قــوس قــزح *** إحتفاليـة تخصنـي

قــوس قــزح *** إحتفاليـة تخصنـي


04-29-2004, 12:51 PM


  » http://sudaneseonline.com/cgi-bin/sdb/2bb.cgi?seq=msg&board=153&msg=1166821833&rn=7


Post: #1
Title: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 12:51 PM
Parent: #0

وهمسة ندسـها في منديل زول غشانا وفات ..
زي نغمة من مسدار بعيد ..
من سبأ هدهد جميل ..
قال تعثر .. خانتو الكلمات ..
غشانا وفات ..
فرحانين نحن بي جيتو ..
كفاية علينا قمـر طلَّ .. ضوى فينا شتات ..
غشانا وفات ..
ترك عطرا يعشرق ..
وريشة جميلة ذكرى للزول السمح ..
تديهـو الجمال والفال ..
وراحة البال ..
ودعوة لباب الكريم ..
شمس تشرق .. وغابة ظلييييييييلة ..
يجيها الولد المطر من ضهاري الشوق ..
يقدل بالفرح طربان ..
تتفجر سماهو .. يرويها ريد وكلام ..
ينفتح خاطر الزمن دوبيت ..
وتتواصل غناوي الريد أمـــل ..
وتتحدد ملامح الأيـــام ..


_________________________________

بلقيس ..
نواََّرة الفريق ..
يا فرح في قلوبنا كبَّ ..
يا نغم عالي العبارة ..
يا نسيم في ديارنا هبَّ ..
ليك مفروش الطريق ..
بالأماني وبالمحبه ..
ونحن فرحانين بيك وحاتك ..
يا قمر في سمانا شبَّ ..
يا ليالي طويلة حالمـه ..
ويا رحيق في روحنا صبَّ ..
ومعاكِ تاني ..
نمشي لي زولا سمح ..
نعزف الالحان أغاني ..
ندِّيهو من نيلنا البشارة ..
روعة الشوق والأماني ..
يدينا من كفُّـو الاشارة ..
تحية لمطر المعاني ..
الولد المبسوط قليبو ..
للحبايب ديمة داني ..
وتحية للبلد الراقـــد هناك ..
راقد هناك ..
مجروح وهانيء ..

____________________________________

بلقيس ..
يا نون ..
نغني ليك ..
غنوة شايلاها الغمامة ..
مكتوبة بي موية العيون ..
مرسومة في صفحة قلوبنا ..
مدسوسة بي رمش الجفون ..
ومعاكي ننسى مشوار تعبنا ..
نمشي ليك يا أحلى لون ..
والزمان داسينو كلو ..
نهديهو ليك يا ست الشجون ..
لا فرح ندّخـرو منك ..
لا وجع .. لاهمسة حنين ..
كلو ملفوف ليك هدية ..
مختومة بي عطر السنين ..
تبقي عليهـا عشرة ..
والأمانة مكتوب الجبين ..
ومعاكي برضو ..
نمشى للزول السمح ..
نهديهو من مشوارنا وردة ..
نلقاهو في وادي الغمام ..
يختم المشوار ويبدا ..
وللولد المطر ..
نرسل الأشواق محبة ..
دا الولد المليان قطارو ..
بالقصائد والأحبة ..
ولي نيلنا الحبيب قلوبنا ..
كل دقة شوق ونبضـــه ..


___________________________________

بلقيس ..
ايه اقـول يا أحلى زول ..
نغم حرفِك طلع مليان ..
هـزَّ في جوَّانا عيد ..
والحروف الجاية منك داخله فينا ..
ليها لهفة زول بعيد ..
فيها همـسـو وبسمتو ..
فيها فرحو ووجعتو ..
وكل ما قالـوه ريد ..
ايه اقـول يا أحلى زول ..
شَـتْـلَـتِـك مزروعة فينا ..
نسقيها بي دمع الفرح ..
دمعة .. دمعة ..
تبقى أكبر ..
قطرة .. قطرة ..
تنمو أكثر ..
والزمن راضي وشهيد ..
والبرتكانة الكنتِ فيها ..
تَعِــدِّى في حبات المطر ..
كُـنَّا فى أعلى الفروع ..
نزيد على الحبات درر ..
نراقب سحرك وروعتك ..
ننسج افراح العمر ..
والسحاب القدام عيونك ..
اديناهو من خاطرنا نسمة ..
والمنديل البـين أناملك ..
كل نظرة .. ليهو منك ..
كانت في عينينا بسمة ..
وليك يا شدو الأماني .. كل المشاعر العندنا ..
بس ختينا ريشة عندك .. سحابة تحلم بالهنا ..
ويلا نمشي للزول السمح ..
نلقاهو يكتب فى الغنا ..
ديمة مليانات ضفافو ..
بالرحيق والسوسنة ..
ونمشي للولد المطر ..
داعي الفرح .. صوت المئذنة ..
نديهو من خاطرنا ريد ..
ويا نيلنا السلام ..

__________________________________________
حنانك يا البرتكانة
القايمه لينا ..
ريدك فينا يتحكَّر ..
انت يا روعة هوانا ..
رحيقك فينا يتقطَّر ..
عيونك بالفرح تلمع ..
صباحك فينا يتعطَّر ..
حروفك للأمل تجمع ..
جمالا لينا يتسطَّر ..
نهاجر ليك ..
نغازل فيك عيون الصيد ..
نمسك القمرة بي ايدنا ..
نهز شعاع العيد ..
نخطف الصباح نجري ..
نختو في ايديك ..
ننادي الزمن يسمع ..
مواسم الريدة تتفجـَّر ..
قناديلك نورا يسحر ..
مناديلك فيها نتبـحَّر ..
نخت عينينا جوَّاها ..
عشان بالفرحة ترعاها ..
تنوم بالعافية والأحلام ..
ونشيل الغنوة خطوة ..
ندِّيها للزول السمح ..
يدَّيها للولد المطر ..
يغنوها ود وسلام ..


________________________________

نسامحك مرتين ..
كيف الملكة تبقى حاشية ؟
وكيف "نعم" تبقى "لا" الناهية ؟
وانت "ألف" الحروف ..
"ضاد" اللغات ونون القافية ..
نسامحك ..
نسامحك ونحن طالبين السماح ..
نفرش ليك فراش الروح ..
نقابلك ديمة بالأفراح ..
نشيل حبات المطر منك ..
نفرد بيها رمش العين ..
تنزل من عينينا دمعة فرح صدَّاح ..
نغسل بيها لوح حِيران ..
نشرب محاية العافية والطِيبة ..
بركة الله والصُلَّاح ..
وعندنا ما بنكسر ليك خاطر ..
نشيلك دورق عطر فوَّاح ..
ونفرح لي يوم لسة ما جانا ..
بس ليالي العيد دليلا صباح ..
مكانك في الفؤاد محفوظ ..
طيفك غيمة في العيون ترتاح ..
نسامحك ..
ونحن أصلنا ما بنشيل الشين ..
قلوب طريِّة من كريم فتَّاح ..
شالت من الزول السمح طيبة ..
ومن المطر رِقِّة برِق لوَّاح ..
ويا نيلنا ليك سلام ..

_______________________________________

فوق نجم بعيد ..
ضفايرو نيلية ..
فوق قمر منوِّر ..
خدودو ورديِّة ..
فوق بحر هادر ..
جواهو حوريَّة ..
فوق .. الفوق ..
جوة .. الجوه ..
تلقينا غيمة شوق ..
تسافر ليك ..
لهفة صباح وعصريِّة ..
نسافر ليك ..
نشيل الزاد من جمال روحك ..
نشيل النور من بريق عينيك ..
نودع روحنا نعبر ليك ..
ونحلف أصلو ما نرجع ..
نهاجر في رحلة أبديَّة ..
وليك يا شوق ..
تتقطع أرواحنا عطش ..
وما نشرب ..
تتجمد مفاصلنا تعب ..
وما نتعب ..
وللنوق العصافير شايلانا زنديَّة ..
وليك يا شوق ..
عيون الغيمة والريدَه ..
جمال اللحظة ومواعيدَه ..
نهيم في بوادينا ..
نعيد بالفرحة ترديدَه .. مواسمنا الخريفية
وليك يا شوق ..
طريقنا الما مشيناهو ..
غنانا الما لقيناهو ..
جداولنا ومشاتلنا ..
قليبنا البكر نديان .. مشاعرنا الربيعية ..
وليك يا شوق ..
خطاوينا المسافرة لي زولا سمح ..
ينفض من رموشا غبار ..
يبارك روعة المشوار ..
يديها للولد المطر ..
يزرع في دروبه غيم ومطر ..
شعاع الفرح والنور ..
وتتبعثر أروحنا عيديَّة ..
ويا نيلنا ..
ألف سلام

_____________________________________


Quote: يبقي عيدك
لم تلقى انسان يريدك
تبقى عايش فى دواخلو
ويبقى مشتول في وريدك


تبقى كلمة في بريدو ..
يبقي مقطع في قصيدك
تبقى نظرة في عيونو
يبقى لمسة في خدودك ..
خصلة تايهه في خيالو ..
غطَّاها فرحة بي ورودك ..
بسمة مرسومة في مدارو
لفتة تلمع من شرودك
نغمة مكتوبة في نشيدو
غنوة جاية من حدودك
انت يا وجد الأماسي ..
ضي عيونك لينا مرسى
فيهو نصبح .. بيهو نمسى
ليهو نفرح .. ليهو نأسى
بيهو نبقي ممكن في جوف المستحيل ..
ليهو نركب أمواج الأصيل ..
نسير في ظلمة حالكة ..
أصلو ما برهبنا ليل ..
نلقاك في دنيانا قمر ..
موشَّح بي جروف النيل ..
يصب في عينينا نور ..
نشوف الجنة .. نسكن الفردوس ..
نقول يا الله يا قدُّوس ..
يا الله ترعانا ..
وتحفظ قمر دورين ..
وهناك ..
يجينا الزول السمح ..
معاهو الولد المطر ..
يملوا الساحة بالأفراح ..
ننوم بالعافية مسرورين ..
ويا نيلنا ..
ألف سلام ..

_____________________________________

Quote: ماعارفـة اقـول شنـو ولا شنـو
انا ممنونـة لك

ما تقولي شي ..
أنا ليك اقول ..
أصلو الكلام حقك ..
ما انت ست القول ..
اهاجر لي جذر الكلام ..
اجيب حرف يشبهك ..
كلاما أصلو ما إتقال ..
ليك اقول ..
حروف نبعت من بريقك ..
شربت من رحيقك ..
فيها من معلوم ومن مجهول ..
أقول ..
"ممنونة لك"
دا كلام؟
ممنونة لي ..
والله ما ممكن ولا معقول ..
ويا ريت لو أقدر ..
أسافر لي بحور الحور
أهاجر في مرامي الطير ..
أو أتلاشي في شواطي النور ..
واجيك شعاع ينوِّر ليك ..
ويتمدد في عينيك فصول وحقول ..
ايه أقول ..
قولي ..
قولي لو جاني عيد ..
طاف العمر .. والزمان
أهداني ريد ..
ما بنسى زول ..
ادَّاني من جواهو زول ..
فرهد كِبر زهور وشتول ..
ايه أقول ..
قولي ..
قولي لي زولا سمح ..
قولي للولد المطر ..
قولي لي كل زول ..
لما تحضني المعاني ..
لما تنسجني الأماني ..
واتلفَّح المجهول ..
يجيني خيالو ياخدني ..
لي عالم اكسجينو هواي ..
مداه صداي ..
صداه غناي ..
وممدد في سواحل العين
رؤياهو من رؤياي ..
ويا نيلنا ..
ألف سلام

________________________________________
بلقيس ..
في ربوة تشرب من حنانك ..
ظَالِّيها الغمام ..
راوْيـَاها حبات المطر ..
والربوة في كفين حُنَان ..
ترقد في سكون ..

________________________________________
بلقيس .. يا شــدونـا .. يا بخـتـنـــا .. يا ما حصل
***************
Quote: تأوهت عواجلُ الحنين شهقةً ..
دا مقسوم على اثنين بيني وبين الملكة مع عطر الأشواق

Post: #2
Title: Re: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 01:05 PM
Parent: #1

الملكة
سيدة الجنتين

لما تجينا، نكون نحن الجينا لينا، وكان نحن ما وصلنا لينا، جيتك توصلنا ليك، يعنى لينا، ونغنى ليك

إنتى الملكة فوق جيلا
بس ياكى البغنيلا
جوهرة حيك
يا ريله مين زيك

دى غنية قديمة ومعتقة من ود اليمنى الغناى، ويا ريتنى لو بتذكرها كلها، كنت غنيتا ليك

وأشيل الصفقة والألحان
تخضر غنوة
تصبح منية
يبقالناالفرح عنوان

_____________________________________
ملكة سبأ

حاشيتك النور والرحيق
قدامك الألق الطلع
ووراكى شلال البريق
وهج الكلام برقا شلع
نور شبابيك الفريق

وأنتِ معنا يا بلقيس سبأ، تتطاول بنا اللحظة، ونصير ملوكا على الفرح

________________________________________

الملكة

سبأية النفح والأريج

أما الجمال فهو الصدق
وأما الصدق فهو معنى الروح

وأنتِ تضوعين بعطر القصيد هنا، يفتح نسائم الود أحضانها لعطرك المدهش، ثم تسير وهى تبتسم، وتوزع القنانى، ممتلئة بفرح أخضر، على كل الساحات، فتستقى منها الدروب، ولا تملك بعدها سوى أن تنبت المودة أشجارا على وجه الفرح

ونتأبط فرحنا، نفرح بك، حتى نفرح بنا

ودمتِ يا مليكة


__________________________________

بلقيس

ملكة سبأ
هدهد بهاك
جاب النبأ
قال الألق عم الأرض
وزع ضياكِ على الملأ

والعرش يا بلقيس، عرشك الذى تحيط بجوانبه مصابيح الشدو المتوهجة وتحلق فوق أرجاءه طيور المسرات المتشحة بالألوان، تروح جيئة وذهابا، تحمل عطر المودة وترشه فوق سماءنا التى تهبط الى أرضك الندية، تتطيب منها بفأل الحروف وطعم الجروف، ثم تتبرع نفس الأطيار بحمل السماء، سماءنا، وقبل ذلك ، نكون على وعد جديد بالإرتواء

____________________________________

بلقيس
يا سباية الشدو الملكى
*********
ويا بلقيس ملكة الشدو الملائكى، أرتاح فى ترابكم المعطور ودا، والمعطون معزة وسلام

Post: #3
Title: Re: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 01:12 PM
Parent: #2

المطر ... شتات ...الملكة... والأحباء ( عناقيد السبحه)..
امـا من وضعنـي فـي تلك الورطـة اعـلاه فأتمنـي ان يأتي هـو ويضـع أكاليـله فأنـا لا أكـاد أصـدق انهـا لـي !!

Post: #4
Title: Re: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 01:24 PM
Parent: #3

عـذرا احبـائي
هـذا الجمـال أعيـاني حملـه وحـدي ..
وثانيا : فقـد قـررت ان اطالـب بكـري بمكتبـة لـي لتضـم هـذه الروعـة ، وقبلهـا لـم اكـن فـي حاجـة لجمـع خربشاتـي ..
وليكـن هـذا البوسـت مستـودع النفائس التـي يطوقنـي بهـا أصحابها ..
ثالثـا: اقـر وأعتـرف انـي عاجـزة عـن التعبير ، فإهتديت بمقولـة (الصمـت في حـرم الجمـال جمـال)..
رابعـا: تعالـوا امسكـوا معـاى راسـي دا !!

Post: #5
Title: Re: قــوس قــزح *** إحتفاليـة تخصنـي
Author: ايهاب
Date: 04-29-2004, 05:20 PM
Parent: #4

تستاهلي يا بلقيس واكتر

Post: #7
Title: Re: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 05:40 PM
Parent: #5

إيهــاب
قصـدت ان يحفـظ ذلك البوست بإسمـي
وبقـدر ما احتفـل بتلـك الكلمـات يعجزنـي الـرد على أصحابهـا
وان كـان ذلـك ديدنـهم مـع الكـل إلا اننـي جمعـت مايعنينـي وأسعـد به .
وكلامـك دا كـرم كبيـر منـك وعليـك اللـه ماتزيدنـا خلينـا نسـدد الديـون العلينـا.
*** وإنهـا إحتفاليـة تخصـني *****
لـك التقديـر إيهـاب

Post: #6
Title: Re: قــوس قــزح *** إحتفاليـة تخصنـي
Author: جورج بنيوتي
Date: 04-29-2004, 05:37 PM
Parent: #4

***********

*** ***

*
*
***


Coming Back

Post: #8
Title: Re: قــوس قــزح *** إحتفاليـة تخصنـي
Author: جورج بنيوتي
Date: 04-29-2004, 05:40 PM
Parent: #4

سلامة راسك.

تجلي إذن..

وزن القناطير ثغر ينوء ولا يبوح !!!


إلى أين؟؟

إحتفالية تخصنا- عنوة مترصدة! -


وفي بدء وفي ختام هنيئا لهم.. لنا..لك بكل هذا وبما سيأتي..





Post: #9
Title: Re: قــوس قــزح *** إحتفاليـة تخصنـي
Author: ايهاب
Date: 04-29-2004, 05:48 PM
Parent: #8

Quote: وفي بدء وفي ختام هنيئا لهم.. لنا..لك بكل هذا وبما سيأتي..

بس ياهو دا زاتو يا استاذ جورج صح لسانك ابدا

Post: #10
Title: Re: قــوس قــزح *** إحتفاليـة تخصنـي
Author: ملكة سبأ
Date: 04-29-2004, 05:52 PM
Parent: #8

سيـدي جـورج
لـي وحدي/ بكل هـذا
Quote: المطر ... شتات ...الملكة... والأحباء ( عناقيد السبحه)..
امـا من وضعنـي فـي تلك الورطـة اعـلاه فأتمنـي ان يأتي هـو ويضـع أكاليـله فأنـا لا أكـاد أصـدق انهـا لـي !!

Post: #11
Title: Re: قــوس قــزح *** إحتفاليـة تخصنـي
Author: جورج بنيوتي
Date: 05-02-2004, 12:48 PM
Parent: #10

بلقيس : الملكة...

لم يفت علي ذاك و لكه تشاقي المملوك ...

لا تذالين : ترتيبة في عز الصباح...

جايييييييييييك : مملوكا ومالكا لهذا الفرح...

أسي : لى فوووووووووووووووووق ..

Post: #14
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-02-2004, 07:24 PM
Parent: #11

جـورج

Post: #12
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-02-2004, 05:21 PM
Parent: #1

نعزِّك في السمح والشين ..
نجيك جارين ..
نلقاك فراشة بين فرعين ..
تداعب في رحيق وردة ..
شربت من ربانا حنين ..
نشيلك خاطرة ترعانا ..
يطول بالفرحة لقيانا ..
نعيش الماضي والجايي ..
يزيد عمرنا سنين وسنين ..



** نعم .. مـن حقهـا ان ترتـاح أقصـى دهاليـز الـروح والعمـق العميـق مـن الفـؤاد **

Post: #13
Title: Re: قــوس قــزح *** إحتفاليـة تخصنـي
Author: ابو جهينة
Date: 05-02-2004, 05:28 PM
Parent: #12

نسامحك مرتين ..
كيف الملكة تبقى حاشية ؟
وكيف "نعم" تبقى "لا" الناهية ؟
وانت "ألف" الحروف ..
"ضاد" اللغات ونون القافية ..


هذه جزء من حجر كريم يتلألأ في التاج الذي يعلو رأسك أيتها الملكة

Post: #15
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-02-2004, 07:34 PM
Parent: #13

إحتراماتــي ابو جهينـة
شكـري وتقديـري

Post: #16
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-03-2004, 06:13 PM
Parent: #15

أنت ..
البيت الأول ..
القلب الثاني ..
سكن ..
العين الثالثة ..
الحوش الرابع ..
عندما نضيع في متاهة المدن ..
البعد الرابع في نسبية الزمن ..
فصلنا الخامس ..
عندما ينتهي عطاء
الحقول ..
الوتر الثامن في أنغام السفن ..
أنت الميم .. السين والشين ..
أنت العين ..
مدى الرؤية .. بُعدنا العاشر
في جوف الأمان ..
وعندما يرمينا المكان ..
في بحر الجنون ..
نقول يا نون ..
أنت التوازن ..
عقلنا المفتون ..
لحظتنا الخرافية ..
نهرنا الجاري في جنات عدن ..
غاباتنا المدارية ..
نراك ..

Post: #32
Title: Re: قــوس قــزح *** إحتفاليـة تخصنـي
Author: خالد الحاج
Date: 05-15-2004, 09:42 AM
Parent: #16

Quote:
فصلنا الخامس ..
عندما ينتهي عطاء الحقول ..
الوتر الثامن في أنغام السفن ..
أنت الميم .. السين والشين ..
أنت العين ..
مدى الرؤية .. بُعدنا العاشر
في جوف الأمان ..
وعندما يرمينا المكان ..
في بحر الجنون ..
نقول يا نون ..
أنت التوازن ..

يا مليكة الكلمة المدوزنة..
دعيني أتوسد رمش غماماتك
وأسبح في أبعادك القصيد.


Post: #17
Title: Re: قــوس قــزح *** إحتفاليـة تخصنـي
Author: Osman Hamad
Date: 05-03-2004, 06:27 PM
Parent: #1





Post: #18
Title: Re: قــوس قــزح *** إحتفاليـة تخصنـي
Author: ابو جهينة
Date: 05-05-2004, 08:47 AM
Parent: #17

إحتفالية تخص الملكة
و الفرح يخصنا كلنا ، لأن قوس قزح عندما يزين وجه السماء ، تراه كل العيون
الملكة ، ألوانك دهنت سطح البورد ، فدعينا نفرح في إحتفاليتك الخاصة

لذا وجب الرفع و التنويه

Post: #19
Title: Re: قــوس قــزح *** إحتفاليـة تخصنـي
Author: جورج بنيوتي
Date: 05-05-2004, 11:18 AM
Parent: #18

و..من خدم البلاط : شكرا أبو جهينة..


جاييك....


نايرات الورود

شايلات عشم كل الندى

ونور الصباح

لفيت على ذاك الجناح

بلَّ الكلام ريق العطش

طمبور معتق بالنَصَاحْ

موسومه في ذاك النهار

بالبا المقدم في اعتراف

أمِك وابوكْ

واللام تلملِمْ في الكلام

تقرا السلام

مزدانة بالقاف القيافه

القومة في حضرة لقاكْ

والسين .. سَنه

شال الغناوي ولحَنَا..



وجاييييييك هنا...

Post: #20
Title: Re: قــوس قــزح *** إحتفاليـة تخصنـي
Author: ابو جهينة
Date: 05-08-2004, 09:55 AM
Parent: #19

فوق عشان مستنين جورج

Post: #21
Title: Re: قــوس قــزح *** إحتفاليـة تخصنـي
Author: المسافر
Date: 05-08-2004, 04:17 PM
Parent: #20

نسكت وتقرأ عينينا
ونعرف الكان

Post: #22
Title: Re: قــوس قــزح *** إحتفاليـة تخصنـي
Author: صديق الموج
Date: 05-08-2004, 04:25 PM
Parent: #1

ممكن يا الملكة تخليها تخصنى معاك؟؟........ده لو سمحتى...تسلمى،،،،،

Post: #24
Title: Re: قــوس قــزح *** إحتفاليـة تخصنـي
Author: lowmamba
Date: 05-08-2004, 05:08 PM
Parent: #22















ونفرح نحنا وفي جاه الملوك نلوك
وإتعلمت تنزيل الصور يا ملكة سبأ

Post: #36
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-18-2004, 03:48 PM
Parent: #22

ياموج
لو تسمح شيل معاي ..
لانه غلبني اشيل براي
ونقول احتفالية تخصني وتخص كل اصدقاء الجمال
تسلم

Post: #23
Title: Re: قــوس قــزح *** إحتفاليـة تخصنـي
Author: essam&amal
Date: 05-08-2004, 05:04 PM
Parent: #1

قمة الجمال
(( عليك الله ما تزيدنا خلينا نسدد الديون العلينا ))

انت قلت كده يا الملكة ؟؟
انا بقول لما يدوك حقك نحن الباقى نعتبروا ديون .
لكن ؟؟ منو البقدر يوفيك قدرك
يا الملكة الكامل جمالك وكمالك ونضالك و و و و

لك الحب
ام وضاح

Post: #25
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-08-2004, 06:33 PM
Parent: #23

الله .. الله
واشهد ان لا اله إلا الله وان محمد رسول الله
وبـدون ادنـى تـردد اعلـن افلاسـي التـام الآن حيـال ما واجـه بـه مـن روائـع ..
عثمـان حمد .. المسافـر .. ام وضـاح
خلونـي هسـي بجيكـم تانـي

لوممبـا يامدهـش انت الآن بأشعـة البهجـة تلـك ترسـم لنـا شتـات وتجسـده .. وكمـا نعلـم ، لظهـور تـلك اللوحـة لابـد مـن حضـور المطـر وأظنـه مقيمـا بنـا أبـدا بدلالـة تلـك اللوحـة مكتملـة الألـوان ..
ابوجينـه و يـامـوج
انـا عايـز أعـرف سـر الجيـم دي شنـو ؟ وعلاقتهـا بالجمـال !!
وهاهـو جـورج قـاب جمـال وجـلال يمتـد ورود وحقـ ول وعبيـ ر
ينشـم ..
بجيـكم .. اخـد نفسـى بـس

Post: #26
Title: Re: قــوس قــزح *** إحتفاليـة تخصنـي
Author: Frankly
Date: 05-09-2004, 11:48 AM
Parent: #25


لك الشكر .....فوق

_____


أتق الله حيث ما كنت واتبع السيئة الحسنة تمحها وخالق الناس بخلق حسن

Post: #27
Title: Re: قــوس قــزح *** إحتفاليـة تخصنـي
Author: THE RAIN
Date: 05-09-2004, 04:54 PM
Parent: #1

بلقيس

يا سباية الجلال

أما قبل

كانت بلقيس الأولى، سيدة على جنتين
أما بلقيسنا نحن، فهى ملكة كل الجنان

بلقيسنا نحن

تفتح الحدائق عيونها صباحا، تسبح بجمال حضورها

تأت كل عصافير الكون، لترتدى ألوانها منها ومن ألقها

كل شلالات الود، تأخذ الإذن، لتنساب، نزولا الى أرض المحبة، وصعودا الى سماوات الصفاء

يأتيها الأطفال، لتسكب فيهم عطر الأغنيات، وتعطرهم بضوء السكينة والعذوبة

بلقيسنا نحن

تتويج لمعنى الإنسان، سرمدية الصداقة، أزلية الأخوة، ديمومة المحبة

أما بعد

الوداد عليك، والسلام عليك

وأمد كف الضراعة جسرا، يوصل إعتذارى، غفلتى، عن رؤية هذا القوس القذحى، وربما تعذريننى، وحتما أنك تعرفين، أن رمد القبح قد أعمى بصيرة الروح فينا وبصر القلب فى الأيام الماضية، فقد طفحت ساحات منبرنا البهية بقبح لا يطاق

ولتضئ جنبات الكون كله بشعاع الجمال، إحتفالا وإبتهاجا، ولتضج كل أقواس قذح بألوانها، فهى حتما تزدهى، إذ تشاركنا العيد، عيدك

وتسلمى

Post: #28
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-09-2004, 06:58 PM
Parent: #27


Post: #29
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-14-2004, 08:54 PM
Parent: #28



إيهاب - ابو جهينة - المسافر - الموج - عثمان حمد - ام وضاح - وثلاثة × واحد
اسمحوا لى ان اهديكم قصة قوس قزح كما سمعتها :

يحكى انه في قديم الزمان تزحلقت سبع نجمات في السماء فوقعت على الارض !

حاولت النجوم ان ترجع الى الاعلى فلم تستطع بتاتاً !

احسّت النجوم غريبة على الارض ، فراحت تبكي وسالت الدموع من عيونها الزرقاء ، فلونت البحر والانهار باللون الازرق ، والعشب والغابات باللون الاخضر ، اما بقيت الورود فأعطتها الالوان المتعددة كالاحمر والاصفر والبنفسجي والبرتقالي …الخ

وهكذا اصبحت الحياة حلوة فوق الارض واحبها الاطفال ولكن النجوم بقيت تبكي وتبكي لانها تركت وطنها … حاولت الطيور مساعدة النجوم للرجوع الى السماء فلم تقدر ، ومع ذلك فقد شكرت النجوم جميع الطيور على المحاولة وكان يقيم في الارض فيلسوف حكيم يعيش في كوخه ، وعرف ما حصل للنجمات فنصحهن بان يعملن من الدمع خيوطاً ومن الخيوط بساطاً وبه يستطعن الرجوع الى السماء الى موطنهن . وقال :

بالعمل تستطعن العودة وليس بالبكاء !

عملت النجوم بنصيحة الفيلسوف، وبدأت بالعمل وصنعت بساط جميل ، وطارت به الى السماء وعادت الى موطنها !!

فرح الناس لعودة النجمات الى موطنها لكن سرعان ما حزنوا ، لان الارض تغيرت وخسرت الوانها ، ولم تعد الدموع تزينها بالالوان المختلفة ….

فطنت النجمات لما حصل على الارض وعرفت ان الارض بحاجة الى الماء واخذت الدموع تنهمر من عيونها ، دموع الفرح الدائم المستمر وامطرت السماء وغسلت الارض ونظفتها وبان للناس لاول مرة قوساً جميلاً يصل ما بين الارض وسماء بالوان الجميلة المتعددة ….

وتكرر ظهورها واصبح قوس قزح رمز للخير والعطاء والاتصال ما بين السماء والارض وذكرى لحادثه انزلاق النجمات الى الأرض وعودتها الى السماء !




Post: #35
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-18-2004, 03:41 PM
Parent: #27

اما مطرنا نحن
فسيل عرمرم من الروعة والإبداع ..
بحـار ودهشـة
أنهـار وعذوبـة
دعاشـة .. ونسمـة ..
زمان قلنا:
نحن اذ جاء المطر.. المطر
نجري ونلعب بالزهر .. بالزهر
ثم ننظف ثوبنا .. ثوبنا
ليكون ثوبا معتبر .. معتبر
ومازالت جيتك يامطر تنبت الأزهار وتحرض الجمال .. تطرد القبح وتهدي البصيرة منظار وردي ..
ومازلنا وسنظل نتتبع رزاز كلماتك لننظف دواخلنا ونستقبل عيد الـود ونشيعه في كل الأرجاء ، فهي حتما تزدهي اذ تزدان بكم ..
تقديري وإعزازي

Post: #30
Title: Re: قــوس قــزح *** إحتفاليـة تخصنـي
Author: hala guta
Date: 05-15-2004, 05:51 AM
Parent: #1

Quote: وحتما أنك تعرفين، أن رمد القبح قد أعمى بصيرة الروح فينا وبصر القلب فى الأيام الماضية،


وهل يشفع هذا لى تاخرى ..عن هذا الجمال؟؟

الملكة
الصمت فى حرم الجمال حمال

Post: #31
Title: Re: قــوس قــزح *** إحتفاليـة تخصنـي
Author: Habib_bldo
Date: 05-15-2004, 09:05 AM
Parent: #30


بلقيس يا ملكة سبأ
لا بد لنا من مشاركتك هذه الإحتفالية بأطياف قوس قزح
فأنت السماء بدت لنا وأستعصمت بالبعد عنا فلنتخذ من حجوة قوس قزح النجيمات المنزلقات من السماء إلى الارض وعودتهن مرة الأخرى والود الجميل الذي نشأ بينها وبين الارض سلما للتواصل ونزين هذه المساحة الورافة من الحميمية والالفة بينك وبين من كتبوا عن بلقيس وزينوا جيدك بتلك الدرر
فأنت الملكة ولا بد من وضع تاج الملك على رأسك حتى تكوني ملكة هذا المنبر بحق وحقيقة

Post: #34
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-18-2004, 03:11 PM
Parent: #31

ياصباحات البنفسج حبيب بلدو
وهل يسعكم إلا ان تشاركوني !! او قل تزيدون مساحات الألق في لوحاتي ..
وستظل تلك الكلمات النجمات وماخلفته في نفسي من فرح متداخل الألون هي قوس قزح او جسر تواصل المحبة والتقدير ما بيني ، وبينهم ، وبينكم ..
وفعـلا ليس هى التيجان التي تجعلنا ملوكا ..
ولا ارى ابهى وازهى او اغلي مما تتوجوني به
لكم المنة ولله الحمد ان هيأ لى فرصة التعرف إليكم ...
ودي وإحتراماتي

Post: #33
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-18-2004, 02:40 PM
Parent: #30

Quote: وهل يشفع هذا لى تاخرى ..عن هذا الجمال؟؟

يشفع لك ياهلولة انك مرسى الجمال ومداره
انك ضلع مؤسس للجمال
انك ابيض قوس قزح
انك هالة وكفي
مشتاقين ياهالة وماتغيبي تاني
وتعالي ابقي قريبة من اختك .. لانها كل ماتدخل هنا بتبقى ما عارفة تعمل شنو ولا تقول شنو !!
ايوا ياهاله انا برضو بردد هنا
الصمــــت فــي حــرم الجمــال جمــــال

Post: #37
Title: Re: قــوس قــزح *** إحتفاليـة تخصنـي
Author: hala guta
Date: 05-20-2004, 08:12 AM
Parent: #1

Quote: وتعالي ابقي قريبة من اختك .. لانها كل ماتدخل هنا بتبقى ما عارفة تعمل شنو ولا تقول شنو !!



الملكة
انا اصلا ما فت من هنا...
بس باكتفى بالصمت

Post: #38
Title: Re: قــوس قــزح *** إحتفاليـة تخصنـي
Author: HAMZA SULIMAN
Date: 05-20-2004, 10:09 AM
Parent: #37

يا ملكة يا مهرجان
انتى احتفالية تخصنا كلنا

Post: #39
Title: Re: قــوس قــزح *** إحتفاليـة تخصنـي
Author: haneena
Date: 05-20-2004, 05:11 PM
Parent: #38

الملكة الكامل جمالها

معاك في كل كلمة وكل كل حرف وكل نغمة

في قوس قزح زاهي الالوانا
نلتهم الحروف باعينناالتهامآ
ويغرد النغم الحنين في آذاننا
فيزيد القلب خفقانآ
ويرتجف البنانا
ويعجز اليراع عن خط الكلمات الرنانة

لك الود من قبل و من بعد

Post: #40
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-21-2004, 12:39 PM
Parent: #39

هلولة
مش قلت ليك قبل كدا بكون حاسة بيك .. ومليانة بيك .. وفعلا مافت من هنا.. من جواي ..
حمزة
حاقول شنو تاني ؟؟
كلامك صاح لاني انا حاسة انه أنا انتو
هذا الجمال الذي يحتويني جزء لا يتجزأ منكم او .. هو انتم
ليك التجلة ياشفيف

حنينة
زرزور المدين الضاق طعيم ام نقرة
يعرف للرطب مابنخضع بالصفرة
غنيتك زمن شافع واخدت الشكرة
بطنبور قصب جبتك من اول نقرة
عشان كدا كنت حاسة بيك في كل كلمة وكل حرف وكل نغمة
ليك عالى الود

Post: #41
Title: Re: قــوس قــزح *** إحتفاليـة تخصنـي
Author: صديق الموج
Date: 05-21-2004, 12:51 PM
Parent: #40

Quote: حنينة
زرزور المدين الضاق طعيم ام نقرة
يعرف للرطب مابنخضع بالصفرة


وها انت بزرازير المدين تذرذرى الفرح بشيشه..وتنثرى الجمال حيثما

حلقتى....نخاف علينا منك يا بت يا طاعمة...تسلمى

Post: #43
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-21-2004, 01:16 PM
Parent: #41

Quote: نخاف علينا منك

وأخـاف علىّ منـي
أخـاف على من تلك الروح التي تشبعت بكـم واصبحـت تحلـق في أعالي الجمال .. ولا يكفيهـا ذلك الفضـاء لتتمـدد وتنـداح ..
أخـاف علـى تلك الـروح ان تـروح فـي شهقـة دهشـة .. او (عشريقـة) حـرف طاعـم ..

Post: #42
Title: Re: قــوس قــزح *** إحتفاليـة تخصنـي
Author: ملكة سبأ
Date: 05-21-2004, 12:58 PM
Parent: #1

بلقيســنا ..
نورنا في الوادي المقدس ..
دمعتنا لما نشتاق البكـاء ..
نجمتنا لما يتوه الدليل ..
جناحنا لما يسكنَّا المدى ..
هويتنا .. معنى الانتماء ..
بلقيسنا ..
محتوانـا في بحر الفراغ ..
ذكرانا ..
لما ينسانا الزمن ..
ربيعنا ..
في فصل الشتاء ..
في جنانك نولد مرتين ..
مرة في الأمس المضاع ..
مرة في العهد الجديد ..
نور صباحك يبقي دنيا ..
يرسمنا في دنيا الإله ..
نبقى ومضة في ألق الضحى ..
نسمة في درج المسـاء ..
نظرة ننساها في عيونك ..
تبقى مشهد في طريقنا ..
شعاع بالفرحة نـوَّر ..
خريطة في درب السمـاء ..
في جنة الفردوس مقامك ..
ونحن في جنانك ..
ملائكة تسعد بالوفــاء ..
والدنيا تبقى ذكرى ..
معمورة بالود والصفاء ..
قافية في شاطئ الحقيقة ..
منظومة في تاريخ عيونك ..
مكتوبة بالشوق والضـياء ..