بحري طراوة... ويا ناس بحري .. قالوا بتحبوا يلا حبونا.. مواضيع توثقية متميزة
مواضيع توثقية متميزة

بحري طراوة... ويا ناس بحري .. قالوا بتحبوا يلا حبونا..


07-01-2008, 02:09 PM


  » http://sudaneseonline.com/cgi-bin/sdb/2bb.cgi?seq=msg&board=13&msg=1293826935&rn=0


Post: #1
Title: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 02:09 PM


Post: #2
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-01-2008, 04:11 PM
Parent: #1

ضربة البداية هي تهنئتكم علي هذا البوست

وانتظرنا

Post: #3
Title: Re: بحري طراوة... ويا ناس بحري .. قالوا بتحبوا يلا حبونا..
Author: doma
Date: 07-01-2008, 04:32 PM
Parent: #2

تسجيل حضور لمسقط راسي ومرتع طفولتي
لكني مسافره ساعود لوفي العمر مدد يا بن الزينين
تحياتي يا كمال

Post: #156
Title: Re: بحري طراوة... ويا ناس بحري .. قالوا بتحبوا يلا حبونا..
Author: لؤى
Date: 07-04-2008, 05:04 PM
Parent: #3









pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="true" designtimesp="5311" loop="true">





أنـا في البـعـيـد مُـشـتـاق لهـمـسـة من الوطن يا نـسـمـة


Post: #4
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 04:35 PM
Parent: #1

حسن طه... همتك معانا... بحري دي عزيزة شديد

ومنتظرنك....

Post: #5
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 04:39 PM
Parent: #1

الأخت دوما....

تسافري وترجعي بالسلامة... وإنشاء الله تلقي البوست.. وصل الحلفايا مرتين...

بس الخوف وصلتو الحلفاية يتصادر لأنو سيد الحوش من هناك..

لكن برضو بحري طراوة

Post: #6
Title: Re: بحري طراوة... ويا ناس بحري .. قالوا بتحبوا يلا حبونا..
Author: ارصد محمد جلال
Date: 07-01-2008, 05:01 PM
Parent: #1

فووق

من أجل
أجمل مدينة


ويلا حبونا



بجيك برواقة يااخي كمال

Post: #10
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 07:30 PM
Parent: #6

ود المايقوما يا أصيل.. مستنين جيتك لتثري هذا البوست بكل ما هو جميل جمال بحري..

أرصد... بحري طراوة

Post: #14
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-01-2008, 08:23 PM
Parent: #6

ود المايقوما
سلام

هل كنت جاركم فى الشعبية ....
بدر الدين اسحاق احمد

Post: #7
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-01-2008, 05:28 PM
Parent: #1

السلام عليكم
أولا أحي فكرة هذا البوست
وأحي جميع الإخوة المتداخلين
واتلذين سيتداخلون
من أبناء بحري
ومن أبناء وطني
جميعا
بحري المدينة
تربينا فيها
وتنسمنا أريجها
واكاد أجزم أنني
أحفظ لكل منطقة في بحري
رائحة معينة
أتذكرها كلما تذكرت المكان
بحري
لها لون ورائحة وطعم
...........


ونواصل
ودمتم سالمين

Post: #13
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 08:18 PM
Parent: #7

إبراهيم قناوي..

لك التحية.. القناوية من أسر بحري العريقة.. ولو ما خانتني الذاكرة كان معانا في بحري الحكومية شخص بإسم محمد عبد المجيد قناوي ربما يمت لكم بصلة.. له ولك تحية بحراوية أصلية وفي إنتظار حكاويك عن بحري...

--------------
بحري طراوة

Post: #25
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-02-2008, 08:20 AM
Parent: #13

Quote: إبراهيم قناوي..

لك التحية.. القناوية من أسر بحري العريقة..
ولو ما خانتني الذاكرة كان معانا في بحري الحكومية
شخص بإسم محمد عبد المجيد قناوي ربما يمت لكم بصلة..
له ولك تحية بحراوية أصلية وفي إنتظار حكاويك عن بحري...


أستاذ كمال
لك التحايا العطرة
ولجميع الإخوة المتداخلين
وتحية خاصة لشيخنا وأستاذنا
شيخ السجادة البحراوية
صلاح شكوكو

وبالمناسبة
محمد هو أخي الأكبر
وموجود حاليا بالسعودية

والتحية للجميع
ودمتم سالمين

Post: #63
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-02-2008, 08:21 PM
Parent: #25

Quote: Quote: إبراهيم قناوي..

لك التحية.. القناوية من أسر بحري العريقة..
ولو ما خانتني الذاكرة كان معانا في بحري الحكومية
شخص بإسم محمد عبد المجيد قناوي ربما يمت لكم بصلة..
له ولك تحية بحراوية أصلية وفي إنتظار حكاويك عن بحري...




ابراهيم اخوى سلامات
انت عاطف عبد المجيد قناوى ...المحسى ...ساكن الديوم بيتهم يفتح غلى المزاد اخوكم برضو ...

Post: #140
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-04-2008, 10:29 AM
Parent: #63

Quote: ابراهيم اخوى سلامات
انت عاطف عبد المجيد قناوى ...المحسى
...ساكن الديوم بيتهم يفتح
غلى المزاد اخوكم برضو ...


عليكم السلام استاذنا بدر الدين

ياهو ذاااااااااتو
اخواني محمد وعاطف
وبيتنا زي ما قلت
وعاطف هسي شغال
في بحري
وعمل كم شافع كدة

والتحية لك وللجميع
ودمتم سالمين

Post: #8
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح شكوكو
Date: 07-01-2008, 06:14 PM
Parent: #1

كمال كرار :-
Quote: بس صدقوني بحري تستأهل كل الحب.. وعشان كده دي دعوة على إستحياء للتوثيق لهذه المدينة الجميلة الوادعة.. وإستكتاب لكل أبناء وبنات بحري من أقصاها لأقصاها لرفد هذا البوست بكل معلومة عن الشخوص والأمكنة والأحداث في مدينتنا الجميلة..


لك التحية أيها الحبيب (( كمال ))
ولعلك بشخصيتك المتمددة في الوجدان .. فأينما تكون وكيفما تكون فإننا سنكون
لأننا ندرك أنك لا تتوقف إلا حيثما تتوقف الروعة وأطر الجمال ,, وهكذا أخي كمال
توسع ما كان ضيقا .. وتزيد دائرة التلاقي الجميل .. وتفتح كوة جديدة يتسرب منها الهواء النقي

لك التحية والود

وتقديري الشخصي لك ، كشخص عامر بالمودة



...

Post: #9
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 07:18 PM
Parent: #1

صلاح شكوكو يا رائع

أطنبت في التقريظ والإطراء.. وذاك ديدن من يحمل الجمال بين جنبيه وينثره كيفما أتفق ليرى الوجود جميلا.. أتقبل كل ذاك الإطراء وأمسك عن التعالي عليه محبة وعرفانا لبحري وناس بحري..أخجلت تواضعنا لله درك...

وبحري مستنية حكاياتك الرائعة..وسرد الجميل

Post: #11
Title: Re: بحري طراوة... ويا ناس بحري .. قالوا بتحبوا يلا حبونا..
Author: سامى عتبانى
Date: 07-01-2008, 07:54 PM
Parent: #9

يا شباب بحرى قالو بتحبو
ابقو حبونا نحن من بحرى
********
يا شباب بحرى الفراقكم حار

التحيه لناس بحرى
ويكفى ان مسقط راس والدى بالاملاك بحرى
سامى العتبانى

Post: #15
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 08:32 PM
Parent: #11

سلام يا أخ سامي

برضو العتبانية من أسر بحري العريقة ولهم وجود ظاهر في حلة حمد.. ودرسنا في بحري الثانوية أحد العتبانية وكان يسكن الكدرو.. التحية للعتبانية .. ولك أخ سامي

Post: #8664
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد قور حامد
Date: 08-10-2010, 07:24 PM
Parent: #11

Quote: يا شباب بحرى قالو بتحبو
ابقو حبونا نحن من بحرى
********
يا شباب بحرى الفراقكم حار

التحيه لناس بحرى
ويكفى ان مسقط راس والدى بالاملاك بحرى
سامى العتبانى


؟؟؟؟؟؟؟؟؟؟؟؟؟؟؟؟؟؟؟؟؟؟؟


مش فاهم حاجه !!!!!!!!!!!!

في حد فاهم حاجه؟؟؟؟؟؟؟؟؟؟؟؟؟؟؟

Post: #12
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-01-2008, 07:59 PM
Parent: #1

الأخ / كمال كرار

في البدء تحياتي لك أخي كمال ولكافة الأخوان المتداخلين ، ويسرني أن أسجل حضور في إستهلالية هذا المنتدي الغالي الذي طال إنتظاره ، مع تمنياتي بمنتدى حافل بكل ما هو جميل ورائع يوثق لهذه المدينة العريقة من كافة النواحي التاريخية ، السياسية ،الفنية والرياضية ، توثيق يعبر عن مكانتها في نفوس كافة أبنائها ويؤكد أهميتها بالنسبة للسودان .

كما آمل يثري هذا المنتدى بقية المنتديات التي ترتبط مباشرة ببحري المدينة وذلك بتوطيد أواصر التعارف والتواصل بين أبناء مدينة بحري فهي بالنسبة للجميع الأم الحنون والحضن الدافيء .

وبالتوفيق إن شاء الله ؛؛

Post: #16
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-01-2008, 08:35 PM
Parent: #12

الاعزاء اولاد بحرى

معاكم والله ...
مولود فى الشعبية ...
سكنا من قبل فى الاحياء التالية :
الوابورات
ديم سلك ...ده حى ما بعرفو الا زول فوق السبعين خريف .
ديوم بحرى ...
الشعبية جنوب...
الجريف شرق ...
حلفاية الملوك ...
شمبات الحلة ...
شمبات الاراضى مربع 17


كســـــــــرة :
برضو مرتب لاولادى السكن مستقبلا فى بحــــــــــــرى

Post: #18
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 08:53 PM
Parent: #16

بدرالدين أسحاق.. أنت بحراوي حتى النخاع.. جبت ربوع بحري.. وخبرت أركانها وتجولت في حواريها وأحياءها العريقة.. "ديم سلك".. يجي أخونا طارق ميرغني ويورينا بيقع وين للصهريج على قول النكتة.. وأنا أزيد لديم سلك.. "حي البدوان".. وده بيعرفوا طارق وبعض الديناصورات وآخرون..خريفهم ضارب في القدم...

----------------
بس برضو بحري طراوة

Post: #17
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-01-2008, 08:42 PM
Parent: #12

يا سلام ياعبد الرازق سعيد..

فعلا طال إنتظار مثل هذا البوست.. ولكن لم يغب عن الخاطر أبدا. وما هذه إلا ضربة البداية والكرة في ملعب كل البحراويين ليبثوا هيامهم وحبهم لتلكم المدينة الجملية.. مسقط رأس الكثيرين منا...وشدوا حيلكم.. حق بحري عليكم كثير...


----------------------
أكيد بحري طراوة

Post: #19
Title: Re: بحري طراوة... ويا ناس بحري .. قالوا بتحبوا يلا حبونا..
Author: المكاشفي خضر بشير
Date: 07-01-2008, 09:51 PM
Parent: #17

الأخ كمال كرار،،
تحية وتقدير واحترام،،،


هيا بنا .. هيا بنا يا جميل .. لحديقة البلدية




وسوق يا سواق.. بطريق بحري .. بشوارع السوق..
ميعادك فات .. حصل الباصات.. بطريق شمبات

Post: #21
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 05:03 AM
Parent: #19

الأخ/ المكاشفي خضر بشير

إبن فنان بحري الرائع مرحب بيك كثير.. وفي إنتظار مساهماتك..

Post: #20
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-02-2008, 05:00 AM
Parent: #1

ياسلااااااااااام .. غايتو وتر ودق في القلب ... أها نحنا ناس الحرية والأهلية وبحري الحكومية ..
بحري الشباب الحلوين ...
بحري الجمال ...
بحري الأصالة ...
بحري الذوق والفهم ...
بحري الهواء العليل ( زي ماقالت عيدابي هواء بحري بحري )..
بحري السُكْنى الجميلة ...
بحري الطرب ... أم درمان تألف وبحري تغني ...
عاوز تشرب عرديب يحميك من الملاريا مية سنة .. أمشي لعلي إبراهيم في المحطة الوسطى ...
ياناس بحري ... وأنت جاي من الخرطوم او أم درمان قاطع الكوبري .. الهواء بيفرق معاك ( ده عن نفسي ) ..
الكورة في أم درمان ... وكباتنه حالياً من بحري ...
وبرضو بنقول :: كل مناطق السودان طراوة ...

Post: #32
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 12:43 PM
Parent: #20

الأخ/ هيثم لبيب

يا أخي وتر بحري رنان.. وبيضرب في النافوخ..

العرديب..ذكرني "ليمون" "الرشيد" هافانا... يا سلام..

وموقع "هافانا" ذكرني "أبوالشيخ" العجلاتي.. وده برضو معلم من معالم بحري..

ومن عجلاتية بحري المشهورين العم "أبنعوف" رحمه الله وهو والد الأخوان " صلاح، وحسن، وفيصل.. وهم من سكان حلة الدناقلة شمال بالقرب من بيت ناس الباشا الجزار والد فيصل الباشا.. وجد مرتضى محجوب الباشا وأخوه متوكل.. أحدهما كان شيوعي ناشط والآخر كان ضابط شرطة.. وياهو ده السودان..

---------------
ما قلت ليكم بحري طراوة..

Post: #22
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-02-2008, 05:24 AM
Parent: #1

اخي العزيز كمال اهنئك علي هذا البوست وان شاء الله نكون من رواده . وقديما قيل الكوره والفن امدرمان والشغل الخرطوم .... والسكن بحري لكن اخي العزيز نحن بنختلف لانه حتي المويه نحن بنشرب من النيل الازرق والخرطوم وامدرمان من النيل الابيض ..... والطراوه القلتها هي بحق وحقيقه ..ثم ثانيا الطبقة الاجتماعية التي تكون اهل بحري هي طبقة عمال وصغار الموظفين لذا كان ومازال التكافل جلي في تربيتنا وتعاملنامع الغير ثالثا معظم سكان بحري الاصيلين جذورهم من المديريات الشماليه واقدم الاحياء كالاملاك والدناقله وحلة حمد( الشلاليه) وخوجلي و... تلك المناطق مناطق حضرية تعلم ابناءها من ضو كالحلفاويين والدناقله والشوايقه والجعليين .... الطريف زمان في الابتدائيه كان اخي كمال يزوغ من دنقلاويته ويرتمي في احضان الجعليين اهل امه... لماذا ؟؟؟؟لا ادري
الكلام كثير وكثير يشمل احياء وناس وظرفاء المدينة والنساء المسترجلات وحتي بصات ترحيل النساء من والي السوق وانتظارهم كعمنا نصر رحمة الله عليه .
كمال فتح باب الله اعلم ينسد ....وانتظرونا

Post: #23
Title: Re: بحري طراوة... ويا ناس بحري .. قالوا بتحبوا يلا حبونا..
Author: Siham Elmugammar
Date: 07-02-2008, 07:43 AM
Parent: #22


كمال كرار بوست متوقع منك

ياخ انا من مرقت سكنى من بحرى لليله روحى مارقه...صدق يا كمال يا اخوى
انا ساكنه الخرطوم جنب السوق المركزى لكن ما بشترى خضارى الا من سوق بحرى
و ما بتكيف الا فى سعد قشره
و راسى ما بظبط الا اجر البنبر و اتحكر فى حوش ابوى فى المزاد
و يجيك ضهب الحله
شى شاى شى قهوه
غايتو الجمعه فى بحرى و الا بلاش
ياخ ديل ناس حلوه بشكل...
خير الامور الوسط و بحرى وسط
عشان كده موزونه فى كل حاجه
يا كمال ياخ اقول ليك حاجة بجيك راجعة

Post: #24
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hussein Mallasi
Date: 07-02-2008, 07:54 AM
Parent: #23

أنا بفتكر إنو أحسن حاجتين في السودان بحري و جامعة مأمون حميدة.

Post: #26
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-02-2008, 09:17 AM
Parent: #24

اخي كمال ود السر

نبدأ معكم بأسماء أحياء بحري ولو فاتني اسم تمه.

حلة حمد
حلة خوجلي
حلة الدناقلة
حلة الديوم
حلة الأملاك
حلة الوابورات
حلة الختمية
حلة كرش الفيل
حلة الصبابي
كوبر

ثم
الصافية
الشعبية
المزاد
الميرغنية
شمبات الأراضي

الاحياء الطرفية

شمبات
الحلفاية
الكدرو
الخوجلاب
ابو حليمة

والي الجيلي

حلة كوكو
الجريف شرق
الحاج يوسف

والي ام دوم


ولو في خطأ صحح يا كمال وممكن تستعين بصديق ..... طارق

Post: #41
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 02:30 PM
Parent: #24

شكرا ملاسي.. وأنت بحراوي أصيل..

وأحد أفراد أسرتكم الكريمة درسنا الفنون في بحري الثانوية

لك التحية

Post: #38
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 01:51 PM
Parent: #23

أختي سهام المجمر...

تحية بحراوية

غايتو شارع عبيد ختم قرّب ليك المسافة من المركزي لبحري... وضهب الحلة سلامتهم.. وأكيد بجيكم شوية قرقوش من المنفلوطية.. ناس محمد المنفلوطي جيرانكم من الناحية الشمالية.. اصلو كانوا جيرانا في حلة الدناقلة.. وكان عندهم فرن بلدي في البيت والحاجة والدتهم كانت بتخبز فيه الخبز والكعك..

صحيح بحري وسط.. لكن ما وسط طراوة...

حاولي ترجعي بحري.. حتى لو في أم ضريوة.. خرتوم ده مازي بحري

مش بحري طراوة

Post: #36
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 01:33 PM
Parent: #22

طارق أخوي..

أنا بقول إنو السكن والفن والشغل في بحري (ناس أمدرمان ما يزعلوا بنحبهم شديد).. أها أعدد ليك فنانين من مواطني بحري:
1- عبد العزيز داؤود (رحمه الله)
2- خضر بشير (رحمه الله)
3- عبد الكريم الكابلي
4- أولاد شمبات
5- محمد ميرغني
6- صلاح إبن البادية
7- أيوب فارس (رحمه الله)
8- عبد العظيم حركة (رحمه الله)
9- ثنائي العاصمة
10- أماني مراد
11- محمود عبدالعزيز

ده باستثناء عمر زعموط وحسن التوم وسعدية الكو وآخرين

أما الشغل بحري.. لأنو أكبر مصلحتين في العاصمة هما:

مصلحة النقل الميكانيكي
والمخازن والمهمات..

يا طارق الدناقلة شمال مسقط الرأس.. ولدت في منزل يقع في مثلت أحد اركانه بيت لاعب الإتحاد الدولي "دولي" إبن الحاجة عزيزة مركب.. والركن الثاني ... منزل الفنان أيوب فارس.. والركن الثالث بيت ناس الزين قديم.. حارس مرمى الإتحاد الشهير...
معليش المثلت منفرج الزاوية.. الله يفرجها علينا

Post: #5794
Title: Re: بحري طراوة... ويا ناس بحري .. قالوا بتحبوا يلا حبونا..
Author: Atif Karoum
Date: 11-01-2009, 11:38 AM
Parent: #22

الاخ الكبير العزيز طارق للك التحية وانت تشجينا والاعزاء من ابنا بحرى بتلكم الزكريات العطرات .اعدك فى القريب بمداخلة لانشغالى بامتحانات الاولاد وللك التحية.

Post: #27
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-02-2008, 09:31 AM
Parent: #1

من الشمال: الفكي هاشم والكباشي وود رملي ثم نختم بي واوسي
ومن قبل الكدرو الازيرقاب، ام القري، السلمه ثم الدروشاب
ومن الشرق المايقوما والعزبه وكافوري ، مع ملاحظة لم نتطرق الي شرق النيل الذي يشمل مناطق كثيره من الحاج يوسف شرقا مثل: سوبا شرق ومدينة الفاتح والجريف شرق والعيلفون والباقير شرق ثم العسيلات وام ضوا بان وحتي كترانج.

Post: #29
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-02-2008, 11:47 AM
Parent: #27

احباب بحرى

كده نقترح :
1/ظرفاء بحرى
2/ فنانين بحرى
3/ لعيبة بحرى
4/ ادارى بحرى
5/فرق بحرى
6/ اساتذة بحرى
7/الماذون فى بحرى
8/ دايات بحرى
9/ امهات بحرى
10/ سياسيئ بحرى
11/ اقباط بحرى
12/ شيوخ بحرى
13/ شفوت بحرى ( الكدمى )
14/ عمدة بحرى
15/ ................طوالى

تخريمة :
اسماء قديمة لاحياء بحرى
* كرش الفيل ...حى (.........................) للاجيال القادمة
* حى الظبطية ..حى (..........................)
* فريق بعشوم ..حى(...........................)
*فريق شيلا ....حى (...........................)
* فريق ....( الناس الكبار كملوا اللوحة .


من بحرى ومولود فى بحرى وحبينا من بحرى وعرسنا فى بحرى وولدنا فى بحرى وساكنين فى بحرى وبنعرس ليه اولادنا من بحرى وبسكنوا فى بحرى

Post: #28
Title: Re: بحري طراوة... ويا ناس بحري .. قالوا بتحبوا يلا حبونا..
Author: almulaomar
Date: 07-02-2008, 11:35 AM
Parent: #1

بحري عشت فيها أحلي سنين حياتي ، في الديوم دقوني لمن قربت اقول الروب وما فكاني من الجلدة ديك إلا أحد زملاء الدراسة من أبناء ديوم بحري الشهيرة بكمبوديا وكان لاعباً مميزاً في فريق الجوهرة والذي تصادف مروره بموقع المعركة ولو لا لطف الله ومحاسن الصدف لكنت إلى الآن أتلقي اللكمات الخطافيه وتحت الحزام ، وفي الشعبية جكست في شارع المدارس وكملت المبارا وقعاد الضلله زي ما قال الزول السمين جمال حسن صليع – سعيد – أبو صلعه وفي الدناقلة شمال لعبت أحسن مباراة في كرة القدم وفي الختمية أكلت أحلي بوش وفي المزاد جنوب لعبت أطول مباراة في الكونكان والضمنه وبرضو الشطرنج ، وفي كوبر حضرت أحلي بارتي في حياتي كانت حفلة دكاكينية وكانت حافلة بكل ما هو جميل ، وفي الصافية حاولت وبعض الأصدقاء أن نحضر حفل على طريقة يا عم قدام يعني نحل ولكن للأسف إنكشف أمرنا وبقينا زي ركشات متككله جمب مارسيدسات ، وفي إشلاق السوق سكاني كلب لغاية الآن نفسي قايم وإتلفت من الخلعه بعد أن جعلني ألف ميدان عقرب بسرعة الصوت ويا ريت لو كانت في الأولمبياد كنت على الأقل حطمت رقم قياسي وجبت للسودان ميدالية ذهبية. وفي الحلفايا عرفت أعز وأصدق الأصدقاء وفي الصبابي والدناقلة جنوب وحلة حمد وحلة خوجلي والأملاك والميرغنية والسكة حديد وكرش الفيل وعييييك ذكريات وذكريات لا تنمحي من الذاكرة ، بحري جميلة بترابط وطيبة أهلها بحري جميلة بطبيعتها وأشجارها الوارفة الظلال ، بحري نفر
وكان لابد أن أن نهاجر من بحري إلى البقعة و قد كان لكن بين الحين والحين أزور بحري وأعيد الكان حليل الكان
بحري تمددت وإستطالت وتمططت فالحاجيوسفات والدروشابات وصلن إلى أقصي أقصي الشمال والشرق وربما تفوقت في تمددها على الثورات

Post: #30
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-02-2008, 11:59 AM
Parent: #1

من الأسماء التي سقطت سهواً :-

شمالاً :
السامراب
أم ضريوة
مخطط نبتة السكني
الخليلة
السقاي
قري

شرقاً :
دار السلام المغاربة
الوادي الأخضر

Post: #53
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hatim Elmaki
Date: 07-02-2008, 03:51 PM
Parent: #30

شرقاً :
دار السلام المغاربة
الوادي الأخضر





Post: #57
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hatim Elmaki
Date: 07-02-2008, 04:29 PM
Parent: #53

كوبر
















Post: #31
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 12:13 PM
Parent: #1

تسجيل حضور ...ولادة وطفولة وشقاوة ابتدائى وثانوى فى بحرى .......
وجامعى واستقرار بالخرطوم ...يعنى نصنا معاكم (النص الجميل )بختكم..

بجيكم راجعه هاكم مؤسس مدينة بحرى وجيراننا ومعارفنا واصهارنا من الاسر ...

نصر الدين السيد...



اسرة رستم
ال عتيق
ال رضا محمد عثمان
ال معوض
ابراهيم نمر
ال يونس
اسرة كامل امين
اسرة المسرة
اسرة البلولة
اسرةهلال
الجبوراب
اسرة مقلد وجاد غريب
المفتى
ال ساتى
ال بيومى
اسرة رمضان على
ال خوجلى وال حمد
امير الصاوى
صلاح عتمورى
ال ابراهيم صالح
ال المرحوم الاديب بشير الطيب واخوانه


لى عودة بان الله ....
واعذرونا... فنحن على سفر


ناهد بشير الطيب

Post: #33
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-02-2008, 12:56 PM
Parent: #1

خلي بالك يا ناهد اخترتي الاسر المرتاحه ونسيتي حتي في المرتاحين ناس التازي وناس ابراهيم طلب اما نحن علينا الله وعيشة السوق..

امال وين ناس كيكي الدود كيكي وووو.... وحمد الله علي السلامه؟؟؟؟؟

Post: #34
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-02-2008, 01:23 PM
Parent: #33

المنطقة الصناعية بحري

كانت اكبر منطقة صناعية علي مستوي السودان

منطقة الصناعات الخفيفة

مصانع الصابون

مصانع الزيوت

شركة باتا
مصنع كريكاب للحلويات
مصنع الكرتون
مصانع الكبريت
مصنع الروبي للبطاريات
مصانع الكحوليات
مصنع ريا للحلويات
مصانع المكرونة

ومن هذه المصانع كان يتم التصدير لمعظم بلدان افريقيا.

والله زمان يا سودان

Post: #43
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 02:46 PM
Parent: #34

حسن طه...

نسيت مصنع النسيج..أيام كان مرتب رئيس الوردية أكبر من راتب طبيب الأمتياز .. أو الريجسترار.. والعجب لو أشتغل أوفرتايم يعرس في 6 شهور.. أما مصنع الكبريت كان أكبر موقع تدريب صيفي للطلاب..

Post: #35
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 01:29 PM
Parent: #33

خلي بالك يا ناهد اخترتي الاسر المرتاحه ونسيتي حتي في المرتاحين ناس التازي وناس ابراهيم طلب اما نحن علينا الله وعيشة السوق..

امال وين ناس كيكي الدود كيكي وووو.... وحمد الله علي السلامه؟؟؟؟؟






الاخ طارق ميرغنى .......

والله هؤلاء هم جيراننا فى نفس الحى .....
والبقية فيهم من هم اهل للوالده ....
او الوالد عليه الرحمة وبعض اصهارنا... ونسايبنا.... وحبانا .....,,,
وماقصدنا والله هذا او ذاك ...فسكان بحرى وقتها كانوا موظفين وعمال فى الدولة
سواء فى النقل النهرى والميكانيكى والمخازن والمهمات والمنطقة الصناعيه بحرى
او المجلس البلدى ...والسجون ...
ومدرسين ..وتجار ..وقتها كانت اوضاعهم ممتازة ورواتبهم بتكفيهم ....
لذا ممكن نطلق عليهم فعلا (المرتاحين)....
ولسه لى عودة كما وعدت بذكر كل الاسر الذين عرفناهم...وعاشرناهم ....
ودرسنا معهم وكنا وكانوا الى جوارنا فى كثير من المحن .....والظروف ...
حتى مغادرتنا لتلك المدينة الجميلة ....

وهاك كمان لسته تانى (صبر مافى )ياطارق ...

ال دكام
ال مرسال
ال دراج
العمدة المقبول الصديق
ال كبكبيك
ال غندور
ال صيام
ال دهب
ال بدران
ال مالك
عوض احمد(مسابقات المدارس)
ال السراج
على حسن مالك
ال النحاس
ال يسن البشير
ال سمارة
ال نديم
ال جعيص

وناس الكورة عجبنا
القرود
الضرش
بدوى ودولى...
وهم عمال فى النقل النهرى ...
ولاعبين للكرة ...(جيران لخالتى )







...

Post: #37
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 01:37 PM
Parent: #1

الأحت ناهد.. سلامات..

معقولة ما مر عليك أسرة آل الخليفة كرار...

معليش.. أسرة كريمة حيث بيت الجد كرار في حلة حمد

تحياتي


في الإبتدائي من المحتمل جدا تكون درستك المرحومة/ سعدية محجوب كرار
وفي المتوسط من المحتمل جدا أن تكوني درست على يد الأستاذة/ زينب محجوب كرار
وفي الثانوية قد تكوني تتلمذت على الأستاذة/ فاطمة محجوب كرار

وبرضو بحري طراوة

Post: #39
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 02:07 PM
Parent: #1

الأحت ناهد.. سلامات..

معقولة ما مر عليك أسرة آل الخليفة كرار...

معليش.. أسرة كريمة حيث بيت الجد كرار في حلة حمد





تحياتي

اهلااااااا كمال كرار....بالله ياخى ازيك ....
...واسفة انى ماسلمت عليك ....انبهرت حقيقة ...
من البوست ....ونسيت انا وين وبعمل فى شنو ...والجاكم منى لاسماء
جات كدة (ولسه بنحت ).... بدون فحص وتمحيص وحقيقى يديك العافية...وبيكم
اكتشفت انه ذاكرتى لسه (شغاله) والحمدلله .......
رغم انه امبارح بالتحديد اتهمننى( بناتى) الله يطراهن بالخير
بانى بقيت نساية وبسألهم......
نفس السؤال كم مرة فى اليوم (غااااايتو)
.........

ال خليفة كرار هم من قدامى ناس حلة حمد..والواحد بس حب يكتب عن الناس البيعرفهم
واى واحد فينا عنده معلومة او ذكريات زى ماتفضلت انت وذكرت فى اعلى البوست حقوا يذكرها
والاخوان ماقصروا يديهم الف عافية .... واعتقد انى لم تخنى الذاكرة ان عائلة
الخليفة كرار ينتشرون من عند البلديه والى منطقة نادى الثريا غربا...وفى نفس الشارع
برضو الفيه ناس كرار فى كمان ناس عتيق ...وناس البلال ...وناس مجدى مكى ...
وناس ملا (اخو نصر الدين السيد)....
وناس مدثر حامد....وناس عادل مطى ..(نسيب جاد الله جبارة)....وفيصل عباس (البوليس)
وانور اخوه انور عباس .....ويوسف ود النفاخ ....وعلى نديم فى (البوليس)وعثمان عبدالله
فى المرور.....وعباس محمد عثمان واسس مسرح نادى العمال ...واسس نادى الصبيان
(الان مركز شباب بحرى ...)والمرحوم رضا محمد عثمان (استاذ مكتب النشر ورئيس تحرير مجلة الصبيان
وشاعر لكثير من اغانى شرحبيل وكاتب للقصة القصيرة )وهو حفيد ال عتيق ...

وقلت ليكم فوق انى جاياكم راجعه فالموضوع رجعنى وراء كتيييييييييييير ومشكور عليه ...
وبجيك ياكمال وبقية ناس بحرى الطيبين عشان نمسكهم واحد واحد ....ان مد الله فى الاجال ...

Post: #40
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 02:26 PM
Parent: #39

الأخت/ ناهد..

ما شاء لله على الذاكرة.. وفعلا معلوماتك كلها صحيحة.. أنا بتعليقي قصدت شحذ الذاكرة لأبعد مدى.. ووصفك لأنتشار آل كرار صحيح مائة بالمائة ونضيف ليهم وجودهم الأصيل في كل من كرش الفيل والختمية.. ويديك العافية وفعلا أثريتي البوست وهو لا زال يحبو..

Post: #44
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 02:52 PM
Parent: #40

ما شاء لله على الذاكرة.. وفعلا معلوماتك كلها صحيحة.. أنا بتعليقي قصدت شحذ الذاكرة لأبعد مدى.. ووصفك لأنتشار آل كرار صحيح مائة بالمائة ونضيف ليهم وجودهم الأصيل في كل من كرش الفيل والختمية.. ويديك العافية وفعلا أثريتي البوست وهو لا زال يحبو..


الاخ كمال كرار ...

وفى الختمية ناس عبد الوهاب تنقو .وناس ابريدة فى (اشلاق كرش الفيل)
..وعائلة عاطف ابراهيم ...وناس عبد الوهاب ابراهيم تنقو(الجيش).....
(الجيش)وعم ابراهيم عمر ...وناس اللاعب هيثم مصطفى بالقرب من نادى الامير ....وناس عمر الفاروق
(البوليس) والفنان محمد ميرغنى بالقرب من الخور الكبير ....وناس عم توفيق ابو ناس كمال
فاتحين فى فسحة المولد ....والفنان محمود عبدالعزيز ....والفنانة امانى خالة العميد يوسف عبدالفتاح ...ويوسف عبد الفتاح نفسه (حلة خوجلى ) وناس عبدالرحمن عبدالرسول بتاع (عالم ا
لرياضة)....
وفى المزاد..ناس المهندس ابراهيم صالح واولاده المهندس غازى والمهندس غانم ...وابراهيم امام (الجمارك)وناس الطيب عبد المنعم وعائلة ناس ابراهيم كلم..
وناس سكوته شارع (المعونه ) وفيهم مجموعة فى الختمية .......
وناس مامون الطاهر (الكورة)المارشال ويحى الطاهر (اتحاد الكورة)....وناس شنان ....
وناس احمد شونة ...بيتهم امام بيتنا فى الصافية وناس التنى وصغيرون وامير الصاوى
ومهدى محمد احمد ورمضان على ...وناس الطيب والد هشام الطيب زميل المنبر وحارس نادى الهلال سابقا
كلهم جيران بالحيطة لينا ....ونستنى هشام يجى يكمل لينا باقى الجيران ...ويحكى ليكم ...

وفتكم بعافية ......

Post: #42
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-02-2008, 02:36 PM
Parent: #1

الأخ/ طارق ميرغني

وإنت زعلان ليه من الأخت ناهد إمكن إسمك جايي مع آل الميرغني

Post: #45
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 02:56 PM
Parent: #1

فتوات بحري.. أشهرهم الكضمي..

والغريبة صيت الكضمي أكبر من قوته كفتوة...وهو لا يقدر على تخويف نعجه إلا أن حوله من يروج له بأن له بوكس شافي.. وهو لا شافي ولا بطيخ.. وطارق يعرف تماما لو لمينا فيه أيام الشقاوة.. كان أصبح أثرا بعد عين.. بس هو بيعرف يتشيطن على مين.. المهم نوثق له كأحد فتوات بحري المزعومين...والعجيب في مصطفى وهذا أسمه الأول كان يصدر كتابا للأغاني يضمنه أغاني الحقيبة التي تزخر بالفن الراقي وأفعاله أبعد ما تكون عن الفن..

--------------------
بس رغما عن ذلك بحري طراوة

Post: #48
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 03:06 PM
Parent: #45

وكمان ياكمال من فتوات بحرى ...وبسمعه دايما عند اخوالى... لانى ماعاصرتهم
فى الفترة ديك ...لكن لو شفت لمتنا فى الحوش مع الاهل والونسة والضحك
تستعجب ...وعندنا فى العائلة المقلدين كمان .....فكل واحد فيهم مسمينوا بى اسم
من اسامى كبار سن بحرى ......
على ابوكرم ....فى حلة حمد ...وكان دايما بيجلس بالقرب من المقابر
حيث قبر والدى (رحمه الله ) هناك ....وكان يمارس سلطته على كل المارة هناك
وكمان ابو على فى الختميه بتاع اغانى ويشبه كمال ترباس
....وطبعا الان لا ادرى اين هم ...
رحمهم الله احياء او اموات ........

*****************

ومعاك بنردد بحرى ....طرااااااوة

Post: #46
Title: Re: بحري طراوة... ويا ناس بحري .. قالوا بتحبوا يلا حبونا..
Author: مزمل التريكى
Date: 07-02-2008, 02:57 PM
Parent: #1

طراوه شديده
وحب أشد

جاييكم راجع
بس خلونى اجر بنبرى دى وأظبط لى كباية جبنه

تسلم يا كمال ويله فضفضوا با بحراوبه

ناس شمبات الشعبيه الاملاك الصافيه الدروشاب السامراب الكدرو
الدناقله الصبابى الختميه المرغنيه الديوم الحلفايا ام ضريوه .......... الجيلى

تعالوا جاى يا حلوين

Post: #47
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 03:03 PM
Parent: #1

مزمل التريكي سلامات...

بعد ما تشرب "البكري" بتاعك ده.. ومحل ما يسري يمري...وقبل "التني"

أدينا حكاوي بحري الجميلة

----------------------
بحري طراوة والله

Post: #49
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-02-2008, 03:30 PM
Parent: #47

الأخ كمال

اولا نهنئ انفسنا بهذا البوست ويبدو انه سيفوق بوست الشعبية وما عندنا طبعا مانع لانه بحري هي الام الروؤم لكل احياء بحري

ويا خوانا ما تزعلو من الاخت الكريمة ناهد

انا شخصيا ما زعلت عندما لم تذكر آل طه

وجدي محمد طه من اوائل من سكنوا حلة الدناقلة ولكنه لم يعمل عقارات زي ناس التازي.

سالته مرة:

يا جدي ليه ما عملت بيوت زي ناس التازي هسه كنا مروقين؟

اجاب: انا عرست لابوك ولعمك عبد الحليم ولعمك عبد العزيز ولعمك اسماعيل ولعماتك كلهم

انا هسه لو ما عرست لابوك انت كنت جيت.

حكمة!!!
والعدد القادم حكايتي مع مصطفي الكضمي
دمتم

Post: #52
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 03:49 PM
Parent: #49

انا شخصيا ما زعلت عندما لم تذكر آل طه


الاخ حسن طه ....
خالص التقدير ...

عارف الذاكرة مع الغربة دى ...شىء يجى وشىء يفوت
وغايتو بالجلالة كدة اتذكرت ليكم ديل ....وكمان فيها مصاريف
لانه ضربت للاهل فى السودان لمعرفة باقى اسماء الجيران ههههههههه...
والحيزعلوا منى بالتاكيد
وبالله شدوا حيلكم ....كل زول بيعرف معلومات مفيدة للبوست وتوثيقه يكتبه
وكله من اجل بحرى ...وياحسن ناس طه ديل الجنب جامع الدناقلة؟؟؟ ..لو هم ...
ديل ناس معروفين جدا هناك... ومن بدرى.... حتى ناس طه الهناك البقصدهم انا
قريب بيوتهم لناس محمد خير.......
وناس عشرى وبناتهم معانا فى المدارس...وناس بعشر ديل غرب الجامع...
يعنى جنب ناس جدك ...و بنات ناس دكتور حنفى...وناس حمد الجلود(تجار جلود)

ملحوظه ...الناس الذكرتهم كلهم ديل ...فيهم بنات درسن معاى ...لقرب منازلهم
من شارع المدارس (الفاصل بين حى الشعبيه والمدارس )

***************
و تأكد انه ا لزعل مافى مع ناس بحرى

وبحرى طرااااااااااااوة.... ولطاااااااااااااافة

Post: #50
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 03:32 PM
Parent: #1

يا ناهد...

علي ود أب كرم على ما أعتقد هذا هو الإسم الصحيح.. كان فتوة.. بحق.. وكان يمارس نشاطه بالقرب من سينما الوطنية والحلفايا.. والمعروف عن علي ود أب كرم أنه لا يتفتون على الأولاد صغار السن..وكانت تلك صفة تقربه من صعاليك العرب أيام الجاهلية اللذين لا ينهبون الضعفاء والمساكين.. وكان حسبما نسمع أنه إذا استنصره ولد صغير.. ينصره بشهامة أو هكذا افهمونا...

المهم.. أن حياة علي ود أب كرم.. أنقلبت 180 درجة من النقيض إلى النقيض.. حيث كما علمت.. أنخرط مع جماعة التبليغ والدعوة وهي جماعة بعيدا عن فلفستها العقدية.. لا تؤمن بالعنف.. يا سبحان الله.. وقيل أن ذلك حدث بعد أن توفى أخوه المهندس في حادثة سيارة وبكاه على بكاءا مرة.. ومن يوميها أعاد تشكيل حياته..

يشهد لود أب كرم بأنه له بنية شافية بعكس الكضمي.. ربما كان من الشلالية لست متأكدا

Post: #51
Title: Re: بحري طراوة... ويا ناس بحري .. قالوا بتحبوا يلا حبونا..
Author: ارصد محمد جلال
Date: 07-02-2008, 03:43 PM
Parent: #1

Quote: تسلم يا كمال ويله فضفضوا با بحراوبه

ناس شمبات الشعبيه الاملاك الصافيه الدروشاب السامراب الكدرو
الدناقله الصبابى الختميه المرغنيه الديوم الحلفايا ام ضريوه .......... الجيلى


مانفضفض نحن ناس :
كوبر
حلة كوكو
المايقوما
شارع واحد
الردمية
الوحدة
و
و
و
ام دوم

يامان ماتزعل

ويلا حبونا

Post: #54
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-02-2008, 03:56 PM
Parent: #1

Quote: وكمان ابو على فى الختميه بتاع اغانى ويشبه كمال ترباس
....وطبعا الان لا ادرى اين هم ...
أبو علي .. ده من الفتوات الطيبين .. وعلى طول تلقاه قاعد جنب فرن مونديل جنب كشك الجرائدفي الختمية ويدندن .. ياناس الختمية وين أراضي الزول ده ..؟؟؟
تخريمة صغيرونة للأخت ناهد بشير الطيب ...
إنت شكلك شلالية ... ماخليتي عائلة من عوائلهم مانزلتيها هنا ... وذكرتيني شارع الشلالية .. بمناسبة الشلالية .. أكبر معارضين في أي حاجة... حتى في صلاة العيد عندهم خيمة براهم ومابيصلوا في جامع السيد / علي الميرغني برغم أنو الفارق تلاتة شوارع ما أكتر .. وأسعفني حظي أني صليت معاهم أخر عيدين وبالغصب من أبني عمي عزو لبيب عتيق أو معاوية لبيب عتيق ... وبصراحة الشلالية وعوالم الشلالية عاوزة ليها بوست براهو ..
شايف الشغلة وسعت شديد ودخلت في القبائل ..
وبرضو على قولة أخونا كمال كرار بحري طراوة وبزيده أنا بحري طراوة ونداوة ... ونسيتو من الفنانين أبو الأمين أستقر به الحال في بحري

Post: #72
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 09:35 PM
Parent: #54

تخريمة صغيرونة للأخت ناهد بشير الطيب ...
إنت شكلك شلالية ... ماخليتي عائلة من عوائلهم مانزلتيها هنا




الاخ هيثم خالص الود

ابدا والله ... ماشلالية ...لكن كما ذكرت قبل ذلك لكم ان فيهم من صاهرناهم
وناسبناهم ومن جاورناهم...ومن درسنا معهم ....وفيهم الجيرة القوية المتينة
المازلنا بنعتز بيها الى الان .....ورغم غربتنا ...عن السودان وايضا
مغادرتنا للسكن فى الخرطوم الا ان الذكريات التى احملها ذكريات جميلة جدا
فنحن مجتمعات تحن الى الطفولة ليس فى احد دوافعه الا حنينا الى حيرة( لذيذة)
افتقدناها حيال الاشياء حين صرنا كبارا مطمورين بالمشاكل والظروف الهشه والثقيلة
نحن الان ..اخى ...صرنا نغدو مجرد انزلاق بطىء صوب زوال الذكريات منا وهذا مايرعبنا..


كونوا بخير ...
واكتبوا عن بحرى ...
دمتم

Post: #55
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 03:58 PM
Parent: #1

يا جماعة ما لاحظتوا إنو الأخت/ ناهد بحراوية أصيلة...

وهسع أنا إبتديت أتذكر يافطة بيتهم ومكتوب فيها منزل/ بشير الطيب.. لكن ما قادر أحدد الموقع.. إلا أستعين بـ Google Earth

ناس صالح والد المهندس/ إبراهيم صالح أتخطفوا زي ما بيقول أهلنا ولم يبق ربما من الأولاد إسماعيل اللذي كان ضابطا في المظلات وقد جاورونا في المزاد.. وكان جارهم من الناحية الشرقية الفنان شرحبيل أحمد.. وعودة لعائلة إبراهيم صالح فهم يمتون بصلة القرابة لناس طه ود الضابط..اللذين سكنوا الشعبية.. وكانت بنات المهندس/ إبراهيم صالح رحمه الله وأذكر منهن الكبيرة وأظن أسمها مي يقدن السيارات وليس في ذلك غرابة إنما الغريب أنهن كن يقدن الهايلوكس.. وهي سيارات غير مريحة حتى للرجال.. وكانت والدتهن وأعتقد أسمها رجاء.. إمرأة ربما ذات جذور مصرية.. أيضا تقود السيارة... مات جل أخوان أبراهيم صالح، السر، أزرق، محمد، الرشيد ولا أدري إن كان فاروق حيا رحم الله المتوفين والأحياء..

أخت ناهد طلعت موسوعة في حفظ شخوص بحري..

Post: #91
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 11:40 AM
Parent: #55

Quote: ناس صالح والد المهندس/ إبراهيم صالح أتخطفوا زي ما بيقول أهلنا ولم يبق ربما من الأولاد إسماعيل اللذي كان ضابطا في المظلات وقد جاورونا في المزاد.. وكان جارهم من الناحية الشرقية الفنان شرحبيل أحمد.. وعودة لعائلة إبراهيم صالح فهم يمتون بصلة القرابة لناس طه ود الضابط..اللذين سكنوا الشعبية.. وكانت بنات المهندس/ إبراهيم صالح رحمه الله وأذكر منهن الكبيرة وأظن أسمها مي يقدن السيارات وليس في ذلك غرابة إنما الغريب أنهن كن يقدن الهايلوكس.. وهي سيارات غير مريحة حتى للرجال.. وكانت والدتهن وأعتقد أسمها رجاء.. إمرأة ربما ذات جذور مصرية.. أيضا تقود السيارة... مات جل أخوان أبراهيم صالح، السر، أزرق، محمد، الرشيد ولا أدري إن كان فاروق حيا رحم الله المتوفين والأحياء..


كمال العزيز
نعم المعلومات صحيحة مائة بالمائة وهم الان نسابتى وانا متزوجة من ابن اخت رجاء
وهو يعرفك تمام المعرفة وبيسلم عليك وبيسلم كمان على طارق ميرغنى ....
وقال ليكم مااتذكرتوه؟

Post: #56
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 04:27 PM
Parent: #1

أبو حديد.. فتوة آخر سمعت به..لم أره قط.. سمعت عن أفعاله حيث كان يتنمر على صغار السن والبسطاء.. إلا أن جاء يوما وهو بمعية الكضمي أن تنمروا على أحد الكمسارة اليافعين في موقف بصات شمبات بالقرب من المستشفى .. فما كان من كافة السائقين والكمسارة إلا أن أوسعوهم ضربا حتى أن أبو حديد صار قاب قوسين أو أدنى من الهلاك.. أنتهت بعدها أسطورته إلى الأبد

Post: #60
Title: Re: بحري طراوة... ويا ناس بحري .. قالوا بتحبوا يلا حبونا..
Author: الحاج حمد الحاج
Date: 07-02-2008, 05:22 PM
Parent: #56

البحراوي الأصيل جدا كمال كرار
سعيد جدا بأن الكوة قد وسعت و بدلا أن نتحدث عن الشعبية (الطحنية) زي ما بيقول المرحوم عبد العظيم حركة سوف نتحدث عن بحري (الطراوة)..يحري ظرافة..بحري لطافة..بحري راقية..بحري رايقة..كان كيف يكون الحال لو ما كنت من بحري و أهل الظرافة ما جيراني..
عندما يكتب ابن بحري شكوكو فانني أقرأ و بمزاج فهو يعرف كيف يطوع الحرف و لا يستعصي عليه ..شوف كتب كلام كنت عاوز أقولو لكن لقيت انو شكوكو قالو بكل الجمال:
Quote: وهكذا أخي كمال
توسع ما كان ضيقا .. وتزيد دائرة التلاقي الجميل .. وتفتح كوة جديدة يتسرب منها الهواء النقي

ظريف بحري و الشعبية حيدر الجقدلي:
و دي ذكرتني ظريف بحري و الشعبية حيدر الجقدلي فمرة جات سيرة التعبير قال في ناس تعبيرهم بيكون دقيق جدا لكن ربنا لم يوهبهم موهبة شعر ليترجموا ذلك لشعر فمثلا ادريس جماع قال : ان حظي كدقيق فوق شوك نثروه..الى الآخر لكن نحن عندنا عامل في المخازن و المهمات لعن حظه و قال : و الله أنا لو وقعت أجلي من الواطة..

لك الكثير من الود و بالتأكيد لي عودة و عودة..

كسرة:
سألت الباشمهندس أمجد عبدون وين كمال ما ظاهر؟ قال لي الاولاد سافروا بعد دا بظهر ، فكان هذا الظهور بهذا الجمال...

Post: #58
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد الطيب حسن
Date: 07-02-2008, 04:52 PM
Parent: #1





ياسلااااااام ياخ انت من زمان وين ياكيمو
احب بحري واموت في كوبر


بحري سر الهوي وغير بحري مالي دواء





دي تصبيره راجع ليك تاني


Post: #59
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 05:13 PM
Parent: #1

وين يا أبو الطيب...

شكرا جزيلا للفيدو المدبلج يتقنية وإحساس رائعين..

حالتها دي تصبيرة ولا One for the road

مودتي

Post: #61
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 05:53 PM
Parent: #1

أخي المتألق دائماالحاج حمد...

مسكون أنابحب بحري وكل ما هو بحرواي.. ولا أكذبك بأنني ترددت كثيرا في كتابة هذا البوست مخافة ألا أوفي بحري الغالية حقها كما ينبغي ...كما أنني لم أرد أن أشتت جهود البحراويين وبخاصة الشعبياويين بين المزارين الشعبية الإبنة الشرعية الجميلة وبحري الأم الرؤوم.. ولكني توكلت.. على الله تشد من أزري كلماتكم.. ولعلك رأيت في مداخلات كثيرة في بوستكم العامر كثيرا ما تبر البنت بإمها.. وتتقمص شخصيتها فتحكي عن شخوص وحوادث خارج نطاق الأبنة المدللة (الشعبية) إلى رحاب وأحضان الأم (بحري)...

أما شكوكو ذلك الكاتب الرائع أو المدون blogger الحاذق "بلغة تقنية المعلومات" فهو يجبرك أن ترد عليه من بيت الكلاوي.. وفي حقيقة الأمر سرده وتطويعه للكلمة يدوزن دواخلك فتموج وتتفجر فتخرج بعض اللألي لتناسب الكلم المموسق الذي يهدينا أياه شكوكو في إطلالته المحببة..

الشكر لكم يا حاج حمد وللرائع شكوكو...

-----------------------------------
تخريمة قول لأمجد ولنفسك عليك حق...

Post: #62
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-02-2008, 07:47 PM
Parent: #1


مدينة بحري النشأة والتطور والرقى :

بقلم عبد الله حميدة :
نشأت هذه المدينة في أعقاب حملة استرداد السودان في مستهل القرن الماضي (1900م) ، ولم يكن لها خبر أو ذكر طوال فترة الحكم التركي والمهدية ، إذ أن كل ما كان يعرف من أوطان في هذه الناحية من الضفة الشرقية للنيل الأزرق - المواجهة لمدينة الخرطوم عاصمة الترك - قريتان هما الصبابي وشمبات إضافة الي بيوت متناثرة قليلة حول قبتي الشيخين حمد ود أم مريوم وخوجلي عبد الرحمن الشهير بابي الجاز . والذي يلفت النظر في اسم هذه المدينة انه لم يجر علي منوال ما تعارف عليه السودانيون من إطلاق أسماء الجهات علي المدن والقرى عندما تكون لها امتدادات علي شواطئ الأنهار فيستخدمون عبارتي (شرق) و (غرب) للتفريق بين المدن والقرى التي تنشأ متقابلة علي أي من تلك الشواطئ واظهر ما يكون ذلك علي امتداد النيل الازرق فيقولون (الجريف شرق) و (الجريف غرب) و (سوبا شرق) و (سوبا غرب) و (الباقير شرق) و (الباقير غرب) وهلم جرا .. غير أنهم خالفوا هذا النسق عندما قامت المدينة التي نؤرخ لها هنا فقالوا : (الخرطوم بحري) لا (الخرطوم شرق) وتفسيري لهذه المخالفة إنهاء جاءت من مصدر غير سوداني فالسودانيون لا يستخدمون - فيما اعرف - كلمة (بحري) وإنما يقولون بدلا عنها (سافل) أي الجهة التي ينحدر إليها النهر وعندما أطلق الانجليز علي هذه المدينة اسم (Khartoum North) أي الخرطوم شمال لأنها تقع إلي الشمال من المدينة الأصل : (الخرطوم) ، لم يجد السودانيون فرصة ليطلقوا عليها الاسم الذي يتبادر تلقائيا إلي أذهانهم أي (الخرطوم شرق) . إذن من الذي أطلق هذا الاسم علي هذه المدينة ؟ الراجح أن هذا الاسم : (بحري) جاء به المصريون لان المصريين يطلقون عبارة (بحري) علي أي موقع في اتجاه البحر فيقولون (الوجه البحري) أي ذلك الذي يقع في اتجاه البحر الأبيض المتوسط ، ويطلقون عبارة (قبلي) علي كل موقع في اتجاه القبلة (وهي بالنسبة لهم جنوب) وليس (مشرق الشمس) . لكن ما هي علاقة المصريين بهذا الموضوع أصلاً جاء المصريون متضامنين مع الانجليز لفتح السودان في بداية القرن الماضي وأقاموا ما يعرف بالحكم الثنائي وفق اتفاقية شهيرة تم التوقيع عليها خلال العام 1898م ، وبموجب هذه الاتفاقية أقام جزء من الجيش المصري في الضفة المواجهة للخرطوم وبما أن اليد الطولي للحكم كانت في أيدي الانجليز الذين لا يعرفون لا (السافل) ولا (الصعيد) ولا (قبلي) ولا (بحري) فقد استخدموا عبارة (North) أي شمال ولكن المصريين من واقع ثقافتهم ومن واقع أنهم لم يجدوا سابق تسمية لهذا الجزء الذي أقاموا فيه معسكرهم - أطلقوا عي هذه الناحية (الخرطوم بحري) بل كانوا أحيانا يقولون (الخرطوم البحرية) وهذا ثابت في كثير من وثائق تلك الفترة والذي يضيف ترجيحا إلي ما ذهبنا إليه في شأن اسم هذه المدينة - هو أن عبارات واصطلاحات مصرية أخرى قد واكبت ظهور هذا الاسم تضيف تفسيرا إلى هذا الأثر المصري . ففي بواكير القرن الماضي ، منح الانجليز امتيازات زراعية علي شاطئ النيل الأزرق قبالة الخرطوم لبعض المستثمرين غير السودانيين من الشوام علي وجه التحديد ولما كان هذا النمط الزراعي جديدا علي هذه البقعة من حيث نوعه وكمه وكيفه - فكان طبيعياً أن تظهر كلمات مثل (عزبة) أي (مزرعة) فيقولون (عزبة كافوري) أو (العزبة) مطلقا ومنها مدرسة العزبة التي عرفت بهذا الاسم إلي يومنا هذا واشتهرت كمدرسة متفوقة علي مستوي كل ولاية الخرطوم ، وسبب هذا الاسم أنها أنشئت بجوار (العزبة) وهي (عزبة) أخرى غير (عزبة كافوري) أو (عزبة كفوري) التي مازالت آثارها باقية حتى اليوم في (حي الواحة) بشرق المدينة . وهناك أيضا كلمة (ميري) اي (اميرى) ومعناها (حكومي) وقد أطلقت علي حي قديم حديث كان ولا يزال يسكن موظفو وعمال الحكومة خاصة أولئك الذين كانوا يعملون في مصلحة الوابورات (النقل النهر ى فيما بعد) حينما كانت للمواصلات النهرية شنة ورنة ولله الأمر من قبل ومن بعد . ولا يخفى علي فطنة القاري الجذور المصرية لهذه الكلمة التي تضاف أيضا إلي المنشآت الحكومية فيقولون : المدرسة الأميرية وهذا اصطلاح مازال متداولا في الخرطوم بحري إلي يومنا هذا . أضف إلي كل هذه التخريجات والترجيحات حقيقة أن جالية مصرية ضخمة من الأقباط علي وجه الخصوص كانت قد نزحت إلي السودان في أعقاب الفتح وسكنت هذه المدينة لتكون طبقة وسطي من الكتبة والمحاسبين والتجار والصناع واقطعنهم الحكومة حيا سكنيا من أقدم أحياء المدينة وأجملها علي الإطلاق هو حي الأملاك حيث سادت لهجة الوجه القبلي المصرية لعقود . ولولا أن المدينة قد وسعت فيما بعد وجذبت إليها أفواجا من الشايقية والمحس وقليل من الجعليين وآخرين من غير قبائل الشمال العربية لاصطبغت بصبغة مصرية لا تخطئها العين . هذه مقدمة لابد منها لكل من يريد أن يؤرخ لهذه المدينة العزيزة التي توسعت علي مدي المائة عام الماضية وسعا هائلا اخترقت به سهل البطانة وتجاوزت به كل الفضاءات التي كانت تفصلها عن (حلفاية الملوك) حيث انتهي أولاً خط السكة حديد القادم من أقاصي الشمال من قبل أن يمتد إلي هاهنا الخرطوم بحري ، في حقبة بناء قنطرة النيل الأزرق أوائل القرن العشرين .
نشأة المدينة ونموها منذ بداية القرن الماضي (1900) إلي نهاية الربع الأول من ذلك القرن (1925) ، نمهد لهذه الحقبة برجعة زمنية قصيرة إلي خواتيم دولة المهدية . ففي هذه الفترة لم يكن يعرف من العمران في المكان الذي تمددت عليه المدينة - لاحقا W- الا بيوتات قامت حول قبة الشيخ خوجلي (1653-1743) وأخري حول قبة الشيخ حمد (1646 - 1704) تطورت تدريجيا إلي ما يعرف اليوم بحلة حمد وحلة خوجلي (والحلة هي المكان الذي يحل فيه الشيخ ويقيم فيه مسيده وخلوته أولاً ثم يتقاطر عليه التلاميذ والمريدين فيصير مستوطنة بشرية . غير أن أنصار المهدي لم يكونوا ينسبون هذه النواحي إلي أي من الشيخين الجليلين انطلاقا من سياسة التعتيم علي كل ما يصرف أبصار الناس وأفئدتهم وأذهانهم عن أنوار الحضرة الأمامية .. كانوا يطلقون علي هذه النواحي الشرق... الشرق الجغرافي أو شرق بحر النيل لا فرق ، وعندما وصل خط السكة حديد إلي هذه الناحية في بداية العقد الأول من القرن الماضي ، اكتسبت أهمية ذات طبيعة ونكهة جديدة تماما ... جاءت السكة حديد بتقنية ومهارات نصارى ما وراء البحار ثم حطت هنا بعد رحلة عبر الجبال ، والوهاد عصا تسفارها الطويل .. هنا حيث يتنفس الناس زهدا ويقتاتون بما لا يكاد يقيم الأود (فيروبون الماء) ثم يطير صالحهم في الجو بلا جناح ... هنا التقت المفارقات وتوجست النفوس حذرا وفرقا من عاقبة احتكاك بين قطبين : قطب الآلة بكل سحره وجبروته وجسارته وقطب الأقطاب من أمثال سيدي خوجلي بن عبد الرحمن تلميذ الشيخ أرباب العقائد ، وأمثال سيدي حمد بن محمد علي (ود أم مريوم) . ثم لم تلبث أن أطلت المفارقات عندما أقام الغزاة أول قنطرة حديدية ثابتة في تاريخ المنطقة علي النيل الأزرق منذ عهد أبينا آدم ، فربطت بين الشاطئين ومكنت السكة حديد والناس والدواب من الوصول إلي عاصمة الترك .. كانوا يقولون أن الشيخ فلان يسير فوق الماء عابرا للضفتين مثلما حكت (طبقات ود ضيف الله) محمد نور الذي ولد وعاش في مكان غير بعيد يقال له (الحلفاية) إلي الشمال من ها هنا .. أطلت المفارقات إذن في النصف الثاني من العقد الأول من القرن العشرين . وتوالت المفارقات (كلها - ليس صدفة - تتسلل واحدة اثر أخري) علي الجانب الشرقي للناحية وبعيدا عن مركز القطب الثاني اللا آلي .
قرر الانجليز بناء أضخم سجن عرفته بلاد السودان منذ فجر التاريخ ، ثم جاءوا برجل عسكري يقال له (cooper) وجعلوه قائما علي ذلك السجن فأخذ منه اسمه وصرامته . وجئنا نحن من بعد ذلك نطلق عليه (توبر) .. نخفف الضم علي الكاف وكأننا نلتزم القاعدة الذهبية التي ورثناها من جدودنا (أعجمي فالعب به !) .. كان هذا السجن هو النواة التي نبتت عنها (حلة كوبر) فانظر إلي غرابة المفارقة : هذه (حلة) وتلك التي نسبناها إلي الشيخ خوجلي (حلة) أيضاً ولله في خلقه شؤون . في هذا السجن انعقدت محكمة أعضاء جمعية اللواء الأبيض في 29 فبراير 1925م برئاسة القاضي اوزبرن وعضوية الميجر (الرائد) برادلي والشيخ حسين الفيل ، وفيه انعقدت محكمة مثيري الشغب من طلبة المدرسة الحربية والمحكومين بجرائم سياسية والمنتظرين المحاكم بتهم جرائم سياسية وآخرين من المسجونين العاديين . وفي موقع غير بعيد من هذا السجن جهة الغرب أقام الجيش المصري (الطبجية والأرطة الثالثة) ثكناته في المكان الذي يحتله اليوم سلاح النقل والصيانة وسلاح الإشارة .

منقول من موقع محلية بحري

نواصل ...

Post: #66
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 08:42 PM
Parent: #62

شكرا عبد الرزاق سعيد لهذه المشاركة المنقولة من موقع محلية بحري والتي ملكتنا كثيرا من الحقائق

Post: #64
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-02-2008, 08:27 PM
Parent: #1

معليش يااخوانا بالجد عندى مشكلة فى الاقتباس من امبارح ...
لكن عجبنى اقتراح الاخ بدر الدين اسحاق ده ...حقو تحكوا لينا عن كل بند فيه
بالله ...(نعنشوا لينا الذاكرة دى ) يلا ياكمال وبدر الدين وطارق ميرغنى وشكوكو
وبقية الاخوان الكرام ....
يقول بدرالدين فى اقتراحه :





احباب بحرى

كده نقترح :
1/ظرفاء بحرى
2/ فنانين بحرى
3/ لعيبة بحرى
4/ ادارى بحرى
5/فرق بحرى
6/ اساتذة بحرى
7/الماذون فى بحرى
8/ دايات بحرى
9/ امهات بحرى
10/ سياسيئ بحرى
11/ اقباط بحرى
12/ شيوخ بحرى
13/ شفوت بحرى ( الكدمى )
14/ عمدة بحرى
15/ ................طوالى ...

Post: #67
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-02-2008, 08:59 PM
Parent: #64

تسلمى اختنا ناهد


ونواصل :
*شعراء بحرى
*جزارين بحرى
*طهارين بحرى ((عمنا الداروتى فى الحلفايا))
*شوارع بحرى
*دكاكين بحرى
*شهداء بحرى
*......اييييييييييييييييييييييييك يا بحرى

تخريمــة سمحة:

فنانين بحرى نسيتوهم

* عادل تسعــة
* صلاح بلحاتى
* درماس

والظريف ابو اللول فى سوق بحرى والشعبية مع توئم روحه حيدر الجقدلى

Post: #65
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 08:35 PM
Parent: #1

الأخت/ ناهد أستجابة لإقتراح بدرالدين...

طالما الحياة تبدأ بالولادة نبدأ بالدايات..

هناك داية شهيرة وقديمة في حلة خوجلي ..أسمها بغارة ..لست متأكدا إذا كانت بالقاف أم بالغين..

وأخرى وهي الحاجة فاطمة محمد الحسن في الشعبية وهي إمرأة فاضلة تمت لأخينا أبن بحري اللذي لم يطل بعد أسعد الريفى بصلة قرابة قوية وأظنها خالته أخت أمه.. وهي إمرأة فاضلة

أها... أقول ليكم حاجة

-----------------
بحري طراوة

Post: #68
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 09:07 PM
Parent: #1

هؤلاء صحفيون وإعلاميون من مواطني بحري الأصلاء:

1- العم الصحفي/ طه المجمر (والد أخوانا وزملائنابالمنبر هشام، سهام، عزام، وهمام)
2- العم الصحفي/ محمد خليفة طه الريفي(والد أخينا وزميلناأسعد الريفي)
3- المذيع/ محمد خوجلي صالحين - منزله في المزاد "جنوب غرب" مدرسة الحرية
4- المذيع/ محمد سليمان- سكن لفترة في المزاد المقفول غرب السوق

نترحم على المتوفين وندعو بالصحة لمن هم على قيد الحياة..

يلا أنتو أتذكروا معاي

Post: #70
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hussein Mallasi
Date: 07-02-2008, 09:16 PM
Parent: #68

أسوأ حاجة في بحري مقابر حلة حمد؛ المقابر كلها اتنظمت و اتسورت؛
حسن الخاتمة جات على بحري و وقفت.

Post: #71
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 09:19 PM
Parent: #70

أعتقد بدأ تسويرها من جهة واحدة على الأقل.. ولكن بيني وبينك الموقع ليس موقعا للمقابر..والله أعلم

Post: #69
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 09:12 PM
Parent: #1

طيب شوارع بحري..

* شارع التمنة أو الضابطية
* شارع البوستة
* شارع المدارس
* شارع شمبات
* شارع المرسى
* شارع الضواحي
* شارع الملجأ
* شارع الصناعات
* شارع الشلالية
* شارع الزعيم الأزهري

يلا الباقي عليكم

Post: #73
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-02-2008, 09:42 PM
Parent: #1

من ظرفاء بحري...

حمودة العركي حلاق الجامعة.. وهو لم يشتهر بأنه من بحري بقدر ما أشتهر بأنو حلاق الجامعة

Post: #74
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-03-2008, 06:22 AM
Parent: #1

الاخ العزيز كمال اعتقد ان هذا البوست سيكون من الاهميه بمكان ليوثق لمدينة بحري لذا ارجو ان يكون من الجدية بمكان وان يتم من الاخ كمال جدولة للتحدث عن احد الانشطة او المجالات التي اقترحها الاخ بدر الدين اسحق وثنته ناهد بشير وحتي حينه اقترح اضافة كل الامكنة والانشطة دون تفرقة لتشمل مثلا : العياشه،ستات الكسرة والفسيخ،الاندايات ، الاحباش والاقباط،الادباء والفنانين والصحافيين والاعلاميين واندية ولعيبة ومدربي وحكام كرة القدم والشعراء.

الاخ حاتم المالكي جميله منك الصور.

الاخ كمال السر ارجو اضافة الفنانين للقائمة : اولاد خضر بشير،طه سليمان،عماد احمد الطيب،احمد الطيب البحراوي،عبد الله الكردفاني،الفنانين من اصول شرق نيلاويه ( احمد المصطفي،سيد خليفة، خلف الله حمد واولاد الدبيبه) والفنان والمبدع المرحوم خوجلي عثمان وصديقي النور الجيلاني ومحمد الامين كل ما يغادر بحري يرجع تاني وهو متزوج طبعا اخت زميلنا ببحري الثانويه وابن شمبات ازهري مالك.

محمد الطيب حسن القيديو ظريف وكتر من البريكات دي.

اخي ابو رزقه فعلا نحن ميرغنيه لانو والدتي ربنا يعطيها الصحة والعافية واخواتها شهيرات ببنات ختمي لان والدهم رحمة الله عليه كان من كبار الختميه .
اما والدي ميرغني علي مصطفي من مواليد بري المحس ونزحوا الي بحري العام 1931 علي ما اعتقد وسكنوا الدناقله جنوب شمال السوق .
ويا ناهد علي ذكر حلة حمد لم تذكري زوج عمتي عبد المنعم احمد حسين مؤسس نادي استاك ،التحرير حاليا ووالدته الحاجه سكره (بضم السين ) كانت تعالج الاطفال وجيران ناس لبيب ونصر الدين السيد وناس عنيبه ودهب ...عرفتي .

صديقي اسعد الريفي مريض بالدسك حسب حديثه معي بالهاتف امس للتعليق علي صور فرقة بحري الثانويه.

Post: #77
Title: Re: بحري طراوة... ويا ناس بحري .. قالوا بتحبوا يلا حبونا..
Author: Siham Elmugammar
Date: 07-03-2008, 07:44 AM
Parent: #74

Quote: وفي المتوسط من المحتمل جدا أن تكوني درست على يد الأستاذة/ زينب محجوب كرار


نقيف هنا و نحيى تحية اجلال و حب و موده
يالله يا كمال الاستاذه و الام و المربيه زينب كرار شخصيا والله لقد انعقد لسانى و لاا جد فى نفسى الكفاءه للتحدث عنها
ياسلام و نعم القرابة يا كمال..
التحيه ليها و لاسرتها فهم اصدقائنا و صديقاتنا... امانى اللطيفه الصامده المصادمه
و محمد شريف ..مجننننننننننننننون ياخ اخونا و فردتى
ياخ ده كلام عجيب ... كمال لو عندك اتصال بيهم قول ليهم بنحبكم و مشتاقين ليكم

كمال كرار ده بوست بجنن و قد تزامن مع هجرتى الى بحرى ..الليله دى انا راحله بحرى
حيث الاستكانه و الجمال و التداعى
تلفوناتى تتطاقش لناس ابومروه عشان يجيبو صوانى الاكل و ترامس الشاى و يجوا للنفير

من الاساتذه/ات
استاذ عباس على .. مدرس اللغه الانجليزيه و هو من ابناء الشلاليه و كان شيوعى عريق..
ست علوية حمد.. مدرسة لغة انجليزيه التقيتها قبل فترة ليست بالقليله حدثتنى بمرار شديد عن تدهور التعليم
وانتقدت بحس علمى و تربوى عالى سياسات التعليم الحالية.. والله كنت استمع اليها كانى فى الفصل
ست امنه ادهم .. مدرسة لغة عربيه ..ابتدائى ... وهى اخت عمك امين ادهم الرجل الساخر ..الضاحك
ست امنه لم تستسلم لسن المعاش و لازالت تجهد نفسها فى شئون التعليم و التربيه فى رياض الاطفال.. صحى العطاء ما عنده عمر
ست نائله بدرى ..مدرسة لغة عربية ودين.. ولى معها الكثير...
عارف يا كمال نائله دى جارتنا حيطه بى حيطه.. كانت لمدة سنه كامله بتشيلنى فى كتفها و انا نايمه عشان توصلنى معاها المدرسه !!!
هسه تفتكر فى معلم ممكن يعمل كده؟؟؟!!!!
والله زمااااااااااااااان و ديل ناس بحرى
_____________________________________
بحرى نداوه

Post: #84
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 09:35 AM
Parent: #77

تحية يا سهام.. وعديلة رجوعك لبحري.. ومبارك..
زينب بنت عمي محجوب إمرأة حنينة شديد.. مع إنو رأسي أتملى شيب.. لا زالت تشوفني كمال الصغتنوتي الزمان.. تسلم عليك بمودة وألفة.. الحمدلله أنها درَست الكثير من الأجيال... قابلتها قبل شهر في السودان في زواج بنت أختي وهي في نفس الوقت أبنة أخيها.. يعني زيتنا في بيتنا لووووووووووول
محمد شريف فردتك في الأمارات.. وقد بدأ شيبه وهو لم يزل شابا يافعا إلا أن صار الآن والد دقشة من العيال ربنا يخلي للجميع..
أماني في الشارقة.. وعندها مكتب قانوني على ماأعتقد..
آي يا سهام ديل أهلي... وزوجتي برضو بت عمي السيدة الفضلى/ وفاق كرار.. وما عارف إذا تقابلت معها.. وهي ايضا درست على يد زينب في الأميرية بحري..
إن شاء الله أبلغ زينب وأماني ومحمد شريف بسلامك حينما تأتي الفرصة...

تحياتي لعائلة المجمر الكريمة


-------------
التعديل هو حذف المعلومة التي أوردت في ذيل المداخلة حسب تصحيح الأخ/ حاج حمد في الصفحة الثانية حيث أنني خلطت بين عباس علي الشيوعي الشلالي وعباس حسن التوم المأذون الشهير وأنا أعرف الأثنين ولكن.. الطاسة أتحرقت. معذرة للعباسين وشكرا للحاج حمد.

Post: #75
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 07:17 AM
Parent: #1

أولا نتمنى السلامة للأخ/ أسعد الريفي..

يا طارق كلامك كلو مظبوط.. ولازم البوست يحقق الغرض منه..

وأنا بالمناسبة دي وبما إنك موسيقي أود أن أسر لك بمعلومة

هل تعلم أن والدي سرالختم كرار أو (السر كرار) عليه رحمة من الله من أوائل عازفي الكمان في بحري..وكانوا يتمرنون على الموسيقى في نادي الإتحاد في بحري وهو على ما أعتقد كان المقر الرئيس للفرقة كما أنه من الرعيل الأول ايضا في نادي الأمير..إن لم يكن من المؤسسين وأيضا كانوا يوقعون على العزف أحيانا في نادي الأمير وأذكر صديقه أحمد العبيد متعه الله بالصحة (والد المرحوم الضابط حيدر أحمد العبيد) وكان عازفا للعود وصديقه الأمين النور (شقيق عمر النور - لاعب الزمالك) كان عازفا للكمان مع والدي.. وكان والدي عازفا ماهرا.. وأعتقد هناك فنان أسمه محمد يوسف أو عبد الحميد يوسف أو حاجة بالشكل ده كانوا بيعزفوا معاه وعزف بعض الوقت مع المرحوم الفنان/ عبد العزيز داؤود.. إلا أنه ترك العزف بعد أن أكملت المرحلة الإبتدائية .. لغرض في نفسه وإنقطع تماما عنه.. وعندما ضبطني يومانزلت الكمانة من رأس الدولاب.. أخذها مني قائلا ركز في دروسك ثم أهداها لأحد اصدقائه.. لو واصل والدي العزف وصقله ببعض الدراسة ربما كان زميلا للمرحوم عربي في التلفزيون... رحم الله والدي "سرالختم كرار فضل" رحمة واسعة.. ربما ليس المقام مقام ذلك.. ولكن لشحذ ذاكرة الكثيرن من أبناء بحري اللذين يقرأون هذا البوست.. وللتوثيق لبعض الشخوص وإن كان بينهم والدي...

وبرضو عرفنا إنو عمر النور الغزال الأسمر اللذي لعب في الزمالك وكان نجمه الساطع من مواطني بحري..

Post: #80
Title: Re: بحري طراوة... ويا ناس بحري .. قالوا بتحبوا يلا حبونا..
Author: Abuobeida Ali Abdullah
Date: 07-03-2008, 08:16 AM
Parent: #75

العزيز كمال السر.....

بوست قمة في الروعة واستقراء الذاكرة......

انها روعة بحري يا صديقي العزيز . المحبة والالفة والأخوة والجيرة والتواصل .

كان كل شي يميز هذه المدينة حتى المقاهي كانت ذات طابع خاص.

بس عاوز واحد يقول لي وين قهوة علي جدادة أو ماذا تسمى الآن؟

ويا كمال ما هي أقرب قهوة لي بيتكم في المزاد ومن هو صاحبها؟

أين بدر الدين وزينب؟

حاول تتذكر وبجيك راجع؟

أبوعبيدة

Post: #82
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 09:18 AM
Parent: #80

أبوعبيدة سلامات يا أخي..

معليش كانت بحاول أتذكر.. وبصراحة إتصلت ببدرالدين وتذكرك بمجرد ذكر إسمك وقال ما مشتاق إلا يقابلك.. يا سلام.. يا أبو عبيدة إبن العم علي "صاحب قهوة المزاد".. أخبارك يا ملك وأخبار أهلك الطيبين.. والجيرة الزمان..

بدر الدين في الرياض وإتملى عيال

زينب في السودان وأبنتها الكبيرة تزوجت الشهر الفات..

برسل ليك تلفوني في المسينجر يا أبو عبيدة.. للتواصل إن أمكن..

تحياتي وسؤالي عن الجميع من ناحيتكم...

Post: #83
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 09:28 AM
Parent: #80

Quote: بس عاوز واحد يقول لي وين قهوة علي جدادة أو ماذا تسمى الآن؟

ويا كمال ما هي أقرب قهوة لي بيتكم في المزاد ومن هو صاحبها؟



الاخ ابوعبيدة

قول عايز واحدة ....

شوف فى قهوة فى اخر محطة فى المذاد بتاعة العم على عبدالله ..
.والد المهندس ابوعبيدة ودكتور بكرى والمهندس منتصر ...
وكنا بنجى من بيتنا فىالصافية كدارى لانه
بصات ابورجيلة كانت بتقيف فى المحطه دى اللى هى اخر
محطة فى المذاد وبنركب منها...
ونحن كبنات مابنقدر نخشها ...لكنها كانت معلم بارز وبيوصفوا بيه ...

اما يااخ ابوعبيدة قهوة العم على جدادة واعتقد ان له
قرابة بعم على عبدالله صاحب قهوة
المذاد ...فكانت قهوة على جدادة فى سوق العناقريب ...
والمنطقة دى كانوا بيتجمعوا فيها العمال
والصنايعيه الصباح قبل مايمشوا لى اشغالهم ..
.وكان الوالد عليه الرحمة بيسوقنا ونحن صغار معاه
بيجيب من جنب القهوة العمال والصنايعية لبناء البيت
وكان دائما مابيوقفنا برة وهو يشرب ليه كباية كبايتين من قهوتها الحلوة
...وسميت بقهوة العمال بعد ذلك...
ولا ادرى هل هى مفتوحة الان ام لا ....

Post: #98
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 12:40 PM
Parent: #83

Quote:
الاخ ابوعبيدة

قول عايز واحدة ....

شوف فى قهوة فى اخر محطة فى المذاد بتاعة العم على عبدالله ..
.والد المهندس ابوعبيدة ودكتور بكرى والمهندس منتصر ...
وكنا بنجى من بيتنا فىالصافية كدارى لانه
بصات ابورجيلة كانت بتقيف فى المحطه دى اللى هى اخر
محطة فى المذاد وبنركب منها...
ونحن كبنات مابنقدر نخشها ...لكنها كانت معلم بارز وبيوصفوا بيه ...





طيب مع أبوعبيدة المخاطب بكلامك ده يا ناهد هو نفس أبوعبيدة المهندس المذكور في بطن ردك.. وكانوا جيران لنا في المزاد.. والقهوة المقصودة هي نفس قهوة المزاد وهي في سوق المزاد..

واعتقد جداده ده لقب للعم علي عبدالله

Post: #76
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-03-2008, 07:41 AM
Parent: #1

ارجو اخي كمال كي لا تضيع المعلومات ان يكون هنالك عنوان واحد عريض يكتب تحته كل الناس عن كل شئ في المجال ، لا اقصد ان لا يكتب اي حد عن اي شيئ آخر بل ان يقوم كمال باقتراح مثلا باب الشعراء فعندما اكتب انا مثلا اذكر اسم المجال او النشاط واكتب تحته ما اريد.
هذا اقتراح بقصد التوثيق فقط واحقو الاعلاميين من امثال ناهد بشير الطيب ان يوجهوا هذه الدفه.

الشعراء

من اهم شعراء بحري والذي كما قيل اثري الحقيبة باجمل اغانيها الشاعر الراحل صالح عبد السيد ابو صلاح ،مصطفي بطران،محمد عبد الله الامي، ود الرضي، ادريس جماع، محمد محمد علي ، السر كنه ( يا نديمي دعك من عثرات قولي واترع الكأس وناجي الكون مثلي)، صديقي المرحوم ابو آمنه حامد، مبارك بشير وسوركتي.

الاعلاميين:

صديقي المرحوم علي الحسن مالك، محمد خوجلي صالحين، محمد سليمان ، علي الريح، عبد الرحمن عبد الرسولوالدكتور عبد المطلب الفحل

Post: #78
Title: Re: بحري طراوة... ويا ناس بحري .. قالوا بتحبوا يلا حبونا..
Author: Habib_bldo
Date: 07-03-2008, 08:00 AM
Parent: #76


حبيناك من قلوبنا وأخترناك يا حلو
أخ كمال حبيناك عشان بحري وحب بحري يجري في دمائنا
التحية لكل المارين في هذا البوست الرائع
طالما الحديث عن بحري أولا نترحم على نادي العمال والبوسطة
وأسال هنا عن نادي العمال وما مصيره؟؟؟
كنت ناوي أفتح بوست خاص بنادي العمال ولكن طالما وجدت في بوستك منتدى مفتوح لعشاق بحري أرجو أن يفيدنا من له علم بمصير نادي العمال بعد أن اصبح أرض للباعة المتجولين ومكانا للقاذورات والقمامة.

Post: #79
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-03-2008, 08:14 AM
Parent: #78


الاخ كمال

اؤيد اقتراح الاخ طارق عشان الطاسة ما تضيع علي قول الخليجيين

اي تبويب المواضيع

والشكر للجميع

Post: #87
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 10:05 AM
Parent: #78

حبيب بلدو... شكرا كثير..
إلى أن يأتي واحد يورينا قصة نادي العمال.. نتمنى أن تتحفنا بمساهماتك عن بحري .. وكثر خيرك على الطلة والدعم

Post: #85
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 09:55 AM
Parent: #76

Quote: واحقو الاعلاميين من امثال ناهد بشير الطيب ان يوجهوا هذه الدفه.



الاخ طارق ميرغنى ...

حقيقى كلنا حنكون مع بعض ...واهو برضو جبنا معانا الوالدة للبوست ده
الاستاذة فوزية قاسم مقلد....جامعة الخر(.........)م 40 سنة رحلة عمل ....ومن مواليد
بحرى الصبابى .......
واهى ذاكرتها معانا كويسة كل مااقول ليها ياحاجة انتى الجمبنا ديلاك
ناس فلان الكانو فى الحتة الفلانية العندهم شنو مابعرفوا داك ...
طوالى تدينى الاسم كاملا ...(ماشاءالله عليها)وربنا يحفظها امين يااااارب

ملحوظة...(لو فى اى معلومة ناقصة او محتاجة لتصحيح ليتكم تعدلوها)


اخونا كمال

عمدة بحرى
مقبول الصديق

شيوخ بحرى
حمد
وخوجلى
والسيد على الميرغنى
والسيد المحجوب
وحاج سعد(جامع حاج سعد)

اقباط بحرى

ست ليلى
ست مريم
ست انا
(من مدارس الانجيلية)
عفيفة
ال رمسيس
ال جرجس
ال شوقى (بتاعين تياب الفراد)
ال دانيال (بتهم اول مضيفة )

اساتذة بحرى

علوية عتيق (بحرى الثانوية)
على الريح (مدارس صالحين)
السراج (مدارس الشعب)
العقيد (الجغرافية)
مبارك (الوابورات بنات)
محجوب عتيق وخالد عتيق ..ووالدهم عتيق نفسه
الربعه(مدارس الربعة)

سياسى بحرى

احمد السيد حمد
احمد الميرغنى
احمدزين العابدين
محمد عبد الجواد
نصر الدين السيد
الرئيس ابراهيم عبود

ادارى بحرى
نصر الدين السيد
محمد احمد عبدالرحيم
محمد معوض اول باشكاتب فى النقل النهرى

صحافى بحرى
كما تفضلت وذكرت انت اخ طارق
ايضا
الوالد رحمه الله بشير الطيب (صاحب مجلة الزمان ومجلة الوجود
ورئيس تحرير جريدة الصحافة .)...
بشير محمد سعيد (جريدة الايام)
ابراهيم عبدالقيوم (جريدة الايام)

بجيكم راجعه ....بس النشوف وين الكابتن
هشام الطيب حارس مرمى الهلال ... ود جيرانا الحيطة بالحيطه
وعارف الكتير عن ناس الكورة واللعيبة ...

Post: #81
Title: باب (ظرفاء بحري)
Author: Kamal Karrar
Date: 07-03-2008, 08:34 AM
Parent: #1

يا طارق ويا حسن.. تأيدا لكلامكم .. أبدأ

هذا الباب يا أخوانا باب ظرفاء بحري.. أرجو من طارق إفتتاح هذا الباب أولا بمحاولة استذكار أسماء ومواقع كل ظرفاء بحري ومن ثم ذكر نوادرهم.. أو كما ترون..على كل من يريد المساهمة فيه أن يضيف إلى الباب مباشرة يعني يضغط على إضافة في نفس الباب وليس جسم البوست. وشكرا

Post: #86
Title: Re: بحري طراوة... ويا ناس بحري .. قالوا بتحبوا يلا حبونا..
Author: mamkouna
Date: 07-03-2008, 10:05 AM
Parent: #1



جدودي من بحري...
حبوباتي من بحري..
أبوي لاقى أمي..في بحري..
إتولدت و إتربيت في بحري...
قريت الإبتدائي في بحري..
الثانوي العام في بحري..
الثانوي العالي في بحري..

مرقت من بحري...عشرات السنين..
ماإرتحت إلا لمن رجعتَ تااااااااني ل بحري.
الوصية بالمَهلَة يا جماعة....
لمن أموت...أدفنوني - جنب أمي - في بحري!
--

دا شنو البوست الحنين دا ؟؟!!!


Post: #92
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 11:52 AM
Parent: #86

ممكونة.. مرحب بيك في بحري..المدينة وبحري البوست..
يلا يدك معانا نوثق ولو على شكل الونسة دي..



Post: #88
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-03-2008, 10:28 AM
Parent: #1

والله يا جماعة الأستاذة ناهد بشير الطيب
حيرتني عدييييييييييييييييييل
ده زخم بتاع معلومات
يحتاج لكتاب لتوثيقها
وكذلك بقية المتداخلين
وأنا على قلة معلوماتي عن بحري
أحاول أن أضيف
بعض المعلومات
بالنسبة للفتوات
كنت على معرفة شخصية
بالشيخ علي أبو كرم (الفتوة سابقا)
وهو بالمناسبة إنضم لجماعة أنصار السنة المحمدية
وليس للتبليغ
وكان يحكي لنا عن صراعاته مع الفتوات
وذكر مثل ما تفضل الأخ كمال
أن الكضمي لم يكن بالقوة التي يزعم
ولكن كانت حوله هالة إعلامية
عن أن له ضربة قاضية
يعني كان أداك بنية
العاقل يقول دقشك قطر
ولكن الغريبة
إنو ذكر أن أخطر شخص
على الفتوات في بحري
كان المرحوم محمد عبده عثمان
وهو لم يكن فتوة
ولكن كان يهوى ألعاب القوة
وكان نصيرا للضعفاء وضحايا الفتوات
وهو شقيق الأستاذ سيف الدين عبده
كان في سودانير
وهم بالمناسبة أقرباءنا
وقد توفي محمد عبده فجأة
وهو على الطائرة القادمة من الأمارات
وكذلك كانت وفاة أخيه الأصغر حسن عبده
فجأة
رحم الله الجميع
ولنا عودة لصراع الفتوات
في بحري
ولظرفاء بحري
ودمتم سالمين

Post: #90
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 11:19 AM
Parent: #88

Quote: والله يا جماعة الأستاذة ناهد بشير الطيب
حيرتني عدييييييييييييييييييل
ده زخم بتاع معلومات
يحتاج لكتاب لتوثيقها


الاخ ابراهيم اولا ياخى ازيك انت قريبى عدييييييييييل كدة
ال قناوى مشهورين فى بحرى ....وعندكم من القناوية راجل
نقابى كبير منو كدة قناوى ...وقرابتنا بيكم بى سوسو قناوى
فى عطبرة ووداد خطاب من ال خطاب (عطبرة)
وسوسو قناوى.. وفوزيه قاسم (والدتى)... ووداد خطاب
واطاطا (فاطمة)....وبثينةمحسب....
كانن اول بنات يشتغلوا بعد السودنة فى مدينة عطبرة ...
اثناء اقامة امى هناك مع جدتها لتتعلم فى الارساليه عطبرة
ولهم صورة عندى لهم مع الخواجات (لكن مابعرف انزل ولاحاجة)

...وانتو اصلا من قنا..(فى مصر) وقرايب للوالدة
من ال مقلد وجاد غريب ....فاهلا بيك وسهلا ...قريب
ورفيق لدرب بحرى مع اخواننا فى البوست ...



تخريمة.....
بمناسبة ناهد توثق دى حقوا تستفيدوا منى بسرعة
لانى ماشة(باذن الله) السودان بالناقل الوطنى وكدة ...

Post: #93
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 11:55 AM
Parent: #90

بمناسبة الناقل الوطني..
كابتن عمر السعيد من بحري
وكابتن مأمون جار النبي من بحري
وفي كابتن كان ساكن الشعبية أسعفونا بإسمه يا ناس الشعبية من بحري
--------------
بحري طراوة

Post: #103
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 01:21 PM
Parent: #93

من كباتن الطيران أيضاً

صديق عبد الجبار
زميلنا في هذا البورد، نتوقع منه المشاركة وإثراء البوست بمداخلاته المتميزة

حسن ناصر


بعض أبناء بحري في من النشطاء في هذا البورد مسجلين غياب تام حتى هذه اللحظة عن هذا البوست على سبيل المثال لا الحصر الأخ هشام المجمر ، محمد شمس الدين ، الهميم فهل منتظرين يركبوا القطار من محطة الجيلي وإلا أيه السبب

Post: #107
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-03-2008, 01:59 PM
Parent: #90

Quote: الاخ ابراهيم اولا ياخى ازيك انت قريبى عدييييييييييل كدة
ال قناوى مشهورين فى بحرى ....وعندكم من القناوية راجل
نقابى كبير منو كدة قناوى
...وقرابتنا بيكم بى سوسو قناوى
فى عطبرة ووداد خطاب من ال خطاب (عطبرة)
وسوسو قناوى.. وفوزيه قاسم (والدتى)... ووداد خطاب
واطاطا (فاطمة)....وبثينةمحسب....


أها دي ما الحيرة الجننت عبد القادر
والله لو ما عملت كتاب توثيقي عن بحري
تبقي لا بتحبي بحري ولا حاجة

والنقابي ده خالي عبد الله نصر قناوي
رئيس اتحاد نقابات عمال السودان
وقد توفى رحمه الله في الحج سنة 1999

Quote: ...وانتو اصلا من قنا..(فى مصر) وقرايب للوالدة
من ال مقلد وجاد غريب ....فاهلا بيك وسهلا ...قريب
ورفيق لدرب بحرى مع اخواننا فى البوست ...


من قنا ولا من كاب الجداد المهم أكون قريبك وخلاس


Quote: تخريمة.....
بمناسبة ناهد توثق دى حقوا تستفيدوا منى بسرعة
لانى ماشة(باذن الله) السودان بالناقل الوطنى وكدة ...


تمشي وتجي بالسلامة
وتحياتنا لي بحري
كلها
ودمتم سالمين

Post: #108
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 02:19 PM
Parent: #107

من قنا ولا من كاب الجداد المهم أكون قريبك وخلاس







الاخ ابراهيم قناوى....

انت عارف الناس الفى البوست ديل كلهم قرايب
وكان ماقرايب جيران وان لا كمان معارف ولا اصهار ونسايب...
وكمان فى زول قريبك اسمه الاستاذ المحامى حسن دراوى من (دراو)(مصر)
وهو ابن خال الوالدة ...شفاه الله من الوعكة التى المت به
...ويسكن الان الحلفايا....




تخريمة
كان كدة تانى مابتجينى عوجة وراى رجالة ....
يديكم كلكم العافية شقيش ماتقبلوا

Post: #9040
Title: Re: بحري طراوة... ويا ناس بحري .. قالوا بتحبوا يلا حبونا..
Author: امير طمبل
Date: 10-30-2010, 02:04 PM
Parent: #108

أخي الأكبر
كمال السر كرار
تحياتي و اشواقي
بحري طراوة بحري حلاوة بحري سر الهوي
عاش من شافك و سمع صوتك ...طالت السنين
يا جارنا...الحيطة بالحيطة الله يرحم ابوي
السر كرار و يجعل الجنة مثواه الاخير
تحياتي لبدرالدين و اختي زينب
حليل سوق المذاد ...خليل الترزي...عطا الحداد...حمد مالك الشفيع النجار
أب اديه بتاع الجرايد...قهوة علي عبدالله الشهيرة
اللهم ارحم امواتنا
بت توفيق..زينب فضل ...حاجة التاية...ستنا...حبوبتي بت المني..سيدة بت اسمر
وابائي..عم صالح والد سماعيل صالح ..عم صديق والد الفاتح..ابوي السر كرار..
جدي سعيد السيد..عثمان عبدالغفار..عم الجاك والد محجوب و محمد..الخليفة ابو هاشم و جعفر
عبدالمجيدعبدالله والد رفعت..رافت عزت و عصمت..سليمان جبارة الله
..وعمنا محمد عبدالحفيظ ...اللهم ارحمهم رحمة واسعة
ياااااه يا كمال ...دنيا
علي العموم تحياتي و اشواقي حتي التقيك
انا عايش هنا في قطر الدوحة لي سنيييين
0097455171433
وافر شكري و تقديري الي شخصك و كل ابناء مدينة بحري العريقة

Post: #9212
Title: Re: بحري طراوة... ويا ناس بحري .. قالوا بتحبوا يلا حبونا..
Author: الطيب شيقوق
Date: 11-29-2010, 05:03 AM
Parent: #108

جينا نتبرك في ناس البنادر اصحاب العطور الباريسيسة يا ود كرار

Post: #89
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-03-2008, 11:08 AM
Parent: #1

Quote: وأسال هنا عن نادي العمال وما مصيره؟؟؟
حسب ماعرفت قبلاً أنو نادي العمال تم بيعه من ضمن ماقد بيع إلى السعودي جمعة الجمعة مع قصر الصداقة والبوستة القديمة المقابلة سينما وطنية ... بعد أن تم نقل البوستة منذ زمن بعيد إلى مقابل مطعم الخيام ( والما أكل فيه زمان ما أكل ) ... وتم هدم نادي العمال وهو الآن قطعة فااااضية حتى بداية هذه السنة .. ( أخر إجازة لي )

Post: #94
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-03-2008, 12:07 PM
Parent: #1

ما شاء الله اخت ناهد...... الاستاذ بشير الطيب رحمة الله عليه... علم في رأسه نار "هذا الشبل من ذاك الاسد"ونسيتي ابن حلتنا محجوب محمد صالح ,, وحاحاصرك من جهتين .دراستك في الاميريه بنات اكيد حتكون درستك احدي اخواتي ساميه او هدي ميرغني ، ومن عطبره التي قضت والدتك فيها زمن... فوالد زوجتي النقابي القديم بالسكة الحديد وسكرتيرها لزمن هاشم السعيد.

ظرفاء بحري:

عز الدين شلنكح

عمر الحلبي

ود اب كالوك

ابو الهول.

وبرضو ابو آمنه حامد

ولكل حكايات ارجو من ديناصورات المدينه البدء.


المرحوم علي الحسن مالك كان صديق شلنكح واعطاه المعلوم من بدري لتجهيز العشاء بمنزلهم بالدناقله لان مساء نفس اليوم هلال مريخ .
بدأ شلنكح بتجهيز الميدان ورش الحوش والراديو بجانبه وصوت مالك يصيح قووووون واااااوت.......... والآن اترك المايكروفون لزميلي الرشيد بدوي عبيد وفجأة دق الباب. هرع شلنكح وفتح الباب ليجده علي مالك فصاح: انت جيت راكب الموجه ولا شنو؟؟؟

Post: #101
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 01:02 PM
Parent: #94

Quote: المرحوم علي الحسن مالك كان صديق شلنكح واعطاه المعلوم من بدري لتجهيز العشاء بمنزلهم بالدناقله لان مساء نفس اليوم هلال مريخ .
بدأ شلنكح بتجهيز الميدان ورش الحوش والراديو بجانبه وصوت مالك يصيح قووووون واااااوت.......... والآن اترك المايكروفون لزميلي الرشيد بدوي عبيد وفجأة دق الباب. هرع شلنكح وفتح الباب ليجده علي مالك فصاح: انت جيت راكب الموجه ولا شنو؟؟؟


اخ طارق...
مباااااااااااالغ
ه

Post: #104
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 01:32 PM
Parent: #94

ما شاء الله اخت ناهد...... الاستاذ بشير الطيب رحمة الله عليه... علم في رأسه نار "هذا الشبل من ذاك الاسد"ونسيتي ابن حلتنا محجوب محمد صالح ,, وحاحاصرك من جهتين .دراستك في الاميريه بنات اكيد حتكون درستك احدي اخواتي ساميه او هدي ميرغني ، ومن عطبره التي قضت والدتك فيها زمن... فوالد زوجتي النقابي القديم بالسكة الحديد وسكرتيرها لزمن هاشم السعيد.

الاخ طارق
رحمة الله على الوالد بشير الطيب ....
والوالدة معاى وقالت ليك سامية وهدى هى بتعرفهم كويس جدا
اما عن النقابى هاشم السعيد فهى بتعرفه معرفة تامة ....
وكانوا وقتها هى والبنات بيشتغلوا طبيعات على الالة الكاتبة
وقالت انه هاشم عمل مع اهل الوالد رحمه الله(ناس الشوش ) فى عطبرة

طارق
بدل التعب ده ...ماتعال نعمل للحاجة باسورد

اخ كمال
الحاجة جننتنى بالبوست ده ...قالوا شنو كتبوا منو ..وفلان ده عرفتوا
وفلان ده ماعمل كده ياناهد....يديكم العافية...والله...
(خليتوا الحاجة ملهية بالذكريات وخلت الشكية
من وجع الركب )

Post: #116
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-03-2008, 06:40 PM
Parent: #104

بسم الله الرحمن الرحيم

الاخ الحبيب كمال...


والله الواحد تغمره الفرحه بنيل عضوية هذا البورد اكتر من فرحتو بالشهادة السودانية....وذاد الفرح

بوجود هذا الزخم المعلوماتى الموثق من كل المشاركيين البحراويين.

السكن بحرى...الهوا بحرى ....الجمود من بحرى (ده مسطلح بحراوى شلالى اصيل)...الزواج من بحرى...الاهل فى بحرى.

سلام ولنا عوده

Post: #155
Title: Re: بحري طراوة... ويا ناس بحري .. قالوا بتحبوا يلا حبونا..
Author: لؤى
Date: 07-04-2008, 05:04 PM
Parent: #104









pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="true" designtimesp="5311" loop="true">





أنـا في البـعـيـد مُـشـتـاق لهـمـسـة من الوطن يا نـسـمـة


Post: #189
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 09:09 AM
Parent: #155

شكرا الاخ العزيز لؤى ...على اغنية بحرى
.....وحقيقى دائما مانجدك مع كل الاخوان ...
فى بوستاتهم تمتعهم بالجميل من اللحن المموسق
الذى يطابق معنى البوست ....
خالص التقدير لشخصك ...

Post: #283
Title: Re: بحري طراوة... ويا ناس بحري .. قالوا بتحبوا يلا حبونا..
Author: سيف الدين علي محمد الفاضل
Date: 07-07-2008, 01:12 PM
Parent: #94

الأخ/ كمال كرار
الأخ/ طارق ميرغني

والله حلوين ذكرتونا ببحري وجمال بحري وحلاوة بحري ومدارس بحري
أنا من مواليد مدينة بحري وزيادة حبة عضو جديد نيف معاكم في سودانيز أون لاين
وكمان عضو جديد لرابطة أبناء مدينة بحري التي أتمنى أن تولد هذه الرابطة ونسيتو كما الحلاقين وعلى رأسهم أبو الهول الذي يسكرك بعذوبة صوته عندما تجلس على الكرسي ليحلق لك الرأس فتتمنى أن يكون لديك 100 رأس عشان تستمتع بغناء ذلك الموهوب في الحلاقة وفي الفن
عشت يا بحري الأبية من المزاد إلى الختمية .. ويا حليل ميدان عقرب وفريق الوحدة والتلال لما وعرب الجريف لما يكونوا عندهم مباراة الدلاليك والعصي تقع قرش ونص .. ولما تعرج تمشي المزاد ناس الهدف والنهضة وكمال حسب الله الكوتش العظيم وناس الصقر الأسود والله زمان يا أيام

مع تحياتي لكل من تنسم علايل بحري

Post: #370
Title: Re: بحري طراوة... ويا ناس بحري .. قالوا بتحبوا يلا حبونا..
Author: PLAYER
Date: 07-11-2008, 03:13 AM
Parent: #94

يا ناس بحري جيناكم للتمام
بحكم انوا العبد لله من مواليد الديوم حيث درست الأبتدائية بمدرسة الكمبوني الكانت جنب بلدية بحري الكنا بلعب فيها الدافوري ونتشعلق في اشجارها ونجدع في بلحها ثم جاءوا الكوريين وبنوا فيهو فندق قصر الصداقة.
ثم أنتقلنا الي الجريفات الشرقية بالتحديد حي النمر البقع بين مدرسة زروق الجنب الزبتالية حدا طريق امدوم ومدرسة المعهد المتوسطة(حيث درسنا فيها) جنب مركز الشباب .
بعد داك رحلنا الي حاج منفي وبالتحديد الوحدة الوطنية جواه كرتون كسلا جنب مربع 8 قريب من نادي الصليحاب الجنب مركز عوج الدرب ,بيتنا جنب مدرسة أبوبكر الصديق والذي درسنا فيها فيما بعد.
كده النمشي نشرب كوز موية ونجيكم راجعين
وقبال ما نمشي ما تنسوا سينمات بحري( حلفاية,وطنية,كوبر)
وكازينو النيل الأزرق وجنينة عبود.

Post: #638
Title: Re: بحري طراوة... ويا ناس بحري .. قالوا بتحبوا يلا حبونا..
Author: انا بنت النيل
Date: 07-25-2008, 05:51 PM
Parent: #94

فعلا بحري طراوة وجمال ووساع وهواء لطيف وناس لطفاء ..


تسلم ياصاحب الدار علي هذا البوست الرهيب

بت المجمر ما تجي "نخش" بالمزاد ونبدأ من "عمك علي" صاحب ارهب قدرة فول في بحري ومن هناك علي شارع واحد وخمسين (كان به 51 فتاة) هسه ماعارفة البقى عليهم شنو هن وهن بالمناسبة كانن كلهن سمحاااات سماحة الجن يعني الداخل مفقود ..مفقود
ياريت لو في زمن عشان نحكي عن الكفر والوتر في مزاد بحري

Post: #862
Title: Re: بحري طراوة... ويا ناس بحري .. قالوا بتحبوا يلا حبونا..
Author: البيجاوى
Date: 08-06-2008, 04:58 PM
Parent: #94

احب بحرى المدينة واحب اى زول ساكن فى بحرى وفعلا رمضان زايد لما غنى يا ناس بحرى ما قالو بتحبوا يالله حبونا كلام ما جا من فراغ انا اصلا من مواليد ثغر السودان لكن لما جيت الخرطوم سكنت اول فى الخرطوم وبصراحة ما عجبتنى وكنت ساكن فى الخرطوم واصحابى كلهم من بحرى الخرطوم كنت بمشى انوم فيها والصبح اطلع منها وما برجع تانى الا بعد ما اقضى شغلى وارجع بحرى وامسى فيها وارجع الخرطوم تانى وبعدها شاءت الاقدار انو اسكن فى بحرى وانا اسكن الان فى الدروشاب وطبعا الجماعه قالو دى من ضواحى بحرى ودائما الدخلاء بيسكنو فى الضواحى ولكن لو سكنت فى اقصى الضواحى برضى ساكن بحرى وعشت فى بحرى وانا الان من اصحاب الاملاك فى بحرى واملك قطعتان فى بحرى واحده فى الدروشاب والتانيه فى الخوجلاب ولو خيرونى فى ان يعطونى عمارة فى الخرطوم او ام درمان على ان اترك بحرى سارفض بشده وانا بحرى عشته فيها اجمل ايام عمرى واتزوجت من بحرى واولادى ولدوهم فى بحرى وفى مستشفيات بحرى وقاعدين يقروا فى بحرى وانشاء الله اموت وادفن فى بحرى وما عارف اقول ليك شنو يا اخ كمال ابوسك ولا احييك من على البعد ولا اعمل شنو يا زول الكلام كتير وحايكون عندى مداخله تانية المساء واحييك واحى كل العملوا مداخلات والعندهم لسه وما طلعوا

Post: #950
Title: Re: بحري طراوة... ويا ناس بحري .. قالوا بتحبوا يلا حبونا..
Author: صديق عبد الجبار
Date: 08-11-2008, 07:59 AM
Parent: #94

الأخ المحترم كمال كرار ..
وجميع الأعزاء البحراويين والبحراويات الجميلين كلهم والجميلات ..
أحييكم جميعاً وأهنئكم وأهنئ نفسي على هذا الديوان البحراوي العامر بوجودكم المتألق ...
أسفي الشديد على أنني أتيت متأخراً ولكن حقيقة لم أفطن لهذا المنتدى إلا اليوم وشكراً جزيلاً للأخ كما لكرار ..
Quote: من كباتن الطيران أيضاً

صديق عبد الجبار
زميلنا في هذا البورد، نتوقع منه المشاركة وإثراء البوست بمداخلاته المتميزة

حسن ناصر


بعض أبناء بحري في من النشطاء في هذا البورد مسجلين غياب تام حتى هذه اللحظة عن هذا البوست على سبيل المثال لا الحصر الأخ هشام المجمر ، محمد شمس الدين ، الهميم فهل منتظرين يركبوا القطار من محطة الجيلي وإلا أيه السبب

شكراً للأخ عبد الرازق سعيد على دعوته الكريمة ...
وقبل أن أبدا للتوثيق لأبناء بحري في عالم الطيران أود أن أترحم أخي وكبير العيلة المغفور له بإذن الله اللواء معاش / محمد عبد الجبار محمد طه ، فلقد كان رحمه الله من الأسماء الهامة في مدينة بحري خاصة ومهنة الشرطة عموماً في السودان ، رحمه الله رحمة واسعة وأسكنه فسيح جناته مع الصديقين والشهداء وحسن أؤلئك رفيقا...!!!
نحن طبعاً في الأصل من شايقية مروي ، ولكن وبسبب وجود المرحوم / محمد عبد الجبار ، فلقد استقر بنا الحال جميعاً في مدينة بحرى الكبرى متفرقين ما بين الأملاك وحلتي خوجلي وحمد والختمية والدناقلة شمال وجنوب(الميري أو البدوان) وقديماً حلة الميري (الوابورات) والشعبية والمزاد والحلفايا والدروشاب وقليل من الصافية وشمبات الحلة والأراضي .
وعليه فلقد صارت بحري بالنسبة لنا هي الوطن الثاني بعد مروي ، وأنا شخصياً أعتز بذلك وليست لدي النية أن أفارق بحري حياً أو ميتاً بعد عمر طويل ...!!!
وبالمناسبة لدينا مقبرة شبه خاصة في مقابر حلة خوجلي وربنا يعطينا حسن الخاتمة ..!!
لكم تحيتي
وسوف أرجع إنشاء الله للتوثيق في باب الطيران

"أبوفواز"

Post: #4321
Title: Re: بحري طراوة... ويا ناس بحري .. قالوا بتحبوا يلا حبونا..
Author: داليا الكباشى
Date: 07-25-2009, 10:26 AM
Parent: #94

سلامات ناس البوست اللطيف ...

وناس بحري ...

انا زاتي من بحري ... بارغم انني اعتز بشايقيتي جدا (اوعى زول يلوي بوزو..!!) لكن والله هواها غييير على قوله الخليجيين..



ارقدوا عافيه

Post: #4322
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالكريم أحمد الامين
Date: 07-25-2009, 03:42 PM
Parent: #4321

Quote: سلامات ناس البوست اللطيف ...
وناس بحري ...
انا زاتي من بحري ... بارغم انني اعتز بشايقيتي جدا (اوعى زول يلوي بوزو..!!) لكن والله هواها غييير على قوله الخليجيين..
ارقدوا عافيه

د. داليا بت ود الكباشى ..
** مساءك الله بالخير..
** سيد الديوان دا الظاهر عند مشوار للبحرين ,, قلنا نرحب بيك قبل مايجى راجع ,, البيت بيتك والصالون فاتح ضيفى نفسك وضيفى البيجى بعدك ..
** كان زهجتى من القعده براك ,, صالونا دا فيهو 44 شريط فيديو لاشياء تخص بحرى ست الهوى والطراوه دورى فيهم ,, وبحرى هى خليط لكل السودان شمالو وجنوبو وشرقو وغربو ووسطو وفى بيتنا دا بتلقى كل الوان الطيف ,, اها قتناك بعافيه وماتنقطعى صالونا دا ماعندو باب وفاتح زى عيادة الحوادث 24 ساعه.
(ودام الود بين الجميع)
(ابو محمد فؤاد - دبى)

Post: #4323
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالكريم أحمد الامين
Date: 07-25-2009, 04:09 PM
Parent: #4321

Quote: سلامات ناس البوست اللطيف ...
وناس بحري ...
انا زاتي من بحري ... بارغم انني اعتز بشايقيتي جدا (اوعى زول يلوي بوزو..!!) لكن والله هواها غييير على قوله الخليجيين..
ارقدوا عافيه

د. داليا بت ود الكباشى ..
** مساءك الله بالخير..
** سيد الديوان دا الظاهر عند مشوار للبحرين ,, قلنا نرحب بيك قبل مايجى راجع ,, البيت بيتك والصالون فاتح ضيفى نفسك وضيفى البيجى بعدك ..
** كان زهجتى من القعده براك ,, صالونا دا فيهو 44 شريط فيديو لاشياء تخص بحرى ست الهوى والطراوه دورى فيهم ,, وبحرى هى خليط لكل السودان شمالو وجنوبو وشرقو وغربو ووسطو وفى بيتنا دا بتلقى كل الوان الطيف ,, اها قتناك بعافيه وماتنقطعى صالونا دا ماعندو باب وفاتح زى عيادة الحوادث 24 ساعه.
(ودام الود بين الجميع)
(ابو محمد فؤاد - دبى)

Post: #5360
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالرحمن إبراهيم محمد
Date: 10-10-2009, 10:58 PM
Parent: #94

الأعـزاء أهـل بـحرى الأصــلاء

تـحيـة حــب صـادقـة لـبـحـرى وأهـل بـحـرى فكما قال أمير الشعراء:

ولي وطن آليت ألا أبيعه وألا أرى غيري له الدهر مالكا
عهدت به شرخ الشباب ونعمةٍ كنعمةِ قومٍ اصبحوا في ظلالكا
فقد ألفته النفس حتى كأنه لها شجرٌ إن بان غودرتُ هالكا
وحبب أوطان الرجال إليهمُ مــآرب قضاها الشــباب هنالكا
إذا ذكروا أوطانهم ذكرتهموا عهود الصبا فيها فحنوا لذلكا

رغــم غـربة دامت من الأعوام ثلاثون فبـحرى مازالت فى القلب وفى العـقـل وفى الـخاطـر.

بـحـرى التاريـخ النضالى ضـد أقســى صـنوف القمع الأنـجليزى والدكتاتورى العسكرى أيام عبود ونمـيرى

بحـرى الـثقافـة والـفـكـر والشـعـر

بـحــرى الـفــن والإبـداع

بـحــرى التكافـل والـحب الإجتماعى الفريد

بــحــرى الرياضــة وكـرة القــدم وكــرة الســلة والملاكمة وكمال الأجســام

بـحــرى المـدارس ونوابــغ المعلمين

بـحــرى التى غــير ابناؤها تاريخ السودان وتاريخ بريطانيا وتاريـخ أفـريــقـيا وتاريــخ أمــريكا

ســأروى فى الايام القليلة القادمــة، بإذن الله، أيام الصـبا قبل أن يــظهر المـزاد والشــعبية والصافية، وأيام باكر طفولتنا فى الخـتمـية وصبانا وشبابنا فى الأملاك ودراســتنا فى حلـة الدناقلة وصــداقاتنا فى شــمبات وحلة حمد وحلة خوجلى والصبابى وحلة كوكو وحلة الميرى والوابورات وكوبر والديوم و"شكلاتنا" مع الصعاليك والفتوات.

وساحكى عن أيام النـضال الســياسـى الذى رضـعنا منه حب الوطن والمظلومــين والذى قال فيه السكرتير الإدارى البريطانى لو عـرفنا كيف نــسكت الخـرطوم بـحـرى فسـنعـرف كيف نـقصم ظهر الـحـركة الـعمالية فى عـطبرة؛ وسأعرض لأول مــرة أسباب عدم مــقدرة الأســتعمار والحكم العسكرى لكشف آليات توزيع المنشورات الثورية. وعـن الليالى السـياسـية ودهاقنة الحركة الوطنية وركائز النضــال الـجماهيرى

ســأحكى عن من عاصرنا من عملاقة كـرة القــدم والرياضيين ومن زاملناهم فى الملاعب، وعن الفنانين والشـعراء والأدباء والممثلين المبدعين

ســأحـكى عن المدارس ونشــوء التعليـم الشــعبى وعمالقة المـعلمـين الذين تركوا بصــماتـهم عـلى جـيلنا وعلى من تبعـنا؛ فلهم الحب وعمـيق الشــكر

ســأحـكى عـن نـضال أهل بـحــرى من رجـال الـدين الوطنيين الصادقين اللذين أقضـوا مـضاجع المســـتـعـمر

فالذكـريات أحـبتى كــثر! فلكم الشـــكر على تذكــيرى بواجـبى فى التوثيق فقـد كان مـاقـرأت عـن ماآل اليه مــصـير نادى الـعمال مـركز النـضال وبؤرة الـوعـى الوطـنى أيام ســـلام والـشـــفيع وجــسـور ونصـر الدين الســيد وعابدين إســماعـيل جـرحا غـائرا فى المخ وفى العقل وفى القلب وفى الوجدان.

فلكم التـحـية والـحب إلى لـقاء

عبدالرحمن إبراهـيم البربرى "عـــبـده"

Post: #5646
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناصر فراج
Date: 10-24-2009, 05:47 PM
Parent: #94

ألأحبة ناس بحرى الحلوين
اولأ مشكورين على الترحيب الحار.
لكن والله نفسى فى سمك حار من مطعم الخيام ومعاهو مخلل كارب من مطعم كيسو ملك الفول و الطع100 ولو فى طريقة لى تحلية من حلوانى بحرى تكونو ما قصرتو معاعى......
بالعدم فتة من ابو الهول .

Post: #95
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 12:21 PM
Parent: #1

حلوة دي يا طارق يا نديما عبأ من كأس الصبا

المزيد من حكاوي شلنكح

Post: #96
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-03-2008, 12:22 PM
Parent: #1

الاخ ابراهيم قناوي ياخي احر التعازي في حسن عبده شقيق زميلنا سيف عبده . اول مره اسمع بذلك ومحمد عبده رحمه الله كان ثيردباك نادي الاتحاد البحراوي وكان سدا منيعا مع كرومه وابن خالتي بابكر قسم السيد واخي عامر ميرغني فردة باك ونادي الاتحاد حنجيه في باب الرياضه.

Post: #109
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-03-2008, 02:35 PM
Parent: #96

Quote: الاخ ابراهيم قناوي ياخي احر التعازي
في حسن عبده شقيق زميلنا سيف عبده . اول مره
اسمع بذلك ومحمد عبده رحمه الله كان ثيردباك نادي
الاتحاد البحراوي وكان سدا منيعا مع كرومه وابن خالتي
بابكر قسم السيد واخي عامر ميرغني فردة باك ونادي الاتحاد
حنجيه في باب الرياضه.[/

جزاك الله خير يا باشمهندس

والغريبة هذه الأسرة دائما يتوفون وفاة مفاجأة
ربما لزيادة الدهون في الدم او ما يسميه
الأطباء: هايبر ليبيديميا

رحم الله الجميع

تخريمة:
من كباتن بحري ايضا
عبد الله عبد الفراج بالمزاد جنوب
ومن ظرفاء بحري ياسر عبد المحمود
الشهير بياسر ابو الياء
ولنا عودة
ودمتم سالمين

Post: #97
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 12:26 PM
Parent: #1

من أساتذة مدينة بحري :

عبد القادر الشيخ إدريس (أبو هالة)
عبد الله حامد
عبد الرؤوف محمد صالح
د. عبد المنطلب الفحل
فوزي كامل دميان
الزين عثمان
عبد الرحمن الفكي

وبالمناسبة الأستاذ/ محجوب عتيق الذي ذكرته الأخت ناهد في مداخلتها هو والد الأخ الحدوتة نزار عتيق المشارك من خلف الكواليس في بوست الأميرية (1) ، نأمل من الجميع المساعدة في عمل عضوية له بالبورد حتى يتمكن من المشاركة في هذا البوست الهام وهو بحكم نشأته لديه معلومات ثرة عن مدينة بحري وحلة حمد على وجه الخصوص


من المعلمات :

عشمانة – مدرسة الشعبية
آمنة أدهم - مدرسة الحرية

نواصل

Post: #102
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-03-2008, 01:16 PM
Parent: #97

اعزائي

واضح ان هذا البوست سيدخل كتاب جينيس.... وليه لأ ؟ بحري صفاء وطراوة.

لذلك اقترح ان يهتم كل واحد بموضوع واحد ويعمل علي تجميعه.

ودا بعدين حيساعد في الايديتنق.

مثلا:

طارق ميرغني : كل ظرفاء بحري وحكاويهم

كمال السر : كل شعراء بحري

حسن طه : كل رياضي بحري

وهكذا

مع الاستمرار في الكتابة.

Post: #99
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 12:58 PM
Parent: #1


الاخ عبدالرازق
سلامات....

نزار محجوب عتيق هو ابن عمة زوجى لزم......وهو الان فى لندن
ووالده مازال يعمل بوزارة التربية بالخرطوم ....وهو استاذ انقليزى بارع
رحم الله والدته الاستاذة رابعة محمد عثمان عمة زوجى ....وهى اخت المرحوم رضا محمد عثمان
رئيس تحرير جريدة الصبيان ...,صاحب كثير من الاشعار التى تغنى بها شرحبيل احمدواخت
المرحوم عباس محمد عثمان الى سبق تعريفه فى الاعلى ....


رحم الله الاموات
وطول العمر للاحياء منهم

Post: #105
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 01:41 PM
Parent: #99

الأخت / ناهد

المرحوم رضا محمد عثمان هل هو والد زميلنا في الأميرية وبحري الحكومية الأخ ناصر رضا, والذي اذكر أن أخوانه كانوا أبطال في منشط السباحة على مستوى الجمهورية في الثمانينات ممثلين لنادي الكوكب البحراوي

Post: #106
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 01:56 PM
Parent: #105

الأخت / ناهد

المرحوم رضا محمد عثمان هل هو والد زميلنا في الأميرية وبحري الحكومية الأخ ناصر رضا, والذي اذكر أن أخوانه كانوا أبطال في منشط السباحة على مستوى الجمهورية في الثمانينات ممثلين لنادي الكوكب البحراوي


الاخ عبد الرازق ...وصلت تب .....

نعم هو والد ناصر رضا.... وناصر ... عم اولادى ....
وزوجى المهندس هشام رضا واخوهم الممثل ياسر رضا...
وهشام هو سكرتير اتحاد السباحة بالخرطوم ...ومدرب بنادى الكوكب والهلال.....
وكان معهم وقتها فى اتحاد السباحة العم جادالله....
\وابنته سارة جاد الله ...وصلاح جادالله ...ومدثر حامد وعبدالمنعم ...
وسمير عبدالكريم ...وخالد عامر ...ويحى عامر ...والمدرب بيومى سالم
وغازى ابراهيم صالح ...ابن خالتهم ...وبنات برونا ...وبنات محمد التوم التجانى
وطارق الطاهر من اولاد بحرى ومحمد الطاهر وعزام عنتر وحسين سيد احمد وعبدالرحمن
محمد عبد الرحمن (المخرج وزوج منال بدر الدين) وحسن الهببو ...

على فكرة هشام بيسلم عليك ياعبدالرازق وهو الادانى الاسماء دى طبعا ...
لانه انا وقتها كنت فى الكشافة البحريه مع الطيور الزرقاء



وبحرى ....لقاء احبة ....

Post: #100
Title: Re: باب المعلمين
Author: Kamal Karrar
Date: 07-03-2008, 01:00 PM
Parent: #1

من أساتذة بحري:
1- عثمان كرار
2- خليفة عبدالقادر
3- يوسف إدريس
4-أحمد خوجلي
5- متوكل التوم
7- إبراهيم عبد الله
8- شكر إبراهيم
9- الدكتور/ حيدر محمد علي
10- فاروق كرار
11- أحمد بر
12- أحمد خوجلي
13-عبدالله عمر
14- مختار نورالدين
15- محمد الفاتح منصور
16- عبدالرؤوف رستم
17- عبدالحميد رستم
18- الصاق سعد
19- حيدر أحمد عمر
20- سوركتي
21- عبداللطيف أبو الحسن

ونواصل

Post: #285
Title: Re: باب المعلمين
Author: سيف الدين علي محمد الفاضل
Date: 07-07-2008, 01:33 PM
Parent: #100

الأخ/ كمال
تحياتي

أضف لقائمة الأساتذة في بحري
(1) السر مدني
(2) المرحوم الأستاذ والممثل يسن بعدالقادر
(3) كنة
(4) محمد بر (شقيق أحمد بر)
(5) مولانا عثمان
(6) عبدالعظيم
(7) يسن (سحابة) الأميرية 2 والأميرية بنات
(8) محمد محمود
وصدقني القائمة كبيرة وكبيرة ياريت الذاكرة تسعق الواحد ..

Post: #110
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 03:13 PM
Parent: #1

الاخ ابراهيم قناوى

رديت ليك فى صفحة واحد ...اظنك ماشفتوا

خالص التقدير


المصرفيين من ابناء بحرى

ابراهيم نمر (محافظ بنك السودان )
حسن عثمان صالح (بنك السودان )
هدى عامر مازالت ببنك السودان
عبدالرحيم حمدى
محمد على عفبفى




بحرى الجمال ....

Post: #112
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-03-2008, 03:31 PM
Parent: #110

Quote: الاخ ابراهيم قناوى

رديت ليك فى صفحة واحد ...اظنك ماشفتوا


شفتو والله لكن كنت بحاول
أعمل اتصالات بالسودان
عشان يسعفوني
بي معلومات زيادة
لكن كما تفضلتي
إنو بحري كلها أهل
وأصهار
ونسايب
وبحري
نداوة

تخريمة:
في أسماء كتيرة
تحتاج الى توثيق

ودمتم سالمين

Post: #111
Title: Re: بحري طراوة... ويا ناس بحري .. قالوا بتحبوا يلا حبونا..
Author: sanaa gaffer
Date: 07-03-2008, 03:29 PM
Parent: #1

بحري ؟؟!!

بحري الجمال واللطافة والطراوة والمحنة والذوق والاصالة ...


حلة حمد .. بيت جدي الكبير ( الله يرحمه) لغاية الان فيهو لوحة خشب مربعة صغيرة من زمن الانجليز .. مكتوب عليها .. منزل نجار عبد العظيم ..


جيراننا ناس حسن هلال .. وبتهم (ماهي) السمحة ام عيون ملونة ..


نهاية شارع بيت جدي ببدا شارع الشلالية .. عم ( حدق ) والجداد المطلوق في الشارع طول الوقت ..


( حلبة ) شيخة الزار .. المقابر الفي نص الحلة .. ومكان لعبنا المفضل في الطفولة ..

الدناقلة شمال .. بيت خالتي .. جيران صاحب الحنجرة الذهبية ابو داؤد ( رحمه الله ) .. وشجرة النبق الرامية حيلها على حيطة الشارع ..

الشعبية .. الصافية .. شمبات .. كوبر ... اهل الام الحنان موزعين في كل نواحي بحري ...

مرتع الطفولة والصبا ... اجمل الذكريات ...

واحلى سلام لاحلى ناس ... ناس بـــحـــري ...

Post: #143
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 10:56 AM
Parent: #111

ياسناء جعفر....سلامات ...
يعنى قبل كدة اتلاقينا فى بوست جامعة القاهرة الفرع
وهسى كمان فى بوست بحرى ...اكيد كنا بنركب حافلة واحدة بالله
عرفينى عليك اكتر ......

Post: #158
Title: Re: بحري طراوة... ويا ناس بحري .. قالوا بتحبوا يلا حبونا..
Author: sanaa gaffer
Date: 07-04-2008, 05:45 PM
Parent: #143

Quote: ياسناء جعفر....سلامات ...
يعنى قبل كدة اتلاقينا فى بوست جامعة القاهرة الفرع
وهسى كمان فى بوست بحرى ...اكيد كنا بنركب حافلة واحدة بالله
عرفينى عليك اكتر ......


العزيزة ناهد ...

لبحري سر غامض لا يعرفه الا اهلها ...

لبحري عبق خاص لا يشمه الا اهلها ...

لبحري مزاج خاص يصبغنا بلونه .. ويسقينا حنينه .. ويملأنا بدفئه ...

برغم السكنى في الخرطوم ( تبع الوالد الله يرحمه ) .. لكن بحري محفورة في الخاطر ...

وبرغم الغربة ... ما بتبقى الاجازة ليها طعم بدون زيارة كل احياء بحري .. مكان الاهل والاصدقاء ...مكان المحنة ..

اتشرف كتير بمعرفتك ...


تحيات طيبات زاكيات ...

Post: #113
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 04:00 PM
Parent: #1

الأخت / ناهد

سلام ..

التحية والتقدير لزوجك الأستاذ هشام رضا وأشكره على المعلومة الطيبة التي أتحفنا بها وهذه فرصة طيبة لإدراج إسمه ضمن قائمة الرياضيين المتميزين في مدينة بحري كلاعب وكإداري ، وكذا الممثل القدير ياسر رضا ضمن فئة الممثلين ، والتحية موصولة كذلك لإبن الدفعة ناصر رضا

الأخ/ كمال كرار
أقترح أن تكون هذه المرحلة هي مرحلة معلومات أولية يعني تسخينة ومن ثم البداية الجد حسبما يتم الإتفاق عليه ، وما في داعي للقلق ما دام معنا أم الجميع الوالدة العزيزة فوزية قاسم مقلد ربنا يديها الصحة والعافية وطول العمر

طارق ميرغني
نزار عتيق وجوده مهم جداً في هذا البوست وأيضاً في البوستات الأخرى المرتبطة ببحري أرجو منكم الكتابة للأخ بكري من أجل ضمه للبورد

Post: #114
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 05:38 PM
Parent: #1

شكرا اخى عبدالرازق على كل كلمة اتفضلت وكتبتها ....
ويلا ياطارق قدم لبكرى طلب باسورد لعم بناتى نزار عتيق بالله
ونحن بنشد من ازرك ....

ويابحرى بتين نصل نشم هواءك.....
وبحرى طراااااااوة .....

Post: #115
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالوهاب علي الحاج
Date: 07-03-2008, 06:19 PM
Parent: #114

ياناس بحري
سلام عليكم
انا بحراوي وادوني العضوية الليلة دي
كدي اعملوا لي ترحيب هنا وارجو ان اكون اضافة كويسة ليكم


شكراً الباشمهندس بكري ابوبكر منحي العضوية ويا ناس جوة وناس برة باركو لى

Post: #118
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-03-2008, 07:18 PM
Parent: #115

الاخت ناهد...لك التحايا والاجلال فى التوثيق لهذا الحى الراقى...

سلامى للباشمهندس طارق رضا....

كنت من شلة العزيز ياسر رضا,سيف لبيب, المرحوم علاءالدين الواثق ابن الاستاذة الفاضله

جليلة.أسامةشبيين,محمد بيتش.

والله اجمل فترات حياتى ...قضيته بين حلة الشلاليه وشارع المستشفى...

سلام ولنا عوده

Post: #190
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 09:18 AM
Parent: #118

Quote: الاخت ناهد...لك التحايا والاجلال فى التوثيق لهذا الحى الراقى...

سلامى للباشمهندس طارق رضا....

كنت من شلة العزيز ياسر رضا,سيف لبيب, المرحوم علاءالدين الواثق ابن الاستاذة الفاضله

جليلة.أسامةشبيين,محمد بيتش.
[/QUOTE

الاخ امجد كرار...
اهلا وسهلا بيك بينا ....وكويس دخلتك جات مع بوست بحرى يلا يدك معانا ...فالراجينا كتير
فى الاستذادة من المعلومات عن بحرى واهو برضو الواحد شال منكم كتير من المعلومات والاسماء اللى قد تكون خافية على الواحد او بقت نسيا منسيا.....مرحب بيك مرة تانية ....
وهشام هو المهندس اماطارق فهو الدكتور الان فى الامارات ...وياسر هو الممثل وخريج القانون ......
وقد اوصلت لهم تحاياك فكن بخير ....

وبحرى .....حفاوة وطراااااااوة

Post: #120
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 07:58 PM
Parent: #115

الأخ/ عبد الوهاب

لك أطيب تحياتي

مرحب بيك في هذا المنتدى العامر ، وبناءاًً على ما خطه عنك الأخ الحاج حمد في بوست آخر فإننا نهنئ أنفسنا بإنضمامك لهذا المنتدى .

Post: #125
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 08:56 PM
Parent: #115

Quote: ياناس بحري
سلام عليكم
انا بحراوي وادوني العضوية الليلة دي
كدي اعملوا لي ترحيب هنا وارجو ان اكون اضافة كويسة ليكم

شكراً الباشمهندس بكري ابوبكر منحي العضوية ويا ناس جوة وناس برة باركو لى


يا أخ عبد الوهاب مبروك للمرة الثانية وأطلالتك هنا دي براها إضافة.. لكنها لا تعفيك من ضرورة المشاركة بالمساهمة في التوثيق وبالذكريات أيضا

Post: #137
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-04-2008, 09:21 AM
Parent: #115

الاخت ناهد....

لك التحايا ولزوجك الباشمهندس هشام رضى....

من شلتنا الاخ ياسر رضى,سيف لبيب,محمد مرغنى (بيتش),أسامه(شبين),مدنى, علاءالواثق رحمة الله عليه ود

المربيه الفاضله جليله علاء الدين.

والله اروع الايام قضيناها بين حلة الشلاليه وشارع المستشفى.

سلامى لجميع اسرة رضى...والسلام موصول لاسرتك الكريمة...

Post: #139
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-04-2008, 10:28 AM
Parent: #115

الاخت ناهد....

لك التحايا ولزوجك الباشمهندس هشام رضى....

من شلتنا الاخ ياسر رضى,سيف لبيب,محمد مرغنى (بيتش),أسامه(شبين),مدنى, علاءالواثق رحمة الله عليه ود

المربيه الفاضله جليله علاء الدين.

والله اروع الايام قضيناها بين حلة الشلاليه وشارع المستشفى.

سلامى لجميع اسرة رضى...

السلام لاسرة لبيب عتيق...

السلام لاسرة ال دهب...

السلام لاسرة النجار (اسامة كاربنتر)...

السلام لاسرة ال ميرغنى...

السلام لاسرة ال جلك...

والسلام موصولا لاسرتك الكريمة...

Post: #117
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 07:10 PM
Parent: #1

أولا أرحب أيما ترحيب بأخي الحبيب الباشممنهدس/ أمجد عبدون كرار، وأتمنى أن يشكل إضافة لهذا البوست خاصة إنني أسمع منه تلك الأسماء التي ذكرتها الأخت/ ناهد مثلا عائلة رضا..

كما أنني سعيد جدا لتدافع هذا الكم الجميل من أبناء وبنات بحري الأوفياء اللذين من الواضح جدا أنهم يكنون لها كل المحبة والتي يريدون أن يبثونها على هذا السفر تسجيلا وتوثيقا وإجترارا.. هذا الكم المقدر من أبناء بحري الأوفياء المبعثرين في أركان الدنيا الأربعة يجعلني وباسمكم جميعا أن أدعو جميع الأصدقاء في الشتات الأقصى أن يطلوا عليها من هذه الكوة كما أسماها شكوكو.. ويتواصلوا معنا من أجل بحري..وأخص بالذكر أخونا الطاهر وداعة الذي هاجر وأصبح أسترالياً منذ بعض الوقت.. وهورياضي من الطراز الأول وقد قرأت في هذا السفر الأسفيري أن أحد أبنائه يستعد للأنضمام للعب في أندية الكرة المرموقة فأستراليا..ويسعدنا أن يتحقق ذلك وأن يلعب بعضا من بحري في الدوري الأسترالي..

هذه دعوة للأخ الطاهر أن يحاول الإنضمام والمشاركة فريماأنه يشتاق بحري التي أعلم أنه عشقها كثيرا..

التحية للجميع وبحري طراوة

Post: #119
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح أبودية
Date: 07-03-2008, 07:44 PM
Parent: #117

حضرنا

طبعا مجرد ظهور الإسم حا يتذكروا الناس عشرين أبودية

سلام لناس الشعبية (غمزة عين) لناس المزاد

Post: #121
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 08:10 PM
Parent: #119

صلاح أبودية...

سلامات كمان دي دايرة كلام.. أقوم أذكر ليك ناس أبو دية من الشعبية لغاية شيبا...

التحايا، لفتحي أبودية وعلي وعبدالعظيم، وعبد المنعم، وكمال نور الدائم.. وحتى الطاهر الحويج .. زوج زينب أبودية أها رأيك شنو؟

مودتي

Post: #122
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-03-2008, 08:26 PM
Parent: #119

الأخ/ صلاح أبو دية

سلام

لو سمحت ارفع الطاقية شوية علشان نتأكد هل فعلاً أنت بقيت برّاي ذي ما قال إبنك

Post: #123
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 08:26 PM
Parent: #1

Quote: اخ كمال
الحاجة جننتنى بالبوست ده ...قالوا شنو كتبوا منو ..وفلان ده عرفتوا
وفلان ده ماعمل كده ياناهد....يديكم العافية...والله...
(خليتوا الحاجة ملهية بالذكريات وخلت الشكية
من وجع الركب )


الأخت/ ناهد سلامي وتحياتي للوالدة..وقولي ليها البوست ده أسمة "فولترين أون لاين" أو "الجزال الألكيتروني" وسعيدين بأن نساهم في تخفيف آلام الركب..
التحية مجددا للوالدة الكريمة

Post: #146
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 12:20 PM
Parent: #123

Quote: وقولي ليها البوست ده أسمة "فولترين أون لاين" أو "الجزال الألكيتروني" وسعيدين بأن نساهم في تخفيف آلام الركب..
التحية مجددا للوالدة الكريمة



الحاجة بتشكرك وماتت من الضحك وقالت ليك نسيت تكتب الحبوب مالك
عشان يكتمل العلاج ....

وياكمال والله الحاجة (يطول الله فى عمرها) تعبى الرصيد بى
50 ...50 ريال ...وتضرب كل شوية ...لخالاتى فى بحرى ...
وجيرانا.....وماخلت زول









بوست مكلف .....












لكن كله عشان خاطر بحرى .....
وبحرى طرااااااوة

Post: #124
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-03-2008, 08:46 PM
Parent: #1

Quote:
الدناقلة شمال .. بيت خالتي .. جيران صاحب الحنجرة الذهبية ابو داؤد ( رحمه الله ) .. وشجرة النبق الرامية حيلها على حيطة الشارع ..



برضو من أجل التوثيق.. يجب التنويه إلى أن هناك أحياء داخل الأحياء في بحري .. ويعرف ذلك أهل بحري.. يعني المنطقة التي كان يسكن فيها الراحل أبو داؤود وإن بدت وهي جزء من حلة الدناقلة شمال إلا أنها تمثل شريط ضيق جدا لا يتعدى نادي العليقات جنوبا تسمى "حي الزهور".. وكان يسكن فيها يا طارق زملينا صلاح محمد الحسن..مش كده برضو؟؟؟

Post: #126
Title: Re: بحري طراوة... ويا ناس بحري .. قالوا بتحبوا يلا حبونا..
Author: الحاج حمد الحاج
Date: 07-03-2008, 10:09 PM
Parent: #124

Quote: المصرفيين من ابناء بحرى

ابراهيم نمر (محافظ بنك السودان )
حسن عثمان صالح (بنك السودان )
هدى عامر مازالت ببنك السودان
عبدالرحيم حمدى
محمد على عفبفى


و أضيف
أمين عبد المجيد (المزاد) بنك الخرطوم سابقا و البنك الاسلامي السوداني
صلاح أبو النجا(الصافية) - مدير عام بنك التضامن الاسلامي سابقا
عبد الوهاب عثمان(الصافية) - وزير المالية و بنك الشمال سابقا
عصام الزين (المزاد) - مدير بنك الاستثمار سابقا و مدير عام سوق الخرطوم للأوراق المالية حاليا
عبد الخالق السماني (الحلفايا) مدير عام بنك المشرق سابقا و عمل في وظائف قيادية بالبنك الفرنسي و البنك السعودي و حاليا مدير لآحدى شركات الصرافة..
و غيرهم الكثيرين...
و رسالة من الأخ عبدون محمد عبدون (الشعبية)
Quote: اخى الحاج
تحياتى والمرة دى تعليقى للاخ كمال كرار فى بوست بحرى وهو بوست رائع بمعنى الكلمة وكنت قد اقترحت شىء مشابه فى بوست الشعبية فى يتعمل موقع متكامل عن بحرى بما فيه كل احيائه العتيقة وبعبق التاريخ وبناسه وشوارع بحرى واحباء بحرى ووالله ياجماعة الموضوع دا كان يكون نواه لمشروع كبير جدا يعود بالفائدة على بحرى واهلها وتسلم ياكمال يارائع وعايز اضيف ليكم انو الفنان الرائع رمضان حسن من ابناء بحرى ودى كان فرصة جميلة عشان يتم التوثيق لهذا الفنان وبرضو الفنان عبد العظيم حركة وانا هنا ياكمال عندى رأى بسيط وهو انو البوست ينساب بتلقائية جميلة ونحن نتلقى من كل حديقة زهرة لكن الذى ارجوه أن نتوقف عند بعض الحالات ونعطيها المزيد من الاهتمام والتوثيق فمثلا عندما يأتى الحديث عن ناس أو فنان أو عائلة معروفة أو معلم ارجو ان نتوقف عنده ونلقى المزيد من الضوء لاضفاء المزيد من المعلومات عن معالم بحرى وناس بحرى وشوارعها وتاريخها وهذا البوست يمكن يكون فرصة عظيمة لذك ...
سلام لكل ناس بحرى والرائع كمال والشكر لك اخى الحاج اخوكم
عابدون
الشعبية

Post: #127
Title: Re: بحري طراوة... ويا ناس بحري .. قالوا بتحبوا يلا حبونا..
Author: الحاج حمد الحاج
Date: 07-03-2008, 10:30 PM
Parent: #126

Quote: من الاساتذه/ات
استاذ عباس على .. مدرس اللغه الانجليزيه و هو من ابناء الشلاليه و كان شيوعى عريق..

Quote: عباس علي الشيوعي زمان.. طبعا زي ما عارفة بقى مأذون.. ومشيت هسع سوقتو من بيتو في المزاد لعقد قرآن أبنة أختي.. وقلت لي عم العروس وهو أخ زينب كرار ما كان نعقد في الكرملين...وتصدقي الراجل مفوه استخدم كل خبراته في الخطابة عندما ألقى خطبة النكاح.. له التحية

الأخ كمال كرار
تكون خلطت بين عباس حسن التوم المأذون المعروف بالمزاد و الأستاذ عباس علي و هو كما ذكرت الأخت سهام المجمر أستاذ قدير في اللغة الانجليزية و كان يدرس ببحري الحكومية و هو من الشلالية؟

Post: #130
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 00:30 AM
Parent: #127

Quote: الأخ كمال كرار
تكون خلطت بين عباس حسن التوم المأذون المعروف بالمزاد و الأستاذ عباس علي و هو كما ذكرت الأخت سهام المجمر أستاذ قدير في اللغة الانجليزية و كان يدرس ببحري الحكومية و هو من الشلالية؟


الأخ/ حاج حمد

شكرا على التصحيح.. وأنا كان عندي شك أن هنالك خلط في الموضوع ولكن يبدو أنو المعلومة التي تبادلتها مع إبن عمي لم تكن بالدقة.. وأتصلت بأخي بدرالدين وهو متزوج من الشلالية قبل أن أكتب المداخلة أياها عشان يؤكد لي إنو عباس المأذون هو نفس عباس الشلالي او غير ذلك ولكن لم يرد على إتصالي وكنت جهزت المداخلة.. فأرسلتها على أحتمال 50- 50 والحمد لله الفلاتر البحراوية شغالة.. كده تمام الواحد يطمئن إنو المعلومات تكون صحيحة إلى حد كبير.. أعتذر منك يا حاج حمد ومن الأخت/ سهام.. وعلى ما اعتقد أنو عباس علي الشيوعي السابق هو زوج الأستاذة/ نور ولديهم أبنة تعمل تقنية معمل كانت في المعمل المقابل عيادة الدكتور عطا وأظن في بيت السيد/ أحمد السيد حمد الملاصق لناس عهدي فريجون .. وأبنة عباس هذه سمية لزوجتي يعني سموها على زوجتي بس ما عايز أقول الأسم يطلع الموضوع اوف بوينت ... أخلي الباشمهندس أمجد يؤكد أو ينفي.

مرة أخري يا حاج حمد شكرا على التصحيح...

Post: #128
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-03-2008, 10:37 PM
Parent: #1

Quote: عندى رأى بسيط وهو انو البوست ينساب بتلقائية جميلة ونحن نتلقى من كل حديقة زهرة لكن الذى ارجوه أن نتوقف عند بعض الحالات ونعطيها المزيد من الاهتمام والتوثيق فمثلا عندما يأتى الحديث عن ناس أو فنان أو عائلة معروفة أو معلم ارجو ان نتوقف عنده ونلقى المزيد من الضوء لاضفاء المزيد من المعلومات عن معالم بحرى وناس بحرى وشوارعها وتاريخها وهذا البوست يمكن يكون فرصة عظيمة لذك ...
سلام لكل ناس بحرى والرائع كمال والشكر لك اخى الحاج اخوكم
عابدون


الحاج اخوى...
اقتراح عابدون ...اقتراح جميل جدا جدا ..مائة بالمائة

يعنى مثال ...

نصر الدين السيد ...مؤسس مدينة بحرى ....و , و و و و ..
واولاده سعد وبكرى وو وو بناته فايقة و و ..وقام بى كدة ...وعمل كدة
الى ان نصل الى انه خرج من الدنيا الفانية دون ان يبنى لنفسه بيتا ودون ان يمتلك
بيتا ...رغم انه مؤسس ومخطط لمدينة بحرى ....وهكذا .....

وكويس انه فى الاول قمنا بذكر كتير من الاسماء .....وده من المؤكد بيخلي ذاكرتنا
تشتغل شوية وتتذكر ...

مشكورين كلكم زوار وقراء بوست بحرى ....وتسلم عيونكم....

ولى اقتراح وهو ان يضع احد الاعضاء عنوانه الاليكترونى داخل البوست
ليتمكن قراء سودانيز من غير الاعضاء ... المشاركة الفعلية عبر مراسلتنا...
مع خالص الود

Post: #129
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 00:17 AM
Parent: #1

[B]أولا وقبل أن يؤذن الصبح.. أرد للأخ/ عابدون التحية وأشكره على شكري.. وأؤيد بشدة ما قاله بخصوص أن يستمر البوست في منهج السلاسة في السرد وإلقاء الضوء على الشخصية أو الحدث متى ما أستلزم الأمر ذلك كما شرحت الأخت/ ناهد.. لأنو الصرامة العلمية المتبعة في التوثيق لا يمكن تطبيقها بمعاييرها في هكذا منتديات.. فالتوثيق هنا by the by يأتي من خلال وبين السياق through and within the context لأنو بعض الأصدقاء ولا شك أن رأيهم مقدر يرون أن يكون التوثيق أكثر جدية.. وهو صعب التنفيذ لأسباب كثيرة منها عدم التخصص ندرة المراجع غياب آلية تمحيص المعلومات، بعد الكثيرين عن مكان التوثيق إذ يعتمد على تدفقات ونبضات الذاكرة بكل ما تتعرض له من تقادم إضافة إلى أن تصميم المنتدى نفسه.. محدود..ولا يتواءم أو لا يتيح الفرصة للتوثيق بالصورة التقليدية التي في أذهان الكثير منا. إذن أنا أتبنى أن يكون التوثيق هدف ولكن ليس صارما لعدم إمكانية ذلك.. أتفق معكما عابدون وناهد. وللذين يرون أن التوثيق يمكن أن يكون أكثر جدية أن يشرحوا السبيل إلى ذلك بالعمل.. وفي النهاية بحري كسبانة

---------------------
بحري طراوة

Post: #131
Title: Re: بحري طراوة... ويا ناس بحري .. قالوا بتحبوا يلا حبونا..
Author: Mohamad Shamseldin
Date: 07-04-2008, 01:29 AM
Parent: #129


كمال البوست ده شكلو قام سدارى من قولة تيت

إضافات
شعراء : يوسف مصطفى التنى – جد زميلنا بالأميرية محمد عبدالجليل ... الهادى أدم منزله بالمزاد شمال
فنانين : خوجلى عثمان ... أولاد شمبات ... خضر بشير .. الكابلى ... صلاح بن البادية ... أبوداود ... فرفور ... محمد ميرغنى ...
رياضيين : عزالدين الصبابى .. متوكل عبدالسلام (من احرف اللعيبة)..
سياسيين : عروة .. حسن بشير ... أحمد السيد حمد ... كمال الجزولى
صحفيين : محجوب عروة ...

Post: #132
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 01:42 AM
Parent: #1

محمد شمس الدين.. مساء الخير عندكم..

أها نحن صلينا الصبح وقلنا نشوف الحاصل.. إن شاء الله ناس بحري في أمريكا كمان يدوه دفعة لقدام.. أضافاتك ثرة.. وفي الصميم.. خليك قريب

Post: #133
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hafiz Suliman
Date: 07-04-2008, 04:42 AM
Parent: #1

من الرياضيين السد العالي سليمان فارس
و الفنانين ايوب فارس
لهما الرحمه و المغفره

حافظ عثمان محمد سليمان
بحري الدناقله شمال
شارع الضواحي

Post: #134
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-04-2008, 07:50 AM
Parent: #1

الأخ/ كمال كرار

سلام ..

أود أن أؤكد المعلومة التي صححها لك الأخ الحاج حمد وأضيف عليها أن الأستاذ/ عباس علي ، عليه الرحمة والمغفرة توفى قبل عدة سنوات ، وهو زوج السيدة/ دولت محمد الحسن وهي أول إمرأة تتقلد منصب المدير المالي في سودانير وربما في السودان كافة ، كانت المدير المالي في الشركة التي عملت فيها وهي شركة التأمينات الصناعية والتجارية في منتصف الثمانينات ، وهي والدة الزميلة عزة ، المهندسة سارة ، والمهندسة صفوة وهي أول طالبة تدرس هندسة ميكانيكية في جامعة الخرطوم وربما في السودان أيضاً حيث كان هذا المجال حكراً على الرجال حتى ذلك العهد ، وبيتهم يفتح على مسجد السيد علي شمالاً ، التحية والتقدير والإجلال لهذه الأسرة البحراوية العريقة ..

فعلاً أنت تقصد السيد/ عباس التوم في المزاد جنوب وهو مأذون معروف في مدينة بحري وتنطبق عليه نفس المعلومات التي ذكرتها في مداخلتك ..

Post: #135
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 08:22 AM
Parent: #1

الأخ/ عبدالرازق سعيد..

شكرا للتأكيد على المعلومة التي أوردها حاج حمد وهي لا تحتاج لذلك.. فعلا الخلط كان شنيع والغربة مشكلة.. ولست أدري لماذا فات علي هذا الأمر ولكن.. طول الإغتراب لخبط بعض اللنكات.. سليمة إن شاء الله... مع خالص مودتي لك ولحاج حمد

Post: #136
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-04-2008, 08:41 AM
Parent: #1

اخي كمال يبدو ان البوست قام سداري واتمني دوام التواصل.

الاخت ناهد يبدو ان الوالده عملت مع تاجوج وليلي هاشم السعيد وهن شقيقات زوجتي.
عماد الشوش بالسعوديه في منطقة "عيون الجوي" وفعلا كما قال الشاعر.
بالله شوف البت دي ما تقولي من زمان ناس ياسر رضا وبالمناسبه في اجازتي الاخيره شرفني علي العشاء بمنزلنا هو وصديقي وصديقه الشاعر مختار دفع الله.

الاخ ابراهيم قناوي : ياسر عبد الحميد معنا بالرياض وللصدفه امس باتصل عليه ولا رد .

عبد الرازق سعيد الاساتذه الذكرتهم كلهم تربطني بهم علاقات من خلال نسيبي استاذ الزين عثمان.

الاخ كمال السر تقصد الاستاذ حيدر ابراهيم علي واستاذ الصادق سعد رحمة الله عليه.

نزار عتيق والله كتبت لبكري وساحاول مره اخري اصلو مرات تكتب لعضوية واحد تجيك هوا ومرات تعصلج اتمني ان يقرأ الاخ بكري هذا البوست وساكتب له مرة اخري.
الف مرحب الاخ عبد الوهاب علي الحاج.

مرحب ايضا بالاخ امجد عابدون كرار والبيت بيتك بهنا وبهناك ... شفت كيف!!!!!!!

وتصحيح بخصوص سكن الفنان رمضان حسن لم يكن قط من سكان بحري وحتي توفي كان بمدني.

Post: #150
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-04-2008, 01:56 PM
Parent: #136

Quote: ياسر عبد الحميد


ود الشعبية ...
ضابط الشرطة السابق ....
شقيق وليد ...امانى ...

Post: #191
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 09:36 AM
Parent: #136

Quote:
الاخت ناهد يبدو ان الوالده عملت مع تاجوج وليلي هاشم السعيد وهن شقيقات زوجتي.



نعم بالظبط عملت معهم لفترة قاربت التلاته سنوات كما ذكرت ....وكانن من اوائل السودانيات
اللواتى عملن فى السكة حديد بتياب وطرح ...اذ ان المصلحة كلها كانت بنات خواجيات ...
وذكرت لى ان ليلى موجودة بالصورة التى بحوزتى ....


Quote:
.عماد الشوش بالسعوديه في منطقة "عيون الجوي" وفعلا كما قال الشاعر.



وال الشوش اهل الوالد من عطبرة ...القاص محمد ابراهيم الشوش مجلة الدوحة
وتاج السر الشوش المصرف العربى ومجذوب الشوش استاذ بجامعة الخرطوم رحمه الله ....
وجدتى ام والدى هى حسونه الشوش ...وخالص التحايا لعماد وهاشم الشوش وكل ال الشوش


Quote:
بالله شوف البت دي ما تقولي من زمان ناس ياسر رضا وبالمناسبه في اجازتي الاخيره شرفني علي العشاء بمنزلنا هو وصديقي وصديقه الشاعر مختار دفع الله.






شوف ازااااااااااااااااى ... :

وعلى فكرة الشاعر والكاتب المعروف مختار دفع الله هو مكتشفى الاول فى الكتابة النثريه
فى العام 93 عند تخرجى من الجامعة وقدومى للمملكة مرافقة لزوجى وكان وقتها مديرا لمكتب
جريدة الخرطوم بمدينة جدة ... فزارنا لمعرفته الوطيدة بااهل زوجى وتعرف على
واخذ مخطوطاتى البسيطه ونشرها لى فى الجريدة فى العدد السادس من جريدة الخرطوم
ابان اصدارها من القاهرة وقتها ...ومنها استمرت كتابتى الصحفية لتلك الصحيفة الام
وصحيفة الصحافة والاضواء والحياة ....ومازلت والحمدلله ...له بعد الله
كل الفضل وكل التقدير وكل الشكر ....ودائما ما التقيه اثناءاجازتى بالسودان ...
واخر لقاء لى معه فى حلقة من برامجه الذى يعده فى قناة هارمونى وكنت ضيفة

Post: #138
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-04-2008, 09:36 AM
Parent: #1

Quote: وعلى ما اعتقد أنو عباس علي الشيوعي السابق
وبرضو عباس حسن التوم ينطبق عليه ماوصفت ... بالمناسبة البوست ده فايدتو لي أنا كبيرة جداً بالذت لأنو حيعرفني على أهلي الشلالية كلهم .. أخونا عبد الرازق .. باقي لي إتقابلنا عند سيف لبيب .؟؟؟

Post: #141
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالوهاب علي الحاج
Date: 07-04-2008, 10:37 AM
Parent: #138

Quote: يا أخ عبد الوهاب مبروك للمرة الثانية وأطلالتك هنا دي براها إضافة.. لكنها لا تعفيك من ضرورة المشاركة بالمساهمة في التوثيق وبالذكريات أيضا


الاخ كمال كرار
والاخ طارق ميرغني

تحايا وود
اسمحوا لي ان افتحم داركم العامرة بكم دائماً
باذن الله سأكون معكم من التوثيق لمدينة بحري بلدنا الحبيبة
شايفكم الحمد لله ما مقصرين ومجهوداتكم مقدرة جداً
وانا ان شاء الله حأشارك بمشاركات في الحتات الانتو ما هبشتوهاكتير .
وارجو ان اكون عند حسن ظنكم واكون خفيف عليكم.

Post: #144
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 10:59 AM
Parent: #141

ياخوانا سلاااااام جمعة مباركة ......,وقراصة حااااااااااااارة

Post: #148
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-04-2008, 01:29 PM
Parent: #138

الأخ/ هيثم لبيب

سلام ..

يمكن أن نكون تقابلنا وهذا شيء مؤكد ولكن ربما في المزاد ، عموماً أنا دفعة قبلكم بعدة دفعات في مدرسة الحرية وذلك حسبما ما لاحظته عند الرجوع إلى البروفايل بشخصكم الكريم

وبالتحديد أنا دفعة نور الدين محمد نور الدين ، ياسر علي الحسن ، أمين الخراساني ، وليد حسن وغيرهم من أبناء المزاد جنوب

المزاد نضارة وبحري أجمل وأنضر

Post: #142
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 10:50 AM
Parent: #1

الرسالة الاتيه من الباشمهندس هشام رضا .....

سلام يابحراوية ....سلام يااهلى الحنان ....بالجد بشكرك ياكمال كرار لانك فتحت البوست
الماهين ده ...عن مدينة بحرى ....التى مازلنا نتذكر بيوتها وشوارعها وفسحاتها
حته حته ....وبالجد انا سعيد بملاقاتكم هنا ....وسعيد انى اقرا لشكوكو
وطارق ميرغنى (ياخى ماعرفتك بالصلعه) وعبدالرازق ....وابراهيم قناوى
وهيثم لبيب......وياكمال ناس جدك كلهم بعرفهم
ياخى كل الاخوان وانا تحت الخدمة
وحاارجع ليكم مرة تانية باذن الله ...

هاكم..المجموعة دى......

الرئيس البشير
الرئيس عبود
عبد العظيم حمادة
الرشيد الطاهر بكر
الجزولى دفع الله
احمد السيد حمد
بدر الدين سليمان
محمد توم التجانى
محى الدين صابر
دفع الله الحاج يوسف
مصطفى اسماعيل
مهدى دراج
محمد عبدالجواد
احمد زين العابدين
احمد الميرغنى
يوسف عبدالفتاح
محمد خوجلى صالحين
على شمو
مهدى ابراهيم
مبارك نصر
حسن بشير نصر
عبدالمنعم راضى
الشريف زين العابدين
عمر محمد الطيب

الفنانين
خضر بشير
كابلى
ابوصلاح
اولاد شمبات
صلاح بن البادية
نور الجيلانى
الجيلى الشيخ
محمد ميرغنى
محمود عبدالعزيز
عبدالعزيز داؤود
جمال فرفور
ايوب فارس

الاندية
التحرير استاك
الكوكب
سلاطين (الاتحاد)
الثريا
الكفاح(الامير)
العمال
الاملاك
كوبر
الحلفايا
السهم
المستقيل
الشعبيه
الصافية
شمبات


الملاعب

اول ملعب(بلدية بحرى)
ملعب التحرير
ملعب الامير
ميدان عقرب


ابطال السباحة
مدثر حامد
عبدالرحمن محمد عبدالرحمن
خالد عامر
محمد عامر
صلاح جاد الله
غازى ابراهيم
هشام رضا
ياسر رضا
محمد الطاهر
طارق الطاهر
سمير عبدالكريم
بيومى سالم
عزام عنتر
عبدالمنعم ابو النسب
عبدالرؤوف محمد حسن


كرة السلة
فاروق رحيمى
احمد رستم
محمد فرج
مجدى فرج
احمد عبدالغنى
ماريو
منصور مكاوى

التنس
هشام الشوش
حاتم الشوش
هويدا الشوش

من الصافية الان انتقلوا للعمارات

ولى عودة ان شاء الله

Post: #145
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 11:17 AM
Parent: #1


والرسالة الاتية ايضا من الباشمهندس هشام رضا ......


لاعبين الهلال
_______________________-


عوض كوكا
حافظ عبيد
عصام حامد
عصام سليم
عبده الشيخ
محمد الفاتح
هشام الطيب(زميلكم فى المنبر)
جعفر عبدالرازق
علاء يوسف
عبدالمنعم يوسف
عماد خوجلى
عبده الشيخ
احمد ادم
جيمى مانديلا
متوكل عبدالسلام
ابراهومة
جمال الثعلب
جمال كدوس
كربوج
اسامة التعاون
شيخادريس كباشى
عروة الطيب
حمد كمال
هيثم مصطفى
عادل على الريح
سليمان فارس


لاعبين المريخ
___________________



حمزة الطيب
امين سيد
الزين
عادل ابو جريشة
فيصل العجب
حسن ابو العائلة

لعيبة من بحرى لعبوا فى الموردة
_________________________________

عزالدين الصبابى
جمال فرفور
عصام قرم
حسن حامد


نجوم محترفين لعبوا فى التحرير وخارج السودان
_______________________________________________

عمر النور(لعب فى نادى الزمالك)
عبدالمنعم قرن شطة(النادى الاهلى المصرى)
عبدالحميد كباشى(قطر)
كمال ابو نورة(قطر)
عاطف حسن دهب(قطر)
محمد عبده( نادى الاتحاد بالسودان ودوليا بالامارات)
مرتضى كبيدة (الكوكب والتحاد ...ودوليا الامارات)



لعيبة من بحرى لعبوا فى المنتخب القومى والتحرير
_____________________________________________________

الجاك عجب
جيمس
احمد عدلان
محمد عبده
نجم الدين حسن
ابراهيم جلك
القرود
على صيام
بدوى
دولى
ياسين


ولى عودة ان شاء الكريم ......

Post: #147
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-04-2008, 12:47 PM
Parent: #1

اعزائي ابن خالتي اللواء مهندس عمر قسم السيد ابن بحريو خريج بحري الثانوية الآن بالاردن وقد اجري عملية كبري استمرت ست ساعات في شرايين القلب : دعواتكم:
عمر قسم السيد ،ابن خالتي،أجري عملية كبري بالاردن،دعواتكم

Post: #161
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 06:29 PM
Parent: #147

يا طارق لا بأس على أخي العزيز جدا اللواء مهندس بحري / عمر قسم السيد عبد الله، وإن شاء أجر وكفارة.. بالله طمنا يا طارق.. ولو عندك تلفون للأتصال ممكن تباصيه لينا.. يا أخي عمر ده راجل بركة.. ولازم اتكلم معاه.. لما يكون قادر على الكلام.. وأنا قبل كل شيء أرفع معكم أكف الضراعة لله العلي العظيم أن يكلأ الله عمر برعايته وأن يقوم بالسلامة قبل أن أكمل كتابة هذا البوست.. وما تشوف شر يا عمر.. بالله وصل دعواتنا بالسلامة لأخواني.. الأخ/ بابكر والأخ الدكتور علي والأخ/ خالد والأخ/ عصام وألأخ/ محمد والأخ/ عبدالرزاق عبدالمجيد..والأخوات الكريمات وكل الأهل بالحلفايا وعموم بحري وودسلفاب والعمارة طه ..وطمنا يا طارق

Post: #149
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-04-2008, 01:32 PM
Parent: #1

Quote: اخي الباشمهندس بكري،

ادري اني اثقلت عليك بطلباتي ودعمي للعديد من الزملاء ولكن بقدر ما انك لم تخذلني فيها لم اخذلك في عضوية احد منهم .

ابناء بحري عموم وبحري الثانويه وبحري الاميرية يدعمون ترشيح نزار عتيق للعضوية بدعم من كبار البورداب: حسن طه، كمال السر، ناهد بشير الطيب، محمد شمس الدين، عبد الرازق بشير وطارق ميرغني ،

وفي انتظارك



م. طارق ميرغني

Post: #151
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-04-2008, 02:10 PM
Parent: #149

Quote:

Quote: اخي الباشمهندس بكري،

ادري اني اثقلت عليك بطلباتي ودعمي للعديد من الزملاء ولكن بقدر ما انك لم تخذلني فيها لم اخذلك في عضوية احد منهم .

ابناء بحري عموم وبحري الثانويه وبحري الاميرية يدعمون ترشيح نزار عتيق للعضوية بدعم من كبار البورداب: حسن طه، كمال السر، ناهد بشير الطيب، محمد شمس الدين، عبد الرازق بشير وطارق ميرغني ،

وفي انتظارك



م. طارق ميرغني


Post: #152
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 02:11 PM
Parent: #1


تمام ياطارق...
نتمنى استجابة بكرى وانضمام الشاب الخلوق
نزار عتيق للمنبر......
خاصة وان عائلته من كبار عوائل مدينة بحرى ...
ودرس بجامعة القاهرة الام ...وهو الان مقيم بلندن
من المؤكد انه سيثرى لكم هذا البوست...
والمنبر عامة ....


وكن بالف خير ياطارق

Post: #153
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-04-2008, 02:43 PM
Parent: #1

الأخ / طارق ميرغني

لك أطيب تحياتي

ألف حمد لله على السلامة للمهندس / عمر قسم السيد وندعو الله العلي القدير أن يكتب له الشفاء العاجل ويسبغ عليه ثوب الصحة والعافية وأن يعود إلى أرض الوطن سالماً معافا .. إنه سميع مجيب

أخي طارق
البوست ما زال في بداياته من هو عبد الرازق بشير ؟

محمد شمس الدين قريب من الأخ بكري أبو بكر من ناحية القرب الجغرافي نرجو منه السعي الجاد من أجل عضوية نزار

Post: #163
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 06:55 PM
Parent: #153

طارق قمنا لللخبطة.. عبد الرزاق بشير ده منو كمان؟؟؟

كمان بعد شوية تسميني كمال أبو حلق..

كمال أبو حلق شخصية أخرى من شخوص بحري وكان ملاكما.. وشارك ممثلا للسودان على قلة ذلك..

كان يسكن في المزاد بحري حيث منزل والدته وأعتقد أنه لا زال هناك


من نكت كمال أبو حلق أن مر بمنزل أخونا صلاح جرب وكان يسمى صلاح جرب لكثرة الشام على وجهه.. وكان والد صلاح وهو صول متقاعد في البوليس يجلس أمام منزله فما كان من كمال أبوحلق إلا أن لوح بيده مخاطبا عم محجوب (والد صلاح جرب)قائلا: "أزيك ياعم جرب" فما كان من عمنا المرحوم محجوب إلا أن أنتهره رادا على تحيته.. يا ولد يا قليل الأدب! ولم يشفع ضخامة جسمه له فأنزوي خجلا يتمتم بكل عبارات التأسف والإعتذار ولعنات عم محجوب يرحمه الله إلى أن حشر كمال جسمه الضخم وأنزلق إلى داخل بيته..

Post: #154
Title: Re: بحري طراوة... ويا ناس بحري .. قالوا بتحبوا يلا حبونا..
Author: لؤى
Date: 07-04-2008, 04:42 PM
Parent: #1

الأخ كمال كرّار
مساء الخير

التّحيّة لك ولضيوفك ولبحري
بوست حلو
وراجع للبوست بروووووقة
رغم إنّي من أم درمان






ناهد إنتي من بحري ؟


أنـا في البـعـيـد مُـشـتـاق لهـمـسـة من الوطن يا نـسـمـة


Post: #160
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 06:20 PM
Parent: #154

الأخ/ لؤي..

حياك الله وبياك.. بحري وأم درمان بينهما الكثير من علاقات المصاهرة..ومرحب بيك كثير وشكرا على إهداءك

Post: #157
Title: Re: بحري طراوة... ويا ناس بحري .. قالوا بتحبوا يلا حبونا..
Author: Hafiz Suliman
Date: 07-04-2008, 05:32 PM
Parent: #1

من الرياضيين

عاطف منصور
نادر منصور
مصطفي كومي

Post: #162
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 06:35 PM
Parent: #157

يا حافظ سليمان ...

مرحب بيك كثير

Post: #164
Title: Re: بحري طراوة... ويا ناس بحري .. قالوا بتحبوا يلا حبونا..
Author: بدر الدين اسحاق احمد
Date: 07-04-2008, 07:12 PM
Parent: #157

Quote: الرسالة الاتيه من الباشمهندس هشام رضا .....


الاخ هشام رضا ...الطريقة العرض بيها رسالته هى اول الغيث فى التوثيق...
قدمنا مقترح بنفس طريقة المهندس .

المقترح بصورة تفصيلية :

* ان يكتب كل شخص ما يريد تحت باب من ابواب التوثيق دون التقيد بباب واحد .
* التداعى الحر من ابناء بحرى هو ((ملح وشمار وبهارات السبكة ...موضوع شيوعية الماذون شيخ عباس حسن التوم نموذجاُ)) .
* التوثيق للاشخاص وتاريخهم .
* التوثيق للوقائع وسردها .
* بعد ذلك يكون الانتقاء للتوثيق الاكثر علمية وموضوعية (( كتاب بحرى ...بحرى عبر السنين ...بحرى طراوة )).


ونســـــــــــة ساكت :

البوست ده فرائحـــى احتفالى ...وين الصور وين الفنانين ....وين ياتو ذاتو ؟؟؟

Post: #159
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 06:16 PM
Parent: #1

يا أخت ناهد.. مبروك علينا هشام رضا.. ده أسطون من أساطين بحري..كنتوا داسينو ليه؟؟؟ أطلالتك يا أخ هشام جميلة وأضافت حقا الكثير.. أنت أكلت من القراصة بتاعة ناهد ولا شنو؟؟ لأنو الشغل ده شغل قراصة بالدمعة...عموما في إنتظار مسك واحد من اللذين ذكرتهم وفلفلته كما أقترحت الأخت ناهد والأخ/ عبد الرزاق سعيد..يعني إختار أي فئة وكلمنا عن أحد شخوصها ويديك العافية.

Post: #165
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-04-2008, 08:50 PM
Parent: #1

فعلاً الكرة في بحري

لاعبين إحترفوا خارج السودان
ـــــــــــــــــــــــــــــــ

السد العالي الأهلي المصري
عماد خوجلي الأهلي السعودي
جيمس النصر السعودي
يحي عامر الأهلي السعودي
ابراهومة الديسكو الوحدة السعودي
متوكل عبد السلام الوحدة السعودي
جعفر عبد الرازق الوحدة السعودي
محمد الخوجلي النصر السعودي


لاعبين في المريخ
____________________________

سعد دبيبة
غزالي شمبات
حسين وداعة
حامد كوبر
مقبول كوبر
عوض الله أنور
عاطف منصور
عصام عموش
علاء الدين فوزي
محمد موسى
زولو


لاعبين في الهلال
______________________________
هينو
إسماعيل زكي
عادل تنقو
نبيل (حي العرب)
محمد أبو شامة
هيثم السعودي
ياسر رحمة
أنور الشعلة
علاء الدين جبريل


لاعبين في الموردة
______________________________

صلاح شكوكو عضو البورد
هيثم السعودي
محمود المستقبل
نميري سكر
منقستو

Post: #166
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 08:56 PM
Parent: #1

تسلم يا عبدالازق..

أضيف لذلك:-

كمال عبد المحمود - نادي العامل
أبوعبيدة عبدالرازق - الكفاح

Post: #167
Title: Re: بحري طراوة... ويا ناس بحري .. قالوا بتحبوا يلا حبونا..
Author: Ahmed El Gasim
Date: 07-04-2008, 09:23 PM
Parent: #166

الاخ كمال
تحياتي لك ولكل اهلنا في بحري..
المشاركة ادناه من اخي د معتصم ابراهيم عبد النور

Quote: حمادة ود الكلاكلة

جمعتك مباركة

ارجو توصيل مايلي لبوست الاخ كمال كرار:؛



اولا شكرا علي السرد الجميل الوارد في البوست، وبالمناسبة انا من بحري واتربيت في حي الوبورات الحي الجميل الهادئ وقتها والذي اصبح اثرا بعد عين بعد ان تم هدمه الان وبيعه للقطريين وانشئ كبري المك نمر في جزء منه.

ابوي الرجل الفاضل المغفور له باذن الله ابراهيم عبد النوروقريت في العزبة 2 (جنب نادي التحرير) والاهلية السكة حديد والخرطوم القديمة وبعدين كلية الطب البيطري- جامعة الخرطوم -برضو بحري(شمبات الزراعة). وبيتنا الان في الدناقلة جنوب مقابل مستشفى بحري

أخوي محمد ابراهيم عبد النور - من شباب بحري الكرام - شمبات الاراضي الان

واعز اصدقائي في بحري المرحوم الشهيد/ نهاد اسماعيل حميدة- شهداء رمضان

ومن جيرانا في الوابرات

ال الشاويش

- ال محمد ومحمود يوسف كبكبك

ال محمود مالك- عبد المنعم ومحمد

ال عثمان عبد الماجد - جدي

مبارك الناظر- مدير مدرسة بحري بنات

اولاد سليمان جبريل

المرحوم زهير واخوانه تلي وعمر وبكري

ونفر كبير وكبير من كرام القوم عاشوا في الوابورات واثروها عملا وعلما وفنا

من اساتذة بحري العظام الذين لم يتم ذكرهم في البوست

صهري البروفسير احمد صفي الدين رحمه الله معلم الاجيال في المدارس الثانوية وفي كلية الاقتصاد لاحقا

وهو مؤلف للعديد من الكتب المدرسية فمن منا لايذكر الجداول الرياضية وكتاب الهندسة التحليلية

ومن بعدها كتب الاقتصاد الاسلامي - اولاده د. يوسف ومحمد المنير واخواته البروفسير محمد هاشم عوض

والاستاذ بدرالدين والاستاذ المرحوم محمدعثمان واحمد تاج الين(خدوري واخوانهم

وهم قد قدموا الكثير والثر لبحري ويكفي ان والدهم عوض افندي هو اول من سكن حي الناقلة ببحري لذا كان يجب ان يفتتح بهم البوست

ومن اساتذة بحري خالي الاستاذ المرحوم علي عبد الحميد- بحري الشعبية

خالي المرحوم حسن عبد القادر بله- العزبة 2

الاستاذ الشاعر المرهف الرحوم عوض حسن احمد والد صديقي كفاح

شكرا اخي كمال وعندي الكثيييييييييييييير عن بحري

اخوك د. معتصم ابراهيم عبد النور



Post: #168
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 09:51 PM
Parent: #167

البروفسور أحمد صفي الدين عوض:

شكرا أخي العزيز/أحمد القاسم..

وعبركم أزجي أطيب التحيا للأخ البحراوي العزيز/الدكتور معتصم وأقول ليهو حقك علينا أن لم نذكر حتى الأن أل صفي الدين عوض.. وهم أعلام من أعلام بحري.. وأقول ليك تربط أسرة والدي رابطة قرابة بآل صفي الدين عوض لست بصدد تذكرها الآن.. ولكن بؤكد ليك ذلك..

الدكتور/ أحمد صفي الدين عوض معروف على نطاق السودان كله بأنه أسهم أسهامات كبيرة في مجال تعليم الرياضيات والعلوم المصاحبة.. وقد درسنا على يديه شخصيا كتابه في الإحصاء في بحري الثانوية لفترة ليست طويلة.. يبدو أنه كان يدرب المدرسين على كيفية تدريس الإحصاء أو هكذا بدأ لي.. أعرف بيته جيدا.. في حالة حمد فريق الشلالية (مع أنه ليس شلالي) وقد دخلته في عدة مناسبات.. وعبركم أرسل تحاياي للدكتور يوسف وكان الدفعة التي تلينا في بحري الثانوية.وأعرف أنه متزوج من أل كردفاني.. وعلمت أنه أبنته نجحت في إمتحان الشهادة السودانية بمعدل جيد جدا وأنتهز المناسبة لأهنئهم على ذلك. فنعم الأصهار ولا أدري إن كنت أنت متزوج من كريمتهم لمياء..
بدرالدين عوض من الفنانين المخضرمين ومن اللذين أدخلوا موسيقي الجاز أو ما يسمى إصطلاحا بموسيقى الجاز حيث أنه رئيس ومؤسس فرقة البلوستارز في عهدها الذهبي والمعروف أنه والد الفنانة الدكتورة/ منال بدرالدين..

حسن عبد القادر بله:

رحمة الله عليه، فقد تتلمذت على يديه حينما كان في العزبة 2 وقد درست سنة رابعة في العزبة منقولا من الدناقلة شمال الإبتدائية وهو من العيلفون وقد كان قريبا أيضا للدكتور/ سليمان حسين سليمان، زميلي في بحري الثانوية وأخوه الصغير جمال وأظنه كان معلما بالثانويات..إذن سليمان قريبك وبيتهم بيفتح على سوق الخضار في بحري وصلتهم كما ذكرت بالعيلفون كبيرة.


من أسر الوابورات أسرة الأخ/ محمد عبد الرازق وقد كان إبن عمتي محمد أدريس متزوجا من أخت محمد عبدالرازق. كما أن هنالك أسرة الأخ العزيز الدكتور/أبو عبيدة عبدالرازق - لاعب الكفاح سابقا.


في أنتظار مساهماتك الثرة يا دكتور وسامحنا على التقصير وصدقني آل صفي الدين قرايبي

Post: #170
Title: Re: بحري طراوة... ويا ناس بحري .. قالوا بتحبوا يلا حبونا..
Author: Ahmed El Gasim
Date: 07-04-2008, 10:35 PM
Parent: #168

اخي العزيز كمال
يبدو انك صاحي زيي انا وصاحبي احمد القاسم حتى الدغش


(الدكتور/ أحمد صفي الدين عوض معروف على نطاق السودان كله بأنه أسهم أسهامات كبيرة في مجال تعليم الرياضيات والعلوم المصاحبة.. وقد درسنا على يديه شخصيا كتابه في الإحصاء في بحري الثانوية لفترة ليست طويلة.. يبدو أنه كان يدرب المدرسين على كيفية تدريس الإحصاء أو هكذا بدأ لي.. أعرف بيته جيدا.. في حالة حمد فريق الشلالية (مع أنه ليس شلالي) وقد دخلته في عدة مناسبات.. وعبركم أرسل تحاياي للدكتور يوسف وكان الدفعة التي تلينا في بحري الثانوية.وأعرف أنه متزوج من أل كردفاني.. وعلمت أنه أبنته نجحت في إمتحان الشهادة السودانية بمعدل جيد جدا وأنتهز المناسبة لأهنئهم على ذلك. فنعم الأصهار ولا أدري إن كنت أنت متزوج من كريمتهم لمياء..
بدرالدين عوض من الفنانين المخضرمين ومن اللذين أدخلوا موسيقي الجاز أو ما يسمى إصطلاحا بموسيقى الجاز حيث أنه رئيس ومؤسس فرقة البلوستارز في عهدها الذهبي والمعروف أنه والد الفنانة الدكتورة/ منال بدرالدين..)

طبعا معلوماتك 100% وشكرا ليك ( انت بتاع مخابرات؟) حتى بت د.يوسف النجحت اول امبارح جايب خبرها؟ زوجتي د.لمياء فعلا وهي تقريك السلام والشكر.

حسن عبد القادر بله:


(رحمة الله عليه، فقد تتلمذت على يديه حينما كان في العزبة 2 وقد درست سنة رابعة في العزبة منقولا من الدناقلة شمال الإبتدائية وهو من العيلفون وقد كان قريبا أيضا للدكتور/ سليمان حسين سليمان، زميلي في بحري الثانوية وأخوه الصغير جمال وأظنه كان معلما بالثانويات..إذن سليمان قريبك وبيتهم بيفتح على سوق الخضار في بحري وصلتهم كما ذكرت بالعيلفون كبيرة.)


حسن عبد القادر بله ناظر العزبة بحري معلم الاجيال اذا فتحت بوست باسمه سيرد عليك الالاف من تلاميذه عليه رحمة الله خالي وزوج بنت عمتي.
العيلفون بلد والدتي رحمها الله وعن العيلفون يمكن ان احكي لايام بدون توقف. د, سليمان حسين-مير مستشغى سوبا-واحد نطاسي السودان البارعين واخوانه د. عبد المنعم واستاذ جمال والمهندس صلاح وعلي حسين اولاد خالتي من اولاد بحري العظام.



(من أسر الوابورات أسرة الأخ/ محمد عبد الرازق وقد كان إبن عمتي محمد أدريس متزوجا من أخت محمد عبدالرازق. كما أن هنالك أسرة الأخ العزيز الدكتور/أبو عبيدة عبدالرازق - لاعب الكفاح سابقا.)

د.ابوعبيدة وجعفر كاتوا جيراننا في الوابورات ودفعتي اخوهم خالد ,محمد عبدالرازق هل هو شقشق ابوبكر عبد الرازق ضابط البوليس؟
العزبة 2 كانت من المدارس العظيمة في ذلك الزمان وكانت كل الدفعة بتدخل المدارس الحكوميةالعريقة والمميزة وقتهااذكر من دفعتي فيعا
من اولاد الختمية:
عماد صلاح
المرحوم بابكر سيداحمد
عادل الشيخ(مليجي)
واخرون
من اولاد المزاد:
مدحت سيداحمد الشفيع
المهدي عثمان كرار
طارق عبد الرازق
حسام طه المجمر
الاهلية بحري- السكة حديد
صديقي ودفعتي
المرحوم تهاد اسماعيل حميدة وهو شخصية عظيمة استمرت صداقتنا وبقوة حتى فجعت برحيله المفزع ومازال صدى كاماته وضحكاته يؤرفني حتى الان
واخرون لايسع المجال لذكرهم وانا ضيق عليكم
في الخرطوم القديمة كانوا يسموننا اولاد بحري
انا ونهاد وكفاح عوض حسن احمد وضياء الدين عبد المجيد الحاج

Post: #172
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 10:56 PM
Parent: #170

أخي/ العزيز أحمد


تحيات طيبات لك وللدكتور معتصم.. شايف في البروفايل إنك في "أبوظبي" وحق لك أن تساهر صباحي لأنو بكرة عندكم إجازة.. بس نحن شغالين.. والسبت يوم ثقيل لكن حب بحري غلاَب ..

حسن عبد القادر بله (بضم الباء) بالاضافة إلى أنه كان مدير المدرسة التي درست فيها كان صديقا لوالدي.. حتى لما سكن في الشعبية فترة قصيرة كان والدي يزوره هناك.. كما أنه زميل لعمي عثمان كرار (رحمهم الله جميعا)..

لو سألت سليمان حسين عن (كمال السر كرار) بيعرفني على طول: درسنا معا في العزبة وأنا مشيت الأميرية ( 1 ) ثم تقابلنا مرة أخرى في بحري الثانونة.. بالله بلغه سلامي لو قابلتو

قول للدكتور/ معتصم.. أنا ما مخابرات لكن كثير من العلائق تربطنا بأسرتهم الكريمة.. لكن تحت تحت كده بنحب الشمار المفرح..

وفي أنتظار مساهمات د. معتصم عن بحري حتى لو مناولة عن طريق شباك أحمد القاسم..

مودتي لكما...

Post: #173
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 10:57 PM
Parent: #170

حذف للتكرار

Post: #169
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-04-2008, 10:02 PM
Parent: #1

ثم انشأ الانجليز ثلاث مصالح حكومية كان لها الأثر البالغ في تطور مدينة الخرطوم بحري بل في تطور وتمدين الحياة علي امتداد بلاد السودان :
مصلحة المخازن والمهمات : حيث كانت كل مهمات الأجهزة الحكومية من أدوات وأثاثات وملابس ومعدات تصنع وتحفظ وتوزع بنظام دقيق ، وحيث تدرب السودانيون علي الحياكة (الترزية) والنجارة ومهن أخري كثيرة ارتبطت بتوفير المعينات التي تحرك دولاب الدولة .
مصلحة النقل الميكانيكي :
التي أحدثت ثورة في مجال النقل والمواصلات حيث لم تكن البلاد تعرف إلا الجمال والحمير والحصين والأبقار في حركة التنقل وحمل الإثقال ومن خلال هذه المؤسسة الحكومية الحديثة كانت الحكومة تستورد السيارات وتقوم بتجهيزها وتوفر قطع غيارها وتقوم بصيانتها وتمدها بالمواد البترولية التي تحركها . هنا تدرب السودانيون لأول مرة في تاريخهم علي الميكانيكا فولجوا عالما جديداً وعرفوا سر الآلة التي تسير علي أربع وتبصر - ليلا - بعينين لامعتين كعيني القط وتجري بسرعة الجن ، أما الذي يسوسها فلابد أن يتقن سياستها وقيادها ، ومن هنا ولدت مهنة جديدة هي مهنة (السائق) أو (السواق) بلهجة أهل السودان .
مصلحة الوابورات :
وهي مصلحة ميكانيكية أخرى تجري آلاتها (الوابورات) أي وسائل النقل التي تسير بالبخار (vapour) فوق سطح الماء ، وهذه المصلحة - مثل أختها السابقة - تختص بميكانيكا البواخر وقيادتها ، أي أن النقلة التي حدثت هنا تتصل بالنقل الميكانيكي النهري مهارة في صيانة المراكب الحديدية التي تسير بالدفع البخاري وقيادتها (مثل القطارات) ولكنها تجري علي عباب النهر لا فوق القضبان . وهكذا نستطيع أن نقول بكل اطمئنان أن النقلة التحديثية التي شهدها الموقع الذي قامت عليه المدينة وتوسعت علي أرضه فيما بعد كانت تغييراً بل تأسيساً لحياة جديدة تجاوزت بشكل مذهل كل الأنماط التقليدية المحلية لنشأة وتطور البلدان قياساً علي الحيز الزمني الذي حدثت فيه . ففي اقل من ربع قرن وضعت البنيات الأساسية لقيام مدينة علي الشاطئ المقابل للخرطوم برزت معالمها في عدة وجوه . فهناك أولاً توطين سريع وراسخ لتكنولوجيا القرن المنقول مباشرة من أوروبا عبر الصحراء إلي هذا الموقع ، وهناك ثانيا التحول الجذري الذي أحدثه هذا التوطين في معارف الناس ومهاراتهم المهنية . وهناك ثالثاً التغيير الذي انسحب علي سلوكهم المهني وما يرتبط به من عادات . وهناك رابعاً التحول الذي حدث في أنماط السكن وأساليب المعيشة إلي جانب قيام تركيبة اجتماعية متعددة الأصول متجانسة من حيث مصالحها وانتمائها المهني والمعيشي . كان لابد أن تظهر هذه التحولات الجذرية علي خارطة المكان ، فاحتلت المؤسسات الحكومية التي اشرنا إليها آنفا مساحة هائلة من الشاطئ الشرقي للنيل الأزرق كانت - من قبل - مزارع للأهالي وأدغال متناثرة ، ثم كان لابد إن يكون سكن العمال الذين يشتغلون في المصالح الحكومية قريبا من مكان عملهم فابتنت لهم المصالح بيوتا متواضعة من المواد الثابتة مخروطية الشكل (قطاطي) مازال بعضها قائماً حتي اليوم ، ولم ينقضي الربع الأول من القرن الماضي حتي كانت الخريطة السكانية لنشأة المدينة تمتد علي طول الشاطئ الشرقي للنيل الأزرق ثم تنعطف شمالاً علي الشاطئ الشرقي لنهر النيل لتحتوي الشريحة الإسكانية لحلة خوجلي وحلة حمد وما أن استقر هذا الوضع السكاني واحتاج أهله إلي الخدمات الحكومية الضرورية والي توفير الأمن ، حتي فكرت الحكومة في خلق نوع من العلاقة المنظمة مع هذا المجتمع الجديد من العمال والموظفين والمزارعين والعسكريين . فأقر الاجتماع الدوري لمديري مديريات السودان المنعقد بالخرطوم عام 1921م إنشاء مجالس بلدية في كل من الخرطوم أم درمان والخرطوم بحري . إن الذي يتتبع النمو الصاروخي لمدينة الخرطوم بحري خلال الربع الأول من القرن الماضي (1900 - 1925) يتملكه الذهول وتنتابه الدهشة ففي أقل من خمسة وعشرين عاما استوعب إنسان السودان البسيط تكنولوجيا العصر المعقدة وتعامل معها بجدارة ومهارة واقتدار ، ثم تشرب أساليب الحياة العصرية المدنية وقدر فوائده ومحاسنها وفضلها علي معاشة . إن هذه الظاهرة الفريدة في نشأة المدن والمجتمعات الجديدة لم تجد حظها من الاستقصاء والدراسة والعرض ، فما يتطلب أن يتوافر له الباحثون والدارسون غير أني أشير إلي صفحات وردت عن نشأة هذه المدينة ضمن الدراسة التي أعدها البروفسور محمد إبراهيم أبو سليم عن (تاريخ الخرطوم) ..

من موقع محلية بحري

Post: #171
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 10:40 PM
Parent: #1

د. جعفر كرار فضل:

ركن منيع من أركان بحري ورقم فاعل في الحركة الوطنية كان رئيسا لجبهة الهيئات التي عينت حكومة سر الختم الخليفة..له أسهامات وكتابات في كثير من المواضيع العلمية لاسيمامواضيع الزحف الصحراوي ..يكتب في كثير من الصحف في الشأن السياسي.. له إصدارات متفرقة.. مثل السودان في الكثير من المؤتمرات العالمية العلمية. .كان مديرا لمشروع تسمين الماشية في سوبا.. مديرا لمعمل البحوث البيطرية في حلة كوكو وكيلا لوزارة الثروة الحيوانية في أول عهد نميري.. وممثلا لمنظمة الفاو في شرق أفريقيا حيث كان مكتبه في نيروبي كينيا.

هذا مختصر عن عمي ومن الذاكرة فقط سأحاول أن أكتب لعمي للتصحيح والأستزادة وكما أطلب إليه أن يحدثنا عن ذكرياته وبعض شخوص بحري إن أمكن له ذلك..

التحية لعمي العزيز سائلا الله أن يمتعه بالصحة والعافية..

Post: #174
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 11:26 PM
Parent: #1

الرسالة التالية من الباشمهندس هشام رضا محمد:


شكرا للجميع ....وكل البورداب وخالص التحايا لابن عمتى نزار عتيق ...
وشد حييلكم يااخوانا معاه عشان يدخل .....ومتابع معاكم ...وبالتوفيق


سليمان فارس ....اول لاعب سودانى احترف خارج السودان ...لعب بالنادى الاهلى المصرى
بعد انتقاله من نادى الهلال السودانى ....ولقب (بالسد العالى ) لانه كان بارعا فى خط الدفاع
ولايمكن تخطيه ...واحترف فى النادى الاهلى السعودى وهو شقيق الفنان ايوب فارس (رحمهم الله )
وقام بعد اعتزاله بالعمل فى مجال التدريب فى السودان وقام بتدريب نادى الهلال...ونادى العامل
ونادى ا لتحرير ومنتخب الخرطوم.... وبعد مباراته الشهيرة مع لفربول الانقليزى قام الرئيس نميرى بمنحه وسام الرياضة واعطوه سيارة...وهو من سكان حى الدناقلة شمال ...وكان رحمه الله رجلا ساخرا ولطيف المعشر ويتحدث باللهجة المصرية ....واذكر له هذه الطرفة...
(وقتها سجل الهلال لاعبا يسمى الخطيب من مدينة سنجة
وكان هذا اللاعب معجبا بالخطيب المصرى ايما اعجاب ...فكان كلما يلعبوا ليه الكورة يرفعها من الارض ووقتها قام الراحل سليمان فارس بسخريته المعهودة بايقاف التمرين ونادى على اللاعب فساله عن اسمه
فقال له .... اسمى الخطيب فقال له (من فين انت) قال (انا من سنجة) فقال له ...(ياابنى انتوا
مجلة اخر ساعة بتصل عندكم؟؟ ).....كناية عن ان الخطيب نجم مصر كان وقتها يحتل صور الغلاف ...


وطرفة اخرى ......

وعند تدريبه لنادى العامل ...قام النادى بتسجيل مدافع جديد ....وكانت الكورة فى الارض على مستوى الرجل ...ومفروض يضربها برجله.....
فنط ووقع لها فى الارض و ضربها براسه ...فاوقف فارس ....التمرين ونادى اللاعب ...(ياابنى بعد التمرين روح عند سيد الحلبى(رئيس النادى) خليه يعملك كدارة لراسك )....




رحم الله اللاعب سليمان فارس بقدر ماقدم .....

Post: #175
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-04-2008, 11:36 PM
Parent: #1

شكرا أخي الباشمهندس/ هشام رضا على لسان الأخت ناهد هذه الطرائف عن السد العالي.. المزيد من القفشات وأكيد سوف تشحذ ذاكرة الأخ/ طارق التي ربما أعتلى هامتها بعض الصدأ.. فله الكثير من الطرائف بس نساي..

مرة أخرى شكرا يا هشام...

Post: #176
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-04-2008, 11:46 PM
Parent: #1

ورسالة اخرى من المهندس هشام رضا ....



المرحوم طارق احمد عبدالدائم ......من ابناء حى الدناقلة شمال .....ومن خيرة الشباب
الذين قاموا بتنشئة شباب الحى نشأة رياضية واجتماعية ....وكان رئيسا لرابطة حى الدناقلة
التى قامت بمد الاندية الكبرى مثل الهلال والمريخ بنجوم افذاذ ....امثال عصام مصطفى ..
وعصام سليم ..وجمال الثعلب ...وجمال كدوس ....وعصام قرم...وعثمان يوسف ...وعمر حسين ....
وعاطف منصور ونادر منصور ....
وكان يعمل المرحوم طارق بوزارة الشؤون الاجتماعية ...وعمل اداريا لنادى الاتحاد البحراوى ...
وجهاز الناشئين ....
واذكر له من طرائفه حيث انه كان خفيف الظل وسريع البديهة .....

(مرة كان نايم فى حوش بيتهم ...وفجأة صحى على صوت خبطةعالية قريب الشمس تمرق ...فقام لقى بص ابورجيلة داخل جوة حوشهم جنب سريره ...والبص مليان ناس ....وحكى لى وقتها... انه هو مازعلان على كسير الحيطه
قال زعلان على انه الكمسارى نزل ليه من البص جنب السرير ,,وقال ليه صباح الخير
ولقى الركاب الكم واربعين جوة الحوش ....وقام قال ليهم ....انتظروا النسقيكم الشاى والبس امشى معاكم الخرطوم


رحمه الله ...بقدر ماقدم....

Post: #178
Title: Re: بحري طراوة... ويا ناس بحري .. قالوا بتحبوا يلا حبونا..
Author: Ahmed El Gasim
Date: 07-05-2008, 00:36 AM
Parent: #176

د.جعفر كرار من الرعيل المميز في مجال الطب البيطري وله اسهاماته المقدرة في هذا المجال، اولاده(الفاضل) على مااعتقدكان الدفعة التي تلينا في السكة حديدبيتهم بالقرب من سينما حلفايا
قريبهم صديقي د.عبد العظيم عصام الدين( ولا انا ملخبط).
بحري نفر المحطة الوسطى وتكاسي الهنتر وهلمان 60، بحري البوستة وشارعها وبصات الكندا ، بحري العياشة وسوق الخضار وسينما الوطنية وحلفايا والصافية، بحري العضة وعمر الخيام والاندلس وهافان(كل ماذكر اعلاه يندرج تحت بند سابقا.
ولك تحياتي
معتصم

Post: #179
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-05-2008, 04:47 AM
Parent: #176

Quote: المرحوم طارق احمد عبدالدائم ......من ابناء حى الدناقلة شمال .....ومن خيرة الشباب
الذين قاموا بتنشئة شباب الحى نشأة رياضية واجتماعية ....
عليه رحمة الله ويسكنه فسيح جناته ... وهو صهر العم عباس حسن التوم ( المأذون ياكمال كرار ) ... وكان نعم المربي .. عليه الرحمة ..

Post: #182
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 05:39 AM
Parent: #179

الأخ/ هيثم لبيب

أترحم معكم على المرحوم بإذن الله (طارق عبدالدائم)...وخلاص عرفنا الفرق بين عباس الشيوعي وعباس المأذون ولكل جواد كبوة.. يا أخي مررها.. خاصة إنك معانا بهنا.. يمكن نقابلك مرة الكورنيش ولا حاجة..

مودتي

Post: #186
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-05-2008, 07:58 AM
Parent: #182

.. والله جات عفوية .. ومن دواعي سروري ياكمال والله وأتشرف بيك ..

Post: #181
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 05:31 AM
Parent: #176

يا هشام رضا يا أخي الطرفة مباااااااااااالغة

عصام مصطفى طبعا شقيق لاعب الهلال الدولي السابق عبده مصطفى وكان يلقب بـ "عمو حامد" ما عارف سر التسمية.. وكان يتمرن في فريق الفاروق الرياضي.. وأختهم كانت تقدم برنامجا في التلفزيون للأطفال .. يمكن أسمها آمال. ومنزلهم في الدناقلة شمال بالقرب من آل بله (بله أخوان).. وبيت ناس عمر الفاضل.. وسيد خراطيشي وليس بعيدا من بيت ناس أزهري بدران.. أظن شحذت ذاكرتك... لتلقي المزيد من الضوء على بعض من شخوص حلة الدناقلة شمال ونوادر الكثير منهم حيث كان معظمهم مليحي الطرفة..

مودتي
------------
بحري طراوة شديد

Post: #177
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 00:12 AM
Parent: #1

الرسالة الاتية ايضا مرسلة لك من المهندس هشام ....


شكرا ليك كتير الاخ كمال كرار ....وفعلا البوست رائع جدا ...حتى الواحد مستغرب
انه هو معقول محتفظ لسه بذكريات زى دى ...واتمنى حقيقى ان توثقوا لهذة المدينة الساحرة
العملاقة مدينة بحرى ....برجالها ورموزها وبحرى طراوة .....

احدثك عن الوالد رحمه الاستاذ رضا محمد عثمان ....
.وهو حديث يصعب على النفس ولكن ليتنى اقدم ولو القليل فى حقه ...

رضا محمد عثمان ....من مواليد مدينة بحرى حى الاملاك ...درس فى معهد الدلنج
وبخت الرضا ....وعمل بوزارة التربية والتعليم ....قسم المناهج.....وعمل بمكتب النشر ...
وكان له الفضل بعد الله باصدار مجلة الصبيان ...وكان رئيس تحريرها ...وقام باصدار مجلة الكبار ...
وكانت تعنى بمحو الامية وتشجع على تعليم الكبار ....وكان اديبا وشاعرا ...وكان جل اهتمامه
بثقافة الطفل ...حيث انه قام بتأليف العديد من الكتب التى كانت تدرس فى مكتبة المدارس ...
ومن هذه الكتب كتاب (مامون العريس) و(ماوس العنيد) و(الفارس الاسود) ...وقام باصدار اول جريدة
للاطفال ...تسمى(السودانى الصغير)...وله الكثير من المخطوطات بدار الوثائق ....
وكان فنانا متكاملا ....حيث قام بتصميم الاعلانات المرئية والمكتوبة والمقروءة...وكان هو الذى
يكتب حوار (العم تنقو ) الذى كان يحبه الكثيرون منا فى ذلك الوقت ...

عمك تنقو بقى دكتور
بالسماعه يشوف الزول
عمك تنقو جاته وليه
لمن شافها قال عمليه
فى العمليه البت اتوفت
عمك تنقو قعد اتلفت

وكان الفنان شرحبيل احمد صديق الوالد يقوم بتجميل تلك الكلمات بريشته الجميلة ويرسم العم تنقو
وايضا قام الوالد باعداد مسابقات رمضان بالاذاعة......وهو اول من تغنى له شرحبيل باغنيته
(ليالى كردفان)وكثير من الاغانى التى لااستحضرها الان .....وله من الاولاد الدكتور طارق بالامارات
والمهندس هشام بجدة والاستاذ ياسر رضا ممثل ....والاستاذ ناصر رضا (سياسى) والاستاذ محمد بالامارات
والدكتورة رشا ......وابن عمه بابكر صديق (نجوم الغد) واخيه الاستاذ عباس محمد عثمان وسنأتى لتعريفه لاحقا....وابناء عمه الدكتور خالد عامر ...ومهندس يحى عامر ..والاستاذ عثمان عامر ..وخال نزار عتيق
رحم الله المرحوم رضا محمد عثمان بقدر ماساهم فى ثقافة وتنشئة الطفل السودانى ...



مهندس هشام ...جدة ...

Post: #180
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 05:16 AM
Parent: #177

الأخت العزيزة / ناهد

[B]الأستاذ/ رضا محمد عثمان (رحمه الله):


رحم الله بواسع رحمته العم رضا محمد عثمان ... فهو قد شارك في تربية كيان الكثيرين من جيلنا بمساهماته الثرة في تربية الطفل.. فمن منا لم يكن عمك تنقو جزء من وجدانه ومن منا لم يحفظ تلك الأهازيج التي صاحبت شخصية عمك تنقو...ومامون العريس إن كنت أذكر جيدا كانت مغامرات قرد من بنات أفكار والدك رحمه الله وقد قرأناه..يعني يحق لك أن تفخري أن يشكل والدك نسبة كبيرة من وجدان أجيال بأكملها..في وقت يعز فيه التثقيف ويندر معينه للأطفال إلا من القصص التي ترد في كتب المطالعة أو التي تأتينا من الخارج متمثلة في مجلات سمير وميكي ولولو.. أو بعض الكتب المصرية لكامل الكيلاني وهي أيضا لا نبخسها دورها إنما لا أذكر شيء سوداني موجه للناشئة سوى ما أبتدعته أفكار العم رضا محمد عثمان يرحمه الله ومجلة أخرى تسمى ود النمير..

يحيى عامر كان قبلنا في المراحل الدراسية بدفعة كاملة وهو على ما أعتقد دفعة الأخ اللواء / عمر قسم السيد إبن خالة صديقنا طارق والذي نوه أنه أجرى عملية جراحية في الأردن.. والآن عرفت الشبه الموجود في بابكر صديق فأنا فعلا لم ألتق الرجل شخصيا ولكن هناك مسحة وإن بدت بعيدة في ملامح يحي عامر عندما كان معنا في الأميرية ( 1 ).. شكرا فكل ما أرى برنامج نجوم الغد تشغلني ملامح بابكر صديق ولا أجد إجابة شافية...الآن الآن عرفت...

شكرا لكل إشراقات الأخ/ هشام رضا.. وقولي ليهو "عصام قرم" والذي هو الآن ضابط في الشرطة،إبن خالة "طارق ميرغني" وشقيق اللواء/ عمر قسم السيد (عمر قرم).. والذي نسأل الله أن يسبغ عليه نعمة الشفاء العاجل ..

مع خالص مودتي

Post: #185
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالوهاب علي الحاج
Date: 07-05-2008, 07:44 AM
Parent: #180

ياناس بحري
سلام عليكم

انا اتولدت في بحري في حلة حمد في منزل المرحوم علي مرسي
وبعد داك انتقلنا للشعبية
وقريت فيها الابتدائي والثانوي العام والثانوي العالي درستو في بحري الحكومية دفعة سنة (80 الفتية) اكتر دفعة وردت طلاب لجامعة الخرطوم رغم ضيق الفرص في تلك الاونة.

والجامعة دخلت كلية الهندسة سنة 81 اتخرجت سنة 88 احمل بكلاريوس قانون . عملت المعادلة واشتغلت بالتجارة والان موظف ( سمك لبن تمرهندي) .

والمدة دي كلها قاعد في بحري لم اتعتع منها سوي 3 سنوات هي فترة دراستي للهندسة التي لم تكتمل لاسباب خارجة تماماً عن ارادتي .
متزوج واب لخالد والاء وشموسة ربنا يحفظهم .

دي مقدمة صغيرة كدا عن العبدلله عشان يمتد التواصل على مية بيضا .
وعدتكم في مداخلة سابقة عن التحدث عن اشياء لم تتطرقوا لها وهي التركيبة السكانية العجيبة لسكان بحري .

حابدا بالناس الحمر (الحمرة الاباها المهدي)
اولاً الغجر (الحلب )
الغجر كما هو معلوم للجميع عرق لا يستقر في اي مكان في العالم دائمى التنقل والترحال الا في بحري بالله عليكم الله دي براها ما بتديك انطباع انو بحري دي ما المفروض يضموها لموسوعة جينيس للارقام القياسية .ومن عجائب وغرائب الحلب في بحري انهم بعد تركوا الترحال واستقروا واصبح لهم املاك ايضاً هجروا مهنة ابائهم واجدادهم وهي الارتزاق من السرقة والاعمال البهلوانية ( معظم لاعبي السيرك في العالم من الغجر) واصبح لهم مهن شريفة التزموا بها التزام صارم مثل التجارة واعمال السمكرة والحدادة .
والاغرب من هذا وذاك قصة انصهارهم وتزاوجهم مع بعض الاسر السودانية وتداخلهم بالجيرة والمساكنة الطيبة واصبح اولادهم يتعلمون في مدارس بحري انا شخصياً زاملت اثنين منهم في مراحل دراستي المختلفة .

واماكن تواجدهم في مدينة بحري تنحصر في اماكن محددة القطاع الاكبر في حلة خوجلي بعضهم يسكن في منازل والبعض الاخر يسكن في سكن غير نظامي بالقرب من المقابر .
وقطاع آخر في حلة الدناقلة وحلة حمد واسر متفرقة في الحاج يوسف والشعبية .

ومن اشهر اسرهم :
اسرة المرحوم الحاج عبدالقادر (حاج قدر) عمل هو واولاده في سوق بحري في المكان الواقع شرق مركز البوليس في مهنة السمكرة وكانوا يصنعون الاباريق (ايام كانت حديد) وصاجات اللحم وترقيع الحلل المخرومة واعمال اخري مفيدة .

اسرة الحاج فهمي في حلة الدناقلة جوار سوق الدناقلة وكان له املاك كثيرة ولكن اغلبهم ترك بحري لامبدة وكونوا مشيخة هناك

اسرة الحاج محمودعبدالرحيم :
وكانوا ايضاً يمتهنون السمكرة وتركوها الي التجارة (تجارة الاواني المنزلية) في محل برضو شرق مركز البوليس واحد ابنائه امتهن السواقة .

ومن اشهر شخصياتهم :
بركات ذلك الرجل ضخم الجثة وهو من اشهر الشخصيات في كل بحري على الاطلاق كان يتعيش من المساعدة في المقابر من دفن الموتى وهو يساعدك على ايجاد مكان بسهولة ويساعدك بالحفر وجلب الماء والطوب وما الي ذلك .

سيد الدلال :
من اشهر الدلالين على الاطلاق في بحري من منا لم يسمعه اثنا المرور بالسوق ( يستاهل يستاهل حنبيع حنكسب )
توفى رحمة الله عليه وورث اولاده المهنة .

ومن الشخصيات المثيرة ايضاً ابو جنب وابو سريع البهلوان .

انا الفيني كملت والمجال مفتوح للاضافة والحذف ياناهد وياناس حلة حمدوخوجلي .


----------------------------------

الدواريت :
ديل انا ما بعرف عنهم حاجة كتيرة والمجال مفتوح للاخوة من الحلفايا للمشاركة

----------------------------------
المواليد (اولاد الريف)
المواليد او اولاد الريف هم اسر تنحدر من اصول مصرية اختلطوا بالاسر السودانية منذ قديم الزمان تقريبا مع الحكم الثنائي

المواليد ايضاً تواجدهم يكاد يكون وجودهم محصور في بحرى ( الاملاك وحلة حمد وحلة خوجلي ) وهم قطاع كبير وحصره في هذا المجال الضيق بيبقي صعب وهمتكم معاي ياشباب ويا طارق ميرغني الحقني وانجدني
ولكم ودي
وبحري طراوة

Post: #188
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 09:05 AM
Parent: #180

Quote: الأخت العزيزة / ناهد

الأستاذ/ بشير الطيب (رحمه الله):

رحم الله بواسع رحمته العم بشير الطيب... فهو قد شارك في تربية كيان الكثيرين من جيلنا بمساهماته الثرة في تربية الطفل.
...



الاخ الكريم كمال كرار

ونحن مازلنا نتفيأمعك من ظلال وطراوة بحرى ....اود ان اصحح لك هذه المعلومة او الخطأ المطبعى...
المقصود بتربية الطفل والنشء هو المرحوم الاستاذ رضا محمد عثمان والد هشام ...وليس بشير الطيب وسأتى لاحقا لذكر الوالد بالتفصيل(عليهم كلهم واموات المسلمين الرحمة )..... ....لذا وجب التنويه ..(وللتعديل من قبلك) واعرف انه لم يفت على فطنتك وفطنة القارىء الكريم ذلك الخطأ...مع خالص الشكر والتقدير ...وسوف اتى لاحقا عند عودتى من العمل للرد عليكم .....



وبحرى شنو ؟

طراااااااااااوة

Post: #196
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 10:46 AM
Parent: #188

يا ناهد.. معذرة...

الظاهر أنا لازم اشوف حل للخبطة دي.. غايتو فاتت على فطنتي أم لم تفت.. أهي وقعة..خلي بالكم أنا لازم أشوف حل للخبطة الحاصلة دي.. رضا محمد عثمان وبشير الطيب.. رحمهما الله .. وسامحونا.. يبدوإنو الرطوبة طلعت من ركب الحاجة وضربت نافوخي..

-----------------
بحري طراوة "كعبة الإندراوة"

Post: #197
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 10:55 AM
Parent: #196

Quote: بحري طراوة "كعبة الإندراوة




حلوووة


ماراح شىء اخ كمال ...خش على مداخلتك واعمل تعديل للاسم واخلص ...
واهو كله بثوابه ...

تحياتى

Post: #183
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-05-2008, 06:50 AM
Parent: #1

اعزائي والله شغلتونا والبوست يتسارع بصوره الواحد ماقادر يرد علي الكثير حاحاول ماامكن:

الاعزاء احمد القاسم ودكتور معتصم: طبعا اخي كمال تحدث كثيرا عن استاذنا احمد صفي الدين عوض فبالاضافة الي انه درسنا الاحصاء في بحري الثانوية فهو كان مسئول عن قسم الاحصاء بجامعة الخرطوم واخيه محمد صفي الدين عميد لكلية الاقتصاد بجامعة الخرطوم.
الاستاذ علي عبد الحميد رحمه الله كان من اعز اصدقاء والدي رحمة الله عليهما وهم جيران ابناء عمومتي اولاد كروم .

الاستاذ حسن عبد القادر الذي تقصدونه رحمه الله هل هو ابو فصده؟؟؟؟
وبخصوص العيلفون عمر قسم السيد ابن خالتي المريض الذي ذكر مرارا متزوج من عائشه بركات من العيلفون ويسكنون حاليا في بيت المال.

طبعا ياسر رضا صديقي وكما ذكرت اعلاه شرفنا بمنزلنا علي العشاء ومعه صديقي وصديقه الشاعر مختار دفع الله في اجازتي الاخيره.
يحيي عامر صديقي وكنا نعزف ساكسفونات مع بعض في بحري واخوه خالدعامر واختهم هدي عامر صديقة اختي هدي ميرغني .

الاخ عبد الرازق سعيد آسف اشد الاسف للخطأ غير المقصود وان شاء الله يصادف اسم زول تاني يبقي سبب يقبلوا عضوية نزار عتيق.بعدين يحيي عامر اللعب في الاهلي السعودي يحيي عامر البنعرفوا دا... اول مره اسمع بالكلام ده انا قايلوا فنان في الموسيقي بس.

الاخ لؤي كتر خيرك علي بنات بحري وبالمناسبه اتيحت لي فرصة الجلوس مع المرحوم رمضان زايد.... ديناصور... مش؟؟؟

اما عزيزي حسن طه والله من ظرفك تمسكني ظرفاء بحري وحتكون مسئوليه صعبه لانو ناس بحري كلهم ظرفاء.

الاخت ناهد كتر خيرك الجرجرتي المهندس وقولي ليهو كل اهلكم بنعرفهم وانا اخواني ناس حمدو (محمد ميرغني) وعصام قسم السيد( قرم) ابن خالتي ولقب قرم اصلو لاخيهم الكبير عمر.واحمد رستم متزوج من بنت عمتي فائقه.
وانت نسيت من ابطال السباحه ساره جاد الله،والشريف زين العابدين لم يسكن بحري وكذلك ابراهيم عبود ولكن يسكن اخيه حسن عبود والد زميلنا يحيي.

الاخت سناء جعفر جميل تغزلك في بحري وفي انتظار المزيد.

الاخ امجد عابدون ووينك يا راجل اصدقاءك ديل كلهم ناس سيف لبيب جيران عمتي زينب علي مصطفي ( ناس سكره)وآل الميرغني ياتم افرز.

اخي كمال السر حي الزهور وهو جزء من الدناقله شمال من ساكنيه ناس صلاح محمد الحسن ،حليم احمد يعقوب،ابو اليسر مدني، مالك الجزولي
و ابو داؤود وابناؤه الحلوين عمران وداؤود وطبعا يا كمال رحمه الله متزوج من شقيقة زميلنا عبد القادر حسين عبادي.

الاخ الحاج حمد المأذون هو عباس حاج التوم وكلام ابو رزقه صحيح مائه بالمائه.


ناهد الف تحيه للوالده وان شاء الله بعد ما يروحوا الركب وتبارينا في البوست ده حنوديها تلعب في المكتبه القبطيه وما تقرطيها يا ناهد كتري الرصيد للحاجه وما تخافي الباشمهندس حيدفع

Post: #184
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد الطيب حسن
Date: 07-05-2008, 07:23 AM
Parent: #183




ياجماعه ماشايف ولا واحد من أل حمد المقبول ( حله حمد )
ولا آل التنقاري


والله السكن بحري ولا بلاش

Post: #187
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح شكوكو
Date: 07-05-2008, 08:54 AM
Parent: #183

,,,

إبن بحري النبيل (( طارق ميرغني ))
لك التحية وكل الود

نشكر لك هذا الأثير البحري الجميل
وهذه الحروف البهية

فأنت تشكل لوحة الروعة والإنتماء لبحري الجميلة ..

=========

في معيتي فارس جميل بهي من حيينا .. نحشد له الدعم والمؤازرة
هو الشيخ سيد أحمد .. الذي فتحت له بوستا في صفحة المنبر ..

أرجو أن تدعموه بدعمكم فالرجل إضافة حقيقية لو كتب له التواجد
وذلك عبر الرابط :-

أخي بكري (( الشيخ سيد أحمد )) يحلق بطائرته بمطار الم...ارة الهبوط بيننا ؟؟؟ ؟؟؟


شكرا جميلا أختنا الكريمة (( ناهد ))
فقد مهرتي حروف البداية في مهرجان الحشد الحاشد
للأخ الشيخ ..

ممنونون .. وهكذا هن مهيرات بحري الغراء
يبتدرون اللحظة قبل أن تحتويهم ..

=======

راجع ليكم بمهلة ( العبادية ) ....

عاطر الود


...



....

Post: #192
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح أبودية
Date: 07-05-2008, 09:41 AM
Parent: #187

Quote: لو سمحت ارفع الطاقية شوية علشان نتأكد هل فعلاً أنت بقيت برّاي ذي ما قال إبنك


عبد الرازق سعيد لك التحية والود

أنا لو رفعت الطاقية دى بضربنى الهواء

لكن إنت ما عرفتنى أنا صلاح جناح النجمة الشمال أو الإنصايد اليمن مع زروق سيدأحمد

Post: #239
Title: Re: بحري طراوة... ويا ناس بحري .. قالوا بتحبوا يلا حبونا..
Author: شادية الطيب
Date: 07-06-2008, 08:56 AM
Parent: #183

الاخ طارق ميرغني
اختك هدى ميرغني هل هي مدرسة ؟

Post: #193
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-05-2008, 09:46 AM
Parent: #1

الأخ/ طارق ميرغني

الأخ يحي عامر الذي أقصده من أبناء الإملاك ، لعب في الأهلي السعودي في أواخر السبعينات وحتى أوائل الثمانينات "على ما أعتقد" ، ومن ضمن الذين حازوا على الجنسية السعودية ، كان مسئول عن قطاع الشباب بفريق الأهلي قلعة الكئوس قبل سنوات قليلة

يمكن الإستعانة بصديق من الأخوة البحراويون المقيمين بمدينة جدة للتأكد من هذه المعلومة

لك تحياتي

Post: #194
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح شكوكو
Date: 07-05-2008, 10:11 AM
Parent: #1

Quote: الأخ يحي عامر الذي أقصده من أبناء الإملاك ، لعب في الأهلي السعودي في أواخر السبعينات وحتى أوائل الثمانينات "على ما أعتقد" ، ومن ضمن الذين حازوا على الجنسية السعودية ، كان مسئول عن قطاع الشباب بفريق الأهلي قلعة الكئوس قبل سنوات قليلة

يمكن الإستعانة بصديق من الأخوة البحراويون المقيمين بمدينة جدة للتأكد من هذه المعلومة


الكابتن (( عماد خوجلي ))
لكنه ابس من الأملاك بل من حلة خوجلي
وكان لاعبا بالهلال
وهو الآن بالسعودية

مع الود


..

Post: #195
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-05-2008, 10:36 AM
Parent: #1

الأخ/ شكوكو

سلام ..

لا أقصد اللاعب عماد خوجلي فهو غني عن التعريف ، الذي أقصده يحيى عامر كان حتى قبل سنتين تقريباَ مسئول عن قطاع الشباب في فريق الأهلي السعودي


الأخ/ صلاح أبو دية

طبعاً عرفتك من أول وهلة وتابعت في بوست آخر قصتك المعبرة جداً وأهنئك عليها ، تحياتي لجميع الأخوان والزملاء ، أيام جميلة وفترة زاهية قضيتها معنا في المزاد ، آمل يا صلاح أن نوثق لفريق النجمة العريق ضمن هذا البوست وهي فريق ما ساهل ومشهور على مستوى بحري المدينة يكفي أنه ضم شباب من كافة أنحاء بحري كانت فرصة طيبة للتواصل فيما بينهم وعمل صداقات نعتز بها

تقبل تحياتي

Post: #198
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-05-2008, 11:21 AM
Parent: #1

اخي عبد الوهاب هل تقصد ناس عبد القادر علي مرسي؟؟ طبعا الراجل ده دفعتنا وصديقنا والآن هو في اسوان بعدما تزوج من هناك. وبعدين قرابتك ايه بيهم ؟؟
يعني عبد القادر رجع لي اصله.

بخصوص الدواريت واشهرهم عبد القادر الداروتي من اشهر الطهارين ببحري ووالد عثمان الداروتي وهو متزوج بنت خالتي علويه قسم السيد اخت عصام قرم.وهم يبدو من اصول مصريه.

اما المواليد فمعظمهم ارتبطت اسماءهم اما بالاعمال التي يؤدونها كعتباني ( من العتب )او النحاس( من اعمال النحاس) اوالشناقيط (من شنقيط او موريتانيا) او المناطق التي جاءوا منهامثل دندراوه ( اسره الدندراوي) لكن الملاحظ ان معظم المواليد رجعوا الي مناطقهم .

اما الاقباط ببحري الكثير منهم هاجر الي استراليابالتحديد والبعض احتفظ بعرقهم واستوطنوا كاسرة جرجس وآل اندراوس وكانوا من اجمل جيراننا بالدناقله شمال اسرة فؤاد اندراوس وزوجته ماتلدا وابناءه حمدي ونوال وميرفت واكلنا عندهم لاول مره ملوخيه بالانارب( كما يقولون).

اما الحلب فاشهرهم سيد الحلبي وكان من المرتاحين( يا ناهد) وكان رئيس لنادي العامل.

Post: #203
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 12:26 PM
Parent: #198

Quote: اما الحلب فاشهرهم سيد الحلبي وكان من المرتاحين( يا ناهد) وكان رئيس لنادي العامل.





تااااااانى ياطارق ....


عارف زمان ماكان مرتاح .....الا الموظف .....البيدوه راتب ...وكان راتبه بيكفيه
ايجار واكل وشرب وقراءة جرايد ودخول سينما ...وبعد ده ترفيه وسفر داخل او خارج السودان...

الوالدة قالت ليك ياطارق ...وهى جنبى الان ...

زمان كانت ماهيتا من الجامعه 80 جنيه سنة 73 تقريبا...قالت ليك بتملا ضهرية العربية
بحاجات الشهر كلها السكر واللبن والصابون البودرة المستورد وكان جواته هدايا ...
والحلاوة والبسكويت المستورد وتغشى تشترى الخدار واللحمة ..
وتغشى امها تشيل منها كم جوز حمام من بيت الحمام ....
وبعد ده بتمشى تتبضع من السوق الافرنجى اللى كان زى الفل ...
وبتمشى تشترى من جنبرت بتاع العدة مفاتيح الصلص وقشارة الشنو مابعرفوداك ....
وقالت ليك كمان فيها غشوة لشراية توب بشبشبه لامؤاخذة وكمان خاتم دهب بفاروزة ....
لا وفى ترفيه كمان تجميع مبلغ معين شهريا للسفر به نهاية السنة للخارج..
.واكدت على ان اغلب الموظفين كانوا مرتاحين ...وقالت ليك ماواجعها شىء الا عدم
وجود السينما الان ...وكان اللوج بى 80 قرش اربعه كراسى ....
والسندوتشات جوة السينما حدث ولاحرج
مرتدلا وجبنة مضفرة وجبنة رومى وبسطرمة ....وقالت ليك ولى ...
انه نحن ماعشنا زيهم ...هم عاشوا حياة تانية ومرفهة ...


وياطارق انا طبعا جيل نميرى والصفوف ....والسكر بالاوقية ...وصف الغاز
...وصف العيش ... وصف البنزين ....وزمن الماهية
مابتوصلك البيت خليها تكفيك لاخر الشهر ....
وبتذكر كمان ياطارق...البيت زمان كله يمرق للصفوف ...
كل واحد مننا انا واخوانى بيكون ليه فى صف....
والبجى داخل بالعيش ده كان احسن واحد بيستقبلوه استقبال الفاتحين
او استقبال الزول الجاى من الحج.......
...فكنت شيطانة بمسك صف العيش طوالى .... منها اقرض وانا راجعه عيشة حارة ...
ومنها الاقى الترحيب الحار ده من الوالدة.....زى عيشى الشايلاه ده ...



تانى بتقولى لى مرتاحين دى ياطارق؟















عالم مرتاحة.....

Post: #205
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 12:38 PM
Parent: #203

يا ناهد لغاية ما يظهر طارق الحلبي هو ذاتو..

الوالدة يديها العافية...

أكيد الوالدة بالمواصفات دي كانت من مرتادي Sweet Rosana وبابا كوستا.. ده زمن كان السودان قبلة الدول الحوالينا.... وكان العدني فيه أجدع حاجات ولا شارع قابل... بس اللعنة جاءت وأنا طلعت قلت بس أسوي البيت.. وأعرس وأرجع ... وحاتك العيال بقوا وش عرس... ونحن لسع هنا.. حضرنا من الريال كان بثلاثين قرش ونصحى كل يوم وهو متدهور لغاية ما حصل الريال 750 جنيه وما عارفين نرجع متين.. قولي للحاجة أنتو ربنا يديكم العافية كنتوا في زمن جميل هسع لو اللستك طرشق 8000 ما بتعمل رقعة... والحمام خلاص كلو طار وحتى القمري بقى ما بيجي.. وما عارفين يا حاجة البصارة كيف؟؟؟ غايتو بس دعواتكم
..

Post: #199
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 11:23 AM
Parent: #1

غابة الصبابي:

أين هي الآن؟؟ كنا ونحن تلاميذ في مدرسة الدناقلة شمال الأبتدائية.. وفي حصة الطبيعة (العلوم) وبمعية الأستاذ/ ماهر نذهب إلى الصبابي ..حيث كانت هناك غابة تبدأ من بعد بيان الشيخ موسى وتتمدد إلى ضفاف النيل.. وكانت تعج بالفراشات من كل لون.. وبعض الزواحف الجميلة بالإضافة إلى الكودوندارات" "كودوندار" الطلح و "كودوندار" الحنة...

نعود وشباك الحشرات معبأة بكل أنواع الفراشات .. .. الآن وفي غفلة من الزمان هجم الزحف العمراني.. وأتي على كل أخضر ويابس في الغابة.. فهاجرت الفراشات.. وطارت القماري.. وتشققت الأرض.. وعاث الأسمنت فسادا.. ..

صدقوني كان المنظر يبز أي منظر في الريف الإنجليزي... فمتى يكون الإنسان في بلدي صديقا للبيئة..


-----------------
بحري طرااااااااااوة

Post: #200
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-05-2008, 11:45 AM
Parent: #1

السلام عليكم
والله انا بقيت قايم
سداري
وما لاحق البوست ده
ياخي بحري دي
بسحروها بعد كده
لكن عندي اضافة
بسيطة
مع إني ما بتاع كورة
لكن هل ذكرتوا
قرن شطة
لاعب الكورة المشهور
والآن اعتقد انو
في مصر
ضمن طاقم الأهلي المصري
معليش ما بعرف اتكلم
في الكورة
عذرا
شيخنا
صلاح شكوكو
وسيد الحوش
الأستاذ كمال كرار
وجميع افخوة المتداخلين
ودمتم سالمين

تخريمة:
هيثم لبيب
مشتاقين شديد

Post: #201
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 12:04 PM
Parent: #1

يا إبراهيم قناوي يا حبيب...

يا أخي قرن شطة (عبدالمنعم مصطفى) ده حبيب ودرس معانا في بحري الأميرية...

أبدا ما نسيناه وأظن أسمه ورد في صدر البوست...


مودتي

Post: #202
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-05-2008, 12:20 PM
Parent: #1

Quote: الآن وفي غفلة من الزمان هجم الزحف العمراني


يا كمال يا حبيبي ما هجم الزحف العمراني ولا هجم النمر .....هجم العمر اذا كان انت بتتكلم عن المنطقه الفيها بيت الكابلي الحالي كانت غابه نحن لسه كنا بنقرأ في ست ليلي .

وبالمناسبه ما ننسي نوثق لمربيات الروضه ناس ست ليلي التي درسنا فيها الروضه( طبعا حسن طه حيتخلع من قصة الروضه دي ) ويفتكرنا قرينا في خلوة الشيخ صالح. وست عائشه وماما امال مقدمة برنامج الاطفال وجارتنا شقيقة عبده مصطفي لاعب الهلال المشهور وعصام مصطفي ايضا لاعب الهلال.

وايضا ما ننسي نوثق للخضرجيه الكبار ناس عمنا بر واولاده وناس جزيره واهلنا بالصبابي .كذلك كبار الجزارين ناس محمد عبد العال والبرديسي وعبد الجليل وهكذا...

Post: #206
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 12:49 PM
Parent: #202

طارق ست ليللي أم كضم..

هكذا كنا نسميها ونأتي المدرسة مرعوبين نفتكر إنها عارفة إننا بنقول كده في البيت.. تعرف يا طارق أنا كنت شيطان جدا وأمي وأبوي الله يرحمهم ما كانوا بيخلوني أأجز لأني كنت Hyper Active لما تقفل ست ليلللي بيودوني لواحدة في حلة خوجلي أسمها بت فؤاد وعرفت فيما بعد أنها خالة أخونا الدكتور/ أحمد حامد الياس، وبرضو لما دخلت المدرسة في الإجازة على طول للأستاذ/ فخر الدين عم ناس عثمان نكير...وبالمناسبة دي نكير ذاتو من بحري... طبعا عثمان نكير... هو المقصود ومن المزاد جنوب... المهم يا طارق أنا وأنت قربنا نحضر الكمبيوتر تقول لي حسن طه.. يا أخ ناس حسن طه ديل كتبوا في لوح الأردواز وتعلموا كتابة الحروف في الرملة... ده زمن غابر.. لكن الحمد لله صاروا مشتشارين يشار لهم بالبنان.. وكمان بحراويين..

--------------
بحري طراوة

Post: #204
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 12:33 PM
Parent: #1



تااااااانى ياطارق مرتاحين دى .......


عارف زمان ماكان مرتاح .....الا الموظف .....البيدوه راتب ...وكان راتبه بيكفيه
ايجار واكل وشرب وقراءة جرايد ودخول سينما ...وبعد ده ترفيه وسفر داخل او خارج السودان...

الوالدة قالت ليك ياطارق ...وهى جنبى الان ...

زمان كانت ماهيتا من الجامعه 80 جنيه سنة 73 تقريبا...قالت ليك بتملا ضهرية العربية
بحاجات الشهر كلها السكر واللبن والصابون البودرة المستورد وكان جواته هدايا ...
والحلاوة والبسكويت المستورد وتغشى تشترى الخدار واللحمة ..
وتغشى امها تشيل منها كم جوز حمام من بيت الحمام ....
وبعد ده بتمشى تتبضع من السوق الافرنجى اللى كان زى الفل ...
وبتمشى تشترى من جنبرت بتاع العدة مفاتيح الصلص وقشارة الشنو مابعرفوداك ....
وقالت ليك كمان فيها غشوة لشراية توب بشبشبه لامؤاخذة وكمان خاتم دهب بفاروزة ....
لا وفى ترفيه كمان تجميع مبلغ معين شهريا للسفر به نهاية السنة للخارج..
.واكدت على ان اغلب الموظفين كانوا مرتاحين ...وقالت ليك ماواجعها شىء الا عدم
وجود السينما الان ...وكان اللوج بى 80 قرش اربعه كراسى ....
والسندوتشات جوة السينما حدث ولاحرج
مرتدلا وجبنة مضفرة وجبنة رومى وبسطرمة ....وقالت ليك ولى ...
انه نحن ماعشنا زيهم ...هم عاشوا حياة تانية ومرفهة ...


وياطارق انا طبعا جيل نميرى والصفوف ....والسكر بالاوقية ...وصف الغاز
...وصف العيش ... وصف البنزين ....وزمن الماهية
مابتوصلك البيت خليها تكفيك لاخر الشهر ....
وبتذكر كمان ياطارق...البيت زمان كله يمرق للصفوف ...
كل واحد مننا انا واخوانى بيكون ليه فى صف....
والبجى داخل بالعيش ده كان احسن واحد بيستقبلوه استقبال الفاتحين
او استقبال الزول الجاى من الحج.......
...فكنت شيطانة بمسك صف العيش طوالى .... منها اقرض وانا راجعه عيشة حارة ...
ومنها الاقى الترحيب الحار ده من الوالدة.....زى عيشى الشايلاه ده ...



تانى بتقولى لى مرتاحين دى ياطارق؟














عالم مرتاحة كيف ...

Post: #207
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 01:05 PM
Parent: #1

Quote: أكيد الوالدة بالمواصفات دي كانت من مرتادي Sweet Rosana وبابا كوستا.. ده زمن كان السودان قبلة الدول الحوالينا.... وكان العدني فيه أجدع حاجات ولا شارع قابل... بس اللعنة جاءت وأنا طلعت قلت بس أسوي البيت.. وأعرس وأرجع ... وحاتك العيال بقوا وش عرس... ونحن لسع هنا.. حضرنا من الريال كان بثلاثين قرش ونصحى كل يوم وهو متدهور لغاية ما حصل الريال 750 جنيه وما عارفين نرجع متين.. قولي للحاجة أنتو ربنا يديكم العافية كنتوا في زمن جميل هسع لو اللستك طرشق 8000 ما بتعمل رقعة... والحمام خلاص كلو طار وحتى القمري بقى ما بيجي.. وما عارفين يا حاجة البصارة كيف؟؟؟ غايتو بس دعواتكم


ويديك الف عافية ياكمال .....

الوالدة بقت ترفع راسها تسألنى كمال مارد ...وطارق قال شنو ...وليه ود قناوى ماجاء
وعبدالرازق ....طبعا ...اتعلمت اللابتوب وبقت خاتاه فى كرعينها زى الجاهل
وشغالة فينا ...ناهد رجعلى كلام كمال ...جيبى لى كلام طارق القبيل ...بالله هو صحى ماقال ناس فلان..
بيقربوا لناس علان ......
الحجة بقت خطريه ...قالت حترسل تجيب معاشها من ناس المعاشات فى السودان
ونتمه ليها نشترى ليها لابتوب.....براها (الحاجة خبرة فى الطباعة طبعا)
يديكم الف عافية ياشباب ......


وديل ناااااااسك يابحرى خترييييين ....وتحيا الامة العربية ...

Post: #208
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالوهاب علي الحاج
Date: 07-05-2008, 01:06 PM
Parent: #1

ياناس بحري
سلام عليكم كلكم
العالم المرتاحة والما مرتاحة

قبل يومين اتصل بي احد الاصدقاء وهو مخرج تلفزيوني وهو بيعمل في شغل عن بحري .
يطلب الاتي :
قال عاوز ليهو حاجة يفتتح بيها الشغل بتاعو
اول ما تظهر في الكادر الناس كلها تعرف دي بحري قبل الكتابة .... والله ياشباب راسي بدا يودي ويجيب
كبري بحري لا ماهو كبري ام درمان زيو
ياربي سجن كوبر ياخ ما لذيذة
هل نحن في بحري ما عندنا معلم بارز ؟
شنو ...شنو ...ياشباب مقترحاتكم

Post: #211
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 01:21 PM
Parent: #208

شوف يعني المعلم الوحيد هسع هو فندق قصر الصداقة.. ولا شنو يا جماعة؟؟؟...
برضو ممكن سيقا أو ويتا!!

زمان كان كوشة الجبل.. أو مصنع البيرة (حمانا الله) ...أو دكان شريف بتاع النوفوتيه...

طبعا يا جماعة دكان شريف في سوق بحري كانوا الناس بيهاجروا ليهو من كل أنحاء العاصمة لأنو كان بيبيع أحلى نوفوتيه من شرايط شعر للبنات قبل ظهور الباندا.. والبكلات والحاجات المحكنشة دي.. شريطين واحد بهنا والثاني بهناك ومسيرتين ومع السلامة.. ودكان شريف كان مشهور بإنو بيجيب أحلى نوفوتيه... ده غير الزارير والسكسك وكل لوازم البنات.. والخياطة.. من خيوط ملونة وقطبات.. وهلمجرا..

كدي يا ناهد أسألي الحاجة من دكان شريف أكيد بتعرفه.. والحاجات زمان كلها من أوربا وإنجلترا بالذات نبيع القطن يرجعوا لينا حاجات جميلة..وأنيقة..ساتان وكريبشين.. وساكوبيس.. وبوبلين.. مش هسع بدل محلات شريف زنك سعد قشرة وكلها حاجات من فيتنام.. وسايجون...

--------------------
بس بحري طراوة

Post: #209
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-05-2008, 01:11 PM
Parent: #1

الأخت / ناهد بشير

سلام ..

عبد المنعم شونة من ألطف شباب الصافية وهو دفعتنا في بحري الحكومية ولكن لم ندرس في فصل واحد ولديه العديد من الصداقات مع أبناء المزاد بحكم العلاقة الخاصة التي تربط المزاد والصافية ، وبدر الدين شونة قريبه كانت عائلته تسكن المزاد جنوب

الأخ ناجي بشير الطيب هل هو دفعة عبد المنعم شونة ، أنا أذكر زميلنا وصديقنا ناجي الطيب درس معانا الإبتدائي في الحرية ودرس معانا أيضاً في بحري الحكومية وهو قريب ناس بدر الدين شونة كانوا يسكنوا الصبابي قبل كم سنة ، لو طلع هو فهو زميل وصديق عزيز ولو طلع إسم على إسم برضو تحياتنا له

أما طارق ميرغني ممكن يكون دفعة شونة الجد

Post: #214
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 01:39 PM
Parent: #209

Quote: عبد المنعم شونة من ألطف شباب الصافية وهو دفعتنا في بحري الحكومية ولكن لم ندرس في فصل واحد ولديه العديد من الصداقات مع أبناء المزاد بحكم العلاقة الخاصة التي تربط المزاد والصافية ، وبدر الدين شونة قريبه كانت عائلته تسكن المزاد جنوب



الاخ عبدالرازق..

ياسلااااام على عبدالمنعم شونة ....طبعا بيتهم امام بيتنا طوالى .....وهى عائلة من
بربر اصلا ...وعائلة كريمة جدا ومن احسن من جاورنا .....لهم كل التقدير والود


Quote: الأخ ناجي بشير الطيب هل هو دفعة عبد المنعم شونة ، أنا أذكر زميلنا وصديقنا ناجي الطيب درس معانا الإبتدائي في الحرية ودرس معانا أيضاً في بحري الحكومية وهو قريب ناس بدر الدين شونة كانوا يسكنوا الصبابي قبل كم سنة ، لو طلع هو فهو زميل وصديق عزيز ولو طلع إسم على إسم برضو تحياتنا له




لا اعتقد انه المقصود ....ناجى درس الابتدائى فى المذاد الابتدائية ....والثانوى بحرى الثانوية
وهو اصغر من عبدالمنعم شونة ....ودرس بقبرص هندسة والان يعمل بشركة اجنبية للبترول بالدمام

اما بدر الدين وابن ادريس ...فااخواته صديقاتى ...وهم ساكنين فى المذاد...



ولك كل التقدير




Post: #238
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-06-2008, 08:51 AM
Parent: #214

Quote: اعتقد انه المقصود ....ناجى درس الابتدائى فى المذاد الابتدائية ....والثانوى بحرى الثانوية
وهو اصغر من عبدالمنعم شونة ....ودرس بقبرص هندسة والان يعمل بشركة اجنبية للبترول بالدمام
أها ده كنت معاهو الإسبوع الفات في راس تنورة .. بمناسبة وضوع زوجته واللي هي جارتنا في المزاد ... وأخوه نادر كان معانا في الدمام ونقل جدة .. بس على ماأذكر أنهم أنتقلوا بُري مع محطة البنزين البعد البصمات وقبل المعرض .. مامشكلة الفرق حرف الحاء بين بحري وبُري .. اها ياناهد ده القاصدينو وله إسم على إسم.. وعلى كل حال مبروك في الحالتين ...

Post: #210
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-05-2008, 01:20 PM
Parent: #1

Quote: أكيد الوالدة بالمواصفات دي كانت من مرتادي Sweet Rosana وبابا كوستا.. ده زمن كان السودان قبلة الدول الحوالينا.... وكان العدني فيه أجدع حاجات ولا شارع قابل... بس اللعنة جاءت وأنا طلعت قلت بس أسوي البيت.. وأعرس وأرجع ... وحاتك العيال بقوا وش عرس... ونحن لسع هنا.. حضرنا من الريال كان بثلاثين قرش ونصحى كل يوم وهو متدهور لغاية ما حصل الريال 750 جنيه وما عارفين نرجع متين.. قولي للحاجة أنتو ربنا يديكم العافية كنتوا في زمن جميل هسع لو اللستك طرشق 8000 ما بتعمل رقعة... والحمام خلاص كلو طار وحتى القمري بقى ما بيجي.. وما عارفين يا حاجة البصارة كيف؟؟؟ غايتو بس دعواتكم


اخ كمال .....

قالت ليك كل كل الاسر زمان بتروح عن نفسها بالذهاب الى محل سندوتشات ذكى ...فى شارع البرلمان
وبمبو فى شارع البرلمان ...والاندلس بحرى والخرطوم ....والاتينيه ...وبابا كوستا ..
وبتاع السمك البربرى ....والعدنى بتاع بحرى ....ودكان شريف...كان مباااالغه ... تلقى القماش والهدوم الجاهزة وتحتهم الجبنة والزيتون...والمواد التموينيه ....وكان الدكان ليه ريحة خاصة ومميزة واولاده اسمهم مهدى ...واحسن واحد عنده بيزيانوس باااااارد اسمه(ثابت عجايبى ) قبطى ...ودكانه جنب الانجيلية ...والسر بتاع القماش وكان بيدى بالدين لكل الاسر البحراوية ...بدون شيكات ...وكان الناس ملتزمة بالدفع ....وميلاد الترزى... قبطى... بتاع بناطلين وبيخيطوا اخوانها وزوجها بشير الطيب عنده ...وقالت ليك مخبز بدران ...عيشه كان شمسى ومملح...والاجزخانة الوطنيه بتاعة (بابكر عباس ) وهى اقدم اجزخانة فى بحرى ...وحلوانى بحرى
بتاع ناس البصيرى...وكافتيريا سبا جنب دوار البوستة ....وقال ليك اهل هشام رضا.. ناس معوض كان
عندهم لوج مخصوص لاسرته بوصفه مدير للسينما ...





وبنجيك راجعين ......

Post: #212
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 01:35 PM
Parent: #210

حذف للتكرار

Post: #213
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 01:36 PM
Parent: #210

يا سلام يا حاجة يديك العافية..

يعني من حاجات بحري نحن لحقنا على محلات سبأ وكانت ملاصقة للبوستة والأندلس وكانت من الجهة الثانية أعتقد محل مطعم عمر الخيام.. وكان أحلى حاجة عندهم البسطرمة بالبيض... وطبعا أصحاب الأندلس جاءوا وسكنوا جنبنا في المزاد بحري.. قريب جدا من كوشة الجبل...وكانت هناك منافسة خفية بين الأندلس وسبأ.. أما أجزخانة بابكر عباس.. أذكر أنه بعد وفاته.. قامت بإدارتها زوجته.. وكان لبابكر عباس أبناء من إمرأة أخرى أذكر منهم واحد أسمه علي طلّقا.. وكان بيتهم في الختمية..

ويا حاجة نسيتي الرشيد بتاع الليمون.. بدأ قالوا بحلة ليمون لغاية ما فتح محلات المرطبات بتاعتو في ركن سوق الخضار بإسم "هافانا"... وفي مرطبات ثانية فتحت جنب مغلق كمال علي أحمد أسمها "فالنتينا". ومن الترزية بتاعين الملابس النسائية إمام العشى.. أول السوق الجديد...


وبرضو قهوة عبد القادر حاج السيد يا حاجة

أما زكي وأتنيه في الخرطوم كانوا موجودين لوقت قريب.

Post: #217
Title: Re: بحري طراوة... ويا ناس بحري .. قالوا بتحبوا يلا حبونا..
Author: معاوية محمد الحسن
Date: 07-05-2008, 01:56 PM
Parent: #210

الاخ كمال كرار
تحياتي وشكراً على هذا البوست الرائع روعة بحري وأهل بحري الحلوين
انا من المزاد شمال شارع 10 قرب نهاية المواصلات درست فى المزاد الأبتدائية والاميرية 2 لكن الثانوي والجامعة فى الخرطوم ولعبت فى رابطة المزاد فى فريق البرازيل مع نجوم الهلال هشام الطيب وفائز نصر الدين ، أحب بحري حباً لا يقابله حب اخر .ورغم بعدي من السودان فبحري فى قلوبنا شوارعها ناسها أحيائها هدوئها فبحريي مثل القرية الكبيرة يتعارف اهلها فردأ فرداً تقريباً.
اعرف سوق بحري دكان دكان بحكم عمل الوالد تاجراً فى السوق بداءاً من معروضات عزيز وجبريل للعماري ومطعم الأخلاص ومطعم الخيام ومغلق كمال على أحمد ومغلق البلولة وابوالهول الحلاق ومحلات كبيرة اندثرت الان .
بحرى رائعة رائعة وفى اجازاتي للسودان اذا حدث ان قضيت الليل خارج بحري احس بأنني لم انم مرتاحاً وبمجرد ما طلع الصباح اسرع لبحري وما أن أشاهد النقل الميكانيكي حتى تعود لى روحي
لى ملاحظة هامة أنني صادفت أحداث الأثنين ألاسودبعد موت جون قرنق فى السودان وقد كانت مدينة بحلرى اكثر مدن العاصمة أماناً حيث لم تحدث اى أحداث تذكر فى وسط بحري وكل الذى حدث كان فى أطرافها النائية ونحن فى المزاد وكل احياء بحري الوسطية لم تشاهد احداث مثل باقى المدن الاخري
وتصدقوا بان حتى احداث دارفور الأخيرة قد سمع بها سكان بحري من اهلهم خارج السودان وانا شخصياً أتصلت بالاهل فى المزاد اثناء ووجدتهم لم يسمعوا بها حتى .
ياخي بحري امان وسلام
بحري الفن والكورة
بحري رائعة روعة اهلها

الأخ أبن المزاد عبد الزازق سعيد
تحياتي لك وللأخ عبداللة سعيد أينما كان

Post: #218
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 02:11 PM
Parent: #217

Quote: ياخي بحري امان وسلام
بحري الفن والكورة
بحري رائعة روعة اهلها


معاوية محمد الحسن...

بحري رائعة بأمثالك.. خليك معانا

Post: #220
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-05-2008, 03:41 PM
Parent: #217

تعرف ياأستاذ معاوية أنا بشبه من زمان بس قلت النشوف أخرك وفي بوست أخونا هشام الطيب ( حارس البرازيل سابقاً في الرابطة ) كنت عاوز اناوشك ... بس قلت نبطل الخفة .. تتلمذنا وتدربنا على يدك انت وكمال نوبة .. ولحقنا أخركم أنتوا وفايز نصر الدين وحميد راس ويانكو .. أنا من دفعة حمو وماجد راس ومعتصم كباشي .. هيثم سعد الدين لبيب من أولاد المزاد جنوب قبل إشلاق السواري ..... كانت أيام وبحري طراوة ... والله البوست خلانا نقابل ناس لينا منهم عشرين أو خمسة وعشرين سنة ... تحياتي يا أستاذنا ..

Post: #215
Title: Re: بحري طراوة... ويا ناس بحري .. قالوا بتحبوا يلا حبونا..
Author: ارصد محمد جلال
Date: 07-05-2008, 01:48 PM
Parent: #1

اهااا

نحن ناس الاقاليم :
كوبر وحلة كوكو والمايقوما والحاج يوسف وووووووووو وام دوم

موقعنا شنو من البوست دهـ ؟؟
ياكمال كنت تسمي اليوست دهـ : وين ناس بحري ( الشعبية والاملاك والمزد والصبابي وحي الدناقلة وبسسسسس)




غايتو جنس ناس


















التحية للجيمع
وبحري حلوة
وطراوة

Post: #216
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 01:52 PM
Parent: #215

Quote: موقعنا شنو من البوست دهـ ؟؟

ودي تيجي يا أرصد ياحبيب.. يا أخي أنتو الساس وأنتو الرأس..

بحري ده حدها من الطراوة للطراوة..

















Post: #219
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد الطيب حسن
Date: 07-05-2008, 02:29 PM
Parent: #216




يا ارصد كيفنك
بالله استغفر الله وهدي شويه

شايفك دخلت كوبر من ضمن الضواحي
Quote: نحن ناس الاقاليم :
كوبر وحلة كوكو والمايقوما والحاج يوسف وووووووووو وام دوم



كوبر دي سنتر الخرطوم بحري


وبحري ياناس بريده

Post: #221
Title: Re: بحري طراوة... ويا ناس بحري .. قالوا بتحبوا يلا حبونا..
Author: ارصد محمد جلال
Date: 07-05-2008, 03:54 PM
Parent: #1

Quote: كوبر دي سنتر الخرطوم بحري


الحبيب محمد الطيب
كلامك صح
واقول ليك
حاجة
شفت دكاكين الاسبيرات ( المنطقة الصناعية )
اهاا انا عمري كله قضيتها هناك



وكوبر طراوة
والمايقوما بريدة
يافيصل العجب

Post: #222
Title: Re: بحري طراوة... ويا ناس بحري .. قالوا بتحبوا يلا حبونا..
Author: معاوية محمد الحسن
Date: 07-05-2008, 07:27 PM
Parent: #1

هيثم سعد الدين
كيفك ياخي واللة الحي بلاقي
كيف انساك وانسي تلك الأيام التى كنت تلعب فبها للبرازيل مع دفعتكم الرائعة من المزاد جنوب بقيادة الكابتن المهذب معتصم كباشى وحمو وبقية العقد .
البرازيل زمان رغم انها فريق رابطة الاانها تساوي فريق درجة اولي حالياً من حيث الأمكانيات والمواهب ويكفى انه الفريق الذي تخرج منه لأعبين للهلال مباشرة دون المرور على أى فريق اخر وهم هشام الطيب وفائز نصر الدين وتخرج منه ايضاً المعلم مهدي كرار ويانكو وحميد راس وكثيرين غيرهم وذلك بفضل الرعاية والأهتمام الذي كان يوليه للفريق الربان الكوتش القدير عوض اللة مصطفي ،وأكثر ماكان يميز هذا الفريق الترابط الأجتماعي والصداقة بين أعضاء الفريق والتى لاتزال ممدة حتى الان ولازم فى كل زيارة للسودان أزور يانكووأقضي معه لحظات جميلة .
صدقني ياهيثم المالعب فى البرازيل مالعب كورة
البرازيل تحتاج لبوست خاص

Post: #223
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-05-2008, 08:28 PM
Parent: #1


الأخ الفاضل / معاوية محمد الحسن

تحية الود والإحترام

أسعدني ظهورك الأنيق في هذا المنتدى ونحن محظوظين جداً بإنضمام أخ عزيز لنا وأتوقع منك إثراء المنتدى بكل ما هو جميل

ويا أخ معاوية طالما ما ذكرت أنك بتعرف سوق بحري دكان دكان أرجو منك التوثيق لهذا السوق العريق وأكتب لينا كل ما تذكّره عن هذا السوق العريق ويا حبذا كمان لو كتبت لنا عن سوق المزاد لأنه كان في يوم الأيام من أفضل الأسواق الفرعية في بحري بعد السوق الكبير ، كان آخر حيوية مطاعم ومقاهي ومحلات موبيليا ومكتبات وقصص وحكاوي

أذكر كان هناك مطعم يفتح على نادي المزاد يقدم قراريص تأكل أصابعك وراها وكذلك مطعم خليل في الركن الجنوبي الشرقي للسوق ويفتح جنوباً ناحية جمعية سمت

قهوة علي جدادة متذكرها طشاش سمعت عنها من الأخوان كمال كرار وأبو عبيدة أتوقع أن يكون في مكانها الآن تم إفتتاح ماكدونالدز المزاد

الحجر الصحي (الكرنتينة) والتي تم توزيعها لاحقا إلى قطع سكنية سميت فيما بعد بالمغتربين أتذكر جيداً في ذلك الوقت حارس الكرنتينة العم حجير ذلك الفارس المغوار الذي كان يتعقب بالحصان كل من كان يتجرأ من أولاد المزاد بقطع ولو قسط بسيط من التبربونة (أشجار المسكيت) المحيطة بالمكان وكان كل من يشهد ذلك المنظر يعتقد بأن شيئاً غالياً تمت سرقته لأن الرجل كان في منتهي الجدية وهو يطارد الأولاد وبما يشبه أفلام الكابوي ربما كانت هذه تعليمات الإدارة ، أعتقد لو كان المسروق عنب أو تفاح ربما تم تعقبهم بسودانير

بالنسبة لكرة القدم ورابطة المزاد على وجه الخصوص كانت من أفضل وأنشط روابط الناشئين على مستوى العاصمة ومع إحترامي لفريق البرازيل في إعتقادي أن فريق النجمة هو الماضي والحاضر والمستقبل

تقبل فائق تحياتي

Post: #224
Title: Re: بحري طراوة... ويا ناس بحري .. قالوا بتحبوا يلا حبونا..
Author: اسعد الريفى
Date: 07-05-2008, 09:26 PM
Parent: #1

يا كمال يا اخوى ذاكرتنا بقت .. حلاوة قطن ..
لكن بحرى .. و ناس بحرى .. حكاية ما بتنتهى
و هاك الخواطر دى ..
دكان شريف و لا العدنى !!
سينما حلفايا و ليمون عمك الزين .. و مكتبة عبد الباسط ..
مكتبة الثقافة
العزبة الابتدائية و من المدرسين الفنان محمد ميرغنى و المسرحى يس عبد القادر ..
حلة حمد و كشك ود عوضون ..
كافتيريا سمر و اولاد العيلفون ..
البلدية ..
كافتيريا النيل الازرق و كافتيريا اركويت
د. التجانى الماحى
د. احمد محمد على
د. حسن هارون
و بالمناسبة استاذ فخرى امد الله فى ايامه و متعه بالصحة رأيته فى اجازتى الاخيرة و هو استاذى انا ايضا ..
من بيوت بحرى (قناوى - عفيفى - السيوفى - العتبانية- سمارة نديم)
اخر اليهود يقيمون الان فى بحرى ( اسرة شاؤول)
حديقة عبود

و انشالله بجيك راجع لو الدينايصور طارق ادانا فرصة
و كمان تحياتنا و اشواقنا لهشام رضا

Post: #225
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-05-2008, 09:47 PM
Parent: #224

أسعد الريفي يا بركة...

أولا حمدا لله على السلامة... وأجر وعافية.. يا أخي إذا أنت النحيف جاك ديسك.. نحن أصحاب الوزن فوق المتوسط يجينا "حجر طاحونة مقار".. مساهماتك دائما كبسولات شافية.. ذكرتني كتابة المرحوم الأستاذ/ الريفى في مرآيا...

الديناصور طارق أول ما جابوا سيرة الحلبة أختفى... قايل نفسو حلبي.. مرات يعمل لينا فيها من الحلاوين ومرات من أصل مغاربي.. وربك يستر...

Post: #226
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-06-2008, 05:37 AM
Parent: #225

يا خوانا ما تانسز جنينة عبود وذكرياتكم فيه

Post: #229
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 06:19 AM
Parent: #226

Quote: [ خوانا ما تانسز جنينة عبود وذكرياتكم فيه]


حسن طه جنينة عبود والذكريات دي شغل ندامى (جميع نديم)..

أذكر يا حسن طه أول ما دخل البث التلفزيوني كان هناك تلفزيون في الهواء الطلق وضع ليشاهده الناس وهم جلوس على النجيلة أو وقوف... والنافورة شغالة.. ورشاشات الماء تقذف بالرذاذ المضمخ برائحة الطلع والنّوار.. وصفق الشجر أخضر خضرة قلوب أهل بحري الجميلة...

-----------------
بحري طراوة يا أبوعلي

Post: #227
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 06:06 AM
Parent: #1

وصلتني قبل قليل مساهمة من الأخ الفاضل/ سيف الدين نجار.. وهو بحراوي اصيل.. وإلى المشاركة
Quote: الأخ الفاضل كمال كرار



شكرا علي هذا البوست الذي يوثق لهذه المدينة الرائعة، والله الواحد عندما يتجول في هذا البوست يشعر كأنه يتجول في تلك الشوارع الأليفة والمحببة للنفس وفي حواري وأحياء بحري الأنيقة.

علي ذكر المعلمين بمدينة بحري أري إن بعض المتداخلين الأفاضل قد أسقطوا سهوا معلمين أمثال المرحوم الأستاذ عباس علي – مدرسة بحري الثانونية ( اللغة الأنجليزية)

وشقيقته المرحومة جليلة علاءالدين والدة المرحوم المهندس علاءالدين الواثق وهي ترقت في سلك التعليم إلي أن وصلت كبيرة الموجهين بالوزارة

وكذلك الأستاذ الشاعر المرحوم عوض حسن أحمد – الصبابي



بمناسبة العزبة التي سميت بها مدارس العزبة هي علي حد علمي ليست عزبة كافوري وانما عزبة حلفايا أو عزبة معوض ( يمكن الأخت ناهد تصحيح المعلومة)



وسوف أعود لاحقا



مع اكيد حبي وتقديري للجميع هنا



سيف الدين نجار ( الشلالية) حي الدناقلة شمال وحلة حمد

مقيم بأبوظبي – دولة الإمارات العربية المتحدة



:

نأمل من الأخ/ الكريم رفد هذا البوست بمساهماته حتى ولو من الشباك.. وسننشرها له تباعا...

Post: #228
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-06-2008, 06:14 AM
Parent: #1

اعزائي الواحد بقي لازم يجيب ورقه وقلم عشان يرد للناس ويخت الاسم : كمال كرار اتنين ناهد تلاته ابو رزقه اربعه حسن طه وهكذا تدخل صلاة الضهر.

Quote: وما عارفين يا حاجة البصارة كيف؟؟؟


البصاره دي يا كمال لو سمحت لي الحاجه، هي ملاح الخدره( الملوخيه للصغار) بالفاصوليا يتم فركها لتقدم تحت تبن الكسره وبالهنا والشفا.
بعدين قصة الحلبي دي سمعناها من صغار لكن انت شفت كمية الزرق او الخدر الفي البيت !!!مره مغربي ومره ليبي كما كان يحلو لصديقي المرحوم ابراهيم ابو ديه ان يقول.

بعدين دكان شريف ما تنسي كان من الدكاكين القليله في بحري الكنا بنجيب منها المارتديللا " حلب جد جد"

بعدين يا اخوانا عايزين ناس يعرجوا لينا علي ستات الفسيخ خاصة ناس حلة حمد يا.... هشام رضا" ما تعمل لينا فيها ما حلبي"

يا اخوانا قضية يحيي عامر دي لسه ما حليتوها لينا؟؟؟؟

اخي ابو رزقه عجبني ليك طلعت ما دفعة شونه الحبر لانو طلع بالضبط دفعتنا واصغر منك .... تحياتي يا ابو بشير.
وبخصوص مطعم خليل طبعا ما شاء الله عمك خليل الآن يمتلك اشهر مطعم بالرياض يقدم الوجبات السودانيه من ضلع وحتي الفته..

اخي معاويه الف مرحب بيك ولكن بدون عنصريه كتير من المصايب جايانا من امدرمان ... الكلام ده بيني وبينكم ما يجيب لي الهوا....

اخي حسن طه يعني فطيت الحتات دي كلها ونطيت في جنينة عبود...
اها الأريحك كانت من اجمل واول مناطق ترفيهيه اقامها عبود هي ورصيفاتها حديقة القرشي بالخرطوم وحديقة المورده بامدرمان وقدر ما سميت حديقة الشهداء لم يمشي الاسم وظلت حديقة عبود وكانت مرتع صبانا في (الجاهلية الثانية) لانو الاولي بتاعة ناس حسن طه،، وكان في بعض الاحيان يجي السواري ونحن جالسين .... حليل السواري.

وبالمناسبه دي احكي ليكم قصه حلوه:

كان اصدقائي جالسين في الحديقة ويتعشوا بعد انتهاء الونسه جاء السواري قرب الطاوله يطلب منهم المغادرة لان الصباح قرب فما كان من الحصان الا وقام بحركة فرفرة الخشم ديك وهوزز راسه( زي العطسه) في اكل الجماعه فما كان من احد الاصدقاء الا وقام وادي الحصان بونيه !!!رب الحصان وقع .. فتم اقتياد الفتي الي مركز الشرطه وفتح له بلاغ التعدي علي موظف اثناء تأدية واجبه .!!!!!افتينا يا حسن طه البلاغ ده صحيح؟

Post: #230
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 06:27 AM
Parent: #228

طارق.. أوع يكون الأدى الحصان بونية ده الفي بالي وبالك,,, دي مبااااااااااالغة..

يا أخي حسن طه ده ما مستشار حصين وحمير... ده مستشار بشري.. لووووووووووول.. وكمان بتاع شركات.. يعمل ليك MOU في 10 دقائق ويحاسبك على 10 ساعات والساعة ب 500 دولار أنت قايل حسن طه هين.. تعرف ده بيعمل 4 MOU في الشهر و3 LOI وبيرقد 3 شهور بدون ما يجر قلم.. زي الأصلة لما تبلع ليها غزال وتقعد شهر ما تأكل.. تقولي لي حصان...

بالمناسبة دي تتذكر لما الحصان باس "عمر رجب" جنب بحري الثانوية وملأ خشمو سعابيل وريالة.. أها طيب هنا الحصان المتعدي .. يشتكوه لمنو؟؟؟

Post: #231
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح أبودية
Date: 07-06-2008, 06:47 AM
Parent: #228

آخر تشكيلة لعبت فيها للنجم الأحمر

فى حراسة المرمى ...أحمد حسين () إحتياطى وليد عزالدين

فى الدفاع : محمد عامر ، هندى حسين ، عاطف مصطفى ، محمد عبدالرحمن إحتياطى الطاهر مامون الطاهر

فى الوسط : عادل إدريس (ديب سنتر ) عباس مصطفى (هاف ماش) إحتياطى : سامى الروخ ، مجدى يس

فى الهجوم : محمد إدريس النونو جناح يمين ، إيهاب قاسم جناح شمال

زروق سيدأحمد رأس حربة صلاح أبودية إنصايد ساقط (يمين) إحتياطى : إبراهيم

Post: #232
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد الطيب حسن
Date: 07-06-2008, 06:52 AM
Parent: #231



ياجماعه برضو ماننسي الاستاذ القدير جعفر ( ابو عزيزه )
من حلة حمد

Post: #240
Title: Re: بحري طراوة... ويا ناس بحري .. قالوا بتحبوا يلا حبونا..
Author: شادية الطيب
Date: 07-06-2008, 08:58 AM
Parent: #232

من لعيبة كرة القدم

كابتن الهلال السابق محمد حمدان
ياسر الديبة (الموردة)
الأمين عبد الرازق (الموردة)
فيصل العجب (المريخ)

Post: #242
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-06-2008, 09:43 AM
Parent: #228

طارق ميرغنى

يعنى الواحد مش عمل ورق.. الانت قلته ....جبنا كراس وسجلنا ليك فيه صفحة للرد
وصفحة لكمال وعبدجالرازق وقناوى ولبيب وعبدالوهاب وكل الاخوان .........
ياحليلكم والله ....


الرسالة الاتيه من هشام رضا ....
____________________________________


فى اتنين يحى عامر ....الاول ود عمنا مهندس فى السعودية
وهو محسى وساكن فى الاملاك جنب المستشفى ...

والتانى يحى عامر ...خاله عثمان كرار مدير مدرسة حلة حمد الابتدائيه ...ولعب
بالنادى الاهلى السعودى والمنتخب السعودى ومنح الجنسيه السعوديه ...وهو الان مدرب
بالنادى الاهلى السعودى ...(جدة) ...وكان بيلعب معانا ...فى ميدان
السيد على جوار المجلس البلدى .....ومعانا يوسف عبد الفتاح وعمر خوجلى وعلى ابو جريشة
وكمال حسن وعبدالمنعم مالك والنور الصادق وصلاح عمر ومجدى عمر ...والفريق اسمه (بروزرس) ...
(الاخوان)



هشام رضا....

Post: #233
Title: Re: بحري طراوة... ويا ناس بحري .. قالوا بتحبوا يلا حبونا..
Author: شادية الطيب
Date: 07-06-2008, 07:27 AM
Parent: #1

سلام لكل ناس بحري

نحنا ناس كوبر - ناس كارا - والعتالة جيرانا

Post: #234
Title: Re: بحري طراوة... ويا ناس بحري .. قالوا بتحبوا يلا حبونا..
Author: اسامة سعد
Date: 07-06-2008, 07:56 AM
Parent: #233

بسم الله الرحمن الرحيم

يا ناس بحري نفسنا انقطع معاكم ماشاء الله الواحد بقراء سطر ويفط سطر

اسامة سعد النور الشعبية شمال وقبلها الدناقلة جنوب جرانا ناس المرحوم الازم مرسال واولاد حبيب أحمد وعادل ومعاوية
وقبلها قالو كنا ساكنين البدوان

من الإعلامين
عوض بابكر حقيبة الفن وبرنامج آخر
المرحوم محجوب عبد الحفيظ الصلاة الطيبة
سمير إبراهيم كان جيرانا في الدناقلة

الفنان عبد الرحمن بلاص من الشعبية


وكتب الأخ بدر الدين اسحاق احمد

Quote:

الاعزاء اولاد بحرى

معاكم والله ...
مولود فى الشعبية ...
سكنا من قبل فى الاحياء التالية :
الوابورات
ديم سلك ...ده حى ما بعرفو الا زول فوق السبعين خريف .
ديوم بحرى ...
الشعبية جنوب...



ديم السلك في الخرطوم شرق لفة القوز وغرب غريقانا او ابوحمامة
شمال المدبغة الحكومية وشارع الشجرة
من سكانه المرحوم الفنان رمضان حسن والمرحوم رمضان زايد الذي غني لبحري الأغنية التي تبدو وكأنها شعار بحري



ولكم الشكر والثناء

Post: #236
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن عبدالله
Date: 07-06-2008, 08:29 AM
Parent: #234

ايه رايكم نحكي عن صعاليك بحري:
الكضبي
اسم الشهرة الكضبي كان من اشهر صعاليك بحري الاسم مصطفى اسم الوالد غير معروف وكذلك العائلية او الاصل.
اشتهر بانه كان يهاجم تلاميذ المدراس يخيفهم ويرعبهم ويسلب ما لديهم من اموال. كان معظم تواجدة بسوق بحري الكبير او عند المدراس .
كان غالبا ما يظهر معه شلة تتغير من وقت لاخر وكلهم اقل من هيبة بل وشكلا ومستوى هو من دونهم جميعا يبدو من عائلة شكله ملابسة واسلوبة في التعامل مع ضحاياه. رغم انه يبدو غير متعلم الا انه كان الابرز حضورا بين شلته وكان القائد بلا منازع.
كثير من القصص كانت تروى عن اصله البعض يقول انه ابن لضابط بوليس كبير هرب من عائلته واحترف النهب. وبالطبع كان هناك قول انه غير معروف الاب.
كبرت القصة واصبح مجرما محترفا. الغريب في قصته انا كان متواجدا بكثرة في بحري وكان اتباعة يتغيرون دائما. لا احد يدري اين يذهبون. البعض يتحدث عن انهم يقبض عليهم ويدخلون السجون والبعض يتحدث عن انهم ينفضوا من حوله لقسوته في التعامل معهم او لاستحوازه على الاموال والغنائم التي تسلب. ويظل هو يظهر من وقت لاخر يثير الرعب ويسرق ويضرب ويهرب.
فجاء اختفت هذه الشخصية المثيرة للجدل وكما كانت حيانه كلها لعز كذلك اختفاءه كان لغزا أكثر غموضا. يقول البعض انه ترك الصعلكة واصبح رجل معتدلا . ويقول البعض انه في السجن وكذلك هناك قول ان عائلته استطاعت اخيرا ان تسيطر علية وتعيده للبيت ثم الدراسة والجامعة والعمل. واغرب الاقوال انه سلوكه تغير وصبح مسالما اغترب ايام موجة الاغتراب.

Post: #235
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-06-2008, 08:25 AM
Parent: #1

الاخ سيف الدين نجار يا هلا بالطله : الشاعر عوض حسن احمد رجل لا يمكن تجاوزه فهو شخصية فريده ووطني غيور كان ناظرنا في مدرسة الاميريه (1) وكان شاعرا مجيدا غني له ابو داؤود :
" اوتذكرين صغيرتي أوربما لا تذكرين...
الخمسة الاعوام قد مرت وما زال الحنين"
وغني له ايضا فينوس الوجود:

تعالي ههنا..." هنا قيثار وغني"

وهو عم الفنان جمال مصطفي حسن احمد" فرفور"

الاخ اسامه سعد : احمد وعادل حبيب في المنطقة الشرقيه بالجبيل وهم اصدقاء اخي عامر ميرغني...

Post: #237
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-06-2008, 08:39 AM
Parent: #1

[B]من ظرفاء بحري:

كمال اب حلق:

ملاكم دولي سابق مع ناس كمال السر بالمزاد:

المشهد" مباراه دوليه في اوغندا"

ممثل السودان: كمال اب حلق

بعد ان انقض الملاكم اليوغندي الجسور علي كمال اب حلق بضربه قويه اطاحته ارضا :
صاح احد السودانيين من بين الجمهور:
" يا كمال ...يا كمال .. ارفع راس السودان" لتشجيعه.

فاجاب كمال: " هو انا قادر ارفع راسي لمن ارفع راس السودان..."

Post: #241
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-06-2008, 09:00 AM
Parent: #1

الكضمي أخر أيامو كان مُرشد لمباحث قسم المدينة.. وكان عندو عربية كشف على ما أذكر بس الموديل مامتأكد منو قريب لي اللاندروفر بس مانفس الإرتفاع وقابلتو في المنطقة الصناعية بحري أيام أزمة العيش في السيول والأمطار بتاعت 88م تقريباً وبيني وبينكم قدر ماسمعت عنو بس ماهو الشخصية التخوف ..

Post: #243
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-06-2008, 09:52 AM
Parent: #241

الاخ طارق

البلاغ ما صحيح لسبب بسيط انو البيدي حصان بنية ويوقعو دا يستاهل تمثال مش بلاغ

وجنينة عبود لنا ذكريا معها لا ولن تنسي

كان استاذنا الكبير عبد الحميد رستم - يرحمه الله - يطلب منا في حصة الفنون الذهاب لجنينة عبود لرسم الورود والزهور.

وحصة الفنون كما تعلم كانت حصتين مع بعض .

فتصور انك ساعة ونص خارج المدرسة .

واتركك للتخيل.

Post: #244
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-06-2008, 10:03 AM
Parent: #243

مصطفي الكضمي

اذكر انه تحول الي كاتب

بنفس طريقة هندي عوض الكريم الذي كان ينقل الاغاني السودانية في كتيب

واعتقد ان الاثنين اقرباء بعض

مصطفي الكضمي بدأ ايضا في كتابة قصص الافلام التي كان يقوم بمشاهدتها في كتيب صغير قرات انا شخصيا بعضا منها.

وكنت اقول سبحان الله الذي جعل من الكضمي كاتبا لا تستبعد وجود ما يكتبه علي ارفف مكتبة الكونقرس الامريكي.

Post: #246
Title: Re: بحري طراوة... ويا ناس بحري .. قالوا بتحبوا يلا حبونا..
Author: Abuobeida Ali Abdullah
Date: 07-06-2008, 10:31 AM
Parent: #241

يا ناس يا حلوين.... سلام ......

والله الواحد ما قادر يفوت البوست الملهلب بالمواضيع الثرة والشخصيات الرائعة

كل مره يطلع ليك زول ليك زمن ما لاقيته...

عبدالرازق سعيد...الواحد ما قادر ينسى حلة النجمة وجلستك وسط معاوية وماهر ومحمد عامروعوض وفتحي والزين وطلال وجلال
وحبيب وصلاح عروبي شايل النبلة وماشي الكرنتينة يجيب قمري ويبدأ التحدي بينه وبين عادل خشوني ...

يا اخي انتو ما فيكم واحد عرف قهوة علي جدادة الا الأستاذة ناهد فهي فعلا قهوة العمال بجوار سوق العناقريب القديم خلف هافانا في وسط السوق القديم...

اما القهوة في سوق المزاد كانت للوالد وتسمى قهوة عمك علي وتم فيها حادث قتل جانوار من أبناء الجنوب وكانت في الناصية ثم انتقلت الى وسط السوق جنب زريبة الفحم وكانت مشهورة بتجمع السياسيين والرياضيين.وهنالك ايضا قهوة عمك الرضي في الجانب الآخر قرب ابودية بتاع التمباك....

بحري معالمها رائعة وتاريخها ملأ البصر وامتداد ذكرياتها لاينضب..

البلدية وميدان عقرب. سينما الوطنية وحلفايا والصافية وعمك جلال بوليس السينما وعمك المرحوم سعد محمد الحسن شاويش النجدة..
كمال ابحلق والكضمي والصياد الصغير والكبير و الواثق صباح الخير وحسن الكونج وميصرة وفيصل كنة وعبده عضل وصلاح بحبوحة وخشوني وبلحاتي وود اللباب والسر تنقالي وغزالة ومحمد خوجلي وعادل خوجلي.

هاشم ضيف الله والفاضل دراج ويحيى الطاهر المارشال واحمد عبدالمجيد وعم اللازم رحمة الله عليهم وما قدموه للرياضة.

كمال طه وتوتو كورة.. علي الريح وسيف الدين البشير وعالم الرياضة تلفزيونيا...

المرحوم بشير الطيب والد الأستاذة ناهد والتنقيب في مؤلفات الوجودية عبر مجلة الوجود...

بحري الحكومية وبحري الشعبية والجيلي الثانوية وعوض ساتي...

ميصرة ومدارسه...

اولاد السراج ومزارعهم... اولاد طلب والشيخ مصطفى الأمين والمليجي والشيخ عبد الباسط والطيب النص وكامل محمود وتجارتهم....

اليمانية ودكاكينهم وافرانهم.....

العيلفون والفن .....

وبحري طراوة............................................................

أبوعبيدة

Post: #249
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 10:58 AM
Parent: #246

Quote: اما القهوة في سوق المزاد كانت للوالد وتسمى قهوة عمك علي وتم فيها حادث قتل جانوار من أبناء الجنوب وكانت في الناصية ثم انتقلت الى وسط السوق جنب زريبة الفحم وكانت مشهورة بتجمع السياسيين والرياضيين.وهنالك ايضا قهوة عمك الرضي في الجانب الآخر قرب ابودية بتاع التمباك....


يا أبوعبيدة هلا بالطلة الرشيقة.. دحين أنت الجريمة دي مش كان متهم فيها "سالم العربي" رحمه الله

Post: #245
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-06-2008, 10:17 AM
Parent: #1

الأخوان الأعزاء

البوست يحتاج لعسكري مرور لضبط إيقاعه المتسارع ، هناك مخالفات يجب تدوينها وهي كما يلي :-

كمال كرار - نوع المخالفة : السرعة غير القانونية في المداخلات

طارق ميرغني - نوع المخالفة : عدم لبس خوزة لتغطية الرأس وتعريض الصلعة للأذى الجسيم

حسن طه- نوع المخالفة : تعطيل الحركة في جنينة عبود

أعتقد أنه من الواجب أن نبدأ أولاً برموز المدينة وعظمائها الذين تركوا بصمات واضحة في كافة المجالات

مصطفى الكضمي فعلاً ترك بصمات واضحة .. واضحة جداً لكن في دوائر الشرطة وأمام وكلاء النيابة فأحسن نخليه في الآخر وإلا أيه رأيكم !!

Post: #247
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 10:48 AM
Parent: #1

Quote: والتانى يحى عامر ...خاله عثمان كرار مدير مدرسة حلة حمد الابتدائيه ...ولعب


عثمان كرار ده عمي أخو أبوي .. يحى عامر ده !!!

أنتو عندنا عمات من ورانا ولا أيه؟؟؟

كلو جايز

Post: #258
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-06-2008, 02:03 PM
Parent: #247

هى ياكمال ياخوى مالك علينا داير تدخلنا فى نسب ومانسب ....
طيب نمسكها من الكبرى ...اقصد نمسكها حته حته ...
نصر الدين عثمان كرار ود مدير مدرسة حلة حمد ....ببقى ليك شنو ؟ ده سؤال
يحى عامر ود خالتهم لمايجى من جدة بينزل عندهم فى بيتهم فى حلة حمد مواجه المقابر
هل ده بيت عمك عثمان ؟ ده سؤال تانى
يحى عامر بقى سعودى وعلى كفالته اتنين من اولاد عثمان كرار
والان فى جدة بتعرفهم؟ ده سؤال تالت ... ....









كمال
ان بقى قريبكم فيها ورثة تقيلة خلاص ...

Post: #264
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 05:20 AM
Parent: #258

يا ناهد.. نصر الدين ود عمي...

أخوان نصر الدين في الغالب مأمون وأمين,... وعثمان كرار عمي..

يلا بقينا نسايب ولا شنو؟

Post: #248
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-06-2008, 10:53 AM
Parent: #1

شكرا لك أستاذ كمال
والأستاذة ناهد
لك تحياتي
وللوالدة
وأسأل الله أن تكون قد شفيت
من ألم الركب
بعد هذه الجرعات العالية
فولترين بحري
كما اود ان
أسأل عن الأستاذ
عوض مختار (الشهير بعوض طمبوش)
وهو كان إداري برابطة الديوم
وكان يغني للجابري
ورجل له من النكات
الكثير
ولا زالت بعض زلات لسانه
تضحك الناس
مثلا يحكوا إنه كان بيغني
وغلط في الغنية
قما قال: أوب سوري ...
وكذلك
جارنا
في الديوم
سيف الين آدم
الشهير بسيف البوز
وكذلك
اللاعب الخطير
عبد المنعم خميس
الشهير ب زوزو
وهذا ما أسعفتني به
الإتصالات بالسودان
ودمتم سالمين

Post: #250
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-06-2008, 11:17 AM
Parent: #1

وفي إتصال آخر (مكلف جدا)
ٍٍسألت عن جارنا
الأستاذ يحي محمد عبد القادر
الصحفي المخضرم
(ما عارف كان ذكرتوهوا ولا لأ؟؟؟)
معليش
أنا من شدة ما البوست ده قايم
سداري
ما قادر ألاحق
والأستاذ يحي (حفظه الله)
كان رئيس تحريرجريد النيل
أيام الإمام عبد الرحمن المهدي
(تقول لي طارق ميرغني ديناصور برضو ؟؟؟)
وذلك في عام 1936
ثم جريدة المستقبل
مع علي محمد بدري
وكان سكرتير الحزب الوطني
ورئيس تحرير الراي العام
وكم جريدة تاني كده
ما عاوز أزحمكم بيها
وبرضو سجنوا الرئيس نميري
لأنو كان ضد التكامل مع مصر
ومنعوا النميري
من الكتابة
وهو يسكن المزاد جنوب
وكان كثيرا ما ياتي
الى دكان والدي (رحمه الله)
والرجل لديه مكتبة رهيبة
كنت أقف أمامها مشدوها
ولكنه كان ضد تسليف الكتب
وبالمناسبة هو
والد الأستاذ رضا
الذي درسنا التاريخ بمدرسة بحري الحكومية
أها يا أستاذة ناهد
المرة دي حصلتك ولا لأ؟؟؟؟
ولكم جميعا التحايا
ودمتم سالمين

Post: #251
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 11:29 AM
Parent: #1

هذه رسالة ثانية من الأخ/ سيف الدين نجار.. نرجو الإجابة على ما تضمنته من أسئلة عن بحري..
Quote: B] شكرا جزيلا أخي كمال كرار



وللمزيد من التوثيق لمدينة بحري، أرجو أسال سؤال بسيط

أين يوجد شارع الكنيسة ببحري وما هي الكنيسة المسمي الشارع بإسمها وأين تقع؟

والأسواق ببحري قديمها وحديثها

سوق الأثنين

سوق الطبابي وأين كان مقر هذا السوق؟

كما أرجو تحديد الحدود الجغرافية لحي الديوم ببحري

ملاعب كرة القدم

البلدية

ميدان الليق القديم اين مكانه الأول قبل الملعب الحالي عقرب



هناك شارع ببحري يتوسط شارعي المعونة والبوستة يبدأ من أول الديوم من الناحية الشمالية وحتي حلة الميري يسمي الضبطية تري لماذا سمي كذلك؟



مع شكري والي المزيد من المشاركات



سيف الدين نجــار








في إنتظار المزيد يا أستاذ/ سيف الدين

Post: #252
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-06-2008, 12:01 PM
Parent: #1

مرحب بطلة الاخ ابوعبيده علي و.....

سوق العناقريب ده كان العرب بيقفلوا بدري ويقع هو خلف بار حسين فكانت تلك العناقريب مرتعا لسمار الليل.

الاخ ابراهيم قناوي: عمك جلال رحمة الله عليه كان فارس سينما حلفايا وكان يلبس الكاب بطريقة الكاوبويات وكان له الفضل في ضبط صفوف الشعب وردع المشاغبين والصعاليك وكان هناك عمك بتاع الفريسكا.... هل تعلمون ما هي الفريسكا؟؟؟؟؟؟

عبد المنعم زوزو موجود في ديوم بحري وكان لاعبا ممتازا لكرة القدم بنادي الربيع هو وصديقي المرحوم عبد الحليم عبد الخير...

بعدين يا قناوي منو طارق خوجلي الديناصور العايز ينافسنا ده؟؟؟؟

Post: #253
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن عبدالله
Date: 07-06-2008, 12:20 PM
Parent: #252

حديقة البلدية وعم دهب واولاد كمال و000
المجلس البلدي واكيد كتيرين فاكرين البلدية العامة داخل المجلس والعم حسن طلب الراجل المفتل والزوق. تفتكروا المكتب دي راحت فين كل الكتب بتاعتها...
للمعلومية للديناصورات كان قربها كزينو ارزونا .....

Post: #268
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-07-2008, 06:18 AM
Parent: #252

تحياتي يا زعيم
بعد السلام

Quote: الاخ ابراهيم قناوي: عمك جلال رحمة الله عليه
كان فارس سينما حلفايا وكان يلبس الكاب بطريقة
الكاوبويات وكان له الفضل في ضبط صفوف الشعب
وردع المشاغبين والصعاليك


عم جلال ده ما عرفتو الظاهر ده كان زمن
جوز الحمام كان تلاتة ...


Quote: بعدين يا قناوي منو طارق خوجلي
الديناصور العايز ينافسنا ده؟؟؟؟


المقصود سعادتك يا باشا
وهو حد يتجرأ ينافس الزعيم؟؟؟؟؟؟
بس تشابه علينا القمر
وتم التعديل ولك العتبى

وبحري طرااااااوة
ودمتم سالمين

Post: #299
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-07-2008, 09:12 PM
Parent: #252

الاخ الاكبر طارق مرغنى...كنت عاوز اصل لاخر الصفحه بس شغلانيتكم ده مفحطه مش قايمه سدارى...

العم حسين بتاع البار(عليه رحمة الله) من سكان الشعبية اول مربوع على اليمين بجوار ثلاجة الموز...العم عفيفى (عليه رحمة الله)ايضا من سكان الشعبية يقطن بجوار منزل العمعبد الكريم ذياده.

ونواصل لو الديناصورات ادونا فرصه...


سلام خاص للاخ كاربنتر

Post: #254
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 12:57 PM
Parent: #1

Quote: وكان هناك عمك بتاع الفريسكا.... هل تعلمون ما هي الفريسكا؟؟؟؟؟؟


طارق الفريسكا دي حاجة كده لاهي دونات ولا كورسان.. كان بيبيعها عمك.. بتاع العجلة الفيها سبت من قدام وينادي فررررررررريسكا....يلا يا.. وكان يقف أمام سينما حلفايا على مقربة من كشك عم الزين.. وناس عم الزين أصلا من مدني بس سكنوا المزاد غرب مسجد الشيخ أنسه.. وكان أبنهم محمد الزين قدامنا في بحري الأميرية وأعتقد إنو تخرج في كلية البيطرة جامعة الخرطوم وكان عندو فيسبا.. وحسب علمي يمتون للفنان أبو الأمين بصلة.. لأنو كثيرا ما جاء عندهم....

فررريسكا...

-----------------
بحري طراوة

Post: #255
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-06-2008, 01:03 PM
Parent: #1

[B]حمش الساقين ..عريض المنكبين .. شلنكح

من ضمن ما حُكيّ عنه والعهدة للراوي ..

أن والدته قالت ليهو يا شلنكح يا ولدي إنت لو كنت إتزوجت من زمان كان أولادك الآن كبروا ونفعوك !!

رد ليها قائلاً يا أمي أنا هسة نفعتك بي شنو ..

Post: #256
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 01:16 PM
Parent: #255

Quote: أن والدته قالت ليهو يا شلنكح يا ولدي إنت لو كنت إتزوجت من زمان كان أولادك الآن كبروا ونفعوك !!

رد ليها قائلاً يا أمي أنا هسة نفعتك بي شنو .. ]


قوييييييييية دي يا عبد الرزاق.. شلنكح حكاويه كثيرة.. لو طارق سخى وقال لينا حتفطس من الضحك..

Post: #257
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن طه محمد
Date: 07-06-2008, 01:40 PM
Parent: #256


يا ود سعيد الظريف

ايه رايك نخلي جنينة عبود " استراحة محارب " ؟

علي العموم انا ما عندي مانع اعمل ليكم لائحة داخلية


وقانون مرور كمان
بس بشرط تعيين رجل مرور زي بشري بتاع صينية الجامعة

ايه رايك؟

Post: #259
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-06-2008, 02:11 PM
Parent: #257

الفريسكا....

الوالدة قالت ليكم ....

هى حاجة كدة لا لامة الكرواسون زى ماقال كمال لا لامة الغريبة...
بتشبه الغربان بتاعة الاقباط زول يقول لى الغربان دى بتاعة شنو مافى
الحاجة نامت ...الا فى الليل نسالها ...




فرررررررررررررريسكا يا ....
بوست يجوع

Post: #261
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-06-2008, 08:06 PM
Parent: #259

Quote: فرررررررررررررريسكا يا ....
بوست يجوع


سلام يا جماعة
والله نحنا يا ناهد
أولاد قرف (ودي عكس أولادالراحات)
والفريسكا والكراو... شنو ده
بنسمع بيها عند أصحابنا أولاد الراحات
لكن نحنا من أسر كادحة
والحمد لله
إتربينا بالقراصة والويكة
والملوحة
وقراصة البلح
وحشوة الفطور بالفول
ولا سلطة الدكوة
وبالعدم ملاح خدرة بايت
وبرضو still نكون عايشين
وبنحب بحري
وناس بحري
وحتى علاقاتنا
بالأقباط كانت زي العسل
وأذكر جيراننا
نا ميخائييل أنيس برسوم
وهو فني معمل
في كنيسة بحري
وبحري
طرااااااااااااااوة
ودمتم سالمين

Post: #260
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-06-2008, 02:37 PM
Parent: #1

زايدة حبال:

من منكم يعرف زايدة حبال؟؟ أنا غايتو بحاول أعصر الذاكرة على قدر ما تدي.. وما تفرحوا ما حتدي كثير بس بتذكر إنها إمرأة نسَاجة أو فتَالة للحبال وكانت هي ايضا مفتولة العضلات.. تمارس نشاطها عند تقاطع شارع البوستة مع شارع الصناعات... ما بعيد من بيت ناس عزالدين هلالي..تلبس حجاب في يدها اليسرى.. ولافة الطرحة في رأسها على طريقة لف ناس اليمن للشال في الرأس.. سليطة اللسان...تسف الصعوط وتفتل الحبال ولا أجدع راجل...يقال أنو فاكه منها...

عرفتوها؟؟؟؟؟؟
================
بحري طراوة

Post: #262
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-06-2008, 11:45 PM
Parent: #1

بحري ريادة :
أول حي سكني في السودان يتم تخطيطه حسب التخطيط الحديث – الإملاك
رائد المسرح السوداني الحديث – الفكي عبد الرحمن
رائد الغناء الحديث في السودان – إسماعيل عبد المعين
أول طبيبة بيطرية في السودان – من حلة خوجلي
أول مهندسة ميكانيكية في السودان – صفوة علي – حلة حمد
أول ملعب كرة قدم بالنجيل الطبيعي في السودان – ملعب البلدية بحري
أول ميدالتين ذهبيتين يحرزهماالسودان في الخمسينات أحرزهماإثنان من أبناء بحري
أول فريق يفوز بأول بدوري في السودان – التحرير
أول كابتن للفريق القومي السوداني – الجاك عجب
أول لاعب كرة قدم يحترف خارج السودان – السد العالي


رموز في مجال الإعلام
_________________
د. علي شمو
د. عبد المطلب الفحل
د. عثمان جمال الدين
إدمون منيـر
مامون الطاهر
كمال حامد
سعد الدين إبراهيم
سمؤل خلف الله
سيف الدين علي
سيد أحمد ابرهيم


رموز نسائية في مجال الإعلام
________________________
يسرية محمد الحسن
إسراء زين العابدين
فاطمة الصـادق

أعلام في مجال الصحافة
______________________
د. حيدر إبراهيم
محجوب عروة
عثمان سنادة
عثمان ميرغني
نور الدين مدني
فيصل خالد


أعلام في الصحافة الرياضية
________________________
محمود شمس الدين
عبد المنعم مالك
كفاح علي
محمد الصادق
صلاح دهب
معاوية صابر


والبقية تأتي ...

Post: #263
Title: Re: بحري طراوة... ويا ناس بحري .. قالوا بتحبوا يلا حبونا..
Author: سامى عتبانى
Date: 07-06-2008, 11:58 PM
Parent: #262

والله انا لمه اكون فى بحرى
بكون مرتاح نفسيا خاصه
فى حلة حمد

وناس بحرى اكيد بتحبو

سامى عتبانى

Post: #266
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 05:34 AM
Parent: #262

برضو من أعلام الرياضة يا عبد الرزاق.. نسيت ولدنا في المزاد "سيف الدين" المذيع الرياضي.. وبيقولوا ليه "سيف الدين ود العرب"

Post: #265
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 05:26 AM
Parent: #1

Quote: هى ياكمال ياخوى مالك علينا داير تدخلنا فى نسب ومانسب ....
طيب نمسكها من الكبرى ...اقصد نمسكها حته حته ...
نصر الدين عثمان كرار ود مدير مدرسة حلة حمد ....ببقى ليك شنو ؟ ده سؤال
يحى عامر ود خالتهم لمايجى من جدة بينزل عندهم فى بيتهم فى حلة حمد مواجه المقابر
هل ده بيت عمك عثمان ؟ ده سؤال تانى
يحى عامر بقى سعودى وعلى كفالته اتنين من اولاد عثمان كرار
والان فى جدة بتعرفهم؟ ده سؤال تالت ... ....


يا ناهد زي ماقلت ليك .. نصر الدين ودعمي والبيت البيفتح في المقابر أصلا بيت جدي كرار، وأولاد عثمان كرار في جده غالبا مأمون وأمين.. وأخوهم عصام كان في المدينة ,,وصلاح ومحمد عثمان وعبدالعزيز الصغير في السودان.. وكذلك كوثر وأسماء وأخواتهن بنات عمي.. وعيييييييييييييك.. يعني برضو عندنا في الحلبة نصيب...

Post: #267
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 05:52 AM
Parent: #1

[U]طاحونة مقار:

سألت عنها المولودين في النصف الثاني من القرن الماضي.. طارق ميرغني وطقته ولم يشف غليلي.. ومن تبينا قمنا ربينا شفنا في شوارع الضواحي حجري الرحى بتاعة الطاحونة ملقيين أمام الطاحونة..وقد أعتلى إطارهما الحديدي الصدأ ولم نعرف يقينا من هو مقار وإين هو الآن.. ناس النصف الأول من القرن الماضي يفتونا.. يا مولانا حسن طه فزعتك.. طاحونة مقار معلم من معالم بحري القديمة

Post: #269
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-07-2008, 06:39 AM
Parent: #1

الأخ/ كمال كرار

سلام ..

الإعلامي الرياضي المعروف ومقدم برنامج الرياضة خلال الأعوام الماضية من أبناء المزاد هو "سيف الدين علي" وإسمه موجود في القائمة

بالمناسبة ...

أين أختفى الأخ م. محمد شمس الدين
ما هي آخر التطورات في عضوية نزار عتيق

ويا سامي عتباني .. العتبانية أحلى ناس وزادوا علي بحري حلاوة بأصلهم الطيب

Post: #270
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-07-2008, 06:49 AM
Parent: #1

اخي ابو رزقه الاخ كمال حسب علمي الآن بصدد وضع ميزانية خاصه للبوست واول بنودها عمل خوذه لسعادتي وشراء فريسكا للجمهور وعمل خط اتصالات للحاجه فوزيه للتواصل مع الخرطوم.

ويا ناهد لحدت دلوقتي ما جاوبتونا هل يحيي عامر بتاعنا ذاتو بتاع بحري الثانويه ومصنع التمور بالسعوديه واخو خالد عامر؟؟؟؟؟؟؟؟؟؟؟

اخي حسن عبد الله كافتيريا اريزونا باتذكرها لكن المكتبه ....لا

ابراهيم قناوي عمنا جلال ابنه محمد ويسكنون شمال ميدان عقرب رحمه الله كان شخصيه مشهوره في بحري.
بعدين ياخي الفريسكا عمرها ما كانت بتاعة اولاد راحات لانها تباع في صف الشعب بسينما حلفايا.

كمال السر زايده حبال لا اظن اولاد الزمن ده بيعرفوها لكن طاحونة مقار الآن موقع مواصلات شمال المحطه الوسطي واظن ان صاحبها نفسه اسمه مقار.
بعدين ايه كلمة.. غالبا.. امام اولاد عمك؟؟؟؟؟؟؟؟؟؟؟؟

Post: #271
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 06:57 AM
Parent: #270

Quote: بعدين ايه كلمة.. غالبا.. امام اولاد عمك؟؟؟؟؟؟؟؟؟؟؟؟ ]


طارق يا أخي مررها.. لأنو أولاد عمي ماشاء الله.. وديل من الجيل الصغير نسبيا إحتكاكي بيهم قليل.. يجي الباشمهندس/ أمجد يؤكد لينا مين في الأحبااااء؟..

Post: #303
Title: Re: بحري طراوة... ويا ناس بحري .. قالوا بتحبوا يلا حبونا..
Author: Amgad Karrar
Date: 07-07-2008, 09:41 PM
Parent: #271

العزيز ابو النور...

الظاهر الاخت ناهد تشابه عليها البقر...

خالد عامر ويحى عامر هم اقرباء لياسر رضى وجيرانهم بس الظاهر علاقة حى فقط مع اولا عمنا عثمان كرار عليه رحمة الله, هى الجمعتهم.

والشخصية التى سقطت سهوا من المهندس هشام رضى ...ماذكرها وهى اللاعب الشهير عماد خوجلى (معتمد) وهو من المتجنسيين بالجنسيه السعودية, وهو من ابناء حلة خوجلى واخوه الاصغر عامر خوجلى.

الاخ سيف كاربنتر...اسم كرار ده ماذكرك بجيرانك ناس مصطفى ووليدمحجوب كرار...

Post: #280
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن عبدالله
Date: 07-07-2008, 09:33 AM
Parent: #270

دا كيد لانك ما كنت بتاع قراية. كنت بالتأكيد بتاع كزينوهات والارزونا دي كان عاملة زحمة والشربه فيها والغناء للصباح.
المكتبة كانت داخل المجلس البلدي وكانت كبيرة جدا مليانة كتب والمكان كمان كان متاح للناس بيجو للمذاكرة.
المسئول منها اسمة حسن طلب راجل قصير ومفتل وطيب جدا كانوا يعطوا الواحد بطاقة فيها صورة ويقدر يدخل المكتبة اي وقت وهي كانت تفتح حتى بالليل.
بماسبة الناس الظريفين ما فيش اظرف من عباس كرار عم اخونا كمال واتمنى لو يحكي لنا عن طرفه.

Post: #291
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-07-2008, 04:46 PM
Parent: #270

Quote: ابراهيم قناوي
بعدين ياخي الفريسكا عمرها ما
كانت بتاعة اولاد راحات لانها تباع
في صف الشعب بسينما حلفايا.



والله حاجة عجيبة لكن إسمها كدة زي
بتاع الحناكيش والله
على العموم كتر خيرك يا حبيبنا
وبرضو بحري طرااااااوة

Post: #272
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 07:02 AM
Parent: #1

لا زال إبن بحري الأصيل سيف الدين نجار يطل من الشباك ويتحفنا بمساهماته

وهاهي مساهمته الأخيرة طازة من الفرن.. ويا هيثم لبيب بالله إستكتب لينا صلاح لبيب وأجرك على بحري
Quote: يبدو انه ليس هناك احدا عرف هذه المعالم ولا حتي الديناصورات، أنا شخصيا معلوماتي استقيتها من كبار السن في بحري وبعضها ادركتها بحواسي فأنا ايضا امنتمي للديناصورات الأخيرة قبل الإنقراض.



مثلا – شارع الكنيسة: الكنيسة المقصودة هي كنيسة الشهيد ماري جرجس والتي هي مقابلة لحلة الميري، يبدأ هذا الشارع من اقصي شمال مدرسة ميسرة وهو فاصل بين الديوم والدناقلتين مرورا بشارع

المستشفي قبل إغلاقه وبناء الجناح الخاص مرورا بغرب منزل أولاد رضا محمد عثمان وناس يحي وعثمان عامر وغرب طاحونة مقار وغرب مجلس مدينة بحري، هناك لافتات قديمة في ناصية كل شارع جانبي كتب عليها ( شارع الكنيسة) وهي لازالت في المنازل التي لم يعاد تشييدها.



سوق الأثنين كان أمام مستشفي بحري وتحول إلي سوق سعد قشرة والذي كان يعرف بسوق الطبالي

جغرافيا ديوم بحري تبدأ من الشريحة المقابلة للدناقلتين وحدوده من الشمال مستشفي بحري وموقف الضواحي وحتي مدارس ميسرة ( الشعب) ومن ثم شرقا حتي ميدان المولد الحالي وحتي سوق بحري جنوبا. يعتبر من أكبر أحياء بحري المدينة مساحة



ميدان الليق أول الأمر كان في الوابورات اعتقد في المكان الذي اقيمت فيه مدرسة مايو

شارع الضبطية وهو الشارع الذي يقع ما بين شارع البوستة وشارع المعونة ويتجه من الشمال عند آخر المزاد وحتي حلة الميري جنوبا، وهو سمي كذلك نسبة لكون كافة اجهزة الحكومة تتمركز في مركز واحد ( مثل مكتب مساعد المحافظ سابقا، الشرطة، المحاكم، الأراضي وكافة اجهزة الحكومة التفيذية، وهذا المقر الآن أصبح مجمع المحاكم ببحري جنوب الإدارة المركزية).



بالمناسبة يا أخ كمال يوجد هناك بحراوي أصيل ومن اسرة مرموقة بحلة حمد شارع الشلالية لديه معلومات غزيرة عن بحري القديمة والحديثة وهو أبن عم عضو البورد هيثم لبيب الأستاذ/ الصحفي صلاح محمد لبيب، يمكن الأخ هيثم ان يستدرجه لاعلاء هذا البوست بما لديه من معلومات ويعتبر الأستاذ/ صلاح لبيب مؤرخا لتاريخ بحري الحديث.

مع اطيب الأمنيات القلبية لكم

ونواصل


سيف الدين نجـار ( ما ذكرته من معلومات ليس بالضرورة تمثل الحقيقة ويمكن تصحيح ما هو خاطيء)




---------------
وبحري طراوة

Post: #273
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 07:06 AM
Parent: #1

Quote: أين أختفى الأخ م. محمد شمس الدين


يمكن أخونا محمد شمس الدين في حملة أوباما

Post: #274
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-07-2008, 07:56 AM
Parent: #1

Quote: بالمناسبة يا أخ كمال يوجد هناك بحراوي أصيل ومن اسرة مرموقة بحلة حمد شارع الشلالية لديه معلومات غزيرة عن بحري القديمة والحديثة وهو أبن عم عضو البورد هيثم لبيب الأستاذ/ الصحفي صلاح محمد لبيب، يمكن الأخ هيثم ان يستدرجه لاعلاء هذا البوست بما لديه من معلومات ويعتبر الأستاذ/ صلاح لبيب مؤرخا لتاريخ بحري الحديث.
العزيز / سيف النجار ...
في محاولات حثيثة لإستكتاب أخي صلاح لبيب .. بس غاطس وين ماعارف الأيامات دي وبحاول في سيف ومالامي فيهو برضو .. على أي حال أنشاء الله يدينا المفيد ..
تخريمة .. عندك علاقة بياسر النجار وبرضو من ناس حلة حمد ؟؟؟ مع فندق قصر الصداقة .. وهو الان في الرياض .

Post: #275
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 08:44 AM
Parent: #274

يا هيثم ده رد الأخ سيف الدين نجار..
Quote: الشكر الجزيل العزيزان كمال وهيثم



أنا سيف الدين محجوب نجار أصلا يوجد منزل الأسرة الكبير بحلة الدناقلة شمال ( شارع بنك التضامن – قديما دكان حسين اليماني) في المنطقة التي تقع جنوب مدارس الأميرية 2 ، وحاليا منزلنا بحلة حمد جوار فندق قصر الصداقة ( تحديدا سكن الكوريين)، لا علاقة لي بياسر نجار أو اسرة المرحوم نجار عبدالعظيم سوي العشرة الطيبة والجيرة، نسابتنا ناس حسن دهب ( صلاح ناجي، وعبدالوهاب وسمير دهب وعادل دهب وعاطف دهب)، اقربانا في حلة حمد المرحوم محمد زبير حسنين وأولاده والمهندس كمال صيام ادريس ابن عمي وهو صهر لناس مكي حسن ادريس، والمرحوم الأستاذ/ عباس علي وناس بهاء بلال توفيق، لدي أخ واحد شقيق هو مجدي محجوب نجار ( ببلو) مقيم بالولايات المتحدة الأمريكية ( ولاية فريجينيا)، بلغ تحياتي لآل لبيب صلاح، عزو، سمير جمال وسيف، اعتقد انك شقيق فريد وسعد – صحيح.



مع تقديري



سيف الدين نجار – أبوظبي



This is my email address

[email protected]



]

------------
بحري طراوة

Post: #276
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-07-2008, 08:46 AM
Parent: #1

من ظرفاء بحري ..

سافر شلنكح إلى جمهورية مصر العربية في أوائل التسعينات عن طريق الباخرة ، وفي ميناء إسوان كان المصريين حينها يردون أي واحد مربي دقن مرة أخرى وفي نفس الباخرة العائدة إلى السودان ، شلنكح ولسوء حظه كانت صورته التي في الجواز فيها دقن صغيرة فرفض له ضابط الجوازات الدخول وركبوه نفس الباخرة العائدة إلى حلفا ، وصل إلى حلفا ومباشرة عن طريق البص إلى الخرطوم ومنها إلى بيتهم في بحري ..
وصل البيت في منتصف الليل ودق الباب فرد له والده منو الفي الباب ، شلنكح قال ليه "أفتح يا بابا" أنا شلنكح

***********

قابل شلنكح أحد الأشخاص في النادي فسأل هذا الشخص لماذا لا تلعب مع الشباب فقال ليه الشخص أن نفسي ألعب في تيـم الحلـة يا شلنكح بس تنقصني بعض الحاجـات ، يعني عاوز كدارة وفانيلا وشورت ....

شلنكح قال ليه ما عاوز ليـك لاعب ..

Post: #277
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 09:02 AM
Parent: #276

يا عبد الرزاق شلنكح ده قمة في الظرافة ونحن عرفناه عن كثب..

بس الإسم "شلنكح" عشان المابيعرفوه يقروه صاح

Post: #278
Title: Re: بحري طراوة... ويا ناس بحري .. قالوا بتحبوا يلا حبونا..
Author: محمد سنى دفع الله
Date: 07-07-2008, 09:17 AM
Parent: #277

بحري الفن العظيم
عشنا فيها اجمل سنين العمر
دز عزالدين هلالي
وفنون عبد الحكيم الطاهر
وملاذ الفاضل سعيد
واجمل الغناء
وكورة بحري
الان بحري المدينة الواعدة
كل الناس يممت صوب بحري
بحري الجمال يا كرار

Post: #279
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 09:22 AM
Parent: #278

الأخ/ محمد السني دفع الله شخصيا.. زارتنا البركة.. وسلام مربع لكل من ذكرت.. ويديك العافية..

-----------
بحري طراوة

Post: #281
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-07-2008, 09:36 AM
Parent: #1

مرحب بي طلة محمد سني وانت في بيتك.

سيف الدين نجار فعلا ميدان المولد فيه الآن مدرسة مايو.
ارجو فعلا استكتاب الاخ صلاح لبيب لانه رجل خبره ومن ديناصورات حلة حمد "الشلاليه".

يا اخوانا والله وانا جايي قلت اول ما اصل اسال من الاخ محمد شمس الدين ليهو كام يوم ما ظاهر عل المانع خير؟؟؟

ابو رزقه مالك مره " شلكنح" ومره "شكلنح" ساهرت وين امبارح؟؟؟؟؟؟

Post: #282
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 11:47 AM
Parent: #1

Quote: بماسبة الناس الظريفين ما فيش اظرف من عباس كرار عم اخونا كمال واتمنى لو يحكي لنا عن طرفه.


تعرف يا أبوعلي.. عباس ده راجل نكتة..لكن ما حافظ ليهو... المهم تقعد معاه تضحك..لمن تقول بس..أحاول أستعين بواحد من زملائه في ارامكو أو شركة الكهرباء.. عموماكل ما أقابل زول ويعرف إنو ود عمي يشيد بظرافته.. الله يديه ويديكم العافية..

كان بتكلم عن واحد زميله بخيل.. قال: ده الريال البيدخل جيبه إلا يطبعوا واحد بدله.. طبعا كناية عن بخل الراجل

Post: #284
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 01:17 PM
Parent: #1

نادي الصبيان:

يعرف حاليا بمركز شباب بحري يجاور من الناحية الغربية ما يعرف قديما بالتربية (شفخانة بحري) ويفتح على شارع الضواحي (شارع المعونة) وإدارة مرور بحري من الناحية الشرقية.. ومن الناحية الشمالية على موقف الباصات... تناوب على إدارته وتعليم النشء فيه الأستاذ/ عيدروس.. وأظنه من بحري وعمي المرحوم/ عثمان كرار، كانت به مناشط للموسيقى والمسرح والكشافة.. ووو

-----------
بحري طراوة

Post: #286
Title: Re: بحري طراوة... ويا ناس بحري .. قالوا بتحبوا يلا حبونا..
Author: سيف الدين علي محمد الفاضل
Date: 07-07-2008, 01:37 PM
Parent: #284

برضو ما تنسى أحمد الريس الذي لازال رئيسا لمركز شباب بحري

Post: #287
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 01:42 PM
Parent: #286

Quote: برضو ما تنسى أحمد الريس الذي لازال رئيسا لمركز شباب بحري


شكرا أخي سيف الدين الفاضل... وإحيطنا علما بأن الرئيس الحالي لمركز بحري هو السيد/ أحمد الريس

Post: #8637
Title: Re: بحري طراوة... ويا ناس بحري .. قالوا بتحبوا يلا حبونا..
Author: اسعد الريفى
Date: 07-31-2010, 02:25 PM
Parent: #287

lais_asaad_alrifi.jpg Hosting at Sudaneseonline.com

Post: #296
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-07-2008, 08:54 PM
Parent: #286

كمال كرار ...شكرا لكل ضيوفك الشرفوا البوست وشكرا على كلمات عمك تنقو ....

طارق ميرغنى ....يحى عامر ود عم هشام ده براه مهندس ...ويحى عامر التانى بتاع الكورة

محمد السنى ...شرفت البوست ...والله

هيثم لبيب ....ياهو زاتو ناجى اخوى وعرفت بيتكم جنب بيت ناس حاجة هانم المزاد

عبدالرازق ليك خالص الشكر والود

ابراهيم قناوى( قريبى )...الويكة والقراريص من قمنا لليلة هم
المدورين فينا مش نحن المدورين فيهم

حسن نجار ...ياخى اتمنينا حقيقى تكون معانا طالما انت قارىء لسودانيز ومعلوماتك بالجد مهمه
اطلب عضوية وطارق والاخوان وكلنا بندعمك (اذا حبيت)...وهشام بيسلم عليك وفعلا بيت عمك رضا فاتح فى
المستشفى (باب الزيارة )

لكل الاخوان التحايا ...والتقدير...

Post: #288
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-07-2008, 02:17 PM
Parent: #1

الأخ العزيز / سيف نجار ...

تقبل تحيات كل آل محمد لبيب وسعد الدين لبيب بدايةً من صلاح مروراً بمعاوية ( عزو ) وجمال وسمير وسيف .. أنا بن سعد الدين وأخو فريد ( جيركي ) كما كان يكنى .. وعموم آل دهب وآل صيام آعمامي وأظنك نسيت شاذلي دهب .. يعني طلعنا نسايب .. وبيتكم في الدناقلة قريب لآل العرايسي مقابلين سعد قشرة ... ويقال أنو جدهم هو نفسه صاحب التسمية سعد قشرة وفيما قبل كان يسمى السوق بسوق الزنك .. ياناس مانشوف لي الزول ده طريق يجينا بالباب عدييييل ..
وحقيقة فرصة سعيدة جداً بمعرفتك ..

تخريمة صغيرة للفنان محمد السني دفع الله ..
أذكرك وأنت جالس تحت النيمة في كرش الفيل مقابل شارع المزاد جنب بقالة رحمة بيت صاحبو يكون هلالابي على طول مضروب بوهية زرقاء ... ولي اللحظة دي كل ما أمر بالمكان ده بتذكر شخصك الكريم ...

Post: #289
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 02:39 PM
Parent: #1

الدرملي:

من هو؟ المطلوب من الأخ المستشار/ حسن طه، إلقاء الضوء على هذه الشخصية لاسيما أنها كانت معروفة في حلة الدناقلة جنوب.. حول الطاحونة.. وحسن طه مواطن أصيل في حلة الدناقلة جنوب..

Post: #290
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-07-2008, 04:27 PM
Parent: #1

الأخ/ كمال كرار

تحياتي ...

كلامك عن نادي الصبيان ذكرني مجلة الصبيان الممتعة والمسلية والتي إتضح أن مؤسسيها من أبناء بحري وخاصة رئيس تحريرها عمنا الراحل رضا محمد عثمان ، وأتذكرت شخصية عم تنقو اللطيفة ، وفي هذه الأثناء جادت قريحتي بهذه الأبيات :-

عمك تنقــو أتحكر وعايـن
قال للســرّة أنا أون لايـن
خلاص قررت أسيب ود راوة
لقيت أحسن لي بحري طراوة

البقية تأتي ..

Post: #292
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 06:09 PM
Parent: #290

أخوي عبد الرزاق هاك دي

عمك تنقـــو دنقر وصنقع
قال للعازة نســوق الشـفع
نمشي بحري نقوم نتســكع
بحري طراوة وسكر ينقــع

Post: #293
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 07:48 PM
Parent: #1

الفنان: سيف الدين بادي:

الحديث عن عمك تنقو.. ذكرني إيضا فنان بحري الأستاذ/ سيف الدين بادي.. وبيتهم يقع أمام الركن الشمالي الغربي من مستشفى الدكنور طه بعشر وعلى تواز منحرف من بيت ناس بيومي السائح في حلة خوجلي.. وأعتقد أنه قد شارك أيضا في رسوم عمك تنقو مع الفنان شرالحبيل أحمد وسيف بادي فنان رسام لمن يعرفونه.. وحكى لي احد الأصدقاء أنه كان دخل يوما في أسبانيا مطعما فاخرا فوجد كل الجداريات في المطعم ممهورة بتوقيع سيف الدين بادي...

---------------
بحري طراوة

Post: #297
Title: Re: بحري طراوة... ويا ناس بحري .. قالوا بتحبوا يلا حبونا..
Author: معاوية محمد الحسن
Date: 07-07-2008, 09:00 PM
Parent: #293

اولاد بحري الرائعين
بناء على طلب اخونا عبد الرازق بالتوثيق لسوق بحري وسوق المزاد ورغم ان الذاكرة ضربها فيروس رطوبة الخليج ولان معظم المتداخلين من المزاد سابدأ ببعض المحلات المعروفة بسوق المزاد ومنها دكان التعاون والزحمة حوليه فى الأمسيات للسكر والصابون والكروت الخضراء المهترية فى اليد وجواره دكان شمت واولاده سليمان ومعاوية والدكان كان يحتوي عى اقمشة وعطور ويليه مطعم عمك الزبير والد مصطفي وفى الناصيةهناك مطعم خليل وفى الجهة المقابلة دكان عمر وكان مثل دكان شمت وجواره ابو سريع العجلاتي وبعده حلاق عروس الرمال وفى الناصية بقالة كبيرة وجوارها المخبز والطاحونة وهى الطاحونة الوحيدة الفى المزاد شمال ولو كانت متعطلة تمشى مشوار لحتى طاحونة اسكندر فى المزاد جنوب وفى الناصية الاخري دكان عبدالرسول وامامه عبداللة بتاع الجرائد والسعوط ولو مامشيت بدري مابتلقى جريدة وتحتاج تمشى مشوار لحتى المؤسسة ،وبجواره قهوة عبد الرضي التى كان يتجمع خلفها شباب الحي يومياً وهاك ياونسة وضحك على قفشات عبداللة ادريس أوعلى فلان الذي تحاور فى تمرين امس محاورة شينة ويتوسط السوق الفحامة وملحق بها مكتب اللجنة الشعبية وقد ازيلت الفحامة الان وتحول السوق لورش حدادة ونجارة ومابنعرف زول فى السوق غير اخونا عيس حسن الزين صاحب السبعة صنائع وهو يعمل بهمة فى ورشته وبجوار السوق تجد نادى المزاد ونادي سمت وطبعاً لاننسي نادي النجمة الذى كان أكثر نشاطاً وحيوية من نادي المزاد ووهذا غيض من فيض .
أخى عبد الرازق اكيد لديك المزيد الذى يمكن أن تضيفه وبالمناسبة علمت من اخونا ياسر على الحسن الموجود معنا فى الدوحة انك موجود فى السعودية وتحياتي لك وللصديق عبداللة وهل لازال فى هولندا وبالمناسبةفعلاً النجمة اقدم من البرازيل لكن طوالى مغلوبة من البرازيل مش كدة
؟

Post: #294
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 08:17 PM
Parent: #1

أشهر تجار تشاشة في بحري

1- عائلة المنوفلية
2- عائلةالطيب الصافي (عائلة صلاح طايوقة)

--------------
بحري طراوة

Post: #295
Title: Re: بحري طراوة... ويا ناس بحري .. قالوا بتحبوا يلا حبونا..
Author: ناهد بشير الطيب
Date: 07-07-2008, 08:46 PM
Parent: #1


ياخوانا ياشباب بحرى

حااخت طوبتى دى هنا ......
خفسة صغيرة كدة ....وجاية


















ماتقلقوا بجى .....

Post: #301
Title: Re: بحري طراوة... ويا ناس بحري .. قالوا بتحبوا يلا حبونا..
Author: Ahmed El Gasim
Date: 07-07-2008, 09:18 PM
Parent: #295

الاخوة البحراوية
اعتز بصداقاتي في بحري...و احببت بحري لاجل خالتي (خديجة بت تركمان) الدناقلة شمال عليها الرحمة ولزوجها الذي غادر الفانية قبل اشهر العم صلاح النور..وابنائهم محمد صلاح وطارق وجمال (الان في فرنسا)..واخوهم اللعيب سامي الذي لم التقيه من 26سنة بعد زواجه وهو الان بالدوحةوالاخ عادل صلاح..كان يوم زيارتنا لخالتي خديجة يوم فرح امراءة بشوشة طيبتها تطغي علي المكان والحضور..امراة من زمن الحب ...تعطف علي الصغير والكبير وكانت ووالدتي تتشابهان في اشياء كثيرة لذا كنت لا امل ان اجلس وازورها حتي في اجازاتي..ويشهد الله كم تالمت لرحيلها كما تالمت يوم دفنت والدتي...واتاني الناعي قبل شهور بوفاة عم صلاح النور..لهم الرحمة ولنا الصبر ..

اعرف جيدا صديقي عبد الرزاق سعبد الذي كشف في هذا البوست انه ودود اكثر ما كنت اعرف..لك التحايا اخي ولاسرتك..
صداقاتي ببحري
زميلي د معتصم ابراهيم
صديقي ادريس محمد احمد
صديقي اسامة سليمان طه
صديقي مزمل عباس(ابو الفقر)وهو عضو قح في المنبر لكنه مقل (زي حالتي)لكنه كنز معرفة..خاصة في طراوتكم دي
معتصم كرار(يكون قريبك يا كمال؟ وهو في الامارات)
وبجي راجع للبقية...انشاء الله..الذاكرة باين بقت خربة
................
واقول ليكم

اخيرا

شهادة ميلادي سنة كم وستين (مولود في الكلاكلة)لكن مكتوب فيها مجلس بحري عمودية ومشيخة الكلاكلة...لليلة ماقادر افهم...اها بقيت بحراوي من الكلاكلة...يعني ربطت نفسي بالقوة..و
بحري طرااااااااوة
لكن ما يجي واحد يقول لي الكلاكلة دي وين...سمح..
احمد علي القاسم

Post: #298
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 09:03 PM
Parent: #1

ناهد سلام

إن شاء الله قريتي مداخلتي عن أولاد وبنات عمي


-------------------
بحري طراوة

Post: #300
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-07-2008, 09:18 PM
Parent: #1

يا أمجد قلنا ليك أكتب من النهاية أحسن...

طارق أكيد عارف بيت عمك حسين بتاع البار.. (تخصص)

Post: #302
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبدالوهاب علي الحاج
Date: 07-07-2008, 09:34 PM
Parent: #1

ياناس بحري ....
سلام عليكم

ياجماعة البوست دا
بالطريقة دي بيعوق ليهو زول
نفسنا اتقطع وما قادرين نحصلكم قراية ساي
ناهيك عن المشاركة
والا الواحد يقدم لاجازتو السنوية ولا شنو يا جماعة ؟

Post: #304
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 07:00 AM
Parent: #1

أشهر عجلاتية في بحري:

1- أبو الشيخ العجلاتي - وكان محله ملاصقا لمحلات "هافانا"
2- أبنعوف - وكان محله بعد قشلاق بحري وبعد ميدان عقرب..

3-سليم جابر - والد عصام سليم كان عنده محل لتصليح المواتر BSA في السوق القديم اللذي اصبح حاليا عمارة إبراهيم طلب

صح النوم يا ناس بحري

------------------
وبحري طراوة

Post: #305
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-08-2008, 07:07 AM
Parent: #1

اخي كمال السر نادي الصبيان درسني فيه دروس مسائيه رحمة الله عليه الاستاذ عثمان كرار وكنت اهابه كثيرا وكان صديق الوالد رحمه الله

ويا اخي سيف الدين نحن نتكلم بالطبع عن نشأة نادي الصبيان وعن نشاطاته في الستينيات اما الريس ففيما يبدو من التسعينات ولي جاي ... صاح.؟

الدرملي: ياما ارهبونا بهذه الشخصيه وكيف انه يرهب الاطفال شأنه شأن السماوي؟؟؟؟؟ اتذكره؟؟

السماوي كان هنالك اعتقاد جازم بانه يخطف الاطفال وهو يركب جمل وحتي قريب كنا نخاف من بائعي الجردقه والحرجل والطلح والشاف.... هل تعرفون الجردقة والحرجل؟؟

سيف بادي كان صديقي منذ الصغر وهو رجل فنان بحق وحقيقه ةلكن يا كمال زمن ولم اسمع به.

من اشهر زبالي بحري ( للناس الما مرتاحين ) منوفلي ومحمد طيره..... اتذكروهم؟؟ ومنوفلي رجل قصير جدا عكس محمد طيره الذي لا يحتاج لسقاله او خلافه للتعامل مع سكينة الحيطه او مناطق السبلوقات .... هل تذكرونها؟؟؟؟

حسين بتاع البار كيف لا اذكره اخي كمال هو واخوه كان لديه بار قرب باتا الزمان جنب رزق صليب ... وده الا ناهد تستعين بصديق حتي تعرفه..

يحيي محمد عبد القادر صحافي مخضرم وهو والد استاذ ناجي يحيي متزوج من ابنة عمتي فوزيه كروم ...

هيثم لبيب لاول مره اعرف انه عزو اسمه معاويه.
بعدين صاحب بيت كرش الفيل الازرق هو اصله الضاربو ازرق السني نفسه لانو هلالابي وقاعد حارسو عشان ما يغيروا البوهيه.

Post: #306
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-08-2008, 07:16 AM
Parent: #305

Quote: هيثم لبيب لاول مره اعرف انه عزو اسمه معاويه.
مابلومك أنا زاتي ماعرفتو إلا متأخر .. بحكم أنو عزو كان كثير الإسفار وشوفتو قليلة ..
Quote: بعدين صاحب بيت كرش الفيل الازرق هو اصله الضاربو ازرق السني نفسه لانو هلالابي وقاعد حارسو عشان ما يغيروا البوهيه.
ههههههههههههههه ... دي قوية جداً ربنا يجيب الأستاذ محمد السني .. هههههههههه

Post: #310
Title: Re: بحري طراوة... ويا ناس بحري .. قالوا بتحبوا يلا حبونا..
Author: حسن عبدالله
Date: 07-08-2008, 09:14 AM
Parent: #305

عزيزي طارق
سيف الدين بادي بيتهم مقابل مستشفى بحري الجزء الكان فيه عيادة د/بعشر. دا كان صديق شقيقي عابدين عبدالله ووللعلم كان يعمل بجريدة الصبان وكان يرسم الرسومات بتاعت عمك تنقو، رغم ان صاحب الفكرة هو الاستاذ الفنان شرحبيل احمد.
للعلم سيف الدين هاجر اولا لمانيا واعتقد انه عاش في عدة دول اوربية وكمان تزوج من اكثر من اجنبية وعنده اولاد كل ولد امه من بلد..

Post: #307
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 07:17 AM
Parent: #1

والله يا طارق.. كانوا بيخوفنا بحاجات غريبة خلاص.. ده كلو عشان الواحد يجي يضرب العيش باللبن ويتهمد ينوم.. يعني الساعة 8 مساءا بالكثير كل قرد يكون طلع جبلو ويحلم ببكرة..

السماوي عرفناه قالوا بيخطفوا الأطفال وبيستخدموا دمائهم... ولا شنو ما عارف.. أها الشكلوتة دي شنو؟؟؟ أنا لغاية هسع لما أجي أفتح الباب بخت يدي في وشي عشان الشكلوتة ما تخمشني.. مش قالوا بتنادي الزول بإسمه وأول ما يفتح الباب تروح كاجمة وشو؟؟؟

والله أهلنا ربنا يرحمهم.. ما كانوا قايلين حيجي زمان السماوي والشكولوتة.. تكون أفلام كرتون ساكت..

------------------
بحري طراوة

Post: #308
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 07:47 AM
Parent: #1

[U]خالد "أجرما":


رحمه الله رحمة واسعة..كان خالد حداداً في سوق المزاد.. يعمل بدون نظارة لحام ولا يحزنون .. له صوت رخيم.. تجده يرتل القرآن ويعتكف في مسجد أنسه ويرفع الآذان ويقيم الصلاة.. بصوته الرخيم.. وفجأة يجيك كاجن.. سنة مظبطة.. ويدخل أقرب صيوان عرس.. وينتزع المكرفون ويغني الحقيبة كأن لم يغنها أحد قط... يشنف آذان المحتفلين.. ويتنهي بأن يغني أغنية هندية (ميري سوناري.. ميري سوناري)

نسأل الله أن يكون قد أحسن خاتمته وأن يرحمه رحمة واسعة من لدنه.. آمين

------------------
بحري طراوة

Post: #309
Title: Re: بحري طراوة... ويا ناس بحري .. قالوا بتحبوا يلا حبونا..
Author: سامى عتبانى
Date: 07-08-2008, 08:33 AM
Parent: #308

وماتنسو عمنا المرحوم

شيخ محمد ابوبكر بحله خوجلى
والد الشهيد سليم
وسامى وسفيان

Post: #311
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-08-2008, 09:47 AM
Parent: #1

الأخ/ طارق ميرغني

تحية الود والإحترام ؛؛

الأستاذ الفاضل/ ناجي يحي من أعظم الأستاذة الذين مروا على مدرسة الحرية الإبتدائية وربما على معظم مدارس بحري ، وهو أستاذ رياضيات متمكن كان مهاباً من الجميع .

أشتهر بإستخدام الضرب المبرح مع الطلبة ، وفي إعتقادي أن هذا مؤشر يؤكد رغبته الصادقة في أن يشهد جميع أبنائه من التلاميذً متفوقين ومتميزين في الدراسة ، كان يكره الغياب ويا ويل من تجرأ وغاب دون عذر مقبول وخاصة في درس العصر، وقد كمل كل "نيم" المدرسة في ظهور التلاميذ المهملين وأصلابهم وما من طالب في المدرسة إلا وفي جسمه علامة مميزة من أثر ضرباته .

أذكر جيداً في إحدى الأيام ذهبت لشراء إستيكة وكان حينها ظهر نوع جديد من الأساتيك يشبه الحلوي (زمنكم يا طارق كان المسح بالفحم) وذلك من مكتبة الثقافة المعروفة في سوق بحري (فاتحة على سوق العناقريب) وكان ذلك في وقت الفطور ، لسوء حظي وفي طريق العودة قابلته في الباص القادم من المحطة إلى المزاد ، لم يقل حينها شيئاً ولكن في اليوم التالي وفي نص الحصة تذكر فجأة أنه رأني أمس في الباص فسألني لماذا خرجت من المدرسة أثناء الفطـور ولما كانت إجابتي بشراء الإستيكة غير مقبولة بالنسبة له فقد تم "مكافأتي" بعدد من السيطان الملتهبة التي تحتاج أقل شيء لعلبة فيكس للتخفيف من آثارها .

الغريب في الأمر أنه أثناء ساعات الفطور كان مسموحاً لأي تلميذ بالذهاب إلى المنزل لتناول وجبة الفطور أو شراء الفطور من الدكاكين المجاورة للمدرسة ولكن الذهاب في نفس هذا الوقت لإحضار إستيكة من المكتبة والتضحية بوجبة الفطور ربما كان جريمة يعاقب عليها القانون أو الظاهر أن الإهتمام بصحة التلاميذ كانت من أولويات المدارس في ذلك الزمان .

التحية والتقدير لأستاذنا الجليل ناجي يحي وربنا يديك الصحة والعافية ..

قم للمعلم وفـه التبجيـلا
كاد المعلم أن يكون رسولا

Post: #312
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح أبودية
Date: 07-08-2008, 11:05 AM
Parent: #311

الكندا

أحسن وسيلة مواصلات زمن الحركة شمال

تشبه الراكوبة لا أعرف لماذا سميت بالكندا

وأذكر أن الركاب كانوا يتعاونون مع السائق فى إبقاء عصاية

الجيربوكس فى الترس المختار .

Post: #317
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-08-2008, 12:19 PM
Parent: #312

Quote: الكندا
أحسن وسيلة مواصلات زمن
الحركة شمال


سلامات يا زعيم
ده زمن جوز الحمام كان تلاتة
وكدة؟؟؟؟

على العموم لك كل الود

وللمتداخلين
ودمتم سالمين

Post: #313
Title: Re: بحري طراوة... ويا ناس بحري .. قالوا بتحبوا يلا حبونا..
Author: طارق ميرغني
Date: 07-08-2008, 11:37 AM
Parent: #1

اخي كمال السر ياخي نسيت الحاج العجلاتي كان في بيت ناس سعودي دراج علي ما اعتقد!!

بعدين يا كمال الصوره الجديده دي بتاعة الولد لما كان مع الدبابين ولا شنو.... وشنو الشريط الفي الراس ده؟؟؟

العزيز حسن عبد الله ان انسي لا انسي سيف بادي وهو حامل كراسة الحساب وبها العديد من رسوم الاطفال بقلم الحبر السائل ...التحية له اينما حل واينما حلت اسرته.

يا ابو رزقه اساتذتنا الاجلاء مهما فعلوا بنا فهم هم رسل ....ولو بيتجازوا بغير ذلك كان كمال السر خلي ليهم البلد لانو كان اكتر واحد معذبهم ومعاندهم رغم حبهم له ولنا... شفت كيف يعني في العذاب نحن بره..وفي الحب جوه
سابلغ الاستاذ ناجي تحاياك فهو يسكن بقربي في مدينة الرياض

Post: #314
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 11:38 AM
Parent: #1

أطباء أطفال بحري زمان



أشهرهم:
1- لبيب عبد الله
2- جوستاف بولس

Post: #315
Title: Re: بحري طراوة... ويا ناس بحري .. قالوا بتحبوا يلا حبونا..
Author: صلاح أبودية
Date: 07-08-2008, 11:50 AM
Parent: #314

لا أنسى أبدا:

زيارات الريس نميرى لمنطقة بحرى

وإصطفاف المواطنين على جانبى طريق الكدرو

وهاك يا صفيق...

والله كنا صفاقين خلاص..

وعمك يلوح بيده كالطاوؤس

لا أعرف حتى الآن كيف كان يتم الترتيب لهذا التصفيق

Post: #316
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 12:05 PM
Parent: #1

[U]أطباء النساء والولادة:



1- الحارث حمد
2- توفيق الديب يرحمه الله

Post: #318
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 12:32 PM
Parent: #1

حلاقو بحري زمان:

1- أبو الهول - شقيق الأستاذ/ يوسف إدريس يرحمه الله
2- جردقة - وأسمه الحقيقي الحبر - اساسا من العليفون - خال الأخ/ الرشيد محمد سعيد
3- محمد جمعة - يسكن المزاد - وهو شقيق الأخ/ مرتضى وجعفر جمعة
4- خليل - (رحمه الله) وهو من البشاقرة وكان يمارس مهنته من سوق المزاد

Post: #319
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-08-2008, 01:01 PM
Parent: #1

من أشهر الأطباء :

الباطنية :
د. عبد القادر الكدرو
د. حامد عشرية

النساء والتوليد
د. كروم ، عليه الرحمة والمغفرة
د. حامد مراد
د. عبد الرحمن أبو الكل

الأسنان :
د. عوض دكام ، عليه الرحمة والمغفرة

العيون :
د. عدلي دياب
د. عبد الله عبدالرازق
د. عبد العظيم محمد الحسن

أنف واذن وحنجرة
د. هاشم ياجي

Post: #321
Title: Re: بحري طراوة... ويا ناس بحري .. قالوا بتحبوا يلا حبونا..
Author: Ahmed El Gasim
Date: 07-08-2008, 01:13 PM
Parent: #319

الاخ عبد الرازق
من الاطباء الذين ذكرت اعلاه اضيف عن د عبد القادر محمد يوسف الكدرو
رجل طبيب انسان بكل ما تحمل الكلمة من معان واضيف انه لا يملك عيادة خاصة..علي علمي
رجل علم وله اسهامات كبيرة في امراض الكبد والملاريا وطب المناطق الحارة
كان عميدا لكلية الطب حتي قريب
له التحايا ولاهله واخوته واسرته

بالمناسبة د عبد الله عبد الرزاق مصطفي من امدرمان واعتقد من ود ارو وهو عم الاخ امين مصطفي(مدراس)ومجدي عثمان(الهند) وقريب او خال ناس ماما امال وعصام مصكفي ناس الكورة..
ولك التحايا
احمد علي القاسم

Post: #323
Title: Re: بحري طراوة... ويا ناس بحري .. قالوا بتحبوا يلا حبونا..
Author: Abuobeida Ali Abdullah
Date: 07-08-2008, 01:49 PM
Parent: #319

يا حبايب ....

وين كان بدقوا الزار في بحري ؟؟؟؟؟

يا كمال :

معاوية محمد الحسن عارف سوق المزاد الحديث.... وين عبدالكريم بتاع الثلج وبابو الحلاق وعبدالحميد ومرتضى جمعه وعبدالوهاب جمعة وفرنسا(خياطين افرنجي) والفور وعمك عمر بتاع القماش والريحة وحسن جني النجار... عمك شمت يملك اربعه دكاكين في السوق من ضمنها مطعم خليل الذي كان سابقا قهوة عمك علي وكان يحرسها سالم العربي قبل عمله كغفير في استاد التحرير. مطعم القراصة كان صاحبه عمك عثمان.

ولسه في بحري..................الطراوة موجودة

أبوعبيدة

Post: #320
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 01:12 PM
Parent: #1

أبو رزقة كلامك صحيح..

بس أنا ركزت على أقدم الأقدمين...

وما تنسى الدكتور/ حسن حامد..

أو حسبو سليمان...

أو الجزولي دفع الله

كلهم أطباء مشهورين...

وكثيرون نرجو أن نتذكرهم تباعا

Post: #322
Title: Re: بحري طراوة... ويا ناس بحري .. قالوا بتحبوا يلا حبونا..
Author: سيف الدين علي محمد الفاضل
Date: 07-08-2008, 01:29 PM
Parent: #320

الأخ/ كمال كرار

ما تنسى هنالك لعيبة كورة الناس نستها خالص في بحري
منهم :-
أقويا مين فيكم يتذكر هذا الإسم؟
سيد بطة أحسن من يجيد إنزال وتثبيت الكورة على الصدر
كابوس لاعب شمبات
أحمد بارود شقيق مزمل بارود لما الهلال فاز على المريخ أذكر جيدا تاني يوم الجرائد كتبت عنوان
بارز في صفحتها الرياضية تقول : الهلال يفجر بارود على مرمى المريخ
ونعرج شوية على الملاكمة يا جماعة
حسن الكونج (حسن خميس) شقيق عوض خميس لاعب الجوهرة

Post: #325
Title: Re: بحري طراوة... ويا ناس بحري .. قالوا بتحبوا يلا حبونا..
Author: ابراهيم قناوي
Date: 07-08-2008, 08:25 PM
Parent: #320

Quote: وما تنسى الدكتور/ حسن حامد..

أو حسبو سليمان...

أو الجزولي دفع الله

كلهم أطباء مشهورين...

وكثيرون نرجو أن نتذكرهم تباعا


تحياتي للجميع
ويا أستاذ كمال
ما ننسى الطبيب الإنسان
عبد الله عبد ربه

وبالمناسبة
مستشفى بحري
هو أول مستشفى إعترفت به
الكلية الملكية ببريطانيا
كمركز تدريبي في السودان
عموم السودان

ولكم الود

ودمتم سالمين

Post: #324
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-08-2008, 03:25 PM
Parent: #1

الأخ / أحمد القاسم

تحية الود والإحترام ..

مادام مكتوب مجلس بحري في شهادة ميلادك فهذا يعني أنك مننا وإلينا ونفتخر بذلك أيما فخر ، بالمناسبة د. عبد القادر الكدرو مكتوب أول واحد في القائمة والرجل لديه عيادة في الشعبية – شارع المعونة وهي من أقدم العيادات في بحري على ما أعتقد .

الأخ/ معاوية محد الحسن
سوق المزاد متعة التسوق ، عم عبد القادر بتاع الخضار، وما تنسى عم برعي الجزار وهو والد الأخ مجدي برعي من أبناء الدناقلة جنوب من أبناء الأميرية (1) وبحري الحكومية ، الجمعية التعاونية وتوفير المواد التموينية بأسعار في متناول أيدي الجميع وما ننسى القائمين على أمرها وأعمامنا الأفاضل مثل عم الطيب والد محمد الطيب والمرحوم حسن محمد مختار والد كل من مختار ومعاوية وماهر .
عم حمد مالك صاحب معرض الموبيلا المعروف ، والأخ عيسى حسن الزين صاحب أشهر ورشة في السوق أعتقد هو من يحتاج إلى بوست خاص ، مهارات متعددة بناء ، سمكري ، بوهيجي ، سباك مدرب لفريق النجمة وبعد ده كله لاعب في فريق المزاد
أما حكاية البرازيل فياما تجرعتم الهزيمة من النجمة وياما جلستم قرب الخور الكبير الذي يفصل بين المزاد والصافية حتى وقت متأخر من الليل لمناقشة أسباب الهزيمة بعد كل مبارة ..

الأخ/ صلاح أبو ديه
هذا من رأسك وإلا من كراسك معقول متذكر مبارة قبل أكثر من عشرين عاماً ومتذكر كل أسماء اللعيبة ووظائفهم في الملعب وأسماء الإحتياطي أكيد إستعنت بصديقك الكوتش عبد الخالق إدريس

طارق ميرغني / كمال كرار
أين الأخ محمد شمس الدين هل واحد منكم زعلوا ؟ هل هناك أي جديد في موضوع عضوية نزار عتيق ؟

Post: #326
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 09:21 PM
Parent: #1

Quote: يا كمال الصوره الجديده دي بتاعة الولد لما كان مع الدبابين ولا شنو.... وشنو الشريط الفي الراس ده؟؟؟



دبابين شنو يا طارق يا قديم... دي ربطات الرابرز و(طقتهم) على قول السعوديين.
دبابين لا قبة!!!


تخريمة:-
بكرة أنا عندكم في ماريوت الرياض.. حاول إتصل

---------------------
بحري طراوة

Post: #327
Title: Re: بحري طراوة... ويا ناس بحري .. قالوا بتحبوا يلا حبونا..
Author: الحاج حمد الحاج
Date: 07-08-2008, 09:33 PM
Parent: #326

وفاة أبو علي أحد أعلام حي الختمية بحري:
نعى الأخ طارق أحمد خالد في بوست وفاة أبو علي الفنان و الحكم المعروف ، رحمه الله رحمة واسعة:
Quote:
قبل قليل وعقب صلاة المغرب ودع حي الختمية بمدينة بحري علماً من أعلامها حيث تقاطر أبناء المدينة في موكب مهيب لمرافقة جثمان المرحوم "أبوعلي" لمثواه الأخير.
كان أبوعلي في عقدي السبعينات والثمانينات من القرن الماضي علما على رأسه نار في حقبة زمنية ماضية كانت تقدر سمات الفتوة والقوة. كان أبوعلي في ذلك الزمان شاباً فتياً ممتلئاً بالقوة فكان ركناً حارسا لحي الختمية كما كان شخصية متعددة المواهب فهو حكم الكرة والمغني الذي يحي حفلات الحي والأحياء المجاورة كما كان الشهم الذي يهب لمساعدة أبناء الحي حيث عرف بإشرافة على الأعمال المتعلقة بدفن الموتي. وعندما مرت السنوات أصبحت لأبوعلى ميولا صوفية فصار مادحا كما أن المرض والسقم وسنة الله الماصية في خلقه قد نالت من قوته المهيبة ورغم هذا إستمرعلما بالحي حيث كان جلوسه بسوق الختمية يمثل جزءاً مكملا للوحة تراثية جميلةً للحي فما أن تراه جالساً بجسده المهيب حاملاًُ مسبحته التي أضحت لا تفرق يداه حتى تدرك أنك قد دخلت حي الختمية.

إنتابني شعور غريب وأنا أتابع تلك الأعداد الغفيرة بمقابر حلة حمد إذ أن الشخص المار بالجنازة يظن أن صاحبها من الوزراء أو علية القوم الذين يتبعهم الناس خوفاً وطمعاً غير أن الأمر المدهش أن هذا الجلال لم يكن إلا لوداع رجل من عامة الناس منهم وإليهم. أحبه الناس لبساطته التي لم تتكدر مع مرور الزمن وتبعوا جنازته لمسواها الأخير دون أن تربطهم به صلة الدم والقربي فكل ما يربطهم به هو الشعور القوى بالإنتماء فكل الذين ودعوه إنما ودعوا حقبة نضرة من تاريخنا الشعبي الذي يكتبه الإنسان العادي البسيط في ثنايا الحياة اليومية دون تنطع أو تفلسف أجوف.

مثل هذه الشخصية النادرة أيقونات تتكرر في أحيائنا الشعبية ينتظر سعيد الحظ منها أديباً لماحاً من طراز الطيب صالح حتى يخرجها من محيطها المحدود لآفاق الرواية الرحبة بينما تموت البقية فتتحول إلى حكاية شجية في لسان من عاشوها في داخل الحي المعين.

رحم الله "أبوعلي" وأسكنه فسيح جناته وزاد في إحسانه وتجاوز عن سيئاته إنه سميع عليم.


http://وداعاً "أبوعلي" ..... أحد أعلام حي الختمية بحري

Post: #328
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 09:42 PM
Parent: #1

لاحول ولا قوة إلا بالله.

(كل من عليها فان)... صدق الله العظيم..

اللهم أرحمه وأحسن نزله.. وثبته..وأغفر له تجاوزاته... وزد له في حسانته..وأظله يوم لا ظل إلا ظلك...

البركة فيكم يا أهل الختمية وعموم بحري...

شكرا أخي حاج حمد

Post: #329
Title: Re: بحري طراوة... ويا ناس بحري .. قالوا بتحبوا يلا حبونا..
Author: Kamal Karrar
Date: 07-08-2008, 09:57 PM
Parent: #1

كم هذه الحياة قصيرة وتافهة ودنيا...
بالأمس فقط كنا نتحدث عن أبو علي .. ضمن فتوات بحري في السبيعنات.. ولم نكن ندري أن ما تبقى من عمره سويعات.. هذه هي الدنيا يا صاح ليست دار قرار.. هي نفق يتسع أحيانا ويضيق أحايين كثيرة.. يعبر بنا إلى حياة برزخية نسأل الله اللطف فيها وأن نكون من أهل النعيم.. اللهم أرحم عبدك أبوعلي...وأدخله فسيح جناتك . آمين .. آمين

Post: #330
Title: Re: بحري طراوة... ويا ناس بحري .. قالوا بتحبوا يلا حبونا..
Author: عبد الرازق سعيد
Date: 07-08-2008, 10:13 PM
Parent: #1

شيعت مدينة بحري مساء أمس الثلاثاء الثامن من يوليو 2008م أحد أبنائها المعروفين ألا وهو المغفور له بإذن الله "أبو علي" والذي يعتبر رمز من رموز حي الختمية ومدينة بحري بصفة عامة ومن أنبل الشخصيات الإجتماعية والرياضية التي عرفتها المدينة ، وبفقده الكبير فقد فقدت بحري أحد أبنائها الأوفياء

ألا رحم الله الفقيد الراحل وأدخله فسيح جناته وألهم أهله وذويه الصبر وحسن العزاء

{إنا لله وإنا إليه راجعون}

Post: #331
Title: Re: بحري طراوة... ويا ناس بحري .. قالوا بتحبوا يلا حبونا..
Author: Mohamad Shamseldin
Date: 07-08-2008, 10:54 PM
Parent: #330



سلامى لكل الشباب و الشابات ... و عشان ناس ما يزعلو ... و المخضرمين كمان
...
إنشغلنا قليلا عنكم...
.. شايف جاءت سيرة عبدالمنعم شونة ...
و أيضا فريق البرازيل ... و رابطة المزاد....
رابطة المزاد عندما تأتى سيرتها لازم تجيبو سيرة كمال فضل الله ....شقيق صديقنا و دفعتنا محمد

Post: #332
Title: Re: بحري طراوة... ويا ناس بحري .. قالوا بتحبوا يلا حبونا..
Author: Haitham Labib
Date: 07-09-2008, 05:11 AM
Parent: #331

Quote: رابطة المزاد عندما تأتى سيرتها لازم تجيبو سيرة كمال فضل الله
وعليك السلام .. وده لو ماقلت كمالنوبة مافي زول بيستوعبو ليك ..