Post: #1
Title: الاميرة دى عملت شنو عشان تعاقبوها بالشكل دا??
Author: M A Muhagir
Date: 09-18-2007, 01:26 PM
الاميرة دى عملت شنو عشان تعاقبوها بالشكل دا??
|
Post: #2
Title: Re: الاميرة دى عملت شنو عشان تعاقبوها بالشكل دا??
Author: M A Muhagir
Date: 09-18-2007, 01:56 PM
Parent: #1
اسمها الاميرة كاثرينا اماليا
ابوها هو ولى العهد الهولندى الامير فيليم الكساندر
Willem Alexander van Oranje
وحبوبتها هى الملكة بياتركس ملكة هولندا. وصاحبة المليارات والجاه والسلطة.
المدارس الحكومية فى البلد دى عال العال وزى الحلاوة. عشان كدة ماف هولندى بفكر انه يودى ولده لمدرسة خاصة.
بالمناسبة المدارس الخاصة هى للطلبة بتاعين المشاكل. وهى نادرة جدا.
التعليم فى هولندا مستواهو ممتاز. يعنى هولندا ترتيبها الخامس عالميا.
التعليم يتميز بالحرية. اى جماعة او فرد يمكن ان يفتح مدرسه حسب رؤيته الخاصة. لذلك نجد المدارس المسيحية واليهودية والاسلامية وغيرها.
الكل يجد تعليم جيد. ودى فرصة كنكشوا فيها اولادنا المحظوظين. مش زينا نحن الاتملطشنا لمن شبعنا.
|
Post: #3
Title: Re: الاميرة دى عملت شنو عشان تعاقبوها بالشكل دا??
Author: M A Muhagir
Date: 09-18-2007, 01:59 PM
Parent: #1
الامير حقنا عنده ملايين. امه عندها مليارات.
بس عنده فلسفة محيرانى
ودا بنته الاميرة اماليا لمدرسة حكومية عامة. الطلبة فيها من عامة الشعب.
فلسفته انو عاوز البنت تختلط بناس من عامة الشعب و تعيش حياة عادية.
طبعا هو متزوج من واحدة ارجنتينية من عامة الشعب.
طيب دى مشكلتك انت. اميرتنا الصغيرة دى ذنبها شنو عشان تدخل مدرسة عادية.
يا اخى اعمل ليها مدرسة فى واحدة من قصوركم دى.
كمان جيب ليها ناس من عامة الشعب يونسوها زى ما بيعملوا امرانا المزيفين ديلك.
عليكم الله دا مش عقاب
مهندس محمد مهاجر
|
Post: #4
Title: Re: الاميرة دى عملت شنو عشان تعاقبوها بالشكل دا??
Author: M A Muhagir
Date: 09-18-2007, 02:56 PM
Parent: #3
للانصاف عاوز اقول انه نحنا فى السودان برضو عندنا امراءحقيقيين ورايعين. ديل يستحقوا مننا الاحترام والتقدير.
|
Post: #5
Title: Re: الاميرة دى عملت شنو عشان تعاقبوها بالشكل دا??
Author: شهاب الفاتح عثمان
Date: 09-18-2007, 05:41 PM
Parent: #4
اذا سائلتني انا مع وجه نظرالامير !!
الاميره اميره وتظل كذلك وجودهاوسط
الشعب يعطيها الحياه و الفكرو اسرار اليوميات
و تظل اخر اليوم محفوظه في برج عالي عاجي
شكرا لمواضيعك المتميزه
|
Post: #6
Title: Re: الاميرة دى عملت شنو عشان تعاقبوها بالشكل دا??
Author: M A Muhagir
Date: 09-19-2007, 01:51 PM
Parent: #5
Quote: اذا سائلتني انا مع وجه نظرالامير !!
الاميره اميره وتظل كذلك وجودهاوسط
الشعب يعطيها الحياه و الفكرو اسرار اليوميات |
الاخ الفاتح
شكرا على مشاركتك.
انا كذلك مع رأيك. البوست يبدو كانه يدعو الى عكس ذلك. فانا قصدت ان الفت الانظار الى ان اولى الامر منا اعتادوا ان يضعوا ابنائهم فى ابراج عادية كما قلت. فكلنا يتذكر مثال لسودانى ابن وزير او غيره , يعيش حياة بعيدة عن عامة الشعب.
تخلف ....
تحياتى
|
|