يابا البيت بقشو وبالخرتوش برشو....................

يابا البيت بقشو وبالخرتوش برشو....................


01-19-2013, 01:48 AM


  » http://sudaneseonline.com/cgi-bin/sdb/2bb.cgi?seq=msg&board=162&msg=1398706069&rn=81


Post: #1
Title: يابا البيت بقشو وبالخرتوش برشو....................
Author: munswor almophtah
Date: 01-19-2013, 01:48 AM
Parent: #0

يابا البيت بقشو
وبالخرتوش برشو
وللضيفان بفرشو
عليك الله يابا
ما تقول ليهو لا

لا بل كن ينزعن إختياراتهن ويصدحن فى الملأ

يا الماشى لى باريس
جيب لى معاك عريس
شرطا يكون لبيس
من هيئة التدريس

عندما كان الأستاذ أنيقا مهندما وحازما حاسما جيبه ملئ ورأسه يمور بالمعارف
يحكمون المجتمعات ويضبطون إيقاعها بوجودهم الفاعل فيها لا بل كانت المعلمه ذاتها ذات صيت وصلطه وكانت كما الذهب تجوب البلاد شرقا وغربا لتنشر المعارف والعلوم وتدريس التدبير والتطريز والإقتصاد وغيرها.

ثم كان الغناء للضباط
وإجو عايدين
إن شاء الله عايدين
يا الله

وتطور إلى أن وصل لجنابو وحيانى بى كابو
وكان الضابط كامل الإستقلال العربه والماموريه
وبدل السفريه والقدره

وكان الزين حسن من أشهر من نال غناء مباشرا له

وغنن لعلى مساعد

الليله وين يا على والنقليه وين يا على

ثم الغناء للدكاتره ولدمهم الشربات لا بل للتمرجيه

والبنسلين يا تمرجى نادوا الحكيم يا تمرجى

ولا يتورعن فى كل الحقب وكل الأزمنه فى أن يقلن قولهن الفصل ويقطعن قلب
كل خطيب!!

ويرفضن من لا يرغبن فيهم رفضا قاتلا

عندما تردت مهنة الزراعه ولم يعد لها عائد مجزيا

أنشدن أنا ما بدور الترباليه
والتربالى حالو شقيه
أنا ما بدور الترباليه
وبى كوريقو أشر لى
أنا ما بدور الترباليه
وعرقو ينجض السحليه
أنا بدور الترباليه

ثم دارت الدائره على المدرسين المفلسين بعد أن رفع الإغتراب شرائحا أخر
وكان الخم

ثم غنن للمناطق وبانت

وقالوا القليب حرق
حرقوه بالنار حرق
يا ناس ود الغرب

وجلابيه بيضاء مكويه

ثم غنن للقبايل والجعلى جنا المتمه

وبالإيحاء

أبولى بى يا اللبن أبولى بى
أمى قالت لى عرسى وخلى
والزول مشلخ تى يا اللبن أبولى


وغنى لهن الرجال الكثير المثير الخطر

وين سمير الرسموك فى ضميرى
وجن مارات تلاته
وبالخرطوم تلاته
ولابسات الشباطه
وفيهن تومتى ذاتا
البحلف بى حياتا

ويا بدور القلعه وجوهره

لبدور تلك الجميله البديعه


والمباشره فى سيده وجمالها فريد
خلقوها زى ما تريد

ثم ظبى المسالمه الفى الخمايل حالمه

إنها النديه وعفوية القيم السمحه والتى يمشى بها الناس جميعا مرفوعى
الراس ويطربون لكل أشجانهم وألحانهم ويثملون وفى الدوبيت ما هو أكثر
من ذلك وأعمق


ثم نجد غناء الضحايا

يا الغاريك جمالك
الزينا نحن ما بستاهل
تغريهو بدلالك



ياخى كتر خيرك
كتر خيرك
آخر العشره
يكون تقديرك
مع إنى مخاصمك
وبعشق غيرك



فهنالك عشاق وهنالك مظاليم وهنالك أواهون لله فأتونا بفتاويكم يا محسنين


منصور

Post: #2
Title: Re: يابا البيت بقشو وبالخرتوش برشو....................
Author: munswor almophtah
Date: 01-19-2013, 04:05 AM
Parent: #1

وكتب عبداللطيف السقاى لملكته وتغنى بها الخاتم هاشم وعمر النورانى
أولاد السقاى أروع الأداء والتطريب والنغم

يا الملكه الكامل جمالك
وشايله النوم من عينى مالك
البدرين عمك وخالك
وحور أمدر بتمنو حالك
يا الملكه

Post: #3
Title: Re: يابا البيت بقشو وبالخرتوش برشو....................
Author: munswor almophtah
Date: 01-19-2013, 12:53 PM
Parent: #2

يابا البيت بقشو وبالخرتوش برشو....................

Post: #4
Title: Re: يابا البيت بقشو وبالخرتوش برشو....................
Author: munswor almophtah
Date: 01-19-2013, 11:44 PM
Parent: #3

الذى يقرأ ولا يعلق كالذى يأتى الوليمه ويزرد لامن إتلوى وما يكتب فى الكشف
ياخ المفلس ما مشكله لكن ناس صديق الموج ديل وين?



منصور

Post: #5
Title: Re: يابا البيت بقشو وبالخرتوش برشو....................
Author: الطيب عثمان يوسف
Date: 01-20-2013, 07:20 AM
Parent: #4

Quote: الذى يقرأ ولا يعلق كالذى يأتى الوليمه ويزرد لامن إتلوى وما يكتب فى الكشف
ياخ المفلس ما مشكله لكن ناس صديق الموج ديل وين?



*** المفتاح المنصور

كنا عايزين نخت فى الكشف لكن يبدو أنك تبحث عن جيوب بعينها .

*** جاء البوست غني بالقيم وبه رسالة معمقة لإحياء موروثات كادت أن تندثر.

*** أتابع كتاباتك باحترام ... فدم مفتاحا لكل الكنوز دائما

Post: #6
Title: Re: يابا البيت بقشو وبالخرتوش برشو....................
Author: singawi
Date: 01-20-2013, 09:58 AM
Parent: #5

سلام يالمنصور

أخيراً غناهن تخطى الحدود
وبقن يقولن :

حبيبنا نور عينينا
تشادي سكنو انجمينا

Post: #7
Title: Re: يابا البيت بقشو وبالخرتوش برشو....................
Author: زول ساكت
Date: 01-20-2013, 10:54 AM
Parent: #6

والحظ الاسود كان لاخا الشيب
وصدق علقمة حين قال
فإن تسألوني بالنساء فإننـــي... خبيرٌ بأدواء النساء طبيــــب

إذا شاب رأس المرء أو قل ماله... فليس له في ودهن نصيب

فقد قالن
الشايب دا الله بينين وبينو
الشايب دا ابرة تطلع عينو
ولم يسلم العنقالي
والتربالي
والامي الما بيقرا الجريدة

Post: #8
Title: Re: يابا البيت بقشو وبالخرتوش برشو....................
Author: زول ساكت
Date: 01-20-2013, 11:05 AM
Parent: #7

الرحلة بدأت من لدن
نظرة يالسمحة ام عجن
وحاول يخفي نفسو
وحجبوه من عيني
مروراً ب
الليلة لاقاني بي نظرة حياني
وفي العصر مرورو
الى
امسكي عليك عيونك ديل
ثم وصولاً لقوة العين الشديدة
مالقيتي غير صاحبي الوحيد
ومازالت القافلة تسير

Post: #9
Title: Re: يابا البيت بقشو وبالخرتوش برشو....................
Author: علي محمد الفكي
Date: 01-20-2013, 11:14 AM
Parent: #7


منصور
بوست منعش
عارف غناء البنات دا بكون صادق لانو بسيط وعفوي
وبعبر عن واقع المجتمع بدون رتوش

وهاك دا قدحنا في ود الجيران

البيت قصاد البيت قالى تعالى ابيت
كان ما ابوى واقف كنت ليه جريت

Post: #10
Title: Re: يابا البيت بقشو وبالخرتوش برشو....................
Author: Asma Abdel Halim
Date: 01-20-2013, 12:47 PM
Parent: #9

المنصور
وين غنا الشكر والمناحات
قالوا الدود قرقر حبس الدرب (رحم الله الطقطاقة)
يجوا عايدين
حرام يا جندي تعمل كدة ترصص قرشي بالشكل ده
لكن غنا البنات ضاع في زحمة غنا القعدات الذي لا يصدر إلا من وهم مسطول من أمثال الرمبزة والرمزة وطبعا نشره وسط البنات تقوم به النساء الحاضرات القعدات
أو ذلك الذي تطور من جنبات استادات كرة القدم
المناحات والرديح كانت آخر علامات الغناء والرقص الأفريقي في الجنازات.
ووو....................
ما دام بديت واصل
بالمناسبة مافي مجاراة لي
Gangnam Style?

Post: #11
Title: Re: يابا البيت بقشو وبالخرتوش برشو....................
Author: Asma Abdel Halim
Date: 01-20-2013, 01:49 PM
Parent: #10

منصور
زمان سنة 2006 أو 2007 كان لي بوست عنوانه مساخر بت مريم وكتبت ما يلي ثم هجرت البوست ومن بعده البورد
عن غناء الرجال والنساء عند السفر
------------------------------------------------
يتمتع الرجال فى مجتمعنا بحرية الحركة والتنقل لكنهم يبدأون فى النحيب ما أن يحين موعد السفر.
وغناؤهم يكشف الكثير عن هذه الجرسة فيبدأ الواحد منهم بتذكير نفسه بالسفر
القطر القطر نويت السفر
وما أن يحين الموعد وينكس السيمافور (الصنفور) رأسه حتى يئن متوجعاً
مسافر والفراق لحظاته صعبة
وما ان يصل مقصده يبدا النحيب الجد
نخيلنا كيف؟ وجدولنا كيف؟
ويكبر الواحد منهم مقلداً أباه فى كل شئ حتى نهير الحريم والمقيل فى الديوان وما ان يبتعد حتى يقطع المصارين بندائه لأمه
بتذكرك يايمة
شايلة الحليلى على المراح
ويا يمة رسلى لى عفوك ينجينى من جور الزمان
أما ألم الفراق أحكى لمين أنا ويا عازة الفراق بى طال فتملأ كتباً
قررت ان أنظر فى ما تفعله النساء فوجدتهن عمليات جريئات على غير ما توقعت
بنت الغرب تقرر اللحاق برجلها فوراً حتى يتصدى رجل آخر ويمنعها
شباب الربة خلانى براى والمساعد أبى خلانى براى.
حزمت حقائبها وتصدى لها مساعد اللورى ليمنعها.
و عندما حكمت الظروف أو حكم الآخرون أن يتزوج عبد المنعم بقريبته بدلاُ من صاحبتنا تناولت الدلوكة وغنت
مبروك عليك الليلة يا نعومة يا حليل ناس ديك الزمان بجونا
مبروك عليك يا نعيم هنانا يسافر جسمك وروحك معانا (أقل من 30 سنة يتمحنون)
والرجل يا عباد الله يجرؤ على تخليص روحه من بين يدى عزرائيل ولا يستطيع إليها سبيلا إذا امتلكتها إمرأة.
تركته بلا روح وباركت رحيله وإذا عايز روحه يجى راجع.

وحتى عندما يسافر الاخ سفر البن الما منه رجعة نجد المرأة تدبج المناحة فى وصفه حتى يراه الناس حياً فهل سمعتم عن رجل دبح مناحة فى زوجته؟ حتى مناحة نزار قبانى كانت فى مجملها تعبيراً عن صدمته وحزنه فقط.

وحتى إذا ابتعد الرجل بإرادته تجد له المرأة عذراً ولا تخاف من السفر ولا الإنتظار.

وليد دارفور بمشى معاك الليلة محل ما تدور بمشى معاك الليلة

وبنت العاصمة
شرانى يا يمة شرانى وبريدو
وبرجاك برجاك يا جنى
و يا عينى يا عينى سفرك طال متين الجية فى وقت يكون "عينيها" قد اخذ بيد أخرى فى بلد بعيد.
والله يقدرها هى تخليه يقبل عليها زى الما بعرفها
يا خاينة
وتجرحنى ليه وأنا كلى جراح
وشلتى الهنا
غاية الأمر يا رفاق ان هناك جرسة غير عادية تكشف عن ضعف شديد (الشوفنست يمتنعون)
__________________
من نكد الدنيا أن الرأى لمن يملك لا لمن يرى..
المهلب بن أبى صفره

Post: #12
Title: Re: يابا البيت بقشو وبالخرتوش برشو....................
Author: munswor almophtah
Date: 01-20-2013, 11:39 PM
Parent: #11

الأخ الطيب عثمان يوسف
السلام والرحمه والبركات ويا جمال صورتك والدابه الممرونه
ومرسونه حرير مكلوفه ومسروجه ومدرعه بالخرجه والجربان
ومجكنه بالجبخان والقنديله وسمن المعزه البلدى ونية القنيص
لى أم ديسا مبهول ياخ البنات ديل ما نبقى
براهن

أسمع دى من يوسف البدرى ليوسف نورالدائم
الأول صهر دكتور الحبر والتانى أبوه

يا يوسف أخوى قمت الصبح لأصلى
لاقانى العجب من تانى دور متدلى
بريبة عسين ديسك سدر متدلى
فله وشايله فله وفى قلوبنا تفلى



شوف الفلفله دى

قال

أريل شام شروق من الكلاب فلفاله
والقناص برك ختا الظرف علالا
بى فرق السليم شافت سلاحكم لالا
وأنطلقت تكربت فى حصى الملاله





منصور

Post: #13
Title: Re: يابا البيت بقشو وبالخرتوش برشو....................
Author: munswor almophtah
Date: 01-21-2013, 04:00 AM
Parent: #12


Post: #14
Title: Re: يابا البيت بقشو وبالخرتوش برشو....................
Author: munswor almophtah
Date: 01-21-2013, 12:13 PM
Parent: #13

الأخ سنجاوى سلام من الله عليك وبركاته
ياخ تشاد ما بعيده أهو رئيسها تزوج
عندنا لكن شوف الرجال وصلوا اليابان
والفلبين والهند والباكستان ونيبال
والإرجنتين والبرازيل والكاريبيان
أوربا الشرقيه والغربيه أمريكا
وكندا ياخ مازال نطاقهن مبلوع
تصدق ما قصرن لكن ما بلحقن الرجال
لكن سنة الحياة والتعارف وبعدين
سوف تتحقق الكونيه وسنجد الكمونيه
فى النرويج ياخ فتوحات الزمن!!




منصور

Post: #15
Title: Re: يابا البيت بقشو وبالخرتوش برشو....................
Author: munswor almophtah
Date: 01-21-2013, 12:22 PM
Parent: #14

الزول ساكت السلام والرحمه نعم قالن

فقد قالن
الشايب دا الله بينين وبينو
الشايب دا ابرة تطلع عينو
ولم يسلم العنقالي
والتربالي
والامي الما بيقرا الجريدة

عندما كان العرض وافرا والطلب عليهن عاليا فغلقن أبواب الشياب
ولكن سرعان ما أختلفت المعادله وصدحن

راجل المره حلو حلا

وقد يكون ذلك الرجل فى عمر إخناتون ولكن عنده الضحاكات فيا كبرياء الجرح
قد عشنا لنرى عشق المقابر!!





منصور

Post: #16
Title: Re: يابا البيت بقشو وبالخرتوش برشو....................
Author: munswor almophtah
Date: 01-22-2013, 02:19 AM
Parent: #15

الأخ علي محمد الفكي

السلام ورحمة الله

ولوامات يا على

مالك مجافى الناس
عايش براك فى غربه
ما نحن ناس جيرانك
حقوقنا عشره وصحبه



ياخ تجى إجوك ما تجى يجوك

كهرباء بس



منصور

Post: #17
Title: Re: يابا البيت بقشو وبالخرتوش برشو....................
Author: munswor almophtah
Date: 01-22-2013, 02:24 AM
Parent: #15

هاك يا دكتوره المناحه دى


(ويا الحجروك علي
النار والضيق عليا
والبكى ما بجيبو ليا)



منصور

Post: #18
Title: Re: يابا البيت بقشو وبالخرتوش برشو....................
Author: munswor almophtah
Date: 01-22-2013, 11:56 PM
Parent: #17

دكتوره أسماء عبدالحليم سلام من الله عليك وبركاته قرات مكتوبك
الذى يضوع ثورة وبلغة محام لم يترك فراغا للآخر ليخترق قوة بنائه
لا بل يشمل مرافعة لا شق فيها ولا طق تبين مواقف المرأه من الخيار
والإختيار ومواقفها فى الصبر والجلد والإستماته والبقاء على الموقف
أبدا ودوما والإنتظار الأبدي فيا دكتوره برافو عليك وما الرجل
وما قيمته إن لم تكن هناك إمرأة بذاك النضج والوعى والوفاء
والإخلاص وأنظرى كيف كن مواكبات للأحداث عندما غنن

يا شباب كوريا
الله لى سوريا يا شباب كوريا


لا بل كن حاضرات فى كل الميادين وينتزع خيالهن ما لم تراه أعينهن
فكانت كرة القدم وقفا للرجال وما كانت تتلفز بل تزاع إلا
أنهن هنا فأنظرى

أحمد قنديل سلم
لو بالمنديل سلم
لو بالإشاره سلم
أو بالصفاره سلم

وكانت للعروس منديلا وصفار تأشر بالأول وتعلن نهايه الشوط بالصفاره
وتوزع التحايا شمالا ويمينا

ثم تسمعهن باصواتهن تلك التى تنخب القلوب من تجاويف الصدور

غنيلو بنت عباس يا عينى
دا الفى الكوره
شال الكاس يا عينى
الفى الكوره شال الكاس
يا عينى أنا
دا الفى القهوه ما جلاس

أنظر لبغض السفهاء ولاعبى الورق وشاربى العرق من ذلك القول فهى تريده
صحيحا معافى لا ئقا طبيا ومقبول إجتماعيا ومستقر إقتصاديا ياخ بذات
التمحيص عند الرجل بل أكثر

ثم تمجده وتعلى من شأنه وهنا نحس ونرى ذاك

غنيلو بنت عمو يا عينى أنا
الدابى الزرق سمو يا عينى أنا
وغنيلو بنت خالو يا عينى
وطبق الحمل شالو يا عينى

أنظرى إليه شيال التقيله وأنظرى إلى الدبل دا بى مزاج ياخ وبعفويه
شفتى قوة الأعراف ونفوذ العقيده كيف تبين رخصه من السماء وتقبلها
الأرض وتطبقها برضاء تام

لا بل المحبه والعشق لأهل البركات والرايات والقباب
ونسمع

النصيح حديدو
البريد أبو غره
يا ناس بريدو
الشيخ سيرو
تلاته أرادب عشا
الشيخ سيرو الخ

ثم الكان داكا
سيدى سيد الأراكا
أبوى يا البحضن جنايا
أبو ى يا الإيدو عطايا

لا بل يمزقن عنان السماء بفخرن بعزهن وإنتمائهن للغوث الطيبى فتسمعى

الليله فوق عزنا
الشيخ الطيب جدنا
قدوراب لى حدنا
وسروراب لى جنى الجنا

ثم تأتى مواقف الصمود عندهن والإستبسال والإفصاح الصريح

حبيبى البدورو
بخوض النار وأزورو
وأغرق فى بحورو
إنت بحر السماحه
يجو العشاق يزورو
الليله أنا
دا البى العصر مرورو

ثم ياتى غنا السيره والبهجه والإنبساطه

ودور بينا البلد داك
أحرق البنزين
يا الولد داك

ثم البكاء على السواق الذى كانت له هيبة ورهبه بجلابيته السكروته ونظاراته
البيرسول ومركوبه النمرى وعمامته المكنتله وروائح فرنسا الكوبرا وغيرها
ونسمع

سايق العظمه سافر
وكان بى العظمه سافر
خلانى وين

وكان الأمين عبدالله الجزولى صاحب ملاحات وسائق مشهور بكردفان وكان أنيقا وجيها
حباب

وكن يبادلنه ودا بود ويتتبعن طريق سيره

السريع قام
خلونى
برجا قدام
لى أبوشاديه

ثم نسمع

اللورى حلا بى
دلانى فى الودى
أنا بمشى للبرضا
العمرى ما بنسا
حبيبى سيد الناس
إبقى لى وناس أنا

ثم تأتى لحظات البكاء الجهرى

والقطر الشالك إنت
إتقصقص حته حته
وين يا حبيبى
ولو مت ذنبى عليك
أنا غيرك ما حبيت
يا حبيبى

ثم تأتى حالة إفصاح آخر

يا السايق البوباى
الإشاره جاى واللا جاى
ورينا سوق جاى جاى
أميل محل ما مال
أميل يمين وشمال
رش فى طريقنا جمال

فيا دكتوره كما تميزتن بذاك البكاء والنحيب ففى الرجال بكاءون

وأنظرى لذاك الذى تتبع رحلتها من الأسكلا الخرطوم حيث تحل البواخر النيليه
ذاهبة لذاك العمق من الوطن والذى إنفصل بنصف التراث دون أن يرعوى أحد
أو يقدر

فكانت المناحه الباقيه

من الأسكلا وحلا
قام من البلد ولى
ودمعى للثياب بلى



متتبعا رحلتها الرحله من جبل أوليا والقطينه وكوستى والجبلين والرجاف
ذلكم الرجاف البكاى العشاق العظيم فيا عزيزتى هنالك الكثير الذى نتلمسه
فى تلك الفنون من قيم ومواقف وإيحاءات داله لأكثر من العشق ذاته لا بل تكون
كما الوعاء الحامل لتاريخ إجتماعى كبير يحتاج لبحاث لينزعزنه من صدف تلك
الفنون فالشكر لك ثم الشكر لك وعظيم السلام.



منصور

Post: #19
Title: Re: يابا البيت بقشو وبالخرتوش برشو....................
Author: munswor almophtah
Date: 01-23-2013, 00:19 AM
Parent: #18


Post: #20
Title: Re: يابا البيت بقشو وبالخرتوش برشو....................
Author: munswor almophtah
Date: 01-23-2013, 01:03 AM
Parent: #19


Post: #21
Title: Re: يابا البيت بقشو وبالخرتوش برشو....................
Author: Balla Musa
Date: 01-23-2013, 02:24 AM
Parent: #20

سلام يامنصور الأدب والذوق
ضحكتنى واحدة من مداخلاتك فوق وبتكون عرفتها

نمشى للجرارى:

واحدة بتقول:
ياناس أنا مظلومة
ومتوجها الحكومة
عشان المال يدونى طيره وبومه؟


واحدة تانية قالت:

كان مابخاف اللمه
بتقنقن فوق العمه
يا الدهب الحر القطعوه الزمه

وواحد بقول:

ياليمونتى الشاتلك
ويارويحتى المابكاتلك
الخلا ياسبيحتى الاتقطعن كناتلك

وواحد تانى بقول:

الصيدة الفى خلاها
وبترضع فى جناها
ودابنعوف ولع كدوسو وجاها

كفاك ول نزيدك؟

Post: #22
Title: Re: يابا البيت بقشو وبالخرتوش برشو....................
Author: Balla Musa
Date: 01-23-2013, 02:38 AM
Parent: #21


Post: #23
Title: Re: يابا البيت بقشو وبالخرتوش برشو....................
Author: munswor almophtah
Date: 01-23-2013, 11:25 AM
Parent: #22

دكتور بله السلام ورحمة الله عليك وبركاته فيا عزيزى قبل الجرارى الذى أتيت
به دعنى أسدى لك جزيل الشكر على الأتيان بذاك المحمد أحمد عوض الفنان الذى
يغنى بكل أحاسيسه وينفعل مع التطريب على نسق ذات الإيقاع لا بل أنظر
لإختياراته ولمهارته فى الرق ولزمن شياليه ياخ ذلك الرجل بديع الله يرحمه
ويغفر له ويبعثه الفردوس ثم دعنا نقول لك هل من مزيد?


وأعصر على حميره


ولك السلام


منصور

Post: #24
Title: Re: يابا البيت بقشو وبالخرتوش برشو....................
Author: munswor almophtah
Date: 01-23-2013, 08:54 PM
Parent: #23

يا دكتور بله أنظر إليه وهو يتغنى ب

من فريع البان
اليسوح نديان
الله يا سلام
السمح والزين
زولى فايت الند

ثم يخلف
أصلو القسمه ما معروفه
ليا وليك كانت خافيه
يدوم سعدك مع غيرى
وتملا شبابك العافيه

أنظر لذاك الرضاء والقبول والتعايش مع جور الزمن كقدر
يا له من إيمان

ياخ كانت الفنوان مواعينا للقيمة والأعراف
ويا لسطوة الفنون عندما تجد الإستجابه الفوريه
وتطابق مع المزاج والواقع السائد
يا ليت الناس تصغى لتلك العفويه
وتلك السماحه وتترك موسيقى الشام لأهل الشام





منصور

Post: #25
Title: Re: يابا البيت بقشو وبالخرتوش برشو....................
Author: munswor almophtah
Date: 01-24-2013, 08:04 PM
Parent: #24

ثم من المناحات ما يتفطر القلب منها

الواعى ما بوصو
ومن أمس الضحى
تورى أبقرون ساقو
يا مقنع ولياتو

ومنها الغميس

حجر الظلط شن بقيسو


ومن ثم التشابيه العجيبه والمباشره

سمسم القضارف
الزول صغير مو عارف
قليب الريد
الريد الريد





منصور

Post: #26
Title: Re: يابا البيت بقشو وبالخرتوش برشو....................
Author: munswor almophtah
Date: 01-24-2013, 11:38 PM
Parent: #25

وأغانى الكتال

إنت رجع لى رسايلى
والرسايل العندى
شيل
والصور لو قلت برضو
كل ذكرى
جميله شيله


وفى ظرف آخر

ما بنختلف

وقفل الأبواب

جايى تفتش الماضى
خلاس الماضى ولى خلاس

ثم

صدقنى ما بقدر أعيد
قصة غرام بالريد بدت
رحلة عذاب دابا إنتهت



وعزة نفسى مابيه على
أسلم قلبى ليك تانى
سنين الهجر والحرمان
وحاجات تانيه حاميانى
ولو مكتوب على أحب
بحب إنسان يكون تانى



ياخ التحول والتحور والتغيير نفاذ الصبر وفراغ
الجراب وركوب السرجين سنه يا المركب والطوف
ياخ الغناء يقول ما يصعب قوله بين إثنين
ويكون كما السيف حاسما وفيصلا لا يمكن رتق أثره
بل يظل متجددا ما ظلت حيوية الغناء فى الجيل
والجيل الذى يليه فيعتبر الواعى ويقع الجوكى
الركيب اللهم أحفظنا حفظ ألمى فى البير وحفظ
السيف فى الجفير اللهم حوالينا ولا علينا يا لطيف.



منصور

Post: #27
Title: Re: يابا البيت بقشو وبالخرتوش برشو....................
Author: munswor almophtah
Date: 01-25-2013, 00:04 AM
Parent: #26


Post: #28
Title: Re: يابا البيت بقشو وبالخرتوش برشو....................
Author: munswor almophtah
Date: 01-25-2013, 04:23 AM
Parent: #27

البانتيل تحدد خياراتها ومافيش حد أحسن من حد سنه يا الفيمنيزم.





منصور

Post: #29
Title: Re: يابا البيت بقشو وبالخرتوش برشو....................
Author: munswor almophtah
Date: 01-25-2013, 11:41 AM
Parent: #28


Post: #30
Title: Re: يابا البيت بقشو وبالخرتوش برشو....................
Author: سيف اليزل برعي البدوي
Date: 01-26-2013, 00:32 AM
Parent: #29

Quote: من منكم تعرف على من تغنت له الفنانة عائشة الفلاتية (بلال تزورني مرة) وهو جدي حكمدار البوليس عام 1955م لمدينة بورتسودان ( بلال عوض بلال ) والذي توفى في أوائل السبعينيات رحمه الله

Post: #31
Title: Re: يابا البيت بقشو وبالخرتوش برشو....................
Author: munswor almophtah
Date: 01-26-2013, 01:44 AM
Parent: #30










لا عوض ليس من أهل العوض ولكن من قلب أمدرمان يا السيد المزيع فهو
العقيد شرطه عوض المفتاح نورالهدى حسن البدرى وشاعرة الأغنيه هى سحر
ميسره الياس مسطرة أغلب الشعر الملحن الآن فهى تكتب الشعر ملحنا ومموسقا
وجاهز للتطريب فأسألوا قوقل عن سحر ميسره الياس ساحرة الكلمة والأحاسيس
النبيله وملكة الموسيقى والأوزان الراقصه والناقزه الهازه والبارجه فهى لا
محاله بآخذة للب الكل بالتساوى تكتب الشعر عفو الخاطر وينثال سلسا سلسبيليا
جزلا وجذاب لا بل أكثر إمتاعا يحسبه السامع سهلا ولكنه ممتنعا عن
التقليد أو الأتيان بشاكلته

إسلم لى عوض الليله
من الله العوض الليله
إسلم الجنا
المرق مو قنا
راح منى الضنى
وحالتى المحزنه
إسلم العشا
العمرو ما أرتشى
للرحمن خشى
وللأرحام غشى
إسلم المفتاح
المو ولدة قماح
ولا بلد القباح
يا عزالو شن بتقولو
ما بفرز القريب والهولو
قال يا بنى أوعاك
تانى ما أشوفك بى هناك
حقك عند الله هداك
يومى الزرتو جوه مكانو
شفت هيبتو وسلطانو
شوف حراسو واقفه أمامو
شيخن وسط حيرانو
عهد الشرطه يوم ما خانو
حقق كل قاسى عشانو
جر النوته والتلفون
وقال القاسى كلو يهون
يومى الجيتو شايله ملامه
قال إن شاء الله عافيه سلامه
قتلو فتر من الخشامه
دنيا عابسه ما بسامه
زات حالى سؤ آلاما
ناسا لى تنط فى كلامه
يا رب العلوم علامه
سارح فكرى فى دوامه
نويت كربت للحزامه
للولد العالى مقامه
وقال إن شاء الله
عافيه سلامه


(هكذا كان وفاء سحر لعوض المفتاح لبن جقله بشاريه)



منصور

Post: #32
Title: Re: يابا البيت بقشو وبالخرتوش برشو....................
Author: munswor almophtah
Date: 01-27-2013, 00:15 AM
Parent: #31

تعرف يا سيف اليزل كنت أعرف أن البلال تلك صفه تطلق لكل حبيب زى بلالى بلالى
والآن عرفت أنها علم معروف ومصروف يا لروعة ذلك الغناء وهذه أعتبرها إشارة
أولى للتوضيح ويمكن التوسع فى ذلك أكثر بعد التعرف على شاعر الأغنيه أو شاعرتها
وكل الملابسات ياخ توثيق فأنا أبحث عن أغانى ذاع صيتها فى أمدرمان للزين حسن الهاشمابى
الذى كان جنرالا بالجيش وشقيق أستاذى عمر حسن الطيب بمحمد حسين الثانويه وقريب زول
إبن زول ودكتور عصام مرتضى

Post: #33
Title: Re: يابا البيت بقشو وبالخرتوش برشو....................
Author: munswor almophtah
Date: 01-27-2013, 02:06 AM
Parent: #32


Post: #45
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 12:21 PM
Parent: #31

يابا البيت بقشو وبالخرتوش برشو....................

Post: #48
Title: Re: يابا البيت بقشو وبالخرتوش برشو....................
Author: عزالدين عباس الفحل
Date: 01-29-2013, 05:03 AM
Parent: #30


قـالـت بـنونـه بـت الـمك نـمـر ، :-

يسلم لي خال فاطنه ليهم بلالي البدرج العاطلة
اب كريق في اللجج سدر حبس الفجج
عشميق حبل الوجج
انا اخوي مقلام الحجج
يا خريف الرتوع اب شقه قمر السبوع
فوق بيتو بسندالجوع يا قشاش الدموع ،
،،،،



ســـلام ،،
munswor almophtah
Balla Musa





عزالدين عباس الفحل
ابوظبي

Post: #34
Title: Re: يابا البيت بقشو وبالخرتوش برشو....................
Author: munswor almophtah
Date: 01-27-2013, 01:35 PM
Parent: #27

.

Post: #35
Title: Re: يابا البيت بقشو وبالخرتوش برشو....................
Author: زول ساكت
Date: 01-27-2013, 01:50 PM
Parent: #34

الاخ الاستاذ منصور
اسمح لي ان اورد هذا النص من اغاني عثمان
وعثمان رجل من كردفان اربعيني حينها اتت به الظروف المابتشوف ليشتغل عند الوالدي في رعي الابقار
كان ذو صوت عذب شجي يشدنا لسماعة ويغني ليلاً بالحان جميلة
ولي معه حكايات جميلة ربما لايسع المجال لسردها هنا
لكنه تغني بلسان قرويتين من دياره فقدت احداهما سعيتها من الابقار

ودالنور ضراني
في امبوح العا########ي(امبوح كناية عن البقرة)
القش القام بدراني
براعهو بايش تاني

فتجيبها الاخرى
ودالنور ماضراكي
دا خشيمك الضراكي
كان قام بيهن التنداكي(قال انه حرامي سعية)
يبعهن في سوق ودالزاكي

Post: #36
Title: Re: يابا البيت بقشو وبالخرتوش برشو....................
Author: علي محمد الفكي
Date: 01-27-2013, 01:50 PM
Parent: #34


المشلخ سلم

الفى النوم بِِِحلِم

سالت عنو قالو لى معلم


المعلمين الظاهر كان لهم دولة وصولجان ..

واخدوا ايام عرضتهم ..

Post: #37
Title: Re: يابا البيت بقشو وبالخرتوش برشو....................
Author: وضاحة
Date: 01-27-2013, 02:12 PM
Parent: #36


Post: #131
Title: Re: يابا البيت بقشو وبالخرتوش برشو....................
Author: munswor almophtah
Date: 03-25-2013, 00:47 AM
Parent: #20

يابا البيت بقشو وبالخرتوش برشو....................

Post: #80
Title: Re: يابا البيت بقشو وبالخرتوش برشو....................
Author: munswor almophtah
Date: 02-04-2013, 12:37 PM
Parent: #18

يابا البيت بقشو وبالخرتوش برشو....................

Post: #38
Title: Re: يابا البيت بقشو وبالخرتوش برشو....................
Author: محمد عبد الله الامين
Date: 01-27-2013, 02:54 PM
Parent: #1

Quote: أنشدن أنا ما بدور الترباليه
والتربالى حالو شقيه
أنا ما بدور الترباليه
وبى كوريقو أشر لى
أنا ما بدور الترباليه
وعرقو ينجض السحليه
أنا بدور الترباليه


اول مره اسمع بيها يامنصور

رهيبة وتصوير دقيق ....

اما حقت البنسلين ياتمرجي دي جاها زمن كل يوم بالليل تسمعها .....

Post: #39
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 00:09 AM
Parent: #38


Post: #40
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 00:17 AM
Parent: #39

الزول ساكت تشكر ياخ ودوما توجد الحقيقه الكبيره عند الذين
نحسبهم بسطاء وما التراث غير طريقة حياة أولئك وما حولها من
فنون وآداب شفاهيه منغمه أو أفعال ويا ليتنا نصغى دوما
لأمثال ذلك الراعى وندون ما عنده لأن زحف المدنيه العاتى سيجب
كل ذلك الجمال ويمسخه فلك الشكر على ما جلبت وما لفت
إليه النظر ولك السلام.



منصور

Post: #50
Title: Re: يابا البيت بقشو وبالخرتوش برشو....................
Author: عبيد الطيب
Date: 01-29-2013, 05:34 AM
Parent: #39

الصديق الجميل المفتاح يابا البيت بقشو............
المزروع بي قشّو
إنشاء الله يموت في حشُّو
عجبني الطلقو ؤنشُّو
شربو فواق وإتعشو

البنات في بوادي الغرب مقطوعات طاري وخاصة في الزواج وال(الطُماح) مرة واحد جانا فكي راكب جملو اها العرب اكرمو
لكن اظنو شم ريحة اباطو قام خطبلو برروبة صُباها عاجبها وابوها صدرو ملان في سعاية القدرة اها هي سمعت بالخبر والحفلة واقفة
قعدت تغني

المدرِّس والفقور
كلو القليب مابدور
عيل سيد البعلِّي الكور
ونزل العلو الممطور

ومرة جيت وارد لي اضاه (مورد) ومعي صديق ونحن اللتنين بزر مدرسة وعرضانين الساعة في الليد والعمة مشنقة وشبيط القاش
مشبول في الكرعين ونفسنا عا########اعشان سمعانين ظيط اللفندية وغنوة
ابو ساعة الرَّما إيديه
بمشي الخواطر لي
اها في اتنين قامن سادرات وقعدن يغنن
مو أفندي بي ساعتو
ومو تاجر بي بضاعتو
سعنو الحليب زاعتو
ؤعايط لي رباعتو
----------
ما بنشرب عِسّيلي
وما بنلبس حِميري
الداير دقش أٌم ميلي
اللِّمشي يوارد خيري
اي انها لا تهتم كثير باللبس الغالي ولا بالأكل الفاخر ولكن من يريد ان يتفاخر بالإبل فليذهب الي المورد وبري
نعم زوجها او اخوها (خيري)
ولبوادي الغرب غنا جميل عن السيرة
شُري عينة الما صَبن
درّر الغارزة اللَّبن
----------
واحدة ايضا رحلوا شقيقتها الي بيت زوجها وهو ابن خالها فقالت
أمشي يا عِينة الضِّراع
تلقي ود خالي الرباع
بيتو فاتح لي المباع
وجيمو بضرب لي الدفاع
ايضا واحد تزوجها غريب لكنه رجل صاحب خلق عالي وودبيوت فبنات اعمها قعدن يغنن فردت عليهن قائلة

أخضر فرع الكِتِر
الشّوفتو تتم الفِكِر
عندي توب تانتِتر
تسعه جنيه المِتر

لك ولضيوفك محبتي وبجيكم صاد

Post: #41
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 00:33 AM
Parent: #38


Post: #42
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 00:42 AM
Parent: #41

الأخ العزيز علي محمد الفكي

السلام والرحمه فيا عزيزى فقد للمعلمين عمادا كالذى لإرمه
وكان صيتهم ذائعا وصوتهم عاليا وطلبهم غاليا وإلا فما
سر الأمانى
فى يا الماشى لى باريس
جيب ليك معاك عريس
شرطا يكون لبيس
من هيئة التدريس!!




منصور

Post: #43
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 01:04 AM
Parent: #42

الوضاحه سلام من الله عليك بعد الشكر والثناء على اللبن أبولى بى تلك
الأغنيه البسيطه العميقه الفعاله والتى تمنطق فيها الفتاة والديها لتحقيق خيارها
فأنظرى لأمها تقول لها (دققى وختى لمن أبوكى يجى) لتقول الفتاة بفاغر فيها
(لا لا ما برجى وزوجونى بلا
بى لبن بقره)
مفندة حميد خصاله وبديع جماله
يمه لوشفتى تغسلى وتكوى
عقلى إنسلب جيبى
والزول مشلخ تى)

مشلخ نقرابى يا وضاحه ولربما له معنى فى علم التراث
وأنظرى لرفضها ود الخال الذى مسحت بها الأرض
أمى قالت لى أخدى ود الخال
قلت ليها لا أريتو بالخلخال
الحبو بالجوال
وهنا مرافعه قويه عن خيارها أبو نقرابى
ولم يكن إبن العم أكثر حظا من إبن الخال
فقد قالت
أريتو بالعمعم
العيشتو كلها هم
يا اللبن أبولى بى
وكذا نال إبن الجد ما ناله السابقان
أريتو بالجدجد العيشتو كلها حد
لتنا زولها المشلخ تى باللبن أبولى بى
هكذا كان الوعى الأنثويى قديما ضاربا متجذر فى تاريخ الأعراف
حتى يبلغ سطوته فى عصر الدوله الأميه حيث كانت المرأة
آمرة ناهيه

ولك الشكر يا وضاحه وأوعك من ناس التى ديل

ولك السلام



منصور

Post: #44
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 01:28 AM
Parent: #43





المرنوعه

المرنوعه زى شمس القمام فى طلوعا
المفدوعه رخصه وبالوضيب مردوعه
البى ثناها مى مخدوعه
عند الصالحات مودوعه
شوف ليك يا صديقى طفيله
راسا موسداهو شتيله
لابسه الكفه من سن فيله
شرف الأمه من تمثيله
أخضر لونا أخضر تاجا
خلنا نظهرلك إستنتاجا
الألوان جميعو نتاجا
كلها للخدار محتاجه
يا المرنوعه




منصور

Post: #46
Title: Re: يابا البيت بقشو وبالخرتوش برشو....................
Author: munswor almophtah
Date: 01-28-2013, 10:09 PM
Parent: #44

الأخ محمد عبد الله الامين
سلام من الله عليك

البنات يمتلكن سلطة للتعبير قاتله وهنالك من كان ضحية لتلك الأغانى
رغم أن الوضع الإقتصادى للمزارع كان أفضل بكثير من بعض الأفنديه
لا بل بعض المزارعين معهم عمال بمواهى بعض الأفنديه ولكنهن يرغبنه
لا بسا للبنطال وساعته جوفيال وفنيلته شبكه وعطره فواح نفاذ
ويحسن الإبتسامه ويسترق النظره لا شق فى أرجله ولا عرق خار على
جبينه وعنقه ياخ المزارع الآن يغنن ليهو والأفندى داك رجع لمؤخرة
الصف فلا صبر من أجله أبدا وعى تام وإدراك لمستجدات الواقع وبراجماتيه
لا شبيه لها ولا ند!!





منصور

Post: #47
Title: Re: يابا البيت بقشو وبالخرتوش برشو....................
Author: munswor almophtah
Date: 01-29-2013, 04:33 AM
Parent: #46

يا Abubakr Abdelmagid

سلام ورحمة من الله عليك فقط اليوم قرأت مداخلات القراء
ياخ إنت دفعه بمحمد حسين واللا إيه الله يرحم عم الطيب
الموج ويبعثه فى عليين صديقا شهيد ياخ شكرا لك مداخلاتك



منصور

Post: #49
Title: Re: يابا البيت بقشو وبالخرتوش برشو....................
Author: عزالدين عباس الفحل
Date: 01-29-2013, 05:18 AM
Parent: #47


قـالـت بـنونـه بـت الـمك نـمـر ،
فـي مناحة أخوها عمارة .
كان عمارة من فرسان القبيلة
:-

ماديرا لك الميتة ام رمادّن شح
ديراك يوم لُقى بي دميّكا تتوشّح
الميت مسولب والعجاج إكتّح
احيا علي سيفو البسوي التح
،
،،،،



ســـلام ،،
munswor almophtah
Balla Musa





عزالدين عباس الفحل
ابوظبي

Post: #51
Title: Re: يابا البيت بقشو وبالخرتوش برشو....................
Author: الطيب شيقوق
Date: 01-29-2013, 06:02 AM
Parent: #49

Quote: مو أفندي بي ساعتو
ومو تاجر بي بضاعتو
سعنو الحليب زاعتو
ؤعايط لي رباعتو


تسلم العبيد والله فعلا الافندي اب ساعات زولا نيى بالحيل





منصووووووووووووووور

هوى يا وليد احسن ليك تختا وضاحة دي فيها الموت الاحمر ههها

Post: #52
Title: Re: يابا البيت بقشو وبالخرتوش برشو....................
Author: وضاحة
Date: 01-29-2013, 11:24 AM
Parent: #51

Quote:
منصووووووووووووووور

هوى يا وليد احسن ليك تختا وضاحة دي فيها الموت الاحمر ههها


مسنوح

Post: #53
Title: Re: يابا البيت بقشو وبالخرتوش برشو....................
Author: munswor almophtah
Date: 01-29-2013, 10:55 PM
Parent: #52

الأخ عزالدين الفحل

سلام من الله عليك وعلى ما أوردته من قصيد نضيد
أظن أن هناك خلافا فى قائل خال فاطنه ولا أظنها
بنونه بنت المك نمر ولكنى سآتيك بالأكيده بعد
التحقق أما الأخرى

ما دايرالك الميته أم رمادا شح
دايراك يوم لقا وبدميك تتوشح


فهى ما قالته بنونه أو ما قيل على لسانها ونسب لها

فهى من أعمق ما قيل فى المناحات لا بل لا تقل أثرا من
من الواعى ما بوصو
من أمس الضحى
تورى أبزنود ساقو
يا مقناع ولياتو

وكذلك التى قيلت فى ود حبوبه
أسد الكداده الزام
هزيت البلد من اليمن
للشام
سيفك للفقر قلام


ألف شكرا لك


منصور

Post: #54
Title: Re: يابا البيت بقشو وبالخرتوش برشو....................
Author: munswor almophtah
Date: 01-29-2013, 11:48 PM
Parent: #53

(أسبابى أسبابى
أسبابى سيد ريدى
يا أحبابى
هاكم أسمعوا أنقابى
ويكفى البى مو غابى
حبيبى نيرانو موقدابى
وطاقة الأرض متضايقابى
محلى جسمو بالعركه
ويبكى مجرحه الفركه
أسبابى أسبابى
أسبابى سيد ريدى
يا أحبابى)

Post: #55
Title: Re: يابا البيت بقشو وبالخرتوش برشو....................
Author: حجة امنة
Date: 01-30-2013, 00:40 AM
Parent: #54

http://www.6rb.be/temp/song-40030..m3u

حبيبي الليلة جانا و شرب الشاي معانا

و قال لي أبوي بيدورني و صارحو بي هوانا

أريت لو عارفه إنك ناوي على مجيه

كان ضويتو دارنا ليك من نور عينيا

و كنت فرشت رمشي

عشان من فوقو تمشي

و كنت فرشت رمشي عشان من فوقو تممممممشي

و حبيبي الليلة جانا و شرب الشاي معانا

بعد إذنك يا منصور

الإهداء لعزة بت سلمى، يجدها بخير و كما نحب
و إن دار محور سؤالكم عننا فإننا بخير و الحمدلله و لا ينقصنا سوا روياكم الغالية

Post: #56
Title: Re: يابا البيت بقشو وبالخرتوش برشو....................
Author: munswor almophtah
Date: 01-30-2013, 04:53 AM
Parent: #55


Post: #57
Title: Re: يابا البيت بقشو وبالخرتوش برشو....................
Author: munswor almophtah
Date: 01-30-2013, 05:11 AM
Parent: #56

يا عبيد يا عجيب أتيتنا بمكر البوادى وأسرار الطمح وأسرار القبول
ياخ أهل الإبل لا يرون أثمن منها ولا أبهى فهى حياتهم وعزهم وأى عز ذلك
الذى أصله الأيانق التى كان وما زال يتربص بها الصعاليك الهمباته
والتى يقدمون أرواحهم رخيصة فى شأنها ولا يقرون بفعائلهم ولا يكشفون
أسرارهم لو إنطبقت السماء والأرض لا بل يبقون على موقف واحد لا
زحزحة فيه

ألم يقل ود ضحويه

مانى الخائب البقول سويت
وما نهرونى عن ساعة السعال قريت
إن بردن قروش مانى البخيل صريت
وإن حرن بكار ماهن صفائح زيت

فأى فخر ذلك ذلك الذى يبقى معهم حتى يبلغون الشيب

ونراه يقول

دردرنى الفقر لامن بقيت شنكيب
ودنى الغبائن لى جبال فرتيت
إمن جبت مالا فرح أم سوميت
وإمن فوق جبال تقلى إنجدع ما جيت


الشكر لك يا عبيد يا رائع


منصور

Post: #58
Title: Re: يابا البيت بقشو وبالخرتوش برشو....................
Author: munswor almophtah
Date: 01-30-2013, 05:12 AM
Parent: #57


Post: #59
Title: Re: يابا البيت بقشو وبالخرتوش برشو....................
Author: إدريس محمد إبراهيم
Date: 01-30-2013, 06:39 AM
Parent: #58

منصور مفتاح

أجمل الصباحات لك يا صاحب اليراع المضمخ بالإبدع .....




Post: #60
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 00:38 AM
Parent: #59

ود شيقوق ياخ ما تهدد الحوت بالغرق نحن فقط بنكرم الضيف ونحسن
الضرب بالسيف وبندى البطيخ فى حر الصيف وبنجر التمساح من البحر
للقيف ياخ كتر خيرك وبارك الله فيك وفى إنتظار درب ماما عشه ولك السلام.

Post: #61
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 00:56 AM
Parent: #60







حاجه آمنه فصاحتك دى أهو قبضناك بالثابته تانى بتقولى شنو
ياخ إنت تكتلن الجداد وتخمن المح ونحن يودونا للمكاشفى والسناهير
وتقولن إستخلوا ياخ البحميهم شنو ما يستخلو ياخى تعالى كلمينا
رافعى ودافعى عن نفسك وعن غيرك وليك ولعازه وأمها السلام.




منصور

Post: #62
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 01:33 AM
Parent: #61


Post: #63
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 01:36 AM
Parent: #62

وضاحه ياخ المسنوح دا نعمل معاه شنو ياخ سلام وشكر وودشيقوق دا زى الملح
بلاه ما بنبقى دحين خليهو الله بهدى ولك وله السلام.






منصور

Post: #64
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 03:53 AM
Parent: #63


Post: #65
Title: Re: يابا البيت بقشو وبالخرتوش برشو....................
Author: munswor almophtah
Date: 01-31-2013, 03:56 AM
Parent: #64


Post: #66
Title: Re: يابا البيت بقشو وبالخرتوش برشو....................
Author: munswor almophtah
Date: 02-01-2013, 01:13 AM
Parent: #65

الأخ إدريس محمد إبراهيم

سلام من الله عليك وعلى الأهل والشكر لك على ما جلبت من إبداع
غنائى تراثى باق يدون للأعراف بأريحية وعفوية يطرب لها السلفى
والفلسى كما يطرب لها الرزين والحباب وراس الهوس شكرا ثانية والسلام.




منصور

Post: #67
Title: Re: يابا البيت بقشو وبالخرتوش برشو....................
Author: Egbal Elmardi
Date: 02-01-2013, 02:04 AM
Parent: #66

Quote: وبى كوريقو أشر لى
أنا ما بدور الترباليه
وعرقو ينجض السحليه
أنا ما بدور الترباليه



منصور سلام
هي لكن ما بالغت مع التربالي ... عرقو ينجض السحليه عديل كده...
سليقة سحالي
الله يجازي محنك يا منصور المصايب دي بتنكتها من وين يا دوبي شفته البوست ده
حاجه دمها خفيف شديد

Post: #68
Title: Re: يابا البيت بقشو وبالخرتوش برشو....................
Author: munswor almophtah
Date: 02-01-2013, 12:06 PM
Parent: #67

تصدقى يا إقبال كان ذلك التربال يطمحنه زى الترتيب وما أدراك ما الطمح
فهو طلاق المرأه للرجل طلاق تلاته أنقرى فى زول تانى بقدر إقنعها بالرجوع
والتربالى تانى إرجع كما كنت أو إلى الخلف دور منصرفا عن ذلك المشهد الذى
ربما يجلب له ما لا يحتاج إليه من صنائع ليست فيه ولكنها تتلبسه فإن طمحوك
تمرق بكرامتك وبس ياخ إنتن خليناكن لى الله يقدر عليكن.




ولك السلام وليسرى ومبروك الأفراح



منصور

Post: #69
Title: Re: يابا البيت بقشو وبالخرتوش برشو....................
Author: munswor almophtah
Date: 02-01-2013, 08:45 PM
Parent: #68

ساب ديارنا وفاتنا
يا طير
مالو فات أهلو وديارو
يلا لتوتيل نزورا
والجبل نعسان خدارو
حتى السواقى بكت معانا
وشاركت فى وداع قطارو

Post: #70
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 03:19 AM
Parent: #69

كل ما تريد بعادى
أنا ليك ما بعادى

Post: #71
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 12:25 PM
Parent: #70

يا المصيرك تنجرح
بالسهام البيها مره جرحتنى

Post: #72
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:04 PM
Parent: #71


Post: #73
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:09 PM
Parent: #72


Post: #74
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:12 PM
Parent: #73


Post: #75
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:44 PM
Parent: #74


Post: #76
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:49 PM
Parent: #75


Post: #77
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 07:57 PM
Parent: #76


Post: #78
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 08:06 PM
Parent: #77


Post: #79
Title: Re: يابا البيت بقشو وبالخرتوش برشو....................
Author: munswor almophtah
Date: 02-03-2013, 11:17 PM
Parent: #78


Post: #81
Title: Re: يابا البيت بقشو وبالخرتوش برشو....................
Author: munswor almophtah
Date: 02-04-2013, 10:10 PM
Parent: #79

لا تنجو منكن أمهات الأزواج ففى العلن تنبح دلوكتكن

يا العجوز القاعده بره
قاعده للأذى والمضره
يا نكير أديها طله
يا نكير أديها طله

نكير دا يا خلق عادل لا بخلى عروس ولا بخلى عريس ولا بفرز فى الأمات وقدمو السبت
يا خلق والراجل أمو البرشها باللبن برشو بموية النار سنه يا النار عشان
نخاف أكان ما بنقدر.






منصور

Post: #82
Title: Re: يابا البيت بقشو وبالخرتوش برشو....................
Author: munswor almophtah
Date: 02-05-2013, 12:47 PM





الحماسه إيقاع ومفردةوتطريب تبعث فى الإنسان حالة من حالات الشداعه
تدفع الإنسان لمجابهة ومواجهة الدبابه المجنزره لا يبالى ولا يخاف فرحا بذاك
المصير وقابلا لذاك التحدى حتى وإن كان مجردا من سلاح يا لها من سلافة دفاعة
لما تراه الروح مكرمة مقدمة لذاتها على كفها بلا تردد ولا رجفان
بل بثبات مدهش.




منصور

Post: #83
Title: Re: يابا البيت بقشو وبالخرتوش برشو....................
Author: munswor almophtah
Date: 02-05-2013, 11:10 PM
Parent: #82

يا بنت عشرين والأيام مقبلة
ماذا تريدين من موعود خمسين

هكذا أقوى الرجال شكيمة ومروة وجاذبيه العباسى يحدث بنت عشرين بصدق
بعد أن بالغ فى الفخر بنفسه فى عهد جيرون

حتى وصل إلى مقام

سبعون قصرت الخطى
وتركننى أمشى الهوينة ضالعا متعثرا
من بعد ما كنت الذى
يطأ الثرى زهوا
ويستهوى الحسان تبخترا


فيا أيها العباسى صار شيخ السبعين كما التومى هوك مرغوبا يتسابقن
إليه وهن دون العشرين!!

وهو لا يقوم ولا يقعد إلا بالحبوب لا الذره ولا الداقريس ولا البليله
ولا بلاء عنده ولكنه جبل بلوة عال!!


منصور

Post: #84
Title: Re: يابا البيت بقشو وبالخرتوش برشو....................
Author: محمد عوض السيد
Date: 02-06-2013, 00:06 AM
Parent: #83

سلامات عوافي

بوست ظريف


Quote: سلام من الله عليك وعلى ما أوردته من قصيد نضيد
أظن أن هناك خلافا فى قائل خال فاطنه ولا أظنها
بنونه بنت المك نمر ولكنى سآتيك بالأكيده بعد
التحقق أما الأخرى



نعم ليس هناك تاكيد انها لبنونة بت المك

وقد قرات في احد كاسيتات عبدالكريم الكابلي

انها من اغاني التراث فقط .. دون ذكر اي اسم وهو باحث في التراث لايشق له غبار




وساعاود الدخول هنا ..




مع ودي
واحترامي

Post: #85
Title: Re: يابا البيت بقشو وبالخرتوش برشو....................
Author: munswor almophtah
Date: 02-08-2013, 03:33 AM
Parent: #84









الأخ محمد عوض السيد


السلام ورحمة الله وبركاته عليك وألف شكرا لك على ما تفضلت به.

أما خال فاطنه فلها شاعره ولها تاريخ ولها مناسبه ومبدئيا

نقول نعم إنها من أغانى التراث ربما يجهل الناس شاعرها بقصد

وبغيره إلا أن شاعرتها إمرأة تسمى بمهله العباديه وليست

الفنانه وهى من السقاى السروراب شرق وكذا فاطنه وخالها

وأنا ما زلت فى إنتظار الموثق فاروق فضل المولى عبدالرحمن

للتوثيق النهائى بعد جلب رواية كتابتها وتاريخ كتابتها

وإسم الشاعره الكامل غير إسم النسب ذلك حتى نحل لغزا

ربما يغضب البعض أو لا يعجبهم ولكن هدفنا فعل الواجب

فى الإمكان.






منصور

Post: #86
Title: Re: يابا البيت بقشو وبالخرتوش برشو....................
Author: munswor almophtah
Date: 02-08-2013, 09:12 PM
Parent: #85

وبعض الحكامات لا يتورعن من ملحة عنصره

عندما كانت تنبح دلوكة قشقه وحولها الصقريه وأهل البرجه والخوجال
وزغاريد الحسان تبلغ عنان السماء وروائح الكليت والشاق والعطور
الأفرنجيه البلديه فى ذلك اليوم الذى سبقته رشة خريفية مفرحه وأحوال
الجميع ملأى بالفرح فقد حضر زمان عطا الله الحلبى الذى يبيع العده بالدين
للنساء ويأتى كل ثلاثة شهور للحصاله فصادف ذلك الفرح ولبس الجلابيه
اللبنيه وقيطانها أبيض حريرى ومركوب فاشرى ماهل وعمه تظهر من تحتها
طاقية حرير أحمر فإذا به ينجذب مع المنجذبين ويجر كالوته ويدخل الداره ويده
فى جيبه نزع الطراده أدان دحش تسر الناظرين متوجها لوجه الحكامه فإذا
بها تكحله وتقلب الرميه

إيدك رخيه للعطا والجود
وتسلم لى يا أبو حليب
يا ود قــواد القرود

فما كان من عطا الله إلا أن أدخل الطرادة فى عمق جيبه وصد راجعا
من الدار التى لفتت إنتباه الكل الذين يملأهم الغضب تجاهه لأنه يبيع
للنساء فقد كان شركا كاد أن لا يخرج منه إلا بعشره سيطان عنجاويه
بيد عنجى جبار فأحذروا الحكامات فإن لديهن شفتة لا يتورعون فى فعل
الخطأ.



منصور

Post: #87
Title: Re: يابا البيت بقشو وبالخرتوش برشو....................
Author: وضاحة
Date: 02-08-2013, 10:02 PM
Parent: #83

Quote: يا بنت عشرين والأيام مقبلة
ماذا تريدين من موعود خمسين

Post: #88
Title: Re: يابا البيت بقشو وبالخرتوش برشو....................
Author: محمد عوض السيد
Date: 02-08-2013, 10:39 PM
Parent: #87

..
سلام مطبوق يامنصور
انت وكل الداخلين هنا



زمان العوين كانن بغنن كلام سمح بالحيل يا اخوي ما متل بنيات الزمن ده

وزمان الغناء زاتو ليه ناسو ما زي هسي الرقدو زي الهردبيس ديل ..

ايام الجامعة عسكرنا مع صاحبنا وقت الامتحانات في كوبر وكانت عندهم جارة التقول موصية علينا من ما نجي داخلين بعد الامتحان

دلوكتها (اقصد جركانتها ) تشتغل شغل شديد وكان عندها اغنية واحدة قادانا بيها وبتغنيها طوالي لامن حفظناها معاها ظااااااتو :



انا غيرك ماحبيت ياحبيبي ولو مت ذنبي عليك

قولك لي محبة في مدني شارع القبة

وين ياحبيبي

طارت لي شرارة حرقتني بي نارها في مكاتب الاشارة

وصلته المحطة شال من قلبي حتة وسببي العارفه انت

وووب ياحبيبي

..


وبعد داك اكتشفنا انها كانت عشمانة في واحد من الشلة


ولما اداها الضوء الاخضر زاد الجن زيادة برغم تحذيرنا ..

كانت لامن تحب تلاقيه بتغني ليه دي كمان وبرضو حفظناها وبتغير في مكان الستة دي الزمن العاوزاه واللافق معاها :




انا ياناس الله لي الليلة

جاني الساعة ستة

ستة شوكة ستة

القطر الشالك انت يتكسر حته حته

وتسلم لي انت

ستة وستة جوني من النوم صحوني

بالقلاي قلوني بالفندق دقوني

بالفنجان صبوني هنئيا للشربوني



غايتو البنات ديل وقت يريدن بطلعتو علينا بالغناء الزي ده



مع ودي
واحترامي

Post: #89
Title: Re: يابا البيت بقشو وبالخرتوش برشو....................
Author: munswor almophtah
Date: 02-09-2013, 12:07 PM
Parent: #88

وضاحه سلام من الله عليك نعم قالها العباسى لبنت العشرين
فى سؤال إستنكارى لا يرغب فى إجابة عليه فإياك إياك
من موعودى الخمسين أو بالغينها

Post: #90
Title: Re: يابا البيت بقشو وبالخرتوش برشو....................
Author: garjah
Date: 02-09-2013, 01:06 PM
Parent: #89

الزول الرائع منصور

استمتعت كثيرا بهذا الخيط المتعوب فيه

تسلم يا جميلِ

Post: #91
Title: Re: يابا البيت بقشو وبالخرتوش برشو....................
Author: munswor almophtah
Date: 02-09-2013, 11:39 PM
Parent: #90

الأخ محمد عوض السيد


عندما كانت الرجا تتغنى

بدوس الميس يا نمر

كان المخاطب نمرا حقيقيا فقد كان حسين ود حسن ود البدرى العاتى القاصع
الماصع وفيه كانت تقول

ضرب السوط مو كدى
وخلو حسين اليجى

فكان ضرب السوط كالصاعقه لا يرجاه إلى رجل عملاق صبور كود عجيلاوى
أو الجوخ أو دربين أو خالد ود حميدى أسماء نمريه بلا شك أبدا

كان الواحد فيهم يصوقر ويخوجل ويبرج ويخطف الشبال كما الحدى وكانت

النساء تسوح وتموح كما الوزين فارة لجناحها الذى تحضنه به وترشه
بديسها المبهول

إلا غناء اليوم فحدث ولا حرج إن لم تتدقق فإنك لن تعرف ذكره من أنثاه
والجميع يموح ويسوح ولا ميس هنالك ولا نمر.


ولك السلام



منصور

Post: #92
Title: Re: يابا البيت بقشو وبالخرتوش برشو....................
Author: munswor almophtah
Date: 02-10-2013, 04:34 AM
Parent: #91


Post: #93
Title: Re: يابا البيت بقشو وبالخرتوش برشو....................
Author: munswor almophtah
Date: 02-10-2013, 10:51 PM
Parent: #92




وليد جوبا تعال سلم
وأنا قلبى ليك متألم
يا وليد جوبا
جوبا جوبا
ونعمل كدا
وندخل جوبا
تعال سلم
وأنا قلبى ليك
متألم

Post: #94
Title: Re: يابا البيت بقشو وبالخرتوش برشو....................
Author: munswor almophtah
Date: 02-10-2013, 10:56 PM
Parent: #93


Post: #95
Title: Re: يابا البيت بقشو وبالخرتوش برشو....................
Author: munswor almophtah
Date: 02-10-2013, 11:07 PM
Parent: #94

تكتلن الزول وتمشن فى جنازتو
المزارعيه بعد ما مسحتن بيهم الأرض عدتن تغنن لهم ولرجالتهم
بعد أن جربتن غيرهم فصار لديه البنكوت والنكتوت وعلاقته
بالبنوك والغرف التجاريه ياخ المزارع دا دهب بس
أمسكن فيهو قوى وكان عرقو نجض الصقر ذاتو.









منصور

Post: #96
Title: Re: يابا البيت بقشو وبالخرتوش برشو....................
Author: munswor almophtah
Date: 02-11-2013, 11:28 AM
Parent: #95

.

Post: #97
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 00:42 AM
Parent: #96


Post: #98
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 01:02 AM
Parent: #97


Post: #99
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 01:18 AM
Parent: #98


Post: #100
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 01:36 AM
Parent: #99


Post: #101
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 02:16 AM
Parent: #100


Post: #102
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 03:12 AM
Parent: #101


Post: #103
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 03:31 AM
Parent: #101


Post: #104
Title: Re: يابا البيت بقشو وبالخرتوش برشو....................
Author: وضاحة
Date: 02-12-2013, 12:30 PM
Parent: #103

Quote: وضاحه سلام من الله عليك نعم قالها العباسى لبنت العشرين
فى سؤال إستنكارى لا يرغب فى إجابة عليه فإياك إياك
من موعودى الخمسين أو بالغينها


منصور

طيب فتاة العشرين ورجل الاربعين كيف

أأأأأأأأأأأأأأأأأأأه أبا ما يلين



Post: #105
Title: Re: يابا البيت بقشو وبالخرتوش برشو....................
Author: علي محمد الفكي
Date: 02-12-2013, 12:55 PM
Parent: #104


منصور
تحية
واغاني البنات لسان حال الشارع
في فترة من الزمن اذدهرت امبراطورية المغترب
وكان مطلب كل الامهات وفارس احلام البنات ..
قبل ان تتصدع اركان هذه الامبراطورية خلال السنين السابقة
ولكن من خلال واقع البلد يبدو انها ستذهر مرة اخرى ويعود اليها مدها
حظكم يا المغتربين
وزمان غنن البنات للمغترب وقالن

المغترب تعال بالدرب
البنات حلوين .... قالو ما دايرين
إلا مغتربين
المغترب... تعال بالدرب
وغنت ليك إنت الجارة
وساق عروسو بالطيار

Post: #106
Title: Re: يابا البيت بقشو وبالخرتوش برشو....................
Author: munswor almophtah
Date: 02-12-2013, 10:18 PM
Parent: #105

وضاحه

السلام ورحمة الله عليك وعلى والديك والأقربين

أولا الأغنيه تسمى الحجل فى الرجل

وقديما قالواالحجل فى الرجل يا حبيبى سوقنى معاك
يا رائق....

وجدنا ود الديم كان يعشق حتى الثماله من هى أصغر منه كثيرا
وكان من حوله يأنبوه على ذلك

فأنشد قائلا

السكر فى علبو
قلبى التقيل خربو
الزول العاجبو الزول
مانعنو شن سببو

فيا وضاحه تلك ال آه أبا ما يلين أو الحجل فى الرجل من أجمل ما سمعته
لمحمود عبدالعزيز علما بأنى لم أراه ولم أسمع عنه أو له قبل وفاته وسعيت
بعد الوفاة للتعرف عليه فهذه الأغنيه رائعة رائعة رائعه

ياخ نحن نخاف على بنت العشرين بعد عشرين سنه عندما تكون أكثر قوة
يكون أكثر ضعفا والعينو فى راسو بعرف خلاسو إذ لابد فلا بد من ما
ليس منه بد.



وسلام


منصور

Post: #107
Title: Re: يابا البيت بقشو وبالخرتوش برشو....................
Author: munswor almophtah
Date: 02-13-2013, 11:21 AM
Parent: #106

الأخ علي محمد الفكي

السلام ورحمة الله عليك


ياخ المغتربين قطارهم فات وغنايهم مات

إنت ما سمعت بأمريكا برميكا
وكندا نكده

ياخ الأيام ديل ناس الكسر
والمواسير وحاجات تانيه حاميانى

ياخ المغتربين درجات

لكن السماسره والكماسره
سوقهم نار وقل يا لطيف



منصور

Post: #108
Title: Re: يابا البيت بقشو وبالخرتوش برشو....................
Author: وضاحة
Date: 02-13-2013, 11:33 AM
Parent: #106

Quote: ياخ نحن نخاف على بنت العشرين بعد عشرين سنه عندما تكون أكثر قوة
يكون أكثر ضعفا والعينو فى راسو بعرف خلاسو إذ لابد فلا بد من ما
ليس منه بد.


منصور

جانى عريس من القراء


رايك شنو فى عرس النت

Post: #109
Title: Re: يابا البيت بقشو وبالخرتوش برشو....................
Author: عزالدين عباس الفحل
Date: 02-13-2013, 11:59 AM
Parent: #108



كــبــوشــيــة وداي عـبـقـر ،،،




مـنـصــور ســلام يـا وديــع،،،





عزالدين عباس الفحل
ابوظبي

Post: #110
Title: Re: يابا البيت بقشو وبالخرتوش برشو....................
Author: munswor almophtah
Date: 02-13-2013, 09:17 PM
Parent: #109

وضاحه

النت طريقه من طرق التواصل بعد أن بعدت بالناس المسافات والأماكن
فقد زوى الله لنا هذا الكون لنخترق أركانه بأسرع من عفاريت سليمان
والكشوفات العلميه الجباره جعلت التواصل ممكنا عبر مختلف الوسائط
فالنت مقام قدر مقام التعقيد الذى بلغناه فمن قرأ لك فقد تعرف
عليك وعرف عنك الكثير وأعجبته فيك صفات هو أعرف بها فلا مانع من
الزواج عبره فالمغرب كلها تتزوج عبر النت نتمنى أن يكون من الصالحين
التقاة أهل المسؤوليه وربنا يتم على خير والسر فى محل السر والجهر فى
محل الجهر ولك السلام


منصور

Post: #111
Title: Re: يابا البيت بقشو وبالخرتوش برشو....................
Author: munswor almophtah
Date: 02-13-2013, 11:05 PM
Parent: #110

عزالدين الفحل ياخ دلوكة الجعليين تلك فيها من الأسرار العجيب
وأنظر لأبنائها حينما تدق ياخ الملاله تنطلق فيهم ويقفون للصوت
وكأن أجسادهم من فولاذ لا يرمشون فكيف لك بمنازلة بشر فيه من تلك
الصفات إلى جانب إحساسهم بالعزه إلى جانب قناعتهم التامه بأدوارهم
فى تدوير الفنون والآداب ياخ بهجه وألف شكرا لك

Post: #112
Title: Re: يابا البيت بقشو وبالخرتوش برشو....................
Author: munswor almophtah
Date: 02-14-2013, 11:55 PM
Parent: #111









لون المنقه يا الشايل المنقه
ما عارف كيف نحن بنشقى

والبلابل كن لا يعرفن كيف كان يشقى جيلنا أنذاك
جيلنا الذى كان طرف الثوب يرميه فى الشوك
تطل عليه ثلاثة يانعات خضر أعوادهن يتمايلن
كما الخيروز لينا وكما الكريز لونا وحلاوة
فيقتلن بلون المنقه تلك قتل من لا يرحم
وقتل من لا كبد فيه
يا الله من لون المنقه ويا الله من البلابل
وقتذاك


منصور

Post: #113
Title: Re: يابا البيت بقشو وبالخرتوش برشو....................
Author: munswor almophtah
Date: 02-15-2013, 11:57 PM
Parent: #112

ياخ إلى الآن يا آمال وهاديه!!





منصور

Post: #114
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 01:20 AM
Parent: #113


Post: #115
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 01:22 AM
Parent: #114


Post: #116
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 01:29 AM
Parent: #115


Post: #117
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 01:36 AM
Parent: #116


Post: #118
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 03:34 AM
Parent: #117

دوما تظل الفنون ضمير الأمه وعقلها وصوتها العالى ودوما تمثل المرآة
التى تعكس وأقعها بذات الأبعاد لا تزيد شيئا ولا تنقص تعكس حميميتهم
وعفويتهم وطرائق خياراتهم وإختياراتهم وتعكس أذواقهم وتميزها وتفردها
نبلها وطهرها وعفتها وتعكس أحساسيسهم وإنفعالاتهم وإستجاباتهم لما حولهم
وتعكس واقعهم الإقتصادى والإجتماعى والسياسى لا بل تعكس كل ذلك وبأبعاد
سباعيه فقط أصغى السمع يا صاح لذلك المبارك حسن بركات الذى قال عن سميره
كل شئ عن خارطة سكنه ومكان إقامته عن أوصافه ودقة قولها عن خطوه
ومشيه وهمسه وعن إشهار العشق له لا بل أنظر لبادى ولآهاته ومتاتاته لتلك
الكلمات المعسوله والمعانى المغسولة بالطهر والمرامى السامية النبيله لا بل
أنظر للكحلاوى ولإنفعاله العفوى وصدق قوله وتعبيرية كله وجمال صوته
وتطريبه يا لكم من عماليق عظام ويا لك يا ذاك المجتمع من صحيح سوى معافى
أشعل بإبداعه حدائقا من جمال وبساتينا من روعه.

Post: #119
Title: Re: يابا البيت بقشو وبالخرتوش برشو....................
Author: munswor almophtah
Date: 02-16-2013, 10:11 PM
Parent: #118

يا ليل أبقالى شاهد
على نار شوقى وجنونى

Post: #120
Title: Re: يابا البيت بقشو وبالخرتوش برشو....................
Author: munswor almophtah
Date: 02-18-2013, 00:12 AM
Parent: #119

(الجوده للمنقه تاتا
حلاة النقزه تلاته)

Post: #121
Title: Re: يابا البيت بقشو وبالخرتوش برشو....................
Author: munswor almophtah
Date: 02-19-2013, 10:20 AM
Parent: #120







يا خلانى آمنه الفى الضمير مازيانى
ماشفتوها يا خلانى
واحدين قالو ضامر هافا
ما شفتوها يا خلانى
واحدين قالو شفنا الشافه
روقو وأسمعوها أخباره
ما شفتوها يا خلانى
الحارقه العباد بى ناره
عامت وأنتنت زى بانه
ساقيها الندى ورويانه
ما شفتوها يا خلانى
القلق صبرنا أزانا
شفت عيونى فى سيقانا
ما شفتوها يا خلانى
الدر فى سنونا لآلى
ما شفتوها يا خلانى

Post: #122
Title: Re: يابا البيت بقشو وبالخرتوش برشو....................
Author: munswor almophtah
Date: 02-20-2013, 01:54 AM
Parent: #121


Post: #123
Title: Re: يابا البيت بقشو وبالخرتوش برشو....................
Author: munswor almophtah
Date: 02-21-2013, 08:39 PM
Parent: #122

الكتوف واقعة
والعيون يا ناس مويتن ناقعة
الوجن قادحات في الظلام فاقعة
راجى شباله وراضى بى صاقعة

Post: #124
Title: Re: يابا البيت بقشو وبالخرتوش برشو....................
Author: Mohamed Abdelgaleel
Date: 02-23-2013, 10:48 AM
Parent: #123

ياخي أنا طولت من المنبر .. يا روعة .. يابا البيت بقشو
وبالخرتوش برشو ..
طاعة لا تنتظر فتى الآحلام .. شكراً يا منصور

Post: #125
Title: Re: يابا البيت بقشو وبالخرتوش برشو....................
Author: munswor almophtah
Date: 02-25-2013, 00:19 AM
Parent: #124

محمد عبدالجليل ألا ترى تلك الجاهزيه وذلك التودد وإبداء
الرأى بكل صراحه ياخ المرأه أعلى صوتا وأسمق مكانة وأقوى
حجة من ما يتصورها الرجل فالكثير يفقن الرجال إستنارةومهنية
ووعى ومسؤوليه ياخ ديل بقلعن حقهن بمكرهن الزائد
فلك يا عزيزى الشوق والسلام

Post: #126
Title: Re: يابا البيت بقشو وبالخرتوش برشو....................
Author: munswor almophtah
Date: 02-25-2013, 01:48 PM
Parent: #125


Post: #127
Title: Re: يابا البيت بقشو وبالخرتوش برشو....................
Author: munswor almophtah
Date: 02-26-2013, 09:06 AM
Parent: #121

يابا البيت بقشو وبالخرتوش برشو.....

Post: #128
Title: Re: يابا البيت بقشو وبالخرتوش برشو....................
Author: munswor almophtah
Date: 03-15-2013, 00:50 AM
Parent: #127


Post: #129
Title: Re: يابا البيت بقشو وبالخرتوش برشو....................
Author: munswor almophtah
Date: 03-15-2013, 00:57 AM
Parent: #128


Post: #130
Title: Re: يابا البيت بقشو وبالخرتوش برشو....................
Author: munswor almophtah
Date: 03-15-2013, 05:03 AM
Parent: #129

سحر الدلوكه ونفاذ رسالتها فإن رثت أبكت وإن
شكرت نحرت العتاق وبنات اللبون وإن تغزلت غزلت
العشق خيوطا من حرير فالدلوكه صناعة لرسائلها
بحكمة وجودة عاليه