Post: #1
Title: دايرين هــــلال مريخ .. والحشاش يملا شبكته .. !!
Author: humida
Date: 08-02-2008, 01:22 PM
جميع مشاكل السودان عبارة عن اختلاف بين شخصين ..
واللقطة الاخيرة .. صراع بين شداد وصلاح ادريس ..
والباقى كلو كومبارس ..
النيل الحصاحيصا .. كومبارس ..
المريخ و جمال الوالي والبيان بتاعهم .. كومبارس ..
الوزير .. كومبارس ..
الاتحاد العام ولجنته الفنية .. اكبر كومبارس ..
والمسرحية هي الدوري الممتاز الذي لم يناله المريخ .. ويريد شداد اهداءه له ( نكاية ) في صلاح ادريس ..
..
..
مباراة ( هــلال مريخ ) التي كانت مقررة يوم الخميس القادم .. والتي لا نعرف مصيرها حتي الآن ..
هي آخر المطاف لهذه المسرحية الهزلية ..
..
..
دايرين هــلال مريخ .. وبعدها كل ككو يطلع شدرتو .. !!
|
Post: #2
Title: Re: دايرين هــــلال مريخ .. والحشاش يملا شبكته .. !!
Author: بهاء بكري
Date: 08-02-2008, 01:30 PM
Parent: #1
| Quote: دايرين هــلال مريخ .. وبعدها كل ككو يطلع شدرتو .. !! |
حميدة انت مجنون هلال مريخ شنو البتتلعب كمان العواسة دي كلها عشان الجماعة يكبو الزوغة من الدوري ومن بطولة الترضية .... ماشفت الارباب قال بنلعب الكورة وبعدين بننسحب الجماعة ديل حمام ميت والارباب كان عايز يمرن اخوان سيدا وبعدين يشتت
|
Post: #3
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 12:18 PM
Parent: #2
بعد قرار المحمكة ( السلطة القضائية ) .. نتمنى ان يطلع صلاح ادريس وشداد الخلا .. ويحلو مشاكلهم هناك ..
يفقد الهلال كثيرا اذا لم يؤدي هذه المباراة .. وسيفقد السند الجماهيري الذي آزره في موقفه في مباراة النيل الحصاحصيا ..
وقد كان حديث صلاح ادريس يتحدث عن ( اذا لم تتم اعادة برمجة مباراة النيل لن نلعب الدورة الثانية ) ..
ومباراة المريخ مباراة مؤجلة من الدورة الاولى ..
فليعب الهلال هذه المباراة .. ويطق المريخ خمسين صفر ونشوف بعدها شداد حيعمل شنو ..
رغم المخاوف الامنية الكبيرة من اقامة هذه المباراة في هذا الجو المشحون بالغضب .. خصوصا ان التحكيم ما علي قدر كدا ..
|
Post: #4
Title: Re: دايرين هــــلال مريخ .. والحشاش يملا شبكته .. !!
Author: حسن إبراهيم خليفة
Date: 08-06-2008, 01:28 PM
Parent: #3
حميدة قال:
(نتمنى ان يطلع صلاح ادريس وشداد الخلا )
هههههههههههههههههه مبالغة لكن.....
|
Post: #5
Title: Re: دايرين هــــلال مريخ .. والحشاش يملا شبكته .. !!
Author: حمزاوي
Date: 08-06-2008, 01:38 PM
Parent: #1
يا الهلالاب بتهضربوا مالكم
متين كمال شداد صار يحب المريخ
الثلاثة النقاط اعطوها لنيل الحصاحيصا
مباراة يوم الخميس المريخ يفوز ولا الهلال يفوز عادي
ولا اول مرة المريخ ولا اول مرة الهلال يفوز
وياريت يا الهلالاب اخطاء صلاح ادريس تحلوها داخل النادي
يعني اللعب في المنافسة تستمر والادارة تتابع القضايا
لان شداد دا مقرم وبيفوز بفرمالة على صلاح ادريس
يعني بيلعبها بالقانون
ومالو ايدو خالص
|
Post: #6
Title: Re: دايرين هــــلال مريخ .. والحشاش يملا شبكته .. !!
Author: عمران حسن صالح
Date: 08-06-2008, 02:32 PM
Parent: #5
| Quote: فليعب الهلال هذه المباراة .. ويطق المريخ خمسين صفر ونشوف بعدها شداد حيعمل شنو .. |
يا حمى
إشتريت دفتر من مكتبة جرير من خواصو أن ورقه لا يبلى بالتقادم 
وجاي شايل معاهو قلم BIG ألماني (أصلي) وده من طبعاً بيفضى بعد 216 يوم كده
عارف ليه :
مساء الخميس القادم بعد العاشرة مساءً وطوال يومي الجمعة والسبت أقعد أحرس الحوش ده وأسجل الغياب ..
...
هذا (لو) أُقيمت المباراة (الحدث) .. وهذا ما أتمناه ....
|
Post: #7
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 03:09 PM
Parent: #6
قرر مجلس ادارة الهلال اداء المباراة ..
وكان لازم عليهو يلقى ليهو مبرر عشان يداري بيهو جلطات صلاح ادريس ..
فقالوا سوف نقوم باداء المباراة لتنفيذ قرار الوزير الصادر سنة ستة ..!!
..
..
دا مش برضو قرار الكسرو الاتحاد ..
يا جماعة ما ترحمونا من صلاح ادريس دا ..
|
Post: #11
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 03:39 PM
Parent: #5
يا حمزاوي ..
شداد قاصد الهلال دي ما فيها اتنين تلاتة ..
وعندما يتضرر الهلال اكيد الكسبان المريخ ودي برضو ما دايرة ليها تفكير كتير وحبة بندول وكباية شاي ..
الامر في منتهى البساطة .. ولو المريخاب ما استفادوا من الحاجة دي بعد السنوات العجاف ولعبهم في دور المظاليم الافريقي اكيد بيكونوا في قمة الغباء ..
الآن يا سيدي الفاضل تجاوز الهلال مسألة الدوري الممتاز لانها اصبحت محسومة بالنسبة ليهو .. لكن ما دايرين شداد ينتزع مننا فرصة اللعب في دوري الابطال الافريقي ..
والهلال ماشي فيها السنة دي كويس .. يعني امكن لو الاتحاد الافريقي اتصلح معانا ولو شداد خلي الحركات البعمل فيها دي وسكا حقوق السودان اننا نلعب في دوري الابطال بفريقين ..
أما عن الوزير فأعتماد صلاح ادريس عليهو دا بدل ان الرجلين ما بعرفوا من هو شداد .. ولا يخرجوا من كونهم ( اتلما المتعوس علي خايب الرجا ) ..
اديك السيناريو المحتمل اذا لم يلعب الهلال هذه المباراة ..
* ألغاء الدوري الممتاز واعتبار المريخ هو البطل علي اساس ان الدوري من دورة واحدة ..
* تصعيد المشكلة من قبل ادارة الهلال بمساندة الوزير وحل الاتحاد العام وعمل لجنة تسيير برئاسة ( قاقرين ) ..
* وصول المشكلة الي الكاف والفيفا وايقاف جميع مناشط الاتحاد السوداني الخارجية ( المنتخبات - الهلال - المريخ ) ..
* حرمان ( المنتخبات - الهلال - المريخ ) من اللعب في البطولات الخارجية لمدة ثلاثة سودانية كافية للقضاء علي النهضة الكروية الحالية وابتعاد المحترفين.
* تراجع المنتخبات والفرق السودانية في تصنيف الفيفا .. يعني ما نحلم انه نلعب بفريقين في دوري ابطال افريقيا ..
* الخسائر المادية للشركات الراعية للدوري الممتاز ( سوداني - ART .. الخ ) ..
* سحب دعم مجموعة MTN الراعية للبطولات الافريقية ..
|
Post: #8
Title: Re: دايرين هــــلال مريخ .. والحشاش يملا شبكته .. !!
Author: ارصد محمد جلال
Date: 08-06-2008, 03:15 PM
Parent: #1
| Quote: ماشفت الارباب قال بنلعب الكورة وبعدين بننسحب الجماعة ديل حمام ميت والارباب كان عايز يمرن اخوان سيدا وبعدين يشتت |
الربراب دايريشوف نتيجة المباراة وبعدين يحدد
بس
الفوز للاحمر الوهاج ومذيدا من الولولة
مالك ومال الكورة
سماية ود الباوقة متين ؟
يا
كومبارس
|
Post: #9
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 03:18 PM
Parent: #8
قلنا نعملا مع طهورك ..
كيف انت بالله بعد الحظر ..!!
|
Post: #10
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 03:22 PM
Parent: #9
اتوقع بعد قرار أداء الهلال لمباراته مع المريخ ..
ان تجيب ليها مغص وصوت عربات ودبابات صلاح الدين .. لدي اخوانا المريخاب الملقبين بـ ( صابرين ) ..
|
Post: #12
Title: Re: دايرين هــــلال مريخ .. والحشاش يملا شبكته .. !!
Author: وليد محمد المبارك
Date: 08-06-2008, 03:56 PM
Parent: #10
كفارة يا عكم ..
والله صعبة عليكم وكتير
المحكمة ، والاتحاد الافريقي ، والفيفا
فضل ليكم مجلس الامن
شايف الوزير زاتو عمل حمد لبت
|
Post: #14
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 04:15 PM
Parent: #12
الوزير داير يعمل فيها وزير .. اساسا ما عارف ان وزارة الثقافة والشباب والرياضة دي وزارة ترضية ..
واول ما الحكومة بتتزنق بتلغيها .. وبتطلع لينا بأسم جديد ..
وصاحبنا صلاح ادريس ماخد المسألة عنترية .. اصلو يا مان الجعلية ديل زمان في زول كضب عليهم قال ليهم انتو أرجل ناس ..
رغم انه التاريخ لا يحفظ لهم غير الشارع الجا جاري بيهو عمك يرحمه الله ويغفر ليهو ويدشدش الطوبة التحت دماغه ..
..
..
هسع يجيني واحد جعلي ينطط لينا في البوست دا ..
|
Post: #13
Title: Re: دايرين هــــلال مريخ .. والحشاش يملا شبكته .. !!
Author: Samau'al Abusin
Date: 08-06-2008, 04:12 PM
Parent: #1
Quote: شداد قاصد الهلال دي ما فيها اتنين تلاتة ..
وعندما يتضرر الهلال اكيد الكسبان المريخ ودي برضو ما دايرة ليها تفكير كتير وحبة بندول وكباية شاي .. |
الحبيب حميده،
طيب، المطلوب من المريخ يعمل شنو في الحالة دي؟
كدي فكر فيها كده بي رواقة!
بالجد الدوري الممتاز يشيلو منو دي ما مشكلة الهلال العويصه هسه. المشكلة إنو الهلال كلو لايص في المولد العاملو صلاح إدريس دا و ما في "كفء" واحد في الهلال قادر يقول "بغم".
على الهلال أن يسلك الطرق القانونية و كفاية عنتريات، قد يكون للهلال حجة قانونية في موضوع التجنس، لكن لكل شئ قنواته المعروفة و لأعلى المستويات، و على الهلال أن يسلك القنوات القانونية للمطالبة بما قد يدعي أنه حق. لكن أسلوب الصدام غير المؤسس مع الإتحاد سيضر بالهلال في نهاية المطاف. قرار المحكمة الإدارية دا قرصة أضان بس، الجايي لسة قدام لو إدارة الهلال إستمرت في تخبطها دا.
أما حكاية كمال شداد دا البقى مريخابي هسه دي، و الله بي بندول و ثيرمس شاي ما بتتفهم!!..
|
Post: #15
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-06-2008, 04:33 PM
Parent: #13
يا سمؤل ..
ما قلنا الحكاية ما المريخ .. مع الاخذ في الاعتبار انه المريخ هو المستفيد رضى ذلك أم لم يرضى ..
ونرجع لنقطة انه شداد قاصد الهلال .. وما لصالح المريخ ..
كما ذكرت ليك في اول البوست انه دي مشكلة شخصية بين شداد وصلاح ادريس ..
استخدم فيها شداد سلاح القانون مستفيدا من جهل صلاح ادريس بقوانين الكورة ..
وحتي حكاية التجنيس .. لشداد واتحاده الحرية الكاملة في وضع الاسس والضوابط لإدارة المنافسة المحلية ..
مش يقول ليك ما تلعب بمجنسين .. ممكن حتي يقول ليك تلعب بلاعبين اسمهم واحد .. مع الاحتفاظ فقط بالضوابط العامة للفيفا ..
11 لاعب .. 3 تغييرات .. 3 نقاط للفوز .. 1 نقطة واحدة للتعادل .. والقوانيين الاطارية للفيفا .. عشان الفيفا يحسب ليك المباراة دي ضمن مبارياته ..
ودا كلو ما إلزامي .. بس الفيفا ما حيعتمد ليك المطش في سجلاته بالنسبة للتصنيف الدولي وعدد المباريات بالنسبة للاعبين ..
يعني عادي ممكن تعمل 11 تغيير .. وتلعب بستة .. وبدون نقاط .. كما يحدث في المباريات الودية ..
عندما أعلن شداد عدم السماح باكثر من لاعب مجنس في صفوف الفريق .. كان يستند علي مادة في القانون بتتيح ليه ذلك .. رغم تضرر الهلال من هذا القرار ..
وعمل جميع الاجراءات القانونية لإقامة مباراة النيل الحصاحيصا ..
يعني بالقانون كدا شداد ما عليه اي غلط ..
رئيس الهلال معتمد علي سمعة ومكانة الفريق في السودان وبعض الجينات العنترية التي اكتسبها من اهله الجعليين ..
ووقع للوزير في جرح .. كون انه الوزير غير معروف وببني ليهو في صرح جماهيري ..
ووقع الاتنين في فخ شداد ..
خطأ كبير يتحمله صلاح ادريس بالانسحاب من مباراة النيل الحصاحيصا التي كان ممكن ان يكسبها الهلال بكل سهولة ( حصاحصيا بتاع مين ياخي ) ..
وانسحاب الهلال من مباراة القمة بيكون ذي العايرة وادوها صوت ..
ولن يتنازل شداد عن قراره .. بالمحكمة ولا يجي علي ضهر دبابة .. والقانون في صفه ..
وقد اوضحت المحكمة وبالقانون برضو خطأ قرار الوزير .. والفيفا والكاف اعتبرت ذلك تدخل في شأن اتحاد أهلي ..
..
..
اتخيل لي ( حي العرب ) عمل خدمة كبيرة للهلال بفوزه علي المريخ .. والمباراة القادمة حتحسم الجدل الدائر دا ..
لو الهلال فاز علي المريخ .. وتقدم خطوات ايجابية في البطولة الافريقية بلقى سند جماهيري يخلي ستين شداد يتعامل مع الهلال باحترام ..
وبانسحاب الهلال بيكون اهدى المريخ بطولة الدوري وفرصة اللعب في دوري ابطال افريقيا .. يعني المريخ ألا يقول ما داير ..
|
Post: #16
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-07-2008, 12:14 PM
Parent: #15
فجر مجلس ادارة نادي الهلال مفاجأة من العيار الثقيل معلنا تحفيز نجوم الفريق بحافز يصل الي 10 ألاف دولار لكل لاعب في حالة تحقيق
الفوز علي المريخ في مباراة اليوم وتجئ هذه الخطوة تحفيزا وتشجيعا من مجلس ادارة الهلال للاعبين وحرصهم الشديد على اغتنام نقاط المباراة لمواصلة الانتصارات وتحقيق التوالي السادس في منافسة الدوري الممتاز لكرة القدم·
|
Post: #17
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-07-2008, 12:16 PM
Parent: #16
قال الاستاذ عماد الطيب الامين العام لنادي الهلال اننا في مجلس الادارة ظللنا نتابع مايدور خلف الكواليس حول تداعيات مباراة القمة وادارة
حكام بعينهم لها ويجب ان نؤكد باننا علي ثقة بالحكام الذين سيتم اختيارهم ولانعتقد بان القائمين بامر تنظيم هذه المباراة يعلمون جيدا حساسية مباراة هلال مريخ ويعلمون جيدا حساسية المباراة تحديدا لانها تقام في ظل ظروف عالية الحساسية ولانملك الا ان نتمني ان توفق لجنة التحكيم المركزية في اختيار القوي الامين في ادارة هذه المباراة والتي نتمنى ان تكون في مكانة وسمعة ناديي الهلال والمريخ علي المستويين الافريقي والعربي.
|
Post: #18
Title: Re: دايرين هــــلال مريخ .. والحشاش يملا شبكته .. !!
Author: وليد محمد المبارك
Date: 08-07-2008, 12:33 PM
Parent: #17
| Quote: ويعلمون جيدا حساسية المباراة تحديدا لانها تقام في ظل ظروف عالية الحساسية |
يعني احتمال يتعاد شريط دحدوح الزمان داك
كتروا البوليس والاحطياطي والبنبان يا وزارة
|
Post: #19
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-07-2008, 12:39 PM
Parent: #18
زيكو .. وآآآي وآآآي ما دايرين ..
..
..
يا وليد دي الفرصة الاخيرة للمريخ انه يشم قدحة كأس الدوري الممتاز ..!!
..
..
|
Post: #20
Title: Re: دايرين هــــلال مريخ .. والحشاش يملا شبكته .. !!
Author: وليد محمد المبارك
Date: 08-07-2008, 12:44 PM
Parent: #19
| Quote: يا وليد دي الفرصة الاخيرة للمريخ انه يشم قدحة كأس الدوري الممتاز ..!! |
انا خايف الهلال يتغلب وينسحب .. وشداد ينزلو التانية
بس عليكم الله
ما تكسروا لينا استادنا السمح يا حاقدين ....
اصلكم متعودين مرة مكسرنوا ومره حارقنو
|
Post: #21
Title: Re: دايرين هــــلال مريخ .. والحشاش يملا شبكته .. !!
Author: حمزاوي
Date: 08-07-2008, 12:53 PM
Parent: #1
يا حميدة اخوي
الكلام الانت قلتو في سماية وزير الري قاعد يحصل
شداد حيمرمط الوزير وصلاح ادريس والبقية بالقانون
وفعلاً ذي ما انت قلت قاعد يمرمط فيهم واحد تلو اخر
تعرف يا حميدة الهلال ما بيشبهك
انت المفروض تكون مريخابي
|
Post: #22
Title: Re: دايرين هــــلال مريخ .. والحشاش يملا شبكته .. !!
Author: وليد محمد المبارك
Date: 08-07-2008, 12:55 PM
Parent: #21
| Quote: انت المفروض تكون مريخابي |
قلشها
|
Post: #23
Title: Re: دايرين هــــلال مريخ .. والحشاش يملا شبكته .. !!
Author: Faisal Elrasheed
Date: 08-07-2008, 12:56 PM
Parent: #1
يا حميده ....
المريخ في الموضوع ده كللللله لا ناقة له ولا جمل
زولكم الراسو ضارب ده برااااه جاط الدنيا
وانضم ليه وزير النفايات ده
يعني اتلما المتعوس علي خايب الرجا
فضحونا وشرطو عينا
يعني نحن ناقصين بلاوي 
وانحنا الكاس حقنا ...دي ما بختلفوا فيها اتنين .. بس انتو دايرين تمسخو لينا الكاس
لكن برضو الليله مرشوشين ومفرتقين انشاء الله
والنشوف نهاية حفيد اجري رجل في افريقيا ... العملو ليه كبري ده
ونشوف الساعة 8
ــــــــــــــــــــــــــــــــــ
تخريمه: اها عملته شنو في الموضوع
|
Post: #24
Title: Re: دايرين هــــلال مريخ .. والحشاش يملا شبكته .. !!
Author: ثابت محمد
Date: 08-09-2008, 07:43 AM
Parent: #1
| Quote: دايرين هــــلال مريخ .. والحشاش يملا شبكته .. |
قلت الحشاش يعمل شنو يا حميدة ؟؟
ما سمعتك قول تاني .. هههههههههههه
الخوف من الإنسحاب والتجميد بعد الفضيحة
تبقى عليك هناااية وهنااااي .. ( أقصد حشفاً وسوء كيلا ) 
المريـخ يصـدر بيان : لعناية الأربـاب وراعي الضـان
الحشاش يملا شبكتو ولا شبكة المعز ؟؟
يسألني الله يوم الوقفة العظيمة المسمااار حاااااار
|
Post: #25
Title: Re: دايرين هــــلال مريخ .. والحشاش يملا شبكته .. !!
Author: Farahat Sayed
Date: 08-09-2008, 08:04 AM
Parent: #24
الحشاش يملا شبكتو ولا شبكة المعز ؟؟
يسألني الله يوم الوقفة العظيمة المسمااار حاااااار
حميدة الجقلبه فوق كم
ثابت انا زاتي الله يسالني معاك
يا اخونا وين المعترفين راكوبه وحسين يوسف وسامي عبد الوهاب
|
Post: #26
Title: Re: دايرين هــــلال مريخ .. والحشاش يملا شبكته .. !!
Author: الحاج حمد الحاج
Date: 08-09-2008, 08:22 AM
Parent: #25
حميدة تحياتي
البوست رائع بغض النظر عن شبكة المعز المليناها..
|
Post: #27
Title: Re: دايرين هــــلال مريخ .. والحشاش يملا شبكته .. !!
Author: humida
Date: 08-09-2008, 10:29 AM
Parent: #26
كدا بالجد كل ككو طلع شدرته ..
اتمنى ان يجد صلاح ادريس شدرة وارفة ظليلة ..!!
|
|