Post: #2 Title: Re: لو تعرف شنو البحصلي وكت الليل يفلل Author: showgi idriss Date: 12-22-2007, 03:13 PM Parent: #1
دكتورنا
وين ياااخ
حشيتنا ياااخي
فتشت ليك في كل الزرايب
وما لقيتك... انت العمارة تمت ولا لسع الجنى مقضي وقتو ريد جادع صحن المونه!!!!
أبوالشوش
Post: #3 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 03:43 PM Parent: #2
ابو الشوش يا حبيبنا كل سنة وانت طيب انت يا زول قاعد تغتس وين
والله عوض خلاص القصي حكن في الركاب الريدي في بس حدها وين ماني عارف والله يستر من الجاييهو
يا حبيب زرايب شنو مع الحمى النزفية والمغاربة ديل عيدهم يا دوب يوم الجمعة شفت الوكرة دي
Post: #4 Title: Re: لو تعرف شنو البحصلي وكت الليل يفلل Author: سلمى الشيخ سلامة Date: 12-22-2007, 03:51 PM Parent: #3
بردد اهة وتعقبا اه
يا لمحمد كرم الله لقد بات الغنا الجميل عملة نادرة
محمد كرم الله صوت يدخل رواكيب الروح ويمشى فى الحنايا امد الله عمره واعاده الي حيث الغناء العذب شكرا ليك يازول يا جميل وكل عام ومحمد كرم الله وانت والغناء الجميل بخير
Post: #11 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:03 PM Parent: #4
سلمى بت الشيخ ودسلامة كيفنك عيدك مبارك عليك
محمد كرم الله فنان كامل وله صوت يدخل في القلب غتاهو حنين خلاص ولا يمكن الا ان تطرب له وانا وحاتك من بدأ العيد دة في المغرب لا مشيت علي زول لا شفتلي زول شغلتوا وغتست راسي تحت مخدة وكان فاضلي اعوعي عديل
محبتي الاكيدة
Post: #5 Title: Re: لو تعرف شنو البحصلي وكت الليل يفلل Author: Ishraga Mustafa Date: 12-22-2007, 03:52 PM Parent: #3
كل سنة وانت واسرتك بخير ياطارق
بعدين نشوف البيحصل وكت الليل يفلل والحزن يصحى
Post: #6 Title: Re: لو تعرف شنو البحصلي وكت الليل يفلل Author: خالد حاكم Date: 12-22-2007, 05:34 PM Parent: #5
Quote: والمغاربة ديل عيدهم يا دوب يوم الجمعة
طارق شكرا ليك على الغنى البتحش دى وربنا يهدى ود كرم الله ويعيده للغناء تانى زى ما قالت اختنا سلوم . يا اخى كده تعال لينا بهناك فى بوست اليوم الجمعة الثانى عشر من ذى الحجة اول ايام عيد الاضحى فى المغرب وورينا العبارة وفهم المغاربة شنو فى الحكاية دى وكل سنة وانت واسرتك بخير.
Post: #13 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:18 PM Parent: #6
خالد حاكم كيفنك فعلا يا ريت محمد كرم الله يرجع تاني ياخي الزول دة غناي لامن يجنن
يا اخوي المغاربة ديل شتم كله كُتور (غير) ان بقيت باريتم واطاتك اصبحت انا قربت اتم عشرين سنة معاهم وما فهمت منهم حاجة
Post: #12 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:12 PM Parent: #5
اشراقة كيفنك انت والحلوين الفي بروفايلك ديل تعرفي محمد كرم الله دة ممكن بي غناهو دة يساهر مع كل زول ليله فلل ومتذكرلو زولا سمح عزيز عليه ولا غربة طالت وماها دايري تنتهي ولا حبيبة بعيدي وطيفها يداعب فيهو اكنك شوفيلك رابط من هني ولا هني ولا كاسيت أليلو واقعدي اتصنتيلو وحات الله قلبك يفر
محبتي الاكيدة
Post: #116 Title: Re: لو تعرف شنو البحصلي وكت الليل يفلل Author: kamalabas Date: 01-03-2008, 09:03 PM Parent: #3
up
Post: #7 Title: Re: لو تعرف شنو البحصلي وكت الليل يفلل Author: الزبير صالح الزبير Date: 12-22-2007, 05:58 PM Parent: #1
والله يا طارق لمن شفت عنوان البوست دة قلت اكيد القطيعة من الجردل والقدح لسة ماثرة عليك وقلت للولية جيبي الفكس النلحق طارق دة هو لسة ما تما حكايتو في العمارات ما يقوم يعطلنا زيادة علي العلينا لقيت الموضوع ما عندة علاقة بالقداحة
Post: #8 Title: Re: لو تعرف شنو البحصلي وكت الليل يفلل Author: نادية عثمان Date: 12-22-2007, 06:07 PM Parent: #7
يفلل دى مرادفها بالمغربى شنو ؟
احلى كلام كلام اهلنا الحنان ياخ
يفلل ..الله حلوة!!
Post: #15 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:25 PM Parent: #8
نادية بت عثمان كيفنك والامورة عيدكم مبارك والجاية زي ما عايزين يفلل مرادفها بالمغربي: ليلت بالزاف تعرفي وكتين سمعت الاغنية دي قربت اقول: واك واك منيلي
Post: #9 Title: Re: لو تعرف شنو البحصلي وكت الليل يفلل Author: فيصل محمد خليل Date: 12-22-2007, 06:08 PM Parent: #7
ياخي قطعت نفسنا
جاين جارين
انا قايلـ حاجة تانية
Post: #10 Title: Re: لو تعرف شنو البحصلي وكت الليل يفلل Author: Emad Abdulla Date: 12-22-2007, 06:36 PM Parent: #9
الله يرضى عليك يا طارق ياخ .. إنت شغلك كله عوّيق ؟؟ .. ربنا مسلطك علينا إنت و محمد كرم الله توجعونا ياخي ؟ خليتني أتذكر زمن كافر ما لانت عروقنا فيهو إلا بـ :
أما النوم أبا وجافاني .. وأصبح داجي ساهر حتي الطيف رحل خلاني ما طيب لي خاطر
قليل يا طيف أقيف وارجاني .. وين فايتني عابر شن حارس وراك انا تاني .. ياني معاك مسافر
لا لا لاتقول لي كدي استناني .. أمشي واجيك باكر يبقي انا ما ألِم فيك تاني .. مين عارف المصاير
هاك اسمع رنين الحاني .. وابقي معايا سامر خفف لي قليل أحزاني .. ياما أنا عشت صابر
شوف كيفن يسوي زماني .. ديمة علي جاير اّهـ .. مر العذاب وراني سهمو الفي قلبي غاير
شوف الليلة كيف بستاني .. ده الكان باشي ناضر من حر السموم بيعاني .. طيرو يفر يهاجر
Post: #19 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:34 PM Parent: #10
تعرف يا عماد مرة خضر بشير سالوه: انت بتكون في حالة شجن شديدة قبل ما تغني؟؟ قال ليهم: انا بنطرب حتى اجي اطرب الناس انا كمان بتعوق بعداك اجي اعوقكم معاي
محمد كرم الله غناهو كافر عديل كدة يعني الاغنية عنده فيها من التطريب ما لديك من لوحات ناطقة
محبتي الاكيدة
Post: #17 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:28 PM Parent: #9
فيصل هليل كيفنك عليك الله هسا اغنية ود كرم الله دي ما تخلي الواحد نفسوا يتقطع
Post: #74 Title: Re: لو تعرف شنو البحصلي وكت الليل يفلل Author: ابراهيم عثمان آدم Date: 12-26-2007, 01:40 AM Parent: #9
Quote: ياخي قطعت نفسنا
جاين جارين
انا قايلـ حاجة تانية
انا ذاتو
Post: #84 Title: Re: لو تعرف شنو البحصلي وكت الليل يفلل Author: طارق جبريل Date: 12-27-2007, 10:40 PM Parent: #74
ابراهيم ود عثمان كيفنك حاجة تانية زي شنو
Post: #14 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:21 PM Parent: #7
الزبير ود صالح كيفنك عيدك مبارك انت ووليداتك وحاتك جيت بي مزاج فشان اقعد اتملكم القصي شغلت محمد كرم الله قلت فشان يديني كهربة علي غنوتو دي فوتت فيوزي كله كله لامن كهربتي انا زاتها ضربت وبقيت اهضرب رسمي باكر بجيكم بي هناك
Post: #16 Title: Re: لو تعرف شنو البحصلي وكت الليل يفلل Author: هند محمد Date: 12-22-2007, 07:25 PM Parent: #1
صوت قوى وحنين ..
كل عام وانت بألف خير وصحة وسعادة استاذ طارق ..
ربنا يحقق الامانى ..
Post: #18 Title: Re: لو تعرف شنو البحصلي وكت الليل يفلل Author: محمد الأمين موسى Date: 12-22-2007, 07:30 PM Parent: #16
يا أبا ريم يبدو إنك ضربت الحولي وليلك فلل فأتحفتنا بهذه الرائعة التي لم نسمعها من قبل... عاشت قضبان الملفوف!
Post: #21 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:41 PM Parent: #18
د. محمد الامين يا زول وين اراضيك كل سنة وانت طيبة وكيف الصغيرة (الرباطية) وامها ان شاء الله تمام التمام زي ما عارف المغاربة ديل يا دوب عيدو يبدو انه البيشوف ليهم الهلال جايبنو من نيجيريا وزي ما عارف اهلنا الفلاتة وقصتهم مع الاهلة يا زول دة كلامك يا دوب ضربنا بولفاف والاتاي وعاد غادي نشوفوا مع الدوارة والكتف اليمين
محبتي الاكيدة
Post: #23 Title: Re: لو تعرف شنو البحصلي وكت الليل يفلل Author: عبدالأله زمراوي Date: 12-22-2007, 07:54 PM Parent: #18
طارق..
كي داير لا باس كي دايرين الدراري كل شي بخير آسيدي؟
والله أجبرتنا أن نشهق في حضرة هذا الكروان! والله لم يتغن أنسان أو جان كما تغنى هذا الهرم النوبي محمد كرم الله (اذا تخيلنا ان الشايقية نوبيون مستعربون لنشر الثقافة النوبية عند قباشل السودان الناطقة بالعربية)!
سافرت من كرمة حيث مقر قصور ملوك كوش بدفوفتها الشرقية والغربية نحو الجنوب حيث العمران النوبي في أحلى حلله، البجراوية جبال البركل المهيبة ومراقد الملوك بمروي. كان ذلك منذ اكثر من ربع قرن. دون أن أعرف العربية جيدا، انداح كلي نحو غناء ذلك الزمن البهيج. كان صديق أحمد ممرضنا بمدرسة الدبة، جوار قرية الأديب الكبير العالمي الطيب صالح، قدس الله سره (قرية كرمكول) وهي تسمية نوبية قحة (سيد الكرمة). وجدت نفسي ذات يوم (شيالا) مع صديق الدبة. النار عويش، ود الدابي مالك ساكت، ما شفت الجلا السواها! ثم جاءنا ذات مرة ذلك الغريد الرائع ود جبارة وبكينا عندما غنى للشاعر السر يا يمة رسلي لي عفوك!
ثم جاءنا ذات مرة ذاك الأسمر الجميل: محمد كرم الله! كان حدثا لم أنساه حتى اليوم. الطيف كانت أغنية التحول في مسيرة الغناء الشمالي (أعني أغنبات الشايقية). لم يكن أحد في قرى المحس والسكوت وحلفا لم يردد أغنية الطيف. ربما لم يفهمها بعضنا ولكنهم أحتفوا بصدقها وعفتها وجمالها الخرافي حتى تعنى بها العملاق وردي وسمعها بقية أبناء الوطن!
كان ذاك زمن جميل. أتى الغرب بعبدالقادر سالم وأطربنا بمقاماته الأقرب للعربية ثم جاءنا بلبل الغرب بشقيش حتى حفظت أغانيه المقابر! ومن الشرق جاءونا بشجن جميل غريب على الأذن لكنه عميق! جاءنا التاج مكي بعنبته وأدريس الأمير بسواكنه! وكانت هناك الجزيرة بعركيها ومصطفاها وكذا الشمال بورديه وزكيه. كل جاءوا ينثرون لنا الدرر!
زكان أكثرهم شجنا وحزنا نبيلا محمد كرم الله. أضم صوتي لخالي خالد حاكم وأقول:
متى تعود لنا أيها البلبل الغريد، وكت الليل يفلل؟؟؟؟؟
Post: #27 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:22 PM Parent: #23
زمراوي كيفنك وعيدك مبارك وان شاء الله كلشي مزيان وبيييي خييير يا سيدي اوجزت فكفيت محمد كرم الله فنان ذو مواصفات خاصة جدا اشبه الى الكمال تحس النغمة في نبرات صوته دون عناء والمفردات تطلع من حلقه طروبة
ياخي زي ما قلت ليته يعود
Post: #20 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:37 PM Parent: #16
استاذتنا هند كيفنك وعيدك مبارك محمد كرم الله واحد من القمم التي اطربت شعبنا لسنوات وما زالت ليته يعود حقيقة لانه اعتزاله خسارة كبيرة
امنياتي القلبية بعيد سعيد وسنة حلة
Post: #22 Title: Re: لو تعرف شنو البحصلي وكت الليل يفلل Author: Manal Mohamed Ali Date: 12-22-2007, 07:50 PM Parent: #20
الليل وكت يفلل بعرفوا براييي انا يا اخواني وكت يغلبني النوم وهناك انا اتقلب يمين وشمال زي الدبيب الحارقه سمه ...والاشجان والاحزان قاتلاني قتل.. هنا في بلاد الغربه الصعبة هناك في البلد سريري مطرف في الحوش.. صوت الحفلات البعيده.. وفنان زي فنانك ده ..صوته اصيل وحنين يطلع زيتنا ويبلل مخدتنا... حزن جوه ..وشوق لبعيد ما قرب يجي..ونسمه بخيله تجيك مره مره.. يادووب اختك ليلها يطول ويفلل كمان وكمان ...
منال
Post: #24 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 07:57 PM Parent: #22
منال كيفنك وكل سنة وانت طيبي مالك دايرة تزيدي وجعتنا وجعتين
تعرفي وكتين الملاية تهبهب والمخدي تكون باردي وتتوسدها وتقعد تشوف في النجوم والغناء يجيك من لا بعيد وتتذكرلك زولا محبتو في فشافيشك في اللحظة ديك ان بقيت جوعرت مافي زولا شايفك
Post: #25 Title: Re: لو تعرف شنو البحصلي وكت الليل يفلل Author: العوض المسلمي Date: 12-22-2007, 08:58 PM Parent: #1
عزيزي طارق كل سنه وانت بخير وعافيه شنو ياخ الحساده دي لازم تساهر بينا بمحمد كرم الله ياسلام عليه وروعته ده بدخل القلوب مباشره وبرغبه من الجميع وكمان مشكور انت يا حبيب
ابوتسابيح
Post: #30 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:27 PM Parent: #25
العوض كيفنك يا زول انت ديارني اساهر وحدي مع الزول الغناي دة لازم اعوقكم معاي
الوالد كيف ان شاء الله تمام
محبتي الاكيدة
Post: #49 Title: Re: لو تعرف شنو البحصلي وكت الليل يفلل Author: العوض المسلمي Date: 12-23-2007, 09:25 AM Parent: #30
اخوي طارق كل عام وانت بخير ومشكور علي السؤال عن الوالد الحمد لله الولد تحسن كثيرا واصبح يمارس حياته بطريقه شبه عاديه مشكور للسؤال وللدعاء وربنا يجعل ايامكم كلها سعاده وهناء
مع ودي وحبي ابوتسابيح
Post: #26 Title: Re: لو تعرف شنو البحصلي وكت الليل يفلل Author: showgi idriss Date: 12-22-2007, 09:11 PM Parent: #1
Quote: وانا وحاتك من بدأ العيد دة في المغرب لا مشيت علي زول لا شفتلي زول شغلتوا وغتست راسي تحت مخدة
عيدك عاينة يا فردة..
الله مرقك من الضبايح والفتيش!!!!!
Post: #29 Title: Re: لو تعرف شنو البحصلي وكت الليل يفلل Author: ahmed khidir Date: 12-22-2007, 09:26 PM Parent: #26
طارق جبريل كل سنة وانت طيب الزول ده غناى غناى سؤال محيرنى قابلت لى مغربى اول يوم فى العيد قلت ليهو كل سنة وانت طيب قال لى عيدنا يوم الجمعة عليك الله ورينى دى كيف. الدرارى مزيانين
احمــد خضتـر
Post: #32 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:39 PM Parent: #29
احمد ود خصر كيفنك وكي دايرة الدرية مزيانة ياك
ود كرم الله غناي لمن غلت
عيد المغاربة دة قصة براها وحاتك يا دوب امبارح حتى ضحينا وهم ذاتهم ما فاضين في السعودية وقالوا توقيت السعودية غلط يا زول نحن ماشين وراهم ومحل ما تصل خلها التصل
Post: #31 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:34 PM Parent: #26
ابو الشوش يا حبيب يمين العيد ما عرفتلو شي ام الوليدات مشت جابت الخروف وتكلتوا في البيت وانا باريت محمد كرم الله لامن ضبحوا جيت دخلت في الكبدي ألت المغاربة ديل مغتغتنها بي دهن الكرشة علي قرمصيص العروس
Post: #33 Title: Re: لو تعرف شنو البحصلي وكت الليل يفلل Author: showgi idriss Date: 12-22-2007, 09:41 PM Parent: #31
يا فردة رسل لينا الجلد
ما بنقول ليك الكوارع والراس.. وديتوهن وي؟؟ باقي المغاربة ما بعرفو ليهن مشششششششش؟؟؟
نتبرعبو لي ود كرم الله ينجربو طنبورو.. ما تبقي قليل خاتمه.. تشبع تكرع وتسمع غناهو وتدسه تحت المخدة
Post: #36 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:54 PM Parent: #33
ابو الشوش وحاتك الجلد المغاربة ديل ما يدوك ليهو ان بقيت نبي يا زول الجلد بيزبطوا بيهو جنس حاجات في البيوت شي سجاجيد وشي لوحات وان غلبهم خالص يودوهو يسوبوا شباشب
اها شن قولك موش اخيرلي المخدي ومحمد كرم الله
Post: #28 Title: Re: لو تعرف شنو البحصلي وكت الليل يفلل Author: معاوية كرفس Date: 12-22-2007, 09:24 PM Parent: #1
.
خلاص عملتها فينا و إرتحت يا طارق
محمد كرم الله دا مانحن من زمان عارفين
عويقو كعب شديد .
غايتو الليلة الله يدينا نوم .
.
Post: #34 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:43 PM Parent: #28
ود كرفس كيفنك وعيدك مبارك عليك يا زول والله مشتهين شوفتك
واصلو عويق محمد كرم الله عارفو كعب الزول دة غناهو يدخلك في قلبك يمين انا وكتين شغلتو زي الضربتني كهربة
محبتي الاكيدة
Post: #35 Title: Re: لو تعرف شنو البحصلي وكت الليل يفلل Author: Saifeldin Gibreel Date: 12-22-2007, 09:49 PM Parent: #34
ابن العم طارق جبريل... كل سنة وانت طيب... بعدين محمد كرم الله يا طارق داير بكى ودموع كتيرة.. ونحن دموعنا وحاتك جفت فى هذه الغربة اللعينة.
سيف جبريل
Post: #37 Title: Re: لو تعرف شنو البحصلي وكت الليل يفلل Author: طارق جبريل Date: 12-22-2007, 09:57 PM Parent: #35
سيف ود عمي كيفنك وعيدك مبارك يا زول والله محمد كرم الله ان بقيت صحراء عديل يبكيك ياخي زول حنين خلاص
مسؤول من الخير قاعد تشوف غادة ووليداتها سلملي عليهم وقولها الفيك اتعرفت وبكلم طلحة جبريل اخوي يشاكلها
محبتي الاكيدة
Post: #38 Title: Re: لو تعرف شنو البحصلي وكت الليل يفلل Author: Mekki M Alhassan Date: 12-22-2007, 11:18 PM Parent: #37
الاخ الدكتور طارق جبريل كل سنة وانت واسرتك بخير يا زول مالك علينا قبل ساعة في التلفزيون السوداني سهرة فيها الشاعر الرقيق والانسان السر عثمان الطيب والفنان محمد جباره تقوم اسي تجيب لي ود كرم الله وكت الليل يفلل.. كدي النجيب شربوتي وبجيك راجع
Post: #40 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 00:28 AM Parent: #38
مكي كيفنك وعيدك مبارك يمين ود كرم الله دة لاهو محتاج لي شربوت ولا عسليي يا زول الراجل نضمو كله براهو ياخي غناهو يخليك تغبي كله كله
محبتي الاكيدة
Post: #42 Title: Re: لو تعرف شنو البحصلي وكت الليل يفلل Author: Munir Date: 12-23-2007, 01:00 AM Parent: #37
العزيز طارق جبريل .. كل سنة وانت وضيوفك طيبين .. والله غايتو ساعة الليل يفلل دي ذاتها عبارة عجيبة !!!.. والواحد فعلآ انتبه لمفردة يفلل دي اللاحظتها اختنا الشاعرة نادية مختار بحسها الشعري اللغوي .. ويبدو لي إذا فلفلنا الكلمة (يفلل) نلقاها مزيج مختصر من عبارة (في الليل أو فيلليل) "صيغة مضاعفة" !!.. وهي كناية أو عبارة مبتكرة بديلة لـ الليل يليل جاية من الليل أليل !!..
وبالمناسبة أذكر في الصبا وكنا بنمشي البلد في الاجازات في زمان كان النجمان محمدكرم الله ومحمدجبارة في قمة فن الطمبور .. وكان الشباب كثيرآ ما يقارنون ويفاضلون بينهما .. فيومآ ما وبينما كان ود عمتي في مغالطة مع احد الصبية بين أيهما افضل: محمدكرم الله أم محمدجبارة ؟؟ قال محاججآ له : أسع أسحن يجيبوا لك حلاوة كرملة واللا تقع من الحمارة وتكسر ايدك ويجو يجبروها ليك؟؟
Post: #43 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 01:12 AM Parent: #42
منير كيفنك وعيد سعيد عليك ان شاء الله انا ماني عارف بس محمد كرم الله دة طعم غناهو مختلف شديد يمين وكتين يبدأ لامن تتلبش محبتي الاكيدة
Post: #39 Title: Re: لو تعرف شنو البحصلي وكت الليل يفلل Author: maman Date: 12-22-2007, 11:59 PM Parent: #1
الأخ طارق
تحية طيبة وكل عام وأنت بخير
حدثني مصدر موثوق أن ود كرم الله قرر العودة لمتابعة مسيرته الفنية... وقريبا سيتم تسجيل شريط جديد
مع التحية
مامان
Post: #41 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 00:31 AM Parent: #39
مامان كيفنك وعيدك سعيد زي خبيرك السعيد تعرف ان بقى الكلاك دة جد يانا الجايينا الطوفان طوفان النغم الصحي صحي يا زول الله يسمع منك ويرجعلنا الزول دةتاني لي طنبورو
Post: #45 Title: Re: لو تعرف شنو البحصلي وكت الليل يفلل Author: مجدي عبدالرحيم فضل Date: 12-23-2007, 06:57 AM Parent: #41
'طارق
كدي نعيد عليك أولا
ثم محمد كرم الله وصوت لا يتكرر
وكت الليل يفلل ماالنوم بيطير وحاتك زمن جميل وطرب أصيل
،،،،أبوقصى ،،،،
Post: #50 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 10:20 AM Parent: #45
ابو قصي كيفنك وعيدك مبارك والسنة الجاية ضابح في الامتداد
يا زول محمد كرم الله دة ما بيتلحق
Post: #44 Title: Re: لو تعرف شنو البحصلي وكت الليل يفلل Author: yasiko Date: 12-23-2007, 06:52 AM Parent: #1
الدكتور طارق كل عام واسرتك بخير العيد الجاي يلقاك أنت عافي في خيرك تخوجل يا ريت لو لقيتا مرادي أطير في لحظة وأنزل هناك آآآآآآآآآآآآآآه معاك أنا آآآآآآه ..... وأقيِّل لله درك ودره الرائد لا يكذب اهله كا عهدناك يا مامان لك الود
Post: #46 Title: Re: لو تعرف شنو البحصلي وكت الليل يفلل Author: yasiko Date: 12-23-2007, 06:58 AM Parent: #1
بالله تمعن في هذه المفردات الدرر أنوح لمن عيني توشل أعقِّب آه لي حالف يحنضل في خيرك تخوجل بشيش انا آآآآه قدام عيني تقدل
Post: #47 Title: Re: لو تعرف شنو البحصلي وكت الليل يفلل Author: yasiko Date: 12-23-2007, 07:07 AM Parent: #1
Post: #51 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 10:26 AM Parent: #47
د. يس كيفنك وعيدك مبارك وربنا يحفظلك الوليدات
وحاتك سبقتني كنت ناوي افتش لي بوست عصام عبد الحفيظ داك وامرق منه الصور دي يديك العافية ياخي الله يخضر ضراعك ويعدلها عليك شقيش تقبل
مسؤول من الخير انت ابو الحسين غاتس وين
Post: #48 Title: Re: لو تعرف شنو البحصلي وكت الليل يفلل Author: أميرة فاروق عبد العال Date: 12-23-2007, 07:12 AM Parent: #1
كـل عــــــام وأنت بألــــف خيــــــــــر،،، ،، ،
Post: #52 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 10:29 AM Parent: #48
استاذتنا اميرة فاروق كل سنة وانت بالف خير كيف العيد معاكم وكيف البنيات ان شاء الله تمام
شفتي بالله محمد كرم الله دة غناي كيف
Post: #53 Title: Re: لو تعرف شنو البحصلي وكت الليل يفلل Author: Munir Date: 12-23-2007, 10:55 AM Parent: #52
.. سلام تاني يا زينين .. أنا فوق قلت يفلل صيغة مضاعفة .. ويبقي لي كدي كلامي دا دراب ساكت .. دحين مش في القواعد في حاجة إسمها التضعيف أو حاجة زي دي؟؟.. اعذروني علي التفلسف ده بالله ..
Post: #54 Title: Re: لو تعرف شنو البحصلي وكت الليل يفلل Author: عبدالكريم الامين احمد Date: 12-23-2007, 11:48 AM Parent: #53
ياسلام يا طارق يااخي لحن حنين وملان دعاش وحنية دوما هي من ترادف اغاني الطنبور ضاجة بعوالم البلد ووالوداع والحنين والغربة
Post: #55 Title: Re: لو تعرف شنو البحصلي وكت الليل يفلل Author: عامر تيتاوى Date: 12-23-2007, 01:45 PM Parent: #54
ود جبرين اخوك متخوجج فى الامتداد وكت الليل يفلل
Post: #59 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 04:39 PM Parent: #55
العزيز تيتا يا زول عيدك مبارك واتخوجج زي ماك عايز
دحين مع النزفية دي ضبحتوا ولا عملتوا زي ناس بيتنا سمك ودجاج
ما قابلت ناصر وراشد قاعدين في الامتداد خصوصا وكت الليل يفلل
Post: #58 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 04:36 PM Parent: #54
هلا بالباشمهندس كيكي يا زول الغناء النابع من النيل دي يدخل في القلب من غير اذن محمد كرم راجل غريد شديد
جاييك بي هناك مع سالف كيتا
Post: #56 Title: Re: لو تعرف شنو البحصلي وكت الليل يفلل Author: إيمان صالح Date: 12-23-2007, 01:53 PM Parent: #1
ياخواني ولعوا الانوار دي انا جني وجن الضلمة دي ما بسالك عاد يا ود جبرين
ايمان
Post: #60 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 04:41 PM Parent: #56
ايمان صالح كيفنك نحن يا زولة خلينا في الضلمة دي لانا فاهمين كسرة لا ضمة ولا نائب فاعل
نحن وكت الليل يفلل بنتذكر ايداهووووووووووووووو
Post: #64 Title: Re: لو تعرف شنو البحصلي وكت الليل يفلل Author: showgi idriss Date: 12-23-2007, 10:55 PM Parent: #56
ما هذا الذي غتست فأتيت به؟ محمد كرم الله من الأصوات التي لا طاقة لي على تحمّلها. ورغم عشرات الأصوات التي شدت في المنطقة، وعشرات الأنامل التي داعبت الطنبور وخربشته، ودوزنت وجداننا، منذ عهد النعام آدم ـ طيب الله ثراه ـ لم أجد نفسي إلا مع هذا الرجل المدعو محمد كرم الله. ربما لأنني أميل إلى الإيقاع البطيء في أغاني المنطقة، والذي جسده هذان الإثنان بامتياز.
هل تعرف أن من "عرّفني" على محمد كرم الله هو أخوك ... طلحة! كان ذلك في منتصف السبعينيات بالرباط، وقد رحلنا من الحي الجامعي مولاي إسماعيل وسكنّا معاً في حي البريد في يعقوب المنصور. كان لدى طلحة مجموعة من أغاني كرم الله. وإذا ما فلل الليل و"سرت النشوة فينا"، أطلقناها .. وأطلقنا للمشاعر العنان. أما "الطيف" فما زلت أراها ـ والله ـ من أجمل ما كُتب من شعر... على الإطلاق. وهي من الأغاني القليلة التي أجدها تقترب من الكمال: كلماتٍ ولحناً وأداءً. وما زلت أذكر سماعي لها أول مرة، وكيف أنني دخلت في حالة من الجذبTrance ، أجد صداها في تلافيف الذاكرة إلى الآن. كان ذلك في صيف 1976 بالحي الجامعي مولاي إسماعيل. وهو ما عُرف لاحقا بـ "تل الزعتر"، كناية عن المعاناة والصمود إلخ... كنا مجموعة من الطلبة السودانيين الذين قضوا العطلة الصيفية (طوعا أو كرها) في المغرب، بلا منحة ولا موارد مادية. جعنا وقمّلنا وأصبنا "بالحكَّة والجربة" واعتصمنا بالسفارة ... ودخلنا السجن... في هذا الجو المأساوي سمعت "الطيف" لأول مرة. انطلق صوت محمد كرم الله بلا مقدمات، فأصابني إصابات لم أُشف منها بعد.... ............................. ............................. ............................. ثم تغتس أنت وتأتينا بمثل هذا الذي أتيت به؟
أخانا المضرّ (من أضرّ... يضرُّ... فهو مضرٌّ) تاريخ جبريل رفقاً بنا، فلم يعد في الحنايا موضع لآهات جديدة.
Quote: محمد كرم الله صوت يدخل رواكيب الروح ويمشى فى الحنايا
سلمى الشيخ سلامة وبعض الكتابات تدخل رواكيب الروح وتمشى فى الحنايا
Quote: وحاتك سبقتني كنت ناوي افتش لي بوست عصام عبد الحفيظ داك وامرق منه الصور دي
هل هذا الرجل المتكررة صورته هو محمد كرم الله؟
Post: #61 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 04:54 PM Parent: #1
ود البيلي عيدك مبارك وحاتك يوم العيد متذكر الحاجة عشة رحمها ا لله بديت انكت في حاجاتي القديمة ديك لقيت الرائع محمد كرم الله يشدو ونبرات صوته الجميلة وزي ما عارف دبرسة العيد في البلد ديك عوقني غناهو قلت اجي اعوقكم معاي
الصور التي تتكرر لمحمد كرم الله والاخيرة معاهو محمد جبارة
Post: #62 Title: Re: لو تعرف شنو البحصلي وكت الليل يفلل Author: yasiko Date: 12-23-2007, 07:17 PM Parent: #1
Quote: هل هذا الرجل المتكررة صورته هو محمد كرم الله؟
الأستاذ البيلي سلام تشدني كتابتك دائماً وكل سنة يتكرر عيدك وانت في الأفراح "تخوجل" نعم الذي يتكرر في الصورة هو الأستاذ ود كرم الله والذي يجلس خلفه في "الفلوكة" الشاعر حميد لقد حاول الزمن ان يأكل ويشرب ويعبث بخارجه لكنه لم يتمكن من الوصول إلى "المتكن" في دواخله ودواخلنا يبدو في الصورة الأخيرة أنه والأستاذ محمد جبارة قد وصلا من سفر على أحد "بناطين" المنطقة وفي انتظار المعدية ، حيث يظهر ذلك من ناعم التراب "الخانث لبد" فوق جلابية ود جبارة ، والذي يحيرني ان جلابية ود كرم الله ناصعة البياض ، أحسبه مستقبلاً . لهما السلام أينما حلا ومثله مطبوق للدكتور ود جبريل ويبدو انو أبو الحسين غرق في العسل فعليه الرحمة وربنا يجازي الكان سبب تخريمة: بالله سنة 1976 انت في الجامعة ؟؟؟ لابد من الوقوف لك إجلالاً وقتها كنت في الابتدائية
Post: #63 Title: Re: لو تعرف شنو البحصلي وكت الليل يفلل Author: طارق جبريل Date: 12-23-2007, 08:42 PM Parent: #1
Quote: تخريمة: بالله سنة 1976 انت في الجامعة ؟؟؟ لابد من الوقوف لك إجلالاً وقتها كنت في الابتدائية
د. يس افرز ياخي
انا ذاتي كنت في اول سنتين ابتدائي
الكات في الجامعة الوكت داك محجوب البيلي
Post: #65 Title: Re: لو تعرف شنو البحصلي وكت الليل يفلل Author: حيدر حسن ميرغني Date: 12-24-2007, 07:57 AM Parent: #63
بوست جميل ومشلخ لى ورا
جينا نديهو صفقة
Post: #68 Title: Re: لو تعرف شنو البحصلي وكت الليل يفلل Author: طارق جبريل Date: 12-24-2007, 10:09 AM Parent: #65
حيدر عيدك مبارك ايي بالله خلك معانا صفق وان بقيت داير تترتر وتنقز معانا كمان مافي عوجة
Post: #66 Title: Re: لو تعرف شنو البحصلي وكت الليل يفلل Author: طارق جبريل Date: 12-24-2007, 10:07 AM Parent: #1
Quote: أها.. ولعناهن...
يا كافي البلى اتى في الحوش ما بشوفي؟؟؟
سويلك مناضر..
تحياتي
المطموس ابو الشوش انت الهيبيش العليك شنو
Post: #67 Title: Re: لو تعرف شنو البحصلي وكت الليل يفلل Author: نسرين جمال Date: 12-24-2007, 10:09 AM Parent: #1
طارق جبريل كيفك كل سنة وانت طيب
وعشان تبعد من أها وقت الليل يفلل
انشاء الله السنة الجاية معيد وسط الاهل
Post: #69 Title: Re: لو تعرف شنو البحصلي وكت الليل يفلل Author: طارق جبريل Date: 12-24-2007, 10:18 AM Parent: #67
نسرين كيفنك وعيدك مبارك وحاتك يوم العيد غتست راسي تحت مخدي وشغلت محمد كرم الله وفضلي الجوعير
Post: #70 Title: Re: لو تعرف شنو البحصلي وكت الليل يفلل Author: yasiko Date: 12-24-2007, 07:11 PM Parent: #1
Quote: د. يس افرز ياخي
انا ذاتي كنت في اول سنتين ابتدائي
الكات في الجامعة الوكت داك محجوب البيلي
د. طارق يعلم الله الخطاب واضح وضوح الشمس انو للأستاذ البيلي لكن "الفي بطنو حرقص براهو يصفق ويرقص" عموماً ممكن نحيلك للجنة التسنين الله يستر عليك من الخدمة الإلزامية لك ودي
Post: #71 Title: Re: لو تعرف شنو البحصلي وكت الليل يفلل Author: انعام حيمورة Date: 12-24-2007, 08:09 PM Parent: #1
كل سنة وانت طيب وربنا يحقق الاماني .. انا قلت دي قصة جديدة
Post: #72 Title: Re: لو تعرف شنو البحصلي وكت الليل يفلل Author: طارق جبريل Date: 12-25-2007, 10:07 AM Parent: #1
انعام بت ناس حيمورة كيفنك والعيد عليك يتبارك
القصص ان بقيت باريتن كتار لامن مساخ وحاتك الجراب مليان خصوصا حكاوي الحبوبات كدي النتم ديك وبعداك ربك يسهل
كيف ضيوفك ان شاء الله تمام
Post: #73 Title: Re: لو تعرف شنو البحصلي وكت الليل يفلل Author: طارق جبريل Date: 12-26-2007, 01:19 AM Parent: #1
الله الله عليك يا محمد كرم الله دسترتة بينا عديل
Post: #75 Title: Re: لو تعرف شنو البحصلي وكت الليل يفلل Author: أبوبكر طه Date: 12-26-2007, 04:28 AM Parent: #73
كل سنه وإنت طيب يا طارق جبرين أنا قايتو كان رجعت دويم ودحاج تاني علي باليمين مروي القريبه دي ماني واصلا ماني مارق كلو كلو
Post: #76 Title: Re: لو تعرف شنو البحصلي وكت الليل يفلل Author: غادة عبدالعزيز خالد Date: 12-26-2007, 04:44 AM Parent: #75
طارق جبريل أيها النسيب اللطيف
كلمة واحدة أقولها لك في هذا الليل...
الله يسامحك
تحياتي للأسرة الكريمة وكل عام وأنتم بألف خير
مودتي... ومشتاقين
تخريمة:
أنا اتولدت في السبعينات
Post: #78 Title: Re: لو تعرف شنو البحصلي وكت الليل يفلل Author: طارق جبريل Date: 12-26-2007, 10:09 AM Parent: #76
Quote: أنا اتولدت في السبعينات
يعني يا النسيبة بتصغري في نفسك طيب ناس هاشم ديل العايزين يعرسوا بناتنا ديل ما اتولدوا ولا شنو عموما فرقنا ما كتير كلها حبتين أسألي طلحة
محبتي الاكيدة
Post: #77 Title: Re: لو تعرف شنو البحصلي وكت الليل يفلل Author: طارق جبريل Date: 12-26-2007, 10:05 AM Parent: #75
ابوبكر طه كيفنك وانا ان وصلت البركل (شبا) وحاتك عسوم ماني واصلها
محبتي الاكيدة
Post: #79 Title: Re: لو تعرف شنو البحصلي وكت الليل يفلل Author: badr alkalika Date: 12-26-2007, 10:41 AM Parent: #77
انا غايتو بسافر في جنح الليل
Post: #85 Title: Re: لو تعرف شنو البحصلي وكت الليل يفلل Author: طارق جبريل Date: 12-27-2007, 10:42 PM Parent: #79
بدر كيفنك حدك وين في السفر دة
Post: #80 Title: Re: لو تعرف شنو البحصلي وكت الليل يفلل Author: yasiko Date: 12-26-2007, 07:08 PM Parent: #1
د. طارق سلام اعتقد ان الفيديو اعلاه سيفلل نهارك ايضاً ويفلفلو بعيد عنك يا بلدنا مصاقر الغربة اللئيمي "طالما هي عايري قلنا نديها سوط" شوف الولد دا كارب صريمة الحمارة دي كيف ويلكد ويجبط بالنيمي فيها لك الود
اضغط على زر التشغيل لمشاهدة الفيديو بعد ايقاف اغنية ود كرم الله
Post: #81 Title: Re: لو تعرف شنو البحصلي وكت الليل يفلل Author: yasiko Date: 12-27-2007, 02:35 AM Parent: #1
د. طارق سلام حا ألحِّقك الرقدو شاهد الفيديو دا ، واسكت ابك ، دموعك مابتفيدك مروقك كان بايدك
Post: #86 Title: Re: لو تعرف شنو البحصلي وكت الليل يفلل Author: طارق جبريل Date: 12-27-2007, 10:45 PM Parent: #81
د. يس كيفنك شكيتك علي الله وحاتك وكتين ود النصري دة بدأ يصدح جملة الايمان عيوني رقرقن رسمي بس كان ناقصني الجوعير
Post: #82 Title: Re: لو تعرف شنو البحصلي وكت الليل يفلل Author: osman righeem Date: 12-27-2007, 08:07 AM Parent: #1
ابو النسب د. طارق كل العام وانت والاسره بكل خير وعافية
تعرف يا طارق ما اجتمع محمد سعيد دفع الله ومحمد كرم الله ( الثنائي العجيب الحبيب) الا وكانت الكلام يدفعها اللحن تسبر دواخلك وتنكش لك كل اشياؤك الحلوة وتعجنها لك بالحاضر وترجعك درويش تسوقه ايقاعات الطار
Post: #87 Title: Re: لو تعرف شنو البحصلي وكت الليل يفلل Author: طارق جبريل Date: 12-27-2007, 10:47 PM Parent: #82
ود رغيم كيفنك يمين بالله يا ود رغيم انا وكتين اشغل الاغنية صوف راسي كله يقوم ياخي اغنية تهد الروح عديل كدة
Post: #83 Title: Re: لو تعرف شنو البحصلي وكت الليل يفلل Author: عبد الدائم سيد أحمد Date: 12-27-2007, 11:41 AM Parent: #1
وكت الليل يفلل والله قايل لاقوك رباطة فى منتزة الكلية المهنية وغمتوك
عارف يا طارق اغانى الشوايقة بذكرنى جارنا اسمو عطا المنان عندو جنينى سمحة مليانة شدر ويقعد فيها طول يومو ويشغل مسجلو باعلى صوت يسمع الجيران ويطربنا معاهو فى يوم عمك بيصلى فى صلاة المغرب قدام الجنينة جاء حرامى شال المسجل وشرد ، لكين عمك ما طلع راجل صحي صحى قطع ليك صلاتو وجري وراء الحرامى وما رجع الا المسجل معاهو وشريط اليمنى شغال عـــلا بس البطارية نزلت شوية .
Post: #88 Title: Re: لو تعرف شنو البحصلي وكت الليل يفلل Author: رأفت ميلاد Date: 12-27-2007, 10:50 PM Parent: #83
طارق جبريل كل سنة وإنت طيب وبخير وعافية البوست يادووب شفتو
Quote: يعني الاغنية عنده فيها من التطريب ما لديك من لوحات ناطقة
تعرف الأعنية رهيبة ومحمد كرملة فناااان .. لكن إنت ما براك حالة سعبة
Post: #92 Title: Re: لو تعرف شنو البحصلي وكت الليل يفلل Author: طارق جبريل Date: 12-28-2007, 11:10 PM Parent: #88
رأفت كيفنك كل سنة وانت طيب وميري كريسماس يا زول نان هي جنس (سعوبيي) فايتي الحد
محبتي الاكيدة
Post: #89 Title: Re: لو تعرف شنو البحصلي وكت الليل يفلل Author: طارق جبريل Date: 12-27-2007, 10:51 PM Parent: #83
النضيف كيفنك قلت لي الرجالة تطير
Post: #90 Title: Re: لو تعرف شنو البحصلي وكت الليل يفلل Author: محجوب البيلي Date: 12-28-2007, 07:20 PM Parent: #1
Quote: تشدني ..........
العزيز د. يس أشكر لك إطراءك، وتهانيك. وأسأل الله أن يرفع القدم ويلم الشمل.
Quote: بالله سنة 1976 انت في الجامعة ؟؟؟ لابد من الوقوف لك إجلالاً وقتها كنت في الابتدائية
أخانا تاريخ إلى أن يسهّل الله ونجي ناخد الأصول من الرباط، هل لنا برابط الحفظ؟
Post: #91 Title: Re: لو تعرف شنو البحصلي وكت الليل يفلل Author: yasiko Date: 12-28-2007, 10:48 PM Parent: #1
Quote: ذات يومٍ ستطلبين ودادي *** رغم شيبي، والحبُّ بالأقدمية فتعالي أحبك الآن أحسن *** واقبليني كما أنا، يا شقيّة
أستاذي البيلي سلام ما الحب إلا للحبيب الأول دا حب من زمن الجزيرة سكون القيط والقناطر خريف الدرت المبشر سحابو المدموم وماطر ليس العامل هو عامل كيمياء العطور لوحده إنما للعمر موؤل وكلنا في الهوا سوا استمتعت بردك على المشيب لذا أقول لك القومة شئت أم أبيت http://www.sudaneseonline.com/video/Aleelyafalil.wma حتي يأتي طارق بالرابط "إن كان حيا" يمكنك Right click Save target as
Post: #93 Title: Re: لو تعرف شنو البحصلي وكت الليل يفلل Author: طارق جبريل Date: 12-28-2007, 11:13 PM Parent: #1
د. يس كيفنك
انا كتل من زمان
Post: #94 Title: Re: لو تعرف شنو البحصلي وكت الليل يفلل Author: نصار Date: 12-29-2007, 03:41 AM Parent: #1
اها يا اهلنا مادام قولتو كدي سريع عدد اتنين جعيرة حق الرمية براها و الغنية براها و خفوا علي قريبي محجوب البيلي لو ندهلكن امباب حمد ولا عوضة ضمين الدار بقطع منك الانترنت و ما تلقوا الببكيكم lool
Post: #96 Title: Re: لو تعرف شنو البحصلي وكت الليل يفلل Author: طارق جبريل Date: 12-30-2007, 00:10 AM Parent: #94
نصار كيفنك دحين آآيابة نحن ناقصين هضربة
Post: #95 Title: Re: لو تعرف شنو البحصلي وكت الليل يفلل Author: امير عوض الجمري Date: 12-29-2007, 10:33 AM Parent: #1
Quote: سهران ليلي والناس ناموا للانوار تكتل
يا طارق ياخ انوار شنو !! انت ومحمد كرم الله ده كتلتونا نحن ذاتنا
تعرف الأغنية دي ذكرتني زمااااااااان زي الساعة حداشر صباحاًلمن كنا بنلعب بالتراتير جنب دكان صالح وكان حسن كول الشغال في الدكان بيشغل الرادي .. ونحن بعد اللفة بالترتار نقعد في ضل الدكان ونسمع الأغاني دون وعي للمعاني لكن الترانيم والالحان واصوات الفنانين ترسخ في أذهاننا وآذاننا ويبقى اثرها محفور وتجي انت والجميلين من امثالك وتنبشوا الحلاوة دي بي طعمها الما بتغير ..
عليك الله كمان يا طارق لو لقيت لي ود كرم الله ده اغنية (لمّا النوم ابى وجافاني) ختها هني عشان تتم الناقصة.
Post: #97 Title: Re: لو تعرف شنو البحصلي وكت الليل يفلل Author: طارق جبريل Date: 12-30-2007, 00:18 AM Parent: #1
يا جمري يا مولع اصبري بنزلك هني حتى الطيف رحل خلاني
Post: #98 Title: Re: لو تعرف شنو البحصلي وكت الليل يفلل Author: yasiko Date: 12-30-2007, 06:17 AM Parent: #1
جواب لكل المعيدين خارج السودان وبعيداً عن الأهل من الزمن الجميل
اضغط على زر التشغيل لمشاهدة الفيديو
الليله رسلت السلام يغريك يا الزين
السلام ليك وللمعاك في الأوضه قاعدين
السلام يغري الطرابش والقلاشين
السلام من عين شمش لحد فلسطين
أنا ما بوصفك يا صباحي بخاف من العين
وانت من عين الحسود وادعاك جبرين
وأنت بالعافي التخصك في المصارين
تبقالك هدم ياسيدي سروال ونعلين
الليله انت يا سيد الحصص وصمد النمرتين
وانت ياسيد الجزيري تكاكي وزين
وأنت ياسيد البسوق أرقوق موازين
وأنت ماعارف قلبين لي مجنين
ومابترسل لي جوابن فيهو سطرين
وما بتقول لي نعيم صباح أمو أشتغل وين
أنت ماعارف جواب السلامي
يجيني وأطول لي شبرين
وأنبسط لي بساطي زايده علي القوانين
الله من خلاني طيره وأحصلو الحين
وألقى في القهوه قبل الرسمي جالس في الدرابزين
وينسر بالي بيكم يا الحنينين
بعد الحال معاك أن شاءالله جالسين
نتلاقى أنت طيب ونحن طيبين
الليله دايره احكيلو العذر صمد نمرتين
وقولو من قبل الملمات مانا فايقين
ومنطبقات عليا تلاتي واتنين
وختي ربع جنيه وبعضن تلاتين
وقالوا مابنقبل عذردايرنو في الحين
وأن قلته المقد ماجابلو مدين
والعيشريف مبوص ومامرق هين
اصلو لاتمرن مر ولانا سايقين
أنا طلبتك بالله ترسل لي جنهين
الليله لاتقول الجواب دا انا انا جاني من وين
الكلام نظم أم نعيم ما دايرلو تلقين
الكاتبو وراق حسن اسطى في الطاحونه
تاجر في الدكاكين
وانت في تلات سنين ما بدوك سبوعين
شكرك عندي راقد بالجرانين
الا الجواب يا خيري اتملا بالصفحتين
Post: #99 Title: Re: لو تعرف شنو البحصلي وكت الليل يفلل Author: طارق جبريل Date: 12-30-2007, 04:39 PM Parent: #1
د. يس يا ربي تتسهل عليك شقيش تقبل
Post: #100 Title: Re: لو تعرف شنو البحصلي وكت الليل يفلل Author: نصار Date: 01-01-2008, 07:59 AM Parent: #1
حفلة راس سنة عديل طابت ايامكم و سنينكم و لم شملك فوق قيزان رملك
ما لقيت المفدع ووب علي البلقاها يلحقنا بيها ------------------------- هذا المبدع محشكنة في نغمات الايام السمح و عديلة و يبد توقفه عن الغناء سوي الحن حنين ليهو و للزمان الكان هو فيه
Post: #102 Title: Re: لو تعرف شنو البحصلي وكت الليل يفلل Author: طارق جبريل Date: 01-01-2008, 12:29 PM Parent: #100
يا نصار كيفنك ياخي مالك علينا هن اصلن فضلن فيوزين ونافوخنا يضرب بشتتنتنا جنس بشاتن
Post: #101 Title: Re: لو تعرف شنو البحصلي وكت الليل يفلل Author: نادر Date: 01-01-2008, 12:25 PM Parent: #1
"مالك ما بترسل!" جملة بسيطة في مفرداتها لكنها عميقة المضمون موغلة في الاحساس ... يا سلام ياخ بوستك جميلة يا طارق التحية ليك ولزوار بوستك في انتظار مزيد من الإبداع ...
Post: #103 Title: Re: لو تعرف شنو البحصلي وكت الليل يفلل Author: طارق جبريل Date: 01-01-2008, 12:31 PM Parent: #101
نادر كيفنك وسنة سعيدة وربنا يحفظلك البُطان
ياخي البساطة دي ما ياها العظمة ذاتها
محبتي الاكيدة
Post: #104 Title: Re: لو تعرف شنو البحصلي وكت الليل يفلل Author: عبد اللطيف بكري أحمد Date: 01-01-2008, 03:28 PM Parent: #1
ود الخالة العزيز تحياتي وأشواق ، وكل أعيادك والأسرة الكريمة بألف خير،،
كنت متأكد أنك في لحظة دخولي هذا الكمين ح يزداد علينا أسىً جديد،، لأني صراحة لا أحد يعرف ماذا يحصل لنا لما تفلل هنا غصباً عننا،،
ليل الغربة ياخ والله ذبحنا 19 سنة متوالية،، ملل وروتين وشغف للحياة لا نجد له مسرب،،
متابعة للدوري الأسباني هي الفرجة والمتعة الوحيدة هذا بالطبع بعد مراجعة الدرس والمذاكرة مع العيال وكنت أذكرهم بأننا أدخلنا نفسنا في هذه الورطة فلا أحد راجع لنا درساً فما هذا التحور؟؟
المغرب لذيذة وناس لذاذ وليلها ينبغي أن يكون خليطاً من هذا وذاك،، أما خليجنا وخصوصاً الرياض فالزحام طغى ووأد كل المحاولات الخجولة لإنشاء علاقات إجتماعية،، فضلاً عن أن شح مراكز الترفيه ومنع المسارح ودور السينما فرض واقعاً صعباً لا تملك حياله إلا أن تسافر إن أردت من بعضاً من هذا القبيل،،
الليل الشتاء هنا قاتل والله ،، وشتاء السودان يزاد غلواً ويرتادنا بعداً ثالثاً بين الشتات والأنانية التي يعاملنا بها سياسونا : فحكموا علينا تأبيداً المزازة في بلاد الله،،
هيئي لنا من لياليك حيزاً بالمغرب صيفاً آتٍ بإذن الله ، سنسومك سوء العذاب بذكريات من ليالينا الخواء وهذا وحد ما لدينا يخفف عنك دون شك!! تحياتي وسلامي ،،
Post: #117 Title: Re: لو تعرف شنو البحصلي وكت الليل يفلل Author: طارق جبريل Date: 01-03-2008, 09:17 PM Parent: #104
ود الخالة عبد اللطيف كيفنك ووليداتك يا سيدي تشرف في اي وقت الدار دارك وحبابك الف ويا عزيز المغرب فعلا بلد جميل بس المشكلة في (الهوم سكنس) ومحمد كرم الله دا وكتين يغرد الواحد يقرب يجوعر
سلامي للعيال والخالة
Post: #105 Title: Re: لو تعرف شنو البحصلي وكت الليل يفلل Author: maman Date: 01-01-2008, 03:45 PM Parent: #1
Quote: تعرف يا طارق ما اجتمع محمد سعيد دفع الله ومحمد كرم الله ( الثنائي العجيب الحبيب) الا وكانت الكلام يدفعها اللحن تسبر دواخلك وتنكش لك كل اشياؤك الحلوة وتعجنها لك بالحاضر وترجعك درويش تسوقه ايقاعات الطار
الأخ طارق جبريل
تحية
إلحاقا لما ذكرته سابقا حول عودة محمد كرم الله، خليك محضر الفيديو بتاعك وتحرى الفضائيات وما تنسى إنو محمد سعيد دفع الله كمان رجع من الغربة نهائيا... ويا بختك يا ياسيكو...
مع تحيات مامان
Post: #111 Title: Re: لو تعرف شنو البحصلي وكت الليل يفلل Author: طارق جبريل Date: 01-02-2008, 01:13 PM Parent: #105
يا مامان سنتك سعيدة غايتو ان بقى الزول دة رجع اماني ما حا نتخوججلنا جنس خوجيج
Post: #106 Title: Re: لو تعرف شنو البحصلي وكت الليل يفلل Author: kamalabas Date: 01-02-2008, 02:26 AM Parent: #1
شـكرا طارق جبريل علي هذه التحفة المشحونة بالشجن والحنين والروعة أنها زهرة من بستان الزمن الجميل لأغنية الطمبور السبعينات.....محمد كرم الله ومحمد سعيد.. السر عثمان ومحمد جبارة ..صديق وعبدالله محمد خير... أنها أيام صعود هذه الكوكبة و قمة نضوج النعام والعملاق حسن الدابي وبدايات يسين وحميد وعيسي..... وغيرهم....أيام العصر الذهبي والفن الجميل والكلمةالمرهفة...... ... لم تنتشر أغنية الطمبور وقتها كما هي منتشرة اليوم ولكنها كانت أكثر عمقا وجمالا وحلاوة ورونقا وألقا.... ... أرجو أن يرفدنا أحد الاخوة بأغنية تراب بلدي فهي - عندي-لوحة فنية ناطقةبالحنين والانتماء والحب كمال
Post: #112 Title: Re: لو تعرف شنو البحصلي وكت الليل يفلل Author: طارق جبريل Date: 01-02-2008, 01:17 PM Parent: #106
كمال عباس سنة سعيدة ياخي اغاني زمان دي تكتل عديل
محبتي الاكيدة
Post: #107 Title: Re: لو تعرف شنو البحصلي وكت الليل يفلل Author: yasiko Date: 01-02-2008, 07:13 AM Parent: #1
استاذي نصار سلام آآآآ زول أنت ماك الزول البردولو طلبو ان در ود كرم الله هني نجيبو ليك
المفدع :
أوقف أغنية الثنائي واضغط على زر التشغيل للاستماع للمفدع
الأستاذ كمال لك السلام بجيك صاد الأستاذ مامان يفرحك الله بي محمد
Post: #109 Title: Re: لو تعرف شنو البحصلي وكت الليل يفلل Author: موسى الحسين سيد أحمد Date: 01-02-2008, 09:05 AM Parent: #107
الأخ / طارق جبريل
تحياتي وكل عام وجميع المتداخلين بخير
لن أضيف شيئاً لو تحدثت عن إبداع الفنان محمد كرم الله وقد أكد حبر التراث الشايقي الاخ مامان ما سبق أن أبلغني به الاخ صلاح عبد النبي عن عودة الرائع محمد كرمالله للغناء .
وبمناسبة أغنية الليل يفلل أسأل عن القاسم المشترك بين هذه الاغنية وقصيدة السادة السمانية
ياليلى ليلى جن معشوقك أوه وأنَ
حيث كنت ولا زلت عندما اسمع هذه الأغنية الجميلة تقفز إلى ذهني هذه المدحة الرائعة أيضاً ولا أعرف لماذا. هل قصيدة الشاعر الزاهد محمد سعيد دفع الله (الليل يفلل) رمزية كما هي قصيدة التمساح للمادح طويل القامة الشيخ حاج الماحي رحمه الله أم مجرد انطباع خاص. مع حبي وتحياتي للجميع ،،،، .
Post: #113 Title: Re: لو تعرف شنو البحصلي وكت الليل يفلل Author: طارق جبريل Date: 01-02-2008, 01:19 PM Parent: #109
ود الحسين كيفنك
باقيلي د. يس يقدر يجاوبك او مامان لانهم عمالقة في الحتة دي
محبتي الاكيدة
Post: #108 Title: Re: لو تعرف شنو البحصلي وكت الليل يفلل Author: yasiko Date: 01-02-2008, 07:37 AM Parent: #1
لكل الذين ابتلعتهم الغربة "محمد في الغربة تائه" ثنائي العامراب
Post: #110 Title: Re: لو تعرف شنو البحصلي وكت الليل يفلل Author: محمد عبدالقادر سبيل Date: 01-02-2008, 09:41 AM Parent: #108
أخي طارق جبريل السلام عليكم ورحمة الله وبركاته لا احسب اننا في السودان كنا نقول ( وكت الليل يفلل ) ولكننا نقول ( وكت الواطة تفلل ) بمعنى تكون( في الليل ) والله تعالى اعلم لك محبتي
Post: #114 Title: Re: لو تعرف شنو البحصلي وكت الليل يفلل Author: طارق جبريل Date: 01-02-2008, 01:21 PM Parent: #110
محمد عبد القادر كيفنك والله اخوك ما ضليع بس كلمات الاغنية بتقول كدةوعندي حبوبتي كانت بتقل كدة برضو في البركل
محبتي الاكيدة
Post: #115 Title: Re: لو تعرف شنو البحصلي وكت الليل يفلل Author: kamalabas Date: 01-02-2008, 01:34 PM Parent: #1
كتب الاخ سبيل
Quote: أخي طارق جبريل السلام عليكم ورحمة الله وبركاته لا احسب اننا في السودان كنا نقول ( وكت الليل يفلل ) ولكننا نقول ( وكت الواطة تفلل ) بمعنى تكون( في الليل ) والله تعالى اعلم
المقصود عمق الليل " ونصائص الليل" /" تلوت الليل" وقت الليل يليل.. وقت السكون التام والاخلاد للنوم...وطبعا وقت العشاء وبعد المغرب ليل ولكنه ليل يتخلله بقايا ضوء وبقايا نهار وجوطة وجلبة وليس ليل التوحد والسكون حيث لا يتخلله سوي طرقعات مسبحة صوفي وذكره وأنات عاشق وولهه
Post: #118 Title: Re: لو تعرف شنو البحصلي وكت الليل يفلل Author: نصار Date: 01-05-2008, 05:41 AM Parent: #1
لا عدمناك يا دكتور يس و ما برجعلك قدحك فاضي فتنسم عبير شتلة قريرا و علي ذكر الدليب القديم اسمع الدق المجيه دا الطبلة سمحي لكن داك ياهو القمنا عليهو
