إشتقت ليك ..

بمناسبة العودة بعد مدة طويلة لم أراكم فيها ..أما إن دار محور سؤالكم عنّي فانا بخير والحمد لله لا ينقصني سوى عدم رؤيا شخصكم الغالية (دي ما عارفها كيف؟) واخبركم أن الجميع بخير وصحة وعافية ..
ملحوظة :
أرجو أن ترسل لي كدارة وموبايل وبنطلونين وقميص :D

يبدو إنو انا نسيت نفسي وبدل ما اهديكم بركات العودة حسيت إني بكتب في جواب لي عمي في بلد الغربة وبدل الصورة ترسل الشنطة وطيري يا طيارة طيري..
عدنا والعود أحمد وأمجد وعمر ونفيسة والجاغريو زاتو ..
ما ان حان وقت اللقاء إلا وجاال في خاطري هذا اللحن الذي ربما جال في خاطر كل بوردابي فقررت أن أنصّب نفسي كمبادر للبوح بما في الخواطر..

نعم ..كلنا رددنا لبعضنا البعض " إشتقت ليك " ..وبالرغم من الإختلاف في التعبير عن الأشواق وبالرغم من إختلاف حجم الشوق فمنّا من يشتاق بالشوال ومنّا من يشتاق بي الملوة ومنّا من يشتاق وشوقو جايبو في دفار إلا أننا اتفقنا أننا مشتاقون ..

Quote: شايل الدموع يا حبي لمن أعود وأجيك .. انا اه إشتقت ليك .. عشت الظروف القاسية ما كان بي إيدي ولا إيديك .. انا اه إشتقت ليك ..

طبعاً ديل ناس بكري العاشوا الظروف القاسية وهم بينقلوا في البيانات وبيحولوا في السيرفر وشي يظبط وشي ما يظبط أما ناس الدموع فهم بكل تأكيد ناس كوستاوي ودينق ..

Quote: بعدتني عنك غربتي وخلتني ديمة أهاتي بيك .. إن شاء الله انت تكون سعيد وانا خلّي حالي بجي احكي ليك..

ناس المهاته ديل ناس عبد الرازق الطالب وتراجي ..

Quote: إشتقت ليك يا نور صباحي ومشتهيك .. إشتقت للبسمة البتفرح كل زول وعاجباني فيك ..

وديل الناس البيرسموا البسمة في وجوه الاخرين ناس جلال ابو جهينة وناس ابوذر وناس بدر الدين شنا والملا عمر والحلاوي

تخريمة :
يا ريت الأغنية لو كانت طويلة في ناس كتااااااااااااار عايز أجيب سيرتهم ..

عُمر الفاروق،،

وكِت سعيد،،
أولتن شي هذه الغنية السغيرة،،
بتبشتن عدايل شوقي و بتجرررررررررسني،،
و الله لا ورا اي زول بعد داك،،


أهاااا يلا إنت واحد من الطمنطاشر زول الانا بفقد تواجدهم في المحِل ده،،

ف مرحب بعودتك،،