((المخجوجون))

((المخجوجون))


09-13-2010, 11:38 PM


  » http://sudaneseonline.com/cgi-bin/sdb/2bb.cgi?seq=msg&board=134&msg=1288287015&rn=30


Post: #1
Title: ((المخجوجون))
Author: طارق جبريل
Date: 09-13-2010, 11:38 PM
Parent: #0

المغرب
التحضير................................19 نقطة

الأكل/المشروبات.........................18 نقطة

مشاركة الأسر (و خاصة الأطفال)............18 نقطة

النشاط الإجتماعي.بعد الإفطار............17 نقطة

جودةالتوثيق (فوتوغرافي/فيديو)........ 18 نقطة


المجموع ...........90 نقطة

ثوار المغرب الاشاوس
ان رماكم الخردة كوستاوي في المرتبة الثانية
فاعلموا انكم في المقدمة
ستة بورداب يخلقون الحدث
ستة بورداب فقط في جالية يستطيع طفل الروضة ان يحصي عدد أفرادها
نستطيع ان نجد لكوستاوي العذر
فالرجل في خريف العمر ولن يقدر على ضغوطات ((الجزيرة))
التي حاولت ان تخلق لقطر مساحة اكبر من مساحتها التي لا تتعدى مهبط طائرات
محاولات كيكي صديق الكنابي وابكر جكس كانت مكشوفة منذ البداية
فالرجل لم يترك ((ويييييييييييي)) الا واستخدمها لترهيب الخردة
ولا يخفى علينا تحركات ((قوى الاستكبار)) ويظهر ذلك جليا في مداخلات
عميلات الغرب ((تراجي)) بكندا و((راوية)) بامريكا اللتان عملتا ((ون تو)) مفضوح
وان كانت اللجنة تاثرت ((بحلة الكوارع)) التي ارسلت مع ((راوية))
لرئيس اللجنة قبل يوم واحد من افطار ما يسمى ببورداب الدوحة
كان يمكننا ان نرسل مثلها على الطريقتين المغربية والسودانية
لكن آثرنا أن نكون شرفاء حتى الرمق الأخير
لكي يتأكد الجميع من الكم الهائل من الضغوطات التي مورست على اللجنة
يمكن مراجعة بوست اعلان النتيجة ويحصي مداخلات بورداب ((الدويحة))
مارست صاحبة ((الليلة ووووووووب)) كل ما يمكن ان يرهب اللجنة
وتوالت الضغوطات بعدها من((الصفوة)) هارون ثم الترغيب بّحلة ((ملوحة)) كاربة
من المدعو ساني وحاولت ((شبكة)) ان تنمق كلماتها لكن ما بين السطور كان فاضحا
ثم اتى خليل الرشاشة ليسأل اللجنة اثناء تنزيل النتائج ان كان الترتيب تصاعديا
وهذا لعمري تلاعب في اعصاب اللجنة يندى له الجبين ثم اتى ابو العزائم لتشتيت
الكورة ومحاولة ابعاد الشبهات عن الدوحة بمحاورته البوردابية ((الوحيدة رجاء))
ويبدو ان ((خجة الدوحة)) كانت اقوى من محاولات بورداب ((اللُقمة بالتشز)) بابوظبي
واقوى من تحركات المندوب الاممي ((عليش)) ولم تهتم اللجنة بصراخ بورداب جدة ((ناس حلاوة عكاز))
ولا مناوشات ((الرياض بنين)) وان كان المهداوي حاول التدخل بنوع
من ((الحنية)) لاجل ((مستضيفي الاجانب)) لكن محاولاته باءت بالفشل
شكرا لكل الذين ساندوا مجهوداتنا في ظل عددية صغيرة ومجهودات جبارة
سنظل اوفياء لمواقفنا المبدأية.. ولن نرسل لاحدا ((طاجينا مغربيا))
لكي ((يخج)) نتيجة مباراة شريفة من أجلنا
سنظل بالمرصاد لدول ((البترودولار)) و((قوى الاستكبار))
ونشكر للجنة ((خجتها)) في ظل ظروف الترهيب والوعيد الممارسة عليها
نشكر لها صبرها ((على هكذا ضغوط))
بوردب المغرب ارفعو رؤوسكم انتم الاوائل
انظروا لبوست ((T وD وH) سترون النتيجة الحقيقية
لان البوست كان حركة ذكية من اللجنة لتمرير النتيجة الحقيقية
وهي مشكورة ((على هكذا فهلوة))..
كل عام والجميع بالف خير

Post: #2
Title: Re: ((المخجوجون))
Author: Kostawi
Date: 09-13-2010, 11:48 PM
Parent: #1

والله لو كانت على أنا كان رميتكم و طلعتكم الطيش

أنجيرا هباني ولا الشايقي الطماع

Post: #14
Title: Re: ((المخجوجون))
Author: طارق جبريل
Date: 09-14-2010, 01:39 AM
Parent: #2

Quote: والله لو كانت على أنا كان رميتكم و طلعتكم الطيش

أنجيرا هباني ولا الشايقي الطماع

عاذرنك لا زال تاثير الكوارع ساري المفعول
لكن لعبة التصويت الشعبية ذكية منك

Post: #3
Title: Re: ((المخجوجون))
Author: عبدالكريم الامين احمد
Date: 09-13-2010, 11:51 PM
Parent: #1

لووووووووول
غايتو حنبكة المريخاب والمغرباب لذيذة خلاص وكلو سيم سيم بالكربون او بالاوكسجين كما عدلها خليل موخرا
وغني يا دوحة غني فالليلة يوم فرحنا
ونحن رغم سمستر صلاة النبي فوقنا كوستاوي فينا مكسر صلاة النبي فووقنا
مرافعة وحنبكة روعة ومدهشة وتاريخية وحننتي بالجد يا اركلوجي لووووووول
والدوحة ياخي لعب وتكتيك وحالتو الملف الترويجي بتاعنا ما اشتغلنا فيهو بلوتيكا الا بنص كلتش وعلي الماشي مثل كورة المرحوم سامي عزالدين في اخريات ايامه لانو شعارنا (يا دوحوجي ما يهمك يا دوحوجي واثقين منك)
وتاني تجو المولد يا ناس المغرب واخرين

Post: #4
Title: Re: ((المخجوجون))
Author: Tragie Mustafa
Date: 09-14-2010, 00:26 AM
Parent: #3

طارق جبريل يا حنابك

فائر مالك وعايز تاكلنا غلاط؟؟!!

يا اخي ما قلنا بورداب المرغب فازوا بجائزة الرشاقه
وكلكم طلعتوا خشب الله عبد الناشف؟؟!!

قوام فرنسي قال لك!!

يا حبيب نحن بيعجبنا الاكل البخي الناس كلهم

زي ودع هريره ان الركب مرتحلا وهل تطيق فراق ايها الرجل؟؟؟
غراء فرعاء مصقولا عوارضها تمشي الهوينا كما يمشي الوحي الوجل
كان مشيتها من بيت جارتها مر السحاب لا ريث ولا عجل!!
(هههههههههه)


اها طوانجنكم البتخلي الناس كلها قوامها فرانسي دي ما معانا.


وكمان عاملين كيزان وداسين نسوانكم و عندكم نفس تتفاصحوا؟؟؟

اي افطار مافيه الناس هلال ومريخ(الرجال مفصلوين من النساء) ما بيفوز!


اها السنه الجايه من حسه اعمل حسابك

وجيب الكجس الصاح وبعدين تعال اسالنا!!

ان ما لقيت لجنة التحيكم كلها بركت ما ابقى تراجي.

Post: #17
Title: Re: ((المخجوجون))
Author: طارق جبريل
Date: 09-14-2010, 01:45 AM
Parent: #4

Quote: طارق جبريل يا حنابك

فائر مالك وعايز تاكلنا غلاط؟؟!!

يا اخي ما قلنا بورداب المرغب فازوا بجائزة الرشاقه
وكلكم طلعتوا خشب الله عبد الناشف؟؟!!

قوام فرنسي قال لك!!

يا حبيب نحن بيعجبنا الاكل البخي الناس كلهم

زي ودع هريره ان الركب مرتحلا وهل تطيق فراق ايها الرجل؟؟؟
غراء فرعاء مصقولا عوارضها تمشي الهوينا كما يمشي الوحي الوجل
كان مشيتها من بيت جارتها مر السحاب لا ريث ولا عجل!!
(هههههههههه)


اها طوانجنكم البتخلي الناس كلها قوامها فرانسي دي ما معانا.


وكمان عاملين كيزان وداسين نسوانكم و عندكم نفس تتفاصحوا؟؟؟

اي افطار مافيه الناس هلال ومريخ(الرجال مفصلوين من النساء) ما بيفوز!


اها السنه الجايه من حسه اعمل حسابك

وجيب الكجس الصاح وبعدين تعال اسالنا!!

ان ما لقيت لجنة التحيكم كلها بركت ما ابقى تراجي.

يا تراجي تبريرات قوى الاستكبار اصبحت ممجوجة
انحيازكم وااااضح ولا لبث فيه
يعني معقولة تقيفي مع ابين كروش ديل
وتخلي الرشاقة والجمال المغربي
بعدين يا زولة نحن خايفين علي الجماعة ديل يريلوا لو جبنا العنصر النسوي
نحن خشب الله عبد الناشف ساااكت جبنا كثافتهم
امال لو جبنا ((العراجين)) يمين كلهم يطلبوا لجوء بوردي الى المغرب

Post: #5
Title: Re: ((المخجوجون))
Author: SHIBKA
Date: 09-14-2010, 00:28 AM
Parent: #3

ياطارق

يعني كنت عايز تطلعنا من المركز الاول وتمسك محلنا

هل يرضيك ضميرك

دا حالتو احنا ما اجتهدنا شديد

دا كلو شغل من الطرف كدا
اخدنا المركز الاول
مادامت جابت ليها نخجي وخج
السنة الجاية بنقعد ليك من شعبان


وتشوف الفوز من اصله



مبروك مبروك بورداب الدوحة
تستحقوا الجايزة

Post: #18
Title: Re: ((المخجوجون))
Author: طارق جبريل
Date: 09-14-2010, 01:48 AM
Parent: #5

Quote: ياطارق

يعني كنت عايز تطلعنا من المركز الاول وتمسك محلنا

هل يرضيك ضميرك

دا حالتو احنا ما اجتهدنا شديد

دا كلو شغل من الطرف كدا
اخدنا المركز الاول
مادامت جابت ليها نخجي وخج
السنة الجاية بنقعد ليك من شعبان


وتشوف الفوز من اصله

ما اجتهدتوا شنو يا شبكة
ياخي ود دياب قالوا فاتورة التليفون قدت ميزانيتو عدييييييل
ولا كيكي المشى مخصوص يوغندا عشان يفصل ليه لبسة تليق بالاحتفال
ياخي اختشوا وبعد دة ترشوا في اللجنة بي حلة كوارع
خجلت ليكم ياخي

Post: #36
Title: Re: ((المخجوجون))
Author: SHIBKA
Date: 09-14-2010, 07:47 AM
Parent: #18

طارق


Quote: ما اجتهدتوا شنو يا شبكة
ياخي ود دياب قالوا فاتورة التليفون قدت ميزانيتو عدييييييل
ولا كيكي المشى مخصوص يوغندا عشان يفصل ليه لبسة تليق بالاحتفال
ياخي اختشوا وبعد دة ترشوا في اللجنة بي حلة كوارع
خجلت ليكم ياخي


ود دياب الفاتورة القدت ميزانيتو ما عندها اي علاقة بالفطور دا
ولبسة كيكي قال يجيكم بحاجة كدا مختلفة عشان ما تسحرونا في لمتنا دي


انت ما تزعل
خلي روحك رياضية والسنة الجاية ابدا جهز ليها من هسة
وشوف ناس قناة الحرة ولي السي ان ان من هسة
عشان ما تقدر تغمض عينيك من هسة


اشتغل اشتغل
الشغل بالجاز

Post: #6
Title: Re: ((المخجوجون))
Author: غالب شريف
Date: 09-14-2010, 00:29 AM
Parent: #3

كوستاوي


كل عام وانت ومن والاك بخير وصحة وعافية

اجتهاد رائع وبوست موفق وياريت يكون تنافس سنوي بين الجاليات

لكن ناس تراجي ديل شكلهم الا يشجعوا بس ياكافي البلا لا مدرب لا تيم

وناس الدوحة نفعتهم الجزيرة مباشر كان ماهي كان طارق جبريل

من الشوط الاول طلعهم خارج المنافسة

نحن ناس انتورب المرة الجاية غايتو يمكن نشتري طارق جبريل

محترفا في فريقنا... المفاوضات معاهو تبدا في رجب القادم

Post: #7
Title: Re: ((المخجوجون))
Author: Tragie Mustafa
Date: 09-14-2010, 00:54 AM
Parent: #6

شوف يا طارق جبريل
مشيت اتحاوم في البوستات
كده شويه لقيت لك القصيده الفي بالي
جاب لي اخوي الصادق اسماعيل صدفه في محلي ولفحتها وجيتك بجاي
Quote:
تريك إذا دخلت على خلاء
وقد أمنت عيون الكاشحينا
ذراعي عيطل أدماء بكر
هجان اللون لم تقرأ جنينا
وثدياً مثل حق العاج رخصاً
حصاناً من أكف اللامسينا
ومتني لدنة سمقت وطالت
روادفها تنوء بما ولينا
ومأكمة يضيق الباب عنها

وكشحاً قد جننت به جنونا
وساريتي بلنط أو رخام
يرن خشاش جليهما رنينا





وووب علينا اها شفته وعينا المستلب ده؟؟؟
اها طواجن ما تعمل الجسم كده ما بتنافس معانا
كلم مغاربتك ديل بلا اكل صحي بلا اوهام معاهم(هههههههه)!
استيل خشب الله عبد الناشف ده ما بنفع معانا.

Post: #20
Title: Re: ((المخجوجون))
Author: طارق جبريل
Date: 09-14-2010, 01:53 AM
Parent: #7

Quote: شوف يا طارق جبريل
مشيت اتحاوم في البوستات
كده شويه لقيت لك القصيده الفي بالي
جاب لي اخوي الصادق اسماعيل صدفه في محلي ولفحتها وجيتك بجاي

Quote:
تريك إذا دخلت على خلاء
وقد أمنت عيون الكاشحينا
ذراعي عيطل أدماء بكر
هجان اللون لم تقرأ جنينا
وثدياً مثل حق العاج رخصاً
حصاناً من أكف اللامسينا
ومتني لدنة سمقت وطالت
روادفها تنوء بما ولينا
ومأكمة يضيق الباب عنها
وكشحاً قد جننت به جنونا
وساريتي بلنط أو رخام
يرن خشاش جليهما رنينا






وووب علينا اها شفته وعينا المستلب ده؟؟؟
اها طواجن ما تعمل الجسم كده ما بتنافس معانا
كلم مغاربتك ديل بلا اكل صحي بلا اوهام معاهم(هههههههه)!
استيل خشب الله عبد الناشف ده ما بنفع معانا.

يا تراجي جملة الايمان نجيب ليكم شوية ((الشحم دة واللحم دة))
والله المنبر دة كله يريل
اسالي الناس الدرسوا في المغرب

يمين الحنابك اللي قدام علي المنقة قلب التور
والنصايب المن وراء زي ((لُقمة)) الخلوة
ياخي ما تضيعي لينا نضالنا في الامور الانصرافية دي

Post: #19
Title: Re: ((المخجوجون))
Author: طارق جبريل
Date: 09-14-2010, 01:49 AM
Parent: #6

Quote: كوستاوي


كل عام وانت ومن والاك بخير وصحة وعافية

اجتهاد رائع وبوست موفق وياريت يكون تنافس سنوي بين الجاليات

لكن ناس تراجي ديل شكلهم الا يشجعوا بس ياكافي البلا لا مدرب لا تيم

وناس الدوحة نفعتهم الجزيرة مباشر كان ماهي كان طارق جبريل

من الشوط الاول طلعهم خارج المنافسة

نحن ناس انتورب المرة الجاية غايتو يمكن نشتري طارق جبريل

محترفا في فريقنا... المفاوضات معاهو تبدا في رجب القادم

يا غالب ياخي ديل استخدم جميع الطرق للضرب تحت الحزام
استعانوا حتى بقهوة الحبش لاستمالة اللجنة

Post: #16
Title: Re: ((المخجوجون))
Author: طارق جبريل
Date: 09-14-2010, 01:41 AM
Parent: #3

Quote: لووووووووول
غايتو حنبكة المريخاب والمغرباب لذيذة خلاص وكلو سيم سيم بالكربون او بالاوكسجين كما عدلها خليل موخرا
وغني يا دوحة غني فالليلة يوم فرحنا
ونحن رغم سمستر صلاة النبي فوقنا كوستاوي فينا مكسر صلاة النبي فووقنا
مرافعة وحنبكة روعة ومدهشة وتاريخية وحننتي بالجد يا اركلوجي لووووووول
والدوحة ياخي لعب وتكتيك وحالتو الملف الترويجي بتاعنا ما اشتغلنا فيهو بلوتيكا الا بنص كلتش وعلي الماشي مثل كورة المرحوم سامي عزالدين في اخريات ايامه لانو شعارنا (يا دوحوجي ما يهمك يا دوحوجي واثقين منك)
وتاني تجو المولد يا ناس المغرب واخرين

كيكي جلكسات
لا يغرنكم انتصاركم عبر الكوارع
واغداق الهداية العينية لرئاسة اللجنة
ان غدا لناظره

Post: #8
Title: Re: ((المخجوجون))
Author: Hatim Elmaki
Date: 09-14-2010, 01:02 AM
Parent: #1

نحن ناس انتورب المرة الجاية غايتو يمكن نشتري طارق جبريل

محترفا في فريقنا... المفاوضات معاهو تبدا في رجب القادم ((المخجوجون ((المخجوجون((المخجوجون((المخجوجون((المخجوجون

Post: #9
Title: Re: ((المخجوجون))
Author: كمال عباس
Date: 09-14-2010, 01:14 AM
Parent: #8

....... تحركات مريبة بالعاصمة الأمريكية قبيل أعلان النتيجة!!
وصلت للساحل الشرقي الأمريكي في زيارة أحيطت بتكتم شديد -مندوبة بورداب قطر -الزعيمة راوية العباسي وقد شوهدت بمطعم الأنجيرا -الشهير-بصحبة - كوستاوي (ادروب) في غداء عمل فاخر ...هذا وقد أفادت المصادر بأن زعيمة بورداب قطر دخلت المطعم وهي تحمل حقيبة سامسونايت يدوية ضخمة وقد خرجت بدونها!! والجدير بالذكر أن التسريبات الأولية التي خرجت من مركز كوستاوي - كانت قد أفادت بتصدر فعاليات بورداب المغرب بفارق كبير الأ أن الامور تغيرت بصورة درامية في اللحظات الأخيرة !! مبروك للزعيم طارق جبريل وصحبه الفوز في الأستفتاءالشعبي ونرجو الا يعيروا إنتباها لنتائج مركز (سعن) كوستاوي المخجوجة !!

Post: #10
Title: Re: ((المخجوجون))
Author: Rawia
Date: 09-14-2010, 01:22 AM
Parent: #9

Quote: .وان كانت اللجنة تاثرت ((بحلة الكوارع)) التي ارسلت مع ((راوية))

ههههههههه
اللجنة عاوزة ليها عشرة حلل كوارع وبستلتين موص واربعة جرادل (نشا) عشان يسووا ليها نص كيلو
تقول لي حلة واحدة بس

Post: #13
Title: Re: ((المخجوجون))
Author: Rawia
Date: 09-14-2010, 01:31 AM
Parent: #10

Quote: [....... تحركات مريبة بالعاصمة الأمريكية قبيل أعلان النتيجة!!
وصلت للساحل الشرقي الأمريكي في زيارة أحيطت بتكتم شديد -مندوبة بورداب قطر -الزعيمة راوية العباسي وقد شوهدت بمطعم الأنجيرا -الشهير-بصحبة - الأدروب كوستاوي في غداء عمل فاخر ...هذا وقد أفادت المصادر بأن زعيمة بورداب قطر دخلت المطعم وهي تحمل حقيبة سامسونايت يدوية ضخمة وقد خرجت بدونها!! والجدير بالذكر أن التسريبات الأولية التي خرجت من مركز كوستاوي - كانت قد أفادت بتصدر فعاليات بورداب المغرب بفارق كبير الأ أن الامور تغيرت بصورة درامية في اللحظات الأخيرة !! مبروك للزعيم طارق جبريل وصحبه الفوز في الأستفتاءالشعبي ونرجو الا يعيروا إنتباها لنتائج مركز (سعن) كوستاوي المخجوجة !!


من هسة لازمني توضيح
الكرت كان فيزا كارت
والاكسيبريشن ديت ديسيمبر تو ثاوزند الفين
ولونو برتقالي بالكحلي
واللوقو نمبر 123
اما الحاجة الساقطة ديك مامعانا من هسة ماتجيبوا لينا سمعة
انا ابواتي شيوخ ازهر

Post: #25
Title: Re: ((المخجوجون))
Author: طارق جبريل
Date: 09-14-2010, 01:59 AM
Parent: #13

Quote: من هسة لازمني توضيح
الكرت كان فيزا كارت
والاكسيبريشن ديت ديسيمبر تو ثاوزند الفين
ولونو برتقالي بالكحلي
واللوقو نمبر 123
اما الحاجة الساقطة ديك مامعانا من هسة ماتجيبوا لينا سمعة
انا ابواتي شيوخ ازهر

وبدأت الاعترافات تتوالى
تبا ((للمُسكرات)) اذن

Post: #24
Title: Re: ((المخجوجون))
Author: طارق جبريل
Date: 09-14-2010, 01:57 AM
Parent: #10

Quote: ههههههههه
اللجنة عاوزة ليها عشرة حلل كوارع وبستلتين موص واربعة جرادل (نشا) عشان يسووا ليها نص كيلو
تقول لي حلة واحدة بس

اعتراف ضمني واضح بفضيحة ((حلة الكوارع))

Post: #11
Title: Re: ((المخجوجون))
Author: Raja
Date: 09-14-2010, 01:24 AM
Parent: #9

أبصم بالعشرين يا كمال. ويا جماعة المكضبني يسأل أمبارح المسا الخردة ده كان وين؟ أنا لما إتصلتا الرد علي كان هو سخسيا (شخصيا).

يا طارق إنتو بتستحقوها ولا على كيف الكرمبا. وناس هولندا التاني والمركز التالت مشترك بين ناس الأمارات وكازاخستان (العبدة لله) لوووول.. قال دوحة قال

Post: #26
Title: Re: ((المخجوجون))
Author: طارق جبريل
Date: 09-14-2010, 02:01 AM
Parent: #11

Quote: أبصم بالعشرين يا كمال. ويا جماعة المكضبني يسأل أمبارح المسا الخردة ده كان وين؟ أنا لما إتصلتا الرد علي كان هو سخسيا (شخصيا).

يا طارق إنتو بتستحقوها ولا على كيف الكرمبا. وناس هولندا التاني والمركز التالت مشترك بين ناس الأمارات وكازاخستان (العبدة لله) لوووول.. قال دوحة قال

رجاء يا صديقة
لا تهتمي لأمر هذا الخردة ومشايعيه
احتفلي بالنجاح الحقيقي غير المزور
يعيش بورداب كازاخستان

Post: #12
Title: Re: ((المخجوجون))
Author: khaleel
Date: 09-14-2010, 01:26 AM
Parent: #9

انتخابات حرة نزيهة

حضرها مناديب من الاتحاد الاوربي

ومركز كارتر وقد قامت المفوضية باكمل وجه

اما فيديو الخج بتاع قناة الجزيرة اتضح لنا انه فيديو سليم

ولم تاخذ به المحكمة ولم تتطلب اعادة الانتخابات في دائرة اصدقاء البيئة

وفشل المرشح طارق جبريل في الحصول علي اصوات دائرته ومسقط راسه في الدار البيضاء


وعليه كما عودتنا الدوحة انها فريق بطولات ولا تعتمد علي وارغو او الحارس رمزي

بايدينا صممنا لازم نبنيك يا قطرنا


ارمي المنديل يا ود جبريل وتعال بارك لينا

Post: #27
Title: Re: ((المخجوجون))
Author: طارق جبريل
Date: 09-14-2010, 02:03 AM
Parent: #12

Quote: انتخابات حرة نزيهة

حضرها مناديب من الاتحاد الاوربي

ومركز كارتر وقد قامت المفوضية باكمل وجه

اما فيديو الخج بتاع قناة الجزيرة اتضح لنا انه فيديو سليم

ولم تاخذ به المحكمة ولم تتطلب اعادة الانتخابات في دائرة اصدقاء البيئة

وفشل المرشح طارق جبريل في الحصول علي اصوات دائرته ومسقط راسه في الدار البيضاء


وعليه كما عودتنا الدوحة انها فريق بطولات ولا تعتمد علي وارغو او الحارس رمزي

بايدينا صممنا لازم نبنيك يا قطرنا


ارمي المنديل يا ود جبريل وتعال بارك لينا

محاولات يائسة للدفاع عن لجنة ((مخجوجة))
تبا للرشاشات

Post: #15
Title: Re: ((المخجوجون))
Author: عادل نجيلة
Date: 09-14-2010, 01:40 AM
Parent: #9

Quote: حبيب نحن بيعجبنا الاكل البخي الناس كلهم

زي ودع هريره ان الركب مرتحلا وهل تطيق فراق ايها الرجل؟؟؟
غراء فرعاء مصقولا عوارضها تمشي الهوينا كما يمشي الوحي الوجل
كان مشيتها من بيت جارتها مر السحاب لا ريث ولا عجل!!
(هههههههههه)


اها طوانجنكم البتخلي الناس كلها قوامها فرانسي دي ما معانا.


وكمان عاملين كيزان وداسين نسوانكم و عندكم نفس تتفاصحوا؟؟؟

اي افطار مافيه الناس هلال ومريخ(الرجال مفصلوين من النساء) ما بيفوز!


اها السنه الجايه من حسه اعمل حسابك

وجيب الكجس الصاح وبعدين تعال اسالنا!!

ان ما لقيت لجنة التحيكم كلها بركت ما ابقى تراجي.




يا تراجي ياخ مالك علينا

( ودع هريرة أن الركب مرتحل(ن) .... فهل تطيق وداعآ إيها الرجل
غراء فرعاء مصقول عوارضها .... تمشي الهوينا كما يمشي الوجا الوحل

--------------

وطارق تطير طيرتو هو قاعد في مغرب السجمةدي لامتين!!

ويا طارق ما زمان قلت ليكم لجنة كوستاوي أختوها ما سمعتو كلامي ما عشان
الخج المتل ده ..

---------
ملحوظة:
بي صراحة بورداب الدوحة السنة دي إستحقوا الجائزة لكن المحيرني ناس بلجيكا
ديل هم الخجو صندوقهم .. ماعارف كيف جو في المركز التاني..!

Post: #23
Title: Re: ((المخجوجون))
Author: Rawia
Date: 09-14-2010, 01:57 AM
Parent: #15

Quote:

نحن ناس انتورب


والله من النمر الاخدتوها انا قلت قطع شك الناس ديل رسلوا ليهم نص قيراط لي كوستاوي دا








_______________
ياخ بلدكم سمحة سماحة ونضيفة نضافة
تملح في نص شارع الزلط وتاكل
بالمناسبة من اكتر المدن الشفتها عجبتني
المرة الجاية إحنا حندخل اللجنة
ومنكم اتنو مابنرضى الا بي قيراط كامل
مقطوع

Post: #29
Title: Re: ((المخجوجون))
Author: طارق جبريل
Date: 09-14-2010, 02:07 AM
Parent: #23

Quote: ياخ بلدكم سمحة سماحة ونضيفة نضافة
تملح في نص شارع الزلط وتاكل
بالمناسبة من اكتر المدن الشفتها عجبتني
المرة الجاية إحنا حندخل اللجنة
ومنكم اتنو مابنرضى الا بي قيراط كامل
مقطوع


نية مبتة من الآن لتقبل الرشوة

Post: #28
Title: Re: ((المخجوجون))
Author: طارق جبريل
Date: 09-14-2010, 02:05 AM
Parent: #15

Quote: ويا طارق ما زمان قلت ليكم لجنة كوستاوي أختوها ما سمعتو كلامي ما عشان
الخج المتل ده ..

عادل يا ود جيرانا
ياخي كيفنك
نعلك طيب في عضمك دة
لجنة كوستاوي يا حبيب اصرارنا عليها لفضح الاعيبها
التي وصلت الى ((حلة كوارع))

Post: #22
Title: Re: ((المخجوجون))
Author: طارق جبريل
Date: 09-14-2010, 01:56 AM
Parent: #9

Quote:
....... تحركات مريبة بالعاصمة الأمريكية قبيل أعلان النتيجة!!
وصلت للساحل الشرقي الأمريكي في زيارة أحيطت بتكتم شديد -مندوبة بورداب قطر -الزعيمة راوية العباسي وقد شوهدت بمطعم الأنجيرا -الشهير-بصحبة - الأدروب كوستاوي في غداء عمل فاخر ...هذا وقد أفادت المصادر بأن زعيمة بورداب قطر دخلت المطعم وهي تحمل حقيبة سامسونايت يدوية ضخمة وقد خرجت بدونها!! والجدير بالذكر أن التسريبات الأولية التي خرجت من مركز كوستاوي - كانت قد أفادت بتصدر فعاليات بورداب المغرب بفارق كبير الأ أن الامور تغيرت بصورة درامية في اللحظات الأخيرة !! مبروك للزعيم طارق جبريل وصحبه الفوز في الأستفتاءالشعبي ونرجو الا يعيروا إنتباها لنتائج مركز (سعن) كوستاوي المخجوجة !!

اضرب يا كيمو بيد من حديد
على ((حلل الكوارع)) المحمولة جوا

Post: #31
Title: Re: ((المخجوجون))
Author: علاء الدين صالح
Date: 09-14-2010, 02:18 AM
Parent: #9

Quote: ولم تهتم اللجنة بصراخ بورداب جدة ((ناس حلاوة عكاز))
بصراحة كدة يا طارق..
نِحنا سرَّخنا وطقّينا السكلي في شان ناس بلجيكا ما يفوزوا..
لكن أنا شخصياً لمَّن عِرفتا ناس دوحة الخير هم الفايزين..
بيني وبينك إتكيَّفتا..
يا أخوي بلدنا الفقُر القاعدين فيها دي ما مضمونة..
وفي أي وكِت ممكن الواحد يشتِّت منها واهي الدوحة فردة كعب بالعربية..
يعني يا ود جبرين عايزني أشجُب وأستنكِر وأدين فوز ناس الدوحة الحلوين؟
طيِّب السنة الجاية كان أنا بقيت واحد منهم خشمي يبقى مِلِح مِلِح؟
هييييي يا طارق جبريل أووووعك تحرِّشني على ناس الدوحة..
الدوحة الفيها حديقة البِدَع البتشوف فيها البِدَع..
الدوحة الفيها السمك والشاي الكَرَك..
الدوحة الفيها سوق واقِف وما عندهم زحمة مواقِف..
الدوحة الفيها فيلاجيو وما بذيعوها في الراديو..
الدوحة الفيها الجزيرة الما زي القنوات العويرة..
خليكُم إنتو مع قنوات المغاربة الأسلاكها ضاربة..
واقعدوا آكلوا الطواجِن وسافروا بميناء سواكِن
الدوحة وَيْ يييييييييي
اللجنة وَيْ يييييييييي

Post: #32
Title: Re: ((المخجوجون))
Author: طارق جبريل
Date: 09-14-2010, 02:21 AM
Parent: #31

Quote: بصراحة كدة يا طارق..
نِحنا سرَّخنا وطقّينا السكلي في شان ناس بلجيكا ما يفوزوا..
لكن أنا شخصياً لمَّن عِرفتا ناس دوحة الخير هم الفايزين..
بيني وبينك إتكيَّفتا..
يا أخوي بلدنا الفقُر القاعدين فيها دي ما مضمونة..
وفي أي وكِت ممكن الواحد يشتِّت منها واهي الدوحة فردة كعب بالعربية..
يعني يا ود جبرين عايزني أشجُب وأستنكِر وأدين فوز ناس الدوحة الحلوين؟
طيِّب السنة الجاية كان أنا بقيت واحد منهم خشمي يبقى مِلِح مِلِح؟
هييييي يا طارق جبريل أووووعك تحرِّشني على ناس الدوحة..
الدوحة الفيها حديقة البِدَع البتشوف فيها البِدَع..
الدوحة الفيها السمك والشاي الكَرَك..
الدوحة الفيها سوق واقِف وما عندهم زحمة مواقِف..
الدوحة الفيها فيلاجيو وما بذيعوها في الراديو..
الدوحة الفيها الجزيرة الما زي القنوات العويرة..
خليكُم إنتو مع قنوات المغاربة الأسلاكها ضاربة..
واقعدوا آكلوا الطواجِن وسافروا بميناء سواكِن
الدوحة وَيْ يييييييييي
اللجنة وَيْ يييييييييي

اها شوفوا الغواصات ديل

Post: #45
Title: Re: ((المخجوجون))
Author: علاء الدين صالح
Date: 09-14-2010, 10:14 AM
Parent: #32

Quote: اها شوفوا الغواصات ديل
وحالتي عضو في المكتب القيادي..
يعني لو إنتخبوني الرئيس..
الشافني سايقهم الدوحة عُمرة ما كضب

Post: #21
Title: Re: ((المخجوجون))
Author: طارق جبريل
Date: 09-14-2010, 01:54 AM
Parent: #8

Quote: نحن ناس انتورب المرة الجاية غايتو يمكن نشتري طارق جبريل

محترفا في فريقنا... المفاوضات معاهو تبدا في رجب القادم ((المخجوجون ((المخجوجون((المخجوجون((المخجوجون((المخجوجون

ابشر يا حبيب
الصراع شريف اينما كنا
لن تثننا حلة كوارع

Post: #30
Title: Re: ((المخجوجون))
Author: Rawia
Date: 09-14-2010, 02:12 AM
Parent: #21

طارق والله حننتني
أنا بتبرع ليكم بي نقطة واحدة من حقاتنا
لكن للاسف ماحتعمل حاجة برضو

معليش المرة الجاية
شدو حيلكم بس شوية

Post: #33
Title: Re: ((المخجوجون))
Author: haroon diyab
Date: 09-14-2010, 05:44 AM

بوست غير موفق

وكاااااااااااااااااااااااااكـ

Post: #34
Title: Re: ((المخجوجون))
Author: omer osman
Date: 09-14-2010, 06:22 AM
Parent: #33

طارق حبيبنا وناس الدوحة عزاز علينا ...........

خلاص خلوها الأول مشترك ..........

Post: #35
Title: Re: ((المخجوجون))
Author: معاوية الزبير
Date: 09-14-2010, 07:21 AM
Parent: #34

لاكين يا طارق جبرين لقيتك خرخار خرخرة

وجايبين ليك أبيات من الشعر وآيات من الذكر الحكيم

وبرضك ما مقتنع

Post: #37
Title: Re: ((المخجوجون))
Author: haroon diyab
Date: 09-14-2010, 07:47 AM
Parent: #35

علاء الدين صالح

عيدك مبارك

Quote: بصراحة كدة يا طارق..
نِحنا سرَّخنا وطقّينا السكلي في شان ناس بلجيكا ما يفوزوا..
لكن أنا شخصياً لمَّن عِرفتا ناس دوحة الخير هم الفايزين..
بيني وبينك إتكيَّفتا..
يا أخوي بلدنا الفقُر القاعدين فيها دي ما مضمونة..
وفي أي وكِت ممكن الواحد يشتِّت منها واهي الدوحة فردة كعب بالعربية..
يعني يا ود جبرين عايزني أشجُب وأستنكِر وأدين فوز ناس الدوحة الحلوين؟
طيِّب السنة الجاية كان أنا بقيت واحد منهم خشمي يبقى مِلِح مِلِح؟
هييييي يا طارق جبريل أووووعك تحرِّشني على ناس الدوحة..
الدوحة الفيها حديقة البِدَع البتشوف فيها البِدَع..
الدوحة الفيها السمك والشاي الكَرَك..
الدوحة الفيها سوق واقِف وما عندهم زحمة مواقِف..
الدوحة الفيها فيلاجيو وما بذيعوها في الراديو..
الدوحة الفيها الجزيرة الما زي القنوات العويرة..
خليكُم إنتو مع قنوات المغاربة الأسلاكها ضاربة..
واقعدوا آكلوا الطواجِن وسافروا بميناء سواكِن
الدوحة وَيْ يييييييييي
اللجنة وَيْ يييييييييي


يازول حبابك 1000

وكان ماشالتك الدوحة

نشيلك في رويس كيكي الغليد ده

Post: #46
Title: Re: ((المخجوجون))
Author: علاء الدين صالح
Date: 09-14-2010, 10:21 AM
Parent: #37

Quote: علاء الدين صالح

عيدك مبارك

يازول حبابك 1000

وكان ماشالتك الدوحة

نشيلك في رويس كيكي الغليد ده
الرائع هارون دياب
ياخ كل سنة وإنت وأُسرتك وناس الدوحة كُللللهم بألف خير
دة من ذوقك وروعتك وأصلك الطيِّب

تحياتي وعميق إحترامي

Post: #39
Title: Re: ((المخجوجون))
Author: محمد عمر الفكي
Date: 09-14-2010, 08:03 AM
Parent: #35

يا طارق مفور دمك مالك، رئيس اللجنة رجل في التسعينات من عمره، متوقع منه شنو؟ كان مصاب بزهايمر او خرف مبكر تجي تفور رزك معاه للدرجة دي، وكمان شايف تراجي شابكانا خشب الله عبد الناشف، انت تراجي دي من زمن دق الشلوفة والعكارة ومديدة الحلبة ولا شنو؟ ما شافت ناس باريس هيلتون وانا كورنيكوفا وبينوسي وجيسيكا البا على الطلاق ان نفسك قوي الاربعة تشيلهن فوق ضهرك مش نوع واحدة منو الا يجيبو ليها ونش ويدوهو ترس تقيل عشان يجرها.
انها المؤامرة التي حاكها بليل كيكي وعبيد الصائم ناس الكاش في قطر + طيشة جدة لينالوا من افطارنا وماعارفين كوستاوي دا شاتوهو بشنو بس قطع شك هارون دياب لعب دور في الموضوع دا.
اقول لك حاجة يا طارق ومن هسي ان الله حيانا نعلن مقاطعتنا لاي افطار يكون رئيس لجنة تحكيمو كوستا، والله كنا عارفين كيباكي ونجاد وناس الخج وموجابي بس خج الفطور دي جديدة لنج.
ولايهمك يا عمك.

Post: #62
Title: Re: ((المخجوجون))
Author: طارق جبريل
Date: 09-15-2010, 11:59 AM
Parent: #39

Quote: يا طارق مفور دمك مالك، رئيس اللجنة رجل في التسعينات من عمره، متوقع منه شنو؟ كان مصاب بزهايمر او خرف مبكر تجي تفور رزك معاه للدرجة دي، وكمان شايف تراجي شابكانا خشب الله عبد الناشف، انت تراجي دي من زمن دق الشلوفة والعكارة ومديدة الحلبة ولا شنو؟ ما شافت ناس باريس هيلتون وانا كورنيكوفا وبينوسي وجيسيكا البا على الطلاق ان نفسك قوي الاربعة تشيلهن فوق ضهرك مش نوع واحدة منو الا يجيبو ليها ونش ويدوهو ترس تقيل عشان يجرها.
انها المؤامرة التي حاكها بليل كيكي وعبيد الصائم ناس الكاش في قطر + طيشة جدة لينالوا من افطارنا وماعارفين كوستاوي دا شاتوهو بشنو بس قطع شك هارون دياب لعب دور في الموضوع دا.
اقول لك حاجة يا طارق ومن هسي ان الله حيانا نعلن مقاطعتنا لاي افطار يكون رئيس لجنة تحكيمو كوستا، والله كنا عارفين كيباكي ونجاد وناس الخج وموجابي بس خج الفطور دي جديدة لنج.
ولايهمك يا عمك.



يا ود الفكي المؤمرة باينة ولا لبث فيها
والخردة دة تاني في قيم ((حرينا)) ما بنرضى بحكمه

Post: #60
Title: Re: ((المخجوجون))
Author: طارق جبريل
Date: 09-15-2010, 11:20 AM
Parent: #35

Quote: لاكين يا طارق جبرين لقيتك خرخار خرخرة

وجايبين ليك أبيات من الشعر وآيات من الذكر الحكيم

وبرضك ما مقتنع


يا ود الزبير
نحن لا نستعين بقوى الاستكبار
ولا ((غوغاء)) الجزيرة من اجل الفوز

Post: #38
Title: Re: ((المخجوجون))
Author: SHIBKA
Date: 09-14-2010, 07:53 AM
Parent: #34

ياجنابو

Quote: خلاص خلوها الأول مشترك ..........


التميز والمركز الاول للدوحة وحدها

ولا نامت عيون المغرب

Post: #40
Title: Re: ((المخجوجون))
Author: عادل نجيلة
Date: 09-14-2010, 08:07 AM
Parent: #38

حقيقة يا طارق نطلب تعليق النتيجة لعدم وصول نتائج إفطار أطباء الخرطوم .. ولعدم بت اللجنة في ما حدث لذلك الإفطار .. محتمل جدآ فوز إفطار بورداب الخرطوم .. ورياضيآ لا يمكن إعلان البطولة قبل إكتمال نتائج جميع المباريات .. بالإضافة لإفطار فيتنام هانوي الذي لم يصل ألينا بعد.
بعد ده ممكن نقول في خج.

Post: #41
Title: Re: ((المخجوجون))
Author: عادل نجيلة
Date: 09-14-2010, 08:17 AM
Parent: #40

Quote: المدينة: الخرطوم - السودان (إفطار الأطباء)




بيان من لجنة اطباء السودان حول حظر اجهزة امن المؤتمر الوطني لافطارهم الرمضاني


بيان توضيحى حول

حظر الافطار السنوى الاول

لم يكن في نية اللجنة القائمة بإمور الأطباء فى ظل غياب أى جسم يقف معهم فى الحارة والباردة دون من أو أذى سوى إقامة إفطار رمضانى إجتماعى يمكّن الأطباء من لقاء خارج إطار العمل وفقا لشعيرة يعرفها المسلمون و أحيانا غير المسلمين كالأقباط الذين يقيمون إفطارا للمسلمين و لم نكن نعلم أننا القطاع الوحيد الغير مسموح له حتى بصلاة الجماعة لا سيما لو كان إمامها هو الأبوابى أو أحمد عبد الله أو عبد العزيز مثلا و لقد كان البرنامج الأدنى بعد 60 يومًا أو أكثر من الغياب عن إلتقاء جموع الأطباء و الذي منعته الأجهزة الأمنية.. حتى في رمضان !! مع سماحها لعامّة الناس بلا إستثناء .. بالرغم من ظلم الأطباء وممارسة الحيف عليهم , مع نقض العهود التى لم يوفِ بها من فصل وقطعٍ للمرتبات فمن غير اهل الحارة الذين يحررون بكاهم من الذى ياتى لنا بحقوقنا هل هو الاتحاد؟؟.. الوكيل؟؟ ام جهاز الامن؟؟.

إننا ورغم الخسائر المادية و الإلغاء الذى تم فى وقت متأخّر و إستدعاء كل من الأبوابى و عبدالعزيز .. و قبل أن يتم إطلاق سراحهم .. ورُغم كل تلك العراقيل إلا أنّه بحمد الله تم توزيع الإفطار الذي تمّ تحضيره سلفًا من قِبل الأطباء وطلاب الطب في ميزات الأطباء والطبيبات وللمرضى بمستشفى الخرطوم .. و بهذا تكون اللجنة قد مُنعت من كل شىء مفيد و أصبح كل تحرك مربوط بتضحيات بعض الأشخاص المستهدفين !!

و يبقى على جميع الأطباء التأمَل في ما جرى وسيجري و إتخاذ القرار المصيري في مستقبل الأطباء و لجنتهم و مهنة الطب عمومًا .. إذ أن هذه مهمّة كل الأطباء الذين قالوا بصوتٍ عالٍ: نعم لحقوقهم حتى النهاية!!

إذا قلتَ في شيءٍ نعم فأتمّهُ *** فإن نعم دينٌ على الحُرّ واجبُ

والله المستعان

لجنة أطباء السودان
22 رمضان المعظم 1431هـ


لجنة التحكيم سوف تنظر في جلسة خاصة لتقييم هذه المشاركة.....

التحية لأطبائنا في جميع أركان الوطن

ياخ إنتو ناس عظيمين كتير

Post: #64
Title: Re: ((المخجوجون))
Author: طارق جبريل
Date: 09-15-2010, 12:08 PM
Parent: #40

Quote: حقيقة يا طارق نطلب تعليق النتيجة لعدم وصول نتائج إفطار أطباء الخرطوم .. ولعدم بت اللجنة في ما حدث لذلك الإفطار .. محتمل جدآ فوز إفطار بورداب الخرطوم .. ورياضيآ لا يمكن إعلان البطولة قبل إكتمال نتائج جميع المباريات .. بالإضافة لإفطار فيتنام هانوي الذي لم يصل ألينا بعد.
بعد ده ممكن نقول في خج.


نجيلة يا ود جيرانا
ياخي اللجنة دي يمين في انتخابات لوسوتو ما تصلح

Post: #42
Title: Re: ((المخجوجون))
Author: محمد البشرى الخضر
Date: 09-14-2010, 08:19 AM
Parent: #38

يا ود جبريل لا تهتم الشغلانة واضحة فيها شبهة المجاملة من اللجنة الغير محايدة
ثم الإفطار غير شرعي
مش جابو الآبري في عدة الفيستا

Post: #65
Title: Re: ((المخجوجون))
Author: طارق جبريل
Date: 09-15-2010, 12:12 PM
Parent: #42

Quote: يا ود جبريل لا تهتم الشغلانة واضحة فيها شبهة المجاملة من اللجنة الغير محايدة
ثم الإفطار غير شرعي
مش جابو الآبري في عدة الفيستا


والله يا ود البشرى هي لجنة ما قادرة تفرز المريسة من الكركدي
دي لجنة شنو دي

Post: #43
Title: Re: ((المخجوجون))
Author: omer osman
Date: 09-14-2010, 08:45 AM
Parent: #38

Quote: التميز والمركز الاول للدوحة وحدها

ولا نامت عيون المغرب



ياشبكة ياخ ... طارق ده ما ولدكم .......

انا بالنسب ساي بنحاز لاولاد الامتداد .......

Post: #44
Title: Re: ((المخجوجون))
Author: SHIBKA
Date: 09-14-2010, 09:10 AM
Parent: #43

Quote: انا بالنسب ساي بنحاز لاولاد الامتداد .......


كان بالنسب مجبورين نجامل ناس الامتداد

Post: #47
Title: Re: ((المخجوجون))
Author: Ahmed musa
Date: 09-14-2010, 10:39 AM
Parent: #44

والله يا طارق جبريل
كُفيت ووٌثيت
ماخليت ليهم جنبة يرقدوا عليها
والله أنا بقرأ وببكي الظُلم الوقع عليكم
وحسيت بالمرارة للحصل تحت الترابيز
وفوق الترابيز من حِلل
يازول أنا غايتو ومن الليلة حأسميك الأول الشرعي
والمرة الجاية خلونا ياشباب نركز على تامين اللجنة
وأغلاق كل مداخل الرشاوي
فلجنتنا للأسف قلبها رهيف وريقها جاري على طول الخط
فما في طريقة غير حمايتها بالرقابة وياسين
وعودة لمقال تحليلي يجري إعداه بواسطة لجنة مِنِّي
لتبيان صحة ما جاء به طارق جبريل
وداون داون أي يو إس إي في البسيطة دي

Post: #67
Title: Re: ((المخجوجون))
Author: طارق جبريل
Date: 09-15-2010, 12:19 PM
Parent: #47

Quote: والله يا طارق جبريل
كُفيت ووٌثيت
ماخليت ليهم جنبة يرقدوا عليها
والله أنا بقرأ وببكي الظُلم الوقع عليكم
وحسيت بالمرارة للحصل تحت الترابيز
وفوق الترابيز من حِلل
يازول أنا غايتو ومن الليلة حأسميك الأول الشرعي
والمرة الجاية خلونا ياشباب نركز على تامين اللجنة
وأغلاق كل مداخل الرشاوي
فلجنتنا للأسف قلبها رهيف وريقها جاري على طول الخط
فما في طريقة غير حمايتها بالرقابة وياسين
وعودة لمقال تحليلي يجري إعداه بواسطة لجنة مِنِّي
لتبيان صحة ما جاء به طارق جبريل
وداون داون أي يو إس إي في البسيطة دي



يا ود موسى كيفنك
النبي فيك لجنة رشوتها حلة كوارع
دي لجنة جديرة بالاحترام

Post: #48
Title: Re: ((المخجوجون))
Author: غالب شريف
Date: 09-14-2010, 10:49 AM
Parent: #44

راوية

عيدك مبارك

نحن لعبنا نضيف لا بنخج ولا بخجزنا

لكن لاعبين ليكم بالاحتياطي لان الدورة هزيلة حبتين

المرة الجاية واحد ما بقيف قدامنا

وناس الدوحة ديل شالوها بالحظ وضربات الجزاء

و كم من فريق ضعيف هزم فريق قوي مرة كل عشرين عاما







بعيد عن الموضوع[/B]

شكرا لمديحك انتويرب

مننا ليك احلي دعوة

خالية من تكاليف السكن والاعاشة

دي طبعا دعوة بريئة مارشوة

Post: #49
Title: Re: ((المخجوجون))
Author: Amira Elsheikh
Date: 09-14-2010, 02:15 PM
Parent: #48

Quote: ثوار المغرب الاشاوس
ان رماكم الخردة كوستاوي في المرتبة الثانية
فاعلموا انكم في المقدمة
ستة بورداب يخلقون الحدث
ستة بورداب فقط في جالية يستطيع طفل الروضة ان يحصي عدد أفرادها
نستطيع ان نجد لكوستاوي العذر
فالرجل في خريف العمر ولن يقدر على ضغوطات ((الجزيرة))
التي حاولت ان تخلق لقطر مساحة اكبر من مساحتها التي لا تتعدى مهبط طائرات
محاولات كيكي صديق الكنابي وابكر جكس كانت مكشوفة منذ البداية
فالرجل لم يترك ((ويييييييييييي)) الا واستخدمها لترهيب الخردة
ولا يخفى علينا تحركات ((قوى الاستكبار)) ويظهر ذلك جليا في مداخلات
عميلات الغرب ((تراجي)) بكندا و((راوية)) بامريكا اللتان عملتا ((ون تو)) مفضوح
وان كانت اللجنة تاثرت ((بحلة الكوارع)) التي ارسلت مع ((راوية))
لرئيس اللجنة قبل يوم واحد من افطار ما يسمى ببورداب الدوحة
كان يمكننا ان نرسل مثلها على الطريقتين المغربية والسودانية
لكن آثرنا أن نكون شرفاء حتى الرمق الأخير
لكي يتأكد الجميع من الكم الهائل من الضغوطات التي مورست على اللجنة
يمكن مراجعة بوست اعلان النتيجة ويحصي مداخلات بورداب ((الدويحة))
مارست صاحبة ((الليلة ووووووووب)) كل ما يمكن ان يرهب اللجنة
وتوالت الضغوطات بعدها من((الصفوة)) هارون ثم الترغيب بّحلة ((ملوحة)) كاربة
من المدعو ساني وحاولت ((شبكة)) ان تنمق كلماتها لكن ما بين السطور كان فاضحا
ثم اتى خليل الرشاشة ليسأل اللجنة اثناء تنزيل النتائج ان كان الترتيب تصاعديا
وهذا لعمري تلاعب في اعصاب اللجنة يندى له الجبين ثم اتى ابو العزائم لتشتيت
الكورة ومحاولة ابعاد الشبهات عن الدوحة بمحاورته البوردابية ((الوحيدة رجاء))
ويبدو ان ((خجة الدوحة)) كانت اقوى من محاولات بورداب ((اللُقمة بالتشز)) بابوظبي
واقوى من تحركات المندوب الاممي ((عليش)) ولم تهتم اللجنة بصراخ بورداب جدة ((ناس حلاوة عكاز))
ولا مناوشات ((الرياض بنين)) وان كان المهداوي حاول التدخل بنوع
من ((الحنية)) لاجل ((مستضيفي الاجانب)) لكن محاولاته باءت بالفشل
شكرا لكل الذين ساندوا مجهوداتنا في ظل عددية صغيرة ومجهودات جبارة
سنظل اوفياء لمواقفنا المبدأية.. ولن نرسل لاحدا ((طاجينا مغربيا))
لكي ((يخج)) نتيجة مباراة شريفة من أجلنا
سنظل بالمرصاد لدول ((البترودولار)) و((قوى الاستكبار))
ونشكر للجنة ((خجتها)) في ظل ظروف الترهيب والوعيد الممارسة عليها
نشكر لها صبرها ((على هكذا ضغوط))
بوردب المغرب ارفعو رؤوسكم انتم الاوائل
انظروا لبوست ((T وD وH) سترون النتيجة الحقيقية
لان البوست كان حركة ذكية من اللجنة لتمرير النتيجة الحقيقية
وهي مشكورة ((على هكذا فهلوة))..
كل عام والجميع بالف خير


على الايمان يا ود جبريل تستاهل 4 درجات اضافية على مرافعتك دى
لكن برضو ماحتحصل ال95 حقتنا يادوب حتكون 94
شفت الفارق كبير كيف؟

ياطارق ماتتبكى ساى الفارق ظاهر وماعايز ليهو ضوء شمس
انا فى بوستيك قلت اجتهدتو ومتميزين لكن لايمكن تتفوقو علينا ...

والله كان الكلام محبة محبة ..محبتى براها تديك المركز الاول
بالمحبة والمعجبين بتاخد المركز الاول غير كدا الدوحة وىىييييييييييييييييييييي

Post: #50
Title: Re: ((المخجوجون))
Author: وليد عبد اللطيف
Date: 09-14-2010, 02:31 PM
Parent: #49

Quote: ياطارق ماتتبكى ساى الفارق ظاهر وماعايز ليهو ضوء شمس
انا فى بوستيك قلت اجتهدتو ومتميزين لكن لايمكن تتفوقو علينا ...

هههههههههههههههههه

Quote: والله كان الكلام محبة محبة ..محبتى براها تديك المركز الاول
بالمحبة والمعجبين بتاخد المركز الاول غير كدا الدوحة وىىييييييييييييييييييييي

قرقرقرقرقر
كمان ياود جبرين ماقدر دا
كلام اميرة الشيخ صحي انت بفتش على المركز الاول وللا شنو
يعني نحنا شالو مننا المركز الاول وادوهو ليهم مازعلنا قدر دا وقلنا يستاهلو
وعلى الاقل كانو يدونا الوصافة .
بس الله غالب يا بابا كوستا

ود جبرين
انت ملاحظ
كل الناس بتحب ناس الدوحة ديل التقول من كوكب اخر
يعني لو فطروا في ميدان رابطة الامتداد كانو ادوهم الترتيب الاول
ناس الدوحة بتحبو وبيدخلو للزول في قلبو

Post: #51
Title: Re: ((المخجوجون))
Author: omer abdelsalam
Date: 09-14-2010, 04:54 PM
Parent: #50

Quote: بوردب المغرب ارفعو رؤوسكم انتم الاوائل

بالحيل رافعين راسنا ,,,دى دايرة كلام
تصور ياطارق تاس الدوحة ديل فازوا بحضور الزول الجميل واسرته / عبدالاله زمرواي
والزول ده اصلا حقنا درس في المغرب وهواه مغربي حتى النخاع
يعنى ممكن بسهولة نرجعوا المغرب وينضم الى حظيرة بورداب المغرب في اقرب الآجال
ونشوف ناس الدوحة السنة الجاية حايسوا شنو ؟http://www.sudaneseonline.com/db/attention/010_Smile.gif

Post: #70
Title: Re: ((المخجوجون))
Author: طارق جبريل
Date: 09-15-2010, 12:30 PM
Parent: #51

Quote: بالحيل رافعين راسنا ,,,دى دايرة كلام
تصور ياطارق تاس الدوحة ديل فازوا بحضور الزول الجميل واسرته / عبدالاله زمرواي
والزول ده اصلا حقنا درس في المغرب وهواه مغربي حتى النخاع
يعنى ممكن بسهولة نرجعوا المغرب وينضم الى حظيرة بورداب المغرب في اقرب الآجال
ونشوف ناس الدوحة السنة الجاية حايسوا شنو

يا ابو انس لن تثنينا (( حلة الكوارع كوارع )) عن المضي قدما في نهجنا الحضاري

Post: #52
Title: Re: ((المخجوجون))
Author: معتز القريش
Date: 09-14-2010, 05:10 PM
Parent: #50

الحق يقال
أنا شاهد على حلة الكوارع المشت مع راوية بت العباسي
حتى كمان كانت مطالبة يجيبوها ليها في حلة بريستو
محكمة الاغلاق لأنها بتقول السفرة طويلة وما ممكن تشيلا في كيس

أها قام محمد خليل ساني قال ليها أنا برسل معاك ملوحة
فهاجت الأخت راوية وقالت الملوحة ريحتا عفنة ما بتشيلا
وتحت اصرار كوستاوي وبعد مفاوضات مع راوية وبعد تذكيرها
بالنتائج وضرورة حصول بورداب الدوحة على المركز الأول
تم الاتفاق على ارسال الملوحة ناشفة على أن تغلف جيدا
وقد التزم كوستاوي بعمل القراصة بنفسه ورغم مطالبته باحضار
دقيق القراصة من الدوحة إلا انه اخيرا قبل بالملوحة بس
بعد وعود قطعت له بتحسين نوعية وكمية الرشوة في الأعوام القادمة

وكانت لجنة المفاوضات والرشاوي مكونة من الآتية أسماؤهم :
1- شبكة (مقررا)
2- أميرة الشيخ مفاوض أول (بحكم الصداقة مع راوية)
3- هارون دياب (مسؤول الاتصالات)
4 - كي كي اللعين (ممثلا للمهمشين)
5- (زول جديد في بورداب الدوحة) ما بعرف اسمو (متدرب)
يتم تجهيزه للدخول في لجنة المفاوضات والرشاوي للعام القادم

وللحق حتى تلك اللحظة لم أكن أعلم أن الخردة كوستاوي بترشي
وكنت خاتي فيهو ثقة عمياء

لكن أسوي شنو ما بقدر أكضب عيني وسمع أضاني

نتيجة مخجوجة ...

المغرب ووووويييييي






* لقيتني كيف يا ود جبريل
ما بلقى لي عروس مغربية أتم بيها السنة

Post: #56
Title: Re: ((المخجوجون))
Author: SHIBKA
Date: 09-14-2010, 05:32 PM
Parent: #52

Quote: وكانت لجنة المفاوضات والرشاوي مكونة من الآتية أسماؤهم :
1- شبكة (مقررا)
2- أميرة الشيخ مفاوض أول (بحكم الصداقة مع راوية)
3- هارون دياب (مسؤول الاتصالات)
4 - كي كي اللعين (ممثلا للمهمشين)
5- (زول جديد في بورداب الدوحة) ما بعرف اسمو (متدرب)
يتم تجهيزه للدخول في لجنة المفاوضات والرشاوي للعام القادم


الزول اليومين ديل اصلو ما يثق لا في حبيب ولا قريب


Quote: لكن أسوي شنو ما بقدر أكضب عيني وسمع أضاني

انت يا يمة حاشاك


Quote: لقيتني كيف يا ود جبريل
ما بلقى لي عروس مغربية أتم بيها السنة





انت تباري طارق دا
يوديك المغرب ويجيبك عزابي

اسمع كلامي تاني

Post: #73
Title: Re: ((المخجوجون))
Author: طارق جبريل
Date: 09-15-2010, 12:47 PM
Parent: #56

Quote: الزول اليومين ديل اصلو ما يثق لا في حبيب ولا قريب



اعتراف واضح وصريح



Quote: انت تباري طارق دا
يوديك المغرب ويجيبك عزابي

اسمع كلامي تاني



لقيتك حاقدة ياخي

Post: #72
Title: Re: ((المخجوجون))
Author: طارق جبريل
Date: 09-15-2010, 12:45 PM
Parent: #52

Quote: الحق يقال
أنا شاهد على حلة الكوارع المشت مع راوية بت العباسي
حتى كمان كانت مطالبة يجيبوها ليها في حلة بريستو
محكمة الاغلاق لأنها بتقول السفرة طويلة وما ممكن تشيلا في كيس

أها قام محمد خليل ساني قال ليها أنا برسل معاك ملوحة
فهاجت الأخت راوية وقالت الملوحة ريحتا عفنة ما بتشيلا
وتحت اصرار كوستاوي وبعد مفاوضات مع راوية وبعد تذكيرها
بالنتائج وضرورة حصول بورداب الدوحة على المركز الأول
تم الاتفاق على ارسال الملوحة ناشفة على أن تغلف جيدا
وقد التزم كوستاوي بعمل القراصة بنفسه ورغم مطالبته باحضار
دقيق القراصة من الدوحة إلا انه اخيرا قبل بالملوحة بس
بعد وعود قطعت له بتحسين نوعية وكمية الرشوة في الأعوام القادمة

وكانت لجنة المفاوضات والرشاوي مكونة من الآتية أسماؤهم :
1- شبكة (مقررا)
2- أميرة الشيخ مفاوض أول (بحكم الصداقة مع راوية)
3- هارون دياب (مسؤول الاتصالات)
4 - كي كي اللعين (ممثلا للمهمشين)
5- (زول جديد في بورداب الدوحة) ما بعرف اسمو (متدرب)
يتم تجهيزه للدخول في لجنة المفاوضات والرشاوي للعام القادم

وللحق حتى تلك اللحظة لم أكن أعلم أن الخردة كوستاوي بترشي
وكنت خاتي فيهو ثقة عمياء

لكن أسوي شنو ما بقدر أكضب عيني وسمع أضاني

نتيجة مخجوجة ...

المغرب ووووويييييي




انعل ابو الاعترافات المتلفزة ذاتو
سجل سجل يا تاريخ


Quote: * لقيتني كيف يا ود جبريل
ما بلقى لي عروس مغربية أتم بيها السنة


لقيتك زي السرور يا حبيب
والرابعة حقتنا عندنا بس انت تعال

Post: #69
Title: Re: ((المخجوجون))
Author: طارق جبريل
Date: 09-15-2010, 12:29 PM
Parent: #50

Quote: قرقرقرقرقر
كمان ياود جبرين ماقدر دا
كلام اميرة الشيخ صحي انت بفتش على المركز الاول وللا شنو
يعني نحنا شالو مننا المركز الاول وادوهو ليهم مازعلنا قدر دا وقلنا يستاهلو
وعلى الاقل كانو يدونا الوصافة .
بس الله غالب يا بابا كوستا

يا وليد انتو بس وجود معاوية الصايم عندكم بيديكم الطيش



Quote: ود جبرين
انت ملاحظ
كل الناس بتحب ناس الدوحة ديل التقول من كوكب اخر
يعني لو فطروا في ميدان رابطة الامتداد كانو ادوهم الترتيب الاول
ناس الدوحة بتحبو وبيدخلو للزول في قلبو


ياخي دوحة شنو كلها رشاشات

Post: #68
Title: Re: ((المخجوجون))
Author: طارق جبريل
Date: 09-15-2010, 12:26 PM
Parent: #49

Quote: على الايمان يا ود جبريل تستاهل 4 درجات اضافية على مرافعتك دى
لكن برضو ماحتحصل ال95 حقتنا يادوب حتكون 94
شفت الفارق كبير كيف؟

ياطارق ماتتبكى ساى الفارق ظاهر وماعايز ليهو ضوء شمس
انا فى بوستيك قلت اجتهدتو ومتميزين لكن لايمكن تتفوقو علينا ...

والله كان الكلام محبة محبة ..محبتى براها تديك المركز الاول
بالمحبة والمعجبين بتاخد المركز الاول غير كدا الدوحة وىىييييييييييييييييييييي

يا بت الشيخ علي آخر زمنكم بقيتوا ترسلوا الكوارع لي أمريكا

Post: #66
Title: Re: ((المخجوجون))
Author: طارق جبريل
Date: 09-15-2010, 12:16 PM
Parent: #43

Quote: انا بالنسب ساي بنحاز لاولاد الامتداد .......

انعل ابو الجلكسات

Post: #63
Title: Re: ((المخجوجون))
Author: طارق جبريل
Date: 09-15-2010, 12:06 PM
Parent: #38

Quote: التميز والمركز الاول للدوحة وحدها

ولا نامت عيون المغرب


يا شبكة
المركز الاول مزور

Post: #59
Title: Re: ((المخجوجون))
Author: طارق جبريل
Date: 09-15-2010, 11:17 AM
Parent: #34

Quote: طارق حبيبنا وناس الدوحة عزاز علينا ...........

خلاص خلوها الأول مشترك ..........


يا جنابو حدد موقفك من الامتداد

Post: #58
Title: Re: ((المخجوجون))
Author: طارق جبريل
Date: 09-15-2010, 11:16 AM
Parent: #33

Quote: بوست غير موفق

وكاااااااااااااااااااااااااكـ

ود دياب يا صفوة
نحن لا نستخدم حِلَل (من حلة) الكوارع للفوز

Post: #57
Title: Re: ((المخجوجون))
Author: طارق جبريل
Date: 09-15-2010, 11:14 AM

Quote: طارق والله حننتني
أنا بتبرع ليكم بي نقطة واحدة من حقاتنا
لكن للاسف ماحتعمل حاجة برضو

معليش المرة الجاية
شدو حيلكم بس شوية


كل يوم تثبتي لي انك عميلة للدوحة

Post: #53
Title: Re: ((المخجوجون))
Author: Hatim Elmaki
Date: 09-14-2010, 05:10 PM
Parent: #1

الاخ طارق ودجبريل هاك الخج والكوارع والكسكس وزع زي مابدك ياحبة الزمن دة الخج باكل عيش

belly_dancing_cannes.jpg Hosting at Sudaneseonline.com



والكوارع والكوارع والكوارع

MG_9136.jpg Hosting at Sudaneseonline.com



والكسكس والكسكس والكسكس

couscous.jpg Hosting at Sudaneseonline.com

Post: #54
Title: Re: ((المخجوجون))
Author: Amira Elsheikh
Date: 09-14-2010, 05:17 PM
Parent: #53

Quote: ود جبرين
انت ملاحظ
كل الناس بتحب ناس الدوحة ديل التقول من كوكب اخر
يعني لو فطروا في ميدان رابطة الامتداد كانو ادوهم الترتيب الاول
و
ناس الدوحة بتحبو وبيدخلو للزول في قلب

وبالمحبة وحدها يحيا الانسان

وش خجلاااااااااااااااااااااااااااان

Post: #55
Title: Re: ((المخجوجون))
Author: Amira Elsheikh
Date: 09-14-2010, 05:22 PM
Parent: #54

Quote: وكانت لجنة المفاوضات والرشاوي مكونة من الآتية أسماؤهم :
1- شبكة (مقررا)
2- أميرة الشيخ مفاوض أول (بحكم الصداقة مع راوية)
3- هارون دياب (مسؤول الاتصالات)
4 - كي كي اللعين (ممثلا للمهمشين)
5- (زول جديد في بورداب الدوحة) ما بعرف اسمو (متدرب)
يتم تجهيزه للدخول في لجنة المفاوضات والرشاوي للعام القادم

وللحق حتى تلك اللحظة لم أكن أعلم أن الخردة كوستاوي بترشي
وكنت خاتي فيهو ثقة عمياء

لكن أسوي شنو ما بقدر أكضب عيني وسمع أضاني


طيب لو كان حضرت الافطار كان عملت شنو لانو ماخفى اعظم.....

الليلة ووووووووووووووووووب ياودالقريش

لفيتك مفتح

Post: #61
Title: Re: ((المخجوجون))
Author: عفاف الصادق بابكر
Date: 09-15-2010, 11:40 AM
Parent: #55

يا طارق يا اخوي .. استهداء بالله واستغفر ..

العارف عزو نتيجة كستاوي ما بتهزه ...

ما طال ما العملية فيها حلة كوارع وشنو كده ما عارفه ..

يبقى كوستاوي وناس الدوحة الفيهم اتعرفت ..

والجايات اكتر من الرايحات ..


وش مقهور من يوم النتيجة

Post: #71
Title: Re: ((المخجوجون))
Author: معاوية عبيد الصائم
Date: 09-15-2010, 12:32 PM
Parent: #61

النصر لشرفاء المغرب

معا لكشف صفقة الكوراع


عاش فقراء المغرب مناصرى الطلبة

Post: #74
Title: Re: ((المخجوجون))
Author: Tragie Mustafa
Date: 09-15-2010, 12:50 PM
Parent: #71

يا طارق جبريل بطل الجرسه
نحن ما قلنا لك جيب جكس

جيب الاكل الببقى الجكس زي ناس هريره ديل
مش كفايه بدل فضائح الانسولين اياها؟؟!!
Quote: يا تراجي جملة الايمان نجيب ليكم شوية ((الشحم دة واللحم دة))
والله المنبر دة كله يريل
اسالي الناس الدرسوا في المغرب

يمين الحنابك اللي قدام علي المنقة قلب التور
والنصايب المن وراء زي ((لُقمة)) الخلوة
ياخي ما تضيعي لينا نضالنا في الامور الانصرافية دي

يا حبيب المغرب ما محتاجين نسأل عنها
الجواب معروف من عنوانه.
والا فلماذا كل طالب بعثناهوا للدرساه هنالك عمل حمد لبد(ههههههههه)
وسكن قبله(هههههه)

خلينا في الطواجن!!
وقلنا لكم اكلكم البخلي الناس غزلان ده ما بينفع!
حاتم غايتو جاب ليه طاجنين ما بطالين!


يا معاويه عبيد
منو قال لك ناس المغرب فقراء؟؟؟
Quote: عاش فقراء المغرب مناصرى الطلبة

اريته فقر الهنا ضاربين احلى سمك من اغادير
واحلى رطب صحراوي محشي بجوز الهند.
ومتعشين باخطر طواجن في الدنيا!
ومتصبحين بالوجه الندي!!
وباقي المنقه و اللقيمات القال عليها طارق جبريل لووووول!!


الزيهم منو يا اخوي
دبل بلد الله راضي عليها.
اها كفاهنم النعيم ده كمان جوائز!!
ما ممكن.

Post: #81
Title: Re: ((المخجوجون))
Author: طارق جبريل
Date: 09-15-2010, 01:29 PM
Parent: #74

Quote: يا طارق جبريل بطل الجرسه
نحن ما قلنا لك جيب جكس

جيب الاكل الببقى الجكس زي ناس هريره ديل
مش كفايه بدل فضائح الانسولين اياها؟؟!!


يا ام حازم عاد ناس الكوارع ديك نجيب ليهم قوام من وين


Quote: والا فلماذا كل طالب بعثناهوا للدرساه هنالك عمل حمد لبد(ههههههههه)
وسكن قبله(هههههه)


انعل ابو الجمكسين

DSC03924.jpg Hosting at Sudaneseonline.com

يمين يا ام حازم الاكلة دي تدوخ العقل
المطبخ المغربي مطبخ عجيب

Post: #76
Title: Re: ((المخجوجون))
Author: وليد عبد اللطيف
Date: 09-15-2010, 12:52 PM
Parent: #71

Quote: يا وليد انتو بس وجود معاوية الصايم عندكم بيديكم الطيش

انت بجدك
ود الصايم دا فاكهة جدة ياخ
يامعاوية ياخي الناس دي ماتوريهم تحليتنا كانت شنو
ماعرفناها بتمسحوا بيها وللا بياكلوها

Post: #82
Title: Re: ((المخجوجون))
Author: طارق جبريل
Date: 09-15-2010, 01:31 PM
Parent: #76

Quote: انت بجدك
ود الصايم دا فاكهة جدة ياخ
يامعاوية ياخي الناس دي ماتوريهم تحليتنا كانت شنو
ماعرفناها بتمسحوا بيها وللا بياكلوها

فاكهة شنو ياخي المسنوح دة تمباك بس

Post: #79
Title: Re: ((المخجوجون))
Author: طارق جبريل
Date: 09-15-2010, 01:10 PM
Parent: #71

Quote: النصر لشرفاء المغرب

معا لكشف صفقة الكوراع


عاش فقراء المغرب مناصرى الطلبة


يا شقي الحال مافي زول غيرك جاب كثافتنا

Post: #78
Title: Re: ((المخجوجون))
Author: طارق جبريل
Date: 09-15-2010, 01:08 PM
Parent: #61

Quote: يا طارق يا اخوي .. استهداء بالله واستغفر ..

العارف عزو نتيجة كستاوي ما بتهزه ...

ما طال ما العملية فيها حلة كوارع وشنو كده ما عارفه ..

يبقى كوستاوي وناس الدوحة الفيهم اتعرفت ..

والجايات اكتر من الرايحات ..


يا قريبتي القصي مخجوجي ليها زمن ونحن نايمين

Post: #77
Title: Re: ((المخجوجون))
Author: طارق جبريل
Date: 09-15-2010, 01:06 PM
Parent: #55

Quote: طيب لو كان حضرت الافطار كان عملت شنو لانو ماخفى اعظم.....

الليلة ووووووووووووووووووب ياودالقريش

لفيتك مفتح


اعتراف آخر
فت الفضايح يا ود القريش

Post: #75
Title: Re: ((المخجوجون))
Author: طارق جبريل
Date: 09-15-2010, 12:50 PM
Parent: #53


يا حاتم ياخي دة حقنا


لكن دي شوف ناس لبنان

Post: #80
Title: Re: ((المخجوجون))
Author: عبدالكريم الامين احمد
Date: 09-15-2010, 01:22 PM
Parent: #75

الدوحة دي عزيزة علييا اييييييي كده لعبتها
منو القال يا طارق تسيب الجية اييييييي كده لعبتها


والدوحة wayeeeeee

Post: #83
Title: Re: ((المخجوجون))
Author: طارق جبريل
Date: 09-15-2010, 01:36 PM
Parent: #80

Quote: الدوحة دي عزيزة علييا اييييييي كده لعبتها
منو القال يا طارق تسيب الجية اييييييي كده لعبتها


والدوحة wayeeeeee



الرباط يا عينيا
حكمة وثبات يا عينيا
افطارنا كله روائع يا عينيا
موش قونقليز وكوارع يا عينيا

Post: #85
Title: Re: ((المخجوجون))
Author: محمد أبوالعزائم أبوالريش
Date: 09-15-2010, 02:08 PM
Parent: #83


طارق جبريل يا حاقد ...

إنتو أدّوكم التانية ....

مفروض تخُت الخمسة في الواحد وتحمد سيدك ............. لاقينها وين؟

صراحة التانية دي ذاتها الخُردة طلع فيها عاطفي وما عايز يزعّلكم.

أما رجا العبّاسي دي:
Quote: أبصم بالعشرين يا كمال. ويا جماعة المكضبني يسأل أمبارح المسا الخردة ده كان وين؟ أنا لما إتصلتا الرد علي كان هو سخسيا (شخصيا).

يا طارق إنتو بتستحقوها ولا على كيف الكرمبا. وناس هولندا التاني والمركز التالت مشترك بين ناس الأمارات وكازاخستان (العبدة لله) لوووول.. قال دوحة قال

بعرفا ليك ..... زولة ما عندها أي مواقف .....
يعني لو عملت أنا البوست .... كانت قالت أصلو الأولى كان ما أدّوها للدوحة يدوها لي منو؟
يعني ليها بالقدامها بس ...... ما تفرح بي كلامها.
زول نصيح كدة يعمل فطور في كازاخستان؟ إسمها ساكت عمل لي وجع حلق.

وبعدين إنت عايز تفوز بالأولى كيف؟
أوّل شئ فطوركم نااااشف ..... وعدمان الجنس اللطيف ((قول يا لطيف))
بعدين متولي أمرو إنت .... وإنت من بداية رمضان ما فايق من سكينة وحفرة سكينة ومغارز سكينة.

الدوحة دي يا حبيب، لو ما عملت فطور، وبقت بس على ركن الجبنة وتلفزة الإفطار في أكبر فضائية عربية .... تاخد الأولى

يندخر ليك والله

Post: #90
Title: Re: ((المخجوجون))
Author: طارق جبريل
Date: 09-15-2010, 05:33 PM
Parent: #85

Quote: طارق جبريل يا حاقد ...

إنتو أدّوكم التانية ....

مفروض تخُت الخمسة في الواحد وتحمد سيدك ............. لاقينها وين؟

صراحة التانية دي ذاتها الخُردة طلع فيها عاطفي وما عايز يزعّلكم

أترون؟؟
انها تهديدات مبطنة للجنة بالحرمان من الكوارع

Quote: وبعدين إنت عايز تفوز بالأولى كيف؟
أوّل شئ فطوركم نااااشف ..... وعدمان الجنس اللطيف ((قول يا لطيف))
بعدين متولي أمرو إنت .... وإنت من بداية رمضان ما فايق من سكينة وحفرة سكينة ومغارز سكينة.


عاد يا حبيب ان بقينا جبنا جكسينا بترقدوا سلطة هني

Post: #97
Title: Re: ((المخجوجون))
Author: SHIBKA
Date: 09-15-2010, 05:45 PM
Parent: #83

Quote: الرباط يا عينيا
حكمة وثبات يا عينيا
افطارنا كله روائع يا عينيا
موش قونقليز وكوارع يا عينيا


اهم شي ترفع معنوياتك من الهبوط العالي الكان حاصل دا

Post: #84
Title: Re: ((المخجوجون))
Author: فايزودالقاضي
Date: 09-15-2010, 01:49 PM
Parent: #80

ياود جبريل كل سنة وانت طيب ...


ناس الدوحة عرفوا مداخل اللجنة لذلك شاركوا بالفيستا ...

السنة الجاية ياناس جدة فطورنا في عنيكش او البوادي عشان نعبي ونكب ...


لكن يابورداب المغرب عينكم قوية خلاص ...فرضتو نفسكم على افطار الطلاب وبعد ده عايزين تخشوا المنافسة ؟!!! عين والله !!!

Post: #86
Title: Re: ((المخجوجون))
Author: Amira Elsheikh
Date: 09-15-2010, 02:56 PM
Parent: #84

الصيوان دا دايرين تنزلو متين .؟؟


نحن فترنا من المساسقة

Post: #87
Title: Re: ((المخجوجون))
Author: معتز القريش
Date: 09-15-2010, 04:35 PM
Parent: #86

يا ايها المواطنون الشرفاء
اسمعوا واوعوا
انا أتعرض الى تهديدات جدية
من قبل لجنة الكوارع والملوحة
لجنة الرشاوي والخجخجة

ان حياتي في خطر خصوصا الخججاجة (شبكة)


اذا حصل لي اي شئ تمسكوا لجنة الرشاوي

Post: #88
Title: Re: ((المخجوجون))
Author: عماد الشبلي
Date: 09-15-2010, 04:52 PM
Parent: #87

_BES1.JPG Hosting at Sudaneseonline.com

Post: #89
Title: Re: ((المخجوجون))
Author: Kostawi
Date: 09-15-2010, 05:33 PM
Parent: #88

Quote: ....... تحركات مريبة بالعاصمة الأمريكية قبيل أعلان النتيجة!!
وصلت للساحل الشرقي الأمريكي في زيارة أحيطت بتكتم شديد -مندوبة بورداب قطر -الزعيمة راوية العباسي وقد شوهدت بمطعم الأنجيرا -الشهير-بصحبة - كوستاوي (ادروب) في غداء عمل فاخر ...هذا وقد أفادت المصادر بأن زعيمة بورداب قطر دخلت المطعم وهي تحمل حقيبة سامسونايت يدوية ضخمة وقد خرجت بدونها!! والجدير بالذكر أن التسريبات الأولية التي خرجت من مركز كوستاوي - كانت قد أفادت بتصدر فعاليات بورداب المغرب بفارق كبير الأ أن الامور تغيرت بصورة درامية في اللحظات الأخيرة !! مبروك للزعيم طارق جبريل وصحبه الفوز في الأستفتاءالشعبي ونرجو الا يعيروا إنتباها لنتائج مركز (سعن) كوستاوي المخجوجة !!




دا كلام بتاع إشاعات ساكت

* لا أعرف شخص بإسم راوية العباسي.
* لا أتعاطى الأنجيرا.....كوارع يا رسول الله. اا

Post: #95
Title: Re: ((المخجوجون))
Author: طارق جبريل
Date: 09-15-2010, 05:40 PM
Parent: #89

Quote: دا كلام بتاع إشاعات ساكت

* لا أعرف شخص بإسم راوية العباسي.
* لا أتعاطى الأنجيرا.....كوارع يا رسول الله. اا



قلت لي للتمويه وخداع الأعداء



اها يا راوية الخردة نكرك عدييييييييييل
ودة الحالة ما جبتي سيرة الحاجة الباردة ديك

Post: #94
Title: Re: ((المخجوجون))
Author: طارق جبريل
Date: 09-15-2010, 05:39 PM
Parent: #88


عميل الدوحة
وكبير ((الخاجين)) بـ((الكوارع))

Post: #93
Title: Re: ((المخجوجون))
Author: طارق جبريل
Date: 09-15-2010, 05:37 PM
Parent: #87

Quote: يا ايها المواطنون الشرفاء
اسمعوا واوعوا
انا أتعرض الى تهديدات جدية
من قبل لجنة الكوارع والملوحة
لجنة الرشاوي والخجخجة

ان حياتي في خطر خصوصا الخججاجة (شبكة)


اذا حصل لي اي شئ تمسكوا لجنة الرشاوي


لا تخف يا ود القريش
قُبض المتهم الخردة بيمزمز في الكوارع
التهمة ثابتة يا حبيب

Post: #103
Title: Re: ((المخجوجون))
Author: SHIBKA
Date: 09-15-2010, 06:18 PM
Parent: #93

Quote: قُبض المتهم الخردة بيمزمز في الكوارع


المتهم برئ حتى تثبت ادانته

قال ليكم ما بعرف لا راوية لا كوارع
تقولوا يمزمز

Post: #100
Title: Re: ((المخجوجون))
Author: SHIBKA
Date: 09-15-2010, 06:12 PM
Parent: #87

Quote: يا ايها المواطنون الشرفاء
اسمعوا واوعوا
انا أتعرض الى تهديدات جدية
من قبل لجنة الكوارع والملوحة
لجنة الرشاوي والخجخجة

ان حياتي في خطر خصوصا الخججاجة (شبكة)


اذا حصل لي اي شئ تمسكوا لجنة الرشاوي



هسة لو حضرت الفطور كان بقيت مننا وفينا
لكن ارجي الراجيك مننا
كمان تشهر بينا

صبر ايوب عليك

Post: #92
Title: Re: ((المخجوجون))
Author: طارق جبريل
Date: 09-15-2010, 05:36 PM
Parent: #86

Quote: الصيوان دا دايرين تنزلو متين .؟؟


نحن فترنا من المساسقة


الصيوان دة مالو حارقكم كدة يا بتاعين الخج بالكوارع

Post: #104
Title: Re: ((المخجوجون))
Author: SHIBKA
Date: 09-15-2010, 06:25 PM
Parent: #92

Quote: الصيوان دة مالو حارقكم كدة يا بتاعين الخج بالكوارع


خايفين عليكم احنا

Post: #91
Title: Re: ((المخجوجون))
Author: طارق جبريل
Date: 09-15-2010, 05:35 PM
Parent: #84

Quote: ياود جبريل كل سنة وانت طيب ...


ناس الدوحة عرفوا مداخل اللجنة لذلك شاركوا بالفيستا ...

السنة الجاية ياناس جدة فطورنا في عنيكش او البوادي عشان نعبي ونكب ...

طيب ما تمشوا لي تامزين


Quote:
لكن يابورداب المغرب عينكم قوية خلاص ...فرضتو نفسكم على افطار الطلاب وبعد ده عايزين تخشوا المنافسة ؟!!! عين والله !!!


عاجبني فطوركم ابو صيوان زي حق البكا داك

Post: #96
Title: Re: ((المخجوجون))
Author: Amira Elsheikh
Date: 09-15-2010, 05:44 PM
Parent: #91

Quote: * لا أتعاطى الأنجيرا.....كوارع يا رسول الله. اا [/QUOTE


عاشت الكوارع عاشت ...عاشت

نحن نعرف من اى توكل كتف الخردة......


استغفر ياطارق الخردة اداك النجيضة

Post: #98
Title: Re: ((المخجوجون))
Author: طارق جبريل
Date: 09-15-2010, 05:46 PM
Parent: #96

Quote: استغفر ياطارق الخردة اداك النجيضة

يا بت الشيخ في العيد ما اشوفك حايمة جنبي
بقيتو فضيحة ياخي

Post: #99
Title: Re: ((المخجوجون))
Author: معاوية عبيد الصائم
Date: 09-15-2010, 05:54 PM
Parent: #98

الكوراع متلجة ؟
يعنى ما فريش؟

اين هلالكم الاحمر من صحة البشر؟

رشوة كوراع متلجة ؟
خردة مجلى ؟

Post: #102
Title: Re: ((المخجوجون))
Author: كمال عباس
Date: 09-15-2010, 06:12 PM
Parent: #99

........
الأمير طارق بن جبرين :
Quote: اها يا راوية الخردة نكرك عدييييييييييل
ودة الحالة ما جبتي سيرة الحاجة الباردة ديك

نكران شنو ? قول ليه نكرانك مابفيدك والخجيتو كان بي إيدك! زولك قالوا كان شغال سكرتير يردعلي تلفونات راوية:
Quote: أبصم بالعشرين يا كمال. ويا جماعة المكضبني يسأل أمبارح المسا الخردة ده كان وين؟ أنا لما إتصلتا الرد علي كان هو سخسيا (شخصيا

دا كلام الإعلامية القامة رجاء العباسي!
وبعدين ياطارق أتضح أنو كشوفات ناس الدوحة مضروبة:
كيكي طلع مسجل مع بورداب ميري لاند وراوية مؤسسة بورداب بنسلفينيا!! وأميرة الشيخ دي شخصية عالمية multinational princess
زي Doctors Without Borders ........ مابينفع تشترك في المنافسات المحلية أو تقيد روحا بدويلة أصغر من الدروشاب !!
.....

Post: #101
Title: Re: ((المخجوجون))
Author: Ahmed musa
Date: 09-15-2010, 06:12 PM
Parent: #98

فذلكة أنثروبولوجية لازمة لفكفكة سقوط اللجنة في شبق الكوارع*

من اللازم ألا نغرق في الدخول في مهاترات مع اللجنة بما يحقق لها منفعتها المعلومة بالضرورة للكافة زملاء وقُراء بمايصرفنا عن طعن فيل اللجة وليس ظلها ونعلم تأثيرات (البُهار) على قرارات اللجنة الحالية وربما المستقبلية , والهام واللازم الغوص في معرفية جذور اللجنة الأنثروبولوجية لمحاولة الوصول لماوراء قراراتها فالأمر (سادتي) اكبر من حلة كوارع وإنما هو وقوع اللجنة بين حالتي الخوف والرغبة , ولا يُخفى الترهيب الجيوبولوتيكي التي احدثته صرخات المدعو (كيكي) بزيّه الجديد الذي قام بشرائه من إحدى الدول الأفريقية الجارة وهو يصرخ بين الفينة والفينة (ويييييييييي) حتى ترتعد فرائص اللجنة رهبة ورغبة في الإلتصاق بالهامش من خلال وجود اللجنة بكلياتها تحت براثن دول الإستكبار بإدعاءاتها الوقوف إلى جانب الهامش السياسي والإثني ويُستصحب بالضرورة تأثيرات (قناة الجزيرة) وتبعيته المعروفة للكافة للغرب الأمريكي وربيبته إسرائيل ... ولنا عودة ,,,



ـــــــــــــ
* بحسب وعدنا بمراجعة قرار اللجنة وفق منهجية علمية تخرج حلة الكوارع من بين احشاء اللجنة كما ولدتها أُمها من بين أصابع المفسدين في البورد...

Post: #105
Title: Re: ((المخجوجون))
Author: omer abdelsalam
Date: 09-15-2010, 06:45 PM
Parent: #101

Quote:
اريته فقر الهنا ضاربين احلى سمك من اغادير
واحلى رطب صحراوي محشي بجوز الهند.
ومتعشين باخطر طواجن في الدنيا!
ومتصبحين بالوجه الندي!!
وباقي المنقه و اللقيمات القال عليها طارق جبريل لووووول!!


الزيهم منو يا اخوي
دبل بلد الله راضي عليها.

شكرا ياتراجي
اخجلت تواضعنا

Post: #106
Title: Re: ((المخجوجون))
Author: Amira Elsheikh
Date: 09-15-2010, 07:13 PM
Parent: #105

Quote: وبعدين ياطارق أتضح أنو كشوفات ناس الدوحة مضروبة:
كيكي طلع مسجل مع بورداب ميري لاند وراوية مؤسسة بورداب بنسلفينيا!! وأميرة الشيخ دي شخصية عالمية multinational princess
زي Doctors Without Borders ........ مابينفع تشترك في المنافسات المحلية أو تقيد روحا بدويلة أصغر من الدروشاب !!


كمال عباس ..... نحن حنعرف دافعين ليك كم من رواية العباسى .....اما الاعلامية القامة مس كازاخستان دى نحن رامين طوبتها ....
نحن فى زمن الاحتراف والملتى ناشنونيليتز يعنى كيكى ورواية لاعبين محترفين يحق ليهم اللعب فى اى دورى طالما اوراقهم الثبوتية مكتملة ...
دويلة صغيرة قادرة تستقطب لعيبة كبار ومؤثرين فى الساحة البوردية ومليون ميل مربع ما لاقين فيهو التكتح (الليلة ووب)
اسى جنس الحركات دى ما خلتنا غير نسوط لاختيار رئيس الجمهورية وبعد دا ماصوتنا يسمنا ( قطعت قطعت قاطعنا)

Post: #107
Title: Re: ((المخجوجون))
Author: Rawia
Date: 09-15-2010, 10:00 PM
Parent: #106

قالوا كوستاوي نكرني....
كوووووووووووووور علي
او الليلة ووووووووووووب

Post: #108
Title: Re: ((المخجوجون))
Author: Ahmed musa
Date: 09-15-2010, 10:05 PM
Parent: #107

Quote: قالوا كوستاوي نكرني....
كوووووووووووووور علي
او الليلة ووووووووووووب


إذا أختلف (الطرفان)
ظهر (المــ ..أكول)

Post: #109
Title: Re: ((المخجوجون))
Author: معتز القريش
Date: 09-16-2010, 04:46 PM
Parent: #108

فوق لفضح الخجاجين والكوارعنجية

Post: #110
Title: Re: ((المخجوجون))
Author: ناصر جبريل
Date: 09-16-2010, 05:17 PM
Parent: #109

Quote:


الكوارعنجية




عجبتني شديد!!!!!!!!

Post: #111
Title: Re: ((المخجوجون))
Author: معتز القريش
Date: 09-16-2010, 05:28 PM
Parent: #110

Quote: عجبتني شديد!!!!!!!!


يعجبوك وليداتك ان شاء الله

Post: #112
Title: Re: ((المخجوجون))
Author: معتز القريش
Date: 09-16-2010, 05:28 PM
Parent: #110

Quote: عجبتني شديد!!!!!!!!


يعجبوك وليداتك ان شاء الله

Post: #113
Title: Re: ((المخجوجون))
Author: معتز القريش
Date: 09-16-2010, 05:28 PM
Parent: #110

Quote: عجبتني شديد!!!!!!!!


يعجبوك وليداتك ان شاء الله

Post: #114
Title: Re: ((المخجوجون))
Author: SHIBKA
Date: 09-16-2010, 05:49 PM
Parent: #113

معتز

بتمتم مالك يامعتز

مداخلة مكررة تلاتة مرات

Post: #115
Title: Re: ((المخجوجون))
Author: طارق جبريل
Date: 09-16-2010, 10:02 PM
Parent: #114

احمد موسى وود القريش
رشوهم بتاعين الكوارع ديل

Post: #116
Title: Re: ((المخجوجون))
Author: معتز القريش
Date: 09-17-2010, 08:17 PM
Parent: #114

Quote: معتز

بتمتم مالك يامعتز

مداخلة مكررة تلاتة مرات


من الخجخجة