باقان جيبه مع الانقاذ وقلبه مع المعارضة

باقان جيبه مع الانقاذ وقلبه مع المعارضة


25-06-2008, 07:17 PM


  » http://sudaneseonline.com/cgi-bin/sdb/2bb.cgi?seq=msg&board=160&msg=1214421442&rn=0


Post: #1
Title: باقان جيبه مع الانقاذ وقلبه مع المعارضة
Author: Nasir Ahmed Elmustafa
Date: 25-06-2008, 07:17 PM

السيد باقان اموم الوزير المزعج
يقبض مية مليون جنيه كل شهر كما تقول الصحف مثله مثل الوزراء الجنوبيين شي من المركز وشي من حكومة الجنوب وشي من شي
يتجول بين مجلس الوزراء ورئاسة الجمهورية بسيارته الفارهة في اريحية كاملة نهارا
ويتمدشدق واصفا حكومته بالفشل والفساد ليلا
الملاحظ لباقان انه اصبح اكثر تادبا بعد تعيينه وزيرا لكنه ارتد مرة اخرى
يبدو انه يبحث عن وزارة اكثر بريقا وسيولة
ماذا فعل السيد باقان لاهله في الجنوب والحكومة هناك خالصة لوجه الحركة الشعبية وهو امينها العام
دعك من الشمال يا باقان فالانقاذ تسيطر على مقاليد الامور فيه ووزير مجلس الوزراء لايستطيع فعل شي
باقان ارجو ان تغادر الحكومة الفاسدة الفاشلة لانك شخص ناجح صالح وارجع الى الغابة
لن تستطيع ذلك فمخصصاتك لا تسمح لك بالردة
اولادهم يدرسون في افخم المدارس في نيروبي ولندن وفرنسا والبائس منهم يدرس اولاده مع اسامة داوود في الخرطوم بمبلغ يتجاوز العشرين مليون جنيه
كيف تطلب منه الرجوع للغابة
تحدثت اخر لحظة قبل يومين ان مخصصات الوزير الجنوبي مية مليون هل تصدقون هذا
ثم يقول ان الحكومة فاشلة وفاسدة
صحي والله الاختشو ماتو

Post: #2
Title: Re: باقان جيبه مع الانقاذ وقلبه مع المعارضة
Author: عبد المنعم سليمان
Date: 25-06-2008, 07:22 PM
Parent: #1





قمة السذاجة

Post: #4
Title: Re: باقان جيبه مع الانقاذ وقلبه مع المعارضة
Author: Elsanosi Badr
Date: 25-06-2008, 08:01 PM
Parent: #2

ناصر سلام..
Quote: يقبض مية مليون جنيه كل شهر كما تقول الصحف مثله مثل الوزراء الجنوبيين شي من المركز وشي من حكومة الجنوب وشي من شي
يتجول بين مجلس الوزراء ورئاسة الجمهورية بسيارته الفارهة في اريحية كاملة نهارا
ويتمدشدق واصفا حكومته بالفشل والفساد ليلا
يا ناصر ما حكومة الانقاذ دي وجرابيعها بيمصوا في دم الشعب السوداني من89 وبيسحلوا في الفضل منهم يوم ما سمعنا وزير ولاحتي عريف في امن حكومة الجن دي اشار للفساد ولا كان جادي في طرح الديمقراطيه...ماكانو بياكلوا في مرتباتهم وبيقشوا في خشومهم وما فتحوها ببغم...هسي يعني بتفتكر انو مرتب باقان وان صح زعمك او زعم صحف الكيزان حيكون رشوه عشان يسكت من قول الحقائق البتش عين الظلام..
Quote: الملاحظ لباقان انه اصبح اكثر تادبا بعد تعيينه وزيرا لكنه ارتد مرة اخرى
لا تعالوا دخلوه المعتقل وعذبوه ما اصلكم هواة تعذيب الانسان الربنا كرمو...(ده لو بتقدروا)
قال ادب قال..
Quote: ماذا فعل السيد باقان لاهله في الجنوب والحكومة هناك خالصة لوجه الحركة الشعبية وهو امينها العام
السؤال ده كان تسالو لحكومة الحركه اللاسلاميه (الاساميه) وربيبها المؤتمر اللاوطني...هم عملوا شنو للبلد غير تقتيل الالاف من الشعب السوداني وتشريد الكوادر وتعذيب الاطفال وتكريس العنصريه البغيضه..
Quote: اولادهم يدرسون في افخم المدارس في نيروبي ولندن وفرنسا والبائس منهم يدرس اولاده مع اسامة داوود في الخرطوم بمبلغ يتجاوز العشرين مليون جنيه..
كم هم يا ناصر عدد ابناء الانقاذيين في المدارس الاجنبيه...خلي ابناء الجنوبيين في حكومة الجنوب...
ناصر انتو ما بتتحملوا الديمقراطيه... لانكم عايزنها مقفوله تعملو الدايرنو... وده بيودي البلد للهاويه لانو بعد شويه حتتفتح غصبا عنكم ..

Post: #3
Title: Re: باقان جيبه مع الانقاذ وقلبه مع المعارضة
Author: Nasir Ahmed Elmustafa
Date: 25-06-2008, 07:37 PM
Parent: #1

عجبت لباقان كيف لايخرج للحكومة شاهرا سيفه

Post: #5
Title: Re: باقان جيبه مع الانقاذ وقلبه مع المعارضة
Author: شول اشوانق دينق
Date: 25-06-2008, 08:08 PM
Parent: #1

يا ناصر!!!
Quote: باقان جيبه مع الانقاذ وقلبه مع المعارضة

الإنقاذ بقت عندها جيب كمان!
اها جيبو ده جايبو من وين؟
القروش البتقول عليهو بيدوهو والبتستخسروا فى الجنوبيين ... من وين؟
وبعدين الفرية بتاعت مية مليون لكل وزير فى حكومة الجنوب دى صدقتها بالله!!!
ياخ ما معقول ... وزير فى الجنوب مرتبو ومخصصاتو الشهرية يكون مية مليون!



الله معاكم بس... اصلو فاقان لو سكت ... تسكتوا إنتو ... ولو إتكلم ... تجوا ناطين اردلب

فاقان القاعد يعمل فيهو كامين عام للجركة الشعبية نتيجتو بتعرفوا بعدين ... كم سنة كده.


فائق التحايا

شول اشوانق