وجعى و ارخى لى شرق !!!

وجعى و ارخى لى شرق !!!


10-15-2004, 10:53 AM


  » http://sudaneseonline.com/cgi-bin/sdb/2bb.cgi?seq=msg&board=157&msg=1166768767&rn=0


Post: #1
Title: وجعى و ارخى لى شرق !!!
Author: عصام عبد الحفيظ
Date: 10-15-2004, 10:53 AM

ارخى لى شرق حىجديد شمال الخرطوم0وجد حظه فى النمو سريعا جدا
لانه قريبا من مصفاة البترول0فقد سكنه حسين واب جيبين وفاطمة الكنقولية مرة الواثق وحوة الحنانة وخدر الترزى الحربمى شايل
المتر فى رقبته وواقف جنبه عبد الحميد بتاع الاراضى المرتشى 0
وبسرعة دخلت كل انواع الخدمات الضرورية والغيرضروريةفاصبحت ارخى
لى شرق النموذجيةمضربا الامثال فى ارتفاع اسعار الاراضى فى كل
بكيات الخرطوم0
والناس قاعدة فى قهوة حبيبك النموذجية هناك ومغربيةانتظار مملة
لمباراة الهلال والفريق الافريقى الشرس وكمية من الغلات (طن)
والكراسى متضايقة وخايفة من قعاد ناس الكورة فيها وحركاتم
ونطيطتم البلا سبب0التلفزيون شـــــغال باعلى صوت


فجاة انقطع الارسال
وظهر مذيع مستحم ومتجهم وقال تابع الجزء (2)

Post: #2
Title: Re: وجعى و ارخى لى شرق !!!
Author: مراويد
Date: 10-15-2004, 11:15 AM
Parent: #1

ياخى انت لسه زول لذيذ و حريف دنيا و روح
وين عبدالحفيظ و عثمان عامر و يحى الككو
ااااخ خ خ خ خ خ

Post: #3
Title: Re: وجعى و ارخى لى شرق !!!
Author: عصام عبد الحفيظ
Date: 10-15-2004, 12:52 PM
Parent: #2

شكرا
للسؤال كلهم تمام بس وين انت وعامل شنو
ده السؤال الصعب على فى اللحظة دى
انا لسة بحاول امرق من ناس ديل وا اسفاى
لكن بصراحة بصراحة ما قادر


سلام

Post: #4
Title: Re: وجعى و ارخى لى شرق !!!
Author: khider
Date: 10-15-2004, 01:45 PM
Parent: #3

آسف ارجع للموضوع الاول
جاءنا التالىمن وزارة الصحة الاتحادية عن ظهور اعراض مرض جديد
جارى البحث عن تحديد معالمه واعراضه ونتائجه على ابناء هذا
البلد الحبيب واللاجئين 000000ابقوا معنا سنوافيكم بالتفاصيل
اول باول 000000ضجت القهوه ولم ينفض السامر


بعد ساعة جا المذيع تانى وقطع الكورة والهلال كان غالب
2 صفر0

وقال على المواطنيين اتخاذ الحذر والتدابير اللازمةمع المرض الجديد
والذى سمى على اسم الدكتور مكتشفه (وجعى)والمرض يصيب اى انسان يرتفع راسه اكثر من ارتفاع متر0الاصابة قاتلةوحضانته لا تتجاوز ال90
دقيقة0 فنرجو من المواطنين الانحناء وعدم رفع الراس تهائيا للمحافظة
على ارواحهم وحفر الحفر للامور الدنيوية00 دمتم فى رعاية الله وحفظه
انتهى الخبر


الكلام اعلاه لي عصام ع.حفيظ

Post: #5
Title: Re: وجعى و ارخى لى شرق !!!
Author: عبد الله بولا
Date: 10-16-2004, 12:12 PM
Parent: #1

عزيزي عصام،
خالص تحياتي ومحبتي،

ياخي أنا رديت بالأصالة عن "نفسي" ونيابةًً عن النور، على ترحيبك الجميل في البوست بتاعنا. (في الصفحة التاسعة). وزودتك فيه بنصائح قيمة في خصوص الدخول لبوستات المنبر. وكانت "فرصه دهبية" على حد تعبير خالتي الحاجة بخيته بت حسن افندي، ألقى لي زول أتفلهم عليه في العلوم و"الأصحار" الكمبيوترية، التي حصلتُ فيها حتى الآن على درجة تعلمجي قد يُرجى منه. وحملتك في ردي عدة أمانات للأصدقاء والصديقات من أهل الصنائع الإبداعية مما جميعو.
تمش تشوف المداخلة دي (في الصفحة التاسعة من صفحات البوست مش صفحات المنبر).
أجمل مودتي. وتحياتي لإيزيس والوليدات والبنيات.
بـــولا

Post: #212
Title: Re: وجعى و ارخى لى شرق !!!
Author: Tagelsir Elmelik
Date: 12-10-2004, 09:32 PM
Parent: #5

يا أستاذنا و ملاذنا عبد الله بولا
من زمن كنت تجى شاقى شارع الخرطوم القديمة ماشى على الوزارة ونحن
والمرحوم على السيد الصديق و منتصر القدال لابسين الشارلستونات
و مضربين عن الدراسة تدينا حصة حصتين ما زال وجهك القديم مطابق لوجهك
الألكترونى
و يا عصام قلنا تبلغ سلامنا لموسى الخليفة و تانى منو كدة ما عارف ايوه
عاصم نجيلة ....ما عبرتنا
الملك

Post: #6
Title: Re: وجعى و ارخى لى شرق !!!
Author: gessan
Date: 10-16-2004, 02:53 PM
Parent: #1

التشكيلي .. عصام عبد الحفيظ؟؟؟

ألف مرحب حبابك ..
والجابك يجيب عقابك ..

تحايا ..وسلام ..

قيسان

Post: #7
Title: Re: وجعى و ارخى لى شرق !!!
Author: طلال عفيفي
Date: 10-17-2004, 03:50 PM
Parent: #6

أستاذ عصام ..
ها أنا يا شاب : راخي شرق واسمع الحكايا .
يتراءى أمامي المشهد بقضه وقضيضه وضجيجه .
مالك تنقطع عن الحكي ؟
ليتك تصبر على القعده أكتر من كده وتقص علينا السيره بتمامها ..
فاطمه الكنغوليه زوجة الشهيد المصلوب (الواثق صباح الخير) . وحسين
الترزي (صاحب الباب المتاكى دائما) ..
..............
فى انتظارك , ينوبك ثواب ..


...
طلال

Post: #8
Title: Re: وجعى و ارخى لى شرق !!!
Author: عصام عبد الحفيظ
Date: 10-17-2004, 04:58 PM
Parent: #7

هانذا
جئتك طلالا
فانت اردت الوجع يمشى بسيرته قادلا بينناواردت كمان بهدوء ان اكون فى البورد (مفضوح الاسارير ) ومكتوم العاطفة0
لك ما اردت ولكن خليها واحدة واحدة
فعلى اولا استئذان الراحل على المك وحسين شريف وفاطمة الكنفولية اذا تثنى لىلقاءها وحسن ابو عنجة وقاضى السجن والجلاد والمطرة النزلت يوم اعدام الواثق من خلاف وبس0



حاواصل بليل



سلام

Post: #9
Title: Re: وجعى و ارخى لى شرق !!!
Author: عصام عبد الحفيظ
Date: 10-17-2004, 04:58 PM
Parent: #7


Post: #10
Title: Re: وجعى و ارخى لى شرق !!!
Author: esam gabralla
Date: 10-17-2004, 10:16 PM
Parent: #1

خدر
اردت الاحتفاء بقدوم هذا المبهج عصام - والاسم سالم - لكن تحذيرك الذى تزامن مع ظهوره فى البورد جعلنى الجم خيول بهجتى، خاصه اننا قليلى او عديمى المناعه, تزايد عدد حاملى هذا الفيروس فى المنبر يبعث على القلق،انظر لهم : قيسان و المرضى و كبير اهل الغوايه والعصيان بولا و جاء المدعو عصام ليهد حيطان مناعتنا و يكسر سدود منع الحنين والذكريات ... فى داعى للبهدله دى يا جماعه
مرحب باهل الغوايه والعاصيين والعاصيات

بولا مدد رجلينك ... لقيت زولآ اكيش منك ... اتفسح فوقو فتلك الايام نداولها بين الناس
تحايا و موده للجميع

Post: #11
Title: Re: وجعى و ارخى لى شرق !!!
Author: إيمان أحمد
Date: 10-17-2004, 11:15 PM
Parent: #10

أها طيب، قعدنا.
إيمان

Post: #12
Title: Re: وجعى و ارخى لى شرق !!!
Author: Ibrahim Algrefwi
Date: 10-18-2004, 01:44 AM
Parent: #1

الواثق صباح الخير , ومطر ومجد


.....

أذن سنؤجل البكاء والرحول

منتظرين يا عصام من جمرات

Post: #13
Title: Re: وجعى و ارخى لى شرق !!!
Author: anwar abu gaidaa
Date: 10-18-2004, 02:10 AM
Parent: #12

ازيك يا كوتش وين انت
والله خرمان لى ركوب فلكسواجن عاضه شمبر؟؟
قلت اقول ليك ازيك واتوكد ده انت والله واحدا اخر؟؟
واقول رمضان كريم تقوم تفننى بى سفنجه واطيه ليها؟؟؟؟؟
اصلو رمضان ده مشكلتو فى السودان خط الاستواء؟؟
مش زى رمضان ناس استاذ عبد الله بولا مس كول؟؟
وممحوق؟؟علا النصيحه ليك يا الله رمضان هنا جهاد عدييييييييييييل؟؟
الدنيا كلها ضدك؟؟ تقول لى الرينجر؟؟
تحياتى ليك
ولى عند احمد رحمه
واظنك سمعته بى عرس عمنا خالد كودى
وبلقاك وداير افتو معاك يا عصام
انور عبد الرحمن

Post: #14
Title: Re: وجعى و ارخى لى شرق !!!
Author: طلال عفيفي
Date: 10-18-2004, 02:56 PM
Parent: #13

عصام :
أما على المك,فقد حملته الغيمه .
"حسين شريف" في وحدته وسط دخان سجائره الألف .
"فاطمه الكنغوليه" ما زالت تنتظر "الواثق" على صهوة البرق كل خريف .
"حسن أب عنجه" :عشرون عاماُ مرت وهو ما زال يتساءل لماذا قطعوا
يداه ..
..........
أحكي يا عصام .. فحزن الناس لا تسجله التواريخ ولكن تحييه الحكايا.
الحكايه آخر ما تبقى من مجد على أرض هذي البلاد المالحه ..
..........

...
طلال

Post: #15
Title: Re: وجعى و ارخى لى شرق !!!
Author: عصام عبد الحفيظ
Date: 10-18-2004, 04:44 PM
Parent: #14

اضف ردا
ما لقو كلمة غيرا فى البورد
لامن حملت الغيمة على المك كنا صفوفا خلف مستشفى الشرطة نقف وداعا
ولم اعرف الطريق لذاك المكان قط0
وبين ورقة زرقاء واحدة من سيناريو لم يكتمل ولم يصل حتى ليدى الاستاذة منى0
انها ورقة زرقاء كما كان يحب البروف وبقلم الحبر الاخضر السائل
انه على 0000المك
الفيلم يتحرك فى صمت الاستاذ الفنان حسين شريف
والذى اخاف عليه من كثر الدخان
والوحدانية التى يعيشها براضهو
وللواثق حديث قادم لاريب فيه

سلام

Post: #16
Title: Re: وجعى و ارخى لى شرق !!!
Author: Rawia
Date: 10-18-2004, 04:50 PM
Parent: #15

عصام ازيك
انت كيف والمعاك برضو كيف

Post: #17
Title: Re: وجعى و ارخى لى شرق !!!
Author: عصام عبد الحفيظ
Date: 10-18-2004, 05:17 PM
Parent: #16

والله يارايوة ده يوم المنى
لكن سمعتى فى البورد كبرلوم لاتتيح لى هذا القدر الكافى
سلام
عصام

Post: #18
Title: Re: وجعى و ارخى لى شرق !!!
Author: anwar abu gaidaa
Date: 10-19-2004, 06:02 AM
Parent: #17

وانا يا استاذ؟؟

Post: #19
Title: Re: وجعى و ارخى لى شرق !!!
Author: طلال عفيفي
Date: 10-19-2004, 06:22 AM
Parent: #18

معليش يا أنور , بس الأستاذ يكون ملخوم حبتين ..


...
طلال

Post: #20
Title: Re: وجعى و ارخى لى شرق !!!
Author: عصام عبد الحفيظ
Date: 10-19-2004, 07:40 AM
Parent: #19

انور العزيز
سلام
بديت تفتش شايفك في الفلكس
وكمان بديت شمال
امبارح كت فى وادى ام سدر(على وزن ديم سلك الدخلو هلك )
حيث انعدام الوزن والمذاهب الاربعة

واوعدنا يارب مرة فى الدهر برمضان المس كول
وعشان نفتو جد انا الايام قاعد اجهزفى براق من النوع
الاخضر(اظنك عرفتو) يعنى من سفر لسفر حتى اصل تجى معاى00
ولا تكون محتاج لاذن موقع ومختوم لكن نحن خلاص وصلنا الميس الاول
والله مشتاق لنسمة صوتك يا ضنين
وما براى00000 شفت كيف
وسهرة في نادى الحنين بكوبر تظلله سوسو باطلالتها وذاك الرحيق

الاذآن جا للمغرب
راجع

Post: #21
Title: Re: وجعى و ارخى لى شرق !!!
Author: anwar abu gaidaa
Date: 10-19-2004, 12:09 PM
Parent: #20

تقبل الله منا ومنك اميين
بمناسبة نادى الحنين معانا براكه؟؟؟ هنا
وصدرت ليهو رواييته الاولى عطر نسائى
اكان ما وقعت فى عينك؟ نرسلها ليك بالضرا؟؟؟
ونشتاقك اكثر وليت الشتاء لا يعود مسرعا لاننى بغير من ......؟
وكان الله مد فى العمر نحن معاكم نهايات العام ونسالمكم ونمد كرعينا فى طرف البحر وهاك يا همبريب.....؟
تحياتى لك ولنفسك
انور ود بتول الغناى؟

Post: #22
Title: Re: وجعى و ارخى لى شرق !!!
Author: anwar abu gaidaa
Date: 10-20-2004, 07:34 AM
Parent: #21

نحنا على مشارف الافطار
وليك خرمه؟
لاقيت منذ فتره كوجان؟؟ او تذكر؟؟
واسامه حسن خليفه وعبد الغنى وحادات وحادات....؟
يلا ما تنسى البطيخ ونص لوح تلج؟؟ اها واغشى المؤسسه جيب معاك 5 برنجى وجريدة قوون
وبتاع الرقشه الاسمو طارق بكش خليهو اجينى فى المنتزه السعاعه كم كده ما عارف؟؟
وليك الود
وجلاداب حتى النصر
انور ابو غيداء

Post: #23
Title: Re: وجعى و ارخى لى شرق !!!
Author: Mahmed Madni
Date: 10-20-2004, 01:20 PM
Parent: #22

عصام جونين.
هل أتى على الفنان صومٌ عن اللون؟..وكأنك ياصديقي تحبو جاهدا كي تحشر نفسك تحت الجيب الذي بهدلتَ به الكاميراتاونبيلهم منعم رحمة الله في محاولة لإكساب الجيب ملمحاً تشردياً يليق بهم-أي الكاميراتا- والله زمان ياعصام. كان آخر عهدي بك يا أبا يس وأنا أتحفز لدخول سديم الخليج- خليج السديم؟- ومن بعدها لم نلتق ولو على التلفون ليتني أحظى بتلفونك أو عنوان بريدك الإلكتروني. المساحة هنا لاتحتمل الإطناب في الخصوصيات لذا لك الود ولإيزيس ويس ..من هنالك بعد يس؟ تحياتي

محمد مدني

Post: #24
Title: Re: وجعى و ارخى لى شرق !!!
Author: anwar abu gaidaa
Date: 10-21-2004, 04:18 AM
Parent: #23

ما تجاوب؟؟؟

Post: #25
Title: Re: وجعى و ارخى لى شرق !!!
Author: anwar abu gaidaa
Date: 10-22-2004, 09:45 AM
Parent: #24

والله من كتر بضم الكاف؟ الحميميه؟؟
داير اشوف البوست ده يا حبيبى الف مره
انور ابو يس

Post: #26
Title: Re: وجعى و ارخى لى شرق !!!
Author: mohammed alfadla
Date: 10-22-2004, 09:53 AM
Parent: #1

عصام
وطلال
وأنور
وقرمبوز
وكمان محمد مدني

لاااا حولا
لطفك يا رب

Post: #27
Title: Re: وجعى و ارخى لى شرق !!!
Author: esam gabralla
Date: 10-22-2004, 10:00 AM
Parent: #1

يبدو انو عصام (سيد البوست ما أنا) شغال الردود ورديات ليل ... دى ما مشكله،كلنا "موردين" ليل
لكن قصة الفط دى شنو؟؟؟
يعنى عشان لا رسامين لا غنايين و لا شعارين كمان!!!!

يا عزيزى مراحب وفط زى ما عاوز انحنا لاقين

عصام

Post: #28
Title: Re: وجعى و ارخى لى شرق !!!
Author: anwar abu gaidaa
Date: 10-23-2004, 03:44 PM
Parent: #27

يا جبر الله ازيك شحمانه كده على قول منعم شوف؟ظ
خلاص نخلى طارق اعرس تانى عشان نشوفك والله شنو؟؟
ومرحبا ياليل؟؟
انور عبد الرحمن

Post: #29
Title: Re: وجعى و ارخى لى شرق !!!
Author: anwar abu gaidaa
Date: 10-24-2004, 10:10 AM
Parent: #28

up

Post: #30
Title: Re: وجعى و ارخى لى شرق !!!
Author: طلال عفيفي
Date: 10-24-2004, 10:19 AM
Parent: #29

الأخوه الحضور .
السيدات , الآنسات والساده ..

نأسف لهذا العطل الفني ..
وعملا بمبدأ الشفافيه (بتاع الجوه بشوف البره والبره يشوف الجوه),
فان الأخ "الاستاذ/عصام عبد الحفيظ" في شغل شاغل هذه الأيام ..
فهو يمارس صلاحياته الفنيه في الاشراف على مناشط (ليليه ؟؟!!) بنادي
الهلال بأمدرمان ..

...
والشكر موصول للأخ أنور (abu gaidaa ) على إهتمامه بفتح البوست
وتهويته ومن ثم رفعه ..

والعاقبه عندكم في المسرات ..


...
طلال

Post: #31
Title: Re: وجعى و ارخى لى شرق !!!
Author: مريم الطيب
Date: 10-24-2004, 12:00 PM
Parent: #30

أحكي يا عصام .. فحزن الناس لا تسجله التواريخ ولكن تحييه الحكايا.
الحكايه آخر ما تبقى من مجد على أرض هذي البلاد المالحه ..
..........

شكرا طلال عفيفي.....

Post: #32
Title: Re: وجعى و ارخى لى شرق !!!
Author: khider
Date: 10-25-2004, 00:37 AM
Parent: #31

Quote: مناشط (ليليه ؟؟!!)


؟؟؟

ده كلام غريب


الكهربا مش بتقطع بالليل في السودان؟؟

ولا غيروها !!

Post: #33
Title: Re: وجعى و ارخى لى شرق !!!
Author: طلال عفيفي
Date: 10-25-2004, 00:44 AM
Parent: #32

بتقطع يا خدر ..
لكن وين مع الجنريتر !



...
طلال

Post: #34
Title: Re: وجعى و ارخى لى شرق !!!
Author: khider
Date: 10-25-2004, 01:15 AM
Parent: #33

هاهاهاهاهاهاهاهاهاها



قول جنريتر ...

Quote: نأسف لهذا العطل الفني ..


وييين العطل الفني طيب !!

Post: #35
Title: Re: وجعى و ارخى لى شرق !!!
Author: anwar abu gaidaa
Date: 10-25-2004, 02:08 AM
Parent: #34

ازيك يا طلال
كتر خيرك ونحن ما زعلانين وبالنا طويل والفوره مليون..
واسال خدر؟؟؟
هو عصام ده لو ما داير اليوست ده انا ممكن اطرحه للايجار؟؟
من غير علم الضرائب
زى عداده مع نادى الهلال ده ده ؟
ويا ربى عصام صداره والله اها........؟
هو فنان قومى؟؟؟
مع تحياتى وعدم قلقى؟؟
انور

Post: #36
Title: Re: وجعى و ارخى لى شرق !!!
Author: عصام عبد الحفيظ
Date: 10-25-2004, 05:47 AM
Parent: #35

اهلا اهلا اهلااهلااهلااهلااهلااهلااهلا
وآســــــــــــــــــف للغياب
يا احباب الله
وشكرا للمرور الكثيف حبا
يا انور والله سوسو بتسال عنك وعن
روايةبراكةوهل نادية موجودة فى الرواية؟
عصام جبر الله سلام ومشتاقين كثير

دثرونى دثرونى فالكلام البكر جاْْء
سقط اللحظة اطفا ايماض عيونى
ومعدن اللحظة يحوى كل اعضاء جنونى


الابيات المجيدة اعلاه للشاعر محمد مدنى
وكم وكم تدثرنا بها فى ليالى الخرطوم حينا من الدهر

Post: #37
Title: Re: وجعى و ارخى لى شرق !!!
Author: عصام عبد الحفيظ
Date: 10-25-2004, 05:56 AM
Parent: #36

يا محمد
احزان الناس ماكفن


غبت لايام وكنا نعيد فى صياغة حالة كوننا هنا
والعزيز طلال لم يوضح الاسباب الفنية الكاملة
وخلاها فى فريق الهلال و(الانشطة الليلية)
ونسى متعمدا فخامة الرئيس الذى هلكنا بالسهروالروايات
وعذابات الوداع والمودعين فى المطار
المهم رجعنا
وحنبدا بالحكاية الاولى


وللعزيز خدر سلام
وخليك فى العطل الفنىوشغل الليل

Post: #38
Title: Re: وجعى و ارخى لى شرق !!!
Author: bayan
Date: 10-25-2004, 07:24 AM
Parent: #37


Post: #39
Title: Re: وجعى و ارخى لى شرق !!!
Author: عصام عبد الحفيظ
Date: 10-25-2004, 08:14 AM
Parent: #38

ويا مريم الطيب0000نحن بنقول اطلع منى
با حزنا بقى مّكجنى



اخباركم ايه
نحن بقينا ما عارفين فى موضوع
الحزن ده الساكن التانى منو000

غايتو
ربنا يجيب العواقب سليمة

Post: #40
Title: Re: وجعى و ارخى لى شرق !!!
Author: الحسن بكري
Date: 10-25-2004, 12:07 PM
Parent: #39

مرحبا بالأستاذ المبدع عصام عبد الحفيظ.

أكيد مشاركاتك هنا ستشكل إضافة نوعية للإسهامات الفنية الجادة، القيمة.

أود أيضاً أن أشكرك على لوحتك التي ازدان بها غلاف روايتي الصادرة عن مركز عبد الكريم ميرغني، أحوال المحارب القديم. لم أستطع الحصول على عنوانك الإلكتروني ولا تلفونك لأشكرك بطريقة أكثر خصوصية وحرارة, فالمعذرة.

خالص المودة وأهلا بك.

Post: #41
Title: Re: وجعى و ارخى لى شرق !!!
Author: عصام عبد الحفيظ
Date: 10-25-2004, 01:12 PM
Parent: #40

شكرا لاطراْءك الرقيق الشفيف
يا ابو الحسن
و كلنا فى اللهفة شرق
و لوحتى مسكينة تتأتى قصادك عملك المتجاوز
وعشان نلقى بعض افتح www.issamhafiez.com

وصلت حرارة شكرك ولا معذرة
سلام

Post: #42
Title: Re: وجعى و ارخى لى شرق !!!
Author: bayan
Date: 10-25-2004, 08:24 PM
Parent: #39


Post: #43
Title: Re: وجعى و ارخى لى شرق !!!
Author: عصام عبد الحفيظ
Date: 10-25-2004, 10:41 PM
Parent: #42

انا معاك والايام

Post: #44
Title: Re: وجعى و ارخى لى شرق !!!
Author: anwar abu gaidaa
Date: 10-26-2004, 11:03 AM
Parent: #43

ونحن فى انتظارك يا استاذ
وليك حبل الموده طويل
انور ابو يس

Post: #45
Title: Re: وجعى و ارخى لى شرق !!!
Author: mohammed alfadla
Date: 10-26-2004, 06:06 PM
Parent: #1

عصام
الليلة مافي نوم؟

04:07

Post: #46
Title: Re: وجعى و ارخى لى شرق !!!
Author: sharnobi
Date: 10-26-2004, 06:12 PM
Parent: #1

عصام
بدور اسألك عن زول عزيز
اسمو عوض محمد طه زراعى من اولاد الزومة
علو بخير

Post: #47
Title: Re: وجعى و ارخى لى شرق !!!
Author: عصام عبد الحفيظ
Date: 10-26-2004, 06:51 PM
Parent: #46

شرنوبى
سلام
عوض احمد طه بخير
وهو نائب امين عام نادى الهلال
واستاذ بمعهد شمبات(سابقا)وجامعة السودان حاليا
وطبعا انت عارف انو ابن خالى


سلامك حيصل او قول وصل

Post: #48
Title: Re: وجعى و ارخى لى شرق !!!
Author: sharnobi
Date: 10-26-2004, 09:27 PM
Parent: #1

اشكرك
بلغ كثير التحايا
لهذا الرجل
فهو صديق قديم

Post: #49
Title: Re: وجعى و ارخى لى شرق !!!
Author: الكيك
Date: 10-26-2004, 11:28 PM
Parent: #48

الاخ عصام
تحياتى الطيبات مدة طويلة لم نلتقى ونحن دفعة واحدة فى الخرطوم الجديدة ..اذكرك شوية بتلك الفترة كنت تجلس خلفى فى اولى ه وبجانبك ابوبكر غزالى وانا وعبد الدافع امامكما ..خمن وفكر وسوف تتذكرنى والى اللقاء وربنا يجمع شملنا فى السودان الجديد ان شاءالله

Post: #50
Title: Re: وجعى و ارخى لى شرق !!!
Author: عصام عبد الحفيظ
Date: 10-27-2004, 07:25 AM
Parent: #49

وربنا يجمع شملنا فى السودان الجديد ان شاءالله




آمـــــــــــــــــــــــــــــــين
ودى حلوة وقويةجدا
وياحليل الخرطوم الجديدة ومظاهرات السّكر 00واتحادنا الذى
تم حله فى اول شهر من تكوينه
ايام لها صبابة 00 ادينى اخبارك



سلام

Post: #51
Title: Re: وجعى و ارخى لى شرق !!!
Author: anwar abu gaidaa
Date: 10-27-2004, 01:41 PM
Parent: #50

Dear essam salamaat
pleas my best greeting to our Dear awad Taha
realy i miss him sinds the news paper algad
Nadir maliek and Khalid izz eldien
salamaat
Anwar

Post: #52
Title: Re: وجعى و ارخى لى شرق !!!
Author: عصام عبد الحفيظ
Date: 10-28-2004, 07:35 AM
Parent: #51

من زمن الغد


سلامك وصل ياانور
بسال عن امكانية ارسال رواية عماد براكة
بالعديل الخرطوم ص0ب 13217
وسلام لشباب هولندا






سلام

Post: #53
Title: Re: وجعى و ارخى لى شرق !!!
Author: عبد المنعم سيد احمد
Date: 10-28-2004, 09:23 AM
Parent: #52

الف مرحبا بك
عصام عبد الحفيظ
هذا المهاجم بالفريق الذى اسسه مع ابنى عمى
عوض وعثمان حسين ..بالميدان الصغير..بالقسم الجنوبى
وصباحا يحمل لوحاته ذات الالوان الزاهية..وهو بالمرحلة الابتدائية
يا لزمن جميل..
اليس هو عصام نفسه.
وتحياتى عبرك للصديق..الفنان
احمد الشريف ..الفنان الذى رفع رأسنا عالية
بفوزه بتلك الجائزة العالمية بفرنسا
السودان بكم سيظل جميلا..وسنراه اجمل
مودتى

Post: #54
Title: Re: وجعى و ارخى لى شرق !!!
Author: عصام عبد الحفيظ
Date: 10-30-2004, 08:50 AM
Parent: #53

العزيز عبد المنعم
ازبك وده زمن طويل ايام كنا مهاجمين والان تجدنا ملوك الدفاع
شتان ما بين زمن وزمن0
وتاخرت فى الرد عليك فاعذرنى


(سوْء فهم البعض للبعض فى البورد0 يدخلنا فى اختفااءت وحزن مابداوى بهين0)

وبرضو معليش والكلام بين القوسين محاولة منى للفضفضة لصدبق قديم
اعزه واستظل تحت ردى اليه0

سلام وشوق شديد ليكم لعثمان وعوض حسين

Post: #55
Title: Re: وجعى و ارخى لى شرق !!!
Author: أمير تاج السر
Date: 10-30-2004, 01:07 PM
Parent: #1

عصام إزيك .. أيها التشكيلي الغارق في صناعته .
نأتي إلى الخرطوم ولا نراك .. كأنك منذ رسمت ( نار الزغاريد ) ..في طبعتها ( المجوبكة ) وأنت تؤثر التواري .. مرحبا بك في هذا المتنفس الجميل ، ولو أنك أتيت متأخرا .

Post: #57
Title: Re: وجعى و ارخى لى شرق !!!
Author: عصام عبد الحفيظ
Date: 10-30-2004, 03:44 PM
Parent: #55

امير سلام ايها الروائى العظيم
اهدى اليك بعض ابيات شعر قدتم تقديمها هذا المساء فى امسية شعرية بمركز عبد الكريم ميرغنى0 على مضض واعتذار شفيف اعجبنى وبقيت بعض من قصائدها معى بصدفة التوصيل0000 لاوين هى000 ساكنه وتنام قريرة العين0

النصوص كلها قاهره ومتجاوزةالنصوص الوهم
ولن اكون بقامة توهجها 000تماما هى المزبد مما نشتهى ونصبو
هى شاعرة 000ولا كلام ونصوصها هى امتلاك عمق النص ولا فكاك0
كنت اود انزال بعص نصوصها 000 ولكنى ليس لى اذن بذلك00
شاعرة عظيمة اسمها
نجلاء عثمان التوم

Post: #56
Title: Re: وجعى و ارخى لى شرق !!!
Author: Ishraga Mustafa
Date: 10-30-2004, 01:11 PM
Parent: #1

وبعدين يا عصام

كمل الحكاية
هى يادابها بدأت
عشان ممكن تخلينى اتداعى بحى الرديف بكوستى

Post: #58
Title: Re: وجعى و ارخى لى شرق !!!
Author: عصام عبد الحفيظ
Date: 10-30-2004, 04:30 PM
Parent: #56

وبعدين معاك يااشراقة

Post: #59
Title: Re: وجعى و ارخى لى شرق !!!
Author: khider
Date: 11-02-2004, 00:53 AM
Parent: #58

قلت لي بقيت دفاع !!



قر قر قر قر قر قر قر

قر قر قر قر قر قر قر

قر قر قر قر قر قر قر

قر قر قر قر قر قر قر


Post: #60
Title: Re: وجعى و ارخى لى شرق !!!
Author: Tumadir
Date: 11-02-2004, 01:14 AM
Parent: #59

وشنو حكاية تشكيلى دى؟؟

انت عصام عبد الحفيظ "الليلنا"؟

الصممت لى ديكور وازياء حفلة على الخازوق؟؟

انت التشكيلى يا عصام؟؟

يا سلاااام

والله دنيا جميلة ...حتى بى احزانها

شفت ردودك الحميمة ولاحظت لمة الناس الجميلين فيك لكن اصلو ما قايلاك ده انت


وا خجلتى منك

المهم ...انه طلعت ده انت

وهاك شحنة "فلكسواجن عاضة شمبر" يا عملات انور اللذيذ...سلام ملون ومشنكل تشكيلا جميلا...والف مرحب كان فى البورد وكان فى ارخى لى شرق "عليك الله ده اسم ده؟"

غايتو السودان ببالغ

ود المهدى قال الزول يكون راقد تحت شجرة الدوم الدومة تقع فى راسو كع وتضربو ولمن دمو يسيل...برضو ما يكتشف قانون الجاذبية...

شفت ليك قانون جاذبية بيكتشفوه بى دوم؟؟

Post: #61
Title: Re: وجعى و ارخى لى شرق !!!
Author: Tumadir
Date: 11-02-2004, 01:16 AM
Parent: #60

نسيت اقول ليك عندى من اعمالك كتلوج ...ومعاك صلاح المر

وين صلاح المر؟؟

جدو قتل الكلب بالبندقية ....الكديسة غمرت

وين الزول ده؟؟

Post: #62
Title: Re: وجعى و ارخى لى شرق !!!
Author: طلال عفيفي
Date: 11-02-2004, 04:06 AM
Parent: #61

الاعزاء الحضور:
الراخين شرق ..
مشتاقين ثم مشتاقين ..

عصام الأيام دي في شغل شاغل ..
شايل الكاميرا وحايم ..
شي نادي الهلال , شي المك نمر , شي المطار .
وغايتو , ربنا بس يديهو الصحه والعافيه ..

...
تنويه :
الفولكس العاضه شمبر أصبحت كريسيده لونا زي البزيانوس .
المرسم : في الصافيه ( لوحات , ألوان زيت , صوره لقدال وحميد ,
بوستر حفل مصطفى سيداحمد الأخير في قاعةالصداقه,مكتبه,موسيقى ,
كمبيوتر,عنقريب وووالخ مما يكون في المراسم ..) .

...
سنعود بعد الفاصل .


...
طلال

Post: #63
Title: Re: وجعى و ارخى لى شرق !!!
Author: anwar abu gaidaa
Date: 11-02-2004, 05:20 AM
Parent: #62

ايوه فتح الله عليك
وكدى وقعت لى راسى طب
يا ود عفيفى؟؟
ويا عصام دى ما برسله ليك يالبريد
عندى زوول معيد تب معاكم وليك روايه شحمانه يالجبنه الهولنديه
ليك الود
انور

Post: #64
Title: Re: وجعى و ارخى لى شرق !!!
Author: عصام عبد الحفيظ
Date: 11-02-2004, 04:10 PM
Parent: #63

طبعا ياالحبيب اتور اتا دائما خائف من( وانا ياأستاذ)
الزول عيد معانااكيد وأهلا بيهو وبالتأكيد حا اوديهو لنادية وسوسو
طيب
لحظة


0000000
اسلم على متعة حفل على الخازوق وجسر آرتا(الاحلى دائما تماضر)
وسلام و حنين لشارع 57
انها الشوارع والشوق والحنين, انه زمن السدبم ويا مطر عز الحريق
ومنتدى الاصالة والسر السيد والبنات الغلاميات وعم طلسم
والبوش
وسلمى الشبخ
والناظروحاتم العب
وقاسم
وسهر النهار مع محمد مدنى ومحمد محى الدين وساميةو آسياوعبدالعزبز عبد اللطيف,وعبد الحكيم وقرنى والديم وميزو والفاتح حسين
والواد تبارك الذى ابتدأ ممثلا
وانتهى الى الى رسام يعرف الهجرة والجنون
هى
ايام
ابام مضتت ,وبهدوء شكلت وجداننا
وهو زمن ذهب لكنه من اغلى انواع الذهب
رغما عن انى لا احب الذهب

ليتنا نقف لحظة وتحية من تبر لك ولك حق الوداع ود و خلسة وعظبم محبة وجن وجنون
وليتنا نتواصل
يا وردة بكل الالوان 000انا موجود
كما انت
حب كثير ومودة بلا حدود
فصداكى مساحة لك فقط
سلام

Post: #65
Title: Re: وجعى و ارخى لى شرق !!!
Author: طلال عفيفي
Date: 11-02-2004, 04:37 PM
Parent: #64



يبدو أن الذكريات اشتبكت والسنانير غمزت .
يعني أنا أمشي ولا شنو ..
أستاذ عصام وخدر وانور : يا تحكوا بالمكشوف عشان نكون
معكم في الصوره يا تكملوا لينا البوست بتاع سيناريو
اليابسه وقصص المعهد .


...
طلال

_____________________________________
تشكيل : عصام عبد الحفيظ (زيت على قماش)

Post: #66
Title: Re: وجعى و ارخى لى شرق !!!
Author: anwar abu gaidaa
Date: 11-03-2004, 05:37 AM
Parent: #65

up upانا جاى عشان البوست ما يطش منى؟؟
فوق؟؟

Post: #67
Title: Re: وجعى و ارخى لى شرق !!!
Author: عصام عبد الحفيظ
Date: 11-03-2004, 08:42 AM
Parent: #66

اهداء لانور عبدالرحمن
من عشقى الازلى (رامة والتنين) 00ادوارد الخراط

(عندم صعد آخر السلالم الضيقة,وفتحت له باب غرفتها, وجد نفسه فجأة
معها,وحدهما0
بعد ان وضع حقيبته على الارض , وقفت امامه,بكل مجد حضورها0كانت تنظر اليه بعينين فيهما حب استطلاع,وابتسامة صغيرة لا يكاد يراها,
تنتظر0 كان فى جسمه وروحه حس متوتر من الارهاق الحاد المتيقظ,وقلق الفرح العصبى0 قال لها:رامة 00رامة000لا استطيع ان اصدق0
ومد يديه يحتضن وجهها بين راحتيه0كانت عيناها ما تزالان تنتظران0
اندفع اليها وكانت بين ذراعيه فى لحظة واحدة0
واحس ظهرها المستدير وصدرها كله ملء ذراعيه, ووجهها تحت شفتيه0 لم يكن العذاب قد غادر جسمه الذى بدأت تسرى فيه عصارة ثقيلةجديدة من الراحة, تهبط الى منطقة معتمة0
رامة000رامة لا استطيع ان اصدق0)

Post: #68
Title: Re: وجعى و ارخى لى شرق !!!
Author: Raja
Date: 11-03-2004, 09:22 AM
Parent: #67

عصام العزيز..

ســـلام..

أدخل هنا لأستمتع بحكاوي اصدقاء حميمة..

..

واصلوا..

Post: #69
Title: Re: وجعى و ارخى لى شرق !!!
Author: عصام عبد الحفيظ
Date: 11-03-2004, 12:53 PM
Parent: #68

شكرا رجاء سلام وحا اواصل الليلة بكثافة عشانك
وهذا النص
من احمد معلا التشكيلى السورى ايام مجلة (ألف)
مقطع من نص أسمه
باريس سرير وثير


(اننىأنحنى فى أمان للخمروكسل البطالة0السكر يعتلينى ملكا ,والكوبرا المتعة ترتقى جوفىوجعا, فمها جمرة وقلبى قطن0
مدى رمل عمرى0
ان تشائى اركضى فيه 0افرطى فى طبع خطوك 0
سأملآ آثارك بدمى0 انثرى زهرفستانك فى فلاتي0
أموت كحجر كريم وألتف خاتما فى فى اصبعك0
كم انا مبتذل0اقول لهاما خبأت لابنتى0)

مهداة لكل هالات الضو والجنون فى حياتى

Post: #70
Title: Re: وجعى و ارخى لى شرق !!!
Author: طلال عفيفي
Date: 11-03-2004, 01:02 PM
Parent: #69

يبدو يا عصام أن وجعك لم يرخ , وإنطلق معربدا
في الجهات الأربع : شرق/غرب/شمال وجنوب ..

يا سابل الستر يا رب .


...
طلال

Post: #71
Title: Re: وجعى و ارخى لى شرق !!!
Author: Ishraga Mustafa
Date: 11-03-2004, 01:07 PM
Parent: #70

عصام عبدالحفيظ


نحنا بنعرف بعض؟
ووين النقر؟

اوعى تقول لا

Post: #74
Title: Re: وجعى و ارخى لى شرق !!!
Author: khider
Date: 11-03-2004, 01:36 PM
Parent: #70

قال ليك انتي يا الفولكسواجن كرب ابركي في اخر شارع النيل .. قريب من مخازن يوسف ع الفتاح ( يا سابل الستر يا الله )
معناتا الليله لا الجريف لا اللوبيا حا نلحقم
الميكانيكي .. الكوكاكولا ,, الكونترات الجديده
بتاع الامن التافه في المطار قال لي محظور
اححححححححححححه
قال محضور قال
انا و الاملاك في بعدك بقينا اكتر من حبايب
عصام
تم لينا ارخ لي شرق قبل ما نرسل للكوبريات (علي وزن الخمريات يا انور ) مايكفي للاطاحه باحلامك و قفل روما ذاتها قدامك



وتاني

يا حليلك يا التوم طن
يا عجان لقمه القاضي
يا البتدقش مولانا القاضي

Post: #169
Title: Re: وجعى و ارخى لى شرق !!!
Author: shak
Date: 11-17-2004, 02:01 PM
Parent: #70

شايفكم قصقصتو الدنيا ورق مليان صور وحاجات سمحة
الكتاحة وين .. فى الاسكلة ولا جروف النعناع الدغش بدرى .. يا حليل ابوروف وبنات حى المال جنوب سكنن جوه القلب ورتعن وخلنى شارد زى ضوء عند المغيرب سارب .. انا ما عندى ذكريات مع ناس كتار لكن عندى مستقبل مع ناس جايين .. ياللوحشة وطولة البال الممتدة .. يا للهف الساكينى من قبل الجية وقبل الطلة وقبل المزلقان الخلا اتجهاتى شاردة وحردانة وضاجة ولابدة ومنكبة
شاك البراهو

Post: #72
Title: Re: وجعى و ارخى لى شرق !!!
Author: anwar abu gaidaa
Date: 11-03-2004, 01:08 PM
Parent: #69

يا عصام كل ده ؟؟
يا اخى انا كما قال الحلاج
رجل من غمار الموالى فقير الارومة والمنبت
فلانسبى ينتمى الى السماء ولا رفعتنى اليها ثروتى؟
ولكن تظل راما ونحن نمد الالف تيمنا فى طول العمر؟
دفق من معانى كثيره يشفع لها انها اهدتنى غيداء وياسين ويحيى ولا زالت تناضل معى ولها قدره على استحمال كل عذاباتى
لها ولك الود
لكن انا رفعت البوست ده ومشيت الشغل عشان اقول ليك الليله بى
ردك لى تماضر انا ركبت بكاسى الصحافه شرق؟
بكاسى زمان ولا امجاد الليله؟
ومعهد 57 59 و61 حيث داخلية الطالبات
ودكان عمك طلسم وعرب شبشه؟
ونادى العمارات
وامتحانات الدبلوم
وناس الموسيقى المطنقعين؟؟ بتاعين العدادات؟؟ خسوسا؟؟
اه وتخريج الفنون وحفلات شرحبيل وهذه المهرجانات الشعبيه
ومشاريع اولاد فنون المجنونه ؟ الخرطوم مدينه نظيفه؟
ويا حليل زمان وسنين زمان
انور

Post: #73
Title: Re: وجعى و ارخى لى شرق !!!
Author: عصام عبد الحفيظ
Date: 11-03-2004, 01:35 PM
Parent: #72

العزيز انور (وأنا ياأستاذ )
وووووووب من زما ن وأيام زمان00000 وكان بودى ارخى شوية غرب لكن انت عارف غرب اليومين ذى (واو نار) كاركتير ود أبو فى صحيفة الميدان بعد ما يسمى بالانتفاضة0000 الفرقتنا لحدى الليلة وصباحى عندك ليل وفى امريكا بعد الفطور وانت شغال وهى نائمة000
هو الوجع بل هوادة





اشراقة بنعرف بعض ودى مؤكدة
والنقر مع خادم الحرمين

سلام

Post: #75
Title: Re: وجعى و ارخى لى شرق !!!
Author: Ishraga Mustafa
Date: 11-03-2004, 01:42 PM
Parent: #73

عصام
ياك ذاتك
شفت البروفايك بتاعك
لقيتك من زمن حفروا بحر الشجن
ياك انت
المنتمى لينا.. الجيل المهزوم الف قصيده

Post: #76
Title: Re: وجعى و ارخى لى شرق !!!
Author: عصام عبد الحفيظ
Date: 11-03-2004, 01:47 PM
Parent: #73

ويا خدر قال فى
خطابه الشهير
(والخزى والعار لمن سموهم مرتزقة)


وشكلى الايام دى ناوى ارخى غرب شوية
فالشرق مشوش
والتهريب بقى تقيل علينا
000000وغايتو
التوم طن مليان طنين فى السعودية
ونتظر لورى او لوترى ايهما اسرع
عندك فكرة

Post: #77
Title: Re: وجعى و ارخى لى شرق !!!
Author: khider
Date: 11-03-2004, 01:51 PM
Parent: #76

Quote: والتهريب بقى تقيل علينا

قر قر قر
قر قر قر


الشماته ما مطريه
هنا نحن مابنرخي خالص
لا شرقيه ولا غربيه

Post: #78
Title: Re: وجعى و ارخى لى شرق !!!
Author: منعمشوف
Date: 11-03-2004, 01:59 PM
Parent: #77

البوست شحمان بى ناسو وسربعاتو

يا طلال الزول دا راح وين
صنقيرتة البرش دى والله حارة خلاص

Post: #79
Title: Re: وجعى و ارخى لى شرق !!!
Author: عصام عبد الحفيظ
Date: 11-03-2004, 02:20 PM
Parent: #78

الشماته ما مطريه

دى من ايام الزبير
000000000000
كفاية كدة وبلاش وجع ومناحات الزمن الجائر
والله ادخل عليك هسه بنص جائر وفائر

مثلا
(قلت لها سأخلع أخطاء حذائى واتزوج الفكرة الأميرة
قالت الأبواب مقلقة0والصمت يملأ المكان 00والسوارى وصل
قلت سأفتح الابواب 00بحبى لك 00وبعدها نرسم الحصين عند الفجر
قالت الحب والحنين والقبلات لا تكفى 00فالسور عال
قلت كفى
قالت ارفع صوتك فانى لاارى
قلت سارفع قبلات الشوق الحنين لك 00وكفى

Post: #80
Title: Re: وجعى و ارخى لى شرق !!!
Author: anwar abu gaidaa
Date: 11-04-2004, 05:37 AM
Parent: #79

up

Post: #81
Title: Re: وجعى و ارخى لى شرق !!!
Author: Ishraga Mustafa
Date: 11-04-2004, 06:13 AM
Parent: #80

عصام عبدالحفيظ

{دى من ايام الزبير
000000000000
كفاية كدة وبلاش وجع ومناحات الزمن الجائر
والله ادخل عليك هسه بنص جائر وفائر}


الاتعلم ياصديق حينما عجنوا طينتى عجنوا معاها الوجع؟
وهل ستفارقنى المناحات.. ام انها تسارر عمرى بفرح ما سيأتى... موقنة انا من ذلك
اذن لاتهدد ياصديقى وادخل على بنصوصك الجائرة وفائرة

انا قبلت التحدى؟
هل تقدر؟

Post: #82
Title: Re: وجعى و ارخى لى شرق !!!
Author: عصام عبد الحفيظ
Date: 11-04-2004, 06:34 AM
Parent: #81

اشراقة بقدر ونص وعشان كده انا وراك فى البورد دائما


وهاكى (نشيد آخر مساْء)
انى اموت فى الجرح
فانقذينى بالكى
00000000
كل الجراح تموت
وهذا الجرح فى روحى حى0
0000000000000
حين يأتى المساء00
أعانق الهم والخسارة00
وأنام فى خمارة00
000000000000000000000000000000000000000
أسمعها00 ولا اراها000 هى بداخلى000تملأ الفراغ 0

النص للشاعر المغربى احمد المجاطى

Post: #83
Title: Re: وجعى و ارخى لى شرق !!!
Author: Ishraga Mustafa
Date: 11-04-2004, 07:01 AM
Parent: #82

هل من مزيد

انتظر

Post: #84
Title: Re: وجعى و ارخى لى شرق !!!
Author: عصام عبد الحفيظ
Date: 11-04-2004, 07:25 AM
Parent: #83

وهاكى كمان من نص اغتراب
(لأمر ما00
لأمر ما تذكرتك00أستعيد الآن
لأمر ما لن ادعك تتلاشين0 لن ادعك تمضى
لأمر ما لن أنام0سأضاجع أرقى!!!!
سانتظرك الى أول قلق00 الى آخر حنين!)





سعيد بوكرامى 000من المغرب

Post: #85
Title: Re: وجعى و ارخى لى شرق !!!
Author: nada ali
Date: 11-04-2004, 07:54 AM
Parent: #1

الاستاذ عصام عبد الحفيظ
تحية طيبة و سلام

شاهدت لك اعمالا جميلة فى معهد جوتة وفى دار النشر عندما كنت فى الجامعة.
فقط احببت ان ارحب بك فى البورد و احتفى بك مع اصدقائك و صديقاتك.

ندى

Post: #86
Title: Re: وجعى و ارخى لى شرق !!!
Author: عصام عبد الحفيظ
Date: 11-04-2004, 08:23 AM
Parent: #85

مرحبا بك ندا
فى نادى الحنين
اقصد وادى العشق والحنين
000

عفوا خذى ما تشاءين
فالمكان لك
وكل الود








سلام

Post: #87
Title: Re: وجعى و ارخى لى شرق !!!
Author: Ishraga Mustafa
Date: 11-04-2004, 09:03 AM
Parent: #86

اكتب
احكى
وتداعى ياصديق


البحر مابيابى الذياده
هل من مزيد
المرة الجاية منك

Post: #88
Title: Re: وجعى و ارخى لى شرق !!!
Author: Ishraga Mustafa
Date: 11-04-2004, 09:05 AM
Parent: #87

عصام نسيت اقول ليك
راجع بريدك الالكترونى

Post: #89
Title: Re: وجعى و ارخى لى شرق !!!
Author: anwar abu gaidaa
Date: 11-04-2004, 11:41 AM
Parent: #88

اها كيف امسيتو؟
ارخى ساعده
واستند الى جذع الشجره
ارتجف قليلا
اوشك ان ينهار
تصبب عرقاوعرفت ان الحمى
تسكن جسد الشيخ
بكى
قلت له والاشفاق يجيش بروحى
هل اجهدك الترحال؟
اى عاصفة تهتز بوجدانك؟
فى ضوء يغرب ناحية الشرق
قلت له ما كنت عهدتك ال بستانيا
تملا اغصان الامل
بازهار الغد
لك الود ايها الشفيف
وتحيات لسوسو؟
انور

Post: #90
Title: Re: وجعى و ارخى لى شرق !!!
Author: Alia awadelkareem
Date: 11-05-2004, 00:52 AM
Parent: #89

باللة عصام

العمارات

الفلكسواجن العجيبة

طارق ابو عبيدة


الخرطوم في عز السخانة

والزمن عامل سفر

وكروتك الجميلة

ياللذاكرة

الف مرحب بيك

وكل الجميلين

في هذا

المنتجع

مع ودي

Post: #91
Title: Re: وجعى و ارخى لى شرق !!!
Author: عصام عبد الحفيظ
Date: 11-05-2004, 04:16 AM
Parent: #90

اشراقة, خدر , انور ,ندا, علياء,رجاْء ,مزن ,ساندرا وابو ساندرا
وكل العشاق المهاجرين والقاعدين 0000000000سلام

حدث فى مثل هذا الامس000
تنادينابلا موعد بالامس مساء فى الخرطوم0
المكان 00النادى الرومانى فى الحديقة الدولية وفضاء رحب00 يوتره
مرور الطائرات فنفقد جملة موسيقية او 00صوت عمر خليل مع المجموعة
نسمة شتاء ترواح مكانها 000طربانة تعود وتصيب حاسة سمع الصبايا الجميلات00 الصافى مهدى 00الموسيقى الرائع يتمايل وتنساب اصوات المغنين00والموسيقى بين اصابعه00صوت نجلاء عثمان ينساب فينا مكان الروح
نفس جديد ينفذ الى الموسيقى بأداء متميز00 قرمبوز فى صمت 00طلال يقف بعيدا كما النسمة(ومنساب من الرأس حتى القدمين) 00كلنا صمت مهيب 00 والاداء متواصل بجنون جميل 00لا ارض تحتنا ولاسماء نستظل تحتها00 الاشعار 00محجوب شريف وظل وريف00نجلاء وبهنس وسامى00وسارةالشفيفة فى سماعها اصابتنا بهاء السكت واصابت اصدقاءنا بسهر الليل
والبحث عن بلسم الروح00فوجدناه 00قبل السحور بقليل
وخرجنا من هناك, كما خرج بشرى الفاضل من لدنها مليئا حتى غازلنا الأصدقاء فى (ALL NATIONS ) واستمر الليل فجرا مع الاصدقاء بمرسمى
خوفا ان نفترق00 ويمحو الصباح كل الكلام المباح0000
وتمنينا الجميع معنا فى ليلة تتشكل فينا بخطى واثقة و تبنى فى السودان الجديد وما احلاها ليلة0000سأواصل

اسمهم(تجريب)0
كان هذا هو العرض الثالث فقط 000 وكأنه المائة
لقدراتهم المتجاوزة وصيغة منتهى الانسجام
فلنحتفل بهذا الجمال الذى بدأ0000

Post: #92
Title: Re: وجعى و ارخى لى شرق !!!
Author: عصام عبد الحفيظ
Date: 11-05-2004, 08:32 AM
Parent: #91

اليوم مساْء
*احتفال ليلى خاص وحوار(ALL NATIONS)
*رشا شيخ الدين 00بمركز كواتو
*ابو عركى البخيت00 وشمت محمد نور 00مركز عبد الكريم ميرغنى
*سهرة حتى الفجر مع مولانا خدر بهولندا








سلام

Post: #93
Title: Re: وجعى و ارخى لى شرق !!!
Author: Ishraga Mustafa
Date: 11-05-2004, 08:40 AM
Parent: #92

بختكم

نقعد نحنا لورق الشجر المتساقط
لدبرسة الشتاء اللى على الابواب



عصام... ماقلت لى استلمت ايميلى

Post: #94
Title: Re: وجعى و ارخى لى شرق !!!
Author: عصام عبد الحفيظ
Date: 11-05-2004, 09:06 AM
Parent: #93

اشراقةالعزيزة
وانا مارق منتهى
لاقيتنى انتى رجل فى الباب
ويد فى الكى بورد
والليل بدا





0000000000
(وصل ايميلك 00لكن لم ازر هذا المكان 00حتى الان)
كدى زورى (www.issamhafiez.com)
وبعدين نتكلم



سلام

Post: #95
Title: Re: وجعى و ارخى لى شرق !!!
Author: Ishraga Mustafa
Date: 11-05-2004, 10:53 AM
Parent: #94

عصام

سلام وقيام

تتخيل لقيت نفسى راكبة الخط غلط
لكن برضو ماندمت

صفحتك الالكترونية فى غاية الروعة
تسلم الايادى البترسم
ويسلم افقك

Post: #96
Title: Re: وجعى و ارخى لى شرق !!!
Author: عصام عبد الحفيظ
Date: 11-05-2004, 02:31 PM
Parent: #95

اقول يا اشراقة
انتى
راكبة الخط برضو صاح
والديم الجميل 000يعلم ذلك
تسلمى دائما
واعد نصا مهما هذا المساء عن هذا المساء
وقليل من الارتباك يكفى





سلام

Post: #97
Title: Re: وجعى و ارخى لى شرق !!!
Author: anwar abu gaidaa
Date: 11-06-2004, 11:27 AM
Parent: #96

up

Post: #98
Title: Re: وجعى و ارخى لى شرق !!!
Author: عصام عبد الحفيظ
Date: 11-06-2004, 02:00 PM
Parent: #97

انور الحبيب
الان فى تلفزيون السودان
يغنى
الاستاذ خليل اسماعيل
فى اغنية (سلمي لى علىالحبيب والمهم تلقيه طيب)
وانشاء تكون لى ووليداتك وست الناس طيبين
ونحن فى السبع الاواخر
اعاده الله على الجميع هناو يكونو طيبين وتامين ولامين0000

وبالامس مساء جميل بمركز عبد الكريم ميرغنى ,
قدم عركى وشمت اعمالا جميلة 00للاسف وحسن الحظ كنا
مع كواتو ورشا شيخ الدين000لكن اليوم صباحا(وهذا يلغى الاسف) اتانى الشريط ,
من صديق حميم اهتم باهتمامى, فسمعنا وطلال عفيفى شمت يقدم
يابامع السلامة00من سماع الشريط احسسنا انهاليلة من ليالى الخرطوم
الحميمة, اليومين ديل وتمنى شمت حضوركم مع جمهور المركز الجميل00
بالطريقة يا أنور بيسحروك فأشحد لى شيوخك توب الغطا والمغفرة0


وموضوع كواتو000وتجريب لنا فيه حديث من عذوبته يطول




سلام

Post: #99
Title: Re: وجعى و ارخى لى شرق !!!
Author: Ishraga Mustafa
Date: 11-06-2004, 03:04 PM
Parent: #96

عصام

انا قلت برضو راكبه صاح

مع الناس الجميلين مابغير خطى
ماشى الديم
كوستى
ولا الابيض
بكون فى نص النشيد


سلم لى على الديم
انا بحبه وبحب كل ناسه

Post: #100
Title: Re: وجعى و ارخى لى شرق !!!
Author: عصام عبد الحفيظ
Date: 11-06-2004, 03:23 PM
Parent: #99

وانا بحب الديم واهل الديم00

الشفتى فيهو أول مرة

وحليل الديم







سلام للديم

Post: #101
Title: Re: وجعى و ارخى لى شرق !!!
Author: Ishraga Mustafa
Date: 11-06-2004, 03:29 PM
Parent: #100

الشفتى فيهو أول مرة



عصام ياجميل

الديم شفته فيهو كثير؟ قل لى شنو

لو لاقيت على فضل احتضنه وقبله فى جبينه
هو بيمشى فى شوارع الديم كل يوم
فى كل الناس ماش وماليهم

وانا مالينى الليله حزن

ومحبتى لك ولناس الديم

Post: #102
Title: Re: وجعى و ارخى لى شرق !!!
Author: عصام عبد الحفيظ
Date: 11-06-2004, 03:34 PM
Parent: #101

عشان كده انا بحب الديم
وناس الديم
وايام الديم
وجاز الديم
وعمر عبده
وباشاكا






سلام

Post: #103
Title: Re: وجعى و ارخى لى شرق !!!
Author: Ishraga Mustafa
Date: 11-06-2004, 03:38 PM
Parent: #102

وست العشاء
ماتنساها ياعصام
مديدة التمر البتعملها بعصير انسانها
وفرحهم
بيفرحوا بالجد
ديل ناس ذى ناس الرديف بكوستى

هل عرفت السر الآن؟
ليه ناس بيتنا مكنكشين فى الديم

لانهم برضو بحبوا الديم
وناس الديم
وايام الديم
وجاز الديم
وعمر عبده
وباشاكا
وشفع الديم
وبنات الديم


ومساء الديم ياعصام

Post: #105
Title: Re: وجعى و ارخى لى شرق !!!
Author: عصام عبد الحفيظ
Date: 11-06-2004, 03:53 PM
Parent: #103

وحياتك
دى أصعب قصة ديم
تمر بى
الديم صعب
وشوقه أصعب
لان الديم وجدان قبل المكان
انتى طلعتى من وين
بسيرة الديم دى
هدى اللعب0000شوية

انا اصابنى
حول امريكى
وما بصراحة بكتب فى بوست الديم
ولا كواتو ورشا000ما عارف
وانتى بتعرفى الحول الامريكى
ما عندو علاج
لطفا بالعباد المساكين


سلام

Post: #104
Title: Re: وجعى و ارخى لى شرق !!!
Author: esam gabralla
Date: 11-06-2004, 03:44 PM
Parent: #1

اشراقه
يا زوله مالك "مضلمه" كده، ال winterdepressionen وقتها ذاتو ما جا!!!!!!

عصام

كواتو و رشا وعركى وشمت ... ينفعوكم

انا ماشي على "شيخى" خدر، حكمة الله، بنعرفو و بعرفنا و مافى عويق!!!!



الديم،الميز،ابو الليف،حمد العربى،عصفور و سنو وسنو

ممكن نحجز مقعد فى الشريط!! حتى لو صحبة راكب

Post: #106
Title: Re: وجعى و ارخى لى شرق !!!
Author: Ishraga Mustafa
Date: 11-06-2004, 04:19 PM
Parent: #104

عصام ود عم جبرالله


القال ليك منو ماجاء
هوفات عشان يجىء

عليك الله خلى الزمهرير يعدى

Post: #107
Title: Re: وجعى و ارخى لى شرق !!!
Author: esam gabralla
Date: 11-06-2004, 04:34 PM
Parent: #1

شروق

دى قصه تانيه

افتحى سخانات القلب
ولعى لهب روحك البنعرفا
دوسي زناد الحياه

واتلمى اكتر على الاصحاب والصاحبات بيدفوك وانتى عارفه

برد بلاد بره ده تلج بس، ما تخليهو يلحق القلب يا مشرقه

تعالى لينا و معاكى الاولاد .. ما عندك عذر بعد ما مشيتى امريكا البعييييييييده ديك
والزيت كان ما كفا البيت...
مع التقدير لرقيه وخالده وعقد النساء البهيج

Post: #110
Title: Re: وجعى و ارخى لى شرق !!!
Author: Ishraga Mustafa
Date: 11-07-2004, 03:52 AM
Parent: #107

عصام يا صديقى الجميل



{افتحى سخانات القلب
ولعى لهب روحك البنعرفا
دوسي زناد الحياه}

مازلت افعل جاهده
بولع فى لهب روحى التعبت
واشتهى ان التقى كل من احببناهم

اعدك بزياره اليكم
خت فى بالك انى عاوزه اضحك بس
لما اتلاقينا فى ذلك العرس الجميل ضحكتنى
لسه ضحتك ذاتها
وانشاء الله تبقى ذاتها
ذات سخريتك الجميلة
قلت لايوب الواحد/ة فينا عشان ينسى احزانه وغربته بيحتاج لجرعات فرح { عصامية}

لك كل محبتى

Post: #108
Title: Re: وجعى و ارخى لى شرق !!!
Author: Ibrahim Algrefwi
Date: 11-07-2004, 02:39 AM
Parent: #1

ياقبس المسيح اضئ قلبي:

بتتكلمو عن الديم وعن علي فضل وعن التعدد عن سهر الليالي , عن مزيكة الجاز , عن علي المك , عن دولة ضلت الي قسورة , عن اليوم كله ام عن ايه ولا ايه
مظاهرات , و"سِنة" كما ينطقها صبيان بدمورية وجينز, حبش وقبطة ونوبة وهوامش , دينكا وهجين يخص الخيل والانبياء , عن الديم ذاتو بتتداعو , عن مكان اخذ عذريتي عنوةً واقتدار ..!
...
...
وانا اراهق يا ناس كنت اتصور الجنه في الاخرة بمكان : المكان كان مهماً لاستقبال المشروع الديني : كانت الجنة من بنات الديم واحتشادها
كان المكان : الديم شخصياً
...
...

اشراقه : براحه عليك , لاتتركيه يغادرك , الديم ده والعياذ بلاه مهم , فيهو زوربا وبوب مارلي وبنات باثداء نافرة , الديم ملك النشيد الذي انتهي للتو

عصامين بحجر واحد : الديم حجاب : تصريف عن مولانا ابن عربي
حضرتك تعرف الديم , تحكي لي لو سمحت

Post: #111
Title: Re: وجعى و ارخى لى شرق !!!
Author: Ishraga Mustafa
Date: 11-07-2004, 04:01 AM
Parent: #108

ابراهيم سلام وشوق

هل تعرف ان هناك علاقة عشق جدلية بين الديم والرديف
عشان اكتب عن الديم احتاج ان اتداعى فى ذاك الحى الصاخب... حى الرديف... الحلة الجديدة بكوستى
بيوت الطين البتتمايل لمن المطر تشيل
تقع البيوت والحيط المتهالكه ومع ذلك تتماسك القلوب..... ياود مروة مابتكون طلعت من قلب الوجعة
وتلقى بنات مرؤة جن قبال اولادها
عارف بعد المطر تقيف
وكم حيطة وقعت
كم دمعة غرقت فيها احزاننا اللى اتعودنا عليها
بعدها بنتلم وناكل عصيدة خالتى فاطمة
عصيدة بملاح مرس

بتكون بتعرف ملاح المرس..... خالتى كلتوم جارتنا بتسميه ملاح مصران

آه ياله من زمن
بحتاج لنهر خاص اغطس فيه
عشان اهطل خصوبة كوستى فينى
الرديف
الديم

Post: #109
Title: Re: وجعى و ارخى لى شرق !!!
Author: عبد الله بولا
Date: 11-07-2004, 02:44 AM
Parent: #1

عزيزي عصام،
وين انت ياخي؟ ان شا الله ما تكون رميت وصيتي. حاشاك. فأنا أعرف صعوبة التنقل في بطن "أمنا الخرطوم" بعد أن تمَّ إنقاذها من نفسها.
ان شالله الكلام دا ما يجيب لك وَغرَه؟ (نعم "وَغَرَه" ماني كاتبا غلت. كلام بُدوان وتعني مشاكل وأحقاد وتلاتل)، فمسئوليه تقع علىَّ وحدي، وانا على استعداد لأن أبصم على ذلك بأصابعي التسعة لأنو فيها واحد مدهوس ووارم ليه أكثر من شهر ونص ما يتفشا.
بوستك سلس وظريف جداًً. إلا أنني اقرأه كمن يقرأ حلماً قديماً 27 وعشرين سنة ياعصام قضيتُ فيها سنةً واحدة "لا فقط لا غير" في الخرطوم وبضعة أشهر أجازات كانت متباعدةً جداً. وستاشر سنة صماء منذ أن تم إنقاذها. وأنا شيخ هالك فزودني بأخبار الصحاب والصحابات وأحوالهِن وأحوال هُنْ، ينالك ثواب. وأؤكد لك أن حوشك في الجنة سيكون معتبراً وعامراً جداً، مع الصديقين والشهداء. عاد البتسووا فيه ده مو شهادة؟ قاعدين مقابلين الغول وش لي وش!!!جملة الأيمان فرسان وفرسانات.

مع خالص محبتي.
بــــولا


بــــولا

Post: #112
Title: Re: وجعى و ارخى لى شرق !!!
Author: عبد الله بولا
Date: 11-07-2004, 12:28 PM
Parent: #1

عزيزي عصام شفتَ البِقت على عمك؟
شَي عجيب ضُمَّتُهْ. كتبت لك مداخلع قضت فوقا نص ساعة بالتمام والكمال. وٌُتْ كدي دفرتها. لي بوستاً حق زولاً تاني، وما عرفته. وقد عضت بقلبي حسرةٌ لن يتتيسر لي معها الكتابة إلا باكر. وين انت يا شيخنا؟ (شي عمك وشي شيخنا ربنا يستر). وهذه بالطبع فرصة فريدة لعصام جبر الله "عَلَشان" يتزبلع علي. قل لُه "كراع البقر جيابه" ياسِيدي أنا بقيت مَدير كبير في أصحار الكمبيوتر لكن مخير الله في خلقه: قَسَم المداخلة لي غيرك.

وقول لي خدر "قر قر قر قر قر قر"، دي ظريفة جداً بربراويه صُرُفْ.

مع مودتي

بــــولا

Post: #113
Title: Re: وجعى و ارخى لى شرق !!!
Author: عصام عبد الحفيظ
Date: 11-07-2004, 03:31 PM
Parent: #112

أستاذى بولا سلام
هذا المساْء فتحت لى طاقة كبيرة ماب تنسد بهين,
اولا:
هذا الديم يعاد تحديثه كلما 0000000
آٍسف جدا00 سأبدأ من جديد
هذا البوست يتم تجميله كلما ما مر,طلال ,قرمبوز,اشراقة,تماضر,أحمد المرضى ,كواتو,خدر ,ندا ,مزن,ع0 جبر الله,أيمان
,سوسو,وفاضلابى,ضياء,عثمان صالح, بيان,رايوة ورجاء,000وابو ساندرا
وعادل وابو بكر,و0000محمد صالح ونوسة,ونجاة محمد , وحمزة وتاج السر ,والهلال
و00000000 ومعز الشاعر واحبابه00 وسيجمان وبدر شنا 00وكل الاحباب فى البورد0000ورجاء اعذرونى للسهو والنسيان000

لكن هذا البوست يتم تحديثه و يعاد00 بدل المرةألف مرة فى الثانية عند مرور أستاذى بولا 000اعذرونى بالحب الخاص والغزل 00فهو أستاذ فى كل شىء0,لو تعلمون000000000000000
كل لحظة 00فى فكرة وجودنا الآنية,وعذاب العسكر المتوالى ونحن دائما(أسد) بمقاومتهم000الى متى ونحن فى هذه الفكرة الحربائية للمقاومة0
يادوب جينا لسلامتك والعيال ازيهم ونجاة الصغيرة حبى لها بلا حدود,وانت أدرى بحبى لها وايضا بأيام غوايتى وايزيس وذاك الزعل
وسألتنى أنت000 أتشتهيها0000
كان الرد أن تزوجنا00بعد فترة يعنى فيك شىء ما من اهل الصلاح 0 فا الاساتذة00يس وسهيل بملأون البيت فوضى وجمال واسئلة تجاب ولا تجاب000


والان عزيزى نواجه واقعا جديدا وبعثا لواقع جديد, يبحث عن كيان وبالاحرى عن وجدان مكانى وزمانى وله الحق فى ذلك كما كان لنا,انها فكرة انها زمان انها مكان , باالبساطة ده مجتمع فى اوج لحظات التحول لا الانكسار0000000


0000 وديل فى منهم مجموعة مقدرة متخفين وظاهرين فى هذا البوست ربما00000 وكما يقول صديقى طلال عفيفى وأنت تعرفه كتابة 00وانا أضف انه يمثل تيارا جديداوامتداد متقدم للاضافةفى الاسهام فى تشكيل وجدان بلا وهم ورؤيةتحطم الذات الانهزامية وتؤسس للشفافية الحقيقية, لعالم يحلم بسودان جديد,و له علاقة بفكرة الحياة, التى لا تعرف غير الجمال ومنتهى صيغ الخيال0


وصلت العزيز بولا كل الوصايا وانا معك ننتظر الرد000وعفوا
انه السودان000
تعال يا بولا 000فا الديم جميل
وله فى وجداننا مكان حميم يحتفى 00بك ونجاة 00والعيال واحبابكم
ومعاك احمد المرضى وايمان شقاق وصغيرهم0000









لى عودة فهناك صديقة تنتظرنى هذا المساء






وسلام

Post: #114
Title: Re: وجعى و ارخى لى شرق !!!
Author: طلال عفيفي
Date: 11-07-2004, 04:26 PM
Parent: #113

مين قدرك يا عم عصام ؟
أستاذ بولا عندك !

...
طلال

Post: #115
Title: Re: وجعى و ارخى لى شرق !!!
Author: anwar abu gaidaa
Date: 11-08-2004, 02:20 AM
Parent: #114

قال يا طلال عندى صديقه تنتظرنى؟؟
يا ربى دى الولايات السودانيه ال؟؟؟؟ظ
اها من وليه ايواهاا نا قايلك ماشى السوق
امشى انا ماشى السوق؟؟
ولى عوده
انور

Post: #116
Title: Re: وجعى و ارخى لى شرق !!!
Author: طلال عفيفي
Date: 11-08-2004, 06:31 AM
Parent: #115

والله يا أنور عصام ده خارط المدينه
خرط حبيبك ..
وسبحان الوهاب: تتناثر في سكته البنات.

...
طلال

Post: #117
Title: Re: وجعى و ارخى لى شرق !!!
Author: khider
Date: 11-08-2004, 11:50 AM
Parent: #116

اسألوني انا













لكن هو قاصد حبيبتو القديمه ذاتها

Post: #118
Title: Re: وجعى و ارخى لى شرق !!!
Author: anwar abu gaidaa
Date: 11-08-2004, 12:07 PM
Parent: #117

والله بوستن جاب لينا ابونا بولا
ده بوست تحفه البركه من كل جانب
اذ ان العفة والصدق النكران والجمال
وبديع الدل والغنج وسلطان المهج
وان بيتا ان ساكنه غير محتاج الى السرج؟
وديم عبد الله هندى ده من حجازى للعالى والعكس ونفحات اليجانه المتارجحه ما بين ثقافة الديم السلكيه؟ وسلمانها وارض حيوانها؟
وساحتها الشعبيه
وبن الحبش الامهر وجبنة التقرنجه؟ وذكرى عشه ووكر تلك الماركه السودانيه الاصيله
واللهم انى صائم فتقبل صيامى؟
انور

Post: #119
Title: Re: وجعى و ارخى لى شرق !!!
Author: عصام عبد الحفيظ
Date: 11-08-2004, 02:43 PM
Parent: #118

ياها دى الردود الصعبة الليلة جأتنى

انور الجميل
دى ولايات العشق
وشكرا موبيتل 000للمواعيد
ويا انور
اليوم مساْء كنا نحتفل مساء اليوم(ALL NATIONS ) وموسيقى(الحبش) بمقدم التشكيليات السودانيات من اديس 000 وقدموا معرضا مميزا احتفت به اديس بوزير ثقافتها,وكان السودان هناك بعطر أنثوى وتشكيل سودانوى أصيل0

ـــــــــــــــــــــــــــــــــــــــــــــــــــــــــــــــ
000000
وبعدين شنو حكاية انى صائم 000طوالى كده0
ـــــــــــــــــــــــــــــــــــــــــــــــــــــــــــــــــ
طلال000
(أرجــوك) كما يقولها صديقى الفنان التشكيلى السورى عصام درويش
صاحب صالة عشتار 1 و2



بس بأة 000يا طلال
يا فارز احلام البنات



ــــــــــــــــــــــــــــــــــــــــــــــــــــــــــــــ

خدر حبيبى أنت فى زول
سألك
ياتو قديمة دى
وعفوا للاطالة والاسراف معك0


ـــــــــــــــــــــــــــــــــــــــــــــــــــــــــــــــ
عفوا شباب وصلت الى روحى الان قصيدة
لها علاقة بحقوق الانسان

القصيدة شاعرتها تسكن روحى وحى ارخى شرق00النموذجى



(نذرتك فى روحى وهجا
منذ شهيق الشبق الاول
أتدثر بك000
ان ماذا أفعل
كى تغمرنى قطراتك
جســــــــدى صحـــراء
فى نهرك يتبلل
لكن لايروى منك
دعونى أنثر
كل ثيابى على الضفة
000
وأنزل حتـــى000
0000
خاصرتى
00
فى
ماء
فحولتك المجنونة
00آه
يا سيد كل الملاك
كم تغوينى عيناك00
0000
000
00
0
متين
0
أمبارح)



طلبت منى فى هدوْء 00 شفيف
ان تشكل القصيدة


قلت 000 لا000
000فقد تشكلت فى قلبى وروحى
وخوفى على الالوان 0

00وورطة انا كنا معا


احب هذا النشيد






سلام


0

Post: #120
Title: Re: وجعى و ارخى لى شرق !!!
Author: anwar abu gaidaa
Date: 11-09-2004, 01:40 AM
Parent: #119

up

Post: #121
Title: Re: وجعى و ارخى لى شرق !!!
Author: طلال عفيفي
Date: 11-09-2004, 01:54 AM
Parent: #120

عصام ..
البنات التشكيليات يسكبن على الليل ألوانه المنسيه .
تعود الينا روحنا في غفله عن هذه البلاد الكالحه .
وينعدل مزاجي اثر خرابه .

أستاذي العزيز ..
أعرف أن لديكم خاطر في المجتمع التشكيلي ..
فأرجو ان تتوسط لي عند جمعية التشكيليات السودانيات
لمنحي العضويه , سأكون شاكرا لك طول العمر ..
(وزي ما قلت ليك ممكن اكتفي بصفة مراقب ) ..


...
طلال

Post: #122
Title: Re: وجعى و ارخى لى شرق !!!
Author: gessan
Date: 11-09-2004, 02:45 AM
Parent: #1

**** اليوم مساْء كنا نحتفل مساء اليوم(ALL NATIONS ) وموسيقى(الحبش) بمقدم التشكيليات السودانيات من اديس ... وقدموا معرضا مميزا احتفت به اديس بوزير ثقافتها,وكان السودان هناك بعطر أنثوى وتشكيل سودانوى أصيل..
يا سلام ..علي الخبر ..والسيرة ..وعليكم إنتو زاتو ..
-وقدموا معرضا مميزا احتفت به اديس بوزير ثقافتها..
- وقدموا معرضا مميزا احتفت به اديس بوزير ثقافتها..
بالطبع كان متوقعاً من هؤلاء المبدعات ..في تواصلهن مع الجارة أثيوبيا ..كما فعلن من قبل ..وما سيفعلنه لاحقاً..

سلامين..

Post: #123
Title: Re: وجعى و ارخى لى شرق !!!
Author: عصام عبد الحفيظ
Date: 11-09-2004, 10:27 AM
Parent: #122

قيسان ازيك
عايزين تقرب منك اكثر
دائما, تدخل علينا وما
اى فرصة ونسة معاك
ودائما انت
بتسرق ذاكرتى
لقيسان الجميلة ايام
ايام الرحلات000

كدى هسه قولى
انت مريت بكلية الفنون
وهل اصابك
ما اصابنا

0000
انت عارف
الكلية دى فيها
سر لو تعلمون عظيم
00000
ونخاف عليه
وعليها
ــــــــــــــــــــ


قرب تعال وما تبعد


ــــــــــــــــــــ

هـــــــــــــــوى يا اشراقة
سلام انتى وين آخر زيارة لك وكتبتى
الكلام التحت ده
ولا حس ولاخبر
لعل المانع خير ومشتاقين كتير


(هناك علاقة عشق جدلية بين الديم والرديف)









سلام

Post: #124
Title: Re: وجعى و ارخى لى شرق !!!
Author: Nada Amin
Date: 11-09-2004, 01:20 PM
Parent: #1

Quote: هذا البوست يتم تجميله كلما ما مر,طلال ,قرمبوز,اشراقة,تماضر,أحمد المرضى ,كواتو,خدر ,ندا ,مزن,ع0 جبر الله,أيمان
,سوسو,وفاضلابى,ضياء,عثمان صالح, بيان,رايوة ورجاء,000وابو ساندرا
وعادل وابو بكر,و0000محمد صالح ونوسة,ونجاة محمد , وحمزة وتاج السر ,والهلال
و00000000 ومعز الشاعر واحبابه00 وسيجمان وبدر شنا

ممكن أخت اسمي مع الناس الحلوة دي؟
بس ما عرفت الحته دي سموها كده ليه!

Post: #125
Title: Re: وجعى و ارخى لى شرق !!!
Author: anwar abu gaidaa
Date: 11-09-2004, 01:36 PM
Parent: #124

انتىاهم بوهيه واجمل دهان لهذا البوست
ولكى منى ونيابة عن طلال عفيفى المسكون جمالا
تزكيه دائمه؟
والله شنو يا عصام؟
انور

Post: #126
Title: Re: وجعى و ارخى لى شرق !!!
Author: عصام عبد الحفيظ
Date: 11-09-2004, 03:16 PM
Parent: #124

اسمك هنا
فوق
فوق
ودائما
فوق






سلام

Post: #127
Title: Re: وجعى و ارخى لى شرق !!!
Author: anwar abu gaidaa
Date: 11-10-2004, 01:03 AM
Parent: #126

ندى بتسال يا استاذ عن انو سموها كده ليه؟؟
وجعى قال؟؟
انور

Post: #128
Title: Re: وجعى و ارخى لى شرق !!!
Author: gessan
Date: 11-10-2004, 01:19 AM
Parent: #1

سلامين عصام عليك وعلي المعاك هنا وهناك ..

هل اصابك ما أصابنا؟؟؟؟
طبعاً (وأكيد) لا ..لا لم يصبني ما اصابكم يا عصام ..
تعرف انا السؤال دا شلتو ومشيت بيهو لي نجاة عثمان ..بعد السلام .. سألتها هذا السؤال "ما الذي أصابكم ؟؟ حتى اعرف إن كنت
انا مصاب مثلكم ام لا؟؟؟.. لم تجيب نجاة على سؤالي بسكوت غير معهود فيها..فضحك عادل حجر وضحك ..
عليه انا لم يصبني ما اصابكم يا صديقي ..لا ..
----------------
التشكيليات ..أديس ..ونيروبي كمان..
----------------
عصام إياك ان تخاف على كلية الفنون ..إياك ..
فكل المجموعة التي شاركت في معرض اديس ابابا قبل ايام ..والمجموعة التي عرضت في هيلتون الخرطوم قبل ايام ايضاً (ناس عادل وخالد وعفيفي والبقية )..وحتى (شربيني ومي) الذيّن سيعرضان في بلجيكا بعد ايام ..وغيرهم وغيرهم ..
كل هؤلاء القاسم المشترك بينهم انهم رأوا ما لم ترونه في زمنكم ..نعم ..
فقد رأوا بأمهات اعينهم حادثتي الإعتداء على اعمال النحت في نجيلة الكلية ودار الاساتذة (شافوا الحادثتييييين)..عندما كانوا طلاباً وكان الهوس الديني يحيط بهم من كل جانب ..(ياخي ما كنا كويسين..)..

= عليك الله امش موقع العزيزة ايمان شقاق وإتمعن في الناس الهناك تلقاهم غالبيتهم "شهود" ..وبالتحديد زي واحد اسمواسماعيل حسن ..دا اتخرج هسع دي ..يادوب ..

لا تخاف على الكلية يا عصام ..
فأجمل الغناء ..قادم ..

سلامين

قيسان

Post: #129
Title: Re: وجعى و ارخى لى شرق !!!
Author: Dia eldin khalil
Date: 11-10-2004, 04:08 AM
Parent: #1

عصام عبد الحفيظ ....
شخص اجمل و اطيب ما يكون....
ابتسامة دائمة ....
تتغلغل سريعا في انحا الروح...
بالاضافة لي التلوين البرد الروح....
تسلم لينا يا رائع....
انا سعيد جدا بوجدك قريب هزي الايام....






ضياء

Post: #130
Title: Re: وجعى و ارخى لى شرق !!!
Author: anwar abu gaidaa
Date: 11-10-2004, 05:28 AM
Parent: #129

up
والله اليوم بقى ممحوق خلاس؟
الواحد ما يعرف ارد؟
فووووووووووووووووووووووووووووووووووووووووووووووووووووووووووق

Post: #131
Title: Re: وجعى و ارخى لى شرق !!!
Author: Raja
Date: 11-10-2004, 01:24 PM
Parent: #130

وفوق تاني يا أنور..

ممحوق للرد بس..؟ ده للقراية كمان..

ســـــــــــــــــلام..

Post: #132
Title: Re: وجعى و ارخى لى شرق !!!
Author: عصام عبد الحفيظ
Date: 11-10-2004, 03:27 PM
Parent: #131

كلكم يا لمتعة الرد
وعذابى فى تشتشته
رجاء يا ست الكل قدام وووفوق
ويسلمو لى كل العباسيين
_______________________________
وعملنا السطور
وهل تجدى نفعا00000
لحظة
فاالحب وحدوه الذى يجدى نفعا
________
سطر قصير
من وجد
وحب
ـ
واقصر منه
وجعى
هى حالة
من
الوجد
والعذاب
فى آن
واحد

أحد
هىحالة
وجودنا
الكونى
هى حالة الوجد
حينما
تضيق الامكنة و الا زمنة
هى
ذ1ك
وهذا
هى
بعض من
جنون
واحساس
بالامكنة







هى
هى





سلام

Post: #133
Title: Re: وجعى و ارخى لى شرق !!!
Author: Abu Mariam
Date: 11-10-2004, 03:52 PM
Parent: #1

نحيكم من بيت الكلاوي ( الكلاوي تشير الى شربيني ومي)

كلكم بي هنا وانا افتش اقول الناس دي مشت وين, وانتو عاقدين تتراشقوا لي بي جاي. تتراشقوا بالطريقة الايجابية مش رشقات اي كلام...
اصبر لي يا انور لامن اجيك... يوم الجمعة احتمال كبير اكون معاكم حسب الاتفاق مع براكه..

Post: #134
Title: Re: وجعى و ارخى لى شرق !!!
Author: anwar abu gaidaa
Date: 11-11-2004, 00:57 AM
Parent: #133

عليك الله يا عصام شوف الصادق شيخ الدين ده؟؟
بهددنى فى بوستك؟؟؟لا حول الله والله ما قايلها بتجى كده؟
طيب منبرك؟ اها العيد معانا ومرحبتين حبابك هوى
واليوم السعيد الليله جابك يا الصادق الفنان
والله يا رجاء اختى صدقتى الواحد قدر الزمن البلقاهو لا يعرف اتم ليهو موضوع لا يعرف برد
وهو زاتو رمضان قرب انتهى؟
ليكى الود وكل عام وانتو بخير
انور

Post: #135
Title: Re: وجعى و ارخى لى شرق !!!
Author: gessan
Date: 11-11-2004, 02:15 AM
Parent: #1

-------------------------------
* ابو مريم يكتب من بيت الكلاوي (شربيني ومي)..
يا الصادق انتا عارف انهم حيعرضو بعد اربعة ايام ..يلا ما تمشي منهم بعيد ..

"وحدها الدائرة تستبيح الإنحناء
ثم لا تنحني .."
(نجلاء عثمان دي.. كمان بتغني؟؟؟؟؟؟؟؟؟)
-------------------------------
عصام البوست دا شكلو كدة ..ما داير يجيبا البر ..

كل سنة والجميع بخير ..

Post: #136
Title: Re: وجعى و ارخى لى شرق !!!
Author: Ibrahim Algrefwi
Date: 11-11-2004, 04:07 AM
Parent: #1

سلام: ياناس

عصام يافنان

كم يحتاج الناس للمثقف الجمالي : خلاصه معرفتي فيك علي قول نجوي كرم

Post: #137
Title: Re: وجعى و ارخى لى شرق !!!
Author: Ibrahim Algrefwi
Date: 11-11-2004, 05:52 AM
Parent: #1

عصام




قلت لساره : عصام ده " وزارة ثقافة" :



بعدها : صدقت

شكراً يا عصام : علي الرسائل

Post: #138
Title: Re: وجعى و ارخى لى شرق !!!
Author: Ishraga Mustafa
Date: 11-11-2004, 06:03 AM
Parent: #137

لى وجعة وراخية شرق

فوق عشان كل الناس الجميليين/ت

Post: #139
Title: Re: وجعى و ارخى لى شرق !!!
Author: عصام عبد الحفيظ
Date: 11-11-2004, 07:28 AM
Parent: #138

تسلمى لى باشراقة

وشوفتك كانت غالية
وانا رغم كل الوجع
سعيد بك





سلام

Post: #140
Title: Re: وجعى و ارخى لى شرق !!!
Author: Ishraga Mustafa
Date: 11-11-2004, 08:11 AM
Parent: #139

عصام

هل راجعت ايميلك؟

عندك رسالة

ارجو الافادة ياصديق

Post: #141
Title: Re: وجعى و ارخى لى شرق !!!
Author: عصام عبد الحفيظ
Date: 11-11-2004, 09:11 AM
Parent: #140

الله
وصل



شكرا على المفاجأة العذبة








سلام

Post: #142
Title: Re: وجعى و ارخى لى شرق !!!
Author: Abu Mariam
Date: 11-11-2004, 02:02 PM
Parent: #1

سلام تاني,

ابو النور انت ما بتهدد في حيشان الفنانين ولا في أي محلة تانية, كمان انت قايل نفسك هين ولا لين.

يا أستاذ عبدالعزيز قيسان.. نحن وجودنا معاهم ( مي وشربيني) بديهم الهامات وخصوصا نامن اعمل ليهم شاي وهم شغالين, ولو كتروها وطلبوا مني اغسل العدة ح أمشي اخليهم.
تحية واشواق خاصة منهم أليكم جميعا

صادق

Post: #143
Title: Re: وجعى و ارخى لى شرق !!!
Author: عصام عبد الحفيظ
Date: 11-12-2004, 02:01 PM
Parent: #142

صادق
سلام
هو العيد
وانتى معى
احييك
وسلم لى على الجماعة
العيدهم بدون اطفال وهيصة الصباح ديك
اظنك عشتها
وسلام
يا ابو مريم
وعيد سعيد
ليك
وموصولة كل آل شيخ الدين
فى كل بقاع الارض
والاصدقاء
كلهم
بدون فرز




كل عام وانتم بخير







سلام

Post: #144
Title: Re: وجعى و ارخى لى شرق !!!
Author: معتز تروتسكى
Date: 11-13-2004, 01:23 AM
Parent: #1

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 عصام عبد الحفيظ 00

وياوجعى و ارخى لى شرق !!!

Post: #145
Title: Re: وجعى و ارخى لى شرق !!!
Author: khider
Date: 11-13-2004, 01:27 AM
Parent: #144

عصام






كل سنه و انت هنـــــــاك .. طيب

Post: #146
Title: Re: وجعى و ارخى لى شرق !!!
Author: عصام عبد الحفيظ
Date: 11-13-2004, 09:31 AM
Parent: #145

خدر










كل عام وانت والاحباب فى هولندا
بخـــــــــــــــــــــير
سلام لزوجتك




سلام

Post: #147
Title: Re: وجعى و ارخى لى شرق !!!
Author: anwar abu gaidaa
Date: 11-13-2004, 09:36 AM
Parent: #146

احبك الله بى محبته
وعيدا اتبارك علينا وعليك
انور

Post: #148
Title: Re: وجعى و ارخى لى شرق !!!
Author: عصام عبد الحفيظ
Date: 11-14-2004, 00:30 AM
Parent: #147

الحبيب أنور
بارك لصغارك وزوجتك الحبيبة العيد
ولك ود ووعد بلقاء يجمعنا قريبا





سلام

Post: #149
Title: Re: وجعى و ارخى لى شرق !!!
Author: Bushra Elfadil
Date: 11-14-2004, 01:14 AM
Parent: #148

الاخ عصام
تحياتي لك وللاسرة الكريمة وكل سنة وانت طيب بلغ وافر تحياتي لمسى الخليفة إن صادفته هذه الايام وللأصدقاء والمعارف بالسودان.
اطلعني نور الهدى على غلافي الطبعة الثالثة لكتابي القصصيين وهما من ابداعك وقد راقا لي رغم أنهما متشابهان في اللون مما يجعل التمييز صعباً لقارىء علاقته باللون مماثلة لحالتي . ووددت أن تخبرني بمآل تلك الطبعة . في المستقبل ساسعى لطبع كتبي على نحو مغاير.
دمت

Post: #150
Title: Re: وجعى و ارخى لى شرق !!!
Author: عصام عبد الحفيظ
Date: 11-14-2004, 06:30 AM
Parent: #149

الحبيب بشرى الفاضل
عيد سعيد
وشكرا على الطلة الجميلة
وموضوع الاغلفة اود تغييرها,بفكرةمختلفةوسارسلها
لك حالما, انتهى من تنفيذها,ففكرتها المنفذة تصميما تراجعت عندى كثيرا0
المشاكل التقنية للطباعة فى مصر تحتاج لاعادة نظر.من المطابع لمراكز الفرز, والسوريين فى دى قدراتهم اكبر,
عموما هو هم مشترك,وعندى لطباعة كتاب مترجم من الالمانية للاستاذ الشاعر النور عثمان, سأرسل لك نسخة
احتاج عنوانك



سلام

Post: #151
Title: Re: وجعى و ارخى لى شرق !!!
Author: Bushra Elfadil
Date: 11-14-2004, 06:44 AM
Parent: #150


العزيز عصام
بعد البوح بالمحبة
يمكنك الكتابة لي على بريدي الإليكتروني الايميل الموجود صحبة البروفايل الخاص بي في هذا المنبر اضغط على رسم اسمي هنا ويمكنك أيضاً الكتابة على الإيميل الآخر في عامودي الصحفي الاسبوعي كل ثلاثاء بصحيفة الخرطوم والعامود بعنوان لاشيء يعدل الوطن.
بخصوص النشر الآن افكر ببدائل خارج هذه الدائرة وليت نور لا يصدر الطبعة الثالثة فهل تخطره بألا يفعل؟ كم اصبحتم؟ وكيف اصبحتم هذا اليوم ؟
بشرى

Post: #152
Title: Re: وجعى و ارخى لى شرق !!!
Author: عصام عبد الحفيظ
Date: 11-14-2004, 01:10 PM
Parent: #151

العزيز بشرى
المعذرة غبت عنك فى الرد قليلا
فنحن لانعرف
اين
نكون
واين نكتب
المهم 0000رسالتك للنور اعتبرها وصلت
والاهم أكثر
عذاب الكتابة والنشر
هو موضوع يؤرقنى
ولازم ان تكون هناك صيغ جديدة
للفكرة نفسها
الواقع مختلف
والتقنيات اختلفت
والرؤية نفسها ما عادت تلك
خلينا نتحاور
ونشوف تجارب
ونبتدع اخرى


0000



سلام

Post: #153
Title: Re: وجعى و ارخى لى شرق !!!
Author: الجندرية
Date: 11-14-2004, 01:23 PM
Parent: #1

عصام يا بن عبد الحفيظ

كل سنة وانت طيب

ممكن ارحب بيك في البورد بعد دا ولا خلاص رجعتو الكراسي والخيمة ؟

Post: #154
Title: Re: وجعى و ارخى لى شرق !!!
Author: عصام عبد الحفيظ
Date: 11-14-2004, 01:31 PM
Parent: #153

الليلة البوست نور
بجيتك
وانا من زمن حارى الشوفة دى
العيد سعيد عليكى وبخيت
وطلتك والله بالدنيا
وابدا العيد من جدبد باالطلة الحلوة
دى 0




سلام

Post: #155
Title: Re: وجعى و ارخى لى شرق !!!
Author: راشد يحى مدلل
Date: 11-14-2004, 08:27 PM
Parent: #1

الاستاذ عصام
كُل العام وانتة بخير والجميع ... ربنا يديك اللفى مرادك
ويدينا وطن جميل يتسع لحافة لاأحلامنا

تقبل تحيات الجميع هُنا

Post: #156
Title: Re: وجعى و ارخى لى شرق !!!
Author: بارعة
Date: 11-15-2004, 05:05 AM
Parent: #155

ياخى انت ليه لذيذ كدة



ايدو مبارك الينا اليكم كــــــل سنة تيبين تيبين

Post: #157
Title: Re: وجعى و ارخى لى شرق !!!
Author: بارعة
Date: 11-15-2004, 05:14 AM
Parent: #156

بارعه
امشي رضعي الشافع بكي
عصام
تتزكر التلفون ده
حـــــميد ... ليلة شـعرية في الخرطوم
شفت انا قوال كيف !!

Post: #158
Title: Re: وجعى و ارخى لى شرق !!!
Author: khider
Date: 11-15-2004, 05:17 AM
Parent: #157

Quote: بارعه
امشي رضعي الشافع بكي
عصام
تتزكر التلفون ده
حـــــميد ... ليلة شـعرية في الخرطوم
شفت انا قوال كيف !!

سوري
لمن تكون زوجتك بتستخدم كمبيوترك .. بتحصل دقسات زي دي عـــــــــادي

الفوق ده انا

Post: #159
Title: Re: وجعى و ارخى لى شرق !!!
Author: عصام عبد الحفيظ
Date: 11-15-2004, 05:29 AM
Parent: #158

Quote:

يا ايها المعبأ في شراييني
اختزلني في حدود الحلم
امنية
و
سكر


بس كده

يا عيون خدر





ســـلام

Post: #160
Title: Re: وجعى و ارخى لى شرق !!!
Author: عصام عبد الحفيظ
Date: 11-16-2004, 04:55 AM
Parent: #159

معتز تروتسكى
ياخى كل سنة وانت والمعاك طيبين
اهو كل مرة اقول انضم
يجو ناس ونسة خشم الباب يلخبطو علينا0


علىالعموم لنا حديث وونسة مؤجلة0








سلام

Post: #161
Title: Re: وجعى و ارخى لى شرق !!!
Author: Ishraga Mustafa
Date: 11-16-2004, 05:30 AM
Parent: #160

عصام

كل يوم والنشيد فيك اخضر وزرعى

Post: #162
Title: Re: وجعى و ارخى لى شرق !!!
Author: عصام عبد الحفيظ
Date: 11-16-2004, 05:54 AM
Parent: #161

عفوا اشراقة جاييك

ـــــــــــــــــــــــــــــــــــيحىراشدعيدسعيد وانشاءالله انت طيب, انا البى كله هين,ومشتاق جدا للشباب راشد والصيدلى الشاعر شهابوالاصدقاء احيانا تغيب الاسماء عند لتأتى مجللة فى الصباح فسلامى لهم الشديـــــــــــــــــــــــــــــــــــــــــــــد


ــــــــــــــــــــــــــــــ
اشراقة ازيك ياعيد
ونشيد لينا زمن ما اتلاقينا هنا
مرحب
والشوق مطر استوائى




سلام

Post: #163
Title: Re: وجعى و ارخى لى شرق !!!
Author: khider
Date: 11-16-2004, 06:47 AM
Parent: #162




ابشرو .. يا شباب
والله البوست ده اجمل حفله احضرها في السبعه سنوات الاخيره


Post: #164
Title: Re: وجعى و ارخى لى شرق !!!
Author: طلال عفيفي
Date: 11-16-2004, 02:51 PM
Parent: #163




خدر ..
كل سنه وانت طيب .
أتمنى لك دنيا كتلك التي غادرتها قبل سنواتك السبع ..
دنيا لها باع في الصبر علينا,لتمتد لسبعمئة عام(أو يزيد)..

كم اربكتني الحكاوي (حكايا عصام).
وكم تمنيت ان لو كان في العمر حظ لملاقتكم في أجوائكم الجميله
التي يفتقدها العمر .

لا تدري : كم احبكم .
وكم تفتقدكم ذكرياتي (العرجاء بدونكم).

سلامات يا كل الصحاب ,
يا أولاد الناس الطيبين .

ليعد علينا العام المقبل بحريه(والله مشغول برد غربة الجميع).

سلامات ..

...
طلال


___________________________________
*الوجه : صوره شخصيه بالفحم/لبيكاسو.
تم توقيعها في 1903.

Post: #165
Title: Re: وجعى و ارخى لى شرق !!!
Author: Adil Osman
Date: 11-16-2004, 04:02 PM
Parent: #164

طلال
بيكاسو بيشبهك.. مش؟

تحياتى لبحرى
كم افتقدها..

Post: #166
Title: Re: وجعى و ارخى لى شرق !!!
Author: عصام عبد الحفيظ
Date: 11-16-2004, 11:44 PM
Parent: #165

صدقت ياعادل


فطلال مسكون باالفن على طريقته,
والذى يدهشك فيه, العمق قبل القراية0
يبدأ جملته فتاتيك ألآف من المعان والرؤى ,
تنساب00000
فهو شاب يمتلك كل ادوات الحضور و الهدوْء
وفضاء الكتابة, وشفافية الوصف والحكاية0
الذى لا يحد بمعانى اللغة البسيطة, بل يتجاوزها00
والحوار معه ليل ممتد الى لا نهاية00له
0000








سلام

Post: #167
Title: Re: وجعى و ارخى لى شرق !!!
Author: Tumadir
Date: 11-17-2004, 06:00 AM
Parent: #166

لى عند "بلال" دى الجماعة ديل نزلوها..

تانى فضل شنو؟

Post: #168
Title: Re: وجعى و ارخى لى شرق !!!
Author: عصام عبد الحفيظ
Date: 11-17-2004, 01:48 PM
Parent: #167

تماضر
ازيك
سلام مكعب ونشيد الشوق موصول لك
والعيد الفات ده اتمناهو لك سعيد مع العيال
يا ست الكل


سلام

Post: #170
Title: Re: وجعى و ارخى لى شرق !!!
Author: طلال عفيفي
Date: 11-19-2004, 08:26 AM
Parent: #168



أستاذ عادل ..
ليتني أشبه بيكاسو .
تقترب بي منه ملامح الحلب .
سوى أن أصابعي لا تنز ألوانا ولا عيوني ترى ما يرى .

تحياتي ..
لك ولعصام وللناس ..

...
طلال

Post: #171
Title: Re: وجعى و ارخى لى شرق !!!
Author: عصام عبد الحفيظ
Date: 11-19-2004, 11:06 AM
Parent: #170

طلال 000 يا تيتو,
موضوع ابوابك أصبح محل بحث فى ابوابنا,
دى
مش ابواب الريموت كنترول,
ابواب الجمال
التى نطل
عليها وتؤرقنا
حتى الصباح
فرفقا بى
من أبوابك

الباب فى أغلب الاحيان هو مدخل
أكثر من رحب لحياة وفكرة لعالم جديد نود
ان نكتشفه بحياء





سلام

Post: #172
Title: Re: وجعى و ارخى لى شرق !!!
Author: Ishraga Mustafa
Date: 11-19-2004, 01:12 PM
Parent: #171

Quote: عفوا اشراقة جاييك




عصام منتظرة جيتك

Post: #173
Title: Re: وجعى و ارخى لى شرق !!!
Author: عصام عبد الحفيظ
Date: 11-19-2004, 01:41 PM
Parent: #172

واتخيلى لسة
يا اشراقة
جاييكى 000
اكتر مما تتخيلى







سلام

Post: #174
Title: Re: وجعى و ارخى لى شرق !!!
Author: عصام عبد الحفيظ
Date: 11-20-2004, 11:19 AM
Parent: #173

اشراقة
هو وعد ولا مناص
وهو جنون ,لامرتب
وهو حنين بلا تجاوز
وهو الحنين الاكبر لوجدى
وهو انا 0000فىعذاب الروح وانفطار
كلهم على
الا قصبدة تجاوزت المكان والزمان0000
هى لكى 000بكل اثواب الدخان 0000
اتت كذالك


ربنا خلقها كدا
راح اعمل فيها
كما قال الشاعر المصرى نجيب سرور



ما بقدر اااااااااقول
لكنها شاعرة من ارخى لى شرق وتجود لى با الوجد
والقصائد
لى
0000هو عذاب
هوجن وظار وحكايات لايتسع البورد لحملها



خلونا فى لهب الشعر
هى قالت

عن
(ليلة الشموع 000ولوحة لم تكتمل)



للمدينة وهى ترفل
تحت
ريشته سلام
وللاحبة العابثون
بكل لون 0000
عنده اليوم
سلام000
ولمرسمه سلام
ولعينيه سلام
ولضحكته, التى ذوبت سكر قلبى
سلام
ورمتنى
فى فناجين المحبة
ألف عام
ولروحى000000
والتى الان تحلق
فوق شمعته سكينة
ومن القلب
محبة00000


وللصحبةقبلاتى
وغدا0000
احلى وعلى الوطن00


سلام









وما احلاوه سلام






وسلام

Post: #175
Title: Re: وجعى و ارخى لى شرق !!!
Author: Ishraga Mustafa
Date: 11-20-2004, 01:31 PM
Parent: #174

Quote:
هو وعد ولا مناص
وهو جنون ,لامرتب
وهو حنين بلا تجاوز
وهو الحنين الاكبر لوجدى
وهو انا 0000فىعذاب الروح وانفطار




عصام ياصديق
واحدة بواحدة




يسربلنى ضباب هذه المدينة بطعم الصبار
تنسرب روحى هاربة من جسد ماعاد يدندن فيه الشجو الحنين
فمنذ وطئت صمت الرحيل لذت فى منفايا المميت
وأنكفئت على نيرفانا جراحاتى
على قناديل عشقى القديم تهاجم روحى المنسربه ومزامير جسدى النحيب



اشراقه
فيينا 11/4/2003

Post: #176
Title: Re: وجعى و ارخى لى شرق !!!
Author: khider
Date: 11-20-2004, 04:09 PM
Parent: #175

تمادر
ياحليلك .....
نحن سالمين و تامين بي بلال
وبي كل جميل
وبيك

Post: #177
Title: Re: وجعى و ارخى لى شرق !!!
Author: Ibrahim Algrefwi
Date: 11-22-2004, 02:46 AM
Parent: #176

تماضر

ارخي

ببلالك

لكم بلالكم ولي دين

Post: #178
Title: Re: وجعى و ارخى لى شرق !!!
Author: عصام عبد الحفيظ
Date: 11-22-2004, 03:09 PM
Parent: #177

اشراقة
كان صوتك حنبن كما انت
وكنت
انت


ــــــــــــــــــــــــــ

بعدالسطر
جريفاوى
مالى اراك والارتباك مالك لساحتك
ملى اراك000تخاف وتقف بعيدا
وكأنك المحتفى به
مالى اراك000ولا اراك



حدثنا
با ابو الشباب
هل فى الامر
سر يقال ولا يقال!!!!!!


هن حسناوات
وهن ابتدأت عندهن فكرة النساء

وهن من رسمن كلمة (كوين)


ودع ارتباكك وأبدأ بالحروف 00ساكنها











سلام

Post: #179
Title: Re: وجعى و ارخى لى شرق !!!
Author: عصام عبد الحفيظ
Date: 11-23-2004, 11:39 AM
Parent: #178

الى اشراقة ,وبولا, وطلال , وضياء, و خدر ,جريفاوى , وابو ساندرا ,وتماضر
وراوية, وتروتسكى و وشرنوبى , وود قاسم , ومزن , وعلياء,وماهيتاب,
وانور ,سيجمان , وتاج السر, وابهاب , ود0 نجاة , وبيان, وترهاقا
وعادل , ورجاْء, والمرضى, بشرى الفاضل , فاضلابى, والذاكرة مصابة
بعد العيد,00000000
اصابنى كتاب اسمه(العطر ) كاتبه باتريك زوسكيند وترجمه للعربية نبيل الحفار وقصته تطول000قريبا سنواصل السبرة
لكنى اهديكم نصا عذبنى فى هذا (الكتاب)

(لم يدم اضطراب حواسه طويلا0 بل لم يلزمه فى واقع الامراكثر من لحظة ليتاكد من الحالة بصريا, وليستسلم من ثم دون أدنى مقاومة لمدركات حاسة شمه0
لقد شم الآن فقط انها بشر0 شم عرق ابطيهاودهن شعرهاورائحة السمك المنبعثة من000000,وكان شمه ممتعا للغاية0فعرقها وجده منعشا كريح البحر0ودهن شعرها كزيت الجوز0و000000 كباقة من زنابق الماء0وجلدها كزهر المشمش 0000وتركيب هذه العناصر مع بعضها أنتج عطرا,هو من الثراء والتوازن والسحر بحيث ان كل العطور التىسبق ان شمهاوكل تراكيب الروائح التى ابتدعتها مخيلته بدت له فجأة خواء جافا0مئات آلاف الروائح لم تعدى تساوى شيئا أمام هذه الرائحة با لذات0
هذه الرائحة باالتحديد0كانت المبدأ الاعلى الذى يجيب على الروائح الاخرى ان تصنف نفسها وفقه0
قياسا الى هذا المثال الذى كان الجمال التقى بعنينه0



توجه نحو الفتاة ببطء, مقتربا اكثر فا كثر0 تقدم اكثر فاكثر~,و,تقدم تحت السقف وتوقف وراءها خطوة واحدة 0ولم تسمعه0
فى تلك الليله بدا له مأواه التعيس كقصر,ومضجعه كسرير ربانى لم يكن قد عرف معنى السعادة بحيث جافاه النوم0وانتابه شعور بانه سيولد من جديد
0لابل للمرة الاولى0 فحياته حتى الان كانت لا اكثر من وجود حيوانى غارق فى ضباب كثيف يغلف معرفته بذاته0لكن هذا اليوم بالتحديدجعله يدرك هويته الحقيقبة0
اى انه عبقرى0 لا ريب فى ذلك0وان لحياته معنىو مقصداوهدفاو مصيرا علويا0
هو ببساطة:تثوير عالم الروائح0)






سلام

Post: #180
Title: Re: وجعى و ارخى لى شرق !!!
Author: Ishraga Mustafa
Date: 11-23-2004, 11:57 AM
Parent: #179

فى انتظار الحكاية

فلاتدعه يطول.... اعنى حنين الانتظار

Post: #181
Title: Re: وجعى و ارخى لى شرق !!!
Author: عصام عبد الحفيظ
Date: 11-23-2004, 12:35 PM
Parent: #180




اشراقة
شوقى اليك
كثيف
وهذا كتاب , صعب التجول فى سبر اغوار عطره00
وقاس جدا البوح بسحر عطره
اعطينى
فقط
زمن التجول
برهة
واعود اليك
بالحنين000
وربما
قصص
او
جنون
او
او
فلناحفظ
على
ميزان
التواجد
والحنين وسلام
اليك
يا ملاذ
كل
العاشقين
00000




تسلمى








وسلام

Post: #182
Title: Re: وجعى و ارخى لى شرق !!!
Author: عصام عبد الحفيظ
Date: 11-25-2004, 07:27 AM
Parent: #181

الى اشراقة والغائب جدا فاضلابى



(كان شعرها احمرا,وثوبها رماديا دون اكمام,كان
ذراعاها بيضاوين ويداهامصفرتين من عصير البرقوق0 وقف
غرنوى منحنيا فوقها ممتصا بأنفه شذاها الذى اصبح
الان نقيا لا شائبة فيه,شذاها المتصاعد من عنقها
وشعرهاوفتحة ثوبها,تاركا اياه لينساب الى داخله
كهبة ريح رقيقة0 لم يشعر بمثل هذه المتعة من قبل ابدا0
أما الفتاة فقد سرت القشعريرة فى جسمها0)





من كتاب العطر







سلام

Post: #183
Title: Re: وجعى و ارخى لى شرق !!!
Author: Ishraga Mustafa
Date: 11-25-2004, 08:29 AM
Parent: #182

Quote:
من كتاب العطر





على حد الحنين هتفت
انت او الطوفان
لا انتظرنى على ضفة النشيد المشتهى
ولا الطوفان غسلنا من وجع الهزيمة



عصام
ده من كتاب الحشرجات




ان تلتقى انسانا تحبه منذ ان رمش خاطر القلب فى عز وهجه
ان تحكيه همس العمر فى عطن جراحاته
ان يفتح لك لحظتها القلب والروح على اتساعها الاخير
يحتضنك حتى تئن كل مراراتك
وان تتوهمى بما ليس لك

ليلة ويمضى كل فى حاله
شوق
وزمهرير روح
ورغوة اشتهاء
ورعشة جسد
ويمضى
دون ان يترك عنوانا يوصلك الى بوصلة عمقه
يذهب كأى عابر
ترك بعض انفاسه عالقه فى مسامات الحنين


ودى من كتاب الروح فى انينها الأخير.... لم تكتمل بعد

Post: #184
Title: Re: وجعى و ارخى لى شرق !!!
Author: عصام عبد الحفيظ
Date: 11-25-2004, 08:59 AM
Parent: #183

اشراقة

بما انناهذه الايام فى سيرة الابواب والان انفتح علينا
باب الكتب0

كتاب العطر
كتاب الحنين
كتاب الحشرجات
كتاب الروح



ابعث لك 000
كتاب الدفْء


تجديه متوسدا حنينك
خلف الباب




سلام

Post: #185
Title: Re: وجعى و ارخى لى شرق !!!
Author: Ishraga Mustafa
Date: 11-25-2004, 09:50 AM
Parent: #184

Quote:
ابعث لك 000
كتاب الدفْء



وانا اقول مالها فيينا دى متوهجه كده
اتارى ده من كتاب الدفء


دى من كتاب العشق:



فى بدايات فجر العام
وبهمسة شجن باحت
لهذا العام ريش من قزح
فى نهايات الفجر ايقنت انه ظمأ سراب
وانها عاشقة منيت منذ مارس بالهزيمة
واللغة الأليمة
وانتظار وطن يترجل عكس ريح الانكسار
ولكن....


تخريمه: شوف بريدك وحدثنى حديث كتاب الروح

Post: #186
Title: Re: وجعى و ارخى لى شرق !!!
Author: ahmed haneen
Date: 11-25-2004, 09:53 AM
Parent: #1

الأخ عصام
ولدنا الفنان

اهديك منظر من عام 86 في اروتا
المناطق المحررة - الجبهة الشعبية

وتلك الشلة الرائعة

حاول ان تتعرف عليهم

بجيك راجع بي الصورة

Post: #187
Title: Re: وجعى و ارخى لى شرق !!!
Author: ahmed haneen
Date: 11-25-2004, 12:43 PM
Parent: #1

عصام حاول تعرف علي الموجودون


Post: #188
Title: Re: وجعى و ارخى لى شرق !!!
Author: Ishraga Mustafa
Date: 11-25-2004, 12:51 PM
Parent: #187

غايتو انا عرفت فيهم عصام قبل الصلعة، اها يا احمد حنين مش شاطره

Post: #189
Title: Re: وجعى و ارخى لى شرق !!!
Author: ahmed haneen
Date: 11-25-2004, 02:09 PM
Parent: #1

مظبوط يا ام واصل

هو هو
سوف احاول ان اكبر ليك الصورة

ولسع في لقطات كتيرة


Post: #190
Title: Re: وجعى و ارخى لى شرق !!!
Author: عصام عبد الحفيظ
Date: 11-25-2004, 02:54 PM
Parent: #189

شكرا هى اروتا
فى قلب ارتريا
لجنة التحكيم, مسابقة الرسم والتشكيل
على يمينى اب سفة (عبد الله محمد الطيب )
ايام وجمال لهو العودة واجدة وواجبة
ونسات سامى سالم , ونفاريت الصباح


ونقتات انا وصديقى التوم
اعشاب برية اشبه بالجرير
وبيض وبطاطس تطبخه المهجنة ايطاليا
و هى الطبيبة000000
ايام السواءء000






سلام

Post: #191
Title: Re: وجعى و ارخى لى شرق !!!
Author: Dia eldin khalil
Date: 11-26-2004, 12:01 PM
Parent: #1

سلام يا عصام ....
سلام يا اصدقاء.....
العزيز خضر.. اللة يديك العافية....
بلال (تزورني مرة)
دي غونية بتحركني شدييييييد....
بفتش فيها لي سنييين....
ممكن ترسلا لييي لو امكن......
ارجووك...
[email protected]
[email protected]





ضياء

Post: #192
Title: Re: وجعى و ارخى لى شرق !!!
Author: عصام عبد الحفيظ
Date: 11-27-2004, 06:27 AM
Parent: #191




جيتنى بي بلال يا ضياء ملك الضياء0


وانا داير من خدر اذا رجع , وراقت بارعة
(لى من شوفتو مدة)

عموما حنلتقى اليوم مساْء فى مركز عبد الكريم
لحضور معرض000
(احتفالية احياء الفنان التشكيلى الراحل
حسن اسحاق ابراهيم)


اخيرا فاضلابى ظهر 000

ودعونا نرحب بالاعضاء الجدد فى البورد
صباح اليوم فاجئونى كالورود

نرحب بهم جميعا





سلام

Post: #193
Title: Re: وجعى و ارخى لى شرق !!!
Author: عصام عبد الحفيظ
Date: 11-28-2004, 07:42 AM
Parent: #192

Quote: ولسع في لقطات كتيرة




احمد حنين
ازيك
انا لى فى انتظار لقطات قليلة
لتروى شوقى وتمرق لينا تلك الرحلة,
والاحتفالات المسائية والتى تتحقق فى زمن كلمح البصر

ايام اروتا 00كانت كحلم 00وودت لو لم نفق منه00




سلام

Post: #194
Title: Re: وجعى و ارخى لى شرق !!!
Author: عصام عبد الحفيظ
Date: 11-29-2004, 12:14 PM
Parent: #193

حنين صعب هو الانتظار
وخاصة لمن تحب

ومرات لمن يقولو ليك 000
النمرة غلط
يا لعذاب الغلط0000



رجاء فالنمرة صاح 000والغلط نحن
أبعث صورة يصحو الغلط ويصبح صــــــاح
سلامىو000000











وسلام

Post: #195
Title: Re: وجعى و ارخى لى شرق !!!
Author: Salah Abuhigill
Date: 11-29-2004, 12:55 PM
Parent: #1

الصديق الصدوق من فبل الفلوكس "أم شنابرا عاضا" يا فول تماضر بت شيخ الدين -
عصام الدين ود عبد الحفيظ ....

وحاتك أدونى نمره فى حلة سودانيز, فرحانبهافرحا شديد..... الله يفرح الكانو السبب ويدى كل زول منهم أو منهن نمرتا تانيه فى حلت الراخين لى شرق ديل


بتمو معاك ... بس إنت أدينى فيك طرف


ودأبحجل

Post: #196
Title: Re: وجعى و ارخى لى شرق !!!
Author: عصام عبد الحفيظ
Date: 11-30-2004, 03:28 PM
Parent: #195

B]اب حجل


فىهذه الحظة تماما
اسمع فى اغنبة
(الليلة وين لىوين
بتغنيلو بت عباس
وفوق القهوة ماجلاس
وفوق الكورة ماخد الكاس)



ياحليلك وبرادايس
والهلال الليلة شايل الكاس, بتاع الممتاز
وتاج البورد فرحان
0000
زمن لاحتراف الغناء الجميل عندك
تلك هى ايام الحنين
وكل شىء
فهل تعود
ام تعود بنا الايام
وساعتها تقتلنا الدهشة000ونعود
تحملنا اجنحة الحنين المجنون
ونبدأ 000بنشيد محمد مدنى
(دثرونى دثرونى 00فالكلام البكر جاء)


ثم نغنى
الذكريات000
حتى تغزلنا خيوط الفجر,
وتجد التداعى ملأ المكان فى حبور وفوضى
قهوة الصباح الماكرة,

وعندها نكتشف ,وفى ظلمة الحياة,وهزائم السودان
العادية,ان للارض رب يحميها, واكتشفنا متعة (برادايس)
بعد فقدنا لها, وتصاريف الدهر السودانى فيها00



الحبيب صلاح هل من عودة هل 00يا روحى هل 00




سلام





Post: #197
Title: Re: وجعى و ارخى لى شرق !!!
Author: khider
Date: 12-01-2004, 09:36 AM
Parent: #196

Quote: هل من عودة هل


???

Post: #198
Title: Re: وجعى و ارخى لى شرق !!!
Author: عصام عبد الحفيظ
Date: 12-01-2004, 01:45 PM
Parent: #197

وكأنها اياكى وأسمعى ياجارة


الحبيب
وبارعة
ويا خدر
وين انت خلاص رجعت, ولا ده وهم امريكى,
الليلة قابلنا ابو ساندرا, وساندرا, وماهيتاب,
والفنان اللطبف سعد النيل الازرق,وعاصم الحزين,ورفقة, و تهارقا
وضــــــياء, وكان كان, وطلال 00قرمبوز ومن أكثرهم عذوبة ولم اذكرهم
,كل ده فى الديم يا أشراقة ذات مساء لف الديم بنسمة شتاء حميم قادم
يلتقى فيه قدامى المحاربين فى الزمن الجميل مع شباب قادم وقادم جدا كما
جئنا فى مطلع الثمانينات0
ايام عقد الجلاد مارقين يادوب مارقين

وده برضو ليك 000ياأبو غادة







وسلام لنواصل000000
فالديم جاء
بوصول ابو ساندرا
مرحبا به
ولنرفع بوست الديم عاليا
بمقدم ابو ساندرا
وسلام مجيد اليك ياود بركات

Post: #199
Title: Re: وجعى و ارخى لى شرق !!!
Author: عصام عبد الحفيظ
Date: 12-02-2004, 06:46 AM
Parent: #198

ابو ساندرا الجميل
تحلقو حولك , وانت لاتغيب عنهم , مع ساندرا
وطلال000وومرة مع عاصم الحزين
اتسعت مساحات الترحاب والحوار, وضاق البيت
بالجمال 0000


وتذكرنا ايام (قعربابور)

ولنا عودة لشخصيات الديم والسجانة0000






سلام

Post: #200
Title: Re: وجعى و ارخى لى شرق !!!
Author: Ishraga Mustafa
Date: 12-04-2004, 00:20 AM
Parent: #199

ياريتنى كنت معاكم/ن
لكن اكيد كنت هناك... حسيتوا/ن بى
اكيد

لمن اجىء عاوزه لمة زى دى

وقتا طيبا مع ابوساندرا الرائع

Post: #201
Title: Re: وجعى و ارخى لى شرق !!!
Author: طلال عفيفي
Date: 12-04-2004, 01:20 AM
Parent: #200

الأخ صلاح ..
مرحبا بك ..
كانت سيرتك قد عطرت المكان قبل ورودك .

فبالحضن ..

..........

إشراقه .. في الخاطر وفي البال ..
السودان مستني عوده .
والكل في إنتظارك .

...
طلال

Post: #202
Title: Re: وجعى و ارخى لى شرق !!!
Author: طلال عفيفي
Date: 12-04-2004, 01:41 AM
Parent: #201



عصام ..
أبو ساندرا مفاجأة الموسم !
رجل قوي ووديع ومضياف ..
متسق مع نفسه وأفكاره لحد بعيد ..
أحببته جداً ..


عصام ..
شيء ما في قلبي عصي على التحسن .
هنالك مساحه كامله قد تلفت على ما يبدو ..

أشعر وكأن البنت رمت في روحي هلب .
أوقفت مراكبها عندي ودخلت المدينه .



...
طلال


_______________________________
* ساكبة الحليب ل/Jan Vermeer
من أكثر الاعمال التي أحبها .
تم توقيع اللوحة في العام1660 .
- تحتوي اللوحة على تفاصيل مفرطه
وأضاء دقيقة .. كما نجح "فيرمير"
في خلق علاقة بناءة بين اللونين
الأزرق والأصفر ( بطلا العمل ) ..

Post: #203
Title: Re: وجعى و ارخى لى شرق !!!
Author: طلال عفيفي
Date: 12-04-2004, 02:00 AM
Parent: #202




* تفصيله من لوحة "فيرمير/vermeer" : ساكبة الحليب ..
تلمح فيها تجولات اللون الأصفر وتأويل الضوء له .
الجدران : خلفية صادقة عليها ملامح العمر .. أثر تلك
المسامير .. وإنفطار قشرة الحائط ..
السلال المعلقة .
لون المفرش الأخضر الذي يخف ويخف وأنت صاعد ببصرك الى
أعلى حتى يستحيل الى أبيض على الجدران قبالة ضوء النافذه.
ذلك الخروج السلس من العتمة الى الضوء ..

ظل خفيف يحدد ملامح الصدر .

هذه المرأة لم تلد من قبل !
ربما يفسر هذا تلك الأمومة الحانية في ملامح السيده .. تسكب الحليب
وكأنها تتمنى ..
تمسك بالجره وكأنها تمسك بطفل رضيع ..

يلف العمل روح من الحنان .



...
طلال

Post: #204
Title: Re: وجعى و ارخى لى شرق !!!
Author: mohammed alfadla
Date: 12-04-2004, 06:22 AM
Parent: #203

الله يا طلال
الله

Post: #205
Title: Re: وجعى و ارخى لى شرق !!!
Author: عصام عبد الحفيظ
Date: 12-04-2004, 06:37 AM
Parent: #204

الشاب طلال

ساكبة الحليب هى ,ذات قيمة فنية عالية
وقيمتها تكمن فى معالحات الضوء, والتفاصيل التى كتبت,
اجادت عينك وصفها لدرجة تجعل الرسام,يتردد كثيرا
فى حواره الصعب مع البياض,واللوحة




يا طلال تعال تم لوحتك التى بدأت000





سلام

Post: #206
Title: Re: وجعى و ارخى لى شرق !!!
Author: عصام عبد الحفيظ
Date: 12-05-2004, 10:06 AM
Parent: #205

مع كل الذى يحصل حولى
وساعتين وانا احاول
ارسال صورة
تعبت
ولكنى ساحاول
ومعذرة
لعدم قدرتى على الرد
حتى استبين الضحى



وسلام

Post: #207
Title: Re: وجعى و ارخى لى شرق !!!
Author: Ahmed Elmardi
Date: 12-05-2004, 12:26 PM
Parent: #206

سلام
عصام
وكل الناس الهنا


وضع الصور بوريك ليهو فى ايميلك

هسة كدى اسمع دى




Zaidan


اوائل الستينات تقريبا

Post: #208
Title: Re: وجعى و ارخى لى شرق !!!
Author: طلال عفيفي
Date: 12-06-2004, 07:46 AM
Parent: #207



شكرا أستاذ أحمد على أغنية زيدان ..
أحبها كثيرا وأحببت هذا التسجيل جدا ..

...........

فاضلابي ..
نسيت أقول ليك إنو عصام قرر يعلمني الرسم.
يعني بالمختصر المفيد : جاكم بلا ..
حاولوا إستمتعوا بالأيام دي لأنو كلها كم سنه
وأتربع على عرش الفن التشكيلي في الأفريقتين
وأكتم على نفسكم .

والله من وراء القصد .

...
طلال

Post: #209
Title: Re: وجعى و ارخى لى شرق !!!
Author: عصام عبد الحفيظ
Date: 12-07-2004, 11:20 AM
Parent: #208

زيدان حنين والاغنية 00تسلك دربا حميما كماحنينك
فزيدان العباسية وام در وحليل على المك
طربت ما جاد لى من الطرب,لك كل الحب



ــــــــــــــــــــــــــــــــــــــ



طلال
انت رسام خلقة
فكيف لى ان اعلمك الرسم
فا نت مسكون رسم
يا حنين
يظهر الرسم
عندك بين عينيك
فأرخى
حاجبك قليلا
ستجد اللوحة
امامك
كما هى امامى الان






سلام

Post: #210
Title: Re: وجعى و ارخى لى شرق !!!
Author: عصام عبد الحفيظ
Date: 12-10-2004, 04:32 AM
Parent: #209

احبائى طال غيابى


(ودون ان نشعر , تاخذنا الذكريات بالتزاحم ,وذات يوم , وفجاة,
نبحث عبثا عن اسم صديق او قريب ,فلا نجده , او نحاول عبثا التقاط
كلمة نعرفها,انهاعلى ذروة اللسان, لكنها تصر على الفرار,
وبكثير من العناد)




لويس بونويل






سلام

Post: #211
Title: Re: وجعى و ارخى لى شرق !!!
Author: عصام عبد الحفيظ
Date: 12-10-2004, 11:53 AM
Parent: #210

(لم اشعر بعد, بهجوم بهذا الشكل الثالث من فقدان الذاكرة,
فما زلت احتفظ بماضىء البعيد وبطفولتى وبشبابى,احتفظ بذكريات
كثيرة وناصعة, كما بفيض من الوجود والاسماء0صحيح اننى قد أنسى
بعضهااحيانا, لكن هذا لايسبب لىقلقا بالغا,فانا اعرف أننى
ساستعيدها باسرع مما اتصور ,وهذه احدى حسنات اللاشعور,
الذى يعمل, بلا كلل,تحت جنح الظلام)



وكمان لويس بونويل


هى حالتى الان







سلام

Post: #213
Title: Re: وجعى و ارخى لى شرق !!!
Author: عصام عبد الحفيظ
Date: 12-15-2004, 07:04 AM
Parent: #211

]







الموسيقار محمد وردى
بالمركز الثقافى الفرنسى الخرطوم
وبروفات,
وسط لوحات التشكيلى غسان



سلام

Post: #214
Title: Re: وجعى و ارخى لى شرق !!!
Author: عصام عبد الحفيظ
Date: 12-15-2004, 07:27 AM
Parent: #213


Post: #215
Title: Re: وجعى و ارخى لى شرق !!!
Author: عصام عبد الحفيظ
Date: 12-15-2004, 01:11 PM
Parent: #214







مظفر ازيك
دى بروفات ,حفلة بكرة ,الراى العام الخيرية
والكريسماس, وراس السنة000000


بتتطلعى انتى من شهقة جروف النيل
مع الموجة الصباحية




0000000000

سلام

Post: #216
Title: Re: وجعى و ارخى لى شرق !!!
Author: gessan
Date: 12-16-2004, 00:55 AM
Parent: #1

والله بختك يا عصام ..

------------------------ * معرض غسان..وبروفات وردي ..
وراس السنة؟؟؟؟؟؟؟؟؟؟؟

-----------------* تعرف اليومين اخونا (عادل حجر) بقى يكتب الشعر ..فر بجلده من (الموت بين الأعمدة) والدوامات:

وليلي بأرض التصاميم طويل ..

-------------------------------- غسان؟؟ وردي ؟؟؟ راس السنة؟؟؟؟؟؟؟؟؟؟؟

Post: #217
Title: Re: وجعى و ارخى لى شرق !!!
Author: عصام عبد الحفيظ
Date: 12-16-2004, 09:25 AM
Parent: #216






دى هدية ليك ياقيسان
ودى كلية الفنون ,ومليانة طيور
ولسة فى طيور

Post: #218
Title: Re: وجعى و ارخى لى شرق !!!
Author: عصام عبد الحفيظ
Date: 12-16-2004, 10:58 AM
Parent: #217



ولسة نحن مع الطيور

Post: #219
Title: Re: وجعى و ارخى لى شرق !!!
Author: عصام عبد الحفيظ
Date: 12-16-2004, 12:49 PM
Parent: #218




طيور فوق الصهريج!!!!!

Post: #220
Title: Re: وجعى و ارخى لى شرق !!!
Author: عصام عبد الحفيظ
Date: 12-16-2004, 01:20 PM
Parent: #219






فى صباح,الساعة العاشرة والنصف
كلية الفنون الجميلة والتطبيقية,
الطيور منتشرة فى كل مكان,ومعهم ولد صغير بحمل نبلة فى يده,
ولم يقتل اى منها,ولكنه شاركها البياض الجميل(بياض الجبص) والذى نفذ به,
هذا العمل الرائع, سألت عن من نفذه ,قالوا خريج جديد, اسمه احمد العربى,
وطابق اسمه, الاستاذ النحات العظيم احمد العربى,
ولعلها مصادفة جميلة,
الحركة فى الكلية عادية,بين قسم الخزف والتلوين والنحت والخط ومكتب العميد,
فهذا العمل الجميل فى قلب الكلية ينبض 0000
,

Post: #221
Title: Re: وجعى و ارخى لى شرق !!!
Author: طلال عفيفي
Date: 12-16-2004, 08:07 PM
Parent: #220



عصام ..

هل سأحدثك أنا عن المحبوب :
محمد عثمان وردي ؟
الفنان الذي تحبه إفريقيا , من الجندل الثالث وحتى مرتفعات
الحبشة .. ؟

على العموم ..

كان " وردي " يرتدي جلبابه الأبيض الذي كانت زرارته الثالثه مفتوحه ,
وكان بين حين وآخر يلمسها بيده اليمنى (التي فيها خاتم من ذهب) .



كان في حاجبيه غزاره ( شيء أكبر من الكحل ) .
وكان صوته , ياعصام , زي الزيت ( لم تكن فيه مسافه خاويه !) .

في ذاك النهار النادر , جلس " وردي " , وأمسك بالعود الابنوسي .

شاهدته وهو يعد العازفين لحفل كبير .
كان استاذاً بحق .
وفي عينيه كان يبتسم حلم بغناء صاخب .


في ذلك النهار حضرت روح شاعرنا :
" الدوش " !
عمز الطيب الدوش :
حلق فوق الكمنجات .
(وكأنه - يا عصام - لم يمت ) .


كان وجه " وردي " وسيما , و فاخرا , زي إله نوبي من زمان .
رفرف على حزن الخرطوم ..
يمم وجهها صوب النيل :
فاغتسلت ..
وزال عني درن .


...
طلال

Post: #222
Title: Re: وجعى و ارخى لى شرق !!!
Author: Ahmed Elmardi
Date: 12-16-2004, 10:37 PM
Parent: #221

على حمل الهوى وحدى

ومعكم

Post: #223
Title: Re: وجعى و ارخى لى شرق !!!
Author: عصام عبد الحفيظ
Date: 12-17-2004, 00:25 AM
Parent: #222






'الاعزاْء احمدالمرضى ,طلال

مشهد من متحف التراث ( وتبقت ايام للخرطوم عاصمة للثقافة العربية)


وبرضو سلام

Post: #224
Title: Re: وجعى و ارخى لى شرق !!!
Author: khider
Date: 12-17-2004, 01:44 AM
Parent: #223

اييييييييييييييييييييييييييييه
يا حليل زمان

و الحمام الكتير شنو فينا !!





عصام ماتغشي لي معهد المزيكه معاك

Post: #225
Title: Re: وجعى و ارخى لى شرق !!!
Author: newbie
Date: 12-17-2004, 02:32 AM
Parent: #224

غشيتونا بالعنوان ,,,, عامل زي واحد رسم شجرة وقت صلاة العيد والشمس يادوبا اتمغت وبدت تتفرج في الناس الكتار الواقفين صفوف ,, وفي الحلوين اللابسين نضيييييف ,,,لكنه نسي ان يرسم للشجرة ضل!!!
تحياتي عصام عبد الحفيظ والحلوين وارشح البوست لاحسن حاجة ممكنة ,,, ولو ما قدرت ,,, برفعه عشان الناس الاتغشو زيي

Post: #226
Title: Re: وجعى و ارخى لى شرق !!!
Author: gessan
Date: 12-19-2004, 09:49 AM
Parent: #1

-------------------
ثَمَــــةُ وَجَــــعْ،
ثَمَةُ وَجَـــــــعٍ في الــــروح

--------------------

Post: #227
Title: Re: وجعى و ارخى لى شرق !!!
Author: طلال عفيفي
Date: 12-27-2004, 03:38 PM
Parent: #226



تعرفت على عصام – في البدء- من خلال ونسة مع حسين شريف عن الذين
ساعدوه على إخراج أفلامه ..
( كان حسين يتكلم حينه عن فيلم : ليست مياه القمر .. )
حكى لي عنه وعن ولد شاب وموهوب يحاول ان يتعلم كل شيء .
( كان هذا قبل أن يتقن عصام كل شيء ) .

حين قررت أن أعود للسودان الشقيق ( الحبيب ) , حملني " حسين شريف " رسالة
لعصام عبد الحفيظ .. أذكر أنها كانت تخص شيئاً عن الحصول على صور من التلفزيون
السوداني ..

سافرت للسودان ..
إلتقيت بأهلي والناس ..
رفعت الفواتح , وباركت المواليد وسألت عن الأخبار والناس .
فضضت حقيبتي .. كان على وجهها رسالة " حسين " ل " عصام " .

سألت عنه , فقالت لي " داليا " , أختي , أن له معرضاً مقام بالمركز الألماني , في شارع المك نمر .

كان ذلك في يناير .
وكان البرد يتحرك بسهولة وسط المفاصل .
وكانت ذكرى المرحوم " طه يوسف عبيد " تتعالى .

كان عصام يقف في داخل المركز الالماني وعلى رأسه طاقية حمراء تشبه طواقي الطرق الصوفية في
نسيجها الذي تحس فيه باصابع الناسجين ..
وكان يرتدي فانلة بيضاء وعليها صديري من ذلك النوع الذي يرتديه المصورن ...
المعرض كان بعنوان : 10 يناير مرة أخرى ..
عرفت فيما بعد أنها عادة سنوية دأب عليها عصام لأحياء ذكرى إنتفاضة يناير وقبلة على جبين الشهيد
" طه يوسف عبيد " إبن ود مدني وحبيبها المفقود ..



...
طلال

Post: #228
Title: Re: وجعى و ارخى لى شرق !!!
Author: Ahmed Elmardi
Date: 12-28-2004, 07:33 PM
Parent: #227




لحسين
وعصام
وطلال

وتشارلس
وليلى ستاك
وكارولين

وياسر
وزهير
وكل الاصدقاء



كل عام وانتم بخير
مع ودى

احمد

Post: #229
Title: Re: وجعى و ارخى لى شرق !!!
Author: طلال عفيفي
Date: 12-28-2004, 08:41 PM
Parent: #228

كل سنه وإنت طيب يا أحمد ..

فيما ترسمه شيء حار جداً ..
غالبا ما يكون الموضوع واقعياً , ولكن شيئاً ما في اللون
يجعله وكأنه قادم من أقصى الخيال ..

أعمالك تدهشني ..


محبتي ..
وودي الشديد ..


...
طلال