Post: #1
Title: كواتو00و رشا شيخ الدين
Author: عصام عبد الحفيظ
Date: 11-05-2004, 04:32 PM
Parent: #0
مقدمة00
جوبا 1984
تصوير فليم(NOT THE WATER OF THE MOON)
مخرج الفليم 000الاستاذ حسين شريف
الجوكر مدير تصوير000
جوبا تحتضن الموسيقى الزائيرية000ديسكو ددى 00الرجاف 00فندق جوبا
ومحمد سليمان 000بونى بنك الوحدة00 وسيف وميسرة000ود0السر
اطلع برة وكاجوكاجى000المستشفى القديم 000وناكورى000هى جوبا آنذاك
وجوزيف ابوك 00يكتب فى هدوء( born to die)
وفى شوارع جوبا الحميمة يلتقينى ذاك الفنان العجيب جامبو كوكوين
والذى جاب مدينة حافيا يصحطب اطفالا آمنو به باكرا00يعزفون على ألآت شعبية صنعوها بأيديهم000ويقاوم جامبو 00بعربى جوبا أول أغنية شعبية, سمعتها تقاوم قوانين سبتمبر,(شريعة lawجنوبيون كله خافوه)
الاغنية بعربى جوبا00 وله عده اغنيات شهيرة معروفة بجوبا00 من منا لم يكن يعرف جامبو كوكوين فى جوبا آنذآك0000
وألآن انا حزين جدا لانى لا اغرف أين هو؟
بعد المقدمة الناقصة قليلا
مركز كواتو اليوم كان مسرحا جليلا يحتفى بمقدم الاستاذة الفنانة رشا شيخ الدين00 بعد تقديم رائع من ديرك ساردا السيرة الذاتية لحوامة رشا الجميلة فى هذا العالم الشتات, وحميمية استيفن الفنان الملحن000 وجنون العازف للدرمز كريستوفر00فاالخرطوم عاصمة للثقافة الافريقية ورشا وكفى 00000
توقف قلب صديقتى التشكيلية اميمة ونبض ايقاعا افريقيا اكاد اسمعه00
عرفت لحظتها000
لماذا انا احتفيت مع اصدقائى السوريين
بالفيتورى
انا أفريقى حر والحرية فى دمى
عفوا سأواصل ربما000000
|
Post: #2
Title: Re: كواتو00و رشا شيخ الدين
Author: طلال عفيفي
Date: 11-05-2004, 04:41 PM
Parent: #1
 عصام ..
كان الليل السوداني على غير عادته مستيقظا .
كان الايقاع جميلا ووجه أميمه وسيما .
رقص القوم بجمال أخاذ وموسيقاهم كانت ساحره .
أصابني فرح , ونشطت في دمي خيول .
رشا شيخ الدين أنسانه عاليه ..
عصام يبدو انو فعلا : رمضان كريم ..
...
طلال
____________________________
* ريشة وألوان بيكاسو .
من مجموعة المرحله الزرقاء
تم توقيعها في 1903
ألوان زيتي على قماش .
من مقتنيات جامعة لنكولن
|
Post: #3
Title: Re: كواتو00و رشا شيخ الدين
Author: عصام عبد الحفيظ
Date: 11-05-2004, 04:59 PM
Parent: #2
العزيز طلال
ارعبنى الطبل
حتى الجنون00000اخذ00 ورد 00ووجدان صاحى
وايدى مصطفة واجفة واقفة
بين يدى الله تنتظر لحنا بلا هواده
00000
انتهى العرض00 وكنا ننتظر00والكل ينتظر 00هل أنتهى
لم ينجح احد
رشا انهكا الايقاع
لم تجب
ووقفت جزلة ترتادها الصور00من كل صوب
وهى مسكونة بايقاع الجنوب000 الافريكانى00
ومركز كواتو
الذى احتفى بها دونهم
فهم يمنعون الماعون000
فلنغنى لهذا الفجر الاتى بايقاع حميم
انا افريقى حر والحرية فى دمى
سلام
|
Post: #4
Title: Re: كواتو00و رشا شيخ الدين
Author: محمد صالح علي
Date: 11-05-2004, 05:15 PM
Parent: #2
عصام
جامبو كوكوين في هذه اللحظة ... معي هنا !!!!
حافيا ... يغني ذات الاغنيات ... للشارع
ومن الشارع ... وفي الشارع
خلفه ... أنا ... والأطفال الذين آمنو به باكراً ( وقد صاروا فتياناً ... ورجالاً )
نردد ...
هو يغني ... ونحن ونردد
وأيضا ...
أنا معكم هناك
علي صوت رشا ... ونبض قلب أميمة
نرقص الجالوه
يا الله
|
Post: #5
Title: Re: كواتو00و رشا شيخ الدين
Author: wadaldeem
Date: 11-05-2004, 05:18 PM
Parent: #1
رمضان كريم وكل عام وانتم بخير
التحية للمبدع الماهر الفريد فالرجل عقلية جبارة فى مد الجسور مع الكل
ودمت
ودالديم
|
Post: #6
Title: Re: كواتو00و رشا شيخ الدين
Author: عصام عبد الحفيظ
Date: 11-05-2004, 11:22 PM
Parent: #5
محمد صالح العزيز
فلنرقص معا
لايقاع افريقى
يحمل بينه وفينا
اجمل اغانى للسلام
0000
ود الديم
ازيك
وسعدت جدا لتواصلك معنا هنا
ولك السلام بألحان لاتنتهى
سلام
|
Post: #7
Title: Re: كواتو00و رشا شيخ الدين
Author: HAMZA SULIMAN
Date: 11-06-2004, 03:06 AM
Parent: #6
يا سلام على هذه الاخبار الجميله
يا عصام غبد الحفيظ
يا رائع لك مودتى
والشوق مطر
|
Post: #8
Title: Re: كواتو00و رشا شيخ الدين
Author: Alia awadelkareem
Date: 11-06-2004, 03:38 AM
Parent: #1
عصام
صباحك ود
هل اصب لعنة
الحسادة علي رؤوسك
ام اشكركم
يبدو ان السودان ما زال يغري
بغواية العيش فية
لك الحب
|
Post: #9
Title: Re: كواتو00و رشا شيخ الدين
Author: Ibrahim Algrefwi
Date: 11-06-2004, 06:56 AM
Parent: #1
كواتو , وعصام ورشا ياما انت
...
...
اقترح ان تكون عنوان الليلة كم اسلف طلال
(العارف عزو مُستريح)..!
تقديم لماح يا استاذنا ولطيف:
ثم انو ياعصام ستيف ده راجل فنان كما ورد في كتابكم عن الناس
والدريمز مان حُر بطريقة تشبه ال metaphysics ... راهنت كواتو علي ايقاعات عاليه.
تكسر جهل الذاكرة السمعيه الغريب انهم ايضاً لعبو علي البصر بايقاعات ...
الست معي ياعصام :
( الموضوع كان فيه صلة ارحام مع غابات حميمة بخضرتها وكائناتها... وادمينها طبعاً)
رشاشيخ الدين تمشي علي روح عالية لهذا هي محتشدة وكمان ..!
عصام عبدالحفيظ نفسه :
الراجل فنان وشبابه محمي "قدرة قادر" يتزوق الوجوه ببراءة الشاعر ليدعم لغة كونيه جديدة و باهرة و لا يهادن في "قطع" التلوين بألوان بسيطة يعمل علي فتح غنائية جديدة وملتزم بالسؤال الاجتماعي " حاجه غريبه - تربكني بصراحة ...
أما بالنسبة لي , عصام "اكتير مهضوم " في ليل واحد فقط حالفه قلبي وتقريباً احببته ذبد القول ان اكرم عصامُ قلبي .!
....
|
Post: #10
Title: Re: كواتو00و رشا شيخ الدين
Author: عصام عبد الحفيظ
Date: 11-06-2004, 03:29 PM
Parent: #9
|
Post: #11
Title: Re: كواتو00و رشا شيخ الدين
Author: عصام عبد الحفيظ
Date: 11-06-2004, 03:29 PM
Parent: #9
عندى كلام مهم
فى جزء منه راح
المه وارجع
سلام لكل الاحباب المرو من هنا00
|
Post: #12
Title: Re: كواتو00و رشا شيخ الدين
Author: esam gabralla
Date: 11-06-2004, 04:03 PM
Parent: #1
للابتهاج
للدم الساخن
لابراهيم القرمبوزى
للحياه
|
Post: #13
Title: Re: كواتو00و رشا شيخ الدين
Author: طلال عفيفي
Date: 11-06-2004, 04:19 PM
Parent: #12
Quote:
للابتهاج
للدم الساخن
لابراهيم القرمبوزى
|
عصام ..(جبر الله أو عبد الحفيظ).
يعلم الله كم نحب هذا الولد ..
وجوده في البلاد يجعل للخرطوم معزه خفيفه في القلب ..
...
طلال
|
Post: #14
Title: Re: كواتو00و رشا شيخ الدين
Author: esam gabralla
Date: 11-06-2004, 04:27 PM
Parent: #1
ونحبك يا طلال
تعرف (وهذه مسروقه من صاحبى عاصم الحزين) انا ازداد وجع البعاد عن البلاد بمعرفتكم!!!! يعنى ان هناك ما يستحق التواجد له هناك، يا انسان انتم لا تدرون اى معجزه تفعلون، هذه مكانها ليس هنا
|
Post: #15
Title: Re: كواتو00و رشا شيخ الدين
Author: Ibrahim Algrefwi
Date: 11-07-2004, 01:57 AM
Parent: #1
في حب حاصل وبنزين ودم حار
لاحولي اللــه
مرة أُخري أمانات .! لا والنبي ياناس
....
....
يا عصامين وطلال ورشا وكوتو اللوحه وهذا الطفل الذي " بقدرة قادر" احببت واتصور فيه جبرالله -وان ابت بقايا ماركسيته الوقور الامر - وبالطبع لوممبا أن لا احمل وجداً اخر
ربنا يسامحكم .!
....
....
طيب مُش في حب واصحاب ورسم وتغير ,
اذن من حقي عليكم: النجدة
...
...
هامش ( ياجبرالله ( مكانها ما هنا كيف!؟)بطل حركات البناء والتجنيد دي تجدني لك من الشاكرين)
أشتقت اليكم جميعاً ورحمتو الله تعالي وبركاتو
|
Post: #16
Title: Re: كواتو00و رشا شيخ الدين
Author: Ibrahim Algrefwi
Date: 11-07-2004, 02:24 AM
Parent: #1
شكوي
عصام وطلال (عرفت من خلال س. أون لاين الذي يعيني عليهم) سمعو شمت بغني يابا مع السلامه عديل كده
من وراء ظهري .
لكن: بالهنا
|
Post: #17
Title: Re: كواتو00و رشا شيخ الدين
Author: Dia eldin khalil
Date: 11-07-2004, 03:48 AM
Parent: #1
اعلان حرب
عصام عبد الحفيظ ...
طلال عفيفي.....
قرمبوز....
طبعا" الحفلة المشيتوها دي اساسا" ما حتنفعكم... وهذا منا للعلم.
و بالنسبة لي تعتبر غتاتة واضحة جدا"...و اعلان للحرب...
عموما"....
الما حضر شمت محمد نور بغني تبتبابتاعت محجوب شريف...بالعود...الجزء الما غنهو ناس عقد الجلأد...دا ما حضر حاجة...
و بعد داك لما احساس الناس القاعدة كولها...و غني احساس محجوب شريف البتفصل علي احزان كل انسان....
غني.....
يابا مع السلامة
يا سكة سلامة في الحزن المطيير
يا كالنخلة قامة....
يا اخوانة محجوب شريف دا ما تعالوا نعمل ليهو تمثال ...اةةةةةةة
الحضور كان جميل...
روح عبد الكريم ميرغني بتحوم حول المكان...
(.....)كانن موجودة!!!!
و العارف عزو مستريح...... زى ما قال طلال
|
Post: #18
Title: Re: كواتو00و رشا شيخ الدين
Author: طلال عفيفي
Date: 11-07-2004, 03:54 AM
Parent: #17
اعلان حرب ؟؟!!
يا ضياء اتق الله .
احنا الأعلنا الحرب ولا انت الما جيت
عشان كنت مع البت الحلوه المبوظه
أعصاب المواطنين السودانيين المقيمين
بالخرطوم ..
يا ضياء حرام عليك :
ليلتها انت قتلت الجداده وخميت بيضا .
وكان الله بالسر عليما يا صديقي .
...
طلال
|
Post: #19
Title: Re: كواتو00و رشا شيخ الدين
Author: Dia eldin khalil
Date: 11-07-2004, 05:39 AM
Parent: #1
انت الما عارفو يا صديقي....
انها اخت فينوس.....
فما رايك؟؟؟
|
Post: #20
Title: Re: كواتو00و رشا شيخ الدين
Author: Tumadir
Date: 11-07-2004, 05:52 AM
Parent: #19
يللا بالصورة الفصيحة كدة الحصل شنو؟
|
Post: #21
Title: Re: كواتو00و رشا شيخ الدين
Author: عصام عبد الحفيظ
Date: 11-07-2004, 07:19 AM
Parent: #20
صديقتى العزيزة تماضر
سلام
انتى عارفانى من 57 اصلو ماب أدس وماب بصرح يوم باسمه
لكن تحت تحت حتعرفى كل شىء, عشان معزتك انتى لى,
الموضوع لحدى الآن ملموم, لكن موزع فى كم حتة ومعروفة,
الحقيقه اللى ما عارف أبداهامن وين, الخرطوم الايام ما قادرة تخت نّفسا, اولا كمية من الهوى الجياش والشعر زاد المشاعر المصطفة على رصيف العشق, يعنى باختصار كأننا فى ربيع الحب(14 فبراير) لكنه ممتدا فى شهر رمضان ويحلو السهر مع العيون والضفائر المسدلة وكمان ضنب الحصان وعندها تبدأ الاصابات قرمبوز و طلال فى العناية المكثفة
ويبدأ الليل من جديد ,والمسافات بين ام درمان والرياض وشمبات وكوبر والصحافة والديم وفى بعض الاحيان الفتيحاب , اصبحت من القرب بمكان وكأنك فى البيت مشوار من المطبخ
للصالون فالسكة حنين قربت المسافات كثيرا00
ولى عودة فالحدبث يا داب ما بدا
حاشية (لغة الاقتباس من الاغانى فرضها الحنين وليالى الولهانين)
سلام
|
Post: #22
Title: Re: كواتو00و رشا شيخ الدين
Author: طلال عفيفي
Date: 11-07-2004, 10:11 AM
Parent: #21
قبل أيام كنت أقول لقرمبوز أني عايزأشوف "رشا شيخ الدين"
لو تيسر , كوني أحب صوتها جدا ..
وكان من أمر أن جاء ابرهيم ليقول لي ذات ليله "رشا" بكره
في كواتو (قاصدا مركز كواتو بالخرطوم).
وحين جاء بكره (وكان بكره يوم جمعه), تحركت بعد الافطار
المغاربي بتاع رمضان الي ما أفضى بنا (قرمبوز وأنا) الى
ليله عجيبه .
كان مقر الفرقه في ليل البلاد متوهجا بالايقاع .
المكان : بيت من بيوت الخرطوم القديمه.
باب الشارع يدخل بك الي ممر على جانبيه غرف وينتهي الى حوش
كبير تطل عليه السماء من أعلى .
......
(سأواصل ..
داهمني مداهم ..).
|
Post: #23
Title: Re: كواتو00و رشا شيخ الدين
Author: طلال عفيفي
Date: 11-07-2004, 02:46 PM
Parent: #22
ثم ..
كان أن جلسنا تحت السماء , في الحوش (كانت تترصدناعدة نجمات بعيده).
فرقة كواتو كانت تشغل المكان بالموسيقى بآلات ايقاعيه قويه مع
وتريات مزاجها لاسع وأغاني بلغات لم أستبن عنها سوى كونه من
جنوب البلاد السودانيه .
الحضور كان مأخوذا , فقدرة المجموعه على الأداء لم أر لها مثيلا
في ذاكرتي الخرطوميه .
ثمة مصور .. رجل بكاميرا فيديو يسجل الليله , تحوم الكاميرا
لتثبت على وجه بنت كانت تجلس في الصف الأول .
عرفتها !
دي "رشا".. الزوله المعمول على شرفها المساء .
عرفت شكلها من صوره لها نزلت في البورد ..
كانت تجلي وفي حضنها طفله صغيره جدا(موبايل).
وكواتو تغوص في المساء بايقاع متعاظم .
انسجم الناس جدا .
صفقوا كثيرا وبحب .
وأنا كدت أبكي من الدهشه .
...........................
مع نهاية الحفل الحميم الطيب , قام أحد اعضاء الفرقه باهداء
الليله الى رشا شيخ الدين .
طلبوا منها الكلام , فقالت كلاما مضغوطا وقصيرا مفاده الامتنان
وحب الناس ..
ومرة أخرى صفق الناس ..
كانت ليله جميله لدرجة أني شعرت , لوهله , أن السودان بلد
محترم .
...
طلال
|
Post: #24
Title: Re: كواتو00و رشا شيخ الدين
Author: عشة بت فاطنة
Date: 11-07-2004, 02:51 PM
Parent: #22
كواتو .. ورشا شيخ الدين عديــــــــــل كدا ؟؟ دا ما الجن الاحمر غايتو الحسادة حاصل مننا الى حين نحظى بالطبول تدق فينا ، ما في طريقة يا اخ عصام تقربوا الايقاع ؟
تماضر قتي شنو ؟ نجي نسافر !!
|
Post: #25
Title: Re: كواتو00و رشا شيخ الدين
Author: طلال عفيفي
Date: 11-07-2004, 02:55 PM
Parent: #24
أستاذه عشه ..
انتي اختصرت الموضوع بدقه تمام :
انه الجن الاحمر .
شكرا على التصويب ..
...
طلال
|
Post: #26
Title: Re: كواتو00و رشا شيخ الدين
Author: عصام عبد الحفيظ
Date: 11-07-2004, 04:23 PM
Parent: #25
جن أحمر لابس محمود00
هى ليلة تجب,
ماقبلها,
كواتو مجموعة معنية بالبحث
عن التراث الافريقى فينا
وأحتفت قبل الكل,
برشا
ويا لعظمة الاحتفاء
كواتو قدمت فى
عشر سنوات
700 عرضا فى مدى عشر سنوات
فى كل انحاء السودان
وفى العالم00000
احتفوا
برشا 000وفرقة مكونة من 6 عازفين للجيتار الكلاسيك وبيز جيتار
وثلاث من الطبل التقليدى (الشعبىهناك) والدرمز بين فينة وأخرى
وعربى جوبا, ورشا ترضع صغيرتها ايقاعا افريقيا يظل ويظلل ايامها القادمات, كان الايقاع كل شىء
انا بحب كواتو
سلام
|
Post: #27
Title: Re: كواتو00و رشا شيخ الدين
Author: Tumadir
Date: 11-07-2004, 08:08 PM
Parent: #26
رشا ما بتغلى على الوطن
واصلو...
|
Post: #28
Title: احتفال
Author: mohmmed said ahmed
Date: 11-08-2004, 01:29 AM
Parent: #1
حبيبى لاقيتو يوم فى موقف ياى
مشينا سوا لصالة ناكورى
سنة 2000 قدمت كواتو عرض فى مسرح وزارة الثقافة فى ابوظبى
وكيلة الوزارة الشيخة ميسون القاسمى حضرت وقالوا بعد ربع ساعة حتطلع سمعت الطبول وشافات الابنوس قعدت حتى نهاية العرض وطلبت اعادة العرض فى اليوم التالى
|
Post: #29
Title: Re: كواتو00و رشا شيخ الدين
Author: THE RAIN
Date: 11-08-2004, 02:04 AM
Parent: #1
معذرة
|
Post: #30
Title: Re: كواتو00و رشا شيخ الدين
Author: anwar abu gaidaa
Date: 11-08-2004, 02:30 AM
Parent: #29
لا اله الا الله
الكلام ده كله جنب سبنا كلزيوم؟؟
والله دى حكايه
اها وشمت غنى المغتغت؟؟
والجكس بدرجه لواء فما فوق؟؟
اللهم ياسابق الفوت ويا سامع الصوت؟
انفعنا بجمعتهم امييييييين
وكل سنه وانتو طيبين انا غايتو عيدت طب؟
انور
|
Post: #31
Title: Re: كواتو00و رشا شيخ الدين
Author: anwar abu gaidaa
Date: 11-08-2004, 11:46 AM
Parent: #30
up
|
Post: #32
Title: Re: كواتو00و رشا شيخ الدين
Author: عصام عبد الحفيظ
Date: 11-08-2004, 03:05 PM
Parent: #31
وكمان فوق
قاصد اثنين
فقط
طلال
وقرمبوز
000
وانامنى
فوق للسماء
سلام
|
Post: #33
Title: Re: كواتو00و رشا شيخ الدين
Author: omer ibrahim
Date: 11-08-2004, 06:49 PM
Parent: #32
عصام سلام و بعد,,
انتو الحاجات البتقولوا فيها دي حاصلة في الخرطوم اللي انا قاعد فيها دي؟
تنفعك يا رب
ثم ابدا لا تنفع طلال ولا ابراهيم
آميييين
|
Post: #34
Title: Re: كواتو00و رشا شيخ الدين
Author: anwar abu gaidaa
Date: 11-09-2004, 01:43 AM
Parent: #33
لا حوله؟؟ انا جاى
فوووووووووووووووووووووووووووووووووووووووووووووووووووووووووووق
|
Post: #35
Title: Re: كواتو00و رشا شيخ الدين
Author: Ibrahim Algrefwi
Date: 11-09-2004, 03:38 AM
Parent: #1
طيب السلامو عليكم ورحتو الله تعالي وبركاته...
تماضر , طلال حكي وعصام لون ..!
رشا شيخ الدين عذها الله عذت قلبي بانسانها بحفل كوتو الاخير بعلويه طبعاً..!
بتوحشني الان رشا والله بالامس \ كنت علي وشك البكاء في شارع المطار
...
...
يا تماضر انتي طبعاً تعلمين نفاذك الشديد الي العشرين سنة الاخيرة من روحي , احبكم جميعاً ال 19 كده ومن لف لفكم..!
...
...
عوداً الي يوم الجمعه
البلاد تاه عنها نشيدها , انا اعتقد ان كواتو وشبابها الحار , اكبر من ان تحسه بلاد العرب والمسلمين المنتصبه في الخرطوم بعدما أُنقذت وقبل هذا بقليل , طبول وموسيقي حظها من العالم قليل وهي امه وابوه
ذبدة قولي ان
مسحو عن جهلنا ودعموا دهشة جادة جداً
...
...
عمرررررررررررررررررررررررررررررررررر
في الخرطوم دي مدسوس عطر هو شويه..!
لظروف ما من فترة طويله ولفترة اطول
سيسرقه عصام كله وسينضب
...
...
بس اظهر وبان عليك الامان ..!
أنت الجابك شنو ... ناس ما بتخاف الله في روحها
|
Post: #36
Title: Re: كواتو00و رشا شيخ الدين
Author: anwar abu gaidaa
Date: 11-09-2004, 05:50 AM
Parent: #35
خرمجه؟
يا عمر انت من متين هناك؟
زمان كنت ود نشط ومتابع؟
خلى شبكه اجيب ليك الاخبار؟
اكان الزوجه ى عندها راى؟
بهذا ادعوكم جميعا طلال وسيد البوست؟
سيدى ومكسر الجكس؟ وقاهر ال....؟
صديقى عصام عبد الحفيظ اطال الله عمره؟
وايمان منى بمبداء الحفاظ على التراث والعادات
الحميده ادعوكم ومن تحبو لتناول طعام الافطار بتاع العريس الولدالجميل عمر عبد العزيز ايراهيم شقيق كل من اسامه ومحمد شبكه وتوم شبكه
والمنزل بشمبات الاراضى جوار الككبانيه
وانا عزمتكم والباقى باقى
وما بتحمل اى خرخره ؟؟
انور
|
Post: #37
Title: Re: كواتو00و رشا شيخ الدين
Author: Dia eldin khalil
Date: 11-10-2004, 04:29 AM
Parent: #1
سلام يا ناس ....
كولكم بلأ فرز....
غايتو انا لسا ما نسييتت ليكم مو ضوع رشا دا...
عمومن انا بقييت من اعدا الزواج الايام دي ...
الزواج الما مدينا فرصة في عمر عبد العزيز ...الكان منور سودانيز اونلاين كل يوووم لكن نقول شنو (ان كيدهن لاعظيم)....
عمر عليك اللة تعال لينا يا...
ضياْء
|
Post: #38
Title: Re: كواتو00و رشا شيخ الدين
Author: anwar abu gaidaa
Date: 11-10-2004, 05:25 AM
Parent: #37
up
Omer plz come
Anwar
|
Post: #39
Title: Re: كواتو00و رشا شيخ الدين
Author: mohammed alfadla
Date: 11-10-2004, 12:14 PM
Parent: #1
انشاء الله تنفعكم
البشوف براهو بخنق يا عصام
بتكاوي فينا مالك
|
Post: #40
Title: Re: كواتو00و رشا شيخ الدين
Author: Ishraga Mustafa
Date: 11-10-2004, 12:18 PM
Parent: #39
عصام
ادى طلة لايميلك وقول عوووووووووووووووووووووووووك
|
Post: #41
Title: Re: كواتو00و رشا شيخ الدين
Author: anwar abu gaidaa
Date: 11-11-2004, 01:13 AM
Parent: #40
فوووووووووووووووووووووووووووووق
|
Post: #42
Title: Re: كواتو00و رشا شيخ الدين
Author: عصام عبد الحفيظ
Date: 11-11-2004, 07:20 AM
Parent: #41
اهلا أهلا أهلا
بالشباب الحلوين
ـــــــــــــــــ00000000000000000000
ومرحب
هذا النهار ولوتعلمون00صعب جدا
على روحى00
احتجت لكل / روح لتسكن روحى
فهو يذكرنىنهار 28 رمضان مضى
يومها كانت تقودنى تلك الفلكسواجن
امام القيادةالعامة
وهى تأخذ منا أرواح شباب وضباط وابطال تشع
وجوههم نضارة وحب للسودان
(ومن يومها وانا أغنى من الاسكلة وحل00000)
كان يوما 00
للحزن المجيد
وتهت اليوم وطلال
وعبرنا كل الكبارى الجديد منها والقديم
لم نسمع صوتا ولم نرى اية حركة
تنم عن انتباهة
وفى الجزيرة التى احبها على كوبرى
الفتيحاب الجديد
حانت منا التفاتة اليها
فاتانا
صوت مصطفى يغنى
وبعض من حنين
سلام
|
Post: #43
Title: Re: كواتو00و رشا شيخ الدين
Author: Ishraga Mustafa
Date: 11-11-2004, 07:26 AM
Parent: #42
ما اجملكم بحزنكم
وما احلانى بكم
ما ابهانا بال 28 نجمة فى سماء الوطن ذات الخصوبة
|
Post: #44
Title: Re: كواتو00و رشا شيخ الدين
Author: عصام عبد الحفيظ
Date: 11-11-2004, 07:41 AM
Parent: #43
وكل
نجمة
بمليار
نجمة
ونجمة
الف سلام ليك فى كل نسمة
|
Post: #45
Title: Re: كواتو00و رشا شيخ الدين
Author: Abu Mariam
Date: 11-11-2004, 03:04 PM
Parent: #1
مرحب يا عصام,
ما عندكم صور تفرجونا عليها بدل شحتفة الروح دي,,
وسلام
صادق
|
Post: #46
Title: Re: كواتو00و رشا شيخ الدين
Author: عصام عبد الحفيظ
Date: 11-12-2004, 01:59 AM
Parent: #45
كيف صادق
ومرحب بالطلةالحلوة دى
والدنيا قبايل عيد
اللجنة الفنية والتقنية
تدرس فى سرعة التنفيذ
وسترتفع نسبة الصور فى دم البوست
وقد يحتاج بعدها
لعناية مكثفة
مشتاقين شديد
وعيدسعيد
انا فى هذا العيد
وحيد فالكل مسافر
وعلى ان أتدثر بالاصدقاء
ابراهيم,
ضياء,
امين,
وطلال وجمعية التشكيليات0
سلام
|
|