Post: #1
Title: انتحال الشخصيه ...الجد جد
Author: النصرى أمين
Date: 03-10-2008, 05:18 PM
موش بتاع انتحل شخصيتى وكتب باسمى فى احدى المنتديات ..
او سرق قصيدتى و ما اعرفش ايه ..
والكلام الميت الذى ده ..
هذه المره ...
اتصل بى احد المحققيين باحد الجهات الفدراليه الكنديه وبعد ان عرفنى بنفسه سالنى اذا كنت فى احدى المدن الكنديه فى الايام السابقه اجبته بالنفى واننى لم ارى تلك المدينه فى حياتى...
سالته لماذا !! اجاب ان احدهم انتحل شخيصيتى وحاول فتح حساب باسمى باحدى البنوك وعندما طالبته موظفة البنك بمزيد من الاوراق الثبوتيه طلب منها ان تنتظر لحظات حتى يحضرها من السياره ولم يعد حتى الان ..
قامت الموظفه بالاتصال بالجهات الامنيه نتيجه لتشككها بان فى الامر تزوير.....
طبعا الغرض من فتح الحساب ليس "سرقة" ثرواتى وممتلاكاتى لاننى ببساطه لا املك منها شيئا
الغرض الحقيقى من فتح الحساب عمليات اجراميه معقده اقلها سوءا غسيل الامال
والحاضر يكلم الغائب خاصه ناس كندا
|
Post: #2
Title: Re: انتحال الشخصيه ...الجد جد
Author: saif massad ali
Date: 03-10-2008, 05:22 PM
Parent: #1
سلامتك يالنصري امين
بعد الشر عليك
لكن قول لي البنك مافيهو كاميرات مراقبة
|
Post: #3
Title: Re: انتحال الشخصيه ...الجد جد
Author: طلعت الطيب
Date: 03-10-2008, 05:28 PM
Parent: #2
النصرى
التحايا
تعرف انا فكرت فى السؤال ده:
ليه الزول دة اختارك انت بالذات؟
قلت يمكن جزء من الاجابة يكون انك طرحت اسمك فى موضوع حملة التبرعات لسناء
المهم انت عندك اية تفسير للمسألة دى؟ ليه اختارك انت بالذات؟
مع كامل التضامن طبعا
|
Post: #5
Title: Re: انتحال الشخصيه ...الجد جد
Author: عبداللطيف خليل محمد على
Date: 03-10-2008, 05:31 PM
Parent: #2
النصري أخوي : انتوا الحاجات دي بتغسلوها كيف .. لأنو أنا عندي آمال كدا قديمة و اتملت غبار ..
|
Post: #4
Title: Re: انتحال الشخصيه ...الجد جد
Author: النصرى أمين
Date: 03-10-2008, 05:30 PM
Parent: #1
سلام يا سيف
لحسن الحظ ان الجريمه لم تكتمل وربما اكتفت السلطات الامنيه بالاتصال بى والحصول
على Statement اننى لم احاول فتح حساب ..
انا على يقين ان هذه الحادثه واحده من الاف الحالات المشابهه يعج بها مكتب محاربه التزوير
وانتحال الشخصيه التابع للبوليس الملكى الكندى
|
Post: #6
Title: Re: انتحال الشخصيه ...الجد جد
Author: النصرى أمين
Date: 03-10-2008, 05:34 PM
Parent: #1
سلام طلعت
وحمدلله على سلامه العيون ..
الحادثه حصلت قبل عده شهور وفضلت الانتظار ومراقبة ال Credit Report عن طريق TransUnion
لم ارى اى شئ غير طبيعى ...
وبعدها قررت انشرها حتى يستفيد الجميع
|
Post: #7
Title: Re: انتحال الشخصيه ...الجد جد
Author: كمال سالم
Date: 03-10-2008, 05:34 PM
Parent: #1
النصرى ,, كيفنك ,,
يعنى بقيت زى العضاهو كلب يوم القفله فى المولد ,
الزول ده كندا دى كلها مالقى زول غيرك .
يكون ياربى ده هاشم أبورجيله , ولا حسين أسـد ,
|
Post: #8
Title: Re: انتحال الشخصيه ...الجد جد
Author: النصرى أمين
Date: 03-10-2008, 05:39 PM
Parent: #1
الاخ عبداللطيف
اديك مثال لغسيل الامور
واحد باع مخدرات بمائه الف دولار ..القروش دى حتكون خارج الدوائر الماليه ولا يستطيع صاحبها مثلا
ادخالها فى البنك لان النظام المصرفى يتابع كل قرش داخل او مارق خاصة من ناحيه ضريبيه ...
ابسط طريقه لادخال القروش دى النظام المصرفى هى الذهاب الى الكازينو (ملاعب القمار) وشراء
ال Chips وبنهايه اليوم ارجاعها مره اخرى لخزينه الكازينو ..ولان المبلغ كبير يقوم الكازينو صرفها بشيك
يحمله صاحبه الى البنك وتصبح قروش مغسله صالحه للاستعمال بدون اى شكوك
|
Post: #9
Title: Re: انتحال الشخصيه ...الجد جد
Author: النصرى أمين
Date: 03-10-2008, 05:45 PM
Parent: #1
سلام يا كمال
هل تصدق ان هناك سوق ارضى (تحت الانترنت) تباع فيها المعلومات الشخصيه بدولارات قليله...
هناك تباع كل شئ .الاسم.تاريخ الميلاد رقم الضمان الاجتماعى ..كروت الائتمان مع ارقام السر (حتى اسم التانى للوالده)
كل شئ للبيع ....
واهو حظى كده اننى كنت واحد من المبيوعين ...
|
Post: #10
Title: Re: انتحال الشخصيه ...الجد جد
Author: Elawad
Date: 03-10-2008, 05:54 PM
Parent: #1
الأخ النصري
كيف أخبارك و أخبار البرتا معاك؟
انتحال الشخصية من أكثر الجرائم شيوعا في أمريكا الشمالية و يتسبب في خسائر ضخمة. قبل حوالي سنة اتصلت بي شركة كرت الائتمان و سألوني إن كنت اشترت كمبيوترا عبر الانترنت فلماأجبتهم بالنفي قاموا فورا بإلغاء بطاقتي و أخبروني بأنهم سيرسلون لي بطاقة جديدة و حدثت حوادث مشابهة لأناس أعرفهم. قبل فترة بثت الـ CBC برنامجا وثائقيا عن هذا الموضوع و كان حقيقة مرعبا... الناس دي عندها غرف دردشة على الانترنت و معلومات الناس معروضة للبيع بكل التفاصيل بدءا من الاسم و انتهاءا برقم التأمين الاجتماعي مرورا بالعنوان و تاريخ الميلاد.
|
Post: #11
Title: Re: انتحال الشخصيه ...الجد جد
Author: النصرى أمين
Date: 03-10-2008, 06:45 PM
Parent: #1
سلام يا العوض
البرتا تمام التمام (منقه بس)
جرائم السرقات الالكترونيه فى زياده مرعبه هنا فى كندا ..
رائت يوما احد زملائى فى العمل منفعلا وعندما سالته عن السبب قال لى انو "ضيع وقته" كلو فى البنك
بسبب ان احدهم قام باستخدام بطاقته البنكيه (ليست بطاقة الائيتمان) وسحب مبالغ كبيره (عده مئات من الدولارات)
اتضح بعد التحقيق ان شيئا ما حدث اثناء تبضعه فى احدى طلمبات الخدمه (Co-Op بالتحديد) وفيه تمت سرقه الشريحه
المغنطيسيه الملصقه فى البطاقه ....
اذا كنت من عشاق ال InterAc (مثلى) صدقنى يجب ان تكون حريص جدا فى اخفاء كلمة السر خاصه فى المحلات المشبوهه
قبل فتره قامن قناة ال NBC ببث حلقات عن سرقات انتحال الشخصيه
يمكن استخدام وصفك له """""
مرعب
|
Post: #12
Title: Re: انتحال الشخصيه ...الجد جد
Author: Tragie Mustafa
Date: 03-11-2008, 01:31 AM
Parent: #11
النصري نتابع معك باهتمام.
|
Post: #13
Title: Re: انتحال الشخصيه ...الجد جد
Author: قرشـــو
Date: 03-11-2008, 08:49 AM
Parent: #1
ياخى والله عندكم حاجات صعبة خلاص ؟؟؟؟؟
حتى الاسم ده يبيعوه فى سوق الله أكبر ؟؟؟؟
(وجه فى غاية الاستغراب)
|
Post: #14
Title: Re: انتحال الشخصيه ...الجد جد
Author: Abureesh
Date: 03-11-2008, 10:07 AM
Parent: #13
النصـرى،
سلامات يا أخينا والشـوق بحر.
عارف أهم حاجـة إنك تدفع كاش بقدر الإمكان، خصوصـا فى المطاعـم Diners لأن هناك
عصابـة منظمـة فى تلك المطاعـم تبدأ بالجرسـونة.. عندهـا ســوار الكترونى تحت كم
القميص، تشيل منك الكرت، وفى المسـافـة بين التربيزة والكاش، تقوم تمـرر الكرت
فى الســوار.. يكون الوقت داك الفايل كلو المبرمج فى الشـريط المغنطيسى نزل فى
ذاكرة الســوار.
واحدين عندهـم شـركاء فى الكاشير، فى محلات مثل CompUSA، زى كرتك الكحيان
دا يقوموا يمسحـوا معلوماتك منو، ويبرمجوا فيه معلومات زول تانى من كرته المسروق
حديثـا.. (قبل دقائق أو سـاعات).. وبذلك تكون المعلومات كلها صحيحـة.. الصـورة
والتوقيـع كلو صحيـح، ويتغاضى الكاشير المتأمـر عن الأسمـاء الغير مطابقـة، لأنه الوحيد
الذى يشاهدهـا على الشاشـة.. تشيل أنت الكومبيوتـر وتديهـم نص القيمـة!!
شفت كيف؟
|
Post: #15
Title: Re: انتحال الشخصيه ...الجد جد
Author: النصرى أمين
Date: 03-11-2008, 05:29 PM
Parent: #1
سلام يا تراجى
ما تخافى شديد كده  ...
اهو انا الحصلت لى الحادثه دى ما خائف ...
لسبب بسيط اننى ما عندى حاجه(ملموسه) اخاف عليها ...
حتى لو المجرم ده نجح فى فتح الحساب فانا لست مسئولا عن افعاله ...
بيع المعلومات الشخصيه اصبح شئ عادى جدا هذه الايام ..
احسن طريقه للحمايه هو الاتصال ب Transunion و Equifax
تسجيل حاجه اسمها Consumer Statement وهى ضمان ان اى تغيير فى ملف الشخص
لا يتم الا بعد الاتصال به فى الارقام المرفقه ..مثلا اذا كان هناك طلب لماستر كارد لتراجى مصطفى
لايمكنهم process الطلب الا بعد الاتصال بتراجى والتاكد انها فعلا قدمت طلب الكردت كارت .....
اثناء عملى فى احدى الشركات الماليه اكتسبت خبره فى الكردت كارد .اسراره.طريقه التقديم.اسباب الرفض
كمثال ::::::
don't ever ever put your cellphone number as your home number
ربما افتح بوست يوما ما بهذا الخصوص
|
Post: #16
Title: Re: انتحال الشخصيه ...الجد جد
Author: النصرى أمين
Date: 03-11-2008, 05:38 PM
Parent: #1
الاخ قرشو
كل فرد فى امريكا الشماليه عباره عن رقم من تسعه ارقام
يسمونه فى كندا
social Insurance number
وفى امريكا
social Security number
هذا الرقم هو الوحيد الذى يفرز الناس من بعضها البعض
|
Post: #18
Title: Re: انتحال الشخصيه ...الجد جد
Author: محمد المرتضى حامد
Date: 03-11-2008, 05:48 PM
Parent: #16
Quote: Quote:
النصري أخوي : انتوا الحاجات دي بتغسلوها كيف .. لأنو أنا عندي آمال كدا قديمة و اتملت غبار .. |
حلوه ياعبداللطيف.
عزيزي النصري،
بالطبع يعرف عبداللطيف الكثير عن غسيل الأموال لكنه سألك عن غسيل (الآمال) مستغلا الخطأ الطباعي في مداعبته الذكية.
ربنا يحفظك من منتحلي الشخصيه يا نصري، في الواقع هم أكثر من ذلك.
|
Post: #17
Title: Re: انتحال الشخصيه ...الجد جد
Author: النصرى أمين
Date: 03-11-2008, 05:45 PM
Parent: #1
سلام يا محمد عثمان
وينك يا حبيب
قلت لى
| Quote: عارف أهم حاجـة إنك تدفع كاش بقدر الإمكان |
هو فى كاش ؟
كلامك صحيح لكن فى نفس الوقت كل شركات الائتمان عندها تامين ضد السرقات الذى دى
وزى ما شايف اخونا العوض لم يكن مسئولا عن استخدام بطاقته بواسطه اللصوص.....
سرقه المعلومات الشخصيه ما صعب
الصعب استخدامها فى الاجرام ..
زى حالة زولنا الحاول انتحل شخصيتى ده والان اصبح لديه فائل دسم عند رجال الشرطه
|
Post: #19
Title: Re: انتحال الشخصيه ...الجد جد
Author: النصرى أمين
Date: 03-11-2008, 06:17 PM
Parent: #1
سلام يا محمد
شكرا ليك على التنبيه ..
الحقيقه مداخله الاخ عبداللطيف كانت بعد 13 دقيقه وسيف مساعد بعد 6 دقايق ...
يعنى ما ادونا فرصه نراجع الكتبناه
عندى مثل (مفضل جدا لدى) بتاع الزول الشفقان خايف اكتبو هنا يجيب لينا الهوا
| Quote: يا نصري، في الواقع هم أكثر من ذلك.e |
يبدو يا محمد انو عندك خلفيه كويسه عن الموضوع
ارجوك ما تبخل بيها علينا
|
Post: #20
Title: Re: انتحال الشخصيه ...الجد جد
Author: Naji A.Moniem
Date: 03-11-2008, 06:45 PM
Parent: #1
العزيز النصرى امين
شكراُ على البوست المهم واتابع باهتمام بالغ
Quote: اثناء عملى فى احدى الشركات الماليه اكتسبت خبره فى الكردت كارد .اسراره.طريقه التقديم.اسباب الرفض
كمثال ::::::
don't ever ever put your cellphone number as your home number
ربما افتح بوست يوما ما بهذا الخصوص |
فى انتظار هذا البوست
الاخ العوض حاولت البحث عن البرنامج التسجيلى من تلفزيون CBS
ولكن من دون جدوي،ياريت لو تمدنى فقط بالاسم الذي ظهر به على
الشاشة اكون شاكرً
------------------
الاعزاء
النصرى امين
العوض
ابو الريش
شكراً جزيلاً على ما تفضلتم به من معلومات قيمة
|
Post: #21
Title: Re: انتحال الشخصيه ...الجد جد
Author: النصرى أمين
Date: 03-11-2008, 07:33 PM
Parent: #1
الاخ ناجى
سلامات وشكرا على المرور
للاسف اخوك ملول جدا جدا وافقد الحماسه بسرعه.... كمثال..... وعدت برفع صور فى بوست سابق ..بعد فتره
ذهجت من البوست نفسه ولم التزم برفع الصور ....
عشان كده ولانى (ما مضمون) ممكن الخص ليك محتوى البوست المستقبلى
عملت لمدة ثلاث سنوات فى واحده من اكبر شركات الكردت كارد الكنديه و كنت اعمل فى قسم
Credit card application processing
يعنى كل طلبات الماستر كارد كانت تمر بالقسم بتاعنا لقبولها او رفضها
با ختصار
اى طلب يكتب فيه صاحبه انو طالب ,unemployed يرفض تلقائيا...
كل الطلبات (وبدون استثناء) يخضع رقم تلفون السكن لعمليه Check لمقارنة الاسم المسجل بيهو التلفون
مع اسم صاحب الطلب مع العنوان الملحق مع رقم التلفون ...
اذا تطابقت هذه المعلومات يكون جزء كويس من الشغلانه عدى ...
اذا كان رقم تلفون البيت جوال ففى معظم الاحيان يقع الطلب فى Workflow مثل Fraud و غالبا يتم رفض
الطلب او ربما يتم الاتصال بالمتقدم للتاكد من المعلومات اذا كان له established credit
اذأ ::::: رقم تلفون المنزل (الارضى) مهم جدا جدا لان الشركه يمكنها ان تعرف من يسكن فى البيت وكم من الوقت يسكن هناك...
عمليه فحص ارقام تلفونات المتقدمين تقون بها شركه خارجيه وقد سمعت انها تكلف حوالى 4 سنت للطلب (عشرات الالاف من
الطلبات يوميا يتم معالجتها )
بالنسبه للوظيفه ...نقاط معينه تعطى لكل مجموعه ..
احسنهم من ناحيه النقاط الاطباء مع الممرضات فى مجموعه واحده..
رجال الشرطه و security guard برضو فى مجموعه واحده
الفنانين والحلاقين برضو فى مجموعه واحده
وهكذا ...
كثير من الناس مشكلتهم عدم وجود Credit History وان الفايل فاضى وما فيه اى نشاط وغالبا الشركه
ترفض طلباتهم ...
شركة التلفونات (الجوال) الوحيده التى تبعث بتقاري شهريه لل Credit Beaureau هى Rogers يعنى لو
الزول عندهم تلفون جوال باسمه معاها غالبا يكون عمل شويه history فى Credit Beaureau
الطريق الامثل ان الواحد بعدما يتاكد ان كل معلومات التلفون والشغل وعنوان البيت سليمه ومتطابقه تماما يحاول
التقديم لل Department Store مثل ال Brick او walmart فهى اقل تشددا فى الشروط
اما نا س ال Bankrupty و derogatory و Collection فده موضوع طويل و ما اظن اقدر اكتبه فيهو
المعلومات دى حسب تجربتى الشخصيه وربما لا تكون صحيحه
لو عندك اسئله يا ناجى راسلنى على الماسنجر واضرب تلفون
|
|