Post: #1
Title: ريكاردو الهلال وهم كبير
Author: طلحة عبدالله
Date: 09-19-2007, 11:57 AM
قال أرضية الملعب سيئة ماأعاق حركة اللاعبين وأثر بدرجة كبيرة على النتيجة غير المقبولة التي خرج بها الفريق في مباراة أمس الاول امام المجد السوري.
دا تبرير مدرب الهلال للنتيجة الضعيفة التى خرج بها الهلال العالمي امام أضعف فرق سوريا ..
راجع ليك يا وهم كبير ...
|
Post: #2
Title: Re: ريكاردو الهلال وهم كبير
Author: abuguta
Date: 09-19-2007, 12:03 PM
Parent: #1
انت دخلك شنو
كدى شوف ليك طريقة
تقدر تتعدا بيها الدراويش
والدلاقين
ياخى انت مالك جيت متاخر وكمان فى رمضان
يازول ما تمشى تشوف شدادك وين
|
Post: #4
Title: Re: ريكاردو الهلال وهم كبير
Author: طلحة عبدالله
Date: 09-19-2007, 12:17 PM
Parent: #2
abuguta سلامات ..
Quote:
انت دخلك شنو
كدى شوف ليك طريقة
تقدر تتعدا بيها الدراويش
والدلاقين
ياخى انت مالك جيت متاخر وكمان فى رمضان
يازول ما تمشى تشوف شدادك وين
|
ما عندي دخل في مستوي الهلال الضعيف
لكن ما بقدر اخلى كلام ( وهم ) زى بتاع ريكاردو دا ساي ..
الزول دا قال الارضية كعبة صاح ....
(خشم مفتوح مترين من الإستغراب)
خلينى استوعب دهشتى دى وارجع ..
الله يدينا خيركم يا انتو ..
|
Post: #3
Title: Re: ريكاردو الهلال وهم كبير
Author: Moawia Mohammed
Date: 09-19-2007, 12:09 PM
Parent: #1
Quote: ريكاردو الهلال وهم كبير
|
انت يا زول صحفي وين ؟
|
Post: #5
Title: Re: ريكاردو الهلال وهم كبير
Author: abuguta
Date: 09-19-2007, 12:24 PM
Parent: #3
| Quote: الله يدينا خيركم يا انتو .. |
يازول نحن موجودين
من سنة حفرو البورد
لكن انت الله يدينا خيرك
ياخى روق المنقة
لا تتكلم فى عشق الاغلبية
تفرج وبس
|
Post: #7
Title: Re: ريكاردو الهلال وهم كبير
Author: طلحة عبدالله
Date: 09-19-2007, 12:33 PM
Parent: #5
هو دا شنو أسي
Quote:
يازول نحن موجودين
من سنة حفرو البورد
|
المقصود ب ...( يا انتو )
الضلالاب الحالمين يا زول ..
|
Post: #6
Title: Re: ريكاردو الهلال وهم كبير
Author: طلحة عبدالله
Date: 09-19-2007, 12:26 PM
Parent: #3
Quote:
انت يا زول صحفي وين ؟
|
في الوادي حسين ...
خير إنشالله ..
|
Post: #8
Title: Re: ريكاردو الهلال وهم كبير
Author: طلحة عبدالله
Date: 09-19-2007, 12:40 PM
Parent: #6
ارضية كعبة .....
يعنى الشوام ديل كانو بلعبوا فى حرير واللا كيف......؟
وبعدين تعال هنا انت أسي قبل يومين ما غلبت في الارضية الكعبة دى ذاتا اهلى القرن واللا ديك كانت ضربة حظ ثلاثية الأبعاد ..
ضربنى بكي سبقنى أشتكي ..
جائيك ..
|
Post: #9
Title: Re: ريكاردو الهلال وهم كبير
Author: امجد محمد الأمين
Date: 09-19-2007, 12:46 PM
Parent: #1
| Quote: انت يا زول صحفي وين ؟ |
فى جريدة ابو العيط الدولي ...
هذا زمانك يا صحافة فامرحي ...
بس انحنا وراك وراك ...
الا الهلال ...
انت ما عندك فريق تكلم عنووو خلاص فريقك دا منزه ...
اتكلم عن الرد كسل ...
اتلكم عن اتوفستر ..
اتلكم عن عم ابالووو ..
و العم العجب ..
و العم باولينووو ..
اتكلم عن كبيركم الذي علمكم الحقد ...
كبت الحقيقة ...
سيب الهلال دا فى حالوا ...
هسي عليك النبي شفت ليك هلالابي بكتب عن المريخ اوضع من انووو انا اتعب روحي و اشيل ورقة و قلم و اكتب عنووو ..
عشان كدا اذا كان الهلال دا ما عاجبك سيبوا فى حالووووو و امشي اكتب عن فريقك المونديالي ....
و مدربك المونديالي ...
اكتب عن ملوص ...
بتعرف ملوص و لا ما بتعرفوا ...
اكتب عن سفة سفاري ...
بتعرف السفة و لا ما بتعرفه ...
|
Post: #10
Title: Re: ريكاردو الهلال وهم كبير
Author: طلحة عبدالله
Date: 09-19-2007, 12:54 PM
Parent: #9
مجودى الشاطر
Quote:
فى جريدة ابو العيط الدولي
|
ابو الغيط الدولى دا منو ....؟؟
(عيون مارقة من جحورن)
|
Post: #11
Title: Re: ريكاردو الهلال وهم كبير
Author: طلحة عبدالله
Date: 09-19-2007, 01:12 PM
Parent: #10
السيد ريكاردو
دعك من التبريرات الساذجة الفطيرة لتمرير خيبتك الكبيرة ..
كنت انت ولاعبيك ومن خلفك الاعلام المضل سببا مباشرا في التواضع المزري الذي كان عليه فريقكم وقادكم لهذا الفوز شبيه الخسارة (بحسابات الذهاب والاياب) رغم انكم تلعبون بارضكم ووسط جمهوركم وفي مواجهة أضعف الفرق السورية وأقلها خبرة ومشاركات خارجية مقارنة بفريقكم الذي تتخم بالتجارب وتشبع بالإحتكاك كونه مشاركا بصفة مستمرة في مختلف الجبهات .
لا يعنينا فى شىء إن أردت الهروب من الكارثة التى صنعتها بيدك لفريقك ..
لكن عليك فقط ان تعترف بدون مكابرة أو لف ودوران وأوهام أنك أخفقت في اختبار المدربين في مواجهة نظيرك السوري لان الشوط الثاني هو شوط المدربين والشاطر يكسب , وانت كنت بعيد كل العبد عن الشطارة بدليل توهان فريقك وسيطرة الفريق الضيف وتقليصه لفارق الثلاثة النظيفة إلى مقابل هدفين ولولا العارضة وانحياز الحكم وسوء الحظ وبعض من رعونة المهاجمين الشوام لخرجت بخيبة أثقل وأمر ..
برجع ليك يا ريكاردو ..
|
Post: #12
Title: Re: ريكاردو الهلال وهم كبير
Author: Moawia Mohammed
Date: 09-19-2007, 01:17 PM
Parent: #1
| Quote: ريكاردو الهلال وهم كبير |
| Quote: راجع ليك يا وهم كبير ... |
| Quote: (خشم مفتوح مترين من الإستغراب) |
Quote: المقصود ب ...( يا انتو )
الضلالاب الحالمين يا زول .. |
| Quote: في الوادي حسين ... |
| Quote: (عيون مارقة من جحورن) |
اللهم لا اعتراض في حكمك
|
Post: #13
Title: Re: ريكاردو الهلال وهم كبير
Author: طلحة عبدالله
Date: 09-19-2007, 01:37 PM
Parent: #12
Quote:
اللهم لا اعتراض في حكمك
|
ونعم بالله يا مواطن
والسؤال قائم
جاوب عشان ما أسفه ردك تانى
في شنو.......؟
|
Post: #14
Title: Re: ريكاردو الهلال وهم كبير
Author: طلحة عبدالله
Date: 09-19-2007, 01:59 PM
Parent: #13
لماذا إستبدلت حمودة بشير المندمج مع زملائه فى اجواء المباراة والمسيطر معهم على منطقة المناورة بلاعب اخر لاحول ولاقوة هل بمجريات وأحداث الميدان وحساسية اللعب ..؟
إلا تعرف ان اغبي التبديلات هى تلك التى تتم وفريقك متقدم لعبا ونتيجة ...؟
ماذا اعجبك فى لاعب مثل سيف مساوي فرغت طاقته وانتهت لياقته ذهنيا وبدينا وأصبح أشعار خصم على فريقه في الوقت الذى بدأ فيه الفريق السوري يستعيد توازنه فى الوسط والهجوم ..؟
لماذا لم تخير لاعبيك أثناء المباراة بضرورة تهدئة اللعب والتمرير من لمسة وتجنب الإحتكاك مع الشوام العمالقة الضخام حتى لا تميل الكفة للضيوف ويستغلون هذه الوضعية في السيطرة على ملعب المباراة .
بدل ان تتحدث عن سوء ارضية الملعب التى اكتشفتها أمس الأول فقط كان عليك ان تتحدث عن سلبية اللاعب هيثم مصطفي أداء وقيادة .. ؟
كنا ننتظر ان تتحدث عن رعونة المهاجم النيجيري كلتشي وتسرعه وانانيته المفرطة وإهداره للعديد من السوانح السهلة ..؟
ريكاردو زعلتنى شديد وحاة النعمة ..
|
|