مجرد سؤال: هل سودانيز أونلاين موقع معارض.

مجرد سؤال: هل سودانيز أونلاين موقع معارض.


01-19-2005, 11:19 AM


  » http://sudaneseonline.com/cgi-bin/sdb/2bb.cgi?seq=msg&board=141&msg=1142209872&rn=1


Post: #1
Title: مجرد سؤال: هل سودانيز أونلاين موقع معارض.
Author: Abo Amna
Date: 01-19-2005, 11:19 AM
Parent: #0

?

Post: #2
Title: Re: مجرد سؤال: هل سودانيز أونلاين موقع معارض.
Author: Tumadir
Date: 01-19-2005, 11:28 AM

سودانيز اون لاين موقع معارض..
بفتح الميم والراء

Post: #7
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-19-2005, 03:32 PM
Parent: #2


طماطم كل سنة وانت طيبة

يعني الزول ما يغيب شوية الا يجي يلقي الناس بتلعب ليهو في البوست بتاعو بعد كدة الواحد لو عايز يعمل بوست لازم يشتري ليهو سوط ولا يقطع ليهو فرع بتاع نيمة.

لكن بيني وبينك تحت تحت كدة بدون ما زول يشوفنا (الله يفكو)

سلام للشباب الحلوين وخاصة الصغنتوتة.

Post: #3
Title: Re: مجرد سؤال: هل سودانيز أونلاين موقع معارض.
Author: لؤى
Date: 01-19-2005, 11:34 AM


سودانيز اون لاين موقع مَعَارِض
بفتح الميم وكسر الراء ..


كل سنة وانتو طيبين

Post: #8
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-19-2005, 03:35 PM
Parent: #3


لؤي

عارف انا من زمان قلت يا ربي لؤي ده الممكن يدخلو بوست انا كتبتو شنو يعني قدر ما الواحد عمل بوستات ادب وسياسة ودين ومشاكل ولت وعجن وكلو عملناهو لحد ما قنعت من الموضوع خالص.
هسي بقول يا ربي احتمال يكون لقي طماطم بتلعب قال اخير الواحد يلصق ليهو طينة هنا وبعد كدة ... أجراكا قبل ما يشوفونا.

كل سنة وانت طيب والمعاك كلهم طيبين

Post: #21
Title: Re: مجرد سؤال: هل سودانيز أونلاين موقع معارض.
Author: لؤى
Date: 03-02-2005, 08:26 AM
Parent: #8

Quote:
لؤي

عارف انا من زمان قلت يا ربي لؤي ده الممكن يدخلو بوست انا كتبتو شنو يعني قدر ما الواحد عمل بوستات ادب وسياسة ودين ومشاكل ولت وعجن وكلو عملناهو لحد ما قنعت من الموضوع خالص.


الأخ الفاضل جعفر
تحيّة طيبة

شفت حتّى الأقدار بقت تلعب دور في تأخير الرد عليك بالاسابيع .. ياعزيزي والله إن كنت مُقلاًّ في المساهمة فى بوستاتك القيّمة فما الأمر إلاّ لعيب فيّ انا بالتأكيد ، وكثيراً ماتلعب الظروف دورها في المساهمة في هذا التقصير ، فلك عزيزي العُتبى ، وحتماً يُذل المستحيل وننتصر .


مودّتي



Post: #4
Title: Re: مجرد سؤال: هل سودانيز أونلاين موقع معارض.
Author: هشام مدنى
Date: 01-19-2005, 11:53 AM


الاخ Abo Amna
عيد سعيد وكل عام وانتم بخير

سودانيز اونلاين موقع معارض للمعارضة ومعارض للنظام
لكن هو شنو ما معروف.
مع تحياتى

Post: #9
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-19-2005, 03:37 PM
Parent: #4


هشام مدني تحياتي

وكل سنة وانت طيب

سودانيز اونلاين لعب دور كبير علي الأقل كمساحة حرة بيتلاقي فيها كل المشردين في الداخل والخارج وبكل تأكيد هو صوت قوي في الوقت الكانت فيهو الأصوات مقموعة.

والتصنيف العام للموقع هو موقع معارضة حتي بوجود الكيزان كهضوية الا انو صوتهم خافت مقارنة بالمعارضة.
السؤال المطروح متعلق بدور الموقع في مواجهة سلطة الجبهة الاسلامية وفي كونه معارض للنظام.
من الواضح ان الأخ بكري ابوبكر يقرر ان الموقع هو موقع سوداني وفي الحقيقة ده كان سلوك الأخ بكري علي الدوام بمعني ان تصنيفه لموقعه لا يختلف عن السلوك الذي يسير عليه بكري ابوبكر.وما أثار السؤال هو الموضوع الذي كتبه ترحيبا بالكرنكي بأن موقع سودانيز أونلاين ليس موقع معارض.
هذا التصنيف اراه يأخذ كثيرا من تاريخ سودانيز أونلاين ومن الدور الذي لعبه وهو في ذات الوقت يسير في اتجاه مختلف وتحديدا هو تحييد البورد وتحويله الي صيغة مسالمة ومهادنة بوجود عدد من مشاهير وكتاب الجبهة الاسلامية.
ما يتبادر الي ذهني هو كيف يؤثر هذا الاتجاه علي دور سودانيز اونلاين وعلي الرسالة التي ظل يلعبها.

هذا جانب

الجانب الاخر هو بغض النظر عن كل هذا وعن التصنيف وعن مسألة التحييد التي اري ان الكيزان يعملون جاهدين من أجلها من خلال عضويتهم في الموقع.

ما الذي يمثله سودانيز أونلاين حاليا واي دور يلعبه أو من المفترض أن يلعبه في اطار السلام الحالي.هل هو الموقف المعارض أيضا ... ولماذا المعارضة طالما لدينا اتفاقية سلام.

الجانب الأخير

سودانيز أونلاين في الوقت الحالي يمثل حالة يرثي لها في الحقيقة فاذا ما طالعنا صفحته الأولي والثانية سندرك تماما انه لا يتجه الي اي مكان في الوقت الحالي وكأنما انتهي دوره كلية أو علي الأقل في موقف حيرة من أمره ولا يعلم الي اي اتجاه من المفترض أن يسير.

Post: #14
Title: Re: مجرد سؤال: هل سودانيز أونلاين موقع معارض.
Author: هشام مدنى
Date: 01-20-2005, 12:10 PM
Parent: #9

Quote: سودانيز أونلاين في الوقت الحالي يمثل حالة يرثي لها في الحقيقة فاذا ما طالعنا صفحته الأولي والثانية سندرك تماما انه لا يتجه الي اي مكان في الوقت الحالي وكأنما انتهي دوره كلية أو علي الأقل في موقف حيرة من أمره ولا يعلم الي اي اتجاه من المفترض أن يسير.

الاخ ابوامنة
عيد سعيد وكل عام وانتم بخير
لذلك كتبت لك
Quote: لكن هو شنو ما معروف.

اشكرك على الرد وادعو معى الله ان يتجاوز المنبر مرحلة الانعاش
تحياتى

Post: #5
Title: Re: مجرد سؤال: هل سودانيز أونلاين موقع معارض.
Author: Elmosley
Date: 01-19-2005, 02:27 PM

لالالالالالالالالالالالا
لكن صوت المعارضين فيهو عالي

Post: #6
Title: Re: مجرد سؤال: هل سودانيز أونلاين موقع معارض.
Author: هشام مدنى
Date: 01-19-2005, 02:51 PM
Parent: #5


يــــــــــــــــــا راجـــــــــــــــــــــــــــــل

Post: #10
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-19-2005, 03:39 PM
Parent: #5


أستاذنا الموصلي ...

اتفق معاك انو صوت المعارضة أعلي وده بديهو التصنيف علي انو موقع معارض ... ما هو اما موقع معارض او مناصر او محيد ولا اظن انه كان محيدا او مناصرا للسلطة ولكني اظن انه الان يسير في ذلك الاتجاه.
بكري ابوبكر رأيه واضح منذ البدء وحتي الان ولكن من يحدد تصنيف الموقع ليس التسمية ولكنها الأغلبية والصوت العالي.

ما احاول الوصول اليه ان يظل صوتنا عاليا وان تتم مقاطعة مسالة التحييد التي يجتهد من اجلها كثيرون وان يظل الدور الذي لعبه سودانيز اونلاين كما هو بنفس القوى فما يحدث في السودان برغم انه خطوة في اتجاه جيد لكن علينا ان لا ننسي ان هنالك الاف الخطوات القادمة وهذه الخطوة لم تأتي طواعية ولكنها جاءت من الجميع عن طريق نضالهم وصوتهم العالي دائما برغم كل القمع الذي تعرضوا له.

وليظل سودانيز اونلاين صوتا معارضا لسلطة الجبهة الاسلامية ومن لم يعجبه الحال لديه عشرات الصحف الحكومية وجهاز الاذاعة والتلفزيون.

Post: #11
Title: Re: مجرد سؤال: هل سودانيز أونلاين موقع معارض.
Author: وليد محمد المبارك
Date: 01-20-2005, 09:17 AM
Parent: #10

Quote: وليظل سودانيز اونلاين صوتا معارضا لسلطة الجبهة الاسلامية ومن لم يعجبه الحال لديه عشرات الصحف الحكومية وجهاز الاذاعة والتلفزيون.


ده كلام صاح
بس ما عادل

اعضاء سودانين اون لاين يتم اختيارهم بصورة انتقائية
يعني صحبي وصحبك

لمن فتحو التسجيل بصورة عشوائية او صورة مدروسة لغرض ما - ما عارف

حصل الهرج والمرج الانحنا فيه اليومين ديل

انا في راي الشخصي

انو سودانيز اون لاين والتلفزيون القومي السوداني وجهان لعملة واحدة

الاول بتكلم بلسان معاضة الجبهة عن طريف احزاب وجماعات وعرقيات معينة
والتاني بتكلم بلسان الحكومة

والغريبة انو الاتنين بتكلمو بلسان السودانيين

ولا المعارضة رقم كبير في السودان
ولا الحكومة كمان

في ناس لا عاجباهم الحكومة ولا عاجباهم المعارضة
وبالتالي ما عاجبهم الكلام الفي التلفزيون السوداني والكلام الفي اون لاين

وهم الضائعين وضائع رايهم

وعيد سعيد

Post: #16
Title: Re: مجرد سؤال: هل سودانيز أونلاين موقع معارض.
Author: هشام مدنى
Date: 01-20-2005, 12:19 PM
Parent: #11

الاخ وليد المبارك
عيد سعيد وكل عام وانتم بخير
Quote: اعضاء سودانين اون لاين يتم اختيارهم بصورة انتقائية
يعني صحبي وصحبك

لا والله وهذه كلمة حق تقال فى حق صاحب الموقع ارسلت له ايميل ولم اقابله من قبل
او حتى اعرف شخص يعرفه ولا عبر الهاتف وارسل لى المعلومات الذى تمكننى من الدخول
عبر الايميل .
مع تحياتى

Post: #17
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-21-2005, 07:22 AM
Parent: #11


سلامات يا وليد

كما لفتح التسجيل سيئاته ايضا له حسناته فلقد ظل الموقع لفترة طويلة دون كتاب جدد والذين بالدخل استنفذوا معظم حواراتهم وكتاباتهم واصبحت معظم الكتابات تدور حول الشخصي اكثر من العام ولذلك كان لا بد من وجود اقلام اخري ومختلفة.
ولكن اتفق معك ان الامور جرت علي غير ما نريد فبدلا من نقلنا ال افق اوسع للحوار وكتبات مختلفة ظلت الاقلام الجديدة تدور في ذات الفلك من السباب والشتم والاثارة اكثر منه تركيزا علي المحتوي.

هذه لفتة جيدة ان ما يحدث في سودانيز اونلاين لا يهم قطاع عريض جدا او الأغلبية التي هي اما مشغولة بامورها الخاصة او بقضايا ملحة.

ويبقي الدور الذي يجب ان نلعبه ويلعبه سودانيز اونلاين هو في هذا الاتجاه.
تعودنا علي ان الكيزان وعضوية الجبهة الاسلامية هم دائما من يجرون الجميع الي المستنقعات ولكننا نري الان ان من يفترض انهم الصف الوطني يشاركون ايضا بوعيهم وبلا وعيهم في هذا الانحدار.

اتمني ان نحاول بكل ما يمكن من توجيه الموقع الي وجهته الافتراضية

وكل سنة وانت طيب وبالله النمل بتاعك ده شوف ليهو طريقة

Post: #12
Title: Re: مجرد سؤال: هل سودانيز أونلاين موقع معارض.
Author: بلدى يا حبوب
Date: 01-20-2005, 09:42 AM

ابوامنية
كل سنة وانت طيب
جزء من الاجابة على سؤالك تجده فى
كاتب زائر
عيد سعيد
تحياتى

Post: #13
Title: Re: مجرد سؤال: هل سودانيز أونلاين موقع معارض.
Author: A.Razek Althalib
Date: 01-20-2005, 11:01 AM
Parent: #12

الأخ/ أبو آمنة
كل عام وأنت والجميع بخير
Quote: هل سودانيز أونلاين موقع معارض
كلٌ يرى بعين طبعه.
والتحايا عبرك لكل الرائعين...

Post: #15
Title: Re: مجرد سؤال: هل سودانيز أونلاين موقع معارض.
Author: Tara
Date: 01-20-2005, 12:17 PM
Parent: #13

Quote: يعني الزول ما يغيب شوية الا يجي يلقي الناس بتلعب ليهو في البوست بتاعو بعد كدة الواحد لو عايز يعمل بوست لازم يشتري ليهو سوط ولا يقطع ليهو فرع بتاع نيمة



الكلام دا بدينك


كل سنة وأنت طيب وربي يحقق الأماني


سوف أعود مرة أخرى

Post: #19
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-21-2005, 07:25 AM
Parent: #13


الأخ عبدالرازق الخطيب كل سنة وانت طيب

كل يري بعينه سليمة بكل تأكيد ولكن هنالك ما لا يمكن رؤيته بطريقتين مختلفتين .... فلنتساءل حول المنبر حاليا وما يقدمه هل يختلف الخصوم والاصدقاء في انه ينحدر نحو الهاوية.

اردت ان اثير عددا من النقاط من خلال هذا الموضوع.

دور البورد حيال ما يحدث في السودان
تصنيف تحييد البورد.
دوامة الخلافات والتصفيات الشخصية.

فاذا كنا نري بعيون مختلفة بالنسبة لتصنيف وتحييد البورد اظننا علي الاقل نتفق دوره الحالي والتفيات الشخصية.

اتمني انعمل كل من جانبه لتجاوز هذا الأمر.

Post: #18
Title: Re: مجرد سؤال: هل سودانيز أونلاين موقع معارض.
Author: Abo Amna
Date: 01-21-2005, 07:24 AM
Parent: #12


بلدي يا حبوب العزيز

كل سنة وانت طيب

وشكرا لهذه الاضافة

Post: #20
Title: Re: مجرد سؤال: هل سودانيز أونلاين موقع معارض.
Author: fadlabi
Date: 01-21-2005, 08:59 AM

معارض يعني شنو