Post: #1
Title: لماذا كل كأسات المريخ محمولة جوا؟؟؟
Author: Deng
Date: 09-16-2007, 00:46 AM
كأس جوبا
أول كاس جويه محمولة جواً
المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م
أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم
--------------------------------------------------------------------------------
كاس شرق ووسط افريقيا ـ سيكافا
المناسبة: بطولة شرق ووسط أفريقيا
المكان : موانزا تنزانيا
التاريخ : 25 يناير 1986م
حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1 صفر احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة
--------------------------------------------------------------------------------
كاس دبي الذهبي
المناسبة : بطولة دبي الثانية
المكان : مدينة دبي دولة الامارات العربية المتحدة
التاريخ: 3 ديسمبر 1987م
فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق احرز هدف المريخ عوض الله انور
.بريمة شاف الذهب وفعل العجب
--------------------------------------------------------------------------------
كاس الكؤوس الافريقية ـ مانديلا
المناسبة : بطولة كأس الكؤوس الأفريقية
المكان : بنين ـ نيجريا
التاريخ: 9 ديسمبر 1989م
حقق فريق المريخ بطولة كاس الكؤوس الافريقية (مانديلا) بعد ان تخطى الاهلي الليبي بالانسحاب في دور ال 32 وفي دور 16 خسر من البنزرتي التونس بتونس 1/ صفر وفاز عليه بامدرمان 2/ صفر بهدفي سانتو رفاعه، وفي دور 8 كسب باترونج الكنغولي 2/ صفر بالخر####م بهدفي جمال ابوعنجة وعيسى صباح الخير، وفي دور الاربعة خسر امام قورماهيا بكينيا 1/صفر وفاز بامدرمان 2/ صفر بهدفي سانتو رفاعة ودحدوح ليتاهل للمباراة الختامية.
وفي المباراة النهائية فاز على بندل يونايتد النيجيري بامدرمان 1 /صفر احرز الهدف كمال عبدالغني وتعادل مع بندل بنيجريا بدون اهداف ليحقق كاس البطولة
--------------------------------------------------------------------------------
كاس الشارقة
المناسبة : دورة الشارقة الدولية
المكان : مدينة الشارقة دولة الامارت العربية المتحدة
التاريخ : 16 يناير 1999م
في ليلة السبت السعيد أشرق نجم السعد في سماوات الشارقة ليلتها كان المريخ السودان ، المريخ الذي نعرف والمريخ الذي نريد،في تلك الليلة المباركة ليلة التاسع والعشرين من رمضان المبارك حلق المريخ بعيداً في المدى ، طاف لاعبوه أرض الملعب شبراً شبراً فرسموا لوحة رائعة للابداع وزرعوا الفرح في النفوس
--------------------------------------------------------------------------------
كاس الوصل
المكان : مدينة دبي دولة الامارات العربية المتحدة
__________________________________________________________________________________
Copyright © kooora.com 2002-2007. All rights reserve
|
Post: #2
Title: Re: لماذا كل كأسات المريخ محمولة جوا؟؟؟
Author: ahmed khidir
Date: 09-16-2007, 02:02 AM
Parent: #1
الاخ/ دينق
تحياتى
رايك شنو لو الهلال حصل على بطولة الانديه الافريقية هذه المره
وهى الاهم على مستوى القاره .
احمــد خضــر
|
Post: #5
Title: Re: لماذا كل كأسات المريخ محمولة جوا؟؟؟
Author: طلحة عبدالله
Date: 09-16-2007, 09:31 AM
Parent: #2
الاخ دينق
رمضان كريم
وكل عام والمريخ فارس الحوبة وبطلا لا يجاري ولا يباري ..
Quote:
رايك شنو لو الهلال حصل على بطولة الانديه الافريقية هذه المره
وهى الاهم على مستوى القاره .
|
الكلام الفوق دا اقرب لاضغاث احلام ..
|
Post: #3
Title: Re: لماذا كل كأسات المريخ محمولة جوا؟؟؟
Author: Deng
Date: 09-16-2007, 02:06 AM
Parent: #1
الاخ أحمد خضر.
نقول مبروك للسودان وللهلال.
دينق.
|
Post: #4
Title: Re: لماذا كل كأسات المريخ محمولة جوا؟؟؟
Author: أبوالزفت
Date: 09-16-2007, 09:09 AM
Parent: #1
دينق
سلامات
هذه الانجازات مفخرة لاهل السودان عامة
وللمريخاب خاصة
اها يا دينق عن الكاسات المحمولة حوا كفيت ووفيت
ممكن تكتب لينا عن كاسات الدهب المنقولة برا
من العرضة جنوب للعرضة شمال؟؟!!
|
Post: #6
Title: Re: لماذا كل كأسات المريخ محمولة جوا؟؟؟
Author: محمد الطيب حسن
Date: 09-16-2007, 09:54 AM
Parent: #4
Quote: الاخ/ دينق
تحياتى
رايك شنو لو الهلال حصل على بطولة الانديه الافريقية هذه المره
وهى الاهم على مستوى القاره .
|
 والله ضحكتني يا احمد خضر
Quote: ممكن تكتب لينا عن كاسات الدهب المنقولة برا
من العرضة جنوب للعرضة شمال؟؟!! |
كلها تراب ومغبره وقديمه وبنقلوها بالرقشات ما همنا
|
Post: #7
Title: Re: لماذا كل كأسات المريخ محمولة جوا؟؟؟
Author: أبوالزفت
Date: 09-16-2007, 11:19 AM
Parent: #1
| Quote: كلها تراب ومغبره وقديمه وبنقلوها بالرقشات ما همنا |
كان ما هماك يبقى انت ما مريخابى
الكاسات المحمولة جوا الهلال ما كان طرف فيها
لكن كاسات الدهب صنعت حصيصا للمريخ لكن الهلال
فشل حلم لاعب المريخ السابق جعفر نميري بان يكون
للمريخ كاس دهب ياخى المريخ فشل مرتين وكانت هزائم مريرة
اصدر على اثرها لاعب المريخ السابق قرار الرياضة الجماهرية
الذى كان مدمر الكرة السودانية
فشل المريخ ضيع الكرة السودانية
قال ركشة قال
|
Post: #8
Title: Re: لماذا كل كأسات المريخ محمولة جوا؟؟؟
Author: الزبير صالح الزبير
Date: 09-16-2007, 01:33 PM
Parent: #7
| Quote: الكاسات المحمولة جوا الهلال ما كان طرف فيها |
كيفن يا ابو الزفت الكلام دة كاس جامعة جوبا كانت مع هلال جوبا ولا شنو.
ورمضان كريم
|
Post: #9
Title: Re: لماذا كل كأسات المريخ محمولة جوا؟؟؟
Author: حسين يوسف احمد
Date: 09-16-2007, 02:25 PM
Parent: #8
الأخ أبو الزفت ..
تحياتي ..
Quote: كان ما هماك يبقى انت ما مريخابى
الكاسات المحمولة جوا الهلال ما كان طرف فيها
لكن كاسات الدهب صنعت حصيصا للمريخ لكن الهلال
فشل حلم لاعب المريخ السابق جعفر نميري بان يكون
للمريخ كاس دهب ياخى المريخ فشل مرتين وكانت هزائم مريرة |
الفرق بين أحباب الزعيم وهلال زرقان
أننا نعترف بدون مكابرة بحقائق الأشياء
ولكنكم تكابرون وتتهربون من الحقيقة لذا ظل
هلال زرقان في محطة الصفر الدولي الكبير ..
الكأسات المحمولة جوا بدأت بولدنا الصغير أبو الهل
فقد هزمناه في جوبا يوم 7 اكتوبر 1977 ..
أما حديثك عن كاس الذهب ، فهذه حقيقة لا يستطيع
مريخابي أن ينكرها ..
ولكن !!؟؟
هل تعلم أن الهلال لم يهـزم المريخ في استاده منذ
افتتاح أستاد المريخ وحتى العام 1975 علما أن استاد
المريخ قد تم افتتاحه في العام 1962 ، يعني يا صاحبي
13 سـنة وهلالك قد فشل في الفوز على المريخ باستاده
عشان ما تفرحوا بحكاية الخمس والست سنوات بتاعة اليوم
وكان أول انتصار للهلال على المريخ باستاد قد
حدث يوم 2/11/1975 في كأس الذهب المعني ..
وهذه هي الوثيقة ، مأخوذة من كتاب :
علـي قاقارين
رحلة 14 سنة مع الشباك
للمؤلف صلاح عثمان حسن ..
رايـك شـنو !!؟؟؟
وعـاش المـريـخ فـوق الجميـع
|
Post: #10
Title: Re: لماذا كل كأسات المريخ محمولة جوا؟؟؟
Author: Deng
Date: 09-16-2007, 02:45 PM
Parent: #1
| Quote: الكاسات المحمولة جوا الهلال ما كان طرف فيها |
دي مش المبارة التي أحرز فيها سامي عزالدين الهدف.
وتغنى من تغنى بالاغنية التي تقول:
جوبا مالك علي أنا.. جوبا شلتي النوم من عينيا أنا.
دينق.
|
Post: #11
Title: Re: لماذا كل كأسات المريخ محمولة جوا؟؟؟
Author: ahmed khidir
Date: 09-16-2007, 06:03 PM
Parent: #10
الاخ/ دينق
تحياتى
| Quote: نقول مبروك للسودان وللهلال. |
يا سلام عليك دى المحريه فيك نختلف ما بين هلال ومريخ وده شى طبيعى
لكن الاهم سودانا فوق .
الاسبوع الماضى فى برنامج الدرجه التالته فى القناه المصريه
سال احمد شوبير واحد من الجهاز الفنى لفريق الاسماعيلى عن مدى
استعداد الاسماعيلى للمباريات المبتبقيه فى بطولة الكونفيدراليه
قال.. مباراة المريخ نقاطه مضمونه .......
والله الكلام ده زعلنى شديد وتمنيت حقيقة
فوز ساحق للمريخ على الاسماعيلى
والهزيمه تكون شملت كل الفرق المصريه المشاركه فى البطولات الافريقيه
اهلى , زمالك واسماعيلى
تمنياتى للمريخ بالحصول على كاس الكونفيدراليه
من محبى الهلال
احمــد خضــر
|
Post: #12
Title: Re: لماذا كل كأسات المريخ محمولة جوا؟؟؟
Author: شهاب الفاتح عثمان
Date: 09-16-2007, 06:19 PM
Parent: #11
| Quote: [ لماذا كل كأسات المريخ محمولة جوا؟؟؟] |
لان السماء مسكن النجوم ..
حبابك و رمضان كريم
Quote: [قال.. مباراة المريخ نقاطه مضمونه .......
والله الكلام ده زعلنى شديد وتمنيت حقيقة
فوز ساحق للمريخ على الاسماعيلى] |
ahmed khidirم شكرا لاعلامنا وندق اجراس التبيه للجميع
لدينا معارك صعبه قادمه تحتاج الاعداد و التعاضد و التشجيع
ومنصورين باذن الله
|
|