من يكتب تحت إسمي في ( بيت السودانيين : Sudanese Home ) ؟؟؟ ..

للمشرفين على الموقع داك ..
من هو ( عماد عبدالله ) التاني ؟
أفيدونا لو طلع للواحد فينا قرين بهناك !!!
و أفيدونا بالمرة .. أنا منو ؟

......
الموضوع فيهو ريحة ماياها ..
الله يكضب الشينة .

يكون تشابه أسماء ساكت .. ؟؟

الأخوان و الأخوات الهناك ..
( و اللي بيكتبو معانا هنا ) ..
أنا معاكم بهناك وللا الشغلة دي كيف ؟؟
طيب أنا الهنا ولّلا الهناك ؟؟

.....
عمك بشير كان لما يسنسن صاح يكورك : أجُر المِتِر ؟؟

ياعمدة,,
ازيكــ ,,,
مــالكــ الليلة ,,,

يا شمس ..
كيفنك يا ابن خالتي !

مالي كيف ياخ ؟
لقيتني بكتب هناك ..
بفتش على موضوع لي في أمانة الله , قام الأستاذ قوقل جاب لي كلام ماحقي ..
خشيت , لقيتني سارح بهناك ..
إسمس الما بيغباني .. لكن أنا ما انا !!
راسي ضرب ياخ .. بقيت في : يا ربي أنا ياتو ؟

البلد دي ح تزهلل بينا يا شمس ..


.......
معاي منو ؟؟؟

http://www.sudanesehome.com/forum/showthread.php?t=1876

ده منو طيب ؟
يكون دكين في شكل وردة ؟؟؟

توضيح من أمين الموقع بيبقى لازم ..
عشان ما نتهم الناس ساكت .. ولا راسنا يضرب .

أو كمان الواحد يكتب إسم جدو لويس الرابع عشر ..
تفادياً للخبطة .. و نكون في السليم .

يمكن مراسلتي على : [email protected]


.......
علماً إني راسلت أمين الموقع أستفسر .. و لا حياة لمن تنادي .

يا عمدة ..( بى فتر شديييد والله ياعماد) ... شوف الساعة جات كم
ونحن سقد لا يمسنا نوم ... ما لقيت لينا حبوب ولا حاجة تخمدنا ؟؟؟


قول لى ::: من الاخر كدا ،،، انت داير تعويض ؟؟؟؟

قلت اخير نغنا كدا ؟؟؟ لووووووووول

بس ياسيدى عماد دا اسم شاييييييع وعبد الله دى اشوع منو !

موية بس ،، قلت ليك عماد كوجان احسن قلت لا ...
بكون عندك جد مكعووج بالرطانة جيبو ياخ فكنا من الالتباسات
الما بنقدر نغالط فيها دى !!!

لما كنا بنقرا فى الخرطوم الثانوية (القديمة) كان فى واحد قيااااااااااافه
ساكن فى شارع 25 بى ورا المدرسة البنات كانو مسمنو عماد ود الله !!!
اها كمان تعال اتسلبط !!












ـــــــــــــــــ
غايتو كان طلع ياهو !!! النبى كان ما شفت لى باسويرد هناك
ما عندك واسطة للناس ديل ؟؟؟؟؟

انا عضو هناك

مامرعلي اسمك دا هناك



الا تكون داير تفكها في روحك ساي

Quote: مامرعلي اسمك دا هناك

شوف الرابط الفوق يا .

صورتك دي مش بتكتب بإسم بروبر هناك ؟؟
بروبر ده مش لقب أخونا التشكيلي عمر ؟؟


......
بدون حكاية أفكها في روحي دي .. الله يرضى عليك .

عماد سلامات
وكمان الجكس نازل هبطرش على اسمك بهناك
يكونوا مفتكرين الوهم داك ابو شنب بتاعنا ده



يازول صاحب الموقع هو فيصل نوبي
وما تخلي حقك ان لاسمك عليك حق

تراجي



كلمه وهم دي ما كتيره علي زول ما بتعرفيهو


خلي صاحبك دا يعمل اسمو ماركه مسجله عشان مافي واحد يستعملو في المنتديات التانيه



فكونا ناس ما عندكم موضوع

تراجي إزيك ..

كتير بتتشابه الأسماء و تتطابق ..
و لقيت في محرك قوقل ناس إسمهم متطابق مع إسمي .. لكن ما سودانيين ..
فكان طبيعي أقيف في الوحيد السوداني .. و في موقع سوداني .
و طبيعي برضو اتساءل ..
و قبل ما أفتح البوست ده كتبت لأمين الموقع مستفسر , و ما كنت اعرف إنه الاخ فيصل نوبي ..
و إلا كنت راسلتو مباشرة أو إتصلت بيهو .

عموماً , الموضوع ما مستاهل أصلاً ..
و فيصل نوبي قريب , هو العندو القول الفصل .

.....
و أبعدي من أوباما ده .. بتجيبي خبرو ..
مودتي .

عماد عبدالله
تلك ضريبة الأغنياء
بس خوفي تصبح (عماد مغنية )

انتو ما تورونا عماد عبد الله دا زول مشهور كدا عشان ندافع معاكم


كان وزير الزول دا ؟؟؟


ولا فنان ولا لاعب كوره ؟؟؟ عليكم الله كلمونا بي عماد عبد الله دا



اشتقنا نعرف الاسم السحري دا

Quote: تلك ضريبة الأغنياء

يا بدر ..
مبسوط و تتفاصح و بكره إجازة .
خليني ألم فيك .

مع إنو في مقولة بتقول : الصيت ولا الغنى ..
أها .. لا الصيت نلم فيهو , و لا كمان الغنى ؟؟؟

وكت الإتنين مابياتني ..
أدونا قروشنا خلونا ننزل .

انا ما بروبر


انا بكتب بي اسم مغربي


وحتي لو في واحد اسمو عماد عبد الله انت براك اسمك عماد عبد الله في الدنيا دي ؟؟؟



بي صراحه ما عارف قصدك من البوست دا شنو


وضح لينا


شهره ليك ولا قاصد صاحب الموقع ولا عضو هناك

يا معاويه
التسجيل باسم بعد ان كتب به شخصا يكاد يكون انتحال
و الدليل انه عماد عبد الله مشى يفتش عن انتاجه هو جاءه اسم الزول ده.


حسه تفتكر انا بقبل زول يكتب في منبر د.معز مثلا باسم تراجي مصطفى؟؟؟
ويطلعوا لي ناس زيك كده يدافعوا عنه كمان؟؟؟

Quote: تراجي كلمه وهم دي ما كتيره علي زول ما بتعرفيهو خلي صاحبك دا يعمل اسمو ماركه مسجله عشان مافي واحد يستعملو في المنتديات التانيه فكونا ناس ما عندكم موضوع

طبعا لا اقصد الشخص..ولكنه اكيد يعلم ان هنالك عماد عبد الله
ووارد جدا انه حاول الايحاء للآخرين انه عماد عبد الله بتاع الاون لاين.

فرق بين اسم كنايك نيم واسم سوداني متداول


في كم واحد هنا اسمو معاويه ؟؟؟؟؟؟


لكن مثلا انا هناك بكتب بي مغربي احتمال ازعل لو لقيت زول بيكتب


ما تعملوا موضوع في الفاضي


الزول دا عندو اغراض تانيه


قول سريع ولا اقفل بوستك دا

يا سيد معاوية ..
شهرة شنو و غرض شنو يا زول ؟
كدي قول بسم الله .

أقرا كلامي الفوق لو فيهو صيغة إتهام ..
بتلقاني بتساءل لو الموضوع تشابه أسماء وللا شيتاً آخر ؟؟
و شكرا تراجي الوضحت إنو صاحب الموقع هو فيصل نوبي ..
و دي معلومة جديدة بالنسبة لي ..
و البيني و بين نوبي سمحة و عامرة ..
يبقى الكلام مع سيد الحق .

و برضو .. هدي نفسك شوية .

ههههههههه


دي ضحكتني فيها


النت دا مرات غريب جدا


فتش المنتديات التانيه احتمال تلقي برضو زول تاني منتحل اسمك الدهبي دا

Quote: بي صراحه ما عارف قصدك من البوست دا شنو وضح لينا شهره ليك ولا قاصد صاحب الموقع ولا عضو هناك

هسة نعمل شنو يا عمدة ..
ديامة ديامة .. ونخلى ناس السعودية فى حالم .. ونفتح نفاج
والله ...

انت زاااتك .. كدى نشوف

ضحكتني يا جدو ميلاد


الجاب السعوديه هنا شنو

Quote: انت زاااتك .. كدى نشوف

قربت تقول لي : إنت زاتك كيييييييييف يااااااا ..
( زي معلم نون )
هسه الديامي منو فينا يا رأفت ؟؟؟ أنا ولّلا إنت ؟

بسيطة .. بتسداها فيك قريب يا حلبي ..
أبقى أركز ..

Quote: عماد عبدالله تاريخ التسجيل: 20-11-2006 المشاركات: 18

بعدين الزول مسجل من 2006


ما كلموك الا 2008 انو اسمك الماركه مسجله دا في زول بيكتب بيهو ؟؟؟


عليك الله اخجل واسحب البوست دا

معاوية حسين

تحياتى

يازول الناس المهذبين فى المنبر دا لو قدر عدد أصابع اليد الواحدة فعماد دا خمسة بالتمام والكمال.

ياعماد خليك فى عماد عبد الله البتعرفو .

تسلم يا بله ..

عاجز عن رد جميل كلماتك يا رجل ..
هو وسام منك أكبر من أنو الزول يقدر يقابلو بالكلمات ..
أعتقد الأخ معاوية منفعل بأكثر مما يجب ..
لكنه لا يقصد سوءا .
فمن أبسط قواعد النشر مراعاة الحقوق الفكرية و الأدبية , و يدخل فيها أسماء منتجي الأعمال .
لا أدعي أن لي أعمال ترقى للدفاع عن حقوقها , و لا كذلك إسم رنان كا وصفني الأخ معاوية ..
لكني أكتب في عدة مواقع سودانية و عربية , و من حق إسمي عليّ و كتاباتي - على تواضعها - أن أحفظهما ..

شكرا ليك يا صاحب .
مودتي و امتناني .

Quote: Maawya Hussein . تاريخ التسجيل: 27-12-2007 مجموع المشاركات: 151

والله يا معاوية .. إلا كان كايس الشهرة إنت

كلام المهذبين ده كلو ما لفت نظرك للركوبة الغلط الإنتا فيها دى

عماد ده ما بتلقى منو قباحة .. لكن بتلبس نفسك وش القباحة ساكت

عملا زماااان واحد كده .. وسف التراب .. بدون ما يلومو زول

قال ليك فيصل نوبى صاحبه .. وإنت زاتك ما كنت عارف فى عماد عبدالله هناك

وبعدين أنا زاتى هناك .. بس راجين رفاع القدم

رافت ميلاد


شهره شنو الانا دايرا من منبر ؟؟؟؟



انا بكتب في موضوع معين انت ناقش وقول رايك في الموضوع وخليك مني



ok

عمـــــاد

..
"لو ثبت ان للامر مجرد تشابه أسماء,,, او إنتحال اسم "

فلازم تتعرف على الزول ده,,

..

معاوية روق شوية الزول ما فاكيها فى روحوا لكن بتحصل الحاجات دى ,,,حتى فى الدنيا العادية حقتنا !!
دى

..

يا ملك ..

و الله داير أتعرف على الزول ده ..
و أصاحبو ياخ ..
يكون إنطبقت حكاية شبهينا و إتلاقينا ديك ( في الإسم ) .

تسلم يا ملك .

أظن الحكاية تشابه أسماء يا عماد

وبالمناسبة في واحد اسمو أحمد الريح برضو، وبيكتب في منتدى "عكس الريح".

http://www.drmoiz.com/phpBB2/viewtopic.php?p=362093&highlight=#362093

معاوية: إنت كمال شداد سخن بيك ولا شنو؟

يا معاوية ..

روق شوية .

يا عماد عبد الله


وجهة نظري يا اخوانا في الموضوع كالاتي.. اسم عماد عبد الله دة اسم شائع ومتداول.. يعني تقريبا ممكن يكون في مليون عماد عبد الله في السودان.. فمن الطبيعي انو يكون في منهم اتنين او تلاتة مشتركين في منتديات سودانية.. في اسماء مميزة او القاب بتكون اشتهرت باصحابها.. لو كان اسم عماد دة واحد منها ما كنا حنقول ليو حاجة.. بالنسبة لي البوست فيو نوع من انواع المبالغة وعدم الموضوع فقط.. لا اكتر ولا اقل..

اما بالنسبة للاخ عماد نفسو وتهذيبو فما اظن اني اتعرضت لسلوكياتو او اخلاقياتو.. اعتراضي على فكرة البوست فقط.. وكان ممكن يحل الموضوع دة بطريقة ودية لو مضايقو يعني.. مع انو ماف حاجة بتخلي عماد عبد الله بتاع الهوم يتنازل لعماد عبد الله بتاع الاونلاين عن اسمو. لانو هنا مف مقياس للتفاضل وكل زول معجب بروحو وباسمو.


اما لو كان حاسي مثلا انو عماد عبد الله التاني دة بيكتب حاجة ممكن تسيء ليو هو نتيجة لتشابه الاسماء.. فممكن كان بدل الهيلمانة دي ينزل ابراء ذمة زيو وزي اي ناس بيشتركو في اسم مع ناس تانيين.. يقول ببساطة يا اخوانا للتنويه وللعلم ان عماد عبد الله الموجود في سودانيز هوم ليس هو عماد عبد الله الموجود في الاونلاين ولا علاقة لي به. بدل البوست النزلو دة والريحة الشاميها والشينة الالله يكضبها

Quote: وبالمناسبة في واحد اسمو أحمد الريح برضو، وبيكتب في منتدى "عكس الريح".

إنت كويس يا أحمد ..
أنا طلع لي : ( الشهيد عماد عبدالله ) ..
لمن نطيت ..



تشكر يا بوحميد .

يا معاوية ياخي مالك؟ عماد دا من الأقلام الجميلة و المهذبة في الموقع دا. شخصيا أقرأه بصمت و استمتاع. من حقه يسأل و يتأكد و لا هاجم زول لا شتم زول. بالمناسبة عشان ما تفتكر الموضوع شلليات أول مرة أعلق في بوست لعماد لكن أشهد ليهو و لأخوهو كمان بأنهم ناس محترمين نفسهم.

كتير شكري يا العوض ..

عاجز عن شكرك على الكلمات الطيبة و كبيرة .
كنت فقط أتساءل إن كان هناك لبس - و من حقي التساؤل - ..
و يبدو ان الأمر لم يعجب أخونا معاوية ..

شكرا تاني و مليون يا العوض على كلماتك الجميلة ..
و اللي يا ريتنا نكون قدرها ..
و أشكرك عن الاخ صلاح عبدالله .

مودتي و عظيم تقديري .

كلنا مهذ بين


ولاحظو لي عماد عبد الله البيكتب هناك دا

Quote: : عماد عبدالله تاريخ التسجيل: 20-11-2006 المشاركات: 18

مسجل من سنه 2006 عندو 18 مشاركه مافيها اي كلام بتاع انو زول عندو هدف انتحال


يجي زولكم الكتاب دا يفتح موضوع سنه 2008


وما منو حقو يستفسر عن اسم بيكتب في منتدي تاني طالما انوما شعر في انتحال لي اسمو

أعتقد إنو دي أنسب فرصة لأخونا نوبي يرجع للمشاركة في البورد




بالله ما تنسى جيب معاك العدة

مشكور يا ود البشرى ..

و معاك نتساءل : فيصل وين ؟ ..
و ليه ما بيشارك ؟؟؟

عمـاد

وصلنى من فيصل نوبى ما مفاده ان الامر مجرد تشابه أسماء,,
وقد يحاول الإتصال بكــ ,,,الان او الرد عليك بإيميل نسبة لتعزر دخوله هنا


..

Quote: نسبة لتعزر دخوله هنا ..

Why??




and this is the first time to know that Nobi has web

الشهرة متاعب يا غــان .. تعرف قبل كم يوم كنت بفتش لي على حاجة تمبسيه كدا رايحه مني
قمت عملت بحث .. وعينك ما تشوف إلا النــور ..
أنــا ابقى برنـامج بلاي ؟؟
وكمان تم وضع المرحلة الأولى مني ..؟
لا وايه من سنة ( تسعين )
http://www.delegy.ec.europa.eu/AR/docs/prog6.asp

Quote: تم وضع المرحلة الأولى من برنامج تمبس فى عام 1990 استجابة لاحتياجات من أجل إصلاح التعليم العالى فى بلدان أوربا الوسطى والشرقية، فى أعقاب سقوط جدار برلين فى عام 1989. وهو يهدف إلى إصلاح نظم التعليم العالى وتحديثها بتنمية التعاون فيما بين الجامعات. وفى يونيه من عام 2002 تم مد برنامج تمبس إلى بلدان المشاركة المتوسطية ليتسنى لها الاستفادة من تجربة برنامج تمبس وشبكته القوية من التعاون فيما بين الجامعات. ويقوم برنامج تمبس بثلاثة أنواع من العمل: فهو يشجع المؤسسات فى الدول الأعضاء بالاتحاد الأوروبى والبلدان الشريكة على الانخراط فى تعاون مهيكل من خلال إنشاء "اتحادات" تقوم بتنفيذ مشروعات أوربية مشتركة بمجموعة واضحة من الأهداف. ويمكن أن تحصل هذه المشروعات على معونة مالية لمدة سنتين أو ثلاث. يقدم برنامج تمبس أيضاً "منحا فردية للتحرك" إلى الأفراد العاملين فى مؤسسات التعليم العالى لمساعدتهم على العمل فى أنشطة محددة معينة فى بلدان أخرى. قد يقدم برنامج تمبس أيضا المساعدة لأنواع معينة من الأعمال التكميلية. وتتراوح المؤسسات والمنظمات التى يمكن أن تشارك فى تمبس من مؤسسات التعليم العالى إلى المؤسسات غير الأكاديمية مثل المنظمات غير الحكومية، والشركات التجارية والصناعية والسلطات العامة.

وكمان شنــو .. في بكـان تاني ؟
http://www.egy-mhe.gov.eg/elam2006/detail_mar.asp

Quote: برنامج الاتحاد الأوروبي لدعم التعليم العالى بجمهورية مصر العربية ة ( تمبس ) والذي عقد بتاريخ 7/3/2006 بكلية الهندسة بجامعة القاهرة بحضور السفير كلاوس ايبرمان سفير الاتحاد الأوروبي بالقاهرة ورؤساء الجامعات المصرية ورؤساء مراكز البحوث وأعضاء الفرق البحثية المشاركة فى البرنامج . وقد افتتح الوزير معرضاً عاماً لكل المشروعات القائمة فى إطار برنامج الاتحاد الأوروبي لدعم التعليم بجمهورية مصر العربية وعددها 42 مشروعاً تضمن عرضاً للانجازات والتي تم تحقيقها في إطار تلك المشروعات والجدير بالذكر أن برنامج الاتحاد الأوروبي لدعم التعليم العالي ( تمبس ) هو أحد برامج الاتحاد الأوروبي المخصصة لدعم تطوير العملية التعليمية في مؤسسات التعليم العالي لمواكبة التطور الاجتماعي والاقتصادي ومشروعات التنمية، ويعتبر أحد روافد مشروعات تطوير التعليم العالي في مصر ، ويدار برنامج الاتحاد الأوروبي لدعم التعليم العالي ( تمبس ) مركزياً من مقر الاتحاد الأوروبي في بروكسل ويقوم المكتب الوطني للبرنامج بمصر بالتنسيق مع وزارة التعليم العالي لتحديد الأولويات التي يتم على أساسها تقدم الجامعات للاستفادة من التمويل المتاح لدعم عملية تطوير منظومة التعليم العالي في مصر . 7/3/2006

وفي واحد هنا بكتب بي تمبس عديل كدا ..
http://www.kuwaitup.com/vb/showthread.php?t=71054
بس خلي الصباح يجي البورد دا يشتغل بتلقاهو قاااعد وماخد راحتو حسع في صيانة ..

أخوك بعد العملية بقى مبرمج يا عمده
حاسي بي اني ح ابقى غندولي بعد كدا ..
انا عايز حق برنامجي دا

Quote: يقدم برنامج تمبس أيضاً "منحا فردية للتحرك" إلى الأفراد العاملين فى مؤسسات التعليم العالى لمساعدتهم على العمل فى أنشطة محددة معينة فى بلدان أخرى.

شفت كيف ؟؟
قال ليك يقدم منحا فرديه للتحرك .. ودخلوها بين " قوسين "
بعد كدا صلح معاملتك معانا .. عشان نديك منحا فرديه
الرقم بتاع التلفونالعندك ( بلـو ) واشرب مويتو .. انا ما فاضي ليك.. وما قاعد ارد من طرف

Quote: أنــا ابقى برنـامج بلاي ؟؟ وكمان تم وضع المرحلة الأولى مني ..؟

بالله برمجو بيك ؟؟
و من سنة تسعين كمان ؟
مع إنك زول - ما شا الله - شايفنك كويس .
فيها مرحلة تاني غير مرحلتك الكعبة دي ؟؟
و أنا أقول تمبس مالو ممرحل مالو ممرحل ؟؟
أتااااااريك !!!

Quote: يقدم برنامج تمبس أيضاً "منحا فردية للتحرك"

أهااااااااااا .. خلاص بدينا اللولوة بعد العملية ؟؟

Quote: انا عايز حق برنامجي دا

يا زوووول !!!
بالله كلامك ده يا غان ما يشوفو دكين ولا عصام جبرالله ولا أساسي ولا خدر ولا دينا خالد ..
بي ليلك ده تمسحو .. و الكمده بالرمده .

أسمع كلامي ..
أنا راجل أخوك و كده .

يا معاوية كلام أخوان كدة وأنا جدك

Quote: اما بالنسبة للاخ عماد نفسو وتهذيبو فما اظن اني اتعرضت لسلوكياتو او اخلاقياتو

عماد ده بتاعنا الهنا زول كويس جدآ .. وظاهر إنت ما بتعرفو ..
أنت غلطت معاهو وقلت ليهو كلام كتير ما بستحقو .. ما بجيبو هنا وبالله أمسحو .. أمشى مكتبته عشان تعرفو شوية ..



يا راوية نوبى بكون مانعو ود البشرى ده ..

يا ميلاد كلام اخوان برضو وانا ولدك انا بتعامل مع كل انسان بشكل وقتي.. بمعنى انو كتابتو في اللحظة الانا برد عليهو فيها هي فقط البتحكمني.. ما عندي دخل بتاريخو ومكتبتو ولا عندي اخلاق عشان اقعد اباري تواريخ كل زول قبل ما ارد ليو. ممكن انت تكون زول كتاب ومحترم ورهيب جدا لكن دة ما بيعني انو انا ملزم بتقبل مكل كتاباتك واتفق معاك في كل اراءك لمجرد انك زول محترم او معروف او كتاب الى اخره..

البوست الحالي للاخ عماد عبد الله غير موفق.. لا في طريقة الطرح ولا في المضمون.. فقط لا غير.. هذا واحتفظ للاخ عماد عبد الله بقدره ومكانته وقد ابدي الاعجاب به في بوستات اخرى اجدها موفقة حسب وجهة نظري البسيطة.

رافي (ياجدو)

Quote: عماد ده بتاعنا الهنا زول كويس جدآ .. وظاهر إنت ما بتعرفو .. أنت غلطت معاهو وقلت ليهو كلام كتير ما بستحقو .. ما بجيبو هنا وبالله أمسحو .. أمشى مكتبته عشان تعرفو شوية ..

قلبك ابيض



اما نوبي بكرة الفولة بتتملي

راوية العباسى

"كل سنة وانتى طيبة"



...
بمناسبة عيد ميلادكــــ

...

الموقع بتاع نوبى ,,,ونوبى عملوا من سنين تقريباً,,

Quote: يحيا الحب ...ويدوم هنانا

يحيا ..

Quote: وصلنى من فيصل نوبى ما مفاده ان الامر مجرد تشابه أسماء,, وقد يحاول الإتصال بكــ ,,,الان او الرد عليك بإيميل نسبة لتعزر دخوله هنا

شكرا يا ملك ..

تحياتي لفيصل ..
و برضو بتساءل : ليه بيتعذر دخول نوبي ؟؟؟

يا سلام على المواضيع البتفك القرفات

ضحكتى البديتا بعد بشتنة المتراشق طارق هناك ... تميتا في رشاقتك هنا...

انا من زمان حاسي انو في حاجة ما تمام

مرات اقول الشنب..

مرات النضارة...

مرات و مرات...

طلعت كايس شهرة.. wanna be

وين ود الجنرال و وين الكراون و وين بتاع الحجيج قطع

الفيك اتعرفت....
احسم خياراتك يا منقة... عاوز تبقي غنيان و لا مشهور في الاول ... خليك محدد و واضح و صريح ....

الشقي يعتر ليهو اسمو


اخونا معاوية... كلامى ده ما عندو علاقة بيك

راوية .... شنو يعنى؟

Quote: يحيا الحب ...ويدوم هنانا

ايامك.... تتذكرونا وقت المصايب بس


و شكرا

صاحب المشهور

يا صاحب المشهور ..

فولتير طلع أونطه ..
و الريديكيلس متحمدينك متحمدينك ..
و مافي ليك غيرو متاح .. بلا تمنّي بلا كلام فاضي معاك ..

قلنا ليكم في طور النقاهة من الفقر و الأصحاب الكتاحة ..
أقعد زازي إنت بي قفا الحقيقة لامن ينكرك الناس مليون .. قبل صياح الصايح .
يا قول البرغوثي : ( شهوةٌ للضمير الأنيق ) ..
و هيهات .. يسمّك .

قالوا الجابري الله يرحمو في عرس أهلكم بيغني : الشغل بالي أنا بريدو ..
وقفو وراهو شيالين من جماعتكم .. لطططططططططط ..
يقول : البحبو جميل ..
يشيلو بي قفاهو : عِلّي ناكر ..
- البحبو جميل ..
- عِلّي ناكر ..
خت العود و قال ليهم : عِلة جمل السفر إن شا الله .

دحين الشقي البيعتر ليهو شنو ؟؟
الشيالين .. ولّلا إسمو ؟؟

.....
قت لي فولتير قال كيف ؟؟

Quote: كنت فقط أتساءل إن كان هناك لبس - و من حقي التساؤل

يا عماد طبعا من حقك ان تسأل

ومن حق نوبي عليك ان يجيب

وقد إستجاب بسرعة لندائك عبر الملك

وهو يعني انت شوية عشان ما تسأل

ياخي انت من القلائل البقرأ ليهم كل ما يكتبو

ليك حق تسأل ولينا حق نسأل معاك

إنعام عبدالحفيظ ..
البنية البراااااحه .. و رزينة .

يسعد مساك .
و كتير تشكرات ..
بعدين زي الكلام السمح ده بيشكك الزول في روحو ياخ ..
كتر خير السبب الجابك يا إنعام .

و تاني شاكر كلماتك الطيبة .

يديكي العافية ..
مودتي .

إنت يا تمبس كان مدعوم من الاتحاد الأوروبي؛ ما تشوف لينا موضوع
الدنمارك والرسومات ده.

وبالمرة كده شوف لينا حل لى كمال شداد بى تلفون سريع كده لى بلاتر،
تلفونو بالمناسبة 2-5-3 00 أو 2-4-4 00

Quote: إنت يا تمبس كان مدعوم من الاتحاد الأوروبي؛ ما تشوف لينا موضوع الدنمارك والرسومات ده. وبالمرة كده شوف لينا حل لى كمال شداد بى تلفون سريع كده لى بلاتر، تلفونو بالمناسبة 2-5-3 00 أو 2-4-4 00

خلاص بدينا يا أحمد الريح ..؟
خليك جادي شوية وإنت بتتكلم معاي
يعني أنااسيب البورد دا واللا شنــو ؟؟

خلاص اي زول في الاونلاين يعمل اعلان


مافي زول يستعمل اسمو في منتدي تاني حتي لو كان اسمو الحقيقي


لان نحن البنكتب في الاون لاين ديل اسامينا مقدسه جدا وممنوع الاقتراب منها والتصوير




ايامكم


عندكم عقده الشهره مساكين والله

يا معاوية: عليك الله أضحك... عشان صورة الpost ده تطلع حلوة.

say cheeeeese

Quote: يا معاوية: عليك الله أضحك... عشان صورة الpost ده تطلع حلوة

احمد الريح بالجد انا بحترمك جدا


واسف جدا لو ظهرت بي وجه غاضب ....لكن شوف اصل الموضوع ...والناس البتعلق علي صاحب البوست دون الموضوع






اسفي واحتراماتي

شكرا ياملك على التهنئة هنا وفي الفيس بوك



عصام يازين دي تميمة نكسر بيها الفقر



عماد يا اخوي معليش انا حا اسكن في البوست الغير موفق دا

Quote: شكرا ياملك على التهنئة هنا وفي الفيس بوك عماد يا اخوي معليش انا حا اسكن في البوست الغير موفق دا

...
الله يخلى الفيسبوكــ

ويقطع سنين ماسنجر بكرى ابوبكر,,,

Quote: شوف اصل الموضوع ...والناس البتعلق علي صاحب البوست دون الموضوع

شكرا على الاحترام يا معاوية، ولك مثله.

علمتنا sudaneseonline ضرورة ربط فكرة الpost بصاحبه، يعني مثلا:
إنت هلالابي، لو عملت موضوع تنتقد فيهو هيثم مصطفى أنا بكون متأكد إنك
حادب على مصلحة الهلال، لكن لو Rakoba -مثلا- عمل كده أنا "بجي طاير
ليهو جوز"

عماد عبد الله -زولنا ده- رجل مأمون الجانب، من واقع مجمل ما يكتبه هنا،
عشان كده صعب علي أنا -وعلى أي زول متابع كتاباتو وأسلوبو- يقول إنو
يسعى للشهرة و...

cheese ولا ما cheese؟

طيب يا ابو حميد


زولنا عماد الهناك دا

تاريخ التسجيل: 20-11-2006

إجمالي المشاركات: 18

آخر مشاركة:

07-02- 2007

Quote: يعني أنااسيب البورد دا واللا شنــو ؟؟

تسيبو لا لا... أبدا على ما هاين

ال 18 مشاركه دي يا احمد الريح لو طلعتا لي فيها كلام يخلي عماد عبد الله الهانا يقول الله يكضب الشينه ويفتح بوست





انا حا اعتذر ليهو هسه قبال ما تصبح

Quote: ال 18 مشاركه دي يا احمد الريح لو طلعتا لي فيها كلام يخلي عماد عبد الله الهنا يقول الله يكضب الشينه ويفتح بوست

سلامات يا معاوية

يبدو أنا عماد(نا) ظن أن أحدا استغل اسمه لأسباب يجهلها، وعبر
عن ذلك بقوله "الموضوع فيهو ريحة ماياها... الله يكضب الشينة".

ما بالضرورة تكون مداخلات عماد (البى هناك) فيها حاجة مسيئة،
المهم إنو عماد(نا) ما شعر بالارتياح، وقام بمراسلة (أمين الموقع
داك)، ولم يتلق ردا، فقرر طرح الأمر هنا ليكون بمثابة توضيح
وحماية لاسمه الذي يهمه (زيو وزي أي زول)،

وزي ما شايف يا معاوية، الpost ده جاب فايدة لأنو (أمين الموقع
داك) طلع ولدنا... فيصل نوبي.

حاجة مهمة: دي أول مرة أكتب في post لعماد (فيما أذكر)، لكن
بيهمني جدا إنو أي زول (مأمون الجانب) يظل معانا هنا، عشان
الأغلبية تكون (مأمونة الجانب).

شنو يا مغربي ياخ؟ ما تصعبا... قول cheese ياخ.

أحمد الجميل ..
يا سيدي أخجلتني ..
فاقبل إعتذاري عن الزج بك في كر و فر لا طائل منه ..
و حتى أجنبك المزيد منه , فإني أعتذر للاخ معاوية ..
ليس عن ضعف حجة أو لكل ما ساقه من تبريرات غضبته , فقد أوردت حججي في الأمر .. و كفى .
لكن يبدو ان الأخ معاوية يصر على موقفه .. فله ما يريد .

و لك أنت ما لك من تقدير و احترام ..
كثير شكري على كل كلمة في حقي أوردتها يا أحمد ..
فقد استطال بها عنقي .

مودتي و امتناني .

بدر الدين الأمير
Tragie Mustafa
رأفت ميلاد
esam gabralla
Emad Abdulla


أهلنا قالوا لينا ، لمن الكبــار يتكلموا ، السغار يسكتوا

أبوساندرا وينو ، عشان يكمل مجلس الشيوخ ده ؟؟؟

Quote: فاقبل إعتذاري عن الزج بك في كر و فر لا طائل منه

أنا ما عاوز اعتذار يا عماد، بس لو معاوية {ألح يلح إلحاحا}
بحاسبك بى over time

وبالمناسبة، معاوية ده ولدنا (هلالابي يعني)، وأصر على موقفه
بدون ما يقصد أو يكتب حاجة مسيئة ليك "نسبيا".

Quote: وبالمناسبة، معاوية ده ولدنا (هلالابي يعني)، وأصر على موقفه بدون ما يقصد أو يكتب حاجة مسيئة ليك "نسبيا".

يا معاوية شفت الـ (ٍٍSense) بتاع الكباتن الكبار

عمدتنا ما (عمدة بيت السودانيين) يازول إحنا في المنابر حدنا هنا
وأي حاجة تجي من (عمدة) براني أكيد ما بتشبهك
و للا انت عندك دروب تانية؟؟؟؟
معاوية ده حبيبنا و برضو ( معاويتنا) و مهما حكاها معاك ما أظن الموضوع حيتجاوز الأحترام و التقدير
و للا شنو يا حضرة (المايسترو مغربي) .... حكيتها لما جابت الدم
الأيام كفيلة لتجلية ما غبر خصوصا بعد (المايسترو) يخت الكورة في الواطة و بعد داك يجدع الباصات الـ screw و الـ one two
و بحضور الكابتن أحمد الريح ... سلامات يا حبيبنا و طلتك منورة ....
فتكم بعافية يا شباب
و have a nice weekend (دي لناس معاوية و أحمد الريح)
أما عمدة فتصبح على خير
ملحوظة:-
أتوقع نهايةسعيدة لهذا البوست

Quote: أتوقع نهاية سعيدة لهذا البوست

ليه إنت قايلو مسلسل مصري؟

معاوية: خليك على موقفك، نحن دايرين فيلم واقعي شوية
___________________________________________

أهلا بيك يا غباشي، بس زح شوية كده. الفيلم بقى واقعي وماسكو
يوسف شاهين، والزول ده جـادي وما بحب الضيوف في مكان التصوير.

Quote: بس زح شوية كده. الفيلم بقى واقعي وماسكو يوسف شاهين، والزول ده جـادي وما بحب الضيوف في مكان التصوير.

كان كدة خلاص .... أنا راجيكم (لحين ميسرة) بس عليك الله نادي لي خالد يوسف لو قاعد مع يوسف شاهين

وين يا غباشي كيف الاخبار


خلاص عشانكم روقنا

بس اخر حاجه وامشي

فتشت ال 18 مشاركه لي عماد عبد الله المعانا هناك لقيتا كلها اغني وفيديو وحاجات فرايحيه كدا

الا مشاركه واحد وكانت خاصه بي اخونا سامي عبد الوهاب

Quote: 1000 الف الف حمد لله علي السلامه يا سامي وربنا يديها الصحه والعافيه وكل امهاتنا الغاليات وجميع المسلمين والمسلمات قولوا امييييييييييييييييييييين يا رب العالمين

احتمال عشان دي عماد الهنا قال الله يكضب الشينه ؟؟؟



غير كدا ما لقين حاجه



وخلاص ضحكنا يا احمد

Quote: كان كدة خلاص

خلاص شنو؟ ماشي يعني؟

هـي فـوضـى ؟!

Quote: هـي فـوضـى ؟!

لا عندليب الدقي
ماماشي .. بس عشان يوسف شاهين ماياخد بالو
_________________________________________
على النعمة انت مزاجك عالي أوي النهاردة
أحلى weekend يا ود الريح

يامغربى
(معاوية حسين)

كنا معاكم لحظة إفتتاح المنبر وافتكر كان هذا بوستى الأول هناك:

http://www.sudanesehome.com/forum/showthread.php?t=124
وكانت عبارة عن تحية للأعضاء المسجلين وقتها (من واقع قائمة الأعضاء) على منوال ياجوهر صدر المحافل.

وكنت أنت هنا:

محمد واحمد شع نورم
والاناكوندا بقت سحورم
فى المغرب معرف بزورم
وبوب لاجم المهره العنيده

وانت كذلك رجل خلوق لاشك.

الأخ عماد وضيوفه تحية
مع احترامي لجميع وجهات النظر
فإني أجد للأخ حسين بعض العذر
في ثنايا عبارات مثل :

Quote: للمشرفين على الموقع داك .. من هو ( عماد عبدالله ) التاني ؟

Quote: الموضوع فيهو ريحة ماياها .. الله يكضب الشينة

Quote: علماً إني راسلت أمين الموقع أستفسر .. و لا حياة لمن تنادي .

وحتى العنوان :

Quote: من يكتب تحت إسمي في ( بيت السودانيين : Sudanese Home ) ؟؟؟

وفي ظل ما نعرفه عن منتديات الحوار السودانية
يظل التباس فهم مقصد البوست محتملا
مع اتفاقي مع كل من أثنى على تهذيب الأخ عماد!!
ثم إن البوست جر على ذلك الشخص الآخر المجهول الغائب
وصفه بأنه وهم دون إنكار من أحد !!
بل وصا الأمر إلى اتهامه بجريمة:

Quote: التسجيل باسم بعد ان كتب به شخصا يكاد يكون انتحال و الدليل انه عماد عبد الله مشى يفتش عن انتاجه هو جاءه اسم الزول ده

ما ذنبه ؟
أكرر احترامي للجميع
_______________
بالمناسبة هذا الشخص محمد الحسن سليمــان
http://minosmania.spaces.live.com/feed.rss
لست أنا

Quote: طيب أنا الهنا ولّلا الهناك ؟؟

وبقت حياتي مقسمه...
نص في الارض ونص السما
ياهو نفس الحال....وهاك الكاشف وعصام محمد نور

اخونا عماد عبدالله ازيك.....
غايتو انا بعرف زول كتاب جدا وشاعر كمان اسمو عماد عبدالله البليك ...وهو فى الاصل مهندس معمارى
تخرج فى جامعة الخرطوم فى العام 96 يا(عجوز)والدفعتك(لواءات) ..واثناء دراسته كان يكتب فى بعض الصحف...
عماد عبدالله هذا كان يعمل فى الدوحه لوقت قريب ..والآن حسب علمى هاجر الى مسقط...
كفايه ولا أزيدك...و وووووووووووووووووووين كوبانى بالمناسبه دى.....

الى الرئة السليمة الباقية لينا عماد عبد الله ....

تشابه الاسماء فعلا مشكلة ممكن تدخل الانسان في متاهات هو في غنى عنها ...

بالذات اذا الشبيه كان ( كلامو مشبوه ) وبيجيب الهوا البارد ...

لكن سميك في ( بيتنا ) وعلى فكرة انا عضوة هناك ودة الاسم البنقولو كلنا لبيت السودانيين ...

سميك دة ما من ناس الكلام المشبوه يعني ما منو خوف ...

(معاويتنا) ولدنا مغربي .. من الاعضاء النشطين جدا .. والغيورين جدا على بيتنا ... وبالتاكيد في جملة انت ما قصدتها استفزته وخلتو ينبري للدفاع عن الهوم وناسو ...

Quote: علماً إني راسلت أمين الموقع أستفسر .. و لا حياة لمن تنادي .

ارجو انك تراجع ايميلك وتلفونك ... نوبي اهتم جدا بالرد عليك ورسل ليك ايميل بخصوص الموضوع .. واتصل بيك هاتفيا ولسؤ الحظ انت ما رديت ...

تعرف يا عماد ... انت ما تخاف زول ينتحل شخصيتك ... كلامك زي البصمة .. ما بتلقي عند اتنين حتى لو توأم متشابه

ولو مليون كتب باسم عماد عبد الله ... طعامة الحكي بتخلي ناسك تفرزك ...




ـــــــــــــــــــــــ
تحيات كتار ...

انا مافاهم اي حاجة
هسي نحن بنتكلم مع عماد
الهنا
ولا
الهناك ؟؟؟؟

Quote: ارجو انك تراجع ايميلك وتلفونك ... نوبي اهتم جدا بالرد عليك ورسل ليك ايميل بخصوص الموضوع .. واتصل بيك هاتفيا ولسؤ الحظ انت ما رديت ..

شكرا الجميله سناء جعفر


وفعلا الاخ نوبي رد علي الاخ عماد من المداخله التالته تقريبا ولم يشر الاخ عماد الي هذا الرد



وهذا ما زاد شكوكي من الهدف لفتح هذا البوست


وتحياتي للجميع

معاوية ..

فلتعلم ان هناك الكثير من الحالات على مستوى السايبر و التي قام فيها آخرين و لغرض محدد بانتحال شخصيات ليست لهم , أو وجود شخصيات وهمية بأسماء غير موجودة و تمارس ما تمارس .. و قد حدثت و ستظل تحدث و حتى هنا في هذا الموقع . امناء المواقع و المشرفين يقعون في مثل تلك الأخطاء أحياناً , و يمنحون العضوية لمثل أولئك الأشخاص بحسن النية او عن ثقة فيمن رشحهم . فإن لم تكن تعلم ذلك فاعلم الآن . و ذلك ما دعاني لقول ( شامي ريحة ما ياها .. و الله يكضب الشينة ) . فلإن كنت تعتبر أن ليس في ذلك شيئا و ان الأمر عادي , فذلك اعتقادك , اما انا فأرى أنه يستلزم التوثيق و التأكد حتى أجنب نفسي ما قد ينشأ عن مثل هذا الخلط مستقبلاً , بغض النظر عما يكتبه من يشترك معي في نفس الإسم . قد لا يعني لك ذلك شيئاً , إلا انه يعنيني .
فتحت هذا الموضوع ليس حبا في الشو أووف ولا بحثاً عن شهرة أو الغرض أو كل تلك التوهمات التي جئت بها . هدفي كان واضحاً من كتاباتي الأولى . ما زاد من قلقي هو عدم الرد من مشرف الموقع على رسالتي , علماً بأنني لم أتجاوز فيها حدود الإستفسار عمن هو ( عماد عبدالله ) الذي يكتب عنده , فليس مقبولاً و لا منطقياً عند أي شخص مسؤل عن وسيلة إعلامية ان تساور الآخرين شكوكاً في من يستكتبه , أو أن تختلط على قراءه أسماء الكتاب أو المشاركين , أو تلتبس عليهم الأسماء المتطابقة . هذا غير الحقوق الأدبية و الفكرية لصاحب الموقع و الكاتب .
حدث كل ذلك ذلك قبل أن أعلم ان أمين الموقع هو الاخ فيصل نوبي . و بشهادة الأخ ناجي الملك و الذي أزعجته بالإتصال مساء أمس , و لك مراجعة فيصل نوبي إن كان يعتقد بأنني من الذين يتقصدون الغرض أو يسعون وراء أهواءهم , فلا هي إحدى هواياتي و لا عندي لها مقدرة .
و قد إنبريت انت في مداخلتك الأولى لنفي وجود أي شخص بذات الإسم في موقع نوبي , و جئت لك بما يثبت عكس حديثك , طفقت بعدها تكيل لي و لمن كتب في الموضوع متهماً الكل بحب الشهرة إلى ما غير ذلك من الكلام الفطير و غير المؤسس . و ما زلت تكر السبحة بنفس المثابرة التي أحسدك عليها .
لم اتهم الأخ الذي يكتب باسم عماد عبدالله بأي ما يمسه او يشين , و لا كذلك تعرضت للأخ فيصل نوبي ( و بيني و بينه ود و احترام متبادل ) فليس ما يستدعي شطط القول و الرمي بالعواهن يا سيد معاوية .
و للعلم فإنني لم أتلق - حتى الآن و انا أكتب هذه المداخلة - لم أتلق أي بريد من الأخ فيصل نوبي أو أي من له صلة بموقعكم . و لا كذلك تلقيت مكالمة هاتفية منه .. وربما لم يحدث ذلك لسببٍ أو لآخر , إلا أنني و حتى اللحظة لم اتلق منه شيئا.
في كل ما كتبته لك كنت أحاذي ألا أنجر إلى ما لا يليق , و اعتذرت لك هنا , فقط حتى تكف عن رمي الإهانات المبطنة , و تحميل الآخرين مؤونة الدخول إلى حيث لا يطيقون , و اعتبرت الموضوع منتهياً بيني و بينك .. فليس ثمة ما يجمعنا إلا الكتابة في هذا الموقع و قليل من احترام متبادل تتطلبه الزمالة .
أن أصمت عن الرد على ما افترضته عندي من غرض و تقولك عليّ ببعض الإيحاءات غير المقبولة , لا يعني شيئاً إلا أنني لا أود الخوض في وحل السجالات غير المجدية حتى لا أفقد احترامي لنفسي و للزميلات والزملاء الذين يكتبون هنا , و لمن يقرأ .
لذلك أرجو منك الكف عما يجر للمزيد من الشد و الإسقاط , فليس أسهل من الخوض فيهما .
أما قولك عن رد الأخ نوبي من المداخلة الثالثة , فقد قمت بالرد على مداخلة الأخ ناجي الملك حين اوضح لي أن فيصل سيتصل و يرسل بريدا , و أن الأمر مجرد تشابه أسماء , كنت من بعدها أرد على مداخلات الأخوة و الأخوات الذين شاركوا , و من باب التقدير لما كتبوه , و دون ان أمس موقع بيت السودانيين ولا الأخ فيصل نوبي أو الأخ عماد عبدالله بأي كلمة غير لائقة .

و دعني أعتبر الموضوع مقفلاً عندي .. فلا طائل وراء المزيد من الحرث في البحر .

تحياتي .

طيب يا اخ عماد عبد الله

فعلا لا طائل نقفل الموضوع علي حق





دي صوره من المراسلات والردود بينك وبين امين الموقع


ممكن تحمل الصوره من هنا لو ما واضحه


ولك احترامي

واتمني الاعتذار للموقع

هو نوبي الشقي دا وقت برد و برسل إيميلات وبضرب تلفونات
ما تكلموه ياخي يرجع العدة

ودالبشرى , ياخي عليك الله (أقعد ساي)
برانا ما قادرين نضحك ..

Quote: ما تكلموه ياخي يرجع العدة

شكرا معاوية .
بعد صورة الإيميل التي أرفقتها .. قمت بمراجعتي للـ BULK MAIL و وجدت رسالة الأخ نوبي التي أوردتها ..
أعتذر لنوبي , عن عدم انتباهي لبريده , و أشكر دعوته للإنضمام لكتاب موقعه ..

و بعدين يا نوبي ..
إنت من زمان ما تقول لينا عندك موقع و تعزمنا ياخ !!
غتاتتك دي ما داير تخليها ؟؟
هسه لو لبيت دعوتك دي و جيتك بهناك .. نبقى إتنين ( عماد عبدالله ) وللا كيف ؟

عموماً باعتذر ليك مرة تانية ..
و يا ريت أتعرف بالاخ عماد عبدالله .

.......
و يا معاوية ..
روّق شوية .. بتعيا .

تحياتي .

الأخ عماد تحية
هل تنازلت عن طلب اتخاذ اللازم
حتى وإن كان الأمر مجرد صدفة وتشابه أسماء
ما هو العجب الذي وجدته مكتوبا تحت اسمك
فأفضى إلى الحرج ؟

نهاية سعيدة يا خال
لكن انا الأسعد

لأني عرفت إيميلك و حا ارسل ليك فيه إيميلي عشان خاطر تفرودلي
وعرفت إيميل نوبي و حااجننو فيه لغاية ما يرجع العدة

ودا ايميلي يا ود البشري وانا سعيد جدا بمراسلتك


[email protected]

Quote: نهاية سعيدة يا خال

شفت كيف أخوك كلمتو ما تنزلش الأرض أبداً

Quote: ....... و يا معاوية .. روّق شوية .. بتعيا . تحياتي .

الحمدلله

أنا طلعت براءة

Quote: هل تنازلت عن طلب اتخاذ اللازم حتى وإن كان الأمر مجرد صدفة وتشابه أسماء ما هو العجب الذي وجدته مكتوبا تحت اسمك فأفضى إلى الحرج ؟

إنتو ياجماعة الحفلة دي مش لملموا كراسيها ؟؟؟؟
وتيب !!

Quote: طيب أنا الهنا ولّلا الهناك ؟؟

.

Quote: إسمس الما بيغباني .. لكن أنا ما انا !! راسي ضرب ياخ .. بقيت في : يا ربي أنا ياتو ؟

:

لست أنا ولست هو ... فمن أنا ومن هو
فياهو قل أنت أنا ... ويا أنا هل أنت هو
لا وأنا ماهو أنا ... ولا هو ما هو هو
.
مافى الوجود غيرنا ... أنا هو وهو هو
فمن لنا بنا لنا ... ومن له به له
.
"ابن عربي"

.

يااااااااااعماد ؟؟؟؟

هسه فى ذمتك كان اخير ليك السطو على اسمك .... ولا معاوية دا ؟؟؟؟؟؟؟؟؟؟؟؟؟

ديناخالد والله ضحكتينى جنس ضحك ,,, انتو ياناس بتجيبوا الحلاوه دى من وين ؟؟؟

بس يادينا انتى ماقريتى كلام صلاح عبدالله ,, ماقال ليكم الحفله دى لموا كراسيها .


عماد عبد الله
ـــــــــــــــ

قواتنا كانت على أهبة الاستعداد تراقب فى الموقف , قف , كنا على أهبة الاستعداد لصد أى
محاوله للنيل من ( عمادنا) , قف , لهم عمادهم ولنا عمادنا , ولانامت أعين المحبين ,,,

الكرفته وجيهه بالمناسبه

تعرف يا عمدة انا بعرف كم زول اسمو عماد عبدالله؟

سناء ومغربي وبروبر وحبشتيانو في زول فيكم بعرف عماد "الهناك"؟ عشان خاطر عماد "الهنا"

اخونا عماد

تحياتي ...

انا ضربت علي القوقل اسمي الالكتروني سمير ابراهيم .... لقيت سمير ابراهيم في منابر ساق النعام ومنابر الشكابة شاع الدين ولقيت سمير ابراهيم في منابر حلقات الذكر وكمان المنافي الالكترونية ..

نحن للاسف الشديد ابناء السودان نسيء الي الاعلام الالكتورني ... خاصة بعد ان اصبحت المنابر مرتعا لتصفية الخلافات الشخصيه والسياسيه ووكرا للعملاء والجواسيس وناشطي عقوق الوطن وعقوق الانسان وعقوق الوالدين ..

كل الشعوب تغني للوطن ونحن نغني ضد الوطن ...

تخريمة .......

ان الظلم يجعل من المظلوم بطلا، وأما الجريمة فلا بد من أن يرتجف قلب صاحبها مهما حاول التظاهر بالكبرياء .
لئن كسر المدفع سيفي فلن يكسر الباطل حقي

من اقوال الشهيد البطل
عمر المختار
__________________

أنا بعرف عماد الهناك...وهو ليس عماد الهنا...
عماد الهناك ود حلتنا لما كانت حلتنا هناك عديل كده...وهو في بداية الثلاثينات
وعماد الهنا مفروض يكون برضو ود حلتنا لما جات حلتنا هنا لكن ما شفتو ولا شافني بس شفت اخوه صلاح وفي الاربعينيات

عماد الهناك اصغر اخوانه...وليس من بينهم صلاح وشفتو وما شفت اخوه الاكبر منو.

عماد الهناك دا اسمو الحقيقي وعماد الهنا دا اسمو الحقيقي
واحد في قطر والتاني في السعودية...

الحلتين المقصودتين...الديم والتانية اسمها النوراب

يا عمـدة ..
كمـان معانـا عماد عبد الله ايضا في
منتدى محبي المريخ ..
دا إنت ولا واحد تاني ؟؟

عماد يظهر انو معاويه قطع طاريك ونوى على ,,, يحلنى الحله بله ,,,