Post: #1
Title: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-05-2009, 11:02 PM
المهندس حسن عبدالله فضل المولى وزير البنى التحتية بولاية الخرطوم :-
Quote: واشار الى عدم كفاءة المهندسين الذين تم اختيارهم لرصف الطرق والشوارع
خلال فترة الخريف الحالى وقال: تم اختيار (240) مهندسا لهذا الغرض إلا
أن الأكْفَاء والفعالين منهم لا يتعدون الـ(25) |
وعليكم الله ركزوا لى على كلمتى ""تــم اختيارهم" دى
فهى كل الداء
ونصف الدواء
|
Post: #2
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: الطيب رحمه قريمان
Date: 09-05-2009, 11:07 PM
Parent: #1
حسن عبدالله فضل المولى و مهندسيه كلهم سجم فى رماد
|
Post: #3
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-05-2009, 11:13 PM
Parent: #1
كلمتى "غير فاعلين" غالبا محاولة لوصف حالة بائسه ومتردية..
تعبير رقيق ومجامل ومؤدب ...
غير فاعلين معناها
ما ناقشين
ما فاهمين
ما مسئولين
ما ملتزمين
ما امينين
ما فاضين
هم ناس
ما فاهمين فى الهندسة سجم خشمهم
او عندهم شغل خاص ماخد مجهودهم كله
او المسئولين اهلهم وقرايبهم
او "والعياذ بالله" شهاداتهم مزورة
|
Post: #4
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-05-2009, 11:21 PM
Parent: #3
ما الذى يجعل 90% من العاملين غير فاعلين؟
لابد ان هناك امر جلل يتسبب فى هذه الحالة
الاقتصادية الاستثنائية...
شى ذو طبيعة خاصة و نادرة
شء يجب تدريسه فى المدارس والجامعات والمعاهد..
او ربما تمكنت ولاية الخرطوم من صناعة
نظرية علمية جديده تمكن الشركات والمؤسسات من الاستمرار
فى العمل رغم تعطل 90% من امكانياتها ...
انه السحر والاعجاز ..
|
Post: #6
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-05-2009, 11:56 PM
Parent: #4
الاخ الطيب رحمة
الولاء السياسى سبب رئيسى
فى تعيين حسن عبدالله فضل المولى فى منصبه
من فوقها خربانة
|
Post: #5
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: هشام مدنى
Date: 09-05-2009, 11:55 PM
Parent: #1
كلام السيد الوزير محاولة تحميل الامر للاخرين...!!!
هو وزير عمل شنو؟؟؟؟؟
|
Post: #7
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: lana mahdi
Date: 09-05-2009, 11:56 PM
Parent: #5
| Quote: ماذا تفعل لو كنت وزير و 90% من مهندسى الوزارة غير فاعلين؟ |
بستقيل!!!
رمضان كريم
|
Post: #8
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-05-2009, 11:58 PM
Parent: #7
سلام هشام مدنى
وينك مختفى؟
طبعا فشل الطاقم بتاعو هو فشل ليهو هو
رمضان كريم
|
Post: #9
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 00:02 AM
Parent: #8
سلام يا لنا
رمضان كريم
الاستقاله ما معانا...
معانا
ترقية..
علاوة..
حوافز..
وسفير خارجى
ومستشار للرئيس ..
متابعين بوست العضه بهناك
وتصومى وتفطرى بخير
|
Post: #10
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: الامين موسى البشاري
Date: 09-06-2009, 01:27 AM
Parent: #9
عارف زمان قالوا حبوبة قالت لولدها الخريج من كلية الهندسة
يا ولدي تعال صلح لي المسجل ده
المهندس: يا حبوبة ما تجنينا .. لو عندك مســـألة رياضية عايزة يحلوها ليك جيبيها 
التخطيط كثقافة غائبة.. والعشوائية كسلوك عند الشعب الســـوداني
|
Post: #11
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 04:19 AM
Parent: #10
الاخ الامين موسى البشاري
رمضان كريم
لن تقوم لهذا الشعب قائمة ما لم تحدث
ثورة جارفة عاتية تغير معظم المفاهيم
والمسلمات ...
هذه الثورة تحتاج لملهم (اوع زول يقول لى البشير) يقود الناس الى
الخير والعدل والرحمة...
فى انتاج البطل الذى طال انتظارنا له..
حتى ذلك الحين فليخرمج المخرمجون خرمجتهم
ويزداد الشعب بؤسا وكابة وياس ...
كلمة منى
وكلمة منك
بوست هنا
وبوست هناك
ربما تنفع تزكر الناس ان هناك كارثة تحدث
امام اعيننا ونحن لها غافلون
|
Post: #12
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 04:33 AM
Parent: #11
بعدين يا باشمهندس حسن
ماذا تقصد ب عدم كفاءة المهندسين
انتو اكتشفتو عدم كفاءتهم قبل التعيين ولا بعده ولا بعد المطرة الاخيرة؟
هل ده معناه انو ديل افضل ما هو موجود فى سوق العمل؟
وعند التقديم للوظائف دى هل كانت هناك شروط لخبرة سابقة لكل متقدم؟
ولا ديل خريجى جامعات الانقاذ؟
وهل التقديم كان مفتوح لاصحاب الخبرات من المغتربين؟
|
Post: #13
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 04:42 AM
Parent: #12
اذا كان ده الحال فى هذه الوزارة الحيوية
فهل ده معناه
انو 90% من الاطباء العاملين فى المستشفيات السودانية غير فاعلين؟
ونفس النسبة فى التصنيع(ماعدا التصنيع الحربى الذى برع فيه القوم)
وقطاع الخدمات..
فى الزراعة
والتجارة
الخ ...
طيب البلد حتقوم ليها قومة كيف
فى نظرك؟
|
Post: #14
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 04:54 AM
Parent: #13
هل نحتاج لمصائب لكى نعرف عيوبنا؟
لولا هذه المطرة لما اعترف سعادة الوزير بفشل مهندسيه..
لولا هذه المطرة لما عرفنا ان 90% من افضل الوظائف فى البلاد
يشغلها فاشلون ضايعون متسيبون ....
هل نحتاج لكارثة مماثلة فى المستشفيات لنكتشف حجم الدمار؟
هل نحتاج لوباء يبيد الناس لنكتشف مواقع الخلل ؟
هل نحتاج لمجاعة لنكتشف حجم الفشل فى القطاع الزراعى ليخرج بعدها
وزير الزراعة ويقول 90% من الموسم الزراعى فشل بسبب كيت وكيت ...
|
Post: #15
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: حماد الطاهر عبدالله
Date: 09-06-2009, 11:49 AM
Parent: #14
الأخ/ النصري
تحياتي
الإجابة الشجاعة لسؤالك:
لو كنت وزير هذا الهباب، بستقيل وبس.
والمشكلة معروفة قبل هطول الأمطار ولكن لا حياة لمن تنادي.
كنت بالسودان وخرجت منه قبيل هذه الأمطار وخلال تواجدي البلد
لاحظت هذه البلاوي، صحيح توجد بعض المشاهد الراقية من مباني
وطرق وجسور، لكن لا توجد مجاري، ولا لمحات مهنية بالطرق، بل
ظننت بأن بعض المشاهد كان المقصود منها الإساءة للبشر.
تصور كان معي زائر عربي يرغب أن ينزل بفندق معقول، فما كان
مني إلا أن ذهبت به لطريق السيد/عبدالرحمن، فكانت ملاحظاته بأن
هذا طريق ميت وبلا خدمات، أن كوم من التراب يكاد يغطي الشارع
علاوة على الإضاءة الضعيفة، وبالتالي إستخلص من هذه الملاحظات
بأن هذا الطريق غير آمن، وبعد جهد ولف ودوران شمل طريق القصر
والنيل، ووضع هذه الطرق لا يعكس أي مشهد حضاري متعارف علية
بعواصم البلاد الأخرى، فهذا في قلب الخرطوم فما بالك بالأطراف
فخير للدولة ان توفر مخصصات مثل هذا الوزير وبطانته، ليساهم
ذلك ولو بقدر ضئيل في إيجاد مبررات لمثل هذه الفوضى.....
وثمة شئ مهم جدا فتخطيط المدن تجاوز عشوائية السودان بحقب
ضوئية لذلك مهم جدا الإستفادة من مغتربي السودان بتحميلهم مثل
هذه الأعباء لتجاوز هذه النظرة المحلية الضيقة للإعمار.....
|
Post: #16
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-06-2009, 05:12 PM
Parent: #15
الاخ حماد الطاهر
رمضان كريم
| Quote: لو كنت وزير هذا الهباب، بستقيل وبس |
زى ما عارف وكلنا عارفين انو مبدا الاستقالة غير وارد اطلاقا..
بالعكس فى هذه الحالة بالذات ربما وجد هذا الوزير بعض التقدير
لشجاعته فى قول الحقيقة وكشف المغتغت ....
بالرغم من انو المسئولية تقع على عاتق هذا الوزير بصورة مباشرة الا انو
فى الاخر هو جزء من نظام اجتماعى سياسى اخلاقى بيئى هالك ومتهالك لا يسمح
بالتطور والنظام
...
الحل ليس فى استقالة الوزير..
الحل الوحيد فى tackle جزور المشكلة..
والجزور دى محتاجه سنين وسنين لكشفها ومعالجتها..
تصوم وتفطر على خير
وعيد مبارك مقدما
|
Post: #17
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: MOHAMMED ELSHEIKH
Date: 09-06-2009, 10:02 PM
Parent: #16
| Quote: شء يجب تدريسه فى المدارس والجامعات والمعاهد.. |
وانت قايل المشكلة ويم ما ياها المدارس و الجامعات دي
|
Post: #18
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: محمد الشيخ أرباب
Date: 09-06-2009, 11:34 PM
Parent: #17
ما مهم يكون فاعلين,فاهمين الخ
المهم يكونوا من عضوية التنظيم
|
Post: #19
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: فتحي الصديق
Date: 09-06-2009, 11:51 PM
Parent: #18
النصري ..رمضان كريم
دا (القوي الامين ) و (من أجل ربط قيم السماء بالأرض) ..وغيرها من الشعارات التي أوردت الوطن لما نحن فيه الان...
يستقيل وللا يطلب (نقلية) لجهة تانية محتاجة لتخريب عشان يطلع أبو أهلها..
|
Post: #20
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-07-2009, 06:20 AM
Parent: #19
اتخيل معاى يا محمد الشيخ.....
ولدى او ولدك(مع اننا لسه صغار) اتخرج من جامعة السوربون او اكسفورد..
مهندس قدر الضريب ..
اتقدم لوظيفه مهندس فى الوزارة ..
من ضمن المتقدمين ابن احد رجالات الحركة الاسلامية
او المتنفذين فى المؤتمر الوطنى وهو
خريج جامعة ام سويقة العالمية بحى ابوروف...
او خريج جامعة الدردقانية بسوق الشجرة ..
تتخيل مين حيفوز بالوظيفة !!!
اتمنى السؤال ما يكون صعب زى امتحانات النقر والازهرى و نفخو؟
|
Post: #21
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: حماد الطاهر عبدالله
Date: 09-07-2009, 02:43 PM
Parent: #20
الأخ/ النصري
تحياتي ورمضان كريم.
حسب تعليقكم (اتمنى السؤال ما يكون صعب زى امتحانات النقر والازهرى و نفخو؟ )
فقد أرسلنا لكم رسالة عبر بريدكم.
أسأل الله جل وعلا أن يجزي عنا أولئك الأساتذة العظام خير الجزاء.
|
Post: #22
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-07-2009, 07:45 PM
Parent: #21
سلام يا فتحى
التخريب ده عملنا ليهو بوست مخصوص
انا و فطاحلة الانقاذ والنظرية العظمى
رمضان كريم
وعيد مبارك
|
Post: #23
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-07-2009, 07:54 PM
Parent: #22
الاخ الفاضل حماد(اسمح لى اقول ليك يا دفعة)
وجدت الرسالة
شكرا ليك
الاساتذه الاجلاء تركو بصماتهم علينا وعلمونا
معنى الاجتهاد والصبر وقوة العزيمة والاراده
علمونا التحدى ومجابهة الصعاب
ازكر ونحن فى الصف الثانى كان يدرسنا مادة المحاسبة الاستاذ النقر
ان الامتحان جانا بصورته الاصلية وبنفس الورق الجميل المميز الذى جلس
لامتحانه طلبة كلية ويلدز البريطانية ..
كانو ينظرون لكل طالب على انو مشروع بتاع محاسب قانونى ضليع ونواة لعلم
من اعلام المحاسبين فى السودان ..
جاءت الانقاذ ودمرت المعهد كما دمرت باقى المؤسسات التعليمية..
كل الود
|
Post: #24
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: Alshafea Ibrahim
Date: 09-07-2009, 08:21 PM
Parent: #23
أخي النصري والأخوة الكرام
تقبل الله صيامكم وقيامكم وأعاده عليكم وعلينا والمسلمين باليمن والخير والبركات ..
بالضبط 90% من كادر حكومة الموتمر اللا وطني غير فاعلين وغير مؤهلين وغير فاعلين ... لا يوجد مرفق حكومي او شبه حكومي لم تطاله يد العبث والخراب والفوضى تمشيا مع شعارات ربط قيم الأرض بالسماء وعلى طريقتهم التي أعجزت إبليس .... ومزيدا من المنح والمكارم الرئاسية تنهال عليهم تشجيعا لدورهم الرسالي في ذلك الخراب والفساد ... برامج حج وعمرة مجانية ، رحلات ترفيهية مجانية لدول شرق آسيا وغيرها لهم وعوائلهم ... رواتب ومخصصات بدون حدود ... الرشى والاختلاس والسرقة أهم مواصفات يجب توفرها فيهم .. وكمان أوسمة ونياشين وألقاب تارة النيلين وخلافها تكريما وتعظيما لدورهم في هذا الخراب والعبث والفساد ... الشغلانة لا موظفين ولا عمال .. الشغلانة حكومة بأكملها أتت وخططت ونفذت برامجها وصولا لهذه المرحلة ... وعجبي أن يتحدث وزير أو خفير ينتمي لهذه الفئة الشيطانية عن تأهيل أو نجاح أو فشل وهو خرج من نفس هذا الرحم القذر ورضع من ذالك الثدي المتقيح ... فكيف يكون غدوة ...
تحياتي
الشفيع إبراهيم
|
Post: #25
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: abubakr
Date: 09-07-2009, 10:32 PM
Parent: #24
من يقبل ان يكون وزيرا علي غير فاعليين فهو غير فاعل ...استمعت الي هذا الرجل كونه مهندسا ووزيرا في احدي الفضائيات اثناء كارثة الامطار فادهشني بسذاجة ما قال كمهندس وكوزير فهو اكيد احد المهندسيين الغير فاعليين في وزارته ...هو من ذات النوعية والا لما صار وزيرا عليهم ...
|
Post: #26
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: كمبورة
Date: 09-07-2009, 10:47 PM
Parent: #25
في عرف النظام ارفعهم لمناصب عليا
|
Post: #27
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-08-2009, 07:55 AM
Parent: #24
تعرف يا الشفيع بريد البطن؟
مداخلاتك دائما تبرد لى بطنى ..
الظلم الواقع على الناس مستحيل العين تخطاهو
مالم تكون العين نفسها مستفيدة من الظلم الحاصل
ده ... وبتكد مع الكادين ..
ادعو معاى بحق هذا الشهر المبارك ان يرفع الله الظلم
والعذاب والضيق عن شعبنا الطيب وينتقم من معذبيه
ويورينا فيهم يوم .. ويفرتقهم حتة حتة ويشغل بانفسهم ..
امين يارب العالمين
|
Post: #28
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-08-2009, 06:50 PM
Parent: #27
الاخ ابوبكر
| Quote: هو من ذات النوعية والا لما صار وزيرا عليهم |
bull's-eye
right on the target
شكرا ليك
اختصرت المشكلة كلها فى السطر بتاعك
رمضان كريم
وعيد مباركم
|
Post: #29
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-08-2009, 06:53 PM
Parent: #28
الاخ كمبورة
نعم ..
ربما صار هذا الوزير احد متنفذى الانقاذ يوما..
فالانقاذ _كما هى عادتها_ ترفع الزول فوق
وطــــــــــــــاخ
تضرب بيهو الدلجه...
وبرضو تغنيهم وتفقرهم وكان شيئا لم يكن
رمضان كريم
(تعديل الاسم)
|
Post: #30
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: عبدالكريم الامين احمد
Date: 09-08-2009, 07:20 PM
Parent: #29
سلام يا النصري وتحياتي..
وشي غريب ومحزن ان يدلي وزير مختص بشان هندسي وبنية تحتية بمثل هذه التصريحات الجاهلة باسس العمل الهندسي في وزارة تحتوي علي مئات المهندسين..
ففي المشاريع الهندسية والاجسسام المختصة بانجاز الاعمال الهندسية (لا حديث البتة ) عن مهندس غير فاعل او مهندس ما ناقش ابو النوم..
بل الامور تلك لها معاييرها واسسها المعروفة والمعلومة بكل مختص بادارة المشاريع الهندسية
الذي راس الرمح فيه هو (التنظيم الهندسي).. او النظام الهندسي الذي يشمل كل التفاصيل المفترض وجودها لانجاز عمل هندسي ما..
1- المعايير الهندسية المختلفة..
2- معايير تصنيف الشركات العاملة (مستشارين ومقاوليين)
3-الهيكلية الهندسية... وهي الية هندسية قادرة علي تنظيم واختبار وملاحقة كل الاخطاء بانضباط ودقة
وحسم من اصغر مهندس حتي اعلي الهرم الهندسي في البلد...
بكل اسف وزير مثل هذا الرجل هو عار بوجوده هذا في جبين مهنة الهندسة وادارتها في السودان
لانو بقول كلام فارغ ويجب ان يستقيل فورا..
|
Post: #31
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-09-2009, 10:23 AM
Parent: #30
سلام يا عبدالكريم
رمضان كريم..
براحة على الناس ديل ...
Quote: المعايير الهندسية
والاجسام المختصة
معايير تصنيف الشركات
الهيكلية الهندسية |
الخ
ده كلام كبار على العالم دى ..
الناس دى عشوائية...
وشغالين هبتلى ...
انا ده .الما بفهم فى الهندسه ممكن اظبط ليك
خور ما يخرش المية ...
كيف ؟
ببساطة حادى الخبز لخبازه واحاسبه على النتائج ...
ظبط الشغل ياخد فلوسه
ما ظبط الشغل ..يعيد عمله من جديد ولن يستلم تعريفه واحدة
اذا ما سلم الشغل 100%
عيد مبارك
|
Post: #32
Title: Re: ماذا تفعل لو كنت وزير و 90% من مهندسى الوزارة غير فاعلين؟
Author: النصرى أمين
Date: 09-09-2009, 07:32 PM
Parent: #31
شوفوا اخر ابداعات الولاية
Quote: كَشَفت السلطات الصحية بولاية الخرطوم عن اتجاه لرش الولاية بالطائرات،
وقال مصدرٌ مسؤولٌ بوزارة الصحة - ولاية الخرطوم لـ «الرأي العام» أمس،
إنّه تَمّ عقد اجتماع مع هيئة الطيران المدني وشركات الطيران لرش ولاية
الخرطوم بالطائرات، وأشار إلى أنّ تكلفة المبيد تقدر بـ (400) ألف جنيه |
انتهى ...
سؤالى
بس كيفن عاد؟
ديل طيارين من فصيلة ويليام تل ولا شنو؟
وبالمبيد كمان!!
حليل زمن الملاريا
كنا نداقشا وتدقشنا
تانى سرطانات ساكت
|
|