Post: #1
Title: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 00:38 AM
SudaneseOnline Members - Riyadh
|
Post: #2
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 00:39 AM
Parent: #1
|
Post: #3
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 00:50 AM
Parent: #2
|
Post: #4
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 00:51 AM
Parent: #3
|
Post: #5
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 00:56 AM
Parent: #4
* الصفحة قيد الانشاء .. واتمني ان اي زول يساهم معانا بفكرة ..
* تحتوي الصفحة علي صور وفيديو لمناسبات بورداب الرياض ووصلات لجميع المواضيع المتعلقة بالبورداب في المنبر العام
* الانضمام للمجموعة علي الانترنت متاح للجميع فقط يتطلب تسجيلك في موقع الـ Facebook
..
..
اتمنى ان يكون لكل تجمع من تجمعات البورداب .. صفحة خاصة به علي موقع الـ Facebook ..
عمل الصفحة بسيط جدا ..
http://www.facebook.com/group.php?gid=28183745464
|
Post: #6
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 01:00 AM
Parent: #5
شكرا للاخوان ..
* عادل عبدالعاطي
* العوض الطيب
* عزة جعفر
* Thon Garang Bior
* Cecilia Adeng
* رانيا المصري ( حبيبة سودانية ) ..
لانضمامهم للمجموعة علي الانترنت ..
|
Post: #7
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: عزاز شامي
Date: 04-02-2008, 06:19 AM
Parent: #2
جهد مقدر، يديك العافية
|
Post: #8
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: Elawad Eltayeb
Date: 04-02-2008, 07:47 AM
Parent: #7
الأخ العزيز حميدة
مقدرين جهودك للم الشمل، ربنا يديك العافية.
عوض الطيب
|
Post: #9
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: اساسي
Date: 04-02-2008, 08:13 AM
Parent: #8
والله يا حميضة الحركة عجبتني لمن سجلت
فتحت في الرياض يا منقة
|
Post: #10
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: دينا خالد
Date: 04-02-2008, 12:16 PM
Parent: #9
حوميدة !
علاقتك مع الفيس بووك دى مريبة ، كلو كلو ما عاجبانى !!
Quote: عادل عبدالعاطي
* العوض الطيب
* عزة جعفر
* Thon Garang Bior
* Cecilia Adeng
* رانيا المصري ( حبيبة سودانية ) ..
|
عليك دينك هسه ديل بورداب الرياض ؟
ــــــــــــــــــــ
جد جد ياحميدة غلبنى اسجل فى بوكك دا ! بعدين دايرا لى
تكتيكات مع التسجيل بتاعت قفل الناس ومافى زول يجيك الا انت عايزو وكدا
شايفا لى ايميل فوق اسمو حميدة اونلاين ؟ لو ما وهمى خلينى التقيك فيهو .
|
Post: #11
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: nadus2000
Date: 04-02-2008, 12:38 PM
Parent: #9
الأخ حميدة وبورداب الرياض
تحياتي ليكم، والفكرة بالجد رائعة، ونستأذنك لنأخذ الفكرة ونتطبقها على بورداب الدوحة.
|
Post: #17
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 01:43 PM
Parent: #8
| Quote: مقدرين جهودك للم الشمل، ربنا يديك العافية. |
اخونا العوض ..
دايما نحن السودانيين متخلفين درجة عن الناس في الانترنت ..
والبتاع دا يعني لامي اي ضب حايم علي وجه الكرة الارضية .. 
نحاول نستفيد منه بالطريقة البتخدم اهدافنا ..
|
Post: #12
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: Tabaldina
Date: 04-02-2008, 12:52 PM
Parent: #1
..
.
فكرة جميلة يا حميدة ..
بس اساساً فى مجموعة اعتقد عملها الملك اسمها
سودانيز اون لاين قروب
حسي عملتو الرياض براها وبكره الدوحة وبعد بكره الخرطوم
ياخى ما تتلموا فى كيان واحد احسن من الشتات دا
_______________
عالم تحب القبلية والتشرذم بصورة غريبة
|
Post: #15
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: Tabaldina
Date: 04-02-2008, 01:27 PM
Parent: #12
..
.
| Quote: الصفحة قيد الانشاء .. واتمني ان اي زول يساهم معانا بفكرة .. |
*
ياخى عليك اله يا مان ما تخمنى هى الصفحة ما جاهزة
شنو قيد الإنشاء دى !!؟
هم ناس بل غيتس ديل خلو ليكم حاجة تبتكروها
يا نوبي .. فك السيرفر تعال شوف تجدع حميدة
وكمان شوف بجاوب براهو :
Quote: تحتوي الصفحة علي صور وفيديو لمناسبات بورداب الرياض ووصلات لجميع المواضيع المتعلقة بالبورداب في المنبر العام
الانضمام للمجموعة علي الانترنت متاح للجميع فقط يتطلب تسجيلك في موقع الـ Facebook |
..
..
Quote: اتمنى ان يكون لكل تجمع من تجمعات البورداب .. صفحة خاصة به علي موقع الـ Facebook ..
عمل الصفحة بسيط جدا .. |
بختلف معاكـ .. ياخى يا ريت لو لميت الناس كلها
تحت مسمى وكيان واحد .. ودانيز اون لاين .. قروب
___________
برضو بحترم الفكرة .. عشان ما تتضايق
|
Post: #18
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 02:09 PM
Parent: #15
تبلدينا .. كدي اقعد النفهمك عشان ما تجي تعمل لي جوطة ..
الكيان بتاع بورداب الرياض .. حاجة منفصلة عن اي حاجة ..
ناس عندها علاقات حقيقية وبتتقابل يومي وعندها نشاط بتديره .. يعني بختلفوا عن معارف السايبر الحايمين في المنبر ..
..
..
تاني حاجة يا حبة ..
الكيان واحد .. سودانيزاونلاين .. وكل مجموعة تدير امورها بطريقتها تحت الكيان دا ..
ياخي المدرسة العلمتنا الكتابة دي .. فيها سنة اولى براها وسنة تانية براها .. وسنة سادسة براها ..
ما كانوا يلموهم في برندة كبيرة كلهم ... قسموها كدا لانه المصالح ما واحدة .. ما متضاربة .. لكن ما واحدة ..
..
..
بعدين انت وصلت فكرتك من الرد الاول .. طوالي تقطع ليك كوز موية وتدور ركشتك وتتخارج ..
وتنتظرني في الناصية .. بجيك اوريك الحاصل شنو ..
|
Post: #13
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: حمزاوي
Date: 04-02-2008, 12:54 PM
Parent: #1
Quote: والله يا حميضة الحركة عجبتني لمن سجلت
فتحت في الرياض يا منقة |
اساسي اخوي
الزول دا بقى تفتيحة جد جد
كمان بقي محسي الميول
أنا وبحكم عدم معرفتي بالنت وخباياه
غايتو مسلمو امري
أنا أسمي مكتوب يا حميده
اللهم أهدي صلاح شتات
قولوا آميييين
|
Post: #16
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 01:38 PM
Parent: #13
| Quote: جهد مقدر، يديك العافية |
عزاز شــامي ..
يديك العافية .. واتمنى انكم في جمعية الصحفيين تعملوا حاجة زيها ..
وتوثقوا النشاط بتاعكم بطريقة يقدر يصل ليها الجميع ..
|
Post: #19
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 02:12 PM
Parent: #14
| Quote: كل ناس بكوم ولا نتقسم |
تاني يا حبة .. عشان ما تفقد سوائل ..
بورداب الرياض الانا قاصدا ما ليها علاقة بالقروب الخاتي اللنك بتاعه دا ...
سمح ..
|
Post: #20
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 02:16 PM
Parent: #19
| Quote: برضو بحترم الفكرة .. عشان ما تتضايق |
لا لا ما تحترما ..
بالجد الحتة دي ما بستفيد منها كتير ..
انا عندي حاجة معينة بعمل فيها .. ولو ما عارف الطريقة البنجحا بيها ما بعملا من الاول ..
واساسا انت ما حتقدرا تحترما اساسا .. لانك ما عارف الفكرة منها شنو .. والضرورة الخلتنا نعملا ..
..
..
طبعا يا تبلدينا انا بحب ليك جدا الناس البتجي تفطس ليك حاجات الناس ..
بخلو الزول يكون متوتر وساكيهم اليوم كلو عشان يفطس ليهم حاجاتهم ..
يعني بيكون في منافسة شريفة ..
|
Post: #21
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 02:36 PM
Parent: #20
Quote: جد جد ياحميدة غلبنى اسجل فى بوكك دا ! بعدين دايرا لى
تكتيكات مع التسجيل بتاعت قفل الناس ومافى زول يجيك الا انت عايزو وكدا
شايفا لى ايميل فوق اسمو حميدة اونلاين ؟ لو ما وهمى خلينى التقيك فيهو . |
يا خالتي دينا .. البتاع دا اسهل من الاسهل ..
بس انتي ألبسي نضارتك وخلي حمودي ود بتك يجي يمسك ليك الماوس ..
..
..
الايميل وهمي لمن غلط زاتو ..
|
Post: #22
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 02:52 PM
Parent: #21
Quote: والله يا حميضة الحركة عجبتني لمن سجلت
|
اساسي قبل الكراسي ..
الفكرة من انضمامي الناس الما مقيمين في الرياض .. انهم يكونوا متابعين اخبار المجموعة ..
نحن في المقام الاول دايرين نخلق لينا كيان معروف ويكون عنده مؤيديين ومعارف ..
..
..
يعني مش في ( مرضى الكلى ) .. دايما بتلقى عندهم ( اصدقاء مرضى الكلى ) .. !!
|
Post: #23
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: ادم الهلباوى
Date: 04-02-2008, 03:04 PM
Parent: #22
أيه ده يا مبدع يا فنان نحن نعلم أن بورداب الرياض يملكون الموهبة والفنون
ويستطيعون أن يعملوا من الفسيخ شربات بس شويه لو ...
التحية أيضا للموثقين مبدعى الزووم مصورى الإبداع والفنون تمبس وود دفع الله
يا حميدو قالوا تذهب الأشخاص وتبقى السيرة الطيبة تشكر يا ظريف !!
يا أخى وين الراجل الراقى المهذب الظريف ( صلاح شتات ) لا أسكت الله له حسا !!
|
Post: #24
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 03:13 PM
Parent: #23
آدم ..
قلت لي الهلباوي دي جات من بني هلبة .. الكلام دا بقى فيهو شك ..
لاقاني جارك في الموردة .. قال لي آدم ذا موردابي اصيل حتي سميناهو آدم الهلباوي نسبة لهلب المودرة ..
قلت ليهو .. هلب الموردة .. ولا حلب الموردة .. !! .. قال لي الاتنين .. !!
|
Post: #31
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-06-2008, 12:49 PM
Parent: #21
up
|
Post: #25
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: Rihab Khalifa
Date: 04-02-2008, 03:21 PM
Parent: #1
و الما ساكن الرياض ياكل نيم؟
بتقبلو انتساب؟
|
Post: #26
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 03:45 PM
Parent: #25
| Quote: العضوية مفتوحة لجميع اعضاء المنبر |
انتي يا رحاب بس قولي ليهو انا جاي مع Humida .. 
|
Post: #27
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-02-2008, 04:46 PM
Parent: #26
(مسدار (الفيس بوك
Tarig Elkhidir Elsayed
بـسـم الله إبتـديـت باسـويـردي و الإيمـيـل
قال لـي حبـاب مرحـب طولتـا عـاد بالحيـل
وعنـدي ليـك رسايـل... قاطعـة الفيـن ميـل
امسـك تعـال جاوب...اهلـك صِحابـك ديـل ؟؟
٭٭٭٭٭
لقيت اسامي في صفحـة... كتيـرة جـد بِالكٌـوم
فيهـا نـاس مـن لنـدن امريكـا و الخـرطـوم
وال مـن زمـن الجهـل... كٌنـا بنكٌـد الــدوم
والسمحـة الحنينـة الحمـت عيـونـي الـنـوم
٭٭٭٭٭
تجيك في لحظة رمشـة عيـن ال (Notification)
لا تتـعـب تـلــف لا تنـتـظـر بـعـديـن
فلان كتب لفلانة...و باقـي الكـلام بـي ويـن؟؟
تلقـي الشـمـار الـزيـن بـس تعمـل(Click)
٭٭٭٭٭
شوف عامـل الزمـن خلانـا كيـف فـي حيـرة
المشاطـة الزمـاآآآن جايبـة الخبـر و السـيـرة
وشيخبـيـط الحـيّـط بالفحـمـة و الطبشـيـرة
!!! ابو تكنلوجيا خطيرة ... سموّه قال (Facebook)
٭٭٭٭٭
جابولنـا القديـم فـي شكـلآ حـديـث (Delux)
قالوا فـي كرسيـك لـو دايـر تسـوق (Hilux)
بالـمـاوس عـديـل تغيـيـر الجـربـوكـس
وإن بقـت للخلف...المـرايـا فــي ال (Inbox)
|
Post: #28
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: سارة عمر
Date: 04-02-2008, 10:37 PM
Parent: #1
اخي حميدة
فكرة جميلة
ونتقابل في الفيس بوك
مع مودتي
|
Post: #29
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: ادم الهلباوى
Date: 04-03-2008, 12:58 PM
Parent: #28
Quote: آدم ..
قلت لي الهلباوي دي جات من بني هلبة .. الكلام دا بقى فيهو شك ..
لاقاني جارك في الموردة .. قال لي آدم ذا موردابي اصيل حتي سميناهو آدم الهلباوي نسبة لهلب المودرة ..
قلت ليهو .. هلب الموردة .. ولا حلب الموردة .. !! .. قال لي الاتنين .. !! |
يا حميدو ذكرتنى جارنا ود الموردة ده ما عصام ود الحبشية أصلا أبوه حلبى عند دكان
فى شارع العدنى أم درمان بتاجر فى الشى !! وبعد ما نميرى حرم المسألة وكسر القوارير
ودفق الشى فى البحر قام أبوه هاجر لكندا .. طبعا غنت عارف أمور الحلب الواحد لأنو مضيع
بفتكر الناس كلهم ما عندهم أصول .. الجماعة قالوا كل من ضيع أصله قال أنا ( جعلتى )
سيبك منو يا صحبى أصلا ديل ما عارفين المثل القول ( العارف عز مستريح ) برضو وصل تحياتنا
ليه ولك أنت المودة والاخاء الجميل ومحبة فى الله والوطن ليس لها مثيل !!
أخى حميدة بدون زعل عندى اقتراح ارجو توجهه للاخوة بورداب الرياض :
نطالب بمؤتمر عام وجمعية عمومية لتكوين كيان قوى ومتماسك لبورداب الرياض ايه رايك !!
لأنو أناشايف المسالة كدة جايطة وبدون مؤسسية وأنا أقترح المؤسسية لأننى فى ندوات كثيرة
يقوم واحد يتحدث بإسم بورداب الرياض سودانيزانلاين وخير شاهدة لذلك ندوة الصحفيين التى
أقيمت لمناقشة ( ظلم المرأة ) رغم أن هنالك رئيس البورداب إلا أن أحد أخر خاطب الجمع
بإسم بورداب الرياض مما جعلنا نندهش لهذا التصرف !! يجب أن يكون الحوار بهدوء وبدون
إندفاع مع تحياتى وفائق إحترامى ..
|
Post: #30
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: humida
Date: 04-05-2008, 09:03 AM
Parent: #29
سارة عمر ..
مرحب بيك يا ستي ..
آدم الموردة .. ( علي وزن حيدر بورسودان ) ..
Quote: نطالب بمؤتمر عام وجمعية عمومية لتكوين كيان قوى ومتماسك لبورداب الرياض ايه رايك !!
|
انا زاتي نطالب معاك .. و نشوف الريس بجي يقول شنو ..
|
Post: #32
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: ابو جهينة
Date: 04-06-2008, 01:00 PM
Parent: #30
آدم ( الحلباوي الهلباوي الحلفاوي )
تحياتي
Quote: لأننى فى ندوات كثيرة
يقوم واحد يتحدث بإسم بورداب الرياض سودانيزانلاين وخير شاهدة لذلك ندوة الصحفيين التى
أقيمت لمناقشة ( ظلم المرأة ) رغم أن هنالك رئيس البورداب إلا أن أحد أخر خاطب الجمع
بإسم بورداب الرياض مما جعلنا نندهش لهذا التصرف !! يجب أن يكون الحوار بهدوء وبدون |
حضرت الندوة و معي نفر كريم من البورداب .. و غادرت الندوة لظرف طاريء و كلفتُ الأخ يوسف السماني بإلقاء الكلمة نيابة عني.
هذا ما لزم توضيحه ..
أما تكوين جسم متماسك .. فأقول لك بأننا حاولنا من قبل عمل دستور و نظم و قوانين تحكم البورداب ... و لكن في كل إجتماع تكون الغلبة للطريقة الحالية ..
يبدو أن قوة البورداب هو في هذه الطريقة ( الأخوية ) ...
و رغما عن هذا لا نمانع في أي إقتراح يجمع عليه البورداب ...
دمتم
|
Post: #33
Title: Re: مجمـــوعة بــورداب الرياض علي الــ Facebook .. العضوية مفتوحة لجميع اعضاء المنبر ..
Author: ادم الهلباوى
Date: 04-06-2008, 02:04 PM
Parent: #32
والله ياريس أبوجهينة إنت على العين والرأس لما عرفت به من دماثة خلق
وعشرة طيبة طيلة معرفتنا بكم لم نرى إلا ما يسر العين ويفرح القلب
إسكيلك فريد ومقامك عالى كل الذى قصدناه أن يحضر الجميع وهنالك
اشياء كثيرة لا يمكن أن تتم ما لم يكون الجمع مترابط ومتماسك ولن
يتاتى ذلك إلا بموسسة جامعة تحكمها ضوابط ورؤى مع تحياتى وفائق إحترامى .
|
|