يجب على القوى السياسية ومنظمات المجتمع المدني أن تسير مسيرة سلمية تدين فيها التطرف الديني .

كلنا تابعنا قصة وأحداث المعلمة البريطانية التي أتهمت وحوكمت بتهمة الاسائة للديانة الاسلامية. ولقد أكتشفنا جميعا لعية الحكومة السياسية لأستغلال هذا الحدث إستغلال دولي ولكنها فشلت وكل الذي نجحت فيه هو خروج حفنة من المتطرفين والمخدوعين في مظاهرة مدبرة ومخطط لها لأثارة العواطف والمشاعر الدينية.
كلنا رأينا المتظاهرين وهم يحملون السيوف والعصى والسكاكين وبعض اللافتات التي تعبر عن جهات متطرفة في السودان وهي أقلية معزولة من الجماهير ومن الحياة العامة في السودان.
أن ذلك المنظر عكس صورة سيئة وسلبية للمجتمع الدولي عن السودان وعلى الشعب السوداني, وأظهرهه للعالم أجمع بأنه شعب متطرف ومتعطش للدماء. ولذلك أنا أدعوا جميع القوى السياسية الوطنية أن تقوم بمسيرة سلمية في السودان وترفع بها شعارات تدعوا للتسماح وللتعايش الديني ورفض التطرف ورفض أهدار وقتل الابرياء .


دينق.

Quote: أن ذلك المنظر عكس صورة سيئة وسلبية للمجتمع الدولي عن السودان وعلى الشعب السوداني, وأظهرهه للعالم أجمع بأنه شعب متطرف ومتعطش للدماء. ولذلك أنا أدعوا جميع القوى السياسية الوطنية أن تقوم بمسيرة سلمية في السودان وترفع بها شعارات تدعوا للتسماح وللتعايش الديني ورفض التطرف ورفض أهدار وقتل الابرياء .

I agree, well said Deng

Adil

يا دينق يا اخوي
انت بتطلب المستحيل

اولا يا اما كلهم بقوا فعلا متطرفين
او بقوا مستسلمين...

بعدين يا ريت ناس الحركه الشعبيه يتبنوا هذه الفكرة
و الجماعه يطلعوا مستندين عليهم لكن وبراهم كده الله
اعلم فضلت قدرة عندهم للمبادرات قدر دي.

Quote: أن ذلك المنظر عكس صورة سيئة وسلبية للمجتمع الدولي عن السودان وعلى الشعب السوداني, وأظهرهه للعالم أجمع بأنه شعب متطرف ومتعطش للدماء. ولذلك أنا أدعوا جميع القوى السياسية الوطنية أن تقوم بمسيرة سلمية في السودان وترفع بها شعارات تدعوا للتسماح وللتعايش الديني ورفض التطرف ورفض أهدار وقتل الابرياء .

كلام سليم مية المية..
الى متى نتحمل نحن نتيجة هوس المهاويس.

Quote: يا دينق يا اخوي انت بتطلب المستحيل اولا يا اما كلهم بقوا فعلا متطرفين او بقوا مستسلمين... بعدين يا ريت ناس الحركه الشعبيه يتبنوا هذه الفكرة والجماعه يطلعوا مستندين عليهم لكن وبراهم كده الله اعلم فضلت قدرة عندهم للمبادرات قدر دي.

.. والله عليكم جنس حالة..
أنا بستغرب:
كل مرة ياريت .. ونتعشم .. ويا حبذا ولو.. الناس عملت كدا .. ولو ناس منو ما عارف طلعو وجابو معاهم ناس منو ما عارف ..
اماني .. عرااااض .. ( أحــلام) وردية مساحتها ميتين قيقا بايت وبعض الايقونات .. ما شفنا واحد من الناس البتلهب في حماس السيرفر دا يوم واحد بس .. عينت ليها ممثلين مشو دقو صدورهم كدا .. وطلعوا الناس مظاهرات .. ووقفوا قدام الكيزان ديل ..
إن شاء الله يموت فيهم مية .. مالو الماتو شان السودان بسيطين ..؟
منو فيكم الاحسن من التاية ابوعاقلة ..؟
منو فيكم ارجــل من ضباط رمضان ..؟
منو فيكم دموا اغلى من دم على فضل.. وبعض المنسيين في سجلات الوفيات باسباب غير معروفة وقفل المحضر؟
بعدين كيف يعني بقو متطرفين يا مستسلمين ..؟
كدي مثلا قولي متطرفين..:
كل الناس الطلعت دي متطرفة .. وحسب متابعتي للاخبار قول الناس دي كلها بقت متطرفة الناس الشايلة سيخ وشايله حراب .. والشايلين نشابات ..
اهــا
الكيزان ديل نجحوا في انو يعبوا الناس ديل كلللهم .. وبقوهم متطرفين، أهــا انتو يا معارضة السجم عملتو شنــو ..؟
كدي قولو مستسلمين:
لو الناس الطلعت دي كلها كانت مستسلمة .. فدا معناتو كلامي مشى وجــاء في محلو بتاع حدكم هنا تلهبو في مشاعر بعضكم البعض .. الجسور فلان .. والمناضلة فرتكانه .. وتستعملوا سودانيز اونلاين لامجاد شخصية بحته .. والواحد بعديها يقفل كمبيوترو ويتعشى وينوم .. الناس دي كللها استسلمت لي الواقع بتاع هناك .. بي كل الفيهو دا
إنتو ديل .. ح تطلعوهم من حالة الاستسلام دي كيف ..؟
ناس مستسلمه طمنطاشر سنة .. والانتخابات على الابواب ..
بعدين الحركة الشعبية دي تطير عيشته .. هي فاضية ليكم لي تبني القضية دي .. وتطليع الناس الشارع .. واللا فاضية تعمل قناة لي مرتضى جعفــر ..؟

Quote: والجماعه يطلعوا مستندين عليهم لكن وبراهم كده الله اعلم فضلت قدرة عندهم للمبادرات قدر دي.

.. بادروا انتو .. ياكم الرجــاء الباقي، إنتو أمل الشعب المنتظر ..
عاشت تراجي ملهبت الشعب السوداني الفضــل ..
عاشت .. عاشت .. عاشت
ـــــــــــ

Ustaz Tmbis
Who do you think is responsible for this Teddy Toy thing? As a good Muselim and a patriot, don't you think this takes a tiring toll on all of us? Forget about the politics of it, Who is to blame here?
Note: Accept my apologies for responding to you in English.

Brother Deng
I'm inclined to agree with ustaza Tragie. I, for one, do not believe that Al Bahir and his NCP believe in Heaven above or Hell beneath the earth. This regime could not have survived a month had it not been for this religious fevere that had been incepted on the Sudanese Muselims for centuries.
I have to admit that Bashir's PR machinary is really sophisticated. The whole Teddy toy thing was design to accomplish the following:
Stop the bleeding for the regime has lost every round with the SPLM/M.
The NCP Convention did not get the media coverage Bashir wanted.
His call for Jihad went through deaf ears. These tactics are designed to recalibrate their religious base and to guage the mood on the street. They succeeded. No body is talking about the meeting between Bashir and Kiir and the visit of the latter to Egypt has been shadowed. They could care less about our country image in the world. It is survival my friend.

Quote: I agree, well said Deng Adil

الاخ علدل أسحق.

يجب على القوى السياسية والوطنية ومنظمات المجتمع المدني أن تثبت للعالم أن السودان ليس هولاء المتطرفين.

عزوف القوى السياسية عن القيام بالمبادارات جعلها تقف موقف المتفرج من قضايا السودان الهامة.


دينق.

الـ BBC الآف من المتظاهرين يحمل كثيرون منهم المــدي وال... المدرسة البريطانية)

Quote: ولذلك أنا أدعوا جميع القوى السياسية الوطنية أن تقوم بمسيرة سلمية في السودان وترفع بها شعارات تدعوا للتسماح وللتعايش الديني ورفض التطرف ورفض أهدار وقتل الابرياء .

حسنا قلت ... يا دينق,
فمن لا يقبل أفكارا مثل
التسامح والتعايش الديني
ورفض التطرف ورفض إهدار
دم وقتل الأبرياء ... ؟

الواضح أن منسوب الوعي الديني
ظل كما هو وكما أسست له جماعة
الترابي منذ تكوينها, فيما
موجبات إتفاقاتهاالسياسية
فى نيفاشا, خاصة لجهة الشراكة
السياسية مقترنة بفضاء التحول
الديمقراطي ... كانت تقتضي وعيا
{ إسلاميا } يرفع مناصري الإنقاذ
إلى مستوى يؤهلهم للتصالح مع
الأوضاع السياسية التي يحتمها
الإتفاق ... لكن أرى التاريخ
يسود ويتجبر ... خسارة.

شكرا دينق ... وأعان لله السودان.

الغالية تراجي.

أنا لا أطالب بالمستحيل ولكني أطالب بالوضع ورد الفعل الطبيعي لهذا الهووس الديني المفتعل. لأن هولاء لا يمثلون أهل السودان ويجب على كل سوداني غيور أن يعكس صورة السودان الحقيقية وليس هولاء المعتوهين وهم يحملون الاسلحة البيضاء كأنهم في العصور الوسطى.

أتفق معك بأن من واجب الحركة الشعبية أن تقود مثل هذا المسيرة ومثل هذا العمل لكي لا تعطي للمهووسين داخل الانقاذ لكي ينتقمون من المواطنين الابرياء.


دينق.

الغالية أمنة مختار.

يجب عدم الانتظار ويجب تفويت الفرص على هولاء المتطرفين وعدم ترك الساحة السياسية والجماهيرية لهم.

سيوفهم وسكاكينهم لن ترهب أحد.


دينق.

Quote: اماني .. عرااااض .. ( أحــلام) وردية مساحتها ميتين قيقا بايت وبعض الايقونات .. ما شفنا واحد من الناس البتلهب في حماس السيرفر دا يوم واحد بس .. عينت ليها ممثلين مشو دقو صدورهم كدا .. وطلعوا الناس مظاهرات .. ووقفوا قدام الكيزان ديل ..

..
بعدين طالما المسالة ( احـلام ) واماني .. وإلهــاب .. وكدا احسن توزع المسالة جغرافيــا..
يعني مثلا تراجي العظيمة:
تلهب لينا المساحة المتاخمة لي خط عشرين وطلطاشر (غ غ) ودي بعيدة شوية من خط الاستواء .. المغالطني ممكن يجيب (المنقله) ويقيس .. والمنطقة دي على الخريطة الجغرافية بتقع من سوبــا .. وعيييييك ( لييييين ) دلتا طوكــر المروية .. تقوم الملهبة تراجي بالمرور على الحلال والقرى .. والاندية بمختلف انشطتها .. ثقافية اجتماعية رياضية ..
وفي الويك إند .. ممكن تجي تلهــب في ابوجنزير ما كمان عندها شعب موعود في الخرطوم .. واحتمال حسع دي عدد المسمين عليها يكون وصلو ( مربوطــة ) غايتو انا عندي صاحبي قال لي كان جابو لي بت ح اسميهو ( مربوطة تراجي ) وكان جابو لي ولد ح اسميهو (سيـك) تراجي .. قال لي عشان بعدين لما اربط بي الولد باب الشارع يكون عندي حق .. والبت طبعا سيك .. سيك معلق فيك .. وبالعكس .
المهم..
تجي تلهب لينا الحماس في نقطتين مهمتين في الخرطوم
ميدان ابوجنزير .. وفي برج البركة وبرج البركة تحديدا لاسباب موضوعية بحته.
يللا مع التلهب دا .. ما تنسى تحاضر كمان في الصداقة مع دولة الكيان الصهيوني .. وحقوق المثليين .. وعن الذين احبتهم من الطوائف المختلفة .. اكان شوايقة واللا اكان زغــاوة ..
ملحوظة:
هذا الالهــاب مجاني طبعا .. لكن ممكن من حسع دي نعمل شيرنق عشان نشتري لينا بوووق ..( ) يا نجيب مرتضى جعفر يتصرف لينا في المسالة دي .. اهو جسور زيو وزي تراجي واحد.. وليهو بااااع طويل في مسالة التبوق دي .. ولانو اتبوووق عدة امكنة خلقت منو هذا الفهم المتقدم في الابووقة المصيرية.
هذا ما يتعلق بالجسورة تراجي ... وآخر يوم للتسجيل قبال نهاية السنة دي .. والنازل السودان عشان يلهب .. ما بنقبل منو اي ( التهــاب ) بعد التاريخ الفوق دا .. ولا حتى قحــه ولا حتى صمة خشم زاتو .. إنتو قايلين المسالة لعب واللا شنــو ..؟

ــــــــــ

الاخ العزيز زكريا.

دعوتي أصلا ليس موجهة الى حزب البشير أو الى المتشددين في السودان بل هي موجهة الى القوى الوطنية التي تؤمن بالحريات والديمقراطيات والتسامح الديني في السودان. من أكبر أخطاء المعارضة هو أخلاء الساحة للكيزان ووللمتشددين في السودان.


دينق.

Quote: حسنا قلت ... يا دينق, فمن لا يقبل أفكارا مثل التسامح والتعايش الديني ورفض التطرف ورفض إهدار دم وقتل الأبرياء ... ؟

الاخ حيدر.

هولاء الكيزان يعتقدون بأنهم صارو يتحكمون في كل شء في السودان, يجب على جميع القوى الديمقراطية والسياسية ومنظمات المجتمع المدني أن تعكس للعالم حقيقة الشعب السوداني وتسامحه وليس هووس الجبهة وبعض المتشددين.


دينق.

العزيز دينق
انا هنا اعني المعارضه السودانيه:

Quote: يا دينق يا اخوي انت بتطلب المستحيل اولا يا اما كلهم بقوا فعلا متطرفين او بقوا مستسلمين...

لانهم هم من خاطبتهم انت هنا :

Quote: يجب على القوى السياسية ومنظمات المجتمع المدني أن تسير مسيرة سلمية تدين فيها التطرف الديني

اليس كذلك؟؟؟

لذا قلت لك انا قنعانه منهم...الا اذا يتضاروا خلف الحركه الشعبيه
لكن صدقني بقوا خوافين من الجبهجيه.

كتب دينق :

Quote: اليهود بشر مثلهم مثل الاخرين ووصفهم "بالقردة والخنازير" وصف به تحقير وأسائة بالغة الى كل أنسان يعرف معنى الانسانية.

نحيلك يا دينق إلى الكتاب المقدس
__________________
أحببت فكرة جميلة وهي أن تكون لنا شبكة من المؤمنين نعمل على كتابة صلوات وتأملات وحياة وقصص ومشاكل وأن نتبادل الرسايل بننا أنا أرسل لمن أراه أنه يستحق أن يرسل له وأنت بدورك ترسل لمن تحب هذه الرسالة وهو بدوره يرسل هذه الرسالة إلى أن تصل إلى أكبر عدد من المؤمنين الذين يستحقوا نعم أقول الذين يستحقوا و أذكر يقول الرب يسوع((لا ترموا جواهركم أمام الخنازير فيدوسونها ))من لا يعرف قيمة هذا الكلام لا يستطيع أنا يتقبله وعلينا أن نصلي له أخوتي

http://www.latchurches.com/phpbb/viewtopic.php?p=334&si...a8b2874534781b511b8a
-----

وتزعم كتبكم أن يسوع يشتم جميع الامم ويصفهم با الكلاب والخنازير الا اليهود
Mt:6: 6 ( متى 7/6 )
لا تعطوا القدس للكلاب. ولا تطرحوا درركم قدام الخنازير .لئلا تدوسها بارجلها وتلتفت فتمزقكم
يسوع يشتم الجموع الذين جاءوا ليعتمدوا منه
Lk:3: 7 ( لوقا 3 / 7)
وكان يقول للجموع الذين خرجوا ليعتمدوا منه يا اولاد الافاعي من اراكم ان تهربوا من الغضب الآتي

حوار هادئ مع فاضلابي وهشام آدم

الوهابي الارهابي محمد E سليمان


ده شهر ما عندك فيهو أي نفقة.

أحسن لك تتخارج من هنا.



دينق.

Quote: أحسن لك تتخارج من هنا.

هل هذا تهديد مثل هذا :

يا دينق شيل الفاتحة على شعب السودان

خليك من مظاهرة بيان ساكت ما حزب طلعوا

غايتم كتر خير ناس سودانييز اونلاين

--------------------------

لكل من لا يريد ان يصدق الى اى مدى انحدرت سمعة السودان والسودانيين خليك من الاوربين حتى العرب تبرئوا منا، وليهم حق ده شعب تحكمه حكومة فضيحه

اقراء هنا
http://www.alarabiya.net/articles/2007/11/30/42329.html

اقترح انو باقى الشعب الفضل يغير اسمه
ويخلى اسم سودان وسودانيين للكيزان واشباهم
اهو فكرة تقرير مصير جديدة-لكن تريد قدرا من الابداع