Post: #1
Title: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-10-2006, 01:26 PM
الجريمة التى روعت السودان واهله لم تكن مستبعدة فى هذا العهد الغيب
بعد ان جلب لنا ملالى الخرطوم اردأ بضاعة من افغانستان وايران..لم يكتفوا
باسلوب اغتيال الشخصيات واذلال البشر وتجويعهم حتى جاءنا رسل اخر الزمن
بنهج لم يالفه اهل السودان المتسامح وهو التصفيات الجسدية..وكالعادة صرح وزير
الداخلية ان الجريمة قيدت ضد مجهول ..فاذا كان هذا هو الحال فمعنى ان هنالك
انفلات امنى .عليه ترجل من الموقع واتركه للامين على البلاد وارواح العباد .
هذا التخويف والتنكيل يفرح له كبار اهل الانقاذ فكثيرا ما نشاهد هولاء وهم يهتزون
طربا كلما جاءهم معتوه يهتف وهو يحمل سكينا ويقول لا للامريكان..فهل هذه السكين
لتخويف بوش وبلير والمجتمع الدولى؟؟لا هذه السكين لكل من يقف مع وجود قوات اجنبية لحفظ
السلام..وضد كل من تسول له نفسه ان يستنكر الزيادات فى الاسعار..او يستنكر
اهمال الحكومة قضية الفيضانات..ويسمي اهل الانقاذ تسيبهم هذا ابتلاءات وامتحانات.
نقول للبشير ولوزير الداخلية ولصلاح قوش ولنافع ابشروا ربح البيع وظهرت بوادره فى مقتل
محمد طه محمد احمد والايام حبلى،،،
|
Post: #2
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: A.Razek Althalib
Date: 09-10-2006, 01:38 PM
Parent: #1
صديق الموج..
من بعد التحية..
الجريمة شنيعة شنيعة..
فوق دي مافي شكـ..
ولكن حكاية..
Quote: ..لم يكتفوا
باسلوب اغتيال الشخصيات واذلال البشر وتجويعهم حتى جاءنا رسل اخر الزمن
بنهج لم يالفه اهل السودان المتسامح وهو التصفيات الجسدية.. |
التصفيات الجسدية لا يتحدث عنها أعضاء الحركة الشعبية..
ومنسوبي الحزب الشيوعي..
ويكفي ياسر عرمان عضو البرلمان مثال..
كفاية مثل لذلك بعد كتل الكتيل والمشي في جنازتو..
والحكاية دي..
ومن قبل وبعد قصر الضيافة والجزيرة أبا..
وحكاية كل ما أنبت الزمان قناة..
ركب اليسار ذاتو سنانها..
فهم رعيلها الأول..
|
Post: #3
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-10-2006, 02:05 PM
Parent: #1
صديق الموج..
من بعد التحية..
الجريمة شنيعة شنيعة..
فوق دي مافي شكـ..
ولكن حكاية..
Quote: ..لم يكتفوا
باسلوب اغتيال الشخصيات واذلال البشر وتجويعهم حتى جاءنا رسل اخر الزمن
بنهج لم يالفه اهل السودان المتسامح وهو التصفيات الجسدية..
Quote: التصفيات الجسدية لا يتحدث عنها أعضاء الحركة الشعبية..
ومنسوبي الحزب الشيوعي..
ويكفي ياسر عرمان عضو البرلمان مثال..
كفاية مثل لذلك بعد كتل الكتيل والمشي في جنازتو..
والحكاية دي..
ومن قبل وبعد قصر الضيافة والجزيرة أبا..
وحكاية كل ما أنبت الزمان قناة..
ركب اليسار ذاتو سنانها..
فهم رعيلها الأول.. |
عبد الرازق العزيز..اولا انا قلت فى جريمة لكن شكرا لتاكيدها انها من صنعكم
والدليل..الولو
يا عبد الرازق انت لسه مصدق اعلام الانقاذ انه ياسر عرمان كتل ليه زول وهارب
ياخى انت متاخر خلاص..الراجل جاء راجع السودان وما فى اى انسان وجه له
تلك التهمة الكريهة وبدليل انه بظهر علنا..
بالله يا عبد الرازق بدل تستنكر معاى هذه الطريقة لحسم البشر تجى
تقول لى الحركة الشعبية والشويعيون...ياخى انا ضد سلفاكيير زاتو لو اتعامل مع
عبد الرازق الطالب بهذه الطريقة البشعة..انا بقول انه هذه الطريقة
لتصفية الخصوم لم يعرفها تاريخ السودان الطويل ..خطف وقتل اعوذ
بالله منكم.....شكرا لتاكيد ان هذه الافعال لا يقدم عليها الا من تدربوا فى ايران
والعراق وافغانستان،،،
|
Post: #4
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: A.Razek Althalib
Date: 09-10-2006, 02:38 PM
Parent: #3
صديق الموج..
صنعكم شنو ياخي..
يا صديق الموج شايفني لواء ولا مركب لي مقص مكنة..
ياخي ما تبقي زول عقلكـ في عضانكـ وداير تبقي خال لينا بالوهمة الفاضية ساكت دي..
شوف كلام الجنجويدي كينغيبي بتاع الإتحاد الأفريقي ده وبعد كده..
تعال نشوف حكاية عرمان العرد فات شايل ليهو رقبة فوق رقبتو ليوم الدين دي..
يا صديق..
من سن سنة سيئة له وزرها ووزر من أتبعها..
يا صديق..
كده شوف ديل ما الناس السنو بسنتكم والكنتو بتؤيدو فيهم..
كده شوف ممثل الإتحاد الأفريقي الطالبت بيهو الحركات المسلحة قال شنو..
هنا مسؤول بالاتحاد الأفريقي يصف متمردي دارفور باللصوص الجزيرة نت..
ولا العرب ديل جنجويد يستاهلوا أكتر من كده..
كينغيبي ذكر أن متمردين من حركة تحرير السودان قتلوا عددا غير معروف من البدو العرب وخطفوا سبعة آخرين وسرقوا آلاف الجمال (الفرنسية-أرشيف
)
Quote: وصف الممثل الخاص للاتحاد الأفريقي بابا غانا كينغيبي متمردي دار فور باللصوص، في إشارة إلى الأعمال التي يقومون بها ضد العرب السودانيين.
وقال في تقرير للاتحاد حظي بالقبول إن الهجمات التي يتعرض لها العرب على أيدي متمردين في منطقة دارفور المضطربة بالسودان تماثل "أعمالا لصوصية".
وذكر كينغيبي أن متمردين من حركة تحرير السودان قتلوا عددا غير معروف من البدو العرب وخطفوا سبعة آخرين وسرقوا آلاف الجمال قبل عشرة أيام.
وأضاف أن المتمردين هاجموا قرية ميلام التي تبعد نحو 50 كلم شمال نيالا عاصمة ولاية جنوب دارفور وتسببوا في أعمال غير إنسانية.
وطالب الاتحاد الأفريقي المتمردين بالإفراج عن المخطوفين وإعادة الثروة الحيوانية التي نهبوها، مشيرا إلى أن الحادثة قد يكون لها أثر سلبي على محادثات السلام المتعلقة بدارفور.
وشجب التقرير المتمردين لرفضهم التعاون مع وسطاء الاتحاد الأفريقي لحل الأزمة في دارفور، والمقرر أن تستأنف المباحثات في أبوجا يوم 15 سبتمبر/أيلول.
|
أسمع سيبكـ من ياسر عرمان هسعي..
ديل كيف..
الخطف والكتل والسرقة الأتعرضو ليها بشعة ولا ما بشعة..
أحداث دي.. بشعة ولا ما بشعة..
ولا ديل رعوية يستاهلوا أكتر من كده..
البشاعة بشاعة إينما حلت ووجدت..
|
Post: #5
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: DKEEN
Date: 09-10-2006, 03:41 PM
Parent: #1
Quote: نقول للبشير ولوزير الداخلية ولصلاح قوش ولنافع ابشروا ربح البيع وظهرت بوادره فى مقتل
محمد طه محمد احمد والايام حبلى،،، |
العزيز ود الموج
انتا مسؤل بنسبة 30% من مقتل محمد طه محمد احمد كحركة مستوحدة في حكومة واحدة..
انتا عندك 30 % تقصير امني ..
و30% مسؤلية عن من اي حالة اعتقال حصلت مؤخرا..
و30% مسؤلية عن اي حالة فقر حصلت خلال السنة الفاتت..
و30% مسؤلية عن مايحدث في دارفور..
و30% مسؤلية عن وفاة الذين توفاهم الله يوم الاتنين القبيح ..
و100% مسؤلية عن مذبحة ابناء الشمال في ربكونا..
انتا اصلا مفترض ماتتكلم عن الحكومة يا ود الموج
انتا ممثل الحكومة بنسبة 30% في الرياض دي..
انتا ذاتك ابشر معاهم فقد ربح بيع من بايعت...
او تبرأ منهم اجمعين..
|
Post: #6
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: A.Razek Althalib
Date: 09-11-2006, 03:06 AM
Parent: #5
( 30% ) مسئولية وإستوحاد..
| Quote: انتا مسؤل بنسبة 30% من مقتل محمد طه محمد احمد كحركة مستوحدة في حكومة واحدة.. |
ما شوية..
لكن برضو أحسن من لا شيء..
والله ينصر دينكـ يا دكين..
|
Post: #7
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: A.Razek Althalib
Date: 09-11-2006, 03:07 AM
Parent: #5
( 30% ) مسئولية وإستوحاد..
| Quote: انتا مسؤل بنسبة 30% من مقتل محمد طه محمد احمد كحركة مستوحدة في حكومة واحدة.. |
ما شوية..
لكن برضو أحسن من لا شيء..
والله ينصر دينكـ يا دكين..
|
Post: #8
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: محمد ابراهيم قرض
Date: 09-11-2006, 03:55 AM
Parent: #1
عبد الرازق ..
هل الشناعة تبرر الشناعة ؟؟
هل الخطأ يبرر الخطأ ؟؟
لو قتلت الجبهة و الشيوعيون و .. و ..
فإن هذا لا يبرر المزيد من القتل ..
يجب أن نقف جميعنا ضد القتل من ناحية
المبدأ ...
|
Post: #9
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: Elawad Eltayeb
Date: 09-11-2006, 05:44 AM
Parent: #8
Quote: الجريمة التى روعت السودان واهله لم تكن مستبعدة فى هذا العهد الغيب
بعد ان جلب لنا ملالى الخرطوم اردأ بضاعة من افغانستان وايران..لم يكتفوا
باسلوب اغتيال الشخصيات واذلال البشر وتجويعهم حتى جاءنا رسل اخر الزمن
بنهج لم يالفه اهل السودان المتسامح وهو التصفيات الجسدية..وكالعادة صرح وزير
الداخلية ان الجريمة قيدت ضد مجهول ..فاذا كان هذا هو الحال فمعنى ان هنالك
انفلات امنى .عليه ترجل من الموقع واتركه للامين على البلاد وارواح العباد .
هذا التخويف والتنكيل يفرح له كبار اهل الانقاذ فكثيرا ما نشاهد هولاء وهم يهتزون
طربا كلما جاءهم معتوه يهتف وهو يحمل سكينا ويقول لا للامريكان..فهل هذه السكين
لتخويف بوش وبلير والمجتمع الدولى؟؟لا هذه السكين لكل من يقف مع وجود قوات اجنبية لحفظ
السلام..وضد كل من تسول له نفسه ان يستنكر الزيادات فى الاسعار..او يستنكر
اهمال الحكومة قضية الفيضانات..ويسمي اهل الانقاذ تسيبهم هذا ابتلاءات وامتحانات.
نقول للبشير ولوزير الداخلية ولصلاح قوش ولنافع ابشروا ربح البيع وظهرت بوادره فى مقتل
محمد طه محمد احمد والايام حبلى،،، |
التسوي كريت في القرض .... تلقا في جِلِدا
بضاعة العنف التي جلبها الإنقاذيون ستكون وبالاً عليهم قبل غيرهم.
فالتاريخ سيحكم عليهم بأفعالهم السوداء من ليلة تعديهم على الحكم رغم إرادة الناس.
والعقيدة السمحة ستحكم وتشهد عليهم بتجارتهم بالدين من أجل الوصول لكراسي الحكم والبقاء فيها بأي ثمن.
فهم - في النهاية - لا يمكرون إلاّ على أنفسهم.
والله خير الماكرين.
وسيذهب الزبد جفاء.
وسيبقى الطيبون.
|
Post: #10
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: إسماعيل التاج
Date: 09-11-2006, 06:14 AM
Parent: #1
يتحدث الموج عن منهج جاءت به الإنقأذ وأتبعتـه في سياساتها المستمرة في إنهكاك وإفقار وإتعاس وترويع الشعب السوداني. وهـا هي حصيلة ذلك الزرع تتجلى في اغتيال أحد كوادرها. فحصدوا ما زرعـوا. هذا جانب من الحديث.
تحياتي يا موج.
|
Post: #11
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: فتحي البحيري
Date: 09-13-2006, 08:37 AM
Parent: #10
تسلم يا موج
قت أخش
أشوف زولي دا اتكوزن ولا شنو
لكن الحمد لله
المتلك دهب
والدهب ما بصدي
|
Post: #12
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 01:58 PM
Parent: #1
عبد الرازق الطالب كان دى مداخلاتك..
اذن فليمدد الشيخ رجليه!!!!
|
Post: #13
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 02:40 PM
Parent: #1
Quote: العزيز ود الموج
انتا مسؤل بنسبة 30% من مقتل محمد طه محمد احمد كحركة مستوحدة في
حكومة واحدة.. |
دكين يا اخوى انت قصدك كحركة مستوحشة؟؟
ماذا تعنى 28%جنب52%
حسبنا الله ونعم الوكيل
|
Post: #15
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: DKEEN
Date: 09-13-2006, 03:23 PM
Parent: #13
| Quote: دكين يا اخوى انت قصدك كحركة مستوحشة؟؟ |
حركة مستوحشة ..حركة منبطحة ..حركة مستبطخة ..حركة في شكل وردة
المهم انتا جزء رسمي من الحكومة..
او حركة من حركات الحكومة..
ود الموج
ممثلي الحركة الشعبية بيعشو في تناقض غريب وحاد
مواقف مابتقدر تعرفها من اين تبع والى اين تصب..
تشتغلو لي ناس المؤتمر تحت تحت وانتو خاشين معاهم في شراكة رسمية وقاسمين معاهم كل شي..
يعني ما تقعد تجقلب لينا هنا وتقول لينا حكومة ظالمة وفساد مستشري..وانا نسبتي من السلطة شوية
انتو وكت ما مقتنعين بي المؤتمر الوطني ده ..ومامقتنعين بي نسبة التمثيل..
فكو دربو..
الجابركم شنو؟؟
ووكت انجبرتا لاي ظرف تراه ..
قنب في واضاة الله دي وماتجقلب.. قدم مصالحك ..وماتناقض نفسك ..
الحكومة التي رفعت سعر المحروقات والسكر انتا اي جنية اترفع فيهو مثلتا بنسبة 30% من ارتفاعو
اي مظلمة في البلد يا حبيب انتا مسؤل عنها بنسبة ال28% القتها دي..
يعني اي زول يدوهو كف في السودان ساي انتا عندك اصبعين تقريبا من الكف داك..
ودالموج آثار كفيك واضحة في البلاد فلا تجقلب..
انتا زول حكومة ..
|
Post: #14
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 03:08 PM
Parent: #1
Quote: عبد الرازق ..
هل الشناعة تبرر الشناعة ؟؟
هل الخطأ يبرر الخطأ ؟؟
لو قتلت الجبهة و الشيوعيون و .. و ..
فإن هذا لا يبرر المزيد من القتل ..
يجب أن نقف جميعنا ضد القتل من ناحية
المبدأ |
قرض العزيز ..اكفيتنى مؤونة كتاية كلام كثير..ليت قومى يقرأون
ليت قومى يعلمون،،،
|
Post: #16
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 03:44 PM
Parent: #1
| Quote: تشتغلو لي ناس المؤتمر تحت تحت وانتو خاشين معاهم في شراكة رسمية وقاسمين معاهم كل شي.. |
دكين السمح نحن وقعنا اتفاقية مع الحكومة لتنفيذ اتفاقية السلام والحمد
لله الى الان لم نخرق هذه الاتفاقية..ولكننا ليست جزء من اى عمل تقوم به الحكومة
او اى برنامج تضعه فنحن حزب وهم حزب ولكن هم حزب اغلبية..اما حكومة الوحدة الوطنية
فانت ايا كان ميولك فانت جزء من هذه الحكومة با ستثناء حزب الامة القومى
ان شاء الله وصل ليك الفهم،،،
فارجوا ان لاتحملونا ما لاطاقة لنا به كما ارجوا ان لاتحملونا اصرا..فالطاقة
والاصر يقع وزرهما على هذه الحكومة التى يمكن ان تفعل اى شى باغلبية ميكانيكية
يا سيد العارفين..ويبقى الود،،،
|
Post: #17
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 03:49 PM
Parent: #1
| Quote: التسوي كريت في القرض .... تلقا في جِلِدا |
العوض صدقت ..البتعلموا الانقاذ فى ايران تلقى فى اولادها وصحتها وعافيتها،،،
|
Post: #18
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 04:08 PM
Parent: #1
Quote: يتحدث الموج عن منهج جاءت به الإنقأذ وأتبعتـه في سياساتها المستمرة في إنهكاك وإفقار وإتعاس وترويع الشعب السوداني. وهـا هي حصيلة ذلك الزرع تتجلى في اغتيال أحد كوادرها. فحصدوا ما زرعـوا. هذا جانب من الحديث.
تحياتي يا موج. |
مولانا اسماعيل التاج..اهل العقل ما يروحو!!!
|
Post: #19
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: صديق الموج
Date: 09-13-2006, 04:28 PM
Parent: #1
Quote: تسلم يا موج
قت أخش
أشوف زولي دا اتكوزن ولا شنو |
فتحى البحيرى ما تنبذ...تسلم انت،،،
|
Post: #20
Title: Re: الى البشير..الزبير..نافع..صلاح قوش...ابشروا لقد ربح البيع!!!!!!!!!!!!
Author: Abd Alla Elhabib
Date: 09-13-2006, 08:19 PM
Parent: #19
كتب دكين:
| Quote: تشتغلو لي ناس المؤتمر تحت تحت وانتو خاشين معاهم في شراكة رسمية وقاسمين معاهم كل شي.. |
والله يا دكين إنتا لذيذ لما تكتب عن بنات الكدرو وأحوال القّطاف
لكن لامن تجى لى السياسة ..بى صراحة بحّس بيك بتدى الكيزان دفرة
ما بستاهلوها من زول زيّك!...أرجو بكل صدق أن أكون قد جانبت الصواب.
|
|