كلام الطير في الباقير ..في حديث الأمين البرير..

يالأسفي والمتحدث بإسم الهلال في حلقة الأمس من برنامج علام الرياضة كان الأمين البرير أمين المال !!!!!!!!
هل يعقل أن فريق في حجم قارة كما الهلال العظيم والعظمة لله لا يستطيع أن يدافع عن قضاياه !!!!
هل يعقل ان نصدق أن هلال الملايين الذي ترأسه القبطان الريس الطيب عبد الله وتحدث له الحكيم طه ودافع عنه السماني وكان سكرتيره البلولة أن يصل في يوم من الأيام لهذه الدرجة التي تجعل من امين خزينة النادي أن لا يستطيع أن يقول ولو جملتين ورا بعضهم صاح ؟؟؟؟
الأمين البرير بالأمس لم يكن في حجم الهلال ولا اعتقد أنه سيكون كذلك في يوما ما !!!
وإن كنا نريد ان نسترجع حقوق الهلال عن طريق البرير فعلى حقوقنا السلام ؟؟؟
لم يكن حديث البرير بالأمس مقنعاً على الإطلاق ولم يستطع ان يكسب حب الجمهور ليتعاطف مع قضية الهلال بل أضر كثيراً بقضية الهلال وجعلها خصماً علينا بعد أن إستفاد معتصم جعفر من الضعف الواضح والحجة الواهية للبرير الذي إكتفى فقط بترديد جملة :
" والله الهلال عندو حقوق ولازم يرجعها !!! "
ما هكذا يا إدارة الهلال !!!!!!
والله نحن بنحب الهلال ده ودمنا لو لقينا طريقة بنقلبو أزرق فداء للهلال لكن الحق يقال هذه ليست الإدارة الحكيمة التي ستعيد هيبة الهلال !!!
فلا الرئيس يستطيع أن يدافع عن الهلال باحديثه المتهالكة والضعيفة ولا إداريو النادي بقادرين على عكس مشاكل الهلال والدفاع عنه بالحجة والمنطق !!!!
بالأمس تمنيت لو كان البرير هو مقدم البرنامج وأن النقي هو أمين خزينة نادي الهلال فالرجل كان متفهماً للمشكلة أكثر من البرير نفسه !!!!!!!
البرير أداني إحساس إنو في وادي وموضوع الحلقة في وادي تاني ولمن خلااااااااااص فقد المنطق قال:
" والله دي توصيات مجلس وانا عملت القالوهو لي !!!! "

لك الله يا هلال العزة والكرامة فيبدو أنك ستطعن من أقرب الناس إليك ..

و ما هى مؤهلات هذا الرجل اساسا ليتولى هذا المنصب الخطير؟

هل هى جيبه الممتلى؟

الفاروق يا أخوي الرجل بحب الهلال بس مؤكد من منطق "ومن الحب ما قتل"
أستغرب جداً عبارة البريدك موت فهل هي فعلاً ريده أم كراهية ، ومنو البريد الموت أصلاً ، ده الواحد مجرد التفكير في الموت بخليهو يرجف.

Quote: و ما هى مؤهلات هذا الرجل اساسا ليتولى هذا المنصب الخطير؟ هل هى جيبه الممتلى؟

والله سؤال وجيه !!!!
عن نفسي اعتبر ان البرير دخل للهلال من بوابة المال وحتى هذا المال ليته دفعه للهلال !!!
فقط هي اسماء رنانة ولكن وقت الحارة لا تجدهم كما كان يفعل غيرهم ..
حتى الجمهور المغلوب على امره يدفع للنادي اكثر منهم بينما هؤلاء الاداريون هم المستفيدون من الهلال وليس العكس !!!!!!
البرير وصلاح ادريس لا يشبهون الهلال ولا تاريخ الهلال وليت لجمهورنا العزيز ان يعي ان مثل هؤلاء يجب ان لا يتحكموا في مسرة الهلال ..
البرير اثبت لي انه زول عنقالي ساي بي كلامو امبارح فحتى أسس الحوار لا يمتلكها !!!

Quote: أستغرب جداً عبارة البريدك موت فهل هي فعلاً ريده أم كراهية ،

اما انا فإستغرابي عندما اشاهد تلفزيون السودان أو النيل الازرق ويسألو الضيف عن سؤال فيبدأ الكلام ب:
والله انا ما عارف لكن ......
ثم يسرد كلاماً يكفي لعمل مسلسل .. فلا ادري لو كان يعرف ماذا كان سيقول ؟؟
أوليس الأحرى به طالما قال انا ما عارف فعليه ان يسكت وينتقل للسؤال التالي؟
..
حاجة استغرب..

تعرف يا عمر الحكاية في الكباية ودي زي ما بتقول الدعاية ، ولأن الكباية ما معروفة بايركس ولا كباية شوب ولا ضلع دكاتره ولا كباية ساكت زي كبابي الشاي الفي بيتنا لمن كنا بنشرب الشاي في البيت ، قالوا يا الفاروق دي لازمة أن تقول والله ما عارف .... وتقوم زي ما تفضلت تلتخ ليك كلام يعمل مسلسل مكيسكي وهي ذات العبارة الحكومية "حقيقةً" بالرغم من أن ما يلي الكلمة كذب وصريح.
ما علينا وما تزعل إذا كان على رأس الهلال أناس لا يفقهون ولا يمثلون الهلال كما ينبغي لجلال قدره ، فالموضوع ليس بمستغرب بل قل عدوى أصابت البلاد من رأسها إلى أخمص قدميها ، يعني حكاية الرجل المناسب في الكورنر المناسب دي إتلغت وبقي الرجال وحتى أنصاف الرجال في أماكن ليس لهم بها علاقة ، وسيد بشبش ذات نفسو ما بعرف يتكلم لا من ورقه ولا من راسو وكل همو في اللقاءات الجماهيرية أن يصل إلى حتة النار ولعت.
=====
نصيحة أخويه واصل تشجيع الهلال فلا بد لليل أن ينجلي ولابد للقيد أن ينكسر ولابد من صنعاء وإن طال السفر ولابد مما ليس منه بد ولا ولاء لغير الله.
===
ولا لا ألا إلا لآلئ لابس ولا لا ألا إلا لآلئ من رحل
فكم كم وكم كم ثم كم كم وكم وكم قطعت الفيافي والمهامه لم أمل
وكاف وكفكاف وكفي بكفها وكاف كفوف الودق من كفها انهمل
فلو لو ولو لو ثم لو لو ولو ولو دنا دار سلمى كنت أول من وصل
وعن عن وعن عن ثم عن عن وعن وعن أسائل عنها كل من سار وارتحل
وفي في وفي في ثم في في وفي وفي وفي وجنتي سلمى أقبل لم أمل
وسل سل وسل سل ثم سل سل وسل وسل وسل دار سلمى والربوع فكم أسل
وشنصل وشنصل ثم شنصل عشنصل على حاجبي سلمى يزين مع المقل

إيه رأيك في الـ conclusion أو الـ finishing ده يا فاروق

داير لونك يبقي ازرق اشرب حبر.

هاك قمة الحب والولاء.

عمر اللايوق انت ما عارف الزول لو لونو زرق سوووووووووووكت يكون خلاص بقى في خبر كان.


تبرى يايابا من زرقة اللون خليك في الدم الاحمر اخير لك يا حي العرب.

الامين البرير فعلاً لا يملك لا الجراءة ولا المنطق ولا الحكمة وكم كان ساذج وفي قمة السذاجة وهو يتوه بفعل نفسه ليتذكر نفس العبار (لكن الهلال عندوا حق ولازم يرجعه)

تعرف كنت اسمع تصريحاته لحدي مابقيت اخاف الاقيه في الشارع يطلع ليه في بنبر ويمنطقني ويسرد لي تاريخ الهلال...لكن هسي ممكن الف بي عجلة اكوس ليه عشان ازنقوا في خانة اليك(طلع بيــــش)

التقول ما ود امدرمان.

رحم الله بت الخبير.

عارف قالت شنو...

اسال صديق.


صحى التحول من الكروش(جمع كرشة) للقروش نتايجه ياها دي.

عمر الفاروق تحياتي
انا برضو حضرت الحلقه ..وفعلا ماقدر امين البرير يوضح الضرر اللحق بالهلال
واظن الراي الطلع بيهو اي مشاهد انو زي ماقال معتصم جعفر ما في اي مشكله
وانو دي زوبعه معموله ساكت !!!