Post: #1
Title: ترترة
Author: محمد سنى دفع الله
Date: 06-14-2006, 06:57 AM
تشظت الألوان من ثياب العروس وتناثرت على البرش الفرِحِ برقصتها واهتزت أطرافه طرباً من ترترتها على المساحة المزخرفة بزغاريد النسوة المغنيات ..
هيلا هيلا
دي الرايقا
تمشي الأقدام في حركة بطيئة ( رايقا ) رحلتها في منتصف البرش .. والعروس في زيها الأحمر البراق " معنكشة " بالذهب .. الخواتم .. الجنيه الإنجليزي .. و...والبوبار .. و...و واللازوردي والفرج الله .. وكرسي جابر والسوميته وخرزة العين الزرقاء والرشمة ممتدة من الأنف إلى خلف الأذن مستكينة " للفِــدَو " . نصف القمر عاملات هلال .. تماذج بين لوني الحياة ،الأحمر والذهبي ،.. الأحمر لون أساسي ملئ بالحيوية وكذلك الذهبي لون شعاع ضياء الشمس وبريق الذهب مصدر الثراء .. للألوان قوتها في ساقية شوفنا اليومي ، فلا مجال للصدفة ، فمن اختار هذا الزي يعرف معنى اللون وصدقه وقوته وونسته مع العيون ..
ويا الدهب ويا الدهب
ميزان الصعب
يا عينيا
يا حرير يا حرير
ميزان التقيل
يا عينيا
العريس يتقدم هاشاً باشاً لعروسته التي لا يرى منها سوى فستانها الأحمر ، لأن فركة القرمصيص تغطي المنطقة الأعلى لجسدها ، يداري ما يختلج في نفسه بحركات تفتقد السيطرة على إيقاعها ، فمرة يقفز ومرة يمشي ومرة يهز يديه للأصحاب ،، أبشِر بالخير ،،، عقبالك ،، مبروك يا عريس ،،، يعدِّل من وضع الهلال الذهبي على رأسه ويمسح بصورة عفوية على ثوبه الأبيض وجدلته الحريرية الحمراء ترقص مع الريح ...
هيلا هيلا
دي الرايقا
جات تعوم بي صديرا
دي الرايقا
الوزيرة تطلق زغرودة طويلة المدى تعبر الحي وتتلاشى تردداتها في المساحات البعيدة .. تعقبها زغاريد البنات والصبيات الصغيرات الحالمات حادة ومتنافرة .. ( يجي يجي يجي يجي ........ ) ( يجي يجي يجي يجي ........ ) ، كل من يسمع نداءها يحمل عصاه ويتوجه بسرعة نحو بيت اللعبة ...
وليد نادو ليَّ
كان نايم صحّــو ليّ
كان مافي شوفو ليّ
العريس يلف في دائرة كبيرة حول عروسته ،،،
أصل الرقص أن يدور الراقص حول ذاته ، وفي رقص العرس يدور العريس حول العروس في دائرة كاملة البهاء ،،، يدور ويدور ليتحول الخط الدائري اإلى هالة تحيط بالعروسين ليتحولا إلى جسد واحد يثير الحلقة ،، والزغاريد تلهب الحماس في أكف المغنيات ،، والإثارة تصل إلى قمتها ...
يا حبيب يلاك
عليك الله
نشوفا العروس
عليك الله
العروس تقف في ثبات خارجي ، معتدلة ، ودواخلها كمهرة السباق يمنعها السياج من الإنطلاق ،، حمامة ، يقيدها قفص الجماعة المبتهجة من التحليق إلى قمة نشوى الرقص واللحاق بالزغاريد عند السحاب ،،، تهز قدميها في حركة لا تلاحظ بالعين المجردة ،، حركة تحسها الحناء السوداء في أخمص قدميها وهي تتناغم مع ألوان البرش الغامقة .. البرش الذي يتمنى انزلاق قدميها عليه لتزيد من لمعانه جرّاء امتصاصه للزيت الذي يجعل من الحناء أكثر توهجاً . الوزيرة تهمس للعروس وهي تشير للعريس بيده ليتقدم ليمسك بطرف ( فِرْكة القرمصيص ) ، يبتسم العريس ويختلج وجهه بتعبيرات مختلفة ، يرفع القرمصيص ببطء وبتناغم مدهش تغني البنات :
العريس قمرا
يا الرايقا
فتّحي وشوفي
يا الرايقا
..عند إزاحة فركة القرمصيص ، وبعد أربعين صباحاً رآها .. الحِفلة الذهبية على رأس العروس ، تاج العفة ، زخرفة الحناء السوداء المدهشة تضفي على يديها بهاءاً ورونقاً ، أزهار الوينكا وصفق الورد الإنجليزي وخطوط ورموز الجداريات الكوشية مختصرة كلها في شفرة على حوافها عطور المحلب والسرتية والصندلية .. مع رعشة أنامل العروسة يلمع ويتلاصف الذهب ، بما يجعل الخواتم في حيرة من أمرها :
العريس قمرا
عليك الله
فتّحي وشوفي
عليك الله
وبرقة يمسك بيديها وينزلهما بلطف عن وجهها إلى جانبي جسدها ، الوجه يضيء براءة ، تهتز الرشمة هزة خفيفة ومعها الزمام ، الجسد يريد أن يحلق بجناحين من النغم والإيقاع .
من قال إن الأرواح ترقص على أطراف الرياح وتخترق اللهب ؟ من ؟
آه من الألم
من الألم
جف القلم
نواصل ترترة ...
|
Post: #2
Title: Re: ترترة
Author: saif massad ali
Date: 06-14-2006, 07:11 AM
Parent: #1
السني
حبوبتك بت سلمان رقصوها يوم عرسها
بالموزة حلاتها وكسبان المسك حجباتها
|
Post: #5
Title: Re: ترترة
Author: عوض الله الفولانى
Date: 06-14-2006, 07:39 AM
Parent: #2
محمد السنى / الظريف .. الحريف .. الشفيف
سلامات
| Quote: العريس يتقدم هاشاً باشاً لعروسته التي لا يرى منها سوى فستانها الأحمر ، لأن فركة القرمصيص تغطي المنطقة الأعلى لجسدها |
ده قطع الرحط ولا شنو ؟؟
| Quote: وفي رقص العرس يدور العريس حول العروس في دائرة كاملة البهاء ،،، يدور ويدور ليتحول الخط الدائري اإلى هالة تحيط بالعروسين ليتحولا إلى جسد واحد يثير الحلقة |
انا جاتنى الدوووووشة
Quote: وبعد أربعين صباحاً رآها .. الحِفلة الذهبية على رأس العروس ، تاج العفة ، زخرفة الحناء السوداء المدهشة تضفي على يديها بهاءاً ورونقاً ، أزهار الوينكا وصفق الورد الإنجليزي وخطوط ورموز الجداريات الكوشية مختصرة كلها في شفرة على حوافها عطور المحلب والسرتية والصندلية .. مع رعشة أنامل العروسة يلمع ويتلاصف الذهب ، بما يجعل الخواتم في حيرة من أمرها :
|
يا جماعة انا جاتنى الحالة 21 عدييييييل كدا
| Quote: وبرقة يمسك بيديها وينزلهما بلطف عن وجهها إلى جانبي جسدها ، الوجه يضيء براءة ، تهتز الرشمة هزة خفيفة ومعها الزمام ، الجسد يريد أن يحلق بجناحين من النغم والإيقاع |
اوعدنا ياااااا رب ,,, الله يكون فى عونا نحن العزّابة!!
لك التحية ايها الفنان المرهف و تشكر على هذا السرد الجميل
الفولانى
|
Post: #8
Title: Re: ترترة
Author: محمد سنى دفع الله
Date: 06-14-2006, 08:49 AM
Parent: #5
الفولاني الظريف اللطيف الخفيف خفة الريشة
أبشر بالخير
تعال بي جاي اتوسط الدايرة
ده قطع رحط بالتقطيع المريح
الحالة 21
دي اخت الحارة22
وتسلم من الدوشة لكن حاسي زي الضربت الأرض
لأنك مارجعت لينا تاني
طمنا عليك
|
Post: #7
Title: Re: ترترة
Author: محمد سنى دفع الله
Date: 06-14-2006, 08:33 AM
Parent: #2
ســـــــــيـــفـــو
شفت كيف بندلعك
خلي حبوبتي
أمي غنو ليها عديل
ســت ســـــتونه
الخمري لونه
باصات الري
يالجننتونه
ايه رايك
بس خليك متابع الترترة
|
Post: #3
Title: Re: ترترة
Author: طيفور
Date: 06-14-2006, 07:28 AM
Parent: #1
دي للتسجيل بواقع الحضور
يا سني يا فخم.. وبجيك صادي
برواقة وكباية شاي منعنعة
|
Post: #9
Title: Re: ترترة
Author: محمد سنى دفع الله
Date: 06-14-2006, 08:56 AM
Parent: #3
طيفور الظريف
تر لي هنا
انا بشرب في شاي نعناعو طازج
ولوعايز شاي بي قرفة عندنا
انا بحب الشاي الزاكي اب ريحة تسلطنك
نحن في انتظارك لي قطع الرحط
قصرنا معاك ؟؟
|
Post: #4
Title: Re: ترترة
Author: صديق الموج
Date: 06-14-2006, 07:28 AM
Parent: #1
Quote: وبرقة يمسك بيديها وينزلهما بلطف عن وجهها إلى جانبي جسدها ، الوجه يضيء براءة ، تهتز الرشمة هزة خفيفة ومعها الزمام ، الجسد يريد أن يحلق بجناحين من النغم والإيقاع .
من قال إن الأرواح ترقص على أطراف الرياح وتخترق اللهب ؟ من ؟
آه من الألم
من الألم
جف القلم
نواصل ترترة |
السنى..اه قطعت (رحطنا ياخ) واصل بوحك يا شفيف..يسلم قلمك،،،
|
Post: #10
Title: Re: ترترة
Author: محمد سنى دفع الله
Date: 06-14-2006, 09:03 AM
Parent: #4
صديق الموج العالي توسونامي
قطعت شنو ؟؟
طيب لو من هسي بنعمل كده
كيف اواصل ما بعد قطع الرحط؟؟؟؟
أثبت وأركز واستعد للبطان
زغردوا يبنوت الفريق
صديق ثبت
|
Post: #11
Title: Re: ترترة
Author: محمد سنى دفع الله
Date: 06-14-2006, 09:06 AM
Parent: #6
لؤي
المحبة والمودة
واصل معنا يافنان
وربنا اوعدك الفي مناك
ياباهي مودتي
|
Post: #12
Title: Re: ترترة
Author: Randa Hatim
Date: 06-14-2006, 09:33 AM
Parent: #11
السنى المبدع ....
ويجب الا ننسى ايضا تلك الاستعدادات الرائعة التى يحفل بها بيت العروس
فتيات ونسوه من كل الاعمار ... طبل وغناء بلا موعد او سابق تخطيط
خبيز .. عمل البخور .. كفى الدلكة .. عمل الخمرة
ده اليوم الدايرنو ليك يا فلانه مبروك عليك
يحننوك ويجرتقوك يا يا فلانه مبروك عليك
يحننوك ويجرتقوك يا ملكة بت الملوك
روائح تعبق فى ارجاء البيت لا تملك امامها الا ان (تنزل فى الدساتير)
فتاة تتوارى خجلا من الانظار ... الكل يتلهف لرؤيتها
اختفى لون جسدها تحت طبقة من الدخان
ام العروس ... فخورة وكانها تزف تاجوج الى المحلق
هوى بى ..هوى بى
فلان العريس يا الله تتم ليه
هوى البيه لبسو البدل
وهوى بي فى الشباب قدل
هوى بى فى الشباب قدل
فلان العريس وفى البنات عزل
يالله تتمو لى
وطبعا مكان فلانه وفلان كل واحد يخت الفى بالو ...
ونواصل يا مبدع ... الله يجازى محنك ....
|
Post: #14
Title: Re: ترترة
Author: عشة بت فاطنة
Date: 06-14-2006, 10:35 AM
Parent: #12
يا للصور الضوئية
دقيقة راجعة كدي النشوف لي عروس
واجي
|
Post: #23
Title: Re: ترترة
Author: محمد سنى دفع الله
Date: 06-14-2006, 03:12 PM
Parent: #14
راجعة متين
نحن في الإنتظار
اتذكري كل الطقوس البديعة
وتعالي
تلقي الحفلة مدورة
|
Post: #16
Title: Re: ترترة
Author: محمد سنى دفع الله
Date: 06-14-2006, 11:41 AM
Parent: #12
رندة اديك العافية
وخلي البنات ديل ادخلن لي جوة اجازي محنك
واصيري الحفلة لسه في اوله
وبالتفاصيل اكل اللوحة الجميلة
وربنا اطول في عمرك وتشوفي عرس حاتم واخواتو
والعديلة تقدمو وتبرا
|
Post: #17
Title: Re: ترترة
Author: محمد سنى دفع الله
Date: 06-14-2006, 11:41 AM
Parent: #12
رندة اديك العافية
وخلي البنات ديل ادخلن لي جوة اجازي محنك
واصيري الحفلة لسه في اوله
وبالتفاصيل اكل اللوحة الجميلة
وربنا اطول في عمرك وتشوفي عرس حاتم واخواتو
والعديلة تقدمو وتبرا
|
Post: #13
Title: Re: ترترة
Author: Adil Osman
Date: 06-14-2006, 10:03 AM
Parent: #1
المهيرة عقد الجلاد..
عريسك غلبو الثبات!
|
Post: #19
Title: Re: ترترة
Author: محمد سنى دفع الله
Date: 06-14-2006, 12:25 PM
Parent: #13
قلت ليك بنحبك برشه
ايوة بشوف في كاس العالم
لكن كاس العالم الدور في السباته ده نعمل فيهو شنو؟؟؟؟
شكرا للصور ومزيد من الصور
مودتي
|
Post: #15
Title: Re: ترترة
Author: علوبه
Date: 06-14-2006, 10:36 AM
Parent: #1
السنى السنين السمح
تقول لى فيديو كليب فى قناة تلفزيونية
والله لو نزلته لينا معاهو دلوكة وزغروده تكون ماقصرت
الحمدلله انه عرسنا واتجرسنا من زمان
الحاجه التزعلنى فى رقيص العروس انه باللون الاحمر ونحن بنحب الهلال
خايف بكرة ناس ال a.r.t. يشفروا كلامك وترترة لى وراء لى وراء
سؤال ؟
الرجال ليه بيزغوا من رقيص العروس ؟؟؟؟؟؟؟؟؟؟؟؟
خايفين من شنو؟؟؟؟؟؟؟؟؟؟؟؟؟؟؟؟؟؟؟؟
|
Post: #18
Title: Re: ترترة
Author: ضحيه ابراهيم
Date: 06-14-2006, 11:53 AM
Parent: #15
السنى ..
مالك علينا ده منو الهداك علشان تقلب المواجع وترجعنا للزمن الجميل؟
ماتخلينا فى جوطتنا دى عليك الله.. طريتنا زمن المرح والفرح والبساطه والنفوس النقيه
وبيوت الا فراح والاعراس واللمه والحنه والقيدومه والصبحيه وفطور ام العروس ......
هل تعلم يالسنى ده كلو اخوك طلع منو (ملوص) طبعا نحنا عرسنا نظام( طرد) الله يسلمك لذلك
اتحرمنا من كل الحاجات الجميله ..لكن الواحد لو لقى فرصه تانى مافى مانع... مودتى..
|
Post: #24
Title: Re: ترترة
Author: محمد سنى دفع الله
Date: 06-14-2006, 03:25 PM
Parent: #18
ضحية ده كلام شنو ؟
تعرس تاني !!يازول ؟؟
بعدين انت وقت عرست طرد
اها تعال لينا جاي
واقعد معانا عشان قطع الرحط والجرتك رهيب
خليك معانا
فاصل ونواصل
|
Post: #20
Title: Re: ترترة
Author: محمد سنى دفع الله
Date: 06-14-2006, 12:37 PM
Parent: #15
علوبة الظريف ضراب النوبة
الهلال الفي جبين العريس
ده بتاع حنانك
والعراقي الأبيض والسروال الأبيض
والعديلة البيضا
وفطور العريس اللقمه وملاح النعيمية
ابيض ضميرك
انا هلالابي جناح النقر
انت جناح منو ؟؟؟
وخصمناك تحضر معانا الجرتك العريس بخاف من الغلب
محبتي
|
Post: #21
Title: Re: ترترة
Author: Elkhawad
Date: 06-14-2006, 12:57 PM
Parent: #1
السني اشتغل ليك كاميرا مان
Quote:
تشظت الألوان من ثياب العروس وتناثرت على البرش الفرِحِ برقصتها واهتزت أطرافه طرباً من ترترتها على المساحة المزخرفة بزغاريد النسوة المغنيات ..
هيلا هيلا
دي الرايقا
|
وزوووووووم في الأنوار المعلقه في الحيطة لحدي ما كل الالوان تتداخل .. ومدخل علي الوان الثباتا
Quote:
تمشي الأقدام في حركة بطيئة ( رايقا ) رحلتها في منتصف البرش .. والعروس في زيها الأحمر البراق " معنكشة " بالذهب .. الخواتم .. الجنيه الإنجليزي .. و...والبوبار .. و...و واللازوردي والفرج الله .. وكرسي جابر والسوميته وخرزة العين الزرقاء والرشمة ممتدة من الأنف إلى خلف الأذن مستكينة " للفِــدَو " . نصف القمر عاملات هلال .. تماذج بين لوني الحياة ،الأحمر والذهبي ،.. الأحمر لون أساسي ملئ بالحيوية وكذلك الذهبي لون شعاع ضياء الشمس وبريق الذهب مصدر الثراء .. للألوان قوتها في ساقية شوفنا اليومي ، فلا مجال للصدفة ، فمن اختار هذا الزي يعرف معنى اللون وصدقه وقوته وونسته مع العيون ..
ويا الدهب ويا الدهب
ميزان الصعب
يا عينيا
يا حرير يا حرير
ميزان التقيل
يا عينيا
|
ومن الوان الثباتا نطلع بالكاميرا مع حركة اقدام العروس .. والخلفيه بتاعه صوت حركة الارجل بتداعب في صوت الدلوكة ... . في عمق الفستان الاحمر وستوب نركز علي الحلقات الدهبية في افستان وانعكاسات الترترة
++++
ما داير اخرب الشغل لكن سيناريو
......... ابن جن
|
Post: #22
Title: Re: ترترة
Author: عبدالكريم الامين احمد
Date: 06-14-2006, 01:20 PM
Parent: #21
ياسلام يا السني,,,ليه تفوتني البوح الراقي والصهيل
الشفيف...
ياخ ده تخصصي عديل كده لكن عزائي ان مثل البوست ده ببكون مرفوع لسنين
وبجيك بقصص التعلمجيات وطقوس الرقيص والشبال ونمط العرس في مناطق متفرقة
وزفة وكرنفال زفة العريس عند مختلف بوادي ووديان السودان...
شكرا يا سني يا (بلد) يا مسكون بحب اشياء الوطن الفريدة الرائعة..
ولنا لقا ولقاء
|
Post: #25
Title: Re: ترترة
Author: محمد سنى دفع الله
Date: 06-14-2006, 03:32 PM
Parent: #21
الخواض
الواحد فرحان
انوفي ناس بتهتم بالتفاصيل
وخليك معانا نحتاج لي الكاميرا الخاصة بك والسيناريو الفنان
وأسرح زي ما عايز الفن مفتوح لي ابداعكم
وتابع معنا
الرقصة البديعة
رقصة العروس وتفاصيلها ومعانيها
مودتي
|
Post: #26
Title: Re: ترترة
Author: محمد سنى دفع الله
Date: 06-14-2006, 03:32 PM
Parent: #21
الخواض
الواحد فرحان
انوفي ناس بتهتم بالتفاصيل
وخليك معانا نحتاج لي الكاميرا الخاصة بك والسيناريو الفنان
وأسرح زي ما عايز الفن مفتوح لي ابداعكم
وتابع معنا
الرقصة البديعة
رقصة العروس وتفاصيلها ومعانيها
مودتي
|
Post: #27
Title: Re: ترترة
Author: محمد سنى دفع الله
Date: 06-14-2006, 03:42 PM
Parent: #26
كيكي
كده الواحد ضمن تنوع العمل واختلاف الطقوس
وده بثري الموضوع
ياخوي العرس له اشكال عديدةومبهرة
اتمنى ان تكون مشاركتك من الوطن
ورافقتك الســـــــلامة
حبي
|
Post: #28
Title: Re: ترترة
Author: محمد سنى دفع الله
Date: 06-14-2006, 03:42 PM
Parent: #26
كيكي
كده الواحد ضمن تنوع العمل واختلاف الطقوس
وده بثري الموضوع
ياخوي العرس له اشكال عديدةومبهرة
اتمنى ان تكون مشاركتك من الوطن
ورافقتك الســـــــلامة
حبي
|
Post: #29
Title: Re: ترترة
Author: محمد بهنس
Date: 06-14-2006, 04:05 PM
Parent: #28
كتابة حية.
..
قال حبيبنا عاطف خيري:
"والرقصه للبت فينا
فوق كل المسامير
الندقها في البساط.
..
واتجنن فقير الحله,
دقيناهو بي نفس السياط."
..
فيا حبيبنا ودالسني
واصل ونحنا نتاوق ساي.
..
محبتي
..
تحيه قلبيه
|
Post: #30
Title: Re: ترترة
Author: محمد سنى دفع الله
Date: 06-14-2006, 04:26 PM
Parent: #29
بندق الروح كل يوم
يابهنس يارائع
أجمل حاجة حصلت اني عرفت ناس بحملوا كل هذا الجمال
بالله يابهنس في اجمل من الطقوس البقت منسبة
والأسباب تافهة ومرات بتكون سخيفة
لكن لازم نوثق للجمال
ده دورنا
باخي بهنس
لك المحبة والمودة النقية
|
Post: #31
Title: Re: ترترة
Author: محمد سنى دفع الله
Date: 06-14-2006, 04:26 PM
Parent: #29
بندق الروح كل يوم
يابهنس يارائع
أجمل حاجة حصلت اني عرفت ناس بحملوا كل هذا الجمال
بالله يابهنس في اجمل من الطقوس البقت منسبة
والأسباب تافهة ومرات بتكون سخيفة
لكن لازم نوثق للجمال
ده دورنا
باخي بهنس
لك المحبة والمودة النقية
|
Post: #32
Title: Re: ترترة
Author: Muna Khugali
Date: 06-14-2006, 04:26 PM
Parent: #29
| Quote: الرجال ليه بيزغوا من رقيص العروس ؟؟؟؟؟؟؟؟؟؟؟؟ |
خـايفين من الأقـوان!
ننتظـر إكـمال الصورة الجـيلة يالسـني
|
Post: #34
Title: Re: ترترة
Author: محمد سنى دفع الله
Date: 06-14-2006, 04:36 PM
Parent: #32
الفضيحة تتابعك لامن تجيب الولد حتين انسو القون الجابتو فيك زوجتك حبيبتك
تقول القون جابو جكسا
والله قون العرس بخوف عديل
تابعي معانا الجرتك ورقصة الحمامة
والتمتم والرقص الملبان
جبجبه
ولكم هناك في الغربة
اتمنى ان تهتموا بالطقوس البهيجه ودامت افراحكم
|
Post: #35
Title: Re: ترترة
Author: Emad Abdulla
Date: 06-14-2006, 04:46 PM
Parent: #32
النقده .. النقده
أبشر يا عريس ..
( و ضريرتو تسيل .. النار جواهو و .. بره
القرمصيص في الكتف .. و جوه القلب الجمره
ياحلو البت المهره .
يا حلم الضو البهره
يا الناس الحلقها يبّس
يا الخمرة الريح تتنفس
و ضريرتو تسيل
شبالو يشيل
و ..... )
السني ..
كويس .. النشوف آخرتها معاك شنو !!!!
السيرة مرقت عصر
يا عديله
فوق الشيخ ود بدر
الليله جينا
عريسنا سار قدمنو
يا عديلة
شايل بيت بت عمو
الليله زينة
عريسنا مرق البحر
يا عديلة
قطع جرايد النخل
يا عديلة
يا مسخوووووت
أنا نفسي قام مالي ؟؟؟
|
Post: #39
Title: Re: ترترة
Author: محمد سنى دفع الله
Date: 06-15-2006, 00:36 AM
Parent: #35
أنا البقيت مسخووووووووت
المهم كتر خيرك على النقدة
لكن انت بتكون وين لمن الناس في الدايرةحاضرة
بتكون وين ؟؟؟
العرس في الديم بكون دايما قطع الرحط في الحوش القدامي
انت بتكون وين ؟؟
في السهلة ولا في الساحة
مع الشفوت البشربوا الشربوت ولا
معالشفوت البشربوا الشديدة ولضيضة
تلقاك كنت طيرة ساكت وعاملينا فيها تفتيحة
ما بتعرف قطع الرحط من قطع البحر
ووووووييييييييييييييييييي
النقدة النقدة
|
Post: #157
Title: Re: ترترة
Author: محمد المختار الزيادى
Date: 10-08-2006, 04:41 PM
Parent: #29
رمضان كريم
بهنس كيف الحال
واحد صحبك اسمو بكرى سعدابى بسأل منك
وبسلم عليك
اخر مره اتقابلنا فيهابعد حفلة كابلى واتعشينا فى العرضة يا ربى لقيت مواصلات اليوم داك ولا لا
والجتار عامل معاك كيف بتاع على مدنى والتلاجه ما زالت تعزف مقطوعة الثلج
انت وين فى السودان ولا وين
تحياتى
محمد المختار
مخو
|
Post: #33
Title: Re: ترترة
Author: عشة بت فاطنة
Date: 06-14-2006, 04:32 PM
Parent: #26
العروس ما جابوها
...لحسي .ز
هي متين بقطعوا الرحط
هي ما تسون العديلة
|
Post: #38
Title: Re: ترترة
Author: عشة بت فاطنة
Date: 06-14-2006, 05:19 PM
Parent: #33
ما بتفتح وشها الا الصبحية
|
Post: #36
Title: Re: ترترة
Author: النسر
Date: 06-14-2006, 04:51 PM
Parent: #1
السنى من حقك تفرح سيناريو مجنون وكتابة رايقة.. شوية وبكون جاهز للعرض وخصوصا انو بهبش الحتة السمحة فينا كلنا... اللول اللول يا لولية بسحرك ياالدرة الحبشية
جميل بجد انو نلقا كتابات جميلة تبعدنا من جوالمشاحنات السائد فى المنبر هذةالايام عموما نص ما عادى ياستاذ سنى ولو انو ما غريب على ذاكرتنا بس طرحتو بشكل ممتع للغاية كن بخير
|
Post: #37
Title: Re: ترترة
Author: مريم الطيب
Date: 06-14-2006, 05:12 PM
Parent: #36
السني شكرا,,
بجيك راجعة,,
مريم
|
Post: #40
Title: Re: ترترة
Author: محمد سنى دفع الله
Date: 06-15-2006, 00:40 AM
Parent: #36
النسر المحلق نحو الشمس مثل كل النسور الأفريقية
لك التحية
واللول لول جاية بس انت اركز واثبت
وخلي البتعمل فيهو ده
قايلني ماشايفك
عايز تحت الرقيص حت
بدايتك واضحة
عايز تقلبو لينا زار واها ديل لمن انزلوا
البمسكن منو ؟؟؟؟؟
|
Post: #41
Title: Re: ترترة
Author: محمد سنى دفع الله
Date: 06-15-2006, 00:44 AM
Parent: #40
عشه
عروسك دي دابة قايمة تتجيه
ماشه على الحنة من فستانه العادي
اها بعد ما تكمل زينتها
جيبها لينا
وبعد داك نشوف منو الغلبوا
لكن صور جميلة وبتدعم الموضوع دعم صاح
شكرا لك ايتها الصديقة النادرة
|
Post: #42
Title: Re: ترترة
Author: ابو جهينة
Date: 06-15-2006, 00:46 AM
Parent: #40
محمد السني
صباحك سعيد أخي العزيز
بالطبع سيهيج وصفك المجرتق هذا ذاكرة الكثيرين.
أما هنا :
| Quote: أصل الرقص أن يدور الراقص حول ذاته ، وفي رقص العرس يدور العريس حول العروس في دائرة كاملة البهاء ،،، يدور ويدور ليتحول الخط الدائري اإلى هالة تحيط بالعروسين ليتحولا إلى جسد واحد يثير الحلقة ،، والزغاريد تلهب الحماس في أكف المغنيات ،، والإثارة تصل إلى قمتها ... |
فسيسرح البعض بعيدا .. بعيداً .. و أصوات زغاريد و طبول تدق في رأسه و سيشم رائحة تلكم الليلة و يعيش لحظتها ..
و بالطبع سيرتد إلى شاشته و إبتسامة رضا ترقد على جانب فمه ..
واصل بقية الترترة ..
أرقد بألف عافية
|
Post: #43
Title: Re: ترترة
Author: محمد سنى دفع الله
Date: 06-15-2006, 01:03 AM
Parent: #42
ابوجهينة
وينكياراجل ليك زمن
لكن جيتومعاك الخبر اليقين
ياخوي ديل على الهبشة
انتظر الباقي وفالك طيب
واصل معنا
|
Post: #45
Title: Re: ترترة
Author: Randa Hatim
Date: 06-15-2006, 01:33 AM
Parent: #43
اها وعشان يفضل البوست ده فوق ...كيتا على العزابه
حنانا النسى اهلو ما نسانا
مشيت لى بر ازورو ... ينده لى رسولو
قسيم ريدى البدورو ..بخوض النار وازورو
ويا السيده علوية ... يابت المرغنية
يعود حبيبا ليا حوليه بالختميه
حنانا اللبس الرسمى جانا...
حنانا البى كابو حيانا...
حنانا جنابو الريد ازانا
up ..up
|
Post: #46
Title: Re: ترترة
Author: محمد سنى دفع الله
Date: 06-15-2006, 01:44 AM
Parent: #45
رنده حاتم
جاين ومعانا كل الغنى الجميل
جاين ومعانا الايقاع العجيب
ياناس ابعدوا وسعوا المساحة
وخلو الناس الحلوة تجغلب
على سباتة الريح
الغنى السمح جاي
تعالو ا ومتعوا البصر والفؤاد والعقل
تعالوا
|
Post: #44
Title: Re: ترترة
Author: أبو ساندرا
Date: 06-15-2006, 01:22 AM
Parent: #1
سني
يا سنسنة
و
بخة الحليب
صافية لبن
ورشة العطر
السوداني الحريف
و
شهقة الروح
و
ترتره
ترتره
لي ورا
الورا ما عندك
بنستناك
في محل يوم داك
ومعاهن نغني :
سوحي
اليللا
بالجمبة دوحي
اليللا
سوحي لينا
اليللا
|
Post: #47
Title: Re: ترترة
Author: محمد سنى دفع الله
Date: 06-15-2006, 01:54 AM
Parent: #44
أبو ساندرا
منو الكان بفرتق الحفلات في الحي
وكيف كان العرس البشيل الليل فرح
ويلا معانا لي بخة اللبن والضريرة
والسيرة المرقت عصر
والفرح البستمر اربعين صباح وليل
وكل التفاصيل الحلوة
والاغنيات البهيجة
ونترتر اي فدام سوا
لي قدام سوا لي قدام سوا
ابو ساندرا اللطيف
|
Post: #49
Title: Re: ترترة
Author: Randa Hatim
Date: 06-15-2006, 03:04 AM
Parent: #44
ابو ساندرا ... النتمها ليك
لكن المهم انو عروسنا هى التجيب القون
سوحى الليللا بالجنبه دوحى
الليللا
سوحى لينا ... الليلا ... والفرحه لينا
الليللا
من كلام ده وده .. الليللا
وقعت فى الرمله ... يا ساااااتر
النقده....
واصل يا السنى ...
|
Post: #52
Title: Re: ترترة
Author: محمد سنى دفع الله
Date: 06-15-2006, 07:51 AM
Parent: #49
تميتها ليهو يالفالحة
وانا فاتح البوست ده ليه ؟؟؟
ما عشان انا اتم ليكم الحكاية
بس الحكاية احلوت خالص لانو الغنى بقى كتير لزوم التحلية
|
Post: #48
Title: Re: ترترة
Author: almulaomar
Date: 06-15-2006, 02:03 AM
Parent: #1
الفنان المرهف محمد سني دفع الله
هذا عمل مسرحي رائع ليس بمستغرب أن يصدر عن مبدع مشغول بالفن ومهموم بقضايا الدراما والكوميديا ودور المسرح في توعية وتثقيف المجتمع.
====
الستار مرفوع منذ البداية، غير أن فضاء المنصة عظم تماما.
موسيقى صاخبة تنبعث، أقرب ما تكون الى مارشات عسكرية أو موقف حافلات الجو العام معبق حد التشبع بروائح عطور فواحه
إضاءة خفيفة حيث الخشبة ممتلئة تماما.
على الجدار الخلفي للمسرح تنتشر تشكيلات ضوئية تشبه سحبا مبعثرة.. حركة هلامية للتشكيلات الظلية التي تشبه السحب.
تصل الموسيقى وضربات الطبول والأصوات اللاهثة حدا لا يطاق من الضجيج.
التماعة إضاءة شديدة خاطفة فتدور العروس حول نفسها دورة كاملة بسرعة بالغة على أنغام "المهيرة وعقد الجلاد يا عروسنا عريسك غلبو الثبات".
تظهر على الجدار الخلفي في نفس اللحظة ظلال شباب يبدو أنهم منحلون أو منحلين بل قل نحل جابهم الدرب وحضروا على صوت المايكرفون يرقصون ويتمايلون ويمشطون المكان بنظراتهم
العروس تنئني إلى الخلف قليلا قليلا - مع ثبات قدميها – وصوت المغنية يعلو متبوعاً بالكورس "من فريع البان البسوح نديان الله يا سلام" قوة جبارة تشد جسدها كالقوس نحو الخلف. - في ذات اللحظات يوزع العريس البسمات على الحضور وهو يتلقي التبريكات أبشر بالخير يا عريس أبشر
صاحبات العروس يدخلن مع العريس في حوار والفركة على كتفه وفجأة العروس بب تنزل الأرض على ركبتيها ويديها على وجهها والنسوان يزغردن ويصفقن قوووون لقد أنهزم العريس بعد أن دقسته النسوة "إن كيدهن عظيم" -.
ود أم حق واقف لمبه سكران لط وفي رواية أخرى طينه وفي واحدة واقفة قدام النور فإنعكست صورة ظلية ليدها الممدودة في الحيطة بحجم متضخم جدا وأصابع مفتوحة متباعدة. أها صاحبنا ود ام حق يعاين لظل اليد المزروعة أمامه ويتخيل اليه من السكرة الفي راسو أنها حا تهجم عليه وتخنقو ، يناور ليداهم اليد التي أمامه. - الموسيقى تستمر في التصاعد متبوعة بالزغاريد وبشدة مثلما هو ظهر العروس يتقوس إلى الخلف أكثر ليأخذ جسمها شكل شبه دائري مبعدة يدها اليمنى وكذلك اليسري عن جسمها بطول يديها تاركة العنان لشعرها المنسدل خلف ظهرها يلامس الأرض والسكران واقف يعاين لي ظل اليد الممود في الحيطة يتخذ وضعية الهجوم كمن ينوي مداهمة اليد التي أمامه فجأة بضربة قاضية.
الموسيقى وصوت الدلوكة تتصاعد بالشكل الذي لابد فيه من ان تنتهي بما يشبه "القفلة " التي يصمت بعدها كل شيء.
والعروس عبر الاضاءة "السلويت " تبدو كالدائرة تماما.
تتداخل مع الموسيقى صوت عربية مكنتها جاز وقفل أبواب بعنف فيظهر العسس ويتجهوا نحو الناس وهم يرددون "أسمعنا مرة مرة أسمعنا مرة ، فيقف كبير عساكر السلطان وسط سرادق الفرح ويقول مخاطباً أهل العرس وين تصريح الحفله دي.
- يسود صمت تام.
- إظلام -
|
Post: #51
Title: Re: ترترة
Author: ندى نور
Date: 06-15-2006, 05:27 AM
Parent: #48
ياسلااااااااااااااااااااااااااام
يالسني
ذكرتنا ايام جميله
منتظرين باقي السرد
ودي
ندي
|
Post: #54
Title: Re: ترترة
Author: محمد سنى دفع الله
Date: 06-15-2006, 08:11 AM
Parent: #51
ندى
ندى الصباح على الورود
يضاحك الفجر الوليد
ندى لك المودة
وهاك باقي السرد
|
Post: #53
Title: Re: ترترة
Author: محمد سنى دفع الله
Date: 06-15-2006, 08:07 AM
Parent: #48
ألمووووو
خلي الأضاة منورة وأبعدالظلام هناك أمل
فلتحيا الموسيقى فب نفوسنا حية
ولتحيا الفنون الأدائية من رقص وتعبير فب حياتنا
ولتبقى الأفراح طالما هناك وطن مليان بالتنوع والإباع
وتابع الحكاية
|
Post: #50
Title: Re: ترترة
Author: Adil Osman
Date: 06-15-2006, 04:20 AM
Parent: #1
|
Post: #55
Title: Re: ترترة
Author: أيزابيلا
Date: 06-15-2006, 08:21 AM
Parent: #50
لتبقى الترترة عالية
|
Post: #59
Title: Re: ترترة
Author: almulaomar
Date: 06-15-2006, 08:31 AM
Parent: #56
أها يا محمد السني دفع الله بوستك جاب ليهو مبدع آخر من المهمومين بالمسرح بت شيخ الدين
|
Post: #63
Title: Re: ترترة
Author: Elkhawad
Date: 06-15-2006, 09:53 AM
Parent: #59
|
Post: #58
Title: Re: ترترة
Author: Randa Hatim
Date: 06-15-2006, 08:30 AM
Parent: #55
فوق....
واصل....
نحن...
منتظرين....................
|
Post: #60
Title: Re: سكران الصبحية
Author: Emad Abdulla
Date: 06-15-2006, 08:43 AM
Parent: #55
الأفلام الهندية فيها :
عوير الفيلم
و حصان ضعيييييف كده
و عربية جيب
و بطل تطلع حبيبتو بت أم خال أبو حبوبة جد عمتو داك النط من الجبل .
وخاين في النهاية يقوم يدوهو طلقة .. يقوم يموت في الفيلم الجايي ..
المهم .. ده ما موضوعنا .
صبحيتنا فيها سكران الحفلة ..
واقف لطططط ..
المكرفون قلعو قلع و وقف ملولح :
و الآآآآن .. سيتاتي ساتتي ..
الآآآآن ..( و العريس جضمو ورمن من الحمبكة و الزعل .. لكن مقطعها في حشاهو لأنه السكران قريب طه أبو أخت مرة خالة ناس سمية البيتهم بيفتح على بيت توحيدة صاحبة بت خالة العروس ) ..
الآآآن .. أيها الـ .. هيق .
الفنان الكبير
- و اللوليحة قرررربت ترميهو من المسرح الخاتينو فوق كراسي حديد -
الآآآآآآآآآآآآآآن .. الفنان .. هيق ..
بالله ممكن يا شباب ورا شوية كده ؟؟ لو زمحتو يعني .
أوففف .. أووووف .. واحد نين .. واحد , واحد ..
- الشباب ورا يقومو يكوركو : ياخ شغال ياخ .. المكرفون شغال يا .. شغال .. شغال -
الآن .. مع الفنان .. - وراح إسم الفنان - ..
قت ليكم .. الآآآن مع الفنان ..
الفنان ..
الفنان .. هيق
الفنان ..
الفنان .. بتاع قبيل ..
وشقرن جزيرن .
|
Post: #69
Title: Re: سكران الصبحية
Author: محمد سنى دفع الله
Date: 06-16-2006, 03:50 AM
Parent: #60
عليك الله منوالحبوبة شنوشيقرن جزيرة
لكن السكران ما عندك
الحفلة التي لاتتعرض لي الفرتيق ولا السكارى
لذاذة شنو؟؟؟
ما لازم من السكران والحيران والشوكش البكاي وأهم حاجة البكاي لو كان معروف
معروف الرصافي ،،، طوالي الناس يكونوا جارين فيه نور طويل ولمن تدخل العروس بكونوا مركزين عليه ومع اول دمعة ،، اقولوا عليه مسكين !!عجبي !!
وطبعا العروس اول ولد بتسميه باسمو.. شوفت الوفاء
الصبحية دي حكايتها طويلة
سكران الصبحية ولهاط بيت العرس
وخاطب ديمة الزين المعاصر
وده كلو فــــــــــــــــــــــي
تــــــــــرتـــــــــــرة
|
Post: #57
Title: Re: ترترة
Author: محمد سنى دفع الله
Date: 06-15-2006, 08:29 AM
Parent: #50
عادل الفنان شكر ا ما ليه حدود
الجسد الإنسانيفي الفنون الأدائيةينقسم الى ثلاثة أقسام
الرأس ـ الفكر والعقل
الصدرـالوجدان ،وبها الفؤاد
الحوض ـالنوع ـ العفة ، ملاذ السر الأزلي
هذه الأقسام الرئسة وماعداها أطرافيؤشر بها ويعمل ويحدد بها الأتجاه...[/PURPLE]
|
Post: #61
Title: Re: ترترة
Author: محمد سنى دفع الله
Date: 06-15-2006, 09:30 AM
Parent: #57
[] ترترة
إيقاع الدلوكه يعلو في خط متصاعد ( كروشيندوو) نبراتها ترزم وتئن أنينا خفيفا ،
والأيدي تصفق وفق الإيقاع ، ينتظم النغم وأخذ يعدو مرنا شجيا ، مما جعل العريس تهدا انفاسه، ويستجمع شجاعته ليمسك حجبات العروس ، تخيلوا الشاجاعة بتودي وين؟؟ مسك حجباتا!!
(( حجابان من الجلد المصقول ، يقال أحدهما به سورة يسين، والثاني به آية الكرسي))..
عفتوا ليه زمان بقول لينا خلي عندك شجاعة أدبية .. لي جنس اليوم ده..شجاعة تحتاج اليها عندما ترى كل تلك العيون تنظر اليك ، وتحسب كل خطوة تخطوها،ويعدون انفاسك ويحصون حركاتك ،
العفوية ، والخجلة،وانت في دنيا وردية،بعد مانزلت الأيادي وبان الوجه الصبوح ،نظر اليها ،بعد اربعين صباح ،
ماذا يرى العريس في تلك اللحظة ، يرى وجهها؟؟؟لالالا!!يرى عقلها.. نعم يرى عقلها وده المعنى الفني والمقصود...يحدد وجهته عريسنا وينظر في الوجه الجميل ومن العيون يدخل عقلها
ويشوف أيامو الجاية وهي بتربي الشفع ..سبحان المصور..
قول : ماشاءالله ،تعيده الوزيرة بصوتها القوى الى السباته ن يسمع صوت المغنيات، كأنه ملك سمعا جديدا ،،
ماشاءالله
ماشاءالله
ماشاءالله
يتشجع اكثر يمسك العروس من الحجاب ، ليقودها اليه ،طائعة تاتي اليه ، مع الإيقاع عيونها الوساع الحدده بالكحل السود تخترق فؤاده لحظة وأغمضت شموسها من جديد،، ولكن ماحدث قد حدث ..
انفصل عن الكون ،واللوحة من حوله عبارة عن صورة متحركة، دون صوت ، صمت الرجال خلف الجميع يشاهدون من بعيد ، والعمات والخالات يتابعن بمحبة ولهفه ، ويتذكرن !! دائما في مثل هذه الملمات يتذكرن كل الأموات فترى الفرح في العيون ، وعلى الخدود الدموع....
اه من الألم
اه من الألم
يرى العريس حركة الأيدي التقليدية وهي تحاور الشفاه، ولكنه لايسمع الزغاريد،عروسه تتجه نحوه تهبه وجدانها المفتوح على قلبه ،يرقصان رقصة الوجد والعشق الأبدي ..الحركة تزداد سرعة ،تهمس الوزيرةاليه ،،تنزل يده تحت الرحط، يقطع سبعة خصل جلدية،،يرمي بها في البعيد،، تحمل معها الشرور السبعة ،الحسد،العقم،الكبسة، الفقر ،المشاكل،والجار النقار،والبيت الضيق،
والخصل طائرة في الهواءيلحقهاالهياج والصراخ والغناء والزغاريد
وابشر ياعريس
نواصل ترترة[PURPLE
|
Post: #62
Title: Re: ترترة
Author: عشة بت فاطنة
Date: 06-15-2006, 09:42 AM
Parent: #61
متابعين روعة الحكي
العزابة كلهم الليلة بخطبوا
بس علينا بالصور
|
Post: #67
Title: Re: ترترة
Author: محمد سنى دفع الله
Date: 06-16-2006, 03:24 AM
Parent: #62
عشه، وين مريم محمد الطيب ؟؟؟؟؟
جاات امبارح مارة ورمت لي صورة عروس ماشاءالله عليها ومشت !!
وين مريم ؟؟؟؟؟؟
بعدين العروس زي الماشة للحناء دابة
وين مريم ؟؟
عايزين الغناء والصور !!
|
Post: #64
Title: Re: ترترة
Author: شادية عبد المنعم
Date: 06-15-2006, 02:24 PM
Parent: #1
راندوق
لقيتك حبوبة
وضالعة في { العلوميات }
حاجزنك لي عرس ساندرا
ومن هسع حا نحمي ليك الدلاليك
وأصل يا سنسنة
وحا ندعمك بالمشاهد الخلفية
المسكوت عنها
|
Post: #65
Title: Re: ترترة
Author: Randa Hatim
Date: 06-15-2006, 02:42 PM
Parent: #64
شدو يا الحبيبة ...
باقى السنى ده ما ناوى يديها البر ... فتح ليهو جنس بوست .. الله يستر
وبدايه للتعليمه ... هاك الغنيه دى بس المهم تحررن الدلوكه ... والرجال يقيفو بره
ليمونك الاخدر بشيلو فى الجردل
يا سمحة ميلى كدة ... لا لا ما بقدر
يا حلوه ميلى كده ... لا لا ما بقدر
اللورى ماشى شديد كاشى فى الدقداق
السمحه جات تقدل زى مشى الضباط
الحلوه جات تقدل زى مشى الضباط
يا يمه شعرو كدى ... انا ما بقدر
يا يمة شنبو كدى ... انا ما بقدر
شايل السماعه ... انا ما بقدر
مارى بالعنبر ... انا ما بقدر
كان شفتو بتبرجل ... انا ما بقدر
كان شفتو بتبرجل ... انا ما بقدر
زحن لى ورا يا نسوان ادن العروس فرقه ... دى ما الترتره ذاااتها...
واصل يالسنى يا مبدع ... اصلو من الهموم كان لازمنا بوست زى ده
|
Post: #66
Title: Re: ترترة
Author: abdalla elshaikh
Date: 06-15-2006, 08:48 PM
Parent: #65
عجبنى ليك أتاريك بترقص عرايس...
وطبعا بهذه ألـمناسبه حأحكي ليك قصه حقيقية وبطلها عريس[أخومسلم]عرس في[حلتنا]وطبعا ألناس ساهرا ورقصوا..وإنتظروا إختتام ألحفل بترقيص ألعروس علي حسب عاداتهم...ولكن بدلا من ذلك شبكهم ليك ألعريس بـ(قال أبوهريرة وماإدرك أبوهريرة]..فإنتهت ألحفلة علي ذلك...
تانى يوم ألحلة كلها تكورك(والله ألعريس شيوعي...من ألله خلق ألدنيا ألعروس بيرقصوها..لكن جنس أبوهريرة دا ما سـمعنا بيه..هو في زمتكم ألرسول بتكلم مع زول شايل ليهو كديسه...لا والله العريس شيوعي...)
|
Post: #71
Title: Re: ترترة
Author: محمد سنى دفع الله
Date: 06-16-2006, 04:04 AM
Parent: #66
ود الشيخ ياكارلوس العصر الجديد
الشووق والريد
ياخوي بقيت سيد التعليمة وسيد الدللاليك
ده جمع دلوكة
دي محاولة للتوثيق بصورة مختلفة
وحاولة مني لي دعم الفنون الموسيقية والأدائية
من رقص وتعبير جسدي
وده أضعف الإيمان
يلا معانا من اجل الموسيقة التي سوف نملكها للأجيال القادمة
لنرقص على موسيقانا السودانية
مودتي
|
Post: #70
Title: Re: ترترة
Author: محمد سنى دفع الله
Date: 06-16-2006, 03:56 AM
Parent: #65
رندة
يلا جمعي لينا
أغاني السيرة
واغني قطع الرحط
والجرتك والبنينة
واصلي وهمتك دايما عالية
تسلمي
|
Post: #68
Title: Re: ترترة
Author: محمد سنى دفع الله
Date: 06-16-2006, 03:34 AM
Parent: #64
شادية وفي رواية أخرى شدووو
الدلع البنلقى كبار أشتر
زي حبوبة لينابترقص على موسيقى نشرة الأخبار
ماعلينا
انا ماشي السودان عن طريق مصر
لكن حالف اجيب معاي
دلــــــــــــــوكـــــــــــــــــــــة
وفي المطار اقولوا لي
ياجماعة حاسبو دي دلوكة الأستاذ
وخبر مهم بجيب معاي الشتامة
عشان خلفة الإيقاع
عدة ايقاعية كاملة
يعني عرس ساندرا اتظبط
لكن ما كلمونا ؟؟؟؟
|
Post: #72
Title: Re: ترترة
Author: Randa Hatim
Date: 06-16-2006, 06:08 AM
Parent: #68
منتظرنك يالسنى
ما تتاخر علينا
ده عشان البوست ده يطلع فوق
|
Post: #73
Title: Re: ترترة
Author: Tumadir
Date: 06-16-2006, 06:32 AM
Parent: #72
عن الرقص ...... وموسيقانا الداخلية
فى مقال هنا اسمو "رقصة العروس ..رفاهية العرض ومنبر التحول" كتبته طول واتنشر فى "رؤى" المهم جندرية فتحت عليه نقاش جميل..وفى اراء متباينة ..بوست ظريف ..ينفعك فى ترترتك..
|
Post: #74
Title: Re: ترترة
Author: محمد سنى دفع الله
Date: 06-16-2006, 08:23 AM
Parent: #73
تماضر
شكرا لك ايتها الجميلة
روعة التداعي العفوي والأنسيال الحرفي بينك وطلال عفيفي
شكرا للمقال وانا في بالي عمل كتيب عن فنوننا البصرية التراثية
أما الجندرية سيبها فهي مشغوله بالأنقلاب الخاص بها ضد الرجال
سوف استفيد كثيرا من مفالك
بعدين شوفي مريم وين مشت ومارجعت لحدي الأن
تحياتي لكم جميعا
مودتي
|
Post: #75
Title: Re: ترترة
Author: محمد عكاشة
Date: 06-16-2006, 08:31 AM
Parent: #74
استااااااااااااذ...كبير
تسجيل حــضور ومتابعة
مودتى وتقديرى
|
Post: #76
Title: Re: ترترة
Author: محمد سنى دفع الله
Date: 06-16-2006, 08:44 AM
Parent: #75
عكاشة
ياوسيم الطلعة
شكرا للمرور
ونحن بي طرفكم بوم الثلاثاء الجاي في القاهرة بإذن الله
حضر شعورك
مودتي
|
Post: #77
Title: Re: ترترة
Author: محمد عكاشة
Date: 06-16-2006, 09:15 AM
Parent: #76
حاضرين ياشاب
ومعاى عبادى محجوب ومصطفى احمدالخليفة والسر السيد
وديل مابقدروا على الترترة دى
المهم
موبايلى
0106472756
مودتى وتقديرى
|
Post: #78
Title: Re: ترترة
Author: شادية عبد المنعم
Date: 06-16-2006, 11:20 AM
Parent: #77
السني هوي
بوستك ده جنن العجايز
ومحن الشباب
رندوك!
هاك دي كمان
عيني ترتري لي ورة
عيني عمال عطبرة
تحياتي يا محمد عكاشة
وقول للسر السيد
أمانة ما لابد للترترة خلف الكواليس
وبالفن المرهف
والنقد الشفيف
لك التحية
والتحية للعروس السودانية
وعقبال البنيات غايتة اسة في الوش ساندرا
حلك لما ناس ليم يبقوا على الترترة
|
Post: #85
Title: Re: ترترة
Author: Salma Daoud
Date: 06-17-2006, 07:40 AM
Parent: #78
النقده النقده..
أاَاَاَاَي... سمحة.. ستو.. أاَاَاَاَي!
"يا خالتو قسمة إزيك!"
صفقوا يا بنات... إن شاء الله الما بتصفق ما يعرسوها!!!
.....................................................
"أعلاه مشهد مقتبس من صبحيات أواخر التسعينات"
أستاذنا محمد سني..
أي واحد من المتداخلين مولود بعد 1974 كضــــــــاب لو قال حضر ليهو رقيص عروس!!
إلا يحكوا ليهم بيهو حكا!!
بوست لذيذ مثير للهجيج و شايفاه طلع إبداعات من كثيرين...
محبتي
سلمى
|
Post: #89
Title: Re: ترترة
Author: محمد سنى دفع الله
Date: 06-17-2006, 12:53 PM
Parent: #85
سلمى داود
لك الشكر
لفتي انتباهي لي حاجة مهمة خالص
صحي مو الشاف رقيص العروس دي مشكلة كبيرة جدا !!طبعا ناس كتيرة بقت تعرس بالزفة المصرية
اكثر حشمة واستايل!! شفتي المغصة النحن فبها .انا عايز اسالكم منو الكان بشوف العروس
ما حشمة ؟؟؟
ومنو الكان بقيم العرس انو فيهو حاجة ما تمام ؟؟
الحكاية دي بدت بعد المغتربين والناس البتجي من برة
لكن مافي واحد قال العروس دي ماله الا بعد أواخر الستينات
العروس بترقص ليها 7 الف سنة ضوئية
المهم المقال ليس مقال سرد تاريخي
ولكن الرقص عموما ماشي للأنقراض
نحن بنقول الرقص جميل وفن نبيل ولازم نحافظ عليه
وطلعوا ابداعكم
ومودتي
|
Post: #79
Title: Re: ترترة
Author: maia
Date: 06-17-2006, 04:43 AM
Parent: #1
الاستاذ السني
دخلت البوست وشايفة قدامي لوحة حقيقية لبرنامج صبيحة
البرش الاحمر الذي تحول لسجادة بالالوان حسب التطورات العالمية الجديدة
وعليه تقف ست الحسان في عرض شامل لكل صنوف العروض
رغم انه معظم الاراء بتكون حول الرقيص انه (عوارة) لكن يظل شيء جميل ، جميعنا يعجب برؤيته ، ويتكيف جدا ليهو جلوسا امام مسرح الرقيص
الاستاذ السني
حقيقي رؤية اخراجية اكتر من جميلة لتراث سوداني اصيل
واصل فانا معك متابعون
|
Post: #81
Title: Re: ترترة
Author: محمد سنى دفع الله
Date: 06-17-2006, 06:52 AM
Parent: #79
الناس في الدنيا كلها عندهم رقيص العروس
في الهند وليه طقوس عديدة
في العالم النايم والصاحي عندهم رقيص واحتفالات
الانحن البنقول لي تراثنا عوارة
بعدين العوارة جاي من وين
عدم ايمانا بالرقص ولا عدم المشاركة ولا عوارة ساكت
كده يامايا شوفي لينا الرايهم عن رقيص العروس انو عوارة
واكتبي عنهم
والله بتثري لينا الموضوع بتاعنا ده خالص
شكرا للمرور
مودتي
|
Post: #84
Title: Re: ترترة
Author: maia
Date: 06-17-2006, 07:16 AM
Parent: #81
استاذنا السني
تحياتي ومودتي
حقيقي الفهم ده موجود عند جزء كبير من الناس والبنات ، يعني بيروا انه فكرة الرقص نفسها واللي بتعتمد على وصف الحركات باليدين والجسم باكمله هي نوع من العبط واستخفاف بالواحدة قدام الناس وجمهور المتفرجين
وعادي جدا تلقا الناس بعد ما تتفرج ويتنتهي الرقيص ، اول تعليق بيكون ( ياخ بالله الرقيص ده حاجة هبلة جدا)
المنظور لفكرة انه عبط ، ليس من خلال تراث وثقافة سودانية مع ملاحظة انه ما كل القبايل السودانية لها هذا الموروث الثقافي ، بل من انه اصلا المغزى شنو انه الواحدة تقيف قدام الناس وتؤدي رقصات توصيفية!
مع انه هي نفسها فكرة الرقص الشرقي
الفهم بيجي من انه ، بعد ما الرقيص ينتهي ويخلص ، الواحدة احساسها بيكون شنو
وده راي سمعته من صديقاتي وقريباتي اللي رقصوا ، انهم بيتمنوا لو ما رقصوا!!
ومعظمهم بيقولوا ممكن نتفرج لكن نرقص لأ!!
حاحكي ليك قصة بسيطة
عندي خالي كان بيعمل في دبلوماسي في سفارة السودان في السويد في فترة التمانينات
تم عمل معرض لثقافات الشعوب ، فتم عرض لشريط فيديو لرقيص عروس سودانية كتراث ، فكان ان التفت اليه واحد زميله من موظفي الخارجية السويدية قائلا ( اكثر الافلام اباحية افضل من الرقيص ده)!!
ده مثلا فهم ممكن يكون سائد حتى وسط بعض السودانيين
تخريمة
راي ده من خلال ما شاهدته واشاهده في الصبحيات ونحنا شعب السكوت وحلفا ما عندنا ثقافة رقيص العروس ، انما هي مسالة دخيلة علينا وتتم حسب مزاج العروس والعريس اولا
ومع ذلك بستمتع جدا ببرنامج العروس وهي بترقص
|
Post: #80
Title: Re: ترترة
Author: انعام عبد الحفيظ
Date: 06-17-2006, 06:38 AM
Parent: #1
ود السني
سلام وود
اخراج جمييييييييييييييييل
بالرغم من اختلاف الآراء حول رقيص العروس
الا انه يظل من اجمل مظاهر العرس السوداني
مودتي واحترامي
|
Post: #82
Title: Re: ترترة
Author: محمد سنى دفع الله
Date: 06-17-2006, 06:57 AM
Parent: #80
بالرغم من إختلاف الآراء حول رقيص العروس
إلا أنه اجمل الطقوس الموجودة في الدنيا كلها
والواجب علينا تطوره ومعالجته فنيا ليكون ابهى وأجمل لكل من يراه
انعام الناشطة لك المودة والسعادة بمرورك من هنا
والمنى لك بالنجاح في كل خطوة
احترامي
|
Post: #83
Title: Re: ترترة
Author: بدر الدين الأمير
Date: 06-17-2006, 07:09 AM
Parent: #80
السنى
الغناء والتغنى عبر التاريخ كان من أجل الرقص وليس النص
ومقولة سمحة ورقاصة كم اجلها فهى تضع جمال الرقص مرادف للجمال ومكمل له
والترترة أو رقصة العروس هى فى تقديرى تدخل فى باب الرقيص الحسى
ويقابلها تزين العريس بشكل انثوى الحناء الضريرة الحريرة الكحل الهلال وولخ000
هل هذا يعنى أن اللحظات الحميمة بين العروسين هو لقاء انثوى انثوى
من باب التعادل فى حرية الانفعال جسديا بالاخر وليس للرجل وحده
وهل بعد بتر ذلك الجزء الانفعالى الجمالى لدى المراة السودانية هل لديها شى تنفعل به
او تفعله غير الطقوس دلكة ودخان وخمرة ولخ000
واى علاقة زوجية لو فشلت جنسيا هى فاشلة فى كل شى واستمراريتها مجرد طقس اجتماعى
والجنس نوع من الرقص يمارسه الفرد من خلال ايقاعه الداخلى 0
|
Post: #86
Title: Re: ترترة
Author: طلال عفيفي
Date: 06-17-2006, 08:04 AM
Parent: #83
والله يا محمد بقدر ما إستمتعت إندهشت لإختفاء هذه التفاصيل
أو خفوتها في حياتنا ..
لم أحضر رقيص عروس قبل كده وإن كان ربي أكرمني بمشاهدة
بعض الترتره هنا وهناك ..
لكن ، دعني أقول لك إنك عامل فوق شغل بتاع كاميرا فنان ،
Script نضيف .
بتمنى ألقاك .
...
طلال
|
Post: #101
Title: Re: ترترة
Author: محمد سنى دفع الله
Date: 06-18-2006, 07:39 AM
Parent: #86
طــــــلال عـــــــــــــفـــــــــــــيــفــي
وانا كمان
لازم اول ما نصل السودان نلقى عريس
نحنسو اعمل لينا رقيص عروس جد جد
ولا اعرس ليكم تاني واصر عليهم على ادق التفاصيل
مش شايف الفكرة التانية احلى ؟؟؟؟؟؟
واصل معانا
الترترة
مودتي ياصاحب اللون الأزرق الملكي ..
|
Post: #102
Title: Re: ترترة
Author: محمد سنى دفع الله
Date: 06-18-2006, 07:39 AM
Parent: #86
طــــــلال عـــــــــــــفـــــــــــــيــفــي
وانا كمان
لازم اول ما نصل السودان نلقى عريس
نحنسو اعمل لينا رقيص عروس جد جد
ولا اعرس ليكم تاني واصر عليهم على ادق التفاصيل
مش شايف الفكرة التانية احلى ؟؟؟؟؟؟
واصل معانا
الترترة
مودتي ياصاحب اللون الأزرق الملكي ..
|
Post: #99
Title: Re: ترترة
Author: محمد سنى دفع الله
Date: 06-18-2006, 06:52 AM
Parent: #83
الغناء لابد ان سصاحبه الرقص هذه حقيقة
ولكن هناك ايض الغناء الذي نستمع اليه فقط
العروس سمحة ورقاصة جملة للمبالغة للجمع بين موهبتين
لأن العروس لابد لها من اتقان الرقص
لأنها تتعلمه فترة من الزمن وعليها ان تجيده اجادة تامة
التزين اساسا كان الرجل على مدى التاريخ هو من يتزين والمرأة تعتمد على جمالها الطبيعي
والتحول في المسألة الجمالية في الزينة حدثت مع الدولةوتكوينها ومع تكون المدن
المرأة دائما هي المنفعلة بالجمال وتتفرغ له وتكتشف ابعاده واصبح هذا دورها الحقيقي
كثير من القبائل المرأة هي الواضع للقيمة الجمالية من الكل الى الأزياء وتقوم بتفصيلها
للزوج والحبيب ـ في الشمال تم اختصارها في مناديل الحبيب
الجنس له علاقة بالرقص لالالالالا
الفرق بين النشاط الإنساني والسلوك الغريزى شنو ؟؟
ارقص وفرفش وغني
|
Post: #87
Title: Re: ترترة
Author: Ahmed Mohammed Osman
Date: 06-17-2006, 08:13 AM
Parent: #1
| Quote: وبرقة يمسك بيديها وينزلهما بلطف عن وجهها إلى جانبي جسدها ، الوجه يضيء براءة ، تهتز الرشمة هزة خفيفة ومعها الزمام ، الجسد يريد أن يحلق بجناحين من النغم والإيقاع |
محمد السني
اعجبني هذا المقطع من جملة المشهد الذي صورته بكل تفاصيلة
اعجبني شرحك وتمثيلك لمقطع : حاجة زي ما تكون محلقة في العواصف
فجاة تهبط في السكون
نقلتنا من الترترة والزغاريد والجبجة
الي لحطة تلاقي عينا العريس والعروسي
لحظة صمت المحيط وتلاطم امواجه
دمت
|
Post: #88
Title: Re: ترترة
Author: Randa Hatim
Date: 06-17-2006, 10:28 AM
Parent: #87
السنى
طبعا يا مبدع انا بتفق معاك تماما فى مسالة رقيص العروس
كل شعوب الدنيا تمتلك عادات وتقاليد ما زالت تمارس وبفخر
الا احنا (يا كافى البلا) نحول عاداتنا الى مسمى تخلف وعواره
بينما كل طقوس وعادات الزواج السودانى بى جد ممتعه
وتظل محفوره فى الدواخل ... حاجه ما بتتنسى
واصل ... ولى فوق
|
Post: #100
Title: Re: ترترة
Author: محمد سنى دفع الله
Date: 06-18-2006, 07:32 AM
Parent: #87
أحمد محمد عثمان
التحية والمودة
ياخي الفت لينا وشك لي جاي
والشكر ليك لمن تترتر
والجبجبة جاية جنس شئ
وعايزينك معانا
حب وشلام اصلي الجن
|
Post: #90
Title: Re: ترترة
Author: Deng
Date: 06-17-2006, 03:33 PM
Parent: #1
السني.
عامل ليك حفلة بي جاي, الكيزان في البورد لسه ما أكتشفوا البوست ده.
بعد شوية حيجوك ناطين السلفين والمنافقين.
دينق.
|
Post: #91
Title: Re: ترترة
Author: Adil Osman
Date: 06-17-2006, 05:46 PM
Parent: #90
الكوشة
وجدت هذه الصورة بنفس الاسم فى موقع سعودى. هل يعنى هذا ان الكوشة اصلا سعودية؟
|
Post: #92
Title: Re: ترترة
Author: Adil Osman
Date: 06-17-2006, 05:58 PM
Parent: #91
|
Post: #93
Title: Re: ترترة
Author: عثمان سيد أحمد
Date: 06-17-2006, 06:26 PM
Parent: #92
السني الظريف الحريف
ياسلام يا السني رجعتنا لأيام زمان
وعرس زمان والترترة ومعاها كمان ترترة
أنت عارف يا السني أنا في عرسي كانت في
كترة أقوان بس ما بتحصل أقوان الارجنتين !!
انت يا السني بتنكت لينا في حاجات سمحة خلاص
يا ربي ممكن نعيدها تاني ونعرس تاني ( بس المره ما تقرأ البوست دا )
وتعود أيام التترة
أم نسمع مثل أغاني ( راجل المرة دا حلو حلا )
التترة بتاعتك دي أنا أنشرها في الحيشان التلاته
وكمان شجرة الزهاجة
أما تترة والله ...
مع مودتي
|
Post: #94
Title: Re: ترترة
Author: Muna Khugali
Date: 06-17-2006, 06:44 PM
Parent: #93
منـال عـوض خـوجـلي وعصـام عبـد الله الخـضـر
|
Post: #95
Title: Re: ترترة
Author: Tumadir
Date: 06-17-2006, 08:19 PM
Parent: #94
| Quote: هل يعنى هذا ان الكوشة اصلا سعودية؟ |
لازم الاس يكون من بلد تانية ..
لانو "الكوشة" عندنا فى السودان..فى حاجات كتييييرة لكن..لا كراسى ..ولا زهور..حاجات تانية خالص!!!!
لكن يا منى منال ماشاء الله..العريس زاتو مستغرب..خلينا نحن...
|
Post: #103
Title: Re: ترترة
Author: محمد سنى دفع الله
Date: 06-18-2006, 07:43 AM
Parent: #90
وين يادينق يافنان
تعال بي جاي
وشوف الجبجبة
والرقيص الصباحي
مالك علينا
عايز تخلي الحفلة لحدي الساعة 11
اسعدني مرورك جدا وافرحني خالص
ونتمنى حضورك في الجرتك
مودتي
|
Post: #120
Title: Re: ترترة
Author: حبيب نورة
Date: 07-30-2006, 12:57 PM
Parent: #103
ود السني
سلامات
والله فعلاً ترترة والناس قعدة والجبنة وينا
|
Post: #131
Title: Re: ترترة
Author: محمد سنى دفع الله
Date: 08-16-2006, 02:40 PM
Parent: #120
حبيب نورة
تعال القهوة منتظراك
وفطور العريس
وشاي الضحوية
وتابع ترترة
|
Post: #96
Title: Re: ترترة
Author: خالد الأيوبي
Date: 06-18-2006, 00:38 AM
Parent: #1
Quote: لم أحضر رقيص عروس قبل كده وإن كان ربي أكرمني بمشاهدة
بعض الترتره هنا وهناك ..
بتمنى ألقاك .
...
طلال |
بتمني ألقــاكـمـا .... خالد
=============================
الفنان محمد الســني
رقيص العروس فن راقي أصيل لكنه في طريقه للإنقراض و الدليل أن شــاب (ذو حضــرة) مثل طلال لم ( يحضـر) رقيص عروس
معظم البنات إذا سألتهن يؤكدن حبهن لرقيص العروس و إعجابهن به و لكن عندما يأتي الدور عليها فالواحدة منهن لا ترقصه و لا تفكر
عبد المنعم مدبولي في مسرحية أو فيلم قال ( أنا بحب الهـز و ما أتهــز ) .. فهل هكذا صار حال البنت السودانية نتيجة تعاقب المشاريع الحضارية عليها أم أن تلك المشاريع في هجومها الكاســح قد ( ترترت ) رقيص العروس ( لي وراء ) حتي أدخلته المتحف . ناقش
|
Post: #105
Title: Re: ترترة
Author: محمد سنى دفع الله
Date: 06-19-2006, 04:33 PM
Parent: #96
خالد الأيوبي
كلام فيهونوع من الصاح
المسألة لبها علاقة بالثقافة الحولك
زمان الناس بتشوف رقص العروس جزء من العرس وطقوسه
اليوم في ناس كتار قايدن الجمهور نحو العرس والرقص فيهو ما صاح
وزي بقى في رأي أخر أثر على كتير من الناس
وأصبح الرقص ما جزء من الهم اليومي بتاعهم
فأصبحو فراجة
نحن عايزين الناس كلها ترجع ترقص
وكلها تكون مؤدية
ولا ايه رايك ؟؟؟؟؟
|
Post: #97
Title: Re: ترترة
Author: امير عوض الجمري
Date: 06-18-2006, 03:00 AM
Parent: #1
السني يا فنان يا جميل
يا كبييييييير في كل شئ نضم وحجم وقلم
ياخي انت رائع وسردك ده ذكرني ايام شعبطت الحيط والوقوف بي نص رجل في كرسي الحديد برفقة ستة وسبعة انفار ويدك في كتف واحد وحنكك في ضهر التاني ويد واحد في رقبتك .. والكل يتمنى مكان الراجل اب هلالاً في جبينو ومرة تعاين في العروس ومرة تسرق النظر بي طرف عين صوب الحاضرات علك تجد من تراها مكان المترترة في خيالك بي هلالك وتتمايل بدون ما تشعر وتقع وترمي المعاك ويصرخ احدهم ياخ بالغت ما لقيت ترمي الكرسي ده الا اسي ساعة العروس خلاااص دايرة تجيب قون .. وطبعا اذا القون جاء يحصل هرج ومرج (وتاخد راحتك في النظر ) والاصطفاء من بين الحاضرات وتذهب إلى فراشك وتهيم في احلام يقظة وتعيد المنظر مع اختلاف الأبطال فأنت البطل وهي (من اخترت) البطلة وتلقى الليل مشى وتنووووووووم مع امنية ان يتكرر الحلم في النوم ..
مودتي يا غالي .. وبالمناسبة في أمريكا والدول المتقدمة برقّصوا العروس كيف !!!
راجع ليك
|
Post: #107
Title: Re: ترترة
Author: محمد سنى دفع الله
Date: 06-19-2006, 05:48 PM
Parent: #97
أمير عوض الجمري
لك الشكر ووصفك ظريف
ونقلتنا لي جو الفراجة
وذكرتنا البجو انحلو ،ن والكوفونجية واللهاطين
والبجو عشان اكسرو ركبة
واصل معانا
ياجميل
وفي امريكا والدول المتقدمة
برقصو العروس ،،كيف؟؟
ياخي معقول اكلمك قدام الناس ديل كلهم
لالالالالا باخي !!!
|
Post: #98
Title: Re: ترترة
Author: سلمى الشيخ سلامة
Date: 06-18-2006, 05:07 AM
Parent: #1
السنى الجميل ازيك مشتاقة ليك على نحو خاص ، شكرا لك لانك لمست امرا كنت بصدده مع السيدة الجليلة الفنانة حواء الطقطاقة ( زرتها يا صديقى بغرض التوثيق لها لاننى بصدد ذلك الامر فى كتاب احلم ان يخرج قبل ان توافينى المنية التى ارجو ان تمهلنى حتى اكمل الكتاب ، حملت اذن مسجلى ومشيت الى بيتها الكائن فى امدرمان حى الضباط بيتها فى مدخله سارية نصبتها عليها علم السودان القديم مرفرفا ، كنت احلم برؤيتها سالمة غانمة ، لكنها كانت حزينة لرحيل محمد الازهرى ، مع ذلك ادخلتنى فى ثناياها سريعا وامتطينا صهوة الذكريات معا منذ ما قبل الاستقلال الى هذا الوقت المثير للشفقة ، حقيقة حين حكت لى كيف ان الكاشف استضافهم فى بيته هى وعائشة الفلاتية وفاطنة الحاج ، ومهلة العبادية كادت ان تنزلق على خدى الدموع ، تحاشيتها ، لانهن كن مطرودات ، حليقات الراس ، لا احد يستمع اليهن من الاهل ، لانهن ( غنايات ) المهم يا صديقى حكت لى عن طقس الزواج ، وكيف انها غنت فى فرح احد السادة يومها منحها ما قيمته خمسمية جنيه فى العام 1947 وكان كما ذكرت سعر اللورى جديد من الورقة خمسين جنيه ، لكم اسعدتنى تلك اللحظات ولكم اشجانى صوتها وهى المولودة عام 1936 لكنها ما تزال طازجة كما الهواء النقى ،عفية تمنيت ان لو كان معى فيديو لكن ضيق ذات اليد انت تعرفه ، مع ذلك صورتها واحتفظت لها بقلبى نقيا كيما تستريح الى ضفافه ، غنت لى غناء عذبا وماهلا ماتحا من الفيحاء او يعلو ، يا لها يا سنى وحكت لى عن غربتها وهى طغلة ولكم يفرحها ان اهلها الان فخورين بها فهى اول امراة تدخل المعتقل ايام الاستعمار وهى اول امراة تلف العلم السودانى ( سويتو توب ولبستو يوم رفع الزعيم الازهرى العلم )فخورة بى يا سنى لاننى ما ترددت فى المضى الى تلك السيدة رغم كل النواقص التى شابت التسجيل لكننى سعيدة بها ، وسعيدة لاننى ساقوم بالتسجيل ايضا لثنائى النغم وام بلينة السنوسى وعدد من النساء الاتى صنعن التاريخ الجليل لبلادنا سواء كانوا مغنيات او سياسيات وبالمناسبة السيدة حواء غاضبة من الاغنيات الجديد ( حلو حلا راجل المرة ، وكلام يا عوض دكام ، ما لسبب الا للاسفاف , هى التى كان يصحح لها الكاشف سلالمها ومخارجها اليس لها حق فى غضبها ذلك ؟لك الحب ايها الشفيف
|
Post: #108
Title: Re: ترترة
Author: محمد سنى دفع الله
Date: 06-19-2006, 05:52 PM
Parent: #98
سلمى العسل بتاع المثقفين
مبروك التوثيق
وحاجة مهمة جدا جدا
واصلي معانا
انا بكتب بسرعة عشان ماشي بكرة مصر اقصد الصباح
دعواتك
وبتابع معاكم من هناك
المحروسة جاك بلا
وسلام
|
Post: #133
Title: Re: ترترة
Author: shahto
Date: 08-16-2006, 03:25 PM
Parent: #98
سلمي اختي الفنانة
كيف حالك و الاخوان القيتك معاهم بالله سلام سلام
و د السني و الله الله يخليك
للبلد و الفنانين
|
Post: #104
Title: Re: ترترة
Author: Deng
Date: 06-18-2006, 10:35 AM
Parent: #1
| Quote: لكن يا منى منال ماشاء الله..العريس زاتو مستغرب..خلينا نحن... |
العزيزة تماضر.
بتفق معاك في دي, وتحياتي للأخت منى.
الاخ السنى.
والله أنا بتمنى أكون دائما معاكم بي جاي. لكن زي ما عارف, عندنا مهمة تانية في البورد ده.
دينق.
|
Post: #106
Title: Re: ترترة
Author: يوسف سعد
Date: 06-19-2006, 04:39 PM
Parent: #104
ياحليلك بقيت تترتر بى وراى
والله انا كان عارف كده ماكنتا مشيت
|
Post: #109
Title: Re: ترترة
Author: محمد سنى دفع الله
Date: 06-19-2006, 05:55 PM
Parent: #104
دينق العزيز
شكرا وماقصرت
وكل ما تزهج من المداولات وتقفل معاك
تلقانا نحن في رجاك
ومرة ثانية نحن سعداء بمرورك
واتاحة فرصة جميلة لنعرفك اكثر
ومحبتي
|
Post: #110
Title: Re: ترترة
Author: محمد سنى دفع الله
Date: 06-19-2006, 05:57 PM
Parent: #109
شــــيــكــو مـــايــا
يوسف ياصديقي
انت عايز ليك سبب عشان تجي
مش ؟؟؟
مودتي ومحبتي
|
Post: #111
Title: Re: ترترة
Author: انعام عبد الحفيظ
Date: 06-24-2006, 06:01 AM
Parent: #110
up
|
Post: #112
Title: Re: ترترة
Author: عصام عبد الحفيظ
Date: 06-26-2006, 05:33 PM
Parent: #111
نقول شنو بعد ده
بس خـــــــــــــــلاسسس
|
Post: #113
Title: Re: ترترة
Author: محمد سنى دفع الله
Date: 06-27-2006, 05:44 AM
Parent: #112
بس خلالالالالالالالالالالالالالالاس
ده كلام يا عصام
انا فاكرك جبت لي صورة جبجبة ولا صورة عروس في سيرة
ولا صورة عريس انطط في نص الدايرة
ولا صورة ام العروس وهي بدخل الضيوف لي جوة
جايني وكاميرتك فاضية
عصام خصمتك توصل السلام لي طــــلال عفيفي
انا الايام دي في مصر
وتوقع صور وكلام كتير عن تفاصيل الترترة
من الخبيرة
ســـــــــتـونـا
وحتى اشوف صورك
مودتي
|
Post: #114
Title: Re: ترترة
Author: معتصم دفع الله
Date: 07-03-2006, 02:24 AM
Parent: #113
|
Post: #115
Title: Re: ترترة
Author: محمد سنى دفع الله
Date: 07-03-2006, 05:06 AM
Parent: #114
معتصم أخوي
لك المحبة والمودة
البوست مفتوح لمثل هذا الإبداع
ولك الحب كله لم اواصل في البوست نسبة لاني في رحلة بالقاهرة
ولكن واصلت البحث في القاهرة مع الأستاذة سمية الطيب فنانة العرائس ومصمة الأزياء وهي تعمل في ماينر عن الحكايات الشعبية وأثرها على المسرح في السودان
كما أسجل مع المغنية ستونة العديد من التفاصيل الصغيرة عن العقود من السوميته الى سبحة اليسر
معتصم أخوي لك الشكر وتابع معنا تكملة الترترة
وسوفننزل الصور للتفاصيل قريبا
لكم مودتي
|
Post: #116
Title: Re: ترترة
Author: شادية عبد المنعم
Date: 07-03-2006, 08:19 AM
Parent: #1
يا سلمى الشيخ يا فنانة الفن كلو
خصمتك بالرسول تشدي ليك كاميرا فيديو ولا تشوفي العيال المسنوحين
ديل يساعدوك في هذا المشروع الخطر
ولا أقول ليك ما تشوفي يوسف سعد؟؟
ياخي الفيديو مهم في الشغلة دي والكتاب خليهو هارد وسوفت كوبي يعني توثيق صورة وصوت
أحي لو كنت قاعدة في الخرطوم اليومين ديل
كنت اجتهدت معاك
بالشورة ما ذاتي يدي اقصر منك
استمري يا سيدتي ِ
|
Post: #117
Title: Re: ترترة
Author: سلمى الشيخ سلامة
Date: 07-03-2006, 11:28 AM
Parent: #1
يا شادية اتمنيت لو كنتي معايا ؟؟؟ لكين ساحول المستحيل ممكنا ,لافي لكم بوعدي ، هذه الايام اوقفت التسجيل لانني اعمل في ورشة لتطوير الدراما في التلفزيون ، تعرفي كلما تجي تهبشي حاجة تلاقي المشاكل كوم ، لكين وحات ابو ادريس بسويها وما صعبة بس دايرة انكرابة شوية مني ، شكرا ليك يا جميله ، وخلي شباك الود فاتخ عشان يخش الهمبريب .
|
Post: #118
Title: Re: ترترة
Author: محمد سنى دفع الله
Date: 07-30-2006, 09:03 AM
Parent: #117
[B]ترترة
تترترالعروس ، وتزيدفي الترترة .مع الإيقاع المترتر من الدلوكة ، وياخذها الحماس لتنوع في الحركات الإستعراضية الصعبة وتتلوىوتسوح وتموح محاكية الغصن اللدن الذي يطرب لوشوشةا الريح وهي تتجول في مرورها العادي بين الأشجار .
فتنتشي الأغصان وتسكر من الطرب وتسلم نفسها للنسيم ليميلها كما يشاء ..
ياعروس موحي
ياعروس سووحي
وزيدي في الدوران
وتدور العروس في حركة رشيقة ، وترترمبتعدة عن العريس الذي ضرب لخمة من الحركة السريعة وخاطفةوقبل ان يتحرك لعروسه ،تتقدم اليه مع الإيقاع الذي اختلف بهدوء خادع كأنها تريد انهاء الرقصة وقبل ان تختم المغنية أغنية السوحان تنـزل العروس للأرض
محاولة تسجيل هدف علىالعريس ولكنه كان اسرع ،،أمسك بها وأوقفها وسط الدائرة..وتعالى الصراخ من الشباب ،والشابات أطلقن زغاريد الفرح والنساء الناضجات والحبوبات الجميلات زي بنات بناتن يضحكن على العريس الذي مازال واقفا وهو يحتضن حمامته لا
يريد ان يعيدها للتحليق مع الأنغام .. ( عريس شي فت ))
العريس نارو حيه
ووب وبين عليا
العريس نارو حيه
بعد ان قطع العريس الرحط ، يظهر دور المعلمة (( العلامة البتعلم العروس الرقيص )) فتقدم العروس فاصلا منغردا من الرقص الساحر
وتظهر فيه مجموعة من الحركات البديعة والتي أتقنتها من خلال التمارين المتواصلة اليوميةوالتي يتحول فيها منزل العروس الى موقع خاص بالنســـاء ، عالم سري جميل .. المهم أخر الأمر ان تقدم العروس رقصة مبهرة، تبهر بها الجميع لنسمع جمهور النساء المحتشدات في فناء الدار ،، يرددن مع كل حركةانيقة،،
زيـــنـــــــة
ســـــمــحـــة
ســـــــــــى
وحينما تتقن الخطوة وتبدع فيها والعيون المنتابعة تتشحط عليها تصيح المعلمة بأعلى صوتها
وحـــــــــدو
لااله الا الله
والعروس راضية بما وصلت اليه من خلال التدريبات وتمنح المعلمة ابتسامة شكر وتقدير
لتصيح المعلمة مرة ثانية ،قولوا ماشـــاء الله
وتعلو الدلوكة في فرح جنوني
ما
ماشـــاء الله[/شـــاء الله
ماشـــاء اللهpurple]
|
Post: #119
Title: Re: ترترة
Author: عصام علي أحمد
Date: 07-30-2006, 11:57 AM
Parent: #1
السنى ياعسل ،،،،،،
أنا منتظر الصبحية
وفطور العريس
|
Post: #121
Title: Re: ترترة
Author: محمد سنى دفع الله
Date: 07-30-2006, 02:27 PM
Parent: #119
حبيب نورة
محبتي ومودتي وتابع الترترة
واشرب القهوة وتني معانا يوم فطور العريس
شكرا لمرورك
واشوفك في السيرة
محبة ومودة
|
Post: #122
Title: Re: ترترة
Author: محمد سنى دفع الله
Date: 07-30-2006, 02:37 PM
Parent: #121
عصام على أحمد انت فاكر العريس وصل كيف لي هنا؟؟؟؟
مافي حنة وقيدومة وسيرة صغيرة وسيرة كبيرة
مافي فطور عريس ؟؟
كلو ده في، بس انت تابع معانا ترترة
لك المحبة والمودة
|
Post: #123
Title: Re: ترترة
Author: عبدالكريم الامين احمد
Date: 07-30-2006, 02:53 PM
Parent: #122
وينك يا السني ..
عامل شنو مع البلد..
والترترة مدورة..يا ترتار
انت عارف القصة فعلا قلبت لانو الحنة الاساسية (بقت) حنة العروس
وهي الحنة الكبيرة وبعملوا ليها (شنة ورنة) والقصة بكون فيها فنان وعزومة ليها ضل..
اما العريس فراح شمار في مرقة...
|
Post: #124
Title: Re: ترترة
Author: محمد سنى دفع الله
Date: 08-05-2006, 04:58 PM
Parent: #123
ياجماعة النجدة
شايل كمية من الصور شئ حنه وشئ زفة
وماعارف كيف نحمل الصور
عايزين موقع للتحميل
أيها الخبراء
تمبس ؟؟؟
عصام عبد الحفيظ عندو عطل فني في الجهاز الخاص به !!!
أقع وين ؟؟؟؟؟
|
Post: #125
Title: Re: ترترة
Author: ضحيه ابراهيم
Date: 08-08-2006, 10:36 AM
Parent: #124
السنى الوريف
وينك ..والله فاقدنك وبعدك رحل كل الغمام الفى الصنوبر كان مقيم..
تعال شوف نحنا اتملطشنا كيف؟ شىء مؤامرات من كيكى.. وبدرالدين.. وناس جدد ورئاسات وتحالفات.. وخيانات بالكوم.. والله فقدناك وانا شخصيا مستنى عودتك على احر من الجمر ودرمليه صار فنان وممثل
ومغنى وود الامير اخر خيانات وعبد الكريم عامل زى ورق عباد الشمس بقى ماعندو لون ثابت واييييييك حاجات كده خليها ساى لما تجى بحكى لك بالتفصيل.. اتمنى لك اجازه سعيده..
بالنسبه لتحميل الصور حمل من الموقع ده w6w.com
|
Post: #126
Title: Re: ترترة
Author: Aymen Tabir
Date: 08-15-2006, 07:07 PM
Parent: #125
محمد السني
يا رايع
وينك ..
مالك مخلي الحفله دي زي الفرتقوها ناس النظام العام..
انا عارف انك مستمتع بالترترات الجدجد في السودان
لكن في انتظار عودتك بالسلامه
والترتره لي قدام
|
Post: #127
Title: Re: ترترة
Author: محمد سنى دفع الله
Date: 08-16-2006, 03:51 AM
Parent: #126
العزيز أيمن
شكري الجزيل ومودتي
ياخي معاي السيرة والحنة والشموع ومعلومات وصور بس بنظم في جدولي
جاي ومعاي الدهشة زاتة ..
تحياتي ومودتي
وتابع ترترة
|
Post: #128
Title: Re: ترترة
Author: shahto
Date: 08-16-2006, 04:05 AM
Parent: #127
يا علب الفرته و لع لي نحرقوا
ومن يومك الفته و لع لي نحرقوا
قصدك قصدك مشتاقين ما لقوا مالقوا و لع لي نحرقواااااا
حرموك من الرقيص و د..... شرط القميص يازينه و الذمان لاذم يعود
حرموك من ود عمك و العذاب اسبابو امك يازينا الذملن باكر يعود
طبعا القماشة الخرطوم باليل و الدانتيل احمر و الرحط حلد شرائح مدخنة و دهن الكركار ووووو و الشنو شنو
و كان السوداني متصالح ماعندو الانفصام الاجتماعي و شايف نفسه في سطح النيل و عاجباه نفس كدهههههههه
ياسني ياجميل و حمد الله التقيتك و الاخوة هناك و روحي معكم
|
Post: #129
Title: Re: ترترة
Author: محمد سنى دفع الله
Date: 08-16-2006, 04:11 AM
Parent: #128
ده كلام شنو يا شـــــــــاتو
انت لسه الظاهر عليك ما سمعت الأغنية الضاربة في الخرطوم الأيام دي
البتقول راجل المرة حلو حلا... وكده
مودة ومحبة
|
Post: #130
Title: Re: ترترة
Author: shahto
Date: 08-16-2006, 04:19 AM
Parent: #129
معليش يا جميل يا حلو
انا ما كومر قديم
د ما غنا سنة ستين
و كانت العزبة هي الحلوة
هاها
و الله د بوست مريح و ناسو فنانين و انا روحي معكم و ووو
|
Post: #132
Title: Re: ترترة
Author: محمد سنى دفع الله
Date: 08-16-2006, 02:46 PM
Parent: #130
شـــــــاتو
كومر ، القريب ده
انت لازم تسمع اخر اغنية توب في الخرطوم
( راجل المره ،، حلو حلا ))
تخيل ياشاتو شوف الناس بقت تشوت كيف ؟؟
ده شوت ضفاري عديل
عشان كده ترترة بترجع الناس للغناء الظريف
والطقس اللطيف
مودتي
|
Post: #134
Title: Re: ترترة
Author: محمد سنى دفع الله
Date: 08-17-2006, 06:50 PM
Parent: #132
السيرة الأولى
الحارة هادئة لا نسمع فيها سـوى صـياح الديوك وهي تســتقبل الملائكة نازلة على العريس ، والأصحاب تحلقوا حوله وهو سعيد ضاحك يمازحهم بمودة ، في هذه الأثناء يدخل من حوش النسوان أحد أعمام العريس .سايقاهو الهاشمية ، يصيح ابشر ياعريس ، لحظتها ترتفع كل الأبدي في حركة تلقائية بفرح صادق : ابشر بالخير ..
ويحضن العم العريس بحنان أبوي ويضمه إليه
يلا يا جماعة السيرة مرقت..
وتتعالى الضحكات التي ولدت من ابتسامات الأصحاب وهم يرمون نكاتهم السرية للعريس عن الذي ينتظره ..
وصلت لمة الأصحاب عند النساء المجتمعات أمام البيت الكبير ، وأول ما رأت الجدة حفيدها قادم إليها مثل الملاك .صاحت بصوتها الحنين وبمودة حميمة :
النقدة النقدة
وتعالت الزغاريد محلقة للسماء ، مارة بسرب من الحمام حط على سقف البيت المقابل في استرخاء ن لكن الزغاريد جعلته يفقد مزاجه ، فطار بعيدا عنها تاركا لها مساحة لتصعد للسحاب الذي خضب أطرافه بحناء ضوء الأصيل
يلا ياعريس خلي السيرة تتحرك
اليله سار ياعشايا
عديله ليه
هذه هي السيره الأولى يوم القديومه يوم حنة العريس الأولى ،كانت تتحرك في اتجاه( البحر) النيل ، وكلمة نيل في اللغة الكوشية القديمة تعني الإله الذي يشرب لهذا كان الناس في الزمن القديم يسيرون للنيل للتبرك وتغيرت العادة وأصبح الناس يسيرون للنيل للفأل وأضافوا له رموزا جديدة جريد النخل وغصن الليمون ..ما علينا العريس يقود زفة الفرح والبهجة في سيرة الأصحاب والأطفال والنساء الجميلات ، والدلاليك ..لا يحسون بالتعب ولا يملون من الغناء .والمرأ ة التي تحمل الدلوكة على كتفها تسير بمهل ممايتيح للمغنية الضرب على الدلوكة والغناء بسهولة لينتظم سير السيرة على إيقاع الأغنيات الشجية
عريسنا سار البحر
ياعديلة
وقطع جرايد النخل
ياعديلة
الأطفال وحدهم من يعطي السيرة رونق وبهجة ينطط ون ويقلدون الكبار ويغنوا الأغاني على كيفهم ..
إلا أن يصلوا البحر ، وياخدوا وقفتهم وهاك يالهرجي والمظارفه والغناء والعرضه والرقص الخفيف والتقيل ويغسل العريس وجهه للمرة الأخيرة ،
ياعديله يابيضا ياملايكة سيري معا
الليله شويم بي قدرة الله
ويعود الموكب الصغير تاركين ضحكاتهم وباقي الأغنيات على الضفة ، أما أفراحهم فقد حملها النيل الى القرى المجاورة .فإذا نظرت الى الضفة الثانية وجدت مزارعا بين جروفه وصله صوت الزيطة والزغاريد فأخذ يرقص وينطط وحده ويصيح ابشروا بالخير بصوت نقي مثل النيل ..
فيردون عليه كأنه منهم وبينهم أبشر بالخير ...
|
Post: #135
Title: Re: ترترة
Author: محمد سنى دفع الله
Date: 08-18-2006, 01:28 PM
Parent: #134
أبــشــروا بالــخــير
الــســيـرة راجعة لي
الــحــنــة
إتــفـضــلـوا
أبشروا بالخير
|
Post: #136
Title: Re: ترترة
Author: محمد سنى دفع الله
Date: 08-18-2006, 03:01 PM
Parent: #135
السيرةالأولى زمان كانت العصر قبل مغيب الشمس ويعودوا بعد الغروب ليرتاحوا لمراسم الحنة ، والسيرة زمان كان يغني فيها الرجال فقط وكانوا معروفين ، وكانت حركة سيرها منظبطة ولها وقفات . والوقفة كانت للرقص والعرضة ..
نرجع لي سيرتنا .. بعد ان ارتاح الأصحاب والأهل الوصلوا من بعيد قبل أيام من الزفاف ، يجتمعوا في الحوش الكبير ،ودايما بكون الحوش القدامي يتوسطه عنقريب كبير مجهز بالملاية الحمراء المتوهجة ، او سجادة عجمية ،أو ملاية الجرتك التي تكون موجودة في كل بيت سوداني ومعها توب الســرتي مع القرمصيص والفركة الأصلية .كل هذه المقاطع من القماش يسيطر عليها اللون الأحمر ، لون الحياة وبجانبه تمتزج الألوان الداكنة مثل البنفسج والكبدي ،أمام العنقريب طاولة بها صينية بها صحن الباشري الصيني الأبيض على حوافه يسكن الأزرق الملكي لون النيل ،عليه الحناء والشموع الخجلة من ضوء الرتاين المولعة الحيشان ..
الرتاين لها جوها الخاص ولها نفس يشارك الناس فرحهم ،ولمن زول سكران بلح ولا عيون كحيلة ،ولا حتى أولاد الحلة الشياطين ، إدقشة تقع وقبل ما تتحته خيوطه تشخر وانقطع نفسه وتموت زينا واحد..اها الناس قعدت وأصحاب العريس حنبوا والحنه بدت ، منو البحنن العريس ، أكبر النسوان ومره ولادة وليها مكانه وسط أهله وليها كلمة مسموعه ، وقريبه من روحو هي البتحنن العريس ..وتخليه طول الوقت فرحان ، والإبتسامة ساكنه وشو ، وأصحابوا مادين الأيادي وعيونهم على البنات السمحات امكن القوا بت العدل ..
أخت العريس 100 حنيه
اخو العريس 200 جنيه
والأصحاب ، والعمات والخالات ، كل واحد قدر قدرتوا ، وتتواصل الفراح والكل مبتسم ومبسوط هل حصل لقيتوا عريس صاري وشو يوم حنتو لو لقيتو ا عريس مادي بوزو شبرين وصاري وشو لحدي ما جبهتو مفصدة اعرفو ان العرس ده فيه إنا ......
|
Post: #137
Title: Re: ترترة
Author: shahto
Date: 08-18-2006, 03:19 PM
Parent: #136
عوير الحلة شحتو
يقول ( اقلب ياقلاب )
في باب رب
|
Post: #138
Title: Re: ترترة
Author: محمد سنى دفع الله
Date: 08-18-2006, 03:54 PM
Parent: #137
شــــاتو
تحياتي ولك المودة
عوير الحلة والسكارى
والمشوكشين والشعراء
والغنايين والبفرتقوا الحفلة
كلهم راجين
السيرة الكبيرة والجرتك
|
Post: #139
Title: Re: ترترة
Author: الملك
Date: 08-18-2006, 05:22 PM
Parent: #1
البوست باكمله عبارة عن
توثيق مهم لأشياء ربما بدأت فى الإندثار
...
...
الحمد لله عرفنا كده عشان ما نعرس كلفتة ساى
...
...
السنى صباحك او مساء أبيض
وتسلم على الموضوع
|
Post: #140
Title: Re: ترترة
Author: محمد سنى دفع الله
Date: 08-18-2006, 11:41 PM
Parent: #139
منو البخليك تعرس كلفته ياملك
العرس ده الأحتفال الوحيد العايز نفس طويل وتحضيرات
وخطة محكمة عشان ما اطرشق
وبعدين عرسك عرس ملوك يعني عرس حتكون التكلفة فيهو عالية جدا
ليه وانت شوية انت ملك
ونحن الرعية
وقررت الرعية ان تكون على أهبة الإستعداد لي عرس الملك متى ما أمر بذلك
بس انت حدد العروس ( الملكة ) وخلي مسألة التنصيب علينا
وليك علي نعمل كل الطقوص النستة الناس الدايشة ورا شنو ما عارف !!
وبعدين ناسك الكتار ديل لو ما كفيناهم تعال طلعني من هنا
شكرا لك يايها الملك
وصورك العجيبة يوم الإحتفال سوف تصلك من خلال بريد الشوق
مودتي
|
Post: #141
Title: Re: ترترة
Author: salma subhi
Date: 08-19-2006, 00:33 AM
Parent: #1
الاستاذ الكريم السني دفع الله
تحياتي لك ولفنك ولابداعك ولمشوارك الفني الرائع .....ولقد حضرت لك مسرحية كوميدية ذات يوم للأسف خانتني الذاكرة في استرجاعهاوكانت في مسرح صالة غوردون للموسيقى بالخرطوم وبالقرب من جامع فاروق حيث يقطن والدي حسن عباس صبحي.
أضحك الله سنك ياالسني....بس الله يستر ما تخلي الناس في البورد يفكروا يعرسوا تاني بعد الوصف القريته ده....والله يهدي النفوس
وياعديله يابيضاء......
سلمى صبحي
|
Post: #142
Title: Re: ترترة
Author: محمد سنى دفع الله
Date: 08-19-2006, 00:53 AM
Parent: #141
سلمى صبحي
يايتها الفتاة الجميلة
ايتها الصبية النيلية
القمحية المشاعر
البيضاء الفؤاد
ماذا فعلتي بي
ليعود لذاكرتي كل هذا الحزن النبيل
وكل هذا الدمع المالح
أتذكرك صغيرة وبهية
فوالدك هو استاذي لمادة تاريخ المسرح
والدرسات النقدية
وكان يترجم لنا شكسبير مباشرة
سلمى صبحي الصغيرة التي لاتستقر ضفائرها
المسرحية كانت ( نقابة المنتحرين)
تأليف النعمان حسن واخراج عادل حربي تحياتي للأسرة ولكي مودتي
صحيتي الأيام الجميلةوحب لأستاذ قل ان يجود الزمان بمثله
لك الشكر وأسفي لودلفت بك للأحزان
|
Post: #143
Title: Re: ترترة
Author: محمد سنى دفع الله
Date: 08-19-2006, 00:53 AM
Parent: #141
سلمى صبحي
يايتها الفتاة الجميلة
ايتها الصبية النيلية
القمحية المشاعر
البيضاء الفؤاد
ماذا فعلتي بي
ليعود لذاكرتي كل هذا الحزن النبيل
وكل هذا الدمع المالح
أتذكرك صغيرة وبهية
فوالدك هو استاذي لمادة تاريخ المسرح
والدرسات النقدية
وكان يترجم لنا شكسبير مباشرة
سلمى صبحي الصغيرة التي لاتستقر ضفائرها
المسرحية كانت ( نقابة المنتحرين)
تأليف النعمان حسن واخراج عادل حربي تحياتي للأسرة ولكي مودتي
صحيتي الأيام الجميلةوحب لأستاذ قل ان يجود الزمان بمثله
لك الشكر وأسفي لودلفت بك للأحزان
|
Post: #144
Title: Re: ترترة
Author: salma subhi
Date: 08-21-2006, 11:29 AM
Parent: #1
استاذنا السني
عصفت بي الرياح وراح من الدنيا ما راح ولكن بقي الأمل والتفاؤل والطموح دفة لقيادة مسيرة حياتي ومرسى لسفينتي.
أشكر والدى ووالدتي هند الجميلة رحمة الله عليهما على كل ما علماني من مدرستهم في هذه الحياة.
ٍِsalma subhi
|
Post: #145
Title: Re: ترترة
Author: محمد سنى دفع الله
Date: 08-21-2006, 02:30 PM
Parent: #144
عصفت بك الرياح
ايتها العصفورة
تصفو لك الدنيا
وتبتهجي
كوني سمندلا
يتوهج
ويحلق
في سماء الابداع
فرحتي بلقباك
لاحدود لها
كل المنى ولأهلك كل التحايا
وتابعي معنا ترترة
|
Post: #146
Title: Re: ترترة
Author: Emad Abdulla
Date: 08-21-2006, 03:15 PM
Parent: #145
الســـــــــــــــــــــــــــــــــــــــــــني ..
!!!
|
Post: #147
Title: Re: ترترة
Author: محمد سنى دفع الله
Date: 08-21-2006, 03:38 PM
Parent: #146
عــــــــمــــــــاد
مشيت مصر وتجولنا فيها ليلا وشربنا الشاي والقهوة مع الصبيات الجميلات
ودقينا الونسة مع لفيف من الأصدقاء لمن اتلفو في حبال الذاكرة والونسة كانت بترجع بيتها وهي تالفة الأعصاب من الدق ..ونزلنا اسوان وبتنا في حلفا واتكتحنا بالتراب في قطر السودان ونزلنا عطبرة ولم نجد الحديد ولا النار ، نيل دافر والأتبراوي داقش والبلد مليانة مويةولسة بنمارس في قطع الأحزمة الشجرية وشوارعنا اتملت بالعواميدالمكهربة عكس عواميد الجرايد الباردة بدون تلج .بي ده كلو مره مره بتذكرك
تخيل الباقي خليه لي بوست رحلتي
بتذكرك تخيل
عــــــــــــــــــــــــــــــــمــــــــــــــــــــــــــادـ
|
Post: #148
Title: Re: ترترة
Author: Emad Abdulla
Date: 08-21-2006, 03:59 PM
Parent: #147
Quote: عــــــــمــــــــاد
مشيت مصر وتجولنا فيها ليلا وشربنا الشاي والقهوة مع الصبيات الجميلات
ودقينا الونسة مع لفيف من الأصدقاء لمن اتلفو في حبال الذاكرة والونسة كانت بترجع بيتها وهي تالفة الأعصاب من الدق ..ونزلنا اسوان وبتنا في حلفا واتكتحنا بالتراب في قطر السودان ونزلنا عطبرة ولم نجد الحديد ولا النار ، نيل دافر والأتبراوي داقش والبلد مليانة مويةولسة بنمارس في قطع الأحزمة الشجرية وشوارعنا اتملت بالعواميدالمكهربة عكس عواميد الجرايد الباردة بدون تلج .بي ده كلو مره مره بتذكرك
تخيل الباقي خليه لي بوست رحلتي
بتذكرك تخيل
عــــــــــــــــــــــــــــــــمــــــــــــــــــــــــــادـ |
.. بتذكرك ..
كرك ..
كرك ..
( صوت أُكرة باب جواني ) ..
فتحتو ليك .. أمرق مني .
مرقت ؟؟
يللا نبشر و ناخد الشبال ..
نرجع ورا الصيوان ..
رجعنا ؟؟
أمسك ده ..
أجغم بسرعة .. ONE GO
عندي ليك شوق .. و ..
يا ســــــــــــــــــــــني .
|
Post: #149
Title: Re: ترترة
Author: محمد سنى دفع الله
Date: 08-21-2006, 04:13 PM
Parent: #148
انت جغمتني شنوووووووو
انا ماشي أنوم امرق مني !!
|
Post: #150
Title: Re: ترترة
Author: salma subhi
Date: 08-22-2006, 00:26 AM
Parent: #145
استاذنا السني
أشكرك على كلماتك اللطيفة التى كان لها صدى طيب على النفس، وكونك ذاكراً لي ولوالدي فهذا من نبل الأخلاق.
سنبقى معك في ..........ترترة لكن!!!! العروس ياأستاذ اذا ترترت من غير ما تعاين أو تفتح عينها شويه ياها الوقعت.
وبالمناسبة أنا نشرت مواضيع عن بابا منها قصيدة ماذا يكون حبيبتي التي تغنى بها كابلي وبدأت بنشر قصائده من ديوان طائر الليل وسأواصل
salma Subhi
|
Post: #151
Title: Re: ترترة
Author: عبد الناصر الخطيب
Date: 08-22-2006, 05:06 AM
Parent: #1
أستاذنا الجميل / محمد السني دفع الله
مرور على البهجة دي نجامل ونسلم
ولك الود كله
|
Post: #152
Title: Re: ترترة
Author: عصام عبد الحفيظ
Date: 08-22-2006, 08:55 AM
Parent: #151
صورة للسنى وهو بترتر ونائم !!!!
|
Post: #153
Title: Re: ترترة
Author: محمد سنى دفع الله
Date: 09-22-2006, 07:40 AM
Parent: #152
عصام عبد الحفيظ
صديقي العزيز
اجمل مارايت في رحـلتي الأخيرة
انك عرفتني على طلال عفيفي
وعرفت جمال الخوة الصادقة وروح الألفة
ولكن عارف روح الفنان فيكم
ومدى الإحباط الذي لازمكم خلال اليام الفائتة
مدىالألم والحزن
مدى الحيرة
ولكن رغم هذا
محبتي لكم
ومودتي وشوقي الدائم
طلال وعصام [/purple]
|
Post: #154
Title: Re: ترترة
Author: محمد سنى دفع الله
Date: 10-08-2006, 04:30 AM
Parent: #153
ترترة
نواصل
|
Post: #155
Title: Re: ترترة
Author: نادر السوداني
Date: 10-08-2006, 04:39 AM
Parent: #154
سني الجميل جيت وغنيت ليك ام دور وماشفتك جيت بشرتة ونتة مشقول مع الترترة الميهجيجة
بحبك موت
|
Post: #156
Title: Re: ترترة
Author: محمد سنى دفع الله
Date: 10-08-2006, 07:40 AM
Parent: #155
نادر السوداني
التحية والمحبة
ان منتظر ست التعليمة
وجايب ليك التعليمة بالتفاصيل الدقيقة
والثواني الرهيبة
وبعد داك بنمشي سوا للجرتك وليلة الدخلة
اها بعد داك بجيك نغني ام دور
اتظرني ودوزن الأنغام على قلوبنا[purple]
|
|
