جكسيهم وجكسينا

انتو يا الحبان ولاد الزمن دة يا كافي البلا حتى الحب آآآبيعرفوهو
الله اداهم الماسنجرات والفيس بوك والياهو والتوتر والموبايل والاس ام اس
بعد دة كله حبهم دراب دراب
النبي شوفوا جنس كلامهم في الشريط التحت في قناة النيل الازرق داك
وحات الله يسولوم في جنس نضمي يمين الغنمايي ما يأثر فيها
والله لاهن عارفين يحبوا ولاهم قادرين علي النخجي والجوعير
بالله الواحدة تكتبلو: انا بحب المريخ عشان لعيبتهم ظريفين
يقوم يردلا: ظريفين شنو ياخي ديل وهم ساكت
يمين ان كنت انا ان بقت قالتلي بحب مريخ أم علقة
كنت قلتلا: أنا أصلي غير كورتهم ما قاعدة تعجبني كورة ولا حتى برشلونة
ديل بُطان شنو ديل

يا حليل أيامنا وأيام ود شيقوق
بالله البني تحرن ليها قدام حلتهم لامن الشمس ترقدك كداد
وتقعد تحاحيلا من هني لا هني
واصلو حلتهم دي كلها تبقى اهلك وتسوي الدرب ساساقا ضُمة ضمة
والعجب ان بقى الله اكرمك بي بكاء في حلتهم ولا في بيتهم زاتو
يمين يدينك يبقبقن من حفير الصيوانات واصلك لا تقول اح
والعجب ان دخل لا جوة وجبتلك ترمسة ألت شاي وايدها دقشت في ايدك
يمين تجي منفوخ من لا جوة وماشي شايل ترمستك وتتقدل بي طرف اصابعينك علي النعامة
واصلو ان خلوك يمين في بيت البكاء دة تقرب تفكلك زغروتي
والعجب لو عندهم عرس في حلتهم ولا في بيتهم زاتو
يمين تجيب فرشك وبهيتك وتقعد تضرب في بيبان العرس ديل لامن تلمعن
وتطلع تفتش السباليق ان بقى فيهن شي مكدب
وان بقى عندهم غنم تسقيهن وتجيبلهن القش
ودة كله بس فشان تحاحيلك شوفتا منها

هسي بالله الواحدة تقول ليه: يا تامر يلاكا معاي ياخي عايزة اشتري ملابس داخلية وفوط صحية
وهو يقولها: خلاص لمن تكوني جاهزة مسكلي لي
يمين نحن الملابس الداخليي دي تبقالنا قدحة لا شفناها لا رأيناه
وحتى ان بقينا شفناهن وكتنا داك يمين علي ننهق زي الحمير اكرمكم الله
وكمان جابتلها فوط صحيي... وحات نضري القطن دة شفناهو بعد دخلنا الجامعة
وكتين تنجرح ويقشطولم قطنايي ملياني صبغة يود في الجرح
ديل نصايب شنو ديل

بالله هسي البني تقعد تنتظر في الولد وتشتريلو في الهدايي
جملة الأيمان وكتنا فشان بس تشوفها تسويلك في جنس عمايل
ان بقى عندها اخو يقطع الخميرة من البيت تصاحبو
وان بقى عندها بت خالتا ليها تعرف بنات ود عمك تمشي توصيهن
وبعد دة كله ان بقيت شفتها بعد تلاتة شهور انت كسبان وتعيش عليهن
لامن تجي تاني تحاحيلا من أول جديد واصلو لا تخليلك الجابري ولا زيدان
ولا احمد المصطفى.. بس تقعد تسمع في اغاني النخجي والجوعير ديل
وتتوجع في حوش بيتكم لامن الله يعدلها عليك وتلم فيها تاني وتاخدلك حنك حنكين معاها
والعجب ان بقيت داير تكتبلك ليها جواب
بالله تقعد تحاحي في ابوك لامن تصل الدولاب أليلو وتسرق الريحي ألتو وتبخها في الفلسكاب
وتسويلك وريقات زي البخرات تكتب وتشطب فيهن لامن يجنك الكلمات السمحات
ويخلنها وكت تقراهن تتبسم..
ووكتين تنتهي تقعد اسبوعين تفكر في النصيبة التوصله ليها
وترجع لي المحاحا من جديد.. والعجب ان لقيتها قدامك
من الخلعة تديها الجواب وتقولها اديهو لي اخوكي

وبالله تنتظر عيد الفطر دة من السنة للسنة فشان تجي داخل لاااجوة وتباركلهم العيد
وأصلو الكعكايي الادتك ليها دي لا تاكلها لا تضوقها.. تختها في دولابك وسط الهدوم لامن تعتت وتنشف
وكل يوم تجي تشمها من تحت الهدوم وترجعها تاني.. والقميص الختيت فيه الكعكايي دة
تلبسو من المناسبات للمناسبات...

هسي الله بيسألكم داك حب وأليل البُطان ديل حب

حبة تقوم فوق رويسك
الجوعير كملتو وقبلت على بلي التلفزيون

Quote: وأصلو الكعكايي الادتك ليها دي لا تاكلها لا تضوقها.. تختها في دولابك وسط الهدوم لامن تعتت وتنشف وكل يوم تجي تشمها من تحت الهدوم وترجعها تاني

فضحتنا الله يفضحكـ يا اب خشما خفيف

Quote: فضحتنا الله يفضحكـ يا اب خشما خفيف

عاد يا طروق دايرين تدسوهوا لا متين
يا زول النخجي دة مو هو الجابلنا النضمي السمح داك أليل الغناء

هسي شفتلك واحد من البُطان ديل جابلو نضمي سمح زي أليل زمان داك

Quote: حبة تقوم فوق رويسك الجوعير كملتو وقبلت على بلي التلفزيون

الرسول آآآحيدر أكنك أمشي شوف في نضميهم الفي النيل الازرق داك
وحات ود الكرسني يضرسوك بي حب الهبالة داك
اني آمنت بالله

الاخ طارق
تحيه طيبه والله المنبرمن كثرة الغم الفيه الواحد وكت افتح المنبر اقول اللهم اجعلو خير .

والواحد اقراء سورة الانشراح والمعوذتين ,عسى ان الله يشرح القلب..

شكرا اخى طارق وضعت بعض الابتسامه فى جراح السودان.

لك الود

يا رجاااال .. عساك سالم بس ..



** مرفوع ضغطي من قبلك يا حبيب ..

Quote: يا رجاااال .. عساك سالم بس .. ** مرفوع ضغطي من قبلك يا حبيب ..

الرسول يا ود الزين شفتة جنس البوامة ألتم دي
انت البنات ديل العاجبن شنو في بوامة البُطان ديل

Quote: والعجب ان بقيت داير تكتبلك ليها جواب بالله تقعد تحاحي في ابوك لامن تصل الدولاب أليلو وتسرق الريحي ألتو وتبخها في الفلسكاب

الله يجازي محنك ياخي

والعجب ام بقت في البلد وخوانا ضغار
تلقاك ديمة شادي حمارتك العنطاطة ديك
ومن طاحونة لي طاحونة بي عيشم



خالص الود

Quote: الله يجازي محنك ياخي والعجب ام بقت في البلد وخوانا ضغار تلقاك ديمة شادي حمارتك العنطاطة ديك ومن طاحونة لي طاحونة بي عيشم خالص الود

والله يا ود بيناوي انا في البركل قبل دة
باقيلي نشلتلي خمسين بير للبنوت السمحات ديك
واصلها وكت كانت تجي ست الجمال
يمين انشلن بالصفيحتين
باقيلي ان جيت حسبت الموية النشلتها من الابيار
تسويلا نيل تاني ضُمة ضُمة

Quote: يمين نحن الملابس الداخليي دي تبقالنا قدحة لا شفناها لا رأيناه وحتى ان بقينا شفناهن وكتنا داك يمين علي ننهق زي الحمير اكرمكم الله وكمان جابتلها فوط صحيي..

الله يجازى محنك يا ود جبرين ...
يعلم الله تضحك الابوهو ميت ..


و العجب لامن تجى تشوفها ... تحوبسلها فوق درب المدرسة ..
و ان الله اداك منها نظرة من وسط البنيات ، حرارتك فى ساعتها تضرب فوق
و تقول ..

انا العيان
انا التعبان
و حرارتى الضاربة فوق ميتين
لا بنفع بخور تيمان
و لا بتمزل بى نوفالجين

وليد بت بغداد الله يديك العافيه موتنى من الضحك
وكمان النكشف ليك المغتغت حق جكسويات زمان
هم زاتم الواحده كان ماشه بى شارع الجكس تلقاها تتبسم ذى الما نصيحه
بعدين كان رسل ليها ورده تلقاها داساها وكل يوم تشم الورده دى وحاتك لما تبقى بودره
والعجب كان لاقت ام الجكس فى مناسبه هاك ياكبكبه
بعدين اولاد البندر الذيكم كده طبعا معروفين بمشو البلد للعيد يلا تبدا خياطة المناديل
وفى نوع كده فيه بطتين متقابلات الفالحه تحضر المنديل ده لى طارق

Quote: وليد بت بغداد الله يديك العافيه موتنى من الضحك وكمان النكشف ليك المغتغت حق جكسويات زمان هم زاتم الواحده كان ماشه بى شارع الجكس تلقاها تتبسم ذى الما نصيحه بعدين كان رسل ليها ورده تلقاها داساها وكل يوم تشم الورده دى وحاتك لما تبقى بودره والعجب كان لاقت ام الجكس فى مناسبه هاك ياكبكبه بعدين اولاد البندر الذيكم كده طبعا معروفين بمشو البلد للعيد يلا تبدا خياطة المناديل وفى نوع كده فيه بطتين متقابلات الفالحه تحضر المنديل ده لى طارق

عجبتني وليد بت بغداد دي وريحتني في عضامي
لانها كانت مرة رياااااااااااااااادة

بالله يا فتحية عليك الله فتيهو لينا هني
فشان ما يبقى برانا نفضح في نفسنا ياخي
على الأقل نشوف جلكساتكم

ود جبريل الحلو

امانة ما فتحت ابواب وانا معاك الليلة للصباح اوع يجي واحد بهنا يقول في خطوط حمراء ولا سقوفات للجديع - خليني اتجدع في البوست دا . سودانيز دى لي تلاتة شهور مكجنا باااااااااااردة علا الليلة يا ود جبريل ولعت نيرها .

عندى ليك كلاليق ( جمع كليقة يعني حزمة) من الاسئلة جاوبني وما تعاين بوراك .

- دحين ضقت مرقة المغربية عامل فيها تفتش للعجول عشان عارف جكسويتك برضها بفتش؟

- دحين وقت تلقى عجولك وتسوقهن للذريبة وتلاقي جكسويتك بالصدفة سايقة عجولها تاني دحين اكان العجل رضع بتشتغل بيهو؟

- دحين جربت لباس الجلابية السمحة والطاقية في الهامة وماشي تزور مريض قريب جكسويتك وتعمل فيها حنين عليهو تقعد ليهو في طرف السرير وتجبد ليهو اصابعيهو وتعصر ليهو كرعيهو وعينك في الجكسوية وبعد شوية تخلوهو المسكين في سريرو وتنزوا في الصالة برة وهاك يا الجكيس البااااااااارد؟ ومرات كمان معاها تولعة سجارة خاتيها لليوم الابيض دا تولع وكافي ايد الجلابية لا فوق وبخخخخخخخخخخ للدخان نامن يدق في السقف ؟

جاييك للاعياد
وجاييك لمواقف السفر
وجاييك للمذاكرة
وجاييك للخيام !!!!!! مسنوح
وجاييك لبلعة الريق كع


لقيتني كيف؟

Quote: دحين جربت لباس الجلابية السمحة والطاقية في الهامة وماشي تزور مريض قريب جكسويتك وتعمل فيها حنين عليهو تقعد ليهو في طرف السرير وتجبد ليهو اصابعيهو وتعصر ليهو كرعيهو وعينك في الجكسوية وبعد شوية تخلوهو المسكين في سريرو وتنزوا في الصالة برة وهاك يا الجكيس البااااااااارد؟ ومرات كمان معاها تولعة سجارة خاتيها لليوم الابيض دا تولع وكافي ايد الجلابية لا فوق وبخخخخخخخخخخ للدخان نامن يدق في السقف ؟

اوووووووووووووووه المسنوح شيقا
تعال يا الحبيب فتو هنا
تعال خلينا نتوا قرض


العجب يا شيقا لو كنت مشيت معاي للبركل
يمين وكتين يجن عند البير وتشوف زولتك فيهن
وتقعد تنشلهن في الموية
يمين يا شيقا انا الموية النشلتها في البركل
من الابيار كانت تسويلا نيل تاني

ود جبريل الله يجازي محنك

يا زولي إنت جيت في اللحم الحي

بس أرجع لنضميك عن الحبوبات الحلوات

أخيرلك من اللطمي والشطحي الحاصل ده،،،،

Quote: ود جبريل الله يجازي محنك يا زولي إنت جيت في اللحم الحي بس أرجع لنضميك عن الحبوبات الحلوات أخيرلك من اللطمي والشطحي الحاصل ده،،،،

والله علي قولك يا ريسنا ميسرة
حتى حبوبات الزمن دة بقن قاطعات اللهجي
حتى هن بقن يقوللك ((مسكل لي)) miss call
اريتن حبوبات التاباني

Quote: و العجب لامن تجى تشوفها ... تحوبسلها فوق درب المدرسة .. و ان الله اداك منها نظرة من وسط البنيات ، حرارتك فى ساعتها تضرب فوق و تقول ..

يمين يا ود التكينة في الوقت داك
اصلو قلبك دة يبقى علي الهبابة
لا تعرفه في ولا وقع ضُمة ضُمة

Quote: العجب يا شيقا لو كنت مشيت معاي للبركل يمين وكتين يجن عند البير وتشوف زولتك فيهن وتقعد تنشلهن في الموية يمين يا شيقا انا الموية النشلتها في البركل من الابيار كانت تسويلا نيل تاني

اخخخخخخخخخخخخخ منك انت يا العسل وكمان كان قالت ليك تعال ارفع لي القروانة

عيييييييييييييييييييك

لقيتني كيف؟

ياشيقا المسنوح

عمك كمال رسل ليك الكاركتير ده وقال
ده شنو يا مطموس دى القيدومه حقت الحج
اصبر ليهو جايك بكره يالا...........

فيصل هليل كيفنك ياخي
كاريكاتيرك دة بالحبر السري ولا شنو

Quote: اخخخخخخخخخخخخخ منك انت يا العسل وكمان كان قالت ليك تعال ارفع لي القروانة عيييييييييييييييييييك

والله يا شيقا تب ماك ساهل
وين لي ناس مسكل لي ديل

Quote: وين لي ناس مسكل لي ديل

وجاااااااااااااااااااو

حبوبات المسكول ديل ىا طارق ذكرونى واحده قريبتنا ولد بتها يقرا فى الخرطوم
قال ليها لوعملت مسكول معناهو اناكويس بقت لما يعمل مسكول تبوس التلفون وترد ليه
كيفنك ياحبيبى انشالله حسيسك عمرو مايسكت
مره قالت الا يضربو ليها عشان تطمئن الرد كان هذا المشترك لا يمكن الوصول اليه حاليا
طقت ليك السكلى وووب على ووب على
انا عافاهو بكون واحد ضربه كتلو عشان يسرق تلفونو

جكسيهم وجكسينا
فاكرك كتبه غلط
انت قاصد شنو
جكسا
ولا
الجكسي
كان لي جكسا
كان موضة لمن دخل
خط 6 ستا
بعد وصل محطة سبعه
نزل
غايتو زول بتاع فضايح كيف !!!!
برضو ليك المحبة

طارق

فتحية

Quote: والله يا شيقا تب ماك ساهل وين لي ناس مسكل لي ديل

مساكين اولاد البندر الما ضاقو فرغوا خرتاية النبق كلها للجكسوية
مساكين اولاد البندر الما ضاقو ضبحوا الديك للجكسوية
مساكين اولاد البندر ما ضاقوا مناداة الجكسوية لتكسير حطبها
مساكين اولاد البندر الما ضاقو حلبوا البقرة للجكسوية
مساكين اولاد البندر الما ضاقوا رموا حزمة العنكوليب للجكسوية

الاخيرة دى لو كنت انت يا ود جبريل ترمي ليها حزمة العنكوليب وتتحكر تنقي ليها

Quote: باقيلي نشلتلي خمسين بير للبنوت السمحات ديك واصلها وكت كانت تجي ست الجمال يمين انشلن بالصفيحتين باقيلي ان جيت حسبت الموية النشلتها من الابيار تسويلا نيل تاني ضُمة ضُمة

ودجبرين
في دور القوي الامين

Quote: يا حليل أيامنا وأيام ود شيقوق بالله البني تحرن ليها قدام حلتهم لامن الشمس ترقدك كداد وتقعد تحاحيلا من هني لا هني واصلو حلتهم دي كلها تبقى اهلك وتسوي الدرب ساساقا ضُمة ضمة والعجب ان بقى الله اكرمك بي بكاء في حلتهم ولا في بيتهم زاتو يمين يدينك يبقبقن من حفير الصيوانات واصلك لا تقول اح والعجب ان دخل لا جوة وجبتلك ترمسة ألت شاي وايدها دقشت في ايدك يمين تجي منفوخ من لا جوة وماشي شايل ترمستك وتتقدل بي طرف اصابعينك علي النعامة واصلو ان خلوك يمين في بيت البكاء دة تقرب تفكلك زغروتي والعجب لو عندهم عرس في حلتهم ولا في بيتهم زاتو يمين تجيب فرشك وبهيتك وتقعد تضرب في بيبان العرس ديل لامن تلمعن وتطلع تفتش السباليق ان بقى فيهن شي مكدب وان بقى عندهم غنم تسقيهن وتجيبلهن القش ودة كله بس فشان تحاحيلك شوفتا منها

ات يا ود جبرين
ممســــــــــــــوخ و مسنـــــــــــوح..
ياخي..بيت العرس..
و التحلية....وترامس الشاي..
وتختف الترمسة و تديها بسمة و ضحكة...
وعيـــــــــــك لما الحفلة تقول كدي تننهي مع اذان الصبح
و يجبولكم شاي الصباح في صيوان العرس
و انت الليل كلو ..تنضم و تتظارف و تتبسم
والناي يمرقو الدلوكة و لا الباقة..
أها ..تاني شنو؟؟
حليل ..
لما تقدم البنيات عند المغارب..
وتقوم البنية ...تعصر لك الجواب في نص المذكرة...
عليك امــــــــــان الله الجواب ما تقراه الا جوه الحمـــــــــــام




مالك علينا يا المسنوح..
كدي اديها غنية كده بالله..
اصلو جريدتكم قفلوها ...و بقيت تلاهي بالجكس و الغرام..

النمر
يا مسنوح

Quote: أها ..تاني شنو؟؟

تاني one for the road from the quality of fourteen

لقيتني كيف؟

Quote: one for the road from the quality of fourteen

بس دي عايزة
ليها مشوار قبل الحفلة...
شان تلحق كريستينا و تديك من الاصلي..!!!!!!

لقيتني كيف؟

لقيتك شفت و مقدد البلد...










_____
رأيك شنو..نجدع لي مشوار اسبوعين كده
لي عند ود جبريل
في البلاد السمحة ديك......!!

النمر

Quote: نجدع لي مشوار اسبوعين كده لي عند ود جبريل في البلاد السمحة ديك......!!

بس انا كان مشيت بجى طابق ومحل رهيفة تنقد

اوعاك تتابعني اكان تابعتي بتتطلق

Quote: وتقعد تحاحيلا من هني لا هني واصلو حلتهم دي كلها تبقى اهلك وتسوي الدرب ساساقا ضُمة ضمة والعجب ان بقى الله اكرمك بي بكاء في حلتهم ولا في بيتهم زاتو يمين يدينك يبقبقن من حفير الصيوانات واصلك لا تقول اح

ود حلتنا من زمن ماضحكته زى الليلة .. ..

ياخى ربنا يفرجه عليك شقيش ما تقبل ..

طارق وليداتنا وبنياتنا لسع بخير ..
شوف الرسالة التحت ..
خليجية إلى خليجي ..
أو يمكن العكس لأن البت اسمها حصه ، تكتب عند صاحب الرساله ( حسه )
ولا تنسى مفتاح الحروف
س = ص
ت = ط
ك = ق
...

صورة خطاب العاشق الفوق ده مره تانية ( بتختفي أحياناً ولا أريد إضافة تعديل واجوط الشغلانية )

Quote: طارق وليداتنا وبنياتنا لسع بخير .. شوف الرسالة التحت .. خليجية إلى خليجي .. أو يمكن العكس لأن البت اسمها حصه ، تكتب عند صاحب الرساله ( حسه ) ولا تنسى مفتاح الحروف س = ص ت = ط ك = ق

انت يا عمران دة حب السواد الكله هيروغلوفية دة

Quote: ود حلتنا من زمن ماضحكته زى الليلة .. .. ياخى ربنا يفرجه عليك شقيش ما تقبل ..

اووووووووووووه بت اهلي الحنان بالحيل
النبي ان ما بقيتي سألتي اخوك المسنوح داك
كم صيوان وكم عرس مشى وقف فيه
غايتو اخوك داك كان رياد يعلم الله
لكن ماهو عيب لانه انا ذاتي رياد

Quote: بس انا كان مشيت بجى طابق ومحل رهيفة تنقد اوعاك تتابعني اكان تابعتي بتتطلق

يا سعادة المسشار.........
يا زول ..خربانة ام بنايا قش...!!
واطبق لي نفسك
ولف لي معـــــــــــــــاك؟؟


اها التانية دي لسة ما عندنا شان يفكوها فينا(الطلقة)...
الكلام ليك انت؟؟

Quote: بس انا كان مشيت بجى طابق ومحل رهيفة تنقد اوعاك تتابعني اكان تابعتي بتتطلق

هييييييييييييي بنوتنا ديل انا ما بدورلهن الضرر

Quote: رأيك شنو..نجدع لي مشوار اسبوعين كده لي عند ود جبريل في البلاد السمحة ديك......!!

يا ريت يا الحبيب

طارق جبرين ..
أعلك بخير آخوي ..
الفضايح دي لزومه شنو أسع ..؟
تدودر فينا كدي لامن نمرق فضايحنا اللات زمان ..
أيام كنت صقاق!!!!
والله الصقاق ده زمان ما فاضي في نواب مجلس العموم البريطاني زاتن ...
يا زوووووووووول كنا تلقانا بالجلابيي أم إضيناتن رقاق ...
وطبعاً كان الواحد لا بد يكون مسويلو منديلا أحمر ...!
عشان يقشبو العرق ..أثناء الصفقة ..
وتكتر في مريقو إن بقت زويلتك في اللعبة ( اقصد الحفلة ) طبعاً دي ترجة لي وليدات الزمن ده ....!!!!
وبعدين زاااااااتو هو المنديل ده مامن ضمن عدة الشغل ...أقصد الجكيس ...!
وبعدين إن بقيت عرقت ولا البرد دار يشقك برضو بتمرق المنديل الأحمر ,,,
وخلي بالك الحكايي فيها الدبابة الماجروس الزرقا ديك
وما نسى الخنفس ....!


ياخي مالك علينا ياخ ...!

ود النمر

Quote: واطبق لي نفسك ولف لي معـــــــــــــــاك؟؟

افو نان بتوصى؟

Quote: طارق جبرين .. أعلك بخير آخوي .. الفضايح دي لزومه شنو أسع ..؟ تدودر فينا كدي لامن نمرق فضايحنا اللات زمان .. أيام كنت صقاق!!!! والله الصقاق ده زمان ما فاضي في نواب مجلس العموم البريطاني زاتن ... يا زوووووووووول كنا تلقانا بالجلابيي أم إضيناتن رقاق ... وطبعاً كان الواحد لا بد يكون مسويلو منديلا أحمر ...! عشان يقشبو العرق ..أثناء الصفقة .. وتكتر في مريقو إن بقت زويلتك في اللعبة ( اقصد الحفلة ) طبعاً دي ترجة لي وليدات الزمن ده ....!!!! وبعدين زاااااااتو هو المنديل ده مامن ضمن عدة الشغل ...أقصد الجكيس ...! وبعدين إن بقيت عرقت ولا البرد دار يشقك برضو بتمرق المنديل الأحمر ,,, وخلي بالك الحكايي فيها الدبابة الماجروس الزرقا ديك وما نسى الخنفس ....! ياخي مالك علينا ياخ ...!

الرسول يا ود دغيس ان بقيت ما فتيتو كله هني
خلي البُطان ديل يتعلموا شوية حب
دة جيل منتهي ضُمة ضُمة
لا يعرفوا يحاحوا للجكس لا يعرفوا يحبوا ذاتو

Quote: ات يا ود جبرين ممســــــــــــــوخ و مسنـــــــــــوح.. ياخي..بيت العرس.. و التحلية....وترامس الشاي.. وتختف الترمسة و تديها بسمة و ضحكة... وعيـــــــــــك لما الحفلة تقول كدي تننهي مع اذان الصبح و يجبولكم شاي الصباح في صيوان العرس و انت الليل كلو ..تنضم و تتظارف و تتبسم والناي يمرقو الدلوكة و لا الباقة.. أها ..تاني شنو؟؟ حليل .. لما تقدم البنيات عند المغارب.. وتقوم البنية ...تعصر لك الجواب في نص المذكرة... عليك امــــــــــان الله الجواب ما تقراه الا جوه الحمـــــــــــام مالك علينا يا المسنوح.. كدي اديها غنية كده بالله.. اصلو جريدتكم قفلوها ...و بقيت تلاهي بالجكس و الغرام..

هيييييييييييييييييييييع ود نمر
اتاريك حبيب من الدرجة الاولى ومانا عارفين
عاد يا ود نمر وكتين يغمتولك الجواب داك في نص المذكرات
الدنيي دي تبقالك صغنبوتة خلاص
وتبقى ماشي زي الديك وسط عشرة جدادات
وان ما كضبت يقوملك عرف زي أليل الديك داك

Quote: ودجبرين في دور القوي الامين

يمين يا ود ابو الحرير
الواقود الكسرناهو في البركل يكفيلو مفاعل نووي

Quote: مساكين اولاد البندر الما ضاقو فرغوا خرتاية النبق كلها للجكسوية مساكين اولاد البندر الما ضاقو ضبحوا الديك للجكسوية مساكين اولاد البندر ما ضاقوا مناداة الجكسوية لتكسير حطبها مساكين اولاد البندر الما ضاقو حلبوا البقرة للجكسوية مساكين اولاد البندر الما ضاقوا رموا حزمة العنكوليب للجكسوية الاخيرة دى لو كنت انت يا ود جبريل ترمي ليها حزمة العنكوليب وتتحكر تنقي ليها

يا شيقا
يمين موش انقيهو يمين ازقدها ليهو في خشيمها

Quote: جكسيهم وجكسينا فاكرك كتبه غلط انت قاصد شنو جكسا ولا الجكسي كان لي جكسا كان موضة لمن دخل خط 6 ستا بعد وصل محطة سبعه نزل غايتو زول بتاع فضايح كيف !!!! برضو ليك المحبة

انت يا ود السني باقيلي من زمن ((القرمبوز والبرتق))
لا يا يابا انت حقكم كمان براهو
انتو من زمن المساير وزيت الكركار
النبي يا ود السني ما تحكيلنا كنتو بتحبوا كيفن زماااان


محبتي الاكيدة

Quote: حبوبات المسكول ديل ىا طارق ذكرونى واحده قريبتنا ولد بتها يقرا فى الخرطوم قال ليها لوعملت مسكول معناهو اناكويس بقت لما يعمل مسكول تبوس التلفون وترد ليه كيفنك ياحبيبى انشالله حسيسك عمرو مايسكت مره قالت الا يضربو ليها عشان تطمئن الرد كان هذا المشترك لا يمكن الوصول اليه حاليا طقت ليك السكلى وووب على ووب على انا عافاهو بكون واحد ضربه كتلو عشان يسرق تلفونو

والله يا فتحية دي حبوبة التاباني البنات

Quote: اتاريك حبيب من الدرجة الاولى ومانا عارفين عاد يا ود نمر وكتين يغمتولك الجواب داك في نص المذكرات الدنيي دي تبقالك صغنبوتة خلاص وتبقى ماشي زي الديك وسط عشرة جدادات وان ما كضبت يقوملك عرف زي أليل الديك داك

المسنــــــــــــــوح..
شرقتني بالضحــــــــــــــــــك..
لوووووووووووووووووووووول
عليك امان الله يا طارق..
لمن ينادووووووك شان تشرح
للبنات مسألة رياضيات و لا مصيبة كميـــــــــاء.
و تلاقي البنية حبيبتك في نصهن..
عليك الله وصفلنا شعورك...!!!!!!!!!!
خاصة لما يجيبو ليك شاي اللبن بالقرقوش.........
اها...يا الحبيب..
عمود النور...عليك الله ما ادووووووووك في مقلب
وخلوووك واقف ملطوع...
تحاحي في السمبر..







____
الله يستر..
نقعد نباري فيك كدي..
بتودينا التوج....

Quote: المسنــــــــــــــوح.. شرقتني بالضحــــــــــــــــــك.. لوووووووووووووووووووووول عليك امان الله يا طارق.. لمن ينادووووووك شان تشرح للبنات مسألة رياضيات و لا مصيبة كميـــــــــاء. و تلاقي البنية حبيبتك في نصهن.. عليك الله وصفلنا شعورك...!!!!!!!!!! خاصة لما يجيبو ليك شاي اللبن بالقرقوش......... اها...يا الحبيب.. عمود النور...عليك الله ما ادووووووووك في مقلب وخلوووك واقف ملطوع... تحاحي في السمبر.. ____ الله يستر.. نقعد نباري فيك كدي.. بتودينا التوج....

وحات الله يا ود نمر اخوك كان كمبيوتر رياضيات
في امتحان الشهادة جبت فيها 99 والواحد دة لي هسي حارقني
وحاتك تمرين 23 داك بتاع حساب المثلثات في ساعتين امرقوا
ود نمر ان بقيت فتيتو هني
ياني الما بفدر ارجع الامتداد تاني

اروق واجي احكيلك نصايب الشرح ديل

Quote: [ ياني الما بفدر ارجع الامتداد تاني اروق واجي احكيلك نصايب الشرح ديل

يا زول و انت الراجعلها شنو؟؟
هو زاتو مافي جكس زي بتاع زمان دااااااااااك
هسي كلهن ناس 15 سنة و ما دون...

اها راجيك...عليك الله
احكي ..
وقول في المكان ده...
فت الشمار...
وسجن سجن..غرامة غرامة...

فتو يا برعي

رسالة العم كمال الى ود جبريل وشيقا
ـــــــــ

يا ابو النسب ود جبريل(دى الا تدفع عشان اوريك ليها)
المسننننوح شيقا (الذى فسخ الحجه مقدما)
سلامات

مالكم علينا بعد العمر ده تخلونا نجوعر ونتمخت خاصة
وان لنا الكثير من الذكريات والمواقف...فبعد زواجى واثناء
شهر العسل ذهبنا الى سينما القاعه وفى المدخل سلمت
على (الحب كان) ومر الموضوع بسلام ..ومرة اخرى وفى
المعروضات المصريه تكرر المشهد مع شخصيه اخرى وهنا فقط نظررت الى
المدام شذرا وهى تقول:ـ
انته اصلو كنته شغال عمده ولا شنو ؟؟؟؟؟!!!!!

لكم كل الود على هذا البوست الفرايحى بس انا خايف
عليكم من الآثار الجانبيه
وتعالوا معاى بى جاى

عمكم كمــال

Quote: يا ابو النسب ود جبريل(دى الا تدفع عشان اوريك ليها) المسننننوح شيقا (الذى فسخ الحجه مقدما) سلامات مالكم علينا بعد العمر ده تخلونا نجوعر ونتمخت خاصة وان لنا الكثير من الذكريات والمواقف...فبعد زواجى واثناء شهر العسل ذهبنا الى سينما القاعه وفى المدخل سلمت على (الحب كان) ومر الموضوع بسلام ..ومرة اخرى وفى المعروضات المصريه تكرر المشهد مع شخصيه اخرى وهنا فقط نظررت الى المدام شذرا

عمو كمااااااااااااااااااال

وحاة ربي انت بكاى خلاص وممكون بالحيل وجواك يغلي بس بتخاف

كتر خيرك يا ود جبريل البقيت تفتو ويجوا المكسرين ينقدوا في فضلات فتك ويعصروا اضنابهم ويزوغوا

اقدل ود جبريل معاك الما فارك للجرادة نار - معاك البفتو وما بقبل بضهروا - وكان كتروا هسع بجيب السمحة ام ولدى تفتو معاى هنا ومحل رهيفة تنقد.

اها يا عمو كمال بليت ريقك ولا لسع ؟

Quote: رسالة العم كمال الى ود جبريل وشيقا ـــــــــ يا ابو النسب ود جبريل(دى الا تدفع عشان اوريك ليها) المسننننوح شيقا (الذى فسخ الحجه مقدما) سلامات مالكم علينا بعد العمر ده تخلونا نجوعر ونتمخت خاصة وان لنا الكثير من الذكريات والمواقف...فبعد زواجى واثناء شهر العسل ذهبنا الى سينما القاعه وفى المدخل سلمت على (الحب كان) ومر الموضوع بسلام ..ومرة اخرى وفى المعروضات المصريه تكرر المشهد مع شخصيه اخرى وهنا فقط نظررت الى المدام شذرا وهى تقول:ـ انته اصلو كنته شغال عمده ولا شنو ؟؟؟؟؟!!!!! لكم كل الود على هذا البوست الفرايحى بس انا خايف عليكم من الآثار الجانبيه وتعالوا معاى بى جاى عمكم كمــال

عمنا كمال كيفنك ابوي
كدي النبي فيك في الاول وريني حكاية النسب دي

يا عمنا النبي كان ما فتيت لينا شيتا القديم كله هني
وان بقى كبعوك بندخل الاجاويد
واصلها القصي بايظي وماها نافعي ضُمة ضُمة
بعدبن خلنا النوري البُطان ديل كيفن يحبوا

اها لا تطول شي

Quote: فتو يا برعي

بتمشي تقول لي ابوي فضحنا

انت بتتكلم عن العصر الذهبي للحب ول شنو ؟

اصلو دي فرمالتكم ؟

ما عارف قصة التعنصر عند الجيل القديم دي شنو اذا صح التعبير يعني

ما هو دائما انتو يا طارق جبريل اي شئ سمح في زمنكم الكورة قلتو زمان

الفن قلتو زمان ... العرس قلتو زمان .. الاكل والشراب قلتو زمان ..اييييييي شئ قلتو زمان

افضل .. هسه قبلتو على الحب كمان ؟


هههههههه قصتكم قصة

ما في مساحة للجيل الجديد عندكم بتاتا

ليه يعني كده

غايتو شخصيا لا اجد للجيل القديم البعتز ويشكر في نفسو زي مصطفى الاغا بتاع MBC ده

غير البلاوي الحاصلة اليوم دي من تحزب وتشتت في كل شئ .. الخراب الحاصل الان ده

اذا صح اصلا انو في خراب سببه جيلكم حبيب عيونكم ده لانو هسه اي شئ ماسكنو

ابناء جيل الحب العزري ( الجيل القديم )

الطيب شيقوق

Quote: عندى ليك كلاليق ( جمع كليقة يعني حزمة) من الاسئلة جاوبني وما تعاين بوراك . - دحين ضقت مرقة المغربية عامل فيها تفتش للعجول عشان عارف جكسويتك برضها بفتش؟ - دحين وقت تلقى عجولك وتسوقهن للذريبة وتلاقي جكسويتك بالصدفة سايقة عجولها تاني دحين اكان العجل رضع بتشتغل بيهو؟

عثل بس

ههههههههههههههه
ياخ ده حب ناشف خلاص

Quote: وتقوم البنية ...تعصر لك الجواب في نص المذكرة... عليك امــــــــــان الله الجواب ما تقراه الا جوه الحمـــــــــــام

صراحه البوست عجبني
كنت عاوز ادافع عن الجيل الجديد

لقيت نفسي ميال للجيل القديم

ياخ كان عندكم عالم جميل بشكل ..

هههههههههههههههههههههههه

دسكو

سلام

Quote: ياخ ده حب ناشف خلاص

الحب ده حلاتو في نشافو

يا شيقوق باقيلي دسكو دة قايلنا كراكات من جيل صديق الموج
يا الحبيب نحن مانا كبار قدر دة نحن جيل تسعينات سااااكت

هسي يا دسكو النبي فيك في حبكم التيك اوي دة
قولي واحدا موجع فيكم طلعلو اغنية سمحي زي ألات زمان

يا طارق غايتو لا حضرنا زمن جكس زمان السمح داك
ولانا قادرين نتلم على جكس الزمن دا
نحنا جيل ضايع في أي حاجة ياخ
غايتو جاي جاي قاعدين نتسلبط في جكس زمان وزمنهم

قال واحد من شفوت شعراء حلمنتيش:

أنسيتى قعداتي مقاصد بابكم
متفرجخاً فوق عتبة الدكانِ
راجيك تفتحي بابكم في لحظةٍ
حتى أراكِ تحومي بالفستانِ
أو تكشحي موية الغسيل بجردلٍ
يا جردلاً شالته أحلى يدانِ
أو تندهي لأخوك من شارع الظلط
وأخوكِ كبسة معاك في كل مكانِ...

أموت رُكُن...

ياود جبرين، يا ود شيقوق، يا ود نمر،
يا حااااااااااسدين، لقيتكم حاسدين
لكن...
يا أخي إنتو الواحد فيكم زمان بيتمنى
يكون نعجة لمان تجي داخلة المُراح
عشان تحلب البهايم.
اليلة الجماعة ديل وكت إتفتحت عليهن
جيتو تحسدوا فيهن؟
الحسادة التخليكم تلدوا الـ...
كنت داير أتمها عِلا خُفتَ من سلمى بت الشيخ،
باقي قبل اليلة هارشاني...
غايتو نفر حسادتكم! عِلا فيكم!!!

'طارق ازيك
انت طبعا قلت بت بغداد كانت رياده خلاص وانا جايبه ليك كلام عن الجيل القبلها
يعنى الحبوبات الزمااااان اصلهم كانو ريادين شديد وبرسلو الرسائل الغرامبه فى شكل شعر
واحده رسلت للجكس بعد طول انتظار
يا خلايق الله ابا ما يجى
قعدت فى الدكه ابا ما يجى
كتبت رسلت ابا مايجى
الحمام ركا ابا ما يجى

اها بعد احساسا بالشاكوش القوى ده رد ليها
يا لبينة الصيف الحليب
يا المصفيه من السبيب
يا المعلقه فى المشلعيب
كان شربتها خاترى بيطيب


اها يا طارق المشلعيب دى عرفتها يعنى شنو؟

المدير

وحاة النبي ما حسادة لكن الحب الصار قادل عندهم زى قدلة العربية الفل اوبشن كشناهو عديل كدا



طارق

Quote: يا شيقوق باقيلي دسكو دة قايلنا كراكات من جيل صديق الموج يا الحبيب نحن مانا كبار قدر دة نحن جيل تسعينات سااااكت

بس عندنا القدرة نتابع الحركات بالجي بي اس وكان الواحد جكس جوة الكمينة بنجيب خبرو

Quote: هسي يا دسكو النبي فيك في حبكم التيك اوي دة قولي واحدا موجع فيكم طلعلو اغنية سمحي زي ألات زمان

اسعلو كدى من طابق البوخة القام نداهو يهتف

هسع يقول ليك البوخة بخة الريحة من البخاخ

وبقول ليك نداهو تعني كرمو

ويهتف بقول ليك هنولويا

عزيزى طارق....سلامات

اول حاجه حكاية النسب دى الهيته بالهيته فاخونا
الكبير هو عديل اخوك....بعد دة اقعد احسب فى العدلاء
شختك بختك او اطلب المساعده بى فوق الحيطه

تانى حاجه انته مالك بتجرر فوقى.. ادينى الايميل حقك
وبفتو ليك كلو....ولا خلى بكرى يشفر البورد
عليك الله خت لى من عندك الوشوش كلها

عمـك كمــال (كيمو سابقا)

تخريمه:ـ كلم فيسل خليل ما يعدل المداخله دى

Quote: عزيزى طارق....سلامات اول حاجه حكاية النسب دى الهيته بالهيته فاخونا الكبير هو عديل اخوك....بعد دة اقعد احسب فى العدلاء شختك بختك او اطلب المساعده بى فوق الحيطه تانى حاجه انته مالك بتجرر فوقى.. ادينى الايميل حقك وبفتو ليك كلو....ولا خلى بكرى يشفر البورد عليك الله خت لى من عندك الوشوش كلها عمـك كمــال (كيمو سابقا)

عاد يا كيمو قدر ما بحتة غلبني
كدي تعالي بي هني:
[email protected]
خلك من ود جيرانا فيسل هليل دة

Quote: اسعلو كدى من طابق البوخة القام نداهو يهتف هسع يقول ليك البوخة بخة الريحة من البخاخ وبقول ليك نداهو تعني كرمو ويهتف بقول ليك هنولويا

المسنوح يمين ودرته تب
آآبيجيك تاني بي هني

Quote: يا خلايق الله ابا ما يجى قعدت فى الدكه ابا ما يجى كتبت رسلت ابا مايجى الحمام ركا ابا ما يجى اها بعد احساسا بالشاكوش القوى ده رد ليها يا لبينة الصيف الحليب يا المصفيه من السبيب يا المعلقه فى المشلعيب كان شربتها خاترى بيطيب اها يا طارق المشلعيب دى عرفتها يعنى شنو؟

اوووووه التناقسة ظهروا
نان انا يا فتحية ان بقيت ما عرف المشلعيب والمُعلاق
الواطة في خشمي
هسي الرسول فيك يا فتحية بُطان الزمن دة (ناس رغيم الصغير)
بيعرفوا جنس النضمي دة

Quote: يا حااااااااااسدين، لقيتكم حاسدين لكن... يا أخي إنتو الواحد فيكم زمان بيتمنى يكون نعجة لمان تجي داخلة المُراح عشان تحلب البهايم. اليلة الجماعة ديل وكت إتفتحت عليهن جيتو تحسدوا فيهن؟ الحسادة التخليكم تلدوا الـ... كنت داير أتمها عِلا خُفتَ من سلمى بت الشيخ، باقي قبل اليلة هارشاني... غايتو نفر حسادتكم! عِلا فيكم!!!

ود المدير كيفنك ابوي
وحات الله ماها حسادي
يمين يا الحبيب حبينا لامن طلع من نخرينا
بس كنا ريادين شديد وبنعرف نكب الجلكسات
ياخي ديل الواحدة فيهن تدودر في الولد
دودير الجن وهو ماهو عارف كوعه من بوعه

Quote: يا طارق غايتو لا حضرنا زمن جكس زمان السمح داك ولانا قادرين نتلم على جكس الزمن دا نحنا جيل ضايع في أي حاجة ياخ غايتو جاي جاي قاعدين نتسلبط في جكس زمان وزمنهم

اوووووووووووووه انعام
ياخي انت زينا وجاي
ما تتلصقي في ناس زمان تكبرينا انا وشيقا دة
القصة ماها زمان وهسي
بس البُطان ديل وحات الله شيتم يوجع البطن
سبل الاتصال كلها عندهم وماهن قادرين حتى يقولولم جلكسات سمحي للبنوت

هي لكن اكتر من اقول ليها يا ود جبريل

Quote: بدور اتكرفك وألبس رزاز مطرك ريهام تاني في شنو يا ولدنا ما الكلام كمل خلاث

Quote: ول لمن اقول ليها لو طموحك قصر عالي ومهر فوق قدرة مهارات احتمالي حاجة فوق عقل التصور وفوق يقين صدق انفعالي يبقى ليك الحق تقولي اني في حبك مخاتي وزول خيالي واني في حقك مقصر وما حا اقدر وزول اناني واتكالي

Quote: ول لمن اقول ليها لو مشاعرك حس جزافي ومنيه في زمنا خرافي عايشة في عصر الجهالات السحيقة والمفاهيم التباعد بيني ما بينك تعمق قوة الظن والحقيقة والخيارات التفاضل بين صريح قولي وسكونك وبين تكونيني واكونك ولينا ما لاقين طريقة ببقى ليك الحق تقولي اني في حبك مخاتي وزول خيالي واني في حقك مقصر وما حا اقدر وزول اناني واتكالي

الروووووووووووووووووووووووووووووووووووووووووب يا ود جبريل
جنس ده زمان في
ما تخليني هسه اقوم اقلع واقعد ليكم بالردا
ما تهيج اشجاني ساي ياخ في البرد ده
ههههههههههههههه
تحياتي

من امبارح غلبني النوم عندي احساس عمو كمال يقوم يفتو هنا وتاني عيييييييييييييك يقوم بكري المسنوح يلحس بوستينا اللقطة دا

عمو كمال

ارجوك ما تتجاوز الاشارات الحمراء

يا ود جبريل نشل البير والملاقاة والكبكبة عرفناها

علي ما وريتنا لامن الواحد يغسل جلابيتو ويظهرا ويتظبط ويمشي الحفلة من بدري

ويفضل يرجى ويرجى.. وفي الأخير بت الناس ما تجي.. آه شن بحصلو.. بالله وصفلنا حالتو؟!

Quote: يا ود جبريل نشل البير والملاقاة والكبكبة عرفناها علي ما وريتنا لامن الواحد يغسل جلابيتو ويظهرا ويتظبط ويمشي الحفلة من بدري ويفضل يرجى ويرجى.. وفي الأخير بت الناس ما تجي.. آه شن بحصلو.. بالله وصفلنا حالتو؟!

عاد يا فتح الرحمن ان بقت ما جات ومليت بطاطيرك فيها
نان يا اللحاف والمخدة ما جان العذاب والموت
يمين الواحد يتقلب فيهن وينفخ ويعضعض في لسانه لامن يقرب يقطعوا
ويقوم يصنكر في نص السرير ويسرح: يا ربي مالها عياني
لا تكون مورودي شي (عندها حمى)
يا ربي ماها دايري تشوفني
يا ربي لقتلها زولا تاني
يا ربي حموها الجيي


يا زول ها دة مولد عديييييييييل

Quote: الروووووووووووووووووووووووووووووووووووووووووب يا ود جبريل

عاد الروب يا دسكو دايري تنفعك
ما قلنالك نحن مانا ساهلين شي

Quote: الاخ طارق تحيه طيبه والله المنبرمن كثرة الغم الفيه الواحد وكت افتح المنبر اقول اللهم اجعلو خير . والواحد اقراء سورة الانشراح والمعوذتين ,عسى ان الله يشرح القلب.. شكرا اخى طارق وضعت بعض الابتسامه فى جراح السودان. لك الود

عبد الحافظ كيفنك ابوي
يا حبيب المنبر دة زي سلاح المدرعات
كله شغال كبع ومرة مرة تسمع ناس سلاح الموسيقى من بعيد كدي
دحين لا تركز معاهو كتير بيجيبلك القرحة

وحات الله يا طارق لي اسبوع عيان شديييييد, ومسوي لي حادث

دشدشت عربيتي وماقادر ادخل المنبر من شدة الحمي ,وحاتك لامن قريت بوستك

شميت العافية واتفنقلت من الضحك واتذكرت ايام زمان وحات الله

قلبنا كان لكوندا ريا دين شديييد, وجنس صنقرة تحت العمود اليل الكهرباء

لامن تجي المبروكة ماخدالة فجة للجيران ولاتاوق بي رقراق الباب وحاتك جرعة

تكفي اسبوع. المسنوح قالك اولاد البندر ما بعرفوا الجكيس وحاتك الجكيس خلو

ليهم مو ريادين يا ود جبرين.نسيت بكاكم في حديقة القرشي. حليل ايام زمان.

Quote: وحات الله يا طارق لي اسبوع عيان شديييييد, ومسوي لي حادث دشدشت عربيتي وماقادر ادخل المنبر من شدة الحمي ,وحاتك لامن قريت بوستك شميت العافية واتفنقلت من الضحك واتذكرت ايام زمان وحات الله قلبنا كان لكوندا ريا دين شديييد, وجنس صنقرة تحت العمود اليل الكهرباء لامن تجي المبروكة ماخدالة فجة للجيران ولاتاوق بي رقراق الباب وحاتك جرعة تكفي اسبوع. المسنوح قالك اولاد البندر ما بعرفوا الجكيس وحاتك الجكيس خلو ليهم مو ريادين يا ود جبرين.نسيت بكاكم في حديقة القرشي. حليل ايام زمان.

اوووووووووووووووووووه استاذنا سيف
ياخي الف سلامة ليك
واجر وعافية ان شاء الله
ياخي مالك علينا مذكرنا ايام حديقة القرشي ديك

حبيبنا طارق
كيفنك
وحليل ايام الجكس لما كان إسموا تيتى
والمشاغلة كانت وين يا تيتى حمامكم بدى ولا بعضى

وطبعا الزمن داك كلهم كانوا بعضوا

يا طارق .
بكلم ليك طلحة .
بشاكلك . سامع ؟

ود الكامل

Quote: وجنس صنقرة تحت العمود اليل الكهرباء لامن تجي المبروكة ماخدالة فجة للجيران ولاتاوق بي رقراق الباب وحاتك جرعة تكفي اسبوع.

دحين جربت بيع الاواني للحريم ؟

دحين جربت بيع الحطب على ظهور الجمال وسط الاحياء ؟

يا طارق ود امى
النحكى ليك جكيس زمان خالس
يحكى شيخى المقدر ابراهيم العبادى فى برنامج اذاعى قديم
انه
"كنا مسافرين لمامورية ، وكان سرور شغال فى شركة الفيات الزمن داك
لمن كلمونى بالماورية قلت لسرور تمشى معاى
قال سرور نسوق عربية من الشركة جديدة عشان الدرب
وركبنا العربية انا كان عندى كلام فى راسى دا ، لانه الدرب البمشى بيهو سرور
ما هو دربى ، قلت لسرور ـ نمشى بالدرب التحت
وهو ماعارف السبب لانه الدرب الفوق فوقو دقداق ، نزلنا بالدرب التحت
ومن هنا جات اغنية يا السايق الفيات
لانه البنية الكنت بريدا اسمها هندة
قلت ليهو نمشى بالدرب التحت تجاه ربوع هندة
ومن دربنا داك وقفنا فى ربوع هندة
لمن عطشنا جابو لينا الموية من الصفيحة
قلت للبنيات المعاها
ـ مويتكن دى نشربا بشنو ؟
فقالت واحدة منهن
تشرب من كفوفنا لما تتكفى "
ابو الحب زاتو

Quote: قلت للبنيات المعاها ـ مويتكن دى نشربا بشنو ؟ فقالت واحدة منهن تشرب من كفوفنا لما تتكفى " ابو الحب زاتو

ههههههههههههههههههههههاااااي
حلوة والله

والله إنت أعسل زول يا سلمى ...

ريدت زمان وجكس زمان سقا اله تلك الايام

يا جماعه الجكس زمان كان بالجزابات كويس معاكم اها نسبه لان الخط بيكون شين عند اغلب الناس

فبيكون في واحد وا واحدة خطهم سمح اها ديل البيكتبوا كل الجوابات يعني لو شلتا الجوابات تلاقيها نفس الخط

وبعدين كان في كتاب اسمه كيف تكتب خطاب على ما اظن اها من ضمن الخطابات دي بتكون في خطابات عاطفيه

ونحنا ننقل كما نقل الجكس من قبلنا وتلاقي الكلام بتاع اذكرين فالذكرى ناقوس يدق في عالم النسيان

واوهب ليكي دمي يا تمرة الفؤاد مرة في بت رسل ليها الجكس جواب فيهو تمرة الفؤاد اتشاكلت مع الجكس لانو اسم ابوها فؤاد لكن اسمها هي ما تمرة

الجكس يحلف وهي ما مقتنعة الا انو الجواب دا هو كان مرسله لي البت الاسمها تمرة وانو الله كشفوا ليها اتهيا لي الجكس بيكون كرة التمر لي جنا الجنا


او الجكس الوليدات كانوا مبالغه هراكليز منو واخيل شنو يا ناس من ما يشوف ابو شايل ليهو مخلايه او ام الجكس ماشه بي قفه احلف الا

يشيلها ويوصلها لي البيت وما يقوم من جنب الدكان الفي ناصية ناس الجكسويه

ولو في بص سيرة مارق من الحله الجكس يكحل وين الجكوسيه موقعها من البص ووين تقعد في الخيمه هو وراهم والله اجدع بودي قارد ما بيتصلب ويقيف وقفتو

وبتتذكروا دورس العصر ياسلام لما الجكس يكون منتظر الجكسويه من بعيد يقدمها لغايت ما تدخل بيتهم وهي بتكون عارفه انو متابعها

مرة كنا في تانيه ثانوي خلاص عاملين فيها البنات كبار اول مرة صحبتنا من الشله جاها جواب طبعا دكينا الحصه وقعدنا وراء الفصول في اخر المدرسه

واجتماع وهي ما قادرة تقول الكلام المهم فتحنا الجواب كلنا ومخلوعين الخط كيف جميل تقول خطاط والاملاء صاح والجواب فيهو ورود مرسومه

وكتب ليها يا حوراء زماني اها سبنا كل الكلام الباقي وبقينا ما عارفين معنى حوراء ولانو صحبتنا شويه نضاراتها قعر كبايه شفتوا كيف

قالت لا هو بيشتمني بي عيوني ونحنا لما مرقنا من المدرسه وكل ما نلقاهو واقف نصر ليهو وشنا ما شايلين الضر معاها البت بت شلتنا كيف يقول ليها يا عمشاء



وكان بيكون في كراسين حايمات في المدرسة او في الحله كراس مكتوب فوقو اغاني عاطفيه كلها ريدة وشوق دا في بدايه القصه تلقا الناس تنقل منو ساكت

وفي كراس تاني فيهو اغاني زي ناس ليه بتحكي الذكريات او ليه كل العذاب ليه كل الالم المهم دا بيكون في اخر جواب لما القصه تفرتق

اااااخ هيجتوا على المواجع يا ود جبرين يوم بتقتل ليك زول فينا راعي احساسي واخشى عامل السن

سلمى الشيخ سلامة

Quote: تشرب من كفوفنا لما تتكفى " ابو الحب زاتو

يا اخي احبك عديل كدا - قدام السمحة ام ولدي ومحل رهيفة تنقد

Quote: ومن دربنا داك وقفنا فى ربوع هندة لمن عطشنا جابو لينا الموية من الصفيحة قلت للبنيات المعاها ـ مويتكن دى نشربا بشنو ؟ فقالت واحدة منهن تشرب من كفوفنا لما تتكفى " ابو الحب زاتو

علي اليمين يا سلمى، بكفوفنا دى أكان
قالوها لود جبرين أكان لى هسع ينشل.
أما أكان قالوها لشيقوق، وحاتك عجب
الذنب بتاعو لمان تقوم القيامة إلا
يفتشوهو فتيش.

ديل نوعية الشاعر اللكان مصاقر
التلفون قال:
وحالاً يجيني الكول
عرفت الزول
بقيت أنا أقولها
إزييك، وكيفنّك، وكيف الحال؟
ووين يا السمحة ما بنتي؟
مشتاقين، وما مشتاقة
عارفنك وريدك إنت كاوينا
بس قولي مشتاقين وغشينا...

يا بتاعين أموت رُكُن.
تموتو رُكُن ياخ إنتو خُنبسان؟

يا طارق نحنا زمنا الجكس كان مشهود ليهو بالجسارة

سمعتا الغنيه القالت

حنانا المن سغلو بيغشانا

حنانا النطا الخور وجانا


كميه من الرياضه واللياقه البدنيه

ونواصل في نفس الاغنيه


حبيبي قال لي باجيكي

باجيكي لابس البوقي

ابقا واسطه لي اخوكي

وابقا فرده لي ابوكي



ديني يا محاسن انا

Quote: حبيبي قال لي باجيكي باجيكي لابس البوقي ابقا واسطه لي اخوكي وابقا فرده لي ابوكي

يمين يا مريم دة جوعير ماهو جوعير نصاح
وحات الله انا لو مكانه
حتى راجل جارتكم افرده ليك زي الترتيب

Quote: علي اليمين يا سلمى، بكفوفنا دى أكان قالوها لود جبرين أكان لى هسع ينشل.

يمين يا ود المدير الجكسوية تقولي كدي
علي انشل الموية الفي البركل كلها
واعدم الابيار نفاخ النار

Quote: وكان بيكون في كراسين حايمات في المدرسة او في الحله كراس مكتوب فوقو اغاني عاطفيه كلها ريدة وشوق دا في بدايه القصه تلقا الناس تنقل منو ساكت وفي كراس تاني فيهو اغاني زي ناس ليه بتحكي الذكريات او ليه كل العذاب ليه كل الالم المهم دا بيكون في اخر جواب لما القصه تفرتق

احي انا يا مريم ياخي
اموت انا في الحب الدكاكيني دة ياخ
وديل هسي يقول ليها مسكلي لي

Quote: ـ مويتكن دى نشربا بشنو ؟ فقالت واحدة منهن تشرب من كفوفنا لما تتكفى " ابو الحب زاتو

بت الشيخ كيفنك
وحات الله انا كان صايم كان فطرت

Quote: دحين جربت بيع الاواني للحريم ؟ دحين جربت بيع الحطب على ظهور الجمال وسط الاحياء ؟

دة شنو الحب الهابط دة

Quote: يا طارق . بكلم ليك طلحة . بشاكلك . سامع ؟

عثمان كيفنك
انت قايلو هو كان مقصر

Quote: حبيبنا طارق كيفنك وحليل ايام الجكس لما كان إسموا تيتى والمشاغلة كانت وين يا تيتى حمامكم بدى ولا بعضى وطبعا الزمن داك كلهم كانوا بعضوا

ياسر كيفنك ابوي
ياخي انا ماني كبير قدر دة

مسنووووووووووووووووووووووح

النبي يا شيقا
اتشحتفتلك مرة في انتظار ست الحسن
وكتين تكون كلك ترجف وانت مواعدها عند ناس عمك
وتقعد تلف في الحوش كله وتشاكل بت عمك وتقولها:
صحبتك دي قالتلك بجي بالصح ولا تغشغش فيني
لا تعرف قعد في بنبر لا عنقريب
لا في الصالون لا في الراكوبة الجنب المطبخ
واصلو وكتين الباب دة يتفتح
العرق يخرخر منك
وريقك ينشف
ووكتين تجي داخلي تتفدع
اصلك تقرب تضرب السكلي

النبي يا شيقا ضقتلك زي دة

فوق عشان نشوف محن البطان ديل يا أخوانا .....

Quote: يمين يا الحبيب حبينا لامن طلع من نخرينا

وحات ربي يا طارق حبكم أكان مخاخيت.

يأخي قرف يقرفكم...

Quote: دحين جربت بيع الاواني للحريم ؟

وحات سيدي يا شيقوق، ده حب بتاع حلب ظاااااهر...

طارق والظرفاء المتداخلين
سلام شديد ..
استمتعنا معكم في البوست الرشيق الحلو ده

البنيى ام Zain بدور شوفتك تملي
وما خلاص يا ام Zain كفاك هجرك نخلي
-----------------------------------------------
نغيم فاهك يا ام Zain ]دواي
شفاي البجبر قواي
----------------------
----------------------

شوفوZain كانت وين وبقت وين؟؟؟؟؟.

الآن كل بنية ام زين وMTN وخليك سوداني...

وفجأة.....

كان ما بكيتك سنة وخليتك باقي العمر تتشهى فوق الهنا انا ما بكون انا.
---------------------------------------------------------------------
ادمنت ريدك عشقت ريد غيري..انشا الله ما تتهنى دعوة خالصة في ضميري.


البنيى ام زين والوليد الزين الآن مفتوحين علي سبع سموات ...
MAIL ,Messenger.Face book,SMS, Mobile,Web cam,

كلها عوالم اتصال نعم..لكنها حاجبات ثقة...

Quote: بالله البني تحرن ليها قدام حلتهم لامن الشمس ترقدك كداد وتقعد تحاحيلا من هني لا هني

الأخ العزيز ود جبرين ..
وضيوفك الرائعين ...

حليل زمن المحاحا والمساسقة
حليل زمن اللطعة بالساعات جنب العمود لامن تمرق السمحة من المدرسة وتخت عينك عليها من بعيد بس ... نظرة واحدة تبقالك زاد لحدي بكرة .. وتقعد تباريها بعيونك من بعييييد .. وممكن تكون هي ما جايبه ليك خبر وانت بي جاي مكسسسسسر ومدغدغ ....
هسة المحاحا بقت بالمسنجرات والفيس بوك والتويتر وهلم جرجير ...
حب إلكتروني خالى من المشاعر الجياشة ومن معاني اللهفة والأشواق ..
الله يرحم الأيام ..
حتى الغنا وحياتك يا طارق يا خوي بقى يخاطب الأجساد أكثر من القلوب والأحاسيس يعني الحكاية بقت فيديوكليبات ورقيص واستعراض ملابس لا أكثر ولا أقل ... جوطة موسيقى ما معروف ليها سلم وشوية كلام مقصقص لا في السماء ولا في الأرض ...
حليل زمن الغنا وكت كان كلمات ومعاني تدخل في حنان الزول جووووووة وتطلع عينو !!!! يخليك تجوعر بالصح بالصح

حليل الزمن يا خوي

متابعين ومستمتعين ...

Quote: الأخ العزيز ود جبرين .. وضيوفك الرائعين ... حليل زمن المحاحا والمساسقة حليل زمن اللطعة بالساعات جنب العمود لامن تمرق السمحة من المدرسة وتخت عينك عليها من بعيد بس ... نظرة واحدة تبقالك زاد لحدي بكرة .. وتقعد تباريها بعيونك من بعييييد .. وممكن تكون هي ما جايبه ليك خبر وانت بي جاي مكسسسسسر ومدغدغ .... هسة المحاحا بقت بالمسنجرات والفيس بوك والتويتر وهلم جرجير ... حب إلكتروني خالى من المشاعر الجياشة ومن معاني اللهفة والأشواق .. الله يرحم الأيام .. حتى الغنا وحياتك يا طارق يا خوي بقى يخاطب الأجساد أكثر من القلوب والأحاسيس يعني الحكاية بقت فيديوكليبات ورقيص واستعراض ملابس لا أكثر ولا أقل ... جوطة موسيقى ما معروف ليها سلم وشوية كلام مقصقص لا في السماء ولا في الأرض ... حليل زمن الغنا وكت كان كلمات ومعاني تدخل في حنان الزول جووووووة وتطلع عينو !!!! يخليك تجوعر بالصح بالصح حليل الزمن يا خوي متابعين ومستمتعين ...

سنيرنا الحبيب قدورة
حليل الزمن ابوي
حليل الزقازيقاب وكتين يكونوا مجكسين وسايقين جكسيهم علي كازينو النهر
حليلنا ابوي من جنس داك

Quote: طارق والظرفاء المتداخلين سلام شديد .. استمتعنا معكم في البوست الرشيق الحلو ده البنيى ام Zain بدور شوفتك تملي وما خلاص يا ام Zain كفاك هجرك نخلي

عارف يا عوض الله
البنيي ام زين دي ذكرتني اغنية:
الرسول يا الزينة ما تزعلي
انت عارفي البينا ما تزعلي
السبب والدينا ما تزعلي


ياخي عثمان اليمني دة كان غناي
وبيكب كمية بتاعة حب كدة تحير عدييييل

هسي يقولولك الشات يا مان
ان شاء الله الشيط اليملاكم جيل مهبب

Quote: وحات ربي يا طارق حبكم أكان مخاخيت. يأخي قرف يقرفكم...

Quote: عاد يا فتح الرحمن ان بقت ما جات ومليت بطاطيرك فيها نان يا اللحاف والمخدة ما جان العذاب والموت يمين الواحد يتقلب فيهن وينفخ ويعضعض في لسانه لامن يقرب يقطعوا ويقوم يصنكر في نص السرير ويسرح: يا ربي مالها عياني لا تكون مورودي شي (عندها حمى) يا ربي ماها دايري تشوفني يا ربي لقتلها زولا تاني يا ربي حموها الجيي يا زول ها دة مولد عديييييييييل

والله ياطارق بطاطيرك دي قلبت فيها هوبة عديل ... دي نكتها من وين دي ليستقبلها القلب باريحية وسابق معرفة ..
فالكلمة تفتح مساحات من التداعي والشجن وتسحبنا الي البعيد زمن البطاطير البتمسك نار
هسي اجارك الله شغالين بالكهربة ولايمسك القلب سوي الحسرة علي الحبيبة:

السايقاها دقات الدليب
لي دار حبيبه منى القليب
لي قعده عصراويه فوق العنقريب
للونسي والخاطر يطيب
لي مسكه في إيد الحبيب
الوقفه قدام الجنات
القرمصيص وغنى البنات
يالله وين تلقى الثبات
والصفقه من تال الولاد
ما بتسمعا وجاياها من آخر بلاد

حليل الريدة ام روحا بره يا دكتور ... طعم ورائحة ولون
حليل الناس الكان بطاطيرم بتتملي بالسيرة بس :

تبقى سيرتك هى الكلام
وتبقى صورتك هى الرؤى الحلوة البعيشها
فى صحوتى ، او حتى فى عز المنام
ويبقى اسمك هو الغنا
هو البخفف لى عذابات الضنى
ما الشفتو منك يا منى الروح يا أنا ،
وصفو بصعب يا جميل ....

ولا شوف صاحبك دا الاكتشف بالتجربة انو من غيرا لا في حياة ولا في عمر:

لما جيت راجع بدونك
كنت فاكر ممكن الايام تمر
وممكن اتحمل غيابك مهما كان صعبان ومر
جيت لقيت من غيرك عيونك
لا في ايام لا عمر

فيا دكتور انه الحب فلا تسأل
ولا تعتب علينا
واسكب ما استطعت من انسانيتك فقليلها رايح وكثيرها رايح
ويرث الله الارض ومن عليها ويظل الحب قيمة عليا
مادير اطول المشاركة لكن اتذكرت ليك صاحبك العامل فيها متماسك وفي النهاية قلبا نخجي وكوراك:

لما آخر مرة شفتك قبل ما أودع واغادر
كنت حاسس اني خايف اني متردد وحائر
داير اتصبر امامك داير اضحك وماني قادر
بس دموعك لما فاضت ضيعت صبري الشوية
وصحت موعدنا الرسائل
وين رسائلك وين كتاباتك الي

وتبقي بيناتنا المودة
تحاياي

Quote: ولو في بص سيرة مارق من الحلة الجكس يكحل وين الجكوسيه موقعها من البص ووين تقعد في الخيمه هو وراهم والله اجدع بودي قارد ما بيتصلب ويقيف وقفتو وبتتذكروا دورس العصر ياسلام لما الجكس يكون منتظر الجكسويه من بعيد يقدمها لغايت ما تدخل بيتهم وهي بتكون عارفه انو متابعها

ود جيرانا الرياد ازيك .. ..


غايتو ياطارق بتكون قدمته لامن شبطك اتقطع

Quote: والله يا ود بيناوي انا في البركل قبل دة باقيلي نشلتلي خمسين بير للبنوت السمحات ديك

طارق جبريل ..
البركل ياتو ؟
تحت ولا فوق ؟؟
غايتوا نحن ساكنين
تحت (ساقية الخلوة) ..
جنب جدول المقبول ..
دحين نشلتلك بير هناك ؟؟!!!

Quote: طارق جبريل .. البركل ياتو ؟ تحت ولا فوق ؟؟ غايتوا نحن ساكنين تحت (ساقية الخلوة) .. جنب جدول المقبول .. دحين نشلتلك بير هناك ؟؟!!!

في شبا يا الحبيب
وما تقولي ياتو بير فيهن
ان بقيت قلتلك تاني آآآبقدر انزل البلد شي

Quote: ود جيرانا الرياد ازيك .. .. غايتو ياطارق بتكون قدمته لامن شبطك اتقطع

بت اهلي الحنان بالحيل
لا تدودريني شي
انا باقي عارفك ان بقيت قلتلك وين بتعرفيها
بس البُكان قريب ماهو بعيد شي

Quote: ود جيرانا الرياد ازيك .. .. غايتو ياطارق بتكون قدمته لامن شبطك اتقطع

بت اهلي الحنان بالحيل
لا تدودريني شي
انا باقي عارفك ان بقيت قلتلك وين بتعرفيها
بس البُكان قريب ماهو بعيد شي

Quote: والله ياطارق بطاطيرك دي قلبت فيها هوبة عديل ... دي نكتها من وين دي ليستقبلها القلب باريحية وسابق معرفة .. فالكلمة تفتح مساحات من التداعي والشجن وتسحبنا الي البعيد زمن البطاطير البتمسك نار

سنيرنا الجميل سامي
كيفنك ابوي
ياخي البطاطير دي كانت احدى تداعيات الشجن والزمن الحلو
تعال شوف هسي:
ياخي ما قادر اضرب ليك حولي لي اسكراتش
كلام دراب دراب كدة زي الزول العنده كاروشة

Quote: حليل الريدة ام روحا بره يا دكتور ... طعم ورائحة ولون حليل الناس الكان بطاطيرم بتتملي بالسيرة بس

ديك يا الحبيب كانت الريدي العلي اصولها
هسي البنيات جنبهم وماهن قادرين يقولولن كلماي سمحي

يا سامي الزمن كان سمحا بالحيل
محبتي الاكيدة

Quote: وتووووووووووووووووووووووووووش اخوى طارق والله ان مره واقف فى العمودمنتظرها تطلع من عند جيرانم عندهم عيد ميلاد وعاملين حفله دكاكينيه وبفكر اقول ليها شنو وكيف الطريقه ذاتها الاقدر اكلمها بيها وفجاءه اسمع واحد بيقول يازول يازول مالك واقف فى المطره دى كده ماعرفت اقول ليهو شنو غايتو فى النهايه قلت ليه منتظر اخوى الصغير وشفت ليك الزول شايل الطوريه ماصدقت وقمت ليك على المجرى وصاحب البيت ايقول لى كفايه اقول باقى شويه ولا اقو ليك خش انت عشان المطره وانا لامن اخلص بخت ليك الطوريه فوق الحيطه وبعد شويه الجكسويه جات مارقه بعد المطره ماوقفت عينى ماقدرت ارفعها ليها خلى اقول الكلام الكنت محضرو وبعد مافطفطه اقول ليك السلام عليكم اخوى طارق معليش اطفلت عليك لكن بوستك سمح بالحيييييييييييييييييييييييييييييل وهبشنا فى الحته القايلين نفسنا نسيناها واحاتك انا بكتب ليك ونفسى قايم بى خمسه اخوك متصفح قديم لى سودانيز اون لاين وللمره الثانيه اسف على التطفل

من الايميل

ياخى شكرأ كتير .. ..