Post: #1
Title: أوقفوا إعلانات حافظ للسفر والسياحة والتحويلات المالية..إنهم عملاء!!
Author: عمر الفاروق
Date: 04-18-2007, 10:05 AM
من ما قمنا في المنبر ده ما حصل سألنا بكري من ناس حافظ ديل ..
شابكننا ليك سافروا معنا حول العالم وتزاكرنا مخفضة وخصوصاً في الصيف و و و و و..
حصل سألتوا روحكم حافظ ده منو ؟؟؟
ومش إحتمال تكون مؤسسة تابعة لي جهاز الأمن ؟؟
خصوصاً وإنو التزاكر المخفضة دي ما ممكن يعملا إلا زول مدعوم من الحكومة وتحديداً جهاز الأمن ..
موقع الزين عمارة وكما يقول صديقي الملا عمر يبدو إنو ما دفع الرسوم السنوية فشاتوهو من " البنر" حق الإعلانات ..
والعجيبة كان في دعاية كده بتاعت دوا بتعالج اي شي الرطوبة والعجز الجنسي والضغط والسكري وداء الفيل وانفلونزا الطيور والبروستات و العقم و البلهارسيا و الإسهال ..
الظاهر برضو ديل طلعوا تبع جهاز الأمن عشان كده برضو ما شايف دعايتهم اسة وين !!!
غايتو يا الشيوعية اصلكم ناس فقر وحا تعيشوا فقر وتموتوا فقر طيلة حياتكم ..
المشكلة صيعتوا بكري المسكين ده وورطتوهو ساي ..
الراجل ده بالنسبة ليهو ده مصدر للرزق اضافي ..
زمان عندي صاحبي عامل شيوعي كبيييييييييير وقاطعوا الحكومة وخليكم فقراء وعيشوا للشعب وانها المبادئ و و و و و و و
يوم لقيتو ليك سايق ليهو عربية واخر ترطيبة قلت ليهو يا هشام ده شنو يا زول ؟؟
قال لي يا زول الشيوعية ديك طلعت حالة فلس ساي لكن والله صدقني اي زول يرطب ما بيبقا شيوعي ده حركات منهم ساي..
عليه نتمنى من كل الشباب التضامن من اجل وقف دعاية حافظ لأنو تابع للأمن
|
Post: #2
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: عمر الفاروق
Date: 04-18-2007, 10:12 AM
Parent: #1
|
Post: #3
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: حسن الجيلى سعيد
Date: 04-18-2007, 10:37 AM
Parent: #1
عمر الفاروق أخوى,
انت إتضامن مع انو افصلو حافظ وانا أتضامن انو ازحلقو برامج الامم المتحدة انا شاكى فيهم انهم كيزان وأمنجية......
---------------------------------------------
شفت الفقر دا
|
Post: #4
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: محمد فرح
Date: 04-18-2007, 10:53 AM
Parent: #3
Quote: قال لي يا زول الشيوعية ديك طلعت حالة فلس ساي لكن والله صدقني اي زول يرطب ما بيبقا شيوعي ده حركات منهم ساي..
عليه نتمنى من كل الشباب التضامن من اجل وقف دعاية حافظ لأنو تابع للأمن |
والله ياعمر الفاروق من شفت عنوان بوستيك ده مصاريني إتقطعت بالضحك
المسكين بكري لاإيدو لاكراعو خسرو قروش الإعلان ....
أنا غايتو الياسمين دي شاكي فيها تكون حقة الكيزان لأنهم مسيطرين على شركات المقاولات الفي البلد كلها لذا أنادي بإبادتها نهائياً
ولك من الود مايكفيك مؤونة عام ونيف
|
Post: #7
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: Tabaldina
Date: 04-18-2007, 11:57 AM
Parent: #4
..
.
والله يا فرح
عندى مداخلة هنا اطلتشت ..
بخصوص مجمع الياسمين
عايزين قائمة بكل ما استثمر اةو امتلك
موقعا فى الياسمين لانه تلقائيا صار فى زمرة الامنجية..
خصوصا بان عدد من الشير هولدر للياسمين انقاذيون ..
__________________________
لك الله يا بكرى بكره كل اعلاناتك حتضطر تلقيها
يفضل ليك الا اعلانUNDP
|
Post: #5
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: أبو الحسين
Date: 04-18-2007, 10:54 AM
Parent: #1
Quote: عليه نتمنى من كل الشباب التضامن من اجل وقف دعاية حافظ لأنو تابع للأمن [/quote]
الله يجازي محنك... يا عمر يا اخوي...
|
Post: #6
Title: Re: Q أوقفوا إعلانات حافظ للسفر والسياحة والتحويلات المالية..إنهم عملاء!!
Author: صديق الموج
Date: 04-18-2007, 11:07 AM
Parent: #1
عمر تهكم كما تشاء لكن ناس حافظ ديل كان رفعوا عليك قضية بعنوانك الخاتيه فوق دا بسقطوا
حجرك وانا عشان اساعدهم بعمل ليه كوبى اند بست كمان.....
بعدين يا عمر الزول قدر ما يحاول ينفى عنك صفة انك كوز.تقوم براك كلما تلقى ليك
فرقة تحاول اثباتها..وكانك تريد ارسال اشارة للجماعة انك معاهم ولازلت بالخندق
لكنك غاشى الوهم الموجودين هنا..المهم الله يهنيك وهادى كوبى اند بس
| Quote: أوقفوا إعلانات حافظ للسفر والسياحة والتحويلات المالية..إنهم عملاء!! |
|
Post: #8
Title: Re: Q أوقفوا إعلانات حافظ للسفر والسياحة والتحويلات المالية..إنهم عملاء!!
Author: معتز القريش
Date: 04-18-2007, 12:04 PM
Parent: #6
ودا برضو أنا شاكي فيهو
|
Post: #10
Title: Re: Q أوقفوا إعلانات حافظ للسفر والسياحة والتحويلات المالية..إنهم عملاء!!
Author: Tabaldina
Date: 04-18-2007, 01:15 PM
Parent: #8
..
.
لازم تشك يا قريش
اعمل حسابك الطرد دا فيهو قنبلة
داسيها ارهابي اسلامى فلسطينى شايقي وطنى
عندو دقن اسمو محمد احمد ..
_________________________
عالم فاهمه بشكل
|
Post: #12
Title: Re: Q أوقفوا إعلانات حافظ للسفر والسياحة والتحويلات المالية..إنهم عملاء!!
Author: Hisham Amin
Date: 04-18-2007, 01:56 PM
Parent: #6
Quote: عمر تهكم كما تشاء لكن ناس حافظ ديل كان رفعوا عليك قضية بعنوانك الخاتيه فوق دا بسقطوا
حجرك وانا عشان اساعدهم بعمل ليه كوبى اند بست كمان.....[/QUOTE]
غريبة يا صديق الموج
ما هو الفرق بين ما تنهى عنة كاتب البوست وبينك وان سلمنا بان لكاتب البوست الحق فى
تسجيل رائية من يعطيك الحق فى عمل كوبى اند بيست كما تفضلت وهل سيكون هناك ثمن لها
غريب امركم بنى جنسى
هشسام امين
|
Post: #9
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: ابو تميم
Date: 04-18-2007, 12:27 PM
Parent: #1
انا شاكي في القروش دي حتمشي وين
وبعدين انا لو مكان سيد الحوش م/ بكري كنت حا اطالب المحتجين على الاعلان بتعويض مادي مقابل حذف الاعلان والاحراج والخسائر المترتبة
|
Post: #11
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: Hussein Mallasi
Date: 04-18-2007, 01:29 PM
Parent: #9
بوستين تاني من النوع دا يا عمر و خلي اجعص مناضل كان يقدر يلحقك!
|
Post: #13
Title: Re: أوقفوا إعلانات حافظ للسفر والسياحة والتحويلات المالية..إنهم عملاء!!
Author: عمر الفاروق
Date: 04-18-2007, 05:17 PM
Parent: #1
يا جماعة عن إذنكم صديق الموج ده لحظة ..
يا ود الموج خلينا نعمل زيكم كده ونسألكم سؤال ؟
ما هو دليلكم القاطع على إنو Smc تابع للأمن ؟؟
وهل من حق محمد حامد جمعة يرفع عليكم قضية إشانة سمعة ؟
مش الأمن ده نبزة ولا انا غلطان ؟
تبقا واحدة بي واحدة إنتو كلموا ناس حافظ ديل وانا بكلم ناس الSmc..
بالمناسبة انا كانت إتزنقت بقول ليهم قاصد حافظ إبراهيم أو حافظ عبد الرحمن لكن إنتو إلا تطيروا ..
اللهم إلا اذا قلتوا ليهم الsmc دي إختصار لي صالحية مقابر العود كورة
|
|
|
|