Post: #1 Title: Awareness test Author: النصرى أمين Date: 05-25-2010, 05:06 AM
شاهد الفيديو ادناه وحاول ان تحسب عدد المرات التى يتبادل فيها الفريق الابيض الكرة
Post: #2 Title: Re: Awareness test Author: النصرى أمين Date: 05-25-2010, 05:14 AM Parent: #1
استعمال التلفون الجوال اثناء القيادة >
Post: #3 Title: Re: Awareness test Author: النصرى أمين Date: 05-25-2010, 05:04 PM Parent: #2
<>
Post: #4 Title: Re: Awareness test Author: النصرى أمين Date: 05-25-2010, 05:15 PM Parent: #3
انا شخصيا-فى زياراتى الاخيرة للسودان_ تجنبت تماما السواقه.. وكنت اعتقد انها اصعب شئ فى الدنيا ...احيانا بكون مصطكى ساعات طويلة فى انتظار واحد من الشباب عشان يسوقنى مكان ما .....
العالم كله يتجه الان نحو قوانين تمنع التحدث فى الجوال اثناء القياده... وغالبا سياتى يوم ستصل السودان .. السؤال هل سيتقيد بها الناس ..خاصة و الاغلبيه الغالبة لاتعرف احترام القانون؟
الاخ النصري ... هي اصلا ممنوعة منذ ما يقارب الثمانية اعوام و اذا شافك بتاع مرور بتتكلم بالموبايل اثناء القيادة بيتلايق عادي و بيقطع ليك ايصال... في موقف حصل للوالد العزيز كنت راكب معاهو في الصباح كعادة كل يوم بيوصلني الجامعة في سكتو وكان بيتكلم في الموبايل. بس لم فينا بتاع مرور في شارع المطار قصاد السوق الحر و الاستوب قفل ... طوالي سحب الرخصة لكن غلطتو الوحيدة انو كان وقح شديد مع الوالد , فما كان من الوالد الا ان استغلها كنقطة عليه فطالبه بتحرير المخالفة و لكن ما حيخليهو على وقاحهتو وتطاولوا على المواطنين ... لما الحكاية سخنت وشاف الوالد مصر على موقفو و زي ما عارف تدخل الاجاويد و الدنيا صباح قام رجع الرخصة و الموضوع اتنسى لكن بالجد هم بتشددوا في الحتة
Post: #6 Title: Re: Awareness test Author: النصرى أمين Date: 05-25-2010, 06:06 PM Parent: #5
سلام غباشى
Quote: هي اصلا ممنوعة منذ ما يقارب الثمانية اعوام
مبالغة لكن ..
انا مشيت 2005 و 2008 (يعنى قبل اقل من 8 اعوام) الناس دى كلها سايقا عرباتها وتتكلم فى الموبايل عادى جدا .. وما ظاهر على اى واحد فيهم انو الحاجة دى ممنوعة ..
انا شخصيا كنت مقتنع انها قانونية... ولم ألاوز لاى واحد منهم بان يتوقف.. زى ما عملت فى حاجات تانية الا ان انتهى بى المطاف بان لقبونى بالمجنون(وراء ضهرى)
مش قلت ليك الاغلبية فى السودان لا تحترم القوانين ....
نحن هنا فى كندا (البرتا) القوانين بتاعت القيادة واستخدام الجوال لسه فى طوة الطبيخ ..عبارة عن مسودات قوانين لكن لم تجاز بعد من الجهاز التشريعى ....لكن يتوقع اجازتها فى الشهور الجاية وسوف يسمح للسائق ب one click على الجهاز فى السيارة واستخدام سماعات خارجية (speakers) وان تكون الايادى خالية من اى جهاز ....
Quote: نحن هنا فى كندا (البرتا) القوانين بتاعت القيادة واستخدام الجوال لسه فى طوة الطبيخ ..عبارة عن مسودات قوانين لكن لم تجاز بعد من الجهاز التشريعى
الاخ النصري قضيت في السويد ما يقارب الثلاث سنوات لكن كنت بشوف الناس مدورة عادي و بتتكلم بموبايلاتها لكن لما جيت هنا في نيوزلندا شايف الدعايات و التحازير كتيرة هنا لانو حوادثم كتيييرة حتى بيرسلوا للناس مسجات في الموبايل للتزكير بعدم استخدام الموبايل سواء بالتحدث او الــ Texting و التانية دي اخطر لانو الزول بيكون كليا مركز في الموبايل وهو بيكتب وما شايف قدامو. الفرق كبير بين السويديين و النيوزلنديين من حيث الانضباط و احترام القوانين و في الويك اند لازم تحصل كارثه هنا بسبب السكر و التهور في القيادة, عربات بتتعجن من بشاعة الحوادث
Post: #8 Title: Re: Awareness test Author: النصرى أمين Date: 05-26-2010, 09:47 PM Parent: #7
سلام يا غباشى ... انا شخصيا لسه بسوق وبتكلم فى الجوال ..لكن بكون مركز شديد فى السواقة..لكن اللحظة التى يصدر فيها قانون يمنع ذلك ساتوقف ..احتراما للقانون و خوفا من العقوبة
عاين الاختبار ده وشوف اخر جملة فيهو
Post: #9 Title: Re: Awareness test Author: willeim andrea Date: 05-26-2010, 09:56 PM Parent: #8
النصري شكرا علي طرح هذا الموضوع الهام
فعلا الموبايل ممنوع في السودان قبل الكثير من دول الخليج
بس تعرف الفرق وين
الفرق في احترام القانون
Post: #10 Title: Re: Awareness test Author: النصرى أمين Date: 05-29-2010, 04:26 AM Parent: #9
سلام وليام اندريا عاين الفيديو ده لاحظ لحجم الاشياء التى يركز فيها لصوص الفيديو
