مــلــكــة ســبـأ..!

مــلــكــة ســبـأ..!


27-10-2004, 02:23 PM


  » http://sudaneseonline.com/cgi-bin/sdb/2bb.cgi?seq=msg&board=153&msg=1166821581&rn=0


Post: #1
Title: مــلــكــة ســبـأ..!
Author: Raja
Date: 27-10-2004, 02:23 PM


لم يكن من العقل ان يأتي موسم السؤال عن الأحباب ولا نسأل عنك ايتها الغالية..

نفتقد حضورك الثري بالكلمة واللحن..

ونفتقد صباحات كنا نبدأ ببوست لك مع كباية الشاي باللبن.

ونفتقد روحك في بوستات المناكفات الموسيقية التمبسية والمراويدية والخالدية..

ونفتقد..

ونفتقد..

بصراحة..

نفتقدك وبشدة.. أين انت..؟ وماذا حدث..؟ أشعر ان لغيابك حكاية من حكايات خريف هذا المكان..



ننتظر ان تطلًي مع نغم لا يقل عن "أنساك.. ده كلام"..

اها قلتي شنو..؟

Post: #2
Title: Re: مــلــكــة ســبـأ..!
Author: HAMZA SULIMAN
Date: 27-10-2004, 02:42 PM
Parent: #1

يا رجاء
تحياتى
واتمنى ان تكونى بخير دائما
فعلا
ملكتنا وين ؟؟؟؟

Post: #4
Title: Re: مــلــكــة ســبـأ..!
Author: Raja
Date: 27-10-2004, 02:55 PM
Parent: #2

الفنان العزيز حمزة..

يا مرحبا بأول الحبايب..



وينك يا بلقيس..؟؟

Post: #24
Title: Re: مــلــكــة ســبـأ..!
Author: ملكة سبأ
Date: 30-10-2004, 03:05 AM
Parent: #2

ونتمنـي بـرضو انـك تكـون بخيـر دائمـا موسيقارنـا الشفيـف حمـزة
وكونك أول من يحضر يسأل عن الملكة .. فهذا له (إيقاع) متفرد، واتمنـى - ولا اعد- ان تكون عودتي ذات صدى (شجي) كما وجودي بينكم الآن ..
تقديري ..

Post: #3
Title: Re: مــلــكــة ســبـأ..!
Author: abdalla BABIKER
Date: 27-10-2004, 02:49 PM
Parent: #1

يلا يا ملكه اظهري

Quote: لم يكن من العقل ان يأتي موسم السؤال عن الأحباب ولا نسأل عنك ايتها الغالية..

نفتقد حضورك الثري بالكلمة واللحن..

ونفتقد صباحات كنا نبدأ ببوست لك مع كباية الشاي باللبن.

ونفتقد روحك في بوستات المناكفات الموسيقية التمبسية والمراويدية والخالدية..

ونفتقد..

ونفتقد..

بصراحة..

نفتقدك وبشدة.. أين انت..؟ وماذا حدث..؟ أشعر ان لغيابك حكاية من حكايات خريف هذا المكان..



ننتظر ان تطلًي مع نغم لا يقل عن "أنساك.. ده كلام"..

اها قلتي شنو..؟

Post: #5
Title: Re: مــلــكــة ســبـأ..!
Author: Dr. Moiz Bakhiet
Date: 27-10-2004, 02:57 PM
Parent: #3

ملكة سبأ في سودانيات بي هناك شايفها..
تزين ذلك المكان بعرشها...

وتركت لكم «الهدهد»

يسترق السمع

والنظر..


Post: #8
Title: Re: مــلــكــة ســبـأ..!
Author: Raja
Date: 27-10-2004, 03:18 PM
Parent: #5

العزيز معز..

كنتا عارفة ان الحينضمًوا للنداء كلهم فنانين..

شفتها في سودانيات.. ولكن هناك شئ مفقود.. فحضور الملكة هنا كان له وقع خاااااص..


في انتظارها..

Post: #27
Title: Re: مــلــكــة ســبـأ..!
Author: ملكة سبأ
Date: 30-10-2004, 03:55 AM
Parent: #5

د . معـز ياسلطان الجمـال
الهدهد محتار كيف له ان يقطع تلك المساحات التى تتمدد وتزدان بفيض إبداعاتكم .. وتلك التي نفردها تقديرا لكم !!

ريثما يحل تلك (المعضلة) ويصل إليكم أحمل عنه بعض ماحملته به من سلام وأشواق ..
وإذا الناس المطافيء ما جاهزين غايتو ماعلى !!

Post: #6
Title: Re: مــلــكــة ســبـأ..!
Author: Raja
Date: 27-10-2004, 03:01 PM
Parent: #3

عبد الله صديقي العزيز..

تسلم للانضمام في النداء على الملكة..

Post: #7
Title: Re: مــلــكــة ســبـأ..!
Author: معتصم دفع الله
Date: 27-10-2004, 03:09 PM
Parent: #6

العزيزة رجاء


وأنا برضو بســأل ..
أين أنت يالملكي ؟ ..

Post: #9
Title: Re: مــلــكــة ســبـأ..!
Author: Raja
Date: 27-10-2004, 03:25 PM
Parent: #7

معتصم يا عزيز..

مساءاتك فل وياسمين..

فعلا غيابها محيًر..

كل العشم ان تعود قبل العيد.. حتى تحتفل معنا..

تخريمة: أصلو ناوين نعمل عيد ما حصل السنة دي..

كيف..؟ let us wait & see

Post: #42
Title: Re: مــلــكــة ســبـأ..!
Author: معتصم دفع الله
Date: 01-11-2004, 02:35 AM
Parent: #9

تعرفي يا رجاء ..

قربت أجي أعيد هناك ..

Post: #28
Title: Re: مــلــكــة ســبـأ..!
Author: ملكة سبأ
Date: 30-10-2004, 04:01 AM
Parent: #7

تسأل منك العافي
وبالمناسبة دي برضو النسأل :
انت وين يامعتصم ؟!

Post: #25
Title: Re: مــلــكــة ســبـأ..!
Author: ملكة سبأ
Date: 30-10-2004, 03:21 AM
Parent: #3

وبقـدر أقول شي تاني بعد كدا ياعبد الله!!
ياالف هلا بيك

Post: #10
Title: Re: مــلــكــة ســبـأ..!
Author: بدرالدين شنا
Date: 27-10-2004, 07:51 PM
Parent: #1

رجائي الغالية
سلامي وإحترامي

من يأتيني بخبرها قبل أن أنتهي من كتابة هذه الحروف؟؟؟
بعدين الملكة دي أنا (سبأ) واُلتلها ما تغبش عنا

Post: #17
Title: Re: مــلــكــة ســبـأ..!
Author: Raja
Date: 28-10-2004, 04:25 PM
Parent: #10

البدري الغالي..

يا تلتمية ألف مرحبا..

قلتها فووق.. ان الحيجو يسألو هم الناس الجميلين..

سعدت بانضمامك والنداء..

كنت اتوقع ان تلبيه اليوم..






تخريمة: مشتاقوووووووون

Post: #29
Title: Re: مــلــكــة ســبـأ..!
Author: ملكة سبأ
Date: 30-10-2004, 04:17 AM
Parent: #17

Quote: قلتها فووق.. ان الحيجو يسألو هم الناس الجميلين

ونحن (شينّا) في قامة بدر الدين معناتو دا بوست مهدد بطوفان جمال ولا عاصم لنا إلا المزيد منكم !! ..
مرحبا بدر الدين وأنا أكثر سعادة من رجوية العسل دي ..
اها خبرك انت شنو ؟

Post: #11
Title: Re: مــلــكــة ســبـأ..!
Author: abas
Date: 27-10-2004, 10:47 PM
Parent: #1

واُلتلها ما تغبش عنا

لكن يا بدر يا حنكوش الزلمات حيرتنا عديل كده

رجويه العزيزه

اين الملكه وعودي يا مكله

نحنا معاك بنسال عليها

ولو ممكن ده ايميلي يا رجاء

[email protected]
[email protected]

Post: #18
Title: Re: مــلــكــة ســبـأ..!
Author: Raja
Date: 28-10-2004, 04:51 PM
Parent: #11

الصديق الهلالابي العزيز عباس..

ســـلامات كترات.. بالرغم من زعلي منك عشان مشيت المباراة بتاعت المريخ بقميص أزرق..

الملكة بجد اختفائها يحيًر..

ما حنرضى اقل من 10 بوستات توضيحات..


سأكتب لك على الايميل..

Post: #30
Title: Re: مــلــكــة ســبـأ..!
Author: ملكة سبأ
Date: 30-10-2004, 04:25 AM
Parent: #11

مرحبا عباس
والف شكر على السؤال
تقديري

Post: #12
Title: Re: مــلــكــة ســبـأ..!
Author: حمزاوي
Date: 27-10-2004, 11:56 PM
Parent: #1

الاستاذة رجاء
يا الفرايحية
انتي ما بتعرفي انه الشايقيات في رمضان بيوقفن الابداع
وحيث ان ملكة سبأ اخت عزيزة لمهيرة بنت عبود
فأوقفت الابداع والتكرم علينا لحين انتهاء الصوم
انا زاتي شايقي في رمضان
حتى مشيت عملت الشلوخ السكة حديد
مع اني محسي نص ديانة
بس عشان خاطر ملكتنا
نعمل تعظيم سلام
حتى الفنان صديق احمد لمن ناس التلفزيون طلبوه
قال وحات سيدي الحسن انا ما اغني في رمضان

رمضان كريم وشهر مبارك

Post: #19
Title: Re: مــلــكــة ســبـأ..!
Author: Raja
Date: 28-10-2004, 04:59 PM
Parent: #12

الفاضل حمزاوي..

سلامات وتحيات..

ورمضان كريم..

كان على رمضان هينة.. لكن هي غاطسة من شهر 7.. انا متذكرة لما سافرتا وجيت لقيتها مافيشة..

اتمنى ترجع الليلة قبال بكرة..

قول يا قادر..

Post: #31
Title: Re: مــلــكــة ســبـأ..!
Author: ملكة سبأ
Date: 30-10-2004, 04:35 AM
Parent: #12

Quote: قال وحات سيدي الحسن انا ما اغني في رمضان

دابيكون معتكف الوقت دا ..
اها لسة شايقي في رمضان ولاغيرت رايك ؟
كل عام وانت بخير حمزاوي .. وعيد سعيد

Post: #13
Title: Re: مــلــكــة ســبـأ..!
Author: ودقاسم
Date: 27-10-2004, 11:57 PM
Parent: #1

رجاء
هي موجودة هناك في منبر الشوايقة ،، جنّها غنا شايقية وطمبور وحش تمر ،، وعندها حاجات تانية أنا ما بتكلّم بيها ، بس يا خبر الليلة بقروش وبكرة ببلاش ،،
إن شاء الله ما تقرأ كلامي ده ،، وإن شاء هناي داك برضو ما يقراهو ،،

Post: #20
Title: Re: مــلــكــة ســبـأ..!
Author: WaD OmI
Date: 28-10-2004, 05:00 PM
Parent: #13

Quote: موجودة هناك في منبر الشوايقة ،، جنّها غنا شايقية


وين بالله منبر الشوايقه ده

لازمني ...


رجا ازيك يازوله والله مشتاقين وناس البيت كيف ؟


وبسال معاك عن الملكه وبقول ليها لميني في منبر الشوايقه ده بالله





لكم تحاياي

نوف

Post: #36
Title: Re: مــلــكــة ســبـأ..!
Author: ملكة سبأ
Date: 31-10-2004, 11:15 PM
Parent: #20

سلامــات نـوف

انـا زاتي لازمنـي منبـر زي دا .. لو لقيتي قولي لينا عوك
ليك عاطر التحايا

Post: #22
Title: Re: مــلــكــة ســبـأ..!
Author: Raja
Date: 29-10-2004, 04:46 PM
Parent: #13

ود قاسم العزيز..

ســلامات كتيرات..

قلت لي في بوست الشوايقة.. بجد شغل اساتذة..

انحنا ما عشمانين في أقل من كده..


تحياتي..

Post: #35
Title: Re: مــلــكــة ســبـأ..!
Author: ملكة سبأ
Date: 31-10-2004, 11:09 PM
Parent: #13

مرحب بيك ياخال
جني غنا شوايقة وحش تمر دي ما بتغالطو فيها اتنين
ممكن تقول روحي ونفسي عديل كدا
وبالمناسبة دي مالك زائغ من بوست الطنبور بهناك ؟ ماقلنا حنعلم حب الروعة دي .. ولسة عندنا أمل ، بس تعال راجع ..
القومة ليك ود قاسـم

Post: #14
Title: Re: مــلــكــة ســبـأ..!
Author: أبو ساندرا
Date: 28-10-2004, 00:00 AM
Parent: #1

رجوية العسل

قبل كم يوم وبعد غياب طويل ظهرت لا لتؤدي الواجب في بوست عزاء فقدنا الكبير الراحل العزيز الخزين ، أرخت دمعة وحكت عن الراحل ، تركتها آخر مشارك بعد الوجيهة إشراقة حيمورة لإستقطاب مزيدآ من الدمعات.
وبلقيس بت شفافة وحساسة أتمنى ما يكون السبب إنو واحد عتر ليها بكلمة درابة فهي لا تحتمل.
وبلقيس طيبة وحنونة ومؤدبة ، ويدها طاااعمة ، أتمنى عودتها

وشكرآ يا رجوية على السؤال اللفتة

Post: #15
Title: Re: مــلــكــة ســبـأ..!
Author: ابو يسرا
Date: 28-10-2004, 01:38 AM
Parent: #14

الملكة اختفت لأن التمر السنة دى ماكان شايل سمح
ياملكة لكن الاسعار كاحسن من السنة الفاتت يعني المعادلة واحدة لذلك طلي وماتدي الناس البيحاولوا ينالوا من قبلتنا فرصة عودي للجميع وعاش ابو هاشم

Post: #16
Title: Re: مــلــكــة ســبـأ..!
Author: ابو يسرا
Date: 28-10-2004, 01:45 AM
Parent: #15

قلب للبيع

Post: #38
Title: Re: مــلــكــة ســبـأ..!
Author: ملكة سبأ
Date: 31-10-2004, 11:44 PM
Parent: #15

عوافي ابو يسـرا
ونحن نؤيد حزب السيد .. لووووووووووووول
تعـرف دا أمسخ حش تمـر حضره في حياتي
بدون طعم ولا لون
فرئيس حلقة الكبار السنة دي ماكان في !!
خلو مكانه لسه خالق فجوة بدواخلنا
راح الغالي يا ابو يسرا عشان كدا ماخلينا بالنا من الأسعار
وما دايرين ندي فرصة للزمن انه ينال من علاقتنا بأرضنا ومحلنا بعد ذهابه ..
لك التقدير وانت تأتي بقلب للبيع وكأنك تقرأ ما بدواخلي وانه لو كانت في إمكانية للكتابه به لسطرت ما يعتري القلب في هذه اللحظات ..

التحايا موصولة لكل آل ابو يسرا

Post: #37
Title: Re: مــلــكــة ســبـأ..!
Author: ملكة سبأ
Date: 31-10-2004, 11:28 PM
Parent: #14

Quote: وبلقيس بت شفافة وحساسة أتمنى ما يكون السبب إنو واحد عتر ليها بكلمة درابة فهي لا تحتمل.
وبلقيس طيبة وحنونة ومؤدبة ، ويدها طاااعمة ، أتمنى عودتها

أبو السمحات
والله دي كله من ذوقك
لكن بالجد عجبني عشان كدا تاني نقلته هنا
وبالذات هو طالع منك انت يا ابو ساندرا
وبعد سيل المعنويات دا ما إعتقد تاني في وجود للدراب
ليك الود والأشواق

Post: #21
Title: Re: مــلــكــة ســبـأ..!
Author: hala guta
Date: 28-10-2004, 05:48 PM
Parent: #1

Raja
Salam


Ya Balgeeeeeeeees

Post: #39
Title: Re: مــلــكــة ســبـأ..!
Author: ملكة سبأ
Date: 31-10-2004, 11:51 PM
Parent: #21

ياهلووووووووووووووووولة
الشـوق كميأت والله
وإنشاء الله انت طيبة

Post: #23
Title: Re: مــلــكــة ســبـأ..!
Author: ملكة سبأ
Date: 30-10-2004, 02:45 AM
Parent: #1


للايام الجميلة علامـات لايمكن نسيانها
ولكم نبضة داخل قلبي لا يمكن فقدانها



وأعاين ليكم بلد ممتد
وصوت طنبور، نسائم ليل وريحة ند
***

رجويـة العزيـزة .. إذا قلت ليك يسأل عنك الخير .. يبقي الخيـر منو ؟؟!
اما الحكاية فهي حكاية ذلك الشوق الذي يؤرقني وهو آخذ في تطاول بنيانه حتى حجب كل شيء ، سوى انه ترك طاقة تكفي لتسلل نسمة لطيفة تزيل اى اثر لكدرة قد ولت .. وتكفي ايضا لمرور شعاع كثيف من الضياء يفضح عتمة الجفاء ويهديني إليكم السبيل .. وقد كان ..

رجوية ياالطف النسمات
الأعزاء المتداخلين .. وكل من يسأل عني (إنشاء الله بسره)
لكم شكـري وتقديري وحبي
وأحسبوني (انشاء الله) في خبيز العيد الماحصل ..
ودي

Post: #26
Title: Re: مــلــكــة ســبـأ..!
Author: tmbis
Date: 30-10-2004, 03:27 AM
Parent: #23

Quote: وكل من يسأل عني (إنشاء الله بسره)


والله يابلقيس .. ليك وحـــشة..
والله جد..

Post: #32
Title: Re: مــلــكــة ســبـأ..!
Author: tmbis
Date: 30-10-2004, 04:48 AM
Parent: #26

رجــــاء ..
انا قلت ليك يسال منك الخير والا لســــه ؟؟

Post: #40
Title: Re: مــلــكــة ســبـأ..!
Author: ملكة سبأ
Date: 31-10-2004, 11:55 PM
Parent: #26


عــلا
والله العظيـم جـــــد

Post: #33
Title: Re: مــلــكــة ســبـأ..!
Author: Raja
Date: 31-10-2004, 08:03 AM
Parent: #23

الأحباب الفوق..

عذرا.. لازم اول نرحًب بالملكة.. وارجع ليكم..


يااااااااااااااا

كل ده شوق..

لا احنا زعلانين..








سعدت كتير برؤية حروفك مرة تانية..

وقبل الخبيز راجينك تنضفي معانا نضافة العيد..

لووووووووووووووووول



ليك وحشة بجد..

Post: #41
Title: Re: مــلــكــة ســبـأ..!
Author: ملكة سبأ
Date: 01-11-2004, 00:08 AM
Parent: #33

اها يارجوية العسل
فضينا ليك

وأول حاجة يالجد برضو واحشانـا
وتاني وين وين المكانس والحاجات
العيد خلاص على الأبواب وملاحظة الجندريات اغلبهن كابي الزوغة
لك الحب
اجيب سلم جردل موية واجي

Post: #34
Title: Re: مــلــكــة ســبـأ..!
Author: abas
Date: 31-10-2004, 08:20 AM
Parent: #1

شكرا يا ملكه علي الرد وشكرا علي ظهورك معانا تاني


رجويه وين الايميل

وين الرسائل

Post: #43
Title: Re: مــلــكــة ســبـأ..!
Author: Raja
Date: 02-11-2004, 06:33 AM
Parent: #34

الملكة الحبيبة..

سعدت شدييييييييييد وانا اراك تزينين المكان مرة تانية..

أيوة كده..

حأرجع للحبايب مرة تانية..




يا عباس حارسل ليك..