بِكيات الزهرة بت ود كنيش (بت ككو)

«1»
- دحين يا عمتي قالوا سويتيلك نصايب في بِكيات شبا
- ايي يا ولدي وحاتك فترنا من شبا وبِكياتها
- باقيلي فضحتينا الله لا كسبك
- مرة ناس بت ود علي كانن عندهن زولا مات مشينا نباكيهم
- أها
- باكيناها يا عشاي وجينا طالعين لي بيوتنا إن كان نسمع المنادي تاني ينادي
- وانتو لليلي ما وصلتوا لي بيوتكن
- ايي الله لا كسبو واحدا ليهو صوت علي الدميري
- ههههههههههههه اها
- اها الدعبونة قالتلي قالوا بت ود علي تاني ماتلها زول
- يا سلام
- ايي قمت قلت للدعبونة انتي بت ود علي دي اصلو نكير دة برك عندها انا ركبيني واجعاتني
- هههههههههه وشن سويتي
- رجعنا يا حبيب قساي تاني صادين انا والدعبونة
- أها
- دخلنا لقينا الحرَرَم ديل تاني يسكـــلبن ويعوعن
- أها
- اها يا ولدي ختيت يدي في راس بت ود علي وقلتلا: شكيناك لي الله إن كان تمُرنا بي تحت مشتت والمُلاح ماهو عندنا
- هههههههههههههههههههههههههههههههههههههههههه
- وجريتها من المشاط لااااعندي وقلتلا: إنتو الماتلكم منو تاني الله لا كسبكن
- ههههههههههههههه غايتو ماكي مرة شي .. نان انت اصلك ماكي عارفي المات منو
- أييي ههههههههههههه وهي صاقعالي: إييي ماهن قاعدين قايمين للخرتوم الصباح لا تسوولكن كِسري ولا شي..
وانا قلتلا: هو وين اللكل فشان نجيبوا.... نحن نعوعي معاكن من أصبحت يبكوا عليكن

يا دكتور توفيق الطيب
تعال اقرا لكلام دة
ديلة هم الاصل
زى جورج في نصف جنية الدهب
اصلي ما مزور

واصل اخى طارق جبريل

تسلم يا طارق ياخ ..كِتاباتك واحه في صحرا، الاون لاين




التعديل لاضافه حرف

Quote: تسلم يا طارق ياخ ..كِتاباتك واحه في صحرا، الاون لاين

الله يجبر بي خاطرك يا حبيب

Quote: يا دكتور توفيق الطيب تعال اقرا لكلام دة ديلة هم الاصل زى جورج في نصف جنية الدهب اصلي ما مزور واصل اخى طارق جبريل

حبابك يا هدى وحباب دمتور توفيق

النصيح ما فاكّي دربو ....

والميّت لاحقو ....

والبتباكي في رفيقاتها نشّفت ريقها ؟ .......... سـُـــب !!

طارق ود عمى جبرين نعلك طيب,

نان الحررم بس يخلن خدمتنى ويبارن البكيات ؟ باقيلك البكيات جايات يكملين؟

واللا يخلن تمورن لامن تبقى كاويق والا ياكولا الدباس والزرازير فوق اماتا ؟

انت دحين ا طارق الصايح مو قالوا خلو أوالى وبقوا يذيعوا الميتين فى الرادى؟

سعلتك بالله تواصل النضم السمح دا , أمانى ما طولنا منو!
ست البنات.

Quote: طارق ود عمى جبرين نعلك طيب, نان الحررم بس يخلن خدمتنى ويبارن البكيات ؟ باقيلك البكيات جايات يكملين؟ واللا يخلن تمورن لامن تبقى كاويق والا ياكولا الدباس والزرازير فوق اماتا ؟ انت دحين ا طارق الصايح مو قالوا خلو أوالى وبقوا يذيعوا الميتين فى الرادى؟ سعلتك بالله تواصل النضم السمح دا , أمانى ما طولنا منو! ست البنات.

عييييييييك سكينة بت تنقاسي
ياخي كيفنك ونعلك طيبي في عضامك ديل

Quote: النصيح ما فاكّي دربو .... والميّت لاحقو .... والبتباكي في رفيقاتها نشّفت ريقها ؟ .......... سـُـــب !!

يا حبيب كيفنك ابوي
ياخي طالعين للربا والتلاف

الله يجازيك!!

اصواتن بي ك..لامن جه في أضاني!
جنس دعا وشتايم..

يللا ترجم للجماعة

يا كاويق الحرف اللخدر ودجبرين
حلفتم بى قطاعت بت كنيش لا تقيف من النضم السمح دا

Quote: يا كاويق الحرف اللخدر ودجبرين حلفتم بى قطاعت بت كنيش لا تقيف من النضم السمح دا

جاييك يا الحبيب أصبرلي

Quote: الله يجازيك!! اصواتن بي ك..لامن جه في أضاني! جنس دعا وشتايم.. يللا ترجم للجماعة

يا قريبتي كيفنك
لا تفتحي علينا باب الترجمة دة
ناس الشهادة العربية كتار خلاص

«2»
- دحين انت علويي بت وداعة الله ما خليتيها تضحك في موت حبوبتها
- ههههههههههههه ايي يا ولدي
- شن سويتيلا... ماكي مصيبة انتي
- كانت مدياني نعجايي
- ادتها ليك كلو كلو يعني
- ايي يا ولدي ووكتين نتكاتلنا في شي تنعلني: اديتك نعجتي ونافعاكم وتسويلكم..
- ههههههههههههه يعني وكتين تتكتلوا تجيبلك سيرة نعجة الجن دي
- ايييي هههههههههه اها قومي يا بت زينب حبوبتها موتي
- يا سلام
- اييي يا ولدي رحمها الله ماتتلها في سموما كافري ومخروقتي واجعاني وركبيني وارمات
- يعني مع النعجي دي ما عندك حل علي تمشي تعزيهن
- ههههههههه اييي الله يخربها هي ونعجتها
- هههههههه نان شن سويتي
- يا ولدي من هني لا هني وامسك في الحيط لامن طلعت عندهن
- وصلتي يعني
- ايي يا ولدي مع وصلتي عيني لي علويي جايي من تحت تعوعي وتتنخج
-اها
- في قلب الحوش مسكتها في راسها وقلتلا: شكيناكن لي الله تعالي شيلي نعجتكن دي مني هههههههههههه
- هههههههههههههههه الله لا تاجرك يا عمتي
- هههههههههه يا حبيب قساي علوي بقت تضحك وتقولي: الرسول آآآآلزهرة لا تضحكيني دي حبوبتي المرباني
- دة ياهو بكاكي معاها
- ههههههههههههههههههههه ايييييي

المطموس،
نعلّك طيّب ؟

ذكرتني حبوبتاً لي الله يرحمها كانت مِتلقية حِجج.
لقتلها زول ماشي اتبرا، قامت إنتهزت الفرصة وقالتلو:
عاين جاي، تروح لفلآنة، وفلآنة، وفلآنة في اتبرا. عددت
صاحباتا كوووولهن، وقالتلو تقولهِن النعيمة ماتت. النِعيمة
دي هي زاااااتا.
أها، المرسال وكِت وِصِلن رسّلن معاهو جوآب تعزية البلد.
وكت الجوآب وِصلآ، قالت، اليصبرن سااااااكت، أكِنهن
بيبكني بجوآب !!!



كنشتك العلي عملك،
وآصل مع بت كنيش...

Quote: المطموس، نعلّك طيّب ؟ ذكرتني حبوبتاً لي الله يرحمها كانت مِتلقية حِجج. لقتلها زول ماشي اتبرا، قامت إنتهزت الفرصة وقالتلو: عاين جاي، تروح لفلآنة، وفلآنة، وفلآنة في اتبرا. عددت صاحباتا كوووولهن، وقالتلو تقولهِن النعيمة ماتت. النِعيمة دي هي زاااااتا. أها، المرسال وكِت وِصِلن رسّلن معاهو جوآب تعزية البلد. وكت الجوآب وِصلآ، قالت، اليصبرن سااااااكت، أكِنهن بيبكني بجوآب !!! كنشتك العلي عملك، وآصل مع بت كنيش...

الله يقلعك يا خرابة

اليوم الماتت فيهو بت ميلينى بقى تأريخ ,

أصلوا عاشة وخبوبة صغيرى الله يرحمن كانن فى الخرتوم اليوم داك , وسمعن بموت بت ميلينى وانقودن ماشات للبكى براهن,
وفى شارع الصحافة ظلط الزمن داك كان باص أبورجيلة جديد فى البلد , لاقاهن واتلخمن وانجهجهن فى الدرب, وكانت عاشة صارالا حيبيبة سيكيكر فى طرف توبا ادت ليها امنى بت أم الخير , وقومى يا حبوبة صغيرى جريها من التوب وفكى صيريرة السيكيكر واطلقيها وابهلى حيبيبة السيكيكر فى الواطا ,
وحبوبة صغيرى جرت لاخر الشارع وتلاقيها عربييى وترميها وتكسر كراعها, وانلموا الخلوق وجاء البوليس ويودوهن للتومنة ومعاهن سواق العربييى ,
ويسعلوا عاشة عامنها شاهدى : قالولا صح الراجل دا ضرب الحاجى دى وكسرلها كرييعا؟

قالتلهن : وحات ربى جينا من شبه سواء والحاجى صغيرى دى يسعلنى الله جات جارى كرييعا دى وعاقلاها مكسورة من البلد !

وحبوبة صغيرى وجعا النضم دا وقالتلها يا عاشى : ما تخافى من ربك ! امانى فى ضيميمتك دى يوم يسعلك الديان انا مو كوت نصيحى ورمتنى العربييى جايى تكتولنى وكسرتلى كريعى؟؟

قامت عاشة قالتلها نان انت ما طلقتيلى حيبيبة سيكيكرتى وبهلتيها ليى فى الواطا! وحات ربى ما اشهدلك ضوومة ! وان كان ليى بيكى بت قصفينى (ميلينى) توب فوقو بس مانى ماشالو
تراها ماتت وشيبعت موت هى اصلا مو سيرى ولا بيرى ! ياها سيرك انتى براك ان بيقيتى شايلى بيكاها امشى وحدك.

ست البنات.

Quote: اليوم الماتت فيهو بت ميلينى بقى تأريخ , أصلوا عاشة وخبوبة صغيرى الله يرحمن كانن فى الخرتوم اليوم داك , وسمعن بموت بت ميلينى وانقودن ماشات للبكى براهن, وفى شارع الصحافة ظلط الزمن داك كان باص أبورجيلة جديد فى البلد , لاقاهن واتلخمن وانجهجهن فى الدرب, وكانت عاشة صارالا حيبيبة سيكيكر فى طرف توبا ادت ليها امنى بت أم الخير , وقومى يا حبوبة صغيرى جريها من التوب وفكى صيريرة السيكيكر واطلقيها وابهلى حيبيبة السيكيكر فى الواطا , وحبوبة صغيرى جرت لاخر الشارع وتلاقيها عربييى وترميها وتكسر كراعها, وانلموا الخلوق وجاء البوليس ويودوهن للتومنة ومعاهن سواق العربييى , ويسعلوا عاشة عامنها شاهدى : قالولا صح الراجل دا ضرب الحاجى دى وكسرلها كرييعا؟ قالتلهن : وحات ربى جينا من شبه سواء والحاجى صغيرى دى يسعلنى الله جات جارى كرييعا دى وعاقلاها مكسورة من البلد ! وحبوبة صغيرى وجعا النضم دا وقالتلها يا عاشى : ما تخافى من ربك ! امانى فى ضيميمتك دى يوم يسعلك الديان انا مو كوت نصيحى ورمتنى العربييى جايى تكتولنى وكسرتلى كريعى؟؟ قامت عاشة قالتلها نان انت ما طلقتيلى حيبيبة سيكيكرتى وبهلتيها ليى فى الواطا! وحات ربى ما اشهدلك ضوومة ! وان كان ليى بيكى بت قصفينى (ميلينى) توب فوقو بس مانى ماشالو تراها ماتت وشيبعت موت هى اصلا مو سيرى ولا بيرى ! ياها سيرك انتى براك ان بيقيتى شايلى بيكاها امشى وحدك. ست البنات.

الله يقلعك

الله يجازي محنك ياطروقي ..... اخبارك ؟

مبالغة يا دكتور
ياخي واحشانا كتابتك دي من زمن
اي واحد طلبة



المهم
عندي نكتة
مرة سمعتها بالضايقي
وطبعا غالبني كلو كلو احكيها
بالشايقي

ياخي الا ارسلا ليك في المسنجر تترجما لينا




تحياتي للوليادت وامهم



خارج النص:
لو م كنت جعلية كان سويتلك أوسكار

هي ن نسيت

يا ست البنات نضمك ذاتو سمح



الرسول ان ما سويتوه في بوست براه

تحياتي لكما
صفية

Quote: مبالغة يا دكتور ياخي واحشانا كتابتك دي من زمن اي واحد طلبة المهم عندي نكتة مرة سمعتها بالضايقي وطبعا غالبني كلو كلو احكيها بالشايقي ياخي الا ارسلا ليك في المسنجر تترجما لينا تحياتي للوليادت وامهم خارج النص: لو م كنت جعلية كان سويتلك أوسكار

اووووه دكتورتنا الجميلة
ياخي كيفنك والبنيات نعلهم بخير

كدي رسلي لينا النكتة دي تحت تحت كدة بنعمل ليها ترجمة بالشايقي

Quote: الله يجازي محنك ياطروقي ..... اخبارك ؟

حبيبنا الذي هناك
ياخي كيفنك

«3»
- غايتو يا عمتي اصلك ما بتتستري... عمي كنيش قالي في الحَرَم فضحتينا..
- هههههههه بالله عمك فضحني
- قالي جننتيهو في الحج وشيلتي حالو
- هههههههه وكتين وصلنا علي الطواف اللخير قلتلو يا كنيش أدني قروشي
- ههههه قروش شنو كمان
- شن عرفني يا ولدي .. قروش الحج ألاتي كلهن كانن عنده
- أها
- في الطواف اللخير دة يا ولدي كرعيني ديل وجعني وأشوف في الناس شايلنهم
قلت أشيل منو قروشي وأشوفلي ترابلة يشيلوني واقضي فشان امشي لي أهلي
- انتي مالك ضايقي
- يا ولدي مشينالنا في سموم وحرا علي جهنم
- الله لا كسبك ههههههههه جهنم في الحج
- هههههههههه عمك قعد ينقنق وطلع القروش وأداني ليهن
- أها
- اها عمك مكاوي أجرلي الخرابة البيشيلوك فيها دي
- فشان تكملي الطواف يعني
- ايي يا ولدي فِتِرتة... اها ركبوني في النصيبي العلي حاحاية الطير دي
وكملت طوافي ونزلت جيت ماشي علي عمتك خضرة
إن كان يا ولدي اسمعلي في نونيي
- نونييي أليل شنو كمان
- واحدات مغتغتات كدي يا ولدي ماسكاتلهن كِتبات ينونن ويبكن ويتنخجن
- أها
- أن قايلي في زولا كتلو من تالا الحرم لاااجوة
- هههههههههههه اها
- قمت يا عشاي سألت عمتك خضرة قلتلا: إنتي الفي شنو... المات منو؟؟ البكا الجوة دة شنو؟؟
- ههههههه اها
- عمتك قالتلي: وااااشري يبكن علي روح النبي (ص) حلالي عليهن
قلتلا: هو النبي (ص) مات الليلي ... هاجماتننا لي شنو... النبي (ص) ماهو ميت من حيات جدي
- عمتك قالتلي: استغفري يا الزهرة
- اييي استغفر شنو خلعني التقول النبي(ص) كان سِرَهِن
- هههههههههههههههههههههههههههههههههههههههههه حجتك دي ماها قايمي من برشها دة

قعدن فى ضول الشاتى ينونسن , قالتلها : انتى يا خجيجى , دحين البت الساوى نخريها عيللى الخراتيش القبال الزير دى , سماحتا يا شينى؟؟

ساويى ريويسا عيللى السيروويى كدى , ومجنحى عيللى الديك و وراميى كتوفا عيللى العز , وساويى لقبا عيلليى الحومارة ومطيريى اضنيها عيلليى الدحشى , وحات ربى عبدارحمان ولدى لا يعرسا لا يخوت ايدو فى ايدا , سوب فوقها المهجومى تجيك مقلليعيى عيونا عيللى ابزيد العجمى ورامى شللوفتا التحت عيللى (...) البلا دكى .. وساويى كيعانا عيللى حاحاية الزرازير , ان قامت من فوق العنقريب تهجمك تقوم عيلليى الناقة الباركى, وان مشت تكندكك بالعجاجى عيللى العوصار!!!

ست البنات.

وانعدلت خجيجى فوق العنقريب وشالتلها سفة من صعوتا وقالتلها:

وكمان اديها اللواجا , نافشى صوف راسا عيلليى الديك الرومى وكل يوم مارقالها فى بلد , اسع أول البارح القيرييب دا شالت نورى , وقبلو كانت فى القرير!

وكمان هى وامها بلا الشحدى ما عندهن خيدمى , وكت علويىيى بتى جات من اب ظبية جات شحدتا توبا الاخدر السمح داك , وانا اسكت اغمت ليى علوييى فيحال تقولها لا, عيلليى فى الاخر ادتا ياهو!

وكمان بس مابتعرف الخيدمى ضوومة! ان سوتلك شاى متل موية المطر لا طعم لا لهج, وان سوتلك مولاح يا ربى بجيك وتسعلنى مسيخ طين جر!

وطالقات الغنم والبهم فى لقدابتن , والا الطير ينونى النهار كولو فوق عيدتن وفوق الجرار, انا بس اصليى مويتن ماب اشربها تشررنى .

دبيتن بالله المتلفكات .

ست البنات.

انتو البطان ديل مشوا ويين؟؟!

يا طارق أكنك بس ماك جايى صاد شى؟؟؟

اها انا بس ضوومة مانى صادى تانى ان ما واحد فيكم جاء ملالى حوقيتى دى صعوط , باقى عمبلوك عمتك الزهرة نطحنى ورمانى لامن جايى انكسر, ورضرضلى حوقيتى ودفقلى صعوتى!
واسع الصعوط راميينى لامن مانى شايفى قيدامى !
ست البنات.

اووووووووووووووووووه ست البنات السمحي ياخي

يا قريبتي كيفنك
لا تفتحي علينا باب الترجمة دة
ناس الشهادة العربية كتار خلاص



زينا كده يعني

Quote: زينا كده يعني

تعال أرضع

العافى بت هلالة وبت قبورة حششن تمورن وشررنها فى اللقدابة وسوولهن شاى وقعدن يفسسخنلهن فى لوبى , وكوركن ليى خدرة ووكت ما ردت قاللها ياخدرة, يا (قصفة)!!! ووكت سمعتن وقالت أييى , العافى قالتلها :

شيلى البشنتيك هو وليعيبو المنقد وشدى حيبيبةاللوبى دى الننغدابا.

ووكت كمال وليد بت قبورة جاء , قالتلو قبورة : انت وأمك وأخياانك فطرتو شى ؟

كمال قاللها : أييى , انا وأمى وخجيجى فطرنا بيى سبروق والسر فطر بيى مديدى وزيت !

ست البنات.

( جينا ولقينا اللقدابة خلا وصدينا وشلنا اهلنا)!

ترجمة لناس الشهادة العربية:

(حضرنا ولم نجدكم).

ست البنات.

Quote: إن كان يا ولدي اسمعلي في نونيي - نونييي أليل شنو كمان - واحدات مغتغتات كدي يا ولدي ماسكاتلهن كِتبات ينونن ويبكن ويتنخجن - أها - أن قايلي في زولا كتلو من تالا الحرم لاااجوة - هههههههههههه اها - قمت يا عشاي سألت عمتك خضرة قلتلا: إنتي الفي شنو... المات منو؟؟ البكا الجوة دة شنو؟؟ - ههههههه اها - عمتك قالتلي: وااااشري يبكن علي روح النبي (ص) حلالي عليهن قلتلا: هو النبي (ص) مات الليلي ... هاجماتننا لي شنو... النبي (ص) ماهو ميت من حيات جدي - عمتك قالتلي: استغفري يا الزهرة - اييي استغفر شنو خلعني التقول النبي(ص) كان سِرَهِن - هههههههههههههههههههههههههههههههههههههههههه حجتك دي ماها قايمي من برشها دة

وكتين ماكا داير تجيبلي بي غادي بجي بخمش من هني براي ..
حكي ممتع وغني بمفرداتنا الخاصة ..
تحياتي ود جبرين وزواره .

يا ويليد عمى جبرين انا اسواع قاعدى فى اللقدابا التكون دى !

دحين اسع شايلى اهلى فيشان الحق خرفان الحيكومة المزهلالات ديل ,

يبقى يشوفونى مرتن كبيرى كدى يقوموا يدونى عمبلوك اضحي بو!!


باقى طولنا من اكل اللحم !

نان مو ياهو من الضحيى للضحيى!

ست البنات.

يا ست البنات النبي فيك واصلي

Quote: وكتين ماكا داير تجيبلي بي غادي بجي بخمش من هني براي .. حكي ممتع وغني بمفرداتنا الخاصة .. تحياتي ود جبرين وزواره .

سمح