Post: #1 Title: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:19 PM
في لقاءه اليوم مع قناة النيل الازرق، والي الخرطوم د. عبدالرحمن الخدر، ضرسني بالمفردات لمن غلبني احصرها بس اكثرها تميزا على الاطلاق (هبتلي) التي اطلقها بكل هبتلية ....
____________ بالله دي لغة والي مدينة ؟
Post: #2 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:21 PM Parent: #1
والنطمنكم تاني .... منعوا التمباك و الشيشية لدواعي صحية الوالي حساس النصيحة وقال منع التمبك و الشيشية علشان بتعمل سرطان الفم ....
___________ يا مرهف انت
Post: #4 Title: Re: النطمنكم يا اخوانا (السلاح ده ما بيتوزع هَبَتلّي)! Author: Medhat Osman Date: 12-13-2010, 09:28 PM Parent: #2
عزاز مسكاقمي
هبتلي....!!! ده والي هبتلي ساي. تماك شنو ...شيشة شنو؟؟ الوالي ده ما واعي.؟؟
Post: #3 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:25 PM Parent: #1
طبعا ما قصر الوالي و اتطرق لموضوع البنت الجلدوها ديك و ناس المعارضة عاملة فيهو مشاكل سردنا لينا عريضة الاتهامات بس كتر خيرو ما قال لا اسم المعاها لا اسم الراجل و استعاض بقوله فلانة و فلانة وفلان وفلانة ...حرص على السمعة، مفرط لمن بهناك .... دموعي جرت من فرط التأثر
_________________________ صفقة يا اخوانا لحماية الاعراض والذود عن الحياض
Post: #6 Title: Re: النطمنكم يا اخوانا (السلاح ده ما بيتوزع هَبَتلّي)! Author: المكاشفي الخضر الطاهر Date: 12-13-2010, 09:31 PM Parent: #3
عزاز السلام عليكم واسعد الله اوقاتكم بكل الخير وبما ان الوالي هو جهينة في هذا البلد وبعيدا عن هبتليته نريد ان نعرف ردك على جريمة (او جرائم تلك القتاة ) التى أقامت الدنيا ولم تقعد ها
Post: #14 Title: Re: النطمنكم يا اخوانا (السلاح ده ما بيتوزع هَبَتلّي)! Author: عادل الباهي عبدالرازق Date: 12-13-2010, 10:05 PM Parent: #6
الاخت عزاز
حياك الله
منذ متي طالبان الخرطوم تضع الرجل المناسب في المكان المناسب اصلا طيله فتره حكم الكيزان دائما ماتتوزع المناصب هبتلي , ديل زوروا الانتخابات والمراقبين الامميين موجودين غالبم يزورا تهمه للبنت المسكينه دي . عصابه الكيزان ثمه من يريدمنهم أن يلبس التاريخ تي شيرت ومنهم من يريد أن يجعله يرقص ويغني علي فضائيه او علي موقع في الانترنت . لا يتوانوا في فعل أي شيء قذر من أجل مصالحهم فالكوز لا يستحي لكنه يخاف .
Quote: وبما ان الوالي هو جهينة في هذا البلد وبعيدا عن هبتليته نريد ان نعرف ردك على جريمة (او جرائم تلك القتاة ) التى أقامت الدنيا ولم تقعد ها
الاخ المكاشفي تحياتي ياحبيب منذ اليوم الاول الناس أتكلمت في كل البوستات السابقه عن طريقه الجزاء الذي تعرضت له الفتاه وانا عن نفسي ماعارف وماعاوز أعرف الجرم الذي أرتكبته الفتاه لانني ليس الله المهم عندي هل مارأيناه في الدين والشرع من شيء هل يعقل أن يعذب أنسان بهذه الدرجه مهما أرتكب من جرائم وبعدين والي الندامه دا يعني منزلا ليهوا مابيكون أتصل تلفونيا بمدير شرطه الولايه عشان يعرف الحاصل شنو أنت عاوز مدير الشرطه يجي يقول ليهوا أنا جندت أوباش وقتله وحراميه وفاقد تربوي مالازم يلفق أي تهمه للبنت الغلبانه دي لكن لوعندهم زره من كرامه مفترض يستقيلوا كلهم وزير العدل رئيس القضائيه ووزير الداخليه ومدير عام الشرطه ومدير شرطه الولايه مش قالوا لا للسلطه ولا للجاه .
Post: #8 Title: Re: النطمنكم يا اخوانا (السلاح ده ما بيتوزع هَبَتلّي)! Author: طارق ميرغني Date: 12-13-2010, 09:35 PM Parent: #3
اختنا عزاز
مشكلتنا انه دائما هنالك خلط ما بين الخاص والعام فممارسة شرب الشيشة او سف التمباك هذا سلوك شخصي سوي اكان مضرا او مهلكا فهنالك تحذيرا يعرفه القاصي والداني عن تلكم المخاطر وكل شاة معلقه من عصبتا لا الوالي ولا غيره احرص علي صحة المواطن من نفسه .
اما اهم ما في حديث الوالي فهو تحذيره لمن روجوا لفيديو الجلد المنتشر في كل المواقع السودانية وغيرها ولا ادري لمن سيوجه الاتهام لاصحاب المواقع ام لمن نشروه ام للمتصفحين ام لكل من علق بكلمة او ادانة لهذا المسلك
Post: #5 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:29 PM Parent: #1
في معرض رده على السؤال عن ارتفاع الاسعر بين غمضة عين و انتباهتها رد و قال (الحشاش يملا شبكتو)
______________ حد يصحي خدر يا اخوانا يلحق يملى شبكتو
Post: #7 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:33 PM Parent: #1
Quote: الوالي ده ما واعي.؟؟
والله يا مدحت الوالي ده عسل مصفى وحيكون شخصيتي المفضلة لعام 2010 انا إلا اعمل ليكم ترانسكريبت للقاء لأن (كلو لحظة و كل ثانية) من اللقاء تحفة فنية قائمة بذاتها ... ياخي ده اهداني مساء ما منظور مثيله
Post: #18 Title: Re: النطمنكم يا اخوانا (السلاح ده ما بيتوزع هَبَتلّي)! Author: Medhat Osman Date: 12-13-2010, 10:47 PM Parent: #7
Quote: والله يا مدحت الوالي ده عسل مصفى وحيكون شخصيتي المفضلة لعام 2010 انا إلا اعمل ليكم ترانسكريبت للقاء لأن (كلو لحظة و كل ثانية) من اللقاء تحفة فنية قائمة بذاتها ... ياخي ده اهداني مساء ما منظور مثيله
وده توثيق للكلام للشخصية المفضلة.
Post: #78 Title: Re: النطمنكم يا اخوانا (السلاح ده ما بيتوزع هَبَتلّي)! Author: Nader Abu Kadouk Date: 12-15-2010, 04:53 PM Parent: #18
....
Post: #75 Title: Re: النطمنكم يا اخوانا (السلاح ده ما بيتوزع هَبَتلّي)! Author: Medhat Osman Date: 12-15-2010, 01:36 AM Parent: #7
صورة لرجل مات غرقا في مجاري ولاية الخرطوم..
Post: #9 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:37 PM Parent: #1
"اي خيار تلقاهو حايم انتجوهو الشباب ديل " طبعا كلام الوالي كان بخصوص البيوت المحمية وتباهي فيه ببرنامج تشغيل خريجي زراعة "استخدموا الخريجين استخدام جيد" كما قال
___________ النوم... النوم تعال ... المغسة المغسة
Post: #25 Title: Re: النطمنكم يا اخوانا (السلاح ده ما بيتوزع هَبَتلّي)! Author: ناصر احمد الامين Date: 12-14-2010, 08:11 AM Parent: #9
Quote: اي خيار تلقاهو حايم انتجوهو الشباب ديل "
هههههه .. دا نظام (انا شفت) و كدا!!
هو الدكتوراة بتاعتو دي في شنو ؟؟
Post: #10 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:44 PM Parent: #1
Quote: عزاز السلام عليكم واسعد الله اوقاتكم بكل الخير وبما ان الوالي هو جهينة في هذا البلد وبعيدا عن هبتليته نريد ان نعرف ردك على جريمة (او جرائم تلك القتاة ) التى أقامت الدنيا ولم تقعد ها
الاستاذ مكاشفي، أيا كان جرم الفتاة في نظري لا تستحق ما رأيت وبلاش اسهب أكتر في ما رأي عن الحريات علشان ما أوترك بالليل ده ....اللي أقام الدنيا و اقعدها وحشية الفعل و لا انسانية المنفذين
الجرم الوحيد الذي أراه جدير بالقتل، و بدون سحل أو تعذييب هو اغتصاب الاطفال وهي الجريمة البتشوفها دولتك بتستحق سجن سنتين و مية جلدة ...
أي جرم غير ذلك بيهمني مرتكب الجريمة أنو يتأهل و يكون عضو فاعل في المجتمع ولو عجزنا في تحقيق ذلك نودعه مؤسسة إصلاح نفسي الى ان يقضى الله أمرا كان مفعولا بدون أي تعذيب أو إهدار لكرامته أو انسانيته ....
____ لو الوالي هو جهينة البلد، معناها البلد دي رايحة ليها جهينة ساي
Post: #11 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:46 PM Parent: #1
الحلقة خلصت!
ليه ياخّ!
Post: #12 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:47 PM Parent: #1
الحلقة خلصت!
ليه ياخّ!
Post: #13 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-13-2010, 09:57 PM Parent: #1
Quote: اختنا عزاز
مشكلتنا انه دائما هنالك خلط ما بين الخاص والعام فممارسة شرب الشيشة او سف التمباك هذا سلوك شخصي سوي اكان مضرا او مهلكا فهنالك تحذيرا يعرفه القاصي والداني عن تلكم المخاطر وكل شاة معلقه من عصبتا لا الوالي ولا غيره احرص علي صحة المواطن من نفسه .
اما اهم ما في حديث الوالي فهو تحذيره لمن روجوا لفيديو الجلد المنتشر في كل المواقع السودانية وغيرها ولا ادري لمن سيوجه الاتهام لاصحاب المواقع ام لمن نشروه ام للمتصفحين ام لكل من علق بكلمة او ادانة لهذا المسلك
الاستاذ طارق، سلامات ... بلدنا دي مخلوطة خلط شديد في خلاط اسمنت كبير، يعني ممكن يمنع التدخين في الاماكن العامة يمنع التمباك في الدوائر الحكومية مع اني ما باحب التمباك أصلا بس الخيار الشخصي وين في الحتة دي؟ الدولة دي دايرة توصلنا وين؟ انا ممكن اتفهم رقة شعور الوالي لو ما البنات بيدقن كل يوم وهو بيزيد طاقة النظام العام ممكن اصفق و افرح لو المدينة دي زاتها ما الضايقت ستات الشاي ولو ماكان والي مدينة مشردينها بيموتو في مجاري المطر ولا المدينة البتغرق في شبر موية لما يجي الخريف كونو يقفز للأمام وفجأة يبقى سنغافورة و البلد ما فايتة قرية كبيرة فده قمة الانصرافية و الرومانسية !!!
حديث الوالي عن التحذير ده ممكن بكل بساطة يكتبو ورد يومي ويقراهو في موية و يرشو في اركان الخرطوم لانو البقت بقت خلاص و الفيلم طلع و النسا عرفت و الدنيا شافت، يشوفو الصور منو و يوروهم عجايب سياطهم ما بيقدر لا هو ولا غيرو يطولو زول تاني لانو الشغلة ما (هبتلية) ساي
التعديل لاضافة الاقتباس
Post: #15 Title: Re: النطمنكم يا اخوانا (السلاح ده ما بيتوزع هَبَتلّي)! Author: المكاشفي الخضر الطاهر Date: 12-13-2010, 10:14 PM Parent: #13
Quote: اغتصاب الاطفال
يعني الشغلة فيها خيار وفقوس ؟
يعني القانون يتجزأ؟
والجريمة تتجزأ ؟
اليس كذلك؟
Post: #16 Title: Re: النطمنكم يا اخوانا (السلاح ده ما بيتوزع هَبَتلّي)! Author: سمير شيخ ادريس Date: 12-13-2010, 10:18 PM Parent: #13
مياه الشرب الملوثة التى أدت لتزايد حالات الفشل الكلوى الخبز المحسن ببروميد البوتاسيوم الخضروات المسمدة بالمواد المسرطنة أبراج الاتصالات المزروعة فى قلب العاصمة باشعاعاتها المجارى سيئة التصريف ومرتع الذباب والبعوض الخ الخ .. دى كلها ما مؤثرة على الصحة .ز وما من اهتمام سيادتو يعنى جات على الشيشة والتمباك ( كدى ال نخت سفة لحدى نار الشيشة ما تولع أصلنا ميتين ميتين ) بالجد مغسة عزاز سلامات
Post: #17 Title: Re: النطمنكم يا اخوانا (السلاح ده ما بيتوزع هَبَتلّي)! Author: محمد عبدالرحمن محمد Date: 12-13-2010, 10:20 PM Parent: #13
Quote: "اي خيار تلقاهو حايم انتجوهو الشباب ديل " طبعا كلام الوالي كان بخصوص البيوت المحمية وتباهي فيه ببرنامج تشغيل خريجي زراعة "استخدموا الخريجين استخدام جيد" كما قال
والله يا عزاز الحمدلله الواحد اتخرج زمااااان، إلا وماذا كان [يستخدمونا استخدام جيد].. الشي سماد؟!
وبي مناسبة [المجرمه] الهظروا معاها ناس قد قدو الحنان ديك والسبابي الظريف أب كرفته، والي الخرطوم [جهينه] دخلو شنو في الموضوع أساساً؟ الشي تصديق طبلية صعوط في سوق الشدره؟
ويين وزير الداخلية؟ ويين وزير العدل؟
كدي انبقى تالاك في البكان الانتي فيهو دا [قنابير] رسليلي واحد، حدانا هني لا تنتج حيث انو مافي عليها طلب!
اللهم طولك يا روح..
قال منو؟ جهينه؟
Post: #19 Title: Re: النطمنكم يا اخوانا (السلاح ده ما بيتوزع هَبَتلّي)! Author: سفيان بشير نابرى Date: 12-13-2010, 11:01 PM Parent: #17
انتي ذاااااتك يا عزاز البيحومك جنب تلفزيونات السودان شنو ايام زي دي!!!؟
اها السيد الوالي ده وحاتك ذكرني اللواء بتاع الجمارك دااااك تتذكريهو!!!؟
ما فضل ليهو إلا يقول جابو لينا .... وجابو لينا..... وجابو لينا....... و ورغيف .
Post: #20 Title: Re: النطمنكم يا اخوانا (السلاح ده ما بيتوزع هَبَتلّي)! Author: صديق الموج Date: 12-13-2010, 11:18 PM Parent: #19
الوالى الوالى تبرير طوالى.. عزاز انا حضرت الحلقه دى النصيحه لطيفه ومفيدة اكتر من توم اند جيرى ماتفوتكم الاعادة ياشباب غدا حفظ الله ارجوزنا ووقاهـ كل الشرور وكمان قال استفاد من تجربة تركيا.. يعنى الوالى زى ما عجنا حا يخبزنا كمان والينا زينه وحالف مايبرد لينا بطن،،،
Post: #21 Title: Re: النطمنكم يا اخوانا (السلاح ده ما بيتوزع هَبَتلّي)! Author: حسين نوباتيا Date: 12-14-2010, 05:46 AM Parent: #20
الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها..
منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها"..
دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..
Post: #22 Title: Re: النطمنكم يا اخوانا (السلاح ده ما بيتوزع هَبَتلّي)! Author: محمد الجيلى Date: 12-14-2010, 06:49 AM Parent: #21
بين الوالي وناس الشُرطة مسرحية شديدة {مُش ح تئدر تغمض عينيكـ}
هسي نحن سكرانين ولـاّ شنو ؟ الناس ديل حاكميننا الزمن دا كلو كيف؟
غايتو أنا شايف إنو الحكومة تصادر أمخاخنا أو نحن نصادر الحكومة!
سلام يا عزاز :)
Post: #23 Title: Re: النطمنكم يا اخوانا (السلاح ده ما بيتوزع هَبَتلّي)! Author: زينب بدر الدين Date: 12-14-2010, 06:49 AM Parent: #21
عزاز إزيك
ياخ الوالى رهيب
إقول حد وإقول 80 جلدة تعزيرا
أها يا المكاشفى رايك شنو فى أبو جهل حقكم دا
الحدود فيها تعزيرا
أنا راى فى جرم الفتاة إنو من حكم عليها هذا القاضى
الظاهر لينا بقول خلونا نخلص نشوف شغلنا دا
لا يمكن أن يثق شخص فى حكمة وهو قاضى ظالم
وشنو البقنعنى القاضى دا ما راودها عن نفسها فرفضت
المهم البنت دى للضمان كدا قاتلة وقد عزبت من قتلته وقطعته بصورة وحشية
السجن قفلوا وسرحوا ناسوا؟
Post: #24 Title: Re: النطمنكم يا اخوانا (السلاح ده ما بيتوزع هَبَتلّي)! Author: أبو ساندرا Date: 12-14-2010, 07:26 AM Parent: #23
Quote: (الحشاش يملا شبكتو)
______________ حد يصحي خدر يا اخوانا يلحق يملى شبكتو
من زمان بسأل الولد ده عيونو حمرا مالا اتاريهو بيلف ؟
صحهو طيب
Post: #27 Title: Re: النطمنكم يا اخوانا (السلاح ده ما بيتوزع هَبَتلّي)! Author: بدر الدين الأمير Date: 12-14-2010, 08:24 AM Parent: #24
Quote: الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها..
منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها"..
دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..
Quote: الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها..
منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها"..
دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..
ياسيدى انهم الغارمين الجد د (أهل الغيهب ) اصاحب الفجر الكاذب وما اصدق منصور خالد حين حذرنا من ذلك الفجر المسموم
ياعزاز ديل يقتلونا بدم بارد ثم يضحكون علينا ببرود هذا الوالى اتى للولاية بالتزوير هل نتوقع منه الصدق في شىء ... هل تأملتى تمثيله وانتفاخته وهو يتبا ها بان بين يديه صحيفة الاتهام الاخلاقية لحياة تلك الفتاة والتى ارسلت له ليناقشها عبر برنامج تلفزيونى وبكل سذاجة داير يزور عقلونا ونظرنا ووجدانا وبرضو على حساب جسد تلك الفتاة
Post: #26 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:15 AM Parent: #1
صباح الخير يا اخوانا ... عميق الشكر يا مدحت لجلب this bundle of joy اسمحو لي بس ابتدي بأخونا المكاشفي
Quote: Quote: اغتصاب الاطفال
يعني الشغلة فيها خيار وفقوس ؟ يعني القانون يتجزأ؟ والجريمة تتجزأ ؟ اليس كذلك؟
هو شنو يا استاذي الخيار و الفقوس؟ اتسألني انا عن الخيار و الفقوس و الدولة التي تدافع عنها هي المصدّر الرئيس للخيار و الفقوس؟! في ذمتك يا مؤمن يا موحد يا مصدق جريمة اغتصاب الاطفال دي بتلحقها أي جريمة في الدنيافي الفظاعة؟ بعدين ياتو قانون؟ القانون الجابو لينا الوالي الما مفرق بين حد و تعزير؟ ياخي انا الما بفهم في القانون ضرسني شرحو ...
أليس كذلك الختمت بيها اسئلتك بالله وجها للحكومة لأن عندهم الجريمة أيوة بتتجزأ و القانون بتجزأ ...
حسي حرمية الحكومة ديل قطعو يدهم؟
المفسدين و مستغلي السلطة أليس كذلكهم عاملة كيف بالله؟
القائمين على بيوت الأشباح البلا خجلة لسه بيطلعو في التلفزيون اديهم واحد أليس كذلك بخصوص قتل النفس التي حرم الله
الراشي و المرتشي و الرائش ديل شوفهم لينا في قوائم الخيار و الفقوس احتكار السلع الاساسية و اللعب بأرزاق الناس أديهم (اليس كذلك) ان شاء الله بالعين البايظة
Post: #28 Title: Re: النطمنكم يا اخوانا (السلاح ده ما بيتوزع هَبَتلّي)! Author: ناصر احمد الامين Date: 12-14-2010, 08:25 AM Parent: #26
Quote: اسمحو لي بس ابتدي بأخونا المكاشفي
انتي جادة !! دا زول بناقشو ؟؟
Post: #29 Title: Re: النطمنكم يا اخوانا (السلاح ده ما بيتوزع هَبَتلّي)! Author: خضر حسين خليل Date: 12-14-2010, 08:42 AM Parent: #28
هبتلي كيف يعني ؟ والحشاش يملأ شبكتو بي شنو مثلاً ؟ وهل نحنا زاتنا كمواطنين ممكن نكون حشاشين خليك من الشبكات
ـــــــــــ ياعزوز ازيك ياخ
Post: #32 Title: Re: النطمنكم يا اخوانا (السلاح ده ما بيتوزع هَبَتلّي)! Author: Tabaldina Date: 12-14-2010, 09:09 AM Parent: #29
.. . سلام يا عزاز
حقيقة قد تكون من اللحظات القلائل التى يظهر فيها الوالى فى لقاء مكاشفة وتوضيح واستبيان للجمهور وكان من الممكن ان يكون اكثر شفافية ووضوحا مع المواطن والجماهير المتلقية .. الا انه مارس لعبة (الزئبقية) وحاول التملص من اهم التساؤلات والاسئلة .. لقد ساعد المذيع او معد اللقاء فى ذلك الذى تناول عدد من القضايا الهامة التى تمتلئ بها الساحة هذه الايام وكان من الاجدى ان يترك كل قضية لحلقة منفردة ..( فتشبح) بنا فى القضايا وصراحة شتت لينا الكورة فليس من المنطق تناول القضايا ادناه فى حلقة واحدة - الفتاة المجلودة - قانون النظام العام - غلاء الاسعار - حظر المنبهات ( الشيشة والتمباك) - مصادرة وحصر الاسلحة داخل الخرطوم - عصابات النـيقــروز - العودة الطوعية / والعودة العكسية للجنوبيين من والى الخرطوم - الخدمات المختلفة من طرق وابار .. الخ
لاشك ان دور الاعلام كسلطة رابعة دور كبير وملموس فى معظم دول العالم حتى الديكتاتورية منها الا انه يبدو جليا ان مذيعينا واعلامينا يحتاجون لدورات فى اجراء اللقاءات وكيفية إدارة الحوار وعصًر المسؤول فى زاوية حتى يخرج منه بنتائج ووعد على الملاء .. لا يعطى المسؤول الفرصة للتملص والتزاوغ ليصبح حال المتلقى (كأنك يا زيد لا غزيت لا عرفت الغزو) ويكون المستمع اضاع اكثر من ساعة فى كلام فارغ ..
لذا ارجو من الاخ المذيع الذى ادار الحوار _ حسبما وعد_ بان تكون اللقاءات القادمة محصورة فى قضية معينة وفتح فرص للمكالمات المباشرة للوالى او الفاكسات او الايميلات.. وبالله يخلى الكمبيوتر اون لاين قدامه ؟؟ شنو يعنى الفيس بوك والكلام الغريب دا ؟؟ ولا مانع من تجديد اللقاء فى قضية النظام العام مستدلا بحالة ( فتاة الكبجاب)
----------
ما لفت نظرى ان الوالى ذكر مرتين فيما يخص يخص فتاة الكبجاب ان( نشر الموقع ) لهذا الخبر هو تشويش او فيما معناه وكان يريد ان يقول التوقيت .. فدار ببالى انه عقله الباطنى يقصد سودانيز اون لاين :)
تعديل لاعادة صياغة
Post: #30 Title: Re: النطمنكم يا اخوانا (السلاح ده ما بيتوزع هَبَتلّي)! Author: عبدالحافظ سعد الطيب Date: 12-14-2010, 08:56 AM Parent: #28
أمانة فى زمتكم أنجازات الوالى ده ماسمعتوها
رخص ليكم الجداد ده يعنى القوانص رخصت
وبما انهم يعملون بسياسة التحرير لايمكن تدخل الحكومة فى أسعار الخبز
لكن جابليكم فكرة جيدة لنج من تركيا
حيعمل طوابين تنتج الخبز العجيب بدل بلدية المتعافى طوابين الخضر
Post: #33 Title: Re: النطمنكم يا اخوانا (السلاح ده ما بيتوزع هَبَتلّي)! Author: عمر عبد الله فضل المولى Date: 12-14-2010, 09:11 AM Parent: #30
لك التحية الاخت عزاز شامي
درجت الشمولية الانقاذية الفاسدة والمستبدة على وضع امثال هذا الرجل في كل المناصب التي ياتي منها الخطر لانهم في هذه الفترة الحرجة يحتاجون الى شخص يدار بالريموت كنترول بعد ان اصبحت الثقة معدومة في بعض اصحاب الخبرة فوزير الدفاع يسال عن من هو القائد العام للقوات المسلحة بعد نزول المارشال البشير للمعاش (طبعا هو القائد الاعلى بحكم منصبه كرئيس) فرد موجود فلاحقه السائل من هو فكرر مرة اخرى موجود.... طبعا السودان حتى الان لا يوجد فيه شخص في منصب القائد العام للقوات المسلحة اللهم الا اذا كان تم تعيينه من سكات ....وذات مرة اختلف الطغاة في منصب وزير الداخلية فاضطروا الى تعيين وزير الدفاع الحالي لانه اكثر الوزراء عملا بالاشارة لهذا يجد القبول من كل الطغاة فحدثت حادثة بري الحرارية فكان سيادته من اول الحاضرين بحكم مسئوليته كوزير داخلية فسالته الصحافة عن اسباب الحادث فقال الهناي ضرب في البتاع وانفجر ....وعندما تم ضرب مصنع الشفاء سالته الصحافة عن موقفهم فرد ما عارف لكن ما بنخليهم....
Post: #31 Title: Re: النطمنكم يا اخوانا (السلاح ده ما بيتوزع هَبَتلّي)! Author: توما Date: 12-14-2010, 09:01 AM Parent: #28
قال ليك يبدو إنو (الشريط صور العقوبه المذكوره )
و( حد من حدود الله سبحانه و تعالي)
و (نقل الناس النفذو العقوبه )
و (خطأ) تم
الحصل ده بس (خطأ) يا عزاز ياخي
والقضاء (مُقِل) ياخي
مُقِل في الحديث ومُقِل في شرح وسائل تنفيذه لممارسته
Post: #34 Title: Re: النطمنكم يا اخوانا (السلاح ده ما بيتوزع هَبَتلّي)! Author: الصادق صديق سلمان Date: 12-14-2010, 09:19 AM Parent: #31
كل شيء محبط في هذا البلد
انا ما عارف المواطن دا البفكر فيهو منو كل الناس تقول أن السودان ماشي إلى هاوية عميقة سحيقة صومالية الشكل والمضمون
الصادق
Post: #35 Title: Re: النطمنكم يا اخوانا (السلاح ده ما بيتوزع هَبَتلّي)! Author: Tabaldina Date: 12-14-2010, 09:32 AM Parent: #34
.. . حقيقة يا عزاز لانى اتهريت بالقاء وكان غايظنى المذيع اكثر من الوالى زاتوو .. والرجعتنى نقطة الاسعار .. يعنى حقيقة لم نجد تفسير ولا مبرر ولا حتى معالجة للزيادة العالية فى اسعار الخبز والسكر والمواد التموينية .. كانت الحلول مجرد وعود من الوالى رغم اراء الشارع التى رتفقت اللقاء ولم يجعل المذيع سعاتو الوالى يذكر المعالجات الحالية مباشرة غير ابتسامه صفراء .. وهذا امر يستدعى اصدار قرار ليس فى خطبة جمعة كما قال السيد الوالى ولكن يجب يكون اكثر وضوحا مع هذا المواطن التعبان ..
--------
بلد ما ليها وجيع والله ؛
Post: #36 Title: Re: النطمنكم يا اخوانا (السلاح ده ما بيتوزع هَبَتلّي)! Author: Tabaldina Date: 12-14-2010, 09:38 AM Parent: #35
.. . بالمناسبة يا طارق ميرغنى الوالى حذر تحذير اشبه بالتهديد لكل من تسول له نفسه بعمل مظاهرات وبرر ذلك بأن هذا يهدد امن البلد ويزعزع استقراها .. بالله شوف ..!!
-----
يعنى يا ناس ( حراك) الاعتقالات جايكم
Post: #37 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 05:45 PM Parent: #1
Quote: الاخت عزاز
حياك الله
منذ متي طالبان الخرطوم تضع الرجل المناسب في المكان المناسب اصلا طيله فتره حكم الكيزان دائما ماتتوزع المناصب هبتلي , ديل زوروا الانتخابات والمراقبين الامميين موجودين غالبم يزورا تهمه للبنت المسكينه دي . عصابه الكيزان ثمه من يريدمنهم أن يلبس التاريخ تي شيرت ومنهم من يريد أن يجعله يرقص ويغني علي فضائيه او علي موقع في الانترنت . لا يتوانوا في فعل أي شيء قذر من أجل مصالحهم فالكوز لا يستحي لكنه يخاف .
الاستاذ عادل الباهي ... سلامات وتحايا والله صدقت! الكوز لا يستحى لا يخاف! الوالي بيبشرنا انهم مددوا وقت الحفلة للساعة 12 والدنيا انفصال و حريات و رئيس قاعد في (الحبس)!
Post: #39 Title: Re: النطمنكم يا اخوانا (السلاح ده ما بيتوزع هَبَتلّي)! Author: khaleel Date: 12-14-2010, 05:58 PM Parent: #37
مندهش لحكاية خمسة رجال وبت
والساعة 12 بالليل وادارة دعارة
طيب ليه العقاب شمل المدراء فقط
وين التلاميذ الذين كانت تدار لهم الدعارة
كان فاهم حاجة انشاء الله اموت
سلامات كتيرة يا عزاز شامي
Post: #38 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 05:50 PM Parent: #1
Quote:
هههههه .. دا نظام (انا شفت) و كدا!!
هو الدكتوراة بتاعتو دي في شنو ؟؟
يا استاذ ناصر يا استاذ ناصر وهل يخفى القمر ياخ؟!
دكتوراة في الإدارة غير الهبتلية مع تخصص فرعي استخدام مخرجات التعليم بين قوسين خريجين زراعة تحديدا
Post: #41 Title: Re: النطمنكم يا اخوانا (السلاح ده ما بيتوزع هَبَتلّي)! Author: أبو ساندرا Date: 12-14-2010, 06:06 PM Parent: #38
Quote: هذه الايام وكان من الاجدى ان يترك كل قضية لحلقة منفردة ..( فتشبح) بنا فى القضايا وصراحة شتت لينا الكورة فليس من المنطق تناول القضايا ادناه فى حلقة واحدة - الفتاة المجلودة - قانون النظام العام - غلاء الاسعار - حظر المنبهات ( الشيشة والتمباك) - مصادرة وحصر الاسلحة داخل الخرطوم - عصابات النـيقــروز - العودة الطوعية / والعودة العكسية للجنوبيين من والى الخرطوم - الخدمات المختلفة من طرق وابار .. الخ
لاشك ان دور الاعلام كسلطة رابعة دور كبير وملموس فى معظم دول العالم حتى الديكتاتورية منها الا انه يبدو جليا ان مذيعينا واعلامينا يحتاجون لدورات فى اجراء اللقاءات وكيفية إدارة الحوار وعصًر المسؤول فى زاوية حتى يخرج منه بنتائج ووعد على الملاء .. لا يعطى المسؤول الفرصة للتملص والتزاوغ ليصبح حال المتلقى (كأنك يا زيد لا غزيت لا عرفت الغزو) ويكون المستمع اضاع اكثر من ساعة فى كلام فارغ ..
ريحتني في حناني ذاتو يا تبلدينا الطاهر توم كوز حتى أخمص قدميه وبيجير كل مقابلته لمصلحة النظام
Post: #40 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:05 PM Parent: #1
Quote: مياه الشرب الملوثة التى أدت لتزايد حالات الفشل الكلوى الخبز المحسن ببروميد البوتاسيوم الخضروات المسمدة بالمواد المسرطنة أبراج الاتصالات المزروعة فى قلب العاصمة باشعاعاتها المجارى سيئة التصريف ومرتع الذباب والبعوض الخ الخ .. دى كلها ما مؤثرة على الصحة .ز وما من اهتمام سيادتو يعنى جات على الشيشة والتمباك ( كدى ال نخت سفة لحدى نار الشيشة ما تولع أصلنا ميتين ميتين ) بالجد مغسة عزاز سلامات
الافوكاتو سمير .. كيفنك و لعلك طيب ... يا اخوي ما تخلطو الكيمان ... الدكتور الوالي مصدر قلقه سرطان الرئة تحديدا لأنو جاتو صورة هزت مشاعرو الوارد أعلاه كله انواع تانية من السرطانات ... يا ترسلو صورة بالضرر يا كمان تحمدو الله و تتطلبوه الستر و العافية انتو شعب جاحد بصراحة ولا تستحقون ولاة أمر مرهفين!
Post: #42 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:15 PM Parent: #1
Quote: والله يا عزاز الحمدلله الواحد اتخرج زمااااان، إلا وماذا كان [يستخدمونا استخدام جيد].. الشي سماد؟!
وبي مناسبة [المجرمه] الهظروا معاها ناس قد قدو الحنان ديك والسبابي الظريف أب كرفته، والي الخرطوم [جهينه] دخلو شنو في الموضوع أساساً؟ الشي تصديق طبلية صعوط في سوق الشدره؟
ويين وزير الداخلية؟ ويين وزير العدل؟
كدي انبقى تالاك في البكان الانتي فيهو دا [قنابير] رسليلي واحد، حدانا هني لا تنتج حيث انو مافي عليها طلب!
اللهم طولك يا روح..
قال منو؟ جهينه؟
الاستاذ محمد عبدالرحمن سلامات ولا تأس على ما فاتك شكلك ما أتيت لحوار ..!؟ كيف يعني الوالي دخلو شنو؟ الوالي جا قال لي ملابسات القضية وكان من الدقة بمكان انو قال اتمسكو الساعة اتناشر إلا عشرة ... واخد بالك حضرتك من الدقة الدقاقة دي؟ في وزير عدل ولا وزير داخلية بيكون دقيق قدر ده؟ يا اخوانا احمدوا الله على ما آتاكم من نعم ومن والي مدينة يفتي في أمر القضاء ده اسمو فن الادارة الشاملة!
_________ في مصر في عصير جوافة اسمو جهينة مبالغة بيكون قاصد جهينة العصير
Post: #43 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:20 PM Parent: #1
Quote: انتي ذاااااتك يا عزاز البيحومك جنب تلفزيونات السودان شنو ايام زي دي!!!؟
اها السيد الوالي ده وحاتك ذكرني اللواء بتاع الجمارك دااااك تتذكريهو!!!؟
ما فضل ليهو إلا يقول جابو لينا .... وجابو لينا..... وجابو لينا....... و ورغيف .
والله يا سوفي قلت احضر لي اغنية اغنيتين وبالعدم اتفرج في التياب بس النصيحة أثلج قلبي اللقاء ... آي و الله التقول جابو تلجة من حلة كوكو الكبيرة ديك بتاعت الاعراس و ختوها لي فوق قلبي ....
Post: #44 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:27 PM Parent: #1
حدي يصحي بكري أبو بكر! ياخي الاعلان ده مستفز بشكل! لو شلنا العربية اللونها اصفر دي و ختينا محلها صاحبنا داك الما بغباكم وشلنا كوم الرملة البيجاي و ختينا صور ناسنا حنلاقي شعار (لايق علينا لايق) يتعلق في أجعص احتفال!
Post: #45 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:33 PM Parent: #1
ومن منبري هذا أناشد قناة النيل الأزرق ببث حلقة متابعة مع سعادة الوالي نستوضح فيها عن قوانين (سف) التراب لانو الشعب (سف) تراب كتير واحتمال التراب يعدم ولا يبقى غالي ....
شوف عيني ما سمع الشعب (سافي) تراب التقول ببلاش... ده اعتبروا هدر بصراحة!
يا ريت الحكومة يعني - طلبا لا أمرا - تشوف لينا بدائل لـ (سف) التراب علشان ما (نسف) مصادر البلد فنجرة ساي
Post: #46 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:37 PM Parent: #1
Quote: الوالى الوالى تبرير طوالى.. عزاز انا حضرت الحلقه دى النصيحه لطيفه ومفيدة اكتر من توم اند جيرى ماتفوتكم الاعادة ياشباب غدا حفظ الله ارجوزنا ووقاهـ كل الشرور وكمان قال استفاد من تجربة تركيا.. يعنى الوالى زى ما عجنا حا يخبزنا كمان والينا زينه وحالف مايبرد لينا بطن،،،
في ذمتك امرق النصيحة يا صدّيق الموج ... ما شعرت بالفخر وانت بتشاهد الحلقة؟ ارفعك راسك ... خليك سوداني!
Post: #47 Title: Re: النطمنكم يا اخوانا (السلاح ده ما بيتوزع هَبَتلّي)! Author: فتحي الصديق Date: 12-14-2010, 06:48 PM Parent: #46
عزاز يا ظالمة ...ظلمتي الدكتور ياااخ .. شايفة الفكرة دي فاتت عليك ..وزارة لضبط الأسعار ... لناس الخرطوم بس .. لو ما كنتي من الخرطوم تاكلي نيم ..
Quote: أكد د. عبد الرحمن الخضر والي الخرطوم، أن ارتفاع أسعار الخبز في الأسواق خط أحمر لن تقبل الولاية باستمراره، وقال الخضر في برنامج (حتى تكتمل الصورة) بقناة النيل الأزرق أمس، إن ولايته تسعى إلى تثبيت الأسعار في الحدود المعقولة. وكشف الوالي عن اتجاه الولاية لإنشاء وزارة لشؤون المستهلك لجهة ضبط الإنفلات في الأ سعار..
الخبر ورد في الرأي العام اليوم .. -------------------------------------- خليك حاضرة دايما بالله اليومين ديل يا عزاز .
Post: #50 Title: Re: النطمنكم يا اخوانا (السلاح ده ما بيتوزع هَبَتلّي)! Author: osama fadlalla Date: 12-14-2010, 07:15 PM Parent: #47
الاخت عزاز
رغم كل مثالب اللقاء الا ان فيه نقطه ايجابية تعتبر طفرة بكل المقاييس في الخطاب الكيزاني وهي عدم ذكر امريكا او اسرائيل كمحرضين علي هذه المؤامرة . فبالله حاولي ان تنظري في النصف الاخر من الكوب الفارغ تماما من كل شيء
Post: #48 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 06:55 PM Parent: #1
Quote: الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها..
منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها"..
دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..
الاستاذ حسين نوباتيا، انا كنت زمان بافتكر انو خطاب الكيزان فيه استغباء للسامع و القارئ، بس بعيد عنك بعد ما شفت تعليقات زول الشارع العادي في الاخبار في المواقع أو في أي محفل، لقيت انو الخطاب الساذج ده له مستمعين، وده الخلاني أحبط أكثر! الانقاذ على مدى عشرين سنة غيرت عقلية الزول السوداني و خلتو يكون مسطح و منكفئ بما يكفي انو يصدق خطابهم. في الجري الحاصل والطحن ده مافي بقت المقارنة و المحاججة و التفكير زاتو رفاهية تشقي ما يباريها! الاكترية بتسمع و تتمنى تصدق، لأنو ده كل البتقدر تعملو و عاجزة تماما عن التغيير بالعدم تصدق! يعني نوع من ميكانيزم التكيّف و التعايش السلمي مع المجرمين! منيناتك الفوق دي ياها قريبة منيناتي المرت في خاطري و حسيت انو الوالي ده يا بيفترض فيني الغباء يا بيفترض فيني الغباء يعني الجملة تنسخ اختها زي الترتيب زي رقصة السلسا خطوة ورا خطوة قدام و انت يا مشاهد يا البتفكر اضَرس! الوالي مصر اصرار عجيب على تجريم كل الاطراف غير المعنية و تبرءة المجرمين الحقيقين! لوى عنق الحقيقة لمن بقت كوع حوض!
Post: #49 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 07:04 PM Parent: #1
وسيتم حصرهم في هذا البوست و في هذا المنبر حتى لا يبقى منهم معاكس يشم الهوا!
Quote: بين الوالي وناس الشُرطة مسرحية شديدة {مُش ح تئدر تغمض عينيكـ} هسي نحن سكرانين ولـاّ شنو ؟ الناس ديل حاكميننا الزمن دا كلو كيف؟ غايتو أنا شايف إنو الحكومة تصادر أمخاخنا أو نحن نصادر الحكومة! سلام يا عزاز :)
أوووه ! اقبض واحد معاكس سياسي يا عملات الوالي! انت لسه عندك مخ يا محمد الجيلي! سريع في التو و الهسع تمشي تسلمو طوالي لأقرب نقطة بوليس لانو امتلاك الامخاخ دي ما هبتليه!
شعب متعب ياخ! عندو مخ و داير يسف وكمان جابت ليها معاكسة سياسية! شعب مرض! ____________
الوالي امتعض من استخدام فيلم جلد الفتاة و خصوصا انو "الأمر خرج لدائرة المعاكسة السياسية" افتكر دي جديدة لنج! في فئة جديدة اسمهم معاكسين سياسين! وسيتم حصرهم في هذا البوست و في هذا المنبر حتى لا يبقى منهم معاكس يشم الهوا!
Post: #51 Title: Re: النطمنكم يا اخوانا (السلاح ده ما بيتوزع هَبَتلّي)! Author: محمد الجيلى Date: 12-14-2010, 07:24 PM Parent: #49
Quote: أوووه ! اقبض واحد معاكس سياسي يا عملات الوالي! انت لسه عندك مخ يا محمد الجيلي! سريع في التو و الهسع تمشي تسلمو طوالي لأقرب نقطة بوليس لانو امتلاك الامخاخ دي ما هبتليه!
شعب متعب ياخ! عندو مخ و داير يسف وكمان جابت ليها معاكسة سياسية! شعب مرض! ____________
الوالي امتعض من استخدام فيلم جلد الفتاة و خصوصا انو "الأمر خرج لدائرة المعاكسة السياسية" افتكر دي جديدة لنج! في فئة جديدة اسمهم معاكسين سياسين! وسيتم حصرهم في هذا البوست و في هذا المنبر حتى لا يبقى منهم معاكس يشم الهوا!
إذن أو كما يري {والينا}
ننتظر الرش بالفلايتكس والبف باف وبقية العقد الفريد
ـــــــــ
نصيحة اليوم:
{التمبكجية} لو القرار دا إتنفذ خرمة ساااااااكت بقلبوها
Post: #54 Title: Re: النطمنكم يا اخوانا (السلاح ده ما بيتوزع هَبَتلّي)! Author: خدر Date: 12-14-2010, 07:43 PM Parent: #51
الإحراج السياسي
اضحك الله سنك يا والينا
___ ما كنت قايلك ما بتدوري لي الخير قدر ده يا عزوز , تحرميني من شوفة الحوار لايف ؟
Post: #53 Title: Re: النطمنكم يا اخوانا (السلاح ده ما بيتوزع هَبَتلّي)! Author: كمال عباس Date: 12-14-2010, 07:43 PM Parent: #49
لاتحلموبعالم سعيد فخلف كل قيصر " يفوت "قيصر جديد . !! الخرطوم من المتعافي الي عبد الرحمن الخضر !!
تحياتي أستاذة عزاز بت الناس العزاز ......... والي آخر الزمن والخرمجة وسوء الطوية !! فتاة الفيديو مجدلية العصر -التي رجمت بلا خطئية- لم تكفيها طبخات جهاز الأمن و وهدير الة النظام الإعلامية والتي تبارت في إشانة سجلها( بشكل مرتجل ومتناقض) ورميها بكل نقيصة و تقـطيع أوصالها ليأتي والي زمن الغيبوبة ويتم الناقصةويشرع في رجمها بحجارة من تلفيق وتشهير بشكل ينافي ستر الأعراض وصيانة سمعة الناس الذي يقول به الدين...... الدين الذي يفارقون جوهره ويعانقون مظهره وقشوره :
Quote: شاهد ت تسجيل اللقاء متأخرا وهذا ماخرجت به :ذكر الوالي أكثر من مرة أن الجريمة حدية وقد تناقض مع ذكره هو نفسه لاحقا حيث أستند علي مواد الدعارة وذكر أن العقوبة جاءت تعزيرا !! وناقض عدد الجلدات التي ذكرت في الفيديو 50 جلدة وزعم أنها كانت 80 ! ولاأدري كيف تكون الجريمة حدية و والمحاكمة بموادلاعلاقة لها بالحدود ? وماهي أساسا الجريمة الحدية التي إقترفتها الفتاة? إن كانت زنا كما يشير كلام الوالي ( حدية) فهل تم إستيفاء شروط الإثبات الشرعي والمرواد في المكحلة ? ولماذا لم يذكر مصير شركاء الفتاة الاخريين وهل حوكموا أم لا? ............ في رأي أن الوالي كان متخبطا ومتناقضا مع نفسه ومع الشريعة ومع إفادة إدارة الشرطة !! .. ثم بأي حق قام الوالي بإعلان سوابق وحيثيات هذه القضية مادامت قد فتحت فيها تحقيقات وماهي فائدة التحقيقات مادام الوالي قد خاض في الامر طولا وعرضا !! ......
-------
Post: #52 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 07:38 PM Parent: #1
ا
Quote: عزاز إزيك ياخ الوالى رهيب إقول حد وإقول 80 جلدة تعزيرا أها يا المكاشفى رايك شنو فى أبو جهل حقكم دا الحدود فيها تعزيرا أنا راى فى جرم الفتاة إنو من حكم عليها هذا القاضى الظاهر لينا بقول خلونا نخلص نشوف شغلنا دا لا يمكن أن يثق شخص فى حكمة وهو قاضى ظالم وشنو البقنعنى القاضى دا ما راودها عن نفسها فرفضت المهم البنت دى للضمان كدا قاتلة وقد عزبت من قتلته وقطعته بصورة وحشية السجن قفلوا وسرحوا ناسوا؟
لاستاذة زينب، يديكم العافية بردتو حشانا! يا سيدتي الله مرقنا انو الوالي كان عارف الكلمتين ديل ... ما عارفة المحاور ما كان مذاكر الحلقة دي من الناحية القانونية ولا الحلقة دي أصلا داخلى في بند branding و تلميع الصورة ... شابكني حد تعزير حد تعزير يا كافي البلا تقول قانون البلد دي مكتوب في ورق بردي فلوسكاب ومافيهو مليون جزئية ... الجريمة شنو كانت غير انهم قبضوها الساعة اتناشر إلا عشرة؟ ذكر الظرف الزماني كانت حجر الزاوية في الاتهام؟ ما كان يتم جميلو وقت سأل و جاب المعلومات عملا بمبدأ الاتبلبل يعوم لانو عو عام عوامة مية متر في مسبح اولمبي و غلبتو الحتيتونة بتاعت عريضة الاتهام؟ هي حناية هي جنحة هي مخالفة هي الساعة انتاشر إلا عشرة ما فهمنا شيء غير انو الوالي هماهو (الستر) وهو ما قصر في الفضح!
Post: #61 Title: Re: النطمنكم يا اخوانا (السلاح ده ما بيتوزع هَبَتلّي)! Author: Shiraz Abdelhai Date: 12-14-2010, 08:24 PM Parent: #52
عزاز العزيزة...
....الحلقه كانت ختم على جبين كوزنة الطاهر الساتى...لأنو فى الحقيقة سأل بالظبط الأسئله الكان مستنيها والينا الحالف ما يعشينا.... والوالى لو لاحظتى ما بيسكت ولا هنيهة سغمبروتيه للتفكير أو ترتيب الأفكار...بل بينط بإجابات محضرة مسبقا زى الزول المغششنو الامتحان....والطاهر الساتى الفالح يناكف ويجادل (بسطحيه) رموز سياسية بعينها ويقاطعم فى إجاباتم كان قاعد زى الفار ولا بجادلو ولا يناقشو وما فاضل إلا يمسك دلوكة ويدق ليو والينا زينه وكيه للمابينا...
السيد الوالى ذو الحس المرهف الخاتى صندوق السجاير البريطانى فى مكتبو فيهو صورة الراجل ابو سرطان...... كان نفسي أسألو...وأحيل السؤال الآن لهتيفته وأذنابه فى المنبر....هل يتجزأ القانون ...ويختلف تطبيقه باختلاف الطبفات؟؟ فتلك هى سلسلة كافتيريات " الظافر" سيئة السمعه تعمل فى قمة ازدهارها فى كافة ما يشين الأخلاق ويجعلها تتوارى خجلا تحت الأرض... وهل يطبق قانون النظام العام على مرتادى افخم مطاعم وفنادق الخرطوم؟؟أم هو قانون لردع البسطاء عن الحياة؟؟ ...وكلو كوم وقصة الأسعار وتحرير السوق دى كوم تانى.... يا أخ ...انتا بتحرر السوق وترفع الدعم عن السلع الضرورية فى بلد يرزح أكثر من 90% من سكانه تحت خط الفقر بدرجات؟؟؟؟ وبتقول الكلام ده بكل قوة عين وقلة أدب وكأن للدولة حق فى تجويع المواطنين فى مقابل العيش فوق الأرض وليس تحتها؟؟؟
Post: #55 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 07:56 PM Parent: #1
Quote: هبتلي كيف يعني ؟ والحشاش يملأ شبكتو بي شنو مثلاً ؟ وهل نحنا زاتنا كمواطنين ممكن نكون حشاشين خليك من الشبكات
ـــــــــــ ياعزوز ازيك ياخ
اها يا خضر؟ قمنا على الاسئلة بتاعت الناس المعاكسين؟ سألت امس من الاسعار جابو ليك الوالي بشحمو و لحمو و كرفتتو المشختة قال ليك الحشاش يلمى شبكتو واحتمال يجازف ليهو مليارين تلاتة يعمل بيهم وزارة أسعار ... الله فتحها عليهو من وسع بشكية الولية اللي في حلتكم
بالنسبة لسؤالك عن انك تبقى حشاش، فأحيل سؤالك للشباب الزرعو الخيار و الفراولة نشوف امكانية زراعة نبتة القنب و ريها بموية غسيل العدة، لو مافي مشاكل تمشي من دربك تغز ليك واحدة محل الحنة و تشبك فيها فرش الاسنان و المعجون و تملى شبكتك
______ ازيّ؟ فشفاشي وارم و مرارتي اتهردت!
Post: #59 Title: Re: النطمنكم يا اخوانا (السلاح ده ما بيتوزع هَبَتلّي)! Author: احمد الأمين على إدريس Date: 12-14-2010, 08:20 PM Parent: #55
Post: #56 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:03 PM Parent: #1
بخصوص عصابات (النقرز) التقول خلاااس دولة ذوي الدم الأزرق الوالي اتضايق ضيق شديد و قال الجرايد بتنشر الاخبار بسرعة شديدة
بصراحة لا استنكف ان اوافقه الرأي
يا جرايد يا صحافة ... عــــــيب! يا جرايد الكلام ده عـــــــيب! في جريدة محترمة تنشر الخبر بسرعة!؟
ياخوانا تاني ما تنشرو الخبر إلا يدور عليهو الحول ودي المدة الشرعية لنشر الخبر و التحقق و التمحيص وكان دار عليها الحول شن طعما؟ يعني تحت تحت ما تنشروا بس الوالي كبر اللفة
Post: #58 Title: Re: النطمنكم يا اخوانا (السلاح ده ما بيتوزع هَبَتلّي)! Author: خدر Date: 12-14-2010, 08:20 PM Parent: #56
ملخص لقاء والي الخرطوم بتلفزيون النيل الازرق بعد ان تطهرت الضحية بسياط شرطة المحاكم عاد الوالي ليفضح الفتاة (بعد تطهيرها) ثم عاد و امر بالستر العقوبة الحدية 80 جلدة و طريقة تنفيذها 50 جلدة الشريعة الاسلامية مصدر التشريع الاساسي و قانون النظام العام مستلهم لروح الشريعة لا نصوصها الستر الذي تم في عقاب الفتاة الضحية انكشف بالفيديو السيد الوالي ما كان عاوز يجيب صحيفة سوابق البنت الضحية لكنو جابها لانو النشروا الفيديو ارادوا ذلك ادارة القضاء علمت بما تم و اقف العمل بتلك المحكمة + أدان ممارسي العقوبة + نقل المنفذين لاقسام اخري غير التنفيذ الخطاء الذي تم كان في شكل القضية التناول الاعلامي للفيديو الان اضر بسمعة الفتاة المتهمة لم يكن احد في (المؤتمر الوطني ) يقصد توفير فرصة تاريخية زي دي للاعلام القانون الثابت في موادو افضل دائما من القانون المتغير هذا النشر الذي تم خلانا نمشي نَبحِت و نشوف منو في شرطتنا العمل الحكاية دي
طبعا ده كلو كوم و الخلط بين العقوبة الحدية و التعزيرية كوم تاني كوم تيرم ( الاحراج السياسي) ده كوم براهو
__ إحراج اكتر من السويتو ده يا والينا الهمام ؟
Post: #57 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:13 PM Parent: #1
تعريف الفرخة : "الفرخة دي عبارة عن شنو؟ هي كتكوت عمر يومين و بياكل علف" _________ والي الخرطوم في سياق شرحه تجربة الحكومة في خفض أسعار (الفراخ)
Post: #60 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:21 PM Parent: #1
قناة النيل الأزرق اعادت الحلقة! دي مؤامرة! دايرين يقتلوني!
حسي بيتكلم عن التجربة التركية في بلدية استنبول في (تصنيع) الرغيف! الرغيف بيصنعوهو؟
وقام بهت الرسول و قال "الرسول قال (المسعر هو الله) بما يعني انو السوق هو البيضع السعر! " يعني السوق هو الله!؟ يا النبي نووووووووووووووح!
زول يجي يطفي التلفزيون ده و يقفل لي الكمبوتر و يعدلني على القبلة ويغطيني و يسوّط!
Post: #62 Title: Re: النطمنكم يا اخوانا (السلاح ده ما بيتوزع هَبَتلّي)! Author: Shiraz Abdelhai Date: 12-14-2010, 08:30 PM Parent: #60
الوالى: فى الحقيقة انا ما عارف سعر الرغيف برتفع ليه!!!!
Post: #63 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:35 PM Parent: #1
سلامات يا تبلدينا ....
والله الوالي ود الموية عديل بعفوية منقطعة النظير بتهرب بكل بساطة لأنو هو أصلا ما جا علشان يجاوب ! أصلا فكرة البرنامج تشتيت الكورة و موضوع الاسعار و التمباك و غيرو كانو على هامش الفعاليات واللي هي موضوع البنت المجلودة و قبل المظاهرة بيوم ... المحاور مستمع ومتأمل و كأنه يكاد يعتذر (كما علق زميل لي) في كل مرة يسأله سؤال في الحلقة ... الحلقة ممكن تكون أي حاجة غير انها لقاء مع مسؤول مع مواطنين هو مسؤول منهم .... الناس اللي اتكلمت بحرقة من جوة قلبها انها داير عيش و انها دايرة تاكل و انها على قد حالها ما هزت فيهو شعرة انجعص و قال ليك احنا بنحرر السوق! تحرير السوق؟! ما دي ياها الامبريالية و الرأسمالية الكانو بلعنوها ليل نهار مالها بقت طحينية بمربى!؟ ارتفاع اسعار السلع الاساسية دي ما حتنعكس حتى في كباية الشاي البتبيعها ست الشاي اللي اشتكت! كلام التجار الختو يدهم على الجرح في صرف العملة و الرسوم دخل باضان وفات بالتانية! اي نعم انو متعني بالفرجة على مثال حي الولاء قبل الخبرة بس وجعني التسطيح و القفز على احتياجات الناس لتحقيق مكسب سياسي ضل ينكره الفكرة طالع يهدد من المظاهرة و صدق وعده، وترك باقي الشعب الغلبان معلق و قال ليهم الحشاش يملى شبكتو! بلد ماليها وجيع ساي؟!
Post: #65 Title: Re: النطمنكم يا اخوانا (السلاح ده ما بيتوزع هَبَتلّي)! Author: Amjed Date: 12-14-2010, 08:50 PM Parent: #63
يا عزاز ياخي حيكومة و بترفه عن شعبها فيها حاجة دي ؟؟!
Post: #64 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:43 PM Parent: #1
Quote: أمانة فى زمتكم أنجازات الوالى ده ماسمعتوها
رخص ليكم الجداد ده يعنى القوانص رخصت
وبما انهم يعملون بسياسة التحرير لايمكن تدخل الحكومة فى أسعار الخبز
لكن جابليكم فكرة جيدة لنج من تركيا
حيعمل طوابين تنتج الخبز العجيب بدل بلدية المتعافى طوابين الخضر
سمعناها و فاتت اضانا بهناك بس احنا شعب طماع ياخ! تخيل دايرين ناكل عيش؟! شفت البطر؟
Post: #67 Title: Re: النطمنكم يا اخوانا (السلاح ده ما بيتوزع هَبَتلّي)! Author: خالد المحرب Date: 12-14-2010, 08:52 PM Parent: #64
عزاز السلام عليكم الوالى بيطرى ماعندنا راى انو يكون والى دا شان من حكمونا لكن كلامو فى الشرع وفى القانون انا ارى فيه تجاوز منو علينا نحن كشعب وكناس من ولاية الخرتوم الحق ابلج يا د كتور يا ريت لو تقولو كلمة حق وانا متاكد كلام الوالى القالو هو نفسو ما مقتنع بيه
Post: #66 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:50 PM Parent: #1
Quote: درجت الشمولية الانقاذية الفاسدة والمستبدة على وضع امثال هذا الرجل في كل المناصب التي ياتي منها الخطر لانهم في هذه الفترة الحرجة يحتاجون الى شخص يدار بالريموت كنترول بعد ان اصبحت الثقة معدومة في بعض اصحاب الخبرة فوزير الدفاع يسال عن من هو القائد العام للقوات المسلحة بعد نزول المارشال البشير للمعاش (طبعا هو القائد الاعلى بحكم منصبه كرئيس) فرد موجود فلاحقه السائل من هو فكرر مرة اخرى موجود.... طبعا السودان حتى الان لا يوجد فيه شخص في منصب القائد العام للقوات المسلحة اللهم الا اذا كان تم تعيينه من سكات ....وذات مرة اختلف الطغاة في منصب وزير الداخلية فاضطروا الى تعيين وزير الدفاع الحالي لانه اكثر الوزراء عملا بالاشارة لهذا يجد القبول من كل الطغاة فحدثت حادثة بري الحرارية فكان سيادته من اول الحاضرين بحكم مسئوليته كوزير داخلية فسالته الصحافة عن اسباب الحادث فقال الهناي ضرب في البتاع وانفجر ....وعندما تم ضرب مصنع الشفاء سالته الصحافة عن موقفهم فرد ما عارف لكن ما بنخليهم....
الأخ عمر، سلامات و تحايا الوالي كان مبرمج كأنو exe file وعملو ساتي run و عمك دوّر! مقاعد الوزراء تبادلية و لوغاريتم تشيل ده من هنا تحطو هنا و تشيل من من هناك تجيبو محل داك ... يا تركب طيارة و تموت يا ينقلوك وزارة تانية!
Post: #68 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 08:56 PM Parent: #1
Quote: قال ليك يبدو إنو (الشريط صور العقوبه المذكوره ) و( حد من حدود الله سبحانه و تعالي) و (نقل الناس النفذو العقوبه ) و (خطأ) تم الحصل ده بس (خطأ) يا عزاز ياخي والقضاء (مُقِل) ياخي مُقِل في الحديث ومُقِل في شرح وسائل تنفيذه لممارسته
يا توما تعرفينا شعب لحوح و بتاع شبك كيفن؟ بنت مسكوها الساعة اتناشر حكموها بحد وتعزير الاتنين سوا علشان لا سمح الله ما يكونوا فرطون يلا قامو صورها، وده خطأ بسيط و بيحصل يعني احنا بس بنبالغ يا هناية !؟ افتكر حكاية ان الدولة تشرح لينا قوانينها دي فيها نوع من التطاول على ذات الدولة العليا الحكومة صليحتنا و بتعرف مصلحتنا، حسي عاجبنا التشهير الحصل للبنية؟ كانت ادقت و مشت بيتهم وواصلت حياتها عادي بس شقي الحال يقع في شعب زي ده!!
Post: #70 Title: Re: النطمنكم يا اخوانا (السلاح ده ما بيتوزع هَبَتلّي)! Author: محمد الجيلى Date: 12-14-2010, 09:09 PM Parent: #68
هسي يا عزاز شخصيتكـ المفضلة لهذا الحول فرقو من المكاشفي شنو؟
واحد بلعب روابط والتاني دوري درجات!
يا كافي البلاء!
كلهم كوبي بِست!
Post: #71 Title: Re: النطمنكم يا اخوانا (السلاح ده ما بيتوزع هَبَتلّي)! Author: Nader Abu Kadouk Date: 12-14-2010, 09:09 PM Parent: #68
عزاز انا عارف إنك إنسانه مقرضه و حاقده....معقوله بس تشككي في نوايا و اقوال ولي امرنا.....ده كفايه إتنازل و جا يوضح لينا سياساتو الرشيده من غير ما يقدم اي إجابه منطقيه لاي سؤال...بس قاعد يدغدغ في مشاعر البسطاء بذكر الله كم مره كده في اي اجابه.... إنتي شكلك زوله هبتليه لو ما افحمك ولي امرنا الهمام....ياخي ده قال في ناس قالوا ليهو القمح حيرخص شهر تلاته و بيناشد الناس تصبر.....ده زول تحفه...
Post: #69 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 09:08 PM Parent: #1
Quote: كل شيء محبط في هذا البلد
انا ما عارف المواطن دا البفكر فيهو منو كل الناس تقول أن السودان ماشي إلى هاوية عميقة سحيقة صومالية الشكل والمضمون
الصادق
عارف يا استاذ الصادق الخطأ يكمن هنا! انك كمواطن تفترض انو الدولة و القائمين عليها يفكرو فيك والافتراض ده مؤلم زي الحب من طرف واحد يتلوه شاكوش افتكر لو المواطن لو فكر في الدولة حنرتاح كلنا و نعيش في تبات و نبات و نخلف صبيان و بنات و الدولة تكبر و تكبر و المواطن يصغر و يصغر حتى يصبح لا يرى بالعين المجردة بس ما مشكلة المهم دولتنا، المهم المسؤول ما يضايق ولا يزعل ... كتيرة على البلد؟ وين الوطنية طيب؟
استعير هنا مقطع من اغنية مصرية يا ريت نسودنو ((متقولش ايه ادتنا مصر.... قول حتدى ايه لمصر)) بالعربي كده اقنع
Post: #72 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 09:17 PM Parent: #1
Quote: مندهش لحكاية خمسة رجال وبت والساعة 12 بالليل وادارة دعارة طيب ليه العقاب شمل المدراء فقط وين التلاميذ الذين كانت تدار لهم الدعارة كان فاهم حاجة انشاء الله اموت سلامات كتيرة يا عزاز شامي
خليل؟! جاي تحرش على الشركاء؟ ما قال ليك فلان و فلان و فلانة لعلك داير العناوين و ارقام البطايق؟ اعرض عن هذا و أشكر الوالي و سترتو للبنية الزول ما قصر معاها تب ... ان شاء الله نسترو يوم عترتو و نردها ليهو في الافراح...
Post: #73 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-14-2010, 09:20 PM Parent: #1
Quote: Quote: (الحشاش يملا شبكتو)
______________ حد يصحي خدر يا اخوانا يلحق يملى شبكتو من زمان بسأل الولد ده عيونو حمرا مالا اتاريهو بيلف ؟
صحهو طيب
هيييييييييييييع زمان عينو حمرا وشرارة عدم نوم ساي حسي الوالي اداهو سبب
Post: #74 Title: Re: النطمنكم يا اخوانا (السلاح ده ما بيتوزع هَبَتلّي)! Author: بكري الصايغ Date: 12-14-2010, 10:30 PM Parent: #1
يابنت ملوك النيل، دخلت بس للتحية والسلام، والقومة لك ولكلامك المابعده تعليق. ***- معليش في وردة حمراء واحدة، كنت اتمني اقدم لك باقة منها. عمك بكري الصايغ.
Post: #76 Title: Re: النطمنكم يا اخوانا (السلاح ده ما بيتوزع هَبَتلّي)! Author: Medhat Osman Date: 12-15-2010, 09:15 AM Parent: #74
Post: #77 Title: Re: النطمنكم يا اخوانا (السلاح ده ما بيتوزع هَبَتلّي)! Author: الصادق صديق سلمان Date: 12-15-2010, 12:12 PM Parent: #76
تعرفي يا عزاز
Quote: عارف يا استاذ الصادق الخطأ يكمن هنا! انك كمواطن تفترض انو الدولة و القائمين عليها يفكرو فيك والافتراض ده مؤلم زي الحب من طرف واحد يتلوه شاكوش افتكر لو المواطن لو فكر في الدولة حنرتاح كلنا و نعيش في تبات و نبات و نخلف صبيان و بنات و الدولة تكبر و تكبر و المواطن يصغر و يصغر حتى يصبح لا يرى بالعين المجردة بس ما مشكلة المهم دولتنا، المهم المسؤول ما يضايق ولا يزعل ... كتيرة على البلد؟ وين الوطنية طيب؟
استعير هنا مقطع من اغنية مصرية يا ريت نسودنو ((متقولش ايه ادتنا مصر.... قول حتدى ايه لمصر)) بالعربي كده اقنع
أوع تكوني جربتي الشاكوش دا بس
المواطن دا مغلوب علي أمرو معانا - قولي لي كيف؟ أقول ليك انا كيف....
لأنو خلاص انتهى لأنو خلاص مات لأنو الرجولة ماتت فينا وحب الحياة مات جوانا في السودان كل الناس في السودان اصبحت تاخد الأمور بهوان شديد الواحد في السودان بقى بخاف من ضلو
عليك الله تعالي شوفي الناس دي في السودان بقت كيف رغم اني ما عايش فيهو لكن ما اسمعه فظيع دمار في الاخلاق ودمار في كل ما اشتهر بي الانسان السوداني الزمان
ولي عودة
الصادق
Post: #79 Title: Re: النطمنكم يا اخوانا (السلاح ده ما بيتوزع هَبَتلّي)! Author: أيمن دياب Date: 12-15-2010, 06:06 PM Parent: #77
أنا حضرت الإعادة.. من لحظة (التبش) ولي فوق.. ياجماعة لوكو الصبر.. شهر 3 ما بعيد.. وشوال القمح حيكون بعشرة جنيه..
Post: #80 Title: Re: النطمنكم يا اخوانا (السلاح ده ما بيتوزع هَبَتلّي)! Author: Medhat Osman Date: 12-15-2010, 10:04 PM Parent: #79
................
Post: #81 Title: Re: النطمنكم يا اخوانا (السلاح ده ما بيتوزع هَبَتلّي)! Author: كمال عباس Date: 12-16-2010, 04:20 AM Parent: #80
الشرق الأوسط:
Quote: قانونيون : عقوبة الجلد تبدأ من «ارتداء البنطلون» حتى غسيل سيارة في مكان غير مخصص لها.
***- «مليون و600 ألف جلدة ألهبت ظهور أكثر من 40 ألف امرأة سودانية خلال عام واحد، وفقا لقوانين النظام العام، والقانون الجنائي لسنة 1991، وهو ما يصور حجم العنف الذي يتعرضن له من قبل الحكومة»، هذا ما قالته الدكتورة مريم الصادق المهدي القيادية في حزب الأمة السوداني المعارض في تصريح لـ«الشرق الأوسط»، حسب إحصائيات يملكها حزبها. وتعتبر السلطات السودانية أن ما يجري هو تنفيذ لقوانين الشريعة الإسلامية، وضبط الشارع ومحاربة «المظاهر السالبة».
Post: #82 Title: Re: النطمنكم يا اخوانا (السلاح ده ما بيتوزع هَبَتلّي)! Author: عمر عشاري Date: 12-16-2010, 09:11 AM Parent: #81
Quote: الحلقه كانت ختم على جبين كوزنة الطاهر الساتى...لأنو فى الحقيقة سأل بالظبط الأسئله الكان مستنيها والينا الحالف ما يعشينا....
شيراز سلامات
الطاهر حسن التوم هو مقدم البرنامج
أما الطاهر ساتي فواحد من الذين كتبوا أقوى المقالات في رفض هذا التهريج والإعتداء على كرامة الفتاة المعتدى عليها
_____________________________________
عزاز ...السلام عليكم
Post: #83 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-17-2010, 02:18 PM Parent: #1
Quote: ياعزاز ديل يقتلونا بدم بارد ثم يضحكون علينا ببرود هذا الوالى اتى للولاية بالتزوير هل نتوقع منه الصدق في شىء ... هل تأملتى تمثيله وانتفاخته وهو يتبا ها بان بين يديه صحيفة الاتهام الاخلاقية لحياة تلك الفتاة والتى ارسلت له ليناقشها عبر برنامج تلفزيونى وبكل سذاجة داير يزور عقلونا ونظرنا ووجدانا وبرضو على حساب جسد تلك الفتاة
المؤلم أكثر من الظلم هو تبريره يا استاذ بدر الدين كل ما تلى الجلد كان جلدا لوعينا ولقدرتنا على تمييز الصواب من الخطأ ما تسوقه أجهزة النظام و مبررات تجبرنا على تحسس (عقولنا) والنظر حولنا إن كان هناك فعلا من يصدق إفكهم وهنا مربط الألم، هناك من يصدق إفكهم يا سيدي! هناك من يقبل عذرهم، هناك من يرى بأن ما رأينها من امتهان هو (عقاب) ربّاني و رفضه هو رفض للشرائع الاسلامية
Post: #84 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-17-2010, 02:26 PM Parent: #1
Quote: الاخت عزاز
رغم كل مثالب اللقاء الا ان فيه نقطه ايجابية تعتبر طفرة بكل المقاييس في الخطاب الكيزاني وهي عدم ذكر امريكا او اسرائيل كمحرضين علي هذه المؤامرة . فبالله حاولي ان تنظري في النصف الاخر من الكوب الفارغ تماما من كل شيء
الاستاذ اسامة فضل الله، جميل منك ان ترى في فيما رأينا أي كوب ومن النقاط الايجابية أيضا انو اللقاء ماكانت فيهو حلايف طلاق برضو وانو الوالي بيفتي في أمر "الستر" و بيلوم من نشروا الشريط بأنهم لم يخفوا وجه الفتاة!
Post: #85 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-17-2010, 02:34 PM Parent: #1
Quote: تحياتي أستاذة عزاز بت الناس العزاز ......... والي آخر الزمن والخرمجة وسوء الطوية !! فتاة الفيديو مجدلية العصر -التي رجمت بلا خطئية- لم تكفيها طبخات جهاز الأمن و وهدير الة النظام الإعلامية والتي تبارت في إشانة سجلها( بشكل مرتجل ومتناقض) ورميها بكل نقيصة و تقـطيع أوصالها ليأتي والي زمن الغيبوبة ويتم الناقصةويشرع في رجمها بحجارة من تلفيق وتشهير بشكل ينافي ستر الأعراض وصيانة سمعة الناس الذي يقول به الدين...... الدين الذي يفارقون جوهره ويعانقون مظهره وقشوره
القارئ الحصيف، الاستاذ كمال عباس نجلد نحن الآن بسياط الاستغباء ... منيت النفس حقيقة بأن يراجع النظام نفسه فيما رأينا، وأن يستشعر الخطر الذي يحقيق به هو ايضا لو كانت يد عدالته من رأينا، ولكنه مغيّب تماما كعادته، لا ينظر أبعد من أرنبة أنفه، مشغول بنسج الاكاذيب السمجة التي لا تقدم حلا جذريا للمشكلة .... أي عدالة يؤسس لها باسلوبه الملتو بدءً بالبحث عن مصور الشريط ومسربه و انتهاءً بسرد صفيحة سوابق المجلودة؟
Post: #86 Title: Re: النطمنكم يا اخوانا (السلاح ده ما بيتوزع هَبَتلّي)! Author: عزاز شامي Date: 12-17-2010, 02:43 PM Parent: #1
Quote: عزاز العزيزة...
....الحلقه كانت ختم على جبين كوزنة الطاهر الساتى...لأنو فى الحقيقة سأل بالظبط الأسئله الكان مستنيها والينا الحالف ما يعشينا.... والوالى لو لاحظتى ما بيسكت ولا هنيهة سغمبروتيه للتفكير أو ترتيب الأفكار...بل بينط بإجابات محضرة مسبقا زى الزول المغششنو الامتحان....والطاهر الساتى الفالح يناكف ويجادل (بسطحيه) رموز سياسية بعينها ويقاطعم فى إجاباتم كان قاعد زى الفار ولا بجادلو ولا يناقشو وما فاضل إلا يمسك دلوكة ويدق ليو والينا زينه وكيه للمابينا...
السيد الوالى ذو الحس المرهف الخاتى صندوق السجاير البريطانى فى مكتبو فيهو صورة الراجل ابو سرطان...... كان نفسي أسألو...وأحيل السؤال الآن لهتيفته وأذنابه فى المنبر....هل يتجزأ القانون ...ويختلف تطبيقه باختلاف الطبفات؟؟ فتلك هى سلسلة كافتيريات " الظافر" سيئة السمعه تعمل فى قمة ازدهارها فى كافة ما يشين الأخلاق ويجعلها تتوارى خجلا تحت الأرض... وهل يطبق قانون النظام العام على مرتادى افخم مطاعم وفنادق الخرطوم؟؟أم هو قانون لردع البسطاء عن الحياة؟؟ ...وكلو كوم وقصة الأسعار وتحرير السوق دى كوم تانى.... يا أخ ...انتا بتحرر السوق وترفع الدعم عن السلع الضرورية فى بلد يرزح أكثر من 90% من سكانه تحت خط الفقر بدرجات؟؟؟؟ وبتقول الكلام ده بكل قوة عين وقلة أدب وكأن للدولة حق فى تجويع المواطنين فى مقابل العيش فوق الأرض وليس تحتها؟؟؟
العزيزة شيراز، ماذا ننتظر من أجهزة إعلام النظام؟ هل تحلمين مثلي بتناول محايد للأمر؟ أعزيك و اعزي نفسي ... لا أمل يرجى من هذه القنوات ولا صحف النظام! الوالي كان معبئ بالزمبرك، مشحون بالكلام الحافظو صم، جاي يقولو و يتخارج ولم يأت لحوار :) أمر تحرير السوق ده تحديدا ضرسني شديد ... تحرر السوق؟ يمكن هو قاصد (يحرروه) من الحرارة و يسخنو بخلق الله! وشنو يعني تموتو؟ ما سمعتي كلامو انو في مسرح انهار و أحداث شغب في الاردن وانو ما سمعنا زول استغل القضية سياسياً؟ يعني عديل كان كتلناكم ما في زول مفروض يسألنا، وهم فعلا قتلونا ولم يحاسبو حتى الآن يا صديقة! __________ اسم المحاور (المستمع) النجيب هو الطاهر حسن التوم
Post: #87 Title: Re: النطمنكم يا اخوانا (السلاح ده ما بيتوزع هَبَتلّي)! Author: Hololy Date: 12-17-2010, 05:00 PM Parent: #86
.... ....عزاز يا صديقه ... .....(ياخ) و الله انتي مش جهجهتي باكات الوالي ...و حكومتو .... .....انتي جهجهتي ...باكات الشعب ذذذذذذاتو ...و بفراودتو ..... .....(ياخ) ارسي لينا علي بر ....عشان الشعب ده بعرف موقعو من (الاعراب) .... .....يعني هسع نقبل بالكلام ده
Quote: .....يا كمان تحمدو الله و تتطلبوه الستر و العافية انتو شعب جاحد بصراحة
....و نبلعوا ... ...و الاّ نقبل بالكلام الزمان بتاع الشحادين ... ...ماهو ... .... ...يا شعب شحاد ....يا شعب جاحد ... ....لا... ثالث ...و لا ... منطقة وسطي .......رماديه..... .... .... .... .... .... ...... ....ورد لك و للسابله .... عبر هذا البورد... .... ....و للوالي و حكومتو ..... الرماد... .... ....
Post: #88 Title: Re: النطمنكم يا اخوانا (السلاح ده ما بيتوزع هَبَتلّي)! Author: عبدالأله زمراوي Date: 12-17-2010, 09:16 PM Parent: #87
عزاز مسكافينا ويا فينا....
هذا الطبيب البيطري كان الأجدر له أن يرعى الغنم ويطببها بدل أن يتحدث عن القامون والجريمة والعقاب...
شاهدت الحلقة ورثيت لحال الرجل ، كمثلِ (أجسام البِغالِ وأحلام العصافير)، فعلا فهو بغلٌ كبير ولكن أحلامه (فوجة) وأنتي تعلمين الفوجة...
Post: #89 Title: Re: النطمنكم يا اخوانا (السلاح ده ما بيتوزع هَبَتلّي)! Author: Tumadir Date: 12-17-2010, 11:11 PM Parent: #88
عزاز
العزيزة
والله يا جماعة انتو ديل شليقين خلاص
قالوا ليكم الكلام ده حصل زماااان شهر 2 تجوا تكوركوا شهر اتناشر؟؟
وكلموكم بالواضح كده قالوا ليكم البت دي العقوبة دي بتطهرها وتسترها تاني الشلاقة ليكم شنو
