Post: #1 Title: ـــــــــــ أمــــــــي ــــــــ Author: محمد سنى دفع الله Date: 03-07-2007, 10:21 PM
الـيـد الـواحـدة ما بتضفر ليها برش مثل جديد لنج نحن في حاجة لي برش جميل بطول النيل ملون بي تراب بلدناومزخرف بي زهور الجبل وورود الحقول ، نوهط فيهو أماتنا ، ونحبهم طول العمر ... صباح 8 مارس والعالم بقى أصغر من قرية بكتب عنهن عن المرأة النيلية لون القمحه أمي ستونه بت محمد ودسلمان عن الوردة السامية في علاها أختي سامية عن زهرة السوسن أختي سوسن عن الأم صاحبة المكتبة ماما فائزة محمد عابدين عن حبوبه ســــــنــوده *** لكل نساء بلادي العاملات محيتي ومودتي ودمي ودموعي ...
Post: #2 Title: Re: ـــــــــــ أمــــــــي ــــــــ Author: محمد سنى دفع الله Date: 03-07-2007, 11:07 PM Parent: #1
في بداية الأربيعنات من القرن الماضي دخلن خواجيات القطينة واختارن من بنات المدرسة بعض الطالبات امشن اقرن في الخرطوم والقراية في الوقت داك ممنوعة على البنات حتى ولو حدا البيت تقوم البت تسيب القراية في حتتها وتمشي الخرطوم ، شالن حته من اترها أخواتها الصغار فاطمة ومريم كانن وحيدات ما ليهن اخو .. سافرت وقطعت كبري النيل لي أمدرمان وفي مدرسة القابلات درست كيف تضيف للدنيا روح جديده وكل خميس تلاقي اهلة في بيت المصري الكبير جدنا ،وقرت كيف تكون زائرة صحية واتعلمت الرسم والتدبير المنزلي وحب الناس .. واشتغلت في الأبيض وصاحبت ملكة الدار وأختا ليهن اسمها ريا ، قالت لي ريا دي كان فيها أجمل صوت ودايما تقول لي أجمل بنات عندهن صوت ما غنن !! ورجعت الخرطوم وبعد اتزوجت مشت مدني واشتغلت في مدرسة القابلات وفي النهاية استقرت بدار الأمومة بإشلاق البوليس تعلم وتولد وتملك الناس الجمال وانا طفلها الأول كانت تتركني في قسم الموسيقى اسمع موسيقى الدنيا من الصباح لي الضهر ، لاببكى ولايحزنون اتابعني المنصورى في كل حتةشفت هناك جمعة جابر واسماغيل عبد الرحيم لهم الرحمة وكودي العظيم الذي يتفنن في قيادة الفرقة الذهبية لموسيقى النيل الأزرق ،، كانت امي في ذالك الوقت تنقل للنساء أهم تجربة في مدني والسودان الجمعية التعاونية..
التحية و التقدير لكل أم سودانية وكل سنة و كلهن بخير وإنت بألف خير....
يحكي جميع سكان مديرية النيل الأزرق الكثير عن كودي المايسترو الشهير هل لديك أي معلومات موثقة عن الرجل أو صور و تحياتي لأستاذنا المنصوري كان جنبك إحتراماتي و شوقي
Post: #23 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 07:52 AM Parent: #5
أزهري الحبيب لك التحية والمحبة سوف افتح بوست عن موسيقى النيل الأزرق وأجمع مادة عن كودي العملاق وتحياتك عن المنصوري وصلت واتمنى وجودك معانا مودتي
سلامات وعوافي يا السني محبتي لي يما ستونة بت ود سلمان .. ولكل ام في هذه الارض من لدن امنا الكبرى "حواء" ولي اخر ام ترضع طفلها الان وجبته الاولى .. الامهات يا سيدي مفتاح الخير والخيرات في هذه الارض "وفي سري اقول لولاهن والاطفال لازاح الله اعمدة السماء لتهوي علي الارض" .. فالجنة تحت اقدامهن وهم "اي الاطفال" احباب الله .. وليتني استطيع ان اكتب عن امي "رملية بت حليمة بت الحسين ودشاع الدين" "وهي رملية بت احمد ود محمد ودالمجدوب"..واخاف ان اكتب عنها وخوفي هذا "جبن" كون سيرتها احق بالنشر والتعريف فاني احبها حب الكون .. ويحبها اصدقائي وتحبهم ..انا مكنى باسمهما من فرط حبي لها .. فمنذ صغري "وانا الذي توفى عني والدي وتركني لين العمر" فتحت عيني ووجدتها هي امي وابي فكنت دائما اذا ما دع الظرف حلفت باسمها حتي بات اصدقائي لايصدقوني ان لم احلف بها فسارت تسميتي "بودرملية" .. باسلة هذه المراة يا السني باسلة مناضلة .. عندما توفي الوالد التف حولها اخوانها وابناء عمومتها وابناء خالاتها علي اساس ان يقفوا معها في تربيتنا .. فرفضت وقالت لهم"انا بيعيشوني عيالي ديل ويعيشو اخواتن" اي والله العظيم كنا ثلاثة اولاد وثلاث بنات اكبر ولد كان عمره 14 سنة وانا كان عمري حينها 6 سنوات واخي صديق 8 سنوات بينما تكبرنا جميعا بنتين وتصغرنا جميعا الامورة نسو .. وهكذا بدانا الطريق .. الطريق الي حياة سليمة وعفيفة .. كان منزلنا برغم فقرنا قبلة الاهل والاحباب .. وكانت الوالدة "بشلوخها الجميلات" تقضي كل وقتها في راكوبتها وفي خدمة ضيوفنا وضيوف البيت عموم .. كانت ام "من سيدات الجنة" رحمها الله رحمة واسعة وجعل الله قبرها روضة من رياض الجنة .. ثم كان بيتنا قبلة للعالمين .."
Post: #22 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 07:49 AM Parent: #6
استاذي الجميل السني سلام واشواق كثيره شكرا علي هذا البوست الانيق وعبره نهدي المحبه والتقدير والابتسامه العذبه النديه لكل ام ولكل اخت ولكل ابنه ولكل صديقه واكاليل الورد لهن جميعا للتي تربي النشئ - تحترق لتضئ للاخرين الدروب وللاخريات اللائي قدمن خبرتهن في مدرسة الحياة وللمتفانيات في تضميد الجراح ملائكة الرحمه للمبدعات في كل مجالات العطاء وللتي تبتسم في وجهك فتكتب لها صدقه اليهن جميعا انحني اجلالا وتقديرا وفي الخاطر ابدا امي الحبيبه لها الف رحمة ونور
الصديق الرائع محمد السني .. التحية لكل الامهات في كل بقاع العالم التحية لبسالتهن وعطائهن السخي والذي لا ينضب التحيه للتضحيات التي يبذلنها في سبيل ابنائهم وبناتهم التحية لك ايها الرائع وانت تمجد و تبجل من يستحق التمجيد والشكر برغم ان عطائهن لا يطمع في تمجيد ولا شكر
Post: #26 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 08:01 AM Parent: #8
د. المعز عبد الباقي العجيمي المودة الصافية التحية لكل الباسلات من نساء بلادي التحية لكل إمرأة عاملة في بلد المليون محنه والتحية لكل الرجال العظماء الذين يقفون ورا العظيمات مودتي
Post: #24 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 07:57 AM Parent: #7
أختي الفنانة إحسان الشفيفة وينك ما تقولي لي شالتك المنافي البعيدة واتغربتي ربنا ارد غربتك ولو في الوطن ربنا ازيدك وانجح مقاصدك وفي يوم المرأة اتمنى لك كل جميل مودتي
Quote: ،، كانت امي في ذالك الوقت تنقل للنساء أهم تجربة في مدني والسودان الجمعية التعاونية
السنى الثمين...احب امك ياخى،،،،
Post: #27 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 08:06 AM Parent: #9
صديق الموج وأنا بحبك موت فكرة التعاون لمن دخلت مدينة مدني واتنفذت في الإشلاق كانت حدث مثير وقامت أمي نقلت التجربة للأحياء لمت نسوان الفريق وجمعوا القروش ونزلن السوق وإشترن حاجات الشهر وبي عربة كارو دخلت حي الدرجة شايلة مواد التعاون وبي عبار ومقدار كل مره شالت حاجات الشهر وخلو خشم عم علي اليماني ملح ملح نسوان املوا العين وافضلن أماتنا المج أحبك
Post: #10 Title: Re: ـــــــــــ أمــــــــي ــــــــ Author: Raja Date: 03-08-2007, 01:21 AM Parent: #1
سني يا عزيز..
التحية لأمنا الكريمة ستونة بت محمد سلمان
كل الود
..
Post: #11 Title: Re: ـــــــــــ أمــــــــي ــــــــ Author: خالد المحرب Date: 03-08-2007, 01:31 AM Parent: #10
الاخ السنى تحياتى المابكرم امو ناقص يفتش نفسو حتى لو اعجب به الاخرين
Post: #13 Title: Re: ـــــــــــ أمــــــــي ــــــــ Author: علي طاهر Date: 03-08-2007, 01:44 AM Parent: #11
قَرنُ من المجدِ الذي قد صاغ فينا الأُمنيات و بنا لنا في الحُبِ صرحاً شامخاً لحنُ يسربلُنا بعذبِ الأُغنيات و مساحة العلم الذي صُغتيه فناً خالداً يبقى لنا جِيلُ الثبات هيا أرفعي عَلمْ الصُمود و شُعلة الفكر المؤجج روحه و الحلم و الآمال فينا باقيات ما زال للضوء دروب قاتمة هيا اطردي منا ظلام الأُمسيات أُمي .. و أُختي .. بعض روحي .. مُهجتي أبقي لنا روحاً تُجمّعنا معاً حتى الممات ..
علي طاهر
Post: #34 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:00 AM Parent: #13
آدام الله بينكم العافية والصحة آدام الله بينكم المحبة والمودة وشكرا ليك أخي علي الطاهر دايما ايامك نقية وندية مودتي
Post: #30 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 09:03 AM Parent: #11
خالد العزيز تحياتي وتقديري زشكرا لمرورك مودتي
Post: #28 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 08:10 AM Parent: #10
السني:أول مرة أعرف أنك البكر في العائلة المجيدة.كفارة!!ألحق يا بدر السني طلع بكر!!
Post: #37 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:06 AM Parent: #14
دكتور مسعود انا البكر بفعل موت أخي الكبير يحي عشان كده عندي عقده من حكاية الأخو الكبير مرات بديها لي أخواني اكونوا علي اخ كبير وقشروا بيها تصور ؟؟ مودتي
Post: #38 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:09 AM Parent: #15
الحبيب الغالي الصائغ سيد الدهب الملون برضو منتظرينك وعندك كلام كتير لكل الأمهات العاملات التحية ومجاملتك مقبولة مودتي
Post: #16 Title: Re: ـــــــــــ أمــــــــي ــــــــ Author: على عمر على Date: 03-08-2007, 02:25 AM Parent: #1
فى يوم 25مارس العام1996 قلت لاستادتنا السوسنه بت الستونه انا مارق هاجى (واريتنى كان ماهجيت) قالت لى خلاس تعال لينا فى البيت نديك جوابات للسنى
المهم مشيت ليهن فى البيت.. و قمت قابلت امنا ستونه بت محمد ود سليمان فقامت قالت لى قول لمحمد (وكان اول مرة اعرف انو السنى دفع الله اسمو محمدساى) عرفت انك مسافر قالو للدنمارك .. (والغريبة هو اصلو كان وقتها برا السودان لكن فى دولة عربية ) فعليك الله قول ليهو عافية منك ورضيانه عليك..وقبال ما تسافر تعال عرس وبعد داك سافر لانو الغربه دى بتدورلها مرا ــــــــــــــــــــــــــــــــــــــــــــــــــ
وماعارف السنى تانى سوا شنو محبتى الى كل النساء والى السنى
Post: #17 Title: Re: ـــــــــــ أمــــــــي ــــــــ Author: Sawsan Ahmed Date: 03-08-2007, 03:05 AM Parent: #16
الاخ السني لها ولهم ولك الود كل عيد وهم اكثر دفئا
انا مشتاقه لامي..........
سوسـن
Post: #18 Title: Re: ـــــــــــ أمــــــــي ــــــــ Author: Osman Musa Date: 03-08-2007, 06:14 AM Parent: #17
ألاستاذ النجم السنى سلام تخيلت صورة السيده الفاضلة المجاهدة ستونه وهى تشبه سيده وجمالا فريد.. خلوقوها زى ما تريد.. فى خدودا وضعوا الريد ________ كانت أوفر الناس حكمة لما قالت ألشافع دا طالع زى ود نفاش 1000.000 شوال محبة الى المجاهدة ستونه تحياتى اخيك عثمان عبدالرحيم موس
Post: #19 Title: Re: ـــــــــــ أمــــــــي ــــــــ Author: شهاب الفاتح عثمان Date: 03-08-2007, 07:14 AM Parent: #18
العزيز السنى والاحبة اعضا ء البورد ولسادة القر اء
التحية على هذا البوست الوفاء. التحية لامك الكريمة و امي فاكهة الدنيا و كل ام شكرا كل عظيمة . شكر ا كل ام شكرا لجمال الدنيا المراءة
التحية الى ستونة أول من استقبلنى فى هذا العالم..ولدت انا على ايادى ستونة البيضاء فى مدينة ودمدنى .. السنى...تحياتى تاج السر حسن الملك
Post: #45 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:39 AM Parent: #20
تاج السر والله بختك يعني انت بتعرف امي قبل ما تشوفني هي اول من شاهدتها من خلق الله بعد داك اخدت ليك كم صرخة ولفوك وختوك في سرير وهدهدوك ليك التحية والمودة وتعال بي جاي احكي لينا مودتي
يبدو ان احساسى بالأخاء تجاه ( حسان دفع الله ) له جذور و دوافع و كذلك المودة التى يكنها كل اخوتى الى السنى سببها هذه المرأة العظيمة ( و امى العظيمة برضو) و افلام سينما الخواجة و التى كان يقوم بتشغيلها عم ( دفع الله)...و ستونة لمن رآها ..امراة جميلة ثيابها ناصعة بيضاء بصورة غير معهودة فى غباشة السودان..النساء كن يرمقنها بأعجاب و احترام عميق و كن يغمطنها سرا على تماسكها و اريحيتها ..امى كانت ( تجيب سيرة ) ولادتى على يد ستونا بسبب او غير سبب اخى خالد الملك يجلس و عيونه مقلعة من الغيرة ( و انا ليييى جبتو لى نعيمة خير الله؟؟) وستونا تعلق فى العقل مثل مبنى المديرية , و اغنيات عبد الوهاب سليم وسولوهات على بطران على الترومبيت, السلام الذى يعمر ود ازرق و المدنيين و قبة سعدابى , و عم دفع الله اراه فى بورتريه خاص فى عين خيالى , جالس داخل ( المورس اوكسفورد) و القزاز منزل يتحدث بود الى ( زول) ما , و استاذ فيصل الذى علمنا فى السكة حيد الشرقية الأبتدائية , ولدتونا و علمتونا و فرجتونا فى السينما.. اها احكى ليك تانى شنو؟؟ و نحنا دققنا ليكم العيش.
Post: #72 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 10:50 AM Parent: #60
تاج السر ياملك فتحت أبواب الذاكرة على شجن ملون بالفرح وفتحت شبابيك لي نسيم الخريف اهب الناس في ونسة الضحى تعال إتحكر البوست هولك محبتي ــــــــ حسان نائمبكرة بشوف البوست وبكون ليه ونسه معاك
Post: #42 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:25 AM Parent: #19
العزيز شهاب الدين ياسيد الصور وين صورك الجميلة التحية العظيمة لي كل أمهات بلادي وزي ما قلت الجمال المرأة والمرأة الجمال وكل حبيبة فيها شي من أم ودمت مودتي
Post: #41 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:22 AM Parent: #18
أخي عثمان موسى التحية والمودة الزاهية وحب ليك ماليه حد والله من أجمل نساء الدنيا وزي ما بقولوا الناس كل واحد بشوف امو أجمل إمرأة في الدنيا البوست ده بقدر ما هو معنون ب ـ أمي ـ لكنو بوست لي كل النساء السوامق لي كل إمرأة تكابد في بلدي لي كل إمرأة حرة علمت نفسها لتحقق أحلامها سوف انزل صور ليها خليك معانا مودتي
Post: #40 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:16 AM Parent: #17
ياسمية أختي سوسن تحياتي ومودتي كل عيد وهم بي خير وشوقك يطمنك وليك المودة
Post: #39 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:13 AM Parent: #16
سويت شنو يا علي ابنوب ما سمعته كلامه وعرست أحلام وهبي حلفاوية عندها أم اسمها فائزة عابدين حأكتب عنها بعد شوية تابع معاي وكيف أحوالك والغربة معاك وكل تحياتي لي كل أم بتعرفه وعاملة شقيانه في دروب الحياه مودتي
Post: #21 Title: Re: ـــــــــــ أمــــــــي ــــــــ Author: الصادق خليفة Date: 03-08-2007, 07:41 AM Parent: #1
التحية لامنا ستونة بت سلمان ولكل ام فى الدنيا ولكل مرأه انا طبعا يالسنى فقدت ست الحبايب
ومن يومها انا لافى فى الدنيا دى بدون كنترول..
يعنى انا يتيم عشان كده حقو انتو والريس وودرمليه وكيكى تزيدونى من جرعات حنانكم .. والا اقوم
اتعاور وابكى ليكم واجعر كمان...
Post: #47 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:46 AM Parent: #25
ضحية الدنيا من الليلة اديك جرع الحنان ألوان ومن فنون المودة بالكيمان \ انا ماقايلك حنين قدر ده وفاقد حنان ويتيم من حبنا الليلة اجتماعنا في شان نلقى ليك حل ونشوف كيف نوزع عليك حنان الدوحة كلو مودتي
Post: #46 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 11:42 AM Parent: #21
وعبر هذه النافذة نرد لك التحية بأجمل منها ولك الحب والورود البهية ولكل نساء بلادي التوهج مودتي
Post: #29 Title: Re: ـــــــــــ أمــــــــي ــــــــ Author: Samer Osman Date: 03-08-2007, 08:10 AM Parent: #1
السني السنين أنا من بركات ... دايتنا زوزو.. وإن كان إبراهيم الرشيد وعبدالله نجضونا بيك نجاض .. التحية لستات الشاي وستات الكسرة ونسوان الفزع البصرن القروش لليوم الأسود التحية لأمهاتنا وحبوباتنا وأخواتنا وبنات الجيران التحية للمدرسات والطالبات والموظفات الممرضات والفراشات البحشن السندوتشات لي طلبة المدارس ويشدن الملايات وينفضن الغبار ويغسلن العدة ويرتقن المشرط ويظبطن النعيمية التحية للبساهرن مع العيال ويصحن مع الآذان .. التحية لزوجاتنا وبناتنا البخلن للحياة طعم
وراجع ليك
Post: #50 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 12:52 PM Parent: #29
سمير ود بركات الجميلة ابراهيم وعبدالله اولاد خالتي مريم العزيزة وهم من دورك والتحية لي اخوهم قاسم ونحن في انتظار جيتك ارجع لينا بسرعة مودتي
يا سلام يا سني يا فنان الأم أمي العزيزة لا أجد ما يوفيكى حقك فقد تعلمت منك الكثير وما زلت أنهل من معينك الذي لا ينضب ، أخوتي الكرام لا أحسب أن عيد اليوم يجب أن يكون مرة واحدة في العام بل يجب أن يكون كل يوم تشرق فيه الشمس هو عيد للأم ، وأكيد لكل منا تجربة مميزة أو موقف مميز مع أمه تعلم منه الكثير وغرس في نفسه ربما فضائل لا تنمحى ما بقي حيا ، دعونا نستدعي بعضاً من هذه المواقف ، بارك الله في أمهاتنا جميعاً. أحبك يا أمي بكل لغات العالم أحبك - Jeg elsker dig - I love you - Ek het jou life - Te dua - Yes kez sirumen - Aamee tuma ke bhalo aashi - Obicham te - Ne mohotatse – Afgreki - Mahal kita - Je t'aime, Je t'adore- Ich liebe dich – Szeretlek - Saya cinta padamu - Ti amo – Aieru - Sarang Heyo - Doo-set daaram - Ya tebya liubliu - Volim te - Lu'bim ta - Lu'bim ta - Ich lieb Di- Seni Seviyorum- Ya tebe kahayu-
الله يحفظ ليكم أمهماتكم جميعاً
Post: #32 Title: Re: ـــــــــــ أمــــــــي ــــــــ Author: محمد فرح Date: 03-08-2007, 10:57 AM Parent: #31
أستاذ محمد السني ربنا يدي العافيه لكل أمهات ونساء بلادي الرائعات جداً والعظيمات كعظمة هذا الوطن الحبيب
ويديكى لى طول العمر وفى الدنيا يوم ما يألمك أمي الله يسلمك أمي يا دار السلام يا حصني لو جار الزمان ختيتي في قلبي اليقين يا مطمناني .. بطمنك أمي الله يسلمك خيرك على بالحيل كتير يا مرضعاني الطيبة بالصبر الجميل يا سعد أيامى وهناي لو درتي قلبي أسلمك أمي الله يسلمك أنا مهما أفصح عن مشاعري برضو بيخوني الكلام وقولت بحبك ما بتكفي وكل كلمات الغرام يا منتهى الريد ومبتداهُ يا الليّا الله يسلمك ويديكي لى طول العمر وفي الدنيا يوم ما يألمك أمي الله يسلمك
ياأم ضفائر قودي الرسن واهتفي فليحيا الوطن هذه القصيده توضح عظمة المرأه السودانيه ومواقفها النضاليه ...
Post: #52 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 01:00 PM Parent: #32
محمد فرح ياخوي الغالي ما تكمل جميلك وتكتب لينا هنا رسالة لي أمي او تتوهج وتنزل لينا اغنية الأم وعافي منك دنيا واخرة ومودتي يافرح
Post: #51 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 12:56 PM Parent: #31
آلــمــــو المولا عمر نقول شوووووق ولا نفرح نطير بازول الإجازة الجاية دي لازم نربط مع بعض شوفتك واجبة شكرا على الكتابة الظريفة وعلى كتابة الأم بي كل لغة مودتي
ربنا يديها ليكم الصحة و العافية و يطول ليكم فى عمرها
Quote: اليهن جميعا انحني اجلالا وتقديرا وفي الخاطر ابدا امي الحبيبه لها الف رحمة ونور
و ربنا يرحم والدتى مريم أبوطالب ، و يرحم والدة زوجى أستاذة بتول حسين ، كلن أعطت و جادت بقدر ما يمكن لها العطاء و كل فى مجال يختلف
أمى أعطت كل حياتها لزوجها و أولادها ، تعبت و ربت و ذاقت المرة مع التنقل فى مشروع الجزيرة مع والدى رحمة الله عليه،من مكتب لى مكتب ومن غيط لى غيط ، صبرت و صابرت و كانت لنا الأم و الحبوبة و الأخت و الصديقة .. رحمة الله عليها و لكم أنا مشتاقة لها و أفتقدها بشدة لن أستطع معها إكمال كتابتى
محبة وتقدير شديدين ليك يالسني ، يعلم الله مشتاق ليك كتير كيف ..
لمن بقرا حاجاتك دي بشعر بسلام غير عادي ؛
كل عام وإنت بخير ..
Post: #59 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 02:26 PM Parent: #57
طلال يا فاتحا ابواب الأمل الشوق بقيت بخاف منو بقى ليكم مركون اخاف اكتر علي وابقى عادي اني مشتاق .. ولمن تطل علينا بنطمن وبنحس بي الأمان ليك وللوالدة ســـلامي ومودتي ولكل نساء السودان معزتنا مودتي
Post: #58 Title: Re: ـــــــــــ أمــــــــي ــــــــ Author: محمد سنى دفع الله Date: 03-08-2007, 02:02 PM Parent: #53
محمد عبد الجليل التحية والمحبة
اكتي ليك مصداقا ليكلامك عن الأم فائزة عابدين وهي قادمة من حلفا واستقر بها الحال في عطبرة وهي والدة زوجتي وأحب ان اناديها زازا هي إمرأة صامدة ورقيقة مارست العمل الإجتماعي وهي طالبة يافعة والتزمت بأهداف الإتحاد النسائي منذ تأسيسه وكانوا وزميلاتها يشاركون في التحول من الأزياء الى الأفراح ودقات الدهب والحفاظ على العادات الجميلة وحتى الأن لها في أشجار الزينة والورود والزراعة هواية تتناغم وسلوكها الجمالي وقارئة نهمة لها مكتبة تحافظ عليها ولاتعير كتابا عندما كانت زوجتي أحلام في الإجازة ندهت عليها أمها وحينما وصلتها وجدتها تقرأ في طبيبك مدت لها الكتاب عندها إكتشفت أحلام انها تورطتت في شر أعمالها وجدت الصفحة فيها مقالة عن السمنة تسبب أمراض القلب والسكر وطبعا حرمنا المصون زادت من أكل المكرونة بي كل الأنواع وإغتاظت وقالت ليها انت هسه منتظراني من الصباح عشان توريني الصفحة دي ؟ وردت أمي زازا أيوة وانشاء الله انفع فيك وتحسي ورسلت لي كتاب نادر جدا من مكتبتها هو مسرحية (( خطوية سهير )) للكاتب المتميز ــ حمدنالله عبد القادر وكان معنا في الدوحة المخرج الفنان أشتاذي مكي سنادة قال لي ان كاتبها يفتش عليها لانها نفدت وتمت طباعتها من زمن بعيد شكرا أمي فايزة عابدين على الهدية وربنا اغطيك بالعافية والسعادة
تعرف ليه ياطلال !! لانو السني بحكي بي قلبو و خشمو بس بعطل باقي العضلات التانيه و بتحول لي قلب و قدوم بس .. و اريتو قدوم السرور وقلبكـ يا السني اريتو قلب كل السودانيين ده قلب من دهب ياخي
و تسلم البطن الجابتكـ
Post: #70 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 10:32 AM Parent: #64
خدر الفنان من جبت البت الحلوة دي وانت بتنقط عسل اها البت دي علمتها يمه وحبوبة ولا حتهمله لي ثقافة الغرب ده كلام بتاع مثقفين هههههههههههههههههها
Post: #69 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 10:28 AM Parent: #62
السني أحبك وأحب أمك طيببة ياأبجديتي ياهرم ياحديقة ويا... ويا كل مفرداتي الجميلة لاتستطيع وقال ثم من؟ لعمري غيرك لم أقل
خرجت من عجينها منها أليهاو لها يا خزين مودتي المستدامة الآن وغدا وطالما حياة ألوزك وقت حنين وحين ألم أراك في عيون طفلتي الصغيرة وحين ألوز للفراش وحين صحو يا أول العشق وآخره يا إمرأة تسد أفقي و يتقاصر دونها المكان رضعت من ثديها المحنة الالفة وخبرت في حجرها الملاز والسكينة وأعطتني خارطة الطريق
يالعشقها هذا الطود هل أهديك وردة وقد أخترتها بعناية من حديقتي الخيال أم مفرداتي وقد كتبتها بطعمك الحليب ام أجمع الطيور السمندلات لتدوزن إشتهائك سامحيني إن لم أجدل معادلا بقدر تدافع الحنين
ضميني إليك أحتاج أن أنام هدهديني (النوم النوم... بكريك بالدوم دومتين مرات.. دومتين حلوات... بالبحر فايتات.. ماشات مقرات... النوم تعال... سكت الجهال .. ) تحسسي منابت الشعر قبليني دثريني بدفئك ودعيني أغلق نهاراتي في عينيك لا توغظيني
الجميل ألأصيل سني محمد دفع أللة كل سنة وشهر ويوم وساعة ودقيقة وثانية وكل أمهات ونساء العالم طيبين وسعيدين ومبدعين في يوم عيد ألمرأة
Post: #67 Title: Re: ـــــــــــ أمــــــــي ــــــــ Author: عبدالكريم الامين احمد Date: 03-09-2007, 05:59 AM Parent: #66
ييا السني يا مرهف يا جميل دوما تجذبنا الي محيط حنانك الدفاق ولها كل الحب والود والدهشة العالية الي امك (يمة) تلك التي اهدت الينا حدائق من الازهار الانسانية تمشي بينا بالابداع فالام يا السني هي الاستاذ الاول والماستر الكبير فدوما تضخ انفاسها المليئة بالحنية والحنان وتزرع بزرات وجينات الابداع والتربية القويم فينا جميعا وفي يوم المراة ترفع القبعات عالية لجميع الامهات في وطن ولام صديقي السني الف تحية وتحية واجمل نشيد
Post: #78 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 06:48 PM Parent: #67
ودايما بتدعموني بي كلامكم المليان أمل كبكي يا ود ياحديقة كل الأمات بخير وده بوست مفتوح لي كل أم وكل زولة عاملة مودتي
Post: #73 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 10:55 AM Parent: #66
نادر السوداني كل عام وانت الحب كل عام وانت مفرح كل النسوان الغلابا بي الغناء الجميل ونبيل كل عام وانت رافل في نعيم الصحه والسعادة مودتي
Post: #71 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 10:41 AM Parent: #65
أمك عزيزةونحبها عمرنا كلو وانت حبك ساكن فينا ومتحكر تمرة الفؤاد يانور الهادي ود طيبة الطيبة ولي كل أم وحبوبة جميل حجاي وادفق زي البحر حنية ود طيبة ومد النيه بيضا لي قدام ويوم نتونس في ضل ضحى ومعانا أماتنا وقهوة بكرية وتمر وونسة الذ من عسل النحل مودتي
أحنّ إلى خبز أمي و قهوة أمي و لمسة أمي و تكبر في الطفولة يوما على صدر يوم و أعشق عمري لأني إذا متّ أخجل من دمع أمي خذيني ،إذا عدت يوما وشاحا لهدبك و غطّي عظامي بعشب تعمّد من طهر كعبك و شدّي وثاقي بخصلة شعر بخيط يلوّح في ذيل ثوبك عساي أصير إلها إلها أصير إذا ما لمست قرارة قلبك ضعيني، إذا ما رجعت وقودا بتنور نارك وحبل غسيل على سطح دارك لأني فقدت الوقوف بدون صلاة نهارك هرمت ،فردّي نجوم الطفولة حتى أشارك صغار العصافير درب الرجوع لعشّ انتظارك
حفظ الله لكم والدتكم وكل امهاتنا ،،انهن في كل جميل لاغرو فهن الجمال نفسه ان جعلنا كل ايام السنةعيدا لهن لن يكن كافيا .. ربي يحفظهن لنا ويوفقنا لرضاءهن فرضاءهن هو المعبر لرضاءه تعالى --------
Justin Singing A Song For Mama
Post: #76 Title: Re: ـــــــــــ أمــــــــي ــــــــ Author: عبد المنعم ابراهيم الحاج Date: 03-09-2007, 01:44 PM Parent: #74
"الله يخليكي ياست الحبايب
ياحبيبة"
اه يا محمد سني..مالك
مبدر زي كدة ..
انا لي يومين بداري
الشوق ..يطعني
وريد في آخر
وردة خاطر..
واتهرب من احساسي
زمن ..شان أصمد..
باقي مطوّل جد جد..
كم "طاشر"
صي وهجير ..متهدهد..
بي لولاي الغربة ..
وحن أم الاولاد..
التحية لامهاتنا في
حضورهن المعنوي ..
Post: #82 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 07:56 PM Parent: #76
عبدو ودابراهيم التحية ليك في حضورك الأخاذ وفي التداعي الشاعر لكن ياخوي كم ( طاشرر) دي ما طويلة أنزل بل الشوق وبرد حشاك واتملي محنة تقعد بيها كم سنة لي قدام مودتي ومحبتي وأسمع كلامي اديك خاطره ورضاها ومن نجاح لي نجاح راجيك
حمد ابوريقا بيداوى الرمد ,اها دى بقى ما فهمتها هل انا كنته
ريالتى سايله على طول ولا شنو. ولا احتمال اكون زول مبروك كل ما يجيبو
زول عنده رمد يشيلو من ريقى ويختو ليه فى عينه .(الريق دا مش بتبلع ما اظنه بيطلع من الحلق)
بعدين ما تنسى انه انا من الابيض حى القبه وجايز فى بركات .(الله اعلم)
تعرف اخوى دا لانه صاحبى شديد مره قال لى تعرف أمك دى (الله يرحمه)
هى الشربكتنه فى حكاية الغنا والمزيكه دى . وحكاوى الامهات ما بتنتهى .
ربنا يدى كل الامهات العافيه ويطول من عمرن ودايما بقولو لينا
الله يخليكم ويعليكم فوق المابيكم
بجيك تانى يا ود خالتى
Post: #81 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 07:51 PM Parent: #74
نيازي مصطفى شكرا على الغنية اللطيفة وتحية لكل أم عاملة ونيازي الأسم ما جراك تبقى مخرج أفلام لك مودتي
Post: #83 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 08:22 PM Parent: #81
حمودي ود إسماعيل
حمودي طليت علينا وفرحتنا ولي امك الطيبة وحلوة الرحمة والمغفرة عارف امك كانوا بقولو عليها لولايا يعني تمسك الطفل النجاضه وجنو صريخ وبكا تختو قصاد وشها المنور وتقطع ليهو أغنية تنجروا من مخزون الفرح الفيها وتغني بصوت خفيض واتغلغل الغنا جواك إلامس مملكة النعاس وتنوم ياخي امك دي الخير والبركة ربنا اديها الجنة ابد الأبدين وتعال ياظريف انت متأكد انك كنت طفل جميل ود وشوق وتحية لي كل الأمهات محبتي
Post: #84 Title: Re: ـــــــــــ أمــــــــي ــــــــ Author: محمد سنى دفع الله Date: 03-09-2007, 08:32 PM Parent: #83
آمـنـة بـت داوود ســــت الدون مــنــدامـت عرفة بخيته وحميده عيسى فاطمة فارس بثينة بت الشول ** ** ليكم في القبل الأربعة في الحياة والممات محبتي ومودتي والله حبتكم زي ما انتن حبيتن أمي زميلات وطالبات نسمع ضحكن وكيف كانت الدنيا بخير نشوف همتكم وكيف بتتولد نفس جديدة نسوان هميمات وعادلات وظريفات أديتو الدنيا المستقبل ليكم رد الجميل من وطن كامل يا أمهات يا وطن
Post: #85 Title: Re: ـــــــــــ أمــــــــي ــــــــ Author: محمد فرح Date: 03-10-2007, 00:04 AM Parent: #1
Quote: أخوي ود فرح ماسامعين ولا شايفين الحكاية شنو؟؟
الإنسان الفنان ودالسني
الأغنيه لفايزه أحمد ست الحبايب ياحبيبه أتمنى إنو ماتكون عندك مشكله في الريل بلاير لأنو الأغنيه جميله
أمي ياحنينه وكلك طيبه يارب خليكي ياأمي
Post: #87 Title: Re: ـــــــــــ أمــــــــي ــــــــ Author: محمد سنى دفع الله Date: 03-10-2007, 09:53 AM Parent: #85
أخوي ود فرح فرحنا وسمعنا وتاني اوع تقولي كلمات زي الريل بليار وشنو ما عارف !! انا الصور لمن اجي ادخلها بجيب مدرب أجنبي ارفع الصوت وخليك حنين على الأمهات مودتي
ووددت ان احيط علمكم بأنى فى براثن النساء رازحا وفى غياهب الحضور فى صحارى التية تائها معصب العيون مكبل الوثاق رغم ذاك لا اعاني لا اضج لا اثور بل اعانق الأمانى أجوس فى المرافئ اغوص فى الشواطئ اتوة في المعاطف الوردية لاعزوف لا هروب لا تواني اصفصف الآهات للنساء اسكب الأشواق للنساء اصب من خيالى قالبا يصير زورقا يصير مركب النجاة للنساء اصير نوح عالم جديد اقتل النعيق أجزر الغراب اطرد الغبار أضئ للنساء الطريق ووددت ان اقول للعلوج اقول للمجوس للنصاري لليهود اقول فى الفيافى فى الصحارى فى البوادى فى البرارى فى الضهارى فى النساء وددت ان اقول فى النساء لا السيف لا الرمح لا السم لا الغدر لا حواء من ضلوعنا امهاتنا نساء
Post: #90 Title: Re: ـــــــــــ أمــــــــي ــــــــ Author: محمد سنى دفع الله Date: 03-10-2007, 05:21 PM Parent: #89
لمن تطل يامفتاح بتنفتح أبواب الأمل الأخضر جيتك ومعاك الكلام الزين بتدينا روح نقابل بيها أيام بكرة المكشرة بلا سبب ونقيف قدام غيلان المحنة دايما كلامك زين ياراجل ياحبوب ومليان حكاوي خدرها البطن الجابتك ولي كل النساء البتحبهن سلامنا وإحترامنا مودتي
Quote: اتوة في المعاطف الوردية لاعزوف لا هروب لا تواني اصفصف الآهات للنساء اسكب الأشواق للنساء اصب من خيالى قالبا يصير زورقا يصير مركب النجاة للنساء اصير نوح عالم جديد
المنصور .. تحياتي جيت عشان أشوف بوست - أمي - عامل شنو مع محمد السني .. أجي ألقاك جهزت الجودى للنسوان كلهن .. إت ماك عارف أنو نوح ركب من كل زوجين أثنين .. وهذا ما دعى محمد توم ود الزين أن يربى كل الحيوانات أنثى وذكر من كل نوع متاح .. وذكر لي قائلا :مين عارف ربما الطوفان قادم والقبح قد عم القرى والحضر ..
شوف لينا طريقة يا أخي في المركب دي ما تخليها زي باص البنات يا منصور ..
Post: #92 Title: Re: ـــــــــــ أمــــــــي ــــــــ Author: محمد سنى دفع الله Date: 03-10-2007, 10:35 PM Parent: #91
منصور المفتاح الغالي محمد عبد الجليل العالي أحبكم كان معاوية محمد نور أول من دخل الجامعة في بيروت على نفقتة الخاصة بعد المشاكل التس قابلها في حياته وتحوله من جامعة الخرطوم (كلية الطب ) (كتشنر ) عشان يدرس الأدب الذي يعشقه وعارفين القصة لكن الماعارفينو انو معاوية نور الأديب الفذ لم يكن يستطيع إكمال الجامعة لولا أمــه.. أم معاوية هي التي صرفت من مالها، هذه السيدة العظيمة صرفت معظم مالها ،لدراسة إبنها وفلحت.. يقول عبدالله عشري : تصدت المرحومة والدته لتحمل نفقات تعليم إبنها في بيروت والسير معه الى نهاية الشوط، فكان إن عمدت الى ما عندها منمال ومصاغ ،وأخذت ترسل إليه ما يكفيه حتى أكمل دراسته.. ويضيف عبداللطيف الخليفة معلومات مهمة في مذكراته :: والدة معاويةورثت عن والدها : محمد عثمانالحاج خالد عامل المهدية وسفير حكومة المهدية لدى إمبراطور إثيوبيا.. الرحمة والمغفرة لهذه الوالدة الحنون والتي وهبتنا نجما ثاقبا مازال يتوهج بعلمه وفنه المتجاوز الرحمة والمغفرة لمعاوية نور ..
Post: #95 Title: Re: ـــــــــــ أمــــــــي ــــــــ Author: مامون أحمد إبراهيم Date: 03-10-2007, 11:04 PM Parent: #93
Quote: الـيـد الـواحـدة ما بتضفر ليها برش مثل جديد لنج نحن في حاجة لي برش جميل بطول النيل ملون بي تراب بلدناومزخرف بي زهور الجبل وورود الحقول ، نوهط فيهو أماتنا ، ونحبهم طول العمر ...
السنى الجميل, ده أجمل فريم أشوفو فى حياتى ! إتختن فيهو أمهاتنا الشامخات !
سلام على أماتى العظيمات الشامخات , ستون , وحليمه , و سكينه.. وسلامٌ عليهن فى العالمين !
Post: #97 Title: Re: ـــــــــــ أمــــــــي ــــــــ Author: محمد سنى دفع الله Date: 03-11-2007, 05:37 AM Parent: #95
يأخوي مامون اتعودنا على ابوالطيب فيه طيبة قلبك وحنيتك الرضعوها ليك اماتنا الحونان ( ما إجيني نحوي اقول لي الحنان شكرا على التحية ويدك معانا أكتب كتابتك الحلوة عن كل النساء الجميلات العاملات وربات البيوت العلمن وربن وكبرن وتحياتي ومودتي
Post: #96 Title: Re: ـــــــــــ أمــــــــي ــــــــ Author: محمد سنى دفع الله Date: 03-11-2007, 05:24 AM Parent: #93
د. عبدالله صديق التحية والإحترام لك المحبة والمودة وكفابة الكلام القلتو كفيت ووفيت ومرورك دعمنا المودة النقية ..
Post: #94 Title: Re: ـــــــــــ أمــــــــي ــــــــ Author: انعام عبد الحفيظ Date: 03-10-2007, 10:58 PM Parent: #1
استاذنا محمد السني
كل سنة وكل الأمهات بخير
لها ولكل أم تقدير عالي جداً
وربنا يقدرنا على طاعتهن وبرّهن
Post: #98 Title: Re: ـــــــــــ أمــــــــي ــــــــ Author: محمد سنى دفع الله Date: 03-11-2007, 06:50 AM Parent: #94
ربنا إقدرك على أمنياتك إنعام وينك انت من يوم 8 مارس ونحن في إنتظارك لعل المانع خير يلا ورينا كلامك في يوم المرأة ومعانا لي يوم الأم التحية والتقدير مودتي
Post: #99 Title: Re: ـــــــــــ أمــــــــي ــــــــ Author: بدر الدين الأمير Date: 03-11-2007, 07:41 AM Parent: #98
Post: #100 Title: Re: ـــــــــــ أمــــــــي ــــــــ Author: محمد سنى دفع الله Date: 03-11-2007, 10:09 PM Parent: #99
بدر الدين ألأمير أمي النما ماعارف كتابتها كيف هي النما والنجما أمي والنجما التبلعك لي زمن قريب وكتير من اصحابي مابقولو اسم امهم ياخي نحن مدني كلها بتقول ست ستونا وايه رايك يابدرو انو أمي غنو ليها ولي أبوي القبافة الكان شغال وقتها في الري أغاني التمتم (( ست ستونا الخمري لونه باصات الري يالجننتونا )) النجما التبلعك يابدر الدين أبوي كاتب عنو في (( مدني إسكووب )) مودتي ..
Post: #101 Title: Re: ـــــــــــ أمــــــــي ــــــــ Author: Osman Musa Date: 03-12-2007, 04:45 AM Parent: #100
سلام يا أستاذ السنى ياسنى أمك علم عالى من اعلام علم التوليد فى مستشفيات بلادى سجل ناصع فى ذاك الحقل لها الدعوات الطيبات ..... ستونه وجه سعيد مبتسم. لقد علمت الاطفال الضحكة الاولى والفرح سوف احكى لك عن ستونه امك السيرة العطرة لقد اعطيناها اوسكار التفا نى والمحبة.... عثمان
Post: #102 Title: Re: ـــــــــــ أمــــــــي ــــــــ Author: محمد سنى دفع الله Date: 03-12-2007, 05:32 AM Parent: #101
عثمان موسى التحية والمحبة شكرا على أوسكار المحبة وربنا اديها الصحة وإزيل منها الجلطة التي المت بها ست ستونه تنقلت بين مدن السودان وقراه وتنقلت بين الوظائف الى ان نزلت المعاش وهي مفتشة التمريض والقابلات بولاية الجزيرة وكانت رئيس جمعية محاربة العادات الضارة وكانت فنانة ورسامةأثرت علينا خاصة سامية التي تعشق الديكور وصلاح الدين الذي يعشق الرسم والسنوغرافيا ود موسى اديك قدر أحلامك وفي كل خطوة نجاح مودتي
كانت آخر ماقد سمعت وأنا أضع سماعة التلفون تراجعت سنيني باك وورد دسست جسمي الصغير في تلافيف دفئها ونمت بعمق وحين صحوت من حلمي الخيال تلفت يمنى ويسار لعل أحدهم قد لحظ تحولي أخرجت أصبعي من فمي وقد فاجأني الصحو وعدت أكملت ماقد بدأت في دفتر التحضير ثم لغيت ماقد كتبت نعم فدرسي الجديد ليوم غد فقط عنك ياأمي وليدك نورالهادي
Post: #104 Title: Re: ـــــــــــ أمــــــــي ــــــــ Author: محمد سنى دفع الله Date: 03-12-2007, 05:53 AM Parent: #103
دسست جسمي الصغير في تلافيف دفئها ونمت بعمق نام نام يانور النهار على حافة الكون برضاها انت في أمان يانور النهار
Post: #105 Title: Re: ـــــــــــ أمــــــــي ــــــــ Author: محمد سنى دفع الله Date: 03-12-2007, 11:22 PM Parent: #104
بترحم على أمي الحاجة ستنا التي كانت بتعمل لينا فطور الصباح في المدرسة مش في حبوبات وناسات وبعرفن كيف الحجى الجميل اها في حبوبات بعملن الأكل النضيف وأمينات على أولاد المدارس مابذكر يوم في مدرستنا زول اتسمم ولا جاهو مرض في بطنو البمشوا بي دفتر العيادة كلهم شديدين بس كابين الزوغه من التسميع حيويه ستنا السلام والرحمه والمغفرة وسامحينا كنا بنتزاحم ونكورك ونتصايح زي الطير سامحينا على المدافرة والعجاج البقوم من دافوري الصباح وبلخبط كيانك كانت تخاف من التراب والغبره تقولولي إصحاح البيئة الناس كانت نضيفة وقلوبا نضيفة يوم مافي زول فينا اتغشه سلطة الروب هي هي سلطة الأسود نفس الطعم لسه في لساني هسي بقولوا عليها بابا غنوج حبوبة ستنا سامحينا وربنا ‘عليك في بديع الجنان حيوية ستنا ليك السلام
Post: #106 Title: Re: ـــــــــــ أمــــــــي ــــــــ Author: خضر حسين خليل Date: 03-12-2007, 11:26 PM Parent: #1
Quote: بترحم على أمي الحاجة ستنا التي كانت بتعمل لينا فطور الصباح في المدرسة مش في حبوبات وناسات وبعرفن كيف الحجى الجميل اها في حبوبات بعملن الأكل النضيف وأمينات على أولاد المدارس
ونترحم معك عزيزي محمد السني .. وشكراً وكتر خيرك للكتابة السمحة دي يومياً كنت حضوراً بالفرجة اليوم قررت الدخول الي هنا .
شكراً ايها الانسان
خضر
Post: #107 Title: Re: ـــــــــــ أمــــــــي ــــــــ Author: محمد سنى دفع الله Date: 03-12-2007, 11:37 PM Parent: #106
خضر الفنان الشاعر الشفيف ياسلام والله لو شفتني فرحان كيف كان جيتني بالباب ياخضر انا ما كتاب لكن بكوب إحساسي والتجي تجي انا لو لقيت شاعريتك وكتابة الجن بتاعتك دي كنت نجضت ليك المثقفين الما حقيقيين وجننتك انت زاتك اكتب لينا البوست ده مفتوح لكل النساء العاملات مفتوح لكل الأمهات مفتوح لكل الأطفال لمن نتكلم عن المرأة اكيد بكون باقي الكلام الأطفال وقلمك معانا مودتي وفرحان بيك
Post: #109 Title: Re: ـــــــــــ أمــــــــي ــــــــ Author: محمد سنى دفع الله Date: 03-12-2007, 11:48 PM Parent: #108
ياسلام الموصلي جايني يدك فاضية وين بكتب ليك رسالة طويلة يأأمي سيد التوزيع لوكنت مدور التوزيع مع فنانين الليلة كان الغنى السوداني انتشر في العالم كلو وسلام الى كل الأمهات الغنو لينا النوم النوم النوم تعال النوم تعال سكت الجهال النوم النوم بكريك بالدوم
*** والكري الدفع مقابل شئ لأنوا زمان الناس يتعمل كل شئ براها بالنفير ولمة اولاد الجيران والحلة اهاالبكروا .. بدفعوا ليه ..تخيل التاكسي عندنا في الدوحة اسمو ـ كروة ـ مودتي
Quote: ست ستونه تنقلت بين مدن السودان وقراه وتنقلت بين الوظائف الى ان نزلت المعاش وهي مفتشة التمريض والقابلات بولاية الجزيرة وكانت رئيس جمعية محاربة العادات الضارة وكانت فنانة ورسامةأثرت علينا خاصة سامية التي تعشق الديكور وصلاح الدين الذي يعشق الرسم والسنوغرافيا
ربنا يديها العافية
Post: #111 Title: Re: ـــــــــــ أمــــــــي ــــــــ Author: محمد سنى دفع الله Date: 03-13-2007, 02:22 PM Parent: #110
ويغطيك وإعليك على المابيك البوست فاتح أبوابو لكل الأمهات لكل إمرأة عاملة ونحن في رجاك يا كل محب ووفي مودتي
Post: #113 Title: Re: ـــــــــــ أمــــــــي ــــــــ Author: وصال عالم Date: 03-20-2007, 10:10 AM Parent: #112
بسم الله الرحمن الرحيم
أستاذ / محمد السني
لك التحية والتقدير والإجلال وأنت تجل من يجب الإنحناء والتكريم والإحتفاء بها فلهاكل التقدير والإجلال ... التحية لكل الأمهات بعيد الأم والذي يصادف يوم 21/3/ فهي رمزا للعطاء بكل معانيه ... فهي المودة والمحبة والإنسانية وهي الدفء والحنان ... هي الدنيا الجميلة
ومن ياترى يدرك أن في الحب العطاء
الحب أن تجد الطيور الدفء في حضن المساء
........................في قلب السماء
رحم الله أمهاتنا جميعاَالأحياء منهم والأموات ... ولك التحية أستاذ السني دفع
ودي وصال عالم
الحب أن نحيا ونعشق مانشاء
Post: #116 Title: Re: ـــــــــــ أمــــــــي ــــــــ Author: محمد سنى دفع الله Date: 03-20-2007, 01:16 PM Parent: #113
وصال عالم مأجمل الإسم وصال وعالم من البهجة والمودة برقتك ووصال دائم بين كل من تحبين والتحية لي كل الأمهات الجمال في عالمك البديع شكرا على الكلمات الرقيقة والرحمة والمغفرة لكل الأمهات الائي رحلن للخلود وكل عام وكل أم بيننا المحبة الأبدية والمودة الدائمة مودتي
Post: #115 Title: Re: ـــــــــــ أمــــــــي ــــــــ Author: محمد سنى دفع الله Date: 03-20-2007, 01:01 PM Parent: #112
بكري الصايغ ود عطبره كيف الحال الأيام دي مشغول مع البروفات واليوم العالمي للمسرح شكرا لمرروك ولكل ام غالية وأغلى من روحنا نقدم التمنيات والمشاعر النبيلة مودتي
بكتب ليك رسالة طويلة يا أمي واقالدك فيها ........يا أمي واضمك ساعة في حضني ..يا أمي **** وحاتك لا بخط عنوان وما بكتب اسم انسان وما برمي الجواب في بريد وما بديه لزولاً كمان في الايد كفاية اقيف وانقش في جناح الريح كلامي الدايرو يوصل ليك اخلي الريح تنثر في المسافة عروس تحيل كل الصحارى بروش مضفرة بي سعف بلدي مرسله ليك يا أمي
التحية للوالده ستونة محمد سلمان .. والتحية للوالدة / فائزة عابدين ( من عندينا – عطبراوية ) والتحية لكل الأمهات في عيدهم .. لهم الله في صبرهم .. لهم الله في عطائهم .. لهم الله في قلبهم الديمه هامي بينا .. ومشغول بينا .. نسأل الله أن يرزقنا برهم .. وأن يدخلنا بهم الجنة .. كما قال صلى الله عليه وسلم ( رغم أنف إمرٍ أدركه أبويه أحدهما أو كلاهما ولم يدخلانه الجنة ) . والتحية لجميع الأمهات في عيدهم .. والتحية إلى أمهات بلادي الصابرات في مناطق الحروب والكوارث .. في دارفورنا الحبيب .. وفي الشرق وفي الجنوب وفي الشمال .. والتحية لكل أم تهبنا الحياة .. وتغرس فينا كل جميل . والتحية والتجلة للوالده خديجة أبشر ( عطبرة ) .. أتذكر في يوم ماء وعندما كنت في المتوسطة أتيتها وقلت لها .. أريد أن أدخن سجائر .. وأذهب إلى السينما .. فضحكت .. وقالت لي مافي مشكلة .. بس دايره منك حاجة .. قلت ليه شــنو قالت أصبر شوية لمن تدخل الثانوي العالي .. أنا بديك قروش السجائر وقروش السينما .. قلته ليها إتفقنا .. قالت لي طيب أوعدني إنك ماتشرب سجائر وماتمشي السينما بالدس لغايت ماتدخل العالي .. قلت ليها موافق .. ومرت الأيام .. ودخلت السنوي العالي .. بل دخلت الغربة من أوسع أبوابها .. وكذلك الحياة .. إتزوجت .. وأثقلتني الهموم ... ولم أدخن سجارة واحدة .. سبحان الله لم أجد وقت لتدخين السجائر فقد كان هنالك ما هو أهم .. ولكنني وعيت الدرس .. وأصبح نبراساً لي في دربي مع أبنائي . ... يايمـــــه رســلي عفــــوك .. ينجينـــــي من جــــور الزمان ... الرائع الســــني .. لك الود أجمله .. والمحبة أكملها ..
أخوك / خالد الأرباب
Post: #124 Title: Re: ـــــــــــ أمــــــــي ــــــــ Author: محمد سنى دفع الله Date: 03-20-2007, 10:04 PM Parent: #120
خالد العطبراوي التحية والتقدير والمحبة والمودة النقية طبعا ناس عطبرة ناس حلوين وبعرفوا بعض وبعرفوا عجلة كل واحد في الشارع شكرا للمداخلة الجميلة وتقبل تحيات اماتنا وشكرا على القصيدة كمان لو لقيت لينا الأغنية ونزلتها لينا ياسلام وربنا اخليك لي امك واديها طول العمر والسعادة مودتي
Post: #123 Title: Re: ـــــــــــ أمــــــــي ــــــــ Author: محمد سنى دفع الله Date: 03-20-2007, 09:55 PM Parent: #119
معتصم ود أبوى اليام دي مشتاق ليكم بشكل غريب انت والمدعو تمبس وكل الشلة الجميلة من الظريف صلاح شتات لي العملاق ابوجهينه والرجل الكارب ود عبد الجليل التحية وصلت للوالدة ستونه بت سلمان وتحياتك موصولة لكل الأمهات يا امهات الدنيا الجنة تحت اقدامكم ابوس اقدامكم واتعطر بي عطركم ادونا رضاكم يا أمهاتي
Post: #121 Title: Re: ـــــــــــ أمــــــــي ــــــــ Author: عبد الناصر الخطيب Date: 03-20-2007, 09:30 PM Parent: #1
بالخشوعِ المحضِ والتقديسِ والحبِ المُقيم واتّضاعٍ كاملٍ في حضرةِ الروح السماويِّ الكريمْ التحياتُ لها. ليتَ لي في الجمرِ والنيران وقفهْ وأنا أشدوا باشعاري لها ليتَ لي في الشوكِ والأحجارِ والظُلمه زحْفه وأنا اسعى بأشواقي لها ليتَ لي في زمهريرِ الموتِ رجْفه وأنا ألفظ أنفاسي لها ليت لي من ألمٍ طاغٍ مَحفّهْ وأنا أحملُ قرباناٍ لها .. وهديه فأنادي بإسمها الحلو بلهفهْ لك يا أمَّ السلام. والتحية وجبيبني في الرِّغامْ التحياتُ الزكياتُ لها ، نفسُُ زكيّه رسمُها في القلبِ كالروضِ الوسيمْ صنعتنا من معانيها السنيه وستبقى منبعَ النورِ العظيم ******** جزئية من ( نحن والردي للأستاذ الكبير صلاح أحمد ابراهيم )
الجميل / محمد السني دفع الله
مساء الجمال ,,,
__________________________________________________________________ التحية لامي ,,, وكل الامهات في عيد الام
ولك أكيد ودي ,,
Post: #125 Title: Re: ـــــــــــ أمــــــــي ــــــــ Author: محمد سنى دفع الله Date: 03-20-2007, 10:17 PM Parent: #121
عبد الناصر الخطيب الجميل جميلة الأيام التي سوف تجمعنا شكرا على القصيدة البديعة وشوقي لكتابتك ومواضيعك تحياتي وامنياتي ولكل الأمهات التجلة والإنحناء ولهم تبجيلنا ليمنحونا الرضا والسماح مودتي
بريدك كل يوم أكتر يا يمه يا شتل المحنةالله يسلمك ويديك الصحة والعافية ويقدرني على جزاءك ونيل عفوك ورضاك ، أفتخر بيك يا أيها المرأة الجميلة برغم ما كل الشلوخ التي رسمتها العادات والتقاليد البائدة والتي قست عليك فزادتك جمالاً على جمالك. أفتخر بيك وأسأل الله أن يوفقني دائما لتقديم كل ما يرضيك وأن أوفي ولو جزء يسير من دينك الكبير الذي يطوق عنقي إلى يوم الدين
Post: #127 Title: Re: ـــــــــــ أمــــــــي ــــــــ Author: محمد سنى دفع الله Date: 03-21-2007, 05:48 PM Parent: #126
21 مارس عيد الأم معقول !!!! الى كل أم تقديري وإعزازي ومحبتي الكاملة
يا ناس المنبر العندو أم يصلي على النبي ويرفع معاي البوست ده عشان الأم ، والبي أمو ما بهمو زي ما بيقولو ، والما عندو أم يلجأ لي – أم رقيقة أو أم بده – أو أم مغد (ما عارفها بالغين ولا القاف) وأم ضريوه ، وأم دفسو وأم برررو (كده صاح يا ناس القواعد ولا إيدي رجفت في الكيبورد). ويا يمه كل يوم هو عيد وكل لحظه هي جديرة بأن أقف لك إجلالا وإكباراً وإعتزازا.
