رشا شيخ الدين ..

رشا شيخ الدين ..


26-06-2007, 07:04 PM


  » http://sudaneseonline.com/cgi-bin/sdb/2bb.cgi?seq=msg&board=131&msg=1192135270&rn=0


Post: #1
Title: رشا شيخ الدين ..
Author: طلال عفيفي
Date: 26-06-2007, 07:04 PM




أقامت رشا ومجموعتها سلسلة من الحفلات الموسيقية في مصر بمدينتي القاهرة
والإسكندرية بين يومي 19 و24 يونيو الماضيين ؛
رشا وشقيقها الموسيقي الوافر شيخ الدين قدما لنا فرقة موسيقية شديدة التناغم
برغم الخلفيات الثقافية المتباينة التي جاء منها أفراد الفرقة ، بل أن عازف الإيقاع
المغربي عثمان عرف مسايرة روح الأغاني السوداني التي أدتها رشا وأضاف لها
الكثير يتفاعل عفوي حي ، نفس الشيء الذي إنطبق على عازف الساكس الكوبي ،
والذي رش على ليالي رشا الموسيقيه بهاراً شديد الجمال ..


الوافر شيخ الدين .

عازف من المغرب وآخر من كوبا ورشا والوافر (من حدائق آل شيخ الدين ) وقد إنضم
إليهم محمد عركي الذي تصادف وجوده في القاهرة ، ومحمد هذا ولد شديد الموهبة
والهدوء وهو يتعامل برفق ومودة مع كثير من الآلات الموسيقية ليخرج منها بأحسن
ما فيها ؛

أحيت رشا ليلة بالإسكندرية وورشتي عمل بمركز "مكان" الثقافي ، وفي قصر "الأمير تاز "
في إحدى احياء القاهرة القديمة ، وأخيراً في حديقة الأزهر ، أو الأزهر بارك كام يسميه
رواده في مسرح متوسط الحجم جميل التكوين محفور في منحدر جبل صغير يقف خلف
الجامع الأزهر .

تنوع الجمهور كان مكملاً لروح التفاعل الثقافي التي تقوم عليها تجربة رشا الموسيقية
والغنائية ، فلو ضربت ببصرك في أرجاء المسرح لرأيت ناس من أسبانيا وألمانيا والسودان
ومصر وفرنسا والسنغال ... الأمر الذي يوضح أن الموسيقى أوثق نداء بين لغات الكائنات
المختلفة ، والله أعلم .

برغم إعجابي الشديد (طبعاً) بحفلتي رشا التي سنحت لي ظروفي متابعتهما ، إلا أني كنت
شديد الإنسجام في مركز " مكان " الثقافي ، ووصلت لتلك الحالة النفسية التينعرفها في
علم الكيف بال " مزاج " .. حيث أنني إستمتعت بمراقبة الورشة الموسيقية ، ودوزنة الآلات
المختلفة على إيقاع بعض ، وتمرين آلتين على الخروج والدخول في موتيفه واحده والتصاحب
والتعايش ..
وأعجبني روح التجريب التي تمتع بها الفريق مع عازف الناي المصري ..
احياناً يبدو لي أن التجريب هو أجمل حاجة في الدنيا ، بل مرات يسرح بي خيالي المريض
لأعتقد أنه القيمة الأحلى لهذه الحياة ، فسبحان الله !
خلينا من الكلام ، وتعالوا نتفرج على الصور ..
سأبدأ بصور الليلة الأخيرة لرشا وفريقها في الورشة الموسيقية ليلة الأحد 24 يونيو ..



________________________________
ملحوظة :
كانت الاحوال الضوئية غير مثالية للتصوير ،
إستخدمت طريقة المونو- كروم (إستخدام لون
واحد) للإستفادة من الكمية المحدود للضوء .


Post: #2
Title: Re: رشا شيخ الدين ..
Author: عبدالله داش
Date: 26-06-2007, 07:19 PM
Parent: #1

عفيفى الوريف ...

أنا ..
...
..
.

منتظر الحفل


والصــور

مودتى

Post: #3
Title: Re: رشا شيخ الدين ..
Author: طلال عفيفي
Date: 26-06-2007, 07:19 PM
Parent: #1


أحلى حاجه لمن تدخل " مكان " ، إنك بتجد وإنت داخل صورة عمك سيد جاير
الفنان النوبي الكبير ، فتشعر إن قلبك مغموس في جو طاعم وأليف ..





دخل الليل على المكان ، وأضيئت أنوار قاعة التدريب


وتحتها كان الوافر يُلاغي الأكورديون


مايكروفون مستعد للتسجيل


و ..
نفس عميق وتوحد



أشرف يجرب العود



ناي ..



حضر الفنان فاروق ايا يزيد الورشه





نواصل
مش كده ؟


Post: #4
Title: Re: رشا شيخ الدين ..
Author: Yasir Elsharif
Date: 26-06-2007, 07:28 PM
Parent: #3

سلامات يا طلال..

منتظرين المواصلة..

ياسر

Post: #5
Title: Re: رشا شيخ الدين ..
Author: Rawia
Date: 26-06-2007, 07:56 PM
Parent: #4

I am so sad to miss all this
I was in Egypt during this time ,and couldn't find out where/when all this parties took place

Post: #6
Title: Re: رشا شيخ الدين ..
Author: طارق الأمين
Date: 26-06-2007, 08:12 PM
Parent: #5

طلال ياطلال

ياصوار الجمال

ترم تم تم

تري رم ترم



مشتاقين والله

Post: #10
Title: Re: رشا شيخ الدين ..
Author: طلال عفيفي
Date: 26-06-2007, 08:42 PM
Parent: #6








رشا


الوافر


المسرح



وعثمان ..





عبد الله العزيز ...
الصور في الطريق ، بحاول ألقى إمكانية
أجيب أحلى عدد منها .. طيب ؟


وسلامات يا ياسر ..
كانت سلسلة إحتفالات ظريفة ، من النوع
البيفضل يرن في الروح مسافة زمن ..


راوية ..
يقول الشاعر ، متعوس الحظ يلقى العضم
في الكرشة ..
معليش ..



طارق يا طارق ..
وحياة النبي مشتاقين ..
فاتتك حفلات حلوة ، موسيقى وغنا وخفة دم
الأخوين شيخ الدين ..


Post: #7
Title: Re: رشا شيخ الدين ..
Author: Salwa Seyam
Date: 26-06-2007, 08:16 PM
Parent: #1


Post: #8
Title: Re: رشا شيخ الدين ..
Author: Emad Abdulla
Date: 26-06-2007, 08:24 PM
Parent: #7



في عرضك يا طلال ..
واصل ..





Post: #9
Title: Re: رشا شيخ الدين ..
Author: محمد سنى دفع الله
Date: 26-06-2007, 08:35 PM
Parent: #8

طلال
راجع متين
نحن اول شهر سبعة
في البلد
كلمنا وين نمشي
القاهرة ولا الخرطوم
تحياتي
للوافر ورشا
اتمنى ان تندهش كل يوم
مودتي

Post: #11
Title: Re: رشا شيخ الدين ..
Author: Summanism
Date: 26-06-2007, 08:44 PM
Parent: #9

الفاضلة رشا ابنة صديقي بحي الثورة المرحوم الاستاذ شيخ الدين
بعد المقطوعة السباعية الخالصة عن مصر التي جاءت في السي دي الاول لك الذي يتضمن اقيس محاسنك بمن هل لحن احد من اشقائك موسيقى خالصة او اغنية بغير السلم الخماسي
بالمناسبة انا حضرت عرس اخيك في الخرطوم على زوجته المستشرقة البلجيكية بس اظن انت كنت ما فيشا و شكرا لكم يا ال شيخ الدين
نزار غانم - اليمن

Post: #16
Title: Re: رشا شيخ الدين ..
Author: طلال عفيفي
Date: 27-06-2007, 00:19 AM
Parent: #11



سلامات يا نزار يا سوماني ..
أحب جداً روحك العابرة لمساقط الرأس ..

عشمي في لقاء قريب


Post: #13
Title: Re: رشا شيخ الدين ..
Author: طلال عفيفي
Date: 26-06-2007, 09:10 PM
Parent: #9




محمد السني
مشتاقين كتير

مفروض أرجع السودان في يوليو بعون النبي ..
تعال الخرطوم ، خلينا نجس نبضها مع بعض ،
يمكن نلقى حاجه .. إحتمال ..


Post: #12
Title: Re: رشا شيخ الدين ..
Author: طلال عفيفي
Date: 26-06-2007, 08:55 PM
Parent: #8



شكراً شديد يا سلوى ..
انا مبسوط إني حضرت الحاجات دي ، ومبسوط كمان
إني عرفت آخد صور ، عشان الذكرى تنفع المؤمنين ..



طبعاً يا عماد عايز أواصل ،
ربك يدي الصحه ..
..


Post: #14
Title: Re: رشا شيخ الدين ..
Author: Ibrahim Algrefwi
Date: 26-06-2007, 09:40 PM
Parent: #1

.
-Author: طلال عفيفي.

سلامات ياعنب ، والسلامات متلتلة ياتلال الغائب في الركائب .
من أُمبارح مستنظر البوست ده ، واهو ذهب الظمأ وإبتلت العروق وسال الدمع (مونو- كروم) ،
لكن المونكروم (تبعك) ضارب علي اسلو موشن - فنان - بيني وبينك مقصود ولاشماعة الأحوال الضؤئية
والتحكيم فاشل ؟ الغلبتونا بيها دي .سواق الأمجاد هلالبي قال لي : أسه تلقاهم بكوركو الأهلي حديد . حديد ياولاد بمبة :

...
...

شكلها كانت مامنظورة ... شوف الكوبي ده .



وعزمت عمنا العجيب الفاجومي ياطلال ولا انشغلت ، كان بالمرة يشوف الأزهر من عند القاردن تبعه

...
...
يا سلام ، علي المزيكة الجديدة .
شكلها كانت حفلة الحفلة ؟ أجواءها؟ وعازف الساكس ده (كوبي) عديل ولا كوبي حقت كوبر ديك ؟
يعني حربي ؟ ياخ دي صور جذابة عديل . خلي بالك حيكون في حفل بصري موازي ، كالعادة الأنيقة ياصديق .



بعدين شايف وافر شيخ الدين ده ضارب اكوردين علي قصي همرور كده أسمر وجميل
وغرقان . يخلق من الشبه شيخ الدين !

.


علي كل حال حال ومونكروم انا حاكلم محمد اسماعيل يتابع البوست ده علشان يعرف انو التكنلوجيا مجري الدم .
فواصل ياطلال ، نحن في نتظار حصتنا من الطرب واتذكر الخوالي ومن لم يمت بالمونو . كروم ، مات بغيره .



واللهم احفظ الكمية المحدودة للضؤ خليل وقرض علي كده!

Post: #15
Title: Re: رشا شيخ الدين ..
Author: محمد عادل
Date: 26-06-2007, 10:25 PM
Parent: #14

اخى وصديقى طلال
كانت اجمل الليالى هنا فى القاهرة
ولقد استمتعنا غاية الاستمتاع
وسعدنا بوجودك معنا ياحبيب
وانزل باقى الصور وماتنسى صور البنات ترسلهم لانهم سالونى عنها قبيل

Post: #24
Title: Re: رشا شيخ الدين ..
Author: طلال عفيفي
Date: 27-06-2007, 11:22 AM
Parent: #15




شكرا يا محمد عادل ،
كانت فعلا ليلة لطيفة ، فيها مشاعر حلوة وموسيقى
زي الترتيب وحاجات وحاجات ..

الله يديم المعروف ..




Post: #23
Title: Re: رشا شيخ الدين ..
Author: طلال عفيفي
Date: 27-06-2007, 10:37 AM
Parent: #14




ياسلام يا ابراهيم لو تعرف المونوكروم ، وحلاوة المونو كروم !
تصوير قدِر ظروفك ..

زولك الكوبي ، إنسان شديد العجب .. صامت كده وقليل الحركة ،
لكنه يا أعزك الله ، قنان .. فنان .

رشا طبعاً والوافر .. حالة تمام التمام من التناغم ..
كنت أفتكر إنو المسرح ما بيشيل إتنين ، لكن الإتنين ديل كل
واحد فيهم على المسرح عندو حضوره من غير ما يأثر على الآخر ..
ولله في خلقه شؤون .




Post: #17
Title: Re: رشا شيخ الدين ..
Author: abubakr
Date: 27-06-2007, 02:10 AM
Parent: #1

طلة
وانا اقول طلة غاطس وين ؟ مع اني استلمت دعوة من الجزويت بخصوص الحفلة نسيت انو انت هناك ؟
انا عارف انو عندك صور كتيرة المرة دي ؟ ما حانتظر رجعتك وبشوفلك مكان ترفعم فيها ونشوف احنا

Post: #18
Title: Re: رشا شيخ الدين ..
Author: ابو جهينة
Date: 27-06-2007, 07:15 AM
Parent: #17

طلال

سلام كبير

Quote: وأعجبني روح التجريب التي تمتع بها الفريق مع عازف الناي المصري ..
احياناً يبدو لي أن التجريب هو أجمل حاجة في الدنيا ، بل مرات يسرح بي خيالي المريض
لأعتقد أنه القيمة الأحلى لهذه الحياة ، فسبحان الله !


بالفعل ... التجريب من أحلى القيم
شكرا على هذا البوست

Post: #19
Title: Re: رشا شيخ الدين ..
Author: Hussein Mallasi
Date: 27-06-2007, 08:12 AM
Parent: #18




لوهلة ظننتها نجلاء عثمان التوم!

Post: #34
Title: Re: رشا شيخ الدين ..
Author: طلال عفيفي
Date: 02-07-2007, 07:19 AM
Parent: #19


Quote: لوهلة ظننتها نجلاء عثمان التوم!

مشكلتك يا حسين بتركز مع الحِلقان !


Post: #20
Title: Re: رشا شيخ الدين ..
Author: عصام ابو القاسم
Date: 27-06-2007, 08:19 AM
Parent: #18

رشا: صوت السودان في بلاد الاندلس




التراث الموسيقى السوداني والغربي يطبع اغاني الفنانة السودانية المتخصصة في موسيقى السلالات الجنوبية.

القاهرة - تحيي المغنية الاسبانية من اصل سوداني رشا حفلا غنائيا في القاهرة يوم 22 حزيران/يونيو الحالي ينظمه صندوق التنمية الثقافية التابع لوزارة الثقافة المصرية بالتعاون مع السفارة الاسبانية بالقاهرة في إطار حفلات متخصصة للفنانين السودانيين بدأت بحفل لمغنين آخرين هما ستونة وعزيز مساء الاربعاء 6 حزيران/يونيو.
واستضاف صندوق التنمية عدة مرات مغنين ومغنيات من السودان ومعظمهم من المقيمين في مصر في حفلاته بالتعاون مع الجمعية المصرية السودانية للثقافة والفنون لكنها المرة الاولى التي يستضيف فيها مغنية أسبانية من اصول سودانية.
وهاجرت رشا إلى أسبانيا عام 1991 لاستكمال دراستها وكان اثنان من إخوتها يعيشان هناك احدهما اسمه وافر وبمساعدته بدأت المشاركة في بعض الاعمال الموسيقية. وفي عام 1997 سجلت اسطوانتها الاولى بعنوان "سودانيات" وكانت شهادة تقديمها كمغنية.

وقدمت رشا في تسجيلاتها بعض الاغاني التراثية في بلدها بطريقة خاصة وتحولت من خلال هذه الاسطوانة الى شخصية معروفة في الوسط الموسيقي المتخصص في موسيقى السلالات الجنوبية حتى انها دعيت عام 1998 للمشاركة في الاحتفالات الخاصة بيوم المرأة العاملة التي اقامتها الامم المتحدة وبعد ايام قليلة غنت في مركز كيندي بواشنطن.
وقدمت رشا بعدها البومين جديدين اولهما بالتعاون مع ماريا سالجادو واوكسيا وخيسوس بيمنتل وكان بعنوان "صالة الحياة" ويضم ايقاعات واصوات جاءت من مناطق جغرافية مختلفة أما الثاني فكان بعنوان "المجموعة السوداء" مع فنانين أفارقة من المقيمين في مدريد مثل وافر والاخوين (اي اس) وماس اند باب وسيد وبيدنت وقامت هذه المجموعة بجولة في وسط أوروبا.
وفي كانون أول/ديسمبر 2000 صدر لرشا البوم "دعني اكون" الذي وصف بأنه شديد الخصوصية حيث تدين فيه الوضع الحالي في السودان ومشاكل المهاجرين واحلامهم وتطلعاتهم ومشاعرهم الحميمة كما شاركت في مهرجانات دولية مثل مهرجان ماسالا في هانوفر ومهرجان الموسيقى الفلكولورية بمدريد.
وتمثل المغنية السودانية الاسبانية الجنسية توجهات الدمج بين التراث الموسيقى السوداني والغربي وخاصة الموسيقى الاسبانية خلال عقد التسعينيات من القرن الماضي.
صالح سويسي

http://www.menalmuheetlelkaleej.com/forum/viewtopic.php...E7%E1%F3%E6%EF%E7%E4

Post: #33
Title: Re: رشا شيخ الدين ..
Author: طلال عفيفي
Date: 02-07-2007, 07:03 AM
Parent: #18


أطيب التحايا يا ابو جهينه ..
أأسف للعودة المتأخرة لهذا العنوان ، لكنها الدنيا خطافة
الرجاله والنسوان ..

رشا تجربة صاحبة تجربة موسيقية وغنائية مدهشة وممتعة تتعامل
بوعي وإنفتاح مع ثقافتها وثقافات الآخرين ..


شكرا لها ولفريقها...


Post: #32
Title: Re: رشا شيخ الدين ..
Author: طلال عفيفي
Date: 01-07-2007, 02:42 PM
Parent: #17


سلامات يا ابو بكر
انا حفلة الجيزيويت لم أستطع إليها سبيلا ،
لكن قالوا كانت حلوه ..

اتمنى يجي يوم قريب نحضر فيهو حاجه زي دي
مع بعض ..

إمتى الزمان يسمح يا جميل ؟


Post: #21
Title: Re: رشا شيخ الدين ..
Author: امل احمد عمر
Date: 27-06-2007, 08:45 AM
Parent: #1



صوت رشا فيهو مكس غريب .. لما اسمعو

بعيش نفس الحالة وانا بسمع اميمة وهي يغني مع مارسيل

هي الحالة كما وصفتها (المزاج) ..

انا غايتو حاتلة هنا لحد ما تسمعناحاجة يا طلال

Post: #37
Title: Re: رشا شيخ الدين ..
Author: طلال عفيفي
Date: 02-07-2007, 08:15 PM
Parent: #21


والله يا أمل حتلتك بالدنيا ..

معليش ما عارف أجيب باقي الصور لظروف تقنية ،
أكيد ساعود بها لمن ربنا يفتح علينا من عندو ..



Post: #22
Title: Re: رشا شيخ الدين ..
Author: Alsa7afa_30
Date: 27-06-2007, 09:47 AM
Parent: #1

سلام و تحايا..

قبل أيام عرض على قناة MBC خبر عن رشا و أورد الخبر أنها ذائعة الصيت في أسبانيا لكن هنالك من لا يعرفها في السودان..
نتمنى منها زيارة السودان للإحتكاك بالجمهور السوداني الذواق جداً ..



مع التحية..

Post: #25
Title: Re: رشا شيخ الدين ..
Author: محمد الطيب محمد
Date: 27-06-2007, 11:26 AM
Parent: #22

يا سلام يا طلال على هذا العمل الرائع

حقيقة من اجمل ليالى القاهرة رغم وصولى متاخر الى مكان الحفل

الا اننى استمتعت ايما استمتاع

فرشا كانت النجمة التى تسطع فى سماء قاهرة المعز

وما ادهشنى حقيقة براءة هذه الانسانة وبساطتها فهى شخصية

مرحة جدا

واضافت طعم خاص للحفل بالمداخلات
والجدعات والفكاهة التى تقدمها من حين لاخر

وللفرقة التى معها الاف التحية

فهم جميعهم مقتدرون فى هذا المجال

اتمنى ان نشوفك فى حفلة ود الامين القادمة فى

دار الاوبرا المصرية يوم 4 يوليو

لك طلال وللجميع
تحية ممزوجة بالفرح دائما

محمد الطيب

Post: #26
Title: Re: رشا شيخ الدين ..
Author: مصطفي سري
Date: 27-06-2007, 02:29 PM
Parent: #25

طلال ، يا صديق
انت ولد (مسلت خلاص ) شكرا علي هذه البوست الغناي
ورقصنا علي كل الانغام اللي في المقامات التي احضرتها
ها هنا ، واري عزفك المنفرد
قرمبوز ، انت محمد اسماعيل مافك اميتو التكنولوجية

Post: #28
Title: Re: رشا شيخ الدين ..
Author: محمد احمد ابراهيم
Date: 27-06-2007, 04:25 PM
Parent: #26

طلال
مساء الخير
حقيقه خليتنى ارجع للقلم
و اتحدى بالنيت الملل
عبر صوت رشاء فى سالب فؤادى
و شكرا ياطلال على هذا الجمال
فلك لمسات فى اختيار المواضيع الفنيه لايلتقطها غيرك
********* ******** ********
تذكرتك مره فى شقة الاستاذ/ حسين شريف
و انت ومعك مجموعه تجروا بروفه لفلم
فصديقنا حسين شريف يرحمه الله
و لكن اين ذاك الفلم ؟
و الى اللقاء
T 00249915111230
الرجاء الاتصال برقى هذا متى ما تيسر لك الاتصال

Post: #27
Title: Re: رشا شيخ الدين ..
Author: عادل كلر
Date: 27-06-2007, 04:10 PM
Parent: #1

سلامات للجميع
شايف (العصبة الجميلة) أو عصابة الجمال كلها بجاي ياطلال

Quote: الموسيقى أوثق نداء بين لغات الكائنات
المختلفة ، والله أعلم .


حلوة منك وتبارك الذي بيده الناي

Post: #29
Title: Re: رشا شيخ الدين ..
Author: عادل عبدالرحمن
Date: 27-06-2007, 04:58 PM
Parent: #1

طلال ، يا عفيفي ،
هذه الأسرة / الآسرة ،
مَن لنا بتحيّتها غيرك ،
ومن لنا بغير تصاويرك لكي تظلّ ترشح في الروح ،
روحنا الظمآنة للموسيقى
ولكلماتك المموسقة في آن .

آه ، وآه
في إنتظار المزيد .

Post: #30
Title: Re: رشا شيخ الدين ..
Author: نهال الطيب
Date: 27-06-2007, 06:54 PM
Parent: #29

كل الجمال وهبوه ليك
ياااااااااه
يارشا
بتغني زي النسيم لمن يشوش ورق الشجر


طلال
سلمت دوما وابدا

مودتي

Post: #31
Title: Re: رشا شيخ الدين ..
Author: bent-elassied
Date: 28-06-2007, 06:50 PM
Parent: #30

Dear All,

Salam Talal,























Photos aboved portray the Sudanese singer "Rasha" during Bergen´s party, dated in April 2006

All the best,

Post: #35
Title: Re: رشا شيخ الدين ..
Author: Tariq Mohamed Osman
Date: 02-07-2007, 07:47 AM
Parent: #1

طلال ياعفيفى
الموسيقى
لا تقول كلاما
ولكنها تردم
الهاوية
الموسيقى
لا تقول كلاما
ولكنها
تفرش الارض
امام القدم الحافية
الموسيقى
لا تقول كلاما
ولكنها
تفتح الطرقات
بين القلب
واطرافه النائيه
الموسيقى
لا تقول كلاما
ولكنها
تمنح الصحة
والعافية

موسيقى

سيد احمد بلال


ولك مودتى ولال شيخ الدين محبتى

Post: #36
Title: Re: رشا شيخ الدين ..
Author: عواطف ادريس اسماعيل
Date: 02-07-2007, 08:32 AM
Parent: #35

طلال !!!

صاحب الطلة الأنيقة ,,,

معزة ,,,

حيثما تكون يكون الابداع ,, لا وطن للجمال ,, ولا خوف على المبدعين,, وربنا يسعدك ,,

Post: #38
Title: Re: رشا شيخ الدين ..
Author: Tumadir
Date: 02-07-2007, 09:57 PM
Parent: #36

دقيقة يا طلال عفيفى وضيوفو ..

البوست ده دايراه اعمل بيه حاجة وأرجعو ليكم ..

سمح؟

Post: #39
Title: Re: رشا شيخ الدين ..
Author: قاسم المهداوى
Date: 02-07-2007, 10:14 PM
Parent: #38

طلال ياعفيفى
يا مسكون
عارف صاحبنا اكرم
والمشى ما بين الحرية والبستان
ضيع على فرصة الحضور ولكن
لاول مرة اسمع تناقم الايقاعات
عارف انا عندى اشكالية مع (البنقز بتاعنا ابو ثلاثة)
وحقيقى من خلال( لنك) الاغنية المتوافرة حاليا لاول مرة
احس بظبط الايقاعات وطالما الزمن الايقاعى مظبوط يبقى كل
فى السليم... توزيع موسيقى ... اداء ... وحركة ميكانيكية
داخلية (وده الاهم الحركة جوه فى القلب ) من خلال الباند والباص
شكرا كتير والى لقاء


قاسم

Post: #40
Title: Re: رشا شيخ الدين ..
Author: مامون أحمد إبراهيم
Date: 02-07-2007, 10:34 PM
Parent: #39

طلال كيفك ياخى , وألف سلامات ,

ولما نكون جايين بنتصل بيك .

أرقد بألف سلام .