المريخ يسحق "جمعية" الشلف بالرباعية في عقر داره..

حقق فريق المريخ بالأمس نصراً كبيراً وشرف الكرة السودانية حين نازل الفريق العملاق صاحب البطولات والإنجازات فريق"جمعية" الشلف الجزائري..
بدأ المريخ المباراة بهجوم كاسح واجاد فيه كل من هيثم طمبل وايداهور الذي سدد كرة في الدقيقة الأولى ارتطمت بالقائم ليشتتهادفاع الشلف الذي ظهر عليه الضعف !!!
وفي الدقيقة الخامسة كانت نقطة تحول المباراة عندما استلم اللاعب سعيد السعودي الكرة من منطقة الدفاع وراوغ اكثر من لاعب ويمرر الكرة لإيفوسا الذي قام بمراوغة لاعبين ويمرر لإيداهور الغير مراغب ويسدد الأخير كرة قوية سكنت يمين حارس الشلف محققا الهدف الأول..
ويبدو ان المريخ كان مصرّاً على تحقيق الهدف الثاني فلم يستكين المهاجمون وظلوا في حالة هجوم متواصل دون ان يشكل فريق " الشلف" أي خطورة على مرمى المريخ طيلة هذه الفترة ..
في الدقيقة 40 تمكن اللاعب هيثم طمبل من تسجيل الهدف الثاني إثر ركنية حاول حارس " الجمعية" استلامها على دفعتين لتجد القناص هيثم طمبل المتابع ليكملها داخل المرمى هدف ثاني جميل ..
في الشوط الثاني واصل مدرب المريخ اتوفيستر الشكل الهجومي للمريخ بل وذهب لأبعد من ذلك حينما اخرج اللاعب سفاري المدافع واشرك اللاعب نور الدين عنتر ليزيد الهجوم .
ولم يخذل هذا الخير مدربه واستطاع تسجيل الهدف الثالث في الدقيقة 15 من الشوط الثاني من تسديدة قوية خارج المنطقة سكنت يمين حارس " الجمعية"..
هنا بدأ جمهور "جمعية" الشلف بمغادرة المدرجات ومن بقي منهم كان يشجع المريخ الذي لعب كرة قدم راقية وجميلة تفاعل معها الجمهور وصفق لها كثيراً ..
والمباراة تسير نحو دقائقها الأخيرة ومن هجمة عكسية استلمها المدافع "السريع" ابالو يمررها للمتقدم فيصل العجب الذي لمح الحارس وهو خارج عن مرماه فوضعها من فوق الحارس هدف رابع جميل يحكي عبقرية وابداع هذا اللاعب القناص ..
ليستمر بعدها المريخ في إهدار الفرص الواحدة تلو الأخرى حتى اعلن الحكم التونسي نهاية المباراة بفوز المريخ على جمعية الشلف برباعية نظيفة وبذلك يكون المريخ قد ضمن التأهل لدور ال16 بنسبة 95% ويتكون مباراة الإياب اداء للواجب ليس أكثر..
وكان الحكم المساعد "فتحية" قد نقض هدفاً خامساً للمريخ بقدم اللاعب بدر الدين قلق بداعي التسلل...
وفي ذات الاثناء وبينما يشرفنا فريق المريخ بهذا الفوز الكبير خسر فريق الهلال ثلاثة نقاط مهمة يستحيل تعويضها بعد ان خسر بثلاثة اهداف دون رد في مباراة لم يؤدي فيها فريق الهلال المطلوب وبات قاب قوسين أو ادنى من الخروج كيف لا والفريق النيجري احرز ثلاااااااااااااثة اهداف كاملة في الدقائق 47 و27 و39!!!
وكل ما ارى هذه الدقائق المتباعدة اشعر بإستحالة تجسل ثلاثة اهداف لأن الفريق الذي يحرز ثلاثة اهداف على مدار شوطين وفي دقائق متباعدة فهذا يعني ان هذا الفريق فعل المستحيل ولن يستطيع فريق غيرع تسجيل ثلاثة اهداف خصوصاً فريق مثل الهلال يلعب في ميدانه ووسط جماهيره !!!
عموماً نبارك للمريخ هذا الفوز الساحق بع ان أمطروا شباك الشلف وأودع مهاجموه اربعة اهداف في فريق " الجمعية " ..

السلام عليكم

Quote: استلم اللاعب سعيد السعودي الكرة من منطقة الدفاع وراوغ اكثر من لاعب

ده البهمني من أمر الكورة صراحة يا عمر!!
_______________

محمد سليمان :
الزول ده بيبقا ليك ولا حاجة ؟
طالما قلت بيهمك ..
بالمناسبة سعيد السعودي دي زي الشريف الهندي..

سوبر ريد
ليست واحد ولا اثنتان بل ثلاثة
دموعي سالت والمنام أبي لي أنا

كر كر كر

ياخونا ودالفاروق مالو دا مس احمر ولا ازرق

أهم حاجة ان قريت لينا الكف واخبرتنا بالمستقبل المضمون والحقيقة التي لا بد منها واعطيتنا كمان محرزي الاهداف يعني ننوم قفا من الان والله ماشاء اللله عليك ياخي ماتقلب احمر احسن ليك ونستفيد من توقعاتك الحقيقة دي


لكن فعلا مريخابي زعلان؟؟؟؟؟؟


والبركه فيكم في مصابكم والغلطة انا المرحوم دخل على اساس تغلبه على الزمالك المريض الذي يعلم بمرضه الجميع وهاك يا اهداف والخوف برضو يكرروها في العرضه شمال

ربنا يشفيك ويردك للون عشان ترتاح في العرضة جنوب

ابومصطفى

Quote: الزمالك المريض الذي يعلم بمرضه الجميع

هذا الفريق يحمل الرقم القياسى فى الفوز بالبطولات الافريقية
وكذلك بطولة السوبر ويسعى حاليا مواطنه الاهلى فريق القرن
فى افريقيا وصاحب المركز الثالث ببطولة العالم للاندية الاخيرة
لمعادلة انجاز هذا الفريق المريض المسمى الزمالك والذى يقاوم
المرض بشدة هذه الايام لبلوغ نهائى دورى ابطال العرب


هذا الزمالك المريض تفوق عليه الهلال فى ستاد اسمه ستاد القاهرة
فى حضور 75 الف مريض اقصد مشجع رفعوا الى جانب شعارالزمالك شعارات
كل الاندية المصرية للمرة الاولى


المرض كده يابلاش

Quote: هذا الفريق يحمل الرقم القياسى فى الفوز بالبطولات الافريقية وكذلك بطولة السوبر

تيتاوى

طيب ما نحنا قلنا كدا قلتوا لينا اطلعوا من البلد
ما تحدثنا عن اعجازاتنا وانجازاتنا وكاساتنا وقلتوا لينا دا تاريخ غابر
وما تتكلموا عنه وانو نحنا اولاد النهارده
واول ما جات فى الزمالك وقلنا تعبان تقوموا ترجعوا للتاريخ والزمالك شال
شنو وخلى شنو
طيب .. هل شفعت تلك الكاسات للزمالك وهو يتعادل وينهزم فى الدورى المصرى ؟
وهل افادته وهو ينهزم من الهلال التعبان اكتر منه ؟
وهل شفع للهلال انتصاره على الزمالك امام الناسور النيجيرى ؟
وطيب .. ما ياهو دا زاتو الكيل بى مكيالين

حلال لكل الطير
وحرام على بلابل الدوح

ود الفاروق

الفراش وين ؟؟؟
يا اصحاب التصنيف العالمى
ما قلتو نوبه

صدقنى الهزيان والهضربه حقتك دى مكيفانى للطيش
لانو معناها انكم بتمروا بى نرحلة انعدام الوزن

هاك التصنيف العالمى دا

اخوانا المريخاب :
مالكم في شنو ؟؟؟؟
انا كلامي ده فيهو حاجة غلط ؟؟؟
مش انتو فرحانين شدييييييييييييييييد عششان امبارح كنتو غالبين ؟؟؟
لييي في شنو يا جماعة ؟؟؟
إنتو امبارح ما غالبين ولا شنو اتحسستو كده ؟؟؟
بي صراحة انا ما متابع شديد لكن من فرحتكم دي عرفت انو المريخ امبارح كان فايز وعلى الاساس ده كتبت البوست !!!
لييي هو المريخ ما فاز امبارح ولا شنو ؟؟؟
ولا كلامي ده الغلط فيهو شنو ؟؟؟
كدي فهموني انا ما فاهم اي شي..

يا جماعة ودوا الزول ده الضل

Quote: يا جماعة ودوا الزول ده الضل

يا وليد
صدقنى الزول دا بعد تلت الدسته الامبارح دا برودة الاسكيمو ما تجيب راسه
اصلو الجماعه ديل اتجدعوا خالص بعد مباراة الزمالك الهلكان
وما صحوا من احلام زلووط الا على يد ناساروا النيجيرى طيش الدورى فى نيجيريا
يعنى لو قابلوا انيمبا والا دولفين كانوا اخدوا المعلوم والمتعودين عليهو
من خمسات وستات .. بس امبارح ربك ستر وبعد دا كلو جات سليمه

وتخيل الجماعه من غرورم بيقول ليك لاعبى المحور عندهم ضيعوا اهداف مضمونه
امام مرمى الناسور النيجيرى وفتحوها وراء الى ان الفاس وقعت فى الراس
والحقيقه الذى هزم الهلال ليس الناسور ولكن غرورهم بعد هذيمة الزمالك
التعبان والتصنيف المزعوم
انا المجننى انهم هزموا الزمالك وقالوا نحنا من احسن اندية العالم
طيب الناسور بعد ان هزمهم هم يكون الاول فى العالم ياربى

هاك البامبرز دا

مسعول من الخير ياود الفاروق

انت المريخ العاتى الذى قتل البعاتى..

بعد ما يغلب الصوف الجزائرى بخماسية نظيفة للعجب الحريفة

بجرة القرقريبة ..دى حركة الهدف الثانى للفريق القومى..

احد المعجبين بهذا اللاعب الفلتة سماها بذلك الاسم....

لكن بعد الصوف دا ...المريخ بلاقى منو....برضو

هنالك فريق من النوع الخفيف...حرير , خيط عنكبوت

قطن طويل تيلة...ادى المعلومة دى..عشان اعرفهم فرحهم بقيف وين..

Quote: عشان اعرفهم فرحهم بقيف وين..

ابو قوته الرشاشه

احنا فرحنا بيقيف عند الكاسات
وهوايتنا هى ان نحملها جوا
وروحنا الطالعه ونازله هى انو نتصور بيها فى القصر الجمهورى
هؤلاء هم نحن .. وهذا هو ديدننا

اها انتوا كيف يا الدايما واقفين فى القيف
يا الحدكم معروف
الناس دايما فرحانه بالكاسات وانتوا تزرفوا فى الدموع
ومعتمدين ليكم على تصنيفات لحقتكم امات طه

يا ابقوتة هو القال ليك منو المريخ حا يمشي من الجماعة ديل ..
مش ناس جمعية " الجداد واللحمة والاسمنت" كعبين لكن صدقني جماعتك ديل ما بيمشو منهم ..
المريخ امبارح ما شات ولا كورة في القون ولااااااااااااا هجمة خطيرة واحدة ولااااااااا باصين ورا بعض ولاااااااااااااااا لمسة فنية واحدة ..
وبعد ده يجو يعملو لينا وجع راس ..
الهلال المغلوب 3 صفر ده امبارح نقضوا ليهو قون قالوا تسلل وشات ليهو خمسة كوور في القون وعندو كم كورنر يعني بتحس انو الفريق لعب كورة على الاقل ..
لكن ناس قريعتي راحت ديل لعبوا كورة زي وشهم ومغلوبييييييييييييييييييين وبعد ده بينططوا..
العظمة تكمن في إنو الجماعة ديل فرحانين لي غلبنا اكتر من زعلهم لي هزيمتهم والظاهر انهم نسوا روحهم وزي ضمنوا الفوز على الجزائريين !!
لكن هيهاااااااااااااااات والمريخ طاير طاير إن شاء الله والتعادل محمدو محمدو ..
والهلال إن شاء الله التلاتة دي بيقدر يعوضا ..
بس انا المحيرني انت المريخ امبارح غالب ولا مغلوب؟؟؟

هاهاهاهاهاهاهاهاهاهاهااهاهاه


يا جماعة ما قلنا ليكم شيلوا الزول ده الضل

Quote: يا جماعة ما قلنا ليكم شيلوا الزول ده الضل

يا وليد ما تجننا ياااخ
قلنا ليك الزول دا الضل ما بينفعه
لانه الدخلت فيهو الا الجليل الرحيم يلطف بيهو
وان كنت داير تساعده .. ادعو ليهو بالله معاك فى دبر كل صلاه

يا عالم ياناس ياهوووووووو

اناشدكم بان تدعوا لاخوكم الفاروق بالثبات
ومن اراد منكم ان يرى شهيدا يمشى على قدميه
فانظروا الى اخوكم عمر الفاروق
شهيد التصنيف العالمى

يا ابو علوه

الزول ده مصر انو الهلال كان لاعب كويس

والله الليلة بقى بشبه لي كمال حامد بس



يا عمر الفاروق الهلال تيم ما ساهل
والان يمتلك مجموعة ما سالهة فنيا
لكنها غير مستعده نفسيا
اللاعب السوداني يا عمر اثبت انو هش نفسيا لدرجة بعيده

لعيبة الهلال افتكروا انو تصنيف الفيفا وذكرى مبارات الزمالك ستلعب نيابة عنهم
فركنوا واستنوا النصر الاتي لا محال
كيف ولا وهم الهلال رقم 174 عالميا ومجندل الزمالك

في تقديري انهم حا يعوضوا الحكايا دي في الخرطوم عشان الكف ده بكون فوقهم من الاحلام
ووراهم انو الكورة مجهود ما تصنيفات ولا مباريات تاريخ

ود المبارك :
أسة فييييييييييي ذمتك لو سكيت الكورة وواصلت مع المريخ ما كان احسن ليهم من بهاء الدين ملوص !!!!
الزول ده طواااااااااااالي في حالة ملصان والكورة تشيل وتغني :
ملصوني ليييييه ليييييه لييييييييه ملصوني ليه عايزني اعمل ايه انااااا...
انا ايه اناااااااااااااااااااااااااا..
وبرضو تقول لي الضل؟؟؟يا زول ابشرك انا اكتب الان من مكيف إسبليت يقول يا غربتي وبي الريموت بعد
لكن كعبين انتو الفي نص السخانة وبتهضربوا التقول غالبين ..
أسة عليك الله اخونا علي ده بيكتب كلام زول واعي؟؟؟
هضربة ساااااااااااااااااااااااااااااااااي..
اصلو بعيد عنك ابو علوة ده بيلعب تحت الستين يعني خريف العمر كده ..
يا ابو علوة الله يسترك من مرض ريغان قول امين

فووووووووووووووق

عشان الما شاف الفاروق وهو قاعد فى السهله يشوف
وعشان الما عاوز يشترى يتفرج فى البهدله والهضربه

ويا المريخاب

عليكم الله البيدخل كلو يقول فوق ويطلع

يا ابو علوة :
يا زول الزهايمر ده ما عايز يفكك
اسة البيهضرب منو انا ولا انتو ؟؟؟
انتو ناس مغلوبين وبتنططوا طيب لو كنتو فايزين ولا متعادلين2-2 كنتو سويتو شنو ؟؟؟
واريتو فريق الهنا فريق التاباني والياباني ..
فريق بيذكرني في الريف المصري لمن يقولوا ليهم اللحمة جات الليلة التلاتاء ..
معقولة فريق اسمو " جمعية " !!!!!
ده فريق ولا صرفة ؟

لا حول ولا قوة الا بالله
سرحت شويه لقيت البوست فى الصفحه التانيه
بس على مين ياعم

فووووووووووووووووووووووق

Quote: المريخ يسحق "جمعية" الشلف بالرباعية في عقر داره..

عمر الفارووووق
كفااارة
إنت عارف بقيت تهضرب
الأربعة دي محتاجين ليها جماعة زرقان ونضيفة كمان عشان إتأهلو
المريخ يكفيه فقط هدفين في الجمعية كما تقول

ياهو حالكم
نقضو لينا هدف .. الحكم تعبان .. الميدان كعب
تقول قاعدين تلعبو في الرد كاسل



كفاااااااااااارة مرة تانية