الريدة وسط «صُنان» الغنم و«لبليب» التيوس

الريدة وسط «صُنان» الغنم و«لبليب» التيوس


23-03-2015, 10:40 AM


  » http://sudaneseonline.com/cgi-bin/sdb/2bb.cgi?seq=msg&board=134&msg=1442100678&rn=0


Post: #1
Title: الريدة وسط «صُنان» الغنم و«لبليب» التيوس
Author: طارق جبريل
Date: 23-03-2015, 10:40 AM

10:40 AM Mar, 23 2015
سودانيز اون لاين
طارق جبريل-المغرب
مكتبتى فى سودانيزاونلاين



انتو يا جماعة ريدة بت الجيران ديك انتهت ولا لسة في...
طبعا كانت أأمن حتة هي بيت الغنم لانه بيكون قصاد بيتهم في حتة ميتة كدة ما فيها حركة كتير..
اها تقوم تنسرق مع المغربية بعد ما يحلبوا الغنم تدخل بيت الغنم وتقعد في البنبر حق الحلب داك..
وتصنقر تقعد لامن الجكسوية تجي تطلع ليها في بنبر وتمد راسها بالحيطة زي المسجل المفاتيحو
كلهن اتكسرن وفضل بس مفتاح الplay... واصلو وانت منتظر في الجمر وما تقدر تقول بغم
وانت بقى تيس الجن قعد يلبلب اصلو كان مناك تمسكه تخنقه لامن يفطس وان بقى في غنماية
عندها (أبو قِنٍيتْ) أصلو تقعد تهبب فيها بي كرتونة ولا هبابة وان كان ليك تديها بخة بي البخاخ
حق ناس الازمة داك وكتين ينضايقوا ويقحقحوا فشان امك ما تجي تشوفها... ومرات علي التعترك
التيس يجي ينكرش في ركبيك وانت قاعد ممحن منتظر دة ان بقى ما قال شوووووو كبى مويته في
سفنجتك ولا بطنه تكون مغلتة عليه وقال كدي بٓعٓر في حجرك... نان انت بتقدر تقول شي.. ماك
ممكون صابر وتمني نفسك بي حنك حنكين من الجكسوية... وباقيلي ريحة صُنان التيس دة تبقالك بس صندلية
والعجب ان بقى المراح فيه جدادة راكضي...وحات الزينين تنقد في اصابعينك وانت مبنج وراقد كاويق
متل الناس العندهم سكري وماهن حسين بي رجليهن... وكمان بقى عندكم تيسين وقاعدين
يتناطحو مرات تللللللل النطحة في نص ضهرك بس تقنت وتاكلها..
والزغاليل في الصفايح تمد فنانيسها وشووووو في قميصك وان بقى في نص
شعرك تحسبو سخخخخخخخن ما مارق طازة بعد الزغيد... غايتو تشيل الصبر وتنتظر
واصلها وكتين يظهر رويسها من فوق الحيطة تجيك خمة نفس وابو الشهيق وعيونك ديل يزغللن
بس تبقى فاضلالك الريالي... غايتو وكتين تاخد حنك الريدي وتجي مارق تكون ريحتك مصنني
وسفنجتك ملياني فوق تحت بعر ونصايب جداد... يمين ان قابلتلك زول وشماك يكون شاكي
انك كنت ميت ومدفون وطلعت من القبر....
الله لا كسبكن ياخ ريدتكن أماني ماها كانت صعبي وتسل الروح.....
هههههههههههههههههههههههههههههههههههههههههههههه

Post: #2
Title: Re: الريدة وسط «صُنان» الغنم و«لبليب» التيوس
Author: عواطف ادريس اسماعيل
Date: 23-03-2015, 10:47 AM
Parent: #1

طارق

مساء الورد

قبل ما تسأل عن بت الجيران أسأل عن الجيران نفسهم وين

مرات شهر ما بنشوقهم غايتو أولادنا ما عاشوا حياة زينا فعلا كان الزمن الجميل

ود الجيران ومنديل أبيض عليه سهم ينقط دم ..

المشي في شارع النيل ، وسينما البلو نايل وآآآآآآآآآآآه يا زمن

دلوقتي لو ما عندك سيارة ورصيد في البنك مفيش واحدة بيحبك

خليك ساكت يا طارق بلاش تقلب المواجع يا عم اولادي ...

Post: #3
Title: Re: الريدة وسط «صُنان» الغنم و«لبليب» التيوس
Author: ismeil abbas
Date: 23-03-2015, 11:14 AM
Parent: #2

كاتب البوست والجاهو مارى ما أحلاكم......ونستكم حلوة وكلامكم ينقط عسل.....سلام يغشاكم ويمر بغادى ليكم....تحياتى وإحترامى..

Post: #5
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 23-03-2015, 01:42 PM
Parent: #3

Quote: كاتب البوست والجاهو مارى ما أحلاكم......ونستكم حلوة وكلامكم ينقط عسل.....سلام يغشاكم ويمر بغادى ليكم....تحياتى وإحترامى..

حبيبنا اسماعيل
كيفنك ياخ ونعلك طيب والمعاك طيبين
انت دة العسل ياخ

Post: #4
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 23-03-2015, 11:32 AM
Parent: #2

Quote: طارق

مساء الورد

قبل ما تسأل عن بت الجيران أسأل عن الجيران نفسهم وين

مرات شهر ما بنشوقهم غايتو أولادنا ما عاشوا حياة زينا فعلا كان الزمن الجميل

ود الجيران ومنديل أبيض عليه سهم ينقط دم ..

المشي في شارع النيل ، وسينما البلو نايل وآآآآآآآآآآآه يا زمن

دلوقتي لو ما عندك سيارة ورصيد في البنك مفيش واحدة بيحبك

خليك ساكت يا طارق بلاش تقلب المواجع يا عم اولادي ...

اوووووووه عطوف ياخ
ازيك ياخ
حليل الزمن ياخ وحليل الجيران والحبان
ومقطوع ابو الواتس اب

Post: #6
Title: Re: الريدة وسط «صُنان» الغنم و«لبليب» التيوس
Author: قسم الفضيل مضوي محمد
Date: 23-03-2015, 01:52 PM
Parent: #4

طيب انتوا دايرين تلبلبوا براكم ؟؟؟

وين طيب حقوق الحيوان ؟؟؟

دعوا التيوس (تلبلب) ...



______


سلام يغشاكم طارق وضيوفه ...

Post: #8
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 23-03-2015, 04:14 PM
Parent: #6

Quote: طيب انتوا دايرين تلبلبوا براكم ؟؟؟

وين طيب حقوق الحيوان ؟؟؟

دعوا التيوس (تلبلب) ...



______


سلام يغشاكم طارق وضيوفه ...

هههههههههههههههههههههههههههههههههههههههههههههههههههههههههههههههههههههه
بالغت ضومة ضومة يا قسم الفضيل
ههههههههههههههههههههههههههههههههههههههههههههههه

Post: #7
Title: Re: الريدة وسط «صُنان» الغنم و«لبليب» التيوس
Author: Osman Musa
Date: 23-03-2015, 02:35 PM
Parent: #4

والله يا طارق دي محبة قوية البتخليك تشم الصنانة صندلية .
تيس الزريبة كان تيس ود حلال وأنت عاشق محظوظ في رقدتك الكاويق دي ما لقيتليك تيس نطحك .
..
تحياتي يا زول يا فنان

Post: #9
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 23-03-2015, 04:15 PM
Parent: #7

Quote: والله يا طارق دي محبة قوية البتخليك تشم الصنانة صندلية .
تيس الزريبة كان تيس ود حلال وأنت عاشق محظوظ في رقدتك الكاويق دي ما لقيتليك تيس نطحك .
..
تحياتي يا زول يا فنان

وحاتك يا الحبيب «صِنِني» السواد
لكن في سبيل الجكس يهون «الصُنان»

Post: #10
Title: Re: الريدة وسط «صُنان» الغنم و«لبليب» التيوس
Author: mekki
Date: 23-03-2015, 05:09 PM
Parent: #9

Quote:
الريدة وسط «صُنان» الغنم و«لبليب» التيوس

والله العظيم تحفة يا طارق جبريل،،،تحفة عدييل
طبعا زعلان من نفسي شدييييد شدييييد،،لم اتذوق طعم كلام الحب ونضموا الدقاقة لا في الصبا ولا في المراحل التي تليه
مطشش عاطفياً من ربنا خلقني
لم اكن افرق بين الحب والزواج من ربنا خلقني
اي بت قربت منها أو هي قربت مني بسأل نفسي سؤال والله واحد،،هل تنفع نعيش مع بعض تحت سقف واحد ولا لأ؟!
وغالباً الإجابة لأ،،،مع إنتماء قوي جدا لأسرتي القديمة وأمي بالتحديد،،،
وهم فهموني انو ما افكر في الزواج إلا بعد ينصلح حال الأسرة
ولم يطلقوا سراحي،نظام فك تسجيلات وكدة، إلا بعد عام 2003،،،
ودخلت الي عالم المرأة مثل الصعيدي في الجامعة الأمريكية،،
هربت من اعز البنات زمن الجامعة،،رفضت الحب بكل عنف وقوة،،،فشلت في قعدات الحب،،لم ينبت الله علي بونسة دقاقة مع بنت
ولم اعرف مفاتيح النساء طيلة حياتي،،،
مع انو، من تحت تحت،، عرفت انو الجكس كان بي يودني بصورة مبالغ فيها
زوجتي تقول لي بوضوح انت ما بي تعرف الحب
وهي شايقية مؤصلة،،لابد انها تفهم في ذلك العالم كثيرا
وحزنت علي نفسي لإنني إفتقدت اجمل مشاعر يعيشها الإنسان ،،ياخي صنان غنم ،لبليب تيوس ،،اي حاجة فيها احاسيس ومشاعر ،،،
فقط، عايز الناس يكونوا بخير وصحة جيدة،،،احزن للأشياء الكبيرة مثل المرض العضال،،أو الموت
وبالباقي عبارة عن إنسان آلي،،آلي للنخاع....!
مكي الاحمدي

Post: #11
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 24-03-2015, 09:34 AM
Parent: #10

Quote: والله العظيم تحفة يا طارق جبريل،،،تحفة عدييل
طبعا زعلان من نفسي شدييييد شدييييد،،لم اتذوق طعم كلام الحب ونضموا الدقاقة لا في الصبا ولا في المراحل التي تليه
مطشش عاطفياً من ربنا خلقني
لم اكن افرق بين الحب والزواج من ربنا خلقني
اي بت قربت منها أو هي قربت مني بسأل نفسي سؤال والله واحد،،هل تنفع نعيش مع بعض تحت سقف واحد ولا لأ؟!
وغالباً الإجابة لأ،،،مع إنتماء قوي جدا لأسرتي القديمة وأمي بالتحديد،،،
وهم فهموني انو ما افكر في الزواج إلا بعد ينصلح حال الأسرة
ولم يطلقوا سراحي،نظام فك تسجيلات وكدة، إلا بعد عام 2003،،،
ودخلت الي عالم المرأة مثل الصعيدي في الجامعة الأمريكية،،
هربت من اعز البنات زمن الجامعة،،رفضت الحب بكل عنف وقوة،،،فشلت في قعدات الحب،،لم ينبت الله علي بونسة دقاقة مع بنت
ولم اعرف مفاتيح النساء طيلة حياتي،،،
مع انو، من تحت تحت،، عرفت انو الجكس كان بي يودني بصورة مبالغ فيها
زوجتي تقول لي بوضوح انت ما بي تعرف الحب
وهي شايقية مؤصلة،،لابد انها تفهم في ذلك العالم كثيرا
وحزنت علي نفسي لإنني إفتقدت اجمل مشاعر يعيشها الإنسان ،،ياخي صنان غنم ،لبليب تيوس ،،اي حاجة فيها احاسيس ومشاعر ،،،
فقط، عايز الناس يكونوا بخير وصحة جيدة،،،احزن للأشياء الكبيرة مثل المرض العضال،،أو الموت
وبالباقي عبارة عن إنسان آلي،،آلي للنخاع....!
مكي الاحمدي

يا الحبيب غايتو نص عمرك ضايع
ياخي المجازفات دي ألذ حاجة في الدنيا ههههههههههههههههههههههههههههههههههه
يجبر بي خاطرك يا حبيب

Post: #12
Title: Re: الريدة وسط «صُنان» الغنم و«لبليب» التيوس
Author: عبدالحليم حامد النعيم
Date: 24-03-2015, 11:48 AM
Parent: #11

..
والعجب كمان لما تقوليك ... بعدين نتقابل عند .. مدرسة فاطمة عبدالرحيم ...
... تبقى بي موية وكملت يا دكتور ..
..

Post: #13
Title: Re: الريدة وسط «صُنان» الغنم و«لبليب» التيوس
Author: طارق جبريل
Date: 24-03-2015, 09:21 PM
Parent: #12

Quote: والعجب كمان لما تقوليك ... بعدين نتقابل عند .. مدرسة فاطمة عبدالرحيم ...
... تبقى بي موية وكملت يا دكتور ..

احي يا قريبي
دة ما الوجع ذاااااااااااااااااااااااااااااااتو
ههههههههههههههههههههههههههههههههههههههههههههه

Post: #14
Title: Re: الريدة وسط «صُنان» الغنم و«لبليب» التيوس
Author: Osman Musa
Date: 25-03-2015, 07:23 PM
Parent: #13

تمها ياخ .
مضايقين العنبلوك في رأحتو و حنانو .