Post: #1
Title: على النجيلة ،،جـلسنا
Author: Tabaldina
Date: 03-17-2002, 10:53 PM
..
.
يا ود شداد
والله الشمار لسه على البوتجاز
النايم ليها شنو؟؟
وهنا الدنيا انقلبت ..فزنا يا شدو يا ود شداد
بعد نجاح برنامجك الانتخابي ، وملصقاتى الركبتها فى الشوارع
ما قلت ليك الميزانية والصرف والدعوات بتنجح
الانتخابات انحنا جربناها وسافرنا ليها وجبنا البنزين بالبراميل
ودفعنا اندر تيبل ..
اهاااا بقيت لينا الثقافي رغم فى خطا فى التوضيح لكن ثقافى ثقافى مافى غيرها ولا بنعمل انقلاب وبنحرك المدرعات و( البمبانات)
وما قلت ليك الجكس بنجحك فى الدعاية
الحالة ام الاولاد غايبة وبت الهنا الما سكة العصاية من النص لا عرفت تصوت ليك ولا لبكرى الحبيب
..
بالمناسبة دى اول انتخابات سودانية ديمقراطية وتفوز بالرئاسة امراة
ولا ما كدا ؟؟
اسمع جهز الحفلة وخلينا نبتهج
ونفتو هنا دا فى الفسحة دى
..
.
يا بكرى بالله ورينا الانتخابات الجاية متين والدورة كم شهر
ما تاكلنا حنك حتى مع انو زولنا فاز ورينا الدستور والائحة عشان نجهز من حسع بالمناسبة منصبنا دا ثابت بعد دا ويمكن لي انا وود شداد دا بعد كدا طمعان يبقى رئيس وزراء عديييل
|
Post: #2
Title: فى الخميلة جلوسنا ،، اسعدنا بيها نفوسنا
Author: Tabaldina
Date: 03-17-2002, 11:57 PM
Parent: #1
..
.
والله كنت ماشى انوووم
بس الماسنجر دا بجيب لينا الهوى وليس الهواء
..
.
اهااا.. نبداء احد ما بكره ينزلوها لينا على الهواء وليس الهوى
والحمدلله كنت بستمع ليها وانا بفكر فى البوست دا
على النجيلة ،، جلسنا
طربنا وإتآنسنا
عن الهوى إتحادثنا
قضينا ليلة لذيذة
نراها برهة وجيزة
قضيتا ليلة جميلة
نراها برهة وجيزة
قلوبنا فيها طموحة
نفوسنا فيها عزيزة
حبيبنا كان فى السهرة
وديع لطيف كالزهرة
لما الكواكب غابت
الاجتماع انفضه
على النجيلة جلسنا
طربنا وإتآنسنا
عن الهوى اتحادثنا
فنانا .. اروع فنه
حكى اشياء عنه
خلى الزهور فى الروضة
حيرانه غارت منو
فى الخميلة حلسنا
أسعدنا بيها نفوسنا
من المدام العنبي
شربنا صافى كوؤسنا
..
.
كلام والله
..
اخر الحفلة
مايسة قوامها بانه
ماسكة الناس لبانه
سحرنا جمال عيونا
ورمش العين سبانا
مايسة قوامها وزة
لقلوبنا اتستفز
النور المطلسم
مال على بعضه هّز
يا قلبي السرارى
فيك كاتم اسراري
حبيبتك ابعدوها
سكنوها البراري
جب،،جب،،جب ،،جببببب
..
أصحى يا بررريش
|
Post: #3
Title: Re: فى الخميلة جلوسنا ،، اسعدنا بيها نفوسنا
Author: raheel
Date: 03-18-2002, 08:24 AM
Parent: #2
والله يا تبلدينا هى جنس جبجبة ودشداد اعمل لينا الحفلات
وفضولى امولها لينا ما المالية عندو
اها جب جب جب
هى نسيت مبروك فضولى وشدو
وزى ما قال تبلدينا
نحنا بينا الامنيات
والعذابات فى الحياة
احى منكم
|
Post: #4
Title: يا رحيل هم الناس ديل ووين
Author: Tabaldina
Date: 03-18-2002, 02:40 PM
Parent: #1
..
.
يا شدو
وينكم
انحنا لسه منتظرين ياخى على الاقل تعال قول
الله يبارك فيكم واتجهزوا للبهجة والطرب
الظاهر البنيات شغلاتنك
بخصوص البتاعة عشان البتاع البتاع بتاعى الكبير قال لازم يسافر معة للبتاع بتاعكم الرهيب داك والمده البتاعية حتكون ايام معدودة بتاعيه يمكن اشوف البتاعات المعاك هناك ويمكن ما اقدر اشرب معاكم الشاى فى البتاعة بتاعه ود الدامر
..
.
فاهم حاجة
جب جرب زنقنى
|
Post: #5
Title: Re: يا رحيل هم الناس ديل ووين
Author: banadieha
Date: 03-18-2002, 02:55 PM
Parent: #4
وقعت لي في جرح يالتبلدي المريح
وكمان معاك رحيل
عيني عليكم باردة
ودشداد دا حيرني حيرة شنو في شنو؟
رسلت ليهو إيميل عشان أضيفوا في المسنجر
ووصلني إيميل منو عشان يضيفني في المسنجر
وصلني رد بالموافقة على الإضافة
ورسلت رد بالموافقة برضو على الإضافة
ولما كنت محدد ساعة أو ساعتين بالكثير عشان المسنجر، ودشداد (اسمه الأول) دائما بلاقيهو مولع لي أحمر..المهم مرة لميت فيهو مخضر ومورق..وهاك ياكوراك..ود شداد ياود شداد..المهم الراجل جر واطي وقال لي أهلا..ود شداد منو؟ قلت ليهو إنت..قال لي لا أنا ما ود شداد..قلت ليهو ما معقول إنت ما فلان ودفلان ودفلان الفي الأمارات..قال لي لا أنا فلان ودفلان..وشال فلان الفي النص..وفي السعودية ما في الأمارات..وطيب كيف ياخي تلبت في المسنجر بتاعي..قال لي إنت طلبت أن تضيفني في المسنجر وأنا وافقت..الرجل قال إنو مهندس كهربائي - توليد، وود شداد مهندس برضو..الله..الرجل قال عندو 4 اطفال..ودي ما بعرفها عن ود شداد..أنا كنت بكتب بالأنجليزي والراجل كان برد بالعربي..وود شداد سيد الأنجليزي
الدخلك شنو ياتبلدينا؟ بس لو مر ود شداد خلي بالله يورينا الحاصل شنو
|
Post: #6
Title: Re: يا رحيل هم الناس ديل ووين
Author: raheel
Date: 03-19-2002, 07:56 PM
Parent: #5
الرسول تفهمونى الحاصل شنو يا بناديها وتبلدينا اصلى ما فاهمة حاجة بس عايزة جبجبة بس وغناء ورقيص
والجرى للمطاميص
بناديها بتعرف المطاميس
|
Post: #7
Title: Re: يا رحيل هم الناس ديل ووين
Author: raheel
Date: 03-19-2002, 07:56 PM
Parent: #5
الرسول تفهمونى الحاصل شنو يا بناديها وتبلدينا اصلى ما فاهمة حاجة بس عايزة جبجبة بس وغناء ورقيص
والجرى للمطاميص
بناديها بتعرف المطاميس
|
Post: #8
Title: Re: يا رحيل هم الناس ديل ووين
Author: Tabaldina
Date: 03-19-2002, 08:50 PM
Parent: #4
والله يا رحبل
انا وبناديها زاتنا ما فاهمين حاجة
ود شداد دا فى الفيلد ولا البنيات جننوا
زمان قات ليه اخكب لبتك ما تخطب لولدك
ولازم ينسق مع ناس بناديها ديل الزمن دا بقى العرس صعب
وصعب صعب ياعلى
دا الحب صعب ياعلى
..
فاهمة حاجة
والله يا بناديها الزول دا ما براه كدى دق ليه تانى فى الجوال
انا انصلت بقول لى لا يمكن الاتصال به
يعنى قافلوا عديل كدا
بعدين انت تخش شمال والله الماسنجر دا يوم يجى ناطى ليس بيه تشنرنوبل تفسه
كلمتك لو خطبوك ما تتخفف وتتقدم يا جماعة اضيفونى وانا ..
وجب ..جب ..
فاهم حاجة
بشوف لي اغاتى جبجبه بعد ما الود البنغالى البقى بجى اخر الليل يكوى الجلابية السمنية مكوية
سمعت الخبر يا بناديها
ما اتسرقت .. والله جتء الحرامى يوم الخميس
كسر الشقة الساعة 12 بالنهار وانا فىى الدوام وشال الديجتال والتلفزيون واسطوانة الغاز .. ووب على شال شهاداتى الجامعية كلها
الله لا يبارك فية
التفاصيل فى الحلقة القادمة
|
|