ياااااا بـــورداب فرنســاااااا !!

الو :
الو:
:- شنو ياملكة الناس تفتش فيك من الصباح
:- والله التلفون كان بعيد .. في شنو؟؟
:- بكرة عاصم حيسافر في بعثة فرنسا والناس عاملين لمة فى حدائق القصر
:- ما ممكن .. الوقت ضيق لكن ... قدامي حبة غسيل !!
المهم بطلت اى شغلانة ولبست بسرعة ويالخرطوم جاك زول
الناس ملمومين لمة حلوة لا ينقصها سوى ان شبح فراق عاصم يخيم على الارجاء ..
- فاضلابي قرأ بكل حواسه وكان اكثر الجميع تأثرا (ياخ انا مالي في الدنيا دي )
- قرن قرأ وإتألق
- ايضا ايضا قرأ سامي وكان جميلا كالعادة
- عاصم قرأ وخلى الناس كلهم يقولو ( ياخ عليك الله ماتسافر)
واحد قال ليه تاني حتقيف جنب برج ايفيل لكن حاتقول لمنو (بريدكي)
- ود شاموق دا (كراعة ولاشنو ) قرأ وكان بقول لعاصم (ياخ فى داعي تسافر)
- إسماعيل ميرغنى والمهندس ووليد والعود حيجيبه قرشى معاه
- والله يا اخوانا ناس الخرطوم ديل حلوين عديييل ولو شفتوهم بتسحروهم
- اسلام قرأ فى الاول حاجة من الزمن السمح
- الوقت ضيق والناس لسه ماجاتها كلها
- اسلام قرا واهدى النص لعاصم واقترح انه عاصم يودع الناس والقعدة بدل ما(تتفرتك) احسن نتهي بصورتها الجميلة دى
- جاء عاصم والناس اطرقت حزنا ... لكن الله شافه من قزازة البيبسي الكان قاصده بيها فاضلابي
:- احلى مؤامرة واحلى ابريل انا حصرته مع الناس ديل
:- طبخوها سامي واسلام وعاصم على نار هادئة وطلعت بمذاق مدهش
:_ الغريبة طلعو اولاد شيوخ الناس ديل .. كيف ؟ دريمز اتصلت تتاسف انها ماقدرت قامو كلموها بررراحة قامت رسلت لينا مسج عشان تبيخ ليهم الشغلانة كيتا عليهم .. مافى رسالة وصلت الا عند نهاية القعدة
- المهم قعدة زى رب اخ لك لمن تلده امك .. ولا بقوله شنو ياخ (رب صدفة خير من الف ميعاد ) ؟؟
- تحياتي شباب الخرطوم والله نحن حلوين ياجماعة
- اها حاجة اخيرة بالمناسبة دى .. انتو فرنسا دى مافيها بورداب ؟؟

تعيشوا وتاخدو غيرها يا ملكة

لكن زعلتونى

مافيكم زول كب له موية فى راس اسلام

ولا خت تلجاية فى ضهر عاصم

بس تاكلوها وتسكتو سااااااى كده

ياختى انا الدنقلاوية بت الفقرا

الله مرقنى من المقلب ده


تسلمى

احلام هم فضلو ليهم تلجاية ولاموياية ؟؟
لكن انت المرقتي منها بالجد حكاية بت الفقراء دي لانك لو كدا كان حضرتي
معليش تعيشي وتحضري غيرها

ر بنا يسهل ليهو السفرة يا ملكة... مسافر والفراق لحظاتو صعبة..أنا اخترت السفر ما ليا رغبة. يا ناس مسافر والفراق لحظاتو صعبه
مسافر للشروق جسماً بلاروح..يا اخي روحي وديعة عند البيها ما ببوح
مسافر والقطار ميعادو حلي ..مسافر والرجوع يعلمبو الله
............
ياخي لحظات الوداع لحظات رهيبة
تعيش فيها النفوس هايمة وغريبة
والله خليك من حبيب فارق حبيبة
ياناس مسافر والفراق لحظاتو صعبة
............

بعد دا كلو طلت كذبة ابريل يامنصورى
تتخيل !!

ملكة سبأ

الغريبة انه الواحد يكون عارف انه ده اول ابريل ، ويحاول يعمل حسابه من كذبات الناس التانية ، لكن وحياتك يجي يلقى نفسه في نص معمعة الكذبة زي الما حاصلة حاجة
لكن يا زولة المهم اللمة والبرنامج الجميل

وكل ابريل وانتوا بالف خير

تسلمي

وانت بالف خير العزيزة مايا
وعل قولتك مايقع الا حريص
والحمدلله كانت كذبة وردية
والبرنامج يتساهل الف كذبة

دا كلام دا
لكن دي كذبة ابريل ولا أخوتا دي كانت يوم 2 ابريل
وأنا مرسال لي بكرى وأقول لي دخل معنا الحلو أسلام
تجى تعمل في كدى
الله يجزى الكان السبب
الو :
الو:
الو تلفونك ما بجنى من قبيل
اه الخير في شنو
: عاصم مسافر يوم الأحد فرنسا
: لكن عاصم دا كان معي يوم الأربعاء ما جاب سيره
:اه ترتيب الأمور كيف دى فى سرى يا بتاع الترتيب (عمل ام العروس)
: كل زول يجى شيال معه شئ
الو
: صحى عاصم مسافر
: اى يوم الاحد
تانى: يا فلان لي ماكملتنوا من بدرى
: الرشيد حول والتحويل وصول امبارح وكل الأمور مشت تمام
البقية تاتى

الملكي..
وطبعا خالك يقرا وهو فرحان
أهو أخيرا ناخدلنا خفسة نشم نفسنا في باريس ونجيب عاصم
ياخدلو يومين ونبل الشوق لي شوفتو..
أخر أبريل إطبق فيني واحد من أهلك الشوايقة الملاعيين
طلع إشاعة أنا فزت (لوتري) 60 مليون دولار أأأأي 60 مليون
وطبعا لمده شهر ضربوا لي ناس يسلموا يعلم الله لي منهم سنين
قال شنو كاتلهم الشوق
تعيشي وتاخدي غيرها..

اولا اهلا بالطلة وسلام كبير لكل بورداب الخرطوم
ملكة معليش تعيشي وتتمقلبي
والله عاصم ماليه حق، مشوارك البعيد والغسيل البطلتيه عشانهم... يا حليل الطيبة والمحنة الزايدة !!!!
على رأي دريم كنتي تدفعيهم حق المشوار وحق المقلب وحق الغسيل كمان
بس معليش
دبري ليهم مقلب أقوى

حبيب بلدو
وينك يازول
تقول الطيبة والمحنة الزائدة وتقول مقلب اقوى ؟؟

على كل مطالبنهم لسة حق الغسيل والمقلب ونص المشوار بعد ما اتكفل بالنص التاني ود شاموق
وسلام اكبر من الخرطوم

يافرحة ماتمت ياخال
وبقن عليك اتنين
لكن ياخال انا بديت اشك (وخنستك)دى ماااا ساكت
لا تكون داير (تجلطها) في ابريل المكسين دا
انا غايتو يطرشنى ... والله عالم الضربة كانت لوجه الله
اها مانى ماباهاغيرها ان بقت زى دي
وانت تعيش وتتحقق اشاعتك يارب

ياجماعة كلنا اكلنا المقلب حتى المهندس
اها شوفوه
والهندسة لا لم فى اجتماع العيلة ولا كمل المقلب

غايتو البركة فى العصير

وين البقية ؟

صاحبة الجلالة
(اللقب دا طبعاً بعد ما شفنا الصورة الحقيقة مش منتحلنها زينا )

سلام

غايتو وانا بقرأ كان عندي احساس انها كذبة ابريل
او انه الحزين دا كذاب
وطبعاً حاشااااااااه عاصم
لشنو ؟
لانه من ايام الازمة ديك والمرض الله لا عادهم
كان بقول انه لو مشى امريكا مافي زول يقول ليه يقعد
بس معقول بعد لقى العافية حيخلي البلد

لووول الجندرية الكلمك منو انه انا منتحلة الشخصية
غايتو بعد عقدتونا اليوم داك قلنا الا كدا
وتقولى شنو ياجندرية صدقنا بكل بساطة لكن حالة الزول الايامات دى ممهدة لانه يصدق اى خبر حزين ويتفاعل معاه
المهم طلعنا باجة كويسة ومع انه كان عندنا امش وتعال فى حكاية الكذب الابيض لكن الوردى لا ضرر منه
تسلمي ياصاحبة الجلالة انت دي

الكضبة حلوة يا ملكة ،، بس لو أديتينا فرصة عشان نصدق ،، لو اتقالت قصائد وكلمات فعلا بالله عليك نزليها لينا ،، خليني أسمع ودشاموق يقول شعرا لا ينبني على حقيقة ،، وسلمي على بورداب الخرطوم كلهم إلى أن ننضم إليهم ،، فهم الأصل ..

سلااااااااااااااام عموم البورداب
الحمر والخدر الطوال والقصار
عاوز يا اخوانا اسال عن زهجـــــــــــــــــــــــانة وين هي وياترى ماذا فعل الزمن بها

يا الملكة
قلتي لي الجماعة غشوكي...ها ها ها

لكن دي غشة مااااكنة
اريتها غشتي
عاد إلا نستني السنة الجاية

التحية لعاصم وكل بورداب الخرطوم

Quote: اريتها غشتي

آمييييييييين يا حنونة

Quote: أشعر بحنين جارف للبلد

Quote: لذا لابد من سفر قريب للوطن

Quote: يـقـتلـنـي الـحـنـيـن........فـمـن مـنكـم يا تـري مثـلـي؟؟

نحن يازرزور المدين !! يؤرقنا الحنين للقياكم .. ويتململ الوطن من غيابكم
ننتظركم نحن وهو و الشوق ...

سلااااااااااااام شمهروش
نسأل معاك عن الاخت زهجــــــــانة وماذا فعل الزمان بها
(لكن منو هى) ؟؟!

كذبة فعلا زى الورد ياود قاسم
واييييك اتقالت قصائد وقصائد وارفع صوتي عااااالى عشان يجوكم وينزلوها ...
وتقبل تحايا الخرطوم الى ان ندعوك ببوردابي الاصل ..

كتب بابكر حسن مكي تحت عنوان سياحة مع الكذب ...
الفرنسيون هم الذين حولوا بداية العام الميلادي من اول ابريل ال اول يناير وكان ذلك نحو العام 1582 ، إلا ان هذا التحول اثار ضجة واسعة في المجتمع الفرنسي وكان معظم مؤيديه من النخب المثقفة بينما معظم المعارضين من القرويين المتمسكين بالتقاليد القديمة ، وظل المعارضون يحتفلون بأول ابريل بإعتباره رأس السنة ما يقارب المائة عام بعد ذلك ، لكن المثقفين كانوا ينغصون عليهم متعة الإحتفال بهذا اليوم فيطلقون سيلا من النكات ودعابات السخرية على هؤلاء (البدو) الذين لايعرفون ان بداية العام انتقلت الى اول يناير ، ثم تحولت هذه السخريات في مابعد الى كذبات كبيرة كأن يقال للناس ان حاكم المقاطعة الوسطى قرر توزيع منحة مالية للمواطنين وسيبدأ التوزيع من السادسة صباحا الى الثانية عشر منتصف النهار ، فيهجم القرويون على مقر المقاطعة منذ الفجر ليكتشفوا ان الأمر مجرد كذبة كبيرة ، وهكذا صار الأول من أبريل هو يوم الكذب العالمي .
كانت كذبة ايربل في بداية عهدها يوما يمارس فيه الناس بعض الكذب للخروج من جدية الصدق ، اما الآن وقد صار الناس يكذبون طوال السنة فانه لم تعد لكذبة ابريل نكهة مميزة بالعكس صار المطلوب ان نبتدع يوما نكسر فيه رتابة الكذب بساعة من الصدق للترويح عن النفس .
ومن المفارقة ان الحيوانات التى نحط من قدرها لاتكذب ابدا هل رأيت او سمعت حيوان يكذب ؟! الكلب – مثلا – اذا احبك مات من اجلك واذا كرهك عضك حتى السعار .. لكنه فى كل الاحوال لايعرف تزييف مشاعره ولهذا قال الشاعر وهو يمدح الخليفة العباسي : انت كالكلب في الحفاظ على الود .. وكان برنارد شو يقول وهو على فراش الموت : كنت لكما عرفت الناس ازددت حبا لكلبي !!
والقطة اذا احبتك راحت تتمسح بساقيك واذا كرهتك خربشتك .
وعندما حاول بعضنا ان يعلم الحمار رفض ان يكون غبيا وكذابا .. فقد جاء احدهم الى جاره يطلب حماره نصف ساعة لينقل عليه بعض الأغراض فإعتذر له بان الحمار في المزرعة ، لكن الحمار نهق فجأة بصوت عالي فقا الرجل لجاره كيف تقول ان الحمار بالمزرعة وها نحن نسمع صوته ؟ فقال له الجار : يعني يحاج احمد تكذبني وتصدق الحمار !!
والكذب في عصرنا تطور كثيرا وصارت له ادوات تجعله يبدو اكثر صدقا من الصدق! ومن ابرز ادواته استخدام الكام المناسب في الوقت المناسب وتنميق المفردات والقدرة على تفصيل تقاسيم الوجه حيث يكون لمكل موقف قسماته ..
والناس ليس لديهم وقت محدد للكذب مثلما لم يعد لديهم وقت يضيعونه في الصدق .. بيد ان الليالي عادة هى التي تحوز نصيب الأسد من كذبنا لهذا نجد ان كلام الليل تمحوه النهارات !
ونحن نظلم المرأة عندما نقول انها تكذب اكثر من الرجل ، وكان اساس هذه المقولة الدراسة الشهيرة التي اعدها الباحث الريطاني (جون شيمل) في القرن الماضي وقضى فيها ست سنوات ليقول ان النساء اكثر كذبا من الرجال ، واتضح فيما بعد ان السيد (شيمل) اعتمد ي دراستهه على نساء الطبق الاورستقراطية وهن بالفعل محترفات كذب .. لكنه كذب راق ..
والمرأ في المجتمع المخملي لاتستطيع في الغالب الإنتساب لهذه العضوية بغير ان تعوج فمها وتتكلم بطرف لسانها وتطيل اظافرها وتمشي على امشاطها وتلون رموشها وتصبغ جفونها وتقول ان زوجها الآن في اجتماع فى جنيف وغدا سيفطر مع كوفي انان في نيويورك .. وحين يقدم لها الشاي تقول : ميرسي .. شاي حبنا!!
لكن لنساء الأخريات لايكذبن ربع كذب الرجال .. ويكفي المراة صبرا انها ظلت منذ الأزل تصدق ان الرجل يحبها !

الملكة
جيتك تاني

Quote: لكن لنساء الأخريات لايكذبن ربع كذب الرجال .. ويكفي المراة صبرا انها ظلت منذ الأزل تصدق ان الرجل يحبها !

والله احيي الكاتب بابكر حسن مكي علي النطق بالحقيقة ......اخييييرآ
الامثال كثيرة علي ذلك

لك الود..وانا اتمني لقياكم يا ناس الخرطوم

مش عليك الله !!!