Post: #1
Title: [B]سلام أون لاين[/B]
Author: أمين صديق
Date: 06-24-2008, 02:52 PM
أخواني وأخواتي في سودانيز أون لاين
بسلم عليكم وبهنيكم على كل هذه السنوات الطويلة من الحوار والأخبار والونسة والمحبة والشعر والغنا والاستمرار....
أنا أمين صديق المتأخر جدا على أبوابكم بدق وبسلم :
أهل البيت..إزيكم؟..طيبين؟..أنا أمين صديق.. الشاعر العطبراوي والمخرج الدرامي صاحبكم الزمان والهسة -ولو النفوس اتطايبت- ولا قدام
أنا جيتكم متأخر؟ ولا شنو؟ يمكن!! بس يخيل لي لسة بيناتنا كلام ممكن يتقال..أفكار وصور ومشاوير مخبوءة في رحم الغيب بيناتنا ممكن تتنزل على صفحة هذا البلد العامر (سودانيز أون لاين)
أهل البيت.. سلام أون لاين
|
Post: #2
Title: Re: [B]سلام أون لاين[/B]
Author: حسين محي الدين
Date: 06-24-2008, 02:56 PM
Parent: #1
حبابـ أون لاين
يا جميل
منوّر
|
Post: #3
Title: Re: [B]سلام أون لاين[/B]
Author: انعام عبد الحفيظ
Date: 06-24-2008, 03:09 PM
Parent: #1
اهلا بـ أمين صديق
نورت وانت إضافة للمنبر يا أمين
بختنا بيك
|
Post: #4
Title: Re: [B]سلام أون لاين[/B]
Author: بابكر التوم
Date: 06-24-2008, 03:15 PM
Parent: #3
اهلا وسهلا أميــن صديــق
نورتـ البوردـ
|
Post: #5
Title: Re: [B]سلام أون لاين[/B]
Author: rosemen osman
Date: 06-24-2008, 03:31 PM
Parent: #4
أهلا أمين صديق
فكل فنان لا يحمل بين جناحيه الا أغنية سلام
|
Post: #6
Title: Re: [B]سلام أون لاين[/B]
Author: أمين صديق
Date: 06-24-2008, 04:10 PM
Parent: #5
شكراَ على الترحاب الجميل يا حسين،إنعام،وبيكو,rosemen، سعيد ببيوت أياديكم الحنينة
شكرا
|
Post: #11
Title: Re: [B]سلام أون لاين[/B]
Author: haroon diyab
Date: 06-24-2008, 06:21 PM
Parent: #7
ياامين
مساء الخير
اخوك اليومين ديل مع عيد الميلاد مطوفش شوية
هاك ليها تاااااااااااااااااني
مودتي
هارون دياب
|
Post: #8
Title: Re: [B]سلام أون لاين[/B]
Author: osman righeem
Date: 06-24-2008, 05:07 PM
Parent: #1
الاخ امين صديق
تحية وحبابك دشليون
| Quote: صاحبكم الزمان والهسة |
و دايما بإذن الله
|
Post: #10
Title: Re: [B]سلام أون لاين[/B]
Author: معتصم ود الجمام
Date: 06-24-2008, 05:29 PM
Parent: #8
امين محمد صديق ( امين صديق )
خريج المعهد العالي للموسيقى والمسرح
كاتب وسناريست ومؤلف ,,, لكن اكثر ما يعجبني فيك ( شاعر )
بمعنى الكلمة لعلك تعرف ذلك صديقي امين صديق كنت الاحقك في كل
مكان ( عشان تقول لينا دوار البحر يا مجنون دوار الصحراء يا طيب )
انت الطيب عزيزي امين ...
امين صديق صدحت له مجموعة ساورا باغنيات
الشجر قربني منك الف عام
وورده ومنديل
له عدد من الاعمال للاطفال حيث عمل لفترة طويلة مع مجموعة الوان الطيف
مرحب بيك امين
|
Post: #12
Title: Re: [B]سلام أون لاين[/B]
Author: الوليد محمد الامين
Date: 06-24-2008, 09:22 PM
Parent: #10
امين صديق
يا مراحب ...
وعندي سؤال : هل لازال الزمن بني ومجرح بالترانيم المراهقة؟
|
Post: #13
Title: Re: [B]سلام أون لاين[/B]
Author: Sabah Hussein
Date: 06-25-2008, 03:15 AM
Parent: #12
مش معقول امين سخسيا ياللهنا.
دا بيتنا نور اقصد منبرنا نور .
ياخى مشتاقين.
شحروره.
|
Post: #16
Title: Re: [B]سلام أون لاين[/B]
Author: أمين صديق
Date: 06-25-2008, 08:39 AM
Parent: #13
صبوحة!!!
الله يخليك.. كيفك؟ ووين الزمن داك كله؟
سلامات يا شحرورة...
|
Post: #15
Title: Re: [B]سلام أون لاين[/B]
Author: أمين صديق
Date: 06-25-2008, 08:34 AM
Parent: #12
تعرف يا الوليد؟ لطالما أنا مفتون بهذه ال(مراحب) فهي تحيل خيالي دائما إلى استقبال حاشد كما يقولون في نشرات الأخبار بس الفرق إنه خيالي ال ما أخباري بيشوف الناس بتسلم بالأحضان الواسعة.فشكرا ليك واشكر لي كل الناس المحتشدة معاك!!
| Quote: وعندي سؤال : هل لازال الزمن بني ومجرح بالترانيم المراهقة؟ |
وعندي سؤال : هل لازال الزمن بني ومجرح بالترانيم المراهقة؟
هو أصلا :
كان الزمن بني ومجرح بالترانيم المراهقة!
ولاحظ إني كنت في العشرينيات.. يعني الزمن كان وانا كنت ولو حسبنا الأيام الزحمة المشت بيناتنا من الزمن داك إلي الآن ولو اتفقنا على أنه الزمن في السودان لكة وما بيتغير كتير فعلى الأقل ما أظن الترانيم ح تفضل مراهقة!!!
وبمناسبة الشجر أنا عاوز أسلم على أخوي الجميل عبدا اللطيف لو سامعني..ولو عنده إيميل في بلدكم دي ال يديني ليه لو سمح...
شكرا كتير
|
Post: #14
Title: Re: [B]سلام أون لاين[/B]
Author: أمين صديق
Date: 06-25-2008, 08:13 AM
Parent: #10
والله إنت الطيب يا معتصم سيد احمد
تعرف أنا واحد من المعجبين جداَ بقوة وسرعة صعود فرقة الجمام المسرحية وكنت كتير بعتبرها دليل على صحة إفتراضي بأنه (مافي زول بيوصل بمجهوده الفردي الخالص)
وما زلت أحاول أن أقنع شباب الحركة الدرامية في السودان بجدوى تكوين الجماعات المسرحية والصبر على ما أصابنا والرد على ما يدعيه المستغلون لمجهودات الآخرين الواقفون على أكتاف المنحنين!
( يا معتصم يا اخوي مافي زول بيوصل بمجهوده الفردي الخالص، أي زول بيوصل لآنه في آخرين مهدوا معه سبل الوصول)
تحياتي
|
Post: #17
Title: Re: [B]سلام أون لاين[/B]
Author: عمر صديق
Date: 06-25-2008, 11:42 AM
Parent: #14
الاخ امين صديق
مرحبا بك ونتمني لاان نستمتع معك بابداعات ادبية ونقدية
وثانيا مرحب بالحد ابناء عطبرة الحلوة وعاصمة الحديد والنار
|
Post: #18
Title: Re: [B]سلام أون لاين[/B]
Author: محمد سنى دفع الله
Date: 06-25-2008, 11:48 AM
Parent: #17
[IMG]http://www.lungevity.org/assets/images/candle.gif[/IM
اتنين امين صديق
واحد ابن اخوي امين صديق الدكتور
الطبيب السياسي
واحد امين صديق الفنان المسرحي والشاعر
صديقي كيف نفرق بيناتم ؟؟؟؟
مرحب حبابك وشمعة تضيئ طريق الناس الحلوة
وليك ايامك سعيدة يا صديقي الحبيب
|
Post: #19
Title: Re: [B]سلام أون لاين[/B]
Author: أمين صديق
Date: 06-25-2008, 12:49 PM
Parent: #17
الله يخليك أخوي عمر والله يجمع ناس عطبرة
أستاذي وأخي السني..
الحمدلله الذي طمأنا عليك يا سقا
أنا عندي فكرة أحسن: يدل ما تفتش طريقة (تفرق بيناتنا)بيها نفتش سوا طريقة تجمعنا.. نتونس..نتبادل الهم والفرح والغنا والكلام
تحياتي للدكتور أمين صديق
|
Post: #20
Title: Re: [B]سلام أون لاين[/B]
Author: محمد سنى دفع الله
Date: 06-25-2008, 02:32 PM
Parent: #19
نفرق بينكم بالصورة
واتمنى تتقابلوا وتعملوا
عروض للفرح
شوق ما ليه حد
|
Post: #21
Title: Re: [B]سلام أون لاين[/B]
Author: وائل طه محى الدين
Date: 06-25-2008, 02:44 PM
Parent: #1
Quote: أخواني وأخواتي في سودانيز أون لاين
بسلم عليكم وبهنيكم على كل هذه السنوات الطويلة من الحوار والأخبار والونسة والمحبة والشعر والغنا والاستمرار....
أنا أمين صديق المتأخر جدا على أبوابكم بدق وبسلم :
أهل البيت..إزيكم؟..طيبين؟..أنا أمين صديق.. الشاعر العطبراوي والمخرج الدرامي صاحبكم الزمان والهسة -ولو النفوس اتطايبت- ولا قدام
أنا جيتكم متأخر؟ ولا شنو؟ يمكن!! بس يخيل لي لسة بيناتنا كلام ممكن يتقال..أفكار وصور ومشاوير مخبوءة في رحم الغيب بيناتنا ممكن تتنزل على صفحة هذا البلد العامر (سودانيز أون لاين)
أهل البيت.. سلام أون لاين |
مرحباً بأمين صديق، مرحبتين
تشابه الاسماء، بامنبر صديق لنا إسمه أمين حامد صديق ، يكتب بإسم (أمين صديق) أرجو من السيد بكري قك الاشتباك.
مرحب بالأمينين
|
Post: #24
Title: Re: [B]سلام أون لاين[/B]
Author: Elawad Eltayeb
Date: 06-25-2008, 05:40 PM
Parent: #21
أمين صديق الإنسان الرقيق الحبيب الشاعر والملحن
الفراعي ربيع طه رورو، طارق الأمين، طارق تفتيحة، منتصر علي طه، عثمان كحيل وعوض الله وشمس المعارف وأمبده والصالون الأخضر والأيام الجميلة
ولا أنا غلطان
لو ما غلطان أنا في المعادلة الفوق دي أكون (عوض الله)
وفي كل الأحوال ما دمت من عطبرة الجميلة ياخي نفرش ليك البورد درر وزهور ورياحين والف مرحب بيك.
|
Post: #29
Title: Re: [B]سلام أون لاين[/B]
Author: أمين صديق
Date: 06-26-2008, 01:59 AM
Parent: #24
عوض الله..الويست.. قيروز..مارسيل خليفة..أميمة خليل..يرج البركة..خلي يالك أنا لو ما كنت عشت الايام ديك كنت ح أكون زعلان من نفسي زعل!!
إنت كويس يا عوض الله؟؟ وشمس العلا..وعبده.. يا عوض الله السماحة ما هي إنه الزول ينور السماحة هي إنه النور يدوم!!
الله يجزيكم خير، والله نور الأيام السمحة ديك لي هسة فارًي سنينات قلبي!!
|
Post: #22
Title: Re: [B]سلام أون لاين[/B]
Author: abduelgadir mohammed
Date: 06-25-2008, 04:13 PM
Parent: #1
الشجر قربني منك الف عام
والشعر
والمسرح
وعــ طـ بــ رة
شرفــــت
|
Post: #23
Title: Re: [B]سلام أون لاين[/B]
Author: ادم الهلباوى
Date: 06-25-2008, 04:16 PM
Parent: #22
وعليكم السلام جيدا جيت هللت أهلا ونزلت سهلا ويا مراحب ..............
|
Post: #30
Title: Re: [B]سلام أون لاين[/B]
Author: أمين صديق
Date: 06-26-2008, 02:09 AM
Parent: #22
الشجر قربني منك ألف عام
الشجر عرفني بيك
والشجر علمني أحتملك وابوح للوردة بالعطر الحرام
كان الزمن بني ومجرَح بالترانيم المراهقة
ومحتشد زي قنبلة
يا مذهلة...
ورشقوك في جسد المسا
موسم عصافير ما اتنسى
وقربني منك زي سفر سري ومفاجئ
زي تلوًي القلب من فرط التارجح في الفصول
وزي حزن نتوقعه..
ونعرف مواعيده..
ويجينا..
وبرضه يعصرنا الذهول
|
Post: #25
Title: أمين صديق
Author: علي الكرار هاشم
Date: 06-25-2008, 05:48 PM
Parent: #1
شالني الحنين
عاد بي سنين
رجعني تاني لعطبره
والدنيا كانت حاله زين
حبابك
|
Post: #31
Title: Re: أمين صديق
Author: أمين صديق
Date: 06-26-2008, 02:25 AM
Parent: #25
باقلبي انساها السيرة
والبت الخلف السور
محبوبتك ديك ما غيرها
مستنية فولة خير
دقت باب حزني ضفيرة
زي يد رمت السنافور
في شوقها حكاوي كتيرة
وصباح ورغيف ودميرة
وصفارة السكة حديد
|
Post: #26
Title: Re: [B]سلام أون لاين[/B]
Author: Tariq Mohamed Osman
Date: 06-25-2008, 09:05 PM
Parent: #1
امين
دى ريحه
مطر بايت
شمس لامين
|
Post: #27
Title: Re: [B]سلام أون لاين[/B]
Author: amin siddig
Date: 06-25-2008, 09:43 PM
Parent: #26
Quote: تشابه الاسماء، بامنبر صديق لنا إسمه أمين حامد صديق ، يكتب بإسم (أمين صديق) أرجو من السيد بكري قك الاشتباك.
مرحب بالأمينين |
ما تخلوها كده أحسن ... في لخبطة الأسماء رحمة للناس من الحملات الإسفيرية 
الشاعر و المسرحي أمين محمد صديق
مرحباً بك هنا و نتمنى ليك مساهمة فاعلة في هذا المنبر
و من هسي لو زول لخبطنا مع بعض و إتكلم معاي عن الجدل بين شعر الشعر المقفى و القصيدة النثرية .. .... حأتقمص شخصيتك و أديهو نظريات فطيرة طوالي
خالص المودة
أمين حامد أمين محمد صديق
|
Post: #28
Title: Re: [B]سلام أون لاين[/B]
Author: Sabah Hussein
Date: 06-26-2008, 01:20 AM
Parent: #27
ياجماعة المشكلة شنو فى امينين اولاد صديق فى المنبر.
نحن 3 صباحات بنات حسين هنا.
واحدة مفروزة صباح احمد.
وعايشين فى امن وسلام.
بس مرات الجكس بيتلخبط ويتشابه عليه البقر ويرسل مسنجراتى بى كل الهيم .
بعدين خلوا بالكم الهيم دى مابتاعة الجداد .بقصد بيها الحب والحاجات التانيه.
لى صباح التانية.
على فكرة ناس الشمارات او بالاصح امن البورد . اكتشفوا بى تحت تحت انو فى واحد من
الصباحات راجل.
والله دى ما انا.
|
|