Post: #1
Title: كل سنه وانت جميل......اغنيه جديده
Author: bushra suleiman
Date: 01-03-2005, 05:29 AM
الى العزيزة التى أشعلت بحضورها وبهائها امسية العام الجديد-وهى على بعد آلاف الاميال-وحولته الى كرنفال فرح ومهرجان جمال
""""""""""""""""""""""""""""""""""
كل سنه وانت جميل
طبعك راقى..وأصل نبيل
الأيام بتزيد فى عمرى
وليكا تزيد رقــة وتدليل
** ** **
ماصدقـت بلاقى عيون
فيها الكون برقص ويميل
أو حنيــه تساوى حنانك
او أشواق تتفجر ســـيل
حتى الليل أتغير شــكلو
وأصبح زاهـى..وجـن عديل
** ** **
ماحسيت بالدنيا وحاتك
أصلو كلامك كلو..هديــل
واللحظات الفارده جناحها
قلت تكون لى ريدنا دليـل
والأحلام الجات لمتنـا
تبقى الزاد لى عمر طويـل
** ** **
وانت جميل فى السنه والجايه
والحنيـه عليك بتخيـــل
مابتتبدل أصلو وحاتـــك
انت الأصل ومافى بديـــــــل
|
Post: #2
Title: Re: كل سنه وانت جميل......اغنيه جديده
Author: Elmosley
Date: 01-03-2005, 05:34 AM
Parent: #1
بشري الحلو نصك حلو ومتفائل وكل سنه وانت طيب
|
Post: #3
Title: Re: كل سنه وانت جميل......اغنيه جديده
Author: bushra suleiman
Date: 01-04-2005, 10:48 AM
Parent: #1
العزيز يوسف كل سنه وانت احلى وغناك اجمل..انشالله تلقى ليها كام لازمه موسيقيه من النوع اياهو
|
|