralla
Date: 21-08-2009, 08:01 PM
Parent: #9

يا صاحبة
تصومى و تفطرى و تعملى العاوزاه على خير
مشكورة على الاغنية ... ما سمعتها ابدا قبل كده
تغيبي و تجيبي

Post: #13
Title: Re: ......(((( نحن النساء )))) .....
Author: خالد علي محجوب المنسي
Date: 21-08-2009, 08:08 PM
Parent: #11

Quote: اكيد ياخالد لمن تتمكن من سماعها حاتنحاز اكتر لقضايا انسانيتنا


وتبقى بيننا محبة الاهل يا اخوى


نحن معكم بحكم تربيتنا
بل كان نفع أخواتنا للأسر أكبر
ويكفي هنَّ من لزمنَّ الدار والأهل والعناية بالواد والوالدة

وهنَّ شرف لنا وكل النساء

والأمر بسيط لو يعي كل منا
أكثر مانحب أمهاتنا والنساء هنَّ الأمهات ناهيك عن كل شئ أخر

تحياتي ومودتي أشراقة

Post: #20
Title: Re: ......(((( نحن النساء )))) .....
Author: Ishraga Mustafa
Date: 22-08-2009, 09:59 AM
Parent: #11

Quote: تغيبي و تجيبي


نهارك رمضانى مؤبر ياعصام { فعل مقطوع من رأس الآبرى}

تتزكر الاغنية بتاعت غيب وتعال تلقانا نحنا يانا نحنا
لاهزتنا الظروف ولا غيرتنا محنة

ماعارفة اللى ذكرنى ليها شنو
لكن اغنية مافيها اى منطق زيها زى الحب

اها على سيرة المنطق دى الغياب ده ذاتو منطق
منطق لغرف الزول وزهجو وقناعنو من خيرا فيها - اصبحت متشائمة مش؟
لكن لمن تسمع الاغنية دى وتسرح مع {الانسان الجديد والسودان الجديد}
تلقى انو غيابنا من بعضنا وغياب آليات العمل المرتكزة على الواقع
كانت نتيجتها منطقية,
نتجية انو كنا ووين وحسع ووين؟

Post: #12
Title: Re: ......(((( نحن النساء )))) .....
Author: Amira Elsheikh
Date: 21-08-2009, 08:06 PM
Parent: #9

Quote: شوفى كنا ووين وبقينا ووين


تخيلى يااشراقة نفس التفكير وانا اسى فى اللحظة دى بتامل فى النساء

الظاهرات فى التسجيل دبل منو؟؟ سنة كم؟ ولحظتها كانت احلامهم شكلها كيف

طالما دا الغنا الكان البعبر عنهم ....

لو الحياة مشت طبيعية بعيدا عن فكرة الهوس الدينى الاجتاحت السودان بعد83
كنا حنكون واقفين على ارض صلبة ومفاهيم واضحة ...
مش لسة فى جدل البنطلون حرام ولا حلال ... نسافر بمحرم ولا من غير....

تراجعنا كتير يااشراقة



______________________________________________________________________
والله ابرى ورقاق وكركدى وبصلة محمرة رسلتهم ست الحبايب اقسمهم معاك يا بت امى

Post: #15
Title: Re: ......(((( نحن النساء )))) .....
Author: د.نجاة محمود
Date: 21-08-2009, 09:57 PM
Parent: #12

رمضان كريم يا حبيبة

نحن النساء


هل صنعنا التأريخ مجدا؟

اغنية في غاية الرومانسية
والواقع مرير والدرب اطول في الليل..

Post: #16
Title: Re: ......(((( نحن النساء )))) .....
Author: Shiraz Abdelhai
Date: 21-08-2009, 11:41 PM
Parent: #15

تصوموا وتفطروا على خير يا دكتوره اشراقه....

..فعلا تسجيل نادر وقمه فى الروعه...والعمق....
لكن مثير لشجون وكم هائل من الأحزان....
وقدر كبير من تأملات ال...لو...والكان.....
وعموما....
نحن النساء لسه فى........
وممكن نكون أحسن...وحيحصل........




..............

Post: #17
Title: Re: ......(((( نحن النساء )))) .....
Author: سلمى الشيخ سلامة
Date: 22-08-2009, 00:53 AM
Parent: #16

نحن النساء
من اجل انسان جديد
من اجل سودان جديد


شكرا يا اشراقة
اتمنى ان تتحقق امنياتنا بسودان جديد وانسان جديد
وفق انسانية عادلة وحقوق انسانية متساوية
كل المنى لكل نساء بلادى ان يعدن اقوى مما كن
وان يكون القادم فى حياتهن احلى وانضر

Post: #18
Title: Re: ......(((( نحن النساء )))) .....
Author: Osman Musa
Date: 22-08-2009, 01:12 AM
Parent: #17

رمضان كريم
وأنشاءالله
تتحقق الامنيات .
وأنتى وعموم نساء بلادى على أحسن الاحوال .

Post: #19
Title: Re: ......(((( نحن النساء )))) .....
Author: Sahar Yousif
Date: 22-08-2009, 07:27 AM
Parent: #18

العزيزة اشراقة

رمضان كريم :)

شاكرة جدا لمشاركتنا لشئ عزيز محمل بنسائم من التفائل القديم .. اتظني ذاك الماضي التليد سيتم احياه يوماً؟

Post: #36
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 10:58 AM
Parent: #19

Quote: اتظني ذاك الماضي التليد سيتم احياه يوماً؟


ازيك ياسحر

رمضانك حنين

احياء الماضى؟
استلهامه؟
الخروج منه بأرث يتيح لنا النظر الثاقب فيما كان وفيما سيكون؟

الماضى لا يعود
ولكن بكرة آتى
وبينهما مراحل طويلة كحبل اوجاعنا

ماهو رأيك ياسحر؟ باعتبارك منتمية لجيل مختلف عن جيلنا؟

Post: #34
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 10:52 AM
Parent: #18

Quote: تتحقق الامنيات .



شكرا يا عثمان
لنعمل معا لتحقيق هذه الامنيات
لبلد انسانى وجميل


يبدو ان الزمن سيطول كثيرا حتى يتحقق ذلك ياعثمان


ورمضان كريم

Post: #33
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 10:44 AM
Parent: #17

Quote: اتمنى ان تتحقق امنياتنا بسودان جديد وانسان جديد
وفق انسانية عادلة وحقوق انسانية متساوية
كل المنى لكل نساء بلادى ان يعدن اقوى مما كن
وان يكون القادم فى حياتهن احلى وانضر



سلمى المبدعة

وعلى سيرة الابداع قولى لىّ كيف يمكن تحقيق ماقلتيه اعلاها؟
اديك طرف خيط :

أهدتنى صديقة نمساوية كتابها عن سيرة الهوب هوب كوسيلة مقاومة
واهديتها بدورى على ضوء ماقرأته ومايشغلنى من امر دور الابداع والمبدعيين والمبدعات كتابة
انجزتها باللغة الالمانية بعنوان:

Hip Hop فى شارع القصر!!

تدور الفكرة عن دور الثقافة عموما فى التغيير؟

منتظرين رؤيتك الخبيرة يا سلمى

محبتى

Post: #32
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 10:38 AM
Parent: #16

Quote: نحن النساء لسه فى........
وممكن نكون أحسن...وحيحصل........


العزيزة شيراز

{{نحن}} اضعها بين قوسين بل اقواس كما فعلت مع {النساء} مع سبق الاصرار والترصد بين كل هذه الاقواس
{نحن} فى بعدها الجمعى= الانسان
{نحن} فى بعدها النوعى= النساء +الرجال
{نحن} = التعدد, التنوع
{نحن}= سلطة - من لا سلطة له

{نحن} واحد ياشيراز؟
{نحن النساء}؟

هذه اسئلة بمثابة التحريض لمواضيع تشغل ذهنى
وفى محاولتى للاجابة عليها من خلال البحث اوجه ابر النقد اولا على عقلى, علىّ كانسانة وكامرأة
لارى ماحولى فى بعديه الفردى والجمعى

لماذا تأخرنا؟ او بالاحرى لماذا تراجعنا؟
ماهى الاسباب؟

هى فرضيات اعمل عليها منذ ان ادركت بانى امرأة عليها ان تتحمل اعباء بلد بحاله

منتظرة اسهاماتك المميزة ياشيراز


--------
التعديل لاضافة كلمة لتتسق الجملة

Post: #27
Title: Re: ......(((( نحن النساء )))) .....
Author: Ishraga Mustafa
Date: 22-08-2009, 09:23 PM
Parent: #15

العزيزة نجاة رمضان كريم شهرا للغفران والرحمة


لو رجعنا لوراء شوية بنلقى انو اتحققت انجازات كبيرة
وللاسف بتتراجع بعد كل انقلاب








...................

خلى القهوة تعدل لى راسى وبجيك لحتة الرومانسية دى

Post: #21
Title: Re: ......(((( نحن النساء )))) .....
Author: Ishraga Mustafa
Date: 22-08-2009, 10:37 AM
Parent: #12

Quote: تراجعنا كتير يااشراقة


اتفق معاك يا اميرة تماما
وعلينا بالاجابة على لماذا تراجعنا وكيف ومتى
لنبحث عن الاسباب ونحللها


ولكنى متيقنة تماما يا اميرة بانو - نحنا النساء- نحتمل ايضا المسئولية
نحنا على الاطلاق ماضحايا بل ساهمنا بشكل او بآخر فى التراجع ده

وده موضوع بجيهو بروقة وذهن مفتوح على الآخر
ولو لاحظتى انى وضعت النساء بين كل هذه الاقواس
عشان بى رغبة اكيدة اعرف من هن هؤلاء النساء

نساء ونساء تفرق كتير يا اميرة يا اختى
نساء المدن ونساء الريف على سبيل المثال
مادايرة اقول نساء الهامش رغم انها اشمل وبيدخلن فيها نساء الريف برضو


هل هموم النساء واحدة يا اميرة؟



-----------------------
تسلمى يا صديقتى والآبرى خليهو لىّ بجيهو طال الزمن ولا قصر واحتمال قريب

Post: #22
Title: Re: ......(((( نحن النساء )))) .....
Author: د.نجاة محمود
Date: 22-08-2009, 10:47 AM
Parent: #21

التسجيل دا في الغالب في عهد نميري او الانتقالية
حيث امال النور وهي دفعتي 1980 الى 1985) وحنان النيل حين كنا في سنة ثالثة كانت في اولى
يعني بعد سنة 1983

ما عارفة ليه بيدي احساس ستينات كدا...

Post: #26
Title: Re: ......(((( نحن النساء )))) .....
Author: saif massad ali
Date: 22-08-2009, 03:49 PM
Parent: #22


خالتي نجاة

Quote:

التسجيل دا في الغالب في عهد نميري او الانتقالية
حيث امال النور وهي دفعتي 1980 الى 1985) وحنان النيل حين كنا في سنة ثالثة كانت في اولى
يعني بعد سنة 1983

ما عارفة ليه بيدي احساس ستينات كدا...


علي القسم انتي صغيرة خلاس

وانا شابكك خالتي خالتي

اها من يوم الليلة غير الاخت ما اقول ليك حاجة

معليش اشراقة

الاغنية سمحة بالحيل بس اول مرة اسمعها

رمضان كريم اظنك صمتي اليوم السبت

Post: #39
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 11:11 AM
Parent: #26

Quote: رمضان كريم اظنك صمتي اليوم السبت



تصوم وتفطر على خير اخى سيف










----------
إن بعض الظن إثم......
يقينا صمت يوم السبت

Post: #38
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 11:05 AM
Parent: #22

Quote: التسجيل دا في الغالب في عهد نميري او الانتقالية



العزيزة نجاة

ارجحّ الانتقالية, لانو لو افترضنا انوالتسجيل ده تمّ فى الفترة 1980 الى 1985
بيكون من الصعب جدا تخيل انو فى الوقت ده تحديدا يكوت فى مساحة حرية لغنا زى ده
ده الوكت اللى بدأت فيهو شوكة نميرى تقوى بالاسلامويين..


ده مجرد محاولة لمعرفة الزمن اللى تمّ فيهو التسجيل بناء على التاريخ اللى اورتيه

1985 وبعد الانتفاضة تحديدا

الغنا ده بيشبة الانتفاضة
بيتسق مع نفحة الحرية وطالع من جوفها





----------
فعلا بيدى احساس انو ستينى
وفى اكتوبر تحديدا 1964, يعنى برضو انتفاضة

Post: #23
Title: Re: ......(((( نحن النساء )))) .....
Author: نهال كرار
Date: 22-08-2009, 11:44 AM
Parent: #1

العزيزة اشراقة

كل سنة وانت وكل النساء بألف خير

ورمضان كريم

Post: #24
Title: Re: ......(((( نحن النساء )))) .....
Author: Amira Elsheikh
Date: 22-08-2009, 03:23 PM
Parent: #23

Quote: هل هموم النساء واحدة يا اميرة؟



سؤال محتاج بحث يا دكتورة ....

وانشاءاالله متابعة معاك فى البوست .....

تخيلى السؤال بجينى عابر كل مرة بس بطريقة مختلفة

هل احلام النساء واحدة ؟؟؟

بجيك يا اشراقة....

Post: #25
Title: Re: ......(((( نحن النساء )))) .....
Author: Amira Elsheikh
Date: 22-08-2009, 03:32 PM
Parent: #24

نعيش فى حلة مؤسسة... ياربى نمشى المدرسة.....(الاهداء... الى بنيات ابيي)...

يشهدالله يا اشراقة نزلت البوست دا فى فترة غيابك وفى بالى انت
وكنت ناوية ارسل ليك مسج عبر البوست ... بس كالعادة عندى
مشكلة متابعة للبوستات بحكم ضيق الوقت وحاجات تانيية....

اسمعى ياستى وبنتلاقى

Post: #28
Title: Re: ......(((( نحن النساء )))) .....
Author: seham_musa
Date: 22-08-2009, 09:54 PM
Parent: #25

رمضان كريم وتصوموا وتفطروا على خير

Post: #29
Title: Re: ......(((( نحن النساء )))) .....
Author: munswor almophtah
Date: 22-08-2009, 10:56 PM
Parent: #28

العنوان ذكرنى القصيده

نحن الطيور أيها الإنسان
بذى الجمال خصنا الرحمن
سبحانه جملنا بلا عجب
إن خصنا أهل العقول بالأدب



من ما ساقنى كذلك إلى قول الطير

لا تحسبو رقصى من بينكم طربا
فالطير يرقص مزبوحا من الألم


فتشابهت المعانى والمعاناة والعنت الذى لازم الطير والنساء
وما زلن يغردن ويرقصن ويفرح الناس لذاك




اللهم أرحم الأموات منهن رحمة واسعه وأستر حال الأحياء منهن
وقوهن على أداء واجبهن أمهات صالحات غانتات عابدات وأجعل
البركه فى ذراريهن



منصور

Post: #30
Title: Re: ......(((( نحن النساء )))) .....
Author: Mubarak kunna
Date: 22-08-2009, 11:56 PM
Parent: #29

العزيزة اشراقة


وكل الامهات والاخوات


ورمضان كريم





من عبرهذا البوست وهذه المساحه الجميله

ازف تهانى رمضان للجسوره

الاخت الصحفية لبنى أحمد الحسين


مبارك كنه

Post: #31
Title: Re: ......(((( نحن النساء )))) .....
Author: د.نجاة محمود
Date: 23-08-2009, 05:23 AM
Parent: #30

Quote: لو رجعنا لوراء شوية بنلقى انو اتحققت انجازات كبيرة
وللاسف بتتراجع بعد كل انقلاب


سلامات يا شروق

شوفي اهم قفزات وانجازات تمت في الستينات
لاحظي عدد المتعلمات في ذلك العهد..
وتعالي اسع شوفي كمية المتعلمات بدون اي تغير لا نوعي لا كيفي.

نساء خريجات ينتظمن في نشيد السراميس والدهب ولا يعملن على تغير هذا المجتمع

من المفترض بالتراكم الذي حدث يكون هناك وعي نسائي عالي
ولكن للاسف التعليم في السودان يمحي الامية الابجدية ولا يكسب اي وعي...
ولذلك ابدا لا الوم الانقلابات والعساكر ورجال الدين

فقط الوم المرأة نفسها على تعاقصها في قضاياها الى ان صارت اولوياتنا الان
نلبس بنطلون ولا ما نلبس بنطلون..
بينما مازال الخفاض الفرعوني موجود والموت في الوضوع والتميز النوعي
ونساء جاهلات بابسط حقوقهن الدستورية والقانونية..وحركة نسوية
ولدت ميتة تشتبك في عداوات واكروبات فكرية لا تفيد ولا تغير
يعتقدن السودان هو الخرطوم..

امال النور و حنان النيل كانت احلامهن ان يعشن كنساء مكرمات محترمات
والتعليم للجميع الاثنين غيرن قانون في التعليم العام بحيث رغم الاعاقة
استطعن ان ينالن ارفع التعليم.. ليفتحن الباب لامثالهن ومثيلاتهن من فرص التعليم الكانن محرومات منها..

بسبب لائحة الوزارة...
واجزم ان نساء مثلهن قويات صامدات احلامهن اكبر من الاحلام المطروحة الان..

ونحن النساء نحتاج ان نخلق "بلات فورم" تلتقي فيه احلامنا..

Post: #35
Title: Re: ......(((( نحن النساء )))) .....
Author: جعفر محي الدين
Date: 23-08-2009, 10:56 AM
Parent: #31

إشراقة مصطفى
وجميع نساء العالم
كل سنة وأنتن طيبات
وتصومن وتفطرن على خير

بالأمس فاطر لوحدي بعد سفر المدام والأولاد لقضاء إجازة قصيرة في السودان

اتصلت المدام بقلبها الكبير لتطمئن على الفطور
قلت ليها والله كل شيء تمام وموجود بس فرقتكم كبيرة

ربنا يحفظ لينا كل نساء العالم يا رب

قوموا بلوا الآبري يحفظكم الله

Post: #37
Title: Re: ......(((( نحن النساء )))) .....
Author: Mustafa Mahmoud
Date: 23-08-2009, 11:02 AM
Parent: #35


لا لقهر النساء

و شكرا سلمي

نحن النساء
من اجل انسان جديد
من اجل سودان جديد

Post: #48
Title: Re: ......(((( نحن النساء )))) .....
Author: Ishraga Mustafa
Date: 25-08-2009, 05:57 PM
Parent: #30

Quote:
من عبرهذا البوست وهذه المساحه الجميله

ازف تهانى رمضان للجسوره

الاخت الصحفية لبنى أحمد الحسين


ولك ايضا يا مبارك







---------
من قلب معركة الحقوق, هل انت شقيق الناشطة الصديقة آمال كنة؟

Post: #47
Title: Re: ......(((( نحن النساء )))) .....
Author: Ishraga Mustafa
Date: 25-08-2009, 05:56 PM
Parent: #29

Quote: فتشابهت المعانى والمعاناة والعنت الذى لازم الطير والنساء
وما زلن يغردن ويرقصن ويفرح الناس لذاك




ابلغ وصف يا منصور

بلاغة تحليق الطير ومعاناة النساء


شكرا لمداخلتك الضافية كالعادة

Post: #42
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 12:15 PM
Parent: #28

وانتى بخير ياسهام
رمضان كريم عليك وعلى اسرتك


وياريت نسمع منك
وشكرا مقدما لاضافاتك

Post: #43
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 12:16 PM
Parent: #28

وانتى بخير ياسهام
رمضان كريم عليك وعلى اسرتك


وياريت نسمع منك
وشكرا مقدما لاضافاتك

Post: #41
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 11:34 AM
Parent: #24

Quote: هل احلام النساء واحدة ؟؟؟




لاّ, قطعا لاّ يا اميرة

ومنتظرة عودتك

Post: #40
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 11:13 AM
Parent: #23

وإنتى طيبة يانهال

نقية وذكية وواعية ودوغرية




محبتى

Post: #44
Title: Re: ......(((( نحن النساء )))) .....
Author: محاسن أحمد محمد
Date: 23-08-2009, 03:47 PM
Parent: #40

كل سنه وانتى طيبه يااشراقه
اغنيه جميله وجواه امعانى كتيره



كلنـا نحـن النســاء

نحن فى قلـبالحياه

نصنع مجـدا وضياء

من اجل انسان جديد



ويارت نعرف تاليف منو

Post: #45
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 06:13 PM
Parent: #44

نحن النساء

Post: #46
Title: Re: ......(((( نحن النساء )))) .....
Author: Ishraga Mustafa
Date: 23-08-2009, 11:18 PM
Parent: #45



الجميلات هن الجميلات


محمود درويش



الجميلات هنَّ الجميلاتُ
"نقش الكمنجات في الخاصرة"
الجميلات هنَّ الضعيفاتُ
"عرشٌ طفيفٌ بلا ذاكرة"
الجميلات هنَّ القوياتُ
"يأسٌ يضيء ولا يحترق"

الجميلات هنَّ الأميرات ُ
"ربَّاتُ وحيٍِ قلق "
الجميلات هنَّ القريباتُ
"جاراتُ قوس قزح "
الجميلات هنَّ البعيداتُ
"مثل أغاني الفرح"
الجميلات هنَّ الفقيراتُ
"مثل الوصيفات في حضرة الملكة"
الجميلات هنَّ الطويلاتُ
"خالات نخل السماء"
الجميلات هنَّ القصيراتُ
"يُشرَبْنَ في كأس ماء"
الجميلات هنَّ الكبيراتُ
"مانجو مقشرةٌ ونبيذٌ معتق"
الجميلات هنَّ الصغيراتُ
"وَعْدُ غدٍ وبراعم زنبق"
الجميلات، كلّْ الجميلات، أنت ِ
إذا ما اجتمعن ليخترن لي أنبلَ القاتلات


............

http://www.arabicnadwah.com/arabpoets/algamilat-darwish.htm