Post: #1
Title: قاموس سوداني
Author: رومانسي
Date: 03-14-2002, 12:55 PM
الاخوة البورداب مثلما نجح اخونا شماسي في اخراج مخزونكم من المصطلحات المتداولة بين قطاع الشماسة اقترح ان نواصل في اخراج مخزوننا من الكلمات السودانية الغريبة التي لا يلم بها هذا الجيل المام جيدفهناك بعض المفردات ظهرت لي بالامس في بوست الاخ ايمو كلمات مثل التركاش والعكش والكوكاب وطبعا يوجد الكثير من المفردات المتداولة في بعض مناطق السودان يكون لها مرادفات في مناطق اخري لذلك اقترح لكل من له مخزون من هذه الكلمات ان يمدا بها في هذا البوست
ومثال لذلك :-
السعن
الواسوق
السلوكة
ام جنقر
والخ...
وهذه ضربة البداية
|
Post: #2
Title: Re: قاموس سوداني
Author: yasiko
Date: 03-14-2002, 01:09 PM
Parent: #1
فكر جميلة ولكن نريد ان يكتب المعنى معها لو وافق حبيبنا صاحب الفكرة
كودنشبر =فقة صغيرة يستخدمها المزارع في نقل التراب لسد الماء السائل وقد وردت في شعر حميد
التكم =قفل الباب وكان يسمى الكبد قبل ان يصبح الباب اليوم
الحنقوقة =شريحة من عرجون النخل الناشف
الدانقة =البرندة
|
Post: #3
Title: Re: قاموس سوداني
Author: رومانسي
Date: 03-14-2002, 01:25 PM
Parent: #2
عفوا اخواني انا قصدت الكلمة والمعني لكن نسيت اكتب المعني في الكلمات النزلتها ان شاء الله برجع ليها
|
Post: #4
Title: Re: قاموس سوداني
Author: 7abib_alkul
Date: 03-14-2002, 02:51 PM
Parent: #2
ولله الفكره جميله وخاصه مع عيال المغتربين والمهاجرين
1/ الدوكه***مكان لوقد النار علي الارض
2/القفوزه*** تلقيح انثي النخيل
3/التيوه*** نواه ثمره الدوم
4/ود الاحد*** المكان الذي يوضع فيه الجثمان اخل القبر
5/الدافوري*** لعب كره القدم في شوارع او ميدان وسط الحله
6/الككر*** مقعد صغير الارتفاع من الارض
7/الللس*** عود من الخشب يدخل في تكوين الساقيه
8/الطاقه*** فتحه في الجدار تتطل علي الجار الملاصق
9/التايه*** صندوق من الخشب يستعمل لحفظ الاقراض
10/القرقريبه*** تصنع من السعف وتستخدم في العواسه
وللحديث بقيه
|
Post: #5
Title: قاموس سوداني
Author: seventy
Date: 03-14-2002, 03:53 PM
Parent: #1
كيفك يا صديقي
والله يا حبيب فكرة في السلك
وأحييك على الأفكار النيرة دائما
ومبرووووووووووووووووووووووووووك
أكيد عرفتها
وانا جاييك وحأقدك في البوست بتاعك دة
والله إلا تقول كفى
|
Post: #6
Title: قاموس سوداني
Author: seventy
Date: 03-14-2002, 03:53 PM
Parent: #1
كيفك يا صديقي
والله يا حبيب فكرة في السلك
وأحييك على الأفكار النيرة دائما
ومبرووووووووووووووووووووووووووك
أكيد عرفتها
وانا جاييك وحأقدك في البوست بتاعك دة
والله إلا تقول كفى
|
Post: #7
Title: Re: قاموس سوداني
Author: رومانسي
Date: 03-16-2002, 09:16 AM
Parent: #6
بارك الله فيك اخي سفنتي
طبعا عرفتها لاني بقيت متوسط
نتوقع الكتير منك لنثري معرفتنا بتراثنا
اما بالنسبة للمفردات
السعن = جلد يستخدم في حمل الماء او اللبن
السلوكةو الواسوق = ادوات زراعية
|
Post: #8
Title: Re: قاموس سوداني
Author: miss_sudan
Date: 03-16-2002, 09:28 AM
Parent: #7
اي عليكم الله عاوزين حاجة من الشكل دة علشان على الاقل نتواكب مع اللهجة
ونفهم المسلسلات
مش زي مسلسل الدهباية وكنا مسطحات منها
وبالمنسابة احكي ليكم نكتة عن بنت خالتي والقبلوها شهادة عربية بطب الخرطوم
وسالوها عن اسبتالية ام درمان
فقالت ليهمانا عارفة ام درمان بس الاسبتالية دي ما عارفاها شنو
|
Post: #9
Title: Re: قاموس سوداني
Author: yasiko
Date: 03-16-2002, 10:45 AM
Parent: #8
يا مس سودان سلام
انت من زمن زمن الدهباية وما بتفهمي المفردات دي
الله يكون في عون بت خالتك
|
Post: #10
Title: Re: قاموس سوداني
Author: miss_sudan
Date: 03-16-2002, 10:54 AM
Parent: #9
انا بت متين
|
Post: #11
Title: Re: قاموس سوداني
Author: yasiko
Date: 03-16-2002, 10:59 AM
Parent: #10
الدهباية دي ما زمن نميري
والله انت ولدوك يوم الانتفاضة معليش
|
Post: #12
Title: Re: قاموس سوداني
Author: رومانسي
Date: 03-16-2002, 11:09 AM
Parent: #11
ياسيكو معليش بتنا قصدها الدهباية في المسلسل السوداني الاخير العرض في رمضان قبل الماضي اخد طرادتك وانزل هنا لوووووووووووووووووووووووول
|
Post: #13
Title: Re: قاموس سوداني
Author: yasiko
Date: 03-16-2002, 11:33 AM
Parent: #12
شكرا رومانسي لاعادة الحقوق لذويها
مع الاعتزار للركاب ومس سودان
والله لا علم لي بالجديد هذا
|
Post: #14
Title: Re: قاموس سوداني
Author: قرشـــو
Date: 03-16-2002, 11:53 AM
Parent: #13
رومانسى
سلام يا حبيب ووين سلوكك ياخى
فكرة حلوة اكيد وحاتخلى بناتنا واولادنا المولودين فى المهجر يعرفوا شىء عن بلدهم برضو وما يقعدوا يطهموا بين الناس ساكت..
اول حاجة اصحح اخونا حبيب الكل فى مسألة الدوكة..
الدوكة هى صنو الصاج يا حلو
والصاج قطعة مربعة من الحديد الصاح توضع على اربع حجارة ويوضع الحطب من اسفله وتعاس عليه الكسرة او القراصة وقد جاء الان صاج كهربائى والكل يعرفه..
اما الدوكة فهى تصنع من الفخار وتكون ناعمة الملمس وتعاس عليها الكسرة ايضا وكسرتها شرط يا شباب واقطع ضراعى اكان فيكم واحد اكل كسرته الدوكة..
|
Post: #15
Title: Re: قاموس سوداني
Author: ebrahim_ali
Date: 03-16-2002, 04:26 PM
Parent: #14
والله ياجماعة عقدتونا عديل كده يعني ما نطلع من البورت دا ولا شنو فرغم الواحد عازف عن الكتابة ويقراء فقط ما تكتبه اناملكم المرهفة الحس والمبدعة والمبعدة عن ديارها ايضاً اجد نفسي مرغما في الكتابة لبراعة الموضوع المطروح واهميته فشكرا لك الاعزاء والاصدقاء الذين تعرفنا عليهم من خلال هذا البورت الفلتة والشرط لمن غلط ويخلي الواحد مكسر فيهو حتة حتة وبمناسبة القاموس السوداني هذه بعض الكلمات التي خطرت في بالي الآن ولعلها تفيدكم العنقريب وهو السرير ويكون عادة مجلد او مسور بالحبل او البلاستيك والبنبر وهو المقعد الصغير الذي تجلس فيه الحاجة في التكل والتكل هو المطبخ والتبروقة وهي المصلاية ودي بنصلي فيها وكذلك بتقعد فيها المراة العايزين يمشطوها ويمشطوها معناها يعلموا ليها الكوفير وللمزيد لمعرفة هذه اللغة الفريدة والمتيزة اللهجة السودانية هنالك بعض الكتب تحدثت عن هذا الموضوع امثال د. عون الشريف قاسم والطيب محمد الطيب وغيرهم
ويلا ياشباب ورونا المزيد وكدي قبلوا جاي على ناس البطانة ديل وشوفو عندهم شنو
|
Post: #16
Title: Re: قاموس سوداني
Author: جيفارا
Date: 07-01-2002, 06:42 AM
Parent: #15
التكل=المطبخ
النملية=دولاب لخفظ ادوات المطبخ
السفنجة=خذاء او لورى للشحن
الاستبالة=المستشفى
زول=شخص
انداية=محل لبيع و تعاطى الخمورى
|
Post: #17
Title: Re: قاموس سوداني
Author: قرشـــو
Date: 07-01-2002, 07:04 AM
Parent: #16
الأخ جيفارا
الانداية : مكان عام لبيع وشرب الخمور البلدية والمعروفة بالمريسة
المريسة : خمرة بليدة تتكون من تخمير الذرة ولها اسماء مرادفة منها البغو
وهذه انتهت الان واصبحت من الموروثات .ز قصدى الانداية مش المريسة فالمريسة ما زالت موجودة وهنالك نكتة عن المريسة
يقال انه افتتح سابقا معهدا دينيا فى منطقة اهلها يعيشون على المريسة وجاء التلاميذ للعيش فى الداخلية ولكنهم اضربوا عن الدراسة بعد اسبوع واحد مطالبين بادخال المريسة كوجبة رئيسية فى المعهد الدينى
والانسان ابن بيئته
|
Post: #18
Title: Re: قاموس سوداني
Author: يازولyazoalيازول
Date: 07-01-2002, 07:05 AM
Parent: #16
كأنك تقرأ خواطرى يا رومانسى فأنا منذ أكثر من شهر أجمع فى هذه الكلمات مستعينا بقاموس اللهجة العامية للدكتور عون الشريف قاسم وهو مرجع هام فى هذا المجال وسأوافيكم قريبا جدا ببوست فى هذا المنحى بارك الله فيكم
|
Post: #19
Title: Re: قاموس سوداني
Author: بكرى ابوبكر
Date: 07-01-2002, 07:33 AM
Parent: #18
المستراح=الادبخانة=بيت الادب= الحمام
كباية الشب=كباية كبيرة
السهلة=الحوش=ساحة كبيرة داخل البيوت الكبيرة
الكشف=المشاركة المادية فى الماتم و الافراح =الرقص بصورة..
اللقيمات=فطائر تقدم عند الصباح مع الشاى
السقالة=عواميد تستخدم فى المساعدة فى البناء
|
Post: #20
Title: Re: قاموس سوداني
Author: EMU إيمو
Date: 07-01-2002, 08:17 AM
Parent: #19
الدنيا فاراً دقس والزمان دفيس
الحاحاية = الراكوبة
المطمورة = صومعة غلال أرضية
الحردود
الدلجة
البور
السراء
الدميرة
الويوي
|
Post: #21
Title: Re: قاموس سوداني
Author: banadieha
Date: 07-01-2002, 08:25 AM
Parent: #20
رومانسي
عاد ما نبشت مطمورة
ولكن السعن ما هو قربة بس وانما ليهو وظيفة مهمة
في عمل الفرصة بضم الفاء حيث يعلق على المشلعيب ويهز
وينخض اللبن الجواهو وتتكون الفرصة أو الزبدة أو السمنة
وبعدين يجن ناس فاطمة ويخرطوها بالقرقريبة..والقرقريبة
دي كمان كان بتظهر في عواسة الأبري والحلومر
وهي عبارة عن حاجة زي المسطرة ولكنها مقطوعة من جريدة
نخل وتستعمل لتمليس الكسرة والأبري والحلومر
|
Post: #22
Title: Re: قاموس سوداني
Author: EMU إيمو
Date: 07-01-2002, 08:42 AM
Parent: #21
العزيز بناديها
الفٌرصة لا تستخلص من خض الحليب
في السعن فحسب إنما الكنبوت هو
المفضل . يحزم بشبك كالمشلعيب
ويعلق بحبل
|
Post: #23
Title: Re: قاموس سوداني
Author: banadieha
Date: 07-01-2002, 08:52 AM
Parent: #22
والله ياباشمهندس الكنبوت دا الكنا كايسين ليهو
وزمنا داك كان أم بلينا تجي لناس امي
تكب ليهم السمن من السعن وتشيل الودك من الصفيحة
وتقوم تعلق سعنها دا في راكوبة الحاجة وتاخد ليها
لفة على بيوت ناس الحلة وتجي مرة مرة راجعة لسعنها
دا وتقعد تجقه وتكب منه في كورة وتمشي وهكذا
وأم بلينا دي من الكبابيش في غرب أمدرمان وكانت
تجي راكبة حمارتها ويرحب ناس الحلة بعودتها وكانت
لنا عمة لسانها فالت ودائما تلخبط في نطق أسم أم بلينا
وتقول ليها أم بلبينا..والبالبينا ما عارف هي شنو
بالضبط..ولكنها أحد أجزء الجهاز الهضمي..وتشكل مع
المصارين بعد إزالة الفرت منهما مادة سمحة لعمل الكمونية
|
Post: #24
Title: Re: قاموس سوداني
Author: ابوحراز
Date: 07-01-2002, 09:03 AM
Parent: #1
هذا موضوع شيق وجميل وكبير
لكنكم أحبتي تسبحون في أكبر محيط للعامية في العالم
عليكم أن تركبوا شيئاً أكبر من تايتانك لتطوفوا كل بقاع السودان
اخوتي الم تسمعوا بذلك المستشرق الإيطالي
لقد كان ضالعاً في اللغة العربية
لكنه كان شغوفاً بالعامية السودانية
وحضر الى السودان تاركاً أزياء روما وأضواء نابولي
يريد أن يحضّر رسالة في العامية السودانية كما قال
وبدأها من سواكن على امل ان يصل الى نمولي
جلس صاحبنا عصراً في أحد مقاهي أدروب على كنبة طويلة
جاهو واحد قال ليهو : زح يا خواجة
قام الخواجة كتبها في المفكرة بتاعتو
جاهو واحد تاني قال ليهو ابعد شوية
قام زولك كاتبها
جاهو واحد قال ليهو { سنّة} { بكسر السين } قام الخواجة زاحي شوية
جاهو واحد تاني قال ليهو : قرصة ياخواجة
قام صاحبك كتبها
جاهو واحد تاني من أهل العوض
قال ليهو { حوّد } يا خواجة
طبعاً هذه المرة لم يزح وانما حمل حقائبه ورجع الى نابولي
قال عامية قال
ابوحراز
-------------------
كم جميل لو بقينا أصدقاء
|
Post: #27
Title: Re: قاموس سوداني
Author: رومانسي
Date: 07-01-2002, 05:31 PM
Parent: #24
الاخ ابو حراز
اردنا هنا المسميات السودانية الغريبة او المتداولة في مناطق معينة ولم نرد ادراج الافعال الدارجة وهنا فرق كبير بين الاسم والفعل الشئ الاخر لغة القران وهي العربية لها نفس الخاصية التي زكرتها وهي ما انزل بها الله كتابه الكريم ولذلك لمرونة اللغة فما زكرته انت من مثال لاينطبق هنا ولك الشكر علي الطرفة
|
Post: #32
Title: Re: قاموس سوداني
Author: rania_siddig
Date: 07-03-2002, 02:39 PM
Parent: #24
السلام عليكم
بتشرف كتير بالانضمام ليكم والاستمتاع بكتاباتكم الحلوة وياريت تقبلوني بيناتكم
عايزة اسالك بس؟مافي واحد قال ليهو اتذاخر ولا اتزاحف كدي يا خواجة
رانية
|
Post: #33
Title: Re: قاموس سوداني
Author: رومانسي
Date: 07-03-2002, 03:30 PM
Parent: #32
الف مرحب بيك اخت رانية ويشرفني كثيرا انك اخترت هذا البوست ليكون ترحيبك ونتشرف بك مثلك تماما وان شاء الله اضافة ندية لهذا البورد العامر اما الاجابة علي سوالك فانا بقول لابو حراز تعال يا زول جاوب علي قصتك
|
Post: #25
Title: Re: قاموس سوداني
Author: cola
Date: 07-01-2002, 11:25 AM
Parent: #1
بوست حلو يارومانسي
الشفخانه /مستوصف
كرخانه/ محل لبيع الحشيش والخمور
مفراكه/ ....
كجومورو/ نوع من انواع الخمور البلديه
العسليه/ والمريسه
والبقية تاتى
|
Post: #26
Title: Re: قاموس سوداني
Author: Wad Aljaili
Date: 07-01-2002, 11:39 AM
Parent: #25
تدكيسة/مغفل
صمات-قباط/كثير الكلام او غير مرغوب به
اتلحس/مشى او اخذ حسب المعنى
جيهمو/قضى المراد
البرش/مصلاية الصلاة
البرندا/صالة صغيرة او مفتوحة من عدة جهات
قرض/نوع من الزراعة وتستعمل الكلمة للمعنى
كروش/وهم
جنينة او رافع جنينة/مجنون
ولقدام
|
Post: #28
Title: Re: قاموس سوداني
Author: Al-Masafaa
Date: 07-03-2002, 08:59 AM
Parent: #26
مسحلب يعني صامولتة محلوجة شوية
تايواني تطلق على المقلد و ليس اصليا
براي الزول الكلامة و نقتة كتيرة و المونث براية
نحل المتطفل الذي يتدخل في ما لا يعنية
كوكب الزول الجنة ملح و الزول السمح شديد
|
Post: #29
Title: Re: قاموس سوداني
Author: banadieha
Date: 07-03-2002, 09:26 AM
Parent: #28
سلام يالمسافة
:والنوم في العامية درجات
سنة
تعسيلة
ترخيمة
غمضة
دوميسة
تكية
:والملابس والأحذية
القرقاب
والكركاب
والسروال
والنكس
والهبابة
والصديري
وأم جكو
والتكة
والمركوب
والشبشب
والفردة
والشال
والملفحة
|
Post: #30
Title: Re: قاموس سوداني
Author: banadieha
Date: 07-03-2002, 09:29 AM
Parent: #28
سلام يالمسافة
:والنوم في العامية درجات
سنة
تعسيلة
ترخيمة
غمضة
دوميسة
تكية
:والهواء
الهمبريب
الزيفة
السموم
:والملابس والأحذية
القرقاب
والكركاب
والسروال
والنكس
والهبابة
والصديري
وجناح أم جكو
والتكة
والمركوب
والشبشب
والفردة
والشال
والملفحة
والجبون
والكزاكا
والستيانة
|
Post: #31
Title: Re: قاموس سوداني
Author: Al-Masafaa
Date: 07-03-2002, 10:33 AM
Parent: #30
بناديها
شايفك في النوم نسيت الغمدة علي وزن اريد الزول الحماني الغمدة و في الطقس نسيت نخرة كلب و هو البرد الشديد و في الملابس جليت جكسا في خط ستة الظاهر عليك امدرماني تايواني و لا تكون دقست و لا فطيت سطر و لا مكنتك خفت و اتلحست يا فردة
|
Post: #34
Title: Re: قاموس سوداني
Author: Abu Suzan
Date: 07-04-2002, 03:47 AM
Parent: #31
من يعرف معاني الكلمات التالية فله نصف بطيخة خضر لو كان فضل فيها باقي
السحارة
الغلق
الهقلة
الكترابة
أم تكشو
أم بقبق
الدليخة
أم شعيفة
الشكلوتة
ود أم بعلو
أم دلدوم
|
Post: #35
Title: Re: قاموس سوداني
Author: رومانسي
Date: 07-04-2002, 07:00 AM
Parent: #34
الاخ ابو سوزان
السحارة=عبارة عن صندوق لوضع وتخزين حاجيات المنزل
الهقلة = الضخم
الكترابة =كناية عن الهول والمبالغة عند اهلنا العرب
ام تكشو + ام بقبق = ملحات او طبائخ سودانية ممكن نفصلها ليك
الدليخة = غير متاكد لكن اعتقد الغبي او البليد
ام شعيفة = برضو منجرية ومنجرية يعني اكل يا ابو سوزان
الشكلوتة = كائن خرافي للدلالة علي القبح او القرد ككو حليمة يعني
وام بعلو+ البعاتي = كائنات سودانية خرافية في قصص الاطفال
ام دلدوم = لبعة في نص الضهر اي ضربة بقبضة اليد علي الظهر
الغلق= ماعارفها والله
|
Post: #36
Title: Re: قاموس سوداني
Author: Abu Suzan
Date: 07-04-2002, 07:05 AM
Parent: #35
أصبت وأخطأت؛ والساقية لسه مدورة. لكن بصراحة تستحق درجة جيد
|
Post: #37
Title: Re: قاموس سوداني
Author: بكرى ابوبكر
Date: 07-04-2002, 07:13 AM
Parent: #35
البوكس=عرية نقل صغيرة
الكندا=حافلة لنقل الركاب مصنوعة من لورى صغير
خراى =شخص كثير الغلاط و ما يرضى بحكم الجماعة
كدارة=خذاء يلبس عند لعب كرة القدم
|
Post: #38
Title: Re: قاموس سوداني
Author: Abu Suzan
Date: 07-04-2002, 08:32 AM
Parent: #37
عليك الله يا بكري ما لقيت غير الخراي دي ونحن لازمن خرى؟
just kidding
|
Post: #39
Title: Re: قاموس سوداني
Author: بكرى ابوبكر
Date: 07-04-2002, 08:39 AM
Parent: #38
الحبيب ابو سوزان
والله الكلمة دى جات فى بالى عندما كنت اطالع هذا البوست لكن لا اعرف هل هى كلمة شماسية ام من كلمات العامية السودانية ...ويا شباب العنده فكرة يفتينا فى الموضوع ده
|
Post: #40
Title: Re: قاموس سوداني
Author: Wad Aljaili
Date: 07-04-2002, 08:42 AM
Parent: #39
يا جماعة هو خراي
والا
خرخار
|
Post: #41
Title: Re: قاموس سوداني
Author: Abu Suzan
Date: 07-04-2002, 08:48 AM
Parent: #39
بل هي كلمة من أعماق العامية وتصريفها كالتالي
خرخر يخرخر خرخارا والخراي أو الخرخار هو المغالط أو غير المقر الهزيمة وهو في المعنى أقرب إلى المتجرس
|
Post: #42
Title: Re: قاموس سوداني
Author: Wad Aljaili
Date: 07-04-2002, 08:56 AM
Parent: #41
يعني
بكاي
قال الروب
ركد الكش
|
Post: #43
Title: Re: قاموس سوداني
Author: Al-Masafaa
Date: 07-04-2002, 09:12 AM
Parent: #41
طيب الزول البخش الادبخانة كتير ما خراي برضو بدون مغالطة و جرسة و لا كيف يا خرايين و المثل يقول ليك النار تخرا الرماد و لو الزول بشبه ابوه يقول ليك دا خراو خري و بزغو بزغة و و هاكم اضافة للقاموس و انتوا جيبوا المعاني
طرمنطز
خمير
شفت
لهب
جلوعة
رندوق
كبروس
حبرتجي
قروبير
جخس
بارجقول
بسطونة
كلك
كديسة
ففاتية
مشاطة
كلس
ملوص
حمريطي
|
Post: #44
Title: Re: قاموس سوداني
Author: Al-Masafaa
Date: 07-07-2002, 09:21 AM
Parent: #43
يا خرايين مالكم جليتوا البوست دا
|
Post: #45
Title: Re: قاموس سوداني
Author: 7abib_alkul
Date: 07-07-2002, 10:26 AM
Parent: #44
العزيزه المسافه
دا بوست والا امتحان؟
|
Post: #46
Title: Re: قاموس سوداني
Author: Al-Masafaa
Date: 07-08-2002, 08:12 AM
Parent: #45
حبيب الكل دا امتحان قاموسي يا طرمنطز و اشرحها لينا اديك العافية يا شلنكح
|
Post: #47
Title: Re: قاموس سوداني
Author: بكرى ابوبكر
Date: 11-21-2002, 07:00 AM
Parent: #46
فوق
|
Post: #53
Title: Re: قاموس سوداني
Author: haroon diyab
Date: 09-18-2007, 11:53 AM
Parent: #37
سيد الحوش
صباح الخير
| Quote: خراى =شخص كثير الغلاط و ما يرضى بحكم الجماعة |
يااخونا ده الخرخار وناس عطبره بقولوا ليهو زمزاق ... يمين يقعد يغالطك في المنبر بتاعك ده زاتو ...
لكن كلمة خراي دي بتدي معاني كتيره لكن مافيها ولاواحد جميل ... يعني بالواضح كده انساها.
افطار شهئ
هارون دياب
|
Post: #48
Title: Re: قاموس سوداني
Author: ود شاموق
Date: 11-21-2002, 09:50 AM
Parent: #1
العمبلوق = التيس الصغير
العتود = اصغر من العمبلوق
السخلة = الماعز الصغيرة
التيس = الجمل
البكار = الجمال
البل = الجمال
اللدر = الأسد
اللحو = الاسد
التلب = الشبل
الحاشي = الجمل الصغير
القعود = أكبر من الحاشي شوي
الدود = التمساح
الأريل = الغزال
الصبرة = الثعلب
الحصيني = الثعلب
المرفعين = الضبع
البعشوم = حيوان صغير يشبه الضبع
|
Post: #49
Title: Re: قاموس سوداني
Author: almulaomar
Date: 11-21-2002, 09:52 AM
Parent: #1
الأخوة الكرام
هذا موضوع شيق جداً ويسعدني أن أشارك فيه بهذه المفردات والمصطلحات مع ترجمة مختصرة وشرح للمعنى متمنياً التوفيق وأن تعم الفائدة .
النطع:
عبارة عن سجادة من الزعف دائرية الشكل وبها فتحة في المنتصف تماماً تستخدم عادة في عملية الدخان حيث توضع على فوهة حفرة الدخان.
الشملة:
عبارة عن غطاء ثقيل مثل البطانية وعادة ما يكون من الصوف تغطي به المرأة جسدها أثناء عملية الدخان للمحافظة على السخانة يعتبر جزء من معدات الساونا السودانية.
الكركار:
عبارة عن كريم للشعر يتم تصنيعه محلياً ومن مواد طبيعية وهو مفيد لأنه خالي من المواد الحافظة والأصباغ ينصح به الأطباء.
التبن أو الدرين:
بكسر التاء والباء وتسكين النون – وهو عبارة عن بقايا الكوشة وطبعاً يكون في الغالب محتوى تلك الأنواع من الكوش القروية تراباً ليس إلا حيث أنه لاتوجد أكياس نايلون أو خضروات أو أوراق وفي ذلك محافظة على الطبيعة وهي كوشة صديقة للبيئة.
المرواد:
عبارة عن مسمار معدني مدبب الرأس تكحل به العيون
التبروقة:
عبارة عن سجادة من الزعف مزخرفة دائرية الشكل لها رأس شبه مستطيل في مقدمتها تماماً كمضرب كرة البنق بونق وهي سجادة للصلاة وتوجد بشكل كبير لدي الشيوخ والفقراء وأمثالهم.
الركوة:
أبريق من الطين
الملودة:
عبارة عن قطعة معدنية على شكل حرف تي تنتهي بمقبض خشبي تستخدم عادة لنزع الحشائش الضارة من الخضروات والمزارع بصفة عامة.
الصرار:
هو حيلة من حيل الإنسان ووسيلة من وسائل منع صغار الماشية من الرضاعة وله عدة أشكال فعلي سبيل المثال هناك الصرار الخشبي وهو عبارة عن ثلاث أعواد بحجم قلم الرصاص توضع حول الثدي /الشطر/ بالنسبة للبهيمة بقرة كانت أم نعجة أو حتى غنماية وإن كان غنم العاصمة يستخدمن الستيانات وتوضع بشكل بارز وتلف بقطعة قماش بحيث يمنع ذلك صغير الماشية من الوصول إلى الضرع. وهناك صرار البعر ويتألف من بعر نفس الماشية يحلب عليه بعض اللبن من ضرع الماشية ويعجن الخليط ثم يوضع في قطعة قماش تلف حول ضرع البهيمة. وهو نوع من أنواع الحرب النفسية أو الجرثومية.
الشرغرغ:
عبارة عن شكل أسطواني له يد طويلة وفتحة أمامية على شكل رقم 7 يستخدم لغلى الماء عند إعداد القهوة.
المح:
هو بيض الدجاج
اللبا:
هو الحليب الكثيف الذي تفرزه الماشية خلال الأسبوع الأول وبعد الولادة مباشرة
الدانقة:
عبارة عن صالة بين غرفتين وعادة ما تكون طينية
المشلعيب:
يتكون من ثلاث جدائل أو أشرطة من السعف بعرض بوصه تقريباً تكون شكل شبكة توضع في داخلها آنية الحليب أو الطعام وتعلق في الراكوبة وبذلك تمنع وصول القطط والكلاب إليها. ويسمى في غرب السودان دوا كديس دوا كلب.
المفراكة:
عبارة عن عصا رفيعة تنتهي بعود رفيع أو عودين تستخدم لخلط ومزج الخضراوت أثناء الطهي كالبامية المفروكة أو الخضرة وهلم جرا ..
الكنش:
يشبه فيما يشبه المفراكة ويتميز عليها بأنه ينتهي بقطعة خشبية على شكل هلال وهو يستخدم عادة لعمل العصيدة.
التيبار:
هو الزير أو الجر أو ذلك الإناء المصنوع يدويا من الطين ويستخدم لتبريد الماء ويكثر في شواطئ النيل بصفة خاصة وهو أحجام وأشكال وله لونين فقط الأحمر والأسود وهذا راجع إلى نوع المادة المستخدمة وطريقة الحرق أما الأحجام الصغيرة منه فتسمى قلة وتجمع قلل.
الهبابة:
عبارة عن قطعة مصنوعة من الزعف مربعة أو دائرية الشكل تستخدم كمروحة هوائية وبخاصة في إيقاد نار الفحم.
الشعبة:
عمود خشبي ينتهي بعلامة النصر ويستخدم عادة لتثبيت سقف المنزل أو الراكوبة
القربة:
عبارة عن كيس جلدي كبير الحجم توضع فيه مياه الشرب ويعلق في مقدمة اللوري وهو أكبر سعة من السعن.
|
Post: #50
Title: Re: قاموس سوداني
Author: wadsolfab
Date: 11-23-2002, 00:35 AM
Parent: #49
الارتيق = ظل الضحى
القدوم = الة نجارة لقطع الاخشاب
المرق= حلقة الوصل بين أطراف العنقريب
الكراب = ما تحت الوسادة من حبال خاصة
المراح = إستراحة البهائم
معلق فجراوى = ذاهب ليدير الساقية مع الفجر
الانقاية = صف طويل يحتوى على عدد من أحواض الزراعة
الاشميق = المادة شبه الليفية التى توجد على طول التمر
|
Post: #51
Title: Re: قاموس سوداني
Author: Modic
Date: 01-24-2003, 07:15 PM
Parent: #1
المخلاية : جراب مصنوع عادة من الصوف
الحاوي : الساحر الذي يمتاز بخفة اليد
القربة : جراب جلدي لحمل الماء
ايد الفندك : يد حديدية تستخدم في الطحن
الاسبتالة : المستشفي
نكتل الحفلة : نحضرها
الخمرة : عطر تستخدمه النساء السودانيات
العرقي : مشروب شعبي يحتوي علي نسبة كبيرة جدا من الكحول يصنع من البلح
محمد
|
Post: #52
Title: Re: قاموس سوداني
Author: Shinteer
Date: 08-22-2003, 09:19 AM
Parent: #1
الكسرة = رغيف بلدي
الككو = قرد ابيض
البرطوش = جزمة قديمة
البعاتي = زول اهله زعلانين منه
الحوت = من المخلوقات المش حلوة
|
Post: #54
Title: Re: قاموس سوداني
Author: amin siddig
Date: 09-18-2007, 12:05 PM
Parent: #52
بوست جميل
المسافة إمتحانك صعب :
لكن بجاوب ليك جزء :
شفت : صعب تترجم لكن يعني الزول الحريف في موضوع معين مع بعض الثقة بالتفس ، و أعتقد أنها جاية من ( الشفتة ) العصابات الأثيوبية .
رندوق : لغة الشماسة
بسطونة : العصاية أو الخرطوش الأسود التخين
كديسة : ؟؟ دي دايرة سؤال ؟ ، بس مرات مصطلح بمعنى جاسوس
جخس : سمين و قليل الحركة
بارجغل : كرشو كبيرة
مشاطة : قوالة و نمامة
فاتية : الفاتية عندها معنيين ، الأول و الشائع الفتاة أو المرأة الوقحة و التي يتسم طبعها بالشراسة خاصة عند دخولها في مشاكل أو عراكات في مجتمعها المحلي ، المعنى الثانيprostitute
و أنا كنت أعرف المعنى الأول فقط في السابق و في صغري أستعملت هذه اللفظة في نقاش مازح فواجهتني نظرات إستنكار فهمت معناها مؤخراً .
حمريطي : أحمق
و مغالطعة يا شنتير
| Quote: البعاتي = زول اهله زعلانين من |
البعاتي هو حسب الأسطورة الشعبية زول قام من القبر بعد ما مات و له صفات أنه ( ينخنخ) في الكلام ، ويلبس كفناً و رأئحته رائحة حنوط ، ويستخدم وصف البعاتي للإشارة لللقبح أو لحضور شخص لم يكن متوقعاً حضوره - ولكن ليس كثيراً . وأكثر الإستخدامات لتخويف الصغار .
ومن الكائنات الخرافية الأخرى:
السحار : ويمتاز يأكل البشر
الشكلوتة .
|
Post: #55
Title: Re: قاموس سوداني
Author: othman mohmmadien
Date: 09-18-2007, 07:53 PM
Parent: #54
الكدمبس: تعني الكوشة (ليست كوشة العرس، بل تجمع الأوساخ).
الكمتر: رايزوم النجيلة - يخرجه الأطفال من الأرض ويأكلونه - طعمه جيد ورائحته طيبة.
|
Post: #56
Title: Re: قاموس سوداني
Author: اساسي
Date: 09-18-2007, 07:59 PM
Parent: #55
يا حليلي !!
الجاب البوست دا بالله من قبره منو بالله
يحي العظام وهي رميم
|
Post: #57
Title: Re: قاموس سوداني
Author: اساسي
Date: 09-18-2007, 08:02 PM
Parent: #56
كتبت البوست سنة 14-03-2002 والان اعقب عليه بعد خمسة سنوات ونص 18-09-2007
امانة يا التكنلوجيا ما سرك باتع وغميص
|
Post: #58
Title: Re: قاموس سوداني
Author: tariq
Date: 09-18-2007, 08:13 PM
Parent: #1
رمضان كريم وكل عام وانتم بخير ..
قبل اعوام مضت كتبت الموضوع ( في الوصلة ادناه ) وحاضرين معاكم للاستمرار والرد على اسئلتكم لتكون الاجابة من كتاب اللهجة العامية في السودان للمرحوم الدكتور عون الشريف ( عليه رحمة الله )..
اللهجة العامية في السودان
|
Post: #59
Title: Re: قاموس سوداني
Author: بت العزازه
Date: 09-18-2007, 10:43 PM
Parent: #1
شكرا اخى رومانسى لطرح هذا الموضوع الرائع والذى نحتاجه جدا نحن فى المهجر
لربط ابناءنا ببلدنا الحبيبوثقافاته وموروثاته
الكنتوش ..
مصنوع من الفخار وحجمه صغير جدا واعتقد ان اكثر استخداماته كانت تتركز فى الرحمتات
وهى التى تقام فى الجمعه اليتيمة (اخر جمعه فى رمضان)
وهى كترحم على الاموات واظن ان الاسم اشتق من(رحمة الاموات )
وايضا من استخدامات الكنتوش سابقا وعاء يشرب به الروب .
المشلعيب..
دواء كلب ودواء كديس كما كانو يطلقون عليه سابقا يصنع من الحبل او الدبارة او القماش ويعلق
كشى متدلى من سقف البيت او الراكوبة ويوضع عليه الصحن او الجلة او الكنتوش ومن
فوائده ابعاد الاكل عن الكلاب او الكديس او اى حيوان اخر ومن مميزاته ان الاكل بداخله لا يخرب بسرعة ممكن ان يبقى
يوم او يومين او كثر
ولى عودة ان اذنت لى اخى.
|
Post: #60
Title: Re: قاموس سوداني
Author: بكرى ابوبكر
Date: 09-18-2007, 11:02 PM
Parent: #59
| Quote: الجاب البوست دا بالله من قبره منو بالله |
يا حبيب نكته من الاشيف لاقنى فى طريقى قلت بوست ينفع فى رمضان
|
Post: #61
Title: Re: قاموس سوداني
Author: معاذ حسن
Date: 09-19-2007, 09:30 AM
Parent: #60
Quote: كتبت البوست سنة 14-03-2002 والان اعقب عليه بعد خمسة سنوات ونص 18-09-2007
امانة يا التكنلوجيا ما سرك باتع وغميص
|
اساسي الكان رومانسي !!
بوست ممتع ومفيد.
شكرا بكري.
لنا عودة ولنا مهدي ايضا.
|
Post: #63
Title: Re: قاموس سوداني
Author: nadus2000
Date: 09-19-2007, 01:35 PM
Parent: #61
| Quote: الجاب البوست دا بالله من قبره منو بالله |
كيفك اساسي الكان رومانسي
تعرف يا اساسي أنا لما شفت البوست دا، على الصفحة الأولى وقريت اسم "رومانسي" قدامه، قلت أكيد أن هناك اعتداء على حقوقك الملكية، وتساءلت وقلت بيني وبين نفسي..
يا حليلك يا أساسي هنت لدرجة انو الجماعة الجداد ديل يشيلوا هويتك عدييييل كدا.
الحمدلله الجات سليمة...
والله بالجد كان للمنبر طعمه، وللاختلاف قيمه...
شكرا بكري أبوبكر
وياريت يا بكري يكون هذا تقليد، يعيد الحياة لبعض البوستات القيمة..ويعيد لنا بعض المتعة.
|
Post: #62
Title: Re: قاموس سوداني
Author: maman
Date: 09-19-2007, 12:32 PM
Parent: #1
الهرود= البلح الذي يتساقط من النخلة قبل موعد نضجه وهو أخضر ثم يلين بعد يومين أو ثلاثة ويكون قابلا للأكل
الاشميق : ليف النخلة وتصنع منه الحبال
العراقي : القميص الذي يصل الى الركبة أو ما بعدها ويلبسه الرجال
اللبن المقنن: الحليب يسخن في حلة قعرها تعرض للنار
البرم: زهرة شجرة الطلح
المريق : نوع من أنواع الذرة
الجراب : إناء يصنع من الجلد المدبوغ ويستعمل لحفظ الحبوب أو الدقيق أو لأغراض أخرى
النوار : الزهور
الحلو مر : شراب ابتدعه أجدادنا يشرب في رمضان وأهم مكوناته الذرة المزرعة (المبرعمة)
العواسة: عملية إعداد الكسرة والقراصة
قدحة البصلة : تحمير البصلة بالزيت
الروب : هو اللبن الحامض
الجلد المدبوغ: الجلد يغمس في ماء به قرض (وهو ثمرة شجر السنط) بطريقة معينة وينزع صوفه أو شعره ويكون لينا وقابلا للاستخدام لكثير من الأغراض
البقنية : شراب يطفىء الظمأ في حر الصيف
الدميرة : وقت فيضان النيل
الصارقيل : دودة صغيرة تعيش في الطين تشبه الثعبان تستخدم كطعم لصيد الأسماك
اللبدة: حشوة من الصوف توضع على ظهر الدابة ليركب عليها الراكب
العنقريب: سرير من الخشب ابتدعه أجدادنا وينسج بحبال
الكتقة : باب يصنع من عيدان شجر السيسبان ويستخدم في مداخل الزرايب أو الجناين
الصنان: رائحة البول بعد تعرضه لأشعة الشمس
الفرتة: ما يخرج من كرشة الذبيحة من بقايا الأكل
الدلقان وجمعها دلاقين: قطعة القماش القديمة
|
Post: #64
Title: Re: قاموس سوداني
Author: خالد علي محجوب المنسي
Date: 09-19-2007, 09:27 PM
Parent: #62
الحبيب الفاضل / رومانسي
الفكرة في حد ذاتها رومانسية عامية
لك الشكر على البوست الجميل
بس نمشي حتة حتَّ
* السعن : وهو عادة يكون من جلد الماعز الصغير ( العتود ) فيها تتم عملية فصل الزبدة من اللبن الرائب ( غباشة )
* الكشامبير : وهو عبارة عن ثلاثة شعب قصيرة مربوطة بحبل في أعلاها في شكل هرم يعلق فيها السعن
* الغباشة : هي اللبن الرئب بعد عملية فصل الزبدة واخراجها .. فما تبقى يسمى غباشة وعند الاتراك ايراان
* الفرصة : هي زبدة وخلاصة عملية الفصل في السعن تجمع عن طريق الحركة المنتظمة للسعن
وبعدها توضع في نار هادئ ومنها ينتج السمن البلدي
* الجُمادة : وهي طبقة من زبدة الحليب تعلوه بعد عملية بسترته
* القنانة : هي طبقة من حليب محروق في حلة اللبن .. يهوى الكثير من السودانين رائحتها في الحليب
|
Post: #65
Title: Re: قاموس سوداني
Author: ماضي ابو العزائم
Date: 09-20-2007, 00:21 AM
Parent: #64
سلام يا جماعه
أقترح تقولوا المفرده بتستخدم فى اى منطقه من السودان الواسع
دى مفردات على عجل من وسط السودان
الضانقيل.... الطوب الاحمر
الحيمور .... الطوب الاحمر
القليبه.... وعاء من السعف لحمل التراب على ظهر الحمير
الاشفا..... اشبه بالابره ذات راس خشبى لشق الشعر فى عملية المشاط
المسيره.. الجزء الامامى الاقرب للجبه من الشعر فى عملية المشاط
الشتح... المشاط بطريقة اهلنا الغرابه و يكون الشعر مقوس للداخل
القرير... الطين الماخوذ من ضفاف النيل
|
|