Post: #1
Title: قالو اسعار العقارات فى اريزونا dirt cheap
Author: النصرى أمين
Date: 10-05-2010, 04:38 AM
قبل فترة واحد صاحبى قال لى ان بعض اصحابه اللبنانين اخبروه
انهم فى طريقهم الى فلوريدا لشراء بيوت بغرض الاستثمار...
واضافو ان سعر البيوت تصل الى 30 الف دولار ......
ال 30 الف دولار دى بالكتير تعمل ليك سور لقطعة الارض عندنا هنا فى كندا ....
متوسط سعر البيوت هنا فى كالقرى 350 الف دولار ...
قبل قليل سمعت فى اخبار الرادى ان اسعار العقارات فى ولاية اريزونا
الامريكية فى هبوط شديد وحاد وانها اكثر الولايات تاثرا بالركود الاقتصادى ..
يا منصور يا مفتاح بدل تتبع روحك وتشترى قطعة فى قرية القرينباب بالقرب
من مشروع النخيل السكني تعال اشترى فى اريزونا
وفى الشتاء ناجرا منك و نمشى نستمتع بالشمس ونهرب من الثلوج ...
راجع الوصلة ادناه
http://www.660news.com/news/local/article/110463--canad...-buyers-love-arizona
|
Post: #2
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 04:44 AM
Parent: #1
وللناس الكسلانين يضغطو على الوصلة
|
Post: #3
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 04:54 AM
Parent: #2
حسى انا لو عندى 30 الف
اشترى فى القنيباب
ولا فى في شاندلر
|
Post: #5
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 04:57 AM
Parent: #4
بعدين وين مواعيدك؟
قلت الاربعاء...
اها دى اربحتين فاتو
|
Post: #6
Title: Re: قالو اسعار العقارات فى اريزونا dirt cheap
Author: عادل نجيلة
Date: 10-05-2010, 05:26 AM
Parent: #5
عزيزي الفاضل النصري
فعلآ أسعار العقارات في أريزونا في هبوط مستمر وتبلغ عدد العقارات التي
ستسلم للبنوك foreclosure حوالي أل 65 ألف عقار في غضون الشهرين القادمين!
وبالمناسبة أكبر مستثمرين لشراءالعقارات في أريزونا هم الكنديين و الأنجليز و الصينين ثم اليابانيين.. أريزونا تأثرت فعلآ بالركود الإقتصادي ولقد تم خروج وإغلاق عدد لا يستهان به من البزنس .. ولدي صور أسعرضها هنا لكم معتبر من المحلات التجارية التي أغلقت و بصورة مبالغ فيها يعني تجد plaza كاملة مغلقة
بسور شبكي أو تجد كلمة for leasing or closed في معظم المناطق التجارية..
كما سأحمل كمرتي لأريك فقط في المنطقة التي أعيش فيها زهاء أل 15 عاما كم البيوت التي هي for sale or for rent .. وحقيقة منذ أن أخذ منا أوباما حاكمتنا الديموقراطية المحبوبة جانيت نابليتانو لتصبح وزيرة الأمن الداخلى
و أمورنا في أيزونا تدهورت ..وتوقفت خطتها التنموية والتي كانت تهدف إلى فتح مزيد من البزنس مثل إنشاء خط الأنابيب مباشرة بين أريزونا والمكسيك وإقامة مصافي ضخمة في مدينة توسان لتصبح أريزونا مصدرة للنفط للولايات الأخرى .. كما كانت تسعي ألىإنشاءمزيد من صناعات ال semi conductors
والإلكتونيات و السيارات والتي تم إفتتاح عدد مها بالفعل .. كما منحت أرضا كبيرة في منطقة شاندلر لشركتي قوقول و ياهو .. وكانت خطتها تهدف ألى فتح 400 ألف وظيفة في غضون ألأربع سنوات القادمة .. ولكن عاد الجمهوريون للسيطرة على الوضع بطريقتهم السمجة ويجيزوا عدد من القوانين التعسفيةو منضمنها قانون الهجرة الذي جلب لهم العداءات و أخلى الولاية من الإيدي العاملة حتىأصبحت مدينة أو ولايةأشباح !
|
Post: #7
Title: Re: قالو اسعار العقارات فى اريزونا dirt cheap
Author: munswor almophtah
Date: 10-05-2010, 05:45 AM
Parent: #6
ياخ مواعيدنا ما الأربعاء القدامنا إن شاء الله وبعدين الامريكان ديل بدينو
أم كاش ياخ أريزونا دى دايرالها ألبل ياخ دى بلد إلا تأتيها عابرا أو ثريا
يقضى فيها الشتاء وصيفها يسلق المح سنه يا المح
منصور
|
Post: #8
Title: Re: قالو اسعار العقارات فى اريزونا dirt cheap
Author: محمد عبد الماجد الصايم
Date: 10-05-2010, 06:50 AM
Parent: #7
كلام كويس جدا .. هسي لو الواحد اشترا ليهو
بيت في أريزونا بدونا اللوتري؟
|
Post: #9
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 07:24 PM
Parent: #8
سلام عادل
عند وصولى لمدينة كالقرى فى ولاية البرتا قبل اربع سنين ونصف كانت
نسبة العقارات الخالية اقل من 1% ,اليوم تصل الى 20% وتعتبر اعلى نسبة
بين كل المدن الكندية الكبيرة ... مع ملاحظة ان اكبر مبنى تجارى غرب تورنتو
(58 طابق) سيتم افتتاحه فى الشهور القادمة وسيرفع النسبة الى 20 او 25
الان اعلانات البيوت والمحال التجارية للايجار فى كل مكان وبعضهم يقدم
مكافاءت وحوافز لتشجيع الناس ....
فى تقرير صادر من احدى الشركات التابعة ل royal bank ان اغلى مدينة كندية
فى اسعار البيوت هى فانكوفر (على الساحل الغربى) وان الفرد هناك يحتاج ان
يدفع 62% (اثنين وستين فى المائة) من راتبه السنوى تجاه دفوعات البيت الشهرية ....
اتخيل معاى .....62% من دخلك يكون ماشى ل mortgage شئ لا يصدقه العقل..
فى البرتا النسبة حوالى 38% وهى معقولة لحد ما ....
ارخص الولايات فى الساحل الشرقى (نيوفاوندلاند ونوفاسكوشيا) حوالى 32%
مش حاجة غريبة انو البيوت فى الخرطوم تصل ل 750 الف دولار بينما نفس
هذا المبلغ يساوى قيمة 10 بيوت فى مدن مثل ميامى وفينكس !!
منتظرين الصور ....
|
Post: #10
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 07:33 PM
Parent: #9
يا منصور
ياخى اخونا الصادق اهدانى كيبورد عربى اشتراه من قاهرة المعز اثناء زيارته
الاخيره لها..
تعال شيلو وادفع الفيهو النصيب ....
والله فترنا من حروفك المشعكبة دى ......
اطبع لينا الكلام طباعة حتى نفهمه....
كفايةالنقير فى كيبورد بكرى المعلق فوق ده؟
|
Post: #11
Title: Re: قالو اسعار العقارات فى اريزونا dirt cheap
Author: النصرى أمين
Date: 10-05-2010, 07:40 PM
Parent: #10
سلام ود الصائم
انسى امريكا..
ال 30 الف بتاعتك دى تم عليها 370 الف حتى تصبح 400 الف دولار
وتعال لينا مستثمر .....
Quote: Business immigrants are expected to make a C$400,000
investment or to own and manage businesses in Canada |
الجملة دى من موقع الوزارة الكندية....
بس التقديم واقف الايام دى ....
|
Post: #12
Title: Re: قالو اسعار العقارات فى اريزونا dirt cheap
Author: النصرى أمين
Date: 10-07-2010, 00:28 AM
Parent: #11
صورك وين يا عادل نجيلة؟
|
Post: #13
Title: Re: قالو اسعار العقارات فى اريزونا dirt cheap
Author: عادل نجيلة
Date: 10-07-2010, 03:43 AM
Parent: #12
العزيز النصري ..
أولآ أعتذر عن عدم إنزال الصور حتى الآن نسبة لإنشغالي الشديد حتى عن وجود وقت لدخول الإنترنت .. وإيضا وفاة شخصين عزيزين لدي هما إبن العمة الرحل المقيم ميرغني النصري وإيضآ صديقي العزيز د حمودة فتح الرحمن .. فأرجو قبول عذري .. ولكن أوعدك في عطلة نهاية الأسبوع سأبدأ بإنزال الصور ..
أما الحديث عن أريزونا سيطول حيث أصبحت أريزونا تحتل المركز الأول على مستوى أمريكا في:
-unemployment records
ـ declining economy
ـ number of foreclosures
ـ Number of abandon people
ـ Number of the crime
أصبحت الهجرات المعاكسة تزداد يومآبعد يوم .. وأصبحت برامج إعادة التوطين في الولايةتواجه مشكلة حقيقية خاصة للمهاجرين العراقيين و الأفغان
ونجد أحسن حالآ منهم مهاجري هاييتي من الشباب .. وكتبت بطريقة مفصلة في مقال سينشر لي في Muslim voice و Pakistan times الأريزونيتين وإيضآ سأنشره في منبر سودانيز أونلاين باللغة الإنجليزية والمقال بعنوان
Difficult Time for Diaspora people in Arizona
.. بالنسبة لفانكوفر الكندية فلقد نفعتها هجرة مستثمري هونج كونج الصينية قبلأن تعود ألى الصين .. فأزدهرت بها الصناعات والتجارة العالمية
على العموم كندا كأرض مازالت بكرة جدآ .. فمساحة بمقدار ثلاثةملايين ميل مربع ويسكنهافقط 30 مليون نسمة..!! come on.. دي نسبة خيالية .. فكندا تستطيع أن توستوعب بليون ببساطة..
|
Post: #14
Title: Re: قالو اسعار العقارات فى اريزونا dirt cheap
Author: مريم بنت الحسين
Date: 10-07-2010, 06:28 AM
Parent: #13
النصري تحية
والله قبل يومين كنت بفكّر في الموضوع ده، الداير يشتري ليه بيت منو في السودان مع البلاوي الحاصلة دي... لا وبعد ده، غالية نار... واحتمال تتأكل بعد تشتري وتلقى في خمسة مشتريين نفس البيت!
|
Post: #15
Title: Re: قالو اسعار العقارات فى اريزونا dirt cheap
Author: النصرى أمين
Date: 10-07-2010, 04:57 PM
Parent: #14
سلام عادل
البركة فيكم فى الاستاذ ميرغنى النصرى..كثير ما يسالنى
الناس ..هل لك قرابة به؟
اسرة ميرغنى النصرى واحدة من اشهرالاسرة التى تحمل اسم "النصرى" فى منطقة امدرمان القديمة.
تضم القائمة ايضا اسرة الاستاذ السفير السابق النصرى حمزة والد الصديق احمد واسرة والخليفة على
النصرى فى (حى الهجرة) جد زميل الدراسة النصرى احمد على(الحلوف) وايضا هناك طراوة النصرى
جد عضو المنبر د احمد بالاضافة لاسرتنا المعروفة ايضا باسم الكراكسة...
نعود لموضوعنا
ارجو ان لا تغفل الجانب النفسى والمعنوى فى مقالتك القادمة....
الضغوط النفسية والمعنوية التى يواجهها السودانيين فى امريكا الشمالية
هى وراء تقدمهم واذدهارهم...
من استطاع التغلب على هذه الضغوط ومعائشتها اذدات فرصته فى النجاح
ومن استسلم لها وظن ان هذه الظروف والمعوقات فوق طاقته ووراء امكانياته
كلما "وقف" فى مكانه لا يتزحزح ولا ينمو
العامل النفسى هو المحرك الرئيسى نجو نمو وتطور مجتمعاتنا الصغيرة
فى هذه البلاد المتمردة ....
فارجوك لا تغفله ...
وفى انتظار الصور
وابدا لينا من الرخيص ولفوق
|
Post: #16
Title: Re: قالو اسعار العقارات فى اريزونا dirt cheap
Author: النصرى أمين
Date: 10-07-2010, 05:09 PM
Parent: #15
سلام يا مريم
الغلاء الحاصل فى السودان ده حير علماء الاقتصاد زاتهم..
التفسير الوحيد ليه ان دوافعه نفسية وسايكلوجية اكتر من اقتصادية
يعنى شنو البخلى زول مغترب فى الخليج 400 سنة يجى يشترى ليهو بيت
فى القماير(سابقا) ب 500 الف دولار كاش ....
اكيد الزول ده داخلاهو زلعة وخوفة..
ولان المزلوعين والخوافين كتار جدا جدا الاسعار فى زيادة...
يامريم اى سودانى فهمو الوحيد فى تامين مستقبل اولاده انو يشترى
بيت فى الخرطوم و باى تمن وتحت اى ظروف ..
واحد اخونا معانا هنا شغال زى الحمار 24 ساعة فى اليوم وعايش فى ضناء
وحرمان شديد عشان يشترى بيت فى الخرطوم ...
سالته واها بعد تشترى البيت ؟
قال لى اقوم بتاجيره واعيش على الايجارات ....
الوقت داك يكون سوس وسنونه وقعت
عالم مقفلة بطلبة و مفتاح ...
|
Post: #17
Title: Re: قالو اسعار العقارات فى اريزونا dirt cheap
Author: محمد إبراهيم علي
Date: 10-07-2010, 05:24 PM
Parent: #16
تحياتي النصري
| Quote: جد زميل الدراسة النصرى احمد على(الحلوف) |
اذا كان النصري الذي تعنيه من ابوروف ويعمل بالسعودية الرياض فهو قد تعب معي بهذا اللقب
النصري يعمل معي في نفس الشركة في الرياض Compensation & Administration Manager
|
Post: #18
Title: Re: قالو اسعار العقارات فى اريزونا dirt cheap
Author: النصرى أمين
Date: 10-07-2010, 05:31 PM
Parent: #17
سلام محمد ابراهيم
بالله شغال معاهو السنين دى كلها وماعارف اللقب ده..
ياخى الحلوف ده كان اشهر طالب فى الثانوى العام والعالى
دائم باسم وعنده ضحكة كده فيها حشرجة زى الداير يموت ..
كان زول محبوب جدا واجتماعى وصاحب الكل ..
انا كنت بغير منو لانى كنت زول مسكين وخجول...
فترة فترة اتصل بى احد زملاء الدراسة وبعد اتونس معاى فترة قال لى
مالو صوتك متغير كده ..طوالى عرفتو قاصد النصرى الحلوف ...
سلم عليه
|
|