اليوم الحار ومابنداريوم الهندسة والمعمار

اليوم الحار ومابنداريوم الهندسة والمعمار


12-28-2005, 02:35 PM


  » http://sudaneseonline.com/cgi-bin/sdb/2bb.cgi?seq=msg&board=160&msg=1207006043&rn=17


Post: #1
Title: اليوم الحار ومابنداريوم الهندسة والمعمار
Author: khaleel
Date: 12-28-2005, 02:35 PM
Parent: #0

نواصل ماانقطع ونكتب عن اليوم عن الجانب الاخر من الجامعة حيث الدكاترة ولادةالهناء ومباراة مع هندسة التعادل يذهب البطولة للطب ولابديل للهندسة سوي الفوز فريق الطب به حارس الجامعة الاول ودفاع صلب وفي الوسط صديقي دكتور محمد ادم غانم والرائع مصطفي سنادة والفنان معتز وفريق الاحلام بقيادة عتوقة وطلال حامد وبهاء الدين وهشام ووليد اللتل ومحمد متوكل ونادر يماني وبقية العقد الفريد المدرجات تغلي مشجعو هندسة يهتفون الدايات الدايات ويرد الدكاترة نحن فوق طبنا بلاعة ما بتهزنا.
تقدمت الهندسة بهدفين لواحد حتي اخر خمسة دقائق واستعد الجمهور للاحتفال ولكن الحكم احتسب ضربة جزاء ظالمة للطب احتج لاعبو الهندسة واقتحم جمهورهم الملعب وهم يهتفون حاندقك يا حانسوي شغب وفي الجانب الاخر هتف مشجعو الطب بكينا بكينا المهم هدات النفوس واستونفت المباراة وفي اخر دقيقة ومن ضربة ركنية لهندسة لعبت الكرة وحاول محمد متوكل لعبها باكورد وفشل وبنفس الحركة وباكورد رائع من نادر يماني اسكن الكرة فسيح شباكها وهنا هتف المهندس صديقي ظافر عبده الله في عشرون عاما مضت ما زال صدي هذه العبارة في اذني احتفلنا كما لم نحتفل من قبل ورقصنا وهتفنا ضد كل الجامعة رماد كانون ولا القانون كوم تراب ولا الاداب اولاد بنات سكرتيرات ويا مزارع لهبك طوريتك وفي الختام الجامعة هندسة او لا جامعة ونواصل

Post: #2
Title: Re: اليوم الحار ومابنداريوم الهندسة والمعمار
Author: Tumadir
Date: 12-29-2005, 04:26 AM
Parent: #1

up

اهو ده يا خليل بوست الهندسة والمعمار

رفعتو ليك

Post: #3
Title: Re: اليوم الحار ومابنداريوم الهندسة والمعمار
Author: Tumadir
Date: 12-29-2005, 04:39 AM
Parent: #2

اليوم الحار وما بندار يوم الهندسة والمعمار

وده بوستك من الارشيف

.........



Post: #25
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 07:13 PM
Parent: #2

شكرا تماضر لانك اعتبرتي للذرة وزنا

Post: #4
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 05:03 AM
Parent: #1

مع دخولنا الجامعة كان دورة اتحاد الانتفاضة قد انتهت وكان يقود الاتحاد المبدع مهندس عمر الدقير وبقية الكتيبة ولكن بعد ذلك فاز اتحاد الكيزان بقيادة دكتور زيدان عبده زيدان ان لم تخن الذاكرة كانت الجامعة في تلك الجامعة القا واندياحا وبالمناسبة تم قبولي بمصاريف قدرها خمسة وسبعون جنيه وكبيت الجرسة وجبت مليون شهادة ان اخنواني تلاميذ ووالدي استاذ حرام ان ادفع مصاريف فتم اعفائي .
اما عن العلاقات العاطفية بالجامعة تسع وتسعون منها انتهت لرحلة عدم وهذا موضوع يستحق الدراسة واتذكر ان دكتور حسبو عمل ندوة بالجامعة في ذلك الوقت عن العلاقات بين الجنسين وذكر انه اي شخص درس بالجامعة ولم يحب عليه ان يحضر لعيادته النفسية للتشخيص وقال لم تهمتو بالكاشوش فان للقلب اربع غرف فاذا رفضت من قبل حسناء حاول مع اخري وخلال طوال فترة دراستي استطاع ان يتزوج من المكيسين من الجامعة عدد قليل جدا.
اجمل الحفلات اتذكرها جيدا كانت في قاعة بغدادي بالطب وكانت باستاذ العاشقين الطيب عبدالله وكان يغني السنين وكان مقطع موسيقي يقول (ترن ترن) وكانت القاعة كلها تردد (سقط سقط) شماتتة بدكتور الترابي لسقوطه بدائرة الصحافة امام المحامي شبوفي انتخابات ستة وتمانين.
سارت الامور علي ما يرام في سنة علوم وفي قاعة (olt)كان هناك ذكريات جميلة اربعة شهور نحن ما عارفين الاستاذة بقولو في شنو ما عدا الرياضيات لكن الكيمياء كانت عجيبة انجليزي جد واولاد شهادة لندن يسخرون من التسطيحة بتاعتنا في الانجليزي . في موقف طريف صديقي ساكوبة كان يجلس بجوار حنكوشة ناصعة البياض وساكوبة لونو نص نص فصاح احمد التجاني (الضبانة الفي اللبن دي ما تشيلوها) ونواصل

Post: #5
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-29-2005, 10:29 AM
Parent: #4

يا ابو خليل والله بوست رفعتو ليك الفنانة الوطن

تماضر شيخ الدين ده باذن الله سيكون بوست ال2006

لانو تماضر دي زولة فنانة ماحصلت

فشكرا لها نيابة عن كل هذا الجيل لدورها في الاسهام الثقافي في بلادي

والله يخليك يا بت شيخ الدين

ويلا يا خليل ورينا اخبار الهندسة وعليك الله احكي عن القطيط وعن المين رود وجولاتك الشهيرة هناك

Post: #7
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 11:36 AM
Parent: #5

والله يا عبد الكريم لوحكيت عن المين رود حااجيب اسماء البنات وممكن تجيب لينا الهبايب لكن مافي مشكلة ابدا بقريتنا بسنة اولي اتفق معي ابن خالتي طارق بان اخلط قريبتي داخل القاعة ويخلطا هو خارج القاعة ولكنها طلعت متفحة و كانت طموحة ولم تقم معنا علاقات دبلوماسية كاملة واكتفت بقائم بالاعمال وصاحبت ناس جلال الحلبي والطيب النصري اولادالرياض وعندما زهجت منها قلت ليها (قشة ما تعر ليك).

وقد ابدلناالله خيرا منهابالجامعةمنار ولن تنهار نعم قصة التعارف لذيذة جدا حيث نزلت الدكتورة من سيارة والدتها ببوابة الميدان الشرقي وكان مصطفي سنادة وطارق قانصين ليها بمجرد نزولها وهنا صاح سنادة منار منار اوقفوها وقال لها سلمي علي طارق فسلمت عليه وعرفها طارق بسنادة اقتحام جد وبينماانا جالس في المين الرود اشوف ليك طارق وسنادة ومعهم الجميلة لم اصدق عيني منار بالقرب مني تم التعارف بيننا والله يا كريم اليوم خففت دمي جنس خفة ابدعت وتجليت لو شفتني تقول ده عادل امام ما خليل وفي نفس اللحظة ذهبت الحكنوشة وضربت بوش في السوق الشعبي بتاع هندسة .
طبعا كان عندي قميض طويل جدا وجميل جدا عجب الدكتورة واصرت ان تلبسه ذهبت للغسال البركس وقام بغسله وكبيت فيه ريحة الدنيا كلها واحضرته لها نعم الدكتورة لبست قميص خليل ولعلك تذكر جيدا ان احتفظت بهذا القميص سبعة سنوات.
ولكن الدكتورة طبعا حبت الحنكوش طلال الاحمر ومازلت بعد عشرون عاما ازورها وهي الان رئيسة مستشفي شهير بالسودان نواصل

Post: #6
Title: Re: اليوم الحار ومابنداريوم الهندسة والمعمار
Author: Muna Khugali
Date: 12-29-2005, 11:19 AM
Parent: #1

واصـل ذكـرياتك فهي جميـلة..

كـل سـنة وانت طـيب..

مـني عـوض خـوجـلي

------------------------------------------------------------

استاذة مني

لك التجلة ويبدو كلنا اسير الذكريات لان في الزمن العين تلاشي الصدق .

واقول
الذكريات بلابل في خاطري الذكريات وانا الوتر

الذكريات قلبي لوعة فعلام تضحك في سمائك يا قمر

وسوالي ايهم اجمل ذكريات الشفيع ام عثمان مصطفي

والي لقاء

khaleel
____________________________________________________________


كـلاهمـا خـلدا ذكـرياتهمـا في وجـداننـا..فمـا ماأجمـلهمـا!

تحبـاتي ..

مـني عـوض خـوجـلي
____________________________________________________________

معليش ستي مني القصيدة كتبتها غلط

الذكريات بلابل في خاطري الذكريات قصائد وانا الوتر

الذكريات تزيد قلبي لوعة فعلام تضحك فعلام تضحك في سمائك يا قمر.

نعم اجمل ذكرياتنا وحياتنا بالجامعة ومنذ التخرج صارت الحياة اكثر قسوة ومسئولية وعن الذكريات سئل مرة اشتاذنا هلاوي ماذا عن ذكرياتك في كسلا فقال بها طفولتي وصباي وحبيبتي التي رحلت مع اخر. واظنهم كثيرون

khaleel
________________________________________________________________

يا سلام يا ابوخليل انت طلعت من وين الليلة هندسة كدة مرة واحدة

وداخلية فلسطين ...وجنجا..دانييال احسن زول بلعب كورة في العالم

ومعاوية السمين ..وبتاع الاقتصاد طارق القصير

وجاء عمر اومو

واذكر اولا د مدني الحلويين الذين علموني الوست..واظنك لاتنسي صديقنا عمر فلاشا رحمه

الله..ودرة اولاد الابيض صديقي الجميل وليد زكريا.الصادق فيصل ..ميرغني الرايق..وعباس

شبشة..ومعاوية ديفيد.وقروووود......وطه النور...انت عارف يبدو ان الجلاب غلط في العنوان لانو
المقصود كان صديق اخر تعرفه انت جيدا

عبدالكريم الامين احمد

_____________________________________________________________

نعم كريمو اجمل ايامنا كانت هناك ولكنك ذكرت ابناء الولايات ونسيت اهم ناس الحناكييش والحنكوشات اولاد لندن وبنات لندن واولاد امدرمان وبححري ناس محمد شلوت والحسين وهشام نجم الدين واحمد عبد العظيم والاصم وابو اللقس وساكوبه والمشاغب ابو سمرة وحسن محمود وطلال الاحمر واهم زول طه العب تري هل يعود ذلك الزمان

khaleel
__________________________________________________________________

معقول يا ابوخليل ..محمد الحسين احسن زول مركز في العالم .تسالوا عن الساعة في اي

زمان يديك الزمن دون ان يكون معاهو ساعة..احمد عبدالعظيم ..يحي حمدين..حاتم الجد.

جلال.نادر هداية الله.خالد الحاج..اريج ..وبكنام سعيد..

و فوق عشان هندسة فوق

عبدالكريم الامين احمد
_____________________________________________________________________

اتذكر اول انتخابات اتحاد وانا ما صوت فقابلتني الاخت هويدا شبو وكانت من الكيزان وطلبت مني التصويت فقلت لها انا ما عندي بطاقة فقالت لي بضمنك انا فذهبت معها للقاعة التصويت وهناك وجدت وليد زكريا وكان من مراقبي الانتخابات يمثل التجمع فاشار لي بعلامة النصر وهنا شعرت بوخذ الضمير الكوزة ضامنني وناس التجمع اصحابي فتوكلت علي الحي الذي لا يموت واديت كل زول شعرين صوت وضاع صوتي هناك مش قلت ليكم كنت برلوم بري

khaleel
__________________________________________________________________

الله يا خليل

رجعتنا لذكريات تلك الأيام الزاهيات في عمرنا .في زماننا و أظنه سابق قليلاً لزمنكم كانت المنافسة الكروية بين الهندسة والآداب ، وبين الهندسة ومجمع شمبات ( زراعة وبيطرة )

فكانت هتافاتنا الأثيرة في لقاءات هندسة / آداب

ثلاثة لكاشر في الإسبوع دخلوا الجامعة بدون مجموع
بعد ما شاب جابوا الآداب
( نظراً لكبر سن طلاب الآداب في تلك الفترة حيث كان يوجد منهم عدد كبير من الأساتذة المفرغين من وزارة التربية )
وكانو يردون علينا
الفرع القام دابا جنبنا شقاوة العزابا الجنبنا
( نظراً لقلة عدد الطالبات في ذلك الوقت بالهندسة )

وفي لقاءات هندسة / شمبات وعندما يصاب أخد لاعبي شمبات ويقع أرضاً

عاوز عمرة جيبوا الورشة

معك نواصل

عاطف عمر
__________________________________________________________________


الله يجازيكم، رجعتونا عشرين سنة! هل هكذا كبرنا؟
ليتنى أذكرك خليل. نحن من بعدكم بعام.
بعض الأسماء هنا معنا فى شيكاغو أو مناطق أخرى من أمريكا، وساكوبا فى كندا.
كانت لنا أيام!
لو كان فى السودان مبدعون او مستثمرون يجيدون الاستثمار لاستحقت هذه الذكريات افلاما خاصة وانتاجا سينمائيا، وخصوصا لحظات التنافس الرياضى او حتى السياسى.
ربما تكون أياما عادية ولايهتم بها احد غير أصحابها، لكنها حبيبة لنفس الكثيرين مهما تباينت الأجيال

mohammed elsaim

______________________________________________________________________

اهلا يا ود الصايم ..اجل كيكي فلسطين 14..وكردفان 39 وعطبرة ب ,تهراقا ام الداخليات

تلك اروع الايام..هندسة اقتصاد كورة بطعم لذيذ. انور ام دوم ومحمد متوكل العب زولين

في العالم هذه قناعتي حتي الان ولاتهتز ابدا ...لاادري من اين ابدا

يا ربي من البركس ..الصفرة المين ولا الحرس فيصل ويحي السمين ولا عوض ولا عمك امين

ام من كافتيريا اقتصاد ابراهيم باخت و اسامة جعفر وفرح بلة.ايهاب ومبارك ولا احمد

شندي (اخر تسطيح)

ام ابد بالنشاط امين السيد وصلاح العاقب..نزار وعبداللطيف واحمد عثمان ولاصلاح بتاع

انصار السنةمحمد طه محمد احمد..علي عبد الفتاح حاج ماجد ,ابوضفيرة الرقم 13



وفوق عشان هندسة دي عزيزة علي ايييي كدة لعبتها....

ويا حليلك يا عمر الحبر

عبدالكريم الامين احمد
_________________________________________________________________

يا سلام علي سنة اولي جامعة ويا سلام ونحن ضيوف علي ناس العلوم قبل ان نقطع الميدانالغربي ونحن في قاعة (olt) والحلويين في (glt) يا سلام علي دكتور ودالمكي وحسين ايوب واسامةعثمان وعبدالجليل وكل استاذة علوم ومرة ود المكي بدرس وكان الباب الخلفي مفتوحا فدخل زميلنا نادر كوبر فصاح ناظ م يا دكتور كوبر جاء وبعد شوية ساكوبة جاء وبعهد طه العب ابوسمرة جاء وهنا صاح دكتور ودالمكي ايه الاسماء الغريبة دي كوبر ساكوبة نحن في تكساس وضجت القاعة بالضحك.
اذكر بنات الطب وهن يتكلمن شرحتو التوت والتلابية والككروش اي الضفدع والسمكة والصرصور منتهي الغنج والدلال واذا سناير العلوم وهم يبرلمونا واحد ابيضاني اسمو رافت وكان واحدة من حسان العلوم تقول ليه حرام عليك يا رافت ديل برالمة مساكين واذكر سناير الهندسة الحلويين ناس ظافر عبده وهشام سفل وخالد الشهير وعبدالله الروسي ومحمد عبدالجليل وملهم والتيمان ويس الميكانيكي ويحي وبنات كتار في هندسة رغم انف ناس اقتصاد كانو ينعتونا بالعذابة وفي الكورة يقولو بنات واولاد بلاعات ونحن نرد تلاتة لكاشر في الاسبوع دخلو الحامعة بدون مجموع واتذكر حفلة وردي في دار الاستاذة وهو يقول فدي لك العمر ونحن نرد فلانة لك العمر وابناء دفعتي يفرفون فلانة ولابد ان اتذكر خلفاالله الحرس وهو يدعي انه يعرف انجليزي ونحن في طابور الصفرة ينصحنا الا نكثر في اخذ الخبز ويقول يا برالمة اي واحد ياخد عيشة واحدة (at least) وقد عكس المعني تماما

khaleel
________________________________________________________________


ونحن رغم سمستر صلاة النبي فوقوالجكس فينا مكسر

الاخ خليل الرجاء الكتابة عن مولفي اغاني دوري الكليات في الهندسة

وانت كنت اولهم

عبدالكريم الامين احمد
____________________________________________________________________

نعم كريمو انت الوحيد انصفت اديبا من مولفاتي كانت اليل يا ليل يا حلاة الهندسة بالليل وحتي عيلوم والجاز وصل ام هندسة دي فكانت من اولاد جامعة الجزيرة واخبرني بها الثيردباك طلال حامد وقمت بترويجها ومن المولفين ابوسمرة ومنقوشي استورد عبارة حندقك يا حكم من مصر وكان ايضا من المولفين الخير ومباراة الجامعة الاهلية مع الخرطوم استقبلت في المين رود ناس الاهلية برائعة محمد ميرغني حبابن جن وكنا نشغالهم يا بابا عايزين جامعة وهم يقولون سبعة جات يا جداد ومازلت اذكر محمد الحسن وصديق العربي ماذا فعلو بالمدرجات

khaleel
______________________________________________________________________

فوق ..عشان دريسة..وصلاح العاقب ..وايمن وكوكة..يحي .ظافر.والشهير وهشام سفل

وعشان محمد متوكل ووليد اللتر .وهشام ابوشيبة..بهاء الدين.والصادق تنقا

ومحمد اريه.ونادر والله عشان حاتم معني

عبدالكريم الامين احمد
_______________________________________________________________________

لعلك تذكر جيدا كريمو مباراة اقتصاد حيث قمت انا بجمع(sharing) من ناس الكلية لشراء طبول من سوق امدرمان وذهب طه العب لمنطقة العشش لتربيط الكورة عند احد الاناطين ولكن تلقينا هزيمة ساحقة من اقتصاد بلغت تلاتة اهداف وعملو لينا سيرة وين وين تلقو زي ده عروسنا الشينة مهندسة وكان يقود التشجيع عبدالله جنجا وحاولودخول الهندسة فتصدي لهم الحرس الجمهوري تحت قيادة عوض سعيد والعملاق حسن محمود

khaleel

___________________________________________________________________________

اذكر في هذه الكورة كانت هناك لستة للتكديك

1- انور ام دوم

2-حاتم معني

3-محمد سيد( ولد كوستي اللعاب داك)

واكد طه العب كلو تمام التمام ..ورغم هذا هزمنا 5 مقابل 1

واذكر ان اصدقائك الحناكيش كانوا سخيين جدا في الشيريين

عبدالكريم الامين احمد________________________________________________________________________

وأذكر ياكريمو دورى الجامعات وكان مسك الختام مع الفرع وتلاعب بهم أنور امدوم ومحمد السيد يمنة ويسارا. أنور رفع الكرة فى لمحة بصر من الأرض الى رقبته ثم نظر للمدافع فى عينيه ومشى وجرى وربما طار بينما المدافع مازال محتارا أين ذهبت الكرة. كان مع الفراعة جعفر عبد الرازق وقد فعل الأفاعيل وأحرز هدفهم الوحيد بعد البينالتى؟ لكنا هزمناهم شر هزيمة فى استاد الخرطوم وانطلقت المظاهرات من المقرن حتى الجامعة - بلادتو بلادة وجابو حمادة، ثلاثين فى المية جابو الختمية، وكان ذلك أوان كشوفات قبول ذاع ذكرها. وفى المدرجات كانت فرقة الجو الرطب ترطب الهزيمة بالسخرية من الداخليات - فول وعدس، وتانى عدس او ماشابه.

mohammed elsaim
________________________________________________________________________________

وماننسي اولاد داخلية النشر ناس حكيم وود الاسد وناظم وساكوبة كان غرفتهم تسمي وكر وما تنسي انت لمن خفت من صلاح العاقب يوم لعب معنا الوست وانت قلت الرجل الكبير البجيبو لينا شنو وما ننسي جمال الطباخ والغسال الذيذ وعباس ومزمل وناجي وحسن حسين انتخبو كيكي وناس سيد الرايحة واحمد التجاني وسيد الرايحة وسيف تنقا ومحمد بدوي الدجال ومصطفي ميرغني وحفالات دار الاتحاد واستقبال الطلبة الجدداظن سمعنا معظم عمالقة الطرب وما تنسي اول مرة نشوف حوض السباحة وكافتريا اقتصاد والمين رود الكان كاسر فيني ضلعة لانو كان فيه ما لذ وطاب وماننسي الزميلات في سنة اولي مي صفوت وغادة كدودة وزلفي الاسد ومي عزالدين وبنات الشهادة العربية ناس اهلية وسامية واهم زول خالد شيخة وكبر وكل الخناشير

khaleel
__________________________________________________________________________

يا خليل يا زكريات....

اذكر اول مرة نشاهد حوض سباحة كان حوض البركس.ورايت واحد عوام شديد كدة زي السمكة

فعرفت لاحقا انه ود دفعتنا عوض سعيد احد ابطال السودان في الكاراتيه

وكان رياضي من النوع الاول وعرفت انه الا ن بكندا...ام الرياضي الفريد فكان محمد متوكل

معبود جماهير الهندسة.فود المتوكل كورة واخلاق وقيافةوعلم..وكمان مشي مع اجمل بنات

الجامعةوالجامعات المجاورةوكان ماركة مميزة في كل ماتشات الكلية وبعبع مخيف لكل

الكليات..واوكد مرة اخري ان ود المتوكل العب سوداني مافي شك في هذا.وكان لود

المتوكل عادة غريبة انه دائما يبدا الماتش متاخر واذكر ان هناك احد الطلاب المشاهير

في الكلية يقوم بالتسخين مع ود المتوكل علي اللاين.

اما عن كورة هندسة واقتصاد فكان هذا ديربي كبير لا يقل عن هلال مريخ

وياتي الناس من خارج الجامعةوهم يعرفون اسماء كل اللاعبين.وكانت كل الكليات تقف ضد

الهندسةالتي يحتل طلابها مدرج ضخم ..ويهتفون ضد الجميع

الجامعة هندسة اولا جامعة


وسنواصل

عبدالكريم الامين احمد
___________________________________________________________________________

ابراهيم احمد ابو سمرة صديق بطعم الابداع كان من كبار مشجعي الكلية واكثرهم جراة

وشهرته فاقت الحدود حتي قيل ان حسناوات الاهلية الواحدة تقول اموت عشان اشوف ابو
سمرة
رغم انني كنت من المكذبيين لهذه الاشاعة...كان ابو سمرة شاعرا مجيدا ,وكان احد ابطال

الكلية في فريق السلة وكنا نقول( شيلو الكاس وادونا حمادة)..وابوسمرةكان من كبار

رواد المين رود وكان يجيد فن الخلط واظنه كان في عهدا ما مشتسار لاخونا خليل اثنا

حبة الشهير في ردهات الاداب الذي جعل خليل يقول

لاحباك قطيط لالقيت النقر يا ابو خليل خلاص ارجع لامدقر

عبدالكريم الامين احمد
_______________________________________________________________________

وكان هناك ياخليل طه النور اسحاق طه العب ..شطارة وصياعة..شعر وهندسة

وكان اخو اخوان ومن المشجعين الذين يجيدون ضرب الدرم.انتخب سكرتير اجتماعي

للجمعية الهندسية وذهب لرحلة مصر الشهيرة وعاد بونسة جميلة عن عزيكة وكلوب

اشهر تيمان في الهندسة حينها.وكان مشجعا جسورا يخافه السكرتيرات كثيرا..ولكنه

ارتبط اسمه بحادث التكديك الشهيرة واصبح يشجع من اعلي المدرج

عبدالكريم الامين احمد
______________________________________________________________________

Post: #8
Title: Re: اليوم الحار ومابنداريوم الهندسة والمعمار
Author: Tabaldina
Date: 12-29-2005, 11:44 AM
Parent: #1

..
.
يا خلي ..

انت خليل زاتك ..
بتاع سودانت وشلة المراة النخلة ..

ام تشابه على الخلان..

تحياتى؛؛

Post: #9
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 12:09 PM
Parent: #8

تشابه عليكم الخلان وفي كل خير يا تبلدينا وفي انتظار انت تكتب عن ذكرياتك

Post: #10
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 12:32 PM
Parent: #1

وفي منتصف سنة اولي جامعة كون اخونا خالد شيخة لجنة اسماها لجنة بحث عدالة الفرص الجامعية وكانت معنية بمحاربة شهادة لندن وكان معهم مجموعة من بقية الكليات ناس احمد شندي ومن هندسة كانت زميلتنا رباح الصادق المهدي نشطة جدا كانت مظاهرات واعتصمات من اجل عدم قبول ابناء شهادة لندن بجامعة الخرطوم بحجة ان امتحاناتهم ساهلة والمنافسة غير عادلة مع الشهادة السودانية.
اما انا فقلبي مع معاوية وسيفي مع علي مع الحناكيش بشوف ناس طلال الاحمر واحمد عبدالعظيم وناس منار بشري وايمان كليفورنيا ومها ذكريا وغادة كدودة ومي صفوت مايسة عزالدين وحنان الجعلي وخالد بشد حناكيش حلويين وبجاي تلقي ناس كبر وكيكي وطه العب وساكوبة كوم شنة فقلت حرام ان نفقد هولاء الحناكيش وخليهم الجامعة تحدد بالامتحانات والحشاش يملي شبكتو وقد اظهر ابناء شهادة لندن تفوقا في مقبل الايام ونواصل

Post: #11
Title: Re: اليوم الحار ومابنداريوم الهندسة والمعمار
Author: نادية عثمان
Date: 12-29-2005, 12:39 PM
Parent: #10

ابو خليل


ياملك السهل الممتنع

حكاياتك شيقة ولطييييييييييييييييييييفة وذكرياتك حميمة

واصل ونحنا متابعييييييييين للطيش يازول انت بس قول ..

Post: #12
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-29-2005, 02:13 PM
Parent: #11

ابو خليل ملك ملوك الظرافة واحسن زول بحكي عن اجمل الايام ..وابوخليل ده

ياجماعة عاش الف عام... فتي نحيل.. اقتحم الجامعة قادما من قلب الريف ...واصبح

خليل اكبر زول اجتماعي في سماء الجامعة وخلط احلي البنات وكان احد ملوك

شارع المين رود الشهير..مع ابن خالته الوسيم طارق وايضا كان عاشقا كبيرا

واحسن زول بسمع وبتكلم في الغناء والهلال

ويلا يا سهل يا ممتتع متع الجماهير (وكع يا خلي)

Post: #13
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 03:01 PM
Parent: #12

طبعا يا كريم الجامعة كان فيها اقطاع وطبقات الحناكيش كانو بحبو في المين الرود وبفطرو شاندوشات وناس جداد الخلا كان بحبو في ظهر التور وبعض الطبقات الوسطي بحب في كافتريا اقتصاد وكافتريا علوم لكن كعظم الناس يتوجهون للفطور في الصفرة كان الاكل ما بطال ولابد ان احيي الطباخيين والفراشيين والحرش ناس عبد الحفيظ ويحي وعوض وعمو زحو من جنبو فقد سهر الجميع علي راحتنا وقد حسدنا ناس الانقاذ وكسرو الداخليات والجامعة واظن ان البركس اصبح داخلية بنات انشاء ما انفعن.
طبعا حكاية الطبقات ظاهرة حتي في الشيوعيين لما ناس محمد اسماعيل والشوية اكون عندهم عرس في الرياض ما بعزمهم شيوعيي الولايات.
وطبعا يوم الخميس اولاد الولايات بمشو اتسولو الحفلات في الاندية ولعلك الحفلة الكانت في نادي الضباط ومشينا مضهبين و والعرس كان بتاع دكتورة مها الحضري وشفها جمال احمد النور فهربنا من الحفلة بعد صاح جمال ديك مها ديك مها ونواصل

Post: #14
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 12-29-2005, 03:36 PM
Parent: #1

الاخ خليل

السلام عليكم ورحمة الله تعالى وبركاته

سردك جميل جدا للذكريات ومشوق رجعتنا لايام الدراسة الحلوة بما انى مازلت

طالبة (عجوزة) الا ان ذكريات الصبا وايام الجامعة ايام لا يمكن ان تعوض

واصل نحن فى الانتظار


انتصار

Post: #15
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 03:46 PM
Parent: #14

شكرا انتصار ما اظن في اجمل من ايام الجامعة لانها هذه هي الحياة بدون مسئولية ماكل شارب خالط بس لون الدنيا اصبح غير كما يقول نبيل شغال بعد التخرج الحياة اصبحت اكثر قتامة وقسوة والله ياذي الاذانا

Post: #16
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-29-2005, 04:09 PM
Parent: #15

ابو الخل

والله اعدتنا للايام الجميلة وفعلا الله ياذي الاذانا ويا حليل زمن البركس وجلابيه البركس والردا

بتاع كيكي الشهير...وكافتيريا الاقتصاد ..ويا حليل شيلة ال T ..ودورين 2 والبورد وكافتيريا

هندسة التي كانت احلي الاماكن ونتوقع يا ابو خليل ان نقرا عن صداقاتك لاولاد ام درمان وخاصة

اولاد زهير

ويلا عشان ذات الخطوات الموزونة

Post: #17
Title: Re: اليوم الحار ومابنداريوم الهندسة والمعمار
Author: عاطف عمر
Date: 12-29-2005, 04:14 PM
Parent: #15

من الذكريات التي لا ينساها طلاب الهندسة المدنية الكورس التدريبي لمادة علم المساحة الذي كان يعقد في منطقة جبل أولياء سنوياَ في الإجازة الصيفية للسنة ثالثة هندسة .
في ذلك العام ذهبنا. كانت دفعتنا تضم ثلاثة طالبات أحداهن الأخت العزيزة ( ---- ) التي كانت تمتاز مع روحها المرحة بجسم ممتلئ يجعل حركتها بطيئة . إتفقنا ونحن نقوم بالأعمال المساحية في شوارع الحلة أن تكون مهمة زميلتنا هي تسجيل القراءات التي نلتقطها حيث كان ( الثوب السوداني ) الذي ترتديه مقيداً لحركتها . كان منظر هذه الزميلة وسطنا مثيراً للشفقة ، مما دعا إحدى سيدات ذلك الشارع أن تخرج من بيتها ( بنبر ) وتعطيه للزميلة ( ---- ) قائلة لها ( اقعدي واكتبي بي راحتك يا بتي ) . راقت الفكرة للزميلة وأخذت معها ذلك ( البنبر ) طيلة ذلك اليوم . رأت مجموعة من الستات المارات قربنا الزميلة وهي تحمل ( بنبرها ) ، فالتفتت لمن معها تلفت نظرهن لذلك قائلة :-

( يا بنات أمي ناس الهندسة السنة دي جابوا معاهم دلالية )

فشبك إسم ( الدلالية ) بهذه الزميلة حتى ما بعد التخرج .

بعد التخرج بحوالي خمس سنوات رجعت للسودان لإتمام زواجي وطفت على الزملاء والزميلات بالوزارات أدعوهم . ذهبت لوزارة الأشغال وسألت من صادفتني عن مكتب المهندسة (------ ) بإسمها الثلاثي ، أجابتني أنه لا توجد مهندسة بهذا الإسم ، فلما رأت إصراري استدركت

( آههههههه إنت قصدك الباشمهندسة دلالية ؟؟؟ )

Post: #18
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 04:33 PM

لك الشكر عاطف عمر نعم برضو ذهبنا للجبل اولياء وكان معنا اولاد مساحة وكان هذا مع امتحانات الملاحق وكانت بتجي اخبار النتيجة وانا ذهبت للجامعة وسمعت في اتنين ربتو وسمعت دكتور محجوب يقول بان زملينا حسين عندو مشكلة في اعمال السنة فخمنت ان من المربتين حسين لان معظم ناس الملاحق ربتو قبل وما عايزين اعيدو التجربة .
وبعد ان ينام الناس كان ياتيني عارف ويصحيني من النوم خليل خليل عليك المربتين كم فاقول له يا عارف اظنهم اتنين امش نوم.
انا اطلقت اشاعة بان حسين علي ربت وكان اصحاب الملاحق يرددون خش يا حسين املا الخانة يا حسين نحن ما بنقدر نربت تاني.
المهم ربت محمد الحسين وكمال ابراهيم ونجح البقية.
كان معانا واحد من ناس مساحة وكان من النفترض ان يعمل الكورس قبل عام ولكن لم يتمكن وعمله معنا وكان اسمه غير موجود بالكشف وكان دكتور عكود يقرا الكشف ولم يذكر اسم زميلنا غازي محمداحمد وهنا صاح غازي دكتور انا متخلف فضج الجميع بالضحك واطلقنا عليه بعد ذلك غازي المتخلف
واكر كان معانا الزملية العزيزة زينب محمد سليمان متعها الله بالصحة والعافية وقد اوكلنا لها مهمة الرسم فعسكت اتجاه الشمال فصار جنوبا وذهبنا بالخرطة للدكتور فقال يااخوانا دة يوم القيامة عديل الشمال جنوب والجنوب شمال ونواصل

Post: #19
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-29-2005, 05:04 PM
Parent: #18

كورس المساحة بتاع جبل اولياء يا ابوخليل من اجمل اللحظات ومعسكر تتعلم فيه فنيات مساحه

تظل معاك طيلة عمرك ..وبه جانب اجتماعي يقرب الناس من بعض واذكر ان اهل جبل اولياء كانو كرماء

جدا وينتظرن ناس 3 مساحة و4 سفل بفارق الصبر

واذكر اننا كنا قبل النوم كان محمد area بحكي لينا النكات العجيبة ديك وكان معانا واحد

زميلنا انصار سنة عامل فيها نائم ولكن اكتشفنا انه بضحك علي نكات

areaتحت البطانية

Post: #20
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 05:16 PM
Parent: #19

يسلام علي محمد الطيب سليم عندما كنا برالمة كان لا يعرف هندسة مساحة بالانجليزي فترجمهاحرفيا انه هو طالب في(faculty of arae) بدلا عن(surveying) وهناك ايضا هاشم كان لا يعرف كلمة (consider) وينطقها كونسايدر والاتنين ما زال يعرفون بهذا الاسم لكن نحن عشان بارينا اولاد وبنات لندن انجليزي بتاعنا زي الرصاص

Post: #21
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-29-2005, 05:50 PM
Parent: #20

طلاب الجامعة في تلك الفترة العلاقات ممتدة عبر الكليات وكانت الشلل ليس من الهندسة فقط

بل تمدد الشلة لكليات الدايات وشمبات واصدقائنا ناس القمائر وكانت شلةخليل تعج بالناس

الحلويين الذين نطرب عندما نراهم بصحبة ابوالخل

طارق الوجيه وسنادة وجلال احمد النورواحمد الحنين ديل ناس الطب ...وده كلو كوم والموسيقار

الاصم كوم تاني


وشنو يا خليل كابي الذوقة من موضوع القط

Post: #22
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 05:57 PM
Parent: #21

معليش مواضيع قصص الحب فاشلة كانت في سنة خامسة ونحن لسع برالمة خلينا نمش بالتسلسل

Post: #23
Title: Re: اليوم الحار ومابنداريوم الهندسة والمعمار
Author: القلب النابض
Date: 12-29-2005, 05:59 PM
Parent: #21

انا لومنك يا خليل ولا بتخرج ولا حاجة

لكن الظاهر زنقة امتحان واحد تقول ان شاء الله اتخرج واتخارج من الامتحانات دي .

لكن لقيت الدنيا برة كعبةةةةةةةةةةة وشينةةةةةةةةةةةة وما بتستاهل يتخرجوا ليها


اتمقلبت والله

Post: #24
Title: Re: اليوم الحار ومابنداريوم الهندسة والمعمار
Author: khaleel
Date: 12-29-2005, 06:08 PM
Parent: #23

براي اتمقلبت كل الناس اتمقلبو هربو للندن وامريكا وباعو البتزا واشتغلو بتاعين تاكسي فمنهم من قضي نحبه ومنهم من ينتظر ولا عزاء للسيدات

Post: #26
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-30-2005, 12:27 PM
Parent: #24

تسلم يابوخليل

اذكر عندما اتينا الي سنه اولي تم توزعينا بداخلية فسلطين الطابق الثاني غرفه 14

وعندما ذهبت للغرفة وجدت ساكن فيها الشهير عمر اومو وكنت في اول ايام مفتكرو مساعد تدريس

في الجامعة وكنت معاهو اخر احترام وكان معه اخوه التاني كان اومو عرفني بيهو باعتباره العميد

فلان...فكان عندي جلابية اشتريتها جديدة لنج وبعد يومين جيت من الجامعة لقيت ليك اخو اومو ده

لابس جلابيتي فقلت ليهو يازول دي جلابيتي تخيل قال لي ياولد امشي نوم انا العميد فلان الفلاني

واصدرت تعليمات انو الجلابية دي يوم انا ويوم دكتورعمر وانت لو عاجبك نديك تلبسها يوم الجمعة

بس

Post: #27
Title: Re: اليوم الحار ومابنداريوم الهندسة والمعمار
Author: khaleel
Date: 12-30-2005, 02:06 PM
Parent: #26

يسلام يا كريمو علي مجانين الجامعة اومو وعثمان وميرغني العامل فيها دكتور طبعا ان عثمان جنني من اول يوم فهربت وسكنت غرفة 42 مع اولاد مدني حمد حماد اسامة احمد عبدالله احمد التجاني بكري عبدالقادر مصطفي ميرغني سيف عمران طبعا انا واسامة واحمد صاحبن بنات البص ناس مي واماني ومها وكان بجي بكري ياخوانا ما تعرفونا وسامة احمر ليهو ويقول الجكس نحن لمينا فيهو بالساهل امشي اجتهد.
بعدين اول سقوط لينا كان في امتحان الانجليزي بعد اسبوعين من الجامعة وتذكر دكتورة نجاد لما طلعت النتيجة قال نحجي (with B) لما قالت كدة قلت دي صوفيا لورين.
ولعلك تذكر بحر بتاع مدرسة العلوم كنا ننسج له قصص من الخيال ونقول امبارح شايفنك مع سحر بتاعة اداب فيرد بكل ثقة ما عندنا معاهو حاجة بس بنشرح ليهو انجليزي يا بحر شايفنك مع سلمي بت اقتصاد فيقول ما عندنا معاهو حاجة بس بنشرحو ليهو ماسماستك مع لا في سحر ولا سلمي
ذات نقول ليهو ما نعرس فادية الحنكوشة قال ما عندو مشكلة بس ضيوفو كتار ونواصل

Post: #28
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-30-2005, 03:10 PM
Parent: #27

خليل يا خليلوالله انت مسخوط ..ياخي بكري ده ما كان تدوه معاكم حاجة

الجامعة غير الطلاب الحلويين كان هناك الحرس والسفرجية والكبابست الظراف

وطبعا الواحد منهم لمن عمرو يكون 18 بحولوه من داخلية البنات الي البركس

واما عمر امو ده فكان زول لطيف جدا وعنده اركان نقاش يتتكلم كلام الطير في الباقير

ويبدا بالحديث عن الترابي ثم يعرج عن كوبا وقبل ماينتهي يكون اتكلم عن الهلال وكان جنو

وجن البنات ولمن يشوف الواحدة وقفت في الاركان بتاعتو يبدا في كلام كعب شديد

Post: #29
Title: Re: اليوم الحار ومابنداريوم الهندسة والمعمار
Author: khaleel
Date: 12-30-2005, 03:31 PM
Parent: #28

من نكات عمر مرة قال يا اخوانا اي زول ادفع ريال ريال لان عندكم اختكم فاجاها المخاض في الصفرة ياخي كان جنو كلكي

Post: #30
Title: Re: اليوم الحار ومابنداريوم الهندسة والمعمار
Author: mohammed elsaim
Date: 12-30-2005, 05:07 PM
Parent: #29

قبضتك يا قرقر. ومن زمن اسال في نفسي خليل ده منو?


Post: #31
Title: Re: اليوم الحار ومابنداريوم الهندسة والمعمار
Author: القلب النابض
Date: 12-30-2005, 05:25 PM
Parent: #30

لسة انت في سنة اولى ياخخخخخخ؟؟؟

Post: #32
Title: Re: اليوم الحار ومابنداريوم الهندسة والمعمار
Author: khaleel
Date: 12-30-2005, 07:16 PM
Parent: #31

ايوة اجمل سنة في الجامعة بعد كدة دقونا دق العيش

Post: #33
Title: Re: اليوم الحار ومابنداريوم الهندسة والمعمار
Author: khaleel
Date: 12-30-2005, 07:20 PM
Parent: #30

يا محمد وين ناس دفعة ستة وتمانين الذاذ ديلك

Post: #34
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-31-2005, 01:20 AM
Parent: #33

والله يا ابو خليل بوستك لامي الفراش..(انت مشيت لقوبي ولا شنو)

واذكر ان ابو خليل حكي لي انه عقب تخرجه زار الجامعة

فصادف ان هناك كورة للهندسة في الميدان الغربي فترك المشجعين تشجيع الكورة واصبحوا

يرددون حليل زمن ناس ابو خليل فعندها انهمرت الدموع علي خدود ابوخليل فلم يستطيع البقاء في

الجامعة فخرج ...فعلا حليل زمانك يا ابو الخل

Post: #35
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-31-2005, 01:46 PM
Parent: #34

up

Post: #36
Title: Re: اليوم الحار ومابنداريوم الهندسة والمعمار
Author: khaleel
Date: 12-31-2005, 01:59 PM
Parent: #34

كل سنة وانتو طيبن وربنا يحقق الاماني ويجيب ناس اماني والله ما عايز اخلي سنة اولي علوم وامشي سنة تانية لان ناس هندسة ما احترمونا اكاديميا ربتونا ورفدونا وفي الاخر نحجونا كل ما اتذكر سنة تانية جامعة احس بالمرارة تلات سنين وانا في سنةتانية كل الجكس العملتو وربيته وانا برلوم انفضي مني وتركت المينالرود بقيت امشي بشارع النيل لكن مابراي معاي اخوي الكاشف ناس كيكي واريج وخالد شيخة واسامة سيد الرايحة والهادي الاصم واريج جعفر ومصطفي بوب وكمال الشيخ ومرتضي وعبدالله اسحق وطارق عكيورة هسع ديل برة عاملين مهندسين كبار لكنهم ربتو ربيت لكن ادروب ما بليد ادروب ولوف

Post: #37
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-31-2005, 02:09 PM
Parent: #36

ياخليل شنو الفضائح دي ماالربيت بتاع الرجال

وبعدين ماتنسي كبر وسيف اسكلاتشي وبعدين ضروري نعرف

اخبار الربيت والشلة بتاعتكم الكنتوا تواسو بعض وعاملين

قروب فارز عيشتو براهو بذاكر وبقوم وبقعد مع بعض وضروري بالله ابراهيم جرايد

وهشام توفيق لانو ديل كانو كيزان لذاذ مثل زي الكيزان الحسي ديل..............والاصم

Post: #38
Title: Re: اليوم الحار ومابنداريوم الهندسة والمعمار
Author: khaleel
Date: 12-31-2005, 02:17 PM
Parent: #37

بعد ما ربتنا في السنة تانية الاولي وجينا تانية التانية كان في ناس عندهم ملاحق اذكر صديقنا ايزاك من جنوب السودان نحج في الملاحق فقال عبارته الشهيرة بانجليزي جوبا(iwill nver fail again) وبرضو طارق ود العيكورة وهي من قري الجزيرة وكل طموح ناس الجزيرة ان يلتحقو بالري فقال بعد ان نحج في الملاحق والله تاني ما يلمو فيتي الا في الري ولكن تم اصطياده تاني في سنة تالتة ولحقناهو زي ناس كتار فاتونا في سنة تانية ولحقناهم في لان زي ما عارفين الربيت بضعف المناعة

Post: #39
Title: Re: اليوم الحار ومابنداريوم الهندسة والمعمار
Author: القلب النابض
Date: 12-31-2005, 02:25 PM
Parent: #38

انا طبعاً دايرة سنين الربيت ديل يعدن, ونصل سنين أخرى.....

ونشوف القصة بعد داك بقت كيف .....

لا مين رود ولا سوق شعبي


Post: #41
Title: Re: اليوم الحار ومابنداريوم الهندسة والمعمار
Author: khaleel
Date: 12-31-2005, 02:40 PM
Parent: #39

طبعا في سنة اولي غشونا ماقرينا ونجحنا جينا الهندسة بعد تلاتة شهور قالو امتحانات اخدونا علي حين غرة في ناس كانو يخلطو معانا ويلعبو معانا كتشينة ويمشو البيت اقرو ونحن الدراويش صدقناهم لحدي ما جاء السمستر
ولوكان عميدنا اباح واعلن سمستره صاح انا كنت ليهو قريت
وسالوني عن صبي انكرت ما قريت شوفوهو متخبي في البورد اقول ربيت

Post: #40
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-31-2005, 02:26 PM
Parent: #38

خليل ثانية هندسة طبعا تمثل نقلة عجيبة جدا لانو اولي ممكن تباصي بالمخزن الاستراتيجي

بتاع العالي لانو كل القصة ماس بس بالانجليزي

اما تانية دي امرها عجيب لانو قبل ما تاخذ نفسك يقولو في حاجة اسمها سمستر

وبعدين درونغ وماس كلو بتا وسيتا وكلام الطير في الباقير المهم الله يجازى الكانو السبب

يتشرشحو معاك وبعدين يمشو يذاكروا بالدس (ابراهيم ابوسمرة نموذجا)

Post: #42
Title: Re: اليوم الحار ومابنداريوم الهندسة والمعمار
Author: mohammed elsaim
Date: 12-31-2005, 05:55 PM
Parent: #40

خليل
واحدة من العجائب سمعتها منك وحصلت والأخرى من صديق آخر وحصلت بالنص.
الاولى انت ذكرت ان الويغا قالت لك لن تنجح دروينع 1 ولكنك ستصبح مهندسا! وقد حصل ذلك. مرة أخرى كما ذكر ذلك الصديق فى عام 88 او بداية 89 قالت الويغا ان الترابى سيحكم السودان عشر سنوات. شككت ان الأمن يسرب تنبوءات كتلك.
هل لك ان تفصل قصة الويغا؟ لابأس عليك ان نسيت!

دفعة 86 تفرقت أيدى سبأ. الظريف كمال ابوبكر يمكنه ان يساهم بالمزيد من الذكريات العذبة.

بالمناسبة ذكر عبدالكريم ان هناك من مشاهير الجامعة من كان يشارك محمد المتوكل فى التسخين قبل نزوله الملعب. اظنه يقصد يحى قاسم ضرار الذى كان يصر على الجرى مع ودالمتوكل حتى منتصف الملعب فى انتظار اشارة الحكم للدخول. مع العلم ان يحيى لم يكن رياضيا ولاحاجة!

Post: #43
Title: Re: اليوم الحار ومابنداريوم الهندسة والمعمار
Author: khaleel
Date: 12-31-2005, 06:13 PM
Parent: #42

شكرا ود الصائم وخلي ناس امريكا اساهمو معانا في شريط الذكريات لسع عندنا الكثير المثير الخطر عندنا المعارك السياسية وجلدة الكيزانووحبسهم في مسجد الجامعة وعندنا الغاء السكن والاعاشة وعندنا السيول والامطار سنة تمانية وتمانين ومقاطعة الامتحانات كله ياتي تباعا وكل سنة والجميع بخير

Post: #44
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-01-2006, 09:43 AM
Parent: #43

الصائم لك التحايا والود وفعلا الان تذكرت يحي

اما بالنسبة لاخونا خليل والويغا الحاصل ان بعد التخرج انشطرت الويغا الي اثنين

الالوسي وقسطنطين

الالوسي للحاجات الكويسة والتاني للاشياء الكعبة...

وتخيل الزول ده التكون معاهو جن كلو تنباتو في محلها

كور الهلال

كور برشلونة وريال مدريد احداث العراق ده كلو يديك خبرو قبل كم شهر من الحادث

Post: #45
Title: Re: اليوم الحار ومابنداريوم الهندسة والمعمار
Author: البحيراوي
Date: 01-01-2006, 11:35 AM
Parent: #1

الأخ خليل متعك الله بالصحة والعافية وسرد أجمل الذكريات

إنت يا زول نسيت حاجة مهمة جداً في الديوان غرب الميدان الغربي

يوم الكروة كانت مولعة جداً بين الإقتصاد والهندسة والجماعة واقعين

ليك أولاد وبنات سكرتيرات . وبغادي لن ترتاح يا مساح

وقوم يا أنور جيت الهدف ولحقوا أحمد السيد واحد وغلبوا الهندسة

وقومن يا بنات الإقتصاد بي مسيرة هادرة لي كليات الهندسة البعيدة ديك

ودخلت علي الكافتيريا وجنس هتاف ما هتاف نصاح

وفجأة أولاد الهندسة ما هندسة قاموا فصلوا الكهرباء وتعال شوف جنس جوطة

علي اليمين بعد داك جينا لقينا ليك جنس شنط وطرح وشباشب ما تديك الدرب

وقول يا مسهمل . بس ما تنسي المرة الجاية تدخل بي التي سكوير

بحيراوي

Post: #46
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-01-2006, 12:18 PM
Parent: #45

هندسة عجيبة بطلابها اللذاذ وكان الذ واحد صاحبنا كده كان انصار سنة لحدي ثالثة وبعد

داك مشينا الاجازة وجينا لقينا ليك صاحبنا فتح اخر T SHIRTS

والسيجارة قصبة والشي التاني وانت ماشي معاهو ويشوف ليهو بت حلوه

يقوم بدقك في كتفك وبقول بالله انا كنت عميان من ده كلو

Post: #47
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-01-2006, 01:16 PM
Parent: #46

خليل
يا ملك القماري
لعلك تذكر صديقنا اللذيذ الاخر الذي بجي من بري في انصاص الليالي واقف لمبة

وكان احرف زول في الوست علي مستوي العالم وكان شاطر جدا في الماس

طبعا ركس ده لقاني يوم كده بوزع بيان سياسي بين الاوض في الليل فقال لي تعال هنا يازول

بتعمل شنو قلت ليهو قاعد اوزع بيان فقام خطف الورق مني وبقي يخش اي اوضة ويصحي الزول

ويقول ليه انعل(.....) امسك البيان ده كيكي نازل انتخابات

مع العلم انه لم تكن هناك انتخابات ولاحاجة المهم بعد تلتلة قدرت اشيل منه الورق بتاعي

Post: #48
Title: Re: اليوم الحار ومابنداريوم الهندسة والمعمار
Author: khaleel
Date: 01-01-2006, 01:56 PM
Parent: #47

طبعا لازم احكي نضالي السياسي اول مظاهرة شاركت فيها كانت بتاعة ضربة ليبا ومشينا السفارة الامريكية وكان يقود المظاهرة واحد ليبي ويهتف ريغان يا راعي البقر الشعب العربي كله حر لكن الاحتياطي ضربنا بمبان ابو طيرة وتفرقنا شذر مذر وبرضو طلعنا مظاهرة لما الصادق المهدي زاد السكر طلعنا الكيزان المهم مظاهرة والسلام ونحن برالمة بعدين جات امتحانات البرلم والله دكتور ود المكي عمل امتحان تفاضل عجيب كان معانا واحدة مصري لف جامعات كتيرة فبعد الامتحان جا قال والله شفت التفاضل الجزائري والمصري لكن زي السوداني ما لقاني

Post: #49
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-01-2006, 03:13 PM
Parent: #48

up for the beautiful people

Muna Khugali

Post: #50
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-02-2006, 11:13 AM
Parent: #49

يا ابو خل سلامات

الكلام الان دخل الحوش وشايفك ثانية دي زي عاوز تكلفتها سريع

لكن و ين انا معاك مان تومان

وبالله مرحلها لينا تانية 1(دي زي انانيا 1)

ثانية 2

ثانية 3

ويلا ارح

Post: #54
Title: Re: اليوم الحار ومابنداريوم الهندسة والمعمار
Author: القلب النابض
Date: 01-02-2006, 03:28 PM
Parent: #48

ما قايلاك بتاع بطولات كمان مع اللبيين يا إر

young radical

Post: #55
Title: Re: اليوم الحار ومابنداريوم الهندسة والمعمار
Author: khaleel
Date: 01-02-2006, 04:11 PM
Parent: #54

تحياتي القلب النابض
طبعا نحن جينا برالمة مافاهمين حاجة ما زي الناس المن العالي ودوهم شروني

Post: #51
Title: Re: اليوم الحار ومابنداريوم الهندسة والمعمار
Author: khaleel
Date: 01-02-2006, 01:42 PM
Parent: #45

شكرا بحيراوي شكرا كريم وابيت راجع تاني سنة اولي عشان نسيت الانتخابات بتاعة الدمقراطية الكانت كلها اضرابات مافي زول ما اضرب حتي ستات الشاي لحدي ماجو الكيزان وعملو الحكاية نحن في داخليات فلسطين كنا تابعين لدائرة الخرطوم وكان فيها الفاتح عابدون وعزالدين علي عامر ويوهانس وناس البركس كنو تابعين لدائرة بري وكان فيها فاطمة احمد ابراهيم وعثمان خالد مضوي نحن فاز عندنا عزالدين علي عامر وهناك فاز عثمان خالد هلال مريخ وبمناسبة المريخ في نفس العام فاز المريخ بكاس سيكافا ومشينا المطار وغنينا صعب يا بريمة جبت الدهب يا بريمة.
بعدين جات امتحانات سنة وقد فقدنا بعض الزملاء بعامل التربيت ونحج البقية وجات الاجازة وودعنا الجكس الحلو داك وكنا بقول يا دار ريا ما كان الفراق بالخاطر الحناكيش قضو الاجازة بلندن واولاد الخرطوم مع زويهم واولاد الولايات الاقل والاكثر نموا اصطفو في طابور طويل لصرف بدل الترحيل وكان هناك ناس مستكحين واحد اكون من رفاعة اجيب شهادة سكن من القضارف عشان اقبض بدل ترحيل كتير وامشي القرية اعمل الود مقددها

Post: #52
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-02-2006, 02:35 PM
Parent: #51

ايوه كنا في دائرة عزالدين علي عامر واذكر ان الكيزان كانوا

منزلين الفاتح عابدون وبعدين اذكر ان الشيوعين كانوا عندهم

غنا سمح شديد

سدنة ديل ماتصوتو ليهم سدنة ديل

في الفساد مافيش مثيلهم

واذكر اول مرةا اشوف فاطمة احمد ابراهيم

في ميدان الاداب يا زول كلام في الملان وثقة ومنضمة بادب

وكان واقف جبني واحد ايضا برلوم

فقال لي والله الزولة دي كلامها تمام والله انا لو ماخائف

من فكي فلان كنت بقيت معاهم شيوعي (فكي فلان ده كان عرفت لاحق انه الشيخ بتاع الحلة بتاعتهم)

لاحقا بعد سنين تحرر ذالك الرجل وتخيل بقي شيوعي كبير

Post: #53
Title: Re: اليوم الحار ومابنداريوم الهندسة والمعمار
Author: khaleel
Date: 01-02-2006, 02:54 PM
Parent: #52

ايوة الكيزان كان بقول شريعة ضروري يا كروري ولا ميشيل ولا لينين الخريجين اقامو الدين يا شيوعي يا جبان الاخوان في الميدان وناس حزب الامة الله اكبر ولله الحمد لكن ناس سيدي الميرغني انا بحبهم لكن ما كانو ظاهرين في الجامعة وبعدين في شكلة ظريفة خلاص بين البعثين والشيوعين كل زول بدعي احقيته لاقامة معرض في ميدان قانون وكان البعثين شوية وكان منهم واحد بس حارس المعرض اسمه امين وهجم عليه الشيوعين فخلع سيخة الصيوان وقال ليهم امشو يا حناكيش الرياض

Post: #56
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-03-2006, 10:49 AM
Parent: #53

خـليـل وعبـد الكـريـم..

أوعـكـم تتـخـلوا ولا تتـأخـروا علي البوسـت ده..نحـن في الإنتظـار..

مـني

Post: #57
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-03-2006, 01:25 PM
Parent: #56

تسلمي يا مني ولك الشكر والتقدير للمتابعة وانشاء الله مواصلين

عشان هندسة وعشان الجامعة التي منحتنا ذاد معرفي واصدقاء نفخر بهم وعلمتنا التواضع

وحب الجمال

Post: #58
Title: Re: اليوم الحار ومابنداريوم الهندسة والمعمار
Author: khaleel
Date: 01-03-2006, 01:31 PM
Parent: #56

ظهرت نتائج العام وكنا من الناجحين وفارقنا سنة علوم وجينا الهندسة (موسكو) كما اسماها الكيزان لعم حصولهم علي اصوات كافيةبالانتخابات واحيي اصحابنا الكيزان ناس هشام توفيق وهويا شبو والبقية.
طبعا ابتدات مرحلة فك التسجيلات ويقينا سناير ولابد من فك بنات دفعتنا وتسجيل البرلومات الجدد وقدد سجلت عدد كبير من الجكس للعب في تيم خليل واحتفظت بعلاقات وطيدة مع نجوم العام السابق من حسنوات طب واداب وعلوم واقتصادوكذلك اصدقاء في الطب ناس نادر واشرف وياسر ابراهيم ومحمد مرضي وسنادة ومحمد ادم غانم وناس هناية وهناية.
صرفونا لينا عدة الرسم الهندسة وكنا ناخد المسطرة معانا المين الرود عشان نقشر بيها مع البرلومات اللاولاد مهندسين يعني.
طبعا نظام السمستر صعب جدا مافي تسيب ولازم تحضر المحاضرات عشان نسبة الحضور وبعدين ما تشوفو الفلهمة بتاعة المهندسين لما ادونا(home work) البشتغلوهو تلاتة اواربعة شطار ويقوم البقية بنقله وجمعه مما يعرف بمصطلح الترس .
سريع جدا فاجاتنا الامتحانات بعد ثلات اشهر فقط امشي صور الكراسات وتبدا الكبكبة وانت كانت انتي مشكلة اساسبة لا اعرف مادة الرسم الهندسي وكنت احصل علي صفر طوال اعمال السنة ومرات اخد الورقة ويرسموها لي في الداخلية واقوم بجمعها وقد عقدني من الرسم صديقي مهندس طارق بخيت حيث سالته من صديقنا بابكر نورالدين فقال كويس لكن عندي ملحقين رسم هندسي وقال عادة الناس ما بتنحج فيهم رسب هذه العقدة داخلي وانا برلوم ولما مشيت سنة تانية مشيت وانا مقعد من المادة قبل ما اشوفها وقد اضاعت هذه العقدة تلات سنين عمري الذي ضاع في سنة تانية فقط ولكن معاي ناس كتار( الماحي افندي في الرسم).
امتحنا ستة مواد الفترة الاولي وظهرت النيجة فخفت ان اشوفها فكلفت جمال احمد النور ليشفوها لي فقال خليل معليش عندك تلاتة مواد اما اخوي عبد الكريم الهسع بتفاصح في البورد دة وهو الان مهندس في قطر للبترول سقط في الستة مواد وكان طيش الدفعة.
اما انا فايقنت انا لحظة الفراق قد حانت لنفارق اولاد دفعتنا لان التربيت يحسب من خمسة مواد وانا السمستر الاول عندي تلات والسمستر التاني حا اسقط في الرسم الهندسي التاني بقو اربعة والله استر.
السمستر التاني عملتي حسابي شديد حضور منضبط للمحاضرات ودفاتر وبرضو مرت الايام مسرعة وجات الامتحانات وسقطت في الرسم الهندسي التاني وجاء دكتور مدحت خمس لي الدفاع فطلعت ربيت من الاول مع مجموعة طيبة.
وقد حدثت قصة ظريفة صديقي اسامة احمد عبدالله ضمد جراحي واداني الدفاتر بتاعتو عشان السنة الجاية ما اكتب وكان عندو ملاحق ولكن سقط في الملاحق وربت معانا وجاني قال لي خليل لوسمحت رجع لي دفاتري ونواصل

Post: #59
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-03-2006, 01:55 PM
Parent: #58

خليل يا ملك التربيت شايفك خاشي لفت في سنة العكلتة دي

فانا يا خليل اخدوني في تانية دي علي غرة

واذكر ان الدروينغ ده كان شي صعب شديد خلاص رغم محاولات صديقي طه النور المستمية

الا ان اخوك الكاشف القصة ما وقعت ليهو والمهم عدت سنين 3 ولكن تعلمنا معني ان

تكافح وترفض الفشل وتصر علي النجاح

وبمناسبة الترس يقال ان هناك مسالة كانت اجابتها سغمة (وسغمة هذه رمز بتاع رياضيات بشبه السته)

ولمن الترس وصل لاخر زول كانت الاجابة 5.99

وبعدين يا خليل بلاش تزوير للتاريخ

اقوم حسي اكلم ليك ( قوبي) يجيب خبرك

Post: #60
Title: Re: اليوم الحار ومابنداريوم الهندسة والمعمار
Author: القلب النابض
Date: 01-03-2006, 02:46 PM
Parent: #58

خليل عقدتني من مادة الرسم الهندسي مع انو انا ما بدرس هندسة

ياخ ما تعقد البرالمة الجدد

Post: #61
Title: Re: اليوم الحار ومابنداريوم الهندسة والمعمار
Author: khaleel
Date: 01-03-2006, 03:06 PM
Parent: #60

ياخي نظام التدريس عقيم جدا ايه يعني ترسم عامود طوالي بتاع عربية ولا ترسم منجلة والله كرهنا العيشة مفروض اي ناس قسم ياخدو الرسم الهندسي الذي يناسب تخصصهم لكن برضو دكتور ياسين كان زول لذيذ سنة تانية التالتة نحجني بعد وسط له ابنه عباس ياسين لكن دكتور التاج رفدني من الجامعة بعد سقطت في المحلق في مجزرة رهيبة ساحكيها في حينها واشكر القلب النابض

Post: #62
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-04-2006, 01:40 AM
Parent: #61

والله أيام ياخليل!!! أيام الدروينع المضت ياحليلها! وفى الاستوديوهات حلو مجلسنا! دكتور التاج درسنا... والأسمبلى والسيكشننع تبكى تبكى كل الشافها!

طبعا دكتور التاج كان عائدا من أمريكا بدكتوراة جديدة لنج.. لكنه كان يذكرنى بقصة رافاييل فنان عصر النهضة الايطالى. قيل انه اجتاز امتحان اكاديمية الفنون - ان صحت الرواية ووجدت فى زمانه - برسم دائرة كاملة فشلت كل محاولات العصور الوسطى فى اثبات عدم دائريتها. دكتور التاج بدأ حياته الفنية معنا برسم دائرة كاملة الاستدارة بدون برجل وكرر ذلك فى المحاضرة التالية بل وقد سمعت انه كررها فى السنة اللاحقة أيضا... كانت فقط عشان نيامن وقد آمنا!

امتحان السمستر الأول للدروينع كان أشبه بالقصة القصيرة. طوال السمستر وفى السنين الماضية كان امتحان الرسم من سطر او سطرين. فى بداية د. التاج جاء السؤال فى صفحة ونصف مع رسم توضيحى صغير. الظريف كمال أبوبكر خرج منتشيا بأنه قام بتكبير ذلك الرسم التوضيحى فى واحد من الأبعاد الثلاثة.. ولما علم بفساد طريقته صرح بأن بلان فيو مضمون خير من سكشن مجهجه.. غير المهندسين يمتنعون عن الفهم!

Post: #63
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-04-2006, 02:22 AM
Parent: #62

بمناسبة الظريف المهندس كمال أبوبكر، كان حفيظا مثل دكتور طبيب ضل طريقه الى الهندسة. مادة الميتاليرجى او علم المعادن كانت مليئة باصطلاحات محيرة مثل اللدانةelasticity والصلابة hardness والصلادة والقساوة hardenability وخواص اللمعان وقابلية السحب والطرق والتشكيل.. كل هذه الكلمات على خفتها بالعربية كانت من الدراب الانجليزى السميك مثل malleability والتى تعنى قابلية التشكيل ان لم تخنى ذاكرتى. ولن أنسى المعالجات الحرارية للحديد الصلب واخفها الكوينشنغ أو التبريد بصورة مختلفة من الكولينع، وكان هناك سؤال عن الكولانت.. ثم البورنغ والكورنغ... بعض المصطلحات لم نجد تعريفاتها حتى فى الموسوعات المتخصصة والقواميس وقد استوى فيها الذين يعلمون والذين لايعلمون. كان يدرس المادة الدكتورمهندس لواء عبدالرحيم سعد عمر.. وكان يكتفى بايراد المصطلح ويطلب الينا ان نبحث تعريفاته.. وأنزلنا الحديد فيه بأس شديد!

كمال ابوبكر كان يحفظ الكراس من الجلدة للجلدة ولكنه لايفهم ولا كلمة. قبل الامتحان طلب مننا ان نحاول تنبيهه الى موضع بداية الاجابةفى صفحات الكراس ونهايتها وبعد ذلك هو كفيل باحراز الدرجة الكاملة.

Post: #64
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 01-04-2006, 05:14 AM
Parent: #1

الاخ خليل

الاخوة الكرام

متابعة معكم بحق هى تجربة غنية لها الاثر الكبير فى

تشكيل وتكوين الشخصية.

فى الانتظار

انتصار

Post: #65
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-04-2006, 12:04 PM
Parent: #64

الاخ الصائم تحياتي وعبرك للاخ كمال ذلك الزول الجميل

وشايف ابوخليل خاشي لفت في سنة تانية ولكن قبل الاندياح في هذه المرحلة لازم نلخص

للسنة الاولي السلبيات والايجابيات عشان ابوخليل ما يخمنا ساكت

طبعا اول السلبيات هو الحتة بتاعةالتربيت دي لانو بيني وبينك حارة خاصة لناس كانو ماشين

زي الصاروخ وكانوا نجوم في مدارسهم الثانويةوالمتوسطة والابيدائية وممكن في الروضة

وكانوا فاكينها في روحهم وعاملين فيها بتاعين ماس..ناسين بان لكل فرعون موسي

ناسين ان هناك حاجة اسمها دروينغ 1و2 وكهرباء عجيبة كدة فيها دلتا واستار الما استار

اكاديمي..والمهم الجاتك من البورد سامحتك

طبعا عندي صديقي من اولاد كسلا وكان من المخضرمين كل ما يجي جنب البورد

كان بقول اخ تف

عموما هذا اكبر الجوانب السلبية

اما الحتة الايجابية فكانت كثيرة اهمها التثقيف الثقافي والسياسي والجرعة

الكبيرة التي اخدناها في اولي حيث ان دخولنا كان طوالي بعد الانتفاضة

والبلد فيها نقة سياسةكثيرة فحضرنا ندوات لكل قادة العمل السياسي

الترابي وضحكته العجيبة ديك(طبعا احسن زول بحاكي الترابي في العالم هو ابو الخل..تموت من

الضحك) والصادق المهدي والتنظير و السندكالية وهلمجرا وايضا الحبر وفاطمة محمد ابراهيم

واركان النقاش بتاعة نزار وشفنا حسين خوجلي عامل ركن وكان لابس بنطلون تخيل

اما الجانب الثقافي فالجرعة بتاعة اول سنة كان كفاية عشان تطلعنا مثقفاتية كبار

شفنا حضرنا علي المك وويقراء شعر وحضرنا محمد عبد الحي وعبدالله الطيب وعبدالله علي

ابراهيم

وحضرنا صلاح الزين وهو بيتكلم عن االبنيويةوحضرنا مسرح الرجل الواحد عند صوصل والجو الرطب بتاع

الفرع

وحضرنا كل حفلات مصطفي ووردي وكابلي وشرحبيل وعقد الجلاد والسمندل

ياخ البلد كان حلو شديد والله زمان

ويلا ارح

Post: #66
Title: Re: اليوم الحار ومابنداريوم الهندسة والمعمار
Author: khaleel
Date: 01-04-2006, 02:20 PM
Parent: #65

طبعا ربتنا معاي كمية من المناضلين بلغو ما يقارب الاربعين شخص اههمم كمال الشيخ والهادي الاصم واسامة سيد الرايحة وخالدشيخة واريج جعفر ودي كانت اي امتحان رسم هندسي بجيها (استفراغ) وكريمو و والتحق بنا الناس الربتو في سنة اولي ناس الحسين وامل الفاضل وياسر عبد المجيد.
انا ماكان عندي مشكلة في الانسجام مع ناس الدفعة الجديدة بعرف نصفهم من التشجيع في الكورة والداخلية ناس الصائم وعاطف جلال وامجد زهير وعبيد عبدالرحمن وهشام جادالله والبنات ناس اجغان زكريا وسلافة وروز وساميةجواري لهم التحية والتجلة.
خلينا المين الرود والخلط لانو الواحد عينو مكسورة وخاشي في (خوجلاب) وناس دفعتك القديمة ينظرو ليك بنظرة عطف وناس اسرتك منتظرين متين تخرج ( وتبقي مستشار وتترقي زي كمال زي ما بقولو في غناء البنات).
اجتهدنا اخر اجتهاد ومادة الرسم جابو ليه دكتور لنج اسمه التاج ملفهم فلهمة وكالعادة انا والشباب ما انفكت عقدتنا مع المادة وكانت عندنا عبارة لذيذة لما تجي تنقل من زول بعرف ارسم تقول ليهو خش في(line).
اكتملت استعدادتنا لامتحان السمستر ولكن في كوز اسمه حاج ماجد ما عارفه هسع شعبي ولا وطني تم فصله لمدة سنتين من الجامعة فاحتل الكيزان الجامعة وقام دكتور يوسف فضل المدير بعقد اجتماع مع مجلس الاستاذة وقررو فقل الجامعة حقنا للدماء.
تحياتي انتصار محمدبشير تحياتي الصائم ونواصل

Post: #67
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-04-2006, 02:52 PM
Parent: #66

خليل يا ملك التطريب والزمن الفلاني

انت عارف من اشهر الذين كانوا يجيدون فن الترس في الدروينغ اخونا كده الله يطراهو بالخير

طبعا عشان تنقل المقاسات تحتاج الي برجل واخونا ده كان ما عندو زمن لحتة البرجل دي

وكان بستعمل اصابعه وبشيل المقاسات من اشطر زول في القاعة وبكون جاري كده زي عشرة متر

لحدي ما يحصل البورد بتاعو وينزل المقاس وكان حريف جدا في الحتة وانا شوفتو عملها

زي كم مرة كدة وبكافة عالية وفعلا الحاجة ام الاقتراع

وبالله هو التاج ده جانا في ياتو تانية

Post: #68
Title: Re: اليوم الحار ومابنداريوم الهندسة والمعمار
Author: khaleel
Date: 01-04-2006, 03:09 PM
Parent: #67

دكتور التاج من اولاد الثورة وكان مكسر في النقر بنتاع الهندسة عرفتو ولا اقولو ليك والله قربت اقول ليها امشي اتوسطي لينا عند المكسر فيك دة طبعا دكتور التاج عندو معايير مزدوجة زي امريكا في ناس جمعو الورقة فاضية ونجحو

Post: #69
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-04-2006, 03:15 PM
Parent: #66

up

Post: #70
Title: Re: اليوم الحار ومابنداريوم الهندسة والمعمار
Author: waleed500
Date: 01-04-2006, 04:28 PM
Parent: #69

يا خبر ابيض يا خليل كيف ما شفتا البوست ده زكرياتك اجمل زكريات
مكتوبة اطلع عليها من مده بعيده ورايح اسجل اول مداخله لى بخصوص اليوم
الحار الما بندار يوم الهندسة والمعمار...انا بطبيعة حالى ما بحب الكورة عاوز
تكرهنى روحى قول لى يلا نحضر تلك المبارة... اجبرنى صديقى الهندسى لحضور مبارة فى الميدان الشرقى مشيت وبقيت متابع الجمهور اكثر من لعيبة الكوره وكان
التشجيع...هندسة رط رط هندسة رط رط.....ورط رط ده التصفيق وكان الجمهور يتمايل معها راقصا وطبعا الجمهور مختلط بنات اولاد مما جعلنى اوظب على
الحضور لمتابعة جماهير المباريات وليس المباريات......تابع بثك اخى خليل حتى اتابع الحضور.......خوالص مودتى

Post: #71
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-04-2006, 10:57 PM
Parent: #70

خليل وكريمو
بمناسبة السلبيات والايجابيات التى ذكرها كريمو، فى رأسى فكرة مشعشعة من زمن.. ماذا لو قامت الجمعية الهندسية بتجميع كل الأسئلة من الامتحانات السابقةوالتيوتوريالات ويتم حلها بواسطة العباقرة أمثال حمد حماد وأشرف عبدالحافظ ومن أتى بعدهم مثل جيل مواهب الأولى ومازالت حواء ولادة... وتطبع المسائل والحلول النموذجية وتباع للطلاب بأبخس الأسعار. مؤكد اننا سنضرب عصفورين بحجر.. اولا لن تسقط تلك النسبة المهولة من الطلاب والذين كانوا يوما ما ألمعيين ونجوما فى حلالهم وفرقانهم ولن يدسمس مهندس بعد اليوم الا من أبى. وثانية، يرتاح الدكاترة العباقرة من تفهيم الطلاب والذين يبدون كمالوكانوا لا يفهمون.. إما المشكلة فى الاستاذ او فى الطالب او فى الاثنين معا! رأيى انها الأخيرة.. ولقد سقطت مادتين فى حياتى الأكاديمية واحدة كانت اهمالا منى صراحا والأخرى كنت أذكر كل الكراس من الجلدة للجلدة ولم ينفعنى ذلك لأننى تغيبت عند حل مسألة فرمالة نجح بها من نجح ولاتنفع كل كراسات الدنيا لحلها!
لكن الشهادة لله، الدروينغ ده ماعارف نعمل لناسه شنو! يمكن ينصلح الحال لو وضع له مرجع شامل ممتلئ أمثلة! وياحبذا لو صيغ على شاكلة Drawing for dummies

من يوصل الفكرة للطلاب الآن ومن يتحمس لجمع تبرعات تكفى نفقات التنفيذ؟ بمزيد من النقاش تختمر الفكرة وتنضج..

وفى رأسى فكرة أكبر.. الليلة ليلة الأفكار... لن تقوم لنا فنون ناجحة الا اذا انضم للاستثمار فى الفن المهندسون. الفكرة محولة للفنانة تماضر... يتداعى الف واحد او مائة واحد ويدفعون مائة دولار او الف دولار!!! تقوم الشركة باخراج فلم فلمين تضمن لهما كل مقومات النجاح الجماهيرى بدون اى تنظير او ادعاء رسالة سياسية مثل اسقاط الحكومات وماشابه!! هناك مثل يقول الفاشلون يبحثون عن أعذار والناجحون يبحثون عن وسائل! مناسبة هذه الفكرة والتى هى خارج النص المتسلسل لذكريات ابوخليل هو الاستفادة من كمية الدراما هذه فى عمل فنى.. نفس الكلام ينطبق على ذكريات العزيزة منى خوجلى وهى تراجيديا انسانية قبل ان تكون سياسية.. على الأقل حتى لايقال بأن الشركة الجديدة انصرافية فقط!

رب مبلغ (بالفتح اسم مفعول) أوعى من سامع!!!

Post: #72
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-04-2006, 11:18 PM
Parent: #71

بدون تنظير، قليلا من الذكريات..

صديقنا مبارك.... من الفاشر. بدأ الجامعة كوزا.. تعود اخوانه ايقاظه للفجر.. فى ليلة ما ساهر كثيرا مع الوست والكونكان حتى الثانية صباحا.. فى الرابعة جاءه جعفر.... لايقاظه كالعادة.. تناوم وقال بأنه سيلحق بالجماعة.. لف جعفر وجاءه مرة ثانية.. تناوم... فى الثالثة قال مبارك بلهجة الغرابة المحببة: هممم، شويعى.. بقيت شويعى من الليلة دى! ماتجينى تانى... وبالطبع لم يصبح شيوعيا لكنه بقى اسلاميا نص نص!

Post: #73
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-04-2006, 11:43 PM
Parent: #72

ْxxxx قالوا رئيسا.. صلاة النبى فوقو... عضت أضانى كديسة... صلاة النبى فوقو!

سمعنا بشكلة حامية الوطيس فى مدرسة العلوم الرياضية والتى كان عميدها ألذ دكتور ماث ود المكى. تصدر الشكلة دكتور آخر جاء حديثا من أمريكا. وسمعنا أن الشكلة انتهت بعضة فى الأضان...

قبل أن نتأكد من الإشاعة جاء الدكتور العاض ليحاضرنا وبدأ بشتيمة بالعربى ثم فتح بانجليزية شوارعية أكثرها أدبا الفائية الرباعية... ولم نفهم من المقصود نحن ام دكتور الشكلة ثم لم نفهم لغة امرئ القيس الانجليزية تلك... بعد قليل بنات لندن بدأن فى البكاء والخروج واحدة اثر أخرى، الدكتور قال من أراد الخروج فليخرج، فتبعهم حناكيش لندن بدون بكاءْْ. ظننا انهم ذهبوا لمواساة بناتهم.. بعد قليل لحق بهم بعض التفاتيح من الخناشير وأيضا ظننا فى الأمر مجاملة... وبقينا البقية الباقية حتى عدت المحاضرة بسلام.. عند الخروج تصدى لنا من انسحبوا كيف نرضى لأنفسنا بعد كل ذلك الشتم والردحى... اللذيذ الحضرى من مدنى بعد أن استوعب الأمر قال بأن أدبه الشديد لايساعده على فهم هكذا شتائم ولو كانت باللغة العربية دعك ان تكون بالانجليزية.. وهو لايفهم فى لغة الشوارع العربية ناهيك عن الانجليزية.. بل أبدى غضبه من أصحابه حناكيش لندن لأنهم يعرفون تلك اللغة ولا يدرى كيف يمكن ان يدخلهم بيته.


Post: #74
Title: Re: اليوم الحار ومابنداريوم الهندسة والمعمار
Author: khaleel
Date: 01-05-2006, 06:00 AM
Parent: #73

شكرا (waleed500) شكرا الصائم علي اندياح الذكريات المحببة للنفس حلوها ومرها طبعا جات الامتحانات بسرعة شديدة سقطت انا في مادة واحدة الرسم الهندسي كالعادة والسمستر التاني رسم هندسي ومادة وجات الملاحق المجزرة كانت كالفلوجة اتخيلو في كل القاعة ما تلقي زول تنقل منو ولا خط واحد والمملحقين كلهم في الرسم ميح كمال الشيخ اريج خالد شيخة جلي هل تصدقو كل من في القاعة سقط وربت او فصل .
الامتحان كان عن تجميع عامود الطوالي وكان عبارة عن قطع مبعثرة المهم انا ركبت العامود بالقلبة وكان باقي من زمن الامتحان خمسة دقائق واشرت لدكتور الطريفي بالحضور وقلت ليه يا دكتور الشغل ده صاح ولا غلط فقام قال لوكنت عاينت للعربيتك الصباح من تحت كان اشتغلت صاح قلت يا دكتور انا مربت هل معناها اترفدت قال لي طبعا .
اخذت اوراقي وانا خارج من القاعة نادني خالد شيخة وقال لي يا خليل شغلو كويس بنحج مش قلت ليه ايوة وطبعا كان شغال غلط وورقتي وسخانة وعرقان فيهاولسان حالي يقول لخالد شيخة سجم امك.
تم فصلنا ودسمستنا مع مجموعة طيبةكمال مرتضي خالد شيخة تم تربيت مصطفي بوب وهو الان دكتور في امريكا بمادة واحدة فقط وعليه اعادة السنة بكل المواد وعاطف جلي وزينب محمدسليمان وعبدالله اسحق مجزرة تماما.
غضبت زينب محمد سليمان وحاولت حرق سيارة دكتور التاج بل حملت له السكين المهم تم تهديتها وقالت لي دكتور التاج انا خليتك لكن ناس خليل حالفيين عليك

Post: #75
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-05-2006, 09:56 AM
Parent: #74

الاخوان سلام
والله زمان وزمان

والذكريات تتداعي زي المطر من خليل والصائم ..الواحد بقيف وبحي كل ذلك الجيل اللذيذ

وكل واحد منهم كان قصة يجب ان تروي

واذكر بعد مجزرة الدروينغ الشهيرة بتاعة التاج تشكلت في الكلية شلة ضخمة من المربتين

والدسمس وكان يطلق عليهم المخضرمين وكانوا عارفين اي حاجة في الجامعة الا الدروينغ كان عامل

ليهم عقدة وكانت هذه الشلة مرجع لاشياء كثيرة .البت السمحة ولو في سقط لقط بدوك خبرها

دخلت من ياتو مدرسة ومجكسة منو(خليل نموذجا) ..محللين كبار للانتخابات ومراجع في الاسئلة التي يتوقع ان

تجي السنة دي .وكانوا بعضهم يخلط بسهولة وماهر جدا في اصياد البرلومات

واخريين تشوفه قاشر كده تقول ده بتاع فيرست

ووطبعا تختلف الاسباب ولكن المصير واحد

واذكر في تانية التانيةكنا مساهرين مع طه النور بشرح لينا ماس وبعد داك نمنا ..وفي انصاص

الليالي صحينا ولقينا احد المخضرمين الذين كانو معنا في الشرح قاعد في وسط الاوضة

وقال ياجماعة انا ما قادر انوم لانو الماس ده جايط لي في راسي مرة يربط ومرة يفك....



ومواصلين حتي سنين انتفاضتي وشعار الكافات الثلاثة

Post: #76
Title: Re: اليوم الحار ومابنداريوم الهندسة والمعمار
Author: عاطف عمر
Date: 01-05-2006, 02:31 PM
Parent: #75

كان نظام الدراسة بكلية الهندسة في فترة دراستنا ( نهاية السبعينات وبداية الثمانينات ) أن يقضي الطالب سنته الأولى الإعدادية بكلية العلوم ( Preliminary Year ) بعد النجاج فيها ينقل للسنة ( أولى هندسة ) حيث يدرس الطلاب هندسة ( General ) ليتم توزيعهم بنهاية هذه السنة للتخصصات المختلفة مدنية ، كهربائية ، ميكانيكية ، ----- الخ
ظهرت نتيجة إمتحان السنة الأولى هندسة وكان نتيجة زميلنا ( ------- ) الذي كان معروفاًبـــ ( الركلسة ) ومتابعة الحفلات أينما وجدت ، ملحق في مادة الهندسة الكهربائية ، وقبل أن يجلس لإمتحان الملحق ظهرت نتيجة توزيع الطلاب للتخصصات المختلفة . فتم توزيعه في قسم الهندسة المدنية شريطة إجتيازه لإمتحان ملحق الكهرباء .
جلس صاحبنا لملحق الكهرباء وكانت أسئلة الملحق شديدة الصعوبة ولم يستطع الإجابة ولا على سؤال واحد . نادى صاحبنا الأستاذ المراقب وكان أستاذ المادة نفسه . ودار بينهما الحوار كما يلي : -

الزميل : يا دكتور أنا وزعوني هندسة مدنية ، يعني تاني ما حا ألاقي الكهرباء دي كلو كلو وامتحان الملحق دا أصعب من الإمتحان الأنا سقطت فيهو ، فرجاء أشرح لى سؤال واحد أقدر ( أباسي ) بيهو .
الدكتور : آسف يا ابني ركز على الأسئلة وأنت تستطيع أن تجاوب بدون مساعدة .

مرت نصف ساعة وزميلنا لم يستطع أن يعرف أى إجابة لأى سؤال فنادى على الدكتور مرة أخرى ، ورأى في هذه المرة أن يستخدم لغة مختلفة .

الزميل : يا دكتور امتحانك دا is not fair
الدكتور : Look Mr ----- This is the exam paper in front of you , answer the questions or go to DEAN of the faculty
ظن زميلنا أن كلمة ( Dean ) التي وردت في إجابة الدكتور هي ( سب للدين ) فبادره
الزميل : يا دكتور امتحانك دا طاير في السما بس أوعك تسب لى الدين .

وترك الورقة في القاعة وخرج من الإمتحان وكانت النتيجة أن رسب في إمتحان الملحق وأعاد السنة مرة أخرى

Post: #77
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-05-2006, 02:47 PM
Parent: #75

الاعزاء

يبدو انني اليوم محتل البوست واليوم خميس ولاادري اين طفش ابو الخل

ولا اريد ان اقفز فوق الاحداث دون اشارة من ابوخليل عشان ما اكون خاشي في االلاين غلط( واصلي

عندي عقدة تاريخية مع صديقي اللاين)

وتعج الذاكرة بسيرة المخضرمين والناس ديل كانو درجات مخضرم 5 سنة وممكن تلقي الواحد8 سنوات

اشهرهم بالاطلاق اخونا جرائدالذي قيل انه دفعة العميد وتلقي ناس دفعة التيوترات وممكن تلقاهم

بخمسسوا سيجارة مع بعض

اما صديقنا خليل فكان يستقبل كل دفعة جديدة بالزهور والورد وتلقاهو اخر خلط مع الناس الجداد

وكان بذاكر معاهم وانا ما عارف هوبشرح ليهم ولا هم بشرحوا ليهو ..المهم تلقاهو اخر اندياح

وكان السوال (اسمع يا هنايا ما شفت لي خليل) انا ما عارف الناس دي عايزة شنو من الزول ده

ولنا عودة واظهر يا جاسوس

Post: #78
Title: Re: اليوم الحار ومابنداريوم الهندسة والمعمار
Author: khaleel
Date: 01-05-2006, 04:24 PM
Parent: #77

ياالله من الموقف يوم عصيب ذهبت للبيت حزينا مكتئبا فبادرني والدي رحمه الله وكان راجل حلو فقال لي هل تم فصلك فاجبت نعم فقال ولا يهمك انت طول عمرك الاول اذا اردت ان تواصل خارج السودان انا حاضر ما عايز تدرس علي كيفك نحن محتاجين ورغم عبارات التقوية النفسية فقد اظهر حزنا لانه كان يرتنم باغنية عود لينا يا ليل الفرح.
المهم الفصل فرصة طيبة لانك ممكن تنحج في عشرة مواد وتسقط مادتين وقعت معاي في جرح قلت يا ود يا خلي اسقط في مادتي الرسم الهندسي وانجح في الباقي .
كونا مجموعة عرفت بمجموعة ممبسا شطارة جد لان التكرار يعلم الشطار كل العشرة مواد حفظناها والله ما بنذاكر اي مسالة بنديك الاجابة مادة المساحة اتنين وسبعون صفحة حافظها حتي اليوم الكهرباء الماس علم المعادن اي حاجة في سنة تانية هندسة خليل كمال مرتصي عبدالله اسحق يفتوك.
طبعا ليس علينا حضور المحاضرات وتفرغنا للعب الكتشينة وكنا ندخل حتي مباريات الدرجة التانية جلاس العلمين ديم سلمان الصحافة.
وانا مفصول كنت عضو في كورال هنسة وكان في نشيد الجامعة في اسبوع المهندس وكنت في مقطع بقول امنا من حنانك اتروينا وكنت اردده وانا مفصول وكان يقود الكورال صديقي المايسترو الهادي الاصمز
برضو ما كان عندي مشكلة في الانسجام مع دفعة سبعة وتمانين كلهم اصحابي اصلو خليل زي شعب كل حكومة وكان معاهم حنكوشة شرط فقلت انا مربت معاكم ومفروض اجي القاعة للماضرات وبعد اسوع قابلتني في الكافتريا وقالت لي ليه ما جيت بجيم مش معطشة بجيم ما شربت موية قبل كدة فقلت بجي بجي بنفس الجيم المعطشة.
ولاول مرة نحج خليل في مادة الرسم الهندسي وكل مواد السمستر الاول وقد ابلغني الصديق عباي ياسين باني نجحت في الرسم بعد شاف النتيجة عند والده قبل ان تظهر فذهبت البركس وانا اغني وهزمنا الليل وهزمنا الليل
ونحجت السمستر التاني وذهبت للسنة تالتة ونحج كل المخضرمين ومن ديك وعيك شكرا عاطف ونواصل

Post: #79
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-05-2006, 11:04 PM
Parent: #78

يا خليل مبروك وانت تهزم الليل ليل الدروينغ الطول 3 سنين يا خ ده ليل الاسكيمو ما زيو

واما اخوك طبعا بعد ما القصة جرت كده والسنين راحت واه حسرتي

قلت ياولدهوي الحق روحك الموضوع ده جاري وممكن يوديك التوج وتبقي مخضرم رهيب

ففي ذات ليل وانا بصحبة اصدقائي القدامي(وليد فوكس..معاوية داود .وليد زكريا واخريين)

عملت موتمر صحفي واعلنت شعار المرحلة القادمة وهوشعار الكافات الثلاثة الشهير واذكر ان ذلك كان

بداية سمستر واذكر اني قدمت امامهم نقدي ذاتي لروحي(علي قولة اخواننا الشيوعيين)

ومارست جلد الذات وساهم معي الاصدقاء النقاش وابدا الملاحظات وفي نهاية الجلسة كشفت

الغطاء عن شعار المرحلة

وكان ( كفاية........كسر....كيس)

وشرحت مداخل المرحلة بانو كفاية تعني خلاص لحدي هنا مفروض اوقف المهزلة دي وانو والله

ده حرام عديل كده لزول اهلو راجينو يطلع مهندس ويجي هنا يتشرشح وفي النهاية يصبح مخضرم وفصيح

كمان

وانو الحل في الكسر وتجضيم المواد جضم جد بما فيهم حبيبنا الدروينغ العامل لينا فيها

اردب سمسم ده

اما الكاف الثالث فكان كافا اختياري هو ان اكيس لي واحدة عشان اروق المنقة شوية والقي

زولة تديني دفعة عاطفية تساهم في حل المعضلة دي(واذكر ان صديقي فوكس بعد داك كلو ما يلاقاني

ماشي مع واحدة فكان بقول لي كاف؟ فكنت بقول ليهو لا لا.وتقوم البت تقول لي كاف يعني شنو بقول

ليها لا الزول ده بهظر ساي)

بدا السمستر وكنا اخر نشاط وحماس واصرار حضور مميز كراسات منظمة .يا زول اخر خبرة في

حل المسائل اما الدروينغ (ود الكلب يا الدروينغ) فاكتشفت اخيرا بعض اسراره وقدرت اتعامل

مع الاسمبلي والفيوهات والمهم حسيت ان الشي ده ممكن يتباصر

وكانت هذه الروح تدب في الجميع ورايت ابو خليل بعد سنين طويلة في لكاشر الصباح

وراج سوقه واصبح احسن شريح في ال extension

وجاء الامتحان وعاد اليناالقنا القديم ودبت فينا ثقة عالية وجضمنا الامتحانات بكافة وخبرة

كبيرة
وعقدت موتمر قبل النتيجة واعلنت ان صحيح ان الموضوع انتهي وخلاص نو مور ربيت الا ان المعركة

لم تنهي بعد لانو الكلية دي ما فيها ضمان وقلت ان النصر الكبير يوم ان تتخرج وبفرست كمان

ولكن الحمد الله اتخارجنا وبسكند ابر

ولسع معاكم عشان اليوم الحار

Post: #80
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-06-2006, 01:46 AM
Parent: #79

ان شاء الله يابسام تتحق الأحلام... تظهر نتائج العام... وتكون من الناجحين...

هناك قصة ذاع صيتها... واحد نص نص تغالط مع ابو خليل فى مسألة فى السنة الثالثة او الرابعة هندسة مدنية... طبعا أبو خليل ماعدا الدروينغ راجل تفتيحة وذو أساس فى الماس لاتلين له قناة.. بعد مماحكات ومغالطات طلع أبو خليل على صواب والبرلوم الذى ظن نفسه أذكى لأنه لم يربت لم يصدق... أبو خليل ذكره بأن يرعى بقيده... وقال له انا ماربت لأنى بليدياطقطوق!

Post: #81
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-06-2006, 05:33 AM
Parent: #80

فعلا يا الصائم ابوخليل من الامخاخ الما حصلت وعبقرينو كمان

لولا حبيبه (الدروينغ) ماعندو اي عوجة

Post: #82
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-06-2006, 05:56 AM
Parent: #81

صـباح الخـير علي الجمال أينمـا كـنتم و'كـان'

لـو قلت ليكـم إنـه الوقت البقضـيه في قـراية ذكـرياتكم الشقية دي هـو مـن أصـدق وامتـع أوقـات يومي بتصـدقـوني?

والله جـد!

مـني

Post: #83
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-06-2006, 06:12 AM
Parent: #82

شكرا العزيزة مني ولك السلام وين ما انتى قاعدة

ونحن نجتر تلك الذكريات هنا نحس باننا ننحاز لزمن الصدق والقيم السمحة

واتمني ان يجد الاخريين مابينها ما يفيد علي تخطي المصاعب والتحليق الي واقع افضل

Post: #84
Title: Re: اليوم الحار ومابنداريوم الهندسة والمعمار
Author: khaleel
Date: 01-06-2006, 11:29 AM
Parent: #83

مافي زول في المنبر قال مبروك النجحتو ومشيتو تالتة ماهو كان لازم ننحج لانو نحن كنا شطار شطارة لمن انصقو منها زمان في الابتدائي استاذ عبد المجيد كان بقول خليل دة ذكائه سيقلته اجي احقروا بينا ناس زعيط ومعيط زي ما قال كمال شداد.
مجموعة ممبسا لذيذة كمال الشيخ عبقري زمانه كان محتاج شوية حظ مرتضي الطاهر انشغل مع الكيزان لكن عاد لرشده حجازي كان بعثي كبير وفصل وذهب العراق وجاء امتحن ونحج وكذلك الاصم وسيد الرايحة لكن في ناس الدخلت فيهم ما مرقت ربتو في تانية وفي تالته وفي رابعة واحيي ياسر ابصلعة وعاطف جلي وياسر شندي وعزالدين محمد وملك الملاحق هشام سفل وعكزيكة وكلوب ونادر وكل المناضلين الشرفاء في سجن كلية الهندسة.
الود مسكين اسمو عبدالله انشتاين شاطر لدرجة قف تامل اصغر مننا بسنتين ما لقي سكن جابو الغرفة سكن معانا قلت ليهو يا برلوم ما تسكن معانا هناالاوضة فيها مجال مغناطيسي بتاع تربيت فيه مثلث الموت خليل اسامة مجدزهير وفعلا الود بي شطارتو ربتو حاج الباقر بي مادة المساحة وكنت كل ما الاقيهو اغني ليهو نصحوك ابيت تسمع كلام وهدوك ابيت ما تنهدي.

Post: #85
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-06-2006, 03:41 PM
Parent: #84

الاخ خليل

ونحن في نشوة الانتصار بالنجاح لابد تخليد اولئك الجمع من المخضرمين الذين كانوا

شطار وماعندهم عوجة بس الاهمال وعدم الجدية في تناول الامر الاكاديمي و الانغماس وراء

مغريات الجامعة الكثيرة ..سياسة وعالم انت سيده ليس هناك رقيب

وايضا هناك من بارى الجكس طالع مع فلانة ونازل مع علانة ..واعرف ان بعضنا

كان international بمعني ان الناس في المحاضرات وتلقاهو خالط في الفرع او الاهلية

او حتي الاحفاد واذكر ان في ناس متتخصصين في بنات الاسلامية وعندهم كافتيريا

معينة بمشوا هناك للاندياح

اتتذكر اننا تناقشنا يوما في انو كل الناس المخضرمين ديل حصل ليهو ثقب نفسي نتيجة للحصل

ده اتفق معك لحدي ما ولكن تاكد ان النجاحات يمكن ان تذوب الفشل وتمحنك فرح حقيقي..

فالتحية لهولا الشباب اين ما كانو واني كلي ثقة بانهم ناجحين الان ومهندسين بارعين

واولهم انت ياخليل

Post: #86
Title: Re: اليوم الحار ومابنداريوم الهندسة والمعمار
Author: khaleel
Date: 01-06-2006, 03:56 PM
Parent: #85

طبعا كريمو كل ناس دفعتنا اتخرجو مافي زول ابي العشاء سبعة سنين تمانية ما فارقة المهم الان هم مهندسين كاملين الدسم

Post: #87
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-06-2006, 04:12 PM
Parent: #86

والان بعد ان تحررنا من الجهد الرهيب من سرد فترة السواد دي

الواحد زي عايز (حلوة زي عايز دي) المهم انا عايز ادش في جانب قد يروق لخليل

وهو دقة الكيزان الشهيرة وكردنتهم في مسجد الجامعة في الصباح...

ولكن قبل ما اواصل في انتظار

المايسترو خليل وقد يكون عنده راي ثاني


او احتمال يكون اتوالي وانا ما عندي خبر

سنواصل

Post: #88
Title: Re: اليوم الحار ومابنداريوم الهندسة والمعمار
Author: khaleel
Date: 01-06-2006, 04:57 PM
Parent: #87

يا كريم خلينا ماشين بالتسلسل اول مسرحية سقوط الباستيل تاني اعتصام ناس خالد شيخة تاني سونامي وفيضانات 88وتاني استشهاد بشير والتاية وتاني دقة الكيزان وتاني مقاطعة الامتحانات وتاني قصص الحب

Post: #89
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-07-2006, 09:43 AM
Parent: #88

هندسة دي عزيزة علي اي دة لعبتها

منو القال ليك تسيب الجية اي كدة لعبتها

يلا يا ابو خليل اوع تسيب الجية

يلا يا الصائم بلاش تسيب الجية

ومعاكم سنواصل

Post: #90
Title: Re: اليوم الحار ومابنداريوم الهندسة والمعمار
Author: khaleel
Date: 01-07-2006, 01:18 PM
Parent: #89

كما قال استاذنا ياسر عرمان بعد موت دكتور قرنق حتما ان لموت دكتور جون ما يليهي فحتما التربيت له ما يليه فناس دفعتنا مشوا سنة خامسة والسنة حايقبضو الماهية ونحن مازلنا تحت الوصاية الاسرية تمشي تاحد مصروفك زي شفع الروضة لكن الوجع كان انو صاحباتنا اتخرجو من علوم واداب وقانون واقتصاد وكل الكليات ذات الربع سنوات.
فقد بعض اصدقائي وجدانهم حيث تخرجت حبيباتهم وانفض سامر العلاقات العاطفية بينهم لان الجكس ما بقدرانتظر زول اربت سنتين وقالوا خلونا اصحاب وكنتو نعم الاخوان ومضي كل الي غايته.
طبعا الربيت ماكان في تانية بس برضو في ضرب قدام حيث انضم لينا في سنة تالتة بهاء الدين بخيت وعارف علي صالح وفاطمة النور والمخضرم عبد الرحمن خالد .
المهم اولاد دفعة سبعة وتمانين كراعن خضراء علينا معهم ضقنا طعم النجاح فلابد ان احيي احمد شبو والتجاني عبد القادر ومبارك واحمد محي الدين وكل الاحبة.
من الاحداث الجسام كان هجوم الكيزان علي نادي الاستاذة حيث كانت تعرض مسرحية سسقوط الباستيل في حضور السفير الفرنسي وقد احدث هذا ردود افعال عنيفة واخرجت السفارة الفرنسية بيان في ذلك الوقت.
وايضا اذكر اعتصام لجنة عدالة الفرص الجامية وهي ضد شهادة لندن وقد سرب لهم بعض الشباب بعض الاوراق من مكتب القبول بعض المستندات عن هذه الشهادة وكان هتافهم مميز(no london no paris u of k for sudanese) اعتصم هولاء في مكتب مدير الجامعة بروفسير تنقاري واضربوا عن الطعام ولكن الجوع كافر حيث كان بعض المتصمين يزوغ الصفرة ويمشي ياكل بالجاسوسية. وعندما كشف امرهم اتفق ان ينحصر ان ينحصر الاضراب عن الطعام لاعضاء اللجنة التنفذية فقط.
عدنا لاهلينا يوم الخميس الشهير في خريف تمانية وتمانين وبدات السماء تتمطر وتتمطر ستة ساعات متواصلة غرقت الخرطوم تماما بسونامي وكان ميكائيل يكيل بالكيل التقيل عدنا البركس يوم السبت هل تصدقو ان الناس كانو يتحركون بالمراكب داخل البركس كهرباء مقطوعة اكل مافي وجاء عبدالله محمد احمد وزير كل الحكومات وكان وزير كهرباء في حكومة الصادق لحل مشكلة انقطاع التيار بالجامعة ولكن خوفا من تفشي الامراض والملاريات قررت ادارة الجامعة اغلاقها لاجل غير مسمي

Post: #91
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-07-2006, 02:51 PM
Parent: #90

مادار في الباستيل كان تعبير حقيقي لموقف الكيزان وعداهم التاريخي للفن والابداع

وتضخم هذا الموقف واصبح موقف الدولة في زمن الانقاذ

انو ياخي الناس ديل فكوا ملتوف في اثناء العرض بتاع المسرحية

وده كان امتداد لحادث العجكو (الغريبة علمت لاحقا ان عبد الباسط سبدرات من الناس الكان

يرقصوا في العجكو دي)

Post: #92
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-07-2006, 03:27 PM
Parent: #91

ياخ انا كنت أظن سقوط الباستيل تعنى به احتلال مكتب مدير الجامعة بعد واحد من الاعتصامات، والتى تعددت..
إما فى حادثة حاج ماجد القانون واما فى حادثة لجنة بحث عدالة توزيع، خد نفس، الفرص الجامعية. وبالمناسبة هذا هو الاسم القانونى ياابو خليل ماتلخبط!.. المهم فى واحدة من هذه الاعتصامات دخلنا مكتب المدير.. اذكر كان نجم الدين أشتات يورد قصة اعتصام قديم تم فيه تعيين عبدالحليم الترابى مديرا وكوز آخر عميدا للطلاب... وماشابه.. المهم انا كنت أطالب بتعيينى مدير مكتب المدير ومتنازل عن منصب المدير للمتنافسين الكثر... صاحبنا حاتم محمدالمهدى الله يطراه بالخير من طب الأسنان ورئيس اتحاد المحايدين فيما بعد، وهو راجل دفعة من الابتدائى يعنى ماتقولو بنرمى الأسماء ساكت، حاتم ذكرنى بمسرحية المرحوم طيب الذكر الفاضل سعيد... كان حلم حاتم ان يرقص فى مكتب المدير... لا أذكر ماذا فعل حاتم لكن أظننى رقصت التويست فى مكاتب الادارة وأنا أهتف سونا حبيبتى سونا!!! كان ذلك فى 87... وهكذا سقط الباستيل!
فى نفس العام وربما نفس الاعتصام، كان البرالمة قد قضوا شهرا واحدا فقط وتم اغلاق الجامعة، كالعادة، لأجل غير مسمى.. سارت المظاهرات هادرة داخل البركس: ياالبرلوم كراعك شوم... اللذيذة قابلت الأخ حسام فى داخلية كردفان، وهو خريج حنتوب مثلك ياأبوخليل ويدرس فى الآداب.. كان متأثرا جدا برجوعه لأهله بعد شهر واحد وكان مقتنعا فعلا بأن كراعهم شوم.. سألنى هل هذه هى المرة الأولى التى تغلق فيها الجامعة لأجل غير مسمى منذ السبعينات.. طيبت بخاطره بأن ذلك يتكرر كل عام. الاستثناء الوحيد كان فى 86 والذى كان غريبا وتأدب فيه الكيزان جدا رغما عن تجميد عام دراسى للزراعة وفصل لجنة رابطتهاوكثير من الأحداث المستفزة بواسطة حكومة الصادق والتى - ربما - كانت ترغب فى اغلاق الجامعة لترتاح فى صخبهم.. الكيزان كانوا من جانبهم يرغبون فى الحفاظ على الجامعة مفتوحة للضعط على الحكومة وربما اسقاطها... 86 أظنها كانت سنة التعديلات الدستورية والتى كانت نيتها التضييق على الجبهة وفى الآخر مررت بعد تخفيفها...

Post: #93
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 05:52 AM
Parent: #92

الجامعة في تلك الايام كانت تعج بالنشاطات المختلفة ندوة سياسية

مناظرة..قراءت شعرية جلسات استماع لمصطفي سيد احمد

حفل بالجابري..سيد خليفة وفنان كده جانا من الكاريبي

وعمل جلسة في قاعات الاقتصاد

وكان بغني لبوب مارلي..واندهش عندما وجد معظم

الحضور حافظين اغاني بوب مارلي اكثر منه

وايضا امال النور.والجو الرطب .وشعر ودبادي

وحميد والخال شرحبيل احمد

ولي قصة مع مصطفي سيد احمد

اذكر ان زميلنا الرائع مصطفي ميرغني من اولاد

حنتبوب كان يبدو انه مكتشف مصطفي سيد احمد قبل زمن بعيد

وكان كل ليل بشغل مصطفي سيد احمد قبل النوم

وانا كنت يقول ليه ياخ ايه ياخي الزول القادينا

بيهو ده وكان بقول لي انت زول ماعند حس فني

حبة حبة بقينا نسمع مع مصطفي ميرغني حتي ادمنا

الاستماع اليه والفضل يرجع لودميرغني

اما علاقتي مع السياسة فاذكر انه جرت محاولات

لكوزنتي من احد اقربائي الذين كانوا فاينل وكوز ليه ضل

وقلت ليهو يا زول ارحم حالك انا جني وجن الترابي

بتاعكم ده

اما عن لجنة بحث عدالة توزيع الفرص الجامعية

تكونت عبر اجتهادات المخضرم انذاك خالد شيخة

واستطاع ان يحشد لها مجموعة كبيرة من الطلاب

والطالبات من مختلف الكليات(والمدير كان يوسف فضل ..يا خليل ما التنقاري)

وقاموا باعتصام شهير شهد تسريب للسندوشات الي

قاعة المعتصمين

وكان همها هو نصرة الشهادة السودانية..مقابل شهادة

لندن والشهادة العربية

واذكر ان التنظيمات السياسية حاولت

اختراق الناس ديل الا انهم فشلوا

لحظيا ولكن نجح الكيزان علي

المدي البعيد وجندوا موسس تلك

اللجنة خالد شيخة واصدر بيان عنوانه

(لو رايتم ما رايت) كان هذا عندما اراد التحول الي الكيزان

فكان السوال ماذا رايت يا ودشيخة؟

واخيرا اصبح امير للمجاهدين

ويقال انه ذهب الي الجنوب لكن

كب الزوقة من كوستي

وكمان مواصلين

Post: #94
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-08-2006, 09:15 AM
Parent: #93

هـنـدسـتو 'الخـروف الـضـحيـة' ولا لسـة?

مـني

Post: #95
Title: Re: اليوم الحار ومابنداريوم الهندسة والمعمار
Author: نادية عثمان
Date: 01-08-2006, 09:24 AM
Parent: #94

ياهندسة

يااجدع فرقة

سلام

وكل سنة وانتو بالف خير

وعيدكم سعيد

Post: #96
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 09:27 AM
Parent: #94

رسلناه هناك للناس الطيبين العمات الخالات والجيران

عشان هنا ما عندو طعم ولو عملت ام مرارة ممكن يجيبوك في الجزيرة

ويبشعوا بيك

Post: #97
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 09:30 AM
Parent: #96

وانت طيبة يا نادية وكل الناس الطيبين

واولهم خالتي المصورة معاكي دي

Post: #98
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2006, 01:50 PM
Parent: #97

شكرا مني ونادية وانتو الفيهم ربنا احقق اماني الجميع وينعاد عليكم بالرفاء والبنين.
ياسلام علي اسبوع المهندس بالكلية كان اقوي من معرض الخرطوم الدولي ويا سلام علي كورال الهندسة والانشطة الثقافية المصاحبة والمسرح بتاع ناس الود المبدع خليفتي الخير ادم وهو الان خلي الهندسة وبقي فنان كبير بقعد الجلاد ولابد انا احيي شعراء الكلية المهندس امين كان عندو قصيدة لسع بعد عشرين انا ما فهمتها بقول انا البوح والجرح والمهرجان وانتي اللغة والفاهم حاجة اتصل بعبد الكريم والشاعر المهندس الرقيق طارق حاج التوم ود بحري عندو قصيدة بقول.
ولانني وقفت بين بين بكيت مرتين
ولاني سكت حينما كان واجب الكلام لازما
رجعت نادما لا انتصرت لا انهزمت رجعت نادما
بالله شوف الشطارة دي لحدي هسع انا حافظ قصائدهم رغم ان راسي دقت عليه مليون طبلة.
كان ختام الاسبوع بالراحل المقيم مصطفي سيدا غني كما لم يغن من قبل.
وفي الاسبوع التاني كان الختام بالاستاذ محمد الامين وكانت الانقاذ في الوقت داك مولعة نار بيوت اشباح وامن جد فطالبناه ان يغني لاكتوبر فقام قال لينا اكتوبر ايه نحن في يناير ومن خاف سلم

Post: #99
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 02:31 PM
Parent: #98

الفردة ابو خليل

اولا عليك الله خش في البوست بتاع في عينيك دنيا غريبة

شوف عركي ده بسوي شنو

ابو خليل يا ملك الباصات الطويلة استلمت الباص علي

طريقة سانتو بتاع المريخ داك

والان نخش في الموضوع

اسبوع المهندس والله زمان طبعا كان مدهشا وحاجة عجبية

بالنسبة لينا

وادتنا صورة عن الحاجات المتوقع

تلاقينا قدام وشفنا ابداعات السناير

والناس القربو يبقو مهندسين

بس فضل ليهم خريف واحد

وكانوا ناقشين نقش شديد

وبشرحوا بثقة واقتدار

وكان الواحد بقول لروحه متين نبقي

زي الشفوت ديل

اما نحن المساحين فكانت فرصة لنا عشان

نكون فرصة عن المساحة

علي الاقل تقدر تقشر بيها شوية

يا زول جنس مصائب

حركة المد والجزر

وقياسات النجوم

والتصوير الجوي

وكلام عجيب وعرفنا حينها ان الغريق قدام

وكان الاسبوع مزار لكل طلاب الجامعة

وتهتم به الجمعية الهندسية

اهنمام بنوع خاص وتكون هناك حالة طواري في كل

الكلية

الدكاترة..العاملين

ناس اللابات

وايضا يزور الاسبوع طلاب وطالبات الجامعات

الاخري

والله ما وراك يوم يجونا ناس

الاحفاد طبعا كل واحد بحاول

يطلع من علبو واخر تالق

اما الجانب الثقافي فكان الموضوع

رائع جدا او كما قال ابو خليل

وفعلا القصيدة بتاعة امين دي

عاوزة كتلوج مع القصيدة

وايضا والحديث عن الشعراء

بالله ماتنسي ابوسمرة

وطه النور رغم انو شعرو ابو ضلفتين

Post: #100
Title: Re: اليوم الحار ومابنداريوم الهندسة والمعمار
Author: القلب النابض
Date: 01-08-2006, 02:51 PM
Parent: #99



غايتو جنس حسادة عليكم اسة ناس شهادة لندن ديل مالكم عليهم

Post: #101
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 02:56 PM
Parent: #100

والله انا عندي راي بس خائف اقولوا وبعدين ابو خليل

يزعل اصلو صاحبهم شديد وما بحمل فيهم (يا قلب)

Post: #102
Title: Re: اليوم الحار ومابنداريوم الهندسة والمعمار
Author: smart_ana2001
Date: 01-08-2006, 03:10 PM
Parent: #101

شباب هندسه الحلوين سلامات
شكلكم كده انتو الناس اللى قالوا :
نحنا الكبار قاعدين كنب ..........اى امتحان بنقول صعب
ما فى امتحان ما شلنا صب .........و مشينا تالته بعد تعب

وانتو برضوا اللى قالوا ليكم زمااان:
يا مباصى فى البرليم ما تقول شميت النسيم ....بتقطع الغربى وهناك بتاكل نيم
شكرا على البوست اللذيذ

Post: #114
Title: Re: اليوم الحار ومابنداريوم الهندسة والمعمار
Author: Ahmed El Gasim
Date: 01-08-2006, 10:10 PM
Parent: #100

الاخوان
خليل واولاد هندسة
استمعت ببوستكم كتيرا واعرف الكثيرين ومنهم صديقي الوغد اللزيز
Quote: يسلام علي محمد الطيب سليم عندما كنا برالمة كان لا يعرف هندسة مساحة بالانجليزي فترجمهاحرفيا انه هو طالب في(faculty of arae) بدلا عن(surveying)

وهو زميل دراسة وصديق الي الان وما زال كما هو نكات وضحك وعندما اضيق اتصل به واضحك ملء شدقي له التحية
كزلك
طه النور(وهو دفعة اخي الاصغر)!
الرائع محمد متوكل
لكم التحية
احمد القاسم

Post: #117
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 05:17 AM
Parent: #114

شكرا احمد القاسم وكل سنة وانت بخير فاتني ان احيي فريق كرة السلة بالهندسة ناس بيض لكن لاعبين لعب ناس روبرت صخر واكرم دلالة وعباس ياسين ومعاهم ابوسمرة عشان اكف العين وكان ما اخاف من الكضب هشام المجمر جاء مرة لعب مع المنتخب لان الخريج ممكن العب سنتين

Post: #254
Title: Re: اليوم الحار ومابنداريوم الهندسة والمعمار
Author: Dr. Abdalla Siddig
Date: 02-13-2006, 06:48 AM
Parent: #100

ألأخ خليل تحياتي

أكتب لي علي هذا العنوان

[email protected]

Post: #713
Title: Re: اليوم الحار ومابنداريوم الهندسة والمعمار
Author: مجدي شبندر
Date: 08-22-2006, 01:42 AM
Parent: #100

الاستاذ خليل

لم يبق شئ سوا الذاكرة

للذاكرة ظل حالة لا ظل الا ظلها

تشكل منا
ويسقط فينا

ظل منا والينا


حقا من اجمل الاشياء هي تلك الذاكرة المليئة بشئ من الحنين والشجن ,جميل ان نمارس النزيف فهو طهارة لجسد الذاكرة .


خليل انك تمارس عملية الاستفزاز .اجدني الان استضيف كم هائل من الخلان الذين حظينا بمعشرهم الجميل وحضورهم السمح .



إنهم يقراونك جيدا ولكنهم يستضيفون ليلاهم وانت الذي حرقت البخور واستحضرت الارواح .انت السبب يا خليل .

لك الشكر العظيم


وهيجتني الذكري

مجدي شبندر




Post: #812
Title: Re: اليوم الحار ومابنداريوم الهندسة والمعمار
Author: Manal Mohamed Ali
Date: 10-23-2006, 02:24 PM
Parent: #100

يا اللللله ... جامعة الخرطوم ...
بصراحة انا اتكسرت في اتنين من الهندسة... الاول ما اشتغل بي الشغلة
والتاني شوكشني بعد 3 ايام من التعارف... من يوم داك تبت من اولاد الهندسة
(انشاء الله ابو الوليدات مايقرا البوست ده... واللا حايكون السبب بوست عن الهندسة برضو)

Post: #1219
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 05-20-2008, 12:47 PM
Parent: #100

up

Post: #103
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2006, 03:24 PM
Parent: #99

يا سلام اهم حاجة في السودان في ذلك الوقت هلال سبعة وتمانين وكونا رابطة مشجعي الهلال برئاسة المهندسة الانيقة بت الصحافة تماضر ونذهب للمعسكر الهلال في الفندق الكبير محملين بالفواكه ونلقي جمال الثعلب وتنقا ومنقا افكو الزنقة وحمد دفع الله والديبة حاجة عجيبة وجلاك كادوقلي واسامة وكندورة سيد الشورة وجمال كدوس والرائع يور والمدفعجي صبحي عبد المعز جبارة واهدافه في ليفنتس النجيجري وعلي الحسن مالك وهو يقول فلتخرجو في بورتسودان فلتجرجو في بورسودان انتصر هلال السودان ويور صدي ضربتين جزاء من كانون ياوندي وذهبنا المطار وحواء الطقطاقة تغني اليلله يا منقستووانت سيد الديسكو والكاميرون دستو ونواصل

Post: #104
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 03:39 PM
Parent: #103

يا سلام علي هلال 87 ده كان حاجة تاني

وده ياهو الهلال البعرفوا انا

ولعلك نسيت وليد طاشين الود الرهيف ا لحريف

هد زي السم ...واذكر الفاينل بتاع لاراش

ومنقة الذي اطرب الجميع وقدم محاضرة في

فنون ومهام لاعب الوسط ...ويا سلام علي

عمك علي حسن مالك وصف جد...

وهذه الفترة تعرفنا علي اصدقاء

من الجيل الجديد في حب الهلال والوطن والانسانية

Post: #105
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 03:44 PM
Parent: #104

شكرا يا(اسمارت انا2001)

ايوه الكلام ده كلو في محلو والله ما وداك غرب الميدان الغربي ده

Post: #106
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2006, 04:15 PM
Parent: #105

من اجمل الهلالاب بالهندسة الود الشقي عمر حسين ومن اجمل المريخاب عبدالناصر وكنا نقيم اركان نقاش ومناكفات في الكلية والمريخ بقولو الهلال عدو الكووس فريق محلي بس يتاسد علي ناس التحرير وشمبات.
ونحن بنقول كاسات المجاعات دي كاسات واظنك كريم تذكر يوم الاربعاء ما كنا بنخش المحاضرات لانها بتاعة رياضيات وكنا بنعمل حاجة اسمها الاربعاء سهرة نغني في الكافتريا حتي مواعيد الغداء ما بنخلي فنان حتي اغاني البنات يا سلام ياخي ما ترجعونا تاني

Post: #107
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 04:32 PM
Parent: #106

اه من عمر حسين اللذيذ وكان من اولاد الصحافة

وكان مكنيكي ومتخصص في مداعبة اولاد مساحة

وطبعا المساحة دي حكايتها حكاية

لانو كان ممنوع قبول الطالبات فيها

وهناك نكتة بتقول حتي اولاد الخرطوم ممنوع

ولكن كان لنا اصدقاء ودفعة من اولاد الخرطوم

والحق يقال انهم اظهروا قابلية عالية

عشان يكونوا مساحين صحراوين

ساكوبة.عوض سعيد ..ووليد

ومحمد المتوكل ...عمر الصادق ,طارق عمر خالد..سيف اسكلايشي..اسامة قاسم

وطارق

طبعا دي يا ابوخليل خلطة بتاعة كم دفعة كده مع بعض


Post: #108
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2006, 05:01 PM
Parent: #107

في ليل حالك اسود اسود وندوة هناك في النادي الجغرافي تربص الكوز القاتل فيصل حسن عمر بالشهيد الانيق بشير ود الغرب البسر القلب بين اقتصاد والاداب وفي ظلام دامس سدد له طعنة قاتلة واختفي مع ناس الانقاذ.
الجامعة صباح اليوم التالي غلت كالمرجل جزن كثيف طغي الجامعة زملائه وزميلاته يبكون كل الجامعة تبكي ولكن البكاء لا يفيد لابد من المواجهة لا بد من يعرفاالنظام اننا لسنا كقوم فرعون نسبح بحمده.
خرجت الجامعة عن بكرة ابيها وهي تهتف البشير بالبشير الجامعة تدين تجار الدين هتافات ومظاهرات بلغت السماء .
امر الترابي اجهزة الامن بالتدخل والاحتياطي المركزي كان مسالما والله حضرت ناس اشكالها غريبة ويلبسون زي الكيزان القمي اتفه بدلة سفاري واطلقو الرصاص عشوائيا قتلو التاية وسليم وابوبكر وعدد كبير من الجرحي اسف عبد الكريم هذه ذكريات مولمة استميحك عذرا ان تواصل

Post: #109
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-08-2006, 05:26 PM
Parent: #107

الله.......
مهما هم تأخروا فإنهم يأتون
من باب رام الله أو من جبل الزيتون
وغنى مصطفى سيداحمد كما لم يغن أحد!!

وبكيت مع طارق حاج التوم مرتين ووقفت بين بين... ورجعت القهقرى لأيام نديات مع رابطة بحري والكورسات الصيفية فى مدارس بحري.. وكورال المدرسة الصيفية يترنم نحن فى السودان نهوى اوطانا.. ويرتفع الصوت عند ديوم بحرى! طارق حاج التوم هذا لديه عم دكتور فى كلية التربية يدرس الرياضيات كتب قصيدة فى مؤتمر علمى عندما عاتبه أحد المشاركين على تربيع واحد من الثوابت (ثابت لاغرانج)، فاعتذر: ماكان للاغرانج أن يتربعا..ووو....وكنت أنت الأروعا

وكان هناك الصادق الرضى وكان شتلا ذا تسعة عشر ربيعا فتيا حييا.. يدندن بغناء العزلة ضد العزلة وكن أبيض.. كن أسود.. لا بل كن نفسك... يناجى دخان سجارة وأشياء أخرى..

العزيزالمهندس عبادة معاذ السراج كان مغرما ككل آل السراج بالعربية وكان يتحفنا يوميا لفترة بروائع فاروق جويدة (ام شوشة؟)... لا أعنى أحلى عشرين قصيدة غزل.. وفى نفس تلك الأيام خرج الكابلى بشريطه الرائع موشحا بنالت على يدها مالم تنله يدى.. والصورة بالألوان.. وكان فتحا كابليا!

وشئ من الذاتية... شاركت مع جمعية الثقافة والابداع فى الهندسة بمسابقة القصة القصيرة.. قدمت "مذكرات فتاة جامعية" وتم اختيارها لتفوز بالجائزة الأولى!! أعطتنى اللجنة كتاب "كيف تكتب الفصة القصيرة" وشيئا آخر.. كان ذلك الكتاب مثار تندر الأعزاء أحمد محمد الأمين وأنور محمداحمد الذين زعموا انه تلميح صريح بأن على أن أتعلم كيف تكتب القصة.. كانت قصتى اليتيمة - وهى أول وآخر قصة مكتملة أكتبها - مبنية على منولوج داخلى عن فتاة جامعية تسأل نفسها ان كانت ستتزوج ام تصير من البايركس!!!! أخبرنى من أصدقه ان عددا من الفتيات فى الداخلية تناقشن حولهاوتم تسجيل تساؤل من بعضهن ان كنت قد تلقيت مساعدة من الطابور الخامس حول ذلك البوح الصريح... الصادق!

Post: #110
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2006, 05:44 PM
Parent: #109

كريم والصائم واصلو في احداث مقتل بشير وسليم والتاية لا استطيع ان اقود القافلة

Post: #111
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 06:44 PM
Parent: #110

الصائم ايها الزول الرائع

معقول غناء العزلة ضد العزلة الصادق الرضي ...ولو كان الامر بيدي لحفظتها لكل التلاميذ

في السودان لانو ده شعر مافي

زيو اثنين....

وياسلام علي اولاد بحري

.......................

بشير الطيب زول جميل وهو ود دفعتنا الاولي

يعني خشينا الجامعة معا

واذكر انهم كانوا ثلاثة

لايفترقون

العبيد من القانون

عثمان من هندسة كيمائية

وبشير الطيب اداب

جاءوا سويا الي الجامعة من

قلب كردفان

جاءوا وهم منحازين تماما لاهلهم ولكل الشعب البسيط

لم ينضم بشير لاي تنظيم الا انه كان يجهر بارائة

امام عتاولة الكيزان وسادة العنف الطلابي

حاج ماجد..وفيصل...وكان بشير صديقا واخا

حميما لتوفيق ..حاتم..غسان جعفر

وهولا كانو جبهة ديقراطية في الاداب

وكانوا ايضا كثيري التحرش بالكيزان

فكان هنالك بشير مدافعا عن اصدقائه

وقد كانوا يعلمون انه ليس جبهة ديقراطية

الا انه صار رمزا لتحالف الطلاب

وتصديهم لصلف

الدقن التحت الكاب

والافك رباط البوت

وقام بشير باعطاء فيصل هذا علقة ساخنة حتي هرب

فتولد تار مابين فيصل وبشير وجولات

من المشاجرات تنتهي دائما بتغلب بشير الطيب

زاده فيها شجاعته المهولة وحرارة قلبه

فقرر كوز الغدر والخيانة قتل بشير

مع سبق الاصرار والترصد

مات صديقي بشيير الطيب

ومات بشير الطيب بخنجر الانقاذ

مات بشير ودمه في رقبة قوي الهوس الديني في كل العالم

Post: #112
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-08-2006, 07:11 PM
Parent: #111

ابو خليل اوع تتذاوق جاي جاي

حتكون key person في عينك

انت ما قريت الكلام ده ولاشنو


Quote: ابو خليل


ياملك السهل الممتنع

حكاياتك شيقة ولطييييييييييييييييييييفة وذكرياتك حميمة

واصل ونحنا متابعييييييييين للطيش يازول انت بس قول

Post: #113
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-08-2006, 09:56 PM
Parent: #112

ابو خليل تقلب المواجع بالدم بعدما قلبتها بالضحكات...
كان سليم أبوبكر دفعتنا فى بحرى الحكومية وكان رئيسا لجمعية التربية الاسلامية فيها يوما ما.. ثم اغتالته يد آثمة باسم الاسلام وباسم أشياء أخرى... رحمه الله
بدأت الأحداث بمقتل المرحوم بشير الطيب ... توفيق الطيب من أولاد بحري هو الآخر... لم يكن جبهة ديمقراطية فى كل ماأذكر... كان قياديا فى رابطة كلية الآداب.. غسان جعفر ذلك الرائع من مدنى.. بالصدفة سكنا غرفته سابقا فى أولى سنين الجامعة.. كان خطاطا ماهرا وآظنه كان يشارك فى كتابة مساء الخير للجبهة الديمقراطية... على جدران الغرفة التى ورثناها منه كان غسان يشخبط بخط هو آية فى الجمال جملا مثل: نزل المطر وبرد الجو ونط الحمل.. توقيع غسان جعفر... انا ذاهب ....الى الصفرة... توقيع غسان جعفر... اعتاد غسان على زيارتنا والتعرف علينا..

ليس فى هذه الرواية اية محاولة للتوثيق.. فقط على ايراد الجانب الشخصى منها تماما.. وقناعتى الشخصية ان فيصل هو القاتل رغم تبرئة المحكمة له...وليس ثمة مبرر البتة لاغتيال بشير الطيب وفجيعة أهله ووالديه فى التمتع برؤية فلذة كبدهما.. كان بشير فى خامسة آداب.. درجة الشرف التى لاينالها كثيرون... والحادثة خير مثال لغسيل الدماغ وفشل الاتجاهيين كحزب عقائدى متزمت..

فيصل حسن عمر، رحمه الله، من الدامر وثمة من قائل انه أخ لأمين حسن عمر... سكن معنا فى داخلية كردفان قريبا لأبى خليل... فيصل كان يساكن المرحوم مشعل ابراهيم خالد شقيق روحى وبلدياتى من السريحة الجزيرة ودرسنافى السريحة الابتدائية معا واختطف الموت مشعلا قبل التخرج بأيام.. وكان معهم أيضا البدرى عبدالله صاحبنا من بحرى الحكومية وكان مؤتمرجيا حينا من الدهر ويسكن الدروشاب.. فى يوم ما ترشح فيصل لانتخابات الرابطة وصوره الكيزان بالبدلة وكتبوا فى صحيفتهم بالكلية بالبنط العريض فيصل يصرح.. البدرى جاء الغرفة محتجا.. كيف يافيصل لا تصرح لنا نحن زملاءك فى الغرفة.. ثم اذا انت بالأهمية دى، بدل وتصريحات، ليه ما كلمتنا؟؟

أحزننى ان اعرف واحدا عزيزا على من الشهود أقسم على أن فيصل كان معه فى معهد البصريات وقت حدوث الجريمة... الاستاذ المحامى محمود على حسنين قاد فريق الاتهام وذكر ان ذلك الدفع القانونى يسمى فى الفقه الانجليزى "دفاع بومبيى" وهو الاستناد على تواجد المتهم فى مكان آخر.. وهو من أخطر الدفوعات اذا انهار لم يتبق للمتهم حجة.. كثيرا ما طاف ذلك القسم أمام المحكمة بذهنى وأنا أعرف ذلك الشاهد الكوز يبحث عن الشهادة فى الجنوب بحثا مضنيا معذبا... خرج منه باصابة قدم.. المرحوم فيصل استشهد فى الجنوب... غفر الله لبشير وأحسن لشبابه وألهم أهله الصبر وحسن العزاء... نسأل الله الغفران لفيصل فقد أفضى الى ماقدمت يداه.. كانت حادثة بشيرالطيب فى أواخر ديسمبر 89 او أوائل يناير 90.. أذكرها عندما علمت بالنبأ فى ليلة باردة والداخليات خلو من الطلاب الا قليلا.. خلفت وحشة قاسية أذكر طعمها حتى هذه اللحظة..

Post: #115
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-08-2006, 10:33 PM
Parent: #113

أما حادثة سليم والتاية فقد حدثت عندما اقتحم الاحتياطى المركزى الجامعة مثل التتار... كانت مواجهة حامية بين الطلاب والتتار... هربت من منطقة النشاط (سابقا غرب كلية الآداب) الى المين رود.. رأيت التتار داخلين.. تقهقرت باتجاه المكتبة.. سمعت صوت شئ يرتطم بالأشجار.. لا عاصم الا الله... بعضهم صرخ انه رصاص مطاطى.. كانت تلك المفردة شائعة من الانتفاضة الفلسطينية.. وتحيرت ما الفرق؟.. هتف آخرون انه فشنك وآخرون انه رصاص حى... كنت أميز الصوت العالى على انه فشنك.. عندما سمعت صوتا مختلفامازال مثل الصفير فى أذنى علمت ان الأمر جد... قررت الجرى الى المكتبة المين.. كان المدخل الرئيسى بعيدا والمنطقة مكشوفة... قررت الدخول من ناحية أمين المكتبة... فى تلك اللحظة رأيت طالبا ينزف فى دمه محمولا بين اليدين والجميع يهتفون انه يموت.. رأيت الدم يطفر من بطنه مثل شئ يغلى واللون أحمر.. حدثتنى نفسى ان أوان الهرب قد ولى.. مددت يدى لأحمل مع الحاملين... والله حتى الآن لا أذكر ماذا حدث... وجدتنى أجرى لمدخل المكتب والمكتبة.. كان هناك من التتار من اتخذ الوضع "راقدا" وسلاحه منتصب على الأرض ناحية المكتبة.. وبعض التتار يهتفون اخرجوهم كلهم والا ضربنا النار... هل حمل التتار الطالب النازف؟ هل أصر الآخرون على الا يسلموه احدا غيرهم؟ هل كانت هناك سيارة أدخلوه فيها؟ هل تكاثرت الأيادى الممدودة؟... دخلت مكتب أمين المكتبة... نظر الينا مايعنى انه يعلم... معى اثنان ثلاثة... أغلقنا الباب وظننا اننا ارتحنا من التتار.. سمعنا طرقا عاليا بالدبشك على باب المكتبة فى الطابق الأرضى والذى كان نادرا ما يفتح.. كانت مكتبة التجانى الماحى ام السودان لا أذكر.. كانت مخصصة للدراسات العليا فيما أظن... خاف أمين المكتبة ان يكسر التتار الباب خرج اليهم.. هذه مكتبة.. صرخوا اخرجوا كل من فيها... فى هذه الاثناء دخل بعض التتار من المدخل الرئيسى فى الطابق الثانى وقد عرفوه بعد مطاردتهم للطلاب اذ المعلوم ان مدخل المكتبة المين من الألغاز التى يحتار فيها البرالمة شهرين بعد دخولهم وقد قيل ان الكثيرين من البرالمة مكثوا ساعات عدة يدورون حول الطابق الأرضى بحثا عن مدخل المكتبة المين.. وبدأ التتار فى اخراج الطلاب والطالبات تحت السلاح.. سمعنا بكاء وصراخا.. جاءت الهمسات.. لقد مات عدد من الطلاب... كم؟ من؟ أين؟.... خرجنا من مكتب أمين المكتبة وبقية الطلاب من المكتبة وأيدينا على رؤوسنا.. حتى نفق شارع الجامعة.. كان التتار يضحكون ويضربون بعض الطلاب بالدبشك...

مرة ثانية هذه الرواية ليست توثيقا لكل الأحداث.. انها منظور شخصى ذاتى فقط وكفى به توثيقا!

Post: #116
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 05:04 AM
Parent: #115

ياسلام يا الصائم ياخي.....

Post: #118
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-09-2006, 06:58 AM
Parent: #116

I am also waiting to read Khalil's version,

Thanks el Sayim and Kareem

Muna

Post: #119
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 12:59 PM
Parent: #118

وصلنا الان سادتي الي مقتل طالب الاداب

صديقنا بشير الطيب وتبعه موت التاية وسليم

واداء ذلك الي تولد الغضب والغبن

في قلوب الطلاب تجاه الكيزان

الذين كانو يعاملون الطلاب بكل

صلف وغرور مسنودين بناس الامن

الذي كانوا في اوج سطوتهم

وطغيانهم ....

ولكن علي من هذا

وكانت السلطة تعي جيدا خطورة

طلاب الخرطوم ودورهم في

محاربة الطواغيت

اكتوبر ..مارس ..ابريل

ونحي هنا المهندس عمر الدقير

الذي كان يصغي اليه حتي الشجر الجامعة لمن

يتكلم..

كما قلنا تولد الغبن لدي الطلاب

وترجمو ذلك في اول انتخابات

بعد داك وسقطوا الكيزان

في ملحمة رائعة سميناها (السيك)

وذلك لهزيمة الكيزان في 13

كلية ..

وايضا وصل الي الجامعة جيل جديد من

البرالمة الذين عذبوا وضاقوا من الناس

ديل في المسعكرات..

وتواترت الاحداث حتي غلط الكيزان

غلطة العمر وقاموا باحتلال مكاتب الاتحاد

عقب حل جمعية القران الكريم

واحتلوا النشاط واعلنوه منطقة عمليات

ممنوع الاقتراب اوالتصوير

وعندها اعلن الجنرال حاتم رئيس الاتحاد

ضرورة تحرير الجامعة

وبعد داك تعا ل شوف الكبع الما كبع

لاول مرة اشوف لي زول ينط 4 متر مرة واحدة

(حاج ماجد ) احد امراء الكيزان الكبار

فقد تسلط عليه بعض البرالمة المدربين

وشارك كل طلاب وطالبات الجامعة

الشرفاء في المعركة

وقاموا بطرد الكيزان علي طريقة كابتن ماجد

وهرب الكيزان تاركين السيخ بتاعهم

اجل هرب اصلب العناصر لاصلب

المواقف


ومواصلين لحدي احداث مسجد البركس

مع الصباح
............................................

وخش يا خليل في اللاين عليك الله

Post: #120
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 01:10 PM
Parent: #119

هناك حدث مهم جدا فات علينا كاد ان يحول الجامعة لمجزرة حيث اتهمت جريدة حزب الامة الدباب سابقا ناجي وهو كوز ابولستك بسرقة الزيت وكان هذا هو عنوان المانشيت الرئيس في الجريدة حاول الكيزان تمزيق الجريدة اتي ناس حزب الامة بسيوفهم وكانت معركة كرري ان تطل مرة اخري امام اعيني واتي الشيوعيين مدجيين لحماية جريدتهم واتي الكيزان بالسيخ وحاجات غريبة كدي احتقن الامر تماما وتلبدت الغيوم.
ولكن كانت هناك مبادرة خارطة الطريق وشكلت لجنة من انصار السنة لراب الصدع بين الفرقاء حيث توصلت بان يسحب ناس حزب الامة هذا الخبر من الجريدة في صباح اليوم التالي ومرت بسلام جوار القائم كما يقول الرشيد بدوي عبيد

Post: #121
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 01:31 PM
Parent: #120

ناجي ده من اولاد حلة جنب الحاج عبدالله

وحسي تبع الترابي

وممكن فعلا تسميوه دباب سابق

Post: #122
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 02:18 PM
Parent: #121

في ام المعارك حصلت حاجات لذيذة الحنكوشة غادة بتتفرج علي الضرب بين الكيزان والشباب وبتتكلم مع الحنكوشة سعاد(realy ya suaad first time in my life isee civil war).
وبعدين الضرب مدور في الميدان الغربي تواجه العملاق هشام توفيق من الكيزان وانا كنت مسمسميهو شوارسكوف بتاع حرب العراق مع هشام جاد الله وهم اصحاب جدا توفيق كانت تاتيه الحجارة من كل جانب وكان ينفضها بيديه فقط وكان جنبو جادالله فالكوز ضرب جادالله بالسخة حتي سقط علي الارض وجادالله علي الارض قام قال لي توفيق والله العظيم تاني ما اخليك تنقل مني

Post: #123
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 02:58 PM
Parent: #122

بمناسبة اللعب مان تو مان

مع الكيزان

اذكر ان وليد زكريا

عندو كوز معين كده من سنة ثانية كل

ما وليد يلاقي الزول ده كان وليد

طوالي بفتح في الزول ده دق شديد

حتي ولو بدون سبب بس غبينة ساكت

والكلام ده استمر لحدي ما وليد

اتخرج من الجامعة

واذكر اننا حجزناهم

زي 100 مرة كدة

Post: #124
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 03:29 PM
Parent: #123

في ياخي ابوضفيرة كان جنو الرقم تلتاشر يقول ليك السنة فيها كم شهر تقول ليهو اتناشر يقول ليك زائد واحد تلتاشر سبحان الله فمرة كان عامل ركن نقاش وبحكي عن قصة اعتقاله داخل جهاز الامن فقال اعتقلت وحقق مع الضابظ وظل يضرني وانا اقول احد احد ولما اشتد علي الضرب لكمت الضابط حتي قال واي فقلت له لماذا تقول واي وانا اوحد

Post: #125
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 03:59 PM
Parent: #124

والله يا ابو خليل العاجنبي فيك

انك بتفتح مدارك الحوار

يا ود انت حسين خوجلي ولا فيصل القاسم
.....................................................

ابو ضفيرة فعلا ظاهرة تستحق

الوقوف عندها ...

طبعا هو زول شاطر جدا

ويقال انه كان في بعثة في فرنسا

وقال انه قطعها عشان يحارب الجمهوريين

ويقال انه له مواقف مع الدالي

وطبعا احنا ما حضرنا الجمهوريين

ديل في الجامعة

وطبعا ابوضفيرة باني الشغل بتاعوا علي الرقم
13
وعندوا حسابات عجيبة المهم بدخل ليك الرقم

13 ده في كمequation ويوريك يوم القيامة متين

ومن نكاته انه قال في احد اركانه

ان القصر الجمهووري 13 حرفا وهو لنا

وكنا بنحضر واحد من اركانه

وقال عدو نفسكم وفعلا عدينا

ووجدنا انفسنا 12

وقال زائد شخصي نكون ثلاث عشر

وكان بعمل ندوات واركان نقاش لذيذة

خلاص

Post: #126
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 04:05 PM
Parent: #125

نخش علي الدكتور مامون حميدة وتصفية السكن والاعاشة والاكل البقي بالتذاكر ولا نخليها بعد العيد يا اخوانا

Post: #127
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 04:29 PM
Parent: #126

ضروري قبل ما خليل

يجرنا لمضوع مامون حميدة

والاكل البقوا لينا زي ركوب الباصات لمدني

بالتذاكر

اشطب سريع سريع موضوع

احبابي الكيزان عشان الحكي (حلوة الحكي دي)

يكون مع حجل بالرجل
.....................
بعد ان تم طرد الكيزان من الجامعة

تمركزوا في مسجد الجامعة

ويقال انهم تعرضوا لمحاسبة من التنظيم

وفي كيزان كبار كده

جو وقاعدين يبكوا

وكيف الله قدر الطلاب الصعاليك ديل

يدقوا اهل الجنة

المهم تمركز الطلاب في البركس

وكانوا اخر استعداد

شجاعة وملتوف ويقظة

وقبل صلاة الصبح جاء نفر من الكيزان

كتيبة كاملة بدعوي الصلاة في مسجد البركس

وكان الطلاب مراقبنهم قبل دخولهم المسجد

المهم

بعد الصلاة اراد الطلاب الفتك بالكيزان

وكان حتكون مجزرة رهيبة لولا تدخل انصار السنة

كحمائم سلام وتم الاتفاق علي خروج الكيزان

من البركس علي ان يجمع كل كوز السيخة

بتاعتو وقد كان

لهم التحية كل اولئك الشجعان

وين ما هم قاعدين

المهم اخدنا جزء من حقنا(سمبا هارت)

Post: #128
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2006, 04:55 PM
Parent: #127

ياخي نسينا اهم زول الدكتور حاتم المهدي رئيس اتحاد مركب ماكينة رئيس جمهورية الود ده قاد اتحاد المحايدين في احلك الظروف بقول كل سنة وانتي طيب.
وبعدين احيي الموتمرجي الكبير ود القرشي والذي قال قولته المشهورة الكيزان ديل بفوقو سوء الظن لانه غسل ملابسه بصابون(fa)

Post: #129
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 06:19 PM
Parent: #128

ايضا نحي ود الهندسة في اتحاد المحايدين عبد الفتاح الحبيب

والتحية للاخت بت الكيمائية مني ولود السكول اسامة رامبو

وحيوا معي المبدع ود الهندسة والمساحة الخير

القاعد يمتع الجمهور في عقد الجلاد والهيلا هوبا

Post: #130
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2006, 06:59 PM
Parent: #129

كل سنة وانتم طيبين

التهاني لكل الناس

والتهاني بالعيد لكل المهندسين في العالم

والمهندسين في السودان

وخصوصا المهندسين خريجين كلية الهندسة والمعمار

جامعة الخرطوم

Post: #131
Title: Re: اليوم الحار ومابنداريوم الهندسة والمعمار
Author: khaleel
Date: 01-10-2006, 07:35 AM
Parent: #130

معليش عائز اهني اصحابي في الكليات التانية عادل عبدالجليل وعبدالله جنجا وعصام جبرالله وتوفيق الطيب ونادر ابكدوك وطارق الجميعابي ونادر عباس وامجد علي رجب ود عبود وشموس وخالد مناع وياسر ابراهيم واشرف عبد الكرينم ومحمد المرضي وعبد السلام وقدورة واحيي الزميلات ناس ندي وزلفي الاسد وسهام المجمر ومها الحضري واماني حسن ومريم عبد الحميد ومي عبد الرحمن العبيد واميرة عبدالستار واماني جلال ومنار بشري وسارة ولدن ونجاد هلال وهنادي والمهندسة سهاد واجفان زكريا وسلافة وهالة التجاني ومبارك الصائغ وكل المهندسين.
امل ان اصافحهم فردا فردا واقول تري هل يعود ذاك الزمن
وكل سنة وجميع بالف عافية

Post: #132
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-10-2006, 08:58 AM
Parent: #131

والله يا ابو الخل اديتنا فرصة

انو الواحد يترس منك ...

وانا ايضا اهني اصدقائي

بالهندسة والكليات الاخري

طه النور... ابوسمرة..الدسوقي

احمد تيجاني..محمد بدوي بانقا

اسامة احمد عبدالله ووليدزكريا وليد فوكس والصادق فيصل

ومعاوية ودكوستي والي روح اصدقائي (عمر فلاشا..عادل عمر..وابراهيم بيتا)


الي جمال احمد النور

واخوه جلال والي عباس شبشة وناجي ومزمل ومحمد حسن ابو الروس وميرغني كجنكي

ومحمد الطيب سليم وهاشم ود سنار وسيف تنقا وصالح العربي

وحنان محمود واريج وسهير وبكنام سعيد

ورباح الصادق المهدي

وكل اولاد المساحة

وفي القانون احي صديقي الجميل عثمان النعيم والعبيد واحمد محمد

الحاج والدكتور احمد عثمان

وفي الاقتصاد احي ابراهيم باخت وفرح بله وجنجا ودانيال والصادق محمد عثمان

وانور امدوم

ومعاوية ابو شنب

وناس الاداب الحلويين

عبدالله مصطفي وذاكر وعبده حسن وتوفيق

وفي الاسكول احي عمار يس وعثمان الطيب الريح اولاد دفعتي في النيل الابيض ومعاهم ابوالطيب

وتحية خاصة لامين سيد مختار واحمد العبيد(اداب) ومعاويةمحي واخوه اسحاق وكل اولاد الدويم

الحلويين....

واحي ناس طب الحلويين واولهم المبدع ابكر ادم اسماعيل


لهم جميعا ولكل ذلك الجيل كل سنة وانتو طييبين

Post: #133
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-10-2006, 11:18 AM
Parent: #132

up, again happy Eid

muna

Post: #134
Title: Re: اليوم الحار ومابنداريوم الهندسة والمعمار
Author: khaleel
Date: 01-10-2006, 01:14 PM
Parent: #133

لاد من الاشادة باتحاد المحايدين في تلك الفترة قاعد الجامعة في احلك الظروف كانت الجامعة اشعاع ثقافيا ورياضيا جابه ملفات كبيرة مثل تصفية السكن والاعاشة ومقاطعة الامتحاناتز
نحن في سنة رابعة كان هناك رحلة تدربية لفرنسا وكانت الموارد شحيحة وكان في صندوق اسمه التكافل الاجتماعي ويراسه دكتور ابراهيم عبيدالله اخذت خطاب من الاتحاد والجميعية الهندسية وذهبت اليه اشاد الرجل بالفكرة وخلاص عائز اتبرع كان جنبو واحد كوز قمي همس اليه في اذنه بان الاتحاد الان بالجامعة ليس في قبضة الاتجاه الاسلامي .
فجاة وفي لحظات غير الرجل رايه وقال لي معليش يا ابني القروش العندي عائز ابقي بيها الناس احياء لحدي شهر عشرة.
غضبت غضبا شديدا وقلت ليهو انت قائل روحك ........
ارغد الرجل وازبد وقال امسكو الزنديق ده والله لو ما مرقني كرعي كان الكتلني ما انعرف ونواصل

Post: #135
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-10-2006, 01:53 PM
Parent: #134

ياللا مـزيـد مـن التـوثيق..بوسـت عنـد وقـع خـاص..منتظـرين المـزيـد..

مـني

Post: #136
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-10-2006, 04:00 PM
Parent: #135

Quote: ارغد الرجل وازبد وقال امسكو الزنديق ده والله لو ما مرقني كرعي كان الكتلني ما انعرف ونواصل


انت يا ابو خليل ذاتك تستاهل البوديك ذاتك لجنس ديل شنو....

...............................................................زز
وبداء الحديث يتسرب تحت تحت كده بانوا الحكومة

حتلغي السكن والاعاشة

عشان هذه موائد خضراء

بها ما لذ وطاب

او كما قال يونس ديك الصباح

في احد خطبه الصباحية

...,بلا ابوخليل السكن والاعاشة والاكل ابو تكيت...

Post: #137
Title: Re: اليوم الحار ومابنداريوم الهندسة والمعمار
Author: khaleel
Date: 01-10-2006, 04:17 PM
Parent: #136

خلينا من الاكل هسع رايك في ندوة الترابي لما قال التحية لاتحادطلاب جامعة الخرطوم اما بعد وبعدعشرون عاما التقي السيدان رجل اتي من غرب السودان ورجل اتي من شرق السودان اراد الهيمنة هاهها واني فرعون حينما تفرعن في مصر وكلام كتير كدي.
وتذكر جوزيف لاقو لما جاء وعمل ندوة وهتف الطلاب له عميل عميل يا لاقو فبكي الرجل وقال انا اميل انا اميل

Post: #138
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-10-2006, 05:55 PM
Parent: #137

الندوة يا ابو خليل كانت

في الميدان الشرقي..واظن بخصوص التعديلات الدستورية

وفيها فتح نيران فعلا في السيدين..وبيني وبيك

اتالق وتحدث بطريقته الشهيرة ديك وعمل جنس عمايل

مسكين اهلنا قالوا(ما بموت بريشوا الا جداد الوادي)

حسي ركب التونسية خلاص......

Post: #139
Title: Re: اليوم الحار ومابنداريوم الهندسة والمعمار
Author: khaleel
Date: 01-11-2006, 05:42 AM
Parent: #138

ماشفتي ود الزين الكان وحيد امه ماليلها كان العين
قالولو ناسك وين وريناعشان تسلم
عودو خاتي الشق ما قال وحاتك طق وما وقف بين بين لي موتو اتقدم
والفات وليدو صغير ما مسكو الكراس ماسمعوبتكلم.
نعم كان هناك التمازج الرهيب بين اسر شهداء تمانية وعشرين رمضان وطلاب جامعةالخرطوم راينا نفيسة المليك شامخة كنخيل بلادي راينا الثكالي والارامل صامدين صابرين لان ابناءهم ابطال ملئو السودان عرقا ودما اعدمو بليل واقبرو بالبلدوزر في المرخيات.
هتفنا لكل عصابة مجلس قيادة الثورة الديكوري وهتفنا ضد المجلس الاربعيني الحاكم.
كان ذلك في الذكري السنوية لشهداء رمضان وقد حاصر الامن الجامعة ومنع المظاهرة من الخروج

Post: #140
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-11-2006, 10:32 AM
Parent: #139

اجل كنا في ليلة تابيين الشهدا

ال28 الابطال الذين تم اغتيالهم

في شهر رمضان...واذكر

ان طه النور قراء شعر كما لم يقراء

من قبل

وقال....

نحن قبيل شن قلنا

قلنا الطير بياكلنا

طيرنا عساكر

بيض وفقس فوق الدقن الدنسو مكدس

كيف معتوه يحكمنا

كيف مهووس يحكمنا


التحية هنا يا خليل لكل اولئك

الابطال

كل اسرهم اطفالهم

اسرة الشهيد مصطفي خوجلي

الزول القلبو نار

واكرم يوسف وبشير ابوديك

وكل اولئك الابطال

Post: #141
Title: Re: اليوم الحار ومابنداريوم الهندسة والمعمار
Author: صباح حسين
Date: 01-11-2006, 10:39 AM
Parent: #140


Post: #142
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-11-2006, 10:57 AM
Parent: #141

الاخت صباح...

واولا كل سنة وانتي طيبة

ثانيا مرحب بيكي في اليوست

والله ده شرف انك هنا ...

ووانشاء الله البوست يكون عجبك وخليل ده زول لذيذ وكلامو طاعم....

وعليكي الله الله خلينا من الكلام بتاع المشاكل ده..علي الاقل خليك احسن مني انا

.....ويلا عيدي وانت كلك خير وعافية

Post: #143
Title: Re: اليوم الحار ومابنداريوم الهندسة والمعمار
Author: khaleel
Date: 01-11-2006, 12:24 PM
Parent: #142

كريم وصباح لو سمحتو ابعدو من البوست بتاعي والقرف بتاعة السياسة السودانية بلاش تدخليهو البوست بتاعي

بعدين ياكريم مقابضتك البتسويها برة دي ما تعملها في البوست

Post: #144
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-11-2006, 03:59 PM
Parent: #143

حاضرين يا ابو خليل انت تامر

خلاص ذاتو بطلنا المقابضة بره بره

Post: #538
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-04-2006, 05:18 AM
Parent: #111

تحياتي للأخوين خليل وعبد الكريم
نفحتني أختي لنا بهذا البوست لأفرفش حسب تعبيرها، فقد انقطعت عن عالم المنبر الحر زمانا طال وما عدت حتى أقلب الصفحات.. هذا البوست يحكي بصدق وبمحبة سنين عشناها ربما نسينا بعضها وكان التذكير..
لم أكمل بعد، ويظهر أن هذا البوست قد لا ينتهي حتى مع أوان التخرج.. فشكرا لتلك الأقلام..
أحببت هنا أن أدخل للحديث عن يوم مقتل سليم والتاية، بعد الغدر الآثم ببشير.. أيام الإنقاذ السوداء الكالحة، والرصاص الذي كان يملأ طرقات الجامعة.. والدماء كانت تسيل بين أرجلنا، والحنق بلغ مرجلا لا يوصف.
أسبوع المهندس بعدها كان صادقا تماما، وضعت فيه الحقب التاريخية المتعاقبة للسودان، وآخرها ظلام الإنقاذ وشعار القراصنة، وعلى عينك يا تاجر (الأمن)..
أذكر كان بقربي يوم المجزرة الشهيرة برلوم كان صديق لأخي صدّيق في الثانوي - نزار جعفر عبد الباسط- وكان ذووالقماءة يلاحقوننا في طرقات الجامعة بالرصاص الحي ونرى الدم يسيل باعيننا، كنا في الممر الخلفي بين الاقتصاد والهندسة لو كنت أذكر جيدا- مجموعة ملأها الغبن وفجأة نظر نزار للدم على الأرض- دم بعض زملائناتحت سماء جامعة الخرطوم- وبكى بحرقة تاكلا وجهه على الشجرة ويده على كتفي، لا أنسى تلك اللحظات أبدا.. لا أنسى عجزنا جميعنا عن التعبير بالغل والذل والظلم والدين إزاء الدماء البريئة التي سالت. وقد كانت تلك الحادثة بمثابة نقلة لي مع البرلوم (نزار) فقد واجهت وجهه الادمي الحقيقي بعد مناكفات متبادلة..
والمناكفات راجعة إلى أنه كان في الدفعة بتاعة 86 وكان في مدرسة المؤتمر الثانوية صديقا لأخي صديق، وحينما نجحت في الشهادة الثانوية ودخلت الجامعة طلب مني صديق أن اعطيه كراساتي لصاحبه الذي سيمتحن رياضيات فلقطت كل كراساتي وأعطيتها له.. ثم مرت الأيام ودخلت الجامعة وككثير من البرالمة لم أكن أواظب على حضور المحاضرات، ولما فوجئنا بامتحانات آخر السنة علمنا أن هذا ليس إلا ترجمة للإنجليزية للرياضيات التي درسناها في الثانوي كما تفضل الأخوان، وكان ذلك في سنة 86 وبعد انتهاء امتحانات الشهادة حينما طلبت من صديق أن يرجع لي كراساتي من صديقه فصار يماطل ولم يرجعها أبدا، ثم أنه اجتاز الامتحان ودخل الهندسة ولاقيته مع صديق أخي الذي كان حينها قد دخل كلية العلوم (أحياء) ولومته على عدم إرجاعه لكراساتي وقلت له أنه دخل الجامعة بفضلي وكنا نهذر فقال لي: كراسات بتاعة شنو وانتي دايرة بيها شنو كلها رسم وشعر ما فيها ولا حاجة يقولوا عليها تدخل جامعة ولا تباصي في امتحان، وبعدين أنا لومت البرلوم جدا واعتبرته ناكر جميل وأقرع ونزهي.. وكان هذا كل ما بيننا حتى يوم سليم والتاية..
كان يوما مؤلما بحق..
ولو كان من فضل وحيد لذكريات الأخ خليل التي تفضل بها علينا (وهي مليئة بأفضال كثيرة لا تحصى) فهي انها استرجعت وجه العسكر القاتم ووثقته عبر الزمان، ولو كنا نوثق هكذا في كل حين لدمعاتنا ودمائنا التي انسكبت ولقلوبنا التي دقت بعنف، وللنضالات ولكل القماءات لكنا هزمناهم بالثقافة وبالذاكرة..
إنني أحيي ذاكرتك الصافية يا أخي، وأحيي تلك الأيام..
أحببت فقط أن أداخل - وأنا بعد لم أكمل المشوار..
رباح

Post: #575
Title: Re: اليوم الحار ومابنداريوم الهندسة والمعمار
Author: ياسر يس النور
Date: 04-23-2006, 00:42 AM
Parent: #99

عبد الكريم (كيكي) أيها الاخ الرائع

معاك عمار يس النور (مستخدماإشتراك شقيقي ياسر يس ) و ذكريات جامعة الخرطوم و نسيم الدويم و بخت الرضا حيث تزاملنا و كنت أميرنا في ذلك الزمن الجميل ...

انا متابع هذا البوست الجميل و الذي أحفظ ذكرياته جيدا يوم بيوم ،
مداخلتي لكم عن المفارقات في لغة الفرنجة للبرالمة و عاوز أتذكر معاكم حادثتين الاولي للأخ محمد الطيب الملقب بمحمد Mohammed Area و ذلك لانه عرف نفسه في حفلة ما ايام البرلمة بأخوكم محمد الطيب Faculty of Area طبعا هو كان يقصد Faculty of Surveying .
و الحادثة الثانية للأخ العزيز المتواجد الان في ابو ظبي هاشم كونصـايدر بتاع الكهرباء و لو بتتذكروا في الايام الاولى لسنة البرلم جاء الاخ هاشم و هو مسطح في لكشر ما و كاتب ليه لسته كبيره من الكلمات و هو كان مشهور بترجمة اي كلمة حتى كلمة was المهم أخونا هاشم جاء كاتب ليه كمية كبيرة من الكلمات و من بينها كلمة Consider و قال يا جماعة كلمة كونصـايدر دي معناها شنو ! و إلى الآن يلقب بهاشم كونصـايدر

تحياتي للجميع و خاصة للشقيقك بتاع الآداب

عمار يس النور ( عاشق بخت الرضا)
مدرسة العلوم الرياضية - دفعة 1985

Post: #145
Title: Re: اليوم الحار ومابنداريوم الهندسة والمعمار
Author: esam gabralla
Date: 01-11-2006, 05:35 PM
Parent: #1

يا خليل و كريم والصايم والجميع
كل عام وانتم بخير
لولا تحايا خليل لما تدخلت فى البوست كى لا افسد تداعيه بى شترة هنا و لا هناك باقى اخوكم "مهبوش" شوية

نوع الونسة دى الواحد مفروض يستمع/يقراها ليها بس،
الا شايف الخمسة الشهيرة عفصتوها ساكت يا ناس الهندسة دى "لا بتنسي لا بنمحى" زى ما غنى مصطفى.... و كمان عاوزين تضاربو بعد داك يا بلاعات
الزمن كان عجيب،افتكر انحنا من اكتر الفترات حظ لاننا عشنا زمن كان معقول، او اخر الدفع المنعمة، لما اسمع بمعاناة الجو بعدنا بتشيب الراس

المهم ما اقدكم واصلوا الحكى وانحنا علينا بالاستمتاع، يا خليل كرمة ده لو واصل المقابضة شوتو برة طوالى حيبوظ علينا الونسة، كرمة حدد موقفك: ونسة و لا سياسة
بعد شيل الحال الحصل هنا فى التربيتات و غيرا حمدت الله انو خليل ما عارف التاريخ الاكاديمى بتاعى وغيرو فى الجامعة
فتناكم عافية

Post: #146
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-11-2006, 05:59 PM
Parent: #145

عصام جبرالله وينك ياخ حليلك

وحليل اركانك الدكينا ليها ذي كم (لكشر كده)

وحليلكم يا السكرتيرات وحليل غلبكم الكان بسر البال

وياخي مالك محرش خليل ده لانو ده زول لمن يحرشوا يقاتل

وبعدين ياعصام ما تنوم علي العسل لانو عرفت تحت تحت كده

انو خليل حيكتب عن المربتين من الاخوة السكرتيرات

وامسكوا الخشب

وعشانك انت بس ح ابطل المقابضة بره بره


بس نشوفك...هنا

وحتكون ونسة في كافتيريا اقتصاد اللذيذ

ولا اقول ليك اعزمك ليمون في البزينز وح اجيب معي مجتبي محسي ووليد ابوعاقلة وحامد الصاوي


الخمسة بتاعتكم الفرمالة دي بخليها لخليل اصلوا هو سيدالبوست

وانا عندي كرت اصفر يا زول حسي خليل كمان يقول دي سياسة

Post: #147
Title: Re: اليوم الحار ومابنداريوم الهندسة والمعمار
Author: khaleel
Date: 01-12-2006, 08:47 AM
Parent: #146

ودارت دورة الايام ونحن مع الزمن اغراب
شربنا دموعنا ما روينا
حملنا الشوق ملانة غذاب
وقلنا نجرب الصحراء
جنينا تعبنا كلو عذاب
العزيز عصام جبرالله والله من يوم الرحيل لاشوفتك السمحة التقت لا شوقي قال للدمعة لا
افتقدناك كثيرا وافتقدنا كافتريا اقتصاد وذكريات ازمة السجاير في كشك الكافتريا وامسيات كافتريا اقتصاد وعبدالحليم حافظ يغني زي الهوي.
افتقدنا عادل عبدالجليل وكمال الغالي وطارق مصطفي ورحاب عابدون وجمعية اقتصاد والكورال ومعاوية السمين ورقصته الشهيرة في حفلات اقتصاد.
وافقتدنا بناتكم السمحات ديلك ناس مها زكريا ومنار وعفراء وكل حسان اقتصاد. واركان عبداللطيف ومناكفاته مع الكيزان.
اما موضوع الخمسة اهداف والهزيمة الساحقة فقد ذكرته في اول مقال في هذا البوست ونحن زي ما عارف ما بنبصق علي التاريخ.
اخي عصام عش موفور الصحة والعافية مع تحياتي لاسرتك الكريمة

Post: #148
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-12-2006, 01:50 PM
Parent: #147

ونواصل اليوم الحار مع ابو خليل

والواحد بعد ده بعمل حسابو وبمشي جنب الحيطة وبلاش سياسة

والحديث الليلة

عندما قرر الكيزان قفل مسجد البركس امام صلاة الجمعة

وقالوا الداير يصلي الجمعة يجي مسجد الجامعة(قم)

عشان يسمع الخطبة الكبري والتحليل بتاع محمد طه الاسبوعي

والما عاجبوا يشوف ليهو جامع في بحري او بري

المهم صلاة جمعة مافي جوه البركس

تصدي لهذا القرار مجموعة من الطلاب

وتصدي ذلك ابوضفيرة بتاع الرقم 13

وقام الكيزان بسجنه وتربيطه داخل المسجد

وهنا ثار الطلاب وماج الجميع وجاء ناس من

الجبهة الديقراطية وقالوا يا زول احنا ذاتنا عاوزين نصلي

في الجامع ده..

المهم تم تحرير المسجد

وطرد اخواننا الطيبين

ولكن بيت الكيزان النية وزي قرروا

ياخدو التار من الشيوعين

وحددو للناس بتاعينهم غرفة معينة وقالوا ليهم امشوا

الاوضة دي اي زول فيها دقو...

ولكن الجماعة دخلوا اوضة بالغلط وكان فيها اخونا وود دفعتنا

معتز نائم وهو زول ماعندو شغلة بالسياسة ولا حاجة

وقاموا دقوا دق شديد وبحقد عالي

لك التحية معتز بكان ما انت قاعد

Post: #149
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-12-2006, 08:32 PM
Parent: #148

إزيـكم

مـني

Post: #150
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2006, 06:42 AM
Parent: #149

في معارك طلاب الجامعة مع السلطة احتل الامن الجامعة تماما واخلاها من الطلاب وبينماانا متخارج مريت بالمين الرود كان في برالمة عايزين اتخارجو فجاة دخل عبر بوابة المين رود امنجيةعضلات تبش عبارة عن مارينز صاحو فينا افيقوا يا....... بالفاظ نابية ورشاشات قلت اليلة يا ابو الخل امانة ما وقع راجل ليك ستة سنين خدمة في الجامعة ويقبضوك مع البرالمة ديل.
المهم اخرجونا عبر البوابة الخلفية للجامعة عبر المكتبة واجلسونا في شارع النيل كاسري طالبان في انتظار السيارة لتقلنا لمقر جهاز الامن.
كان حارسنا واحد ضابظ كوز لابس سفاري تافهة تفاهة ومن عيونه يتطاير الشرر.
فجاة ظهر صديقي عصام الشوش وكان بعرف الضابط ده لمحني الشوش وغمز لي .
المهم الشوش سلم علي الضابط وكان الضابط ظهره علينا .
انا بحركة طفولية وطبعا شارع كله اشجار حبوت بين الاشجار والعربات وعندما صرت علي بعد عشرة امتار من البرالمة اطلقت ساقي للريح عبر النفق.
ودخلت مسجد الجامعة والكيزان كان بصلو الضهر.
المهم بدون وضوء ونفسي قائم خشيت معاهم في صلاة الضهر
بعد الصلاة في واحد جنبي عرفني هارب من العدالة قال لي ما تسوو المظاهرات وتجو تتدسو هنا.
قلت يا خلي الزول ده بجيب ليك هبايب اتخارجت من مسجد الجامعة ومشيت النفق الثاني ومواصلات بري وناس عمتي امنة وجرية تفوت ولا حد اموت

Post: #151
Title: Re: اليوم الحار ومابنداريوم الهندسة والمعمار
Author: نهال كرار
Date: 01-13-2006, 07:07 AM
Parent: #150

ذكريات جميلة جدا يا خليل

وسرد ممتع


بالرغم من أنني لم أدرس في السودان

Post: #152
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2006, 07:11 AM
Parent: #151

شكرا نهال كرار
ولازم تحكي لينا عن ذكرياتك ومعانتك في الدراسة بالخارج

Post: #153
Title: Re: اليوم الحار ومابنداريوم الهندسة والمعمار
Author: نهال كرار
Date: 01-13-2006, 07:14 AM
Parent: #152

ححكي ليكم عن ذكريات دراسة أخواتي في السودان

وحكايات هندسة وطب والبرلمة المروا بيها

سأعود

Post: #154
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2006, 07:25 AM
Parent: #153

في انتظارك استاذة نهال

Post: #155
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-13-2006, 09:06 AM
Parent: #154

Quote: قلت يا خلي الزول ده بجيب ليك هبايب اتخارجت من مسجد الجامعة ومشيت النفق الثاني ومواصلات بري وناس عمتي امنة وجرية تفوت ولا حد اموت


خليل يا حركة فتح ذاتها..قلت لي فتح صاح

.......................................

اذكر لخليل جرية اخري وبكل اسف انا كنت معاهو

اذكر ان هنالك حفلة للجابري في الاداب

وبعد الحفلة قام الكيزان بقبقبة واحد

من العازفين بتاعين الجابري

لانو كان طاشم طشمة شديدة

وقبضه الكيزان وقالوا الزول ده لازم نوديه

القسم

ونحن كنا بالقرب من هذا الموقف

عندها زعلنا زعل شديد

وقام خليل وقال ليهم انت قايلين روحكم (....) بتاع الجامعة

وعندها ظهرت كتيبة من الكيزان وعيونهم حمر وشايليين سيخ كبار خلاص

وهجموا في ناحيتنا ...وما اشوف ليك الا خليل قام فاتح

وانا معاهو جرينا جري شديدلحدي البركس

Post: #156
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2006, 10:29 AM
Parent: #155

عمر الحبر حفيد الشيخ الكباشي راجل لذيذ ملك ملوك المربتين كل مشاكلو في سنة رابعة وغناي جدا دائما كان بغني لي اغنية عركي قولها لي الكلمة دي قولها لو نفرح شوية واغنية الامين عبد الغفار شوقنا راح من غير ارادتو.
يوم الجامعة فيها مشاكل جد والامن لافي وهو جالس مع مجموعة بالمغرب امام داخلية تهراقا لقي شباب راكبين في سيارة الامن وهو ما عارفهم افتكر انو القصة فيها برنامج قام قال ليهم شباب علي وين ماشين عرس ولا شنو وركب معاهم.
الراجل لقي روحه داخل جهاز الامن.
الضابط قال ليهو اسمك منو قال ليه عمر الحبر.
طيب يا عمر اقرا لينا سورة الكافرون.
لم يجاوب عمر. الضابط قال ليهو شكلك غتيت حزبك شنو طيب وعمر ساكت .قام الضابط جاب حديد شكلها زي القلم لكنها مشرشره وادخلها وسط شعر عمر وخلع الشعر في منتصف راسه والصباح اطلق صراحه اضطر عمر لحلاقة راسه صلعة.
وصارت نكتة شباب علي وين ما تسوقنا معاكم

Post: #157
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-13-2006, 12:18 PM
Parent: #156

بمناسبة عمر الحبر
تحصل على قبول للدراسة بالخارج. رفضت السفارة ان تمنحه الفيزا. صار مولانا وذهب الى العمرة وكان دعاؤه اللهم ان كان في سفري خير فيسره لي وان لم يكن فيه خير فاجعله خيرا ويسره لي.

Post: #158
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-13-2006, 01:01 PM
Parent: #157

بمناسبة حادثة عصام الشوش وهو قريبنا باللفة. خالد صبار كان برلوما واعتقل بواسطة الأمن أظنه في نفس الحادثة مع خليل. أمسك بقلبه وبلهجة مصرية في دمه: ألبي ألبي... بتاع الأمن لم يصدق التمثيلية وقال له مش انت برضه بتاع وحدة طلابية أوية? ألبك كان وين لما كنت تهتف?
بعد تلك الحادثة زادت صحبة خالد والشوش وجميع طلاب الشهادات العربية. خالد صبار كان يزورنا في ترهاقا ووعدنا بجردل طحنية من مصنعهم. ثم اكتشفنا انه يسكن الحاج يوسف ولا يملكون أى مصنع..

Post: #159
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-13-2006, 02:33 PM
Parent: #158

ياسلام علي عمر الحبر

من اجمل الاصوات التي استمعت اليها في الغناء والمديح

وصوته به تون عالي شديد التوهج

وهو ود صوفية وتقابة وعالي التهذيب

وانا ما عارف يا خليل ليه اولاد الشيوخ دائما غنايين

كده ليه؟

Post: #160
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2006, 04:04 PM
Parent: #159

الحبر جده الشيخ الكباشي صاحب القصة الشهيرة حينما زاره شيوخ وقالو الكباشي ما بطلع الزكاة.
الكباشي اكتشفهم بالحاسة السادسة فناداهم شيخ شيخ تعال يا فلان اقرا الفاتحة
اتخيل الشيخ ما قدر.
تعال يا شيخ فلان اقرا الاخلاص وفشل وكذلك التالت والرابع
وكانت المدحة الشهيرة التي يمدحها لنا عمر الحبر
حكاية العلماء العنده نزلو يقطعو قالو مالو ما بزلو
الفصيح منهم نترو وهزرو عدمو السورة من الطريق
جيتا فوق جبلو ها بقيت قبلو
الكباشي القيدو فيي شبلو
عشان كدة عمر الحبر صوتو حلو
وقع ليك ولا اعيدو ليك ونواصل

Post: #161
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-13-2006, 05:03 PM
Parent: #160

...

Post: #162
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-14-2006, 05:53 AM
Parent: #161

ابو الخل اش لونك

السوال الاول

رتب الاتي اسماهم تصاعديا اوتنازليا علي كيفك

حسب مواهبهم في شي تعرفه انت جيد

وكل واحد عليك الله ادينا بريف عن الستايل بتاعو

الكج,عباس شبشة,كمال الشيخ,ناجي خيرين,خليل

المرحوم عمر فلاشا,كيكي,طه العب,سيف سكلاتشي

وشكرا

Post: #163
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-14-2006, 09:16 AM
Parent: #162

ويـن ياشـباب مشـتو?

مـني

Post: #164
Title: Re: اليوم الحار ومابنداريوم الهندسة والمعمار
Author: khaleel
Date: 01-14-2006, 01:25 PM
Parent: #163

والله يا كريم جبت لينا كلام
عبدالماجد الرشيد ( الكج) ولد لذيذ من الثورة دخل الهندسة من خور عمر شاطر جدا لكنه اهمل كثيرا وكان دكتور حاج الباقر بقول ليه يا ولدي ابوك كان راجل (serious) مالك انت طلعت كدة
احسن زول بلعب كتشينة وعندو مقولة مشهورة ان(اس الاتو في الثورة عندهم ما بياكل) مرة عمل شكلة في المواصلات العامة مع راجل كبير فقام قال للراجل يا عمي انا طالب محترم في كلية غردون.
كمال الشيخ يا سلام زميل كفاح اتخرج معاي بعد ادي سنين خدمة الزامية في تانية مرة كنا لاعبين كتشينة فجاء سيف اسكتلاشي لعب زميله وكمال ما عايز يلعب معاهو لان سيف حمام كبير في الوست فقال يا سيف قوم مني بدونا سيك سيف قال ليه لو ادونا سيك تاني ما بلعب كله كله
قام كمال قال ليهو
انشاء الله ادونا سيك.

عباش شبشة جانا من جامعة الجزيرة درس بها تلاتة سنين والتحق بالهندسة عشان كدة جاء مفتح وحريف في الكتشينة واصلو اولاد القري حرفاء لانو هناك ما عندهم شغلة غير الكتشينة والراديو.
ناجي مش بطال لكن شوية ملفهم فانا كنت بقول ليهو والله يا ناجي لو كنت ساكن الرياض كان فتنا ليك الجامعة
طه النور شاطر جدا كان بغشنا العب معانا كتشينة وامشي البيت اقرا عشان كدة قام فكانا في الفرقة له قصه حب فاشلة مع بت شندي ديك

Post: #165
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-15-2006, 03:09 AM
Parent: #164

سلام شباب
تبادلت الاتصالات مع حاتم الجد وحمد حماد... وسلامهم لكم خليل وكريم وعبركم للجميع..

مما يحكيه هؤلاء الشباب هو قصص حدثت لكم ياخليل فى سنة البرليم ثم بعدها مع طه وسناء جميل!! ويحيى محمدين...
يحيى زار أهل سناء وهم يبكون على وداع أختها الى السعودية.. أراد أن يجاملهم دمعا بدمع.. تذكر امتحان الطريفى فى الاستركشر الذى جلبطه قبل ساعتين! وهاك يادموع وعبرات ونفنفة.. وكل يبكى على ليلاه...

طه لا يمكن ان أحكى حكاويه الا بايراد المعادلات والرموز الكيميائية.. وكانت فى معمل الكيمياء للبرليم... وكان عليه وسناء استلام العينة من حامض الكبريتيتك.. انتهى به الأمر الى الانفجار ضاحكا واندفق الحامض على الأرض وكادت تحدث كارثة... لقد حذرهم التيوتر ثم حذرته سناء بأن الحامض volatile ويمكنه التسامى للجهاز التنفسى... طه ذهبت به الكلمات الى جهاز آخر... مسكين فقد ربط الكبريتيك بالكبرتوك.. والعهدة على الراوى!

وكانت هناك رحلة مصر التدريبية وكثيرون كانوا يظنونها للترفيه والفسحة ومآرب أخرى.. وآخر الاهتمامات هو التدريب نفسه.. واحد من الظرفاء لم يزر مدنى ولكنه سمع أنها المدينة السودانية الأولى ترفيها... كان يتحسر على المصاريف المطلوبة ويضع خططه وبرامجه لمصر آخر الليل مع مجموعة ممن يشاركونه الاهتمامات فقال لهم: يااخوانا التلتلة شنو؟ مادام مدنى دى مليانة ترفيه، ناس الهندسة ديل مايودونا مدنى وخلاص...

Post: #166
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-15-2006, 12:46 PM
Parent: #165

up

Post: #167
Title: Re: اليوم الحار ومابنداريوم الهندسة والمعمار
Author: khaleel
Date: 01-15-2006, 01:33 PM
Parent: #166

اتكلم عن اليلة عن علاقات الحب والغرام مع ان معظم علاقات الحب انتهت ان اصبح الناس خلينا اصحاب احسن

توجدت بعض العلاقات بالزواج فصديقي ابوسمرة اقتحم قلب حسناء القانون وتزوجا زواجا سعيدا ناجحا.
وكذلك الود الانيق معاوية لبيرو فريق القدم تزوجت بقريبته المهندسة فلانة وكنت اشجع معاوية في الكورة واقول ياخي كلامك هادي ولعبك هادي وحبك هادي.

وهناك كان زفاف عاشقين بعد فرقة وكانت دائما تحضرني اغنية رجعنالك عشان ناحت سواقينا وبكت شتلات قحمنا وذلك بزواج صديقي ظافر عبده ومحمد محمود بتاع مدرسة من حبهم السابق
اما الشواكيش فلا تحصي ولا تعد بدا بحيي محمدين وعبادة السراج واحمد محي الدين وطه العب
ومنتصر الشاطر ولوي نمر وعباس الباوقة وعبد الفتاح الحبيب كل هولاء باعهم الهوي ومشو لسكة عدم

غايتوالذكرتهم ديل اصحابي اتمني ما ازعلو فهذه مجرد ذكريات بحلوها ومرها

Post: #168
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-15-2006, 01:35 PM
Parent: #166

شكرا الصائم

والتحايا النواضر (التحايا النواضر دي مترسها من واحد لذيذ كده اسمو تروتسكي)

التحايا عبرك للاصدقا ودالجد وحمد حماد

وحليل يحي حمدين وطه النور وتحياتي لسناء

اما حمدحماد(كوسو) فالزول ده من اذكي الناس الذين

لاقيتهم في حياتي وما باقي لي ح الاقي زيو تاني.....

ماس وعلم زي السم ومخ يحير الكمبيوتر ذاتو

واذكر عندما اتينا برالمة عمل الاتحاد حفلة استقبال للطلاب الجدد

وقاموا بتكريم اوائل الشهادة السودانية وكان من الهندسة

حمد وصديق ابو الاكس وعثمان ومعتز

لاحظ ان هذه الدفعة كانت خطيرة كيف

اوائل في دفعة وفصل واحد

واذكر ان في الاحتفال مجلة الجامعة

جابت حمد في الغلاف وهو يستلم جائزته

ومن ديك صار اسمه كوسو( كوسو اختصار لاتحاد طلاب جامعة الخرطوم)

Post: #169
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-15-2006, 01:55 PM
Parent: #168

هوي يا جماعة خليل خشة في الموضوع

والفيلم شكلو كده بداء

انا الحب ما بعرف اخبارو لكن الشواكيش عندي فيها اخبار واخبار

واشهر شاكوش ولا زلت احس به رغم انه ادوه لزول تاني

وهوصديقي الفنان طه النور

ومن تداعياته

اذكر اخي الاكبر وكان معنا في الجامعة ايضا وصديق لطه ايضا

اتي الي في الداخلية وهو حزين جدا وقال (انت طه ده المات ليهو منو)

قلت ليه ليي

قال (لقيت الزول ده قاعد في ميدان ابو جنزير وهو يبكي وشكلوا عجيب كده)

فقلت له طه الليلة اتشاكل مع(..........) وخلوا بعض ....


وكانت لطه مقولة شهيرة (هو احنا زاتنا البودينا نريد بنات العرب ديل شنو ذاتو)

Post: #170
Title: Re: اليوم الحار ومابنداريوم الهندسة والمعمار
Author: khaleel
Date: 01-15-2006, 02:04 PM
Parent: #168

نعم اشطر ناس ديل في دفعتنا اول السودان كانت الدكتورة انتصار اتخيل ناس الطب ربتوها سنة ما نحن برانا البلداء وتاني السودان افتكر كان صديقي ابوعبيدة رحمة الله وكان في معمار وبرضو ربتوهو سنة لمقاطعته الامتحانات في الازمة الشهيرة وهو الان مهندس كبير في سلطنة عمان تالت السودانى نسيتو اما الروابع اخطر اتنين واشطر ناس حمد حماد النحيف الرهيف وزنو كان اربعة واربعين كيلو ووزن مخو اربعةواربعين طن اخر عهدي به كان في دبي واخباره مقطوعة عني
اما عثمان يوسف الخطير ترك الهندسة ودرس بكلية العلوم عملا بنصيحة بروفسير عبدالله الطيب الجامعة اداب وعلوم وما سواها حرف ومهن.
طبعا عثمان حير اوربا كلها الطليان والهولندين كان عايزين اعملو ليها تمثال ربنا يحفظه.
كان صديق ابواللقز تامن السودان وهو ادخل مصلح حلويين حاب وكان منتشر بين اوساط الطلاب
درس كهرباء ولكنه كان مشغولا بالبتاع داك
معتز الفحل التاسع شطارة في هدوء ووقار دفعتنا لكن فارقناهو فريق الطريفي لجملو
صديقي خالد البيلي كان العاشر في اقتصاد وجهه طفولي واظنه واصل تفوقه في اقتصاد

Post: #172
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-15-2006, 04:26 PM
Parent: #170

صديق ابو اللقز... بالله عليك هذا هو الاسم الصحيح؟ اسمعها أحيانا أبو اللكس، لكن الشهادة لله كنت أظنها وأنطقها أبو النكس فى بادئ الأمر...
قالوا مرة كان هنالك تيك هوم اكزام من عشرة مسائل.. واجتمع الشباب فى غرفة... كلما حمد حماد يحل مسألة، صديق أبو اللكس يقلب الهوبة...

سمعت من هشام نجم الدين، معنا هنا، أن أغرب مصادفة كانت التقاء طه النور وصديق ابو اللكس فى سجن بالسعودية بعد الكشة.. كلاهما كان يحمل تأشيرة عمل كراعى... طه النور كان يحمل جواز سفر تشاديا وتم ترحيله الى تشاد... قابلناه بعد عودته من تشاد وماجاورها... سألناه ان كانت توجد فرصة لمن يريد المغامرة فى تلك النواحى... ذكر انه غرب من تشاد الى كل الدول الأفريقية حتى الكاميرون والخليج الأطلسى.... تخلف مريع ودول خارج التاريخ والحضارة.... نصحنا بألا نحاول الهجرة الا اذا كنا نريد التلتلة لانهم حتى ذلك الوقت لا يوظفون المهندسين...قال ان تشاد كلها كان بها شارع مسفلت واحد من المطار الى القصر الجمهورى... والخبز التورتة فى تشاد يستوردونه من فرنسا...

بالمناسبة حمد حماد الآن فى تورونتو كندا بمنحة دراسية للماجستير والدكتوراة... ياالله... والله فرحت له أكثر من أى شخص آخر... كثيرا ما كنت أتحسر على عبقريته الضائعة.. لكن أن تأتى متأخرا خير من الا تأتى أبدا... أظنه يقرأ هذا الكلام معنا الآن...

صديق كان فردة لأمين بابكر من الوابورات بحري... الله، أمين بابكر رجل نبيل حليم كريم خلوق معتق... تزوج هو وعثمان يوسف شقيقتى المهندس أمير صالح عوض الله صالح فيما سمعت.. وكلهم من بحري الحنينة... وكانت لنا أيام فى قلبى ذكراها... عثمان يوسف كان له أخوان دخلا فى العشرة الأوائل للشهادة السودانية هانى يوسف وهيثم يوسف.. لولا أننى أشك فى فهمى ذلك الحين وحتى الآن، فقد رأيت فى دار عثمان يوسف شهادة من لجنة جائزة نوبل لوالده يوسف عثمان بوصفه عضوا فى واحد من فرق البحث تابع لمنظمة الصحة العالمية أو ماشابهها.. لوكنت صحفيا لحققت فى الأمر.. ياحبذا لو أفادنا عثمان يوسف أو زهير يوسف المعمارى ولد دفعتنا بالمزيد من التفاصيل اذا قرأوا هذا الكلام.. زهير يوسف هو أبلد زول أو ثانى أبلد زول فى الأسرة ودخل المعمار بدون أن يدخل فى العشرة الأوائل...

Post: #171
Title: Re: اليوم الحار ومابنداريوم الهندسة والمعمار
Author: Khalid Osman Jaafar
Date: 01-15-2006, 03:56 PM
Parent: #1


سلام للجميع وكل سنة وانتو طيبين

يا سلام علي الذكريات الجميلة في الجامعة

بس حبيت أطمنكم انو الرسم الهندسي إتغير أخيراً وشالو حاجات الميكانيكا العجيبة ديك منو
(علي الأقل لي ناس المدنية)

بس ليه ما كتبتو أغاني التشجيع كاملة (قصدي الممكن يتكتب منها طبعاً)


Post: #173
Title: Re: اليوم الحار ومابنداريوم الهندسة والمعمار
Author: khaleel
Date: 01-15-2006, 04:57 PM
Parent: #171

شكرا ابو الخلد
اوعدك بكتابة كل اغنيات التشجيع بعد عرضها علي لجنة المصنفات الادبية
تحياتي الصائم وسلم علي ناس امريكا وقول ليهم راجعين ليكم

Post: #174
Title: Re: اليوم الحار ومابنداريوم الهندسة والمعمار
Author: khaleel
Date: 01-16-2006, 01:19 PM
Parent: #173

طبعا لما جينا كان اغنيات التشجيع كالاتي
اوعك يتلعب بالمهندس وانت لعبو كيف
وكان لعبت بيغلبوك ويبهدلوك ومن الجامعة يدسمسوك

واليوم الحار ما بندار يوم الهندسة والمعار
اووه اووه

دفعتنا شوية بدات تهبط بالتشجيع فكانت

ووب علي انا ووب علي كان ما عرستو المغص علي

لقيتو جنب اللاب وانا ووب علي
سالت منو حباب قالو في الاداب وانا ما دايرها

وتاني
كانت مهندسين لعبو اليلا لا حاشو ما اتغلبو

وواحدة تانية

اقتصاد القاعدة برة قاعدة لي انا للمضرة
يا حمادة اديها جرة
وشيلها من الدوري برة

واسكول ضواحي السنتر
كلية اوضة وعنبر
الدومة قالو رئيسها
عضت اضاني كديسة

وللطب كانت
داية وعاجبني ترن ترن داية وعاجبني
وعندما يمر الجكس اثناء التشجيع
تضج المدرجات
الجاز وصل اوووه الجازوصل
وعندما يضحك الجكس من المشاغلة
ترد المدرجات
الجاز فصل الجاز فصل
ونواصل

Post: #175
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-16-2006, 02:33 PM
Parent: #174

ما تنسي يا ابو الخل

هندسة دي صعيبة علي اي كده لعبتها

منو القال ليك تسيب الجية ايي كده لعبتها
.............

وما تنسي
لمن بنات هندسة يجو جنب المدرج بتاع هندسة

الناس كانوا بيقولو الجاز جازنا ونستاهلو ونحن اهلو

Post: #176
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-17-2006, 10:18 AM
Parent: #175

up

Post: #177
Title: Re: اليوم الحار ومابنداريوم الهندسة والمعمار
Author: khaleel
Date: 01-17-2006, 01:24 PM
Parent: #176

والله الجامعة كانت فيها بنات حلوات حلاة ووفي واحدة في علوم اسمها سلمي الروسية امها من روسيا حلا وحمار وابوها سوداني
قدر ما حاولت اصاحبها اسلم عليها ما لقيت طريقة
كنت كلما اشوفها اتذكر قصيدة ود المامور
ايه اللمة وادي النيل وواشطنون وشال من طينن التنين
وخلقك انتي ياسوزان

والنيل عند الدلتا لما حب اميل
دي بس سوزان
بس سوزي لما تميل تخلي عقولنا في طيشان
وبرضو لما تجي ماشة في المين الرود
اغني ليها
ليه يا سلمي ياظالمة

بعدين في سالي بتاعة اداب اتزوجت دكتور مشهور في الجامعة بت من بنات هوليود

مرة كان في محاضرة بالعصر في الهندسة وبعدين وصلت باب المين الرود وسالي نزلوها من العربية
وتصادفنا عند البوابة اتخيلو قطعنا كل المين الرود والظريفة دخلت قاعة محاضراتهم وحضرت محاضرة اداب في امانة الله.

اما الحنكوشات ده عالم تاني
دكتور يوسف فضل ابو التاريخ بنتو دكتورة صفاء ما بتعرف عربي كويس تخيلو قرت اول سورة يس ب(yes)

مرة سالوها ساكنة وين يا صفاء فاجبت

(في بري just under the kubri)

وسنة يا انا ونواصل

Post: #178
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 01-17-2006, 02:49 PM
Parent: #1

الاخ خليل

الاخوة المتداخليين

سلامات وكل سنة وانتو طيبين

انا كثيرة المرور على البوست شحيحة المشاركة

بس والحق لله ذكريات جميلة ايام كانت جامعة الخرطوم جميلة

واتمنى ان يستمر هذا البوست وان تكون الهندسة والمعمار مدخل لجميع ذكريات

كل المتداخلين .

بس يا خليل ما كملت لينا قصة الشواكيش شايفة جماعة كدا عاوزيين يهربوا

(عفوا للمزح)


انتصار

Post: #179
Title: Re: اليوم الحار ومابنداريوم الهندسة والمعمار
Author: القلب النابض
Date: 01-17-2006, 09:40 PM
Parent: #178

عارف ياخليل

انا راجة سنةخامسة

قعدتو تضيعوا في الزمن في الكورة والحاجات التانية

المهم سنة خامسة بسرعة

احكي وقصايد الحلمنتيش الحلوة

حقيقي زكرياتكم حلوة

تسلموا

اخشى عليكم (الهامرز)

Post: #180
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-18-2006, 02:04 AM
Parent: #179

إنتـو بتتكـلمـوا عـن شـواكيش الناس..يللا ماتخجـلوا كلمـونـا عـن الشـواكيش الأخـدتـوهـا انتو..
كـعادتي في مكانكـم هـذا... أسـتمتع واضـحك وانـا أقـرأ صـوت سـردكـم..

مـني

Post: #181
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-18-2006, 02:42 AM
Parent: #180

منى انت دايرة تورطينا.. مافى خجل.. من أول يوم خليل كتب عن انهيار الجامعة وقد ظنها لن تنهار!
أكيد ما يجمع الشواكيش ان نصف البنات تزوجن والنصف الآخر بايركس.. فى داعى للاحراج؟ وبمناسبة هذه الأنصاص.. صديقنا الصادق، ألذ من مر على الهندسة الكهربائية، ذات مرة غسل ملابسه وقال انه لم يتبق له الا ما يلبسه على جلده.. قال لو جاء الحرامية وسرقوا غسيله فى الداخلية، فستكون نكبته كبيرة جدا لأنهم سيسرقون نصف ملابسه من حبل الغسيل.. النصف الأخر هو ما يلبسه!

أعتذر مقدما ان سببت كلماتى حرجا لأى كان ففيها ناس أعزاء... كان أصدقائى يرشحوننا لبعض فى الجامعة.. فى يوم خطوبتها ولم أعلم، ذهبت لحلتنا السريحة فى الجزيرة... بالليل رأيت مركوبا عند صديقى نادر وأعجبنى، تركت شبطى وأخذت المركوب.. فى الصباح غادرت الحلة واستبدلت المركوب بعد ان اكتشفت ضيقه.. صديقى نادر ذهب لأهلى ليرجع شبطى... رأه صديق ثالث وسأل عن الحاصل فعلم اننى سافرت بمركوب نادر.. بعد ارجاع الشبط اكتشف نادر اننى تركت مركوبه عند أهلى فأخذه ورجع... فى الطريق مر على ذلك الصديق الثالث، وهو ترزى فى الحلة ودفعتنا من الابتدائى.. أطلق صديقناالترزى ضحكة كبيرة وقال مادام محمد سافر بدون شبط وبدون مركوب، فلابد انه خرج من الحلة حافيا بعد ان علم بالخطوبة!!!!

Post: #182
Title: Re: اليوم الحار ومابنداريوم الهندسة والمعمار
Author: Muna Khugali
Date: 01-18-2006, 02:55 AM
Parent: #181

'يـا حـليـلك والفـؤاد ملكوهـو غـيرك'

أيـوة كـده طـلعـوا المسـتخـبي..والناس العرسـوا والآخـريـن ماتذكـروا أسـمـائهم زي مـا إنت قلت وعلامـة (.....) كفايـة..


مـني السـماوية أخت السـمـاوي

Post: #183
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-18-2006, 01:37 PM
Parent: #182

ما دام يا ابو خليل القصة جابت ليها

شواكيش وحبكانات فاشلة

انا من الليلة ح اتحول لقاري للبوست

اصلي مطوع وما عندي خبرة في الحاجات الزي دي

Post: #184
Title: Re: اليوم الحار ومابنداريوم الهندسة والمعمار
Author: khaleel
Date: 01-18-2006, 02:12 PM
Parent: #183

كريم سمتو رباح الصادق المهدي كيكي والله شهرة وبختك وطبعا يا كريم سبعة سنين ما شفتك قاعد ليك جنب بت.
ومن الموضوع جاب قصص الحب شايفك هربت لبوست تاني.

رباح الصادق المهدي دفعتنا لزم يوم في اخبار التلفزيون والجامعه شغالة القي ليك رباح في الصين مع ابوها.

قلت لصديقي احمد التجاني شفتها رباح مع السيد الصادق في التلفزيون مشو الصين

احمد التجاني قال لي
انت قايلن زينا زي دي ابوها بسالها يا بت ماشة الصين
قومي البسي

وبالمناسبة المهندسة رباح بت فنانة ورسامة وكانت تقيم معارض بالكلية وفي النهاية بقت كاتبة رهيبة واظنها طلقت هندسة الكهرباء

Post: #539
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-04-2006, 07:13 AM
Parent: #184

ما معقوووووووووووووول
إنت كيكي؟

انا من قبيل بحاول أتذكر عبد الكريم دة منو؟

لكن أنا السميتك ولا دي سختتكم إنتو براكم يا برالمة الهندسة؟
هل تذكر ذلك اليوم ونحن نتعارف في السنة الأولى برلم؟
وفي واحد فيكم مسخوط قال كل زول يقول اسمه واسم الدلع بتاعو عشان نكون عارفين..
بعدين محمد الفاتح (شلف) ربنا يطراه بالخير قال بدلعوه باسم توحة، وقمتوا ضحكتوا فيه وعملتوا عمايل، بعد داك كل زول بقى يتردد يقول اسم الدلع، لما جا الدور عليك سكت شوية كدة وسألتك شنو يعني: كيكي؟! لكن لو ما سختة أولاد الهندسة الموضوع دة كان انقبر في مكانه!
حسي لزومه شنو التعريف بأسماء الدلع دة؟
والله تحيات كبار وكتار
بالمناسبة كنت في الشهر الماضي في كندا أوتوا- وهناء منحتني زيارة يوم كامل حيث عدت معي عطلتها الأسبوعية ليوم الأحد.. وأنا راجعة من لندن ركن زمينا عادل الهادئ كما النسيم، أول ما نظرت له تشككت فيه حتى قال لي بعد فترة متسائلا: رباح؟؟
كانت معي الدكتورة آمنة ضرار ذهبنا لحضور منبر هناك، ولاقت هناء وقلت لها بالتأكيد: يبدو أن هذه هي رحلة نكت ذكريات الهندسة القديمة- حقيقة لقد أخبرتني هناء عن هذا البوست ولكن لم أتذكر إلا بعد أن أرسلته لي لنا..
وعلمت أنها قرأت أن زميلنا وصديقنا حمد حماد بكندا وفي أتوا، وقد سألنا عنه ولن بدون جدوى فالذين لايتهم كانوا عموما من قبائل السياسة ومنظمات المجتمع المدني.. حقا حمد حماد كان فذا..
نعم لقد فارقت الهندسة ولكن أسفي ليس كبيرا، قيمة الهندسة كانت في تلك الأيام، ومشواري في العمل كمهندسة والذي استمر لحوالي 4 سنوات تحول إلى دروب أخرى..

والله كانت أيام..
لا زلت أطالع ذكرياتكما الجميلة، والصادقة.

رباح

Post: #185
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-18-2006, 02:14 PM
Parent: #182

ما دام يا ابو خليل القصة جابت ليها

شواكيش وحبكانات فاشلة

انا من الليلة ح اتحول لقاري للبوست

اصلي مطوع وما عندي خبرة في الحاجات الزي دي

Post: #186
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-18-2006, 02:36 PM
Parent: #185

ابو خليل

كيفنك

لتسمية كيكي هذه قصة شهيرة

وانت بتلعب دي جاية من بت ابوها كان رئيس وزراء منتخب

يعني اسم جاي باغلبية مكيانكية

وكنا نحن برالمة يادوب كده بنعمل جلسات تعارف

وفي جلسة كده قالوا اي واحد يقول اسموا واسم الدلع بتاعوا

عليك الله شوف الناس ديل ا

طبعا اخوك ما عندو في قصة الدلع دي

فقلت ليهم اسمي فلان الفلاني

وما عندي اسم دلع ..

قامت نطت رباح الصادق

وقالت (هئ هئ انا ح اسميك كيكي)

وقبل ما اصل الداخلية لقيت كل الناس بتقول لي كده

لم احاول محاصرة اللقب لانو بيني وبينك كده لذيذ وبعدين

جاي من حفيدة المهدي

خايف اغيروا يقوموا اهلي كمان يعملوا لي مشاكل ساكت

طبعا لدي ابن خالي صغير اسمو عبدالكريم حسي بقولوا ليهو ايضا كيكي

وتخيل معانا واحد خواجي هنا برضو بناديني باللقب ده

ما عارف لقطوا من وين

Post: #187
Title: Re: اليوم الحار ومابنداريوم الهندسة والمعمار
Author: khaleel
Date: 01-18-2006, 02:48 PM
Parent: #186

صديقي علاء الدين يوسف العب زول كان في علوم وكان يلقب بعلاء الدين الحيوان

كان مصاحب الحكنوشة جدا جدا مها زكريا.

مرة مها زكريا سالتو ,

يا علاء انتو ساكنين وين

علاء قال ليها

ساكنين في امبدة وهو فعلا كذلك

قامت مها زكريا قالت ليهو

يا علاء الدين عليك الله ما تهزر

وابو سمرة ايضا كان يقرا لها الشعر

والبت حنكوشة ما جايبة خبر

بعدين صديقي الهادي الاصم

كان بحب بت من بنات الشهادة العربية ما شافت السودان الا في الجامعة وكان يستغل جهلها بالاغاني السودانية

ويقول ليها كلمات الاغاني السودانية وكان يحبها باغاني عثمان حسين والبت مسطحة

فمرة قال ليها

يا (........) متين الازمك في هواك مر الشجن

متين تعود مراكب ريدنا لبر الامان

والبت المطلشة مفتكرة دي كلام الهادي تشيل وتغرود في عيونها

Post: #188
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-18-2006, 04:40 PM
Parent: #187



Post: #189
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-18-2006, 04:45 PM
Parent: #188

لن ننسى اياما مضت لن ننسى ذكراها...
بصوت المهندس السماني عجبنا دفعة 90... يصحبه بالغناء سامي المغربي وأحمد بركات ويقوم بالعزف الرائع محمد بابكر... في حفل التخرج ببرادلي - بيوريا - الولايات المتحدة أو هندسة سادسة وسابعة!!!!

Post: #190
Title: Re: اليوم الحار ومابنداريوم الهندسة والمعمار
Author: القلب النابض
Date: 01-18-2006, 08:53 PM
Parent: #189

فوووووق عشان هندسة الصديق اللدوود



Post: #191
Title: Re: اليوم الحار ومابنداريوم الهندسة والمعمار
Author: khaleel
Date: 01-19-2006, 03:25 AM
Parent: #190

صديقي عوض النذير وناس هشام سفل والشهير والرشيد ود ابليس كانو ناس لذيذين وكانو بشغلو البنات الضيوف البجو الكلية من خارج الجامعة.

فمرة عوض النذير قامت خالته بزيارته في الكلية وكان بتونس معاها

الشباب شافو ليك وبدوا اشاغلو يا عوض جبتو وين ده

دها وارد وين

سنة يا ام توب

فصرخ عوض النذير باعلي صوته

والله والله خالتي

فضحتونا

Post: #192
Title: Re: اليوم الحار ومابنداريوم الهندسة والمعمار
Author: Ahmed El Gasim
Date: 01-19-2006, 04:48 AM
Parent: #191

خليل سلام
يا اخوي انت دفعة
Quote: وعبدالله جنجا
اكان كدي انا اتغشيت فيك!!ات ما قدرناتب !!وين جنجا الان؟له التحايا
جنجا عرفته زميلا لاصدقاء في اقتصاد(1983) ناس عصام الطيب حسن (زميل في البورد) التجاني النور علي (بامريكا الان) ووليد محمد عثمان (الامارات الان) ومصطفي النقيب والرجل المهزب محمد هاشم(له تحياتي اينما كان)
تخريمة:
وين طه النور الان؟
لكم التحايا

Post: #193
Title: Re: اليوم الحار ومابنداريوم الهندسة والمعمار
Author: khaleel
Date: 01-19-2006, 05:09 AM
Parent: #192

يا زول نحن دخلنا الجامعة سنة خمسة وتمانين

اجمل الدفعات علي مستوي الجامعة

واجمل البنات

واكلنا وشربنا علي حساب الشعب السوداني

وسكنا في عمارات وسط الخرتوم

المتخرجين ليها شنو

طه العب في خزان مروي

كشوهو من السعودية

Post: #194
Title: Re: اليوم الحار ومابنداريوم الهندسة والمعمار
Author: khaleel
Date: 01-19-2006, 01:24 PM
Parent: #193

ومشينا سنة رابعة بنجاح تام ولا ملحق من اتناشر مادة كل المرتبين السابقين استوعبو الدرس
كمال الشيخ كريم مرتضي حجازي وبقية العقد الفريد.

لكن ناس دفعتنا اتخرجو وافترقنا وبعيننا المني واربعة عشرة عاما لم نلتقي بعدد كبير منهم.

لقينا تلاتة من كبار الكيزان مربتين في رابعة حبيب الله بابكر وسامي وعبد الهادي

حبيب الله اتخرج معانا عبد الهادي مشي الجنوب
اما سامي لغز سمعنا ان الحكومة بعثته لرحلة تجسس في كينيا ولم يكمل حتي السمستر الاول
حبيب الله هسع في السودان عندو اربعتاشر سكرتيرة
عشان تقابل البشير اسهل من ان تقابل حبيب الله.

انقعد في هذه الفترة موتمر التعليم العالي والذي اوصي بتصفية السكن والاعاشة.

بدات الشرارة في كليات الطب وتم نزع بعض الداخليات وبدات الاحتجاجات في الجامعة والاعتقالات ومازلت اذكر دكتورة ريلة عواض وهي من بنات بورتسودان وهتافها الشهير

لا تسويف بالاسكان.
بدات المعركة وقررو التصفية وذهبنا لمكتب مدير الجامعة مامون حميدة وهتفنا ضده

خائن خائن يا مدير ما ليك امان

يا عميل الجبهة الفاشية داير ليك بيت وعربية ونواصل

Post: #195
Title: Re: اليوم الحار ومابنداريوم الهندسة والمعمار
Author: khaleel
Date: 01-19-2006, 02:48 PM
Parent: #194

اسوا قرارات الانقاذ هو تصفية السكن والاعاشة وانشاء الجامعات الجديدة
ياخي ديل ما خلو صالون سمح في قرية والا عملوهو جامعة.

مامون حميدة مهندس تصفية السكن والاعاشة بعد اختلافه مع ابراهيم احمد عمر وطرده من ادارة جامعة الخرطوم قال

ان الجامعات الجديدة تخرج ممرضين والدولة انشات كليات بيطرة باماكن ليس بها ماء

معركة شرسة خضناها مع السلطة في تلك الايام ولكن هزمنا وقبلنا بالواقع .

وصار مستوي الاكل ردي خالص وصرف لاي طالب عدد تلاتين تذكرة علي مدار الشهر للفطور والغداء والعشاء.

تمت خصصة الاكل بالصفرة وتم اسنداهو للمقاولين

وكان صديقي الهادي يقطع التذكرة ويقف امام الصفرجي ويقول له هاك ادينا ( طبيخ حرقان)

Post: #196
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 01-19-2006, 03:44 PM
Parent: #1

الاخ خليل

الاخوة المتداخلين

سلامات ذكرياتكم جميلة واصلوا هذا الابداع الجميل

يا خليل الدكتورة ريلة عواض الطبيبة الجميلة صديقتى هى الان

ببورتسودان عندها مركز طبى معروف

معكم واصلوا

انتصار

Post: #197
Title: Re: اليوم الحار ومابنداريوم الهندسة والمعمار
Author: khaleel
Date: 01-20-2006, 03:05 PM
Parent: #196

شكرا يا انتصار واحيي كل اولاد وبنات بورتسودان حاتم بخيت وحسن صيام وحسام نقدالله وناصر سيد احمد وبت طمبل وبت ابو امنة وهدي وهالة الطاهر الحاج وبقية العقد الفريد.

بدات قرارات تصفية السكن والاعاشة بندوة في قاعة الشارقة بمباركة اتحاد الكيزان برئاسة التجاني المشرف وكان مدير الجامعة بروفسير تنقاري ولابد ان احيي ابنته الرائعة الست وصال.

ساد الجامعة كثيرا من المظاهرات والاحتجاجات وقد بدات اولي الشرارة بمحاولة نزع داخلية كرار.

خرجت المظاهرات من الجامعة حتي بلغت ميدان ابوجنزير .
اقتحم الجامعة واطلق الرصاص فقدنا علي اثره البرلوم الرائع طارق ود كوستي قتلته ايدي الغدر والخيانة بين النشاط والقانون برصاصة اخترقت صهريج الماء الذي كان مختبيا خلفه.

واعتقل كل الذين كانو في بص العزاء المتوجه الي كوستي

كما تم فصل حاتم المهدي رئيس الاتحاد واسامة ادريس وعدد كبير من اعضاء اللجنة التنفيذية للاتحاد

ونواصل

Post: #198
Title: Re: اليوم الحار ومابنداريوم الهندسة والمعمار
Author: Ahmed El Gasim
Date: 01-20-2006, 04:59 PM
Parent: #197

واسامة ادريس
اسامة بتاع اسكول مش كدة؟ اسامة احمد ابن ادريس ؟انسان رائع وكنت اعرفه من المتوسط والثانوي لانه دفعة شقيقي الاصغر وطه النور!والتقيته قبل سنين هنا بالامارات وله التحية اينما كان؟
خليل
واصل ...لك الشكر فهزه فترة (اعمامك نحن)لم نكن بالسودان
!!!!!

Post: #199
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 01-20-2006, 05:00 PM
Parent: #1

فوق فوق يا شباب الهندسة

Post: #200
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-20-2006, 05:22 PM
Parent: #199

من قلب الأحزان والآهات المتعددة المتجددة، هانحن معكم...
ياخليل نسيت من بورتسودان مامون النعيم (ود المكي؟) من أحرف من لعب للهندسة لكنه مقل... والمهندس الرائع الشفيف الخفيف كنسمة صيف محمد غزالى.. انا وهو دخلنا قاعة الجى ال تى فى غزوة أحيائية... كان هناك بروفيسور فتحي الربعة؟ سأل: من أنتم وماذا تريدون هنا... همهم بعض الأطباء - ديل ما معانا... خبأتنا الدكتورة الجميلة ريلة فيما تيسر من مقاعد جوارها... ديل معانا يادكتور... وحكى لى المهندس ياسر راشد من الدفعة الورانا فى كهرباء عن معركة انتخابية حامية الوطيس كانت الدكتورة ريلة طرفا فيهاومرشحة لمنصب الرئيس.. انتهت، كالعادة، بانتصار هندسي كاسح على أبناء وبنات الطب الكسيح.. كانت المعركة بخصوص رابطة ابناء بورتسودان بجامعة الخرطوم... وفى هذه السانحة نذكر صديقا عزيزا لمحمد غزالى الدكتور مهندس أمير عون الشريف... تعازينا الحارة فى الفقد الكبير...

Post: #201
Title: Re: اليوم الحار ومابنداريوم الهندسة والمعمار
Author: khaleel
Date: 01-20-2006, 05:39 PM
Parent: #200

انسي كيف ود المكي اتلقيته قبل شهر في السودان طبعا يا الصائم انت عارف انو اخوات مامون الاتنين واحدة متزوجها صلاح ادريس والتانية جمال الوالي روساء الهلال والمريخ

واغني ناس في السودان. ونزار بارتيته شغال معاهو مدير في شركاته

والود غزالي لما مشي درس الكورس الصيفي في بورتسودان بنات الثانوي العالي بغنو ليهو من عيونك يا غزالي

وكذلك ايهاب بتاع ميكانيكا وجمال نرنر

Post: #202
Title: Re: اليوم الحار ومابنداريوم الهندسة والمعمار
Author: khaleel
Date: 01-21-2006, 01:17 PM
Parent: #201

طبعا تم ابعاد مدثر التنقاري من منصب مدير الجامعة وتعيين اسوا مدير للجامعة الخرطوم

المدعو مامون حميدة رجل شرير بعد اختلافه مع ابراهيم احمد عمر وزير التعليم العالي انذاك شتم كل قرارات ثورة التعليم العالي

وذكر ان الجامعات الجديدة تخرج ممرضين وليس اطباء.

كان في ذلك الوقت كل اعضاء اتحاد المحايدين مفصولين وقد اصر مامون حميدة علي قيام الامتحانات

واعضاء الاتحاد مفصولين.

وقد اصر الطلاب علي الغاء قرار فصل الطلاب وعودتهم للجامعة او مقاطعة الامتحانات.

لا يفوتني الدور الرائع الذي قام به الراحل بروفسير عون الشريف في عودة الطلاب المفصولين.

تم تشكيل لجنة تسيير للاتحاد برئاسة الدكتور محمد ابراهيم حارس مرمي فريق الطب لقيادة الاتحاد.

وفي مسيرة غاضبة ذهبنا للمكتب مامون حميدة لتسليمه مذكرة

قام بتسليمها محمد ابراهيم.

تخيلو مامون قابله بالاحضان واستلم المذكرة

وتاني يوم اصدر قرار بفصله من الجامعة.

وما زلت اذكر العبارة التي قالها احد اعضاء لجنة التسيير

( قال رسول الله صلي الله عليه وسلم

شر الناس من اتقي الناس شره)

وكذلك هو مامون حميدة الذي يقبل الان الطلاب في جامعته الجديدة بالاف الدولارات


فاصل ونواصل

ابقوا معنا

Post: #203
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-21-2006, 02:13 PM
Parent: #202

ياسلام يا ابو خليل يا زكريات

اجل السكن والاعاشة كانت معركة جيلنا

خضناها دفاعا لحقوق الاف الطلاب

الفقراء الذين كانت مجانية التعليم

وامتيازات السكن والاعاشة

هي احد العوامل التي تساعد

كتيرا في تفريغ اجيال من الذين مروا

علي قاعات الجامعة المختلفة

واولهم الكيزان الذين يجعجعون اليوم

لولا مجانية التعليم لما كان

مثل الترابي او مامون حميدة

اوابوعلوة

ولكن دمرت الجامعة

من كيزانها الذين يحملون حقدا

كبير"ا تجاه طلاب هذه الجامعة

ونذكر اننا كما قلت

تم توزيع مايسمي

بالتيكت

وتم فصل الالاف

من الطباخين

والسفرجية والعمال

الذين كانوا جزء اصيلا

من نسيج الجامعة

وياحليلهم وحليل

الاسبيشل بتاع يوم

الاثنين الذي كان مغريا

لدرجة يمكن ان تدك ليهو لكشربحالو

ولعلك تذكر الرمضان بتاع

كورس(1)

في سنة ثانية

والله ياذي الازانا

وتتخيل التكيت بتاعتي كانت بتخلص يوم 15

ولكن حفظ الله اصدقائنا من اولاد الخرطوم

الذين كانوا لا يسكونون في الداخلية

فقد كانوا خير عون لنا في الموضوع

بتاع التكت ده...........

Post: #204
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-22-2006, 01:07 PM
Parent: #203

الاخ خليل

والله زمان وزمان

شايفك فاتح بوست بتاع عرس ...

انت يا ابو الشباب الشاكوش بتاع القط ده لسع مدور لحدي حسي ولاشنو؟

.......................................................................

اراك في فترة غيابي تحدثت عن ودالمكي

ذلك الاستاذ

العجيب ماس عجيب واكوشنات غربية مابتعرف الزول ده بجيبها من وين

وبحلها بسهولة وحنكة وده كان دكتور يعني دكتور


وهنا لابد من الوقوف والتحية لكل هولا الدكاترة العظماء في علمهم

وتعاملهم الراقي وتواضعهم الجم

اذكر هنا الدكتور اسامة,

سعد عدنان بتاع البيسك

وفي ثانية

دكتور جوزيف,مدحت,

وشيخ المساحين حاج الباقر احد كبار المساحين علي مستوي العالم

وكان مرجعا كبير في هذا الشان

والدكتور التاج(صاحب ناس ) خليل بتاع الرسم الهندسي

وحسن فاشر والنويري وكمال عبد اللطيف ...وديل يا خليل علماء بتاعين مساحة كبار

وقرني ومحمد عثمان وعكود والصادق شرفي

ولكل التيوترات وصبرهم علي ترسنا وشغب المجانيين منا................

Post: #205
Title: Re: اليوم الحار ومابنداريوم الهندسة والمعمار
Author: khaleel
Date: 01-22-2006, 01:12 PM
Parent: #203

كانت الجامعة تفور وتمور والطلاب اعضاء الاتحاد مفصولين واصر مامون حميدة علي قيام الامتحانات في مواعيدها.

علي ما اذكر كانت اول امتحانات بتاعة ناس اداب ودخل الطلاب قاعة الامتحانات وقامو بتمزيق اوراق الامتحانات وخرجو من القاعات

وهنا قام مامون حميدة بقرار يهودي حيث قرر افراغ الداخليات من الطلاب بواسطة رجال الامن

تم اخذ البرالمة بالقوة الي كلية الشرطة لاداء الامتحانات هناك
بعضهم ذهب بالجلاليب

وبعضهم ببجامات النوم وبعضهم لم يستطع الاجابة علي ورقة الاسئلة

وكان هناك ناس من خارج يمتحنون ويقوم التلفزيون بتصويرهم للراي العام

بان الامتحانات تسير علي ما يرام.

قرار افراغ الداخليات ومناشدة وتهديد مامون حميدة للاسر عبر التلفاز استطاع ان يكسر عزيمة بعض الطلاب مما سبب فشل مقاطعة الامتحانات لاحقا

كما سنروي

Post: #206
Title: Re: اليوم الحار ومابنداريوم الهندسة والمعمار
Author: khaleel
Date: 01-23-2006, 01:41 PM
Parent: #205

الوضع في الهندسة كان زي بقية الجامعة

بعد طرد الطلاب من الداخليات الناس اتجههت نحن مشينا اجتمعنا في جزيرة توتي وقررنا المقاطعة

لكن بالنسبة لينا نحن لو قاطعنا ما عندنا فرصة تربيت لان كل فرصنا كملناها في سنة تانية

ابو الدرداء برضو ماكان عندو فرصة فقال في الاجتماع انا ما حاقدر اقاطع فكان شجاعا

تشاورت مع والدي وذكرت له بان الطلاب حايقاطعو وانا لو قاطعت ما عندي فرصة

فقال لي خليك مع ما يقرر ابناء دفعتك.

المهم بدات الامتحانات في سنة تانية هندسة وقد قاطعها معظم الطلاب وكان امتحان الرسم الهندسي

عملو دكتور التاج الذي رفدنا في سنة تانية وكان زول قلبو مع الطلاب فعمل امتحان صاموتي

اي طالب دخل سقط

وقد فطن الكيزان لغتاتة دكتور التاج وتم فصله من الجامعة مع دكتور عادل خضر وسمير ومعتصم

لانهم تضامنو مع الطلاب ورفضو وضع الامتحانات في هذه الظروف

نواصل

Post: #207
Title: Re: اليوم الحار ومابنداريوم الهندسة والمعمار
Author: khaleel
Date: 01-24-2006, 04:35 PM
Parent: #206

كانت الجامعة عبارة عن ثكنة عسكرية ناس الامن خارج الجامعة يسمح بدخول الطلاب الممتحنين فقط.

الامتحانات بدات بناس سنة تانية هندسةقاطعها معظم الطلاب وبعضهم دخل وامتحن

وفي مجموعة كبيرة من الشرفاء قاطعو وربتو السنة منهم ياسر راشد وصلاح اليون ومعظم ناس خامسة معمار رفضو تسليم مشروع التخرج.

نحن امتحانتا كانت متاخرة شوية بعد انيهار عزيمة الطلاب وكنا مصريين الا ندخل لاننا بنكون خنا الطلاب الذين قاطعو.

الحاجة الانا لسع مزعلاني اني انا تركت اصدقاء الكفاح الذين ربتو وفصلو معاي في سنة تانية.

ومشيت اذاكر مع مجموعة سبعة وتمانين احمد محي الدين شبو تجاني حجازي مبارك عثمان

صديقي كمال الشيخ زعل مني شديدا واعتبرني اني بعته لاني طوال التلات سنوات ونحن بنذاكر مع بعض.

ولكن طبعا نحن مطرودين من الداخلية والوضع استسنائي عشان كدة هربنا لمنزل احمد محي الدين.

كنا ما عارفين نعمل شنو مرة نذاكر ومرة نمشي نجتمع لنقرر المقاطعة جهججه جد.

المهم صديقي الحنكوش هاني فاروق برضو كان ماسك العصاية من النص مرة اذاكر ومرة اقول حاقاطع الامتحانات.

قام مجموعة من الطلاب بزيارته في المنزل ووجدته غارقا في المذاكرة وقامو بسواله

يا هاني ما قلت حاتقاطع بتذاكر مالك فقال لهم

just in case

Post: #208
Title: Re: اليوم الحار ومابنداريوم الهندسة والمعمار
Author: mohammed elsaim
Date: 01-25-2006, 02:03 AM
Parent: #207

خليل
دخلت اللحم الحي...
اجتمعنا فى معمل الالكترونيات.. اخذ ورد.. بعض الطلاب كان يصر على اتباع رأي الأغلبية، بعض آخر كان يصر على الإجماع بحيث اذا (تخاذل) واحد يسقط القرار... قلت لهم بصريح العبارة انه لن يكون هناك إجماع حتى لو تعلق الأمر بوجود الله... كان حسم النقاش بالنسبة لي ان يرفع المشاركون فى الامتحانات أيديهم، فهم مستعدون للدخول ولو حيل بينهم وبين الامتحانات بالدبابات وقلت اننا نعلم ان هناك كيزان وهم لن يقفوا مع قرار موجه ضدهم... رفع 4 او 5 طلاب أيديهم.. قلت فليرفع المقاطعون أيديهم اذا كانوا سيقاطعون حتى لو انطبقت السماء على الأرض (بهذا اللفظ تحديدا).. رفعنا أيدينا خمسة أو ستة طلاب وطالبة واحدة... بقي الآخرون بين بين... هنا قلت مرتاحا هذه هى النتيجة النهائية... كنت مخطئا ولا ألوم أحدا... لم تنطبق السماء على الأرض لكني قاطعت حتى آخر نفس.... بقيت وحدي حتى النهاية فى خامسة كهرباء... خطبت فيهم ان الموقف واضح تماما فنحن ندافع عن قضية خاسرة بحسابات الكسب ولكنها رابحة بالانحياز للمبدأ.. لم أتعلم لغة الدبلوماسية عن التوازن الدقيق بين المصالح والمبادئ... بقيت تلك المسألة معلقة فى ذهنى حتى قرأت لكيسنجر يلخص كل السياسة والعلاقات الخارجية فى ذلك الصراع بين المبادئ والمصالح.. عرفت ان لدي تجربة أعتز بها.. قد تكون خاطئة.. لكنه صراع فلسفي لم يحسم ولن يحسم ماعاشت البشرية... كان المبدأ بالنسبة لي التضامن مع اخوة رفعهم الطلاب لقيادتهم ولا يجوز ان نتخلى عنهم، وأن تبقى فى السودانيين فئة ولو قليلة تقول للظالم انها لاتخشى وعيده وبطشه... لو راحت تلك الروح منا لبكيت طويلا عليها أكثر مما كدت ابكي على مستقبلي يكاد يفر من بين يدى د. عبدالرحيم العبيد الكوز المتغطرس، لكن تلك قصة أخرى... كانت وقفتى من أجل حاتم المهدي رئيس الاتحاد وصديقى من سادسة ابتدائي وأول من دخل بيتنا من أصدقاء بحري...

خطأ المحايدين القاتل كان فى الانجرار لمؤامرات الكيزان وفى قصم ظهر الطلاب بقرار كبير حاولوا تحميلهم مسؤوليته باستفتاء هزيل وماكان هناك من داع لامتحان الطلاب بالتضحية والنتيجة معلومة سلفا فلن ترجع المقاطعة طالبا مفصولا وهناك وسائل أجدى لتحريك الرأى العام...

كل ما تحدثني نفسي بأنني ضيعت عاما فى لاشئ أتعزى بمن فقدوا وظائفهم من البروفسرات - أين أنا من د. معتصم محمد عبدالله فى الكهرباء ود. عادل خضر فى المدنية؟ كلاهما من الجمهوريين وكانا من أنقى من مشى على أرض جامعة الخرطوم.. وأين أنا من بروفيسر سمير جرجس ذلك القبطي الذي أحب السودان كما لم يحبه أحد وتجرد فى صوفية نادرة لعلمه وكان يعشق التائية لكثير عزة.. وأين أنا من د. عبدالجليل كرار، الذى طردنى يوما فى البرليم لما ظنه سوء سلوكي ثم أبدى أسفه، رحمه الله رحمة واسعة.. أين أنا من د. التاج، الصديق اللدود لخليل، وهو يخسر وظيفته فى مقتبل حياته المهنية؟ اولئك ابائي فجئنى بمثلهم اذا جمعتنا ياجرير المجامع...

مازلت أسائل نفسي ان كان قراري وحدي صائبا أم خاطئا.. انا موقن منذ أول يوم ان قرار المقاطعة بقيادة المحايدين قرار خاطئ تماما... لكنني لم أندم لحظة على مقاطعتى لكل المواد.. لو تذكر كنا أفرادا يعدون على اليد الواحدة اولئك الذين قاطعوا كل المواد فى السمستر الثاني من طلاب السنة الخامسة.. قاطعت ونادر كوبر وربما أخرون لا أذكرهم..مامون حميدة كان يصرح بأن من أبى الامتحانات فقد أبى الجامعة... طبعا هناك كثرة فى رابعة وماتحتها وهناك كثرة ممن قاطعوا مادة ومادتين.. لكن فى خامسة... خامسة غير.... نجحت كل السمستر الأول بدون ملحق.. وأمامي والتخرج اسبوعان... حقيقة لم أغضب من أحد بسبب المقاطعة وكانت توقعاتي فى محلها تماما وكنت سعيدا بكل من قرر التضحية ولو جزئيا... اصدقائي فى الجبهة الديمقراطية قاطعوا مادة او مادتين، بقيادة الفردة عماد عيدروس. وتفهمت دواعي من لم يقاطع من أصدقائي الكيزان والآخرين... تقديرى الخاص واحترامي لدكتور عاصم صغيرون وهو يحاول معى المستحيل ليقنعني بانقاذ مايمكن انقاذه... وسلامي واحترامي لدكتور الرشيد وهو يقف معي فى وجه الصلف والفرعنة الكيزانية ممثلا بدكتور عبدالرحيم العبيد..

Post: #209
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-25-2006, 09:24 AM
Parent: #208

خليل والصايم

والله زمان

المقاطعة كانت من اكبر الاخطاء التي ارتبكها المحاديين

ووضعنا بين مطرقة التضحية وسندان المستقبل

نحن بالمساحة ...

حسمنا الامر بالتصويت...

في اجتماع شهير بمنزل صديقنا (طارق عمر خالد مضوي)...(طارق فصمة)

.......

ولكن كان الامر مربوط بمتابعة نسبة دخول الطلاب

للامتحانات....


اجل لم نقاطع..

ليس لموقف سياسي...

او تمرد علي قرارت الاتحاد

ولكن...تعلمنا منذها ان لا نضع كل البيض في سلة واحدة............

Post: #210
Title: Re: اليوم الحار ومابنداريوم الهندسة والمعمار
Author: khaleel
Date: 01-25-2006, 01:14 PM
Parent: #209

ونحن ما زلنا مترددين نقاطع ولا ندخل الامتحان الشباب كانو بمشو الاجتماع

وانا بذاكر في منزل احمد محي الدين والقلب بين مهابة ورجاء.

الدكتور محي الدين احمد الفكي الراحل المقيم والد صديقي احمد (ابو اليل)

كان ينصحنا ونحن في منزله بان هذه معركة خاسرة ضد سلطة قابضة وقاهرة فيجب علينا ان ندخل الامتحانات لان مقاطعتنا للامتحانات لن تسقط الحكومة.

المهم قررنا ان نمتحن وعمر الحبر عندو مقولة ظريفة حيث قال

( والله دي انفناسة دي)

هناك مجموعة ظلت صامدة حتي اخر لحظة هم هشام جادالله وضاح محمد عبد الحي عبيد عبد الرحمن العبيد ووجدان الخير حمور
وليد كريم الوحيد الذي قاطع وامتحن مادة واحدة وربت.

وضاح قاطع مادة واحدة واحضر شهادة طبية.

هشام وعبيد دخلو القاعة وهم يبكون وشعرو بالهزيمة ولكن شوف عيني ملو كراسين من كراسات الاجابة.

ظلت العلاقات متوترة بيننا وبين هذه المجموعة حتي نهاية فترتنا الدراسية.

وعندما ذهبنا للكورس المساحة في جبل اولياء فرزو عيشتهم وقد اسميتهم الليكود واطلقت اسم
غولدا مايير علي الزميلة وجدان الخير لها تحياتي الحارة.

اول امتحان كان في قاعة الدراسات الاسلامية قرب مسجد الجامعة ونحن ماشين مهزومين علي القاعة.

كانت الكيزان من دفعتنا يخرجون لنا السنتهم وكان صديقي الكوز الكبير ابراهيم جرايد

يشاغلني خليل خليل ما قلت ما حا تمتحن وانا فعلا كنت عامل فيها مانديلا ونواصل

Post: #211
Title: Re: اليوم الحار ومابنداريوم الهندسة والمعمار
Author: elsawi
Date: 01-25-2006, 01:46 PM
Parent: #210

الأخوان عبدالكريم وخليل
لقد قمت بلفت نظر شقيقي حامد الصاوي عضو البورد الكسول لهذا البوست الرائع، ووعد بمساهمة دسمة بعد إصلاح جهازالكمبيوتر الخاص به.
وربما عدت انا ايضا لان هذا البوست بدأ يلمس جوانب تهم كل الجامعة وليس فقط الهندسة والمعمار مثل مجانية التعليم وشهادة لندن والمحايدين. وبالمناسبة المحايدين أول ظهورهم كان عندنا في الإقتصاد عام 86 بقيادة عادل عبدالجليل (جاليلو) ورحاب عبدون وطارق ابوشوك وغيرهم ثم إمتد وجودهم للكليات الأخرى ثم للإتحاد

الصاوي

Post: #212
Title: Re: اليوم الحار ومابنداريوم الهندسة والمعمار
Author: khaleel
Date: 01-25-2006, 02:05 PM
Parent: #211

تحياتي للصاوي

والزميل العزيز حامد الصاوي وكل ناس المورده الحلويين

وسلام خاص لعادل عبدالجليل بامريكا وطارق ابوشوك وكل كافتريا اقتصاد

ودكتور بشير عمر ذاتو

Post: #213
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-25-2006, 02:14 PM
Parent: #212

الصاوي اخوان

سلام للجدعان ...ووين حامد ده

انكتوا لينا عليك الله... لانو افادته مطلوبة بحكم انه من كبار الديناصورات في الهندسة.........

وفعلا الامر هنا اصبح يحتاج لافادات كل الناس الذين عاصروا تلك الفترة............

Post: #214
Title: Re: اليوم الحار ومابنداريوم الهندسة والمعمار
Author: khaleel
Date: 01-26-2006, 05:53 AM
Parent: #213

فاتني ان اذكر راجل كوز لكنه كويس جدا والكيزان ليس كلهم اشرار علي سبيل المثال انا بحب مهدي ابراهيم خالص.

زميلنا الشهيد علي عبد الفتاح صاحب عبارة الدبابين واول من اطلق هذا الاسم

لاقناهو في سنة تالتة وكان عندنا امتحان مع دكتور زروق وبعد الانتهاء من الامتحان ونحن راجعين

القي ركن نقاش حار وشخص صوته عالي جدا ويقول تالله وبالله

فوجئت بانه علي عبد الفتاح وسالته يا علوب مالك ما جيت الامتحان

قال لي الامتحان ملحوق .

كلام غريب وانا خفت من قناعات زي دي

الله يرحمه ويرحم ود مدني الرائع ابوعبيدة الخواض وخباب وعمر فلاشا

Post: #215
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-27-2006, 03:56 PM
Parent: #214

فوق ...........

عشان ...روح شهداء الحركة الطلابية.......

عشان سليم

بشير...

التاية......طارق

وكل الذين اعتقلوا وعذبوا في بيوت الاشباح...

وخرجوا وهم اكثر تماسكا....وصلابة


عبد الفتاح الحبيب

حاتم الريس

واسامة............وفوق

Post: #216
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 01-27-2006, 04:58 PM
Parent: #1

الاخوة الكرام

السلام عليكم ورحمة الله تعالى وبركاته

ذكريات جميلة وتوثيق لفترة هامة وحرجة من مراحل حياتنا

عاوزة اقول ليكم طبعا فى تلك الفترة ونحن طلبة درسنا خارج السودان

عدنا من الجامعات العراقية بعد تقديم استقالتنا جماعيا لاسباب سياسية

تم استيعابنا بالجامعات الليبية وكنا مترددين للدراسة بليبيا

قابلنا احد الاستاذة بجامعة الخرطوم وهو يكمل اجراءاته للسفر الى ليبيا

ونصحنا بالسفر لان كثير من زملاءه فى طريقهم الى ليبيا وفعلا فى جامعة

واحدة متخصصة التى درست بها وجدت 35 استاذ جامعى اذكر منهم

البروفسور يوسف قرشى وبروفسور ابراهيم سعيد ودكتور محمد خير ودكتور

جادالله الحسن وفعلا استفادت ليبيا منهم وكانوا مصدر فخر لناان نتخرج

ونحن نحمل علم من اهل العلم.بعد ان شردوا من اوطانهم

واصلوا هذه الزكريات


انتصار

Post: #217
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-28-2006, 01:46 PM
Parent: #216

الاخت انتصار شكرا علي المداخلة...

وحتما ستداعي الذكريات لتخلد اجمل الزكريات


وعفوا سادتي ...وعكة طارئة المت بسيد الناس وسيد البوست

وانشاء الله يخف ويجيكم ..بذكرياته الرائعة...

خليل..طلب مني ان احي الاخوان


حسن خضر واشرف شمت وعبدالعزيز سيد الناس..........لهم التحية والتجلة وين ما هم قاعدين

Post: #218
Title: Re: اليوم الحار ومابنداريوم الهندسة والمعمار
Author: khaleel
Date: 01-30-2006, 05:31 AM
Parent: #217

نعود لمعهد الدراسات الاسيوية وكانت به قاعات امتحاناتنا والكيزان شمتاتين علي انكسارنا

وناس الامن بره عضلات تبش ورشاشات وبالقرب من باب القاعة الواحد جاتو فكرة اقاطع ولكن الناس جاية كلها مذاكرة وجاهزة للامتحانات

ويبدو ان الذين قاطعو راحو في( طهور بت الكاشف)

ونحن مترددين لسع واحد من بتاع ناس الامن هرشنا ليك

هوي يا صعاليق اما تخشو الامتحان اما تتخارجو من هنا

فشعرنا بالهزيمة ودخلنا قاعة الامتحان ونسينا النضال

اول امتحان كان امتحان طرق وكان بدرس المادة دكتور ابراهيم محمد الطيب وهو محسوب علي الاسلامين

وكان امتحانو ساهل جدا من غير عادته

وعندما خرجنا من قاعة الامتحانات سالنا الزميل مصطفي بوب

كيف كان الامتحان فاجاب

بانه امتحان سياسي ونواصل

Post: #219
Title: Re: اليوم الحار ومابنداريوم الهندسة والمعمار
Author: khaleel
Date: 01-31-2006, 05:24 AM
Parent: #218

مرت امتحانات المقاطعة وبعض الطلاب مات علي دينه وقرر المقاطعة حتي النهاية وربتو

وبعضهم تحايل علي القانون بان احضر شهادة طبية وامتحن ملاحق المهم انتصرت السلطة علي الطلاب في معركة غير متكافئة

اليلة عندي اتنين اخوان اشقاء اصدقاء لدرجة الجنون عظيكا وكلوب من اولاد مدني

كلوب عندو لغة خاصة جدا جابة من وين ما عارف كمصلح انت ثعلب هوائي ويا وز ويا هو

كلوب يدرس بالكهرباء وفي مشروع التخرج بتاع السنة النهائية قام خالد حماد الذي يدرس مدنية بعمل مشروع التخرج لكلوب

وكان ببرنامج كمبيوتر صعب جدا وكلوب مسطح وفي المناقشة ما عرف اجاوب حاجة

دكتور عاصم صغيرون اكتشف الراجل ما اشتغل المشروع وقام بتربيته وهنا حصلت اجمل شكلة بين دكتور عاصم من جهة وكلوب وعظيكا من جهة

امشي يا دكتور يا حكنوش

دكتور عاصم يا اولاد ما تقلو ادبكم انا ود امدرمان انا مولود في ابوروف ونواصل

Post: #220
Title: Re: اليوم الحار ومابنداريوم الهندسة والمعمار
Author: khaleel
Date: 02-02-2006, 04:19 AM
Parent: #219

عدنا والعود احمد بعد الوعكة الصحية

تكلمنا عن كلوب واليوم اتكلم عن شقيقه عظيكا.

ونحن في قاعة الامتحان وفي بداية الامتحان اخرج عظيكا بخرة ووضعها في نصف كراس الاجابة

ولكن دكتور وليم كان مراقبه جيدا وقبضه متلبس واستلم البخرة واستدعي الكنترول هاج عظيكا وماج

وقال لدكتور وليم

بس يا دكتور ثبت لي حقي اني ما استفدت من البخرة

تم فصل عظيكا لمدة عام للغش التجاري وعاد السنة القادمة ونواصل

Post: #221
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 02-02-2006, 05:30 AM
Parent: #220

Hi All
I will be back soon
Hamid

Post: #222
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 02-02-2006, 06:09 AM
Parent: #221

كم سعدت بهذا البوست الرائع
و يا الصاوي مافي داعي للفضايح الكمبيوتر ما فيه مشكله
المشكله الوقت (الوكت) حلوه دي مش كده
الأماني الجميلة لكل المتداخلين و الذين يستمتعون بالمتابعه (و قد كنت
منهم)و بهذه المناسبة في صيف 1998 كنا متلمين في الرياض (السعودية)
أنا و طارق صن(SUN) و غازي و ياسر محمد أحمد (أبو صلعة)
و في الونسه عرفنا ان دكتور التاج في الرياض فقال غازي أحسن ما نتلاقي
تاني لأنو دكتور التاج لو عرف ح يجي يدينا ملحق.
لدكتور التاج كل التحيه أينما كان و لكم الود

Post: #223
Title: Re: اليوم الحار ومابنداريوم الهندسة والمعمار
Author: khaleel
Date: 02-02-2006, 07:16 AM
Parent: #222

مرحبا حامد الصاوي

يا جراب الحاوي

واظنك خير من تحدثنا عن السياسة

في جامعة الخرطوم

زي ما عارف نحن كورة وكوتشينة وجكس بس

Post: #224
Title: Re: اليوم الحار ومابنداريوم الهندسة والمعمار
Author: khaleel
Date: 02-02-2006, 03:34 PM
Parent: #223

انتهت امتحانات المقاطعة وبعدها مشينا جبل اولياء كما ذكرت سابقا لكورس المساحة

وناس مجموعة اليكود فرزو عيشتهم وضاح محمد عبد الحي وعبيد عبد الرحمن العبيد وهشام جادالله ووجدان الخير

ووصفونا بالخونة لدخولنا الامتحانات مع العلم بانهم دخلو ونحجو بدون ملاحق.

في اجازة امتحانات المقاطعة بدات اخطر مرحلة في حياة خليل.

كنت اذهب في الاجازة لصييدلية قريبي وهو دفعتي واتخرج قبالي طبعا

وهناك وجدت معه حسناء ساسميها بعد الان الشول عرفت انها تم فبولها بجامعة الخرطوم بعد درست سنة في الفرع.وكانو برالمة بيطرة في سنة اولي علوم

اتعرفت عليها وهناتها بانضماها لجامعة الخرطوم وذكرت لها لما تفتح الجامعة انا حاقابلها هناك.

بعد تلات اسابيع او شهر فتحت الجامعة واستقبلت البرالمة الجدد وكان من ضمنهم الشول

وانا في كلية الهندسة قابلني الصديق كرار وقال لي يا خليل امشي المين الرود سريع قريبك معاهو برلومتين شرط.

ذهبت للمين رود ووجدت قريبي والشول وبت بلون البنفسج اسميتها بعد ذلك بالقطة

سلمت علي الشول وقريبي وعرفوني بالقطة طوالي قلبي دق

ومشينا شربنا ليمون في بزنس واتونسنا

الشول قالت لي خلاص يا خليل بكرة عازمنك فطور


وابتدا المشوار ونواصل

Post: #225
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-03-2006, 02:57 AM
Parent: #224

Quote: و في الونسه عرفنا ان دكتور التاج في الرياض فقال غازي أحسن ما نتلاقي
تاني لأنو دكتور التاج لو عرف ح يجي يدينا ملحق



وينك يا الصاوي يالذيذ والحمد الله ما مشيتو لانو انا واخوي الكاشف (خليل)

قاعدين في قطر كان راس السوط وصلنا هنا..ويقوم يعملها ملاحق علي مستوي الخليج....

عموما مرحب بيك وفرحانيين بشوفتك ....

وما تشتغل بكلام السكرتيرات ديل لانو كمبيوترك انا متاكد انو بكون كومبيتر مخضرم....

اخوك كيكي

Post: #226
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-03-2006, 10:53 AM
Parent: #225

Quote: وعرفوني بالقطة طوالي قلبي دق


خليل موجوع يا جدعان...والموضوع ح يحلو............اوي

Post: #227
Title: Re: اليوم الحار ومابنداريوم الهندسة والمعمار
Author: khaleel
Date: 02-03-2006, 10:58 AM
Parent: #225

يا اخوانا الزمن ده كلو بنكتب عن المربتين والمملحقين اسمحو لي ان اذكر ليكم الشطار من دفعات تلات وتمانين حتي تمانية وتمانين

ولو نسيت زول شاطر ما ازعل

ايهاب ايوب وخالد حماد مدنية 83

ظافر عبده ونجوي قدح الدم 83ميكانيكا
محمد عبد الجليل 83 كهرباء

نادر حسنين واسعد يحي مدنية 84

حمد حماد والدسوقي واشرف عبد الحافظ وريمون وبول ديل دفعتي مع عثمان يوسف مشي كلية العلوم 85

محمد المنتصر 86

محمد القرني و منتصر محجوب واحمد شبو 87

وائل ووليد ابوبكر عبد الوهاب زياد وسعيد 88 وبالمناسبة ناس 88 ديل شطار كلهم

اسمحو لي برضو المهندسن الذين تزوجو مهندسات

طه وتبارك

معاوية وامنة

موتمن وايمان

الجيلاني ومني

وعايز اسلم علي عمر عائس

ومرتضي حسن وعمار ابوشوك وعلي شرشحة وهشام مجذوب ومحمد الخاتم وايهاب فريد ومحمد كرار وصلاح اليون
وطارق الكوتش ومدثر الرشيد وعثمان صديق وخالد المبروك ومامون جواري ومحمد عجيب وبكري اسماعيل

ورائد عباس وطارق حمادة وحسن صيام وطارق خيري ومحمد بهاء وبشري الفاضل

Post: #228
Title: Re: اليوم الحار ومابنداريوم الهندسة والمعمار
Author: انتصار محمد صالخ بشير
Date: 02-03-2006, 04:05 PM
Parent: #1

واصلوا نحن بالانتظار

انتصار

Post: #229
Title: Re: اليوم الحار ومابنداريوم الهندسة والمعمار
Author: khaleel
Date: 02-04-2006, 05:15 AM
Parent: #228

شكرا انتصار

نعود لعزومة الشول والقطة للوجيه خليل وهو الان في سنة خامسة هندسة سابعة جامعة مع برلومتين شرط حلا وحمار

تاخرت في النوم حتي العاشرة صباحا واخدت حمام تاريخي مع عطر باريسيي وقميص اصفراني وبنطلون جنز .

كان من المفترض ان اذهب للفطور الساعة تسعة لكن مشيت الساعة عشرة

وجدت القطة والشول في انتظاري واعتذرت عن التاخير وسالت القطة ماذا لو اتاخرت اكتر من كدة

اجابتني بكل غرور كنا حنمشي ونسيبك والله طوالي كسرني الغرور دها واستدعيت كابلي

مغرور بحبك بقلب مسحور بحبك

تناولنا الساندوتشات والليمون ومشينا المين الرود.

عرفت ان القطة اهلها بسلطنة عمان وهي خلطة عجيبة امها رومانية وشايقية من ناحية ابيها

لونها كلون هيفاء وهبي طويلة ضعيفة عيونها جميلة نظراتها ساحرة

شوية مستبدة.

تونسنا حتي الساعة واحدة ظهرا وعرفت كيف تفكر البرلومة

كنت في المنتصف بين الشول والقطة في ذلك اليوم كهارون الرشيد ونواصل

Post: #230
Title: Re: اليوم الحار ومابنداريوم الهندسة والمعمار
Author: khaleel
Date: 02-05-2006, 05:06 AM
Parent: #229

معليش نبهني المهندس عاطف جلال اني نسيت عدد من المهندسين الذين تزوجو مهندسات

عاطف جلال صفاء الفاضل

محمد عبد الجليل سلمي السعيد

سعيد ووصال

مي ابو العزايم

وليد حسن عمر امل شيخ الدين

وناس كتار

معليش ساعود للموضوع الحب مرة اخري

Post: #231
Title: Re: اليوم الحار ومابنداريوم الهندسة والمعمار
Author: khaleel
Date: 02-05-2006, 01:54 PM
Parent: #230

الشول برلومة مركبة مكمنة سناير بت لذيذة جعفرية افكارها كانت سابقة سنها كانت بتقول لي

عارف يا خليل الجكس دها كلو ممكن اقدم تنازلات بس عايز شريعية .

البت كانت مفتحة وانا كنت بقول ليها والله انتي مرضعك الشيطان.

استمرت الايام جميلة بيني وبين الشول والقطة.

القطة شوية صعبة وكانت بتتعامل معاي بقسوة شديدة جدا لانها جميلة خالص وانا بستحمل كل التهزي والاضطهاد عشان انا وصلت سنة خامسة ولازم اطلع بعروس من الجامعة

وكنت دائما اتذكر قول الفنان ابين في مواقف استبسل وعن رويا الحبيب حالا ابين في مواقف اتوسل

ظلت القطة موضوعي الشاغل كيف استطيع ان ادخل قلبها مرات تصدقو بنقعد مع بعض من الصباح حتي المغرب

نتكلم في اي شي عدا الحب.

مرات احس انو البت جات في القاطر ومرات احس انها بعيدة جدا

صدقو مرة كان معاها من سبعة صباحا حتي سبعة مساء ولما جات ماشة قالت اليلة ما استفدت اي شي


شوفو البرلومة دي بتعمل في خليل ابو سبعة سنين جامعة شنو ونواصل

Post: #232
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-05-2006, 01:58 PM
Parent: #231

واصل.......يا ابو الخل...واماني ماوقع راجل

وعافي منك يا القطة..........

Quote: القطة شوية صعبة وكانت بتتعامل معاي بقسوة شديدة جدا لانها جميلة خالص وانا بستحمل كل التهزي والاضطهاد عشان انا وصلت سنة خامسة ولازم اطلع بعروس من الجامعة

Post: #233
Title: Re: اليوم الحار ومابنداريوم الهندسة والمعمار
Author: khaleel
Date: 02-06-2006, 05:10 AM
Parent: #232

يا اخوانا نسيت اكتب عن سنة رابعة

اخطر سنين الهندسة فقد بها الصديق عمر الحبر اربعة سنوات

وجلس بها ياسر شندي وحبيب الله وثلة من الاوليين وقليلا من الاخرين

طبعا كل سنوات هندسة عدد مواد السمسترين اتناشر مادة

صديقي هشام فتح الرحمن اتعود ياخد كل سمستر مادتين ملاحق

ليصير عدد المواد اربعة وهي اقصي عدد من الملاحق بعدها ربيت طوالي

عمل الحركة دي في تانية وتالتة ونجحت

لكن فشلت في رابعة لان عدد المواد اربعتاشر

وتم تربيته

وجاء في القاطر

بعدين في تيمان لم خالد وهشام لم يفترقو

منذ اولي ابتدائي

استطاع دكتورهجو تفريهم بعد ان ربت احد التيمان

وكانت المقولة الشهيرة

انا هجو تاني تجو

Post: #234
Title: Re: اليوم الحار ومابنداريوم الهندسة والمعمار
Author: khaleel
Date: 02-06-2006, 01:19 PM
Parent: #233

يا سلام علي القطة وهي تسجل زيارة لخليل في كلية الهندسة يا سلام علي الطول الاضافي واللون الابيض

والناقة بتاعة بنات الشهادة العربية.

كل كلية الهندسة تفغر فاها من الدهشة حامد اتناي يريل الحارث يتراشق عمر حسين مزهول شبو مندهش

وناس اجو اسلم عليك من غير سبب عشان يحظو بالسلام علي القطة.

نمشي المين الرود وكافتريا اقتصاد وانا متبختر ومستحمي ونضيف صديقاتي القديمات يشعرن بالغيرة

وانا مع البرلومة الحلوة .

يا سلام علي القطة وهي تجيب لي موية بالكوب الذي اسمه المك.

دسيت الكورة من الاصدقاء ما عرفتها باي زول من اصحابي ما عدا الهادي الاصم ومرات مرات احمد محي الدين

لكن البقية يعرفونها بجمالها فقط

ودسيتها من عيون الناس عشان عزول ما اطولو.

الشول صديقة للقطة ولكن عملت عالمها الخاص وبرضو انا بخلطها واديها الفيها النصيب

لكن يبدو برغم انهم اصحاب البينهم ما عامرة تحت تحت كما سيرد لاحقا.

Post: #235
Title: Re: اليوم الحار ومابنداريوم الهندسة والمعمار
Author: khaleel
Date: 02-07-2006, 05:05 AM
Parent: #234

في سنة خامسة في حاجة اسمها مشروع التخرج ولازم اي اتنين مع بعض اعملو مشروع

وكان معاي في المشروع المهندس ابوبكر حجازي وهو تحت عنوان برك معالجة مخلفات المجاري واعادة استعمالها.

والمشروع يقع بالقرب من الحزام الاخضر وقامت اليابان بتنفيذه في السودان

ونحن ندرس مدي فاعلية هذه البرك في معالجة مياه مجاري الخرطوم.

وكان الدكتور المشرف علينا هو بروفسير خدام.

كما استمتعنا ببروفسير دفع الله الترابي العالم العلامة عدو الانجليزي وكان يدرس بالعربي

في مادة التصميم حاجة تسمي اللدونة.

وله عبارات شهيرة حيث كان يقول

نخرج الان من حدة المرونة الي سعة اللدونة

وعبارة اخري

ان هذه العارضة لو تعرضت لوزن كجناح باعوضة لسقطت


نواصل

Post: #236
Title: Re: اليوم الحار ومابنداريوم الهندسة والمعمار
Author: khaleel
Date: 02-07-2006, 03:20 PM
Parent: #235

عاد المهندس حامد عجبان من السودان

بعد ان استمتع بزواج هشام حسن المحايد الكبير

وزواج اسامة سيد الرايحة زميل في الجامعة لمدة سبعة سنين

وقابل محمد الطيب ايريا المربت الكبير

وهو يعمل الان في ابراج السنط

وايريا عمل راوية كبيرة

اسمها مسارات السراب

وقام بطبعها

وعندما حاول توزيعها

القي الوالي المتعافي
الاكشاك بالعاصمة

وايريا قال انو الحكومة قاصداهو

Post: #237
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-07-2006, 04:32 PM
Parent: #236

خليل .........

مسارات السراب حتما ستكون راوية رائعة...ومتفرده..ومحمد الطيب سليم زول مرهف

ومساح كبير..وكان لعاب كورة..وعزال في الخلط..ونكتتو جاهزة 24 ساعة

وفعلا الحكومة بتكون قاصداه...من زمن حكايتو مع حاج نور

Post: #238
Title: Re: اليوم الحار ومابنداريوم الهندسة والمعمار
Author: khaleel
Date: 02-08-2006, 05:35 AM
Parent: #237

صديقي دكتور مصطفي سنادة راجل حلو واحرف من لعب الكرة في وسط الملعب وهو اساسي

في منتخب جامعة الخرطوم.

خبراتو في الونسة مع الجكس ضعيفة جدا مرة كان خالط الحلوة ايمان بت علوم وكان مكسر فيها.

فقلت ليهم يا ربي مصطفي دها بونس في البت دي بقول ليها في شنو.

ذهبت خلفهم وكاتلني الفضول.

فسمعت مصطفي بقول ليها صدقي شت كورتين الاتنين دقن في العارضة.


مرة عايز اصارح ايمان بحبه لها فجلس معها في كافتريا علوم وقال ليها

يا ايمان ما لقيت البت البتفش عليها شريكة حياة.

فاجابت ايمان ومن هي سعيدة الحظ دي

فاجابها انتي يا ايمان فاصابها الزهول

ودها اسوا انواع الحب من طرف واحد يولد مقتولا ويموت مقتولا

Post: #239
Title: Re: اليوم الحار ومابنداريوم الهندسة والمعمار
Author: khaleel
Date: 02-08-2006, 01:25 PM
Parent: #238

علاقاتي بالقطة تسير بين مدي وجزر ساعة احس اني ملكت قلبها وساعة احس انها بعيدة مني بعد كوكب

المريخ.

كانت تتعامل مع الناس بصلف لكن مغرور بحبك.

مرة احد البرالمة قال ليها يا قطة عندنا رحلة فرايك شنو معانا مع مجموعة من البرالمة والبرلومات

فاجابت بكل عنجهية انا ما فاضية ليكم

فانتض البرلوم وقال لها

ما فاضية لينا انتي عارفة يا بت ناس الجامعة عملو ليك قنبور لكن انا بقطعو ليك

البرلوم عجبني ونحج فيما فشل فيه خليل ابو سبعة سنين

ولان خليل وقف بين بين بكي مرتين

لكن خليل بستعمل حكمة الامام الشافعي

وفي القلب صبر للحبيب وان جفا

ساد الحسد بين القطة والشول ويبدو ان تورتين في الدكة ما بفقعدو

الشول اوشت بكلام سخيف للهدي صاحبة القطة بانهم ذهبو لمدينة الرياض

وهناك في شاب اخذ القطة في زقاق ضيق ومظلم واحضرها بعد نصف ساعة.

اوشت هدي للصديقتها القطة بكلام صديقتها الشول عنها

وهذه المعلومات عرفتها من القطة لاحقا

كما سيرد.

في هذه الاجواء كان حب خليل بين صدره

لم يخرجه يكتفي بالونسة مع القط

وزي ما قال العندليب

ما قادر اصارحك بحبي الكبير


ونواصل

Post: #240
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-08-2006, 01:31 PM
Parent: #239

يا سلام ........يا ابوالخل.......... يا الوناس الكبير..........

وعليك الله قووووووووول....

Post: #241
Title: Re: اليوم الحار ومابنداريوم الهندسة والمعمار
Author: khaleel
Date: 02-08-2006, 01:40 PM
Parent: #240

القطة عندها عيون جميلة جدا

بعدين اتخيلو انا لو في اول المين الرود والقطة في اخره وتشوفني بترسل اشارة من عيونها

انا اجي اقدم فروض الولاء والطاعة

بعدين عندها حركة بترفع حاجب وتنزل حاجب

طوالي بتجي في خاطري اغنية كابلي

ياخي ما ما تلاعب حواجبك

يا السهاد عيني عاجبك

واحلفك ياخي بمجونك

ما تغرود لي عيونك

امكن اشفي من جنونك

لو تصدق مستحيل

ادمنت القطة

وانا في سنة خامسة

نسيت المحاضرات

ونسيت الناس

وابيت خلاني

خاصمت الكل علشان حباني

Post: #242
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-08-2006, 01:44 PM
Parent: #241

انت يا خليل الكباري دي ..

بعملوها ناس مدنية ولا كهربا...(كع)

Post: #243
Title: Re: اليوم الحار ومابنداريوم الهندسة والمعمار
Author: khaleel
Date: 02-09-2006, 04:06 AM
Parent: #242

فاتني ان احيي استاذة الكلية وناس مدنية بالذات

دكتور هجو

دكتور زروق

دكتور عبدالنبي علي احمد

دكتور ابراهيم محمد الطيب

دكتور الصادق شرفي

دكتور عكود

دكتور جمال عبده

دكتور علي زروق

دكتور محجوب عثمان

دكتور النعمة

دكتور النعمة

بروفسير خدام

بروفسير المرحوم الجاك

دكتور المرحوم دفع الله

بروفسير دفع الله الترابي

دكتور ابوبكر عبد الوهاب

دكتور عبدالله ابراهيم

دكتور برسي

دكتور عادل خضر


ديل علماء السودان وصانعي المدنية الحديثة

لهم التحية والتجلة

ومن علمني حرفا صرت له عبدا

Post: #244
Title: Re: اليوم الحار ومابنداريوم الهندسة والمعمار
Author: khaleel
Date: 02-09-2006, 03:00 PM
Parent: #243

اسبوع تمام والقطة مسجلة غياب ما شايفها في الجامعة

ويوم ماشين علي داخلية البنات مع صديقي الهادي الاصم قابلتنا رحاب صاحبة القطة بالقرب من بوابة

الداخلية اتونسنا معاها شوية وسالتها عن القطة وين ما ظاهرة.

فاجابت بانها موجودة.

المهم اتحركنا من الداخلية ومن هناك اطلت القطة زي هلال رمضان

وجاتني فاطمة الحاج الفنانة و غنت في داخلي

لاقيتو باسم زهر المواسم

لاقيتو باسم وانشرح صدري

لاقيتو باسم زي ليلة القدر


تبادلنا السلام والكلام وبليت الشوق

وقالت لي يا خليل يوم الخميس حاجوني ضيوف من جامعة الفرع

فاحجيك في هندسة عشان تتونس معاهم ونكرمهم

قلت ليها حاضرين

اطلبي عيني وعمري وروحي ليك

خلصت المحاضرات بدري يوم الخميس ومفروض امشي البيت لعطلة نهاية الاسبوع

وظللت منتظر القطة وضيوفها حتي الساعة الرابعة والكلية بقت فاضية

المهم لما ما جات اخدت بعضي وتوجهت للامدرمان

Post: #245
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-09-2006, 03:40 PM
Parent: #244

Quote: المهم لما ما جات اخدت بعضي وتوجهت للامدرمان


والله عافي منك يا قط.........

ماقلتواولاد جعل

Post: #246
Title: Re: اليوم الحار ومابنداريوم الهندسة والمعمار
Author: khaleel
Date: 02-09-2006, 03:58 PM
Parent: #245

الهادي

وجلي
والحسين
وطه النور
وعبدالفتاح الحبيب

ومجاهد

النور جابر

وغازي

وخالد خضر

ديل كلهم مظاليم الهوي

بس ما اجو اضاربونا

معاهم لوي نمر

وعزالدين نبق

وعباس ياسين

وحسن محمود

وخالد كاهن
وعزالدين الخير

واحمد شبو

ونادر حنكورة


ديل كلهم مظاليم الهوي

اصلي مجروح مرتين

امكن القي الزي فيكم

ضاق عذاب الحب واتعذب سنين

Post: #247
Title: Re: اليوم الحار ومابنداريوم الهندسة والمعمار
Author: khaleel
Date: 02-11-2006, 04:58 AM
Parent: #246

عدت صباح السبت للكلية وحضرت محاضراتي في امانة الله وفطرت في الكافتريا

وصبرت نفسي بالام شرة الخميس الشهيرة

وبقولو الغايب غزرو معه وفي غيابك ياما نشيل اللوم

توجهت للبركس وبالقرب من النادي الجغرافي وفي مسطبته اشوف من بعيد القط خالط

الله الله دها القط الشراني

توجهت اليهم اجد القط مع ولد ابيض وجيه احرق الدم حتي شعره سبيبي

شعرت بقصة في حلقي وقلت يا ابوالخل ( game is over)

الولد من خارج الجامعة درس بالمجر كما عرفت اجهزة مخابراتي لاحقا

شقيقه خالة القطة.

المهم قامت القطة وسلمت علي بحرارة شديدة جدا وكانها شعرت بالذنب لان ردار المراة

الداخلي يجيد التقاط الرجل الذي يحبها

عرفتني بالود الروش المعاها واسمه علي سلمت عليه وقلت ليه شرفتنابالجامعه

باقي نحن الزول المابقرا جامعة الخرطوم عندنا فيهو راي

اصرت القطة ان اجلس معهم

لكني اعتذرت

وسالتها لماذا لم تحضر يوم الخميس

فاجابت بكل تجاهل

هو يوم الخميس كان في شنو

تركهم واقفين

وقلت للود الحلو المعاها

علي عن اذنك

Post: #248
Title: Re: اليوم الحار ومابنداريوم الهندسة والمعمار
Author: mohammed elsaim
Date: 02-11-2006, 01:39 PM
Parent: #247

عافي منك ياخليل.. الصاع صاعين.. ما تخذلني وأسمع انك بعت تاني...

تحياتي لكثير من الأصدقاء الذين يتابعون من على البعد...

هناك كثيرون وعدوا بأن يدلوا بدلوهم فى نهر الذكريات الرقراق من هنا... كبيرهم عاطف مرسي وهو موسوعة فى الشخصيات والمواقف الهندسية الرائعة.. عاطف وعد بتحريك نصر الدين دروب وطارق صن ومزمل عبدالكريم الشهير بمزمل ضيق.. كان مضيقها شديد لكنه من أوسع الناس روحاومرحا...

عاطف يخص بالذكر العزيز عثمان كمال الدين الشهير بنيوتن وله معه حكاوي وحكاوي.. طبعا طارق صن هو شقيق الفردة، دكتور(to be) محمد محيي الدين الذي كان فردتي فى معظم اللابات... ومحمد محيي الدين اذا ذكر لابد من ذكر الدكتور تو بي الآخر نجم الدين فضيل.. كلا الدكتورين، ان شاء الله، فى مراحلهم الأخيرة لتشطيب أبحاثهم.. وأظن محمد محيي الدين او البروف كما كانت تسميه شلة مزمل ضيق وهشام مجذوب، قد فرغ سلفا من الدكتوراة...

على ذكر الدكاترة المهندسين، هنالك الدكتور المعماري ياسر عبدالله عبدالرازق، أولنا من بحري الحكومية وثاني الشهادة السودانية فى 86... كبرنا كبر، كان ذلك قبل عشرين عاما عندما فازت مصر بالبطولة فى القاهرة واليوم التاريخ يعيد نفسه... في ذلك التاريخ جاءت الدورة مع امتحانات الشهادة وكانت الدورة تقام فى مارس بدلا من فبراير وقد جهجهتنا فى المذاكرة...

ومن الدكاترة من دفعتنا دكتور مهندس أمير عون الشريف ودكتور مهندس أسامة أحمد محمد من أولاد بحري، حلة حمد... ثلاثتهم يحاضرون حاليا فى الجامعات الأمريكية.. وهنالك الدكتور المهندس بول سلامة من الكهرباء أيضا دفعة 85 يدرس فى انديانا... وكان هناك دكتور مهندس محمد المنتصر وقد فضل العودة الى السودان..

وعلى ذكر البطولة الأفريقية او كأس العالم، كنت أذهب من الداخلية للمبيت مع الفردة المهندس أحمد محمدالأمين ومن هناك متابعة المباريات فى الحلفايا او الازيرقاب.. وكنا نفضل بعد انتهاء المباريات فى الازيرقاب الذهاب الى الحلفايا حيث الشلة معاوية ميرغنى وياسر عوض من اقتصاد وأمين العبد من بيطرة والنقيب معاش فيصل العبد والذي أحاله الكيزان الى المعاش فى ريعان شبابه.. ثم نعود حوالي الثانية صباحا قافلين من الحلفايا الى الازيرقاب.. فى الحدود بينهما هناك لاسلكي الحلفايا المشهور وبعده خور عمقة متران أو أكثر.. ود الأمين كان يضحك بأنه أرجل راجل ماقاعد يقطع الخور معه فى مثل تلك الساعات ويسألني ان كنت خائفا.. أجاريه وأقول له: انت والناس عارفين جنونك، أنا ذنبي شنو سايب الداخلية وفي أنصاص الليالي حايم بين الخيران.. ثم يخوفني أكثر كما يظن: قبل يومين عفصت لي دابي بجاي أعمل حسابك من الحفر دي.. أتقافز من الحفر والشقوق والعشر هنا وهناك وأنا أسب وألعن متابعتي له، وكما يقال البباري الجداد بوديه الكوشة... فى يوم ضرب فينا نور بكسي، والساعة اثنين صباحا، والمنطقة مشهورة بالسكاري، ودالأمين طلب أن نجري حتى لا تقبضنا دورية حظر التجول وجرى.. وبقيت أنا فى سيري المعتاد.. وجدته مختبئا داخل الخور وهو يحتج بأنني سأكون سببا فى جلب المشاكل له.. ضحكت على خوفه ونصحته بان يبكر فى النوم بدل الحوامة والمساككة...

Post: #249
Title: Re: اليوم الحار ومابنداريوم الهندسة والمعمار
Author: omdurmani
Date: 02-11-2006, 01:52 PM
Parent: #1

up

Post: #250
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-11-2006, 02:26 PM
Parent: #249

التهنئة الحارة للمهندس بهاء الدين ثيردباك الهندسة الشهير

والرجل الخلوق في قدوم الامورة الجديدة...وجعلها الله من المهندسات الخطرات

مثل ابيها........

Post: #251
Title: Re: اليوم الحار ومابنداريوم الهندسة والمعمار
Author: khaleel
Date: 02-12-2006, 05:24 AM
Parent: #250

عدت للبركس

مهزوم الوجدان حزين وانا اري احلامي تتسرب من بين اصابعي لكن كان لابد من عمل الدعامات النفسية

وقلت يا ود خليل الود الحنكوش انت بتاكلو خبرة ساكت وربع عمره انا قضيتو في الجامعة اجي اخر الزمن اقالعك في جكساية

المهم مر الليل رتيبا وكان اطول ليل وشريط ذكريات الصباح يمر وعثمان مصطفي يغني داخلي

كنت دائما بعذرك

راضي بحرمان شبابي

كنت راضي تدللك براي

بتحمل صعابي

لا ما برضي التجاهل

لشعوري ولشبابي

فلقد كان قمة التجاهل ولكن في القلب صبر للقطيط وان جفا

تناولت فطور الصباح في كافتريا هندسة

حضرت الشول صديقتنا المشتركة عزمتها فطور وجلسنا تحت اشجار بالقرب من مكتبة هندسة

وهذه الحتة تعرف بحتة القبطة والمسلمين العبطاء

فاجاتني الشول باكبر مفاجاة في حياتي وقالت لي


اصبر يا خليل البوديك للقطة في داخلية البنات شنو

فاجابتها ذهبت صدفة مع الهادي الاصم ولم اكن انوي الذهاب للقطة

وبعدين شفت يا خليل القطة قالت شنو

فقلت ليها قالت شنو تاني


فاجابت الشول

القطة قالت خليل لقاني قاعدة مع علويا ( اسم الدلع بتاع الود الحنكوش)


وشي زعلان وما ماخد الموضوع عادي


هنا بدات رحلة خليل مع الجنون

Post: #252
Title: Re: اليوم الحار ومابنداريوم الهندسة والمعمار
Author: khaleel
Date: 02-12-2006, 01:47 PM
Parent: #251

دارت الارض ومارت حولي

يوم الخميش شرة

وغريب في بيتي يوم السبت

وبعزقة كرامة

دي مش ما بتحبني

دي اعتبرتني عبارة عن برطوش

انا زعلان من علويا وما ماخد الموضوع عادي

البت كلامها صاح لكن اي زول عندو كرامة

والقطة اراقت ماء وجهي

لكن الشول مافي داعي

تنقل كلام صديقتها لي

اصبت بالزهول ماذا افعل

اقول للقط فعلا كلامك صاح

وانا بحبك

والود دها شنو

اما احفظ ما تبقي من ماء وجهي

وانسحب انسحاب تكتيكي

كما انسحبت المقاومة في الفلوجة


يا ناس اجيبوني عن سوالي

Post: #253
Title: Re: اليوم الحار ومابنداريوم الهندسة والمعمار
Author: khaleel
Date: 02-13-2006, 05:19 AM
Parent: #252

هاتفني اليوم من السعودية الصديق الخلوق المهندس احمد التجاني وهو من كبار مهندسي

تويوتا بالسعودية واثني ثناء شديدا علي البوست الذي دغدغ زكرياته

كما نبهني علي اذكر ابناء الجاليات العربية الذين درسو معنا

وذكرني بالفلسطيني عمر الذي كان يجلب الدجاج طازجا من الكويت

وكذلك ماجد الفلسطيني الذي علمته لغة القرية

وكنت بقول ليه والله يا ماجد اديك بنية الحق غنم زهراء

وعلمته كلمة المشلعيب وكلب السرة وكان ينطقها بصورة مضحكة

وكذلك الفلسطيني المودب ايمن والان اظنه من قياديي حماس

Post: #255
Title: Re: اليوم الحار ومابنداريوم الهندسة والمعمار
Author: انعام عبد الحفيظ
Date: 02-13-2006, 07:18 AM
Parent: #1

خليل

بوست جمييييييييييييييييييييييييل

تابع في انتظارك

Post: #256
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-13-2006, 11:10 AM
Parent: #255

Quote: هاتفني اليوم من السعودية الصديق الخلوق المهندس احمد التجاني وهو من كبار مهندسي

تويوتا بالسعودية


يا سلام علي احمد تجاني الزول الراقي..والاصيل وهو من اولاد دفعتنا الاصلية..

وزول نكتته في طرف لسانه وساخر كبير..

تحياتي يا ابوحميد...ولكل الاهل..وخاصة قريبك الكان بجينا طوالي داك(معتصم)

وانشاء الله انسترت مع (الصلعة)....مع العولمةدي

Post: #257
Title: Re: اليوم الحار ومابنداريوم الهندسة والمعمار
Author: khaleel
Date: 02-14-2006, 05:07 AM
Parent: #256

الشول لعبت مباراة كبيرة بعد ما وصلت لي شمار القطة تانية يوم جابتها لي الكلية

شربنا الليمون مع بعض وانا اغلي من الداخل

انتحيت بالقطة جانبا وبانفعال الثائر لكرامته

وقلت ليها ايه الكلام الفارغ البتقولي فيهو دها

انا منتظرك وشريتني وحتي عاملة فيها ما متذكرة

وبعدين علويا شنو البعزل منو انا دها

والله دها ما يهز شعرة من صوف راسي

ومتين انا قلت ليك بحبك

عشان تقولي انا ما ماخد الموضوع عادي


انتقمت لكرامتي

لكن شعرت اني انا غلطت وما كان افتح الموضوع

والبت برلومة وانا صاحب خيرة طويلة

Post: #258
Title: Re: اليوم الحار ومابنداريوم الهندسة والمعمار
Author: khaleel
Date: 02-14-2006, 01:56 PM
Parent: #257

يا اخوانا هل تصدقو

انو من اولاد دفعتنا صارو مليارديرات

سامي عبداللطيف ممكن اكون رصيدو عشرة مليار سوداني

والله الزول ما وارث ولا كوز

بس اجتهد في اعمال مباني الحديد

بعدين مامون ابراهيم

لكن دها مناسب صلاح ادريس وجمال الوالي

بعدين قالو الكوز حبيب الله صاحبي

عندو عشرة سكرتيرات

بعدين ناس نادر كوبر وعارف علي صالح

ومعظم من قابلتهم في السودان

بقولو ما تجو راجعين

Post: #259
Title: Re: اليوم الحار ومابنداريوم الهندسة والمعمار
Author: mohammed elsaim
Date: 02-14-2006, 03:59 PM
Parent: #258

إياني يانيل ليك راجع
منك أشرب واطفي ناري

جيت أوادعك يالقماري
ما خلاص شديت رحالي

اوكما غنى مجذوب أونسة

Post: #260
Title: Re: اليوم الحار ومابنداريوم الهندسة والمعمار
Author: khaleel
Date: 02-15-2006, 05:25 AM
Parent: #259

يبدو اني انفعلت اكثر من اللازم وكان ردي فعلي عنيفا حول شالو الكلام جابو الكلام

زادهو حبة جابوهو ليك والشول ما كانت حاضرة الاحداث وكلامها صحيح لكن عتابي كان

حادا للقطة لدرجة اني رايت الدموع في عينيها.

تازمت لكن تتدخل المدرب الكبير الهادي الاصم لراب الصدع بين حماس والسلطة

وعملت خارطة الطريق.

ذهب الهادي لكلية العلوم وادار حوارا هاديا مع القطة وقال ليها صاحبتك هي الغلطانة

ما كان في داعي توصل الكلام لخليل .

المهم اثني علي وشكرني شكر جد.

اقتنعت القطة بان تعود لتواصل مع خليل.

لكن ماذا يفعل خليل هل يكتفي بالصداقة زي ما قالت انعام عبدالحفيظ.

ام يصارحها بانه فعلا يحبها والانفعال الفات كان فلتان اعصاب.

واذا صارحها ماذا سيجني وهو لسع طالب وغريمه خطر وحلو وغنيان وابوهو مدير بنك وكوز

Post: #261
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-15-2006, 10:33 AM
Parent: #260

والله يا جماعة انا شهادتي في خليل مجروحة...

لكن خليل ده حكاي عديل كده...العن ابو ده شاكوس ده

Post: #262
Title: Re: اليوم الحار ومابنداريوم الهندسة والمعمار
Author: khaleel
Date: 02-15-2006, 11:13 AM
Parent: #261

بعد مبادرة الهادي الاصم المعروفة بخارطة الطريق ذهبنا مع مجموعة دكتور نادر عباس وطارق وامجد علي رجب ومحمد المرضي واشرف عبد الكريم وياسر ابراهيم وعبدالسلام الامين وديل اصحابي من كلية الطب والصيدلة.

ذهبنا الخرطوم اتنين لتناول الدجاج المشوي الحلو داك مع الخريجين ديل.

كل مواضيعي كانت عن القط حتي افسدت بهجة الغداء علي الشباب ماذا افعل ازوق ولا اواصل

المهم ونحن تناول الغداء قريبي دكتور طارق شعر انو خليل دها لو استمر في الحال دها ما حاتخرج من الجامعة.

وبينما انا اهضرب في الغداء قام طارق لي انت عارف برضو الشول العاملة صاحبتك دي قاعدة تتونس

بيك مع بنات العودة في امدرمان وشايلة حسك.

غضبت غضبا شديدا الشول بجهة والقطة من جهة البرلومات ديل احقرو بيك يا خليل


وخليل قد تبول الثعلبان براسه وقد هان من تبولت عليه البرالم

Post: #263
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-16-2006, 11:46 AM
Parent: #262

يا خليل شايفك...من السيرة جابت ليها قط وشاكوس عملت نايم..

ونسيت الهندسة والجامعة وبقيت مباري لي في سيرة البرلومة الجابت خبرك...

ودقت اخر مسمار في نعشك المتهالك في الجامعة...



Post: #264
Title: Re: اليوم الحار ومابنداريوم الهندسة والمعمار
Author: khaleel
Date: 02-16-2006, 12:28 PM
Parent: #263

والله ايام يا زمان ببكي واتحسر عليك

وما بقول العشنا كان وارمي حبة لومي فيك

كريم كيف انسي الجامعة وسنة خامسة لكن زي ما عارف محطة القط دي كانت محطة هامة في حياة خليل

ولها ما بعدها وقد طالب بها الجمهور من كندا وامريكا ولندن والسعودية ودبي فكان لابد من المرور

عليها لكي ندغدغ الذاكرة.

في سنة خامسة كان بدرسنا دكتور عبدالله ابراهيم وبسال اسئلة صعبة ومافي زول بعرف اجاوب

فيبدا فاصل من السخرية ويقول

انتو عايزين تبقو مهندسين بعد شهور والله انا ماشي لجنة الاختيار وحاعمل ليكم المعاينة انا

واي زول ما حااجاوب ما بشتغل عايزين تاكلو السحت مش.

ويطلب من بعض الشباب بان يذهب للسبورة لكي يرسم حاجة اسمها مخطط العزوم والواحد بقوم ارسم

ومفروضة الرسمة تكون باليمين والشمال ففي واحد رسم باليمين فقط فقام دكتور عبدالله ابراهيم قال ليهو

الفي الشمال دي ما هاملة مطلوقة ما عندها عزوم

فتضج القاعة بالضحك

Post: #265
Title: Re: اليوم الحار ومابنداريوم الهندسة والمعمار
Author: khaleel
Date: 02-17-2006, 02:41 PM
Parent: #264

حزين خليل البرلومات اتخذوهو هزوا

القطة تصده وترده والشول تتونس به ماذا يفعل خليل لقلبه وماذا يفعل لكرامته.

تاه خليل والسمستر الاول في خامسة علي الابواب ولم اذكر حرفا.

يمر علي ابراهيم اللحو في مخيلته.

تواه انا كل الدروب جربتها والسنين العشتها

لو وصلت ليك لا الرجعة تاني عرفتها.

خليل المرح صارا باهتا جافا كل مواضيعه القطة والشول.

الحارث مصطفي سماني ابو هريرة .

اصدقائي يقولون انا صرت مملا كلعبة الاتاري.

في كل هذه المشاعر المتناقضة زارتني القطة ويبدو ان مبادرة الهادي الاصم جابت نتيجة.

اتنبذنا مكانا شرقيا مع القطة وهي تشكي من الشول لانها لم تحفظ اسرارها وطلعت عنها كلام سخيف

لدرجة القذف في الشرف.

وانا منفعل وبجنون شديد وسقوط مدوي لخليل ولاني زعلان من الشول

قلت للقطة ياخي طبعا انتي ما عارفة الشول دي منحرفة اخلاقيا

زهلت القطة وكانها كانت منتظرة هذه المعلومة لتضرب بها الشول.

افترقنا علي ذلك.

شعرت بالخوف وانا اقول هذا الكلام الخطير عن الشول وهي التي عرفتني علي القطة.

ساررت صديقي الاصم بانني قلت كلام خطير للقطة عن الشول واتمني ان تحفظه القطة في قلبها ولا تبوح به لاحد.

نواصل

Post: #266
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-17-2006, 02:47 PM
Parent: #265

والله ولعت يا خليل...والدراما وصلت حتة

عجيبة............ياود يا اسامة النور عكاشة ...والله يستر...من الموضوع ده

Post: #267
Title: Re: اليوم الحار ومابنداريوم الهندسة والمعمار
Author: khaleel
Date: 02-18-2006, 02:00 PM
Parent: #266

اختفت القطة لمدة عشرة ايام لم اراها واتعبني الارق والسهر

كنت انام مع الهادي الاصم واساهر به حتي الصباح ولما ازهج يقول لي خليل عندك عشرة ثواني هل من

استفسار .

الهادي للمرة التانية قام بخارطة الطريق واجتمع مع القطة في ميدان اداب وناقشها في الذي دار بيننا
ونصحها بان الكلام الذي قالو خليل لا يطلع.

وذكر لها لابد ان نشهد علاقة في اطار الود وذكر لها بالحرف انتي يا قطة دنية خليل.

سمع طارق بهذا السيناريو وقال تعرف يا خليل الهادي اظهرك بمظهر الشحاد الشايل عرقة وبقول

ادونا حب حب.

المهم الهادي اخد مواعيد لي من القطة بكرة الساعة سبعة مساء.

لملمت كل قوتي وكانت ام كلثوم وغدا القاك.

بكرة حابوح بحبي لها بعد ان كابرت كثيرا والكوتش الهادي قال لي الاحساس الجميل الزول ما اعاندو.

تعطرت وقشرت وتوكلت علي الحي الذي لا يموت وسبعة الا ربع مشيت للمواعيد


هل تصدقو برضو القطة شرتني وما جات وهربت من اللقاء

Post: #268
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-18-2006, 02:21 PM
Parent: #267

Quote: سمع طارق بهذا السيناريو وقال تعرف يا خليل الهادي اظهرك بمظهر الشحاد الشايل عرقة وبقول

ادونا حب حب.


دي علي وزن قريبك...القال انا ماشيطان...انا خلف الله ادوني كاس...ولا شنو

Post: #269
Title: Re: اليوم الحار ومابنداريوم الهندسة والمعمار
Author: khaleel
Date: 02-18-2006, 02:39 PM
Parent: #268

فعلا القطة انطبق عليها كلام الحلنقي

وحاتك لسع ما بتقدر تقاسم قلبي ودقاتو

Post: #270
Title: Re: اليوم الحار ومابنداريوم الهندسة والمعمار
Author: khaleel
Date: 02-19-2006, 05:20 AM
Parent: #269

زميلي والصديق خالد شيخة

ودفعتي لزم

شايف جاتك هبايب وكتاحة

دافع عن نفسك

واوعي اكون خالد شيخة ودالابيض النقي

قد مات واصيب بانفصام الشخصية

واطل خالد شيخة جديد من عبدة المال واكل اموال الناس بالباطل

ستبدي لك الايام ما كنت جاهل

وياتيك بالاخبار من لم تزود

Post: #271
Title: Re: اليوم الحار ومابنداريوم الهندسة والمعمار
Author: Omar Bob
Date: 02-19-2006, 06:57 AM
Parent: #1

الاخ خليل
والمتداخلين

ما هذا التداعي الجميل
ماهذه الزكريات
الزكريات
وكانهاالزكريات
سوف اتيكم باسم الطرف
الوح بزكرياتي عما قليل

الي ذلك الحين
اعلنها حربا لا هواده فيها
عليك يا عبد الكريم
لانك لم تنبها الي هكذا بوست


ولكم الود

Post: #272
Title: Re: اليوم الحار ومابنداريوم الهندسة والمعمار
Author: khaleel
Date: 02-19-2006, 01:53 PM
Parent: #271

المهندس عمر يوب

الدوحة صغيرة لكن بتبلع

تحياتي لك

ولشقيقك الانيق دكتور مصطفي بوب

واحيي عبرك مصطفي بابكر وعبد الماجد الكج

ودكتور عبد الحميد وناس دنقلا

ودكتور جمال عبده

وفي انتظارك


خالد شيخة


وما انا بالمصدق فيك قولا

ولكني شقيت بحسن ظني

اظهر عليك الامان

وورينا انت سارة عيسي دي

اديتها شاكوش ولا شنو

Post: #273
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-19-2006, 02:15 PM
Parent: #272

مرحب..بالبوس عمر بوب...

والبوست نور...

وانا بس ما لاقيتك يابشمهندس..فترة طويلة..الا في جلسة البورداب وعلي عجالة...

ومرحب بيك يا مساح يا عظيم

Post: #274
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-19-2006, 04:25 PM
Parent: #273

Quote: خالد شيخة


وما انا بالمصدق فيك قولا

ولكني شقيت بحسن ظني

اظهر عليك الامان

وورينا انت سارة عيسي دي

اديتها شاكوش ولا شنو


ممكن كان بشرح ليهو ماسمتك..ساكت

Post: #275
Title: Re: اليوم الحار ومابنداريوم الهندسة والمعمار
Author: khaleel
Date: 02-20-2006, 05:28 PM
Parent: #274

الصائم ما زلنا في انتظار زكريات الاخوان بامريكا

حجازي احمد عبدالعظيم خالد محمد عمر حسين علي حسين

وملهم وظافر والشوية واشرف شمت وكل الشباب

بعدين ما تنسي تكلم ناس كندا مصطفي جلال واشرف اوشي وايهاب فريد

Post: #276
Title: Re: اليوم الحار ومابنداريوم الهندسة والمعمار
Author: khaleel
Date: 02-21-2006, 02:28 PM
Parent: #275


اتي السمستر الاول في خامسة وانتهي بسلام برغم الام الحب واستعدينا لاجازة بين السمسترين

ناس القطة كانو في اجازة ونزلو.

طبعا قابلت القطة لما جات من السفر ومشينا علوم وطوال هذه الفترة اوقفت كل العلاقات الدبلوماسية

مع صديقتي الشول.

والشول عينها قوية قابلتني مع القطة فعملت مطاعنة نسوان

ازيك يا خليل متين جيت من سلطنة عمان المهم بعد ذلك ذهبت للاجازة.

ونحن في الاجازة حصلت المواجهة بين القطة والشول وهدي بتاعة حادثة الافك.

البنات مشو جنب هندسة وبدو في الشكلة

وعلت الاصوات انتي قلتي كدة

وقلت لي هدي كدي

علت الاصوات

الشول عصرت القطة

وشتمتها

لم تجد القطة بدا

وردت الاساة باسواء منها

امشي كدة يا الشول

انتي ناس خليل اصحابك

قالو انتي ما كويسة

فازت القطة بالقاضية الفنية

ويبدو اني تعرضت لسيل من الشتائم من الشول

هكذا تخيلت .

عدت من الاجازة ووجدت هذه المصيبةامام عيونو

ويبدو ان خليل

ختم اجمل سبعة سنين في هذا السقوط المدوي

Post: #277
Title: Re: اليوم الحار ومابنداريوم الهندسة والمعمار
Author: khaleel
Date: 02-22-2006, 06:03 AM
Parent: #276

في نفس التوقيت

كانت هناكميات من الشواكيش

محمد الحسين اخد ضربة قاضية من بت اقتصاد لانو كان جنو تربيت

عاطف جلي ضربتو بت مدني لما امن

عبد الفتاح الحبيب الحب عذاب في كسلا

عبادة السراج مضروب من منطقة العمارات

بعد لوي نمر ودها حبيبتو لصاحبنا

وقام صاحبنا اتزوجها وفكها لوي نمر في الفرقة

Post: #278
Title: Re: اليوم الحار ومابنداريوم الهندسة والمعمار
Author: khaleel
Date: 02-23-2006, 02:06 PM
Parent: #277

عدت من الاجازة

في نص المين الرود

قابلتني الشول وعفاريت الدنيا في وجهها وقالت في صرامة حادة

اسمع يا خليل كيف تقول للقطة انا بت ما كويسة بتعرفني من وين بتعرف لي شنو

وانا كلمت اخواني وحاجوك بعد شوية وانت عارف البت سمعة ونحن في جامعة الخرطوم

قلت ليها اسمعي كلام كتير ما دايرو جيبي القطة وتعالو لي في هندسة عشان نشوف الحاصل شنو

بيني وبينكم خفت خوف جد وقلت القصة ممكن تجيب ليها قاضي وفيها قذف ووممكن اقيمو الحد علي خليل

بالله رايكم شنو في القطة دي مش فاقت سوء الظن

اديتها اقوي اسرار الحزب

واديتها وجداني ونبضي وشرياني واستسلمت لها كاملا

وما حفظت سري ولا حبي

كل الخبراء ادانوها

ابو الدرداء قال لو دي مرتي كنت طلقتها

محمد جمال قال هي جميلة لكن في زهور جميلة لكن سامة

ابراهيم حسبو قال لي يعني هي ما عارفاهم ما كويسين وممكن تكون زيهم


قابلتها وقلت ليها

والله يا قطة عيب منك الكلام دها

كيف تتطلعي كلام زي دها

وانا ندمان علي اي لحظة صدق عشتها معك

وقلبي البعزك دها انا حاقطعو

ومازالت الاحداث حبلي

Post: #279
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-23-2006, 02:37 PM
Parent: #278

Quote: بيني وبينكم خفت خوف جد وقلت القصة ممكن تجيب ليها قاضي وفيها قذف ووممكن اقيمو الحد علي خليل


تاني..تجي..يا ابو الخل..خشمك خفيف ياخي..!!!!

Post: #280
Title: Re: اليوم الحار ومابنداريوم الهندسة والمعمار
Author: khaleel
Date: 02-23-2006, 02:47 PM
Parent: #279

كريم

بتلومني ليه

لو شفتم عينيه

حلويين اد ايه

والله القطه

تشق القلوب قبل الجلود

Post: #281
Title: Re: اليوم الحار ومابنداريوم الهندسة والمعمار
Author: khaleel
Date: 02-24-2006, 04:09 PM
Parent: #280

كنت اليوم في زيارة للباشمهندس بهاء الدين بخيت برفقة مهندس مرتضي الطاهر وعاطف جلال وطارق

احتج بهاء وقال انه كان في البوست كومبارس وانه اساسي في فريق الهندسة

وان كل الاضواء اتجهت لمحمد متوكل النجم اللامع في فريق هندسة

وانا يا بهاء خلدت بشعري في زمانك

وغنيت ليك في المدرجات

الله مين الله مين الله يا ليلي من بهاء الدين

بهاء ياخوانا اعظم ثيردباك مر علي فريق الهندسة

له هدوء طارق وحرفنة شيخ ادريس وذكاء عصام عبد الخير


في مباراة الطب الشهيرة رفض بهاء الدين لعب ضربة جزاء ظالمة احتسبها لهم الحكم

فهتف جمهور الطب


بهوية يا فتة شلت الكورة وشتت

Post: #282
Title: Re: اليوم الحار ومابنداريوم الهندسة والمعمار
Author: khaleel
Date: 02-25-2006, 05:51 AM
Parent: #281

خليل في مطب مع البرلومات

الشول حشاها محروق من التهمة اللعينة

والقطة شعرت بنشوة الانتصار

بعد الاحداث القطة صارت اكثر الفة

وبطلت الغرور والتعالي علي ناس بيطرة

لانها خايفة برضو تلوكها الالسن

يا ربي هي مالها خلتم

ما قايلو ما كويسين

يا ربي هي ما كانت عارفاهم

المهم نخرتها جات ا##########
الشول صارت اكثر ادبا

وبطلت الفرفرة واختفت وانزوت

وسابت المين رود

واتخيلو من سنة تانية جامعة اتزوجت

كنت اشعر بوخذ الضمير

لكن المدرب الجديد محمد جمال بتاع بيزنس

ودها عينتو واقلت الهادي الاصم

كان بقول خليل انسي القط

دي ما بتشبهك

انت انيق رائع

وهولاء فيهم بعض من الجاهلية

وديل لسع ما بقدرو اقاسمو قلبك ودقاتو

واضاف ياخي البركة الادتبو

ديل كانو مفرفرين

كان لازم ياخذو قرصة

عشان ارتقو لمستوي طلاب جامعة الخرطوم


عشان كدة يا خليل الناس لما

اموتو ما حانسوك

Post: #283
Title: Re: اليوم الحار ومابنداريوم الهندسة والمعمار
Author: khaleel
Date: 02-25-2006, 01:43 PM
Parent: #282

نسيت احكي عن امتدادات خارج الجامعة

يا سلام علي مصطفي الفيل حفار

وناس برهان تية وعامر كلانا ومامون الكوتش وعادل فرشة وسريقة ومحمد ماكوك وعمي النور وازهري

ومحمد طه وكمال كبوري في سوق امدرمان وسوما ونميري وخالد زعموط وخالد عبدالرحمن وكمال ابراهيم

وابو اللول وخالد العربي.

كل هولاء تعرفنا بهم عن طريق اصدقائنا في الجامعة

ما قلت ليكم الجامعة هي حياة الانسان

Post: #284
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-25-2006, 01:55 PM
Parent: #283

Quote: برهان تية وعامر كلانا


مدربين كبار ديل يا خليل...وبلغني انهم..كانوا متابعين..موضوع القط...

وشافيك نسيت صديقنا(الطيب الدويم)...صديقنا اللذيذ واللعاب..الذي كان(ضبانة)

ما بتمر لمن كان(باك الفريق القومي)

Post: #285
Title: Re: اليوم الحار ومابنداريوم الهندسة والمعمار
Author: khaleel
Date: 02-25-2006, 02:04 PM
Parent: #284

صاح يا كريم برهان تية مرة كان عندهم كورس في جامعة الخرطوم مع سيد سليم ومجموعة من المدربين

بعدين برهان قام شاف القط

قال لي تعرف يا خليل البت اكونو في حياتها ما ادوها كف

تعرف قال كده ليه

عشان عجبنو جضوم القط

شفنا الجمال تهنا رقصنا

لكن جمالك خوفنا

نحن فيك انت

وانت ما داري

يا قطيط الخير

لي القلوب هاري

Post: #286
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-25-2006, 02:18 PM
Parent: #285

Quote: يا قطيط الخير


وليل العاشقين طويل...خليل يازول انا متاكد

انو القطيط ده لسع (واجعك شديد خلاص)

Post: #287
Title: Re: اليوم الحار ومابنداريوم الهندسة والمعمار
Author: khaleel
Date: 02-26-2006, 02:30 PM
Parent: #286

زنقت القطة زنقة كلب في طاحونة

ليه يا بت تقولي كدة ياخ انتي ما سترتيني وقلت كلام خطير وما اظن في بت بتقول كلام زي دة

المهم البت قالت ناس الشول شتموها واستعملت الجوكر لكسب الجولة

وبررت بانها انفعلت وما فكرت.

لكن يا اخوانا الشول لعبت(dirty game)

شوشت كل رادارات القطة وقالت ليها خليل دها ذو الوجهين لانو برضو قال لينا القطة دي بت ما كويسة

وبخيلة .

وقالت ليها اذا كان نحن البنعرفو من قبلك قال علينا كدة

البمنعو اقول عنك شنو.

اتخيلو سامحت القطة وغفرت لها كل ذنوبها

لكن البت بقت ما بتقدر تقيف معاي في الجامعة

كل ما تشوفني بينطط عيونها وبتحاول تمشي سريع

الله يا خليل يا رب العذاري

يا صائد النجوم معظم الحسان كانو تحت قبضة خليل

البرلومة طلعتك مشبوه ورفضت حتي الونسة

صارت القطة غير اليفة

الخبير طارق قال لي والله البنات اكونو بتمنو متين تتخرج

لانك كاتم عليهم انفاسهم

والناس كلهم شافوهم معاك وانت ممكن تشتمهم

يا اخوانا والله دي ما اخلاق خليل

لكن الاخرون هم الجحيم

كما قال الفيلسوف فولتير

Post: #288
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-26-2006, 02:57 PM
Parent: #287

Quote:
الخبير طارق قال لي والله البنات اكونو بتمنو متين تتخرج

لانك كاتم عليهم انفاسهم


ده كلام..يا اخوانا

Post: #289
Title: Re: اليوم الحار ومابنداريوم الهندسة والمعمار
Author: khaleel
Date: 02-27-2006, 05:58 AM
Parent: #288

عاتبني دكتور طارق وقال اني لم اكتب عن فترة جميلة قضيتها مع اولاد الطب

لسع يا طارق المواضيع جاية

وساكتب عن اكل الحمام في داخلية حسيب

وكيف كنت اقدم ليكم محاضرات في فنون الويست والهارت

ساكتب عن شموس وقدورة وعبد الرحيم الحرس

وبنات طب وصيدلة

وهاموش وامجد علي رجب واشرف عبد الكريم

ومناع وياسر ابراهيم

والايام المفتوحة في الفرع

Post: #290
Title: Re: اليوم الحار ومابنداريوم الهندسة والمعمار
Author: Elkhawad
Date: 02-27-2006, 06:16 AM
Parent: #289


خليل والشباب الوقت داك مجسل الكليه كان ابراهيم الخواض ؟؟؟


Post: #291
Title: Re: اليوم الحار ومابنداريوم الهندسة والمعمار
Author: khaleel
Date: 02-27-2006, 06:35 AM
Parent: #290

الخواض المسجل
ما كنت بعرفو

ممكن اكون ابراهيم الخواض احتمال

Post: #292
Title: Re: اليوم الحار ومابنداريوم الهندسة والمعمار
Author: khaleel
Date: 02-27-2006, 01:45 PM
Parent: #291

يا اخوانا(i cant beat the feelin)

عاودني الحنين لايام القط بعد اربعة اسابيع من حادثة الافك

وقلت امش اخد لي خشم خشمين وننسي الشول والشكل والذي حدث

لكني وجدت صدودا غريبا

ونسة بالقطارة وشخص غير مرغوب فيه بعد كل التضحيات دي

عدت للهندسة حزينا ودرب الحسرة في عيوني

شكوت قسوة القطة للصديق والمدرب المهندس احمد شبو

فقال لي يا خليل لو عايز القرب استحمل.

مرة تانية لقيتها باليل صدفة في بنشات المين رود وتجلس معاها واحدة

اتوكلت علي الوهاب الما ضهاب وسلمت وقعدت

الغريبة اليوم داك البت كان نازل منها ونسة وضحك ونكات

وانا اكاد اطير في الفضاء احلق

فجاة جات واحدة لابسة توب اسمها هدي

وسالت القطة بهمس دها منو دها

فاجابت القطة بهمس دها خليل فاجابت هدي بالله

بيني وبينكم اتعقدت

وسالت نفسي

اي خليل

الذي شتم البنات

خليل البحبني

وبعد مرور خمسة عشرة عاما

لم اعرف ماذا كانت تقصد هدي بكلمة بالله

نواصل في الحاصل

Post: #293
Title: Re: اليوم الحار ومابنداريوم الهندسة والمعمار
Author: mohammed elsaim
Date: 02-27-2006, 02:00 PM
Parent: #292

Quote: وبعد مرور خمسة عشرة عاما
لم اعرف ماذا كانت تقصد هدي بكلمة بالله
خليل

Quote: بعد معرفة عميقة وخبرة طويلة كل الذي عرفته هو انني لا أعرف شيئا عن المرأة
بلزاك

Post: #294
Title: Re: اليوم الحار ومابنداريوم الهندسة والمعمار
Author: khaleel
Date: 02-27-2006, 02:35 PM
Parent: #293

الصائم
وين ياخ

مازلنا في انتظار مساهمات وذكريات الشباب عاطف مرسي والبقية

وناس كندا برضو

Post: #295
Title: Re: اليوم الحار ومابنداريوم الهندسة والمعمار
Author: mohammed elsaim
Date: 02-27-2006, 09:15 PM
Parent: #294

خليل تقبل السلام الحار من نزار فقيري... كهرباء 88..
والله ياخي مازلنا فى الانتظار للحكاوي من عاطف مرسي والشلة.. مشكلتنا الويك ايند برامجه كتيرة..
أثناء أيام العمل الكتابة صعبة مع نقر الماوس...
ناس كتار وعدوا بالمساهمة فى اثراء البوست.. سنحاول استنطاقهم... وأولهم المعماري ياسر عبدالله..

Post: #296
Title: Re: اليوم الحار ومابنداريوم الهندسة والمعمار
Author: khaleel
Date: 02-28-2006, 05:40 AM
Parent: #295

تحياتي
الصائم
ونزار فقيري

وناس كسلا الحلويين

وقول ليه خليل قال ليك

ما بنسي فيك يا كسلا ليل قضيتو سعيد

Post: #297
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-28-2006, 10:36 AM
Parent: #296

التحية لكل اولاد كسلا يا خلي ويا الصائم....

طارق السنوسي..وهيثم المبارك اللعاب..(المناضل)..وحسين علي عمر

ومزاحم..والرشيد واخوه بهاء الدين و ولفاطنة كسلا..و محمد طيفور..وياسر الغناي...

فاولاد كسلا كانو طاعمين ..ياخي ولهم جميعا السلام..والشوق الكتير

Post: #298
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-28-2006, 02:16 PM
Parent: #297

Quote:
فجاة جات واحدة لابسة توب اسمها هدي

وسالت القطة بهمس دها منو دها

فاجابت القطة بهمس دها خليل فاجابت هدي بالله

بيني وبينكم اتعقدت

وسالت نفسي

اي خليل

الذي شتم البنات

خليل البحبني

وبعد مرور خمسة عشرة عاما

لم اعرف ماذا كانت تقصد هدي بكلمة بالله

نواصل في الحاصل



سؤال كبير..ياخليل..وبفتح جدل فلسفي كبير حول المراة....

وعاوز منظرين وفلاسفة كبار.....

لكن لو عاوز راي اتخيل لي (بالله..دي) يمكن الواحد لو فضي ممكن يكتب فيها كتاب

Post: #299
Title: Re: اليوم الحار ومابنداريوم الهندسة والمعمار
Author: khaleel
Date: 02-28-2006, 02:46 PM
Parent: #298

وانا قادم من دوام المساء

غشيت محل كاسيت ولقيت شريط قديم للطيب عبدالله

واشتريت هذا الشريط وكانت رائعة مبارك المغربي

ارض الحبيب

شوقي ليك طال قلي متين اراك

فطاف بليلتي خيال الندامة

طريت القطة يا اخوانا وطريت الجامعة والسودان

ومر بي شريط الذكريات وشرحبيل يغني في دار الاتحاد والقطة بجانبي

ومر بي المين الرود والقطة بجانبي وكافتريا علوم واقتصاد

والقطة تزورني بالهندسة


ما بقدر اقول غير

وجرحك يا غرام الروح لا طاب لا بدور ابري

Post: #300
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-28-2006, 02:56 PM
Parent: #299

والله ارهاف واندياح...ونهر من الذكريات يا ابو الخل...

ونشهد انك عشت الف عام وعام...وانك عاشق كبير...لكن الكورة مابتدي حريف....

... لاعليك يا ابو خليل...فهذاهو ظلم المراة..منذ عهود قديمة..

فليكن عزاك في ملحمة (غرامشي)... يا عطيل (سودانيز اون لاين)
http://www.alkabli.net/kabli%20mp3/HabibataUmri.mp3

Post: #301
Title: Re: اليوم الحار ومابنداريوم الهندسة والمعمار
Author: khaleel
Date: 02-28-2006, 03:19 PM
Parent: #300

وريني كيف انساك

وانت حرت في امري

سجلت ليك روحي ووهبت ليك عمري

اقضي الليالي انوح واسامر الانجم

واسجع مع القمري

عشت يا كريم موفور القيم

يا صارم القسمات يا حي الشعور

Post: #302
Title: Re: اليوم الحار ومابنداريوم الهندسة والمعمار
Author: khaleel
Date: 03-01-2006, 05:57 AM
Parent: #301

سنة خامسة كانت سنة حزينة برغم من ايام الربيت في تانية لكن سنة خامسة لم استمتع بها

وكلام محمد ميرغني صاح لما ( وجيت براك اهو دها العذاب اتحملو)


مشروع التخرج كان بالاشتراك مع المهندس ابوبكر حجازي وكان يعمل لوحده يذهب للحزام الاخضر

ويحضر مياه المجاري المعالجة ويذهب بها للمعمل وانا اتفرج واحارب طواحين الهواء

مع الحب من طرف واحد دها.

لكن برضو الشباب كانو بحاولو اخرجوني من عالم القطة دها

ناس شبو والتجاني والحارث واشرف منير ومبارك واحمد محي الدين وعزالدين الكير وحامد اسناي.

يوم قلت انا اعمل راجل واحاول شوية استرد كرامتي

المهم لقيت القطة في المين رود وانا طالع خارج الجامعة فرفضت ان اجي واقدم

فروض الولاء والطاعة لم اسلم عليها

وظلت تراقبني وانا اراقبها بالنظرات حتي خرجت من باب الجامعة الرئيسي

وسط دهشة الحكم الغيني نفسه

Post: #303
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-01-2006, 10:42 AM
Parent: #302

Quote: وظلت تراقبني وانا اراقبها بالنظرات حتي خرجت من باب الجامعة الرئيسي

وسط دهشة الحكم الغيني نفسه


والطلعة...الياها...

وحليلك ياخليل...وحليل الجامعة..وحليل اولاد عمك زهير...(اشرف..وامجد...)..

لهم التحية..فقد كانوا مثالا..للاخوة والنبل..والتواضع

Post: #304
Title: Re: اليوم الحار ومابنداريوم الهندسة والمعمار
Author: khaleel
Date: 03-01-2006, 02:18 PM
Parent: #303

الله يا كريم

عائز تخليني اتكلم عن التميان حبايبي امجد واشرف زهير علي نور

عرفتهم سنة ستة وتمانين نهاية سنة اولي بتاعتنا وجو بعدنا وهم برالمتنا

ديل احفاد المهندس علي نور شاعر الخريجين

وجدهم الاخر السيد محمد الامين حامد رجل البر والاحسان

وجدهم الاخر شيخ الفيل مفتي السودان

يعني التيمان حبايبي من اعظم اسر امدرمان

ولو عايز اكتب عنهم محتاج لخمسمائة لالاف الصفحات

كل ذكرياتي من ستة وتمانين مع هولاء التيمان

يعرفون عني اي شي حتي الدائرية اللعينة

وحتي بعد التخرج لا افارق منزلهم

نعم اولاد مثال للتواضع والقيم والمثل النبيلة

يفرحون لفرحك ويحزنون لحزنك


ولهم علي ايادي سابقة اعدد منها ولا اعددها

قاتل الله الغربة وحتما نلتقي هكذا يقول القلب

Post: #305
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 05:31 AM
Parent: #304

عدت للبركس مزهوا بنشوة الانتصار الليلة قدرت (اتقيا) القطة

قابلت المدرب الجديد محمد جمال ومساعد المدرب ابو الدرداء

وحكيت لهم الموقف اشاد محمد جمال

وعمل لي دعامات نفسية

يا خليل انت رائع

يا خليل انت انيق

كثيرات ينتظرن خليل

لكن خليل لا يري الا في الظلام

خليل هذه القطة ستفسد عليك بهجة الحياة.

لكن هل يا تري

يستطيع خليل مقاطعة البضاعة( القطية)

تابعونا وفالكم طيب

Post: #306
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-02-2006, 12:53 PM
Parent: #305


سلامات خليل وجميع الزملاء والمشاركين والزوار،
أتصل بي واحد قال لي ألحق ناس الهندسة هبشوك، شايف إسمك في اللستة،
جيت خات إيدي في قلبي، قلت يا ربي أكون في القائمة السوداء ولا شنو،

بس برضو كنت مطمئن شوية لعدة أسباب أولها أنني لست عضوا نشطا في هذا البورد العام والممتاز لكون الفرصة للأسف لم تتح لي بعد وبهذا أظنني بعيد بعض الشي من مرامي النار، وتحديدا المرخيات!،
والسبب الثاني أنه لا يجمعني شي بناس الهندسة والمعمار غير أعظم شي : كفتيريا الإقتصاد، فقد كانت ميولي أدبية بحتة وكان حيادي في رهط المحايدين أيضا أدبيا!،
والسبب الأخير هو إنني كنت مدربا ولست لاعبا وكل طلاب الهندسة والمعمار كانوا لعيبة وبالتالي فإن العلاقة بين المدرب و اللاعب ليست علاقة تنافسية وبالتالي لا أتوقع شخشخات قديمة ( إنت براك إعترفت بالحتة الحقيقة دي يا خليل)
وان كان من أصدقائي في مرحلة محددة الأخو خالد شيخة (لهو مني شوق كبير) برغم كل شي لا أدري لماذا!، وعندي أمنية أن تكون جميع الروايات الجديدة كاذبة، لظني ان القديمة يمكن ان يشملها عفو الملح والملاح (سودانوية).
بالمناسبة دي انا مستعجل شوية عشان أسأل من أخبار بعض الإصدقاء العزيزين أمثال وليد القرود ونادر كوبر والنور و أبو الدرداء (ولسه حا أكمل اللستة وقت تاني) هسه مستعجل شوية والجليد بدأ يتهافت على الأسفلت وعلي المضي الى أقدار أخرى قاسية ومرة لا تشبه حلاة هذه الذكريات،
في الختام أود ان أشيد بفكرة هذا البوست، وسأدعو واحد من جلاميد الإقتصاد لشف الفكرة (وهذه دعوة للجميع عبر هذا البوست وبالذات المحايدين) نحن في الإقتصاد كنا الراس وكنا الفاس وحتى بناتنا البرلومة منهم فاس،
ونحن ناس كرم وشهامة، لما مرة واحدة زعلنا عملنا حركة سياسية برانا سميناها المحايدين وحلفنا طلاق أي زول إتفضل بس الحوش كان حوشنا مهما كان وحوله إسود، وجونا شوية إسود زيادة من أحراش شمبات و عدد مقدر من نمور جناين تربية والطب والصيدلة وكمان لا أنسى فضل محمية الهندسة والمعمار ، وبرضو في ناسات إسمو الشهامة إختراق! والله كلام.
وبرضو تقول لي شنو وتقول لي منو يا خليل.
في ختام الختام أود ان أشكر خليل وجميع هؤلا الذين أضاؤء الذاكرة، لهم مني المحبة.
خالص الوداد
محمد جمال الدين





Post: #307
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-02-2006, 02:12 PM
Parent: #306

والله زمان محمد جمال..ونشهد بانك كنت من..زينة شباب ذلك الجيل في الثقافة..

واذكر انني لاول مرة اسمع الحديث عن المقارنة..بين الاديان..

ومقارنة النصوص في القران و الانجيل.. بوعي وعمق كبير..وكان ذلك في حوار

رائع لك مع ابو الدرداء..في احدي ليالي البركس الجميلة

لك السلام..

.وبعد ده نخش في موضوع..اقتصاد وهندسة بعد نشوف راي الخبير

خليل..في هل سنفتح نار..ولا نعتبركم قوات صديقة...

Post: #308
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-02-2006, 02:16 PM
Parent: #307

ونعود مرة اخري للتداعيات العاشق خليل..وبعد ظهور احد مدربيه الكبار...

ونتمني ان يواصل ابو الخل سكب الدمع السخية...في افادات جيل..

ودي عشانك يا ابو الخا...

http://www.sudaneseonline.com/SudaneseMusic/music/MohamedWardi/bainy.mp3

Post: #309
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 02:19 PM
Parent: #306

محمد جمال

الانيق المثقف

انت كنت مدربي شئت ام ابيت وكنت تضمد الجراح ولو قلت الاسماء الحقيقية حاتعرف من هي الشول ومن هي القطة

نعم يا محمد جمال لنا ذكريات جميلة

مع جيهان اداب والفاتح والرشيدحامد وصباح

وابراهيم حسبو

وحاعمل ايميل بالجاسوسية اوريك الحاصل

والبنات البحكي عنهم ديل برضو كانو اصحابك جدا

وقد ذكرت لي في مرة من المرات

انك اكتشفت من قبولهم بالجامعة انهم من ناسك

ولك عبارة ظريفة

انت قلت لي

اقذف بها لدائرة العدم

وعبارة تانية

اني لا احب الافلين

اتذكرت يا محمد جمال

انا اصلو منذ الابتدائي امتلك ذاكرة كالرصاص

وكان استاذ عبد المجيد في الابتدائي

هذا الخليل ذاكرته ستقتله

اكتب لي في العنوان التالي

[email protected]

وعشان ما تنسي ذكرتك وقلت براك بتذكر

Post: #310
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-02-2006, 02:51 PM
Parent: #309


خليل، أيها الولد الشقي، انا عرفتك تب. oooooooooooh my god
بس حاول هدي اللعب شوية،

واللا أقولك على كيفك، يا زول يا تعب.
لأنو أصلو انتا ما حا تسكت.
قال : (اقذف بها لدائرة العدم) قال. هسه أخوك في قمة الدائرة.

أنا في حلم والله علم!. دا كلام عجيب، دا كلام انا ما قايلوا لسه في الخاطر.

عبدالكريم ، يا حبيبي انا برضو كشفت نومتك، دا شنو دا، إننو وين هسه وطلعتو من وين، ملاعين!. OOOOOOOOOoooh my god

بس برضو سأقبل إطراءكم، إنه الود، إنه حلمي في أن أبادل الود والحب، يا للبهاء يا للجمال.
انا هسه مشدوه على وتر الربابة
يا للضياء
وسأعود،

حتما نعود


محمد جمال الدين

Post: #311
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-02-2006, 03:22 PM
Parent: #310

نعم يا محمد جمال لنا ذكريات جميلة

مع جيهان اداب والفاتح والرشيد حامد وصباح

وابراهيم حسبو

وحاعمل ايميل بالجاسوسية اوريك الحاصل

(أعلاه من رواية الخليل)
---------
انا هسه ببكي،
سأخصص هذه الليلة للبكاء المر (لغسيل الروح) لإهدار طاقة الوجع، ليلة واحدة لنبكي، لا يضير بل ينفع، غدا نستطيع أن نعمل بطريقة طبيعية. سأدعو من يستطيع البكاء للمجاملة، الامر جدير بالبكاء، الرجال أيضا يبكون مثل النساء تماما لا فرق ، إنهم بشر. انا أدعي انني بشر، والدليل أنني أستطعت البكاء، أنا الآن لدي شهادة في يدي ................
[email protected]
ذاك هو مكان العزاء لمن أراد أداء الواجب
محمد جمال الدين

Post: #312
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 03:44 PM
Parent: #311

محمد جمال

انت عشت معي كل الام المخاض

وانت تعرف اني لم اذنب

قدمت كل ما استطعت ولم اجد غير الصدود

واحمد شبو صديقي كان قد الف لي قصيدة

كان يقول فيها

ولو توما عشقت لقلنا خيرا

ولكنه قط واعتيادي

ولو نارا نفخت بها اضات

ولكنك تنفخ في رمادي

نعم انت شاهد علي العصر

شهدت اتراحنا وافراحنا

وحبنا الضاع وتغير الاضواع

انت تعلم انه كان حب من طرف واحد

ولكني لم استتطع حمله وحدي

فحملته معي وابو الدرداء وحسبو والاصم وشبو واحمد محي الدين وحجازي وامجد واشرف وبرناباكان جارة

ونوال حجا ولواحظ

وكل زول كلمتو عنك

قال كتير في الحب دها بحصل

ناس بتمشي سنين طويلة

لكن زي ما قال سيدنا عمر

انما يبكي علي الحب النساء

وهذه دغدغة علي الذاكرة

وناس بدون ما تمشي توصل

Post: #313
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-02-2006, 03:57 PM
Parent: #312

ياسلام يا محمد جمال...

ويا سلام ياخليل...لقد مررنا معا علي بقعة..علمتنا اجمل معاني الحياة..

وهي الصدق...والنبل..والحب...والتواضع

وخليل..طال الزمن..و غادرت الشواطي كثير من السفن..وصادق المطارت والمنافي...رغم ذلك

ظل ذلك الوهج..والثقب الذي احدثته تلك الفتاة...غائرا..لن يندمل...


اجل فلنجعل يومنا هذا للبكاء...يوم ان جاء الينا بعض رسمك بين السطور

لتعيدنا..مرة اخري الي ذلك الزمن الجميل.....

Post: #314
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 04:03 PM
Parent: #313

كريم

ليس هناك اي ثقب

هذه ذكريات

وتعرف اني كسرت القيد والطوق

وحتي الذكرة ما بطل ولا شايلاها اعماقي

والقطة الان لها اربعة اطفال وتعيش سعيدة مع زوجها

اهنا وانت بعيد

مجرد تداعيات

وعيناك والجرح القديم

Post: #315
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-02-2006, 04:05 PM
Parent: #312

Quote: محمد جمال

انت عشت معي كل الام المخاض

وانت تعرف اني لم اذنب

قدمت كل ما استطعت ولم اجد غير الصدود


يا لقيس
والله انت قيس. إنت لسه كدا، صادق الوعد!؟. يا لك!. وانت كل هذه الذاكرة؟. يا لك من شقي، وتعيس، ونبيل.
انت عشقت فتاة نافرة لم تجد منها غير الصدود، ونحن جميعنا (رجالا ونساء في كل الكليات) عشقناك فلم نجد منك غير الصدود. كل تلك العبارات والمعالجات لم تسمع لها، يا لك!!!!!!!!
تستاهل (أنا شمتان)
محمد جمال الدين

Post: #316
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 04:13 PM
Parent: #315

محمد جمال

ولانني وقفت بين بين بكيت مرتين

لا انتصرت لا انهزمت رجعت نادما

ولو كان عصيت امرك انا وسبتك

محلق في خيال الامكنة

ما وريتني النجوم عز النهار متلونة

شكرا محمد جمال

شكرا علي سهرك معي

شكرا علي تحملك كل هواجسي ووسواسي

في ذلك الزمن الجميل

واهو نحن في الاخر سوي

باعنا الهوي

وماشين علي سكة عدم

Post: #317
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-02-2006, 04:34 PM
Parent: #316

Quote: شكرا محمد جمال

شكرا علي سهرك معي

شكرا علي تحملك كل هواجسي ووسواسي

في ذلك الزمن الجميل

واهو نحن في الاخر سوي

باعنا الهوي

وماشين علي سكة عدم

I love you
نحن بنتكلم في حتة عامة ولا خاصة لا يهم، ليس لدي طاقة للتحرى عن الجدوى. لا يهم، نحن نتعرى أمام الذات، أمام الحق، والتعري أمام الحق يقتضي التعري أمام الناس.
بس انا من زمان (الزمن داك) كل كلامي معاك انو ليس بالضرورة إنو نحنا ماشين على سكة عدم، نحن كنا وما زلنا في سكة الحياة.
محمد جمال

Post: #318
Title: Re: اليوم الحار ومابنداريوم الهندسة والمعمار
Author: khaleel
Date: 03-02-2006, 05:02 PM
Parent: #317

محمد جمال

كل الجراح زمانن راح

نعم نحن في معترك الحياة المليئة بالورود والاشواك

وبالصبر داوينا الجراح

ومضي كل الي غايته

بس كلما اكتب في هذه الذكريات

يمر بي شريط واعيده من اولو

وكانه لم تمر خمسة عشرة سنة

يمر بي المين رود وابراهيم حسبو

بطوله الفارع

وابو الدرداء بنظارته وحكمته

ومحمد جمال باناقته والتي شيرت البلو

نعود للماء وللنار

نعود للقداسة والسياسة

ومامون حميدة والمقاطعة والحصار

والغاء السكن والاعاشة

ودقة الكيزان

وكوسو منار

شريط شريط رهيب

يدور في مخيلتي كطواحين الهواء

Post: #319
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-03-2006, 07:34 AM
Parent: #318

أنا قايلة كورة.... أول ما شفت عنوان البوست، عشان كدا ما دخلت الا محرش، أقوم ألقاه شاكوش، والآن مناحة وأظن بعد شوية سياسة، لكن سيظل شاكوش خليل محوريا. لذلك اذنو لي أن أعرفكم على خلفية هذا الشاكوش، وممكن بعد داك نمشي على الحتات التانية.
خليل ؟.
جسد ينوء بروح لا يقوى عليها،
ولد شفيف،
متعطش للحب، ذكى وشاطر أكاديميا، وذو مواقف رائدة، بإختصار رجل واضح القسمات حي الشعور، لكنه لا يخلو من الحياء. حياء فائض وكان ذلك هو أحد أهم المعوقات، وسبب مباشر لشاكوشه التاريخي بحق. شاكوش مدنكل. يستطيع الواحد منا ان يقول بإطمنان إنه أعظم وأخطر شاكوش حدث في مباني كلية غردون التذكارية.
الطرف الاخر قطة نافرة، هيفاء، نغنغاء (من نغنغة)، غريبة الأطوار كثيرة الأنوار، لا تجيد الحوار، لا تستهلك من الكلمات غير لا أو نعم وتكثر من ال لا كثيرا. تتفضلي معاي علي ليمون بزنس: لا، أشوفك بعد المحاضرة: لا. كانت أصيلة وكانت تعرف ماذا تريد بالزبط، وكانت بالطبع جميلة.
خليل كان معظم الوقت مراغبا فضوليا من على مرمى حجر، كان كأنه يخشى الإحتراق، في الحقيقة كان يحاول قدر الإمكان تأجيل لحظة النار، لكن لا بد مما ليس منه بد. كان يتربص بها كنمر جائع في إنظار اللحظة المناسبة للهجوم. لكن الغزالة كانت متيقظة، وكانت تراقب النمر بدورها. النمر تأخر قليلا، وأكثر من الحسابات، كان جسد خليل النحيل في أصله بدأ يتحول الى كيس نايلو ن تزروه الرياح، كان كيسا معبأ بالروح القدس، وحزمة مهولة من الإشعاع تكفي لصنع أربعين قنبلة نويوية.
لم يحدث هجوم بالمعنى المعروف في تلك المواقع، وانما حدث شي أشبه بالخرافة لا توجد لغة لوصفه. كان الشاكوش يعتمل في الحكاية منذ البدء،
كان شيا غريبا في الحقيقة،
هل كان حب من طرف واحد كما يحلو لخليل توصيفه؟.
ما هو الحب إذن؟.
مرة جاني خليل الساعة اتنين صباحا في غرفتي، صحاني من النوم، لازم أجامل، قشيت عيوني، وطبعا كان واضح انو الموضوع القطة بس قلت الليلة بكون في كارثة كبيرة، طلع مافي كارثة بس في سؤال صعب.
في الحقيقة السؤال كان كارثة بالنسبة لي، قام قال انت قبيل قلت لي دا ما حب، طيب دا شنو؟.
حاولت أتخارج بدبلوماسية، قلت ليه أول حاجة دا ما قبيل دا كان أمبارح، وطبعا بصراحة انا ما كنت بتذكر كل الكلام البقولو ليه، وإتعذرت بإني تعبان ونعسان، لأني كنت عارف دا موضوع لو إتفتح تاني مافي نوم لي انا وهو أصلا ما فارقة معاه.
وانا في الحيقة ما كان عندي إجابة قاطعة. بس يا زول قمت ليك بدري على المكتبة (المين) والأداب ما خليت طوق الحمامة ولا الكامل في التاريخ ولا إلخ، أكسر اليوم كلو (الله إقطع خليل كسر طهري) كنت عارفو ما حا يريحني. لازم أكون جاهز. بس أحسن تعريف لقيتو للحب كان في دائرة المعارف البريطانية،
كالتالي (على ما أذكر):
الفتاة التي تحبها هي الفتاه التي تشتهيها جنسيا اكثر من بنات جنسها،
وتشاركك على أقل تقدير حد أدني من الرؤية في الحياة،
وتتبادلان حد أعلى من الإحترام. بس كان كدا.
ودا معناه أي حاجة من الحاجات دي تنقص بكون دا ما حب، دي أي حاجة تانية.

بس قلت انا أمشي على خلي أهزمو ليك بالرؤية المشتركة (القطة كانت حنكوشة وشهادة عربية وغنيانة ومنغنغة وأصلو ما في أمل في رؤية مشتركة) .
والشاكوش يتواصل.

محمد جمال

Post: #320
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-03-2006, 08:15 AM
Parent: #319

Quote: أعظم وأخطر شاكوش حدث في مباني كلية غردون التذكارية


ياسلام...يا محمد جمال ..ياخي..لازلت بذلك الوهج والتالق الذي تركناك فيه.منذزمن طويل...


جميلة تلك الافادة التاريخية من مدرب..لايشق له غبار

Post: #321
Title: Re: اليوم الحار ومابنداريوم الهندسة والمعمار
Author: khaleel
Date: 03-03-2006, 03:38 PM
Parent: #320

اليارق محمد جمال

تفاصيل قولي والمجمل

ساصبر ياخي ايه اعمل

اذا قلب الفتي اتحمل

مصائب الدهر والامه

اري الصبر الجميل اجمل

الفرقة لسع حاصلة وبقاسي الالم

وانتهت امتحانات ناس القطة وكان الوقت ليلا

مررت انا والصديق ابراهيم حسبو

وجدت القطة في بنشات المين الرود

والشول تقف الي جوارها والدنيا اخر سنة

لم اسلم عليهما

واحدة صديقة الشول وانت تعرفها

تكلمت بحسرة مع ابراهيم حسبو لاني تجاهلتهم

يا ابراهيم والله ناس خليل ما عرفو اقيمونا

القطة كانت جالسة حزينة وبرضو لم احييها

وكانت هي السبب لانها اخرجت الكلام الجارح القبيح الذي تفوهت به انا

في لحظة جنون.

وكانت عبارتك الشهيرة يا محمد جمال

بان القطة لم تحفظ كرامتك واخرجت اخطر كلام

وزي ما قالت الست

اصحيح حديث خنت او لم تخني

ونواصل

Post: #322
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-03-2006, 04:15 PM
Parent: #321

أنا تعبت عشان ألقى رد على سؤالك: طيب دا شنو؟.
حب والا لا؟.
قربت أقول ليك دي عوارة يا عوير (الحقيقة) بس قلبي ما طاوعني.
مشيت ذاكرت عديل (أقرأ الكلام فوق). بس كانت إجابتك محبطة، مجرد بيت شعر من أغنية:
في حب يا أخوانا أكتر من كدا!.
يا لك من تعيس. ويا لي من رجل تعس بتعاستك (بس برضو عوارتك عوارة صادقة، أيام كانت الدنيا أحلى من كدا).
ِAny way
بلغ تحياتي لإبراهيم حسبو، فقد إلتقيته قبل عدة سنوات في أمستردام في ظل ظروف غائمة، فيها حابل ونابل، لما كانت الدنيا في لحظة أغمض من كدا، وانا لا ذنب لي غير المحبة، حبة حبة، إبراهيم بدوره طاحونة أرق وذكاء لا حدود له، ودنياه عجيبة، وليس لي أن أخش في شأنه وهو (لا علم لي ) ليس بيننا الان. له مني حب لا حدود له. ولكل الأحباب محبة.
وخلينا نشوت مع المحايدين (سياسة)
أحسن كدا مش كدا؟. مجرد إقتراح، عشان ننسى وكدا.
محمد جمال الدين

Post: #323
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-03-2006, 04:37 PM
Parent: #322

بس ما معني كدا (تجده أعلاه) حا ننسى تحليل الشاكوش التاريخي، إلا تقول الروب.
ولو إنني أعترف بأنك رجل إحتفظ بكرامته برغم الشاكوش وفي كل الأحوال (كانت معادلة صعبة) لكنك كنت موفقا في الإنسانية والكرامة، في الصبر والجلد، وفي الرد بالمثل في كثير من الأحيان، كنت في كل الأحوال السيئة كجلمود صخر حطه السيل من علي.
يا لك من شقي.
م. جمال

Post: #324
Title: Re: اليوم الحار ومابنداريوم الهندسة والمعمار
Author: khaleel
Date: 03-03-2006, 04:43 PM
Parent: #322

محمد جمال

والله ما كنت عايز اخش في هذه الذكريات المولمة

ولكن طلب مني الاخوة في كندا وامريكا واستراليا والسعودية والامارات وقطر والسودان

بالكتابة عن القط .

وانت عارف انا بحب سيرتو وقصتو وقصتنا يا اجمل حقيقة.

ونستميح الشباب عذرا بان نقفل موضوع القط

وهي الان متزوجة من كوز غنيان وتخرجت طبيبة بيطرية كبيرة جدا

وتسكن الرياض

التقينا في زواج قبل سبعة سنين

وكان السلام من بعيد وكانت النظرات بس

وكان لسان حالي يقول

هذه الكعبة كنا طايفيها والمصليين صباحا ومساء

كم عبدنا الحسن فيها كيف بالله عدنا غرباء

Post: #325
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-03-2006, 04:57 PM
Parent: #324

إذن إنتهت قصة القطة (فايل تم إغلاقه).
الجامعة أكبر من كدا، السودان أكبر من دا والدنيا العريضة بالطبع أكبر بكتير من كدا
مش كدا؟.
بس ما في حاجة أكبر من خليل (الإنسان أعظم من الكعبة، حديث نبوي)
تصبح على خير، خير كبير

محمد جمال الدين

Post: #326
Title: Re: اليوم الحار ومابنداريوم الهندسة والمعمار
Author: Muna Khugali
Date: 03-03-2006, 05:13 PM
Parent: #325

وهكـذا اسـدل السـتار علي قصـة خـليل مـع القطـة التي تابعنا تحـركـاتها مـع الشـول...وحـتي لحظـة حفلة زفـافها مـن الكـوز الغـني..
يالله ياخليل عـذبت ونجضـت اصحابك كفاية في الجـامـعة..يلا لم حـنيتك عليـك امكـن تلقي قطـة تانية مخـالبها نقلوعـة منها...تشـوف طـيبتك وشـطـارتك وخـفـة دمـك وتقـوم تحـبك...لكـن لازم تستفيـد مـن مجـهـودات سـنـد في تعريف الحب قبل أي تورط حلمان آخـر يجـيب وبعـد الشـر عليك...أجـل الباقي مـن عمـرك..

مـني

Post: #327
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-03-2006, 05:48 PM
Parent: #326

خلاص يا خليل خلصت حدوتك بتاعة القطة?? أنا من زمان منتظرك تنتهي عشان أبدا قصة كديستي!
خوفتكم مش كده?

Post: #329
Title: Re: اليوم الحار ومابنداريوم الهندسة والمعمار
Author: khaleel
Date: 03-04-2006, 05:46 AM
Parent: #327

محمد جمال

مني خوجلي

محمد الصائم

كريم

والله علي كيفكم ما عايزين احكي ليكم يوم الزفاف بتاع القطة ومباركتي ليها

وما عايزين تعرفو لما عزمها ود خالتها صاحبي حفلة بعد اسبوع من الزواج

والله حايفوتكم خير كتير

وما تعرفو لما احمد زهير جاب لي ابن القطة وعرفني بيهو

وقمت حضنتو وقلت ليهو يا (ضناي)

نعود مرة اخري للسياسة والجامعة

Post: #328
Title: Re: اليوم الحار ومابنداريوم الهندسة والمعمار
Author: aydaroos
Date: 03-04-2006, 05:43 AM
Parent: #1

kaif ya shabab...
walah mushtageeeeeeeeeeeeeen
imad aydaroos

Post: #330
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-04-2006, 06:04 AM
Parent: #328

Quote: وما تعرفو لما احمد زهير جاب لي ابن القطة وعرفني بيهو

وقمت حضنتو وقلت ليهو يا (ضناي)

أنا بقى من رأيي تواصل




أنا من زمان عارفك (في الحتة دي) حالة ميئوس منها، قال ضناي قال:
انت كدى خاش في الغريق، واصل، نحن حا نتابع.
م. جمال

Post: #331
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-04-2006, 06:07 AM
Parent: #328

وينك يا عيدروس تورطنا في الغربة....وترجع....لك تحياتنا...واشواقنا

كيكي دوت كوم

Post: #332
Title: Re: اليوم الحار ومابنداريوم الهندسة والمعمار
Author: khaleel
Date: 03-04-2006, 06:20 AM
Parent: #331

محمد جمال خلاص

امسك مقود السيارة

عايزين نعرف قصة مقاطعة الامتحانات

لانك كنت تعمل داخل مطبخ الاتحاد

عيدروس

نسائم عطبرة الحلوة تهدينا وترسينا

وين ياخ

تغيبني وتفعل مثل هذا

Post: #333
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-04-2006, 06:32 AM
Parent: #332

قصص الإتحاد والمحايدين والمقاطعة مهمة جدا بس ممكن نفتح ليها بوست خاص بقيادتك،
هسه، واصل شوية مما إنقطع عن القطة، فإنها من قصص الحياة.

وانا حا أحكي ليك في وقت آخر (إمكن الليلة بالليل): مغامرتي من الأجل الإنتقام لك ولجميع الجنس الأغبش من جميع بنات الشهادة العربية، إنها عاصفة الكرامة (وكانت ورطة بجلاجل)!!!!!!

قلت أحبهم ونتحابب وأشوكشم كلهم (كلس والا لا)
وبديت بالفعل بإتنين، وكانت قصة!

م. جمال

Post: #334
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-04-2006, 06:58 AM
Parent: #333

والله شعلبت,,,,

والقصة جابت انتقام جيل


كلنا...الان سكون....ومنتظريين

Post: #335
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-04-2006, 10:55 AM
Parent: #334

ابراهيم احمد ابو سمرة....

.لابد ان يقف البوست هنا قليل....ا لاحي

صديقا من ماء الذهب....شطارة وتسكع....شعر...وتواضع

كان اعلي الجميع صوتا...وكان من كبار مشجعي الهندسة...

وترقي الي اكبر مشجعي الجامعة.....

كان من امهر الذين يجيدون لعبة كرة السلة...

وكان اساسيا..في هذه اللعبة في منتخب الكلية والجامعة...

لك التحية يا ابو سمرة....ولليدي اميرة....بت

القانون.....والدويم

وطاال الزمن الا ان خليل ببوسته هذا اعادنا الي ذلك

الزمن الجميل...وتحياتي لاخوانك واولهم الدكتور ايمن...واخوك بتاع الفرع اسامة...

واالثالث الذ منهم جميعا...ولكن الذاكرة اصبحت اكثر خرابا....

Post: #336
Title: Re: اليوم الحار ومابنداريوم الهندسة والمعمار
Author: khaleel
Date: 03-04-2006, 03:40 PM
Parent: #335

والله يا كريم جبت خبر

واتكلمت عن شخصية من الشخصيات العظيمة بكلية الهندسة

انه الرمز ورفيق الدرب ابراهيم احمد ابوسمرة

ود اللواء

ود استاذة عوطف

شقيق اسامة وايمن وامجد

وزوج الرائعة اميرة عبد الستار

ود الخرطوم غرب واخيرا الرياض

الشاعر الفحل

لاعب الباسكت الشهير

ممثل الجامعة في يوغسلافيا

قاري الشعر للفاتنة مها زكريا

وهي ما جايبة خبر

لان ابو سمرة كان يقرا لها شعرا من عيون الشعر العربي

وهي تفهم الشعر من عيون الانجليزي

ابوسمرة بعض من تخيلنا لو لم يكن بيننا لاخترعناهو

كان جمهور الكليات التانية يشاغلونهو في السلة وكان يرد باسكور

والله لو يكن ابوسمرة بكلية الهندسة لنقصت ركنا كبيرا

عاد الان من رحلة الاغتراب من السعودية

والان يعمر ارض السودان مثل والده الله يرحمه

والاستاذة الفاضلة والدته

Post: #337
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-04-2006, 03:43 PM
Parent: #335

عووووووووك
عماد عيدروس!!!!!!!!!!!!!!!!!!!!!!
وينك ياراجل برائحة القرنفل وطعم العسل ومذاق القهوة بالجنزبيل..

كنت ومازلت مستغربا أنني لم أرك على السايبر ولو ليوم!! وانا سامع انك مازلت تعاقر التكنولوجيا ولم تعتكف في خلوة صوفية شيوعية في عطبرة الحنينة!!! هذا اذا نجوت من معتقلات الكيزان وأياديهم..

حليلك وحليل أيامك... يافردة البروجكت... وحليل أيام الكوتش وامتداد المكتبة و جخانين علوم مع سوسن النخلة وبرمجة مشروع التخرج مع صغيرون... أيام ألبس بنطلونك للقشرات وتلبس قميصي فى انتظار نظافة قمصانك..
حليل ناس الكج وأبوبكر عثمان وعبدالرحيم عمر وعثمان راجل الطاحونة وعبدالمنعم حنكوش أمبده..
وينك ياعيدروس ياأسرع من يقرأ كتابا خيالا أو علما في كل الجامعة وحتى الصباح.. حليلك وحليل توباز وحسناء هافانامع الجاسوس الفرنسي وعازب صيدا مع الباشا التركي..

Post: #338
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-04-2006, 03:58 PM
Parent: #337



محاولة إنتقامية

أم صراع طبقي



ناس الشهادة العربية وما أدراك ما الشهادة العربية!

حكاية براها
الجامعة البنعرفها كانت مقسمة طبقيا بطريقة تبدو بسيطة ومحكمة، واضحة جدا للجميع:
ناس غبش (الأغلبية المكنيكية) وناس حناكيش (الأغلبية النوعية)
وطبعا في ناس نص نص، زي ما في ناس بتتحنكش في ناس ولو بسيطة (بس مهمة) بتتغبش (زيي كدا بالزبط!) والغباشة لأول مرة في التاريخ في هذه الحتة بالذات إكون معناها الوعي.
وفجأة تختل المعادلة القديمة وإجو ناس أحنكش من الحناكيش
يا ستار،
طبق فوق طبق،
الأغلبية النوعية عضدت بنوع أنوع،
يا للوعة الغبش،
فإنهم يدرون أنهم مهمشون ولا يدرون ماذا يفعلون، مامون حميدة شغال إرفد فيهم ، وثورة التعليم العالي تقلق منامهم، وجهاز الأمن هاك يا إعتقالات وجلد، ومرات إغتيالات طعنا ثم رصاص وهلم جرا،
مرات لما الواحد إزعل من روحو إقرب إقول ليهم هو القال ليكم أبقو غبش منو؟ ما كان تتصرفو كدا ولا كدا.
نرجع للمحاولة الإنتقامية،
نخلي الفلسفة،
،خليل كان موجوع وجع شديد والضفر ما بطلع من اللحم،
ولدنا بيحتضر قدام عيونا، وأيادينا فوق جضومنا!،
عاد دا كلام، لكن الولد براه شليق،
هو ما دام ولد متطلع ونحن ما فينا زول ضد التطلع المشروع: حناحكيش الله ديل ربنا خلق أكتر منهم، الوداه شنو إهبش فوق، إمشي إهبش لغاية سقف الشهادات التانية، شهادة لندن بقت ما مقنعة؟، آخر زمن!.
.قال قطة قال!
بعد شوية نرجع لتفاصيل المحاولة الإنتقامية وأسبابها!

م. جمال

Post: #339
Title: Re: اليوم الحار ومابنداريوم الهندسة والمعمار
Author: khaleel
Date: 03-04-2006, 04:23 PM
Parent: #338

القطة لم تكن من المترفين

والدها كان موظف في وهاجر للخليج

بس الحلاوة دي عشان الخلطة

بتاعة ناس رومانيا والشايقية

وايه اللما وادي النيل

وواشنطون وشال من طينهم الاتنين وخلقك انتي يا سوزان


لكن يا محمد جمال زولتك هي المترفة والياقوتة والعصفورة

Post: #340
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-04-2006, 04:30 PM
Parent: #339

Quote: لكن يا محمد جمال زولتك هي المترفة والياقوتة والعصفورة


نحن مش إتفقنا قلنا نأجل السياسة شوية، ونخلينا هسه في القطة.

ما تنطط

م.جال

Post: #341
Title: Re: اليوم الحار ومابنداريوم الهندسة والمعمار
Author: khaleel
Date: 03-04-2006, 04:51 PM
Parent: #340

محمد جمال

بعد زواج القطة باسبوع ود خالتها صاحبي عزم العروس وزوجها لحفلة في الخرطوم اتنين وعزموني الحفلة

حضرت الحفلة مهزوم الوجدان

الحفلة يا محمد كانت في سطوح البيت

وللسطوح باب

وقفت عند الباب

والناس يرقصون

والقطة ترقص مع زوجها

وفجاة حانت منها التفاتة

ورات خليل علي الباب

وقعت عيونا في بعض

والله يا محمدجمال

القطة ظلت تنظر الي لمدة خمسة دقائق

وتركت العريس والناس

وفجاة زوجها نبهها فانتبهت

ذهبت لصديقتي لواحظ

ما هذه النظرات

حب عطف شفقة شماتة

وانت كنت قد هاجرت


وما لقيت من يدرك المعني

وبيهو يبرو زي ما قال محمد الامين


وبرضو بسالك بعد ستاشر سنة

هل كان حب ام كان وهم الواهمين

Post: #342
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-04-2006, 05:04 PM
Parent: #341

القصة يا خليل ما ترف قروش بس الترف ممكن إكون ترف البال=
مفارقة الهم العام لظروف محددة


شهادة الغبش
شهادة لندن
شهادة عربية

وعلى الأقل ناس شهادة لندن لو بقو مترفي الجيوب والبال فأقلهم بعرفو شوية لغة سودانية!، شهادة لندنية سودانية في مقابل شهادة عربية سعودية أوعربية إماراتية إلخ
فهمتني صاح والا أزيد؟.

مع إني عارف ما حا أحتاج انا عارفك لماح

وننسي السياسة مؤقتا وخلينا في القطة، وانا بكرة حا أحكي تفاصيل المحاولة الإنتقامية التي تمت من أجلك ومن وراك
تصبح على خير والجميع

م. جمال

Post: #343
Title: Re: اليوم الحار ومابنداريوم الهندسة والمعمار
Author: mamkouna
Date: 03-04-2006, 07:12 PM
Parent: #1

يا خليل..يا خليل...
خليلك وين...
ما بنوم الليل...الليل الليل..
الليل عليا طويل...أنا...

ضربت ليك تلفون..أنا
جاني صوتو حنون...أنا..
من جامعة الخرطوم ...أنا...!

Post: #344
Title: Re: اليوم الحار ومابنداريوم الهندسة والمعمار
Author: khaleel
Date: 03-05-2006, 05:58 AM
Parent: #343

مامكونا اسمك جميل زي بسمتك

محمد جمال في انتظار

فيلم غرام وانتقام

Post: #345
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 06:41 AM
Parent: #344



كشف تفاصيل المغامرة الإنتقامية
حلقة رقم 1


تم رسم التكتيك بدقة
Surprise attack

الهدف واضح جدا
الهدف كان يتحرك نحوي داخلا من بواية المين رود، قطتين مش واحدة، ما عندنا زمن لازم بالجملة، الهدف كان يتحرل بهدوء ككرنفال الملوك، انا واقف أما مدخل شعبة الأنثروبلوجيا، لابس تشيرت بمبي زي حلاوة عكاز وبنطلون جينز فاقع لونه، يوني فورم مناسب للعملية.
بدأ العد التنازل، 3، 2، 1، 0، هجوم. الخطة الأولية مدتها الزمنية دقيقة واحدة ونصف، في خلال هذه المدة يتحدد نجاح العملية من فشلها، وقت قصير لكنه مصيري: علي أن أحتفظ بنص إبتسامة في الوقت الذي أفجر فيه فرقعة كلامية وأقول نكتة خفيفة وأسأل ثلاثة أسئلة فانطازية وأجاوبها بنفسي (لازم أكون خفيف الظل) ولا الهدف حا يطش for ever
تعلي السنس توطي السنس (الباقي 30 ثانية لباقي العملية عشان المسائل تأخذ مجراها المرسوم).
فستانك جميل (بس ما زيادة من كدا) عشان الروح المعنوية تعلى، بس عندك مشكلة صغيرة (توطية السنس) البروش ما جايي مع لون الفستان، إرباك العدو، تحاول تنظر، حتى لون البروش لو جايي والا ما جايي لازم تنظر، لازم تكون خبير في الألوان ولو كان عندك عشا ليلي ، كدا بكون في موضوع مشترك، تعزمهم على ليمون بزنس. تمت العملية تكتيكيا بنجاح باهر.
تماما دا الحصل. نحن الآن ثلاثتنا أمام كشك الليمون، نمتلك جندين مشتركين على طاولة النقاش:
الأول البروش والتاني منو البدفع حق العيزومة، ولو كان واضح منو الحا إدفع، بس لازم الواحد برضو إكون شهم.
كان صف الليمون طويل، إخترت الأجمل، وسفهت الأخرى، سألتها، فتحت فمها كما تشق فاكهة الكمثرى، أشاحت بعينها الصافيتين، ثم هزت قوامها الممشوق وأجابت: قتا، انت من قتا قالت لي أيوة،. قتا دي في النهاية بعد سل روح عرفت إنها قطر.

ويتواصل كشف تفاصيل المحاولة الإنتقامية (والهدف نبيل)
ما تنسوا نحن لسه في صف الليمون

وما تستعجلوا على الأحكام القيمية

جنرال معاش م. جمال

Post: #346
Title: Re: اليوم الحار ومابنداريوم الهندسة والمعمار
Author: khaleel
Date: 03-05-2006, 06:55 AM
Parent: #345

الله مدربنا وقع

وما قلنا الحب طريق قاسي وصعيب من اولو

ما رضيت كلامنا وجيت براك

اهو دها العذاب اتحملو

Post: #347
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 07:35 AM
Parent: #346



.
كشف تفاصيل المغامرة الإنتقامية
حلقة رقم 2
في ياتوا كلية، قالت: كانون.
كنت بحاول أعمل فيها مشغول جدا ومنتبه خالس للكانون في الوقت الكانت فيه القطة الأخرى بتحاسب، دفعت كاش حق تلاتة كبابي ليمون نصفهم تلج. وانا ما أزال أروض في رفيقتها. بس عذبتني عذاب، كانت بتعطش كل حروف اللغة، شفت ليك زول بعطش الكاف واللام، عطشتني معاها. وكمان التعطيش مش على الطريقة الفارسية على الطريقة الباريسية .
وانت؟. جا دوري.
انا من جبل أولياء. إتهجمت شوية وقالت دا وين، إسدها ما سمعت بإسم جبل زي دا، بس قالت سمعت بجبل مرة. أظنها شافت قميصي حلاوة عكاز قايلاني من قتا. بس لازم أطمنها قلت ليها كلو واحد، جبل أولياء ذاتو في حبل مرة، يعني في حبل بقعد براه زي الشيطان ما لازم إتلم على أهله والا حا إستوحش، كل جبال السودان متلمية في دارفور، حتى جبل الرجاف، عاملين تجمع من أجل إستعادة هيبة الوطن!.
يعنى حا أقول ليها شنو؟.
بمناسبة جبل مرة دي هي كانت دفعة عبد الواحد محمد نور في كلية الكانون، بس انا ما عوير عشان أقول ليها بتعرفيه!.
نحن كدا كملنا شراب الليمون وبنقرقش في التلج، وفي إحتمال ندبل، الونسة بقت حلوة، وانا دمي شربات، البت ميتة من الضحك (نواصل اذا القصة تستاهل
م. جمال

Post: #348
Title: Re: اليوم الحار ومابنداريوم الهندسة والمعمار
Author: حمد فتح الرحمن
Date: 03-05-2006, 08:26 AM
Parent: #347

يا شباب

عليكم دينكم يا كبوها مرة واحدة يا خلونا نشوف شغلتنا

شحتفتو روحنا كل ما الواحد يشوف ليو مداخلة جاي عامل كليك ، خليل ربع الكليكات الفي بوستيك دا من عندينا.
عارف يا خليل ما رضيت اخش هنا من اول يوم فتحت فيهو البوست ، و راجي نهاية الحديث ، الظاهر انكم حتكونو مدورين فينا كدا لامن نقل كفي .

يا شباب سردكم مشوق و جميل و بعد دخول المدرب سند البوست اخد طابع جامعي عام بعد ما كان التركيز هندسي في البداية ، تمنينا ان نعيش في ظروف جامعية اقرب للفترة التي درستم فيها فقد كنتم افضل حالا منا ، فالجامعة بعد هذه الفترة شهدت تدني شامل بعد رفع الدعم و هجرة الاساتذة عدا دوري الكليات لا يزال محتفظا برونقه و جماله .
دمتم اعزائي و اسف لمقاطعة زكرياتكم .

Post: #349
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-05-2006, 08:28 AM
Parent: #347

واصل يا جنرال...وحبة حبة عليك الله...

Post: #350
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 08:45 AM
Parent: #349

شكرا عبد الكريم. أوعدك،
بس قول للبرلوم حمد إصبر شوية
المسلسل دا مكسيكي
محمد جمال

Post: #351
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-05-2006, 09:21 AM
Parent: #350

حمد يا جميل...

معليش الناس ديل بجمعوا في قواهم المنهكة زي الجيوش الطالعة من حرب شرشة


والمدرب ده عندو راي كبير...و شكلوا كده عاوز يقدم روية تدربية ..

ويحاضر في فنيات...الكر والفر...

عشان كده ...خليك عليك الله انت بالذات قريب...عشان حتة تواصل الاجيال دي

مهممة شديد...ويلا يا كوتش...

Post: #352
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 09:27 AM
Parent: #351

مبدع وفنان يا عبد الكريم.





.


هامش:
الخطة الإنتقامية كالتالي
1- Initial activity:
The Surprise attack (ambush
Initial Result is to put the “ cat” in the ground
2- Final activity:
be sweet, very charming
Final result: the “ cat” falls in love.
3- The objective:
Break her heart by going away from her.
4- The overall objective:
Khalil`s dignity (?) and Khalil`s cat(?)


هل تمت المغامرة الإنتقامية وفق ما هو مرسوم لها هذا ما سنعرفه في الحلقة الأخيرة
تابعوا معنا
م. جمال

Post: #353
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 12:58 PM
Parent: #352



حلقة(3)
كشك الليمون بدأ يغلق أبواه (ثلاث ساعات من حيث انطلاقة المارثون، الآن السادسة) الفتاة الرشيقة منشحطة بطول جسدها الرقيق وانا أقيم اماها كالمارد الشرير شاحذا مديتي يهبشني وجع في الخاصرة، كانت بالزبط في جمال ورقة آزبلا سيمور في موسم الهجرة الى الشمال، وانا ليس الا رجل جاء الى عالمها تحركه شهوة الإنتقام مثله مثل مصطفي سعيد، وهي لا تدري، لكنها جاهزة للسقوط، ومصطفي سعيد بلدوزر قادر على تدمير جميع الحواجز في لحظة واحدة.
رفيقتها مضت منذ زمن الى سبيل حالها، تركت آزبلا نهشا لذئب مخادع، وهي لا تدري.

لمبات المين روود الوانية أخذت تبث بعض إشعاعها، جلسنا على أقرب بنش، الأجساد وانية والأرواح مشرقة، عينا آزبلا بدأت في اللمعان، وإنكسار خفيف غشي رموش عينيها الغزيزة، تلك أشياء خبرتها من قبل مع جين مورس وأخريات وقعوا في حبائلي في ظروف مشابهة. وكان وجع خاصرتي يزداد حتي أضحى يمتد كسرب حمام من بغداد الى الصين.
الساعة التاسعة:
حدثت تحولات عنيفة في الطقس، بعض أوراق أشجار المين روود سقطت على الأرض فجأة وهرعت الطيور النائمة فوق رؤوسنا في التحليق. قالت لي لا أحد مثلك في الدنيا، انت مدهش، غريب، وقالت أشياء لم أكن أتوقعا بعضها مجافي للواقع تماما في تقديري الخاص مثل يا لك من رقيق!! (وتعني شفيف)، كادت تقول الكلمة المدوية المرعبة بالأحرف المعطشة، لكن أصابها الونى بينما كانت تحدق في عيني كتلميذ يافع يفتش في صفحات دائرة المعارف البريطانية عن تعريف لمصطلح معقد.
ونامت آزبلا تلك الليلة لأول مرة في داخلية البنات الساكت، فالوقت قد تأخر على الرياض. ورجعت انا الى غرفتي في داخلية بركة مثل شيطان صغير غسله الوحي بالماء والثلج.
وكنا قد تواعدنا
نواصل
م.ج

Post: #354
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-05-2006, 05:13 PM
Parent: #353

شايف الناس نامت فجأة،
القصة شنو؟.
مع إنها كانت صاحية طول الخط، إيه الحصل؟.

انا بتكلم من القلب أكتر من اللازم ولا شنو؟.
اصلوا نحن ناس في الغالب مجبولون ضد البوح!.

في شنو؟.

القصة ليست تقليدية كما قد يظن البعض كما ان الخاتمة خرافة كما تكون الإسطورة بالطبع مجافية لمنطق الحساب!
م. جمال

Post: #355
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-06-2006, 01:51 AM
Parent: #354

يامحمد جمال الدين يافاكهة ذكرياتنا..
لا تنس فارق الزمن مع الخليج.. الناس ما نامت من القصة لكن بسبب الساعة البيولوجية!

يدنا وقلبنا معك... قصتك أكثر من رائعة وذكرتنا الذي مضى..
عشان خليل وعشان سهري كلو عشانك انت، هاكم ده..
المابريدن ابقى من ناس سنجر
والمابريدن من الشفاعة يكنجر

سنجر ده ودعم كيسنجر.. بكسر القافية!!

اليوم سمعت حكاية لذيذة عن عمار ابعجلة قريب خليل والذي سكن الرياض..
كان يزور مجموعة من المهندسين فى مكتب أبحاث البناء ويسلم على كل من في المكتب ماعدا بنت مهندسة..لامه الجميع وألحوا عليه.. قال ليهم: انا والله حبوبتي في حلتنا وصتني على حاجتين: أبعد من الزلط وأبعد من البنات وأنا مابخلي كلام حبوبتي في شان المهندسة حقتكم ده..

ذات يوم تلقت المجموعة دعوة فى الثورة الحارة التاسعة.. عمار جاء بعجلته تلك من الجامعة!
كان دائما يحمل فى عجلته حقيبة ممتلئة بزيت تشحيم العجلة ومفكات وحدايد.. وسندويتشات.. وأحيانا اذا جاع يخرج خبزا جافا ليقرقشه أمام الجميع.. العجيب عمار كان عرضه لا يتجاوز عشرين سنتي وطوله أقرب للقصر!

لكن بعد قصص كريمو مع سوفيت وكمبو الري، مسخت علينا الذكريات والقصص!

Post: #356
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-06-2006, 02:15 AM
Parent: #355

خليل
واحد من أصدقائنا المعماريين طالبني بألا تخلو ذكرياتنا من المرور على حادثة مشهورة عندما تشاجر اثنان من أصدقائه حول المهندسة (هاء تاء).. فقط لزوم التوثيق! قيل والعهدة على الراوى ان أحد الطرفين شمشر مع طالبات من الأهلية حول مطارة الطرف الآخر للمهندسة رغم صدها وتم نقل الشمارات للطرف الضخم والذي تهجم على الطرف الضعيف.. أرجو ان تكون مجرد ذكريات يمر عليها الناس مثل ما مر صديقنا الحبيب!

استلمت رسالة ايميل من الصديق عبدالفتاح الحبيب في اليابان وهو يتابع مؤخرا هذا البوح.. ورد اسمه ضمن المشوكسين بجدارة... هو سعيد بفيض الذكريات وأكثر سعادة بأن الناس يجب أن يعلموا عن شاكوسه الذي يجعله يتفوق على قيس..
لو قلت قيس، والله قيس بالنسبة لي
لا شاف عذاب لا ضاق ضنى..

بمناسبة اليابان وقد اثارت الرسالة طمعي فى معرفة كيفية الحصول على سيارة من هناك، جاءني أن المهندس الكهربائي أبوبكر الصديق (اللبش)، أشهر سكرتيري الجمعية الهندسية، هو خبير توريد السيارات اليابانية..
أبوبكر من أولاد بحري دفعة 84 ومن أوائل من بدأوا تنظيم المحايدين.. التقيته قبل ثلاثة أعوام في المملكة وقد تزوج من يابانية وكانا في ضيافة الملك فهد.. لم أسعد برؤية اليابانية لكنني تأكدت أنها ستعرف طبيخ التقلية والعصيدة بعدما رأيته خارج مبنى الضيوف وهو يرتدي عراقي وسروال..

قد تكون مناسبة هذا الكلام رسالة الحبيب وقد تكون طمعا في تخفيضات خاصة.. انا عارف العقل الباطني له أحكامه! على كل نحن سعيدون بتذكر أبوبكر الصديق وله من عاطر التحايا وأجزلها..

Post: #357
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 03:03 AM
Parent: #356

شكرا محمد الصايم على التنبيه،
سيكون التواصل مهما حا حصل: هي ما الدنيا غير لمة فرح أو ناس في بيت بكي (ما حافظ الاغنية لمصطفي سيد احمد) انا عارف شقلبتها شوية، ونحن هسه الحمد لله في لمة فرح. وإن شاء الله إدوم.
شكرا للقصص الجميلة ذات المعاني الخفية
وشكرا إصافتك ذاكرة جديدة جميلة
عبد الفتاح الحبيب صديق عزيز جمعتني به الدنيا في المحايدين (سياسة وحياة)، له مني كل الود، وهو لسه في اليبان؟، دا بكون بقى كلو أوتوماتيك!. وتحية من هنا للصديق ابو بكر الصديق. أنا واثق حا إجي يوم نتلاقي، وحا يكون يوم جميل.
وشكلي كدا انا إستوليت على البوست دا بوضع اليد
م. جمال

Post: #358
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 03:48 AM
Parent: #357

(4)
نمرة 4 دي كانت الحلقة الشريرة

إنتظرتها خمس ساعات، ما جات. شرتني. قلبي دق كتير، وريقي نشف، وانا في معمعة الإنتظار السخيف. أنادي في خاطري
آزبلا... آزبلا...
وين؟؟
ليس في الأفق، وما عارف أقول شنو لمنو، حمت المين روود من قعرو لراسو، وقعدت فوق راس طهر التور ساعات، قلت إمكن تجي مارة. ما جات. الناس كلها شينة.

وسألت نفسي مليون مرة (إمكن تكون زعلت مني)، لكن ليه، هي كانت سعيدة، لما ودعتها ومشت عني عشرين متر إتلفتت على وإبتسمت في رقة الأطفال وعملت حركة (خليها ساي ما بتتحكي)، عاد في شنو؟. يا لها من طفلة بريئة.
نسيت ليك خليل وفلم الغرام والإنتقام وبقيت انا ذاتي في ورطة، بقيت في روحي دي. انا ذاتي ربنا إغطي علي.
البت كانت حلوة، ممتعة، ذكية، وكلامه حلو، بتقلب الحروف كدا كدا وتطلع الكلمات عسل صافي.....
مسطحة شوية بس معزورة (انا قبلان) ما هي عايشة حياتها برة، ما عاشت في السودان (مسكينة)، بعدين سطيحها ذاتو حلو!. إن شاء الله ما تعرف ولا جبل في السودان، هي الجبال دي ما قاعدة من زمن أمنا حوى الناس العرفوها علمو بعرفتهم ليها شنو غير الهم. بعدين انا ما ممكن أوريها الخرايط كلها وكل الجبال حتى جبال الألب، هي دي مشكلة، ما الناس بتتعلم. بعدين هي الجامعة كلها مسطحة بس بقت على آزبلا!.
وينك يا آزبلا؟.
آزبلا!
خليل دائما مطلع ميتين أبو أهلي.
قال إنتقام قال. هي دي بت إنتقمو فيها، في زول إنتقم لزول في ملاك. بعدين انا مالي ومالو خليل، انا ما نصحتو، قلت ليه دا ما حب، والتكتيكات القلتها ليه كلها ما إشتغل بيها، قاعد إنوح ساكت: صياد وقال الصيدة حا تصيدو.
آزبلا! ما جات.
قنعت، أصابني اليأس، آزبلا ترن في خاطري كحلم جميل لن يتكرر، يأس، حزن.
وانا ماشى على البركس، ساعة الغدا، ألقى ليك في باب المين روود صاحبتها، قلبي ولول، قمت جاري عليها جات جارية علي.....
ونواصل
إنسان مجروح م.جمال

Post: #359
Title: Re: اليوم الحار ومابنداريوم الهندسة والمعمار
Author: shammashi
Date: 03-06-2006, 05:01 AM
Parent: #358

Quote: يا سلام يا كريم

علي الاكل في ود النيل

تخيل جردل القمري كان بريال واحد

فيهو مائة قمرية



أعوذ بالله يا خليل

إنت زمن الريhل كنت اتخرجت وشغال مهندس
يا خي معناها إنت بتكون دفعة ناس النزير دفع الله

بالله زمن الريال دا نحن في KG2

Post: #360
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 05:30 AM
Parent: #359

حلقة (5)
مأساة!
آزبلا عيانة.........
نواصل
إنسان آسف م.جمال

Post: #361
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2006, 05:48 AM
Parent: #360

محمد جمال

وفات ميعادنا فات روح وشال الليل حكايتو

الشرة للرجالة وشرة تفوت ولا حد يموت

ما شفت شرات خليل كانو كيف

وارجع تاني اغفر ليك واقول دلال احباب

واصل يا برنس

محمد الصائم انقل التحايا لابوبكر اللبش
وعبد الفتاح الحبيب

وقول ليهو مين اللما بعرف ريد شباب كسلا

حمد البرلوم

الجامعة ما بتدوم حليل سنة علوم


شماشي اللذيذ ازيك

بالله زمنكم داك فيهو kg2

شكلك زول خلوة ساكت

شكرا علي المداخلة

وبنشوفك في كمبو الري

Post: #362
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 06:08 AM
Parent: #360

(6)
صاحبتها الحنكوشة قالت لي: انت عملت ليها شنو!
والله مافي حاجة (تمتمت)
دخلت يدها في شنطتها: دي من آزبلا...... كانت ورقة صغيرة.... مسكت الرعشة........
مشاعر مختلطة........ آزبلا عيانة.
كم انا وقح....... سعدت للحظة....... ما جات لأنها عيانة.... إبقى في عذر... إبقى في أمل. مع إنه صاحبتها كلمتني: آزبلا عيانة خالص بالجد (عندها إلتهاب حاد في الحلق)....
انا آسف آزبلا عيانة.... مشاعر مختلطة ملخبطة.

ما قادر أفتح الورقة.... لاميها في جيب الجينز.. دا موضوع تاني كمان... يا رب بتقول لي شنو في الجواب دا.... طلعت الرسالة كم مرة شميت ريحتها ورجعتها في مكانها... والله العظيم ريحتها حتة من آزبلا... بس كل 30 ثانية بدي جيبي ضربة عشان أتأكد انو الرسالة قاعدة...ما وقعت......

آزبلا عيانة.

كلو من خليل!.... هسه لو ما هو دا كلو ما حصل!. دعيتو في سري ودعيت قطتو، قلت ان شاء الله القطة ربنا إبتليها وتحب ليها كوز وتعرسو، وان شاء خليل اتشوكش للأبد وإندرو بالقطة.... وربنا بستجيب لدعوة المظلوم.

رجعت البركس.... الورقة لسه في جيبي ما قادر أفتحها..... خايف.... وانا في الطرق كنت أردد في خاطري: تعيش آزبلا.
نواصل
إنسان ملخبط م.جمال

Post: #363
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2006, 06:13 AM
Parent: #362

الكوتش محمد جمال

اظن لسانك حالك وانت حتشوف الرسالة زي ما قال محمد ميرغني


بين حروفها اشوف خيالك وانت تتبسم لعيني

Post: #364
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 06:21 AM
Parent: #363

Quote: الكوتش محمد جمال

اظن لسانك حالك وانت حتشوف الرسالة زي ما قال محمد ميرغني


بين حروفها اشوف خيالك وانت تتبسم لعيني


ربنا إحقق الدعوات الصالحات
ومن بوءك ولي باب السماء

م. جمال

Post: #365
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 06:42 AM
Parent: #364

فتحت الرسالة....
تلاتة اسطر لا غير...











نواصل (إذا الذكرى تستاهل)

Post: #366
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-06-2006, 08:45 AM
Parent: #365

Quote: شايف الناس نامت فجأة،


مافي نوم يا كوتش لاحاجة بس..اليوميين دي الدوامات...رهيبة

...واصل..عليك الله...وبجيك في رواقة...بس اروق..

الصائم تحياتي..ليك..ولابوبكر ...ولعبد الفتاح الحبييب..وقول ليهو شوقنا

طال.يا ود اهلي..

شماسي لذيذ انت ياخي...

Post: #367
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-06-2006, 10:02 AM
Parent: #366

كوتش!!!!



ده كلام ده..ما قلتوا عاوزين تبقوا..شمشون وتنتقم..نجي نلقاك واقع( بب)...

Quote: رجعت البركس.... الورقة لسه في جيبي ما قادر أفتحها..... خايف.... وانا في الطرق كنت أردد في خاطري: تعيش آزبلا.
نواصل


ما قلنا ليكم من زمان القطط دي (مغناطيس ذو قوة ثلاثية الابادة)

Post: #368
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 02:30 PM
Parent: #367

عبد الكريم
يا ورد
إنت بتكون شفتها يا رب؟. لو شفتها ما ح تنساها، هو في زول إقدر إنساها!.
بعدين يا أخوي القلوب ما بالليد، قسمة ونصيب، انا والله بديت داير أنتقم، بس شفتها ما جاية في قطة زي دي، وأقولك والله حتى لو كانت مش قطة (سمينة) لو كانت أرنب ما كان عملتها (بتكون ما في مروة). أنا عارف أخوي خليل قادر يأكل نارو، وهو صابر في النهاية وناجح، والذكريات دي ما حا تكون بالحلاوة دي لو ما الدنيا مرات بتقسى (مشوار ألم مفروض نعدي).
حبي ووداي
والقصة تتواصل
وكمان فيها سجن مع صديقي اللدود أبو الدراء البشير (وكمان في القيادة العامة مش في أي حتة، عشان تشوف الهنا الل أنا فيه) بس انتو إصبرو علي شوية. والقصة قطعة من الحقيقة بكل تفاصيلها وعشرين زول كانو طرف فيها من بعيد أو من قريب. من برى قصة غرام بالشوق بدت لكنها حياة ودنيا وسياسة وكياسة وأيدولوجيا وصراع مرير في زخم الوجود السرمدي و لسه أشياء أخرى.
م. حمال

Post: #369
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2006, 02:35 PM
Parent: #368

يا كوتش محمد جمال قبل ما تجي خليني اوصف القطة

طويلة

رشيقة

صفراء

عيونها كبار

الخشم ودعة

زوجها غريمي

شين

عندو تلاليش

دمو ما خفيف زيي

القطة قالو هسع سمنت وزادت عشرة كيلو

كيلو في الجضوم

والتسعة الباقيات اتوزعو

Post: #370
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-06-2006, 02:49 PM
Parent: #369

بالله عليك يا خليل الكلام دا صاح: عشرة كيلو عديل، بقت اقل سماحة، دي شتيمة، بس انت لميت فيها وين وزنها وكمان قسدت الجضوم، انت يا ود عملت فانتاظيا من وراي والله ايه؟.

Post: #371
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2006, 02:52 PM
Parent: #370

تعرف

يا كوتش

القطة بتكون مشتاقة

والله ممكن اجيب الموبايل بتاعها بعد ساعة بس من السودان

لكن ما عارف اقول ليها شنو لو ردت

ممكن اقول ليها

اهنا وانت بعيد ما كنا ناسينك الحب علينا ازداد غمر النفوس دنك

Post: #372
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-06-2006, 03:01 PM
Parent: #370

خليل والكوتش الكبير...قدامي العشاق...

والناس الضايقيين..خربشة القطط...

استميحكم عزرا...لاني والله...عاوز احي اتنين من بنات دفعتنا...المناضلات

وهن مثال للاصالة والبت السودانية المتواضعة البتخاويك بكل صدق..واخاء

تحياتي وشوقي الكتير

للمهندسة بكنام سعيد(كيمائية)

والمهندسة سهير عبد القيوم(مدنية)

Post: #373
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2006, 03:20 PM
Parent: #372

براك يا كريم البتحيي

انا برضو عايز احي ناس علوم

علاء الدين يوسف

الصادق صلاح

نزار ابراهيم

قدورة ود بحري

عثمان عبد الخالق

اسرة المرحوم مجدي سيد قاسم

طه جعفر ود القضارف اللذيذ

امير احمد البشير

Post: #374
Title: Re: اليوم الحار ومابنداريوم الهندسة والمعمار
Author: khaleel
Date: 03-07-2006, 05:58 AM
Parent: #373

يوم يا كوتش

والقطة خلاص عاملة فيها زاهدة

في الثروة والسلطة بتاعة خليل

يوم جيت داخل الجامعة مع واحدة من بنات الاهلية

يا زول شعر كيف وجسم كيف وطول كيف

وقوام سمهري

والله قابلنا القطة صدفة

قسما بالله يا محمد

شاهدت كل الوان الطيف في وجه القطة

وشعرت بالزهو وانا احقق هدف في شباك القطة

وخليل ياهو خليل

تعال للفلتر ستبقي للنكهة

Post: #375
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-07-2006, 07:58 AM
Parent: #374

الرسالة
هاي عزيزياشتقت شديد ليك شديد شديد
سؤال ممكن اقابلك بكرة الساعة واحدة في كفتيريا الاقتصاد؟

Post: #376
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-07-2006, 08:27 AM
Parent: #375

يا يوم بكرة ما تسرع تخفف لي نار وجدي

Post: #377
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-07-2006, 09:47 AM
Parent: #376

حلقة رقم
)7)


الرسالة بالزبط كانت مكتوبة بهذه الطريقة:
هاي عزيزي
[I]اشتقت شديد ليك شديد شديد
سؤال ممكن اقابلك بكرة الساعة واحدة في كفتيريا الاقتصاد؟

ما زلت أحتفظ بها حتي هذه اللحظة في أحد أضابير دار وثائقي الخاصة.

إذن الوعد غدا
غدا الوعد الجميل،
جاءني صديقنا ابو الدرداء البشير في غرفتي (في بركة) مساءا، المساء المقلق (وغدا أكون في دف آزبلا).
حكيت ليه، قال لي انت وقعت ما سميت،
قلت ليه يا حبيبي: الكوتش عارف نفسو بسوى في شنو.
لم يقتنع لكنه صمت، ثم إقترح علي إقتراحا مفاجئا: نمشي الليلة نبيت في بيت عمو
(عم أبو الدرداء) الدكتور البروف الجنرال الإسكندر الأعظم الفيزيائي المفصول من جامعة الخرطوم لتوه، أستاذ اللغة الألمانية (في الأملاك/الخرطوم بحري)
وافقت في الحال، قلت على الأقل الواحد إدخل في معسكر إعدادي لمباراة بكرة المصيرية أمام تيم آزبلا العنيد.

الصباح أصبح، عدة ساعات وأكون وجها لوجة أمام آزبلا الوديعة، المدهشة، الجميلة، المسطحة/الطازجة/الفرش.

بس يا فرحة ما تمت!!!!
ابو الدرداء، ابو الدرداء ثم ابو الدرداء (حبيبي، لكنه اليوم داك آزاني وعذب آزبلا عذاب الموت)،

قلت ليه نتمشى من الأملاك للجامعة (كدراوية)، هو الكبرى بس يا أبو الدرداء، انت كسلان مالك، قال لا الا نملح، احسن نملح، قال هو بتكفل بالمهمة.
وقفت عربية مكندشة. ركبنا.
أبو الدردا أكبر مني في الجسم والعمر والعقل طبيعي يركب قدام.
الزول لابس ملكي بس قال انو جنرال في الجيش وماشي القيادة العامة.
بس أبو الدرداء إشب ليه في حلقة بسؤال مرير، قال ليه صحيح الجبهجية ما خلو ولا راجل واحد في الجيش . قال ليه دا السمعناه، ودا لسان حال الوضع في البلد.
وانا بدوري ثرت ثورة عارمة مؤيدا أبو الدرداء، وواصفا إياه بصاحب الرؤى الثاقبة، وقلت ليه والله لو الجيش فيه نسوان كويسات الوضع دا ما إستمر كدا ما يقارب الثلاثة سنة هسه.

بس عيونا ما تشوف النور الكان نلقى ليك الزول داخل بينا توش على القيادة العامة. كسرونا سمح. الكسر ما مهم بس مواعيدي طشت. فكونا الساعة كم وكمين أنصاف الليالي. لما كان بجلدو فيني إتخيلت آزبلا بتزغرد وبتقول سمح السبات يا سليل الملوك.

بكرة لقيت الدنيا مقلوبة.

آزبلا قالو عيانة من جديد في المستشفي: قالو حلقة الاصلو هش إتقد من البكاء (جعير علني رسمي وشعبي في كفتيريا إقتصاد، وعلى الملأ) إنتظرت أربع ساعات من الدموع.
ما في زول قادر إعرف ليه، ما قادرين إفهمو كلامها، لحدة ما ناس الرابطة في الكلية إتدخلو في المأساة جابو مترجم: أميرة الزمزمي (كونها خبيرة في لغات هؤلا القوم).
بعد ما فهمو رسلوا وفد للبركس (وهم يلعنون م. جمال)،
طبعا ما حا إلقوني. وقال في واحد برلوم روسي جايي كرت برد على برلوم آخر مستغرب في الجعير بتاع البت (وهم جنب آزبلا الجريحة) قال ليه:
دي مشرورة. سمعتها. فهمتها بالحولة، مشرورة والا كلمة قريبة منها في لغة
الخليج كلمة وقحة خلاص، قالو البت نطت من الكرسة وقعت في الأرض تفرفر، لحدة ما ودوها الكلنك بتاع الجامعة. رقدت فيه تلات يوم.
وانا ما أزال هناك في القيادة العامة للجيش. شغالين في ملاكمة من طرف واحد.

يا للنحس

نواصل


سجين م.جمال


Post: #378
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-07-2006, 09:48 AM
Parent: #376

والله عيني باردة ياكوتش ...من اول باص باصيين القصة...جابت ليها...شوق...

وكمان شديد...

خليل..قعد مليون سنة يساكك..وطالع ملوص..البسمة في غضب الله

Post: #379
Title: Re: اليوم الحار ومابنداريوم الهندسة والمعمار
Author: khaleel
Date: 03-07-2006, 01:30 PM
Parent: #378

كريم ما تزور التاريخ

انا عشت اجمل الايام مع القط

وكنت داسيها منكم كما كان بشارة عبد النضيف يدس الكورة وما في لاعب بقدر اقلعها منو

وكنا ثنائي مدهش

خليل بطوله الفارع

والقطة برشاقتها الانيقة

شربنا الليمون والعرديب

وكان الحب جميل في اول بدايتو ونشوتو

ولكن حكم القدر فرقنا وهو العلينا جني

ولا ما الشول كان ولدي مشي ال اسكول

Post: #380
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-07-2006, 01:47 PM
Parent: #379

Quote: وكنت داسيها منكم كما كان بشارة عبد النضيف يدس الكورة وما في لاعب بقدر اقلعها منو

لاتعليق

Post: #381
Title: Re: اليوم الحار ومابنداريوم الهندسة والمعمار
Author: khaleel
Date: 03-07-2006, 02:00 PM
Parent: #380

لا عليك احسن تعلق يا كريم

والله القطة المشاوير المشتها من هندسة للعلوم

كان ممكن توصلها كبيوتا برجولها

Post: #382
Title: Re: اليوم الحار ومابنداريوم الهندسة والمعمار
Author: Sahar Abdelrahman
Date: 03-07-2006, 02:10 PM
Parent: #381


خليل العزيز...سلام

أنت تمتلك سماحة الروح...اللطف فى المعاملة...الصدق في الحب...الإخلاص للإصدقاء...الكرم والشهامه...ومثلك لا يحتاج التأسف على قطه ...أتمنى أن يرزقك الله بفراشه رقيقه تقدرك وتستاهل قلبك الكبير....

مع معزتي

...



Post: #383
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-07-2006, 02:18 PM
Parent: #381

I will be back tommorow,
promising to find out what happened next days, in
sery No. 8
take care
M. Gamal

Post: #384
Title: Re: اليوم الحار ومابنداريوم الهندسة والمعمار
Author: khaleel
Date: 03-07-2006, 02:26 PM
Parent: #383

Quote: خليل العزيز...سلام

أنت تمتلك سماحة الروح...اللطف فى المعاملة...الصدق في الحب...الإخلاص للإصدقاء...الكرم والشهامه...ومثلك لا يحتاج التأسف على قطه ...أتمنى أن يرزقك الله بفراشه رقيقه تقدرك وتستاهل قلبك الكبير....

مع معزتي

...


نعم يا سحر

فلا تاسو لمن فاتو

فبعض منازل تبقي

وبعض منازل تناي

فتدنيها المسافات

Post: #385
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-07-2006, 09:03 PM
Parent: #384

خليل يا خليل
تلقيت مكالمة هاتفية أخوية بنفس بارد من المهندس هشام نجم الدين من عندنا هنا.. وهو يطالبك بحق الزمالة أن تعتق القطة الى غير رجعة... ويطالبك أن تمنحها الجوار حيث لا يضام من كان في جوار شيخ عرب من أمثالك...
ومعكم لى قدام..



Post: #386
Title: Re: اليوم الحار ومابنداريوم الهندسة والمعمار
Author: khaleel
Date: 03-08-2006, 05:50 AM
Parent: #385

سلامات يا الصائم

تحياتي للمهندس ابن المهندس هشام نجم الدين الحنكوش الجعلي شيخ العرب

ياخي ناس هشام نجم الدين ومحمد عبدالله واحمد عبد العظيم والحسين وهشام الشوش وتهامي ووليد

مدني واحمد دياب ومعاهم البنات ناس مي صفوت ومايسة عزالدين السيد وغادة كدودة وسارة محمد

ديل اولاد وبنات لندن لكنهم كلهم مركبين ماكنة اولاد الشهادة السودانية

كرم ونبل وشهامة ورجولة

بس عيبهم الوحيد ما علمو عاطف ساكوبة الانجليزي لانو كان يومو كلو معاهم

Post: #387
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-08-2006, 06:29 AM
Parent: #386

(
الدنيا ممكن مرات تكون جميلة، جميلة خالص، جنة، فردوس، خيال وجمال.
الايام الكئيبة الكئيبة عدت راحت (آزبلا بلغت الصحة، وانا طلعت من الحبس في القيادة العامة، بس طهري لسه معسم من النهز).
كنت منتظهرها في كفتيريا الإقتصاد، كنت غافلا ميمما وجهي ناحية اللنيل، فإذا بجسد يأتي من فوق كالصاروح، ويسقط على جسمي النحيل كالقنبلة، تدرحرجت علي صناديق الببسي المرصوصة في طرف الكفتيريا المواجه للنيل، تلاتة صناديق إتكسرت عن بكرة أبيها، آزبلا دفعت تعويض يقدر بشاحنة ببسي كاملة، لسه انا موجوع من القروش ديك.
قالت الكلمة في حضور الكل وفي دهشة الكل، صاحت بأعلى صوتها معطشة الحروف، با وحا وبا وكا. صفق الناس وكأنهم يشاهدون فلم أجنبي.
وبعد داك بقينا متباريين زي قيس وليلي
بعد يومين طلبت مني طلب عجيب: خليل صاحبك، يا ستار.
قال كلام شين في حق واحدة صاحبتها مفروض أقطع علاقتي معاه لانو ما بستاهل. قلت ليها قولي بإسم الله دي صاحبي الجميل والعزيز، لو غلط مرة واحدة في حياتو ما مفروض ننفيه من الأرض. الزول دا انا بعرفو كويس قلبو صافي. وهو ما نبي ممكن مرات زي كل الناس إغلط. قالت لا بس لازم أحدد موقفي من زول زي دا، وهسه. كيف إقول كدا للقطة (في حق الشول)!!!!!.
نواصل

Post: #388
Title: Re: اليوم الحار ومابنداريوم الهندسة والمعمار
Author: khaleel
Date: 03-08-2006, 06:37 AM
Parent: #387

محمد جمال الموضوع يتدول خلي بالك

ومشي الامم المتحدة الزمن داك

لكن الكلام كان ممكن ما يعرفو زول

لكن الله يازي الازانا

Post: #389
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-08-2006, 07:26 AM
Parent: #388

خليل يا خلي
بس النجدك انو الوقت داك محكمة لاهاي لسه ما أسسوها،
كان طالبتني بأحالة ملفك الى المحكمة الدولية.

وبدأ مسلسل الإنتقام من خليل (الدنيا مركبة بالغلط)!!!!!!!!!!
هل تنجح آزبلا؟

هل يسمح الكوتش؟

سنرى

وسنرى المزيد
هناك ماما آزبلا في الأفق ستفسد الحياة من جديد،
قالت لي انا كلمت ماما. يا ستار.
انا أصلي من الله ما خلقني شقي. الأولاد بكيسو في الجامعة دي من زمن اللورد كتشنر،
ما سمعت ولا شفت زول جابوا ليه ماما!!. بس انا التعيس

Post: #390
Title: Re: اليوم الحار ومابنداريوم الهندسة والمعمار
Author: khaleel
Date: 03-08-2006, 01:31 PM
Parent: #389

ماما وبابا

انا عارف انا اول مرة

اشوف امراة كبيرة سودانية

كانت بتتكلم انجليزي

كانت ام واحدة حنكوشة معانا

قالت ليها ليه ما اشتغلتي ال(home work)

فقلت والله اماتنا مرقن من الدنيا كيت

وراحن شمار في مرقة

Post: #391
Title: Re: اليوم الحار ومابنداريوم الهندسة والمعمار
Author: Mamoun Ahmed
Date: 03-09-2006, 06:10 AM
Parent: #390

الاحباب اهل الهندسة
لكم التحية وانتم تعطرون البورد بهذا التوثيق

هل مرت عليكم ذكري العالم الجليل
المرحوم د. احمد البشير عوض الله؟

المعمار..معهد بحوث البناء والطرق

هلا افضتم بشيء عنه؟
ولكم التحية

Post: #393
Title: Re: اليوم الحار ومابنداريوم الهندسة والمعمار
Author: khaleel
Date: 03-09-2006, 06:46 AM
Parent: #391

مامون احمد

لك التحية

نعم من اعظم معماري السودان

دكتور احمد البشي عوض الله

عملت تحت اشرافه لعام كامل

مشرفا معه علي احد العمارات بالخرطوم

عرفته انسانا ذكيا نقيا تقيا

ولابد ان احيي ارملته

استاذة اخلاص نوح بكلية الاحفاد

ولنا عودة للكتابة عنه لاحقا

تحياتي مامون

Post: #392
Title: Re: اليوم الحار ومابنداريوم الهندسة والمعمار
Author: أبوالزفت
Date: 03-09-2006, 06:15 AM
Parent: #1


ابو خليل

حياكم الله

جميل انت واجمل حكاك

لسه انا ما كملت البوست

لكن انا دقيت خيمتى والعتلة جنبى

كلما يزل برفعو ليك

Post: #394
Title: Re: اليوم الحار ومابنداريوم الهندسة والمعمار
Author: khaleel
Date: 03-09-2006, 06:48 AM
Parent: #392

ابو الزفت

لك التحية

نوعدك بالمثير الكثير الخطر

تابعنا وفالك طيب

Post: #395
Title: Re: اليوم الحار ومابنداريوم الهندسة والمعمار
Author: khaleel
Date: 03-09-2006, 07:25 AM
Parent: #394

ما أجملكم أنت والشباب عبد الكريم ومحمد جمال وبقية العقد النضيد وما أنبلكم
لقد أيقظتم فينا أشجان كنا نحسب أنها نامت حيث لا استيقاظ ولا حتى تقلب في المنام
نحن يا خليل ح نقول عكس هاشم ميرغني
"الضقنا من ظلم الهوى إنشا الله أي زول بعدنا يضوقو"
لأنه شيء جميل وسر جماله في نار البعد وال ...
أريد أن أسألك عن قريب لي أظن أنه من معاصريكم ولكنه كان في شمبات غابات وهو الدكتور أمين السنجك وهو من ألعب من شهدتهم جامعة الخرطوم في عهدكم الذهبي أرجو أن تحدثونا عنهم وأنا لولا أنني في عجلة من أمري لأسهبت في الحديث إليك
أرجو أن لا تشغل بالك بالسؤال عمن أكون لأنني حقيقة لا أعرفك إلا من خلال بوستيك الجميل عن هندسة ومشاركاتك الأخرى الرائعة وأنا لست عضواً في سودانيز

وصلني هذا الايميل من الاخ محمد عيس


Sent : Wednesday, March 8, 2006 11:39 PM
To : [email protected]
Subject : التحية ليك


كما وصلني هذا الايميل من البرلوم محمد الشيخ



Sent : Thursday, March 9, 2006 12:25 PM
To : [email protected]
Subject : RE: salamat

| | | Inbox




معليش ياباشمهندس لاكين ماف اروع منك واروع من ردك ده ماجاتنى مسج وماحصل ومااظن تحصل

ونحن رغم سمستر الجكس فبنا مكسر
اخلاقنا عالية وسكر
والليل الليل ياليل يحلاة الهندسة بالليل

واي وقت وفعلا اى زمان واى مكان

ومن بعيد فرزتو
شايل لى مسطرتو
قاعد في هندستو يناقش زي ارسطو

كان ماعرستو وا مغستا
ولاتقول لى قطة ولا نمر سودانى

مع انوالعملتها الشول
بعد داك دا ماصطلحنا عليه نحن بالكبري المقدود او كبرى النيل الازرق الساعة واحدة لأنو اتجاه واحد
ماقلتا ليك التاريخ يعيد نفسه ولكن يبقى الالق القديم
والنفائس كلما قدمت وتعتقت صارت أغلى
ولاشنو ........................

مع تحياتى واحترامى
ن
وفي الاخر ووصلنا خامسة بعد سنين ومدسمسين ومربتين

وحلفنا مامتخرجين كان ماف زول مسك الدرب
وسمبلا سمبلا







Post: #396
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-09-2006, 08:44 AM
Parent: #395

ياسلام ياخليل يا تواصل

التحية لك يا شيخ العرب..ولكل الاخوة الذين راسلوك..وابدو اعجابهم


بالماتش الكبير ...اللعابو...انت هنا في سودانيز اون لاين..(ذكرني الماتش بتاع منقستو

الحضرناهو سوي في استاد الهلال..لمن منقا يا دوب جاء الهلال)...

والله بت البيطرة دي خلت تحكي حكي السنين...

Post: #397
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-10-2006, 03:34 AM
Parent: #396

فوق ومقنطر للكوتش...

والفتي النحيل ابو خليل..والصائم...ولكل الجميليين

وتحية خاصة للمهندس احمد بشير (المساح)..

الخلا لينا الدوحة خلا...

Post: #398
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-10-2006, 07:03 AM
Parent: #397

I will join soon

Post: #399
Title: Re: اليوم الحار ومابنداريوم الهندسة والمعمار
Author: khaleel
Date: 03-10-2006, 11:37 AM
Parent: #398

وصلني ايميل من المهندس اشرف شمت

ود العرضة وكان من اشطر الناس منذ الابتدائي

لم التقيه منذ سنوات ابعث له بالتحية

وللصديق دكتور عثمان الاسد الجماعة ديل اصحاب جدا

ويجمعهم حب عثمان حسين

كما احيي الصديق ابوعبيدة رحمةالله وزوجته طاهرة بسلطنة عمان

وبالمناسبة ابوعبيدة كان تاني السودان في امتحانات الشهادة والراجل دفعتنا


ودكتور التاج استاذ الرسم الهندسي كان يعرفه جيدا ولكن يتغابي فيهو العرفة

وعندما يقابله في منزل اخونا الهادي الاصم يسلم عليه
ويقول ليه


افتكر انت اسمك عمر وبتقرا في الطب مع ان دكتور التاج يعلم انه يدرس معمار

Post: #400
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-10-2006, 03:11 PM
Parent: #399

حذف نسبة لتكراره (أنظر الصفحة المقبلة من هذا البوست)
(معذرة)

Post: #401
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-10-2006, 03:20 PM
Parent: #400

Quote:

.

تاريخ التسجيل: 16-02-2002
مجموع المشاركات: 719
Re: اليوم الحار ومابنداريوم الهندسة والمعمار (Re: khaleel)

عاد المهندس حامد عجبان من السودان

بعد ان استمتع بزواج هشام حسن المحايد الكبير

وزواج اسامة سيد الرايحة زميل في الجامعة لمدة سبعة سنين

وقابل محمد الطيب ايريا المربت الكبير

وهو يعمل الان في ابراج السنط

وايريا عمل راوية كبيرة

اسمها مسارات السراب

وقام بطبعها

وعندما حاول توزيعها

القي الوالي المتعافي
الاكشاك بالعاصمة

وايريا قال انو الحكومة قاصداهو





07-02-2006, 03:32 م

عبدالكريم الامين احمد


.

تاريخ التسجيل: 06-10-2005
مجموع المشاركات: 530
Re: اليوم الحار ومابنداريوم الهندسة والمعمار (Re: khaleel)

خليل .........

مسارات السراب حتما ستكون راوية رائعة...ومتفرده..ومحمد الطيب سليم زول مرهف

ومساح كبير..وكان لعاب كورة..وعزال في الخلط..ونكتتو جاهزة 24 ساعة

وفعلا الحكومة بتكون قاصداه...من زمن حكايتو مع حاج نور





08-02-2006, 04:35 ص

khaleel


.

تاريخ التسجيل: 16-02-2002
مجموع المشاركات: 719
Re: اليوم الحار ومابنداريوم الهندسة والمعمار (Re: عبدالكريم الامين احمد)



Post: #402
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-10-2006, 03:30 PM
Parent: #401

هاتفني وبعد زمن طويل صديقي الجميل المساح الاديب

محمد الطيب سليم (ايريا)...

صاحب الرواية الي ستحدث دويا هائلا يشبة عظمة(ايريا)...

واشاد بها كل من قراءها هنا بالدوحة مبدييين الاعجاب والدهشة

ووعد ايريا بارسال كميات من (مسارات السراب)...


التي سنتاولها في بوست منفرد,,,,

كم نحن فرحييين بهذا الانجاز الرهيب....

ويا ناس السعودية بطلو الشرشرة...وحسي نكلم ليكم خليل..يجيب القديم والجديد

Post: #403
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-10-2006, 03:38 PM
Parent: #402

حلقة أخيرة مع آزبلا ونمشي لقدام (لشي مختلف جدا)


ماما جايا بكرة

(اي أم آزبلا)
عشان إيه، عشان تتعرف علي انا، انا شخصيا(شخصي الضعيف)، شوف الهنا الل انا فيه!.

قصدت خليل و أبو الدرداء و آخرين جهابزة ولجنة كاملة إتشكلت عشان الإستشارة، ما خاب من إستشار.

البقول لي تلبس جلابية وعمة والبقول لي أمها ذاتها بتكون حنكوشة عشان كدا ركز علي القميص حلاوة عكاز والبنطلون اللماع، و البقول لي أحلق شعرك والبقول لي لا ركز على الجل........وكان اللقاء الحاسم......

أم آزبلا عندها شروط (6) أهمهم:
أسيب العمل العام بشكل مطلق (السياسة)، ملخصة آنذاك في نشاطي الصغير داخل حركة الطلاب المحادين.
هذا الشرط كان قاصمة الظهر. لا أستطيع.
قلت ليها (بدبلماسية) انا حبوبتي (جعلية صر وتقليدية) ما كانت بتناديني بأسمي كانت بتقول لي تعال يا سند القبيلة (انا أعتقد ان حبوبتي كانت تعني الوطن لكن خانها التعبير و وغوشتها الذاكرة)، ومرة قالت لي انت ربنا ما خلقك عشان إمرأة!.. ربنا إرحم حبوبتي الجميلة الصارمة.
وسرعان ما إنتهت علاقتي بآزبلالى اثر ذلك اللقاء المثير للجدل مع والدتها، (آزبلا حزينة وانا حزين) وكانت ذاكرة تستحق الإحترام.

وبدأت قصة حب جديدة (قديمة وأصيلة) مع بقية زملائي بالتحضير لإنتخابات إتحاد 91 (إنتصار داوي)، و قوافل الاتحاد في الاجازة، ومعركة داخلية كرار مايو 91 ومظاهرة يوليو 91 وتحرير مكاتب إتحاد الجامعة بعد إحتلاله بواسطة الإتجاه الإسلامي لمدة ثلاثة أيام في سبتمبر 91 (أحداث عنف مؤسفة)، ومقاطعة الإمتحانات في فبراير 92 = كله في حسباني المتواضع: كفاح، صمود، مبادي، ألم، دموع، تضحيات، سجون ورضى عن النفس.

تلك كانت علاقة حب أزلية لا تعرف الشواكيش!.

نواصل........

محمد جمال الدين
عضوء في حركة الطلاب المحايدين سابقا

Post: #404
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-10-2006, 03:39 PM
Parent: #402

الكوتش ود جمال

متابعييين ولسع عندنا راي كبير بس انت واصل....

Post: #405
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-10-2006, 06:55 PM
Parent: #404

الود عبد الكريم يا زهرتنا النبيلة انت قلت:

Quote: الكوتش ود جمال

متابعييين ولسع عندنا راي كبير بس انت واصل....


انا من رٍأيي المتواضع (لا إنتظار) انت تواصل والشباب كلهم إواصلوا وانا منكم (فخري بكم) سأتابع ، وربما أشارك بدوري بما عندي,
ودي
محمد جمال

Post: #406
Title: Re: اليوم الحار ومابنداريوم الهندسة والمعمار
Author: khaleel
Date: 03-11-2006, 06:00 AM
Parent: #405

هاتفني محمد الطيب سليم ايريا

المهندس الكبير بمشروع سنط العملاق

وقد ابلغوهو وشاية كذبا باننا لم نشيد بروايته مسارات السراب

حاشا لله يا ايريا

مسارات السراب تعادل

لمن تدق الجراس

واحدب روتردام

والعجوز والبحر لهمنجواي

والقرين والابله لديستوفسكي

وروايات يوسف السباعي ونجيب محفوظ والطيب صالح

دعوة لكل الاخوة باغتناء نسخة من مسارات السراب

محمد جمال ادينا سياسة

وانسي ويبدو اننا ادينا الناس مساحة اكبر في موضوع القطط والعصافير والحمائم

Post: #407
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-11-2006, 07:09 AM
Parent: #406


سنة أولى برليم 1988
أول يوم دخلت على مباني الجامعة من باب النشاط (المين روود لسه ما عرفت دربو) وبعد عرفتو خايف منو سنة كاملة ما عرف ليه!. المهم، الود مطهم شوية بس عامل فيها مقرم خالص وكان رئيس الإتحاد في الثانوي وعامل فيها شاعر وقاص وحريف خالص وقصة انو في زول ممكن إبرلمني (ما ممكن كلو كلو) دا زول بحلم ساكت!.

أول كائن صادفته في مدخل النشاط كان وديعا وجميلا (عثمان حامد، مهندس مكنيكي) عمل في حركة حركتين كدا، بس كان مهذب جدا، لكن أول ما قال لي في الحتة دي بتكون الحكاية كدا وفي الحتة ديك بتكون المسألة مختلفة حتة كدا، طوال عرفتو جبهة ديمقراطية، قلت ليه كدي خليني أشوف السوق وأجيك (الحتات التانية) وقلت ليه بقلبي حتتك دي انا ما بعيد شديد منها في حتات كتيرة.
عثمان حامد ما قدر إجندني للجبهة الديمقراطية، لكنني بدوري إصطفيته للصداقة، صديق وفي ونبيل وحتي هذه اللحظة، وبالمناسبة قبل إسبوعين بس كنت معاه في بيته (فقد جمعنا القدر في منفى واحد).
أول ما وصلت مبني كلية الإقتصاد (زادت شحنة أحلامي، فاض بي الحنين) زادت طهيمتي، إنحنيت لأشرب مستخدما يدي من كولار الكلية القائم على الحائط الخلفي لمكتب العميد على ما أذكر، بس إجرني ليك واحد من ياقة قميصي من الخلف (إسمه عبد السلام) وهاج في وماج مدعيا عدم تحضري متهمني بأن أمثالي الجايين من الواغ واغ ديل دائما كارثة ووهم وما بعرفوا حقوقهم. أمرني بغضب شديد: امشي مكتب العميد خليه أديك كوتك (حقك) ما تضيع حقك!. كوتة شنو؟. قال لي أي طالب إدخل الجامعة عندو صحن وملعقة وشوكة وسكين للأكل وكباية للشراب،
بس عميد الكلية دا حرامي صحنك على صحن فلان وكباية على كبابيي الناس الوهم الزيك بتبقى شي كتير، العميد ببيعوا بالشي الفلاني، وجراني على مكتب العميد قال لي أدخل شيل حقك، وحتى لو ما داير بقية الحاجات شيل كبايتك بس عشان ما تشرب تاني من الكولار بالطريقة الهمجية الكنت بتعمل فيها قبل شوية. فجأة انتبهت لقيت العميد (د.الحردلو) بقول لي إتفضل يا إبني، كنت بتلفت في المكتب بتاعو كنت قايل حا ألقى شولات بتاعة كابي وصحون بس ما كان في حاجة غير كباية واحدة قدام العميد قلت في قلبي دي ممكن تكون كبايتي يا ربي!. (ومن اليوم داك عرفت انو الحذر ما دايما بمنع القدر).

بعد إسبوع واحد بس قابلت عادل جاليلو وطارق ابو شوك وبدأت قصتي مع المحايدين........
محمد جمال
..

Post: #408
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-11-2006, 10:14 AM
Parent: #407

Quote: بعد ان استمتع بزواج هشام حسن المحايد الكبير




شكرا عبد الكريم لهذا الخبر الجميل.

هشام حسن الود النقي المهذب (سلامي ليه وليه شوق بالكوم)

بتذكر مرة زردونا ناس جهاز الأمن في السجانة وحصلت مطاردة زي البشوفوها الناس في أفلام جيمس بوند. كنا انا وهشام شايلين مجلة الجامعة في حافلة (أظنها عربية هشام نفسه).
في النهاية قبضونا وصادرو المجلة (انا بالمناسبة كنت رئيس تحريرها، بس ما شافت النور ولا مرة، برغم التعب)، ,اخدوني انا معاهم في الضيافة كم يوم كدا (وما بتذكر الحصل لي هشام شنو، لكن ما إظنو خير) ، والله كانوا ناس كريمين خلاص في الجلد، والله الواحد فيهم من كرمو وشهامتو إديك ام دلدوم بيمينه دون ان تعلم شماله. دي كانت التجربة نمرة تلاتة مع اهلي الحلوين ديل!.
لقيت قدامي دكتور زهير حسن بابكر (عمل حركة كدا الزمن داك ما بطالة وتبرع للإتحاد بقروش) وعبد المنعم مختار (طب أسنان) وعامر بشارة (طالب ثانوي، المقرن) ديل كانو معاي في الإنتظار قبل التحقيق،
و صادفت في العمارة الحمراء داخل جهاز الامن إبراهيم باخت (من البزنس) ومحمد محمد خير (الصحفي) بس كانوا في السطوح بتاع العمارة وانا في زنزانة (ما عارف الهدف شنو) وكان جنبي زول قلبوه لكسيحة من الجلد إسمه أحمد عثمان (خريج قانون، كادر جبهة ديمقراطية، كان بمشي الحمام علي أربع أرجل (بحبى)،
انا ما لحقوني قدر دا، بس والله عسموني خلاص. سالوني تنظيمك شنو؟ قلت محايد، قالوا لي المعلومة العندنا انت شيوعي أحسن ليك تعترف وهاك يا رصع ، قلت ليم خلاص حا أعترف انا شيوعي، مسكوني علقوني زيادة قالوا لي انت هسه ما قلت محايد!، ودور السؤال تاني من جديد انت شنو؟.
كم يوم كدا وفكوني بتعهد، لكن علي أجي كل يوم لمباني الجهاز أعمل تمام (تلاته شهور) بس كان تمام العشا بقعدوني من 9 صباحا ل 9 مساء وبعد داك بقولو لي اتكل على الله

مرة وانا ماشي عليهم لقيت واحد حايم جنب الحتات المشبوه ديك ( زميلنا فايز عقارب ، بيطرة) قلت ليه ماش وين يا زول قال لي ماشي علي جنينة الحيوانات، لما وصلت لقيتو قدامي بعمل في التمام. وناس تانية بالكيمان تاريها بتمم كل يوم، وانا قايل نفسي وحيد امو! .
كل الحدوتة دي جابا خبر الصديق هشام حسن ودي فرصة ما بطالة عشان أبارك ليه العرس وبيت مال وعيال.....

ونرجع من أول الحكاية.... انت شايفك قلت داير سياسة يا خليل مش كدا؟... عايز تنسى سيرة القطط....انا ما سياسي.... شوف ليك سياسيين أنفعوك في مرادك، انا البسوي فيه دا إنستالجيا...كان ما حلوة بخليها وبشتغل قطط....
ودادي

محمد جمال الدين

Post: #409
Title: Re: اليوم الحار ومابنداريوم الهندسة والمعمار
Author: khaleel
Date: 03-11-2006, 01:24 PM
Parent: #408

محمد جمال عايزين سياسة

الحنكوشة فلانة كانت بنتقل في home work من جارها

دكتور هجو قبضها وطردها واداها صفر

مشت لصديقي المهندس وضاح عبد الحي بتشكي ليهو بالانجليزي

wadhah yesterday MR. Hago CAPture me tracing from my neighbour he gave me big zero,but idont care
because amnot first one he gets zero

والله قلت يا اخوانا دي جنيقير لوبيز

يا ربي ديل معانا في نفس الكلية

Post: #410
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-11-2006, 06:04 PM
Parent: #409


صديقي الجميل خليل،

انت ما ظنيتك قاصد السياسة السياسة، انت كررت كم مرة نحن عايزين سياسة!، لكن أظنني انك قاصد حلمنا في ان نعمل سويا من أجل قضايانا المشتركة في لحظة تاريخية محددة من حياتنا( تلك في الحقيقة كانت سياسة، لكنها من الماضي) "في لغة هسه".
سياسة اليوم مختلفة جدا، فن ممكن اليوم هو ما نراه في الخرطوم والجنوب ودارفور وشرق السودان، و محكمة لاهاي وقوات الإتحاد الأفريقي والقوات الدولية في الجنوب وجبال النوبة والقوات الأخرى الدولية الماشا على دارفور (وذاك هو واقع السياسة السودانية وحقيقتها) وحلة الملاح الصعبة والدنيا المركبة بالغلط في سودان اليوم(وهذا عظم السياسة، الواقع).
نحن هنا في إعتقادي (حتى الآن) نتحدث عن ذاكرة محددة هي جزءا من تجربتنا المشتركة كأصدقاء في العمل العام في حدود محددة هي أبواب جامعة الخرطوم (في يوم من الايام) ليس الا ( وهي أيضا تجربة جديرة بالتقييم في إعتقادي).
أليس كذلك؟.

ونشوف الناس التانية رأيها شنو

تصبحون على خير

Post: #411
Title: Re: اليوم الحار ومابنداريوم الهندسة والمعمار
Author: Lucky
Date: 03-11-2006, 10:28 PM
Parent: #410



Third year electrical Engineering in 1988
For larger picture click the URL beloww
http://www.scaon.com/photos/elect86.jpg





Igd El Galad Group performing at the faculty of Engineering

Post: #412
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-12-2006, 04:01 AM
Parent: #411

من تكون أنت يا LUCKY؟
مشكور عزيزي على الصورة التي أرجعتنا عشرين عاما للماضي او يقارب..
كدت أنسى معظم الوجوه وربما الأسماء.
صورة ثالثة كهرباء 88 هي لدفعتنا..
التحية مزجاة مضمخة بدفء المشاعر والشوق لهم جميعهم..
تذكرت وميزت منها من اليسار لليمين وقوفا
آمنة عريبي - جنابو أمير سليمان - أماني عبدالرحمن موسى - وجه مختفي - هاشم محمد خالد - مزمل عبدالرحيم - القصير هو محمدأحمد فضل الله خلفه شخصي الطويل - شخص لا أذكره الآن - مهدي صبير والذي لم نتأكد من شائعة زواجه تلك السنة وحتى تخرجنا! - خلف مهدي شخص لا أذكره الآن - ثم علي عبدالله سالم يعقوب - محمد بابكر - عبادة معاذ السراج - د. نجم الدين فضيل - عزالدين اسحق (هل أنت صاحب الصورة من كندا؟) - عبدالرحيم عمر؟ - شخص لا أذكره - بدرالدين الفكي - حسين أبو القاسم - أبكر آدم يعقوب وقيل صلاح وقيل هانئ له ألف تحية - عبدالمنعم حنكوش أمبدة - د. معتصم عبدالله؟ - عبدالرحمن آدم
جلوسا من اليمين للشمال
الصادق خضر او جاز (أول الدفعة) - د. محمد محيي الدين - ابراهيم محمدالحسن - مصطفى جعفر بتيك - علي خضر - شخص حيرني كثيرا - محمدعبدالحليم - كباشي - عبدالكريم الحسين (رحمه الله انتحر وهو مسؤول أمن موبيتيل) - شخص حيرني أكثر - علاء الدين الفلسطيني
أفتقد من الصورة صديقي توأم روحي أحمد محمد الأمين ومبارك كبيدة وناهد اسماعيل عطية..
طبعا ود الأمين في الغالب كان غائبا فهو كان يجئ ساعة يشاء ليغادر بعد نصف ساعة هذا اذا جاء..

Post: #413
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-12-2006, 04:14 AM
Parent: #412

بعد تكبير الصورة مرتين تعرفت على الصادق ابراهيم بجواري.. الصادق من الخور جنوب الحاج عبدالله وهو ألذ من مشى على قدمين.. بالمناسبة الصادق ابراهيم هو الشخص الطويل، أما الشخص القصير الواقف بينه وبيني فلابدن يكون مبارك كبيدة.. هو مافي غيره!
ثم تعرفت على حسان الجلقني بين علي خضر ومحمدعبدالحليم..
وبدلا من كباشي، الصحيح هو جنابو عبدالوهاب الطيب من حلة عباس
وبين المرحوم وعلاء الفلسطيني هناك د. أحمد كمال حسن بادي

أيضا من المختفين عن اللوحة العزيز الظريف الرائع كمال أبو بكر.. لابد أنه كان حائما في الأحفاد يشرح علم نفس أو في الدراسات الاضافية!!

Post: #414
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-12-2006, 04:19 AM
Parent: #413

أما الوجه المختفي خلف أماني بين أمير سليمان وهشام محمد خالد، فلابدن يكون ياسر بانقا!!
وبين عبدالرحيم عمر وبدر الدين الفكي هناك أحمد عبدالمتعال المنقوشي..
الحقيقة الغريبة جدا... الشخص الواقف بين عبدالرحمن محمد آدم وعبدالمنعم هو آدم مالك وليس د. معتصم...



Post: #415
Title: Re: اليوم الحار ومابنداريوم الهندسة والمعمار
Author: khaleel
Date: 03-12-2006, 06:28 AM
Parent: #414

lucky

شكرا

تفني الجسوم وتبقي الرسوم

تحياتي لك وللصائم ومحمد جمال

يا الصائم عايزيين اللنك بتاع لن ننسي اياما مضت مرحا

واناشد كل الشباب لو في زول عندو صور ارسلها لي في الايميل

لوضعها في البوست

ونتكلم لاحقا عن المهندسة زينب محمد سليمان

لانها من الشخصيات المدهشة كما تقول عزاز شامي

Post: #416
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-12-2006, 01:36 PM
Parent: #415

انا برضو استمتعت بالصور، برغم انني لست جزءا ماديا منها كوني كنت طالب في كلية تانية حلوة جدا (إقتصاد)، لكن أهلي وأصحابي بالكوم في ه>ه الصورة الرائعة (يا لها من دنيا).
الشكر موصول ل Luky
والمحبة للجميع
ونمشي لقدام

م. جمال

Post: #418
Title: Re: اليوم الحار ومابنداريوم الهندسة والمعمار
Author: khaleel
Date: 03-12-2006, 02:03 PM
Parent: #416

زينب محمد سليمان

المهندسة الذيذة دمها اخف من الممثلة ياسمين عبد العزيز

لازمتني في السراء والضراء

ربتت معي في تانية وحاولت قتل دكتور التاج وهددته بالسكين وحاولت حرق سيارته

تم احتوائها كما تحتوي امريكا دول محور الشر

ذهبت معنا جبل اولياء لكورس المساحة وكانت معنا في مجموعتنا فاوكلنا لها رسم الخرائط

فعكست الشمال والجنوب

قام الدكتور قال ليها والله يا زينب دها يوم القيامة عديل


في سنة خامسة كان امتحان التصميم الهندسي ما بنهبش وشطة ما بنقرش

فقامت زينب بتمزيق ورقة الامتحانات وخرجت من القاعة

وقد سبقتني لهذا

نفس الحالة النفسية مرت بي حاولت تمزيقه ولكن تمالكت اعصابي

اصر بروفسير دفع الله الترابي علي الا تتخرج زينب لسوء السلوك

ولكن الاجاويد تدخلو وسمحو لها بالجلوس للملاحق

حاولت تزويجها لصديقي المهندس اشرف منير

ولكن اشرف اعتذر وقال عاوز اقرا


قابلتني مرة ليلا وانا مع الحسناء دكتورة القطة

وصرخت خليل ( خليل الشمار النابح دها جبتو من وين)

والشمار هو الجكس وليس القطيعة

غضبت دكتورة القطة ورفعت جبينها وقالت دي شنو دي

اجبتها لا عليك ان زوبة ملح الارض

زينب الان خبيرة في الامم المتحدة وتعمل في مجال الري

متزوجة وتنعم بحياة هادية

تحياتي لها


شوقي ليك طال قلي متين اراك

Post: #417
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-12-2006, 01:53 PM
Parent: #415

ياسسسسسسسسسسسلام يا الصايم علي الصورة دي...

...كويس انت وريتنا الاسماء لانو الواحد بعرف الناس دي كلها..بس الزمن طال..

Post: #419
Title: Re: اليوم الحار ومابنداريوم الهندسة والمعمار
Author: khaleel
Date: 03-12-2006, 02:15 PM
Parent: #417

كريم ياخي الود العريان

يا لبسو يا تغيرو

لكن برضو احسن من الزول الشين داك

انت عارف طيرت الجكس من البوست دها

لا نادية لا مني الا انتصار لا نون

كل جكس المنبر بقي ما بخش لي في البوست عشان الناس الشينين البتجيبم ديل


مهمشين ما قلنا حاجة

لكن الشنة ما معانا

Post: #420
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-12-2006, 02:25 PM
Parent: #419

Quote:
كريم ياخي الود العريان

يا لبسو يا تغيرو


ده بلبس ياخليل لمن البلد كلو يلبس..

وما بلبسوا كلو كلو الا الكيزان ديل يزحوا كده ولا كده...

ونعيش في بلد فيهو كل قيم العدل والتسامح والديقراطية....

وبعد داك بلبسوا (ردة) بس!!!!!

Post: #421
Title: Re: اليوم الحار ومابنداريوم الهندسة والمعمار
Author: khaleel
Date: 03-12-2006, 02:28 PM
Parent: #420

كريم لبسو عليك الله

مالنا ومال الكيزان

وكان الكيزان

الود البرد بكتلو

Post: #422
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-12-2006, 03:06 PM
Parent: #421

Quote: زينب محمد سليمان


حليلة ياخليل زينب دي...

كانت زولةظريفة وشاطرةشديد..لكن الدروينغ ابن كلب

Post: #423
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-12-2006, 04:27 PM
Parent: #1

الاعزاء السلام عليكم
بحكم انتمائي لكلية الهندسة و هذا الهتاف وجدت نفسي ادلف لهذا الحوار محاولا التعرف علي بعض الشخوص و فاجاني صديقي السابق محمد جمال بوجوده داخل هذه الحديقة فانجذبت اكثر محاولا التعرف علي شخوصكم فوجدتني اعرف ايضاالمهندس عثمان حامد و ابراهيم باخت من البزنس فقلت في نفسي اين هؤلاء الان .
صورة عقد الجلاد اعتقد انها للحفلة التي اقيمت يوم راس السنة 1989م بكافتريا الهندسة و قد كنت احد منظميمها ما احلي تلك الايام الرائعة التي شدتني للوراء كثيرا ايام الندية بين الهندسة و الاقتصاد في الكورة و الجكس و كل حاجة و حتي الانشطة الثقافية و الاجتماعية .
يا محمد جمال اين انت الان يا صديقي و اين اخونا طارق ابو شوك؟ و نادر ابو كدوك ز
شكرا لاعادتنا لمربع الايام الجميلة و الرائعة .
اخوكم امين عمر عثمان

Post: #424
Title: Re: اليوم الحار ومابنداريوم الهندسة والمعمار
Author: Lucky
Date: 03-12-2006, 05:24 PM
Parent: #423



Barracks at 1988 floods

Post: #425
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-12-2006, 06:08 PM
Parent: #424

Quote: الاعزاء السلام عليكم
بحكم انتمائي لكلية الهندسة و هذا الهتاف وجدت نفسي ادلف لهذا الحوار محاولا التعرف علي بعض الشخوص و فاجاني صديقي السابق محمد جمال بوجوده داخل هذه الحديقة فانجذبت اكثر محاولا التعرف علي شخوصكم فوجدتني اعرف ايضاالمهندس عثمان حامد و ابراهيم باخت من البزنس فقلت في نفسي اين هؤلاء الان .
صورة عقد الجلاد اعتقد انها للحفلة التي اقيمت يوم راس السنة 1989م بكافتريا الهندسة و قد كنت احد منظميمها ما احلي تلك الايام الرائعة التي شدتني للوراء كثيرا ايام الندية بين الهندسة و الاقتصاد في الكورة و الجكس و كل حاجة و حتي الانشطة الثقافية و الاجتماعية .
يا محمد جمال اين انت الان يا صديقي و اين اخونا طارق ابو شوك؟ و نادر ابو كدوك ز
شكرا لاعادتنا لمربع الايام الجميلة و الرائعة .
اخوكم امين عمر عثمان

يا إلاهي،
يا أمين عمر يا شاعر، يا أديب، يا رائع، انت وين والباقي عبيك شنو. انا والله ما نسيتك ولا لحظة، بس الدنيا مرات بتكون صعبة شوية. وها نحن نلتقى بغير ميعاد، يا للدنيا
لك حبي
م. جمال

Post: #426
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-12-2006, 06:38 PM
Parent: #425

صديقي وحبيبي القديم (الأديب) أمين عمر عثمان يناشدني:
Quote: يا محمد جمال اين انت الان يا صديقي و اين اخونا طارق ابو شوك؟ و نادر ابو كدوك
شكرا لاعادتنا لمربع الايام الجميلة و الرائعة .
اخوكم امين عمر عثمان

والإجابة:
والله انا ذاتي ما عرف انا وين!.
بس عندي إحساس إحتمال أكون يافي نيوزلندا يا في هولندا!. حاجة بادية بالنون أو الهاء. الشي المتأكد منو انو الحتة دي فيها جليد (باردة خلاص) حاسيه في عضامي، يعني انا شبه متأكد انو البلد دي ما الصومال ولا اليمن (الا إكون حصل انقلاب مناخي في الوجود وانا غافل)!.

وأما سؤالك عن بعض الأحباب:

طارق أيو شوك المعلم الكبير لي زمن منو (سنين كتيرة خلاص) ولي شوق كبير ليه، وأبراهيم باخت أظنو في الولايات المتحدة (ذلك الولد الأنيق الذكي، لا أدري ماذا فعلت به الأقدار، ان شاء الله خير) و أبو كدوك ان شاء الله اكون بخير بدوره (له الحب كله).
ولك مني المودة الصادقة وأبقي على إتصال
سؤال قبل ما أمشي : انت لسه أديب ومؤدب، ومفعم بالحيوية؟.

محمد جمال الدين

Post: #427
Title: Re: اليوم الحار ومابنداريوم الهندسة والمعمار
Author: khaleel
Date: 03-13-2006, 06:37 AM
Parent: #426

امين انت البوح والجرح والمهرجان

هذه مقطع من قصيدتك

ابوشوك سمعنا انها جاء الدوحة ولم نتشرف بلقائه

نادر ابوكدوك في لندن منذ اكثر من تلتاشر سنة

lucky

شكرا ومزيد من الصور

محمد جمال ابدا السياسية

Post: #428
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-13-2006, 06:47 AM
Parent: #427

خليل يا مايسترو....

توزيع عجيب...رحم الله عادل اميقو

Post: #429
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-13-2006, 07:21 AM
Parent: #1

يا محمد جمال
كيفك ؟
ما زلت احاول التنفس من تحت الماء احيانا كثيرة
بالجد انا في غاية السعادة لوجودك هنا انت و من معك و ليت تلك الايام تعود من جديد و بالمناسبة ابوبكر عبد القادر موجود في المملكة العربية السعودية و ما زال يحاول الحياة واقفا علي قدمين و لكن تبدوان كانهما من خشب.
و لك ودي
سؤال اخير محرقني شديد :-
أين تلك الرائعة التي كانت دوما معك؟
أتمني أن لا يكون مشروعكما الجميل في رحم الغيب أو النسيان !

Post: #430
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-13-2006, 08:29 AM
Parent: #1

يا الله
(انت البوح و الجرح و المهرجان)
الكلام ده جبتو من وين يا زول!
انا لي زي تاشر سنة كده ما شفته و لا قريته حتي عليك الله كان عندك قوله كله يا خليل

بالمناسبة دي طارق حاج التوم و بكري اللبش وين؟

Post: #431
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-13-2006, 11:06 AM
Parent: #430

Quote: محمد جمال ابدا السياسية

انت يا خليل داير تشوه سمعتي، وتشرد مني بقية الأنصاص التانية:
انا ما سياسي ولا حاجة. انا زول ساكت. دا كان زمان. وبالمناسبة انا زمان برضو كنت بكتب شعر وقصة قصيرة وممكن أمين عمر عثمان أكد ليك الكلام دا، وكنت نشط في المنتدى الأدبي بالجامعة. ولو دايرني أشعر هسه بشعر وأدوبي كمان. قال سياسة قال.


هامش:

بس برضو لظروف بلدنا مفترض نهتم بالسياسة.

عشان كدا حبة منها في المليان بكون شي ما بطال، بس لازم نشوت في الزوايا البعيدة، عشان الأهداف المضمونة وكدا.
(((وحا أرجع حالا لأمين عمر عثمان، عندة دائما أسئلة صعبة)!

محمد جمال

Post: #432
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-13-2006, 11:39 AM
Parent: #431

Quote: سؤال اخير محرقني شديد :-
أين تلك الرائعة التي كانت دوما معك؟
أتمني أن لا يكون مشروعكما الجميل في رحم الغيب أو النسيان !


والله يا أمين ما عارف أقول ليك شنو؟.
أظنك فهمتني.

بس انت الأسئلة الصعبة دي بتجيبها من وين.

وانا الأسعد بلقاك هنا بعد طولل الغياب

محمد جمال

Post: #433
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-13-2006, 01:16 PM
Parent: #432



امين عثمان

حبيبة محمد جمال

رحلت مع اخر

وكلنا في الهم والالام شرق

طارق حاج التوم ممكن في السودان

اما ابوبكر اللبش في اليابان

مازال هشام سفل اشهر العذاب دي اخر الاخبار العندي

امكن اكون الله هداه

Post: #434
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-13-2006, 01:27 PM
Parent: #1

هشام سفل اتزوج قبل سنتين و كذلك خالد الشهير
اول حاجة قالها صاحبك هشام بعد ما جا راجع من شهر العسل
قال اكتشف انو الما بخاف من مرته ما راجل
علي فكرة هشام انجب بنت و سماها علي بنت الشهير لانها ولدوها في نفس تاريخ ميلادها طبعا صاحبك الشهير انتهز الفرصة و طلع اشاعة قال فيها انو هشام سفل لحدي اسي قاعد يترس منو .
يا محمد جمال معليش تعيش و تاخد غيرها يا صديقي و الجايات احسن من الرايحات

Post: #435
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-13-2006, 01:36 PM
Parent: #434

الغريبة هشام سفل كان بقول طول ما في دوري والموردة بتلعب مافي داعي للعرس وقال هو بضايق حتي

لما ينوم براهو كيف اجيب زول انوم معاهو في السرير

اما خالد الشهير

فقد كتب حمكته في داخلية النشر

خالد الشهير عدو المراة والفلكسواجن

لكن سبحان الله الاتنين اتزوجو

Post: #436
Title: Re: اليوم الحار ومابنداريوم الهندسة والمعمار
Author: Osman Malik
Date: 03-13-2006, 01:41 PM
Parent: #1

أمين
والله زمان, وين أراضيك يا حلو.
لي زمن اخش البوست ده اتاوق و امرق, خايف يلم فيني زول يطلع فضايحي الاكاديمية و العاطفية, لكن لما لقيتك اطمنت وقلت هو أمين خشا انا ما بخش.

Post: #437
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-13-2006, 01:53 PM
Parent: #436

عثمان ود العرضة

ازيك يا لذيذ

طبعا انت في نفس الزون بتاعة السبعة سنوات واظنه عادي للناس الشطار القرو هندسة في سبعة سنوات

وبالمناسبة وين ناس الطب ديلاك

وين ناس زراعة العيونهم كبار ديلاك

Post: #438
Title: Re: اليوم الحار ومابنداريوم الهندسة والمعمار
Author: Osman Malik
Date: 03-13-2006, 02:07 PM
Parent: #1

ما قلت ليك يا امين مما اخش الفضايح بتبدا.
عبد الكريم, خلي الطابق مستور انا ولدي شنبو قام.
سلامي للجميع

Post: #439
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-13-2006, 02:24 PM
Parent: #438

Quote: عبد الكريم, خلي الطابق مستور انا ولدي شنبو قام.


ابو عفان اديك الف عافية

نحن اليك حنين المرضعات

مشتاقين تحياتي لافراد اسرتك

ولازم تكتب لينا حاجة عن عالم الحناكيش واولاد لندن

عايزين نعرف حاجة عن المجتمع المخملي دها

وديسكو الميرديان وكدة

Post: #440
Title: Re: اليوم الحار ومابنداريوم الهندسة والمعمار
Author: khaleel
Date: 03-14-2006, 05:56 AM
Parent: #439

محمد المرضي جبارة عمر

صديقي الصيدلاني

الذ زول اجمل الذكريات قضياناها معا في منزله

وفي الصيدلية وفي سماع مرحبا ياشوق لوردي

كان برنابا يبكي ويدردق وقول لي خليل الاغنية دي بتذكرني ذكريات مولمة

وصديقي الصيدلاني عبد السلام الامين ود الدويم الدنجوان بكسر اي جكساية تقابلو

وصديقي نادر عباس الياس هاموش اكيش من لعب الهارت

وهناك ياسر ابراهيم الوجيه رب العذاري

اولاد طب وصيدلة ناس حلويين

وما انسي طبيب الانسان ناكل ممانخلع صلاح عثمان طبيب كبير بالسويد الان

Post: #441
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-14-2006, 06:00 AM
Parent: #439

Quote: سؤال اخير محرقني شديد :-
أين تلك الرائعة التي كانت دوما معك؟
أتمني أن لا يكون مشروعكما الجميل في رحم الغيب أو النسيان !

امين عمر




Quote: امين عثمان

حبيبة محمد جمال

رحلت مع اخر

وكلنا في الهم والالام شرق


عبد الكريم


الحب اعطى والحب اخذ

)تلك اية الصبر في سفر الهيام(

Post: #442
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-14-2006, 06:37 AM
Parent: #1

( الحب أعطي و الحب أخذ )
تلك آية الحب في سفر الهيام
الكلام ذكرني بحديث اخونا العارف بالعشق عثمان بن يعقوب ( نفعنا الله ببركته ) :-
( جنات هذا العشق وارفة الظلال و لا ظلال علي أحد ).
يا عثمان مالك أين أنت ايها العزيز؟

Post: #443
Title: Re: اليوم الحار ومابنداريوم الهندسة والمعمار
Author: khaleel
Date: 03-14-2006, 01:40 PM
Parent: #442

امين عمر عثمان اكتب ذكرياتك وسيب الونسة مع عثمان مالك ومحمد جمال في الماسنقر

حان الزفاف وانا حالي كيفك ان بوصفو

في يوم خريفي حزين وفي شعر اغسطس عز الخريف عز الشتاء

ازدان نادي البياطرة لاستقبال حفل زواج دكتورةالقطة

ما فضل بيطري ما جاء حتي روح النذير دفع الله كانت تحلق في ذلك اليوم

تحركت انا في موكب رهيب مكون من خمسة سيارات

بقيادة مامون الكوتش

الشارع ملي بمياه الامطار والدنيا خريف

كان يغني حمد الريح

والدكتورة في الكوشة بزفافها الانيق

مع غريمي زوجها وكان في ذلك اليوم وجيها


ذهبت لها وباركت لها


ومديت يميني بلا كلام ما قدرت قدامك اقيف

رايت صديقتها دكتورة هدي وانا ابارك

لم اقل مبروك بس سلمت

وكان هذا اخر مسمار دق في نعش خليل

وكان حمد الريح يغني

شال هم فرقتك قلبي

وتتسيبهم مش حرام للريح وعارف القاسو ما شوية

كل اغاني المرحلة غناها في ذلك اليوم

وكانه يعرف بان خليل موجوع


وختم الحفلة باغنية الرحيل

وكان الرحيل

انتعهت الحفلة

وعدنا لامدرمان وكنت اغني


خلاص اخترت ناس غيرنا وهم اغروك تخلينا

واتاريك كنت خادعنا سرابك موجو غاشينا

وانا فاكرك معاي

لما وصلت امدرمان غنيت كل اغاني الفراق

Post: #444
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-14-2006, 01:51 PM
Parent: #443

Quote: كل اغاني المرحلة غناها في ذلك اليوم

وكانه يعرف بان خليل موجوع


وختم الحفلة باغنية الرحيل

وكان الرحيل

انتعهت الحفلة

وعدنا لامدرمان وكنت اغني


خلاص اخترت ناس غيرنا وهم اغروك تخلينا

واتاريك كنت خادعنا سرابك موجو غاشينا

وانا فاكرك معاي

لما وصلت امدرمان غنيت كل اغاني الفراق


http://www.sudaneseonline.com/SudaneseMusic/music/wakeel/[email protected]
احدي اغاني المرحلة

Post: #445
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-14-2006, 02:18 PM
Parent: #1

يا خليل انتو مالكم مصرين علي الكلام البجيب وجع الروح ده؟
كده انت خليتني اتذكر كلام اخونا الشاعر مجدي حسبو البقول فيه و كانه بيتكلم بلسان حالك :-
الف مبروك
نجم سعدك قالو في آفاقه
و الشجن من جو وجودك لملم الاهات و أزمع
و الأماني بتدنو منك
نور صباحك ضوٌ اروع
و البشاير تطوي جوفك و النسيم لي عطره ضوٌٌٌع
حبي في جواك تلاشي
و غيري في قلبك تربٌع

Post: #446
Title: Re: اليوم الحار ومابنداريوم الهندسة والمعمار
Author: khaleel
Date: 03-14-2006, 02:32 PM
Parent: #445

امين بتذكر الحلقة السجلناها في التلفزيون

وانت قريت القصيدة بتاعة البوح والجرح

ومتذكر قصيدتك في الاسبوع الثقافي

احبها وتحبني ويحب شنتطها كتابي

امين بتذكر ولا اطلع باقي الحاجات

هنا في ذاكرة اقوي من الايام

Post: #447
Title: Re: اليوم الحار ومابنداريوم الهندسة والمعمار
Author: Osman Malik
Date: 03-14-2006, 02:47 PM
Parent: #1

Khaleel, please check your messenger

Post: #448
Title: Re: اليوم الحار ومابنداريوم الهندسة والمعمار
Author: khaleel
Date: 03-15-2006, 05:55 AM
Parent: #447

تحياتي عثمان مالك

مازلنا في انتظار قدوم ( البير بتاعي) ابوبكر حجازي

طبعا حجازي غادر الجامعة من سنة تانية ومشي العراق وانضم للرفاق

وعاد امتحن مرة تانية ووجدنا نحن كنا مفصولين ونجح معانا

ومن اليوم حجازي عمل حسابو

اتخيلو بحفظ الكراس من الجلدة للجلدة

حتي النقطة والشولة وعالم تخاف ما تختشيش

Post: #449
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-15-2006, 10:30 AM
Parent: #448

Quote: اتخيلو بحفظ الكراس من الجلدة للجلدة

حتي النقطة والشولة وعالم تخاف ما تختشيش


اتخيل لي يا ابو الخل انت ذاتك بعد الكعة الشهيرة ديك...

بقيت ما هين ومخك بقي( حفيظ من النوع ابو كديس)

Post: #450
Title: Re: اليوم الحار ومابنداريوم الهندسة والمعمار
Author: Osman Malik
Date: 03-15-2006, 11:02 AM
Parent: #1

أبو خليل
تتذكر لمن حلقت شنبك و قعدت تغني "يا حليلك يا شنبنا" علي وزن اغنية يا حليلك يا بلدنا.
والله أيام.

Post: #451
Title: Re: اليوم الحار ومابنداريوم الهندسة والمعمار
Author: khaleel
Date: 03-15-2006, 01:28 PM
Parent: #450

عثمان مالك

ازيك اظنك تقصد شخص اخر هو صديقي ( القرود)

حيث قام ماجد الفلسطيني بخداعه حيث اقنعه بتوضيب الشنب بتاعو

والراجل سلم شنبو للفلسطيني وبدلا من توطيبه قام بقص نصفه

لما نظر القرود وجد نصف شنبه مافي

شتم الفلسطيني وقال ليهو ما خاتي عليكم شاروون

قام الراجل بحلاقة النصف الاخر من الشنب وصار ( ملط)

سبعة يوم لم يذهب للجامعة

وكان ناس شلوت بشاغلهو يا زول حلقت شنبك

وكان معز جرتلي بقول ليهو كدة احسن وفي الدين الاسلامي دها المطلوب

اجفان زكريا في القاعة قالت الليلة القرود دها وشهه في حاجة غريبة

تحياتي للصديق الرائع القرود

بقول ليهو اين انت يا حلم الصبا اين انت يا امل الشباب

Post: #452
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-15-2006, 03:04 PM
Parent: #451

Quote: ازيك اظنك تقصد شخص اخر هو صديقي ( القرود)


يا سلللللللللام يا خليل والله الليلة انت جبت طاري الذ زول في الشرق الاوسط...

الله يا ابو القوق..تري اين انت الان؟؟؟؟؟؟اخبارك مقطوعة مليون سنة ما نشوفك

من لديه عنوان هذا الفتي النحيل الموعود بالعذاب (كما كان يقول*)...(ماذا تريد السماء

بهذا الفتي النحيل)

Post: #453
Title: Re: اليوم الحار ومابنداريوم الهندسة والمعمار
Author: khaleel
Date: 03-16-2006, 05:12 AM
Parent: #452

يا كريم

وصلنا للتو ما ياتي

المدعو القرود انتهي به المطاف في الموسسة العامة لاعمال حفريات الري قطاع ابوعشر

ويعمل الان في قرية خمسة وستين كمل نومك

وضاعت كل احلامه في الزواج من احدي الحكنوشات

ولم يتمكن من الهجرة لضيق ذات اليد

والتركة المثقلة التي يحملها

Post: #454
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-16-2006, 12:26 PM
Parent: #453

يا خليل يا خلي،
معلوماتك غلط في غلط في غلط عن صديقنا الجميل القرود.
الزول دا انا قبل سنة سنتين كنت على اتصال دائم بيه (رجل جميل محزون قست عليه الدنيا وما محظوظ كلو كلو).
اخر مرة كان شغال في كنبو جابك أجلك (في الجزيرة) وفي خبر اكيد انو عرس: قالوا عرس ليه مرة كبيرة شوية في العمر في حتة كدا أظنها جنب كاب الجداد والله أعلم، بس لحقت تجيب ليه بطنه (بقدر قادر) جابت ليه بت سماها عشمانة هسه عمرها خمس سنة.
لكن الشي السمعتو تاني قالو سافر ليبيا بالبر عبر مليط، والمرة طلقتو للعسر (اصلو ظروفه المادية من يومه كانت صعبة شوية وربنا ما هون ليه) والمرة برضو (ربنا إغفر ليها) قالو كانت عاصراه شوية ومادباه أدب المدايح لانها كانت بتصرف على المعيشة الصعبة اكتر منو.
ربنا اعين القرود وجميع أمثاله في الارض
على اي حال انا كلمت واحد صاحبي في سبها افتش عليه
وان شاء الله نسمع عنه كل خير
بس انا عندي إقتراح عملي انو الناس تفكر في عمل الواجب من هسه، اصلو زي ما بالبنات العارفات من اين تؤكل الكتف قالو من زمان: ليبيا واليمن ضياع زمن (وانا والله البلدين ديل للاسف ما اتشرفت بيهم بس بتكلم على زمت البنات البغنو الاغنية دي)

محمد جمال

Post: #455
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-16-2006, 01:02 PM
Parent: #454

Breaking news

خبر عن القرود






صديقنا القرود في قرية من قري صحراء بنغازي في ليبيا.


انا سعيد بمعرفة مكان اقامته






بس في خبر حزين ومؤسف





القرود في الحبس (السجن)



مع انو بقولوا الجريمة ما كبيرة اظنها مدنية ولا بقولوا عليها عرفية ما عارف، بس ما إغتصاب حسب ما فهمت.

توقعو معلومات دقيقة خلال الساعات المقبلة وربنا استر

محمد جمال

Post: #457
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-16-2006, 01:20 PM
Parent: #455

لقد تأكد الخبر،
القرود في سجن محلية النسومة ضاحية بنغازي.
انا قدرت بعد محاولات عديدة اتصل باللجنة الشعبية بتاعة سجن النسومة،
ناس مفترين خلاص،
قلت ليهم ممكن لو سمحتو اكلم القرود؟. انا عارفهم ما حا اخلوني اتكلم معاه بس قلت اتأكد من الرواية.
قالو لي نحن ما معانا قرود. بعد محاولات عديدة، جبت الأكيدة قالو لي نحن ما عندنا في السجن دا قرود كتيرة في قرد واحد (سوداني)، وللأسف طلع دا صاحبنا بشحمه ولحمه دا كان ك فضل ليه شحم ولحم لسه. قلت ليهم بقلبي الله إجازيكم.
الجريمة شنو؟.
انا هسه بحاول معاهم، بس مبدئيا كدا شكلو متورط في عملية كدا عندها علاقة بالجكس (والله أعلم)، برغم انها عملية صغيرة وبريئة حسب ما فهمت، بس الناس مرات بتعقد الأمور ساكت،
والله زي الحاجة القالوها لي دي عندنا هنا في أوربا الناس بتعملها في البص وفي الشارع اثنا ما الناس ماشا على شغلها ولا في زول بجيب خبر وكأنك بتشرب كازوزة (ربنا إحمينا من الغزو الثقافي الجكسي، ويهبنا الغزو التكنلوجي وحده، آمين).


ونتابع، وربنا استر
محمد جمال

Post: #456
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-16-2006, 01:08 PM
Parent: #454

Quote: بس انا عندي إقتراح عملي انو الناس تفكر في عمل الواجب


مسكين ابو القوق ..يا كوتش..

عموما دي مناشدة لكل اصدقاء هذا الفتي الجميل لانتشال القرود اللطيف..

واظن ان اصدقائه كتر عبر القارات للمساهمة معنا في قرود (كول)..

انحنا غايتو في قطر كشفنا جاهز...

Post: #458
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-16-2006, 01:34 PM
Parent: #456

Quote: مسكين ابو القوق ..يا كوتش..

عموما دي مناشدة لكل اصدقاء هذا الفتي الجميل لانتشال القرود اللطيف..

واظن ان اصدقائه كتر عبر القارات للمساهمة معنا في قرود (كول)..

انحنا غايتو في قطر كشفنا جاهز...



شكرا عبد الكريم على البادرة الطيبة
بس انا من ٍرأيي قبل التبرعات (الواجب المهم)
وفبل Garood call
نحن مفترض أول شي نبدأ حملة توقيعات لإطلاق صراح حبيبنا القرود ونرسل منها كوبي للزعيم الأممي معمر. والا انتو رأيكم شنو في الخليج، انتو قصتكم كلها قروش!!!!، نحن عارفنكم مقرشين ومبحبحين بس القروش ما أي شي، ممكن تعرسو بيها مثنى ورباع، بس ما أكتر من كدا، نحن في أوروبا وامريكا تعلمنا الكثير بحكم فلسنا (الحنك اهم شي).
يلى نبدأ تقويعات
محمد جمال

Post: #459
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-16-2006, 01:57 PM
Parent: #458

يا محمد جمال ياخي الراجل موجود في السودان ولم يغادره ...

ولعلك تعلم ان هذا الرجل شخصية قومية...ولقد استقبلت الان مكالمة منه..ومن عده

جهات..جادة تستفسر عن هذه الاخبار...

ونرجو تعديل هذا الخبر...

Post: #460
Title: Re: اليوم الحار ومابنداريوم الهندسة والمعمار
Author: khaleel
Date: 03-16-2006, 03:34 PM
Parent: #459

يا حليل زمن قرود

يا حليل زمن قرود

بهذه الاهزوجة استقبل طلاب

هندسة القرود بعد التخرج في مباراة

في الميدان الغربي

لم يستطع القرود تحمل هذا الاحتفاء

وهذا الخلود في قلوب طلاب هندسة

فسبقته دموعه وخرج من حيث اتي

Post: #461
Title: Re: اليوم الحار ومابنداريوم الهندسة والمعمار
Author: khaleel
Date: 03-17-2006, 11:52 AM
Parent: #460

مخطي من ظن يوما

ان للغنماية دينا

كان هذا لسان حال مجموعة المهندس الشيخ عيسي

ايام كورس المساحة في جبل اولياء

فبعد يوم شاق وعمل مضني

قام بتسجيل كل القراءات علي الورق

وكان الجو حارا فذهبو للشراب

وجات غنماية جبل اولياء الظريفة واكلت كل الورق

وضاع مجهودهم هباء

وفي المساء اثناء المناقشة سال الدكتور كل المجموعات

عن ماذا فعلو في الصباح وطالبهم بالورق

وهنا انبري شيخ عيسي

وقال للدكتور

والله يا دكتور ورقنا اكلتو الغنماية

Post: #462
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-17-2006, 03:42 PM
Parent: #461

والله يا خليل دي غنماية شكلها حا تكون أشطر من ناس.
وبالمناسبة في إحتمال إكون عندها منصب سياسيي مهم في سودان هسه.
عنماية مجتهدة مش بهيمة ساكت!

ربنا إكتر البهائم المجتهدة في بلدنا (قول آمين) وقول يا ستار


وتصبح على خير والكل بخير

م. جمال

Post: #463
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-17-2006, 06:06 PM
Parent: #462

Quote: محمد جمال ياخي الراجل موجود في السودان ولم يغادره ...

ولعلك تعلم ان هذا الرجل شخصية قومية...ولقد استقبلت الان مكالمة منه..ومن عده

جهات..جادة تستفسر عن هذه الاخبار...

ونرجو تعديل هذا الخبر...


كريم
وغوشتني شوية (يا رب الحاصل شنو) انا ممكن اكون غلطان في المصادر ولا شنو؟.
على كل حال في إحتمال إكون اللبيين فكوه ورجع السودان عدل على مراتو القديمة في كاب الجداد، ودا إحتمال وارد طبعا، (ربنا إسوي الفيها خير)
تحياتي
م.ج

Post: #464
Title: Re: اليوم الحار ومابنداريوم الهندسة والمعمار
Author: khaleel
Date: 03-18-2006, 05:57 AM
Parent: #463

محمد الراجل افرجو عنو لعدم كفاية الادلة

اتكلمكم عن تيمان في الهندسة شطار شطار جد

وائل ووليد ابوهم دكتور ابوبكر عبدالوهاب عميد الهندسة سابقا

وامهم دكتورة بوران ابوالريش

الاولاد ديل كانو بجيبو نتائج خرافية اقل معدل بجيبهو تمانية

ارقام قياسية لم يحققها الا دكتور لام اكول سابقا

صديقنا عمر حسين من الناس الكانو مربتين مرتين

وقال انو مشكلتو ما عندو توم

ولو كان عندو توم كان ممكن اجيبر نعدل زي وائل ووليد

حمد خوجلي قال ليهو

بما ان مستواك نصف مستوي وائل ووليد

فانت وتوامك ستحرزون معدل مقداره اربعة

ويقسم بينك وبين تومك اي زول ياخذ اتنين

تحياتي لحمد خوجلي وعمر حسين بالسعودية

والتيمان الشطار في امريكا واظن واحد منهم رجع السودان

Post: #465
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-18-2006, 06:13 AM
Parent: #464

خليل والله مسخوت خلاص انت...

جبت خبر عمر حسين الهلالابي الكبير...وبكون لحدي حسة الخمسة .مدروخاهو..


بمناسبة الغنماية دي..

حكي لينا دكتور عندنا في المساحة ..انهم كانو طالعين مامورية في احدي البقاع داخل السودان

عشان يثبتوا (بنش ماركات)..وهي غالبا ما يدفن الجزء الكبير منها داخل الارض..بعد عمل حفرة كبيرة

والشغل ده طبعا متعب خلاص..لانك لازم تراحع(القفلة...بتاعة اللفل زي مليون مرة كده)...

وكان جنب المعسكر بتاعهم حلة بتاعة ناس طييبن كده..واكرمو المساحيين شديد...


وطبعا الشغل استمر زي شهر كده...

وفي اخر يوم وهم خلاص ماشين ناس الحلة قاموا عملوا عزومة للمهندسين ديل...

وفي اثناء ما هم مستمتعين بالحفلة..جاءهم واحد من طرف الحلة ..وقال ليهم والله

الاولاد الليلة (نكتوا)..الحجارة بتاعتكم الدفنتوها دي...لكن مافي مشكلة

انا حفرت ليكم حفرة اكبر من الاولي وختيتها ليكم

Post: #466
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-18-2006, 06:29 AM
Parent: #465

Quote: محمد الراجل افرجو عنو لعدم كفاية الادلة


والله انا كان قلبي حاسس انو الراجل بري.
بس هو حتى لو الشيطان وزاه (وابن ادم خطاء) الناس الأربعة الفايقين ديل بلقوهم وين عشان اشاهدو المنظر كلو واكحلوه بعيونهم في المكحلة!!!.

بس انا الخبر التاني السمعتو ان الزول دا اصلا ما شاف ليبيا بعينو وقالو في القاهرة ليه ست سنة. وطلعت كلها اشاعات مغرضة.

م. جمال

Post: #467
Title: Re: اليوم الحار ومابنداريوم الهندسة والمعمار
Author: khaleel
Date: 03-18-2006, 01:57 PM
Parent: #466

محمد جمال

ما تحكي لينا

عن البت الحديقة

ام نظرات

المدهشة الفرحة الباسمة

كنت عايز اقول هو كان بحبك يا وحيدة

Post: #468
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-18-2006, 02:53 PM
Parent: #467

Quote: محمد جمال

ما تحكي لينا

عن البت الحديقة

ام نظرات

المدهشة الفرحة الباسمة

كنت عايز اقول هو كان بحبك يا وحيدة


انت أكيد بكون قصدك (السودان) والله هي بت ، زي ما تقول كدا أحلى بنات الدنيا، اصل وفصل، دلال وجمال، وكمان دلوعة خلاص، مرات بتجور علينا، ولو عملت كدا، وهي اليومين ديل (كم سنة كدا) شغالة فينا جور، جور شديد ونكران لأعز من أحبوها، بس حا تكون دائما عزيزة علينا وعلى قلوبنا الهشة. انا واثق انها حا ترجع لمقامها الاول مقام الصفاء ومتعة الحضور.
وبرضو لسه كلامك صاح: بلادي فيها بنات بمثلو بلادي ممكن نحكي عنهم (وعن حبيبتي بقولكم ماخدة حاجات منكم)
وفيها ولاد وفيها رجال (زي لهيب النار طلعة ما بتتقابل) برضو ممكن نحكي عنهم وعن الشهامة والمروءة، وعن حاجات اخرى ممكن تكون بشرية، مش نحن بشر زي بقيةخلق لله في الدنيا ام قدود؟.
وانا لو فضيت اليومين الجايين ديل (مع انني غرقان شغل ومشاغيل ومشغوليات) حا أرجع لوثباتنا العامرة ايام الجامعة (انا فاهم قصدك أظني)، عل تلك الوثبات الصغيرة الجريئة تكون قطرة في سبيل الإضاءة لوثبات أخطر شأنا في الطريق.
وعن حبيبتي حا أقول لكم، هي الكل منكم

حبي
م. جمال

Post: #469
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-19-2006, 06:39 AM
Parent: #468

يا خليل هاك:
مشكلة

واحدة صديقة عزيزة قبل كم يوم كدا قالت لي خليل دا زول جميل ومثقف وشكلو انسان حساس، بس درابو كتير. وأدتني أمثلة على بعض الدراريب: وصفه للنساء بالقطط.

يلى دافع عن نفسك (انت في قفص الاتهام)

انا من ناحيتي ما في مشكلة (درابي شوية) وكلمة قطة وقطط دي انا جبتها منك لا من راسي ولا كراسي. انا غايتو كان دي مشكلة معتذر مقدما، انا المشاكل مع الجكس من زمان بتهد حيلي سريع خلاص
ولو كانت كلمة جكس دي ذاته درابة انا برضو معتذر عنها وحا اشطبا هسه من قاموسي.

بس هو كلمة قطة دي كعبة؟.
عند اهل البلد النحنا فيها دي لمان تقول لزول يا كلب دا شكر كتير خلاص، وأما قصة تقول لواحدة يا قطة، دي خليها ساي، دي أعظم تعابير الرومانسية.

بعدين خلونا من دا وداك: الشعر والغنا السوداني ما مليان حيوانات:
صيد (غزالة)، ومها (بقرة) عيون المها يا عيون، جني الريل والخ،
يعني شنو البخلي الغزالة أشرف من الكديسة؟

م.جمال

Post: #470
Title: Re: اليوم الحار ومابنداريوم الهندسة والمعمار
Author: أبوالزفت
Date: 03-19-2006, 06:56 AM
Parent: #1


نهارك سعيد يا خل

ابو الخل شغل تحت الطربيزة ما بينفع

ناس تنشر غسيلهم للملاء وناس ترسل ليهم تحياتك

لازم تفتوا كلو


والفت الفت واجب وطنى

لكن يا ابو الخل نرجع ونقول الناس اعزار والبيوت اسرار

وكما قال هشام سفل راجل مابيخاف من مرتو ما راجل

Post: #471
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-19-2006, 07:39 AM
Parent: #470

Quote: وكما قال هشام سفل راجل مابيخاف من مرتو ما راجل


أبو الزفت
تحياتي
قبل كم يوم كدا كنت في إجتماع رسمي مع واحدة صديق (خواجة صر)
كنا متواعدين نتعشى مع بعض بعد نهاية الإجتماع (بس الإجتماع اخد ساعتين زيادة عن وقته المقرر).
بعد الإجتماع لقيتو بترتح في السلالم فاقي البيرق، على وين على البيت عدل، قلت ليه يا زول نحن محضرين العشا ومزات خاصة عشانك. قال Nee يعني No
في شنو يا زول قال لي بخاف من مرتي.
طبعا دا سبب مشروع
الواحد امكن قادر افهم
مع انو طبزها شوية في الاخر، قال لي الناس ديل ما بفهمو طبيعة شغلنا!. الناس ديل يعني النسوان (بالمناسبة (مني خوجلي معزومة عندنا لمؤتمر يوم 8 أبريل القبل) وحا تقابل الزول دا زاتو لانو حا يساعدنا في بعض الفنيات خلال المؤتمر، وهو شخصية معروفة جدا ومؤلف تلاته كتب عن السودان. وانا عندي فكرة افتنو مع مني خوجلي في قصة الناس ديل ما بفهمو شغلنا (شغل الرجال).
في النهاية قبل ما يفر قال لي وانت كيف؟. حا تعمل شنو؟.
قلت ليه والله انا زاتو ما فضل لي قلب اخاف بيه، قلبي مقطوع من زمان!.
واكان الرجالة زي العايزه (صاحب ابو الزفت، هشام سفل) كان انا سجلو رجالتي في موسوعة جينس للأرقام القياسية.
مع انو حبوبتي كانت بتقول الراجل الما بأدب مرتو دا راجل إضينة
يعني هسة انا طول عمري (من اول كيس لاخر كيس) واحد اضينة ساكت
الخواجة زاتو احسن مني على الاقل عنده راي في انو مرتو ما فاهمة طبيعة شغلو!.
انا قلبي القاطعو شنو ما عارف!. أظنها الرجالة بس!.

م. جمال

Post: #472
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-19-2006, 09:02 AM
Parent: #1

يا خليل و محمد جمال
و الله العظيم كلما الواحد يجي ماشي بي هنا و لا هناك يقوم يعتر ليه البوست الجميل ده يلقي نفسه دخل و قعد يفتش في الذكريات و الناس الحلوة الكانو معاه لامن الواحد نفسو يقوم لكن في النهاية لما يلقي ليه زول و لا سيرة زول بعرفه و اخبارة يرتاح شديد خلاس و روحه زاتها ترقد من الراحة لكن المحيرني انو لا اسي ما قادر انسي محمد جمال و هو طالع و نازل من كفتيريا اقتصاد للبزنس و الداخليات بالليل و النهار ( و زي ما بقولو الخواجات ديي اند نايت ) داك يا الطرح الما خمج و الناس يعاينو ليه البغران بغران و الحاسد حاسد بعد ده كلو يا محمد جمال تروح شمار في مرقة !!!!!!!!!!!!!!!؟؟؟؟
لكن ياهو حال الدنيا كلما الواحد ياخد ليه شاكوش في راسه يتلفت وراه يلقي الجماعه كلهم راكبين معاهو و مشمعين في بص المشوكشين و كل واحد يبكي بالطريقة البعرفها براه و كل زول في وادي و السواق ذاته في وادي حقه براه رابط راسه و سايق الجماعه طبعا يا محمد انا ما قاصد اقلب عليك المواجع و لا حاجة لكن انت شكلك كنت مؤسس حاجاتك كويس خالص و ما اتوقعناه ليك كلوكلو.
انتو يا جماع مسعولين من الخير اخوكم أبو سمرة في زول عنده منه خبر ؟
أفتونا بالله عليكم الله

Post: #473
Title: Re: اليوم الحار ومابنداريوم الهندسة والمعمار
Author: khaleel
Date: 03-19-2006, 12:58 PM
Parent: #472

امين

ابو الزفت

محمد جمال سلامات

كلمة قطة تعملتها من ابن عمي درس بيوغسلافيا

واليوغسلاف لما احبو ادلعو البت بقولو ليها

(oh madsany)


ومعناها ياقطة

بس دي كلو القصة

ابو الزفت لو قلنا كل الحاجات وبالاسماء

في ناس حايطلقوهم

ونحن ما دايرين كدة

Post: #474
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-19-2006, 01:07 PM
Parent: #473

Quote: oh madsany)

Post: #475
Title: Re: اليوم الحار ومابنداريوم الهندسة والمعمار
Author: khaleel
Date: 03-19-2006, 01:19 PM
Parent: #474

كريم

( مادسني) باليوغسلافي

وليس انجليزي

يا بتاع كمبو الري

ونمشي كمبو الري بري اقرب لي كما يقول زيدان ابراهيم

مرة زيدان جانا في الجامعة

وقلنا ليهو صورة يا استاذ

قام قال لينا

تعالو نتصور في الضلمة زي بنات الليل

Post: #476
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-19-2006, 01:36 PM
Parent: #474

Quote: يا خليل و محمد جمال
و الله العظيم كلما الواحد يجي ماشي بي هنا و لا هناك يقوم يعتر ليه البوست الجميل ده يلقي نفسه دخل و قعد يفتش في الذكريات و الناس الحلوة الكانو معاه لامن الواحد نفسو يقوم لكن في النهاية لما يلقي ليه زول و لا سيرة زول بعرفه و اخبارة يرتاح شديد خلاس و روحه زاتها ترقد من الراحة لكن المحيرني انو لا اسي ما قادر انسي محمد جمال و هو طالع و نازل من كفتيريا اقتصاد للبزنس و الداخليات بالليل و النهار ( و زي ما بقولو الخواجات ديي اند نايت ) داك يا الطرح الما خمج و الناس يعاينو ليه البغران بغران و الحاسد حاسد بعد ده كلو يا محمد جمال تروح شمار في مرقة !!!!!!!!!!!!!!!؟؟؟؟
لكن ياهو حال الدنيا كلما الواحد ياخد ليه شاكوش في راسه يتلفت وراه يلقي الجماعه كلهم راكبين معاهو و مشمعين في بص المشوكشين و كل واحد يبكي بالطريقة البعرفها براه و كل زول في وادي و السواق ذاته في وادي حقه براه رابط راسه و سايق الجماعه طبعا يا محمد انا ما قاصد اقلب عليك المواجع و لا حاجة لكن انت شكلك كنت مؤسس حاجاتك كويس خالص و ما اتوقعناه ليك كلوكلو.


أمين عمر عثمان
صديقي القديم (اللدود)
تصور انو أخوك شقي ودا قدرو ورضيان بيهو (قسمة ونصيب) والحذر شكلو ما بمنع القدر.
بس في حاجة غريبة خلاص قاعدة تحصل : انو الناسات ديل بجو صادين كلهم دون استثناء (after a while) حسب ما علمتني التجربة، بس انا بكون موجتي بقت تانية، وبكون دخلت في مزاج آخر، ولا ثابت غير المتغير!. ويكون مزيد (ومزيج) من الحزن والألم.
الدنيا دي حاجة غريبة خلاص
ولا ما عارف نحن الغرباء؟ (في آخر الزمان)

وانا لسه معبأ بكاسات الغرام،امامي ألف كأس، سأعربد وسأعيد الكرة كرتين، وما زال القلب طفل والليل (baby)، وعندي أمل انو الدنيا ممكن تكون أجمل بكتير، بس مفروض نعمل عشانا بجهد أكبر، عشان أهلنا وعشان بلدنا. وانا لسه بحب (بجد وصدق) واحدة تانية ماخدة حاجات منكم.
سعال:
(انا كدا)

انت كيف؟.

محمد جمال

Post: #477
Title: Re: اليوم الحار ومابنداريوم الهندسة والمعمار
Author: ريهان الريح الشاذلي
Date: 03-19-2006, 02:31 PM
Parent: #476

Quote: ونمشي كمبو الري بري اقرب لي كما يقول زيدان ابراهيم


تمشي وين يا ابوي؟؟؟؟؟؟

خليت الكدايس ولا شنو؟

Post: #479
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-19-2006, 02:58 PM
Parent: #477



34 طالبا بينهم 9 قطط في المعتقل
(هامش متعجل: القطة كلمة يوغسلافية يراد بها المرأة في مقتبل العمر، على حسب ما فهمت من خليل وأنصاره، وبالتالي يجوز استخدامها دون حرج كون يوغسلافيا ما تزال عضو في الامم المتحدة، واحتمال تساهم بسرية في الجيوش القادمة لحماية دارفور)

ركزو معاي
في مجرد ذاكرة
(قصة حدثت في مايو 91 ، على ما أعتقد)
ميدانها مجمع الطب والصيدلة
تحديدا داخلية كرار

إجتمع الشباب (في المجمع المذكورأعلاه) وقرروا عدم إخلاء الداخلية، إدارة الجامعة أرادت تحويل الداخلية من سكن أولاد الي بنات (مش عشان الجندر وكدا) عشان أوضاع سياسية محددة إقتضتها مقررات (ما سمي) بثورة التعليم العالى آنذاك.
كان علينا (في حركة الطلاب المحايدين وإتحادهم) مساندة طلاب المجمع (والطالبات ايضا) في قرارهم الصارم (لا إخلاء). كانت معركة عارمة مع الإحتياطي المركزي وجهاز الأمن واجهزة أخرى حكومية خفية (ثورية وغير إعترافية ومتهورة). مجرد داخلية كرار جند لها جيش حكومي عرمرم وكانها عاصفة الصحراء.
جاءني حاتم المهدي (رئيس الاتحاد وعه اسامىة إدريس (السكرتير العام) وشلة عظيمة، تفاكرنا في إجتماع سري في داخلية بركة بالبركس وحزمنا امرنا بأن نكون مع قرار الطلاب وإرادتهم (كان قرارا خطرا ومهما وصارما أدى الى خروج الطلاب في يوليو 91 (مظاهرة) فتك فيها جهاز الامن بعشرات الطلاب بين قتيل وجريح وسجين، وكانت من بعد ذلك ضربة الكيزان في مكاتب الاتحاد (سبتمبر 91) ومن ثمة حل الاتحاد وتبع ذلك مقاطعة الامتحانان في فبراير 92.
.المهم تم انتقائي بلا هوادة (عشان إيه) مفترض أمشى أخاطب الطلاب في مجمع الطب والصيدلة وابلغهم قرار مساندة الاتحاد والحركة لهم (يعني بالواضح كدا كانو قنعانين مني، فنفوني الي مناطق الشدة) . مهمة صعبة والمجمع محاصر وكله عيون عفنة. مشيت بيت الليلة مع أبكر آدم إسماعيل دون ان افصح له عن الهدف (و هو صديقي الاديب الشاعر الذي تعرفت عليه قبل عدة ايام فقط في تلك الاثناء، مع انو كان مقرر ومرتب سلفا أبيت مع خالد عسكر (وين الزول الشاطر دا؟. في زول عارفو فيكم ؟.)، وكله عشان مهمة الصباح الباكر (المخاطبة).
.المخاطبة (عبارة عن ركن نقاش صغير لكنه كان مفعما بالافكار والمشاعر والغضب) .
كان جهدا موفقا في تقديري
كان علي ان أجتهد (بوحي زملائي) فطلاب المجمع كانو من اكثر المساندين لحركتنا الفتية في ذلك الوقت. ولاتحادها.
بس شب واحد من أخوان فاطمة مجهشا بالبكاء:
الكيزان خاتين في السجن 34 زول فيهم 9 طالبات (بنات = قطط خليل،
تلك القطط الجميلة الرائعة الصادقة). وأعلن ذلك الود وحده دون ترتيب ولا تنظيم نطلع الشارع العام، نعلن عن قضيتنا و عن غضبنا تجاه هؤلا القوم الذين لا يحترمون قططتنا الجميلة ووعيها (نساء بلادي) ، ولا رجالنا ورجولتهم.
انا هسه بحاول اتذكر اسم الود (الراجل) دا منو؟.
ونواصل في وقت تاني، انا ضهري أوجعني

يسعد مساكم خير
محمد جمال

Post: #478
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-19-2006, 02:58 PM
Parent: #1

Quote: وانا لسه معبأ بكاسات الغرام،امامي ألف كأس، سأعربد وسأعيد الكرة كرتين، وما زال القلب طفل والليل (baby)، وعندي أمل انو الدنيا ممكن تكون أجمل بكتير، بس مفروض نعمل عشانا بجهد أكبر، عشان أهلنا وعشان بلدنا. وانا لسه بحب (بجد وصدق) واحدة تانية ماخدة حاجات منكم.
سعال:
(انا كدا)

انت كيف؟.

محمد جمال اخوي
الله يديك الفي نيتك و مرادك
ذكرتني ابراهيم الخال بتاع الاسكول ( ابراهيم عباس )
كان كلما يجي من الاجازة يجي خاطب واحدة و لما يرجع بورسودان ياخد شاكوشه و يخطب واحدة تانية و يجي راجع طبعا ممكن اثناء العام الدراسي يحب ليه كم واحدة كده لحدي ما الاجازة تجي عشان يمشي يخطب و هلمجرا
أغرب ما في الامر انه بكون صادق صدق شديد جدا في علاقاته الغريبه دي
أما أنا احححححححححححححححححححححححمد الله
وصلت سدرة منتهاي و .......
الباقي بقوله ليك المرة الجاية
علي فكرة لو بطلت حركاتك دي و بقيت زول دغري ممكن أحاول أقنع بتي عشان تنتظرك
رايك شنو
اهو أنا انتحرت و قدمت ليك العرض ده عشانك انت بس
و العرض ده لمده ساعتين من الآن

Post: #480
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-19-2006, 03:50 PM
Parent: #478

Quote: محمد جمال اخوي

علي فكرة لو بطلت حركاتك دي و بقيت زول دغري ممكن أحاول أقنع بتي عشان تنتظرك
رايك شنو
اهو أنا انتحرت و قدمت ليك العرض ده عشانك انت بس
و العرض ده لمده ساعتين من الآن


يا لبهاء العرض، يا للطف الرب

أوعدك حا أبقى دخري،
ودا اعرض واطول واضخم عرض، عرض علي في حياتي.
انا حا أجي ماشي عليك كداري ولو كانت بنتك في الصين، لازم تكون بت بتستاهل، مش بتك. يا للشرف. ولو اني لا ارضى الا ببنات عمري!.
سعال:
انت كنت متزوج عرفي من زمان (شديد) من ورانا ولا إيه؟.
صباحات الله بخيرن
م. جمال

Post: #481
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-20-2006, 08:44 AM
Parent: #480

لايفوتني في زحمة الاحداث وتشابكها..

ان احي الاصدقاء..

الدسوقي...ايزاك..الصادق فيصل...وليد عامر (فوكس)...

وروح صديقي (بابكر الطيب مساعد)...

وسلام خاص للناس الجدعان...ابراهيم فتح الرحمن..

معاوية داود..ويس ...اولاد كوستي..

والنجمي الطيب سكر..صديق احن اليه كثير,,,ود الهلالية


خليل...اوع البوست ده اجي تاني القاهو في الصفحة التانية!!!!!!!!!!

Post: #482
Title: Re: اليوم الحار ومابنداريوم الهندسة والمعمار
Author: Osman Malik
Date: 03-20-2006, 08:56 AM
Parent: #1

Khaleel wrote

Quote:
ابو الزفت لو قلنا كل الحاجات وبالاسماء

في ناس حايطلقوهم


او كما قال عادل إمام: ينصر دينك يا أستاذ نفيشة

Post: #483
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-20-2006, 12:39 PM
Parent: #482

رسالة من صديقة عزيزة



تلقيت رسالة فادحة من صديقة عزيزة
قرأتها سبع مرات في ساعة واحدة

انا شكلي بحب الشكر كتير خلاص

فيها كلام كتير ما للنشر.

بس فيها سؤال صعب خلاص أصعب من أسئلة صديقي (اللدود) أمين عمر عثمان.
قالت ايه عايزة تعرف رجالتي (على وزن الما بخاف من مراتو ما راجل)
بلغة اخرى الما بخاف من حبيبتو فاقد الهمة والرجولة.!.

شفت السؤال دا صعب كيف!.

شهادة اثبات رجولة؟.

فكرت شوية
اقول شنو ولا أخلي شنو؟.

عندي احساس عميق انا راجل رجالة ما حصلت، راجل من يومو والد بسنونو
بس كيف أوصف إحساسي، دي المعضلة.
كمان مش كدا وبس ااكتر من كدا : عندي نظرية متكاملة الملامح لكل الرجال الجد
المرأة كائن لطيف (جنس لطيف جنس لطف) والله ما بهظر، انا صادق في الحتة دي،
وجميلة وحساسة (كل النسوان سمحين ماف مرة شينة الا في عيون العميان عن مكامن الجمال.

وهي بعد دا كلو كائن مخيف
وحش كاسر داير مباصرة والا حا يضيعك
لازم تبقى سياسي ولو عمرك ما شفت سياسة بعينك لازم تتعلم
لازم تباصر
انا دائما في حالة إعتذار للحبيبة من اول كيس لاخر كيس

انا أغلط، انا أعتذر ، هي تغلط. البعتذر منو؟. برضو انا.

يعني شوية كلمتين بتاعين اسف دي مشكلة، يعنى انا أقعد خاتي يدي على خدي منتظرا إعتذار من الحبيبة
وليه أكلفها كل العنا والمشقة ما انا هنا قاعد وجاهز، يعني اقعد كدا زي الهم انا سووني عشان شنو؟.
مش عشانا
قال من الضلعة قال، ان شاء الله تسوي ضلعي شية، هي ضلعي اهميتها شنو.
لو ما هي شوتها ومزت بيها.

مثلا الحبيبة كسرت حاجة مهمة جدا في المطبخ، انت اشتريتا بدم قلبك،
بالصدفة (طقاشة) او عمدا زعلانة من حاجة ان شاء انت ما جزء منها. لازم تعتذر. انت بتكون السبب في حتة ما، انت بتكون الهم في لحظة ما، لازم تعتذر، وتجري عليها تفتش يدينا ورجلينا امكن تكون اتخدشت ولا لا قدر الله في الم وحتى لو ما حصل شي جسدي لازم تكون اتخضت من صدمة صوت الفرقعة
تشيلة على ضهرك تختها فوق الكرسي وانت تلهج بايات الاسى، ولو انت مقيم في
احدى دول الخليج
ما اظنك بتقدر تشيلة!، في طرق تانية
تخت راسها على كتفك تدللها وتمشي بيها بشويش على الكرسي مشي السحابة لا ريث ولا عجل وانت تلهج بالاعتذار ما من نوع معليش وانا آسف لازم تكون مبدع شوية مثل تلك التعابير اصبحت بالية وغير ذات جدوى
حاول استفيد من المسلسلات العربية والبذات المصرية

كن رومانسي:
.اللحظة الوحيدة اللمكن تكون فيها رجل، جنس مختلف هي هذه اللحظة
صلى وسبح امام عينيها
حدثها عن الحقيقة الماثلة عن جمالها المطلق، عن شي محير في عينيها ووجنتيها عن جمال روحها عن سرعة بديهتها نعم تلك حقائق معلومة هي واثقة منها وجميع الناس يضمرون هذه الحقائق، لكن الحب ليظهر
حدثها مكررا هذه الحقائق وانت خاشع محدقا برقة صارمة في عينيها
تلك لحظة تساوي الوجود كله
إركع امام قدمي الحبيبة

لا تكن بليدا
لا تحسبنها نقة
الناس من غير شاكلة الرجولة من يحسبونها نقة
كلامها المفصل فيه حكمة عظيمة لا يعلمها الا الرجال اولي الخشوع

الناس من شاكلتنا (نوع الرجال) بشوفو الاشياء كتلة واحدة ، يرون الكم من الاشياء والحياة لا النوع.
هي ترى الاشياء مفصلة ، ترى الكتلة بكل الوانها، ترى النوعية
لذلك دائما عندها معلومات تفصيلية عن الاشياء وعن الحياة
مثلا لو مشيت زيارة معها الى بيت احد الرفاق او الاصدقاء او الاقرباء
انت بتشوف الاشياء مجرد خطوط مربعة
البيت عبارة عن وسيلة تقى من وعثاء الطقس والمطبخ مكان لصناعة الاكل الشهي والتوليت مكان لقضاء الحاجة وربما موضع لتف التمباك اذا انت زول سفيف، واولاد الزول ال انتو زايرنو بكونو عندك مجرد ذرية صالحة او طالحة لا يهم.
.

هي ما كدا
هي بتشوف الورائيات
الالوان وتناسقها، الملايات، غرفة النوم، العطور، التياب،
والتلاجة ومحتوياتها ، مستوى النظافة والنظام في البيت وبتشوف سلوك الاولاد ومخاخيتهم الخ....
وممكن كمان تتعرف على معلومات جديدة من زوجة صديقك، ما تكون غبي، دي ما شمارات،
دي معلومات اجتماعية مهمة لتطور الجنس البشري بل وبقاءه لان على اساها على سبيل المثال ممكن تتم خطوبة (ومن ثمة عرس) لزول تاني انت ما عارفو، ممكن اكون اخوك او صديقك او ود عمك.
دا سوسيولوجي مهم جدا.

لكل هذا هي بتكون دائما عندها معلومات تفصيلية وهي جادة وصادقة فيما تقول
اذن اتفقنا انها ليست نقة وانما هي صناعة الحياة وابتكارها بشكل جديد مفصل كل مرة
لكننا للاسف لا نرى غير الكتلة الصماء
عليك الاعتذار عن هذا التصور الخاطيء


الحياة مستحيلة
كلو ما نفع، اعتذار اسى واسف وتسابيح وركوع امام قديمها، كلو ما نفع، الحياة اصبحت ما ممكنة.
لا تطلق، انت لا تطلق، الرجال الجد لا يطلقون، انت لا تنطق الا خيرا، او لتصمت.
هي قالت ليك انت طالق كدا معليش.
تمشي

تفرتق

بس قبل ما تمشي لازم تعتذر لآخر مرة عن آخر سوءاتك

هي عدتها تلاتة شهور، بس انت عدتك سنة كاملة، امكن تراجع نفسها في يوم وتفكر ترجع ليك، ما معروف، تنتظرها سنة. ما تبقى طفس، عليك تحمل الوحدة، اشتغل بجد، اعمل شي موجب في حق أهلك التانيين وبلدك.
املأ زمن بالكلام الصاح والصبر الجميل.

اذا جاتك راجعة في السنة دي رحب بيها واعتذر ليها عن جميع أخطاءك، حا تفهمك، ولو ما فهمتك في نفس اللحظة اعتذر ليها عن سوء فهمك، حا تفهمك في المستقبل.
لو ما جات في السنة اتكل على الله وابدأ المشوار من جديد
بس
لازم تخاف منها
الجديدة
لازم تكون نجيضة
اجمل شي في الدنيا النجاض
نحن اصلو سوونا لشنو غير النجاض

محمد جمال

Post: #484
Title: Re: اليوم الحار ومابنداريوم الهندسة والمعمار
Author: khaleel
Date: 03-20-2006, 01:23 PM
Parent: #483

عثمان مالك تحياتي

محمد جمال لفيت ودورت وما حكيت لينا عن البنية السكرية التشش الزينبية حلاوة لبن

يا اخوانا كيزان هندسة كان ظريفين سلام خاص لاسامة يونس

تحياتي للهشام توفيق العملاق

وتحياتي لحبيب الله بابكر صار لورد كبير في السودان

في اثناء مناقشة مشروع التخرج بتاع حبيب الله والشهيد منتصر الله يرحمه

حاول حبيب الله ان يجاوب

دكتور عبدالله ابراهيم قال ليهو يا حبيب الله اسكت خلينا نشوف الطلبة

برضو في عبدالله احمد البشير وعبد الكريم الجعلي وطارق محمداحمد وتحت تحت عمر قاسم

واخيرا وليس اخرا خالد شيخة

ونحن ذاتنا لو عارفين القصة بتبقي كدة

كان بقينا كيزان هسع الواحد كان اكون مدير عام وازرة الاسكان في احدي الولايات

واكون متزوج اربعة واهم شي تتزوج السكر تيرة

Post: #485
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-20-2006, 01:55 PM
Parent: #484

والله يا ابو خليل انت كان بقيت كوز ...

كان عملت كابتن ماجد من سيف العبور زي صحبك شيخة...

وبعدين كنت حسي ح تكون شعبي(اصلو شيخ حسن عاجبك)..

وكده ح تطلع من القصة ملوص

Post: #486
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-20-2006, 05:24 PM
Parent: #485

كتب كريم


Quote: والله يا ابو خليل انت كان بقيت كوز ...

كان عملت كابتن ماجد من سيف العبور زي صحبك شيخة...

وبعدين كنت حسي ح تكون شعبي(اصلو شيخ حسن عاجبك)..

وكده ح تطلع من القصة ملوص


بالله هو خليل ممكن اكون بري بالطريقة دي.
انا تاريني غبيان ساكت
الشيخ تاريه عاجبو.
والله دا كلام جديد علي انا!.
امكن تكون عاجباه البسمة!.
ما مشكلة، البسمات دائما حلوة.
بس الخوف تكون جاذباه النظرية ذاته،
والقروش، والنسوان الجارية وراء القروش. نحن العارفنو شنو؟. ولا شي. ممكن نكون مغشوشين!.
الود دا (بقى) شنو يا كريم؟. أوعى اكون طابور 5.
مع ملاحظة انو الطابور الخامس دا بقى هسه وراء خلاص (موضة قديمة) ، في طوابير بعديه كتيرة خلاص، لغاية الطابور السابع والسبعين.

م.جمال




Post: #487
Title: Re: اليوم الحار ومابنداريوم الهندسة والمعمار
Author: mohammed elsaim
Date: 03-21-2006, 02:39 AM
Parent: #486

جاءني عن عاطف مرسي عن أيمن وكوكة (بستكين الكاف الأولى وفتح الواوين) أن الأخير محتج بشدة لتجاهله..
أيمن كان من أبناء العباسية أمدرمان ويلعب فردة يمين في الدفاع.. رغم قصره وقلة حجمه الا إنه كان بعبعا مخيفا للهجومات المضادة.. في ذات مرة من المراير ردم أنور أمدوم الى خارج المعلب وقام جمهور هندسة بإكمال الردم.. أنور رد بهدف سريع، او كما قال الراوي..الجزئية الأخيرة حتى لاتغضب يامحمد جمال الدين على هذا الردم!
أيمن الآن في كندا يستمتع بالصقيع والجليد والبرد...

شايف محمد جمال الدين متألق في النصائح العلائقية... ياخي عندي ليك نصيحة... تشتغل مستشار علاقات نوعية.. يمكن تنفع أكثر.. على الأقل ترتاد مجالا رائدا لم يسبقك له الكثيرون او الكثيرات.. لا يهم نجاحك الشخصي في هذا المجال.. واحدة من مؤلفتي كتاب القواعد للنساء من أجل الحصول على زوج حدث طلاقها أثناء كتابتها كتابها الثاني عن كيف تحافظين على زوجك بعيدا عن الطلاق بعد العثور عليه..

يا أهلنا، انا بعد غربة اثنتي عشرة سنة (الا شهرا) قررت الرجوع الى السودان، مغادرا يوم الأربعاء القادم ان شاء الله وأصل يوم الاثنين.. نتمنى أن نعاود الارسال من أرض الملعب.. سلموا لينا على الفي والمافي... سأحاول أن أتصل بحجازي ياخليل قبل مغادرتي وأخبره بأمر البوست.. حجازي أصبح مهندسا كبيرا وأبا لزهرتين (ان لم يكن أكثر!) وغالب الظن أنه لم يصب بإدمان هذا المنبر حتى الآن.. حجازي من كبار مهندسي الطرق ونال الPE مؤخرا..

Post: #488
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-21-2006, 04:58 AM
Parent: #487

Quote: محمد جمال لفيت ودورت وما حكيت لينا عن البنية السكرية التشش الزينبية حلاوة لبن

كانت سكرية، تشتت الزينبية، حلاوة لبن.
وانا كنت لما امشي معاها بكون شايل كيس رملة صغبر في جيبي الناس كانو قايلنو كيس صعوط.
كلما اغلط لي غلطة صغيرة (مثلا تسلم على واحدة تانية من زميلاتي جاية راجعة من الاجازة، سلام ساخن شوية) تقوم حلاوة لبن علي قومة القيامة،
اقوم انا طوالي مطلع الكيس اسف منو شوية وارجعو، وهكذا دواليك. بس الحكمة لما تغلط هي، البعتذر منو؟. برضو انا. مرة قالت لي هي عمرها ما إعتذرت لي زول لإيه؟،
لان عمرها ما احتاجت (ما غلطت). هي تغلط انا اطلع الكيس اسف منو انا ورجعو في جيبي، وهكذا دواليك، حتى اذا ما نفد ما في الكيس من تراب كان علينا ان نفترق.
ها يا خليل حدثتك عن البنية السكرية التشش الزينبية حلاوة لبن.


العزيز محمد الصايم، شايفو جايب لي وظيفة جديدة

Quote: شايف محمد جمال الدين متألق في النصائح العلائقية... ياخي عندي ليك نصيحة... تشتغل مستشار علاقات نوعية.. يمكن تنفع أكثر.. على الأقل ترتاد مجالا رائدا لم يسبقك له الكثيرون او الكثيرات.. لا يهم نجاحك الشخصي في هذا المجال.. واحدة من مؤلفتي كتاب القواعد للنساء من أجل الحصول على زوج حدث طلاقها أثناء كتابتها كتابها الثاني عن كيف تحافظين على زوجك بعيدا عن الطلاق بعد العثور عليه..


هي بالزبط ممكن تكون زي قصة البهلوان، زول اقعد اضحك الناس والناش اخر فرفشة وهو ممكن اكون محزون ومجروح.
لكن على اي حال انا لن ينطبق على ما انطبق على صاحبتك بتاعة الكتاب دي ، لانو من نظرياتي انو الراجل الجد ما بطلق، بس طبعا لو طلقوه براهم دا بكون ما زنبو.

تحياتي، واتمنى لك اقامة ممتعة في السودان.

محمد جمال الدين

Post: #489
Title: Re: اليوم الحار ومابنداريوم الهندسة والمعمار
Author: أبوالزفت
Date: 03-22-2006, 07:50 AM
Parent: #1


نهارك سعيد يا خل

طيب يا خليل لما انت عارف كده كتبت اسمى بالكامل ليه

انت عارف اتعمل لى مجلس تاديب وماحسبة نفدت منو

بحلائف وبعدم كفاية الادلة الواردة

لكن العين الحمراء شفتها

يا خل فى حوادث مهمة ما ذكرتها

مرور مذنب هالى للمرة الثانية فى القرن الماضى

والرحلة التى اقامها الكتور شداد لمنطقة سوبا

انصاص الليالى واستعار المناظير من الجيش

وللاسف فى نهاية الرحلة فقد احدها واقترح احد الطلاب

انزال الطلاب من البص وتفتيش الجميع من ركبوا البص

ولكن دكتور معاوية شداد رفض الفكرة

وانا من هذا المنبر احى وبعد عشرين سنة

الدكتور العلامة معلم الاجيال

معاوية شداد

على هذا الموقف النبيل

واناشد كل من له اتصال بالدكتور معاوية

ان يوصل له هذه التحية والاشادة

وزى ما بيقولو على الانسان ان يكبر حتى يدرك المعانى

It took me long time to understand his noble action

ويا ابو الخل قالوا هالى زيارتو الجاية سنة 2062

وكما قيل قليل من يرى هالى مرتين

Post: #490
Title: Re: اليوم الحار ومابنداريوم الهندسة والمعمار
Author: khaleel
Date: 03-22-2006, 01:07 PM
Parent: #489

الصائم

تجينا بالسلامة

محمد جمال اكلتنا حنك ساكت دي ما القصة الحقيقية

ابو الزفت انت مالك بتقرا جنب مرتك

اقرا البوست بالجاسوسية

ولو زتقتك قول ليها كل واحد في تاريخو ماضي

ايمن ( وكوكة)

مقعول ننساهو يا عاطف مرسي كتبنا عنه في اوائل الصفحات

ايمن كان بيلعب في رابطة في العباسية اسمها المقاولين العرب

وكان يشرف علي تدريبهو مامون الكوتش المدرب القدير

ونحن في هندسة ما كنا بنعرفو لكن المهندس عماد الحبيب كان بعرفو من بانت

فامره بالذهاب لتمرين الهندسة ومن ديك وعيك

لعبه اشبه بناس عبدالله موسي وحافظ عيبد

جسارة وحرارة قلب من اميز لاعبي السودان


اعود للرابطة المقاولين العرب والتي كان يلعب ايمن وكان الشبابالبلعبو كلهم لونهم اسمر شديد

وذهب للعب في مباراة تنافسية مع احدي الروابط في امدرمان

احد اصدقاء الكوتش مامون حب اشاغلو

قال ليها يا مامون المقاولين عرفناهم العرب وينن

تحياتي ايمن تحياتي عاطف مرسي ومتوكل بشير

Post: #491
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-22-2006, 02:08 PM
Parent: #490

Quote: ايمن ( وكوكة)


معقول ياخليل ايمن ده بتنسي...

ياخ ده احرف باك مرة علي كلية غردون التذكارية...ومحلو الفريق القومي...

قلبو حار..وخشتو واحدة..وما بدور الغلب..وحريف في( الداشنغ)....

اذكر انه في احدي مباريات الهندسة اقتصاد ختة محمد السيد في جيبو طيلة

فترة الكورة...

وحدثني انور امدوم ذات مرة انه قال لايمن يازول ما نلعب براحة,,,

فما كان من ايمن الا ورد بكلمة واحدة...يازول (حرب...حرب بس)...

لك الشوق الكثير صديقي مهندس ايمن...

Post: #492
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-23-2006, 07:20 AM
Parent: #491

Quote: محمد جمال اكلتنا حنك ساكت دي ما القصة الحقيقية



انت مش قلت يا خليل في ناس حا يطلقوهم

انت لو في نيتك تعرس عزبة قول لي منو فيهم وانا حا افت الرومانسية كلها

Post: #493
Title: Re: اليوم الحار ومابنداريوم الهندسة والمعمار
Author: khaleel
Date: 03-23-2006, 05:02 PM
Parent: #492

يا اخوانا صدقو طلال الاحمر بقو دكتور

ونادر حسنين بقي دكتور

ومحمد منتصر بقي دكتور

وقالو حسين علي حسين وياسر عبدالله

وناس الفلان البكالوريوس تمو بالرجالة

وارزاق يا دنيا

Post: #494
Title: Re: اليوم الحار ومابنداريوم الهندسة والمعمار
Author: smart_ana2001
Date: 03-23-2006, 05:29 PM
Parent: #493

البشمهندس خليل
شكلك كده ديناصور
نادر حسنين درسنى فى مدنيه
و بينى وبينك مشكلتنا معاه انو كان قبل ما يشرح الدرس (احيانا) بيقول بانه
حتى الان ما قادر يفهم الموضوع ده (موضوع الدرس)
و كان هو الدكتور المرافق لدفعتنا فى معسكر المساحة. اغلب بناتنا كانوا(.....).ما عاوزه اقول حناكيش ,لكن ممكن نقول (مش وش بهدلة).
و عليك تتخيل الرحلة كان شكلها كيف

Post: #495
Title: Re: اليوم الحار ومابنداريوم الهندسة والمعمار
Author: Osman Malik
Date: 03-23-2006, 05:32 PM
Parent: #1

خلي
حسين علي حسين تمة الPhd في 1998 وشغال product development في Ford

Post: #496
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-23-2006, 07:01 PM
Parent: #495

Quote: ابو الزفت انت مالك بتقرا جنب مرتك

اقرا البوست بالجاسوسية

ولو زتقتك قول ليها كل واحد في تاريخو ماضي


Quote: ولو زتقتك قول ليها كل واحد في تاريخو ماضي


Quote: كل واحد في تاريخو ماضي


سؤال يا خليل مسئول من الخير:

ممكن نضيف لكلمة الواحد الواردة اعلاه تا مربوطة؟.

(((بعد اضافة التاء المربوطة، نعيد قراءة الكلام من جديد)))

جاوب على راحتك.
ما تخت مسألة الجندر كدا في حسابك من باب الهيبة والخوف، انا اصلي عارفك قلبك رهيف، جاوب بشجاعة، انا حا أقيف معاك في اي زنقة تمر بيك. حا اتوسط ليك، اصلو انت عارف الناس ديل اصحابي من زمان. ولو الوساطة ما نفعت حا اقيف معاك ظالما او مظلوما، شفت حكاية القطط مرت بسهولة كيف! (أووه ماداسي).

بس انت قول بصراحة

كلمني حاول حس بي، كلمني يا صادق الشجون، كلمني والكائن يكون


محمد جمال


آسف للتعديل:
إقتضه ظروف فنية، اردت ان أكون اكثر اقتصادا ومباشرية.

Post: #497
Title: Re: اليوم الحار ومابنداريوم الهندسة والمعمار
Author: khaleel
Date: 03-24-2006, 02:11 PM
Parent: #496

Quote: البشمهندس خليل
شكلك كده ديناصور


انا ليس ديناصورا

يا برلوم انا من الجيل الذهبي

نادر حسنين كان ضرس بتاع قراية

وبعدين دفاترهو كانت نضيفة وبظبطت(reports

وكان الوحيد البنافسو اسعد يحي وهم قدامنا بسنة واحدة بس

محمد جمال

كل واحد في تاريخو ماضي

وكتار مظاليم الهوي

التحايا لابراهيم حسبو

ويا عبير يا نسمة هاشة يا فرح مليان اعاشة


هشام سفل ياخي

ما كان احسن ليك تعرس بت اقتصاد الحلوة ديك

Post: #498
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-24-2006, 03:49 PM
Parent: #497

Quote: يا اخوانا صدقو طلال الاحمر بقو دكتور

ونادر حسنين بقي دكتور

ومحمد منتصر بقي دكتور

وقالو حسين علي حسين وياسر عبدالله


خليل هناك ايضا الدكتور مزمل موسي (قليصة)..دكتور بتاع ميكانيكا زي السم

علم وتهذيب عالي..واكوشينات واستاذ جامعي كبير في السودان...

وهنالك جمال حسن ود مساحة سمعت انه ايضا اصبح دكتور عجيب ..

ومحمد يعقوب ود سنار (مساحة)...ده يا زول في راسو كلام كتير كلو ( لفل..ومساحة جد)

لهم التحية لهولا العلماء المجتهدين واتمني ان يكونوا ذخرا للبلد

Post: #499
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-25-2006, 10:38 AM
Parent: #498

والذاكرة يستفزها تداعيات الخطير (خليل)..والخطير جدا(محمد جمال)...


اذكر هنا (فني) المساحة الجميل (النور) الرجل الشهير الذي ساهم في تخريج وتاهيل

الالاف من المهندسين..وساهم في دفعهم الي ساحات العمل...

صديقنا النور يمتلك روحا مرحة..وصديقا لكل الناس ويوصل خصائص اجهزته بكل يسر واخلاص..

له التحية(النور)...ود ابسعد وام روابة...

Post: #500
Title: Re: اليوم الحار ومابنداريوم الهندسة والمعمار
Author: Ahmad Sanad
Date: 03-25-2006, 11:57 AM
Parent: #499

Quote: التحايا لابراهيم حسبو

ويا عبير يا نسمة هاشة يا فرح مليان اعاشة


صديقنا العزيز ابراهيم حسبو لم يكن عبيرا منساب ولا نسمة هابة
كان اكثر،
كان اكبر،
كان حزمة كثيفة من النور تطوف حولها اشكالا وانواعا من العبير ودفقات من النسائم غير معلومة ولا محدودة، لكنه القلب، كان قلب بشر!.
وفي الختام السهام تختا وتصيب، وعشان كدا بكون صحيح الدنيا قسمة ونصيب.
ولابراهيم المودة الصادقة اين ما كان واين ما رحل واين ما حل

محمد جمال الدين
صديق معاش

Post: #501
Title: Re: اليوم الحار ومابنداريوم الهندسة والمعمار
Author: امين عمر عثمان
Date: 03-25-2006, 04:08 PM
Parent: #1

Quote: هشام سفل ياخي

ما كان احسن ليك تعرس بت اقتصاد الحلوة ديك

يا خليل
هشام سفل ده انا كنت معاه الوكت كله و عارف قصصه كلها تقريبا شي اقتصاد و شي طب و مرة زراعة
يعني ممكن تقول كده اتحاد طلبه عديل كده لكن عمره يوم ما في زول قدر يعصره في ركن ضيق كده لامن جاب الزيت
حكاية بت الاقتصاد دي شكلها يا جديدة يا انا نسيتها كدي ذكرني ليها
و ليك علي اول ما أرجع الخرطوم أمشي ليه في بيته و أزره ليك قدام مرته لأني عارفه بخاف منها خوف الفلاتي من الكلب

Post: #502
Title: Re: اليوم الحار ومابنداريوم الهندسة والمعمار
Author: khaleel
Date: 03-25-2006, 04:22 PM
Parent: #501

امين ماعرفت بت اقتصاد عندها اختها كانت بتقرا في العراق ومن بري كمان

الليلة عايز اتكلم عن اعظم من خلطو بالجامعة

الخلط خشم بيوت

في ناس بخلطو حسنوات في المين الرود

وفي ناس وراء المكتبة المين

وفي ناس في الميدان الشرقي والغربي

والمساكين بخلطو في ضهر التور

اما الخلط العمومي في الكافتريات

اعظم من خلط وحاجات نضيفة المهندس احمد قناوي ودها قدامنا كتير ومعاهو مهندس اسمو قرشي

وبهاء الدين بتاع مدرسة العلوم

لكن اعظم زول هو صديقي خالد خضر ود العرضة

وقد غيرو اسمو من خالد خضر لخالط خضر

خالد خضر متخصص حناكيش بس

ببدا يومو من اول حفرة في المين رود لاخر حفرة

واي حفرة بغير فيها حنكوشة انا كنت بسميهو الفاصل المداري

تخصص حنكوشات بس قول الاسماء ولا مافي داعي

Post: #503
Title: Re: اليوم الحار ومابنداريوم الهندسة والمعمار
Author: khaleel
Date: 03-26-2006, 10:16 AM
Parent: #502

برضو من اعظم الخلاطين الود محمد المتوكل

بقي دها بصتنضف من الجامعة بختار النجوم

ومن الاحفاد بختار النجوم

وبعدين بسلم علي البنات بطريقة النبلاء والدوق والناس بتاعين الاقطاع الفي اوربا ديلاك

مرة كان في اسبوع المراة في الاحفاد

القي محمد متوكل خالط ليهو واحدة جوة شبكة وعارضة بتاعة ميدان كورة يد مخلوعة

تاني يوم سالتو دها شنو يا حمادة

قال لي مالك ما دخلتها بيها الشبكة

من الخلاطين العظماء النور جابر دها ممكن اكون خالط عشرة بنات مرة واحدة

بعدين صلاح الليون وايهاب فريد

حمد خوجلي وطارق الكوتش ديل متخصصين خارج الجامعة

ونواصل

Post: #504
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-26-2006, 12:49 PM
Parent: #503

ابو خليل..عليك خليك شمولي وادينا حاجة كده...من ناس الكليات الاخري..

ونسمعنا اخبار نادر ابوكدوك..وتوفيق وغسان حعفر...وممكن عليك الله تفتش لينا عصام

جبرالله..

وماتنسي احسن زول شرح ليكم (كمبيوتر وبعدين..اكتشفتوا انو الشرح في جهة والمادة في جهة)...


وكع يا ابوالخل..

Post: #505
Title: Re: اليوم الحار ومابنداريوم الهندسة والمعمار
Author: Rakoba
Date: 03-26-2006, 12:52 PM
Parent: #504

خليل
هاك دوري جامعة الخرطوم

Post: #506
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-26-2006, 01:12 PM
Parent: #505

راكوبة مرحب بيك بدار هندسة..ونورتنا والله وزارنا الفن والدهشة...

ونحن ياركوبة نحن رغم سمستر الجكس فينا مكسر..

واوع تلعب بالمهندس وانت عارف كورتو كيف..كان لعبت بغلبوك يبهدلوك ومن الجامعة برفدوك..

وباباي هندسة الظاهر عليها غلطة مطبعية.......وتسلم يا وريف

Post: #507
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-26-2006, 03:38 PM
Parent: #506

Quote: وباباي هندسة الظاهر عليها غلطة مطبعية.......


ايوه صديقي راكوبة الظاهر عليها غلطة مطبعية...

لاننا كنا الاعلي صوتا والاكثر حرفنة علي مر التاريخ والازمان...

ولمن يجيك ود المتوكل..ونادر ووليد اللتر .وبهاء الدين الحريف الرهيف..

وطلال وايمن وكوكة الصعب, ومرتضي..وعتوقة والصادق تنقا..

لمن يجو ديل ويجي خليل وابوسمرة وطه النور وعمر الحبر..والخير.وكل المدرج

يتملي بالجمهور الانجليزي..عندها يصيح الجميع...

كوم تراب ولا الاداب

رماد كانون ولا القانون..

اولاد وبنات سكرتيرات

جزمة باتا ولا الشمباتة

علوم علوم

اسكول جنوب السنتر كلية اوضة وعنبر..

واخوانا ناس القماير

واخوانا الدايات..

كلهم كنا نهزمهم شرهزيمة..ونشيل كل الكاسات..المحمولة جوا

Post: #508
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-27-2006, 08:18 AM
Parent: #507

up

Post: #509
Title: Re: اليوم الحار ومابنداريوم الهندسة والمعمار
Author: مزمل التريكى
Date: 03-27-2006, 10:06 AM
Parent: #1

ناس هندسه عوافى
سلام يغشاكم ويعمكم كلكم
مشكورين على اللمسات المريحه والزكريات الممتعه البتبلونا بها مره مره


Quote: جزمة باتا ولا الشمباتة


يا زول دى شعارات قديمه جدا
أسى الماشى فى السوق زى ده بس
الشمباته أهل الكوره زااااته
والشمباته رجال الجامعه

وهاك دى واحده من أغانى التشجيع المتداوله حاليا
لاقيتو فى شمباتو
قاعد بين شتلاتو
أنا حبيت أشاغلو
وزع لى بسماتو
عاد لطيف لطافه
عاد ظريف ظرافه
وييييييييين حلاتو
ود شمبات حلاتو
...................
لقيتو فى هندستو
عامل فيها أرستو
أنا حبيت أشاغلو
مد لى مسطرتو
عاد ثقيل ثقاله
عاد دغيل دغاله
وجنى شمبات حلاتو

ولك منى خالص الود.... ولكم الشكر مره أخرى ... والتحايا موصوله للأخ الباشمهندس
هشام المجمر صاحب البوست

Post: #510
Title: Re: اليوم الحار ومابنداريوم الهندسة والمعمار
Author: khaleel
Date: 03-27-2006, 01:46 PM
Parent: #509

ولك منى خالص الود.... ولكم الشكر مره أخرى ... والتحايا موصوله للأخ الباشمهندس
هشام المجمر صاحب البوست

ازيك يا مزمل

يا اخوي هشام المجمر ما صاحب البوست

البوست انا بكتب فيهو اربعة شهور والمهندس هشام المجمر ما خش فيهو ولا مرة مع تحياتي له ولك

وشكرا علي مرورك

ويا مزارع لهبك طوريتك تلقي طماطم في كوريتك


العزيز راكوبة

الخبر الفي جريدتك بقصد احد جامعات ثورة التعليم العالي

وما بقصد هندستنا

وبعدين نحن بلنس شعار الهلال

يعني فنايل هندسة براها ممكن تغلب

Post: #511
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-27-2006, 01:54 PM
Parent: #510

Quote: والتحايا موصوله للأخ الباشمهندس
هشام المجمر صاحب البوست


مع احترامنا للمهندس هشام المجمر..

الا ان هذا الجهد الذي امتد لعدة شهور نشهد ان هذا جهد المهندس خليل..

نحت فيه ذاكرته..ومارس السرد السيريالي..والدهشة

وبصماته ظاهرة لكل من عاصر تلك الفترة..

Post: #512
Title: Re: اليوم الحار ومابنداريوم الهندسة والمعمار
Author: khaleel
Date: 03-27-2006, 01:59 PM
Parent: #511

هذا

جهد الفتي سامر

القسمات حيي الشعور الفتي الموعود بالعذاب عبد الكريم الامين

نصير المهمشين وصاحب القلم الانيق

وما ننسي الصائم وكل من شارك

وانشاء الله ابقي حصان تكشف علي ايمان

Post: #513
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-28-2006, 12:08 PM
Parent: #512

خلي العجيب ..وينك ياخي...

وكلنا في انتظار اخبار الخلاطيين العظام..

وماتنسي لينا ود الباوقة ..والنقر..ده كان خلط متفرد وعجيب خلاص...

وطبعا انا لاقيت ود الباوقة ده في عطبرة بعد سنة من التخرج لقيتو مهندس كبير خلاص..

وعقب تخرجه من الجامعة بسنة..وتشوفو كده تقول الزول ده بنزلو معاش بكرة دي!!!!

Post: #514
Title: Re: اليوم الحار ومابنداريوم الهندسة والمعمار
Author: الجيلى أحمد
Date: 03-28-2006, 02:28 PM
Parent: #513

سلام شباب هندسه..

كلامكم سمح ودقاق..

نتابع معاكم, ولو لقينا فرصه نجيكم نديكم برضو من ذكرياتنا..

Post: #515
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-28-2006, 04:36 PM
Parent: #514

مرحب الاخ الجيلي..

شرفت دار هندسة والله..

ويلا راجيين نشوف ذكرياتك التي حتما ستكون رائعة..

ولك الشكر و التقدير

Post: #516
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 03-28-2006, 04:49 PM
Parent: #1

سلام يا شباب هندسة
لكم التحية والتقدير

انا بتاع school of math

وغلبنا هندسة كثير جدا فى دورى الكليات

اوع تلعبوا مع ناس اسكول كثير ...

ومن ناحية الجكسئ حدث ولا حرج طبعا ناس هندسة عزوبية شديدة
لذلك عاملين لبنا وجع وش فى الكلية ...


تسلموا يا شباب

وربنا يوفق

Post: #517
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-28-2006, 05:04 PM
Parent: #516

Quote: انا بتاع school of math

وغلبنا هندسة كثير جدا فى دورى الكليات

اوع تلعبوا مع ناس اسكول كثير .


مرحب عاصم ومرحب بناس الاسكول الحلويين ..

لكن مسوؤل من الخير اسكول دي متين غلبت ليها زول..

يا زول ناسكم ديل احنا كنا بنديهم 6 مع الرافة ..في عشان ال

(math اللامينا ده),,

Quote: ومن ناحية الجكسئ حدث ولا حرج طبعا ناس هندسة عزوبية شديدة
لذلك عاملين لبنا وجع وش فى الكلية ...


يازول احنا رغم سمستر الجكس فينا كان مكسر...

تخريمة.

معليش انا بس سادي خدمة الليلة لخليل سيد البوست..لكن الزول ده لو حسي جاء بجيب خبرك

وممكن يعرف الجكس بتاعك..ويجيب ليك هبايب ..عشان كده اخير ليك اسحب كلام غلبكم للهندسة

ده قبل ابوخليل ما يجي!!!

Post: #518
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 03-28-2006, 05:07 PM
Parent: #1

الاخ راكوبة
لك التحية والتقدير

اولا اشكرك على هذا الخبر الرائع الذى ذكرنى بفوزنا على كلية الهندسة

والبنت الفوق الصورة دى هى الاخت رافا والتى نالت جائزة من جيريدكم

لا اتذكر هلى قون ام المشاهد ...

وكانت الجائزة ساعة حائطية وخمسون الف جنية سودانى ...


كان فى صيف العام الماضئ بالتحديد وكنا على اعتاب مغادرة من الكلية كخريجين ...

تشكر اخى

Post: #519
Title: Re: اليوم الحار ومابنداريوم الهندسة والمعمار
Author: khaleel
Date: 03-29-2006, 10:36 AM
Parent: #518

عاصم ابوبكر حامد

معقول اسكول (اوف ماث)

تغلب الهندسة ست الجلد والراس

فعلا هذا عام الرمادة الكروي

نفس سقوط ريال مدريد والعظماء


من الخلاطين العظماء

اخونا ابن مدني البار


محمد بدوي بانقا

ياخي الزول دها عندو زي خمسين بنطلون وخمسين قميص

بعدين بغرود عيونو للجكس وبدعي الدبرسة

تحياتي لك ود بانقا

بعدين سيف عمران ما بجتهد بحب اقالع جكس الناس


اما ملوك الخلط في اقتصاد

اسامة اللورد دها انيق ولبيس

وبحشي البنطلون حتي البنكرياس

بعدين معاهو صاحبو بكري ابو الشباب

دها بدخل حميرو مع حمير الكتبة

Post: #520
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-30-2006, 10:54 AM
Parent: #519

يا سلام ياخليل معقول ..
Quote: محمد بدوي بانقا


ياخي ده زول صحبي شديد ..وشديد كمان..

خلاط من الدرجة الممتازة واخو اخوان..ومن اسرة كلها ناس مبدعين وفنانين..

ابوهو ..بدوي بانقا الشاعر الكبير ..وتغني له سيد خليفة في عدة اغاني..

وايضا (خاله)..احد (فردتي)..ثنائي الجزيرة..

ومحمد بدوي زول جميل ومرهف ..وحليلو ياخي...

وكمان ..طاري سيف عمران(تنقا)..ود سنار الانيق..ويا زول تنقا ده كان ما

بقلع لاحاجة الجكس (براهو بتقلع منكم وبجي لولدنا الانيق!!!!!!!!!!!!!!!)


اسمع ياخليل .

.تتذكر ان احد اصدقاء طه النور كان (بترس)..من طه

في كل حاجة حتي في الخلط..

ويقال انه عقب شاكوس (طه)..صاحبنا مشي للجكس بتاعتو وقال ليها..الليلة

الا تشوكشيني !!!!!!!!!!

Post: #521
Title: Re: اليوم الحار ومابنداريوم الهندسة والمعمار
Author: khaleel
Date: 03-30-2006, 11:05 AM
Parent: #520

عرفتو بلحيل يا كريم دها ما صالح العربي ودالجبل

من عظماء الخلط

الود خالد شيخة

ياخي دها ما بعتق

بنات لندن في غضب الله

بنات الشهادة العربية في غضب الله

بنات الخرتوم في غضب الله

جداد الخلاء في غضب

اخلط اي حاجة انا كنت مسميهو القشاش

بعدين الخلاطات

المحترمة بتاعة انصار السنة

بخلطو بعض واي زول ضهرو مقابل التاني

Post: #522
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-30-2006, 11:13 AM
Parent: #521

Quote: بعدين الخلاطات

المحترمة بتاعة انصار السنة

بخلطو بعض واي زول ضهرو مقابل التاني


لا ده بقي كان خلط وراء حجاب..وكنت بعرف ناس متخصصين في رصد هذا النوع من

الخلط..

وطبعا الكويسة بعد خلطهم ده..العرس بتم طوالي....


طبعا ياخليل..

الكيزان كان عندهم كوادر سرية من الناس الوجهاء..

ومهمتهم خلط البرلومات..وبعد داك تجنيدهم في الحركة....

وكان عندهم واحد في القانون رهيب..وجيه ولذيذ جدأ ..(غايتو ده ما خلي

برلومة وقعت في يدو ما كوزنها)....

Post: #523
Title: Re: اليوم الحار ومابنداريوم الهندسة والمعمار
Author: khaleel
Date: 03-30-2006, 11:32 AM
Parent: #522

يا سلام علي

انصار السنة مودبين ياخ

ناس صلاح علي وعبدالله شعرون وعمر الفاروق وعبدالله احمد الطيب

لكن يا كريم الناس اكالين اكل

لمة في صينية الباسطة الا يمرقو شدرة

Post: #524
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-30-2006, 11:43 AM
Parent: #523

Quote: الود خالد شيخة

ياخي دها ما بعتق

بنات لندن في غضب الله

بنات الشهادة العربية في غضب الله

بنات الخرتوم في غضب الله

جداد الخلاء في غضب

اخلط اي حاجة انا كنت مسميهو القشاش


هووي يا خليل هووي..تجيب سيرة شيخة دي ..تجي

ناطة لينا صحبتك ...العاملة فيهابتاعة القانون ديك

وتقول (tower ..وامجاد واموال يتامي..),,,ونقوم نعمل دشمان ساكت..
.....

Post: #526
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 03-31-2006, 10:38 AM
Parent: #519

خليل
صاحب البوست
لك التحية

اين انت يا زول

لا بالجد انحنا بنغلب هندسة وغيرها كمان

انت عارف اهم شئ كان تشجيعنا ضد هندسة وبالاخص كان معظم اللاعبين اصحابنا فى مرحلة الثانوى وكنا فى مدرسة الشيخ مصطفى الامين الثانوية ...

لذلك كان اجمل المباريات بين اسكول وهندسة وعلوم لانها تكون بين اصحاب وشلل ...

نشوفك معانا هناك يا خليل على شان نشوف اسكول تهز الارض كيف ...


Post: #525
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 03-31-2006, 10:27 AM
Parent: #1

الاخ الرائع
عبدالكريم
لك التحية


Quote: مرحب عاصم ومرحب بناس الاسكول الحلويين ..

لكن مسوؤل من الخير اسكول دي متين غلبت ليها زول..

يا زول ناسكم ديل احنا كنا بنديهم 6 مع الرافة ..في عشان ال

(math اللامينا ده),,


لا والله بالجد غلبنا هندسة
والــmath بقينا فيه خطرين جدا لذلك قلنا لهندسة امشئ بعيد
وفى الكورة بقينا اخطر من الخطير زاتو ...


تسلم اخى خليل
بجبك راجع

Post: #527
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-01-2006, 05:41 AM
Parent: #525

مرحب عاصم

اسكول جنوب السنتر...صلاة النبي فوقو.

كلية اوضة وعنبر...صلاة النبي فوقو

الدومة قالو ريئسة..صلاة النبي فوقو

عضت اداني كديسة..صلاة النبي فوقو...

تلك كانت هتافات هندسة عندما نلتقي مع اسكول في ماتش ساهل...

يشبه لقاء الارسنال مع تيم ناس (راكوبة)

Post: #528
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-02-2006, 09:46 AM
Parent: #527

خليل....وين انت..ياجاسوس..


اظهر وبان

Post: #529
Title: Re: اليوم الحار ومابنداريوم الهندسة والمعمار
Author: khaleel
Date: 04-02-2006, 10:25 AM
Parent: #528

نعود والعود احمد

بعد نزلة برد خفتها تكون انفلونزا الديوك

وصلني هذا الايميل من المهندس محمد الشيخ وزعلان من الشمباتي وبتاع اسكول




استفزانى الشمباتى
ززززززززززز
...............

شين وبعاتى
شافنا قام جارى
قالو شمباتى
وقبليه بتاع اسكول للكلام عن الكورة واولا
زي ماكان واحد من المحايدين بيقول واظنه عبدالمنعم مختار
ان عدم التوثيق وضعف الذاكرة يخلق الفوضى
اقول ليك انو الكور اللى قال فيها انهم غلبوا هندسة
دى انتهت درون
احيييييييييييييييييييييييييييي
يعنى هندسة درنت في كورتين للاسف
وبعد داك طارت بالنقاط

والحمد لله في هندسة لحدى هسا بيقولوا
الكورة غالب ودرون
مابيقولوا غالب ومغلوب

حقو ترجع للصورة وتشوف تحت صورة طارق العشا
(طالب بالكلية الان)
حتلقى في الجريدة مكتوب الكلام ده

وهندسة بتلعب
الا لاي لا
جوة في الملعب
للا لاي لا
فاتو خلونا وقالوا مابنلعب

وللاسف في اخر كورة بين هندسة واسكول حصلت مشكلة كبيرة جدا وضرب وعويق لانو الكورة انتهت درون ماعارف لو ناس اسكول ديل غلبوا كان حيحصل شنو

الغريبة انهم اقرب ناس وجدانيا للهندسة
وزي اخواننا الصغار والله

_________________________________________________________________
Express yourself instantly with MSN Messenger! Download today it's FREE! http://messenger.msn.click-url.com/go/onm00200471ave/direct/01/

Post: #530
Title: Re: اليوم الحار ومابنداريوم الهندسة والمعمار
Author: khaleel
Date: 04-02-2006, 10:29 AM
Parent: #529

كما وصلني هذا الايميل من الاخ محمد هارون

وبسال عن ناس اقتصاد جاوبو اذا بتريدو



Sent : Saturday, April 1, 2006 12:32 PM
To : [email protected]
Subject : hi

| | | Inbox


الأخ/ أبو خليل

اليوم الحار ومابندار يوم الهندسة والمعمار

أمتعتنا وفرفشت لينا زكرياتنا الجميلة

عايز أسألك عن أصدقاء في الاقتصاد دفعة 86

رفعت بشير
طارق المدني
عصام عبد الوهاب
احمد سعيد

(( داخلية النيل الابيض))

سرالختم مالك
احمد علي الفائق
الرضي بلة
(( داخلية بحر الغزال ))

ولك شكري سلفا

أحوك/ محمد عبدالله

_________________________________________________________________
Express yourself instantly with MSN Messenger! Download today it's FREE! http://messenger.msn.click-url.com/go/onm00200471ave/direct/01/




| |

Post: #532
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-02-2006, 10:33 AM
Parent: #530

وجع وجع خليل..رجع..


وكفارة من انفلونزا الديوك..دي...وتبري الديوك..ياخلي

Post: #531
Title: Re: اليوم الحار ومابنداريوم الهندسة والمعمار
Author: نجوان
Date: 04-02-2006, 10:33 AM
Parent: #529

من اجمل البوستات على الاطلاق, مشكورين خليل وعبد الكريم والبقيه.

Post: #533
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-02-2006, 10:41 AM
Parent: #531

لك الشكر نجوان...

وهندسة دي صعيبة علي اييي كده لعبتا..

عليك الله يانجوان كتري الجية..اييي

Post: #534
Title: Re: اليوم الحار ومابنداريوم الهندسة والمعمار
Author: khaleel
Date: 04-02-2006, 11:02 AM
Parent: #533

Quote: من اجمل البوستات على الاطلاق, مشكورين خليل وعبد الكريم والبقيه.


شكرا

يا نجوان

وجيتينا وشرفتينا

كنا فرشنا السكة ورود

لما كلمتنا كان بالجية

خطوة عزيزة ويومك موعود

دها الخلاك تتطرانا شوية

وكل البوست خليتو في فرحة

ضاحكة عيون وقلوب منشرحة

جيت واكتملت بيك اللوحة


اهلا سيدنا ومرحب بيك

نور بيتنا وشارع بيتنا

Post: #535
Title: Re: اليوم الحار ومابنداريوم الهندسة والمعمار
Author: الجيلى أحمد
Date: 04-02-2006, 11:38 AM
Parent: #1

سلام دار هندسه..
خليل
كريم
شايفكم جبتو سيرة عمر الحبر..
الزول دا خالى عدييل
رغم تقارب الأعمار..

درجة الإمتاع فى هذا البوست عاليه,
تحيه ياشباب هندسه,وندامه لينا القريناها
مع الخواجات,وما اتهنينا ب(المين رود) والقطط والطواويس..

ماينفعكم

Post: #536
Title: Re: اليوم الحار ومابنداريوم الهندسة والمعمار
Author: khaleel
Date: 04-03-2006, 01:25 PM
Parent: #535

الجيلي وليد احمد

بالله عمر الحبر خالك وبلالك

خالك اكتر زول نام في الجامعة

واحسن زول بغني شوقنا راح من غير ارادتو

واحسن بغني قول لي الكلمة دي قولها لو نفرح شوية

واحسن زول بمدح مدفعو النبلو بياكل الارض حجارهو الذبلو

اوعي من حللو بعطي سر الله من بطن قللو


خالك مرة داك المحاضرات وكان نايم تحت شدرة في البركس


الشباب جو من المحاضرة

خالك سالهم اها دكتور الصادق شرفي عمل attendas

الشباب قالو ليهو ايوة

اجاب خالك


والله الدكتور دها اتلومنا معاهو

Post: #537
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-03-2006, 01:41 PM
Parent: #536

Quote: سلام دار هندسه..
خليل
كريم
شايفكم جبتو سيرة عمر الحبر..
الزول دا خالى عدييل


الجيلي بالله عمر الحبر خالك...

خالك ده روحنا ودمنا..وعشنا معه احلي الايام..

صوت فريد وبه تون خطير..مداح..لماح..غناي..شاطر..ونوام

وكان مخضرم كبير...وهرم صعب تجاوزه في ذلك الزمن

له مني الشوق الكبير..صديقي ود الحبر الجميل...

ولك السلام

Post: #540
Title: Re: اليوم الحار ومابنداريوم الهندسة والمعمار
Author: khaleel
Date: 04-04-2006, 10:27 AM
Parent: #537

Quote: تحياتي للأخوين خليل وعبد الكريم
نفحتني أختي لنا بهذا البوست لأفرفش حسب تعبيرها، فقد انقطعت عن عالم المنبر الحر زمانا طال وما عدت حتى أقلب الصفحات.. هذا البوست يحكي بصدق وبمحبة سنين عشناها ربما نسينا بعضها وكان التذكير..
لم أكمل بعد، ويظهر أن هذا البوست قد لا ينتهي حتى مع أوان التخرج.. فشكرا لتلك الأقلام..
أحببت هنا أن أدخل للحديث عن يوم مقتل سليم والتاية، بعد الغدر الآثم ببشير.. أيام الإنقاذ السوداء الكالحة، والرصاص الذي كان يملأ طرقات الجامعة.. والدماء كانت تسيل بين أرجلنا، والحنق بلغ مرجلا لا يوصف.
أسبوع المهندس بعدها كان صادقا تماما، وضعت فيه الحقب التاريخية المتعاقبة للسودان، وآخرها ظلام الإنقاذ وشعار القراصنة، وعلى عينك يا تاجر (الأمن)..
أذكر كان بقربي يوم المجزرة الشهيرة برلوم كان صديق لأخي صدّيق في الثانوي - نزار جعفر عبد الباسط- وكان ذووالقماءة يلاحقوننا في طرقات الجامعة بالرصاص الحي ونرى الدم يسيل باعيننا، كنا في الممر الخلفي بين الاقتصاد والهندسة لو كنت أذكر جيدا- مجموعة ملأها الغبن وفجأة نظر نزار للدم على الأرض- دم بعض زملائناتحت سماء جامعة الخرطوم- وبكى بحرقة تاكلا وجهه على الشجرة ويده على كتفي، لا أنسى تلك اللحظات أبدا.. لا أنسى عجزنا جميعنا عن التعبير بالغل والذل والظلم والدين إزاء الدماء البريئة التي سالت. وقد كانت تلك الحادثة بمثابة نقلة لي مع البرلوم (نزار) فقد واجهت وجهه الادمي الحقيقي بعد مناكفات متبادلة..
والمناكفات راجعة إلى أنه كان في الدفعة بتاعة 86 وكان في مدرسة المؤتمر الثانوية صديقا لأخي صديق، وحينما نجحت في الشهادة الثانوية ودخلت الجامعة طلب مني صديق أن اعطيه كراساتي لصاحبه الذي سيمتحن رياضيات فلقطت كل كراساتي وأعطيتها له.. ثم مرت الأيام ودخلت الجامعة وككثير من البرالمة لم أكن أواظب على حضور المحاضرات، ولما فوجئنا بامتحانات آخر السنة علمنا أن هذا ليس إلا ترجمة للإنجليزية للرياضيات التي درسناها في الثانوي كما تفضل الأخوان، وكان ذلك في سنة 86 وبعد انتهاء امتحانات الشهادة حينما طلبت من صديق أن يرجع لي كراساتي من صديقه فصار يماطل ولم يرجعها أبدا، ثم أنه اجتاز الامتحان ودخل الهندسة ولاقيته مع صديق أخي الذي كان حينها قد دخل كلية العلوم (أحياء) ولومته على عدم إرجاعه لكراساتي وقلت له أنه دخل الجامعة بفضلي وكنا نهذر فقال لي: كراسات بتاعة شنو وانتي دايرة بيها شنو كلها رسم وشعر ما فيها ولا حاجة يقولوا عليها تدخل جامعة ولا تباصي في امتحان، وبعدين أنا لومت البرلوم جدا واعتبرته ناكر جميل وأقرع ونزهي.. وكان هذا كل ما بيننا حتى يوم سليم والتاية..
كان يوما مؤلما بحق..
ولو كان من فضل وحيد لذكريات الأخ خليل التي تفضل بها علينا (وهي مليئة بأفضال كثيرة لا تحصى) فهي انها استرجعت وجه العسكر القاتم ووثقته عبر الزمان، ولو كنا نوثق هكذا في كل حين لدمعاتنا ودمائنا التي انسكبت ولقلوبنا التي دقت بعنف، وللنضالات ولكل القماءات لكنا هزمناهم بالثقافة وبالذاكرة..
إنني أحيي ذاكرتك الصافية يا أخي، وأحيي تلك الأيام..
أحببت فقط أن أداخل - وأنا بعد لم أكمل المشوار..
رباح



سلامات الست رباح الصادق الصديق المهدي

بت عز الرجال اهل الدروع والخيل

ادب جم تواضع

لا تحسسك ابدا انها ابنة الزعيم

شاطرة

ورسامة وكاتبة للقصص

دفعتنا لزم

كان معنا في لجنة عدالة الفرص الجامعية

اول من اطلق لقب كيكي للود عبد الكريم

تحياتي لها

ولبنات دفعتنا

اشراقة الطريفي وامل الفاضل ومايسة عزالدين السيد وبنات لندن كلهم وبنات الشهادة العربية

كلهم وكل بنات الدفعة من غير فرز

ولو الخاطر سرح عنك تاكد انو راح ليك

Post: #541
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-04-2006, 11:23 AM
Parent: #540

ياسلام...

روح يا زمان وتعال يازمن..

رباح الصادق شخصيا..

لك الشوق الكثيف..والحنين يحملني الي تلك الايام الجميلة..والفترة الذهبية

في تلك الجامعةالمدهشة..

رباح الصادق ..تري اين حنان محمود واريج وسهير وبكنام سعيد..واهيلة.وهنادي

واشراقة الطريفي ,ومياسة عزالدين ومي صفوت.وغادة كدودة.وفاء عبد الرحمن, ليماء

هداية الله’وسلوي احمد اخت اكرم بتاع القانون,والهام زيدان.وامل الفاضل

واميمة كدفور بت ام روابة...ومنال فضل الله ...

اين كل هولاء لهن السلام والتحية بعد عقدين من الزمان..الذي حملنا بعيدا

بذاكرة تحفظ لهن الاحترام والتقدير الكبير....

ويارباح انا طالبك عزومة سماية ليوم الليلة,,

وانتي حسي شغالة سياسة وادب ولاهندسة...

ولكي السلام

Post: #542
Title: Re: اليوم الحار ومابنداريوم الهندسة والمعمار
Author: مزمل التريكى
Date: 04-04-2006, 03:46 PM
Parent: #1

العزيز خليل
أعتزر وبشده جديده جدا على الخلط
حيث أنى كنت وقتها اتابع البوستين معا (بوستك وبوست الاخ هشام المجمر ) فى نفس اللحظه ويبدو أن جمال البوستين هو ما جعلنى (أخلط) بينهما... وما تقوم تضيفنى لى قائمة الخلاطين .
تحياتى للاخ محمد الشيخ ورسالتى اليه من خلالك كالآتى :
راجع التاريخ كويس يا ودالشيخ وارجع تحديدا لسنتى 2001 و2002 وشوف الشمباته كانوا بقدموا شنو
غلب الشمباته اتنين وتلاته
درون ما معانا شكل يغبانا

والف تحيه ليك يا ود الشيخ
واعتزار مكرر للأخ خليل

Post: #543
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-05-2006, 09:44 AM
Parent: #542

الأخوين خليل وعبد الكريم
تحياتي الطيبة جدا
أنا لسة ما كملت قراية.. ولكن الكي بورد أكلني
لسة في كلاماتك الفلسفية يا خليل عن البنات..
إنتو فعلا محتاجين ندخل بكل كتاحاتنا الفلسفية عشان نرد.. لأنكم رسمتم اللوحة بعين واحدة: عين الذكور، بقى أن تتدخل عين بنات الهندسة..
من الصعب جدا أن أجاري هذاالتدفق وكل هذه الذواكر الحادة.. وأنا لي ذاكرة هرمة مثل روحي تماما.. رغم كل ما تقولان..
نرجع للمربوطة بيهم من بناتنا
هناء علي متولي بدر عبد الفتاح الجندي.. تلك الفارعة (من عندينا) التي تجذتب الناس كما المغنطيس، صديقتي التي قابلتها الشهرالماضي في كندا وأخبرتني عن هذا البوست قبل رؤيته.. هناء الآن مقيمة هناك في كتشنر وهي حسب كلامها مدينة بالقرب من تورنتو بكندا، ومتزوجة من ابن خالتها الأستاذ أسامة خيري، شقيق مجدي خيري المهندس الذي كان متخرجا حينما دخلنا حرم الهندسة.
إشراقة الطريفي عوض الكريم حمد النيل أيضا متزوجة من الباشمهندس خالد وهي مقيمة بالسودان وفي لجة المعمعة الهندسية..
وأهيلة عوض الكريم ابن عوف، تزوجت منذ سنة ثالثة من الطاهر عبد المحمود العربي وهي الآن تعمل بنشاط في جمعية المهندسات السودانيات، حاولت جرجتي للنشاط في الجمعية ولكن الظروف لم تسمح بعد.
حنان محمود أحمد يحي عمر إدريس حامد، بنت الصحافة، تزوجت من واحد من أولاد الدفعة من أولاد الصحافة برضو اسمو الطاهر وكلاهمايعملان في الطيران لمدني.. وزواجهما كان السنة الفاتت.. وقد كان مناسبة لالتقاء العديد من الزميلات وإن كنت تعاقبت مع تماضر فلم نلتق (تماضر بالمناسبة من السجانة وليس الصحافة كما هو وارد في البوست). وبمناسبة قصة عرس حنان دي العريس قال إنو (متحجب) قريب وما ممكن يتجرتق بالحرير، قلت لحنان مافي عوجة أصلو أنا بقيت نضامة جراتق رسمي وشعبي (أنا بت حبوبتي وكنت "الصبي" بتاعها في أمور النضم كلها) شلت الخرزة والعضم والسبح من حنان وقمت بنضم الجرتق خاصتهم لحنان بالحرير وللطاهر بالخيط العادي، بعدين يوم العرس جبت الحاجات منضومة وبوري في أهيلة كدة (طبعا أهيلة شهادة عربية ومش شديدة في السوداني، على قول المرحوم إبراهيم أحمد لما زروه في كلمة ناس المحجوب ولا زروق ما عارفة قال: انا مش شديد في العربي) المهم بوريها في الحاجات قامت أطلقت صرخة تعرف كدة على السبحة وقالت لي آآآآ أنا ما بقيت خبرة في الحاجات دي: دي سبحة اليسع! تقصد سبحة اليسر للما عارف!!..
أريج جعفر محمد علي بخيت.. بت ناس لندن الوحيدة في شلتنا والتي كانت محل لغط شديد في المجموعة قبل أن يتم ضمها لنا. أريج الآن في ألمانيا بتعمل في دكتوراة.
وتماضر محمد بشير نصر التي كانت عضوة في رابطة مشجعي الهلال كما مذكور في البوست.. وهي تعمل أيضا في الطيران المدني.
لمياء عباس هداية الله- من بنات العلوم جات السودان مؤخرا في حادثة حزينة وهي وفاة والدها المهندس عباس، وأيضا كانت مناسبة حزينة التقينا فيها للعزاء.. وكذلك وفاء عبد الرحمن من العلوم وهما امتداد شلتنا في العلوم والمتكونة منذ زمان الأو إل تي. وفاء الآن بهولندا.
الحاجة الحقها تتسجل إننا كنا مسمين أنفسنا (ك. ش) اختصارا لكتيبة الشر! وذلك ردا على العدوان الذكوري من بعض الزملاء في الهندسة لأن بعضهم بعد أن لم يفلح في جرجرة البعض لعلاقات هامشية: نحن كنا بنمشي كراضم كراضم، ومتصاحبين لدرجة قف، حتى الطاهر عربي لما جاء يخطب أهيلة اضطر يخطبها مع المجموعة كلنا كنا بنتكركر معاهم كان حقنة كان غيرو.
وفي مرة حاولنا نعبر عن أنفسنا في مجلة في الكافتريا سميناها برضو كاف شين.. الناس عرفتنا بالرغم من عدم وضع الأسماء، ولكنها كانت بيضة ديك حتى انفردت فيما بعد بإصدار مجلتي (بيننا) وصار يساعدني في الخط بعد فترة صديقي الخطاط المجيد محمد جعفر..
نعم نحتاج أن نضع ذكرياتنا والصورة من خلال تلك الذكريات تقول: نعم أنتم لا تفهمون النساء أو تعتقدون أن هناك شيء إسمه النساء مبهم وكومة واحدة مصمومة ولذلك تحدث أشياء تتصرفون بها بشكل غير مفهوم! يعني مثلا توجد خرافة ذكورية ان المرأة إذا قالت لا فهي تعني نعم.. وللأسف فليس كل الرجال قالب واحد، ولا كل النساء كذلك.. بنات الهندسة في الزمن داك كانوا دقة مختلفة، بنات لابسات الكتاحة شراب، ما في كلام..
الكلام يطول..
لكن يا عبد الكريم إنت وين حسي كان دايرين نضبح الخروف؟
من هنا أحي كل ناس دفعة قدام الذين ذرفنا عليهم الدموع الحارة ومسخت من بعدهم الكلية: مي أبو العزايم وإيمان صلاح الدين (توتا) ومؤتمن ميرغني، ومحمد هاشم، وبعضهم طبعا شرفنا زمن واتخرج معانا أو بعدنا: محمد جعفر وعز الدين محمد الخير وأبو بكر الصديق، وهو بالمناسبة في اليابان وسمعت أنه ناسب أهلنا اليابانيين كمان.
بالمناسبة برضو لاقيت مؤتمن وإيمان قريب دة في زواج أخ إيمان من أخت زميلنا السكولاوي أسامة محمد بن إدريس (صفاء) والعلاقة المباشرة هي أن أخته الأخرى (نهال) متزوجة من د. مرتضى الغالي شقيق زوجي عبد الرحمن، السودان ما ضيق، وتصوروا يا جماعة في النهاية تزوجت واحد من ناس (الدايات) والله من كثر عدائي المعروف لهذه الفئة لما سافرنا بعد الزواج اتصل بي الصديق أشرف شمت وكنت في القاهرة وقال لي: تتزوجي دكتور؟؟ دي عملتيها كيف دي!! وما قدرت ألقى عذر لكن الله غالب..
تحياتي أيضا لأشرف شمت في أمريكا ويا حليل تلك الأيام..
يا حليلها..
أنا زي ما قلت ليكم ما كملت قراية لسة في صفحة 3 لكن يدي أكلتني.. وأوعى يا خليل وكريم تكونوا نسيتو توثقوا رائعة كورال الجامعة
لما أكتب ليك غناي
وتعزف الكلمات نشيدك
أذكر الماضي وقساوتو
الأدى للحاضر حلاوتو
وزينت أيامو عيد
جابني ليك الشوق وجيتك
أديني من إشراق جديدك
أمنا المن فيض عيونك ارتوينا
من معين علمك نهلنا
قمنا بي هديك مشينا
إنتي في يد الوطن يا راية أعلى
إنتي في صدر الوطن يا درة أغلى
جابني ليك الشوق وجيتك
**
ما متأكدة من الكلمات وباقيها غلبني (كفاحنا وشنو ما عارفة!!)
لكن أذكر أنني عملت فترة بالتدريس في الجامعة الأهلية وأقاموا حفل تخريج، وبعدين قاموا غنوا الغنوة دي وأنا اتمليت ملية ما عادية: يا اخوانا طيب لو دايرين تشكروا جامعتكم أقطعوا ليها قصيدة بدل تهنبتوا في قصايد خلق الله، حسي الغنية دي ممكن تتقال غير في الخرطوم؟.. معليش يا ناس الأهلية لكن أخير تقطعوا قصيدتكم براكم!!
لازم أرجع بإذن الله حول قضية: لجنة بحث عدالة توزيع الفرص الجامعية ومسألة شهادة لندن لأن القصة لم تكن محصورة عند ذلك الحد، ولها ما وراءها.. وتحية أيضا للمهندس خالد شيخة وإن كنت لم ألتقه منذ الجامعة..
في أزمنة متفرقة التقيت بفخرالدين ود المعمار وبالنور من البرالمة الورانا، وبعبادة السراج وبآخرين ليسوا كثرا وذاكرتي كما قلت خئونة.. لكن أنا فارقت الهندسة فراق الطريفي لجمله.. وبقيت لامة: سمك لبن تمرهندي
مرة تانية لازم أعود ليكم لو كتب ربنا..
ولكم كل التحية والتقدير والشكر بلا حدود أن بعثتم ذلك الزمن الجميل..

رباح

Post: #544
Title: Re: اليوم الحار ومابنداريوم الهندسة والمعمار
Author: khaleel
Date: 04-05-2006, 10:12 AM
Parent: #543

Quote: أنا زي ما قلت ليكم ما كملت قراية لسة في صفحة 3 لكن يدي أكلتني.. وأوعى يا خليل وكريم تكونوا نسيتو توثقوا رائعة كورال الجامعة
لما أكتب ليك غناي
وتعزف الكلمات نشيدك
أذكر الماضي وقساوتو
الأدى للحاضر حلاوتو
وزينت أيامو عيد
جابني ليك الشوق وجيتك
أديني من إشراق جديدك
أمنا المن فيض عيونك ارتوينا
من معين علمك نهلنا
قمنا بي هديك مشينا
إنتي في يد الوطن يا راية أعلى
إنتي في صدر الوطن يا درة أغلى
جابني ليك الشوق وجيتك


رباح بت الصادق

كيفنك

كيف ننسي الكورال

والغربية انا كنت عضو في الكورال وبغني للجامعة وبقول ليها امنا

وانا مرفود بسسب الرسم الهندسي للمرة التالتة

وكان قائد الكورال المايسترو العملاق الهادي الاصم

وكان معنا عمر نوري علي الجيتار وحمد

والبنات ناس صفاء ووفاء ومن الاولاد كان الخير ومجموعة طيبة

وما زلت اذكر زغرودة غادة لما جاء قطع

ونفتح الصدور للمدافع القديمة


بعدين يا رباح اي زول حاول اقيم معاكم علاقات حب اعتذرتو ليهو

اقول الاسماء وللا احسن اسيبها مستورة

اخبارك قالو بقيتي سياسية من الدرجة الاولي الكلام دها صحي

Post: #549
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-06-2006, 04:16 AM
Parent: #544

أبدأ في البداية بتحية كل الأخوان والأخوات المتداخلين والمتداخلات..
وكما بعد أن ذكرت امش شلتنا، أذكر الصديقات منذ أم درمان الثانوية وقد أكملنا مشوار الهندسة سويا،
رشا عربي عبد الباسط، وهي الآن في الإمارات حسب علمي من مدنية، ونور الهدى ياسين معني من ميكانيكا وهي أيضا في الإمارات، وثلاثتنا في يوم تخريج الجمعية الهندسية بقاعة الشارقة كنا في أول الصفوف الثلاثة للمتخرجين، قامت رشا قالت لي رباح عايني: التمرين الابتدائية للبنات! لأننا الثلاثة كنا زميلات منذ مدرسة التمرين الابتدائية وصديقات منذ الثانوي بأم درمان الثانوية للبنات.. أما رشا فقد بدأت الصداقة في (روضة) التمرين، ولا أزال أذكر أن أمها حينما جاءت لتسجلها وجدتني في الحوش وقالت لي إنتي في فصل إشراقة (أفتكر الاسم كان كدة) قلت ليها أيوة، قالت لي زميلتك دي جديدة خلي بالك منها، وكنت دائما أقول لها لقد أوصتني أمك عليك!. تحيتي لهما حيث هما..
وكذلك الأختين بوران وأميرة حسب الرسول، بوران في المعمار وأميرة في الطب، وقد انتقلت صداقتنا ايضا منذ أم درمان الثانوية
ومن بنات معمار أذكر أيضا رباب عثمان وهيفاء قاسم وماجدولين النور عثمان أبكر
ومن بنات مدنية سناء نديم ( بالمناسبة قصة الامتحان وسفر أخت سناء حسب ما بتذكر القصة: لقيتهم بيبكوا وقلت أدخل معاهم بالديزاين Design لكن لقيت الرواية هنا بالستركشر).. ودي أمور ناس سيفيل نحن ما بنعرفها كثير.
وسهير عبد القيوم، سهير كانت عملت حفل شاي لوفاء عبد الرحمن في جيتها الأخيرة للسودان قبل شهور ولكن الظروف لم تسمح لي بالذهاب بس تكلمنا بالتلفونات وهي قاعدة في بطن البلد والحمد لله..
بكنام ما لاقيتها قريب دة ولا سمعت عنها..
من أولاد دفعتنا لاقيت قبل سنة أو أكثر محمد الفاتح (شلف الدين) وقد جاء للسودان في زيارة عمل من شركته بالمملكة المتحدة، بدلة وكرفتة وقصة، محمد الفاتح من يومها حاجة كدة أما الآن فالكرت عليه صورته بالألوان .. وقد أنعم علي بزيارة في المكتب وهو في طريقه لتصوير برنامج في التلفزيون، ووالله كنت شاكرة جدا جدا، وقد تابعت في النت نشاطهم في الجميعة الهندسية في المملكة المتحدة وأيرلندا، والله قاموا بأعمال جليلة لخدمة الهندسة عموما وكلية هندسة الخرطوم بالذات، بيرسلوا كتب وإعانات.. أعانهم الله.
الصادق فيصل وين الزول دة يا عبد الكريم ياحليلو ياخي كان زمان في سيتي بنك زميل كرم أخو حنان.. من زمان ما سمعت عنه.
بعدين،
يا خليل يا خوي الأغنية قالت الريدة ما بالغصب..
دحين كان في واحدة ولا اتنين ولا حتى الشلة كلها اعتذرت - دليلنا من عدم الاعتذار الجماعي إنو أهيلة تزوجت ونحن طالبات- المهم حتى لو اعتذرن القصة حرية..
لا ما تجيب الأسماء خليها مستورة عشان أنا ح أحكي قصة برضو بدون أسماء
واحد من جماعتكم كان داير واحدة من جماعتنا وياهو اعتذرت، وكمان واحد تاني مع واحدة تانية، بعدين والله القصة دي نحن لا عملنا فيها ندوة ولا اتخذنا فيها قرارات، فجأة كدة وأنا مارة بواحدمنهم وكان صديق في رأيي سلمت عليه أبى يرد السلام، وعرفت إنو نحن متهمات بإقامة لوبي صعيب يمنع الكتاحات الغرامية الجاية علينا.. لكن يا خليل ما لدرجة عدم رد السلام ياخي السلام سنة لا ريدة لا محنة، وبعدين رده فرض.. وبما إنو الصديق لم يكن معه أحد آخر ليرد كفرض كفاية فقد كان فرض عين عليه.. الزول يفلّت دينه عشان زعلة من الزول الغلط؟ طيب أنا مالي؟
والبياخات كترت علينا لحدي ما نحن ذاتنا زعلنا وعملنا ك. ش..
المسألة يا جماعة ما غصب..
أتذكر مثلا مرة واحد من أصحابنا سفلنجي وكنا ماشين في كراضمنا المعتادة وهو صديق طيب القلب ما بتاع كدة وكدة، ولاحظت إنو كاضم كضمة السنين، وقلت أكيد في مصيبة حاصلة بعدين بقيت أقول ليه مالك يا أخي المشكلة شنو؟ وهو ساكت، وفي النهاية قام قال لي والله القصة متعلقة بصديق عزيز جدا وحلها عندك إنتي، قمت قلت ليه على الفور ما في مشكلة قولها ونشوف حلها كيف، بس قام ناولني ورقة مكتوب عليها : إنه من سليمان وإنه باسم الله الرحمن الرحيم، والباقي القصة إياها الطفشتنا من الصحبة ذاتهاوالإمضاء الما يغباني صديق تاني ما قدر يفهم أصلو إنو لأ معناها لأ، نهايتها بقى يوسط في الحلة عليك الله دة كلام؟.. قمت أنا اتغظت غيظة شديدة جدا، وناس البيت عملو الموضوع ضحكة لمزيد من الإغاظة وأبوي قال لي بالمناسبة الآية دي بعدها: ألا تعلوا علي وآتوني مسلمين يعني إنتي المفروض تأتي مسلمة كمان! شفت كيف..
الريدة ما بالغصب ياخ..
وبعدين نحن الجد جد عشناالجامعة لأنو الناس البتلقاهم متكسرين في البنشات ديل ما شافوا والله حاجة كل زول مبحلق في التاني وكلام كتر..

وطبعا دي رؤية مختلفة جدا عن رؤيتك يا خليل، ولا شنو؟!

رباح

Post: #545
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-05-2006, 10:17 AM
Parent: #543

ياسلام ياخليل..

الليلة بوستك جاب ذاكرة حية وحضور ذهني تام...ملم بتفاصيل التفاصيل..ومتابع

لامر كل المهندسين والمهندسات المرو في الزمن داك..

جاب رباح الصادق....

ويلا يارباح معانا...عشان نعرف الجانب الاخر من النهر.

الخروف حي نجي نفطر بيهو في السودان..ونجيب الصادق فيصل

الشاهد الاول علي التسمية..واخريين

Post: #546
Title: Re: اليوم الحار ومابنداريوم الهندسة والمعمار
Author: shaheen shaheen
Date: 04-05-2006, 10:33 AM
Parent: #545

واين اسماء اصدقائى الاعزاء
1 عادل محمد سيداحمد .
2 مجتبى محمد محمد على محسى .
3 عصام الجولكين .
تحياتى للجميع

شاهين .

Post: #547
Title: Re: اليوم الحار ومابنداريوم الهندسة والمعمار
Author: khaleel
Date: 04-05-2006, 10:38 AM
Parent: #546

Quote: واين اسماء اصدقائى الاعزاء
1 عادل محمد سيداحمد .
2 مجتبى محمد محمد على محسى .
3 عصام الجولكين .
تحياتى للجميع


شاهين

بتعرف ناس الجبهة الدمقراطية ديل من وين

والله يا شاهين الناس ديل شوفتنا ليهم في( قصير) وقصير هو شهر عربي

لكن لو خليتني اتصل بصديق بجيب ليك خبرهم


رباح الصادق كيكي مهندس كبير في قطر للبترول

وسبحان الله بلادة الجامعة ديك كلها راحت منو

Post: #548
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-05-2006, 11:02 AM
Parent: #547

Quote: واين اسماء اصدقائى الاعزاء
1 عادل محمد سيداحمد .
2 مجتبى محمد محمد على محسى .
3 عصام الجولكين .


ياسلام يا شاهين شاهين...

انت بتسال عن الناس ديل عاوز تعمل مظاهرة ولاشنو؟؟؟؟

مجتبي والجلكين ماعندي خبرهم واشتاق مثلك اليهم..ووعادل سيد احمد اخر عهدي به قد وجدته

في الكلاكلة وقلت ليهو (اها شغال وين)..فقال لي عندنا طاحونة بتاعة ملح كده انا ماسكها.

فقلت ليهو انعل(.....)...دي شغلة ليك يا بتاع المكيانيكا..فرد لي بكل مرح

انا كويس (_بابكر ابوسفة) قالوا شغال ساعاتي في السوق العربي..وفعلا كان لدينا صديق مشترك

هو بابكر الطيب مساعد(ابوسفه) رحمه الله قد مارس مهنة تصليح الساعات بعد التخرج طوالي

في زمن قبضة الجبهة.ملاحقتها لمثله!!!!!

Post: #550
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-06-2006, 09:36 AM
Parent: #548

Quote: الصادق فيصل وين الزول دة يا عبد الكريم ياحليلو ياخي كان زمان في سيتي بنك زميل كرم أخو حنان.. من زمان ما سمعت عنه


ياسلام يا رباح..طريتي والله زول نبيل خلاص... خلقة واخلاق...وراقي شديد

وهو الان مدير كبير في شركة بتروناس في الخرطوم..

وله من السلام الكثير..

Post: #551
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 04-06-2006, 09:43 AM
Parent: #550

يا شباب هندسة
كيفكم والله مشتاقين

طبعا دورى الكليات انتهى بفوز اسكول واخذت الكاس من الشمباته تقريبا

اه قلتوا شنو ....

اسكول كلها رياضة
اسكول كلها ماث
اسكول كلها علم
اسكول تهز الارض

اه يا هندسة نشوفكم فى الدورى الجاى


تسلموا يا شباب

يا خليل وينك انت ؟

عبدالكريم اخبارك شنو ؟


تسلموا

Post: #552
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-06-2006, 10:06 AM
Parent: #551

Quote: عبدالكريم اخبارك شنو ؟


دوريكم الشالتو (الاسكول ده)..الظاهر هندسة ما اشتركت معاكم في الدوري ده...

او يكونوا الاولاد لعبو بالصف الثالث....

عموما مبروك يا ناس اسكول..اصلكم لحمنا ودمنا..وكويس انكم عملتوا ليكم رويشات

وبقيتوا تشيلو الدوري كمان!!!!!!!!!!!!!!!

Post: #553
Title: Re: اليوم الحار ومابنداريوم الهندسة والمعمار
Author: khaleel
Date: 04-06-2006, 03:18 PM
Parent: #552


رباح بت الصادق

صديقتنا الاتزوجت وهي طالبة كان مفروض تتزوج احد الزملاء

وانا بفتكر نحن احسن من الناس البرة لانها عشرة خمسة سنوات وبنعرف بعض وبكون الزواج مثالي

زي طه وتبارك وموتمن وايمان ومحمد عبد الجليل وسلمي السعيد

لكن زي ما قالت حبوبتي كل زول عاجبو الصارو


عاصم اسكول اوف ماث لن تنداس ومبروك الكاس

يبدو انو ثورة التعليم ادخلت غير الموهوبين للكلية الهندسة

لانو زمان الكاس كاسنا

ونحن اهلو وبنستاهلو

Post: #554
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-07-2006, 03:49 PM
Parent: #553

خليل...



يادهشة....




اظهر..وواصل كلامك العجيب..ده عليك الله...

Post: #555
Title: Re: اليوم الحار ومابنداريوم الهندسة والمعمار
Author: نجوان
Date: 04-08-2006, 01:42 AM
Parent: #554

سلام لخليل و كريم (اخطر ثنائي في هذا المكان) ولجميع المتداخلين والمتداخلات.

طبعا متابعه البوست بتاعكم ده منذ ان كان طفلا يحبو...ومعاكم الى ان يبلغ من العمر عتيا..
اخراج مشّوق جدا, والله ستيفن سبيلبيرغ زاتو ماياكل معاكم عيش. في الحقيقه البوست ده اقرب مايكون الي فيلم وثائقي درجه اولى, ومن دقة وصدق السرد يكاد يحتوي على لقطات اصليه(original footage).

الشي الاخر المتميّز درجة الهارموني بين خليل وكريم في ادارة البوست المؤسسه ده. لكل طريقته, لكن الحصيله في الاخر حاجه قمة التوازن الفني (زي معزوفه مثلا). الحكايه دي ظهرت ايضا في التعامل مع المداخلات المختلفه وتوجيهها في اطار الروح العامه للبوست. مثلا بعض المتداخلين قد يجوا هايشين وشايلاهم الهاشميه والشوق للاصدقاء, وعلى خليل و كريم ان يوجهوا شحنات الطاقه دي خصوصا وانه في اسماء ناس on the line

مداخلات رباح الصادق الرائعه جات في وقتها تماما وملأت فراغ نتج عن انه البوست بدأ بتداعيات خليل وامتد ليشمل اخرين فاصبح يعني public property مهم جدا السماع لراي البنات ومادار في معسكرهم وده بيّدي بعد اخر, ويمكن ناس خليل يكتشفوا اشياء ماكانوا عارفينها في غمرة الاحداث (حصص تاريخ تطلع منكم يا ناس هندسه after all)

البوب كورن جاهز وفي انتظار مزيد من العرض والسرد.

معذره ان طّوّلت عليكم ولنا عوده



Post: #556
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-08-2006, 05:00 AM
Parent: #555

ييييييياه....ياسلام ياالرائعة (نجوان)....

معقول الكلام العميق والراقي ده كلو ..طلع عشان البوست بتاع,,(خلي)..ده...

انت عارفة انا كتير بقول (لخليل)...والله انت لاعب ماتش كبير خلاص,,وعامل

دراما فيها نوع خاص من (الهوليدية)...

واتفق معاك تماما ان الاسلوبي الخليلي اشبه بالسينما.وعميق وملي بالمرح

والذكاء والصدق العالي...

واتخيل لي بساطه الاحمدي الذي نثره بين الجميع منذ ايام الكليةهو ما اتاح له كما هائلا من

المشاهدت..التي امتزجت مع ذاكرة بها ذكاء خارق...

رغم ذلك تظل شهادتي فيه عميق جرحها...

فهذا الفتي تعرفت عليه منذ الالاف السنين..وامتزجت خطانا..(مبراني محل ما امش)...

كل الخطوات كانت متشابه.. حتي تلكم الغربة ذهبنا اليها سويا..دون ايما ترتيب مسبق..

ولكن يظل خليل هو خليل...خير من ينثر الفرح والجمال ..في ليل الغربة الموغل في

الوحشة...

ولك الشكر نجوان علي هذه التداعيات الثرة..وحتما ..يستمر سفرنا هذا ..

والسلام

Post: #557
Title: Re: اليوم الحار ومابنداريوم الهندسة والمعمار
Author: khaleel
Date: 04-08-2006, 10:48 AM
Parent: #556

نجوان

نفسك ابية وليك جاذبية

اخجلتي تواضعنا

وانا كريم بنشبه مخمخ ومشمش ثنائي مدهش

وكريم دها محل قبلت القاهو معاي معاي زي ضلي

وحياتي ان لم يكن بها كريم لكان هناك ركن ناقصا فيها


من اعظم الديناصورات في كلية الطب دكتور قدورة درس الطب في تاشر سنة كدة

الذ زول يحب العضة واللحوم

مرة ذهبنا لدكتور طارق في صيدليته ببحري وطبعا الراجل اتخرج قدامنا

وكان بدينا المصاريف

مواعيد الغداء طارق عزمنا

ذهبنا للمطعم الخيام ببحري

وجاء الجرسون

فطلب طارق

رجلة وفاصوليا وملوخية وبامية

قام قدروة قال ليهو


عليك يا طارق ما تكلنا بالطبائح دي

تحياتي لدكتور قدورة

ودكتور شموش ابن القضارف البار

ومحمد عزيز ونادر الزين عمارة وحسام هاشم وعزالعرب

والنقابي الكبير دكتور حمدون ومحمد زوت وبكري الطويل واسامة قانقلا

ودكتورة لدن ونجاة هلال ومشارق وكل اصدقائي من ناس الطب


واموت في القصر العيني وتنقذني الطبيبة

والدكاترة ولادة الهنا

Post: #558
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-09-2006, 06:10 AM
Parent: #1

تحياتي لكل الأخوة والأخوات بالإضافة ل(خليل) وعبد الكريم
أولا يا (خليل) لاحظت كثيرا كريم يكتب اسمك بين قوسين، ولم أستطع أبدا تذكر هذا (الخليل) بعدين عرفت من أنت .. أنك أحد نجومنا اللامعة في سماء الهندسة.. لماذا يا أخي لم تقل لنا؟ وبما أنك فضلت أن يكون (حمدو في بطنو) فإنني أكتفي بمعرفتي تلك وتحيتي لك بعد كل تلك السنين.. أما كريم فقد تعرفت عليه فورا منذ حكى عن قصة التسمية وإن كان لم يذكر قصة محمد الفاتح التي دعته في رأيي لنكران أن له (اسم دلع).. نعم نحن أولاد دفعة (لزم) وأنت كنت أنت من نجوم الهندسة يا (خليل) المنتشرين في كل الجامعة بينما نحن كنا طيورا محلية تغرد فقط داخل كافتريا الهندسة وتفعل فقط داخل الجمعية الهندسية أو روابط الهندسة المختلفة.
وقبل الدخول في موضوع كتابتي أنقل للبوست العزاء في عمنا محمد شمت والد زميلنا أشرف، وقد كنا في وفد عزاء أمس مكون من إشراقة وحنان وشخصي بعد فشلنا في التنسيق مع اهيلة.. وعلمنا أنه جاء الخرطوم قبل حوالي 3 أسابيع لمرض والده وقد توفي إلى رحمة مولاه الأسبوع الماضي، ألا رحم الله العم محمد شمت وأسدل على أهله الصبر والسلوان، وبالنسبة للزملاء في السودان فأشرف لا زال موجودا بمنزلهم بالعرضة لتلقي العزاء..
وفاء عبد الرحمن في هولندا كما ذكرت ولكني لم أذكر انها متزوجة من الزميل طارق مختار عبد الله، كما لم اذكر أن لمياء متزوجة من حامد فتوتة وهما الآن بالسعودية.
تعرف يا أخي يا (خليل) في العلاقات البشرية لا يوجد (مفروض) ولا يوجد (مثال).. ومثلما لا يغالط أحد أن زيجات الزملاء التي ذكرت كانت ناجحة، فأرجو ألا يغالط أحد أن كثيرا من علاقات الزمالة كانت زبدا ذهب جفاء.. وأن زيجات تمت خارج إطار الزمالة كانت مثالا للنجاح.. الإنسان ذلك الكائن الغريب الذي لا يحد قدره قانون ولا ينظم مآلاته حلم، ولا تخضع معادلات الاجتماع فيه لكلمات مثل يجب أو ينبغي أو نموذج أو مثال ولهذا ينبغي أن يتاح للناس رجالا ونساء مطلق الحرية في الاختيار وبدون فرضيات مسبقة وقد قلت (كل زولا بيعجبو الصارو) فإن كان عاجبه فما غرض الآخرين : ما دخل القاضي؟.. ولكننا اتفقنا ألا نخوض في التفاصيل ليس لأي شيء إلا أن السفن قد أشرعت شراعاتها وسارت باتجاهاتهاومن يدرينا التي تبلغ ذروات النجاح من التي تغرس في أوحال الفشل، من يدرينا.. فلا أقل من إسدال الستار. لذلك أرجوك أسدله.

وددت بدءا أن أشارك بالتوثيق فيما يتعلق بلجنة بحث عدالة توزيع الفرص الجامعية.
الشخص المفتاحي في هذه اللجنة حسب ما ذكر هو زميلنا خالد شيخة، وخالد كان صديقا حميما أيضا قبل أن يشرع نحو الفضاء الجامعي الفسيح ويقل ارتباطه بعالم الهندسة، ثم يقع في جب الاتجاه الإسلامي..
جاء خالد من خور طقت الثانوية، وكانت له تجربة شخصية مرة إذ لم يكن في خور طقت ولا في كل الأبيض أستاذ فيزياء واحد، وبالرغم من ذلك اجتهد ودخل جامعة الخرطوم كلية الهندسة قسم الكهرباء، كانت نمرته في الفيزياء لا تقارن بنمره الأخرى.. وكان يحس بغبن شديد لإقليم بكامله فالأبيض حاضرة كردفان وخلو الأبيض من أستاذ فيزياء واحد معناه أن كل كردفان لم تكن تدرس هذه المادة الهامة في مجموع الكليات العلمية (في ذلك الزمان كان القبول بالمجموع وليس بالنسبة كما هو الآن)..
اهتم خالد ببحث نسب الدخول للجامعة من اقاليم السودان المختلفة، ووجد اهتماما مماثلا لدى الدكتور صديق أمبدة في الاقتصاد، ودكتور صديق كانت له إحصائيات مجموعة مخيفة ومذهلة ومثيرة للغبن والغضب.. أقاليم كاملة مثل دارفور وأقاليم الجنوب لم تكن تنجح في كثير من السنين أن تدخل طالبا واحدا لكلية الطب وأحيانا الهندسة.. من هنا نبعت فكرة العدالة في توزيع الفرص الجامعية.. ومن هنا برزت شهادة لندن كهدف لم يكن الأساسي ولكنه كان هاما جدا في إعادة توزيع الفرص الجامعية.. 75% من الجالسين لشهادة لندن كانوا يدخلون جامعة الخرطوم. وفي زماننا ذلك كان الممتحنين للشهادة السودانية حوالي مائة ألف إلا قليلا كان من ينجح فيهم لدخول جامعة الخرطوم حوالي 2% فقط!!
أما الحديث عن أن طلبة شهادة لندن كانوا يبرزون داخل الجامعة فشهادة صحيحة فقط نصفيا.. جزء كبير ممن يلجون الجامعة عبر بوابة شهادة لندن حينها كان يسقط منذ السنة الأولى، وأنا لا أريد أن أذكركم بالأسماء التي سقطت في أول عام ولم تتعد الolt
أذكر الآن عددا منهمبالأسماء، ولكن كما قلت لا داعي لذكرها، صحيح أن الذين واصلوا منهم كانوا من أفضل الناس في دفعتنا مثل بول وكواث أروب يور ومي صفوت وبهاريت الهندي، ولكن عددا مماثلا فقدناه في أول امتحان، مع أنه كما ذكرتما في هذا البوست كانت سنة أولى بتعدي بالنسبة لناس الشهادة السودانية في الغالب فهي عبارة عن إعادة لما درسناه في سنة ثالثة ثانوي ولكن بالإنجليزي.. ولهذا جاءت صيحة اللجنة: أن شهادة لندن، هي بوابة مفتوحة لشريحة مخصصة من أبناء الوطن وتعطى امتيازات بالغة بحيث يصعب للواحد والواحدة ألا يدخل جامعة الخرطوم إلا مع بلادة مغلظة، وكان معهد نبيل يجعل المهمة (مهمة الفشل في دخول جامعة الخرطو) أصعب وأصعب! تخيلوا أن يدخل 75% آنذاك من فصل في أي مدرسة جامعة الخرطوم، وحينها أي قبل ثورة التعليم العالي كانت حلما بعيد المنال يتأكد معظم الممتحنين ألا ينالوه إلا بعد لأي وإعادات متكررة..
لكن وكما قلت انعدام العدالة كان أبعد من ذلك، ففي داخل الشهادة السودانية نفسها كانت الخرطوم تحوز على النسبة الأعلى، وبقية الأقاليم قسمتهم ضيزى.. الخرطوم كانت فيها الكورسات الصيفية، وفي كل المواد كانت هنالك دروس متخصصة من أبرز الأساتذة وأنبغهم في فنون التفهيم.. بينما كانت الأقاليم تعاني من قلة الأساتذة والكتب وو والنتيجة النهائية كانت تستحق صيحة خالد شيخة.. وتستحق أن يساندها كل باحث عن العدالة.. كانت تلك إحدى صيحات العدالة المتكررة في جوانب التنمية المختلفة ولكنها كانت تركز فقط على جانب التعليم العالي والفرص الجامعية. كانت بقيادة خالد شيخة وكنت من ناشطيها الأوائل قبل أن أنذوي في الركن الهندسي في السنين الأخيرة وأقلص أي نشاط عابر للكليات، وكان معنا زميلنا أسامة محمد ابن إدريس الذي جمعني بأسرته النسب لاحقا كما ذكرت..
وبهذه المناسبة أذكر الاعتصام الشهير الذي قمنا به بمكتب العميد ونحن ندعو ليس لإيقاف شهادة لندن ولكن لإعطائها النسبة العادلة مع غيرها من الشهادات - فحينها كانت الشهادة العربية تواجه حيفا في التعامل في المقابل- كما كنا ننادي بضرورة العمل على الرقي بالتعليم في الأقاليم أو إعطاء نسب للأقاليم المختلفة في دخول الجامعة.. وأذكر حينما كان خالد يخطب في الجمع المحتشد جاءت إحدى طالبات شهادة لندن واستمعت قليلا ثم انصرفت وقالت لصاحبتها: ياي شفتيه حاقد كيف!!.. كان خالد يخطب بحماس متقد وعيناه تشعان وتبرقان، لكني لم أحس يوما أن هذا كان حقدا، كنت أراه غضبا لأجل الحق ولأجل القادمين من أبناء للسودان مظلومين لصالح أبناء آخرين.. كان خالد يستخدم إحصائيات تبين كيف أن كل مدراء الجامعات، والمسئولين من سياسة القبول أبناؤهم من شهادة لندن ويقول: الفي يدو القلم ما بيكتب روحو شقي!
ونظم المدافعون عن شهادة لندن اعتصاما مضادا وقد قادته السيدة فاطمة أحمد إبراهيم وخطبت في الناس ذاكرة صنوف المعاناة التي تلقتها في تربية ولدهابعد استشهاد أبيه بطشا من النظام المايوي والأسباب التي حتمت عليها إدخاله للمدارس الأجنبية وحقه أن يدخل جامعة الخرطوم بعد كل الظلم الذي حاق به، وكتبت أيضا في جريدة الميدان بمعان مماثلة..
وفي الخلاف المحموم بين اللجنة وبين الذين اعتقدوا ان دعواتها ستدك امتيازاتهم الخاصة نظمت لقاءات مع كل المسئولين بمن فيهم رئيس مجلس الوزراء آنذاك السيد الصادق المهدي..
كانت لقاءات رئيس الوزراء بالوفود المتضادة في نفس اليوم (أعتقد من عام 1987م) ولكن في مواقيت مختلفة، وكان وفد اللجنة بقيادة دكتور صديق أمبدة وفيه خالد بالطبع وكنت معهم، كما كان وفد الدفاع عن شهادة لندن بقيادة الأستاذة فاطمة أحمد إبراهيم.. وقد اعتبر أحد موظفي المجلس أن هذا من سخرية الأقدار السودانية أو ضد منطق الأشياء!. أرجو ألا يكون هذا جر لبوستك للسياسة ولم أقصد أبدا أن أفعل ذلك، بل لقد كانت تجربتي في اللجنة هي من أبلغ الأشياء التي جعلتني أبتعد من العمل السياسي الحزبي فترة من الزمان.. ما أمكن.. سألتني هل صرت سياسية؟: أقول ليس بالقدر الكافي، أو ليس دائما، وفي أحسن الأحوال سأكون مثلما وصف الدكتور بشرى الفاضل.. قال في إحدى الندوات أنه كان يعلق على غرفته بالداخلية بجامعة الخرطوم الأبيات التالية:
هكذا أبصر نفسي
عاثر الخطو عييا وخجولا
كتب الوالد في دفتر يومياته
يرتجى منه ولكن
ليس في كل الأماكن!!

يعني لو صرت سياسية، فلن يرتجى مني في كل الأماكن! المهم.. كانت قضية اللجنة قضية عادلة في رأيي، فاللجنة لم تكن تنادي بقفل شهادة لندن ولكن أن تأخذ نصيبا متناغما مع نصيب بقية أبناء السودان.

هذا جانب من ذكريات اللجنة، وسأعود بإذن الله
رباح

Post: #559
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2006, 10:45 AM
Parent: #558

رباح بت الصادق

يطيب معناك والبلاء ما جاك

انقل التعازي الحارة للخلوق اشرف شمت ولكل اسرته الكريمة

وطبعا بيت اشرف شمت بيت علم وادب

لعلك تذكري يا رباح امتحان ناس شهادة لندن في الرياضيات

اشتري تاجر خمسة ارطال سكر بخمسة جنيه وباع الرطل بسعة جنيه فكم ربح

ونحن الامتحان بتاعنا صاموتي فيهو مماس دائرة وفيهو القطار المتحرك في منحدر

اوجد مقاومة الهواء وعجلة الجاذبية (9.81) واسم سائق القطار

نعم لم تكن هناك عدالة

لكن يا رباح انجليزهم مجيه وربيورتاتن مجيهة

بعدين يجيدون فن المظهر والمخبر كما يقول السيد الصادق المهدي عندما تحدث عن خطاب انجلو بيدا

في الجميعية التاسيسية

Post: #560
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-09-2006, 10:57 AM
Parent: #1

خليل وكريم ومحمد جمال الدين وبقية الأخوة والأخوات
اليوم فقط أكملت القراءة..
هذا البوست قيم وممتع ولكنه كما قلت أعور: بعين واحدة..
حبذا لو دخلت البرلومة الرائعة زينب محمد سليمان فهي لا شك تحمل ذاكرة يمكن أن توازي ذاكرة خليل التي نرجو ألا تقتله يوما ما بل تحييه دائما، وتحيي معه الآخرين، ألم تحينا هذه الذاكرة وتحيي الأيام التي عشناها فنجدها امامنا تتنزل؟ لقد عشت مع هذا البوست أياما والوجوه تلاحقني والأحداث والأسماء مثل لعبة الرسوم المجزأة تود لو تكمل مناظرها.. وددت لو لي ذاكرة مثل خليل..
يمكن مرات أخرى ان ألج مغالطة في مصطلحات القطط والجيكس أو محتجة فالنظارة الجندرية القاسية لا تستطيع أن تقلعها إذ لبستها، إنها تظهر لك كيف ينظر العالم بنصف عقل!.. كنت مشجعة مواظبة في كرات الهندسة مع صويحباتي (غير ذوات الكيد).. وأذكر كيف كنا نستهزئ بالعلوم في التشجيع بصوت سنين يحاكي صوت البنات: علوم.. علوم.. فهذا في رأينا كان مبررا كافيا للازدراء بالعلوم أن غالبية طلابها بنات وبالتالي يكون صوتهم غالبا في التشجيع.. كما كنا مثلكم نفخر بان الهندسة أكثرها أولاد أو أنها (ديوان) أو : نحن رغم سمستر.. الجكس فينا مكسّر..
ثم علمتنا السنون والأيام أن ذلك كان جراء النظر بنصف عقل!
ترى هل لو كتبت قصة خليل بعيني صاحبتنا كنا سنشدد هكذا على نبل ومحبة خليل الصافية وحسب؟ ألا يوجد في مخيلتنا محل عطف جانبي لها أيضا؟
هل لا نعذرها لأنها خافت العلاقة مع من عرّّض بعرض؟! كيف في مجتمع تختزل الواحدة فيه في (قطة) ناعمة إذا لامستها تغرز فيك الأنياب إذا حاددتها!.. حبذا لو جاءنا مخرج سينمائي يستفيد من قصة خليل ولكن لا يغفل الوجهة الأخرى، وأجل المعارك الإنسانية هي التي تكون ليس بين حق (خليل) وباطل (القطة) بل بين حقين.. فللحقيقة أوجه قد تتعدد. وفي النهاية فخليل نفسه يصلح أن يكون ذلك المخرج لأنه بالصدق كله لم ينكر ما يصلح لأن نجعله أساس حق (القطة)!.
وإضافة لقصص الغرام في الجامعة، وإن كانت خبرات إنسانية مرسلة للطلبة والطالبات، ولكن أطلب من فيض ذاكرة خليل وكريم أشياء أخرى شهدتها الهندسة والمعمار..
مثلا الرحلة إلى مصر تمت الإشارة لها باقتضاب.. رحلة القطار المخيفة حسب تجربة الدفع ما قبلنا، وكيف جاءوا ناس الدفعة القبلناوهم بوجوه يوم القيامة يحدثوننا عن أهوال الرحلة، نحن على الأقل: البنات، تعرضنا لمحاولات حثيثة وشفوقة من أولاد الدفع السابقة لكيلا نخاطر بالذهاب بالقطار..
وكيف كانت دفعتنا الأولى التي تذهب فيها فتيات الهندسة بالقطار، فذهبنا إشراقة (وأختها مها) وإلهام؟ (بورتسودان) و.. و.. الذاكرة خربة!..

حتى التجربة في القاهرة؟!

وماذا سمعنا من أساطير الأولين في الجامعة:
زفة مارس، وشعر الحلمنتيش
ويا سيدة لأ
فايتانا وين مستعجلة،
نالو العميد
مالو البليد
لو خلا ست الناس تعيد
--
أو الأخرى التي تحكي قصة متكررة
في الليلة ديك
القصة ذاتها بقت عليك
يا عبده وأدوك الشريط
لمن قلنا ليك
أخير أسمع كلامنا وكلما
أبيت تسمع كلامنابقيت عنيد
أنا ما تقيل
باكر بعد باكر بكهربا ليك بي نظرة كتيل
أنا ما جميل
ووقفت في وسط الشجر
كهربجي قال
وبقيت تقيل
لمن سقوك موية الغسيل
---
---
يا اخوانا لا
أنا عايز أموت أقع البحر
كم القميص
كتف القميص
ضهر القميص
حتى الفنلة اتشرطت
قال شينة قال
قال شينة قلنا كلام صحيح
وخطييبها ذاتو ولد قبيح
بس يا خي قوم
ا########## صبحت داير ننوم
قام تاني جاب سيرة البحر!

من يحفظ منكم هذه القصيدة الحلمنتيشية وأخريات؟ كنت أحفظ عن ظهر قلب كل ما يأتي به الحلمنتيشيون .. لكن كل شيء ضاع الآن..
تتذكروا بتاعة البراية بدايتها ذاتها الآن ضاعت مني!!
وأوو تو ليت!

لو داخلتكم حول الرسم الهندسي لقلت أنه أمتع مادة قابلتني في الهندسة.. وكنت في تيوتوريلاتها أغطس لا ٌأقلع وأتمتع.. معليش يا خليل ويا كريم لولا اختلاف الأذواق لبارت المواد!
ولو داخلت ناس الأسكول الذين يتحدثون عن غلب الهندسة لقلت: هذا زمانك يا مهازل فأمرحي.. ويمكن أن أستعير بعض كلام بروف سمير عن ميل الميزان منذ اتى الكيزان.. وبروفسير سمير ذاتو ودكتور وليام ود. معتصم ود. مدحت ود. صليب، ود. نجاة التي سموها صليبة لا يدها لا كراعها! وبقية العقد الفريد.. كلهم حولهم قصص الطلبة أو بعضهم..
الصادق فيصل كان بيغني لبروف سمير: يا سمير بي نظرتك أو في الميعاد.. لأنه كان يخوفنا به أولاد الدفع السابقة حتى لحقنا وخفنا، مع أن دكتور سمير نصبني فجأة (الألفة) في الجامعة!!
وأبو بكر الصديق كان يقول لي..
إذا كنت في هم وغم
نادني يا ميرغني
آتيك بكل سرعة
أزيل عنك همك وغمك..
فقد كان من أسرة ختمية، وهذا مقطع من البراق أو لا أدري أحد ادبيات الختمية، وكان يرسله لي إغاظة كلما جاءت محاضرة (كونترول) وهذا حمده ليكون في بطنه، أرجو أن يكون ابو بكر متذكرا وأحييه حيثما هو..
ومع إشراقة ذهبنا في رحلة (صيفية أم شتوية لا أذكر) لعبد الحكم حيث كان عمي الطريفي يعمل مفتشا في مشروع الجزيرة تفتيش عبد الحكم، وقضينا هناك أحد الرمضانات أو جله..
وفي رحلة مصر ذهبنا (بالكراع) من الخرطوم وحتى القاهرة أي بالقطار والباخرة في بحيرة ناصر (أو بحيرة النوبة) والقطار من جديد، ومنها إلى عمان الأردن بالباصات ثم الباخرة في خليج العقبة.. فحق لنا أن نقول أننا قطعنا من الخرطوم وحتى الأردن برا.. كان من الأولاد معنا محمد هاشم ومحمد جعفر.
لقد نكتم العديد من الذكريات، وحتما لو مد الله في العمر وأصلح الضهر ، فإنني ساعود..

مع تحياتي
رباح

Post: #561
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2006, 11:12 AM
Parent: #560

رباح طبعا نحن ما مشينا معاكم مصر

وافترقنا وبعيننا المني من سنة تانية اللعينة سنتين زيادة خدمة الزامية في سنة تانية

قاتل الله الرسم الهندسي

ياخي نحن مالنا ليه نرسم منجلة او منفلة او عامود طوالي كان مفروض

اي قسم ياخد الرسم الهندسي بتاعو


يحكي زمان ايام الجامعة ما فيها بنات وكانو علي اصابع اليد

كانت في واحدة جميلة جدا اسمها صفية

وكان في واحد عايز اتكلم معاها باي طريقة

فانتظرها علي مدخل باب الجامعة

وعندما وصلت سالها بالله كلية الاقتصاد بي وين

سارت صفية معه وعند لفة اداب

قالت ليهو امشي بي هنا

شكرها صاحبنا وقال ليها طيب يا صفية

Post: #562
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2006, 11:27 AM
Parent: #561

ون تو....رهيب....وانا متابع بشغف...

Post: #563
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2006, 11:45 AM
Parent: #562

رباح الصادق

وين الست المهندسة ايات احمد المهدي

بعدين وين صاحبتكم اماني بت علوم

Post: #564
Title: Re: اليوم الحار ومابنداريوم الهندسة والمعمار
Author: رباح الصادق
Date: 04-11-2006, 06:14 AM
Parent: #563

سلام يا خليل ويا كريم
ويا جميع الأخوان والأخوات
آيات تزوجت المهندس عارف وكانت تعمل في شل ولكن يبدو أنني غاطسة أو هي فلم القها قريبا ولا حتى في المناسبات العائلية.
وأماني سراج والله زمن لم أسمع عنها ولا منها..
منال فضل الله عرفت إنها في الإمارات العربية المتحدة، ولكن انقطعت صلتي بها من زمان.
سمعت قريبا عن كاملة ولكني لم ألتقها
آمنة عريبي (أقصى اليسار في صورة دفعة 86) بلاقيها منذ حين لآخر هي واختهاالمهندسة لبنى، لبنى كانت قدامنا في مدنية برضو، وكنت كبرلومة قليصة أقيم معها ومع المهندسة نجوى عباس قدح الدم في داخلية بنات تالتة فقد كانت نجوى صديقة أختي مريم وقد استضافتني في غرفتهما..
أقابل آمنة (موني) ولبنى منذ حين لآخر فبناتناالثلاث زميلات في مدرسة أحمد بشير العبادي للأساس وفي نفس الصف وكلما كان هناك استدعاء لأولياء الأمور غالبا ما نلتقي.. ربما كان قدرهما مشابها لثلايتنا (مع رشا ونور الهدى) خاصة وأن أحمد بشير العبادي هي نفسها التمرين الابتدائية!
هاتفت قريبا صديقتنا من علوم إيناس خيري وهي الآن مقيمة بكندا وزوجها شقيق د. مدحت عبد السلام.. إيناس لا زالت في حيويتها تلك وبشرها الدائم وقد تواعدنا لهواتف أخرى في فترة زيارتي لكندا ولكن الظروف لم تسمح.
كذلك اقابل نادر كوبر منذ حين لآخر لأن ولدي زميل لابنتيه في روضة العبادي برضو..
فخر الدين الفاتح، والبرلوم النور جابر، كلاهما كان يناديني ب "أمي رباح" ولكن يبدو إنني ولدتهما ونسيتهما إذ لم ألتقهما منذ فترة طويلة!.
رحلة مصر إذن فاتتكم يا (خليل). فاتتكم جد. ربما قمت بالتوثيق لها مرة أخرى.
علمت أن عمو علاء تزوج من زميلتنا الاسكولاوية إيمان الصاوي، وإيمان ايضا زميلة منذ التمرين الابتدائية وحتى أم درمان الثانوية. مبروك لهما ولو متأخر ولهما التحية.
لم اسمع أي خبر عن أولاد الكهرباء دفعتنا أمثال علي والمعز عثمان وشيخ الدين وكواثر وبهاريت الهندي، وإن كنت سمعت قريبا عن حكيم الهند الميكانيكال سوكيتو والذي أخبرتني مواطنته التي التقتيها بانه صار رجل أعمال ناجح وكبير.
كذلك لم أسمع عن بقية أولا الدفعة أمثال جلال محمد أحمد وهاشم مطر والطيب النصري وماذا عن البرلوم الفنان ياسر راشد؟ كان يصدر مجلة رائعة بالكافتيريا.. كذلك كان المستقلون يصدرون مجلة نسيت اسمها ولكني أذكر أن تحت العنوان مطاعنة للمحايدين فقد كانت تكتب الجملة"منحازون للوطن"!
ولا سمعت شيئا عن زميلتنا الفلسطينية وقد كانت كثيرة الشكوى من كليتنا وتقول ضجرة: هاي مو فاكلتي faculty of engineering
هاي faculty of test
وذلك نسبة لكثرة الاختبارات في الكلية..
وكانت تزورنا في غرفتنا بالنيل الأبيض بعد أن تم تحويلها لداخلية بنات (ثم بعد ذلك أعادوها للأولاد) وتعلق اننا شعب ضاحك.. لقد تعثرت في الكلية ولا أظنها استطاعت أن تواصل..
ونواصل بإذن الله
رباح

Post: #565
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-12-2006, 09:17 AM
Parent: #564

رباح ووليد...


ذكريات وجمال..وهندسة تمشي بين الكلمات..تكاد تجزم بانها جلسة علي كافتيريا هندسة

الشهير..

ويا رباح

Quote: كذلك كان المستقلون يصدرون مجلة نسيت اسمها ولكني أذكر أن تحت العنوان مطاعنة للمحايدين فقد كانت تكتب الجملة"منحازون للوطن"!


ايوه كانت الجملة (لاحياد تجاه الفكر منحازون للوطن)..

ويلا..يا ذكريات..

Post: #566
Title: Re: اليوم الحار ومابنداريوم الهندسة والمعمار
Author: khaleel
Date: 04-15-2006, 01:15 PM
Parent: #563

وصلتني هذه المساهمة من المهندس الخلوق احمد التجاني احمد الضو

كبير مهندسي شركة تويوتا بالسعودية


اسعد الله أوقاتك وأوقات ضيوفك في البوست بكل خير ولك التحايا والود
مره ثانية نشكرك على هذا الجهد الرائع الذي جرجر شخصيات عظيمة أمثال الزميلة الأديبة الرائعة رباح الصادق المهدي, البنت التي باصالتها وتواضعها تنسيك أنها سليلة أسرة الإمام المهدي وابنة الزعيم السيد الصادق المهدي رئيس الوزراء في عهدنا ذلك.
كان لي الشرف بالعمل معهم لفترة قصيرة في لجنة بحث عدالة توزيع الفرص الجامعية منذ تأسيسها الذي كان على ما اذكر في أحدى قاعات كلية العلوم وبقينا معهم حتى الاعتصام الذي كان في مكتب مدير الجامعة ثم بعد ذلك قل اهتمامي بها وتركتها ليس لأنها لا تستحق بل بالعكس هي قضية جديرة بالبحث والعدالة وأسس القبول في التعليم العالي يستحق إعادة النظر بل التعليم العالي أجمالا يستحق أزاله وإعادة بناء واضعف الأيمان أن يعود إلى ما قبل الإنقاذ فالجامعات كانت تخرج كوادر مسلحة بالعلم والمسئولية تشهد لهم جامعات أوروبا وأمريكا وساحات العمل في الخليج وليس كما هو الحال اليوم فجامعاتنا تخرج أطباء بمستوى تمرجية وقد سمعت أن المجلس الطبي قد أوصى بإعادة دفعة كاملة من الأطباء إلى قاعات الدراسة بعد اكتشاف أنهم لم يدرسوا عام وظائف الأعضاء وطبعا دي واردة جدا في ثورة تعليم إبراهيم احمد عمر.
ولكن الحق يقال فان نظام التعليم الاجنبى كشهادة لندن وغيرها يؤسس لطلابه حياة منظمة ومرتبة كما يقول أهل الشام وليس فقط يؤهلهم لدخول جامعة الخرطوم فالمناهج من العالم الأول واللغة لغة العلم والمعرفة التي لم نتمكن من إجادتها كما أولاد لندن حتى اليوم ولكن القضية كانت فرص جامعية ضيقة ينال أولاد لندن قدر كبير منها بغير عناء يذكر مقارنة بأولاد الشهادة السودانية الذين كانوا يجدون مقاعد في التعليم العالي داخل السودان فنسبتهم لم تكن تتجاوز أل 5% من الممتحنين والذين يدخلون جامعة الخرطوم نسبتهم حوالي أل 15% من تلك أل 5% لذلك كانوا يعتبرون نفسهم زبدة الزبدة أو best of the best وهم كذلك وعلى ذكرهم احى رفيق الدرب الصديق العلامة حمد حماد صاحب الايادى البيضاء والقلب الناصع فبفضله بعد الله سبحانه وتعالى نجح الكثيرون وأنا أولهم فله منى الود أينما كان وقد سمعت انه في كندا يواصل دراسته التي ماكان لها أن تنقطع.
المهم اضطررت أن انسحب من هذه اللجنة تضامنا مع أحدى الصديقات من بنات لندن وقد صدمها سيد الرايحه حين أبدى إعجابه الشديد بدكتور صديق امبدة مقسما انه أفضل شخص في نظره حتى ذلك الوقت ولم يكن سيد الرابحة يعلم أن صديق امبدة قد درج على انتقاد سياسات القبول التي كان يصدرها قريب تلك الصديقة فأجهشت بالبكاء وتعال شوف بعد كدة آثرنا تجميد نشاطنا أنا وسيد الرابحة مراعاة لمشاعر أصدقائنا في قبيلة لندن.
أما عن رحلة مصر التي افتقدناكم فيها فقد كانت بجد رائعة وقد كان دليلنا السياحي من الخرطوم وحتى حلفا الأخ شيخ الدين بحكم انه متردد قطارات وسكك حديد كغيره من إخواننا أهل الشمالية فقد كان يعرف نظار المحطات وفى اى محطة توجد القراصة المظبطة. وكما قد أطربنا الأخ الصادق فيصل بالاغانى الحنينة مثل:
سهر المنام لي وحدى وياقسيم الريد فوقك النبي
ومن فراق عباس بانضرب رصاص
وفى اتناء السفر كانوا بناتنا في ايدى أمينة تحت حراسة النور جابر وفخري ود المعمار ومحمد جعفر وهم طبعا معروف عنهم اللطافة وخفة الدم. المهم وصلنا أسوان ووجدنا فيها إجراءات امن مشددة وقد علمنا لاحقا نسبة لوجود ابنة رئيس الوزراء بيننا وقد كان المسئولين في مصر في غاية الدهشة أن تقوم ابنة رئيس الوزراء بالسفر برا عن طريق القطارات وهذا ما قاله لنا رئيس المباحث أنا والأخ ابو سمرة حينما ادعينا أننا المسؤلون عن الرحلة وطلب منا أن نسال السيدة رباح بالجلوس داخل مكتبه ولكن اصالتها منعتها مفارقة زميلاتها مما زاد من دهشة البيه رئيس المباحث الذي ابقانى وابوسمرة في مكتبه حتى الصباح يدردش معنا ويجرجرنا في الكلام وفى النهاية قال انه ح يكون برفقتنا حتى القاهرة ومعه جيش من عناصر الامن لأنه قال لو عثرت في حجر ح يقولوا نحن السبب وتذكرون أن العلاقات مع مصر كانت متوترة تلك الأيام.
التحية للأخت رباح وزميلاتنا أعضاء كتيبة الشر أينما كن وخصوصا أريج جعفر \ الشخص الوحيد الذي كان ياتى قاعة الدروينغ من غير تى اسكوير.
خليل بالله قول لكيكى بطل اللقافة بتاعتك دى وبطل ترد على الناس قبل صاحب البوست - كلمة اللقافة دى من أجمل ما وجدت في القاموس السعودي وتعنى الخفة عندنا ومن المواقف التي لاانساها لحبيبنا كريم انه كان بعد الامتحان تسأله اها كيف ياكيكى اقول ليك جضمناه وطبعا كضب السواد الامتحان هو البيكون مجضم كيكى
وكمان قول ليه وليد اسمه وليد اللتل بمعنى الصغير وليس اللتر كما درج أن يكتب عبد الكريم الامين طالب الجامعة
ومع محبتي

مهندس احمد التجاني

Post: #567
Title: Re: اليوم الحار ومابنداريوم الهندسة والمعمار
Author: khaleel
Date: 04-15-2006, 01:25 PM
Parent: #566

ودي رسالة من سيد الناس الدكتور معتز الفحل


(Kiki) when I found this e-mail so I thought I might drop you a line of Salam.

One of the things I remembered while reading your post is the (ri7la) we had to Abu Haleema (second year) when Kiki defeated Taha Elnour in the short jokes competition and when we asked about people and phrases and I gave you the famous phrase of (Khosh fi line).



.
(Kiki) when I found this e-mail so I thought I might drop you a line of Salam.

One of the things I remembered while reading your post is the (ri7la) we had to Abu Haleema (second year) when Kiki defeated Taha Elnour in the short jokes competition and when we asked about people and phrases and I gave you the famous phrase of (Khosh fi line).



please convey my salam to Karim and to all the brothers in Qatar.



ps.

If you happened to have the contact info. of Hamad Hammad pls pass it to me.



Akhouk



Motaz Elfahal










Post: #568
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-15-2006, 01:40 PM
Parent: #567

يا سلام ياخليل محمد خليل...

والله غبت وجبت...

احمد تجاني ومعتز الفحل مرة واحدة كده...ده كلام عجيب والله!!!!!!!

احمد تجاني.. لغتك بقت عالية وشايفك بقيت رهيب..والله دي ذاتا مشكلة كبيرة!!!!

مشتاقين ...واللفافة مابخليها يازول ..صلعتك الشينة دي..

وبعدين انا كنت فعلا بجضم الامتحانات لكن الظاهر انو مستهدف من زمان..وخاصة دكتور

حامد بتاع(انت عبدالكريم الامين ..دروينغ (10)..ماس (15)..)...

عليك الله شفت ليك زول بجيب 10 في الدروينغ الساهل داك!!!!!!!!!!!!



معتز الفحل..

لك شوق سنين ..وطيف ذكريات وايام خوالد...

ولك التحية ومثلها ايضا للصديق طه النور (صاغ)..وليس اسحاق..كما يدعي

Post: #569
Title: Re: اليوم الحار ومابنداريوم الهندسة والمعمار
Author: khaleel
Date: 04-16-2006, 12:35 PM
Parent: #568

نكتب ليكم الليلة عن ناس الفرع

والايام المفتوحة

ديل كل يوم كان عندهم يوم مفتوح

التقول ما عندهم قراية

تقام الايام في المكتبة القبطية

ناس الجو الرطب ربيع طه وطارق الامين وحدباي واب جقادو

وحفلات شرحبيل ومصطفي سيد احمد وعركي

وقصيدة ربيع طه

شينة ووجع وشك عفن من نوع فيتنامي

يا الوجنتيك زي ركبتيك جيبي سفة وفحطي

وطارق عيكورة قام صاحب واحدة من بنات الفرع

والبت اصولها مصرية

فبتقول ليهو

يا طاري يسخي عليك والنبي اشرحي تامينات وطارق عيكورة بتاع هندسة مدنية

ونواصل

Post: #570
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-16-2006, 01:04 PM
Parent: #569

تعرف ياخليل اصدقاءنا الفراعة ..لذاذ واجتماعيين علي مستوي كبير..


مرة جونا شلة منهم اصحاب (طه النور)..وقعدوا معانا في الاوضة ..لانهم كان عندهم


امتحانات.. وطبعا اخر صفرة وحوامة في الجامعة..وكانو وناسين شديد..

وقبل الامتحانات بكم يوم لاحظت ان الشباب ديل بساهروا سهر شديد..وبكتبوا كلام كده

في ورق طوال كده...واحنا كنا بنوم وبنخليهم قاعدين بكتبوا....

...لحدي ما جاء يوم الامتحان بتاعهم..شفت ليك الجماعة كل يوم الواحد منهم بطلع وبيدو

كيس جيلاني ملان ورق كده....واحترت في الموضوع وعندما سالت احدهم ضحك....

وقال لي انت ياعوير انت قايلنا بنساهر الايام ديك بنكتب في الصحافة ولا الايام..

ده بخرات يالذيذ..واقول ليك المشكلة انها كلها ما ضربت السنة دي!!!!!!!!!!!!!

Post: #572
Title: Re: اليوم الحار ومابنداريوم الهندسة والمعمار
Author: khaleel
Date: 04-20-2006, 04:46 AM
Parent: #569

وصلني هذا الايميل

من الاخ محمد هارون




العزيز / أبو خليل

متشكر جدا جدا على الاهتمام برسالتي السابقة

كلنا في إنتظار المذيد من روائعك

التي تجدد فينا الحياة والزكريات العطرة

كأن بودنا المشاركة لكن عدم التسجيل بالمنبر حال دون ذلك

عبركم تحياتي وسلامي لكل المساهمين في البوست الذي أتمنى أن يصل حتى صفحة ما لا نهاية

وسلام خاص جدا

لأمنا رباح وللحبيب الإمام

مرفق ملف أتمنى أن تستمتع به كما أمتعتنا

ودمتم


Attachment : GoodPhilosophy.pps (0.50 MB)

Post: #571
Title: Re: اليوم الحار ومابنداريوم الهندسة والمعمار
Author: أبوالزفت
Date: 04-20-2006, 01:44 AM
Parent: #1


نهارك سعيد يا خل

ليه الاهمال ده

انا متعود افتح البوست ده برقمو
1135776921

لكن اليوم فتشت عليهو لقيو فى الصفحة التالتة ده كلام ياخل

من اول يوم دخلت البوست قلت ليك البوست ده لازم يكون فى الصفحة الاولى دائما

Post: #573
Title: Re: اليوم الحار ومابنداريوم الهندسة والمعمار
Author: khaleel
Date: 04-20-2006, 05:07 AM
Parent: #571

ابو الزفت

شغلتنا اموالنا واهلونا

لكن البوست تاني ما بمشي القيط

دائما حاتلقاهو في الصفحة الاولي

لسع في كلام كتير

البوست لو ما قروهو خمسين الف ما بوقفو

Post: #574
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-22-2006, 11:39 AM
Parent: #573

نتمني عاجل الشفاء والعافية للاخت الصديقة المهندسة رباح الصادق المهدي..

ودعوات كل الاخوة والاخوات المهندسين تدعو لها بعاجل الشفاء...

وافتقدناها هنا كثيرا..فقد بدات في التداعي الحميم الصادق

ونتمني ان نراها معنا هنا قريبا....

Post: #576
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 04-26-2006, 00:46 AM
Parent: #574

بسم الله الرحمن الرحيم

السلام عليكم ورحمة الله وبركاته


أ خلأ ئ
أحبتنا..... أحبتنا.
أحبتنا.
أحبتنا.....طبتم و طاب حديثكم
فلا عو ضا عنكم ولا الصبر يفرغ.......

اخوكم/ حاتم الجد

Post: #577
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-26-2006, 01:08 PM
Parent: #576

ياسسسسسسسسسسسسسسسسسسسسسلام...يا ود الجد..

والله زمان..

تمر ايام وتتعدي..والليلة وقفة وفرحة طويلة بقدومك..وقدوم كل المكينكل...

وحضور (بهاء)..اهل بري العظام..

داير ارحب وافرح بيك اكثر...لكن احمد تجاني قال اني (لفيف)..

في انتظار خليل..وبعد داك سوف ننداح معاك يا حبيبنا ود الجيد الجميل..

وجايناك بمزاج...

Post: #578
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-26-2006, 01:20 PM
Parent: #577

Quote: عبد الكريم (كيكي) أيها الاخ الرائع

معاك عمار يس النور (مستخدماإشتراك شقيقي ياسر يس ) و ذكريات جامعة الخرطوم و نسيم الدويم و بخت الرضا حيث تزاملنا و كنت أميرنا في ذلك الزمن الجميل ...

انا متابع هذا البوست الجميل و الذي أحفظ ذكرياته جيدا يوم بيوم ،
مداخلتي لكم عن المفارقات في لغة الفرنجة للبرالمة و عاوز أتذكر معاكم حادثتين الاولي للأخ محمد الطيب الملقب بمحمد Mohammed Area و ذلك لانه عرف نفسه في حفلة ما ايام البرلمة بأخوكم محمد الطيب Faculty of Area طبعا هو كان يقصد Faculty of Surveying .
و الحادثة الثانية للأخ العزيز المتواجد الان في ابو ظبي هاشم كونصـايدر بتاع الكهرباء و لو بتتذكروا في الايام الاولى لسنة البرلم جاء الاخ هاشم و هو مسطح في لكشر ما و كاتب ليه لسته كبيره من الكلمات و هو كان مشهور بترجمة اي كلمة حتى كلمة was المهم أخونا هاشم جاء كاتب ليه كمية كبيرة من الكلمات و من بينها كلمة Consider و قال يا جماعة كلمة كونصـايدر دي معناها شنو ! و إلى الآن يلقب بهاشم كونصـايدر

تحياتي للجميع و خاصة للشقيقك بتاع الآداب

عمار يس النور ( عاشق بخت الرضا)
مدرسة العلوم الرياضية - دفعة 1985


الله...اصدقائي...

ياسر يس النور
عمار يس النور..

درة النيل الابيض الثانوية وايام.. رائعة في الدويم وامتدت لكل سنين الجامعة!!

سيد العبيد, الطيب رحمة..واستاذ الطيب ..والبركس..معاوية محي الدين.,عاصم العزاف
علي عبد السلام عبد الفضيل,نزار’ والاسطوري اسحاق محي الدين,
عثمان الطيب الريح (عثمان الشين),وامتحان الادشنل..واشتاق لبشير وعبدالرحمن وكل اصدقائنا!!!
رايك شنو ياعمار ننشر الصورة الكانت مع (ادم السواق)..عشان تعرف كيف كان (صحبك) وجيه!!!

اشتاقك حينما اشتاق الصدق ودف الاخوة..و

ياخي مداخلتك الحلوة دي..انا قاعد سمستر كامل بفتش فيها..

مادام شادي الباست ويرد..اكتب لينا تحت

صديقكم كريم الامين

Post: #579
Title: Re: اليوم الحار ومابنداريوم الهندسة والمعمار
Author: khaleel
Date: 04-27-2006, 04:50 AM
Parent: #578

رباح بت الصادق

سلامتك والسلام في دارفور كرامتك

عمار يس ود الدويم بتاع الاسكول ازيك

تحياتي لك ولكل ناس الاسكول ود المكي والدومة


حاتم الجد ودبري

بيتكم جنب الجزارة

كنا بنحضر معاكم الكورة في بيتكم

سلام خاص لابوبكر الشوية

وهاكم دها

A friend thought you'd like this streaming media. Play it now with your RealPlayer:
http://switchboard.real.com/player/email.html?PV=6.0.12...%2F3safiralkharif.rm

Note: This content may require the latest RealPlayer, which is not available on Windows 95, Mac OS9 or Linux systems.

Post: #580
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-28-2006, 03:48 PM
Parent: #579

شكرا..الفتي النحيل الغائب عن الاضواء خليل..

لهذا البوست الذي جعلنا اليوم نستمع لصوت..صديقي الرفيق(ناظم عبدالرحيم)..ومحمد (ايريا)

الذين جمعت بهم الاقدار للعمل في شركة واحدة...

وقد اتصل اولا محمد طيب سليم صاحب رواية (مسارات الاسراب)..

وهو يصيح عليكم الله اعيدو لاسمي سبب تسميته الحقيقية...وعندما طالبنا..بالاثبات..جاني الرد

من نظام..فقد قال..

ياكيكي اكتب علي لساني وللتاريخ انني من اطلق هذه الفرية علي (ايريا)..وقد كانت

دعابة وبعد داك الموضوع دور لحدي يوم الليلة...

وياهو يا ايريا وناظم انا كلامك كتبتوا صرة في خيط

Post: #581
Title: Re: اليوم الحار ومابنداريوم الهندسة والمعمار
Author: انعام عبد الحفيظ
Date: 05-02-2006, 03:43 AM
Parent: #580

فوق عشان اجمل الذكريات

خليل انت وين ياخ؟؟؟؟؟

Post: #582
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-02-2006, 09:45 AM
Parent: #581

خليل....مسافر وين مخلينا...!!!!!!!!!

خليل...فارق معانا..يا انعام...وطالعين حملة تفتيش ...

Post: #589
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-11-2006, 06:33 AM
Parent: #578

صورة نادرة لعبد الكريم كيكي في عام 1985
نرفعها هنا بناءا على طلبه
Quote: رايك شنو ياعمار ننشر الصورة الكانت مع (ادم السواق)..عشان تعرف كيف كان (صحبك) وجيه!!!

http://www.sudaneseonline.com/upload/passport/modified/00412.jpg


الجالسون من اليمين إلى اليسار : عمار يس النور (شحصي الضعيف) ، عبدالكريم الأمين أحمد (كيكي) ، عم أدم (سواق باص مدرسة النيل الابيض الثانوية ، عاصم الشيخ و الشخص الواقف هو علي عبد السلام (إبن عمي طوالي).
تم أخذ الصورة بعد إمتحان الرياضيات البحتة Pure Math و ذلك في يوم 18 أو 19 مارس من عام 1985 و كنا قد إتفقنا انا و الاخ عبد الكريم أن لا نقوم أبدا بتسريح شعرنا أبدا إلا بعد إنتهاء كل الإمتحانات عشان كده عبد الكريم كيكي طلع و شو ذي آخر الشهر.

تحياتي للأخ ناظم و محمد الطيب إيريا (أين هم الان، هل ما زال ناظم في سلطنة عمان ؟) و كل الإخوة دفعة +/- 1985 و ما حولها من جامعة الخرطوم

أسئلة مهمة للإخوة خريجي جامعة الخرطوم و خاصةكلية الهندسة قسم المساحة :
1) هل تعرفون من هو صاحب أطول و أعظم بريك في تاريخ الجامعة ؟

2) من هو الطالب الأكثر دخولا و إلتحاقا بالجامعة و كم مرة دخل جامعة الخرطوم ؟

أخوكم عمار يس النور
عاشق بخت الرضا

مدرسة العلوم الرياضية دفعة 1985

Post: #583
Title: Re: اليوم الحار ومابنداريوم الهندسة والمعمار
Author: عاصم ابوبكر حامد
Date: 05-02-2006, 12:15 PM
Parent: #1

الاخوة الاجلاء من كلية الهندسة
لكم التحية والتقدير
قبل كل شئ ارسل كل تحياتى الى الاخت رباح الصادق
متمنيا لها الشفاء العاجل ...

والتحية الى الاخ خليل
وكريم وكل الاحباب من هندسة ...

هذا البوست رائع وسوف يظل دوما رائع بروعة الوطن وجماله
وبالتاكيد كروعة التور وكافتريا هندسة ولاب الالكترونيات وداخلية اودجانه (ملك هندسة) والميدان الغربى وقاعة بليل ..

Quote: عمار يس النور ( عاشق بخت الرضا)
مدرسة العلوم الرياضية - دفعة 1985


الاخ عمار لك التحية وانت خريج تلك المدرسة التى خرجتنى
قبل اشهر عدة (اغسطس 2005 )
وانتم كنتم الجيل الذى وزع لنا الماث بسلبياته وايجابياته
(كردانوا _ برشوش _ ثالمث _ مالكوغ ........)
اخى ياسر انت كنت فى زمن المدرسة ولكننا حضرناها فى زمن الكلية
والان اصبحت كلية العلوم الرياضية والحاسوب وبها اقسام عدة ورائعة
قسم الحاسوب
قسم الرياضيات
قسم الاحصاء
قسم الاحصاء والحاسوب
قسم الرياضيات والحاسوب
قسم تقانة المعلومات

انتم كنتم مع الرجل المبدع فى مجال الرياضيات الدكتور اوكير
take care frome oker
ومع الرجل الصعب البروفسير ادومة رجل الزواية
والدكتور محسن (عميد الكلية الان )
والدكتور محمد عبدالمنعم ( غادر الكلية الى سلطنة عمان )
والان بيننا هذه الكوكبة الرائعة من الاستاذة والمتخصصين فى شتئ المجالات
والدكتور فتحى
والدكتور عزالدين كامل (حاليا فى الكلية )
والاستاذ عبادة (رئيس قسم الحاسوب )
والاستاذ محمد احمد ابريد (ATM )
والاستاذ محمد ماما ( ORCLE 8I )
والاستاذ محمد الامين ( احصاء )
والاستاذة رشا عزالدين (SYSTEM )
والاستاذة هناء ( رياضيات )
والدكتور الشامى
والدكتور انور
والدكتورة منار (احصاء )
والدكتور منتصر ( SOFT WEAR)
والبعض سقط سهوا من الذاكرة اعزرونى ...

والان انتقلت الكلية من الداخل الى الخارج واصبحت لها مبئ خاص بها ...
وهذا العام فجرنا الطاقات ونلنا دورى الكليات بجدارة من تربية وهزمنا شمبات
والطب وعلوم واقتصاد وتعادلنا مع هندسة (رافتا بهم لانهم احبائنا واصدقاء الدرب) وادارية مختبرات
كلية العلوم الرياضية لن تسقط اخى وسوف تظل تحت راية
school of math
دوما وابدا ..
والشكر الى الاخوة فى هندسة وكل المشاركين فى هذا البورد ...


تسلم اخى

Post: #584
Title: Re: اليوم الحار ومابنداريوم الهندسة والمعمار
Author: khaleel
Date: 05-02-2006, 12:21 PM
Parent: #583

شكرا

عاصم

وانعام

ظروف قاهرة او اسكندرية حالت بيننا وبينكم

من اكتر من يحب اولاد لندن عاطف ساكوبة

ونادر حنكورة وامين النوتة

لكن اولاد لندن اصليين واولاد بلد انسجمو معانا اخر انسجام

Post: #585
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-03-2006, 12:41 PM
Parent: #584

خليل....البطل


والله وحشة..والبوست بدونك ماشي اللقيط..ماشي اللقيط

ياخ تعال..وواصل الاندياح والسربعة ومتع الجماهير يا باكمبا

مع تحيات (كيكي البطل التاني)...

Post: #594
Title: Re: اليوم الحار ومابنداريوم الهندسة والمعمار
Author: khaleel
Date: 05-12-2006, 10:12 AM
Parent: #584

سلام

لكل الاحباب

منعنا الشديد القوي من مواصلة البوست

تحياتي ابو الزفت وكيكي وعمر احمد

نسينا ناس معمار اهم ناس


سلام خاص للرعيل الاول


موفق سنادة وعرابي

والريس صلاح الزين

وعبدالله تاج الدين

وهشام سليمان وجيب الله وعلي ادريس وحسام جابر وكمال الضرس وابوبكر عبد العزيز ومصطفي ميرغني


ورضوان العربي وفخر الدين وود الحاكم

وطارق بخيت وناس سلوي عثمان ورحاب وهيفاء ورباب ودلال وسها


وكل ناس معمار ولنا عودة

Post: #597
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-13-2006, 04:45 AM
Parent: #594

خليل..
ياخي نسيت المهندس حسن محمود...والمهندس المدهش ياسر ود سنار..

Post: #606
Title: Re: اليوم الحار ومابنداريوم الهندسة والمعمار
Author: khaleel
Date: 05-25-2006, 05:05 AM
Parent: #594

سلام لكل الاحباب

احمد التجاني وعماريس

مشتاقين منعت اموالنا واهلونا عن الكتابة في هذا البوست

بعد التخرج لقينا واسطة واشتغلنا في بنك النيلين للتنمية الصناعية

لكن بعد تلاتة شهور تم رفدنا بواسطة السعيد عثمان محجوب انا واخوي الهادي

وسنعود للقصة بالتفصيل

Post: #586
Title: Re: اليوم الحار ومابنداريوم الهندسة والمعمار
Author: أبوالزفت
Date: 05-06-2006, 06:42 AM
Parent: #1


يا خل ده ما اتفاقنا

اتفاقنا البوست ده يكون فى الصفحة الاولى

اها يا زول اليوم انا حااطلع ليك من الذاكرة شوية

****************************

خالد الشهير

فى يوم حر مشى الاندلاب علشان يشرب من الكولر

لقى بت طالبة لابسة توب ابيص بتشرب

وبعد ما شربت شالت الكباية معاها

طلب منها الشهير الكباية

ردت عليهو دى كبابة خاصة

للتعتر خالد الشهير

رد عليها بالانجليزى

ردت عليهو بسرعة المدفع الرشاش

انجليزى للان خالد بيفتش على معناهو

الطالبة كانت اولة شهادة لندن

وكانت جايبة A فى جميع المواد

من اليوم داك سماها خالد فايف زفت

ويا امين النصرى صاحبك هشام سفل

اتلصق ليك فى البت دى

الغبيان قايل الانجليزى حقها بيهد فيهو


Post: #587
Title: Re: اليوم الحار ومابنداريوم الهندسة والمعمار
Author: أبوالزفت
Date: 05-08-2006, 07:56 AM
Parent: #1


نواصل مع هشام سفل

فى البرلم هشام عامل فيها

خنشور واكبر شفت

وكان اى واحد من الزملاء

اولاد الرياض او العمارات

هشام مسميهم اولا ماما وبابا

دليل على الحنكشة

يوم هشام عزمنا غدا

واثناء ما بناكل

والدة هاشم جهزت التحلية

ونادتو يا هشام يا هشام

رد عليها ايوه يا ماما

ضحك الجميع

ظافر عبده طار الاكل من فمو

خالد خضر بخ الميوة زى المكوجى

نادر اليمانى طار ليهو الاكل فى حلقو

الباقين ماتوا من الضحك بما فيهم هشام

Post: #588
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-10-2006, 12:42 PM
Parent: #587

ابو الزفت..تحياتي..

يلا..واصل عليك الله..وخلينا نمسك الوردية لحدي ما يجي الزول المشوطن ده!!!

Post: #590
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-11-2006, 01:20 PM
Parent: #588

Quote:
صورة نادرة لعبد الكريم كيكي في عام 1985
نرفعها هنا بناءا على طلبه


ياسلللام يا عمار يس..رجعتنا زي مليون سنة كده...

وذكرتنا النيل الابيض الثانوية وبخت الرضا (البخت فيها)..وداعبت حبي وحنيني

لمدينة الدويم الوديعة واهلها الكرام....

علي عبد السلام احمد فضيل...دفعة وفتي من عمق الدويم ملي بالاخوة والكرم...

التقيته عندما كان في الدوحة ..ولم ارتوي منه حتي غادرها الي اين ..لا ادري

ولكن كل الذي ادريه ان علي من اكثر الناس جمالا واحتفاءا بالاصدقاء..مثله

تماما اهل كل الدويم....

عاصم...شفيف وموسقار كبير بجانب اخوه نبيل...حدثني اخي الاكبر انه عطر سماوات

مصر بموسيقاه النادرة,,تري اين هو الان,,واين الموسيقار نبيل؟؟؟؟.


ادم(السواق)..ملح المدرسة في تلكم الايام ويحبه كل الطلاب لروحه الجميلة..

وتعملنا منه صداقة البسطاء وتري اين (دفع الله الباشكاتب)..واين ذلك الصول

الصعب المراس...اين الطيب رحمه استاذنا الجميل؟؟؟؟؟؟؟؟؟؟؟

عمار يس النور...شهادتي فيه لاتعتمد امام التاريخ...

ولكن..لم استمع لشعر موغل في الجمال والصدق ومحلق في فضاءت من الدهشة ..مثل

اشعار عمار يس النور...

رفيق دربي الي دروب ام نخيل..وبركسها وايام امتحانات الشهادة كان وجوده

معنا..مكسبا لايعوض..فهو (ماس متك) ماشي برجليه..والان من اخطر الذين

يتعاملون مع المدعو الكمبيوتر....


مجمل الصورة...

في داعي حسي يا عمار,,البهدلة دي..يعني لو جبت صورة موازية لعثمان الطيب الريح

مش كان احسن..بدل تطير الجكس من بوست خليل ده..بالشين عمار..و وكيكي الكان شين

(طبعا انا حسي وجيه احمد الله..)

لك ولياسر ..ولكل الاهل...سلام

كريم..السمح

Post: #591
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-11-2006, 01:43 PM
Parent: #590

Quote: تحياتي للأخ ناظم و محمد الطيب إيريا (أين هم الان، هل ما زال ناظم في سلطنة عمان ؟) و كل الإخوة دفعة +/- 1985 و ما حولها من جامعة الخرطوم


سلام..عمار يس

المهندس ناظم بخير وهو الان بالسودان واستقر به نهائيا..ويعمل مهندس كبير

في شركة السنط مع (ايريا,) في شركة واحدة..(غايتو الله يستر)


ايريا بخير..وهوالان اديب كبير بعض روايته الرائعة (مسار الاسراب)

Post: #592
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-11-2006, 02:00 PM
Parent: #590

الأخ كيكي السمح (و مافي أي مشكلة)

تحياتي لك و أنت تجتر ذكرى أم النخيل (جامعة الخرطوم) و تمزجها بذكريات الدويم (أرض الميعاد)

سؤالي مازال مفتوحا

أسئلة مهمة للإخوة خريجي جامعة الخرطوم و خاصةكلية الهندسة قسم المساحة :
1) هل تعرفون من هو صاحب أطول و أعظم بريك في تاريخ الجامعة ؟
2) من هو الطالب الأكثر دخولا و إلتحاقا بالجامعة و كم مرة دخل جامعة الخرطوم ؟

Hint: the person is a graduate student from Faculty of Engineering

الحبيب عبد الكريم ، أما سؤالكم عن أشعاري ،

Quote: ولكن..لم استمع لشعر موغل في الجمال والصدق ومحلق في فضاءت من الدهشة ..مثل

اشعار عمار يس النور


فأنني أهديك مقاطع من قصيدة لي في ديواني عاشق بخت الرضا أعده الأن للنشر :


في المساء ،، في رضا
مملكة من سكون ،،
لا يعكره سوى صوت الشجرْ
في الغابة الخضراء
التناجي و أحاديث السمرْ
النيل لم يزل حاضرْ
لم يهاجر
و لكن قد إعتزم السفرْ
و النخل بالخيلاء
يغازل كل ريح ٍ ،،
يمشط ُ ضوء القمرْ
دنيا صبايا تعود من جديد
تهاجم جبروت الضجر
أعود طفلا ً ركضا
ً بين الجداول فوق الحفرْ
و أعود عزري الكتاب
أرسم للصغيرة وجه بدر
لا سواد في لوحتي يبدو
سوى خصال الشعرْ
و أعود كالصوفي هياما
و لهواها في قلبي ذكر

ليت الخيال يجمح كل يوم ٍ
كل ساعةٍ
كل طرفةِ عينٍ و لمحةِ بصرْ

رميت على الماء الهدوء
أعكره بإيـقاع حـجر

تردد في سيقان الغابة صداه

كانه من الأساطير طيف ٌ يمر

كأنني في الصبا لاهيا ً
كم يشدني "الموسكيت" و "السِـدر"

و الصمغ يعلق بأنامل الغيد الصغار الدرر

النيل لا نهابه
كم هزمنا عبابه .... مسالم كان أم هدر

و الجرف العظيم
صناعة للأدمي
فيه من كل فاكهة ثمر

يا حبذاها من ذكرى
كما نقش الماءُ حجر

في صفحة النهر الأنيس
كتجاوب (التجاني)
كإيقاع وتر

النيل يعزف البديع
مرنما و يضرب كل صخر
هي الأيام لن تمحى عن فؤادي
هيهات أن يمحوها بشر

عيناك دوماً ذكرى لنيل رضا
"فهل من مدكر"
فيهما الأهداب غابة و سيقان شجرْ
فيهما السوادُ ليلا ً و البياضُ فجرْ
فيهما عشقي القديم
حفظته في كل قافية و شعر
أنتِ ما أنتِ إلا رسول شعري
بوحي من قوافي ساحل لكل بحر
منذ أن رأيتك تستحمين بالنسيم يوما
فيمضي و قد صار عطر
إعتكفت فيك المغارة
و حواني بين جفنيك ستر

ليتني رسول الله موسى
و أنت أرض ميعادٍ و نذرْ
و قد نهلت منك العلومَ
سقاني لها من علم الله (خضرْ) *

ليتني نبي الله نوح
وجند رضا نواة للبشرْ



تحياتي،

عمار يس
عاشق بخت الرضا

Post: #593
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-11-2006, 04:41 PM
Parent: #592

يا سلام يا عمار..بالله لازلت تقرض هذا الشعر الجميل المجنون..


اما عن سوالك سيبقي معلقا كده لحين عودة خليل لانو عندو الاحصائية السحرية

للناس المخضرميين وانا خايف ما يطلع الزول اللي في بالي وبالك

لانو الزول داك خشي مرتين بس

عموما فلنكن في انتظار ابو الخل...اونتعشم في الزفت لاني حاسي انو خبرة

وعندو قصص من ناس الشهير خالد الشهير

Post: #595
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 05-12-2006, 10:56 AM
Parent: #593

ياكيكى

والله لقافتك الف مستلم البوست لحسابك لكن برضوا فيك الخير
لولا حراستك الامينة كان بوست ابو الخل اتلحس
تعرف انااستلفت ال ID حقت ود الجد عشان اتواصل معاكم
ودالجد زى مااحتضنا فى بيتهم واهله بقوا اهلنا بيواصل عطاءه
وبسلفنا ال access لسودانيز اونلاين انشاء الله ربنا يخدر ضراعه ويديه باكثر مما اعطى
تحياتى لعمار ياسين واخر مره قابلته فى بيته فى الامارات وحكاية شاعر دى ماكنا عارفينها
والحقيقة فى حاجات كتيرة ماكنا عارفينها كشفها لينا هذا البوست زى حكاية انه كيكى بيكتب روايات وممكن بعد شويه تطلع ليه اشعار كمان لو خليل اتساهل فى بوسته اكثر من كدة
كيكى عجبتنى جدا لما رديت على المدعوة سارة عيسى فى بوستها الذى يسيل سما ويمكن يكون يؤرخ لبداية العنصرية والحقدفعلا فى بلدنا ويكون ماقبل ذلك كله مناظر فيجب على جميع العقلاء التصدى لهذه الموهومة واولهم امين هذا الموقع
التحية لك اخى كيكى ولاستاذنا خليل وانا فى انتظار مرورك فى طريق عودتك للسودان

اخوكم
احمد التجانى

Post: #596
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-13-2006, 04:32 AM
Parent: #595

Quote: والله لقافتك الف مستلم البوست لحسابك لكن برضوا فيك الخير
لولا حراستك الامينة كان بوست ابو الخل اتلحس
تعرف انااستلفت ال ID حقت ود الجد عشان اتواصل معاكم
ودالجد زى مااحتضنا فى بيتهم واهله بقوا اهلنا بيواصل عطاءه
وبسلفنا ال access لسودانيز اونلاين انشاء الله ربنا يخدر ضراعه ويديه باكثر مما اعطى

مرحب احمد تجاني ...وحباب حاتم الجد...والله زمان
احمد تجاني
والله جننت حاتم الجد جن..كملت شاهيهم في بري..وحضرت اي كورة في بيتهم
وكمان ترست منه زي مليون (تيتوريال) كده...حسي كمان مكابسوا في (الباس ورد) بتاعو
ياخي ريح ود الجد ده شويه....!!!!!
خليل(الشقت) طبعاانا ح ادفعوا لانو كابي الزوقة وعامل فيها مشغول ولولا (كيكي) لذهب البوست
بتاعو ده الي (التوج)...
اشكرك علي الاشادة بالرد علي الزولة(المطنقعة) ..تخيل زي ديل يستاهلو
الردود الزي دي واكثر..لانهم سطحيين وبتاعيين فتن ..وعاوزيين يخربوا البلد السمح..ده
بلد طه النور..وصالح العربي ..وبلد ايزك..وبلد سيف عمران..وبلد كبر..وخليل
وكيكي وزالرشيد ود كسلا....ويكفي انه بلد ودالتجاني وحاتم الجد..
سلام..والميناء جده موعدنا...ايها الصديق الطاعم...

Post: #598
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-13-2006, 05:44 AM
Parent: #595

الإخوة حاتم و أحمد التجاني سلامي و تحياتي
الشكر كل الشكر للأخ أبو خليل على فتحه هذا البوست الذي مكننا من إسترجاع شريط ذكريات الجامعة الجميلة

أحمد التجاني يا دفعة عندي ليك صورة جميلة في عام 1992 يوم التخريج مع مجموعة من دفعة 1985 بس كلمة دفعة دي انا ختيت تحتهاخط عشان إنت و الصادق فيصل أكيد عجائز الدفعة، و الا مش كده يا كيكي ، عليك الله شوف أخوك واقف جنبهم كيف ذي البرلوم

http://www.sudaneseonline.com/upload/modified/02172.jpg



عبد الكريم، ما زلت أتحداك أن تعرف من هو صاحب أكبر و اطول و أعجب بريك في تاريخ الجامعة و كذلك انت تعرف من هو الشخص الاكثر دخولا لجامعة الخرطوم (دخل الجامعة اكثر من مرتين).

بالمناسبة هاشم كونصايدر بيسلم عليكم و هو شغال في ابو ظبي ، طبعا هاشم ده كان ساكن معانافي البرلم في الغرفة 3 إمتداد بحر الجبل و كان معانا عم محمود (أبو شيبة) برلوم مدرسة العلوم الرياضية و كمان كان معانا د. أبكر أدم إسماعيل و كان برلوم بيطرة في ذلك الوقت قبل أن يتفوق على دفعته بتاعة الأحياء و يحول إلي كلية طب الأسنان و كان بيصدر جريدة دس حنكوش الجميلة بالسر من الجميع، أنا فقط قبضتوا ليك يوم بالليل إمكن الساعة 2 صباحا" و هو بيعد في الجريدة و طبعا كتمت سره من الجميع و قد كانت جريدة رائعة تنشر في الشجرة الكبيرة بين OLT و GLT و كنا ننتظرها بفارغ الصبر ،و أبكر ده إنسان رائع جدا و منذ ذلك الزمن أنا كنت متوقع له هذا النجاح الأدبي و هو خير مثال لضرورة و حتمية مجانية التعليم و أن يكون في السودان جامعة مثل جامعة الخرطوم و ربنا يحطم الناس الحطموها و برضوا كان ساكن معانا عثمان الطيب الشهير بعثمان قراف Osman Graph.

تحياتي للجميع


عمار يس النور
عاشق بخت الرضا
[email protected]

Post: #599
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-13-2006, 08:17 AM
Parent: #598

ياسلام يا عمار..صورة تسل الروح ...بقي انا علي الشرح..الواقفين من اقصي اليسار..
وليد زكريا علي الطاهر..ظاهر نص كم خريج كهرباء..وزول انا مستعد ادفع روحي بس اعرف ليه
تلفون...صديق واخو اخوان...وضكر عينو حمراء..بتاع مشاكل مع الكيزان
عمر بشير ...خريج (ميكانيكا)..ومرح شديد..اخوه ايضا المهندس عثمان بشير.
مزمل موسي..لو فلتقل مزمل موسي ,.الان دكتوراة في الهندسة وعالم كبير..(حليلك ياقليصة)

المهندس ياسر...من اولاد الخرطوم..وزول لطيف شديد.

الفي النص هو حبيبنا ..وصديقنا التاريخي احمد تجاني صالح..مهندس كبير شديد..

وصاحب قلم انيق..

ود الاسكول صديقي عمار يس النور وهل يخفا القمر.

الصادق فيصل احمد الحاج..بقي ده سيد الناس واخوي شديد

المهندس عماد الهادي ود الشيخ طلحة...والان باليابان,,,لك تحياتي عماد..

لكم جميعا والله مشتاقيين...

Post: #600
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 05-15-2006, 11:42 AM
Parent: #599

Quote: الأخ بكري أبو بكر

تحية طيبة

أطلع بإستمرار على الموقع الثري.
أنا من خريجي بحري الحكومية 82 و هندسة الخرطوم 87. يعني 100% إلتقينا كما أن
لي صلة حميمة بالحلفايا (أيمن تابر هو إبن خالي) أثارت شجوني المواضيع الخاصة
بكلية الهندسة و بحري الحكومية مثلما أفزعتني مواضيع سارة عيسى.

أنا لست عضوا في المنتدي و لكني أرغب في رفع رسالتي هذه عن طريقكم لبوست اليوم
الحار ما بندار يوم الهندسة و المعمار و لكم الشكر و التقدير

الموضوع:

إخوتي المهندسين الإعزاء

تحية عطرة
إعدتم لذاكرتي أياماً عطرات.
أنا طارق أحمد خالد (الشهير وقتها بطارق بيمبو). خريج 87 و تشرفت بتدريس بعض
الذين يعطرون هذا البورد بأقلامهم الندية (في لاب ال Power) ولمدة عامين أي سنة
تالتة و رابعة كهرباء. و أذكر بالخير الكثيرين من الذين رسخوا في ذاكرتي مثل
الطالب الشاطر حمد حماد و الشقي الظريف صديق أبواللكس و الهادئ أشرف عبد الحافظ
و أصدقائي الشاعر طارق حاج التوم (الآن بأستراليا) و بكري اللبش (نسيب
اليابانيين) و أنور تاج السر الصديق العزيز الذي أداوم على الإتصال به و هو
الآن في الإمارات و قد إتصلت به تلفونياً أثنا حفل مرسيل خليفة لأسمعه جانباً
من الحفل و لأغيظه أيضاً. كما أذكر بالخير رباح الصادق التي أتابع كتاباتها
الآن و أتذكر الهندي بهارات كرشنا و تماضر التي إتلقيتها بالصدفة قبل فترة. أما
أبوبكر عثمان فهو الآن زميلي في العمل ببنك السودان.

عاطر التحايا لعمار يس الذي رافقته في رحلة طريفة لسطنة عمان أعتز من خلالها
بمعرفته.
من هذا المنبر أبعث بعاطر التحايا لأساتذتنا الأجلاء بروفسورسمير غبريال و
الرائع د. معتصم عبدالله الذي تشرفت بتحضير الماجستير تحت إشرافه و لازالت على
صلة حميمة به و أتحسر على فقدان الجامعة لمثل هؤلاء العباقرة الذين قلما يجود
الزمان بمثلهم.

تحية عطرة لأبناء دفعتي:
رشيد محمد خير
وليد مصطفى
علاء محمد بابكر (بندق)
علاء عثمان (ميكي)
طارق سيد أحمد (بحه)
عاصم محمد الأمين
علي مدثر رجب (اب زج)
الأخوان كمال و فاروق

و آخرون... كثر

تحية لخريجي بحري الحكومية الذين أنتمي إليهم و تحية خاصة لإبن دفعتي الدكتور
هيثم يوسف عثمان الذي لأعرف أين هو الآن و عاطر التحايا و التجلة للأستاذ و
الصديق السر الإمام. و إنحناءة تجلة و إكبار للرائع هشام المجمر الذي لا أعتقد
أنه يذكرني (إلتقيته عدة مرات مع محمد شريف الخبير كما دخلت منزلهم بالمزاد من
قبل).

نضر الله و جوهكم. أنعشتم الذاكرة و أثرتم الشجون. داوموا على التوثيق الذي
نفتقده في هذا البلد المنكوب.

طارق أحمد خالد






Tarig A. Khalid, PMP
Assistant Director, Banking Technology Directorate
Central Bank of Sudam

Post: #601
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-18-2006, 07:36 AM
Parent: #599

الأخ عبد الكريم كيكي

شنو الحكاية ما لكم عايزين تعوموا بوست أبو خليل الرائع و بعدين إنت قلت الراجل غائب شوية، يعني إنت المسئول من البوست بعدو و لازم تحافظ عليه دايما فوق و ذلك لانه من أجمل البوستات.

أحمد التجاني شايفو دخل مره واحدة و طلع الظاهر حاتم الجيد غير ليهو البص ورد و شايفو ما علق على الصورة الكان متسنتر فيها ، تحياتي لهم جميعا

كويس عشان ننشط البوست شوية و الجماعة المشغولين يظهروا نذكركم بقصة بطلها الأخ العزيز أبوسمرة

تتذكروا لمن ابو سمرة إنضرب و إتفلق في راسو و الدم طلع منوا. أصلوا الحكاية كان الهندسة يوم غلبت كلية العلوم أتذكر إحنا كنا في سنة ثالثة على ما أعتقد يعني في سنة 1988 السنة الكبيسة ديك الكان فيها سيول و أمطار و حاج ماجد و أشياء عجيبة.

المهم أبو سمرة جاء يوم بالليل مهاجم داخلية بحر الجبل الكنا بنسكن فيها إحنا بتاعين مدرسة العلوم الرياضية (السنيرس) و طلاب قسم الجيلوجيا بتاعين كلية العلوم. أبو سمرة جاء يصرخ و يكورك و يهتف ضد كلية العلوم ، طبعا بعد ما الهندسة هزمتنا، و يظهر كان في واحد من ناس الجيلوجيا عندو فرض و هوم وريك Assignment و شايل ليه معاه حجر قديم من النوع بتاع 2000 أو ثلاثة الف سنة و قاعد يذاكر فيه و يحللوا ، المهم واحد من ناس الجيلوجيا رمى ليك أبوسمرة بالحجر من فوق و أنا متأكد إنو واحد من ناس الجيلوجيا لانهم كانوا بيسكونوا في الطابق الثاني و إحنا بتاعين الإسكول كنا في الطابق الأرضي. المهم سمعنا ليك الصواريخ و حس الشكلة طلعنا ليقينا ليك أبوسمرة دمو سايل و راسو مفتوح ، طبعا جاء الحرس و أخذوا ليك أبوسمرة للكلينك و بعد اكثر من ساعة اوساعتين ابو سمرة جاء تاني و صرخ الراجل الضربني ده ينزل لي وقال كلام كثير جدا جدا و وفيه بعض الإفلاس ، المهم قعدنا نحنس فيه و طبعا إحنا كلنا كنا دفعتو و بعد حب و تحنيس ابو سمرة هدأ و الجيلوجيي طبعا هرش و ما نزل ليه و دموا تفرق بين الجيلوجيين. بعد يومين لقينا ليك ابوسمرة في المين روود حالق صلعة ولابس طاقية و قاعد خالط (لها مني كل التحايا و التقدير).
دي قصة فلقة ابوسمرة وهي من الأشياء الجميلة التي بذكرهامن أحداث التشجيع و التعصب الشديد بتاع ناس الجامعة عموما و ناس الهندسة خصوصا. تحياتي للأخ العزيز إبراهيم أبوسمرة و زوجته المحترمة بنت الدويم و كل أسرته.



Quote: تحية عطرة
إعدتم لذاكرتي أياماً عطرات.
أنا طارق أحمد خالد (الشهير وقتها بطارق بيمبو). خريج 87 و تشرفت بتدريس بعض
الذين يعطرون هذا البورد بأقلامهم الندية (في لاب ال Power) ولمدة عامين أي سنة
تالتة و رابعة كهرباء. و أذكر بالخير الكثيرين من الذين رسخوا في ذاكرتي مثل
الطالب الشاطر حمد حماد و الشقي الظريف صديق أبواللكس و الهادئ أشرف عبد الحافظ
و أصدقائي الشاعر طارق حاج التوم (الآن بأستراليا) و بكري اللبش (نسيب
اليابانيين) و أنور تاج السر الصديق العزيز الذي أداوم على الإتصال به و هو
الآن في الإمارات و قد إتصلت به تلفونياً أثنا حفل مرسيل خليفة لأسمعه جانباً
من الحفل و لأغيظه أيضاً. كما أذكر بالخير رباح الصادق التي أتابع كتاباتها
الآن و أتذكر الهندي بهارات كرشنا و تماضر التي إتلقيتها بالصدفة قبل فترة. أما
أبوبكر عثمان فهو الآن زميلي في العمل ببنك السودان.

عاطر التحايا لعمار يس الذي رافقته في رحلة طريفة لسطنة عمان أعتز من خلالها
بمعرفته.


تحياتي لك يا طارق،

شايفين كيف جامعة الخرطوم متداخلة ، اهو ده الأخ العزيز طارق أحمد خالد دفعة 83 و إحنا دفعة 85 بس دائما في حاجة بتربط الدفع القريبة من بعض ، حاجة مثل العباقرة حمد حماد و أشرف عبد الحافظ و أبو اللكس ، او مثل الشاعر الكبير طارق حاج التوم و الذي قابلته في في أستراليا.
عشان كده عاوزنكم تكتبوا و ما تقيفوا يا كيكي.

طارق ، لمن اتذكرك بتذكر دائما بيت الشاعر العبقري التجاني يوسف بشير :

و لقيت من عنت الزيود متاعبا ... و بكيت من عمرو من إعرابه

مع تبديل الزيود إلى (الخلفانين) و عمر إلى (سالم) وهي من أشهر أسماء العمانيين.


الأسئلة مفتوحة للجميع بعد فشل عبد الكريم كيكي في الإجابة عليها وهي :
1) من هو الطالب صاحب أطول و أشهر بريك في تاريخ الجامعة.
2) من هو الطالب الأكثر دخولا و إلتحاقا بجامعة الخرطوم و كم مرة دخل الجامعة.
تحياتي لكم

عمار يس النور
عاشق بخت الرضا
[email protected]

Post: #602
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 05-18-2006, 05:10 PM
Parent: #601

عمار ياسين
حبابك وسعيدين بالتواصل معاك عبر الويب وشكرا على الصورة وطبعاقطع شك لو لاقتنى من غير توثيقك كنت نكرتها
هل مازلت فى الامارات ؟ مبروك عليكم وجود الشريف ابو السعود بقربكم فى سلطنة عمان وطبعا ابو السعود قال حالف ينافس سيرجيو البرازيلى الما خلى ليه فريق فى الخليج ما لعب فيه
والله حكاية غياب الناس ديل من بوستهم دة بقيت محيرة فعلا
الظاهر الجماعة ديل المعايش احدتهم منناولا تكون بلدهم ظهرت فيها القطرنة على وزن السعودة وبقوا مابفرطوا فى اكل العيش يقوم كيكى فجأة يلقى نفسه فى حلتهم ديك التى لايزال الراديو يعتبر فيها من عجائب الدنياومن انجازات حكومة النميرى الذى ماذال هو رئيس البلد عندهم

وياكيكى يعنى لو ما انا كنت باطلع لناس ودالجد واهلى من مواطنى الحرطوم وبرجع ليكم بالتموين كان المهمشين الزيكم ديل يعملوا شنو وطبعا كلمة مهمشين اليومين دى فى صدارة التوب تن فى السودان ومعاها كلمة تانية بقت اساسية فى قاموس المثقفاتية ومريدى مايكات الاعلام الا وهى منظمات المجتمع المدنى باسمعها عشرات المرات فى اليوم فحقوا واحد مثقف كدة يرسى لينا راسنا

ابو الخل البطل وكيكى صاحب البطل مبروك عليكم فوز الريان ونواسى جميع مشجعى نادى الارسنال العظيم ومعلهش التحكيم حتى فى دول العالم الاول مشكوك فى نزاهته وماتنسوا انه الرشوه باليورو

اناشدكم الظهور وكفاية تقل على عشاق سردكم العذب كصفاء دواخلكم

ودمتم احبائى

اخوكم احمد التجانى

Post: #603
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 05-21-2006, 07:55 AM
Parent: #602

ياشباب عسى المانع خير
عزوفكم عن الدخول فى بوستكم يترك علامات استفهام كبيرة
هل اصاب البوست وباء انفلونزا الطيور فقررتم هجره باعتباركم طيور مهاجرة
هل تم توجيه اى ادانة للبوست بعدم تعاطفه وتعاطيه مع القضايا المرحلية للامة وانشغاله باجترار الذكريات لذلك قررتم ترك البوست يواجه الاضمحلال والموت البطى .... ام ماذا ياترى ؟

الغريب فى الامر وجود كيكى فى المنبر طارحا نفسه كاديب مرحبا بهذا وبتلك و احلى حاجة انه فاتح بوست لمدح احدى المثقفات بدون مايتاكد من اسمها ودة طبعا بيؤكد لقافته وشلاقته
وياكيكى حرام تبيع الهندسة والمعمار بشوية ورود وسماء الدوحة ومش عارف ايه
وبعدين مسئولين من الخير دوحتكم دى طوالى بهجة واستقبال الاساتذة فضيلى جماع ومحسن خالد والسيد الصادق المهدى ..... وين الشغل ووين الكفلاء الظاهر جماعتكم ديل فاكين اللعب وجب ان يحضروا عندنا فى السعودية وياخدوا كورسات تأهيل كفلاء

مرة اخرى نناشدكم الظهور للمحافظة على هذا العمل الانيق

اخوكم احمد التجانى

Post: #604
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-21-2006, 08:31 AM
Parent: #603

الاحباب..احمد التجاني وعمار يس

والله مشتاقيين...وجميل سوالكم الدائم عن بوستكم هذا....اما انا وخليل بخير

خليل اختفي في ظروف غامضة وجنني بالتلفونات..السوال
اها فلان وين ..وفلان وين..واها فلانة كتبت شنو..(بسال عن ناس المنبر..والغريبة كل الاسئلة
عن الفلانات)...
المهم خليل عايش في جلباب خطير..
اما عني انا..فقد شغلتني ليالي الدوحة والجمال(يا حمد تجاني) ..وكنا في التنسيق
لزيارة بلدياتي (فضيلي جماع)..وخلاص سافر وبعد ده معاكم رجل بالحجل..لحدي ما ابو
خليل تتفكا ساجرتو...

طبعا كلامك بتاع شادية عبد الرحيم ح انزلوا هناك..وكل ما في الامر يا ابوحميد
فكاهة وكوميديا.. تصدق الزولة شابكاني (بدر الدين..وعماد)..عشان كده قمت رديت ليها
الاتو بهذا البوست الذي اتمني ان اراك في شكل حاتم الجد هناك....

الكفلاء هنا زي العسل والورد...
وطبعا خليل كفيلوا الاولاني اجمل كفيل في الشرق الاوسط ..مرة شفتو بسف من خليل
ومرة شفتو خليل بهرش فيهو..ومرة كانوا بلعبوا كمكان راس....
وخليل عجيب ياخي خرق قانون الكفالة وهيبتهم..
عمار يس..مشتاقيين ياخي..
وياخي اكتب لينا الشعر بتاعك..ولا ندعوك الي الدوحة ونعمل ليك ليلة كاربة اصلو
اخوك بقي خبرة...


مرة يا احمد تجاني انا وخليل كنا في كورنيش الدوحة.وبعدين خليل ازنق في قروش
ايجار الاوضة وكما تعلم ان كفيله الاولاني كان لايدفع له راتبه(ولخليل دعاء مشهور وكان يقول
فيه الهم اعوذ بك من قلبا لايخشع وعينا لاتدمع وكفيلا لايدفع)..واتصل خليل بالكفيل وكانت استجابة
الكفيل بسرعة البرق حيث احضر معه 200 ريال قيمة الايجار ..فقال له خليل(والله جياي..يا ابو سفر)
وكان هذا هو اسم الكفيل,,

Post: #605
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-21-2006, 10:31 AM
Parent: #604

صديقي المهندس احمد بشير
من كندا اشتاقه كثيرا هذا المساح فقد جعل الدوحة (خلا)
خيلانك محمد وخالد سليمان ناس حلويين ..وكتلنا حفلة كاربة في منزل محمد سليمان
الاسبوع الفات...

ارسل هذه التحية عبر البريد الالكتروني

Quote: الاخ كيكى

سلامات وكيف حالك واحوالك وعساك بخير وعافية

قبل يومين دخلت على البوست بتاع الهندسة وقضيت فيهو والله وقت طويل واستمتعت واستعدت ذكريات جميلة وعزيزة وايام لا اظن ان الزمن سيجود بمثلها مرة اخرى

ورد اسم الاخ جمال حسن فى البوست وهو الان استاذ فى احدى الجامعات الامريكية بعد ان خلص الدكتوراة وايضا الاخ محمد يعقوب وهو الان استاذ فى جامعة الامارات.

وايضا ورد على لسان رباح زواج الاخت حنان محمود من الاخ الطاهر (والاتنين من الصحافة) وهو اسمه بالكامل الطاهر عبداللطيف (شقيق الطيب عبداللطيف) وذكرت رباح ايضا بان المهندسة هناء على متولى تقيم بمدينة كتشنر فى كندا وهناء دى طبعا بت الجيران (وانا لى اكثر من سنة بفتش على عنوان او تلفون ليها وما لاقى) فاذا امكن انك تمرر ليها عن طريق رباح او اى شخص اخر معاكم عنوانى اكون شاكر ليك كتييييييييير

وانا شايفك فى الصور بقيت اخر قيافات وكمان مصاحب خالد سليمان (وخالد ده خالى) وانا كنت بقضى معاهو الويكند طوال الخمسة سنوات القضيتها فى الدوحة

سلامى وتحياتى لوليد القرود وحامد عجبان وبقية الشباب المعاكم

أحمد بشير

كالقرى - كندا


Post: #608
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-27-2006, 03:53 AM
Parent: #604

الإعزاء عبد الكريم كيكي ، أبوخليل ، احمد التجاني
و كل رواد هذا البوست الجميل و الذي اتمنى ان يستمر

من الأشياء الطريفة التي اتذكرها و كان يتخصص فيها اولاد الهندسة و خاصة دفعة 85 و بالأخص عبد الكريم كيكي ؛ أتذكر مرة بعد ما وصلنا سنة ثلاثة يعني في حوالي عام 1988 وجدنا عبد الكريم كيكي في مكان ما قرب النشاط، قام طوالي قال لينا: شنو يا اولاد الإسكول ما بتباركوا لينا. أنا ما صدقت قلت ليه: يا كيكي ما تقول لي كيست (طبعا دي كانت حتكون مفاجأة القرن العشرين) قال: لا ، قلت ليه كويس نبارك ليكم شنوا؟ قام عبد الكريم طوالي قال لينا ضاحكا: حمادة ما بلغ (بلغ سن الرشد) ، طبعا حمادة ده كان دفعتنا في سنة 85 و من شهادة لندن و كان ولد صغير جدا و إمكن عمرو 14 او 15 سنة تقريبا. قلنا لي عبد الكريم بالله هو يعني مش كان بالغ؟ قام عبد الكريم أخدنا معاه كافتيريا هندسة و فتشنا ليك عن حمادة و لما وجدناه سلمنا عليه و فتحنا معاه موضوع كده و فعلا لاحظنا إنو صوتوا تخن شديد (أجش) , وعلق عبد الكريم بعد داك قائلا : أها صدقتوني بعد ده !

و لنواصل ذكريات الجامعة الجميلة،

و جني و جن الجامعة يوم الجمعة لانها بتذكرني الجماعة...او كما قال.

تحياتي

عمار يس النور
عاشق بخت الرضا
[email protected]

Post: #607
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-27-2006, 01:54 AM
Parent: #1

خليل كيكى والصايم
يا لها من ذكريات وايام لا تنسى
من تبقى من دفعة 85 بالداخل يسعون فى التلاقى واجترار تلك الذكريات بقيادة الزعيم معاوية ديفيد ودائما اللقاء يكون فى الجمعة الاخيرة من كل شهر بالريفيرا
كلية الهندسة حالها الان اصبح يغنى عن السؤال وساجيكم راجع تانى للكتابة عنها وعن تلك الايام الجميلة

Post: #609
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-27-2006, 09:44 AM
Parent: #607

مرحب عمار يس والاخ ابوبكر عثمان..ومشرفين الدار
وحليلكم والله..
ابوبكر عثمان..
Quote: بقيادة الزعيم معاوية ديفيد

ياسسسسسسسلام كم هو صديقي هذا الشاب وعندي معاهو سوالف الزمان
حليلو ياخي وحليل وليد عامر (فوكس)..ديل ناس حلويين شديد
وبالله اسال (ديفيد) وقول ليهو كيكي (لقبك بشنو)..
ولو ما جاوب تعال اسالني انا....

عمار يس..
شنو ياخي حمادة ده حسي بقي مهندس ليهو ضل..
وحليل عثمان الطيب الريح...واين عبدالرحمن اغا وبشير ياخي

Post: #610
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-27-2006, 12:28 PM
Parent: #609

كيكي العظيم

Quote: عمار يس..
شنو ياخي حمادة ده حسي بقي مهندس ليهو ضل..


أكيد لازم يكون بقى مهندس كبير بس حبينا نوري تعليقك عليه لمن دخل الجامعة أصغر من سنو بثلاث سنوات على الأقل

سؤال خاص:

هل ما ذلت تبحث عن ال Vectors ؟

من هو صاحب مصطلح Vector هذا أنت أم طه النور أعتقد واحد منكم الإثنين ؟

يا حليلك لمن كنت بتحبث عن هذه المتجهات في سنة البرلم و تقول لينا Vector ..Vector و الله كانت أيام


عثمان الطيب بألف خير وهو الأن محلل و مطور نظم كبير جدا ، بس ما طور نظريتو بتاعة الجراف Osman Graph و سوف أكتب ليكم مختصر لنظرية عثمان جراف هذه في مشاركات قادمة .


تحياتي

عمار يس النور
عاشق بخت الرضا
[email protected]

Post: #611
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-28-2006, 02:14 AM
Parent: #1

تصدقوا الجامعة اتغيرت جنس تغيير
طبعا اخوكم بقى طالب من جديد بس بالعصر ومع ناس بزنيس الحلوين
يا حليل زمن المين رود ووصفه بالحناكيش لو شفتوه الان بقى محل النشاط والاركان وبين كل ركن نقاش وركن يوجد ركن اخر واركان النقاش بقت بالساوند سيستم يا حليل زمن اللاودسبيكر
وجايكم تانى لو سمحت ظروف الامتحانات

Post: #612
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 05-28-2006, 07:14 AM
Parent: #611

الاعزاء كيكى ,عمار وابوالخل

والله ياخليل غيابك مابراه ياربى تكون ممسوك لاسمح الله ولا شنو
وحتى لو ممسوك افتكر يعنى قطر دولة تكفل للفرد حقوقه وممكن تطالب بى لاب توب

اخونا ابوبكر تحياتى ...هل انت ابوبكر ود الكهرباء ولا انا داخل شمال
عموما لك التحية والود ايما كنت ياود دفعتنا ... بتذكر انك كنت طوالى شايل شنطة فى الضهر
كعادة جميع الاخوان (الزملاء والزميلات ) هل ممكن تفشى لينا السر بعد هذه المدة الطويلة
وامانة عليك تسلم لينا على جميع الاخوان والاخوات دفعة 85 وقول لديفيد عيب عليك تسافر من غير ماتدينا خبر زى الحرامى

اتمنى ان يكون الاخ خليل بخير

احمد التجانى

Post: #613
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-28-2006, 07:29 AM
Parent: #612

يا هو زاتو يا احمد التجانى
زمن ما اتلاقينا اظن انو بالسعودية اخر مرة وبقيت اشجع منكم وجيت راجع من سنين وسبت العرب الوهم لسة فى تايوتا ام غيرت منها
الشنطة للان ملازمانى بس اتحولت لى شنطة لاب توب وسرها زمن الجامعة انك تكون جاهز للو الجماعة ساقوك
اليوم كنت فى اتصال مع ديفيد وحنحاول نعمل ليهو اكاونت ولذلك الحين سانقل لكم مداخلاته

Post: #614
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-28-2006, 10:40 AM
Parent: #613

Quote: والله ياخليل غيابك مابراه ياربى تكون ممسوك لاسمح الله ولا شنو

الاخ ود التجاني..
خليل ممسوخ وليس ممسوك...

ابوبكر عثمان انتو وليد زكريا ده ليه ما صرفتو شنطة ام كتف دي...زمان


عمار يس الفكتور من تجليات اخوك كيكي المسكين لكن (العب) داك دايما سارق مني الاضواء


خليل يرسل اليكم تحياته ويعدكم بمفاجاة سارة قريبا

Post: #615
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-28-2006, 02:10 PM
Parent: #614

سلام يا ناس اليوم الحار المابندار
وسلام يا رفيقي عمار يس ود الدويم الطاعم
وحاجة جميلة تقاطر الاخوة الدفعة زي المطر
رباح واحمد تجاني وحاتم الجدوابوبكر عثمان وامين والصائم
وعمار يس وسيد الناس خليل (الممسوك) ووالله بعد ده مافضل الا نشوف(ايزاك)
وطه النور وطبعا اكيد حيكون معاه(صالح العربي).
وحمد لوظهر وطوالي بظهر معاهو كونسيدر
ولو شلوت بين لازم يكون معاهو جلال وخالد بشت وخالد الحاج
ولو ظهر الصادق فيصل اكيد وليد زكريا بكون معاهو لحام
وكبر لوجاء ممكن تشوف معاهو ارق السنوسي ومنير عوض

ومنير ده زول جميل ونقي شديد وكان عندو تماتة رابطة
مرة دكتور عبدالله الصادق(وده طبعا كان زول صعب شديد) مرة كان في درس عن(REAL&INTEGER)
والكلام ده عمار يس بكون جاضمو شديد...
المهم الدكتور كان بسال اي واحد عن المكتوب في السبورة عن هل هو(ريل) ولا (انتقر)
ولازم تجاوب سريع سريع...
والدور لمن جاء لمنير ...اها يا منير ده (ريل) ولا(انتقر)..
منير ضرب لخمة وبسرعة شديدة قال للدكتور ( ... ري انتغر)...
الشوق للمهندس منير عوض لقد قضي معنا اسبوعين تمام الكمال في الدوحة...

ويا ابوبكر منتظرين تجمع (الريفييرا) واخبارهم ومعاوية عليك الله جيبو
وما تنسوا طه النور وعباس شبشة..

Post: #616
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-28-2006, 11:13 PM
Parent: #615

المتألق كيكي

قابلت وليد زكريا في سلطنة عمان قبل ثلاثة سنوات ، كنت في زيارة للصديق العزيز جدا عثمان الطيب (Osman Graph). و ليد زكريا ما زال يا هو الزول النكتة داك و أمضينا معاهم أيام جميلة.

المهم وليد زكريا حكى لي قصة لذيذة بخصوص موضوع

Quote: وحمد لوظهر وطوالي بظهر معاهو كونسيدر



قال مرة في سنة خامسة و اولاد الكهربة مزنوقين في إمتحان صعب جدا و القاب بتاعو صغير جدا و الجماعة بذاكروا و يكسروا كسر شديد. قام هاشم كونسايدر نكت ليه مسألة كدة صعبة جدا جدا نوع البحلها حمد حماد فقط و إمكن أشرف عبد الحافظ بس. المهم قالوا هاشم كونسايدر شال المسألة و طوالي طلع الإكستنشن و الجماعة كلهم غلبتم بما فيهم أبو الإكس ذاتو و ناس الصادق فيصل ، بس قالوا ما لها إلا حمد. طبعا حمد المسكين ممكن تلقاه بيحل ليه معادلة بتاعة كيمياء و كمان ممكن بيشرح بايلوجي لناس البرلم بتاعين مدني ( و الله مدني دي كلها كان ساتره حمد من أداب لحد طب).
المهم كونسايدر جرى و نكت حمد و طبعا الفذ ما قصر حل ليك المسألة كلها و هي مكونة من 3 أجزاء a), b) and c .
تاني يوم (و الراوي وليد زكريا ذي ما قلت ليكم) تاني يوم في الإمتحان المسألة ضربت بس جات فقط a , b و الجزء بتاع c ما جاء ، قال ليك هاشم وقع ليك في المسألة حلاها كلها a,b and c(ما حافظها من بالليل) . المهم أستاذ المادة زعل زعل شديد و سأل حمد بعد الإمتحان قال ليه أكيد المسألة دي إنت حليتها للناس قبل كده ، حمد قال ليه أيوه و جابها هاشم . الدكتور قال ليه المسألة دي أنا ختيتها أفرق بيك إنت و أشرف عبد الحافظ و أشوف من منكم ممكن يحلها و هو متأكد إنو البقية ما حيقدروا , إنت يا حمد بالطريقة دي بوظت لي إمتحاني.
قام الدكتور سأل حمد هسع نعمل شنو في هاشم الحل لينا الجزء c الما موجود ؟ رد عليه حمد قال ليه تديهو الدرجة الكاملة لانو إجتهد و جاب المسألة. المهم قال ليك معظم الدفعة جابت A في المادة ديك و السبب كلو كان هاشم كنوسايدر.

هذه هي رواية وليد زكريا.


بالمناسبة هاشم كونسايدر معانا في ابوظبي و بقول ليه دائما يدخل النت و يشارك مع الجميع بس هو مدمن كونكان و ووست أكثر من الإنترنت !

سؤال خاص لكيكي :

مش إنت هو الزول الطلع دعاية في حمد سنة تانية و قلت إنو حمد مكيس ليه برلومة من مدني بتاعة بايولوجي و بيشرح ليها زولوجي و بالتحديد شيت الربعة (زائعة الصيت) ؟


تحياتي للجميع

عمار يس النور
عاشق بخت الرضا
[email protected]

Post: #617
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 05-30-2006, 02:20 AM
Parent: #616

الاحباب
والله ياحليلكم وحليل ايامكم
وحقيقة احلى الايام تلك التى قضيناها بصحبتكم
ابوبكر ازيك والله مشتاقين ليكم وللسودان وبصراحة قرار الرجوع للسودان عايز
ناس شجعان وجسورين ونسأل الله ان يرد غربة الجميع يجوا يعمروا ديارهم ويفيدوا بلدهم
بالخبرات التى اكتسبوها بالخارج فبدون شك تجربة الاغتراب مفيدة برغم المرارة
عمار ياسين شايفك قايم سدارى فى البوستات والحالة مستلف الباسورد
واحييك على نقدك الهادف لمهزلة بطاقة الخدمة الالزامية

كيكى من حقنا عليك تورينا وين ابو الخل ولا انا باركب القطرية وباجى اشوف الحاصل شنو

فى خلال الايام المضت كلمنى المغترب سابقا ابراهيم ابوسمرة اثناء حضوره لجدة فى زيارة
بيزنس وطبعا كعادتى به يوعد ويخلف فى موضوع تلاقينا وابراهيم ياجماعة شاعر مرهف سابقا
ومهندس مجارى وصرف صحى كببببير حاليا

احلى المساجلات كانت بين وليد القرود الولد الحاوى الذى اخفى بنجاح طوال سنوات الجامعة انه من اولاد قرية ام دقرسى جنوب الكاملين فاحلى المساجلات كانت بينه وبين كونسايدر الذى اتى من قريه الحضور التى تقع موازية لام دقرسى من ناحية شرق النيل
فكان القرود يعاير كونسايدر بان اهل الحضور ليس لديهم طاحونة لذلك بيقطعوا البحر عشان يجوا يدققوا فى ام دقرسى وكمان الراعى حق الماشية فى ام دقرسى من ناس الحضور يعنى بيشغلوهم كمان
التحية لهم اينما كانوا
ياكيكى انت نسيت تذكر شلف لما ذكرت حمد حماد ... شلف كان من كبار حيران حمد حماد زى عبدالرحيم محمد حسين لعمر البشير
التحية لشلف وعوض سعيد الذى استضافنى فى داره فى لندن وكمان شمو واسرته الكريمة والاخ عبد الحكيم ياربى لسه فى لندن ؟
ومن منبركم هذا ارسل التحايا للكاهن ودالبدوى والزول طبعا كلكم عارفنه كان من الحلو مابحول
والحلو اقصد بيها الشمار هنا فكان عنده استعداد يفوت سمستر لو فى شمارة عزمتوا رحلة

وختاما نتمنى نشوف مساهمات كل الزملاء فى الهندسة والمعمار اذا سمح لهم صاحب سودانيزاونلاين الذى قصر العضوية على الكتاب والادباء فقط
ودمتم
احمد التجانى

Post: #618
Title: Re: اليوم الحار ومابنداريوم الهندسة والمعمار
Author: ياسر يس النور
Date: 05-30-2006, 05:00 AM
Parent: #617

الأخ أحمد التجاني
تحية و سلام

Quote: عمار ياسين شايفك قايم سدارى فى البوستات والحالة مستلف الباسورد

أحسن أنا بكتب بي الباسورد بتاع شقيقي ياسر ، إنت بكره و د الجيد يغير الباسورد ما يحلك إلا أن تطرق باب بكري.

Quote: ياكيكى انت نسيت تذكر شلف لما ذكرت حمد حماد ... شلف كان من كبار حيران حمد حماد زى عبدالرحيم محمد حسين لعمر البشير


و الله حرام عليك توصف حمد حماد بعمر البشير و شلف المسكين بـ عبد الرحيم محمد حسين (راجع بوستات الاخ هشام هباني) بس خايفك تقول لي مثل ما قال ابو تمام عندما نقد في وصف الخيلفة قائلا :

إقدام عمرو في سماحة حاتم * في حلم أحنف في ذكاء إياس


فقيل له ماذا فعلت غير ان وصفت الخليفة بصعاليك العرب فرد قائلا :

لا تــنكروا ضربي له من دونه * مثلا شرودا في الندى والبأس
فــــالله قـــد ضرب الأقل لنوره * مــــثلا من المشكاة والنبراس




Quote: واحييك على نقدك الهادف لمهزلة بطاقة الخدمة الالزامية


أكتب لي الإميل بتاعك و أنا أذيدك معلومات عن هذه القضية ، ما عاوز أكتبها إلا فقط لم أحصل على الإشتراك بتاعي الخاص.

تحياتي

Post: #619
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-30-2006, 11:43 AM
Parent: #618

حبيايبي الحلوين سلام...وحليلكم وحليل البركس ذاتتتتتتتو
احمد تجاني خليل موجود لكن منو البقدر بقول البغلة في الابريق!!
شلف محمد الفاتح حليلو .. زول لذيذ وطبعا هو في الاصل من حلة اسمها
(ودالماجدي) جنب حلة صحبك ( القرود) وكان القرود برضو بقول
ان ناس ود الماجدي بدققوا في (ام دقرسي)..
ولكن نشهد ان شلف امدرماني كامل الدسم وفنجري كمان..(بس جنو جمعية هندسية)..
____
محمد بدوي وين الزول ده ياخي..
مرة في ترينغ(بتاع) اللحام والحدادة داك كنا في الداخلية سوي وبعدين
انا رسلوا لي قروش كتيرة خلاص..واتباريت مع محمد بدوي يوم يومين خلي ليك
خشمي ملح ملح...قاعة صداقة وايسكريم وشنو شنو كده ما عارف..المهم في يوميين
عدمني نفاخ النار..(صحبي شديد) لكن بكاي عظيم..
عمار يس..والله كلام احمد تجاني صاح شايفك عامل ليك بوست..والله ياسر صحبي مسكين
الخيل تجقلب والشكر لحماد..
وبعدين انا عندي راي انك واحمد تجاني تعلموا ليكم بوست سوي
تسموه(ارحمونا يا جماعة___باص ورد ياجماعة)...
وعليكم الله رسلوا لبكري ده لانو والله محتاجين ليكم هنا كثير...
او تدفعوا لكيكي واكلم ليكم بكري.1000 دولار يابتاع توياتا انت

Post: #620
Title: Re: اليوم الحار ومابنداريوم الهندسة والمعمار
Author: maawia dawood
Date: 05-31-2006, 04:37 AM
Parent: #617

كيكي تيقا ودالجد
ايهاالرائعون كالبلور
لكم التحية
دفعة 85 كلية الهندسة قل ما تجود به جامعة الخرطوم وكل الجامعات
علي مر الزمان والعصور
جدارة ..... شطارة .....رجالة.....
كل النمازج موجودة من الهدوء التام الي الشغب الغير فتاك
طبعا انا لا اعرف الكتابة لان لها اقلام تحتاج الى انامل لكنني اجيد اجترار الذكريات بالتواجد فلذا كانت فكرة الريفيرا وحقيقي بها حضور مميز
مزمل موسى, الصادق فيصل , امين تاج السر,اشرف بيومى,الزبن حسن خيفة,
الطيب عبداللطيف,عماد الهادى,ابو سمرة ,طه النور ,هاشم حسن, عمر ابو القاسم,
عبد الله اسحق,الصادق عبد المجيد, جمال احمد النور, عبد المجيد تلوش ,ساكوية,النذير,الشفيع,ابراهيم, احمد الطويل, ابوبكر عثمان,
مصطفى ابو اليمن , شيخ الدين اسماعيل, معاوية داؤود,ناجى خيرين, عباس ابو الحرم,
طارقGMG ,امين نجيب ,الهندي سوكيتو

ود الجد حليلك وحليل ايام بري


معاوية داؤود

Post: #621
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-31-2006, 08:42 AM
Parent: #620

اوووووووووووووووووه
ديفيد
معاوية داؤد...
فلسطين 17
كردفان
عطبرة ب
جبل مرة
تهراقا...
صديق جميل ومدهش ورائع روعة اهل كوستي..ولايكاد يمر يوما دون ان اري طيف معاوية داوؤد
ووليد عامر (فوكس)..

سنتا (ابوني) ساجل (رومان) سا (مرمر) سويس (كمون)....
ساكين( ليمون) اسبك (حرير)...

Quote: مزمل موسى, الصادق فيصل , امين تاج السر,اشرف بيومى,الزبن حسن خيفة,
الطيب عبداللطيف,عماد الهادى,ابو سمرة ,طه النور ,هاشم حسن, عمر ابو القاسم,
عبد الله اسحق,الصادق عبد المجيد, جمال احمد النور, عبد المجيد تلوش ,ساكوية,النذير,الشفيع,ابراهيم, احمد الطويل, ابوبكر عثمان,
مصطفى ابو اليمن , شيخ الدين اسماعيل, معاوية داؤود,ناجى خيرين, عباس ابو الحرم,
طارقGMG ,امين نجيب ,الهندي سوكيتو



قول للناس ديل كلهم سيسي( كمون) ساي (جرجير)

لك الشوق صديقي واخي معاوية ..وجيبوا كرسي زيادة في الريفيرا...
سلام لكل الناس...

Post: #622
Title: Re: اليوم الحار ومابنداريوم الهندسة والمعمار
Author: maawia dawood
Date: 06-01-2006, 06:49 AM
Parent: #621

عزيزي الرائع تنقا
حقيقي يا احمد وقت اشوفك واتذكرك احن لايام جميلة لان دواخلك جميلة زي صلعتك
وهناك طرائف كثيرة جدا كنت انت بطلها

مرة ايام سمستر طالعين من قاعات المزاكرة حوالي الساعة 2 صباحا وانت في اوج غضبك
ما عارف من شنو المهم كنت بس ( ترتار ) سول ( بربور ) في المينرود وتقول لما نتخرج
من الجامعة ونشتغل ونسكن في الميزات نعوض كل الفات و القرف ده
هل تذكر هذا الكلام كان معانا تبيرة واظن مزاحم و فوكس
المهم في الموضوع انك ما عملت حاجة مشيت قعدت في عبد اللطيف جميل

لك التحايا و العتبة حتي ترضي
وطبعا عندي معاك زكريات كثيرة بس ما تزعل مني بعدين
انا لما سافرت من السعودية كلمتك يا تعبان


كيكي ايها الشامخ
شايفك بقيت اديب والله ما تخلي حركاتك دي اكلم ليك فوكس هو عنده خرابة ؟؟؟؟؟

اتذكر يا كيكي يوم كنا في داخلية فلسطين سنة البرليم وكنا انا وانت وعباس نايمين
في البلكونة وانت عامل لي غلبة شديدة بلوي ( سوسو ) وانا تحديتك ومنها جاء الاسم القبيح


وبعدين نحن يا كيكي اولاد المربع الذهبي بكوستي
لك التحايا ونحن راجنك في الريفيرا
ما تقول لي بجي بجي يوم السبت ههههههههههها
عيزين مساهماتكم من البعد للريفيرا

معاوية داؤود

Post: #623
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-01-2006, 08:20 AM
Parent: #622

الجميل معاوية داوؤد..
سلامي وشوقي العظيم ليك..ووليد (فوكس) الفوكس الحقيقي...اين ذلك الرجل الان..
لعله يبحث عن الخرابة حتي الان..واجد انفسي محيا لروح صديقنا الحميم (عمر الطيب)
عمر فلاشا..اني حزني ليه لن تمحية الايام فقد كان اخا وصديقا وكل شي في ايامنا..

,,تحياتي لشلة الريفيرا..والدعم جايكم(بس اوع طه النور يكون ريس اللجنة)..
لهم شوقي ...
وبجي بجي يوم...الاحد لكن...هههههههههها

تقبل تحيات عثمان النعيم...
اما موضوع الاسم العجيب داك..انا نسيتو..هو انتا بقولو ليك كده يا (ميو)..

Post: #624
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-01-2006, 10:08 AM
Parent: #623

مرحب والله..
والشكر والتحية للرائع والبطل الحقيقي (خليل) صاحب هذا البوست
الذي اعطانا اجمل فرصة للقاء الاحبة..
معاوية داؤد الجميل حضورك هنا يزيد المكان بهاء
وكوستي اجمل المدن في انتظارك لكي تحكي عنها..وتحكي ايامك الخوالي..
تحياتي..لشلبي و سامي حجازي..ولكل الاهل بمحطة داؤود..وللرائع (يس المكينيكي)..

وبجيك برواقة يا معاوية..وسوف نلتقي قريبا في السودان..بس وروني اجتماع الريفييرا
متين..وتحياتي الخاصة للتلوش وطارق ج م جي..

Post: #625
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2006, 02:39 AM
Parent: #624


Post: #626
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2006, 02:39 AM
Parent: #624

Quote: اتذكر يا كيكي يوم كنا في داخلية فلسطين سنة البرليم وكنا انا وانت وعباس نايمين
في البلكونة وانت عامل لي غلبة شديدة بلوي ( سوسو ) وانا تحديتك ومنها جاء الاسم القبيح



ايو يامعاوية كنا في البرليم..داخلية فلسطين الغرفة (17) الطابق الاول
مزمل قليصة
ناجي خيرين
عباس ابو الحرم..(ده بتاع كيكي نازل)
الطيب ابوالقاسم
معاوية داوود
اشرف بيومي (الزول النضيف.القيافة)
وعمر امو..واخوه...

في تلك الليلة كنافي بداية تعارفنا..
انت من كوستي تحمل جمال ودهشة مدينة وطعم واولاد الحلة الجديدة
عباس شبشة ايضا يحمل عبق وصوفية شبشة وخبرة جامعات (جامعة الجزيرة)..ومهبوش
من الاله (باخوس)..وكان اكثرنا خبرة ودراية بعالم الجامعات
كيكي اتي من مدن شتي غلباوي ..داير يغلغلك وواجعو(مشيك) مع (بلوي ) سوسو..
تسامرنا ذلك الليل وتعمقت منها صداقتنا الي الخلود..
وعشنا بعدها اجمل الايام علي ردهات ام نخيل,,
واذكر في ذلك اليوم انني هددتك بالشكوي لاخوي الكبير الذي
كان قد(سبقنا) الي الجامعة بسنة...
تري هل تعود تلك الايام يا معاوية..
واين (P.H.D) الان...واين كافتريا اقتصاد..
واين ايهاب ود اقتصاد الوسيم داك..
بل اين وليد زكريا..وميرغني (كجنكي)..الطف واطيب زول!!!!!

Post: #627
Title: Re: اليوم الحار ومابنداريوم الهندسة والمعمار
Author: حيدر حسن ميرغني
Date: 06-02-2006, 04:24 AM
Parent: #626

كيكي

هل تعرف

مصطفي الكنزي

وعادل الشيخ

من عطبرة ........... درسوا في نفس الفترة دي بكلية الهندسة جامعة الخرطوم

مصطفي الكنزي يعمل حالياً مديراً لمكتب الـ ICRC بباكستان وسبق ان عمل بالمفوضية العليا لشئون

اللاجئين بسريلانكا لمدة عامين قبل ان يلتحق بعمله الحالي ونال شهادة الماجستير من كينيا قبل

إنخراطه في الحياة العملية،

زول جميل

ومليان حكاوي

وغنا

لكن انقطعت عني اخبار اخونا وجارنا عادل الشيخ من مغادرتي السودان قبل 11 سنة

اتمنى ان تكون قد رمت به تصاريف الزمان الى ما يشتهي

فهو ايضاً زول عزيز

تلقاه ساعة الضنا

لك ولهم الف تحية

Post: #628
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2006, 06:22 AM
Parent: #627

Quote: كيكي

هل تعرف

مصطفي الكنزي

وعادل الشيخ

مرحب الاخ حيدر..مرحب بيك في اليوم الحار..والتحية عبرك لعطبرة تلك المدينة
الخالدة ..والتي انجبت للوطن اعظم الرجال..

مصطفي نيازي يبدو انه من الدفعات القدامنا لذا لم اتشرف بمعرفته,,

اما عن عادل الشيخ,,
فكان بدفعتنا (2) عادل الشيخ والغريبة الاتنين من عطبرة واتخرجوا من ميكانيكا
وطبعا كنا بنقول عادل القصير وعادل الاصفر الطويل..
والاثنين من اصدقائي واولاد دفعتي لزم..
عادل القصير..شيك وخلاط شديد
عادل الاصفر كان هادي وودود
ولكن نشهد ان الاثنين ملي بروح اهل عطبرة الجميلة وكانا اخوي اخوان..والذ الناس
لك شكري وتقديري..

Post: #629
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 06-02-2006, 07:35 AM
Parent: #1

ياديفيد ....يازعيم
مشتاق ليك باغلبية
بنشكر ابوبكر الجابك لينا والله وعد واوفى فى يوم 28 قال سوف يعمل ليك account ويوم 30 انت بتكتب
والظاهر الواسطة قويه يااخوى ..الله للمساكين الزينا
وبالله ياديفيد تسلم لى على ناس الريفيرا وربنا يلاقينا بيهم قريب
وياوهم فى ذكريات ليست للنشر ..

ياكيكى شايفك بقيت على سفر ومااديتنى خبر
ان بقيت على وعدك وح تغشانا فى جدة جيب لى معاك شوية غاز ونشرة اخبار من الجزيرة وزى اربعة خمسة امتار مربعة من سماوات الدوحة المعطرات باقى مافى حاجة فى قطر غيرهم
وان بقيت ماشى بفوق لينا تصحبك السلامة وسلم لينا على العقاب
شايف ناس الدوحة عاملين ليك بوست وداع يااخى الناس ديل طيبين اوى
كاتبين فيك كلام لم يقال فى جابراييل جارسيا ماركيز
غايتو ماعارف الناس ديل سحرتهم كيف .. انت كيكى الزمان زاتو ولا المساحة كانت ظالماك
عجبى والله ... وقلت لى عاوز الف دولار عشان واسطة البورد
بس انا خايف تعمل ليك فتنة القروش دى فى ودهاشم يقوموا المهمشين هناك يطمعوا فيك وتتفتح
لينا بؤرة تمرد جديدة
ويااروش الزول بيسالك من زميلنامصطفى الكنزى ود دفعتنا ترد ليه وتقول مصطفى نيازى
لسة مازلت فى رواشتك ولقافتك

وتانى بقول وين ابوالخل

احمد التجانى

Post: #630
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2006, 07:52 AM
Parent: #629

Quote: ويااروش الزول بيسالك من زميلنامصطفى الكنزى ود دفعتنا ترد ليه وتقول مصطفى نيازى
لسة مازلت فى رواشتك ولقافتك

اووووه
المرجف احمد تجاني
هو بالله ودالجد ده ما قلع الباص ويرد بتاعو ده ..ويريحنا شوية
ةبعدين والله يا احمد الكبر حصل والكنزي دي انا والله قريتها نيازي
اصلوا العربي صعب..
عفوا..الاخ حيدر فاهو هو احمد تجاني (ابوصلعة) يصحح المسار..مصطفي الكنزي انا
بعرفوا بالحيل...
احمد تجاني انا زوول بر ساكت وقبل ما اتحرك ح اضرب ليك بوقت كافي..ما تخاف انا
زاتي مشتاق اشوف خلقتك دي واشوف لي صلعة ماكنة..
ناس قطر احبابي شباب زي الورد بس هم اعلامهم قوي ومتاثرين بناس الجزيرة
لكن اخوك..لسع ياهو كيكي المسكين داك..
معاوية داوؤد وصل واسطة قوية..والظاهر بكري ده معرس من كوستي..

اخبار المهمشين في ود الزين شنو..
خليل قاعد(وشو زي العرقي) قاعد..

وطبعا قال ح يجي يعمل مداخلة في بوست وداع ناس الدوحة..
ويكتب (فرتق..واقطع وشك ده من الدوحة...وشك زيك الكبك) بالله دي خوة شنو دي!!!

Post: #631
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2006, 04:31 AM
Parent: #630

سلامات لكل الحلويين

سلامات حاتم الجد احمد التجاني

معاوية داوود مشتاقين حليلك وحليل ايامك وحليل العراقي الابيض بتاعك وانت تدندن مع سيد خليفة

يا عندية تحياتي لكل ابناء كوستي

وين يا كيكي وزع الشربات علي البحبونا

والبكرهونا لا كما قال سيد زيان

اتحدث اليوم عن التيمان بالكلية والاشقاء


اشهر التيمان

خالد وهشام وديل ناس تلاتة وتمانين


بعدين امجد زهير واشرف زهير

امجد مدير كبير في مصنع ليبهر للتلاجات

واشرف عضو مجلس قيادي سابق في كلية البيان والان رجل اعمال كبير


بعدين وائل ووليد اولاد العميد دكتور ابوبكر شطارة جد


بعدين اولاد سيوري عادل وعلي وعماد

بعدين ناس ابزج علي وعماد وبهاء


بعدين من الاخوان عظيكا وكلوب اشهر من مشي علي قدمين

بعدين عمر وممدوح الحضري

بعدين من الحنكاكيش

وائل مدني ووليد مدني

سلام لناس خمسة وتمانين والريفيرا


وصل هذا الايميل من المهندسة هناء علي متولي

years.

I was able to locate your email address off one of the posts.

I have seen the latest post today by "AbdelKareem - Kiki" where he posted an email from Ahmed Bashir " Calgery" asking for my contact information.

Since I don't know "Kiki's " email address I am writing and hope you don't mind passing my email address to Ahmed.

I don't wish my email to be posted, However , please extend my regards and best wishes to all those who contributed and enrched this post, and keep the good job.

By the way Hama Hammad is in Toronto. I was able to talk to him over the phone but didn't get the chance to meet him yet. So here is my news for you.

Stay well and hope to hear from you soon.



Hanaa Ali Badr



| | | | Trash Can | Inbox

Get the latest updates from MSN
MSN Home | My MSN | Hotmail | Search | Shopping | Money | People & Chat
Feedback | Help
© 2006 Microsoft TERMS

Post: #632
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-03-2006, 04:46 AM
Parent: #631

Quote: وين يا كيكي وزع الشربات علي البحبونا

والبكرهونا لا كما قال سيد زيان


وجع..وجع ابوخليل رجع..
اها قاعد انا يا خليل وبالحيل اوزع شربات وكمان معاها حلاوة(دربس)..
للناس الحلوييييين...ياهههههها
للناس البسيطين....ياههههههها
لكل الاصدقاء الجميليين..ياههههههها
لناس ام نخيل
لناس هندسة
لكل الاحباب الناس الذين قراءو هذا البوست الرائع للبطل خليل..
للناس الشاركو..الناس الماشاركو..
خليل رجع..
والله جينا كية للمابينا..
وسلام للجدعان...والجدعات..

Post: #633
Title: Re: اليوم الحار ومابنداريوم الهندسة والمعمار
Author: khaleel
Date: 06-05-2006, 04:48 AM
Parent: #632

سلامات شباب

زي ما قال عمر الحبر

حيدر

كيكي ضلل المحكمة

الكنزي وعادل الشيخ دفعتنا لزم

ازيك يا ابوبكر عثمان


انشاء الله خليت السياسة


طبعا يا اخوانا ما طلع زول مهندس فنان

ما عدا الود الخير ادم في عقد الجلاد


لكن عايز احيي منتخب الجامعة


حراسة المرمي


محمد ابراهيم من الطب

الدفاع

طلال محمد بها الدين ايمن وكوكة من هندسة

معاهم اشرف زكي من اسكول

الوسط انور امدوم وحاتم معني اقتصاد


بعدين علاء الدين يوسف علوم ووليد اللتل هندسة

امير قرقوش اسكول

محمد سيد اقتصاد محمد متوكل ود ابليس

وامين السنجك وقرشي من شمبات

واكرم وعاطف من قانون



مصطفي سنادة ومحمد ادم غانم ومعتز فيصل اولاد طب

Post: #634
Title: Re: اليوم الحار ومابنداريوم الهندسة والمعمار
Author: khaleel
Date: 06-06-2006, 04:58 AM
Parent: #633

الانسان بطبعه يميل للقطيع

ولا تدري كيف تختار صديقك المهم حضرنا للجامعة من مناطق مختلفة وكل اختار شلته كيف ما بعرف

وكل شلة شكلت قطاعات وموتمرات قطاعية كما يقول ناس الانقاذ

اكتب عن بعض المجموعات والصداقات

هشام سفل والشهير وعبدالله الروسي ومرات معاهم ظافر والشوية ونادر اليماني

بعدين اشرف شمت وابو عبيدة والهادي الاصم ومعاهم عثمان الاسد من الطب

بعدين حكيم وود الاسد وناظم وحسن محمود وعزالدين نبق

بعدين شلوت وهشام نجم الدين وخالد بشد وجلال الحلبي ودخل اليهم ساكوبة والنذير

بعدين كيكي والصادق فيصل ووليد زكريا وميرغني كرار وفلاشا

بعدين وليد القرود وسيد الرايحة وامجد زهير

والبقية تاتي

Post: #635
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 06-06-2006, 08:56 AM
Parent: #634

العزيز خليل

ليك شوق وخليتنا فى وحشة ياراجل
الظاهر كيكى لم يكن مصرحا له بالافصاح عن سبب عزوفك عن الدخول فى البورد
زى ما انت شايف مستلفين باسورد ودالجد عشان نتواصل معاكم
نحن لينا الله ماعندنا زول يتوسط لينا عند بكرى
ياريت لو كنا دخلنا مع الزملاء والزميلات
علم ومنضمة وعلاقات ممتدة ....وتوبة نصوحة
هسع باقى ليك كيكى دة عمرة واحدة ح تشيل ليه حاجة
التدريب حق النقل النهرى براه عايز ليه حجة عديل كدة

ابوالخل يااخى كيف تنسى جمال وجلال احمد النور
التيمان احبابنا اولادمدنى
جمال كان رجل جاد حتى فى علاقته مع الجكس
ابوالدك عكسه تماما

احمد التجانى

Post: #636
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-06-2006, 10:18 AM
Parent: #635

سلام..خليل
وسلام ود التجاني..وحباب حاتم الجد
منورين
..
خليل عاد فعادت الينا احلي الليالي..وبعد ده يا احمد تجاني (كيكي مسافر)
عليك الله امسك لي (وردية اللقافة) لحدي ما اجي..شايفك ما مقصر..
..جمال وجلال احمد النور..ديل معقول يتنسوا (خليل ده عجز ولا شنو يا جماعة)..
لكن ما نظلم ابو الخل لقد قال للحديث بقية..

احمد تجاني..
السنة دي مجاورين ..وموضوع النقل النهري يسال عنه طه النور..اخوك كان تبع الزفة..
وانا من زمان ختيت مباراة اولاد البندر (مساخيت) يا زول الناس ديل..وبعرفوا المسلسل
بنتهي متين...
ساكون في انتظارك في (باب شريف)..

Post: #637
Title: Re: اليوم الحار ومابنداريوم الهندسة والمعمار
Author: maawia dawood
Date: 06-07-2006, 03:59 AM
Parent: #635

كيكي تيقا ابو الخل
لكم التحايا والود
يا ابو الخل نضيف ليك من التيمان
بنات اتنين في الكهرباء
دفعة 83
واحدة محجبة والتانية لا ( تسرح شعرها ضفيرتين )
اذكر ونحن في البرليم التومة الغير محجبة كانت ماشة مع سلوي دفعتنا
ولاقاهم امين تاج السر سلم عليها وقال ليها يا شاطرة باعتبارها من بنات
الثانوي جاءت تحضر اسبوع المهندس .
تاني في اثنين الدفعة الورانا 86 واحد في الهندسة والتاني في الطب
ولد الهندسة ساكن داخلية كردفان الطابق الثاني .وفي يوم وليد زكريا
كان متحسس شوية وقاعد في الداخلية بعد العشاء يعني ا########## ( ضلام )
وصادف ان التيمان موجودين في الداخلية ايضا ووليد قام ماشي الحمام
ووجد توم الهندسة واقراه السلام وسولف معاه شوية وراح الحمام ( حمام كرفان
العجيب المخيف داك ) ويتفاجاء بالتوم الاخر موجود في الحمام
وطبعا صاحبنا لم يفكر ( وليد زكريا ) وقام صوف وعينك ما تشوف الا النور

ابو الخل انا كنت احسبك من المظلتين مش الحناكيش
لكن في سردك شايفك تميل للحناكيش ههههههههههها
اسمع يا تيقا ما تفمز بطلع فضايحك
كيكي فوكس كان معاي امس ومسافر ايطاليا كورس وبسال من عنوانك
وتلفونك وايميلك واي حاج عنك تمسح عنه رطوبة بورتسودان
كنت ما بحب الكورة والي الان لا احبها لكني اعشق تشجيع الهندسة
وتشجيعك بالاخص يا ابو الخل
مع التحايا

Post: #638
Title: Re: اليوم الحار ومابنداريوم الهندسة والمعمار
Author: khaleel
Date: 06-07-2006, 04:38 AM
Parent: #637

سلامات معاوية داوود

سلامات احمد التجاني

حليلكم وحليل ايامكم

انا يا معاوية من حب الحناكيش امتحنت جيت الطيش سلام حار لوليد فوكس وسمعت ان راسه اشتعل شيبا


جمال احمد النور جلال احمد النور اولاد الاستاذ

جمال شاطر وصارم القسمات وحي الشعور

طبعا يشبه جلال لدرجة الخرافة

جلال تم قبولهو بكليه البيطرة مع احمد الحنان

ولكن الشباب اجتهدو في سنة اولي وتم تحويل جلال لكلية الطب واحمد الحنان للصيدلة

ولان الشبه شديد بين جمال وجلال كان ممكن اي واحد امتحن للتاني لكن الاولاد شطار قطع شك

طبعا يا احمد التجاني كانت عندك مقولة بتقول انو اولاد الخرطوم وبحري وامدرمان شطار في الحياة

العامة وكلامك طلع صاح عرفو دروب امريكا والسفارات وعملو شغلهم الخاص

اما ابناء الولايات الواحد همو كلو اشتغل موظف انشاء الله في الري ويقبض الماهية

ولكم في طارق عيكورة اسوة حسنة

Post: #639
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2006, 05:10 AM
Parent: #638

ننعي اليوم المهندس الكبير

والفنان الرقيق استاذنا هاشم ميرغني

فقد كان واجهة مشرقة للسودان والدوحة

وظهرت فنه وعبقريته في اعمال المقاولات والتصميم والداخلي بدولة قطر

وانا لله وانا اليه راجعون

Post: #640
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2006, 05:40 AM
Parent: #639

وصلت هذا الايميل من الست نون علي



Sent : Thursday, June 8, 2006 1:16 PM
To : [email protected]

| | | Inbox


الى: (خليل)

تحايا عطرات برائحة الفل والورد البلدى...

اتابع يوميا وبشغف غريب بوسترك عن زكرياتك فى جامعة الخرطوم. حقيقة انا لست من الأعضاء المسجلين بسودانيزاونلاين ولكنى اعجب به كثيرا كموقع متميز به الكثيرين المتميزين من أبناء وطنى والذين يتبارون فى الابداع حفظهم الله جميعا ووفقهم.
نرجع لبوسترك، تصدق مرات ابكى معاه ومرات اضحك بل اموت من الضحك حتى فى مرات كثيرة لو جا زول مارى بالصدفة بيقول البت اصيبت بالجنون، عندك ذاكرة رهيبة يا خليل ربنا يحفظك من العين.
انا أرسل هذه الرسالة فقط لأبدى إعجابى الشديد بما كتبت وللسرد المدهش لزكرياتك والمداخلات العجيبة من عبد الكريم وبقية الاعضاء بالمناسبة انا دفعة 88 بالجامعة باحد كليات الاطراف كما يحلو لكم تسميتها دفعة سليم والتاية وقد عشت تلك الايام العصيبة ربنا يرحمهم جميعا ويتقبلهم عنده القبول الحسن.
لا أريد أن اطيل ولكن اسمح لى من حين لآخر أن أبدى اعجابى بما تكتب ولك الحق فى القراءة كما لنا الحق فى شكر من هيج ذكرياتنا الجميلة وبعث فينا الفرح ايام كثيرة كنا فى أمس الحاجة لهذه نقلة لكسر روتيننا الممل والتمكن من مواصلة مشوار الحياه.

(خارج النص: سؤال برئ.. حقيقى لسة (القطة) مسيطرة على مشاعرك ولا قدرت تتجاوزها ولقيت بت الحلال. هذا السؤال فقط للاطمئنان عليك.)

متعك الله بالصحة والعافية وامنياتى لك ولكل اصحابك المشاركين بحياه سعيدة والعايز يرجع السودان نصيحتى ليه لو ما عمل بيت وعربية ورصيد كبييييييييير فى البنك ما يرجع أسالونا نحنا العايشيين فيه.

رسالتى هذه ليست للنشر فكما قلت لك هى فقط لإبداء الاعجاب والشكر لما تقدم وأرجو المعذرة اذا وردت بها بعض الأخطاء اللغوية.

لك منى كل التجلة والاحترام.
نون

__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com


Post: #645
Title: Re: اليوم الحار ومابنداريوم الهندسة والمعمار
Author: khaleel
Date: 06-11-2006, 05:29 AM
Parent: #640

شباب نعود لموضوع انو اولاد الخرتوم محل الرئيس بنوم والطيارة بتقوم كانو اكتر شطارة من ابناء

الولايات حيث عرفو طريق الهجرة والشغل الخاص والمنح الدراسية

حيث اول من سافر لبرادلي بامريكا هم اولاد الخرطوم

عاطف جلال وخالد عمر وطارق منور واحمد عبدالعظيم وناس الشوية وود الجد والصائم وملهم وظافر

والتيمان ووليد حسن وابوبكر اللبش لليابان بالاضافة لمعظم اولاد خمسة تمانين من الخرتوم

بالاضافة لاولاد علوم ناس المرحوم مجدي سيد قاسم والصادق صلاح وعلاء الدين الحيوان ونزار ابراهيم

اما في مجال الاعمال الحرة فسامي عبد اللطيف مليادير ونادر كوبر وعارف علي صالح من كبار المقاولين

وهناك اشرف منير وهشام كدنبور لهم شركة مقاولات ناجحة

وهناك مرتضي حسن وعمار ابوشوك وهشام مجذوب من كبار رجال الاعمال

انظرو لحملة الدكتوارة حسين علي حسين ونادر حسنين وغيرهم كلهم اولاد بندر

اما ابناء الاقاليم فاقصي طمحوهم السعودية او وزارة الري ويتزوج بت عمو واغتو قدحو

وعلي قدر اهل العزم تاتي العزائم

Post: #646
Title: Re: اليوم الحار ومابنداريوم الهندسة والمعمار
Author: khaleel
Date: 06-15-2006, 04:56 AM
Parent: #645

نستميحكم عذرا لاترحم علي عمي

واستاذي بالابتدائي وصديق والدي عليهم رحمة الله اجمعين

استاذ الاجيال عمنا علي فضل السيد ادريس

وهو من اجيال معهد التربية شندي الذي كان يعادل اكسفورد في تلكم الايام انهم اعظم الاستاذة

هم جمال الشيل في مدنهم وقراهم تجدهم في مجلس الاباء واللجنة الشعبية

يحلون المشاكل الكهرباء المياه الاراضي ينقلون المرضي بسياراتهم

نعم يحترقون لينعم الاخرون بالنور هم شموعنا وضياء عيوننا

اللهم ارحمك عمي علي وانا لله وانا اليه راجعون

Post: #647
Title: Re: اليوم الحار ومابنداريوم الهندسة والمعمار
Author: khaleel
Date: 06-20-2006, 04:55 AM
Parent: #646

نجاحات باهرة لخريجي جامعة الخرطوم في كلية الهندسة وبقيات الكليات

حيث توفرت الامكانات في خارج السودان ابدع كل هاجر

وفي الخليج ابدع كل من يعمل

وبعض الجاليات تشيع باننا كسالي وخصوصا الفلسطينين

لاننا الوحيدين الذين ننافسهم في الخليج

ووين ووين تلقي زي دها

فن ولعب وهندسة

Post: #641
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-08-2006, 07:52 AM
Parent: #637

ديفيد
يبدو انك خرفت فعلا وبقيت تنسى
تومات الكهرباء هن رجاء ووفاء عبد الرحمن واظنهن الان فى امريكا
ناس الدوحة البركة فيكم فى فنان العاشقين هاشم ميرغنى ولكل محبيه

Post: #642
Title: Re: اليوم الحار ومابنداريوم الهندسة والمعمار
Author: حيدر حسن ميرغني
Date: 06-08-2006, 11:23 AM
Parent: #641

الاعزاء خليل وعبد الكريم

هاكم الشمارات دي

اواخر الثمانينات حضر الى مصر طلبة وطالبات من كليتكم لغرض التدريب

بشركات المقاولون العرب وكان في الدفعة عادل الشيخ ود عطبرة ورباح الصادق

ونزلو في اماكن متفرقة في القاهرة

شلة منهم ذهبوا للعتبة ذات مساء وحصل اثناء تجولهم ان تعاركوا مع مصري

وضربوه ضرب شديد فما كان منه الا وان قام بتأجير عتاولة وذهبوا لسكن

الشباب ديل في وقت كانو مدورين فيه كتشينة في السرير , العتاولة ديل طرقو

على الباب كانهم معارف وانتظروا حتي جاءهم من يرحب بهم يازول سحبوه ليك

على السلم وضربهو ودخلوا على الباقين وبداء الضرب الصاح اللي استخدمو فيه

عدة المطبخ من الطوة حتى الكمش واصيب منهم عدد ونقلوا الى المستشفى لكن

البوليس قبض على العصابة وتم تغريمهم تكاليف الضرر الذي لحق باثاث الشقة

Post: #649
Title: Re: اليوم الحار ومابنداريوم الهندسة والمعمار
Author: maawia dawood
Date: 06-22-2006, 03:01 AM
Parent: #642

بشركات المقاولون العرب وكان في الدفعة عادل الشيخ ود عطبرة ورباح الصادق

سلام شباب
حلوين حباب !!!!!!!
بالله في دفة 85 المشوا القاهرة ما عرفت الا عادل الشيخ والله تبا لك

هذا الدفة مليئة بالعماليق :
طه النور .. ابو سمرة .. الصادق فيصل .. تيقا .. وليد قرود..
عمر غالب .. هذا علي سبيل المثال لا الحصر

احمد التجاني حاتم الجد

مبروك عقد قران شقيقة حاتم الجد
وان شاء الله دايما الافراح طارقة ابوابكم

كان مفروض نحضر الي بري لحضور العقد انا وامين تاج السر
لكن حقيقي ظروف قاهرة حالت دون ذلك ونحن عايزين نقابل

ود الجد ( شل شل شل كب لي جالون سامي عز الدين يا القاقرين )
تتزكر ايام ماشين القاهرة وقطر حلفا طعمية شندي الكاربة
حليلك وحليل ايامك الحلوة يا ود الجد يا راقي

وينك يا كيكي يابين شرشور
ما قلنا ليك رسل لينا ايميلك
عايزنه بشدة
انت جايي بتين عشان نعرف نقابلك

دفعة 85 هندسة الرائعة
الريفيرا تعتزر وتحتجب هذا الشهر نسبة لكاس العالم
علي ان تكون هناك واحد استثنائية ان شاء الله

Post: #643
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-08-2006, 11:29 AM
Parent: #641

[R]سلام..خلي
ومرحب ديفيد وحبابابوبكرى عثمان..
وسلام جدعان وخاص للاخت نون عمر..وفعلا يانون خليل عامل بوست رهيب هجج الذكريات
وخلانا نلم في الاصدقاء الحلويين..فشكرا تمام الشكر علي المتابعة

معاوية دداؤد تحياتي للود فوكس..
وقول ليه (سيسي) كمون مشتاق عديل..وكدي خلي ايطاليا دي يوم يومين
لحدي ما نقابلك ...
ابوبكر عثمان..نسال عن الاخوات بيكنام سعيد..وسهير عبد القيوم..
بنات دفعتنا لزم...
ولكم شكري..[R]

Post: #644
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-08-2006, 11:42 AM
Parent: #643

[R]مرحب حيدر..وسلام

العصابة دي دفعتا لزم والقصة دي كات مشهورة..
وابطالها كانوا احلي الناس ورجعوا الجماعة ديل من مصر بقصص كثيرة وشيقة خلاص
المفروض نكون معاهم انا و خليل في الرحلة دي ,,لكن الله غالب ,,لكن الحمد الله الجات سليمة
لان لو مشينا مصر كان كسرونا مع الناس ديل[/R]

Post: #648
Title: Re: اليوم الحار ومابنداريوم الهندسة والمعمار
Author: sudania2000
Date: 06-20-2006, 06:28 AM
Parent: #644

Quote: رسالتى هذه ليست للنشر فكما قلت لك هى فقط لإبداء الاعجاب والشكر لما تقدم وأرجو المعذرة اذا وردت بها بعض الأخطاء اللغوية

سلام يا هندسة
البت قالت ليك ما تنشر حقو ترفع عليك قضية و تكسب ليها منك مليار دينار
بسأل من المهندسين :
محمد حسن او MOHDY
محمد الصايم او المفتري
اسامة احمد عبدالله او سيدنا يزسف
و بسال برضو من مهنسين قرية المغاوير
و زعلت من كلامك الفوق دا اهل العوض برضو متميزين خلي عندك تواضع يا ود نمرة 2 لووووووول

Post: #650
Title: Re: اليوم الحار ومابنداريوم الهندسة والمعمار
Author: حيدر حسن ميرغني
Date: 06-22-2006, 03:49 AM
Parent: #648

Quote: بالله في دفة 85 المشوا القاهرة ما عرفت الا عادل الشيخ والله تبا لك



معاوية داؤود..

اتمنى أن يكون خانك التعبير

كنت ادرس بمصر لما حضرت الدفعة دي

أعرف عادل لانه ود حلَتي

Post: #651
Title: Re: اليوم الحار ومابنداريوم الهندسة والمعمار
Author: khaleel
Date: 06-22-2006, 07:00 AM
Parent: #650

سودانية

وحيدر

دفعة

خمسة

اجمل دفعة مرت علي كلية الهندسة

اشطر الناس بها

حمد حماد وعثمان يوسف والفحل وابوعبيدة وصديق ابو اللقز

ديل كانو في اوائل الشهادة السودانية

فيها

اعظم مشجعين

وفيها

احسن لاعبي كرة القدم والباسكت

بها اجمل الجكس في الجامعة

اقول ولا مافي داعي

Post: #652
Title: Re: اليوم الحار ومابنداريوم الهندسة والمعمار
Author: khaleel
Date: 06-24-2006, 04:43 AM
Parent: #651

الفذ عثمان يوسف من اولاد دفعتنا

تم قبوله بالهندسة مدنية

كان رابع السودان

تحول لكلية العلوم

قسم فيزياء

اشطر سوداني

هسع محير الخواجات

زي ما قال دكتور ودالمكي( انا ومحمد حاج علي حيرنالك الخواجات)

Post: #653
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2006, 05:06 AM
Parent: #652

نادر عباس خضر

نادر كوبر

ولد من اولاد الثورة

دفعتنا من البرلم

لعب في منتخب الهندسة في وظيفة الثيرباك

ولكنه تنحي لوجود طلال حامد وبهاء الدين

ادخلناه السياسة بعد تم انتخابه في الجمعية الهندسية

وبعدها بقي محايد كبير تم اعتقاله ايام احداث الجامعة الشهيرة

واخيرا مدير شركة تصاميم

متزوج من الزميلة عايدة

حييو معي نادر كوبر

والبقية تاتي

ساتحدث لاحقا عن النور جابر ومحمد فاروق وكل زعماء السياسة في كلية الهندسة

Post: #654
Title: Re: اليوم الحار ومابنداريوم الهندسة والمعمار
Author: khaleel
Date: 06-27-2006, 04:38 AM
Parent: #653

النور جابر محايد كبير

من اولاد الفتيحاب نشيط

تعثر اكاديميا وقاطع الامتحانات واعتقل وطورد

الان من كبار مهندسي الطرق في السودان

بعدين من السياسين الكبار الود معتز علي

من زعماء المحايدين في الهندسة تعثر اكاديميا برضو في سبيل الوطن

مناضل جسور

محمد فاروق من زعماء موتمر الطلاب المستقلين

اما الجانب الاخر من النهر

فكان هناك هشام توفيق وطارق محمد احمد وهويدا شبو وحبيب الله بابكر وعلي عبد الفتاح

كانت كلية الهندسة سياسة ورياضة وريادة

والحديث يتواصل

Post: #655
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 06-28-2006, 04:08 AM
Parent: #654

الاخوة الاعزاء

لكم عاطر التحايا

خليل احسن الله عزاؤكم فى عمكم الاستاذ على وربنا يجعله من اصحاب اليمين
فى معيتنا منذ الامس رجل الاعمال الدكتور طارق الجميعابى اخونا وحبيبنا
ودفعتنا اسس شركة ناجحة فى مجال الصيدلة والادوية اتى الى جدة فى مهمة
مذدوجة عمل واتمام شعائر العمرة وبالمناسبة طارق ابن خالة وليد القرود
وكان احسن واحد يعرف يلعب براس ابوالقوق اكثر مماتفعل الصهباء

معلهش لينا كم يوم كدة ماولجنا النت لعدة اسباب كدة

اولا طهور الوليدات وعقبال عندكم جميعا فقد تم الحمد لله من غير مشاكل
وثانيا معاى النسابة وثالثا الشغل زايد شوية

ودالجد صاحب الباسوورد وابوالواجب واخو الاخوان مبروك زواج جيجى ومنتظر القى
تلفونك فى السودان عشان اكلمك

ديفيد.... المسامح كريم وحاول تشيل الزول دة من راسك
وعايزك تدبر لى شغل فى السودان انا عايز ارجع

احمد التجانى

Post: #656
Title: Re: اليوم الحار ومابنداريوم الهندسة والمعمار
Author: khaleel
Date: 06-29-2006, 05:11 AM
Parent: #655

والله احمد التجاني كبرت

وطهرت الاولاد مبروك وعقبال ما تزوجهم

ومبروك زواج اخت حاتم الجد

وتحياتي لطارق الجميعابي رجل الاعمال الناحج

وطارق لماهن كلهن كمال يقول صديق الاصم

عزنس وبزنس وديسكونس والاخيرة معناها الوجاهة

كريم في السودان ووسط ترحاب ناس مدني وسنار

ولنا عودة

Post: #657
Title: Re: اليوم الحار ومابنداريوم الهندسة والمعمار
Author: khaleel
Date: 07-02-2006, 04:54 AM
Parent: #656

اخيرا

استجابت السماء

للعبقري حمد حماد

وبدا في عمل الماجستير والدكتوراة بكندا

والله لو الاماني بايدي

كان حمد حماد عمل الدكتوارة من سبعة سنوات

حمد دها يا اخوانا والله ثروة قومية

عبقرية فذة

اشطر من قابلت

مع عثمان يوسف

كانو روابع الشهادة السودانية

يجمع بينهم الذكاء والنقاء

والتقوي والورع

ونحافة الجسم

وكما ذكرت سابقا

حمد حماد وزنو اربعين واربعين كيلو فقط

لكن وزن عقله اربعون طن

Post: #662
Title: Re: اليوم الحار ومابنداريوم الهندسة والمعمار
Author: ياسر يس النور
Date: 07-12-2006, 05:58 AM
Parent: #657

الأخ أبو خليل

Quote: استجابت السماء

للعبقري حمد حماد

وبدا في عمل الماجستير والدكتوراة بكندا


و الله العظيم هذا اسعد خبر سمعته في السنوات الأخيرة


حمد حماد ده عنده حب خاص عند جميع من يلتقي بهم. رجل يتعلق قلبك به بمجرد أن تراه ، كذلك الأخ العزيز و العبقري الأخر عثمان يوسف عثمان.


Quote: حمد دها يا اخوانا والله ثروة قومية

عبقرية فذة

اشطر من قابلت

مع عثمان يوسف


عارف يا أبو خليل أنا قابلت حمد حماد ده لأول مره قبل دخولنا الجامعة و ذلك في فعاليات أولمبياد الرياضيات الذي تقيمه جمعية الرياضيات بجامعة الخرطوم. كان حمد حماد و الأخ طارق عجبنا يمثلان مديرية الجزيرة و كنت أمثل مديرية النيل الأبيض و كان العبقريان الفذان عثمان يوسف عثمان و أشرف عبد الحافظ يمثلان مديرية الخرطوم.
في تلكم الفعاليات فقط عرفت الفرق بين الشطارة و العبقرية. و الله حمد ده و أشرف و عثمان كانوا بيحلوا المسائل بطرق غريبة تعقد الواحد، حتى أسال عبد الكريم كيكي ما هو كان بيدرس معي في مدرسة النيل الأبيض الثانوية و تعرف عليهم أيضا تلكم الأيام. تتصور ديل كانوا بيعرفوا تفاضل اللوغريثمات و نظرية ال Exponentiation من الوقت داك.
و كانت نتيجة الإمتحان النهائي مذهلة. حمد طلع الأول على الجميع ثم أشرف عبد الحافظ ثم عثمان يوسف و الفرق بينهم جميعا درجة واحدة أو إثنين.
أذكر أيضا الأخ شاكر كان من ممثلي المديرية الشمالية في الرياضيات.
و أيضا الأخ العزيز هيثم (حنتوب) و كان ممثلا للجزيرة في الشطرنج.


قابلت العزيز حمد هنا في الإمارات قبل سبع سنوات و كان مجهجه كثيرا و أصرينا عليه جميعا ان يسافر إلى أمريكا أو يرجع السودان و كان الجميع يقول له إنت و الله خسارة أن تكون في هذه البلاد التي لا تعرف قيمتك، على الأقل في السودان ممكن أن تساعد الطلاب.


تحياتي للأخ حمد و الأخ عثمان يوسف و الأخ أشرف لمن يعرف لهم طريقة إتصال و لهم مودة خاصة في قلبي.

نسأل الله أن يحفظهم جميعا و أن يردهم لبلدهم السودان سالمين غانمين و أن تستفيد منهم البلد و من عبقريتهم.

و لكم تحياتي

عمار يس النور
عاشق بخت الرضا
[email protected]

Post: #693
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-04-2006, 07:46 AM
Parent: #635

فوق

Post: #658
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 07-02-2006, 05:02 AM
Parent: #1

تحياتي للأخ خليل

التهاني القلبية العطرة للأخ/ حمد حماد
سعيد أيما سعادة بالخبر الجميل. حمد كان مفروض من زماااااااااااااااااان يعمل الدكتوراة. لكن القسمة. و كما قال المتنبئ: لو كانت الأرزاق تجري على الحجا *** ماتت إذن من جهلهن البهائم.

تحياتي لبقية الدفعة الفريدة التي تشرفت بتدريسها في معمل الكهرباء لمدة عامين (87/88-89). أتمنى أن أجد عنوان الظريف صديق أبو اللكس. من يدلني؟

طارق أحمد خالد

Post: #659
Title: Re: اليوم الحار ومابنداريوم الهندسة والمعمار
Author: khaleel
Date: 07-02-2006, 05:06 AM
Parent: #658

طارق احمد خالد

ازيك يا مهندس يا كبير

معنا بالدوحة

صديقك مرتضي محمد احمد

ودائما يذكرك بالخير

وهو جاري في السكن

صديق ابو اللكس

اخر عهدي به بالسعودية

وانشاء الله احمد التجاني

يقدر اجيب لينا منو خبر

Post: #660
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 07-02-2006, 05:25 AM
Parent: #659

تحياتي يا أبوخليل لك و للأخ مرتضي و لجميع المشاركين في هذا البوست.

حقيقة أثرتم شهيتي للمداخلة في توثيق تلك الأيام العطرة. على الأقل ممكن أفضح أهل (التتريس) من دفعتكم . طبعاً هذا بالتأكيد لا ينتقص من قدر المترسين الأكاديمي و المهني حالياً إذ أن التتريس عندنا يعرف بأنه "فن إدارة الزمن بإختصار ما لا يفيد لصالح ما يفيد".

حقيقي يا أبو خليل الكلية الآن "تحنن" و أصبحت مثل المدرسة الثانوية لغياب الداخليات و أنت تعرف جيداً أن الداخلية هي التي ربتنا و علمتنا و جمعت بين الناس و عرفتهم ببعضهم البعض دون رتوش.
مع ذلك فما زال من تبقى من أساتذة الكلية: فائز، عبدالرحمن كرار، سامي، إدريس الذي عاد من الإغتراب و لا أدري إذا درسكم أم لا.. هؤلاء يحاولون المستحيل ليصنعوا من الفسيخ شربات و قد قاموا بالكثير من التعديلات على المنهج. لم تعد الكهربا تنقسم لقسمين فقط بل تم تقسيمها لتخصصات متعددة: إتصالات، شبكات، تحكم، هندسة برمجيات، هندسة طاقة. هذه المجهودات قد بعثت في دواخلي الكثير فعدت للتدريس في هذا العام لتدريس مواد جديدة تدرس لأول مرة: Java Technology و Distributed Computing حيث تم تجهيزقاعة تحتوي على بروجكتر مكنني من تدريس المادتين من خلال power point slides. ما يحزنني هو ضعف الطلبة الواضح في الرياضيات و السبب هو أن الرياضيات الإضافية التي كنا نعشقها في الماضي قد أصبحت مادة إختيارية لطلبة الممتحنين للكليات الهندسية (تصور!!!!) كما تم تخفيفها بصورة فظيعة بحذف المقذوفات و الحجوم الدورانية و المحددات.
رغماً عن كل هذه المجهودات إلا أنني أحس بأن الكلية مثل الطفل اليتيم في غياب بروف سمير غبريال و د. معتصم عبدالله (نضر الله أيامهم).
و لنا عودة.
طارق

Post: #661
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-05-2006, 05:07 PM
Parent: #660

اخى خليل

كيفنك.... عقبال ما تفرح بخالد بن الوليد في يوم عرسه
حقيقة زيارة الأخ الجميعابى أضفت القا وروعة خلال الأيام الثلاثة التي شرفنا فيها
اعدنا شريط الذكريات لتلك الايام الاروع من اواخر خمسة وتمانين الى بداية الواحد وتسعين
ايام شهدت مولد صداقتنا واخوتنا كما هى شاهدة على احلامنا التى اكاد ان اجزم انها كانت اجمل من
واقعنا الحالى
ابوالخل هل تذكر ذلك الحلم الذى يراودك فى يقظتك دوما عندما تأزم موقفك الاكاديمى
فقد كنت تحلم ان تكون لاعبا مبدعا ضمن فريق الهندسة تؤهلك موهبتك للعب بفريق الهلال
الذى يفوز بكاس الامم الافريقية بفضل مجهودك ليتم اختيارك كاحسن لاعب فى افريقيا بواسطة
فرانس فوتبول فيسطع نجمك فى أوروبا وتتنافس الفرق الكبيرة لتسجيلك فتشترط عليهم ان يوفروا لك
منحة لدراسة الهندسة المدنية فى اعرق الجامعات الاوروبية !!!!!!!!

والله ياابوالخل انا فى غاية السعادة للاخ حمد حماد ولو عرفت كيف توفرت له هذه الفرصة لادركت
حقيقة ان الصبر مفتاح الفرج وان الله لايضيع اجر من احسن عملا حمد يمثل محطة مهمة فى مسيرة
حياتى له الفضل بعد الله فى تكوين توجهاتى ان ادرس الهندسة وان اتخرج مهندسا ارجوا ممن لديه
رقم هاتفه ان يمدنى به مشكورا
كيكى طلع ماظريف وبرهن انه زول ساى لم يؤثر عليه احتكاكه الخارجى ان يدرك ثقافة الاتصال والاعتذار فقد منيت نفسى بلقاؤه عند مروره بجدة ولكن يبدو انه حكومته قوية اصدرت
الاوامر بتجاوزى

عذرا خليل وطارق فانا حاليا بالبحرين ولن استطيع الحصول على عنوان ابواللكس والى ان اعود استودعكم الله

احمد التجانى

Post: #663
Title: Re: اليوم الحار ومابنداريوم الهندسة والمعمار
Author: khaleel
Date: 07-13-2006, 04:58 AM
Parent: #661

هلا احمد التجاني

هيجت الذكريات

كنت اتمني ان اكون لاعب كرة ومهندس


ولاعب ارتكاز ومرات صانع العاب

وكنت عايز الحنكوشة بتاعة اقتصاد

وتمشي معاي استراليا

وانتظرنها في المطار

وتجي معاي شهر العسل في سيدني

وافعل مثل فعل محمود عبد العزيز مع نجلاء فتحي

لكن ماذا نفعل وكل الذين نحبهم رحلو بلا وداع

وانا يا احمد التجاني

ما زلت احمل سماية خالك

الشاعر كامل عبد الماجد ببري

مسئولية تربيتي في سنة تانية

Post: #694
Title: Re: اليوم الحار ومابنداريوم الهندسة والمعمار
Author: khaleel
Date: 08-04-2006, 02:47 PM
Parent: #661

سلامات ست البنات ميسون

سلامات المعلم كيكي

وطبعا يا كيكي

ميسون دي من قانون

اهدا واجمل كلية في جامعة الخرطوم

ناس قانون مهذبين جدا ورقيقين جدا

حتي كافتريا قانون ما فيها ازعاج زي

ناس علوم وهندسة واقتصاد

بعدين كان فيها ناس لعابين في الكورة

زي عاطف الاول وعاطف التاني واكرم

وفيها ناس ندي وعايدة واميرة زوجة صديقي ابوسمرة والقائمة تطول

فواصل ونواصل انتظرونا

Post: #664
Title: Re: اليوم الحار ومابنداريوم الهندسة والمعمار
Author: محمد الفاتح يونس
Date: 07-14-2006, 06:24 PM
Parent: #1

الصعب ظهر
السلام عليكم ولكم جميعا شباب اشواقى الكثيرة
لن ننسى ايام مضت مرحا قضيناها، هذه الكلمات رددناها فى حفل تخريجنا فى مارس 1991 ولكن ابوسمرة بدل كلمة مرحا بكلمة ألما لتصبح لن ننسى ايام مضت ألما قضيناها فانفجر الجميع بالضحك وفعلا هى من اجمل خمسة سنوات فى حياة الانسان وطبعا فى ناس كانت اجمل 7 سنوات فى حياتهم زى ناس استراليا و 6 سنوات لناس بنك السودان
ود الجد، ناس هندسة زراعية كان الفصل كله بنقل اجتماعاته الى غرفتنا عشان حمد حماد اشرح ليهم زى مجلس الامن لمن ينقل اجتماعاته خارج امريكا لبلد اخرى (كانت حالة صعبة)

Post: #665
Title: Re: اليوم الحار ومابنداريوم الهندسة والمعمار
Author: Muna Khugali
Date: 07-15-2006, 11:16 AM
Parent: #664

Quote:

السلام عليكم,خالتو منى...(اسمحي لي بدعوتك خالتو بما أن كل منا يحمل تلك الأريحية السودانية بداخله) قد تتسألين من أنا ولماذا أراسلك في موضوع لم تخطي سطوره إذ انك فقط معجبة بذلك الموضوع كما هو الحال معي تماما..لا تعرفينني ولكنني أعرفك من قوة كتاباتك وجرأة قلمك الذي لا يهاب قول الحق كما أنني أتخذك وخالتو تماضر مثلان لي أقتدي بهما في حياتي القادمه....عفــــــوا إذ أنني أراسلك في موضوع ذكريات كلية الهندسة الذي خطه بنان الرائع عمو خليل كان بودي أن ارسل له هذه السطور مباشرة في البوست فأنا من عاشقات سودانيز اون لاين كلما حاولت التسجيل بالمنتدي كان الباندوث -الذي لي يوم الليله ما عارفاهو هو شنو مع إني قريت ليه مليون تعريف- يركلني خارجاً فتحت ملف العم خليل آملة في أن أجد عنوانه أو العم عبد الكريم فخاب ظني فرحت أبحث في ملفات كل من شارك بمداخلاته فوجدتك أنتي وأني لسعيدة بذلك أرجو أن تنقلي رسالتي هذه للعم خليل فهو ببوست الهندسة هذا قد غير مجرى حياتي و كان مصدر إلهام لي -حاسه انو طريقتي كأني وحده من الناس البيتكلمو مع أوبرا وينفري لما تحل ليهم مشكله-الموضوع كالتالي: أنا إحدى طالبات كلية الهندسة والعمارة الساخطات على تلك الكليه لحدي ما قريت بوست عمو خليل وغيرتا رأيي...شخصي الضعيف من حملة الشهادة العربية التي كان العم خليل واصدقاؤه يحاربون حملتها -ممكن أتكلم بالعاميه؟لمن كنتا طالبه في المدرسه كنتا مهووسه بمادة الأحياء كان نفسي أطلع طبيبه ولكن النسبه حالت بيني وبين ما كانت نفسي تتمناه الحمد لله نسبتي كانت عاليه بس النظام المتبع مع ناس الشهادة العربيه خذلني يوم ملئ إستمارة التقديم كان اصعب يوم في حياتي من ضمن الرغبات كنتا كاتبه هندسه مع إني عمري ما فكرتا فيها والدي شجعني على كتابتها مع ان رغبتي كانت أي كلية طب أو علوم أو حتى بيطره - بحكم أن والدي خريج جامعة الخرطوم وهو الآن من أحد بروفيسراتها وقد عمل بها لربع قرن وبضع سنوات من الزمان كانت البيطره مجال دراسته رفض لي حتى أن اقدمها كان بيقول لي إنها صعبه ممكن تدرسي طب وتكوني مرتاحه لكن ما ممكن تدرسي بيطره الفرق بين الطب والبيطره انو الانسان ممكن تعرفيهو بيشتكي من شنو عكس الحيوان تماما كما كان الجميع يقول نسبتك أعلى من إنك تقدمي لي حاجات زي دي بيقصدو البيطره وكلية الفنون الجميله البرضو كان نفسي أدخلا...كان والدي من عشاق كلية الهندسه وطوالي بيقول لو الزمن يرجع بي كان قريت هندسه وهو من المخضرمين في الماث وكان بيقول لي مدام انتي حاسه انك ح تمشي في الفنون أكيد ح تمشي في الهندسه وكل إخوتي طلاب هندسه علما بأنني آخر العنقود....طلعت نتيجة القبول وكان قبولي في كلية الهندسة قسم (الندميه) كما كنت أسميها لحدي قبل دقايق من ما أقرا البوست نية أبي غلبت نيتي وفرحته كانت كبيره جدا انو بتو الصغيره ح تطلع مهندسه كنتا مبسوطه عشانو بس في داخله كان عارف اني زعلانه قال لي ولا يهمك جيبي استمارة قبول خاص وقدمي طب وأنا أصلا معارضه للقبول الخاص ما كفايه الصرفو علي طوال سنوات دراستي الإثني عشر وحتى لو دخلتا خاص ونجحتا واتخرجتا واشتغلتا في نفسي أعلم اني ما ح أقدر أوفيه هو و والدتي حقهم أبدا...رضيت بما قسمه الله لي و بقيت على الهندسه كانت هندسه اسوأ مكان عندي في السنتر من اليوم الأول خصوصا اني اتبرلمتا أول يوم بس دي بحكيها ليكم مره تانيه بس بسبب البرلمه دي اشتهرتا في هندسه لأني عرفتا والحمد لله أرد على المُبرلِم وكان ذلك بفضل لساني السليط والحنق الذي أحمله لهندسه ومن فيها رديت عليهو وقادتني خطاي لعلوم حيث أجد الراحه اتخيلوا في كل ذلك السنتر وكلياته اجد راحتي في كلية العلوم بينما كانت هندسه جايطه عايزه تعرف البت العامله زي زورو بتضرب بسوط لسانا وتختفي دي ...حكيت لي صاحباتي في كلية العلوم والطب ناس طب أولى البيعدوا أول سنه في السنتر فأصروا إني أرجع لي هندسه..رجعتا ولقيت الزول البرلمني في وشي وقدم لي إعتذاروا قدام كل الطلبه -وقتها حسيت إني قوييييييييييييه - فقلتا ليهو ما تعمل كدا تاني :-) .......ولكن ذلك الإعتذار لم يغير من الأمر شئ فكرهي لهندسه هو هو واحتمال زاد كمان ...لم يكن لي أصدقاء فيها ليس لأني زوله شهاده عربيه ومنغلقه على نفسي بس لأنو ما كنتا بحب يكون لي صله بي أي شئ فيها كنتا بواظب على محاضراتي في كلية الهندسه لكن بعد ما تنتهي يا علوم جاك زول كنتا بالإضافه إلى محاضراتي بدخل محاضرات كلية الطب وكلية العلوم مع صديقاتي بنات الشهادة العربيه بما فيهن من قبول عام وهن نادرات وقبول خاص وما أكثرهن في محاضراتم كنتا بفهم وبركز عكس لما أكون في وحده من لكاشر هندسه خصوصا مع محاضرات استاذ ود المكي العقدني بالكالكولس -طبعا لمن قريت في البوست انو استاذ ود المكي درسك وانتا دفعة 86 اصابتني الدهشه إذ اني دفهة 2005 أو كما يحلو للجميع تسميتنا بدفعة الأو فايف وسنة 86 لم أوجد في هذا الوجود فأنا من مواليد 87 بس الله يديهو العافيه ساي عمو ود المكي ..والخلعني أكتر انو طلع دفعة أبوي والله الزول ده كان ح يكون من الأسباب الحتطفشني من هندسه ..مر السمستر الأول بخيره وشره وشره كان أكتر من خيره وطلعت النتيجه والحمد لله وكانت باس أُول ثرو و معدل ما بطال يادوب ختيت الرحمن في قلبي وقلتا شكلي ح أقدر أواصل فإذا بالسمستر التاني وعمو ود المكي لخبط كياني بمادة الميكانيكا والمتجهات وهسا السمستر إنتهى وأنا مستنيه النتيجه بس الله يستر ودعواتكم ...في السمستر التاني علاقتي بدت تتصلح مع هندسة وناس هندسه بس دايما بحن لعلوم جد أنا ما متخيله إني ما ح أقرأ أحياء تاني في حياتي مع اني بحب أطالع كتب أحياء و علوم خارجيه لكن انها تكون كماده في منهج أكاديمي مافي دي حاجه أنا ما بقدر عليها ...دارت الأيام و جات انتخابات الجمعية الهندسيه و انتخابات الأحزاب وأغلبية الدفعه صوتت وبما إني محتفظه بصوتي لنفسي حاول كثير من الأصحاب انهم يأخدوا صوتي وكنتا بعتذر ليهم بي إني ما بعرف الحزب الكويس من الماكويس والصالح من الطالح ودا الحاصل فعلا ولمن أصروا إني أدي صوتي لأي زول أو حزب عشان هندسه وأتذكر كلمات زميلي وهو يقول إنتي ما عايزه تقدمي حاجه لي هندسه قلتا ليهو مالي ومالا أنا اصلا لا أشعر بالإنتماء إلى هندسه ...طبعا كلامي دا كان كبييييييييير صاح هم عارفين اني ما كنتا متخيله نفسي أدرس هندسه لكن ما للدرجه دي....انا يمكن واصلتا في هندسه عشان والدي كان سعيد وفخور بقبولي فيها جدا وهو عارف اني حتى هذه اللحظه بكرها وحتى قال لي قدمي بشهادتك أي كليه علوم أو حتى طب خاص لو الفرصه ما سنحت السنه دي وانا جد كنتا بفكر في الفكره دي لو نتيجتي طلع فيها ريبيت للسنه أو حتى ملحق لأني كنتا بفكر إني ما ح أقدر أواصل مع ملحق أو ريبيت لكن بعد قريت بوست عمو خليل و إنهم ربتو كم مره وهم هسا ما شاء الله مهندسين كبار الله يديهم العافيه حسيت إنو ممكن يكون من وراي نفع و انو العتره بتصلح المشيه لأني كنتا متأثره بإني ما حصل عدتا سنه ولا ملحقتا في ماده طوال سنواتي الدراسيه والحمد لله.....عمو خليل البوست دا فتح لي عيوني على واقع أنا بيدي أخليهو يكون أحسن وجد معاك استرجعتا ذكرياتي الحلوه القليله في كلية الهندسه وقلتا يا الله متين الإجازه تنتهي عشان أمشي وأعمل لي ذكريات زي الإنتا بتحكي عنها مع اني ح أنزل سنه تانية برضو قررتا أدخل على الدروينغ بقلب جاااااااااامد مع إنو السناير وإنت خوفتوني منو بما فيه الكفايه .....و برضو خوفوني من ندميه اللهي مدنيه طبعا انا كنتا هندسه دي ما ريحتها فكانت في نظري دايما (كلية الركلسه والهباله) قسم الركلسه الندميه النكديه الفقريه دا كلو كنتا شايلاهو لي هندسه لحدي ما البوست دا غير رأي في كل شئ وأنا بقيت مجنون هواك يا هندسه كما يقول شعراء الكليه.......أعذروني أثقلت عليكم ولكن أود أن أشكر من أنار لي طريقي ...عندي شوية ذكريات جديده 2005-2006 أود أن أشارككم بها لو ما عندكم مانع عن مباريات هندسه الجديده (قدرة فول ولا اسكول- يالشمباتي أصلك شين يالشمباتي شوف حمارك وين- آداب قراية القاب) ،كفتيريا هندسه، الميدان الغربي وشمسه المولعه، التور وحتى المعامل الأساتذه الجدد والمخضرمين ومن هنا ابث جزيل شكري للبروفيسر الرائع استاذ زكريا المشهور عندنا بجدو زيكو أطال الله في عمره و أمد أيامه وأستاذ عبد الملك العقليه الراااااااائعه أكثر الله من أمثاله هما كانا سببا في بقائي واستحمالي لكليه الهندسه وكنت احرز اعلى درجاتي في موادهما بس يا خساره بطلو يدرسونا و مالينا في الطيبين نصيب أعتذر لكم وبشده خالتو منى وعمو خليل وعمو عبد الكريم لأني أخذتا من وقتكم الثمين ما أخذت...و أشكركم لأنكم أعطيتموني إياه وواصلوا في إبداعاتكم وإلهامنا والله يديكم العافيه :-) تمــــــــــــــارا تاج السر أحمدكلية الهندسة والعمارة -قسم الهندسة المدنية :-)أقولها وبكل فخر و طيبة خاطر و أنا راضيه عن نفسي -بفضلكم- ودمتم



شـايفين تمارا المثابرة متابعاكـم كـيف?
حـاسـين كـلكم بقيمتكـم وقيمـة البـوست ده عنـدها عظـيمـة كيف?

تحياتي لكـم وللزعـيم خليل ..

مـني

Post: #667
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-16-2006, 04:49 AM
Parent: #665

صديقى الرائع خليل

سلامات

as you have seen from the message sent by that young lady Tamara , which proves that your mission had extended to made her be passionate towards our Legendary faculty and our Profession as well, and at the end of the day your post had added many values to our Tedious life such as connecting us with our ever great friends and also inspire young generation like Tamara with hope and glory, once again my dear thank you so much

ابوالخل

موضوع تربيتك فى سنة ثانية دة كان قدر مقدر
سماية ناس خالى وعزاء ناس عوض سعيد وعرس ناس وليد مدنى كانت كلها اسباب
لكن يبقى الاهم رسالتك التى اوصلتها للاجيال كما ذكرت لك فوق

العزيز شلف
تحية وشوق يارجل

ياحليلك وحليل ودالماجدى ياخواجة


احمد التجانى

Post: #669
Title: Re: اليوم الحار ومابنداريوم الهندسة والمعمار
Author: Abubakr Osman
Date: 07-18-2006, 05:33 AM
Parent: #667

واخيرا ظهر الدكتور شلف
التهانى الحارة للصديق حمد حماد واصلها ما بتدى حريف الا فى الاخر الاسبوع الماضى كنا فى سيرتو مع التجانى عبد القادر وامير التجانى الشقيق الاصغر لاحمد وحكايات شلف معاه واهو شوية وحيبقى دكتور حمد ان شاء الله
خليل مرتضى بهاء وابن عجبان وكذلك حسن كوستى شكرا لكم ولتلك اللحظات التى قضيتها بينكم
كيكى وين انت لسة ما بنت

Post: #670
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-18-2006, 08:11 AM
Parent: #669

ابوبكر ازيك

اين انتم يارجل
يعنى كنت فى دبى وبالله لاقيت امير اخوى والتجانى ودعمتى
لو كنت عارف اللمة دى كان جيتكم من البحرين
جماعتك ناس الريفيرا ماسمعنا منهم من ديك
وخصوصا ديفيد غير الضلال الجابوه داك ماورانا حاجة
تعرف البوست دة فيه حاجة غريبة من بعد مشاركة الزول الاسمه د.عبدالله
المشاركات بقت مابتظهر فى شكل متسلسل شوفوا ليه حل يااهل الاختصاص
او قول لصاحبك بكرى وياحبذا لو اتوسطت لينا انا وابوسمرة فى باسوريدات
بدل التسول النحن فيه واهو ادوها ناس ودالماجدى وناس كوستى الرديف

تحياتى للجميع

احمد التجانى

Post: #672
Title: Re: اليوم الحار ومابنداريوم الهندسة والمعمار
Author: Abubakr Osman
Date: 07-19-2006, 05:48 AM
Parent: #670

احمد التجانى سلامات
توقعناك ان تعرج على دبى ولكن
نناشد بكرى سيد الحوش ان يمنحكم العضوية الكاملة ولا يدعكم تتسولون
لمت الريفيرا الشهر الماضى تأجلت بأمر كأس العالم اما هذا الشهر فستكون يوم الجمعة 28/7 وهذه مثابة دعوة لكل من يتواجد بالسودان من دفعة 85 للحضور

Post: #673
Title: Re: اليوم الحار ومابنداريوم الهندسة والمعمار
Author: Abubakr Osman
Date: 07-19-2006, 05:48 AM
Parent: #670

احمد التجانى سلامات
توقعناك ان تعرج على دبى ولكن
نناشد بكرى سيد الحوش ان يمنحكم العضوية الكاملة ولا يدعكم تتسولون
لمت الريفيرا الشهر الماضى تأجلت بأمر كأس العالم اما هذا الشهر فستكون يوم الجمعة 28/7 وهذه مثابة دعوة لكل من يتواجد بالسودان من دفعة 85 للحضور

Post: #676
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 07-20-2006, 02:02 AM
Parent: #673

الأعزاء المتداخلون
لكم أحر التحايا
اسف للانقطاع وسوف أحاول التواجد و لو نسبياً
في الفترة القادمة
لكـــــــــــــم الـود

Post: #677
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-23-2006, 05:08 AM
Parent: #676

خليل

ازيك يااخى

البوست مازال يجذب المهتمين بالجامعات والمعاهد
حول ان تجدده ولو مره كل يومين
كمان شوف ليك حل للمشكلة الفنية التى ظهرت بعد مشاركة
د.عبدالله
شى تانى الا وهو ان تعملوا Account لابوسمرة فلديه الكثير
من التوثيق لتلك الفترة

احمد التجانى

Post: #678
Title: Re: اليوم الحار ومابنداريوم الهندسة والمعمار
Author: عمار يس النور
Date: 07-23-2006, 06:55 AM
Parent: #677

أحمد التجاني

أزيك

أها رايك شنو عملت لي إشتراك براي و من غير اي واسطة او تذكية ... الموضوع كلو بيتعلق بداخلية بحر الجبل.

Quote: كمان شوف ليك حل للمشكلة الفنية التى ظهرت بعد مشاركة
د.عبدالله


أعتقد أن الحل بسيط و أن أساس المشكلة أن هنالك عدد كبير من الأسطر الفارقة إضيفت بالخطأ أو إتكأ الأخ د. عبد الله سهوا على لوحة المفاتيح على مفتاح الإرسال Enter. أو أن هنالك حرف من ما يعرف بالحروف المزعجة noisy character قد تم نسخه سهوا إيضا في مشاركته.
لذلك أعتقد أن الحل هو أن يقوم الأخ د. عبد الله بالدخول مرة أخرى في مشاركته تلك و أن يحذف كل هذه الأسطر الفارقة داخل مساحة الإقتباس الذي ادخل في مشاركته.
إذا فشلت هذه المحاولة و لا أعتقد ذلك ، فليس هنلك حل إلا أن يقوم مدير المنبر بكري بحذف تلك المشاركة.


Quote: شى تانى الا وهو ان تعملوا Account لابوسمرة فلديه الكثير
من التوثيق لتلك الفترة



أثني على إقتراحك و أعتقد إنو أبو سمرة يستحق هذا الإشتراك و خاصة إنني أظن أن السيد بكري أبو بكر من ضمن الجيلوجيين الذين رموا حجر في رأس أبو سمرة عند مهاجمته لداخلية بحر الجبل في عام 1988 عقب هزيمة الهندسة لكلية العلوم الشئ الذي جعله ان يحلق صلعة و يلبس طاقية لمدة طويلة. هذا أقل تعويض من بكري ابوبكر للباشمهندس أبو سمرة
تحياتي لك يا أبو سمرة


عمار يس النور
عاشق بخت الرضا

Post: #679
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-23-2006, 07:25 AM
Parent: #678

عمار ياسين

ياود ياعلم يااستراليا كان مااخاف الكضب
وفعلا القوس لبارئها كما قال السيد الصادق
وياحبيب الاداك بالملعقة يدينا باللودر
وبحر الجبل دى كانت بوين اصلنا كان سكنا
دوما فى الاحياء الراقية فى داخليات الجامعة

هل لديك اخبار عن سعد

ودمت

احمد التجانى

Post: #683
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 07-27-2006, 04:01 AM
Parent: #679

الزعيم خليل..
حضرنا سعادتك..
طبعا دي لغة الجيش لمن الضابط يصل لاي منطة لازم يمشي للضابط الكبير ويدق (انتباه)
ويقول (حضرنا يا سعادتك)

وليكم وحشة يا ناس اليوم الحار ..وشايف الود(شلف) ظهر وخاشي توش..لا احم لا دستور..
وتحياتي لمعاوية السمح..واعتذاري لازال عالقا في سماوات الدوحة انتظار للصفح
من حبيبنا (ابوصلعة) (ودالتجاني)..
ابوبكر عمثمان سلام..
وكل الناس الحلوة..وعمار يس ليك اجمل زهرة ..
وحاضرين يا ابو الخل..

Post: #686
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 07-28-2006, 07:56 PM
Parent: #683

للجميع التحية و السلام

Post: #668
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-16-2006, 06:30 AM
Parent: #665

صديقى الرائع خليل

سلامات

as you have seen from the message sent by that young lady Tamara , which proves that your mission had extended to made her be passionate towards our Legendary faculty and our Profession as well, and at the end of the day your post had added many values to our Tedious life such as connecting us with our ever great friends and also inspired young generation like Tamara with hope and glory, once again my dear thank you so much

ابوالخل

موضوع تربيتك فى سنة ثانية دة كان قدر مقدر
سماية ناس خالى وعزاء ناس عوض سعيد وعرس ناس وليد مدنى كانت كلها اسباب
لكن يبقى الاهم رسالتك التى اوصلتها للاجيال كما ذكرت لك فوق

العزيز شلف
تحية وشوق يارجل

ياحليلك وحليل ودالماجدى ياخواجة


احمد التجانى

Post: #671
Title: Re: اليوم الحار ومابنداريوم الهندسة والمعمار
Author: محمد الفاتح يونس
Date: 07-18-2006, 06:57 PM
Parent: #668

احمد التجانى ما زول قال ليك ربته انت اتخرجت فى مواعيدك ليه زعلان .انت كنت راجل وشلت ملاحق على مدار الخمس السنوات يعنى مافى ما فى راجل فى الهندسة عملها غيرك . ياجماعة بسال خليل دى هو ابراهيم ابوسمرة و يااحمد التجانى بعد العمر دى كله بترس و تجمع الورقة غلط لماذا اذا بتكتب باسم حاتم الجد
ولكم ودى وتحياتى ليكم شباب

Post: #675
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 07-19-2006, 08:55 AM
Parent: #671

الخواجة شلف

تحياتى وياخى مشتاقين
وعامل كيف مع الجمعيات والروابط
طبعا مابتقدر تعيش من غيرهم بس اعمل حسابك الخواجات ديل عندهم جمعيات
كتيرة مشبوهة ماتتشالق وتدخل من طرف
والله منه العوض وعليه العوض اما تكون مامتابع البوست او بلد الخواجات
تكون مسحت الذاكرة بتاعتك عشان تقول خليل هو ابوسمرة بل هو ريمون يادكتور
اما عن ملاحقى فكانت فوق راى سعادتك
وباكتب باسم ودالجد لانى مالقيت لى واسطة لسيد البورد

ودمت

احمد التجانى

Post: #674
Title: Re: اليوم الحار ومابنداريوم الهندسة والمعمار
Author: Muna Khugali
Date: 07-19-2006, 06:01 AM
Parent: #665

up

Post: #690
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 07-30-2006, 04:24 PM
Parent: #665

الحق..يا خليل البوست (اتهكر)..
حاتل في الصفحة السابعة وحالف ما تستقبل مداخلة (عديل)..

لمتابعة البوست الرجاء الضغط علي كلمة (new) التي تظهر مع العنوان..

Post: #691
Title: Re: اليوم الحار ومابنداريوم الهندسة والمعمار
Author: Abubakr Osman
Date: 08-01-2006, 01:41 AM
Parent: #690

يا كيكى سويتها ظاهرة واحمد التجانى كان عندو حق
كان ما قلنا ليك اتصل بينا
التفرق بين الدفع ما بيحل عشان كدة لمت الريفيرا تخص دفعة الهندسة الدخلت الجامعة سنة 85 وما مهم اتخرجو متين
سيف سكلاتشى يسأل عنك بشدة

Post: #680
Title: Re: اليوم الحار ومابنداريوم الهندسة والمعمار
Author: Abubakr Osman
Date: 07-25-2006, 07:59 AM
Parent: #1

الى كل دفعة 85 وما جاورها موعدنا الجمعة القادم بالريفيرا الثامنة مساء
الدعوة لكل من يتواجد فى اجازته السنوية حاليا
منتظرنكم

Post: #681
Title: Re: اليوم الحار ومابنداريوم الهندسة والمعمار
Author: khaleel
Date: 07-26-2006, 01:32 PM
Parent: #680

سلامات

الست مني خوجلي

سلامات احمدالتجاني

الصاوي ابوبكر عثمان

سلامات للست تمارا

دكتور عبدالله الصديق

عمار يس

سلام لكل الحلوين

سلام لمحمدالفاتح يونس الشهير بشلف



طبعا يااخوانا اتكلم عن موضوع الجكس والاكل

لما تعزم واحدة ساندوتش تعمل ليك فيها رقيقة وتكمل الساندوتش في ساعة

لكن بعض مصادرنا في داخلية البنات جابو الخبر

وقالو والله بياكلو مع بعض اكل الجن والجنبو

بس بعملو حركات قدام الاولاد

واحدة من صاحباتنا ادعت انها لاتاكل الطبائح ولا البوش

ومرت الايام وحكيت لاحمد شبو قلت ليهو البت ما بتاكل طبائح

لكن شبو لمحها صدفة في مطعم السوق الشعبي بالقرب من كلية الهندسة

وقال والله العظيم صاحبتك لقمتها ( راس عتود)

ونواصل

Post: #682
Title: Re: اليوم الحار ومابنداريوم الهندسة والمعمار
Author: محمد الفاتح يونس
Date: 07-26-2006, 05:42 PM
Parent: #680

الاخ ابوبكر عثمان شكرا للدعوة والمبادرة الطيبة لجمع الشمل , ذلك كما عهدناك دائما قلوبنا معكم واتمنى لو تمدنا باى رقم تلفون للاتصال بكم وانتم متجمعين
ولكم كل الود.
[email protected]

Post: #684
Title: Re: اليوم الحار ومابنداريوم الهندسة والمعمار
Author: khaleel
Date: 07-28-2006, 01:48 PM
Parent: #682

انت يا شلف

شنو الطنقعة بتاعتك دي

ياخي قول السلام عليكم وخاشي ضفاري كدة

يعني عشان قعدت في لندن تلتاشر سنة

قال روحك بقيت توني بلير

تحياتي لك ولي ناس ابوروف وودالماجدي

ونحن رغم سمستر الجكس فينا مكسر

Post: #685
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 07-28-2006, 02:52 PM
Parent: #684

خلي سلام
مالك قايم علي شلف ده
..بيني وبينك الود ممكن يكون بقي اللورد شلف ذاتو
شلف سلام ومشتاقيين ياخ..

Post: #687
Title: Re: اليوم الحار ومابنداريوم الهندسة والمعمار
Author: maawia dawood
Date: 07-29-2006, 07:13 AM
Parent: #685

وينك يا كيكي
يا تعبان
وريناك موعد الريفيرا ولم تحضر لسع انت في حركاتك
المهم راجنك راجنك راجنك
قعدة شلة كاربة من دفعة 85

انت في الخرطوم عايزين نشوفك

Post: #688
Title: Re: اليوم الحار ومابنداريوم الهندسة والمعمار
Author: khaleel
Date: 07-30-2006, 02:59 PM
Parent: #687

سلامات

معاوية

كيكي عاني من التهميش المنظم

لان كل المربتين يفقدون الهوية

ونحن ما عارفين نمشي مع ياتو دفعة

ناس خمسة وتمانين ولا ستة وتمانين ولا سبعة وتمانين

لاننا ديل كلهم جاملناهم

Post: #689
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 07-30-2006, 03:12 PM
Parent: #687

سعاوية مرمر..
معاوية داود (ديفيد)..
حليلي وحليل الخرطوم..ويا ريت وكم كنت اتمني ان اكون معاكم في الريفييرا
(علي الاقل الواحد يقول مشي الريفيير دي)..
ولكن الان انا عدت الي قواعدي شبة سالما....

وبعدبن زي ما قال خليل..احنا دفع كثيرة ولو جينا لناس 85 بزعلوا باقي الناس..
عموما لك تحياتي ..
وبجبي ..بجي لكن بعد سنة..

Post: #692
Title: my favourite post
Author: Maysoon Nigoumi
Date: 08-03-2006, 03:19 AM
Parent: #1

الله على ذكريات الجامعة...رغم إنو المنطق يقول ما أكتب...لأنو 1- عشان الفضائح ما تطلع وكل الحماقات القديمة 2- في ناس زرزارين...يعني ما ممكن تكضب
and
its not that interesting

أول يوم في الجامعة خلاص البت بقت الجامعية...واحد ..اتنين تلاتة بخطوات واثقة دخلت من باب المين رود ايام ما كان المدخل للمين رود سور ساي قبل ما يبقى (هو شنو هسي؟) ..والوقت داك ما بعرف هو شنو زاتو المين رود بالإنجليزي كنت حأقول ليهم المين رود ياهو شارع الجامعة وفي "أمين" من كدا...قلنا أني دخلت بخطوات واثقة...و كانت أمي أوصلتني حتى الباب..وظننتها ذهبت..حتى استوقفني صوتها فجمدت في مكاني....ثم كانت الإضافة الفاجعة "ميسون ! ما شلتي حق الفطور!!!"
كل الذي كان انتهى مع أول خطوتين لي داخل الجامعة...هذا ما أذكره عن أول لحظة في الجامعة.

أذكر اننا لم نتبرلم لأنه قفلوا الجامعة للسناير مدة سنة... يعني ولا كنا جكس برالمة ولا حاجة..واضطرينا نعدي بأولاد دفعتنا!! just kiddin

لأكن أذكر في اول أيامي في الجامعة..وأنا لسة يا دوب..أذكر جليا بنات قانون يفترشن النجيلة ويبكين محمد عبد السلام...نعم أذكر هذا...وفي نفس اليوم أقيم ركن للنقاش...من قبل الجبهة الديمقراطية..ونسيت المتحدث ..ولكن كانت له طريقة في الكلام تدوخ..أعني أنه كان يلف ويدور كغسالة..حتى أصابني الدوار..ولأني وقتها لا أعرف أصلا ما هو ركن النقاش..لم أفهم معني أن يقف أحد في منتصف الجامعة و يتحدث وينصت الناس إليه...فهمست صديقتي البرلومة أيضا"قالوا دا رئيس الجامعة!" whatever that meant ... ثم ماذا قام الكبع و الإحتياطي المركزي ..وفننا..وجريا..
و أذكر أول مرة انجدع في اتجاهي مولوتوف وصف بأنه فاشل (لأنه لم يقم بشيء) وكان فيني شوية برود..سألتهم دا شنو؟ قالوا دا مولوتوف...قلتا ليهم بس ياهو بسوي كدا؟

في البرلم كنتا حكاية.... أعتقد من بدري الناس كانوا شايفين إنو أنا ما مين رود خالص...وما ما مين رود خالص.... تفتكروا أول السناير اتعرف علينا منو..؟ د...كين..دكين!!!

Post: #695
Title: Re: اليوم الحار ومابنداريوم الهندسة والمعمار
Author: sari_alail
Date: 08-04-2006, 09:24 PM
Parent: #1

Quote: ومحمد يعقوب ود سنار (مساحة)...ده يا زول في راسو كلام كتير كلو ( لفل..ومساحة جد)

أنتو يا جماعة قصدكم دكتور محمد يعقوب ... درس مساحة واتخصص بعد داك GIS
الزول دا هسع استاذ في جماعة الامارات بتاع GIS /GPS

Post: #696
Title: Re: اليوم الحار ومابنداريوم الهندسة والمعمار
Author: khaleel
Date: 08-07-2006, 01:09 PM
Parent: #695

ساري الليل

للقرضة قرش

كلية المساحة

من اعظم كليات الهندسة وجامعة الخرطوم من اوائل الجامعات في الشرق التي بها قسم مساحة منفصل

عيبها الوحيد انو ناسها عذابة ومنهم خوف

ممنوعة للبنات ولاقل من تمنتاشر سنة

احيي دكتور حاج الباقر والنور

وناس جبل اولياء

واحيي المساح الكبير ابراهيم دقل

بعدين الود كيكي من اعظم مساحي الدوحة

وكذلك محمد الطيب سليم

وايريا وناجي وعثمان صديق

وكل هولاء رجالة من طراز خاص

Post: #697
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-07-2006, 02:09 PM
Parent: #696

مرحب خليل...والواحد..لازم يقول (وجع وجع خليل رجع)..
وشايفك خامج السوق ومباصي امتحانات القطريين ديل..
والله شطارة الكبر دي كلو..كلو ما سمعنا بيها..

الاخ سار الليل المهندس الدكتور (محمد يعقوب) دفعتنا لزم
واخر عهدي به عندما كان في الصين...
والكلام عن قسم المساحة كتير وكتير فقد خرج هذا القسم افذاذ .

Post: #698
Title: Re: اليوم الحار ومابنداريوم الهندسة والمعمار
Author: khaleel
Date: 08-09-2006, 02:57 PM
Parent: #696

يا ناس ميانيكا


وين دكتور وليم

وبعدين في واحد دكتور يوغسلافي اهداه


الرئيس اليوغسلافي للسودان

افتكر اسمو داندي


اين هذا الرجل

هل ما زال حيا

العندو اخبار اقول لينا

وبرضو كان في دكاترة هنود

الانجليزي بتاعهم كان بتاع جركانات

وكان واحد منهم يقول ( فنكسن) للكلمة الانجليزية (function)

Post: #699
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-10-2006, 04:00 AM
Parent: #698

حبييبنا خليل

والله خلعتنى خلعة من ماشفت اسم وليام فى بوستك
اتذكرت كمية المعاناة التى جلبها لنا هذا الرجل
احقاقا للحق الرجل كان مجتهد فى عمله برغم تقدمه
فى السن هل تدرى ان والدى كان من طلاب بروفيسر وليام
ولكن كان اسلوبه عقيم فى التدريس ويلجا للتعقيد
ورغما عن كل ذلك نرسل له شكرنا وتقديرنا لمعلم الاجيال
وادعوا عثمان مالك وغازى يوسف لارسال تحاياهم لوليام
ولا انسى ياسر ابوصلعة والداف والدبيب وعثمان حامد
وعماد كامل واحمد محمد احمد وجميع المخضرمين
يطراهم الله بالخير لهم التحية اينما كانوا

وبمناسبة ذكر اساتذة كلية الهندسة الاجلاء
اسمح لى ان اورد حكاية د.عبدالله الصادق فى قسم
المساحة فقد كان يشاع عنه انه لايطيق ابناء البندر
وخصوصا الاسماء الناعمة يعنى من طلال ولفوق
اى واحد من هولاء كان لازم يتعسر فى امتحاناته
لكن كراهيته لكيكى وتربصه به اطاح ودحض تلك النظرية

وتحياتى

احمد التجانى

Post: #700
Title: Re: اليوم الحار ومابنداريوم الهندسة والمعمار
Author: khaleel
Date: 08-17-2006, 11:11 AM
Parent: #699

هلا احمد التجاني

وليام رغب كبر سنه

قبض عظيكا متلبس بالبخرة

وكان السبب في ايقافه من الجامعة لمدة سنة

بعدين عندكم دكتور الطيب عيسي كان بصحح بالمروحة

الورقتو بتقع بسقط

ناسكم لئمين ياخ

دكتور التاج ثقيل ياخي


ابي انجحني

يعني كان اكبر دماغو زي ما بقولو المصريين

بعدين نجح ناس ساكت

اقول ولا مافي داعي

Post: #701
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-17-2006, 11:58 AM
Parent: #700

Quote: وبمناسبة ذكر اساتذة كلية الهندسة الاجلاء
اسمح لى ان اورد حكاية د.عبدالله الصادق فى قسم
المساحة فقد كان يشاع عنه انه لايطيق ابناء البندر
وخصوصا الاسماء الناعمة يعنى من طلال ولفوق
اى واحد من هولاء كان لازم يتعسر فى امتحاناته
لكن كراهيته لكيكى وتربصه به اطاح ودحض تلك النظرية



سلام يا ابو صلعة يا لذيذ..
وانا قاعد لكن من ما جبتو سيرة الدكتور صحبي ده..
قلت يا زول هووي اخير نمشي جنب الحيطة...
الزوول ده قاعد في السعودية يقوم يجي هنا ويقول يعمل لي امتحانات ساكت لايدي لا كراعي..

وبعدين متفق مع خليل انو ناسكم بتاعين (المكنيكا) ديل حاقدين..
وبتاعين كعلبة..وما صديق خليل(التاج) ببعيد...!!!
عالم حاقدة وضد المهمششين...

Post: #702
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-17-2006, 12:11 PM
Parent: #701

Quote: ياجماعة بسال خليل دى هو ابراهيم ابوسمرة


محمد الفاتح (شلف)..خليل ده بول سلامة..!!

( الاغريقي دفعتنا داك)..!!


Post: #703
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 08-18-2006, 00:10 AM
Parent: #702

الزملاء الأعزاء
لكم تحياتي و أشواقي
كم أنا سعيد باسترجاع هذة الذكريات
و كم أنا حزين لعدم مقدرتي علي الكتابة
و التواصل معكم عبر هذا البوست الرائع
و لكن سوف أحاول ان شاء الله
لكم كل الود
حامد الصاوي

Post: #704
Title: Re: اليوم الحار ومابنداريوم الهندسة والمعمار
Author: khaleel
Date: 08-18-2006, 09:00 AM
Parent: #703

حامد الصاوي منتظرين


محمد الفاتح يونس الشهير بشلف

خليل دها اسمر الجبهة كالخمرة في النور المذاب


واوعي تمشي السعودية لانو ويغا قالت انك حاتموت بحادث حركة في السعودية

لو بتذكر ومبروك الطاحونة لناس حلتكم


بروفسير عبد الله الطيب قال

الجامعة اداب وعلوم وما سواها حرف ومهن


يا سلام علي كلية العلوم

طلابها مشهورون بالجدية وصارمي القسمات وشطار

واساتذتها عباقرة

اذكر glt and oltand under lap

يا سلام علي ناس معمل الكيمياء واستاذة سامية احمد سليمان والفيزياء استاذة ايمان غندور

وكافنريا علوم


وشباب علوم الحلويين عثمان عبد الخالق وسيف الرقاص واحمد عبد المجيد وبوران وكل اساتذتنا في

سنة اولي


والجامعة ما بتدوم

Post: #705
Title: Re: اليوم الحار ومابنداريوم الهندسة والمعمار
Author: عمار يس النور
Date: 08-18-2006, 11:35 AM
Parent: #704

أبوخليل صاحب البوست الجميل

سلام

الحبيب عبد الكريم الشهير بكيكي

الإخوة دفععة +/- 85 في الـ OLT و كل جامعة الخرطوم


التحية لكم

كنت قد طرحت سؤالا تحديت فيه مساح حقول البترول القطرية عبد الكريم(أوع تكون العرب ديل بتمسح ليهم حاجة تانية) و لكنه عامل فيها حريف و ظل يزوق منو دائم.

الأن مرة أخرى أعيد هذا السؤال :

سؤال مهم للإخوة خريجي جامعة الخرطوم و خاصةكلية الهندسة قسم المساحة :
1) هل تعرفون من هو صاحب أطول و أعظم بريك في تاريخ الجامعة ؟
2) من هو الطالب الأكثر دخولا و إلتحاقا بالجامعة و كم مرة دخل جامعة الخرطوم ؟
Hint: the person is a graduate student from Faculty of Engineering



تحياتي

عمار يس النور
دفعة 85 مدرسة العلوم الرياضية
عاشق بخت الرضا

Post: #706
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-18-2006, 12:59 PM
Parent: #705

الاخ عمار يس
سلامات وينك ياخ...لابد
سوالك المتكرر ده والله حيرني عديل لكن نطالب (بهنت) زيادة..
عشان نجاوبك في التنك..!!1؟؟؟

Post: #707
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 08-18-2006, 04:44 PM
Parent: #706

أعزائي
لكم الود
لقد تم سرد جميل و مفصل خلال هذا البوست لاحداث كثيره شملت الرياضة,السياسة,الفكاهه
و غيرها. و ربما فات الزمن لي لكي احكي لكم هذه الحادثة التي كان بطلها زميلنا
(......) كهرباء و قد حدثت فبراير 1992 عندما اقتحمت قوات الامن الجامعة و اوسعت الطلاب
ضرباً فذهبنا الي الدخليات فلاحقتنا قوات الأمن هناك وانهال رجال الأمن علينا ضرباً
و كان هناك طلاب يدلونهم علي الأماكن التي يمكن ان يجدوا بها ضالتهم من الطلاب الوطنيين
الذين يحلمون بوطن ديمقراطي([B]التحية هنا لزملائنا من كل الاتجاهات لمواقفهم الوطنية و تحية
أخري للطلاب الغير منظمين و كان لهم حس وطني عالي و احساس بالمسؤلية تجاه الوطن و الجامعة
و قاوموا انتهاك الأمن للجامعة بتلك الصوره الوحشية[/B
])

بعد صمود لم يدم طويلاً تم اخلاء الداخليات... المهم حمل صاحبنا
ملابسة و أغراضه في ملاية و احكم ربطها و توجه الي أمدرمان و قد أحس ان هناك من يراقبه من رجال
الأمن و طول الطريق كان (........./كهرباء) يتلفت حوله حتي يتأكد انه ما زال مراقب أم لا.
و قد أثار منظره احد رجال المباحث في البص , قرر صاحبنا النزول من البص بسرعه و عند
المجلس البلدي أمدرمان قفز صاحبنا من البص و لاز بالفرار حتي يضلل رجل الأمن .. و ما كان
من رجل المباحث الذي أثار دهشته سلوك صاحبنا الا أن جري خلفه صائحاً حامي حرامي
و ما هي الا دقائق و كان صاحبنا يتلقي ضرباً مبرحاً من الجموع التي القت القبض علية
و هو يصيح أنا ما حرامي أنا طالب في جامعة الخرطوم و بعد أن تأكد رجل المباحث من ذلك
و شاهد بطاقته الجامعية اعتزراليه و قال ليه معليش
لكن خلقتك دي ما خلقة طالب جامعي. انتهي
وقد كتبت قصة قصيرة بعد هذه الأحداث سوف انشرها بهذا البوست لاحقاً.
لكم أجمل الأمنيات حـامـد الصـاوي

Post: #708
Title: Re: اليوم الحار ومابنداريوم الهندسة والمعمار
Author: khaleel
Date: 08-19-2006, 02:11 PM
Parent: #707

شكرا حامد الصاوي

ومنتظرين المزيد

عمار يس

ما عرفنا الزول دها منو

طبعا الرجال غابت وجابت

عاد نادر حسنين دكتورا

ومحمد المنتصر دكتورا واساتذة في كلية الهندسة

وعاد معظم المهندسين الذين يعملون في ادارة تعليم البنات بالسعودية للسودان

فالحارث مصطفي كبير مهندسي سد مروي وما عارف اخبار البقية

ومحمد الطيب سليم عاد من المانيا ويعمل في مشروع السنط

وقد سمعنا انه ترك العمل لا سباب غير معروفة

وبمناسبة اطول بريك يا عمار

صديقي كمال الشيخ كتر ربيتو في سنة تانية معانا

ووالدته كلو مرة تسالو

يا كمال يا ولدي انت في سنة

يقول ليها تانية يا حاجة

تلات سنين ونفس الاجابة

فقامت قالت ليهو

يا كمال يا ولدي

انتو جامعتكم دي مافيها غير سنة تانية

Post: #709
Title: Re: اليوم الحار ومابنداريوم الهندسة والمعمار
Author: عمار يس النور
Date: 08-20-2006, 03:46 AM
Parent: #708

الأخوة أبو خليل و عبد الكريم كيكي

Quote:
سؤال مهم للإخوة خريجي جامعة الخرطوم و خاصةكلية الهندسة قسم المساحة :
1) هل تعرفون من هو صاحب أطول و أعظم بريك في تاريخ الجامعة ؟
2) من هو الطالب الأكثر دخولا و إلتحاقا بالجامعة و كم مرة دخل جامعة الخرطوم ؟
Hint: the person is a graduate student from Faculty of Engineering


الإجابة على السؤال هي :
هو المهندس (مساحة) الليثي الحاج يوسف من أبناء مدني تخرج في عام 1988 و مافي اي حد عارفو دخل الجامعة متى. وهو يا عبد الكريم صديق سفيان عبد الله (مهندس مساحة) شقيق خطاب و لو بتتذكر كنا بنقابلو مع قريبك الإتحادي بتاع المساحة الذي نسيت إسمو.

وهو صاحب اشهر بريك في تاريخ الجامعة و يضرب به مثل حيث انه ترك كتبه و كراساته في إكستنشن الهندسة و أخبر الجماعة إنه سوف يرجع سريعا و من هناك ذهب للسوق الشعبي و إلى مدني طوالي و ما جاء أخذ كراساتو و كتبو إلا بعد إسبوع.

وهو أيضا أكثر واحد دخولا للجامعة حيث انه تم قبوله في المساحة و في السنة الأولى إنضرب دسمس و قال احسن امشي امتحن الشهادة السودانية إمكن أجيب بوكسن اكبر و أدخل مدنية او معمار و لكنه جاب مجموع مساحة فقط و دخل الجامعة للمرة الثانية.
وفي السنة الثانية برضو ضربو ليك دسمس من نوع بتاعك يا كيكي (بتاع الرسم الهندسي وهو أصلو ما عندو صبر لقراية الماس يعني ح يصبر للرسم و العوارة دي) ثم إمتحن كطالب خارجي و دخل الجامعة تاني و برضو لي قدام إنضرب في سنة رابعة او خامسة ما عارف و دخل و تخرج وهو الان مهندس ناجح جدا.

باشمهندس الليثي رجل رائع و أخو أخوان و راجل نكتة و خدوم و محبوب من الجميع و العايزو دائما بيلقاه.
طبعا إنو كان مركلس و ابدا ما بيمشي الجامعة قبل الساعة 9 صباحا و ما بيخاف من إختبار او إمتحان أو أتندنس (حضور و غياب) يقوم علي راحتو و يستحمى بمزاج و يفطر ثم يخرج على مهلتو للجامعة.

من أشهر قصصه إنه طبعا اصبح كبير جدا بالنسبة لدفعتو ،مرة في سنة من السنين و أظن لمن حصل سنة رابعة واحد من الطلاب الذين أصبحوا دفعتوا قال ليه يا ليثي إنت لي ما جيت محاضرة الساعة سبعة صباحا لانو الدكتور قلبها إختبار و قال حيكون منو 10% من الإمتحان النهائي . طبعا الولد كان خايف عليه شايفو كبير و إقترح عليه يمشي طوالي للكلنك و يعمل ليه تقرير طبي عشان يعوضوه. الليثي قال ليه: " هيا ولد أمشي العب بعيد الإختبارات دي بيخوفوا بيها الزيكم عشان يذاكروا أنا شفت الدسمس بعيوني ديل الح ياكلهم الدود أربعة مرات و جامعتك دي الخايف عليها انا دخلتها اربعه مرات و جاي إنت اليوم بعد الشيبة دي تخوفني بإختبار و أتندنس ، يا ولدي هيه أمشي ألعب بعيد )...

التحية للأخ باشمهندس الليثي فهو أخ عزيز علينا كلنا برغم فارق الدفع.

========
تخريمة :
مرة يا كيكي صاحبنا خطاب ما إتصل بي عشان يبارك بنتي الثانية سارة فارسلت له قصيدة عتاب على لسانها و كان وقتها بيدرس في الماجستير في السودان عاتبته فيها و كان قد تزوج قبل شهر و ذكرت فيها قصة هذا الليثي و هذه مقتطفات منها

خطاب أين أنت
فقد مضى على الزواج شهرا

ورزقني الله بنتا
لها من الأمثال ندرا

عند يوم النحر جاءات
و قد أتى العباد نحرا

تقول ساره عماه :
مالي أجد منك يا عماه نكرا

أما فرحت إذ ما الريم جاءت
أم أننا دون الريم قدرا

خطاب أين أنت
و قد كنت كالأفلاك بدرا

لا تقل أشغال دنيا
و أعفنا من أشغال زهره

لا تقل الماجستير هذا
فما وجدنا لك في البكلاريوس عزرا

فقد كنت كالليثي دوما
لا تقم للإمتحانات ذكرا

فكم تركت الكراسات ظهرا

و ما أتيت إليها عصرا

قد جربت هجائي يوما
فخذ مني للهجاء حذرا

فأنا إبن الأمير ذاك
سل أمدرمان عنه
أما زال لها في الأشعار ذكرا

*****************



تحياتي


عمار يس النور
عاشق بخت الرضا

Post: #710
Title: Re: اليوم الحار ومابنداريوم الهندسة والمعمار
Author: khaleel
Date: 08-20-2006, 01:26 PM
Parent: #709

شكرا عمار يس

وكثيرون مظاليم كلية الهندسة وعاشقي الخضرمة

صلاح العاقب ابراهيم جرايد ابوبكر حجازي ياسر ابوصلعة محمد الحسين عاطف جلي النور جابر

محمد فاروق ياسر محمداحمد حبيب الله بابكر عزالدين محمد خير ياسر شندي عبدالرحمن خالد

امل الفاضل كيكي قرود معتز علي عمر الحبر

والقائمة تطول

المهم كان التربيت في القمة وليس في الابتدائي

والتربيت يقوي الدروس ويهذب النفوس

Post: #711
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-20-2006, 03:44 PM
Parent: #710

Quote: صديقى الرائع خليل

سلامات

as you have seen from the message sent by that young lady Tamara , which proves that your mission had extended to made her be passionate towards our Legendary faculty and our Profession as well, and at the end of the day your post had added many values to our Tedious life such as connecting us with our ever great friends and also inspire young generation like Tamara with hope and glory, once again my dear thank you so much

ابوالخل

موضوع تربيتك فى سنة ثانية دة كان قدر مقدر
سماية ناس خالى وعزاء ناس عوض سعيد وعرس ناس وليد مدنى كانت كلها اسباب
لكن يبقى الاهم رسالتك التى اوصلتها للاجيال كما ذكرت لك فوق

العزيز شلف
تحية وشوق يارجل

ياحليلك وحليل ودالماجدى ياخواجة


احمد التجانى

Post: #712
Title: Re: اليوم الحار ومابنداريوم الهندسة والمعمار
Author: khaleel
Date: 08-21-2006, 03:01 PM
Parent: #711

الخير احمد ادم( انبليتا)

خليط بين هشام سفل وخالد الشهير

هجين بين ساكوبة وطه العب وابوسمرة

مستنسخ من قرود ونصر الدين دروب


ظريف كطارق الكوتش وعمر حسين واحمد شبو

رشيق رشاقة ايريا

جاد كجدية اشرف عبدالحافظ

هذا البرلوم الاسطورة

حفظ الارث الحضاري والتشجيع الحضاري لطلاب كلية الهندسة

بدا ممثلا في الايام الثقافية للكلية

كان يغني بعد المرات

ولكن جكس الهندسة كان لا يحب غنائه وكان يعشق غناء الود ياسر محمداحمد

لم يحبط سلك طريق الغناء

وشق طريقه لوحده

الي ان صار النجم الاول في عقد الجلاد

انه المهندس المساح الخير ادم

ود مرابيع ود اللبيح

له التحية

Post: #714
Title: Re: اليوم الحار ومابنداريوم الهندسة والمعمار
Author: khaleel
Date: 08-24-2006, 02:12 PM
Parent: #712

من العائدين ايضا ابراهيم ابو سمرة

وطه النور كلهم الان يعملون بالسودان

والملاحظ ان معظم مهندسي السعودية عادو

يبدو ان الرسالات لم تعجبهم

لكن مهندسي الامارات ما بفكرو حتي في الرجعة

عشان دبي فيها السمع والشوف

تركيا وروسيا واثيوبيا وحاجات تانية مانعني

Post: #715
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-25-2006, 11:23 AM
Parent: #714

سلام ياخليل..
وبمناسبة الرجوع ..مهندسي قطر ذاتهم رجعوا
خالد الحاج من الجيل الاول في قطر ورجع والان مهندس قدر الضربة في السودان
ومحمد الخاتم برضو ما قصر ورجع
محي الدين بتاع كيمائية
وعباس يس
وعبدالرازق
ومجموعة كبيرة عادت...
ومتين يا ربي العودة لامدرمان...
ما تجي نرجع يا خليل...ياخ!!!!

Post: #716
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 08-25-2006, 01:37 PM
Parent: #715

وعدت بنشر هذه القصة سابقاً ووعد الحر دين عليه

قصة قصيرة

-1-
أحبـــــــــــها
-2-
كانت تبتسم الي دائماً فأري في ابتسامتها
معالم مستقبل رائع كابتسامة الخريف
-3-
كانت بالنسبة الي حلم... كنت أراها فوق
النجوم و لكني وجدت نفسي معها في نفس العلو
-4-
عشت في أحضانها... سرت في جسدي رعشة دفئها...
فأحسست بألامان التام و أنا في رحابها الواسع
-5-
حتي أكون أكثر صدقاً مع نفسي و معكم, كانت تنتابني
أحاسيس الخوف و الفراق ... و لكنني كنت أهزم هذه
الأحاسيس في كل المعارك
-6-
أنوم في أحضانها حتي ترتوي جفوني, أتسير في أطرافها
فانتشي ... أناجيها صامتاً و هامسا و متظاهراً فلا يهتز
كبريائها لانها في وقار المشانق و شموخ الشهداء
-7-
كنت أتطلع ليوم الزفاف ... يوم أن اتصور معها أحلي
صورة كاعلان لبداية حياتي بالعفاف و الكفاف و الكفاح
-8-
ظهر في طريقنا شبح بدأ يطوقها من كل الجنبات ...
امتدت يديه الي الي وجنتيها ... ففاضت عينيها
و الي صدرها ... فألصقت فخذيها
-9-
حدث ما كانت تخشــاه
-10-
افتــــرقــــــنا
-11-
انهارت جدران الأماني ...كلا... مازلت أحلم باللقاء
و ما زال يتردد في ذهني هتاف
-12-
حبيبتي لا تحزني ... لن يسرقوك فصورتك في كل الاذهان
و نورك في كل الافاق .... و اسمك يكفي جامعة الخرطوم

حامد الصاوي مساء الثلاثاء 18/2/1992


لقد كان ذلك المساء حزيناً و احساس الخيبة و الضياع
يتملك كل طلاب الجامعة الذين تم طردهم منها بهذه الطريقة
الوحشيه. و لكن هناك من يدخل الجامعة بمجموعه و تحصيله
و هناك من يدخلها ب كلاشنكوف و و سط غابة من الخان المسيل للدموع
و يا للعجب



Post: #717
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-25-2006, 02:16 PM
Parent: #716



Quote: حبيبتي لا تحزني ... لن يسرقوك فصورتك في كل الاذهان
و نورك في كل الافاق .... و اسمك يكفي جامعة الخرطوم

ياسلام يا الصاوي....
اجل لن يسرقوها وان احتوا امرها موقتا...
لان من سرقها يكون قد سرق وطنا وصهيلا وزمن ومكان مر به الكثير من الجمال
والضياء ومر به ابناء فقراء ونبلا هذا الوطن..وتمازجت فيه الارواح..وستتماذج حتما
مادام في الامر نبضا يعشق هذا الوطن...
مرة سرب اللصوص معنا ايضا عبرها..كنا نراها ليس معبرا للزفاف فقط..بل نراها
كينونة وطن ومصنع وجدان..وكانو يروها معبرا لمشروعهم الذي ادخلها وادخل الوطن
في متاهات لاقبل لنا بها.....
لك السلام والدهشة علي هذه القصيدة الجميلة ياخ..يا ود الصاوي....

Post: #718
Title: Re: اليوم الحار ومابنداريوم الهندسة والمعمار
Author: khaleel
Date: 08-25-2006, 03:47 PM
Parent: #717

كريم والصاوي

لكنهم سرقوها شئنا ام ابينا

سرقوها حينما سرقو السكن والاعاشة

والتعريب والقبول الخاص

سرقوها حينما عملو امتحانات خاصة للمجاهدين

سرقوها حينما صار الدخول اليها بالعربي والدين

امريكان في كل مكان

ديل ماليين الدنيا ملي

وديل قاليين خلق الله قلي

لن نعود يا كريم

مع البنزين الغالي والسكر الغالي

وبعدين ما تنسي الخدمة الالزامية

ولو خلصت الخدمة الالزامية

لا توجد وظيفة الا بعد تمشي دارفور تقاتل قوات الامم المتحدة

وبري من العسكري

Post: #719
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-26-2006, 04:55 AM
Parent: #718

Quote: ومتين يا ربي العودة لامدرمان


يازول ياكيكى ماتستغفر ....امدرمان مره واحدة كدة
البوست دة ناس الصادق فيصل مابشوفوه ولا شنو

خليل يجب ضبط وابطال هذه التجاوزات والتى هدفها تمرير مخططات اهل الهامش
للركوب فى سرج واحد مع اهل البندر

احمد التجانى

Post: #720
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-26-2006, 04:56 AM
Parent: #718

Quote: ومتين يا ربي العودة لامدرمان


يازول ياكيكى ماتستغفر ....امدرمان مره واحدة كدة
البوست دة ناس الصادق فيصل مابشوفوه ولا شنو

خليل يجب ضبط وابطال هذه التجاوزات والتى هدفها تمرير مخططات اهل الهامش
للركوب فى سرج واحد مع اهل البندر

احمد التجانى

Post: #722
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-26-2006, 05:11 AM
Parent: #720

Quote:
يازول ياكيكى ماتستغفر ....امدرمان مره واحدة كدة
البوست دة ناس الصادق فيصل مابشوفوه ولا شنو


سلام يا ود التجاني..عامل لي فيها راصد فلكي..شنو ياخ ما تخلينا نتجدع
شوية ونحلم بالرجوع للمركز..وبعدين امدرمان دي سكنها( ساكوبة)..وخليل عامل
دعاية انو عندهم (حوش كبير) في( ود درو)...
وخلاص عشان ما تزعل يا ربي متين العودة لودهاشم..
ومتين ابوصلعة يرجع (لود الزين) ريفي المناقل,,

Post: #721
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-26-2006, 04:58 AM
Parent: #718

حذف للتكرار

Post: #723
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-26-2006, 11:04 AM
Parent: #721

تحية خاصة للناقد الكبير عمراحمد..
الذي يبدو انه يعجيه العجب والصيام في رجب..
فيا عمر احمد وين رسايلك وين خطابتك الي..!!!
والوعد بيناتنا زي ما كتبت لابو الخل تكتب الي..!
في انتظارك يا حبة17

Post: #724
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 08-27-2006, 01:27 AM
Parent: #1

تحياتي لأولاد الهندسة
بيننا في هذه الأيام بالخرطوم في إجازة قصيرة المهندس الكبير/ أنور تاج السر. نحاول محاولات جادة لإكمال (نصفه) الناقص عسى و لعل...

طارق

Post: #725
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-27-2006, 02:16 AM
Parent: #724

الاخ طارق

لك التحية

ارجو ان تبلغ سلامى واشواقى للاخ العزيز انور تاج السر
الذى لم نراه منذ ايام الجامعة
وربنا يكلل جهودكم بالنجاح فى مسعاكم لتزويج الاخ انور
وان حصل نسالك ان تمدنا بالاخبار Live

لك الود

احمد التجانى

Post: #726
Title: Re: اليوم الحار ومابنداريوم الهندسة والمعمار
Author: khaleel
Date: 08-27-2006, 01:57 PM
Parent: #725

سلامات طارق احمد خالد

والله تكون قلبت هوبة لو عرست لانور

وانا متاكد حايقول ليك القصة دي فيها نوع من الصعوبة

وبالله يا طارق هل ما زال انور تاج السر لسع انيقا

لان اولاد سنار ديل مشهورين بالنضافة وناس كوستي دائما دنجوانات


احمد التجاني سلام كتير

Post: #727
Title: Re: اليوم الحار ومابنداريوم الهندسة والمعمار
Author: khaleel
Date: 08-29-2006, 02:00 PM
Parent: #726

اسمحو ان اهني السيدة رباح الصادق المهدي بمناسبة الشفاء من الوعكة الصحية التي المت بها

وما زلنا في انتظارها لاضفاء الالق لهذا البوست

وما زلنا في انتظار ابراهيم ابوسمرة

ومحمد الطيب ايريا وطه العب وساكوبة والشهير وعمر الحبر وعمر حسين واشرف منير وعاطف مرسي وهشام سفل

وطارق الكوتش ويا ريت لو جات اريج جعفر وزينب محمد سليمان

ومن اقتصاد لو لقينا عبدالله جنجا

ياريت لو يكتبو لاثراء هذا البوست

بالله رسلو لينا علي الايميل لنقوم بنشرها علي البوست

Post: #728
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 08-29-2006, 02:26 PM
Parent: #727

خلي وود التجاني...اولاد الدفعة..
جبتوا الليلة خبر كهربجية كبار
انور تاج السر..ود سنار الانيق العبقري..طوالي الواحد بتذكر معاهو سيف
عمران (تنقا)..وهاشم ود سنار (احسن زول بسرح شعرو في العالم)..

انور له التحايا ونتمني ان نسمع عن زواجه الميمون
...
والكهربائية التانية الاخت الراقية رباح الصادق المهدي الله يديها العافية
والصحة..ليعود قلمها الرشيق الي هذه الذكريات ليعود الزمن الجميل,,,

تري يا خليل اين اختفي
معاوية داؤود..وابوبكر عثمان وشلف..

ويا خليل طالبين شوية من القطة وليك الامان,,,!!!

Post: #729
Title: Re: اليوم الحار ومابنداريوم الهندسة والمعمار
Author: khaleel
Date: 08-29-2006, 02:35 PM
Parent: #728

كريم ما تقلب المواجع

والقط رافل في نعيمو بس انال منو الحجيم

ورغم ابتعادك عني سيرتك عندي دائما احلي سيرة

Post: #730
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-30-2006, 05:12 AM
Parent: #729

ابو خليل وكيكى

كيفنكم

من مدة كدة دار النقاش مع اولاد الدفعة اثناء زيارة للامارات
عن القنذب او اجمل الحلوين المسمى بالراتب فى دول الخليج
المعروف بالماهية فى السودان فذكر لى احدهم بان الاخ انور
تاج السر قد تعاقدمع الاتصالات براتب يفوق مقدار السلفيات التى تمنحها
البنوك لمحدودى الحظ
ولذلك سمى بانور سلفية (ربنا يذيد ويبارك)
والسوال هو كيف لشخص ان يحتمل عبء هذا الكم من الاموال
دون وجود زوجة قد وضعت من ضمن اهدافها فى الحياة
القضاء على ارصدة وجيوب المغفلين المشهورين بالازواج

خليل بما انك مولع بالاحصاءات ممكن تعمل لينا
قائمة بكل الزملاء الصامدون امام اغراءات القفص
الذهبى

احمد التجانى

Post: #731
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 08-30-2006, 06:22 AM
Parent: #1

تحيات عطرة لأولاد الهندسة خليل، كيكي، أحمد التجاني و العزيز إبن بخت الرضا عمار يس

لازالت محاولاتنا جارية لتأهيل أنور تاج السر و تشمل المحاولات التوفيقية كم معتبر من الزيارات الماكوكية. المشكلة إنو أنور راسو قوي و قال ليك يا خليل: الأمر ليس به شي من الصعوبة إنما هو شديد الصعوبة. على العموم نحن نحاول بعنف و أعتقد أن طرف الخيط شبك و دعواتكم معانا.
يا أحمد التجاني الحسادة كمان شنو: أنور قروشو كتيرة؟ (شكلك الحكومة الداخلية مقرطة على ميزانيتك ) لو سمعتا نقنقة أنور و جرستو حتعرف إنو القروش ما عندها قيمة. يا أخي أنا أضاني إتقدت بي جرسة التلفونات حقتو. ياخليل بلغ تحياتي للباشمهندس العزيز مرتضى الطاهر.

المهم ياناس الدوحة أنور ربما يكون بطرفكم في زيارة عمل عاجلة في يوم 7/9 و شدوا حيلكم معانا.


.... خليل تحياتي للأخ العزيز الباشمهندس مرتضى الطاهر.

Post: #732
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 08-31-2006, 05:01 AM
Parent: #731

المهندسون العزاز

تحياتى

ياعزيزى طارق احمد خالد انا كتبت دى مخسوس

Quote: (ربنا يذيد ويبارك)


عشان ماينط لى زول ويقول

Quote: يا أحمد التجاني الحسادة كمان شنو


ولكن زى مابقولوا البخاف من العفريت بيطلعلو

واصلا تم ايراد هذه القصة لتبرئة ذمتى كمتزوج قديم يقدم النصح لاخيه
انور واظهار جميع اوجه القفص الذهبى
وانتو بخليكم تدوه الجانب المشرق (حدكم شهر العسل)
وكمان باحاول اوضح ليه الفرق قبل وبعد الزواج من حيث الاهداف
فالعبد منا ايام حريته له ان يستهدف ماشاء من الاهداف
وبعد فقدانه لحريته يصير هو الهدف المستهدف

لكم الود

احمد التجانى

Post: #733
Title: Re: اليوم الحار ومابنداريوم الهندسة والمعمار
Author: khaleel
Date: 08-31-2006, 05:16 AM
Parent: #732

سلامات طارق احمد خالد

وقول للصديقي انور تاج السر حذاري من العرس بعد سن النبوة لانه بعده تقل المرووة

مرحب بيك طارق احمد خالد والدوحة تنور لبك


احمد التجاني

بمناسبة الراتب او المعاش يقول اهل الخليج

ياخي الريال كل يوم داقي ( الدلجة)

كلما ننموم نلقي الريال نقص اربعة جنيه

والله دها خراب بيوت رسمي

Post: #734
Title: Re: اليوم الحار ومابنداريوم الهندسة والمعمار
Author: khaleel
Date: 08-31-2006, 05:23 AM
Parent: #733

ما اشبه الليلة بالبارحة

ايام الدمقراطية

تم زيادة رطل السكر الي تلاتة جنيه

فخرج ناس الجبهة للشارع

وتحداهم شيخ العرب دكتور عمر نور الدائم

وامر جماهير الانصار بالتصدي للمظاهرات

واليوم الجبهة زادت السكر الي الف وماتين جنيه لاحظ الفرق ( وكما يقول السيد الصادق المهدي جنيه

الانقاذ بمليم الدمقراطية)

اليوم خرجت المظاهرات وتحداهم نافع علي نافع وما اشبه الليلة بالبارحة



ووطن قد تبول الثعلبان براسه

قد هان من بالت عليه الثعالب

Post: #735
Title: Re: اليوم الحار ومابنداريوم الهندسة والمعمار
Author: khaleel
Date: 08-31-2006, 04:05 PM
Parent: #734

وفي هذا المنعطف الخطير الذي تمر به البلاد

اسمحوا لي ان احيي زعيم اتحاد الانتفاضة المهندس عمر الدقير وبقية افراد الكتبة

واحيي دكتور احمد القرشي صاحب المقولة المشهورة 0( الكيزان بقوفو سوء الظن)

واحيي رئيس اتحاد المحايدين دكتور حاتم المهدي

واحيي ابراهيم فتح الرحمن وعادل عثمان وتحية سرمدية للروح الشهيدة التاية

وروح سليم وابوبكر وطارق

وكل من سالت دمائه فداء لهذا الوطن العزيز


امدر والطوابي في صدرك وسام

عفوك انت ورضاك وبرا ليك تام

Post: #736
Title: Re: اليوم الحار ومابنداريوم الهندسة والمعمار
Author: Abubakr Osman
Date: 08-31-2006, 06:56 PM
Parent: #1

الحبايب الحلوين
ما دسانى منكم الا الشديد القوى
ختفت رجلى لحدى القاهرة فى مأمورية شغل والان فى المطار فى طريق العودة
لسوء حظى يوم وصول انور كانت مغادرتى ويوم عودتى سيغادر هو وطارق ما حيكون قصر فى المشروع
الحضارى ليهو
العودة للسودان شملت الكثيرين واخرهم المهندس الكبير الهادى الاصم بموبيتل

Post: #737
Title: Re: اليوم الحار ومابنداريوم الهندسة والمعمار
Author: khaleel
Date: 09-02-2006, 03:47 PM
Parent: #736

سلامات ابوبكر عثمان

ومرحب بعودة العلامة الهادي الاصم

بعد ان تاهل بالعلم والمعرفة وعمل مدير المشروعات بفيلبس بهولندا وهو اضافة حقيقية لموبيتل

كما لاننسي اجادته للموسيقي والفن والطرب وكان مايسترو كورال الهندسة

وبما انه تلوح في الافق اجواء بتاعة انتفاضة رايكم شنو نسمع


RealPlayer:
http://switchboard.real.com/player/email.html?PV=6.0.12...sudaneseonline.com%2Fmal.WMV

Note: This content may require the latest RealPlayer, which is not available on Windows 95, Mac OS9 or Linux systems.

Post: #738
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-02-2006, 04:12 PM
Parent: #737

Quote: الهادى الاصم

موسيقار كبير ومن كبار ظرفاء الهندسة وله ثنائية شهيرة مع صديق ابو (اللكز)
وقالوا رجع من هولندا خواجي كبير ومهندس كثير الانضباط والدقة والجدية

Post: #739
Title: Re: اليوم الحار ومابنداريوم الهندسة والمعمار
Author: khaleel
Date: 09-02-2006, 04:20 PM
Parent: #738

تمني عودة جميع الطيور المهاجرة لارض الوطن واليهم نهدي





friend thought you'd like this streaming media. Play it now with your RealPlayer:
http://switchboard.real.com/player/email.html?PV=6.0.12...Faltairalmohajer.ram

Post: #740
Title: Re: اليوم الحار ومابنداريوم الهندسة والمعمار
Author: khaleel
Date: 09-03-2006, 03:23 AM
Parent: #739

دكتورنا واستاذ

الصادق شرفي

يتميز بانجليزية عالية

وفرنسية ماهرة

مرة طلبنا منه برفع صوته في المحاضرة

وقلنا ليهو يا دكتور ما سامعين

فاجاب بانجليزية صارمة


(this my full capacity if you cant hear me youcan go to deen

Post: #741
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-03-2006, 03:31 AM
Parent: #740

خليل..
كثيرا ما طالبت وطالب الجمهور من كل بقاع العالم بالعودة
الي صهيل القطة وجع السنين فهل من عودة هل الي القطة والشول
فانا ادري ان الجراب ملا ن حكاوي قطية كثيرة..

Post: #742
Title: Re: اليوم الحار ومابنداريوم الهندسة والمعمار
Author: khaleel
Date: 09-03-2006, 03:45 AM
Parent: #741

وافترقنا وبي عيننا المني

قالها الدمع فما ابصرت شيئا

http://drmoiz.com/phpBB2/viewtopic.php?p=500277&highlight=#50027

Post: #743
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 09-03-2006, 06:43 AM
Parent: #742

ياكيكى

بيكفى ياحبيب الحاحك المتواصل لفتح
ملف القط مرة اخرى
الموضوع دة كماعرفت من مصادر مقربة
ممكن يجلب كثير من الهوا للاخ خليل
فدع عنك يااخى تسخين الجراح وتقليب
المواجع وطبعا زى ماانت عارف انا ممن
لم يعاصروا موضوع القط وكان بيهمنى
اعرف اكثر من حيث الشمارات وكدة

واديك دى تتصبر بيها لحدى ماخليل يشوف
ليك حاجة جديدة

فى احد ايام السمستر رجعت الداخلية
تحديدا بحر الجبل وجدت احد الفرد (جمع فردة)
قابعا فى سريره وجهه ينعل قفاه
فسالته عن مابه فذكر لى ان الصادق شرفى
قد كان مراقبا فى قاعة امتحانهم وقد وجد
هذا الفردة يتحدث مع الزميل الذى خلفه وقت
اعلان انتهاء الزمن فقام الصادق شرفى بالتوقيع
بالقلم الاحمر على ورقة هذا الفردة متهما اياه
بمحاولة الغش وان هذا السلوك هو سبب وجود مهندسين
فى السوق يتلاعبون ويغشون فى البناء
فاستنكر صاحبنا هذا الامر وذكر ان هذا الشرفى مكبر
الموضوع والامتحان فى مادة المساحة التى لاتتطلب كل
هذا واختتم بهذه العبارة

(انعل ....... و..... مقابرهم) الضمير يرجع ل شرفى

احمدالتجانى

Post: #744
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-03-2006, 10:28 AM
Parent: #743

ودالتجاني
سلام والله
وخليل صحبك اصلو الهواءجايهو جايهو...فقلنا مادام اتبلبل نخليوه يعوم
ويواصل في موضوع (القطيط)..
طبعا هناك اشعار خليلية رائعة علي وزن.
لا حباك قطيط لا لقيت النقر ياابو خليل خلاص ارجع لام دقر.

والنقر ده طبعا قصتو اجمل واروع من القطة..بس خليل هاضم حقوقها ساكت.

Post: #745
Title: Re: اليوم الحار ومابنداريوم الهندسة والمعمار
Author: khaleel
Date: 09-04-2006, 03:58 PM
Parent: #743

هلا احمد التجاني

احد الفرد برضو معاكم في ميكانيكا

حاول اعمل شيطان في امتحان دكتور محمد هاشم

وملا كراسين اجابة والكلام كلو خارم بارم

وجات النتيجة والفردة سقط

فذهب صاحبنا لدكتور محمد هاشم

وقال انا جاوبت في كراسين

دكتور محمد هاشم قال ليهو لكن الكلام الكتبتو(irreleventto the subject)

Post: #746
Title: Re: اليوم الحار ومابنداريوم الهندسة والمعمار
Author: khaleel
Date: 09-05-2006, 02:12 PM
Parent: #745

شبابنا بتاعين هندسة مدنية

بامريكا بهرتهم التكنلوجيا وتخصصوا في الكمبيوتر وتركوا المدنية

بعد حداشر سبتمبر كلهم بقوا عطالة

واي زول بخلي مدنية تاني لا بينا لا بينو

( ودي شفقتكم وقدت مكنتكم)

Post: #747
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 09-06-2006, 03:09 AM
Parent: #746

Quote: بعد حداشر سبتمبر كلهم بقوا عطالة


ودة من شنو ياابوالخل
وحكاية انو الزملاء هجروا المدنية للكمبيوتر
لا تقلل من شأن الهندسة المدنية بقدر ماهى ضرورات مرحلة
وبعدين ياخليل مافائدة الهندسة اصلا ونحن شعب لايؤمن بالعلم
ندرس العلوم وتنتهى صلاتنا بها حين التخرج
وهندسة بلاابداع واختراعات تبقى ممارسة خايبة
بالله ياخليل كيف يكون فى مهندسين وعماراتنا بتقع وشوارعنا
تغمرها مياه الامطار وعفوا هى مجازا تسمى شوارع
فالذى قام بتنفيذ هذه الطرق التى يتغنى بها الجهلة فى بلادى
وكانها احدى المعجزات - الذى نفذها - حتما لم يرى كيف هى الطرق والجسور
ودى مشكلتنا مع الاحتكاك والتبصر ليس فى كرة القدم فقط بل فى كل المجالات
ولكنه زمن الانحطاط ويستاهل الشعب السودانى الذى يقبل بانصاف الحلول
بل باقل من ذلك والكل يردد شى افضل من لاشى وطبعا دة كلام جهلة
والمثل الامريكى بيقول ليك Think Big
مساكين لم يسمعوا بشى اسمه Global Minimum Standards

ولك الود

احمد التجانى

Post: #748
Title: Re: اليوم الحار ومابنداريوم الهندسة والمعمار
Author: نادر
Date: 09-06-2006, 03:16 AM
Parent: #1

رضى الله عنك ايتها المرأة الشريفة..

Post: #749
Title: Re: اليوم الحار ومابنداريوم الهندسة والمعمار
Author: khaleel
Date: 09-07-2006, 02:05 PM
Parent: #748

اكتب اليوم عن مقتل الصحفي المثير للجدل شهيد الكلمة الاستاذ محمد طه محمد احمد

ما زلت اذكر اركان نقاشه

وهو شخصية مناكفة جدا

ومستمع جيد للغناء السوداني ويعشق وردي وخير من يتحدث عن اسماعيل حسن


محمد طه سمي الاحزاب التي تنافس الاتجاه الاسلامي بالاحزاب الكتونية

ناكف الجمهوريين والشيوعيين

تكلم عن الجنوب وقال ان كل بتروله لا يساوي قطرة دم واحدة من دماء الشهدا

هاجم الميرغني

وهاجم الترابي

وهاجم نافع واتهمه انه عذب حتي الاسلامين

هاجم دكتور مصطفي عثمان اسماعيل حينما اختلف مع سليمان محمد

هاجم الجميعابي وقال انه قلبه مع الترابي وسفه مع البشير

تارة يتهم بانه شعبي

وتارة وطني

وتارة شيعي

انه فعلا مثير للجدل

تعرض لاربعة محاولات اغتيال

قابلته قبل سنوات في شارع الجمهورية وقلت يا محمد طه انت تهاجم الانقاذ

لانهم لم يعطوك كريسيدا

فقال ياخي الاتفه مني راكبين كريسيدا

رجل فيه شي من حتي

يكتب معظم صحيفة الوفاق لوحدة

وكتب جريدة اشواك في الجامعة لوحده

وكتب في الراية واخر لحظة

قتل ببشاعة لم يالفها السودان

غفر الله له وجعله من اصحاب اليمين

Post: #750
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-07-2006, 02:21 PM
Parent: #749

ياسلام يا خليل
رحم الله محمد طه
رغم اختلافي معه الا نذكر انه من كان نثرون خطاب الكيزان في اركان
الجامعة...وكان دائما فقير رث الثياب..ومتحدث بارع في اركان الكيزان
وكما قلت انه كان من احسن الذين يتحدثون عن اسماعيل حسن
والطيب صالح...وهو من نبهني الي اغنية (النسيم التويه) عندما تحدث عنها
في احدي مقالاته في الوفاق....
رحم الله محمد طه ..فقد قتل يوم ذبح الثور الابيض

Post: #751
Title: Re: اليوم الحار ومابنداريوم الهندسة والمعمار
Author: khaleel
Date: 09-08-2006, 10:27 AM
Parent: #749

احمد التجاني

المهندس السوداني كل الذي ينقصه التدريب داخل البلاد وحتي ايام الجامعة

ولعلك تذكر طوال فترة الدراسة لم نري الكمبيوتر الا نصف ساعة في سنة تالتة في كورس متخلف

يسمي فورترن (77)

اما موضوع المجاري فهذه ليست مسئولية المهندسين بل مسئولية الدولة

وتنفيذ المجاري اسهل ما يمكن لمياه الخريف فكل القصة شوية مباني مع مراعاة الميول

اما شبكات الصرف الصحي فدي مكلفة جدا وتحتاج لامكانيات وتكنيك مختلف

اما عن الطرق في السودان برضو هندسة الطرق ساهلة جدا

بس محتاجة لمهندس مساح شاطر والباقي طبقات تردم فوق بعض

اتمني ان يعاد النظر في طريق الموت شارع الخرطوم مدني

Post: #752
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 09-09-2006, 00:51 AM
Parent: #751

Quote: المهندس السوداني كل الذي ينقصه التدريب داخل البلاد وحتي ايام الجامعة

ولعلك تذكر طوال فترة الدراسة لم نري الكمبيوتر الا نصف ساعة في سنة تالتة في كورس متخلف

يسمي فورترن (77)

اما موضوع المجاري فهذه ليست مسئولية المهندسين بل مسئولية الدولة

وتنفيذ المجاري اسهل ما يمكن لمياه الخريف فكل القصة شوية مباني مع مراعاة الميول

اما شبكات الصرف الصحي فدي مكلفة جدا وتحتاج لامكانيات وتكنيك مختلف

اما عن الطرق في السودان برضو هندسة الطرق ساهلة جدا

بس محتاجة لمهندس مساح شاطر والباقي طبقات تردم فوق بعض

اتمني ان يعاد النظر في طريق الموت شارع الخرطوم مدني


صديقى خليل

ماعهدتك تميع القضايا وتختزل كبوات الهندسة والمهندسين فى السودان فى هذه السطور

وياليت كانت الحلول بنفس هذه السهولة التى تكتب بها

احمد التجانى

Post: #753
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-10-2006, 12:47 PM
Parent: #752

الاصدقاء خليل واحمد تجاني..وحاتم الجد بالمشاهرة
سلامات..
ونحمد الله الذي سخر لنا هذا الاسفير لكي نلتقي هنا بعد سنوات طويلة افترقنا
منذ تلاقينا الاول علي ارض داخلية فلسطين...ومابين تلك الايام والان الموكد
هناك تراكم معرفي اتي بالسنين والدعك الشديد تحت الهجير والمطر
(بالذات لنا اهل المساحة)..وبين الاستيل والكونكريت لكم يا اهل (السفل)
وهدير المكن .وتقسيمات (تايوتا) لك يا ود التجاني...
كل هذه السنين تتيح لنا ان ندلو بدلونا في امر المهندس السوداني والهندسة
ولو اجتهادأ..
العمل الهندسي اصله الابداع ولكن الارضية الاساسية لكل ابداع
هي الامكانيات والسقف الفلسفي لصناع القرار..وعلي مستوي
هندسة المساحة التي شهدت تطورا لامثيل له في العقدين
الاخيرين من الزمان (زمن الديغتل والاقمار الصناعية)
نجد ان المساح السوداني الرسمي (اعني انه المساح الذي يوؤل امر تدريبه وتاهيله
علي الدولة لينفذ المهام التي تهم البلد بصورة مباشرة)
نجده بعيدا تماما البعد عن هذه الطفرة..ليس بقصور فيه بل لانعدام السقف الفلسفي
للدولة تجاه البنية الاساسية لاعمال المساحة
التي كما تعلمون هي الاثاث لكل مشروع تنموي
علي المستوي الفردي هنالك اجتهادات ولكن الموسف انها موزعة في المنافي
مابين الدكاترة العظام الذين يديرون اعمال تقنيات المساحة في
الامارات..وبعض الاخوة من المهندسين المتقدمين اكاديميا ومعرفيا في سلطنة عمان
مرورا بالجيل الجديد جيل الدكتور جمال حسن الذي يمارس الابداع
الهندسي في اكبر مراكز البحوث في امريكا.....
اذن الامر امر روية عميقة لاهمية اعمال المساحة بجلب احدث
المعدات ..ودورات التدريب واستقطاب اهل المعرفة العميقة
واهل الخبرة..لتقديم روية تحت مساندةعقل يفهم مثلا اهمية ربط كل السودان (بنقاط تحكم) كنترول بويت وتحديث النقاط القديمة ...واجراء مسوحات الجاذبيةالارضية..(رحم الله المهندس عمر الرملي) فقد كان اول مهندس سوداني قام باجراء قياسات لشبكة الجاذبية في السودان
صارت فيما بعد الاساس لاعمال التنقيب عن البترول
وللحديث بقية ولكيكي عودة باذن الله..

Post: #754
Title: Re: اليوم الحار ومابنداريوم الهندسة والمعمار
Author: khaleel
Date: 09-10-2006, 01:05 PM
Parent: #753

كريم لغتك عالية وفيت وكفيت كما يقول اهل الخليج

كل الذي يحتاجه المهندس المساحة والزمن كما يقول الرشيد بدوي عبيد


هل تذكرون خالد خضر اعظم من خلط تخصص حناكيش ارسل هذا الايميل

ومعه صورته للجماعة البكونو ذاكرتهم خربة
As you know al7'lit is a bad habit and very hard to getrid of it nowdays al7'lit with girls below 10 years old the friends of my doughter Fatimah taking to them about what I use to do when I was in there age or about carton movies or play station games and the most important thing is that it is a pure 7'lit.

wishing you the best always

Attachment : kks1986a.jpg (0.04 MB), kks1986b.jpg (0.03 MB)

Post: #755
Title: Re: اليوم الحار ومابنداريوم الهندسة والمعمار
Author: khaleel
Date: 09-11-2006, 02:23 PM
Parent: #754

كلمة عتاب للمهندسات

معظهم ترك الهندسة وتفرغ للمطبخ

وخدمة سي سيد

السودان صرف عليكم قروش

بالله مافي داعي

لابد من تسخير مواهبكم ودراستكم للوطن

والمطبخ انشاء الله يطير ويقع في البئر

Post: #756
Title: Re: اليوم الحار ومابنداريوم الهندسة والمعمار
Author: khaleel
Date: 09-13-2006, 02:22 PM
Parent: #755

تكلمنا في بوست سابق بان معظم زميلاتنا تركو الهندسة وتفرغو للمطبخ

والمعلومة ما عارف صحيحة ام لا

الذي اعرفه بان السيدة رباح الصادق تركت هندسة الكهرباء

بس عايزين نعرف اخبار الباقيين

تماضر

مايسة عزالدين السيد اشراقة الطريفي سهير عبد القيوم بكنام اريج حعفر

هنادي سارة محمد عبدالله وفاء عبد الرحمن ايناس خيري زلفي الاسد كاملة امل الفاضل اهلية

حنان محمود لمياء هداية الله الهام

الباقي تمو يا عبدالكريم واحمد التجاني

Post: #757
Title: Re: اليوم الحار ومابنداريوم الهندسة والمعمار
Author: khaleel
Date: 09-14-2006, 02:21 PM
Parent: #756

طبعا بنات دفعتنا

ما اظن واحدة عملت دكتوراة

ما عدا النابغة

غادة فاروق كدودة

ابعث لها التحايا من علي البعد

رغم انها شاكلتني في سنة اولي

وقالت لي بانجليزي صارم

lt is non of your buissness

Post: #758
Title: Re: اليوم الحار ومابنداريوم الهندسة والمعمار
Author: حمد فتح الرحمن
Date: 09-14-2006, 03:48 PM
Parent: #1

خليل و كريم و بقية المهندسين و الزوار الكرام
تحياتي
اطالب مع المطالبين بباقي سيرة القطيط حيا ام ميتا
القطيط دا كان رمز الجمال في زمن ما بالنسبة لينا بغض النظر عن انو ( القطيط دا ) قطيط خليل و لّا دا قطيط تاني .

Quote: الخير احمد ادم( انبليتا)

عارف يا خليل الزول من شدة ما طغي ايامنا لو لاقاك مولع ليك برنجاية ساي يقلعا منك باعتبار انك برليم و ما مفروض تولع سجاره قدام زول مخضرم زيو ، و بعدين هو يخمسا ليك هو بي مزاجو .
ما انسي ليهو البلاء الحسن في حفلة زفاف د. تاج السر جعفر في نادي الاطباء الله يذكرو بالخير .
لكن صراحة الخير دا ليهو الفضل في الحفاظ علي معظم تراث الجامعة التشجيعي حتي اليوم
عارف :
ما سمعنا بي ( لن ترتاح يا مساح )
ولا ( مساطر بس ما اكتر ، قاشرين بيها في السنتر ) دي بتتقال الّا ورا الخير
و لا ( اقتصاد يا ركلسة سف صعود و دبرسة ) سمعناها الّا من الخير
وتعال اسمع ( رماد كانون ولا القانون )
واسمع ( كلية برا السنتر كلية اوضة و عنبر )
واسمع ( استاذ استاذ استاذ استاذ ) لي الترابة
و اسمع ( اصوات جميع الحيوانات ) للترابلة و البياطرة
واسمع ( الي الباصات يا دايات ) للدكاترة
واسمع ( كوم تراب ولا الاداب )
واسمع ( جكس علوم تقول لكّوم اريتو معاي ينوم )
دي من الموروثات الوصلتنا عن طريق تواصل الشباب


يا شباب بالله واحد من الاتنين
يا القطيط
يا دوري الكليّات

Post: #759
Title: Re: اليوم الحار ومابنداريوم الهندسة والمعمار
Author: khaleel
Date: 09-14-2006, 03:58 PM
Parent: #758

حمد فتح الرحمن

القط دها رمز لكل النجميات البعيدة

ولي جدد الاحزان وارحل مع الراحلين

الخير احمد ادم فعلا راجل فنان

ووجد ارثا تشجعيا كبيرا

وقد عاصر ملوك التشجيع ومولفي كل هذه الاهزوجات

ابو سمرة طه العب ساكوبة وبقية الكوكبة

داية وعاجبني

الهندسة صعبة وبتغلبني ياريت لا لعبت لا لاعبني

وتلاتة لكاشر في الاسبوع دخلو الجامعة بدون

ولما ناس جامعة امدرمان الاهلية جو لعبو معانا كان التشجيع

يا بابا عايزين جامعة ويا ماما عايزين جامعة

Post: #760
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-14-2006, 03:59 PM
Parent: #758

Quote:
يا شباب بالله واحد من الاتنين
يا القطيط
يا دوري الكليّات

ياسلام ياحمد ياخ ..وينك انت انا لي شهر كايس ليك يا بتاع(الراوي) يانت..!!
وانا اقول قطيط وبس والا لن (ادق) كدنكة مع خليل تاني في البوست ده...

قطيط بس...والا كندكة مافي يا خليل...!!!!!!

Post: #761
Title: Re: اليوم الحار ومابنداريوم الهندسة والمعمار
Author: khaleel
Date: 09-14-2006, 04:09 PM
Parent: #760

القط بعد التخرج

كنت في مستشفي الخرطوم مع صديقي دكتور عثمان الاسد وكان يعمل في الامتياز وكان يقضي فترة

في قسم النفسية قابلت معه واحدة اسمها لواحظ وكانت بتاعة سايكولوجي

فشافتني مدبرس وقالت مالك

وحكيت ليها الفلم فذهبت للجامعة لراب الصدع وعرفتها بالوصف

وادارت معها حوارا وحدث تقدم في المفاوضات وانفرج موضوع تخصيب اليوارنيوم الخليلي

وذهبت اليها وكانت لابسة اصفر ( احرق الفشفاش)

وكان لقاء بعد طول فرقة

ولكن لم ترتعش يداي ولم يخفق قلبي

وشعرت اني اريق ماء وجهي

وشر البلية انت تحب من لم يحبك

Post: #763
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-14-2006, 04:25 PM
Parent: #761

Quote: وادارت معها حوارا وحدث تقدم في المفاوضات وانفرج موضوع تخصيب اليوارنيوم الخليلي


اليورانيوم الخليلي..كدي يا ايراني..!!!!
اها كده عاد الحبيب وعادت الينا احلي قطة في غردون التذكارية

Post: #762
Title: Re: اليوم الحار ومابنداريوم الهندسة والمعمار
Author: حمد فتح الرحمن
Date: 09-14-2006, 04:16 PM
Parent: #760

Quote: وانا اقول قطيط وبس والا لن (ادق) كدنكة مع خليل تاني في البوست ده...

قطيط بس...والا كندكة مافي يا خليل...!!!!!!

و انحنا معاك يا كريم
قطيط قطيط قطيط




يا شباب عليكم الله و الله و ربي البوست دا بشبهكم
اكّان تعزّو البركس لو ما جيتو بي هناك
بين عاصم البنـــا .. ومحمد المرتضى حـــامد

Post: #764
Title: Re: اليوم الحار ومابنداريوم الهندسة والمعمار
Author: حمد فتح الرحمن
Date: 09-14-2006, 04:56 PM
Parent: #1

Quote: ولكن لم ترتعش يداي ولم يخفق قلبي

اها واصل
معاك

Post: #765
Title: Re: اليوم الحار ومابنداريوم الهندسة والمعمار
Author: khaleel
Date: 09-14-2006, 05:06 PM
Parent: #764

حمد

تحدثنا تعابتنا بدون كلامات

لكن كان صعب الكلام عن الحب

بعد الاحداث الجسام

والحب كان محتاج لبيئة صالحة


ولم تكن موجودة لم اكن في ذاك اليوم نفس الخليل

وشعرت بيننا جبال ولم تكن هي نفس القطة

لم استطع ان اصفح وهي ايضا لم تكن مستعدة لرحلة جديدة

اكتيفنا ان تظل الصداقة وتبقي الايام الجميلة

والايام الحزينة

تعرف مرت عشرة سنوات ولم التقيها

لكن تظل الذكري جميلة

وكل شي بقضاء

Post: #769
Title: Re: اليوم الحار ومابنداريوم الهندسة والمعمار
Author: khaleel
Date: 09-17-2006, 02:29 PM
Parent: #765

يدور في مخيلتي سوال كبير

لماذا تباين مستوي الطلاب الاكاديمي داخل الهندسة رغم تقارب المستويات والمجموع في الشهادة

السودانية

لماذا نجد حمدحماد والفحل وعثمان يوسف ونادر حسنين ومحمدالمنتصر وايهاب ايوب والدسوقي واشرف عبدالحافظ واشرف شمت وصديق ابو اللقز

وظافر عبده ومحمد عبد الجليل وموتمن واسعد ووليد حسن عمر ووائل ووليد ابوبكر عبدالوهاب

وسعيد وزياد وبت مدني بتاعة الكهرباء ديك والقرني ومنتصر محجوب وياسر عبدالله

وفي الجانب الاخر من النهر

نجد فلان وفلان وفلانة وناس كتار كدة مستواهم نص نص

ايه الحصل

هل هو بريق الخرطوم والجامعة

هل هي السياسة

هل هو الحب

ام هل هو اهمال بغباء وقدر

Post: #766
Title: Re: اليوم الحار ومابنداريوم الهندسة والمعمار
Author: حمد فتح الرحمن
Date: 09-14-2006, 05:46 PM
Parent: #1

Quote: يا بابا عايزين جامعة ويا ماما عايزين جامعة

عارف يا خليل ما حصل يوم الناس ديل جو خاشين الشرقي و طلعو غالبين ( طوال فترة وجودنا )
اي جامعة تدخل الشرقي بتطلع مصقوعة ارهاب ساي .

الذ مباراه ودية في الشرقي كانت بين هندسة و الشهادة العربية ( اكسا )
ناس هندسة بنتظرو تشجيع الشهادة العربية و غالبا بكون ( اكسا تم ترم تم تم )
بعد كدا بخش واحد من هندسة و يقلد صوت نسائي رقيق ( اكسسسسا تم ترم تم تم )
ولّا تبدأ غنية النكسة النكسة .... حيّا انا
لي شباب الاكسا .... حيّا انا

Post: #767
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-14-2006, 05:54 PM
Parent: #766

Quote: الذ مباراه ودية في الشرقي كانت بين هندسة و الشهادة العربية ( اكسا )


دي مفروض يا حمد تكون طلعت 44|صفر المباراة دي...!!

Post: #768
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-15-2006, 12:45 PM
Parent: #767

Quote: ولم تكن موجودة لم اكن في ذاك اليوم نفس الخليل

وشعرت بيننا جبال ولم تكن هي نفس القطة

لم استطع ان اصفح وهي ايضا لم تكن مستعدة لرحلة جديدة

خليل دي لحظات عجيبة وكبيرة شديدة وكان مفروض يكون في موسيقي تصويرية صاخبة
وانغام متموجة كده....
والتركيز بتاع الكاميرا مفروض يكون علي الوجوه بتاعتكم انت والقطة..وبعد داك
المخرج مفروض يجيب فلاش باك للحظة اللقاء الاولي في الكافتيريا بصحبة الشول...!!!

Post: #770
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 09-19-2006, 07:37 AM
Parent: #768

Quote: والتركيز بتاع الكاميرا مفروض يكون علي الوجوه بتاعتكم انت والقطة..وبعد داك
المخرج مفروض يجيب فلاش باك للحظة اللقاء الاولي في الكافتيريا بصحبة الشول...!!!


خليل
شايفك انكسرت تحت تهديدات كيكى وقمت تانى جبت سيرة البحر
يااخى ان كان مش ولابد اتعازموا انت وكيكى دة فى واحدة من عصارات الدوحة
وكمل ليه الحكاية دى من بعد ضم ابن القط فى حضنك

احمدالتجانى

Post: #771
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 09-19-2006, 07:46 AM
Parent: #770

Quote: ما اظن واحدة عملت دكتوراة


زى كانى سمعت انه اريج جعفر بتعمل فى دكتوراة فى المانيا

ومى العبيد على وشك الانتهاء من الدكتوراه فى البيئة من امريكا


احمد التجانى

Post: #772
Title: Re: اليوم الحار ومابنداريوم الهندسة والمعمار
Author: khaleel
Date: 09-19-2006, 02:14 PM
Parent: #771

البوست علي موعد

مع الثر احمد شبو

بالتوثيق والصور

تابعونا وفالكم طيب

كما يقال في التلفزيون القطري ايام رمضان

Post: #773
Title: Re: اليوم الحار ومابنداريوم الهندسة والمعمار
Author: khaleel
Date: 09-21-2006, 06:16 AM
Parent: #772

رمضان كريم

وطبعا طوال فترة الجامعة صمنا مرتين والجامعة شغالة

وطبعا رمضان عندي في الجامعة ارتبط بذكريات سيئة

المرة الاولي تم تربيتنا ومعاي اخواني ناس الكاشف في تانية الاولي

والمرة التانية كنا صائمين

وكانت قرارات ثورة التعليم العالي ومشاكل السكن والاعاشة

تخيل تكون صائم اليوم كلو

وتمشي الصفرة تلقي الفطور ( طبيخ دمعة)

والله العظيم مسجون ما ياكلو

Post: #774
Title: Re: اليوم الحار ومابنداريوم الهندسة والمعمار
Author: عمار يس النور
Date: 09-21-2006, 11:51 AM
Parent: #773

أبو خليل
كيكي
الجميل (حسب رواية عثمان الطيب الريح الشهير بعثمان قراف)

التحية لكم ، طبعا متابعين معاكم الضـقيل بتاعكم و الباصات الجميلة في هذا البوست الرائع و ما تقيفـوا أبدا و لو تعبتوا أرفعوا الكوره فوق راسكم ذي محمد المتوكل و انور و بعدهم روانالدينو وريحوا اللعب شويه (تتذكروا لمن أنور بتاع الإقتصاد جرى بالكورة في راسو في مبارة ضد الكلية الحربية جرى بالكورة من نصف الميدان لحد خط 18 و الضباط متحيرين و ما عارفين يعملوا ل يه شنو !

احمد التجاني
شايفك لسع شغال عرض حال
ياخي اكتب لي بكري ابوبكر و اكيد حيديك إشتراك، قول ليه انا من الجماعة الكانو مع ابو سمرة لمن ضربوه بحجر متحجر ناس الجيلوجيا عندما كان بكري ابو بكر يسكن داخلية بحر الجبل الطابق الثاني ... كده إنت أكتب شوف كان ما أداك الإشتراك إنت و صاحبك أبو سمرة.

صاحبك الشريف سعد كنت معاه قبل 3 اسابيع في سلطنة عمان كان عزابي اولادو في السودان ، دائم الشكوى إنو محمول و أبو بنات (بنتين فقط) قلت ليهو انا سبقتك في موضوع البنات ديل قبل عشر سنوات و أحسن ليك عشان تدخل بيهم الجنة ، قال هو الجنة ضامنها ما هو شريفي بس عاوز يعرف ال Level بتاعو بس

صاحبك سعد عمل صداقة مع كمال ترباس قابلو بي الصدفة في مسقط كان نازل في نفس الفندق معاه لمده إسبوعين و أصبحوا أصدقاء و بيشيشوا مع بعض.
حكى لي سعد كثير من النكات و القفشات مع ترباس منها مثلا : سعد سأل كمال ترباس هل صحيح إنو متزوج اربعه ، قال ليه ترباس أي بالحيل ، سأله سعد و مسكنهم كلهم مع بعض ، رد عليه كمال ترباس : يا سعد الكورس ما بريضوا يسكونوا مع بعض أقوم أسكن لي 4 نسوان.

وحكى كمال ترباس قصة طريفة لسعد : قال يوم كان بيشيش مع نميري ، قام نميري قال ليه يا كمال إنت عارف إنو أسؤ حاجة فيك شنو ! قال ليه ترباس شنو يا ريس ، قال ليه إنك غنيت لثورة الإنقاذ، رد عليه كال ترباس يا ريس دسل غشوا الشربيني (سفير مصر في ذلك الوقت) الذي صنع شخصية رهفت الهجان و زرعوا في إسرائيل لمن انا كمال ترباس ما يغشوني.
المصيبة إنو نميري يوم كده لاقي عمر البشير و حكي ليه كلام ترباس ، وفي يوم تاني عمر البشير لاقى ليك كمال ترباس وقال ليه دشنو يا ترباس القلتوا لي نميري ده.

قصص كثيره حكاها لي سعد عن الإسبوعين مع كمال ترباس.

أبو خليل
أوع نكون طلعنا كثير عن موضوع البوست ، بس سعد ده دفعتنا 85 مدرسة العلوم الرياضية وراجل نكته و لذيذ جدا أتمنى ان تكون قد تذكرته وهو صديق عزيز لود التجاني.

تحياتي
عمار يس النور
عاشق بخت الرضا

Post: #775
Title: Re: اليوم الحار ومابنداريوم الهندسة والمعمار
Author: محمد عبدالله هارون
Date: 09-21-2006, 01:24 PM
Parent: #1

الإمتاع والموانسة بقيادة المايسترو خليل ، والكورس
الرائع.

عمار عاشق بخت الرضا، سلامي وتحياتي لك وللأخ / ياسر ، الزول دا مسجل في المنبر وماظاهر انشاء الله المانع خير ..

Post: #776
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-23-2006, 07:39 AM
Parent: #775

رمضان كريم لكل المهندسين والمهندسات في كل انحاء العالم
وسلامي الخاص للصديق محمد بدوي بانقا الذي اذكره تماما الان في رمضاننا الاول
في جنبات الجامعة فقد كان رمضانا شاقا وعسيرا
ولكن اتيح لنا فيه الكورس بتاع (زيرو ترينغ)
الذي يحتوي علي اللحام والمباني وبعض المهارات الصغيرة صغيرة
واذكر حينها كنا لازلنا نتمتع بمجانية التعليم والسفرة تعج بمالذة وطاب
وطباخي تلك الايام كانوا يجودون اعمالهم تماما

Post: #777
Title: Re: اليوم الحار ومابنداريوم الهندسة والمعمار
Author: khaleel
Date: 09-23-2006, 02:23 PM
Parent: #776

هلا محمد هارون

هلا كيكي

عمار يس رمضان كريم

نعم كيف عمار كيف سعد ود مدني الممسوخ له ذكريات جميلة مع ولدكم بتاع اسكول بحر

وكان بقول ليهو يا بحر ما نعرس ( فلانة الحنكوشة ) دي

بحر بيقول ما عندو مانع لكن ( ضيوفه كتار)

بعدين بقول ليهو يا بحر امبارح شفناك مع سحر بت اقتصاد ديك

بحر اقول لسعد والله ما عندنا معاهو حاجة شرحنا ليهو ( ماسماتك)

مع العلم لاتوجد سحر ولا يوجد بطيخ

Post: #778
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-23-2006, 02:34 PM
Parent: #777

Quote: بعدين بقول ليهو يا بحر امبارح شفناك مع سحر بت اقتصاد ديك

بحر اقول لسعد والله ما عندنا معاهو حاجة شرحنا ليهو ( ماسماتك)


تحياتي لسعد اللذيذ
وياخليل وين بحر ده الان...ياخ زول كان ظريف شديد
(ما عندنا حاجة بس نشرح ليهو ماسماتك)..
عمار عليك الله تحياتي لبحر ده ..

Post: #779
Title: Re: اليوم الحار ومابنداريوم الهندسة والمعمار
Author: khaleel
Date: 09-25-2006, 01:53 PM
Parent: #778

يا شبو

طلعت كضابين والدنيا

رمضان رسل الحاجات سريع


لاني ان لا اقوي علي حمل الهوي وحدي

Post: #780
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-25-2006, 04:43 PM
Parent: #779

Quote: لاني ان لا اقوي علي حمل الهوي وحدي

لاتخف ياخليل..لم نتركك وحدك..ولن يتركك صديقك..صديقنا خالد خضر
الذي اهدي لك هذه الماركة المميزة من الزمن الجميل,,,

وهنا يبدو الشباب والزمن الجميل...
كنا في عز الشباب..ولا زلنا ياخلي


Post: #781
Title: Re: اليوم الحار ومابنداريوم الهندسة والمعمار
Author: khaleel
Date: 09-26-2006, 02:48 PM
Parent: #779

يا سلام يا كيكي

انه خالد خضر

الامدرماني الاصيل

الرجل الذي دك قلاع حصان الحنكوشات

وكان مصدر ثقة الحنكوشات

خلط في حفرة في المين رود

لاعب باسكت موهوب

كان ايضا معه نجوم في علم الخلط

احمد قناوي قرشي وبهاء الدين

اسامة اللورد بكري ابو الشباب محمد برعي

احمد سوار الدهب

امين النوتة حمادة حسن صيام علاء سعيد

ديل تخصص نجوم بس

اما ناس ضهر التور والنادي الجغرافي

نحكي عنهم بعدين

Post: #782
Title: Re: اليوم الحار ومابنداريوم الهندسة والمعمار
Author: khaleel
Date: 09-28-2006, 03:51 PM
Parent: #781

نتكلم عن وجهاء الجامعة

الجكس كان لما اشوفهم ( بريل)

في الطب

ياسر ابراهيم وطارق الجميعابي ومحمد ياسين وهيثم ابراهيم دقش

في الهندسة

طلال الاحمر احمد عبد العظيم زهير بركات وضاح محمد عبد الحي احمد قناوي

في علوم الطيب النصري

وفي اسكول معز احمد صابر

وفي ناس ما كانو حلويين

تامنها قشرات

وفي ناس شينين اولاد عم ( الدودو)

بس تامنها خفة دم

Post: #783
Title: Re: اليوم الحار ومابنداريوم الهندسة والمعمار
Author: محمد عبدالله هارون
Date: 09-28-2006, 05:43 PM
Parent: #1



كلية الهندسة ( الحقوق محفوظة للأخ/ DAKEEN

http://Re: الهتـاويل

Post: #784
Title: Re: اليوم الحار ومابنداريوم الهندسة والمعمار
Author: khaleel
Date: 09-28-2006, 06:03 PM
Parent: #783

الله

جامعة مسقط او السلطان قابوس

بها دكتور هجو عبد الواحد هجو

اعظم استاذتنا بكلية الهندسة

وكان قبله دكتور عصام عبد الماجد

Post: #785
Title: Re: اليوم الحار ومابنداريوم الهندسة والمعمار
Author: smart_ana2001
Date: 09-28-2006, 06:06 PM
Parent: #784

I am sorry

Post: #786
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-28-2006, 06:17 PM
Parent: #785

خليل الصورة شكلها كده للجامعة من فوق...والميدان الغربي واضح تماما..
بس شوية (ORIENTION) القصة ممكن تقع ليك..وتقع لي انا ذاتي زيادة

Post: #787
Title: Re: اليوم الحار ومابنداريوم الهندسة والمعمار
Author: khaleel
Date: 09-28-2006, 06:27 PM
Parent: #786

smart

كلامك

دها

قول لزول ما عندو حديدة

بعدين خرفا كي لامن انضموبو مافي

جامعتنا جامعة قابوس جامعة مسقط الميدان الغربي

كلو في معلوم

Post: #788
Title: Re: اليوم الحار ومابنداريوم الهندسة والمعمار
Author: khaleel
Date: 09-30-2006, 02:41 PM
Parent: #787

بمناسبة شهر رمضان احيي اخوانا انصار السنة ومنذ ايام التخرج لم التقي بمجموعة كبيرة منهم

ولكن هنا بالدوحة معنا المهندس العقبري صلاح علي

وهو وجه مشرف للسودان وقد حصل علي زمالة المهندسين البريطانين

وهذا الرجل موسوعة تخيلو هذا الفتي يقوم بتعديل التصاميم لامريكان وخواجات

ومتخصص في المباني العالية( high rise building)

هذا الرجل الفلتة ثروة قومية يجب المحافظة عليها

واحيي المهندس عبدالله احمد الطيب وعبدالله شعرون وانس عوض وعمر الفاروق

وبقية العقد الفريد واهديهم هذا الدعاء
دعاء هز السماء

اقرأ 3 مرات والله يستجيب بإذن الله

وأرسل ل 3 من الزملاء

خلال ساعة (يدعو به 3 مليون)

شوف خلال ساعة فقط ما مكسب صحيفتك

*******

"يا ودود يا ودود ، ياذا العرش المجيد ، يا مبدئ يا معيد، يا فعالا لما يريد، أسألك بنور وجهك الذي ملئ أركان عرشك، وأسألك بقدرتك التي قدرت بها على جميع خلقك و أسألك برحمتك التي و سعت كل شيء، لا إله إلا أنت،
يا مغيث أغثني ، ثلاث مرات "

و نصلي على الحبيب 10 مرات ونرسل ل 10

خلال ساعة بإذن الله تكون 10 مليون صلاة على الحبيب في صحيفتك

إلا إذا وقفت عندك.. فانتبه..إلا رسول الله



جزا الله معدها ومرسلها خير الجزاء









Post: #789
Title: Re: اليوم الحار ومابنداريوم الهندسة والمعمار
Author: khaleel
Date: 10-01-2006, 02:45 PM
Parent: #788

ينتشر المهندسون السودانيون في الخليج بكثافة عالية جدا

وقد قامو باعمار تلك البلاد وكانو خير سفراء لبلادنا

لكن السوال هل مازال هناك املا في العودة

والذهاب للجنة الاختيار للخدمة المدنية

وقد علمنا بان المعاينات ساهلة

لازم تكون القوي الامين

او ان يزكيك واحد قوي وامين

لكي تجد وظيفة

Post: #790
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-02-2006, 11:29 AM
Parent: #789

Quote: لكن السوال هل مازال هناك املا في العودة

ده السوال يا خليل...هذا هو السوال....!!!!!!!

Post: #791
Title: Re: اليوم الحار ومابنداريوم الهندسة والمعمار
Author: khaleel
Date: 10-02-2006, 02:13 PM
Parent: #790

نعم يا كريم

اذا اردت العودة والعمل بالسودان

لازم تقرا صحيح البخاري

وتعرف شوية سيرة وقليل من الفقه

لكي تجتاز المعاينات

ولازم تشرح الفرق بين ابوجا ونيفاشا

وانسي حكاية ( total station, leveling)

Post: #792
Title: Re: اليوم الحار ومابنداريوم الهندسة والمعمار
Author: Osman Malik
Date: 10-02-2006, 02:46 PM
Parent: #1

ابو الخل, انت ياخوي دروشت والا لزوم رمضان.
وبمناسبة رمضان حارسل ليك نكتة في الماسنجر.

Post: #793
Title: Re: اليوم الحار ومابنداريوم الهندسة والمعمار
Author: khaleel
Date: 10-02-2006, 02:59 PM
Parent: #792

هلا ابوعفان

انا دروايش ولاقو مداح

صديقك جمال احمد النور

ذهب لمعاينة

الراجل قال ليهو يا شيخنا اقرا ما تيسر من سورة مريم

جمال قال ليهو

لو عايز خرصانة وحديد بعرف

لكن عليك الله اعفيني من سورة مريم دي

Post: #794
Title: Re: اليوم الحار ومابنداريوم الهندسة والمعمار
Author: khaleel
Date: 10-13-2006, 04:01 PM
Parent: #793

ونحن اليوم

في افطار رمضان

تذكرنا اولاد دفعتنا انصار السنة


شيخ عيسي ومهدي اسحق

ومن الاخوان المسلمين تذكرنا الخلوق ياسر الشيخ

ومن الظرفاء تذكرنا مامون جواري ومصطفي بوب

وما نسينا حبيب الله الكوز والشهيد منتصر

Post: #795
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-13-2006, 04:12 PM
Parent: #794

ها وقد عاد اليوم الحار ما بندار الي الاضواء
ونرسل التحايا والاشواق لكل الاصدقاء ونسال اين
احمد تجاني
وحاتم الجد
ابوبكر عثمان
حامد الصاوي
معاوية داود
محمد الفاتح شلف
محمد الصايم
واحمد سند
وعثمان مالك
وامين الشاعر
عصام جبرالله
رباح الصادق
وكل الناس الطيبة الجميلة الذين ساهموا مع المايسترو خليل في هذا السفر
السمح ...الدسم..ومواصلين معاك يا خلي نشيد الذكريات..

Post: #796
Title: Re: اليوم الحار ومابنداريوم الهندسة والمعمار
Author: khaleel
Date: 10-13-2006, 04:28 PM
Parent: #795

وممكن نسلم

علي اشراقة الطريفي

وسهير عبد القيوم وبكنام ومايسة عزالدين وفاطمة النور واريج حعفر وشيرين احمد عبد المجيد

وسامية جواري واجفان زكريا وسلافة وتينا وهالة التجاني وسوزان الصادق


وكل بنات هندسة كل سنة وهم طيبين

Post: #797
Title: Re: اليوم الحار ومابنداريوم الهندسة والمعمار
Author: khaleel
Date: 10-14-2006, 02:10 PM
Parent: #796

عالم المصطلحات عالم عجيب في الجامعة

ابو اللقز كان يقول حلويين حباب

الاصم كان يقول القصة دي ما صعبة

الجكس يسمي الجاز

بكري عبد القادر يقول قوم اشطف

اولاد علوم بقولو بورط للزول الثقيل

قرود يقول تعبان جنينة ملوة

نواصل

Post: #798
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-14-2006, 03:51 PM
Parent: #797

وايضا ياخلي هنالك قولة القروود الشهيرة...(ايا اماني)..فقد سارت عليها الركبان

Post: #799
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-19-2006, 05:32 AM
Parent: #795

نعود اليوم الي اليوم الحار ما بندار ونسافر مرة اخري يا ابوالخل الي زمان الدهشة
وعباس ابو الحرم وطه العب وساكوبة والصادق فيصل ووليد عامر وووليد وزكريا ومعاوية (الجقر صرصور)
ونعود الي زمن احمد تجاني ابوصلعة وعمار يس وعباس (الشين) عثمان الطيب الريح
وزمن ابو القوق وابوسمرة ومحمد بدوي وسيف اسكلاتشي والجيل اللاحق زي الفاتح
وديدي وعمر حسين وطارق الكوتش وحامد عجبان تنت.....والكثير المثير من هولا
الفتية الزي الورد كان كل واحد من هولا الشباب عالما مختلف يضج بالجمال والدهشة
ويحمل في داخله اصرار شديد وروح ملئية بالتصميم وركوب الثريا ..............
وايضا نذكر في الاثر محمد ايريا وكبر علي الحسين وجمال حسن وطارق فصمة
وعمر الصادق وطارق السنوسي ومنير عوض وابوالدردا ويوسف جيرمان....!!!
وقد تطول القائمة وتتشابك الاندسكات والدفع ولكن نشهد انهم جيلا قل ان يجود الزمان بمثله
ميرغني كنجكي صديقي الرائع مهندس المكيانيكا الضليع جمعتنا به اياما جميلة
وسط حقول القصب في مشروع كنانة وكان الحديث لا يحلو الا معه ...!!!
وخليل جمعتنا معه الدوحة ام بناية قش فطورت اللغة و الالق لا زال هو نفس الالق
لازال هنالك زيدان وحب كابلي واغنية ذات الخطوات الموزونة وصدي الاجراس المحزونة
التي جعلها الرائع عمر الحبر ذات يوما ما شعارا لتيم التشجيع لازالت بنفس طعمها القديم...
ولا زال حب الهلال وكور ريال مدريد وبرشلونة....!!!!!!!
وقالوا ظلم علينا ظلم يا ناس القوز علينا ظلم..
ولا زال الحلنقي يردد ويغني....وهجرة عصافير الخريف يرتد صداها ويذهب بعيد الي
المرافي والشواطي التي احتضنت الفوج الجميل مثل عبادة معاذوطلال الاحمر ومحمد
شلف وابراهيم يوسف وناظم الجميل قبل عودته الاخيرة كل هولا حملتهم مرافي الغربة
الي جليد لندن وصقيعها ....
وحملت الطيور محمد بدوي بانقا وحسن خضر وحاتم الجد والصايم وجمال حسن والتيمان
اولاد العميد حملتهم الي الارض الجديدة امريكا وحملت معهم ذهنا متقدا وذكاء لا يكرر
انه حمد حماد الشهير بكوسو....!!
كندا ايضا اوجدت لها مكانا لذلك الجيل واذكر برلومي الصغير (جلال الدين السيوطي)
ابن قريتي الذي جمعتنا به قاعة للامتحانات ونحن علي شافة المخارجة من الجامعة ..واذكر
انني وعقب الامتحان قد قمت باهدائه قلمي ..اين قلمي يا جلال ...رد لي ذلك القلم
فانه يساوي عندي الكثير...واخاف ان تكون قد رميته بين ردهات الكلية ولم يعجبك ذلك القلم
الذي قبع الف عام وطال به الانتظار.......!!!!!!! واحي صديقي المساح احمد بشير
ود الصحافة وما اطعم والطف اهل الصحافة.....!!!!!

Post: #800
Title: Re: اليوم الحار ومابنداريوم الهندسة والمعمار
Author: khaleel
Date: 10-19-2006, 02:25 PM
Parent: #799

كرمة وانت دوما رائع في ممارسة شجنك ودغدغة الذكريات

نعود القهقري ويلوح في خيالي علي ابظج وظافر عبده وعوض النذير والحاج ياسين وعلاء قناوي

وعلاء كهرباء والحلويين هشام سفل والشهير والرشيد ودابليس ومعاوية الراجل والهادي الاسد

وابوطالب وبدر الدين قرنبو وناس السلة اكرم دلالة وروبرت وضخر وياسين الميكانيكي ودريسة

وعرابي وموفق سنادة واللبش بكري والفنان محمد جعفر وموتمن ومحمد هاشم وعزالدين الكير والعظماء

من المربتين جرايد حبيب الله ابصلعة ياسر والحسين ومحمد فاروق والنور جابر وعاطف جلي وياسر محمد

احمد ومعتز علي.

وبناتنا الحلوات شيرين ورباح واهلية وامل الفاضل واشراقة الطريفي وهناء علي متولي ونور الهدي

سلافة واجفان زكريا وسامية جواري واشراقة ياسين وفاطمة النور وكل الجميلات

الاصم وصديق ابواللقز وشمت وحسن خضر والمشاغب حسن محمود

اسامة سيد الرايحة وشبو ومبارك والحارث واولاد بوب

امجد زهير وعبدالله اينشتاين ابو عبيدة رحمة الله والفحل

نذكر كافتريا علوم والمين رود وجلساتو واقتصاد القاعدة برة

وناس اداب الله من اداب وايام اداب

وحبيبتي التي رحلت مع اخر

وحنكوشات لم يكن اليهن سبيلا

Post: #801
Title: Re: اليوم الحار ومابنداريوم الهندسة والمعمار
Author: khaleel
Date: 10-20-2006, 03:06 PM
Parent: #800

مرة زارنا زيكو لاعب المريخ الشهير في الجامعة وكانت الزيارة للمهندس اسامة احمد عبدالله سيد


الرايحة جار زيكو بمدني



وكان قبلها احرز هدفه الشهير الراسي في رمرمي الهلال

وبعده اطلق عليه مزمل ابو القاسم لقب الكوبرا

وكان صديقنا المهندس عمر حسين هلالابي متعصب

فقلنا ليهو يا عمر تعال سلم علي زيكو

وبعد ذهاب زيكو عمر حسين قال

زيكو دها الراس الكبير دها ما كان اخشو بيهو الطب بدل القون الجابو في الهلال دها

Post: #802
Title: Re: اليوم الحار ومابنداريوم الهندسة والمعمار
Author: عمار يس النور
Date: 10-21-2006, 04:56 AM
Parent: #801

عبد الكريم كيكي

و أبو خليل

و الله التابلوهلت بتاعتكم دي رائعة جدا جدا في هذا البوست و لو كنتو عملتوها من زمان ، ما كان ناس إقتصاد أدوكم الخمسة المشهورة أيام أنور وود السيد و حاتم معني .


عاوز أذكركم بعمر قاسم الولد الظريف جدا جدا

طبعا عمر قاسم ود القطينة كان والده مع والدي رحمة الله في بخت الرضا و تزاملنا منذ الإبتدائي كذلك التيمان جمال و جلال أحمد النور.

عمر قاسم كان معانا في الإمارات و رجع السودان قبل 3 سنوات و أنا على إتصال به.

حكى لي عمر قاسم قصة ظريفة جدا.

قال في البرلم كان هو وعوض بتاع الزراعية داك "على ما أذكر" الكان رياضي جدا و بتاع حديد و رفع أثقال ، حكى عمر قاسم إنهم كانوا ساكنيين مع بعض في البرلم.

في يوم من الأيام قابلوا د. ميرغني العامل فيها مجنون بالطب و شايل سماعتو و كتبو الكبيرة و حايم في الجامعة يشاغل في البنات : يا فتاتي ... يا فتاتي...

المهم قابلوا د. ميرغني و أخذوه معاهم حجرتهم و إستجوبوه و قالوا ليه إنت ما مجنون و عامل فيه مجنون ساكت...دي حركات منك عشان تجكس البنات و تتلصق فيهم.

المهم ذولك العامل فيه مجنون ما إشتغل بيهم وواصل في جنونه. قام عوض طوالي قام و قفل الباب و الشبابيك و قال ليه و الله الليلة ما ح نخليك لحد ما نعرف حدود جنونك ده شنو ..... وجاء ماشي عليه بعضلاتو المفتولة ديك ...

قام صاحبك د. ميرغني نط ليك سريع جدا ،،، كسر الشباك و طفر للخارج و قام جاري جري شديد ... و عمر و عوض خلفه يصرخوا يا مستهبل عامل فيها مجنون.
عشان كده عمر قاسم مصر جدا جدا إنو د. ميرغني ده مستهبل و ما مجنون


تحياتي للباشمهندس عمر قاسم و للأخ المهندس عوض ...

عوض ده كان في إسم تاني أو لقب مرادف له ، نسيتو والله الرجاء تذكيري به ...

تحياتي ...



عمار يس النور
دفعة 85 مدرسة العلوم الرياضية
عاشق بخت الرضا - مالي أكتم حبا قد برأ جسدي ... و تتدعي حب سيف الدجولة الأمم

Post: #803
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-21-2006, 05:07 AM
Parent: #802

مرحب عمار
مرحب بالنيل الابيض والدويم وبخت الرضا الرضا فيها
اثرت لواعج الذكري عندما حدثتني هناك عن عثمان الشين صحبي
عثمان طبعا مصر انو كيكي ده اشنة زول في الشرق الاوسط وناسي روحوا
ذكرت الجميل عمر قاسم وده زول لطيف وهادي
واما عوض فهو عوض سعيد ود المساحة وهاجر الي كندا من زمن واظنه لازال هنالك
وهو بطل كبير في رياضة الكارتية وعضلات تبش ورجل موغل في اللطافة وراقي شديد
ولك ودئ وتحياتي للبنيات وامهن..ولكل الاهل والاخوان
وانت بدلت الباص ويرد بتاع ياسر باسمك ولاشنو(اصلو انتو يا ناس الكمبيوتر بتاعين
هكر شديد)(الملاحظ اختفاء الاخ ياسر مع جيتك كده...ياسر وين يا عمار يا هاكرز)

Post: #804
Title: Re: اليوم الحار ومابنداريوم الهندسة والمعمار
Author: عمار يس النور
Date: 10-21-2006, 05:47 AM
Parent: #803

كيكي ايها الوجيه

وانت بدلت الباص ويرد بتاع ياسر باسمك ولاشنو(اصلو انتو يا ناس الكمبيوتر بتاعين
هكر شديد)(الملاحظ اختفاء الاخ ياسر مع جيتك كده...ياسر وين يا عمار يا هاكرز)

يا زول ما تعمل لينا تهمة ساكت ياسر عندو إشتراك و أنا عندي إشتراكي براي ، نعم كنت قد إستعملت بتاعه لمده صغيرة جدا و بعد داك عملت بتاعي.

كتب لي بكري ابو بكر بتاع الجيلوجيا طبعا هو قدامنا بي دفعتين و كنا ساكنين في بحر الجبل مع بعض ، انا في الغرفة 14 بحر الجبل الطابق الأول وهو في الطابق الثاني و طوالي عمل لي إشتراك.

صاحبك احمد التجاني لسع شغال عرض حال و إحتمال يكون ود الجيد قلع منو الباص وورد بتاعو، انا مستعد اتوصت ليه مع بكري ابو بكر هو و أبو سمرة.

سلام

عمار يس النور
عاشق بخت الرضا

Post: #805
Title: Re: اليوم الحار ومابنداريوم الهندسة والمعمار
Author: Abubakr Osman
Date: 10-21-2006, 07:45 AM
Parent: #803

يا حلوين
كل سنة وانتو طيبين وعيد مبارك عليكم
من طرائف عوض سعيد انو كان لاعب بتاع جودو وقصة سفرو لكندا انو كان مشترك فى بطولة هنالك عشان كدة ادوه التأشيرة وطبعا كان المدرب بتاعو هو ساكوبة الما بيعرف أ ب ت ث الجودو وبى كدة سافر ساكوبة الى كندا

Post: #806
Title: Re: اليوم الحار ومابنداريوم الهندسة والمعمار
Author: khaleel
Date: 10-22-2006, 06:39 AM
Parent: #805

حلويين حباب

عيدكم مبارك والسنة فرحانين ومرتاحين ضمائر

عمار يس سلامات يا سلام علي بخت الرضا وعمر ابوالقاسم المهاجر العائد للسودان


اشتغل في السلاح الطبي والراجل دها الكيزان بحبو هل هو كوز ولا ابوهو كوز

عمر قاسم ترك السلاح الطبي ويشتغل الان شغل خاص

عوض سعيد الان بلندن ترك الجودو والمساحة وتخصص في الكمبيوتر

Post: #807
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-22-2006, 08:46 AM
Parent: #806

Quote: عمر قاسم ترك السلاح الطبي ويشتغل الان شغل خاص

عوض سعيد الان بلندن ترك الجودو والمساحة وتخصص في الكمبيوتر

خليل قوقل...والله عيني باردة

Post: #808
Title: Re: اليوم الحار ومابنداريوم الهندسة والمعمار
Author: khaleel
Date: 10-23-2006, 06:44 AM
Parent: #807

عدت يا عيدي بدون زهور

وين سمرنا وين البدور غابو عني

كل سنة وانتو الحب

تحياتي للمهندسين العذاية والمتزوجين


عيدية خاصة للمهندس طه وزوجته تبارك

فاطمة النور وعماد

موتمن وايمان محمد عبد الجليل وسلمي السعيد

عاطف جلال وصفا الفاضل

سلام حار لناس امريكا وكندا والخليج والصامدون في السودان

وربنا احقق اماني الجميع

Post: #809
Title: Re: اليوم الحار ومابنداريوم الهندسة والمعمار
Author: تولوس
Date: 10-23-2006, 06:47 AM
Parent: #808

اخي خليل كل عام وانت وكل ضيوفك بالف خير

Post: #810
Title: Re: اليوم الحار ومابنداريوم الهندسة والمعمار
Author: khaleel
Date: 10-23-2006, 06:54 AM
Parent: #809

تولوس

نضر الله وجه الساقي

تحياتي لك ولكل اهل كسلا الوريفة الشاربة من الطيبة ديمة

واحيي عبرك مهندس الشفيع ونزار فقيري وحسام فقيري والفنان ياسر محمد احمد والرشيد

وطارق السنوسي وعثمان صالح وهيثم المبارك ومزاحم وباجابر

وكل اهلنا في الشرق البارد

Post: #811
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-23-2006, 07:32 AM
Parent: #810

التهنئة للوريف خليل ولكل الاصدقاء والدفع المختلفةولكل من مر علي تلكم البقعة المدهشة
غرب الميدان الغربي ..وجلس علي ساحة ذلك الاكنتشن ...
ولهم جميعا كل الامنيات والتحايا...

Post: #813
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-23-2006, 02:58 PM
Parent: #811

مرحب الاخت منال وحبابك في هندسة ومرة اخري وبعد سنين
وقيل الثالثة واقعة...
وايضا نشيد بكفاة اخفاء المداخلة وسط هذا البوست الضخم
ولكن اولاد هندسة دائما بالمرصاد..
Quote: يا اللللله ... جامعة الخرطوم ...

وغدا سياتي ابوخليل مالك البوست والراعي الرسمي لهذا السفر الهندسي
وشكلوا كده حيعدي السمستر بتاع بكري ده كلو يفتش في مداخلتك الظريفة...!!!

Post: #823
Title: Re: اليوم الحار ومابنداريوم الهندسة والمعمار
Author: تولوس
Date: 10-26-2006, 12:17 PM
Parent: #810

يالله يا خليل ياخي فتحت فيني طاقة من الشوق والشجون لا قبل لي بها
والله انت رجل جميل لانك عرفت هؤلاء النفر الجميل خلقه واخلاق ...اولا اي المقصود من المنهدس الشفيع
اوعي يكون ابناء عمي وفردي واصدقائي عصام وياسر وشهاب الشفيع وكلهم مهندسين ومقيمين في جدة
اما اخي وحبيبي نزار فقيري فهو في امريكا وكان قبل عامين في اجازة في السودان وللاسف انا كنت في نفس الوقت هناك ولم اعلم به الا وهو في طريقه لمطارالخرطوم للمقادرة وحصلتو بالتفلون
اما الاحبة حسام فقيري وصديقي ياسر ابورقة الفنان الجميل فهم بكسلا اما الاخوة الكرام وخيرة ابناء كسلا الرشيدوطارق السنوسي وعثمان صالح وهيثم المبارك ومزاحم وباجابر

لا اعلم عنهم شيئا
عدا هيثم مبارك والذي التقط اخباره من هذا الموقع من الاخوة اعضاء التحالف الديمقراطي هنا .. وعبرك احيهم جميعا وهم يعرفون حبي وشوقي لهم
ارجو ان تذكر لي الاسم الكامل للاخوان
الشفيع
عثمان صالح
وطارق السنوسي
وباجابر
فقد تشابهت الاسماء عندي وتعددت الشخصيات التي تحمل نفس الاسم من ابناء كسلا
شكرا اخي خليل وكل عام وانت واحبابك وضيوفك بالف خير

Post: #814
Title: Re: اليوم الحار ومابنداريوم الهندسة والمعمار
Author: MaxaB
Date: 10-23-2006, 06:58 PM
Parent: #1





و ستظل تهتف يا شعاري .. في حرارة
ستظل تهتف رغم إحساس المرارة
بأنه و في جامعتي ..
سيظل كرسي الإمارة
دوما .. حكرا
لهندسة الحضارة

مكسب

أسبوع الإبداع الهندسي ( الملغى ) لطلبة كلية الهندسة جامعة الخرطوم
1993 - تحت شعار " سنظل دوما لافتات من بريق "


رب اجعل هذا بلدا آمنا وارزق أهله من الثمرات

مكسب

Post: #815
Title: Re: اليوم الحار ومابنداريوم الهندسة والمعمار
Author: khaleel
Date: 10-25-2006, 03:01 AM
Parent: #814

شكرا مكسب

وسلامي لناس فداسي الحلويين علي راسهم صديقي المهندس سامي عبد الكريم

وحليل اسبوع المهندس والذي هو اشبه بمعرض الخرطوم الدولي

وتحياتي لفرقة الكورال الموسيقية بكلية الهندسة بقيادة المايسترو الهادي الاصم

والعازف الضخم عمر نوري وحمد وراشد عوض

والصولست الخير ادم وبقية العقد الفريد

كرمة منال دي كاتبها وين

Post: #816
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-25-2006, 04:55 AM
Parent: #815

Quote: كرمة منال دي كاتبها وين

انا مافي معلوم ياخليل..فتش يا صديق وسيد الرايحة بفتش خشم البوست..!!
طبعاامس في المعايدة سعدت بمقابلة احدالجميلين من الزمن الفلاني
الاخ احمد دفعتنا لزم في (o.l.t) خريج علوم
تعايدنا وعدنا السيرة الاولي وابدي اعجابه ياخلي بالبوست بتاعك ده
وهو بيحاول الالتحاق بهذا المنبر حتي يساهم معاك ياخلي...احمد من ابناء مدني ويعمل في
وزارة التربية القطرية...
وجات سيرة صحبك طه النور
وحكي احمد ان طه نور في احدي الايام جاء اليهم برفقة حنكوشة شهادة عربية
وكان ذلك ايام القبول الموحد والبنية عاوزة زول يشرح ليها ماسمتك والدنيا امتحانات
اها طه قال لناس احمد عليكم الله اشرحوا للبنية دي معاكم..
وبس بيني وبينكم اشرحوا ليها شرح مزبط بس ما مزبط شديد عشان تقعد في علومها دي
ما تقوم تمشي لينا هندسة الفرافير ديلك يخطفوها مننا ساكت...!!!!
___________
في انتظار حكاويك استاذ احمد ولك شكري

Post: #817
Title: Re: اليوم الحار ومابنداريوم الهندسة والمعمار
Author: عمار يس النور
Date: 10-25-2006, 06:10 AM
Parent: #816

أبو خليل
عبد الكريم
و كل الحلوين حلاوة هذا البوست البديع

كل عام و أنتم بخير


Quote: اشتغل في السلاح الطبي والراجل دها الكيزان بحبو هل هو كوز ولا ابوهو كوز


و الله عمر قاسم ده يبدو لي إنو شبه كوز ، بس يا أريت لو كل الكيزان يبقوا ذيو ما كان ده بقى حالنا ، راجل ظريف و أخو أخوان تحياتي له و لأسرته



عمار يس النور
عاشق بخت الرضا

Post: #818
Title: Re: اليوم الحار ومابنداريوم الهندسة والمعمار
Author: khaleel
Date: 10-25-2006, 01:39 PM
Parent: #817

عمار يس

سلام خاص من طارق كرار واميرة خالد وعبلة خالد واستاذ محمد النور كرار ناس بخت الرضا الزمان

وبالمناسبة درست الثانوي العالي

مع صديقي عمر قاسم وشهادة للتاريخ عمر رجل خلوق ومودب خالص

وبالمناسبة كل كيزان هندسة ظريفين

هشام توفيق وحبيب الله واسامة كرار والشهيد منتصر والشهيد علي عبد الفتاح وطارق محمداحمد

حتي كمال ابراهيم ( البورت) لا يخلو من ظرافة

Post: #819
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-25-2006, 01:50 PM
Parent: #818

Quote: وبالمناسبة كل كيزان هندسة ظريفين

اظرف واحد فيهم كان صحبك عبدالله اسحاق...وكان ياخليل بقول ليك اسم عجيب كده عليك الله
ذكرني ليهو...!!!

Post: #820
Title: Re: اليوم الحار ومابنداريوم الهندسة والمعمار
Author: Dr.Ahmed Boasch
Date: 10-25-2006, 01:57 PM
Parent: #1

سلامات واتحفتونا بذكرياتكم العامرة وكل عام وانتم بخير



احمد بوش

Post: #821
Title: Re: اليوم الحار ومابنداريوم الهندسة والمعمار
Author: khaleel
Date: 10-25-2006, 02:07 PM
Parent: #820

شكرا دكتور احمد بوش

وعيدك مبارك

كرمة عبدالله اسحق كان يقول ( امة اراريق)

ويقصد انت زول عراقي ساكت

Post: #822
Title: Re: اليوم الحار ومابنداريوم الهندسة والمعمار
Author: khaleel
Date: 10-26-2006, 11:57 AM
Parent: #821

خالد ابو الرووس

خالد الخلوق او( الصلعة القام ليها خالد)

كما يحلو للاصم ان يناديه

عرفت انه اعتزل الناس وماخد موقف من الشباب

معكتف بمنزله وحتي بعض الذين زارهو لم يقم ابو الرووس برد الزيارة

خالد نناشدك يالايام الجميلة اعد الينا خالد بتاع الكلية الحلو الاجتماعي اخو الاخوان

واناشد الشباب بالسودان لا تتركو ابو الرووس

Post: #824
Title: Re: اليوم الحار ومابنداريوم الهندسة والمعمار
Author: khaleel
Date: 10-26-2006, 01:03 PM
Parent: #822

تولوس

سلامات الشفيع له قصة مشهورة

غادر لليابان ومن المطار تم ترحيله

وقال قولته المشهورة ( غايتو موقتا بنشكيهم لي الله)

وللشفيع اخ مهندس اسمو عصام فعلا وهو من الدفعات القديمة بكلية الهندسة

التقيته في حفلة زواج بت عمتي بالقضارف سنة ستة وتمانين

وعرفت موخرا ان شقيق المهندس الشفيع

دوما اولاد كسلا ناضرين

كنضرة الحلنقي والتاج مكي وكجراي وهلاوي وتوتيل والقاش

لك التحية وسلام خاص للشفيف ياسر محمد احمد

Post: #825
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-26-2006, 01:19 PM
Parent: #824

Quote: خالد ابو الرووس

ياسلام ياابو الرووس صحبي ياخ يا خليل الزول ده..
ونناشد الشباب الوقوف بيد واحدة وقلب جامد بالقرب من ابوخالد
فهو كان فاكهة الكلية في ذلك الزمان...
ويا ابو الرووس بطل اللولوة ..وخليك دائما حبيبي..!!

Post: #826
Title: Re: اليوم الحار ومابنداريوم الهندسة والمعمار
Author: khaleel
Date: 10-26-2006, 01:50 PM
Parent: #825

اين

كبر علي حسين

اين سيف اسكلاتشي

اين الغائب الحاضر كمال الشيخ اي وسيلة اتصال لهم

Post: #827
Title: Re: اليوم الحار ومابنداريوم الهندسة والمعمار
Author: اسماء الأمين
Date: 10-27-2006, 01:39 PM
Parent: #826

سلام مربع للمهندسين وتحيه خاصه للاخ خليل
كل سنه وانتوا طيبين شايفه الصفحه ذي بيت العزابه كلها رجال وزكريات البركس
قلت اخش بي ذكريات داخليه البنات ايام دوري الجامعه في زمنا (91) . اذكر انو لما تكون المباراه هندسه اداب كانت الهتافات في الداخليه قبل وبعد المباراه شكلها حلو جدا وانذاك
كان في اداب واحده توصف بانها اجمل واحده في السنتر لا داعي لذكر اسمها فكان ناس هندسه بقولوا لناس اداب( 0000 )وما اكثر وقاشرين بيها في السنتر
اما ناس اداب لناس هندسه بقولوا مساطر بس وما اكثر وقاشرين بيها في السبتر
فعلا كانت ايام يا ترى لسه الجامعه فيها باقي حاجات حلوه ذي دي والا الانقاذ قضى عليها نهائيا لانه حتى في زمنا كانت ما ذي السابق .
ولكم التحايا
اسماء الامين

Post: #828
Title: Re: اليوم الحار ومابنداريوم الهندسة والمعمار
Author: khaleel
Date: 10-28-2006, 12:07 PM
Parent: #827

Quote: كان في اداب واحده توصف بانها اجمل واحده في السنتر لا داعي لذكر اسمها فكان ناس هندسه بقولوا لناس اداب( 0000 )وما اكثر وقاشرين بيها في السنتر


اسماء الامين

اوعي تكون دي بت الشهادة العربية الطويلة الصفراء

( وكت سيرتك اجيبوها اهلي كتير بريدوها)

Post: #829
Title: Re: اليوم الحار ومابنداريوم الهندسة والمعمار
Author: اسماء الأمين
Date: 10-28-2006, 02:29 PM
Parent: #828

خليل سلام
والله عرافا ياها ذاتها بي ذاتها اظنك كنت من المكسرين
اصلهم ناس هندسه كسيرهم كله في اداب

Post: #830
Title: Re: اليوم الحار ومابنداريوم الهندسة والمعمار
Author: Abubakr Osman
Date: 10-29-2006, 01:44 AM
Parent: #826

كل سنة وانتو طيبين يا مهندسين
عيد سعيد وامنيات بجمع الشتات
سيف سكلاتشى من المهندسين الكبار بالبلد له شركة مقاولات على قد الحال كما يقول هو تلفونه 0912214006

Post: #831
Title: Re: اليوم الحار ومابنداريوم الهندسة والمعمار
Author: khaleel
Date: 10-29-2006, 11:30 AM
Parent: #830

Quote: خليل سلام
والله عرافا ياها ذاتها بي ذاتها اظنك كنت من المكسرين
اصلهم ناس هندسه كسيرهم كله في اداب




اسماء الامين

هذه الكعبة كنا طايفيها والمصليين صباحا ومساء

كم عبدنا الحسن فيها كيف بالله عدنا غرباء

وعليك استاذة قراءة البوست ممكن تعرفي اني كنت مكسر ولا هي الكانت مكسرة

شكرا ابوبكر عثمان

وفي اول ديسمبر انا معكم انشاء الله

Post: #832
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 10-30-2006, 03:17 AM
Parent: #831

الزملاء الافاضل

كل عام وكلكم طيبين ويارب يعود عليكم العيد بالصحة والعافية
عذرا للغياب اثناء الشهر الفضيل فكما هو معروف لديكم معظم ناس جدة لايستطيعوا
حك راسهم فى فترة رمضان والحج بسبب استقبال ووداع المعتمرين والحجاج ناهيك عن
التنزه الاسفيرى
احى عبركم كل الاحباب الزملاء والزميلات اينما كانوا
وانتهز هذه المساحة لتهنئة اخى وكفيلى حاتم الجد بمناسبة عقد قرانه يوم 27 اكتوبر
نسال الله ان يبارك فى هذا الزواج وسوف تتم مراسم الزواج بداية ديسمبر وياخليل ماتفوته
بالله واسمح لنفسى بدعوة كل الاخوان

عمار ياسين الله يديك العافية واشكر لك حسن نواياك ومبادرتك للتوسط عند بكرى طلعت احسن
من ناس كثيرين كنا نحسب انه لدينا خاطر عندهم لذا ارقنا ماء وجهنا عبثا ولكن صدقنى
تكفينى باسورد العريس ودالجد استطيع من خلالها التواصل معكم ماامكن

خليل وكيكى .... عينى باردة شفت صوركم فى رحلة الدوحة ماشاء الله لم يفعل بكم الزمان
فعايله لاتزالون فى عز الشباب (عينى باردة) وخصوصا الود خليل ولا كمراتكم تكون سنينة
ساكت

احمد التجانى

Post: #833
Title: Re: اليوم الحار ومابنداريوم الهندسة والمعمار
Author: khaleel
Date: 10-30-2006, 11:19 AM
Parent: #832

احمد التجاني

كل سنة وانت طيب

والتهاني والتبريكات عبرك للعريس حاتم الجد وشهر ديسمبر انا جوة الجق

طبعا نحن لسع شباب ولم يغير الزمن ملامحنا

لكن كيكي اكثر شبابا

Post: #834
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-30-2006, 12:36 PM
Parent: #833

نسلم علي المهندسين والمهندسات
وكل سنة وانت طيب يا ابوصلعة
وبركة الشوفة والله...ومبروك لحاتم الجد الوريف...وكده الباصويرد حلال عليك يا احمد تجاني
ولمدة سنة...ولكن بعد داك حاول ضاير روحك وشوف ليك اسم دخول تاني...

Post: #835
Title: Re: اليوم الحار ومابنداريوم الهندسة والمعمار
Author: khaleel
Date: 10-30-2006, 01:38 PM
Parent: #834

احمد التجاني

مازلنا في انتظار الاجابة

لماذا اطلقت علي عاطف ساكوبة اسم جبارة الله

ولقب معتصم الذي اطلقه علي صديقي خالد البيلي

ولماذا كنت ترفض رموز الهندسة

Post: #836
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 10-31-2006, 01:10 AM
Parent: #835

خليل ,كيكى , عمار ياسين وابوبكر عثمان

وضيوف البوست والكرام وعموم المهندسين بالداخل

انتم مدعوون لحضور حفل زفاف الشاب الوجيه حاتم الجد بدار العروس
بحى الرياض وذلك يوم 9 ديسمبر 2006 ولمذيد من المعلومات عن المكان
يرجى الاتصال على 0912170250 الواثق تبيرة و جلال عبد المنعم على 0912345114

والعاقبة عندكم فى المسرات

خليل سوف اعود لاحقا للرد على اسئلتك

احمد التجانى

Post: #838
Title: Re: اليوم الحار ومابنداريوم الهندسة والمعمار
Author: عمار يس النور
Date: 10-31-2006, 03:29 AM
Parent: #836

العزيز أحمد التجاني

الف مبروك مقدما للأخ حاتم الجيد و إن شاء الله ربنا يسعدو و يهنيه

تحياتي للأخ الواثق هباني و لكل الأخوان


أبو خليل

Quote: سلام خاص من طارق كرار واميرة خالد وعبلة خالد واستاذ محمد النور كرار ناس بخت الرضا الزمان



سلامي لكل ناس بخت الرضا الحلوين و خاصة للأخ طارق كرار الذي لم أره منذ حوالي 26 سنة و لكن لنا معهم ذكريات جميلة.



عمار يس النور
عاشق بخت الرضا

Post: #837
Title: Re: اليوم الحار ومابنداريوم الهندسة والمعمار
Author: Abubakr Osman
Date: 10-31-2006, 03:10 AM
Parent: #832

احمد التجانى
كل سنة وانت طيب
مبروك للعريس ود الجد والعقد سمعنا بيهو بعد ما تم لكن اكيد حاضرين العرس وفى انتظاركم ايضا للحضور معنا

Post: #839
Title: Re: اليوم الحار ومابنداريوم الهندسة والمعمار
Author: khaleel
Date: 10-31-2006, 11:16 AM
Parent: #837

مبروك لود الجد

لكن المحيرني

ليه دائما اولاد بري بحبو بنات الرياض

Post: #840
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 10-31-2006, 11:34 AM
Parent: #839

Quote: الواثق هباني

ياسلام يا واثق
وين الزول ده ياخليل قوقل
اخر مرة علمت بانه في الامارات ..رجل جميل ومنظم ياخ..!!

Post: #841
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-01-2006, 08:40 AM
Parent: #840

سيف اسكلاتشي..وكبر علي الحسين.....
سابداء الحديث عن الاتنين ديل من الهامش ونعرج علي المركز
كبر علي الحسين
ود مدينة الضعين السمح
الملي بدهشة لاتقاوم كبر علي الحسين ان جاز لشخص ان اطلق عليه رفيق درب ونضالات اكاديمية
ومغامرات بركسية غير مرئية فهو المهندس كبر علي الحسين ..فلب ابيض وحماس وطموح نادر
جاء به هذا الفتي من احدي مدن دارفور الشهيرة والمليئة بالجمال (الضعين)
وكان برفقته ايضا وفي نفس الدفعة شاب اخر ذهب للسفل يدعي عبدالماجد يضج ابداعا ورقي
والاثنان رويانان روابة غبشة وسمن اعطاهم ذلك ذكاء فطري وشطارة نادرة...وقعنا سويا ومعي
كبر في مجذرة الدروينغ الشهيرة تلك وهددنا الضياع الاكاديمي المخيف ومارسنا الاحباط
والتسكع في اطراف مدينة الخرطوم الغامضة لا كتشف مع كبر عوالم موغلة في الجمال ودهشة
اهل دارفور النبلاء.....!!!
مخضرم كبير وحافظ لاشعار نادرة من ايام العرب ووملي بثقافة وارث قبيلة الرزيقات
العظيمة وفلكلور دار فور بصورة عامة....انتصرنا علي الفشل سويا وسرنا بعدها الي مدارات مختلفة
اخر عهدي به سمعت بانه يحضر للماجستير في تخطيط المدن بقسم المعمار في كلية الهندسة..
واخرين الان سربوا الي انه سافر مهاجرا الي بلاد العم سام.....تري اين انت يا كبر.....!!!!!!
سيف اسكلاتشي
الصحافة مربع 17 جوار مدرسة القدس وفي منزل تزينه اسرة شايقية حنونة
من هذا المنزل الوديع جاء الينا في تلكم الدفعة صديقي (سيف الدولة اسماعيل) الشهير باسكلاتشي او فلتقل (اسكو)
يتحدث بصوت خافض وعينيه لا تبت علي اتجاه واحد وتتوهج ذكاء وشغب عالي .... ولم اتعرف اليه عميقا الافي السنة الثانية عندما جاط الدروينغ الراس وعاقبنا لفوضتنا البريئة....!!!
سمي سيف اسكلاتشي بهذا الاسم لشبه واضح للجميع بينه وبين الهداف الايطالي
الشهير اسكلاتشي في كاس العالم الذي صادف حلاقة سيف لصلعة شهيرة قربت المسافة بينه وبين ذلك الهداف الخطير ليصبح سيف الدولة ومنذ ذلك الزمان هو سيف اسكلاتشي...ويدلع باسكو.....!!!!!!!
صار بيتهم هو بيتنا نساهر فيه الليل وننتظر قدوم خاله فتاح من السعودية ليهدي لنا قمصان فاخرة
وخاله الاخر (علي) من الهند ليعطينا ونسة لا تتكرر عن الهند والهنود...!!
واظرفهم جميعا خاله الجميل (التقر) واخوه كبش كباشي ووليد وامير...!!!
اخر عهدي به زرته وكان يعمل كمقاول في احدي ضواحي الخرطوم راكلا المساحة ام بناية قش
وهربت قبل ان تكتمل جولة ونستنا فقد كان كومر الالزامية يتحاوم في تلكم الاطراف....
لك التحايا يا اسكو ولكل اهلي واصدقائي ببيتكم المضياف ولكل ناس الصحافة الحلويييين وشديد...!!!

Post: #842
Title: Re: اليوم الحار ومابنداريوم الهندسة والمعمار
Author: khaleel
Date: 11-01-2006, 11:08 AM
Parent: #841

الله كريم

جبت سيرة المناضلين العظماء كبر واسكلاتشي

البون شاسع بين الاثنين في لعب الويست كبر علي حسين حريف جدا ( ومنقطها)

اسكلاتشي كيشة لدرجة البله في لعب الويست

الذي يجمع بينها انهما لا يخلطان الجكس

وما اظن طوال السبعة سنين في جكساية مرقت منهم بكباية ليمون

Post: #843
Title: Re: اليوم الحار ومابنداريوم الهندسة والمعمار
Author: Abubakr Osman
Date: 11-02-2006, 03:36 AM
Parent: #840

الرائع الواثق عاد للسودان قبل حوالى العام وهو الان من الكبار فى شركة هجليج للبترول
كيكى لابد من التفكير فى العودة عشان تلحق ليك كدة فى العضم

Post: #844
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 11-02-2006, 04:19 AM
Parent: #843

الاحباب ابوبكر وخليل

سوف اجتهد ان اتواجد فى السودان فى بداية ديسمبر لحضور زفاف ودالجد ان شاء الله
وياريت كيكى الذى بخل علينا برؤيته بجدة يكون موجود حتى اراه عن قرب لان الصورة
لاتتيح رؤية واضحة لانى عندى تفاصيل محددة عايز اشوفها فى كيكى حتى اقدر اقول انه
ممكن ننقله للكاتيقورى بتاع اشباه الوجيهين مع انه الصورة بتقول كدة الا انه كما
هو معروف لايؤخذ بها كقرينة اثبات وشوف العين مافى زيه طبعا دة اضافة لانه مشتاقين
ليك ياوريف وبالمناسبة مامعنى وريف دى وفقط عايزين نرفع ضغطك شوية الاصلا رفعوا ليك
الحلبى الاسمه ملاسى دة بس بكم علامة تعجب كدة وماعهدناك دمك بيفور لهذه الصغائر

احمد التجانى

Post: #845
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-02-2006, 09:25 AM
Parent: #844

مرحب الحبايب احمد التجاني وابوبكر عثمان
ومشتاقين والله...
ويا ابوبكر الكده ما بناباها لكن انا خائف الكدة تكون بحجم الشلاليف ..شلفتك صغيرة تكد
شلفوتك كبيرة مافي ليك كدة...ونحمد الله انو احمد تجاني قد لاحظ بعض من الوجاهة
واظنها صغر في الشلاليف فهذا يعني انني قد احتاج لخريف خريفين واكون داخل الفورمة الشلوفية
وبعد داك بكون مؤهل لوظيفة مع مستر عوض الجاز...واتمني ان يكون معي ساعتها
طه النوروساكوبة عشان نعدم ليك عوض الجاز ده نفاخ النار في بترولوا الاخير منو مريسة تام زين ده..!!
علي الاقل مريسة تام زين بتلقي ليها فقراء ومهمشين بدورو بيهاوبشربوها لكن بترول عوض الجاز
ده يخربنا ....!!!!!
احمد تجاني الحلبي قريب( ياسر كزن) ده كرهني المولد وعامل لي سافوتة اسفيرية
وكرهني القضارف ذاتتها ...وانت عارف اخوك ما بتاع شبك لكن لمن تجي يازول سجن سجن
غرامة غرامة...وعشان كده كان لازم اطلع ليهو الوش المدسوس واعمل جوطة اسفيرية
ليها ضل عشان تاني يعمل حسابوا وما يتجنن ...!!!!
عفوا احمد وابوبكر وكل الاصدقاء ان كان قد ازعجتكم هذه الكركبة فانتم هنا الاصدقاء
والاحباب والاخوان ...ولكن بعض مرات كده يحتاج انك تضارب ليك زول علي الاقل
اسفيريا .....!!!
احمد تجاني خليل لا زال خليل وفيه بعض من نحافة ذلك الزمان مع شوية
سمنة كده ...وتخيل في هذا الرحلة الواحد قرب يموت من الضحك عندما رقص خليل
بطريقته الشهيرة تلك وقد تذكر عرس اخو عاطف ساكوبة ..كشف خليل وبعين قوية وطبعا زي
ما شفت كان لابس جلابية ........................!!!!!
اتمني ان اوفق في حضور عرس ودالجد وبحاول بقدرالامكان ان اكون هنالك ..!!

Post: #846
Title: Re: اليوم الحار ومابنداريوم الهندسة والمعمار
Author: khaleel
Date: 11-02-2006, 09:41 AM
Parent: #845

احمد التجاني كيكي في الغربة العفنة دي طارح نفسه مناضل كبير وبعارض الانقاذ اكتر من نقدالله

عشان كدة البترول ما اظن القاهو.

لكن ممكن امشي اشتغل في كمبو الري بجوار ناس تمباك وعشة عرديب


بعدين انا طولت من بنات الرياض ديل ممكن نمش نشرح ليهم حساب مثلثات

Post: #847
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-02-2006, 12:36 PM
Parent: #846

Quote: وبالمناسبة مامعنى وريف دى

طبعا يا احمد تجاني ضحكتنا ضحك ماحصل قريبات دي...!!
وريف دي خليها ساكت...
طبعا لقطناها من المنبر ده ..وفعلا وريف من الكلمات الوقفنا فيها كثير مع صحبك الوريف خليل
وطبعا في بوست كمبو الري واحد عمل مداخلة لخليل وقال لخليل
وينك خليل يا وريف وبيننا ورافة قادمة...!!!(والكلام ما عجب خليل)
ودورنا فيها تفتيت زي كم يوم كده بالتلفونات
خليل يا وريف
كيكي يا وريف
واها من ديك وعييك.....وكذلك يقال ايضا في هذا المنبر
مرحب بيك يا وريف وشكرا علي مرورك....!!!!

Post: #848
Title: Re: اليوم الحار ومابنداريوم الهندسة والمعمار
Author: maawia dawood
Date: 11-02-2006, 04:21 PM
Parent: #847

السلام عليكم
اولاد دفعتنا الحلوين
والله ليكم شوق كتير
يعني شوق بحر
وينك يا كيكي يا ما عندك دم تجي السودان وترجع دون ان
نشوفك وانت دايما في حركاتك دي التعبانة وبعدين نحن مشتاقين
بس !!!!!!! يعني مافي حاجة تاني

تيقا ايها الشاب الرائع وينك يا عسل
والله ليك وحشة وكيكي قال ضحكته والله في حوجة ليها نحن كمان
لك التحايا والشواق
ابو الخل ايها الرجل الجدع اسالك عندم تنزل السودان ضروري جدا
نشوفك لان ناس الريفيرا كلهم مشتاقين ليك
الريفيرا ديل دفعة 85 الموجودين في السودان يلتقوا بها

لكم التحايا

Post: #849
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-02-2006, 04:45 PM
Parent: #848

Quote: يعني مافي حاجة تاني

هوووووي يا معاوية هووي اعمل حسابك...

وين يا ديفيدياخ والله الشوق مطر ..ليك وللزول ابوصلعة الصادق فيصل
وفوكس ووليد زكريا وكل الناس الوريفة(حلوة وريفة) دي..وبالذات لشلة الريفيرا ولطه وابوسمرة
ولعباس عبس والتلوش ومزمل...ولللللللكو الناس الحلوة...
وعفوا يا ديفيد الاجازة كانت قصيرة ودقة سريعة لكن بتلاقي لو الله اراد يا وريف...طبعا وريف دي
لو كنت علي جنبة كان ممكن تكون (انت عارف حتكون شنو)...يديك العافية يا معاوية...

Post: #850
Title: Re: اليوم الحار ومابنداريوم الهندسة والمعمار
Author: khaleel
Date: 11-04-2006, 12:10 PM
Parent: #849

معاوية داوود

مشتاقين كتير وانشاء الله اول ديسمبر يلتقي السيدان لكي نري ماذا فعل الزمن بالشباب

هل لسع في رومانسية الجامعة ام الزمن فعل تصدعاته بهم

احمد التجاني وريف كلمة قالها واحد مثقافاتي والكلمة عجبتني

بعدين كيكي الايام ديل ماسك في عبارات بتاع اركان كدي

موغل ( مدارات) دهشة

غايتو البلقي هبوبو بضري عيشو

Post: #851
Title: Re: اليوم الحار ومابنداريوم الهندسة والمعمار
Author: khaleel
Date: 11-04-2006, 12:10 PM
Parent: #849

معاوية داوود

مشتاقين كتير وانشاء الله اول ديسمبر يلتقي السيدان لكي نري ماذا فعل الزمن بالشباب

هل لسع في رومانسية الجامعة ام الزمن فعل تصدعاته بهم

احمد التجاني وريف كلمة قالها واحد مثقافاتي والكلمة عجبتني

بعدين كيكي الايام ديل ماسك في عبارات بتاع اركان كدي

موغل ( مدارات) دهشة

غايتو البلقي هبوبو بضري عيشو

Post: #852
Title: Re: اليوم الحار ومابنداريوم الهندسة والمعمار
Author: khaleel
Date: 11-05-2006, 12:45 PM
Parent: #851

يطل علينا اليوم المهندس الكبير ابراهيم محمد الحسن

من السعودية بهذه المساهمة

الأخ (خليل) ... سلامي وتحياتي ..

الرجاء نشر هذه المداخلة عبر البوست الرائع ..

_______________________________________________-

الأخ (خليل) ..

الأخ كيكي ..

الأخ أبوبكر عثمان ..

وجميع الأخوة المشاركين بمداخلاتهم ..



حقيقة أعدتونا إلى تلكم الحقبة الرائعة .. وإلى تلكم الأيام الخالدة .. أيام كلية الهندسة .. وما أدراك ما كلية الهندسة ..

ربما مشاغل الحياة ومتاهاتها لهت الواحد عن تلك الأيام .. لكن تبقى ذكراها محفورة في الوجدان ..

فبالجد السرد جميل وشيق .. وحلق بالواحد حوالى (20) عاماً !!!!!!!! للوراء .. تصوروا !!

عموما أتمنى أن يدوم التواصل بين الناس وأن يجتمع الشتات بعد طول فراق وضنى ..

بالمناسبة أنا مقيم في السعودية _ جدة .. ومعاي عدد من الباشمهندسين هنا .. حمد خوجلي وسامي عبد الكريم وبدر الدين أحمد الفكي وعبد الرحيم عمر ..

وللبسألو عن الباشمهندس صديق أبواللكس .. هو هنا في السعودية في ينبع .. ت: (00966502684854) ..

ويا كيكي بالله ادينا رقم تلفونك أو ايميلك ..



ودمتم

إبراهيم محمد الحسن

هندسة كهرباء





--------------------------------------------------------------------------------
FREE pop-up blocking with the new MSN Toolbar MSN Toolbar Get it now!


| | | | | Inbox

Get the latest updates from MSN
MSN Home | My MSN | Hotmail | Search | Shopping | Money | People & Chat

Post: #853
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-05-2006, 02:41 PM
Parent: #852

مرحب ابراهيم محمد الحسن...ووالله زمان
وشوق كثير ياابراهيم ليك وكل الاصدقاء في ذلك الزمان السمح
وحليل صحبك عمر الصادق...وين الزول ده ياخ...
تحياتي الي كل الاخوان المعاك حمد خوجلي..وصديق ابو اللكس وسامي وبدر وعبدالرحيم
ونشكرك علي التواصل ..فهذه هي هندسة كما تربينا فيها...

09745643303
kikision2005"yahoo.com
ولكم جمعيا تحياتي يا اصحابي...

Post: #854
Title: Re: اليوم الحار ومابنداريوم الهندسة والمعمار
Author: Siddig A. Omer
Date: 11-05-2006, 05:47 PM
Parent: #853

الصدبق خليل.... ياصديقى فى الدار...كما يقولها العزيز محسن خالد......


هيجتنى الذكرى.....لك الود و الحب...

صديق

Post: #855
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 11-06-2006, 04:54 AM
Parent: #854

حبايبنا خليل وكيكى والضيوف الكرام

جبارة الله ياخليل كان احد الشباب الملهمين
لى ولاقرانى فى ذلك الزمان فى قريتنا ودالزين
فكما تعرف ان سائقى اللوارى والبوابير وخصوصا امات كوز كانوا
يأسرون قلوب اليافعين الذين كانوا ينامون يوميا على نفس الحلم ان يجود عليك
الزمان بكرمه وتصبح سواق لورى (ابيض ضميرك) وطبعا باى ديفولت ح تكون
عندك نظارة بيرسول وشال. جبارة الله كان يملك كل هذه الاشياء ومن قبله اخيه العجب
وكان كثيرا مايشبه العزيز ساكوبة فى ماعدا اللطافة والظرافة حقت ساكوبة فقد كان
جبارة الله صارما جبارا خصوصا مع المساعدية والنسوان فى سفر الخريف حين يميل اللورى
وتسمع النسوان يندهن فى الشيوخ ناس اب فلج والمكاشفى واب قصه
وكمان ساكوبة راجل ستايل خرطومى اتربى على المارتيديلا والبسطرمة له منا التحية وعظيم
الاشواق اينما كان

بالنسبة لزواج اولاد برى من الرياض ده موضوع كبير وداير ليه واحد بندراوى ابا عن جد
للافتاء فيه لكن اقدر اقول ليك لو وقعت طيارة لاسمح الله فى سماوات برى فسوف يكون مجال
البحث عن الصندوق الاسود محصور مابين برى وامتداد ناصر والرياض

سوف اعود لاحقا لموضوع الرموز

احمد التجانى

Post: #856
Title: Re: اليوم الحار ومابنداريوم الهندسة والمعمار
Author: khaleel
Date: 11-06-2006, 12:05 PM
Parent: #855

Quote: هيجتنى الذكرى.....لك الود و الحب...

صديق


نعم صديق

اجمل ايام العمر كانت في الجامعة

قبل قسوة الحياة والمسئولية ( ام دق)

لك عاطر الثناء

Post: #857
Title: Re: اليوم الحار ومابنداريوم الهندسة والمعمار
Author: khaleel
Date: 11-06-2006, 12:15 PM
Parent: #856

احمد التجاني احمد الضو

وفيت وكفيت في موضوع العلاقة الازلية بين عاطف ساكوبة وجبارة الله

لكن سوال اخر

البنات السمحات في الجامعة كانو مصاحبين البنات الشينات لماذا

هل الضد يظهر حسنه الضد

ام كما قال هشام سفل ( اي كنز حارسو جان)

Post: #858
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-07-2006, 12:09 PM
Parent: #857

الصديق الجميل ابراهيم محمد الحسن الكهربائي الشهير
هاتفنا هاتف ودود اليوم...وحلق به البوست الي سماوات موغلة في ذكريات الهندسة
Quote: العزيز كيكي ...
والله مشتاقين يا مان .. وين أراضيك ..
معقولة تجي ماري بجدة وما نشوفك؟! بالله تاني ما تعملها ..
والله يا مان مشكورين على هذا الجهد المقدر اللي رجع الناس للأيام الجميلة .. واستدعى الكثير من الذكريات الحلوة والمرة ..المضحكة والمبكية ..
تعرف انا دخلت على البوست بالصدفة وفضلت - رغم زحمة العمل - متابع كل المداخلات حتى النهاية ..
بالمناسبة نسيت أقول إني أنا برضو من ضحايا (د. التاج) وDrawing1 & 2 .. تتذكر الإمتحان التاريخي بتاعو داك .. أول مرة في تاريخ كلية الهندسة امتحان ال Drawing يكون 6 ورقات !!!!
بالمناسبة انا محتفظ بنسخة منه إلى الآن ....لكن غايتو شوية كربة واتخارجت في ال Sub .. واكتشفت انه ال Drawing ممكن يتفهم !!!
عمر الصادق بخير وموجود في السودان .. انا في الحقيقة لي فترة منه .. آخر مرة قابلتو مع مجموعة من الشباب في زواجي قبل سنتين .. لكن قبل يومين وبعد دخولي على البوست اتصلت بيه .. حا ارسل ليك تلفونو .. هم بالمناسبة برضو عاملين ملتقى لناس دفعة 86 وبتقابلو كل فترة ..
وتتواصل المداخلات والذكريات ..

إبراهيم محمد الحسن

Post: #859
Title: Re: اليوم الحار ومابنداريوم الهندسة والمعمار
Author: khaleel
Date: 11-08-2006, 12:29 PM
Parent: #858

ابراهيم محمد الحسن

سلام من الاعماق

وين ياخي اشهر المربتين حسين مساعد

الرجل كان يشاركنا برنامج الاربعاء سهرة

وهو يوم (math)

ما كنا بنمشي المحاضرات وكنا نغني في كافتريا هندسة حتي الساعة واحدة

ونطلب الله نمشي البركس

Post: #860
Title: Re: اليوم الحار ومابنداريوم الهندسة والمعمار
Author: khaleel
Date: 11-10-2006, 01:14 PM
Parent: #859

ابراهيم ابو سمرة في انتظار ذكرياتك لانك خير من يتحدث عن تلك الفترة

عمر الحبر عمر حسين حمد خوجلي رسلو زكرياتكم انا تعبت

ومعيني نضب

Post: #861
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-10-2006, 01:36 PM
Parent: #860

Quote: ومعيني نضب

لن ينضب ياخليل المعين دي ذكريات الف عام وعام ولسع الجراب فيهو كثير
ولازال هنالك الق القطة وبقايا القطة والقطات الاخري...ويادوب الشباب
ابتدوا يرسلوا عبر الايميل....

طبعا صحبك احمد تجاني ابوصلعة يبدو انه وجد تفسيرا لفنيات كيكي الجاتو مع الكبر دي وواقع
في المنبر كتابة وطره بعض مرات...وسمعت تحت تحت كده انو قال كيكي ده لو شلت منو كلمة
(موغل_وجمال_ودهشة) حيقعد في السهلة....والظاهر احمد تجاني احسن كثير من ود اهلي المهندس
جلال السيوطي القاعد في كندا..
جلال عندو قناعة راسخة انو كيكي ده موجر ليهو هندي قاعد يكتب ليهو في المنبر ده..!!

والله عالم حاقدة بشكل علي المجتمات الراقية.....

يلايا ابوصلعة
ووين شلف
معاوية
عمار يس
ابوبكر عثمان
الصائم
وخليل الشين
وكيكي الوجيه
يلا ندور الذكريات...ونعيد الزمن الجميل

Post: #862
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-11-2006, 02:47 AM
Parent: #1

سلام يا شباب
أولا باركو لي .. تم قبول تسجيلي في المنبر وأدوني Password .. الشكر موصول للأخ بكري أبو بكر على الثقة ..
والظاهر توصياتك يا كيكي وصلت .. طلعت ما هين ...
وين المشاركات؟ الناس مالهم صنو كده ..؟
بالمناسبة .. وين الياشمهندس طارق أبوشوك؟ عندكم أخبار منو؟
بالمناسبة أنا عندي كم هائل من الصور إنشاء الله في أقرب فرصة حا أديكم منها ..
ونتواصل ..

Post: #863
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-11-2006, 03:47 AM
Parent: #862

مرحب ابراهيم محمد الحسن..مرحب بناس ام در مرحب بزمن هندسة الجميل والناس الملانة حيوية
واخاء
نورت سودانيز اون لاين واليوم الحار موعود بذكريات وصهيل عالي من الاخ ابراهيم

حبابك يا زول والدار دارك...وربنا يفك ساجورة احمد تجاني ويتحلل من ظلال حاتم الجد

Post: #864
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 11-11-2006, 04:04 AM
Parent: #863

Quote: وربنا يفك ساجورة احمد تجاني ويتحلل من ظلال حاتم الجد


لو فيك فايدة ترشحنى لبكرى بدل ما انت شايل حالى فى البوستات


احمد التجانى

Post: #865
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-11-2006, 04:39 AM
Parent: #864

Quote: لو فيك فايدة ترشحنى لبكرى بدل ما انت شايل حالى فى البوستات


معقول يا احمد ياخ..والباص ويرد لو بقي في ام صفقا عراض انا بجيبو وبطريقة مدهشة
وجميلة وموغلة في الجمال...يا وريف..بس باصي لي تحت تحت كده الايميل بتاعك وما تكلم زول
انا عارف خشمك خفيف ياخ...

Post: #866
Title: Re: اليوم الحار ومابنداريوم الهندسة والمعمار
Author: Hatim Al Jed
Date: 11-11-2006, 09:57 AM
Parent: #865

كيكى

Quote: معقول يا احمد ياخ..والباص ويرد لو بقي في ام صفقا عراض انا بجيبو وبطريقة مدهشة
وجميلة وموغلة في الجمال...يا وريف..بس باصي لي تحت تحت كده الايميل بتاعك وما تكلم زول



يازول خلينى من فرمالاتك دى

دة الايميل [email protected]

ومعاك لحدك (حد الحنك ماحق الراس)



احمد التجانى

Post: #867
Title: Re: اليوم الحار ومابنداريوم الهندسة والمعمار
Author: khaleel
Date: 11-11-2006, 11:36 AM
Parent: #866

مبروك ابراهيم محمد الحسن

ايوة الصور جات في وقتها

يلا بالله حرك كوامن الشجن والذكريات

يا بكري ابوبكر

حلفناك بسيدي علي

ادي احمد التجاني كلمة مرور

والراجل علي ضمانتي

Post: #868
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-11-2006, 11:38 AM
Parent: #866

Quote: ومعاك لحدك (حد الحنك ماحق الراس)

انت تامر يا دفعة....
وكن يا صديقي في انتظار هدهد الاسفير قريبا..عشان تااامن..!!

Post: #869
Title: Re: اليوم الحار ومابنداريوم الهندسة والمعمار
Author: Elawad
Date: 11-11-2006, 12:50 PM
Parent: #1

والله البوست دا من أجمل البوستات قرأته حرفا حرفا و أعاد لي ذكريات جميلة. فكل الشكر لخلي و عبد الكريم.
كل ما أفكر أشارك في البوست أجدني أقدم رجلا و أؤخر أخرى. لكن أجد نفسي اليوم ملزما بالدخول للترحيب بالأخ الحبيب إبراهيم محمد الحسن. إبراهيم هذا صديق طفولة منذ أيام مدرسة الهجرة و هو كما تعرفون رجل أخو أخوان رقيق كما النسمة.
بالمناسبة مبروك يا إبراهيم الزواج و بيت مال و عيال إن شاء الله، و بارك الله لكما و بارك عليكما و جمع بينكما في خير.

Post: #870
Title: Re: اليوم الحار ومابنداريوم الهندسة والمعمار
Author: khaleel
Date: 11-11-2006, 01:03 PM
Parent: #869

عارف يا كيكي العوض دها منو

انها اكثر الرجال تهذيبا ووقارا وتقوي وورع

انه الخلوق ياسر علي الشيخ

مرحبا ياسر ودعنا ننهل من ذكرياتك

Post: #871
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-12-2006, 01:51 AM
Parent: #870

حبابكم الف

الشكر للاخ بكرى وكمان بنشكر كل من احسن النوايا واراد لى المشاركة

كيكى لك الشكر ايضا برغم متاجرتك بقضيتى وتكفينى مودتك الموغلة فى
طشاش زمالتنا- ربنا يديك الفى مرادك ياوريف

عمار يس احيييك واشكر لك اهتمامك بقضيتى

الصديق خليل شكرا لك ابوخالد ويارب يجعله اوفر حظا من ابوه فى الدراسة
والرزق وحاجات تانية حاميانى

لكن برضوا اجى واقول ليكم الفيكم اتعرفت - يعنى فتح بوست شحدة لبكرى كتير
على ولا برضوا ح تجيبوا اعذار المغتربين التى كنت احد الذين قاموا بتاليفها

وده اكل زبيب ياشباب (عتاب حبايب)

Post: #872
Title: Re: اليوم الحار ومابنداريوم الهندسة والمعمار
Author: Abubakr Osman
Date: 11-12-2006, 02:01 AM
Parent: #871

العزيز احمد التجانى
مبروك الانضمام الكامل للبورد وما قلنا ليك هى بس رسالة لى سيد الحوش وما بقصر معاك
نتمنى لك التوفيق كما عهدناك دائما

Post: #873
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-12-2006, 02:36 AM
Parent: #869

يا الله ...
ياسر علي الشخ ..
ذلك الرجل الإنسان بمعنى الكلمة .. وين أراضيك يا باشمهندس .. زمن طويل لم نحظى برؤياك أو أخبارك
والظاهر إنه البوست ده - ذي ما اتوقعت - حا يحرك الكثير والكثير من الأشجان والذكريات المحفورة في الدواخل واللي كانت فعلا في إنتظار من يزيل الغبارعنها أمثال الأخوة الرائعين (خليل - كيكي - أبوبكر - ياسر علي الشيخ - وغيرهم وغيرهم ) ..
والظاهر يا ياسر شريط الذكريات ما حا يرجع لغاية أيام الهندسة بس - بل حا يمتد إلى الوراء - إلى أيام هي الأجمل والأعمق - ايام مدرسة الهجرة الإبتدائية وأمدرمان الأميرية..
وطبعاً الأخ ياسر نحن إفتقدناه في مدرسة المؤتمر الثانوية - لأنهم في ذلك العام رحلو إلى بحري وكان بذلك إضافة ثرة لناس بحري الحكومية .. وطبعا برحولهم إفتقدنا الملح بتاع سيارة والده دكتور علي الشيخ العوض اللي كان بيوصلنا طيلة أيام أمدرمان الأميرية .. رغم إن علاقاتنا إمتدت .. وحظينا باللقاء مرة أخرى في كلية الهندسة ..
بالمناسبة .. في حادثة بسيطة .. ومقولة من الأخ العزيز ياسر ما بنساها أبداً .. وهي اننا مرة في البركس وفي عز زنقة الإمتحانات - اعتقد إنه إمتحان Sub صاحبنا ال Drawing وجاء وقت الصلاة .. فقال لي ياسر (نمشي نصلي - بارك الله في عملٍ قطع للصلاة..) .. والظاهر إنه فعلا ده حصل لأني باسيت ال Sub ..هذه الكلمات البسيطة العميقة في المعنى أنا ما زلت كل ما أقولها أتذكر الأخ ياسر ..
ونتواصل ..

Post: #874
Title: Re: اليوم الحار ومابنداريوم الهندسة والمعمار
Author: سيد محمد احمد سيدنا
Date: 11-12-2006, 03:24 AM
Parent: #873


الاخوه الاعزاء المهندسين الاجلاء


رغم اننى ادخل هذا البوست وانا ليس من اهل الهندسه بمعناها الدراسى

لكننى ادخل من زاوية اننى عملت مع مهندسين كبار بالسودان وكنت اقارعهم

مكاتبهم بحكم اننى كنت اقوم بحساب جداول الاحتياجات الشهريه حسب وظيفتى

كأمين مستودعات وكنت دوما اتعرف على استشاراتهم الهندسيه واستفدت منها

لدرجة اننى الان اعرف دهاليز المعمار عامة وقد نفذت مشاريع بمعاونة بعض

المهندسين والحمدلله0

وقد احتجنا لكم فى بوست سابق عن الاراضى والبناء والتعمير لكن كنتم جافين

معنا ورغم ذلك عازرينكم لكن الان نود ان نقف معكم وننور عن رابطة المعمارين

فى الرياض التى تقوم بمجهودات جباره لمصلحة المعمارين والمهندسين رغم شح

امكانياتها والان اصبحت تقوم بعمل السجل المعمارى وتسجيل المعمارين فى المجلس

الهندسى بالسودان بالاضافه لانها تسعى لايجاد الفرص الوظيفيه لمنسوبيها ولكل من

يتواصل معهم والان تعلن عن وظيفه لمعمارى خبره 8 سنوات الى 10 سنوات بصوره

عاجله ولمعرفة المزيد عنها يمكن الاتصال على الاخوان محمدالشيخ طمبل 0565131521

سكرتير شئون الاعضاء والاخ كمال ناصر 0507188924 سكرتير الجمعية ونأمل لاحقا ان

تشاركوا فى ما يخص المغترب من هموم البناء والتعمير والاسكان حال العودة النهائية

لكم التوفيق فى هذا البوست وهذه مشاركة عارضه لهدف فائدتكم0

تحياتــــــــــــــى

ســـــــــــــــــيد

Post: #875
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-12-2006, 04:37 AM
Parent: #874

ابوبكر عثمان
شكرا حبيبى وسيد الحوش مابيقصر اخو اخوان
وتحياتى للشباب كلهم فى الريفيرا ولو الله اراد
ح نشوفكم فى زواج ودالجد

Post: #876
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 11-12-2006, 05:06 AM
Parent: #1

الأخ أحمد التجاني
ألف مبروك عضوية الحوش و تكوين نفسك و التحرر من الكفيل.
في إنتظار مساهماتك القيمة

طارق

Post: #877
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-12-2006, 05:19 AM
Parent: #876

شكرا طارق

وعقبال نتحرر من الكفيل الاكبر ونرجع نزاحمكم فى البلد
الكبيرة وغالية (غالية = Expensive) بس برضوا بنحبها
ونتعجل شد الرحال ليها
تحياتى لانور تاج السر

Post: #878
Title: Re: اليوم الحار ومابنداريوم الهندسة والمعمار
Author: عمار يس النور
Date: 11-12-2006, 06:13 AM
Parent: #877

أحمد التجاني

الف الف مبروك هذا الإنعتاق و إن شاء الله تتهنا بيه و عقبال البكاري ((أول بوست خاص لك الإشتراك بتاعك المن ضراعك)) و الله كنت خايف ليك من أطفال الأنابيب ((بوست تكتبه بإشتراك حاتم الجيد)) أو تضطر يوم أن تستعمل أو تأجر نطفة عبد الكريم كيكي أو أبو خيليل لإيصال صوتك الجهور.

حقيقة الباشمهندس ود الجيد ما قصر معاك

تحياتي للجميع

عمار يس النور
عاشق بخت الرضا

Post: #879
Title: Re: اليوم الحار ومابنداريوم الهندسة والمعمار
Author: khaleel
Date: 11-12-2006, 01:18 PM
Parent: #878

ابوبكر عثمان رسل لينا شمار السودان

طارق احمد خالد غيابك طال كفاية تعال

عمار يس احمد التجاني الحظ ابتسم ليهو اخيرا

احمد التجاني نحن عملنا مبادرة كريمة في البوست

وقد استجاب بكري ابوبكر بسرعة شديدة

يعني ما بمهارتك الفردية

ويلا كلمنا عن ايامنا

Post: #880
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-12-2006, 03:18 PM
Parent: #879

الليلة اليوم الحار منور وعندنا حفلة ليها ضل بحضور الوريف احمد تجاني
في اول ظهور رسمي لابو حميد في ملاعب سودانيز اون لاين فهذا حسبي انه يوم
تاريخي من ايام هذا المنبر...
احمد تجاني مرحب وحبابك الف ومثلك يعزف له نشيد الاحتفاء والاخاء والصداقة
والحب ويغني لك اجزل المغنين صوتا....في حضرة اعلي الشعراء صيتا مرحب
يا احمد تجاني وبالجد كاني عدت بروحي الي عهد فلسطين وسيد الرايحة
وجمال وجلال احمد النور وكثيرييييييين احبهم جميعا,,,فمرحب يا زول يا سمح

Post: #881
Title: Re: اليوم الحار ومابنداريوم الهندسة والمعمار
Author: khaleel
Date: 11-13-2006, 12:26 PM
Parent: #880

ابراهيم محمد الحسن

نزل الصور

عشان الناس تشوف ايام الشباب

قبل الراس ما انصلع والضرس ما انقلع

Post: #882
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-14-2006, 02:13 AM
Parent: #881

سلام خليل
انا اجتهدت في موضوع الصور شديد .. لقيت عندي كمية .. والله ذكريات حلوة
أسبوع المهندس / رحلة مصر (دفعة 87) / صور في الكلية وغيرها
المهم عملت scanning لعدد منها وحاولت تحميلها هنا لكن الظاهر في مشكلة .. على العموم انا رسلتها على إيميل كيكي عشان يقوم بتحميلها
وحقوق الطبع محفوظة

Post: #883
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 10:04 AM
Parent: #882

Quote: على العموم انا رسلتها على إيميل كيكي عشان يقوم بتحميلها

وصل المرسال يا باشمهندس ابرهيم ...ولك كل حقوق الطبع وكل الحب..وسانزلها باذن الله



خلي الخلي..
يبدو ان اليوم الحار قد اوتي اكله حقا وبدات ثماره تتساقط
بكل حب وحميمية لترسل لنا اصوات من الزمن الجميل
ترن علي طبلة الاذن بعد سنين عديدة لتعيدك الي ايامنا
الخوالي التي خلدتها انت في صفحات هذا البوست الكبير
ليلة امس واولها كان لي فرح خاص ورنين معبق برائحة
اصوات قريبة من الوجدان..اولها كان صوت انور تاج السر
صديقنا الذي طال الزمن ومنذ فراقنا لسنين عديدة كنت احسبها
قليلة ولكن اكتشفنا انها ما يقارب الاربعة عشرة سنة وتحدثنا
وجالت ذكريات وتداخل حالنا الاني بذكريات الزمن الجميل
لتاتي سيرة ايام هندسة وداخليات البركس والاصدقاء العظام
واجترارالذكريات وانور صديق ملي دهشة وحكاوي وطاعم
الوجدان وملان سودانية صارخة ومتابع للشان السوداني بكلياته
ومتابع لهذا المنبر وحتما وقريبا سيكون معنا في هذا المنبر,,
فشكرا انور تاج السر وسعدت كثيرا لمهاتفة اخوك (عادل تاج السر)
المقيم معنا علي ارض الدوحة...واتفقنا علي التلاقي....

تلفون اخر من بلاد بعيدة جاء في ليلة دوحية بردها بداء يتسلل الينا
ولكن دف صوت صديقي ابراهيم باخت درة ابناء الاقتصاد ورمز عالي الصوت من القيادات الطلابية العميق في وجدان طلاب ذلك الزمان
ورئس رابطة كلية الاقتصاد هذا الصوت الملي بدعاش اتي من قلب كردفان
اشاع الدف في ذاكرتي واعادني الي الزمن الجميل وذكريات الاصدقاء
المشتركين فكان اسامة جعفر و فرح بلة ووليد زكريا ونادر كوبروالكثير من الحلويين
وعبر ابراهيم باخت ارسل تحياتي للبروف حسين والنبلاء
طه وتبارك والحاج يس ولكل ابناء الجامعة في ذلك الزمن الجميل الذين
يهزمون غربتهم البعيدة بالتلاقي والتماسك ...

Post: #884
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 10:19 AM
Parent: #883


قول 1 يا ابراهيم محمد الحسن
اعدتنا الي الزمن الجميل حقا ووصف الطيب صالح لطالب تلكم الجامعة حقيقي وتتطل من
وجوه هذه المجموعة التي سوف ناتي اليهم فردا فردأ.تطل نحافة وتواضع كبير..ولهم مني عالي
الشوق واكثره....

Post: #885
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 10:29 AM
Parent: #884


ويطل الاسطوري حمد حماد(كوسو)....شطارة تخلع وتهذيب عالي وسط اخاء كبير
ومحبة بين طلاب الكلية في ذلك الزمان...طال الزمن ولكن اني اكاد اعرف كل هذا الحضور
فردا فردا...

Post: #886
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 12:11 PM
Parent: #885

]
sorry

Post: #888
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 12:24 PM
Parent: #886

وليد عريبي..طارق فصمة..عمر الصادق ابراهيم محمد الحسن..سيف اسكلاتشي...
(دفرة يا ابراهيم عليك الله الكبر حصل يا شباب)..دفرة يا ابراهيم

Post: #890
Title: Re: اليوم الحار ومابنداريوم الهندسة والمعمار
Author: khaleel
Date: 11-14-2006, 12:44 PM
Parent: #888

كيكي انت سكرت وللا شنو

هشام مجذوب

عبيد عبدالرحمن العبيد

ومهدي تاني

Post: #887
Title: Re: اليوم الحار ومابنداريوم الهندسة والمعمار
Author: khaleel
Date: 11-14-2006, 12:23 PM
Parent: #884

الله الله يا خلاسيين

علي اليمين وقوفا

مهدي ازيك يا حلو لسع شغال مع ناس عبد الرحمن عباس


معتز عريس لسع في هولندا مشتاقين ياخ

دكتور مصطفي بوب لو الخاطر سرح عنك تاكد انو راح ليك

سيف اسكتلاشي صديقي النبيل والمقاول الكبير والمساح الخطير

الجالسون علي اليمين

ابراهيم محمد الحسن اكيد اكيد حنتقابل

ابراهيم عبد العزيز والله ايام يا زمان

كيكي كيكي كيكي وبس

ياسر احمد عبد الرحمن محمد في اخر زيارة اكلنا سماية بنتك مشتاقين

Post: #889
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 12:39 PM
Parent: #887


اليوم الحار نور يا خليل الليلة بهذه اللمحات من الزمن الجميل...
وحرام يا ابراهيم ختيتني في اكبر امتحان ذاكرة في الزمني الكيكي المعاصر....وذكرتنا
سي الذكر الدروينغ..

Post: #891
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 01:13 PM
Parent: #889

Quote: كيكي انت سكرت وللا شنو

هشام مجذوب

عبيد عبدالرحمن العبيد

ومهدي تاني

والله ياخلي هيجتني الذكري..
واسكرني هذا الحضور الطاغي للناس الطاعمين ديل...

وقد تلاحظ في احد الصور..يطل (كبابست) صغير ..هذا ايضا اسكرني
فحضوره هنا تعبير حقيقي عن انسجام وتجانس مجتمع الجامعة في كل افراده..
وبينهم حب شديد ومرح عالي...

Post: #892
Title: Re: اليوم الحار ومابنداريوم الهندسة والمعمار
Author: khaleel
Date: 11-14-2006, 01:28 PM
Parent: #889

طارق حمزة

امنة عربيي

فوزي عبد الفتاح

امل بيومي

Post: #893
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-14-2006, 02:40 PM
Parent: #892


وديل بقي ناس كهرباء الظراف...

Post: #894
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-15-2006, 02:20 AM
Parent: #893

ديل جزء من الكهربجية الظراف :
من الأمام جلوساً :
علي أحمد الخضر : الهيئة القومية للكهرباء
سامي عبدالكريم : السعودية - جدة
أنا : السعودية - جدة
خالد حبة : موجود في السودان
سارة أبوقرجة : طبعا اتزوجت الزميل إبراهيم ولد كيميائية ومقيمين في أمريكا

الصف التاني:
محمد أبكم : لي فترة منه بس هو مقيم هنا في السعودية
محمد أبو القاسم : في بريطانيا
كباشي : الهيئة القومية للكهرباء
طارق حمزة : كان في السعودية ومنها غادر إلى كندا .. واعتقد هو الآن في أمريكا
علي عبد الله : الهيئة القومية للكهرباء
خالد سعد حلمي : ما عندي أخبار منو
الدكتورة تهاني عبد الله: تعمل بكلية الهندسة
مواهب الرحمن : مهندسة كبيرة في الهيئة القومية للكهرباء - بالمناسبة هي مديرة مشروع العدادات الجديدة (الجمرة الخبيثة)

وقوفاً الأخوات جداً:
عفاف عثمان حسين : السعودية - مكة
سارة شمس الدين : اعتقد موجودة في السودان
هالة حسن : كنار تيل
إبتسام محمود : الأمارات العربية
الدكتورة نجلاء عثمان : تعمل بكلية الهندسة

أها .. لقيتوني كيف؟

Post: #895
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-15-2006, 02:37 AM
Parent: #892

http://www.sudanvoice.com/up/files/6PE2058

يا خليل ده ما فوزي عبد الفتاح .......
هم كالآتي:
جلوساً :
طارق حمزة
المخضرم علي كدام
مواهب الرحمن
د. تهاني عبد الله
آمنة عريبي

وقوفا:
ولد البوفية بتاع الليمون
طارق حمادة
عفاف عثمان حسين
أمل بيومي
انا

Post: #896
Title: Re: اليوم الحار ومابنداريوم الهندسة والمعمار
Author: khaleel
Date: 11-15-2006, 12:09 PM
Parent: #895

ابراهيم

فعلا انه طارق حمادة

لكن سارة ابقرجة مافي

Post: #897
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-15-2006, 12:19 PM
Parent: #895

ياسلام ياخلي
وياسلام يجيك تلفون من ناس الزمن الجميل وانت السبب ياخلي ببوستيك العجيب ده...
وياسلام علي الاخ الجميل المهندس ابوبكر(اللبش)
وتلفون حميم ودافي في نهارات الغربة البعيدة
سلك من اليابان اتي لنا بصوت ابوبكر محملا بتحية
وشوق كبير لكم جميعا ولكل ابناء وبنات هندسة..

وهكذا دوما هو ابوبكر ايجابي في كل الاوقات فاقترح سجل اللكتروني علي الموقع هنا
يبين عناوين وهواتف الجميع واماكن تواجدهم الان...وسنطرح هذه الفكرة للاخ بكري ابوبكر
لتخصيص مساحة لابناء هندسة للتواصل ..

Post: #898
Title: Re: اليوم الحار ومابنداريوم الهندسة والمعمار
Author: khaleel
Date: 11-15-2006, 12:47 PM
Parent: #897

Quote: وياسلام علي الاخ الجميل المهندس ابوبكر(اللبش


الله يا كيكي

ابوبكر الصديق رجل مميز نشيط فنان اخو اخوان


حتي في ترحاله اختار اليابان

قلب الجمعية الهندسية النابض خلوق مودب


ماذا فعلت بك اليابان ايها الصديق

Post: #899
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-15-2006, 12:51 PM
Parent: #898


وفتة من الزمن الفلاني..
يلا
كريم ينزل
ابراهيم يعرف
خليل المايسترو يعقب

ود علي وزن بيروت...القاهرة..الخرطوم

وح ننزل صورة صورة يا جماعة عشان ندي الصورة حقها من النقاش

Post: #900
Title: Re: اليوم الحار ومابنداريوم الهندسة والمعمار
Author: khaleel
Date: 11-15-2006, 01:05 PM
Parent: #899

حسان الجلقني لقمتك كبيرة ياخ

عمر فلاشا اولاد امدرمان اصلن رايقين

خالد حبة ابن المسلمية ما تكتر الزيت بتغرق الفتة

عبادة السراج الاولاد ما دفعتك

Post: #901
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-15-2006, 01:20 PM
Parent: #900

عمر الصادق لقمة مساحين...لكن برضو صغيرة يا مساحين امدرمان
تهاني بت الصحافة...انتزعت لقمة غالية وسط غابة كثيفة من ايادي ناس ابراهيم محمد الحسن....

وانت عارف يا خليل انت عبادة معاذ ده..كان مباري ناس الدفعة الوراهم عشان فتتهم الكاربة دي..!!

Post: #902
Title: Re: اليوم الحار ومابنداريوم الهندسة والمعمار
Author: khaleel
Date: 11-15-2006, 01:26 PM
Parent: #901

Quote: وانت عارف يا خليل انت عبادة معاذ ده..كان مباري ناس الدفعة الوراهم عشان فتتهم الكاربة دي



كيكي مش عشان الفتة بس

دها اصلو من ضحايا التربيت التعسفي

زيو وزي اخوهو كيكي

Post: #903
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-15-2006, 01:38 PM
Parent: #902

Quote: كيكي مش عشان الفتة بس


بالله هي القصة ما فتة بس..
انت عارف ياخليل بعد الدفع الجاطت للزول دي .الواحد بقي زي ديجانقو (كلو كلو ما بفرز)

Post: #904
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-18-2006, 11:00 AM
Parent: #903


ياسلام يا ابراهيم...اين حطت جمالكم الان..
انت جاء الينا هذا البوست وعلمنا انك بارض الحجاز
مهدي حدثني خليل بانه في السودان
تري اين صديقي طارق ابو شوك الان ؟؟؟؟

Post: #905
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-19-2006, 06:20 PM
Parent: #904

سلام ياشباب من البحرين
لو عملتو شيرنق كيكى وخليل وقطعتوا لى
تذكرة باصلكم فى الدوحة
مابركب بيزنس كلاس الا فى حالة عدم توفر
الدرجة الاولى وقبل ماتعملوا اى حاجة لازم
تتاكدوا انه الدوحة فيها فندق Ritz Carlton
وفى العدم forget the whole matter

بالمناسبة ح تفكونا متين من موضوع تربيتكم دة
بقيتوه زى الهولوكوست

Post: #906
Title: Re: اليوم الحار ومابنداريوم الهندسة والمعمار
Author: khaleel
Date: 11-20-2006, 12:29 PM
Parent: #905

Quote: تتاكدوا انه الدوحة فيها فندق Ritz Carlton
وفى العدم forget the whole matter


احمد التجاني

كل فنادق الدوحة محجوزة ومزحومة لا ستقبال وفود الاولمبياد الاسيوية

لكن تسكن في قلوبنا .


عدت اليوم من دبي وذلك لحضور دورة تدربية في عمل التكييف رغم انني لست مهندس ميكانيكا


ولكن فرصة وجات

ومن محاسن الصدف كان معي المهندس معاوية الريح وهو يعمل في ابي ظبي نائب للمدير التنفيذي

لمكتب (hills)

وهو من اكبر المكاتب الاستشارية في الامارات

وقد تالق معاوية في محاصرة المحاضر وعراهو

ودوما المهندس السوداني يملا العين في مكان

ناقش وتكلم بمهنية عالية

ابراهيم محمد الحسن تقبل تحايا المهندسة هالة( كزن)

Post: #907
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-20-2006, 04:47 PM
Parent: #906

خليل

سلامة الاسفار
واكيد دبى نورت

Quote: ودوما المهندس السوداني يملا العين في مكان


ضل الدليب !!!!

Post: #908
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 11-21-2006, 02:59 AM
Parent: #906

التحايا خليل
وحمدا لله على السلامة .
شنو مجهوداتكم قلت كده لي .. مشغولين ولا شنو انت وكيكي؟
التحايا موصولة للباشمهندسة هالة .. قابلتها وين؟ وهي مستقرة في السودان ولا؟

ونتواصل

Post: #909
Title: Re: اليوم الحار ومابنداريوم الهندسة والمعمار
Author: khaleel
Date: 11-22-2006, 11:57 AM
Parent: #908

سلامات احمد التجاني

سلامات ابراهيم محمد الحسن


الخبر الجديد لنج انو المهندس الكبير عبد الكريم مرشح الجالية السودانية للانتخابات

مع مجموعة من المهندسين امنياتي بالفوز

Post: #910
Title: Re: اليوم الحار ومابنداريوم الهندسة والمعمار
Author: khaleel
Date: 11-23-2006, 04:27 PM
Parent: #909

بعد خمسة عشرة عاما رن جرس الهاتف

وكان في الخط الاخر صديق عبد الرحمن (ابو اللكس) ثامن الشهادة السودانية علي دفعتنا

في ذلك الزمن الجميل لا تتصوروا مدي سعادة بهذا الهاتف

ازال كل غبار السنين وطاف بخاطري داخلية فلسطين ايام سنة اولي علوم


واعدنا شريط الذكريات حلويين حباب وسلاح الاسلحة ومغامرات نادر ابو كدوك ويحي محمدين

والهادي الاصم وعباس ابو الحرم وخلف الله الحرس وصفرة داخلية فلسطين


وناس اقتصاد .

ويا ليالي زمان الله عليك

Post: #911
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-23-2006, 07:18 PM
Parent: #910

خليل ازيك

قبل فترة كدة قابلت صديق ابو اللكس فى جدة
ومشيت عليه بالاحضان وقابلنى بمثلها لكن
معاها اوووه المهندس ياسر !!!!!!
وحقيقة اجتمعت عدة خواطر فى تلك الثوانى قبل ان
ارد عليه هل هى السنين ام لم نكن من فئة الذين
يعلقون بالذاكرة ام للناس مواهب مختلفة
فبعضهم نابغة فى الاكاديميات وبعضهم يمتاز بالعين الحية
التى لاتخطى نفر اجتمعت به لخمس سنوات
وحين قدمت له نفسى اعتذر الرجل ودار بيننا حديث الذكريات
فله التحية وله العذر

Post: #912
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-24-2006, 05:24 AM
Parent: #911

خلي الخلي..واحمد تجو..وكل الحبايب
واليوم الحار فعلا صار يوما يوما حارا واكثر حرارة بالاصوات النبيلة التي تاتي من بلاد
بعيدة تبث الحنين والولع لذلك الزمن الجميل ..
وامس ايضا هاتفني المهندس (فائز) ود القضارف من السعودية ويرسل تحياته لكم جميعا
ويشيد بهذا البوست العجيب وتحياته الخاصة للمهندس انور تاج السر ولكم جمعيا فالف مرحب
يا باشمهندس فائز ولك حبنا وشوقنا الكبير...

Quote: صديق عبد الرحمن (ابو اللكس)

ياسسسلام ياخليل...ابو اللكس ذاتتو
ذلك الزول الجميل الشاطر المرح الملي بالدهشة
له تحياتي ويا ابواللكس ياجميل ووين ارضيك يازول يا سمح
وما ذكر ابو اللكس الا وجاء في ذكره الهادي الاصم وما ادراك ما ودالاصم
فنان ومبدع وموسيقار كبير ياخ.....واحسن زول بغني بالعود لكن شرط يكون
الدويتو بتاعو خليل...!!!

Post: #913
Title: Re: اليوم الحار ومابنداريوم الهندسة والمعمار
Author: maawia dawood
Date: 11-24-2006, 08:36 AM
Parent: #911

السلام عليكم
تيقا سلام
كيكي سلام
ابو الخل سلام
الريفيرا تدعوكم اليوم اليوم
تيقا اهو بقي عندك باسورد وما احتجت للزملاء
وسمعنا انك رجعت السودان نهائي
واعيزين نعرف عرس ود الجد امتي ؟؟؟؟؟

Post: #914
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 11-24-2006, 09:14 AM
Parent: #913

Quote: الريفيرا تدعوكم اليوم اليوم

سعاوية (مرمر) الجقر (صرصور)
وينك يا جميل والله مشتاقين ياخ واخبار فوكس شنو ..
بالله في الريفيرا الليلة سلم لي علي الجميع سلام خاص وشديد
اولا ابدا بعباس ابوالحرم وقول ليهو(كيكي نازل)..
والصادق فيصل وشوف لينا الصعلة وصلت وين
ياسر التلوش
طه النور (ودالعرب)
ابوسمرة الشين
مزمل قليصة
محمد حسن ابو الروس
ناجي بتاع المربوطة..وقول ليهو حليلك وحليل مربوطة ناجي
وبالله طارق (جي ام جي)..وقول ليهو هل لازلت (جي ام جي)
وكل الناس الحلويين فردا فردا..
وونسلم سلام خاص لمعاوية داوؤد ونقول ليهو (هوووي يا معاوية هوووي)..!!!

Post: #915
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 11-25-2006, 08:10 AM
Parent: #914

وعليكم السلام ياديفيد

Quote: وسمعنا انك رجعت السودان نهائي


ااامين يارب العالمين

عرس ودالجد ح يكون يوم 9 ديسمبر

فى الرياض وانا حاليا باعمل فى ترتيب حضورى
احرص على الحضور ومعك الاخرون

Post: #916
Title: Re: اليوم الحار ومابنداريوم الهندسة والمعمار
Author: khaleel
Date: 11-29-2006, 01:18 PM
Parent: #915

معاوية ازيك

احمد التجاني قلت لي ابو اللكس قال ليك ازيك يا ياسر لكن يا احمد المسافة ما بعيدة بين

ياسر واحمد

طبعا يا اخوانا اخوكم عبد الكريم الامين فاز في انتخابات الجالية في مقاعد المهندسين

بعد معركة شرسة مع اصحابنا ناس الجبهة.

وكانت تفوح رائحة انتخابات الاتحاد ايام الجامعة

حضر لفيف من المهندسين خريجين من السبعينات وانت ماشي

وكان هناك معتصم الطاهر وابو عاقلة ( ديل عجايز)

وكان عكرمة وعادل ارباب ومولانا صلاح علي والقرود وعمر نوري وغاب عن التسجيل كمال الضرس ومرتضي الطاهر

ومحمد كرار وصلاح الليون وعبد الله احمد الطيب

ولكن رغم الغياب فاز الود كيكي

وقد اديرت معركة المهندسين باحترافية عالية وساعد في نجاح الحملة طارق ابو شوك المحايد

وعبد الباقي حامد الجزولي ود القانون.
واخرون

بالله باركو للود كيكي

بتاع اقتصاد وعبد الباقي حام

Post: #917
Title: Re: اليوم الحار ومابنداريوم الهندسة والمعمار
Author: khaleel
Date: 11-29-2006, 01:22 PM
Parent: #915

معاوية ازيك

احمد التجاني قلت لي ابو اللكس قال ليك ازيك يا ياسر لكن يا احمد المسافة ما بعيدة بين

ياسر واحمد

طبعا يا اخوانا اخوكم عبد الكريم الامين فاز في انتخابات الجالية في مقاعد المهندسين

بعد معركة شرسة مع اصحابنا ناس الجبهة.

وكانت تفوح رائحة انتخابات الاتحاد ايام الجامعة

حضر لفيف من المهندسين خريجين من السبعينات وانت ماشي

وكان هناك معتصم الطاهر وابو عاقلة ( ديل عجايز)

وكان عكرمة وعادل ارباب ومولانا صلاح علي والقرود وعمر نوري وغاب عن التسجيل كمال الضرس ومرتضي الطاهر

ومحمد كرار وصلاح الليون وعبد الله احمد الطيب

ولكن رغم الغياب فاز الود كيكي

وقد اديرت معركة المهندسين باحترافية عالية وساعد في نجاح الحملة طارق ابو شوك المحايد

وعبد الباقي حامد الجزولي ود القانون.
واخرون

بالله باركو للود كيكي

بتاع اقتصاد وعبد الباقي حام

Post: #918
Title: Re: اليوم الحار ومابنداريوم الهندسة والمعمار
Author: khaleel
Date: 11-29-2006, 01:26 PM
Parent: #915

معاوية ازيك

احمد التجاني قلت لي ابو اللكس قال ليك ازيك يا ياسر لكن يا احمد المسافة ما بعيدة بين

ياسر واحمد

طبعا يا اخوانا اخوكم عبد الكريم الامين فاز في انتخابات الجالية في مقاعد المهندسين

بعد معركة شرسة مع اصحابنا ناس الجبهة.

وكانت تفوح رائحة انتخابات الاتحاد ايام الجامعة

حضر لفيف من المهندسين خريجين من السبعينات وانت ماشي

وكان هناك معتصم الطاهر وابو عاقلة ( ديل عجايز)

وكان عكرمة وعادل ارباب ومولانا صلاح علي والقرود وعمر نوري وغاب عن التسجيل كمال الضرس ومرتضي الطاهر

ومحمد كرار وصلاح الليون وعبد الله احمد الطيب

ولكن رغم الغياب فاز الود كيكي

وقد اديرت معركة المهندسين باحترافية عالية وساعد في نجاح الحملة طارق ابو شوك المحايد

وعبد الباقي حامد الجزولي ود القانون.
واخرون

بالله باركو للود كيكي

بتاع اقتصاد وعبد الباقي حام

Post: #919
Title: Re: اليوم الحار ومابنداريوم الهندسة والمعمار
Author: khaleel
Date: 11-29-2006, 01:26 PM
Parent: #915

معاوية ازيك

احمد التجاني قلت لي ابو اللكس قال ليك ازيك يا ياسر لكن يا احمد المسافة ما بعيدة بين

ياسر واحمد

طبعا يا اخوانا اخوكم عبد الكريم الامين فاز في انتخابات الجالية في مقاعد المهندسين

بعد معركة شرسة مع اصحابنا ناس الجبهة.

وكانت تفوح رائحة انتخابات الاتحاد ايام الجامعة

حضر لفيف من المهندسين خريجين من السبعينات وانت ماشي

وكان هناك معتصم الطاهر وابو عاقلة ( ديل عجايز)

وكان عكرمة وعادل ارباب ومولانا صلاح علي والقرود وعمر نوري وغاب عن التسجيل كمال الضرس ومرتضي الطاهر

ومحمد كرار وصلاح الليون وعبد الله احمد الطيب

ولكن رغم الغياب فاز الود كيكي

وقد اديرت معركة المهندسين باحترافية عالية وساعد في نجاح الحملة طارق ابو شوك المحايد

وعبد الباقي حامد الجزولي ود القانون.
واخرون

بالله باركو للود كيكي

بتاع اقتصاد وعبد الباقي حام

Post: #920
Title: Re: اليوم الحار ومابنداريوم الهندسة والمعمار
Author: khaleel
Date: 11-29-2006, 01:29 PM
Parent: #915

معاوية ازيك

احمد التجاني قلت لي ابو اللكس قال ليك ازيك يا ياسر لكن يا احمد المسافة ما بعيدة بين

ياسر واحمد

طبعا يا اخوانا اخوكم عبد الكريم الامين فاز في انتخابات الجالية في مقاعد المهندسين

بعد معركة شرسة مع اصحابنا ناس الجبهة.

وكانت تفوح رائحة انتخابات الاتحاد ايام الجامعة

حضر لفيف من المهندسين خريجين من السبعينات وانت ماشي

وكان هناك معتصم الطاهر وابو عاقلة ( ديل عجايز)

وكان عكرمة وعادل ارباب ومولانا صلاح علي والقرود وعمر نوري وغاب عن التسجيل كمال الضرس ومرتضي الطاهر

ومحمد كرار وصلاح الليون وعبد الله احمد الطيب

ولكن رغم الغياب فاز الود كيكي

وقد اديرت معركة المهندسين باحترافية عالية وساعد في نجاح الحملة طارق ابو شوك المحايد

وعبد الباقي حامد الجزولي ود القانون.
واخرون

بالله باركو للود كيكي

بتاع اقتصاد وعبد الباقي حام

Post: #921
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 11-30-2006, 02:43 AM
Parent: #1

تحياتي للمهندسين الرائعين
تحية خاصة للباشمهندس كيكي و ألف مبروك
شنو يا خليل رافع البوست 4 مرات؟ شكلو النت عنك كان تعبان.

سجلنا غياب طويل أنا و أبو بكر عثمان لأنو نحنا مزنوقين زنقة ترزي في يوم الوقفة (يوم السبت التشغيل الحي لنظام لمقاصة الإلكترونية) يعني نوم مافي. و دعواتكم.

طارق

Post: #922
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-01-2006, 06:38 AM
Parent: #921

Quote: حياتي للمهندسين الرائعين

مرحب طارق وتحياتي لكم جمعيا ولكل المهندسين النبلاء في جميع بقاع العالم
فقد خضنا انتخابات المهندسين في الدوحة من اجل قضايا المهندس السوداني وببرنامج
طموح نامل ان يساهم في المساعدة في حل قضايا المهنة من تدريب وتبادل للخبرات وربط
المهندس بالهجرة بواقع العمل الهندسي في السودان
وكانت انتخابات لها كواليس مرحة بحضور الاجيال العديدة من المهندسين السودانيين بالدوحة
وسعدنا بلقاء بهاء الدين بخيت (ثيبرباك الهندسة) الشهير والمهندس نادر هداية الله
الذين جاءو من مناطق بعيدة جدا اصرارهم منهم علي المشاركة الايجابية
وايضا صديقنا قيادي انصار السنة (صلاح علي) وقد ادار معه خليل حوار مرح قل ان تجود
الغربة به..(وتحت تحت كده قلعنا منو صوت ) وكان لسان حاله (بدي كيكي صوتي
لكن فليغفر الله ما تقدم وما تاخر من ذنبي) هاهاها
لك جميعا الف شكر وحتما بوجودكم وارائكم الثرة سيتم النجاح باذن الله

Post: #923
Title: Re: اليوم الحار ومابنداريوم الهندسة والمعمار
Author: khaleel
Date: 12-01-2006, 08:54 AM
Parent: #922

فاز كريم بالقاضية الفنية التبريكات والتهاني

للمهندس ابوبكر حكمدار وشكري ماطوس

ديل افتكر درسو خارج السودان

المهم يا كريم العمل بجد واخلاص لخدمة قضايا المهندسين بالدوحة وليس الفوز علي الكيزان

Post: #924
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-01-2006, 09:07 AM
Parent: #923

Quote: للمهندس ابوبكر حكمدار وشكري ماطوس

ديل افتكر درسو خارج السودان

المهم يا كريم العمل بجد واخلاص لخدمة قضايا المهندسين بالدوحة وليس الفوز علي الكيزان

مرحب يا خلي يا خبير الانتخابات
وفعلا القصة ما فوز وخلاص الموضوع فيهو تحدي كبير وعاوز وقفة ليها ضل..
المهندس ابوبكر حكمدار يا خلي خريج جامعة الخرطوم معمار وهو من الخريجي السبيعينات
والمهندس شكري ماطوس خريج الجامعات العراقية هندسة كيمائية وخبير كبير في قطر للبترول
واكيد العمل مع خبرات ذي دي مكسب خبير و بدي العمل سقف بتاع خبرات هندسية كبيرة وبوجودكم
معانا وبالحماس باذن الله حنجضم الشغل...

Post: #925
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-07-2006, 10:25 AM
Parent: #924

وبين ياشباب
وياناس ابوبكر وطارق ومعاوية داؤد ناس الخرطوم...افيدونا اين خليل ..

Post: #926
Title: Re: اليوم الحار ومابنداريوم الهندسة والمعمار
Author: عمار يس النور
Date: 12-07-2006, 04:04 PM
Parent: #925

الإخوة الأفاضل

سلام،

العزيز طارق أحمد خالد

(يوم السبت التشغيل الحي لنظام لمقاصة الإلكترونية) يعني نوم مافي. و دعواتكم.


متابع نجاحاتكم الدائمة في بنك السودان ، خطاب عبد الله كان معانا أثناء فعاليات معرض جايتكس في دبي و قابلت كثير من الزائرين من السودان.
عارف يا طارق سر هذا النجاح الحاصل هذه الأيام في التقانة المصرفية و غيرها في السودان شنو ؟ هو ببساطة إنكم تخلصتم من عقدة دكتور فلان و بروفيسور علان و كل الديناصورات الكانوا مهيمنين على التقانة خلال عقدي الثامانيات و التسعنيات. عارف انا مرة كنت خريج جديد في عام 1991 و كنت عضو في مجموعة قواعد البيانات المنبسقة من مؤتمر التقانة في خطة ما يعرف بالإستراتيجية القومية الشاملة و كنا بصدد تحديد قاعدة بيانات معيارية للمرحلة القادمة و فرض علينا بعض الديناصورات الذين تعرفهم جيدا قاعدة فوكس برو Foxpro بدلا عن و أوراكل Oracle وقد كان هذا القرار خاطئا مائة بالمائة و قد تسبب في تأخير كثير من الأنظمة الحكومية و المصرفية و إعادة تطويرها و تصميمها لاحقا كما تسبب في تأخير تدريب كثير من الكفاءات و الخريجين على أوركل خاصة ونحن كنا أول جامعة عربية و أفريقية تمنح درجة البكلاريوس في علوم الكمبيوتر.
تحياتي لك و لكل فريق العمل عندكم ببنك السودان إلى أن نلتقي قريبا إن شاء الله (بالمناسبة أنا بكتب ليك من سدني في أستراليا)


أحمد التجاني:
الشريف سعد محمد علي بيسلم عليك و قد أسعدنا كثيرا عند لقائها بفردته خطاب قبل أسبوع في دبي.


سلام للجميع

عمار يس النور
عاشق بخت الرضا

Post: #927
Title: Re: اليوم الحار ومابنداريوم الهندسة والمعمار
Author: maawia dawood
Date: 12-13-2006, 03:40 PM
Parent: #924

[I]كيكي
الف الف الف مبروك
بس ان شاء الله تكون لينا زخرا
ودي انتصار كبير للمهندس بتاع 85
بس انا شفت الخبر
طبعا يا كيكي مشينا عرس ود الجد
والله كان شفت الناس كبرت كيف
بس من الرشيف وبدون تعليق
ابو الخل ياهو زاتو
والعريس اكثر حلاوة
وبخفته الجمليلة المعهودة فيه[/
I]

Post: #928
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-13-2006, 04:37 PM
Parent: #927

الله يبارك فيك يامعاوية ياصحبي ياخ
ومشتاقين والله ياديفيد وحليلك وحليل فلسطين 14
والبركس وفوكس....وبلوي سوسو
ومبروك للمهندس صديقي حاتم الجد..
وانا طبعا جاتني تسربيات عن شمار العرس وقالوا لي (حتيتوا الاتو حت شديد)..
وخليل قاشر بالبدلة السوداء الاشتراها من شارع السد
وبالله زيدونا عن العرس ده وضروري اعرف هل طه النور والصادق فيصل بين الحضور..

Post: #929
Title: Re: اليوم الحار ومابنداريوم الهندسة والمعمار
Author: khaleel
Date: 12-14-2006, 07:15 AM
Parent: #928

من الخرطوم سلام

بعد غياب سنوات سعدت بلقاء عادل سيوري والهادي الاصم

وايضا كان حضور امجد زهير انيقا مدهشا

والتقيت دكتور محمد المرضي برنابا بعد غياب ثلاث عشرة عاما

وساحكي لاحقا عن الزواج الاسطوري لحاتم الجد

Post: #954
Title: Re: اليوم الحار ومابنداريوم الهندسة والمعمار
Author: maawia dawood
Date: 01-18-2007, 08:29 PM
Parent: #929

• الريفيرا دائما تتحلي باحلي حللها بدفعة 85 من كل شهر
• ولكن في هذا اليوم الاستثنائي تلالات بقدوم الرائع الجميل
• حاتم ود الجد ومعه كوكبة من 85 لم تتشرف الريفيرا بوجودهم
• من قبل .
• جلسنا في تلكم الليلة الجميلة تحت ذلك الصقيع البارد وكنا نستمد الدفء
• من القفشات والذكريات التي هي دوما ذاد الحياة .
• جمال احمد النور , الواثق تبيرة , الصادق فيصل ,
• امين نجيب , امين تاج السر , خالد الحاج , مزمل موسي , هيثم عبد الله ,
• جلال عبد المنعم , خالد محمد عبد الله , ناجي خيرين , طارق G M G
• عباس ابراهيم ( ابو الحرم ) , معاوية ابراهيم داؤود .
• احمد التجاني , ابو الخل , كيكي الجميل
• لكم التحايا اتيتم الي السودان وحرمتم الريفيرا من طلتكم البهية رغم اننا
• استطعمناكم فابيتم ان تضيفونا بشوفة وحتة ونسة من معيتكم الا اننا رغم
• ذلك نهدم جدار العزلة بيننا بالكتابة
• لكم مني والريفيرا كل التحايا

Post: #930
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 12-17-2006, 09:12 AM
Parent: #1

يا خليل

شنو يازول... لحدي هسه ما شفناك؟؟؟. و أبو بكر عثمان مقلبني و مقلب روحو و فوتنا العرس بتاع حاتم.
نحنا في إنتظار زيارة منك في بنك السودان أو إتصال في (0912132887)

نحن في الإنتظار

طارق

Post: #931
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-21-2006, 06:19 PM
Parent: #930

Quote: واليوم الحار فعلا صار يوما يوما حارا واكثر حرارة بالاصوات النبيلة التي تاتي من بلاد
بعيدة تبث الحنين والولع لذلك الزمن الجميل ..

سيظل اليوم حار حار دافئا وساحة للذكريات وموجة من الزمن الجميل تحملنا لنعانق كل الاصدقاء
والزملاء والزميلات الذين عطروا سماوات تلكم البقعة نحيفي الجسم وبهم ذكاء حاد وتوزعوا جميعا بين
كليات هذه البقعة السفينة المليئة بحب الوطن والتواضع الملهمة للتفاني ونكران الذات والاحتراق
من اجل الفقراء
خليل محمد خليل سطر احرف اعطت كلمة السر للتواصل وسرد احلي الليالي مارس الفرح والحزن
الفشل والنجاح الخيبة والامل وكل تجليات حركة التكوين التي لابد منها لتضع الانسان الفاعل
امام عجلة خدمة شعبه..خدمة وطنه وخدمة الانسانية
مرحب باليوم الحار المابندار وسيظل عاليا كل ما ظللنا هنا فهو روحنا ودمنا ووجداننا جميعا
هو وجدان جيل...شكر ا بكري ابو بكر شكرا

Post: #932
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-22-2006, 12:43 PM
Parent: #931

ابو الخل
والدكتور طارق الجميعابي صديقي
والوجيه المهندس الهادي الاصم
والمهندس امجد زهير...
تلفونكم بالامس سل الروح..وجننتوناجن..وياخ حرام عليكم عديل كده..!!!
وخلاص كفاية فكوا ابو خليل ده خليهو يجي..وياخليل البوست ارشفوا..تعال سريع..!!

Post: #933
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 12-25-2006, 02:19 PM
Parent: #932

الو..!!
الو:.اهلا مرحب..
الصوت..مين معاي
انا:معاك عبدالكريم الامين
الصوت:كيكي الشين..
انا:يازول اتكلم كويس الشين منو..!!؟؟؟
الصوت :شين وكيكي كمان ....
انا:معاي منو لو سمحت(وش ابتداء يتكرمش ومفتش شكل)
الصوت : معاك عبدالله...
عبدالله.!!!!
في الجزء الذي مر كالبرق من بداية هذه المكالمة التي طالت كنت علي ثقةعالية
ان هذا الصوت الحميم مالوفا وقريبا لدرجة عميقة من وجداني..وطبلة اذني
ودارت عدة اسئلة ومرت بالحركة السريعة زي مليون صوت كده في فايل مخزن الاصوات
الداخلي.....وفجاء دوت صيحة ارتجت لها كل جنبات الخليج من الدوحة وحتي مسقققط
وليييييييييييييييييييييييييييييييييييييييد زكرييييييييييييييييييييييييييييييييييييييييييييا
الوليد زكريا علي الطاهر.....ولي
مرت سبعة عشر الان منذ فراقنا الاول وذهب كل منا الي مداره وذهب الصادق فيصل ايضا
وميرغني (كجنكي) وياسر (التلوش) ومات صديقنا عمر فلاشا ومات عادل عمر.....
ولكن حضور صوت وليد زكريا بعد هذه السنين التي ضخت شوقا عاليا الي فتي عالي التهذيب
والمرح والشغب وقوة القلب وكامل الاناقة ومنحاز تماما للجوعي والفقراء والبلوتاريا..حضور
صوت صديقي وليد الذي لازال مشبعا بدعاش (الابيض) ومحنة اهل كردفان وتواضع اهل ام نخيل
وبه رنة مميزة لازالت لم تبارح حبال (وليد زكريا) الصوتية......!!!
اهداني ابو خليل بسفره العجيب هذا ام الالحان واعادنا الي عصر الاصوات النبيلة الي عصر وليد زكريا...

يا معاوية داؤود يا (..................) رسل تلفونك.....!!!
المهندس الكبير وليد زكريا يسجي االتحايا للجميع..

Post: #934
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-05-2007, 04:05 PM
Parent: #933

خليل غيابك طال وشغلت البال بالف سوال
سلام كثير وشوق شديد يا صديقي وكفاية تعال..!!

Post: #935
Title: Re: اليوم الحار ومابنداريوم الهندسة والمعمار
Author: نجوان
Date: 01-07-2007, 07:17 AM
Parent: #934

يعني تزور البوست ده بعد سنتين ..
و مازالت أسماء جديدة تظهر .. وتتألق..
هي الدفعة في الهندسة كان فيها كم؟
(عيني باردة)..

الأسطورة الأزلية.. انه هندسة مكان ديييك يا القراية أم دّق..
تمّ ضحدها بواسطة خليل..كيكي.. وضيوفهم...


المهم: البوست ده بعد إكتماله
يتأرشف في مكتب عميد كلية الهندسة..
U of K

ويا خليل .. دي يا إما إجازة من غير مرتب..
أو إجازة شيوخ..

كيكي ما مقصّر وكاتم السّر..
بس شايفه خلاص صبره نفد..

Post: #936
Title: Re: اليوم الحار ومابنداريوم الهندسة والمعمار
Author: khaleel
Date: 01-07-2007, 11:56 AM
Parent: #935

نجوان ازيك

وكل سنة وانتي طيبة والسنة الجاية فارزة عيشتك

عدنا لليوم الحار من السودان الحار اجمل شهر في العمر حيث سعدت بلقاء الاحبة بعد غياب


كان زواج حاتم الجد انيقا في حي المرتفين الرياض

سعدت بلقاء عاطف ساكوبة بعد تلاتاشر سنة وكان عاطف بنفس الاريحية هاشا باشا

وكان الكج عبد الماجد الرشيد رائعا لكنه ازداد شوية طنقعة

الحسين يلازمه نفس عدم التركيز الواثق تبيرة اشتعل راسه شيبا ولم اتجاذب معه اطراف الحديث

هيثم عبدالله ما زال هو هيثم بس سمين حبة

خالد الحاج ما زال ظريقا خالد محمد عبدالله بشد رزينا كعادته جلال الحلبي نفس جلال كليه الهندسة ولم تعتريه علامات التصحر والشيب والصلعة

تغيب ابوسمره لمرض ابنه وكان هناك حسين مساعد وامجد زهير والهادي الاصم واسامة كونتا

وبها الدين بخيت

معاوية داوود صار سمينا وحتي لحيته بيضاء الصادق فيصل وامين تاج السر (same same)

Post: #937
Title: Re: اليوم الحار ومابنداريوم الهندسة والمعمار
Author: khaleel
Date: 01-08-2007, 05:46 PM
Parent: #936

طبعا اتصل بي الحارث مصطفي من سد مروي

ووعد بارسال سيارة لزيارة السد ولكن القدم ليها رافع

اشرف منير ووعدني بالزيارة خمسة مرات وخلف وعده

يبدو فغلا كما قالت رباح الصادق ان المراكب اشرعت

والناس بدات تنسي ذكريات الكلية الجميلة

والزمن بدا يغير النفوس .

ناس السودان بفتكروا نحن بنجي عشان نبرمج معاهم

لكن نحن زاتنا مشغولين زيهم

Post: #938
Title: Re: اليوم الحار ومابنداريوم الهندسة والمعمار
Author: Abubakr Osman
Date: 01-09-2007, 06:54 AM
Parent: #937

ابو الخل
كل سنة وانت طيب
شنو الحكاية حتى الان لم نتشرف بزيارتكم الكريمة
هل عندك رأى انك تجينا فى بنك السودان
بنديك جنيهات جديدة لو جيتنا
فى انتظارك انا وطارق

Post: #940
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2007, 05:12 PM
Parent: #938

Quote: فى انتظارك انا وطارق


ابوبكر عثمان وطارق احمد خالد

انا عدت للدوحة

لكن ممكن تفسحو مرتضي الطاهر وحامد المبارك وبهاء الدين بخيت

والسنة الجاية انشاء الله

Post: #939
Title: Re: اليوم الحار ومابنداريوم الهندسة والمعمار
Author: أبوالزفت
Date: 01-09-2007, 08:43 AM
Parent: #1


أبو الخل

كل سنة وانت طيب

مداخلة الاخ عبدالكريم الامين احمد
والتى تبداء بــ

سعاوية (مرمر) الجقر (صرصور)

وبداية المداخلة هى عبارة عن لغة كان بعض الطلاب والطالبات يتحدثون

بها بطلاقة وسرعة اذكر منهم المرحوم مجدى سيد قاسم وليد الغنماية

ماجد الحصان ومحمد البرلوم وعثمان دكان

اها الموضوع ده عجب طلال الاحمر وقتها لسة كان برلوم

وحاول يتعلم اللغة دى

واول محاولة ليهو طلال كان واقف فى داوتاون

وعلاء الدين قناوى كان خالط جنب الباب

باعلى صوت نادى طلال علاء وقال الكلمات زى ما هى واضاف معاها المترادفات

علاء (عناب) انت (ابونة) برلوم (بربور)

ضحك كل من حول طلال لانو نسى يغير الحرف الاول من كل كلمة

Post: #941
Title: Re: اليوم الحار ومابنداريوم الهندسة والمعمار
Author: khaleel
Date: 01-09-2007, 05:21 PM
Parent: #939

Quote: ضحك كل من حول طلال لانو نسى يغير الحرف الاول من كل كلمة



ابو الزفت كل سنة وانت طيب والسنة الجاية في المسجد الاقصي

طلال الاحمر عندو مشكلة رهيبة في حرف الراء ( الجن يعني) لكن كان من نجوم الشباك

هيثم طمبل بس


رحم الله مجدي سيد قاسم ادخل مصطلحات كثيرة للحياة الجامعية ومن كلمة ( بورط )

وتقال للشخص الثقيل .

قصة طريفة حصلت للمرحوم مجدي مرة كان زائر وليد حامد بتاع اقتصاد في البيت وبالصدفة في الطريق

لمح شقيقة وليد واظنه شاغلها.

دخل مجدي المنزل وفجاة ظهرت اخت وليد .

اصاب الزهول مجدي .

والبت قال لوليد لو دها صاحبك ما تصاحبو.

رحم الله مجدي والتحايا لوليد حامد والرشيد حامد .

وعلاء الدين سنوات واخباره مقطوعة قيل انه في السعودية وبمناسبة السعودية اخيرا اغترب

خالد ابو الرووس امنياتي بالتوفيق

Post: #942
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-09-2007, 07:39 PM
Parent: #941

<a href="http://www.sudaneseonline.com/cgi-bin/sdb/2bb.cgi?seq=post&board=3&msg=1166716267&rn=941" target=_self>Re: اليوم الحار ومابنداريوم الهندسة والمعمار

Post: #943
Title: Re: اليوم الحار ومابنداريوم الهندسة والمعمار
Author: khaleel
Date: 01-10-2007, 05:40 PM
Parent: #942

قابلت في مطار الخرطوم المهندس ابراهيم مامون وهو في اجازته السنوية للسودان

صدقو ابراهيم البرلوم اشتعل راسه شيبا


ابراهيم ابوسمرة ايريا الحبر منتظرين ذكرياتكم علي الايميل عشان ننزلها

Post: #944
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-10-2007, 06:33 PM
Parent: #1

مرحب خليل وبركة الجيت.بركة الجيت انت طبعك بسكويت.
وسلام يا ابو الزفت يا اصلي ومعتق بذكريات جميلة
وطبعا السغة(ليمون) او اللغة كانت حكايتها حكاية وتفنن الفتية في ايجادها والتحدث بها
واذكر ايضا ان هنالك نكتة شهيرة حدثت لمن كنا في داخلية جبل مرة
احد اعضاء غرفتنا لا يتحدث هذه اللغة وفي الليل عاوز يقول للشباب صحوني بدري عليكم الله..
قال لينا (عليكم الله يا جماعة سيسي (كمون) بكره بدري بالله)...
وسيسي كمون للخبراء في هذه اللغة هي كيكي وحذفت منها الكا (مرتين) واستبدلت بالسين
فقيل سيسي كمون...

Post: #945
Title: Re: اليوم الحار ومابنداريوم الهندسة والمعمار
Author: khaleel
Date: 01-10-2007, 06:54 PM
Parent: #944

ابو الزفت

بمناسبة اولاد علوم

علاء الدين يوسف

مرة كان بتونس مع مها زكريا حنكوشة ليها ضل

قال ليهو علاء الدين انت ساكن وين

قال ليها في امبدة

مها قالت ليهو عليك الله يا علاء ما تظهر

Post: #946
Title: Re: اليوم الحار ومابنداريوم الهندسة والمعمار
Author: khaleel
Date: 01-11-2007, 06:19 PM
Parent: #945

ديسمبر ويناير من اشد الشهور قساواة للاستحمام في حمامات البركس


الموية بنتزل من الدش وكانها جاية من سيبيريا


غايتو الحمام كان مجازفات وانا كريم عشان نخش حمامات داخلية كردفان كنا بنغني مع بعض

لزيدان ابراهيم ونكمل كل اغاني العندليب عشان الواحد يغافل الموية الباردة دي


وكان اسامة سيد الرايحة ما بخاف من الموية وكان يمارس علينا التهزي قومو استحمو يا معفنيين

ولكن انا كنت اقول ليهو شفت بتاع الطب العامل فيها نضيف داك دخل الحمام في داخلية حسيب

ونقل للحوادث حيث كانت موية داخلية حسيب مثل لكمة تايسون

Post: #947
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-11-2007, 07:55 PM
Parent: #946

مرحب خلي وحبابك وانت تاتي بسيرة البرد والصقيع في حافة البركس وفلسطين
والحمامات المطاولة في صفوف عجيبة...
ولا اظنك قد نسيت (مقولة الاقتحام) الشهيرة لماء حمامات البركس الشهيرة
عندما صاح احدهم هكذا (انتصرت الحركة الطلابية) ..عندما نجح في اقتحام ماء الدش البارد...

دقيق يا خلي حتي الحمامات..والله زمان..!!

Post: #948
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 01-12-2007, 02:09 AM
Parent: #947

الاخوة الكرام

كل سنة وانتم طيبين وعايدين لدياركم فايزين

ابوالخل لسوء حظى لم احظى بلقياك اثناء اجازة العيد التى قضيتها بالسودان من دون العيال
والسبب فى عدم ملاقاتك على مااعتقد تضارب فى المعلومات بين مصدرين اشرف زهير وطارق الجميعابى
حيث ذكر لى اشرف بان هاتفك لايرن لمدة كم يوم كدة ثم جاء الجميعابى بخبر سفرك قبل العيد
ثم بعدها ذكر لى بانك سافرت الى عقاب اهل المدام( بام جر) وانا الكنت قايلك طلقت الضواحى وطرف المداين بالتلاتة الاقيك اجازتك عديتها مساسقة بين ام جر والحتانة
عموما لو ربنا اراد بنتلاقى لقدام
وتصبحون على خير

Post: #949
Title: Re: اليوم الحار ومابنداريوم الهندسة والمعمار
Author: khaleel
Date: 01-12-2007, 12:36 PM
Parent: #948

احمد التجاني

كل سنة وانت طيب وربنا يحقق امانيك

وعرس حاتم الجد كان الاعلام ضعيفا والحضور ضعيفا والجكس نضيفا


التهئنة موصولة للمهندس احمد شبو بمناسبة نيله درجة الماجستير من جامعة استرالية

في دبي.


ودها الوضع الطبيعي لان الود شبو اشتهر بالشطارة وعقبال الدكتوراة

Post: #950
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2007, 06:16 PM
Parent: #949

يا اخوانا انا لسع محتار في الجماعة الشطار وعائز تصويت


ايهم اذكي في هولاء

خالد حماد ام ايهاب ايوب

خالد حسن حسين ام محمد عبد الجليل

نادر حسنين ام اسعد يحي ام يس زكريا

حمد حماد ام عثمان يوسف ام معتز الفحل ام ابو عبيدة رحمة الله ام الدسوقي

منتصر محجوب ام محمد قرني ام احمد شبو

والبقية تاتي

Post: #951
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-13-2007, 06:46 PM
Parent: #950

Quote: حمد حماد ام عثمان يوسف ام معتز الفحل ام ابو عبيدة رحمة الله ام الدسوقي


والله ياخليل ديل كلهم شطار واي واحد فيهم شطاترو (غير) زي ما قال القطريين
وعيني باردة ولهم التحية جميعا

Post: #952
Title: Re: اليوم الحار ومابنداريوم الهندسة والمعمار
Author: khaleel
Date: 01-13-2007, 06:53 PM
Parent: #951

طيب يا كريم رتب ديل كان راجل

وليد القرود محمد الحسين ياسر شندي ياسر ابصلعة عاطف جلي اريج جعفر ابراهيم جرايد

حبيب الله بابكر النور جابر محمد فاروق معتز علي كمال الشيخ .

والبقية تاتي

Post: #953
Title: Re: اليوم الحار ومابنداريوم الهندسة والمعمار
Author: khaleel
Date: 01-14-2007, 05:39 PM
Parent: #952

احمد التجاني


هل الخرطوم مستعدة لاستقبال كريم في القصر الجمهوري

Post: #955
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 01-19-2007, 02:46 AM
Parent: #953

Salam shabab

I did a search on the publication by Pro Samir Gohbrial on the IEEE ...
Guess How many are they????
24 technical papers
!!!!!and yet Uof K fired him

BTW Jafaar Almirghani published 200 papers on IEEE

Post: #956
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 01-19-2007, 07:25 PM
Parent: #955

خليل
سلام من اسيا الحقيقية ماليزيا

اعتقد الخرطوم لم تعد تلك الخرطوم التى كانت تقرر من
الذى يصلح ان يكون فى القصر الجمهورى
فالحشاش يملا مخلايته
لكن كما ذكرت لك سابقا الود كريم دة فنان ولاغبار ان يكون
داخل القصر الجمهورى
بس الا المالية وطه النور

Post: #958
Title: Re: اليوم الحار ومابنداريوم الهندسة والمعمار
Author: khaleel
Date: 01-20-2007, 08:08 PM
Parent: #955

محمد شمس الدين

دكتور سمير وعادل خضر ومعتصم

تم فصلهم ايام احداث مقاطعة الامتحانات

وهم من خيرة استاذة جامعة الخرطوم وتبعهم دكتور التاج ايضا

Post: #957
Title: Re: اليوم الحار ومابنداريوم الهندسة والمعمار
Author: غباشي
Date: 01-20-2007, 05:58 AM
Parent: #1

الأخ الباشمهندس خليل
سلام يليق بك و بعظمة البوست و هامة الكلية
أخوكم خريج مساحة 2003 ولا أخفي عليك إعجابي بهذا البوست.. حقيقة كنت أتمني هذه اللحظة منذ مدة طويلة الى ان تحققت و اصبحت داخل أسوار سودانيز أونلاين بعد ان أخذت الإقامة الدايمة ... تتحفني و الله عندما أطالع تلكم الزكريات .... و ترجع بي عجلة الزمان عدة سنوات (لا وزن لها مع سنواتكم ) لأتذكر كلية الهندسة و العمارة (كلية الدبرسة و العوارة) للمنكوين بنارها ... السهل الممتنع !! زاخرة بالزكريات الجميلة كزخرها للزكريات المأساوية و المحبطة .. ففيها من انتهى به المطاف عندها ... و فيها من تفتحت أمامه الآفاق ... فهي كما قلت السهل الممتنع ...

لقطات سريعة من داخل الكلية

السوق الشعبي زمان كان بؤرة الكادحين و الشرامة و المدبرسين ... لكن في السنوات الأخيرة بقى (السوق الحر عديييل) و معقل للدبلومات
كافتريا المهندس .. عقر دار الحناكيش و المرطبين و الناس السوفت (مسلسلات سااااي)
عمك الياس .. رمز الأصالة و دايما هو الرابط البيرجع للقديم (من الأمس)
مكتبة دار السرور .. عمك بلال (يديهو العافية )
مكتبة نفيسة و الحاجة امها
بشير بتاع السجاير .. الذ مخلوق
أعمامكم ناس الورشة (النجارة و الحدادة)
الخالات ستات الشاي و الجبنة في زراعية
عمك إبراهيم بتاع الحرس .. عندي معاهو قصة طريفة سأحكيها لاحقا
الميدان الغربي .. إندرشنا فيهو مساحة لمن راسنا سخن
الــ Tower ... المقبرة الجماعية
الـ Drawing أحيً أنا منو ... ومن حقارات ناس ميكانيكا
الكهربا .. كان ما فاطر أوعى تخاطر
الـ Fluid الموية كسرت وقربت تغرقنا
مسجد هندسة .. دايما مليان .. و بتملي أكتر أيام الإمتحانات و كدة

فريق هندسة و دوري الكليات ... ده داير ليهو بوست براهو و الله !
بص زراعية و الله كل ما كنت أشوفو مدور اقول سبحان الله يحي العظام و هي رميم
و الكثير ... الكثير

Post: #959
Title: Re: اليوم الحار ومابنداريوم الهندسة والمعمار
Author: khaleel
Date: 01-20-2007, 08:17 PM
Parent: #957

برلومنا غباشي

مرحبا بيك

اكتب لينا

ورينا ماذا حدث في الهندسة من بعدنا

Post: #960
Title: Re: اليوم الحار ومابنداريوم الهندسة والمعمار
Author: غباشي
Date: 01-21-2007, 02:08 AM
Parent: #1

حبيبنا أبو خليل
طبعا إحنا ما زي باقي أولاد الناس خشينا الجامعة طوالي .. لأنو دفعتنا إدرشت إلزامية سنة كاملة حتى الجامعة فتحت ... خلال هذه السنة تغيرت عدة مفاهيم بحكم إنقطاع الأمل و الإحباط المتواصل من جهة و الصبر و اليقين من جهة اخرى ... كما أن لبيئة العسكرية التي أضطررنا للعيش فيها و الإنصهار فيها ليس عن طيب خاطر و لا عن رضى ... فرغم عن أنوفنا فرضت علينا تأدية الخدمة الإلزامية و التي برغم مرارتها و الغموض الذي إكتنفهاإلا أن كانت لها ذكريات إستمرت معنا حتى السنة الثانية الجامعية ... حتى أن بعض الحانقين كانوأ يستاؤن مني خصوصا من أبناء آداب و منهم دفعتي في الإلزامية ود شندي وليد الشيخ الذي عانى الأمرين وهو يؤدي الخدمة العسكرية و تعذب فيها عذاب الدنيا و الآخرة ... ولكنه كان من النوعية الزينة (هدي و رضي = مسكين) المهم أبدأ معكم منذ أن أكملنا المعسكر و المشروع الخلوي ومن هنا سأبدأ معكم بالعامية وذلك لتسهيل التشبيهات و الإستعارات ووضع الكنايات في مكانها دون لي عنفها و التمثيل بها(لأن أخوكم ما عبد الله الطيب و لا فراج الطيب لهما الرحمة ) ... فإلى هناك ....
طبعا إتخرجنامن المعسكر و لبسنا الكاكي أب كباسين و الله أخوكم لما يحشش بالميري و لا أجدعها ضابط في المارينز (هييييييييييييع) دي بتاعة الجعلييين زاتها , المهم تم توزيع جزء من اولاد الصحافة في سلاح الإشارة بحري و أذكر أننا كنا عدد لا يستهان به من الفرد ومنهم

رفعت عثمان حسين
معتز محمود حسين
وليد الشيخ
هاشم ابراهيم
عماد شيخ الدين
محمد بدوي
عماد عبد الكريم
وليد يوسف
هشام قبال
عاطف

أنا طبعا كنت من المبظبطين .. يعني ما منضبط وكان معي في نفس المنوال رفعت بل كنا نتنافس على ذلك .... وكنت طوالي داكي حتى لو جوة سور الإشارة بكون في النادي بحضر في الفرقة الموسيقية ( والله كانت كاربة كيف ) الجبجبة ما تديك الدرب و الغبار قايم مع انو الحته كلها نجيلة و فاتحة في البحر مقابلة لجهة وزراة التربية و التعليم في الخرطوم و الله كان المنظر بديع أنا غايتو دي أكتر حاجة عجبتني في الإشارة ... و كل ما أدبرس في الحلة أقوم أشك ميريني أب كباسين و أركب أمشي الإشارة ... أحصل الفطور بمزاج من البوفيه و الله فول رخيص رخصة كان بـ 250 جنيه (قديم ) الكلام ده طبعا في الفترة من سبتمبر 97 و حتى أغسطس 1998 ...المهم بعد الفطور الطرب بيدور و هاك وهيك سيك و ميك وب وب وب أها يلا أرح و ياهو آي .. المهم بعد داك الساعة واحدة بتجي .. نديها كباية شاي تحت الشجر و قصاد البحر .. عليكم الله عاينو للشاعرية دي ماء و خضرة و وجه خشن !!! المهم يا حباني واحدة و نص أو الساعة اتنين بالكتير الترحيل بيتحرك ... نمشي نركب ترحيل مايو عشان يجدعنا في آخر الصحافة يو م و انتهى ... أما لو مارقين قبل الترحيل نقوم نتخارج بباب الإشارة لسلاح النقل و نقوم نشق سلاح النقل و التموين و نطلع ببابو التحت الكبري بتاع بحري و من هناك وحاتكم و على حس الميري الملح بيبدا و الله ملح .. أنا غايتو لو ما جاني ضغط الوقت داك تاني أصلو ما بجيني .. كنا بنركب الملح و نحكها معاهو لحدي آخر نقطة هو واصل ليها ... و بعد ننزل نشرك لملح تاني و بعد مرات الملح يطفشنا بعيد ... برضو ننزل و نرجع لحتتنا الدايرنها بملح تاني ...
ونواصل .....

Post: #961
Title: Re: اليوم الحار ومابنداريوم الهندسة والمعمار
Author: غباشي
Date: 01-21-2007, 11:39 AM
Parent: #1

شفوت هندسة .. شرامة الجامعة إزيكم و نواصل ما انقطع

وبتذكر لما ما يقيف لينا الملح في الكبري بتاع بحري كنا بنقيق في الجناح بتاع المشاة و نملح مع بتاعين المواتر و الله ياجماعة إحنا كنا بنعمل حاجات هسي الواحد لو عزموهو عليها بيقول ما داير ... لكن الزمن داك عشان نكسر الزهج و الدبرسة كان لازم نعمل كدة ...
يلا حأحكي ليكم أول يوم في سلاح الإشارة بحري بعد ما البص رحلنا من المعسكر لسلاح الإشارة بحري .... وصلنا السلاح زي الساعة 8 باليل ووجدنا استقبال وضباط و عساكر بذخم أكبر من بتاع المعسكر ... قبلت على صاحبي أسمو وليد يوسف (الوقت داك رفعت كان داكي و ما وزعوا ليهو ميري) وقلت ليهو يامعلم البلد دي شكلها فيها عسكرية مرة و الله ... شايف الرقيب داك صاري وشو في مليون حتة كيف ؟ وللا الصول داك التقول في واحد قال ليهو إنعل أبوك !!! بعد داك الضباط ديل مالهم شنباتم كبيرة كدي؟ والله يا معلم شكلنا دقسنا .. الناس ديل والله بيودونا الجنوب عديل بالطريقة دي ... المهم عشونا و نومونا .. كان معانا واحد من أولا د الخرطوم تلاتة إسمو عبد العظيم محمد صالح ... كان بيلاوز كتير بعدين ما منضبط .. الليل كلو بيهضرب حيرفعونا الجنوب .. المهم رقدنا جنب بعض ... إتخيلو وين؟ ... على الأرض و الله ... يعني وحدة زي سلاح الإشارة عارفين انو جايينهم أكثر من 200 مجند ولم يحركوا ساكنين !!
و الله العظيم أنا لما صحيت الصباح لقيت هدومي كلها مغبرة وشعري مغبر .. والواحد بقى زي الحمار الجربان لما يدردق في ا ... المهم سجلوا اسامينا و عناوينا و أدونا اجازة 3 يوم .... بعد الإجازة رجعنا قاموا وزعونا دورات في معهد الإشارة الدورات كانت بتاعت إتصالات وانا بتذكر اسم الدورة بتاعتنا لحدي الآن لأنها بتذكرني موقف طريف جاييكم ليهو... المهم إحنا وزعونا في الدورة 747 لاسلكي ... وبقينا عاملين فيها طلبة و مخنا نضيف يعني ما زي العساكر .. نحنا البنفهما قبل ما ترك ! وزعو لينا كراسات و أقلام لمن أنا كنت قايل مجانية التعليم رجعت تاني و قربت أخلي ابوي يسجل أخوي الصغير في معهد الإشارة .... شفتو يا حلوين أنا الوضع ما خشى لي في راسي قمت عملت يااااااااااااااااع وعملت زوغبير و رفعت برضو و بعد مدة بدأت العودة الطوعية من رفعت ... بعديهو بفترة رجعت بعد ما سمعت في شمار إنو الضحاكات جابوها و حيصرفوا لينا .... اليوم داك قلت أقشر ملكي نظام كنت سادي خدمة و في الراحة .. المهم وصلت الشباك إسمي زاتو ما لقيتو و العساكر بيعاينو للزول المرطب ده جاي من ويين ؟ ده شهادة عربية و للا شنو .. المهم بيجاي بيجاي المعلمين نقشوني إني من الناس الزايغين من خلال الحوار التالي
- يا مجند إنت تابع لي وين؟
+ معهد الإشارة
- ياتو دورة؟
+ بثقة ... الدورة 747 لاسلكي
بعد لقيت العساكر كلهم إتلموا حولي متأبطين شرا .. أنا و الله اليوم داك بالجد خفت
- إنت يا مجند من زمن 747
- انت مجند (أهل الكهف) و للا شنو؟
- هو إنتو قعدتو عشان الدورة تستمر ؟ ما كلكم زغتو لحدي ما دمجناها مع 746 يا خوافين .. يا جبنا
- و الله الجنوب الخايفين منو ده بدل ما تمشوهو بتاعين لاسلكي و الله تمشوهوا بندقجية بس
أنا و الله اليوم قربت أعملها في هدومي القاشر بيها دي وبقيت ألوم في نفسي .. الطلعني من بيتنا اليلة شنو؟
القروش؟
هو أنا ما شغال قروش شنو تاني ؟
لكن لو ما صرفت معناها مدتي ما محسوبة؟
لأنو المواظبة بالصرفيات !!
أنا أصرف إذن انا موجود
لكن الليلة البمرقني من الوحوش ديل شنو؟
كل و احد ساني سكينتو و جاييني
قاموا مسكوني لواحد عشان يوديني المكتب .. و الله بقى سايقني ليك معتدل مارش و انا متخيل نفسي بس خروف الضحية لما يشنقوا ليهو رجلينو الورانية فووووق و يلزوا .. يكون ماشي برجلينو القدادمية ... يمشي خطوتين و يرجع تلاتة .. في السكة لاقاني رفعت و صاحبكم سايقني ليك (هال هيج .. هال هيج .. هال هال هيج) ..
- في شنو يا قشي
+ واديني المكتب
- ليييييييييه ؟ (طبع رفعت عمل فيها رايح )
+ قالوا لي ما لابس الميري
- يا كمندان أنا بلبسو ليكم هسع .. بس فكو
(أنا بالجد حسيت نفسي خروف الوقت داك )
الكمندان نهر ليك رفعت و زمجر ليكم فيهو زي مكنة الكريسيدا المهم رفعت غمز لي و أنا غمزت ليهو .... كتلت ضلي لحدي ما وصلت المكتب ... العسكري قال لي قف (وبركنني) ليك قدام الباب أتاريهو طلع سواق خلاص خشى المكتب عشان يوصل الشمار
بعد داك عاينت لرفعت أشر لي و بسرعة أخوكم فك البيرك و الله لو ما أخاف الكضب كان قلت ليكم غباري لحد الآن قدام المكتب قايم ... المهم رفعت وراني ليكم منفذ من الإشارة لسلاح النقل و إنحشرت فيهو بس و الله زي الكديس لما يتحشر ليهو في حتة ضيقة بيفرفر برجليهو عشان يدفر نفسو ليجوة .. بس ده حصل لي (طبعا اليوم داك انا كنت خاشي في مملكة الحيوان) وحوش و خروف و في النهاية كديس

خليل و الله الشغلة شكلها حتطول ... أنا لسع في بداية الإلزامية !!

Post: #962
Title: Re: اليوم الحار ومابنداريوم الهندسة والمعمار
Author: khaleel
Date: 01-21-2007, 08:08 PM
Parent: #1

غباشي

انا فعلا حامنحك لقب الوناس الاعظم

يللا دخلنا الميدان الغربي واحكي

ويبدو انك ستضخ دماء جديدة لهذا البوست

Post: #963
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-21-2007, 08:20 PM
Parent: #962

مرحب بغبش..الجميل.
ويبدو يا خلي ان الق الهندسة وتوهجها العالي لازال حاضرا رغم السنين والضني,,
وهاهو البرلوم غباشي يضخ الروح في هذا السفر الذي شاخ كما شخنا نحن لياتي غباشي المساح
الرائع ويواصل الابداع ماسكا (بالتي) والثيودولايت..ونصابا جهاز للفيل علي ارض كلية رائع
كنتورها وغني ودسم...
مرحب يا غباشي وحبابك في هذا المنبر ايها المساح (الشفت) فاهو اليوم الحار يزدان ويفرح
كما فرحنا نحن لقدومك الطاعم...
وواصل الترافيس يا مساح...

Post: #964
Title: Re: اليوم الحار ومابنداريوم الهندسة والمعمار
Author: غباشي
Date: 01-21-2007, 10:53 PM
Parent: #1

خليل و عبد الكريم
و الله خليتوني ما عارف أقول شنو ... إطراءآت اعتز بها و أنا جنبكم لسه البندقجي بتاع سلاح الإشارة الما بيعرف غير (هال هيج ) و (واحد أتنيي)
لكم التحية

Post: #965
Title: Re: اليوم الحار ومابنداريوم الهندسة والمعمار
Author: غباشي
Date: 01-22-2007, 09:42 AM
Parent: #1

من مميزات دفعتنا إنها أكتر دفعة أستقرت في السودان و الشباب معظمهم إشتغلوا في الشركات و الوزارات ... لكن قبل كدة معظم الدفعات القبلنا شبابها اغتربوا .. وللا ما كدة يا أبو خليل ؟ ممكن تقول واحد بس من دفعتنا مشى السعودية و شغال في شركة العويضة ... و مؤخرا عرفت انو في شباب من أولادنا في الدوحة , ود الزين , عبد القوي وقمش لكن ما عارفهم تبع ياتو شركة ... الشباب الموجود في السودان برضو متغرب في الولايات المختلفة من حلفا لنمولي و من بورتسودان للجنينة وحاليا معظم شباب هندسة إتجه للتحضير في Business Aminstaration

Post: #966
Title: Re: اليوم الحار ومابنداريوم الهندسة والمعمار
Author: غباشي
Date: 01-22-2007, 08:38 PM
Parent: #1


اسم العائلة وديدي ... من أبناء الصحافة ظلط مربع 17 .. أرجو منكم الترحم عليه و الدعاء له ...

Post: #967
Title: Re: اليوم الحار ومابنداريوم الهندسة والمعمار
Author: khaleel
Date: 01-23-2007, 06:12 PM
Parent: #966

غباشي

التجلة لك والتحية

نعرف الفاتح وديدي من الصحافة لكن مداخلتك غير واضحة

Post: #968
Title: Re: اليوم الحار ومابنداريوم الهندسة والمعمار
Author: abazar ali khalifa
Date: 01-24-2007, 02:01 AM
Parent: #1

عارف يا خليل لي كم شهر متابع البوست ده و كلو ما اقول خلاص قرب يتم تظهر ليهو فروع جديده
بوست ابتداء بالكوره و بعديها شواكيش و حت زكريات مع شوية اجتماعيات
رغم انو انا ما اتخرجت من جامهة الخرطوم لكن عندي بيها ارتباط كبير من زمن كنا طلبة في مدرسة الخرطوم القديمه
زمن فول السوق الشعبي و معرض المليون كتاب و اسبوع المهندس.
ناس كتار من القطعتو سيرتهم ديل كانو مثل لينا و خلونا نحب الهندسه
طلاب اركويت بجامعة الخرطوم و منهم الغني عن التعريف محمد ايريا القصير بي ضحكتو الشهيره.
الغريبه اصلو ما جبتو سيرة اولاد اركويت الشطار وليد عبد السلام بتاع ميكانيكا و اتخيل لي كان شال جايزة شل و احسن زول يقلد الجابري بالعود لما يغني ليك هان يا زمن و برضو ود اركويت الفلته مهاجر اتخيل لي هندسه مدنيه ياخي ده زول شاطر لمن ما نصيح ياخي ده و هو في سنه اول هندسه امتحن شهاده سودانيه تاني قال بس عشان الزهج
و معمر بتاع معمار و عبد الوهاب ابو نضارات كبيره بتاع مساحه.
طبعا حا اقول ليك يا خليل حاجه غريبه جدا انا حاليا في مدينه صغيره اسمها كتشنر في اونتاريو كندا
المهم كنت بعمل لي كورس اوتوكاد و انا في نص المحاضره و خرمان لقيت واحد خاتي ليهو سفه كبيره طوالي جريت عليهو و المهم اتعرفت بيهو اتخيل يكون منو الزول ده؟ عاطف ساكوبا بشحمه و لحمه ياخي ده زول ظريف لي درجه مدهشه و لسه برضو يتكسر في الجكس النضيف لكن يا خساره هسع سمعت انو رجع السودان نهائي.
شاكوشي في الجامعه كتبتو زمااان هنا في سودانيزاونلاين حا امشي ابحتو اجيبو ليك.

Post: #969
Title: Re: اليوم الحار ومابنداريوم الهندسة والمعمار
Author: غباشي
Date: 01-24-2007, 03:05 AM
Parent: #1

أبو الخل ... إزيك
المرحوم إسمه عمرو محمد احمد وديدي من أبناء الصحافة زلط مربع 17 ... خريج هندسة مدنية سنة 2003 ودفعتهم (1998) إسمها كواسر لأنهم كانو ورانا طوالي و فرقنا سيمستر .. إحنا دفعتنا (1997) إسمها جوارح .. وفي سنة تالتة دمجوهم معانا و إتخرجو معانا في نفس السنة
سلامي و تحياتي لباقي الشباب

Post: #970
Title: Re: اليوم الحار ومابنداريوم الهندسة والمعمار
Author: khaleel
Date: 01-24-2007, 05:43 PM
Parent: #969

غباشي

رحم الله المهندس وديدي

ولاهله حسن العزاء

اركويت في حدقات العيون

ولما نتكلم عن ايريا ليس معناها ليسو في حاجة عن التحدث عن بقية ابناء اركويت

لانوعمك ايريا كان حالة ( خاصة)

تحياتي لوليد عبدالسلام ومعمر ومجاهد

نعم قابلت عاطف ساكوبة وقد استقر في السودان لكن قال لي

كلما ما انسي الانجليزي برجع كندا

التحايا عبرك لناس كندا ايهاب فريد ومصطفي جلال واوشي وكل البسالك عنا

Post: #971
Title: Re: اليوم الحار ومابنداريوم الهندسة والمعمار
Author: غباشي
Date: 01-25-2007, 03:43 AM
Parent: #1

حبايبنا ناس الميدان الغربي ... رجال الـTower أولاد هندسة
جيتكم تاني و نواصل الحكاية .. ...
بعد ما زوغت من العسكري بواسطة رفعت .. أظن العسكري لما جا طالع و ما لقاني خشمو يكون بقى (شطة .. شطة ) بدل (ملح .. ملح) ... لأنو برنامجو خستك .. و خبيزو باظ
المهم لإحتياطات و إحترازات أمنية بقيت قاعد في الحلة كم يوم بعد الأهوال الشفتها دي .. أخوكم كان حينكلوا بيهو الجماعة ديلاك ... غياب و كمان جايي يصرف .. عليكم الله شوفوا قوة العين !! و الله الإختشو مـــــــــــــــاتو و شبعو موت كمان .
المهم بعد داك الوالد بدأ يقنعني بضرورة العودة عشان أعرف نتيجيتي و استفيد من الزمن الحيروح ساكت (طبعا هو قاصد العطالة المقنعة الكنت عاملا ليهم) وقال لي انو واحد من معارفه من الضباط حيتوسط لي للعقيد مدير معهد الإشارة عشان يرجعني من سكات ... و أخوكم صدق و خصوصا الوقت داك رفعت كان رجع و أنتظم و إتخرج من الدورة كمااان .. يعني انا لما ارجع الجيش حاكون فاقد تربوي !!!
اتفقت مع الحاج اني اطلع معاهو الصباح و ينزلني لصاحبو وبعد ده يا معلم بقى عندك ضهر .. يعني ما رفعت براهو العندو واسطات بترجعو ... قفلت على كده شديد و كويت الميري من بالليل وورنشت البوت .. تاني يوم الصباح كنت محشش ألف .. بوت نخرة كلب ميري نضيف أربعة كسر في الضهر ... كفة أربعة أصابع فوق الكوع و حلاقات كيف ... و الله رامسفيلد جنبي ملكي عدييل
الصبا ح اصبح و و اتحركنا و الحاج متكيف مني .. و أنا طبعا قايلو متكيف من القشرة ... أتاريهو متكيف من حاجة تانية ... المهم نزلني ليكم في حتة جنب معهد سلتي بتاع الخرطوم و على الشارع السيافي البيخخش من تقاطع البلدية عمارة التأمينات و منها طوالي على القيادة العامة .. وراني اسم الضابط و رتبته و قال لي خش ليهو .. اوكي .. أوكي
أنا ماشي على المبنى بتاعهم لقيت اليافطة بتاعتهم ... لمن اتخلعت !! رجعت خطوتين لورا .. دعكت عيوني لمن بقو حمر .. اليافطة مكتوب عليها .. ( القضاء العسكري ) .. يا معلم ده كلام شنو؟ الحاج بيدقس فيني و للا شنو ؟ ديل بيودو السجن الحربي طوااااااااااااالي !! والله لابيعرفو طالب و للا استاذ .. من طرف بيقطعوك البحر و يودوك لشباب زي الورد و لطاااااااااااااااف ( لطاف جداً ) .. قلت ازوغ .. لكن الحاج اتفقت معاهو ؟ بعدين حيزعل و أخوكم حيطلع قدامو عرة .. بعدين ما بتحصل السجن الحربي و انا رجعت براي يعني ما قبضوني و أنا زايغ .. و السجن الحربي ده للحاجات الكبيرة و ... و.... حاجت كتيرة لفت في راسي الوقت داك .. المهم أخوكم نفخ صدرو .. و ملا هدومو من اول وجديد بعد ما سحت من اليافطة .. وقلت لنفسي عمك ده اخش ليهو و اوريهو الحاصل .. زبط الشغل من سكات كتر خيرو .. قعد ينظر لي و يعمل حركات الجيش بفك آخري زي الزول بتاع النكتة داك ..... لمن خلاص فاض بيهو و فقد المنطق قال ليهم (سكران و شيوعي و حلايب مصرية )
المهم يا حبان انا خشيت ومركب وش كلب عدييل .. و صاريهو زي بقجة الغسيل .. الحواجب مقرونة التقول بس علامة مالا نهاية بتاعت الرياضيات ديك ... ومدة البوز مع السكوت مع الشلاليف حاجة بطاله تقول الزول ده لو ودوه الجنوب(الوقت داك ) بيحررها بي صرتو دي .... المهم خشيت ليهو و التحيات لله .. و بتاع الراجل طلع لطيف جدا و إختصرني ليك (البسط مع المقام) و ضرب في المرافق و خطين تحت الجواب ... مافي أحلي من كدة ...ظبط الورقة و اداني ليها .. و انا من عندو وطيران للسلاح عشان احشش لناس رفعت و اوريهم الواسطات على اصولها و الحركات بتاعتهم ديك يعملوها لزول ما عندو حديدة
و نواصل أحبتي

Post: #972
Title: Re: اليوم الحار ومابنداريوم الهندسة والمعمار
Author: غباشي
Date: 01-25-2007, 09:34 AM
Parent: #1

حبايبنا ناس الميدان الغربي ... رجال الـTower أولاد هندسة
جيتكم تاني و نواصل الحكاية .. ...
بعد ما زوغت من العسكري بواسطة رفعت .. أظن العسكري لما جا طالع و ما لقاني خشمو يكون بقى (شطة .. شطة ) بدل (ملح .. ملح) ... لأنو برنامجو خستك .. و خبيزو باظ
المهم لإحتياطات و إحترازات أمنية بقيت قاعد في الحلة كم يوم بعد الأهوال الشفتها دي .. أخوكم كان حينكلوا بيهو الجماعة ديلاك ... غياب و كمان جايي يصرف .. عليكم الله شوفوا قوة العين !! و الله الإختشو مـــــــــــــــاتو و شبعو موت كمان .
المهم بعد داك الوالد بدأ يقنعني بضرورة العودة عشان أعرف نتيجيتي و استفيد من الزمن الحيروح ساكت (طبعا هو قاصد العطالة المقنعة الكنت عاملا ليهم) وقال لي انو واحد من معارفه من الضباط حيتوسط لي للعقيد مدير معهد الإشارة عشان يرجعني من سكات ... و أخوكم صدق و خصوصا الوقت داك رفعت كان رجع و أنتظم و إتخرج من الدورة كمااان .. يعني انا لما ارجع الجيش حاكون فاقد تربوي !!!
اتفقت مع الحاج اني اطلع معاهو الصباح و ينزلني لصاحبو وبعد ده يا معلم بقى عندك ضهر .. يعني ما رفعت براهو العندو واسطات بترجعو ... قفلت على كده شديد و كويت الميري من بالليل وورنشت البوت .. تاني يوم الصباح كنت محشش ألف .. بوت نخرة كلب ميري نضيف أربعة كسر في الضهر ... كفة أربعة أصابع فوق الكوع و حلاقات كيف ... و الله رامسفيلد جنبي ملكي عدييل
الصبا ح اصبح و و اتحركنا و الحاج متكيف مني .. و أنا طبعا قايلو متكيف من القشرة ... أتاريهو متكيف من حاجة تانية ... المهم نزلني ليكم في حتة جنب معهد سلتي بتاع الخرطوم و على الشارع السيافي البيخخش من تقاطع البلدية عمارة التأمينات و منها طوالي على القيادة العامة .. وراني اسم الضابط و رتبته و قال لي خش ليهو .. اوكي .. أوكي
أنا ماشي على المبنى بتاعهم لقيت اليافطة بتاعتهم ... لمن اتخلعت !! رجعت خطوتين لورا .. دعكت عيوني لمن بقو حمر .. اليافطة مكتوب عليها .. ( القضاء العسكري ) .. يا معلم ده كلام شنو؟ الحاج بيدقس فيني و للا شنو ؟ ديل بيودو السجن الحربي طوااااااااااااالي !! والله لابيعرفو طالب و للا استاذ .. من طرف بيقطعوك البحر و يودوك لشباب زي الورد و لطاااااااااااااااف ( لطاف جداً ) .. قلت ازوغ .. لكن الحاج اتفقت معاهو ؟ بعدين حيزعل و أخوكم حيطلع قدامو عرة .. بعدين ما بتحصل السجن الحربي و انا رجعت براي يعني ما قبضوني و أنا زايغ .. و السجن الحربي ده للحاجات الكبيرة و ... و.... حاجت كتيرة لفت في راسي الوقت داك .. المهم أخوكم نفخ صدرو .. و ملا هدومو من اول وجديد بعد ما سحت من اليافطة .. وقلت لنفسي عمك ده اخش ليهو و اوريهو الحاصل .. زبط الشغل من سكات كتر خيرو .. قعد ينظر لي و يعمل حركات الجيش بفك آخري زي الزول بتاع النكتة داك ..... لمن خلاص فاض بيهو و فقد المنطق قال ليهم (سكران و شيوعي و حلايب مصرية )
المهم يا حبان انا خشيت ومركب وش كلب عدييل .. و صاريهو زي بقجة الغسيل .. الحواجب مقرونة التقول بس علامة مالا نهاية بتاعت الرياضيات ديك ... ومدة البوز مع السكوت مع الشلاليف حاجة بطاله تقول الزول ده لو ودوه الجنوب(الوقت داك ) بيحررها بي صرتو دي .... المهم خشيت ليهو و التحيات لله .. و بتاع الراجل طلع لطيف جدا و إختصرني ليك (البسط مع المقام) و ضرب في المرافق و خطين تحت الجواب ... مافي أحلي من كدة ...ظبط الورقة و اداني ليها .. و انا من عندو وطيران للسلاح عشان احشش لناس رفعت و اوريهم الواسطات على اصولها و الحركات بتاعتهم ديك يعملوها لزول ما عندو حديدة
و نواصل أحبتي

Post: #973
Title: Re: اليوم الحار ومابنداريوم الهندسة والمعمار
Author: غباشي
Date: 01-25-2007, 10:11 AM
Parent: #1

معزرة لهذا الخطاء الغير مقصود

Post: #974
Title: Re: اليوم الحار ومابنداريوم الهندسة والمعمار
Author: khaleel
Date: 01-25-2007, 01:09 PM
Parent: #973

غباشي

كلمنا عن الدراسة بالعربي عليك

قالو(beam)

سموها عارضة

و( stress)

سموها (جهد)

وقصص زي دي

Post: #975
Title: Re: اليوم الحار ومابنداريوم الهندسة والمعمار
Author: noon
Date: 01-25-2007, 05:04 PM
Parent: #974

Quote: عارف يا خليل لي كم شهر متابع البوست ده و كلو ما اقول خلاص قرب يتم تظهر ليهو فروع جديده

That is so true, every time I said to myself the post is abut to finish it just takes us
automatically to a different interesting path. Now khaleel were are u taking us

NOON

Post: #976
Title: Re: اليوم الحار ومابنداريوم الهندسة والمعمار
Author: maawia dawood
Date: 01-25-2007, 09:36 PM
Parent: #975

• الريفيرا دائما تتحلي باحلي حللها بدفعة 85 من كل شهر
• ولكن في هذا اليوم الاستثنائي تلالات بقدوم الرائع الجميل
• حاتم ود الجد ومعه كوكبة من 85 لم تتشرف الريفيرا بوجودهم
• من قبل .
• جلسنا في تلكم الليلة الجميلة تحت ذلك الصقيع البارد وكنا نستمد الدفء
• من القفشات والذكريات التي هي دوما ذاد الحياة .
• جمال احمد النور , الواثق تبيرة , الصادق فيصل ,
• امين نجيب , امين تاج السر , خالد الحاج , مزمل موسي , هيثم عبد الله ,
• جلال عبد المنعم , خالد محمد عبد الله , ناجي خيرين , طارق G M G
• عباس ابراهيم ( ابو الحرم ) , معاوية ابراهيم داؤود .
• احمد التجاني , ابو الخل , كيكي الجميل
• لكم التحايا اتيتم الي السودان وحرمتم الريفيرا من طلتكم البهية رغم اننا
• استطعمناكم فابيتم ان تضيفونا بشوفة وحتة ونسة من معيتكم الا اننا رغم
• ذلك نهدم جدار العزلة بيننا بالكتابة
• لكم مني والريفيرا كل التحايا

Post: #977
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-25-2007, 09:53 PM
Parent: #976

[QUOTE]كوكبة من 8

سلام لكل الاحباب
ويا ديفيد مداخلتك دي سنة كاملة خليل قاعد يفتش فيها..وحمدالله علي السلامة الليلة بينت..!!
وسلام خاص لكل المجوعة العجيبة دي
بالذات عباس ابو الحرم
وما شايف طه النور..اوع يكون خاشي ليهو في كفوة كمان..
اين ابو سمرة
والزين حسن..
ونسلم علي فوكس (وليد عامر)..صاحب الخرابة الشهير.
وليك سلام كثير ووحشة يا ديفيد

Post: #978
Title: Re: اليوم الحار ومابنداريوم الهندسة والمعمار
Author: khaleel
Date: 01-26-2007, 06:59 PM
Parent: #977

معاوية داوود

تحياتي لشباب الريفيرا

المرة الجاية لازم تجيبوا نادر كوبر ومحمود الاسد

وابو سمرة ووليد اللتل وحسن محمود وبعدين نتفاهم


نون المستهدف خمسون الف قاري وبعدين حانطبع البوست في كتاب

ونوزعو علي طلاب كلية الهندسة

Post: #979
Title: Re: اليوم الحار ومابنداريوم الهندسة والمعمار
Author: khaleel
Date: 01-27-2007, 05:17 PM
Parent: #978

عمت الافراح

وانهار اهم ركنين للعذابة

الخير ادم الفنان الكبير بعقد الجلاد


ومحجوب جكس الذي صال وجال ولم يترك برلومة ولا سنيورة والا خلطها

وهشام كدمبور صار والدا


مبروك للجميع ويار يت صور الزواج

Post: #980
Title: Re: اليوم الحار ومابنداريوم الهندسة والمعمار
Author: عمار يس النور
Date: 01-28-2007, 07:27 AM
Parent: #979

الأعزاء أبو خليل و كيكي

و جميع زوار اليوم الحار

من مده طويلة لم أدخل هذا البوست الجميل و لكن طبعا عند العودة دائما أحرص على قرأت كل ما فاتني

يا اخوانا انا لسع محتار في الجماعة الشطار وعائز تصويت


Quote: ايهم اذكي في هولاء

خالد حماد ام ايهاب ايوب

خالد حسن حسين ام محمد عبد الجليل

نادر حسنين ام اسعد يحي ام يس زكريا

حمد حماد ام عثمان يوسف ام معتز الفحل ام ابو عبيدة رحمة الله ام الدسوقي

منتصر محجوب ام محمد قرني ام احمد شبو


الظاهر إنت نسيت العبقري جدا جدا أشرف عبد الحافظ.



و الله يا ابو خليل سؤال محير جدا

بس أعتقد جازما إنو حمد حماد هو الأكثر عبقرية بين هؤلاء و ذلك بشهادة خالد حماد اخوه الفلتة.
مرة أنا و سعد محمد علي سألنا خالد حماد هذا السؤال و قلنا ليه أشطر إنت ام حمد؟ رد قائلا: " يا ناس حمد ده حاجة عجيبة جدا و انا ما شفت مثله في العبقرية و خاصة في الرياضيات العضم" هذا ما قاله خالد حماد عن شقيقه الاصغر حمد.
برضو بتذكر عندما قابلت هؤلاء العباقرة (حمد و أشرف و عثمان) في أولمبياد الرياضيات و الشطرنج عام 1984 و كنا ممتحنيين الشهادة، اذكر في يوم من الايام و نحن في المعسكر سمعت عثمان يوسف و اشرف عبد الحافظ و هما ممثلي الخرطوم يتحدثون عن حمد حماد و كان هو ممثل محافظة الجزيرة و مع الاخ طارق عجبنا، سمعتهم يتحدثون عنه صباحا بعد صلاة الفجر و يستعجبون من قدراته و طبعا كانت اول مرة يقابلونه. كذلك اذكر تعليقات د. خضر عنه بعد إنتهاء المنافسة حيث قال إن إمكانيات حمد في الرياضيات مذهلة و غير مسبوقة.
من الطرائف التي اذكرها عن العبقري خالد حماد اذكر مرة و عندما كن في السنة الثالثة في الجامعة يعني عام 1988 (العام الكبيس الملئ بالاحداث : سيول و امطار و حاج ماجد و اشياء تانية حامياني ...) أذكر اننا كنا نحمل إمتحان الرياضيات للأولمبياد من إعداد عثمان يوسف عثمان و كان رئيس لجمعية الرياضيات حينها. أخذ سعد محمد علي و خطاب عبد الله الإمتحان و سافروا إلى مدني لإمتحان الطلبة. هنالك قابلهم خالد حماد في يوم الإمتحان و شاهد مسألة فيه تقول :
" ماسورة تملأ صهريجا في زمن قدره س ثانية و أخرى تملأه في زمن ص ثانية. إذا فتحت الماسورتان في وقت واحد ما هو الزمن اللازم لملء الصهريج"
هذه المسالة تحل بواسطة المعدلات الزمنية على ما اذكر و حلها مطولا.
صاحبنا المجنون خالد حماد قال فورا دي ساهلة جدا و يمكن ان تحل في خطوة واحدة لان الماسورتين كانهما مقاومتين موصلتين على التوازي و الزمن المشترك هو مثل المقاومة المشتركة في التوصيل المتوازي يعني الحل هو : س.ص/(س+ص)
هكذا بكل سهولة حل المسالة.
ياخ ديل ناس عجيبين و الله عقدونا في الأولمبياد إحنا كنا فاكرين الاولاد شطار و ممثلين لمديرية النيل الابيض انا وصاحبي كيكي و إبن عمي المرحوم علي عبد السلام و لكن عندما قابلناهم عرفنا الفرق بين الشطارة و العبقرية تماما.

في نهايو منافسة الرياضيات كان الاول حمد و الثاني أشرف عبد الحافظ و الثالث عثمان يوسف ( البقية مافي داعي للفضائح)

أذكر عند ما إنتهت منافسات الاولمبياد للشطرنج كان الاول من الخرطوم و إسمه سامي و طلب منه الناس أن يلاعب حمد الذي لم يكن منافسا في الشطرنج و فعلا هزمه حمد للمرة الاولى و لعبا ثانية و هزمه ثانية و لعبا ثالثا و هزمه ايضا. و عندما سألت حمد طيب ليه ما مثلت في الشطرنج قال لي إن امنافسة طويلو جدا في مدني و هو على أبواب الإمتحانات.


تحياتي

عمار يس النور





Post: #981
Title: Re: اليوم الحار ومابنداريوم الهندسة والمعمار
Author: khaleel
Date: 01-29-2007, 07:55 PM
Parent: #980

شكرا

صديقي عمار يس

واتمني ان تكون هذه اخر احزانكم والا يريكم مكروه في عزيز لديكم


نشكرك علي هذه السياحة في وادي عبقر ولا تنسي ايضا العباقرة في مدرسة العلوم الرياضية

دكتورة منار ودكتور محمد محمود ومامون محمد خير.

ننعي اليوم والد زميلنا المهندس النور جابر الذي توفي بالسودان

وانا لله وانا اليه راجعون.

عرفت بالخبر من الهمندس احمد شبو بالامارات وحاولت الاتصال علي موبايل النور جابر

ووجدته مغلقا (0249912505133

Post: #982
Title: Re: اليوم الحار ومابنداريوم الهندسة والمعمار
Author: عمار يس النور
Date: 01-30-2007, 09:04 AM
Parent: #981

Quote: ننعي اليوم والد زميلنا المهندس النور جابر الذي توفي بالسودان



خالص التعازي للأخ المهندس النور

إنا لله و إنا إليه راجعون


عمار يس النور

Post: #983
Title: Re: اليوم الحار ومابنداريوم الهندسة والمعمار
Author: maawia dawood
Date: 01-30-2007, 10:19 AM
Parent: #982

شباب
سلام
الاخوان كيكي
ابو الخل
كيف حالكم ان شاء الله تمام
حاتم الجد عايز ايملاتكم بشدة
نرجو الكتابة اليه[email protected]

Post: #984
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-30-2007, 05:11 PM
Parent: #983

نترحم علي والد الاخ المهندس النور جابر
وانا لله وانا اليه راجعون..
..
معاوية وعمار وخليل والمجموعة سلام
الايميل بجي بجي يوم السبت لكن..

Post: #985
Title: Re: اليوم الحار ومابنداريوم الهندسة والمعمار
Author: khaleel
Date: 01-30-2007, 06:34 PM
Parent: #984

شكرا

معاوية

قمنا باللازم مع العريس ود الجد

معاوية رسل لينا قائمة بالعذابة في اولاد دفعتنا

عندنا عروسات مغتربات ( بنات ماكنتوش )

اذا بنفعوا معاكم

Post: #986
Title: Re: اليوم الحار ومابنداريوم الهندسة والمعمار
Author: khaleel
Date: 01-31-2007, 05:48 PM
Parent: #985

انور تاج السر

عثمان مالك

شايفكم اون لاين

اكتبو لينا حاجة

Post: #987
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 01-31-2007, 07:28 PM
Parent: #986

هاتفني يا شباب اليوم وبعد سنين عديدة
المهندس وليد عامر (فوكس)
ويرسل لكم جميعا كل التحايا والاشواق...
وفوكس لازال نفس الالق والجمال والمرح العالي ورغم السنين,,,
ولعلك تذكر يا ابو الخل ان (فوكس) اكثر من يجيد محاكاة ضحكتك الشهيرة....
لك يا وليد عامر كل الشكر والتحايا العاطرات,,

Post: #988
Title: Re: اليوم الحار ومابنداريوم الهندسة والمعمار
Author: khaleel
Date: 02-06-2007, 05:34 PM
Parent: #987

تحياتي للفتي الانيق وليد زكريا

والحلو وليد فوكس وكما قال الشاعر

ووليد تسجد الدنيا له ووليد في زوايا المهلينا

اي واحد فيكم اختار هو ياتو واحد في ديل

تذكرت اليوم السيد حبيب الله بابكر وهو الان من لوردات الانقاذ

ايام مناقشة مشروع التخرج كان معه الشهيد منتصر

وكان دكتور عبدالله هو الذي يسال فذكر لهم سوال

حاول حبيب الله الاجابة

فقال له عبدالله ابراهيم

بالله حبيب الله اقيف خلي الطلبة اجاوبو

شنو يا حبيب الله ما تشوف لينا معاك وظيفة نحن بقينا راجعين

Post: #989
Title: Re: اليوم الحار ومابنداريوم الهندسة والمعمار
Author: khaleel
Date: 02-08-2007, 12:57 PM
Parent: #988

وين صديقنا الكوز هشام توفيق

لم نراهو في اي وزارة مع انو الراجل امكانياتو الفكرية عالية

ولكن اظنه رفض فكرة غنائم احد

ومشتاق شوق خاص لعوض النذير وظافر عبده وعلي (ابظج)


بالله لو في وسيلة لي الناس كلمونا ياخ

Post: #990
Title: Re: اليوم الحار ومابنداريوم الهندسة والمعمار
Author: khaleel
Date: 02-11-2007, 05:20 PM
Parent: #989

الله تذكرت اليوم دكتور صادق شرفي يتحدث الفرنسية ببراعة وانجليزية بمهارة عالية

رجل رقيق عبقري وصارم

ونحن في اخر سنة خامسة وبعد انتهي المحاضرة سال هل هناك سوال وكان هذا بالعربي

وبعد شوية قال بالانجليزي

if you have question ask now and if you outside no one will answer you and you will be useless



فدحين يا كريم صاحبي انت (useless) ,


وللا ( usefull)

Post: #991
Title: Re: اليوم الحار ومابنداريوم الهندسة والمعمار
Author: khaleel
Date: 02-12-2007, 05:39 PM
Parent: #990

اخر اخبارنا

من السودان

ان المهندس حبيب الله بابكر

يمول مشروع بمائتي مليون دولار للتصنيع الحربي

بعد تلتاشر سنة تخرج

والله بعد كدة لو ركبنا البراق ما نحصلو

Post: #992
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-12-2007, 07:06 PM
Parent: #991

Quote: if you have question ask now and if you outside no one will answer you and you will be useless

وفعلا يا خلي الدكتور (شرفي) عندو فور كاست عميق وروية ثاقبة..
والقصة لمن تكون بره صعبة ولاترحم وبالذات لو الله راماك مع هنود ..
انا بنصح بقوقل ومليون كتاب بالجنبة كده..

Post: #993
Title: Re: اليوم الحار ومابنداريوم الهندسة والمعمار
Author: غباشي
Date: 02-13-2007, 01:49 AM
Parent: #1

Khaleel ....Keeky
sorry for absence ...busi for exams
Coming soon
best regards


Post: #994
Title: Re: اليوم الحار ومابنداريوم الهندسة والمعمار
Author: عمار يس النور
Date: 02-13-2007, 06:55 AM
Parent: #993

كيكي
و أبو خليل

وين خبر الشقيقين الجميلين

كلوب و عوضـزيكه

عاوزين نسترجع نوادرهما الطريفة

ح ارجع ليكم بقصة مشروع تخرج كلوب مع د. عاصم صغيرون

تحياتي

عمار يس النور
عاشق بت الرضا

Post: #995
Title: Re: اليوم الحار ومابنداريوم الهندسة والمعمار
Author: khaleel
Date: 02-13-2007, 05:10 PM
Parent: #994

غباشي

لسع بمتتحن انت

خالك كريم كمل الامتحانات في سنة تانية هندسة (اربعين امتحان)

عمار

كلوب وعظيكا اخبارهم مقطوعة

تعال واحكي عن مشروع التخرج بتاعهم

Post: #996
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 02-14-2007, 09:26 AM
Parent: #1

سلام شباب
وعودة بعد طول إنقطاع ...
رجعت الأسبوع الماضي من إجازة معقولة في السودان (46 يوم) .. حظيت بلقاء بعض الزملاء .. والبعض الآخر هاتفياً ..
حقيقة الناس في السودان مشغولين جدا والإجتماعيات ماخدة كل الوقت ..
ناس الدفعة (87) كانو عاملين لمة في الأسكلة على شرف عدد من الزملاء المتواجدين في الإجازة بالسودان ومنهم الدكتور جمال حسن (مساحة).. بس للأسف لم أتمكن من الذهاب ..
وكمان ناس الدفعة (86) كان مفروض يعملو لمة .. بس لظروف طارئة تأجلت وانا سافرت ..
الأعزاء خليل وكيكي أخباركم شنو .. وليكم تحيات خاصة من الباشمهندس عمر الصادق

ونواصل

Post: #997
Title: Re: اليوم الحار ومابنداريوم الهندسة والمعمار
Author: khaleel
Date: 02-15-2007, 12:11 PM
Parent: #996

ابراهيم محمد الحسن

حمد لله علي سلامتك

ومنتظرين بقية الصور واخبار الشباب

Post: #998
Title: Re: اليوم الحار ومابنداريوم الهندسة والمعمار
Author: عمار يس النور
Date: 02-18-2007, 01:21 PM
Parent: #997

ابو خليل

Quote: كلوب وعظيكا اخبارهم مقطوعة

تعال واحكي عن مشروع التخرج بتاعهم



المشروع كان بتاع كلوب و كان الموضوع ده في أواخر عام 1990 و نحن في السنة النهائية.
في يوم من الايام كنا جالسين في كافتيريا البردعي بالإسكول أنا و سعد محمد علي و خطاب و صديقنا المرحوم ياسر حسن.
المهم جانا كلوب و قال لينا يا بتاعين الكمبيوتر يا البتخلوا الكمبيوتر يهوهو عاوزكم تساعدوني.
قلنا ليه الموضوع شنو ، قال عاوزكم تشرحوا لي البروقرام ده. وفعلا طلع ليه print out بتاع برنامج مكتوب بلغة الباسكال و التي كنا مجضمنها ليك تجضيم شديد جدا جدا لمن عوير.
المهم البرنامج حكاية بتاعة كم و ثلاثين ورقة كمبيوتر من النوع الكبير يعني آلاف الأسطر من الجمل البرمجية.
يا كلوب ده شنو ده
ضحك صاحبنا و قال لينا خلاص هوهتو ده مشروعي بتاع التخرج.
خطاب و سعد قالوا ليه أصلوا ما بنصدقك ده كتبت إنت
ضحك تاني وقال أكتبوا أنا معقول دي ، كتبوا المجنون داك البخلي الكمبيوتر يهوهو ما عرفتوه ؟
قلنا ليه منو
قال خالد حماد
يا جماعة خالد حماد ده حاجة عجيبة معقول إتعلم لغة الباسكال و كتب برنامج بهذا الحجم.

أه المشكلة شنو يا كلوب ؟
قال المشكلة إنو عاصم صغيرون هوهو فيه و حلف يمين إنو ما كتبو براه. عشان كده عاوزكم تشرحوه لي.

المهم دخلنا ليك في البرنامج ، و جدنا ليك كل ال procedures و ال functions أسمائها عجيبة ذي Kalalibo , Kaloop123 , HoHoHo, HowHowHoo , أسماء كلها كلوب و هوهوه.

يا كلوب ده شنو أكيد خالد حماد ما كتب كده وين الأسماء التي تدل على مهام البرنامج.
ضحك كلوب و قال ما ده اللعب أنا غيرتهم عشان عاصم صغيرون ده لو هوهو ما ييعرف حاجة

طيب يا كلوب لو عاصم صغيرون ما عرف حاجة إحنا حنعرف كيف ?

أتذكر إنو الموضوع كان يختص في تطوير برنامج ذكي يساعد في إختصار عدد الدوائر الرقمية لبعض المعضلات الإلكترونية

و طبعا في النهاية كلوب تم رفض مشروعه و إضطر أن يعيد السنة تاني مع شقيقة عضزيكا


تحياتي

عمار يس النور

Post: #999
Title: Re: اليوم الحار ومابنداريوم الهندسة والمعمار
Author: khaleel
Date: 02-18-2007, 04:56 PM
Parent: #998

يا سلام يا عمار يس

طبعا دكتور عاصم يس قام بتربيت كلوب لانه سرق مشروع التخرج

لانه في المناقشة (اطرطش) وما عرف اجاوب

وحصلت شكلة كبيرة في شارع النيل بين عظيكا وكلوب من جهة ودكتور عاصم من جهة


عظيكا وكلوب ودكتور راكب سيارته قالوا ليه امشي يا حنكوش الرياض

رد دكتور عاصم انا ود امدرمان انا ود ابو روف عايزين تتصعلقوا علي انتو

المهم تدخل الاجاويد وتم حل الاشكال

والله ايام يا زمان

Post: #1000
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 02-19-2007, 07:34 AM
Parent: #999

الله عليك ياكيكي و ياخليل
ادونامن البركس شويه

Post: #1001
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-19-2007, 02:39 PM
Parent: #1000

ياسسسسسلام مجرورة من هنا حتي كافتيريا اقتصاد وكليته صاحبة اجمل الطلاب وانبلهم
وياسلام تطوف ارجاء البركس حتة حتة وداخلية داخلية وزول زول من ناس ذلك الزمن الجميل
الذي كان من اجمل واطعم سسسسسادته صديقي (نادر ابوكدووووووووووك)....
سلام يا نادر وشوق كبير وين يا زول والله زمان وزمان..
والف مرحب بييييك في هذا المنبر الذي اضاءه حضورك الراقي...

Post: #1003
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 02-20-2007, 07:27 AM
Parent: #1001

شكرا ليك ياكريم انا ما زلت مرابطا في إنجلترا والله مشتاق لتلك الآيام الحلوه ديك كان شوفت بقيت رب اسرة و عندي تلاته اولاد

Post: #1011
Title: Re: اليوم الحار ومابنداريوم الهندسة والمعمار
Author: Abubakr Osman
Date: 02-25-2007, 01:08 PM
Parent: #998

من المفارقات العجيبة فى ذلك الزمن الجميل انو عاصم صغيرون عمل بكل ما وسعه ومعه
الدكتور العلامة معتصم بأنو الموضوع ينتهى فى القسم بس ويكتفتوا بتربيت كلوب لانو كان فى بعض
الاساتذة مصرين يصعدو الموضوع لادارة الكلية وعمادة الطلاب

اين هما عزيكا وكلوب هل من اخبار عنهم
القليل المتواتر انهما بمدينة مدنى

Post: #1002
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 02-19-2007, 02:55 PM
Parent: #1

سلامات ياشباب

ابوكدوك ياعجيب
قلعت من وين الليلة
لسه فى بريطانيا ولا ربنا هداك ورجعت نعيمة ولاابوكدوك

Post: #1004
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 02-20-2007, 07:31 AM
Parent: #1002

يا ود التجاني يا مسخوت يا حليلك و يا حليل ايامك يا زول هه انا البرجعنى تاني شنو

Post: #1005
Title: Re: اليوم الحار ومابنداريوم الهندسة والمعمار
Author: khaleel
Date: 02-20-2007, 05:15 PM
Parent: #1004

مرحبا

بفارس الحوبة نادر

طاف بخاطري ايام الموز

ومليجي وامتداد ناصر وناس العراق وناس اقتصاد وحاجات تانية مانعني

حبابك يا العزيز تيرابك

Post: #1006
Title: Re: اليوم الحار ومابنداريوم الهندسة والمعمار
Author: khaleel
Date: 02-22-2007, 07:40 PM
Parent: #1005

حسن محمود وين انت ياخ

عوض سعيد وين انت ياخ

احمد منقوشي لسع ما عرست اسرع ياخ

Post: #1007
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 02-23-2007, 06:48 AM
Parent: #1005

ياخليل شوفت حاجات تانيه دي هي المخوفاني اشارك معاكم من زمان

Post: #1008
Title: Re: اليوم الحار ومابنداريوم الهندسة والمعمار
Author: khaleel
Date: 02-23-2007, 09:13 PM
Parent: #1007

Quote: ياخليل شوفت حاجات تانيه دي هي المخوفاني اشارك معاكم من زمان



صديقي نادر ابو كدوك

تعال واحكي وفرح ليالي البوست

لان ثر التجربة ومافي حاجات تانية

my dear

سرك في بئر

والخائن الله اخونو

Post: #1009
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-24-2007, 07:05 PM
Parent: #1008

Quote: my dear

سرك في بئر

والخائن الله اخونو

ما تسمع ياابوكدوك الزول ده بدردق فيييييييك وبعدين انت (حتفت) القديم والجديد
ونبقي في (واي واي)....
الليلة عاوز احي مادام السيرة جابت سيرة
1-طه النور اسحاق
2-صديق ابو اللكز..
3- عباس ابو الحرم..عباس رب الجاز..(بتاع كيكي نازل)
4_وممكن نحي طارق (جي ام جي)
5- وندي الاصم شبال تحية كده
6-والوريف وليد قرود(ابو القوق)
7_وفي طارق بتاع اقتصاد (الكان معانا في فلسطين يا خليل)
8_معاوية ابو شنب بتاع اقتصاد..زول جميل ياخي الله يطراهو بالخير
9_هشام سليمان بتاع معمار برضو شبال تحية
10_عمر الحبرررر...تحية ليها ضل وشوق كبير
11_ودوما نحي ولييد زكريا..الوجيه
12_محمد متوكل كلعابعظيم وكان بجرس ليييييك السكرتيرات ناس ابوكدوك ديل وبغليهم غلب السنين
ويا اقتصاد يا ركلسسة سف صعوط ودبرسسسسسسسسة

Post: #1010
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 02-25-2007, 08:34 AM
Parent: #1009

والله يا كيكي انا ما عاوز اجاريك لأنو الكلام كان دخل الحوش بخرب بيوت
واخونا خليل ده ما منو امان

Post: #1012
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 02-26-2007, 05:33 PM
Parent: #1010

Quote: والله يا كيكي انا ما عاوز اجاريك لأنو الكلام كان دخل الحوش بخرب بيوت
واخونا خليل ده ما منو امان

مرحب ياكدوك
وكدي انت بس اتحلا من خليل ده بلمحة لمحتين من ايام ال(102)
ممكن يكون عندو حبة امان

Post: #1013
Title: Re: اليوم الحار ومابنداريوم الهندسة والمعمار
Author: khaleel
Date: 02-26-2007, 06:15 PM
Parent: #1012

ابو كدوك احمد التجاني ابوبكر عثمان


والوريف كيكي


معاوية السمين بتاع اقتصاد منذ ان كان طالبا عندو هوس السفر لالمانيا

تسالو ايه الافكار بعد التخرج

اقول المانيا بس

قابله طارق ابو شوك بعد التخرج بسنوات وقال ليهو عملت شنو في موضوع السفر لالمانيا

معاوية قال ليهو والله لسع بحاول اطلع الجواز

Post: #1014
Title: Re: اليوم الحار ومابنداريوم الهندسة والمعمار
Author: khaleel
Date: 02-27-2007, 06:24 PM
Parent: #1013

شباب سلام

من تبقي من اساتذة كلية الهندسة من الجيل الذهبي

وهل دكتور ابوبكر عبد الوهاب وعبدالله ابراهيم موجودين

وهل بروفسير الترابي لسع بيحاضر


ياخي ديل ناس عمالقة والواحد يشعر انه قزم امامهم

Post: #1015
Title: Re: اليوم الحار ومابنداريوم الهندسة والمعمار
Author: عمار يس النور
Date: 02-28-2007, 08:21 AM
Parent: #1014

من الأشياء الجميلة بتاعة الثنائي الرائع كلوب و عزيكا أنهم في أواخرأيامهم في داخلية تهراقا أصبحوا دجالين و بيحضروا الارواح بإستخدام ما يعرف بالويكا.

في يوم ما في عام 1990 قابلنا كلوب و عزيكا و طبعا كنا سمعنا بحكاية الويكا دي و كان معاي اولاد مدني بتاعين الإسكول الشهريين سعد محمد علي و خطاب عبد الله الامين.
سألناهم شنوا يا كلوب و عزيكا حكاية الويكا دي !
المهم بعد دردشة و ضحك شديد أخبرونا بأحدث عملياتهم في تحضير الأرواح و قالوا حضروا روح المرحوم بشير الذي أغتيال غدرا و ظلما في مساء يوم 4 ديسمبر 1989 في كلية الإقتصاد و الذي تلته أحداث يومي 5 و 6 ديسمبر التي إستشهد فيها الشهيدةالتاية و الشهيد سليم.
أها يا جماعة و بشير قال ليكم شنو؟
قالوا: قال ليهم هو كويس و دخل الجنة بس في حاجة واحده بتتعبو
دي شنو يا كلوب ؟
قال إنو البنت الكان مكيسها ، طوالي نستو و كيست ليها واحد تاني.

** إنتهت قصة الثنائي كلوب و عزيكا مع الويكا

يا جماعة ما تذكرونا بحكايات هذا الثنائي الجميل الرائع !!

أخر مرة قابلتهم في مدني في عام 1993 و عزيكا كان ساكي ناس الري في مدني عشان يشتغل معاهم


تحياتي

عمار يس النور

Post: #1016
Title: Re: اليوم الحار ومابنداريوم الهندسة والمعمار
Author: khaleel
Date: 02-28-2007, 05:13 PM
Parent: #1015

عمار يس

واحد من اصحابنا في امتحان الكهرباء كان في حاجة اسمها ال(airgap)


وعادة بكون طولها ( حوالي اتنين ميلميتر)

الراجل في الامتحان جابها (1200 كيلو)

وهو الان مهندس كامل الدسم وبلبس كارفتة ومدير كمان

Post: #1017
Title: Re: اليوم الحار ومابنداريوم الهندسة والمعمار
Author: khaleel
Date: 03-05-2007, 05:51 PM
Parent: #1016

معاوية داوود

احمد التجاني والشباب

شكوي

عبد الكريم ترك البوست ووطارح نفسو انو راجل وطني واعتقل وعذب في سجون الانقاذ

وعامل لي ناس الدوحة نيلسون مانديلا

فياخي يا تكتبو معاي وتساعدوني

يا بخلي البوست امشي الارشيف

Post: #1018
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-06-2007, 04:22 PM
Parent: #1017

Quote: عبد الكريم ترك البوست ووطارح نفسو انو راجل وطني واعتقل وعذب في سجون الانقاذ

وعامل لي ناس الدوحة نيلسون مانديلا

فياخي يا تكتبو معاي وتساعدوني

يا بخلي البوست امشي الارشيف

كده ياخلي علي اخر عمري تطلعني (بت شاويش)
يازول البوست ده توديهو الارشيف انا احتمال اعلن عليك حرب اسفيرية واضاربك اسفيرا
ونلخبتها معاك مرة واحدة,,,,
وبعدين شنو شابكنا كل مرة(واي واي) تعالوا اكتبو معاي ..تعالوا ارفعو معاي البوست
يا زول املي يمينك وانضبط اسفيرا..يلاا فررتقققق
......
الليلة داير احي كمناضل سابق ومانديلا برضو سابق
احي...
حاتم المهدي
عبدالفتاح الحبيب
واسامة رامبو
وداير احي خالد شيخة(لكن) قبل ما يدخلوهو السجن دخلته الشهيرة ليخرج لنا بحلمه الشهير
لو (رايتم ما رايت)....
وداير احييك برضو ياخليل محمد خليل واقول ليييك روق المنقة البوست ده
بقي واجب فليبقي عاليا خفاقا علي مر الدهور والازمان(زي نشيدالعلم بتاع نميري داك)
.........

Post: #1019
Title: Re: اليوم الحار ومابنداريوم الهندسة والمعمار
Author: غباشي
Date: 03-06-2007, 04:39 PM
Parent: #1

خليل
Quote: يا تكتبو معاي وتساعدوني يا بخلي البوست امشي الارشيف

احنا لسه ما إستعدلنا داير تلجنا مرة واحدة .... و الله الزنقة حاصلة لكن قربت تفرج و جاييك أحكي ليك كل الحصل من 1998 لحدي 2003 ... بس طولة البال
تحياتي بلا ملل !

كيكي
مشتاقين ! كلم صاحبك خليهو يروق المنقة

Post: #1020
Title: Re: اليوم الحار ومابنداريوم الهندسة والمعمار
Author: khaleel
Date: 03-06-2007, 04:45 PM
Parent: #1019

غباشي مشتاقين

والله لسع ياما في الجراب يا حاوي

لكن الجماعة قالو لي يا خليل كشفت حالنا


عشان كدة انا لسع ما حكيت باقي الرحلة

Post: #1021
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 03-07-2007, 08:06 AM
Parent: #1

خليل .. كيكي .. وبقية الشباب
التحايا العطرة ..
خليل .. ذي ما قال ليك كيكي .. كلو ولا البوست ده .. ده بقى واجب هندسي ونحن من وراكم ..
ياخي الواحد رغم قلة المشاركات لكن اول حاجة بيعملها هي الدخول والمرور على (اليوم الحار) ومتابعة الجديد من السرد والذكريات ..
كيكي .. انت شنو ذي ما قال خليل بقيت عامل مانديلا ولا شنو ؟ مالك قاطع كده؟

بالمناسبة خلال إجازتي الأخيرة حظيت بسماع صوت من الزمن الجميل .. (علي كدام) !! واتفقنا نتقابل ونواصل عدد من الشباب الموجودين .. بس الظروف ما سمحت ..
وطبعا سمعت واتفاجأت بمغامرات (خالد شيخة)

نتواصل

Post: #1022
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-07-2007, 02:35 PM
Parent: #1021

سلام يا ابراهيم والاخ غباشي وكل الحبايب..ودعوني انثر بيتكم فرحي العارم وسعادة لا توصف بوصول
بريد اخوي وحميم من الاخ الجميل الراقي (محمد المتوكل) احد ابزر الذين مروا علي ميادين كلية
غردون التذكارية ومنذ تاسيسها وحتي اليوم...
محمد المتوكل الزول الراقي اللعاب ..المساح الذي كان يزلزل الكيانات ويحسم الكثير من
الامور الكروية المعقدة علي مستوي فريق الكلية ومنتخب الجامعة وفريق الهلال الرهيب في ذات
يوم من الايام..
الف شكر ود المتوكل وبحضورك الي ساحة اليوم الحار يعود الينا القنا القديم وشعارات
هندسة التاريخية....
واليوم الحار فعلا ما بندار يوم الهندسة والمعمار...
واييي اييي ايي
...

Quote: العزيز عبد الكريم

أشواق كتيرة و الله

طبعا مستمتع جدا و متابع الحكاوى اللذيذة فى ( اليوم الحار المابندار)

محمد متوكل





تحياتى لخليل

Post: #1023
Title: Re: اليوم الحار ومابنداريوم الهندسة والمعمار
Author: khaleel
Date: 03-07-2007, 04:58 PM
Parent: #1022

ابراهيم محمد الحسن

شنو ياخي ما تكتب يعني نحن عاطلين وما عندنا شغلة

يا كريم

محمد المتوكل بجلالة قدره والله دها كلام عجيب غريب رهيب

محمد المتوكل من اعظم السودانيين الذين لعبو كرة القدم

ودور بي حمادة تدور بي

واقتصاد القاعدة برة

قاعدة لي انا للمضرة

ويا حمادة اديها جرة

واشيلها من الدوري برة

حبابك ود المتوكل وحباب ناس الملازمين الحلويين

Post: #1024
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-07-2007, 08:45 PM
Parent: #1023

طبعا يا خلي زي كما قلت انا في بداية البوست
لدي قناعة راسخة ولا تزحزح بان العب 2 مروا علي السودان ده الي الان
1-محمد متوكل
2-انور امدوم
وما عندي ادني شك في الكلام ده..ومشتعد اغالط فيهو سنة كاملة
....
حضور ود المتوكل الطاغي قد يجعل الاخوة السكرتيرات مثل نادر ابوكدوك وعصام جبرالله
والصاوي (يتضايروا) واحتمال يظهروا ليسلموا انفسهم للورد (ود المتوكل) قبل ما نفتح ملف
اقتصاد (القاعد بره قاعدة لي انا للمضرا)....
وسلام ياغباشي وتحايا لابراهيم وعمر الصادق وطارق فصمة الزول السمح

Post: #1025
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 03-08-2007, 09:26 AM
Parent: #1

يا سلااام
الباشمهندس الرائع .. واللاعب الجميل محمد المتوكل
التحايا والأشواق
ووين الزول ده .. مستقر في السودان ولا برة؟ نرجو تعطوه تأشيرة دخول للبوست عشان يتحفنا بذكرياتو ذي ما اتعود يتحف ناس هندسة بكورتو الحلوة الخلت ناس خليل يتألقو ويألفوا الأغاني والهتافات الهندسبة

بالمناسبة يا خليل .. لقيت ليك البوست ده عامل (راو) كبير جدا وسط الشباب (ناس هندسة ومن جاورهم) .. بس عندهم بعض التحفظات على السرد التفصيلي اللي بيمس بعض الناس وما تنسى معظمهم بقو أرباب (وربات) أسر ...

Post: #1026
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 03-08-2007, 09:40 AM
Parent: #1025

يا زووول هااااي اوعي تهبش الإقتصاد

Post: #1027
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 03-08-2007, 10:11 AM
Parent: #1026

ابوكدوك ياعجيب
والله عرفتوها قريتوا قراية رايقة وكمان بعد
طلعنا بره لقيناها بتاكل عيش احسن من هندستنا
بالله عرست من وين (الا تكون خواجية)
وفى منو معاك فى بريطانيا من اولاد وبنات جيلنا

خليل موضوع الانفلات بتاع كيكى دة انت المسئول الاول والاخير منه
وانا سبق وحذرتك وطلبت منك تفرض عليه بعض الانضباط
وهذه المهمة سابقا كان يؤديها باتقان كل من معاوية دايفيد
والصادق فيصل الذى قابلته فى اجازتى القصيرة للسودان حيث
جمعنا به ونفر عزيز من الزملاء الحبيب ود الجد فى دار نسيبه العامره
برغم ضيق الوقت الا اننا استشعرنا خطورة انفلات كيكى اسفيريا وسياسيا
لذلك طرحنا مخاوفنا انا والصادق مما قد يسفر عنه هذا الوضع المزيف
وطلعنا ببعض التوصيات وخليل مسئول عن متابعتها ونبتدرها بصورة ودية
ونقول ليك ياكيكى روووق المنقة والا ............

Post: #1028
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 03-08-2007, 12:04 PM
Parent: #1027

ود التجاني والله ليك وحشه

ان هنا وحيد يا ناس برايا

حتي المره والاولاد في السودان

Post: #1029
Title: Re: اليوم الحار ومابنداريوم الهندسة والمعمار
Author: khaleel
Date: 03-08-2007, 12:18 PM
Parent: #1025

Quote: بالمناسبة يا خليل .. لقيت ليك البوست ده عامل (راو) كبير جدا وسط الشباب (ناس هندسة ومن جاورهم) .. بس عندهم بعض التحفظات على السرد التفصيلي اللي بيمس بعض الناس وما تنسى معظمهم بقو أرباب (وربات) أسر



ابراهيم محمد الحسن

نحن لا نبصق علي التاريخ واي زول مسه منا لغوب فله العتبي حتي يرضي

احمد التجاني والله كريم غلبني عديل اسالو وين زول اقول اجتماع مع ناس حق

وين يا زول اقول اجتماع مع ناس حزب الامة وكذلك اجتماع مع المهمشين ومرة مع الموتمر الوطني

واخر تقليعاتو عامل فيها شاعر

ابو كدوك تلات لكاشر في الاسبوع دخلو الجامعة بدون مجموع

Post: #1030
Title: Re: اليوم الحار ومابنداريوم الهندسة والمعمار
Author: esam gabralla
Date: 03-08-2007, 12:39 PM
Parent: #1

يا شباب
خلى ومانديلا كيكى و ودالتجانى وابوكدوك والاخرين
سلام
كنا عاوزين نواصل الاستمتاع من بعد بي ونستكم بتاعة سطوح الداخليات دى لكن كل مرة تتطاولو و تتفاصحو بى لسناتكم القطعناها ليكم زمان كورة و سماحة و ركلسة و سف سعوط، الجامعة دى مافى ناس اتجدعوا فيها زى ناس اقتصاد وكانت كوم التراب الاداب تتفوق عليهم الى ان قطع نظام السمستر انفاسهم و سسفهم التراب ...

يا كيكي اتذكرت ليك ناس عجيبة
معاوية ابو شنب بتاع اقتصاد ده قصصو ما بتخلص من "متاخر بتاع فنيلتك" لدكتورة في الكلية انتهاءا ب موية الكوولر!! زول ما بشبه السودان اصلو.
هشام سليمان بتاع معمار .. ده مجنون عديييل و من اذكى من رايتهم في حياتى، صاحبي من العالى و واحد من الناس الما حا انساهم مدى الحياة، له اسلوب عجيب في الحب يمكن تسميته "ارهاب الحبيبة" ...

والوريف وليد قرود(ابو القوق) ولييد زكريا..الوجيه وين المصايب ديل، وليد زكريا الصعلوق اللابد ، صعلقة مجيهة و رايقة لما يكيفك ... القرود ده اتخرج و لا لسه؟

احمد التجانى و خليل .. حركات اولاد مدنى و ضواحيها بتاعة العفص دى بطلوها.. ما شغالة معانا ... تستعدلو معانا و لا ندق الصفايح؟

ابوكدوك ...؟؟؟ ماعندى معاك كلام كتير... لز لى الcontacts بتاعتك هنا

[email protected]

Quote: ويا اقتصاد يا ركلسسة سف صعوط ودبرسسسسسسسسة


لحدى صعوط صاح.. الدبرسة كانت عندكم وبتجو ترفعو معنوياتكم عندنا ... ندبرس ليه؟ لا T لا سمستر لا شنا (مع الاعتذار لبدرالدين) لا رفد لا غلب بالخمسة!!!!!!

Post: #1031
Title: Re: اليوم الحار ومابنداريوم الهندسة والمعمار
Author: khaleel
Date: 03-08-2007, 12:54 PM
Parent: #1030

عصام جبر الله

تحياتي واشواقي

وليد القرود لم يتخرج وترك الهندسة بدري وعنده مغلق كبير في السوق الشعبي

لو عائز تبني رسل الفرنكات السويسرية وانا بوصيهو اعمل ليك تنزيلات بلغة ناس الدوحة

ياخي وين جنجا

Post: #1032
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-08-2007, 02:34 PM
Parent: #1031

ده يوم تاريخي بالجد
محمد متوكل مبكي كل الكليات..وعصام جبرالله وابوكدوك سكرتيرات من الزمن الفلاني
احمد تجاني وشايل حبل داير يربط (المسكين) كيكي بتوصية من المرجف الصادق فيصل
وسيرة وليد القرود الذي تاكدت اشاعة مغلقه الشهير بالسجانة خصما الي اشاعة عدم تخرجه من الجامعة
حتي الان وده الاحتمال الوارد يا عصام..
ابراهيم محمد الحسن ينقل تخوف الجميع من لسان خليل (الفاكي)..
....وزي ما قلت في المداخلة التي اكلها السيرفر ان محمد متوكل حيجيب لينا الحبايب
علي الاقل الواحد يلقي ليهو زول يسف منو في البوست ده..
..احمد تجاني ما تسمع كلام المرجفين ديل عصام وخليل ..انا ذاتي حولت للبوستات بتاعة الشعر
والبوح والاركلوجيا والسياسة دي يازول شعر ما عندنا ليهو رقبة......
ويا نادر ابوكدوك ليك تحيات من الزول الجميل ابراهيم باخت في امريكا وراجع الماسنجر....
......


Post: #1033
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-08-2007, 03:47 PM
Parent: #1032

[e]احمد التجانى و خليل .. حركات اولاد مدنى و ضواحيها بتاعة العفص دى بطلوها.. ما شغالة معانا ... تستعدلو معانا و لا ندق الصفايح؟[/]
D
والله يا عصام تعجب وتسر البال..
وانا لو في محلك ادق الصفائح دق غرائب الابل..
ويا احمد تجاني توصية لجنة(الصاد فيصل) دي الا تدوها صبغة قانونية من كفيلي الاول (طه النور)
شيخي الذي علمني السحر وتجيبوا الامضاء بتاع (محمد البدوي) حتي بعد داك الواحد ممكن يتفاهم معاكم
ولا اقول ليييييك جيبوا الامضاء برضو بتاعة خالدشيخة (ده طبعا لو قدرتوا لميتو فيههو)....
وياخي بالجد الليلة البوست ده منور التقول قاعدين في كافتريا اقتصاد ام ناسن سمحين

Post: #1034
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 03-10-2007, 07:41 PM
Parent: #1033

عصام جبرالله وابوكدوك

احييكم والله على اختياراتكم الموفقة فى الدراسة والاقامة
بس فى حاجة واحدة بختلف معاكم فيها وهى رجالة بنات على اولاد الهندسة
فى موضوع الامتحانات فطول مدة الدراسة فى الجامعة ماشفت بنت ولا ولد
من الهندسة ضرب الجرسة والسكليب فى قاعة الامتحانات بيدخلوا الامتحان
وبيقدوا عادى وزى الماحصل حاجة ولو مامصدقين ممكن تسالوا كيكى وخليل
لكن جماعتكم اولاد على بنات مجهزين ليهم الخيمة فى الميدان الغربى وعربية
المطافى رشت الارض والمكيفات المتحركة شغالة والموية الباردة والعصير والساندوتشات
وبعد دة كله اغماءات ماتديك الدرب عربية الاسعاف شغالة من والى الكلينك طول اليوم
بس استغفر الله كان غازى يوسف الزول الوحيدالبتظهر عليه اعراض ناس الاقتصاد ايام الامتحانات
مرة فى واحدة من انتكاساته كان راقد فى الكلينك فمشينا نزوره ولما جينا نطلع سالناه اذا كان
محتاج حاجة نجيبها ليه فقال بس جيبوا لى الجكس يزورنى بابقى كويس

Post: #1035
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-10-2007, 08:53 PM
Parent: #1034

[E]
احمد تجاني قطعتني حتة حتة بالضحك واتحولت الي (بوينت)..
ومعاك انا برضو في الجرسة التاريخية للجماعة حبايبنا ديل من الامتحانات
كبكبة السنين وهاك يا تصوير وظهور رسمي في المكتبة المين وقيل ان اسواق
الصعوط في بحري ووسط الخرطوم تحدث فيها ازمة تاريخية في ايام امتحانات الجماعة
الطيبين ديل ......
الغريبة صحبك عصام لسع مواصل في حتة القراية دي وكل ما الواحد يلم فيهو
في الماسنجر تلقاهو كابي الجرسة ودي حالتها قراية كبر ساكت
...

Post: #1036
Title: Re: اليوم الحار ومابنداريوم الهندسة والمعمار
Author: khaleel
Date: 03-11-2007, 01:51 AM
Parent: #1035

احمد التجاني


امتحان ناس اقتصاد لا فيهو سيتا لا بيتا ولا جيب صفر يساوي صفر للزوايا الصغيرة

وبعد كدة تلقي تلات ارباع الدفعة ( ريسيت وملاحق)

طيب لو شافو امتحان هجو كان بمشو التجاني الماحي مش الكيلنيك

Post: #1037
Title: Re: اليوم الحار ومابنداريوم الهندسة والمعمار
Author: khaleel
Date: 03-12-2007, 02:22 AM
Parent: #1036

لكن ناس العلوم امتحاناتهم شوية صعبة

ناس الطب سنة تالتة بس

ناس القانون تحفظ بس

ناس اداب برضو تحفظ بس

ناس صيدلة امتحاناتهم شوية فيها قرصة

Post: #1038
Title: Re: اليوم الحار ومابنداريوم الهندسة والمعمار
Author: amir elsharief
Date: 03-31-2007, 08:55 PM
Parent: #1

سلامات خليل و كيكى
معاكم صاحبكم زمان أمير عون على حد قول أخونا محمد الصايم
التحية لجميع ألإخوة من الدفعة 1986 و1985

Post: #1039
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 03-31-2007, 09:17 PM
Parent: #1038

الف مرحب ومليون تحية الاخ امير
وكل السعادة بحضورك الجميل اولا الي ارض هذا المنبر والوطن
ومرحب مرة اخري بحضورك الينا في اليوم الحار بعد السنين العديدة التي فرقتنا بين جهات الدنيا
العجيبة..
وبحضورك يعود الي بوست (الود ابو خليل) القه العالي ووهجه المقيم ونرجع تاني من اول لسيرة هندسة
وايام هندسة وحكاويها الرائعة.
وصحبك خليل مختفي تماما هذه الايام وما عارفين ليهو سكة..
ولك التحايا يا امير وتحياتي الكثيرة..

Post: #1040
Title: Re: اليوم الحار ومابنداريوم الهندسة والمعمار
Author: amir elsharief
Date: 03-31-2007, 09:37 PM
Parent: #1

سلامات عبد الكريم الشهير بكيكى
ألا سقى الله تلك ألأيام أيام الهندسة
حأجيك راجع برواقة بعد ساعتين تلاتة بالمواعيد السودانية

Post: #1041
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 09-02-2007, 08:03 AM
Parent: #1040

m

Post: #1042
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-02-2007, 09:38 AM
Parent: #1041

ياااااااااااااه
اليوم الحار ما بندار
الف شكر يا بكري فهذا البوست يجب ان يبقي عاليا
وبنجيهو وبرواقة...

شكرا يا دفعة وما عدمناك..

Post: #1043
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 09-02-2007, 10:13 AM
Parent: #1042

فعلا ياااااااااااااااااااااااااااااااااااااااااه
وطني وإن شغلت بالخلد عنه نازعتني إليه في الخلد نفسي ..
ده هو فعلا شعورنا تجاه (الهندسة والمعمار) .. فمهما شغلتنا الظروف .. فهي أيام محفورة في الوجدان .. صعب نسيانها أو تجاوزها ..
بس بالله البيلقى طريقة من فترة لفترة يدينا دفترة عشان يكون (اليوم الحار) دائما فوق ..

تحياتي كيكي .. وما حكيت لينا عن سفرتك الأخيرة .. قابلت منو من الشباب؟
ولا انت خلاص بقت برامجك كلها مع البورداب .. وأوزون

نتواصل

Post: #1044
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 09-02-2007, 06:23 PM
Parent: #1043

Quote: تحياتي كيكي .. وما حكيت لينا عن سفرتك الأخيرة .. قابلت منو من الشباب؟
ولا انت خلاص بقت برامجك كلها مع البورداب .. وأوزون

هلا يا ابراهومة وشكرا لليوم الحار الجابك لينا وخلانا نشوفك...
وفعلا يا ابراهيم اخوك بقي زول بورداب ساكت
وفي الاجازة دي لاقيت اثنين فقط من الشباب هم ابراهيم الحاج المهندس المدني علي الطائر كده في برج البركة
ثم ملاقاة اخري تاريخية للفتي الابنوسي طه النور اسحاق لمدة ساعة تتمني ان تتحول الي مية سنة
فطه النور حكاي ووناس (ويشهيك الونسة) عن عوالمه وسفراته الي الكاميرون وتشاد والسعودية لاحقا
ففي هذه الساعة حكي طه زي مليون حاجة قادرة علي تفجير هندسة كلها بالضحك والمرح...
وطبعا قال لي يا وهم سمعت انك وخليل قاعدين نتجيبوا سيرتي في الانترنت فاعملوا حسابكم انا اهلي كلهم متمردين في دارفور
ح افرطق ليكم ريسنكم ديل
كن بخير يا ابراهومة وفليبقي هذه البوست علي مر الدهور والازمان

Post: #1045
Title: Re: اليوم الحار ومابنداريوم الهندسة والمعمار
Author: khaleel
Date: 09-07-2007, 07:12 PM
Parent: #1044

شكرا بكري بعودة اليوم الحار وسلام لكل ابناء ام نخيل ومشتاقين

الفاتح التاج ذهب للسودان لمدة ستة شهور

ناس البترول قال ليهو لازم تعمل خدمة الزامية

مشي الدار الاستشارية صلاح مختار تعامل بسلبية

ذهب لسد مروي قابل اتنين كيزان واحد اسمو محمد الامين بتاع كهرباء بلبس

نضارات وعندو شيب خفيف وواحد تاني ما عرفتو


يا كيزان شغلو الناس ديل قبلي ما تلقوها صيفت

Post: #1046
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 03-26-2008, 07:09 AM
Parent: #1045

يا اللللللللللللللللله
وين الناس؟
والله زمن يا خليل .. مالك قاطع كده .. عسى المانع خير ..
حتى كيكي شايفو مرابط في بوستات تانية وساب اليوم الحار .. ما صاح الكلام ده
يا شباب أرفعو البوست ده مرة مرة خلونا نعيش الذكريات الجميلة ..
شكرا الأخ بكري على نفض الغبار

نتواصل

Post: #1047
Title: Re: اليوم الحار ومابنداريوم الهندسة والمعمار
Author: khaleel
Date: 04-01-2008, 02:28 PM
Parent: #1046

اقضي الاجازة في السودان وقد قابلت اصدقاء فارقتهم منذ اكتر من ستاشر سنة

ناجي خيرين شيخ الدين طه النور دكتور مزمل معاوية داوود الواثق هباني وعبدالله اسحق اشرف بيومي

داخل الريفيرا وكان اللقاء بحضور بهاء وتم العقد كما تقول اخبار ثورة مايو

Post: #1048
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 04-01-2008, 03:07 PM
Parent: #1

خليل والحلوين

حبابكم حبابكم

وعودا حميدا


Post: #1049
Title: Re: اليوم الحار ومابنداريوم الهندسة والمعمار
Author: khaleel
Date: 04-02-2008, 05:44 PM
Parent: #1048

HI

AHMED

ITHINK IT IS HIGH TIME TO COME BACK TO SUDAN

PEOPLE HERE BECOME RICH ,SMART

Post: #1050
Title: Re: اليوم الحار ومابنداريوم الهندسة والمعمار
Author: غباشي
Date: 04-02-2008, 05:57 PM
Parent: #1

تحياتي يا خلي
و اجازة سعيدة و انت تسترجع ذكريات اليوم الحار و ما بندار
تحياتي للسلف الصالح من مساحين و كهربجية و سفلنجية و مكانيكية و نفاطة و تعدين , كيميائيين و زراعين
عودا حميداً

Post: #1051
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 04-03-2008, 01:53 AM
Parent: #1050

تحية للشباب و توزيع للشربات بمناسبة عودة البوست
و كما يقول خليل عن سيد زيان للبحبونا .... و البيكرهونا كمان


سمعت ان دفعة 82 عندهم web site
الرجاء اللنك لمن يعرفه ....

Post: #1052
Title: Re: اليوم الحار ومابنداريوم الهندسة والمعمار
Author: khaleel
Date: 04-03-2008, 11:01 AM
Parent: #1051

سلامات غباشي ومحمد وكل المهندسين

سعدت ليلة امس بالحضور الانيق لاولاد سبعة وتمانين بحدائق الاسكلا وقد تواجد كل من

اشرف منير خالد عثمان طلال خليل الجزولي ياسر البنا مدثر الرشيد عثمان صديق سعدالدين ابراهيم ميرغني

وهولاء الشباب لديهم فكرة لانشاء شركة مساهمة بتشييد عمارة من عشرة طوابق وثلاثين شقة

وسعر الشقة هو مائة وخمسون مليون جنيه قديم فمن يرغب عليه الاتصال بالشباب ديل

Post: #1053
Title: Re: اليوم الحار ومابنداريوم الهندسة والمعمار
Author: khaleel
Date: 04-04-2008, 12:31 PM
Parent: #1052

mangooshi

alhaseen

mubarak


congratulations

for marriage

Post: #1054
Title: Re: اليوم الحار ومابنداريوم الهندسة والمعمار
Author: khaleel
Date: 04-05-2008, 01:28 PM
Parent: #1053

بعد زواج الحسين ومنقوشي ومبارك

من يقنع لنا اشرف منير بالزواج


لكن يبدو ان اشرف تزوج المقاولات

Post: #1055
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-05-2008, 01:42 PM
Parent: #1054

سلامات خليل ..
والتحايا عبرك لكل المهندسين ..
Quote: Mangooshi
alhaseen
mubarak
congratulations for marriage

يا سلام .. والله أخبار حلوة
ألف مبروك منقوشي والحسين ومبارك .. وإنشاء الله عقبال البقية .. ناس أشرف منير وعمر الصادق

Post: #1056
Title: Re: اليوم الحار ومابنداريوم الهندسة والمعمار
Author: khaleel
Date: 04-05-2008, 01:48 PM
Parent: #1055

ابراهيم محمد الحسن

من امدرمان سلام اليوم تلقيت اتصال هاتفي جميل من حسين مساعد

وقال انه لم يخرج من السودان الا للعمرة

لكن بالله عمر فلاشا لسع علي قيد الحياة بالغ ياخ

Post: #1057
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-05-2008, 03:43 PM
Parent: #1056

اوووووه اليوم ما بندار يوم الهندسة والمعمار
وهندسة دي صعيبة عليي ايييي كدا لعبتها
منو القال ليك تسيب الجية اييي كده لعبتها

مرحب بالبوست البوست وسلام للجميع
وفي كافتيريا هندسة حليل مجلسنا


عودا حميدا يا ابو خليل وابراهيم وود التجاني
وفي انتظاركم دوما في ظل (اليوم الحار)

Post: #1058
Title: Re: اليوم الحار ومابنداريوم الهندسة والمعمار
Author: khaleel
Date: 04-06-2008, 02:21 PM
Parent: #1057

hi

kiki

all our class mates

say hi

for you

from

sudan

Post: #1059
Title: Re: اليوم الحار ومابنداريوم الهندسة والمعمار
Author: Abubakr Osman
Date: 04-06-2008, 03:29 PM
Parent: #1

مرحب بيهو اليوم الحار من تانى
ويلا يا مهندسين واصلوا
الهندسة فن ومتعة

Post: #1060
Title: Re: اليوم الحار ومابنداريوم الهندسة والمعمار
Author: khaleel
Date: 04-08-2008, 11:28 AM
Parent: #1059

ابوبكر عثمان

حضرنا للسودان ولم نتشرف باللقياء

عباس ابو الحرم صار ابا لاربعة بنات وهو الان يعمر الارض بمحلية ام القري بالجزيرة وذلك بانشاء مشاريع

جديدة تكلفتها خمسة مليارات وطبعا دها ما عشان سواد عيون اهل ام القري

عشان الانتخابات

Post: #1061
Title: Re: اليوم الحار ومابنداريوم الهندسة والمعمار
Author: Mohammed Ibrahim Othman
Date: 04-08-2008, 12:02 PM
Parent: #1

Quote: ودور بي حمادة تدور بي

واقتصاد القاعدة برة

قاعدة لي انا للمضرة

ويا حمادة اديها جرة

واشيلها من الدوري برة


والله محمد المتوكل دا الواحد يتذكره ساي يستمتع ...
التحية ليكم كلكم يا ناس الهندسة ...اولاد العم ...
وما تنسو انور بتاع اقتصاد ود ام دوم برضو فنان ..
حمودة -اسكول

Post: #1062
Title: Re: اليوم الحار ومابنداريوم الهندسة والمعمار
Author: khaleel
Date: 04-08-2008, 12:08 PM
Parent: #1061

Quote: والله محمد المتوكل دا الواحد يتذكره ساي يستمتع ...
التحية ليكم كلكم يا ناس الهندسة ...اولاد العم ...
وما تنسو انور بتاع اقتصاد ود ام دوم برضو فنان ..
حمودة -اسكول


شكرا يا حمودة اسكول

اسكول ضواحي السنتر

كلية اوضة وعنبر

الدومة قالو ريئسها

عضت اضاني كديسة

التحية لناس اسكول ودكاترتها ناس ود المكي ومحمد عبدالوهاب

Post: #1063
Title: Re: اليوم الحار ومابنداريوم الهندسة والمعمار
Author: ELFATIH ABDELLA
Date: 04-08-2008, 06:26 PM
Parent: #1

..

جمع الهندسة الرائع .. سلامات


القرود.. الاعلام ما عكس حضورو للسودان ما عارف المشكلة وين؟ لكن غالبا تكون المشكلة في الاعلام..

كيكى عزموهو المساحين .. وكلهم حضروا الا هو.. وعشان خجلان منها.. قال ما قابلت غير طه النور..

عيب عليك يا كيك الناس..


كل الود..

ابو انس

Post: #1064
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-08-2008, 09:45 PM
Parent: #1063

Quote: كيكى عزموهو المساحين .. وكلهم حضروا الا هو.. وعشان خجلان منها.. قال ما قابلت غير طه النور..

عيب عليك يا كيك الناس

مرحب يا وديدي
واولا قبل كل شي حبابك في اليوم الحار ما بندار
وحباب كل المساحين وحباب ناس الصحافات كلهم حتي احمد بشير الرحل العمارات برضو حبابو معاكم...

ويا الفاتح بالجد كلي اسف وحسرة علي عدم التمكن من الحضور لظروفي الخاصة التي شرحتها ليك في التلفون في ذلك اليوم..
يعلم الله الزول مشتاق ليكم كلكم واحد واحد ولكن شو فينا نسوي مع الاقدار ومصائب الدهر...
وياريت تعفو وتصفحو وتدونا العافية والفاتحة يا الفاتح انت

خليك من كيكي جا ولا كيكي مشي
امسك البوست ده ودور لينا حكاوي الجامعة وايام الخلط اللذيذ
والا فتيناك هنا فت تقيل

Post: #1065
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 04-09-2008, 06:18 AM
Parent: #1064

سلام يا ناس اليوم الحار
وصلتنى الصور ادناه من abdelmoniem adam

1986 faculty of engineering student graduation photo













Post: #1066
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-09-2008, 06:43 AM
Parent: #1065

ياسلااااااااااااااااام
التحايا للأخ بكري أبوبكر (سيد الحوش) وشكرا جزيلا على الصور الرائعة
والشكر موصول أيضا للأخ/ عبد المنعم آدم
والله فعلا فكرتنا بناس عزاز أبت الظروف إلا أن تفرقنا عنهم لسنوات طوال ..

ونتواصل ..

Post: #1067
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 04-09-2008, 05:00 PM
Parent: #1066




Post: #1118
Title: Re: اليوم الحار ومابنداريوم الهندسة والمعمار
Author: Nasir Ahmed Elmustafa
Date: 04-22-2008, 07:35 AM
Parent: #1065

الصورة التحت
الناس القاعدين تاني واحد من اليمين
المهندس الكيميائي سيف الدين مدثر بحيري الشهير ب حمد

Post: #1068
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 04-09-2008, 08:12 PM
Parent: #1

ياسلام يابكرى ابوبكر يااخى

ذكرتنا بالعزاز الله يطراهم بالخير كلهم
فى الصورة الاخيرة لم تسعفنى الذاكرة بمعرفة الكثيرين
اولا بسبب انهم الدفعة 86 قبلنا بسنة
تانيا كانوا ناس قراية ومكتبات خلافا لدفعتنا 85
والتى تنازلت عن بعض نجومها للدفعات التى تلتها بغرض
ان تضيف لهم بعض الطعامة

فرزت فى هذه الصور كل من الاعزاء
الصادق خضر - حاتم بخيت - عصام الفذ - عمر الحضرى
عبادة معاذ
وكالعادة شح تقيل فى الدامات

Post: #1069
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2008, 08:18 PM
Parent: #1068

هلا يا ود التجاني وشكرا يا بكري
وديل ناس كهرباء سياد الدلتا واستار وحكايات التلي والبور
والصورة بها دفعة 87 ومزيج من 86 وبعض المخضرمين بقيادة
وابراهيم محمد الحسن ممكن يكون اكثر زول ممكن يدينا لكشر بالاسامي في الصورة دي
والناس ديل انا بعرفهم جتتتت يا ود التجاني بس الزمن طال
واحيهم جميعا واري بينهم (حسان ود سنار)
وعبدالكريم الحسيني وده مفروض تعرفو يا احمد تجاني لانو دفعتك لزم


وود الصايم ايضا في الصفوف الخلفية

Post: #1070
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2008, 10:04 PM
Parent: #1069

hi

every

one

iwill
use my

sharp

memory

to

know
allpeople

in
photos

Post: #1071
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2008, 10:08 PM
Parent: #1070

Quote: iwill
use my

sharp

ya man do it please
mr khaleel


Quote: hi

every

one

وفي دي بنقول ليك خلاص يا خليل شامي

Post: #1072
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 04-09-2008, 11:01 PM
Parent: #1071




الحبيب كيلى العملت ليه هاى لايت ده ما عمر بوب

Post: #1073
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 04-09-2008, 11:03 PM
Parent: #1072




Post: #1074
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2008, 11:05 PM
Parent: #1072

Quote: الحبيب كيلى العملت ليه هاى لايت ده ما عمر بوب

هلا يا ريس
ده ما عمر بوب
ولا مصطفي اخوهو
وعمر بوب زول عجوز ياخي ما بياكل عيش مع الشباب الصغار ديل (طبعا دفعتنا وكده)
...
فعلا يا بكري الشبه كبير والصورة لاخ عزيز اعتقد بانه دفعة الاخ ابراهيم محمد الحسن
86 كهرباء وابراهيم ممكن يتذكر لينا الاسم

Post: #1075
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2008, 11:11 PM
Parent: #1074


ديل بقي ناس 86 كيمائية
ناس حسن كوستي وفدوي ومحي الدين
محيو في اول يمين الصورة وابوعلي اول يسار الصورة
والباقيين خليل بجي بجيه الصورة تب

Post: #1117
Title: Re: اليوم الحار ومابنداريوم الهندسة والمعمار
Author: Nasir Ahmed Elmustafa
Date: 04-22-2008, 07:32 AM
Parent: #1075

التحية لكل المشاركين
بعد تعب قدرت اتعرف على القاعد تاني واحد من اليمين
المهندس عبد العاطي محمد احمد من اولاد المحمية

Post: #1076
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 04-09-2008, 11:11 PM
Parent: #1074

كيلى ده ما عمار شاتو الزول من جيلنا ما لو مصور معاكم



Post: #1077
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-09-2008, 11:15 PM
Parent: #1076

Quote: كيلى ده ما عمار شاتو الزول من جيلنا ما لو مصور معاكم


ايوه ده عمار
مخضرم كبير في شلة المخضرمين بقيادة ابو خليل واخريين

Post: #1078
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2008, 11:42 PM
Parent: #1077

mrkiki

mr bakri

this

alsadig

from

meddani

not

an old man

omer bob

Post: #1079
Title: Re: اليوم الحار ومابنداريوم الهندسة والمعمار
Author: khaleel
Date: 04-09-2008, 11:42 PM
Parent: #1077

mrkiki

mr bakri

this

alsadig

from

meddani

not

an old man

omer bob

Post: #1080
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 04-10-2008, 00:30 AM
Parent: #1

Quote: الحبيب كيلى العملت ليه هاى لايت ده ما عمر بوب


الحبيب بكرى
الحبيب العملت ليه هاى لايت دة الصادق خضر
دفعة من مدنى الثانوية الله يطراه بالخير

الصورة الاخيرة دى فرزت منها اتنين
من الاولاد فى اقصى اليمين الاخ محى الدين ود chemical
ومن البنات الاخت سلافة الله يطراهم بالخير

خليل يااخوى انجليزى الكنائس دة شنو البتكتب بيه دة؟
ذكرتنى بقال فى المانيا

Post: #1081
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-10-2008, 08:15 AM
Parent: #1080

http://www.sudaneseonline.com/u/omerbob.jpg
Quote: وابراهيم محمد الحسن ممكن يكون اكثر زول ممكن يدينا لكشر بالاسامي في الصورة دي

كيكي لكن ختيتني في إمتحان صعب .. بس خليني انفض الذاكرة شوية .. وهاك :
جلوساً من اليمين :
1. الصادق خضر ------------ آخر عهدي به كان في السعودية
2. محمد محي الدين ---------- USA
3. أنـــــــــا ---------- (زمن الصغرة)
4. مصطفى بتيك ------------ -
5. علي أحمد الخضر -------- السودان – الكهرباء
6. حسان عباس -------- السودان – الكهرباء
7. محمد عبد الحليم -------- السودان - زين
8. عبد الوهـاب -------- السودان - المدرعات
9. ×
10. أحمد كمــــال ---------- USA
11. سمير الفلسطيني

وقوفاً من اليمين :
1. عبد الرحمن آدم --------- USA
2. آدم مالك ------------- السودان - كنانة
3. عبد المنعم آدم ---------- السودان
4. أبكر يعقوب ------------ UK أعتقد
5. حسين أبوالقاسم -------- الشركة السودانية للنفط
6. بدر الدين أحمد الفكي --- السعودية – جدة
7. أحمد منقوشي (العريس الجديد) ---- السودان – مجموعة أبرسي
8. عبد الرحيم عمر ------- السعودية – جدة
9. عز الدين إسحق-------USA -
10. نجم الدين --------- USA
11. عبادة السراج -------- مدير كلية النصر التقنية
12. محمد بابكر ------- نوكيا السعودية – جدة
13. علي عبد الله ------- السودان – الكهرباء
14. الصادق إبراهيم ----- -
15. مهدي أحمد ------- السودان
16. محمد أحمد فضل الله ------ السودان
17. محمد الصائم ----------- كان في USA واعتقد رجع السودان
18. مزمل عبد الرحيم ------- -
19. هاشم محمد خالد ------- USA
20. أماني عبد الرحمن ------- سودانير
21. أمير سليمان ---------- السودان - القوات المسلحة
22. آمنة عريبي ----------- السودان

Post: #1082
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-10-2008, 08:49 PM
Parent: #1081

ذاكرة حديد يا ابراهيم
ومنقوشي ده نكتوا نكتة عجيبة
العريس له الف تحية
وللجميع كل التحايا والود
ومواكب يا ابراهيم مواكبة تعجب وتسر البال والله

وفي انتظار ابوخليل العامل اشاعة انو ذاكرتو (شارب)
وفي انتظار الانجليزي بتاعو الطلع لينا بيهو جديد اليومين ديل

Post: #1083
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-12-2008, 07:44 AM
Parent: #1082

سلام يا كيكي .. شوفت الذاكرة كيف؟ يعني فينا باقي رمق


Quote: ديل بقي ناس 86 كيمائية
ناس حسن كوستي وفدوي ومحي الدين

فدوى دي جبتها من وين يا كيكي؟ يمكن قصدك فادية حاكم
وقوفا من الخلف :
1. عباس Math - هو طبعا ما من دفعة كيميائية
2. عمار شاتو (حسب رواية كيكي)
3. ----
4. محمد الحسن الشايقي

وقوفا في الوسط :
1. محي الدين محجوب
2. هنــد محجوب
3. هالة التجاني
4. فادية حاكم
5. أماني حمزة
6. سلافة سيد أحمد
7. إبراهيم عبد العزيز
8. مريم الفكي
9. سهام الكاروري
10. حسن كوستي

جلوسا من اليمين :
1. دوماج وول
2. عبد العاطي
3. محمد قيلي
4. عبد الصمد
5. حسن عبد الهادي
6. خالد أورتشي
__________________________

ملحوظة : تحياتي لجميع الزملاء وفي مختلف الدفع والأقسام ..
وعذراً إذ لم تسعفني الذاكرة حاليا لإستحضار أسماء بعض الزملاء/ت لكن سأوافيكم لاحقا بهم ..
وكمان آسف جداً لذكر الأسماء دون أخذ الإذن من أصحابها .. ولو كان هناك أي إعتراض من أحدهم فالرجاء الإفادة للحذف .....

- التعديل المتكرر لتذكر الأسماء تباعاً

Post: #1084
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-13-2008, 07:20 AM
Parent: #1083



دي يوم التخريج .. (كهرباء 87)
وقوفاً :
1. عوض الزبير
2. محمد أبو القاسم ---- بريطانيا
3. كباشي حسن ---- السودان -الكهرباء
4. خالد حبة ---- السودان
5. أنـــــا

جلوساً :
1- مها عبد النبي Civil)
2. أميرة
3. حنان آدم
4. مواهب الرحمن - بقت عب كبير في الكهرباء - مديرة الجمرة الخبيثة

Post: #1085
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-13-2008, 10:19 AM
Parent: #1084


تخريج الكلية (دفعة 86)
وقوفا من اليمين:
1. أحمد كمال ---- كهرباء
2. عزالدين إسحق ---- كهرباء
3. ياسر دفع الله ---- كهرباء
4. عبد الصمد ---- كيميائية
5. نجم الدين أحمد ---- كهرباء
6. عباس يسن ---- مدنية
7. ؟؟؟
8. الصادق أحمد الخضر ---- كهرباء
9. خالد سعــــود ---- مدنية
10. محمد الحسن الشايقي ---- كيميائية
11. عبادة السراج ---- كهرباء
12. عمر الحضري ---- مدنية

جلوساً من اليمين:
1. حاتم بخيت ---- ميكانيكا
2. بدر الدين أحمد ---- كهرباء
3. ياســـر ---- مساحة
4. سيــد ---- مساحة
5. خالـد ---- مساحة
6. أحمد المنقوشي ---- كهرباء
7. حسن عبد الهادي ---- كيميائية
8. الصادق ---- ميكانيكا
9. إبراهيم عبد العزيز ---- كيميائية

Post: #1086
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-14-2008, 07:05 AM
Parent: #1085

حذف للتكرار

Post: #1087
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-14-2008, 07:06 AM
Parent: #1085

كتب الباشمهندس أمير عون الشريف :
Quote: سلامات عبد الكريم الشهير بكيكى
ألا سقى الله تلك ألأيام أيام الهندسة
حأجيك راجع برواقة بعد ساعتين تلاتة بالمواعيد السودانية

الكلام ده كان يوم 31/3/2007
والله لكن يا أمير مواعيدك قاطعة من راسك .. ياخ دي فاتت السودانية بمراحل .. دي بقت أمريكية عدييييل كده
تحياتي لأمير عون وكل ناس الزمن الجميل .. ونتمنى نشوف مشاركات أكتر ..
شنو يا كيكي وخليل لبدتو كده ؟ ..

Post: #1088
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-14-2008, 04:27 PM
Parent: #1087

Quote: فدوى دي جبتها من وين يا كيكي؟ يمكن قصدك فادية حاكم

هلا يا ابراهومة
وماشاء الله الذاكرة نار منقد بس
ورجعتنا سنين وسنين لناس كنا معاهم يوم ورا يوم...

وفعلا ياابراهيم فدوي القاصدة انا ياها فادية حاكم دي
علا الكبر شكلو كده خش....
ولها كل تحياتي فادية حاكم بكان ما هي قاعدة


احنا كده ياربي ناس بكري ابوبكر وعمر بوب حيكونوا كيف


عندك ياابراهيم باقي صور كانت معاك بالله نزلنها لينا هنا
خلينا نختبر الذاكرة دي مرة تانية

Post: #1089
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-15-2008, 07:16 AM
Parent: #1088

Quote: هلا يا ابراهومة
وماشاء الله الذاكرة نار منقد بس

تعرف يا كيكي الذاكرة تقدر تقول 85 - 90 % والباقي طبعا بأكملو بإتصال بصديق

باقي الصور إنشاء الله قريب .. لسة ما عملت ليهم Scanning

Post: #1090
Title: Re: اليوم الحار ومابنداريوم الهندسة والمعمار
Author: maawia dawood
Date: 04-15-2008, 08:35 AM
Parent: #1089

فوق

Post: #1091
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-15-2008, 11:51 AM
Parent: #1090

وكمان فوق ...

Post: #1092
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-16-2008, 07:17 AM
Parent: #1091

شنو يا شباب .. نحن حا نكملها فوق فوق ولا شنو ؟
ساعدونا شوية

Post: #1093
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-17-2008, 07:26 AM
Parent: #1092

كيكي سلامات ..
بالمناسبة ، الصور under processing .. ويوم السبت إنشاء الله حا أنزلها ..

نتواصل

Post: #1094
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-19-2008, 01:37 PM
Parent: #1093

كيكي .. الصور جاهزة .. بس تعرف اليوم أنا من الصباح مشغول شديد ما لقيت فرصة
لذلك ، حا أنزلهم تباعا شوية شوية ..
دي صور من رحلة التدريب إلى مصر 1991م
المجموعة الأولي : قطار حلفا .. وما أدراك ما قطار حلفا :


Post: #1095
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-19-2008, 01:41 PM
Parent: #1094

2)

Post: #1096
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-19-2008, 01:49 PM
Parent: #1095


هلا يا ابراهيم
واييي ايييي اييي
ده الشغل السمح البرد الروح للبوست الجميل ده
وبجيك برواقة لسيف برشم وجمال حسن وكل الناس الحلويين الفوق ديل
ودمت ايها النرجسي

Post: #1097
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-19-2008, 01:49 PM
Parent: #1095

3)


4)

Post: #1098
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-19-2008, 02:01 PM
Parent: #1097


ياسسسسسسسسسلام يا طارق فصمة يا طاقية
طارق عمر خالد مضوي الشهير بطارق فصمة يا سلاام
وتحايا لكل افراد الصورة الجميلة دي

Post: #1099
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 06:16 AM
Parent: #1098

يا شباب طبعا الصور دي حركت مشاعر لا توصف وصحت وذكريات غاية في الروعة .. رحلة التدريب إلى مصر (شركة المقاولون العرب)
رحلة القطار من الخرطوم إلى حلفا :
على الرغم من كم التعب والمعاناة في هذه المرحلة ، إلا أنه والله احلى تعب وألذ معاناة عشتها في حياتي .. وده طبعا لسان حال جميع المشاركين فيها .
قضيناها ونسات ودردشات وقفشات ناس طارق فصمة ، وجلسات إستماع جماعية .. وكميات من النوم .. طبعا الواحد ما بيصدق يلم ليه في أقرب ركن أينما كان (إنشاء الله تحت كنبة) ويستسلم لنوم عمييييف
أذكر من القفشات الجميلة .. في إستراحة في واحدة من المحطات كان (طارق فصمة) بيصلي .. وفجأة القطر صفر وبدأ في التحرك ... فما كان من طارق إلا أن سلم وهو واقف (السلام عليكم السلام عليكم) وجري عشان يلحق القطر .. ومشكلته الشباب كلهم كانو متابعنه

Post: #1100
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 06:29 AM
Parent: #1099


قال نرجسية قال يا كيكي
بالله في تواضع وتجرد أكتر من كده ..
تعرف في واحد صاحبي شاف الصورة دي ، قال لي: (الحاجة دي بتبيع شنو؟) وكان جادي في سؤاله .. الحاجة دي طبعاً هي الزميلة العزيزة حنان من الله .. إفترشت الأرض مع أخريات لعمل ساندوتشات المربة للشباب ..
قال نرجسية قال ..
الصورة دي كانت في حلفا لحظة الوصول .. ويظهر فيها :
وقوفا :
- إبراهيم ميرغني
- محمد البلال
- .......
- .......
- منتصر
- طلال (البعيو)
جلوسا :
- جمال الحسن (الدكتور)
- حنان من الله (الحاجة)
- أنـــــا
- الأمين
- سامي عبد الكريم
- محجوب
- مها عبد النبي

Post: #1101
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 10:38 AM
Parent: #1100



الصورة دي في حلفا في الطريق إلى الباخرة ..
وكان وقتها في أزمة شديدة في حجوزات الباخرة إلى أسوان .. وأضطرينا نتقسم لمجموعتين .. المجموعة الأولي كانت الأخوات الزميلات ومعاهم جزء من الشباب
ونحن حظنا (الحلو) خلانا في المجموعة التانية مما إضطرنا نبقى في حلفا يومين ومن ثم اتحركنا إلى أسوان لنلحق بالبقية ..
في الصورة :
- جمال حسن
- حيدوب
- أيمن باهي الدين
- نزار جعفر
- محمد البلال
- عمر الصادق

Post: #1102
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 11:05 AM
Parent: #1101

دي بقى في الباخرة من حلفا لأسوان :


Post: #1103
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 11:05 AM
Parent: #1102


Post: #1104
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-20-2008, 11:11 AM
Parent: #1103


ياسسسسسسسسسسسلاام
الصورة دي فيها ناس صحباني شددددددددددددددديد ياخييي
طارق السنوسي ابو نظارة وقميص ابيض وود كسلا
غمر الصادق (فلاشا) ابو فنيلة حمار الوحش وطاقية ولابس نظارة عامل فيها كابوي امدرماني
والصادق ماغما ود الجزيرة ابا
محمد البلال (الراقد ارضا مساح) من اولاد كسلا الوريفة....

جمال حسن بل الدكتور جمال حسن ود بحري الخطير

ولك المجموعة المتصورة ليهم كل الشوق والود
والله زمان وزمان
يا نرجسة

Post: #1105
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 01:25 PM
Parent: #1104

تعرفو بعد وصلنا اسوان طبعا كنا فقدنا حجزنا على القطار (الفرنسي) .. وكانت برضو في أزمة في الحجوزات فاضطرينا نركب القطر (القشاش)
من أسوان ما كان في مشكلة لأنها أول محطة وكان الوضع ما بطال .. بس طبعا القطر ده بيوقف يمكن كل 10 دقائق في محطة من محطات الأخوة الصعايدة وما يحملون من سباتة الفطير المشلتت وأقفاص البط والوز أأي والله أقفاص بط ووز .. ويمكن خلال ساعة القطار كان أشبه ببصات الثورة بالنص أيام أزمات المواصلات قمة الزحمة والناس واقفين شماعة .. لدرجة إننا والله انفاسنا اتكتمت من شدة الزحمة ورائحة البط والوز
العزاء الوحيد إننا كنا نتبادل الشباك عشان الواحد يشم هواء ويجدد النفس .. اتخيلوا .. المهم استمر الحال على ذلك لغاية ما وصلنا محطة مصر في القاهرة .. طبعا وصلنا بحالة يرسى لها .. لدرجة انه ونحن متجمعين في المحطة ومفترشين الشنط ، واحد مصري قال للمعاه: (الصعايدة وصلوا) الظاهر ريحة البط والوز كانت فايحة مننا لدرجة إنه افتكرنا صعايدة
المهم من هناك مشينا على بيت الشباب وهاك يا حمامات ونوووووم ..

Post: #1106
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 01:28 PM
Parent: #1105

الصور الجاية دي من رحلة مشيناها للقناطر الخيرية بعدما ارتحنا في القاهرة ورطبنا شوية :




Post: #1107
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-20-2008, 01:30 PM
Parent: #1106




Post: #1108
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-20-2008, 09:19 PM
Parent: #1107


فوووووووووق في عشان سيجارة ود البلال

Post: #1109
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-21-2008, 06:05 AM
Parent: #1108

كيكي ..
شايف بقينا أنت وأنت برانا راس بس .. وين بقية الشباب؟
تعرف رغم انه عدد المتصفحين للبوست في زيادة كبيرة جدا .. خلال ساعات بيزيد عن المائة .. لكن مع ذلك مافي واحد/واحدة عاوز يشاركنا رفع البوست ..
اتحركوا شوية يا نراجسة

Post: #1110
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-21-2008, 06:11 AM
Parent: #1109



دي بقى آخر صورة في طريق العودة من القناطر .. جلسة ما منظور مثيلة

Post: #1111
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-21-2008, 06:13 AM
Parent: #1110

الصور الجاية دي بقى من رحلة مشيناها إلى الأسكندرية ..
اتخيلو ال Training كلو قضيناه رحلات وفسح



وقوفاً من اليمين :
- ياسر حامد (كيميائية) - في الخلف
- دكتورة نجلاء عثمان (كهرباء)
- مناهل زكي (ميكانيكا)
- حنان من الله (زراعية)

جلوساً على الأرض :
- أماني بدوي (زراعية)
- أنـــــــا
- أيمن باهي الدين (مدنية)
- الأمين (زراعية)
- مواهب الرحمن (كهرباء) .... العندو مشكلة في عدادات الجمرة الخبيثة يمشي ليها

جلوسا على السور :
- محمد البلال (مساحة)
- نزار جعفر (كهرباء)
- عمر الصادق (مساحة)
- مها عبد النبي (مدنية)
- هشام علي (مدنية)
-

Post: #1112
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-21-2008, 06:26 AM
Parent: #1111




Post: #1113
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-21-2008, 06:33 AM
Parent: #1112



دي في أسوان في رحلة العودة إلى سودانا الحبيب ..
وقوفا في الخلف :
- محمد البلال
- أنــــــا

جلوساً :
- إبراهيم عبد العزيز
- رائد عباس
- نادر خليفة
- جمال حسن
- طارق فصمة
- كابتن بهاء الدين

في الأمام :
- ياسر البنا
- عمر فلاشا

Post: #1114
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-21-2008, 01:34 PM
Parent: #1113


وهنا فووووق في عشان المجموعة دي
وفي عشان المهندس ابراهيم عبدالعزيز
والله شوق كثير يا ابراهومة


وخلينا راس يا ابراهيم
صحبك خليل صار مباري كدامير المذيعات
واحمد التجاني مباري كوامر جده
ومعاوية داوود مباري بواليس الحركة...
وخلينا كده بس انت كثر لينا ذكريات وصور احبابنا القبيل ناس ابراهيم عبدالعزيز وود البلال
ومحجوب جكس وعمر فلاشا وجمال حسن وكل الناس الطاعمة الشاربة من الجامعة نرجسة وجمال

Post: #1115
Title: Re: اليوم الحار ومابنداريوم الهندسة والمعمار
Author: khaleel
Date: 04-21-2008, 01:43 PM
Parent: #1114

شباب سلام

ودعنا في الدوحة المهندس الخلوق مرتضي الطاهر وقد عاد للاستقرار بالسودان ببنك السلام

وكان الحضور مهيبا بحضور نفر جميل من المهندسين

Post: #1116
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-22-2008, 06:25 AM
Parent: #1115

Quote: صحبك خليل صار مباري كدامير المذيعات


خليل .. شايف .. بتجيب الكلام لنفسك براك ..
وحمد لله على السلامة الطلعت من بياتك الصيفي .. يا أبو النرجسة ذاتها

Quote: ودعنا في الدوحة المهندس الخلوق مرتضي الطاهر وقد عاد للاستقرار بالسودان ببنك السلام
وكان الحضور مهيبا بحضور نفر جميل من المهندسين

وين الصور ؟

Post: #1119
Title: Re: اليوم الحار ومابنداريوم الهندسة والمعمار
Author: khaleel
Date: 04-22-2008, 01:13 PM
Parent: #1116

Quote: وين الصور


ابراهومة

الصور سوف نقوم بتزيلها بعد حين

Post: #1120
Title: Re: اليوم الحار ومابنداريوم الهندسة والمعمار
Author: Nasir Ahmed Elmustafa
Date: 04-22-2008, 02:03 PM
Parent: #1

الصورة تجمع بين الاصدقاء من اليمين المهندس ناصر احمد المصطفى والمهندس الفاتح خلف الله عبدالرحمن نوفبر 1987 رابعة ميكانيكا



Post: #1121
Title: Re: اليوم الحار ومابنداريوم الهندسة والمعمار
Author: khaleel
Date: 04-22-2008, 02:07 PM
Parent: #1120

وصلت هذه الرسالة

من المهندس صلاح مختار

الاخ خليل
حاولت ان احصر دفعة 87 مدنيه مع اضافة من تخرجو معها من الدفعات الاخري و ايضا من لم يتخرجو عام 92
اللاعبين الاساسيين بالاخضر
والمخضرمين بالاحمر
و من جار عليهم الحكم بالبني
ارجو اشراك جميع الاخوه في التصحيح والتنقيح و اكمال من سقطت اسماؤهم
مع تحياتي



عز الدين محمد الخير
عمر الحبر
وليد القرود
طارق عيكوره
حبيب الله بابكر
مرتضي الطاهر
ابوبكر حجازي
بهاء الدين بخيت
العبيد عبد الرحمن
هشام جاد
عارف علي
رحمه
نادر كوبر
كمال الشيخ
ابو الدرداء
ناصر محجوب
مصطفي بوب
زينب محمد سليمان
فاطمه النور
محمد مصطفي
محمد صديق
احمد شبو
الفاتح التاج
عمر الفاروق
منتصر احمد - رحمه الله
منتصر محجوب
اشرف منير
طارق عبد القيوم
حسين
عكرمه عبد الله
محجوب حسن
صلاح مختار
التجاني عبد القادر
مبارك عثمان
احمد محي الدين
سامي عبد اللطيف
الشيخ عيسي
محمد القرني
عبد الكريم
علي الطيب
خالد باجابر
الحارث مصطفي
هشام
الطيب الماحي
انس عوض
محمد عجيب
محمد مامون
سعد ابراهيم
عمر احمد عثمان
مهدي اسحق
وضاح محمد
ايمن باهي الدين
حامد اسناي
هشام عثمان
خالد عثمان
وجدان الخير
مني
سوسن محمد الحسن
هدي عباس
اقبال محمد
اكرام
النور جابر
اسامه يونس
اسامه كرار
ولبد كريم
عثمان
اسامه عبد الله
ياسر محمد احمد
محمد الصادق
بابكر-بيكو
علم الهدي حسان
مامون جواري
عادل الجنيد
زهير الصافي
فوزي عبد الفتاح
مدثر الرشيد
محجوب الفكي
محمد فاروق
علي عبد الفتاح - رحمه الله
علي عبد العاطي
محمد عثمان الطيب
مها عبد النبي
عايده عدلان




Want to race through your inbox even faster? Try the full version of Windows Live Hotmail. (It's free, too.)

© 2008 Microsoft Privacy Legal

Post: #1122
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-22-2008, 02:10 PM
Parent: #1121

شكرا ابو صلاح
وياريت يا خلي تفرز لينا المخضرمين بالله

Post: #1123
Title: Re: اليوم الحار ومابنداريوم الهندسة والمعمار
Author: khaleel
Date: 04-22-2008, 02:13 PM
Parent: #1122

وصل هذا الايميل

من محمد حسن الشايقي

أخى خليل
لك التحيه
نتمنى عودتك للبوست
نمره 7 فى الصوره هو ود أبكر مساحه 86
التحيه عبرك الى كل الزملاء/ات
محمد حسن الشايقى كيميائيه 86
between

Post: #1124
Title: Re: اليوم الحار ومابنداريوم الهندسة والمعمار
Author: Nasir Ahmed Elmustafa
Date: 04-22-2008, 02:17 PM
Parent: #1

صورة تاريخية تجمع البرفيسور وليم ابراهيم اسعد احد اعمدة كلية الهندسة جامعة الخرطوم ويمينه المهندس احمد عبد الله نائب المهندس المقيم بمشروع سد مروي وشماله المهندس الفاتح خلف الله مدير ادارة التدريب والموارد البشرية سد مروي
بروفيسور وليم تميز باختباراته المتتالية في احد المرات تضجر الطلاب من ضيق زمن الامتحان فرد عليهم نعيب زماننا والعيب فينا وما لزماننا عيب سوانا




Post: #1125
Title: Re: اليوم الحار ومابنداريوم الهندسة والمعمار
Author: khaleel
Date: 04-22-2008, 03:42 PM
Parent: #1124

Quote: صورة تاريخية تجمع البرفيسور وليم ابراهيم اسعد احد اعمدة كلية الهندسة جامعة الخرطوم ويمينه المهندس احمد عبد الله نائب المهندس المقيم بمشروع سد مروي وشماله المهندس الفاتح خلف الله مدير ادارة التدريب والموارد البشرية سد مروي
بروفيسور وليم تميز باختباراته المتتالية في احد المرات تضجر الطلاب من ضيق زمن الامتحان فرد عليهم نعيب زماننا والعيب فينا وما لزماننا عيب سوانا



ناصر يا هندسة

يا ليتنا عدنا او عادت الايام

Post: #1126
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-23-2008, 07:20 AM
Parent: #1125

تحياتي للجميع ..
وسعيد جدا بظهور أسماء جديدة ومشاركات من أخوة أعزاء : صلاح مختار ومحمد حسن الشايقي .. لهم التحية
ونتواصل ..

Post: #1127
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-24-2008, 08:37 AM
Parent: #1126



الصف الخلفي :
- مهدي
- ياسر البنا
- عبيد عبد الرحمن
- عمر فلاشا
- سيف (شاربه)
- هشام مجذوب

في الأمام :
- طارق فصمة
- أنـــــــا
- وليد عريبي

Post: #1128
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 04-24-2008, 11:52 AM
Parent: #1



يازول ماخلعتنا خلعة شديدة بالبروف دة
يقوم يقول فى Test ولا Tutorial

ربنا يديه الصحة ولك ايضا

لكم الود جميعا

Post: #1129
Title: Re: اليوم الحار ومابنداريوم الهندسة والمعمار
Author: Nasir Ahmed Elmustafa
Date: 04-25-2008, 04:21 PM
Parent: #1128

فوق

Post: #1130
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-26-2008, 06:51 AM
Parent: #1129


ديل بقى أعز ناس .. ناس كهرباء 87
لهم التحايا جميعا أينما كانوا

Post: #1131
Title: Re: اليوم الحار ومابنداريوم الهندسة والمعمار
Author: Abubakr Osman
Date: 04-29-2008, 10:17 AM
Parent: #1130

وينك يا ابراهيم

Post: #1132
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-29-2008, 12:50 PM
Parent: #1131

Quote: وينك يا ابراهيم

أبوبكر عثمان
أخبارك ؟
يا مان والله تعبت من رفع البوست .. والصور العندي خلصت
اتحركوا انتو معانا شوية ..
إختبار لذاكرتك : ممكن تحاول ذكر الأسماء الفي الصورة الفوق دي؟

Post: #1133
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-29-2008, 01:28 PM
Parent: #1132

صبرا يا هندسة
جاتنا كوتة بتاعة صور جديدة لنجججججججج
خليكم قريب واعملوا ساكت وسخنو الذاكرة كما كان يسخن ود المتوكل ذات يوم حتي يرهب الجميع

Post: #1134
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-29-2008, 01:34 PM
Parent: #1133


احمد شبو بعدما شاب ودهو الكتاب (كتاب الماجستير)

Post: #1135
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-29-2008, 01:42 PM
Parent: #1134

التحية للباشمهندس أحمد شبو
وألف مبروك الماستر .. وعقبال ال الدكتوراة
والله لكن فعلا بعد ما شاب

Post: #1136
Title: Re: اليوم الحار ومابنداريوم الهندسة والمعمار
Author: Abubakr Osman
Date: 04-29-2008, 02:08 PM
Parent: #1135

ابراهيم لكن ما بالغت
نذكر أسماء دون ترتيب
ونبدأ بالمخضرمين
على كدام
مصطفى بتيك
إبراهيم محمد الحسن
خالد حبة
سامى عبد الكريم
عز الدين عبيد
معاوية عابدين
عادل التجانى
رائد عباس
طارق حمادة
حسين ابو القاسم
تهانى عبد الله

Post: #1137
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-29-2008, 07:53 PM
Parent: #1136


Post: #1138
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-29-2008, 08:05 PM
Parent: #1137

يا ابراهومة
صورة ناس ايريا
وتجاني ومحمد خير وحمد فتح الرحمن وبها وشبو وقرود والحارث وبركة وحجازي واشرف منير وكل ياقي الاخوة الكرام
لو فتلت البوست ده بالله ساعدونا بدفرة بتاعة تصغير عشان ندوزن عصب البوست...
ويا حليل ايام زمان وزمان

Post: #1142
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-30-2008, 07:21 AM
Parent: #1136

أبوبكر 12/ 31 .. يعني مع ال Push بتباسي


جلوسا من اليمين :
1. تهاني عبد الله
2. إبتسام محمود
3. مواهب الرحمن
4. خالد حبة
5. عزالدين عبيد
6. معاوية عابدين

خلفهم :
1. ------ ما ظاهر
2. مصطفى بتيك
3. كباشي حسن

وقوفا من اليمين :
1. سارة شمس الدين
2. أمل بيومي
3. محمد أبوالقاسم
4. رائد عباس
5. نزار جعفر
6. طارق حمادة
7. طارق حمزة
8. محمد أبكم
9. محمد عبد الحليم
10. إبراهيم محمد الحسن
11. هالة حسن
12. على كــــــدام
13. عفاف عثمان حسين
14. سامي عبد الكريم
15. على أحمد الخضر
16. عبد الناصر عباس
17. إبراهيم الخليفة
18. عادل التجاني

وفي الخلف :
1. حسين ....
2. نزار عمر
3. سوسن آدم
4. سلمى بريدو

Post: #1139
Title: Re: اليوم الحار ومابنداريوم الهندسة والمعمار
Author: Elawad
Date: 04-29-2008, 08:38 PM
Parent: #1




Post: #1140
Title: Re: اليوم الحار ومابنداريوم الهندسة والمعمار
Author: Elawad
Date: 04-29-2008, 08:42 PM
Parent: #1

السلام عليكم عبد الكريم
دا اللنك للصورة. عدل مداخلتك الفاتت:



و بعدين براحة علينا إنت و إبراهيم ياخي نحن ناس في غربة و دمعتنا بقت قريبة. صور روعة و ذكريات أروع.

Post: #1141
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-29-2008, 08:45 PM
Parent: #1140

الف شكر يا العوض
علي التصغير وتم اجراء اللازم
وصورة بالجد تنزل الدمعة وتذكر الزمن الجميل
وتحياتي يا العوض وكل الود

Post: #1143
Title: Re: اليوم الحار ومابنداريوم الهندسة والمعمار
Author: maawia dawood
Date: 04-30-2008, 07:49 AM
Parent: #1141

الاخ العزيز

كيكي

انت وين ياخي

وشايفك بقيت اكثر وجاهة من زمان

شوف اي زول خريج الخرطوم متعنصر ليها

واكثر العنصرية في الهندسة

ونحن كمان متعنصرين لدفعة 85

وشايف البوست بقي دفع ورانا كتير

ونحن ما عندنا صور

طبعا نحن تخرجنا قبل اكتشاف الكاميرات

وين صور دفعتنا

التحية ليك ولكل زملاء الهندسة

هندسة رجالــــــــــــة هندســــــــــــة شطــــــــــــارة

Post: #1144
Title: Re: اليوم الحار ومابنداريوم الهندسة والمعمار
Author: aydaroos
Date: 04-30-2008, 01:10 PM
Parent: #1143

سلام ليكم كلكم
و خصوصا" المساخيط كيكي و القرود
كلامكم حلو ... يخلي الزول يستغرب بالله الزمن مشي كده!!!! ( لو عارفين كنا شربنا اكتر قبال ما الزير يتكسر و المويه تتدفق)

Post: #1145
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 04-30-2008, 01:27 PM
Parent: #1144

عماد عيدروس
أخبارك يا مان .. وين أراضيك يا زول

Post: #1147
Title: Re: اليوم الحار ومابنداريوم الهندسة والمعمار
Author: aydaroos
Date: 04-30-2008, 01:34 PM
Parent: #1145

وينك يا ابراهيم... اشواق و اشواق

انا شغال فب البنك الزراعي ( شفت كيف ؟؟؟؟؟؟) مهندس في البنك الزراعي) في قسم التقنية
[email protected]

Post: #1149
Title: Re: اليوم الحار ومابنداريوم الهندسة والمعمار
Author: maawia dawood
Date: 05-03-2008, 07:51 AM
Parent: #1147

السلام عليكم

انت عماد عيدروس ذاتو ود عطبرة ؟؟؟؟؟؟

وينك يا ود حلو ياجميل

معقول انت في السودان

طيب ما سامعين ليك حس

ولا واصلنا منك خبر

ندعوك كل اخر جمعة من كل شهر بالريفييرا

Post: #1146
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 04-30-2008, 01:29 PM
Parent: #1144

هلا بعيدروس وحباب معاوية
وشوق الشوق يا شباب
وبركة الجيتو بركة الجيتو الي ارض هذا البوست
ويلا ندور وفي انتظاركم بشدة وكبك

ويا عيدروس وينك وين اراضيك ياخي
ويا معاوية (قلت لي كيكي) وجيه
(هووووي يا معاوية اعمل حسابك بكلم ليك اخوي الكبير)
والله زمان

Post: #1148
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-03-2008, 07:08 AM
Parent: #1146

سلام يا شباب
كيكي .. انت خليل وين مختفي كده؟
ولا بقى بس متابع (كدامير) بنات قناة زول ؟

Post: #1150
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-04-2008, 07:01 AM
Parent: #1148

فوق

Post: #1151
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-04-2008, 11:39 AM
Parent: #1150

هلا يا شباب
مرحبا بعماد عيدروس
من مشيت البنك لزراعى بقينا ما شايفنك ولا سامعين بيك
معاوية معذرة لعدم حضورى للمات الجمع
دائماً الجمعة الأخيرة بكون ما فى فى البلد
حنحاول ننكت لو لقينا صور نجيبها نزلها

Post: #1152
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-05-2008, 06:21 AM
Parent: #1151

مرحب بيك ابوبكر عثمان
اأي بالله حاول نكت الصور وألحقنا بيها
سلام

Post: #1153
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-05-2008, 08:59 AM
Parent: #1152

قولوا واحد




Post: #1154
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-05-2008, 10:08 AM
Parent: #1153

بعض صور رحلة مصر عام 1989



Post: #1155
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-05-2008, 10:12 AM
Parent: #1154

معاوية دايفد
يلا اتحفنا بذكريات هذه الرحلة وطرائفها
رحلة طلاب الهندسة لجمهورية مصر العربية مايو 1989 ايام الديمقراطية الثالثة

Post: #1156
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-06-2008, 10:47 PM
Parent: #1155

وينكم يا شباب الهندسة
كيكى معاوية يلا اتحفونا بذكريات رحلة مصر
حاولت تحميل المزيد من الصور لكن يبدو ان الشبكة بطالةسنحاول لاحقا

Post: #1157
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-07-2008, 07:16 AM
Parent: #1156




Post: #1158
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-07-2008, 11:02 PM
Parent: #1157


اوووووووووووه
اكبر مجارمة علي بسيطة الارض الواقعة غرب الميدان الغربي
طه النور اسحق
وابراهيم ابوسمرة
والله الف سلام وشكر يا ابوبكر
وديل ناس بمواصفات خاصة وشقاوة تاريخية ما حصلت كلو كلو

ويطل ايضا صديقي التاريخي وليد زكريا (لاحولااااااااا)

والاخ ميسرة ثم الاخ عباس


ياخ دي صورة بمليون دولارررر عديل

وواصل يا ابوبكر

Post: #1159
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-07-2008, 11:21 PM
Parent: #1148

Quote: ولا بقى بس متابع (كدامير) بنات قناة زول


والله شكلو كده ابو خليل ده بقي بتاع تفف مذيعات وقعد بعيد

Post: #1160
Title: Re: اليوم الحار ومابنداريوم الهندسة والمعمار
Author: omer alsayed
Date: 05-14-2008, 01:28 PM
Parent: #1

الاخ بكري ابوبكر
الاخوة عبد المنعم ادم / نجم الدين فضيل
التحية والاشواق
الشكر موصول لكم على هذا اللنك الجميل الذي ابقاني لايام عدة مشدوها امام الشاشة راجعا الى الوراء لاثنين وعشرين سنة مرت منذ دخولنا للجامعة في صيف 1986 ولم اكن اظنها اثنان وعشرون ولكنها رجعت شريط سينمائي بهذا البوست الرائع وهذا السرد التايتنكي المذهل
التحية لكل الزملاء الاصدقاء بالهندسة
وللذكر لا الحصر التحية للاعزاء امير عون, محسن, محمد احمد الامين اولاد الحلفاية و محمد حسن الشايقي , واحمد خالد (سكول) الغرفة 13 النشر ومحمد طه وعلي الزج الغرفة 14 ويسن الميكانيكي الغرفة الجنبها وهيثم يوسف ومجذوب الدابي وبقية الحناكيش جنبهم وبقية الطابق الارضي بقيادة ادم امبدي 1986 النشر وعم مرزوق
ومرورا بكل الداخليات حتى جبل مرة 1990 عبد الرحمن محمد ادم ومحمد عبد الله شريف وعاصم واولاد امدرمان بهاء وخالد وامين ومحمد ابكر وحسين
وحتى تهراقا 1991-1992 مصطفى محمد علي بوب وود السر ووليد القرود واسامة سيدالرايحة وامجد زهير
وكل العقد الفريد
وتحية لاولاد مدني مبارك والصادق مهدي وعمر الحضري وعمر الخواض وعمر عائس وعصام الفذ وعاطف جلال
واولاد بورتسودان مامون ودالمكي وغزالي وعماد
وشلة المذاكرة نادر كوبر وياسر علي الشيخ والسر عنان
عمر السيد (توتي الجميلة)

Post: #1161
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-14-2008, 01:37 PM
Parent: #1160

سلام عمر السيد ..
أخبارك ؟
طيب ياخي انت ما دام عندك باسورد وين مختفي كده ؟ شاركنا شوية ..
بعدين ياخي سلمت على الناس دي كلهم .. نحن مالنا ؟
نسيت غرفتنا في كردفان ؟ عمر الصادق / معتز عريس / محمد هاشم / أكرم يوسف

تحياتي
ونتواصل

Post: #1162
Title: Re: اليوم الحار ومابنداريوم الهندسة والمعمار
Author: khaleel
Date: 05-14-2008, 01:46 PM
Parent: #1161

ابراهيم


عمر السيد( تمساح جلقني) مشتاقين شديد

هناك كميات من الصور قام بارسالها احمد شبو ومحمد حسن الشايقي

سنقوم بتنزيلها تباعا

Post: #1165
Title: Re: اليوم الحار ومابنداريوم الهندسة والمعمار
Author: omer alsayed
Date: 05-14-2008, 02:50 PM
Parent: #1162

في تمساح اكبر منك يا حنكوش ام دقرقر
وينك ووين ايامك لسه في قطر ولا اشتريت حواشة ورجعت البلد
وين سيد الرايحة وامجد وايه اخبار مصطفى بوب
حليل ايام تهراقا
وحليل ايام جبل اولياء
ولم تتحف الناس بذكريات الجبل الرائعة و"هادم اللذات" والغنماية واجدادنا القدماء والرحمة قبل العدل وافلام اخرى

Post: #1166
Title: Re: اليوم الحار ومابنداريوم الهندسة والمعمار
Author: khaleel
Date: 05-14-2008, 03:41 PM
Parent: #1165

Quote: وين سيد الرايحة وامجد وايه اخبار مصطفى بوب


تمساح جلقني

مصطفي بوب دكتور كبير في امريكا

سيد الرايحة مهندس كبير في ابوظبي

امجد زهير مدير مصنع ليبهر في امدرمان

انا موجود وغائب واصلو حب الناس مذاهب

Post: #1164
Title: Re: اليوم الحار ومابنداريوم الهندسة والمعمار
Author: omer alsayed
Date: 05-14-2008, 02:42 PM
Parent: #1161

الاخ العزيز ود امدرمان الظريف ابراهيم محمد الحسن
انساك هو انت بتتنسي
ولكنها كانت ضربة البداية
التقيت مصادفة قبل عدة سنوات بعمر فلاشا في الفجيرة وسالته عن اخباركم فردا فردا وععدني بانه حيجيب الكراس بكره (عارف انو الراس فاضي) ولكن لغايه هسه ما جابو وقال فيه كل الايميلات بتاعة الشباب
تحياتنا لاولاد الدفعة وسوال عن عريس (عرفت انه في هولندا) قابلت بالصدفة السنة الفاتت اكرم يوسف في مطار الخرطوم وعزمته عندنا في توتي ... وقبل ايام كنت في اجازة قصيرة لحضور زواج اخي الاصغر واتصلت بالاخ عبد المنعم ادم ومحمد حسن الشايقي وقالوا انهم حيتصلوا بالشباب ويحضروا ولكن ظروف طارئة بمصنع بيطار منعتهم من الزيارة
ولك الشكر اخي ابراهيم واتمنى التواصل
[email protected]

Post: #1163
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-14-2008, 02:40 PM
Parent: #1



رحلة السنة الرابعة 1989

1- ابراهيم ابوسمرة
2- العبد لله
3- الواثق تبيرة
4- خالد محمد عبدالله الخضر
5- خالد احمد الحاج

Post: #1169
Title: Re: اليوم الحار ومابنداريوم الهندسة والمعمار
Author: khaleel
Date: 05-14-2008, 10:48 PM
Parent: #1163

Quote: رحلة السنة الرابعة 1989

1- ابراهيم ابوسمرة
2- العبد لله
3- الواثق تبيرة
4- خالد محمد عبدالله الخضر
5- خالد احمد الحاج


عارف يا احمد التجاني

كان ما مجانية التعليم اولاد زي ديل عصار ما بلمنا بيهم

Post: #1167
Title: Re: اليوم الحار ومابنداريوم الهندسة والمعمار
Author: Elawad
Date: 05-14-2008, 05:12 PM
Parent: #1

عمر السيد؟؟؟؟
يا الله ياخ... و كيف إن شاء الله وجع الضهر راح؟
ياخي ما ممكن... كيف أخبارك بالله و وين أراضيك؟ تتذكر (ماكل يوسف من تعرى النساء له***هذي ثيابك يا ام درمان فاستتري) و مشاغلاتك لناس أبو الروس و عز الدين ود اسكول؟ و خليت الغلاط ولا لسة؟ تحاياي و توقع رسالة في الإيميل.

Post: #1168
Title: Re: اليوم الحار ومابنداريوم الهندسة والمعمار
Author: khaleel
Date: 05-14-2008, 09:50 PM
Parent: #1167

عمر السيد

العوض دها طبعا هو الخلوق ياسر علي الشيخ

Post: #1170
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-15-2008, 07:39 AM
Parent: #1168

العزيز عمر السيد ..
معتز عريس انتقل من هولندا إلى أمريكا زماااان .. وما شاء الله عندو اعتقد 3 أو أربعة أطفال (ربنا يحفظهم)
عمر فلاشا استقر في السودان ..
أكرم يوسف بين كندا والسودان ..

تحياتي
ونتواصل ..

Post: #1171
Title: Re: اليوم الحار ومابنداريوم الهندسة والمعمار
Author: khaleel
Date: 05-15-2008, 12:10 PM
Parent: #1170

عماد عيدروس

وينك كفيلك في الدوحة بسال منك سوال شديد

ابراهيم كتر خيرك والله شغال في البوست شغل محترم

Post: #1172
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-16-2008, 08:43 AM
Parent: #1171


والله بنحي الثورة
وبنسلم علي الود ابوسمرة
واحمد تجاني
والواثق
خالد بشت
ثم خالد الحاج
ويا ود التجاني بالله كثر من النوع ده
وجدع لينا الصلع والنظارات العاملة زي قزاز الفضية بتاعة ابو سمرة دي

Post: #1173
Title: Re: اليوم الحار ومابنداريوم الهندسة والمعمار
Author: khaleel
Date: 05-16-2008, 11:52 AM
Parent: #1172

تلقيت اتصالا هاتفيا بالامس من المهندس الخلوق محمد خير فتح الرحمن

وهو الان مدير كبير

كما اتلقيت عبر الماسنقر بمحمد الطيب ايريا وصديق ابو اللقس حتي الساعات الاول من الصباح

وقد حكي ايريا قصة جارة صديق ابواللقس حينما تم قبوله في البرليم

واحضرت له المكواة لاصلاحها بحكم ان الود المهندس

Post: #1174
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-17-2008, 11:28 AM
Parent: #1173

الأخ/ أحمد التجاني
تحياتي
الواحد لم يحظى بمقابلتك والتعرف رغم إننا موجودين في جدة ..
تعرف الفرق شاسع بين صورتك هنا وصورتك في لقاء بورداب جدة
أجيب الصورة ؟
ولا مافي داعي نكشف الأسرار

Post: #1176
Title: Re: اليوم الحار ومابنداريوم الهندسة والمعمار
Author: omer alsayed
Date: 05-17-2008, 01:44 PM
Parent: #1170

ابراهيم الرجاء مراسلتي على الايميل
ولو ممكن عنوان عريس وباقي الشباب
لن ننسى اياما مضت

Post: #1175
Title: Re: اليوم الحار ومابنداريوم الهندسة والمعمار
Author: omer alsayed
Date: 05-17-2008, 01:42 PM
Parent: #1168

ياسر علي الشخ ؟ حنكوش الواحة كوبر
مالو والكورة والعوض واهل العوض
اكيد دا واحد من اهلك ناس العوض

Post: #1178
Title: Re: اليوم الحار ومابنداريوم الهندسة والمعمار
Author: omer alsayed
Date: 05-17-2008, 02:11 PM
Parent: #1175

صدفة خير من مليون معاد
في صدفة غريبة وانا عابر من الخرطوم الى مسقط وفي صالة الترانزيت بمطار الدوحة التقيت بالدكتور الصادق مهدي وتبادلنا اطراف الحديث pull the edge of the speech ,وذكريات الجامعة والايام النضرة والفضل لهذا البوست الذي اعاد للذاكرة الخربة اجمل ما اختزنته من ذكريات
تذكرنا اولاد مدني بركة والحضري والخواض وعائس وجلي واولاد بورتسودان ودالمكي وعماد وغزالي ومعتصم وجمال بكري
تحياتي لاولاد نيالا محمد شريف وعبدالرحمن ورحمة الفاشر وكبر وفيصل ود الجيلي
تحياتي لولاد امدرمان جميعا ابراهيم وعريس وفلاشا وفيجوال ودبدوب
وابو الروس (عبقري الدروينق) والظريف بهاء (العب استوبر والمحسود على التربيت) والعبقري امين عمر والفنان ود ابكر وحفيد التيجاني يوسف بشير
والتحية لكل الدفعة وكل الطلاب والخريجين وعذرا للذاكرة الخربة

Post: #1177
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-17-2008, 01:54 PM
Parent: #1

Quote: الواحد لم يحظى بمقابلتك والتعرف رغم إننا موجودين في جدة ..


ولدنا العزيز ابراهيم
والله ماعارف انك فى جدة ابدا
عموما دة خبر كويس عشان نلتقى بك
واخوك بقى حريف قهاوى فى جدة عندما تتيسر التصاريح
باقى نحن حريتنا بقت مرهونة
اما موضوع الصورة
اريتا كمرة اساسى اليوم داك بالبندق اليفرطقها حتة حتة

Post: #1179
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-18-2008, 06:44 AM
Parent: #1177

الأخ عمر السيد
تحياتي ..
عملت ليك إضافة في المسنجر ، اتمنى نلتقي ونعيد سرد الذكريات ..
Quote: ياسر علي الشخ ؟ حنكوش الواحة كوبر
مالو والكورة والعوض واهل العوض
اكيد دا واحد من اهلك ناس العوض


ياهو (ياسرعلى الشيخ العوض) زاتووووووو
وهو مقيم حاليا في كندا ..

Post: #1180
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 04:26 PM
Parent: #1179

اليوم الحار موعود بصور تاريخية

بس كيكي اصحي من النوم عشان التكنلوجيا بتاعتي مش ولا بد

Post: #1181
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 04:45 PM
Parent: #1180

هذا الايميل من شبو


المكان قهوة الاندلس بالاسكندرية
الزمان 1991 (التدريب الصيفي بمصر
الحضور:
اسامة سيد الرايحة
ابوبكر حجازي
بركة
الحارث مصطفى
التجاني عبدالقادر
شخصي "الضعيف
ومن خلف الكاميرا الفنان الذي التقط هذه الصورة
اريا الملقب ب محمد الطيب سليم
علما بأن السمستر في الخرطوم كان شغااال وزملاءنا في المحاضرات والتيتوريلات والشباب في القهوة يجبدوا في الشيشة والقهوة والشاي للصباح




سبحان الله وبحمده سبحان الله العظيم

Post: #1182
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 05:50 PM
Parent: #1181

قمت بارسال الصور الي ياسر علي الشيخ لتنزيلها في البوست ان ما عرفت ليها

Post: #1183
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 06:31 PM
Parent: #1

أهلا بكل الشباب و دي الصور يا خلي:



Post: #1184
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 06:32 PM
Parent: #1




Post: #1185
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 06:33 PM
Parent: #1




Post: #1191
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 06:57 PM
Parent: #1185

هل كان قرو ليكوديا مخلصا أم كان عضوا مندسا
سيفه مع وضاح وقلبه مع ابو الليل
ما أحلاها الذكريات
يظهر في خلفية الصورة من الاحزاب الاخري غير الليكود
ابوالشوش،محمد قرني، وشخصي الضعيف"حينها والسمين حاليا" أحمدصلاح رسمي والوزير الحالي حامد صالح اسناى ومدثر الرشيد
لكم جميعا فائق التقديــــــــــــــر ومن الاشواق ابلغها


الكلام لاحمد شبو

Post: #1199
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:24 PM
Parent: #1185

الليكود تعبير اطلق ايام مقاطعة الامتحانات علي

مجموعة وضاح عبيد هشام جادالله وجدان الخير

وفي الصورة هم اليكود

وضاح وجدان سوسن هشام جادالله

اما الكنيست

وليد القرود واحمد شبو

Post: #1186
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 06:34 PM
Parent: #1




Post: #1192
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:02 PM
Parent: #1186

والله كلما اشوف الصورة دي استخسرها في الناس الصورتهم فيها
وما لاقي أي سبب دعاني لخسارة هذا الكرت الذي كان اولى به احدي حسناوات الهندسه
if any!!
الحاجة المؤسفة اشكالهم تبدوا مهندسي كاملي الدسم
في ذلك اليوم ابتلى القطاع الهندسي وخصوصا الهندسة المدنية بدخول بعض العناصر المستهترة والغير مسؤلة زي ما قال د. عبدالله ابراهيم الله يطراه بالخير

لكن مهما تجافينا بنقول حليييييلا - الذكريات


الكلام لاحمد شبو

Post: #1203
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:34 PM
Parent: #1186

الحارث مصطفي الملاح (دائما بسف ملح

احمد محي الدين( ابو الليل خير من يكسر فتيل)

مبارك وداهلي عبقرينو

Post: #1187
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 06:37 PM
Parent: #1




Post: #1188
Title: Re: اليوم الحار ومابنداريوم الهندسة والمعمار
Author: محمد البشرى الخضر
Date: 05-18-2008, 06:50 PM
Parent: #1187

العوض يا عمك
الصورة اعلاه دي سنة كم؟
الشاب العليه الدايرة دا دفعتنا محمد الخاتم عوض الكريم ود فداسي


Post: #1190
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-18-2008, 06:56 PM
Parent: #1188


ياعمك انت عجزت ولا شنو
اها نعرفك بدفعتك ده ود امدقرسي
المكنيكي محمد الخاتم ود دفعتكم ومعاهو ود دفعتنا الشهير الاديب الكبير
محمد الطيب سليم (ايريا) صاحب رواية مسار الاسراب...

وود الخاتم برلومنا وحبيبنا شديد
الا انني اعيب عليه قولته الشهيرة (كيكي هوائي)

يا ود البشري انت ذاتك دفعتنا يازول هوووي

Post: #1193
Title: Re: اليوم الحار ومابنداريوم الهندسة والمعمار
Author: محمد البشرى الخضر
Date: 05-18-2008, 07:03 PM
Parent: #1190

كيكي يا عمك ...
والله صحي الكبر دخل
امدقرسي فعلا
فداسي دي زميلنا و عضو البورد جعفر بشير
الصورة كانت سنة كم؟
طيب معناها اتقابلنا مفروض يا عمك
انتو كنتو بتخلطوا وين؟

Post: #1194
Title: Re: اليوم الحار ومابنداريوم الهندسة والمعمار
Author: محمد البشرى الخضر
Date: 05-18-2008, 07:08 PM
Parent: #1193

اها يا اخوانا دي دفعة 90



عرفتهم يا كيكي

Post: #1195
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-18-2008, 07:10 PM
Parent: #1193

Quote: انتو كنتو بتخلطوا وين؟

ياعمك احنا كنا صحراويين ناس كراكير وخجانين
والخلط ده شعر ما عندنا ليهو رقبة مع ناس الليكود ديل..
لكن لو طرفت كده بتلقانا قاعدين دافنين دقن...!!

ياخ انا لمن شفت صورتك اتذكرت اني قابلتك مع وداهلي جلال السيوطي.
وطبعا واحنا خامسة وانتو ثالثة امتحنا في قاعة واحدة وبتذكر اني بعد اخر امتحان جدعت القلم لجلال لانو كان قاعد جنبي وقلت ليهو يا ود امسك السلاح ده قوووي...
ومن اليوم داك وانا ساكي جلال عشان يرجع لي القلم بتاعي عشان اعمل ماجستير
..
جيبو القلم ده يا اولاد خلو خالكم كيكي يجدع شوية في القراية تاني

Post: #1189
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 06:54 PM
Parent: #1187

صورة نادرة من البوم التخرج
والجميع من افضل ما انتجته الكلية من تبغ
الرجاء اقتصار التعليق علي الافراد فقط دون التطرق لأي علاقات بينية
وذلك لحساسية وتشعب الامر
ولو أنت نسيت انا ما نسييت

الكلام لاحمد شبو

Post: #1196
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:12 PM
Parent: #1187

هذه الصور ضمت معظم المظليم اكاديميا وعاطفيا



عمر الحبر مخضرم عزالدين محمد مخضرم احمد محي الدين شفت ياسر الفنان مخضرمين

امل بيومي شطارة خالد سعد شاطر شبو شاطر وليد القرود سيد الخضرمة ابوبكر حجازي طاعن في الخضرمة

محمد الخاتم شاطر ايريا خضرمة جد اشرف منير شفت اليسع افتكر مخضرم شوية

Post: #1197
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 07:16 PM
Parent: #1

ود البشرى
والله الصور دي رسلها لي خليل و نشرتها. عرفت منها بعض الناس زي: وليد قرود و أحمد محي الدين و وضاح محمد عبد الحي و اليسع و الحبر و عز الدين و هشام جاد الله و بهاء الدين بخيت و المرحوم منصر البشير و خالد سعد حلمي و أشرف منير. لكن يا أبو حتحوت ما طلعت عجوز... ما عارف ليه كنت قايلك من الناس الاتخرجو سنة 2000 و انت طالع طلعت ورانا بدفعة واحدة يعني = ع – 1. حيث ع = عجوز.

Post: #1198
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-18-2008, 07:19 PM
Parent: #1197

Quote: عرفتهم يا كيكي

عرفتهم كلهم ياعمك لكن القصة ملخبتة شوية
عبدالرحمن بري ده الجابو شنو مع الجلاكين ديل

Post: #1200
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-18-2008, 07:29 PM
Parent: #1198


ياسسسسلام علي الخضرمة
ود الحبر
وطارق السنوسي
ومنير عوض
وجميع الاخوة الكرام
والله زمان ياجدعان

شكرا يا العوض علي هذه الخدمات الوريفة
وياريت تصغر لينا الصورة دي يا العوض

Post: #1212
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-19-2008, 08:56 AM
Parent: #1200

شباب شغلكم نضيييييف ....
أأي كده بالله حركوا البوست وخلوه فوق دائما ..

أمس تواصلت مع الأخ عمر السيد في سلطنة عمان بعد طول سنين
كمان هاتفني الأخ محمد أبكم من الرياض
والفضل في هذا التواصل للبوست اللي ربط الناس في مختلف البقاع ..

دمتم
ونتواصل

Post: #1201
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:29 PM
Parent: #1198

يا ياسر

نزل باقي الصور

Post: #1202
Title: Re: اليوم الحار ومابنداريوم الهندسة والمعمار
Author: محمد البشرى الخضر
Date: 05-18-2008, 07:31 PM
Parent: #1198

العوض يا عمك...
Quote: لكن يا أبو حتحوت ما طلعت عجوز... ما عارف ليه كنت قايلك من الناس الاتخرجو سنة 2000 و انت طالع طلعت ورانا بدفعة واحدة يعني = ع – 1. حيث ع = عجوز.

وطي صوتك اب شنب ما يسمعك
ياخي احنا سكنا في المنهل و كنا بنقدم الجكس للبركس
اها رايك شنو اتحداك تكون حضرت زمن زي دا

كيكي
بالله كان ما عرفتهم قول عادي ما تخمنا ساي
بعدين بري دفعتنا طبيعي تلقاه مع الجلاكين
لكن دا ما هو
بديك لغاية بكرة عشان تعرفهم كويس معاك

Post: #1204
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:38 PM
Parent: #1202


الكلام لاحمد شبو

واحدة من الخسائر الكبري التي تذكرتها بعد رجوعى من السودان هي اننى لم اتشرف بمقابلة شيخنا عمر الحبر
وتلك من الغايات التي تضرب لها اكباد الابل فما بالك بالسفر عن طريق الايربص الساهل
غالينا الحبر لك في النفس مودة لاتزول
وفي القلب شوق كثير عساك وجميع الاهل بخير
نرجوا الا تنسانا من اخبارك وبركاتك
وطلبك علي العين والراس
مع الاعتذار لأبطال القصة
النجم الباشمهندس بيكو
والنجم الدكتور عبدالله (لاليه
والكمبارس الباشمهندسين رد الله غربتهم:
غازي محمد احمد
التجاني ع القادر
المبارك عثمان (بركة
معاوية الريح
حامد عجبان
ومن مهندسي الداخل

Post: #1205
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:43 PM
Parent: #1204

الكلام لمعاوية الريح









قال لها ألا تلاحظين أن الكـون ذكـر ؟

فقالت له بلى لاحظت أن الكينونة أنثى...
!قال لها ألم تدركي بأن النـور ذكـر ؟
فقالت له بل أدركت أن الشمس أنثـى ..!
قـال لهـا أوليـس الكـرم ذكــر؟
فقالت له نعم ولكـن الكرامـة أنثـى !
قال لها ألا يعجبـك أن الشِعـر ذكـر؟
فقالت له وأعجبني أكثر أن المشاعر أنثى!
قال لها هل تعلميـن أن العلـم ذكـر؟
فقالت له إنني أعرف أن المعرفة أنثـى!
فأخذ نفسـا ًعميقـا
ًوهو مغمض عينيه ثم
عاد ونظر إليها بصمت
لـلــحــظــات
وبـعـد ذلك.
قال لها سمعت أحدهم يقول أن الخيانة أنثى.
فقالت له ورأيت أحدهم يكتب أن الغدر ذكر.
قال لها ولكنهم يقولون أن الخديعـة أنثـى.
فقالت له بل هن يقلـن أن الكـذب ذكـر.
قال لها هناك من أكّد لـي أن الحماقـة أنثـى
فقالت له وهنا من أثبت لي أن الغباء ذكـر.
قـال لهـا أنـا أظـن أن الجريمـة أنـثـى.
فقالـت لـه وأنـا أجـزم أن الإثـم ذكـر.
قـال لهـا أنـا تعلمـت أن البشاعـة أنثـى.
فقالـت لـه وأنـا أدركـت أن القبـح ذكر.
تنحنح ثم أخذ كأس الماء
فشربه كله دفعة واحـدة
أما هـي فخافـت عنـد
إمساكه بالكأس مما جعلها
ابتسمت ما أن رأته يشرب
وعندما رآها تبتسم له
قال لها يبدو أنك محقة فالطبيعة أنثـى.
فقالت له وأنت قد أصبت فالجمال ذكـر.
قـال لهـا لا بـل السـعـادة أنـثـى.
فقالت له ربمـا ولـكن الحـب ذكـر.
قال لها وأنا أعترف بأن التضحية أنثـى.
فقالت له وأنا أقر بأن الصفـح ذكـر.
قال لها ولكنني على ثقة بأن الدنيا أنثى.
فقالت له وأنا على يقين بأن القلب ذكر.
ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ًطــالــمــا أن . . .
الـسـؤال ذكـــر
والإجـابـة أنـثــى

Keep Smiling

Moawia




B.Regards

Moawia

Post: #1206
Title: Re: اليوم الحار ومابنداريوم الهندسة والمعمار
Author: Elawad
Date: 05-18-2008, 07:53 PM
Parent: #1

والله يا ود البشرى لو دفعة 1990 برضو حمتك خفيفة شوية. نحنا ناس 1986. والله يا عبد الكريم تصغير الصور دا ممكن لكن مشكلني بشتغل شختك بختك يعني ما بعرف أوزن المقاس المطلوب بالتحديد. بجرب مرات تضرب و مرات تجلي.
صور جديدة من طرف خليل رسلها ليهو شبو:




















Post: #1207
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 07:56 PM
Parent: #1206

يا ربي

احمد القرشي بتاع (mbc)

متصور جنب فصمة وللا انا كبرت

Post: #1208
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 08:07 PM
Parent: #1207

عليكم الله

قارنوا صور

شبو والتجاني ومبارك ومعاوية في دبي

وصورهم ايام الكلية

احب تفاح دبي ذاتو البعمل الجضوم

Post: #1209
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 09:11 PM
Parent: #1206

صورة الشباب في القطر

علق عليها احد الشباب بانها الفراش المبثوث

Post: #1210
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 09:26 PM
Parent: #1209

ابراهيم محمد الحسن

في ناس ما عرفناهم

Post: #1211
Title: Re: اليوم الحار ومابنداريوم الهندسة والمعمار
Author: khaleel
Date: 05-18-2008, 11:42 PM
Parent: #1210

ناس سبعة وتمانين نشطين في البوست

وين البقية والصور

Post: #1213
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-19-2008, 09:17 AM
Parent: #1211

الصورة دي لناس كهرباء 87 ..
إحتفال فوز معرض الإلكترونيات بالمرتبة الأولى في أسبوع المهندس


- التعديل لتصغير الصورة ..

Post: #1214
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-19-2008, 09:23 AM
Parent: #1213

طارق حمادة
رائد عباس
هيثم
نجيب
أنا
عز الدين عبيد
سامي عبد الكريم
محمد أبو القاسم
حسان عباس
أمل بيومي
د. نجلاء عثمان
هالة كزن
معاوية عابدين
نزار جعفر
طارق حمزة
كباشي

Post: #1215
Title: Re: اليوم الحار ومابنداريوم الهندسة والمعمار
Author: الحبر عبدالوهاب الكباشي
Date: 05-19-2008, 09:43 AM
Parent: #1214

الاخوان شبو وخليل وعبدالكريم الامين
الاخ عمر الحبر يبلغكم تحاياه ويقول لكم
انه سيكون معكم في البوست قريبا وهو منتظر الباسوورد
والاخ بكري معاه هناك في السودان

Post: #1216
Title: Re: اليوم الحار ومابنداريوم الهندسة والمعمار
Author: khaleel
Date: 05-19-2008, 08:52 PM
Parent: #1215

Quote: الاخ عمر الحبر يبلغكم تحاياه ويقول لكم


الحبر الكباشي

هلا باحفاد سيدي الشيخ الكباشي

(اوعو من حللو بيعطي سر الله من بطن قللو)

والله اكبر مكسب للبوست عمر لان هذا الرجل عاش الف عام

Post: #1261
Title: Re: اليوم الحار ومابنداريوم الهندسة والمعمار
Author: هشام مدنى
Date: 05-24-2008, 08:06 PM
Parent: #1214

Quote: طارق حمادة


ابنى .....وابن اختى

تحياتى لكم

Post: #1221
Title: Re: اليوم الحار ومابنداريوم الهندسة والمعمار
Author: omer alsayed
Date: 05-21-2008, 08:15 AM
Parent: #1206

السلام عليكم اخي ياسر
بيقيت العوض وفاتح استديو في كندا
منو العوض
وينك ويين ايامك ووين لياليك
مشتاقين ليك وللعقد الفريد كوبر ابوالروس بهاء والسر عنان وبقية العقد

Post: #1222
Title: Re: اليوم الحار ومابنداريوم الهندسة والمعمار
Author: khaleel
Date: 05-21-2008, 10:57 AM
Parent: #1221

منو العوض

عمر السيد

العوش ابو اهل العوض

وفي الانتظار علي (MBC)


كثيرا من الصور بس شبو ارسل وانا بنزل

Post: #1265
Title: Re: اليوم الحار ومابنداريوم الهندسة والمعمار
Author: Montasir Abbas
Date: 05-25-2008, 05:23 AM
Parent: #1206

شبو اللذي... جلس بجانب بركه

يا شباب دبي بالله تلفوناتكم بال e-mail

ضروري جدا، إحتمال نقدر نتلاقي الاسبوع الجاي

و ياريت يا خلي لو ترسل لي تلفونك و تلفونات اشرف منير و كتمبور و صلاح مخو طار و بقيه الشباب الفي السودان

Post: #1217
Title: Re: اليوم الحار ومابنداريوم الهندسة والمعمار
Author: Montasir Abbas
Date: 05-20-2008, 04:18 AM
Parent: #1

سلامات يا خليل و باقي العقد الفريد
و عاشت الهندسه و ايام الهندسه، و إنشاء الله نجتمع في ساعه خير

الصور و الله اكثر من رائعه، اعادتنا لأيام ظنناها ولت ووجدناها عالقه بالدواخل تعلق اجسادنا من عراقيبنا ايام زنقه السمستر

و اللا شنو يا خلي؟

يا حليلكم و الله

Post: #1218
Title: Re: اليوم الحار ومابنداريوم الهندسة والمعمار
Author: khaleel
Date: 05-20-2008, 10:58 AM
Parent: #1217

منتصر

حليلك وحليل ايام

لا نقول تلك ايام قد خلت لانها كانت اجمل الايام وكل حياتنا ومستقبلنا ارتبط بتلك الايام

وهي في الوجدان والخاطر والنبض والانفاس

Post: #1220
Title: Re: اليوم الحار ومابنداريوم الهندسة والمعمار
Author: khaleel
Date: 05-20-2008, 06:27 PM
Parent: #1218

ابو كدوك

مشتاقين يا نمس

Post: #1223
Title: Re: اليوم الحار ومابنداريوم الهندسة والمعمار
Author: khaleel
Date: 05-21-2008, 12:04 PM
Parent: #1220

سبق صحفي

سجلوا علي لساني

ورددوا معاي

عمر الحبر جاء

عمر الحبر جاء

عمر جاء

Post: #1224
Title: Re: اليوم الحار ومابنداريوم الهندسة والمعمار
Author: khaleel
Date: 05-21-2008, 07:37 PM
Parent: #1223

ما زلنا في انتظار عمر الحبر الذي هاتفني اليوم وافاد باستلامه المشاركة

وقد حكي لي قصته مع ابو اللكس في السعودية

حيث قال انه وجده في الصف الاول في صلاة الفجر واصيب بالذهول

لانه تخيل ان يجده في صف عيش صف بنزين لكن صف صلاة

وانك لا تهدي من احببت ولكن الله يهدي من يشاء

Post: #1225
Title: Re: اليوم الحار ومابنداريوم الهندسة والمعمار
Author: khaleel
Date: 05-21-2008, 11:55 PM
Parent: #1224

يا اخوانا شايفين مداخلة

لعمر الحبر في البوست دها

باقي الراجل جديد

انا خائف اكون كتب في بوست تاني

Post: #1226
Title: Re: اليوم الحار ومابنداريوم الهندسة والمعمار
Author: khaleel
Date: 05-22-2008, 00:25 AM
Parent: #1225

يغادرنا لامريكا

الكاتب الكبير

محمد الطيب ايريا

مشاركا في ندوة عن كتابة الشباب

ممثلا للسودان

لقيتها يا ايريا والله

Post: #1227
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-22-2008, 07:28 AM
Parent: #1226

وين عمر الحبر
منتظرين حكاويه

Post: #1228
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-22-2008, 12:32 PM
Parent: #1

(حاولت طوال حياتى معرفةالسر فى جمال الزمن القديم واتفاق الجميع على جماله وتميزه على الزمن الحالى ولم اوفق فى العثور على سبب محدد لذلك ابدا وسلمت اخيرا حين بدت الحياة تبرز وجهها الكالح الملئ بالكابة بان الزمان القديم كان بلا شك اجمل) هذا ما قاله الكاتب الكبير والصديق العزيز الباشمهندس محمد الطيب سليم المعروف بايريا او كما قال احمد شبو ايريا المعروف بمحمد الطيب فى روايته الرائعة مسار الاسراب.
التحية لى ابو القوق وكيكى وابراهيم وعيدروس وكل من شارك فى هذ البوست الرائع وكل عمالقة هندسة.
الجامعة حظوظ وانا حظى جميل مادام الهندسة جيتا عديل
للكاسات دايما بتشيل وقالو حلاتا كمان بالليل
خصمها منو الدمعة تسيل ورغم عتاوتو بيبدو هزيل
بالTتاريخ ابداعا طويل بالSET ست كل عظيم واصيل
من موروثاتاجيل عن جيل شمار الجامعة عليها بميل

دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل
ويللا يا شباب

Post: #1229
Title: Re: اليوم الحار ومابنداريوم الهندسة والمعمار
Author: khaleel
Date: 05-22-2008, 12:43 PM
Parent: #1228

Quote: الجامعة حظوظ وانا حظى جميل مادام الهندسة جيتا عديل
للكاسات دايما بتشيل وقالو حلاتا كمان بالليل
خصمها منو الدمعة تسيل ورغم عتاوتو بيبدو هزيل
بالTتاريخ ابداعا طويل بالSET ست كل عظيم واصيل
من موروثاتاجيل عن جيل شمار الجامعة عليها بميل

دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل
ويللا يا شباب


واخير رمتكم الهندسة بفلذة كبدها

مرحبا عمر الحبر

Post: #1230
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-22-2008, 01:07 PM
Parent: #1

تعرف انا وابوبكر الصديق(اليابان) او (اللبش)من الذين حظو
بالسكن فى البركس قبل ما ندخل الجامعة كنا فى ثالثة ثانوى
ونميرى قفل المدارس الى اجل غير مسمى فاقترح علينا زميلنا
مهدى الجزولى ان نعمل معسكر كسر فى البركس فى غرفة شقيقه
عبدالرؤوف (كلية العلوم)فى داخلية السوباط اخدنا فيها فترة
اندهشنا فيها من روعة حياة الطلبة فى الجامعة وفى وقتها صممنا
وعزمنا على دخول الجامعة وقد كان
وبدا المشوار

Post: #1231
Title: Re: اليوم الحار ومابنداريوم الهندسة والمعمار
Author: khaleel
Date: 05-22-2008, 01:11 PM
Parent: #1230

Quote: تعرف انا وابوبكر الصديق(اليابان) او (اللبش)من الذين حظو



تاني الحبر ما بقيف

اقدل انت في امان الما بهمل جارو

Post: #1232
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-22-2008, 01:38 PM
Parent: #1

حقو يا شباب اى واحد يورى الناس ال index بتاعو وبوضح
اذا كان ال index حقو بالميلاد ولا تسنين عشان نفرز الشفع
الصغار من الناس الكبار
طبعا نحن اولاد84 ومن القصص الطريفة فى البرليم كنا انا
وابوبكر الصديق عاملين شفوت ومهرجين كبار جدا يوم حاولنا
نستهبل على برالمة مصريين كانو معانا فى الداخلية لكن بينى
وبينكم الجدعان اكلونا حنك وهزمونا فى الحوار الاستهبالى
هزيمة نكراء فانا كنت طول الليل افكر فى طريقة للرد.
الصباح قابلت واحد منهم اسمو كريم قلت ليهو تعرف انا عندى
مطوة جبتها مخصوص ليكم وحا الاقيكم واحد واحد(كنوع من الهرشة وكدة)
بعد رجعنا البركس جونا ليك العصر فى الاوضة لابسين فنايل وشورتات
وشايلين ليهم كورة قالو لينا(احنا عايزين نلعب معاكو ماتش بس كابتن
حبر يلعب معانا احنا بقى)

Post: #1233
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-22-2008, 01:49 PM
Parent: #1232

Quote: دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل
ويللا يا شباب

نعم ياخليل
الهندسة الان رمت سودانيز اونلاين والاسفير العربي والافريقي عموما بفلز من اجمل فلزات اكبادها
والله مشتاقين يا الحبر
كدي خلينا نبل الشوق شوية
ثم نمشي للمصريين الشفوت الاكلوكم حنك انت وابوبكر

ياخ البوست ده احلووو خالص خالص علي قولة ابو القووق (خالص خالص)
ومن حسع مبلشين كل البوستات المجاورة ومجاورين الحبر....


وارفع ياحبر ارفع

Post: #1234
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-22-2008, 02:02 PM
Parent: #1

والله مشتاقين يا كيكى يا عملاق والله ايام يازمان
تعرف رجعتونا لاحلى ايام العمر

Post: #1235
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-22-2008, 02:10 PM
Parent: #1234

Quote: والله مشتاقين يا كيكى يا عملاق والله ايام يازمان
تعرف رجعتونا لاحلى ايام العمر

هلا يا حبر وسلام شديد والله
واليوم الحار يا الحبر فعلا بوست مولع حار واكيد حيولع زيادة بحضورك
وابو القووق لعب ماتش كبير ورجعنا جميعا لايام خالدات
واصبح شجرة ضخمة يلتقي فيها في الخلان والاصحاب وجيل ذلك الزمن الجميل
فانا يا الحبر اسميه البوست الهندسة ففيه حكاوي وشواكيش وشعر وخيبات امل وفرح وكورة
وجكس وسياسة وكلامات كثيرة وطاعمة مالية اسفير هذا البوست...

والف حبابك يا الحبر يا صديقي والان جميعنا في انتظارك عشان تمسك الوردية

Post: #1236
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-22-2008, 02:17 PM
Parent: #1

انا حا اغيب شوية وارجع احكى عن الشواكيش وتصنيفاتها
فهى انواع منها المرزبى الكبير ومنها البلاستيكى ولكل
واحد خصائصهز
خلينا نقول غيب وتعال

Post: #1237
Title: Re: اليوم الحار ومابنداريوم الهندسة والمعمار
Author: khaleel
Date: 05-22-2008, 02:21 PM
Parent: #1236

Quote: فانا يا الحبر اسميه البوست الهندسة ففيه حكاوي وشواكيش وشعر وخيبات امل وفرح وكورة
وجكس وسياسة وكلامات كثيرة وطاعمة مالية اسفير هذا البوست...



والله الحبر في البوست

حايكون زي هيثم مصطفي في الهلال

Post: #1238
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-24-2008, 07:00 AM
Parent: #1237

نكرر التحية والترحاب بالباشمهندس الحبر هنا في أرضه ..
ويا خليل طلعت ماك هين .. بتعرف تصطاد اللعيبة الكبار والحريفين .. التقول جمال الوالي
بالله واصل .. ونحن معاك ..
يا كيكي ترشيحاتك منو تاني من اللعيبة الكبار عشان نخلي خلي يلعب لعباتو ويستقطبهم لينا هنا ..
Quote: الجامعة حظوظ وانا حظى جميل مادام الهندسة جيتا عديل
للكاسات دايما بتشيل وقالو حلاتا كمان بالليل
خصمها منو الدمعة تسيل ورغم عتاوتو بيبدو هزيل
بالTتاريخ ابداعا طويل بالSET ست كل عظيم واصيل
من موروثاتا جيل عن جيل شمار الجامعة عليها بميل

ويا حلات الهندسة بالليل ..

Post: #1239
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 10:30 AM
Parent: #1238

Quote: يا كيكي ترشيحاتك منو تاني من اللعيبة الكبار عشان نخلي خلي يلعب لعباتو ويستقطبهم لينا هنا


تسعي غرفة تسجيلات اليوم الحار

لضم محمد ايريا كليبرو

ابو سمرة مساك يمين

احمد شبو ارتكاز

Post: #1240
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 11:51 AM
Parent: #1239

وضروري يا خليل وابراهيم
يتم تسجيل طه النور كلاعب وسط
ومحمد بدوي كصانع العاب
وياريت لو ادونا من وليد فوكس فرصة والصادق فيصل
واشرح ايضا حامد عجبان(تنت)كمساك لفت يا خليل

Post: #1241
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 11:54 AM
Parent: #1240

Quote: واشرح ايضا حامد عجبان(تنت)كمساك لفت يا خليل



دها صعب

عشان ناس تشيلسي دفعوا فيهو خمسين مليون دولار ما بجينا

Post: #1242
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 12:05 PM
Parent: #1241


معتز قريش ده فايروس وجاسوس ما دايرين نجيبو البوست ده
لكن عشان ها الطلة الخليلية ونزولا عن رغبات الجماهير فلابد
من ها الجلابية البيضاء ومكوية

Post: #1243
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-24-2008, 12:32 PM
Parent: #1

قبل ما ادخل فى اى موضوع برشح درة الهندسة عمر حسين
ود الحاكم راس حربة طبعا حا يلعب مع شبو ون تو رهيب
وهلا يا شباب

Post: #1244
Title: Re: اليوم الحار ومابنداريوم الهندسة والمعمار
Author: محمد البشرى الخضر
Date: 05-24-2008, 12:35 PM
Parent: #1

تزامن ترشيحي لعمر حسين مع ترشيح ود الحبر

Post: #1245
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 12:41 PM
Parent: #1244

Quote: درة الهندسة عمر حسين

عمر حسين محلو فاضي والله في المنبر
ولو جاء ناس كتار عليهم ان يتضايروا واولهم انا
يا ده لسانو سلبة ياخي..
ويلا ياحبر بالله دردقوا لينا الزولة ده

Post: #1246
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-24-2008, 12:43 PM
Parent: #1

مرة اتصلت على ودالحاكم من مكة ايام الحج وقلت ليهو
قابلت فى الحج يوسف جيرمان وياسر المر وسمعث انو هشام
civilكمان فى الحج وحمد خوجلى . قام قال لى بعد انتهى
الحج امشى الكعبة امكن تلقى ورقة معلقة مكتوب فيها
the following are recommended torepeat the haj

Post: #1247
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-24-2008, 01:04 PM
Parent: #1

نحن القدام قاعدين كنب اى امتحان بنقول صعب
مافى امثحان ما شلنا صب
سنة اولى عديناها نوم على اللكاشر ما بنحوم
مرقنا الله من العلوم ومشينا تانية بعد تعب
فى تانية ما خشينا لاب ما فتحنا ولا كتاب
كل المواد شتناهاgab وفى اساتذة ما شافونا تب
فى تالتة حارسين البركس تايمين وناكل فى العدس
قافلين على الpush والثرس قصونا ليك زى العجب
فى رابعة مدتنا انتهت طلباتنا وصلت ل ال senate
لما القراية اتحسنت قديتا بالحظ الكعب
وصلنا خامسة بعد سنين مربتين ومدسمسين
حلفنا ما متخرجين لو مافى ناس مسكو الدرب

Post: #1248
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 01:09 PM
Parent: #1247

Quote: وصلنا خامسة بعد سنين مربتين ومدسمسين


صدق عمر الحبر

Post: #1249
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 01:14 PM
Parent: #1248

Quote: حلفنا ما متخرجين لو مافى ناس مسكو الدرب

ده منفستو وقسم بتاع مخضرمين كبار
وواصل ياحبر يااعظم

Post: #1250
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 01:16 PM
Parent: #1249

Quote: فى تانية ما خشينا لاب ما فتحنا ولا كتاب


انعل ابو تانية في القبل الاربعة

Post: #1287
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 04:15 PM
Parent: #1250

انعل ابو تانية في القبل الاربعة
قول الله يسامحك يا دكتور التاج اصلو الراجل كان
دكتور جديد ونفش ريشو عليك لكن لولاه ما كنت
صاحبت ناس 87 تللك الدفعة الفريدة اسالنى انا خبير
الدفعات من(...) الى(....)

Post: #1253
Title: Re: اليوم الحار ومابنداريوم الهندسة والمعمار
Author: Waeil Elsayid Awad
Date: 05-24-2008, 02:10 PM
Parent: #1247

بالله هو النشيد دة من زمنكم؟
الغريبة (وانتو فى عهد السفرة )
برضو بتاكلو فى العدس ؟
احنا لحقنا ناس سنة خامسة عندهم كبونات كنا بنشتريها منهم
(غالبا من الطلبة الما ساكنيين داخليات )
انحنا المابننغش غشونا يوم
غرقونا و مافى زول بيعرف يعوم
عطشونا وقاللينا كدو دوم
ادونا اكبر مقلب فى جامعة الخرطوم

قالها واحد من اصحابنا و هى طبعا اطول و اجمل من كدة كلها دبرسة و احباط


فى زول عندو النشيد القومى بتاع هندسة ؟؟؟؟؟؟

Post: #1251
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-24-2008, 01:48 PM
Parent: #1

قال احد المخضرميت ات الشاكوش المرزبى من النوع aيحدث
عتدما يكون الطرفان قد تعمقا فى الحب وذكر كلاهما للاخر
شفاهةانه لا يستطيع العيش بدون الاخروبعدالعيش فى هذا
الحال لفترة طويلةيبدا التراجع ويقع الشاكوش فثكون الضربة
فى الراس و تحديدا فى ما يسمى بالنافوخ ومن الاثار الفورية
فقد الحواس الخمسةكليالمدة تتفاوت حسب تحمل الشخص المشوكش
(بقتح الميم والكاف)يبدا اسنعادتها بالتدريج وببط وحتما يسبب
هذا النوع عاهة مستديمة
ولا يقبل الشخص المشوكش اى عبارات مواساة لانه يظن ان لا احد يحس
بحقيقة الحالة ال هو فيهافلا مجال لاصدقا المشوكشين للمواساة
الا ان يهدو لهم علبة مناديل او شريط لهاشم ميرغنى

Post: #1252
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 02:03 PM
Parent: #1251


هاشم ميرغني

Post: #1254
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 02:13 PM
Parent: #1252

Quote: هاشم ميرغني


لا حباك قطيط لا لقيت التقر

يا ابو القوق كفاك ارجع لامدقر

Post: #1255
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 02:41 PM
Parent: #1254

وين السيد المهندس

النور جابر

الود نادر كوبر

المحايدين ديل

Post: #1256
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 05:36 PM
Parent: #1255

عمر حسين

خير من يتحدث عن الهلال والسيمستر

Post: #1257
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 06:55 PM
Parent: #1256

مفاجاة سارة

سيقوم المهندس

عماد عائد

بمدنا بصور كثيرة جدا

لدفعة 85

ترقبونا بعد حين

Post: #1258
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 07:06 PM
Parent: #1257

والله خلي العين باردة
فاليوم الحار ماشاء الله اليومين دي خامج السوق خمج جد
وبحضور الاسطوري عمر الحبر اقترح تنظيم الشغل وتحديد محاور للتداعيات
عشان الجماهير تتمتع بمزيد من الدهشة...وكرع

Post: #1259
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 07:14 PM
Parent: #1258

Quote: وبحضور الاسطوري عمر الحبر اقترح تنظيم الشغل وتحديد محاور للتداعيات


نعم كيكي

هناك لغط وجدل وضبابية عن الدور الذي يمكن ان يلعبه الحبر في هذا البوست

ونحن تعلم بان هناك هناك مياه كثيرة مرت تحت الجسر

ولكني اقترح الا نقيد الحبر باي وظيفة بل نجعله حرا طليقا

كالفراش من زهرة لاخري

رايك في اللغة بتاعة اركان النقاش

Post: #1260
Title: Re: اليوم الحار ومابنداريوم الهندسة والمعمار
Author: khaleel
Date: 05-24-2008, 07:55 PM
Parent: #1259

الحبر احسن يبدا من سنة اولي

Post: #1296
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 10:51 AM
Parent: #1260

Quote: الحبر احسن يبدا من سنة اولي

نحن دخلنا نوفمبر 1984 وكان حياة الجامعة شى مدهش
بالنسبة لينا اولا فى الجانب السياسى ما كنا نتوقع
انو يكون فى زول ممكن يهاجم جعفر نميرى والحكومة
عينك يا تاجر ومافى زول يسالو طبعا دة كان فى اركان النقاش
والندوات السياسية وكان اتحاد الطلاب انذاك اتحاد التحالف
او اتحاد الدغير كما كان يسميه البعض اذ كان رئيس الاتحاد
الباشمهندس عمر يوسف الدغير .
وكان فى نشاط ثقافى واجتماى ورياضى كبير جدا جدا امكن كل يوم تلقى
اعلان من رابطة من الروابط الاقليمية بتحتفل باستقبال البرالمة ووداع
الخريجين اما فى دار الاتحاد او فى الجامعةوكمان الروابط بتعمل اسابيع
ثقافية تحتوى على برامج مختلفة من معرض كتاب وندوات شعر وخلافه وطبعا حفل
افتتاح وختام فنحن صراحة فى البرليم ما قرينا حاجة لان الحاجات دى جديدة علينا
والميدان الشرقى كان كوم تانى لانو ما كان مجرد كورة وبس كان فى ابداع شديد جدا
من المشجعين فى طريقة التشجبع والاغانى والاناشيد البشجعو بيها وطبعا هندسة الاولى بلا شك
فى المجال دة وبالمناسبة اليوم الحار وما بندار يوم الهندسة والمعمار من اقدم ماشجع
به تيم الهندسة وهو اصلا مقتبس من جلالة من جلالات عساكر الجيش

Post: #1262
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-24-2008, 08:59 PM
Parent: #1

من القصائد القديمة واظنها من بداية السبعينات
حبيبى وين فى جامعة الخرطوم بلاقى
انا ما بنوم بلاقى بعد النجوم بلاقى
خريج علوم حبيبى
الحرفو نون بلاقى خاتى الظنون بلاقى
برلوم قانون حبيبى
الحرفو صاد بلاقى سبب السهاد بلاقى
فى تانية اقتصاد حبيبى
بليد فى الحساب بلاقى سبب العذاب بلاقى
final اداب حبيبى
ملك القلب بلاقى غيرو ما بحب بلاقى
فى خامسة طب حبيبى
تحت الشجرة بلاقى بعالج البقرة بلاقى
فى البيطرة حبيبى
الليلة المسا بلاقى دة الما قسا بلاقى
فى الهندسة حبيبى

Post: #1263
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-24-2008, 09:09 PM
Parent: #1262


Quote: الليلة المسا بلاقى دة الما قسا بلاقى
فى الهندسة حبيبى

ابشر يا حبر ابشر
هندسة مدرسة

Post: #1264
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-24-2008, 09:48 PM
Parent: #1

Quote: والصادق فيصل

يازول شوف ناسك وين
الزول دة من الكتبة الكبار فى بتروناس
مافاضى لمساخرك دى

Post: #1266
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-25-2008, 07:57 AM
Parent: #1264

هلا شباب
اليوم الحار نور بقدومواحد من نوارات هندسة
عمر الحبر وما ادراك ما الحبر
لدى صور كثيرة عن رحلة مصر لكن يبدو ان هنالك مشاكل فى upload سنتحفكم بها بمجرد حل هذه الاشكالات ويا بكرى يدك معانا
زى ما قال احمد التجانى الصادق فيصل عامل بيها مشغول فى بتروناس وما اظنو فاضى لينا

Post: #1267
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-25-2008, 09:27 AM
Parent: #1266

بفضل البوست ده ومساهمته في تجميع معظم الشتات بعد طول سنين ..
حظيت بمهاتفة الأخوان محمد قيلي وخالد أورتشي كيميائية 86
وهما يعملان في جامعة الملك سعود بالرياض ..
قيلي قال لي أنه قابل دكتور حامد (كيميائية) وهو يعمل معهم في نفس الجامعة ..
وعلق ليه انه شاف صورة دفعتهم في المنتدى
يعني البوست واصل ويتابع من جهات عليا ..

Post: #1268
Title: Re: اليوم الحار ومابنداريوم الهندسة والمعمار
Author: Siham Elmugammar
Date: 05-25-2008, 10:06 AM
Parent: #1266



خليل يا خليل خليلك وييييييييييين

بالله هو ده انت والله زمان يا مان
بس شينه منك مقزوز مع خريجين الالفينات

بس كشفناك

والله زمان زمان زمان

سلام كبييييييييييييييييير

بالله عليك صورة قرشى حبيب دى جرستنى عديل كده ... ياخ انا و هو كنا اخوان عديييييييييييل كده... و لازلنا

نبهنى للبوست بتاعك ده طارق صيدله المهم قريت اول البوست و نهايته طبعا صعب اقرا ده كله

شايفاك بتتفاصح و تتفالح على الدايات .. وده لانك هلا هلا هلا ما بتقدر على خصمكم الشرس ... و قداد مراميكم ..
فريق الاقتصاد ... والله ايام...
و دمت و البركه فى سودانيزاولاين
صحى عرفت تمرقنا جميعا من جحور الدنيا

Post: #1269
Title: Re: اليوم الحار ومابنداريوم الهندسة والمعمار
Author: khaleel
Date: 05-25-2008, 11:05 AM
Parent: #1268

Quote: بالله هو ده انت والله زمان يا مان
بس شينه منك مقزوز مع خريجين الالفينات


سهام المجمر

والله زمن يا ناس

ازيك ومشتاقين بكميات تجارية

طبعا نحن ما كنا بليدين لكن ادروب ولوف

عشان كدة شفتيني مع الخريجين بتاعين الفين ديل

سلام عبرك لزلفي الاسد وندي واماني حسن وللمهندس محسي

وبنتلاقي كان الله هون

Post: #1270
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-25-2008, 11:26 AM
Parent: #1269

حذف للتكرار

Post: #1272
Title: Re: اليوم الحار ومابنداريوم الهندسة والمعمار
Author: khaleel
Date: 05-25-2008, 11:35 AM
Parent: #1270

عباس (ماث)


الجابو لي ناس كميائية شنو

بكون بشرح هناك لناس اقتصاد

عباس ماث من كبار مظاليم الهوي وقد حذرته من العواقب الخيمة للحب ولم يتعظ واليه نهدي

هذه الاغنية اذا عرفت انزلها


Post: #1271
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-25-2008, 11:31 AM
Parent: #1269


Quote: وقوفا من الخلف :
1. عباس Math - هو طبعا ما من دفعة كيميائية
2. عمار شاتو (حسب رواية كيكي)
3. صديق شطة
4. محمد الحسن الشايقي

يا شباب الظاهر الصديق الإستعنت بيه مقلبني
رقم 1 ده ما عباس Math .. ده دكتور عبد الكريم محجوب

Post: #1273
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-25-2008, 12:15 PM
Parent: #1271

خلي ..
صورة البروفايل دي عشان في بعض الشباب طلبو يشوفو شكلي هسع
بس تفاح جدة ما ذي تفاح دبي بتاع ناس شبو .. صاح ؟

انتو تفاحكم كيف؟

Post: #1274
Title: Re: اليوم الحار ومابنداريوم الهندسة والمعمار
Author: khaleel
Date: 05-25-2008, 12:23 PM
Parent: #1273

Quote: انتو تفاحكم كيف؟


طعموا قريب لي قرع ودالعباس

ريفي سنار

Post: #1277
Title: Re: اليوم الحار ومابنداريوم الهندسة والمعمار
Author: maawia dawood
Date: 05-25-2008, 12:45 PM
Parent: #1273

السلام عليكم

احمد التجاني يا جميل وينك ؟؟؟؟

انت يا ابو بكر عثمان شنو فاتح لينا كده

نحن محتاجين ليك في الريفيرا

ضروري يوم الجمعة 30/ 5

يا خليل يا حلو

يا ابو الخل لك التحايا

انت عمر الحبر دي حي

بكون لحدي اسع نشف

له التحايا

شباب علي وين

ما عايزين

تردو


طيب نركب


والحبر ركب وكانت عربة الامن


وهاك يا جرسة

Post: #1293
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 10:04 AM
Parent: #1266

Quote: عمر الحبر وما ادراك ما الحبر

التحية لك يا ابوبكر ويللا نرفع البوست فوق
انا برلوم شوية فى الموقع

Post: #1275
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 12:24 PM
Parent: #1

الصورة دى نكتها من وين يا ابراهيم
ام انك خطير

Post: #1276
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-25-2008, 12:39 PM
Parent: #1275

Quote: الصورة دى نكتها من وين يا ابراهيم
ام انك خطير

ياتو صورة دي ؟؟؟؟
انت يا باش ما تابعت البوست كلو ولا شنو؟؟
الصورة دي موجودة صفحة 12 تقريبا .. وهناك الكثير من الصور ..
تابع من البداية عشان تواكب الشغلة
بطل حركات أيام السمستر وقراية (القابات) دي

Post: #1278
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 12:49 PM
Parent: #1

تعرف يا خلى نحن لما دخلنا الجامعة الناس الشاركو
فى البوست دة من ما بدا الى الان كلهم كانو لابسين
البنطلون البنى وفيهم ناس بالاردية ما عدا طارق
احمد خالد(بمبو) ومحمد عبدالرحمن وعماد عيدروس
دة اذا ما نسيت زولز
انا حا اقوم ابحث ليك على ناس قدام جدا اجيبم ليك
من زمن ناس دريسة(عبدالرحمن) وطارق زكى (شقيق الباشمهندس
معاوية زكى) وهؤلا كان لهم صولات وجولات فى الشرقى
لم ياتى لها مثيل وايضا ممدوح مجدى توفيق وعلا عثمان وعلا
بابكر(بندق) وديل من عملقة هندسة(زمن بيليه)

Post: #1279
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 01:21 PM
Parent: #1

وعندنا كمان ناس من زمن الهندسة 6 سنين
(تخرج سنة 70)والغريبة درسهم عبدالله ابراهيم
وبذلك يكون تقريبا كل المهندسين المدنين خريجى الخرطوم
الموجودين على ظهر البسيطة لم يسلمو من هذا الرجل الا دفعة
85 والتى كان محمد شلوت هو طوق النجاة لها من هذا الرجل المخيف
اذا دغة 85 (فرقة ناجية)(مع الاعتذار للعزيز محمد عبدالله ابراهيم)

Post: #1280
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-25-2008, 02:03 PM
Parent: #1279

Quote: يازول شوف ناسك وين
الزول دة من الكتبة الكبار فى بتروناس
مافاضى لمساخرك دى

هلا يا ابو صلعة
وطيب مالك لديح كده زي (شافع المغتربين)
خلاص خليك انت معانا في المساخر دي وما تمشي
عامل صلعتك زي مطار جيبوتي كده

Post: #1281
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-25-2008, 02:19 PM
Parent: #1

Quote: عامل صلعتك زي مطار جيبوتي كده


ياكيكى قايلك اتعلمت الاريحية
لكن يبدو انك لازلت قابعا فى قالب
الاقليمى المحدود
انت عارف لو انا قبلت عليك ك spare parts
عندى مساحات شاسعة باقدر ابدع فيها

Post: #1282
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-25-2008, 02:22 PM
Parent: #1

Quote: احمد التجاني يا جميل وينك ؟؟؟؟


ديفيد
نكورك ليكم ماتجوا
نجيكم تكوركوا

Post: #1283
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 02:27 PM
Parent: #1

كيف حالك يا احمد التجانى وبالله وين عظيكة وكلوب

Post: #1284
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 02:53 PM
Parent: #1

(من اول امس)
اظنكم سمعتو عن حمودة حلاق الجاممعة الذى ربما
كان حلاقا بالجامعة نهاية الستينات او بداية السبعينات
(دة اجتهاد) هذا الرجل البسيط له حكاوى كثيرة جدا تحكى عنه
بس انا ما استبعد انويكون بدا الحكاية والناس لصقو فيهو الباقى
فمنها قالو حمودة ولدو عيان وداه ال clinic وطبعا علاقتو مع الاطباء
ودكاترة الجامعة حلوة جدا فالطبيب رحب بى حمودة وعمل اللازم للولد
واداهو الادوية بتاعتو وبعد كم يوم الطبيب قابل حمودة فى الجامعة
سالو قال ليهو كيف ولدك انشاء الله بقى كويس حمودة قال ليهو الولد
كمل العلاج والحمدلله الان فى الرمق الاخير

Post: #1285
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 03:13 PM
Parent: #1

ومرة حمودة كان بحلق لطالب من كلية الطب
وفى الوقت داك الاطبا كانو مضربين عن العمل لاسباب ما
فاول حمودة ما عرف من انو الطالب دة من كلية الطب قال
ليهو بالله البعملو فيهو الاطبا دة ما غلط يضربو عن العمل
يخلو العيانين يتنفسون الصعدا

Post: #1286
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-25-2008, 03:40 PM
Parent: #1

ومرة كمان قالو واحد من الدكاترة سال حمودة قال ليهو
بالله يا حمودة الليلة شفت دكتور عبدالرحيم(وكان حمودة شافو
هو وزوجته طالعين من الجامعة)حمودة قال ليهو شفتو هو
وارملتو طلعو قبل شوية من باب النشاط

Post: #1288
Title: Re: اليوم الحار ومابنداريوم الهندسة والمعمار
Author: khaleel
Date: 05-25-2008, 07:20 PM
Parent: #1286

عمر الحبر

لسع ما حييت اعضاء المنبر

Post: #1289
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-26-2008, 06:31 AM
Parent: #1288

Quote: ياكيكى قايلك اتعلمت الاريحية
لكن يبدو انك لازلت قابعا فى قالب
الاقليمى المحدود

أحمد التجاني ..
الليييييييييييييييييلة ..
هسع تجيك ناطة تراجي مصطفى وأنور آدم يقول ليك دي حركات جلابة وعنصرية ضد أهل الهامش

Post: #1290
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-26-2008, 06:47 AM
Parent: #1289

إبراهيم
رسل لى تلفونك على المسنجر او الميل وستجد كل المعلومات على البروفايل
معاوية سنحاول الجمعة الجاية نجيكم لكن ما قلنا ليكم الجمعة صيعبة خلاص
الحبر وينك انت يبدو انك غيرت تلفوناتك ومالك ما عادينا من معتقى الهندسة

Post: #1291
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 09:50 AM
Parent: #1

Quote: الحبر وينك انت يبدو انك غيرت تلفوناتك ومالك ما عادينا من معتقى الهندسة

والله انت ابو التعتيق يا بكرى ما نحن اصحاب الزمن الزاهر
وتلفونى سودانى شغال 00249122027690
وهات من الصور العندك

Post: #1292
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-26-2008, 09:56 AM
Parent: #1

Quote: كيف حالك يا احمد التجانى وبالله وين عظيكة وكلوب


الشامخ عمر الحبر
والله تمام الحمد لله بس خليت التمباك من كم سنة كدة
والمزعلنى انى خليته بدون اى سبب

الرائعان عظيكة وكلوب لى منهم قرون اخر مرة شفتهم
فى صف البنزين فى مدنى 93 او 94 اشتروا ليهم عربية
سوزوكى سايقها ليهم ودجيرانهم

Post: #1294
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-26-2008, 10:08 AM
Parent: #1

Quote: أحمد التجاني ..
الليييييييييييييييييلة ..
هسع تجيك ناطة تراجي مصطفى وأنور آدم يقول ليك دي حركات جلابة وعنصرية ضد أهل الهامش


ولدنا ابراهيم محمد الحسن
زولك كيكى دة ركاب سرجين مع ناس الهامش
وكمان مع الحناكيش زاتهم

يااخوى انت وين فى جدة؟

Post: #1295
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-26-2008, 10:29 AM
Parent: #1294

Quote: يااخوى انت وين فى جدة؟

أحمد التجاني
راجع المسنجر

Post: #1297
Title: Re: اليوم الحار ومابنداريوم الهندسة والمعمار
Author: khaleel
Date: 05-26-2008, 05:26 PM
Parent: #1295

حلويين

كيف الحال

الحبر واصل

Post: #1298
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 08:47 PM
Parent: #1

قبل ما اواصل يا ابوالقوق هاتفنى قبل دقائق من فرنسا عزيز
كنت ابحث عنه كثيراوهو من عمالقة تيم هندسة هتف له ابوسمرة
ومن خلفه عشاق الهندسة فى الشرقى(الله لى الله لى انا يا ليلى
من بها الدين انا يا ليلى) فالتحية لهذا الرجل العملاق

Post: #1299
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 09:07 PM
Parent: #1

Quote: الحبر واصل

من الاحداث الكبيرة ونحن فى البرليم احداث العنف بين تنظيم الاتجاه
الاسلامى من ناحية وبقية التنظيمات الاخرى خاصة اليسارية من ناحية اخرى
وكان السبب انو عماد محمد بابكر(كلية الطب)(شقيق الباشمهندس علاء المشهور ببندق
فى الكلية) انسلخ من تنظيم الاتجاه الاسلامى واصدر بيان معادى للتنظيم
ويذكر فيه ممارسات معينة يستنكرها على التنظيم وتاجرت التنظيمات الاخرى
بالبيان وجعلته مادة اساسية فى اركان النقاش والجرائد الحائطية
مما جعل تنظيم الاتجاه الاسلامى يحشد كوادره من داخل وخارج الجامعة وكانت
الاحداث الموسفة التى ادت الى اغلاق الجامعة خمسة اشهر كاملة(الانتفاضة كانت فى
هذه الفترة) ولاول مرة منذ ان دخلنا المدرسة الابتدائية نكره الاجازة

Post: #1300
Title: Re: اليوم الحار ومابنداريوم الهندسة والمعمار
Author: khaleel
Date: 05-26-2008, 09:33 PM
Parent: #1299

لا نود ان نقطع حبل افكارك واصل

Post: #1301
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-26-2008, 09:35 PM
Parent: #1

من الحاجات الكانت منتشرة فى الجامعة استغلال السناير لعدم
عدم معرفة البرالمة بالجامعة ويضحكو بيهم بما يسمى بالبرلمة
فى واحدة دفعتنا فى علوم بعد خلصت اجرات التسجيل لما فيها واحد
سينير قال ليها عملت شنوبالنسبة للتسجيل قالت ليهو خلصت قال ليها
طيب كيستى ولا لسه(طبعا مصطلح الكيس كان شائع فى الجامعة للتعبير عن
الارتباط العاطفى فيقال فلان كيس فلانة وفلانة كيسة فلان) فقالت ليهو
الكيس دة شنو انا ما كيست فقال ليها تمشى للمسجل بعمل ليك الموضوع دة
قامت الاخت الروسية(روسية ما جنسية زمان اهل العوض بسموهم الروس فى الجامعة
فاذا قالو للزول روسى ابقى هو من اهل العوض)مشت للمسجل قالت ليهو انا ما كيست
الراجل اندهش شوية وادرك الموضوع بعد داك وقال ليها يا بتى موضوع اليس دة بنعملو
ليك بعدين

Post: #1302
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-27-2008, 06:52 AM
Parent: #1301

Quote: قبل ما اواصل يا ابوالقوق هاتفنى قبل دقائق من فرنسا عزيز
كنت ابحث عنه كثيراوهو من عمالقة تيم هندسة هتف له ابوسمرة
ومن خلفه عشاق الهندسة فى الشرقى(الله لى الله لى انا يا ليلى
من بها الدين انا يا ليلى) فالتحية لهذا الرجل العملاق

التحية للباشمهندس بهاء الدين ..
بس حسب علمي انه بهاء الدين كان في الدوحة ..
مشى فرنسا متين يا خليل وكيكي ؟

Post: #1303
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 09:10 AM
Parent: #1

Quote: التحية للباشمهندس بهاء الدين ..
بس حسب علمي انه بهاء الدين كان في الدوحة ..
مشى فرنسا متين يا خليل وكيكي ؟

بها فى فرنسا لفترة مؤقتة تبع نفس شغلو بتاع قطر وحتى موبايلو بتاع قطر معاهو وشغال
فهذا الرجل الراقى يستحق التحايا

Post: #1304
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-27-2008, 09:18 AM
Parent: #1303

Quote: فهذا الرجل الراقى يستحق التحايا

حقيقةً ، فهو إبن أمدرمــان
ده طبعا إضافة للهندسة وفريق الهندسة ،
له 1000 تحية

Post: #1305
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 04:46 PM
Parent: #1

الباشمهندس صلاح مختار يحييكمبحرارة ويحى كل خريجى كلية الهندسةالحبيبة
اتصل على اليوم وقد سعدت كثيرا باتصاله وخاصة انه من الذين لم يغيرهم الزمن
وهو من اصحاب الولاء الشديد لتلك المؤسسة العريقةوبعرف معنى ابام زمان فالتحية لهذا
الرجل

Post: #1306
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 05:22 PM
Parent: #1

Quote: لا نود ان نقطع حبل افكارك واصل

ايام الاستعدادللامتحانات كانت دايما ايام دبرسة ويبحث الواحد فيها على
اشياتنسيه قرف الامتحانات والتفكير فيها وطبعا كان فى ايامنا ديك صديق المبركاتى
(المبركاتى على وزن المسحراتى)هذا الرجل ياتى دايما ايام الامتحانات وبكون فى
فى منطقة ال junction جهة مدخل المكتبة المين وبقول انو جاى يبهج الطلبة فى وقت البريك
(هو رجل نظبف جداو لبيس ويقال انو فصل من الجامعة فى وقت ماضى) هذا الرجل يحرف الاغانى
بحاجات ليها علاقة بالجامعة فمثلا سارحة مالك يا برلومة ساهية وافكارك بعيدة بقرا فى
عيونك حياتى وانتى مشغولة بتودا(التودا الاسم العلمى للضفضعة فى مادة التشريح)
وكان برضو بغنى اتنين خالطين برالمة(على اغنية لزيدان ابراهيم ومجموعة من الاناشيد
الوطنية وحقيقة كان لهذا الرجل صوت جميل

Post: #1307
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 05:32 PM
Parent: #1306


بما إنك يا رجب تتهمنى بانو أنا من ضمن العواجيز و اللأمينى شنو مع الصغار ديل

أهو شوف الصورة دى إثبات لعلاقات حميمة مع البرالمة



وقوف أبراهيم حسبو - الحنفى شمس الدين (أخى)
جلوس العبد لله - رائد - أحمد محى الدين "دكس" - مبارك عثمان



Post: #1308
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 05:35 PM
Parent: #1307

و كمان برالمة تاني

من اليمين لليسار
وقوف ْ x - رائد - الحنفى شمس الدين - احمد محى الدين - مبارك عثمان
جلوس x - محمد شمس الدين - عادل امين - محمد فاروق - عثمان يوسف

تمت إضافة الأسماء بناء على اوامر رجب


Post: #1309
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 05:38 PM
Parent: #1308


و جماعة من "إندينا" مع برالمة
هناك جائزة لمن يعرف الشخصيات بالصور أعلاه

من اليمين لليسار
أمين عثمان - محمد شمس الدين - أحمد محى الدين - مبارك عثمان - غازى يوسف

تمت إضافة الأسماء



Post: #1310
Title: Re: اليوم الحار ومابنداريوم الهندسة والمعمار
Author: Elawad
Date: 05-27-2008, 05:43 PM
Parent: #1

صور جميلة معظمهم أولاد بحري تعرفت منهم على:
محمد شمس الدين، محمد الحنفي شمس الدين، العبقري عثمان يوسف، أحمد محي الدين، عادل أمين عبد السلام، أشرف منير، و محمد فاروق (أعتقد من كوستي).

Post: #1311
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 05:48 PM
Parent: #1

Quote: لا نود ان نقطع حبل افكارك واصل

كان هناك ايضا عمر اومو وما ادراك ما عمر اومو
هذا الشخص مفصول من كلية العلوم (ربما سنة 80 او قبلها تقريبا)
لكنه لم يبرح البركس والجامعة ابدا حتى عام 90 تقريبافيقال ان المسالة
الاكاديمية عاثرت معاه شوية ولمن اجتهد شديد قالو كان مرة عندو امتحان مهم
وساهر فى المذاكرة فغلب عليه النوم ولمن صحى لقى الناس جايين من الامتحان
فكان هذا هو الساطور الذى قصم ظهر عمر اومو, لمن جينا الجامعة كان بنقل
فى المراجع بحجة ان المكتبة المين حا تتحرق وهو حا يكون المرجع الوحيد.
فكان ايام الامتحانات بيعمل اركان نقاش ويتلم الناس حوله بقصد البريك
لانو كان لايتحدث فى موصوع معين بل كان يدخل دة فى دة(كان اقرب لى يونس
شلبى فى مدرسة المشاغبين) وكان لا يحب وجود البنات فى الركن بتاعو
اذا شاف اى بنت بضايقها بالكلام لغاية ما تمشى فمرة كنا فى الركن بتاعو
(لزوم البريك) جات واحدة من كليات الاطراف وظنت انو دة ركن جادى
وكانت تخينة شوية ورفعت يدها للنقاش(الراجل كان بتكلم عن عبدالخالق محجوب)
وبدت تهاجم فى اومو فقاطعها وقال يها كدى خلينا من عبدالخالق انتى اهلك
بلقو ليك هدوم قدرك وين

Post: #1312
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 06:02 PM
Parent: #1

Quote: بما إنك يا رجب تتهمنى بانو أنا من ضمن العواجيز و اللأمينى شنو مع الصغار ديل

انا ما بسالك يا محمد عبدالرحمن اللماك على الاولاد الصغار ديل شنو لانو الاجابة واضحة
من الصورة انت جيت مع حنفى اخوك والصورة التانية يعنى فيها ناس ما قدرك لكن قريبين
منك . بقصد امين عثمان وغازى يوسف( بس كنت تكتب الاسماء لانو فى ناس ما بعرفوهم بالذات الفى
الصورة التانية لكن انا عرفتهم كلهم وهذه ميزة ان تكون مخضرم)

Post: #1313
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 06:07 PM
Parent: #1

يا كيكى لو ما ظهرت حا نجيبك بالانتربول وحتما ستحاسب

Post: #1314
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 06:24 PM
Parent: #1313


يا رجب تنقد الرهيفة
الصورة دى إثبات بانو الفيها كانو من المترددين على المين رود.....
و خلى حكوماتهم تحقق معاهم.......

العوض تحياتى
محمد فاروق من سكان الحلفايا... و له علاقة بالكوة...

Post: #1315
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 06:27 PM
Parent: #1

ياطارق احمدخالد(بمبو82) انت زغت عشان مالقيت زول قدرك ولا شنو
عندك عجايز كتار ممكن تلعب معاهم ون تو زى محمد عبدالرحمن وعيدروس
وابوبكر عثمان وخاصة ابوبكر بحكم زمالة بنك السودان هم ما قدرك لكن مشى معاهم
لغاية مت نشوف ليك علا بندق وهشام خليل وعلا عثمان والرشيد

Post: #1317
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 06:51 PM
Parent: #1315


هذه الصورة أثناء التريينق فى القاهرة
فى العام 88 تقريبا
الإخوة المصريين بهدلونا فى المطار وقتها ... لأن السودان كان يطالب بتسليم الرئيس نميرى ... و لأن السودان إستضاف خالد عبدالناصر إبن الرئيس المصرى جمال عبدالناصر .....

يظهر فى الصورة من اليمين لليسار

محمد شمس الدين - امين نجيب - عمر نورى
التحية لهما




Post: #1316
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 06:37 PM
Parent: #1

Quote: الاخ المخضرم عمر
سعدت كثيرا لوجودك مع باقي العقد الفريد من الشباب المتحفين جدا بقيادة المايسترو خليل ملك السهل الممتنع والحكاي الى حد الامتاع كيكى . سلام لكل المشاركين؛ابراهيم،منتصر،احمد التجاني،عمر السيد وياسر علي الشيخ
يلا بالله خت الكوره واته ونحن متابعين؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ياليتناعدنا اوعادت الايام

وصلنى هذا الايميل من بها الدين بخيت فلنكرر التحية لاحد ابطال الميدان الشرقى وها هو اليوم الحار
يزيد حرارة يا خليل و بذات الذين جعلوه حارا فى الماضى

Post: #1319
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 06:57 PM
Parent: #1316


طبعا يا رجب أنا لم أجد أى صورة لصاحبى عادل شاهين ..... و حرصا على مستقبله السياسى
و حتى لا يدان بتردده فى المين رود
لانو الراجل لسع ما لقى ليهو حكومة تلمو

بعدين طارق أحمد خالد ده لا قدرنا و لاحاجة...
يا اخى ده لمن نحنا جينا الجامعة كان إسمو طارق بولتون .... و بولتون ده أستاذ بتاع باوور إنجليزى نحنا ما حضرناهو...يعنى من زمن الإنجليز

Post: #1318
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 06:56 PM
Parent: #1

Quote: تمت إضافة الأسماء بناء على اوامر رجب

الله يخليك يا محمد عبدالرحمن
فى الصورة التانية اول الجالسين دة ما هشام عبدالعال(الخزرج)

Post: #1329
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 09:21 PM
Parent: #1318

Quote: فى الصورة التانية اول الجالسين دة ما هشام عبدالعال(الخزرج)


صاح هو الأخ هشام عبدالعال

Post: #1320
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 07:14 PM
Parent: #1

Quote: محمد شمس الدين - امين نجيب - عمر نورى
التحية لهما

ديل يا داب الناس ال ممكن نقول قدرك
بالمناسبة عمر نورى كان فى السودان فى اجازة ورجع الدوحة قبل 3 ايام
اما امين اخر مرة قابلتو قبل سنة وشوية
اتحية كم

Post: #1322
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 07:23 PM
Parent: #1320


و شوف ديل قدر منو
من اليمين لليسار الصف الفوق وليد إبراهيم "قش" - عبدالقادر خليفة
الصف التحت " شخصى الضعيف - أسامة قاسم - أنور (أظنه معنا فى هذا المنبر)

Post: #1321
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 07:22 PM
Parent: #1

Quote: طبعا يا رجب أنا لم أجد أى صورة لصاحبى عادل شاهين

بالله هو الراجل دة وين من الاحيا ولا الاموات لا حوللللللللللللللللة
Quote: بعدين طارق أحمد خالد ده لا قدرنا و لاحاجة...

يا طارق بمبو لو ما رديت على الكلام دة يبقى مافى فائدة

Post: #1323
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 07:31 PM
Parent: #1

Quote: و شوف ديل قدر منو

والله انك مخضرم (يا اولاد87 و88) دة الشعر الما عندكم ليهو رقبة

Post: #1324
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-27-2008, 07:34 PM
Parent: #1

Quote: عبدالقادر خليفة

ليه عماد عوض ما ظهر فى الصورة دى هو وعبدالقادر ما كانو زى
ميرغنى المامون واحمد حسن جمعة

Post: #1325
Title: Re: اليوم الحار ومابنداريوم الهندسة والمعمار
Author: khaleel
Date: 05-27-2008, 07:50 PM
Parent: #1324

عمر الحبر

تلفون كيكي

6160951

Post: #1326
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-27-2008, 08:18 PM
Parent: #1325



و دى يا رجب صورة حديثة عمرها شهرين

فى ضيافة أحد أصدقاء الزمن الجميل فى منزله.....
المطلوب معرفة الشخص ...
الأولاد الصغار ... بيكون درسهم.. كان مساعد تدريس نهاية الثمانينات و بداية التسعينات......
للتسهيل بقسم الميكانيكا... و بالمناسبة الطاقية اللابسها زولنا ده مهههههمة جدا بدونها فى مشكلة كبيرة خلالالاس


Post: #1327
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-27-2008, 08:43 PM
Parent: #1326

هلا شباب
والله القصة احلوت وكافتيريا هندسة دور وولع وعاد اليه نجومه الكبار
واري ما اري صورة احمد محي الدين وحنفي وعادل امينوالحبر ومحمد شمس الدين يحلقون
بصورة تنزل دمعة شوق وحنين..
ويا ابراهيم الباشمهندس الجميل بها في بعثة عمل الي فرنسا مبعوث من قبل شركته (راس غاز)
لتجضيم شغل عجيب كده
وياحبر اخوك قاعد بس اليومين دي ح اتحول الي قاري وبجيكم علي الطائر كده (عندي شوية قراية كبر كده)..الله يكفينا شر امتحاناتها ساكت
ومتابعين شديد
احمد تجاني (ياخ تعال نعمل كوكادام...ولا سارسل ليك لاندكروزرات في الكرنتينة بتاعتك دي
تخلي ريحتك طير طير)

Post: #1328
Title: Re: اليوم الحار ومابنداريوم الهندسة والمعمار
Author: khaleel
Date: 05-27-2008, 08:55 PM
Parent: #1327

بشري سارة

استلمت ظهر اليوم البوم صور دفعة 85 من الخلوق عماد عائد

وهي موغلة كما يقول كيكي في الجمال

والصور تم تصويرها عام 1991

قبل الراس ما انصلع والضرس ما انقلع

بس عائزة شوية معالجات وسكاننق وترتيب

Post: #1330
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-28-2008, 06:41 AM
Parent: #1328

هلا هلا شباب
اليوم الحار ولع نار
طارق بمبو خلى بنك السودان وعمل شركة استشارية
مزنوق فى التأسيس والذى منو عشان كدة ما ظاهر
مين يستلم موضوع الكورة والتشجيع وحكايات الناس
البيحضرو مباريات الهندسة من اجل الاستمتاع بتشجيع المهندسين
أولاد وبنات سكرتيرات
الدايات الدايات
إلوم يا ركلسة
والتحديات مع ناس الاقتصاد واحتلال كليات الوسط عند الفوز
يلا شباب سمعونا حكاوى الزمن الجميل

Post: #1331
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 07:17 AM
Parent: #1330

تحياتي لكل الشباب ..
والله فعلا اليوم الحار ولع نار .. والواحد شاعر كأنه في كافتريا هندسة
يا الللله ..
يا ابوبكر بمناسبة الكورة والتشجيع ..
أنا غايتو متذكر لما فزنا على جامعة النيلين في دوري الجامعات .. وجينا في مسيرة هادرة من إستاد الخرطوم لغاية الجامعة
طارق أبو شوك متذكر اليوم ده ؟

Post: #1332
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 07:23 AM
Parent: #1331

تعرفو القعدة بس فاقدة الباشمهندس الخير (عقد الجلاد) عشان يدور ويقود الكورال
من أغنياته الشهيرة في الهندسة أغنية (سألوني عن صبي أنكرت ما قريت *** شافوه متخبي في البورد يقول ربيت) ربيت ربيت
على وزن أغنية ترباس (سألوني عن حبي أنكرت ما قريت)
بالله المتذكرها يكتبها لينا ..

Post: #1333
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 09:11 AM
Parent: #1332

خليل وين الصور؟
بمناسبة الصور هسع قدامي كمية منها .. بس ما لاقي وقت أعمل ليها Scanning
قريب إنشاء الله ..
مبدئيا كده حا أنزل عدد من الصور نزلناها هنا قبل كده بس شايفها مختفية .. عشان الناس الظهرو مؤخراً ..

ونتواصل ..

Post: #1334
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 09:36 AM
Parent: #1333


كتب خليل :
Quote: لله الله يا خلاسيين

علي اليمين وقوفا
مهدي ازيك يا حلو لسع شغال مع ناس عبد الرحمن عباس
معتز عريس لسع في هولندا مشتاقين ياخ
دكتور مصطفي بوب لو الخاطر سرح عنك تاكد انو راح ليك
سيف اسكتلاشي صديقي النبيل والمقاول الكبير والمساح الخطير

الجالسون علي اليمين
ابراهيم محمد الحسن اكيد اكيد حنتقابل
ابراهيم عبد العزيز والله ايام يا زمان
كيكي كيكي كيكي وبس
ياسر احمد عبد الرحمن محمد في اخر زيارة اكلنا سماية بنتك مشتاقين

Post: #1335
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 09:43 AM
Parent: #1334


كتب كيكي:
Quote: ويطل الاسطوري حمد حماد(كوسو)....شطارة تخلع وتهذيب عالي وسط اخاء كبير
ومحبة بين طلاب الكلية في ذلك الزمان...طال الزمن ولكن اني اكاد اعرف كل هذا الحضور
فردا فردا...

جلوسا من اليمين : الأخوات :
سارة شمس الدين
إبتسام محمود
حنان آدم
دكتورة تهاني عبد الله
عفاف عثمان حسين

وقوفاً من اليمين: الزملاء:
الأسطوري حمد حماد
المخضرم علي كدام
عبادة السراج

Post: #1336
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 09:49 AM
Parent: #1335


كتب خليل :
Quote:
حسان الجلقني لقمتك كبيرة ياخ
عمر فلاشا اولاد امدرمان اصلن رايقين
خالد حبة ابن المسلمية ما تكتر الزيت بتغرق الفتة
عبادة السراج الاولاد ما دفعتك

يا الله على السوق الشعبي وبوش السوق الشعبي ال بمزااااااج
يا ترى لسة موجود ولا اتحول لساندوتشات بيرقر مع طلبة الزمن الجديد ..

Post: #1337
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 09:53 AM
Parent: #1

يا جماعة الخير قبل كل شى فى اقتراح من الباشمهندس محمد الطيب
بان يكون هناك احتفال باليوبيل الفضى لدفعات الكلية حسب سنة الدخول
وطبعا السنة دى بتاعة دفعة 83 وانا افتكر نقوم نحدد يوم للاحتفال ونبدا
نحصر الناس ونجمع الصور ونبدا ننزل فى اليوم المحدد الاسمماء وبعض الاخبار الهامة
عنهم ويستمر الاحتفال لايام حتى نفرغ من انجاز المهمة اظن لو حددنا بداية سبتمبر او اكتوبر
بكون الوقت كافى ونستعين بمحمد عبدالرحمن وعملاق الميدان الشرقى طلال حامدوهشام CIVIL
والشهير وكدام ووووووووواكيد حا نصل لكل الدفعة فى الوقت المحدد والعام القادم 84 فى نفس
التاريخ وهكذا. ارجو مناقشة الموضوع. انا ماشى الميدان الشرقى لى ابوبكر عثمان وابراهيم
محمد الحسن وبرجع اشوف الاراء

Post: #1338
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 09:59 AM
Parent: #1337

Quote: انا ماشى الميدان الشرقى لى ابوبكر عثمان وابراهيم
محمد الحسن وبرجع اشوف الاراء

أنا غايتو بتلقاني في كافتريا هندسة أو السوق الشعبي .. الشرقي ده ما بنمشيه إلا ايام الدوري والتشجيع
أبو بكر يمكن يكون خالط في ال main ..

والله فكرة حلوة وإقتراح جميل جدا .. ومن هسع كل واحد يبدأ يحصر الناس البيعرفهم في كل دفعة وأخبارهم ..

نتواصل ..

Post: #1339
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 10:00 AM
Parent: #1

Quote: صاح هو الأخ هشام عبدالعال

تعرف يا محمد عبدالرحمن يبدو اننا عجزنا جانى تلفون الان من الباشمهندس
عثمان صديق 87 بقول انو الفى الصورة دة المرحوم ابوعبيدة الخواض ذلك
الرجل صاحب الاخلاق العالية والذى نحسبه من الجنة نسأل الله له المغفرة والجنة
ولك الشكر الجزيل يا ابوعفان

Post: #1340
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 10:03 AM
Parent: #1

Quote: استلمت ظهر اليوم البوم صور دفعة 85 من الخلوق عماد عائد

ابدأ نزل وخلينا نعلق


Post: #1341
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 10:12 AM
Parent: #1

Quote: ويطل الاسطوري حمد حماد(كوسو)....شطارة تخلع وتهذيب عالي وسط اخاء كبير
ومحبة بين طلاب الكلية في ذلك الزمان...طال الزمن ولكن اني اكاد اعرف كل هذا الحضور
فردا فردا...

والله يا ابراهيم طالما عرفت ديل ما عندك عوجة طبعا كدام اكثر خضرمة من الناس المعاه
فى الصورة تليه عفاف عثمان حسين

Post: #1343
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 10:25 AM
Parent: #1341

Quote: والله يا ابراهيم طالما عرفت ديل ما عندك عوجة طبعا كدام اكثر خضرمة من الناس المعاه
فى الصورة تليه عفاف عثمان حسين

الحبر ..
الأعزاء على كدام وعفاف عثمان حسين كنا محظوظين بأننا تخرجنا في دفعة واحدة وعلى تواصل حتى وقت قريب ..
- عفاف مقيمة معانا هنا في مكة المكرمة ..
- علي كدام كانت لنا معسكرات كسر متجولة .. أحيانا في منزلنا في أمدرمان .. وأحيانا في الصحافة عند ناس تهاني عبد الله .. ومرات في الإمتداد عند ناس طارق حمزة ..
وكان ال Boss بتاعنا في الشرح الأسطورة حمد حماد لهم جميعا ألف تحية ..

Post: #1342
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 10:19 AM
Parent: #1

Quote: حسان الجلقني لقمتك كبيرة ياخ

يا ابراهيم جلقنى بقى عب كبير جدا فى شركة الكهربا(مدير مكتب بحرى)
عاطف جلى سكن الفتيحاب ومرة كانت فى مشكلة قطعت الكهربا فترة قام
عاطف جلى استعان بى جلقنى قام رسل ليهو تيم كامل حل المشكلة وطبعا جلى
قشر بيها لى ناس الفتيحاب بصفته رجل يستغل المواقف

Post: #1344
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 10:32 AM
Parent: #1342

التحية للباشمهندس حسان ..
وهو فعلا بقى عب كبير ..
كلنا استغلينا المواقف لما كان في مكتب أمدرمان هو والأخت مواهب الرحمن .. وما قصروا .. تلفون من هنا بس ومشى ليهم أخوي في مشكلة كهرباء
وحلوا المشكلة ..
هو البوش ده ساكت كده ؟

Post: #1345
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 11:01 AM
Parent: #1

Quote: مين يستلم موضوع الكورة والتشجيع وحكايات الناس
البيحضرو مباريات الهندسة من اجل الاستمتاع بتشجيع المهندسين
أولاد وبنات سكرتيرات
الدايات الدايات
إلوم يا ركلسة

انا حاادخل ليك الميدان الشرقى وبما ان حبل افكارى الان فى البرليم84 . حا ابدا من التاريخ دة
كان يا ابوبكر كبير مشجعى الهندسة هو الاسطورة دريسة(الباشمهندس عبدالرحمن)
وكان هذا الرجل يصل الى مرحلة الاعتدا على الحكام الظلمة وله غيرة شديدة
جدا جدا على هذا الفريق الازرق كان معاه طارق زكى وايضا كان هناك علا عثمان
الرجل الاجتماعى الكبير صاحب الفكاهة والهرج والمرج وكثيرون
طبعا التشجيع باليوم الحار ما بندار يمكن ان تقول انو ازلى فى الكلية وورثته
الاجيال حتى الان فى الوقت داك دريسة كان بقول
يجو عايدين اولادنا المهندسين يا الله
بال CONCRETE والT وال SET
وبال LATHE MACHINE يا حبيبى نخرط شديد يا الله
وكانو فى مباريات شمباتبقولو
مشينا لى الشمباتة مرة ندمنا والله على مشينا حمار يهنق حصان يصهل كمان جدادم
كاكا فينا وكاكا كاكا كاكا وكاكا كاكا وكاكا فينا
الشمباتى زى البعاتى الريحة عفنة والخلقة شينا(طبعا قبل ما ندخل الجامعة
الشمباتة كانو المنافس الخطير لهندسة وقبلهم كانت اداب لكن فى زمنا بقت اقتصاد
وبالناس الاشار ليهم خليل قبل كدة) لكن نحن دخل معانا مارادونة هندسة الفنان المبدع
محمد متوكل صاحب اللمسة السحرية واللعب الممتع والذى غنى له بعد ذلك ابوسمرة وايضا الحارس
العملاق هشام السر(عتوقة) ويا خليل ما تلومو على الخمسة الدخلت فى المباراة ال ذكرتها قبل
كدة الراجل شفنا تالقه بام عينينا وكذلك اللاعب القوى صاحب الروح القتالية هشام طه
التحية لهؤلا العمالقة

Post: #1346
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 11:22 AM
Parent: #1

Quote: من اليمين لليسار
أمين عثمان - محمد شمس الدين - أحمد محى الدين - مبارك عثمان - غازى يوسف

يا ابوالليل وبركة انتو اهلكم ما قالو ليكم ما تمشو مع الناس الاكبر منكم

Post: #1347
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 11:31 AM
Parent: #1346

الحبر
انت وين كيكي وخليل الليلة؟
شايفهم كابين الزوغة وخلونا برانا ..
أنا غايتو خلاص وردتي انتهت .. واصل انت ..

Post: #1348
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 11:32 AM
Parent: #1

تعرف ال ون تو بتاع امبارح مع محمد شمس الدين عمل لى فلايت انا ماشى وعايز
اراءكم فى موضوع اليوبيل الفضى

Post: #1349
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-28-2008, 12:08 PM
Parent: #1348

Quote: دريسة(الباشمهندس عبدالرحمن)


تعرف دريسة ده ...
مشينا نتمرن معاهم جنب داخلية النشر .... طردنا من التمرين مجموعة .. بحجة اننا لم ندفع معم فى شراء الكفر ....

Post: #1350
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-28-2008, 12:12 PM
Parent: #1349

الباشمهندس محمد عبد الرحمن
تحياتي يا رجل
زمن والله
تعرف الواحد ما عرفك إلا لما شفت الصورة ..
يا ترى انت اتذكرتني؟

Post: #1351
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-28-2008, 12:43 PM
Parent: #1350

Quote: يا ترى انت اتذكرتني؟

تماما يا ابراهيم

الصور ايضا اكدت الشخصية .......

يا رجب و غيره ... لم تجاوبونى بمن معى فى الصورة ابوجلابية و طاقية
إختبار ينجح فيه العواجيز فقط

Post: #1352
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 05-28-2008, 01:43 PM
Parent: #1

الاخ محمد عبد الرحمن
لك التحايا

Quote: يا رجب و غيره ... لم تجاوبونى بمن معى فى الصورة ابوجلابية و طاقية
إختبار ينجح فيه العواجيز فقط


الاسطورة ظافر عبده
عبرك نرسل له التحايا والاشواق

Post: #1353
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 02:23 PM
Parent: #1

Quote: الاسطورة ظافر عبده

دة حقيقى ظافر عبده انا استعنت بصديق وبرضو ما عرفتو الدقن غيرت شكلو
تماما. هذا الرجل من عمالقة الهندسة التحية له ولفردتو فى الشغب هشام
civil (ظافر جمع الشطارة والظرافة)
وتستحق جائزة يا احمد التجانى

Post: #1354
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-28-2008, 02:33 PM
Parent: #1353


فعلا يا أحمد التيجانى تستحق جائزة ....

تغيير كبير فى الشكل ....

دعانى و اسرتى لمنزله قبل شهرين ... لا زال ذاك الشخص الظريف الودود... هذا ما لم يتغير فيه


يا رجب لو عندك تلفون اللبش شوتو فى الماسينجر

Post: #1355
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 02:48 PM
Parent: #1

Quote: يا رجب لو عندك تلفون اللبش شوتو فى الماسينجر

شتو ليك لمن تلقاهو اشكرنى عشان اعرفو وصلك

Post: #1356
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 03:13 PM
Parent: #1

Quote: بالله هو النشيد دة من زمنكم؟
الغريبة (وانتو فى عهد السفرة )
برضو بتاكلو فى العدس ؟

يا برلوم النشيد دة اناالعملتو وهو ما قديم شديديعنى ليهو زى 17 سنة بس
وانت شايفك ما لاقى ناسك لكن انا خلينى افضى من العجايز ديل واعمل
معاك حوار نسميهو ما ابعد الليلة من البارحة نورى التغييرات الحصلت
فى الجامعة لكن لازم تعرف انو(كلام اخوك الكبير يصير يا حسنين)
اما بالنسبة للعدس والفول فيا اخى مافى بركس من غير عدس وفول
(صدقنى لو الدجاجة الصغيرة الحمراء بتاعة الابتدائى جات البركس كانت
تبرات من الفول الى يوم القيامة) بس زمنا الفول معاهو خيارات تانية
انتو امكن لقيتو براهو

Post: #1357
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 03:57 PM
Parent: #1

Quote: أولاد وبنات سكرتيرات

دة طبعا قديم بقولو لى ناس اقتصاد ومعاه كوم تراب ولا الاداب وقدرة فول ولا الاسكول
وجزمة باتا ولا الشمبات........ متشكرين ومقدرين يا معلمات يا معلمين يا مدرسات يا مدرسين
دة طبعا لى ناس تربية دة كلو كان قبل اناشيد ابوسمرة والخير وقبل انا وياسين زكريا ما
نقول اللابس اللبنى جننى يا مريم يا مريم. ومشينا وجينا وجع قلب كية للمابينا وجع قلب
دى جبناها ايام معسكر المساحة بتاع جبل اولياء وهى جلالات جيش

Post: #1358
Title: Re: اليوم الحار ومابنداريوم الهندسة والمعمار
Author: khaleel
Date: 05-28-2008, 06:58 PM
Parent: #1357

هلا وغلا

ارسلت صورة لياسر علي الشيخ

عشان عمكم خليل ضعيف في التكنولوجيا

Post: #1359
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-28-2008, 07:34 PM
Parent: #1

هؤلا مطلوب القبض عليهم لانهم شاركو قليلا وهربو كثيرا
طالما انكم عندكم password لماذا انقطعتم
محمد الصائم
رباح الصادق
خالد عثمان
احمد القاسم
حامد الصاوى
عمر بوب
امين عمر عثمان
عثمان مالك
حاتم الجد
محمد الفاتح يونس
امير عون
ارجعو للبوست الله يرضى علبكم
طبعا طارق بمبو ما ذكرتو لانو جاى جاى

Post: #1360
Title: Re: اليوم الحار ومابنداريوم الهندسة والمعمار
Author: khaleel
Date: 05-28-2008, 09:23 PM
Parent: #1359

Quote: هؤلا مطلوب القبض عليهم لانهم شاركو قليلا وهربو كثيرا
طالما انكم عندكم password لماذا انقطعتم
محمد الصائم
رباح الصادق
خالد عثمان
احمد القاسم
حامد الصاوى
عمر بوب
امين عمر عثمان
عثمان مالك
حاتم الجد
محمد الفاتح يونس
امير عون
ارجعو للبوست الله يرضى علبكم
طبعا طارق بمبو ما ذكرتو لانو جاى جاى


عمر الحبر

انت قائل اي زول بعرف اكتب

الكتابة خشم بيوت











]

Post: #1361
Title: Re: اليوم الحار ومابنداريوم الهندسة والمعمار
Author: Elawad
Date: 05-28-2008, 10:15 PM
Parent: #1

الحمد لله النبهتني يا خليل. لأنه الرسالة مشت الجنك ميل. أهي الصورة عرفت فيها و ليد قرود و أبو سمرة و سمير سليمان منصور الفلسطيني الطيب و عصام و طه النور. بالله يا خليل شفت قرود دا وجيه كيف... آي أول واحد على يدك اليمين في القاعدين:



Post: #1362
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 06:59 AM
Parent: #1361

صباح الخير يا شباب
أربطوا الأحزمة وأستعدوا .. الصور جاهزة

Post: #1363
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:03 AM
Parent: #1362

نقول (1)
دي هدية (لإيريا) عشان إقتراحو بتاع اليوبيل الفضي للدفع ..

وقوفاً من اليمين :
- أيريا
- هشام كدنبور
- طارق فصمة
- اليسع
- الباشمهندسة إيهاب
- أيمن باهي الدين
- عواطف عيدروس
- ياسر حامد
- سوزان الصادق
- رهام زهير
- ×
- التومات
- أحمد هاشم
- أحمر صلاح

Post: #1364
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:06 AM
Parent: #1363

(2) ودي هدية لفلاشا عشان البدلة الوجيهة :

أنا
عمر فلاشا
خالد حبة

Post: #1365
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:08 AM
Parent: #1364

(3)

أنا
أحمد الماحي
عزالدين عبيد
خالد حبة

Post: #1366
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:10 AM
Parent: #1365

(4)

- هالة كزن
- صديق جيلاني
- عمر الحبر
- أيريا
- منى خميس

Post: #1368
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:12 AM
Parent: #1366

نوقف شوية للتعليق على الصور ونرجع نكمل البقية ..
يلا يا شباب

Post: #1386
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 11:22 AM
Parent: #1361

وصل هذا الايميل من الخلوق عماد عائد لتعديل الاسماء التي علي الصورة




For the first photo, the names are as follows:

Standing from left

1. Samir Suliman

2. Disogi Mohamed Ali

3. A/Aziz Abbas

4. Isam Alfaz

5. Hatim Algid

6. Gamal Alnour

7. Taha Alnour

8. Galal Suliman

9. Ashraf Shammat

10. Imad Ayed

11. X

12. X – Possibly Mohamed Ibrahim (Agriculture)

Sitting from left

1. Hitham A/Alla

2. Abu Samra

3. Waleed Garoud





BR,



Imad Ayed

Post: #1367
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-29-2008, 07:12 AM
Parent: #1

الاعزاء رجب ومحمد عبدالرحمن
تحياتي
محمد: زمن طويييييييييييل. اعنقد اخر مرة شفتك فيها كان في منزل آل بشير مدني (احمد ومعتز) سنة كم ما بعرف.

رجب.. انت مصر تطلعني من الجحر؟

صاحبك محمد عبدالرحمن (دفعة 83) قال:
Quote:
بعدين طارق أحمد خالد ده لا قدرنا و لاحاجة...
يا اخى ده لمن نحنا جينا الجامعة كان إسمو طارق بولتون .... و بولتون ده أستاذ بتاع باوور إنجليزى نحنا ما حضرناهو...يعنى من زمن الإنجليز


مع العلم انو بروفسور بولتون درس في الكلية لحدي نهاية 85 وسافر اهلو في بداية 86. يعني يا ابو حميد انتا عاصرتو(من زمن الانجليز برضو) بس قول ما درسك لكن ما تقول ما حضرتو.

أقبض ..... في لحظة تجلي ونشوة هندسية صاحبك انفلت لسانو مدوياً:

Quote:
تعرف دريسة ده ...
مشينا نتمرن معاهم جنب داخلية النشر .... طردنا من التمرين مجموعة .. بحجة اننا لم ندفع معم فى شراء الكفر ....


عييييييييييييييك... دريسة الاسطوري دا دفعة 81. وكمان كنت بتلعب معاهو كورة؟ قلت لي ما حضرت الفراعنة يا ابو حميد؟؟؟؟
بالله يامحمد بلغ تحياتي القلبية للاخ ظافر عبده والسلام أمانة.

عارف رجعتني للزمن الجميل زمن إيريك بولتون وسمير غبريال . كمان قول دا ما حضرتو (يا دفعة -1) .

تحياتي لكم وفتحتو شهيتي للكتابة بعد غيبة.

طارق



Post: #1369
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-29-2008, 07:31 AM
Parent: #1367

نرجع ونتحفكم ببعض صور رحلة مصر عام 89



Post: #1370
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:39 AM
Parent: #1369

أبو بكر
تواصل .. ولا أواصل أنا :

Post: #1371
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-29-2008, 07:43 AM
Parent: #1

ابوبكر عثمان
كيفك يافردة. مالك مدسي في الصورة الفوق دي زي "أبحث عن فضولي"

أبراهيم محمدالحسن.. إزيك. يادوب عرفتك بعد ما شفت صورتك وإتذكرت لاب الباور الإشتغلت فيهو معاكم.

Post: #1372
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:53 AM
Parent: #1371

Quote: براهيم محمدالحسن.. إزيك. يادوب عرفتك بعد ما شفت صورتك وإتذكرت لاب الباور الإشتغلت فيهو معاكم

مرحب يا باشمهندس ..
طيب نحن عاوزين نشوف صورتك

Post: #1373
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 07:58 AM
Parent: #1372

يلا أواصل أنا :

وقوفا :
- هالة كزن
- إبراهيم محمد الحسن
-عمر الحبر
- منى خميس

جلوساً:
- جمال حسن
- أيمن باهي الدين

Post: #1374
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 08:00 AM
Parent: #1373


من اليمين :
- أخو حسين مساعد
- هشام علي
- أحمر صلاح
- خالد حبة
- خالد عبد العظيم
- أنـا
- حسين مساعد
- ياسر ابو صلعة
- نزار جعفر
- مهدي
______________________
التعديل لإضافة ياسر أبو صلعة دفعة بمبو حسب إفادة الحبر

Post: #1375
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 08:02 AM
Parent: #1374


- ×
- سوسن آدم
- سارة أبو قرجة
- خالد حبة
- طارق حمزة
- هالة كزن
- أنـا

Post: #1376
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-29-2008, 08:07 AM
Parent: #1371

الصورة دى كانت فى طريق العودة للسودان
بمدينة أسوان بعد ما الفلس حصل والحالة كانت صعبة
معز عثمان (كهرباء)
عادل محمود (زراعية)
عبد العظيم (بورتسودان)
هنادى (تربية)
بكنام سعد الدين (كيميائية)

Post: #1377
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-29-2008, 08:18 AM
Parent: #1376

فطاحلة كهرباء




وهاكم دى كمان



Post: #1378
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-29-2008, 08:27 AM
Parent: #1377









Post: #1379
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-29-2008, 08:44 AM
Parent: #1378

أبو بكر .. راجع المسنجر ..

من الصورة الفوق دي عرفت :
- الصادق فيصل
- وليد زكريا
- محمد الفاتح يونس
- مصطفى بتيك
- وطبعا ابو بكر عثمان

Post: #1380
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 09:59 AM
Parent: #1

Quote: الاعزاء رجب ومحمد عبدالرحمن
تحياتي

تعرف يا بمبو ذكرتنى اركان النقاش وعصرت محمد عصرة شديدة
وثبت مبدا مهم لهذا العجوز المتصابى وهو انو رجل عجوز
فيا امايعترف ويقر ولا يروق فى علبو.
لك التحية يا بمبو انا عايز اعلق على الصور شوية وراجعلك

Post: #1381
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 10:14 AM
Parent: #1

Quote: الحمد لله النبهتني يا خليل. لأنه الرسالة مشت الجنك ميل


Quote: أهي الصورة عرفت فيها و ليد قرود و أبو سمرة و سمير سليمان منصور الفلسطيني الطيب و عصام و طه النور

الصورة دى فيها عظما تجب معرفتهم اشرف شمت وجمال النور وحاتم الجد ودسوقى
والجالس مع القرود وابوسمرة دة هيثم عبدالله

Post: #1382
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 10:17 AM
Parent: #1

Quote: نرجع ونتحفكم ببعض صور رحلة مصر عام 89

ايوة يا بكرى ادينا من النوع المعتق دة واكتب الاسماء

Post: #1383
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 10:20 AM
Parent: #1

ابوبكر
Quote: عثمان
كيفك يافردة. مالك مدسي في الصورة الفوق دي زي "أبحث عن فضولي"

والله يا بمبو لو ما تعليقك دة انا ما كنت شايف ابوبكر عثمان
وما فى تعليق احسن من كدة

Post: #1384
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 10:26 AM
Parent: #1

Quote: من اليمين :
- أخو حسين مساعد
- هشام علي
- أحمر صلاح
- خالد حبة
- ×
- أنـا
- حسين مساعد
- ×
- نزار جعفر

يا ابراهيم الزول الرافع يدو كانو رئيس دة ما ياسر ابصلعة
دة لو فى وسام تعتيق كنا ادينا ليهو الراجل دفعة بمبو وقعد
لمن رجاكم انتو

Post: #1385
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 10:56 AM
Parent: #1

Quote: يلا أواصل أنا :

انا اعجز زول فى الصورة دى ومنى خميس اصغر زول وانت وجمال وايمن وهالة فى النص
فى الصورة النزلتها قبل دى فيها صديق جيلانى ومنى وانا وايريا وهالة كظن شقيقة الدفعة
ياسر حسن(كظن) وبالمناسبة دى التحية لصديق ومنى خميس ونقول ليكم عما قريب حا نعمل فى
البوست حاجة خاصة للمهندسين المتزوجين مهندسات

Post: #1387
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-29-2008, 11:46 AM
Parent: #1

بمناسبة بروفسور بولتون. زمان الهندسة كان فيها أساتذة معروفين على مستوى العالم.
بولتون دا كان عمرو لما درسنا قريب ال80 سنة وعندو قصة حياة غريبة.
عمل مهندسا في سلاح البحرية البريطاني ثم ترك الجيش وتحول ل"جنرال إلكتريك" وحضر للسودان وأشرف على تركيب محطة بري الحرارية.
بعد حياة مهنية عامرة حضر الماجستير والدكتوراة ثم عمل محاضرا في جامعة مانشستر وتدرج حتى درجة الأستاذية.... ثم عمل بعد ذلك في الجامعات الأمريكية ثم جامعة لوساكا في زامبيا ودرس في جامعة الخرطوم علي مرحلتين ثم عاد لمانشستر في 86.
عند إنتهاء فترة عمله عملنا ليهو حفلة وداع محترمة تأثر بها كثيراً. وبعد عودته أهدى مجموعة من الكتب لمكتبة الكلية.
الغريبة رغم سنو الكبيرة كان بطلع السلم لحدي مكتبو في الطابق الخامس بنشاط أبناء العشرينات وما كان بستعين بأي مساعد تدريس في التيوتوريال.

الطريف إنو كان بستمتع بتجميع أوراق الجماعة "المترسين" من بعض ويقسمهم لمجموعات متجانسة حسب طريقة التتريس ويدبًس كل مجموعة مع بعض . وبعد داك يقسم نمرة الشخص "المترس منه" على باقي المجموعة يعني ممكن نصيبك يكون 1 من عشرة ويمكن نص كمان حسب عدد المترسين.

....
إزيك يا خليل. السودان الأيام دي منور بعودة مرتضى الطاهر الذي إستلم عمله الجديد بمصرف السلام. عقبال نشوفك معانا وللا طاب ليك المقام بي غادي؟.

Post: #1388
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 12:11 PM
Parent: #1387

Quote: إزيك يا خليل. السودان الأيام دي منور بعودة مرتضى الطاهر الذي إستلم عمله الجديد بمصرف السلام. عقبال نشوفك معانا وللا طاب ليك المقام بي غادي؟


طارق مشتاقين وكدة

خلي مرتضي اظبط لي الوظيفة

وبكرة بكون معاكم

Post: #1389
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-29-2008, 01:33 PM
Parent: #1388


يا سسسسسسسسسسسسسسسسسسسسلام
والله البوست شعلل وكورته بقت في السماء فووووووق
تذكرك طلعات ود المتوكل الاسطورية ووقفلات طلال وبهاء
واري ايضا في هذا الابداع عتوقة وايمن وكوكة
وكل فتية الهندسة الرائعين....

واصلوا ياهندسة ومارسوا جرجرة وجداننا ببساط ريح الي الزمن الجميل
زمن ابو سمرة
وطه النور
ووليد زكريا
والصادق فيصل
وزمن ايزاك....


واييييييي ايييييييي اييييييييييي

Post: #1390
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 01:41 PM
Parent: #1389

كيكي واخيرا

ظهر هاشم كونسايدر في احد الصور

وكذلك اخونا من جنوب الوادي كواسي

بس يا ريت نشوف طارق عيكورة وكيكي ايام الشباب

Post: #1391
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-29-2008, 02:00 PM
Parent: #1390

نعم ياخلي
طل هاشم كونسايدر عاليا خفاقا مرحا وطلت معه سيرة الحضور وسيرة الدروينغ البشيلومقاساته باليد
بدل البرجل
ونحتاج الي روية طارق عيكورة نعم
ونشتاق الي كمال الشيخ رائد رواد الخضرمة والوست
(وانشاء الله نتسفنك يااااااخي)...!!

والبوست بعد ده عاوز عض بالنواجز فقد اتي اكله وتجمع كتيبة الهندسة بقيادة ابراهيم
ونجم شيلسي ود الحبر وطارق ومحمد شمس الدين ونثروا بين جنباته حياة وضج باجمل الناس
الاصدقاء والصديقات
وتحياتي لبكنام سعيد
ونتمني روية الاخت الغالية سهير عبدالقيوم
وتحياتي لاشراقة الطريفي

وسنعود للصور حبة حبة
وحتة حتة
وزول زول...زولة زولة....
ويا سسسسسسسلام يا هندسة

Post: #1392
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 02:00 PM
Parent: #1

Quote: بمناسبة بروفسور بولتون

ايوة بالله يا بمبو متعنا بالحكاوى المعتقة دى
ادينا منها تانى بالله

Post: #1393
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 02:16 PM
Parent: #1

Quote: ونشتاق الي كمال الشيخ رائد رواد الخضرمة والوست

والله يا كيكى انا ابحث عن هذا الرجل بشدة ولم ارى فى حياتى شخص
بستمتع بالوست وبمتع الجمهور زى الراجل دة. من طرائفه انو
مرة جانى فى الاوضة وقال لى انا خليت الصعوط قلت ليهو ذنبك شنو
الخلاك تسيبو قال لى كرهتو وبس قلت ليهو طيب خلينا نمشى نشرب
شاى قال لى بطلتو قلت ليهو طيب الشاى مالو قال لى عشان لو فكرت ارجع
ارجع للشاى ما ارجع للصعوط.
التحية لهذا الكهل

Post: #1395
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-29-2008, 02:47 PM
Parent: #1393

Quote: دريسة الاسطوري دا دفعة 81. وكمان كنت بتلعب معاهو كورة؟

و الله يا طارق الكلام حرقك لمن طلعت من الجحر..... دى بالدنيا....
أما دريسة فقد كان ابا روحيا لكل البرالمة.....

الأخ ظافر من المتابعين لهذا البوست ...

أهداء لطارق بإعتبار معزته لدكتور معتصم:
من القصص التى حصلت لدفعتنا مع دكتور معتصم إنو زميلنا الباشمهندس جهاد إسماعيل فى إمتحان مادة الباور فى السنة الثالثة فهم مسألة خطأ.... و قام بحلها حتى النهاية بفهمه الخاطئ ...
بعد الإمتحان ذهب لدكتور معتصم شارحا وضعه
فقال له دكتور معتصم أن هناك قصة تقول أن إثنين كان يركبان قطارا ... و كان هناك نفق ضيق جدا سيمر به القطار ....
فقال أحدهم للأخر "Look out" فاخرهم الأخر رأسه من الشباك ليرى فطار رأسه...(و الكلمة تعنى أنظر فقط و لا تعنى اخرج راسك)...

يعنى الدكتور معتصم لم يريح صاحبنا جهاد ... بل أبلغه بان من يفهم غلط يمكن ان تطير رأسه .....
بعدين القصة بتكون جميلة لو تخيلت الطريقة التى يتحدث بها الدكتور ... و هو من أساطين السخرية

و التحية للدكتور معتصم ....و لللأخ جهاد

Post: #1394
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 02:24 PM
Parent: #1

يا اخوة مافى زول قال لى الله يساعدك فى موضوع اليوبيل
الفضى ل83 اذا انا قررت انو يكون فى اول سبتمبر وبدات
الاتصال فى هذا الشان بى خالد الشهير وحا اتصل انشاء الله
اليوم باحدرجال الشرقى وصمام امان فريق الهندسة واحد
الابطال العمالقة .الرجل المحبوب طلال محمد حامد وله التحية

Post: #1396
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 03:11 PM
Parent: #1394

Quote: يا اخوة مافى زول قال لى الله يساعدك فى موضوع اليوبيل
الفضى ل83 اذا انا قررت انو يكون فى اول سبتمبر وبدات
الاتصال فى هذا الشان بى خالد الشهير وحا اتصل انشاء الله
اليوم باحدرجال الشرقى وصمام امان فريق الهندسة واحد
الابطال العمالقة .الرجل المحبوب طلال محمد حامد وله التحية


طبعا يا الحبر الاعظم

انا عندي راي انو ناس 83 اظرف من مر علي الكلية

بعدين ناس 85 بعدين ناس 87

حسب استفتاء اجرته مجلة النيوز ويك

Post: #1397
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-29-2008, 04:16 PM
Parent: #1396

Quote: انا عندي راي انو ناس 83 اظرف من مر علي الكلية

بعدين ناس 85


معناهو خالك شايل الكأس ...

Post: #1398
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-29-2008, 04:56 PM
Parent: #1397

Quote: من الصورة الفوق دي عرفت :
- الصادق فيصل
- وليد زكريا
- محمد الفاتح يونس
- مصطفى بتيك
- وطبعا ابو بكر عثمان


يا أبوخليل تجلى شنب الدين كلو



Quote: كيكي واخيرا

ظهر هاشم كونسايدر في احد الصور





رأيك شنو يا خليل و يا كيكى جبناهو ليكم فى صورة تانية

طبعا الصورة دى إثبات لانو فك حمد حماد من يوم التخرج ...
جا قعد جنبى انا و معز و ورانا أنور ... محل الونسة و الضحك .. و ها ها ها ...و قلت لى ....

Post: #1399
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-29-2008, 05:43 PM
Parent: #1398

Quote: طبعا الصورة دى إثبات لانو فك حمد حماد من يوم التخرج

هلا يا ابوحميد
ودي ونسة الشديد القوي ذاتها الخلت كونسو يفك حمد حماد عكس الهواء ويجي يقعد معاكم
وتحياتي الحارة لهاشم كونسايدر فقد كان قمة في المرح واللطف..


ويا حبر
معاك يد بيد في موضوع اليوبيل ده
واقترح ان يقسم العالم ده لقطاعات وفي كل منطقة يكون في فوكل بوينت
لزوم الرصد والمتابعة..وانت ابداء واحنا خلفك
تماما مثلما كانت الهتافات والهدير الهندسي في الميدان الشرقي..
...
ويامحمد شمس الدين
ياخي حنفي وين ياخي؟؟
انا له بالجد لمشتاقون

Post: #1400
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 05:46 PM
Parent: #1

Quote: معقوله يا الحبر ما تجيبو سيرة عز الدين محمد الخير عمر ازرق

اخوك

صلاح مختار

دة ايميل من الباشمهندس صلاح مختار
والله يا صلاح لومتنى لوم حقيقى ورغم انو عزالدين من النوع الاجتماعى جدا
وعلاقتو حميمة مع كل الناس وبالذات المشاركين فى هذا البوست الا انو انا
اقرب من الجميع لى عزالدين وهو حقيقة رجل بمواصفات صاحب النكتة فى وقتها
والجدية فى مكانها وصاحب قلب يسع امة باكملها وانا وعزالدين اصدقا وشلة
من البرليم وحتى الان وبالمناسبة يا صلاح كانت عندنا جلسة كل يوم ثلاثاء
(تسمى جلسة الثلاثاء) اما فى الغربى او نجيلة معمار لشلتنا
علاء الدين عثمان(الامارات)
عمر نورى(الدوحة)
فخرالدين الفاتح(السودان)
عزالدين محمد الخير(ابوظبى)
دكتور طه محمود(جامعة مانشستر)
دكتور حسين على حسين(امريكا)
محمد هاشم عبدالرحيم(امريكا)
حاتم ادم عبدالله(امريكا)
ابوبكر الصديق(اليابان)
محمد جعفر سعد(ابوظبى)
احمد النصرى(السودان)
مؤتمن ميرغنى(السودان)
هيثم عثمان(السودان)
ياسر بدوى(السودان)
ايمان صلاح الدين(السودان)
دكتورة تبارك موسى عوض(جامعة ريدنج انجلترا)
مى ابوالعزائم(السعودية)
عفاف عثمان حسين(السعودية)
سناء محمدالحاج(السودان)
مها سراج(..........)
عفاف محمد على(السودان)
فاطمة نمر(.........)
فاطمة عبدالعزيز(.........)
ديل كلهم دفعة84 ما عدا علا لكنه كان صديق الكل

Post: #1401
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-29-2008, 05:50 PM
Parent: #1

Quote:
أهداء لطارق بإعتبار معزته لدكتور معتصم


يا سلام عليك يا محمد ..يا أصيل
د. معتصم نسيج متفرد صعب النسخ أو التكرار.

Post: #1402
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 05:56 PM
Parent: #1401

Quote: رأيك شنو يا خليل و يا كيكى جبناهو ليكم فى صورة تانية


والله يا محمد

قاعد تجيب درر

بس كيكي دها كان وين الوقت داك

افتكر بكون بشرح ماسمتك في الكلاكلة

Post: #1435
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 06:37 AM
Parent: #1401

صباح الخير يا شباب
وفعلا الواحد سعيد جدا عشان البوست سخن وجاب ناس من الزمن الجميل .. نتمنى يتواصل ..
الحبر قلت :
Quote: يا اخوة مافى زول قال لى الله يساعدك فى موضوع اليوبيلالفضى ل83

مع إني علقت ليك فوق :
Quote: والله فكرة حلوة وإقتراح جميل جدا .. ومن هسع كل واحد يبدأ يحصر الناس البيعرفهم في كل دفعة وأخبارهم ..

Post: #1403
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 05:59 PM
Parent: #1

Quote: ويا حبر
معاك يد بيد في موضوع اليوبيل ده

شكرا لك يا عملاق يا كيكى.
وانا سعيد بنشاط بمبو والفضل لى محمد شمس الدين
ولما ندخل معاه بندق وعلاء عثمان حا يكون فى ابداع

Post: #1404
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 06:04 PM
Parent: #1403

شوق خاص

لعلاء الدين قناوي

16 سنة لم اقابله تري ماذا فعل الزمان به

Post: #1405
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 06:17 PM
Parent: #1

Quote: أنقطاع المياه عن امدرمان

أعلنت هئية مياه ولاية الخرطوم عن اصابة الخط الناقل من مياه المقرن الى منطقة امدرمان بعطب تجرى فيه حاليا" عملية الاصلاح. واوضح مدير ادارة العلاقات العامة بالهيئة شداد الخير على حسب سونا ان عملية البناء التى تنفذها شركة السنط بمنطقة المقرن تسببت فى العطل مما يؤدى الى شح المياه باحياء واسعة من منطقة امدرمان جنوب

دة ايميل رسلو لى الباشمهندس هشام مجذوب 88
وهو عبارة عن خبر نشر فى الصفحة الاولى فى كل الجرائد التى صدرت امس
طبعا سبب وجوده الان فى بوست اليوم الحار انو الباشمهندس المسؤول من
هذه الفعلة هو معشوق الجماهير وقائد مشجعى هندسة بالشرقى من 85 الى 90
وصديق خليل وكيكى والحبر . انه ابراهيم ابوسمرة وجاتنى افادة من عمار ابشوك
ومرتضى حسن ومحمد الخاتم وهشام انو سهر كل الليل وبرضو المشكلة ما اتعالجت
فيا لتعاسة امدرمان مرقت من خليل ابراهيم وقعت فى ابراهيم ابوسمرة
وبا ابوالقوق وكيكى لازم تعلقو

Post: #1458
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 05-31-2008, 09:05 PM
Parent: #1405

دة ايميل رسلو لى الباشمهندس هشام مجذوب 88
وهو عبارة عن خبر نشر فى الصفحة الاولى فى كل الجرائد التى صدرت امس
طبعا سبب وجوده الان فى بوست اليوم الحار انو الباشمهندس المسؤول من
هذه الفعلة هو معشوق الجماهير وقائد مشجعى هندسة بالشرقى من 85 الى 90
وصديق خليل وكيكى والحبر . انه ابراهيم ابوسمرة وجاتنى افادة من عمار ابشوك
ومرتضى حسن ومحمد الخاتم وهشام انو سهر كل الليل وبرضو المشكلة ما اتعالجت
فيا لتعاسة امدرمان مرقت من خليل ابراهيم وقعت فى ابراهيم ابوسمرة


يا عمر الحبر

يوصينا ديننا في كتابنا الكريم ان نتحرى حتى لا نندم ولا اراك تبينت واعلم انك لم تندم واخشى ان لا تكون ممن شملهم الخطاب فراجع وتراجع
ثم بعد يا ايها الحبر
اني اربأ بك ان تجعل من هؤلاء الاولاد مصدرا وانت حين قدلت في النشاط (فلا استطيع ان اقول المين) كانوا يهرولون خلف بائع الدندرمة (الآيس كريم حاليا) فعد الى جادة الطريق واترك ركوب البكاسي الغلط فانت ادرى الى اين تودي بك عموما ساحكي لكم بعد حين قصة ماسورة ام درمان فهى درس في التفاني في حب السودان الوطن الواحد

يا كيكي
الله يخلي أل ثاني الخلوك حليو ولبيس ومتابع السيرفس ديتيكتر (ما ديديكتر ياكيكي) وابشرك انو البلد فيها مساحين بيحيروا( ناسا)

ويا خلي

دي كفاية فانت خلي

ولنا عودة

Post: #1406
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 06:27 PM
Parent: #1

انشاء الله يا ابوسمرة الكلام دة يلهلبك ويخليك
تعمل باس ويرد وتدخل على اليوم الحار وتولعو اكتر من ما هو مولع

Post: #1408
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 06:33 PM
Parent: #1406

Quote: فيا لتعاسة امدرمان مرقت من خليل ابراهيم وقعت فى ابراهيم ابوسمرة
وبا ابوالقوق وكيكى لازم تعلقو



والله يا عمر الحبر

امدرمان في ايدي امينة وابوسمرة ما بديها عوجة لانو درس بها

عارف ناس الحكومة ديل ( زي ما قالو صديقي مامون الكوتش )

حقو يضبحو (دبيب) عشان مشاكلهم تتحل كل يوم بفن جديد

Post: #1407
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-29-2008, 06:32 PM
Parent: #1

Quote: شوق خاص

لعلاء الدين قناوي

16 سنة لم اقابله تري ماذا فعل الزمان

انا اشاركك الشوق لهذا الرجل الدفعة وانا وهو لمانا ملحق
فلن يفرقنا الزمن وبكرة بجيب ليك خبرو من احمد ابو الريش

Post: #1409
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-29-2008, 06:42 PM
Parent: #1407

Quote: انه ابراهيم ابوسمرة

اذن انه خراب الثالوث
الاولي كما جات من يد خليل ابراهيم لاندكرورزية الهواء
والثانية مائية اللون والهواء من يد المهندس ابوسمرة
والثالثة حتما ستكون ما افعال طه النور وساعتها الله يستر

يا ابو سمرة ياخي في حاجة اسمها (السيرفس ديديكتر)
قول الوووو ونرسل ليك معاها بتاني يكشف لييك خطوط الموية المن زمن الانجليز
وبلاش تفضحنا في الصحف القومية


الحبر ياخي بالله دردق لينا ابوسمرة ده عليك دينك ياخي
عشان العميان يشيل المكرسح اليوم داك فانه شاعر كبير

Post: #1410
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 05-29-2008, 06:49 PM
Parent: #1409


ولكل الناس الطاعمة ولذيذة ديك
علي قدر الشوق نمد الايادي الاسفيرية

Post: #1411
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 06:58 PM
Parent: #1410

Quote: علي قدر الشوق نمد الايادي الاسفيرية



طاف بليلتي خيال الندامي والنواسي عانق الخياما


حليل امتداد ومليجي وسلاح الاسلحة

والشيرنق ريال واحد والواحد يقيف (زنبارة)

Post: #1412
Title: Re: اليوم الحار ومابنداريوم الهندسة والمعمار
Author: khaleel
Date: 05-29-2008, 07:06 PM
Parent: #1411

الي روح المرحوم

عمر فلاشا وابو عبيدة الخواض وكل الذين رحلوا عنا بدون وداع


object width="425" height="355">

Post: #1413
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-29-2008, 08:25 PM
Parent: #1

دفعتا 81 و 82 تميزتا بظاهرة تواجد عدد مقدر من الطلاب ال "هاف كاست" والبتحديد من أمهات ألمانيات وكانوا جميعاً شطار وجادين وعلى خلق عالي (ماكينة مرسيدس). نذكر منهم:
د. أبراهيم السنهوري (مدنية)
عمر أبو آمنة (ميكانيكا)
عصام (مدنية أعتقد)
خالد الضوي (مدنية): المهندس الإستشاري لكبري المك نمر
الأخوين العبقريين كمال آنشتاين ود. فاروق (مقيمان بألمانيا)
كمال نقداللة (معمار): توفي لرحمة مولاه.

Post: #1414
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 10:34 AM
Parent: #1413

ياسر علي الشيخ

منتظر الصور

بسرعة نزلها

Post: #1416
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-30-2008, 04:24 PM
Parent: #1413

Quote: د. أبراهيم السنهوري (مدنية)
عمر أبو آمنة (ميكانيكا)
عصام (مدنية أعتقد)
خالد الضوي (مدنية): المهندس الإستشاري لكبري المك نمر
الأخوين العبقريين كمال آنشتاين ود. فاروق (مقيمان بألمانيا)
كمال نقداللة (معمار): توفي لرحمة مولاه.

يا طارق فى واحد أعتقد كان ساكن ام درمان كنت بشوفو مع أسامة أبورعد فى بيته...
كان بيشيل حديد.... و قصير ... كان عنده عربية أمريكية ضخمة أظنها GMC ..لإحتمال يكون عصام.. و لكن أظنه مكيانيكى....
....

سمعت إنو دفعتكم عندها موقع فى النت....

Post: #1415
Title: Re: اليوم الحار ومابنداريوم الهندسة والمعمار
Author: Elawad
Date: 05-30-2008, 04:08 PM
Parent: #1

خليل
أخبارك؟
مافي صور جاتني آخر صورة جات العوض نزلها في الصفحة الفاتت. رسلها تاني.

Post: #1417
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 04:25 PM
Parent: #1415

ياسر

رسلتها تاني

كدي شوف الجنك

Post: #1419
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-30-2008, 04:36 PM
Parent: #1417

Quote: ويامحمد شمس الدين
ياخي حنفي وين ياخي؟؟
انا له بالجد لمشتاقون


كيكى....
حنفى شمس الدين معنا هنا ... بالقرب من شيكاغو ...
عب كبير.. لكن ما كبير أووى ...
تم الماجستير . و بصدد الإنتهاء من الدكتوراة لكن مشاغل عمله كثيرة...
عقد قرانه... و بصدد إتمام الزواج ...


Post: #1418
Title: Re: اليوم الحار ومابنداريوم الهندسة والمعمار
Author: Elawad
Date: 05-30-2008, 04:33 PM
Parent: #1

و صلت يا خلي. في الجنك مافي تكون رسلتها لزول تاني و انت نعسان و الدنيا خميس.



Post: #1420
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 04:44 PM
Parent: #1418

الصورة

حازم الفلسطيني وليد القرود شقيقة اشرف شمت جلوسا

وقوفا يمين اشرف عبد الحافظ جلال محمد احمد اشرف شمت دسوقي عماد عائد حامد قرافي

حسن خضر هيثم محمد عبد الله

والبقية ما واضحيين

Post: #1421
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-30-2008, 04:50 PM
Parent: #1418

نعود ببعض الصور
حنجى للاسماء فى الاخر
واعتبروا ده امتحان للذاكرة














Post: #1423
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 04:55 PM
Parent: #1421

ابوبكر

احمد الطويل امين عثمان ابوبكر عثمان

دي الصورة بتاعة العربية

Post: #1422
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-30-2008, 04:55 PM
Parent: #1418

Quote: عمر فلاشا وابو عبيدة الخواض وكل الذين رحلوا عنا بدون وداع


الأخ عمر فلاشا رحل ... و لم يقل لنا وداعا عند الرحيل...
كنا نعمل بكنانة و كان ميزنا فيه بالإضافة لشخصى الأخ الصادق فيصل .. ميرغنى كرار .. عادل أبوكشوة ...عبدالقادر علم الهدى (82)....
و كان الأخ عمر يعمل بعسلاية... و كان يسجل حضورا دائما بميزنا بحكم علاقته بالصادق و ميرغنى ....و كلهم من الأبيض ...
قام مسئولو جهاز الأمن بعسلاية بالتحقيق معه و ضربه لاسباب لا نعرفها.... و بعد كم يوم أطلق سراحه...
و فى غضون أيام رحل عنا... رحيلا مفاجئا....أثر علينا جميعا... صدمة لم نستطيع تحملها....
....
ودود . طيبة يصعب وصفها ....لا تمل من الحديث معه..
من أجمل ما يرويه عن نفسه كيف سافر من الخرطوم للأبيض مسطح فى قطر و لا يملك غير كيس فول مدمس....

أسأل الله ان يرحمه رحمة واسعة ..... و هو من أهل الجنة .... و هو من تلك القبيلة التى دائما تستعجل الرحيل .....

Post: #1424
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-30-2008, 04:58 PM
Parent: #1422








Post: #1425
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 05:03 PM
Parent: #1424

ابوبكر عثمان شيخ الدين

وليد زكريا معاوية داوؤد

Post: #1426
Title: Re: اليوم الحار ومابنداريوم الهندسة والمعمار
Author: Elawad
Date: 05-30-2008, 05:54 PM
Parent: #1

Quote: الأخ عمر فلاشا رحل ... و لم يقل لنا وداعا عند الرحيل...
كنا نعمل بكنانة و كان ميزنا فيه بالإضافة لشخصى الأخ الصادق فيصل .. ميرغنى كرار .. عادل أبوكشوة ...عبدالقادر علم الهدى (82)....
و كان الأخ عمر يعمل بعسلاية... و كان يسجل حضورا دائما بميزنا بحكم علاقته بالصادق و ميرغنى ....و كلهم من الأبيض ...
قام مسئولو جهاز الأمن بعسلاية بالتحقيق معه و ضربه لاسباب لا نعرفها.... و بعد كم يوم أطلق سراحه...
و فى غضون أيام رحل عنا... رحيلا مفاجئا....أثر علينا جميعا... صدمة لم نستطيع تحملها....
....
ودود . طيبة يصعب وصفها ....لا تمل من الحديث معه..
من أجمل ما يرويه عن نفسه كيف سافر من الخرطوم للأبيض مسطح فى قطر و لا يملك غير كيس فول مدمس....

أسأل الله ان يرحمه رحمة واسعة ..... و هو من أهل الجنة .... و هو من تلك القبيلة التى دائما تستعجل الرحيل .....

رحمه الله رحمة واسعة.
للتوضيح فقط المرحوم عمر غير عمر فلاشا بتاع الدفعة 86 ولد أم درمان و خريج مساحة... متعه الله بالصحة و العافية.

Post: #1427
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 05:57 PM
Parent: #1426

Quote: للتوضيح فقط المرحوم عمر غير عمر فلاشا بتاع الدفعة 86 ولد أم درمان و خريج مساحة... متعه الله بالصحة و العافية



عمر الصادق ود امدرمان (فلاشا)

عمر محمد الطيب (مواليد الابيض) دفعة 85 رحمه الله

Post: #1428
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-30-2008, 06:47 PM
Parent: #1427

Quote: عمر محمد الطيب (مواليد الابيض) دفعة 85 رحمه الله

و كنا نناديه فلاشا أيضا

Post: #1429
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-30-2008, 08:22 PM
Parent: #1

يا ابوبكر: الصورة الامتحان انا متذكر منها: كواثي اروب يور, ابوبكر عثمان, مصطفى بتيك، محمد الفاتح يونس, اعتقد البي ورا داك بهارات كريشنا. صاح وللا انا طششت.

يا محمد
عصام فعلا ميكانيكا مش مدنية. شكرا ياحبيب

Post: #1430
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-30-2008, 09:07 PM
Parent: #1429

طارق
طششت جد دة بول سلامة
شيخ الدين
عباس محمد احمد
علاء الدين
وليد زكريا
ابراهيم الخليفة
هاشم كونسيدار
بهارات يوجد هنا



Post: #1431
Title: Re: اليوم الحار ومابنداريوم الهندسة والمعمار
Author: khaleel
Date: 05-30-2008, 09:11 PM
Parent: #1430

حاتم الجد

اولاد معمار

عصام ابو عاقلة يوسف

Post: #1433
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-30-2008, 09:39 PM
Parent: #1430

يا ابو بكر انا ما طششتا بهارات واقف ورا مصطفى بتيك.

Post: #1432
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-30-2008, 09:27 PM
Parent: #1

عارف يا ابوبكر مرة صديق ابو اللكس كان غايب وعندو مشكلة كورس ويرك قام دكتور معتصم قال لي تعمل ليهو امتحان شفهي بدل الكورس ويرك. قمتا جرستو ليك واتفسحت فيهو فسحة شديدة.

ياخي الزول دا خليط ععجيب من الشطارة والظرافة. التحية له ولفردته أمين البير.

Post: #1434
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-30-2008, 09:41 PM
Parent: #1

عمر الحبر الليلة مختفى: الجمعة والمديح وكدة
مدد يارجب

Post: #1436
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 07:08 AM
Parent: #1434

كهربجية 87 :

الصف الأمامي:
- طارق حمزة
- خالد حبة
- كباشي حسن
- علي أحمد الخضر

الصف الخلفي:
- محمد أبو القاسم
- علي عبد الله
- علي كـدام
- هشام مجذوب
- عبادة السراج
- سامي عبد الكريم
- إبراهيم محمد الحسن
- خالد سعد
- محمد ابكم

Post: #1437
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 07:12 AM
Parent: #1436


جلوساً :
- حسين ....
- طارق حمزة
- عز الدين عبيد
- نزار عمر

وقوفاً :
- سوسن آدم
- سامي عبد الكريم
- رائد عباس
- محمد عبد الحليم
- علي كـدام
- نزار جعفر
- طارق حمادة
- تهاني عبد الله
- أمل بيومي
- إبراهيم محمد الحسن
- علي عبد الله

Post: #1438
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 07:16 AM
Parent: #1437


- حسين .....
- سامي عبد الكريم
- طارق حمادة
- نزار جعفر
- تهاني عبد الله
- رائد عباس

الطالعين في التركتر :
- سلمى بريدو
- سوسن آدم
- أمل بيومي
- طارق حمزة (عامل قرون إستشعار لأمل)
- نزار عمر
- عز الدين عبيد

Post: #1439
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 07:54 AM
Parent: #1438

الحبر ..
Quote: فى الصورة النزلتها قبل دى فيها صديق جيلانى ومنى وانا وايريا وهالة كظن شقيقة الدفعة
ياسر حسن(كظن) وبالمناسبة دى التحية لصديق ومنى خميس ونقول ليكم عما قريب حا نعمل فى
البوست حاجة خاصة للمهندسين المتزوجين مهندسات

تحياتي أيضا للأخ صديق جيلاني والأخت منى خميس ..
وآخر عهدي بيه كان هنا في السعودية .. بس بأتصل عليه تلفونه ما بيجمع !!
عندكم خبر عنه؟ الرجاء الإفادة

Post: #1440
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-31-2008, 07:56 AM
Parent: #1

يا خليل.. تعال.. عندي ليك هدية

Post: #1441
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 08:14 AM
Parent: #1440

يا الله ..
Just Now كنت في محادثة طويلة مع الباشمهندس عمر الحبر ..
تشاورنا وتفاكرنا في البوست والخطط المستقبلية حلوة دي صاح
وإنشاء الله موعودين بشغل نظييف ..
وفي مفاجأة أخبرني بيها الحبر ..
شخصية أسطورية إنضمت للبوست .... وحا تعيد الناس فعلاً (لليوم الحار ما بندار) وللميدان الشرقي ..
أقول يا الحبر؟ ولا انتظرك؟

Post: #1442
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-31-2008, 08:23 AM
Parent: #1

Quote: عمر الحبر الليلة مختفى: الجمعة والمديح وكدة
مدد يارجب

دة فعلا حاصل يا بمبو والحمدلله انت البقيت قاعد وبتفقد الناس وفى حاجات كتيرة
عايز اعلق عليها لكن عايز اعمل تقديم لى شخص مفاجاة وبعدين نجى للتعليق

Post: #1443
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-31-2008, 08:34 AM
Parent: #1

قول........... شحتفتنا:
دريسة؟؟؟
أبو سمرة؟؟
طارق زكي؟؟؟؟
الفردة بندق؟؟؟
قوووووووووووام

Post: #1444
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-31-2008, 08:38 AM
Parent: #1

فى الحقبقة انا سعيد جدا بان يكون لى دور فى انضمام عملاق
من عمالقة الهندسة(دورى فى لهلبته اولا وايصاله لحد الغليان
وانا اعرف طول لسانه ورغبته فى الرد وثانيا استعجال عمل الباس
ويرد) وهواحد الفطاحلة الذين يشار اليهم بالبنان ورمز من رموز
دفعة 85 ورقم فى كلية الهندسة لا يمكن تجاوزه ابدا فهو كمية مهولة
من الابداع تميز بنشاطه الاجتماعى الكبير فى الكلية وكان له بصمة واضحة فى
مساطب التشجيع ولا زالت روائعه تنشد فى الميدان الشرقى وله غيرة بلا حدود
لهذه الكلية العريقة وللفريق الازر فعلى الجميع الان ان ينحنى تحية لهذا
الرجل وعلى التصفيق ان يدوى فى جنبات البوست والان يتقدم ابراهييييييييييييييم
ابوسمرررررررررررررررة

Post: #1445
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-31-2008, 08:43 AM
Parent: #1444

اهلا اهلا اهلا
نورت يا ابوسمرة يا مبدع

شرفت البوست

يا سلام يا رجب. غرفة تسجيلات خطيييييييييييييرة.
شد حيلك وجيب لينا ديناصورات

Post: #1446
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 08:52 AM
Parent: #1445

نورت يا باشمهندس أبو سمرة
ومرحب بيك في رحاب اليوم الحار ....اللي حا يولع بعد كدة
رجع الموية لناس أمدرمان سريع عشان تتفرغ لينا هنا

Post: #1447
Title: Re: اليوم الحار ومابنداريوم الهندسة والمعمار
Author: عمر الحبر
Date: 05-31-2008, 09:23 AM
Parent: #1

قبل ما يدخل ابوسمرة انا عندى نظرية بهديها لى اخونا خليل والجميع
نص النظرية(انشاء الله سيستمر هذا البوست عشرات السنين على الاقل )
البرهان
اذا دخل محمد الحسين مع الحبر فى هذا البوست وحكو ذكرياتم لسنين الجامعةبالتفصيل
يكون عدد اجمالى السنين 19 سنة(بدون ما نورى اى واحد قعد كم اصلو انا والحسين
جيبنا واحد) يمكن ان يحكو لمدة اربعة سنوات وتسعة اشهر (دة ما تخمين دة علم)
السنة فى ثلاثة اشهر منها اسبوعين للذكريات المتعلقة بال(السمستر والشواكيش والرياضة
والثقافة و......و........وخلافو) وشهرين ونص للسياسة وما تستغربو وتستكترو الكلام دة
لانو فى الحاجات السياسية انت بتحكى الحدث وبتجى تقول اراء التنظيمات السياسية(35 تنظيم)
واراء الكوادر المنسلخة من هذه التنظيمات والكوادر المزروعة من تنظيم فى تنظيم اخر
واراء الطلبة الذين يحبون (خالف تعرف) و.......... و........... وكثير(هنا التوسع راسى)
طبعا دة فى حالة مافى زول غيرنا قال بغم اما اذا دخل ياسر محمد احمد ومحمد فارق ومعتز على
وحكو ذكرياتم مافى شك المسالة بتاخد 20 الى 25 سنة.
طبعا انا بتكلم على الذكريات وال بنى ادم فيها مستيقظ (يعنى انا بتكلم على حوالى 16 ساعة فى
اليوم) واذا لقينا المسالة خلصت. فى ذكريات فى ال8 ساعات بتاعة النوم لانو طالما فى سمستر
وشوكيش ومقصات(مقالب الطلبة فى بعض) ومظاهرات وخلافو يبقى لازم يكون فى احلام لها علاقة بالموضوع
فمثلا انا مرة شفت فى حلم امراة واقفة جنب المكتبة وأول ماشافتنى جرت وقالت لى اذا لحقتنى
بديك جائزة قيمة قمت جارى وراها لما قربت منها عترت لى درابة كبيرة اترتعت شوية وتانى واصلت
والمرة دى لمن قربت جا واحد ضربنى من الخلف لمن وقعت. صحيت من النوم قلت لازم اشوف لى
خبير فى تفسير الاحلام لكن لمن صحصحت وشربت كباية شاى قلت يا ود يا حبر المسالة واضحة
اكثر من شمس الظهيرة وطالما الايام ايام سمستر (انا فى رابعة اول) يبقى المراة
دى الstructure والدرابة دة الcoursework والزول ال ضربنى دة عبدالله ابراهيم ووحياتك
يا ابو القوق تانى قعدت فى رابعة لمن هنق حمار الوادى
(حمار الوادى بهنق كل مائة سنة بس انا محظوظ لانو كان اخر مرة هنق قبل 96 سنة)

Post: #1448
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 09:40 AM
Parent: #1447

WANTED
Quote: هؤلاء مطلوب القبض عليهم لانهم شاركو قليلا وهربو كثيرا
طالما انكم عندكم password لماذا انقطعتم
محمد الصائم
رباح الصادق
خالد عثمان
احمد القاسم
حامد الصاوى
عمر بوب
امين عمر عثمان
عثمان مالك
حاتم الجد
محمد الفاتح يونس
امير عون
ارجعو للبوست الله يرضى علبكم

Post: #1449
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-31-2008, 10:07 AM
Parent: #1448

مرحب بالمبدع ابو سمرة
ويا عمر الحبر يلا واصل فى فلتاتك
أصلو الجديد شديد

Post: #1450
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-31-2008, 10:11 AM
Parent: #1449

طارق ما تعفى نفسك من الطشيش
الصورة الاولى الفيها بول سلامة بالخلف
والصورة الثانية فعلاً بهارات ورا مصطفى بتيك وبول سلامة اتى للامام







Post: #1451
Title: Re: اليوم الحار ومابنداريوم الهندسة والمعمار
Author: Abubakr Osman
Date: 05-31-2008, 10:16 AM
Parent: #1450

يا سلام على الغرفة 6 داخلية النشر
والتسطيح لسينما البى إن الدور الثانى




مرتضى الطاهر (نرحب بيهو بعد العودة)
توفيق الطيب (آداب)
على ادريس
معز عثمان
ابوبكر عثمان
علاء الدين صلاح
البغدادى يوسف

وهنا الضمنة تقول يا ليل




Post: #1452
Title: Re: اليوم الحار ومابنداريوم الهندسة والمعمار
Author: khaleel
Date: 05-31-2008, 11:22 AM
Parent: #1451

ابويكر عثمان

ياخي الصور دي من زمان وين

طارق احمد خالد في الانتظار

عمر الحبر ابو سمرة وصل وللا دي كضبة مايو

Post: #1453
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 05-31-2008, 12:48 PM
Parent: #1452

الواحد الليلة في غاية السعادة ..
اتكلمت هاتفيا مع كل من :
* عمر الحبر - السودان
* أبو بكر عثمان - السودان
* صديق جيلاني - السودان
* عمر الفكي - الرياض
* محمد أبكم - الرياض
* عبد الرحيم عمر - جدة

يعني الواحد عايش أجواء هندسية بحتة .ز

وين أبو سمرة؟

Post: #1456
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 05-31-2008, 05:25 PM
Parent: #1452

السلام عليكم ورحمة الله

كضبة مايو ياخليل تكون اخت خمسة وعشرين مايو


آآآآآآآآآآآآآآآآآي ................. كدي لعبتا

وجاييكم

Post: #1454
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-31-2008, 01:35 PM
Parent: #1

هاك دي يا خليل.. قول واحد




غزت الكوع عنك

Post: #1455
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 05-31-2008, 01:45 PM
Parent: #1

وهاك دي كمان



Post: #1457
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 05-31-2008, 07:34 PM
Parent: #1455

نورت يا أبوسمرة

توزيع للشربات ... ضرورى

Post: #1459
Title: Re: اليوم الحار ومابنداريوم الهندسة والمعمار
Author: khaleel
Date: 05-31-2008, 10:01 PM
Parent: #1457

Quote: نورت يا أبوسمرة

توزيع للشربات ... ضرورى




ايوووووو يوووووووو


صاحبي وصل

Post: #1460
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 06:32 AM
Parent: #1459

عمر الحبر
ويييييين أبو سمرة؟
وشنو ساهرت أمبارح مع ناس بكري أبوبكر وبورداب الخرطوم ولا شنو؟
انشاء الله قدرت طلعت من بكري كم باسورد كدة للشباب ..
منتظرنك

Post: #1461
Title: Re: اليوم الحار ومابنداريوم الهندسة والمعمار
Author: amir elsharief
Date: 06-01-2008, 07:57 AM
Parent: #1

ألأخوان خليل كيكي العوض إبراهيم عمر توتي عمر الحبر ود شمس الدين و أبو سمرة مشتاقين بالحيل. إتنين و عشرين سنة مرت من دخولنا للصرح العلمي العملاق الذي كان كلية الهندسة و المعمار بجامعة الخرطوم. مين كان يصدق في عز السمستر إنه دي أجمل سنين العمر? أنا شخصيا كنت حاتهم أى واحد يدعي هذا ألإدعاء بالجنون في حينها. قبل ما نستعيد شريط الذكريات في أخوان أعزاء أخبارهم مقطوعة فلو في أي واحد هنا علي إتصال بيهم يوصليهم تحيانامع العلم إنه القائمة ليست حصرية بل تشمل كل الدفع من 82 إلي 94
محمد الغزالي
أمين عمر
محمد أبكر
خالد أبو الروس
أنو محمد أحمد
عثمان عبدالقادر
عمر الحضري
عمر الخواض
أمير حسن
محمد علي الشايقي
مبارك عثمان
محمد القرني
الدكتور صالح
عارف علي صالح
سمير برهوم
الدكتور ياسين زكريا
علي عمر العوض
أمجد زهير
وللقائمة بقية أنشاء الله

أخوكم أمير عون

Post: #1462
Title: Re: اليوم الحار ومابنداريوم الهندسة والمعمار
Author: amir elsharief
Date: 06-01-2008, 08:29 AM
Parent: #1461

سبتمبر 1986 اول يوم في داخلية النشر الغرفة 13 أحضر العم مرزوق مراتب يبدو من منظرها إنو كتشنر نفسه نام عليها. ذهبت إحتجاجات البرلوم من توتي بإنه ضهره ما بستحمل أدراج الرياح حيث إنه عمنا مرزوق قال دا أفضل الموجود. دخل المساء ويا للهول الغرفة ملاصقة لسينما النيل ألأزرق والصوت كأنك في داخل السينما و لسؤ الحظ إنو العرض التانى لا ينتهي إلا في منتصف الليل يعني بإختصار مافي نوم. أصوات غريبة تنبعث من سقف الغرفة بعد ألإستفسار تبين إنو سقف الغرفة يستعمل كلوج إضافي مجاني للسينما.نواصل

Post: #1463
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 08:32 AM
Parent: #1461

هلا بالباشمهندس أمير عون
وأهو واحد من المطلوبين إستجاب للنداء .. عقبال البقية ..
Quote: مين كان يصدق في عز السمستر إنه دي أجمل سنين العمر?

والله فعلاً يا أمير ..
الواحد جد بيتمنى تعود تلك الأيام بزنقتها وضغطها ومعسكراتها اللي بتبدأ بعد نزول جدول الإمتحانات
نتمنى تعود بنا الأيام للوراء .. لكافتريا الهندسة وحولك كمية من الناس الرائعيين أبى الزمن إلا أن يفرقنا عنهم ..
للسوق الشعبي .. والبوش اللذييذ ..
للميدان الشرقي .. ودوري الكليات ..

نتواصل

Post: #1464
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 09:09 AM
Parent: #1463

Quote: أصوات غريبة تنبعث من سقف الغرفة بعد ألإستفسار تبين إنو سقف الغرفة يستعمل كلوج إضافي مجاني للسينما


فعلا يا أمير ..
ياما شلنا الكراسي وطلعنا فوق سطح داخلية النشر لحضور الأفلام ..
لا وألذ حاجة لما يقطع الفيلم .. تلقى الشباب يحتجوا بأعلى أصوات .. التقول قاطعين تذاكر

Post: #1465
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-01-2008, 09:16 AM
Parent: #1

بس ديل يا امير؟
كنت فاكرك حاتتذكر ياسر، وللا خلاص عشان الراجل صلع حتتتته كده؟

خليل و كيكي و التاج بارك الله فيكم علي اللمه، عاوزه ليها بس شاي و جاتوه زي بتاع لمه وداع امير عون بدار المهندس قبل ميه سنه كده، اذا كان اخونا عمر الحبر متذكر، لانو انا غايتو ما لحقته اشوف الجاتوه كويس ذاتو عشان اتذكر

دي عشانك بس يا ابو سمره


و نشكر اخونا ابراهيم لشعلله البوست و سلام خاص من عبرك لبهاء الدين بخيت و شبو و بركه و صلاح و كل الشبان بالسودان

و يا بطه الدار، رسل لي تلفونك بالإيميل لأني حاكون بالسودان بعد بكره إنشاء الله

سلام للجميع و اتمني مقابله كل الصامدين بالسودان، مع اخلص التحايا

Post: #1466
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 09:40 AM
Parent: #1465

كنت في اتصال هاتفي الآن مع الدكتورة تهاني عبد الله ..
طبعا هي تعمل بالكلية - قسم الكهرباء
وقد وعدت بمشاركات سخنة .. من داخل ميدان المعركة
منتظرين يا هندسة ..

Post: #1467
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-01-2008, 10:17 AM
Parent: #1

ترحيب خاص
بالرائع ابوسمرة
زميل الدراسة وزميل الغربة

قلت لى مسئول من موية امدرمان
والله فعلا مرمى الله مابترفع
من مجارى جدة لشبكة موية امدرمان

Post: #1468
Title: Re: اليوم الحار ومابنداريوم الهندسة والمعمار
Author: omer alsayed
Date: 06-01-2008, 10:56 AM
Parent: #1

سلام وشوق للدكتور عبقري الدفعة الولد الشاطر المهذب الخلوق الانسان الرائع : امير عون الشريف قاسم (البروف ابن البروف) حنكوش كوبر والحلفاية والتحية لابناء الحلفاية محسن واحمد محمد الامين ورامي
بالمناسة يا عون محاولات برلوم توتي لم تذهب ادراج الرياح وعمك مرزوق ما قصر في نفس الساعة كان عندو مراتب جديدة مدكنة للناس الواصلين والقديمة بغش بيها البرالمة الصغار
وبمناسبة النيل الازرق يوم الكهربا قاطعة وانا والبرلوم الصادق عسكر (صيدلة) نتونس في نجيلة النشر برة الغرفة والسينما مدورة والفليم انتهى والكهرباء لسه قاطعة والونسة مدورة المهم لما رجعت الكهرباء ودخلت الغرفة 13 لغيت الحرامي مفلس طبلة الدولاب وكل البناطلين القشرة والتي شيرتات ذهبت ادراج الحرامي

Post: #1469
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 11:03 AM
Parent: #1468

المشاركة التالية من الدكتورة تهاني عبد الله :
Quote: بسم الله الرحمن الرحيم

السلام عليكم يا ناس كلية الهندسة جامعة الخرطوم زمان

و الجديد في الأمر إنو مازالت الكلية بخير و مازال القسم بعافية

فقد أعلن برنامج الأمم المتحدة الانمائي UNDP نتيجة التقييم لبعض أقسام الهندسة بكليات الهندسة لبعض الجامعات العربية تحت شعار " تطوير الاداء النوعي و رفع كفاءة التخطيط المؤسسي في الجامعات العربية" و منحت قسم الهندسة الكهربائية و الإلكترونية جامعة الخرطوم تقدير "جيد" و هو أعلى تقدير من ثلاثة تقديرات تمنح و هي: غير مرضي و مرضي و جيد. و قد تشكلت لجنة التحكيم من خمسة خبراء من بريطانيا و الولايات المتحدة و ألمانيا و مصر و اليمن. لقد سعد الجميع بهذا التقييم لأنه جاء وفق معايير و أسس عالمية .

ماهو رأيكم؟

تهاني عبد الله

سعدنا جداً بالتقييم ..
والحمد لله أن قسم الهندسة الكهربائية والإلكترونية ما زال كسابق عهدنا به ،، دائماً مثال للتفوق والتميز ..

Post: #1470
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 11:28 AM
Parent: #1469

دي بقي مش بوست


دها مزيكا نحن بعد كدة حاتفرج بس

امير عون حبابك يا العزيز تيرابك

منتصر يا حلو

بنتنا دكتورة تهاني مشتاقين

ابوسمرة ابدا لينا من اول يوم لما استنكحنا امجد زهير واشرف زهير سجاير (دنهيل)

Post: #1471
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-01-2008, 11:41 AM
Parent: #1470

شنو يا بتاع الكدامير .. وين من الصباح؟
Quote: دها مزيكا نحن بعد كدة حاتفرج بس

لا .. تتفرج بس دي ما معانا .. أنا من الصباح سادي وردية ما لاقي زول معاي
لا أبو سمرة المنتظرين دخوله
وكيكي قال عامل عندو قراية
حتى الحبر إختفى في ظروف غامضة .. الظاهر الحفلة كانت تقيلة أمس

Post: #1472
Title: Re: اليوم الحار ومابنداريوم الهندسة والمعمار
Author: omer alsayed
Date: 06-01-2008, 12:19 PM
Parent: #1

وصلني هذا الايميل من الصديق الدفعة ورفيق السكن الاخ محمد الحسن الشايقي:
Quote: أخى عمر

لك التحيه و عبرك الى الإخوه دفعة 86:

أمير عون

أحمد محمد الامين

عبد المحسن محمد نور

أحمد خالد ( شقيق عبد الرحمن خالد) school

أضافة الى شخصى محمد حسن الشايقى و أنت عمر السيد كان أول لقاء

لنا بالغرفة 15 النشر فى 1986 بداية العام الدراسى

مع أننى لم أكن من المداومين و دائماً سريرى متروك للضيوف و لكنى أذكر

أن بالغرفة 13 كان يسين محمد عوض الله الميكانيكى و الفاضل محمد عثمان

أما الغرفة 14 فكان فيها:

د. ياسر طه مكاوى (حالياً دكتور وهو باحث و محاضر فى الهندسه الكيميائيه بجامعة شيفلد بإنجلترا)

على أبزج (حالياً بالمانيا على ما أعتقد)

محمد طه – معمار- ( حالياً بالسعوديه على ما أعتقد)

الهادى الأسد (حالياً بامريكا) على ما أذكر

لهم جميعاً منى التحيه

أرجو من الإخوه دفعة 83 تصحيح معلومات الغرفتين 13 و 14

الى اللقاء

محمد حسن الشايقى كيميائيه 86

Post: #1473
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-01-2008, 01:11 PM
Parent: #1472

Quote: أصوات غريبة تنبعث من سقف الغرفة بعد ألإستفسار تبين إنو سقف الغرفة يستعمل كلوج إضافي مجاني للسينما

هلا بيك يا أمير

البلو نايل كانت تسبب مشاكل للسلامة
مرة من المرات الجماعة وقع بيهم فرع لشجرة اللبخ التى كانت تستعمل كلوج إضافى أيضا
بعدين الجماعة الخاشين ملح بالطريقة دى .... أصواتهم و تعليقاتهم كانت أعلى من الناس الدافعين قروش...

Post: #1474
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 05:51 PM
Parent: #1473

صورة تاريخية



Post: #1475
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 05:59 PM
Parent: #1474

اميرة عبد الستار وعريسها ابوسمرة حسن خضر دسوقي عماد عائد

عبد العزيز عباس عبدالله احمد البشير التكينة

Post: #1476
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 06:09 PM
Parent: #1475

ولاول مرة وحصريا في بوست اليوم الحار

النجم عصام الدبيب والفرقة الماسية





Post: #1477
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-01-2008, 06:16 PM
Parent: #1475

Quote: السلام عليكم ورحمة الله

كضبة مايو ياخليل تكون اخت خمسة وعشرين مايو


آآآآآآآآآآآآآآآآآي ................. كدي لعبتا

اووووووووووه
وتاني اوووووووووه
اذن انه ابراهيم ابوسمرة
اذن انه الشاعر المهيب
ولاعب الباسكت بول الحريف والصعلوك النبيل واكبر مشجع للهندسة عبر لانش الميدان الشرقي..

مرحب يا ابراهيم وحبابك الف
والجابك يجيب طه النور
وبالله صلح لناس امدرمان ديل مويتها وتعال لينا بمزاج
وحباب الاخ امير عون ومنتصر وكل الطيور الجميلة التي عادت الي هذا البوست الوطن..


وايييييييي ايييييييي اييييييييييي

Post: #1478
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 06:34 PM
Parent: #1477

انت يا كيكي

ما باركت لي ما بقيت بعرف انزل الصور ونريح ياسر علي الشيخ شوية

بعد اليو تيوب القصة ساهلة اسهل من (دروينق ون) الكلو فن

Post: #1479
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-01-2008, 06:38 PM
Parent: #1478

لا جلابة ولا غرابة كلو زي دها
المباركة هنا يا خليل

Post: #1487
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-02-2008, 11:07 AM
Parent: #1475

Quote: اميرة عبد الستار وعريسها ابوسمرة حسن خضر دسوقي عماد عائد

عبد العزيز عباس عبدالله احمد البشير التكينة

الزول المعاهم وما ذكرتو يا ابوالقوق دة عاطف عبدالغفار84
وظاهر برضو فى الصورة ال تحت مع الدبيب والحسين وباقى المجموعة

Post: #1480
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-01-2008, 09:12 PM
Parent: #1

Quote: äوبالله صلح لناس امدرمان ديل مويتها وتعال لينا بمزاج



ابشرك ياكيكي انها شغالة من تاني يوم والناس ما نامت ولا زحت من جنبها الا لمن الموية مشت لاهلنا في ام درمان والحكاية الحصلت دي ورتني انو لسع في امل في الناس القاعده هنا تصدق ياكيكي كل العندهم علاقة بالموضوع كانوا واقفين من الباشمهندس خالد علي خالد مدير عام هيئة مياه ولاية الخرطوم والباشمهندس برار مدير المنطقة ومدير منطقة ام درمان ومهندسي المنطقة خصوصا اخد المهندسين الشباب كان يا كيكي جوة الحفرة (م/ عبد الناصر) وهنالك ايضا شركة السنط بوجود الشعلة ناظم عبدالرحيم وشركة الوسام وشركة الصافنات كانت والله نفرة رغم التعب الا انني كنت سعيدا بما اراه

وبعد كده حقو تشوف ليك موضوع عشان ما ندق ال.... ونطلع ال.......

الاخوة مرتضى وعمار ومحمد والعزيز هشام لكم العتبى حتى ترضو ولكن القاب موجود بين جيلكم وعمنا الحبر

يا خلي الشوق مطر لكن الداكرة بقت تعبانة مع الضهر
بالله انحنا كنا بنستنكح زمان .... طيب مالنا بقينا كدي هسع
اي زول بيستنكحنا ولا الاسد

سلامي لمحمود الاسد

Post: #1481
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 09:35 PM
Parent: #1480

Quote: ابشرك ياكيكي انها شغالة من تاني يوم والناس ما نامت ولا زحت من جنبها الا لمن الموية مشت لاهلنا في ام درمان والحكاية الحصلت دي ورتني انو لسع في امل في الناس القاعده هنا تصدق ياكيكي كل العندهم علاقة بالموضوع كانوا واقفين من الباشمهندس خالد علي خالد مدير عام هيئة مياه ولاية الخرطوم والباشمهندس برار مدير المنطقة ومدير منطقة ام درمان ومهندسي المنطقة خصوصا اخد المهندسين الشباب كان يا كيكي جوة الحفرة (م/ عبد الناصر) وهنالك ايضا شركة السنط بوجود الشعلة ناظم عبدالرحيم وشركة الوسام وشركة الصافنات كانت والله نفرة رغم التعب الا انني كنت سعيدا بما اراه




ابوسمرة ازيك يا ملك

كدي انسانا من حكاية الموية واحكي لينا لما كنا بنذاكر في قاعات علوم في سنة اولي

وانت بتقرا في شعر للحنكوشة بتاعة شهادة لندن وهي ما جايبة خبر

Post: #1482
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-01-2008, 09:39 PM
Parent: #1481

ابراهيم ابو سمرة وصل الف مرحب..!!!
حباب ابو سمرة
واليوم الحار فعلا بقي حاااار
واييييييييي اييييييييييي ايييييييي

وامسكو الخشب يا ناس هوووي
القصة ولعت وليعة جد
ويا احمد تجاني اظهر وبان وليك الامان والحب

Post: #1483
Title: Re: اليوم الحار ومابنداريوم الهندسة والمعمار
Author: عبدالفتاح أبوشيمة
Date: 06-01-2008, 09:41 PM
Parent: #1

سلام يا هندسة

يهندس

هندسة


خلّي وأصحابو إزيّكم

ما شاء الله

Post: #1484
Title: Re: اليوم الحار ومابنداريوم الهندسة والمعمار
Author: khaleel
Date: 06-01-2008, 09:51 PM
Parent: #1483

Quote: خلّي وأصحابو إزيّكم

ما شاء الله



عبد الفتاح ابو شيمة


حياك الله وسلمك من كل بلاء

Post: #1485
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-02-2008, 06:55 AM
Parent: #1484

صباح الخير يا شباب ..
أذكر أنه ونحن في سنة ثالثة (أول) على رأي خليل .. كان عندنا إمتحان Power بتاع الدكتور الفلتة معتصم .. وكان آخر إمتحان في السمستر ..
كان الإمتحان يوم الجمعة 30 يونيو 1989 .. طبعا التاريخ ده معروف ليكم ..
أيوة .. يوم ثورة الإنقاذ
ونحن الصباح متحركين من الداخلية للجامعة .. لاحظنا انه الحركة غريبة والشوارع فاضية .. ولما وصلنا الجامعة عرفنا الحاصل ..
الإمتحان اتلغى طبعا .. وما معروف حا يكون متين ..
كان في حظر تجول والكباري مقفولة ..
وطبعا ما كان في موبايلات عشان الواحد يطمئن ناس البيت ..
لملمنا حاجاتنا من الداخلية .. وكداري عبر كبري النيل الأزرق إلى بحري .. بعدين ركبنا ملح وصلنا قدام شوية .
طبعا برضو كبري شمبات كان مقفول ..
مشيت بيت خالتنا في الميرغنية .. ومنهم اتصلت على البيت .. وجدت الوالدة عليها رحمة الله فعلا مقلقة شدييد .. فطمئنتهم انه نحن بخير ..
قضيت اليوم داك لغاية العصر في بحري .. وبعد داك الحركة اتفكت شوية .. فمشيت البيت في أمدرمان ..
طبعا كل الكسر والتهيئة للإمتحان ضاعت والواحد ما عارف القرار حا يكون شنو ..
وركلسة ..
بعد يوم أو إثنين على ما أذكر جاتني بنت خالتي في البيت .. كانت في الجامعة وعرفت بالصدفة إنه الإمتحان المؤجل حا يكون بكرة .. تخيلوا
المهم .. شوية مذاكرة ومحاولة استرجاع .. ومشينا بكرة الإمتحان .. وبيني وبينكم بالإضافة للظروف دي الإمتحان ما كان ساهل
وشلنا ال Sub .. أنا وخالد حبة وحسان الجلقني وعدد آخر من الزملاء ..
ال Sub ده كان ليه دور كبير في إننا نفارق الدفعة 86 وننضم للدفعة 87 .. وطبعا ده كان من حظنا
ناس 86 ما يزعلوا .. فنحن منهم .. لكن بصراحة وبشهادة الجميع دفعة 87 من أميز الدفع المرت على الكلية ..
ومن هنا اصبح التاريخ ده ليه وقع خاص في نفسي لن أنساه أبدا الجمعة 30 يونيو 1989

Post: #1486
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-02-2008, 10:50 AM
Parent: #1

ان السعادة لتغمرنى بدخول ابوسمرة وعودة امير عون ومنتصر محجوب
Quote: و يا بطه الدار، رسل لي تلفونك بالإيميل لأني حاكون بالسودان بعد بكره إنشاء الله

ويا منتصر دة تلفون صلاح مختار(00249912346626) وهو فى شوق عظيم اليك ويبلغك التحايا

Post: #1488
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-02-2008, 11:08 AM
Parent: #1486

عمر الحبر
حمدا لله على السلامة .ز كيف مع الصداع اليوم
ومنتظرين أخبارك مع بكري ؟ حصل شنو بالنسبة للباسوردات؟

Post: #1489
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-02-2008, 11:15 AM
Parent: #1488

دي ال Class List بتاعت خامسة كهرباء 86
أرسلها لي الأخ بدر الدين أحمد الفكي .. وهو مقيم معانا هنا في جدة ..
يلا الناسي ال Index بتاعو يجي يشوفو هنا :

Post: #1490
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 11:19 AM
Parent: #1488

عمر الحبر

سلامات مافي طريقة تجيب هشام سفل للبوست

ابراهيم تلاتين يونيو هبت ثورة الانقاذ

والجيش للشعب انحاز

Post: #1491
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-02-2008, 11:20 AM
Parent: #1

Quote: عمر الحبر
حمدا لله على السلامة .ز كيف مع الصداع اليوم
ومنتظرين أخبارك مع بكري ؟ حصل شنو بالنسبة للباسوردات؟

الحمد لله الليلة تمام اما بالنسبة لبكرى ابوبكر فانا اديتو الاسما وقال لى اعتبر
امر تسجيلهم انتهى بس هو مشغول شوية لانو مسافر امريكا الليلة المساء

Post: #1492
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-02-2008, 11:34 AM
Parent: #1

Quote: ماهو رأيكم؟

تهاني عبد الله

هذه هى الهندسة ومبروك يا د.تهانى لانو دة بفضلكم ولكى التحية

Post: #1493
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-02-2008, 11:39 AM
Parent: #1492


Post: #1494
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-02-2008, 11:54 AM
Parent: #1

Quote: عمر الحبر

سلامات مافي طريقة تجيب هشام سفل للبوست

ابشر يا خليل انا حا اسكو لغاية ما اسجلو وحا اجيب ليك معاهو لعيبة
كبار قدرو كدة

Post: #1495
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-02-2008, 12:00 PM
Parent: #1494

وتتواصل سماع أصوات الناس المن الزمن الجميل ..
كنت في محادثة هاتفية مع الأخ صلاح مختار .. بعد 15 سنة .. إييييييق
يرسل تحاياه للجميع ..

ونتواصل ..

Post: #1496
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 06:23 PM
Parent: #1495

صور جد هاكم



Post: #1497
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 06:31 PM
Parent: #1496

اشراقة الطريفي عماد عائد حسن حضر خالد محمد عبدالله


جلال عبد المنعم الرمز ظافر عبده

Post: #1498
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 06:34 PM
Parent: #1497

وتاني ريدة كمان جديدة




Post: #1499
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 06:45 PM
Parent: #1498

وحصريا ولاول مرة علي اليوم الحار

كبار المحايدين نادر كوبر وابوبكر اللبش



Post: #1500
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 06:46 PM
Parent: #1498

امين بير


عمر قاسم واخرون

Post: #1511
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 05:59 AM
Parent: #1500


Quote: وحصريا ولاول مرة علي اليوم الحار
كبار المحايدين نادر كوبر وابوبكر اللبش

Quote: امين بير
عمر قاسم واخرون

الجالس آخر واحد علي اليسار ده خالد أورتشي - كيميائية 86
وقوفا : محمد عبد الرحمن - محمد قيلي (كيميائية 86) - ×

Post: #1523
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 03:51 PM
Parent: #1497

Quote: اشراقة الطريفي عماد عائد حسن حضر خالد محمد عبدالله


جلال عبد المنعم الرمز ظافر عبده

انت يا خليل عبدالعزيز عباس دة بطولو وعرضو ما شايفو ولا شنو

Post: #1501
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-02-2008, 07:40 PM
Parent: #1

يا خلي
تتدكر يوم ما غلبنا الجماعة بالتلاتة وشلنا الكاس
ناس جنجا قالوا انو كليتهم محصنة ضد الغزو وانهم لن يستسلموا كما جرت العادة لمسيرة النصر المعتادة و رقصة الفوز المعهودة مع نسايم النيل الازرق في الكافتيريا التي كانت لنا في الحرب والسلم ولمن جينا داخلين والجدران تهتز تحت رجع اليوم الحار وما بندار كانوا هم قد اعدوا ما استطاعوا من الماء البارد واكياس الهبوت ليرهبونا به ويصدونا عن دخول اقتصاد.. كنا في مقدم الجيش الجرار المنتشي بروعة الموج الازرق وكان الى جانبي اخونا عوض سعيد الله يطراه بالخير وكان اقصرنا قامة واخفضنا صوتا ويبدو ان هدا قد ادى الى تضليل اشاوس الاقتصاد فقرروا ان يضربوا بيد من حديد ليخيفوا الباقين فابتدر اشجعهم اخونا عوض سعيد بدفرة في الكتف وكالعادة ابتسم عوض واستمر في التقدم مما شجع المغوار الاقتصادي وجعله يستشعر اقواس النصر ويسمع زغاريد البطولة (ما كان خافيا على اخونا انو عوض هو بطل السودان في الجودو) وظن صاحبنا ان الليث يبتسم فتجرأ وامسك كتف عوض ... تدكر يا خليل انو انحنا يا داب كنا جنب المصطبة القدام المكاتب من الناحية الغربية للكافتيريا... عارف الزول ده بعد ما مسك كتف عوض انا ما شفتو الا وهو داقي في الحيطة الشمالية للكافتيريا

ونواصل ان شاء الله

Post: #1502
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 07:46 PM
Parent: #1501

Quote: فابتدر اشجعهم اخونا عوض سعيد بدفرة في الكتف وكالعادة ابتسم عوض واستمر في التقدم مما شجع المغوار الاقتصادي وجعله يستشعر اقواس النصر ويسمع زغاريد البطولة (ما كان خافيا على اخونا انو عوض هو بطل السودان في الجودو) وظن صاحبنا ان الليث يبتسم فتجرأ وامسك كتف عوض ... تدكر يا خليل انو انحنا يا داب كنا جنب المصطبة القدام المكاتب من الناحية الغربية للكافتيريا... عارف الزول ده بعد ما مسك كتف عوض انا ما شفتو الا وهو داقي في الحيطة الشمالية للكافتيريا



الله من عوض سعيد عضلات تبش

اتذكر الدكتور شويكار في الطب بعد ما غلبناهم عملنا ليهم سيرة


يا دايات يا دايات

قامت شويكار (بنولدكم )

Post: #1503
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-02-2008, 07:58 PM
Parent: #1

مع الدايات لن انسى الولد الانيق و الباشمهندس الرائع الفنان اخونا نادر اليماني وانحنا مزنوقين والجامعة كما العادة على قلب رجل واحد تهتف ضدنا وفرحانين وانحنا خلاااااص دافقين فينا موية باااااردة الساعة القام فيها الولد الشقي ده ياخليل وعمل الباكورد الما خمج ولا سمعو بيه الجماعة ولا شافو دكتور محمد حارس الدايات الا بعد الولادة وهات الكورة من جوة ... في اللحظة ديك ... اشتقت ليك
انا غايتو بتدكر انو كنت واقف براي والهم عصف جوة الميدان قصاد المصاطب الجنوبية والناس دي كلها مخلوعة وبعد براحة جيت راجع للقواعد الشمالية

Post: #1504
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-02-2008, 08:08 PM
Parent: #1

خليل... الهدية شكلها بايخة ما عجبتك وللا ما" قد المقام"

سلام يا أبو سمرة للمرة الثانية

Post: #1505
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2008, 08:14 PM
Parent: #1504

هلا يا ابو سمرة
وحبابك ياطارق
ويلا يا ابو سمرة بالله امسك لينا قطاع الدايات والسكرتيرات ديل
وولع سيرة الزمن الجميل
نادر اليماني باكورد اربع لساتك فوق
وطلال
وبهاء
ووليد الليتر
والاسطوري ود المتوكل...

وهندسة دي صعيبة عليا اييييييي كده لعبتها
منو القال ليك ياابو سمرة تاخر الجية ايييي كده لعبتها
ووولع ووولع يا ابو سمرة

Post: #1506
Title: Re: اليوم الحار ومابنداريوم الهندسة والمعمار
Author: khaleel
Date: 06-02-2008, 08:23 PM
Parent: #1504

Quote: خليل... الهدية شكلها بايخة ما عجبتك وللا ما" قد المقام"



كيف يا طارق اجمل هدية

جلابية بيضاء ومكوية

ابقي عشرة علي مرتضي وقول ليهو الشقة في غضب الله

Post: #1507
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-02-2008, 08:31 PM
Parent: #1

طيب شد حيلك

من باب إيقاظ الفتنة: الوليمة دي يا كيكي ما عزموك ليها من باب "أحل البيع البيع وحرم الربا".
شوف صاحبك خليل مسنتر في النص كيف.
الشهود ظاهرين يا كيكي ممكن ترجع ليهم....



Post: #1508
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-02-2008, 08:38 PM
Parent: #1507

Quote: الوليمة دي يا كيكي ما عزموك ليها من باب "أحل البيع البيع وحرم الربا".

هلا يا هندسة
مش عزموني بس بل كان انا المفروض اعزم الناس والله ياطارق
ولكن دوما اخوك مهبوش وما ليهو في الحلو نصيب
ولكن باقي ليك كنت لو مشيت بلقي لي جانص مع كمال الضرس وحامد عجبان ديل
وبها اللاعب ثيرباك بهناك وخلي ابو جلابية بيضاء ومكوية...
وتحياتنا لمرتضي بالله

Post: #1509
Title: Re: اليوم الحار ومابنداريوم الهندسة والمعمار
Author: ناهد بشير الطيب
Date: 06-02-2008, 08:41 PM
Parent: #1

الاخ خليل وضيوفه البقوا ناس بيته

دخلت اسلم عليكم واهو متابعه معاكم من بعيد


خالص الود والتقدير

Post: #1510
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-02-2008, 08:58 PM
Parent: #1

جانص شنو البتلقاها ياكيكي. المهندسين ديل لعابين في كل المجالات.

شوف عدموها نافخ النار



Post: #1512
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 06:09 AM
Parent: #1510

صباح الخير يا شباب ..
والله فعلا فعلا اليوم الحار ولع ناااار ..
تعرفوا أنا لما طلعت أمس الساعة 4 عصرا كان عدد الزوار (53042)
اليوم من الصباح وأول ما فتحت البوست لقيت عدد الزوار (54021) .. إييييق
حوالي ألف زائر .. ربنا يزيد ويبارك .
قبل ما ابدأ وردية اليوم وهي مليئة بالكثير .. وصلتني الرسالة التالية من الأخ العزيز أحمد المنقوشي .. يبلغكم تحاياه وسعادته بالذكريات الحلوة :
Quote: الأخ إبراهيم السلام عليكم و رحمة الله، أرجو أن تكون بخير و عافية. الليلة أول مرة أقرأ بتمهل ( اليوم الحار) و صدقني شعرت إني رجعت لأيام ما أظن إني أعيش أحلي منها، علي العموم أرجو أن تبلغ سلامي و تحياتي لكل من ورد إسمهم في هذه الزكريات الجميلة.
أخوك / أحمد المنقوشي
AHMED M. ELMANGOUSHI

Post: #1513
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 06:58 AM
Parent: #1512

- والله قدامي هسع يمكن حوالي 20 صورة جاهزة للنشر
بس للأسف الظاهر في مشكلة في تحميل الصور في المنتدى .. متابع وحا انزلها فور حل المشكلة ..

- الحبر وين مقترحاتك وأفكارك .. نبدأ برنامج (المهندسين المتزوجين مهندسات) ؟
أنا جهزت لستة .. بس مستني البداية منك عشان الملكية الفكرية وكدة ..
ونتواصل ..

Post: #1514
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 11:52 AM
Parent: #1513

في محادثة هاتفية مع الباشمهندس أحمد التجاني
عرفت منه إنه والده أجرى عملية جراحية بمستشفى الملك فيصل التخصصي بجدة ..
بس الحمد لله العملية بسيطة .. وهو بخير ..
نسأل الله له عاجل الشفاء وبلوغ الصحة ..
هذا للعلم للقيام بالواجب ..

Post: #1515
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2008, 12:10 PM
Parent: #1514

الف سلامة ومليون كفارة

لعمنا التجاني احمد الضو والد زميلنا الخلوق احمد


ونشوف التخريج دها



Post: #1516
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 12:25 PM
Parent: #1515

أنت يا خليل التخريج ده دحين مش في الكلية ؟
بس دي ياتو دفعة ؟

Post: #1517
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-03-2008, 12:37 PM
Parent: #1516

طيب يا خليل هاك دي :


Post: #1518
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 02:02 PM
Parent: #1

Quote: في محادثة هاتفية مع الباشمهندس أحمد التجاني
عرفت منه إنه والده أجرى عملية جراحية بمستشفى الملك فيصل التخصصي بجدة ..

الحمدلله على سلامة الوالد يا ود التجانى وربنا يديهو الصحة والعافية

Post: #1519
Title: Re: اليوم الحار ومابنداريوم الهندسة والمعمار
Author: mohammed elsaim
Date: 06-03-2008, 02:36 PM
Parent: #1518

سلام ياشباب بعد غيبة...
تشكر يا ابراهيم محمد الحسن يادفعة على التذكير..
كنت في أول لستتك والقلوب شواهد...
أضحك بأعلى صوتي في المكتب، ويادوب موظف لي شهر الا يوم..
ضحكت حتى سالت دموعي والله من عمر الحبر وحساباته الفلكية
وارتفع المؤشر مع دخول الحلم ومحاولة التفسير ياود ياحبر...
فكرت جديا في الدخول والتحية لعمر الحبر
على تلك اللحظات المنفلتة من حساب الزمان والمكان..
فقط ثواني وجدت اسمي على رأس قائمتك يا إبرايهم..
فقلت ما أقل من نحييكم كلكم، وخصوصا أنت والحبر...
وأصحابنا الزمان الذين تذكرونا حينا ونسونا من ديك وعيك..
على العموم الدنيا آخر ساعات العمل ولوحدي في غرفة السيرفر
وماأظن زول سمع ضحكتي ولا شاف دموع ضحكي..
والا كنت أخاف يفصلوني ولا يظنوا بي كل الظنون..
الخسارة الوحيدة متأخر خمسة دقايق .. لكن ملحوقة.. والسلام

Post: #1520
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 03:27 PM
Parent: #1

Quote: الحبر وين مقترحاتك وأفكارك .. نبدأ برنامج (المهندسين المتزوجين مهندسات) ؟

الشيخ ادريس مصطفى الامين81 واميمة دفع الله الحاج يوسف 81
الامين مصطفى الامين 84 وهالة التجانى 86
هشام ايوب 82 وامانى نصر الدين 84
عمر مختار81 وعفاف محمد على 84
محمد امير 83 وتهانى عباس 83
عماد عوض 83 فاطمة النور 85
عبد القادرالامام80 وحباب محجوب 84
مؤتمن ميرغنى 84 وايمان صلاح 84
طه محمودصالح84 وتبارك موسى عوض 84
ياسر شندى 84 وكاملةعبدالباقى 85
نادر عباس(كوبر)85 وعايدةعبدالله 90
عبدالرحمن بابكر87 وسلمى بريدو 87
ياسر العبد82 وامانى بدوى 87
هشام مجذوب 87 و سوسن محمد الحسن 87
عادل التجانى 87 و امل بيومى 87
عمر حسين87 و رحاب 90
ابراهيم مامون88 وسارة ابقرجة87
منتصر محجوب عباس87 وعفراء 88
صديق جيلانى 88 ومنى خميس 88
منصور على المنصور90 وهنادى احمدون91
سعيد محمد سعيد88 و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
اذا التحية لهؤلاء واذا فى اى ملاحظة او اضافة ارجو ارسال رسالة
على الايميل [email protected]

Post: #1521
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 03:32 PM
Parent: #1

Quote: فقط ثواني وجدت اسمي على رأس قائمتك يا إبرايهم..

عودا حميدا يا محمد الصائم وحبابك عشرة يعنى الندا بتاعى جاب
فايدة رجعك انت وامير عون لك التحية يا عملاق

Post: #1522
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 03:47 PM
Parent: #1

Quote: أمين عمر
محمد أبكر
خالد أبو الروس
أنو محمد أحمد
عثمان عبدالقادر
عمر الحضري
عمر الخواض
أمير حسن
محمد علي الشايقي
مبارك عثمان
محمد القرني
الدكتور صالح
عارف علي صالح
سمير برهوم
الدكتور ياسين زكريا
علي عمر العوض
أمجد زهير

لك التحية يا امير عون وادينى 3 او 4 يوم اجيب ليك خبر النلاس ديل كلهم

Post: #1524
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 04:01 PM
Parent: #1

Quote: Quote: الأخ إبراهيم السلام عليكم و رحمة الله، أرجو أن تكون بخير و عافية. الليلة أول مرة أقرأ بتمهل ( اليوم الحار) و صدقني شعرت إني رجعت لأيام ما أظن إني أعيش أحلي منها، علي العموم أرجو أن تبلغ سلامي و تحياتي لكل من ورد إسمهم في هذه الزكريات الجميلة.
أخوك / أحمد المنقوشي
AHMED M. ELMANGOUSHI

التحية لك يا منقوشى وبالمناسبة يا جماعة باركو للراجل لانو تزوج فى مطلع هذا العام
فهو عريس 2008 وايضا باركو للحسين تزوج يوم 27/12/2007 فهو عريس 2007/2008 زى العام الدراسى

Post: #1525
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 04:14 PM
Parent: #1

البرلوم فى المين تغنى والسناير قالو جن
البرلومة الحلوة وجميلة البرلومة ال فى المين مقيلة
دسمسوها بين يوم وليلة البنات قالن حليلة
ونحن بالخبر انهجمنا
البرلوم ال ديمة قاشر وعامل مهتم فى اللكاشر
اصلو منو الجكس نافر عارف انو القصة زنة
البرلوم الماهو قارى وما بسيب نوم العصارى
العميد الما بدارى قال لى فى باصك فشلنا
البرلوم الكيستو طارت قال دى شينة مصيرا بارت
ولما شاف احوالا سارت راح يفتش ليهو سنة(بكسر السين)
كيكى رايك شنو فى قصائد الحبر ماشى حالا ولا زى قصائد
ستمونى فى فلم الكيف

Post: #1526
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 04:18 PM
Parent: #1

Quote: Quote: الوليمة دي يا كيكي ما عزموك ليها من باب "أحل البيع البيع وحرم الربا".

حمانا الله من فتن الناس الكبار

Post: #1527
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2008, 06:56 PM
Parent: #1526

الصائم غبت وجبت والله


الحبر عندي ليك صورة تاريخية


ما حكيت حكايتك مع منير

Post: #1528
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 07:24 PM
Parent: #1

Quote: الحبر عندي ليك صورة تاريخية


ما حكيت حكايتك مع منير

هات الصورة يا ابوالقوق وورينا قصة منير ياتا
ادينى hint

Post: #1529
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2008, 07:30 PM
Parent: #1528

Quote: هات الصورة يا ابوالقوق وورينا قصة منير ياتا


ياخي لما مشيتو تشتري الموية بتاعة الخواجات

Post: #1530
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-03-2008, 07:35 PM
Parent: #1529

Quote: كيكى رايك شنو فى قصائد الحبر ماشى حالا ولا زى قصائد
ستمونى فى فلم الكيف

هلا يا حبر ومنور والله
طولت الغيبة ياخيييي وفي اشاعة دورت انك كنت بتمدح وياريتنا كنا معاك..

وشعر غايتو يا الحبر اخير من شعر صحبك ابو خليل لمن انشد
لاحباك قطيط لا لقيت النقر
يا ابو القوق خلاص ارجع لامدقر


ونسلم للحضور الزاهي للاخ ودالصايم ومشتاقين يا الصايم
ونورت دارك وبالله تاني مفروض يكون في اتندس زي بتاع عمك حاج الباقر الغمتي داك


وياطارق حمدالله الما مشيت مع ناس كمال الضرس ديل
ديل اكلو كل الدلفيري بتاع الفندق والفنادق المجاورة...لا حولاااااااااااا

Post: #1531
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 07:41 PM
Parent: #1

Quote: ياخي لما مشيتو تشتري الموية بتاعة الخواجات

والله ما اتذكرتها وبعدين يا خلبل انا بقيت فى الكلية
زى ود نفاش ال قلتو والما فلتو بقولونى ليهو وبسمع وبضحك
زى الناس

Post: #1532
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2008, 07:46 PM
Parent: #1531

Quote: والله ما اتذكرتها وبعدين يا خلبل انا بقيت فى الكلية
زى ود نفاش ال قلتو والما فلتو بقولونى ليهو وبسمع وبضحك
زى الناس



طيب يا الحبر


المروحة في تهراقا ضربتك وللا ضربتها


بعدين وين الاغنية بتاعة شوقنا راح من غير ارادتو


واغنية قولها لي الكلمة دي ( تعرف سالت منها مرة ابو عركي البخيت في سوق الحتانة)

Post: #1533
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 07:53 PM
Parent: #1

طيب يا الحبر


المروحة في تهراقا ضربتك وللا ضربتها


بعدين وين الاغنية بتاعة شوقنا راح من غير ارادتو

Post: #1534
Title: Re: اليوم الحار ومابنداريوم الهندسة والمعمار
Author: khaleel
Date: 06-03-2008, 08:02 PM
Parent: #1533

ايميل من الخلوق عماد عائد




ASAK



I am glad things are working out and you have started uploading the photos. Could you please send this note, if possible.



Although I don’t have access to the post, I would like to welcome Abu Samra and Omer Alhibir (sorry, my computer doesn’t have Arabic support). It has been very long time since I met Alhibir, probably more than 15 years. As for Abu Samra, the last time I met him it was around 3 years back when he came back from KSA. My regards also to Ahmed Altigani and his family in Jeddah.

I would like from Alhibir to tell the story when he came out of Terhaga/Tehraga, as most of us like to say it, and found the security pick up (central intelligence department) standing outside and he thought the guys are going to a party, not knowing they were going to be punished badly because of their contribution/involvement to the riot took place in 1990. (may be I got the story wrong)



Salam

Imad Ayed.

Post: #1535
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-03-2008, 08:39 PM
Parent: #1

Quote: I would like from Alhibir to tell the story when he came out of Terhaga/Tehraga, as most of us like to say it, and found the security pick up (central intelligence department) standing outside and he thought the guys are

اولا التحية لهذا الرجل الخلوق كما يقول ابو القوق وعماد فعلا كذلك
وفعلا زمن طويل ما اتقابلنا لكن اخبارو معاى من عبدالعزيز عباس ايام عماد كان
فى السعودية واخيرا من عمر نورى قبل حوالى اسبوعين
القصة دى يا عماد اتعمل ليها سيناريو خطير جدا واذا ما خانتنى الذاكرة اقول من الاصم
وابو الليكس واعثقد انها اتحكت فى البوست دة لكن انا احكى ليك القصة الحقيقية
فى يوم كان اتعمل فيهو تأبين لى بشير وسليم والتاية وفى اليوم دة وانا ماشى على
داون تاون شفت واحد بعاكس فى واحدة وبحاول يمسك يدها(البنت شقيقة التاية) ولما وصلنا عندهم انا وعددمن الطلبة ابتعدمنها شوية لكن نحن بدينا نتكلم معاهو ونقول ليهو انت قليل ادب وحاولنا نشتبك معاهو . فى اللحظة دى جا واحد من رجال الشرطة وريناهو الحاصل قام قبض على
الزول وقال انا عايز شهود يمشو معاى يشهدو ضد الراجل دة . قمنا نحن مجموعة ركبنا فى عربية الشرطة(كندورة) ولما وصلنا القسم اتضح انو الراجل فى الامن وحياتك يا عمدة سلمونا لى ناس الامن من
القسم وعينك ماتشوف الا النور. لكن قصة انو المسألة ملح وكدة دى انا ذاتى متحير فيها
بس الفكرة حلوة وانا طبعا بشجع اللعبة الحلوة

Post: #1536
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 06:34 AM
Parent: #1535

Quote: الشيخ ادريس مصطفى الامين81 واميمة دفع الله الحاج يوسف 81
الامين مصطفى الامين 84 وهالة التجانى 86
هشام ايوب 82 وامانى نصر الدين 84
عمر مختار81 وعفاف محمد على 84
محمد امير 83 وتهانى عباس 83
عماد عوض 83 فاطمة النور 85
عبد القادرالامام80 وحباب محجوب 84
مؤتمن ميرغنى 84 وايمان صلاح 84
طه محمودصالح84 وتبارك موسى عوض 84
ياسر شندى 84 وكاملةعبدالباقى 85
نادر عباس(كوبر)85 وعايدةعبدالله 90
عبدالرحمن بابكر87 وسلمى بريدو 87
ياسر العبد82 وامانى بدوى 87
هشام مجذوب 87 و سوسن محمد الحسن 87
عادل التجانى 87 و امل بيومى 87
عمر حسين87 و رحاب 90
ابراهيم مامون88 وسارة ابقرجة87
منتصر محجوب عباس87 وعفراء 88
صديق جيلانى 88 ومنى خميس 88
منصور على المنصور90 وهنادى احمدون91
سعيد محمد سعيد88 و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92

الحبر ماشاء الله عليك ..
تعرف أنا كنت مجهز لستة عشان أدعمك بيها .. بس بصراحة لقيتك كده .
Quote: عماد عوض 83 فاطمة النور 85

للتعديل فاطمة النور 86

بعض الإضافات على ال Engineer Couples :

- محمد السراج 83 كهرباء و إبتسام محمود 87 كهرباء
- معاوية ميرغني 86 مدنية وآمنة عريبي 86 كهرباء
- هاشم دهب 86 ميكانيكا وسلمى كرم الله 86 مدنية
- عاطف جلال 86 مدنية وصفاء الفاضل 87 معمار
- طارق حمادة 87 كهرباء و آن عبد المنعم 88 كهرباء
- عبد القادر أحمد عباس 88 مدنية و هناء علي 87 معمار
- وائل أبوبكر (ود العميد) 88 مدنية و هبة حسن (كزن) 90 كهرباء

Post: #1537
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 08:31 AM
Parent: #1536

الصورة دي هدية للدكتورة تهاني عبد الله
حفل تكريم المتفوقين 90 - 91م - دار الإتحاد
ويظهر الدكتور مامون حميدة في التكريم


Post: #1538
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 08:43 AM
Parent: #1537

ديل من صور الحفل بتاع فوز جمعية الإلكترونيات بالمركز الأول في أسبوع المهندس :



تجهيز الساندوتشات :
- سارة شمس الدين
- امل بيومي
- طارق حمادة
- مصطفى بتيك

Post: #1539
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 08:45 AM
Parent: #1538



التورتة دي عملتها أمل بيومي

Post: #1540
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 08:46 AM
Parent: #1539



ودي هدية لصلاح مختار .. وهو من ضيوف الشرف ..

Post: #1541
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 08:51 AM
Parent: #1540



نخت معاك طوبة يا أريج جعفر؟
أريج أصرت إنها تتصور مع الكهربجية
من ضيوف الشرف برضو محجوب (في الصف الخلفي)

Post: #1542
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 09:03 AM
Parent: #1541


جلسة ما منظور مثيلها .. في الكافتيريا :
جلوساً من اليمين :
- إبراهيم عبد العزيز - مساحة
- أحمد صلاح - مدنية
- صلاح مختار - مدنية
- محمد صديق - مدنية
- أحمد شبو - مدنية
- محمد مصطفى - مدنية
- هيثم مبارك - كهرباء
- مصطفى (أم مقد) - زراعية
- مصطفى بوب - مدنية
- عبد الرحمن خالد
- حجازي - مدنية
- أشرف منير - مدنية

وقوفا من اليمين :
- سعد إبراهيم - مدنية
- خالد حبة - كهرباء
- عبادة السراج - كهرباء
- إبراهيم محمد الحسن - كهرباء
- حسان عباس - كهرباء
- معاوية عابدين - كهرباء
- عمر الفاروق النعيم - زراعية
- محمد فاروق - مدنية

في الخلف:
- خالد سعد حلمي
- خالد أحمد

جلوساُ في السور:
- محمد مامون - مدنية
- محمد عجيب - مدنية

لاحظتو بتاعين مدنية قاعدين والكهربجية متجمعين عاملين High Voltage

Post: #1543
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 09:05 AM
Parent: #1542



دي في الداخلية ..
طارق فصمة يهجم على الباسطة
ويظهر وليد عريبي ..

Post: #1544
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 11:44 AM
Parent: #1543

ابراهيم عائزين صورة


لياسر محمد احمد والخير ادم وصورة لكيكي

Post: #1545
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 12:01 PM
Parent: #1

دة تحديث لى لستة المهندسين ال اتزوجو من داخل الكلية
بعد اضافات ابراهيم محمد الحسن.
الشيخ ادريس مصطفى الامين81 واميمة دفع الله الحاج يوسف 81
الامين مصطفى الامين 84 وهالة التجانى 86
هشام ايوب 82 وامانى نصر الدين 84
عمر مختار81 وعفاف محمد على 84
محمد امير 83 وتهانى عباس 83
عماد عوض 83 فاطمة النور 86
محمد السراج83 وابتسام محمود87
عبد القادرالامام80 وحباب محجوب 84
مؤتمن ميرغنى 84 وايمان صلاح 84
طه محمودصالح84 وتبارك موسى عوض 84
ياسر شندى 84 وكاملةعبدالباقى 85
نادر عباس(كوبر)85 وعايدةعبدالله 90
معوية ميرغنى86 وامنة الطيب عريبى 86
هاشم دهب86 وسلمى كرم الله 86
عاطف جلال 86 وصفاء الفاضل(معمار)87
طارق حمادة 87 و ان عبدالمنعم 88
عبدالقادر احمد عباس 88 وهناء على87(معمار)
عبدالرحمن بابكر87 وسلمى بريدو 87
ياسر العبد82 وامانى بدوى 87
هشام مجذوب 87 و سوسن محمد الحسن 87
عادل التجانى 87 و امل بيومى 87
عمر حسين87 و رحاب 90
ابراهيم مامون88 وسارة ابقرجة87
منتصر محجوب عباس87 وعفراء 88
وائل ابوبكر الصديق88 وهبة حسن 90
صديق جيلانى 88 ومنى خميس 88
منصور على المنصور90 وهنادى احمدون91
سعيد محمد سعيد88 و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
وما زلنا فى انتظار المزيد كما ارجو تقديم المقترحات بخصوص
شكل التكريم بعد اكمال المجموعة

Post: #1546
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 12:10 PM
Parent: #1545

الحبر
كده تمام
بس يا ريت لو اضفت القسم مع كل شخص
عمر حسين زوجتو مش من إسكول؟

الصور under Processing دقائق وحا تنزل .. إستعدوا عشان المساعدة بالأسماء

Post: #1547
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 12:14 PM
Parent: #1

Quote: الحبر
كده تمام
بس يا ريت لو اضفت القسم مع كل شخص
عمر حسين زوجتو مش من إسكول؟

عمر زوجتو من هندسة وبالنسبة لاضافة الاقسام حا اضيفهم
انشاء الله

Post: #1548
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 12:24 PM
Parent: #1547

ديل ناس 88 كمان

وتتواصل الاجيال بعد الخضرمة




Post: #1549
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 12:28 PM
Parent: #1548

صور دفعة 88

قام بارسالها المهندس صلاح الليون مع هذا الايميل




السلام عليكم
التحية لكم وأنتم تشجونا بحكايات الزمن الهندسي الجميل
والجميل فيكم أنكم عاصرتم أجيال جميلة في العصر الثمانيني
أنا بحكي ليك حكاية عاصرتها أنا وزميلي .... في دفعة 88 مدنية
طبعاً النقاط دي في النهاية عشان أشوفك متذكر الزول ده أم الزمن جار بيك
كنا بنتقابل في سلم داخلية جبل مرة الساعة 12 ظهر وجايين مسخنيين والمعاي بيكون قلع زرايرو وجارين بس نحصل لينا جلابية ونجي نازلين تاني للصفرة وبتلاقينا انت في السلم يادوب جاي نازل وفرشة الأسنان في خشمك يا ماشي تفتش ليك حمام أو ماشي الكشك تحت تشوف ليك سجارة الصباح وتقوم تقول للزول بتاع سيفل المعاي ده يا ... الود ده جا وقصدك د.جمال الامريكي اليادوبو جديد يقوم يقول ليك أيوه ، تقول ليهو : عمل أتندس ، يقول ليك لا عمل كويز ، تقوم بصوتك الجهور داك تقول : ياسلاااااااااااااااااااااااااااام والله اتلومنا معاهو
وفي يوم آخر و عن دكتور كبير تسأل الزول ده جا يقول ليك أيوه وعمل أتندس يقول ليك لا : ياسلاااااااااااام ياخي ده ما حمام ساكت
وطبعاً الحكاية دي بتتكرر يومياً وكل دكتور عندك ليهو لقب

مرفق لكم صورتين
فيهم تلاقح آواسط الزمن الجميل صديق الطفولة والحلة فوزي عبد الفتاح 87 وشخصي الضعيف 88 والحلبي من آواخر الزمن الجميل محمد صابر 89







--------------------------------------------------------------------------------


Eng. Salah Eldin Mohammed Ahmed
(( Salahlion ))
P.O.Box: 97108 Khalifa North, Doha - Qatar
+974 5869969 (mobile) - 4749543 (Office)

Post: #1550
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 12:34 PM
Parent: #1549



جلوساً :
- عفاف عثمان حسين
- سامي عبد الكريم
- تهاني عبد الله
- مواهب الرحمن

وقوفاً :
- علي كدام
- إبراهيم محمد الحسن
- حنان آدم
- إبتسام محمود

ويظهر من على البعد المايسترو حمد حماد

Post: #1551
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 12:35 PM
Parent: #1550



جلوساً :
- إبراهيم محمد الحسن
- طارق فصمة
- وليد عريبي
- خالد حبة

وقوفاً :
- سارة شمس الدين
- مواهب الرحمن
- سارة ابو قرجة
- عفاف عثمان حسين
- إبتسام محمود

Post: #1553
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:15 PM
Parent: #1551


ديل في معمل الإلكترونيات أيام مشاريع التخرج :
- عادل التجاني
- علي كدام
- طارق حمادة
- رائد عباس
- عفاف عثمان حسين
- إبتسام محمود
- تهاني عبد الله
- سارة أبو قرجة

Post: #1552
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 01:06 PM
Parent: #1

Quote: العملاقين/ الحبر + قرو
السلام عليكم
التحية لكم وأنتم تشجونا بحكايات الزمن الهندسي الجميل
والجميل فيكم أنكم عاصرتم أجيال جميلة في العصر الثمانيني
أنا بحكي ليك حكاية عاصرتها أنا وزميلي .... في دفعة 88 مدنية
طبعاً النقاط دي في النهاية عشان أشوفك متذكر الزول ده أم الزمن جار بيك
كنا بنتقابل في سلم داخلية جبل مرة الساعة 12 ظهر وجايين مسخنيين والمعاي بيكون قلع زرايرو وجارين بس نحصل لينا جلابية ونجي نازلين تاني للصفرة وبتلاقينا انت في السلم يادوب جاي نازل وفرشة الأسنان في خشمك يا ماشي تفتش ليك حمام أو ماشي الكشك تحت تشوف ليك سجارة الصباح وتقوم تقول للزول بتاع سيفل المعاي ده يا ... الود ده جا وقصدك د.جمال الامريكي اليادوبو جديد يقوم يقول ليك أيوه ، تقول ليهو : عمل أتندس ، يقول ليك لا عمل كويز ، تقوم بصوتك الجهور داك تقول : ياسلاااااااااااااااااااااااااااام والله اتلومنا معاهو
وفي يوم آخر و عن دكتور كبير تسأل الزول ده جا يقول ليك أيوه وعمل أتندس يقول ليك لا : ياسلاااااااااااام ياخي ده ما حمام ساكت
وطبعاً الحكاية دي بتتكرر يومياً وكل دكتور عندك ليهو لقب

مرفق لكم صورتين
فيهم تلاقح آواسط الزمن الجميل صديق الطفولة والحلة فوزي عبد الفتاح 87 وشخصي الضعيف 88 والحلبي من آواخر الزمن الجميل محمد صابر 89

دة ايميل من الباشمهندس صلاح الدين محمد احمد فالتحية له وهو الان فى قطر
لكن يا ابو القوق القصص البقولوها الناس دى صحيحة؟
انا مرة واحد قال لى كنا قاعدين فى الداخلية ومدورين الوست وانا سميت (تسعة)
(كان معاى طارق الكوتش وعمر حسين وطارق بوكش حسب رواية الراوى) وفى اللحظة دى دخل علينا مرتضى حسن (طبعا مرتضى بيرى فى ال project كنا شايلين مع دكتور الصادق شرفى)
قام مرتضى قال لى الصادق شرفى منتظرنا يللا عشان نصلو فى موعدنا فانا قلت ليهو
كدى يا مرتضى اصبر لى شوية وفورا قبلت على ناس الوست مهملا مرتضى وقلت ليهم
اها يا جماعة تسعتى وصلت وين قالو لى كل الناس قالو باص يللا العب.
ولعبت التسعة وجات (حسب الرواية) بعد داك عاينت لى مرتضى ما لقيتو سألت منو
قالو لى اول ما قلت ليهو اصبر شوية هو زعل ومشى فانا قلت ليهم الحمد لله انو مشى
عشان نكمل العشرة بى مزاج
انا لمن حكو لى القصة دى ضحكت لكن والله ما متأكد انها حصلت ولا لا فهل ممكن تكون
حصلت يا خليل؟
لكن اجمل ما فيها انو التسعة ما سقطت

Post: #1554
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:18 PM
Parent: #1552


- خالد حبة
- إبراهيم محمد الحسن
- عفاف عثمان حسين
- إبتسام محمود
- علي كدام

Post: #1555
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:23 PM
Parent: #1554


- إبراهيم
- آمنة الطيب
- أبو بكر عثمان

Post: #1556
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:26 PM
Parent: #1555



كهربجية :
- محمد أبو القاسم
- هالة كزن
- سارة أبو قرجة
- خالد حبة
- تهاني عبد الله
- مواهب الرحمن
- إبراهيم محمد الحسن

Post: #1557
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:36 PM
Parent: #1556

أعتقد كدة كفاية اليوم ونخلي باقي الصور لبكرة ..
الناس المختفية تطلع ..
ناس كيكي وكده

الحبر .. أمس اتصل بي عادل التجاني من دبي .. وهو من المتابعين للبوست وعاوز يشارك
طلب باسورد .. فالرجاء المساعدة في طلبه ..

ونتواصل

Post: #1558
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-04-2008, 01:40 PM
Parent: #1557

Quote: وما زلنا فى انتظار المزيد كما ارجو تقديم المقترحات بخصوص
شكل التكريم بعد اكمال المجموعة

الحبر ..
التكريم ده لازم يكون لما انا أجي السودان عشان أحضرو
بنتفق على الموعد ..

Post: #1559
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 03:13 PM
Parent: #1

Quote: الاخ / عمر الحبر

ارسل عبرك التحايا الجميلة الى صناديد الهندسة والذين ملأؤا الكلية وشغلوا الناس الى حين ولهم ايادى بيضاء على حياة الكلية الاجتماعية والرياضية والثقافية.

اخى لعلى اصبحت من المدمنين على متابعة البورد حتى صرت أخرم له واعتبره احيانا" كالوصفة الطبية حبة بعد الافطار واخرى بعد العشاء وحقيقتا" انا مستمتع جدا" بذلك واجد فيه ماض نحن له جميعا" لا ادرى اهو حنين اعتاده الناس للماضى على وزن (ياحليل ايام زمان ) ام بالفعل كانت ايام متميزة.

اود هنا ان ابدى ملاحظة نابعة من حرصى على ان يتواصل هذا المجهود ويحافظ على الصلة الوحيدة بين الناس الا وهى التركيز الزائد على زكريات تخص مجموعة قليلة وغالبا" بين شخصين او ثلاث وبذل الكثير من المداد عليها وهى شئ جميل ومسلى ولكنها تكون على حساب مواضيع اخرى يمكن ان تثرى النقاش وتستقطب عدد كبير من الناس. واثق تماما" بانكم تملكون زخيرة جد جيدة من مثل هذه المواضيع.

ولكم منى اصدق الود

دة ايميل من الباشمهندس الصديق هشام مجذوب88 (طبعا فى هشام مجذوب87 يرضو وله التحية)
وهو كما قال من الحريصين على متابعة البوست وانا شخصيا اضم صوتى الى صوته ولنبدا فى توسيع
قاعدة البوست وتنويع المواضيع واطالب الاخوة بالرد على هشام مجذوب وياريت كيكى وخليل
بالاضافة الى نجم البوست ابراهيم محمد الحسن

Post: #1561
Title: Re: اليوم الحار ومابنداريوم الهندسة والمعمار
Author: الحبر عبدالوهاب الكباشي
Date: 06-04-2008, 03:30 PM
Parent: #1559

Quote: اود هنا ان ابدى ملاحظة نابعة من حرصى على ان يتواصل هذا المجهود ويحافظ على الصلة الوحيدة بين الناس الا وهى التركيز الزائد على زكريات تخص مجموعة قليلة وغالبا" بين شخصين او ثلاث وبذل الكثير من المداد عليها وهى شئ جميل ومسلى ولكنها تكون على حساب مواضيع اخرى يمكن ان تثرى النقاش وتستقطب عدد كبير من الناس. واثق تماما" بانكم تملكون زخيرة جد جيدة من مثل هذه المواضيع.


اهل الهندسة سلام
انا في الحقيقة كنت داير اقول الملاحظة دي
لكن قلت افضل تجي من اهل الدار واهي جات

Post: #1632
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-07-2008, 11:32 AM
Parent: #1559

الأخوة الأعزاء صناديد هندسة.
من نعرفهم ويعرفوننا.
من نعرفهم ولا يعرفوننا.
من سمعنا عنهم كل الجمال ولم نتشرف بمعرفتهم وبالتاي لا يعرفوننا.
ومن لا نعرفهم ولا يعرفوننا.
لكم كل الحب والتحية.
خلي,كيكي(الهوائي),عمر الحبر وكل الحبايب, لكم التحية والود.
عشقنا الهندسة وعشقناها فيكم ونتمني ان يمتد عشقنا للمساهمة في هذا المد (اليوم الحار) لذا اضم صوتي لصوت الأخ هشام مجذوب والحبر.

Post: #1560
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 03:26 PM
Parent: #1

تلقيت عبر الهاتف دعوة لحضور زواج الباشمهندس صاحب الزوق والاخلاق
الباشمهندس حسبو عبدالنعيم88 وكلفت ان احيى كل خريجى هذه الكلية
العريقة نيابة عنه وهو يقدم الدعوة للجميع لحضور الحنة اليوم بمنزله
بحى الازهرى بالخرطوم وغدا حفل الزواج بدار المهندس وهذا يدل على ولاء
هذا الرجل لانتمائه لخريجى كلية الهندسة فله التحية والف مبروك

Post: #1562
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 04:27 PM
Parent: #1

بسم الله والصلاة والسلام على رسول الله
قد ان الاوان لتقديم احد ابناء الكلية الذين اثرو الحياة الطلابية
فى مجالاتها المختلفة . السياسية والاجتماعية والثقافية وخلافها
وكان من الذين يحبون العلاقات مع الاخرين فكان له علاقات واسعة
مع الطلبة من مختلف الفصول والاقسام ويمكن ان نقول انو من ديناصورات
الهندسةوصاحب عشق لا يوصف لهذه الكلية الرائعة
وهو الذى الذى قال فى احدى القصائد(عندما كان هناك بورد بكافتيريا
هندسة مخصص للمباريات الشعرية التى يكون فيها مداعبات بين الطلبة
واحيانا هجاء بشكل حلمنتيشى واستعزاز ايضا وخلاف ذلك)
قال
انا الفسدق وانا البندق وانا العسل البنقط طق طق
ومن هذه القصيدة اخد لقب بندق
هو الديناصور علاء الدين محمد بابكر82
ويمكن ان يلعب ون تو مع طارق بمبو ومحمد شمس الدين يهدف
فلينطلق علاء ولك البشرى يا بمبو
ويا خليل انا ارسلت مجموعة لبكرى بغرض التسجيلات فيها هشام civil
وعمر حسين واليوم الحار حا يبقى جهمورة(كلمة تدل على الحرارة الشديدة )

Post: #1563
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 04:40 PM
Parent: #1

Quote: الحبر ..
التكريم ده لازم يكون لما انا أجي السودان عشان أحضرو
بنتفق على الموعد ..

انا موافق وفى انتظارك وبالنسبة لى عادل التجانى
حا ارسل اسمو لى بكرى فورا

Post: #1564
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-04-2008, 05:09 PM
Parent: #1

و أخييييييييييييييييييييراً..... هلت الأنوار بوصول صاحب القلم المغوار
مرحب صديقي وأخي وفردتي علاء الدين محمد بابكر: الفزدق البندق..... الديناصور ؟؟؟ خفير الجنكشن......
مرحب شيخ المحايدين و "الناس التانين"

كسب البورد قلما متمرسا: باحثا وقاصاً ورباطابياً ساخراً حتى الثمالة.ً.
بندق ذو الهندستين "ميكانيكا الخرطوم" و"كهرباء السودان"
أخيرا وجدت من ألعب معه "ون تو" بعد أن إنقطع نفسي مع الشفع الصغار "ناس خليل وكيكي وصحبهم"...
ملحوظة: محمد شمس الدين وعمر الحبر إنتو ما مع الشفع ما تفرحو ساكت.
هكذا تتوسع الأبعاد الزمانية للبوست لتغطي جوانب غير مطروقة.
هذا القدوم الميمون يشجعني لتوثيق جاد للكلية التي لم أبتعد عنها منذ 82 وحتى هذه اللحظة.




تشكر يا رجب وشد حيلك. جيب لي علاء ميكي وياريت كمان محمد الأمير وكبير الديناصورات دريسة.
تفضل يا أبو البنادق.... البساط الأحمر جاهز......
قوم على خيلك يا خليل وإنت ياكيكي وأدو التحية...

Post: #1565
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 05:17 PM
Parent: #1

الصورة الفوق دى فيها انا وعلاء الدين بندق وكانت يوم السبت31/5/2008
يعنى ليها 4 يوم

Post: #1566
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 05:24 PM
Parent: #1

يا عماد عيدروس وابوبكر عثمان وين حتلتو

Post: #1567
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-04-2008, 05:49 PM
Parent: #1

بسم الله الرحمن الرحيم

أنا (بندق)..
أنا الفــزدق...
أنا السكر المدقق..
وأنا العسل البنقـط طق طق طق..
وأنا الجيتكم أدقـدق بورديكم دق..دقـدق..دق درق دق دق..
وسلام علي كل من قضي نحبه من الأحياء والحيات من ديناصورات وسحالي ودبابيب الشرقي فاتحين (إييلووم) مرورا ب(كوم تراب) مارين بالنشاط ثم الي حصن الهندسة العصي..المحمي بالغربي (بالع) الأسرار والسريات..سلاما علي خليل في الأولين والتابعين..وألف سلام علي بكرى أبوبكر الذي قد جمع الأضداد عندما عصي علي وهم الحدود أن يجمعهم.....
شكرا لبرلومنا شيخ( الحبر) الذي قد دحرجني دحرجة، فتلقفني صديقي (بمبو) (جادعا) في طريقي (قشرة موز) الي أن إنكفأت علي وجه (سودانيز أون لاين) ....
فمرحبا بهم داخلي .. ومرحبا بي بينكم...........
علاء الدين محمد بابكر
هندسة ميكانيكية جامعة الخرطوم 82-87
هندسة كهربائية جامعة السودان 92 - 94

Post: #1568
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 05:58 PM
Parent: #1567

مرحبا علاء الدين


ونورت ويا عمر الحبر كراعك خضراء جبت علاء الدين وحتما الرجل مشحون بالذكريات


وهاك يا عمر الحبر الصور التاريخية



Post: #1569
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 06:03 PM
Parent: #1568

وتاني صورة ولاول مرة وحصريا


نادر هداية الله



Post: #1570
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 06:07 PM
Parent: #1569

شوفو الكبابست دها واقف كيف

التقول عائز اشوت ضربة جزاء



Post: #1571
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 06:18 PM
Parent: #1570

ظهر لاول مرة ناس معمار في بنتنا الفنانة هيفاء

Post: #1572
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 06:22 PM
Parent: #1

والله يا خلى جبت درر يا اخى ذكرتنى محمد خالد هلال
الراجل قربنا ننساه(فى الصورة الولى)
وانا يبدو انو ذكريات البرليم حا اخلصها سنة 2009
لانو البوست بقى فيهو درر وخاصة لما تتم تسجيلات الاسبوع الجاى
اكيد فى مفاجات

Post: #1573
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 06:29 PM
Parent: #1

Quote: ظهر لاول مرة ناس معمار في بنتنا الفنانة هيفاء

ولاول مرة برضو ابراهيم اللندى فى نفس الصورة

Post: #1574
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 06:45 PM
Parent: #1573

وين محمد هلال دها ياخي

Post: #1576
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-04-2008, 06:51 PM
Parent: #1574

هلا يا هندسة...
وحباب الاخ علاء الدين ومرحب بيهو في صفحات اليوم الحار الما بندار
والتسجيلات يا حبر يا اعظم ماشة زي الورد..
وبالصور التي جملت هذه الساحة بالجد دوزنتو عصب زمن الترحال الاشتر وخلتونا نشوف وجوه حميمة وناس
وجدانهم طاعم واصدقاء بلاحدود...

ومتابعين الابداعات يا حبر والبركة في الشوفة والصورة الحديثة
ووينك يا ابو سمرة اظهر وبان وليك الامان

Post: #1575
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-04-2008, 06:50 PM
Parent: #1

Quote: وين محمد هلال دها ياخي

محمد هلال فى السويد وذكرتنى نمرتو عندى انشاء الله بكرة اضرب ليهو

Post: #1577
Title: Re: اليوم الحار ومابنداريوم الهندسة والمعمار
Author: khaleel
Date: 06-04-2008, 07:01 PM
Parent: #1575

كيكي انت ما عندك صورة مع ناس الجبهة دي

Post: #1578
Title: Re: اليوم الحار ومابنداريوم الهندسة والمعمار
Author: عبدالفتاح أبوشيمة
Date: 06-04-2008, 08:58 PM
Parent: #1




خلّي سلام
اليوم الحار ما بندار ضرب النار داير لو رجال
يا شباب الهندسة كدا بس؛ لأنو جلالتكم دي ذكرتني بي ذكريات؛
حكاية الجلالة دي كانت قبل كم وعشرين سنة في ملعب رعاية الشباب في الملز؛ وهي الكورة الوحيدة اللي دخلتها في ملعب في السعودية؛ وكان البطل الوحيد فيها الجمهور السوداني اللي ما خلّى الجلالة دي مدة التسعين دقيقة على الرغم من إنو كان مهزوو وووم تلاتة صفر؛ والأهداف التلاتة جايبها ولد واحد سوداني؛ الولد اسمو ماجد عبدالله؛
ذلك يوم لا ينسى البتّة. والله الجمهور السوداني دا بحب بلده تمام؛ قلت ليك الهتاف دا مستمر أكتر من تسعين دقيقة؛ وأنا ما كنت سامع الجلالة قبلها بعد المباراة سألت واحد قال لي دي جلالة؛ بقولوها ناس الجيش؛
انتو مهندسين بتاعين جيش واللاّ شنو يا خلّي العيش حرام.
الله يديكم العافية وتهندسو لينا السودان دا تمام




Post: #1579
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 06:33 AM
Parent: #1578

- أولا نرحب بالباشمهندس علاء الدين في رحاب اليوم الحار
وأكيد موعودين بشغل جميل وإستمرار تواصل أجيال وذكريات غرب السنتر ..

- ثانياً الواحد سعيد جداً بظهور أسماء ومشاركات من الأخوة خريجي الهندسة من مختلف الدفع .. وده المنتظرنه .. خصوضا دفع 88 forward
لأنه ملاحظ ضعف مشاركاتهم رغم إنه بعضهم أعضاء في المنتدى .. وحتى غير الأعضاء يمكن أن يشاركوا عبر الإيميل للأعضاء ..

- ثالثاً .. وتعقيباً على مداخلة الأخ/ هشام مجذوب دفعة 88 :
Quote: الاخ / عمر الحبر
ارسل عبرك التحايا الجميلة الى صناديد الهندسة والذين ملأؤا الكلية وشغلوا الناس الى حين ولهم ايادى بيضاء على حياة الكلية الاجتماعية والرياضية والثقافية.
اخى لعلى اصبحت من المدمنين على متابعة البورد حتى صرت أخرم له واعتبره احيانا" كالوصفة الطبية حبة بعد الافطار واخرى بعد العشاء وحقيقتا" انا مستمتع جدا" بذلك واجد فيه ماض نحن له جميعا" لا ادرى اهو حنين اعتاده الناس للماضى على وزن (ياحليل ايام زمان ) ام بالفعل كانت ايام متميزة.

فعلا أخي هشام .. ده لسان حالنا كلنا والله .. صرنا نخرم للبورد ونحرص أن يكون دائما في الصفحة الأولى عالياً ..
Quote: اود هنا ان ابدى ملاحظة نابعة من حرصى على ان يتواصل هذا المجهود ويحافظ على الصلة الوحيدة بين الناس الا وهى التركيز الزائد على زكريات تخص مجموعة قليلة وغالبا" بين شخصين او ثلاث وبذل الكثير من المداد عليها وهى شئ جميل ومسلى ولكنها تكون على حساب مواضيع اخرى يمكن ان تثرى النقاش وتستقطب عدد كبير من الناس. واثق تماما" بانكم تملكون زخيرة جد جيدة من مثل هذه المواضيع.

أتفق معك في هذا الرأي .. فعلا الهدف من البوست أن تكون مواضيعه عامة تربط كل خريجي هندسة وغيرهم ..
لكن أخي هشام ..كما تلاحظ أن المشاركين بالكتابة في البوست عدد محدود جداً يمثلون دفع بعينها (+/-) ، ومعظم الناس رغم المتابعة المستمرة يكتفون بالإطلاع بس ..
بالتالي مهما كانت كتابات الأعضاء في مواضيع عامة تخص الكلية وتهم كل الناس ، فأكيد سينضب المعين ، مالم تظهر وجوه أخرى من دفع لأحقة كي تستمر المسيرة ويظل البوست ثراً ..
كما أنه من الملاحظ الحركة النشطة جدا في المنتدى بصورة عامة ،، مما يؤدي إلى إختفاء البوستات الغير نشطة من الصفحة الأولى إلى الرابعة والخامسة ودون ذلك ..
وحيث أنه من الضروري جدا أن يظل بوست (اليوم الحار) في مقدمة الصفحة الأولى حتى يتمكن أكبر عدد من المهتمين والخريجين من إيجاده ومتابعته بكل سهولة وبالتالي المشاركة بالكتابة فيه ،، حتى يتحقق ذلك لا بد من المتابعة المستمرة والمستمرة جدا من الأعضاء والجميع وإضافة أي مشاركة مهما كانت بسيطة حتى يرتفع البوست إلى الصفحة الأولى ..
أعتقد يمكن ده السبب في إنه بعض المشاركات توحى بالخصوصية بين دفعة معينة أو أشخاص معينيين ..

عليه ، لا بد من تكاتف الجميع لتحقيق الهدف المنشود ..
ونتواصل ..

Post: #1580
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 07:09 AM
Parent: #1579


إستمرار صور تخريج 87
*جلوسا في الأمام - من اليمين:
- عبد الناصر عباس - كهرباء
- ×
- عمر الحبر - مدنية
- أحمد صلاح - مدنية
- حمد خوجلي - ميكانيكا
- اليسع عبد المنعم - كيميائية

* الصف الثاني - من اليمين:
- مدثر الرشيد -
- نادر كوبر -
- سوسن آدم - كهرباء
- عز الدين محمد الخير - مدنية
- سعد إبراهيم -
- هالة حسن - كهرباء

* وقوفاً - من اليمين :
- ياسر راشد - كهرباء
- هشام كدنبور - مدنية
- هشام جاد الله - مدنية
- طارق الكوتش - مساحة
- ×
- محجوب جكس - مدنية
- يوسف متوكل - مساحة
- طارق حمزة - كهرباء
- النور جابر - مدنية
- إبراهيم محمد الحسن - كهرباء
- منير عوض - مساحة
- سارة أبوقرجة - كهرباء
- إقبال - مدنية

* جلوسا على السور:
- حجازي - مدنية
- كباببست - على رأي كيكي
- محمد مامون - مدنية (دائما قاعد في السور
- محمد عجيب - مدنية
- محمد صلاح - مدنية

Post: #1581
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 07:25 AM
Parent: #1580


الصف الأمامي:
- إبراهيم محمد الحسن - كهرباء
- أحمد صلاح - مدنية
- ياسر راشد - كهرباء

الصف الثاني:
- ×
- ×
- نجيب كمال - كهرباء
- الواثق -
- (أخت نجلاء عثمان)

الصف الثالث:
- أميرة - كهرباء 88
- أميرة - مدنية
- سمير - كهرباء
- نجلاء عثمان - كهرباء
- مها سراج - كهرباء
- مناهل زكي - ميكانيكا
- محمد أبو القاسم - كهرباء
- حنان سليمان - كهرباء
- مها عبد النبي - مدنية
- سوسن آدم - كهرباء

الصف الخلفي:
- عبد الرحمن خالد
- معاوية عابدين - كهرباء
- محجوب جكس - مدنية
- إبراهيم ميرغني - مدنية
- عزالدين عبيد - كهرباء

Post: #1582
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-05-2008, 07:56 AM
Parent: #1

Quote: في محادثة هاتفية مع الباشمهندس أحمد التجاني
عرفت منه إنه والده أجرى عملية جراحية بمستشفى الملك فيصل التخصصي بجدة ..
بس الحمد لله العملية بسيطة .. وهو بخير ..
نسأل الله له عاجل الشفاء وبلوغ الصحة ..
هذا للعلم للقيام بالواجب ..


الاعزاء
ابراهيم محمد الحسن
خليل
عمر الحبر
شكرا جزيلا لدعواتكم الصادقة بالشفاء للوالد
وهو بفضل الله بخير وعافية وسيخضع لعمليةاخرى للعين اليمين
فى الاسبوع القادم ان شاء الله

كما اشكر الزميل العزيز عماد عائد على خصنا بالتحية فى رسالته

ارسل التحايا والاشواق الى الزملاء الذين اتى ذكرهم فى هذا البوست
احمد المنقوشى
ابوبكر اللبش
عصام الدبيب
عمر قاسم
نادر كوبر
نادر هداية الله
هشام سيفيل
الدسوقى
طه النور
هاشم كونسايدر
عبد العزيز عباس
جلال عبد المنعم
خالد محمد عبد الله
عوض سعيد
عمر حسين
خالد الشهير
وجميع الزملاء المهندسين
كما وارحب بمقدم المهندس علاء
وشكرا للرائع الحبر لهذا الحراك الذى اكسبه
لليوم الحار

Post: #1583
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 08:50 AM
Parent: #1582

يا شباب
ودفعة 86 على وجه الخصوص
فاكرين إمتحان ال drawing الشهير بتاع دكتور التاج (ربنا يطراه بالخير)
الإمتحان ده طبعا أنا محتفظ بنسخة منه لغاية هسع .. للذكرى بس ليس إلا ..
تعودنا في الكلية لفترات طوال أن يكون إمتحان ال Drawing نص صفحة بأسلوب واحد ومتكرر .. أما الإمتحان المذكور فجاء في ستة صفحات !!!!
والله لما خلعنا زاتو
لمن فاتهم هذا الشرف .. إليكم نسخة من الإمتحان : (آسف للإطالة .. ولو شايفين إنه غير مهم ممكن نحذفه الرجاء الإفادة يا خليل/كيكي/الحبر والبقية)
الصفحة (1)

الصفحة (2)

الصفحة (3)

الصفحة (4)

الصفحة (5)

الصفحة (6)

Post: #1584
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 08:59 AM
Parent: #1583

وين الشباب ..
شنو خالني (واقف براي .. والهم عصف) !!!

دي برضو من صور التخريج :

من اليمين :
- عبد المجيد الشفيع - كهرباء 88
- عادل التجاني
- محمد عبد الحليم ( انت واقف غلط
- أمل بيومي
- إبراهيم محمد الحسن
- خالد حبة

Post: #1585
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 09:02 AM
Parent: #1584


التحية لأريج جعفر
أشراقة الطريفي
حنان محمود
محمد بكري - معمار

Post: #1586
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 09:06 AM
Parent: #1585

وأخيرا وليس آخرا ..

High Voltage
هالة حسن
آمنة الطيب
مها سراج
جهاد محمد

Post: #1587
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-05-2008, 10:26 AM
Parent: #1586

شفتو الكلام القلناه فوق ..
أهو من الصباح الساعة 8 كان عدد الزوار (54922) والآن الساعة 12:30 ظهرا وعدد الزوار (55042)
يعني في حوالي 120 زائر وقارئ للبوست ، بس عدد المشاركين بالكتابة 2 بس !!!
يعني شوية كده وحا ينزل للصفحات التحت ..

سلام

Post: #1588
Title: Re: اليوم الحار ومابنداريوم الهندسة والمعمار
Author: khaleel
Date: 06-05-2008, 11:39 AM
Parent: #1587

ابراهيم

والله لعبت ماتش كبير في البوست دها

والليلة الحبر مشي وين

Post: #1589
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 11:45 AM
Parent: #1

برافو عليك يا ابراهيم اتحركت كويس ووجودك فى
البوست زى وجود خال حبة فى الصور يعنى بكثرة
واضحة والصور رهيبة جدا
فى الصور النزلتها الليلة فى الاولى
ال بين هشام جاد ومحجوب دة طارق الكوتش87 مساحة
وال بين محجوب وطارق حمزة دة يوسف متوكل87 مساحة
وال بينك وبين سارة دة منير عوض 84 مساحة(مخضرم)
والفى السور بين محمد مامون ومحمد صلاح دة محمد عجيب87 مدنية
وفى الصورة ال بعد امتحان ال drawing
اول زول من اليمين دة عبدالمجيد الشفيع 88 كهربا
الصورة ال قبل الاخيرة ال فيها اريج الزول التانى وقوفا
محمد بكرى معمار
اضف الاسماء دى بقلب جامد

Post: #1590
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 11:47 AM
Parent: #1

Quote: شكرا جزيلا لدعواتكم الصادقة بالشفاء للوالد
وهو بفضل الله بخير وعافية وسيخضع لعمليةاخرى للعين اليمين
فى الاسبوع القادم ان شاء الله

ونحن بقلوبنا مع والدك يا احمد التجانى وانشاء الله
العملية التانية ناجحة

Post: #1591
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 12:18 PM
Parent: #1

انا عايز اواصل ذكرياتى وبما انى لسه فى ذكريات البرليم
احكى ليكم ندوة حضرتها لى الصديق الحاج الصديق ابوضفيرة
(طبعا ابوضفيرة دكتور فى كلية الاداب فى اللغة الفرنسية
وهو راجل ما ساهل فى المجال دة وبتميز بانو رجل زكى ولماح جدا.
اول ما دخلنا البرليم سمعنا عنو انو بيقول انو هو المهدى
المنتظر والمعجزة بتاعتو الرقم 13 وعندو حزب اسمو جماعة المسلمين)
فى يوم من ايام البرليم جيت ماشى على النشاط وتحديدا قدام
بيت القزاز(كافتيريا النشاط) لقيت ابوضفيرة عامل ندوة والناس كمية
قاعدين فى الكراسى والراجل ماسك مايكرفونو وبتكلم, انا فورا جيت قعدت
فسمعتو بيقول
(ساذهب غدا الى جعفر محمد نميرى وعدد حروف اسمه ثلاثة عشر فى القصر
الجمهورى وايضا حروفه ثلاثة عشر ساذهب اليه فى ثلاثة عشر رجلا وسيسلمنى
السلطة لكى اباشر مهامى واحكم السودان وتحدث كثيرا عن كيفية حكمه
للسودان ثم فتح باب الاسئلة للجميع)
قام واحد سالو قال ليهو بعد ان تستلم السلطة هل ستعيننى وزيرا فى حكومتك
فرد عليه ابو ضفيرة تعال وقتها وقدم طلبك واذا رايناك كفئا عيناك
هذا ما اذكره من الندوة ولكن بعدها بايام حكى لى احد الزملاء انو ابوضفيرة
قبضوه ناس الامن ولمن فكوه عمل ركن نقاش هاجم فيه الامن والحكومة ومن ضمن كلامو
قال(لقد اعتقلنى رجال الامن واخذونى الى مكاتب الامن وهناك سلمونى لشخصين
اصبحا يوجها لى اللكمات وانا اقول الله احد وفى لحظة خرج احدهم فوجهت
للاخر لكمة حتى قال واى فقلت له لماذا تقول واى وانا اوحد وبعدها تركانى وخليا
سبيلى)

Post: #1592
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 12:32 PM
Parent: #1

ومن قصص هذا الرجل ايضا
يقال انوكان فى واحد بتاع ورنيش بيسرق الاحذية فى مسجد الجامعة
وفى يوم بعد صلاة الجمعة واحد قبض الحرامى دة وضربو ورماه على الارض
قام ابوضفيرة جا تدخل فى الموضوع وقال للزول ال ضرب بتاع الورنيش
لماذا تضرب هذا الولد قال ليهو دة حرامى بيسرق الجزم قام ابوضفيرة
قال ليهو ولماذا لا تقنعه بالمنطق والحجة اتركه سنقنعه بالمنطق والحجة
وفى قصة اخرى انو كان فى ركن للجمهوريين (المتحدث فيهو دالى) وابوضفيرة
اخد فرصة للنقاش ودالى عقب عليهو وطلعو اى كلام واخد تانى فرصة وبرضو
دالى طلع ليهو كلام ما عندو معنى فقام ابوضفيرة شال ليهو كراع كرسى وجرى
على دالى وقال ليهو يا دالى انتهى عهد الحوار وبدأ عهد الجهاد وكاد ان
يضربه لولا تدخل الحضور فعجبا لابوضفيرة يحاور بتاع الورنيش ويضرب دالى

Post: #1593
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-05-2008, 01:19 PM
Parent: #1592

هلا هلا
مرحبتين بعلاء بندق
ويادوبو اليوم الحار ولع نار
كنت مزنوق شوية فى الشغل مع وفد زائر وما هو أمريكانى
من الاسبوع القادم سأكون فى اجازة لمدة اسبوعين حنكون فاضين لليوم الحار
مش ملاحظين انو المتداخلين فى البوست ده بنحصروا بين دفع 82 و 86 فى غالبيتهم
وين فضاحلة الهندسة السابقين فى العهد القديم ومنهم من هو عضو بالبوست
وينك يا هشام المجمر والمخضرم ابوبكر سيد احمد
وذكريات كورال الهندسة





واخيرا ظهر بعض فطاحلة الكهرباء
عثمان فرح
وليد ابو عاقلة
امين البير
شلف

Post: #1594
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-05-2008, 01:19 PM
Parent: #1592

هلا هلا
مرحبتين بعلاء بندق
ويادوبو اليوم الحار ولع نار
كنت مزنوق شوية فى الشغل مع وفد زائر وما هو أمريكانى
من الاسبوع القادم سأكون فى اجازة لمدة اسبوعين حنكون فاضين لليوم الحار
مش ملاحظين انو المتداخلين فى البوست ده بنحصروا بين دفع 82 و 86 فى غالبيتهم
وين فضاحلة الهندسة السابقين فى العهد القديم ومنهم من هو عضو بالبوست
وينك يا هشام المجمر والمخضرم ابوبكر سيد احمد
وذكريات كورال الهندسة





واخيرا ظهر بعض فطاحلة الكهرباء
عثمان فرح
وليد ابو عاقلة
امين البير
شلف

Post: #1595
Title: Re: اليوم الحار ومابنداريوم الهندسة والمعمار
Author: khaleel
Date: 06-05-2008, 01:32 PM
Parent: #1594

ابو القس

الكباية دي فيها شنو

Post: #1596
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 03:08 PM
Parent: #1

Quote: تحيية عظيمه ووقفه اجلال للاخ الانسان الشاعر,الرياضى المطبوع والرقم الذى لايمكن تجاوزه ابوسمرة. له منى عبركم كل التحايا العطره.
(تعرف يا حبر الامتحانات ليها زكريات مره لكنها طريفه ولاتنسى ..ماكنت عاوز ادلف ليها هسع (ادلف دى حلوة موش
وكنت عايز الحكي يجى متسلسل لكن كلام صلاح مختار -له منى كل الود-زكرني حمامت جبل مره العصيريه كنا راجعين من امتحان الديزاين اوف استركشور الفيهو د عبدالله ابراهيم, د.ابوبكر ود. النعمه واذكر كانت استراتيجيتى كباقى الاخووه المهمشين ان
تلعب بلاعبين اتنين ارتكاز ودفاع منطقه مع الاعتماد الكامل على الهجمات المرتده لانو برؤيه تحليلية بسيطة التصحيح من75 لانو عبد الله ابراهيم ما حاتطلع منو بحق او باطل بروف ابو بكر حنيين لكن الخبراء بيقولوا لايمكن العتماد على سؤالوا لانومرات مساالتو بتجى معقدة يعنى الاعتماد الكللى فى شغله الباس حايكون على مساله البرى استرس بتاعت د.النعمه لانها بتكون حمام وبتتجضم سريع, ده كان بالضبط الوضع انتهى الامتحان العصر اخوك مبسوط وبيصففر فى الحمام جاء داخل حامد اسناى صارى وشو ما لك يازول ياريتني لو ماساالتو قال لى
ياخ انا ماطلعت عارض بره النقارة, كيف يازول قال لى مساءلة البرى استرس فيها سلكين وانا اشتغلتها على اساس سلك واحد طبعا انا السلك التانى ده ماسمعت بيهو الا منو هو والكلام ده وقع فى راسى زى الصاقعه , دخلت الحمام وقفلت الباب واتاكدت تماما انى خسرت الماتش لانو السؤال الوحيد القافل عليهو طلعت عارض فيهو بره النقارة
(تحيه عطره مرسله عبر هذا البوست للاخ حامد اسناى وهو الان وزير للثقافة بولايه البحر الاحمر فهنيئا لولايه البحر الاحمر به (توزيع الثروة والسلطه و كده

Baha

دة ايميل من عملاق الشرقى بهاء الدين بخيت والله كانت ايام
والله يا بهاء سردك للقصة رائع ويجب ان تكون داخل نقارة سودانيز اون لابن
انا حا ارسل لى بكرى اسمك بخصوص التسجيلات وكدة يعنى ولك التحية

Post: #1597
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 05:20 PM
Parent: #1

Quote: والله ضحكني إبراهيم محمد الحسن في البوست,, قال شلنا السب أنا وحسان الجلقني وخالد حبة.. إتذكرت عائشة الفلاتية في قصتها المشهورة مع إبراهيم الكاشف..طيب يا إبراهيم وكت إنتا كنت مخضرم ومعلم كبير في الخضرمة..مالك فاضح الناس الشطار ناس خالد حبة..هم ماشطار أوي يعني بس مابيلحقوكش يا أبراهيم.. وانا الأن في مصر وأتذكر رحلة التريننق الاسطورية التي كانت من دون تريننق.. وعاد الجميع بمافي ذلك دكتور الصادق

دى رسالة من الكاتب الكبير محمد الطيب سليم وهو الان فى القاهرة عشان ياخد
التاشيرة لامريكا وقال انو قابل القنصل والقنصل قال ليهو ال فيزا recommended قام اخونا ايريا
ضحك شديد قال لى اتذكرت حسن صيام لمن جا يشوف نتيجتو فى البورد نهاية سنة تانيةلقى اسمو تحت
the following student are recommended to repeat
قام سأل عمر حسين قال ليهو يا عمر انت recommended معناها شنو قام عمر حسين فال ليهو
يا حسن صيام انت repeat عارف معناها قال ليهو اى قام عمر حسين قال ليهو طيب recommended عايز بيها شنوامشى لملم كراساتك القديمة عشان ما تتعب فى نقل المحاضرات السنة الجاية

Post: #1598
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-05-2008, 07:10 PM
Parent: #1

ذكري شكلة في الشرقي:
بعد امتحانات الملاحق (العادية)الواحد بيحلق دقنو، ويغير الجينز و(التموت تخلي) ويغتسل من دنس الإمتحانات.
مرة انتهيت من الملاحق في يوم مباراة هندسة و(الشمباتة) وكنت سعيد بعد التطهر من خطيئة الملاحق...الكورة سخنت والجامعة كلها كالعادة ضدنا، وانهزمنا شر هزيمة، وكنت واقف في الصف التاني بمسطبتنا الشمالية..
تجمع الشماتة مع الشمباتة ودمنا يغلي والعن أبو ذلة هزيمة الملاحق وبعدها هزيمة الكورة، ولايماسكني الآ (فلنتي) الجديدة اللبستها بعد الإمتحان....
(المكاواة) اتحولت من هتافات الي أسوأ... قام واحد من الشمباتة شال تراب ورشاهو فيني...عندها اكتملت الهزيمة...
نزلت منحدرا من الصف التاني الي الأول...وفي هذه اللحظة رجع الشمباتي الي الخلف وتوسط جماعته محتمي مني ولكن كنت أنا نص الشمباتة وبضرب في الراجل في بطنو.... المنظر من فوق كان (علاء) في شكلة وسط الشمباتة..وأنا ضربت الراجل وفشيت غبينتي واتجهت الي المين روود... وبعدها اكتشفت انو كل رجال الهندسة نزلو ضرب في الشمباتة دفاعا عني.. من دون أن أدري.. فرجال الهندسة دوما جسدا واحدا.. فالتحية للجميع والي ذكري أخري..

Post: #1599
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 08:51 PM
Parent: #1


Quote: الاخ الحبر

السلام عليكم ورحمة الله

الحقيقه انا من المتابعين لبوستكم الرائع في سودانيز اونلاين
ومن الذين يزيدون من تسارع عداد الزوار عدة مرات يوميا
فاتتنا ايام الثمانينيات الجميله في الكليه لكن لحقنا حاجه في التسعينيات يعني نحنا اتخرجنا معاكم في نفس الالفيه
وبالتالي ليست كل الاسماء التي تذكرونها غريبه خاصة الجماعه (الولوفين ) اللى حاموا
في الكليه بعد التخرج بسبب عدم العمل او لمارب اخرى !!!!1
Afro انا عندي نظريه انو السودان ما خرب الا بعد ما الناس خلو التفف والشعر
اما بخصوص ما قاله الاخ ابراهيم محمدالحسن
أن المشاركين بالكتابة في البوست عدد محدود جداً يمثلون دفع بعينها (+/-) ، ومعظم الناس رغم المتابعة المستمرة يكتفون بالإطلاع بس ..

اقول فهذا بسبب عدم الباسورد والا فان هناك مائة او يزيدون من ناس التسعينيات يمكن يدخلوا عليك في يوم واحد وما حتقدر تحك راسك
دفعات القرن 21 شويه مختلفه من الناحيه الاكاديميه لانهم قراوا ثامنه
ومن الناحيه الاجتماعيه مرتاحين عرباتهم تصطف من شارع النيل الى تقاطع عبدالفضيل الماظ
لكن هندسه هي هندسه
بالنسبه لامتحان تاج الدين بتاع الدروينج كنا فاكرين قصة الطالبه اشاعة
كدى احكوها لينا
ختاما نشكر اسهامك في نشيد هندسه
نحن القدام قاعدين كنب
الذي تم تحريفه/تعديله الى
نحن الكبار قاعدين كنب

أيمن عباس
ميكانيكا 92

دة ايميل من الباشمهندس ايمن عباس 92 ميكانيكا
اولا انا اشكرك اجزل الشكر يا ايمن لانك دعمتنا فى الخط اللى نحن نرمى ليهو
وهو تواصل اجيال هندسة لان هناك قاسم مشترك كبير جدا بين كل خريجى هذه الكلية
هو الولاء الشديد للكلية والاحساس بالاخاء مع كل من تخرج منها او (فيها كما يقول
د.عبدالله الطيب) فانا الان حا اعمل ليك تزكية لى بكرى ابوبكر صاحب الحوش الكبير
وانت تكون بداية لدخول مجموعة من جيلك وتواصل للجيل ال بعدكم .
فى واحد اعتقد انو قريب منك(اظن اسمو وائل) عندو باس ويردلكن ما قدر يدخل فى الفورمة
انا حاولت استتدرجو لكن يبدو انو ما لاحظ ردى عليهو انا بدعوه للعودة والمشاركة.
ولك التحية يا ايمن.
اذكر الايميل بتاعى [email protected]

Post: #1600
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 09:08 PM
Parent: #1

Quote: ذكري شكلة في الشرقي:
بعد امتحانات الملاحق (العادية)الواحد بيحلق دقنو، ويغير الجينز و(التموت تخلي) ويغتسل من دنس الإمتحانات

ايام تيم شمبات بقيف قدام هندسة نحن حضرنا اخره اذا انت
ديناصور كما قلناوذكرتنى الملاحق والبركس فى الملاحق له ملامح
وشكل مميز وله طعم خاص وناس الملاحق يحسون بالفة شديدة مع بعضهم
وما احلى تلك الايام
وواصل يا بندق

Post: #1601
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-05-2008, 09:13 PM
Parent: #1

هدية لايمن عباس92
يا مباصى فى البرليم وقايل شميت النسيم
بتقطع الغربى وهناك بتاكل نيم
الهوم ويركات بالردم
توتوريلات ما بتتفهم
ومن التيستات بتتوهم
والخوف عليك من الرسم(تحية لابو القوق)
والكوندشنال ما بيتم
وقدامك كم رجال بشاهم القسم
الليلة هوى يا ليل هناك بتاكل نيم

Post: #1602
Title: Re: اليوم الحار ومابنداريوم الهندسة والمعمار
Author: khaleel
Date: 06-05-2008, 10:51 PM
Parent: #1601

لو كان عميدنا اباح

واعلن سمسترو صاح كان الفواد ارتاح وانا كنت ليو باصيت

تحية لايمن عباس

Post: #1603
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-06-2008, 12:54 PM
Parent: #1602


تحية و ترحيب الأخ علاء بندق

شفت الصور بتاعت دفعتكم .... لا زال الشكل هو ... مع زيادة فى الوزن...
تحياتى لك و للأخ عماد إينما كان ....

Post: #1604
Title: Re: اليوم الحار ومابنداريوم الهندسة والمعمار
Author: khaleel
Date: 06-06-2008, 01:08 PM
Parent: #1603

Quote: شفت الصور بتاعت دفعتكم .... لا زال الشكل هو ... مع زيادة فى الوزن...
تحياتى لك و للأخ عماد إينما كان ....



لا يا محمد

علاء بقي حليو والله

Post: #1605
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-06-2008, 09:28 PM
Parent: #1

ألحقوا.................. البوست غطس

Post: #1606
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-06-2008, 09:56 PM
Parent: #1

سلام يا شباب،
تحايا حاره جدا من السودان

١١٠ فهرنهايت كده

The following mobiles are recommended to repeat the year
عمر الحبر
اشرف منير

Post: #1607
Title: Re: اليوم الحار ومابنداريوم الهندسة والمعمار
Author: khaleel
Date: 06-06-2008, 10:02 PM
Parent: #1606

طارق احمد خالد

يوم الجمعة الظاهر الجماعة بودوا العربية البحر للغسيل

منتصر ازيك


اشرف منير موبايلو 0249912351303

وعمر الحبر موبايلو 0249122027690

رايك شنو في الخدمة الاكسبريس دي

Post: #1608
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 06:25 AM
Parent: #1607

Quote: والله ضحكني إبراهيم محمد الحسن في البوست,, قال شلنا السب أنا وحسان الجلقني وخالد حبة.. إتذكرت عائشة الفلاتية في قصتها المشهورة مع إبراهيم الكاشف..
طيب يا إبراهيم وكت إنتا كنت مخضرم ومعلم كبير في الخضرمة..مالك فاضح الناس الشطار


إيريا ..
هو في الحقيقة الشالو ال sub كتاار .. بس ديل على سبيل المثال ..
وكمان عملتني معلم كبير في الخضرمة

Post: #1609
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 06:41 AM
Parent: #1608

Quote: سلام يا شباب،
تحايا حاره جدا من السودان
١١٠ فهرنهايت كده

السودان نور بيك يا منتصر .. بس إنت البيوديك في الحر ده شنو؟ (حركات مغتربين وكده )
اتمنى تفضي وقت جميل ويا ريت لو حاولت قابلت معظم الناس الموجودين لتفعيل أهداف البوست ..

كذلك نرحب بمشاركة الأخ أيمن عباس/92 .. ونتمنى تتواصل المشاركات
Quote: اما بخصوص ما قاله الاخ ابراهيم محمدالحسن
أن المشاركين بالكتابة في البوست عدد محدود جداً يمثلون دفع بعينها (+/-) ، ومعظم الناس رغم المتابعة المستمرة يكتفون بالإطلاع بس ..
اقول فهذا بسبب عدم الباسورد والا فان هناك مائة او يزيدون من ناس التسعينيات يمكن يدخلوا عليك في يوم واحد وما حتقدر تحك راسك

أيمن .. أعتقد عدم وجود الباسورد ما بيمنع اي شخص من المشاركة - وأهو إنت ما عندك باسورد ومشاركتك كانت جميلة جدا وتدفع بالبوست للأمام ..
أي شخص يمكنه أن يرسل مشاركته ومساهمته إلى إيميل أحد الأعضاء وسيتم نشرها مباشرة ..
ايميلي : [email protected]
أو : [email protected]

Post: #1610
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 06:49 AM
Parent: #1609

الحبر
عندي إقتراح ..
نحن ممكن نعمل جائزة تشجيعية ( نسميها جائزة الحبر التشجيعية)
أكتر واحد من الناس الما عندهم باسورد وبيشارك في البوست عبر الإيميلات .. الحبر يرشحو لبكري عشان الباسورد ونحن recommend

تخريمة :
عمر حسين قلت لي recommend معناها شنو؟

Post: #1611
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-07-2008, 07:53 AM
Parent: #1610

الحبر كتبت عن الصديق الحاج الصديق - الرقم 13

مرة كان عامل ليهو ركن نقاش و كنا فيه و معى مؤتمن ميرغنى و اخرين
فقال لنا تعرفوا ... أحسبو نفسكم .... فكان الحضور 12 شخص + شخصى الضعيف ...
فقال الصديق " شايفين سيدنا يوسف قال يا أبت إنى رأيت أحد عشر كوكبا (ثم أشار إلى) و الشمس و القمر ... رأيتهم لى ساجدين ... أهو كده نحنا ثلاثة عشر """

الرجل شجاع جدا ... أذكر انه أصيب بطلقة فى أحدى المظاهرات أمام مكتب القبول لرفضه ان يجرى من الرصاص ....

أحدى المرات قال لنا "يلا القصر الجمهورى ... فقلنا له و بعدين ... قال بس أرمونى من فوق و أنا بتم الباقى "...

Post: #1612
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 08:29 AM
Parent: #1611

Quote:
لو كان عميدنا أباح
وأعلن سمسترو صاح
كان الفواد ارتاح
وانا كنت ليو باصيت

خليل .. ما قلنا ليكم أكتبو الأغنية كاملة
عشان الأجيال الجديدة يشوفو إبداعات الزمن الجميل .. ناس الخير عقد الجلاد
وطبعا الإبداعات كانت بتنبع من داخل المواقف والزنقات
بالمناسبة ياخ الخير ده محتاجين ليه ضروري جدا .. فيا ناس الداخل شوفوا لينا خبرو شنو

Post: #1613
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 08:36 AM
Parent: #1

Quote: الحبر
عندي إقتراح ..
نحن ممكن نعمل جائزة تشجيعية ( نسميها جائزة الحبر التشجيعية)
أكتر واحد من الناس الما عندهم باسورد وبيشارك في البوست عبر الإيميلات .. الحبر يرشحو لبكري عشان الباسورد ونحن recommend

مافى مانع يا ابراهيم والتحية لى منتصر محجوب وحبابك ملايين يللا اتصل ورينا دربك وين

Post: #1614
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 08:52 AM
Parent: #1613

Quote: مافى مانع يا ابوبكر
والتحية لى منتصر محجوب وحبابك ملايين يللا اتصل ورينا دربك وين

صح النوووم يا باش .. السهرة كانت تقيلة ولا شنو
ده أنا .. ما ابو بكر

Post: #1615
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 09:01 AM
Parent: #1

Quote: مرة كان عامل ليهو ركن نقاش و كنا فيه و معى مؤتمن ميرغنى و اخرين
فقال لنا تعرفوا ... أحسبو نفسكم .... فكان الحضور 12 شخص + شخصى الضعيف ...
فقال الصديق " شايفين سيدنا يوسف قال يا أبت إنى رأيت أحد عشر كوكبا (ثم أشار إلى) و الشمس و القمر ... رأيتهم لى ساجدين ... أهو كده نحنا ثلاثة عشر """

ذكرتنى موقف لى حنفى وعادل امين مع ابوضفيرة
طبعا طريقة ابو ضفيرة بالنسبة للاشيا ال عددها 13 بقوم بجيبا فى شكل سؤال
مثلا يقول ليك احد عشر كوكبا+الشمس+القمر يعنى العدد كم؟
لمن تقول ليهو13 يقول ليك سبحان الله وتانى يسأل مثلا الشى الفلانى فى الحالة
الفلانية يكون عدده كم تقول ليهو 13 يقول ليك سبحان الله.
مرة قابلوه الحنفى وعادل امين وقالو ليهو نحن عندنا معجزة فى الرقم 40
الحنفى:الباص فى الامتحانات بيبدا من كم
عادل امين:40
الحنفى: سبحان الله ومجلس الاتحاد فيهو كم عضو
عادل:40
حنفى : سبحان الله والمراة بعد الولادة بترقد كم يوم
عادل : 40
حنفى: سبحان الله وام 44 اسمها ام اربعة وكم
عادل :و40
حنفى سبحان الله فقاطه ابوضفيرة يا اخى انا لا ارى جدية فى طرحكما
انصرفا عنى او دعانى انصرف انا

Post: #1616
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 09:14 AM
Parent: #1

Quote: تعرف يا حبر مسأله الباسورد والتسجيلات ده شعرا ماعندى ليهو رقبه و احسن تخلينى كورس بتشديد الواو وتسكين الراء
.ابراهومه مالك عايز تشرد لينا خليل ده من البوست جايب ليهو امتحان التاج والله تاني اسبوع ماتشوفوا, انت تعرف الراجل ده لحدى
فتره قريبه بعد مابقى مهندس استشارى درجه اولى ييحلم باستمرار انو قاعد فى صب بتاع درووينج والحكم قررب يصففر وهو ماجرى خط يتلب من السرير زى المجنون

بهاءالدين

دة من العملاق بهاء . والله يا بهاء نوع مشاركاتك بقول لازم تكون جوة المعمعة
وما فى طريقة ولك الف تحية وواصل يا عملاق

Post: #1618
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 09:28 AM
Parent: #1616

Quote: تعرف يا حبر مسأله الباسورد والتسجيلات ده شعرا ماعندى ليهو رقبه و احسن تخلينى كورس بتشديد الواو وتسكين الراء
.ابراهومه مالك عايز تشرد لينا خليل ده من البوست جايب ليهو امتحان التاج والله تاني اسبوع ماتشوفوا, انت تعرف الراجل ده لحدى
فتره قريبه بعد مابقى مهندس استشارى درجه اولى ييحلم باستمرار انو قاعد فى صب بتاع درووينج والحكم قررب يصففر وهو ماجرى خط يتلب من السرير زى المجنون


أولا ألف مرحب بالباشمهندس ونجم الشرقي بهاء الدين .. وذي ما قال ليك الحبر انت لازم تكون جوة المعمعة ..
تعرف ضحكتني جدا لتعليقك بتاع خليل و إمتحان د. التاج .. لما ناس المكتب قالو ده مالو
و أنا أقول مالو اختفى كده وشغال في بوستات تانية (بتاعت الكدامير وعينتها ) .. أتاريه كابي الزوغة
ياخي انا ذاتي قربت أشرد لما شفت الإمتحان ..

........ القاعدة برة ... قاعدة لي أنا للمضرة
يا بهاء أديها جرة .. شيلة من الدوري برة

Post: #1617
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 09:24 AM
Parent: #1

Quote: السلام عليكم ورحمة الله وبركاته
الأخ الحبر والإخوة شباب البورد وجميع من تخرج او يدرس فى الكلية غرب السنتر و نحن رغم سمستر ـــــــــــــــــالشباب الحلو
تحية لكم جميعا
الأخ الحبر طبعا من ما بقية تقول الرمز ظافر ورنا درب البوردـــ و هو اصبح معجب بكتباتك كمان قصيدك ــ
الأخ الحبر هناك الكثير المتزوجين من خريجات الكلية منهم العبد لي الله وكمثال اخر هيثم هاشم ونايلة الجدي دفعة90ــ وسامي عبدالله 91 ورحاب باجابر 92 وهلم جرا
تحياتي لي الشباب الجميل كمال الشيخ وطارق ابوشوك ووليد قسم الباري و عبدالكريم الامين وابراهيم محمد الحسن وعمر الصادق و........
الأسماء نزلت مطر وكلهم روعة
معتز صالح المشهور بمعتز عريس
و السلام عليكم ورحمة الله وبركاته

الايميل دة جانى من معتز عريس
وينك انت يا راجل نحن نفتش ليك بالدراهم زمن طويل ما شفناك الا فى الصور
وبالنسبة لى الازواج حا نضيفهم فورا وارجو الاقتراحات بخصوص شكل التكريم
وبرضو جاتنى رسالة فى الموبايل من مؤتمن ميرغنى فيها
محمد عبدالجليل وسلمى السعيد له ولهم التحية

Post: #1619
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 09:38 AM
Parent: #1617

Quote: تحياتي لي الشباب الجميل كمال الشيخ وطارق ابوشوك ووليد قسم الباري و عبدالكريم الامين وابراهيم محمد الحسن وعمر الصادق و........
الأسماء نزلت مطر وكلهم روعة
معتز صالح المشهور بمعتز عريس
و السلام عليكم ورحمة الله وبركاته

يا اللله ..
ياخي الموضوع ولع زيادة عن اللزوم .. خايفين تحصل حرائق وكده
عرييييييييييييييييييس .. أخبارك يا مان ، شنو مختفي كده .. زمن والله .. وذكريات طالت عليها السنوات .. من زمن البرليم والداخلية (الغرفة 16 كردفان)
ومعسكر الخدمة الإلزامية (طبعا دي ايام ذكرياتها براااها )
اتصلت بيك الأسبوع الماضي بس ردت علي المدام .. نتمنى نسمع صوتك قريب
بمناسبة طارق أبوشوك .. ياخي وين الراجل ده .. بالله العارف عنو أي معلومة يفيدنا ..
وكذلك كمال الشيخ له ألف تحية ..
ايميلي الجديد : [email protected]
ونتواصل

Post: #1620
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 09:44 AM
Parent: #1619

وكمان إيميل من الأخ عبد المنعم آدم :

Quote: dear ibrahim

hi , Iam following the post of faculty of engineering on sudanese on line ,really it is amazing post .I want to correct information (I didnot leave sudan at all after graduation 1993).

to keep the post in continuous hot condition, I suggest for you to start writing about faculty of engineering societys starting with (faculty of engineering), and faculty of engineering private magazine(habab almahdi as an example)

with me alot of photos soon or later i wiil send to you , already i sent some of it to mr bakri


تحياتي أخي عبد المنعم .. زمن طويل والله
وحقيقة أفتكرتك سافرت برة السودان .. آسف سوف أعدل المعلومة
ونرحب بإقتراحاتك .. وممكن انت تشرع في التنفيذ بالتنسيق مع الشباب الموجودين في السودان .. ونحن من خلفكم ..

ونتواصل

Post: #1621
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 09:55 AM
Parent: #1

جانى تلفون قبل شوية من الباشمهندس هاشم مطر ومعاه الباشمهندس
احمد محى الدين(ابوالليل) وبيرسلو تحاياهم للمشاركين فى البوست ولكل
خريجى الهندسة واهل اليوم الحار وهم من جيل العمالقة ولهم صولات وجولات
فى الزمن الجميل فلهم التحية والتجلى ويا ليت تلك الايام تعود.
فى الحققيقة اول ما اتصل بى هاشم مطر تذكرت حكاية حكاها لى اخونا محمد الحسين
وهو طبعا من كبار المخضرمين والمعتقين .
اخونا الحسين قال لى مرة ضرب لى هاشم مطر قال لى معاى زبون عندو شغل
عرضو على لكن قال لى انا عايز المهندس اللى حا ينفذ لى الشغل دة
يكون من النوع ال اتشرب الهندسة واتعتق فيها مش يكون اتخرج فى خمس سنين
بس انا عايز واحد يكون قعد فى الكلية تمام وشرب العلم شراب.
الحسين قال لى هاشم مطر قال لى والله يا الحسين قدر ما فكرت ما لقيت زول
فيهو المواصفات دى زيك وبكرة حا ارسل ليك الراجل عشان تتفق معاهو وترتب للشغل

Post: #1622
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 10:31 AM
Parent: #1621

ودي مشاركة من الباشمهندس بدر الدين أحمد الفكي - كهرباء 86 :
Quote: الحبيب الغالى أبراهيم محمد الحسن
كل التحايا والود
كيف الحال والأحوال
حبيت أشارك بجهد المقل فى بوست اليوم الحار مابندار يوم الهندسه والمعمار
وأرجو قبول مشاركتى المتواضعه
مع تحياتى الخاصه لكل المشاركين من مختلف الدفعات الهندسيه
وياريت تقبلونا كأعضاء عشان نقدر نتداخل معاكم...
تحياتى للجميع
ولكم الشكر

Eng:Badreldin A.Elfaki
jeddah 21453
P.O.Box 11181
K.S.A
Mob: 00966502773779


الأخ بدر الدين مرسل عدد من الصور .. أعمل حاليا على تجهيزها وعرضها في أقرب فرصة ..

Post: #1623
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 10:33 AM
Parent: #1622

الحبر ..
شايف الليلة البوست بقى ذي (ألو مرحبا) ..

Post: #1624
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 10:38 AM
Parent: #1623

تعليق ظريف من بهاء الدين :
Quote: انت يا ا براهيم
منتصر ده بيسأل من اشرف منير من قولت تيت مالو قبلى مايخلص الفواتح الراجياهو عايز يسقف ولا شنو؟
بالله رسل لى ايميلو
بهاء


منتظرين الرد يا منتصر ..

Post: #1643
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-07-2008, 09:30 PM
Parent: #1624

Quote: ÊÚáíÞ ÙÑíÝ ãä ÈåÇÁ ÇáÏíä :
Quote: ÇäÊ íÇ Ç ÈÑÇåíã
ãäÊÕÑ Ïå ÈíÓÃá ãä ÇÔÑÝ ãäíÑ ãä ÞæáÊ ÊíÊ ãÇáæ ÞÈáì ãÇíÎáÕ ÇáÝæÇÊÍ ÇáÑÇÌíÇåæ ÚÇíÒ íÓÞÝ æáÇ Ôäæ¿
ÈÇááå ÑÓá áì Çíãíáæ
ÈåÇÁ


ãäÊÙÑíä ÇáÑÏ íÇ ãäÊÕÑ ..


و الله يا بهاء بيني و بينك، الفواتح دي ياريت لو الواحد يقدر يسقف فيها علي كده، تخلص من واحده يطلعو ليك تلاته، و حر يعجبك

يا حليل زمن اشرف منير و كتمبور و شبو و القرود بعماره فكري و محمد سلامه

بمناسبه سماع صوت محمد صديق، الرجل العبقري، إنتو عارفين يا اخوانا إنو الزول ده كان الفتنا في محاضرات د عبدالله ابراهيم؟

الحكايه انو د عبدالله ابراهيم مره زعل في المحاضره لما شاف انو في ناس بجو متسللين من الباب الوره ويعملو اتندنس، فقال لازم يعين الفه عشان يعمل كنترول علي الحكايه دي

محمد صديق كان بيقرأ في يسن بصوت مسموع، لكن الظاهر كان مسموع اكتر من اللازم، فكان ان اصبح الالفه منذ ذلك اليوم

يا حبر، الف شكر علي نمر ابناء خالتي، و افتح الموبايل يا ملك

Post: #1625
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-07-2008, 10:50 AM
Parent: #1

سلامات يا خلي و مشكور كتير علي الاكسبرس سرفيس يا راجل يا ملك

بمناسبه الملوك، قابلت اخونا سامي عبد الكريم بالمغتربين صدفه، و اخذت منو تلفونات خالد احمد و اشرف منير، كذلك سمعت صوت العمالقه صلاح مختار و محمد صديق الكلبوظ، و بانتظار رؤياهم الغاليه


سلام يا إبراهيم و انشاء الله نقابل كل الموجودين و نوثق مافعل بنا الزمن...و الحر

و يا حبر، عليك الله لمني في تلفون ود خالتي ابو الليل ، و خالد عمر في البلد و اللا بره؟

Post: #1626
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:00 AM
Parent: #1625

دي الصور المرسلة من بدر الدين :
(1)

وقوفا من اليمين :
- بدر الدين أحمد الفكي - كهرباء
- عز الدين إسحق - كهرباء
- بابكر .... - ميكانيكا
- محمد أحمد - ميكانيكا
- وليد عوض خضر - ميكانيكا
- عادل السنوسي - ميكانيكا
- محمد شريف - ميكانيكا

جلوسا :
- حسين أبو القاسم - كهرباء
- بكري غالب - ميكانيكا
- ياسر دفع الله – كهرباء

Post: #1627
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:01 AM
Parent: #1626

(2)

- نجم الدين أحمد - كهرباء
- عثمان ... -
- أحمد الطويل - ميكانيكا
- هشام بورتسودان - ميكانيكا
- ياسر الماحي - ميكانيكا
- محمد حسن الشايقي – كيميائية
- بدر الدين أحمد الفكي – كهرباء
- آدم مالك – كهرباء
- محمد الغزالي - مدنية

Post: #1628
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:02 AM
Parent: #1627

(3)

وقوفا من اليمين :
- محمد الغزالي - مدنية
- طارق عبده
- محمد نور محمد الحسن - ميكانيكا
- هشام بورتسودان - ميكانيكا

جلوسا من اليمين :
- عبد القادر - مدنية
- سعد الدين - مدنية
- محمد زروق - مدنية

Post: #1629
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:28 AM
Parent: #1628

(4)

- بدر الدين أحمد الفكي - كهرباء
- حسن عبد الهادي - كيميائية
- محمد حسن الشايقي - كيميائية
- إبراهيم عبد العزيز - كيميائية

Post: #1630
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 11:28 AM
Parent: #1

Quote: و يا حبر، عليك الله لمني في تلفون ود خالتي ابو الليل ،
و خالد عمر في البلد و اللا بره؟

دة موبايل ابواللبل 00249912306758
ودة موبايل خالد عمر00249912133860

Post: #1631
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:29 AM
Parent: #1630

(5)

Post: #1633
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 11:47 AM
Parent: #1631

- أحمد الطويل
- محمد زروق
- ياسر الماحي

Post: #1634
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-07-2008, 11:57 AM
Parent: #1633

Quote: حنفى سبحان الله فقاطه ابوضفيرة يا اخى انا لا ارى جدية فى طرحكما
انصرفا عنى او دعانى انصرف انا

ياخى اقول ليكم قولة...
بالجد الواحد مستمتع وشديد بالوجبات الدسمة البجي بلقاها في البوست ده
الحبر وابراهومة وايميلات بهاء الدين تعانق ايميلات من صديقي معتز عريس والشباب الرائعين
ومحمد شمس الدين وسيرة ابوضفيرة...
والله لووووووووول والف لول

وايد يا ابراهيم جائزة الحبر التشجيعية لاكثر ايميل من خارج الحدود
كذلك اري بانني مرفوض نسعي لتسجيل اكثر عدد من الاخوة والاخوات..فالبوست عدادو رامي مشاهدين زي المطر
وعاوزين ننافس ونفاخر به الامم...
ومتحكرين وجالسين القرفصاء نستمتع بسيرة الزمن الجميل
والكع يا حبر الكع

Post: #1635
Title: Re: اليوم الحار ومابنداريوم الهندسة والمعمار
Author: khaleel
Date: 06-07-2008, 12:02 PM
Parent: #1634

انا لله وانا اليه راجعون


ننعي بحزن واسي الفنان اخر العمالقة في الجيل الذهبي للاغنية السودانية

استاذي عثمان حسين

رحمه الله رحمة واسعة

Post: #1652
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-08-2008, 11:02 AM
Parent: #1635

و الله فقد عظيم للسودان- سنفتقدك يا ربيع الدنيا.
وإنا لله وإنا إليه راجعون.
التحية لكل العمالقة ولديناصورات الهندسة والتحية للحبر ولخليل وكيكي (الهوائي) ويا ناس الدوحة ما تدخلو لينا الأخ عجبان.

Post: #1636
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 12:33 PM
Parent: #1

Quote: ياخى اقول ليكم قولة...
بالجد الواحد مستمتع وشديد بالوجبات الدسمة البجي بلقاها في البوست ده
الحبر وابراهومة وايميلات بهاء الدين تعانق ايميلات من صديقي معتز عريس والشباب الرائعين
ومحمد شمس الدين وسيرة ابوضفيرة...
والله لووووووووول والف لول

انت وين يا كيكى شايفك بقيت زى باولو روسى فى كاس العالم82
يكون لابد اول ما اتلعب باص حلو يجيب القون ويلبد تانى
يا اخوى عايزين لينا باصات اقوان عشان نهدف نحن

Post: #1637
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-07-2008, 12:37 PM
Parent: #1636

Quote: يا اخوى عايزين لينا باصات اقوان عشان نهدف نحن

هلا يا حبر
قاعدين والله بس شوية قراية بتاعة كبر كده
ونحمد الله لافيها درونغ ولافي فيها بورد يخعلنا ساكت
وما فيها عبدالله الصادق لا دكتور التاج...
ولكن يوماتي يا الحبر بنجي جاريين ليكم هنا نقراء ونموت من الضحك
وقريبا سالتحق بالركب بصورة دائمة ونسوي العجب....

Post: #1638
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-07-2008, 12:38 PM
Parent: #1

Quote: استاذي عثمان حسين

رحمه الله رحمة واسعة

نسال الله له الرحمة والمغفرة

Post: #1639
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-07-2008, 01:29 PM
Parent: #1638

Quote: ونحمد الله لافيها درونغ ولافي فيها بورد يخعلنا ساكت

والله شكلي كده خلعت ناس كتااار بإمتحان ال drawing ده ..

Post: #1640
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-07-2008, 04:48 PM
Parent: #1639

Quote: يا اخوى عايزين لينا باصات اقوان عشان نهدف نحن

تعرف قبل جيل السيد شلف ...
كان من اكبر مشجعى الهلال الأخ حسن مدنى ....لو تذكره .... كان يكره سيد سليم ... عاطف القوز و سامى عزالدين ....
كان بيقول إنو خطة سيد سليم .... خطة واحدة ... هى تهديف قوى ... شوت زوى....
عشان كده ندى الخطة دى لكيكى...


أما المشجعين الذين كانو مواظبين على حضور مباريات الهلال و المريخ أذكر بالإضافة لشخصى أسامة قاسم (مساحة)..و كذلك نادر اليمانى . و هشام سيفيل....

Post: #1641
Title: Re: اليوم الحار ومابنداريوم الهندسة والمعمار
Author: طارق أحمد خالد
Date: 06-07-2008, 04:58 PM
Parent: #1

Quote: انت وين يا كيكى شايفك بقيت زى باولو روسى فى كاس العالم82
يكون لابد اول ما اتلعب باص حلو يجيب القون ويلبد تانى


جنس ديناصورات... كيفك يا رجب

Post: #1642
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-07-2008, 07:04 PM
Parent: #1

الاعزاء ابراهيم محمد الحسن وعمر الحبر
والله مجهود مقدر تشكرون عليه
ولقدام لمذيد من المهندسين والمهندسات
وان كان فى تقصير بسيط فى حتة المهندسات دي
لانه حتى الان مافى واحدة من الزميلات تم استقطابها
فانتم الاثنين من الشخصيات المحورية
وباستطاعتكم تطعيم هذا البوست
بالنسبة لابو سمرة يعنى بس اكتفى بمداخلتين
لايغنين من جوع
الا اليومين دى عنده مشكلة نظارة

Post: #1644
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-07-2008, 09:45 PM
Parent: #1

الردود مرات بتجي في حتات غريبه

يا حبر شكرا علي التلفونات، ويا بهاء الايميل هو

[email protected]

Post: #1645
Title: Re: اليوم الحار ومابنداريوم الهندسة والمعمار
Author: بكرى ابوبكر
Date: 06-07-2008, 09:52 PM
Parent: #1644

صديقى الجميل من الزمن الجميل عمر الحبر سعدت كثيرا بانضمامك الى اسرة اليوم الحار

و ما تنسى تضيف للمهندسين الاتزوجوا مهندسات
دكتور مهندس محمد عبد الجليل كهرباء و سلمى السعيد كيميائية
و كمان صديقنا عماد عيدروس ونضال



Quote: دة تحديث لى لستة المهندسين ال اتزوجو من داخل الكلية
بعد اضافات ابراهيم محمد الحسن.
الشيخ ادريس مصطفى الامين81 واميمة دفع الله الحاج يوسف 81
الامين مصطفى الامين 84 وهالة التجانى 86
هشام ايوب 82 وامانى نصر الدين 84
عمر مختار81 وعفاف محمد على 84
محمد امير 83 وتهانى عباس 83
عماد عوض 83 فاطمة النور 86
محمد السراج83 وابتسام محمود87
عبد القادرالامام80 وحباب محجوب 84
مؤتمن ميرغنى 84 وايمان صلاح 84
طه محمودصالح84 وتبارك موسى عوض 84
ياسر شندى 84 وكاملةعبدالباقى 85
نادر عباس(كوبر)85 وعايدةعبدالله 90
معوية ميرغنى86 وامنة الطيب عريبى 86
هاشم دهب86 وسلمى كرم الله 86
عاطف جلال 86 وصفاء الفاضل(معمار)87
طارق حمادة 87 و ان عبدالمنعم 88
عبدالقادر احمد عباس 88 وهناء على87(معمار)
عبدالرحمن بابكر87 وسلمى بريدو 87
ياسر العبد82 وامانى بدوى 87
هشام مجذوب 87 و سوسن محمد الحسن 87
عادل التجانى 87 و امل بيومى 87
عمر حسين87 و رحاب 90
ابراهيم مامون88 وسارة ابقرجة87
منتصر محجوب عباس87 وعفراء 88
وائل ابوبكر الصديق88 وهبة حسن 90
صديق جيلانى 88 ومنى خميس 88
منصور على المنصور90 وهنادى احمدون91
سعيد محمد سعيد88 و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
وما زلنا فى انتظار المزيد كما ارجو تقديم المقترحات بخصوص
شكل التكريم بعد اكمال المجموعة

Post: #1646
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 05:55 AM
Parent: #1645

Quote: لاعزاء ابراهيم محمد الحسن وعمر الحبر
والله مجهود مقدر تشكرون عليه
ولقدام لمذيد من المهندسين والمهندسات
وان كان فى تقصير بسيط فى حتة المهندسات دي لانه حتى الان مافى واحدة من الزميلات تم استقطابها
فانتم الاثنين من الشخصيات المحورية وباستطاعتكم تطعيم هذا البوست

الأخ أحمد التجاني ..
تحياتي
ملاحظة في محلها ..
ونحن فعلا بصدد إشراك الدكتورة تهاني عبد الله / كهرباء 87 .. وإنشاء الله أخريات
بس نرجو من الأخ بكري أبوبكر يسرع بتفعيل الإشتراكات المطلوبة ..

Post: #1647
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 06:24 AM
Parent: #1646

الأخ/ إيريا (الشهير بمحمد الطيب سليم)
سعيد جدا برسالتك من القاهرة .. وأتمنى يستمر التواصل ..

_____________
إيريا .. إنشاء الله كده ما زعلان

Post: #1648
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 08:33 AM
Parent: #1647

على رأي الأخ طارق .. حصلوا البوست حا يغطس ..
طيب هاكم دي عشان ما يغطس :

من اليمين :
- حسان عباس
- معتز عريس
- وليد عريبي
- إبراهيم
- علي كدام
- طارق فصمة

الصف الخلفي :
- مهدي
- عثمان صديق
- خالد حبة
- عماد حسين
- نزار جعفر
- نزار عمر

الشباب الفي الصورة .. تقدروا تتذكروا الصورة دي كانت وين ؟

Post: #1649
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 10:20 AM
Parent: #1648

ورسالة تانية من الأخ إيريا :
Quote: شكرا يا إبراهيم علي الكلام الجميل ومجهودك في إنجاح البورد مقدر وتذكر أنك تبعث فرحاً جميلاً في قلوب كل المغتربين..ولك الود..
حينما رأيت صورة ناس نجم الدين حتي غزالي فكرت علي الفور أنه كان يجب أن تكتب تحتها واحدا من التعليقات التالية :
عصابة المحترمين
او
أحكم الناس في الحياة إناس عللوها فأحسنو التعليلا
أو
إنت يارمز المحاسن والبراءة والوداعة
وهذه تنطبق علي جميع من في الصورة بلا إستثناء
ومجموعة مطمئنة
محمد الطيب سليم

Post: #1650
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 10:25 AM
Parent: #1649

عصابة المحترمين (حسب توصية أيريا)



أحكم الناس في الحياة إناس عللوها فأحسنو التعليل ..

Post: #1651
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2008, 10:40 AM
Parent: #1650

والله يا ايريا حسن تيكو ما عرفتو

لكن لو خمنت يكون دها بابكر سفل وقصته مع الحرامي

Post: #1653
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 11:06 AM
Parent: #1651

حذف لأسباب خاصة

Post: #1654
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 11:09 AM
Parent: #1653

أيضا حذف لأسباب خاصة

Post: #1655
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2008, 11:32 AM
Parent: #1654

بيكو كان يعمل بعد التخرج في احدي مدارس اطراف العاصمة

والجماعة شبكوهو كل يوم عدس وفول عدس وفول

بابكر لما زهج منهم قال ليهم (انتو بوذيين وللا شنو لحم ما عندكم )

Post: #1656
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 11:41 AM
Parent: #1655

يا شباب الداخل ..
الباشمهندس محمد ابكم في طريقه إليكم يوم الخميس بإذن الله .. وهذا للمعلومية
تلفونه : 0911393425
وقد قدم أبكم عدة إقتراحات لتفعيل البوست بصورة أوسع .. يمكن تناقشوها معاه والعمل على تنفيذها ما أمكن ..
إقتاح تكوين رابطة أو جمعية تساهم في خدمات المهندسين وخصوصا مهندسين الخارج .. مثل التسجيل في الجمعية الهندسية وخلافه ..
كذلك تساهم الجمعية بدعم الكلية عينيا وأكاديميا .. في شكل مجموعات كل حسب تخصصه ..

المقترحات والأفكار كتيرة والموضوع عاوز تشاور وتفاكر ..

إنتو بالمناسبة وين النور جابر؟ إعتزل العمل العام ولا شنو :

Post: #1657
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 11:54 AM
Parent: #1656

كتب الحبر :
Quote: ده تحديث للستة المهندسين الإتزوجوا من داخل الكلية
وما زلنا فى انتظار المزيد كما ارجو تقديم المقترحات بخصوص
شكل التكريم بعد اكمال المجموعة

الحبر ..
بخصوص شكل التكريم .. عادل التجاني قال ليكم بيقترح تكرموهم بشقق أو قطع أراضي
أنا قلت ليه لو الموضوع جاب ليهم شقق وأراضي كلنا بنرجع نتزوج من داخل الكلية

Post: #1658
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-08-2008, 12:47 PM
Parent: #1657

كتب كيكي زمااااااااان :
Quote: فقلت ليهم اسمي فلان الفلاني
وما عندي اسم دلع ..
قامت نطت رباح الصادق
وقالت (هئ هئ انا ح اسميك كيكي)
وقبل ما اصل الداخلية لقيت كل الناس بتقول لي كده
لم احاول محاصرة اللقب لانو بيني وبينك كده لذيذ وبعدين
جاي من حفيدة المهدي

رباح الصادق .. صاحبة الشرف بتسمية كيكي ... وعضو البورد .. منتظرين مداخلاتك ..

وكذلك منتظرين كل الأعضاء المختفين ..

Post: #1659
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 03:20 PM
Parent: #1

Quote: صديقى الجميل من الزمن الجميل عمر الحبر سعدت كثيرا بانضمامك الى اسرة اليوم الحار

و ما تنسى تضيف للمهندسين الاتزوجوا مهندسات
دكتور مهندس محمد عبد الجليل كهرباء و سلمى السعيد كيميائية
و كمان صديقنا عماد عيدروس ونضال

لك الشكر يا بكرى والله انت الجميل وهذه اضافة جميلة وسعدت برسالتك فى الماسنجر

Post: #1660
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 03:33 PM
Parent: #1

مرحب حباب محمد الخاتم وياريت تنشط انت وناس دفعتك
(ناسك خليهم يشاركو بالايميل لغاية ما يعملو باس ويرد)
وبذلك يكون التواصل

Post: #1661
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 03:40 PM
Parent: #1

يا طارق بمبو وبندق يللا جيبو لينا حكاوى فيها اسماء من الناس القدام
عشان يتم التواصل وين طارق سيد احمد82(بحة) وعاصم محمد الامين82
والرشيد محمد خير82 وهشام خليل وابوبكر محمد الحسن وطارق شاكر
ومجدى خيرى وحسام نقدالله وممدوح مجدى وايمن( بقبس) وين العالمين دى

Post: #1662
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 03:45 PM
Parent: #1

توقعوا فى الاسبوع القادم تسجيل مجموعة مشكلة من اندكسات مختلفة
فيها 82,83,87,86,88,92
وهناك مقترحات كثيرة حا تتطرح بخصوص تطوير البوست

Post: #1663
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 03:55 PM
Parent: #1

شايف
Quote: إنه الرسالة دي تصلح للنشر .. أما قصة حسن بيكو بصراحة منتظر recommendation لنشرها
حكاية إنه شبو عربيو زي إنجليزيو دي يرد عليك شبو

اوعى من الشوت الضفارى يا ابراهيم

Post: #1664
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 04:03 PM
Parent: #1

برلومنا من ما بدا ما اجتهد كدا
اى امتحان قدا نادو لى العمدا
قالو فى البلدا ما شفنا زول زى دة
من زمنا كدا
برلومنا كان شفتو كنتو شلتو
همو كلو اتو الورا فاتو
وفى الكيميا جايب 2

Post: #1665
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2008, 06:26 PM
Parent: #1664

عائزين نعرف اخبار او موبايل دسوقي محمد علي

وسيف عمران في كندا ممكن

Post: #1666
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 08:22 PM
Parent: #1

Quote: عائزين نعرف اخبار او موبايل دسوقي محمد علي

وسيف عمران في كندا ممكن

جارى البحث والى حين الوصول الى نتيجة احكى ليك قصة
سيف عمران فى ال training بتاع القاهرة
سيف تنقا ومهاهو مجموعة من اولاد الكلية كانو بيعدو واحد من الشوارع
فى القاهرة (طبعا المصريين بقولو لاى زول يا باشمهندس)قام عسكرى المرور
قال لى سيف عدى بسرعة يا باشمهندس . سيف اول ما قطع الشارع قال
امنا بالمخابرات المصرية

Post: #1667
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-08-2008, 08:59 PM
Parent: #1666


و الله يا رجب كان إنت زى ما قال هاشم مطر شربت الهندسة شراب جد ...
لمن اعاين للصور إتضح لى إنو على كدام شرب الهندسة على الأقل الكهربائية شراب جد ...
الزول ده وين أراضيهو ....

Post: #1668
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2008, 09:02 PM
Parent: #1667

Quote: و الله يا رجب كان إنت زى ما قال هاشم مطر شربت الهندسة شراب جد ...
لمن اعاين للصور إتضح لى إنو على كدام شرب الهندسة على الأقل الكهربائية شراب جد ...
الزول ده وين أراضيهو ....



يا محمد كدة هضمت حق ابراهيم جرائد

Post: #1669
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-08-2008, 09:03 PM
Parent: #1

Quote: امنا بالمخابرات المصرية


انا دي حاضرا يالحبر ما حكوها لي

سلامي وتحياتي وتقديري لكل من سأل اخونا طارق والعملاق بهاء والمعتق علاء وبقية العقد الفريد وبدون مناسبة هشام سيفيل ده اسوأ زول في تاريخ الهندسة ... هندسة شنو ده في تاريخ الجامعة والجامعات المجاورة .... عارف ياخلي الزول ده انا لاقيتو في طلمبة بنزين ... كوركت ليه طبعا بحكم العادة ليس الا ... عارف ما اشتغل بي ولا اتكلم معاي ... الزول ده جا علي العربية تن .. تن .. تن ولمن بقى قريب قال لاميرة : (معقولة انتي لسه مستحملة المخلوق ده)

السادة المهندسين

قرأت قبل ايام مقال للساخر الرائع جعفر عباس وقد اقترح شيئا رائعا بعد كتابته عن حال مكتبة ألآداب وما آلت اليه بفعت عامل السن وضيق دات اليد ولما كنتم دوما اهل المبادرة فانني اتوجه اليكم بفكرته لنحاول انزالها ارض الواقع ودلك بعد اضافة تعديل ناظم ومامون جواري

لمادا لا يقوم كل خريج بالخارج بشراء كتاب يخص علوم القسم المتخرج منه (لضمان التنوع) كما يمكن عمل قائمة بالكتب التي جمعت تنشر على الويب وتجدد باستمرار تجمع الكتب في كل دولة وترسل الى عنوان بالداخل يقوم بتوصيلها لمكتبة الكلية وافتكر ده اقل ما نفعله

Post: #1670
Title: Re: اليوم الحار ومابنداريوم الهندسة والمعمار
Author: khaleel
Date: 06-08-2008, 09:09 PM
Parent: #1669

Quote: لمادا لا يقوم كل خريج بالخارج بشراء كتاب يخص علوم القسم المتخرج منه (لضمان التنوع) كما يمكن عمل قائمة بالكتب التي جمعت تنشر على الويب وتجدد باستمرار تجمع الكتب في كل دولة وترسل الى عنوان بالداخل يقوم بتوصيلها لمكتبة الكلية وافتكر ده اقل ما نفعله


حاضرين ابو سمرة

ونحن ممكن ننسق هنا

مشتاقين وكدة

Post: #1671
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 09:18 PM
Parent: #1

Quote: Quote: لمادا لا يقوم كل خريج بالخارج بشراء كتاب يخص علوم القسم المتخرج منه (لضمان التنوع) كما يمكن عمل قائمة بالكتب التي جمعت تنشر على الويب وتجدد باستمرار تجمع الكتب في كل دولة وترسل الى عنوان بالداخل يقوم بتوصيلها لمكتبة الكلية وافتكر ده اقل ما نفعله

والله دى فكرة رائعة يا ابوسمرة وياريت كل ما تغطس تجيب فكرة زى دى
وهذا اعتقد يكون شى جيد وتكون دى فائدة عظيمة من فوائد هذا البوست

Post: #1672
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 09:25 PM
Parent: #1

Quote: و الله يا رجب كان إنت زى ما قال هاشم مطر شربت الهندسة شراب جد ...
لمن اعاين للصور إتضح لى إنو على كدام شرب الهندسة على الأقل الكهربائية شراب جد ...
الزول ده وين أراضيهو ....

على كدام فى الخرطوم ودة موبايلو00249912304618

Post: #1673
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-08-2008, 09:30 PM
Parent: #1

والله باجماع سكوتي يا ابوالخل

وبقول لاحمد التجاني سلامة الوالد منور جدة

لكن يا ابو.. النضارة انت عارف انو الطب اتطور ولا جاك زهايمر

Post: #1674
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 09:31 PM
Parent: #1

بالله يا ابو سمرة لا تنقطع لان الجمهور ينتظر ابداعاتك

Post: #1676
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-08-2008, 09:47 PM
Parent: #1674



شوف الباشمهندسين ديل يا رجب ... خليل إنت ممكن تعرف واحد فيهم

العريس حديثا .... مع الباشمهندس المعتق ..
و ده فى إطار إحياء المنبر بإندكسات قديمة شوية ....

Post: #1701
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-09-2008, 06:40 PM
Parent: #1676

عزالدين شيبا(حاليا) ومعاهو (جهاد)..الراجل ده وين يا شمسالدين..كنا سوا في ليبيا وبعد جينا السودان اختفي ..يوم راجع جاء يودعنا في بيت الأخ مؤتمن ميرغني وايمان، وكانت معلقة معاهو نغمة شحاد جنب الجامع الكبير(أرهمونا يااا جمأأاا، ) وما زال صداها في أذني الموسيقيتين!! ولا شنو يا بمبو؟؟

Post: #1675
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-08-2008, 09:37 PM
Parent: #1

Quote: ((25 مايو)) أغنيات وصُور وذكريات ((بعيداً عن السّياسة))]
استمتعت جدا ببوست للأخ لؤي عن أغاني 25 مايو، ونحنا طبعا جيل صاغتو مايو
بغض النظر عن الرأي السياسي فيها..
ذكرني يوم طالع كعادتي من المكتبة (الإكستنشن) أيام ملاحق، والقرفة واصلة الحد..
وكانت مايو بتفرفر وتطلع في الروح.. ففي البوردات بتاعت الكافتيريا معلقة جريدة
يومية فيها صورة نميري، ولقيت الأخ العزيز(علاء عثمان-عبقرينو) معاهو برلوم بيقروا في الجريدة..سلمت علي علاء/ ووقفت والبرلوم لسوء حظو عاين لصورة نميري وشتمو..فقمت
ما صدقت مارست فيهو سيكولجية الإنسان المقهور(مقهور بالملاحق) فقلت أقهروا..
رحت متسلبط فيهو..وقلت ليهو كيف تشتم الرئيس القائدنميري، البرلوم اتخلع، لأنو
الجامعة الزمن داك
كلها بتشتمو، بس جات عليهو..قلت ليهو برلوم شنو انت؟ قال (ماث)، يعني شغال
في ال OLT بعد يومين المادة الفلانية؟ طبعا الجدول ياهو زاتو لكن المسيكين
قيلني أمنجي مقطعها!! قال لي أيوة..قلت خلاص انتظرنا حا نوريك..

تاني يوم لسوء حظو شفتو في الجنكشن وكان معاي الأخ العزيز الذي قد ضاع مني
ولا أعرف له أرضا، الأخ أحمد محمد أحمد..حكيت ليهو القصة، وهو مشهور بقوة عينو
وحبو للمقالب، لحد أنو عملها فيني أنا ذاتي..المهم من دون أي تردد مشي للبرلوم
وقال ليهو انت فلان الفلاني، قال ايوة.. مواعيدنا معاك بكرة ماتنساها..والبرلوم
اتخيل انو صورتو اتوزعت علي جهاز الأمن في الجامعة كلها..وبعد كدة ما عرفناهو
قعد في الجامعة ولا طفش خلاها لينا....
سلامي لأحمد وعلاء

Post: #1677
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-08-2008, 09:49 PM
Parent: #1

Quote: أحمد محمد أحمد

بالله يا علاء وين الراجل دة اعلن عن فقدانو وعن جائزة كبيرة
(انا اتكفل بها)للشخص الذى يدل عليه انه من الزمن القديم
ومن الرائعين الذين لا ينسو ويا اولاد الثورة جيبو خبر الراجل دة

Post: #1678
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-08-2008, 10:51 PM
Parent: #1677


تعرف يا علاء
أحمد محمد أحمد ده فى وقت الأوقات أنا كنت موهوم إنو عب كبير فى امن نميرى .... طبعا برضو فى زول تانى إتوهمت فيهو صلاح سيد ... أفتكر دفعة و لا دفعتين قدامكم ...
طبعا دى مجرد اوهام لفترة بسيطة ... ,

لكن قطعا انا ليس البرلوم المذكور....

التحية لهما
...

Post: #1679
Title: Re: اليوم الحار ومابنداريوم الهندسة والمعمار
Author: hisham civil
Date: 06-08-2008, 11:42 PM
Parent: #1678

اهلا بكل الاحباب
هشام civil وصل
تحية للجميع
وتحية خاصه لعمر الحبر وبكري
ولهم مني كل الشكر

Post: #1680
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-09-2008, 02:22 AM
Parent: #1679


هشام سيفل شمشيا .....

نورت ....

ده خبر كبير ...

و الله شكلو البوست ماشى لآنو نكون من البرالمة الدقدق فيهو ....

أعمل معروف ماتجيب معاك الشهير و عوض النذير.... مسموح ليك لحدى ود الأمير ممكن....

.......

Post: #1681
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 06:13 AM
Parent: #1680

سعيد جدا ..
البوست متحرك تمام ..
خصوصا الفاصل الإتلعب بعدي أمس ده .. لعيبة كبااار:
عمر الحبر
خليل
محمد شمس الدين
أبوسمرة
علاء الدين محمد بابكر
ونجم التسجيلات هشام سفل
لكم التحية جميعا .. ويلا أمتعونا بذكريات الزمن الأجمل في الكلية والجامعة ..

Post: #1682
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 06:17 AM
Parent: #1681

Quote: توقعوا فى الاسبوع القادم تسجيل مجموعة مشكلة من اندكسات مختلفة
فيها 82,83,87,86,88,92
وهناك مقترحات كثيرة حا تتطرح بخصوص تطوير البوست

الحبر
نكشف عن نجوم التسجيلات .. ولا نخليها مفاجأة ؟
على العموم تم الإتصال بالأشخاص المعنيين عشان يتصلو ببكري لإستلام الباسوردات ..
ياخي ده شغل كبير والله نحييك عليه .. غرفة تسجيلات الهلال ما عملتو ..
وعقبال المزيد ..

Post: #1683
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 06:31 AM
Parent: #1682

Quote: لكن يا ابو.. النضارة انت عارف انو الطب اتطور ولا جاك زهايمر

أبوسمرة .. ركبت عدسات يعني؟ ولا عملت تصحيح نظر ؟
طبعا تصحيح نظر دي شوية صعبة
Quote: لمادا لا يقوم كل خريج بالخارج بشراء كتاب يخص علوم القسم المتخرج منه (لضمان التنوع) كما يمكن عمل قائمة بالكتب التي جمعت تنشر على الويب وتجدد باستمرار تجمع الكتب في كل دولة وترسل الى عنوان بالداخل يقوم بتوصيلها لمكتبة الكلية وافتكر ده اقل ما نفعله

والله إقتراح جميل .. وأضم صوتي للمؤيدين للفكرة .. بس لازم التسيق وتعميم الفكرة عشان الحصيلة تكون مقدرة ..

طيب رأيكم شنو في إقتراح ناس عادل التجاني بتاع الشقق والأراضي للمتزوجين من داخل الكلية ؟

Post: #1684
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-09-2008, 07:02 AM
Parent: #1

تعظيم سلام وتحية
لاحد اعلام ورموز الهندسة فى الزمن الجميل
التحية للمهندس هشام سيفيل ورفاقه

Quote: أحمد محمد أحمد


التحية لهذا الرائع ومثلها لرفيقيه
عماد كامل
محمد حسن الداف
لقد سعدت جدا بان اتزامل لفترة من الزمن
معهم واذكر فى احدى اللابات تبع وليام
كانت تشرف عليه Tutor من المعهد القومى للبحوث
وحينما ضيقت عليهم فى ال Attendance ,وال course work
واحد من المخضرمين اخدها على جنب وقال ليها يابت اعملى
حسابك نحن مترددين جامعات ومعاهد عليا

Post: #1685
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-09-2008, 07:07 AM
Parent: #1

Quote: وبقول لاحمد التجاني سلامة الوالد منور جدة

لكن يا ابو.. النضارة انت عارف انو الطب اتطور ولا جاك زهايمر

الله يسلمك ياحبيب
انت عارف انو انا الطب ذاته
لكن بس اتذكرت ايام نظارتك
اتكسرت وكانوا بجيبوك الجامعة بالاسعاف

Post: #1686
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 07:35 AM
Parent: #1685

رسالة من الأخ/ عبد المنعم آدم :
Quote: dear ibrahim
please show this update photo for me and mechanical engineer yassin awadalla on the post

yours moniem


Post: #1687
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 07:47 AM
Parent: #1686

وتتوالى الرسائل ..
نقول ألو مرحبا ..
معانا محمد حسن الشايقي ..
Quote: أخى إبراهيم
لك التحيه و عبرك الى الإخوه المهندسين...

يا بوست إيه غيرك يكسر الروتين

يرجعنا لى ذكريات لينا منها سنين

يتحفنا بى حكاوى رواتها فنانين

ناخد مثال واحد كايتن بهاء الدين

فن علم أدب و كورة فى الميادين

ربنا يحفظه و يكفيه شر العين

ليهو الشكر و لكل المتداخلين

الى اللقاء

محمد حسن الشايقى كيميائيه 86

ألف تحية لك أخي محمد حسن .. زمن والله ..
ياخي البوست صراحة عامل عمائل ورجع ناس وزمن جميييل .ز
ونتواصل

Post: #1688
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 08:15 AM
Parent: #1687

والصورة دي من محمد حسن الشايقي
دفعة86

من اليمين :
- وليد عريبي
- عمر الخواض
- مبارك
- محمد حسن الشايقي
- حسن عبد الهادي
- إبراهيم عبد العزيز
- خالد أورتشي
- عمر الحضري

Post: #1689
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 06-09-2008, 08:45 AM
Parent: #1688

Up

Post: #1690
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 10:03 AM
Parent: #1689

بالأمس واليوم حظيت بمحادثة هاتفية مع نجم البوست القادم
عمـــر حسـين
يبلغكم تحياته ووعد بمتابعة البوست إستعدادا لنزول الملعب

Post: #1691
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 11:06 AM
Parent: #1690

ويستمر التواصل
وتتوالى المحادثات الهاتفية ..
كلمتني هاتفيا الزميلة العزيزة/ هالة حسن (كزن) .. كزن دي ضرورية يا هالة
هي من المتابعات للبوست
وقدمت إقتراح بأن يكون في تنسيق مع الموجودين في الداخل وتكون هناك لقاءات دورية للجميع (زملاء وزميلات) ..
واعتقد في لقاءات بتتم كل فترة ، لكن قاصرة على مجموعات معينة ..
بس الآن وبعد تفعيل البوست لازم تكون دي واحدة من أهدافه .. لقاءات دورية شاملة ..
يلا ناس الداخل حركو الموضوع ده ..

الحبر
وين نجوم التسجيلات الجدد .. منتظرين نزولهم الملعب

Post: #1692
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 11:13 AM
Parent: #1691

ورسالة أخرى من محمد حسن الشايقي :
على ذكر النظارة

Post: #1693
Title: Re: اليوم الحار ومابنداريوم الهندسة والمعمار
Author: khaleel
Date: 06-09-2008, 11:23 AM
Parent: #1692

يا اخوانا

احمد محمد احمد

متواجد معنا بالدوحة

والرجل اصابه قانون التغير وصار اشبه بجماعة انصار السنة او انضم لجماعة البلاغ

والجلابية بتاعتو قصرت جدا

Post: #1694
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-09-2008, 01:48 PM
Parent: #1

التحية لاخوانى اصحاب الاقلام المميزة من ناس غرب السنتر وبدقة اكثر ناس شرق الكافتيريا حيث كراسى الحديد الماهلة والتى خرجت أعلام من الناس
اشكر الاخ بكرى الذى اكرمنى بادخالى الى هذا المنتدى
اشكر الاخ والصديق والرجل العجوبة عمر الحبر والذى ينطبق علية وصف الرجل البركة تماما" هذا الرجل الذى لا تستطيع الا ان تقف مذهولا" امامه وهو يسرد الاشياء فعندما يحدثك عن عظيكة وكلوب كمثال (انشاء الله اكون كتبتهم صاح) فكانهم كانوا معك وكلمااستعصى علينا معرفة احد كان هو مرجعنا

اتمنى ان استطيع ان اجارى هذا التراث وارجو ان اكون زى البدخلوا سنة اولى ابتدائى كمستمعين حتى يحكم فى مستواه

هشام محمد مجذوب
هندسة مدنية 88

Post: #1695
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-09-2008, 01:53 PM
Parent: #1694

مرحب بالأخ هشام مجذوب / 88
للتمييز لأنه عندنا هشام مجذوب كهرباء 87

هشام تاني المسجلين الجدد اللي نزلو الملعب بعد هشام سفل
يعني المنبر نور بالهشامين ..
وعقبال هشام جاد الله
وهشام كدنبور

ومنتظرين باقي اللعيبة ..
ويلا أمسك الوردية يا هشام .. أنا طالع ..

نتواصل

Post: #1696
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 03:06 PM
Parent: #1

Quote: عمر الحبر

سلامات مافي طريقة تجيب هشام سفل للبوست

اهو دة الراجل جبتو ليك بشحمه و لحمه وهو من رموز دفعة 83 ومن الناس
الحركيين فى هذه الدفعة وفى الكلية عامة فالتحية له ومرحبا به فى اسرته
الحبيبة اسرة كلية الهندسة العملاقة واقدل يا سيدى كما كنت فى الكلية

Post: #1697
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 03:12 PM
Parent: #1

Quote: التحية لاخوانى اصحاب الاقلام المميزة من ناس غرب السنتر وبدقة اكثر ناس شرق الكافتيريا حيث كراسى الحديد الماهلة والتى خرجت أعلام من الناس
اشكر الاخ بكرى الذى اكرمنى بادخالى الى هذا المنتدى
اشكر الاخ والصديق والرجل العجوبة عمر الحبر والذى ينطبق علية وصف الرجل البركة تماما" هذا الرجل الذى لا تستطيع الا ان تقف مذهولا" امامه وهو يسرد الاشياء فعندما يحدثك عن عظيكة وكلوب كمثال (انشاء الله اكون كتبتهم صاح) فكانهم كانوا معك وكلمااستعصى علينا معرفة احد كان هو مرجعنا

اتمنى ان استطيع ان اجارى هذا التراث وارجو ان اكون زى البدخلوا سنة اولى ابتدائى كمستمعين حتى يحكم فى مستواه

هشام محمد مجذوب
هندسة مدنية 88

التحية للصديق العزيز هشام مجذوب ولك الشكر على هذه الكلمات الرائعة ويبدو من مداخلتك
انك انت من اصحاب الاقلامالمميزة وانا اجزم كذلك انك من اصحاب الافكار المميزة وحبابك عشرة
بلا كشرة وهلا باول زول من 88

Post: #1698
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 04:07 PM
Parent: #1

على دفعة 85 مدنيةان تعمل تمثالا كبيرا للباشمهندس محمدعبدالله ابراهيم(شلوت)
وثضعه على مدخل الكلية وجوار المكتبة فهذا الرجل قد كفاها شر
(الصداع النصفى , جحوظ العينين مع الزغللة وعمى الالوان المؤقت ,
زنة احدى الاذنين او كلاهما,احمرار الوجه,الحركة ال uncontrolable للفك
الاسفل بدرجة تؤدى الى تلف بعض الاسنان,الورم المؤقت للوذتين, تلف الحبال
الصوتية الى حد يجعل الصوت الذكورى يبدو انثوى والعكس,خمة النفس, زيادة
ضربات القلب , ارتفاع ضغط الدم واحيانا انخفاض ضغط الدم واحيانا تعاقب
الحالتين كل5 ثوانى ,نصبب الغرق الشديد بل انسيابه الى مدخل القاعة باعنباره
اكثر انخفاضاوفى شكل دبيبى ذلك فى فصل الصيف واما فى الشناء فتظهر فقط حبيبات
العرق ولا تسيل وذلك عندما تكون درجة الحرارة اقل من 22 ,رجفة شديدة فى الركبتين
بشكل يشبه الشلل الارتعاشى ,خدر وتنميل فى احدى الرجلين او كلاهماوهذا يشبه اعراض
الاتزلاق الغضروفى ,الاحساس بال unsymetry وذلك فى ان تشعر بان شقك الايمن اكبر او
اصغر من الايسر او ان احدى رجليكك اطول من الاخرى,الاحساس بمسمار فى منتصف الراس
عند النظر الى مسألة فيها concentrated load وكذلك الام متفرقة فى الظهر فى حال
ال uniformly distributed load , القطائع والفلايتفى حالةالمسائل ال فيها تورشن
,الاضطراب المفاجئ للقولون العصبى )
تظهر هذه الاعراض دائما فى lecture وامتحان عبدالله ابراهيم وبدرجة متفاوتة وحسب شطارة الشخص
ودرجة تحمله للمصائب ولكن لا يسلم منهاالشخص نهائياوربما يصاب بهااحدهم جميعها وخاصة
لمن يتوقع انو يجيب فى الامتحان 80 والقى نمرتو 7 ونص فاذن نجت دفعة 85 وهذا لنوضيح حجم المشكلة التى نجو منها والى اللقاء فى قصةعمر الحضرى مع عبدالله ابراهيم

Post: #1699
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-09-2008, 04:43 PM
Parent: #1

ياود الكباشى نفهم من كدا انو دفعة 85 عشان مادخلت فى محك عبدالله ابراهيم معناتو يجب اعادة تقييم لل structure بتاعتم بالمقارنه مع الباقين

Post: #1700
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 04:59 PM
Parent: #1

Quote: ياود الكباشى نفهم من كدا انو دفعة 85 عشان مادخلت فى محك عبدالله ابراهيم معناتو يجب اعادة تقييم لل structure بتاعتم بالمقارنه مع الباقين

لا ياهشام مجذوب بل يجب التعويض لكل من الاعراض السابقة وان تتدخل منظمات حقوق الانسان فى تقييم
حجم الضرر وقيمة التعويض لكل الدفعات غير 85

Post: #1702
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-09-2008, 06:43 PM
Parent: #1

هشام سيفيل وأبوسمرة المعدل.....ألف سلام

Post: #1703
Title: Re: اليوم الحار ومابنداريوم الهندسة والمعمار
Author: علاء الدين محمد بابكر
Date: 06-09-2008, 06:49 PM
Parent: #1702

Quote: والجلابية بتاعتو قصرت جدا

مسكين أحمد، يكون فلس وما قادر يشتري ليهو جلابية طولو..
سلام للعزيز أحمد أكان جلابيتو قصيرة ولا طويلة..سلام..سلام

Post: #1704
Title: Re: اليوم الحار ومابنداريوم الهندسة والمعمار
Author: khaleel
Date: 06-09-2008, 07:57 PM
Parent: #1703

ثلة من خمسة وتمانين وقليل من الاخرين




Post: #1705
Title: Re: اليوم الحار ومابنداريوم الهندسة والمعمار
Author: khaleel
Date: 06-09-2008, 08:01 PM
Parent: #1704

وليد اللتل واخرون



Post: #1706
Title: Re: اليوم الحار ومابنداريوم الهندسة والمعمار
Author: khaleel
Date: 06-09-2008, 08:08 PM
Parent: #1705

بغدادي كبير مهندس الكهرباء في الهيئة




Post: #1707
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 08:31 PM
Parent: #1

Quote: مسكين أحمد، يكون فلس وما قادر يشتري ليهو جلابية طولو..
سلام للعزيز أحمد أكان جلابيتو قصيرة ولا طويلة..سلام..سلام

لمونا فى موبايلو يا بندق

Post: #1708
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-09-2008, 08:38 PM
Parent: #1

يا هشام civil انا استلمت من الدكتورة تهانى عبدالله
كشف دفعة 83 بحتاج لى شغل منكم لاضافة الناس ال اتساقطو
من الدفعة زى ناس الشهير وحسن بابكر وعبدالرحمن خالد
ومحمد عبدالرحمن وكدام وما اكثر المتساقطين وبرضو فى صور
عند الشهير وياسر ابصلعة فانت اذن تتولى معاى الامر ونحاول
نجمع المعلومات والصور بطريقة تقسيم مجموعات ال اقترحتها انت قبل كدة

Post: #1709
Title: Re: اليوم الحار ومابنداريوم الهندسة والمعمار
Author: khaleel
Date: 06-09-2008, 08:49 PM
Parent: #1708

Quote: كشف دفعة 83 بحتاج لى شغل منكم لاضافة الناس ال اتساقطو
من الدفعة زى ناس الشهير وحسن بابكر وعبدالرحمن خالد



وحجازي ياخ ( طاعن في السن عامل فيها دفعتنا)

Post: #1710
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-09-2008, 09:40 PM
Parent: #1709

هلا يا يوم يا حار
ونرحب بالقامين الجدد الي ارض البوست
هشام سفل
والاخ هشام
والاخ محمد الخاتم
ويا حبر وخليل وابراهيم متابعين وبشغف
ويا ابوسمرة بالله افتح افتح وجيب خبورات الزمن الفلاني..



وكل الشفاء والصحة لوالد الاخ الصديق احمد تجاني
وسلام يا علاء ومنتصر
وكل الناس الجميلة
وفي انتظاركم دوما

Post: #1711
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-10-2008, 00:38 AM
Parent: #1710

Quote: 83 بحتاج لى شغل منكم لاضافة الناس ال اتساقطو
من الدفعة زى ناس الشهير وحسن بابكر وعبدالرحمن خالد
ومحمد عبدالرحمن وكدام وما اكثر المتساقطين


طبعا يا رجب انا (و الكاشف) و معى اربعة اخرين موديل 83 لكن مركبين مكنة 84
إلإندكس بتاعنا 84 مع إننا دخلنا 83... بسبب المرحوم حاج الباقر ..
بعدين غيرت المكنة ل 85 أخر سنة..مع الإحتفاظ بالشاسى

Post: #1712
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 07:13 AM
Parent: #1711

رايكم شنو نمسك الشباب المشهورين بألقاب معينة ونعرف قصة إطلاق اللقب على كل واحد ..
يعني مثلا (كيكي) .. عرفنا إنه في حفل التعارف في البرليم كان بيسألوا كل واحد عن إسمه وإسم الدلع
Quote: فقلت ليهم اسمي فلان الفلاني
وما عندي اسم دلع ..
قامت نطت رباح الصادق
وقالت (هئ هئ انا ح اسميك كيكي)
وقبل ما اصل الداخلية لقيت كل الناس بتقول لي كده
لم احاول محاصرة اللقب لانو بيني وبينك كده لذيذ وبعدين
جاي من حفيدة المهدي


يلا عاوزين نعرف (القرود) ياخليل .. (القرود بتشديد الراء للأجيال الجديدة عشان ما يفتكروها جمع قرد)
عظيكة
كلوب
وليد الليتل
ياسر كزن
عمر فلاشا
معتز عريس
هشام كدنبور
وغيرهم

Post: #1713
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 07:47 AM
Parent: #1712

رسالة من الأخ عبد المنعم آدم :
Quote: dear ibrahim
I attached nice photo for ombda (u.k students)executive commite for 1987-1988
and as you see four out of six graduated from faculty of engineering

1) waleed salah mechanical engineering batch 1983
2) mohammed ahmed electrical engineering batch 1985
3)nagm eldeen fadeel electrical engineering batch 1986
4)abdelmonem adam electrical engineering batch 1986
thanks
moniem


Post: #1714
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-10-2008, 09:31 AM
Parent: #1

Quote: لا ياهشام مجذوب بل يجب التعويض لكل من الاعراض السابقة وان تتدخل منظمات حقوق الانسان فى تقييم
حجم الضرر وقيمة التعويض لكل الدفعات غير 85


عمر الحبر افرز
85 مدنية قصدك
غايتو نحن فى ميكانيكا كان عندنا
وليام وما ادراك ماوليام
تصدق ياالحبر انه وليام كان استاذا لوالدى
فى المعهد الفنى فى الستينات (جامعة السودان حاليا)
ولما تجى سييرتوا فى بيتنا انا وابوى بندخل فى رجفة

Post: #1715
Title: Re: اليوم الحار ومابنداريوم الهندسة والمعمار
Author: احمد التجانى احمد
Date: 06-10-2008, 10:22 AM
Parent: #1

Quote: وكل الشفاء والصحة لوالد الاخ الصديق احمد تجاني

تسلم من كل شر ياكيكى يااصيل
Quote: ويا ابوسمرة بالله افتح افتح وجيب خبورات الزمن الفلاني..

ماكان تقول ليه كدة يااخ
الزول دة بجيب البتقال والمابتقال
عشان الشتارة وكدة
وبدخل الناس فى حتة ضيقة

Post: #1716
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 10:34 AM
Parent: #1715

Quote: الزول دة بجيب البتقال والمابتقال
عشان الشتارة وكدة
وبدخل الناس فى حتة ضيقة

أحمد التجاني ..
الله يستر من شتارة أبو سمرة ..
بس ياخي الراجل قالو إتغير

Post: #1717
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 10:36 AM
Parent: #1716

والله يا شباب مدام مافي موضوع
إضطريت أطلع كمية صور تاني وجهزتها .. بس كالعادة مشكلة upload
توقعوها قريبا ..

Post: #1719
Title: Re: اليوم الحار ومابنداريوم الهندسة والمعمار
Author: khaleel
Date: 06-10-2008, 11:19 AM
Parent: #1717

Quote: يلا عاوزين نعرف (القرود) ياخليل .. (القرود بتشديد الراء للأجيال الجديدة عشان ما يفتكروها جمع قرد



علي ما اذكر حكي لي وليد القرود عن سر هذا الاسم فقال انه في السبعينات

قرا في الصحفة الرياضية هذا العنوان ( عادل القرود يضع هجوم المريخ في جيبه)

والقرود هو مدافع ودنوباوي حينما كان بالدرجة الاولي .

في العصر ذهب وليد للتمرين واسم القرود ما زال يرن في اذنه

ولعب وليد مدافعا وصار يشجع نفسه (قرود بقطع قرود بعكس قرود ماشي )

فاطلق عليه لقب القرود

Post: #1726
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-10-2008, 01:15 PM
Parent: #1719

Quote: ولعب وليد مدافعا وصار يشجع نفسه (قرود بقطع قرود بعكس قرود ماشي )


ياخليل قصة كنت بتلعب كورة وكمان مدافع دى اختفت ايام الجامعةولا شنو (قرود يقطع وقرود يعكس وقرود ماشى) دى معناتها كانت فى موهبة عظيمة وشكلها اختفت فى اخر الثانوى قبل الجامعة

Post: #1718
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-10-2008, 11:15 AM
Parent: #1

Quote: طبعا يا رجب انا (و الكاشف) و معى اربعة اخرين موديل 83 لكن مركبين مكنة 84
إلإندكس بتاعنا 84 مع إننا دخلنا 83... بسبب المرحوم حاج الباقر ..
بعدين غيرت المكنة ل 85 أخر سنة..مع الإحتفاظ بالشاسى

ما انتو اندكس تسنين انا متذكر انو معاك عماد عوض وعبدالقادر خليفة.
بالله الناس ديل وين ورسل لينا تلفوناتم اذا عندك

Post: #1720
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-10-2008, 11:22 AM
Parent: #1

Quote: عمر الحبر افرز
85 مدنية قصدك
غايتو نحن فى ميكانيكا كان عندنا
وليام وما ادراك ماوليام
تصدق ياالحبر انه وليام كان استاذا لوالدى
فى المعهد الفنى فى الستينات (جامعة السودان حاليا)
ولما تجى سييرتوا فى بيتنا انا وابوى بندخل فى رجفة

لك الشكر يا ودالتجانى فعلا المقصود 85 مدنية
بس المشكلة انو انا لما اتذكرت عبدالله ابراهيم
(الود عبدالله على قول عظيكة) رجفت زى رجفتك انت
وابوك من وليام

Post: #1721
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-10-2008, 12:38 PM
Parent: #1

دة تحديث لى لستة المهندسين ال اتزوجو من داخل الكلية
بعد اضافات ابراهيم محمد الحسن.وبكرى ابوبكر
الشيخ ادريس مصطفى الامين81 (كيميائية)واميمة دفع الله الحاج يوسف82
الامين مصطفى الامين 84 (مدنية)وهالة التجانى 86 (كيميائية)
هشام ايوب 82 وامانى نصر الدين 84 (مدنية)
عمر مختار81 (كيميائية)وعفاف محمد على 84 (كيميائية)
محمد امير 83 (ميكانيكا)وتهانى عباس 83 (مدنية)
محمد عبدالجليل83(كهرباء) و سلمى السعيد87(كيميائية)
عماد عوض 83 (مدنية)فاطمة النور (مدنية)86
محمد السراج83 (كهرباء)وابتسام محمود87 (كهرباء)
عبد القادرالامام80 (مساحة)وحباب محجوب 84
مؤتمن ميرغنى 84 (كهرباء)وايمان صلاح 84 (كيميائية)
طه محمودصالح84 (مدنية)وتبارك موسى عوض (مدنية)84
ياسر شندى 84 (مدنية)وكاملةعبدالباقى 85
عماد عيدروس84(كهرباء) وتوسل95(كهرباء)
نادر عباس(كوبر)85(مدنية) وعايدةعبدالله 90
معوية ميرغنى86 (مدنية)وامنة الطيب عريبى 86 (كهرباء)
هاشم دهب86 (ميكانيكا)وسلمى كرم الله 86 (مدنية)
عاطف جلال 86 (مدنية)وصفاء الفاضل(معمار)87
سعد ابراهيم ادريس87(مدنية)ولمياء موسى 94(معمار)
طارق حمادة 87 (كهرباء)و ان عبدالمنعم 88 (كهرباء)
عبدالقادر احمد عباس 88 وهناء على87(معمار)
عبدالرحمن بابكر87 (كهرباء)وسلمى بريدو 87 (كهرباء)
ياسر العبد82 وامانى بدوى 87 (زراعية)
هشام مجذوب 87 (كهرباء)و سوسن محمد الحسن 87 (مدنية)
عادل التجانى 87 (كهرباء)و امل بيومى 87 (كهرباء)
عمر حسين87 (ميكانيكا)و رحاب 90
ابراهيم مامون88 (كيميائية)وسارة ابقرجة87 (كهرباء)
منتصر محجوب عباس87 (مدنية)وعفراء 88
وائل ابوبكر الصديق88 (مدنية)وهبة حسن 90 (كهرباء)
صديق جيلانى 88 (زراعية)ومنى خميس 88 (مدنية)
منصور على المنصور90 وهنادى احمدون91
سعيد محمد سعيد88 (مدنية)و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
وما زلنا فى انتظار المزيد كما ارجو تقديم المقترحات بخصوص
شكل التكريم بعد اكمال المجموعةومنتظرين اضافة دكتورة تهانى
عبدالله بعد دخولها انشاء الله وارجو افادة المتابعين من الخارج
المشاركة على [email protected]

Post: #1723
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 12:55 PM
Parent: #1721

الحبر .. إكمال لبعض البيانات الناقصة لتعتمدها في اللستة الأصلية :
Quote:
الامين مصطفى الامين 84 (مدنية) وهالة التجانى 86 (كيميائية)
هشام ايوب 82 وامانى نصر الدين 84 (مدنية)
محمد عبدالجليل83 (كهرباء) و سلمى السعيد 87 (كيميائية)
محمد الشيخ 83 (كهرباء) وابتسام محمود87 (كهرباء)
معاوية ميرغنى86 (مدنية) وآمنة الطيب عريبى 86 (كهرباء)
هاشم دهب 86 (ميكانيكا) وسلمى كرم الله 86 (مدنية)
عاطف جلال 86 (مدنية) وصفاء الفاضل 87 (معمار)
طارق حمادة 87 (كهرباء) و آن عبدالمنعم 88 (كهرباء)
عبدالقادر احمد عباس 88 وهناء على87(معمار)
عبدالرحمن بابكر87 (كهرباء) وسلمى بريدو 87 (كهرباء)
ياسر العبد82 و امانى بدوى 87 (زراعية)
هشام مجذوب 87 (كهرباء) و سوسن محمد الحسن 87 (مدنية)
عادل التجانى 87 (كهرباء) و امل بيومى 87 (كهرباء)
ابراهيم مامون 88 (كيميائية) وسارة ابقرجة87 (كهرباء)
وائل ابوبكر الصديق 88 (مدنية) وهبة حسن 90 (كهرباء)
صديق جيلانى 88 (زراعية) ومنى خميس 88 (مدنية)

الرجاء إكمال باقي البيانات الناقصة من اللستة ..

Post: #1724
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-10-2008, 12:59 PM
Parent: #1721

Quote: ما انتو اندكس تسنين انا متذكر انو معاك عماد عوض وعبدالقادر خليفة.
بالله الناس ديل وين ورسل لينا تلفوناتم اذا عندك

ديل فى دبى ... تلفونهم سيصلك بالمسنجر بعدين ...

كان معنا إبراهيم الحاج (مدنية) ... سوداتل عرفت تلقى ليهو موقع تمام ... يستلم من المقاولين أقصد يشاكل ليها المقاولين فى البرج الجديد ....
لآ أدرى إن سافر للسعودية أم لا زال مع سوداتل...

Post: #1722
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-10-2008, 12:53 PM
Parent: #1

Quote: تعرف ياحبر الشغلانه دى الظاهر فعلا احلوت والدبايب الغليده بدت تطلع
البوست بصراحه بقى عامل شغل عجيب ويستحق كل التقدير لذلك نشكر
الاخ خليل لاطلاقه شراره البدايه والمثابره الدائمه على الكتابه حتى اصبح البوست نقطه التقاء لغالبيه خريجى الكليه.
الاخ كيكى برضو كان بشكل دائما ثنائيات عجيبه مع خليل الا انى اعيب عليه انو اصبح مقل فى العطاء فى الاونه الاخيره متعللا بالقرايه -اترك التعليق هنا لخليل و ابوسمره ورايهم في قرايه كيكي بعد ماعمرو بقى 45 سنه
الاخ ابراهيم محمد الحسن مشكور ايضا على النقله النوعيه القام بيها واسهامو الفعال فى استقطاب مجموعه كبيره من الشباب

الاخ الحبر تجلت خبرتو وحنكتو-التى تفوق خبره صلاح ادريس- فى الشغل بتاع التسجيلات الاخيره وتمكنو من ضم كوكبه من النجوم القادمه من الزمن
الجميل
ترحيب شديد بي هشام سفل والجابك يجيب خالد الشهير ورفيق الدرب كابتن طلال وحسن اكش

محمد حسن الشايقي لك كل الود والترحاب اخر مره اتقابلنا في عزاء والد الاخ محي الدين عبد الفراج له منا التحايا
العزيز بدر الدين الفكي لك مني كل الود والترحاب مشكور جدا علي وضع عنوانك وارقامك لمزيد من التواصل.
عبد المنعم الف تحية لك وباقي الاخوه المرابطين فى الداخل.
بهاء الدين

كعادة بطل الميدان الشرقى بهاء الدين يرسل هذا اليميل
لك ملايين التحايا يا معشوق جماهير هندسة وابشر نفسى
وكل اهل اليوم الحار بانه جارى تسجيلك

Post: #1725
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 01:02 PM
Parent: #1722

Quote: كعادة بطل الميدان الشرقى بهاء الدين يرسل هذا اليميل
لك ملايين التحايا يا معشوق جماهير هندسة وابشر نفسى
وكل اهل اليوم الحار بانه جارى تسجيلك

بهاء الدين ..
شايف خبرة التسجيلات دي ؟
ياخي دي فاقت صلاح إدريس وجمال الوالي .. زاتوووووو
شكرا للتواصل ..
وعندك صورة حا تشوفها قريبا

Post: #1729
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 01:40 PM
Parent: #1725

Quote: ياخليل قصة كنت بتلعب كورة وكمان مدافع دى اختفت ايام الجامعةولا شنو (قرود يقطع وقرود يعكس وقرود ماشى) دى معناتها كانت فى موهبة عظيمة وشكلها اختفت فى اخر الثانوى قبل الجامعة

يا هشام مجذوب انت ما ملاحظ :
Quote: ولعب وليد مدافعا و صار يشجع نفسه (قرود بقطع قرود بعكس قرود ماشي )


Post: #1727
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-10-2008, 01:28 PM
Parent: #1

Quote: عمر الحبر افرز
85 مدنية قصدك
غايتو نحن فى ميكانيكا كان عندنا
وليام وما ادراك ماوليام
تصدق ياالحبر انه وليام كان استاذا لوالدى
فى المعهد الفنى فى الستينات (جامعة السودان حاليا)
ولما تجى سييرتوا فى بيتنا انا وابوى بندخل فى رجفة

الأخ أحمد ألتجاني بمناسبة ذكر أستاذنا العظيم وليم عندو معانا قصة لذيذة (دفعة 90 معليش يا شباب الكلام كلو 83،84، بس أسمحوا للاولاد الصغار يسهموا معاكم شوية بالذكريات).
صديقنا وأخونا إبراهيم أحمد عبد الرحمن(هو كمان الانمس بتاو اول اندكس في الدفعة 501 (للما بعرفوا اخ ياسر البنا-لهم جميعا التحية) جاب واحد في إختبار لوليم فقام وليم كتب في البور اسمه وطلب منه مقابلته، فلما مشى يقابلوا قام حصل الحوار التالي:
وليم: انت مين
ابرهيم: انا ابراهيم احمد وانت طلبت مقابلتي
وليم: انت نمرة واحد وجايب واحد، دا انت يابني مسمينك على إبراهيم الخليل، مفروض تكون قدوة. ده اعمل حسابك انت مش حا تلاقيني في تانية بس، ده انا حا الاقيك في تانية وتالتة ورابعة كمان، بالطريقة دي انت مش حا تتخرج. انتهت القصة.
فعشان كده يا حبر عندو حق أحمد التجاني وابوه يرجفوا لما يسمعوا سيرة وليم.

Post: #1728
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-10-2008, 01:36 PM
Parent: #1727

Quote: فعشان كده يا حبر عندو حق أحمد التجاني وابوه يرجفوا لما يسمعوا سيرة وليم.

هلا يا ود الخاتم
شوق كثيف ياخي
وناس احمد التجاني ديل بكون كامل عبدالماجد(خال ود التجاني) ذاتو برجف معاهم من سيرة وليم ده (مع العلم انو ما خريج هندسة)
دكاترة تخلع ياخي
تخيل انا حسع مزازي من البوست ده لانهم شايفهم جابو سيرة د.عبدالله الصادق
بتاع مساحة ودكتور حامد بتاع ميكانيكا..
شبكني ليك انت عبدالكريم الامين
ماس 2
دروينغ 3
كهرباء 4
قلت ليهو يا زول هوووي مادايرين جامعة ذاااتو

Post: #1730
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-10-2008, 01:44 PM
Parent: #1728

كيكي المختفي ..
ياخي أظهر وبطل حركات القتاتة دي ..
انت بالمناسبة تلفونك اتغير ولا شنو ؟
اتصلت عليك رد علي واحد هندي ولا بنقالي ما عارف
رسل التلفون

سلام

Post: #1731
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-10-2008, 02:11 PM
Parent: #1

Quote: لك الشكر يا ودالتجانى فعلا المقصود 85 مدنية
بس المشكلة انو انا لما اتذكرت عبدالله ابراهيم
(الود عبدالله على قول عظيكة) رجفت زى رجفتك انت
وابوك من وليام

شايفك يا حبر عامل فيها بترجف من عبد الله إبلااهيم الليلة لكن انت ما بتتذكر القصة التالية.

المشهد: الدنيا امتحانات والجماعة مساهرين للصباح لانو تاني يوم امتحان عبد الله إبراهيم وعلى ما أعتقد عمر حسين أو حمد خوجلي متابعين جرسة ناس مدنية شديد- والواد حبر (أو كما عرفنا مؤخرا رجب) ما شغال بالموضوع خالص.
الوقت: الساعة 8:00 إلى 8:30 صباحا.
الحدث: الواد حبر (أو رجب) شايل البشكير بتاعوا في كتفوا وخاتي الفرشة بالمعجن في أسنانو وكانما الموضوع ما بهموا ونازل من سلم جبل مرة-يقوم يلاقيهو عمر حسين.
عمر حسين: شنوا يا حبرانت ما شغال بالموضوع
رجب: ليه هو فيه شنو
عمر: انتو ما خايف من عبد الله إبراهيم والا شنو
رجب: ليه هو حا يجيب لينا أسد

Post: #1732
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-10-2008, 02:16 PM
Parent: #1

Quote: لك الشكر يا ودالتجانى فعلا المقصود 85 مدنية
بس المشكلة انو انا لما اتذكرت عبدالله ابراهيم
(الود عبدالله على قول عظيكة) رجفت زى رجفتك انت
وابوك من وليام

كمان يا حبريز عليك الله أحكي للشباب الحوار بينك وبين عبدالله إبراهيم في قاعة الامتحانات عن الصعوط والسجاير.
معليش يا حبر عملتك شغلة لكن ده رد على حوارنا امبارح

Post: #1733
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-10-2008, 02:24 PM
Parent: #1

Quote: هلا يا ود الخاتم
شوق كثيف ياخي
وناس احمد التجاني ديل بكون كامل عبدالماجد(خال ود التجاني) ذاتو برجف معاهم من سيرة وليم ده (مع العلم انو ما خريج هندسة)
دكاترة تخلع ياخي
تخيل انا حسع مزازي من البوست ده لانهم شايفهم جابو سيرة د.عبدالله الصادق
بتاع مساحة ودكتور حامد بتاع ميكانيكا..
شبكني ليك انت عبدالكريم الامين
ماس 2
دروينغ 3
كهرباء 4
قلت ليهو يا زول هوووي مادايرين جامعة ذاااتو

هلا ومرحبا بصديقي العزيز كيكي، والله مشتاقين شدييد وربنا يلمنابيكم انشاء الله في دوحة الجميع وتحايانا لي عثمان النعيم والاخ عجبان.
وشنو يا خلي ما مستنيين منك تحية أو اي حاجة كدة على الطاير. كل التحايا العطرة لكل المهندسين العظام داخل هذا البوست وربنا انشاء الله يجمعنا في ساعة خير.

والله انا بأيد إقتراح الأخ أبوسمرة بتاع المكتبة عشان البوست ده ما يكون للضحك واستجداء الذكريات، علنا نكون مفيدين لكليتنا العظيمة وأخوانا المهندسين وبلدنا السودان.

Post: #1734
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-11-2008, 01:26 AM
Parent: #1733


عندما وقع كلوب فى الإمتحان

أثناء إمتحان للإكترونيك ... كان يجلس قصادى عبداللطيف خضر الشهير بكلوب...
معلوماته فى الإلكترونيك ... خليها ساكت ..
أستاذ المادة سامى شريف ...
قبل أن يوزع أستاذ سامى حينها (و الدكتور بعد ذلك) ورقة الإسئلة ...
خاطبنى كلوب بصوت منخفض ... (إذا انا وقعت و الإ أى وسوسة حصلت ...ما تنخلع ما فى حاجة)
بعد أن تم توزيع الإمتحان.... تأكد لكلوب أن الوضع خطير للغاية
وقع على ألأرض ... جاء جارى أستاذ سامى شريف ليرى هذا الطالب الواقع فى الأرض...
تم حمله للكلينك ... و أعطى صب

أنا :يا كلوب إنت عملت شنو
هو: أنا عندى أزمة... بشرب بيض نئ ... طوالى "الوس وس" بيتقوم "توسوس"

......
و التحية لكلوب أبدا

Post: #1735
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-11-2008, 06:21 AM
Parent: #1734

تحياتي إيريا (الشهير بمحمد الطيب سليم)
والظاهر حانت اللحظة اللي يعلن فيها إيريا على الملأ براءته من هذا الإسم .. قصدي اللقب
ويستشهد بهذه المداخلة من كيكي في وقت مضى :
Quote: شكرا..الفتي النحيل الغائب عن الاضواء خليل.
لهذا البوست الذي جعلنا اليوم نستمع لصوت..صديقي الرفيق(ناظم عبدالرحيم)..ومحمد (ايريا)
الذين جمعت بهم الاقدار للعمل في شركة واحدة...
وقد اتصل اولا محمد طيب سليم صاحب رواية (مسارات الاسراب)..
وهو يصيح: عليكم الله اعيدو لاسمي سبب تسميته الحقيقية...وعندما طالبنا..بالاثبات..جاني الرد
من ناظم ..فقد قال:
((( ياكيكي اكتب علي لساني وللتاريخ انني من اطلق هذه الفرية علي (ايريا) ..وقد كانت دعابة
وبعد داك الموضوع دور لحدي يوم الليلة...)))
وياهو يا ايريا .. وناظم انا كلامك كتبتوا صرة في خيط

ويضيف إيريا :
Quote: الشهادة علي لسان ناظم عبدالرحيم الذي أطلق علي سيناريو الإسم كله ولحسن الحظ كان يعمل معي في السنط وإتصل مشكورا علي عبدالكريم السمتو رباح وأبلغه بحقيقة الإسم وأنظر الكوتيشن أعلاه وياريت تصلحوا بالطريقة التي تراها مناسبة ..
وللاخت رباح: سؤال مهم جداً : - هل صحيح قصة طلال خليل الأشتر وإنو جاء المعرض بتاع الرسم ونظر إلي صورة السيد رئيس الوزراء وقال :- ده رسمتي هنا ليي ياخ؟ . خربتي كل حاجة.. وقيل في القصة أنه حاول أن يعتذر في اليوم التاني..نرجو التوضيح من الأخت رباح
وتحية مليئة بالأشواق للأخوان خليل.. ياخليل ياخليل والأخ الودود عبدالكريم الأمين وهو ليس هوائي كما يظن البعض وإنما مائي ناري
وتحية لود الحبر حلقة الوصل بين الأجيال وتحية لهشام سفل وأبوسمرة ولجميع العمالقة والأساطير
أخيك
أيريا الملقب ب محمد الطيب سليم

Post: #1736
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-11-2008, 06:24 AM
Parent: #1735

والله يا (إيريا)
كان تستشهد بكلام ناظم .. ولا شهادة كيكي (السمتو رباح)
ماااااااااافي طريقة
سوف تظل (إيريــــا)


مودتي ..

Post: #1737
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 09:42 AM
Parent: #1

Quote: علي ما اذكر حكي لي وليد القرود عن سر هذا الاسم فقال انه في السبعينات

قرا في الصحفة الرياضية هذا العنوان ( عادل القرود يضع هجوم المريخ في جيبه)

والقرود هو مدافع ودنوباوي حينما كان بالدرجة الاولي .

في العصر ذهب وليد للتمرين واسم القرود ما زال يرن في اذنه

ولعب وليد مدافعا وصار يشجع نفسه (قرود بقطع قرود بعكس قرود ماشي )

فاطلق عليه لقب القرود

سلامات يا خليل
والله مشتاقييييين موت وكده.ما دام لحدي هسة ما دام ما عاوز ترحب بينانقوم نخش شمال.
يا عسل بالله أحكي لينا قصة أخونا القرود والهادي الأصم مع عثمان السعيد في بنك التنمية الصناعية وبالله ما تنسى شغلة السندويتشات بتاعت الإجتماعات. على كل حال انا بديك لحدي بكرة اذا ما حكيتها انا بحكيها وبتصرف كمان.

Post: #1738
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 10:22 AM
Parent: #1

Quote: الاخ كيكى برضو كان بشكل دائما ثنائيات عجيبه مع خليل الا انى اعيب عليه انو اصبح مقل فى العطاء فى الاونه الاخيره متعللا بالقرايه -اترك التعليق هنا لخليل و ابوسمره ورايهم في قرايه كيكي بعد ماعمرو بقى 45 سنه

يا بهاء الدين عشان ما تظلم العزيز كيكي- هو غايتو رجل متطلع ويحب كل ما هو جديد ويحاول ان يعانق السماء أما وصوله من عدمه فهذا ما يستحق التمحيص (هو غايتو بعد مرات بالو ما طويل وبيحاول انو يقنع نفسو انو سنوات الضياع في الجامعة هي فقط كبوة وبيقول انو الجامعة اصلا ما كانت اكاديميات فهي فقط اجتماعيات وسياسة) علي كل أول زول لاقيتو في الدوحة 2002 كان العزيز كيكي وكان في مقهى انترنت (ALJAZEER NET) وكان في الفترة ديك امنيتو انو يكون CHARTER ENGINEER وكان بيجمع في الورق ويرسل، فعشان كده ما تظلموا الراجل وتحبطوه ويعملكم بعدين شماعة أدوه راحتو وربنا ينجحوا

Post: #1739
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-11-2008, 12:08 PM
Parent: #1738

Quote: وشنو يا خلي ما مستنيين منك تحية أو اي حاجة كدة على الطاير. كل التحايا العطرة لكل المهندسين العظام داخل هذا البوست وربنا انشاء الله يجمعنا في ساعة خير.

لك ألف تحية محمد الخاتم
وواصل نشاطك وتحريك البوست ..
انت بالمناسبة من تسجيلات الحبر؟ .. ولا واسطتك قوية ؟

Post: #1740
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-11-2008, 01:15 PM
Parent: #1

Quote: أثناء إمتحان للإكترونيك ... كان يجلس قصادى عبداللطيف خضر الشهير بكلوب...

والله يا محمد عبدالرحمن جبت سيرة زول من زمان نفتش لى حكاويهو يا ريت
كمان تدينامن عظيكة (عبدالعظيم خضر)
طبعا عظيكة وكلوب اخوان و اصدقاء يشكل غير عادى ودايما تلقاهم فى نفس ال mode
فى فترة من الفترات كانو عايشين فى حالة بتاعة تصوف وروحانيات عالية وعظيكة
مداوم على صلاة الفجر فى مسجد الداخلية(تهراقا)
مرة قال لى يوم جيت قبل الصلاة بوقت طويل وصليت صلاة نفل ويعدها قعدت انظر
الى السماء وكنت فى حالة صفاء لدرجة انى اذا مديت يدى لى السماء ممكن اتناول
لى نجمة يكل سهولة.
وقال لى كلوب اخوى مرة كان بصلى فى العشاء وكان براهو فى الاوضة وكان بيقرأ
القران بخشوع شديد وبعد شوية الدولاب يدأ اتهز واتحرك يشكل غريب لغاية
ما كلوب بطل قراية وطلع من الصلاة. قلت ليهو كان يواصل صلاتو قال لى يا حير
كلوب لو واصل قراية بالخشوع ال كان فيهو كان داب ,كنا نفتش لى ما نلقى.
وفى اثناء ونستنا انا وعظيكة دخل علينا واحد ما اذكره وشاغل عظيكة شوية
قام عظيكة قال ليهو بطل حركاتك دى , قبل كدة عباس ماث قل ادبو معاى جاهو
صداع 3 يوم والله انت تكتر كلامك الا اقلبك ككو.

Post: #1741
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 01:24 PM
Parent: #1

Quote: لك ألف تحية محمد الخاتم
وواصل نشاطك وتحريك البوست ..
انت بالمناسبة من تسجيلات الحبر؟ .. ولا واسطتك قوية ؟

اديك العافية يا إبراهيم لك التحية، بالمناسبة انا من تسجيلات الحبر لكن لعلمك الواسطتو الحبر فقطع شك واسطتو قوية.

Post: #1742
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-11-2008, 01:29 PM
Parent: #1741

محمد الخاتم :
Quote: إديك العافية يا إبراهيم لك التحية، بالمناسبة انا من تسجيلات الحبر لكن لعلمك الواسطتو الحبر فقطع شك واسطتو قوية.

أكيد يا مان .. وانت بتقول لي
ليك رسالة من الكابتن بهاء الدين:
Quote: ود الخاتم الف تحيه وسلام
الباشمهندس كيكي مساح من الطراز الفريد ويتمتع بعشق شديد جدا للمهنه تشهد به اصقاع السودان المختلفة; شوارع وازقه حي الريان ومناطق العمليات البرية بمؤسسه قطر للبترول.
لكن اقول ليك حاجه يا ود الخاتم القراية دى زي الكوره بعد سن النبوءه صعبه خلاص.
بهاء الدين

Post: #1743
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-11-2008, 02:09 PM
Parent: #1

Quote: سلام لكل ناس البوست
من الجيل الجديد:
عبدالله جعفر ميرغني (كهرباء 96 ) صفاء عصام البوشي (كهرباء 98)
علاء الدين حسنين (مدنية 90) آلاء عزالدين كامل (كهرباء 96)
يوسف عزالدين كامل (كهرباء 97) ضحى حسنين (99)
الصديق صديق عبدالرحمن(ميكانيكا 98) لبنى الرفاعي (مدنية 98)
محمد الخاتم حمادة (ميكانيكا 95) سيزا عبدالله محي الدين (كهرباء 98)

دة ايميل من دكتورة تهانى عبدالله ساقوم باضافته ولها الشكر والتحية

Post: #1744
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 02:12 PM
Parent: #1

Quote: محمد الخاتم :

Quote: إديك العافية يا إبراهيم لك التحية، بالمناسبة انا من تسجيلات الحبر لكن لعلمك الواسطتو الحبر فقطع شك واسطتو قوية.


أكيد يا مان .. وانت بتقول لي
ليك رسالة من الكابتن بهاء الدين:

Quote: ود الخاتم الف تحيه وسلام
الباشمهندس كيكي مساح من الطراز الفريد ويتمتع بعشق شديد جدا للمهنه تشهد به اصقاع السودان المختلفة; شوارع وازقه حي الريان ومناطق العمليات البرية بمؤسسه قطر للبترول.
لكن اقول ليك حاجه يا ود الخاتم القراية دى زي الكوره بعد سن النبوءه صعبه خلاص.
بهاء الدين

والله صدقت يا بهاء الدين.
تعرف لما كان كيكي مقطع قبل ما تنضفوا قطر للبترول (زي ما قال اخونا ابوسمرة)انا كنت بحن علي حالو. فهو راجل فعلا من الطراز الفريد ومتفاني وكان واثق انو حا يصل ويلقى المكان البشبهوا. لكن مسألة القراية انا بفتكر انو داير يبرهن لي ناس الكلية انو الحصل هناك ما منو؟!!!

Post: #1745
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 02:15 PM
Parent: #1

يا كيكي بالله عليك انا من الصباح مقابلك بس عاوزك تزعل وتقوم ترد
وينك لي هسة.
والله مشتاقين لي دخلاتك
وبالله ما تسمع كلام المغرضين ناس بهاء، سر وعين الله ترعاك وواثقين منك يا صديق.

Post: #1746
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-11-2008, 03:49 PM
Parent: #1

دة تحديث لى لستة المهندسين ال اتزوجو من داخل الكلية
بعد اضافات ابراهيم محمد الحسن.وبكرى ابوبكر ودكتورة تهانى عبدالله
الشيخ ادريس مصطفى الامين81 (كيميائية)واميمة دفع الله الحاج يوسف82
الامين مصطفى الامين 84 (مدنية)وهالة التجانى 86 (كيميائية)
هشام ايوب 82 وامانى نصر الدين 84 (مدنية)
عمر مختار81 (كيميائية)وعفاف محمد على 84 (كيميائية)
محمد امير 83 (ميكانيكا)وتهانى عباس 83 (مدنية)
محمد ابوعاقلة83 وسهير عبدالقيوم85
محمد عبدالجليل83(كهرباء) و سلمى السعيد87(كيميائية)
عماد عوض 83 (مدنية)فاطمة النور (مدنية)86
محمد السراج83 (كهرباء)وابتسام محمود87 (كهرباء)
عبد القادرالامام80 (مساحة)وحباب محجوب 84
مؤتمن ميرغنى 84 (كهرباء)وايمان صلاح 84 (كيميائية)
طه محمودصالح84 (مدنية)وتبارك موسى عوض (مدنية)84
ياسر شندى 84 (مدنية)وكاملةعبدالباقى 85
على رباح 84(كيميائية)وسمية عبدالمنعم88(كيميائية)
عماد عيدروس84(كهرباء) وتوسل95(كهرباء)
نادر عباس(كوبر)85(مدنية) وعايدةعبدالله 90
الطاهر عبداللطيف90 (كهرباء)وحنان محمود85(كهرباء)
معوية ميرغنى86 (مدنية)وامنة الطيب عريبى 86 (كهرباء)
هاشم دهب86 (ميكانيكا)وسلمى كرم الله 86 (مدنية)
عاطف جلال 86 (مدنية)وصفاء الفاضل(معمار)87
طارق حمادة 87 (كهرباء)و ان عبدالمنعم 88 (كهرباء)
عبدالقادر احمد عباس 88 وهناء على87(معمار)
عبدالرحمن بابكر87 (كهرباء)وسلمى بريدو 87 (كهرباء)
ياسر العبد82 وامانى بدوى 87 (زراعية)
هشام مجذوب 87 (كهرباء)و سوسن محمد الحسن 87 (مدنية)
عادل التجانى 87 (كهرباء)و امل بيومى 87 (كهرباء)
عمر حسين87 (ميكانيكا)و رحاب 90
ابراهيم مامون88 (كيميائية)وسارة ابقرجة87 (كهرباء)
منتصر محجوب عباس87 (مدنية)وعفراء 88
وائل ابوبكر الصديق88 (مدنية)وهبة حسن 90 (كهرباء)
صديق جيلانى 88 (زراعية)ومنى خميس 88 (مدنية)
علاء الدين حسنين88(مدنية)والاء عزالدين96(كهرباء)
منصور على المنصور90 وهنادى احمدون91
سعيد محمد سعيد88 (مدنية)و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
محمدالخاتم حمادة95(ميكانيكا)وسيزاعبدالله محى الدين98(كهرباء)
عبدالله جعفر ميرغنى96(كهرباء)و صفاء عصام البوشى98(كهرباء)
يوسف عزالدين كامل97(كهرباء)وضحى حسنين98
الصديق صديق عبدالرحمن98(ميكانيكا) لبنى الرفاعي 98(مدنية)
وفى انتظار المزيد والتعديل اذا فى اى خطأ
[email protected]
00249122027690

Post: #1747
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-11-2008, 03:59 PM
Parent: #1

عمر حسين مرة قاعد مع هشام عبدالعال(الخزرج)فى الكافتيريا جات واحدة
من البنات ماشية جنيهم, عمر حسين قال لى الخزرج البت
دى هاف كاست قام الخزرج قال ليهو لا يا اخى حرام عليك
البت دى بت ناس وانا شفتهايتصلى كمان

Post: #1748
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-11-2008, 05:14 PM
Parent: #1

Quote: الحبيب الجميل الحبر وكل الدرر النفائس اولاد هندسة الاماجد امتعتونا بالسرد الجميل الممتع , لذكريات ثرة عشناها متعة فى جميلة الجميلات (الهندسة )دحين يا الحبر اخوى الحكايه وكت جابت ليها شقق وكده هاك التوثيق ده سعد ابراهيم ادريس الكاتب الشهير ب حمادى 87 مدنيه ولمياء موسى محمد 94 معمار وحمادى قال ليك كلم بكرى ابوبكر يخلى الجماعه يفجو لينا كان نلقى لينا فرقه مع الديناصورات وترقب مجموعه من الصور التى ستحكى عن احداثها وقول لعابدين وانس ذمبركس وجابريذ واخرون بلو رؤسكم للحلاقه وتحياتى
سعد

دة ايميل من الباشمهندس سعد ابراهيم87
لك التحية يا راجل يا عجوز والله سالين منك وستتم الاضافة الان وجهز شعورك للشقة والباس ويرد

Post: #1749
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-11-2008, 05:53 PM
Parent: #1

Quote: e: الحبيب الجميل الحبر وكل الدرر النفائس اولاد هندسة الاماجد امتعتونا بالسرد الجميل الممتع , لذكريات ثرة عشناها متعة فى جميلة الجميلات (الهندسة )دحين يا الحبر اخوى الحكايه وكت جابت ليها شقق وكده هاك التوثيق ده سعد ابراهيم ادريس الكاتب الشهير ب حمادى 87 مدنيه ولمياء موسى محمد 94 معمار وحمادى قال ليك كلم بكرى ابوبكر يخلى الجماعه يفجو لينا كان نلقى لينا فرقه مع الديناصورات وترقب مجموعه من الصور التى ستحكى عن احداثها وقول لعابدين وانس ذمبركس وجابريذ واخرون بلو رؤسكم للحلاقه وتحياتى
سعد


دة ايميل من الباشمهندس سعد ابراهيم87
لك التحية يا راجل يا عجوز والله سالين منك وستتم الاضافة الان وجهز شعورك للشقة والباس ويرد


التحية لللاخ ابو السعود ومرحبا بك عضوا فاعلا في البوست. وما دام حبريز التزم باضافتك فانت من المضافين.

بعدين حكاية انو الحبر من الديناصورات دي ده موضوع محتاج مرجعة؟!!!!!
ففي مرة بعد ما اتخرج الحبر كان ماشي مع الاخ مرتضى حسن من امام الجامعة فقام الحبر نظر للكلية بحسرة وقال لي مرتضي: ياخي ايام الجامعة دي مرت سريع شديد؟!!!!!!!!!

Post: #1750
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-12-2008, 01:11 AM
Parent: #1749

يا عمر بوب ...
مطلوب ...
إنت مافى زول قبل كده طالعك ....الموز بدون ذكر أسماء....
......

Post: #1751
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-12-2008, 06:26 AM
Parent: #1750

مرحب بالبشمهندس سعد إبراهيم
وسعيدين بمشاركتك
نتمنى تكون ضمن التسجيلات القادمة .. عشان تحكوا وترجعونا للأيام الحلوة ..
قلت لي قافل على الشقة ؟

بمناسبة الشقة ..
طبعا حا يتم تصنيف الأزواج على حسب الدفع والأقسام ..
إذا كانو الإثنين من نفس الدفعة .. فالشقة حا تكون 3 غرف ..
وإذا كانو من نفس القسم .. فالشقة حا تكون ناصية ..
غير ذلك حا تكون غرفتين .. وما ناصية ..
يعني ..
If the couple are from the same class
Then the flat will be 3 rooms
Else If the couple are from the same section
Then it will be ( Nasia
Else, it will be 2 rooms and not (Nasia
End If

فكل واحد من الأزواج/الزوجات يقدر يعرف مواصفات شقته ..
يعني أصحاب الحظ هم :
طه محمودصالح 84 (مدنية) وتبارك موسى عوض 84 (مدنية)
عبدالرحمن بابكر87 (كهرباء) وسلمى بريدو 87 (كهرباء)
عادل التجانى 87 (كهرباء) و امل بيومى 87 (كهرباء)

ناس كهرباء دائما فائزين

Post: #1752
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-12-2008, 07:24 AM
Parent: #1751

رسالة من الباشمهندس إيريا :
Quote: تصلت بالأخ الودود عمر الحبر مستأذناً في نشر بعض قصصه التي تدخل في نطاق المسكوت عنه مثل قصة إحتفاله الشهير بمقدم البابا يوحنا بولس الثاني ..
وقلت له حتي لايحس أي أحد بأنك المقصود ننشرها بإسم مستعار... عامر الحبر أو عمار الحبر للتمويه وحتي لايعرف الناس إنك المقصود....فقال علي الفور وبدون أن يفكر كثيرا....خليها صلاح الحبر


Post: #1753
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-12-2008, 09:08 AM
Parent: #1

Quote: رسالة من الباشمهندس إيريا :

Quote: تصلت بالأخ الودود عمر الحبر مستأذناً في نشر بعض قصصه التي تدخل في نطاق المسكوت عنه مثل قصة إحتفاله الشهير بمقدم البابا يوحنا بولس الثاني ..
وقلت له حتي لايحس أي أحد بأنك المقصود ننشرها بإسم مستعار... عامر الحبر أو عمار الحبر للتمويه وحتي لايعرف الناس إنك المقصود....فقال علي الفور وبدون أن يفكر كثيرا....خليها صلاح الحبر

التحية للعزيز ايريا (الملقب بمحد الطيب سليم)
بعد كده ما في استعارة. ما فضل ليك الا تقول انو ده اسم مستعار لزول اول حرف من اسمو عمر الحبر.
بعدين عمر الحبر ده امة بحالها وعايش لكل الناس وعشان كده كل الناس بتحبو (قوم حببهم للخير وحبب الخير اليهم هم الامنون يوم القيامة) عشان كده مافي قصص قديمة بتنقص من مكانتو(اذا كان قبل الفتح او بعد الفتح) بل هي اضافة لهذا الرجل الأمة والرمز-حفظه الله.
من أجمل حكاياته عن نفسه انو كان نفسو انو يمشي امريكا ومشي سوريا عشان يأشر من هناك وما نفع. وبعدين مشى السعودية فقام عمل عمرة ووقف قدام الكعبة وقال يا رب لو كانت امريكا خيرا لي فاقسمها وان لم تكن خيرا فاصرفها عني. وبعد سنة ولم يسافر وقف تاني قدام الكعبة الشريفة قال نفس الكلام لو كانت أمريكا خيرا لي فاقسمها لي وان لم تكن خيرا فاصرفها عني وفي المرة التالتة ولم يسافر بعد قام وقف قدام الكعبة وقال: اللهم لو كانت امريكا خيرا لي فاقسمها لي وان كانت شرا فاجعلها خيرا واقسمها لي.
والله التحية لعظيم الهندسة ونوارتها العزيز حبريز.

Post: #1754
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 12:26 PM
Parent: #1

Quote: رايكم شنو نمسك الشباب المشهورين بألقاب معينة ونعرف قصة إطلاق اللقب على كل واحد ..

تعرف يا ابراهيم اتصل على امبارح احد عظماء الهندسة من امريكا
وهو احد الذين لم اقابله منذ زمن طويل ولكن لم انساه ابداوقد اسعدنى اتصاله
كثيرا واثلج صدرى وهو من المتابعين بشدة لبوست اليوم الحار ويحى
كل المشاركين والمتابعين للبوست بل كل خريخى الهندسة العملاقة
تحية حارة جدا فالتحية للصديق الباشمهندس حسن خضر .
وفى الحقيقة اخبرنى بان ناظم عبدالرحيم كان اسمو ابوالرقيع وانا صراحة اول
مرة اسمع الاسم وضحكت كتير جدا واخبرنى بسبب الاسم لكن انا ما حا اقولو الان
حا ادى فرصة للشباب وال بعرف له جائزة
ولك الشكر الجزيل يا ابوعلى

Post: #1755
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 12:36 PM
Parent: #1

Quote: يا عمر بوب ...
مطلوب ...
إنت مافى زول قبل كده طالعك ....الموز بدون ذكر أسماء....
......

تعرف يا محمد الزول دة انا امس رسلت ليهو بالماسنجر
لانى شايف انو بكتب فى البوستات التانية وما شعال بينا
كتير . تعال يا عمر بوب لاصحابك ال زمان

Post: #1756
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-12-2008, 12:38 PM
Parent: #1

Quote: علاء الدين حسنين (مدنية 90) آلاء عزالدين كامل (كهرباء 96)
يوسف عزالدين كامل (كهرباء 97) ضحى حسنين (99)


دا نظام كروسات ياحبريز

Post: #1757
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-12-2008, 12:49 PM
Parent: #1756

Quote: لانى شايف انو بكتب فى البوستات التانية وما شعال بينا
كتير .



عشان كده لازم نعمل ليهو كمين

Post: #1758
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 12:49 PM
Parent: #1

Quote: Quote: علاء الدين حسنين (مدنية 90) آلاء عزالدين كامل (كهرباء 96)
يوسف عزالدين كامل (كهرباء 97) ضحى حسنين (99)



دا نظام كروسات ياحبريز

دة يا هشام خلف خلاف المحامى

Post: #1759
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 12:57 PM
Parent: #1

Quote: عشان كده لازم نعمل ليهو كمين

ورايك شنو يا محمد عبدالرحمن فى كيفية الكمين لى بوب
انا رائي نعمل بوست جديد نقول فيهو (ناس اليوم الحار يتبرعون بسخاء
لاهل دارفور)

Post: #1760
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-12-2008, 01:03 PM
Parent: #1

Quote: علاء الدين حسنين (مدنية 90)


علاء الدين حسنين موديل 88 وليس 90

Post: #1761
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 01:11 PM
Parent: #1

Quote: ازيك يا عمر الحبر ياخي
والله منور المنبر واسفيين لانو ما رحبنا بيك لانو دخولي ما كثير من العجاجه القايمه فيهو
وليد القرود اداني اخبارك
انا كنت في امريكا لكن الان في الدوحه منذ حوالي ال5 سنوات ومصطفي لسه في امريكا لكن في محاولات لانو يجي قطر لو ربنا سهل
حنجيك لبوست الهندسه قريب ان شاء الله

دى رسالة من عمر بوب 83(مساحة)
يبقى يا محمد عبدالرحمن مافى داعى للكمين بعد كدة

Post: #1762
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 01:22 PM
Parent: #1

Quote: علاء الدين حسنين موديل 88 وليس 90

دى فاتت على تهانى بس انا نزلتها صاح

Post: #1763
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-12-2008, 01:33 PM
Parent: #1

عندما دخلنا الجامعة كنا في مقبولين في اعدادي رياضيات. وكنا نعتبر انفسنا نتبع لكلية الهندسة ولكن فعليا كنا نتبع لكلية العلوم. وكانت احدي المشاكل التي تقابلنا عندما تلعب علوم مع هندسة فتجد بعض الزملاء يلعبون مع منتخب العلوم وقلوبنا دايما مع الهندسة.
كمان نحنا جينا دخلنا الجامعة بعد ما دخلنا الدفاع الشعبي (دفعة 1990) وعشان كده كنا بنعرف بعض من قبل ما نخش الجامعة وسكنا في الداخلية وكانت الصداقات ممتدة بين اولاد دفعتنا من كل الكليات وعشان كده كان في نوع من الترابط وكنا عملين ساتر ومتوحشين تجاه السناير عشان عارفين انو هم دايرين يبرلمونا. وكانت العاده في البركس هي استقبال البرالمة (يا برلوم صحي النوم) وكان الأيام النحنا دخلنا فيها (فبراير-مارس) كانت ايام امتحانات سمستر في هندسة. يللا السناير قاموا يدقوا الصفايح وابواب الغرف يصحوا البرالمة كبرنامج معتاد بعد الساعة واحدة صباحا.
الموضوع ده زعلنا شديد واتفقنا كبرالمة نرد الصاع صاعين، يللا ولمدة يومين نحنا ما عندنا شغلة غير الجمهرة والكوراك وكسير قزاز الغرف والازعاج. وكانت حصلت مشاكل كتيرة بينا والسناير خاصة المزنوقين من ناس الهندسة. لكنها برضو كانت بداية علاقات متينة معاهم.

(يا ناس 90 اي زول عندو اضافة او مواقف حلوة ممكن تنضاف يرسلها على العنوان [email protected] عشان ننشرها)

وسنواصل السرد......

Post: #1764
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-12-2008, 01:47 PM
Parent: #1763

هلا يا هندسة وحبابكم شديد...
والبوست ماشاء الله مولع وليعة جد وشايف بكري عجبو الشغل ورفعوا لينا فوووق...
في الاعالي فدائما هي الهندسة والمدرسة اييييي كده لعبتها..
والجميل في الامر هو تداخل الاجيال والقصة اصبحت حوار اجيال وكلا عبر الميدان الغربي وجلس في الاكستيشن
وشجع تيم الاحلام علي المدرجات الشمالية في الميدان الغربي...
محمد الخاتم اعدتني الي عهد جميل وايام رائعة قضيناها سوي في ردهات (الجزيرة نت) ونحن نتحسس خطانا في كراكير الدوحة ام قدود وسيرة احلام الغربة... وبالجد مشتاقين وهل من عودة هل...
عمر الحبر ماتش كبير وكورة تعيدك الي محاورات ود المتوكل وقفلات بهاء..
ايريا عبر الوسائط الايملية كتلتا بالضحك ودق الصفائح ويا ايريا (التسمية انا حاضرها بس خليتك في عشان المساحة واللفل والقامة وعشان الخوة ويوسف جيرمن واسكلاتشي وكبر والملح والملاح الاكلناهو سوي في جبل اولياء لمن حكيت انت لمصطفي انصار السنة نكتة الولد الولدهو راس
يا البوست بقي لذيذ ووجبة دسمة تلتهما وبصحبة (سفة كاربة من عماري الدوحة البيش ده)..!!
محمد شمس الدين زول زمن جميل
وابراهيم مايسترو بدون شك..
ياخ اقول ليكم حاجة وطبعا ح افكها فيكم لاني مشيت امريكا جمعة جمعتين كده ح اقول البوست بقي
نار منقد و I LIKE IT SO MUCH

Post: #1765
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 02:05 PM
Parent: #1

Quote: وشجع تيم الاحلام علي المدرجات الشمالية في الميدان الغربي...

بالله يا كيكى بالمناسبة دى خلينا نحى ونكرم الذين امتعونا فى الشرقى
عبدالله 82(كهرباء)
نادر اليمانى
طلب
صلاح العاقب
طلال محمد حامد
هشام السر
محمد متوكل(احرف من لعب فى الشرقى على الاطلاق)
هشام طه
وليد محمد عبدالله(اللتل)
بهاء الدين بخيت
هيثم مبارك
ايمن(وكوكة)
محمد الطيب سليم
عبدالمنعم شبس(دحدوح)
عصام الفذ
مرتضى حسن
مجدى عبدالرحيم
بالله يا كبكى ويا ابوسمرة وكل الشباب ذكرونا باقى الناس
ويا مرتضى حسن شارك بالايميل لاكمال مجموعة هؤلاء الابطال
لهم التحية

Post: #1766
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-12-2008, 02:12 PM
Parent: #1765

هلا ياحبر
وعندك
ايمن وكوكة الباك الاسطوري الشرس (خشتو واحدة ما بكررها واحسن من ارتمي داشنغ في نجيل الشرقي)
واسامة ود الصحافة حرفنة ورشاقة بالكوم
وماتمشي بعيد عندك (ايريا) ده زاتو الزول ده لعب في بدايات ايامه في الجامعة فكان مدهش
ولكن القصة دائما ما بتدي حريف
الصادق فيصل
وعبدالمنعم دحدوح ود سنار
وعتوقة العتوقة الحارس ابو شيبة
ووناس كثار يا حبر اولاد زي الورد وكلو واحد منهم كان قصة لوحده

Post: #1767
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 02:56 PM
Parent: #1

Quote: عمر الحبر ياخي ماتضرب ليك مشوار صغير كده لحدى بتروهلب بتلقي العملاق كابتن طلال و معاهوالنور جابر وخليهم ينوروا البوست.
النور جابر عندو ولد اسمو وضاح, بيحكي لي قال مره بالصدفه اولادو كانوا عند جماعه قرايبهم جاء داخل وضاح محمد عبد الحي وعرف انو الولد اسموا وضاح سال ابوهو منو قالوا ليهو النور جابر ,طبعا النار انطلقت فيهو, طوالي تلفون للنور( احححي انا الاسم سااااهل لكن شهاده لندن دي تلقاها وين .
التحيه لوضاح وكل الليكود

(راجع شرح مصطلح الليكود عند وليد القرود)
بهاءالدين

دة ايميل لا ينبغى الا ان يكون من بطل الميدان الشرقى بهاء
والله هذه من اروع ما حكى عن الليكود
واما بالنسبة لى طلال انا اتصلت بيهو قبل اكتر من عشرة ايام
ولقيتو فى مصر فى اجازة لكن قال بكون فى السودان فى النصف التانى من
شهر6 وانشاء الله حا امشى ليهو

Post: #1768
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 03:07 PM
Parent: #1

Quote: لاتنسي زياد خريج كهرباء قديم معاهو مباراة واحدة من احرف المدافعين
اسماعيل سمعه باك حكومه
حاتم السيد لاعب وسط مايتكرر تختو هو و وليد اللتل في وسط الملعب وانسى الموضوع حرفنه وقوه وكلو. ممكن تدخل معاهم مهدي (مايسترو) شارب خبره دار الرياضه امدرمان ايام الكوره كانت كوره.
فنانين معمار مدثر ومعمر.
معاويه ميرغني لاعب وسط مجيد وخريج ميدان عقرب
اما وكوكة فهو باك حق الشركه ومابتكرر.
بهاءالدين
راجعينييي

ايوة بالله اتحفنا يا بهاء خلينا نكرم الابطال وما ننسى زول

Post: #1769
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 03:12 PM
Parent: #1

Quote: عشان كده لازم نعمل ليهو كمين

بهاء الدين رد عليك بخصوص الكمين بتاع بوب وقال ليك
Quote: تعرف عمر بوب لو عايزين تجيبوا دوروا هلال مريخ بجيكم ناطي.
بهاءالدين

لك التحية يا بهاء

Post: #1770
Title: Re: اليوم الحار ومابنداريوم الهندسة والمعمار
Author: khaleel
Date: 06-12-2008, 04:05 PM
Parent: #1769

سلامات

والله تسجيلات خطيرة

غبت وجبت

Post: #1771
Title: Re: اليوم الحار ومابنداريوم الهندسة والمعمار
Author: khaleel
Date: 06-12-2008, 04:13 PM
Parent: #1770

بمناسبة مرتضي حسن عبدالله

طبعا الراجل كان ممكن احل مشكلة الكرة السودانية في التهديف بعد اعتزال علي قاقارين

وفشل كل المهاجمين الذين اتوا من بعده .

ولكن الرجل تعرض لاصابة بالغة كرهتو الكورة

العاجبني انو بعد الاصابة كان طريح الفراش شهرين وغائب من المحاضرات ونجح في

امتحان السمستر والبحضروا كل يوم (ما نالو غير علالن )

وتحية خاصة للشاطر لدرجة المبالغة دكتور محسن عبدالله هاشم

Post: #1772
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-12-2008, 05:34 PM
Parent: #1

Quote: وتحية خاصة للشاطر لدرجة المبالغة دكتور محسن عبدالله هاشم

والله يا ابوالقوق محسن دة اظنو فات حد المبالغة وله التحية
طبعا الراجل درسنا فى البرليم ودرسنا انا ومرتضى فى البروجيكت

Post: #1773
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-12-2008, 10:19 PM
Parent: #1

Quote: سلامات

والله تسجيلات خطيرة

غبت وجبت


ياخليل غياباتك دى مريبة شويه
وماتقول عندك امتحان وبذاكر
اى نعم انا زول جديد فى الشغلانة لكن البفهمو انو الزول البطرح البوست مفروض يمسك عصايت المايسترو عشان يوزن النغمات ويقعد الضيوف البجو ويشوفهم اتغدوا ولا يجيبليهم شاى اوبارد

Post: #1774
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-13-2008, 00:53 AM
Parent: #1773


و الله يا رجب ...
عمر بوب زمان فى تهراقا ....
أسهل حاجة تعمل ليهو كمين ...
تخت وردى فى المسجل و تشغله بصوت عالى ....
الكمين ده مجرب لعمر بوب ...
.....
أما هاشم صالح منير خت أى شريط ...

Post: #1775
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-13-2008, 04:18 AM
Parent: #1774


من المشجعين خفيفى الظل الباشمهندس مساح ميسرة
....
فى إحدى المرات زارت إحدى طالبات الإقتصاد كافتيريا الهندسة ...
و كانت من النوع الذى يجعل مرتادى الكافتريا يقف إنتباه لسيادة القائد....
...
إتجه ميسرة لأحد لعيبة الهندسة المشهورين وقتهاو كان لحظتها يربط فى كدارته ...
و قال له إن هذه البنت جاءت لصلاح العاقب و تسأل عنه ...
و صلاح صديق شخصى لهذا اللأعب...و كان هناك تمرين للفريق
ذهب صاحبنا للبنت و قال لها "هو قال حا يتأخر فى التمرين الليلة"
فردت البنت " هو منو ؟ " فقال لها "صلاح العاقب" .. فقالت "صلاح ده منو .. إنتو الحكاية شنو .. كلو مرة يجينى واحد يقول لى"هو ما جاى الليلة ... هو حا يتاخر " و كان ذلك بغضب شديد..
.....
إلتفت صاحبنا ليرى ميسرة يضحك .. ثم يولى هاربا...

Post: #1776
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-13-2008, 08:10 AM
Parent: #1

Quote: هندسة الحضارة
هندسة الشطارة
نبني نبني نبني
كبري او عمارة
السلام عليكم ورحمة الله وبركاته
من المتابعين لهذا البوست منذ بداياتة فى اواخر 2005
يا لها من ذكريات رائعة
احببت ان اشارك بهذه العجاله ممثلا لمعمار و دفعه 89
الدفعه ساهمت بكل من مدثر و معمر في تيم هندسه
وهي اخر دفع مجانية السكن و الاعاشة
و لعلي لم الاحظ مشاركة بعد من هذه الدفعة - او معمار
لذا جاءت هذه المشاركة المتواضعة عبر الاخ هشام مجذوب 88 مشكورا
و ارجو ان تكون مقبولة
ولي قدام لانو الجامعه هندسة او لا جامعه كما قال خليل

حسام عربي - معمار 89
وللضمان[لزوم الشقة و كدة] - متزوج من المهندسة المعمارية
و ابنة عميد هندسة الاسبق
سمر بكري مكي- معمار 89


وصلتنى هذه الرسالة من الصديق والاخ حسام عربى من امريكا صديق غربتى
حسام يدخل فى قائمة فوائد الغربة السبعة (ما اظنها لسع سبعة) فهو مثال لرفيق الغربة
فمرحبا" بالتنوع ومرحبا" بناس معمار ودفعة 89
عمر الحبر ارجو اضافته وزوجته الى لستة المتزوجين وكذلك اضافةمدثر ومعمر الى اللاعبين
ارجو ان تواصل يا حسام مراسالاتك

Post: #1777
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-14-2008, 01:20 AM
Parent: #1776

Quote: عمر الحبر ارجو اضافته وزوجته الى لستة المتزوجين وكذلك اضافةمدثر ومعمر الى اللاعبين
ارجو ان تواصل يا حسام مراسالاتك

يا هشام ...
اليلة إسمو شيخ عمر .... مولانا عمر...
الليلة بشيل فواتح و بس...

Post: #1778
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 06:13 AM
Parent: #1777

Quote: حسام عربي - معمار 89
وللضمان[لزوم الشقة و كدة] - متزوج من المهندسة المعمارية و ابنة عميد هندسة الاسبق
سمر بكري مكي- معمار 89

Quote: عمر الحبر ارجو اضافته وزوجته الى لستة المتزوجين وكذلك اضاف ةمدثر ومعمر الى اللاعبين
ارجو ان تواصل يا حسام مراسالاتك

وأنا أضيفه وزوجته إلى لستة الفائزين بالشقة (3 غرف / ناصية)
تحياتي لك أخي هشام
والتحية كذلك للأخوان حسام عربي/سمر بكري ..
ونتمنى يستمر التواصل ..

Post: #1780
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 06:52 AM
Parent: #1778

Quote: البوست بقي لذيذ ووجبة دسمة تلتهما وبصحبة (سفة كاربة من عماري الدوحة البيش ده)..!!

كيكي (السمتو رباح) ..
أولا .. شايفك بقيت لابد وتلتهم بس ..
ثانيا .. أوعك من سيرة السفة .. عشان إيريا حكى لي واحدة من قصصك مع السفة .. بس ما للنشر
ما خلصت قراية الكبر لسة ؟

سلام

Post: #1779
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-14-2008, 06:48 AM
Parent: #1

Quote: يا هشام ...
اليلة إسمو شيخ عمر .... مولانا عمر...
الليلة بشيل فواتح و بس...


عارف يامحمد شمس الدين حقو شيخنا عمر الحبر يوم الجمعة يدينا لقطات مباشرة من موقع الحدث

Post: #1781
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-14-2008, 06:54 AM
Parent: #1

Quote: وأنا أضيفه وزوجته إلى لستة الفائزين بالشقة (3 غرف / ناصية)

سؤال برئ جدا" يا ابراهيم اذا الواحد دخل فى قصة يدبل بمهندسة حيخش فى نظام الشقق
وكم غرفة وحتكون الشقة بنفس وضعه يعنى حتكون شقة سكند هاند

Post: #1782
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 07:12 AM
Parent: #1781

Quote: سؤال برئ جدا" يا ابراهيم اذا الواحد دخل فى قصة يدبل بمهندسة حيخش فى نظام الشق

هشام ..
كدي إنت اول شاور الحكومة في البيت عندك .. إذا وافقو نحن ما عندنا مانع .. نعدل ال Program
بس على شرط .. الشقة تسكن فيها الباشمهندسة

Post: #1783
Title: Re: اليوم الحار ومابنداريوم الهندسة والمعمار
Author: maawia dawood
Date: 06-14-2008, 07:53 AM
Parent: #1782

بعد اضافات ابراهيم محمد الحسن.وبكرى ابوبكر ودكتورة تهانى عبدالله
الشيخ ادريس مصطفى الامين81 (كيميائية)واميمة دفع الله الحاج يوسف82
الامين مصطفى الامين 84 (مدنية)وهالة التجانى 86 (كيميائية)
هشام ايوب 82 وامانى نصر الدين 84 (مدنية)
عمر مختار81 (كيميائية)وعفاف محمد على 84 (كيميائية)
محمد امير 83 (ميكانيكا)وتهانى عباس 83 (مدنية)
محمد ابوعاقلة83 وسهير عبدالقيوم85
محمد عبدالجليل83(كهرباء) و سلمى السعيد87(كيميائية)
عماد عوض 83 (مدنية)فاطمة النور (مدنية)86
محمد السراج83 (كهرباء)وابتسام محمود87 (كهرباء)
عبد القادرالامام80 (مساحة)وحباب محجوب 84
مؤتمن ميرغنى 84 (كهرباء)وايمان صلاح 84 (كيميائية)
طه محمودصالح84 (مدنية)وتبارك موسى عوض (مدنية)84
ياسر شندى 84 (مدنية)وكاملةعبدالباقى 85
على رباح 84(كيميائية)وسمية عبدالمنعم88(كيميائية)
عماد عيدروس84(كهرباء) وتوسل95(كهرباء)
نادر عباس(كوبر)85(مدنية) وعايدةعبدالله 90
الطاهر عبداللطيف90 (كهرباء)وحنان محمود85(كهرباء)
معوية ميرغنى86 (مدنية)وامنة الطيب عريبى 86 (كهرباء)
هاشم دهب86 (ميكانيكا)وسلمى كرم الله 86 (مدنية)
عاطف جلال 86 (مدنية)وصفاء الفاضل(معمار)87
طارق حمادة 87 (كهرباء)و ان عبدالمنعم 88 (كهرباء)
عبدالقادر احمد عباس 88 وهناء على87(معمار)
عبدالرحمن بابكر87 (كهرباء)وسلمى بريدو 87 (كهرباء)
ياسر العبد82 وامانى بدوى 87 (زراعية)
هشام مجذوب 87 (كهرباء)و سوسن محمد الحسن 87 (مدنية)
عادل التجانى 87 (كهرباء)و امل بيومى 87 (كهرباء)
عمر حسين87 (ميكانيكا)و رحاب 90
ابراهيم مامون88 (كيميائية)وسارة ابقرجة87 (كهرباء)
منتصر محجوب عباس87 (مدنية)وعفراء 88
وائل ابوبكر الصديق88 (مدنية)وهبة حسن 90 (كهرباء)
صديق جيلانى 88 (زراعية)ومنى خميس 88 (مدنية)
علاء الدين حسنين88(مدنية)والاء عزالدين96(كهرباء)
منصور على المنصور90 وهنادى احمدون91
سعيد محمد سعيد88 (مدنية)و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
محمدالخاتم حمادة95(ميكانيكا)وسيزاعبدالله محى الدين98(كهرباء)
عبدالله جعفر ميرغنى96(كهرباء)و صفاء عصام البوشى98(كهرباء)
يوسف عزالدين كامل97(كهرباء)وضحى حسنين98
الصديق صديق عبدالرحمن98(ميكانيكا) لبنى الرفاعي 98(مدنية)


شباب سلام عليكم


يبدو لي اهم ازواج في كلية الهندسة

دكتور صليب ودكتورة صليبة

احمد ابراهيم عباس وجميلة

Post: #1784
Title: Re: اليوم الحار ومابنداريوم الهندسة والمعمار
Author: maawia dawood
Date: 06-14-2008, 08:02 AM
Parent: #1783

شباب الهندسة الحلوين

السلام عليكم

انا شايف المنبر به شباب راقين

محمد الخاتم كيف حالك واحوالك

وينك يا ... انت في السودان ام هاجرت

بنسال عنك كثيرا

المهندس الجميل محمد عبد الرحمن لك التحايا

انت من الشباب الذين تخارجوا من البلد بدري

كنت اتي اليكم في ميز I T بكنانة ( الكوزلي )

كنت بجي مع تيم التركترات السودانية

والله ايام

خريجي الهندسة

كوكبة رغم كل المرارات

حتي الذين كانو يمنوا نفسهم بالهندسة ايضا كوكبة

لكم كلم التحايا

Post: #1785
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 09:45 AM
Parent: #1

Quote: عمر الحبر ارجو اضافته وزوجته الى لستة المتزوجين وكذلك اضافةمدثر ومعمر الى اللاعبين
ارجو ان تواصل يا حسام مراسالاتك

ابشر يا هشام ودة الشغل يا اخى والشكر لى حسام وفى انتظار المزيد

Post: #1786
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 09:56 AM
Parent: #1785

شيخنا الحبر
حمد لله على السلامة
رسالة من كابتن بهاء الدين :
Quote: الليله الجمعه وكالعاده شيخنا الحبر بيكون في صومعتو وهاك ياصلاه وتسبيح وبيختمه بي زكر مدد ياشيخنا مدد.
عشان كده نخليهو لي حيرانو وكده.

عندك الجزولى 87 ميكانيكا صانع العاب وهداف في نفس الوقت واكاد اجزم انو هو ومرتضي حسن كما اسلفت ياخليل كان
ممكن يحلوا مشكله الهدافين التي ظلت تلازم الملاعب السودانيه بعد جيل ناس الريح كاريكا ووليد طاشين, الا
انهم كانوا هواة.

اسامه زراعيه مهاجم سريع وهداف خطير87

بهاء الدين
راجعين

Post: #1788
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 10:01 AM
Parent: #1786

ويواصل كابتن بهاء الدين السرد .. وسيرة لاعبي الهندسة :
Quote:
عمر الحضرى 86 مدنيه من اميز و احرف المهاجمين المروا على الميدان الشرقى الا انه لم يعمر فى الملاعب

مامون ابراهيم 86 مدنيه الشهير بود المكى لاعب وسط حريف ويملك مهارات عاليه الا انه كان زاهدا

حسن زاكى الدين مدنيه 86 صاحب اقوى قدم يسرى واصعب هدف فى الميدان الشرقى

خباب الفاضل 86 كيميائية لاعب وسط مجيد و قوى الا انه غادرنا مبكرا فى حادثه غرق نسأل المولى له المغفره وان يعوضه شبابه بالجنة.

بهاء الدين
راجعين

نسأل المولى عز وجل الرحمة والمغفرة لزميلنا خباب .. وأن يجعل الجنة مثواه ..

Post: #1787
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 09:59 AM
Parent: #1

Quote: من المشجعين خفيفى الظل الباشمهندس مساح ميسرة
....
فى إحدى المرات زارت إحدى طالبات الإقتصاد كافتيريا الهندسة ...
و كانت من النوع الذى يجعل مرتادى الكافتريا يقف إنتباه لسيادة القائد....
...
إتجه ميسرة لأحد لعيبة الهندسة المشهورين وقتهاو كان لحظتها يربط فى كدارته ...
و قال له إن هذه البنت جاءت لصلاح العاقب و تسأل عنه ...
و صلاح صديق شخصى لهذا اللأعب...و كان هناك تمرين للفريق
ذهب صاحبنا للبنت و قال لها "هو قال حا يتأخر فى التمرين الليلة"
فردت البنت " هو منو ؟ " فقال لها "صلاح العاقب" .. فقالت "صلاح ده منو .. إنتو الحكاية شنو .. كلو مرة يجينى واحد يقول لى"هو ما جاى الليلة ... هو حا يتاخر " و كان ذلك بغضب شديد..
.....
إلتفت صاحبنا ليرى ميسرة يضحك .. ثم يولى هاربا...

دة با محمد عبدالرحمن اسمو مقص وذكرنى مقص عملو ابوبكر الصديق
(كهرباء 84) او(اليابان) فى طارق حاج التوم83كهربا
مرة بكرى جاهو صديق من خارج الجامعة (اسمو على ما اظن الرشيد)
والراجل دة صديق كمان لى طارق حاج التوم , الراجل اتونس مع بكرى
وسالو بشدة عن طارق حاج التوم وفى اثناء الكلام ظهر طارق وجا ماشى
عليهم لكن كان ظاهر انو طارق نسى اسم الراجل(الرشيد) رغم انو سلم
عليهو بحرارة فقام الراجل قال لى طارق انت متذكرنى يا طارق حاج التوم
قام بكرى بدل يعالج الموقف فكر فى المقص لى طارق وقال لى الرشيد
معقول طارق انساك يا عثمان قام طارق حاج التوم قال لى الراجل
عليك الله انا لو نسيت الناس كلهم بنساك انت يا ابوعفان
فى اللحظة دى بكرى ضحك لمن وقع على الارض

Post: #1789
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 10:02 AM
Parent: #1

Quote: سؤال برئ جدا" يا ابراهيم اذا الواحد دخل فى قصة يدبل بمهندسة حيخش فى نظام الشقق
وكم غرفة وحتكون الشقة بنفس وضعه يعنى حتكون شقة سكند هاند

غلى قول اخوانا الجدعان ما ينفعش كلام بالبوق يا هشام

Post: #1790
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 10:10 AM
Parent: #1

Quote: Salam.

Dear Alhibir.

Thanks for the great contribution from you and everybody. It is 1:55AM in the west coast. Very interesting stories, comment and deep memories. Keep up the good work. It is not easy to let go and leave the post.

But I have to go to work within 3 hours from now.

Take care every body and talk to you soon

Hatem

دة ايميل من صديق الدفعة الرجل صاحب الزوق والاخلاق العالية
حاتم ادم عبدالله وهو من المتابعين بشدة للبوست وايضااتصل
هاتفيا وهو يحى كل المشاركين والقراء وخريجى الهندسة الحبيبة
فالتحية لهذا الرجل العملاق من الزمن الجميل وبالله يا حاتم ادينا
اخبار محمد هاشم وحسين على واشرف شمت وكل الاحباب ال معاك

Post: #1791
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 10:28 AM
Parent: #1

مؤكد اضافات كبكى وبهاء وحسام كانت (فى السلك)
وستتم اضافة هؤلاء العمالقة وتكريمهم
Quote: خباب الفاضل 86 كيميائية لاعب وسط مجيد و قوى الا انه غادرنا مبكرا فى حادثه غرق نسأل المولى له المغفره وان يعوضه شبابه بالجنة.

ونسأل الله المغفرة لخباب وربنا يجعله من اهل الجنة

Post: #1793
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 11:07 AM
Parent: #1791

الحبر
تعرف واحد من نجوم التسجيلات الفرحانين بيهم .. ومنتظرين دخوله للمشاركة بذخيرته الهائلة من ذكريات الهندسة
الراجل عامل مشغول ومزنوق شديد .. وأظنه هو فعلا مزنوق .. لأنه حتى التلفون ما بياخد راحته فيه ..
حليل الشرشحة والركلسة في كافتيريا هندسة ..
بس أهو .. ما زلنا منتظرين إنه ربنا يفك زنقته ..
عرفتو ؟

Post: #1792
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 11:05 AM
Parent: #1

اذا هذه لستة عمالقة الشرقى بغد الاضافات
عبدالله كهرباء
الضى 82(
نادر اليمانى83(كهرباء)
طلب82
صلاح العاقب
طلال محمد حامد83(مدنية)
حاتم السيد
عماد عوض83(مدنية)
عبدالقادر خليفة83(مدنية)
هشام السر84(كهرباء)(عتوقة)
اسماعيل 84 (ميكانيا)
محمد متوكل84 (مساحة)(احرف من لعب فى الشرقى على الاطلاق)
هشام طه84 (ميكانيكا)
مؤتمن ميرغنى 84 (كهرباء)(لعب فى الوسط بعد الضى وبعده لعب اللتل)
وليد محمد عبدالله(اللتل)85(مدنية)
بهاء الدين بخيت86(مدنية)
معاوية ميرغنى 86(مدنية)
عمر الحضرى 86 (مدنبة)
حسن زاكى الدين86
مامون ابراهيم 86 (مدنية)
هيثم مبارك (كهرباء)
ايمن(وكوكة)
محمد الطيب سليم85 (مساحة)
الجزولى محمد التجانى 87
اسامة 87 (زراعية)
معمر (معمار)
مدثر(معمار)
الصادق فيصل
عبدالمنعم شبس(دحدوح)
عصام الفذ
مرتضى حسن88 (مدنية)
مجدى عبدالرحيم92(مدنية)
يللا يا شباب ادونا تانى من العمالقة ديل
[email protected]
00249122027690

Post: #1794
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 11:33 AM
Parent: #1

Quote: بس أهو .. ما زلنا منتظرين إنه ربنا يفك زنقته ..
عرفتو ؟

اكيد دة ود الحاكم ولو ياهو بالله كلمنا يا ابراهيم
عشان اديك ليهو قصة واعمل ليهو تقديم

Post: #1795
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-14-2008, 11:35 AM
Parent: #1

Quote: نورت يا باشمهندس أبو سمرة
ومرحب بيك في رحاب اليوم الحار ....اللي حا يولع بعد كدة
رجع الموية لناس أمدرمان سريع عشان تتفرغ لينا هنا


و نضحت عرقا مالسمره مثله
وابيه بامدرمان من بعد السنط

ماسوره قفلت و ذاك مهندس
و انا مسامات السنين تفتحت

عرق تصبب من حراره موطني
شمسا و شوقا و افتراءات مضت

و نرجع بالذكريات لذلك الزمن الجميل،
كنا سته في اللجنه التنفيذيه لجمعيه الثقافه و الابداع سنه ٨٨، ٨٩

طارق حاج التوم، امين عمر عثمان، بهاء الدين بخيت، اشراقه الطريفي، اشرف شمت، و شخصي الضعيف،

قدمنا ليله شعريه،قدم طارق اول الشعراء بقصيده، تلوته انا علي نفس المنوال، ثم امين

واحد ظريف لاقي بهاء الدين تاني يوم، و قال ليهو شنو انتو عاملين فيها كلكم شعراء، انت برضو شاعر؟

بهاء الدين قال ليهو لأ، انا من الغاوين


Post: #1796
Title: Re: اليوم الحار ومابنداريوم الهندسة والمعمار
Author: hisham civil
Date: 06-14-2008, 11:44 AM
Parent: #1

اهلا بالجميع
متاسف ومفصر في حق الجمبع
لكن العذر موجود
العمل اليومين ديل زنقة شديدة
اسؤ ما بالعمل مافي زول يترسو منو يعني لازم تعملو ا براك

بمناسبة الترس
مرة دكتور عكود الله يديه العافية بسنة ثالثة عمل تست وقام لما حضر شكا الناس القاعدة وراء
ساقني انا ختاني جوار ايهاب ايوب وانور كمال زكي
يعد يومين نادني بالمكتب وقال لي انا كنت ماخت فكرة غلط عنك وانك متسيب
وانت جايب اكب نمرة ر بالفصل
والله لو يختوني جنب ايهاب ايواب احمد زويل ما كان اخد نوبل
الترس اصعب من القراية داير خبرة
اسبوع وساكون مواصل بانتظام معكم
الله يدكم العافية جميعا

Post: #1797
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 12:03 PM
Parent: #1

اخونا محمد الطيب واقع فى الناس بدون رحمة
لا خل الحبر ولا حسن تيكو, لا رحم الخزرج هاكم
ليهو الفلم دة
مرة السيد ايريا المعروف بمحمدالطيب سليم
كان طالع من الجامعة وعايز يمشى البيت لكن
مفلس فلسة تاريخية وناوى على الملح نية سودة
لكن للاسف وقف لمن رجلينو ورمت ما لقى ملح
فى الاخر قرر يتوكل على الله ويركب المواصلات
بس يكلم الكمسارى يقول ليهو ما معاى قروش
وفعلا ايريا اول ما وقفت حافلة المواصلات
اخد الكمسارى غلى جنب وكلمو والراجل كتر
خيرو قبل الموضوع وقال لى ايريا اركب عادى
ما فى مشكلة وركب ايريا ووراهو طوالى ركبن بنات
من الكلية وسلمن على ايريا وقعدن وراء ايريا مباشرة
وبعد شوية الكمسارى بدا يجمع فى الاجرة
ولما جا عند اخونا ايريافطاهو وايريا انبسط
جدا انو بنات الكلية ما لاحظن حاجة
لكن لسؤ حظ ايريا وحسن حظنانحن(فى الضحك وكدة)
فى واحد راكب فى الكنبة الاخيرة وما عندو قروش
وقامت الشكلة بينو وبين الكمسارى قام الكمسارى
قال ليهو يا اخى كنت تكلمنى قبل ما تركب هسه
الراجل دة (اشار الى ايريا وطبعا كل الناس
منتبهة لزوم متابعة الشكلة)ما كلمنى قبل ما يركب
شفتنى سالتو. وطبعا اخونا محمد الطيب اتحرج جدا لكن
ما عندو خيار الا اعمل حمل ميت

Post: #1798
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-14-2008, 12:04 PM
Parent: #1

و يا شباب، شرفونا انشاء الله يوم الاتنين الساعه ٨ مساءا بدار المهندس لمحاضرتي عن التحكم المروري و طرق النقل الذكيه ، و الدعوه عامه

ويا حبر و صلاح،حايكون في اتندنس

و محمد صديق حيكون الالفه




Post: #1799
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 12:09 PM
Parent: #1

Quote: بمناسبة الترس
مرة دكتور عكود الله يديه العافية بسنة ثالثة عمل تست وقام لما حضر شكا الناس القاعدة وراء
ساقني انا ختاني جوار ايهاب ايوب وانور كمال زكي
يعد يومين نادني بالمكتب وقال لي انا كنت ماخت فكرة غلط عنك وانك متسيب
وانت جايب اكب نمرة ر بالفصل
والله لو يختوني جنب ايهاب ايواب احمد زويل ما كان اخد نوبل
الترس اصعب من القراية داير خبرة
اسبوع وساكون مواصل بانتظام معكم
الله يدكم العافية جميعا

ايوة بالله ادينا من المعتق دة ويا ريت تهبش لينا
خالد الشهير وابصلعة وعبدالرحمن خالد وحسن بابكر
والامة العجيبة دى

Post: #1800
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-14-2008, 12:17 PM
Parent: #1

Quote: ويا حبر و صلاح،حايكون في اتندنس

اكيد حانجى بس اوعى يكون فى امتحان ولا test
لانو نحن بطلنا الحاجات دى
ويا اخى رسل لى نمرة موبايلك

Post: #1801
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-14-2008, 12:26 PM
Parent: #1800

Quote: و يا شباب، شرفونا انشاء الله يوم الاتنين الساعه ٨ مساءا بدار المهندس لمحاضرتي عن التحكم المروري و طرق النقل الذكيه ، و الدعوه عامه

أأي بالله لازم يمشي اكبر عدد عشان تحضروا محاضرة دكتور منتصر
وكمان تستغلوا الفرصة للترويج للبوست ..

Post: #1802
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-14-2008, 02:04 PM
Parent: #1801

Quote: المهندس الجميل محمد عبد الرحمن لك التحايا

انت من الشباب الذين تخارجوا من البلد بدري

كنت اتي اليكم في ميز I T بكنانة ( الكوزلي )


ديفيد كيف ننسى تلك الأيام....كنانة و ميز كنانة
هل لا زال الفاتح و أمين معكم ..

Post: #1803
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-14-2008, 04:54 PM
Parent: #1

يا اخوانامسؤلين من الخير اخونا عبدالماجد الكج وين

عبدالماجد عنده قصة طريفة مع دكتور عبدالله ابراهيم
كان لفترة متلحه ليك فى المحاضرات يا اب نضارات قوم ورينا المومنت دياقرام يا اب نضارات قوم ورينا.....

يوم عنده محاضرة بالعصر عبدالماجد قال الا يحسم الموضوع جاء لابس جلابية وطاقية وقعد فى الاخر
ومن دون الناس قاليه قوم يا اب طاقية حل المسالة دى
قام عبدالماجد واقف ود. عبدالله اتعرف عليه قاليه جاينى متنكر يا اب نضارات

Post: #1804
Title: Re: اليوم الحار ومابنداريوم الهندسة والمعمار
Author: khaleel
Date: 06-14-2008, 05:11 PM
Parent: #1803

Quote: يا اخوانامسؤلين من الخير اخونا عبدالماجد الكج وين



هشومي مشتاقين

عبد الماجد الرشيد الكج مهندس بدبي بعد ان غشوهو ناس وزارة الاسكان بعقد خارجي

وادوهو مرتب عقد داخلي الراجل موجود في دبي

والكج حاج الباقر كان بقول ليهو (ابوك كان راجل serious)

ومرة الكج قال لبتاع التاكسي يا زول اعمل حسابك انا طالب محترم في كلية غردون

وكان الكج عائد لتوه من امتداد ناصر واللبيب بالاشارة يفهم

Post: #1805
Title: Re: اليوم الحار ومابنداريوم الهندسة والمعمار
Author: amir elsharief
Date: 06-14-2008, 05:33 PM
Parent: #1

سلامات أخونا هشام مجذوب. أين بقية العقد الفريد محمد الفحل و نزار فقيري?
الدكتور ياسر عبد الله عبد الرازق يرسل تحياته للجميع و قد أرسل الصورة أدناه لدفعة 86 علي سبيل المشاركة





Post: #1806
Title: Re: اليوم الحار ومابنداريوم الهندسة والمعمار
Author: khaleel
Date: 06-14-2008, 05:38 PM
Parent: #1805

امير عون

سلامات

بالله شوف منقوشي دها

كان (صغيروني كيف)

Post: #1807
Title: Re: اليوم الحار ومابنداريوم الهندسة والمعمار
Author: khaleel
Date: 06-14-2008, 05:48 PM
Parent: #1806

الايميل من عماد عائد




Could you please copy this email regarding the library.



First, thank you to Abu Samra for the smart idea.

Second, this is not the first time to hear about such idea and the last time I heard about it was 6 years back. I am not really sure what happened back then.



To be more practical and move forward, I know so many people would like to contribute to this initiative. The issue here, all of us are all scattered in many countries. What I suggest is the followings:

1. Nominate one person per country together with contact details (phones, emails, etc.).

2. Nominate one person in KRT, Sudan to receive all contributions from various countries and coordinate the distribution either to U of K or may be other universities as well.

3. Shipping and packing from various countries requires funds and this is might be another issue need to be sorted out by donations. May be coordination with Society of Engineers in KRT as well as the U of K might ease and facilitate the shipping and may be custom exemptions.

4. The contribution should not be limited to Books only, it should be extended to cover scientific magazines, newspapers, papers, etc. The bottom line, anything that looks useful and might be utilized by the students. Latest issues are always preferable since it will reflect the latest and updated information about what is happening in the world in terms of technology and legends, but old issues should not be neglected, probably with some filtration in order to meet our financial requirements.



Thank you one more time to the initiative and it is already becoming a project, need someone to manage it…….





In another topic concerning Garoud, I would like to know why Garoud removed his mustache around the year 1988, we need the real story.





Salam,

Imad Ayed

,

Post: #1808
Title: Re: اليوم الحار ومابنداريوم الهندسة والمعمار
Author: amir elsharief
Date: 06-14-2008, 05:54 PM
Parent: #1

سلامات خليل. منقوشى أنا لاقيته قبل سنتين تقريبا وشكله لسة شباب زى في الصورة دي نقول ما شاء الله. بالمناسبة الف مبروك لمنقوشي الزواج و بيت مال و عيال إنشاء الله.
أخونا منتصر نتمني ليك التوفيق في المحاضرة بس عندي ليك طلب بسيط قول للمشاركين إنو في حاجة إسمها ترننق لين و ترننق أرو لازم.تكون في أى تقاطع رئيسي لأنو شكلو كدا مافي زول في السودان عندو أدني فكرة عن أبجديات هندسة المرور.

Post: #1809
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-14-2008, 10:30 PM
Parent: #1

Quote: In another topic concerning Garoud, I would like to know why Garoud removed his mustache around the year 1988, we need the real story.


بعد اذنك يا خليل
حسب ما اذكر. القصة حصلت فى داخلية كردفان حوالى سنة 1989 وكان بطلها طالب فلسطينى صاحب ابو القوق
كان بحلقليه فى شعره ومن حيث لايحتسب ابوالقوق وعلى سبيل الهظار حلقليه نص الشنب
وبما ان منظر ابو القوق بقى تافه جدا"
لجأ الى محاولة تعديل النتيجه بازالة المتبقى
وحسب رواية الشهود لم يستطع الذهاب الى ام دقرسى لحدى ما رجعت الاوضاع لطبيعتها

Post: #1810
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-14-2008, 10:37 PM
Parent: #1

Quote: سلامات أخونا هشام مجذوب. أين بقية العقد الفريد محمد الفحل و نزار فقيري?


الابن عون لك 1000 تحية وشوق
محمد الفحل ركب درب المقاولات (المهنة التى تنسيك الهندسة)
اما نزار فهو الان فى قطر اظنه حينضم لفريق السد او الغرافة

Post: #1811
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 06:17 AM
Parent: #1810


يا خليل .. منقوشي الصغيروني .. ولا صلاح مكاوي؟
ياخي أنا في الأول ما عرفتو خالص
جلوساً من اليمين:
- أحمد كمال - كهرباء
- ياسر عبد الله - معمار
- حسين عابدون - زراعية (بعد الإستعانة بصديق)
- طارق منور - مدنية
- حسن عبد العظيم

وقوفا من اليمين:
- خالد كاهن - ميكانيكا
- صلاح مكاوي - كهرباء
- عاطف ساكوبة - مخضرم
- خالد محمد عمر - مدنية
- أحمد منقوشي - كهرباء
- أسامة كاهن - علوم

تحياتي ليهم جمعيا أين ما كانوا .. ونتمنى نشوفهم معانا هنا ..

Post: #1812
Title: Re: اليوم الحار ومابنداريوم الهندسة والمعمار
Author: عواطف ادريس اسماعيل
Date: 06-15-2008, 06:22 AM
Parent: #1811

عارف يا خليل كلما أقرا بوستك دة أتذكر ليمون كافتيريتكم الحلو والبارد جدا رغم إنه أولادكم ناشفين

حطب عديل كدة زي المساطر الشيالنها ديك .. ربنا يديك العافية .

Post: #1813
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 06:30 AM
Parent: #1811

التحية للأخ عماد عائد ..
وبخصوص مقترحاته .. فهي معقولة وعملية جدا ..
بس الموضوع عاوز مجهود وتنسيق .. وشايف الحبر بدأ الشغل بتاع تكريم الدفع (دفعة 83) كبداية
فما عارف هل ننتظر لما نخلص هذا الموضوع ، ولا نعمل on parallel
Quote: To be more practical and move forward, I know so many people would like to contribute to this initiative. The issue here, all of us are all scattered in many countries. What I suggest is the followings:
1. Nominate one person per country together with contact details (phones, emails, etc.).

إقتراح جميل .. وأنا على إستعداد لتمثيل السعودية وممكن معاي الأخ أحمد التجاني ..
وفي خليل وكيكي (السمتو رباح) .. قطر
وهكذا ..
Quote: The contribution should not be limited to Books only, it should be extended to cover scientific magazines, newspapers, papers, etc. The bottom line, anything that looks useful and might be utilized by the students.

أيضا كلام معقول ..
في قسم الكهرباء مثلا كنا بنعاني وخصوصا أيام ال projects من شح وعدم توفر ال equipments .. فممكن توفير كمية من الضروريات (بالتنسيق مع إدارة القسم) ..

Post: #1814
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 06:40 AM
Parent: #1813

Quote: عارف يا خليل كلما أقرا بوستك دة أتذكر ليمون كافتيريتكم الحلو والبارد جدا رغم إنه أولادكم ناشفين
حطب عديل كدة زي المساطر الشيالنها ديك .. ربنا يديك العافية .


التحية للأستاذة عواطف وسعيدين بتشريفك اليوم الحار ..
ناشفين ده دليل على الشطارة وحرة القلب .. مش مركلسين في الكافتريات ونايمين في الداخليات
هو انت فاكرة إسم اليوم الحار ده جاء من وين ؟
(الكلام ده بتقال بس لأي زول ما من غرب السنتر لزوم التلميع وكدة)

Post: #1815
Title: Re: اليوم الحار ومابنداريوم الهندسة والمعمار
Author: عواطف ادريس اسماعيل
Date: 06-15-2008, 06:54 AM
Parent: #1814

عارف يا هومي والله العظيم رغم أنو المشوار لكليتكم عايز تكسي طلب لكن بنمشي عشان نشرب ليمون وكدا

والبعض الآخر بيحاول يلقى جكس جادي شوية بعد ما أخد شاكوش من جكس الآداب الماجادين لكن في الآخر

بنرجع بالليمون فقط يعني أولاد الهندسة مافاضين للبلوم ولا غيرهم .. يديكم العافية يا هندسة ...

Post: #1816
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-15-2008, 06:57 AM
Parent: #1

ابراهيم احييك وانت بتمسك الوردية فى مواعيدك بالظبط
يظهر عليك زمان بتكون فل اتندنس

Post: #1817
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 07:08 AM
Parent: #1816

هشام
صباح الخير ..
تعرف ذي ما قالو الشباب .. بقينا مدمنين البوست بشدة ..
ياخي أنا بقيت أجي الدوام بدري على غير العادة ... بأكون مشتاق أشوف الجديد في البوست .. ومنو الظهر من الشباب ..
والجماعة فاكرين الود ملتزم وجاد في الشغل
تعرف .. انا بأكون شغال في المكتب وعيني على الشاشة كل شوية .. أشوف لو البوست نزل .. الحقه ب up
ولو في مداخلة جديدة أقراها وأرد عليها .. (بقيت عامل ذي بتاعين الأسهم والبورصة)
لكن حقيقة الأسهم والرصيد اللي بيطلع بيه الواحد من البوست ده أكبر واقيم من أي ماديات (حنك وكده) ..

هشام .. انا منتظرك من قبيل .. محتاج مساعدة .. عندي كمية صور عاوز انزلهم بس واجهتني مشكلة ما عرفه ..
أديني إيميلك أرسلهم ليك على أجزاء عشان تحاول تعمل ليهم upload

Post: #1818
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 07:13 AM
Parent: #1817

Quote: عارف يا هومي والله العظيم رغم أنو المشوار لكليتكم عايز تكسي طلب لكن بنمشي عشان نشرب ليمون وكدا
والبعض الآخر بيحاول يلقى جكس جادي شوية بعد ما أخد شاكوش من جكس الآداب الماجادين لكن في الآخر
بنرجع بالليمون فقط يعني أولاد الهندسة مافاضين للبلوم ولا غيرهم .. يديكم العافية يا هندسة ...

أستاذة عواطف ..
تعرفي كلامك ده بيثبت صحة شعار الهندسة :
نحن غرب السنتر ..
نحن رغم سمستر ..
الجكس فينا مكسر ...
ونحن رغم سمستر ..
أخلاقنا حلوة وسكر ..

تسلمي ..

Post: #1819
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-15-2008, 07:19 AM
Parent: #1

Quote: هشام .. انا منتظرك من قبيل .. وطالما انك صاحي .. عندي كمية صور عاوز انزلهم بس واجهتني مشكلة ما عرفه ..
أديني إيميلك أرسلهم ليك على أجزاء عشان تحاول تعمل ليهم upload


والله يا ابرهيم ثقتك فينى عاليه
انا حا اقوم احاول

[email protected]

Post: #1820
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 10:28 AM
Parent: #1819

اليوم ناس السودان مسجلين غياب عشان عندهم مشكلة في كيبل بحري ..
طيب وين ناس برة السودان؟ مسجلين غياب لي ؟

Post: #1821
Title: Re: اليوم الحار ومابنداريوم الهندسة والمعمار
Author: khaleel
Date: 06-15-2008, 10:30 AM
Parent: #1819

هشام مجذوب

نتذكر التانج بتاع عمار ابو شوك وكنت انا بجي اشرب معاكم

لكن ابو شوك يصر علي قفل الباب عشان (صاحبنا داك ) ما اجي انحسنا

Post: #1822
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 01:35 PM
Parent: #1821

وأخيرا ظهر أيريا (الملقب بمحمد الطيب سليم) :
Quote: إبراهيم
واقف الليلة براك والهم عصف.. ريحا كسح زهرة صباك
ونيابة عن كل المهندسين المغتربين.. نتمني عليك أن ترسل كباية عصير للإستاذة (عواطف إدريس) التي أثلجت صدورنا بعد أن جفت من السنوات..,كبابي العصير راقدة في الفيس بوك..تعمل كوبي أند بيست لي واحدة وترسلا ليها وتقول ليها دي من مهدي رابح
هااهاهاهاهاهاهاهاها ....

أها ياسيدي ..نتم ليك القصة بتاعت الكج التي بداها خليل ( الخلخول بتفعيلة الأسم القديم) ..

الفصل الثاني من قصة عودة الكج من إمتداد ناصر :

وحينما بلغ التاكسي البركس لاحظ الكج أن الباب فاتح ولم يكن هنالك عمك جمال في سريره المعروف ولم يكن هنالك حتي فيصل ولا عوض ولا اي زول من حرس الجامعة فلم يتردد الكج وقال لي بتاع التاكسي حرصا علي المقتنيات الثمينة . خش طوالي يازول... ولم يتردد بتاع التاكسي وخشا.. تووش إلي داخل البركس وفي شارع المين الرئيسي حتي وصل تقاطع داخلية بركة ولعلم الجميع كان سائق التاكسي ..النوع القليييل الضعيف الذي تحس حينما تراه أن صفعة علي وجهه ستنفعه في مسيرة حياته وأن الحديث معه عن أهمية التعليم ربما يفيده وأن نصيحة اخوية قد تجعله بني أدم وتجعله يواصل تعليمه بدلا من ان يتوقف في الصف الرابع كما يبدو علي ملامحه القاتمة..كان ذلك إحساس الكج حينما وصل التاكسي تقاطع داخلية بركة وألتفت بتاع التاكسي إلي الكج قائلا.. أها وين؟ فأشار الكج بيده اليمني بإتجاه الداخليات الجنوبية.. العمارات الشاهقة.. ذات السلالم ..فانطلق سائق التاكسي حنوبا حتي وصل المجمع البرتقالي الأزرق الذي به القاش والتاكا وكسلا وعطبرة.. فقال سائق التاكسي القلييل للكج. أها من هنا وين؟؟ فأرتسمت إبتسامة كجية عبقرية علي وجه عبدالماجد العبقري الفذ الذي لم يتردد وأجاب علي سائق التاكسي قائلا:: عطبرة
وتوقفت الأشجار عن الحفيف واصيبت الدنيا بالذهول حينما قال سائق التاكسي مبتسما للكج:- عطبرة ألف ولا عطبرة باء

Post: #1823
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-15-2008, 01:44 PM
Parent: #1822

Quote: وكنت انا بجي اشرب معاكم


يا خليل من باب ويل للمصلين ......
......
بالمناسبة عاوزن لكشر فى اليوتيوب و كيف تنزلها فى البوست ....
و لا اللكاشر للجكس بس ....

Post: #1824
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-15-2008, 01:49 PM
Parent: #1822

ورسالة أخرى من إيريا .. طبعا هو متجدع في القاهرة والكيبل البحري عندهم شغال
Quote: الاخ إبراهيم محمد حسن
إعتبارا من اليوم ولانك طايح في ناس كيكي وبقيت تسميهو كيكي السمتو رباح
سيكون إسمك هومي السمتو عواطف
هاهاهاهاهاهاهاهاها

قصة عزالدين محمد خير الشبيهة بقصة طارق حاج التوم
وقبل القصة تحية للناس الجميلة.. عزالدين محمد خير.. القلب النقي.. الزول الحلو.. وإحتمال يكون من المؤتمر يا إبراهيم لانو ساكن شارعين شمال المدرسة...قريب من حتت السمك المقرشة وكده يا ...

كان الجميع جالسون في أركويت في مجلس عامر يضم عمر الحبر ومصطفي ميرغني وكثيرون وكان عزالدين محمد خير يتحدث ومنهمك في قصة جميلة وجاء داخلاً أخونا الولد الجميل من عطبرة راشد سيد أيوب صاحب الأنامل الذهبية الذي أطلق عليه أخوانه في معمار ناس يوسف وتبن وعصام وعلي إدريس وحسام لقب.. عصمان.. لانه كان يعزف في البركس وهو يرتدي جلابية تشبه جلابية عثمان المسكين المغني الشهير في المين رود الذي يغني أغنية أماني أم شعر وأماني أم حاجات تانية كده.. وعلي العموم صار اللقب جميل وتحول راشد بعد ذلك بسنوات إلي حاخام .
حينما دخل راشد وسلم علي الجميع كان واضحا أن عزالدين قد مسح إسم راشد وكان يبذل جهدا كبيرا لمحاولة تذكر الأسم وحنيما سلم راشد علي مصطفي ميرغني رد مصطفي باريحيته المعروفة قائلا: - أووو..وين ياعثمان ياخ. وهنا تنفس عزالدين الصعداء وحينما بلغه راشد قال علي الفور
أوو أبوعفان..كيف الأحوال ياخ


Post: #1825
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-15-2008, 10:01 PM
Parent: #1

Quote: هشام مجذوب

نتذكر التانج بتاع عمار ابو شوك وكنت انا بجي اشرب معاكم

لكن ابو شوك يصر علي قفل الباب عشان (صاحبنا داك ) ما اجي انحسنا


انت عارف يا خليل الغريبة التانك ما كان بتاع عمار ابوشوك دا كان بجيبو ود المغتربين على شرشحه من الامارات ومعاهو لبن البدرة
ورغم كدا الكنترول كان عند ابوشوك
ودا السبب فى انو صحوبيتو لعلى كانت مميزه جدا"

Post: #1826
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-15-2008, 10:06 PM
Parent: #1

Quote: اليوم ناس السودان مسجلين غياب عشان عندهم مشكلة في كيبل بحري ..

ابراهيم .. افرز

المشكلة بتخص سوداتل لكن الانترنت بتاع كنار 100% والدليل انا شغال منو

بالنسبة للصور لم استلمها بصورة جيدة
وفى الحقيقة انا ماعندى الخبرة الكافية

Post: #1827
Title: Re: اليوم الحار ومابنداريوم الهندسة والمعمار
Author: hisham civil
Date: 06-15-2008, 11:22 PM
Parent: #1

اهلا بكل حبايبنا
ما زلنا بالزنقة بالعمل ولكن ساحاول ان اكون يومي ولو لدقائق قيل النوم

Post: #1828
Title: Re: اليوم الحار ومابنداريوم الهندسة والمعمار
Author: hisham civil
Date: 06-15-2008, 11:36 PM
Parent: #1

سلام خاص للقرود
بالمناسبة اليوم سيرة الجكس كتيرة وساتي بقصة هشام السر (عتوقة )
مرة جاهو جكس ***** خمسة نجوم واحتمال اكثر
يسال من هشام السر بالكافتريا
كان موجود احد الفطاحلة فسال مين هشام السر ده
مهما اجتهدنا بالوصف ولم يتعرف علية سي بيت المال وسي الشيبة وشي قسم الكهرباء
واخيرا قالوا ليه ده قون الهندسة
هنا صرخ الفطحول
دي دي جاية لقون
ولا حتي باك

ونحية اخري خاصة للباج بهاء الدين

Post: #1829
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 05:57 AM
Parent: #1828

صباح الخير
هشام ..
مسكنا الوردية

Post: #1830
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-16-2008, 06:37 AM
Parent: #1

يالله ابقى 10 على الشغلانة
وطالما انت فى جدة حاول حل مشكلة الكيبل البحرى بتاع سوداتل لانو حيكون مارى بجنبكم
لانو لاحظت امبارح عمر الحبر حالته صعية جدا" وهو ما قادر يخش النت وبتجيهو رجفات (شكله بقى مدمن كبير)

Post: #1831
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 07:07 AM
Parent: #1830

هشام مش اتحلت المشكلة؟
يلا حرك الشباب وخليهم يحصلونا ..
لكن بيني وبينك القطعة كانت كويسة معاي وأنا براي أمس ..
جابت ليها (هومي) وكده

على ذكر عمار أبو شوك ..
بسأل عن طارق أبو شوك (زراعية) .. لو قدرت جبت لي معلومة عنه أكون شاكر .ز

سلام

Post: #1832
Title: Re: اليوم الحار ومابنداريوم الهندسة والمعمار
Author: Nader Abu Kadouk
Date: 06-16-2008, 09:15 AM
Parent: #1831

up
up
up

Post: #1833
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 10:30 AM
Parent: #1

Quote: احببت ان اشارك بهذه العجاله ممثلا لمعمار و دفعه 89
الدفعه ساهمت بكل من مدثر و معمر في تيم هندسه
وهي اخر دفع مجانية السكن و الاعاشة
و لعلي لم الاحظ مشاركة بعد من هذه الدفعة - او معمار
لذا جاءت هذه المشاركة المتواضعة عبر الاخ هشام مجذوب 88 مشكورا
و ارجو ان تكون مقبولة


بس عشان التوثيق انو اخر دفع السكن والإعاشة هي دفعة 90 يا ناس 89.

Post: #1834
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 10:52 AM
Parent: #1833

Quote: بس عشان التوثيق انو اخر دفع السكن والإعاشة هي دفعة 90 يا ناس 89.


محمد الخاتم

مشتاقين شغلتنا اموالنا واهلونا لكن عندك بوست بتاع ترحيب

من عمك خليل بعد حين

هشام سفل متذكر البرلوم نادر هداية الله

لما قال البلد فيها ديموقراطية وانت قلت ليهو طيب ما دام فيها ديموقراطية ورينا سريرك وين

والله صاحبي نادر لي الصباح ما نام

Post: #1835
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 11:27 AM
Parent: #1


Post: #1837
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 11:36 AM
Parent: #1835

هشام سفل

دكتور هجو قال ليكم شنو

Post: #1836
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 11:31 AM
Parent: #1

Quote: Could you please copy this email regarding the library.



First, thank you to Abu Samra for the smart idea.

Second, this is not the first time to hear about such idea and the last time I heard about it was 6 years back. I am not really sure what happened back then.



To be more practical and move forward, I know so many people would like to contribute to this initiative. The issue here, all of us are all scattered in many countries. What I suggest is the followings:

1. Nominate one person per country together with contact details (phones, emails, etc.).

2. Nominate one person in KRT, Sudan to receive all contributions from various countries and coordinate the distribution either to U of K or may be other universities as well.

3. Shipping and packing from various countries requires funds and this is might be another issue need to be sorted out by donations. May be coordination with Society of Engineers in KRT as well as the U of K might ease and facilitate the shipping and may be custom exemptions.

4. The contribution should not be limited to Books only, it should be extended to cover scientific magazines, newspapers, papers, etc. The bottom line, anything that looks useful and might be utilized by the students. Latest issues are always preferable since it will reflect the latest and updated information about what is happening in the world in terms of technology and legends, but old issues should not be neglected, probably with some filtration in order to meet our financial requirements.



Thank you one more time to the initiative and it is already becoming a project, need someone to manage it…….





In another topic concerning Garoud, I would like to know why Garoud removed his mustache around the year 1988, we need the real story.





Salam,

Imad Ayed

هذا اليميل يستحق التصفيق بدون توقف يا عماد والشكر الجزيل لاخونا ابوسمرة
وانا اعتقد نبدا فى تحديد الناس من الان وابدا انت يا عماد باقتراحك وخلينا نكمل
الباقى(التصفيق لكل ما جاء فى الايميل بما فى ذلك شنب ابوالقوق)

Post: #1838
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 11:37 AM
Parent: #1836

عمر الحبر حمدا لله على السلامة
قالو كان عندك رجفة أمبارح بسبب عدم دخول البوست .. ياخي بالغت سوداتيل معاك
ياخي وين الناس الجدد .. ما ظهرو لسة ؟
في انتظار الجديد ..

Post: #1840
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 11:43 AM
Parent: #1838










حلويين والله

Post: #1839
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 11:40 AM
Parent: #1

أدناه صور لدورة الصالة الرمضانية لمنتخب الهندسة1996 أو 97 ما عارف بس أي اضافات او ملا حظات او صور جديدة ارجو بعثها على [email protected] وسنوافيكم بالاسماء لاحقا:

































Post: #1841
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 11:50 AM
Parent: #1839

التحية للأجيال الجديدة من الهندسة
طبعا بقوا صالات رمضانية وكده .. لزوم العولمة .. وطاولات البلياردو

محمد الخاتم ..
راجع الإيميل ..

مع الشكر

Post: #1843
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 11:51 AM
Parent: #1839


Post: #1844
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 11:56 AM
Parent: #1843

الجميل جدا طارق الكوتش

والاجمل احمد شبو




Post: #1842
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 11:50 AM
Parent: #1

ياسادة يا كرام بحييكم الباشمهندس اسامة الحاج(كونتا) 84(مدنية)
تحية حارة جدا وهو كذلك اصبح من المدمنين للبوست وعندو اقتراحات ومداخلات
حا تصلكم عبر الايميل انشاء الله وبسال عن ناس دفعة84 ال عندهم باس ويرد.
عندك يا سيدى عمر الحبر وعماد عيدروس وعثمان مالك وحامد الصاوى لكن بخلاف
الحبر الباقين الان يعتبرو خلاية نائمة بس انشاء الله تصحى فى وقت الشدة

Post: #1846
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 11:57 AM
Parent: #1842


خليل
ياخي بالغت في الصورة .. دي هسع ناس أبوسمرة يشوفوها كيف
ولا صاح .. أبو سمرة عمل عدسات
تعرف انا تقريبا غير حسن خضر ما عرفت زول ..

Post: #1847
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 12:01 PM
Parent: #1846

حسن حضر تماضر عبدالعزيز عباس عماد عائد هيثم عبدالله


كدة واضح يا ابراهيم

Post: #1845
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 11:56 AM
Parent: #1

Quote: عمر الحبر حمدا لله على السلامة
قالو كان عندك رجفة أمبارح بسبب عدم دخول البوست .. ياخي بالغت سوداتيل معاك
ياخي وين الناس الجدد .. ما ظهرو لسة ؟
في انتظار الجديد ..

ومع الرجفة كان عندى اضطراب فى القناة المرارية بسبب عدم دخول البوست بالله
زى كانى داخل امتحان لى على زروق

Post: #1848
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 12:08 PM
Parent: #1845

دكتور عادل حضر ودكتور جمال عبده مع المهندسين



Post: #1849
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 12:10 PM
Parent: #1848

خليل
ياخي صورك دي كبرها .. ولا شوف ليها حل
ما فاهمين حاجة غير ال Tour

Post: #1850
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 12:15 PM
Parent: #1

Quote: الجميل جدا طارق الكوتش

والاجمل احمد شبو

التحية لى شبو وطارق الكوتش هؤلاء العمالقة وطبعا المفروض الايام دى عثمان صديق
يكون معاهم فى الامارات فلهم التحية جميعا
مرة طارق الكوتش جاء الكلية الساعة11 (المفروض عندو محاضرة الساعة 7 مع د. الشامى)
وقاشر تمام ومتجدع واول ما وصل الكافتريا سال يا جماعة د. الشامى جا lecture الصباح قالو ليهو ما جا
قال ما فى مشكلة.
تانى يوم جا برضو متاخر وسال د. النويرى جاlecture الصباح, قالو ليهو جا قال ليهم عمل attendance
قالو ليهو لا, قال مافى مشكلة.
اليوم التالت برضو جا متاخر وسال من د. عبدالله الصادق وقالو ليهو جا وعمل attendance
قال مافى مشكلة.
عمر حسين قال ليهو عليك الله يا الكوتش تعال ورينا المشكلة حا تحصل متين

Post: #1851
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 12:22 PM
Parent: #1850

عمر الحبر وهشام سفل


مثلما كان استاد الهلال مقبرة لكل الفرق الزائرة

كانت سنة تانية هندسة مقبرة لمجموعة من المهندسين

لكن انت وهشام حولتو رابعة هندسة لمقبرة لماذا ( يا ابي يكرهنا الكبار)

مع الاعتذار للكابلي

Post: #1856
Title: Re: اليوم الحار ومابنداريوم الهندسة والمعمار
Author: mohammed elsaim
Date: 06-16-2008, 12:48 PM
Parent: #1851

Quote: بسأل عن طارق أبو شوك (زراعية) .. لو قدرت جبت لي معلومة عنه أكون شاكر .ز

ابراهيم أو هومي السمته عواطف يسأل، وأنا أجيب:
آخر مرة كان في الدنمارك بعد ماليزيا والأمارات.
تزوج مغربية دنماركية، مايسمعونا ناس بشاشا
يطلعوه مستلب تكعيب ولا أس القوة كم ماعارف

سلام لكل الشباب الحلوين.. ومتابعين

Post: #1852
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 12:32 PM
Parent: #1

Quote: ياناس الحبر والقرود وايريا وعمر حسين وعثمان صديق ومدثر الرشيد والبقيه الباقيه الكوتش جاكم بس ادونى حساب ياناس القرود والستر حيكون فى حدود المعقول والغير قابل للنشر
كمان ارجو المواصله للجميع عبر الناسنجر كما ارجو منك ياحبر نشر ايميلى وتلفونى للجميع
انتظروا منى كثير من القصص والصور ولكم كل الموده
طارق الكوتش

دة ايميل من طارق الكوتش (مساحة) هذا الرجل الذى يعتبر من فطاحلة دفعة87 ومن عباقرة الوست
فى البركس فالتحية لهذا الرجل العملاق ودة ايميل الكوتش [email protected]
ودة موبايلو 00971504853878 ويللا يا كوتش اتحفنا بالدرر

Post: #1853
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 12:35 PM
Parent: #1

Quote: شباب الهندسة الحلوين

السلام عليكم

انا شايف المنبر به شباب راقين

محمد الخاتم كيف حالك واحوالك

وينك يا ... انت في السودان ام هاجرت

بنسال عنك كثيرا


العزيز ديفيد والله موجودين وبالسودان بس انتو الما شغالين بينا ، مشتاقين والله ونحاول نظهر

Post: #1854
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 12:39 PM
Parent: #1853

محمد الخاتم
راجع الإيميل ..

Post: #1855
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 12:46 PM
Parent: #1

Quote: عمر الحبر وهشام سفل


مثلما كان استاد الهلال مقبرة لكل الفرق الزائرة

كانت سنة تانية هندسة مقبرة لمجموعة من المهندسين

لكن انت وهشام حولتو رابعة هندسة لمقبرة لماذا ( يا ابي يكرهنا الكبار)

مع الاعتذار للكابلي

زمنا نحن ال فى تانية التحكيم كان بخيرو ادونا كم بلنتى كدة مرينا بيهم
(لقينا حاج الباقر ويس drawing وجوزيف جيرفس وكدة) لكن فى رابعة لو
اداك الحكم رجل الراية ما يديك(بقصد اذا باصيت الورقة يعاثرك الكورس ويرك) والتحكيم ما برحم
زى عبدالله ابراهيم وزروق والنوعية دى(لاراش)
وبرضو قسمة القسام وحكمة الحكام

Post: #1857
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 12:53 PM
Parent: #1855

محمد الصائم
أخبارك يا راجل
وشايفك بتدخل خطافي كده وتختفي ..
Quote: ابراهيم أو هومي السمته عواطف يسأل، وأنا أجيب:
آخر مرة كان في الدنمارك بعد ماليزيا والأمارات.
تزوج مغربية دنماركي

إييييك
كان كده طارق أبو شوك ده ننساه .. ما أظن نلم فيه تاني
الراجل بقى دولي ..

Post: #1858
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 12:53 PM
Parent: #1855

ابراهيم دي محاولة



Post: #1860
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 12:57 PM
Parent: #1858

خليل شنو ما قلت ليك رسل لي اللنك بس
تقوم تنزل الصورة؟
دائما شايت ضفاري انت .. على رأي أخونا الحبر
على العموم تشكر يا مان .. بس حاول كبرها شوية ..

الأولاد متجدعين في أسوان .. أيام رحلة التدريب ..
إبراهيم
محمد البلال
أيمن باهي الدين
نزار جعفر

Post: #1859
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 12:54 PM
Parent: #1

Quote: بعد التحية والود: فات عليك أن تذكر أن البروجكت بتاعك بالإضافة لإرهاقه الفكري لمرتضي حسن كان إرهاقا فكريا لكل الأسرة.. محسن وأخته الدكتورة وحتي والده مدير مشروع الجزيرة السابق والجنتلمان عليه رحمة الله الذي كتب لكم المقدمة وأنا حضرت ذلك في اللحظات الختامية.. التحية للغزال الأسمر وأسرته.. وتحية برضو بمناسبة ناس 88 ل عمار أبوشوك وهشام مجذوب ومجاهد وعلي شرشحة وابو النسب محمد الخاتم وبقية العقد الفريد

دى رسالة من ايريا ولك التحية على التذكير وكتر خيرك

Post: #1861
Title: Re: اليوم الحار ومابنداريوم الهندسة والمعمار
Author: khaleel
Date: 06-16-2008, 12:59 PM
Parent: #1859

ايريا الحبر اتخرج بمهارات فردية

مرتضي قدم مساعدات لوجستية فقط

Post: #1862
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 01:08 PM
Parent: #1

بعد اضافات ابراهيم محمد الحسن.وبكرى ابوبكر ودكتورة تهانى عبدالله
د.صليب ود. صليبة
احمد ابراهيم عباس وجميلة
الشيخ ادريس مصطفى الامين81 (كيميائية)واميمة دفع الله الحاج يوسف82
الامين مصطفى الامين 84 (مدنية)وهالة التجانى 86 (كيميائية)
هشام ايوب 82 وامانى نصر الدين 84 (مدنية)
عمر مختار81 (كيميائية)وعفاف محمد على 84 (كيميائية)
محمد امير 83 (ميكانيكا)وتهانى عباس 83 (مدنية)
محمد ابوعاقلة83 وسهير عبدالقيوم85
محمد عبدالجليل83(كهرباء) و سلمى السعيد87(كيميائية)
عماد عوض 83 (مدنية)فاطمة النور (مدنية)86
محمد السراج83 (كهرباء)وابتسام محمود87 (كهرباء)
عبد القادرالامام80 (مساحة)وحباب محجوب 84
مؤتمن ميرغنى 84 (كهرباء)وايمان صلاح 84 (كيميائية)
طه محمودصالح84 (مدنية)وتبارك موسى عوض (مدنية)84
ياسر شندى 84 (مدنية)وكاملةعبدالباقى 85
على رباح 84(كيميائية)وسمية عبدالمنعم88(كيميائية)
عماد عيدروس84(كهرباء) وتوسل95(كهرباء)
نادر عباس(كوبر)85(مدنية) وعايدةعبدالله 90
الطاهر عبداللطيف90 (كهرباء)وحنان محمود85(كهرباء)
معوية ميرغنى86 (مدنية)وامنة الطيب عريبى 86 (كهرباء)
هاشم دهب86 (ميكانيكا)وسلمى كرم الله 86 (مدنية)
عاطف جلال 86 (مدنية)وصفاء الفاضل(معمار)87
طارق حمادة 87 (كهرباء)و ان عبدالمنعم 88 (كهرباء)
عبدالقادر احمد عباس 88 وهناء على87(معمار)
عبدالرحمن بابكر87 (كهرباء)وسلمى بريدو 87 (كهرباء)
ياسر العبد82 وامانى بدوى 87 (زراعية)
هشام مجذوب 87 (كهرباء)و سوسن محمد الحسن 87 (مدنية)
عادل التجانى 87 (كهرباء)و امل بيومى 87 (كهرباء)
عمر حسين87 (ميكانيكا)و رحاب 90
ابراهيم مامون88 (كيميائية)وسارة ابقرجة87 (كهرباء)
منتصر محجوب عباس87 (مدنية)وعفراء 88
حسام عربى89(معمار) وسمر بكرى مكى 89(معمار)
وائل ابوبكر الصديق88 (مدنية)وهبة حسن 90 (كهرباء)
صديق جيلانى 88 (زراعية)ومنى خميس 88 (مدنية)
علاء الدين حسنين88(مدنية)والاء عزالدين96(كهرباء)
منصور على المنصور90 وهنادى احمدون91
سعيد محمد سعيد88 (مدنية)و وصال 88
عمار عثمان مصطفى 91 واشواق عبدالله
خالد مبارك 90 و سوزان عثمان 90
ابراهيم البنا90 و نورس احمد محمود92
محمدالخاتم حمادة95(ميكانيكا)وسيزاعبدالله محى الدين98(كهرباء)
عبدالله جعفر ميرغنى96(كهرباء)و صفاء عصام البوشى98(كهرباء)
يوسف عزالدين كامل97(كهرباء)وضحى حسنين98
الصديق صديق عبدالرحمن98(ميكانيكا) لبنى الرفاعي 98(مدنية)
يللا يا جماعة شدو حيلكم عشان عايزين نكتب عن اى كوبل تاريخ الزواج والابناء وسيرة صغيرة فى البوست
00249122027690
[email protected]

Post: #1863
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 01:16 PM
Parent: #1862

Quote: يللا يا جماعة شدو حيلكم عشان عايزين نكتب عن اى كوبل تاريخ الزواج والابناء وسيرة صغيرة فى البوست

عمر الحبر
حاليا في 3 مشاريع مقترحة ومحتاجة تنسيق وعمل مشترك لإنجازها حسب التصور اللي لسة لم يتفق عليه .ز
وهي :
1- اليوبيل الفضي للدفع .. واتفقنا نبدأ بدفعة 83
2- الأزواج من الكلية .
3- مقترح ابو سمرة بخصوص دعم الكلية .

فحقو عشان ما يحصل تشتت وتضارب ، وعشات تتنفذ المشاريع دي بصورة مرضية .. لازم تتحدد أولويات وتركيز على واحد واحد .. حتى نخلص منه ثم التالي

ولا رأيكم شنو ؟

Post: #1888
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-17-2008, 12:45 PM
Parent: #1863

السلام عليكم ياناس البوست جميعا
أنا من الإضافات الزكاها عمر الحبر له التحية و التجلة
تحية الإجلال و التقدير للأخ بكري أبوبكر للثقة و له الشكر
تحيات خاصة جدا للزميل إبراهيم محمد الحسن(هومي السمتو عواطف)
والذي له الفضل لتعريفي بالبوست
تحيات لكل خريجي كلية الهندسة منذ زمن بعيد و حتى تاريخه
تحيات لكل الزميلات المختفيات عن الأنظار و بقول لهن لابد من المشاركة يا باشمهندسات
و العذر لكل ربات البيوت و أنا أولهم
و يا حبر أنا طبعاً من أنصار الإهتمام بالكلية و دعمها لأنها حقيقة تحتاج لهذا الدعم
ثم بعد تكريم كده الأزواج و الخريجين

Post: #1866
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-16-2008, 01:35 PM
Parent: #1862

حذف للتكرار ..

Post: #1864
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 01:18 PM
Parent: #1

اذا هذه لستة عمالقة الشرقى بغد الاضافات
عبدالله كهرباء
الضى 82(
نادر اليمانى83(كهرباء)
طلب82
صلاح العاقب
طلال محمد حامد83(مدنية)
حاتم السيد
عماد عوض83(مدنية)
عبدالقادر خليفة83(مدنية)
هشام السر84(كهرباء)(عتوقة)
اسماعيل 84 (ميكانيا)
محمد متوكل84 (مساحة)(احرف من لعب فى الشرقى على الاطلاق)
هشام طه84 (ميكانيكا)
مؤتمن ميرغنى 84 (كهرباء)(لعب فى الوسط بعد الضى وبعده لعب اللتل)
وليد محمد عبدالله(اللتل)85(مدنية)
بهاء الدين بخيت86(مدنية)
معاوية ميرغنى 86(مدنية)
عمر الحضرى 86 (مدنبة)
حسن زاكى الدين86
مامون ابراهيم 86 (مدنية)
هيثم مبارك (كهرباء)
ايمن(وكوكة)
محمد الطيب سليم85 (مساحة)
الجزولى محمد التجانى 87
اسامة 87 (زراعية)
مصطفى ام مغد87
معمر (معمار)
مدثر(معمار)
الصادق فيصل
عبدالمنعم شبس(دحدوح)
عصام الفذ
مرتضى حسن88 (مدنية)
مجدى عبدالرحيم92(مدنية)
يللا يا شباب ادونا تانى من العمالقة ديل
[email protected]
00249122027690
يا جماعة الخير ارجو المساعدة ويا خاتم ادينا من الاسماء الما حضرناها
وطبعا يا جماعة فى ناس لعبو لى هندسة واتزوجو كمان من هندسة فهؤلاء لهم
تحية خاصة ومنهم موتمن ميرغنى ومعاوية ميرغنى (ديل ما اخوان)
وعماد عوض

Post: #1865
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 01:28 PM
Parent: #1

Quote: عمر الحبر
حاليا في 3 مشاريع مقترحة ومحتاجة تنسيق وعمل مشترك لإنجازها حسب التصور اللي لسة لم يتفق عليه .ز
وهي :
1- اليوبيل الفضي للدفع .. واتفقنا نبدأ بدفعة 83
2- الأزواج من الكلية .
3- مقترح ابو سمرة بخصوص دعم الكلية .

وطبعا فى برضو ابطال الميدان الشرقى وانا اظن انو الحاجات دى ممكن تمشى مع بعض بس لا بد من تحديد اسماء
للمتابعة بالذات لموضوع ابوسمرة واقتراحات عماد عايد

Post: #1867
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 02:04 PM
Parent: #1

Quote: تعرف يا ابراهيم اتصل على امبارح احد عظماء الهندسة من امريكا
وهو احد الذين لم اقابله منذ زمن طويل ولكن لم انساه ابداوقد اسعدنى اتصاله
كثيرا واثلج صدرى وهو من المتابعين بشدة لبوست اليوم الحار ويحى
كل المشاركين والمتابعين للبوست بل كل خريخى الهندسة العملاقة
تحية حارة جدا فالتحية للصديق الباشمهندس حسن خضر .
وفى الحقيقة اخبرنى بان ناظم عبدالرحيم كان اسمو ابوالرقيع وانا صراحة اول
مرة اسمع الاسم وضحكت كتير جدا واخبرنى بسبب الاسم لكن انا ما حا اقولو الان
حا ادى فرصة للشباب وال بعرف له جائزة
ولك الشكر الجزيل يا ابوعلى

طالما ما فى زول عرف سبب تسمية ناظم بابوالرقبع يللا يا حسن خضر رسل لينا ايميل
بالقصة كاملة ولك الشكر الجزيل والتحية لكل المعاك من ابناء هندسة

Post: #1868
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 02:16 PM
Parent: #1

العزيز حليل:
كنت قد طلبت منك ان تقوم بحكاية قصتكم مع بنك النيلين انت والهادي الاص، على العموم وللفائدة العامة سوف أقوم بحكايتها:

تم تعيين المهندسين العظام خليل والهادي بالبنك بعد تخرجهما وبعد حوالي تلاتة شهور الاخوة المهندسين الكبار احسوا بانهم بيدخلوا قروش كتيرة للبنك و مرتباتهم غير متناسبة مع دخلهم للبنك وبما لديهم من روح طلابية مشاغبة ومتمردة قاموا اتفقوا انو يجمعوا تواقيع من مهندسي البنك عشان يطالبوا بنسبة من ارباح البنك. وفعلا عملوا لستة كبيرة ورفعوها للسيد المدير العام (عثمان السعيد). وكان تقريبا كل فترة عندهم اجتماع صباحي مع المدير العام لكل ناس البنك واجمل حاجة في الاجتماع هي المحفزات (شاي-عصير-فطور وما شابهه) وكلهم بيحضروا الاجتماعات دي عشان المحفزات. وفي يوم الاجتماع وبعد حضور الجميع وبداية التحضيرللاجتماع من محفزات وخلافه قام مدير البنك نده المهندسين خليل والهادي: انتو صحيح عملتو اللستة بتاعت التوقيعات دي، ومهندسينا قالوا ليه نعم. قام المدير قال ليهم يللا امشوا ادارة الافراد شيلو حقوقكم وخطابات فصلكم.
وحسب راوي الحكاية قال انو الفصل ما زعلهم زي ما زعلتهم الصواني الداخلة لي غرفة الاجتماعات وهم خارجين منها. ومنها الهادي الاصم حرد السودان ومشي هولندا.

Post: #1869
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-16-2008, 02:34 PM
Parent: #1

Quote: تحية حارة جدا فالتحية للصديق الباشمهندس حسن خضر .


حسن خضر رجل خلوق وانسان كريم جدا"
وعنده ميزه اساسية يده طاعمة جدا" فهو احسن من وضع حلة على النار
فله التحية والتجلة

Post: #1870
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-16-2008, 02:40 PM
Parent: #1

Quote: حاليا في 3 مشاريع مقترحة ومحتاجة تنسيق وعمل مشترك لإنجازها حسب التصور اللي لسة لم يتفق عليه .ز
وهي :
1- اليوبيل الفضي للدفع .. واتفقنا نبدأ بدفعة 83
2- الأزواج من الكلية .
3- مقترح ابو سمرة بخصوص دعم الكلية .


الاخ عمر انا شايف انو المقترح الاخير بتاع ابوسمرة والذى تم دعمه من مجموعة طيبة من الناس يعطى الاولوية
لانو هو اكثر فائدة
ومن ثم نشوف مواضيع الاحتفالات

Post: #1871
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-16-2008, 02:45 PM
Parent: #1

Quote: يا جماعة الخير ارجو المساعدة ويا خاتم ادينا من الاسماء الما حضرناها
وطبعا يا جماعة فى ناس لعبو لى هندسة واتزوجو كمان من هندسة فهؤلاء لهم
تحية خاصة ومنهم موتمن ميرغنى ومعاوية ميرغنى (ديل ما اخوان)
وعماد عوض


يا حبريز انا بحاول اجمع ليك اكبر مجموعة من شباب المنتخب:

اضيف لي الشباب:

مرضي 92
محمد العشا 90
خالد العبد 92
عمار العبد 95
سباعي 91
الزعيم 92

والبقية تاتي

Post: #1872
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-16-2008, 02:49 PM
Parent: #1

Quote: هشام مش اتحلت المشكلة؟
يلا حرك الشباب وخليهم يحصلونا ..
لكن بيني وبينك القطعة كانت كويسة معاي وأنا براي أمس ..
جابت ليها (هومي) وكده


ياهومى شايف الشغلانة فتحت معاك
بس اوع الجماعة ياخدو بالهم
لكن شكلك بتشتغل فى البورد من المكتب
عشان كدا ممكن تنوم قفا

Post: #1873
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-16-2008, 02:50 PM
Parent: #1

هذه الواقعة ولدت من رحم زنقة السمستر
اخونا عمر حسين كان قاعد فى الكافتيريا مع حمد خوجلى ومجموعة من ناس 87 فى بريك اثناء قراية السمستر.
قام اخونا عمر حسين بعد شرب كباية شاى واستمخ تمام بدا يسرح فى دنيا الخيال(عادة زنقة السمستر بتخليك عايز
تهرب من واقع الامتحانات الكريه دة) وقال لى حمد تعرف يا حمد خوجلى لو كان عندى توم كنا انا وهو نبقى زى اولاد العميد
التؤام(وائل و وليد) انا اكون اول ميكانيكا وهو يكون اول مدنية( الله) قام حمد خوجلى قال ليهو يا ودالحاكم يا
اخوى روق شوية اولاد العميد ديل بويضة واحدة انقسمت جابت العباقرة ال انت شايفم ديل وانت كلك بويضة واحدة
وماقادر تجيب ليك نتيجة زى الناس والله البويضة الجابتك دى لو لحقت انقسمت ماكنت مرقت من الابتدائى

Post: #1875
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-16-2008, 03:38 PM
Parent: #1873

Hibir for marriage list add
Esam abd alla Khamees 83 (civil
Maha Sirag 84 Elect
Ibrahim send the photos to me I will try also
[email protected]

Post: #1874
Title: Re: اليوم الحار ومابنداريوم الهندسة والمعمار
Author: Elawad
Date: 06-16-2008, 03:30 PM
Parent: #1

والله يا إبراهيم بحاول في الصور من الصباح لكن بتجيني المسج دي:
Quote: HTTP Error 404 (Not found)

لم يتم العثور على الملف

مع إني قبل كدا نزلت صور بسهولة. المشكلة الظاهر في سيرفر بكري... عامل صلعتو دي. التحية لكل شباب هندسة صفوة الصفوة.

Post: #1876
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-16-2008, 06:38 PM
Parent: #1

Quote: العزيز حليل:
كنت قد طلبت منك ان تقوم بحكاية قصتكم مع بنك النيلين انت والهادي الاص، على العموم وللفائدة العامة سوف أقوم بحكايتها:

تم تعيين المهندسين العظام خليل والهادي بالبنك بعد تخرجهما وبعد حوالي تلاتة شهور الاخوة المهندسين الكبار احسوا بانهم بيدخلوا قروش كتيرة للبنك و مرتباتهم غير متناسبة مع دخلهم للبنك وبما لديهم من روح طلابية مشاغبة ومتمردة قاموا اتفقوا انو يجمعوا تواقيع من مهندسي البنك عشان يطالبوا بنسبة من ارباح البنك. وفعلا عملوا لستة كبيرة ورفعوها للسيد المدير العام (عثمان السعيد). وكان تقريبا كل فترة عندهم اجتماع صباحي مع المدير العام لكل ناس البنك واجمل حاجة في الاجتماع هي المحفزات (شاي-عصير-فطور وما شابهه) وكلهم بيحضروا الاجتماعات دي عشان المحفزات. وفي يوم الاجتماع وبعد حضور الجميع وبداية التحضيرللاجتماع من محفزات وخلافه قام مدير البنك نده المهندسين خليل والهادي: انتو صحيح عملتو اللستة بتاعت التوقيعات دي، ومهندسينا قالوا ليه نعم. قام المدير قال ليهم يللا امشوا ادارة الافراد شيلو حقوقكم وخطابات فصلكم.
وحسب راوي الحكاية قال انو الفصل ما زعلهم زي ما زعلتهم الصواني الداخلة لي غرفة الاجتماعات وهم خارجين منها. ومنها الهادي الاصم حرد السودان ومشي هولندا.


عيب يا محمد الخاتم تختزل نضال الجماعة من اجل تثبيت الحقوق فى (شاى وعصير وفطور)

Post: #1877
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-16-2008, 08:42 PM
Parent: #1876

هندسة متعة
وون تو رهيب
وشغل كونكريت ومزبط بلفل من ايادي المساح ايريا..

وهشام سفل شكلو كده فتح
الايميلات من خارج الحدود المنبرية حكاية روتان تجنن..
وبهاء الدين
وايريا
وعيييييييك...

متابعين لحدي ما نجيكم باقين

Post: #1878
Title: Re: اليوم الحار ومابنداريوم الهندسة والمعمار
Author: hisham civil
Date: 06-16-2008, 09:53 PM
Parent: #1

Quote: حاليا في 3 مشاريع مقترحة ومحتاجة تنسيق وعمل مشترك لإنجازها حسب التصور اللي لسة لم يتفق عليه .ز
وهي :
1- اليوبيل الفضي للدفع .. واتفقنا نبدأ بدفعة 83
2- الأزواج من الكلية .
3- مقترح ابو سمرة بخصوص دعم الكلية .


يا حلوين العصر الكان بالكلية للايام الزي دي
ناس اداب وسكول ناس 4 ساعات بالاسبوع يعمولوا اولويات
رجال الجماعة يعملوا الكل بوقت واحد
مثلا كيكي السمتو رباح يمسك واحدة
وهومي السمتو عواطف اخري
ورجب حوش صاحبك عني التالته وهكذا

ولا الناس كبرت خلاص

Post: #1879
Title: Re: اليوم الحار ومابنداريوم الهندسة والمعمار
Author: smart_ana2001
Date: 06-17-2008, 00:12 AM
Parent: #1878



مبالغه ....شكلى خرفت
لكن انا بعرف اغلب الناس اللى فى الصوره دى....بس الاسماء راحت لى.....دى الاسماء الى قدرت اتزكرها
وقوفا...
التانى من اليمين:عبد القادر على :94 تعدين
الثالث من اليمين:محمد مرغنى 'او احد اصحابه" :95 ميكانيكا
الزول اللى لابس فنله نمره 5 :اظنه 90 مساحه: كان تيوترنا فى معسكر المساحه
الاول من الشمال: هشام هنتى :92 مدنيه
الخامس من الشمال: احمد عبد الغفار نميرى " احمد عجوز":92 ميكانيكا

Post: #1880
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 06:42 AM
Parent: #1879

والله يا شباب الصور حيرتني
ياخي انا وزعتها على الأخوان في مختلف الأماكن .. بس المشكلة ما زالت ..
كنت عاوز انزلها في شكل متسلسل (قطر حلفا - أسوان - القاهرة - اسكندرية) ..
بس دي واحدة نزلت :

الشباب يلتهمون العنب والتفاح (طبعا الزمن داك كانت الحاجات دي نادرة في السودان)
- هشام علي
- الأمين
- نجيب كمال
- إبراهيم
- محمد البلال
- نزار جعفر (مختفي)
- ياسر حامد

Post: #1881
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-17-2008, 06:58 AM
Parent: #1

Quote: يا حلوين العصر الكان بالكلية للايام الزي دي
ناس اداب وسكول ناس 4 ساعات بالاسبوع يعمولوا اولويات
رجال الجماعة يعملوا الكل بوقت واحد
مثلا كيكي السمتو رباح يمسك واحدة
وهومي السمتو عواطف اخري
ورجب حوش صاحبك عني التالته وهكذا

ولا الناس كبرت خلاص


الناس كبرت دى مافيها غلاط
انت عارف يا هشام يلاقيك واحد شنبو بدا يشيب وسايقليه شفع معاهو يقوليك انا خريج هندسة تعدين جامعة الخرطوم
تقوم انت بكل سذاجة تقوليه قصدك قريت كورس الميترولوجى ومع التعريب بقى هندسة تعدين
يعاينليك باستغراب ويظن انك من عهد كلية غردون

Post: #1882
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 07:18 AM
Parent: #1881

Quote: ولا الناس كبرت خلاص

الناس كبرت أي نعم ..
بس صراحة .. البوست ده خلانا رجعنا 20 سنة للوراء .. وعايشين بروح تلك الأيام الجميلة ..
الواحد عايش لحظات الكافتريا وليمون هنسة (البيهاجر ليه جكس آداب) وفي نفسو مآرب أخرى
عايشين بوش السوق الشعبي ..
أسبوع المهندس
دوري الكليات
ياخي حتى إمتحان ال drawing التاريخي الواحد شاعر بحنين ليه (حنين بالحا؟)

فعشان كده لو استغلينا الروح العايشين بيها دي .. بننجز الكتير ..
خصوصا ورانا خبرات تاريخية ذي ناس الحبر

Post: #1883
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 07:20 AM
Parent: #1882

Quote: يا شباب، شرفونا انشاء الله يوم الاتنين الساعه ٨ مساءا بدار المهندس لمحاضرتي عن التحكم المروري و طرق النقل الذكيه ، و الدعوه عامه

حصل شنو ؟
الناس إنشاء الله مشو المحاضرة

Post: #1884
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 11:19 AM
Parent: #1883

ايميل من عماد عائد




Garoud, I am sorry that I am using your account to publish those emails, I really appreciate that.



Al hibir, thank you very much for your warm email and I am just trying to move this initiative ahead and make the best out of it. Also, thanks to Ibrahim M. Alhassan for his offer, and this is the real heart of the initiative. We should start by having people nominating themselves. The point of contact in Khartoum is really important, thru which all communications/coordination will be done. Definitely we need people who have connections in the country and wide network.



1. X Khartoum

2. Ibrahim M. Al Hassan KSA (please provide your contact details)

3. Khaleel Qatar

4. Etc.



I recommend that we have regular update on weekly/biweekly basis specially on Khartoum communication, coordination, etc. with different universities. The other major obstacle will be the financial part. Here in Qatar, there is engineering society that could contribute to this, never the less, individuals could contribute by direct donation. We can approach Sudan Airways and if there are some U of K graduates that could facilitate the shipment and communication with Sudan air will be excellent. Also, getting exemptions from customs and the like is another milestone because, as far as I know, bringing books to the country must go thru some government agency for screening and authorization. This agency, usually takes a century to approve and screen any shipment. If we can get any sort of clearance/exemption to by pass this agency will really be helpful.



I know the new academic year will start very soon, if not started, and what we could do is to start the process and ship whatever we could gather and learn our own lessons about issues and bottleneck. The process must continue as much as we can.



To start with, let us ask everyone to ship/send the books, magazines, papers, etc. to the country point of contact, say by end of July 2008. Make the plan to ship all shipments to Khartoum by end of August 2008, even if it is only one shipment. The above could be revised based on everyone’s comments.



Regards to all.



BR,

Imad


Post: #1885
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 11:23 AM
Parent: #1884

يا كيكي نحن هسع نحتفل مع

ناس 85 وللا 86 وللا 87

Post: #1886
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-17-2008, 12:03 PM
Parent: #1885

Hi
I think there is a problem in photo download server
I tried many times but the error message appears

Post: #1887
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 12:14 PM
Parent: #1886

ابوبكر عثمان

مالك ما مشيت ماليزيا مع طارق احمد خالد

Post: #1889
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 12:46 PM
Parent: #1887

Quote: يا كيكي نحن هسع نحتفل مع
ناس 85 وللا 86 وللا 87

دي ذي الكاشف أخوي بتاعت إيريا ..
طيب يا خالد حبة نحن هسع نحتفل مع ناس 86 ولا 87
في ناس كتاار حيكون عندهم نفس التساؤل ..
أعتقد ممكن في الحالة دي الواحد يخير في إختيار الدفعة .. ولا أقول ليك يا خلي رأيك شنو تحتفل مع الثلاثة دفع

Post: #1890
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-17-2008, 01:05 PM
Parent: #1889

سلامات يا إبراهيم
أعتقد الاحتفال يكون بسنة التخرج و ليست سنة الدخول
دي بتخليك إنت و حبة معانا في دفعة 87 يعني خريجين 92 صغار و الله
و دي ذاتها بتخبي جواها حاجات ما مفروض تظهر
يعني قعدت كم سنة في الكلية؟ ربتّ و ألا اتفصلت و رجعت؟ أفتكر دي أسرار
المهم هنا اتخارجت متين من الكلية
و بالمناسبة دي أنا بسأل عن أخونا إبراهيم دقل (المساح)
ويخيل لي كان من المخضرمين في الكلية

Post: #1892
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 01:14 PM
Parent: #1890

Quote: سلامات يا إبراهيم
أعتقد الاحتفال يكون بسنة التخرج و ليست سنة الدخول

كدي يا خليل جاءك من سبأ الخبر اليقين ..
واتحسمت مسألة الدفعة التحتفل معاها ..

Post: #1891
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 01:09 PM
Parent: #1889

Quote: السلام عليكم ياناس البوست جميعا
أنا من الإضافات الزكاها عمر الحبر له التحية و التجلة
تحية الإجلال و التقدير للأخ بكري أبوبكر للثقة و له الشكر
تحيات خاصة جدا للزميل إبراهيم محمد الحسن(هومي السمتو عواطف)
والذي له الفضل لتعريفي بالبوست
تحيات لكل خريجي كلية الهندسة منذ زمن بعيد و حتى تاريخه
تحيات لكل الزميلات المختفيات عن الأنظار و بقول لهن لابد من المشاركة يا باشمهندسات
و العذر لكل ربات البيوت و أنا أولهم
و يا حبر أنا طبعاً من أنصار الإهتمام بالكلية و دعمها لأنها حقيقة تحتاج لهذا الدعم
ثم بعد تكريم كده الأزواج و الخريجين

ألف مرحب ب My Pair ، الدكتورة تهاني عبد الله ..
ياخي كان تقولي عوق قبل المداخلة عشان نعمل ليك مقدمة وترحيب ..
عموما نحن فيها .. والبوست نور وتشرف بمقدمك وأكيد حا تكوني إضافة ثرة لنا ..
وعقبال المزيد من الأخوات الباشمهندسات ..
يلا يا شباب .. حيوا الدكتورة ..

Post: #1893
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-17-2008, 01:18 PM
Parent: #1887

بعد إيميل الأخ عماد عائد وكلام الدكتورة تهاني .. بكدة أعتقد يا حبر .. انه الأولوية حا تكون لموضوع دعم الكلية ..
وناس الداخل لازم يجتمعوا وينسقوا لزيارة الكلية للوقوف على وضعها وإحتياجات كل قسم ..
ومن ثم التنسيق مع بقية الناس لبدأ العمل الفعلي ..

Post: #1894
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-17-2008, 01:40 PM
Parent: #1

ودي صورة.
والله يا ابراهيم انا حاولت تاني احمل الصور بتاعتك لكن شكلو المشكلة ما في سيرفر بكري شكلو المشكلة في الصور زاتا لكن حا احاول اشتغل فيها وارسلها ليك تاني.
يا الحبر: بالله ضيف لناس المنتخب: شريف الفاتح 92، سيف ابرة 92



















Post: #1895
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-17-2008, 01:44 PM
Parent: #1

ودي صورة.















Post: #1896
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:07 PM
Parent: #1

اولا وقبل ما ارد على المداخلات الرائعة للاخوان برحب ترحيب حار بالدكتورة
تهانى عبدالله والتى بدون شك ستسهم اسهامات كبيرة فى تطوير البوست وهى
حتما حا تفيدنا كتير لانها هى الوحيدة من ناس البوست ال لحدى الان فى الكلبة
الحبيبة .
وبرضو يا جماعة تحوطا واحترازا حقو نجيب لينا طوبة من size A One نختها
معانا فى البوست لانو تهانى هى السيدة الوحيدة من هندسة فى البوست بعد
ما رباح (كبت الزوغة).
اهلا ومرحبا بتهانى

Post: #1897
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:26 PM
Parent: #1

امبارح فى دار المهندس اخدنا جرعة بتاعة علم قوية جدا من الدكتور منتصر محجوب عباس
ابن الهندسة البار وابن البوست ايضا فى المحاضرة الرائعة عن التحكم المرورى وطرق النقل
الذكية وحقيقة المحاضرة كان فيها كم هائل من المعلومات العلمية وتقنية عالية جدا للتحكم فى
المرور لو وجدت هذه المحاضرة الاعتبار من اصحاب القرار فى البلد وبداوا فى الاستفادة منها
ستجعل السودان من الدول المتقدمة فى هذا المجال وهنيئا للسودان ان يكون منتصر من ابنائه.
وهناك ايضا تنسيق مع الدار الاستشارية ووزارة التخطيط العمرانى للاستفادة من دراسات ومعرفة
الدكتور منتصر فى هذا المجال الذى يعد فيه السودان من الدول المتخلفة.
فالتحية لهذا الرجل والتهنئة للسودانيين بعودته اليهم

Post: #1898
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:32 PM
Parent: #1

Quote: ونواصل

قبل ما ادخل الجامعه بسنه تقريبا جيت يوم المساء ازور اصحابي مشيت لاول مرة معاهم الميدان الشرقي, الميدان ده يا رجب كان بليله وفايره في شنو ياشباب قالوا هندسه لاعبه مع شمبات وقفنا جنب الكورنر القريب من لابات علوم كوره كانت نار و تشجيع اول مره اشاهد او اسمع زييو ماكنت بعرف ايي واحد من اللاعبين لكن لاعب واحد لفت انتباهي من هندسه وكان بيعمل في شغل عجيب في الميدان يتحرك في الملعب شمال يمين زى ما داير وبتحمل الضرب بتاع الشمباته , كمايفعل ماردونا , كان مجهودو سبب اساسى في فوز الهندسه باكثر من ثلاثه اهداف, لاحقا عرفت انو اللاعب ده هو الاخ الخلوق وصاحب النكته الحاضره, العملاق هشام طه الذي سعدنا كثيرا بى اللعب الى جانبه. له مني كل التحايا والود اين ماحل

بهاء الدين
راجعين

دة من دخلات بهاء الرائعة لك التحية وانت تصبح من العمالقة الذين لا ينسو ابدا
زهشام طه دة ما ولدنا84 له التحية

Post: #1899
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:35 PM
Parent: #1

Quote: طبعا هسع استحضرتنى حاجه خاصه باخونا ابو سمره _ الحكم ظلم الهندسه مع اسكول والتاج الراكوبه وقررنا ضرب الحكم ( حندقك يا حكم ) فرفض ابوسمره وقال ياجماعه عيب خليكم ناس كبار ووقف بينا وبين الحكم وهو يقول : هسع الحكم ده مالو ماحلاتو مافى زول يضربو وفى نفس اللحظه كان يضرب فيهو ويردد ويكرر مافى زول يضربوا الحكم ده مالو ماحلاتو واحسن حكم مره على الشرقى ويضرب فيهو بيد ويتحدث معانا بيد اخرى وهكذا



وانا رهن اشارة ابو سمرة فى اى تطوير لكلية الهندسه


دة ايميل من رجل الشغب والوست طارق الكوتش له التحية وهو من عمالقة الزمن داك

Post: #1900
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 05:41 PM
Parent: #1899

هلا دكتورة تهاني

ابراهيم دقل

مهندس كبير في هجليج

Post: #1901
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:42 PM
Parent: #1

Quote: عليك الله قول لناس البوست مايقطوعوا ويواصلوا ويتحفونا بالدرر واى زول عارف اخبار اى زول يكتبها لينا وياريت صوره حديثة للناس عشان لما نلاقيهم نعرفهم مباشره رغم انهم محفورين فى الدواخل وذكراهم الحلوه هى المصبرانا على قساوة الدنيا وده ممكن يكون مقترح رابع

دى رسالة برضو من طارق الكوتش وهو من المدمنين للبوست وانشاء الله ادمانا ما مرقت منو

Post: #1902
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 05:52 PM
Parent: #1

[

Post: #1903
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 06:09 PM
Parent: #1


Post: #1904
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 06:17 PM
Parent: #1

Quote: كدي يا خليل جاءك من سبأ الخبر اليقين ..
واتحسمت مسألة الدفعة التحتفل معاها ..

انا بختلف مع الراى دة والعبرة فى تاريخ انتماءك لهذه المؤسسة العريقة
والدليل انو نحن حانحتفل باليوبيل الفضى لى دفعة 83 ولو العبرة فى التخريج
كنا نحتفل ب 78 لانها هى الدفعة ال اتخرجت 83

Post: #1905
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 06:21 PM
Parent: #1904

معك قلبا وقالبا

يا حبر خمسة وتمانين نحن

وناس حجازي تلاتة وتمانين

Post: #1906
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 06:26 PM
Parent: #1

Quote: الاخ عمر انا شايف انو المقترح الاخير بتاع ابوسمرة والذى تم دعمه من مجموعة طيبة من الناس يعطى الاولوية
لانو هو اكثر فائدة
ومن ثم نشوف مواضيع الاحتفالات

انا برشح ابوسمرة وهشام مجذوب يبداوا فى الموضوع ونحن مساعدين لهم وعلى الفور

Post: #1907
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 06:28 PM
Parent: #1

Quote: معك قلبا وقالبا

يا حبر خمسة وتمانين نحن

وناس حجازي تلاتة وتمانين

احييك يا خلى وفى انتظارك يا كيكى

Post: #1908
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 06:32 PM
Parent: #1907

طبعا يا حبر

ايريا عندو عقدو عشان ربت في سنة اولي الساهلة

ونحن معلمين ربتنا في تانية المقبرة


طبعا ايريا كان بجي اشوف النتيجة في العلوم بالميدان الشرقي واتلب وامشي اركويت

Post: #1909
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 06:51 PM
Parent: #1

Quote: مقترح خامس من طارق الكوتش بانزال السيره الذاتيه للمهندسين الباحثين عن عمل مع تحديد البلد التى يريد العمل بها وده بيقود لمزيد من الترابط

هذا اقتراح من الباشمهندس طارق احمد عبدالحفيظ87(الكوتش) وهو يحى كل الاخوان بالبوست
ويا ريت تدونا رايكم فى القتراح

Post: #1910
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 06:53 PM
Parent: #1909

انا عائز اشتغل في البترول في السودان

وعائز خمسة الف دولار راتب

بقدر عليها الكوتش دها

Post: #1911
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 07:00 PM
Parent: #1

Quote: قول للقرود كفايه عليك الشغل لحدى كده وشوف نفسك شويه

طارق الكوتش معاى فى الماسنجر ورسل الرسالة دى لابو القوق
ارجو ان ترد يا خليل

Post: #1912
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 07:06 PM
Parent: #1911

Quote: طارق الكوتش معاى فى الماسنجر ورسل الرسالة دى لابو القوق
ارجو ان ترد يا خليل


الكوتش

مشتاقين يا زول خلاص مضي قطار العمر يا ولدي

والرحلة بدات تقصر وصلنا عمر النبوة

وخوفي من مشية الاردن واخصائي المجاري

Post: #1913
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 07:15 PM
Parent: #1

قبل يومين فى ونسة فى شركة الوتين للاستثمار والمقاولات(مرتضى حسن88 وعمار ابشوك88 وهشام مجذوب88)
واحد قال لى ما تحتفلو بالناس الشطار قلت ليهو ما فى مانع لكن بشرط اى واحد شاطر يجيب اربعة R.L
(recommendation letters) من اربعة اشخاص من المربتين ومعتادى الملاحق وكبار ال externals على ان
يتضمن ال R.L فقرة صريحة مكتوبة بلغة واضحة والفاظ قطعية الدلالةتدل على ان الشخص ال muzakka قد سمح
للشخص ال muzakki بالترس منه وبروح رياضية عالية ونفس طيبة اى انه لم يصر وشو او يقول اوففففف
او يبدر منه اى تعبير يدل على عدم الرضاء ويمكن ان يتضمن خطاب التزكية ايضاالاشارة الى حالات سمح
فيهاال muzkka بالترس لاشخاص غير ال muzakki بشرط ان يكون ال muzakki قد رءاها بام عينيه او
سمعها من احد فطاحلة الترس ولا يجوز التزكية فى حالة الترس بغير علم المترس منه (بعض اخوانا
المترسين اعوذ بالله منهم الواحد عينو تلقط ال equation من بعد 8 امتار . برة القاعة لو جا ماشى
جنبو هشام توفيق يقول ما شفتو واول ما يدخل القاعة يبقى زرقاء اليمامة)
فهذه الحالة لا يجوز فيها التزكية كما لا يجوز تزكية الاشخاص الذين سبق لهم ان ردو بهذه العبارات
عندماطلب منهم زملاءهمالسماح لهم بالترس
والله انا عندى مبدا فى ال حتة دى,لكن دة ما بجوز,والله انا خايف يلقو شغلنا زى بعض ادونا zero ,
الموضوع دة ساهل لو اجتهد شوية براك بتشتغلو,والله ورقتى ال شالها منو ما عارف.

Post: #1914
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-17-2008, 07:40 PM
Parent: #1

Quote: هندسة رجالة

عليك الله تحيه لكل عشاق البوست وخصوصا القرود - كيكى _ الرايع ابراهيم محمد الحسن _ والاروع محمد الخاتم والجميل ابوسمره وتهانى و هشام مجذوب و ايريا الكده و و و والله مشتاق يابوا القوق

هذه مواصلة من العملاق الكوتش له التحية وسؤالك عن اليسع والله انا طولت ما عندى اخبار عنو
لكن لو فى زول عارف ال ادينا اخبارو

Post: #1915
Title: Re: اليوم الحار ومابنداريوم الهندسة والمعمار
Author: khaleel
Date: 06-17-2008, 07:43 PM
Parent: #1914

الخير ادم شائفو بقي من نجوم المجتمع وما فاضي للبوستات

والقصص دي

Post: #1916
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-17-2008, 08:15 PM
Parent: #1915

هلا وحباب الهندسة
ونرحب بالدكتورة تهاني وحبابها الف..
ونجي لموضوع الدفع والاحتفالات باليوبيل
وطبعا احنا الكواشف ديل قصتنا بتكون دايرة ليها لجنة خاصة
فالقلب يشتهي التواجد مع كل الدفع التي قرينا معاها فكلهم فيهم حاجة كده بتجنن..
ولكن دوما هنالك الدفعة الخشيت معاها الجامعة دي البتكون في شي جواك كده بنقرش تجاهها..
اندهشتم سويا للجامعة
واكتشفتم كراكيرها سوي وبتكون عندك فيهم اصدقاء كده ما بفاتوا كلو كلو..
لذا يا خلي احنا85....
وايضا يمكننا الحضور الي باقي الدفع الثانية كمخضرمين مثل (جيتا الاولي)
فهم ما بفاتوا ياخي الناس ديل كلهم...


عمر الحبر نسال عن طارق السنوسي ؟؟
وقصي
ومنير
اين هؤلا الان فلهم منا الشوق الكثيف..


ويا ايريا متعة الحكي عندك وصرعتنا يارجل صرعتنا
يامحمد تيب سليم او كما قال د.حسن فاشر ذات يوم

Post: #1917
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-17-2008, 08:25 PM
Parent: #1916

نحي الجميل طارق الكوتش
ونسائل عن بشري
وغازي
هشام
وحباب سيرة ابراهيم دقل شايف الاخت تهاني طرتو يطراهو الخير ياخي المساح الجميل ده...
مرة قبض عليه متلبسا باكل ايسكريم في كافتيريا هندسة وهو برفقة حنكوشة
ولبدوا ليهو الجماعة
كل معلقة تذهب الي فم دقل كان هنالك صوت وتصفيق حااررر
كرهنا ليك دقل ده الايسكريم ذاااتو (حليلك يا القضارف)..

ايضا من المخضرمين الكبار
كبر
واسكلاتشي
والمنظراتي التاريخي ابو الدرداء..

وين الناس ديل يا خليل والحبر ياخي

Post: #1918
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-17-2008, 08:34 PM
Parent: #1917

Quote: قبل الفيض تحية للجميع.. ونرحب بطارق الكوتش لاعباً ماهراً في بوست اليوم الحار.. وياريت تساعدنا بالألفاظ


ياجماعة معليش انا فايتني ضحك كثير وكثير جدا في البوست ده
وياايريا ياخي الزول ده قال شنو حسع..


مرة كنا لكشر بتاع دكتور عكودوطبعا دي( يا ايريا ح احكيها استباقيا لاني شايفك بديت تدق في صفائح)
وعكود قبل علي السبورة وانا كنت في المقاعد الوراء وقلنا دي فرصة يا ود تندكل ليك سفة
تساعد علي امتصاص الفلويد شنو كده ماعارفو داك..
المهم وانا بخت في السفة ده (وعند الضربة) عكود .كرف اتقلب وعلي التعر لي قام عاين في محلي القاعد فيهو انا وساعتها الشفة علي مرمي حجر من الشلاليف الغليظة..
والمهم قفلت السفة بحركة يدية وعكود قام قال لي ..ده سفة ولا شنو يازول؟؟
قلت ليهو لا يادكتور بس عندي الم في الشفة دي..!!
لحدي هنا الموضوع عادي..
وما ان انتهي اللكشر حتي سرت اشاعة بقيادة المرجف غازي تفيد بانني قلت لعكود
لا يادكتور انا قاعد اكفكف في الشلوفة دي..
وياايريا عشان ما تحكي بفيرشن تاني دي القصة يا ابراهيم

Post: #1919
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-17-2008, 08:42 PM
Parent: #1918

Quote: مبالغه ....شكلى خرفت

هلا يا اسمارت انا 2001
او اسمارت انا وانتي كما تقول الرائعة نجوان

مادام انتي خرفتي خيلانك ناس الحبر وخليل وكريم ديل يقولوا شنو
ولا عمك محمد الطيب بتاع الايميلات الطاعمة ديل يقولوا شنو
حضورك ضروروي يا باشمهندشة عشان نشوف جيلكم ده كان بسوي شنو في الكلية دي

Post: #1920
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-17-2008, 10:00 PM
Parent: #1

Quote: وحباب سيرة ابراهيم دقل شايف الاخت تهاني طرتو يطراهو الخير ياخي المساح الجميل ده...
مرة قبض عليه متلبسا باكل ايسكريم في كافتيريا هندسة وهو برفقة حنكوشة
ولبدوا ليهو الجماعة
كل معلقة تذهب الي فم دقل كان هنالك صوت وتصفيق حااررر
كرهنا ليك دقل ده الايسكريم ذاااتو (حليلك يا القضارف)..


يا كيكى السمتو بت المهدى (دى طريقة دسمة للتعريف بالشخص)
اكمالا" للقصة التقينا بدقل بعد الحادثة دى وسالناهو لى الناس كانت بتضحك
قال هو اكتشف انو الايسكريم مفروض يلحسو وهو كان بقرمو
وجزم لينا بانو دا السبب الاساسى بتاع ضحك الناس فيه

Post: #1922
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-17-2008, 10:22 PM
Parent: #1920

هلا يا باشمهندس
ومرحب بيك اولا في هذا المكان سودانيز اولاين
وفي هذا البوست الذي اعادنا الي الزمن الجميل وسيرة الناس الرائعين
ودقل اخ جميل ومساح اسطوري له الشوق الكثيف
وقد زرته في سنين خلت عقب زواجه ووجدته رائعا والان اعتقد بانه يستطيع التعامل مع الايس كريم
بكل سهولة يسر فالطب والمساحة اتطورت شديد
ومرحب بيك تاني واخوك كان غائب شوية كده وجينا هبشنا في المنبر( شوية دشمان كده بعيد عنك)
واهو جيتا لهندستنا ويومها الحار الما بندار
ومعاكم حجل بالرجل يا هشام وحبابك

Post: #1921
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-17-2008, 10:05 PM
Parent: #1

Quote: انا بختلف مع الراى دة والعبرة فى تاريخ انتماءك لهذه المؤسسة العريقة
والدليل انو نحن حانحتفل باليوبيل الفضى لى دفعة 83 ولو العبرة فى التخريج
كنا نحتفل ب 78 لانها هى الدفعة ال اتخرجت 83


الاخ ود الكباشى
نسبة لرغبتنا فى انك تنضم لاحتفال دفعة 88
فانا باقترح انو الواحد يكون مشترك فى الاحتفال مع كل دفعاته
يعنى عندك 5 سنوات من الاحتفالات

Post: #1923
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 06-18-2008, 05:33 AM
Parent: #1921

أعزائي لكم الود و الشوق و أجمل الأمنيات
الشكر لأخ بكري الذي نكت العزيز عمر الحبر
من وين ما عارف و عمر ما قصر نكت البوست الذي
كانت اخر مشاركاتي به عام 2006 صفحة رقم 3
قبل يومين زارني المهندس د. عبد القادر مدنية و زوجته
هيفاء معمار و قضينا و قت ممتع في تصفح هذا البوست
و اجترار الذكريات. و بالناسبة انا في مدينة كالقري
مقاطعة البرتا غرب كندا و قبل فترة زارتني الاخت زينب مدنية
و هي تقيم في مدينة ادمنتون التي تبعد حوالي 300 كلم من
مدينتنا. و سوف اسجل لها زيارة قريباً ان شاء الله
غازي تحدثت معه قبل فترة و هو في امريكا (ميريلاند )
و ح أحاول أنكت ليكم زينب و غازي زي ما بكري نكت عمر و عمر نكت
البوست لو علموني طريقة النكت.
امتحان الرسم الهندسي ح يجعل مسألة نكت زينب صعبة لكن ح أحاول
لكم الود

Post: #1924
Title: Re: اليوم الحار ومابنداريوم الهندسة والمعمار
Author: Elawad
Date: 06-18-2008, 05:51 AM
Parent: #1

Quote: الاخت زينب مدنية و هي تقيم في مدينة ادمنتون

الأخ الصاوي
تحياتي... من إشارتك لامتحان الرسم الهندسي أظنك تقصد الأخت زينب سليمان دفعة 86. بالله بلغها تحاياي و قول ليها بيرك في سنة البرلم بسلم عليك. أنا جاركم في ساسكاتشوان... و يا حيذا لو اتكرمت و رسلت لي رقم تلفونها في الماسنجر.

Post: #1925
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 06:11 AM
Parent: #1924

أولا وقبل المداخلة .. أرحب بالأخ حامد الصاوي
وبركة الجيت وظهرت تاني ..

كذلك تحية للأخ ياسر (العوض) اللي إختفى كم يوم كده .. بس نكتتو سيرة زينب سليمان (بيرتو) ..
Quote: من إشارتك لامتحان الرسم الهندسي أظنك تقصد الأخت زينب سليمان دفعة 86

يا الله
زينب الشجاعة
طبعا ده كان لقب الأخت زينب .. لها ألف تحية وسلام .. ونتمنى يا حامد تقدر تنكتها وتضمها للبوست ..
انت بس دردقها وجيب موافقة مبدئية منها .. والحبر ونحن من وراه .. تاني يوم تلقاها عضوة فعالة ..

كذلك التحية للأخ عبد القادر وزوجته .. قول ليهم جهزوا شعوركم عشان الشقة ..
وكمان ألف سلام للأخ غازي ..
______________
تخريمة: زينب الشجاعة على وزن مريم الشجاعة بتاعة كتاب المطالعة
دي ناس مرحلة الأساس ما بيعرفوها أكيد

Post: #1926
Title: Re: اليوم الحار ومابنداريوم الهندسة والمعمار
Author: Hamid Elsawi
Date: 06-18-2008, 06:14 AM
Parent: #1924

الأخ العوض
بالله انت قريب كده
بالفعل هي زينب سليمان
تلفونها ح يصلك
أرجو مراسلتي علي
[email protected]
مش انت و بس , بل كل
الاخوة و الاخوات , و الرفقاء و الرفيقات
والزميلات و الزملاء عشان نرضي كل ألوان الطيف
السياسي

Post: #1927
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 06:23 AM
Parent: #1926

تحايا خاصة للأخ طارق الكوتش ..
ويلا واصل مداخلاتك وذكرياتك .. عقبال ما نشوف إسمك وانت عضو فعال بالمنبر..
ووين ناس عز الدين عبيد .. ومحجوب وسامي عبد الكريم ووووو ...

Post: #1928
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 06:32 AM
Parent: #1927

حذف لأسباب خاصة ..

Post: #1929
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 06:55 AM
Parent: #1928

في حصر أولي للمهندسين/المهندسات المقيمين بالمملكة وجدت :
في جـدة :
- وحيد الكاشف - كهرباء 83
- أحمد التجاني - ميكانيكا 85
- طارق عبد الله - كهرباء 85
- إبراهيم محمد الحسن - كهرباء 86/87 (حتى تحسم مسألة التسجيلات)
- بدر الدين أحمد الفكي - كهرباء 86
- عبد الرحيم عمر - كهرباء 86/87
- حمد خوجلي - ميكانيكا 87
في مكة :
- عفاف عثمان حسين - كهرباء
في ينبع:
- صديق عبد الرحمن (أبو اللكس) - كهرباء 85
- عبد الرحيم محمد الحسن - مدنية 82
- بلة الأمين محمد - مدنية 83
في الرياض:
- الصادق أحمد الخضر - كهرباء 86
- محمد حسن قيلي - كيميائية 86
- خالد أورتشي - كيميائية 86
- محمد أبكم - كهرباء 87
- عمر الفكي - زراعية 87
- حسين محمد صديق - كهرباء 88
- زهير آدم - ميكانيكا 88
- سيد أحمد السيد - كهرباء 88
- أبو بكر حسن - كهرباء 88
- ونيس - كيميائية 88
في الجوف:
- عمر حسين - ميكانيكا 87

ده حصر أولي .. وسيتم إضافة اي تعديلات ترد إلينا ..

_______________________________
تخريمة : نسبة الكهربجية 55% .. ياخي ناس كهرباء ديل دائما في المقدمة

Post: #1930
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 08:03 AM
Parent: #1929

يا شباااااااااااااااااااااااااااااااااااب
حصلوا
تعالوا سرييييييييييييييييييييييييييع
وخصوصا خليل وكيكي وعمر حسين وإيريا وزينب سليمان
ياخي شكلي حا أقول كل الناس ..
تعرفو كنت بأتكلم مع منو هسع ؟
ما حا اقول
خمنوا ....

Post: #1931
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 08:36 AM
Parent: #1930

لو قلت ..
خليل مش حا يغيب من البوست كم يوم بس ..
ده حا يكتب تنازل عدييل كده من حقوق الملكية ..
لا والعجب إيريا ..

Post: #1932
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 09:01 AM
Parent: #1931

والله كنت عاوز أقول ..
بس الزعيم الحبر قال لي لا ..
لغاية ما يدخل بعد شوية ويقرأ المداخلات ..
في إنتظارك يا حبر ..

Post: #1933
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 10:27 AM
Parent: #1932


Post: #1934
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 11:34 AM
Parent: #1933

يا شباب معليش والله
عارفكم حبيتوني شدييد
بس أنا منتظر عمر الحبر ...
الذي كان تأخيره لــــــ :

خبر عااااااجل
في محادثة هاتفية مع الأخ الحبر للإطمئنان على اسباب تأخيره .. عرفت إنه تعرض لحادث حركة بسيييييييييييييييييط
الحمد لله .. جات بسيطة في العربية .. بس الإجراءات أخرته ..
هو الآن في طريقه لليوم الحار ..

Post: #1935
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 11:39 AM
Parent: #1934

كفارة يا عمر الحبر

سوق براحة تاني

الصاوي من ديك وعيك

سلامات الست زينب محمد سليمان

Post: #1936
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 11:43 AM
Parent: #1935

خليل
بركة الجيت
انا من الصباح منتظر زول يجي ويعلق على كلامي ده .. خصوصا انت
Quote: يا شباااااااااااااااااااااااااااااااااااب
حصلوا
تعالوا سرييييييييييييييييييييييييييع
وخصوصا خليل وكيكي وعمر حسين وإيريا وزينب سليمان
ياخي شكلي حا أقول كل الناس ..
تعرفو كنت بأتكلم مع منو هسع ؟
ما حا اقول
خمنوا ....

تقوم تطنشني كده ؟

Post: #1940
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 12:14 PM
Parent: #1936

Quote: تقوم تطنشني كده


يا ابراهيم

ممكن اقول كمال الشيخ

Post: #1937
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 12:07 PM
Parent: #1

يا جماعة قبل اى تعليق انا سعيد جدا بعودة المخضرم حامد الصاوى ولك وحشة والله يا حامد
وبركة الجيت , يا اخى انت من المطلوبين من زمان وعملية غيابك دى (تفل ما اعملها)
عودا حميدا يا الصاوى وارجو ان لا تنقطع مرة اخرى والتحية لكل المعاك وانا حا اكون
معاك بالايميل.
ويا ابراهيم شوقتنا يللا فك القنبلة

Post: #1939
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 12:13 PM
Parent: #1937

الحبر
أولا حمدا لله على السلامة online
ثانيا :
القنبلة إني لميت ليكم في :

أأي ..
دكتور التـــــــــــــــــــــــاج شخصيا ..
حصلت على تلفونه من الأخ محمد قيلي .. وهو يعمل معهم بجامعة الملك سعود بالرياض ..
اتصلت عليه ..
وأديتو فكرة عن البوست ..
أول سؤال قال لي : أوعى تكونوا جبتو سيرتي؟
قلت ليه بصراحة ناس خليل وإيريا ما عندهم سيرة غيرك وإمتحان ال drawing
ضحك شديد .. ووعد بالدخول والمتابعة
وكمان عشان المشاركة في مشروع دعم الكلية

Post: #1938
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 12:12 PM
Parent: #1

Quote: عمر الحبر نسال عن طارق السنوسي ؟؟
وقصي
ومنير
اين هؤلا الان فلهم منا الشوق الكثيف

عودا حميدا يا كيكى , طارق سنوسى طولت ما لاقيتو وسمعت انو باع المساحة وبقى ببيع
كوكا كولا فى كسلا ومنير عوض قبلتو اخر مرة قبل سنتين و هو موجود فى الخلرطوم
قصى مختار فى الخرطوم ونسوانو 2 او 3 وخلا الميكانيكا وشغال مقاولات(بالله شوف هملة
المقاولات)

Post: #1941
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 12:22 PM
Parent: #1938

Quote: يا ابراهيم
ممكن اقول كمال الشيخ


خليل ياخي بالغت ..
وكمال الشيخ بيخليك تتنازل عن حقوق الملكية للبوست؟

انا غايتو اتكلمت مع دكتور التاج ..
وهو اليوم موجود في جدة .. بس مشغول شوية .. وعد يزورني في البيت المرة الجاية
والراجل بقى صاحبي خلاص ..
انت وإيريا وناس ال drawing غايتو بطريقتكم

Post: #1943
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 12:25 PM
Parent: #1941

Quote: انا غايتو اتكلمت مع دكتور التاج


ابراهيم

مرة في اسبوع المهندس لعبنا كورة ضد الاستاذة في الميدان الغربي

وانا قمت رميت دكتور التاج

عمر حسين الف قصة وقال

دكتور التاج واقع في الواطة قال لي خليل ( اسمع سنة خامسة برضو فيها دروينق)

Post: #1942
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 12:25 PM
Parent: #1

Quote: دكتور التـــــــــــــــــــــــاج شخصيا ..
حصلت على تلفونه من الأخ محمد قيلي .. وهو يعمل معهم بجامعة الملك سعود بالرياض ..
اتصلت عليه ..
وأديتو فكرة عن البوست ..
أول سؤال قال لي : أوعى تكونوا جبتو سيرتي؟
قلت ليه بصراحة ناس خليل وإيريا ما عندهم سيرة غيرك وإمتحان ال drawing
ضحك شديد .. ووعد بالدخول والمتابعة
وكمان عشان المشاركة في مشروع دعم الكلية

والله دة انجاز يا ابراهيم بس اذا الراجل دة قال ادونى باس ويرد ودخل علينا
انا حا اطالبك بتعويض مادى كبير تدفعه لى ابوالقوق والناس الضايقين قرصة
د.التاج وانا رغم انو ما درسنى لكن رجفت شوية على راى المثل البقول الضايق
قرصة عبدالله ابرهيم برجف من سيرة د.التاج

Post: #1944
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 12:34 PM
Parent: #1942

Quote: عمر حسين الف قصة وقال:
دكتور التاج واقع في الواطة قال لي خليل ( اسمع سنة خامسة برضو فيها دروينق)


فإنت هسع أعمل حسابك .. البوست ده برضو يمكن يطلع فيه drawing

Post: #1945
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 12:38 PM
Parent: #1944

في محادثة هاتفية مع الأخ محمد حسن قيلي (كيميائية – 86)
وهو يعمل بجامعة الملك سعود في الرياض .. وفي إطار حصر خريجي كلية الهندسة من مختلف الدفع .. طلعت من محمد بالحصيلة التالية من جامعة الملك سعود:-

قسم الهندسة الكيميائية:
- بروف/ كامل محمد الحسن وقيع الله
- بروف/ حامد محمد مصطفى
- بروف/ أحمد أبا سعيد الحاج
- بروف/ محمد البشير الأمين أبشر
- مأمون محمد عباس – كيميائية 81
- محمد حسن قيلي – كيميائية 86
- خالد مصطفى أورتشي – كيميائية 86
- أشرف كمال يوسف – كيميائية 93

قسم الهندسة الكهربائية:
- محمد جعفر – كهرباء 81

قسم الهندسة المدنية:
- بروف/ عصمت محمد الحسن

الإدارة العامة للتشغيل والصيانة:
- د. تــــــاج الدين محمـد عثمـــــان

وكذلك :
- د. إبن الوليد علي حسين – كيميائية 85 ( جامعة الملك فهد بالظهران)

Post: #1946
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 12:43 PM
Parent: #1944

Quote: فإنت هسع أعمل حسابك .. البوست ده برضو يمكن يطلع فيه drawing


عارف يا ابراهيم

اكتر زولة بتخاف من امتحان الدروينق الست اريج جعفر

طوالي بستفرغ

Post: #1947
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 12:54 PM
Parent: #1946

Quote: اكتر زولة بتخاف من امتحان الدروينق الست اريج جعفر

الله يطراها بالخير الست (هريج) جعفر
وين الزولة دي ..
الجاب خبر زينب الشجاعة .. يجيب خبر أريج ..
وحبذا لو إنضمت للبوست .,
لها ولكل الزميلات ألف تحية ..

Post: #1948
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 01:03 PM
Parent: #1947

الحبر ..
اسمع موضوع دعم الكلية مش عاوز شوية تنسيق ؟
يعني أولا لازم تنسقوا مع الأقسام لمعرفة الإحتياجات الفعلية .. عشان الناس توفرها حسب الإمكانيات والأولويات ..

وهل حسب مقترح أبو سمرة كل واحد إذا كان دعمه عيني .. يكون بخصوص قسمه؟
يعني خريج كهرباء يدعم قسم الكهرباء وهكذا ؟

Post: #1949
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 01:06 PM
Parent: #1

Quote: عمر الحبر نسال عن طارق السنوسي ؟؟

تعرف يا كيكى مرة طارق سنوسى اصر اننا نمشى ندخل سينما فى بحرى وبعد السينما نضرب الفول التاريخى
جنب سينما الوطنية مشينا لقينا الفلم هندى ودخلنا, اول ما بدات المقدمة وقبل ما نشوف اى حاجة من
الفلم طارق سنوسى قال لى الفلم دة انا شفتو قبل كدة قلت ليهو فيهو شنو قال لى فيهو ضرب شديد
جدا جدا قلت ليهو ما اى فلم هندى فيهو ضرب شديد تانى فيهو شنو قال لى حا تشوف بعد شوية,
طبعا انا متاكد انو سنوسى فكاها ساكت لانو يا داب الفلم فى المقدمةقمت قلت ليهو احكى لى شوية
من قصة الفلم , قام عاين لى كدة وقال لى يا حبر يا اخى نبقى زى النوبة نحكى الفلم جوة السينما.

Post: #1951
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-18-2008, 01:14 PM
Parent: #1949

Quote: قام عاين لى كدة وقال لى يا حبر يا اخى نبقى زى النوبة نحكى الفلم جوة السينما


ذكرتني واحد زميلنا هنا .. قال وهم في السينما في كسلا والفلم هندي .. في لقطة حاسمة كده والبطل مزنوق والجماعة هاجمين عليه .. والجمهور متنشن ...
نط واحد بأعلى صوتو : يا جماعة ما تيخافو .. بتل ما يموت ..
فيلم ده أنا شوفتو في قدارف

Post: #1950
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 01:08 PM
Parent: #1

Quote: خليل
الخير فعلا بقى عب كبير و مااظنو فاضى للبوست دة, اخر مره حضرت ليهم حفله فى حديقه عبود قبل سنتين تقريبا بعد الحفله عشان اسلم عليهو منتظر لي
قريب ساعه عشان هو يخلص سلام وتحايا من المعجبات اللهم لاحساده
اما يوم الحنه بتاعتو فكان عباره عن هلال مريخ

التحيه للفنان الكبير الخير ادم وطالبين منك نقله نقلتين انشاء الله بين الفاصلين

بهاء الدين

هذه مواصلة من عملاق الهندسة بهاء الدين والخير دة كان طال الزمن ولا قصر حا يدخل البوست

Post: #1952
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 01:24 PM
Parent: #1

Quote: وهل حسب مقترح أبو سمرة كل واحد إذا كان دعمه عيني .. يكون بخصوص قسمه؟
يعني خريج كهرباء يدعم قسم الكهرباء وهكذا ؟

والله رغم انو ابوسمرة عندو حق الفيتو لكن انا اظن حقو ما يكون فى تقسيم الدعم يكون حسب الحوجة
بعد التنسيق مع ناس الكلية وانا افضل الناس ال فى امريكا واوروبا حقو يدخلو فى الموضوع دة
بشدة عشان نطور الكلية لتواكب التطور التكنولوجى فى العالم

Post: #1953
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-18-2008, 02:10 PM
Parent: #1

Quote: بروف/ كامل محمد الحسن وقيع الله
- بروف/ حامد محمد مصطفى
- بروف/ أحمد أبا سعيد الحاج
- بروف/ محمد البشير الأمين أبشر

انا اعتقد يا ابراهيم دة نوع من انواع الارهاب والترويع لى ناس البوست
البرفات والدكاترة القدام ديل سيرتم بدخل الرعب فى نفوس السادة المخضرمين
وتانى تفتش ليهم ما تلقاهم فيا اخوى الله رضى عليك قلل من الحاجات دى

Post: #1954
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-18-2008, 03:10 PM
Parent: #1953

Hi new commers
Tahani and others
and old friend elsawi
Khaleel
iam in Malysia before Tarig ahmed Khalid
next week i will be in Abu dahbi with Magid Elkuj
I will try to meet Engineers there and talk about this post and liberary supoort

Post: #1955
Title: Re: اليوم الحار ومابنداريوم الهندسة والمعمار
Author: ابراهيم ابوسمرة
Date: 06-18-2008, 04:20 PM
Parent: #1

سلام سلام سلام
انا عارف انو انا مقصر لكين والله محكوووووك حك شديد
عموما انا عندي وصية لازم ابلغها وما على الرسول الا البلاغ

ناظم عبد الرحيم بيقول لحسن خضر

يا حسن ارعى بقيدك

وحتى نلتقي لكم كل الود

Post: #1956
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 05:40 PM
Parent: #1955

Quote: ناظم عبد الرحيم بيقول لحسن خضر


ابراهيم ابوسمرة

رحم الله صديقنا مجدي سيد قاسم

تتذكر بالله (شاريطا كركم )

وكان بقصد كاريكا شرطتم

Post: #1959
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-18-2008, 05:47 PM
Parent: #1956

هلا ياابراهيم محمد الحسن
التاج عديييييييييل كده...ياساتر

اخوك حيشيل كورتو ومفرتق من البوست ده
الزول ده بكون سمع بسيرة قراية الكبر القلتها ليكم الايام الفاتن ديل
وداير يجي يلحقنا غنم زهرة تاني..

قول لييهو احنا الزول ده بهزر ساكت ياخي


الف مرحب بدكتورنا التاج وحبابك فمنكم تعلمنا معاني شتي في هذه الدنيا ام قدود



سلام ياحامد الصاوي سلام

Post: #1957
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-18-2008, 05:41 PM
Parent: #1955

[qoute]انا عارف انو انا مقصر لكين والله محكوووووك حك شديد[/qoute]
هلا يا ابراهيم وحبابك وحباب ناظم الجميل وحسن خضر

ويا خليل بالله اضبط الالفاظ الاسفيرية دي

Post: #1958
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 05:44 PM
Parent: #1957

Quote: ويا خليل بالله اضبط الالفاظ الاسفيرية دي



ابوسمرة كلاكيت تاني مرة

انضبط يا فردة

Post: #1960
Title: Re: اليوم الحار ومابنداريوم الهندسة والمعمار
Author: Elawad
Date: 06-18-2008, 05:58 PM
Parent: #1

Quote: قول لييهو احنا الزول ده بهزر ساكت ياخي


تهرش يا عبد الكريم؟... أها جاك السم القدر عشاك... بس فلاحتك في الجلاكين و الخرد ناس عمك بشاشا...

Post: #1961
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 06:03 PM
Parent: #1960

عماد عائد





Al Hibir, since Hassan Khidir is going to join the club, please ask him to give his input on his relationship with Prof. Zaroug, specially in the 4th year, 1989/1990 and the steel bridge design exam.



BR,

Imad

Post: #1963
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-18-2008, 06:41 PM
Parent: #1960

Quote: تهرش يا عبد الكريم؟... أها جاك السم القدر عشاك... بس فلاحتك في الجلاكين و الخرد ناس عمك بشاشا...


هلا يا العوض
اها يا العوض الزي دكتور التاج دي اقوم اتشالق معاهو
يقوم يقول لي ارسم يحي فضل الله (THREE DIMENSION)
اها اودي وشي وين مع البورداب ديل

Post: #1962
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-18-2008, 06:26 PM
Parent: #1

Quote: سلام سلام سلام
انا عارف انو انا مقصر لكين والله محكوووووك حك شديد
عموما انا عندي وصية لازم ابلغها وما على الرسول الا البلاغ

ناظم عبد الرحيم بيقول لحسن خضر

يا حسن ارعى بقيدك

وحتى نلتقي لكم كل الود


هسى عليك الله يا ابوسمرة تغيب وتجى عشان تفك ليك طوبة زى دى
غايتو يوم بتكتليك زول
شكلو وكت ترجع الدور الجاى حتفكليك قنبلة قرنيت

Post: #1964
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 06:41 PM
Parent: #1962

Quote: هسى عليك الله يا ابوسمرة تغيب وتجى عشان تفك ليك طوبة زى دى
غايتو يوم بتكتليك زول
شكلو وكت ترجع الدور الجاى حتفكليك قنبلة قرنيت


هشام ابو سمرة

لم يخرج من النص حتي الان

Post: #1965
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-18-2008, 07:52 PM
Parent: #1

يا خليل ارجو ان تبحث عن ولدنا نزار فقيرى فى قطر
قال جاى قطر من امريكا
مايكون نزل فى بلد تانى بالغلط

Post: #1966
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 10:03 PM
Parent: #1965

Quote: يا خليل ارجو ان تبحث عن ولدنا نزار فقيرى فى قطر
قال جاى قطر من امريكا
مايكون نزل فى بلد تانى بالغلط


نزار فقيري لو في يا هشام بجيب ليك خبرو

لكن اتخيل علي باخريبة جاء الدوحة

وشال تلفون خالد كبوش ونمر وما فكر اسال فيني

واتعامل معاي كشخص عابر في حياتو


لكن لا يضيرك ان تكون عابر سبيل

Post: #1967
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-18-2008, 10:21 PM
Parent: #1

Quote: لكن اتخيل علي باخريبة جاء الدوحة

وشال تلفون خالد كبوش ونمر وما فكر اسال فيني

واتعامل معاي كشخص عابر في حياتو


لكن لا يضيرك ان تكون عابر سبيل


يكون مفتكرك فى اجازة فى السودان
او سال عليك فى حتة غلط

Post: #1968
Title: Re: اليوم الحار ومابنداريوم الهندسة والمعمار
Author: khaleel
Date: 06-18-2008, 10:27 PM
Parent: #1967

Quote: يكون مفتكرك فى اجازة فى السودان
او سال عليك فى حتة غلط


يا زول عديلو معاي في نفس المكتب

وانا اديت تلفون خالد كبوش لعديلو

يا عمي تلك (فاتيكانات قديمة كما قال الترابي

Post: #1969
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-19-2008, 00:36 AM
Parent: #1968


إبراهيم محمد الحسن

إضافة لمن يقيم بالسعودية من المهندسين :
محمد الأمين محمد أحمد - كيميائية 83 - الرياض
حسان محمد عبدالله امين - كهربائية 83 - الرياض
محمد عكاشة - كهربائية 84 - مكة

..
أيضا د. إبن الوليد - كيميائية أعتقد انه دفعة 82 (إن لم يكن دفعة 81)....

Post: #1970
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-19-2008, 06:26 AM
Parent: #1969

الشكر للأخوان محمد عبد الرحمن و هشام مجدذوب على الإضافات ..
إذن تصبح لستة المهندسين/المهندسات المقيمين بالمملكة بعد الإضافات :

في جـــــدة:
- وحيد الكاشف - كهرباء 83
- أحمد التجاني - ميكانيكا 85
- طارق عبد الله - كهرباء 85
- إبراهيم محمد الحسن - كهرباء 86/87
- بدر الدين أحمد الفكي - كهرباء 86
- عبد الرحيم عمر - كهرباء 86/87
- حمد خوجلي - ميكانيكا 87
في مكــة:
- عفاف عثمان حسين - كهرباء
- محمد عكاشة - كهرباء 84
- خالد بشير مدنية 88
- خالد ابراهيم مدنية 88
في ينبـــــع:
- صديق عبد الرحمن (أبو اللكس) - كهرباء 85
- عبد الرحيم محمد الحسن - مدنية 82
- بلة الأمين محمد - مدنية 83
في الرياض:
- بروف/ كامل محمد الحسن وقيع الله
- بروف/ حامد محمد مصطفى - كيميائية
- بروف/ أحمد أبا سعيد الحاج - كيميائية
- بروف/ محمد البشير الأمين أبشر - كيميائية
- بروف/ عصمت محمد الحسن - مدنية
- د. تـاج الدين محمد عثمـان
- مأمون محمد عباس – كيميائية 81
- محمد حسن قيلي – كيميائية 86
- خالد مصطفى أورتشي – كيميائية 86
- أشرف كمال يوسف – كيميائية 93
- محمد جعفر – كهرباء 81
- حمد الأمين محمد أحمد - كيميائية 83
- حسان محمد عبدالله امين - كهربائية 83
- الصادق أحمد الخضر - كهرباء 86
- محمد أبكم - كهرباء 87
- عمر الفكي - ميكانيكا 87
- حسين محمد صديق - كهرباء 88
- زهير آدم - ميكانيكا 88
- سيد أحمد السيد - كهرباء 88
- أبو بكر حسن - كهرباء 88
- ونيس - كيميائية 88
في الجوف:
- عمر حسين - ميكانيكا 87
في الشرقية:
- د. إبن الوليد علي حسين – كيميائية 82

وسيتم إضافة اي تعديلات ترد إلينا ..

Post: #1971
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-19-2008, 06:32 AM
Parent: #1970

Quote: اخوك حيشيل كورتو ومفرتق من البوست ده
الزول ده بكون سمع بسيرة قراية الكبر القلتها ليكم الايام الفاتن ديل
وداير يجي يلحقنا غنم زهرة تاني..

كيكي (السمتو رباح) ..
ياخي لا تيخوف
بتل ما يموت
قيلم ده أنا شوفتو في قدارف

الراجل كنا فاهمنو غلط ساكت .. طلع فردة

Post: #1972
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-19-2008, 08:03 AM
Parent: #1971

في إتصال هاتفي أمس من الأخ صلاح مختار
وهم ملمومين في الأسكلة
إحتفاءا بالأخوان القادمين إلى أرض الوطن ..
د. منتصر عباس .. ومحمد أبكم .. وما عارف تاني في منو ..
الظاهر اللمة كانت كبيرة
بختكم والله ..

بالمناسبة يا صلاح مختار
انت الباسورد اللي تعب ليك فيه الحبر دي مدكنها لشنو ؟
يلا عاوزين نشوفك هنا ..

سلام

Post: #1973
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-19-2008, 08:41 AM
Parent: #1972

يعني نتمها :


ولا شنو؟

Post: #1974
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-19-2008, 09:43 AM
Parent: #1971

سلام لناس البوست جميعا
و سلام خاص للناس الحييوني و الفرحو بقدومي
و تحياتي لخليل للمعلومة عن إبراهيم دقل المساح المخضرم
و بالمناسبة أنا اقترحت إنو يكون التكريم بسنة التخرج لأنو عندي
دليل الخريج فيه خريجي كلية الهندسة و العمارة (سابقاً) لأنو طبعا العمارة اعلنت
الإنفصال عن الهندسة، منذ 1941 و حتى 2001.
و كفارة يا عمر الحبر إن شاء الله جات خفيفة و الجاتك في عربيتك سامحتك.
و يا حبر رجائي تصحيح اسم الدكتورة صليبة إلى: د. نجاة بنجامين نخلة و هي
خريجة كهرباء 1974 و زوجها د. صليب يسى خريج كهرباء 1973.
و يا كيكي السمتو رباح: و الله أنا برضو كنت بخاف من الدروينق خوف شديد خلاص
و بذكر في سمستر ون طلعت من الامتحان بكيت بكاء شديد و رميت التي سكوير في
الميدان الغربي.

Post: #1976
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-19-2008, 10:19 AM
Parent: #1974

سلام دكتورة تهاني ..
يا ريت تنسقي مع الحبر والجماعة في الداخل بخصوص إحتياجات القسم والكلية ..
والإفادة حتى يتم توفير الإحتياجات حسب الإمكانيات المتاحة للجميع ..
وبهذه المناسبة .. العام الدراسي وضعه شنو هسع؟ متين بداية السمستر الجديد ؟

سلام ..

Post: #1975
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-19-2008, 10:18 AM
Parent: #1

Quote: الحبر ..
اسمع موضوع دعم الكلية مش عاوز شوية تنسيق ؟
يعني أولا لازم تنسقوا مع الأقسام لمعرفة الإحتياجات الفعلية .. عشان الناس توفرها حسب الإمكانيات والأولويات ..


بالنسبة للتنسيق أنا تحت الخدمة و أي حاجة تطلبوهامن الكليات تعتبروها اتعملت
بس الإمكانيات دي بقى يمكن تنسيقهامع المجموعات الراغبة في دعم الكلية
أولى الاولويات هي بالتأكيد المكتبةالتي كادت تخلو من الكتب الحديثة
( إلا بالإجتهادات الشخصية ) و الدوريات التي كانت إهم المراجع للبحث العلمي
قبل الإنترنت
و كذلك المعامل و التي ظل بعضها من زمن الإنجليز

Post: #1977
Title: Re: اليوم الحار ومابنداريوم الهندسة والمعمار
Author: khaleel
Date: 06-19-2008, 11:00 AM
Parent: #1975

ما عندنا مشكلة في الدعم


حلو لينا مشكلة التدريس بالعربي

عشان المهندس لو ما درس باللغة الانجليزية

حايكون عبارة عن (كوفتجي)

Post: #1978
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-19-2008, 12:06 PM
Parent: #1

Quote: سلام لناس البوست جميعا
و سلام خاص للناس الحييوني و الفرحو بقدومي


الاخت الدكتورة تهانى
نحن فرحنا بقدومك وكنا بنحضر فى خطاب الاستقبال
ومر على لجنة التنقيح
ورسلناهو للمطبعة
لكنك استعجلت وحرقتى الموضوع
لكن نرتجل الكلام ونقول
مرحب بيك اضافة جميلة لليوم الحار

Post: #1979
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-19-2008, 12:17 PM
Parent: #1

Quote:
حلو لينا مشكلة التدريس بالعربي



بالنسبة للغة التدريس فمنذ اتفاقية السلام و الحكاية بقت مفتوحة
مافي تقييد
يعني تقدر تقول حتى الآن بقت 70 بالمئة إنجليزي
و ماشة في اتجاه الإنجليزي أكتر
و حتى كل مشاريع التخرج و الدراسات العليا أصلا ما اتغيرت
أرجو تكوين لجنة من متطوعين للطواف معي علي باقي أقسام الكلية
تحياتي لأبوبكر عثمان وشكرا ليك و تصل بالسلامة وبسألك عن شقيقك عمر عثمان
و بالمناسبة عمر دة كان أول السودان 87 ما جبدوا أبوبكر

Post: #1980
Title: Re: اليوم الحار ومابنداريوم الهندسة والمعمار
Author: khaleel
Date: 06-19-2008, 12:29 PM
Parent: #1979

Quote: بالنسبة للغة التدريس فمنذ اتفاقية السلام و الحكاية بقت مفتوحة
مافي تقييد
يعني تقدر تقول حتى الآن بقت 70 بالمئة إنجليزي
و ماشة في اتجاه الإنجليزي أكتر
و حتى كل مشاريع التخرج و الدراسات العليا أصلا ما اتغيرت
أرجو تكوين لجنة من متطوعين للطواف معي علي باقي أقسام الكلية
تحياتي لأبوبكر عثمان وشكرا ليك و تصل بالسلامة وبسألك عن شقيقك عمر عثمان
و بالمناسبة عمر دة كان أول السودان 87 ما جبدوا أبوبكر


من تبقي من استاذة كلية الهندسة والحرس القديم

Post: #1981
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-19-2008, 12:45 PM
Parent: #1980


سلام و ترحيب بالدكتورة تهانى ...

Post: #1982
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-19-2008, 12:46 PM
Parent: #1

Quote:
سلام دكتورة تهاني ..
يا ريت تنسقي مع الحبر والجماعة في الداخل بخصوص إحتياجات القسم والكلية ..
والإفادة حتى يتم توفير الإحتياجات حسب الإمكانيات المتاحة للجميع ..
وبهذه المناسبة .. العام الدراسي وضعه شنو هسع؟ متين بداية السمستر الجديد ؟


سلام يا هومي السمتو عواطف (بيري My pair)
و الله لو شفت السمستر مسخن سخانة شديدة
نحن في نص امتحانات الفصل الدراسي الثاني
و لو شفت الطلبة حالتهم تحنن
و لما اتذكرت أيام زمان جبت ليهم امتحانات سااااااهلة
يعني شهر 7 و 8 العطلة الصيفية
و بمناسبة العطلة الصيفية انتو قايلين التدريب الخارجي لسه زي زمان؟
مثلا نحن في الكهرباء: سنتين لوراء ماليزيا مرتين و قبلهم تركيا

و يا وليد تقريبا 80 بالمئة من الاساتذة موجودين و ممكن تدخل موقع الجامعة
www.uofk.edu

سلامات منتصر عباس ود دفعتي و مرحب بيك في البلاد

Post: #1983
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-19-2008, 10:18 PM
Parent: #1

Quote: إذن تصبح لستة المهندسين/المهندسات المقيمين بالمملكة بعد الإضافات :


خالد بشير مدنية 88
خالد ابراهيم مدنية 88 مكة

Post: #1984
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-19-2008, 10:42 PM
Parent: #1983

كيكى و يا ناس ال Fluid Dynamics مسـاعـدة عاجلـة ... يوجد رسـم توضيحى.

كدي يا شباب يدكم معانا بجاي في الجزئية الهندسية دي

شابكننا عكود عكود
تعالو ورونا عكود ده قال شنو في الحتة دي

Post: #1985
Title: Re: اليوم الحار ومابنداريوم الهندسة والمعمار
Author: khaleel
Date: 06-19-2008, 10:42 PM
Parent: #1983

قطر برضو فيها مجموعة كبيرة

Post: #1986
Title: Re: اليوم الحار ومابنداريوم الهندسة والمعمار
Author: khaleel
Date: 06-20-2008, 12:57 PM
Parent: #1985

يا مهندسين

الجمعة راحة لكل الفرق وللا شنو

Post: #1987
Title: Re: اليوم الحار ومابنداريوم الهندسة والمعمار
Author: khaleel
Date: 06-20-2008, 11:22 PM
Parent: #1986

ايميل من طارق الكوتش


سلام لكل ناس البوست. كنت قبل فترة قدمت مقترحين الرابع والخامس وبالتشاور مع اغلبية المهندسين الموجودين فى دبي .... لكن لم نجد اى حماس رغم انهم لايحتاجون إلى مجهود وللتذكير : المقترح الرابع بتجميع الصور الحديثة للمهندسين مع شوية اخبار مثل مكان العمل و الايميل والتلفون ( اختياري ) و اى اضافه أخرى ترونها مناسبة

إما المقترح الخامس بخصوص دعم الخرجين الجدد الباحثين عن عمل ( اكرر يا القرود الباحثين عن عمل ) وإنزال سيرتهم الذاتية مع تحديد نوع العمل ومكان العمل ( داخل أم خارج السودان ) فهولاء الخريجون هم الاولى بالدعم المعنوي والعملي حتى ليعشون الإحباط الذي عاشه اغلب خريجين القرون الماضية لانقطاع التواصل بين الأجيال . ويجب تكوين لجنه من كل بلد على حسب عدد الخرجين العاملين بتلك البلد مثلا الحبر وعثمان صديق وابو سمره وتهانى عبداللة السودان القرود حامد عجبان قطر شبو وطارق الكوتش الإمارات وهكذا ... رجاء الاهتمام بهذا المقترح والذي استشرت فيه غالبية المقيمين بالإمارات ورحبوا بالفكرة وأيضا المهندس عثمان صديق الذي يقوم بزيارتنا هذه الأيام وهو على استعداد للتنسيق والاجتهاد مع الآخرين الموجدين في السودان وعنوانه مع الحبر ... الرجاء ياشباب الاهتمام بهذا المقترح

مداخله 1 تهانى عبدالله ازيك يابت دفعتى ارجو منك حصر الكتب المطلوبه وبشكل عاجل لقسم المساحه فانا معى هنا كميه طيبه من المساحين على سبيل المثال لا الحصر :

د. كمال عبداللطيف , د. عبدالعظيم النويرى , بشرى الفاضل ، احمد مالك وممكن نتكاتف فى توفير جزء من احتياجات قسم المساحة وخصوصا علاقتى بيهم طيبه وبقدر اقتلع منهم الدعم المناسب .

انتظروا مزيد من المداخلات............. اخوكم طارق الكوتش 87 (مساحه)

نرجو الرد أو التعليق


Post: #1988
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 06:03 AM
Parent: #1987

Quote: و بمناسبة العطلة الصيفية انتو قايلين التدريب الخارجي لسه زي زمان؟
مثلا نحن في الكهرباء: سنتين لوراء ماليزيا مرتين و قبلهم تركيا

د. تهاني ..
طبعا مع الوضع العام .. وطاولات البلياردو القالو منتشرة في الكافتريا
ما أعتقد رحلة مصر ( بقطر حلفا .. عبر النمر .. أسوان والصعايدة وسباتت البط والوز ) .. بتكون مناسبة
بس والله أقول ليك حاجة .. ياخي دي أجمل رحلة وألذ معاناة بالجد ..

Post: #1989
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 06:07 AM
Parent: #1988

Quote: خالد بشير مدنية 88
خالد ابراهيم مدنية 88 مكة

شكرا أخي هشام مجذوب .. وتمت الإضافات ..

Post: #1990
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 06:27 AM
Parent: #1989

تحايا خاصة للأخ طارق الكوتش ..
وشكرا على تواصلك .. طلعت أحسن من ناس عندهم باسورد ولابدين .. عشان كدة التوصية جارية لمنحك العضوية
Quote: المقترح الرابع بتجميع الصور الحديثة للمهندسين مع شوية اخبار مثل مكان العمل و الايميل والتلفون ( اختياري ) و اى اضافه أخرى ترونها مناسبة

ده مقترح جميل ..وممكن الناس تبدأ فيه طوالي ..
رغم إنه مقترح الحبر بتاع تكريم الدفع (اليوبيل الفضي للدفع) حا يغطي الحتة دي .. وحاليا بالفعل بدأنا في دفعة 83 ..
لكن بيني وبينك كتيرة ننتظر كم سنة عشان ننزل بيانات ومعلومات عن دفعنا بالذات (86 / 87) والبقية .. فما عارف .. الحتة دي عاوزة شوية مناقشة وتنسيق ..
Quote: إما المقترح الخامس بخصوص دعم الخرجين الجدد الباحثين عن عمل ( اكرر يا القرود الباحثين عن عمل ) وإنزال سيرتهم الذاتية مع تحديد نوع العمل ومكان العمل ( داخل أم خارج السودان ) فهولاء الخريجون هم الاولى بالدعم المعنوي والعملي حتى ليعشون الإحباط الذي عاشه اغلب خريجين القرون الماضية لانقطاع التواصل بين الأجيال

برضو ده كلام جميل .. نثني .. وممكن يتعمل إعلان من خلال البوست عشان يرسلو السيرة الذاتية .. وعلى السادة المهندسين من العضوية وغيرهم التعامل مع السيرة الذاتية حسب البلد المعني ..

تحياتي للأخ أحمد مالك .. ويا ريت يكون متابع البوست .. (ممكن تلفونه؟)

Post: #1991
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 06:48 AM
Parent: #1990

Quote: مداخله 1 تهانى عبدالله ازيك يابت دفعتى ارجو منك حصر الكتب المطلوبه وبشكل عاجل لقسم المساحه فانا معى هنا كميه طيبه من المساحين على سبيل المثال لا الحصر :
د. كمال عبداللطيف , د. عبدالعظيم النويرى , بشرى الفاضل ، احمد مالك وممكن نتكاتف فى توفير جزء من احتياجات قسم المساحة وخصوصا علاقتى بيهم طيبه وبقدر اقتلع منهم الدعم المناسب .

إذن كمان يا تهاني الرجاء حصر إحتياجات قسم الكهرباء (كتب / equipments) وخلافه ... حتى نسق ونشرع في توفيرها ..

Post: #1992
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 08:11 AM
Parent: #1991

لمن يهمهم الأمر :
إيريـــــــا في ال USA
TEL NO 001,80528088794

Post: #1993
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 10:35 AM
Parent: #1992

وخبر عاجل آخر:
رزق الباشمهندس وعضو البورد المسجل غياب الأيام دي .. أحمد التجاني
بمولود (ولد)
ألف مبروك وجعله الله قرة عين لوالديه ..

Post: #1994
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 12:12 PM
Parent: #1993

كيكي ( السمتو رباح ..)
مفروض الواحد أول ما يصحى من النوم ويدخل النيت يجي يعمل check بهنا يشوف الأوضاع شنو ...
شايفك مشيت تهني في مولود أحمد التجاني بهناك :
Quote: الف تحية وشكر يا اساسي علي اشراكنا الفرحة والتهاني
لصديق الزمن الجميل ابوحميد..
والف مبروك احمد تجاني والوليد مبروك

نحن برضو نزلنا خبر مولود أحمد التجاني طازة
عشان تعرفو إنه الأعضاء مراقبين ..

Post: #1995
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 12:47 PM
Parent: #1994

خليل
كيكي
الحبر
تهاني
العوض
محمد الخاتم
هشام مجذوب
محمد عبد الرحمن
والجميــــــــــــــــع

والله واقف برااااااي والهم عصف

Post: #1996
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-21-2008, 01:10 PM
Parent: #1

السلام عليكم ايها الاخوة واسف على الانقطاع لاسباب فنية
ومبروك المولود يا احمد التجانى ربنا يحفظو ويخليكم ليهو
والتهنئة كذلك لاخونا الباشمهندس خالد كبوش 88 مدنية(قطر)
على المولودة الاولى وتتربى فى عزكم, التهنئة من مرتضى حسن
فى الاول وعمر الحبر ثانيا ثم باقى الشباب
ويا ابوبكر عثمان ما كنت عارف انك فى ماليزيا وانشاء الله
سفرية موفقة .

Post: #1997
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 01:16 PM
Parent: #1996

Quote: السلام عليكم ايها الاخوة واسف على الانقطاع لاسباب فنية

عمر الحبر حمدا لله على السلامة
وبركة الجيت .. بركة الجيت .. (يتمها خليل)
وإنشاء الله الأسباب الفنية زالت
الشباب الليلة نوم شديد .. وأنا كملت المواضيع العندي كلها ما لاقي حاجة أقولها ..
يلا إستلم .. عشان بأطلع بعد شوية ..

سلام

Post: #1998
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-21-2008, 01:28 PM
Parent: #1

يا حسن خضر انا متاسف جدا لان المكالمة اتفطعت معاك اول امس بسبب
بطارية الموبايل ارجو تن ترسل لى نمرتك وكمان ايميل بالموضوع ال
كنا بنتكلم فيهو عشان انزلو فى الموقع ولك الشكر على الاتصال
ولك التحية.
ويا ابراهيم عندك هجو الضو 84 (ميكانيكا) جدة

Post: #2000
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-21-2008, 01:40 PM
Parent: #1998

الحبر شكرا على المعلومة ..
بمناسبة الإضافات ..
في لستة الأزواج من الكلية في معتز صالح (عريس) زراعية 86 ورباب إبراهيم مدنية 92 ..

Post: #1999
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-21-2008, 01:37 PM
Parent: #1

Quote: ما عندنا مشكلة في الدعم

بالنسبة لموضوع دعم الكلية انا انشاء الله حا امشى لى د. تهانى فى خلال االسبوع
دة وانا افضل ننسق مع د. عبدالله خوجلى عميد الكلية, ونبدا فى تقسيم الناس
لمجموعات للبدء فى تكوين لجان لتنفيذ المقترح وان يكون برضو اقتراح الكوتش
ماشى فى خط موازى لاهميته

Post: #2001
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-21-2008, 01:43 PM
Parent: #1

يا كبار البوست يا بمبو وبندق وين انتو

Post: #2002
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-21-2008, 04:10 PM
Parent: #2001


رجب حمد الله على السلامة...
.....
بخصوص دعم الكلية...
أرى أن نبدأ بمشروع بسيط ....
دعم المكتبة بالمراجع مثلا مشروع ليس بالصعب ....
نبدأ بحصر المراجع لكل قسم ..
عملية حصر المراجع يساعد فيها أساتذة الكلية ...
ثم بعد ذلك نشوف موضوع شرائها ..

Post: #2003
Title: Re: اليوم الحار ومابنداريوم الهندسة والمعمار
Author: khaleel
Date: 06-21-2008, 05:33 PM
Parent: #2001

مبروك احمد التجاني

وعقبال ما تعرس ليهو


سلامات عمر الحبر محمد وابراهيم

Post: #2004
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-21-2008, 06:56 PM
Parent: #1

Quote: بخصوص دعم الكلية...
أرى أن نبدأ بمشروع بسيط ....
دعم المكتبة بالمراجع مثلا مشروع ليس بالصعب ....
نبدأ بحصر المراجع لكل قسم ..
عملية حصر المراجع يساعد فيها أساتذة الكلية ...
ثم بعد ذلك نشوف موضوع شرائها ..


انا بثنى محمد شمس الدين
نسبة لان مكتبة الكلية تشكو قلة الفئران
وهو موضوع اسهل واوضح ويمكن تنفيذه بيسر
ومن ثم سيكون اختبار سهل لمقدرة الناس فى التحرك
ومعرفة الطريق الايسر والاجدى لتنفيذ الفكرة

Post: #2005
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-21-2008, 07:40 PM
Parent: #1

Quote: بالنسبة لموضوع دعم الكلية انا انشاء الله حا امشى لى د. تهانى فى خلال االسبوع
دة وانا افضل ننسق مع د. عبدالله خوجلى عميد الكلية, ونبدا فى تقسيم الناس
لمجموعات للبدء فى تكوين لجان لتنفيذ المقترح


نستطيع ان نسمى هذه الخطوة رقم 1
ارجو ياعمر ان تسال الدكاترة الاجلاء ان يجهزو لك لستة من المراجع والكتب التى هم فى امس الحاجة اليها او ال Fields
وبعد ذلك يتم نشرها هنا فيستطيع كل من يود المساعدة ان يتحصل على كتاب او كتابين او اكثر
ومن ثم يتصل بالمسؤل عن البلد من اللجنة ليرسلها له
وارجو ان يتبرع كل مجموعة من الناس ممن يودون ان يكونوا كمراكز للجمع فى بلاد الله لينشروا الايميل والتلفون ليسهل الاتصال بيهم
ويمكن لاى احد ان يرسل كتاب فى الهندسة حتى لو لم تتضمنه اللستة
لانى اظن من السهولة للخريجين ان يعرفو ما اذا كان الكتاب مفيد او لا
ارجو من الاعضاء الادلاء بارائهم فى هذا الخصوص لانى ارى بان نخترق هذا الموضوع من غير نكون فى حالة لف من حوله

Post: #2006
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-22-2008, 05:51 AM
Parent: #2005

سلام يا شباب ..
معقولة دي ؟؟!!!
البوست نزل الصفحة الثانية ؟!!
ده ما اتفاقنا .. قلنا عاوزنو فوووووووووق ..
الفيك اتعرفت يا كيكي (السمتو رباح) ..

Post: #2007
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-22-2008, 05:55 AM
Parent: #2006

بخصوص دعم الكلية ..
أؤيد الآراء المطروحة من الأخوان محمد عبد الرحمن وهشام ..
ويا ريت نحسم الأمر ده بإتفاق نهائي ونبدأ في التنفيذ ..

Post: #2008
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-22-2008, 06:12 AM
Parent: #2007


موضوع الكتب
بعد الحصر..... الكتب فى أمريكا و أوربا غالية .... لكن لو إستعنا بشخص فى الهند / باكستان (و قد تكون الصين أو ماليزيا) يمكن شراء المرجع باقل من ربع سعره فى الغرب ...


Post: #2009
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-22-2008, 07:04 AM
Parent: #1

سلام إلى كل عشاق البوست
سلام لكل المنتمين لهذه المؤسسة العريقة
سلام لكل المهندسين و المهندسات في كل العالم من خريجي و خريجات جامعة الخرطوم
سلام خاص للأخ هشام مجذوب ود مدنية و ما كان قصدي حاجة لك العتبى حتى ترضى
سلام خاص برضو للأخ محمد شمس الدين و شكراً
أنا في إنتظارك يا حبر و نبدأ مباشرة بإذن الله في حصر الاحتياجات
و ممكن نكتب خطاب ظريف كدة باسم خريجي كلية الهندسة وكلية العمارة
و بالنسبة لقسم المساحة: في د. جار النبي إبراهيم رئيس القسم حأبدأ التنسيق معه مباشرة
و معليييييييش للتأخير
طبعا نحن هنا الجمعة و السبت عطلة يعني دي بداية الأسبوع
و اليوم أول أيام المدرسة بالنسبة للكتاكيت
ربنا يوفق الجميع
و مبروكين أشبال البوست الجدد ربنا يحفظهم

Post: #2010
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-22-2008, 07:21 AM
Parent: #1

بالنسبة للأساتذة ة الموجودين بالكلية بحاول أديكم بعض الأسماء:
في قسم الكهرباء: د. إدريس أحمد علي ( رئيس القسم) ، د. فائز محمد الصادق ، د. الأمين حمودة
د. محمد علي عباس ، د. سامي محمد شريف ، د. عبد الرحمن علي كرار ، د. ميرغني فتح الرحمن
د. إيمان أبو المعالي ، د. تهاني عبد الله ، د. كمال رمضان ، د. نجلاء عثمان أبو النور
د. حميد عباس العلواني (عراقي) ، أ. لؤي فاروق ، أ. هبه حسن (كزن)
أ. عفراء عبد المحسن ( و بالمناسبة عفراء دي زوجها خريج مدنية بس إتأكد من الاسم و بضيفوا لقائمة المتزوجين)
بالإضافة إلى مجموعة من مساعدي التدريس

Post: #2011
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-22-2008, 07:49 AM
Parent: #1

بالنسبة للأساتذة ة الموجودين بالكلية بحاول أديكم بعض الأسماء:
في قسم المدنية: ب. عابدين محمد علي ، ب. أبوبكر عبد الوهاب ، ب. النعمة إبراهيم النعمة
د. عبد الله خوجلي (عميد الكلية ) ، د. محمد أحمد خدام ( نائب العميد للشئون الاكاديمية)
د. جمال مرتضى (رئيس القسم) ، د. عادل محمد الخضر ،د. بابكر برسي
د. عكود محمد عثمان ، د. الصادق شرفي ، د. عبد النبي علي ، د. علي زروق
د. مدثر سليمان ، د. نادر حسنين ، د. محجوب عثمان ، د. عمر محمد عمر (صويل)
د. محمد المنتصر أحمد ، د. محمد كبوش ، أ. عاصم السنوسي
أ. محمد تاج السر مصطفى ، أ. خالد محمد الفاتح ، بالاضافة لمساعدي التدريس

Post: #2012
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-22-2008, 08:04 AM
Parent: #2011

Quote: د. محمد المنتصر أحمد

سلام خاص ..
والتحية لود دفعتنا محمد المنتصر ...
ويا ريت يكون من المتابعين للبوست ..

Post: #2013
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-22-2008, 08:17 AM
Parent: #1

بالنسبة للأساتذة ة الموجودين بالكلية بحاول أديكم بعض الأسماء:
في قسم الميكانيكا: د. كمال نصرالدين (نائب العميد) ، د. محمود أونسة (رئيس القسم)
د. الأمين عبد الجليل (اللواء) ، د. محمد هاشم صديق
د. عبدالباقي سراج ، د. عمر الفاروق ، د. صلاح عبد الله
د. محمد مصدق العوض ، د. علي محمد علي السيوري
أ. دينا بلال ، أ. محمد الهادي ، أ. وجدان كشة ، أ. صهيب ، أ. صديق ، ...

Post: #2014
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-22-2008, 10:59 AM
Parent: #1

Quote: رجب حمد الله على السلامة...
.....
بخصوص دعم الكلية...
أرى أن نبدأ بمشروع بسيط ....
دعم المكتبة بالمراجع مثلا مشروع ليس بالصعب ....
نبدأ بحصر المراجع لكل قسم ..
عملية حصر المراجع يساعد فيها أساتذة الكلية ...
ثم بعد ذلك نشوف موضوع شرائها ..

الله يسلمك يا محمد عبدالرحمن ودة كلام جميل جدا واقتراح طيب ووجد
ترحيب من هشام وتهانى وابراهيم وانا اظن نبدا ,اناالان مع الباشمهندس
وليد محمد عبدالله(اللتل) والباشمهندس عارف على صالح وهم يحيون كل
خريجى كلية الهندسة العريقة وبعد شوية حا اطلع على دكتورة تهانى للبدء
فى تنفيذ موضوع الدعم.

Post: #2015
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-22-2008, 11:27 AM
Parent: #2014

الصور التالية من الأخ عبد المنعم آدم ..
من صور رحلة التدريب إلى مصر دفعة 86 :


أعتقد ديل :
عز الدين إسحق - كهرباء 86
عبد المحسن - زراعية 86
وفي الخلف منقوشي - كهرباء 86

Post: #2016
Title: Re: اليوم الحار ومابنداريوم الهندسة والمعمار
Author: khaleel
Date: 06-22-2008, 11:39 AM
Parent: #2015

نرجو ضرورة الاسراع بمشروع دعم مكتبة الكلية باسرع فرصة ممكنة

ومن لا يملك كتبا او مجلات عليه بالدعم المالي

بسرعة يا ناس السعودية والامارات وقطر والسودان وامريكا

Post: #2017
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-22-2008, 11:48 AM
Parent: #2016

خليل
عمر الحبر قال :
Quote: وبعد شوية حا اطلع على دكتورة تهانى للبدء فى تنفيذ موضوع الدعم.

إذن منتظرين تحديد قائمة بإحتياجات المكتبة ومن ثم نبدأ التحرك الفعلي ..

Post: #2018
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-22-2008, 02:27 PM
Parent: #1

Quote: نرجو ضرورة الاسراع بمشروع دعم مكتبة الكلية باسرع فرصة ممكنة

ومن لا يملك كتبا او مجلات عليه بالدعم المالي

بسرعة يا ناس السعودية والامارات وقطر والسودان وامريكا

بخصوص موضوع الدعم يا خليل الليلة انا ودكتورة تهانى عملنا جولة لاقسام الهندسة وابلغناهم
بالموضوع ووعدونا ان يجهزوا قائمة بالكتب والمراجع ال محتاجاها الكلية فى خلال الايام
القادمة ولابد من الاسراع فى تكوين مجموعات للدعم فمثلا انتو فى قطر احصروا الناس المعاكم
وناس الكوتش فى الامارات ومحمد عبدالرحمن فى امريكا ووووووووووو
باختصار تحديد شخص او اشخاص فى كل بلد والناس تبدا بجدية عشان لمن تجينا لستة الاحتياجات
نكون جاهزين .
اذا لابد من تكريس الجهد لانجاز هذا المشروع الهام وباقى الحاجات ممكن تعتمدوا فيها على الهجمات
المرتدة

Post: #2019
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-22-2008, 03:00 PM
Parent: #1

انااقترح ان نحدد بعض اسماء خريجى الكلية الذين يدرسون فى الجامعات الوربية والامريكية
كخطوة لتحديد الجهة التى تفيدنا فى كيفية الحصول على المراجع التى تحتاجها الكلية فمثلا
دكتور طه محمود جامعة مانشستر انجلترا
دكتورة تبارك موسى جامعة ريدينج انجلترا
دكتور منتصر محجوب عباس جامعة فرجينيا امريكا
دكتور امير عون الشريف امريكا
دكتور حسين على حسين امريكا
ارجو اضافة اسماء اخرى [email protected]
00249122027690

Post: #2020
Title: Re: اليوم الحار ومابنداريوم الهندسة والمعمار
Author: Hussein Mallasi
Date: 06-22-2008, 03:06 PM
Parent: #2019

لولا الوجود الكثيف لكيكي في هذا البوست
لاعتبرته أفضل بوست في تاريخ المنبر

Post: #2021
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-22-2008, 04:43 PM
Parent: #2020

Quote: فمثلا انتو فى قطر احصروا الناس المعاكم

هلا يا حبر
وتحياتي لدكتورة تهاني وشكرا ليكم علي الجهد الكبير ده..
وناس قطر باذن الله سيتم التنسيق معاكم وعلي جناح السرعة بس انتو رسلو لينا المطلوب..
وسانسق مع الاخ بوب في امر قسم المساحة ويمكننا ايضا التنسيق في امر الاقسام الاخري بارتياح..

ومرحب بيك يا ملاسي ابو برنيطة في بوست اليوم الحار الما بندار
وكويس انو عجبك الصنف وتاكد بان (كيكي في) (كيكي مافي) هندسة

وشكرا علي مرورك يا وريف
وبيننا ورافة في مدارات اخري باذن الله

Post: #2022
Title: Re: اليوم الحار ومابنداريوم الهندسة والمعمار
Author: khaleel
Date: 06-22-2008, 05:53 PM
Parent: #2021

Quote:
لولا الوجود الكثيف لكيكي في هذا البوست
لاعتبرته أفضل بوست في تاريخ المنبر


ملاسي

كيكي هو الرئة التالتة لهذا البوست

والبركة يا ملاسي البركة الشكرت ليك حاجة

جنك تشنيف

Post: #2024
Title: Re: اليوم الحار ومابنداريوم الهندسة والمعمار
Author: الحبر عبدالوهاب الكباشي
Date: 06-22-2008, 06:59 PM
Parent: #2020

Quote: لولا الوجود الكثيف لكيكي في هذا البوست
لاعتبرته أفضل بوست في تاريخ المنبر


اننا ممكن اصنف الكلام دا في ما يعرف في اللغة العربية
بتاكيد المدح بما يشبه الزم لان اسلوب كيكي في المنبر
ككل له نكهة وطعم خاص وهو اكثر تميزا في اليوم الحار

Post: #2023
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-22-2008, 06:01 PM
Parent: #1

اضيف عندك يا حبر:
د.الطيب الطاهر مدنية جامعة سندربى اونتريو كندا
د. ياسر عبدالله معمار جامعة فلوريدا امريكا
دكتورة هبى مدنية جامعة IIT شيكاغو
د. علاء الدين حسنين مدنية انجلترا
د. عبدالله البلة ميكانيكا جامعة برادلى امريكا

Post: #2025
Title: Re: اليوم الحار ومابنداريوم الهندسة والمعمار
Author: khaleel
Date: 06-22-2008, 07:04 PM
Parent: #2023

Quote: اننا ممكن اصنف الكلام دا في ما يعرف في اللغة العربية
بتاكيد المدح بما يشبه الزم لان اسلوب كيكي في المنبر
ككل له نكهة وطعم خاص وهو اكثر تميزا في اليوم الحار



يا الحبر الكباشي

كيكي بعض من تخيلنا

لو لم يكن بيننا لاخترعناه

Post: #2026
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 06:13 AM
Parent: #2025

Quote: لولا الوجود الكثيف لكيكي في هذا البوست
لاعتبرته أفضل بوست في تاريخ المنبر

ياخي بالغت ..
نحن المصبرنا شنو غير كيكي (السمتو رباح) ..
أنا شخصيا لي الشرف إنه كيكي أول من عرفني على البوست وعمل لي توصية عند بكري عشان الباسورد
يعني كيكي واصل .. ما تغرك المظاهر

Post: #2027
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 06:27 AM
Parent: #2026

Quote: اذا لابد من تكريس الجهد لانجاز هذا المشروع الهام وباقى الحاجات ممكن تعتمدوا فيها على الهجمات المرتدة

مجهود مقدر يا زعيم ..
ونحن جاهزين ومكرسين الجهد ..

Quote: خالد بشير مدنية 88
خالد ابراهيم مدنية 88 مكة

هشام مجذوب ..يا ريت تكون على إتصال بالأخوان أعلاه وتديهم فكرة عن البوست ..
وكمان يا ريت لو أديتني وسيلة الإتصال بيهم ..

Post: #2028
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-23-2008, 06:54 AM
Parent: #1

سلام كتيير لناس البوست
ما عايزة أضيف علي كلام عمر الحبر حاجة
بس عندي باقي جولة اليوم للناس المالقيناهم أمس و نواصل ...
والله الحبر دة طلع شخصية هلامية غير عادية لاوجود لها في هذا الزمان العجيب!
تحيات كتييييييرة من هالة حسن (كزن) لناس البوست جميعا و بتتمنى المشاركة فيه

Post: #2029
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 07:58 AM
Parent: #2028

سلام دكتورة تهاني ..
ومجهوداتكم انت والحبر مقدرة شديد .. نتمنى نقدر نرد الجميل (لغرب السنتر) ..
Quote: تحيات كتييييييرة من هالة حسن (كزن) لناس البوست جميعا و بتتمنى المشاركة فيه

نثني الترشيح يا حبر .. يلا همتك ..

Post: #2030
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 08:37 AM
Parent: #2029

بخصوص دعم الكلية . والخريجين الذين يعملون بجامعات أمريكا ..
وصلني الإيميل ده من الأخ عبد المنعم آدم :
Quote: dear ibrahim
add to the list DR Nagm Eldeen Ahmed Fadeel ( Chicago University)
and this his email ([email protected])
yours moniem

تشكر عبد المنعم للمتابعة ..
ووين باقي الصور ؟

Post: #2031
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 08:47 AM
Parent: #2030


تتوقعوا هتافات المشجعين لأبطال غرب السنتر في الصورة دي شنو ؟

Post: #2032
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 10:02 AM
Parent: #2031

غايتو على زمن ناس أبو سمرة تلقو الهتاف :
هندسة شطارة
هندسة حضارة

ويرد الحاقدين (ناس إقتصاد) وغيرهم : هندسة عوارة

Post: #2034
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 10:13 AM
Parent: #2032

الحبر :
بعد اضافات ابراهيم محمد الحسن وبكرى ابوبكر ودكتورة تهانى عبدالله وأبوبكر عثمان
تصبح لستة (المتزوجـــون):

د. صليب يسي 73 (كهرباء) و د. نجاة بنجامين نخلة 74 (كهرباء)
احمد ابراهيم عباس ( ) و جميلة ( )
عبد القادر الامام 80 (مساحة) و حباب محجوب 84 ( )
الشيخ ادريس مصطفى الامين81 (كيميائية) و أميمة دفع الله الحاج يوسف 82 ( )
عمر مختار81 (كيميائية) وعفاف محمد على 84 (كيميائية)
هشام أيوب 82 ( ) و أمانى نصر الدين 84 (مدنية)
ياسر العبد 82 ( ) و أمانى بدوى 87 (زراعية)
محمد أمير 83 (ميكانيكا) و تهانى عباس 83 (مدنية)
محمد أبو عاقلة 83 ( ) و سهير عبد القيوم 85 ( )
محمد عبدالجليل 83 (كهرباء) و سلمى السعيد 87 (كيميائية)
عماد عوض 83 (مدنية) و فاطمة النور 86 (مدنية)
محمد السراج 83 (كهرباء) و ابتسام محمود 87 (كهرباء)
عصام عبد الله خميس 83 (مدنية) و مها سراج 84 (كهرباء)
الأمين مصطفى الأمين 84 (مدنية) وهالة التجانى 86 (كيميائية)
مؤتمن ميرغنى 84 (كهرباء) و ايمان صلاح 84 (كيميائية)
طه محمود صالح 84 (مدنية) و تبارك موسى عوض 84 (مدنية)
ياسر شندى 84 (مدنية) و كاملة عبد الباقى 85 ( )
على رباح 84 (كيميائية) و سمية عبد المنعم 88 (كيميائية)
عماد عيدروس 84 (كهرباء) وتوسل 95 (كهرباء)
الطاهر عبداللطيف (كهرباء) وحنان محمود 85 (كهرباء)
نادر عباس "كوبر" 85 (مدنية) و عايدة عبد الله 90 ( )
معاوية ميرغنى 86 (مدنية) و آمنة الطيب عريبى 86 (كهرباء)
هاشم دهب 86 (ميكانيكا) وسلمى كرم الله 86 (مدنية)
عاطف جلال 86 (مدنية) و صفاء الفاضل 87 (معمار)
معتز صالح "عريس" 86 (زراعية) و رباب إبراهيم 92 (مدنية)
طارق حمادة 87 (كهرباء) و آن عبد المنعم 88 (كهرباء)
عبد الرحمن بابكر87 (كهرباء) و سلمى بريدو 87 (كهرباء)
هشام مجذوب 87 (كهرباء) و سوسن محمد الحسن 87 (مدنية)
عادل التجانى 87 (كهرباء) و أمل بيومى 87 (كهرباء)
عمر حسين 87 (ميكانيكا) و رحاب 90
منتصر محجوب عباس87 (مدنية) وعفراء 88 ( )
ابراهيم مأمون 88 (كيميائية) و سارة ابقرجة87 (كهرباء)
عبد القادر احمد عباس 88 ( ) وهناء على 87 (معمار)
وائل ابوبكر الصديق 88 (مدنية) وهبة حسن 90 (كهرباء)
صديق جيلانى 88 (زراعية) و منى خميس 88 (مدنية)
علاء الدين حسنين 88 (مدنية) و آلاء عزالدين 96 (كهرباء)
سعيد محمد سعيد 88 (مدنية) و وصال 88 ( )
حسام عربى 89 (معمار) وسمر بكرى مكى 89 (معمار)
منصور على المنصور 90 ( ) و هنادى أحمدون91 ( )
خالد مبارك 90 ( ) و سوزان عثمان 90 ( )
ابراهيم البنا 90 ( ) و نورس احمد محمود 92 ( )
سامي عبد الله 91 ( ) و رحاب باجابر 92 ( )
عمار عثمان مصطفى 91 ( ) وأشواق عبد الله ( )
محمد الخاتم حمادة 95 (ميكانيكا) و سيزا عبد الله 98 (كهرباء)
عبدالله جعفر ميرغنى 96 (كهرباء) و صفاء البوشى 98 (كهرباء)
يوسف عزالدين كامل 97 (كهرباء) و ضحى حسنين 98 ( )
أحمد فؤاد عكاشة 97 (مساحة) و عفراء عبد المحسن 97 (كهرباء)
محمد مصطفى إبراهيم 97 (كهرباء) و سحر حمزة مبارك 97 (مدنية)
الصديق عبدالرحمن 98 (ميكانيكا) و لبنى الرفاعي 98 (مدنية)

Post: #2033
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 10:06 AM
Parent: #1

Quote: العزيز عمر الحبر/

تحياتي ليك ولكل الإخوة والأخوات مرتادي "اليوم الحار" والذي أوشك أن يكون "كافتيريا هندسة" إسفيرية تجمعنا لنطلع على أخبار الجميع ونتذكر تلك الأيام التى لا تنسى..

حقيقة كنت متابع البوست من بدري وإنقطعت لفترة وعدت مؤخراً لأجده إزداد روعة بدخول العديد من الأحباب الذين انقطعنا عنهم سنين طويلة وما كنا نظن أن الدروب ستجمعنا ثانية..فالشكر ل"خليل" وكذلك لبكري أبوبكر اللذان جعلا هذا اللقاء ممكناً.

أتمنى أن أتواصل مع الجميع عبرك متى ما تسنت الفرصة..

أحيي الأخ أبوسمرة على فكرة مشروع دعم المكتبة وهذا عهدنا به وهو لو تذكرون صاحب شعار "المهندس أبجدية الإبداع الإنساني". وأرجو أن تعطى الأولوية لهذا المشروع ونحن معكم ولن نبخل على هذا الصرح بكل ما أمكننا أن نبذل من جهد ومال وأرجو أن يدرس الإخوان بعض الأفكار التي قد تفيد..

أولاً أرى أن ننشر هذه الفكرة خارج نطاق الموقع -رغم إنتشاره الواسع- عبر الإيميل لكل من نعرف من الخريجين، فالمتداخلين والقارئين معاً هم نسبة قد تكون بسيطة وهناك العشرات من الأخرين قد يبدوا إهتمامهم إن وصلتهم الفكرة ..

ثانياً أن يبحث كل منا عما لديه من مراجع وكتب فائضة عن حاجته ويتم تجميعها وتسليمها للكلية فبالتأكيد كل واحد منا في مرحلة ما وخاصةً بعد دخول الحياة العملية "شالتو الهاشمية" يوماً ما واشترى بعض الكتب لعلَه يستزيد من العلم ولكنها لم تعد' إلا ان تكون ديكوراً في الصالون أو خلف التلفزيون وهناك من هم في حوجة ماسة إليها فيجب ألا نبخل بها ولا يعز علينا فراقها.

أرجو أن نوفق جميعاً في هذا المسعى النبيل لأننا تخرجنا وقلوبنا معلقة بذاك المكان وقد آن الأوان أن نرد شئ من الجميل.

تحياتي للجميع بدون فرز واسمح لي بتحية خاصة للغالي ملك الميدان الشرقي بهاء الدين فالشوق له لايوصف.

والسلام

بكري إسماعيل

الايميل دة من الصديق العزيز بكرى اسماعيل وهو هكذا كما عهدناه محبا لهذه
الكلية العريقة ولخريجيها , التحية لك يا بكرى وسنسير معا لتنفيذ هذا المشروع الهام

Post: #2035
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 10:29 AM
Parent: #1

هجمة مرتدة
على بال ما ارجع للموضوع الهام موضوع دعم الكلية عندى هجمة مرتدة
اخونا علاء الدين قناوى 84,الله يطراه بالخير قال مرة رجع من الجامعة للبركس
وكان نعسان جدا وعندو فى الاوضة مسمار فى الحيطة بعلق فيهو قميصو
فاول ماجاء طلع القميص وعلقو فى المسمار ولمن رقد فى السرير شاف القميص
يطلع وينزل زى رسم القلب(على حد قول علاء) فقال قمت من السرير عشان اشوف
الحاصل شنو لقيت نفسى بدل اعلق القميص فى المسمار علقتو فى ضبانة كبيرة جدا

Post: #2036
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 10:37 AM
Parent: #1

Quote: الاخ المهندس عمر

ْ تحياتى لك ولكل المهندسين والزملا
انا من المتابعين لهذا البوست و منذ بدايته ولكن لعدم امتلاكى (password)
حال دون مشاركتى تحياتى عبركم لك المعارف خاصة دفعة 85




Best Regards

Sheikh Eldin Ismail
Sr. Telecom Engineer
Telecom Section- IT Department
Petrodar Operating Company
Khartoum - Sudan
Email: [email protected]
Mob:+249912905900
Fax : +249183790512

دة ايميل من الباشمهندس شيخ الدين اسماعيل له التحية وسنكون على اتصال
ونتمنى ان تكون من الاعضاء المشاركين والتحية لكل من معك من خريجى هندسة

Post: #2037
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-23-2008, 10:57 AM
Parent: #1

في قسم هندسة المساحة:
د. جار النبي إبراهيم (رئيس القسم) ، د. الشامي محمد مساعد
د. كمال عبد الطيف (إجازة بدون مرتب) ، د. محمد أحمد قرني
د. محمد عثمان آدم ، أ. عوض الجيد محمد عوض الجيد
أ. البشير محمد البشير ، أ. محمد أحمد بلال
أ. محمود عبد الرحيم ، أ. أحمد عبد الحفيظ ، أ. وليد علي عبدالمجيد

يا الحبر هاك الإضافات دي:

عفراء عبد المحسن( كهرباء 97 ) وزوجها أحمد فؤاد عكاشة (مساحة 97 )
سحر حمزة مبارك (مدنية 97) وزوجها محمد مصطفى إبراهيم (كهرباء 97)

Post: #2038
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 11:09 AM
Parent: #1

انا عندى مقترح بالنسبة لموضوع دعم الكلية ارجو ان يناقش بجدية وفى
اسرع وقت ممكن حتى نستطيع تنفيذ الافكار والاقتراحات على الواقع ويتم الاستفادة منها
اولا نحن طبعااجمعنا الان على اولوية دعم المكتبة(انشاء الله بعد النجاح فى هذا الموضوع
تكون الاولوية للمعامل وبعدها التدريب(كما اقترح لى مرتضى حسن) وبعد الاشياء الخرى
التى تتعلق بتاهيل خريجى هذه الكلية)
بالنسبة لدعم المكتبة هناك 3 جهات اساسية مهمة لتحقيق هذا الهدف
1/اساتذة الكلية لتحديد نوعية المراجع وعددها,وهذه تم التنسيق معها والفضل لدكتورة
تهانى عبدالله لانها حلقت الوصل بين هذه الجهة والبوست
2/الجهة التى تمكن من الحصول على المراجع المطلوبة او المفيدة فى المجال
المحدد وهذه الجهة هى خريجى هذه الكلية فى اوروبا وامريكا وخصوصا الذين يدرسون
فى جامعات هناك ,وزى ما شايفين بدانا فى حصر الناس المعنيين ولابد من الافادة
باكبر عدد ممكن واهم حاجة ايميلات او تلفونات لكى يتم التصال بهم
3/الجهة التى ستقوم بدفع قيمة المراجع وترحيلها وتوصيلها للكلية وهذه تشمل كل خريجى الكلية
بما فيهم المذكولرين فى الفقرة2 وبما ان هذه الجهة تحتاج الى طريقة منظمة تضمن عدم الفشل
انا عندى اقتراح ساذكره الان فى مداخلة منفصلة لاهميته

Post: #2039
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 11:13 AM
Parent: #1

Quote: . دوما حاضرين باذن الله لرد جزء ولو كان يسير جدا من الدين الذي سوف نظل نحمله في رقابنا ماحيينا.
كما عودتنا دايما يارجب بتطلع لينا الدرر الحرمنا منها الجري ورى المعايش, الليله ابدعت ولميتنا في العزيز جدا بكري اسماعيل, له مني سلام وتحايا بطعم الايام المحفوره فينا. اكون مشكور جدا لومديتني بتلفونو والايميل عبر الايميل بتاعي

التحية ملايين للعملاق بهاء الدين وسارسل لك تلفون بكرى وايميلو الان

Post: #2040
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 11:20 AM
Parent: #2039

Quote: يا الحبر هاك الإضافات دي:
عفراء عبد المحسن( كهرباء 97 ) وزوجها أحمد فؤاد عكاشة (مساحة 97 )
سحر حمزة مبارك (مدنية 97) وزوجها محمد مصطفى إبراهيم (كهرباء 97)

عذرا الحبر ..
فقد قمت بالإضافات نيابة عنك ..
ويا تهاني .. والجميع .. أرجعوا للقائمة أعلاه (المتزوجون) وحاولو أكملوا النواقص من إسم أو دفعة أو قسم حتى نكون خلصنا الناحية دي ..

Post: #2041
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 11:27 AM
Parent: #2040

Quote: بالنسبة لدعم المكتبة هناك 3 جهات اساسية مهمة لتحقيق هذا الهدف
1/اساتذة الكلية لتحديد نوعية المراجع وعددها,وهذه تم التنسيق معها والفضل لدكتورة تهانى عبدالله لانها حلقت الوصل بين هذه الجهة والبوست
2/الجهة التى تمكن من الحصول على المراجع المطلوبة او المفيدة فى المجال المحدد وهذه الجهة هى خريجى هذه الكلية فى اوروبا وامريكا وخصوصا الذين يدرسون
فى جامعات هناك ,وزى ما شايفين بدانا فى حصر الناس المعنيين ولابد من الافادة باكبر عدد ممكن واهم حاجة ايميلات او تلفونات لكى يتم التصال بهم
3/الجهة التى ستقوم بدفع قيمة المراجع وترحيلها وتوصيلها للكلية وهذه تشمل كل خريجى الكلية بما فيهم المذكولرين فى الفقرة2 وبما ان هذه الجهة تحتاج الى طريقة منظمة تضمن عدم الفشل
انا عندى اقتراح ساذكره الان فى مداخلة منفصلة لاهميته

كلام جميل يا زعيم .. ومنتظرين المقترح ..

Post: #2042
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 11:27 AM
Parent: #1

بعد اضافات ابراهيم محمد الحسن وبكرى ابوبكر ودكتورة تهانى عبدالله وأبوبكر عثمان
تصبح لستة (المتزوجـــون):

د. صليب يسي 73 (كهرباء) و د. نجاة بنجامين نخلة 74 (كهرباء)
احمد ابراهيم عباس ( ) و جميلة ( )
عبد القادر الامام 80 (مساحة) و حباب محجوب 84 ( )
الشيخ ادريس مصطفى الامين81 (كيميائية) و أميمة دفع الله الحاج يوسف 82 ( )
عمر مختار81 (كيميائية) وعفاف محمد على 84 (كيميائية)
هشام أيوب 82 ( ) و أمانى نصر الدين 84 (مدنية)
ياسر العبد 82 ( ) و أمانى بدوى 87 (زراعية)
محمد أمير 83 (ميكانيكا) و تهانى عباس 83 (مدنية)
محمد أبو عاقلة 83 ( ) و سهير عبد القيوم 85 ( )
محمد عبدالجليل 83 (كهرباء) و سلمى السعيد 87 (كيميائية)
عماد عوض 83 (مدنية) و فاطمة النور 86 (مدنية)
محمد السراج 83 (كهرباء) و ابتسام محمود 87 (كهرباء)
عصام عبد الله خميس 83 (مدنية) و مها سراج 84 (كهرباء)
الأمين مصطفى الأمين 84 (مدنية) وهالة التجانى 86 (كيميائية)
مؤتمن ميرغنى 84 (كهرباء) و ايمان صلاح 84 (كيميائية)
طه محمود صالح 84 (مدنية) و تبارك موسى عوض 84 (مدنية)
ياسر شندى 84 (مدنية) و كاملة عبد الباقى 85 ( )
على رباح 84 (كيميائية) و سمية عبد المنعم 88 (كيميائية)
عماد عيدروس 84 (كهرباء) وتوسل 95 (كهرباء)
الطاهر عبداللطيف 90(كهرباء) وحنان محمود 85 (كهرباء)
نادر عباس "كوبر" 85 (مدنية) و عايدة عبد الله 90 ( )
معاوية ميرغنى 86 (مدنية) و آمنة الطيب عريبى 86 (كهرباء)
هاشم دهب 86 (ميكانيكا) وسلمى كرم الله 86 (مدنية)
عاطف جلال 86 (مدنية) و صفاء الفاضل 87 (معمار)
معتز صالح "عريس" 86 (زراعية) و رباب إبراهيم 92 (مدنية)
طارق حمادة 87 (كهرباء) و آن عبد المنعم 88 (كهرباء)
عبد الرحمن بابكر87 (كهرباء) و سلمى بريدو 87 (كهرباء)
هشام مجذوب 87 (كهرباء) و سوسن محمد الحسن 87 (مدنية)
عادل التجانى 87 (كهرباء) و أمل بيومى 87 (كهرباء)
عمر حسين 87 (ميكانيكا) و رحاب 90
منتصر محجوب عباس87 (مدنية) وعفراء 88 ( )
ابراهيم مأمون 88 (كيميائية) و سارة ابقرجة87 (كهرباء)
عبد القادر احمد عباس 88 ( ) وهناء على 87 (معمار)
وائل ابوبكر الصديق 88 (مدنية) وهبة حسن 90 (كهرباء)
صديق جيلانى 88 (زراعية) و منى خميس 88 (مدنية)
علاء الدين حسنين 88 (مدنية) و آلاء عزالدين 96 (كهرباء)
سعيد محمد سعيد 88 (مدنية) و وصال 88 ( )
حسام عربى 89 (معمار) وسمر بكرى مكى 89 (معمار)
منصور على المنصور 90 ( ) و هنادى أحمدون91 ( )
خالد مبارك 90 ( ) و سوزان عثمان 90 ( )
ابراهيم البنا 90 ( ) و نورس احمد محمود 92 ( )
سامي عبد الله 91 ( ) و رحاب باجابر 92 ( )
عمار عثمان مصطفى 91 ( ) وأشواق عبد الله ( )
محمد الخاتم حمادة 95 (ميكانيكا) و سيزا عبد الله 98 (كهرباء)
عبدالله جعفر ميرغنى 96 (كهرباء) و صفاء البوشى 98 (كهرباء)
يوسف عزالدين كامل 97 (كهرباء) و ضحى حسنين 98 ( )
احمد فؤاد عكاشة97 (مساحة)وعفراء عبدالمحسن97(كهرباء)
محمد مصطفى ابراهيم97 (كهرباء)وسحر حمزة مبارك97(مدنية)
الصديق عبدالرحمن 98 (ميكانيكا) و لبنى الرفاعي 98 (مدنية)
حسام أحمد إبراهيم (97 كهرباء) - هالة وداعة (97 كهرباء)
محمد إسماعيل محمد أحمد (97 كهرباء) - رانية نعيم (97 كهرباء)
محمد الهادي إبراهيم (97 كهرباء) - نورا علي حافظ (99 مكانيكا)
أمجد عبدالرحيم (97 مدنية)- سلمى خالد (97 كهرباء)
مازن فضل الطيب (97 مدنية) - سماح عمر (97 مدنية)
أسامة أبوالقاسم الخضر (97 كهرباء)- ندى ضرار (99 معمار)
تمت الاضافة الاخيرة لابراهيم ود.تهان و ود اسماعيل
00249122027690
[email protected]

Post: #2043
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 11:32 AM
Parent: #2042

الحبر ..
Quote: أحمد فؤاد عكاشة 97 (مساحة) و عفراء عبد المحسن 97 (كهرباء)
محمد مصطفى إبراهيم 97 (كهرباء) و سحر حمزة مبارك 97 (مدنية)
احمد فؤاد عكاشة97 (مساحة)وعفراء عبدالمحسن97(كهرباء)
محمد مصطفى ابراهيم97 (كهرباء)وسحر حمزة مبارك97(مدنية)

مكرر
لأني أنا already أضفتهم ..

Post: #2044
Title: Re: اليوم الحار ومابنداريوم الهندسة والمعمار
Author: khaleel
Date: 06-23-2008, 11:48 AM
Parent: #2043

هل كل العلاقات الزوجية يسودها الاستقرار

وللا في هبايب

Post: #2045
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 12:24 PM
Parent: #2044

Quote: هل كل العلاقات الزوجية يسودها الاستقرار
وللا في هبايب


خليل ..
كدي خلينا في الأول ناخد الجانب الإيجابي ونكرم الجماعة ديل (ناس عادل التجاني وأمل بيومي منتظرين الشقق)
ونخلص من دعم الكلية ..
واليوبيل الفضي للدفع ..
بعدين ممكن نشوف إستفسارك ده ونفرد ليه جانب

Post: #2046
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 12:30 PM
Parent: #1

Quote: 3/الجهة التى ستقوم بدفع قيمة المراجع وترحيلها وتوصيلها للكلية وهذه تشمل كل خريجى الكلية
بما فيهم المذكولرين فى الفقرة2 وبما ان هذه الجهة تحتاج الى طريقة منظمة تضمن عدم الفشل
انا عندى اقتراح ساذكره الان فى مداخلة منفصلة لاهميته

بالنسبة للجهة التالتة اعلاه والتى تعتبر مهمة جدا لتنفيذ مشروع الدعم
وبما اننا اذا تحدثنا عن دعم هذا يعنى اننا نتحدث عن امر مادى وبما ان
الامر المادى له حساسية دائما فى التعامل وخاصة ان هذا الامر سيطرح لقاعدة كبيرة جدا
انا ارى الاتى
1/تقسيم الخريجين الى مجموعات صغيرة يكون بينها اتصال او تواصل الان ومستمر(عندى اقتراح لها)
2/بعد تحديد تحديد احتياجات الكلية للمكتبة وبالتنسيق مع الجهة التانية يتم ايضا تحديد
اين توجد هذه الاحتياجات وكم قيمتها +اى منصرفات
3/تقسيم الاحتياجات على المجموعات الداعمة فى الفقرة1 او على جزء منها وتقوم المجموعة بالاتصال
مباشرة على المصدر (حتما سيكون شخص من الكلية) والقيام بكل ما يلزم وتستلم المجموعة المراجع
المطلوبة ويتم تنسيق بين المجموعات لتسليم هذه الاشياء للكلية
وانا اقتر الاتى بالنسبة للمجموعات وعلى الاخوان توسيع الدائرة
مثلا فى السودان نقسمها كالاتى
*مجموعة 1 السودان
ابراهيم ابوسمرة85
الباشمهندس شمس الدين81
عمر الحبر84
خالد محمد عمر86
محمد الصائم86
خالد كاهن87
هشام مجذوب88
مرتضى حسن88
عمار ابوشوك88
على احمد على88
مجاهدطه88
عمار اوشوك88
عبدالمجيد الشفيع88
*مجموعة 2 السودان
طارق احمد خالد82
علاء محمد بابكر 82
مؤتمن ميرغنى84
الامين مصطفى84
هيثم عثمان84
هشام طه84
اسمة الحاج(كونتا)84
ياسر بدوى84
احمد محمد ابراهيم(ابوالريش)84
عمر الحبر84
عادل سيورى84
حمد محمد احمد حمد84
ياسر شندى 84
فخر الدين الفاتح 84
كامل البيلى 84
*مجموعة3 السودان
عثمان صديق87
مدثر الرشيد87
محمد خير فتح الرحمن87
فوزى عبدالفتاح87
محمد صديق87
طلال خليل87
سعد ابراهيم87
خالد عثمان 87
ياسر البنا87
محمد عجيب87
ياسر المر87
محمد البلال87
خالد احمد87
الحارث مصطفى 87
اشرف منير87
محجوب الفكى 87
بكرى اسماعيل 87
هشام عثمان(كدمبور)87
هشام عبدالعال87
*مجموعة 4 السودان
عماد عيدروس84
ابوبكر عثمان85
معاوية ميرغنى 87
معاوية عابدين87
ويمكن اضافة ناس بمعرفة هؤلاء
*مجموعة 5 السودان
محمود الاسد85
الهادى الاصم 85
حامد قرافى85
ابراهيم اللندى 85
مامون جوارى 85
جمال النور85
طه النور85
*مجموعة6 السودان
هشام سفل83
خالد على طه(الشهير)83
حسن بابكر 83
على كدام 83
ياسر محمد احمد(ابصلعة) 83
عماد الحبيب83
عفان اسماعيل83
على عثمان بابكر(كتكوت)83
عبدالحليم دوكة82
د.اسامة عبدالحفيظ82
سامى الجيلى 83
وليد مادبو83
عصام الزبير 82
بس عوض 83
عبدالمنعم كردش83
الحاج يس83
انا عندى مجوعات كتيرة بس هذا للتوضيح والبداية
وعلى سبيل المثال نقول للمجموعة 1 السودان وحسب لستة اساتذة الكلية للاحتياجات
انتو عليكم تجيبو 12 كتاب fluid ودكتور طه محمود لقى ارخص عرض فى اتجلترا ونديهم تلفون
طه محمود وهم عن طريق واحد منهم يتابعو لغاية ما استلمو الكتب فى السودان وبعدين نسلم
الكتب للكلية مجتمعة او على دفعات زى ما يجى ارجو الافادة
[email protected]

Post: #2047
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 12:37 PM
Parent: #1

طارق الكوتش

Quote: توفى إلى رحمة مولاه والد العزيز جدا انس محمد احمد ( 87 كيميائية ). ونسأل الله ان يرحمه ويغفر له .التقينا أمس بدبي قادما من أمريكا ومتوجهة اليوم (23-6 ) إلى الخرطوم بالخطوط الاماراتيه . وهو بخير . وسوف يظل في الخرطوم حوالي اسبوع من اليوم.....

طارق الكوتش

دة ايميل من طارق الكوتش له الشكر ونسال الله الرحمة والمغفرة لى والد زميلنا انس
وربنا يجعل قبره روضة من رياض الجنة انشاء الله

Post: #2048
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-23-2008, 12:40 PM
Parent: #1

سلام لكل عشاق البوست
أذكر و نحن برالمة في تانية كهرباء و كانت الامتحانات الزمن داك مركزية
يعني الحكاية مشكوكة كل الاقسام مع بعض ما ذي هسه كل قسم لوحده
بعد عشرة دقائق من بداية الامتحان رفع اخونا المساح المخضرم
ميسرة النجار يده و طلب كراس إضافي
الناس كلها خافت متييين الزول ده ملأ الكراس (و كان الكراس كبير الزمن داك هسه نقص مع عوامل التعرية)
بعد الامتحان سألتو ( وكانت تربطني به علاقة أسرية) نفس السؤال: ماشاء الله إنت متين مليت الكراس الأول
علشان تجيب كراس إضافي
ضحك و قال لي: دي حركات بنرهب بيها البرالمة ساكت
تحياتي للأخ ميسرة النجار و أعتقد هو في أبوظبي الآن

Post: #2049
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 12:59 PM
Parent: #2048

نسال الله عز وجل الرحمة والمغفرة لوالد الزميل أنس
ربنا يجعل قبره روضة من رياض الجنة إنشاء الله ..
وأن يلهم الأخ أنس وآله الصبر وحسن العزاء ..

Post: #2050
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 01:17 PM
Parent: #2049

عمر الحبر ..
مقترح المجموعات مناسب جدا .. وبيخلى الشغل أكتر تركيزاً ..
وممكن إضافة الأخوات الزميلات بالتنسيق مع د. تهاني
بعض الملاحظات أرسلتها ليك في المسنجر ..

Post: #2051
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 01:36 PM
Parent: #2050

سعيدين جدا بظهور ومشاركة الأخوات الزميلات ..
إيميل من الباشمهندسة سهام الكاروري :
Quote: الأخ إبراهيم محمد الحسن
وصحبه الميامين في بوست اليوم الحار ما بندار يوم الهندسة والمعمار
التحية والود لكل الرائعين/ات من الزمن الجميل
رغم الحضور الضعيف للرائعات كعادة الهندسة دائماً
ياااااااها زمن رجعتونا 20 سنة
انا من مدمني هذا البوست (جرعة يومياً واحيانا تصل تلاتة) واحيانا بخرم ليه عديل
نفضتو الغباااار عن ذكريات وايام محفورة في الذاكرة ويستحيل نسيانها

مزيداً من التواصل والعطاء

سهام الكاروري
كيمائية 85
السودان

Post: #2052
Title: Re: اليوم الحار ومابنداريوم الهندسة والمعمار
Author: عبدالكريم الامين احمد
Date: 06-23-2008, 01:43 PM
Parent: #2051

هلا يا شباب
وبالله ياحبر وخليل وابراهيم انسونا من ملاسي ده
وخلونا في هندستنا الوريفة دي..
تحياتي الي تهاني واضيف الي اقتراحات الكتب ايضا يمكن للشباب ايضا بالخارج توفير
(سوفت وير) بالذات البرنامج المربوطة بالاعمال المساحية في شكل سي ديهات يمكن الاخوة الطلاب من تبادل
نسخها او الاحتفاظ بها في معمل الكمبيوتر ..
وسلام شديد يا شيخ الدين اسماعيل ووالله زمان...

ومتابعين معاكم حبة حبة
والتحايا للجميع

Post: #2053
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-23-2008, 01:55 PM
Parent: #2051

إيميل من كابتن بهاء الدين:
Quote:
انت ياابراهيم كاروري دي خررفت ولا شنو, الزوله دى دفعتنا يعني 86 ما85.
مرحب بيك كاروري ومنوره البوست والله
بهاءالدين


تعرف يا بهاء انا كنت حا أكتب نفس التعليق
هسع اتصلت بمحمد قيلي عشان أتأكد من المعلومة .. قلت يمكن نحن خرفنا
بس طلعتي انت الخرفتي يا سهام

Post: #2054
Title: Re: اليوم الحار ومابنداريوم الهندسة والمعمار
Author: Abubakr Osman
Date: 06-23-2008, 03:17 PM
Parent: #2053

هلا هلا يا مهندسين
مرحب بكل هذه المقترحات النيرة
لدى اقتراح لمجموعات الداخل هل من امكانية تنظيم لقاء فى الكلية مع بعض اساتذتها لمناقشة هذه المقترحات
ارشح د تهانى والحبر لتنسيق هذا اللقاء والاسبوع الاول من يوليو موعده

Post: #2055
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 05:22 PM
Parent: #1

Quote: هلا هلا يا مهندسين
مرحب بكل هذه المقترحات النيرة
لدى اقتراح لمجموعات الداخل هل من امكانية تنظيم لقاء فى الكلية مع بعض اساتذتها لمناقشة هذه المقترحات
ارشح د تهانى والحبر لتنسيق هذا اللقاء والاسبوع الاول من يوليو موعده

اولا يا بكرى طالما بقيت تكتب بالعربى يبقى وصلت البلد فالحمدلله على السلامة
وثانيا انا اوافق على موضوع اللقاء وانت يا بكرى اتولى الامر فى البوست عشان
الناس ما تنساه

Post: #2056
Title: Re: اليوم الحار ومابنداريوم الهندسة والمعمار
Author: khaleel
Date: 06-23-2008, 05:40 PM
Parent: #2055

الرحمة والمغفرة

لوالد الزميل انس وانا لله وانا اليه راجعون

Post: #2057
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 05:43 PM
Parent: #1

يا جماعة الخير ادونا اضافات وياريت معاها ايميلات لخريجى الكلية الدكاترة
فى اوروبا وامريكا
دكتور طه محمود جامعة مانشستر انجلترا
دكتورة تبارك موسى جامعة ريدينج انجلترا
دكتور منتصر محجوب عباس جامعة فرجينيا امريكا
دكتور طلال الاحمر انجلترا
دكتور امير عون الشريف امريكا
دكتور حسين على حسين امريكا
د.الطيب الطاهر مدنية جامعة سندربى اونتريو كندا
د. ياسر عبدالله معمار جامعة فلوريدا امريكا
دكتورة هبى مدنية جامعة IIT شيكاغو
د. علاء الدين حسنين مدنية انجلترا
د. عبدالله البلة ميكانيكا جامعة برادلى امريكا
نجم الدين احمد جامعة شيكاغو امريكا
دكتور طارق دينار امريكا
ارجو اضافة اسماء اخرى [email protected]
00249122027690 كما ارجو افادتنا بايميلات الناس ديل

Post: #2059
Title: Re: اليوم الحار ومابنداريوم الهندسة والمعمار
Author: khaleel
Date: 06-23-2008, 06:14 PM
Parent: #2057

عماد عائد


ASAK to all of you.



I don’t recommend that the contribution to be limited only for the specific requirement of each department/faculty. All of us could contribute to improve the knowledge in the university by sending whatever books, magazines, papers, etc. that could enhance and elevate the quality of knowledge in the university. In other words, anyone of us who have extra books, magazine, etc. plus the specific needs of each department please send them to the country point of contact.



The financial contribution is extremely important for packing, storing and shipping. We need to set some target dates for the collection of material and another target date for shipping to Khartoum.



Each country point of contact should do his/her own networking (outside Sudanese online) and every week (we need to agree on the day) progress reports to be published in Sudanese online in order to be aware of the progress and obstacles.



BR,

Imad Ayed



.

Post: #2058
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-23-2008, 06:11 PM
Parent: #1

يا محمد عبدالرحمن اعمل مجموعات لى ناس امريكامثلا عندك مجموعة ممكن يكون فيها
حسين على حسين
حاتم ادم
محمد هاشم
اشرف شمت
معز هاشم
حسن خضر
ويا طارق الكوتش اعمل مجموعات الامارات وعندك ناس من القدامى هناك
علاء عثمان
عزالدين محمد الخير
محمد جعفر

Post: #2060
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-23-2008, 11:41 PM
Parent: #1

سلام مكعب يا هندسه،

و اصدق و اعمق الشكر و العرفان لكل الاخوه بالسودان، ما خص و ما عم، للجلسه الجميله بالأسكله، و للذين حضروا الندوه

عمر الحبر، خالد عمر، خالد عثمان،سعد إبراهيم،محمد صديق، بطه الدار، صلاح مختار (توكيد لفظي) ،ابراهيم ميرغني، ياسر البنا، محمد الصايم، محمد ابكم، يحي، و شبو عبر الاثير

اتمني ان نلتقي مرارا و تكرارا

بخصوص دعم الكليه، حاضرين إن شاء الله، و ياريت نقدر نقوم بعمل علي مستوي مؤثر

Post: #2061
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-24-2008, 06:11 AM
Parent: #2060



الحقوا يا شباب
كيكي متخفي في ثوب د. إشراقة مصطفى ..
تتجازى يا كيكي ..

Post: #2062
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-24-2008, 06:39 AM
Parent: #2061


يا رجب.....

سنتا أبونيه ... سصبر أبونيه سلى عناب ساس نوار سمريكا أبونيه ...
سلينى خرطوش سشوف أبونيه السواحى نوار السانونية قرقور ... سشان عناب شكلة مرمر ..... ساشوف حمام السباب شرشور ....
سليتك خرطوش سعافية بربور ......

Post: #2063
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-24-2008, 06:40 AM
Parent: #2061

Quote: يا جماعة الخير ادونا اضافات وياريت معاها ايميلات لخريجى الكلية الدكاترة فى اوروبا وامريكا

الحبر ..
في أمريكا :
جمال حسن
وكمان في محمد محي الدين - كهرباء 86

Post: #2064
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-24-2008, 08:01 AM
Parent: #2063

إيميل من الأخ محمد أبكم :
Quote: الاخ العزيز م. ابراهيم
تحية طيبة ..
أود من خلالك ان اشكر جميع الزملاء بالخرطوم على حفاوتهم وكريم استقبالهم وقد قضيت معهم وقتا لن انساه.
واثنى على مستوى الطرح والاقتراحات الجيدة بدعم الكلية وانا على اتم استعداد للمشاركة في هذا العمل وعلى اي مستوى.
مرفق قائمة الخريجين لعام 87 مرسلة من العزيز جدا م. عمر الحبر

عوداً حميداً الأخ محمد أبكم ..
وإنشاء الله قضيت وقت جميل بين الأهل والأحباب ..
ومنتظرك لمشاركتي في تنسيق عملية الدعم من خلال خريجي الهندسة بالمملكة ..

Post: #2065
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-24-2008, 11:34 AM
Parent: #2064


Post: #2066
Title: Re: اليوم الحار ومابنداريوم الهندسة والمعمار
Author: khaleel
Date: 06-24-2008, 11:41 AM
Parent: #2065

Quote: عوداً حميداً الأخ محمد أبكم ..
وإنشاء الله قضيت وقت جميل بين الأهل والأحباب ..
ومنتظرك لمشاركتي في تنسيق عملية الدعم من خلال خريجي الهندسة بالمملكة



سلامات محمد ابكم والتحية عبرك لابن خالتك احمد محي الدين

Post: #2067
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-24-2008, 12:15 PM
Parent: #1

سلام

التعازي للاخ أنس وربنا يرحم الوالد

نرحب بالغالية سهام الكاروري اللهم زد وبارك

يللا أظهرن ياباشمهندسات

الحبر مجهودات مقدرة

Post: #2068
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-24-2008, 12:21 PM
Parent: #2067

أحمد التجاني .. العضو المختفي الأيام دي .. بسبب مولوده الجديد ربنا يحفظو ..
كتب في بوست تهنئته بالمولود :
Quote: بس تعرفى كان عندنا دكتور اسمه عبد الله الصادق
فى كلية الهندسة ما بحب ابدا اولاد الخرطوم .. وذوى
الاسماء الحنكوشية او شبهها ودايما عامل ليهم مشاكل فى النتيجة
لكن اكتر حاجة محيرانا كانت انه مكجن كيكى كجنة جد
وصاحبنا لا من الخرطوم ولا اسمه طلال


كيكي عملتها فيه رباح ..

Post: #2069
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-24-2008, 12:37 PM
Parent: #1

يا إبراهيم شكلك كده براك الليلة

علم

بس أنا بره الكلية

ستتم التعديلات غدا باذن الله

Post: #2070
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-24-2008, 03:13 PM
Parent: #1

Quote: يا رجب.....

سنتا أبونيه ... سصبر أبونيه سلى عناب ساس نوار سمريكا أبونيه ...
سلينى خرطوش سشوف أبونيه السواحى نوار السانونية قرقور ... سشان عناب شكلة مرمر ..... ساشوف حمام السباب شرشور ....
سليتك خرطوش سعافية بربور ......

سمام ترتار سس بربور سا مرمر ستاخر ترتار سشان عناب سلنا كمون سمشى نوار سع مرمر سعض بربور

Post: #2071
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-24-2008, 03:26 PM
Parent: #1

Quote: سلامات للجميع وسلام خاص للود بكرى إسماعيل ( الراسو مربع كما قال الود طارق عمر – فصمه ) . وشكرا للبوست الرائع والذي من خلاله تواصلنا مع عاطف مرسى واحمد غازي بأمريكا وفى انتظار مزيد من الأخبار والمراسلات الخاصة من خلال [email protected]

أو من خلال التلفون 00971504853878



مداخله 1 إبراهيم تلفون احمد مالك هو 00971505969101

مداخله 2 هنالك اجتماع في هذه اللحظات بين د. كمال عبد اللطيف و مهندس / عثمان صديق بخصوص دعم مكتبة الكلية

مداخله 3 نرجو ولسرعة التواصل والمعلومة والمشاركة مدنا بكلمة السر الخاصة بالبوست

مداخله 4 التعامل مع المقترحين الرابع والخامس بشكل موازى مع مقترح دعم الكلية وتشكيل عضو لمتابعتهما

مداخله5 تقود سيارتك في ليلة عاصفة
وفي طريقك مررت بموقف للحافلات
ورأيت ثلاثة أشخاص ينتظرون الحافلة
1/ امرأة عجوز توشك على الموت
2/ صديق قديم سبق أن أنقذ حياتك .
3/ الرجل ( أو المرأة المثالية ) والتي كنت تحلم به ( بها ) طوال العمر
وكان لديك متسع بسيارتك لراكب واحد فقط .. فأيهم ستقله معك ؟

مداخله 6 نرجو الرد أو التعليق علي المداخلات أعلاه

طارق الكوتش

التحية لك يا طارق الكوتش على المشاركات الرائعة دى وبالنسبة للباص ويرد منتظرين بكرى يرد
علينا امابالنسبة لى مداخلتك الخامسة ما عايزة تفكير كتير تنزل من عربيتك توقف امجاد وتقول
لى صديقك الذى انقذ حياتك بعد ما تسلم عليهو بحرارة, انت الظاهر ربنا خلقك لانقاذ حياة الاخرين
اركب مع الامراة العجوز دى فى الامجاد واطلعوا على المستشفى وانا بجيكم هناك وتركب معاك فتاة الاحلام
وتتخارج

Post: #2072
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-24-2008, 03:35 PM
Parent: #1

Quote: عزيزي الحبر

آسفين على التأخير..

أنا رسلت إيميل بخصوص دعم الكلية لكل المهندسين الموجودين في الكونتاكت لست عندي والما ظاهرين في البوست وعلى الفور جاني أول رد من الباشمهندس مهدي معتصم (88 كيميائية) يطلب طريقة للإتصال بالقائمين على الأمر، وإنشاء الله نفيدك بكل جديد أول بأول



تحياتي للدكتورة تهاني على مجهوداتها المقدرة ونحن في انتظار لستة إحتياجات الكلية.

بالمناسبة دي معانا خريجين جدد في الشغل بيشتكوا قالو إمتحانات د. تهاني بتكون مولعة نار والعجب يوم إمتحان د.نجلاء قالو في ناس مابنوموا...

تحياتي كذلك للرائع إبراهيم محمد الحسن وإصراره على رفع البوست دائماً وبقول ليهو ما شاء الله على مكتبة الصور و ما شاء الله تاني على الذاكرة الحديدية

تحياتي ل كيكي وهو بيحاول يثبت للعالم أجمع إنو زول قراي بس الظروف زمان ماساعدتو...وبالتوفيق للجميع إنشاء الله

بكري

دة ايميل من العزيز بكرى اسماعيل ودة احساس ومجهود منك يستحق التقدير ولك الشكر الجزيل
وما تنقطع

Post: #2073
Title: Re: اليوم الحار ومابنداريوم الهندسة والمعمار
Author: عمر الحبر
Date: 06-24-2008, 03:42 PM
Parent: #1

اتصل على احد ابناء الزمن الجميل والذى تميز بنشاطه الاجتماعى والسياسى
وهو يحى كل ابنا هذه الكلية العريقة واشاد بمشروع دعم الكلية وهو مستعد
للدعم بلا حدود فالتحية للعزيز محمد خير فتح الرحمن ونحن فى انتظار مداخلاته
والتى ستفيدنا حتماعبر الايميل ولك الشكر يا محمد خير على اتصالك الذى اسعدنى
كثيرا

Post: #2074
Title: Re: اليوم الحار ومابنداريوم الهندسة والمعمار
Author: khaleel
Date: 06-24-2008, 08:43 PM
Parent: #2073

ياخي عائز اسلم علي ( علي ابظج )

اليوم دها بتذكر فيهو بدون مناسبة

Post: #2075
Title: Re: اليوم الحار ومابنداريوم الهندسة والمعمار
Author: Mohamad Shamseldin
Date: 06-25-2008, 01:33 AM
Parent: #2074

Quote: ياخي عائز اسلم علي ( علي ابظج )

اليوم دها بتذكر فيهو بدون مناسبة


سمن ليمون سلاقيهو ترتار سلغو بربور سحياتى ترتار ...
و سسالو أبونيه سوليهو قرقور : سبظبج أبونيه سعناها مرمر سنو شرشور ....
سان كمون سابى أبونيه سوريك يايات ساسأل أبونيه سحي يايات الساسم قرقور .... سندو عناب السصة قرقور .....

Post: #2076
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 06:19 AM
Parent: #2075

Quote: مداخله 1 إبراهيم تلفون احمد مالك هو 00971505969101

مداخله 3 نرجو ولسرعة التواصل والمعلومة والمشاركة مدنا بكلمة السر الخاصة بالبوست

طارق الكوتش
تحياتي .. ومجهوداتك مقدرة ..
شكرا لمداخلاتك القيمة ..
أرشحك لجائز الحبر التشجيعية وهي منحك العضوية والباسورد على وجه السرعة ..
طبعا في برضو كابتن بهاء الدين إستحق الجائزة بجدارة ..
ودخل ضمن المرشحين حديثا الأخ بكري إسماعيل
يلا يا حبر .. اشرع في منح الجائزة ..
وفي إنتظار المزيد من الوجوه الجديدة ..

Post: #2077
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 06:29 AM
Parent: #2076

العزيز جدا
بكري إسماعيل
أشواق وتحيات بالكوم
وشكرا على التواصل والكلمات الجميلة .. والمجهود المقدر .. نتمنى يستمر
عبرك نوجه رسالة لدكتورة تهاني ودكتورة نجلاء عشان يخفوا على الشباب شوية ..
بخصوص دعم الكلية (المكتبة) نحن في إنتظار ما تسفر عنه اتصالاتكم في الداخل مع إدارات الأقسام لتحديد الإحتياجات وتفعيل خطة الدعم حسب مقترح الأخ الحبر

Post: #2078
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 06:43 AM
Parent: #2077

وصلتني الرسالة التالية عبر المسنجر من العضو wadismail :
Quote: سلام يا هندسة ،
أضف عندك لقائمة المتزوجين :
حسام أحمد إبراهيم (97 كهرباء) - هالة وداعة (97 كهرباء)
محمد إسماعيل محمد أحمد (97 كهرباء) - رانية نعيم (97 كهرباء)
محمد الهادي إبراهيم (97 كهرباء) - نورا علي حافظ (99 مكانيكا)
أمجد عبدالرحيم (97 مدنية)- سلمى خالد (97 كهرباء)
مازن فضل الطيب (97 مدنية) - سماح عمر (97 مدنية)
أسامة أبوالقاسم الخضر (97 كهرباء)- ندى ضرار (99 معمار)

شكرا لك على الإضافة ..
بس بالمناسبة الأخ wadismail بعد التحري وجدت إنه :

Quote: اللقب: wadismail
عدد البوستات: 133
تاريخ التسجيل: 01-09-2006
الاسم الحقيقى: محمد إسماعيل محمد أحمد
التلفون:
الجامعة/المعهد: Universiety Of Khartoum - Engineering - Electrical

ياخي بالغت ياهندسة .. عندك باسورد ومختفي كده
طيب على الأقل كان تنزل مداخلتك مباشرة في البوست ..
يلا كمل معلومتك وورينا دفعة كم ... ويا ريت تشاركنا المداخلات ..
شكرا

Post: #2079
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 06:50 AM
Parent: #2078

لاحظتو من معلومة الأخ محمد إسماعيل ..
من عدد (12) زوج وزوجة من الكلية .. في عدد (7) من كهرباء
لا وكمان في ( 2couples) ممن يستحقون الشقة 3 غرف وناصية
Quote: حسام أحمد إبراهيم (97 كهرباء) - هالة وداعة (97 كهرباء)
محمد إسماعيل محمد أحمد (97 كهرباء) - رانية نعيم (97 كهرباء)

بالله هو انت .. يا محمد إسماعيل محمد أحمد .. انت شخصيا منهم
_________________________________
- بالرجوع لقائمة (المتزوجون) لعمل الإضافات .. وجدتك يا عمر الحبر قمت باللازم .. الظاهر الأخ محمد إسماعيل رسل ليك برضو ..
تسلم ..

Post: #2080
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 07:52 AM
Parent: #2079

كنت في محادثة هاتفية الآن مع الأخ أحمد مالك (مساحة 88)
أحمد مالك في طريقه للسودان غدا ( لمن يهمه الأمر) ..
اديته فكرة عن البوست وأهدافه .. ووعد بالدخول والمتابعة ,, وكمان أبدى إستعداد وترحيب بفكرة الدعم ..

Post: #2081
Title: Re: اليوم الحار ومابنداريوم الهندسة والمعمار
Author: wadismail
Date: 06-25-2008, 08:41 AM
Parent: #1

سلام يا مهندسين

يا أخواننا أقترح أنو يكون في بوست منفصل للمشروعات و المقترحات الجادة ، لأنو

البوست دا بصفحاتو الكم و عشرين ديل بدا يبقى صعب التصفح ، و الأصعب إنو الواحد يقرأ المداخلات

كلها -بالتسلسل طبعا- عشان يقدر يتابع المقترحات و المشاريع المطروحة ، فحكاية بوست

منفصل بقت ضرورة .


بعدين عشان تخلوا خليل يواصل لينا ذكرياتو في البوست دا !!

Post: #2082
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 09:18 AM
Parent: #2081

هلا ود إسماعيل
أيوة كده أظهر وبان .. وقدم مقترحاتك كمان ... بدل الشغل من وراء الكواليس
بخصوص مقترحك ..
تعرف حكاية بوست منفصل دي أعتقد صعبة شوية
ياخي الواحد ده انت ملاحظ موضوع متابعته ورفعه من الأعضاء فيها صعوبة والناس بتنشغل أحيانا ..
فما بالك لما يكونو إثنين !!

أي واحد يدخل جديد للبوست ..
كل ما عليه يفرغ نفسو شوية كده ويفر البوست كله من أوله لآخره ..
يعني اتخيل نفسك في زنقة سمستر كدة ..
بعد داك بتكون متابعتو للصفحة الأخيرة بس والمداخلات الجديدة .. يعني ذي الركلسة في الكافتريا ..

Post: #2083
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-25-2008, 10:23 AM
Parent: #1

دي هجمة مرتدة زي ما بقول الحبر
ذكريات البرليم و الاندرلاب و ال OLT - كلية العلوم دي حاجات في الذاكرة مستحيل تتنسي ،،،
لا زلت أذكر حفل الاستقبال العملوهو ناس رابطة أبناء الصحافة بالجامعات و المعاهد العليا ،،،
و الكورسات الصيفية العملناها و نحن برالمة
شخصيات في الذاكرة من رابطة الصحافة:
الشهيد مختار سليمان ، المرحوم فتحي صديق ( مدنية 85) ، المحامي الطيب رئيس الرابطة
عبد الله عجيب المساح المخضرم ، الطيب عبد اللطيف ، وديدي ، عباس ، عباس ، عمر حسين،
عثمان صديق ، سيف اسكلاتشي ، عفاف و انتصار عثمان حسين ،عواطف عيدروس ،
حنان من الله ، أماني بدوي ، إيهاب محمد صالح ، إقبال محمد عبد الرحيم ، حنان محمود ،...
بالمناسبة سيف اسكلاتشي لسه في الصحافة و بقابلوا في المدرسة ، أصلوا أولادنا بيقروا في مدرسة واحدة
طبعا إبراهيم محمد الحسن (هومي السمتو عواطف) كان بيري في المشروع يعني إبراهيم البير
(دي علي وزن أمين البير زي ما بقول صديق أبو اللكس)،
بس بيري في اللابات كان الحنكوش طارق حمادة بحكم الترتيب الابجدي الانجليزي
و في البداية بصراحة كدة لاوزت شوية علشان قصة الانجليزي يا خليل و كده
أصلو الحناكيش حتى ونستهم كانت بالانجليزي
و بعدين طلع راجل محترم و مهذب بصورة ما عادية
التحية لطارق حمادة و زوجته المهندسة آن عبد المنعم الرائعيين
تحايا للزميل بكري اسماعيل و مجهوداتك مقدرة ، و لكن و الله أنا أصلا امتحاناتي ما صعبة
أبوبكر عثمان حمدا لله على السلامة
تحايا للزميل محمدخير فتح الرحمن و في انتظار المداخلات
اتصل بي هاتفيا الزميل صلاح الدين مختار و مرحب بيه و هو عندو باسوورد في انتظار المداخلات
يا حبر و محمد شمس الدين شنو الشفرات دي ؟؟
بالمناسبة يا ابراهيم في couples بس ما متاكدة الحكاية عايزة مساعدة و تعديل:
محمد نور عبدالله و عبير مكي سنادة
عزة قسم السيد و معتز ... (مدنية)

Post: #2084
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 10:37 AM
Parent: #2083

هلا تهاني البير ..
Quote: اتصل بي هاتفيا الزميل صلاح الدين مختار و مرحب بيه و هو عندو باسوورد في انتظار المداخلات

انا ما عارف صلاح مختار ده ماسك الباسورد ولابد كده مالو ؟!!
شكلو عاوز يفاجئنا بمداخلة وشغل كبير
ياخي الباسورد دي الناس بيفتشو ليها وفاتحين ليها بوستات كاملة وكابين الجرسة لبكري أبوبكر عشانها .. وانت ماسكها ليك 10 يوم وما عاوز تظهر

Post: #2086
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 10:43 AM
Parent: #2084

Quote: الشهيد مختار سليمان ، المرحوم فتحي صديق ( مدنية 85) ، المحامي الطيب رئيس الرابطة
عبد الله عجيب المساح المخضرم ، الطيب عبد اللطيف ، وديدي ، عباس ، عمر حسين،
عثمان صديق ، سيف اسكلاتشي ، عفاف و انتصار عثمان حسين ،عواطف عيدروس ،
حنان من الله ، أماني بدوي ، إيهاب محمد صالح ، إقبال محمد عبد الرحيم ، حنان محمود ،...
بالمناسبة سيف اسكلاتشي لسه في الصحافة و بقابلوا في المدرسة ، أصلوا أولادنا بيقروا في مدرسة واحدة

التحية لكل الناس الجميلة دي
والرحمة والمغفرة لمن فارقونا إلى الدار الآخرة ..
بمناسبة حنان من الله (الحاجة بتاعت السندوتشات) أخبارها شنو؟ في السودان ولا لسة في السعودية؟

Post: #2085
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 10:43 AM
Parent: #2083

وين ناس منتخب الباسكت بتاع الكلية

روبرت وصخر واكرم دلالة

Post: #2087
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 10:59 AM
Parent: #2085

Quote: بمناسبة حنان من الله (الحاجة بتاعت السندوتشات) أخبارها شنو؟ في السودان ولا لسة في السعودية؟


وين الست تماضر والست سهاد

والست شيرين والست سعاد كمال زكي والست غادة ساتي

Post: #2088
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 11:04 AM
Parent: #2087

Quote: وين ناس منتخب الباسكت بتاع الكلية
روبرت وصخر واكرم دلالة

وعباس يسن

Post: #2089
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 11:10 AM
Parent: #2088

بخصوص دعم المكتبة
عندي مقترح إنه الدعم ما يكون بس من ناحية الكتب المطلوبة
وإنما يشمل المكتبة نفسها .. وخصوصا ال extension
من ناحية المبنى والطاولات والكراسي إذا كانت محتاجة مراجعة ..

بالمناسبة دي .. هو ال extension لسة موجود ؟

Post: #2090
Title: Re: اليوم الحار ومابنداريوم الهندسة والمعمار
Author: Mohamed Alkhatim
Date: 06-25-2008, 11:22 AM
Parent: #1

Quote: مداخله5 تقود سيارتك في ليلة عاصفة
وفي طريقك مررت بموقف للحافلات
ورأيت ثلاثة أشخاص ينتظرون الحافلة
1/ امرأة عجوز توشك على الموت
2/ صديق قديم سبق أن أنقذ حياتك .
3/ الرجل ( أو المرأة المثالية ) والتي كنت تحلم به ( بها ) طوال العمر
وكان لديك متسع بسيارتك لراكب واحد فقط .. فأيهم ستقله معك ؟

مداخله 6 نرجو الرد أو التعليق علي المداخلات أعلاه

طارق الكوتش


العزيز الغالي طارق الكوتش

والله شكلك ياكا ما بتتغير من زمن أشعارك بتاعت التيس وهلم جرا
لك كل الحب والود وتحياتي للانسان بشري الفاضل وجلي وكل الرايعين في أبوظبي

Post: #2091
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 11:36 AM
Parent: #2090

- محمد الخاتم حمدا لله على السلامة .. وييين الناس مختفين .. قراية كبر برضو ذي كيكي ولا شنو؟
-
Quote: يا رجب.....
سنتا أبونيه ... سصبر أبونيه سلى عناب ساس نوار سمريكا أبونيه ...
سلينى خرطوش سشوف أبونيه السواحى نوار السانونية قرقور ... سشان عناب شكلة مرمر ..... ساشوف حمام السباب شرشور ....
سليتك خرطوش سعافية بربور ......

Quote: سمام ترتار سس بربور سا مرمر ستاخر ترتار سشان عناب سلنا كمون سمشى نوار سع مرمر سعض بربور

محمد شمس الدين والحبر ..
نستعين بكيكي يعني عشان يفك لينا الشفرة ولا شنو ؟
حصلنا يا كيكي ..

Post: #2092
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-25-2008, 11:51 AM
Parent: #1

سلام

يا إبراهيم هاك:

عبد الله تاج الدين عبد الله (كهرباء 93) نسرين ياسين يوسف (كهرباء 93)
محمد نور عبد الله (كهرباء 90) عبير مكي (كهرباء)
أمير سيد عبدالعزيز (كهرباء 90) بدرية محمد النور (كهرباء 90)
عماد الدين الطيب (كهرباء 94) غادة بدر الدين (كيميائية 95)

Post: #2093
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-25-2008, 11:58 AM
Parent: #1

ابراهيم انا بحييك لحضورك الدائم يظهر انك كنت فل اتندنس زمان

ويا خليل شغلتك مالها بقت تلغرافات

Post: #2094
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 12:03 PM
Parent: #2093

Quote: ابراهيم انا بحييك لحضورك الدائم يظهر انك كنت فل اتندنس زمان

ويا خليل شغلتك مالها بقت تلغرافات


تلغرافات شنو يا هشام


ياخي البوست دها انا ما خليت فيهو حاجة ما قلتها وكل القادمون الجدد بكرروا في الكلام

حتي حكاية شنب القرود مكتوبة

اقراء البوست كويس

Post: #2095
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-25-2008, 12:05 PM
Parent: #1

سلام خليل
غادة ساتي دي كلامها براه
ماشاء الله تبارك الله
عندها جامعة عديييييل
و أخدت وسام من رئيس الجمهورية
نخلي هالة حسن تدينا أخبار حلوة عن المجموعة
يا بير
حنان من الله لسه في جيزان بس تلفونها ضاع مني
نسيت كمان من رابطة الصحافة: محمد الحاج و مصطفى و ديل في الكهرباء
الاكستنشن يا سيدي بقى لاب كبييير بتاع حاسوب لكل الجامعة اسمو معمل الشهيد محمود شريف
و إنت مسطح وين يا بير هي المكتبة بقت ما هنا ذاتها!
عندنا مكتبة ضخمة في المباني الجديدة علي شارع الجامعة
يعني إلا أصور ليكم المباني الجديدة و أنزلها البوست

Post: #2096
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 12:11 PM
Parent: #2095

Quote: نسيت كمان من رابطة الصحافة: محمد الحاج و مصطفى و ديل في الكهرباء


وين حجازي وخالد الشهير واسامة عابدين

Post: #2097
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 12:11 PM
Parent: #2095

Quote: غادة ساتي دي كلامها براه
ماشاء الله تبارك الله .. عندها جامعة عديييييل

طيب تمام .. إذن غادة مهمة في موضوع الدعم ..
Quote:
يا بير
الاكستنشن يا سيدي بقى لاب كبييير بتاع حاسوب لكل الجامعة اسمو معمل الشهيد محمود شريف
و إنت مسطح وين يا بير هي المكتبة بقت ما هنا ذاتها!
عندنا مكتبة ضخمة في المباني الجديدة علي شارع الجامعة
يعني إلا أصور ليكم المباني الجديدة و أنزلها البوست

والله إلا كده ..
تعرفي انا آخر مرة دخلت الجامعة يمكن يوم التخريج ..
والسوق الشعبي بقى شنو؟

Post: #2098
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 12:17 PM
Parent: #2097

Quote: طيب تمام .. إذن غادة مهمة في موضوع الدعم


بعدين سامي عبد اللطيف افرضوا عليه ادفع خمسين مليون جنيه

حبيب الله بابكر مائة مليون

عشان ديل الغنوا بس في دفعتنا

Post: #2099
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 12:18 PM
Parent: #2097

Quote: تلغرافات شنو يا هشام
ياخي البوست دها انا ما خليت فيهو حاجة ما قلتها وكل القادمون الجدد بكرروا في الكلام
حتي حكاية شنب القرود مكتوبة

والله معاه حق خليل ..
ده الكلام القلت ليك أنا في مداخلة سابقة .. لما قلتو انه البوست بقى ونسات خاصة بين أفراد معينين وما بتهم كل الناس ..
لو ما ظهرت وجوه جديدة وأجيال لاحقة عشان يواصلو السرد والذكريات
أكيد ناس خليل ونحن من بعدهم .. ما بيكون عندنا غير تلغرافات لرفع البوست ..
انت هسع مختفي ليك كم يوم ..

Post: #2100
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 12:27 PM
Parent: #2099

Quote: لو ما ظهرت وجوه جديدة وأجيال لاحقة عشان يواصلو السرد والذكريات


يا ابراهيم

علي الجدد ان يقروا البوست ويكتبوا وما يكرروا

الحكايات كلها اتحكت حتي المتزوجين مهندسات خالك خليل ذكرها في صفحات سابقة

عائزين حاجات جديدة

Post: #2101
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 12:32 PM
Parent: #2100

Quote: الحكايات كلها اتحكت حتي المتزوجين مهندسات خالك خليل ذكرها في صفحات سابقة

طبعا ليك السبق في دي ..
بس الموضوع ده محتاج update .. وفعلا ده الحاصل
ياخي اللستة وصلت ناس 98 ..

Post: #2103
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 12:34 PM
Parent: #2101

ايميل من الأخ عبد المنعم آدم :
Quote: dear ibrahim
I attached photos showing the demonstration of u.of k. students after assassination of Basheer and one photo for some students in khartoum hospital

الصورة قديمة جدا وما ظاهرة .. ما راضية تنزل ..
باحاول تاني ..

Post: #2105
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 12:55 PM
Parent: #2103

الحبر ..
إضافات حسب إفادة د. تهاني :
Quote: عبد الله تاج الدين عبد الله 93 (كهرباء) نسرين ياسين يوسف 93 (كهرباء)
محمد نور عبد الله 90 (كهرباء) عبير مكي (كهرباء)
أمير سيد عبدالعزيز 90 (كهرباء) بدرية محمد النور 90 (كهرباء)
عماد الدين الطيب 94 (كهرباء) غادة بدر الدين 95 (كيميائية)

قوم بالازم ..

Post: #2102
Title: Re: اليوم الحار ومابنداريوم الهندسة والمعمار
Author: Tahani abdalla Attia
Date: 06-25-2008, 12:34 PM
Parent: #1

سلام
يا كيكي أثني مقترح السوفت وير ده و بشدة
بصراحة محتاجين كتير لبرامج محاكاة جاهزة لتعليم الطلاب تكون حديثة مثلا في الكهرباء:
AUTOCAD, MATLAB , PSPICE, HDL, VHDL, ORCAD
أو أي برامج أخرى مفيدة لمشاريع التخرج كمان
و بالمناسبة المجلات و الدوريات أهم من الكتب حتى لو سنين لوراء
أو في شكل مجلدات لأنها شبه منعدمة
IEEE على سبيل المثال
كلموا الأسطورة حمد حماد و النابغة محمد محي الدين معاكم
و خليكم في انتظار الصور

Post: #2104
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 12:44 PM
Parent: #2102

Quote: أو أي برامج أخرى مفيدة لمشاريع التخرج كمان
و بالمناسبة المجلات و الدوريات أهم من الكتب حتى لو سنين لوراء
أو في شكل مجلدات لأنها شبه منعدمة
IEEE على سبيل المثال
كلموا الأسطورة حمد حماد و النابغة محمد محي الدين معاكم
و خليكم في انتظار الصور


تهاني والشباب

الافضل من هذا

اقترح ان تكون هناك سنة كاملة بعد التخرج للتدريب العملي وتكون كلية الهندسة ستة سنوات

في العراق مثلا لا تستلم الشهادة الا بعد انتهاء سنة التدريب

والتدريب خلال فترة الكلية لا يخرج مهندسا

وكما قال بروفسير عابدين البكالاريوس يوقفك فقط علي باب الهندسة بعد ذلك

اما ان تدخل او تتطلب الله

اتمني مناقشة ناس التعليم العالي

Post: #2106
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-25-2008, 01:19 PM
Parent: #1

يا خليل ويا ابراهيم
انتو عارفين عمر الحبر بيمتلك زخيرة كبيرة من الذكريات
تصلح حتى صفحة 35 فارجو استدراجه

Post: #2107
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 01:33 PM
Parent: #2106

Quote: يا خليل ويا ابراهيم
انتو عارفين عمر الحبر بيمتلك زخيرة كبيرة من الذكريات
تصلح حتى صفحة 35 فارجو استدراجه


هشام
ياخي الحبر ما شاء الله ما مقصر
شغال مايسترو تسجيلات ، ومتحرك في موضوع الدعم للكلية ..
ومرة مرة بيفك ليكم هجمات مرتدة ..
على أمل الناس تتحرك وتسجل أهداف ..

Post: #2108
Title: Re: اليوم الحار ومابنداريوم الهندسة والمعمار
Author: ابراهيم محمد الحسن
Date: 06-25-2008, 01:37 PM
Parent: #2107

Quote: يا كيكي أثني مقترح السوفت وير ده و بشدة
بصراحة محتاجين كتير لبرامج محاكاة جاهزة لتعليم الطلاب تكون حديثة مثلا في الكهرباء:
AUTOCAD, MATLAB , PSPICE, HDL, VHDL, ORCAD

تهاني ..
وصلتو لشنو مع الحبر وإدارات الأقسام بخصوص إحتياجات المكتبة ؟

Post: #2109
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-25-2008, 05:57 PM
Parent: #1

يا اخوانا انتو وين الحبر ما مسك ورديته
احتمال يكون عنده صبة سقف
ولا طالع حوليه

ويا خليل قصة شنبك معناتها اتذكرت مرتين دا بيدل على الاهميه

Post: #2110
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 06:16 PM
Parent: #2109

Quote: يا خليل ويا ابراهيم
انتو عارفين عمر الحبر بيمتلك زخيرة كبيرة من الذكريات
تصلح حتى صفحة 35 فارجو استدراجه


هشام مجذوب

الحبر ليس وحده ايريا اذا جاء حكاي جدا

هشام سفل اذا تفرغ حكاي جدا

عمر حسين حكاي جدا

بس كل هولاء هل يمتلكون ذاكرة زي بتاعة خليل الود الخطير

Post: #2111
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-25-2008, 06:21 PM
Parent: #1

تعرف يا خليل الذاكرة القويه بتخوف الناس من سيدها
لانو فى احتمال تنكت حاجات من الماضى تعمل دربكه فى الميدان

فى ناس بنكتوليك حاجات من الروضه
فحقو الواحد ما يصاحب ناس الذاكرة القويه
او يعمل معاهم ميثاق شرف ما يذكروا حاجات معينة تحت اى نوع من الاستفذاذ

Post: #2112
Title: Re: اليوم الحار ومابنداريوم الهندسة والمعمار
Author: khaleel
Date: 06-25-2008, 06:37 PM
Parent: #2111

Quote: فى ناس بنكتوليك حاجات من الروضه
فحقو الواحد ما يصاحب ناس الذاكرة القويه
او يعمل معاهم ميثاق شرف ما يذكروا حاجات معينة تحت اى نوع من الاستفذاذ


عارف يا هشام

ايام مقاطعة الامتحانات وبعد نهاية الامتحانات العلاقات بقت متردية بين الناس

واحد قال ( اولاد الاقاليم ديل فتحنا ليهم بيوتنا وجو خزلونا وخشوا الامتحانات

مع العلم ان قائل هذا العبارة لم يقاطع وفي الامتحان الاول اجاب في كراسين

الود كان جاهز للامتحان

وزي ماقال هاني فاروق حينما ضبط وهو بذاكر وكان مدعي المقاطعة

just

in

case

Post: #2113
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-25-2008, 09:45 PM
Parent: #1

سلام يا هندسه،

بعض الصور من الندوه

الشاطر الحايعرف ٤ او اكثر من الشخصيات اللي ذكرت في البوست ده ليهو جائزه قيمه جدا...جدا










Post: #2114
Title: Re: اليوم الحار ومابنداريوم الهندسة والمعمار
Author: Montasir Abbas
Date: 06-25-2008, 09:54 PM
Parent: #1

يا خليل في زول حكي قصه غنمايه كتمبور في جبل اوليا ؟

Post: #2115
Title: Re: اليوم الحار ومابنداريوم الهندسة والمعمار
Author: Hisham Magzoub
Date: 06-25-2008, 09:56 PM
Parent: #1

Quote: عارف يا هشام

ايام مقاطعة الامتحانات وبعد نهاية الامتحانات العلاقات بقت متردية بين الناس

واحد قال ( اولاد الاقاليم ديل فتحنا ليهم بيوتنا وجو خزلونا وخشوا الامتحانات

مع العلم ان قائل هذا العبارة لم يقاطع وفي الامتحان الاول اجاب في كراسين

الود كان جاهز للامتحان

وزي ماقال هاني فاروق حينما ضبط وهو بذاكر وكان مدعي المقاطعة

just

in case



دا يا خليل موضوع نزل بصورة كارثيه على الجامعة واصاب العلاقات بين الطلاب فى مقتل
وحصلت مشاكل ومقاطعات ومواقف غبارها لحدى الان ما انقشع عند البعض
اتضرروا منو كتار واستفادو منو كتار
وهو موضوع حساس جدا" لحدى الان
وحصلت فيه كوميديا وتراجيديا
الكان حالف والرجع البلد والدخلوه بالقوة والكان بيقرا فى السراديب
والدخل فى الشوط التانى .... وفى الكسب ضربات الجزاء الترجيحيه

Post: #2116
Title: Re: اليوم الحار ومابنداريوم الهندسة والمعمار
Author: Elawad
Date: 06-25-2008, 10:06 PM
Parent: #1

Quote: ايام مقاطعة الامتحانات وبعد نهاية الامتحانات العلاقات بقت متردية بين الناس

من أصعب الأيام المرت علي في حياتي. سأعود للكتابة عنها بحزن.

Post: #2117
Title: Re: اليوم الحار ومابنداريوم الهندسة والمعمار
Author: hisham civil
Date: 06-25-2008, 11:31 PM
Parent: #1

باخي دي مهندسة
ثم دكتوراه
وزله شاطرة شطارة حسب علمي
وفرازة جنس فرز
بتعرف الكويس من ال.........
تجي تقول السهير وحجازي
احترم شهادتتها