الداير يعرسلو مغربيي يجيني بي هني

الداير يعرسلو مغربيي يجيني بي هني


06-02-2011, 11:22 AM


  » http://sudaneseonline.com/cgi-bin/sdb/2bb.cgi?seq=msg&board=134&msg=1305915370&rn=0


Post: #1
Title: الداير يعرسلو مغربيي يجيني بي هني
Author: طارق جبريل
Date: 06-02-2011, 11:22 AM

يا الحبيبين كيفنكم
بالله المغربيات ديل يكبن ليكم في الجلكسات
ويتبسمن ليكم في الماسنجرات وانتو ترقدو خل علي سمنة الكعكي
انتو قايلين العرس دة ونسة ماسنجرات
باقي انا عارف السودانيين بالله يموتوا في الريدي
المغربيي تديهو حبتين جلكسات طوالي يشغل محمد ميرغني ويقبل وشو علي الحيطي ويجوعر
يا شباب كدي روقوا المنقة..
معظم زيجات الماسنجرات المغربية دي غير ناجحة
من التجارب المرت علي يمكن بس تجربتين كانن ناجحات بكل المقاييس
دحين يا الحبان قاعدين في المنافي دي
واول بسمة من مغربيي ترقدوا كاويق
يا شباب للظروف الاقتصادية الضاغطة جدا في المغرب (معظم) مغربيات الماسنجر عايزات ينفكن ويهربن
وفي جزء مقدر جدا منهن فاكات اللعب
دة ما بينفي انه المغربية مقارنة مع بقية العرب الاكثر وفاء
ولمن تريدك يمين تكتكش فيك زي صباع امير
وبتحسسك كأنك عايش في ايام الاندلس ديك
بس كمان يا شباب تخيروا.. ما تجوا مندلقين علي موية الجدول الكبير
والخلاص نوى العرس فيكم يشاور الناس
وباقي الحاجات بجيكم ليها بي مهلي

نقطة مهمة:
في برضو نوع مفتكر المغرب دي ماخور كبير
ودة رأي انطباعي ومغلوط جدا كرسوه الخليجيين
الخليجي بجي المغرب مفتكر حا يدقوا ليه تأشيرة الدخول في لباسو
وهو ما بشوف في المغرب اي حاجة
لانه من المطار للكبريهات ومفتكر الحتات دي ياها المغرب
وفيهم البيجي يتزوج مغربية عشان فنتازيا الجنس
ودي ماني عارف اشرحها كيفن





تليشة:
تاني واحد فيكم ابوهو يضربلي قبل ما يتأكد من البت
ويقولي الولد دة اقيف معاهو في العرس
يمين علي اقولو البت منطلقي

Post: #2
Title: Re: الداير يعرسلو مغربيي يجيني بي هني
Author: osman abdala
Date: 06-02-2011, 11:28 AM
Parent: #1

Quote: الخليجي بجي المغرب مفتكر حا يدقوا ليه تأشيرة الدخول في لباسو



ود جبرين شرقتني ياخ

يراحة علينا

Post: #4
Title: Re: الداير يعرسلو مغربيي يجيني بي هني
Author: معاوية عبيد الصائم
Date: 06-02-2011, 11:31 AM
Parent: #2

والله ماعارف اقول ليك شنو؟

عموما ازيك يامسخوط

Post: #14
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:24 PM
Parent: #4

Quote: والله ماعارف اقول ليك شنو؟

عموما ازيك يامسخوط


اووووووه ناس كوشة الجبل
كيفنك ياخي

Post: #5
Title: Re: الداير يعرسلو مغربيي يجيني بي هني
Author: محمد عبد الماجد الصايم
Date: 06-02-2011, 11:33 AM
Parent: #2

الرسول كان ما أسهبت في الفنتازيا دي!!

Post: #15
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:24 PM
Parent: #5

Quote: الرسول كان ما أسهبت في الفنتازيا دي!!


ان بقى رفدوني بترجعني

Post: #13
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:22 PM
Parent: #2

Quote: ود جبرين شرقتني ياخ

يراحة علينا

والله يا حبيبنا الخلايجة ديل مفتكرين انهم في مطار الدار البيضاء مفروض يلبسوا سوستة

Post: #3
Title: Re: الداير يعرسلو مغربيي يجيني بي هني
Author: معتصم محمد صالح
Date: 06-02-2011, 11:30 AM
Parent: #1

1

Post: #6
Title: Re: الداير يعرسلو مغربيي يجيني بي هني
Author: محمد عبد الماجد الصايم
Date: 06-02-2011, 11:36 AM
Parent: #3

-1

Post: #7
Title: Re: الداير يعرسلو مغربيي يجيني بي هني
Author: رغيم عثمان رغيم الحسن
Date: 06-02-2011, 11:54 AM
Parent: #6

والمادير يعرس بس داير يجى يسلم عليك يجيك بى وين

Post: #18
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:27 PM
Parent: #7

Quote: والمادير يعرس بس داير يجى يسلم عليك يجيك بى وين


افو
حبابك الف يا قريبي
انت جيتك بشاوروا فيها كمان

Post: #8
Title: Re: الداير يعرسلو مغربيي يجيني بي هني
Author: فيصل نوبي
Date: 06-02-2011, 11:56 AM
Parent: #6

Quote: وفي جزء مقدر جدا منهن فاكات اللعب
دة ما بينفي انه المغربية مقارنة مع بقية العرب الاكثر وفاء
ولمن تريدك يمين تكتكش فيك زي صباع امير
وبتحسسك كأنك عايش في ايام الاندلس ديك
ده ما كلام زول سمعان ده كلام زولن مجرب تب و تجارب مو تجربة وحيدي
وين الجماعة و إنت داير علي حلّ شعركـ يا ود جبرين !

Post: #9
Title: Re: الداير يعرسلو مغربيي يجيني بي هني
Author: السمؤال بدرالدين
Date: 06-02-2011, 12:06 PM
Parent: #8

رسل التأشيري بس

Post: #20
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:30 PM
Parent: #9

Quote: رسل التأشيري بس

يا قريبي الشي البيختوا فوقوا جك الليمون داك بي هنا راااااااااقد

Post: #26
Title: Re: الداير يعرسلو مغربيي يجيني بي هني
Author: almulaomar
Date: 06-02-2011, 12:38 PM
Parent: #9

ود جبريل المسخوط يا أخي بالغت وفي رواية أخرى قربت تبالغ ، وإنت جنس الأفكار دي بتجيبها من وين أوعك تقول لي بنات أفكارك فإن كان ذلك كذلك فأسمح لي أقول ليك أنهن مطلوقات عديل كده ، بصراحة قلت ود جبرين عايز يعمل بالآية الكربمة "وخلقناكم شعوباً وقبائل لتعارفوا" وقلت من هذا الباب ممكن ندخل تووش المغرب تونس فرنسا موريتانيا جامايكا صنعاء سعد قشرة وبالعكس لا مشكلة المهم عرس إن شاء الله يكون عرس كوره يكون فيه فك بوره وظهور جيل جديد يثري البشرية ولا بأس في أن يستنسخ البندوره.
والله فعلاً ليس كمن رأي كمن سمع فالناس في الكثير من أصقاع الدنيا بيسمعوا سمع وبس ، لكين يا ود جبريل لو آمنا يقينا بحكم مغربتك التي ما أنفكيت تمارس فيها منذ محاججة النمرود لأبي الأنبياء وحتى طلوع الشمس من المغرب ألا يكون في ذلك نفي وتدمير لقول حبوبه "ما في عود قال طق بلا شق" ويبدو أنك تنوي أن تهدم كل الحاجات الجميلة الفضلت على شاكلة "عايره وأدوها سوط" أو "شن بليت يا فصيح لا تصيح".
الشئ الداير أقولو ما في حاجة إسمها حصرياً الزمن دا كله على الهواء مباشرة وبالضرورة الشين والسمح في كل شعوب الدنيا موجود بعيداً عن المنطق التبريري لحالة كونه موجود ونحنا زاتنا العاملين فيهاأفضل شعوب الدنيا فينا ما فينا من مصائب وعجائب وهلم جمباً إلى جمب مع الحجات الكويسه، وإذا قلنا الشينه منكورة لابد أن نمتلك الشجاعة عندما ننتقد الناس.
أنا هسي الخلاني لفيت ودورت كدي شنو يعني قلت لي المورال أوف يور ستوري أن الزواج الماسنجري ليهو محاذير تشبه شراء البطيخ خاصة وأن المسافة تحول بين المرء وسيد البطيخ من أن يكون الطلب على السكين ، والحال كذلك قد تكون مسيخه وهو أمر نسبي و بيضاء وبرضو ما مشكه لكين كعب إن بقت لاقه لا بتنفع بعد الغدا لا بياكلنها الغنم وهل يستوي في ذلك الأوف لاين والأون لاين. ودجبريل أنا قايل بديت أخرف وأخير لي أقيف هنا.

Post: #34
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:21 PM
Parent: #26

Quote: ود جبريل المسخوط يا أخي بالغت وفي رواية أخرى قربت تبالغ ، وإنت جنس الأفكار دي بتجيبها من وين أوعك تقول لي بنات أفكارك فإن كان ذلك كذلك فأسمح لي أقول ليك أنهن مطلوقات عديل كده ، بصراحة قلت ود جبرين عايز يعمل بالآية الكربمة "وخلقناكم شعوباً وقبائل لتعارفوا" وقلت من هذا الباب ممكن ندخل تووش المغرب تونس فرنسا موريتانيا جامايكا صنعاء سعد قشرة وبالعكس لا مشكلة المهم عرس إن شاء الله يكون عرس كوره يكون فيه فك بوره وظهور جيل جديد يثري البشرية ولا بأس في أن يستنسخ البندوره.
والله فعلاً ليس كمن رأي كمن سمع فالناس في الكثير من أصقاع الدنيا بيسمعوا سمع وبس ، لكين يا ود جبريل لو آمنا يقينا بحكم مغربتك التي ما أنفكيت تمارس فيها منذ محاججة النمرود لأبي الأنبياء وحتى طلوع الشمس من المغرب ألا يكون في ذلك نفي وتدمير لقول حبوبه "ما في عود قال طق بلا شق" ويبدو أنك تنوي أن تهدم كل الحاجات الجميلة الفضلت على شاكلة "عايره وأدوها سوط" أو "شن بليت يا فصيح لا تصيح".
الشئ الداير أقولو ما في حاجة إسمها حصرياً الزمن دا كله على الهواء مباشرة وبالضرورة الشين والسمح في كل شعوب الدنيا موجود بعيداً عن المنطق التبريري لحالة كونه موجود ونحنا زاتنا العاملين فيهاأفضل شعوب الدنيا فينا ما فينا من مصائب وعجائب وهلم جمباً إلى جمب مع الحجات الكويسه، وإذا قلنا الشينه منكورة لابد أن نمتلك الشجاعة عندما ننتقد الناس.
أنا هسي الخلاني لفيت ودورت كدي شنو يعني قلت لي المورال أوف يور ستوري أن الزواج الماسنجري ليهو محاذير تشبه شراء البطيخ خاصة وأن المسافة تحول بين المرء وسيد البطيخ من أن يكون الطلب على السكين ، والحال كذلك قد تكون مسيخه وهو أمر نسبي و بيضاء وبرضو ما مشكه لكين كعب إن بقت لاقه لا بتنفع بعد الغدا لا بياكلنها الغنم وهل يستوي في ذلك الأوف لاين والأون لاين. ودجبريل أنا قايل بديت أخرف وأخير لي أقيف هنا.



والله يا بهجة عمر دة لف ودوران ساااااااااكت
باقيلي شغال مسانجرات زي الترتيب

يا حبيب التكنلوجيا دي جهجهت شكل الحب ياخي
بعدين البطيخة البيضة دي ما يها ذاتها المجهجهة خلق الله

Post: #10
Title: Re: الداير يعرسلو مغربيي يجيني بي هني
Author: خالد العطا
Date: 06-02-2011, 12:09 PM
Parent: #8

ود جبرين

سلام


في واحد جمبي قال ليك سجلني

بس ابعدني من الفاكات اللعب

Post: #12
Title: Re: الداير يعرسلو مغربيي يجيني بي هني
Author: محمد فرح
Date: 06-02-2011, 12:18 PM
Parent: #10

والله بالحيل بندور المغربيات
الناس ديل سمحاتم تمحن

Post: #23
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:33 PM
Parent: #12

Quote: والله بالحيل بندور المغربيات
الناس ديل سمحاتم تمحن

يا ود فرح المغاربة ديل ما بيحبوا الظلاميين

Post: #22
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:31 PM
Parent: #10

Quote: ود جبرين

سلام


في واحد جمبي قال ليك سجلني

بس ابعدني من الفاكات اللعب


يا قريبي كيفنك
واحد.. ولا لي رقبتك دي

Post: #19
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:29 PM
Parent: #8

Quote: ده ما كلام زول سمعان ده كلام زولن مجرب تب و تجارب مو تجربة وحيدي
وين الجماعة و إنت داير علي حلّ شعركـ يا ود جبرين !


ديشاااااااااااااك
يا حبيب مالك داير تجيبلنا الهوا
وزارة الداخلية رطانية من عند ناس قمر بوبا وخضر خليل
عاد نبقى الكبسيبات

Post: #17
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:26 PM
Parent: #6

Quote: -1

ما قلتوا نوبة

Post: #16
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:25 PM
Parent: #3

Quote: 1

عاد بعدين يا قريبي نبقى في الكع والكاع

Post: #11
Title: Re: الداير يعرسلو مغربيي يجيني بي هني
Author: محمد الكامل عبد الحليم
Date: 06-02-2011, 12:15 PM
Parent: #1

تحية....قبل شهرين كاملين جاد بي الزمان لزيارة المغرب في مهمة عمل...كان في خاطري صديقنا من زمن السجانة الاستاذ طلحة جبريل...كان يجمعنا شارع واحد مثلما كانت تجمعنا الفصول الدراسية مع اخاكم ابراهيم...نذكر جيدا قندران العم جبريل ونظراته الجادة الباطشة في بعض الاحيان لمن تسول له نفسه العبث في او حول ذاك القندران...اقرباءكم ناس احمد العطا ووالته كاكا كانوا يقيمون معنا في منزل واحد...لم اقابل الاستاذ طلحة منذ ان غادرنا الي كريمة لمواصلة التعليم..جالت تلك الخواطرفي مخيلتي وانابين حفاوة اهل المغرب بل قل حفاوة الزمان...الاستاذ بوبدي كان رفيقي في التجوال...سبحت معه في اناشيد السادة التيجانية وقام بتعريفي ببعض المسؤولين في الدولة وافاضوا علي بكرمهم الباذخ...

ولما كان طيف ام مازن يداعبني في صحوتي ومنامي كنت اراها في كل وجه جميل...

دحين يا ولدنا ساعد اخوانك لي بيت الحلال( لا تسوي سواة الحاسد الذي يذهب الي القبور ليغني الدنيا حلوة الدنيا حلوة)

لك الحب والاحترام

Post: #21
Title: Re: الداير يعرسلو مغربيي يجيني بي هني
Author: أيمن مبارك أبو الحسن
Date: 06-02-2011, 12:30 PM
Parent: #11

سلام يا طارق ...
أول حاجة شفر لينا البوست دا عشان نجيكم بي مهلة ..
آزروايز: أنا ما شفت البوست دا .. ولا بعرف ودا الصائم زاتووووووو

Post: #25
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:38 PM
Parent: #21

Quote: سلام يا طارق ...
أول حاجة شفر لينا البوست دا عشان نجيكم بي مهلة ..
آزروايز: أنا ما شفت البوست دا .. ولا بعرف ودا الصائم زاتووووووو


ما تخاف ود الصايم دة داير اسهاب بس ياخي

Post: #27
Title: Re: الداير يعرسلو مغربيي يجيني بي هني
Author: عبدالرحيم أبراهيم العبيد
Date: 06-02-2011, 12:41 PM
Parent: #21

الشيخ طارق جبريل
التحايا والاشواق
والله العظيم البوست ده أعمل ليه كوبي
وأنسخه ليك في بوست الامتداد
حرم تاني بتأشيره ما تدخل الامتداد
أعمل حسابك
ما تحرض الناس علي الانفلات الامني
والا ستوضع في القائمه البيضاء
لك ولجميع أفراد أسرتكم الكريمه
ولعموم أهل المغرب والمشرق
وأهلنا بالامتداد الصحه والعافيه

Post: #35
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:23 PM
Parent: #27

Quote: الشيخ طارق جبريل
التحايا والاشواق
والله العظيم البوست ده أعمل ليه كوبي
وأنسخه ليك في بوست الامتداد
حرم تاني بتأشيره ما تدخل الامتداد
أعمل حسابك
ما تحرض الناس علي الانفلات الامني
والا ستوضع في القائمه البيضاء
لك ولجميع أفراد أسرتكم الكريمه
ولعموم أهل المغرب والمشرق
وأهلنا بالامتداد الصحه والعافيه


يا حبيب والله الامتداد ما مشكلة وبيحبوا اللعبة الحلوة
المشكلة في قمر بوبا وخضر حسين خليل وقرايبهم
ديل ممكن يعوقوا اخوك

Post: #24
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 12:36 PM
Parent: #11

Quote: تحية....قبل شهرين كاملين جاد بي الزمان لزيارة المغرب في مهمة عمل...كان في خاطري صديقنا من زمن السجانة الاستاذ طلحة جبريل...كان يجمعنا شارع واحد مثلما كانت تجمعنا الفصول الدراسية مع اخاكم ابراهيم...نذكر جيدا قندران العم جبريل ونظراته الجادة الباطشة في بعض الاحيان لمن تسول له نفسه العبث في او حول ذاك القندران...اقرباءكم ناس احمد العطا ووالته كاكا كانوا يقيمون معنا في منزل واحد...لم اقابل الاستاذ طلحة منذ ان غادرنا الي كريمة لمواصلة التعليم..جالت تلك الخواطرفي مخيلتي وانابين حفاوة اهل المغرب بل قل حفاوة الزمان...الاستاذ بوبدي كان رفيقي في التجوال...سبحت معه في اناشيد السادة التيجانية وقام بتعريفي ببعض المسؤولين في الدولة وافاضوا علي بكرمهم الباذخ...

ولما كان طيف ام مازن يداعبني في صحوتي ومنامي كنت اراها في كل وجه جميل...

دحين يا ولدنا ساعد اخوانك لي بيت الحلال( لا تسوي سواة الحاسد الذي يذهب الي القبور ليغني الدنيا حلوة الدنيا حلوة)

لك الحب والاحترام


ود الكامل كيفنك
احمد العطا وبت كاكا رحمن الله
عمك جبريل خلى القندرانات وبقى ما قادر يمشي
طلحة موجود في المغرب
وابراهيم في دال قروب


يا حبيب اخواني ديل ماني دايرم يقعوا علي قفاهم
دايرلهم عرس مجيّه ماهو طبوج
المغاربة ناس حلوين وما عنصريين ياخي
بس لازم الزول يقع في اسرة كويسة

Post: #28
Title: Re: الداير يعرسلو مغربيي يجيني بي هني
Author: Abdlaziz Eisa
Date: 06-02-2011, 12:47 PM
Parent: #24

Quote: تليشة:
تاني واحد فيكم ابوهو يضربلي قبل ما يتأكد من البت
ويقولي الولد دة اقيف معاهو في العرس
يمين علي اقولو البت منطلقي




ولد جبريل

سلامات




التذكرة بتكلف كم؟؟؟

Post: #31
Title: Re: الداير يعرسلو مغربيي يجيني بي هني
Author: فايزودالقاضي
Date: 06-02-2011, 01:01 PM
Parent: #28

Quote: الداير بعرسلو مغربيي يجيني بي هني


الاقربون اولى ياخال ..


بالله صور من بتاعات العرس ومن العدم من التانيات*




ــــــــــــــــــ
*دوري المحترفين

Post: #37
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:25 PM
Parent: #31

Quote: الاقربون اولى ياخال ..


بالله صور من بتاعات العرس ومن العدم من التانيات*


يا ود اختي السوف لمن تمرق في سللاب بتجر واطي

Post: #36
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:24 PM
Parent: #28

Quote: التذكرة بتكلف كم؟؟؟


يا حبيب انت لمن تصل من حتتك البعيدي ديك تكون طلقتة

Post: #29
Title: Re: الداير يعرسلو مغربيي يجيني بي هني
Author: ابو جهينة
Date: 06-02-2011, 12:50 PM
Parent: #24

ود جبريل الزول الجزيل

سلام ماكن و غليد

وفيهم البيجي يتزوج مغربية عشان فنتازيا الجنس
ودي ماني عارف اشرحها كيفن


بشرحها ليك نظرا لسفري الكتير مع سعوديين لمدن مغربية كتيرة ( طنجة /كازا/منطقة إفران )

ديل الواحد فيهم لو متزوج واحدة كان تلاتة ، بيكون فاقد حاجات معينة في الأنثى ، حاجات محسوسة ما ملموسة ، لأنو هناك في بلدو بيكون جايب الوش بتاع ( سي السيد ) الحمش و بس و ما بيديها أي نوع من المعاشرة الهينة اللينة ، زولتو زولة قضاء حاجة جسدية لا غير ، و ما مديها أي نوع من الفرص لدلق مشاعرها لأنو عاوز يعيش مهاب الجانب ، و لكن ما أن يأتي إلى سواحل المغرب حتى تنطلق مشاعره أم فكو و يصبح إنسان تاني ( إنفصام مشاعر و أحاسيس ) ، بينما تعربد بدواخله فقط مقارنة مستديمة لل هنا و لل هناك
السياحة لديه هي الفنتازيا ال ذكرتها إنت ، بالنهار نايم و بالليل حايم فامباير Vampire عدييييل

دمتم

Post: #30
Title: Re: الداير يعرسلو مغربيي يجيني بي هني
Author: محمد أبوالعزائم أبوالريش
Date: 06-02-2011, 12:58 PM
Parent: #29


ود جبرين المسخوت .......... عا السلامة!

يا خوي لا بنغتغتو لا بنلبد ورا (واحد جنبي قال ليك) ...

أخوك داير لي رقبتو دي .... ومن زمان خايف يقع في (فك اللعب).

أها .... الناس ديل بيرضوا بي زول طبعو شين وداير يطبق؟

Post: #32
Title: Re: الداير يعرسلو مغربيي يجيني بي هني
Author: الامين موسى البشاري
Date: 06-02-2011, 01:14 PM
Parent: #30

نان بعد شـــنو يا الحبيب
الا عندي صاحبي برسلو ليك تب
..
..

__
طارق ازيك

Post: #38
Title: Re: الداير يعرسلو مغربيي يجيني بي هني
Author: جمال السنوسي
Date: 06-02-2011, 01:26 PM
Parent: #32

طارق حبيبنا

والله كلامك سمح

وزي ما انت عارف

الفك خشم بيوت

فك صامولة

فك سقف

فك كورة


ده كلو ما مهم

المهم

فك الكراع

لان فك الكراع

بيمنع اللعب


غايتو انا جني وجني فك القروش


اها شوف لينا الفك ده حدو وين

Post: #44
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:49 PM
Parent: #38

Quote: طارق حبيبنا

والله كلامك سمح

وزي ما انت عارف

الفك خشم بيوت

فك صامولة

فك سقف

فك كورة


ده كلو ما مهم

المهم

فك الكراع

لان فك الكراع

بيمنع اللعب


غايتو انا جني وجني فك القروش


اها شوف لينا الفك ده حدو وين


لا يا جيمي انت نوعك دة بيخوف المغربيات ذاااااااات

Post: #41
Title: Re: الداير يعرسلو مغربيي يجيني بي هني
Author: عبدالمجيد الكونت
Date: 06-02-2011, 01:45 PM
Parent: #32

والله ياقريبي زولا يستاهل له مرة مغربيي في الناس ديل كلهم بلاي انا ماهو في
دحين ما تتوصى علي وشوف لي وحيدي كدي تكون متل البرتكاني وتكون زيني ماها من النوع التاني داك

بعدين ولا في ابوي بيدقلك تلفون ولا شي انت ياك ولي امري بيهناك ومن هسع اديتك التوكيل بس اهم شي الشافعي تكون لهلوبة باقي اخوك حنيين ويحب الحاجات السمحي

Post: #45
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:50 PM
Parent: #41

Quote: والله ياقريبي زولا يستاهل له مرة مغربيي في الناس ديل كلهم بلاي انا ماهو في
دحين ما تتوصى علي وشوف لي وحيدي كدي تكون متل البرتكاني وتكون زيني ماها من النوع التاني داك

بعدين ولا في ابوي بيدقلك تلفون ولا شي انت ياك ولي امري بيهناك ومن هسع اديتك التوكيل بس اهم شي الشافعي تكون لهلوبة باقي اخوك حنيين ويحب الحاجات السمحي


عاد يا قريبي انت نوعك دة بينفع معاهن
كلما تزيدلو جرعة الجلكسات يرقد خل
يمين علي تموووووووووووووع رسمي

Post: #43
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:48 PM
Parent: #32

Quote: نان بعد شـــنو يا الحبيب
الا عندي صاحبي برسلو ليك تب
..
..

__
طارق ازيك



يا حبيب انت وكرت خلاص وردمناك تراب

Post: #33
Title: Re: الداير يعرسلو مغربيي يجيني بي هني
Author: حماد الطاهر عبدالله
Date: 06-02-2011, 01:19 PM
Parent: #30

الأخ/ طارق

تحياتي


Quote: ود جبرين المسخوت



أتاريك مسخوت وكمان مقطوع طاري، خلى الناس كل واحد يغطي قدحو....ولو فيه باقي يغطي قدح الجيران.

Post: #42
Title: Re: الداير يعرسلو مغربيي يجيني بي هني
Author: GamarBoBa
Date: 06-02-2011, 01:46 PM
Parent: #33

بالله سجل عندك الاوردر ده
1.مورتا- حبة واحدة (عسلية العينين- طويلة،شعر غجري مجنون)
2.حسبو - حبة واحدة (بنية العنينين-تعرف تلعب الأتاري)
3.الأكل قروشك داك -3 حبات (إكسبيرد)
4.الطاهر ساتي - حبتين لإنو سمين شديد دبل ليه الجرعات

مع توضيح مواني الاستلام وقيمة التأمين

وورينا يتعمل ليهم داون لوود من وين وما تنسي الكتلوجات...لأنو لو جو وشبكوا الناس (ملطشة ديال الحك) والذي منه والله زول يديهم موية ما يلقوا

Post: #47
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:56 PM
Parent: #42

Quote: بالله سجل عندك الاوردر ده
1.مورتا- حبة واحدة (عسلية العينين- طويلة،شعر غجري مجنون)


ياخي مورتا دة يمين لو جاء هنا ريالتو تسويلا نيل عدييييييل


Quote: 2.حسبو - حبة واحدة (بنية العنينين-تعرف تلعب الأتاري)


حسبو دة داير ليها واحدة من طنجة (طنجاوية)
يمين ترقدوا ليك كاويق


Quote: 3.الأكل قروشك داك -3 حبات (إكسبيرد)


دة عايز ليه واحدة من مدينة القنيطرة عشان ما يعرف هو الراجل ولا هي



Quote: 4.الطاهر ساتي - حبتين لإنو سمين شديد دبل ليه الجرعات


لا دة داير ليه صحراوية دبل قبينة

Post: #48
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:58 PM
Parent: #47

Quote: وورينا يتعمل ليهم داون لوود من وين وما تنسي الكتلوجات...لأنو لو جو وشبكوا الناس (ملطشة ديال الحك) والذي منه والله زول يديهم موية ما يلقوا


تعرف يا حبيب المطيشة ساهلة
العجب لو عارفهم بيسموا مواسير الموية شنو


دي الا في الخاص يا حبيب

Post: #49
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 02:03 PM
Parent: #48

المغربية على العموم طيبة شديد
بس عندها حب الامتلاك
راجلها دة يمين في الشارع تلقاها ماسكاهو من نصه وماشة
موش زينا نحن بيانتم ممكن يمشي قندران
المغربية اقتصادية شديد خصوصا في موضوع الميز والاكل
بتلقى روحك بتاكل كويس شديد وبي اقل تكاليف
ومافي حاجة اسمها باقي ملاح يترمي
بيلموه في باغات ولمن يبقى كتير بيسووا منو حاجة اسمها البايلا
بعيدن المغربية بيكون عندها هاجس كبير انها تسوي بيت
بتدفعك وتملي ليك بطاطيرك كلها لحدي ما تشتري الشقة ودي محمدة طبعا

بس الغالبية منهن بيصعب عليهن يعيشوا في السودان
الجو بالنسبة ليهن متعب شديد هناك
ياخي هنا لمن درجة الحرارة تصل 25
لمن تمشي البلاج بتلقى الامام لابس ليه خيط


اول شي لازم الزول العايز يعرس مغربية وناوي يرجع يستقر في السودان
الحتة لازم يحصل فيها توافق من الأول
لانه دي ممكن تكون سبب شكلة لي رب السماء

بنواصل...

Post: #131
Title: Re: الداير يعرسلو مغربيي يجيني بي هني
Author: عوض حمزة
Date: 07-02-2011, 11:40 AM
Parent: #49

Quote: ومافي حاجة اسمها باقي ملاح يترمي
بيلموه في باغات ولمن يبقى كتير بيسووا منو حاجة اسمها البايلا


دى فى خشمى ما بختها

Post: #133
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 12:43 PM
Parent: #131

Quote: دى فى خشمى ما بختها

يمين تضوقها علي تجوعر

Post: #46
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:52 PM
Parent: #33

Quote: أتاريك مسخوت وكمان مقطوع طاري، خلى الناس كل واحد يغطي قدحو....ولو فيه باقي يغطي قدح الجيران.


يا حماد انت من زمن القداحة
ياخي ديل بقن واقود

واحد قالوا معرس بت عمو
قالوا ليه العروس كيف
قال ليهم: ما عندها فرق مني

Post: #107
Title: Re: الداير يعرسلو مغربيي يجيني بي هني
Author: عوض حمزة
Date: 07-02-2011, 09:00 AM
Parent: #46

ود جبريل الزول اللذيييييييييذ
ازيك ..

باقى انا حارى لى اجازة قلت امشى عليهن .. اقصد المغرب
عندى واحد صاحبا لى حلف طلاااااق قال ما امشى المغرب قلتلو
سببك على شنو مابى لى الجيها.. قال لى حررررم ما بترجع ولا
بنشوف وجيهك دا ... يازول دا كلام شنو!!! قال لى عوض اسمعنى
سمح .. انا مشيت المغرب قبل ثلاثة سنين كان مفروض اقضى اسبوع
اجازة وابقى صاد .. على الحلف قضيت شهرين وخمسة ايام اكان رجعنى
وفاة جدى

انا قت لو ..ها زول ها .. انا جدى مات زماااان
دحين انا جاى تب لمكان المنبع قالو الفى دبى
والبحرين ديل هناااك ما بياكلن عيش .. كترااابة
اها الهناك ديل بكونن كيف !! ... انا جاى زول
INTERVIEWS البتلفق ديك بطبقة وببقى صاد اهلى
الرهيفة التنقد
اريتة ما تتلتق

Post: #40
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:42 PM
Parent: #30

Quote: ود جبرين المسخوت .......... عا السلامة!

يا خوي لا بنغتغتو لا بنلبد ورا (واحد جنبي قال ليك) ...

أخوك داير لي رقبتو دي .... ومن زمان خايف يقع في (فك اللعب).

أها .... الناس ديل بيرضوا بي زول طبعو شين وداير يطبق؟


حبيبنا
قالولي انت براك في المكتب
دحين لا تسويها في زميل الشغل



تليشة:
يا زول ما عندهم قشة مُرة في الدبيل
لكن بيخموك ريدة سااااااااااااكت وعادي تطش شبكة

Post: #39
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 01:40 PM
Parent: #29

Quote: ود جبريل الزول الجزيل

سلام ماكن و غليد

وفيهم البيجي يتزوج مغربية عشان فنتازيا الجنس
ودي ماني عارف اشرحها كيفن

بشرحها ليك نظرا لسفري الكتير مع سعوديين لمدن مغربية كتيرة ( طنجة /كازا/منطقة إفران )

ديل الواحد فيهم لو متزوج واحدة كان تلاتة ، بيكون فاقد حاجات معينة في الأنثى ، حاجات محسوسة ما ملموسة ، لأنو هناك في بلدو بيكون جايب الوش بتاع ( سي السيد ) الحمش و بس و ما بيديها أي نوع من المعاشرة الهينة اللينة ، زولتو زولة قضاء حاجة جسدية لا غير ، و ما مديها أي نوع من الفرص لدلق مشاعرها لأنو عاوز يعيش مهاب الجانب ، و لكن ما أن يأتي إلى سواحل المغرب حتى تنطلق مشاعره أم فكو و يصبح إنسان تاني ( إنفصام مشاعر و أحاسيس ) ، بينما تعربد بدواخله فقط مقارنة مستديمة لل هنا و لل هناك
السياحة لديه هي الفنتازيا ال ذكرتها إنت ، بالنهار نايم و بالليل حايم فامباير Vampire عدييييل

دمتم


الريس ابو جهينة كيفنك يا حبيب
تعرف سي السيد دي المجننة بوبي زاتها
بعدين المغربيات مستغلات الحتة دي للطيش
المغربية الحتة بتاعة الجنس دي والطقوس المحيطة بيها بيعرفوا ليها كويس
بجننوا ليك الخلايجة دي جن قبورة

Post: #50
Title: Re: الداير يعرسلو مغربيي يجيني بي هني
Author: خضر عبدالغفور
Date: 06-02-2011, 02:12 PM
Parent: #39

سلام طروق الشوق مطر
جيت اتاوق متاوقة ودالصايم في بوست اولادالامتداد ( وش مفطس من الضحك )

Post: #52
Title: Re: الداير يعرسلو مغربيي يجيني بي هني
Author: Tabaldina
Date: 06-02-2011, 02:18 PM
Parent: #50

..
.
ممكن ترسلها لاخوك طرد ..
بما انو الكرتيريا عندكـ منذ زمن ؟؟

-------

الاجراءات القانوية عليكم
ومرفقة بالمستندات الفوتغرافية
ورسوم الطرد علينا
واوعاك من التقر ..:)

Post: #60
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:40 PM
Parent: #52

Quote: ممكن ترسلها لاخوك طرد ..
بما انو الكرتيريا عندكـ منذ زمن ؟؟

-------

الاجراءات القانوية عليكم
ومرفقة بالمستندات الفوتغرافية
ورسوم الطرد علينا
واوعاك من التقر ..:)


يا حبيب لو المكنات خفت اعمل عمرة
المغاربة ديل ما بيحبوا الحبوب

Post: #59
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:37 PM
Parent: #50

Quote: سلام طروق الشوق مطر
جيت اتاوق متاوقة ودالصايم في بوست اولادالامتداد ( وش مفطس من الضحك )


اوووووووووه القيادة الامتدادية كلها في حوش المغاربة
يا عمك المتاوقة دي بتجيب الكتاحة

Post: #51
Title: Re: الداير يعرسلو مغربيي يجيني بي هني
Author: د.محمد حسن
Date: 06-02-2011, 02:14 PM
Parent: #39

اها يا الحبيب
انا داير لي سحبي
كيفن دي ؟

Post: #53
Title: Re: الداير يعرسلو مغربيي يجيني بي هني
Author: Sabri Elshareef
Date: 06-02-2011, 03:00 PM
Parent: #51

ود جبريل

تحية طيبة
حديثك صحيح

المغرب بها فقر زائد جدا ونسبة عدد كبير من النساء المغربيات يعشن حياة يتمنين اي مخارج لهن



نحن كتييير منا يريد البياض الحمره التي رفضها المهدي نجدها في نساء المغرب

عموما مع التكنلوجيا اصبح المسافات قريبه

الاصعب المشاكل الموجوده في العقول ما بين العروبه والزنوجه

وما بين رؤية متخلفي الفهم للدين والمتقدمين فيه من الرجال والنساء

كثير من شبابنا حاصل له استلاب من ينطق العربيه يعتقد ويحلف باليمين هو من نجد

اها نساء نجد ورجال نجد ما بيقدروا حمية هذا الشاب وعروبته ويرجعوه الي اصله الزنجي
وتصدر كلمات الاستخفاف تشعر بها في لبنان الخليج السعودية سوريا ومصر كثير منها الا فقرائها من النساء والرجال


حارب الله الفقر ولعنه

تعرف نسائنا مافي زيهن سمحات ولطاف وظراف

اما الاستغراب الذي نشهده الان حاجه تحير


لا مثيل للمراة السودانية بالنسبة لنا



شكرا يا ود جبريل

Post: #55
Title: Re: الداير يعرسلو مغربيي يجيني بي هني
Author: مها عبد الله
Date: 06-02-2011, 03:31 PM
Parent: #53

بالرغم من الدعوة لمقاطعة بوستات ود جبريل لكن الموضوع يحتاج لدخول ( أعوذ بالله من الشيطان الرجيم ) البوست كلو عزابه يا طارق ( لووووول )

كيفك طارق والعايلة لابأس عليك ، ( خسك تخدم خطابه اليوم ! ههههههههه )
الملاحظ أن المغربيات ما عندهم مشكله بجنسية الرجل الذي سترتبط به ، يعني ( إحنا ) السودانيات نادر جدا تلقي ليك سودانية ( متزوجه ) جنسية تانيه.

( ح نهدر معاك من بعد )

Post: #64
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:52 PM
Parent: #55

Quote: بالرغم من الدعوة لمقاطعة بوستات ود جبريل لكن الموضوع يحتاج لدخول ( أعوذ بالله من الشيطان الرجيم ) البوست كلو عزابه يا طارق ( لووووول )

كيفك طارق والعايلة لابأس عليك ، ( خسك تخدم خطابه اليوم ! ههههههههه )
الملاحظ أن المغربيات ما عندهم مشكله بجنسية الرجل الذي سترتبط به ، يعني ( إحنا ) السودانيات نادر جدا تلقي ليك سودانية ( متزوجه ) جنسية تانيه.

( ح نهدر معاك من بعد )



اوووووووووووووه مها اليابانية

كي ديارة
آش خبارك
غبرتي شحال هادي ما شفناك
ياك لا باس


المغربيات يا مها دايرات سترة الحال وخلاص
يمين بعرف واحدة بتريد سوداني وعرسته
يمين حافظة اغاني محمد ميرغني بتاعة الريدة ديك كلها

Post: #62
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:46 PM
Parent: #53

Quote: ود جبريل

تحية طيبة
حديثك صحيح

المغرب بها فقر زائد جدا ونسبة عدد كبير من النساء المغربيات يعشن حياة يتمنين اي مخارج لهن



نحن كتييير منا يريد البياض الحمره التي رفضها المهدي نجدها في نساء المغرب

عموما مع التكنلوجيا اصبح المسافات قريبه

الاصعب المشاكل الموجوده في العقول ما بين العروبه والزنوجه

وما بين رؤية متخلفي الفهم للدين والمتقدمين فيه من الرجال والنساء

كثير من شبابنا حاصل له استلاب من ينطق العربيه يعتقد ويحلف باليمين هو من نجد

اها نساء نجد ورجال نجد ما بيقدروا حمية هذا الشاب وعروبته ويرجعوه الي اصله الزنجي
وتصدر كلمات الاستخفاف تشعر بها في لبنان الخليج السعودية سوريا ومصر كثير منها الا فقرائها من النساء والرجال


حارب الله الفقر ولعنه

تعرف نسائنا مافي زيهن سمحات ولطاف وظراف

اما الاستغراب الذي نشهده الان حاجه تحير


لا مثيل للمراة السودانية بالنسبة لنا



شكرا يا ود جبريل


والله يا ود الشريف بنياتنا مافي زيهن اصلو
عموما المغاربة بشكل عام ما عندهم عنصرية
ابيض اصفر اسود دي ما عندهم بيها قضية
المهم يكون مسلم وبيحترمهم
غير العامل الاقتصادي الرجل المغربي بشكل عام شوية صعب
وممكن يضرب الزوجة او يدس مشاعره و...و..
والمغربيات يموتن في الحنية والكلام المعسول
وطبعا شبابنا ديل عندهم مدفق
بس ضروري الواحد يتعرف على البت عن قرب
ويجي يتعرف على أسرتها من قريب
وحتة الأسرة دي مهمة جدا جدا
المغاربة زيهم وزي بقية الله فيهم الكويس والكعب
بس وضع النقاط حول الحروف مهم جدا

بعدين طقوس العرس عنهم عجيبة وغريبة
ودي حا نشرحها لي قدام

Post: #54
Title: Re: الداير يعرسلو مغربيي يجيني بي هني
Author: أحمد الشايقي
Date: 06-02-2011, 03:26 PM
Parent: #51

يا طارق

دا البوست الوحيد المفروض يتم تداوله في المسنجر


سلام ونتلاقى في كازابلانكا


أحمـد

Post: #56
Title: Re: الداير يعرسلو مغربيي يجيني بي هني
Author: د.محمد حسن
Date: 06-02-2011, 03:35 PM
Parent: #54

Quote: سلام ونتلاقى في كازابلانكا

]

تاااااااااااااني

الله يرحم مصطفى سيد احمد

يابتاع مثنى وثلاث ورباع

Post: #57
Title: Re: الداير يعرسلو مغربيي يجيني بي هني
Author: Abdlaziz Eisa
Date: 06-02-2011, 03:40 PM
Parent: #54

Quote:
Quote: التذكرة بتكلف كم؟؟؟


يا حبيب انت لمن تصل من حتتك البعيدي ديك تكون طلقتة


ليش يا حبيب
انا راكب باخرة!!!

مولانا الشايقي سبقني بكتابة الرأي الفوق ده......... المسينجر..

لكن آسيا غير..
والسودانية فوق..
أحلى من نغمة فوق فوق بتاعة الكورة..


تحياتي

Post: #66
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:54 PM
Parent: #57

Quote: ليش يا حبيب
انا راكب باخرة!!!

مولانا الشايقي سبقني بكتابة الرأي الفوق ده......... المسينجر..

لكن آسيا غير..
والسودانية فوق..
أحلى من نغمة فوق فوق بتاعة الكورة..


تحياتي


يا حبيب بطل بتبتة

Post: #58
Title: Re: الداير يعرسلو مغربيي يجيني بي هني
Author: Adam Mousa
Date: 06-02-2011, 03:54 PM
Parent: #54

Quote: العجب لو عارفهم بيسموا مواسير الموية شنو


النبى فوقك كما قلتها..






تحياتى واشواقى..

Post: #67
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:55 PM
Parent: #58

Quote: النبى فوقك كما قلتها..




يا حبيب بيرفدوني
دي الا في الخاص

Post: #65
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:53 PM
Parent: #54

Quote: يا طارق

دا البوست الوحيد المفروض يتم تداوله في المسنجر


سلام ونتلاقى في كازابلانكا


أحمـد


يا قريبي بطنك غريقي خلاص

Post: #61
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:41 PM
Parent: #51

Quote: اها يا الحبيب
انا داير لي سحبي
كيفن دي ؟


يا دكتور انت قايل الخرابي دحشي

Post: #63
Title: Re: الداير يعرسلو مغربيي يجيني بي هني
Author: khaleel
Date: 06-02-2011, 04:49 PM
Parent: #61

اسمع ما عندكم كسر بالكيلي


ساكت

بدون عرس الزين


يا ود جبرين

Post: #68
Title: Re: الداير يعرسلو مغربيي يجيني بي هني
Author: الطيب شيقوق
Date: 06-02-2011, 04:56 PM
Parent: #63

عندكم شروط للعنكوليب ؟

Post: #70
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:57 PM
Parent: #68

Quote: عندكم شروط للعنكوليب ؟


ارقد يا عيش
هنا مافي عنكوليب يا حبيب
هنا ناس آيسكريم وكدة

Post: #69
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 04:56 PM
Parent: #63

Quote: اسمع ما عندكم كسر بالكيلي


ساكت

بدون عرس الزين


يا ود جبرين


دي معناها تجي مع الخلايجة


خلي كيفنك ياخ

Post: #71
Title: Re: الداير يعرسلو مغربيي يجيني بي هني
Author: ياسر إدريس حسن
Date: 06-02-2011, 04:59 PM
Parent: #63

الاخ الرائع طارق سلامات وكيف اخبارك والاسرة الكريمه

دائما بوستاتك رائعه ممتعه .

ممكن تشوف لي عروس مغربيه بس تكون من اميرة من الاسرة الملكه...وما داير لي تأشيرة بس ناس السيرة ديل اعمل ليهم شنو

مع مودتي وتقديري

Post: #72
Title: Re: الداير يعرسلو مغربيي يجيني بي هني
Author: HAIDER ALZAIN
Date: 06-02-2011, 05:23 PM
Parent: #71

الحمد لله عرست بت عمي ( علا بيني وبينك مضوقاني المُرة لي عمن جوالي شالتو وقرت الاسامي الفيهو والرسائل المرسلة والمستقبلة - وبعض الارقام دقت عليها عدييل - الحمد لله كنت شطبتك وقتها ههه )

** عارف زماان بدري كنت عاوز اعرس حبيبونة مغربية عرفة ماسنجر واخت واتصالات وكدة .. ما عارف اقول الله ستر والا الله ما اراد لكن بمعرفة اختها بالرياض ناس اسرة يملو العين - بالجد - تهانيني للصديق العرس اختها..
انا خفت حبتين وبعدين الحاج حلف طلاق قال .. انتا باطل يا ود بنات اهلك حايمات تمشي لينا لي الملك المغربي الما بنعرف اسمو .. كرضم كدة ونفخ جضومو وقال لي :
امش الله يسهل عليك عرس الدايرا حلبية من المغرب والا مصر علا ما ترجانا نجي نقيف معاك في عرسك انا وامك وبخيت وسعيد عرسك

طوطوت ضنبي وجيت رجعت عرست ( سعيدة الحظ ) ولى هسع ما في بالها شئ غير هذه المغربية تلف وتدور عاوزة طلب تقول ليك اول شئ .. انتا يا حيدر كنت عاوز تعرس مغربية؟؟
تقول ليها لا يا حياتي ..تقول ليك طيب فاتيكا عندهم غسول شعر ممكن انتا جايي من الشغل تجيب لي علبة
تقول ليها طبعاً يا حياتي ممكن انا لاقي زيك وين !!! وهكذا دوالييك ..

ــــــــــــ
هسسع ممكن احصل وين ياود جبريل هههههه

Post: #74
Title: Re: الداير يعرسلو مغربيي يجيني بي هني
Author: salah awad allah
Date: 06-02-2011, 05:45 PM
Parent: #72

الزول الظريف ود جبرين

سلامات يا اخوى
يعنى منقطع التذاكر

الحين معاى ود بيناوى قلنا نشد الرحيل فى الصيف لى ود جبرين ؟؟؟

نغير وجهتنا وين ؟؟؟ أفو ده كلام تقولوا ؟؟؟

Quote: تليشة:
تاني واحد فيكم ابوهو يضربلي قبل ما يتأكد من البت
ويقولي الولد دة اقيف معاهو في العرس
يمين علي اقولو البت منطلقي

Post: #83
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:11 PM
Parent: #74

Quote: الزول الظريف ود جبرين

سلامات يا اخوى
يعنى منقطع التذاكر

الحين معاى ود بيناوى قلنا نشد الرحيل فى الصيف لى ود جبرين ؟؟؟

نغير وجهتنا وين ؟؟؟ أفو ده كلام تقولوا ؟؟؟


يا حبيب خلك في خرطومك دي انت وشقي الحال داك
ديل آآبينفعن في كوستي وابو حمد
ديل دايرات الكنادش والتفاح

Post: #75
Title: Re: الداير يعرسلو مغربيي يجيني بي هني
Author: ناصر احمد الامين
Date: 06-02-2011, 06:03 PM
Parent: #72

و لا صورة واحده ما نزلت يا كافي البلا !!!

نفهم كيف يعني؟؟؟

Post: #84
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:15 PM
Parent: #75

Quote: و لا صورة واحده ما نزلت يا كافي البلا !!!

نفهم كيف يعني؟؟؟


اها نوعك دة بيجي واقع علي قدومو
اصبر يا الحبيب لي قدام حا نوصفلكم كل شي

Post: #76
Title: Re: الداير يعرسلو مغربيي يجيني بي هني
Author: عماد شمت
Date: 06-02-2011, 06:09 PM
Parent: #72

سلام ياريس

مادايرين ليكم مغني !!

غايتو لوكترت الطلبات انا جاهز...بعدي البحر بس

ماسورة شنو ياريس..!!

ربطو لي الحريرة سيرو !! اها دي الا يضحكوا فينا ..

لك التحيه ودمت عافيه حبيبنا الريس

Post: #85
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:19 PM
Parent: #76

Quote: سلام ياريس

مادايرين ليكم مغني !!

غايتو لوكترت الطلبات انا جاهز...بعدي البحر بس

ماسورة شنو ياريس..!!

ربطو لي الحريرة سيرو !! اها دي الا يضحكوا فينا ..

لك التحيه ودمت عافيه حبيبنا الريس

اووووووووووووه فنانا العظيم
عاد انت عاد ما شغالين معاك في الفرقة
بتكون قريت اولهم وآخرهم

Post: #82
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:06 PM
Parent: #72

Quote: الحمد لله عرست بت عمي ( علا بيني وبينك مضوقاني المُرة لي عمن جوالي شالتو وقرت الاسامي الفيهو والرسائل المرسلة والمستقبلة - وبعض الارقام دقت عليها عدييل - الحمد لله كنت شطبتك وقتها ههه )

** عارف زماان بدري كنت عاوز اعرس حبيبونة مغربية عرفة ماسنجر واخت واتصالات وكدة .. ما عارف اقول الله ستر والا الله ما اراد لكن بمعرفة اختها بالرياض ناس اسرة يملو العين - بالجد - تهانيني للصديق العرس اختها..
انا خفت حبتين وبعدين الحاج حلف طلاق قال .. انتا باطل يا ود بنات اهلك حايمات تمشي لينا لي الملك المغربي الما بنعرف اسمو .. كرضم كدة ونفخ جضومو وقال لي :
امش الله يسهل عليك عرس الدايرا حلبية من المغرب والا مصر علا ما ترجانا نجي نقيف معاك في عرسك انا وامك وبخيت وسعيد عرسك

طوطوت ضنبي وجيت رجعت عرست ( سعيدة الحظ ) ولى هسع ما في بالها شئ غير هذه المغربية تلف وتدور عاوزة طلب تقول ليك اول شئ .. انتا يا حيدر كنت عاوز تعرس مغربية؟؟
تقول ليها لا يا حياتي ..تقول ليك طيب فاتيكا عندهم غسول شعر ممكن انتا جايي من الشغل تجيب لي علبة
تقول ليها طبعاً يا حياتي ممكن انا لاقي زيك وين !!! وهكذا دوالييك ..

ــــــــــــ
هسسع ممكن احصل وين ياود جبريل هههههه

يا حبيب انت مع كرضيم جضوم الحاج دي
ما عليك الا تقع قدحك دة

يا حيدر المغاربة فيهم حاجات كتيرة مننا
حتى المذهب حقهم مالكي من دون بقية العرب
والطرق الصوفية دي في الاساس حقتهم
عشان كدة في حاجة مشتركة بيناتنا
وكمان بناتهم رياداااااااااااااااااااااااات
زي ولادنا الريادين ديل
يعني تسلم عليها طوالي تمشي تشغل عبد الحليم حافظ

Post: #73
Title: Re: الداير يعرسلو مغربيي يجيني بي هني
Author: Ali Sirelkhatim
Date: 06-02-2011, 05:43 PM
Parent: #71

Quote: ود جبريل الزول الجزيل

سلام ماكن و غليد

وفيهم البيجي يتزوج مغربية عشان فنتازيا الجنس
ودي ماني عارف اشرحها كيفن

بشرحها ليك نظرا لسفري الكتير مع سعوديين لمدن مغربية كتيرة ( طنجة /كازا/منطقة إفران )

ديل الواحد فيهم لو متزوج واحدة كان تلاتة ، بيكون فاقد حاجات معينة في الأنثى ، حاجات محسوسة ما ملموسة ، لأنو هناك في بلدو بيكون جايب الوش بتاع ( سي السيد ) الحمش و بس و ما بيديها أي نوع من المعاشرة الهينة اللينة ، زولتو زولة قضاء حاجة جسدية لا غير ، و ما مديها أي نوع من الفرص لدلق مشاعرها لأنو عاوز يعيش مهاب الجانب ، و لكن ما أن يأتي إلى سواحل المغرب حتى تنطلق مشاعره أم فكو و يصبح إنسان تاني ( إنفصام مشاعر و أحاسيس ) ، بينما تعربد بدواخله فقط مقارنة مستديمة لل هنا و لل هناك
السياحة لديه هي الفنتازيا ال ذكرتها إنت ، بالنهار نايم و بالليل حايم فامباير Vampire عدييييل

دمتم


الحبيب ود جبرين
شرح ابوجهينة ده ما بطال ونشكرو عليهو

علّى انا عايز شرحك ات البجيب الرفدييى

Post: #77
Title: Re: الداير يعرسلو مغربيي يجيني بي هني
Author: أحمد ابن عوف
Date: 06-02-2011, 06:15 PM
Parent: #73

سلام يا قريبي

Quote: ديشاااااااااااااك
يا حبيب مالك داير تجيبلنا الهوا
وزارة الداخلية رطانية من عند ناس قمر بوبا وخضر خليل
عاد نبقى الكبسيبات

ديل ارثودوكس بس يا عمك
قريبك هجين وكده زي ما عارف، شايحلفاكي (شايقي حلفاوي)

لي المُلك... ولكم القرطاس والكأس وحواء - او كما قال الملك يوما

المكوث اكتر من كده في البوست دا بجيب لينا الهوا ههههههه
صور يا عمك، خلينا نبكي بس، الشايقي ما حنين

Post: #78
Title: Re: الداير يعرسلو مغربيي يجيني بي هني
Author: مرتضي عبد الجليل
Date: 06-02-2011, 06:42 PM
Parent: #77

Quote: يا ود فرح المغاربة ديل ما بيحبوا الظلاميين


طارق جبريل سلام وتحية

مافي ظلاميات للزول دا؟؟؟
الظلاميون للظلاميات وكدا.

لك ودي.

Post: #80
Title: Re: الداير يعرسلو مغربيي يجيني بي هني
Author: عبدالعزيز حسين عبدالرحيم
Date: 06-02-2011, 07:01 PM
Parent: #78

---

واحد بخاف من مرته

Post: #89
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:33 PM
Parent: #80

Quote:
---

واحد بخاف من مرته

باقيلي حاكماك مطلعي زيتك يا الحبيب

Post: #88
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:30 PM
Parent: #78

Quote: طارق جبريل سلام وتحية

مافي ظلاميات للزول دا؟؟؟
الظلاميون للظلاميات وكدا.

لك ودي.

يا حبيب هني مافي ظلاميات

Post: #79
Title: Re: الداير يعرسلو مغربيي يجيني بي هني
Author: جمال الباقر
Date: 06-02-2011, 06:51 PM
Parent: #77

ود جبرين سلام


Quote: الداير يعرسلو مغربيي يجيني بي هني


انا.... وجادي جدا

Quote: المغربية على العموم طيبة شديد
بس عندها حب الامتلاك



حب الامتلاك دا مشكلة طبعا ودي سمعتها من صاحبي متزوج مغربية وعايش هنا في جدة


Quote: اول شي لازم الزول العايز يعرس مغربية وناوي يرجع يستقر في السودان
الحتة لازم يحصل فيها توافق من الأول
لانه دي ممكن تكون سبب شكلة لي رب السماء

دي مامشكلة
ايام الدراسة كانت لي علاقات طيبة مع المغاربة (طلاب ) ولم تكن معنا طالبة دفعة

Quote: بس ضروري الواحد يتعرف على البت عن قرب


ويجي يتعرف على أسرتها من قريب
وحتة الأسرة دي مهمة جدا جدا

دي عليك طبعا
اكرر انا جادي

Post: #90
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:36 PM
Parent: #79

Quote: دي عليك طبعا
اكرر انا جادي

يا دكتور اوعك بعدين تجي تقول ود جبريل رماني

Post: #87
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:25 PM
Parent: #77

Quote: ديل ارثودوكس بس يا عمك
قريبك هجين وكده زي ما عارف، شايحلفاكي (شايقي حلفاوي)

لي المُلك... ولكم القرطاس والكأس وحواء - او كما قال الملك يوما

المكوث اكتر من كده في البوست دا بجيب لينا الهوا ههههههه
صور يا عمك، خلينا نبكي بس، الشايقي ما حنين


ستلين يا قريبي قلت لي
هسي انا اولادي ديل الا اشلخهم كاروهات

الصور جاييي يا الحبيب لا تستعجل
اسكت بلع في ريقك

Post: #86
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:22 PM
Parent: #73

Quote: الحبيب ود جبرين
شرح ابوجهينة ده ما بطال ونشكرو عليهو

علّى انا عايز شرحك ات البجيب الرفدييى

علي هول ناس سر الختم
اختاني
اصلي عمري دة ما رفدوني من بُكان شي
داير تبهدلني علي آخر أيامي

Post: #81
Title: Re: الداير يعرسلو مغربيي يجيني بي هني
Author: طارق جبريل
Date: 06-02-2011, 07:02 PM
Parent: #71

Quote: الاخ الرائع طارق سلامات وكيف اخبارك والاسرة الكريمه

دائما بوستاتك رائعه ممتعه .

ممكن تشوف لي عروس مغربيه بس تكون من اميرة من الاسرة الملكه...وما داير لي تأشيرة بس ناس السيرة ديل اعمل ليهم شنو

مع مودتي وتقديري

حبيبنا ابو اليسر
ياخي كيفنك
غايتو ناس السيرة دي هنا ما بينفعوا
لانه لمغاربة ديل اعراعسهم كراسيها محدودة
بعدية اميرة شنو يا زول
مالك داير تجيب لينا الهوا

Post: #91
Title: Re: الداير يعرسلو مغربيي يجيني بي هني
Author: محمد عبدالرحمن
Date: 06-02-2011, 08:15 PM
Parent: #81



ياطارق قريبى قاعد جنبى يقرا فى كلامك دا ..
قاليك الناس ديل عندهم طقوس ..ولابجو (غبش )
ساكت ..


***

الناس دى كلها قاعد جنبها زول اشمعنا انا يعنى
...

Post: #92
Title: Re: الداير يعرسلو مغربيي يجيني بي هني
Author: سيف الدولة كامل
Date: 06-02-2011, 08:39 PM
Parent: #91

حبينا ... طارق ود جبرين ,,, كيفينك وكيف حال وليداتك .


والله بتخفف علينا كتييير بكلامك العسل يا طارق وتجبرنا ندخل

المنبر بالرغم من القرف الحاصل اليومين ديل.. أها المتلنا

ديل باقيلك بحصلوا المولد ولا بنطلع من غير حمص؟


مودتي

Post: #93
Title: Re: الداير يعرسلو مغربيي يجيني بي هني
Author: محمد النيل
Date: 06-02-2011, 09:08 PM
Parent: #92

Quote: حبينا ... طارق ود جبرين ,,, كيفينك وكيف حال وليداتك .


والله بتخفف علينا كتييير بكلامك العسل يا طارق وتجبرنا ندخل

المنبر بالرغم من القرف الحاصل اليومين ديل.. أها المتلنا

ديل باقيلك بحصلوا المولد ولا بنطلع من غير حمص؟


مودتي
انا واخوى الكاشف
زوجاتهم لا يعرفون درب سودانيزولاين
ولا الكمبيوتر ذاتو

Post: #94
Title: Re: الداير يعرسلو مغربيي يجيني بي هني
Author: سيف الدولة كامل
Date: 06-02-2011, 09:25 PM
Parent: #93

يا محمد النيل سلامات ... ما تجيب لينا الهوي خليها مستورة

هسع بتلقاهم ماخدين باسويرد وناطين هنا,, وحقوق المرأة وما

ماشابه ذلك . المسايسة كويسة. أنا المدام أول حاجة بتشوفها

من الصباح سودانيزاونلاين وناوية تتصل بي بكري عشان تأخد عضوية.

والله بتعرف البةرداب واحد واحد,,, أعمل حسابك من المافيا.

مودتي

Post: #95
Title: Re: الداير يعرسلو مغربيي يجيني بي هني
Author: Omer Mustafa
Date: 06-02-2011, 09:41 PM
Parent: #93

ود جبرين سلامات
بوست ذي اللوز ... الشافنا ناطين ليكـ قريب ماكضب

Post: #111
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:41 AM
Parent: #95

Quote: ود جبرين سلامات
بوست ذي اللوز ... الشافنا ناطين ليكـ قريب ماكضب

قلتلي قاعدين علي الهبشة

Post: #96
Title: Re: الداير يعرسلو مغربيي يجيني بي هني
Author: فاروق أبوحوه
Date: 06-02-2011, 09:44 PM
Parent: #92

بعد إتورطنا حِتين فتحت قديديمك دا ؟

جنس حسادي عليك غايتو

لا تكترلنا من (المديدي حرقتني) دي

Post: #97
Title: Re: الداير يعرسلو مغربيي يجيني بي هني
Author: د.محمد حسن
Date: 06-02-2011, 10:04 PM
Parent: #96

طارف\ق
مافي واحدة معدلة
البودي مغربي
والمكنة سودانية موديل 2011

يعني مسنونة سنة

Post: #98
Title: Re: الداير يعرسلو مغربيي يجيني بي هني
Author: الفاضل يسن عثمان
Date: 07-02-2011, 00:07 AM
Parent: #97



ود جبرين:

بوستك بيدفعنا الثمن نحن المساكين ديل.
حرم التذكرة من لندن الي مراكش ارخص من لندن ادنبرة
والحجز لمدة شهرين غير متوفر fully booked مسكينة ام بختين
البتمسح بالودك وراجية غطأء القدح.


مودتنا لريم ومحمد.

Post: #99
Title: Re: الداير يعرسلو مغربيي يجيني بي هني
Author: عماد شمت
Date: 07-02-2011, 00:34 AM
Parent: #98

عاد انت عاد ما شغالين معاك في الفرقة
بتكون قريت اولهم وآخرهم


طبعا ناس ظراف ومنفتحين ماعندهم العقد بتاعة العرب

وماعندهم العنصرية ذي التوانسة والجزائريين وحتي السودانيين

بس مشكلتنا معاهم في العربي ..قلت ليهم انتوا سمحيين بالحيل عل عربيكو شين

مرة قلت لفاطمة الله يديكي العافيه ..ضحكت لامن قعدت في الواطة!!!

استغربت جدا عن سبب الضحك ..قالت لي اياك تقولها لمغربي !!ليه ؟؟قالت مشكله مشكله

قالت العافيه معناها النار عندهم ..يعني انا قلت الله يديكي النار !!!

فياريس ورينا ماعلاقة العافية بالنار ..الناس ديل رضانتهم كتر (بضم الكاف)

اها الناس الدايرة تعرس عليها بكورس لغة في حوش جبرين....والا حتكون في مشاكل كتيرة..

والحريرة من المأكولات الشعبيه عندهم ..يعني مافي طريقة في العرس الفنان

يقول ربطوا ليه الحريرة...

تسلم ياريس


Post: #100
Title: Re: الداير يعرسلو مغربيي يجيني بي هني
Author: محمد النيل
Date: 07-02-2011, 03:38 AM
Parent: #99

يا سيف الدولة
Quote: والله بتعرف البةرداب واحد واحد,,,
سجمك
معنى كدا الخبر يكون وصلهم

=======




هسع تراجى مصطفى ح تجى ناطة لينا
والحرب على التعددية ح يبتدى تاااانى

انا غايتو شارد
الا كان تحصلنى فى الماسنجر

Post: #101
Title: Re: الداير يعرسلو مغربيي يجيني بي هني
Author: شهاب الفاتح عثمان
Date: 07-02-2011, 05:38 AM
Parent: #100

رساله نصح كامله الدسم ..

رائع كالعاده

Post: #102
Title: Re: الداير يعرسلو مغربيي يجيني بي هني
Author: علاء الدين حيموره
Date: 07-02-2011, 06:32 AM
Parent: #101

ود جبريل حبابك

مافي صور نتصبر بيها لامن نصلك ؟؟


يا ريت من فاس الما وراها ناس

Post: #103
Title: Re: الداير يعرسلو مغربيي يجيني بي هني
Author: نور الدين عثمان
Date: 07-02-2011, 06:42 AM
Parent: #102

والله ياود جبرين حكاية عرس من المغربية دايرنو علا اخير نشاورك بصفتك خبير وكده ونصيحتك تب مابنفوتها

Post: #105
Title: Re: الداير يعرسلو مغربيي يجيني بي هني
Author: امير عوض الجمري
Date: 07-02-2011, 06:57 AM
Parent: #103

Quote: يمين تكتكش فيك زي صباع امير

العجب كمان كان بقى (الوسطى) .. امانة مو كنكاش

Quote: بس كمان يا شباب تخيروا.. ما تجوا مندلقين علي موية الجدول الكبير

يا طارق ياخ اندلاقة شنو ! اسي عليك الله كان جابو ليك بنطلون جينز اصلي وملبوس ليهو سنة وجابو ليك شوال جدييييد لنج وسكراية ما كبوها فيهو .. اها بتلبس ياتو !!! مو ياهو الجينز الاصلي .. وطيّب !!!

Quote: الخليجي بجي المغرب مفتكر حا يدقوا ليه تأشيرة الدخول في لباسو

يمين ماك نصيح!!!

Quote: وفيهم البيجي يتزوج مغربية عشان فنتازيا الجنس
ودي ماني عارف اشرحها كيفن


Quote: يمين انت قليل حيا زايد انك برررضو يمين ماك نصيح ...
يمين علي اقولو البت منطلقي

عليك النبي في انطلاقة اكتر من اللتك دي !!

Post: #122
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:08 AM
Parent: #105

Quote: العجب كمان كان بقى (الوسطى) .. امانة مو كنكاش


باقيلي مجرب يا ود مربع 8


Quote: يا طارق ياخ اندلاقة شنو ! اسي عليك الله كان جابو ليك بنطلون جينز اصلي وملبوس ليهو سنة وجابو ليك شوال جدييييد لنج وسكراية ما كبوها فيهو .. اها بتلبس ياتو !!! مو ياهو الجينز الاصلي .. وطيّب !!!


انعل ابو الاسواق الحرة ذاتو

Quote: عليك النبي في انطلاقة اكتر من اللتك دي !!


يا دجانقو أفرز ياخي

Post: #121
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:05 AM
Parent: #103

Quote: والله ياود جبرين حكاية عرس من المغربية دايرنو علا اخير نشاورك بصفتك خبير وكده ونصيحتك تب مابنفوتها

حبابك يا زول بس شاور قبل تقع

Post: #119
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:03 AM
Parent: #102

Quote: ود جبريل حبابك

مافي صور نتصبر بيها لامن نصلك ؟؟


يا ريت من فاس الما وراها ناس



داير تقوم علي شوايقة ابو رنات ولا شنو

Post: #104
Title: Re: الداير يعرسلو مغربيي يجيني بي هني
Author: محمد عمر جبريل
Date: 07-02-2011, 06:49 AM
Parent: #101

البوست دا كان وووويييين؟!

Post: #106
Title: Re: الداير يعرسلو مغربيي يجيني بي هني
Author: إدريس محمد إبراهيم
Date: 07-02-2011, 07:47 AM
Parent: #104

Quote: بس الغالبية منهن بيصعب عليهن يعيشوا في السودان
الجو بالنسبة ليهن متعب شديد هناك
ياخي هنا لمن درجة الحرارة تصل 25
لمن تمشي البلاج بتلقى الامام لابس ليه خيط



شكيت محنك يا طارق جبريل .... ياخ كتلتنا بالضحك عديل ....

عني أنا بصراحة أعرف تجربتين ما مشجعات أبداً ...

واحد سعودي راجل محترم جداً متزوج من بنت عمه ولديه منها أطفال ... تزوج من مغربية في منتهى الجمال (كما حكى لي صديقي مدير أعمال الرجل وكان يتدخل ليحسم الخلافات التي تنشأ بينهم بسبب هذه الإنسانه .. ولا يقدر على ذلك إلا هو .. لأنهم يحبوه ويحترموه كثيراً ) .. سافرت مع أطفالها منه للمغرب ورفضت الرجوع .. سافر وراءها وجلس هناك حتى كاد الناس أن يفقدوا الأمل في عودته ... وطبعاً عندهم موضوع (الفقرا) ده على قفا من يشيل .. أخيراً اشترطت عليه للعوده معه للسعودية أن يطلق الأولى بنت عمه وأم عياله .. وللأسف فعل ذلك ...

التجربة الثانية كانت لأحد زملاءنا في العمل ... درس في المغرب وتزوج من مغربية تعرف عليها هناك ... وأنجب منها أولاد يكيلو العين .. مرات بيجينا المكتب وشوا مخربش ومليان دم التقول معرسلوا كديسه ... نسألو ده شنو يا فلان .. يقول ليك خليها على الله بس ويحكي ليك لامن تتمحن عديل ... ياخ الراجل ده كان دخلو ممتــــــــــــاز جداً وبيعمل Par timer في شركة تانيه يعني تقريباً أكثر من عشرة آلاف ريال شهرياً .. وده مبلغ كويس ... ومع كده يحلف ويقول ليك أنا راكوبه ساكت في السودان ما عندي .. تخيل !!!... أما الجرم الذي لا يغتفر يا طارق .. صاحبنا ده والده متوفي .. أحضر والدته بإقامة لكي تقيم معه هنا في الرياض ... تخيل وصلت بها السماجة وقله الأدب أن مدت يدها على والدته ... عرفت منه أخيراً أنه طلقها واستراح من شرها ...

وطبعاً ده ما بيمنع أن هناك تجارباً ناجحة جداً ... ولكن تبقى السودانيه هي الأقضل والأجمل والأنسب لأي سوداني .. وهذه طبعاً وجهة نظر قد يختلف معها الكثيرين ... شوف يا صاحبي .. أنحنا (بنحب من بلدنا ... ما بره البلد ) ... وش مليان خوف !!!...

مع خالص حبي وتقديري يا طارق ....

Post: #108
Title: Re: الداير يعرسلو مغربيي يجيني بي هني
Author: حبيب نورة
Date: 07-02-2011, 09:36 AM
Parent: #106


Post: #125
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:16 AM
Parent: #108

يا حبيب نورة
انت اقعد اضحك كدة لامن تلقى نفسك مسنفك

Post: #124
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:15 AM
Parent: #106

Quote: شكيت محنك يا طارق جبريل .... ياخ كتلتنا بالضحك عديل ....

عني أنا بصراحة أعرف تجربتين ما مشجعات أبداً ...

واحد سعودي راجل محترم جداً متزوج من بنت عمه ولديه منها أطفال ... تزوج من مغربية في منتهى الجمال (كما حكى لي صديقي مدير أعمال الرجل وكان يتدخل ليحسم الخلافات التي تنشأ بينهم بسبب هذه الإنسانه .. ولا يقدر على ذلك إلا هو .. لأنهم يحبوه ويحترموه كثيراً ) .. سافرت مع أطفالها منه للمغرب ورفضت الرجوع .. سافر وراءها وجلس هناك حتى كاد الناس أن يفقدوا الأمل في عودته ... وطبعاً عندهم موضوع (الفقرا) ده على قفا من يشيل .. أخيراً اشترطت عليه للعوده معه للسعودية أن يطلق الأولى بنت عمه وأم عياله .. وللأسف فعل ذلك ...

التجربة الثانية كانت لأحد زملاءنا في العمل ... درس في المغرب وتزوج من مغربية تعرف عليها هناك ... وأنجب منها أولاد يكيلو العين .. مرات بيجينا المكتب وشوا مخربش ومليان دم التقول معرسلوا كديسه ... نسألو ده شنو يا فلان .. يقول ليك خليها على الله بس ويحكي ليك لامن تتمحن عديل ... ياخ الراجل ده كان دخلو ممتــــــــــــاز جداً وبيعمل Par timer في شركة تانيه يعني تقريباً أكثر من عشرة آلاف ريال شهرياً .. وده مبلغ كويس ... ومع كده يحلف ويقول ليك أنا راكوبه ساكت في السودان ما عندي .. تخيل !!!... أما الجرم الذي لا يغتفر يا طارق .. صاحبنا ده والده متوفي .. أحضر والدته بإقامة لكي تقيم معه هنا في الرياض ... تخيل وصلت بها السماجة وقله الأدب أن مدت يدها على والدته ... عرفت منه أخيراً أنه طلقها واستراح من شرها ...

وطبعاً ده ما بيمنع أن هناك تجارباً ناجحة جداً ... ولكن تبقى السودانيه هي الأقضل والأجمل والأنسب لأي سوداني .. وهذه طبعاً وجهة نظر قد يختلف معها الكثيرين ... شوف يا صاحبي .. أنحنا (بنحب من بلدنا ... ما بره البلد ) ... وش مليان خوف !!!...

مع خالص حبي وتقديري يا طارق ....


يا حبيبنا كيفنك ياخي
يا عزيزي الحاجات دي ما فيها معيار ثابت
يمين انا بعرف واحد في السودان اتزوج من هنا ومشى اباطو والنجم
يمين هسي واحد من اغنياء الخرطوم
زوجته تأقلمت بسرعة مع السودان ووقفت معاهو لحدي ما نجح تماما
وهسي بتجي المغرب اجازات عشان تشوف ناس بيتهم
الكعب والكويس كلهن موجودات في اي مكان
بس وصيتي للناس الواحد ما يجي زول عرس
يجي في الأول يشوف البت ويتعرف علي أسرتها وبعداك يقرر

Post: #123
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:10 AM
Parent: #104

Quote: البوست دا كان وووويييين؟!


الغريبة اتوقعتك اول زول

Post: #118
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:02 AM
Parent: #101

Quote: رساله نصح كامله الدسم ..

رائع كالعاده

دكتور شهاب يا حبيب
ياخي كيفنك

Post: #117
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:58 AM
Parent: #100

Quote: انا غايتو شارد
الا كان تحصلنى فى الماسنجر


Post: #116
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:56 AM
Parent: #99

Quote: طبعا ناس ظراف ومنفتحين ماعندهم العقد بتاعة العرب

وماعندهم العنصرية ذي التوانسة والجزائريين وحتي السودانيين

بس مشكلتنا معاهم في العربي ..قلت ليهم انتوا سمحيين بالحيل عل عربيكو شين

مرة قلت لفاطمة الله يديكي العافيه ..ضحكت لامن قعدت في الواطة!!!

استغربت جدا عن سبب الضحك ..قالت لي اياك تقولها لمغربي !!ليه ؟؟قالت مشكله مشكله

قالت العافيه معناها النار عندهم ..يعني انا قلت الله يديكي النار !!!

فياريس ورينا ماعلاقة العافية بالنار ..الناس ديل رضانتهم كتر (بضم الكاف)

اها الناس الدايرة تعرس عليها بكورس لغة في حوش جبرين....والا حتكون في مشاكل كتيرة..

والحريرة من المأكولات الشعبيه عندهم ..يعني مافي طريقة في العرس الفنان

يقول ربطوا ليه الحريرة...

تسلم ياريس


والله يا حبيبنا عندهم كلام لو ترجمناهو لي الدارجة حقتنا بودي التوج
انا لي هسي قصة العافية المعناها النار دي ممحناني
تعرف لو لو الواحد فيهم عايز يقول ليك: بطني طامة
بيقول ليك: قلبي كيطلع ومروع

Post: #115
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:53 AM
Parent: #98

Quote: ود جبرين:

بوستك بيدفعنا الثمن نحن المساكين ديل.
حرم التذكرة من لندن الي مراكش ارخص من لندن ادنبرة
والحجز لمدة شهرين غير متوفر fully booked مسكينة ام بختين
البتمسح بالودك وراجية غطأء القدح.


مودتنا لريم ومحمد.


ما كنتوا هنا ملء السمع والبصر
عملتوا مجانين مالكم


تحياتي لي ناس مدني والصغيرة

Post: #132
Title: Re: الداير يعرسلو مغربيي يجيني بي هني
Author: علي الكرار هاشم
Date: 07-02-2011, 12:14 PM
Parent: #115

Quote: ودة رأي انطباعي ومغلوط جدا كرسوه الخليجيين


تحية يا ود جبرين
صاحبنا ابو شعيب حلاق مغربي
ومرات يأذن في جامع الحي في الرياض
يشكو مر الشكوي من الخليجيين الذين ذكرتهم
وعن الصورة القبيحة التي ألصقوها بالمغرب
يا ريت
تحدثنا عن الجانب الجميل هناك
ودمت

Post: #113
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:45 AM
Parent: #97

Quote: طارف\ق
مافي واحدة معدلة
البودي مغربي
والمكنة سودانية موديل 2011

يعني مسنونة سنة


يمين يا دكتور واحدة متزوجة سوداني جات من السودان شايلا طلحها ودلكتها

Post: #128
Title: Re: الداير يعرسلو مغربيي يجيني بي هني
Author: الزبير صالح الزبير
Date: 07-02-2011, 10:59 AM
Parent: #113

هو بالله الشغلة مدورة بالاول من هنا
يعني بوست الضحايا عندو اساس
وانا قايلة الشغلة ساكت كدة
لله كدة يعني
ماشفت لي الوظيفة لسة يا طارق

Post: #129
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 11:01 AM
Parent: #128

Quote: هو بالله الشغلة مدورة بالاول من هنا
يعني بوست الضحايا عندو اساس
وانا قايلة الشغلة ساكت كدة
لله كدة يعني
ماشفت لي الوظيفة لسة يا طارق



Post: #112
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:43 AM
Parent: #96

Quote: بعد إتورطنا حِتين فتحت قديديمك دا ؟

انت ما تنط الحاميك شنو
من هسي زردوك

Post: #110
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:40 AM
Parent: #92

Quote: حبينا ... طارق ود جبرين ,,, كيفينك وكيف حال وليداتك .


والله بتخفف علينا كتييير بكلامك العسل يا طارق وتجبرنا ندخل

المنبر بالرغم من القرف الحاصل اليومين ديل.. أها المتلنا

ديل باقيلك بحصلوا المولد ولا بنطلع من غير حمص؟


مودتي


استاذي العظيم سيف
كيفنك يا الحبيب
عاد انا خوف منك سااااااااااكت بجهزلك عزبة
بس شوف الحيكمة ألتك كيفنها

Post: #109
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:38 AM
Parent: #91

Quote: ياطارق قريبى قاعد جنبى يقرا فى كلامك دا ..
قاليك الناس ديل عندهم طقوس ..ولابجو (غبش )
ساكت ..


***

الناس دى كلها قاعد جنبها زول اشمعنا انا يعنى



يا قريبي تعال عدييييييل خلي الغتغتة

Post: #114
Title: Re: الداير يعرسلو مغربيي يجيني بي هني
Author: SHIBKA
Date: 07-02-2011, 09:52 AM
Parent: #109

عليك الله ياطارق كلم الرجال ديل تاني وتالت






سؤال
الصفحة بتقلب بعد كم مشاركة؟

Post: #126
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:18 AM
Parent: #114

Quote: عليك الله ياطارق كلم الرجال ديل تاني وتالت


يا قريبتي الناس دي بتجي تقع علي بوزها هنا
ياخي في السودان حقنا دة موش الناس بتسأل من الراجل ومن اسرة البت
وتيب



Quote: سؤال
الصفحة بتقلب بعد كم مشاركة؟


يحول السؤال لي ود الصايم

Post: #120
Title: Re: الداير يعرسلو مغربيي يجيني بي هني
Author: Abdlaziz Eisa
Date: 07-02-2011, 10:05 AM
Parent: #109

ود جبريل

سلام


المفراكة تعلن الحرب عليك!!

ياخي جيل الفيسبوك السوداني ده ما فاضي لي مغربي ولا اندلسي...

تقول لي بتبتة يا فتّان...

ده بوست بفتحوه بالنهار!!

Post: #127
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 10:20 AM
Parent: #120

Quote: ود جبريل

سلام


المفراكة تعلن الحرب عليك!!

ياخي جيل الفيسبوك السوداني ده ما فاضي لي مغربي ولا اندلسي...

تقول لي بتبتة يا فتّان...

ده بوست بفتحوه بالنهار!!


يا ود عيسى اصلو دة بوست ولا قزازة عرقي البيفتحوهو بالليل دة
بعدين الفيس بوك دة ذاتو ما هو الجاب الكبسيبات

Post: #130
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 11:02 AM
Parent: #127

يا شباب الواحد هنا عادي ممكن يجي قبل ما يمشي يتقدم بشكل رسمي
ياخد ليه قعدة قعدتين مع البت في قهوة محترمة
ياخد ويدي في الكلام
لانه الكلام عن قرب ما زي الماسنجرات
عشان تقدر تاخد قرار سليم لا بد تقعد مع البت اكتر من مرة قبل تمشي لي اهلها
اها لو عجبتك البت ولقيت انها زولتك تمشي الخطوة الثانية
تمشي تتعرف علي اهلها وفي الخطوة دي
الواحد بيشيل معاهو بوكيه ورد ومعاهو جا جاتو يا علبة شكلاتة شكلها حلو






وشيل ورد وشكلاتة
او ورد وجاتو
مفهووووووووووووووم

وباقي التفاصيل قدام

Post: #134
Title: Re: الداير يعرسلو مغربيي يجيني بي هني
Author: محمد عبدالرحمن
Date: 07-02-2011, 12:50 PM
Parent: #130

Quote: الواحد بيشيل معاهو بوكيه ورد ومعاهو جا جاتو يا علبة شكلاتة شكلها حلو


ياخوى ناسك ديل داخلين على طمع ...شكولاته وجاتوه مرة واحدة..
التمن بتاعهم الاتنين بسد ليك المال وبجادعك فى الشيله فى بعض
مناطق الجزيرة ..الخمج لزومو شنو؟

Post: #135
Title: Re: الداير يعرسلو مغربيي يجيني بي هني
Author: عصام علي أحمد
Date: 07-02-2011, 01:20 PM
Parent: #134

طارق قريبي

الولد راشد جبريل ماتشوف لينا حل ليهو فى البوست ده

Post: #136
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 01:30 PM
Parent: #135

Quote: تحية يا ود جبرين
صاحبنا ابو شعيب حلاق مغربي
ومرات يأذن في جامع الحي في الرياض
يشكو مر الشكوي من الخليجيين الذين ذكرتهم
وعن الصورة القبيحة التي ألصقوها بالمغرب
يا ريت
تحدثنا عن الجانب الجميل هناك
ودمت


ود الكرار كيفنك
تعرف الخلايجة ديل يمين بالله زي البهائم
حتى مومسات المغرب مسمياتنهم الخرفان
لانه الواحد فيهم بيجي زي البهيمي نازل مطار الدار البيضاء
من المطار للكباريهات طوالي
هناك كل الجو جو مومسات
وبيطلع على المطار تاني بعد ما ينتهي من بهيميته
عشان كدة لمن يمشي يتكلم عن المغرب بيكون بيتكلم عن كابريه
وبيون مفتكر انه المغرب دة كله كدة
المغاربة ديل ناس متسامحين مع نفسهم
فيهم اسر محافظة شديد (ودي الغالبية منهم)
كلام الخلايجة دة كلام انطباعي على أرض الواقع لا وجود له

Post: #138
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 01:39 PM
Parent: #135

Quote: طارق قريبي

الولد راشد جبريل ماتشوف لينا حل ليهو فى البوست ده


يا قريبي كيفنك ياخي
دة قنعنا منه نهائي
يا زول اعقدلو بي معرفتك وشيل المرة ودها ليه
وانا المسؤول

Post: #139
Title: Re: الداير يعرسلو مغربيي يجيني بي هني
Author: Abdlaziz Eisa
Date: 07-02-2011, 01:41 PM
Parent: #135

Quote: يا ود عيسى اصلو دة بوست ولا قزازة عرقي البيفتحوهو بالليل دة
بعدين الفيس بوك دة ذاتو ما هو الجاب الكبسيبات





عزيزي ولد جبريل




قزازة عرقي عديل..

انت بتحكها شديد كدا ليش!!

انت عارف لو الزول باراك... مش باراك اوباما... تجيب لينا الهوى..

تخيل في جلسة رومانسبة مع نغمات سودانية فيها التفاهم والإنسجام...
المغربية دي تقول ليك.. ياخي غير هذا!!
ياخي السودانية في أحلى منها..

وين يا أسمر
اسمر جميل
البريدو أسمر
أسمر جميل
..

Post: #142
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 02:51 PM
Parent: #139

Quote: عزيزي ولد جبريل




قزازة عرقي عديل..

انت بتحكها شديد كدا ليش!!

انت عارف لو الزول باراك... مش باراك اوباما... تجيب لينا الهوى..

تخيل في جلسة رومانسبة مع نغمات سودانية فيها التفاهم والإنسجام...
المغربية دي تقول ليك.. ياخي غير هذا!!
ياخي السودانية في أحلى منها..

وين يا أسمر
اسمر جميل
البريدو أسمر
أسمر جميل


يا حبيب انت قاعد في الفيافي ديك وتتوحوح

Post: #137
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 01:34 PM
Parent: #134

Quote: ياخوى ناسك ديل داخلين على طمع ...شكولاته وجاتوه مرة واحدة..
التمن بتاعهم الاتنين بسد ليك المال وبجادعك فى الشيله فى بعض
مناطق الجزيرة ..الخمج لزومو شنو؟


ديل الاتنين ما فايتاتلهن 40 دولا يا الحبيب
اصلها شيلتك دي كلها ترمس وفول حاجات ولا شنو

Post: #140
Title: Re: الداير يعرسلو مغربيي يجيني بي هني
Author: أيمن التوم حسن
Date: 07-02-2011, 01:46 PM
Parent: #130

ود جبرين سلام

انت لحدى الان ما اسهبت ياخ
ويييين الفانتازيا ؟؟






----------------------------
كامل التضامن مع الاخ ود الصايم فى طلبه المشروع

Post: #141
Title: Re: الداير يعرسلو مغربيي يجيني بي هني
Author: الزبير صالح الزبير
Date: 07-02-2011, 02:30 PM
Parent: #140

الإسهاب الإسهاب ياود جبريل
لا لا لا لغير الإسهاب
الإسهاب واجب وطني
الإسهاب طريق الحرية والعلمانية
الإسهاب الإسهاب

Post: #144
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 02:55 PM
Parent: #141

Quote: الإسهاب الإسهاب ياود جبريل
لا لا لا لغير الإسهاب
الإسهاب واجب وطني
الإسهاب طريق الحرية والعلمانية
الإسهاب الإسهاب


Post: #145
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 02:57 PM
Parent: #144



عروس مغربية ليلة زفافها
وبعد دة حا ندخل في التفاصيل
بدءا من ((الدفوع)) التي تعادل الشيلة عندنا وانت ماشي لحدي ما نصل للفنتازيا

Post: #143
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 02:52 PM
Parent: #140

Quote: ود جبرين سلام

انت لحدى الان ما اسهبت ياخ
ويييين الفانتازيا ؟؟






----------------------------
كامل التضامن مع الاخ ود الصايم فى طلبه المشروع

جاييكم ياخي
أمرنا لله نترفد الربع دة

Post: #146
Title: Re: الداير يعرسلو مغربيي يجيني بي هني
Author: Abdlaziz Eisa
Date: 07-02-2011, 03:04 PM
Parent: #143

Quote:
سؤال
الصفحة بتقلب بعد كم مشاركة؟


شبكة ازييك...
يخيل لي بتقلب بعد 100 مداخلة.. بس الحكاية ما صارت في بوستي بتاع الثورة المصرية.............
...........................................




باخوي ولد جبريل


الزمن ده البعد ماهو بالمسافات...
لكن السودانية فوق..
مغربياتك ديل شفناهم في ليبيا بالآلاف..

السماحة ما بالبياض..


Post: #147
Title: Re: الداير يعرسلو مغربيي يجيني بي هني
Author: ياسر بيناوي
Date: 07-02-2011, 03:27 PM
Parent: #146

اها يادو جبرين انا الغربية خليتا بعرس لي حبشية
لكن مخسم يالنبي

Quote: العجب لو عارفهم بيسموا مواسير الموية شنو

توريني مواسير الموية شن بقولولا
في الخاص وللا العام مافرقت
لكن والله الشمار كتل ود الصائم دا


خالص الود

Post: #148
Title: Re: الداير يعرسلو مغربيي يجيني بي هني
Author: Abdlaziz Eisa
Date: 07-02-2011, 03:41 PM
Parent: #147

Quote:




الداير يعرسلو مغربيي يجيني بي هني







والما داير
يبراك تب

الوطنية...
دلكة ودخان
وخمرة..

ما موجودة الا في السودانية

Post: #149
Title: Re: الداير يعرسلو مغربيي يجيني بي هني
Author: ياسر بيناوي
Date: 07-02-2011, 04:01 PM
Parent: #148

اها يا ودجبرين انا سحبت نضمي الفوق داك
وبلعت السيف متني تب بعد ما شفت الصورة




هو عليك الله في ناس زي ديل .....؟

عليك الله تباصر واحدي

وبالمرة كدة ماتنسي اصحابي صلاح عوض الله وهواري باقي ممكونييييييييييييييييييين وصابرين

خالص الود

Post: #150
Title: Re: الداير يعرسلو مغربيي يجيني بي هني
Author: سيف الدولة كامل
Date: 07-02-2011, 04:51 PM
Parent: #149

حبيبنا طارق,,, سلامات

يا طارق أخوي العزية دي برضو دايره باكو ورد وحلاوة؟

والله عاد ما أتلومت مع استاذك يا ود جبرين ما لقيت لي

غير العزبة . ما تشوف لي واحدة شوية فات فيها الفوات


مودتي

Post: #153
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 08:50 PM
Parent: #150

Quote: حبيبنا طارق,,, سلامات

يا طارق أخوي العزية دي برضو دايره باكو ورد وحلاوة؟

والله عاد ما أتلومت مع استاذك يا ود جبرين ما لقيت لي

غير العزبة . ما تشوف لي واحدة شوية فات فيها الفوات


مودتي

يا حبيب والله خوفنا ساكت من المدام
يمين سعودي عمره 75 سنة جاء هنا عرس ليه واحدة عمرها 18 سنة
اها انت بس تعال
بس المدام ما تقرأ البوست دة

Post: #152
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 08:48 PM
Parent: #149

Quote:
اها يا ودجبرين انا سحبت نضمي الفوق داك
وبلعت السيف متني تب بعد ما شفت الصورة




هو عليك الله في ناس زي ديل .....؟

عليك الله تباصر واحدي

وبالمرة كدة ماتنسي اصحابي صلاح عوض الله وهواري باقي ممكونييييييييييييييييييين وصابرين

خالص الود


ود نمر دربه مرق
الكلام فيك انت

Post: #151
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 08:46 PM
Parent: #146

Quote: باخوي ولد جبريل


الزمن ده البعد ماهو بالمسافات...
لكن السودانية فوق..
مغربياتك ديل شفناهم في ليبيا بالآلاف..

السماحة ما بالبياض..

انت باقيلي مزرزر زرزير عدوك

Post: #154
Title: Re: الداير يعرسلو مغربيي يجيني بي هني
Author: Rawia
Date: 07-02-2011, 09:34 PM
Parent: #151

ماتدوا المعلومة كاملة بالله
التغييب دا شكلو متعمد
أي زول ياخوانا شغال في الخليج مايفكر في المغربية
ممنوع إعطاء تأشيرة لمغربية للدخول في دول مجلس التعاون الخليجي
والسعودية وكلو






___________
ولاد الحرام ماخلوش لاولاد الحلال حاجة

Post: #155
Title: Re: الداير يعرسلو مغربيي يجيني بي هني
Author: طارق جبريل
Date: 07-02-2011, 09:41 PM
Parent: #154

Quote: ماتدوا المعلومة كاملة بالله
التغييب دا شكلو متعمد
أي زول ياخوانا شغال في الخليج مايفكر في المغربية
ممنوع إعطاء تأشيرة لمغربية للدخول في دول مجلس التعاون الخليجي
والسعودية وكلو






___________
ولاد الحرام ماخلوش لاولاد الحلال حاجة


ياخي شنو سوء الظن دة
لسة البوست ما كمل ياخي


يا راوية كيفنك ياخي

تعرفي الخلايجة ديل متشددين مع المغربيات
حسب عقيلتهم التي لا تتعدى ركبيهم
والغريبة اي امير ولا ملك خليجي عنده هنا قصر حدادي مدادي
والبيعملوا ليه عملية تجميل بيجي يستجم في المغرب
ممكن تقولي بيحكموا دولهم من الرباط

يا زولة خليني ساكت يمين المغاربة ديل ناس طيبين ساكت

Post: #156
Title: Re: الداير يعرسلو مغربيي يجيني بي هني
Author: Abd Alla Elhabib
Date: 07-02-2011, 11:24 PM
Parent: #155

طارق .. سـلام
أها إنشاء سلكت وتمام
بعـد عمـلية الكوبري ديك :-)
-----------
جاني تلفون من السـودان قبل شوية
من جنس لطيف هايج : "ياخ الإسمـو طارق ده
ما يبطل حركات التصدير دي ياخ .. نحن ما لاقين
عرسان وهـو يطفش .. المهـم صنفوك بي عدم الوطنية
وقالوا: في إنتظارك مفاجآت مؤلمة أول ما تجي السودان !!

Post: #157
Title: Re: الداير يعرسلو مغربيي يجيني بي هني
Author: عزان سعيد
Date: 08-02-2011, 02:56 AM
Parent: #156

ياخوانا البعرس بناتنا منو؟
قصة عرس المغربيات دي شايفها بقت ظاهرة
________________________________

أخوي طارق
صحي البيوت في المغرب رخيسي؟
:-)

Post: #159
Title: Re: الداير يعرسلو مغربيي يجيني بي هني
Author: طارق جبريل
Date: 14-02-2011, 10:10 AM
Parent: #157

Quote: أخوي طارق
صحي البيوت في المغرب رخيسي؟
:-)


باقيلي نويت

Post: #160
Title: Re: الداير يعرسلو مغربيي يجيني بي هني
Author: طارق جبريل
Date: 14-02-2011, 10:29 AM
Parent: #159

اها يا جماعة نجي للشيلة (الدفوع)
في الغالب الموضوع دة بيكون بي اتفاق بين العريس والعروس
على العموم الدفوع دي بيجيبوها اهل العريس في يوم معين
وهي تتكون من:
- شبكة (ما زي حقتنا ديك) حاجات بسيطة
- حناء وبيشيلوها بي طريقة معينة
- لبن (حليب) برضو بيقرطسوه بي طريقة معينة
- اقمشة تكاشط (وهي اقمشة تستخدمها العروس في اللبسة التقليدية المغربية)
- التمر المحشو بالجوز (القرقاع)
- السكر (اصبح تقليدي ومتجاوز)
- بوكيه ورد كبيير جدا
- تور (او خروف حسب الاتفاق)
- احذية (لكل تكشيطة حذاء)
في الغالب الحاجات دي بيكون فيها اتفاق بين العريس والعروس
لكن خمسة خمسة من كل حاجة مناسبة
294912c855.jpg Hosting at Sudaneseonline.com

دي التكشيطة
وهي اللبسة المغربية التقليدية للعروس
العريس يتكفل بالثوب والعروس بالخياطة

حا نواصل في ليلة العريس وليلة العروس
لانه فيها تفاصيل مملة وحسب كل منطقة
لانه شمال المغرب بيختلف تماما عن وسط وجنوب المغرب

قصرنا معاكم

Post: #158
Title: Re: الداير يعرسلو مغربيي يجيني بي هني
Author: طارق جبريل
Date: 14-02-2011, 10:04 AM
Parent: #156

Quote: طارق .. سـلام
أها إنشاء سلكت وتمام
بعـد عمـلية الكوبري ديك :-)
-----------
جاني تلفون من السـودان قبل شوية
من جنس لطيف هايج : "ياخ الإسمـو طارق ده
ما يبطل حركات التصدير دي ياخ .. نحن ما لاقين
عرسان وهـو يطفش .. المهـم صنفوك بي عدم الوطنية
وقالوا: في إنتظارك مفاجآت مؤلمة أول ما تجي السودان !!


يا حبيب قول للجكس دة نحن معاهو قلبا وقالبا

Post: #161
Title: Re: الداير يعرسلو مغربيي يجيني بي هني
Author: طارق جبريل
Date: 18-02-2011, 11:48 AM
Parent: #158

طريقة الاعراس في المغرب تختلف حسب كل منطقة

الطريقة في الشمال مثلا تختلف تماما عن الجنوب والوسط
ناس الشمال لانهم شوية منغلقين على نفسهم
في الغالب الاعم اعراسهم بتكون يومين
يوم حنة العروس ودة بيكون ما فيه رجال
العروس بتتحنن وبيكونوا معاها صحباتها وأهلها (نسوان بس) واهل العريس برضو نسوان بس
حتي الحفلة المغني بيكون فنانة ومعاها عازفات وليس عازفين
وبيسموهم الجوق




الحنا المغربية


عروس من شمال المغرب


العريس ايضا يقيم ليلة عرسه مع الرجال من اهله واهل العروس

Post: #162
Title: Re: الداير يعرسلو مغربيي يجيني بي هني
Author: طارق جبريل
Date: 21-02-2011, 10:39 AM
Parent: #161

العرس في مناطق الوسط والغرب (فاس مراكش الرباط الدار البيضاء الجديدة القنيطرة آسفي سلا .....)
في المناطق دي العرس تقريبا متشابه
يعني الحفلة بتكون مشاركة ما بين العريس والعروس وباتفاق الطرفين
وممكن تكون في قاعة افراح او سطوح العمارات
وبرضو ممكن تكون الدعوة فيها عشاء
اللهطة المغربية بأنواعها
أو ممكن تكون الدعوة الساعة التاسعة
ودي ما بيكون فيها عشاء
انما حلويات وحاجات مالحة (بيتزات وسامبكسات...)
وفي الغالب التكاليف بتكون مناصفة بين الطرفين
وطبعا العروس خلال الحفلة بتلبس عدة لبسات وبتختم العرس ولبسة الزفاف وتقطيع الطورتة






طبعا دخلة العروس بالنسبة للمغاربة مهمة جدا
بيشيلوها في حاجة اسمها العمارية
وبيكون في نوع معين من الغناء شغال
وبتلف الصالة كله لحدي ما تجي لـ((الكوشة)) وبتبدأ مراسم العرس

Post: #163
Title: Re: الداير يعرسلو مغربيي يجيني بي هني
Author: الزبير صالح الزبير
Date: 02-03-2011, 09:48 PM
Parent: #162

Quote: طبعا دخلة العروس بالنسبة للمغاربة مهمة جدا
بيشيلوها في حاجة اسمها العمارية
وبيكون في نوع معين من الغناء شغال
وبتلف الصالة كله لحدي ما تجي لـ((الكوشة)) وبتبدأ مراسم العرس


اها يا طارق النقول إبتدات مراسم العرس والناس رقصت واكلت الموالح والسمبوكسات والفنان كب نقتة وخلاص الحفلة انتهت
أها البعد داك البيحصل شنو
بالله بكثير من الإسهاب والتكرار الممل اصلي بحب اعرف ثقافات الشعوب وكدة

Post: #164
Title: Re: الداير يعرسلو مغربيي يجيني بي هني
Author: ياسر بيناوي
Date: 03-03-2011, 00:43 AM
Parent: #163

غايتو ياود جبرين البتكل عليك واطاتو اصبحت

اها انا حليت مشكلتي وجازفت بالفيس
وقريب جدا الشافني في الدار البيضاء وشابك خلق الله ( احبك بزاف بزاف ) ما كضب
لكن اخوي صلاح عوض الله لسه عليك الله ماتقصر معاهو



خالص الود

Post: #166
Title: Re: الداير يعرسلو مغربيي يجيني بي هني
Author: طارق جبريل
Date: 03-03-2011, 10:28 AM
Parent: #164

Quote: غايتو ياود جبرين البتكل عليك واطاتو اصبحت

اها انا حليت مشكلتي وجازفت بالفيس
وقريب جدا الشافني في الدار البيضاء وشابك خلق الله ( احبك بزاف بزاف ) ما كضب
لكن اخوي صلاح عوض الله لسه عليك الله ماتقصر معاهو



خالص الود


ايه رأيك يا بيناوي انا يوم الاحد كاتل لي عرس سوداني من مغربية في مدينة القنيطرة

Post: #165
Title: Re: الداير يعرسلو مغربيي يجيني بي هني
Author: طارق جبريل
Date: 03-03-2011, 10:26 AM
Parent: #163

Quote: اها يا طارق النقول إبتدات مراسم العرس والناس رقصت واكلت الموالح والسمبوكسات والفنان كب نقتة وخلاص الحفلة انتهت
أها البعد داك البيحصل شنو
بالله بكثير من الإسهاب والتكرار الممل اصلي بحب اعرف ثقافات الشعوب وكدة


يا ود الزبير بتتحمل تبعات الاسهاب دة


تعرف المغاربة ديل عندهم تفاصيل كدة تحير عديل
ياخي البت دي في ليلة دخلتها بكونوا مجهزين ليها تفاصيل كدة تمحن
خليك من الريحة والذي منه
انت ذاتك في روحك دي تلقاهم خاتين ليك شنطة صغيرة كدة فيها بشاكير وملابس داخلية خاصة جدا
موش زينا تجي عاضي تكتك في خشمك وتجي طاير

Post: #167
Title: Re: الداير يعرسلو مغربيي يجيني بي هني
Author: ناصر احمد الامين
Date: 03-03-2011, 10:36 AM
Parent: #165

Quote: انت ذاتك في روحك دي تلقاهم خاتين ليك شنطة صغيرة كدة فيها بشاكير وملابس داخلية خاصة جدا

خاصه جدا دي كيف يعني؟؟

Post: #168
Title: Re: الداير يعرسلو مغربيي يجيني بي هني
Author: طارق جبريل
Date: 03-03-2011, 10:46 AM
Parent: #167

Quote: خاصه جدا دي كيف يعني؟؟


يا ناصر لا تحكها شديد كدي
خلني لامن اجي دبي بحكيلك

Post: #170
Title: Re: الداير يعرسلو مغربيي يجيني بي هني
Author: ناصر احمد الامين
Date: 03-03-2011, 11:15 AM
Parent: #168

Quote: يا ناصر لا تحكها شديد كدي
خلني لامن اجي دبي بحكيلك


سمح

Post: #169
Title: Re: الداير يعرسلو مغربيي يجيني بي هني
Author: هواري نمر
Date: 03-03-2011, 10:50 AM
Parent: #165

Quote: ايه رأيك يا بيناوي انا يوم الاحد كاتل لي عرس سوداني من مغربية في مدينة القنيطرة



يا طارق
غيرت رأيك ما قُلته شغال في اليوم ده..!
أهم شئ تجهز من بدري بالله.
والآولاد معاك ...
لووووووووووووووول.




_
ياسر بيناوي...... يعلم الله عرس يوم الآحد ده الحيضره طارق
حيكون مبالغة..
ههههههههههههه.

Post: #171
Title: Re: الداير يعرسلو مغربيي يجيني بي هني
Author: ياسر بيناوي
Date: 03-03-2011, 01:20 PM
Parent: #169

Quote: ايه رأيك يا بيناوي انا يوم الاحد كاتل لي عرس سوداني من مغربية في مدينة القنيطرة

اووووووووووو نا القنيطرة نسابتي ....... شكل حتحضر اعراس كتيرة هناك
وقريبا جدا حتكون وزير عريس في القنيطرة




خالص الود

Post: #172
Title: Re: الداير يعرسلو مغربيي يجيني بي هني
Author: ياسر بيناوي
Date: 03-03-2011, 01:27 PM
Parent: #169

هواري
Quote: _
ياسر بيناوي...... يعلم الله عرس يوم الآحد ده الحيضره طارق
حيكون مبالغة..
ههههههههههههه.

اوع يكون عرسك انت يا المسنوح ( علي قول ودشيقوق )



خالص الود

Post: #173
Title: Re: الداير يعرسلو مغربيي يجيني بي هني
Author: طارق جبريل
Date: 05-03-2011, 01:53 PM
Parent: #169

Quote: يا طارق
غيرت رأيك ما قُلته شغال في اليوم ده..!
أهم شئ تجهز من بدري بالله.
والآولاد معاك ...
لووووووووووووووول.



العرس حا يكون مبالغة ياخي
بس قول يا رب