Post: #1
Title: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-16-2005, 11:48 PM
 الحبيب بكرى ياخى دى لو كانت مكتوبه كما كانت فى البدايه (ماسنجر)بيكون ارحم واجمل مع خوالص مودتى
|
Post: #2
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-17-2005, 04:11 PM
Parent: #1
ياخى كل ما ادخل تظهر لى كده واقول دى رسالة
اقوم ادخل يدى فى الصندوق احصلو فاضى........
حتى كمان خربت الرصة عامله كده ذى صفارة الحكم
ولا كان قلبتها لى فوق تصبح مثل طاقية مجندى الخدمة
طيب انتو بتكرهو الخدمة عشان كده اقلع العلبة دى
عشان ما تتزكروها....
|
Post: #3
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-17-2005, 04:18 PM
Parent: #2
   بالله عليك كدى شوفها
مافى اى تنسيق اقلع الداهية دى وكان عاجبك خليها تظهر حينما تكون هنالك رسالة فى الوارد
|
Post: #4
Title: Re: لعناية العزيز بكر ابوبكر...الصندوق ده كل ما ادخل بصدمو
Author: هشام هباني
Date: 12-17-2005, 04:37 PM
Parent: #3
وليـــد الكجــر
ات يا زول كل همك صندوق بكري الصغير ده المضايقك في الدنيا دي.... وتجارة ( الهرار) الشغالة فيها الدولة الرساليةالبتدافع وبتستميت في الدفاع عنها ما هاماك ولا تكون كمان ال قسم السيد للتصدير شغالة في الحكاية ونحن ما عارفين؟؟؟ ولله في خلقه شئون
|
Post: #5
Title: Re: لعناية العزيز بكر ابوبكر...الصندوق ده كل ما ادخل بصدمو
Author: bob
Date: 12-17-2005, 04:52 PM
Parent: #4
غايتو يا هبانى قطعته مصارينى بالضحك....يعنى دخلتك فى بوست ولــى ده بالا احم ولا دستور
|
Post: #6
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-17-2005, 05:23 PM
Parent: #4
Quote: وليـــد الكجــر
ات يا زول كل همك صندوق بكري الصغير ده المضايقك في الدنيا دي.... وتجارة ( الهرار) الشغالة فيها الدولة الرساليةالبتدافع وبتستميت في الدفاع عنها ما هاماك ولا تكون كمان ال قسم السيد للتصدير شغالة في الحكاية ونحن ما عارفين؟؟؟ ولله في خلقه شئون |
قابلتنى كلمة الكجر فى عم عبد الرحيم(عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر)اظن المعنى دورية العسكر والمعنى الاخر كجر جايه من الكجور والكجور رقصة قادمة من غرب افريقيا والكجور برضو نوع من السحر....وانا لا عسكرى ولا راقص كجور ولا بتاع سحر.......صندوق بكرى الصغير ما مضايقنى انما عاوزين البيت
يكون مرتب ما حاجه فى الشاقير وحاجه فى الباقير ....شايفك تعبان ومهتم شديد
بامر ال قسم السيد قد تستوعبك فى يوم من الايام عشان كده ما تشيله فى خشمك كتير وخشمك مخصص لى اشياء بعينهامن ضمنها ذلك الهرار المستورد
|
Post: #7
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-17-2005, 05:46 PM
Parent: #6
 تشكر ياغالى
|
Post: #8
Title: Re: لعناية العزيز بكر ابوبكر...الصندوق ده كل ما ادخل بصدمو
Author: هشام هباني
Date: 12-17-2005, 05:56 PM
Parent: #7
مكان العمل: ما بين كوناكرى..وال قسم السيد
ـــــــــــــــــــــــــــــــــــــــــــ
وليد الكجر
شايفك زي ما قلت متجدع وود راحات لافي الدنيا كلها كدي النسعلك سعال ... انت دحين شكتك دي شركة ال قسم السيد للتصدير والاستيراد دي شغالة شنو في كوناكري (غينيا) في سقط لقط.....كدي ورونا يا تو بزنس شغالين فيهو ممكن نساعد كمان وطالما بزنس اذن ما في اسرار بس ما اكون ( هرار) كمان افريقي ولله في خلقه شئون؟؟
|
Post: #9
Title: Re: لعناية العزيز بكر ابوبكر...الصندوق ده كل ما ادخل بصدمو
Author: أبكر آدم إسماعيل
Date: 12-17-2005, 06:20 PM
Parent: #6
أخونا وليد 500
تحياتي الطيبات
آولا آشكرك للتنبيه للمعاناة التي سببتها لنا العلامة إياها، وشايف بكري قام غيرها. تشكر علي التنبيه
------
Quote:
عم عبد الرحيم(عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زي حجر. اظن المعني دورية العسكر والمعني الأخر كجر جايه من الكجور والكجور رقصة قادمة من غرب أفريقيا والكجور برضو نوع من السحر.
|
يا صديقي من أجل المفاكرة، الكجور ما رقصة ولا سحر. الكجور دة شخصية دينية؛ هو (رجل/امرأة) دين، طبعا نحن في جبال النوبة ما عندنا القصة بتاعة (رجل) الدين، لإنو المسائل الدينية هناك ما بتحكمها البطرياركية، يعني خلال سنوات حياتي منذ موت جدنا أبورفّاس (الكجور بتاع جبل الصُبًي) خلفته الكجور(ة) وهي واحدة من حبوباتنا تقيم في القضارف، وتعود إلى البلد كل عام في الفترة الممتدة بين منتصف شهر حداشر والأسبوع الأول من شهر إطناشر، وهي الشخص الوحيد البحدد مواعيد "السبر"، بقصد السبر بتاعنا الإسمه سبر الصبي، اللي هو عيد الحصاد، أو في ناس بسموه سبر الحصاد، البيتعمل كل سنة في نهاية فترة الحصاد - يعني أخر شهر حداشر أو قبل نهاية شهر إطناشر. يا زول دة فيهو كلام كتير خلاص. لكن المهم هنا إنو الكجور، والكجر دي كلمات بتحمل معني مختلف تماما عن ما يتم استعماله بواسطة أخوانا "الشماليين" بما فيهم الزول الجميل الإسمه محمد الحسن سالم حميد، وبما فيهم عون الشريف قاسم بتاع "قاموس اللهجة العامية في السودان"، الكجور (الـshaman) دة مش مجرد كاهن، أو شيخ طريقة وبس، وإنما كائن ذو صفة دينية أعلى، وهو أقرب إلى ما يسميه الخواجات بالـ Deity والكجور دة عندنا هناك - حسب ثقافاتنا - ما بحمل أي معني سلبي زي ما أخوانا ناس "الشمال" بحملوا الكلمة، وإنما العكس تماما، يعني هو البعالج العيان، وهو البمنح البركة للزرع، وهو البجيب المطرة لما تحصل "الصبنة" - يعني المطر لما ينقطع فترة أطول مما هو عادي. كلمة الكجور دي بتعني حاجة زي الحاجة البتعنيها كلمة "الله" بالنسبة للمسلم، أو في أقل الأحول، ممكن تعادل المعني البتعنيهو كلمة "المهدي" بالنسبة للأنصاري.
شفت المسألة طويلة وعريضة وغريقة كيف!؟
أبكر آدم إسماعيل
|
Post: #10
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-17-2005, 08:15 PM
Parent: #9
الاستاذ ابكر ادم اسماعيل
لك خوالص التحايا واصدق التقدير
الكجور على حسب ثقافتنا نوع من السحر بتعمل فى الخير والشر
كنت بلعب فى فريق الحرية وكان هنالك فكى كارب بنكجر عندو
اسمو شيخ على وكان الفوز دائما حليفنا ما عارف بفوزنا الراجل
ولا نحن اصلا كنا لعيبه...قد تختلف التسميات من مكان لى اخر
بس فى كل الحالات بعيده عن وصف الاستاذ حميد ونوع من السحر عندنا
هى الاقرب....صدق استفدت كثيرا من مداخلتك بس هنالك ما اربكنى
فى نهاية المداخلة....Quote: كلمة الكجور دي بتعني حاجة زي الحاجة البتعنيها كلمة "الله" بالنسبة للمسلم، أو في أقل الأحول، ممكن تعادل المعني البتعنيهو كلمة "المهدي" بالنسبة للأنصاري.
شفت المسألة طويلة وعريضة وغريقة كيف!؟ |
واظنك فهمت الشى الذى جعلنى
ارتبك
تخريمة
بحثت عن اولاد قرف كثيرا وارسلت ليك رسالة
بخصوص الامر ولم يصلنى رد بكون سعيد لو وصلنى رد
|
Post: #11
Title: Re: لعناية العزيز بكر ابوبكر...الصندوق ده كل ما ادخل بصدمو
Author: أبكر آدم إسماعيل
Date: 12-17-2005, 09:29 PM
Parent: #10
الأخ وليد 500
نعم يا أخي إن الكلمات أو المصطلحات تآخذ دلالات مختلفة وآحيانا متعاكسة في الحقول الثقافية المختلفة. وهذا من المسلمات بالنسبة لي.
أنا حاولت أبرز المعنى التاني، وحاولت أوضح حاجة بفتكر إنها مهمة، وهي، ومن ملاحظاتي إنو كلمة "كجور" و"كجر" دي عندها معني مربوط أحكام قيمة سلبية في حقل معين، وعندها دلالة أخري معاكسة في حقل ثقافي آخر. والكلام دة كله في السودان.
ودة مربوط بحوجة الناس للتفاهم - خاصة ونحن في حلبة الصراع الإنت شايفه دة.
ثم نعم يا أخي، أنا ذاتي كنت برتبك لما أعرف حاجة زي الحاجة الأربكتك، اللي هي الموازاة بين "الله" و"الكجور"، لكن الحقيقيه هي إنو كلمة كجور دي، في حقلها الثقافي الأنا اتكلمت عنه، واللي هي واحدة من مقدساتو، بالنسبة للناس البؤمنوا بيها - بتعني حاجة زي الحاجة البتعنيها كلمة "الله" بالنسبة للمسلم، ودة لسبب بسيط هو إنو المقدس، أي مقدس، بيستمد قداسته، وبالتالي قيمته، من إيمان المؤمنين به، ما من أي حاجة تانية. لاحظ المثل بتاع المطرة الضربناه فوق داك وعلاقته بصلاة الإستسقاء، عند المسلمين.
وأظنك تعرف الفرق بين المعرفة وإصدار الأحكام.
------
أما بخصوص أولاد قرف، فمعليش يازول، فلو قلت ليك رسالتك دي ما وصلتني، أو بالأحري ما قريتها، بكون كلامي دة كله شبهات.
المهم يا زول أولاد قرف اختفوا من النت لأسباب أنا شخصيا ما عارفها - لأني ما بفهم في النت كتير
لكن في مساعي لعمل طبعة تانية، في القريب العاجل
أبكر آدم إسماعيل
|
Post: #12
Title: Re: لعناية العزيز بكر ابوبكر...الصندوق ده كل ما ادخل بصدمو
Author: ABDELMAGID ABDELMAGID
Date: 12-18-2005, 01:46 AM
Parent: #4
ود هبانى يا خوى
كع ... كع ... كع ... كااااااااااع !!!
يخسييي !!! ريحة الخره و الفسا كتلتنا !!!!
عبدالماجد
من تالا GUANTANAMO
|
Post: #13
Title: Re: لعناية العزيز بكر ابوبكر...الصندوق ده كل ما ادخل بصدمو
Author: waleed500
Date: 12-18-2005, 02:14 PM
Parent: #12
لك التحية استاذ ابكر ادم اسماعيل
ونحن فى انتظار الطبعة الثانية
|
Post: #14
Title: Re: لعناية العزيز بكر ابوبكر...الصندوق ده كل ما ادخل بصدمو
Author: ادريس خليفة علم الهدي
Date: 12-18-2005, 04:37 PM
Parent: #13
لابد من لااهاااااااااااي وان طال السفر ...
وان كان ولابد فالخرتوم وان طال السفر... ولو بعد حين
|
|