مؤتمر الحزب الشيوعي في الخرطوم تحت الارض ..وثيقة !!!!

مؤتمر الحزب الشيوعي في الخرطوم تحت الارض ..وثيقة !!!!


07-17-2007, 03:48 PM


  » http://sudaneseonline.com/cgi-bin/sdb/2bb.cgi?seq=msg&board=140&msg=1184683725&rn=0


Post: #1
Title: مؤتمر الحزب الشيوعي في الخرطوم تحت الارض ..وثيقة !!!!
Author: Faisal Al Zubeir
Date: 07-17-2007, 03:48 PM

http://www.akhirlahza.net/


او هكذا قالت (اخر لحظة)!!!!!

Post: #2
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Faisal Al Zubeir
Date: 07-17-2007, 04:51 PM
Parent: #1

الوثيقة صحيحة ام مفبركة ؟!!

تسريب ام اختراق ؟

Post: #3
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-17-2007, 04:57 PM
Parent: #1

وثيقة شنو يا فيصل اللا ورقة مروسة لا فيها ختم؟
آخر لحظة دي كمان جريدة موثوقة؟؟!!!

Post: #4
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-17-2007, 05:19 PM
Parent: #1

بعدين ملاحظة تانية:
في خانة الملاحظات في وثيقة (العمل الداخلي) المزعومة وردت عبارات:
Quote: عدم استقرار

Quote: الفرع لم يستقر

Quote: الرفع لم يستقر

ياتو تقرير تنظيمي دة البيسمي توصيف لشي واحد بتلاتة تسميات مختلفة؟أما كان الأجدى أن يكتبوا(لو كان الشيوعي السوداني مصدرها) عبارة:
عدم استقرار
عدم استقرار
الخ
؟؟
أو الفرع لم يستقر
الفرع لم يستقر
إلخ؟

وحتى الخطأ الإملائي(الفرع-الرفع) لا يشبه دقتهم في التقارير!
يعني باختصار الوثيقة ما سليمة! و حتى لو كان اعلاه كله ما سليم كفاية إنو يكون مصدر الخبر (آخر لحظة)!!!

Post: #5
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Faisal Al Zubeir
Date: 07-17-2007, 05:59 PM
Parent: #4

Quote: يعني باختصار الوثيقة ما سليمة!


وهذه خلاصة يستفاد منها .

Post: #6
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Salwa Seyam
Date: 07-17-2007, 06:24 PM
Parent: #1

Quote: يعني باختصار الوثيقة ما سليمة!

يكفى انه المصدر آخر لحظة !!

Post: #7
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-17-2007, 06:48 PM
Parent: #1

ملاحظة3:
في خانة واحدة و مفترض -بدهياً-أن تقسم لخانتين لأن بها أرقام لعمليتين متضادتين و هما التصعيد و الإنزال سوياً، و بديهي (برضو) ألا يتساوى عدد الأعضاء المصعدين مع المنزلين و إلا كان الناتج لا عضوية أو(.)!!
هل يعقل ألايكون هناك خانة للعضوية المصعدة منفصلة عن خانة العضوية التي تم تنزيلها ؟!!!!!!
وألذ شي تلاقي في الصف الأفقي الموجودة به عضوية فرع ما العدد الكلي للعضوية عدد محدد هو20 و لمن تعدهم حسب التقسيمات الواردة تلقاهم 21 !!!

Post: #8
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-17-2007, 07:34 PM
Parent: #1

ملاحظة4:يقول الخبر المنشور بآخر لحظة إن التقرير/الوثيقة-كما أسمته الصحيفة- احتوى على عدة أبواب هي العمل الداخلي و البناء التنظيمي و المنظمات الجماهيرية والنشاط الجماهيري للحزب الشيوعي السوداني، بينما لم تُرفق مع الخبر سوى صورة واحدة لورقة تفاصيل العمل الداخلي، فهل يعقل لو كانت آخر لحظة تحصلت فعلاً على هذه المعلومات و الوثائق فائقة السرية مع ما تتوقعه من تكذيب للأمر و لحماية مصداقيتها أمام القراء على الأقل ألا تنزل كل ما بحوزتها من صور وثائق؟؟!!!
خاصة وآخر لحظة تعلم جلياً -وهو أمر من أبجديات العمل الصحفي- أن الصورة و الصورة الزنكوغرافية للوثائق أهم من الخبر؟!!!

Post: #9
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-17-2007, 07:50 PM
Parent: #1

ملاحظة 5(أظن مرتبطة بملاحظة 2) :- في فرع (عزالدين)"رقم10"في الجدول نجد العدد الإجمالي للزملاء و الزميلات 13 بينما عند التفصيل نجد الجدول يذكر (2 زميلات و 10زملاء)!! يكون ياربي كاتب التقرير نسى يعد روحو؟؟

Post: #10
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: خضر حسين خليل
Date: 07-17-2007, 08:08 PM
Parent: #9

عدل بواسطتي

Post: #12
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: رؤوف جميل
Date: 07-17-2007, 08:42 PM
Parent: #10

نهنى ولاية الخرطوم بعقد مؤتمرها تحت الارض

وانشاء الله المؤتمر العام فى قاع البحر

المشكلة شنو
ممكن بكرة تعملوا مسرحية وتعتقلوا كل المؤتمرين اثناء المؤتمر

بدعوى جهرية المؤتمر ومستفز لمشاعر اللدين اختاروا الفساد والاستبداد

او تقوموا تجهزوا

انتحاريين وانتحاريات وارد ارض الحرمين او غزة او النهرين

ليدخلوا الجنة عبر بوابة هدا المؤتمر

والله انا زاتى ما عارف فى بلد تحكمها اكبر عصابة تمويه واخراج

يعقدوا فيها مؤتمر كيف بلد فيها الامن امن النظام فقط

كدى فكروا من الان فى امن المؤتمر

وناس اخر لحظة والى اخر لحظة متابعين تحت شعار ادن وعين

Post: #11
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: عبدالعزيز حسن على
Date: 07-17-2007, 08:12 PM
Parent: #9

العزيزة لنا
والله مستمتع بتحليلك للوثيقة (الخطيرة) التى طلعت (ماخطيرة)

الهندي عزالدين رئيس تحرير (تأدباً للقراء لم اقلب الحاء خاء رغم تجويز العلماء للقلب فى حالتكم)
اخر لحظة

غايتو يا الهندي عزالدين قصص تحت الارض وفوق الارض وجنب الشباك!!

المشكلة شنو انو الحزب الشيوعي ولا حزب الامة ولا حزب الخضر يعملوا مؤتمرات

ما زلت العقلية الامنية تتحكم فى صحيفة المؤتمر الوطنى التى شعارها (منبر لكل السودانيين)
اقترح تغيير الشعار الى(منبر لكل السودانيين جناح نافع على نافع)

بيحصل وحصل من 1946 وحتى الان انضربت وثائق هنا وهنالك وبعدين ! حزب قيادتوا التاريخية اعدمت وبعدين؟
لا الحزب وقف ولا الشمس طلعت من المغرب

وبمناسبة الوثائق حقوا تستفيدوا من خبرات القسم العقائدي ممكن يطبخوا وثيقة احسن من المنشورة دا بكتير والله عيب فى حقهم تتصرفوا بدون الاستفادة منهم

بالمناسبة يا الهندي
اخبار تضامن الصحفيين شنو ؟
والنقابات التى بدأت فى استرداد مواقعها؟

Post: #13
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Elbagir Osman
Date: 07-17-2007, 09:12 PM
Parent: #1

لو الوثيقة صحيحة

مبروك للحزب عقد مؤتمراته

وهذا إنجاز

تذكروا أن من تهم الجبهة للأحزاب

-التي تبرر بها مصادرة الديمقراطية-

أن الأحزاب لا تعقد مؤتمراتها

نتمنى للمؤتمر النجاح في تطوير الحزب

ومن حق الحزب عقده في سرية

وتحديد ما يريد إعلانه


الباقر موسى

Post: #14
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: أبو ساندرا
Date: 07-18-2007, 09:24 AM
Parent: #1

الاميرة لنا
لكن مالقيتك خطيرة

و{الوثيقة} طبخة نية وفطيرة

وشكرآ يا فيصل خالد الزبير

Post: #15
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-18-2007, 09:49 AM
Parent: #1

أخي الحبيب أبوساندرا
بعض الصحف تعتبر القاريء السوداني بي قنبور،باعتبار ( ما أصلو مسكين وملهي في أكل عيشو هو فايق يحلل وثيقة؟)..ونسوا أن هذا الشعب من أذكى شعوب الأرض ورجل الشارع السوداني هو هو و الله لو قبل عليهم و على من يحرضونهم إلا يلحّقهم نميري الذي كان!

Post: #16
Title: مؤتمر أم إنقلاب؟
Author: محمد حسبو
Date: 07-18-2007, 10:45 AM
Parent: #1


Quote: و{الوثيقة} طبخة نية وفطيرة


اخترت أن ابدأ من هذه العبارة من كلام خالنا بركات و له التحيّات، لأنّها تنقل للخارج ما رسّخته ماكينة التأمين في الحزب بمساعدة الأجهزة الأمنية سيئة السمعة، فالعبارة تستبطن كلا الأمرين: الحزب منيع، و الأمن كاذب. و هذا هو منتوج سفاح التأمين و الأمن عليهما اللعنة.

أوّلا الحزب الشيوعي عرضة للاختراق من اقصاه إلى اقصاه، و وثائقه يمكن أن تقع في أيدي جهاز الأمن و الصحف و الكماسرة و الأمهات و في بطون الإغنام كمان، و لا داعي لرد الفعل العفوي هذا الذي يصدر عن عقلية سكان اليوتوبيا، و شخصيّا أظن أنّ هذه الوثائق –بالذات-صحيحة، و حتى ما فيها من ركاكة هو جزء من نسيج خطاباتنا الداخليّة و لا مدسّة، و يا زملائي الشيوعيين، تاني بنقول ليكم، مفهوم التأمين لدينا هو جزء مكمِّل لنشاط الأجهزة الأمنية المعادية

ارتباط مفهوم التأمين عندنا بالمعلومة مصدر من مصادر هذه الورطة، و لنفترض أنّ السودان دولة متخلِّفة تكنولوجيا و ستظل، فهل نجهل أنّ المجتمع السوداني المحيط بالحزب هو مجتمع تسري في طبائعه المشافهة و إظهار الأهميّة و حافل بذوي النفوس الضعيفة؟ مجتمع تتفشّى فيه أخبار التحضير للانقلابات العسكريّة هل تحتجب عنه أسرار مؤسّسة موجودة منذ خمسين عاما في بركة من الخصومات؟

اقترحنا أن يكون التحضير للمؤتمر علنيّا، و أن تُعلن إجراءاته في الإعلام، و تُحدّد مواعيد و أماكن الجلسات المزمعة، و تُنشر ملخصات لما يدور من تداول –بدل شريط الأخبار الذي يصدر عقب كل مؤتمر- و إجمالا، أن يكون المؤتمر فعلا جماهيريا حتى و إن اعترضته السلطة، و بعضا من أوجه صلة الحزب بالجماهير، و قلنا إنّ الحماية هي الوجود وسط الجماهير، فهل تتخيّل قيادة و عضوية حزبنا أنّ بوسعها عقد مؤتمراتها هذه في نطاق السريّة و كل مرّة تسلم الجرّة؟ هذا لو سلّمنا بسلامتها في المرّات السابقات، و هل يظن حزبٌ التحق بصفوفه المثقفين و العطالة و المحتاجين و المراهقين و اساتذة الجامعات و أرباب العمل و ربات المنازل أنّه يستطيع اتمام عمليّة طويلة و معقّدة كشأن مؤتمره العام دون خروقات؟

الأهم و الأفضل هو اقصاء أوهام التأمين، و الانفتاح أكثر على الناس، و الاستعداد الذهني و النفسي للتعامل مع تسرّب أكثر الوثائق أهميّة، و أكثر المعلومات دقّة، و تقليم كل صلة بين المؤتمر و سريّته، حتى لو عزّ على الزملاء الإعلان عن خطواتهم مسبقا –و لا مبرّر لذلك سوى إشباع الإحساس بالأهميّة- فعليهم على الأقل التمسّك بعدم تعطيل أي خطوة لمجرّد أن الأمن كشف عنها، فلو نجحت هذه الطريقة مرّة، فسيكررها الأمن بعدد مرّات حوجته لها، و ربما نُقل المؤتمر القادم بالفيديو في اليو تيوب.

نحنا لو امتلكنا برنامج نووي و شويّة يورانيوم، كنّا –كما كتبت هذا الصباح في ملف آخر- كنّا أظن طرنا كوكب المرِّيخ، يا زملاء و الله نحنا ما عندنا أسرار خطيرة، و الجدول الهلكان دا لو فعلا تقرير عن الاستقرار، و الله ابدا ما فيهو شي خطير، إلا عدم الخطورة بيخلّي الزول يكوس خطورة من مافي، و الله الغني.

Post: #17
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: esam gabralla
Date: 07-18-2007, 04:04 PM
Parent: #1

محمد حسبو سلام
تعرف بالطريقة دى انا حا اكون مبارى معظم مداخلاتك وابصم بس .....تكون ريحتنا من الكتابة

ياخى خلى الناس في وهمتم دى... يفرحو بيها لما ... ما لقيت حاجة اسوا من الحاصل ممكن تحصل تانى...

اتذكرت النكتة بتاعت ستالين و خروتشوف وبريجنيف راكبين القطر قام اتعطل بيهم، ستالين امر باعدام السواق خروتشوف امر بارساله لمدرسة تثقيف بريجنيف قال "فلنغمض اعيننا ونحلم ان القطار يسير!!!"

ياخى غمض عيونك ومخك واحلم انو.....

سلام

Post: #18
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: عبدالعزيز حسن على
Date: 07-18-2007, 05:01 PM
Parent: #17

Quote: محمد حسبو سلام
تعرف بالطريقة دى انا حا اكون مبارى معظم مداخلاتك وابصم بس .....تكون ريحتنا من الكتابة



طيب الفايدة شنو؟ زمان كنت بتبصم وبس

والان(تطورت كثيراً) و برضه بتبصم وبس !!

عاد لوين وكيف ولمتبن


Quote: ياخى غمض عيونك ومخك واحلم انو.....


ياخى أفتح عيونك ومخك و بعدين احلم

Post: #19
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: رؤوف جميل
Date: 07-18-2007, 09:11 PM
Parent: #1

عصام جبرالله تحياتى

اصلا الجابرك شنو

Post: #20
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: esam gabralla
Date: 07-18-2007, 10:07 PM
Parent: #1

عبد العزيز
سلام

احيي روح الفكاهة العالية جدا طرفك...

للاسف انا للان ببصم و...بس

شكرا ليك


رؤوف

سلام

Quote: اصلا الجابرك شنو


كان ممكن ارد عليك بالسؤال العادى "مجبور على شنو؟" لكن بتبقي ما لذيذة، قبل كده اتقالت لى و لي ناس غيرى "قشة ما تعتر ليك!!!!" موش نفس الفكرة؟

انا ما مجبور على شئ، بس انتو ما تضايقو من الاراء المشاترة زى حقتى دى، يعنى لازم كلنا نكون مرصوصين متواسيين و الصف مظبط و نحلم بالقطار ماشي؟

كدى عاينو للوثيقة تانى...

لصالح الحزب: انا مع كلام محمد الوثيقة دى بتشبه وثائق الحزب،ممكن تكون مفبركة او حقيقية، لو حقيقية ممكن تكون وقعت من زول او اتقبضت في تفتيش او وصلت للامن من زول، يعنى الحزب الشيوعى ممكن جدا يكون الان مخترق، و دى مشكلة لكنها ممكن تحصل خاصة في الوضع الحالى وتحت نظام زى ده، المشكلة الاكبر ـ و دى القاصدا انا بنغمض ونحلم ـ انو في ناس ما شايفين لقصة دى او بحاولو يضايروها او يردو عليها بالهتافية الفجة دى، تعملو شنو لو بكرة جريدة نزلت كل التقارير الحقيقية؟

اعتى اجهزة المخابرات ـ موش احزاب ـ تم اختراقها, صحفي ايطالى كتب "لو عرف الدور الحقيقي للمخابرات والمافيا في ايطاليا لوجب علينا اعادة كتابة التاريخ الايطالى"

مرة تانية ما تضايقو و تضيقو ... طولو بالكم شوية

سلام

Post: #21
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: رؤوف جميل
Date: 07-18-2007, 11:41 PM
Parent: #20

الاخ عصام تحياتى

ياخى عرفتك عبر مقال رائع عن الحركة الطلابية ونقد تجربة

الجيهة الديمقراطية فى قضايا سودانية

ولكن ممكن تكون غيرت اسلوب كتابتك وبالتالى مع التنشنة الحاصلة

ما كل زول حايفهمها ليك

وبعدين محتاجين لاقلام سنينة وليس جمل قصيرة.....وانت قادر,

ياخى الصراع بين الحزب واجهزة الامن كان وما زال من زمن الانجليز

واخترقونا واخترقناهمو والصراع موجود واتفق معك ممكن الوثيقة تكون صاح

وممكن غلط وهو راى المرجح.
.
ولو قريت مداخلتى الاولى انى حزوت من الامن والانتحاريين والبلبلةوالشوشرة

لكن اقوليك راى شخصى

ممكن تكتب احسن مما تكتبه وتساهم به فى هدا المنبر

لامكانياتك,,,,,ممكن احلم بدلك

Post: #22
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: محمد احمد سنهورى
Date: 07-18-2007, 11:57 PM
Parent: #1

الاخ فيصل
الوثيقة صحيحة وتشبه وثائق الحزب الشيوعى
لكنى اعتقد انها سربت للجريدة المدعوة اخر لحظة
والهدف واضح

Post: #23
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: أبو ساندرا
Date: 07-19-2007, 05:10 AM
Parent: #1

حسب مصادر أثق فيها فان الوثيقة صحيحة
تسربت إثر غفلة أو دقسة أو إختراق

الحزب ليس معصوم من الإختراق
بل أن الشغل الشاغل لجهاز الأمن هو كشف الحزب وتسديد ضربات له تعطله

هو صراع قديم وطويل

علينا تحسين أدواتنا
وحصر الضربات في نطاق ضيق ومعالجة آثارها

إستمتعت بمداخلات محمد حسبو وعصام جبر الله ورؤوف جميل

وينك يا خ.ح.خ

Post: #24
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: فيصل محمد خليل
Date: 07-19-2007, 06:58 AM
Parent: #23

الكومندنتا ابوساندرا


الغواصة يكشف اوراقو في منتصف الطريق?



راجع اصلاح الخطا في العمل بين الجماهير

Post: #25
Title: !!!!!!!!!!صدمــــــة
Author: lana mahdi
Date: 07-19-2007, 09:02 AM
Parent: #23

Quote: حسب مصادر أثق فيها فان الوثيقة صحيحة
تسربت إثر غفلة أو دقسة أو إختراق

يعني يا ابوساندرا معقول الحزب الشيوعي السوداني بجلالة قدره الوثيقة الما مرتبة دي تصدر منو؟وعلى أعلى مستوياته؟حقيقي أحزابنا دايرة نتلفت ليها شوية و بلا استثناء!!
(أنحنا) الحاجة العارفنها (إنكم) دقيقين في الحاجات دي من ناحية اللغة و الصياغة والأرقام..كدي أنمشي أقول (لينا) بالله ما تقيمو(كم)بتقييمات زمان

ويااااا حليل(نا) كل(نا) زمان..

Post: #26
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: خضر حسين خليل
Date: 07-19-2007, 12:14 PM
Parent: #1

طيب
تحياتي للجميع هنا

دخلت قبل هذه المداخلة الي هنا واضعاً في تقديري أن الوثيقة مضروبة وإنها لاتعدو من كونها مواصلة من الاجهزة الأمنية في صراعها المستميت مع الحزب الشيوعي السوداني وكتبت أن الوثيقة وبما أن مصدرها آخر لحظة فإنها بالضرورة لديها أهدافها الخاصة التي لاتخرج من جملة الوسائل التي يتبعها أجهزة الامن ... وبين كل ذلك كنت مستمتعاً جداً لتحليل الأميرة لنا مهدي للوثيقة وكشفها للعديد من الاخطاء الموجودة والتي في خواتيمها لاتبين الا الضعف الفني في إخراج هذه الوثيقة للعلن وهذا ما دعت لنا الي الاعتقاد الجازم بأنها مفبركة .
والوثيقة كما علمت لاحقاً حقيقية وهذا مادعاني لسحب مداخلتي الأولي .
وربما أكون قد أخطأت في التقدير بإستعجالي في المداخلة الأولي دون التأكد من صحة ماجاء في آخر لحظة أو عدمها ....
وهذا كل مافي الامر ولذا لزم التنبيه

Post: #27
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: محمد راسخ
Date: 07-19-2007, 01:00 PM
Parent: #1

الوثيقة صحيحة

Post: #28
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: شادية عبد المنعم
Date: 07-19-2007, 01:43 PM
Parent: #1

أعزائي
المسألة برمتها سخيفة
يعني شنو جريدة زي آخر لحظة تعثر على وثيقة والحقيقة جزء من وثيقة ؟؟ وتطبعا وتنشرها
يعني حتى التبرير فطير بأنها تدعو الحزب الشيوعي لترك السرية .. بالذمة ده كلام؟؟ يخلي السرية بأمارة شنو؟؟ بأمارة حملة التطهير البدت سافرة بي مبارك الفاضل وحركة الفيل وضلو
ولا بأمارة الشيوعيين البيعذبوهم لحدي اسة
زي آخر لحظة والصحفيين القايمين جداد وما عارفين اصول اللعب ديل خليهم ينشروا البيقع تحت ايدهم وتحت اي تبرير لكن يكونوا عارفين أنو السرية دي شرط الوجود في ظل الشمولية الدموية وحكومة زي حكومة الانقاذ التي لا تعترف بالآخر بل تركع عندما تضطر
بعدين مهم جداً انو نعرف أنه أي حزب وبالذات الشيوعي قابل لأن يفقد وثيقة أو تنضرب وثيقة وتكون أكثر خطورة من وثيقة ابتدائية لحصر فروع منطقة في ولاية الخرطوم بعد سنوات الملاحقة دي والاجتها في وثيقة قديمة والراو ده كلوا في حين انو التحضيرات لأي مؤتمر تكون مستمرة لما يقارب العام.
بعدي سؤال للشطار في الرأي العم علاقة عقد الحزب لمؤتمره (تحت ا##########) بالديمقراطية داخل مؤسسات الحزب شنو؟؟
يا ربي قايلين الحزب بيحفر خندق ويدس جواهو يعقد المؤتمر على أن يكلم كل واح الثاني في أضانو؟؟

يعني بإختصار ولا حاجة
وخلي آخر لحظة والهندي عز الدين يفتشوا عن مزيد من الوثائق وينشروها ولو حياة الحزب الشيوعي واستمراريته في مثل هذه الوثيقة لما عمر 51 سنة.

Post: #29
Title: أسمعو يا ناس الحزب الشيوعي:
Author: lana mahdi
Date: 07-19-2007, 02:00 PM
Parent: #28

أسمعوني كويس
الناس هنا بتختلف نعم وبنقرب دخاخين نيران شكلاتنا تمرق ..نعم
لكن الليلة بالجد أنا محبطة
الحزب الشيوعي (جواي) حزب كبير بل (عملاق) برغم ما اعتور مسيرته مرات من أخطاء (زيو زي غيرو)
وحزب (ما هيّن)..ومعلوماتي ال(سابقة) عن الحزب الشيوعي و(دقة) صياغته ل (وثائقه)أعتقد تحتاج اليوم لمراجعة و هو ما يؤلم..ما مؤلمني أن الوثيقة صحيحة، عادي الأحزاب معرضة أن تتسرب وثائقها، ما يؤلمني أن يكون التقرير أو الوثيقة الركيكة المليئة بالأخطاء الغير مبررة صادرة فعلاً عن الحزب الشيوعي السوداني...أرجعوا (كبار) عشان نرجع كلنا (كبار) عشان الوطن (يكبر) بينا.
لنا

Post: #30
Title: Re: أسمعو يا ناس الحزب الشيوعي:
Author: خدر
Date: 07-19-2007, 02:20 PM
Parent: #29

خضر وحسبو و عصام و راسخ و ابوساندرا
في ذمتكم يازملاء دي تقرير تنظيمي للمؤتمر؟ انتو بي صِحكم ؟



نعم يمكن ان يُخترق الحزب لكن كمان ماللدرجة دي
التقرير الفوق ده ناقص و(استهبال) اعلامي ساي من اخر لحظة

بعدين شنو الغرض من نشر (الطلاسم) دي لي كرام المواطنين؟و كرام المواطنيين حايفهمو منها شنو ؟
لو اصلا اخر لحظة صحيفة مابتبحث عن الاثاره كان تنتبه لي انو الطلاسم دي من باب اولي انو
تنشرها الميدان (ست الاسم) في استعراضها لي تحضيرات قيام المؤتمر

شاديه كفيتني قول الكثير .. شكرا
لنا يا ستنا ..
بي نظره صغيرونه لي حجم الدمار السببتو الانقاذ ممكن تقع ليكـ قصه انو في خرمجات داخل الحزب
الشيوعي حدثت و قد تحدث لاحقا لكن الامر ليس بتلكـ النظره التشاؤميه التي تسيطر عليكـ الان
التقرير ده ماسليم لكن لعلمكـ ممكن بكره بتعرض علينا هنا تقرير سليم ميه الميه . فيالنا
يا اخيتي الحزب الشيوعي لازال يعج داخل خلاياهو و مكاتبو و قطاعاتو بكوادر تسد عين الشمس
و متشربه بكل ما تحدثتي عنه من إرث خلاق و بناء وديل هم الخلو الحزب ده يكون صامد لحدي اسه
ماتفقدي ثقتكـ في دقة الحزب و إنضباطه لكن لاتحمليه اكثر من طاقتو الاتفننت الانقاذ في الضرب
عليها بيد من حديد او كما قالت .


تحياتي ليكم جَت

Post: #31
Title: Re: أسمعو يا ناس الحزب الشيوعي:
Author: خدر
Date: 07-19-2007, 02:26 PM
Parent: #30




Post: #32
Title: Re: أسمعو يا ناس الحزب الشيوعي:
Author: خضر حسين خليل
Date: 07-19-2007, 02:33 PM
Parent: #30

عزيزي خدر
تحياتي الطيبة

الوثيقة في تقديري لا ترتقي لأن تكون تقرير لهيئة حزبية ناهيك عن وثيقة لمؤتمر عام
لما بها من أخطاء كثيرة .. شخصياً لست هنا للقول بأن الوثيقة مفبركة أو غيرها فما
توصلت له من معلومات تؤكد لي أن الوثيقة صحيحة وأنها تخص واحدة من المدن الحزبية وليست كما أشارت لها الصحيفة بـ (مديرية الخرطوم) .

خضر

Post: #33
Title: Re: أسمعو يا ناس الحزب الشيوعي:
Author: Marouf Sanad
Date: 07-19-2007, 04:41 PM
Parent: #32

Quote: خضر وحسبو و عصام و راسخ و ابوساندرا
في ذمتكم يازملاء دي تقرير تنظيمي للمؤتمر؟ انتو بي صِحكم ؟


يا خدر المبرر الوحيد لهذه الاخطاء انو تكون دي مسودة ما الوثيقة الاصلية والجماعة لفحوها قبال ما تنجض , أو يكون لقوها واقعة في التراش!

Post: #36
Title: Re: أسمعو يا ناس الحزب الشيوعي:
Author: lana mahdi
Date: 07-20-2007, 09:34 PM
Parent: #30

Quote: لنا يا ستنا ..
بي نظره صغيرونه لي حجم الدمار السببتو الانقاذ ممكن تقع ليكـ قصه انو في خرمجات داخل الحزب
الشيوعي حدثت و قد تحدث لاحقا لكن الامر ليس بتلكـ النظره التشاؤميه التي تسيطر عليكـ الان
التقرير ده ماسليم لكن لعلمكـ ممكن بكره بتعرض علينا هنا تقرير سليم ميه الميه . فيالنا
يا اخيتي الحزب الشيوعي لازال يعج داخل خلاياهو و مكاتبو و قطاعاتو بكوادر تسد عين الشمس
و متشربه بكل ما تحدثتي عنه من إرث خلاق و بناء وديل هم الخلو الحزب ده يكون صامد لحدي اسه
ماتفقدي ثقتكـ في دقة الحزب و إنضباطه لكن لاتحمليه اكثر من طاقتو الاتفننت الانقاذ في الضرب
عليها بيد من حديد او كما قالت .

الحبيب خدر
نعم أعرف الإنقاذ(خربشت)كل الأحزاب بلا استثناء
لكن أتكلم عن مستوى الوثيقة يعني الصياغة و اللغة أبسط شي في التنظيم
وكل الزعلة دي لأن الكبير يحاسب على أنه كبير و كذلك الصغار يحاسبون على قدر حجمهم..
تقديري لك

Post: #39
Title: Re: أسمعو يا ناس الحزب الشيوعي:
Author: خدر
Date: 07-20-2007, 10:47 PM
Parent: #36

لنا سلامات تاني

بصدد الورقة اعلاه هي فعلا تحمل الملامج العامة لكتابه التقارير الحزبيه لكنها تعج بالاخطاء
بالاضافه الي انها ناقصه في معظم تفاصيلها و منطقتها الحزبيه ليست محدده و من المسنحيل
ان تكون تقرير تنظيمي لمديريه الخرطوم
لم ارد الرد علي حديث الزميل خضر حتي لاندخل في مغالطاتكـ رغم اشارته لي و بوضوح افهمة ان
لديه معلومات مؤكده و اجدني اميل لتفسير معروف سند انها محض درافت اهمل صاحبه في تأمينه
رغم عبثية الفكره إلا ان (الخرمجات ) قد تحدث كما قلت من قبل.
اقدر زعلكـ من مثل هذه الاخطاء لكن لاتنسي اننا نفترض فقط انها خطاء و الزملاء الاتفضلوا بالتوضيح
جميعا تحدثوا عن ان الخطاء وارد .. و دي نقطة لصالح العقليه الناقده داخل الحزب و اظن انو
ده مؤشر حا يطمنكـ علي الحزب الكبير في وجود مثل هؤلاء الشباب



انا لاذلت علي موقفي من التقرير المضروب ده يا زملاء و بالمناسبه ياحسبو و عصام انا لاذلت ضد فكرة
نسف التأمين لمصلحة الشفافيه و طرح العمل الداخلي ساي في السهلة بدعاوي ان الجماهير ستحيمه ..
الجماهير كان بتحمي كان انقذت اهالي كجبار او المظاهرات ضد الزيادات الاخيره او كانت ضغطت لايقاف
القتل المنظم في دارفور او علي اقل التقديرات كان ساهمت في تقليص الـ 18 الفاتت دي ..
شفتو التشكيك في الحركة الجماهيريه دي بي عين قويه كيف ؟
الحركة الجماهيريه دي لو الحزب قلع عراقيهو و سروالو و قال ليها احميني تاني البملكـ الجماهير
دي المعلومات منو عشان تحميهو او تحمي بقية احزابها فكرتكم دي بتودر علينا رأس الخيت و بتخلط
السياسي بالانساني ولا شنو ؟

تحياتي

Post: #35
Title: Re: أسمعو يا ناس الحزب الشيوعي:
Author: Tragie Mustafa
Date: 07-20-2007, 04:18 PM
Parent: #29

يا جماعه مؤلم ان تصروا على السلوك الديناصوري هذا
الحزب الشيوعي يملك خبرات خرافيه ولكن التحديث لم يصل لبنياته الاساسيه كما يبدو.
عندكم خبراء كمبيوتر خرافين منهم شرنوبي واكيد ماخفي كان اعظم
لماذا هذا التخطيط البدائي للاشياء؟؟؟؟

الكمبيوتر ظهرت آثاره لنا كسودانين في ادارة ثورة دارفور
ورغم السلبيات لكن الكمبيوتر كان خرافي في سرعة نقل الاحداث و التوثيق
فاين انتم من ذلك؟؟؟عشان تتسرب وثائقكم لآخر لحظه كمان!!


شكرا لنا مهدي كلام زي الورد
Quote: أسمعوني كويس
الناس هنا بتختلف نعم وبنقرب دخاخين نيران شكلاتنا تمرق ..نعم
لكن الليلة بالجد أنا محبطة
الحزب الشيوعي (جواي) حزب كبير بل (عملاق) برغم ما اعتور مسيرته مرات من أخطاء (زيو زي غيرو)
وحزب (ما هيّن)..ومعلوماتي ال(سابقة) عن الحزب الشيوعي و(دقة) صياغته ل (وثائقه)أعتقد تحتاج اليوم لمراجعة و هو ما يؤلم..ما مؤلمني أن الوثيقة صحيحة، عادي الأحزاب معرضة أن تتسرب وثائقها، ما يؤلمني أن يكون التقرير أو الوثيقة الركيكة المليئة بالأخطاء الغير مبررة صادرة فعلاً عن الحزب الشيوعي السوداني...أرجعوا (كبار) عشان نرجع كلنا (كبار) عشان الوطن (يكبر) بينا.لنا


بعيد عن الموضوع:
الاخ رؤف جميل لما قلت كده لعصام جبر الله زعل وافتكرني مختلفه معاه
Quote: لكن اقوليك راى شخصى

ممكن تكتب احسن مما تكتبه وتساهم به فى هدا المنبر

لامكانياتك,,,,,ممكن احلم بدلك

Post: #34
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Atif Makkawi
Date: 07-19-2007, 05:54 PM
Parent: #1

عزيزي أبوسانددر
فليضرب مؤتمر الحزب الشيوعيي

هل هذه مشكلة للحزب الشيوعي

Post: #37
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: الجيلى أحمد
Date: 07-20-2007, 10:01 PM
Parent: #1

طبعآ أنا فى غاية الإندهاش

كتبت الأميره لنا

Quote: لكن أتكلم عن مستوى الوثيقة يعني الصياغة و اللغة أبسط شي في التنظيم

عليك الله يالنا فهمت شنو من "الوثيقه" دى..!!??
وليس مهمآ أن تكون صحيحه أو مزوره ..





وبعدين المشكله وين
- هل لأن المديريه أقامت مؤتمرها..??
- أم لأن البعض يظن أن " الوثيقه" بها أخطاء..??

الخبر بغض النظر عن صحته يعكس حالة إهتمام بما يدور فى أروقة الحزب وهى شئ إيجابى ويدعو لإنجاز المؤتمر العام فى السقف الزمنى المحدد..
والميدان حتمآ ستغطى نشاطات المؤتمر دون الحوجة لفذلكة قصص حول وثيقه مجهولة الهوية وعديمة النفع (حتى ولو كانت صحيحه) فالفائدة التى سيجنيها قارئ الصحيفه كانت ستتم لو أرفد معها شرح لمضمون الورقه ,
ولكنها مجرد ورقة عديمة النفع إذا لم يفهم منها شئ...

Post: #38
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: lana mahdi
Date: 07-20-2007, 10:18 PM
Parent: #37

أخوي الجيلي
أنا ما فهمت منها أي شي و كنت دافعة في إتجاه إنها مستحيل تصدر من الشيوعي السوداني لأنها ما مستوى الحزب كما تقول معلوماتي عنه كما أن مصدرها آخر لحظة كفيل بتشكيك الما بشك..
-راجع كل مداخلاتي أعلاه و تحليلي للورقة-
وآخر لحظة بتفتكر يا الجيلي حتهتم بالحراك الداير في أروقة الحزب الشيوعي؟طبعاً لا..
تقديري لك

Post: #40
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: الجيلى أحمد
Date: 07-20-2007, 11:11 PM
Parent: #38

الحزب الشيوعى لازال مستهدفآ,

أى حديث عن إزالة أطر التأمين هو حديث حالم وغير ناضج فى نظرته الواقعيه,

الترف التنظيرى يمكن أن تمتلئ به حلاقيم الأنترنت حد الإكتفاء,
ولكن واقع الممارسه يقول أن هنالك نظام قمعى ووحشى قادر على القتل بزرائع شتى..

Post: #41
Title: الخوارج
Author: محمد حسبو
Date: 07-21-2007, 06:51 AM
Parent: #1

الأخت لنا مهدي
أريتك طيبة

أظنّك ماخدة الموضوع بمثاليّة زايدة، معاها شويية سوء فهم.

الورقة دي معقولة تصدر عن الحزب الشيوعي و عن غيره كمان، دا أوّلا، بالذات لو عرفتي أنّو مدينة الخرطوم ما أعلى مستويات الحزب الشيوعي تنظيميا لأنو أعلاها مؤتمره العام و لجنته المركزيّة، لذلك ففي مستوى مدينة الخرطوم في أي حزب ممكن تصدر اشياء اسوأ.

و ما عندنا يا لنا لا أختام لا ورق مروّس، و الطباعة أم كيبورد دي ذاتها اتأقلمنا عليها ياداب، بعيد عنك جنس الجدول دا كان تلقيهو بالمسطرة و قلم البيك، القصة ما بوبار..

بعدين يا لنا بخلاف ملاحظتك عن فرع عز الدين فإن كل إحصاءات التقرير دا سليمة، يمكن إنتي فاهمة حاجات غلط، يعني الإنزال و التصعيد ديك مثلا حقات المكاتب، و هن ما بيتجمعن زي السالب و الموجب لو اتعادلوا معناها الفاضل زيرو.. و حاجات تانية زي دي أظنك فسرتيها وفقا لاستخدام هذه المفردات عندكم.

بشكل عام يا لنا، الحزب الشيوعي حزب فقير، و للمقارنة، ففي أيّام الطلبة، كنا بعد الفراغ من الاجتماع مساءً و إجازة بيان لطباعته و توزيعه صباح الغد، كنا يا لنا نساسق نص الليل بطول العاصمة و عرضها بحثا عمن يطبع البيان، ثم لتدبير مبلغ من المال لتصوير البيان، و لم نخجل في بعض الحالات من إنزال بيانات بخط اليد، و هي اشياء كانت تعتمد كليّا على القدرات الذاتية لنا بالجامعات، في حين تتيسر هذه الاشياء الأساسية لأحزاب أخرى كثيرة، مفروشة و مكيّفة، ضمنها حزب الأمة، و لم نر في هذا نقصانا لنا أو كمالا لحزب الأمة، فعلى أهميّة المال لتسيير السياسة، لكن الموقف السياسي عندنا أهم، و كتابة التقرير أهم، و ترانا عايشين حتى ولو دون شكليّات.

صادقا يا لنا، أرجوك تغيري فكرتك عن مستوى الحزب الشيوعي، نحنا مستوانا عادي، ما تشوفي حركات الشيوعيين دي، دي زي حركات المغتربين لما يمشوا إجازات، فاهماني مش؟

بعدين يا خضر حسين يا صاحبي، ياخ تستاهل جمجرة الناس فيك، إنت كان ما مجنون في زول بيدس غربتو؟ ما كان في داعي للتصريحات قبلما تصل السودان و تشوف الأمور على الأرض، خم و صر، و النبي الحب كيف؟ طوّلنا منّو

يا خدوري الوثيقة دي ما للمؤتمر العام، في عبارة ملتبسة بقولوها أخواننا الشيوعيين بقيادة الميدان و صاحبي خالد العبيد، بتاعت في إطار التحضير للمؤتمر الخامس قام منو كدا بعقد مؤتمره العام الخ الخ، في حين أنو أعمامك ذاتم نطّوا من الكلام دا، قالوا المؤتمرات دي ليست جزءا من المؤتمر العام، المؤتمر العام دا صمّة براها تبدأ من الف تنتهي في ياء بصافرة واحدة، هم ذاتم مجهجهين في التوضيح، لكن الأكيد أنو هذه المؤتمرات هي مختصة بتجديد القيادات و تقييم التجارب و تنقيح القضايا الخاصة بالهيئات التي تعقدها، دا الأكيد و حقو نكتفي بيهو. ما تكتروا الاسئلة على الحجّاج ديل عن لون البقرة و طولها، هسة بيقوموا يكشحوا ليكم الموية دي.

و يا خدوري التاني، القاضي مش العاطل، و معاهو الجيلي، تأمين شنو؟ يا جماعة أنتو بتحبو التأمين؟ عندكم عقدة لا سمح الله بتاعت نقص لا يتمها إلّا استحضار مُهدِّد خارجي؟ هسة في ذمة أي زول فيكم الحزب الشيوعي دا مع منو ضد منو؟ بعدين ما قلنا ليكم خلّوهو التأمين، قلنا ليكم ما تخلوهو يستعبدكم، زمان أخواننا الخوارج كانت عندهم أفكار و آراء سمحة، لكنهم جعلوا لها وسيلة وحيدة هي العنف و القتل، بعد حين، اصبحوا معروفين بالقتل لا بآرائهم، لشدّة تعلّقهم بالوسيلة، هسة الشيوعيين السودانيين أصبحوا في درب التأمين ناسين أنّهم اساسا ليسوا حمَلة الكأس المقدّسة و حماتها، قاتل الله التأمين ياخ، إنتو اشتغلوا أول، اكسبوا الناس أول، قودوا تغيير أول، الحزب الشيوعي أساسا حزب سياسي، مش عصابة أو شركة أو صاحب محل مجوهرات، بالله بقينا زي شركة الهدف، نفرّخ حرّاس و موسوسين و مواهيم و ناس تتلفّت و هي ماشة، غايتو اسمعوني، لازمنا خطاب قوي ضد التأمين و الحزب مستهدف دي، لأنو الحزب ما مستهدف، لأنو الحزب غير فاعل، هسة في زول بستهدف كرسي؟ أو غرفة؟، دي ونسة كتييرة و أنا جاهز ليها مع الداير منها.

رجاء رفاقي يا الجيلي، لو عنيتني في أيّ كلام، أرجوك قول يا محمد حسبو كلامك دا غلط و دا صاح، تاني ما تسوي معاي طريقة الغمت دي، بزعل منك و بتزعل مني، جنس وصفك بتاع حلاقيم الانترنت دا بهيّج فيني البقولوا عليهو الاعتداد بالذات المتهمنّي بيهو، لأنو دا كلام بيسيئ للشخص صاحب الفكرة المغايرة نفسه، بوصمه بحاجات كعبة، شوف يا الجيلي، إنت ما بتعرفني، و كان حكَمت بفتو ليك هنا و بتخجل من جنس كلامك بتاع حلاقيم الانترنت و الواقع دا، و بتخجل من حاجات تانية و ربما تلقى نفسك إنت بتاع الترف في الانترنت، تاني بالله لو كلامي ما عجبك ناقشني فيهو، و لو لجأت للمس بذات المتكلِّم فليكن غيري يا الجيلي لأنو أنا ما زول سترة، بدق الصفايح و بسكِّت أي شيوعي موهوم ينضم فيني و بقطع لسانو، لأنو في مد البصر الحزبي دا، أنا سيرتي الذاتية في حزبك دا تقعِّدني عشرة سنين عاطل تجيب فيها سبعة آلاف عضو يجروا فيها جري و ما يجي زول يلحقني، شايف الكلام دا دغري و ماسخ كيفن؟ أها ما تزعلني عشان بزيد ما بنقص، و كلام الواقع دا ما ترجع ليهو.
أنا بقيف هنا. أريتك برضو.

Post: #42
Title: Re: الخوارج
Author: خدر
Date: 07-21-2007, 08:19 AM
Parent: #41

Quote: و يا خدوري التاني، القاضي مش العاطل، و معاهو الجيلي، تأمين شنو؟ يا جماعة أنتو بتحبو التأمين؟ عندكم عقدة لا سمح الله بتاعت نقص لا يتمها إلّا استحضار مُهدِّد خارجي؟ هسة في ذمة أي زول فيكم الحزب الشيوعي دا مع منو ضد منو؟ بعدين ما قلنا ليكم خلّوهو التأمين، قلنا ليكم ما تخلوهو يستعبدكم، زمان أخواننا الخوارج كانت عندهم أفكار و آراء سمحة، لكنهم جعلوا لها وسيلة وحيدة هي العنف و القتل، بعد حين، اصبحوا معروفين بالقتل لا بآرائهم، لشدّة تعلّقهم بالوسيلة، هسة الشيوعيين السودانيين أصبحوا في درب التأمين ناسين أنّهم اساسا ليسوا حمَلة الكأس المقدّسة و حماتها، قاتل الله التأمين ياخ، إنتو اشتغلوا أول، اكسبوا الناس أول، قودوا تغيير أول، الحزب الشيوعي أساسا حزب سياسي، مش عصابة أو شركة أو صاحب محل مجوهرات، بالله بقينا زي شركة الهدف، نفرّخ حرّاس و موسوسين و مواهيم و ناس تتلفّت و هي ماشة، غايتو اسمعوني، لازمنا خطاب قوي ضد التأمين و الحزب مستهدف دي، لأنو الحزب ما مستهدف، لأنو الحزب غير فاعل، هسة في زول بستهدف كرسي؟ أو غرفة؟، دي ونسة كتييرة و أنا جاهز ليها مع الداير منها.

غايتو يا حسبو بهتني في صمة خشمي يازول انا متين قلت انو نحن مُغرمين بالتأمين او مصرين عليهو فنكهة ساكت ؟ انا قلت
Quote: بالمناسبه ياحسبو و عصام انا لاذلت ضد فكرة نسف التأمين لمصلحة الشفافيه و طرح
العمل الداخلي ساي في السهلة بدعاوي ان الجماهير ستحيمه

..
..
..
فكرتكم دي بتودر علينا رأس الخيت و بتخلط
السياسي بالانساني ولا شنو ؟

وقلت معاهو برضو انو الحزب معرض للاخطاء وعندو اخطاء كتيره التأمين ما من ضمنها .. التأمين
والله كتر خيرو و باركـ الله فيهو لحدي اسه منستر معانا و مخلينا كمان نقل ادبنا و مخلينا خفافا
عند الطمع في كعكة نيفاشا لمن وصلنا البرلمان حق الانقاذ بالشنقيطي
انت اظنكـ قاصد (ثقافة) التأمين و العمل السري و ما صاحبها من اساطير و ماترتب عليها من امراض
ودي انا ضدها رغم اني ملم بي مسبباتها و شايف انها نفعها اكتر من ضررها .. التأمين حقنا
ده ياحسبو ما دم المسيح ولا نحن حريصين عليهو من باب خلق اسباب ساكت .. التأمين مهم ومهم
لانو واحد من الادوات المصاحبه للعمل السياسي المحترف و التخلي عنو عشان خاطر عيون الجماهير
ده كلام شُعراء ساكت .

برجع ليكـ آخر اليوم

Post: #43
Title: Re: الخوارج
Author: الجيلى أحمد
Date: 07-21-2007, 08:30 AM
Parent: #41

محمد
إزيك يازميل

فى البدء لابد من تسجيل إشادة بك ومحبه,
تابعتك هنا كثيرآ وعلى قلة مشاركاتك فهى من أجمل ماطالعت فى مضمون مادتها وسياقها اللغوى ,
لكن يامحمد متل كلامك دا بزعل بالجد..
"الكلام الشين مقدور عليهو "
تعرف أنا ماسك أطراف الكلام النى عشان مايطلع وأنت أقدرك كثيرآ..
من أسواء الأشياء التى يمكنك فعلها هو التهديد بما لايمكنك فعله يامحمد,
ليس لشئ فقط لأنك لاتملك شئ فى يدك , فعبارة ك

Quote: و كان حكَمت بفتو ليك هنا و بتخجل من جنس كلامك بتاع حلاقيم الانترنت و الواقع دا،


دا يامحمد كلام ساااى وفيهو نفس صبيانى شين ,
تفت شنو يازميل, وتخجل منو..??
إنتا رايحه ليك شكله,
أها عشن كلامك الشين دا حقو الواحد يختو نضمى فارغ زيو..!!!
يامحمد أنا ماركزت مع خطابك لى بشكل سئ
ولوفعلت للاحقتك كلعنة فى هذا الفضاء المتاح (الكلام الشين هين ومروقو يسير) ..

تعرف يامحمدأنا كنت بقول للزملاء هنا فى أوروبا أننا لانحتاج لبند التأمين فى إجتماعتنا ويمكننا وضع إعلان كبير يقول (هنا يقام إجتماع للحزب الشيوعى السودانى ), بند التأمين يمكن إسقاطه من محاضر الإجتماعات ومن الممارسه أيضآ لوتحدثنا عن واقع مغاير عن السودان.
يازميل بكرة الناس المزاجيين القاعدين فى سدة الحكم ديل لو غيرو رائهم عن هامش الحريات فتأكد أن الزملاء فى الداخل بضوقو الويل..
أى كلام عن رفع تأمين الحزب الآن يبقى ترف تنظيرى لأنه لايطالع واقع الممارسة السياسيه بشكل ناضج, ربما سيصبح خطابك هذا مقبولآ تمامآ فى ظل واقع ديمقراطى مدنى تحدد فيه بنود القوات الأمنيه ومهامها ..


[ جنس وصفك بتاع حلاقيم الانترنت دا بهيّج فيني البقولوا عليهو الاعتداد بالذات المتهمنّي بيهو، ]

حلاقيم الإنترنت دى هى الكيبوردات..

أنا ماشى أواصل شغلى ,


أبقى طيب



_____________________________
*التعديل لإضافة قوسين

Post: #44
Title: Re: الخوارج
Author: محمد راسخ
Date: 07-21-2007, 08:39 AM
Parent: #41

الاخ

محمد حسبو

الجيلي ده زاملناه في سودانيات

والطلعنا بيهو أنو محصلتو صفرأً كبيراَ في كل شئ

قلنا ليهو نحن عملنا في الحزب في أصعب ظروفه، وعلي قدر امكانياتنا وأوفينا كل تكاليفنا علي قدر استطاعتنا، وأنني اعتز بكوني شيوعي، وليس عضو في الحزب الشيوعي بوضعه الراهن وهنالك فرق بين الإثنين، لذا نعمل لكي يكون الحزب الشيوعي حزب طليعة، وليس حزب (طبيلة)، وهو ما يغضب الجيلي الذي اسميه بأشباه المثقفاتية الضارين بأنفسهم قبل الحزب ... لذا لا تأسي يا زميل، فمن رأي ليس كمن سمع، والمسخن ما زي المرطب، والأيدو في المويه ما زي الأيدو في النار.

لك ودي

Post: #45
Title: Re: الخوارج
Author: الجيلى أحمد
Date: 07-21-2007, 09:38 AM
Parent: #44

محمد راسخ



لم أرى فى حياتى رجل يشتم ويسب بافظع وأسواء اللغه ثم يولى هاربآ,

أنت أجبن وأخس من إنتمى لهذه المؤوسسه,
وقلتها لك من قبل هناك
أنا لن أرحمك
فأمثالك من عديمى المبدأ
ومتلقفى نضالات الآخرين وناسبيها لأنفسهم سيعرون
وأنت أيها الدعى الأجوف ستصلب عاريآ من أى إدعاء أينما حللت..



أنا اللعنة التى ستتجرعها علقمآ..

Post: #46
Title: Re: الخوارج
Author: خدر
Date: 07-21-2007, 10:07 AM
Parent: #45

يازملاء الجيلي - راسخ بصراحة البوست ده لي فيه مآرب اُخر .. عاوزو يكون كـ خطاب
داخلي مفتوح لقراء سودانيزاونلاين نتناقش فيهو حول اخطاءنا في الحزب و انجازاتنا
رجاء .. ابعدونا من اللغه العنيفه او خلونا ننسحب منو لانو بكون طلع من مضمونو

ولا شنو ؟

Post: #50
Title: Re: الخوارج
Author: محمد راسخ
Date: 07-21-2007, 10:44 AM
Parent: #46

العزيز

خدر، وأبو ساندرا


نأسف لما حدث ولكن هذه ليست جريرتي.

وأنا معك فليكن هذا البوست مفتوحاً للنقاش نريد أن نثبت حقيقة أن الحزب الشيوعي السوداني مبرأ من العيوب أو هو فوق النقد، كما نريد أن ننفي عن أنفسنا صفة التعالي التي ما فتئ الآخرون يوصموننا بها، لنؤكد لهم أن صدورنا متسعة لكل شئ علي امتداد الإتساع، لا نغضب إلا للحق وبالمنطق، ولا نتحري الكذب، ولا نؤمن بنظرية المؤامرة علي إطلاقها دون أن نمحصها ونحللها ومن ثم نطلق احكامنا، إننا حزب خرج من رحم هذه الأمة فهو بها ولها وما عدا ذلك يكون ضرباً من الأوهام وغش الناس والذات.

لا ... لا إنسحاب وسوف إعدكما بغض الطرف إلي ما لا ناهية

لكما ودي

Post: #48
Title: Re: الخوارج
Author: محمد راسخ
Date: 07-21-2007, 10:33 AM
Parent: #45

العزيز

فيصل الزبير، أسف لحرف مقاصد البوست


(الشئ)الجيلي (الصغير)

لا مكان هنا لتصفية الخلافات الشخصية وأنا اسميها شخصية ليس فكرية لأنك لا تحمل فكراً كما قلت لك مراراً


فرجاء اترك هذا البوست لوجهته الصحيحة ولتصفية الشخصي اذهب وافتح بوست منفصل أذكر فيه أن محمد راسخ= غاندي(سودانيات) رغم أن الكثيرين يعرفون هذا حتي بكري ابوبكر، ومن ثم أتي برابط الموضوع الذي اختلفنا فيه اختلاف شخصي وجميع مواضيعي في سودانيات لتثبت لهؤلاء الشرفاء من حاملي الجنسية والجواز السوداني ومن بينهم زملاء كثر هنا كانوا زملائي في سودانيات، من أمثال ابو ساندرا وخالد الحاج ورأفت ميلادوبيان وغيرهم كثيرون، فأي منهم بمن فيهم مؤسستك الحزبية إذا أثبتت أنني يوماً نسبت نضالاً أو تشبثت بأطراف الآخرين ونضالاتهم فسوف أنزل اعتزار في هذا المنبر وسوف أكف عن المشاركة مستقبلاً في أي منبر إلكتروني ومن هناأتحداك ... أتحداك.... أتحداك، ومن ثم سوف انزل شتمي لك من جديد اذا أحببت العودة إلي المربع الأول، وحقيقي أنني نادم إلي هذه اللحظة أنني انحطط إلي هذا الحضيض لشتمك ليس لتأنيب ضمير ولكن لأنني وجدتك أصغر من أن أتكبد مشاق شتمك فأنت لا تسوي حتي كلمة (شئ) تطلق لتدل عليك

فوداعا
يا عزيزي

Post: #51
Title: Re: الخوارج
Author: الجيلى أحمد
Date: 07-21-2007, 12:05 PM
Parent: #48

الدعى الأجوف
محمد راسخ

سأترك هذا الخيط ليمضى إلى مسعاه,
وسنحاول جهدنا مع الزملاء لدفع هذا الحوار إيجابآ,

ولكن تأكد بأنه لاملاذ يحميك من سلطة الضوء والمعرفه
أمثالك من ذباب الخيل سيكوون على نار تسلخ عنهم كل إدعاء أجوف

Post: #52
Title: Re: الخوارج
Author: الجيلى أحمد
Date: 07-21-2007, 12:20 PM
Parent: #48

Quote: إذا أثبتت أنني يوماً نسبت نضالاً أو تشبثت بأطراف الآخرين ونضالاتهم فسوف أنزل اعتزار في هذا المنبر وسوف أكف عن المشاركة مستقبلاً في أي منبر إلكتروني ومن هناأتحداك ... أتحداك....


لقد فعلتها أيها الأجوف
وبكل طنقعه وقلة أدب حتى أن فضاء بكامله تصبب حياء,
وكتبها لك آخرون هناك بإن هذا الحزب إكتسب سمعته لتواضع منسوبيه بين الناس ,
لقد كنت جبانآ ونذلآ ولن يتغير الأمر مادمت تمارس نفس الخواء أينما حللت

___________
قلت لك من قبل إترك صبيانيه (أتحداك) هذه,
فآخر مره فعلتها جادت كفك بلطمه على وجهك وأفقدت عقلك الكسيح ميزانه..
لاتفعلها مجددآ,

حلو

Post: #54
Title: Re: الخوارج
Author: محمد راسخ
Date: 07-21-2007, 12:52 PM
Parent: #52

كلامي محدد


أيها (الشئ)

آتي برابط الموضوع محل الخلاف من سودانيات، وكل مشاركاتي في بوست منفصل هذا بكل بساطةوقل ما أردت قوله

وأعلم انني لست متخفي بدليل أنك طلبت مقابلتي بالسودان وعندما أجبتك رفضت أنت لأنني شخص عادي ولا أضرب حولي سياج من الخطورة المتوهمة والخوف الذي يجعلنا حبيس التأمين، ولقد التقيت بعدد من الزملاء في سودانيات ومن بينهم (أبوساندرا)... فلا تحاول ان تخلق لك أعداء متوهمون أحصر الخلاف علي أنه خلاف في الرأي تحول إلي خلاف شخصي لم يحسن كلانا إدارته، وأعلم أنك لا تعدو كون أنك عضوعادي في الحزب الشيوعي السوداني لا أهمية له إلا بقدر اسهامه في هذه الحياة فلا تصنع لك حجما يقل كثيرا عن حجمك الحقيقي ودعنانفيد من هذا البوست.

ومن ثم أرني كيف تم لطمي، ألم أقل لك انك في توهمك سادر... أفق من أضغاث أحلامك هذه وأترك الفارغة وتفرغ لأمر أهم سوف تستيغط بعده وتجد نفسك في فراغ عظيم

حلو كده

Post: #55
Title: Re: الخوارج
Author: الجيلى أحمد
Date: 07-21-2007, 03:16 PM
Parent: #54

Quote: وأعلم أنك لا تعدو كون أنك عضوعادي في الحزب الشيوعي السوداني لا أهمية له إلا بقدر اسهامه في هذه الحياة فلا تصنع لك حجما يقل كثيرا عن حجمك الحقيقي ودعنانفيد من هذا البوست


الأجوف,
محمد راسخ

وأنا أكثر من عادى فى هذه المؤوسسه, لم أدع يومآ ماليس لى ولم أورد ولو حتى إشارة قد تبعث بشك طفيف حول علاقاتى بقيادة على أى مستوى
(إنتا زول أرنب) حتى الرد عليك أمر مقزز , فحديثك ملتوى ومفبرك كمبادئك تمامآ.
وبعدين أفتح بوست بإسمك من /عدم الشغله / ..??

أنت وليت وهربت بشكل يبعث على التقيؤ بعد أن أفرغت جوفك من أمراضك على الملأ, .., هل سألت لماذا لم يكن أحد فى وداعك وأنت تخرج ذليلآ بليل من ديار أقمت فيها طويلآ..??

ستعرى ياقزم وتلاحقك كلماتى كالحصاة على قفاك..

Post: #53
Title: Re: الخوارج
Author: الجيلى أحمد
Date: 07-21-2007, 12:37 PM
Parent: #41

Quote: بدق الصفايح و بسكِّت أي شيوعي موهوم ينضم فيني و بقطع لسانو، لأنو في مد البصر الحزبي دا، أنا سيرتي الذاتية في حزبك دا تقعِّدني عشرة سنين عاطل تجيب فيها سبعة آلاف عضو يجروا فيها جري و ما يجي زول يلحقني، شايف الكلام دا دغري و ماسخ كيفن؟ أها ما تزعلني عشان بزيد ما بنقص، و كلام الواقع دا ما ترجع ليهو.
تعرف يامحمد حسبو أنا بعد ريدتى ليك,
لكن كلامك دا مابفوتو ..
يلا دق صفائحك , ,
وقطع اللسان دا بنشوف نهايتو وين..
كلامك دا ماماسخ لكن شين وقبيح , والبلعان دا بيحصل ليك كان درتو ..

وكان زدت أنا بزردك مويه لامن تدفق

Post: #47
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: أبو ساندرا
Date: 07-21-2007, 10:09 AM
Parent: #1

أثني كلام خدر أعلاه

لا للتعانف اللفظي بعامة
وبين الزملاء خاصة


روقوا المنقة
وخلونا نفيد ونستفيد

Post: #49
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: الشفيع عوض شوشتا
Date: 07-21-2007, 10:43 AM
Parent: #47

Quote: روقوا المنقة
وخلونا نفيد ونستفيد

Post: #56
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: ابو خالد
Date: 07-22-2007, 10:16 AM
Parent: #1

الأخ / فيصل

تحية طيبة

كتب الأخ محمد حسبو :

Quote: هسة في ذمة أي زول فيكم الحزب الشيوعي دا مع منو ضد منو؟


وفي رأي هذا مربط الفرس وليست الإختراقات الأمنية إن كذبت أو صحت...

ودي مشكلة كبيرة والإجابة على السؤال دا صعبة بس لو بلإمكان الوصول لنص الإجابة

يكون الحزب الشيوعي فعلا مأمن نفسو ضد كل "الإختراقات" أو بعبارة تانية

مبدأ أو سلاح الإختراق" نفسو حيكون بقى فشنق.

الحزب الشيوعي والحركة الشعبية في حالة من التوهان لمجرد عدم المقدرة على

الإجابة على السؤال السابق.فبعد موت قرنق اللي كان في حياته بيمثل بارقة

أمل للكادحين بموته حل اليأس "في الأثنين الأسود" وضاعت البوصلة من قيادات

الحركة , فالكثير من عضوية الحركة الآن لا يدرون بالضبط ما هو دورهم العملى

تجاه القضايا المطروحة حاليا في الساحة والتخبط وتضارب الآراء بقت سمة

بارزة في ممارسات وتصاريح رجالات الحركة وكل ذلك اعزيه لعدم القدرة

الآن على الإجابة على التساؤل عاليه.

زمان بدري كانت الإجابة على سؤال زي دا سهلة فقط إستنطاق بعض مقولات

ماركس ولينين عن البروليتاريا والطبقات الكادحة كانت كافية كرد على

توجه الحزب وكانت , التصريحات,بالضرورة "معتمدة" لدى الأحزاب المنافسة

لكن حاليا بقى الكتير من الشيوعيين أنفسهم عندهم راي أو إهتزت قناعاتهم

في إمكانية أن يقنع مثل هذا الحديث عضوية الحزب أو يصير "معتمدا" لدى

الأحزاب المنافسة.

مهما أختلفنا حول التقييم النهائي لكن جهجهة توجهات الحزب الشيوعي

والحركة الشعبية أضرت وسوف تضر مستقبلا ضررا كبيرا بالحركة الوطنية.

Post: #57
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: محمد راسخ
Date: 07-22-2007, 11:54 AM
Parent: #56

Quote: مهما أختلفنا حول التقييم النهائي لكن جهجهة توجهات الحزب الشيوعي

والحركة الشعبية أضرت وسوف تضر مستقبلا ضررا كبيرا بالحركة الوطنية.


العزيز
أبو خالد

هنا مربط الأفراس إذا صح هذا الجمع، فخيول الحزب الشيوعي السوداني الضامرة، آثرت الأستراحة ولم تحسن إختيار المحطة، فعربة نظام الإسلاميين الخربةأصبحت في المقدمة وأحصنة المعارضة تتخلفها، والرهان سوف تكسبه القوي التي تؤمن بالفوضي الخلاقة.

ونذر تفتت شامل للوطن تلوح في الأفق

Post: #58
Title: زيادة
Author: محمد حسبو
Date: 07-23-2007, 11:15 AM
Parent: #1

خضور و أبو ساندرا و شوشتا و راسخ و قبلهم فيصل الزبير و بعدهم أبو خالد.
معليش يا أخوان، أمشوا استفيدوا في محل تاني، أديناكم فرصة كافية، عندنا تعارف أنا و صاحبي القلادييتور الجيلي أحمد دا، قال لي يبلعني و كلام من نوع:

Quote:
وكان زدت أنا بزردك مويه لامن تدفق


أوول شي يا معلِّم، إنت من أولاد وين؟
بالجد و الله، داير أعرفك عرفة الله و الرسول دي.

تقول لي أنا كان زدت بتزردني؟ كدي اعتبر دي زيادة، نشوف زردك، تحب يا الجيلي تزردني موية في ياتو شأن؟

ماركسية؟ و شيوعيّة و كدا؟
سيرة ذاتية؟ و شخصي و شخصك؟
دين؟
فلسفة عموم؟
شيطنة و شغل آوت سايدرز و صعاليك؟
فصاحة و بيان؟
كل ما سبق ووب

سمح يا الجيلي، بالله عليك ساعدني، هسة إنت كنت بتلكشرنا هنا عن الانترنت و الواقع، إنت علاقتك كيف بالواقع دا؟ اشتغلت في حزب وين و وين و وين و ياتو زمن، لو ما شيتا داسيهو يعني، لأنّك تتشاف قدرنا كدا، و كونك قدرنا و في حزبنا و عندك علاقة بالواقع الهناااك داك و ما بتعرف محمّد حسبو و لا أتاك حديثو معناها فيك علّة، كدي هسة عرِّف لي نفسك شان بس نتأكد من أهليتنا الاتنين يعني للحديث ذاتو قبال نخوض فيهو، حديث الواقع و ترف الانترنت يعني، ما تفط النقطة دي، جوط جوطتك كلها بس عرّف زمانك من تكون بالله.

ثم بعد ذلك –ودة جدول عمل لهذه الخصومة- ننتقل إلى زرد الماء المعرفي و النظري، بعدما ننتهي من الزرد العملي و كسبي و كسبك، و بكدة تكون زردتني موية لامن تدفِّق. تراها مهمّتك واضحة، حتلقى ناس كتار يقولوا ليك حسبو دا اختلفنا معاهو في كدا و خمّانا في كدا و يساعدوك في الزرد، لأنّو عندي سيرة في شغلتك دي في الواقع هناك بطول المسافة من طالب الثانوي إلى وزير التعليم العالي، و ما سيرة عاطلة.

الزرد خلّيهو، قلت بتبقى لعنة تطاردني في هذا الفضاء، طيب يا قلّة شغلتك، يعني محل أخت حرف يجي القايلي يلصق حرفين، طيب حتجيب الحرفين من وين يا القايلي، أنا زول ماشي مترقِّي في الكتابة و التفكير، و عازم يا الجيلي أمرق من جاذبية الجهل السودانيّة دي، أمشي مجال تاني، أها إنت حتنفذ كيفن من أقطار البلادة حقتك دي بلا سلطان؟ (إنت من ناس طابت بالمناسبة؟) و تطاردني تقول شنو؟ أنا أعمل ري رايتنق تالت لفينومينولجيا الروح، شي إنت ما حتفهمو لأنّك ما ميسر ليهو، إنت تجي مطاردني تسوِّي لي شنو؟ تتمخّط في قفاي يعني؟ عوارتك غايتو تحيّّر.

و هسة يا الجيلي أنا لو داير أزردك موية، ألقاك كيفن؟ تعريفك شنو يعني، هاتف نقّال؟ بالله محمّد راسخ قال الزول دا من سودانيّات، مشيت عست سودانيات لقيت نضمك كلّو يا ناقل ورق الحزب يا متونِّس مع المتونِّسين يا كمان مشاكل محمد حسن العمدة، يعني بالمختصر كدا، بلد الكتابة و الرأي ما عندك فيها لا جنسيّة لا جواز، زول مُنكر، يقولوا عليك "بدون" في بلدان كدا، أها أزردك في كلام الناس البتنقل فيهو؟ حاشاك، دي دعواة الأمهات طمرت فيك: تكبر و تجيب يا الحبيب..

زول زيك جنّو مقترحات: تعالوا نعمل ورشة، زي ما قال حبيبنا حقو نـقول كيت كيت، و دا كلام يا دكتور؟، كيفن تقولوا الحزب الشيوعي كعب؟، شكرا نبيلا يا رائعة الخ الخ الخ

أزردك من شنو ليك يا القايلي؟ الزرد دا بدور ليهو بيضات قبال الزرديّة، أها تعال ورِّينا موقعك شان نزردك وللا كمان نقوم بي زرديّتنا دي علي الشدر و سلوك البطّاريّة..

أسمع: ريدتي فوت منها، تاني ما تريدني، أجيي يا القايلي، جابت ليها بريدك و ما شاقنا غير هلالو؟

Post: #59
Title: Re: زيادة
Author: هجو الأقرع
Date: 07-23-2007, 02:45 PM
Parent: #58

الاخوة الرفاق الكرام ، من اول امس وحزبكم فى الخرطوم فى مناتحة ومشاكل لمعرفة من سرب (الكلام الفاضى) . الموضوع ليس الوثيقة ولا الحزب الميت الذى تجاوزه الزمن ، انتم تعملون دعاية بطريقة مباشرة ، لانعاش الناس بوجود ( الحمام الميت ) . السؤال هنا لماذا الاجتماع تحت الارض وكوادركم سمن على عسل مع النظام . الم اقل لكم أنه نوع من الدعاية الفشنق ، انتم مش مخترقين وبس ، انتو ما عندكم موضوع من اساسو، ابو ساندرا عامل فيها مهم قال تأكد لى من مصدر موثوق ان الوثيقه صحيحة .... عش رجبا ترى عجبا.

Post: #60
Title: Re: زيادة
Author: الجيلى أحمد
Date: 07-23-2007, 08:01 PM
Parent: #58

القنيط محمد حسبو

Quote: تتمخّط في قفاي يعني؟ عوارتك غايتو تحيّّر.


أيوه يالقنينيط
أتمخط فى قفاك وأديك بالجزمة على وشك,

Quote: أجيي يا القايلي،


شد حيلك ياسحس وبطل الخيابه
ولو عندك آهات ذياده
وكلامات من جنس (أحى أنا)
تمسكا تزرقا
بتعرف تزرقا براك ولاأجى أزرقا ليك,

يلا ياحسبو أى رد منك تانى فيهو تمخط على قفاك
وضرب بالجزمه لحدى ماتشبع ,




مادمت متفرغ خليك قاعد عشان أجيك أمتعك صفعآ وركلآ أو
ياقنيط سير قود عاود لكرك ..

Post: #61
Title: Re: زيادة
Author: الجيلى أحمد
Date: 07-23-2007, 08:21 PM
Parent: #60

الزامل محمد حسبو

لم أقصدك فى مداخلتى بسوء
ولكن مادمت قد فهمتها إساءة فأنت لم تعرف الإساءة بعد,..

Who the ######## you think you are??

أحيانآ يخيل أن أمثالك من لوايطة الفكر, يحكون مؤاخراتهم
بأصابعهم ليخطون بأظافر ملؤها الخرا مايسمونه فكر,
وشكلك خريج مواخير عن جداره وحتى يدك ملتويه وميته كصبى ( الستات)
وأنت تقول هوووى
Quote: بدق الصفائح


يلا يالصبى دق صفائحك
واتنا

Post: #62
Title: Re: مؤتمر الحزب الشيوعي في الخرطوم تحت الارض ..وثيقة !!!!
Author: Atif Makkawi
Date: 07-23-2007, 08:31 PM
Parent: #1

فلنعتقد
أن الحزب الشيوعي ضرب
ماذا يفيدكم ؟