الحمام والكركار

الحمام والكركار


06-01-2014, 07:21 PM


  » http://sudaneseonline.com/cgi-bin/sdb/2bb.cgi?seq=msg&board=134&msg=1399575266&rn=0


Post: #1
Title: الحمام والكركار
Author: طارق جبريل
Date: 06-01-2014, 07:21 PM

زمان كان عندنا برج أليل حمام في البيت..
أها يا الحبيبين قبل الفطور نقوم نطلقو ونفتحله الباب فشان يمشي ياكلو شي
ويجي راجع لي زغاليلو فشان يزغدن .....
أها بعد الحمام ياخد حوامته ويرجع ولامن الضكور ألاتو يبغبغن زييييين ويرتاحن فوق الصفايح
والاناتي ينتهن من زغيد الزغاليل..
نقوم يا الحبان نطلع علي البرج انا وود عمي ونشوف رجلينو إن بقى فيهن صوف
بالله من الصوفاي تعرف الحمامة كانت غاتسي في حوش ياتو بت في الحلة
وحات نضري من كركارها تعرفها... كنا نجيضين ياخ..
أها نقول كدي نمسكن حماماييي حماماييي وأصلها الماها جايبالا صوفا في رجليها دي
نقول كدي نفقه رُقاب زغاليلا وننزلن ناكلن.. متل التكنو حمامة ماها جاسوسا كويس ههههع
الذ شي كنا نتونس مع الحمامايي.. وكتين تلقي السبيبي الناعمي ديك وغليدي وطوييييلي نقعد نقولها:
وااااااااااااااااااااحلاتك يا دقلوشي انت كنتي عند ناس فلانة..
الرسول شوفتيها ماشي من التُكل للاوضة وتفدع في اليدين علي سبيطة التمر...
الرسول فيكي لابسي الفستان اللحمر داك وليهو زيقا في النص...
الرسول ما شدتلها حلاوااايي في علبة النيدو في الكانون الفي ضهر التُكل..
الرسول ما جابتلها موس التمساح وقالت لي اختها واسيلي حواجبيني..
الرسول ما شالتلها حيمورة ألت طوب وحكت كعبينا..
واااااامغستنا منها يا الحماماييي...
وان بقت السبيبي الرقيقي وملولوة ديك وقِصووويري نقولها:
مشيتي عند أم «آفرو» ديك عاملي سقاديمها علي عتوت ام الحسن الله ياذاها تقطع الخميري من البيت..
اصلك ما لقيتي غير ام رجلين مكعوجات دي واصبعا كبير ملوي علي منفلة القلاب..
الله ياذاك ان كان دايما جايبالنا اخبار ام وش مليان حبوب دي علي طربيزة اللحام..
وأصلو إن بقى لي ود عمي وكتين الحمامة تجي من الحتي الفيها جكسيهو يقولي:
ادني اللحضنها الحماماييي دي خلني النبل شوقي يا الحبيب..
ويشيل كدي يبوس فيها ويغمتها علي صدره لامن تقرب تفطس...
ووكتين ما تجي من الجهة ديك يقولي الحمامة الفقر اضبحها ماها نافعي في الزغاليل تتجيبلها فاد واحد..
هههههههههه
وحات نضري نحن في زمنا ان كان في فيسبوك وواتساب كان خربنا الدنيي
ههههههههههه

Post: #2
Title: Re: الحمام والكركار
Author: عمران حسن صالح
Date: 06-01-2014, 07:28 PM
Parent: #1

Quote: وااااااااااااااااااااحلاتك يا دقلوشي انت كنتي عند ناس فلانة..
الرسول شوفتيها ماشي من التُكل للاوضة وتفدع في اليدين علي سبيطة التمر...
الرسول فيكي لابسي الفستان اللحمر داك وليهو زيقا في النص...
الرسول ما شدتلها حلاوااايي في علبة النيدو في الكانون الفي ضهر التُكل..
الرسول ما جابتلها موس التمساح وقالت لي اختها واسيلي حواجبيني..
الرسول ما شالتلها حيمورة ألت طوب وحكت كعبينا..


أنا ورهط غير قليل من بني شايق نتبرأ من مثل هذه الحكاوي
وأصلو ما حصل عملنا كده .
هي حكاوي للونسة فقط والإستمتاع بلهجة ولاد بلدنا
ليس إلا .

Post: #3
Title: Re: الحمام والكركار
Author: طارق جبريل
Date: 06-01-2014, 08:18 PM
Parent: #2

Quote: أنا ورهط غير قليل من بني شايق نتبرأ من مثل هذه الحكاوي
وأصلو ما حصل عملنا كده .
هي حكاوي للونسة فقط والإستمتاع بلهجة ولاد بلدنا
ليس إلا .

نكرتني حطب يا الحبيب

Post: #4
Title: Re: الحمام والكركار
Author: طارق جبريل
Date: 07-01-2014, 10:42 AM
Parent: #3

Quote: Awad Alhassan ·
يلخي إنت والله راجل مبدع.. عارف أهم خطوات النجاح هي التمكن من مفردات الكتابة وتشكيلها في هذا السرد الجميل

يا حبيب الله يجبر بي خاطرك ياخي

Post: #5
Title: Re: الحمام والكركار
Author: عبدالحفيظ ابوسن
Date: 07-01-2014, 11:36 AM
Parent: #4

كنتو مساخيت لكن !!
لكن الكركار ده بتفرزو كيف ? بالقرنفل ولا المجموع
وحمامكم ده بلم في الكركار كيف

Post: #6
Title: Re: الحمام والكركار
Author: طارق جبريل
Date: 07-01-2014, 10:08 PM
Parent: #5

Quote: كنتو مساخيت لكن !!
لكن الكركار ده بتفرزو كيف ? بالقرنفل ولا المجموع
وحمامكم ده بلم في الكركار كيف

ود ابو سن كيفنك
كنا بنفرز الكركار لانه وكتين يشدهوا كان كل مرة بترسل ليها ضواقة للبيت
هههههههههههههههههه

Post: #7
Title: Re: الحمام والكركار
Author: أيمن محمود
Date: 07-01-2014, 10:17 PM
Parent: #6

Quote: سقاديمها

ترجم يا حبيب

سمح شديد والله وتشكر يا سيدي من العمق

Post: #8
Title: Re: الحمام والكركار
Author: almulaomar
Date: 08-01-2014, 10:04 AM
Parent: #7

ود جبريل
كل الود
أنت بدون فيس بوك أو واتساب وهلم عملت ما عملت ، ففي تسخير الحمامة وتعلم منطقها شي من الفن لا يجيده حتى الأمريكي مارك زوكربيرج صاحب الفسبكة لكن ما يحسب لطريقتكم هو إحتمال وجود ثغرات للتجسس على المستخدم عبر السبيب من خلال كرعين الحمام .
بعدين يا ود جبريل شيتك دا بعيد خلاص صحيح أنه بعد مملكة بلقيس لكين قطع شك قريب من زمن الناس المستصيبين ديك ناس "أقبل ذا الجدار وذا الجدار" بالرغم من أن الجدران كانت مفارش يدوية من وبر الإبل وبروش حنقوق ساكت يعني إلا تبوسها بي قناع من شدة خشونة السطح ورائحة الجدار خاصة إذا دقت تلك الجدران مطيره.
ما أظن نحن شعب نعرف أكل الحمام و يندر عندنا فشوربتنا شوربة لحم والملاح بي لحم والحمامة ذاتها عفينه وصغيرونه وما بتشبع وبيضها ما بتسلق ولا يتنجض زي الجداد ، والخروف البقول بااااااع والباع معاها إدغام بقنه وينطح أبو علي بي جلالة قدرو ويجيبو الوااااطه هو وعجلتو الرالي وحزمة البرسيم ويرمي معاهو عم حسن وحاجه زينب وست النفر "نظام كروس شيك" ودبل شيك وكسلنج في الشيك كما يقول أخوي المتقرضم العامل فيها كاسباروف ود خالتو في الشطرنج ، أها خروف زي ده ما غالي ، وأظن مسألة تريبة الحمام دي للشو فقط لأن الحمام ما مشكور وشوربتو ولحمو لا يقدمان إلا في حالة المرض المستعصي شوية حيث أن المرض العادي البلا ورده ورجفه يقدم فيه سندوتش طحنية وقزازة ميراندا أو بزيانوس حسب الحالة.
أحي فيك التجكيس العذري ، وإن كان عذريتو من منطق مكره أخاك فأبو البت اب عيونا حمر وأخو البت أب شنباً يجر ، وأتاري الفنانين زماااان كل ما أفتح الرادي ألقاهم يقولو ناح حمامي وآن حمامي عشان يا حبيبي ما حفظت زمامي ، وأنا أقول الحمام زنبو شنو يا ناس أها وأظن وكت كرعين الحمام تجي ملانه سبيب يقوموا يكسروا الأغنية ويقعدوا يسو سواة ضكر الحمام يا ليلة هوي وهووووي هوووووي وغايتو جنس هوهوه.

Post: #9
Title: Re: الحمام والكركار
Author: الطيب شيقوق
Date: 08-01-2014, 10:24 AM
Parent: #8

حمامكم كيف يا خالي ولد جبريل؟

Post: #10
Title: Re: الحمام والكركار
Author: ابو جهينة
Date: 08-01-2014, 11:23 AM
Parent: #9

ود جبرين سلام
غايتو عنوانك ( الحمام والكركار ) ينفع عنوان لرواية طويلة
رغم إنو ال كم حمامة الفوق ديلاك جابوا سيرة زمان كما هو ....

****
الرسول شوفتيها ماشي من التُكل للاوضة وتفدع في اليدين علي سبيطة التمر...

****

دة غايتو وصف ديجيتالي بارع ، تراءت صورة أمامي أيام الدميرة في قريتنا بالشمال ،
هاجت بعض الذكرى ، فبداـْ بنبش أخواتها
كلو من الحمام ، الكركار ما عندو ذنب

Post: #17
Title: Re: الحمام والكركار
Author: طارق جبريل
Date: 08-01-2014, 05:57 PM
Parent: #10

Quote: ود جبرين سلام
غايتو عنوانك ( الحمام والكركار ) ينفع عنوان لرواية طويلة
رغم إنو ال كم حمامة الفوق ديلاك جابوا سيرة زمان كما هو ....

****
الرسول شوفتيها ماشي من التُكل للاوضة وتفدع في اليدين علي سبيطة التمر...

****

دة غايتو وصف ديجيتالي بارع ، تراءت صورة أمامي أيام الدميرة في قريتنا بالشمال ،
هاجت بعض الذكرى ، فبداـْ بنبش أخواتها
كلو من الحمام ، الكركار ما عندو ذنب

نان هو جنس فديع يا حبيبنا ابو جهينة

Post: #11
Title: Re: الحمام والكركار
Author: kamal omer
Date: 08-01-2014, 11:23 AM
Parent: #9

أها جاكم ودشيقوق
تحياتي يا طارق ياخي

Post: #12
Title: Re: الحمام والكركار
Author: الطيب شيقوق
Date: 08-01-2014, 11:42 AM
Parent: #11

مالك يا اخي كمال الربيع محمد عمر؟

انت حسين ملاسي قريبك ؟ ههههههها

Post: #13
Title: Re: الحمام والكركار
Author: kamal omer
Date: 08-01-2014, 11:50 AM
Parent: #12

يا الطيب سلامات يا خي ، إنت كمان بيسألوا في شنو لما تجي في بوست زي ده ؟
غايتو خايف أقول ليك ملاسي قريبي الجماعة يلبدو لي ، و بعديييين يطلعوني من البلد .
تحياتي لحسين و آل ملاسي .

Post: #18
Title: Re: الحمام والكركار
Author: طارق جبريل
Date: 08-01-2014, 05:59 PM
Parent: #11

Quote: أها جاكم ودشيقوق
تحياتي يا طارق ياخي

ود عمر كيفنك ابوي

Post: #16
Title: Re: الحمام والكركار
Author: طارق جبريل
Date: 08-01-2014, 05:54 PM
Parent: #9

Quote: حمامكم كيف يا خالي ولد جبريل؟

بي كركارو يا عمو شيقا

Post: #15
Title: Re: الحمام والكركار
Author: طارق جبريل
Date: 08-01-2014, 05:52 PM
Parent: #8

Quote: ود جبريل
كل الود
أنت بدون فيس بوك أو واتساب وهلم عملت ما عملت ، ففي تسخير الحمامة وتعلم منطقها شي من الفن لا يجيده حتى الأمريكي مارك زوكربيرج صاحب الفسبكة لكن ما يحسب لطريقتكم هو إحتمال وجود ثغرات للتجسس على المستخدم عبر السبيب من خلال كرعين الحمام .
بعدين يا ود جبريل شيتك دا بعيد خلاص صحيح أنه بعد مملكة بلقيس لكين قطع شك قريب من زمن الناس المستصيبين ديك ناس "أقبل ذا الجدار وذا الجدار" بالرغم من أن الجدران كانت مفارش يدوية من وبر الإبل وبروش حنقوق ساكت يعني إلا تبوسها بي قناع من شدة خشونة السطح ورائحة الجدار خاصة إذا دقت تلك الجدران مطيره.
ما أظن نحن شعب نعرف أكل الحمام و يندر عندنا فشوربتنا شوربة لحم والملاح بي لحم والحمامة ذاتها عفينه وصغيرونه وما بتشبع وبيضها ما بتسلق ولا يتنجض زي الجداد ، والخروف البقول بااااااع والباع معاها إدغام بقنه وينطح أبو علي بي جلالة قدرو ويجيبو الوااااطه هو وعجلتو الرالي وحزمة البرسيم ويرمي معاهو عم حسن وحاجه زينب وست النفر "نظام كروس شيك" ودبل شيك وكسلنج في الشيك كما يقول أخوي المتقرضم العامل فيها كاسباروف ود خالتو في الشطرنج ، أها خروف زي ده ما غالي ، وأظن مسألة تريبة الحمام دي للشو فقط لأن الحمام ما مشكور وشوربتو ولحمو لا يقدمان إلا في حالة المرض المستعصي شوية حيث أن المرض العادي البلا ورده ورجفه يقدم فيه سندوتش طحنية وقزازة ميراندا أو بزيانوس حسب الحالة.
أحي فيك التجكيس العذري ، وإن كان عذريتو من منطق مكره أخاك فأبو البت اب عيونا حمر وأخو البت أب شنباً يجر ، وأتاري الفنانين زماااان كل ما أفتح الرادي ألقاهم يقولو ناح حمامي وآن حمامي عشان يا حبيبي ما حفظت زمامي ، وأنا أقول الحمام زنبو شنو يا ناس أها وأظن وكت كرعين الحمام تجي ملانه سبيب يقوموا يكسروا الأغنية ويقعدوا يسو سواة ضكر الحمام يا ليلة هوي وهووووي هوووووي وغايتو جنس هوهوه.


هيا خرابة انت حي
الله يعلم سائل منك
ومشتهي نضميك الغلاد غلاد دة

Post: #14
Title: Re: الحمام والكركار
Author: طارق جبريل
Date: 08-01-2014, 05:40 PM
Parent: #7

Quote: ترجم يا حبيب

سمح شديد والله وتشكر يا سيدي من العمق

طيب يا حبيب بتعرف الطراريم

Post: #19
Title: Re: الحمام والكركار
Author: الطيب شيقوق
Date: 09-01-2014, 05:31 AM
Parent: #14

ود كرار

Quote: غايتو خايف أقول ليك ملاسي قريبي الجماعة يلبدو لي ، و بعديييين يطلعوني من البلد .
تحياتي لحسين و آل ملاسي .


الفرق باين في كتاباتكم - هو مسكولات سااااااى وانت فنجري بدق عديل

Post: #20
Title: Re: الحمام والكركار
Author: ست البنات
Date: 09-01-2014, 07:40 AM
Parent: #19

طارق ود عمي جبرين ,

كل سنة وانت والأسرة في سعادة وصحة ,
والتحايا والود للجميع بالرباط الحزين !
حبوبتن لينا كانت غندها حمام مربياهو وكان الفار معذبها وكل يوم ياكل بيض الحمام ,
كانت تقوم من النوم الصباح تتفقد حمامها وتقول :

واا مغايسي الليلي الجقر اكل جنا جداد حمامي كلو !!
ست البنات.

Post: #21
Title: Re: الحمام والكركار
Author: طارق جبريل
Date: 10-01-2014, 02:39 PM
Parent: #20

Quote: طارق ود عمي جبرين ,

كل سنة وانت والأسرة في سعادة وصحة ,
والتحايا والود للجميع بالرباط الحزين !
حبوبتن لينا كانت غندها حمام مربياهو وكان الفار معذبها وكل يوم ياكل بيض الحمام ,
كانت تقوم من النوم الصباح تتفقد حمامها وتقول :

واا مغايسي الليلي الجقر اكل جنا جداد حمامي كلو !!
ست البنات.


اوووووووووووووه ستهم
ازيك ياخ
وان شاء الله طيبي في عضامك ديل

Post: #22
Title: Re: الحمام والكركار
Author: وضاحة
Date: 10-01-2014, 03:31 PM
Parent: #21

اها جبتوا بي جاي يا المسنوح

قلت لى طعموا كيف؟؟؟

والله مشيت سالت ليك منو قالوا فيه شوربة حاجة عجيبة صحى يا ود جبريل ؟