Post: #1
Title: الريدي اللولا...
Author: طارق جبريل
Date: 06-30-2011, 05:15 PM
Parent: #0
الحبيبين كيفنكم..
جيت مارق من درس العصر في المتوسط (الثانوي العام- الإعداد «للحناكيش»)..
شايل كتيباتي في جلدايي ألت بلاستيك ومبسوط أدوني عشرين في الانجليزي..
ماشي اتقدل في الفسحة ألت مربع 12 في الامتداد..
شويتين يا الحبان جن بنيات الفريق اللااااافوق مننا ماشات وينضاحكن..
طالعات من معهد «الأمل» بعد ما كمَلِن حصَصِن.. ماشات يتهامسِن ويتبسمن..
جن مارات من فوقي..
الساعة الشفتة في عيونها وشافت فيني ودنقرت..
ووكتين اتبسمت وقامن كدي الوجنات غتسن..
والضفيري تتلولح من تحت الطرحة وفيها خرابات علي الجُلَلْ ويحيدي حمرا والتاني صفرا..
وعيني دقشت الخرابة المن لاااااقدام وهاجرنو بالكراريس وهو يتمايل من هني لاااا هني
علي المنقايات الصغار وشايلاهن زيفي..
وكلما الكراريس يهجروهن زيادي أشيل وأبلع في ريقي وأتشهد...
والعجب وكتين وقع منها قلم الرصاص ودنقرت شالتو..
واااااضيقي أنا من الرجلين وكتين يكونن ممسحات بالكركار ويلمعن..
وحات ود الكرسني تحلف تقول أبنوس وضاربنو بولش
وحاتكم يا الحبيبين النار انطلقت فوقي..
ورجليني و«التموت تخلى» بقن يغتسن في التراب ويقومن
زي الباخرة في نص البحر وقامت عاصفة وتشوف فيها تغتس وتقوم..
وبقيت كلي انكرش زي الصايدني البُرجُم..
وركبيني يرجفن علي المكنة البيكسروبا شارع الظلط ديك..
ووكتين وصلن جنب الشارع الساكنة فيهو وبقت تودع في صحباتها..
انا اصلي وِدِر ضومة ضومة.. دخلت الجلدايي بي الكراريس بين محسني والبنطلون..
وختيت ايدي في نصي ووقفت أشوف فيهن..
وأصلي بقيت أرجف كلي زي الصايداني الوٍردي..
وأعاين فيها لامن جرَتْ السلك أليل الباب..
ووكتين جات تقفل الباب رفعت راسها وشافت فيني ودنقرت وسدت الباب..
مع سدة الباب ديك القالت (كَرَب) ديك وأنا قلبي دة بقى يناتل...
والكراريس وقعن في عِبِي وبقيت ماني قادر علي المشي..
وأتاريهو قلم الرصاص يا دابي بريتو قبل أمرق وبقى يطاعن فيني من تحت..
والشارع مليان ناس وماني قادر أدخل إيدي أمرقو..
وعلي العلي لابسلي لباس زي البيسووهن النسوان ديلك من باقي دمورية المرتبة..
والخرابة هاجرني في نصي... وأمي رحمها الله سوتلو لستكين من أبو قرش داك..
والعٍُقدة ألت اللستك كبيري وهاجراني في محسني ...
وأصلو إن كان لي محل اللستك بقى زي الجدول أليل المويي..
وواحد من الكراريس الدبوس أليلو مرق ومع طعين قلم الرصاص
أصلي بقيت ماشي علي الولد الطهروهوا كبيييييييييير وتلقاهو ماسك العراقي لاااقدام منو..
انتو قالولكم كان هاميني.. وحاتكم اشيل واتذكر في الوجنات وأبلع في ريقي..
وصلت البيت... وجري علي الحمام..
أتقولعت ومرقت الكراريس وقلم الرصاص.. إن كان ألقالكم الجسم كله مطعن وكله حبوب..
لا عرفتها ريدي ولا فحص أليل ملاريا..
بالله التقول نمت في الحوش في بورتسودان وكبسني الباعوض..
جيت مارق مفَشِق ولبست العراقي والسروال وقعدت في الطربيزي الكبيري..
وكان عندي امتحان أليل دين..
نان أنا حفظت شي..
وحاتكم بس افتح كتاب الدين كدي أشوف الضفيري ألتا بين السطور..
جبتلي ورقة ألت فلسكاب وبقيت أكتبلها في جواب..
وكانت عاجــــباني كلمة ((الشامخة)) وبقيت افكر أدخلها في الجواب أليل الريدي دة..
وطوالي كتبت: حبيبتي.. (أصلي ما شهدتها)..
إن مشاعري الشامخة.. و....
وبقيت أهضرب وأفسي في جواب الجن دة..
وأصابعيني ديل وهن يكتبن بالله علي إبرة مكنة الخياطة.. ينزلن ويطلعن..
ربكم رب الخير أصبحت الدنيي وأدونا الامتحان وما أظن جبت فيهو أكتر من 2 من عشرين..
وأستاذ الدين يمَحِط فيني بالبسطونة وأنا بالي هِنووووووووووك..
ووكتين جاء العصر دة لامن روحي مرقت..
بس شفتهن جن طالعات وهي معاهن.. مشيت قدامن ورميت الجواب
وفِرِد جرية للبيت..
ولي يوم الليلي ماني عارف قرت الجواب ولا لا
|
Post: #2
Title: Re: الريدي اللولا...
Author: جعفر محي الدين
Date: 06-30-2011, 05:58 PM
Parent: #1
وين يا جماعة الطيب شيقوق يشوف المسنوح ود جبرين دا
طارق إزيك ياخ
لكن أظن وإن بعض الظن إثم
إني قريت ليك قصة حب أولى غير دا
آشقي الحال قلبك دا ما لو رهيف كدي
|
Post: #3
Title: Re: الريدي اللولا...
Author: طارق جبريل
Date: 06-30-2011, 10:13 PM
Parent: #2
Quote: وين يا جماعة الطيب شيقوق يشوف المسنوح ود جبرين دا
طارق إزيك ياخ
لكن أظن وإن بعض الظن إثم
إني قريت ليك قصة حب أولى غير دا
آشقي الحال قلبك دا ما لو رهيف كدي
|
جعفر يا حبيبنا
المسنوح داك بعد دة بقى جد
القصي القاصدها باقيلي ألت الجامعة
دي ألت الثانوي العام
وشويتين ندخل علي الثانوي
|
Post: #4
Title: Re: الريدي اللولا...
Author: haroon diyab
Date: 06-30-2011, 10:19 PM
Parent: #3
وليد جبرين
سلامات ياصديقي العزيز
ومشتاقين
يمين متل قصتك دي
كتااااااار هني المروبه
فتك عافية
|
Post: #5
Title: Re: الريدي اللولا...
Author: طارق جبريل
Date: 07-01-2011, 09:15 AM
Parent: #4
Quote: وليد جبرين
سلامات ياصديقي العزيز
ومشتاقين
يمين متل قصتك دي
كتااااااار هني المروبه
فتك عافية
|
ود دياب كيفنك يا حبيب
يا زول الناس دي خايفة من الفت
شوف كم زول قرأ البوست
ارقد عافية يا حبيب
|
Post: #6
Title: Re: الريدي اللولا...
Author: طارق جبريل
Date: 07-04-2011, 10:03 AM
خلق الله دي خايفة تجي تفتوا
|
Post: #7
Title: Re: الريدي اللولا...
Author: ابراهيم الرشيد وراق
Date: 07-04-2011, 12:10 PM
Parent: #6
قريبى كيفنك
| Quote: خلق الله دي خايفة تجي تفتوا |
يا اخوى انت زمن الثانوى العام بتسوى كدى...
امال زمن الجهل ولعب عريس وعروس كنت بتعمل شنو؟(وش غامز)
فتو...فتو...فتو...
ارقد عافية
|
Post: #10
Title: Re: الريدي اللولا...
Author: طارق جبريل
Date: 07-05-2011, 10:11 AM
Parent: #7
Quote: يا اخوى انت زمن الثانوى العام بتسوى كدى...
امال زمن الجهل ولعب عريس وعروس كنت بتعمل شنو؟(وش غامز)
فتو...فتو...فتو...
|
انا بقيت فتيتو يا قريبي المنبر دة كله حا يداعي: يا الوراريق ليكم بصيح جنا عقلي بعد كان نصيح
|
Post: #8
Title: Re: الريدي اللولا...
Author: عوض عبدالله طه
Date: 07-04-2011, 12:41 PM
Parent: #6
....
حباب طارق جبرين
يا اخوي انتو ولاد امتداد وحركات
نان نحن ناس (الهامش) ديل
حركاتكم حقت ولاد البندر دي ما عندنا
....
ونحن في سنة سادسة
حولوا لينا قريبنا كدي كان عايش في كوستي (تفتيحة يعني وكده)
كنا نذاكر مع بعض
أنا وأخوي وزول كوستي ده وبتين من الجيران
زولك الليل كوستي ده طبعاً عاملنا محل استعراضو ومغامراتو التفتيحية
المهم ... بقينا معجبين بيهو اعجاب شديد جداً
يوم كدي زنت في رأسنا نقوم نجكّس واحدي من جاراتنا البيذاكرن معانا ديل
الحقيقة (زنّت في راسو براهو وبعدين اقنعنا بان موضوع الزن ده عام)
والغريبة كان موضوع الجكيس ده موضوع جماعي... والأغرب منو آخر شيء حتين حددنا ياتا فيهن الح نحبها
اها ...كلنا اشتركنا في كتابة خطاب غرامي ملتهب
أخوك كان شاطر في الإنشاء .. فقمت بصياغة مجمل الخطاب
من الكلام اليحبو قلبك
(سلام يحمله الحمام الزاجل ، لو مر بالما عارف شنو احرقه ولو مر بالشنو داك حطمه .... الخ)
وآخر شيء ختمته بالأغنية المشهورة وقتها ( أحلى جارة يا احلى جارة .. سالمينا لو بالعين ..أو بالإشارة)
ثم
كتبنا اسمائنا كاملة
والله صحي ....
اسمي واسم أخوي واسم زولنا (تفتيحة كوستي)
تخيل !!!! ثلاثة أحباب مرة واحدة
المهم شلت الجواب بعدما رشيت فيهو شوية ريحي حقت أخوي الكبير
ودخلتو في كتاب ومشيت وديتو ليها .... و فد جريه
لسؤ الحظ ... محبوبتنا ما قدّرت موضوع الحب الجماعي ده
البت من يومها داك انقطعت من المذاكرة معانا
وكمان كلمت البنتين التانيات انها ح تشتكينا في المدرسة
عشنا لنا كم يوم كدي .... في رعب لا يعلم به إلا الله
ومنها التوبة الياها
...
|
Post: #9
Title: Re: الريدي اللولا...
Author: Fadl Karrar
Date: 07-04-2011, 01:28 PM
Parent: #8
خليني أعمل فلاش باك في الأول
عشان أعيش جو القصة
عشان كدا يا ريت تحدد الكلام دا كان سنة كم ؟
|
Post: #12
Title: Re: الريدي اللولا...
Author: طارق جبريل
Date: 07-05-2011, 10:18 AM
Parent: #9
Quote: خليني أعمل فلاش باك في الأول
عشان أعيش جو القصة
عشان كدا يا ريت تحدد الكلام دا كان سنة كم ؟
|
انت يا ود كرار بقيت شغال مع ناس (العتب) والاحصاء
دحين عمري مالك عليه
انا اصلي حبيت ولا ماشي التجنيد
|
Post: #11
Title: Re: الريدي اللولا...
Author: طارق جبريل
Date: 07-05-2011, 10:16 AM
Parent: #8
Quote: حباب طارق جبرين
يا اخوي انتو ولاد امتداد وحركات
نان نحن ناس (الهامش) ديل
حركاتكم حقت ولاد البندر دي ما عندنا
....
ونحن في سنة سادسة
حولوا لينا قريبنا كدي كان عايش في كوستي (تفتيحة يعني وكده)
كنا نذاكر مع بعض
أنا وأخوي وزول كوستي ده وبتين من الجيران
زولك الليل كوستي ده طبعاً عاملنا محل استعراضو ومغامراتو التفتيحية
المهم ... بقينا معجبين بيهو اعجاب شديد جداً
يوم كدي زنت في رأسنا نقوم نجكّس واحدي من جاراتنا البيذاكرن معانا ديل
الحقيقة (زنّت في راسو براهو وبعدين اقنعنا بان موضوع الزن ده عام)
والغريبة كان موضوع الجكيس ده موضوع جماعي... والأغرب منو آخر شيء حتين حددنا ياتا فيهن الح نحبها
اها ...كلنا اشتركنا في كتابة خطاب غرامي ملتهب
أخوك كان شاطر في الإنشاء .. فقمت بصياغة مجمل الخطاب
من الكلام اليحبو قلبك
(سلام يحمله الحمام الزاجل ، لو مر بالما عارف شنو احرقه ولو مر بالشنو داك حطمه .... الخ)
وآخر شيء ختمته بالأغنية المشهورة وقتها ( أحلى جارة يا احلى جارة .. سالمينا لو بالعين ..أو بالإشارة)
ثم
كتبنا اسمائنا كاملة
والله صحي ....
اسمي واسم أخوي واسم زولنا (تفتيحة كوستي)
تخيل !!!! ثلاثة أحباب مرة واحدة
المهم شلت الجواب بعدما رشيت فيهو شوية ريحي حقت أخوي الكبير
ودخلتو في كتاب ومشيت وديتو ليها .... و فد جريه
لسؤ الحظ ... محبوبتنا ما قدّرت موضوع الحب الجماعي ده
البت من يومها داك انقطعت من المذاكرة معانا
وكمان كلمت البنتين التانيات انها ح تشتكينا في المدرسة
عشنا لنا كم يوم كدي .... في رعب لا يعلم به إلا الله
ومنها التوبة الياها
|
حباب ود القرير الزين
لكن أصلي آآآبسعلكم
الشي كفاي جداد ولا رحمتات لامن اتلميتوا فيها كلكم
جملة الايمان القراصة المتمرة ماهن قاعدين يسوولا السويتوهو مع بت الجيران دة
|
Post: #13
Title: Re: الريدي اللولا...
Author: ناصر احمد الامين
Date: 07-05-2011, 11:40 AM
Parent: #11
Quote: بس شفتهن جن طالعات وهي معاهن.. مشيت قدامن ورميت الجواب
وفِرِد جرية للبيت..
ولي يوم الليلي ماني عارف قرت الجواب ولا لا |
حركتك جـبانة لكين !!!
أتاريك ما اشتغلت (طلبة) من فراغ 
|
Post: #14
Title: Re: الريدي اللولا...
Author: طارق جبريل
Date: 07-06-2011, 10:44 AM
Parent: #13
Quote: حركتك جـبانة لكين !!!
أتاريك ما اشتغلت (طلبة) من فراغ |
يا حليل زمن الطُلب يا حبيب
كان زمن منقة ياخي
|
Post: #15
Title: Re: الريدي اللولا...
Author: طارق جبريل
Date: 09-29-2011, 11:19 AM
Parent: #14
خلق الله خايفة تفتوا
|
Post: #17
Title: Re: الريدي اللولا...
Author: عادل الباهي عبدالرازق
Date: 09-29-2011, 12:59 PM
Parent: #16
البوست برعاية شرطة النظام العام
Quote:
طالعات من معهد «الأمل» بعد ما كمَلِن حصَصِن.. |
انا لله انت من زمن معهد الامل بتاع الامتداد؟ الشيء ديناصور
ود جبريل
اخبارك واخبار الدراري ياحبيب
أها دي طوبتي
|
|