Post: #1 Title: عندي زول بقى كل شي... Author: طارق جبريل Date: 04-05-2009, 01:26 AM Parent: #0
يا روحي هاجري وفتشي مهما مهما فترني المشي عندي زول بقى كل شي هاجري عاد كان تلقي شي هاجر ما يهمك همومي باري الشوق في بحوره عومي ساهري مافي لزوم تنومي ما بدورك يلا حومي ماشة وين يا روحي ماشة في الدروب سايقاني غاشة دي الرويحة المني طاشة وما بتخون محبوبها حاشا يا روحي مالك بالشدايد انا غير حبايب همي زايد التعب ما بيجيب فوائد واااشقاوة القلبه رايد
برضو لي ناس الليل وناس خاصة شديد وناس ريادة لمن غلت وناس النخجي والجوعير والسكلي
Post: #2 Title: Re: عندي زول بقى كل شي... Author: طارق جبريل Date: 04-05-2009, 10:26 AM Parent: #1
وبرضو لي كيكي في محنته (((الهندية)))
Post: #3 Title: Re: عندي زول بقى كل شي... Author: SHIBKA Date: 04-05-2009, 10:39 AM Parent: #2
Quote: دي الرويحة المني طاشة وما بتخون محبوبها حاشا
Post: #4 Title: Re: عندي زول بقى كل شي... Author: أميرة فاروق عبد العال Date: 04-05-2009, 11:30 AM Parent: #3
شفنا دكاترة بتزيل الوجع، لكن دكاترة (توجّع) دي، إلا انت ياطارق جبريل
مع انه الصوت ماشغال عندي لكن،
Post: #6 Title: Re: عندي زول بقى كل شي... Author: طارق جبريل Date: 04-05-2009, 11:43 AM Parent: #4
Quote: شفنا دكاترة بتزيل الوجع، لكن دكاترة (توجّع) دي، إلا انت ياطارق جبريل
بت فاروق كيفنك ياخ عاد يا بت ابوي اقعد انا اتوجع براي كدي ما لازم يكون عندي وجيع بس اسكتي اتنخجي معاي
يعلم الله مشتهين ونستك
Post: #5 Title: Re: عندي زول بقى كل شي... Author: طارق جبريل Date: 04-05-2009, 11:41 AM Parent: #3
شبكة يا بت حلتنا ياخي الريدة دي كتالة يعلم الله ههههههههههههه
Post: #7 Title: Re: عندي زول بقى كل شي... Author: سجيمان Date: 04-05-2009, 11:46 AM Parent: #5
تسلم يا دكتور
Quote: مهما مهما فترني المشي عندي زول بقى كل شي
يا رويحتي ام عينن قوية
وما بتختشي
مهما نهرِك ونهزرِك برضك فيهو كنكشي
الشاعر سجيمان مَكَسر بني تلجة
Post: #8 Title: Re: عندي زول بقى كل شي... Author: طارق جبريل Date: 04-05-2009, 11:52 AM Parent: #7
Quote: يا رويحتي ام عينن قوية
وما بتختشي
مهما نهرِك ونهزرِك برضك فيهو كنكشي
الشاعر سجيمان مَكَسر بني تلجة
اووووووووووووه دكتور عادل شخصيا ياخي كان كدي القصة ولعت
يا روحي امسكي فيهو وكنكشي ولي دربو امشي فتشي وانا اصلي من ريدو ما بختشي
يا دكتور الريدة والله مافي زيها ولا شنو قولك
Post: #9 Title: Re: عندي زول بقى كل شي... Author: ياسر عبدالكريم محمد Date: 04-05-2009, 04:22 PM Parent: #8
يا طارق الزول دا ما كان ظالم قبل يومين البقاهو كل شى شنو الليلة دى محن الريدة زاتا
Quote: طارق يا أبن جبريل أى صوت كربجتنا بيهو ، والله أغنية سمحه بالحيل خاصة للناس المهاجرة في بلاد الله. شكراً لهذا الجمال فالذي نفسه بغير جمال يبشوف طشاش
Post: #36 Title: Re: عندي زول بقى كل شي... Author: Hawari Nimir Date: 04-07-2009, 10:36 AM Parent: #35
Quote: 1\ برضو لي ناس الليل 2\وناس خاصة شديد 3\وناس ريادة لمن غلت 4\وناس النخجي والجوعير والسكلي
[غايتو يا ود جبرين.. احنا حارسينك..هنــــــــــــاك في مكان زيدان.. وانت لامي الحبايب كلهم بي جاي.. اها افرز يا زول ناس رقم واحد ياهم احنا بالحيل اما ناس نمره اتنين..ديل بكون فهمو جنس نضمك ده.. ناس نمره تلاته..و الله ريادين ..علا الستره مطلوبه يا اخوي اما الاخيره دي..ابشر بالخير.. يانا ..ناس النخجي و الجوعير و السكلي..وكمان معاها مناديل بس علا خلني نناغم بهاء طوكيو و بنت الماحي و عمده..في شان يحررو البكا الله يديك العافيه
Quote: ناس رقم واحد ياهم احنا بالحيل اما ناس نمره اتنين..ديل بكون فهمو جنس نضمك ده.. ناس نمره تلاته..و الله ريادين ..علا الستره مطلوبه يا اخوي اما الاخيره دي..ابشر بالخير.. يانا ..ناس النخجي و الجوعير و السكلي..وكمان معاها مناديل بس علا خلني نناغم بهاء طوكيو و بنت الماحي و عمده..في شان يحررو البكا الله يديك العافيه
والله يا هواري جضمت التوزيع زي الوست هههههههههههههههههههههه تصنيفاتك منقة بس
يا زول حباب الجوعير والسكلي وان جابتلها لطمي برضو جاهزين ههههههههههه
Post: #37 Title: Re: عندي زول بقى كل شي... Author: أميرة فاروق عبد العال Date: 04-07-2009, 10:50 AM Parent: #35
الاغنية يا حبيبنا بتكتل ليها زول عديييييييييييل خصوصا لو كان ريااااااااااد ههههههههههه
شكراً طارق إنا ها هنا قاعدون في لستك كومر مدفون للنصف في شارع من شوارع حي شعبي يعيش فيه البشر والجداد والكلاب والغنم جمباً إلى جمب وغبار الفجه قايم وسيد الدكان متسلطن ونايم فيما يسمى زندقة عنقريب كان وقع منو لا يشعر بوجع الوقعه لإنعدام المسافه وقربه من الواااااااطه تحرسه عناية ود أبرق وعشوشه في سلك الكهرباء وبعض الحمامات الحزينة. الأغنية صحيح أنها تكسر وتعور وتبهدل كل ذلك قبل إشهار العلاقة وتوثيقها وما بعد الـ Honeymoon وما أن ينجلي الليل ويعود الموون إلى وضع يحاكي فيه بدر الهلال الهلا إلا وتكف الروح عن التفتيش بل تصبح كااااااره عدييييل وفي راس النخره وإن فتشت عن شئ فمن المؤكد سوف يكون تفتيش عن سبب. لو سمعت الأغنية بالرواية الأمهرية في إحدي أماكن الغناء الشعبية بحي كاسانشيز azmari byet بالعاصمة أديس أبابا لجن جنونك إن كنت غير متزوج وأما إن كنت من أصحاب الفيل فسوف يجن جنونك أيضاً بس على طريقة الإندراوه وهو الجن الكلكي الذي لا ينفع معه click ولا دبل كليك فتك بي عافيه
Quote: إنا ها هنا قاعدون في لستك كومر مدفون للنصف في شارع من شوارع حي شعبي يعيش فيه البشر والجداد والكلاب والغنم جمباً إلى جمب وغبار الفجه قايم وسيد الدكان متسلطن ونايم فيما يسمى زندقة عنقريب كان وقع منو لا يشعر بوجع الوقعه لإنعدام المسافه وقربه من الواااااااطه تحرسه عناية ود أبرق وعشوشه في سلك الكهرباء وبعض الحمامات الحزينة
البهجة عمر
الله يعلم شهيتني امشي السودان اجازة واضرب لي بوش في دكان الركن داك شكيت محنك علي الله ياخي جهجهتة حناني يا اخوي الحبش دي ما عندنا ليهم بُكان بنات البلد ملينو تب ههههههههههههههههههههههههههه
Post: #43 Title: Re: عندي زول بقى كل شي... Author: نوفل عبد الرحيم حسن Date: 04-07-2009, 08:35 PM Parent: #42
Quote: وبقيت علي اللطمي (من طلم الخدود)
ليس منا من لطم الخدود وشق ..... نحن ناس جعير وسكليب ساي :D
Post: #44 Title: Re: عندي زول بقى كل شي... Author: محمد أبوالعزائم أبوالريش Date: 04-07-2009, 10:05 PM Parent: #43
أقعد إنت ساهر بينا كل يوم.
الله يخليك لي جنس ده.
______ تحية من الخليج للمحيط
Post: #46 Title: Re: عندي زول بقى كل شي... Author: طارق جبريل Date: 04-08-2009, 10:07 AM Parent: #44
Quote: أقعد إنت ساهر بينا كل يوم.
الله يخليك لي جنس ده.
اووووووووووووووه ود ابو العزائم كله معانا في حوش السكلي والجوعير وحات الله مشتهي نضميك واصبرلي جاييك بهناك في ((مسراحاتك)) ديك ههههههههههههه
Post: #45 Title: Re: عندي زول بقى كل شي... Author: طارق جبريل Date: 04-08-2009, 10:05 AM Parent: #43
Quote: نحن ناس جعير وسكليب ساي
خلاص يا نوفل حا ننصبك كبير السكلابين ههههههههههههه
Post: #47 Title: Re: عندي زول بقى كل شي... Author: طارق جبريل Date: 04-09-2009, 10:39 AM Parent: #45
عندي زول بقى كل شي
Post: #48 Title: Re: عندي زول بقى كل شي... Author: Sara Mahgoub Date: 04-09-2009, 12:10 PM Parent: #47
يا طارق حرقته روحنا .. .. ..
كان ما داير تورينا هو منو م كان تموت بى براك .. ..
