هل تنصــل جهاز الأمن عن تهديده للمناضل البحــيري .. ( هبت رياح الديمقراطية ) ..!!

كتب المناضل ..

Quote: النتيجة النهائية أنهم تنصلوا عن تهديدهم وهذا في حد ذاته جيد

وكتب ايضا ..

Quote: يبدو أنهم تمكنوا من توريط حامد ، في لحظة ما ، في الامر إذ حاول زعم أنه هو كان مهاتفي ولكن صوت الامس لم يكن صوته

* حامد شقيق فتحي .. ( ركز معاي في النقطة دي ) ..

اعزائنا المشاهدين ( المساكين ) ..
ابراهيم بقال قبل كدا عمل نفس السيناريو ..
إلا انه كان ( جرسة ) وقال يا أخوانا ( ماذا افعل ) ..
سأل سؤاله ( الإنبطاحي ) هذا وهو ( يكرع ) كباية عصير ( ساقطة ) في بهو المريديان ..
واليوم فتحي البحيري .. يقول هو امكن اخوي لا ما اخوي .. ودا ما صوته ..
رغم تأكيد أخوه انه هو الاتكلم معاهو في التلفون وكان بهظر معاهو ( بيكون عارفه زول جرسة وبتاع هوايل ) ..

الاسلوب ..
أسلوب أمنجية إستعمله قبلهم المصريين ..
يعمل الواحد إنه معارض عشان ( يزحلق ) أكبر كمية من الناس ..
وهي عملية ضحك علي الذقون .. يعني ( Double Agent ) ..

فتحي كان أحسن شوية من بقال ..
فقد أنزل الخبر عادي ( بدون انبطاحة للجمهور ) ..
ولكن ( الفبركة ) التي فضحت كذبه .. بعد اهتمام الجمهور المشاهد بـ( التفاصيل ) ..
قوله انهم ( تنصــــلوا ) ..

ياخي ديل لو عاوزين يغتسوا حجرك شنو البيمنعهم .. ؟؟؟
وكمان ( تنصــــلوا ) ..
ديل والله ( ينصلوك ) من بنطلونك وأنت ماشي ..


يا أخوانا ويا اعزائنا ..
بالله عليكم .. ( رفقاً بســيرة النضــــال ) ..

يعني هسع ( جون قرنق ) مناضل .. و ( بقال ) مناضل ..
نفس الإســم ينطبق علي الاثنين ..
علي عبد اللطيف وعبد الفضيل ألماظ مناضلين والبيجعجعوا من خلف الغرف المكندشة برضو مناضلين ..!!!
النضال كان كدا بقي ( ساهل موية ) .. ومن اليوم أعلن نفسي ( مناضل فوق العادة ) ..

يا فتحي يا بحيري ..
إنت ما بتحتاج لتهديد بتلفون ..
لو عاوزين يجيبوك بيجيبوك من أضانك ذي الخروف ..
وما بتلقى فرصة تعاين لشاشة الفلاترون ناهيك عن الجلوس وكتابة بوست ( استغاثة ) ..
هسع بكلامك دا معناها الحكومة دي ( ديمقراطية ) جدا ..
قاعد تشتم فيها ليل نهار .. وهي عارفة ( تلفونك ) .. وسايبنك تبرطع كدا ..
وكمان لو اتجرؤوا وهددوك .. يجو بعدها ( يتنصــــلوا ) ..

ياخي نصــــلتوا اي حاجة من كلمة ( نضـــــــــــال ) ..!!

حميدة أخوي رقيت فتحي مباشرة من كذاب لأمنجي؟!!!
يا حبيب مافي شي بيستاهل التكالب والتشكيك دة كلو
لنا

لنا الرايقة ..
انا ما من النوع البكيل الاتهامات جزافا كما يفعل الكثيرين ..
بالتحديد قلت دا اسلوب أمنجية ..
وليس بالضرورة ان يكون فتحي امنجي او عقيد في المعاش ..
ولك كل الحق في فهمك للأمور ..
ولو قعدتي بينك وبين نفسك .. بعيدا عن ( نجومية المنبر ) ..
أكيد حتديها ابتسامة كدا ..

الله يخلي لينا فتحي بحيري ..
يلا اهتفي معاي ..

الله يخلي لينا فتحي بحيري ..
الله يخلي لينا فتحي بحيري ..
الله يخلي لينا فتحي بحيري ..
الله يخلي لينا فتحي بحيري ..

Quote: humida

المنبر يا زميل ... فيهو قصص

شوف يا (حميده )

تعرف انا لى كم كل ما افتح المنبر ... استغرب ... لكن خلاصة استغرابى دا كان وبامانة ومعليش فى دى الكلمة يعنى ان اخوانا (المعارضين ) كان دا مستوى كوادرهم والله اخير للبلد دى (الكيزان ) ... اول شى مبالغة فى (اى شى ) .. وثرثرات بالبوستات تخلى شغلهم كلو (مكشوف ) .. حنعمل وحنسوى ... (عوارة عويرة ) .. ودا كوم وقصة هددونى وضربونى ومشو بى (الماسورة ) .. دا امن شنو البيتصل عشان يهدد ولاحظ النمرة ظاهرة رغم انو المهدد ممكن يمشى يشترى اى (بطاقة اتصال ) بستة الف جنيه وتجيك عبارة ( الرقم الخاص ) او (بدون رقم ) وطبعا فى القصة دى لو كلمتك بتموت من الضحك ... بس قلنا نستر

الاستاذ محمد حامد ، يااخى خلى الجماعه يفرحوا شويه، بالنسبه لى اول مره اعرف انو الكرت بى سته الاف ، يعنى يكون واحد كرهو فتحى قال خلينا نخوفو شويه الراجل ما صدق والهتيفه قاموا ، نتضامن ، نشجب ، نحن فداك، طلعت كلها فشوش . [/B

Quote: المنبر يا زميل ... فيهو قصص

محمد حامد ..
ياخي ما تقعد ( تهظر ) ..
هسع يجوا يشبكوني انت العملت ( مشكلة دارفور ) ..
وانت الاغتصبت ( كلتوم ) الجابوها في ( قناة الجزيرة ) ديك ..
و لو كان صحيت بدري ( طيارة جون قرنق ما كان وقعت ) ..

طيب بما انك زول ( كوز مصنف ) ..
أكيد بكون عندك صاحبك في الأمن ..
ممكن تسألوا لينا عن ( استراتيجة التلفونات ) شنو ..
قريت دراسة أمنية زمان في مجلة ( العربي ) الكويتية ..
أنه أسلوب جهجهة ( لمدعي النضال ) ..
يعني بتعالموا معاهم بمبدأ ( سهر الجداد ولا نومو ) ..

Quote: humida

شوف يا سيد

المنبر فيهو كم (قرموطى ) وناس تفك الكضبة وتصدقها ... زميلنا (فتحى البحيرى ) زول مبدئ وعندو موقف ( ودا من حقو طبعا ) لكن (تقسيمتو عالية ) ومن يوم المسيرة (الفاتت ) لو ملاحظ تقل العيار شوية وهسة دخل عالم كتيرة فى (مود ) بتاع انتفاضة وتشوف عينك يجى الاربعاء ويفوت و(اغالط نفسى فى اصرار اقول يمكن انا الما جيت )

حنك الامنجية
يا زميل دى قصة ما تشيل فى زول (روضة ) اقول ليك كيف ... اول شى اذا اصلا فى زول عاوز يهرش زول ليه يعنى يختار (البحيرى ) ما يشوف العناقر الكبار ويخمشهم ويلمهم و(تقل استعد ) والقصة تنتهى ونفترض .. فرضا كدا .. انو البحيرى دا رمانة ميزان خط الوسط فى المعارضة وانو زول خطير ومطلوب وكدا ... كيف يعنى زول بالحجم دا يكون طوالى (اون لاين ) وعندو اكتر من (سبعة ) بوستات فى الصفحة الاولى كلها مكتوبة من مقاهى انترنت جميلة بالتاكيد دا معناه انو زول مرتاح ومروق ناهيك من عدم منطقية قصة نمرة التلفون و(اى هو اخوى لكن عصروه والصوت ما صوته )

Quote: ولو قعدتي بينك وبين نفسك .. بعيدا عن ( نجومية المنبر ) ..

معلومة ليك يا حميدة المنبر ما كل حياتي ولا بعتبر روحي نجمة فيه ولا في غيره.(بدليل إني ما خاتة صورة)-الجملة السابقة على سبيل الدعابة-..
ممكن تكتب ردود بدون استفزاز للقدامك؟أكيد بيصب لصالح الحوار أي كلام Plain بدون استفزاز

تاني يا لنا ..
نجي نوضح ليك ( هو نحن عندنا كم لنا ) ..
شوفي يا ستي ..
مسالة نجومية البورد دي بنعاني منها كلنا ( الا انتي طبعا علي حسب زعمك ) ..
كوم الحاجات بكبر في البورد هنا ..
اقل حاجة ممكن نعمل منها قضية قومية اشتراكية انتهازية تدعو الي التآلف بين الشعوب ..
لكن واقع الحال ( واقعنا المعاش ) بقول في ظروف موضوعية كدا لو فكرنا فيها ..
حنعرف استحالة قيام الكثيرين منا بهذه الاقعال التي تصب في خانة ( الزول دا سوبرمان عديل كدا يا حبة ) ..
عشان كدا .. قلت ليك ابعدي من نجومية البورد ( يعني فكري في الناس دي وهم بعيدين من المنبر ) ..

بس ..

تاني ما حأقول ليك الرايقة .. انتي بقيتي ( جواطة ) ..

حميدة
كيفك
وقع لي الكلام عشان افهم..
منو قال لمنو شنو
برواااااااااااقة

Quote: (بدليل إني ما خاتة صورة)

حميضـــة
أسحب صورتكــــ


تعرف يا مان
الحنك ده ما ماشي من قولت تيت ..
قال تهديد بالتلفون قال..
يعني كان غالبهم يرسلو بتاع الشاي يجيبو من بيتهم .. و يترمي لمن سروالو ينصل .. ومافي زول يكون عارف هو وين ..

ياخي حنك بيش .. و عاملين لينا فيها مناضلين..
لكن قال ليك وصل الكضاب لحدي خشم بابهم ..

لقد تجرأت على اتهامي بالكذب يا كذاب عندما تخيلت أن مكر ليلكم ونهاركم قد أفلح في اقصائي
أغرقوا انت وأجهزة أمنكم الخبيث في شبر أحلامكم هذه

ونلتقي بالأربعاء

أحبتي الشرفاء : تجاهلوا هذا الكـــ ... ـــذاب
ما لدي واضحا ومبينا قلته في حينه

..وأمكنته المناسبة

أين ستسهر هذا الخميس أيها الكوز؟؟؟

Quote: أن مكر ليلكم ونهاركم قد أفلح في اقصائي

شنو يا تنصلوا ياخي ..
مالك فاتح فينا عربي فصيح ..
زمان يا بحيري .. تتذكر ( لمن كنا صغار ) ..
كان كل ما يجيبوا مسلسل اسلامي في التلفزيون ..
يمشي كل واحد فينا يعمل ليهو سيف ودرقة ..
والحلة تتقسم لمسلمين وكفار ..
لحدي ما تنتهي المسلسل في زول بتكون عينو اتقدت ..

يا بحيري يا عزيزي ..
انا ما اتهمتك بالكذب .. ( المتهم برئ حتي تثبت إدانته ) ..
وانت إدنت خلاص ..
حكاية اخوك دي .. وهو ولا ما هو .. ما بنشتري منها بتلاتة تعريفة ..
وانا مقتنع تماما ان ( كذاب ) ما فيها اتنين تلاتة دي ..
وانك مجرد زول ما قدر يحقق اي بطولات في الحياة الواقعية ..
جاي يعمل لينا فيها بطل هنا ..!!

علي العموم انا حاليا ما فاضي ليك ..
بجيك برواقة يا حبة ..
ونشوف فلم الكرتون دا نهايتو شنو ..

المنبر يا زميل ... فيهو قصص
وقصصصصصصصصصصصصصصصصصصص طويلة ياحميدة
شوفتو كيف جاء يشد من ازرك

Quote: شوفتو كيف جاء يشد من ازرك

عمنا مهدي الصادق ..
محمد حامد جمعة رجل حدد موقفه من البداية ..
وبكتب الحاجة البشوفها صاح ( في نظره ) ..
ولو نظرنا بصورة دقيقة .. حنلقى انه الديمقراطية بتستوعب الجميع ..
يعني دا جبهجي ودا شيوعي ودا ناصري ودا بعثي ودا زول ساكت ..
في حدود الاحترام .. ( الرأي والرأي الأخر ) ..

بحكم وجودنا ( انا و انت ) في محيط جغرافي واحد ..
تعلم يقينا ما هي توجهاتي السياسية ..
محاولة الترويج لشئ بين السطور .. اسلوب جبان ..
تعال قول الدايرو بكل وضوح ..
صدقني ما حأقطع ليك ( رأسك ) ..
ولا ( حـ ) أهددك .. و ( اتنصل ) .. !!

الايام دي يا حميدة يا اخوي في مصطلح شديييد ولضييييض في السودان بيقولوهو الحناكيش..
المصطلح إسمو:
داقي سيستم System
ودي بيقولوها لي الولد البيلبس بنطلون جينز ويكون ناصل لحدي الركبة
يا ربي يكون ناس الامن داقين سيستم وهم يتنصلون من البحيري؟؟؟

Quote: Quote: humida المنبر يا زميل ... فيهو قصص

!!!!!!!!???

Quote: Mohamed Suleiman

حميدة ... زميل بموجب (المنبر ) اما انت (ابو الدفاع )

الغريبة شايفة الناس عاملة (ميتة ) من البوست دا ... ليه !

Quote: الغريبة شايفة الناس عاملة (ميتة ) من البوست دا ... ليه !

تنصلو عنه

التحية للمناضل فتحي البحيري .

أم أشباه الكيزان وازلامهم في هذا البوست فليخسأوا ويموتوا بغيظهم


ناصر

Quote: أم أشباه الكيزان وازلامهم في هذا البوست فليخسأوا ويموتوا بغيظهم

ويحك يا رجل !

Quote: ويحك يا رجل !

وا وحيحي براي ...



ود الباوقة

الاخوة الشمشرجية ..
لسوء الحظ ولا لحسن الحظ ..
انه ما فضيت للبوست دا بمزاج ..
داير اقعد برواقة كدا ..
أحلل الوضع الاستراتيجي بتاع الود ( فتحي تنصلوا ) ..

يطالعنا الآن في الصفحة الاولي بوست للاخت لنا مهدي ..
اقرب للتصديق من ( فلم الكرتون ) بتاع ( فتحي تنصلوا ) ..
جهاز الأمن يستدعي د. عبدالنبي علي أحمد ،د. مريم الصادق...و أبو قرجة كنتباي !!

Quote: جهاز الأمن إستدعي هذا الصباح د. عبدالنبي علي أحمد الأمين العام لحزب الأمة القومي، د.مريم الصادق مساعد الأمين العام لحزب الأمة للإتصال و الإعلام و العلاقات الخارجية و القيادات و أعضاء المكتب السياسي الواثق محمد أحمد البرير و أبو قرجة كنتباي.

قارن الاسماء أعلاه .. و اسم سيدنا ( فتحي تنصلوا ) ..
تم استدعاهم ( الاستدعاء القانوني يكون بالتوقيع علي محضر استدعاء ) ..
يعني ما ضربوا ليهم تلفون ..
الســؤال ..
هل ( سـ ) يتنصل جهاز الأمن من إستدعاء هؤلاء ايضا ..
( كما ) تنصل من تهديد الاخ المناضل ( فتحي تنصلوا ) .. !!

كلام وجيه

حميده ياود حلتنا كيفك .

البحيري ده انا عارفو كويس زول بتاع حركات ساي وين في بتاع امن بيتصل بي التلفون

دي مكنه كبيره داير يربطها البحيري .

وتاني تنصل منها

ولك ودي

يتنصلون

Quote: هل ( سـ ) يتنصل جهاز الأمن من إستدعاء هؤلاء ايضا

حميضة
اعمل حسابك
قالو ( سـ ) دي بتفتح عمل الشيطان
زي لو


اها ان بقت فتحتو تبقي اثبات اخر لكذب الشيطان
وان ما فتحتو
الترابة في خشم الاستدعوهم

لا زلت مصرا على يتنصلون ..

فوق .. بالله شوف يوست عجيب زى دا ... متنصلين عنه

اين نصل القوم

... فهم "عنه" يتزاوغون*
___________
الشرح= ودابو زوغه

حميدة اخوي......
مايهمني في الموضوع دا حامد الحصل ليه شنوا؟؟
فتحي انا عرفتا الفيه لي زمن.......

بجيك صاد كان في العمر مدد

اين باقى علية القوم يا شباب

تنصل البوست الي الصفحة الثانية

عليه

























فوق..

يا جماعة انتو والله متلقيين حجج .. ما تخلو يتنصل .ما كلو ناصل ..


زي سحاب الضحي مشيو راحل كل ما رافع فيهو يمشى ناصل ....


ود الباوقة

حميدا يا صاحبي..

سين سؤال..



لماذا تنصل المتنصل..

Quote: لماذا تنصل المتنصل..

لانه ناصل ..

قال ( ارشميدس ) .. ووهو ينطلق عارياً ذات صباح .. بعد ان لمعت فكرته الألمعية التي أتت للعالم بنظرية شديدة الأهمية ..
وكان يردد ..
( وجدتها .. وجدتها ) ..

مناضلنا الجســور ( فتحي تنصلوا ) .. قال وهو متوسد جناح خياله ..

( المناضل المرتاح .. يساوي الناصل المنزاح ) ..

لم يقل ( وجدتها .. وجدتها ) .. بل أطلق نظريته الفريدة تلك ..
فهمها من فهم ..
و إبتلع طعمها من إبتلع ..
وقديما قالوا ..
( من جاور البحيري .. فليُبحر ) ..
أو كما قال ..

محمد حامد ..
دايرك تشوف لي ( ملحن فني ) .. داير اعمل ( نشيد ) للاطفال ..
و أديهو للود ( نازر ) يغنيهو في ( لقاءاته الجماهيرية ) ..

بقول النشيد يا سيدي ..

جاكم خبر الولد ( المناصل ) ..
قال ( مرفعين ) ضبلان وهازل ..
عاوز يعمل مناضل ..
شوفوا ياخي المهازل ..

المات في سبيل وطنو .. مناضل ..
والخالف رجلو .. والذكرو خامل ..
برضو داير يعمل فيها مناضل ..

ما خلاص ..
جاطت .. و هاصت ..
والنضال اصبح .. جامع وشامل .. ( لحم راس يعني ) ..

النضال .. ركزة مواقف .. وركزة مبادئ ..
مش من بدايتو .. ترجف مفاصلك ..
ونتبقى في ( تُنصل ) و ( ناصل ) ..
شوفوا ياخي المهازل ..

اولا ياحميدة
سيبك من جمعة وخميس والديمقراطية المزعومة
بعدين خلى عندك ادب انت تطاولت من قبل على ودقاسم وعلى حنين وتطاولت حتى على البروف واخيرا معتصم دفع الله
وماغريب عليك التطاول وقلة الادب
وراسى انا مابقطعوا واحد ..... زيك وافى داعى انا دير فى محيط الرياض ومعروف اين وجودى
واوعاك تزيد من حركاتك دى اى تعدى لى الحدودستجدنى امامك هذا ليس تهديد ولكن لكى كل حد يلزم حدوا وانتهينا

Quote: اولا ياحميدة سيبك من جمعة وخميس والديمقراطية المزعومة بعدين خلى عندك ادب انت تطاولت من قبل على ودقاسم وعلى حنين وتطاولت حتى على البروف واخيرا معتصم دفع الله وماغريب عليك التطاول وقلة الادب وراسى انا مابقطعوا واحد ..... زيك وافى داعى انا دير فى محيط الرياض ومعروف اين وجودى واوعاك تزيد من حركاتك دى اى تعدى لى الحدودستجدنى امامك هذا ليس تهديد ولكن لكى كل حد يلزم حدوا وانتهينا

مهدي الصادق ..
يا عزيزي الكلام الفارغ ما بقروش ..
انا ما عارف حرقك وين بالتحديد ..
لكن يا عزيزي القصة ما عنتريات .. ونفخة كذابة ..
حكاية ما غريب علي قلة الأدب دي .. برضو ترويج لفهم معين ..
وخليك من ود قاسم وحنين .. فكلنا نعلم يقينا من هم وماذا فعلوا ( ما مكانا هنا ) ..
المهم في الأمر .. انك لمن تجي تقول كلمة فارغة .. لازم تتوقع ردة الفعل ..
وكونك ما بتتستوعب الكلام البتكتب ليك .. دي مشكلة داخلية مسئول منها براك ..
و أكرر الكلام تاني ..
يا سيد مهدي الصادق لو عندك كلام تعال قوله عديل .. بدون حركات المشاطات دي ..
أظن كدا الكلام بيقع ليك كويس ..
أما حكاية اننا في محيط جغرافي واحد ..
فأكيد يا عزيزي .. دي بتسهل الأمور كتير ..
ومن هسع الأجاويد يمتنعون .. عشان انا زاتي عندي فهم داير اوصله ليك ..
وهو فهم فيزيائي بحت ...

و ادام الله فورتك .. يا عمو .. !!

Quote: انا دير فى محيط الرياض ومعروف اين وجودى واوعاك تزيد من حركاتك دى اى تعدى لى الحدودستجدنى امامك

سبحان الله يااااخ
الواحد يشوف الصوره بالعمه والجلابيه يقول القبه تحتها فكى
تقرأ اسلوبهم فى الحوار مصارينك تتقطع من المغصه !!!!!!!!

عشان البوست ده ما ينصل





بث

انت ياحميدة لسة ولد صغير روح العب بعيد
مشاطات دى سوف نصل لى حدها
الوساطات دى شغلتك انت ولا نسيت
انا فعلا ما بفهم عشان اتكلمت مع واحد زيك
انت فعلا قليل ادب وحقير كمان تطاولت على اعظم الرجال ودقاسم
حنين
معتصم دفع الله
والاخيرة كبيرة جدا وغير مبلوعة عزو شلاقة عديل ولى منو البروف عزالدين حامل جائزة الملك فيصل وعدد
اخر من الجوائز من المغرب والاردن ولبنان عددها يفوق العشرة صحيح المثل بيقول السفيه ........ الباشا
وما غريب عليك تتطاول على العبد الفقير لله ابو الصادق
والله ثم والله
ولا مافى داعى الشغلة ما بتستاهل هل كل دا
ونحن خلاص بطلناحركات الشفع دى من زمان وكلو خليناه والله يرحم

الاخ محمد على بشير
اولا فى سابق معرفة بشخصى
ثانيا انت عارف ايه خلفية الحوار
ثالثا لازم الواحد ينزل لمستوى الحوار ولا يكون فكى زى ما بتقول حتى تتبول عليه الكلاب الضالة
ارجو ان تكون فى الحياد ولا داعى للتحيز لطرف دونا عن الاخر بدون ان تعلم ما هو الموضوع اصلا
والسلام

Quote: انت ياحميدة لسة ولد صغير

يا سيد مهدي ..
اولا البوست دا استنفذ الغرض بتاعه ..
يعني ممكن الزول يرد عليك بمزاج ..
حكاية صغير دي .. انت قاصد بيها السن ولا العقل ..
كان السن .. والله ما صغير .. حيث شارفت علي الثلاثين ..
ومن ناحية العقل .. ممكن ..
بس في جميع الأحوال .. بنكون متساويين في النقطة دي ..
وذي ما ذكرت ليك قبل كدا ..
الكلام الفارغ يا سيد مهدي ما بقروش .. وكان علي قلة الأدب .. ( عضلات تبش ) ..

Quote: مشاطات دى سوف نصل لى حدها

دايما الناس بتظن سوء بالمشاطات ..
لكن الحكاية وما فيها ان المشاطة بتستخدم ( التورية ) ..
عشان ما تفقد رزقها .. ( نسوان الحلة كلهم بكونوا زباينها ) ..
عشان كدا بتجيب الكلام بفوق ..
راجع كلامك في مداخلتك الاولى .. وطبق التعريف السابق عليهو ..

Quote: الوساطات دى شغلتك انت ولا نسيت

نسيت والله يا مهدي ..
ممكن تجي تذكرني .. ان الذكرى تنفع المؤمنين ..
الشئ الوحيد البذكره ..
انه لمن تعرضت لشرف اسرة الاستاذ صلاح غريبة ..
اتصلت بيك انا .. وقلت ليك عيب يا مهدي الصادق ..

Quote: انا فعلا ما بفهم عشان اتكلمت مع واحد زيك

انا معاك في دي ..
انت غلطان يا مهدي .. تتكلم معاي ليه ..
امشي اتكلم مع الناس الشبهك ..

Quote: انت فعلا قليل ادب وحقير

اها دي نرد عليها كيف ..
نقوم ننبزك .. نبقى في واي واي حرقني ..
ما نرد عليك .. تفكها في روحك .. وتعتبر نفسك علي حق ..
ما مشكلة يا سيدي ..
نبلعها ..

Quote: كمان تطاولت على اعظم الرجال ودقاسم

والله دي قلبت فيها الهوبة ..
صحي شر البلية ما يضحك ..

Quote: حنين معتصم دفع الله

لا لا ديل خليهم علي ..

Quote: والاخيرة كبيرة جدا وغير مبلوعة عزو شلاقة عديل ولى منو البروف عزالدين حامل جائزة الملك فيصل وعدد اخر من الجوائز من المغرب والاردن ولبنان عددها يفوق العشرة

يعني انت هسع شايف انه البوست بنطبق علي البروف عز الدين ..
طيب تمام يا زول ..
دا رأيك .. وانا احترم رأيك ..
اذا شايف الحاجات دي في البروف .. فأكيد انا لازم احترم وجهة نظرك ..
الديمقراطية بتقول كدا ..

Quote: وما غريب عليك تتطاول على العبد الفقير لله ابو الصادق

اساسا هي لو بالفهم دا ..
مش أطاول عليك بس .. ممكن أديك بالجزمة كمان ..

Quote: والله ثم والله

والله يا مهدي .. التقول ما بعرفك ..
لكن برضو عجبتني ..

Quote: ونحن خلاص بطلناحركات الشفع دى من زمان وكلو خليناه والله يرحم

صدقني ما بطلتها لسع ..
والدليل الكلام الفارغ البتكتب فيهو دا ..
سؤال يا سيد مهدي يا ابو الصادق يا كبير يا البطلت ..
الدخل ودقاسم وحنين ومعتصم والبروف .. شنو في البوست دا ..
غير انك انسان خسيس داير تعمل فتنة بين الناس ..
لو كنت كبرت يا سيد مهدي كان لعبتها احسن منك ..
بس ظاهر عليك غبي .. غبي ولايوق ..

حسما للمناكشة دي يا ابو الصادق يا البطلت ..
بقول ليك ..

لا مهدي .. لا حاجة ..
بل ضليل .. ونفخة لجلاجة ..
لا سيد .. ولا حاجة ..
بل مسيود .. بنفخة ضجاجة ..
لا صادق .. ولا حاجة ..
بل .. كضباً كاضب .. وهرجة رجراجة ..

والي هنا نخلي ( شَكل المصريين ) دا ..
والي ملتقى ..

تن تش .. !!

\انت زعلت يا الكبرت وعديت التلاتين
طيب ما باين عليك
......
والله عندك موهبة فى الشعر
انا خسيس مش ان صاحب البوست البيقول محمود الكضاب الهو الاخ ودقاسم
ثانيا انت مش صاحب البوست البيقول عزو شلاقة بعد سماية ودالباوقة والقصة المشهورة
واما حنين دا موضوعو تانى
واخيرا معتصم وبراك جريت واطى
شوف ياولد قالوا البهدد ما بضرب الوادى
.................
انت طلعت فى الكفر ولكن اعمل حسابك ما تنزلق بنخاف عليك تنكسر
.........................
الجملة دى ما كانت فى بوستك الحالى ارجو ان تخلى روحك رياضية
ديل والله ( ينصلوك ) من بنطلونك وأنت ماشي

انت ياولد ياحميضة
ما ملاحظ حاجة
الناس الاتلامضت معاهم كلهم فى العمر فى مقام والدك وبهذا تكون عديم تربية انا ماجبت حاجة من عندى
واى شى متوقع منك
ثالثا . انا لم اتجنى على الاستاذ صلاح غريبة ولم اتعرض لعرضه بل نقلت بوست رد من الاستاذ صديق الجيو
على مساجلات بينه وغريبة ودى الخساسة التى تتحدث عنها
رابعا انت تعتبر من اصغر الاعضاء فى المنبر سنا وهذا يفرض عليك احترام كبار الاعضاء وخاصة المؤسسين لبورداب
الرياض تحديدا ود قاسم وغيره من القادة .
وبعدين اتلاقينا وين انا وانت وبتعرف ايه عنى كل المناسبات التى جمعتنا ومن بعيد لا تتعدى الربع ساعة فى كل المقابلات .
اخيرا اقول ليك كلمة بسيطة جدا وانت لسة قدامك المستقبل واعد خاصة ما تنشده من قيادة لى اى مجموعة هذا ليس
بالاسلوب الذى يوصلك لهدفك واهو الزعامات المزاحماك واحد سافر والثانى تنحى والبقية فى نهاية دورتهم وهنيئا لك زعامة بورداب الرياض

مهدي الصادق ..
الي حد ما كنت احافظ لك علي فرق السن الذي وهبتك له السنين ..
لكن كما يبدو لي انك من ناس ( القلم ما بزيل بلم ) .. فقط استبدل القلم بالسن ..

انتهي نقاشي معاك ..
لسبب بسيط ..
أجمع لي الكثيرين ممن هم اقرب أليك .. ويعرفوك أكثر مني ..
ووبصريح العبارة ( ياخي مهدي دا زول حيوان ما تشتغل بيهو كتير ) ..
واذا أجمع الناس علي شئ .. فتحسس رأسك ..

عشان كدا .. امشي يا زول ربنا يسهل عليك وعلينا ..

وشكرا .. !!

برضو ودقاسم كان حيوان
برضو حنين وغيره كانوا حيوانات
هى بس الدنيا بت كلب البتخلى واحد....... زيك يتطاول
المهم انا من جانبى سوف احسم هذا الموضوع بى طريقتى

Quote: المهم انا من جانبى سوف احسم هذا الموضوع بى طريقتى

قول .. انشاء الله ..

مسابقة : ماذا تتوقع أن تفعل الجماهير التي نفد صبرها بال... إذا مكنها الله منه

فتحي البحيري ..
انا انتهيت من المسألة بتاعتك دي ..
وذي ما ذكرت لمهدي الصادق ( البوست استنفز غرضه ) ..
بعد دا بنخلي المُشاهد يحكم .. وانا واثق من فطنته ..

في مجمل الأمر ..
انا أحمد لك نضالك .. وحبك للبلد .. وكونك داير تعمل حاجة ..
لكن يا سيد فتحي .. ما ممكن نعالج الكعب بالكضب ..
السياسة تغري الناظرين .. وفيها منافع آخرى .. وبطولات ..
بين السياسي والمنافق الكذاب .. ( شعرة ) ..
فلا تلقي بنفسك الي التهلكة .. ( أتقي الشبهات ) .. وما تستعجل ...
لان قضيتك ( علي حد زعمك ) .. أنبل وأقيم من مكاسب فردية ..
وأكيد أكبر من بوست يهلل فيه بعض ( الهتيفة وسابلة الطريق ) ..

( اتق الله حيث ماكنت واتبع السيئة الحسنة تمحها وخالق الناس بخلق حسن ) ...

Quote: طيب بما انك زول ( كوز مصنف ) .. أكيد بكون عندك صاحبك في الأمن ..

حلوة وملعوبة ياحميدة

حميده

سلام

نمره واحد كدى كنتا الايامات بجى البورد القى ليك
فتحى البحيرى ديــك العده ملاى ليك الصفحة الاولى
بوستات المهم من خلال البوستات عرفته انو قال تلقى تهديد من جهاز الامن
والبوست كان عباره عن خمية تكفيرات وكدا( يازول حمد الله على السلامه انشاء انتا كويس ...اى وديل ياخى اولاد كلب جريو وكل الاجمال )

نجى لى الحقائق التى طرحها ديــك العده نمره واحده يا جماعه انا من شدة ما مناضل خطرى وكعب لى الديــن ناس جهاز الامن هدودننى وملاحقنى ياخى ما تقنب ساكت ..انا فى راى انو فتحى ده علق من علوق الله وعوير ...هسى على دينك يا حميده فى زول بجى بقول كلام ذى ده بتصدق ..يعنى ناس الامن ديل ولا ناس ضنب القرد ديل قالبم اجيبوا فتحى ده من جعبتوا
يا ناس فى حاجه اسمه عقل وفى حاجه اسمه منطق واذا لم يتوفر الاثنين فانتا علق وعوقه
زول بتاع ربربه ساكت ذى ديك العده البحيرى ..اها نمشى قام ديك العده خته رقم تلفون قال يا جماعه هووى كمان ده تلفون ناس الامن اتصلوا بيهم واتاكدوا بانى بقول كلام ما بيش ساكت اها الجماعه شيلوا التفلون واتصلوا ....الجواب جا من اخو فتحى البحيرى هاى ..الو انا منو ما تعرف اخو فتحى ..اها شكرا يا حمودى يعنى فتحى اخوك ...اى يا عمو ولا خالوا ..الناس جات تانى اها يا فتحى الديـك اتصلنا بالرقم وطللع اخوك.....
فتحى جاى ناطى وجارى لانو عارف انو حنكوا بيش شبك ليك الناس يعنى عايزين تتطلعونى كذاب ...هسى فى زول قال انتا كذاب ..يعنى فتحى الديك عارف نفسوا كذاب ...عايز بس احنك الناس حنك نضال وانا مقصود ويانس ادينوا معاى ووقعوا طيب انتا الناضل ده لو كبير عليك قدر ده خاشى فيهو مالك!!! وتانى حاجه يعنى ناس الامن ديل بقوا بالله بهددوا بالتلفون !!!! ياخى ما بصدع !!

وفى النهاية لمن اكتمل السناريو بتاع التهديد عندما زاد عدد الموازرين له والمشجبين ..والمدنيين لعملية تهديد المناضل الوطنى الغيور فتحى البحير ى ديــك العده ..جاء وقال الجماعه تنصلوا من التهديد وهرشوا منى لانى انا ما بخاف وكعب كاكا بس ...غايتو يا فتحى ما بوسعى الا ان اقول ليك ربنا احفظ قلبك الكبير ..

بالله شوفوا يا ناس هسى ده كلام قال تهديد بالتلفون ..ياخى اخوك كان بهظر معاك انتا تقوم تنط نطه زى ده وااااى وب على ناس الامن كر على انا الليله ..ما انتا قلته مناضل !!

يا بوب ..
والله انت تنفع ( محلل صحفي ) في قناة الجزيرة ..
زمان كان عندي صاحبي اسمه ( حسين ) ..
زول ( برنجي كضاب ) ..
يوم والده زنقو ليك زنقة شديدة ..
قال ليهو يا ابني يا ( حسين ) ..
( الكضب فن .. أديني خمسين في المية كضب وخمسين في المية صاح عشان أقدر ابني علي الخمسين الصاح .. لكن حكاية انك كنت ماشي لاقاك أسد دي ما بتخش في رأس اي شافع ) ..

تنصــل جهاز الأمن عن تهديده للمناضل البحــيري
من زمان بدري جدا عندما تبين لهم انه مناضل خطر
ويهدد الامن القومـــــــــــــــــــــــــي
وامن القارة الافريقية حتى خطورة البيحري تعدت الي
الاسكيمو(تحالف اسكيمو واسكريمو الديمقراطي)

بوب طولنا ماشفناك تحياتي يالحبيب

يا جماعة دا بوست (بينصل )

هووووووب ... فوق

يا جماعة

محمد حامد ..
البوست دا التقول فيهو ( كوليرا ) ..
زول داير يدخل مافي

الزول ده فى اجازه حارس البورد ، خلاص كفاه ، خلو يمكن يخفف شويه.

up

فتاح يا رحيم رزاق يا كريم