Post: #1
Title: هوامش (من دخل هنا فهو آمن!)
Author: حسين محي الدين
Date: 06-19-2008, 01:58 PM
Parent: #0
(*)
انتم في حضرة وردتي الحبيبة
|
Post: #2
Title: Re: هوامش (من دخل هنا فهو آمن!)
Author: حسين محي الدين
Date: 06-19-2008, 02:00 PM
Parent: #1
(*)
كانت بتشبه فكرتي
وكنت الأمير في حلمها،
(كان) بت اللذين هذه ما دخلت على شئ إلا وجههته وخلته في خبرها .. وخبرها هذا الله لا وراكم ليه.. كنا و كانت هذه البت الوردة كما أسميها تأدبا في مفكرتي وفي معظم كتاباتي.. ترددت كثيرا أن أكتبها وأروي تفاصيلها (التفاصيل الكاملة) لزولة رموشها بتدخل جوه الروح بردا وسلاما .. عشقا وهياما.. يا الله حتى الكتابة في حضرتك مدهشة ومنعشة ..
يا
زولة
معقولة
|
Post: #3
Title: Re: هوامش (من دخل هنا فهو آمن!)
Author: حسين محي الدين
Date: 06-19-2008, 02:03 PM
Parent: #2
(*)
لكنها
كانت سحابة صيف مشت،
ولكن هي الأخرى بتغير زاوية الرؤية 360 درجة حيوية ..
حتى أنتي يا (أنتي) زايفة..
أعمل شنو!؟ بريدك يا أكسيد الحنين
وأريد شباكك الفاتح علي
و أريد
وريد
كيف كل الجمال ده في الشكل والمضمون يكون زايف .. معقولة عيونك (الزمان) خاينة .. ما ممكن، ومعقولة أنساك يا شجرة الضل .. تتذكري الشبه بينك وبين (النيمة) ..
وحياة نداك الفيك
مشتاقك لسة و بكابر.
|
Post: #4
Title: Re: هوامش (من دخل هنا فهو آمن!)
Author: حسين محي الدين
Date: 06-19-2008, 02:04 PM
Parent: #3
(*)
خلتنا في ذاك الهجير
إحساسنا أقصر منها،
زمان و أنا وأنت متحابين .. عليك الله شوفتي الكلمة دي بتتوزن كده (متفاعلين) .. هسة لو ما كنتي بتقري علوم كان نقول معليش لكنك (عالمة) لالا الأكيد أنك (ظالمة) ..
أعتبري الحكاية مقايضة أديتك الحب والحنان والحروف وبخلتي علي بي لوحة .. الفكرة ما في اللوحة كل القصة أنها حتكون تذكار منك يا أنتي.
و برضوا مندهشة و بتسألي عن إحساس الـ Home less أو مشروع النجار زي ما قلتي..
Quote: " يا أوسم الجايين
أنا قلبي حلة حنين
والشوق فتحني بيوت"
خيري |
كنت Home less
بقيت Hope less
كتر خيرك..
|
Post: #5
Title: Re: هوامش (من دخل هنا فهو آمن!)
Author: حسين محي الدين
Date: 06-19-2008, 05:58 PM
Parent: #4
(*)
Quote: "سألتك بالذي دساك في الوردة
وأظنك أنتي مارستي أقتراح الطل
على الوعي الألهي
وسويتي العبير سبلة"
عثمان البشري |
تعرفي عثمان قاصدك .. لكن هل شافك معاي ولا طيفك جاه زاير .. أحي من وجع قلبي يا (قلبي المكتول وعد) .... كل الوعود زايفة وكل الأغاني الفي هواك نازفة ..
حتى أنت يا ود البشرى اختفيت ولا يمكن الوصول إليك..
ولا يمكنـ
بديت أسقط!
|
Post: #6
Title: Re: هوامش (من دخل هنا فهو آمن!)
Author: كمال علي الزين
Date: 06-19-2008, 07:18 PM
Parent: #5
(*)
عجيب والله يا(حسين)
|
Post: #7
Title: Re: هوامش (من دخل هنا فهو آمن!)
Author: wadah beshier
Date: 06-20-2008, 01:37 AM
Parent: #6
دخلنــا المكــان...آملييــن فـي
الآمـان...ولكــننا لم نعثـر
عليــه...بـل وجدنــا...كـلام
يثيــر الأشجـان...ويحـرك
لواعـج الشــوق والحنـان...
العزيـز/حسيــن
داوم علـى النمـط...لإتحافنـا وإدهاشنـا... بما
يخطـه قلمك مـن روائـع.
تخريمـة:-
حاســب من الجنــون...ياحسيـن
|
Post: #10
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:06 PM
Parent: #7
| Quote: حاســب من الجنــون...ياحسيـن |
أيهما يا صديقي
جنون القمر
أم جنون الضجر
كلاهما مدهش
هذه الكتابة ضرب آخر
لكنها
في
البتـ
الـ ....
ياها يا وضاح
ما تجرسني
|
Post: #11
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:10 PM
Parent: #6
الجميل كمال
شكرا للطلة
أنت في حضرتها
طوبي لي بكـ
وبها
تنميتك هنا بيووت
مودتي
|
Post: #8
Title: Re: هوامش (من دخل هنا فهو آمن!)
Author: أشرف البنا
Date: 06-20-2008, 05:49 PM
Parent: #1
حسين يا صديقي ...
تحية و ود ...
فتشت ليك كباية شاي و حبة أو حبتين بنادول ...
قلت أكيد ما في فايدة ...
داويتك بالوردة ...
لقيتك من الريدة بقيت خردة ...
دوس ياخي ما بتجن و لا حاجة ( مع الإعتذار لشاعر الأغنية )
مودتي ...
|
Post: #12
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:15 PM
Parent: #8
صديقي أشرف
قالوا آخر العلاج الكي
لكن هل جرت العلاج بالوردة
هل الولفت بين الندى
و شمس الصباح
البتـ سماح
خليكـ قريب
مواعيد الحنين جاية
مودتي
|
Post: #13
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:17 PM
Parent: #12
صديقي أشرف
قالوا آخر العلاج الكي
لكن هل جربت العلاج بالوردة
هل الولفت بين الندى
و شمس الصباح
البتـ سماح
خليكـ قريب
مواعيد الحنين جاية
مودتي
|
Post: #9
Title: Re: هوامش (من دخل هنا فهو آمن!)
Author: ناهد بشير الطيب
Date: 06-20-2008, 06:16 PM
Parent: #1
عبير( وردة اشواقك) له من العبير ماله ....وهى تذرع خطواتها
راكضة فى مخيلتك ...تعبث بك وبايامك...ولم تكتفى انت بذلك بل اتيت
لناحاملا مكتسحا مرقد الدهشة داخلنا ...ورميت مارميت ....غير ابه
لما قد يحدث لنا من صندل كلماتك....
لك الود حسين...ولوردة اشواقك خالص التقدير
قتلى
متحابين على وزن متفاعلين
|
Post: #14
Title: Re: هوامش (من دخل هنا فهو آمن!)
Author: rosemen osman
Date: 06-20-2008, 07:22 PM
Parent: #9
تسجيل أحترام
لمن يهتف أنا مجنون الوردة
ومن دخل فى محرابها فهو آمن
ومن دخل قلبها مفقود
أكمل لنا حكاياتك والوردة
|
Post: #16
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:27 PM
Parent: #14
Rosemen
نورتي الهامشـ
وخلي البابـ متاكا
يمكن القصة تكمل
بيني وبينكـ ما عايزها تكمل
لكنـ الأرشفة
لكـ الورد
|
Post: #15
Title: Re: هوامش (من دخل هنا فهو آمن!)
Author: حسين محي الدين
Date: 06-20-2008, 07:22 PM
Parent: #9
| Quote: متحابين على وزن متفاعلين |
ومتأنسين
وفرحانين
إلا متخاصمين
دي بتقع في دائرة المشاكل
ولا محل لها من الإعراب وليس لها قاعدة صرفية
ناهد
شاكر كلامك الطيبـ
وأستني
في شوية كلام عن القمر
مودتي
|
Post: #17
Title: Re: هوامش (من دخل هنا فهو آمن!)
Author: ناهد بشير الطيب
Date: 06-20-2008, 08:16 PM
Parent: #15
طيب حلو......
اها كدة مابينفع ....
|
Post: #18
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 08:38 AM
Parent: #17
تمام
اها النكمل الحكي
|
Post: #19
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 08:41 AM
Parent: #18
(*)
في المواصفات والأحاسيس:
بيضا كذا الحليب
والعيون أجمل ما يكون
جاية من جيهة الغرب
وأنا فيني حبة من الشروق
راقية ورقيقة ومدهشة
بتحجي في الليل النجوم
وبتمشي في وسط الغيوم
مستأنسة
|
Post: #20
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 08:46 AM
Parent: #19
(*)
Quote: كانت (البنت) للأمانة ولا أجمل .... عذبة الحديث... وتمشي الهوينا كما يمشي الوجي الوحل ومادريت يومها معني ذاك البيت غير أنها كانت تمشي كذلك ... فتأتي خطواتها تنقش تنقش تنقش لو تصنت الناس ساعتها لسمعو بعض ما لم يعالجه (بتهوفن) قبل أن يترك أمر الموسيقي لخطاوي (بت الذين).
خضر حسين خليل
|
تعرف يا خضر البت الحايمة في دفتر غناك دي أنا بعرفها من زمان (مع مراعاة الملكلية الفكرية) .. وأظنها وبعض الظن أثم ذاتها التي قسمت النبقة في (مصائر – لأبكر آدم إسماعيل) .. وبتشبه كتير زولة سالم التي تقطر ت 42 حباية عرقها من وجهها الشريف (راحيل – لمحمد حسين بهنس) ..
كل ما يمكن أن قوله أنه القراءة بقت تعمل لي زيادة في ضربات القلب.
|
Post: #21
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 12:23 PM
Parent: #20
(*)
سيرة البحر
بتجرس وبتونس
|
Post: #23
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 01:09 PM
Parent: #22
لؤي الحبيب
أظنكـ قريت أفكاري
حاولت أنزل الأماكن بس ما قدرت
راجيكـ للأضافة
مودتي
|
Post: #24
Title: Re: هوامش (من دخل هنا فهو آمن!)
Author: لؤى
Date: 06-21-2008, 01:35 PM
حُسين يا صديقي
سلام تاني
Quote:
حاولت أنزل الأماكن بس ما قدرت |
وهذه هي الأماكن
|
Post: #25
Title: Re: هوامش (من دخل هنا فهو آمن!)
Author: عواطف ادريس اسماعيل
Date: 06-21-2008, 01:46 PM
Parent: #24
حسوني !!!
وين تاني وين نلقى الأمان !!
من بعد ما راحوا الحنان ؟؟
|
Post: #28
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 02:13 PM
Parent: #25
عواطف
يا جميلة قصدك شنو يعني
لكن بيني وبينكـ كده بيتلقي
لو عرفتي وصفي لي
مودتي
__________
للوصف وكده:
[email protected]
|
Post: #26
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 01:46 PM
Parent: #24
لؤي
تسلم ياذوق
أحب هذه الأغنية جدا
جدا
وهي كذلكـ
|
Post: #30
Title: Re: هوامش (من دخل هنا فهو آمن!)
Author: ناهد بشير الطيب
Date: 06-21-2008, 03:05 PM
Parent: #24
عظيم يالؤى ....
وبى كدة نحن فى امان
|
Post: #31
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 03:17 PM
Parent: #30
| Quote: وبى كدة نحن فى امان |
ناهد
بي كدة نقول
من دخل الهوامش و الأماكن
فهو آمن
لكـ الورد عزيزتي
|
Post: #32
Title: Re: هوامش (من دخل هنا فهو آمن!)
Author: لؤى
Date: 06-21-2008, 06:26 PM
Parent: #30
تسلمي يا سِت الكّل
وعُذراً أخي حسين
أنـا في البـعـيـد مُـشـتـاق لهـمـسـة من الوطن يا نـسـمـة
|
Post: #27
Title: Re: هوامش (من دخل هنا فهو آمن!)
Author: عبدالله كع
Date: 06-21-2008, 02:07 PM
Parent: #1
حسين سلامات
احلا هوامش ..
طيب ليه الناس المهمشه داقه جرس..
ــــــــــ
رائع روعة الديامه ...... وبس كن صديقي
|
Post: #29
Title: Re: هوامش (من دخل هنا فهو آمن!)
Author: حسين محي الدين
Date: 06-21-2008, 02:18 PM
Parent: #27
عبد الله يا حبيب
الهوامش كتيرة في بلدنا دي
هامش الحرية وهامش ورقة الامتحان
وهامش الــ ...
وهامش المشاكل
وهامش الوردة
تسلم على الطلة الحلوة
الديم كذلكـ هامش مفرح
__________
وحبابكـ في رابطة أصدقاء هامش بلا حدود
[email protected]
|
Post: #33
Title: Re: هوامش (من دخل هنا فهو آمن!)
Author: معتز تروتسكى
Date: 06-21-2008, 06:50 PM
Parent: #29
خالص التحايا
الزميل العزيز
حسين محي الدين
لاتزال (هي) فينا على خط الأتزان العطائى تتطلع الى مقدمة وتر إحتوانا برفق وشفقة كما لو أنه خطة لفكرة فاصلة ؛ لقد صارت (هي) جزءاً من يومياتنا حتى أمتلأت بها ؛ أذاً لم يكن صدفة عبثية أن ينشأ ذلك النبض تجاهها ...
و
نغـــــــــــــم
يُـغنيني الغناء عن الغناء...
خارجك يكل النساء...
يامن أهدتنى الأنتشاء...
كما أشاء...
لو أنى إنتشيت..
لما تفـتـقت جراحي
وللحزن أصطفيت...
ولو أنني أصطفيت الحزن
لطفا أغنيت؟
أغنيت حتى تجلى دربي
وزوال كربتي...
فطوبى لك
يامن بث الدفء فى جنباتي...
وعرس الحنان في بيدأ قلبي...
الرب يغفر
وانتى تبعينِ صكوك الغفران
باسم ربي...
أنسيت كل هذا ياقلبي...
وغنيت؟
التحايا النواضر..
|
Post: #34
Title: Re: هوامش (من دخل هنا فهو آمن!)
Author: حسين محي الدين
Date: 06-22-2008, 11:15 AM
Parent: #33
معتز
مرورك مفرح جدا .. ومنوّر الهامشـ يا صديق
أما فيما يخص الوردة الساكنة فينا (دي) الكلام بطول، يكفي أنها قدرت تطّلع مننا هذه الهوامش
من ذاكرة الهامشـ:
من فرط عشقي واشتياقي أدمنت عادة لا أدري كيف الفكاك منها، أقف يوميا لأتامل القمر من فناء المنزل .. أترقبه في جميع مراحله أشكو إليه وأظنه كذلك يحن إلى حبيب ما في مكان بعيد .. غريب أمر هؤلاء العشاق! غريب أمرك يا خيري "ساكت بغنو على القمر" (سأغني حتى يبح صوتي)..
القمر .. لكأنه يهمس بأسمك .. ..
هل تعلمين أنه يشبهك كثيرا .. نعم ولم لا كلاكما آسر وجميل.. كلاكما له مده وجذره
تعلمين جيدا كيف تدخلين الفرحة في نفسي ترسمين ملامحي بفرشاتك الأنيقة..
أقف مزهوا بنفسي .. أحسد نفسي عليك (أحيانا كثيرة) ويحسدني كثيرون ..
أعلم أنك أجمل فتاة رأيت .. ليس لأني أحبك ..
كلامك أحلى من اشهد و دواخلك أنقى من قلب طفل صغير
وأعذريني لن أخوض في تفاصيل عينيك ..
أنتظرك كل يوم في المساء .. أقضي معك ليلي كُله .. أحلم أن تقضي معي ليالي العمر..
فكرت يوما أن أقتر (هل سأكتفى بالتأمل فقط).. سبحت عاليا نحوك ..
أنا الآن هناك في الطريق إليك (لمتين فوبيا المرتفعات يا حسين) ..
أصابني جنونك.. أكاد أجزم بذلك!!
دمت بخير
|
Post: #35
Title: Re: هوامش (من دخل هنا فهو آمن!)
Author: ابوعسل السيد احمد
Date: 06-22-2008, 02:39 PM
Parent: #34
حسين،
يا صديقي، للأماكن أوجاعها تدمي القلوب و للحبيبة حفيف الحروف.. و جميعها تدوّم في الروح
فتنتخب أن تسافر في الشعر.. في قلوب الأصدقاء.. في عيون النهار .. في الابتسامة ترسمها ثغور الأطفال
يلهون في الشوارع و القلوب ...
ثم يجيئنا دفق الحنين قاهرا إذ نحدث نفوسنا أن من هجرنا قد قلانا.. لكنه دفق الحنين يرهقنا لعيون
الحبيبة.. لهمسة.. لابتسامة.. لمواعيد لا نرجوها.. للوفاء لقلوبنا داميةً.
هو أفق الخيارات الكسيفة، يا صديق.. لكن انكساراته لا تدوم.
محبتي
|
Post: #36
Title: Re: هوامش (من دخل هنا فهو آمن!)
Author: حسين محي الدين
Date: 06-23-2008, 10:08 AM
Parent: #35
ابو عسل
ياصديقي الحبيب
تعرف قريت مداخلة معتز ووقفت كتير قبل ما أرد
والمصادفة الأجمل دخولك بعده من نفس الباب (البجيب الريح)
هي الرهافة
وحدها تجعلنا ننظر للاشياء بمنظار مختلف
لكنه وبأي الأحوال أجمل وأنضر
مرحبا بكـ في ثنايا الهامشـ
محبتي أكيدة
|
Post: #37
Title: Re: هوامش (من دخل هنا فهو آمن!)
Author: حسين محي الدين
Date: 06-23-2008, 04:35 PM
Parent: #36
(*)
هامشـ شوق
كاتلني شوقك والأسف
دمعاتي كابة وما بتجف
يا الفيك كملت الوصف
أصبحتي كيف
أيامي بعدك ويل وزيف
غرقان وسابح في النزيف
حيران وكايس للوليف
امسيتي كيف
كايس عليك يا أحلى طيفـ
|
Post: #38
Title: Re: هوامش (من دخل هنا فهو آمن!)
Author: حسين محي الدين
Date: 06-23-2008, 04:36 PM
Parent: #37
(*)
هامشـ مخفي
مالا يدركه البوردابـ أنني استدرجتهم و أياي للاحتفال بكـ في عيد مولدكـ
لم تكن صدفة ..
التاسع عشر من يونيو
طلع البدر لجينا
ومشينا
و أرتضينا بالنصيبـ
فالسلام عليكـ يا هذا الحبيب
|
Post: #39
Title: Re: هوامش (من دخل هنا فهو آمن!)
Author: حسين محي الدين
Date: 06-24-2008, 01:31 PM
Parent: #38
(*)
وجاء الآن خبر عنكـ ..
كذب وعدكـ
صدق حس النبوة الفيكـ
لكنكـ
فقدتي النور
وماتـ ظنكـ
|
Post: #40
Title: Re: هوامش (من دخل هنا فهو آمن!)
Author: حسين محي الدين
Date: 06-24-2008, 01:46 PM
Parent: #39
(*)
Quote: "أننا نكتب الروايات لنقتل الأبطال لا غير، وننتهي من الأشخاص اللذين أصبح وجودهم عبئا على حياتنا، فكلما كتبنا عنهم فرغنا منهم وامتلأنا بهواء نظيف"
أحلام مستغانمي – ذاكرة الجسد
|
لن أقتلك الآن..
سأترك لك ذلكـ
لعلك تدرين الرق بيني وبينكـ
أنت تحكمين وتجلدين
وتنعمينـ بمساحة ممتدة بداخلي
|
Post: #41
Title: Re: هوامش (من دخل هنا فهو آمن!)
Author: حسين محي الدين
Date: 06-25-2008, 02:36 PM
Parent: #40
(*)
هامشـ عام
تحدثنا (أنا) وأحد أصدقائي عن الظروف الاقتصادية وفرص المعلـ و.. و.. و...
فقرا على الآية الكريمة: (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ) سورة الرعد : الآية 11
وأردف ما الخطأ (فينا) لنتداركه ..
وكنت كعادتي أملك القدرة في إحباط أي كان.. لا أعلم، فهلـ تعلم
ولو تسأل شنو الفينا؟
ما فينا المكفينا
ومبكينا
|
Post: #42
Title: Re: هوامش (من دخل هنا فهو آمن!)
Author: حسين محي الدين
Date: 06-25-2008, 02:37 PM
Parent: #41
(*)
Quote: "يمكنكم أن تحكموا على الزهرة، أو الفراشة من مظهرها،"ولكنذلك لا ينطبق علىالإنسان."" طاغور
|
الوردة بطبعها رقيقة.. نضيرة.. وجميلة.. ليست لها مقومات الشوك ولا أدني تفاصيله، لكنها عندما تجرح.. يكون جرحها موغلا وعميقا بقدر روعتها.. حلاوتها.. ونداوتها..
هامشـ للذكري
أنا يا وردة أفكاري
أخير أديك تذكاري
وكت فارقتي دربي خلاص
بعد ما غبتِ عن داري
|
Post: #43
Title: Re: هوامش (من دخل هنا فهو آمن!)
Author: معتصم الطاهر
Date: 06-25-2008, 05:15 PM
Parent: #1
من دخل بوست حسين فهو آمن ..
ومن دخل بين السطور فاين يجد الأمان ..
عشان تآمنوا ..
|
Post: #44
Title: Re: هوامش (من دخل هنا فهو آمن!)
Author: حسين محي الدين
Date: 06-26-2008, 07:29 AM
Parent: #43
هذا النسبية بعينها
اليس كذلكـ
ثمة دخولـ آخر
من شباككـ الحنين
أسناذي معصتم الطاهر
شكرا للحضور الأنيق
دمتـ بخير
|
Post: #45
Title: Re: هوامش (من دخل هنا فهو آمن!)
Author: حسين محي الدين
Date: 06-26-2008, 07:34 AM
Parent: #44
(*)
أحلى هامشـ
Quote: "أعطيتني عدد واحد ابتسامة، فتَفرَّع داخلي صباح الدنيا كله"
ناجي البدوي، لو رائحةُ صباحِكِ يا سلمى
|
و ياله من صباح.. برغم بداياته العكره وليلته الموحشة..
صباح لا يضاهيه براد شاي ولا خمسين كباية قهوة (حبشية)
ولا ممكنـ يمر بالبال
وطبعا
لقيتني جرسة عديل و متحيل/ ومستهبل
لأن الشوق بنطـ من عيني ويجري عديل
يا زولة لسة عيونك سانة رماحها وتدخل توووش
أنا فتّحت القلبـ شوارع
شارع منكـ
وشارع تاني بودي عليكـ
|
Post: #46
Title: Re: هوامش (من دخل هنا فهو آمن!)
Author: حسين محي الدين
Date: 06-26-2008, 07:36 AM
Parent: #45
(*)
هامشـ متزن
Quote: "لاتزال (هي) فينا على خط الأتزان العطائي تتطلع إلى مقدمة وتر إحتوانا برفق وشفقة كما لو أنه خطة لفكرة فاصلة ؛ لقد صارت (هي) جزءاً من يومياتنا حتى أمتلأت بها ؛ أذاً لم يكن صدفة عبثية أن ينشأ ذلك النبض تجاهها ..."
د. معتز تروتسكي
|
على خط العبير يا صاح
وقف حتى النسيم وارتاح
صبية نبية
ما بتشبه بنات الحي
هدية رضية
دي الادت قمرنا الضي
واندستـ معاي (وبي)
بتشبه لي
جروف النيل
ولو غنت معاها تميل
قلوبـ الناس
هي بتـ يا ناس
كما النشوة
ووتر غنوة
وكلام حبوبة في حجوة
و عشق ساكن هناك جوة
على خط العبير يا صاح
عشم انه الضمير يرتاح
و نتّلم
ُغنا ونمة
و نزيد هِمة
و نشد الحيل
ونهتم
|
|
