Post: #1
Title: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:28 PM
Parent: #0
نزار ابو دقن له التحية وحياه الغمام ونسائل الرب ان يلهمه الصحة والعافية لكي يعود معافيا لاسرته الكريمة..
ومن وحي ذلك الانسان الجميل والذي كان صاحب اول ركن نقاش تسربنا اليه شفيفا من ثنايا داخلية فلسطين
الشهيرة ونحن حليقي الراس وبرالمة تظللننا النحافة العالية والشوق واللهفة لاكتشاف عوالم ام نخيل
تلك التي شغلت الناس وكان حضور للنقاش في ردهاتها في حد زااته حدث لن ينمحي من الذاكرة.....
ومنها للتنطلق السنين صوب احداث عديدة مر عليها نجوم طلابية وطالبات..
اركان نقاش نيرانها مولعة نار منقد
ندوات لاسامي سياسية كنت الصحف هي من تحمل صورها الينا
طلاب سياسيين ملئي بالموهبة ومقدرات الاقناع والحوار العجيب...
انطلاقا من ايامات نزار سنضرب عباب الذاكرة لكي نجلس في اركان نقاش عديدة لكل التنظيمات السياسية في الجامعة في ذلك المكان..
|
Post: #2
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:36 PM
Parent: #1
عندما افتت لجنة القبول القومية و وزعت جموعنا للذهاب الي قاعات جامعة الخرطوم سنة 1985
بدا جيلينا كجيل لا ادري هل حظوظه سيئة ام حسنة ولكن الشاهد باننا طلينا مع نسمات ذهاب الطاغية الرعديد جعفر نميري وانتفاضة ابريل وبدايات الديمقراطية الثانية....
ولكن الجانب الذي غاب ولم نجد له اثرا هي الاركان الشهيرة للجمهوريين بقيادة الشهيرين دالي والقراي
وكان قد تسربت في ليالي الاشواق من الذين سبقونا سخونة ودسامة هذه الاركان.... وبحضورنا كان الشهيد محمود محمد طه قد اعدمه جعفر نميري وغابت روحه وغابت معها اركان الجمهوريين التي كم تتوق الفرد منا لحضورها...
|
Post: #3
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:43 PM
Parent: #2
من الذاكرة
الاتجاه الاسلامي
1-صديق محمد عثمان (واعتقد بانه عضو في هذا المنبر)
2- محمد ابراهيم واذكر انه طالب في كلية الاقتصاد
3-حاج ماجد اقتصاد
4-حاج ماجد اداب
5-التجاني المشرف
6- علي عبدالفتاح
7-متحدث زائر بصورة بدات روتينة الشهيد محمد طه محمد احمد
9- الذاكرة تخونني في احد المتحدثين من الاتجاه الاسلامي كان عالي الهدو والرزانة وملتحي بلحية خفيفة
واركانه كانت تعج بالحضور (بشوية ريفرش للذاكرة ممكن نذكر اسمه لاحقا)
|
Post: #5
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:48 PM
Parent: #3
الجبهة الديمقراطية
1- نزار
2-احمد عثمان عمر
3- عصام جبرالله
4-راشد
5- محجوب
7-عادل سيداحمد
8-حامد الصاوي
-9ناهد جبرالله
10- احدي الاخوات كانت نضامة خلاص (ريفرش لقدام)
|
Post: #7
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:55 PM
Parent: #3
لابد من اضافة
ابراهيم فتح الرحمن
ومعاذ خيال
|
Post: #4
Title: Re: نجوم اركان النقاش في نشاط الجامعة في ذلك الزمان...!!!
Author: shaheen shaheen
Date: 05-23-2009, 07:44 PM
Parent: #2
اتمنى انصاف المهندس عادل سيد احمد .. نجم الجبهة الديمقراطية فى ذلك الوقت .
فهو يستحق الانصاف لدوره فى الحركة الطلابية .
......
شاهين.
|
Post: #6
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:52 PM
Parent: #4
Quote: اتمنى انصاف المهندس عادل سيد احمد .. نجم الجبهة الديمقراطية فى ذلك الوقت .
فهو يستحق الانصاف لدوره فى الحركة الطلابية |
هلا يا شاهين
وحبابك
وحق صديقي الجميل عادل سيد احمد مابروح هدرا
فعادل وغيره من الكثيرين الذين كانو يثرون الحراك السياسي نقاشا واحداثا محفورين في الذاكرة
ولن ننسي تلك الايام...
وتحياتي للاخ عادل بكان ماهو قاعد
فهو اخ وصديق عالي الجمال وثوري كبير
|
Post: #8
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 07:59 PM
Parent: #6
موتمر الطلاب المستقليين
وهنا تطل سيرة الدكتور المتحدث البارع احمد القرشي
(ومقولته الشهيرة عن الكيزان يفوقون سوء الظن)....
لاحقا وقبل خروجنا ظهر المهندسس محمد فاروق سليمان ابن الدويم كمتحدث زي الصاعقة باسم موتمر الطلاب المستقليين
....
صلاح شعيب من جبهة كفاح الطلبة متحدث لا يشق له غبار ومحاور بارع وزانق تاريخي للكيزان
(تري اين هذا الانسان الرائع)... بالاضافة الي امين سيد مختار
|
Post: #10
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:02 PM
Parent: #8
انصار سنة
المهندس الان صلاح علي
اركان تولول واحاديث وكلام دنيا ودين عجيبة خلاص...
مع بعض الطلعات ايضا للمهندس شعرون....
بالاضافة الي بعض الاخوة الذين هربوا من الذاكرة الان
|
Post: #9
Title: Re: نجوم اركان النقاش في نشاط الجامعة في ذلك الزمان...!!!
Author: احمد الامين احمد
Date: 05-23-2009, 08:00 PM
Parent: #4
- | Quote: احدي الاخوات كانت نضامة خلاص (ريفرش لقدام |
)
ربما تعنى الاستاذه زينب عباس-- كليه القانون ....
** نسيت الاستاذ عبد الطيف كليه الاقتصاد الذى كان يمتاز بالهدوء والادب اثناء النقاش
** لم يبرع طلاب الاداب ككوادر خطابيه وقتها رغم قرب النشاط من كليتهم لكن اذكر الطالب محمد احمد ابو زوايد ذاك المتحدث البارع الذى يتداخل كثيرا وقتها فى الاركان التى يقيمها الكيزان معارضا واشد ما يشد المستمع اليه يومها لهجه دار حمر " بفتح الحاء والميم" التى كان يتحدث بهاوهى لهجه شاعريه وجذابه جدا تشبه زخات المطر على سقف البيوت فى الليالى وقد تسربت بصوره ما الى الاذن السودانيه عموما عبر بعض اغنيات صديق عباس وعبد الرحمن عبد الله وعبد القادر سالم ...
*** محمد جلال هاشم كان يقيم كذلك اركان حتى بعد تخرجه مثل محمد طه محمد احمد مع اختلغف موقعيهما
|
Post: #11
Title: Re: نجوم اركان النقاش في نشاط الجامعة في ذلك الزمان...!!!
Author: طارق الكوتش
Date: 05-23-2009, 08:06 PM
Parent: #9
يالها من ايام يا كيكى
وكثير منهم و برغم الاختلافات السياسيه
كان الاحترام المتبادل وتقديس الزماله
شكرا اخى و صديقى كيكى على هذا البوست التوثيقى
وحنكون معاك اذا اسعفتنا الذاكره
احتراماتى
|
Post: #13
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:12 PM
Parent: #11
Quote: يالها من ايام يا كيكى
وكثير منهم و برغم الاختلافات السياسيه
كان الاحترام المتبادل وتقديس الزماله
شكرا اخى و صديقى كيكى على هذا البوست التوثيقى
وحنكون معاك اذا اسعفتنا الذاكره |
يا الكوتش ياخي
ومشتاقين...
وكانت ايام رائعة يا الكوتش
احداث واركان ومظاهرات وصداقات ...
وخليك قريب ياخي لزوم نعنشة الذاكرة
باقي الجلكنة خشت يا صديقي
|
Post: #12
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:08 PM
Parent: #9
بالتاكيد يا احمد
وماعارف نسيت عبداللطيف ليييييييه ياخي..؟؟؟
فالركن عند عبداللطيف كان متعة وفايدة رهيبة خلاص...
بت القانون فعلا زولة ايضا كانت مميزة ونضامة بطريقة مدهشة ولكن لم نعاصرها في الجامعة كثيرا,...
ابو زوايد بالتاكيد كان زول بيعمل مداخلة في اركان كل النظيمات دي ومتحدث بارع والركن المافيهو ابو زوايد كان ركن ناقص بالتاكيد....
محمد جلال ايضا كان صاحب اركان قوية ومثله تماما مثل محمد طه محمد احمد...
...................
الكوز يا احمد النسيت انا اسمو اتخيل لي كان في الاداب
وطيلة سنين الجامعة ما شفت متحدث كوز من الاداب الا ابودقن داك
وحاج ماجد
مع ملاحظة بان غالبية متحدثي اركان النقاش من كل التنظيمات من
ااقتصاد
وقانون
|
Post: #14
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:14 PM
Parent: #12
الانصار
كان هنالك طالب العلوم (عبد النبي)
ركنو انصاري بحث وسخن سخانة تجنن
ولكن قمة النقاش الانصاري ومتعته عندما ياتي صلاح جلال من مصر...
فساعتها كان عليك بالحضور باكر لاخذ مكانك والاستماع الي صلاح جلال صاحب المقدرات العالية
تماماا
|
Post: #15
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:20 PM
Parent: #14
الاتحاديين
طالب اعتقد بانه في القانون وبالاضافة الي الاخت مني فاروق,,,
|
Post: #16
Title: Re: نجوم اركان النقاش في نشاط الجامعة في ذلك الزمان...!!!
Author: احمد الامين احمد
Date: 05-23-2009, 08:22 PM
Parent: #12
Quote: الكوز يا احمد السنيت انا اسمو اتخيل لي كان في الاداب
وطيلة سنين الجامعة ما شفت متحدث كوز من الاداب الا ابودقن داك
وحاج ماجد |
ربما تعنى واحد اسمه دفع الله وهذا يمتاز كذلك بالهدوء الشديد والادب وكذلك فى كوز تانى من الاداب اسمه على عبد اللطيف مشكلته كان طالع فى الكفر و " كيسو فاضى" لذا لم يستمر طويلا ككادر خطابى لانه كان بتزنق شديد جدا فى الاركان مع ملاحظه ان التنظيمات بالجامعه كان بتحدد بدقه من يتداخل من كوادرها فى الاركان مناقشا خصوصا عندما يكون المتحدث فى ركن الجمهوريين دالى لانه كان يصعب كسر شوكته بحكم سعه اطلاعه ومهاراته فى الحديث ....
|
Post: #17
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:29 PM
Parent: #16
| Quote: ربما تعنى واحد اسمه دفع الله وهذا يمتاز كذلك بالهدوء الشديد والادب |
بس ياهو ده بالتاكيد القاصدو انا...
علي ده كان اكيش بتاع ركن نقاش حضرتو انا في العالم... بعد فترة شفتو بقي من العينة البجيب موية للمتحدث في الركن ههههههه
دالي طبعا ما حضرناه احنا... ولكن اكثر زول كان بجي من بره الجامعة وبعمل ركن منظم ومرتب هو الحاج وراق
...
طبعا الكيزان عندهم متحدثين بتاع حشود زي الجميعابي ديل بجو لمن يكون في احداث او انتخابات
فكانو لهم مقدرات شحن عالية..وتكاد تسمع شجر النشاط يكبر من الجموع الكيزانية
|
Post: #18
Title: Re: نجوم اركان النقاش في نشاط الجامعة في ذلك الزمان...!!!
Author: احمد الامين احمد
Date: 05-23-2009, 08:34 PM
Parent: #17
| Quote: علي ده كان اكيش بتاع ركن نقاش حضرتو انا في العالم... بعد فترة شفتو بقي من العينة البجيب موية للمتحدث في الركن ههههههه |
; كذلك وهو برلوم لنج شارك فى مباراه بالميدان الشرقى كجناح يمين مع منتخب الاداب اول 3 كره وصلت له "جلاها" فتم استبداله رغم سرعته العاليه جدا فى الجرى
|
Post: #20
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:38 PM
Parent: #18
| Quote: كذلك وهو برلوم لنج شارك فى مباراه بالميدان الشرقى كجناح يمين مع منتخب الاداب اول 3 كرن وصلت له "جلاها" فتم استبداله |
هههههه
شوبير شديد ياخي..
|
Post: #211
Title: Re: نجوم اركان النقاش في نشاط الجامعة في ذلك الزمان...!!!
Author: ابراهيم سائحون
Date: 05-27-2009, 11:27 AM
Parent: #18
متابع من قبيل بس الحته دى عجبتنى شديد
وزولكم دا فى الكوره كورتو حبه
|
Post: #19
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-23-2009, 08:38 PM
Parent: #17
واحنا في فترتنا من اشهر المتحدثين كان محمد فول
وخالد عويس كان بشوت الكولينغ (ديل ناس الامة)
في من طب شيراز او شهرزاد ما اذكر تحديدا
من زراعة كان في هيثم (الاتحاد الديمقراطي)
من زراعة كان الكولينغ لرامي جعفر من المحادين لكن ما متذكرة كان البعمل الركن منو
ديل الاتذكرتهم هسة لغاية ما اعمل ريفرش واجيكم
|
Post: #21
Title: Re: نجوم اركان النقاش في نشاط الجامعة في ذلك الزمان...!!!
Author: إبراهيم عبد الحليم
Date: 05-23-2009, 08:46 PM
Parent: #19
أخوكم إبراهيم عبد الحليم دفعة صاحب المنتدى بكرى ابوبكر 1984
أذكر انذاك طالب الطب اعتقد اسمه د. محمد الجميعابى اتجاه إسلامى كذلك أذكر الأنتفاضة
واعتقد غير ناهد جبرالله بنت عضو مجلس قيادة الثورة بابكر النور
وكذلك اذكر محمد طه محمد احمد اتجاه إسلامى
إبراهيم عبد الحليم
|
Post: #24
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:01 PM
Parent: #21
Quote: أخوكم إبراهيم عبد الحليم دفعة صاحب المنتدى بكرى ابوبكر 1984
أذكر انذاك طالب الطب اعتقد اسمه د. محمد الجميعابى اتجاه إسلامى كذلك أذكر الأنتفاضة
واعتقد غير ناهد جبرالله بنت عضو مجلس قيادة الثورة بابكر النور
وكذلك اذكر محمد طه محمد احمد اتجاه إسلامى |
هلا يا ابراهيم وحبابك يا سنيرنا...
واووع كنت قاعد تقعد مع بكري ابو صلعة ده في (ضهر التور)..
لانو بكري ده كان ساكن سكنة في ضهر التور بتاع اداب ده ماعارفو كان بفكر في سودانيز اونلاين ده
ولاقاعد يعمل شنو هههههه
والجميعابي طبعا لمن جينا لقيناهو اتخرج
لكن الكيزان كانو بجيبو في اوقات الكعات...
ناهد جبرالله ايووه كانت بتاعة اركان ولكن بنت بابكر النور دي ما اتذكرتها..
انتو يا ابراهيم قدامنا بسنة احنا 85
|
Post: #22
Title: Re: نجوم اركان النقاش في نشاط الجامعة في ذلك الزمان...!!!
Author: ALazhary2
Date: 05-23-2009, 08:49 PM
Parent: #19
.
.
كيكي العزيز
من أشهر الكوادر الخطابية في الجامعة كادر الجبهة الديمقراطية محجوب .
وكان في واحد تاني من الجبهة الديمقراطيةإسمه علي موسى ، وإتزوج زميلة كمان أيام الجامعةلكن ماكان حريف .
الحركة الإسلامية كان أشهر متحدثيها محمد المجذوب وعبيد الله و الناجي وياسر أبوشوك في طب .
أتذكر كان في واحد من الحركة الإسلامية زول متشوبر ومابعرف يتكلم كويس إسمه الطيب عبد الله من قانون أتذكر محجوب كان ببشتوا بشتنة السنين :)
المحايدين كان في واحد إسمه أبو الوفاء من إقتصاد .
كانت أيام ياوطني :(
.
.
|
Post: #25
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:07 PM
Parent: #22
Quote: من أشهر الكوادر الخطابية في الجامعة كادر الجبهة الديمقراطية محجوب .
وكان في واحد تاني من الجبهة الديمقراطيةإسمه علي موسى ، وإتزوج زميلة كمان أيام الجامعةلكن ماكان حريف .
الحركة الإسلامية كان أشهر متحدثيها محمد المجذوب وعبيد الله و الناجي وياسر أبوشوك في طب .
أتذكر كان في واحد من الحركة الإسلامية زول متشوبر ومابعرف يتكلم كويس إسمه الطيب عبد الله من قانون أتذكر محجوب كان ببشتوا بشتنة السنين :)
المحايدين كان في واحد إسمه أبو الوفاء من إقتصاد .
كانت أيام ياوطني :( |
هلا يا ابو الزهور
واحنا اتعاصرنا يا ازهري في الجامعة لاني حضرت الناس ديل كلهم وعلي موسي اتخيل لي كان طالب اداب
الاتجاه الاسلامي فرخ متحدثين كيشة كثير خلاص (انا ماعارف لييه) مع انو كان فيهم ناس مكربين شديد,,,
المحايدين طبعا كان عندهم متحدثين امام الطلاب مميزين
ابراهيم باخت
اسامة ادريس
وصحبي خالد شيخة قبل ما ينسخت ويبقي كوز هههه
واخريين كثر اتمني من الاخوان ممارسة الريفرش معانا..
بالاضافة طبعا الي حاتم رئيس الاتحاد كان يتحدث بثقة وادب عالي
|
Post: #23
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 08:54 PM
Parent: #19
Quote: واحنا في فترتنا من اشهر المتحدثين كان محمد فول
وخالد عويس كان بشوت الكولينغ (ديل ناس الامة)
في من طب شيراز او شهرزاد ما اذكر تحديدا
من زراعة كان في هيثم (الاتحاد الديمقراطي)
من زراعة كان الكولينغ لرامي جعفر من المحادين لكن ما متذكرة كان البعمل الركن منو
ديل الاتذكرتهم هسة لغاية ما اعمل ريفرش واجيكم |
هلا يا شبكة حبابك وحباب اجيال ام نخيل
ويبدو ان جليكم ده ورانا شديد وياريت كمان نذكر السنوات عشان نوثق للشباب والشابات ديل
ونديهم جزء من حقنا عليهم..
شيراز دي ياربي الاخت شيراز ابنة الشاعر العظيم محمد عبدالحي
لانو اخوها وضاح كان الدفعة الوارنا طوالي...
...
ومحمد فول ده بالله الكان محمد عادل داقي ليهو نوبة قبل كم فترة ياربي
وتحياتي العالية للاخ الجميل خالد عويس
|
Post: #26
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-23-2009, 09:08 PM
Parent: #23
| Quote: من أشهر الكوادر الخطابية في الجامعة كادر الجبهة الديمقراطية محجوب . |
كيكي والازهري
قصدكم محجوب حسن .. سكول 88
|
Post: #27
Title: Re: نجوم اركان النقاش في نشاط الجامعة في ذلك الزمان...!!!
Author: الشفيع وراق عبد الرحمن
Date: 05-23-2009, 09:11 PM
Parent: #26
عبد الكريم الأمين
والله سبقتني بي دقائق بس
خلاص كنت قررت أعمل بوست بنفس المضمون ولكن بعنوان
مقارنة بين المنتدى ده وأركان النقاش في النشاط
طبعا نحن حضرنا ايام الفترة الذهبية 80-85
دالي والقراي ود/معتصم
محمد طه و صديق الزيلعي
وطبعا ركن "عمر أومو" المتخصص في الثقافة الجنسية
وصديق الأصم حق الكورة وفريق الموردة
لنا عودة بعد اجترار الكثير من الذكريات
ولابد من المقارنة مع المنتدى ده
مشكور عبد الكريم
|
Post: #30
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:18 PM
Parent: #27
Quote:
عبد الكريم الأمين
والله سبقتني بي دقائق بس
خلاص كنت قررت أعمل بوست بنفس المضمون ولكن بعنوان
مقارنة بين المنتدى ده وأركان النقاش في النشاط
طبعا نحن حضرنا ايام الفترة الذهبية 80-85
دالي والقراي ود/معتصم
محمد طه و صديق الزيلعي
وطبعا ركن "عمر أومو" المتخصص في الثقافة الجنسية
وصديق الأصم حق الكورة وفريق الموردة
لنا عودة بعد اجترار الكثير من الذكريات
ولابد من المقارنة مع المنتدى ده
مشكور عبد الكريم |
هلا يا الشفيع وحباب ناس الزمن الجميل
واقترح انو نلم جهودنا فالهدف واحد والذكريات اتية من نفس ذلك النهر الجميل ..
وانتو استمتعو بالجمهوريين وناس صديق الزيلعي وديل جينا لقينا سيرتهم ...
وبالله صحبي عمر اومو ده كان قاعد من زمنكم داك..(اركانو دايرة ليها حجاب في الاضان)
وبالتاكيد يا الشفيع هنالك مساحة واسعة للمقارنة ما بين هذا المنتدي واركان النقاش
وان اختلفت الوسائل الا ان التقاطع بينهم كثيرا وملحوظ
|
Post: #28
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:12 PM
Parent: #26
Quote: كيكي والازهري
قصدكم محجوب حسن .. سكول 88 |
هلا يا ليون
ايوووه هو محجوب حسين ود اسكول
عالي النحافة ومتحدث بارع وناقش كلامات ناسو الشيوعيين دي نقشة تقيلة
في واحد يا ليون كان في الاقتصاد اسمو رفعت ولكن اسمه الكامل ما متذكرو حسع
رفعت ده مسك الشغلانة بعد محجوب طوالي
|
Post: #29
Title: Re: نجوم اركان النقاش في نشاط الجامعة في ذلك الزمان...!!!
Author: علاء الدين حيموره
Date: 05-23-2009, 09:12 PM
Parent: #26
| Quote: - احدي الاخوات كانت نضامة خلاص (ريفرش لقدام) |
ياربي جميلة عبد الرحمن البتقصدها ؟؟
|
Post: #31
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:20 PM
Parent: #29
| Quote: ياربي جميلة عبد الرحمن البتقصدها ؟؟ |
هلا ياعلاء
وجميلة دي متذكرها انا طشاش كده لاني ما بكون حضرت ليها اركان كثيرة
لكن القاصدها هي الاخت زينب الذكرها احمد الامين اعلاه
|
Post: #32
Title: Re: نجوم اركان النقاش في نشاط الجامعة في ذلك الزمان...!!!
Author: ALazhary2
Date: 05-23-2009, 09:25 PM
Parent: #29
.
.
أتذكر في طالبة من بيت القدال كان بتعمل نداء لأركان الجبهة الديمقراطية لكن نسيت اسمها.
مؤتمر الطلاب المستقلين كان في واحد اسمه أسامة بعمل نداء للأركان.
حزب الأمة كان عندهم زول كويس ناسي اسمه وواحد تاني كيشة كمان ناسي اسمه.
الكبر حصل ياكيكي .
لكن ياعبد الكريم ياخي تاريخ دخولك الجامعة ده لخبطني شديد لأنه في التاريخ ده أناإتخيل لي كنت في سادسة إبتدائي على ما أتذكر فكيف عاصرنا بعض في الجامعة ؟
يا انت ملخبط يا أنا ملخبط :)
أعراض زهايمر مبكر :)
.
.
|
Post: #33
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:31 PM
Parent: #32
Quote:
أعراض زهايمر مبكر :)
.
|
هههه
بيني وبينك زهايمر تقيل وماعارف اتحرفنا كيف وقدرنا نتذكر الناس ديل...
يا ابو الزهور الجامعة دي دخلنا سنة 85 وبالله ما تسالني اتخارجت منها سنة كم
لاني بكون قعدت فيها زي ديشلون سنة كده هههه
...
ناس حزب الامة زولها التمام كان اسمو (عبد النبي) وبتاع علوم..
والناس الكيشة ديلك الزول ما بحضر ليهم من اول باص باصين بتعرف القصة مكوجنة
فساعتها بتقرر ساعتها تمشي تحضر ليك محاضرة تشوف الهندسة دي بتقول شنو هههه
|
Post: #34
Title: Re: نجوم اركان النقاش في نشاط الجامعة في ذلك الزمان...!!!
Author: ALazhary2
Date: 05-23-2009, 09:36 PM
Parent: #33
.
.
Quote: يا ابو الزهور الجامعة دي دخلنا سنة 85 وبالله ما تسالني اتخارجت منها سنة كم
لاني بكون قعدت فيها زي ديشلون سنة كده هههه
|
غايتو يا أزهري إتلومت لوم السواد مع كيكي، هسع كان في داعي تحرج الراجل جنس الأحراج ده :)
كيكي ياجميل ياخي والله الجامعة دي لو كان في طريقة كان لحدي هسع الواحد يكون قاعد فيها ومايطلع منها كلو كلو .
.
.
|
Post: #35
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-23-2009, 09:43 PM
Parent: #34
Quote: غايتو يا أزهري إتلومت لوم السواد مع كيكي، هسع كان في داعي تحرج الراجل جنس الأحراج ده :)
كيكي ياجميل ياخي والله الجامعة دي لو كان في طريقة كان لحدي هسع الواحد يكون قاعد فيها ومايطلع منها كلو كلو . |
هلا يا ازهري
وياخي مافي احراج والكلام ده كبناهو انا وصحبك خليل في بوست اليوم الحار الما بندار كلو
الدروينغ العملها فينا وكل حكاوي السنتين التي راحت مع الريح..
وهي تجارب وتاريخ يا ابوالزهور نعتز بيها كثيرا لانها بالتاكيد ورغم كل شي اضافة لينا كثير ياخي..
وبالجد بعد السنين ده تكتشف بان الامور ما حتكون زابطة لو ما مشيت المحطات بجميلها وشينها...
1991 غادرت سفننا اروع الامكنة وتركنا امكنة وشخوص واصدقاء وعالم ياخي كان مدهش ورائع بالجد
|
Post: #36
Title: Re: نجوم اركان النقاش في نشاط الجامعة في ذلك الزمان...!!!
Author: haleem
Date: 05-23-2009, 11:06 PM
Parent: #35
ساطع محمد الحاج
عن رابطة الطلبة التاصريين وعضو اللجنة التنفيذية لاتحاد الانتفاضة..
ساطع لم يكن يبرع في الحوار بقدر مقدراته الخطابية للجماهير
فكان بإمكانه إخراج مظاهرة منتصف الليل من البركس
يمكننا كذلك تصنيف بقية الكوادر الخطابية للتنظيمات (طبعا نحن جيل وراكم شوية)
من الجبهة الديمقراطية برز الحاج وراق ونزار-شفاه الله- في أركان الحوار..أما في المخاطبات فكان مامون سيد أحمد
مؤتمر المستقلين أحمد القرشي في أركان الحوار...عمر الدقير وابراهيم الشيخ للمخاطبات
|
Post: #37
Title: Re: نجوم اركان النقاش في نشاط الجامعة في ذلك الزمان...!!!
Author: Abu Eltayeb
Date: 05-23-2009, 11:14 PM
Parent: #36
يا كيكي سلامات
يا خي الفصاحه دي كلها وطلعت من جيل ال 85 في الجامعة
اما المقوله
Quote: وهنا تطل سيرة الدكتور المتحدث البارع احمد القرشي
(ومقولته الشهيرة عن الكيزان يفوقون سوء الظن).... |
فهي مقولة للأستاذ محمود محمد طه
بان كل ما تسئ الظن في الأخوان المسلمون تجد انهم يفوقون سوء الظن العريض, هذا ما لزم تصحيحه, الغريب في الأمر لقد استخدمت هذه العبارة في هذا المنبر اليوم عدة مرات و في بوستات اخري ممكن بسيرش باسمي تجد الأستخدامات المتكرره
فعلا لقد افتقدتم فترة مؤسسي الأركان دالي و القراي, فلقد كانت فترة مليئة بالدايلكتيك
لك جل تحياتي
لطفي
|
Post: #50
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 06:23 AM
Parent: #37
Quote: فهي مقولة للأستاذ محمود محمد طه
بان كل ما تسئ الظن في الأخوان المسلمون تجد انهم يفوقون سوء الظن العريض, هذا ما لزم تصحيحه, الغريب في الأمر لقد استخدمت هذه العبارة في هذا المنبر اليوم عدة مرات و في بوستات اخري ممكن بسيرش باسمي تجد الأستخدامات المتكرره
فعلا لقد افتقدتم فترة مؤسسي الأركان دالي و القراي, فلقد كانت فترة مليئة بالدايلكتيك
|
هلا يا ابو الطيب
وبعد السنين والقعاد القعدناهو في اركان نقاش الجامعة لو ما اتفاصحنا
قصتنا بتكون بايظة ومفروض نرجع من اولي برليم ههههههه
تخيل وصفت جيلنا بسوؤ الحظ كوننا لم نحضر اركان ناس الدالي والجمهوريين الرهيبة التي كان يحكون لنا بها..
واحنا ناس الجامعة دي ما شفناها الا لمن جيناها طلاب وكانت رهاب رهاب بالنسبة الينا..
وعشان كده ثقافة جيلنا في الفكر الجمهوري قليلة واعتمدت في الكثيرين علي الجهد الذاتي والاطلاع
...
احمد القرشي كان بقول المقولة دي بطريقة مميزة ومضحكة لذا ارتبطت في الذاكرة به
وهو متحدث بارع وله اركان مشوقة لمن يجي من مجمع الطب الي السنتر
|
Post: #38
Title: Re: نجوم اركان النقاش في نشاط الجامعة في ذلك الزمان...!!!
Author: amar adam
Date: 05-23-2009, 11:17 PM
Parent: #36
انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟
|
Post: #39
Title: Re: نجوم اركان النقاش في نشاط الجامعة في ذلك الزمان...!!!
Author: amar adam
Date: 05-23-2009, 11:17 PM
Parent: #36
انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟
|
Post: #41
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 05-24-2009, 00:42 AM
Parent: #39
Quote: كيكي العزيز
من أشهر الكوادر الخطابية في الجامعة كادر الجبهة الديمقراطية محجوب .
وكان في واحد تاني من الجبهة الديمقراطيةإسمه علي موسى ، وإتزوج زميلة كمان أيام الجامعةلكن ماكان حريف .
الحركة الإسلامية كان أشهر متحدثيها محمد المجذوب وعبيد الله و الناجي وياسر أبوشوك في طب .
أتذكر كان في واحد من الحركة الإسلامية زول متشوبر ومابعرف يتكلم كويس إسمه الطيب عبد الله من قانون أتذكر محجوب كان ببشتوا بشتنة السنين :)
المحايدين كان في واحد إسمه أبو الوفاء من إقتصاد .
كانت أيام ياوطني :( |
يا ازهري 2 شكلنا دفعة
و عشان ما تعقد كيكي نحن استلمنا الراية منهم و عاصرناهم فترة التسليم اكيد غايتو لو ما طلعت مريت ايرج ام نخيل في الفترة 1991 - 1996 تكون بالغت
- محجوب حسن حماد ( اسكول ) جهة ديمقراطية
- استلم علي موسى و اتزوج اشراقة الطيب ( الكلاكلة )
بعدين محمد الاشرف ( آداب ) ، محاسن - ماعارف كليتا ، سامر حسن ( بزنس ) غازي هاشم ( هندسة - اقتصاد ) و الاخيرين ديل ما واصلوا و تجربتهم كانت محدودة
- ابو الوفاء عبده شريف ( المحايدين ) كلية الاقتصاد و رئيس رابطة ابناء كوستي بجامعة الخرطوم
يا كيكي ابو الوفاء استلم من محمد علي هلال الاستلم من صاحبك و قريبي و اجمل رئيس لرابطتنا عثمان النعيم و الاستقبلنا ونحن برالمة
- رشاد عثمان ( محايدين ) من بزنس
بت القدال الكانت بتشوت الكويلنغ يا ازهري هي منى القدال ( آداب )
و شيراز محمد عبد الحي عضو البورد دي اظنها البتقصدا اختنا شبكة ياها شيراز ذاتا بتاعة الطب
- ناصف ود المناقل - اتشككت في تنظيمه
- يوسف الهندي ( بري ) الاشقاء
تعرف اجمل حاجة في الجامعة دي انك ما تكون منظم و لا مكيس و تقعد تراقب الناس دي بس
|
Post: #51
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 06:36 AM
Parent: #41
Quote: يا ازهري 2 شكلنا دفعة
و عشان ما تعقد كيكي نحن استلمنا الراية منهم و عاصرناهم فترة التسليم اكيد غايتو لو ما طلعت مريت ايرج ام نخيل في الفترة 1991 - 1996 تكون بالغت |
هلا ياقيقا
وحبابك ياخي
وفعلا انتو الجيل الورانا طوالي...
وابوعفان صديقي الجميل قاعد متواجد في الدوحة وهو زمن جميل يمشي علي قدمين...
ازهري ده بكون برلومنا بالتاكيد وشايفو كابي الزوقة من حكاية سنوات الدخول دي..(اعترف يا ازهري والا لقوقلناك) هههه
ود المناقل يا قيقراوي اعتقد بانو كان تبع الحزب الاتحادي الديمقراطي وكان متحدث جيد ياااخي وصبور في النقاش....
وشيراز محمد عبدالحي لها التحية والله
وانا من ما شفت البوستات بتاعتها عرفتها بوستات زول مكرب وعارف نقاشو كويس
|
Post: #45
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 04:52 AM
Parent: #39
| Quote: انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟ |
اووووه عمار العتيق
وسلامات
يازول هوووي انت كنت كادر (كعات) كبير هههه
وجهوري الصوت يا عمار وعندك (الله اكبر) لمن تقولها كانت طيور اشجار النشاط بتفرتق من اثر الصدي...
ويا عمار حكايتك كانت عجيبة خلاص
سنة(اووف) وسنة (اووون) وماعارف كنت قاعد تمشي وين وبتجي ظاهر بعد غيبة...ههههههههه
تحياتي
|
Post: #113
Title: Re: نجوم اركان النقاش في نشاط الجامعة في ذلك الزمان...!!!
Author: M A Muhagir
Date: 05-24-2009, 05:14 PM
Parent: #39
| Quote: انا كنت كادر شنو؟؟؟ عمار محمد ادممن1981 حتى 2001 عشرين سنه (خبره)؟؟؟؟؟؟؟؟؟ |
الاخ عمار
سلام
اذكر انك كنت تشارك بانتظام فى اركان النقاش كمناقش ومحاور.
احيانا تكون حادا فى النقاش الى حد بعيد
لم تكن تلتزم فى كل الاوقات بالخطاب الرسمى للاتجاه الاسلامى
دا ال سمحت بيهو الذاكرة
تحياتى
محمد مهاجر
دفعة علوم 82-87
|
Post: #44
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 04:48 AM
Parent: #36
Quote: ساطع محمد الحاج
عن رابطة الطلبة التاصريين وعضو اللجنة التنفيذية لاتحاد الانتفاضة..
ساطع لم يكن يبرع في الحوار بقدر مقدراته الخطابية للجماهير
فكان بإمكانه إخراج مظاهرة منتصف الليل من البركس
يمكننا كذلك تصنيف بقية الكوادر الخطابية للتنظيمات (طبعا نحن جيل وراكم شوية)
من الجبهة الديمقراطية برز الحاج وراق ونزار-شفاه الله- في أركان الحوار..أما في المخاطبات فكان مامون سيد أحمد
مؤتمر المستقلين أحمد القرشي في أركان الحوار...عمر الدقير وابراهيم الشيخ للمخاطبات |
مرحب يا حليم
وانتو الدفع القبلنا طوالي
لانو احنا لمن جينا كان اتحاد الدقير انتهت دورته..
ولكن حضرناه في مخاطبة وكان متحدث بارع ويتحدث بحماس ثوري مهيب...
ساطع والحاج وراق ايضا لم نعاصرهم ولكن برضو شفناهم في مخاطبات طلابية واركان نقاش عقب التخرج
واجمل اللقات هي التي تجمع كل التنظيمات السياسية في مخاطبة واحدة وساعتها بتحس بان هنالك منافسة
بين المتحدثين لالهاب حماس الطلاب
|
Post: #40
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-24-2009, 00:15 AM
Parent: #23
أصدقائي
المتحدثون الرئيسيون في جامعة الخرطوم في فترة التسعينيات:
حزب الأمة:
محمد الباقر
ثم جيل:
فتحي حسن عثمان (مادبو)
محمد فول
حسن إسماعيل
عمر تقراي
مهدي عبدالرحمن
شاهيناز عثمان
وشخصي الضعيف (وهذا للتصحيح فقد كنت كادرا خطابيا)
وأتى بعدنا (وعاصرنا) محمد حسن التعايشي
الاتحادي الديمقراطي
أيمن خالد
يوسف الهندي
سليمان
الجبهة الديمقراطية:
محمد الأشرف
ياسر النضيف
شيراز (وهي ابنة الشاعر محمد عبدالحي فعلا)
عبدالوهاب بوب
الحركة الإسلامية:
المرحوم علي عبدالفتاح (غايتو أنا عاصرته)
عمار
ناجي عبدالله (أحيانا)
المحايدين:
اسماعيل وادي
خالد علي الخليفة
مدني عباس مدني
مؤتمر الطلاب المستقلين:
محمد فاروق
فايز الشيخ السليك
بكري الجاك
الـ ANF
شول - على ما أذكر -
وأحيانا: رمضان
أنصار السنة
لؤي - كان الكادر الأبرز لهم في كل الجامعات
وربما فاتت على بعض الأسماء..الصديقان محمد أشرف وبكري الجاك والصديقة شيراز كلهم أعضاء هنا ويمكنهم اضافة أسماء أخرى
|
Post: #42
Title: Re: نجوم اركان النقاش في نشاط الجامعة في ذلك الزمان...!!!
Author: علاء الدين صلاح محمد
Date: 05-24-2009, 00:46 AM
Parent: #40
Quote: حزب الأمة:
محمد الباقر
ثم جيل:
فتحي حسن عثمان (مادبو)
محمد فول
حسن إسماعيل |
محمد الباقر
دفعة و البطري محمود (كلونق)
بالمناسبة اين ود الباقر و صحبي محمود
وبعدين في فترة الماجستير عاصرنا
فول
فول اخطر كادر خطابي انصاري مر على مجمع شمبات واعتقد الجامعة كان بيزنق الكيزان
وبعدين
اذكرك بركن تحت اللبخة كن المتحدث فيه فول و قبيل نهاية الركن عينك ما تشوف الا النور
هجوم شرس من حملة السيخ و الطوق و كادوا ان يفتكوا بفول و بشخصك لولا تدخل
الكوز المجاهد انذاك مين عبد عبد الحميد ما عارف
اعتقد الان يعمل في في صحيفة خال الرئيس
|
Post: #43
Title: Re: نجوم اركان النقاش في نشاط الجامعة في ذلك الزمان...!!!
Author: Hamid Elsawi
Date: 05-24-2009, 02:49 AM
Parent: #42
شكراً عبد الكريم علي انعاش هذه الذكريات
من متحدثين الجبهة الديمقراطية ابراهيم فتح الرحمن ( كلية الزراعة)
و هو يتميز بسخرية شديدة و اذكر يوم كان قاعد معانا في الكلية
و كان طلاب معمار ينظفون في كليتهم
و طبعاً ناس المعمار معروفين انهم انظف طلاب و طالبات في الجامعة لبس كيف و عطور
من اجود الانواع
علق ابراهيم فتح الحمن قائلاً:(( يا جماعة الحقوا الزملاء هناك و يقصد ناس
(الجبهة الديمقراطية) لو يحموهم(أي دخلوهم الحمام) كويس بس ما يقشوهم مع الوساخة))
التحية لابراهيم و الاعتذار لزملاء المعمار
و شكراً عبد الكريم
|
Post: #46
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-24-2009, 05:04 AM
Parent: #43
عبدالكريم
حامد الصاوي
سلام
والله البوست دا فتح ذكريات!
يا حامد، ابراهيم فتح الرحمن كان ساكن معاي في الغرفة لما كنت انا في سنة خامسة
وهو كان ورانا بسنة، انا ما زلت استغرب من اين ياتي بالمعلومات الدقيقة جدا التي
يقولها في الاركان، كان يذاكر الكورس مرة واحدة و يقعد يشرح للناس التقول كان ساكن
في المكتبة!
اظرف تعليق سمعته عنه كان من رجاء القاضي قالت لي: انت عارف ابراهيم دا حقو يجمدو في ركن
ويختو في المتحف!
انا كنت بعمل الكولينق في شمبات مع حسن عطية لارهاب الكيزان، ما حدش يهود ناحيتنا!
|
Post: #47
Title: Re: نجوم اركان النقاش في نشاط الجامعة في ذلك الزمان...!!!
Author: mahmed alhassan
Date: 05-24-2009, 06:01 AM
Parent: #46
كان مــن أشهر المتحدثين
أبوضفيــرة
الاعجاز في القران الكريم (لغة الارقام ) 0
أكثر ركن جماهيري للشهيد المرحوم محمد طــه محمد أحمد 0
|
Post: #48
Title: Re: نجوم اركان النقاش في نشاط الجامعة في ذلك الزمان...!!!
Author: Mohammed Ibrahim Othman
Date: 05-24-2009, 06:10 AM
Parent: #47
الحزب الشيوعي :
محجوب حسن حماد (دفعة 88-93 اسكول اوف ماث )..
|
Post: #49
Title: Re: نجوم اركان النقاش في نشاط الجامعة في ذلك الزمان...!!!
Author: Mohammed Ibrahim Othman
Date: 05-24-2009, 06:14 AM
Parent: #48
والله ياكيكي النشاط دا انا متابعه من صغري ..
كنت بجيء لأختي باداب قرب النشاط..
كوادر النقاش من مختلف الاحزاب.. ديل عالم تاني من المتعة ..
قدرة على الفصاحة والبيان ..
تفحص نقاط الضعف في كلام الطرف الثاني ..
|
Post: #70
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 09:45 AM
Parent: #49
Quote: والله ياكيكي النشاط دا انا متابعه من صغري ..
كنت بجيء لأختي باداب قرب النشاط..
كوادر النقاش من مختلف الاحزاب.. ديل عالم تاني من المتعة ..
قدرة على الفصاحة والبيان ..
تفحص نقاط الضعف في كلام الطرف الثاني .. |
هلا يا ابو حميد
ومشتاقين يا رجل
وفعلا النشاط كان متعة والشباب كانو نابحين ولك واحد فيهم علم فوق راسه نار
وقمة المتعة عندما تقترب الانتخابات والليلة القبل التصويت الجامعة دي بتتحول الي حاجة تاني..
لقدام ممكن نتونس ايضا عن الجرائد الحائطية وتوزيعاتها وايام تركيبها والاحداث التي جرت في امام بورد الجرائد الشهير..
وممكن ندلف لجريدة اخر تسطيح بتاعة الشهير احمد شندي
|
Post: #53
Title: Re: نجوم اركان النقاش في نشاط الجامعة في ذلك الزمان...!!!
Author: Amany Elamin
Date: 05-24-2009, 06:42 AM
Parent: #48
كيكي ازيك:
لما دخلنا الجامعه كانت شيراز عبد الحي
ألمع نجوم أركان الجبهه الديموقراطيه
كنا برالمه بنمشي بشارع المعقدين بينما
تمشي شيراز بثقه وقوه في منتصف المين رود
وخلفها بمسافه كوادر الجبهه
كانت أركانها تكتظ بكافة التيارات السياسيه
الكل يود أن يستمع لخطاب شيراز القوي
وشجاعتها وجرأتها
تحياتي لشيراز
فقد تعلمنا منها دون أن نعرفها أو تعرفنا معني قوة الشخصيه
والثقه في النفس ..
|
Post: #77
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:13 AM
Parent: #53
Quote: تحياتي لشيراز
فقد تعلمنا منها دون أن نعرفها أو تعرفنا معني قوة الشخصيه
والثقه في النفس .. |
هلا يا اماني
وني خوووو
(مشيها لي بالنخنخة دي بالله) ههههه
والتحية عبرك للاخت شيراز والظاهر الزولة دي كانت مكربة الشغل بتاع (اعتقد وافتكر ونقة الاخوة الشيوعيين العجيبة ديك)..
والمين رود ده ياخي من اول شهر شهرين تكشف انو اشاعة ساكت وممكن بكل عين قوية تقعد في اي بنش من بيشاته وتكون (سافي كمان)..
راجعي زي كم زول كده منهم اوغاد الهندسة بقيادة زول مسلط وود قرف كده اسمو طه النور
وممكن نراجع غراميات الفتي خلي في ردهاته كما ورد في بوست اليوم الحار ما بندار هههه
|
Post: #69
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 09:42 AM
Parent: #47
Quote: كان مــن أشهر المتحدثين
أبوضفيــرة
الاعجاز في القران الكريم (لغة الارقام ) 0
أكثر ركن جماهيري للشهيد المرحوم محمد طــه محمد أحمد 0 |
هلا يا محمد
ويا سسلام علي ابو ضفيرة ياخي..
ركن باصرار عالي وجدية ومتحدث فعلا كان بارع ومصادم لايشق له غبار
وقيل بانه صراعه بداء مع الجمهوريين وياريت الاخوة الذين عاصروه قبل غياب الجمهوريين يورونا كيف كان ابو ضفيرة...؟؟
لانو لمن جينا كان عندو الاعجاز القراني والرقم ثلاثة عشر
وعامل فيهو شغل بحماس وعندو ندوات ايضا شهيرة في قاعة 102 ... حضر ليهو زي كم ندوة كده
ولكن الشاهد بانو كلامو كان عضم ومعقد
|
Post: #68
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 09:36 AM
Parent: #46
Quote: اظرف تعليق سمعته عنه كان من رجاء القاضي قالت لي: انت عارف ابراهيم دا حقو يجمدو في ركن
ويختو في المتحف!
انا كنت بعمل الكولينق في شمبات مع حسن عطية لارهاب الكيزان، ما حدش يهود ناحيتنا! |
يااا بدر الدين
و يا دووووبك عرفنا لييه الكيزان كانوا بضايروا لمن ناس الجبهة الديمقراطية يجيبو كوادر من شمبات هههههه
وفرصة سانحة لتحية الدفعة الراقية رجاء القاضي بت الصحافة وهي صديقة من زمن البرليم وبعد داك مشت زراعة...
ابراهيم فتح الرحمن ود كوستي كان فعلا مميز ومتحدث مرتب الافكار ياخي
|
Post: #60
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 08:50 AM
Parent: #43
Quote: و طبعاً ناس المعمار معروفين انهم انظف طلاب و طالبات في الجامعة لبس كيف و عطور
من اجود الانواع |
هلا يا حامد
ومشتاقين ياخي والشافك شاف بالتاكيد ذلك الزمن الجميل
وناس المعمار ديل المقولة اعلاه بتكون (فلد) وحقيقة لو شلنا منهم
هشام سليمان
وابو الجيب
وياسر موسي ههههههه
وتحية في حضورك ياخي للجميل عادل سيد احمد ومجتبي محسي وووليد ابوعاقلة ووليد زكريا
وابو بكر عثمان وعثمان الشين وعييييييييك شلة من اجمل الناس علي الاطلاق
|
Post: #54
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 07:01 AM
Parent: #42
هلا ومرحب يا علاء
والمتحدثين الكانو بجو السنتر من الاطراف كالطب وشمبات وتربية
من كل التنظيمات كانو مميزين بصورة واضحة...
احمد القرشي من الطب
معاذ خيال من التربية
وابراهيم فتح الرحمن من شمبات...
واللمات والسخونة بتكون في العالي في ايامات الانتخابات والاحداث الكبري
|
Post: #52
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 06:42 AM
Parent: #40
| Quote: وربما فاتت على بعض الأسماء..الصديقان محمد أشرف وبكري الجاك والصديقة شيراز كلهم أعضاء هنا ويمكنهم اضافة أسماء أخرى |
شكرا يا خالد علي هذه الاضافة الشحمانة من نجوم زمانكم
وجميل كون بعض منهم متواجد في هذا المنبر فدي فرصة حتي يضيفون الكثير من حكاوي وقصص ذلك الزمان..
ووتاريخ الجامعة نتمني ان ينتبه اليه الكثير من المهتمين والموثقين ففي ردهاتها جرت احداث عديدة ومر بها طلاب موثرين
ونتمني ان نقراء بحوث علي شاكلة(تاريخ النقاش والجدل الطلابي) في هذه الجامعة ومنذ بدايتها
سيكون هذا الامر منصفا للكثيرين
|
Post: #55
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 07:08 AM
Parent: #52
ياخريجين جامعة الخرطوم
ام الجامعات كانت وما زالت
فعلا شيراز هي ابنة الشاعر محمد عبد الحي
ومحمد فول هو نفس الزول الكان بتكلم عنه محمد عادل هنا قبل فترة
اما خالد عويس لك العتبي على ضعف الذاكرة لكن بتذكر انو عدي عبد الفتاح كان بغني ليك
الودعو ورحلوا جنب كافتيريا عدلان بس لي هسة ما عارفة ليه كان بقول ليك كدا
كيكي الفترة دي كانت في نهاية التسعينات لغاية 2002
ما بعرف بي وراي حصل شنو
لكن بتذكر واحنا في خامسة وجايين من لاب كيمياء لقينا جوطة وتورتات وشمع وقراطيس(بلبسوها في الراس في اعياد الميلاد)
المهم سالنا في شنو قالوا عيد ميلاد زميل (ديل كانوا من الدفع القرت لغاية تامنة ودخلت العالي طوالي)
مع العلم في نفس اللحظة كان في كولينغ للجبهة الديمقراطية بتذكر
المهم تعجبنا من الموضوع ومن حال الجامعة الحيكون
والتعليق الاول الورد من زميلنا
انو يعملوا لركن نقاش لمنو
لناس عيد الميلاد ديل..!!!
والجامعة اتغيرت
وانا في الدراسات العليا بشوف الطلبة ما ياهم طلبة زمان ولا حياتهم الطلابية زينا زمان
ويجوا القبلنا يقولوا لينا انتو ما شفتوا شي
ودا حال الدنيا
|
Post: #78
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:20 AM
Parent: #55
Quote: لكن بتذكر واحنا في خامسة وجايين من لاب كيمياء لقينا جوطة وتورتات وشمع وقراطيس(بلبسوها في الراس في اعياد الميلاد)
المهم سالنا في شنو قالوا عيد ميلاد زميل (ديل كانوا من الدفع القرت لغاية تامنة ودخلت العالي طوالي)
|
سبحان المغير الاحوال..
قالوا زمان في شيوعي كبير اسمو صلاح الزين طالب بفصل احدي الاخوات الحنكوشات من التنظيم لانها عملت عيد ميلاد وجابت تورتة..
اخر الزمن التورتات يحومو بيها شوارع الجامعة..
ياخ حليلك يا ابراهيم دقل...
دقل ده مهندس مساحة الان من اولاد القضارف وماشاء الله طويل وعريض ودشن..
مرة في واحدة حنكوشة عزمتو اسكريم في الكافتيريا..
اها الناس لبدت ليهو ومع كل ملعقة بياكلها من الايسكريم كان الكافتيريا كلها
بتصفق وبتصفر وبقولو ووووووووووو
ووووووووووو
لحدي ما الايسكريم انتهي
ههههههه
|
Post: #56
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-24-2009, 07:35 AM
Parent: #52
كيكي ..
شبكة دي شكلها دفعتنا سنة 94 لأنو الوقت داك فعلاً كان المتحدث الأبرز في الجامعة هو محمد فول ..
ومحمد فول ده زول بتاع نقه مبالغ فيها و بذكر مرة ركن بتاع كيزان بجهزو ليهو أسبوع كامل جاء أستلمو محمد فول زي الما حصل حاجة لمن السيخ ظهر !!!
شيراز دي كنا بنحضر الركن بتاعها سماحة ساكت بس والله بتقول في شنو ما عارف للآن !!
الي الآن يا كيكي ما قابلتني كادر جبهة ديمقراطية شينة السر شنو في كده يا معلم و أنت الخبير في هذا المجال؟؟
|
Post: #57
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 07:42 AM
Parent: #56
Quote: كيكي ..
شبكة دي شكلها دفعتنا سنة 94 |
خالد
انت دفعة قدام خالد عويس
وانا ورا خالد عويس
لكن اتلاقينا في الجامعة
|
Post: #58
Title: Re: نجوم اركان النقاش في نشاط الجامعة في ذلك الزمان...!!!
Author: محمد عبدالرحمن
Date: 05-24-2009, 08:18 AM
Parent: #57
ياكيكى ...
لااميل للاطلاق كثيرا ..لكن فى حالة محمد فول وحسن اسماعيل
يمكننى أن اقول انهم الابرز فى تاريخ الحركة الطلابية
فى حزب الامة ..مقدرات خطابية عاليه ومقدرة على التحليل
والاقناع تفوق أعمارهم فى ذلك الوقت ..ومحمد الاشرف الاكثر
تهذيبا والابعد عن المهاترات و مقدرات خطابية عالية ..
مؤتمر الطلاب ا لمستقلين كان يضم كوادر خطابية متميزة
وبكثرة ..محمد فاروق وبكرى الجاك وفائز السليك
وجعفر بشير وآخرين ..فى الحقيقة تنظيم قادر على انجاب المتميز
من الكوادر ... قررربت انسى عماد الامين كادر الجبهة
الديمقراطية بكلية الطيب دا زول برضو ماساهل
ومقدراتو مميزة ..
دى مداخلة سريعة ياكيكى ..كان فى زمن بنجى نفصلهم ليك
واحد واحد و(نفككهم) كمان ..
|
Post: #59
Title: Re: نجوم اركان النقاش في نشاط الجامعة في ذلك الزمان...!!!
Author: محمد عبدالرحمن
Date: 05-24-2009, 08:24 AM
Parent: #58
ياخ امانة مااتلومت ..نسيت ايمن خالد ومحمد السنى
كوادر الحزب الاتحادى المتميزة .. تميز فى الخطابة
وفى ا لسلوك ..اولاد بلد حقيقيين ..تحياتى ليهم
اينما كانوا ... وناصف بشير بشير كادر حزب
البعث المحبوب من الجميع والاكثر حضورا ..
التحية ليهو ..فقد كان يعانى من مرض خبيث
كان بيننا تواصل وانقطعت اخباره عنى ..
اتمنى أن يكون قد تماثل للشفاء ...
|
Post: #64
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-24-2009, 09:08 AM
Parent: #59
محجوب حسن حماد 88 سكول
الديامي الأنيق .. المتحدث اللبق
جمعتني معه صداقة في سنة البرلم
حيث شاءت الصدف أن نسكن في غرفة معاً
كان يُدير أركان النقاش بحنكة ويظل
يدور ويدور حول الكرسي وهو شاهراً أصبعه
في وجه الجميع متحدياً ..
كثيراً ما دارت بيننا نقاشات في الغرفة
واختلفنا واتفقنا وكثيراً ما كنا نختلف
ولكن دام الود بيننا..
أين أنت الآن يا صديقي؟؟
|
Post: #81
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:33 AM
Parent: #64
| Quote: أين أنت الآن يا صديقي؟؟ |
فعلا يا صلاح
اين محجوب حسين
واقلتها كان يكون عضو في هذا المكان فالرجل كان مثقف ومتمكن وعالي التهذيب والتواضع
|
Post: #61
Title: Re: نجوم اركان النقاش في نشاط الجامعة في ذلك الزمان...!!!
Author: عمار يس النور
Date: 05-24-2009, 08:51 AM
Parent: #58
عبد الكربم سلام
بوست جميل و ينشط فينا الذاكرة لتلكم الايام
بس نسيت واحد مهم جدا
الأستاذ ابو ضفيرة صاحب الرقم 13 و امير جماعة المؤمنين.
مرة من المرات كنا مارين و كان معانا الأخوة الظرفاء من ابناء مدني خطاب عبدالله و سعد محمد علي ، و وجدنا ابو ضفيرة و كان يقيم ركنا.
طبعا وقفنا نتفرج و نسمع و كان موضوع الركن تفسير الاية الكريمة من سورة المائدة 45 "و من لم يحكم بما انزل الله فأولائك هم الظالمون" صدق الله العظيم.
المهم ابو ضفيرة في نهاية الركن قال انه لا مخرج للأمةالإسلامية سوى ان يبايعوه أميرا للمؤمنين.
قام صاحبنا خطاب طوالي قال ليه: يا مولانا نبايعك هنا و إلا تحت الشجرة؟
زولك حدر لي خطاب حدرة طويلة جدا و لكنه واصل في كلامه.
بعداك ا إفتكرنا إنو الموضوع إنتهى.
تصدق يا كيكي الزول ده كلما نمر بيه و يشوف خطاب يحدر ليهو و كلنا لاحظنا هذا الامر.
بالمناسبة ابو ضفيرة ده مقتنع بي كلامو 100% و مستعد يقاتل فيهو.
أذكر في 18 يناير 1986 إقيم اول تابين للأستاذ محمود محمد طه "عليه رحمة الله" في نادي الاساتذة و كنا من ضمن الحضور و عندما بدأ الإحتفال إذا بأبي ضفيرة من وسط الحضور يكبر و يقذف بالكراسي و معاهوا واحد ضخم و كبير الجثة ملامحه تدل انه من طلاب غرب افريقيا الذين يدرسون في السودان.
اهها يا كيكي لازم تفرد لينا مساحة لابي ضفيرة.
و بعد ما تكمل البسوت برضو افتح واحد بي إسلوبك "علي القسمات" عن مجانين الجامعة في ذلك الزمن الجميل.
*********************
مبروك الترقية و دي المحرية فيك.
تحياتي
عمار يس
عاشق بخت الرضا
سدني استراليا
|
Post: #62
Title: Re: نجوم اركان النقاش في نشاط الجامعة في ذلك الزمان...!!!
Author: Ishraga Mustafa
Date: 05-24-2009, 08:59 AM
Parent: #61
بالله انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله
---------
كان كدى انا بنية سااااااى
|
Post: #67
Title: Re: نجوم اركان النقاش في نشاط الجامعة في ذلك الزمان...!!!
Author: سيف بخيت موسي
Date: 05-24-2009, 09:34 AM
Parent: #62
من الطرائف الجميلة عن ركن إبراهيم فتح الرحمن
طبعاً شجرة النشاط كانت مقر الأركان ، وتم قطعها
بحجة أن عميد كلية أداب شكى من إزعاج هذه الشجرة التابعة لهم إدارياً
والقريبة منهم جغرافياً، وقد تم نقل الركن لشجرة اخرى ، وقد تم قطع ذات الشجرة ، وعندها اطلق زميلنا عصام النقر نكتته المشهور--
" إبراهيم دا كما إتخرج السنة دي بكمل شجر الجامة كلوا"
ولا ننسى خنساء الكارب كمان
بنتواصل معاكم
|
Post: #86
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:56 AM
Parent: #67
Quote: من الطرائف الجميلة عن ركن إبراهيم فتح الرحمن
طبعاً شجرة النشاط كانت مقر الأركان ، وتم قطعها
بحجة أن عميد كلية أداب شكى من إزعاج هذه الشجرة التابعة لهم إدارياً
والقريبة منهم جغرافياً، وقد تم نقل الركن لشجرة اخرى ، وقد تم قطع ذات الشجرة ، وعندها اطلق زميلنا عصام النقر نكتته المشهور--
" إبراهيم دا كما إتخرج السنة دي بكمل شجر الجامة كلوا"
ولا ننسى خنساء الكارب كمان |
مرحب يا سيف وحبابك وحباب حكاوي وطرائف الزمن السمح,,,
وخنساء الكارب دفعتنا وهي جيل احمد عثمان عمر والعبيد من ناس قانون..
وكانت زولة ثورية وشفتها في ركن ركنين وكانت ايضا الاخت الهام عبدالخالق في نفس الفترة والكثير من الاخوات المميزات في اهتمامهن بالعمل السياسي في الجامعة
|
Post: #73
Title: Re: نجوم اركان النقاش في نشاط الجامعة في ذلك الزمان...!!!
Author: ريهان الريح الشاذلي
Date: 05-24-2009, 09:52 AM
Parent: #62
سلامات كريم ياخي
ههههههههههههههههة عليك الله كان كادر خطابي ؟؟ معناتو الركن حقه الحشد الف ..ياخي ده نباذ جنس نبذ ركنه بكون متعة عدييييل
|
Post: #88
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 11:04 AM
Parent: #73
| Quote: ههههههههههههههههة عليك الله كان كادر خطابي ؟؟ معناتو الركن حقه الحشد الف ..ياخي ده نباذ جنس نبذ ركنه بكون متعة عدييييل |
اتخيلي يا ريهان بكل اسف الزول ده كان ركنجي كبير..
قبيل كنت في التلفون مع محمد عبدالرحمن وسالني نفس السؤال قلت ليهو ايووه
ولكن اصبر لي لو عملت ليهو اشاعة بانو اركانو كان اركان اشاعة سااااااكت لوووووووول
....
عصام بصراحة كان مميز واركانه مرتبة
وانا بكون طالبو حسع زي ديشليون لكشر كده ح اخلصهم منو كاش حتي لو وسطت للموضوع صلاح البندر هههههه
|
Post: #83
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:47 AM
Parent: #62
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
|
Post: #84
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:48 AM
Parent: #62
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
|
Post: #63
Title: Re: نجوم اركان النقاش في نشاط الجامعة في ذلك الزمان...!!!
Author: أحمد الشايقي
Date: 05-24-2009, 09:03 AM
Parent: #61
شكرا كيكي على التوثيق للناس الذين تفرقوا في الارض واحتوتهم المنافي,
Quote: الاتحاديين
طالب اعتقد بانه في القانون وبالاضافة الي الاخت مني فاروق,,, |
نعم يا كيكي كان المتحدث الرئيسي للطلاب الاتحاديين من كلية القانون في نهاية الثمانينات وبداية التسعينات,
شكله كيف الزول دا يا كيكي ؟؟
بالإضافة لمنى فاروق من شمبات وعزت من هندسـة ومحمد عثمان الفاضلابي وغيرهم كثير
كان النشاط مزدهر جدا في تلك الايام
أحمد الشايقي
|
Post: #74
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-24-2009, 09:55 AM
Parent: #63
شكرا عبد الكريم الأمين
أنا دخلت جامعة جوبا أخريات 1984م، ولكن علاقتي مع جامعة الخرطوم قديمة وخصوصا النشاط من زمن دالي
فقد كان صديقي الرشيد كردم (مساحة) مهووسا بالنشاط
وعندما طردتنا الحرب من جوبا استقبلتنا جامعة الخرطوم كلية العلوم قسم الجيولوجيا بكل ترحاب
بكري أبو بكر كان أمامنا بسنة
ورغم درش دكاترة الجيولوجيا إلا أنني لم أكن أفوت أي سانحة لحضور ركن نقاش وخصوصا أحمد القرشي
غادرنا جامعة الخرطوم في أخريات العام 1991م.
جامعة جوبا طبعا كان لها نشاطها العريق والعتيق وكان لها كوادرها الخطابية
واذكر منهم على سبيل المثال لا الحصر :
جماعة الدعوة الإسلامية :
محمد صديق (طب)
عابدين فضل المولى (تربية)
عبد الإله كنه (طب)
الجبهة الديمقراطية:
طه كروم (طب)
محمد حلا (تربية)
أروب
جون كايرو
إنعام محمد علي (اقتصاد)
عبد اللطيف (اقتصاد)
نوال كامل
حمزة حجاج
مؤتمر الطلاب المستقلين
زاهر عبد الرحيم
المرحوم أبو زيد عبد الله قبل أن يتحول للكيزان.
جعفر دفع الله
الحاكم
عبد الرحمن (اقتصاد)
حزب الأمة
حمزة سليمان
عبد العزيز روبرت
بشير ليما تقلي (طب)
رضا منصور (تربية)
حزب البعث
محمد عثمان أبو طويل
عبد العظيم الحلبي (شندي)
رابطة الطلاب الجنوبيين
كويل
وآخرين
رابطة الطلاب الاستوائيين
نسيت
الجمهوريين
عبد الله عابدين (طب)
آسف لإدخال جامعة جوبا ... لكنه جيلنا جيل الانتفاضة
|
Post: #100
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 12:15 PM
Parent: #63
Quote: نعم يا كيكي كان المتحدث الرئيسي للطلاب الاتحاديين من كلية القانون في نهاية الثمانينات وبداية التسعينات,
شكله كيف الزول دا يا كيكي ؟؟
بالإضافة لمنى فاروق من شمبات وعزت من هندسـة ومحمد عثمان الفاضلابي وغيرهم كثير
كان النشاط مزدهر جدا في تلك الايام
|
ياا احمد الشايقي
بس اوووع تقول لي..؟؟؟
يبقي فعلا السودان ده ضيق خلاص..وتكون انت يا احمد هو ود القانون القاصدو انا...
متحدث قووي ومنظم وعالي التحضير وزول وجيييييييه كده ومربوع القامة كده.....
وفرصة ياخي نحي الجميل المهندس عزت مهندس اسطوري وود هندسة علي اصولها وفنان كبير...
...
طبعا من الدفع القدامنا ضروري نحي في الاتحاديين ود اهلي (محمد ابراهيم)
عضو اتحاد عمر الدقير ولكن ما اعتقد بانو كان بتاع اركان نقاش ولكنه كان قيادي كبير في الطلاب الاتحاديين
|
Post: #82
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:38 AM
Parent: #61
Quote: أذكر في 18 يناير 1986 إقيم اول تابين للأستاذ محمود محمد طه "عليه رحمة الله" في نادي الاساتذة و كنا من ضمن الحضور و عندما بدأ الإحتفال إذا بأبي ضفيرة من وسط الحضور يكبر و يقذف بالكراسي و معاهوا واحد ضخم و كبير الجثة ملامحه تدل انه من طلاب غرب افريقيا الذين يدرسون في السودان.
اهها يا كيكي لازم تفرد لينا مساحة لابي ضفيرة. |
هلا يا عمار يس
ومشتاقين يا دفعة.... دفعة طويلة الاجل وخدمة طويلة ممتازة (النيل الابيض والجامعة وعييييك) وعثمان الشين بالله وابو الطيب ومعاوية محي الدين
وكل اهل الدويم الطاعمين ياخي....
ابو ضفيرة كان رهيب وزولو الماكن الجابو معاهو اليوم داك فعلا كان زول مخيف وجهامة شديد
وانا شفتو برضو معاهو في كم مرة كده...
ويبدو انو ابو ضفيرة عندو ارتباطات وصداقات مع اخريين بستعين بيهم وهم من خارج الجماعة...وبالتحديد في المركز الاسلامي الافريقي ههههه
...
لقدام يا عمار فعلا ممكن نشوت بوست نتكلم عن صحبي عمر اومو وميرغني وبابكر وعثمان وصديق واخريين كثر من الذين كانو يجوبون طرقات الجامعة ويثرون لحظاتها وهم غير طلاب وبهاليل كبار
|
Post: #80
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:29 AM
Parent: #58
Quote: لااميل للاطلاق كثيرا ..لكن فى حالة محمد فول وحسن اسماعيل
يمكننى أن اقول انهم الابرز فى تاريخ الحركة الطلابية
فى حزب الامة |
والله يا محمد تصدق
شهيتونا ركن لمحمد فول ده..
والاسم ده بصراحة زن في راسي من ما شفتو في بوستات محمد عادل
ولكن ماعارف ليه اتخيلتو زول كبير وعجوز..
ولكن بحديثكم الباهر عنه بالجد تمنيت ان يرجع الزمن لوراء ونسمع لمحمد فول ده...
|
Post: #65
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-24-2009, 09:19 AM
Parent: #57
Quote: خالد
انت دفعة قدام خالد عويس
وانا ورا خالد عويس
لكن اتلاقينا في الجامعة |
شبكة
فعلاً أنا الدفعة القدام عويس وكده معناها أنت دفعة ناس فريدة عبد السلام و إعتدال خليل و أميمة على و تغريد المبارك و بقية الشلة دي مش؟
تعرفي أنا دفعتكم دي بعرف فيها ناس أكتر من دفعتنا زاتو؟؟ أكيد بكون بعرفك بس طبعاً بدون الاسم الحقيقي صعب الزول يعرف
|
Post: #66
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 09:29 AM
Parent: #65
Quote: شبكة
فعلاً أنا الدفعة القدام عويس وكده معناها أنت دفعة ناس فريدة عبد السلام و إعتدال خليل و أميمة على و تغريد المبارك و بقية الشلة دي مش؟
تعرفي أنا دفعتكم دي بعرف فيها ناس أكتر من دفعتنا زاتو؟؟ أكيد بكون بعرفك بس طبعاً بدون الاسم الحقيقي صعب الزول يعرف |
انا ياخالد بعد دفعتين من عويس
يعني الاسماء الذكرتها دي ممكن تكون الفرقة الثالثة لاني ما عرفت منهم زول
من دفعتي شباب كان عدي عبد الفتاح ومعتز والشاذلي غابات
من البنات كان في سوزان عبد الله وريم عمر وندي ابو عشر واللي اتزوجت من دفعة ناس عويس
|
Post: #71
Title: Re: نجوم اركان النقاش في نشاط الجامعة في ذلك الزمان...!!!
Author: Ishraga Mustafa
Date: 05-24-2009, 09:47 AM
Parent: #66
| Quote: ولا ننسى خنساء الكارب كمان |
وماجدولين عبدالرحمن..
وطارق التقى فى كلية التربية, كنا بنستعين بيهو فى كلية البنات ايامها
---------
النقول ليك معلومة يا عبدالكريم انو جزء من تربيتى التنظيمية وكاكادر خطابى فى مجال الاسلامية
كانت على يد نزار ضمن ايادى تانية, الله يطراهم بالخير
اما ابراهيم - ود جيرانا- واول من غذى عقولنا بالقراءاة والاطلاع
واتعلمنا منو الفصاحة رغم انو الفرق بينا شهور فى العمر
زمن والله...
|
Post: #72
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-24-2009, 09:48 AM
Parent: #66
هلا شبكة ..
فعلاً بعرف ندي أبوعشر وناس تانين كتار بس الأسماء شوية رايحة لي ... كبرنا و كده 
تعرفي في واحدة من دفعتكم دي عاملين فيها عملية لمن حنينا عليها بعد داكـ ..
لما كنا في خامسة كنا قاعدين في بنش تحت اللبخة ومعاي واحد زميلنا أسمو أنس مالك و أنس ده شكلو صغير يعني لو قالو ليك في سادسة إبتدائي بتصدقي, هي جات مفتكرانا برالمة لأنو كان البرالمة يادوب جايين و هي البت بقت في تانية قامت قالت لينا زحو لي أقعد يا برالمة؟ طبعاً نحن ما صدقنا عملنا ليك فيها برالمة كلو كلو ... البت دي 3 ساعات بتحكي لينا عن الجامعة و بتورينا نسكن وين و ناكل في ياتو كفتريا و لفت بينا القاعات دي كلها و مفتكرانا برالمة لما جاء واحد من دفعتنا بعرفها قال ليها ياخ ديل معانا في خامسة و يلا البت فتحت بكاء وتاني بقينا في البسكتا لينا ..
غايتو كان يوم .البت نسيت أسمها لكن هي من بنات دنقلا على ما أذكر الله يطراها بالخير محل ما موجودة
|
Post: #75
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 09:56 AM
Parent: #72
خالد
انت هيثم ابو شوك دفعتك؟
لقيتم بتاعين عمايل
واولاد الدفعة القدامنا (الفرقة الثالتة) عملوا ليهو عملية في بنات الفرقة الخامسة
لما جو للكشف الطبي والعيادة جنب داخلية الاولاد
دخلوهم الداخلية باعتبار انها العيادة
وكان منظر
|
Post: #76
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:09 AM
Parent: #75
ياخ بصراحة البوست بقي متعة
والاجيال لاعبة ماتش كبير ونهر الزكريات شكلو هاطل زي المطر..وشبكة وخالد ون تو يجنن
ولايزال البوست طفلا يحبو... واتفتقت الذاكرة لحاجات بالجد مدهشة..
يعني يا جعفر مع سيرة المهندس كردم اخو مهندس المساحة حيدر الراس فتح وززززززن كده اتذكرت بانو احنا قرينا سوي في النيل الابيض الثانوية وبعرفك بالحيل...
|
Post: #79
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:26 AM
Parent: #56
| Quote: الي الآن يا كيكي ما قابلتني كادر جبهة ديمقراطية شينة السر شنو في كده يا معلم و أنت الخبير في هذا المجال؟؟ |
هلا باو خلد
وياخي مالك داير تدخل خالك في كركبة مع الجماعة العندهم (مطوة قرن غزال) ديل
يقومو يجقدونا ساكت مع باقي البوست ده
بصراحة كخبير سابق جكسهم كان سماحة تقول ياليل
والشينة فيهم ديك زاااتو تلقاهو منضمة وجندر وشنوشنو ومنطق..
فعشان كده البستان ملان وبشيلو من طرف وبدربو وبفكوهم يمنطقو ليك البشرية دي
....
|
Post: #85
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:49 AM
Parent: #79
Quote: انت من زمن ناس نزار ابو دقن وعصام جبرالله وابراهيم فتح الرحمن...
قلت لىّ عمرك كم؟ قلت لىّ فى يداية الاربعينات؟ قصص والله |
هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه
|
Post: #94
Title: Re: نجوم اركان النقاش في نشاط الجامعة في ذلك الزمان...!!!
Author: محمد ادم الحسن
Date: 05-24-2009, 11:32 AM
Parent: #85
جامعة الجزيرة علي الخط
نحن دخلنا سنة 97 سنة الإجازة الشهيرة بتاعة الجهاد
كان من أشهر الكوادر التي عاصرناها
يونس جبهة كفاح الطلبة
ناصر علي الجبهة الديمقراطية
وائل خلف الله ج د ثم حق
عصمت الدسيس ج د ثم حق ثم حزب أمة
الصديقة هنادي فضل ج د
ياسر فتحي حزب أمة
قريب الله محمد الحسن الحزب الإتحادي
ولاء الدين ناصريين
عبد الله الشيخ ناصريين
بدر الدين البارون جبهة كفاح الطلبة
أواه حركة إسلامية
معتز بلال حركة إسلامية
بيلو من الفاشر حركة إسلامية
مجاهد عبد الله ناصريين
عماد إتحاديين
ثم دفعتنا
مجدي برلوم مستقليين
الشفيع ج د
محمد حسن العمدة حزب أمة
ميمي ج د
عبد الله حاج حمد ناصريين
خالد طوكر ج د
وشخصي المتواضع ناصريين كان
وف واحد من حق قرا طب الإعدادية وبحري الحكومية وهو من بحري قبليها كان جد (نسيت إسمو)
في المنبر في من خريجين جامعة الجزيرة كتير ممكن يضيفو
هنادي فضل - مجاهد عببالله - تاج الدين عبد الله ادم - خالد طوكر - محمد حسن العمدة....الخ
|
Post: #95
Title: Re: نجوم اركان النقاش في نشاط الجامعة في ذلك الزمان...!!!
Author: محمد ادم الحسن
Date: 05-24-2009, 11:38 AM
Parent: #94
إتذكرت إسمو أسعد حق
والجميلة لوران من حق
أسامة بده حزب أمة ثم مؤتمر وطني
هجو كذلك
حركة قوية طلابية حنتوب النش الإعدادية
|
Post: #87
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-24-2009, 11:04 AM
Parent: #79
في شمبات كان برضو عندنا :
اسامة بشير
"ابليس" عضو اتحاد الانتفاضة، جبهة ديمقراطية، واحد من اكثر طلاب الجامعة اناقة حينها
ولانه كان ابوه مغترب كان بجيب حاجات تعجز الناس. لما مشينا سنة تانية ما كانت عندي اي ارتباطات
سياسية سكنت في الطابق الخامس في داخلية اركويت و جيراننا كانوا ناس اسامة بشير و كمال "soil"
من الجبهة الديمقراطية. اول يوم الكيزان جوا ينورونا بالحاصل، قالوا لينا ناس الغرفة رقم تلاتة
ديل شيوعيين و بسكروا في اوضتم و كمان بالصباح. الصباح مشينا الحمامات لنتجهز لليوم الدراسي، فعلا
كانت في رائحة قوية جدا تنبعث من الغرفة تلاتة، واستمر الحال لفترة، لغاية ما بنيننا معاهم علاقات
ووجدنا انه اسامة بستعمل لسترين- مادة لغسيل الفم وقتل الجراثيم- فعرفنا ضلال البروباغاندا!
:ان هناك ايضا:
حاج سعيد
كان شاب متصوف يحمل عصى بنفس سلوك ابوضفيرة، يعمل ركن منتظم و يتحدث في الدين و السياسة، فجاة
انقلب واصبح بتاع خلط وبهجة ما عارف اين موقعه من السياسة الان.
عبدالرحمن محمد علي
من كوادر الكيزان، كنت اعتقد انه فاهم ومعقول، كان ايضا يقيم اركان في النشاط بالجامعة
|
Post: #90
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-24-2009, 11:19 AM
Parent: #87
عبدالكريم
سلام
Quote: هوووي يا اشراقة هوووي انا ود متين هههه
الناس ديل لمن جينا اولي كانو كباااار وبتفاصحو في النشاط
ونزار ده حضرنا سنة واحدة تاني اختفي
عصام جبرالله ده دفعتنا لكن بكون ربت زي ديشليون سنة كده في مدني الثانوية هههههه
وابراهيم فتح الرحمن برضو كان ماشاء الله كبيررررر وبكون دفعة بدر الدين احمد موسي الفوووق دااااااك
ههههه |
هووي يا زول ابراهيم فتح الرحمن كمل القراية في مصر حتى جا شمبات، انا جاهل و سغير (ضحكة مع تغطية
الشيب الما عندو زوق و ملى شعري).
الغريبة يا عبدالكريم اني ما لاقيتك في الجامعة، كل الناس الكانوا اصحابك ديل كانوا لدرجة او اخرى
اصحابي و كنت بجي كتير السنتر و بمشي كافتيريا هندسة و الاقتصاد. كنت بلاقي اخوك احمد جمب الاداب
كتير!
|
Post: #142
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:21 AM
Parent: #90
Quote: الغريبة يا عبدالكريم اني ما لاقيتك في الجامعة، كل الناس الكانوا اصحابك ديل كانوا لدرجة او اخرى
اصحابي و كنت بجي كتير السنتر و بمشي كافتيريا هندسة و الاقتصاد. كنت بلاقي اخوك احمد جمب الاداب
كتير! |
هلا يا بدر
وبيني وبينك انا زااتي متحير انو ما شفتك في الجامعة الزمن ده كلو لييه..؟؟؟
والظاهر انت لمن تجي انا بكون ضارب النوم في البركس ههههه
...
يا خي اسمع كلام سهام
ونزل لينا الصورة ممكن نكون شفناك في حتة
رغم انك كنت (الانسان الخفي) بالنسبة لينا
وسيرتك جات في زي ديشليون ونسة كده... وغايتو مافي لينا حل مع زوقة من حكاية الصورة دي
الا نجي كلفورينا ونقوقلك من قرب
|
Post: #91
Title: Re: نجوم اركان النقاش في نشاط الجامعة في ذلك الزمان...!!!
Author: عمار عبدالله عبدالرحمن
Date: 05-24-2009, 11:21 AM
Parent: #87
رقم 13
ابوضفيرة
عمر عبدالرحمن ,, الاتجاه الاسلامي
اسال من عمار ادم ,, كان عندو حكاوي عجب ..
_________
عماد ,, صاحب البيان الشهير في تحوله من الاتجاه الاسلامي للاخوان المسلمين واحداث العنف
احمد مالك ,,
___________
ابوتله الحسن
وساطع الحاج
___________
1983 الي 86 كنت موظفا بعمادة الطلاب ..
|
Post: #143
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:29 AM
Parent: #91
Quote:
1983 الي 86 كنت موظفا بعمادة الطلاب .. |
مرحب يا عمار
والجامعة في الزمن ده كانت بالتاكيد اسرة واحدة
موظفين عمادة واساتذة وعاملين وطلاب وحرس واحبابنا الصفرجية...
والنشاط كان مكان مثقف للجميع بالاضافة للناس القاعدين يجو من بره
وياريت عمار ادم يواصل معانا
ويحكي لينا عن ناس الاتجاه الاسلامي باقي الناس ديل كانو غامضيين
ولابدين في كراكير مسجد الجامعة ومكاتب الاتحاد فياريت يدينا شوية كده من حاجاتهم
وحكاويهم
|
Post: #89
Title: Re: نجوم اركان النقاش في نشاط الجامعة في ذلك الزمان...!!!
Author: Siham Elmugammar
Date: 05-24-2009, 11:12 AM
Parent: #79
يا عبدالكريم يا اخ يا بوست
والله دى زكريات عجيبة واحده من هفوات
ابراهيم فتح الرحمن مرة عاوز يوصف مسيرة بتاعت كيزان بضعف عدد المشاركين
قام قال مسيرة عاملة ذى ضنب الككو
بعد الركن محسى قال ليهو يا ابراهيم ضنب الككو ده مش طويل؟؟؟
|
Post: #92
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 11:22 AM
Parent: #89
طبعا كل الاجيال المرت من هنا
مافي زول مرت عليه فترة كان في جمعية اسمها
جمعية الحب بلا مسئولية
انتظروني بجي احكي ليكم عليها
عشان تاني ما في زول يقول لي سياسة ولا نشاط سياسي ولا ركن ولا حتى كولينغ
|
Post: #93
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-24-2009, 11:31 AM
Parent: #92
اها عشان ناس الجندر ما يزعلوا
كانت عندنا في شمبات:
انعام سعد، من احسن من يقودوا المظاهرات وعضو المنبر اخدت الباسورد وعملت بيه نايمة، في الحقيقة
هي التي دلتني علي منبر سودانيزاونلاين، كنت فقط ادخل صفحة الاغاني قبل ان تدلني عليه.
---------------
سهام مجمر ياخ ازيك، غالبا ما بتتذكريني لكن اتلاقينا عدة مرات في الجامعة مع عبدالعزيز محمد الحسن
|
Post: #96
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 11:40 AM
Parent: #93
Quote: حاج سعيد
كان شاب متصوف يحمل عصى بنفس سلوك ابوضفيرة، يعمل ركن منتظم و يتحدث في الدين و السياسة، فجاة
انقلب واصبح بتاع خلط وبهجة ما عارف اين موقعه من السياسة الان. |
لحدي ما نجي للردود وبانتظام زكرتني يا بدرالدين
بواحد برضو كان الدفعة القدامنا وبعدين بقينا دفعة
كان زول لذيذ خلاص سمستر وهو انصار سنة والسمستر التاني بفك اللعب واخر طشمة وبهجة زي الورد
يعني مرة (اووف ) ومرة (اوون)...
ولمن يكون ما انصار سنة بكون لذيذ جدا واجتماعي لدرجة عالية وتكون ماشي معاهو في الجامعة لو شاف (بنت سمحة)
طبعا بقرصك شدددديد كده في كتفك وبقول (حيييييي يا جماعة ده كلو كنت انا مفوتو..ده كلام ده ياجماعة) ههههههه
طبعا نسيت اقول ليك لمن يكون انصار سنة ما بشغل بينا الشغلة وبكون مكجن القروب العجيب داك كلو
...
من اجمل الناس علي الاطلاق ولمن اتخرج لاقيتو مرة في كنانةو
وقلت ليهو اها شنو(اوووف*) ولا اوون...
ضحك بمرح عالي وقال لي يا زول مع كمبو خمسسسسسسة ده اووووووووون سسسسسسسساكت
|
Post: #97
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-24-2009, 11:53 AM
Parent: #96
يا كيكي
الحناكيش أو شهادة لندن برضو ليهم في السوق ده ..
كان في واحد ما متذكر اسمو تقول هيثم
جبهة ديمقراطية وكان بيشتغل في الكولات
ويعني مرات مرات كده بيدور ركن النقاش
بالذات لما الجو يكون هادي وما تكون في
أحداث أو انتخابات .. ياريت زول يتذكر لي
اسمو بالكامل .. افتكر كان اسكول أو علوم
وكان تلميذ محجوب حسن..
|
Post: #98
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-24-2009, 11:58 AM
Parent: #97
صلاح
ما متذكرة اسمو الكامل
انا عارفة انو اشتهر اسمو بالعسل لانو عمل الماجستير بتاعو في عسل ولي نحل حاجة زي دي
شمباتي مش؟؟؟؟؟
|
Post: #99
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-24-2009, 12:13 PM
Parent: #98
| Quote: كان زول لذيذ خلاص سمستر وهو انصار سنة والسمستر التاني بفك اللعب واخر طشمة وبهجة زي الورد |
ياكيكي ياخي ده كان دفعتنا عديييل كده
ومادام جبته سيرة الطشمة خلينا من الاسم
لكن بالجد كان بيحيرك فعلا في الحالتين
لما يكون البنطلون قصير .. بيكون انصار سنة الف
ولما يفك الكفة .. لكن يا شارع المين والآداب جاكم بلا..
والله يا شبكة ما متأكد .. علوم وللا اسكول وللا هندسة وللا شمباتي
لكن هو قصير وابيضاني ووجيه .. والحكنشة ظاااااهرة فيهو..
|
Post: #104
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-24-2009, 01:00 PM
Parent: #99
| Quote: يعني يا جعفر مع سيرة المهندس كردم اخو مهندس المساحة حيدر الراس فتح وززززززن كده اتذكرت بانو احنا قرينا سوي في النيل الابيض الثانوية وبعرفك بالحيل... |
عبد الكريم يا صديق كيف حالك
والله كنت حاسسس بس قلت معقول الزول الكاتل ضلوا داك بقى منضمة ذي دا
أتمنى أن تكون أنت وأسرتك الكريمة بألف عافية وصحة
مرة كنت شاغلتك وسألتك هل مررت بالنيل الأبيض لكني لم أطلع على ردك .
المهم ما فات كتير لك أجمل تحياتي وعارف معزة ناس النيل الأبيض وزمانها الجميل
بس بالله ذكرني ايش علاقتك باسماعيل المان .
|
Post: #152
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:03 AM
Parent: #104
| Quote: والله كنت حاسسس بس قلت معقول الزول الكاتل ضلوا داك بقى منضمة ذي دا |
وتخيل يا جعفر انا برضو نفس الشعور...
ولقدام عاوزين نفتح سيرة النيل الابيض الثانوية
ونشوف الايامات ديك ايام ناس كمال بخاري وترك وعباس احيمر واسماعيل المان
وداخلية الزراف والسوباط وناس العرب الحناكيش ههه
|
Post: #151
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:59 AM
Parent: #99
Quote: ياكيكي ياخي ده كان دفعتنا عديييل كده
ومادام جبته سيرة الطشمة خلينا من الاسم
لكن بالجد كان بيحيرك فعلا في الحالتين
لما يكون البنطلون قصير .. بيكون انصار سنة الف
ولما يفك الكفة .. لكن يا شارع المين والآداب جاكم بلا.. |
يا ليون ده الذ زول مر علي الجامعة دي
|
Post: #101
Title: Re: نجوم اركان النقاش في نشاط الجامعة في ذلك الزمان...!!!
Author: سفيان بشير نابرى
Date: 05-24-2009, 12:41 PM
Parent: #98
طبعاً أنا لاقدركم لا حاجة
بس دي زيارة من زول لاقراء معاكم
في الخرطوم ولا عاصركم حتى يعنى
خبير اجنبي ممكن تقولو:-
منى فاروق متحدثة الاتحاديين
هي مني فاروق سليمان شقيقة
محمد فاروق سليمان متحدث
مؤتمر الطلاب المستقلين .
بالنسبة لاخونا الفنان إبراهيم
عبد الحليم محمد الجميعابي بتاع
الاتجاه الاسلامي الزكرتو ده لو هو
الدكتور محمد الجميعابي الذي لاحقاً
شغل منصب مهم وكبيرة في أم درمان
فهو حسب زماننا نحن اصبح يسمي
الجميعابي الطبيب المجرم بالمعتقلات
وهو المختص بتزييف ارانيك المعتقلين
الذين تعرضو للتعذيب الشديد والاعقات
الكاملة والاستشاهد لبعضهم (يمكن أن يدلو
بهذا بعض الاخوة هنا - بكري الجاك - جعفر بشير
الصادق اسماعيل- حمزة فاروق ).
وياكيكي صلاح شعيب قااااعد في سودانيز اون لاين دي
ويا قيقراوى ناصف بشير وتنظيمه جبهة كفاح طلبة
وكليته قانون وهو زميل هنا بالمنتدي ومنذ آمد
كان مريض مرض تدآعي له الاخوات والاخوان هنا بالمنتدي
أتمني أن يكون قد بلغ الصحة والعافية .
وياكيكى برضو اظنك نسيت المهندس غازي محمد احمد (ودمدنى)
متحدث مؤتمر الطلاب المستقلين .
قصص متحدثين جامعة الخرطوم دي واركانهم ومصايبهم كان بيكلمني
بيها صاحبي أبكر آدم اسماعيل (ود قِرف) وهو امتع انسان لما يحكي
ياريت تشوفو طريقة يجي يحكي لانو كان مراقب لصيق جداً جداً وحافظ
ليكم قصص (امو) ده بالحته هههههههههههههههه
بعد ده عادي ممكن نرجع لوضوعنا الرئيسي لوووووووووووول.سفيان نابرى
ام درمان الاهلية
2004- 2008
ههههههههههه
(خضر حسين ما يجي بي هنا)
|
Post: #153
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:13 AM
Parent: #101
هلا يا سفيان
ومداخلتك شحمانة وفعلا خبير اجنبي اديييييل كده..
ايووه مني فاروق هي شقيقة محمد فاروق سليمان الكبري..واتخيل لي كانت في زراعة
والجميعابي ياهو زااتو الجميعابي الكوز الليهو ضل..وبتاع منظمة انا السودان
وحسع طبعا حردان الشغلانة الانقاذية دي وقاعد بعيد وعامل شخيت ولكن ده كلو ما بحلو
-صلاح شعيب بتاع سودانيز ده يا سفيان صلاح شعيب تاني ما القاصدوا انا وكخبير اجنبي تشابهت عليك الاسماء
-غازي ياخي دفعتناوصحبي شديد وزول فعلا موتمرنجي كبير وقيادي ولكن يطرشني ما شفتو في ركن نقاش لوووووووووول
-التحية لصاحب جومو وود قرف ابوبكر ادم اسماعيل
واومو ياخي كان مصيبة وطوالي راجع للموضوع الاساسي ومطير الجكس من اركانو هههههه
|
Post: #103
Title: Re: نجوم اركان النقاش في نشاط الجامعة في ذلك الزمان...!!!
Author: Omar Bob
Date: 05-24-2009, 12:58 PM
Parent: #98
كيكي :
سودانيز اون لاين ده مكان بتاع توثيق ما تجو تنشرو لينا المعلومات المضلله
1/ عصام جبر الله ده زول كان بيسد الفرقه ساكت لامن صاحب الركن الاساسي يتغيب لاي ظرف طارئ جيتو طلعتو ابرز كوادر الجبهه الديقراطيه
______________________________________________________________________
عن الاتحاديين كان هناك صديقنا العزيز
عزت احمد علي والذي كان يحضر ركنه انا وعادل شاهين وعبد الحفيظ احمد عبد الحفيظ فقط بحكم علاقتنا به
الصديق الحاج الصديق صاحب نظريه الرقم 13 كان ايضا من ابرز الكوادر في اركان النقاش
اشهر كولينج علي مر تاريخ الجبهه الديقراطيه السابق والحاضر والاتي هو الاستاذ راشد خالد المحامي
|
Post: #155
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:19 AM
Parent: #103
Quote: سودانيز اون لاين ده مكان بتاع توثيق ما تجو تنشرو لينا المعلومات المضلله
1/ عصام جبر الله ده زول كان بيسد الفرقه ساكت لامن صاحب الركن الاساسي يتغيب لاي ظرف طارئ جيتو طلعتو ابرز كوادر الجبهه الديقراطيه
______________________________________________________________________
عن الاتحاديين كان هناك صديقنا العزيز
عزت احمد علي والذي كان يحضر ركنه انا وعادل شاهين وعبد الحفيظ احمد عبد الحفيظ فقط بحكم علاقتنا به
الصديق الحاج الصديق صاحب نظريه الرقم 13 كان ايضا من ابرز الكوادر في اركان النقاش
اشهر كولينج علي مر تاريخ الجبهه الديقراطيه السابق والحاضر والاتي هو الاستاذ راشد خالد المحامي |
يا بوب
وعصام جبرالله صديقنا الاسفيري حبينا ياخي نرفع معنايتو شوية
ولكن بيني وبينك تحت تحت كده اركانو كان اخير منها ركن لعمر اومو ههههههه
فما تخاف كثير براهو بجي بقول ليك انا كنت بعرق وبتكبكب وبتراجف زي صحن الكاسترد...
وبعدين ياخي اتلومت مع صحبي عزت ده ياخي
الركن ياخي ما ثلاثة نفر بل كان يا خمسة او ستة....
ابو ضفيرة طبعا مافي كلام وركن نجيض ونقة عجيبة وملحاح
|
Post: #115
Title: Re: نجوم اركان النقاش في نشاط الجامعة في ذلك الزمان...!!!
Author: Isamil Hussein
Date: 05-24-2009, 05:51 PM
Parent: #98
I am a little bit senior class to yours Abdukarim. But, I still remember those beautifull days of the political forums at U of K . Those forums were informative and politically educational . I will never forget the friendship and respectfull relations among the Late:
Mohd Taha Mohd Ahmed, Siddiq Alzailaee and Rofaiel(Law
School) of the African National Front(ANF
Those days remind me of the conventional wisdom of the brotherhood between the wolf and the lamb
Ismail Hussein, Minnesota
|
Post: #156
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:27 AM
Parent: #115
Quote:
I am a little bit senior class to yours Abdukarim. But, I still remember those beautifull days of the political forums at U of K . Those forums were informative and politically educational . I will never forget the friendship and respectfull relations among the Late:
Mohd Taha Mohd Ahmed, Siddiq Alzailaee and Rofaiel(Law
School) of the African National Front(ANF
Those days remind me of the conventional wisdom of the brotherhood between the wolf and the lamb
Ismail Hussein, Minnesota |
مرحب بالاخ اسماعيل حسين وحبابك شديد
وفعل يا اسماعيل تلك الايام تظل محفورة في الذاكرة
ومهما طالت السنين الا انها سهلة الاستدعاء...
والصداقات بين التيارا ت السياسية رغم الاختلافات الحادة تتشكل في داخل الجامعة
وتغذيها الكلية الواحدة والمنطقة والاهتمامات..
|
Post: #116
Title: Re: نجوم اركان النقاش في نشاط الجامعة في ذلك الزمان...!!!
Author: Isamil Hussein
Date: 05-24-2009, 06:32 PM
Parent: #98
|
Post: #119
Title: Re: نجوم اركان النقاش في نشاط الجامعة في ذلك الزمان...!!!
Author: Adil Ali
Date: 05-24-2009, 08:11 PM
Parent: #98
| Quote: انا كنت كادر شنو؟؟؟ عمار محمد ادم من1981 حتى 2001 عشرين سنه (خبره)؟؟؟؟؟؟؟؟؟ |
الأخ عمار...أتمنى أن تكون قد وعيت الدرس (واستفدت منه). عشرون عاما....عقدان كاملان من الزمن، ليست بالزمن القصير، إلا ان الناس في هذا البوست تذكّروا اصحاب الحجة والمنطق وسعة الصدر والأفكار المرتبة وسعة المعرفة، من شتى الاتجاهات السياسية بالجامعة بما في ذلك الإتجاه الإسلامي. العشرون سنة خبرة التي أشرت إليها لم تكن، قطعا، ذات صلة بأي من هذه الأشياء، وإلا لورد اسمك في مقدمة من ذُكروا. ولكن الناس عادة ما يستدعون في مثل هذه الذكريات من أثروا "أركان النقاش" بـ(النقاش) وليس من أفسدوها بالعضلات والعنف والسيخ والكواريك والهرشة والهتاف.
تحياتي،
شكراً يا كيكي على هذا البوست العظيم...
لك الود
|
Post: #157
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:33 AM
Parent: #119
| Quote: شكراً يا كيكي على هذا البوست العظيم... |
مرحب يا عادل
وحبابك
وعمار فعلا كان زول بتاع كعات وصعب المراس
|
Post: #318
Title: Re: نجوم اركان النقاش في نشاط الجامعة في ذلك الزمان...!!!
Author: amar adam
Date: 06-04-2009, 11:50 PM
Parent: #119
اركان النقاش وسيلة ابتدعها الجمهوريين فى الجامعة وهى تفتقد العلمية والموضوعية لكونها صاحب الركن للتحكم فى زمن فرصة معارضيه ويستغل اى نقطة ضعف فى حديث معارضه ليجعل منها مادة للسخرية والاستهزاء وغالبا لاياخذ النقاش طابغا علميا او موضوعيا من اجل الوصول الى الحق وبهذا يكون ركن النقاش مكانا للتهريج السياسى على عكس المناظرات والتى تكون فيها الفرص متكافئة او الندوات والمحاضرات التى يسودها الهدوء اما المخاطبة السياسية فهى ذات هدف محددمن طرف واحد ولو ان علم النفس فى الطب او الاداب اتخذمن اركان النقاش حقلا له لوجد الكثير مثل الاسقاط والتحويل والبرنويا وما الى ذلك واذكر صاحبى الذى منى يهزيمة وصدمة عاطفية قاسية ورايته فى ركن النقاش فى حالة يرثى لها يصب جام غضبه على المدير والجميع يستمعون ولايدركون حقيقة الامر ارجو من اجل الحقيقة اين اولئك المتحدثين من تلك القضايا للاسف ان معظمهم قد باع القضية مثل ثوار اكتوبر ةللاسف فان هذه الطبقة هى التى اذت السودان كثيرا وما زالت.
عمار مخمد ادم
|
Post: #121
Title: Re: نجوم اركان النقاش في نشاط الجامعة في ذلك الزمان...!!!
Author: Ibrahim_Elhag
Date: 05-24-2009, 08:55 PM
Parent: #98
|
Post: #120
Title: Re: نجوم اركان النقاش في نشاط الجامعة في ذلك الزمان...!!!
Author: Nuha Ahmed
Date: 05-24-2009, 08:49 PM
Parent: #97
Quote: كان في واحد ما متذكر اسمو تقول هيثم
جبهة ديمقراطية وكان بيشتغل في الكولات
ويعني مرات مرات كده بيدور ركن النقاش] |
ده هيثم عبدالمنعم اعدادي رياضيات 88 وكان بعمل ركن الجبهة الديمقراطية بتاع البرالمة ( OLT - GLT ) كان معاه عمار سعد - طب اسنان
هيثم نرك الجامعة والتحق بالاكاديمية البحرية في القاهرة .
|
Post: #123
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-24-2009, 09:00 PM
Parent: #120
Quote: ده هيثم عبدالمنعم اعدادي رياضيات 88 وكان بعمل ركن الجبهة الديمقراطية بتاع البرالمة ( OLT - GLT ) كان معاه عمار سعد - طب اسنان
هيثم نرك الجامعة والتحق بالاكاديمية البحرية في القاهرة . |
نهى ازيك
فعلاً الاسم هيثم عبد المنعم
بس معلومة انو ساب الجامعة دي ما كنت عارفها
او بكون ما متذكرها ..
والله يا كيكي لكن هيجته فينا الذكريات..
|
Post: #158
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:44 AM
Parent: #120
Quote: ده هيثم عبدالمنعم اعدادي رياضيات 88 وكان بعمل ركن الجبهة الديمقراطية بتاع البرالمة ( OLT - GLT ) كان معاه عمار سعد - طب اسنان
هيثم نرك الجامعة والتحق بالاكاديمية البحرية في القاهرة . |
هلا يا نها
وحسع في انتظارك للكثير من الحديث والاحداث
وخليك قريبة ياخي
|
Post: #150
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:56 AM
Parent: #97
Quote: كان في واحد ما متذكر اسمو تقول هيثم
جبهة ديمقراطية وكان بيشتغل في الكولات
|
هيثم يا ليون وجبهة ديمقراطية كمان...
ياحليلكم يا عثمان والعبيد اصحابي والشغلانة دي الظاهر ليبيا بتاعة الصراع الطبقي فتحت
بعدما مشينا من البلد ديك هههههه
|
Post: #209
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-27-2009, 10:53 AM
Parent: #96
كيكي والصحب الميمون ازيكم..
كان كدي انتو ما شفتو للجامعة شي.. انتو ناس اللبن جا عديييل كدا..
نحن الجامعة قريناها ايام الاسبيال والحليب الاربعة مرات في اليوم وبوكس كوسو
بتاع المزرعة وهو يحمل حلل اللبن (القيزان)، المزرعة التي تحولت الان الى سكن.
اما انتو يا حليلكم جيتو زمن الفطامة..(كمان دردقو وش تاني بالله)
وقبل ما نعرج على قصة سيد اللبن جا دي ..
نحن كانت الجامعة على ايامنا القريييييييبة دي (1983-1988).. دردقو لي وش ضاحك..
من اشهر كوادر الجبهة الديمقراطية كان مامون سيد احمد (هندسة)، امال جبر الله (طب)
هند بابكر النور (قانون)، الحاج وراق (اقتصاد)، غادة عوض شوقي (اقتصاد).
ومن مؤتمر الطلاب المستقلين عمر الدقير (هندسة).
الاتجاه الاسلامي : المرحوم محمد طه، امين بناني نيو ( الاتنين قانون)، محمد محي الدين الجميعابي (طب)، رقية عثمان (هندسة).
الناصريين ساطع الحاج (قانون) ويخيل لي حيدر خضر وصديق خاطر (اداب). منو الكان بردد باستمرار عبارة (ان وحدتكم مستهدفة)
في اتنين كدا كانوا بدعوا لتنظيمهم شكلو جديد ولا باير ما بعرفوا.. واحد بعمل الركن والتاني المستمع بجيب ليهو كباية الموية..
دايما بكون ركنه شغال ساعة خلطة واحد اخونا كدا (روميو الاداب) كان اسمه.
| Quote: ربما تعنى واحد اسمه دفع الله |
لعلكم تقصدوا دفع الله بخيت وهو دفعتي وقد تزوج زميلتنا سامية الفكي بتاعت الدفاع الشعبي في فترة من الفترات..
دفع الله فعلا زول مؤدب جدا.. كان خطيب المسجد ولا اعتقد انه كان كادر اركان رغم ثقافته العالية..
اما انت يا عمار.. كدي النسألك بالاول صحيح انت مرة اذنت للصلاة في الاكزام هول؟
اما ايام حوادث الجامعة التالية لقصة طالب الطب الذي اعتقد ان اسمه عماد والذي كان قد انسلخ عن الاتجاه الاسلامي، فقد كانت لك صولات وجولات
اذكرها الى يومنا هذا..
بجيكم راجعة
|
Post: #232
Title: Re: نجوم اركان النقاش في نشاط الجامعة في ذلك الزمان...!!!
Author: عبدالغني كرم الله
Date: 05-28-2009, 08:36 AM
Parent: #93
...
أحمد المطصفى دالي
صار أقرب للأسطوة في حكاوي المثقفين في بلدي، القدامى منهم، والمحدثين، ممن اسمتعموا له، وهو في الأركان، كأشهر خطيب في افريقيا، أن لم نقل العالم المعاصر، مذكرا بسقراط، وابيقور، وحملة مشاعل الفكر، وتنوير الشعوب، واستياقظ النفوس، كي تعي ذاتها، ورسالتها الخالدة....
كان خطيبا قوياً، سهلا، وشجاعا، تعرض لأكبر المعضلات وأصغرها، تتذكره طرقات الخرطوم كلها، وجامعاتها، وهو يخطب او يرد، أو ينبه، حاملا بيده كتاب، وبالأخر المايك، وأمامه كرسي الخيزران المشهور، وعليه كتيبات الفكرة، البسيطة الطباعة والتصميم، والثرية المعنى، وحوله جلوسا، على العشب أو التراب، عقول عطشى للفكر، للصحو، للتجاوز، وإكتشاف الذات...
سخريته المحببة، وتهكمة السقراطي، جعل من اركان نقاشة اغنية جميلة، لا يمل منه المتابعين من عمق الطرح، وجمال الطرح، وأسلوب الطرح (الإسلام والفنون، المرأة، المنهاج المدرسي، المعراج والسير الافقي والرأسي، الهوس، الاقصاد، التسيير والتخيير، الوضع السياسي، والإسلام، والإنسان الكامل)....
وحين ينتهي الركن، ويحج الحضور لبيوتهم، تتفتح عقولهم على حقائق، اقرب من حبل الوريد (من أنا، لم خلقت، كيف أعي ما يجري فيني، وحولي،كيف أعثر على ذاتي)، فرحين باكتشاف الداء، حزانى عليه،على حقائهم المغيبة، حقائهم الكبرى، كلهم أجميعن، فقد كان خطيب (الأفراد)، بلا نظير في تاريخ الكوكب...
تحمل في ذلك الكثير، ضرب، وشتم، وقمز، وهمز، ومدح، ورشى، ولكنه ظل ثابتا، عصيا، في محاربة الجهل والخرف والهوس والكسل واللامبالاة..
أنه تلميذ مدرسة كبرى، في الفكر، والتربية، والفهم، والمعارف، والمحبة...
..................
انطباع كتب قبيل سنوات، وهو تلخيص لكلام اخي الاكبر، عبدالعزيز كرم الله، والذي كان يحضر اركان دالي، ويحدثني عنها بطرب عجيب، كأن السودان كان ملحا، عسلا، فكرا،
ماذا جرى لك ياوطني العزيز؟..
كم كنت طيبا، وواسعا، وماهلا..
ماذا جرى ياحفيد النوبة، والشلك، والكنائس، والقباب..
لم يفهمكم هؤلاء الأقزام، ... ولكن، هناك مقابر، ستأوي إليها جثثهم..
وأنت، ستظل بنيلك الخالد، تجري وتجري.. وتجري..
أركان نقاش، تسر العين، والقلب، بل هي اصل الوجود، واصل الجدل الحر، في بلوغ الفهم، والحرية المطلقة، والتي تحن لها النفوس في سويداء روحها، وكيانها..
تسلمي ياكيكي، يا اصيل..
ما سبق، كتبته، بإيحاء، من كلام أخي،ولكني في الدوحة، تعرفت على دالي عجيب، لم أرى في حياتي رجل يحترم تفكير الآخرين، ويصبر ويصغي مثله، ويصغي لأدق ما يقوله الآخر، بل حين يرد، أو يفند، تحس بأنه أصغى لما وراء الكلام..
اذن؟ متى نتعلم الاصغاء الذكي، والجيد..
إنه يحترم الفكر، أي فكر،..
دالي مدرسة قائمة بذاتها، ليتنا نتعلم الجدل منه..
كان السيد سقراط، يرسل تلاميذه للسوفسطايين، كي يتعلموا الجدل، بل الشك.. ثم يأتي يعلمهم القين، فلا يقين، لا يسبقه شك اصيل..
حتى الآية، ووجدك ضالا.... فهدى، هكذا كان فتى قريش، يترقب ويتأمل، في اعلى حراء...
ياخي مافي اعظم من الفكر..
والجدل هو وركان النقاش هي ملح الفكر..
نعود، والعود أحمد..
....
|
Post: #246
Title: Re: نجوم اركان النقاش في نشاط الجامعة في ذلك الزمان...!!!
Author: محمد على النقرو
Date: 05-29-2009, 00:19 AM
Parent: #93
بوست مميز بحق يا كيكى
نحن دخلنا الجامعة بعدكم بكتير
لكن عاصرنا من حزب الامة
محمد فوله
فتحى مادبو
وخالد عويس
واذكر الاخ ابوذر (اساسى) كادر كولنغ)
محمد حسن التعايشى دخلت معه الركن فى يوم واحد
عندما فتح الاخ خالد عويس فرصة للنقاش.
ومن المحايدين
اسماعيل وادى
وبكرى الجاك
ومن الجبهة الديقراطية
محجوب (وهو مغادر الجامعة)
على موسى
محمد اشرف
منى محمد سعيد القدال, كادرة كولنغ من دفعتى.
وشيراز
من جبهة كفاح الطلبة
ناصف بشير
من المستقلين
محمد حسن عربى (من قانون)
وياسر (اصبح كوز فيما بعد)
الكيزان
عمار
والله ايام الواحد بيحضر كل أركان النقاش الا الكيزان
لان منطقهم ضعيف جدا وبيتعمدوا على منطق القوة
وعاصرنا محاصرة التنظيمات السياسية ليهم سياسيا واجتماعيا
والواحد منهم كان كوز بتخفى وينكر والله.
هذا ما اسعفتنى به الذاكرة . شوية والواحد يمكن يتذكر
|
Post: #247
Title: Re: نجوم اركان النقاش في نشاط الجامعة في ذلك الزمان...!!!
Author: أم سهى
Date: 05-29-2009, 08:10 AM
Parent: #93
ازيكم يا شباب
بالجد بوست ممتع جدا وبعيد من التوتر القاعد تعملو بعض البوستات
المهم
عجبني جدا القال موضوع العزموهو ايس كريم - كل ما يمص يدوهو صفارة ههههه
اها اقول ليكم دي
في زميل في الجبهة الديمقراطية كان معانا من ناس الجزيرة وكان متطرف جدا وعندو راي انو اصلو بنات البندر ما ممكن يكونو زميلات ومقتنعات ببرنامج مرحلة الثورة الوطنية الديمقراطية - المهم - كان بفتكر انو الثورة بتجي من الريف وبذلك غير ناس الريف مافي زول صادق في نواياه
يوم مشينا اجتماع في بيت زميلة في العمارات وهو مفروض يحضر الاجتماع - اها اول ما جاء لقى في البيت في ود يومية جنوبي بغسل في هدوم ناس البيت
طوااالي رجع بي دربو - استغربنا مشى زميل لحقو - قال ليهم ايوة ما بجتمع في بيت ناسو بضطهدوا الطبقة العاملة لوووووول
تاني مرة برضو نفس الزول جاء اجتماع للجبهة الديمقراطية وكنا عاملينو في شقة اختي - المهم معانا واحدة قيااافة ولابسة بنطلون اول ما جات قبل وشو - اها الزول ده كان بسف وسفتو كبيرة - والحتة طبعا بلاط - فقامت الزميلة بكل احترام عملت قراطيس من الورق وختتها في صحن صغير قدامو وقالت ليه اخد راحتك
طوالي طلع من الاجتماع ومشى كتب بلاغ لمكتب اداب قال ليهم انتو بتستفزوا طبقتنا ههههههه
بالمناسبة نحن ناس الفرع وانشاء الله ربنا يهون نعمل بوست زي ده لانو حتكون في زكريات رهيبة
شكرا اخي سيد البوست على استرجاعنا لايام ما بتجي تاني زيها
|
Post: #289
Title: Re: نجوم اركان النقاش في نشاط الجامعة في ذلك الزمان...!!!
Author: abuguta
Date: 05-31-2009, 06:49 AM
Parent: #93
هلا كيكيى
نحن هنود ساى ,,لكن حضرنا هذه الاركان,,
لكن ياكييكى جامعة الخرطوم فى زمنكم
المحزبين بقعدو عشرة سنوات
من اجل خدمة الحزب وتجنيد الناس الجداد
ياخى اغلب ناسك الذين ذكرتهم من المتحدثين
لهم عشرة سنوات,فى الجامعة
بسمه بهم وانا فى المتوسطة,,وانا فى العالى
وانا لما سافرت الهند,,يعى 80-90
فما بعرف الحكمة فى كدا شنو,,
كدى تتبع سيرتهم الجامعية
لكن بوست ظريف خالص
خليل دفعة كم؟؟؟؟
|
Post: #300
Title: Re: نجوم اركان النقاش في نشاط الجامعة في ذلك الزمان...!!!
Author: انور الطيب
Date: 05-31-2009, 01:55 PM
Parent: #93
كيكي سلامات والبوست رائع والتعديل لنقل خانة بس من باك لجناح بس ما تقول لي يمين والله شمال
|
Post: #312
Title: Re: نجوم اركان النقاش في نشاط الجامعة في ذلك الزمان...!!!
Author: amar adam
Date: 06-02-2009, 09:40 AM
Parent: #93
جيت من كسلا الثانوية لى جامعة الخرطوم فى1981 اول نفرين قابلونى صلاح قوش وحسب الله عمر كان كل واحد مولع سجارتو يدخن طبعا المنظر بالنسبة لى كان صدمة اخوان مسلمين يسجرو؟؟ ورونى انهم اعضاء المكتب السياسى للاتجاه الاسلامى وانو تماختيارى لاترشح للاتحاددورة المرحوم محمد مختار عجول وجهونى انى اركب المواصلات امشى السوق استديو بابا هناك لقيت واحد ملتحى وشكلو اسلامى ما زى ناس قوش سلم على اسمو محمد جوهر من ابناء دارفور وقدامنا فى كلية الاداب ادانى جكت وربط لى كرفته وصوروى كنت مبلول كلى كان ضربتنى مطره فى الشارع الصباح جيت الجامعة وكنت اسكن البركس داخلية النيل الازرق لقيت صورى فى كل مكان مع مرشحى الاتجاه الاسلامى وتحت صورتى متحدث لبق وما عارف خطيب بارع بالمناسبة كنت وجيه الجكس فى داخليتهم قلعوا الصور شالوها!!!
|
Post: #319
Title: Re: نجوم اركان النقاش في نشاط الجامعة في ذلك الزمان...!!!
Author: عاصم ابوبكر حامد
Date: 06-05-2009, 08:21 PM
Parent: #93
كيكى يا رائع ..
من نجوم اركان النقاش فى زمننا ايضا ..
التعايشئ حزب امة ..
وائل طه ج د
عصام عبدالله حركات مسلحة
ابراهيم الماظ شعبئ
نزار وطنى
عمار وطنى
الكباشئ انصار سنة(اى جناح ما عارفه)
وسوف اتذكر الباقى لاحقا ...
جامعة الجزيرة علي الخط
Quote: نحن دخلنا سنة 97 سنة الإجازة الشهيرة بتاعة الجهاد
كان من أشهر الكوادر التي عاصرناها |
سلام يا ابوحميد
اخبارك شنو وعامليين كيف مع قاهرة المعز ..
واخبار شباب القاهرة ..
قريبا سوف يكون معك بعض اللوردات ..
بالله انت جامعة الجزيرة...
فرصة سعيد ..
لكن اركان جامعة الخرطوم ابقى بعيد منها ..لانها جد صعبة وما بتقدروا عليها ...
نحن ناس المين وانتو ناس الكافتريات ..
تحياتى لكم يا حبيبنا كيكى وابقى عشرة على البوست دا ..
|
Post: #149
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:54 AM
Parent: #92
Quote: جمعية الحب بلا مسئولية
|
شبكة بالله نورنيا
باقي احنا كلامات حب وماحب دي ما كنا بنشوفها الا في افلام سينما النيل الازرق
|
Post: #144
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:34 AM
Parent: #89
Quote: والله دى زكريات عجيبة واحده من هفوات
ابراهيم فتح الرحمن مرة عاوز يوصف مسيرة بتاعت كيزان بضعف عدد المشاركين
قام قال مسيرة عاملة ذى ضنب الككو
بعد الركن محسى قال ليهو يا ابراهيم ضنب الككو ده مش طويل؟؟؟ |
بس الحمد الله الما سميتهو ابراهيم ضنب الككو.. ههه
وابراهيم ده ياسهام شكلو عاوز حلقة براهو كده..
وياربي وين الزول ده حسع ..؟؟؟
|
Post: #102
Title: Re: نجوم اركان النقاش في نشاط الجامعة في ذلك الزمان...!!!
Author: بخاري عثمان الامين
Date: 05-24-2009, 12:52 PM
Parent: #19
شبكة
شيراز محمد عبد الحي
عماد الامين
|
Post: #105
Title: Re: نجوم اركان النقاش في نشاط الجامعة في ذلك الزمان...!!!
Author: صلاح ليون
Date: 05-24-2009, 01:22 PM
Parent: #102
يا كيكي .. ياخ ما نسينا فتحي البحيري
عضو البورد واسكول 88 .. برضو كانت ليهو
صولات وجولات .. بالذات مع صوته الأجش وهامته العالية
التحية ليك يا عزيزنا البحيري..
|
Post: #106
Title: Re: نجوم اركان النقاش في نشاط الجامعة في ذلك الزمان...!!!
Author: Ahmed al Qurashi
Date: 05-24-2009, 02:18 PM
Parent: #105
الأخ العزيز / عبدالكريم الأمين
لك التحية والود
لقد هيجت في دواخلي الكثير من الذكريات واللواعج التي ارتبطت بتلك الفترة التي انتمينا فيها إلى ذلك الصرح الكبير جامعة الخرطوم ... استمتعت كثيرا بهذا البوست وبالذكريات التي أصبحت تجمعنا وتجعلنا أكثر تماسكا وحبا لهذا الوطن ولكننا كنا في ذلك الوقت أكثر تفاؤلا ... كنا نتمنى أن نعيش في وطن يحفنا بالأمن والطمأنينة والحرية ،ولكننا وجدنا أنفسنا بعيدا عنه بعد أن أغلقت في وجهنا كل أبواب الرزق الحلال لا لسبب إلا لأننا أحببنا وعشقنا هذا السودان وكنا ننشد الحرية والديمقراطية والعيش الكريم لأبنائه ، في نظرهم ارتكبنا إثما وذنبا ،إن لم يكن كفرا، فكان النصيب الاعتقال والتشريد والفصل من الخدمة ، حاسبونا عزيزي كيكى على كل كلمة حق قلناها في تلك الأركان ...وفى النهاية وجدنا أنفسنا في الغربة ولقد مضى من العمر الكثير سرقت الأحلام وهدمت الآمال ... وأكثرنا تشاؤما عزيزي كيكى لم يكن يتصور أو يتوقع أن يصبح هذا هو حال السودان الذي عشقناه وأحببناه ، مزقوا السودان وكذلك دواخلنا ونفوسنا بالألم والحزن والغربة والظلم ...
أسف عزيزي كيكى إن خرجت قليلا عن موضوع هذا البوست فلقد شعرت إن جيلنا مستمع جيد فانتهزتها فرصة لأخفف عن نفسي بعض الألم فلسنوات طوال تعودت على الكتمان والصبر على الألم وهربت إلى الحقيبة التي انستنى كل هذه المخازى ولو إلى حين ...تجاهلت كل النداءات في هذا المنبر بالعودة إلى العمل السياسي ولكنني لا أرى نورا في نهاية النفق وأتمنى أن يكون العيب في عيوني فلقد أتعبهم البكاء على حال هذا الوطن...
| Quote: (ومقولته الشهيرة عن الكيزان يفوقون سوء الظن).... |
هذه العبارة هي للأستاذ محمود محمد طه وكنت معجبا جدا به ولقد تأثرت باركان النقاش التي كان يقيمها الأخ عمر القراى وكنت من المداومين على أركانه وطريقته في إدارة النقاش ..
لا أنسى في هذا البوست الأخوة في مؤتمر الطلاب المستقلين الذين علموني فن إدارة أركان النقاش أولهم الأخ صلاح الفادنى والذي كنت اذهب إليه في كلية الزراعة لأتعلم منه، وكذلك الأخ إبراهيم الشيخ عبدالرحمن حيث أقمت أول ركن نقاش في السنتر معه مما اكسبني بعض الخبرة والشجاعة وأيضا الأخ وليد الشيخ (كلية الاقتصاد ) والذي تعلمت منه الكثير، وقبلها زملائي في كلية الطب الأخ محمد الرشيد شداد ( حاليا اخصائى انف وأذن وحنجرة ) حيث هو أول إنسان قدمني في ركن للنقاش في داخلية حسيب ... واذكر أيضا الأخ محمد احمد المبارك (حاليا اخصائى الأمراض النفسية بانجلترا ) والذي كان يمدني بالمعلومات عن أحداث الجامعة وتاريخها حيث كان لنا الشرف في إقامة أول ركن نقاش لمعارضة هذا النظام ، وكذلك الأستاذ سيف الدولة احمد خليل العضو بهذا المنبروالذى استفدت منه الكثير والدكتور محمد جلال هاشم والذي كان يدهشنا بمنطقه وقوة حجته ... ولا أنسى المهندس عمر يوسف الدقير والذي كان خطيبا بارعا ومتحدثا لبقا .... ومن جيلنا في مؤتمر الطلاب المستقلين الأخ عادل عبدالعزيز من كلية الاقتصاد وهو عضو بهذا المنبر والأخ قاسم القواس
أما الجيل الذي الذي أورثناه هذا النشاط الطلابي فكان الأخ محمد فاروق والعزيز بابكر عبدالله (بيكو) من كلية الهندسة الأخ سيف من كلية الطب والعزيزالاديب أبكر ادم إسماعيل من طب الأسنان ..
من التنظيمات الأخرى كان الأخ نزار ( شفاه الله ) من المتحدثين اللبقين في الجبهة الديمقراطية وكذلك الأخ العزيز عبداللطيف من كلية الاقتصاد أما العزيز إبراهيم فتح الرحمن فلقد جمعنا الكثير من العمل المشترك .. وأيضا الصديق المأمون عبدالله أبوسن وهو عضو في هذا المنبر والأخ محمد الرشيد والأخ خالد عايس وهم من اصدقائى في كلية الطب ...
أما تنظيم الأنصار فكان متحدثهم في ذلك الوقت الخريج صديق بولاد والأخ عبدالنبى من كلية العلوم ولا أنسى الأخ صلاح الجلال وهو من طلاب الجامعات المصرية .
وكان الأخ ساطع هو المتحدث باسم الناصريين والأخ حيدر هو المتحدث باسم جبهة كفاح الطلبة ...
أما الاتجاه الاسلامى فكان أول المتحدثين الخريج محمد طه محمد احمد له الرحمة والمغفرة وكذلك الأخ محمد إبراهيم الفكي وكان خريجا أيضا من كلية الاقتصاد والأخ حاتم عبدالفاضل من كلية الطب وعلى عبدالفتاح له الرحمة والمغفرة ..
لنا عودة عزيزي عبدالكريم لتناول بعض الطرائف في أركان النقاش.
واعتذر لان الذاكرة أصابها بعض الوهن فخذلتني في بعض الأحيان لكل من كان نشطا وخطيبا في تنظيمه ولم تسعفني باسمه .
مودتى لكم جميعا
|
Post: #107
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-24-2009, 02:30 PM
Parent: #106
اجمل زول في اركان النقاش
هو الرفيق ابراهيم عبدالحفيظ صاحب المقولة الشهيرة
ونحن بنقول للايدي العابثة في الظلام اذا طلعنا من الجامعة ما حانقيف الا في القصر الجمهوري
|
Post: #108
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-24-2009, 02:32 PM
Parent: #107
الشهيد علي عبد الفتاح
عنده اركان نقاش جميلة
|
Post: #109
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-24-2009, 02:33 PM
Parent: #108
المرحوم
محمد طه محمد احمد
صاحب عبارة الاحزاب الكرتونية
|
Post: #110
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-24-2009, 02:37 PM
Parent: #109
عبداللطيف عثمان من اقتصاد كان ممتاز
وعادل عثمان من هندسة خطابي خطير
|
Post: #111
Title: Re: نجوم اركان النقاش في نشاط الجامعة في ذلك الزمان...!!!
Author: عمر الحبر
Date: 05-24-2009, 03:25 PM
Parent: #110
السلام عليكم يا كيكى وانت دائما تلمس فى دواخلنا ذكريات تلك الايام الرائعة
التى لا تنسى والتحية لكل المشاركين معك فى البوست واخص الرجل الرائع الذى
افخر بمعرفته . الرجل الذى كان علما فى تلك الفترة هو صديقنا العزيز الدكتور
احمد القرشى .
تعرف يا كيكى ونحن برالمة وبعد الانتفاضة بى فترة بسيطة سير الاتحاد مسيرة
الى السفارة المصرية لتسليم السفير مذكرة فيها مطالبة بتسليم جعفر نميرى
وفور دخول رئيس الاتحاد انذاك عمر يوسف الدقير الى السفارة وامكن ما تم دقيقتين
بدا ساطع يخطب عبر مكبر الصوت مخاطب جمهور المسيرة وقال
ان السيد رئيس الاتحاد بالداخل ولا ندرى ماذا يجرى هناك وسوف لن نبرح هذا
المكان حتى يخرج السيد رئيس الاتحاد سالما
وكان هذا الخطاب بطريقة الهبت حماسا شديد وسط الطلاب وامكن الناس ال حضرو ساطع
يتخيلو طريقة المخاطبة وزى ما قال احد المتداخلين فى هذا البوست ساطع كان فى
الخطابة ابرع كثير من النقاش فى الاركان
|
Post: #112
Title: Re: نجوم اركان النقاش في نشاط الجامعة في ذلك الزمان...!!!
Author: احمد الامين احمد
Date: 05-24-2009, 04:22 PM
Parent: #111
Quote: تعرف يا كيكى ونحن برالمة وبعد الانتفاضة بى فترة بسيطة سير الاتحاد مسيرة
الى السفارة المصرية لتسليم السفير مذكرة فيها مطالبة بتسليم جعفر نميرى |
سرت فى هذه المظاهره لكن عند رجوعنا للجامعه فى اليوم التالى نبهنا احد المحاضرين ان نميرى لم يخرج من السودان رغم ما ظنناه انتفاضه الان بعد هذه السنوات يتضح صدق هذا المحاضر المهاجر الان بكندا بالفعل نميرى رغم سقوط حكمه ظل بالسودان عبر مخالبه وسدنته الذين عجزت ما يسمى بالانتفاضه عن كنسهم حتى عادوا للحكم مجددا عبر انقلاب ..............وهاهو السادن سبدرات وزيرا للعدل وبدريه سليمان مستشاره وكذلك بدر الدين سليمان وابو القاسم محمد ابراهيم وعلى عثمان ومنصور خالد وكل من اسهم بنصيب فى مايو وتخريب الحياه السودانيه هاهم جميعا حكاما ببلادنا بل يرتفع علم " تحالف قوى الشعب العامله " الوجه الاخر للاتحاد الاشتراكى سى الصيت يرتفع عاليا خفاقا فى سماء الخرطوم وغيرها من مدن السودان ويقبح وجه التاريخ كما قال مظفر النواب ..
وما أقبح التاريخ بوطنى الذى يسير بحركه دائريه فى " وطن ارخص مافيه الانسان " او كا قال الشاعر فضيلى جماع فى احدى خرائده القديمه ...
|
Post: #164
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 04:52 PM
Parent: #112
Quote: وهاهو السادن سبدرات وزيرا للعدل وبدريه سليمان مستشاره وكذلك بدر الدين سليمان وابو القاسم محمد ابراهيم وعلى عثمان ومنصور خالد وكل من اسهم بنصيب فى مايو وتخريب الحياه السودانيه هاهم جميعا حكاما ببلادنا بل يرتفع علم " تحالف قوى الشعب العامله " الوجه الاخر للاتحاد الاشتراكى سى الصيت يرتفع عاليا خفاقا فى سماء الخرطوم وغيرها من مدن السودان ويقبح وجه التاريخ كما قال مظفر النواب ..
|
احمد سلام
وبمناسبة سبدرات دي
انا سمعت من الاوائل انو سبدرات ده زاااتو كان بتاع اركان نقاش
وجيله هو والشاعر كامل عبد الماجد هم الذين ادخلو لغة جديدة في اركان النقاش
وحكاية (انا زي داير اقول) والحتة دي جابوها سبدرات وكامل عبد الماجد
|
Post: #114
Title: Re: نجوم اركان النقاش في نشاط الجامعة في ذلك الزمان...!!!
Author: Shiraz Abdelhai
Date: 05-24-2009, 05:31 PM
Parent: #111
سلام كيكي صاحب البوست وكل المتداخلين......
الذين أدهشونى بذاكرتهم وسردهم للاحداث السياسيه فى الجامعه وكانها دارت بالأمس
بل حتى تذكرهم للعبارات الشهيره لكل كادر خطابي.....
اليومين دي...فى نعمة توثيق واقعه علينا.....
وافتكر فعلا ده وقتها المناسب........
لأن هناك من يحاولون الفكاك من التاريخ ودروسه....
يحاولون طمس النضالات ....وكتابة تاريخ جديد.....
يضم بطولات وهميه لشخصيات جديده يخلدون بها ذكراهم .......
البوست يا عزيز اهميته جايه من فكرة انو بيضم معلومات ..لو جمعت حتلقاها بتحكى
تاريخ النشاط الطلابي الحديث منذ الثمانينيات والى بداية الالفيه الجديده.....
فشكرا لهذه الفكره الجهبوذه ....
دخلنا الجامعه فى 93...وكان النشاط محظور بعد معركة المقاطعه التى لم نحظ بشرف المشاركه فيها...
وكانت الأركان تقتصر على دار الاتحاد....وبعض من الجلبه فى داخليات البركس ليلا!!
اول ركن احضره وانا برلومه...لسه عودى اخضر...كان لمحجوب حسن حماد...متحدث الجبهه الديمقراطيه
كان سينير سكول اوف ماث.....
ثم جاءت معركة الاستفتاء.....
ورجع النشاط واحنا فى سنه تانيه؟؟......وهاك يا أركان......
من الجبهه الديمقراطيه....محمد اشرف..محاسن بت شندي الجسوره....ومنى عبد اللطيف من تربيه
على موسي.....ولاحقا...عمار الباقر من بطرى...وصالح ميرغنى...عبقري هندسه.....
من طب....سينيرناالخطيب الذي تتلمذنا على يديه...عماد الأمين...
وخالد البرلوم.......
لهم جميعا التحيه...والاحترام...والشوق الكثير....
..ايام لا تنسي....صدحت الحناجر بمحجوب شريف وحميد....والواحد واقف على رجليهو لساعات وساعات متتاليه...
دون تعب ...والحركه الطلابيه...لا تخذلك ابدا..مستعدين يقعدوا ويناقشوا بلا ملل ....
ويقيفوا فى الاركان فى عز الحر ...ورغم الترهيب المتواصل من الكيزان ...بالذات اثناء الايام الملتهبه
انتخابات او معارك سياسيه..........
لا يتزحزحوا بالرغم من الخطاب التخويفى والعنف الكيزانى ....واحاطة المواكب الكيزانيه المنفوخه بالستيرويد لأركان التنظيمات الوطنيه.......
""الله أكبر عاصفه على الكفار ناسفه"....وبرررضو تلقى الطلبه قاعدين القرفصاء....
يتابعوا الركن ولا يحركوا ساكنا.....
التحيه للشباب وهم يحملون مشاعل النضال باياديهم الخضراء...والتحيه للجامعات السودانيه
تفرخ الجيل بعد الجيل من المناضلين الشرفاء...والطلاب الواعين والمهمومين بقضايا الوطن....
....يعنى يا كيكي قربت ادق ركن هنا مش؟؟؟
-------------------------
مشتاقين يا بخاري!!نجلاء كيف؟؟
وينك يا خالد عويس ووين أيامك؟؟
|
Post: #117
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-24-2009, 07:00 PM
Parent: #114
شيراز إزيك..والله مشتاقين ليك ولكل الاخوة والاخوات ومشتاقين لأيام الجامعة
ذكرتيني والله علي موسى وعمادالأمين
وأذكر أيضا محمد السني (الاتحادي الديمقراطي)
أيام يا شيراز.
لا زلت أذكر مخاطبة التجمع يوم اعتقال الشهيد محمد عبدالسلام ومسيرتنا لمكتب مدير الجامعة آنذاك (بروفسير الزبير بشير) وقابلناه أنا - عن حزب الأمة - وأنت - عن الجبهة الديمقراطية - وأيمن خالد - عن الاتحادي - وأظن شول - عن الجبهة الوطنية الإفريقية -.
|
Post: #118
Title: Re: نجوم اركان النقاش في نشاط الجامعة في ذلك الزمان...!!!
Author: Siham Elmugammar
Date: 05-24-2009, 07:28 PM
يا كيكى ململت الناس
هسه انا اسلم على منو و الا ارد على منو والا منو؟؟
اولا بدرالدين سلام ساعدنا بالصور يااااخ
احمد الامين كلامك 100% ياخ من يوم الدكتور بقى رئيس مجلس الانفاضة كانت طارت طارت
شيراز اذيك يا بت وكيف حالك ؟؟؟
بتذكرك يوم كده كان فى احداث فى الجامعة فى زمنكم و جيتى بيتنا مع هيام
وكان عندك صداع فظيع شفقتى كل من كان بالبيت
اتذكرت رقدتك فى السرير و انتى ماسكة راسك
والحجة امى قاعدة فى كرسى جنب راسك
ما عرفة اللحظة ديك كنت بتذكر ايام استشهاد
بشير سليم و التاية
|
Post: #122
Title: Re: نجوم اركان النقاش في نشاط الجامعة في ذلك الزمان...!!!
Author: Ibrahim_Elhag
Date: 05-24-2009, 08:57 PM
Parent: #118
كيكي يا حبيب
سلام كثير
ياخي ما مكن تأكل حق ناس الآداب سهوآ كدا! ضهر التور دا ملكيته حقتنا وطالبين حبيبنا بكري حق الباركن بأثر رجعي.... هاها.
من عمالقة الآداب:
صديق خاطر
معتصم بيضاب
ياسر المدني
عصام السمين
بكري جابر
وأحبه آخرين أناروا ساحات الجامعه طولآ وعرضآ:
غسان جعفر ...وخطوط مساء الخير
حاتم صديق
وصديق الجميع الحي بشير الطيب
ويعدنا جيل ...." الجبهه ولاده " ، المقوله العميقه
أميز المتحدثين للجبهه الديمقراطيه بالنقاش الفكري إن جاز المصطلح:
عبد اللطيف عثمان-إقتصاد
أحمد عثمان - قانون
لهم جميعآ المحبه الدائمه أينما حلوا وكيفما عاشوا...
ولك، تحياتي لتوثيق الناس الجميلين ودورهم الكبير في مد جسور الإستناره وفتح مداركنا لقضايا الوطن.
|
Post: #172
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 06:38 AM
Parent: #122
Quote: ياخي ما مكن تأكل حق ناس الآداب سهوآ كدا! ضهر التور دا ملكيته حقتنا وطالبين حبيبنا بكري حق الباركن بأثر رجعي.... هاها.
من عمالقة الآداب:
صديق خاطر
معتصم بيضاب
ياسر المدني
عصام السمين
بكري جابر |
يا ابراهيم سلامات ياخي ومشتاقين
وايوووه يا ابراهيم الذكرتهم ديل بالتاكيد كانو طلاب ناشطين بصورة ملحوظة
وفي لحظات اعتلاهم منصات النقاش يظهر منهم وعي عالي وثقافة عميقة... وصديق خاطر كان مناقش مرتب الذهن وعالي الجدية...
...
وياخي بكري جابر ده وين..؟؟ فالرجل دفعتي لزم منذ ايامات النيل الابيض الثانوية
ومنذ ذلك الزمن كان كثير الاطلاع والمواكبة وزول عالي الترتيب..
تحياتي يا ابراهيم
وبالله تحياتي الخاصة للاخ الصديق الراقي ابراهيم باخت بطرفكم في واشنطون
|
Post: #124
Title: Re: نجوم اركان النقاش في نشاط الجامعة في ذلك الزمان...!!!
Author: علاء الدين صلاح محمد
Date: 05-24-2009, 09:07 PM
Parent: #118
Quote: اظرف تعليق سمعته عنه كان من رجاء القاضي قالت لي: انت عارف ابراهيم دا حقو يجمدو في ركن
ويختو في المتحف!
انا كنت بعمل الكولينق في شمبات مع حسن عطية لارهاب الكيزان، ما حدش يهود ناحيتنا! |
التحية للاخت رجاء القاضي
اخبارها في السودان ام خارج السودان
فعلا حسن عطية وبرغم انو زول رقيق و طولوا شبر و ممكن تاخدوا في جيب القميص
بس والحقيقة تقال كان بيعمل ارهاب شديد للكيزان وبعدين نسيت محمد طه مالك
ده كان فردة حسن عطية
التحية لهم جمعيا
اعتقد الاستاذ حسن عطية في السودان (الدمازين)
وكذلك د. محمد طه جامعة الجزيرة
و بعدين يا بدر الدين ما في كيزان كانو بيعملوا ارهاب للتظيمات الاخرى ؟؟
ان اديك اتنين من كودار السيخ محمد صالح والصادق ( ما في داعي للتعريف الكامل)
|
Post: #125
Title: Re: نجوم اركان النقاش في نشاط الجامعة في ذلك الزمان...!!!
Author: علاء الدين صلاح محمد
Date: 05-24-2009, 09:14 PM
Parent: #124
الاستاذة منى توالت بدري و مع وفد المقدمة (تذكرو وفد المقدمة) وهي عضوة برلمان عن الحزب الاتحادي المتوالي .
على ما اذكر ان الاستاذة سارة عيسى كانت قد ذكرت الاستاذة منى فاروق في احدي مقالاتها/مداخلاتها على صفحات هذا الموقع
|
Post: #126
Title: Re: نجوم اركان النقاش في نشاط الجامعة في ذلك الزمان...!!!
Author: haleem
Date: 05-24-2009, 10:00 PM
Parent: #125
الزمان أوائل العام 1984
انتظمت قوى الحركة الطلابية في تحالف التنظيمات الوطنية بهدف الوصول إلى الإتحاد
الاستراتيجية كانت تقتضي اسقاط الكيزان في انتخابات الروابط والجمعيات الاكاديمية بالكليات
جاءت انتخابات كلية العلوم
أعد الاتجاه الاسلامي عدته لهذه المعركة التي ستكون المؤشر لموقف التحالف في بقية الانتخابات
أعلن الاتجاه الاسلامي عن قيام مناظرة بكلية العلوم بين الجميعابي والحاج وراق كممثل للجبهة الديمقراطية...
الاتجاه الاسلامي ولتحالفه مع نظام نميري ظل يعتمد على كوادره من خارج الجامعة مثل الجميعابي ومحمد طه-رحمه الله
إمتلأ الميدان الشمالي لكلية العلوم عن آخره -خصوصا من صفوفنا ..نحن برالمة ذلك العام ..في انتظار البدء
الفرصة الآن لمحمد محي الدين الجميعابي وبطريقته المسرحية يرفع الى الطاولة شنطته السمسونايت المليئة بالمستندات كما يزعم..
الحاج وراق يبدي اعتراض على الشكل الذي تمت به الدعوة للمناظرة..حيث أن الدعوة وجهت له بالإسم..بينما المفترض أن توجه الدعوة
للتنظيم..والتنظيم حينها يقرر من يمثله..ولذلك يعلن أنه لن يشارك
الجميعابي يواصل..ويخرج ورقة من شنطته ليقرأ منها(إن الاتحاد الاشتراكي هو الوعاء الذي....إلخ) ثم بلتفت الى الطلاب..أتعلمون من هو
قائل هذه الكلمات...من هو؟؟ من؟؟ هو الحاج وراق الطالب بمدرسة رفاعة الثانوية...تسري الهمهمة بين الحضور
الحاج وراق يواصل الامتناع...كما يعترض على التصوير بكاميرا الفيديو التي تم نصبها...وتتواصل الليلة على ذلك المنوال
أقيمت بعد ذلك انتخابات كلية العلوم التي تساوت فيها الاصوات بين التحالف والاتجاه الاسلامي..وتتم اعادتها ليفوز التحالف..ويتوالى فوز
التحالف في بقية الكليات..الاقتصاد ثم القانون...الى أن فاز التحالف بانتخابات اكتوبر 1984 ..اتحاد الانتفاضة
|
Post: #127
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:31 PM
Parent: #126
ياخ بصراحة يا شباب لمة مدهشة وملهمة
وامطار الزمن الجميل نزلت كالمطر...
وبجيكم واحد ونحلق معا صوب اجمل الامكنة والازمنة...
وسيرة بكري جابر الجا فوووق دي ياابراهيم تدوزن سيرة سنين وسنين
منذ ايام الثانوي العالي
وبجيكم مع كل الحب والتقدير للجميع
|
Post: #128
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-24-2009, 10:58 PM
Parent: #127
Quote: فقد كان صديقي الرشيد كردم (مساحة) مهووسا بالنشاط
وعندما طردتنا الحرب من جوبا استقبلتنا جامعة الخرطوم كلية العلوم قسم الجيولوجيا بكل ترحاب
بكري أبو بكر كان أمامنا بسنة
ورغم درش دكاترة الجيولوجيا إلا أنني لم أكن أفوت أي سانحة لحضور ركن نقاش وخصوصا أحمد القرشي
غادرنا جامعة الخرطوم في أخريات العام 1991م.
جامعة جوبا طبعا كان لها نشاطها العريق والعتيق وكان لها كوادرها الخطابية
واذكر منهم على سبيل المثال لا الحصر :
جماعة الدعوة الإسلامية :
محمد صديق (طب)
عابدين فضل المولى (تربية)
عبد الإله كنه (طب)
الجبهة الديمقراطية:
طه كروم (طب)
محمد حلا (تربية)
أروب
جون كايرو
إنعام محمد علي (اقتصاد)
عبد اللطيف (اقتصاد)
نوال كامل
حمزة حجاج
مؤتمر الطلاب المستقلين
زاهر عبد الرحيم
المرحوم أبو زيد عبد الله قبل أن يتحول للكيزان.
جعفر دفع الله
الحاكم
عبد الرحمن (اقتصاد)
حزب الأمة
حمزة سليمان
عبد العزيز روبرت
بشير ليما تقلي (طب)
رضا منصور (تربية)
حزب البعث
محمد عثمان أبو طويل
عبد العظيم الحلبي (شندي)
رابطة الطلاب الجنوبيين
كويل
وآخرين
رابطة الطلاب الاستوائيين
نسيت
الجمهوريين
عبد الله عابدين (طب) |
الف سلام ياجعفر
وحبابك وحباب سيرة نجوم جامعة جوبا الجميلة..
ويا جعفر طبعا ديشليون مرة قاعد اتفرس في صورتك في هذا المنبر وكل مرة بدق في الصلعة دي
وبرجع... ولكن الليلة بسيرة المهندس الرشيد كردم الزاكرة ظبطت تماما
وانت يا زول ياكا جعفر الدفعة القدامنا في النيل الابيض الثانوية ...
وصاحب الاسطوري اسماعيل المان وهو ابن عمي وسنيرنا في النيل الابيض الثانوية
وهو الان بخير وعافية وتجول في مهن كثيرة بوليس ثم مقاول ثم فورمن ثم سائق شاحنات كبيرة في طريق بورتسودان...وتزوج واب لاطفال جميلين خلاص...
لك التحايا ياجعفر وحبابك وحباب سيرة ابناء جامعة جوبا
وكنت متخيل اشوف اسم صحبي (عبداللطيف) العاضيهو كلب ههه
فالقنا في المنبر ده وبالله طلع ما بتاع اركان نقاش
وحاتم يوسف ايضا... صحباني طلعو فصاحة اسافير ساااااكت ههههه
وكل الود ياجعفر
|
Post: #129
Title: Re: نجوم اركان النقاش في نشاط الجامعة في ذلك الزمان...!!!
Author: Al-Sadig Yahya Abdall
Date: 05-24-2009, 11:26 PM
Parent: #128
قلت لي منو السمين يا ابرهة؟؟؟
قول الحقيقة...
فعلا كيكي و اخوه اكلو حقنا في الاداب... تخيل نسوا صحبك عادل محقر و جاكاته... و صاحب المداخلات أحمد جعفر
رغم عدم انتمائه الظاهري لاي تنظيم،،، و نسوك انت شخصيا يا ابراهومة... أكيد عندك مخزون يفوقني لعامل السن و كدا...
الصادق
كلية الاداب 86-92
(دفعة ابراهيم بتاع فرجينيا)
|
Post: #130
Title: Re: نجوم اركان النقاش في نشاط الجامعة في ذلك الزمان...!!!
Author: طارق جبريل
Date: 05-24-2009, 11:45 PM
Parent: #129
يا هندسة نخش ليكم على مصر
- صلاح ابو جبر (جبهة ديمقراطية)
- صلاح جلال (حزب امة)
- ابوبكر شبين (اتجاه اسلامي)
وبجيك راجع لي ناس مصر
لانه كان فيهم فطاحلة كبار
خصوصا اخونا عادل الجعلي الله يطراه بالخير
كان عكليت في النقاش حتى سرت مقولة انه لو في ندوة في ام مغت
عادل دة بيمشي يحضرها ويرجع الزقازيق
هههههههههههههههه
|
Post: #131
Title: Re: نجوم اركان النقاش في نشاط الجامعة في ذلك الزمان...!!!
Author: بكرى ابوبكر
Date: 05-25-2009, 02:15 AM
Parent: #130
سلام جاكم
بوست جميل من ايام الزمن الجميل خلت الواحد يرجع شباب
شكرا كيكى لهذا البوست و سعيد ان اتداخل فيه بكلمتين رغم الزحمة الواقع فيها لكن .......معظم المتداخلين لم يذكروا اقوى الركان واجملها و التى كانت تصقل عقلك فكريا و سياسيا مثل اركان الاستاذ عمر القراى و الاستاذ الدالى فقد كان اركانهم تبور كل الاركان الاخرى و يحضرها معظم الطلاب و جمهور كبير من خارج الجامعة لذلك كانت تقام فى الميدان الشرقى لكلية الاداب المقابل لقاعة الامتحانات .....كان يمتلى ذلك الميدان قبل بدا الركن فى الساعة 11 صباحا و يستمر الى 2 او 3 عصرا و نفقد فيه وجبة الغداء الدسم بالبركس . يا لها من ايام جميلة ....كانت اركان الدالى والقراى شاملة فكريا و سياسيا و ما اجملها عندما يتداخل معاهم الاستاذ الراحل محمد طه محمد احمد....كذلك ركن عمر الرحمن من الاتجاه الاسلامى كان يمتاز ركنه بقله التهريج و الوعيد مقارنة بزملائه من الاتجاه الاسلامى......الاستاذ عمر عبدالرحمن كان قائد المعركة الخطابية اى كان يعبى المقاتلين من الاتجاه الاسلامى فى احداث فبرائر 84 والتى دعى قواتهم من طرد و تحرير الجامعة من ناس الجبهة الديمقراطية و بقية التنظيمات .... ياربى اين هذا الشخص الان ؟؟؟؟ وهل هو الان شعبى و لا وطنى؟؟؟؟
كمان شايف مافى شخص ذكر اركان ماجدولين عبد الرحمن من الجبهة الدمقراطية وزينب عباس صاحبة اقوى CALL , والتى كان يلقبها ناس الاتجاه الاسلامى بزينب الشيطان نسيت لماذا كان يلقبها الاخوان المسليمن بهذا الاسم المتذكر يذكرنا سبب الاسم..؟؟؟......
شكرا يا شباب
|
Post: #132
Title: Re: نجوم اركان النقاش في نشاط الجامعة في ذلك الزمان...!!!
Author: Amin Mohamed Suliman
Date: 05-25-2009, 03:27 AM
Parent: #131
أخونا عبد الكريم ، سلام
حسب ما ورد في البوست ، إنت مفروض تكون دفعه ناس حسن محمود و محمود الأسد و وليد اب تله و ناظم و إبراهيم أب سمره و وليد القرود و الشباب ديل ! لو ده صحيح معناتو أنا وراكم بدفعه ( إقتصاد ).....
ما شالله عندك ذاكره حديديه ، لو بتذكر كان في و أحد اصفرانى كده من أولاد هندسه بجي قبل أركان الجبهه الدمقراطيه بقرا شعر و يسخن بالناس قبل الركن ، إسمو حاجه كده إسماعيل ، الزول ده اتذكرتو ؟
|
Post: #181
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 10:16 AM
Parent: #132
Quote: حسب ما ورد في البوست ، إنت مفروض تكون دفعه ناس حسن محمود و محمود الأسد و وليد اب تله و ناظم و إبراهيم أب سمره و وليد القرود و الشباب ديل ! لو ده صحيح معناتو أنا وراكم بدفعه ( إقتصاد ).....
ما شالله عندك ذاكره حديديه ، لو بتذكر كان في و أحد اصفرانى كده من أولاد هندسه بجي قبل أركان الجبهه الدمقراطيه بقرا شعر و يسخن بالناس قبل الركن ، إسمو حاجه كده إسماعيل ، الزول ده اتذكرتو ؟ |
هلا يا امين
انت بتعرف الناس القلتهم فووق ديل اذن انا بعرفك دون شك او تردد..لانو ديل دفعتي وخشينا الجامعة سوي
وطبعا واحد منهم معانا في البوست ده وكتب كم مداخلة ولو عرفتو فلك الف ناقة اسفيرية..
ناظم نسعد ونطرب بصحبته الان وهو في الدوحة وابو تلة كان ايضا مقيما بها ولكن ماعارفو وين اليومين دي
ابو سمرة الشين عضو المنبر ده وكسول وننوم اضاحي اسفيرية..
ويا امين تحياتي ياخ وانت زولي تبب ما دام فردي هم فردي.. واكيد بنكون اتقاطعنا في ركن من اركان الجامعة..
زول الهندسة بتاع الشعر الكويسة انو حامد الصاوي جاب ليك خبرو...
قالوا نميري لقي رئيس روسيا وقال ليهو بتعرف نقد..؟؟
اها انت مادام زول اقتصاد فدحين بتعرف نادر ابوكدوك وامير بابو وايهاب عليه الرحمة
والصادق محمد عثمان ود بزينس...
|
Post: #180
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 09:36 AM
Parent: #131
Quote: سلام جاكم
بوست جميل من ايام الزمن الجميل خلت الواحد يرجع شباب
شكرا كيكى لهذا البوست و سعيد ان اتداخل فيه بكلمتين رغم الزحمة الواقع فيها لكن .......معظم المتداخلين لم يذكروا اقوى الركان واجملها و التى كانت تصقل عقلك فكريا و سياسيا مثل اركان الاستاذ عمر القراى و الاستاذ الدالى فقد كان اركانهم تبور كل الاركان الاخرى و يحضرها معظم الطلاب و جمهور كبير من خارج الجامعة لذلك كانت تقام فى الميدان الشرقى لكلية الاداب المقابل لقاعة الامتحانات .....كان يمتلى ذلك الميدان قبل بدا الركن فى الساعة 11 صباحا و يستمر الى 2 او 3 عصرا و نفقد فيه وجبة الغداء الدسم بالبركس . يا لها من ايام جميلة ....كانت اركان الدالى والقراى شاملة فكريا و سياسيا و ما اجملها عندما يتداخل معاهم الاستاذ الراحل محمد طه محمد احمد....كذلك ركن عمر الرحمن من الاتجاه الاسلامى كان يمتاز ركنه بقله التهريج و الوعيد مقارنة بزملائه من الاتجاه الاسلامى......الاستاذ عمر عبدالرحمن كان قائد المعركة الخطابية اى كان يعبى المقاتلين من الاتجاه الاسلامى فى احداث فبرائر 84 والتى دعى قواتهم من طرد و تحرير الجامعة من ناس الجبهة الديمقراطية و بقية التنظيمات .... ياربى اين هذا الشخص الان ؟؟؟؟ وهل هو الان شعبى و لا وطنى؟؟؟؟
كمان شايف مافى شخص ذكر اركان ماجدولين عبد الرحمن من الجبهة الدمقراطية وزينب عباس صاحبة اقوى CALL , والتى كان يلقبها ناس الاتجاه الاسلامى بزينب الشيطان نسيت لماذا كان يلقبها الاخوان المسليمن بهذا الاسم المتذكر يذكرنا سبب الاسم..؟؟؟......
شكرا يا شباب |
هلا ياريس وشرفت يا بكري
وحبابك وحباب الزمن الجميل
وياريت يجي زول من الكيزان عشان يحكي لينا حكاية زينب الشيطان دي لووووول
والجمهوريين يا بكري ما حضرناهم وبختكم انتو طبعا استعتمو بالاركان بتاعتهم لمدة سنة
وبعدها القصة قفلت..
الكيزان ياخي موهوبين جدا في التعبئة ومرة من مرات اعلنوا النشاط وبالتحديد المنطقة الامام بورد الجرائد منطقة عمليات
وفي خمسة دقائق عينك ما تشوف الا النور والسيخ دور..
وياريت ياخي كمان يحدثنا احد الاخوان عن دور انصار السنة _كحمامة سلام في ايامات الكعات الرهيبة
وشكل التحاور كان كيف..
وقد برع ونحج انصار السنة في نزع فتيل الكثير الصراعات
|
Post: #179
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 09:30 AM
Parent: #130
Quote: - صلاح ابو جبر (جبهة ديمقراطية)
- صلاح جلال (حزب امة)
- ابوبكر شبين (اتجاه اسلامي) |
هلا يا اركلوجي
وصلاح جلال حضرناهو فقد كان بجينا في الجامعة وفعلا صلاح زول خطر جد ومتحدث بارع شديد..
صلاح ابو جبر ونسنا بيهو صحبك صلاح الامين وقالوا برضو زول مكرب ..
وبالتاكيد شبين البصارع الفطاحلة ديل بكون زول ما هين تب...
عندنا ود اهلنا بكون الدفع القدامو في مصر اسمو فاروق نصر
تبع حزب الامة قالوا كان زول عجيب كورة وخطابة سياسية
وياريت يكون في زول من الاخوان عاصرو عشان يحكي لينا عنو..
...
اسمعني ناس الزناتي وجمال فارح وصلاح
ديل كانو كوادر عكات ولاشنووووو وممكن تضيف ليهم عنكبة هههه
|
Post: #178
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 07:49 AM
Parent: #129
Quote: فعلا كيكي و اخوه اكلو حقنا في الاداب... تخيل نسوا صحبك عادل محقر و جاكاته... و صاحب المداخلات أحمد جعفر
رغم عدم انتمائه الظاهري لاي تنظيم،،، و نسوك انت شخصيا يا ابراهومة... أكيد عندك مخزون يفوقني لعامل السن و كدا...
الصادق |
هلا يا الصادق
وحباب اداب ياخي
وحقكم ياخي ما اكلناهو احنا
حقكم اكلو بكري القدامك ده قعد في ضهر توركم زي ديشليون سنة ولسع ما داير يتفاهم مع الاخوة ناس اداب..
تعرف ابراهيم عصر علي عصام
ومفروض يقول عصام السمين
وابراهيم الشرحو هههههه
تحياتي ياخي
وحاول بالله جرجر سر الختم للموقع ده
اصلا كان زول جميل وبهجة هو صحبة عادل محكر قبل ما عادل ينسخت ويبقي كوزز هههه
عادل ده ياخي زول جميل وصحبي شديد تخيل
|
Post: #176
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 07:43 AM
Parent: #126
| Quote: الى أن فاز التحالف بانتخابات اكتوبر 1984 ..اتحاد الانتفاضة |
هلا يا حليم..
وياريت يا حليم نرصد هنا الدورات بتاعة الاتحاد التي فازت فيها القووي الديمقراطية
وهي مرات بالتاكيد كانت قليلة في ظل سيطرة الكيزان التاريخية علي اتحادات الجامعة..
ودي طبعا برااها دايرة ليها حديث منفصل عشان نشوف معا لييه الكيزان كانو بفوزو كثير,,,
انا غايتو عارف دورة عمر الدقير 84
ودورة اتحاد المحايدين 89
ودورة اتخيل لي سنة 79
وياريت يضيف الجميع زاكرتهم الحية حتي تعم الفائدة
|
Post: #175
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 07:37 AM
Parent: #125
Quote: الاستاذة منى توالت بدري و مع وفد المقدمة (تذكرو وفد المقدمة) وهي عضوة برلمان عن الحزب الاتحادي المتوالي .
على ما اذكر ان الاستاذة سارة عيسى كانت قد ذكرت الاستاذة منى فاروق في احدي مقالاتها/مداخلاتها على صفحات هذا الموقع |
هلا يا علاء
وحبابك
وفعلا الاخت مني فاروق توالت ورايتها موخرا في لقاء الاحزاب السياسية عند مناصرتهم الشهيرة للبشير ايامات قرار اوكمابو
استمعت الي حديثها وراسي بصراحة انقطع وفركت عيوني زي مليون مرة كده حتي اتاكد انها مني فاروق القيادية الصلدة في رابطة الطلاب الاتحاديين في ذلك الزمان
ولكن يبدو انها لعبة السياسة يا علاء الدين
|
Post: #166
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 05:18 PM
Parent: #118
Quote: يا كيكى ململت الناس
هسه انا اسلم على منو و الا ارد على منو والا منو؟؟ |
هلا يا بيير
وتصدقي انا مافي بوست جهجه باكاتي وفرحا بيهو شديد قريبات دي الا البوست ده..
دسم ياخي والبوست غاب وجاب ناس حلويين والاحاديث فيهو ذات شجون ياخي
|
Post: #165
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 05:10 PM
Parent: #114
Quote: ايام لا تنسي....صدحت الحناجر بمحجوب شريف وحميد....والواحد واقف على رجليهو لساعات وساعات متتاليه...
دون تعب ...والحركه الطلابيه...لا تخذلك ابدا..مستعدين يقعدوا ويناقشوا بلا ملل ....
ويقيفوا فى الاركان فى عز الحر ...ورغم الترهيب المتواصل من الكيزان ...بالذات اثناء الايام الملتهبه
انتخابات او معارك سياسيه..........
لا يتزحزحوا بالرغم من الخطاب التخويفى والعنف الكيزانى ....واحاطة المواكب الكيزانيه المنفوخه بالستيرويد لأركان التنظيمات الوطنيه.......
""الله أكبر عاصفه على الكفار ناسفه"....وبرررضو تلقى الطلبه قاعدين القرفصاء....
يتابعوا الركن ولا يحركوا ساكنا..... |
هلا يا شيراز
وحبابك كثير والف مرحب...
وياريت ياخ تواصلي وتدقي لينا ركن هنا علي الاقل نستمتع بما فاتنا ونحن الذين غادرنا مرافي الجامعة
في بدايات التسعينات وضربت سفننا في شواطي المجتمع الكثيف الذي ربطتنا به الجامعة كثيرا...
والحركة الطلابية فعلا يا شيراز صبورة ومتحمسة وحسها عالي الحساسية تجاه القضايا التي تهمها وتهم الوطن اجمعهة لذا تجدها ماشية في سكة نضالاتها وتمد....
والتحية ليكم جميعا انتم من وقفتم في هجير ام نخيل وسخونة احداثها يناقشون طلابها وتساهمون في دور اساسي من ادوار صناعة الانسان الذي عليه الغضب والاحتجاج والهتاف بصوت عالي ضد الشيطان معبود السلطة..
الف مرحب يا شيراز وشكراعلي عبورك بساحة هذا البوست الذي ولع فينا جمر الحي
والاشواق الي ايام رائعة وناس اروع
وكوني بالف خير
|
Post: #163
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 11:45 AM
Parent: #111
Quote: السلام عليكم يا كيكى وانت دائما تلمس فى دواخلنا ذكريات تلك الايام الرائعة
التى لا تنسى والتحية لكل المشاركين معك فى البوست واخص الرجل الرائع الذى
افخر بمعرفته . الرجل الذى كان علما فى تلك الفترة هو صديقنا العزيز الدكتور
احمد القرشى .
تعرف يا كيكى ونحن برالمة وبعد الانتفاضة بى فترة بسيطة سير الاتحاد مسيرة
الى السفارة المصرية لتسليم السفير مذكرة فيها مطالبة بتسليم جعفر نميرى
وفور دخول رئيس الاتحاد انذاك عمر يوسف الدقير الى السفارة وامكن ما تم دقيقتين
بدا ساطع يخطب عبر مكبر الصوت مخاطب جمهور المسيرة وقال
ان السيد رئيس الاتحاد بالداخل ولا ندرى ماذا يجرى هناك وسوف لن نبرح هذا
المكان حتى يخرج السيد رئيس الاتحاد سالما
وكان هذا الخطاب بطريقة الهبت حماسا شديد وسط الطلاب وامكن الناس ال حضرو ساطع
يتخيلو طريقة المخاطبة وزى ما قال احد المتداخلين فى هذا البوست ساطع كان فى
الخطابة ابرع كثير من النقاش فى الاركان |
ياحبرنا يا عظمة
وانت يا حبر خير من يجيد الحديث عن الجامعة عموما ..بكل اشيائها
ونحنا طبعا يا حبر ما حضرنا عمر الدقير وساطع والناس عاديل ولكن عبركم عرفنا بانهم كانو منضمة
وقوي وكارزيما عالية..
وطبعا ما بين كل هذا وذلك كانت هنالك الملحمة وغايتو الملحمة دي الله يديها العافية وطولة العمر لانها
طلعت زي ديشليون مظاهرة كده وبحماس لو البمبان وسلاح العساكر لاكلت العسكر ديل اكل..
والجامعة حرة
والعكسر يطلع بره
|
Post: #162
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 11:13 AM
Parent: #110
هلا ياخلي
وانت قاصد ابراهيم فتح الرحمن بتاع شمبات
وبتاع هندسة ده عادل سيد احمد ياخي..
وبعدين محمد طه محمد حامد كان متخصص وجنو يتكلم عن الميرغني واخوه الراحل..
مهما كان شكل النقاش تلقاهو عمل لفة طويلة كده ودخل ناس الميرغني ديل في القصة
|
Post: #161
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 11:03 AM
Parent: #106
Quote: لقد هيجت في دواخلي الكثير من الذكريات واللواعج التي ارتبطت بتلك الفترة التي انتمينا فيها إلى ذلك الصرح الكبير جامعة الخرطوم ... استمتعت كثيرا بهذا البوست وبالذكريات التي أصبحت تجمعنا وتجعلنا أكثر تماسكا وحبا لهذا الوطن ولكننا كنا في ذلك الوقت أكثر تفاؤلا ... كنا نتمنى أن نعيش في وطن يحفنا بالأمن والطمأنينة والحرية ،ولكننا وجدنا أنفسنا بعيدا عنه بعد أن أغلقت في وجهنا كل أبواب الرزق الحلال لا لسبب إلا لأننا أحببنا وعشقنا هذا السودان وكنا ننشد الحرية والديمقراطية والعيش الكريم لأبنائه ، في نظرهم ارتكبنا إثما وذنبا ،إن لم يكن كفرا، فكان النصيب الاعتقال والتشريد والفصل من الخدمة ، حاسبونا عزيزي كيكى على كل كلمة حق قلناها في تلك الأركان ...وفى النهاية وجدنا أنفسنا في الغربة ولقد مضى من العمر الكثير سرقت الأحلام وهدمت الآمال ... وأكثرنا تشاؤما عزيزي كيكى لم يكن يتصور أو يتوقع أن يصبح هذا هو حال السودان الذي عشقناه وأحببناه ، مزقوا السودان وكذلك دواخلنا ونفوسنا بالألم والحزن والغربة والظلم ...
أسف عزيزي كيكى إن خرجت قليلا عن موضوع هذا البوست فلقد شعرت إن جيلنا مستمع جيد فانتهزتها فرصة لأخفف عن نفسي بعض الألم فلسنوات طوال تعودت على الكتمان والصبر على الألم وهربت إلى الحقيبة التي انستنى كل هذه المخازى ولو إلى حين ...تجاهلت كل النداءات في هذا المنبر بالعودة إلى العمل السياسي ولكنني لا أرى نورا في نهاية النفق وأتمنى أن يكون العيب في عيوني فلقد أتعبهم البكاء على حال هذا الوطن |
سلام يا دكتور
واسمح وبعد سنين عديدة مرت علي جلوسنا القديم في اركان نقاشك وكل جيلكم الذي عاصرناه ان نتلقط هذه المساحة لكي نشكركم جميعا لما قدمتوه لنا كطلاب كنا ناتي في ازمنة وامكنة مختلفة للجلوس الطويل
اماما نقاشاتكم الواعية التي اضافت لنا الكثير بالتاكيد في شوون الامور التي كانت محيطة بامرنا السياسي...
وواحدة من اهم الاشياء التي نتمني من كل تنظيماتنا السياسية في ان توثق وتترك للتاريخ والمعاصرة
كل تلك التجارب ودورها التراكمي في صناعة وتفريخ اجيال مهتمة بالتحديد بالشان الديمقراطي عبر سيادة فكرة احترام الراي والراي الاخر وقبوله فالصراع من الطغيان منذ نميري وحتي فترة الانقاذ
اسكب فيهو كلام وورق كثير ومن الضروري التقييم ومعرفة لاين تسير الامور بالتحديد في العقل الذي
وجد فرصة للذهاب للجامعات والمعاهد العليا وهو رائد التغيير في المجتمع..
الف تحية يا احمد القرشي وكل التقدير علي المداخلة الشحمانة...
وياريت تجدع لينا في بستان الحقيبة زهور
وتعود ايضا الي مقدراتك السياسية والحوارية العالية التي ظهرت وبانت منذ تلك الايام
|
Post: #159
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:50 AM
Parent: #105
Quote: يا كيكي .. ياخ ما نسينا فتحي البحيري
عضو البورد واسكول 88 .. برضو كانت ليهو
صولات وجولات .. بالذات مع صوته الأجش وهامته العالية
التحية ليك يا عزيزنا البحيري.. |
االبحيري فعلا كان قووي الصوت ومصادم..
وعالي الحماس
|
Post: #133
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-25-2009, 05:33 AM
Parent: #102
Quote: شبكة
شيراز محمد عبد الحي
عماد الامين |
شكرا بخاري للتذكير
من شمبات ايضا كادر خطابي وفي نفس الوقت كادر جاهز للطعن بسكين خاتيها في شرابه عثمان حسب الله او حسب الرسول
ما متذكرة الاسم بالظبط
في ايام قفيل الجامعة لمدة تسعة شهور
في اول عكلتة حصلت طلع سكينو في اللبخة ومن يومها ما في زول من دقعته سلم عليه لانو اول من ضرب وجرح ولد دفعته
|
Post: #134
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 05:40 AM
Parent: #133
Quote: النقول ليك معلومة يا عبدالكريم انو جزء من تربيتى التنظيمية وكاكادر خطابى فى مجال الاسلامية
كانت على يد نزار ضمن ايادى تانية, الله يطراهم بالخير
اما ابراهيم - ود جيرانا- واول من غذى عقولنا بالقراءاة والاطلاع
واتعلمنا منو الفصاحة رغم انو الفرق بينا شهور فى العمر |
هلا يا اشراقة...
وناس كوستي فعلا اجماليا مميزين وناس حلوين في اي حاجة...
ولكن اروع الحكاوي عن سيرة الجامعة في الفترة الي سبقتنا تونست فيها مع زول عالي الجمال وكان جبهة ديمقراطية ليهو ضل اسمو (سامي حجازي) تخرج قبلنا بسنين عديدة ...
وسامي حجازي ده هو وشلبي لمن يقعدو يحكو ليك عن كوستي بحكو بطريقة ممتعة وعميقة وحب كبير..
ياخي انا ما شفت اثنين بحبو مدينتهم زي الزولين المهندسين الرائعيين ديل
|
Post: #135
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 05:41 AM
Parent: #134
مرحب يا بكري
والف شكر علي الحضور والاهتمام برفع البوست عاليا يخلد سيرة الزمن السمح
|
Post: #136
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 05:46 AM
Parent: #135
Quote: جامعة الجزيرة علي الخط
نحن دخلنا سنة 97 سنة الإجازة الشهيرة بتاعة الجهاد
كان من أشهر الكوادر التي عاصرناها
يونس جبهة كفاح الطلبة
ناصر علي الجبهة الديمقراطية
وائل خلف الله ج د ثم حق
عصمت الدسيس ج د ثم حق ثم حزب أمة
الصديقة هنادي فضل ج د
ياسر فتحي حزب أمة
قريب الله محمد الحسن الحزب الإتحادي
ولاء الدين ناصريين
عبد الله الشيخ ناصريين
بدر الدين البارون جبهة كفاح الطلبة
أواه حركة إسلامية
معتز بلال حركة إسلامية
بيلو من الفاشر حركة إسلامية
مجاهد عبد الله ناصريين
عماد إتحاديين
ثم دفعتنا
مجدي برلوم مستقليين
الشفيع ج د
محمد حسن العمدة حزب أمة
ميمي ج د
عبد الله حاج حمد ناصريين
خالد طوكر ج د
وشخصي المتواضع ناصريين كان
وف واحد من حق قرا طب الإعدادية وبحري الحكومية وهو من بحري قبليها كان جد (نسيت إسمو) |
مرحب يا محمد ادم
وحبابك وحباب ناس جامعة الجزيرة ومرحب
وبالتاكيد نشاط جامعة الجزيرة كان دسم وضاج بالكوادر الطلابية المدهشة
وشايف مجموعة من الشباب اعلاه اعضاء في هذا المنبر وياريت يتواصل معنا المشوار
فالمشهد كلو وااحد ومشترك في كل جامعاتنا العريقة
وفي انتظارك
وانتظار مجاهد وود العمدة والدسيس وهنادي بت الفضل
|
Post: #137
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-25-2009, 06:53 AM
Parent: #136
سهام مجمر
سلامات
| Quote: اولا بدرالدين سلام ساعدنا بالصور يااااخ |
الا دي، عايزاني اجي زي جني اتعذر للناس واقول ليهم "صورتي طلعت زي الحكم المدقوق و الوصف راح مني
وكنت لافي عشان كدة".
تحياتي لمجتبى و عبدالعزيز
|
Post: #138
Title: Re: نجوم اركان النقاش في نشاط الجامعة في ذلك الزمان...!!!
Author: Hamid Elsawi
Date: 05-25-2009, 07:25 AM
Parent: #136
| Quote: لو بتذكر كان في و أحد اصفرانى كده من أولاد هندسه بجي قبل أركان الجبهه الدمقراطيه بقرا شعر و يسخن بالناس قبل الركن ، إسمو حاجه كده إسماعيل ، الزول ده اتذكرتو ؟ |
تقصد محمد اسماعيل ... كان ملئ بالفرح متميز و دي عندها قصة ظريفة جداً ايام بروفات المسرح
الذي كان متميزاً بوجود ابوبكر الشوية, عبد المنعم ادم, جميلة و منال عبد الحمن, ايناس خيري
و عصام السمين و خالد الطاهر, مجتبي محسي, سهام المجمر, الهام عبد الخالق ,جميلة كرار, أماني خبير و اسف اذا لم تسعفني الذاكرة اذا نسيت البعض ((النجدة يا سهام))و من خلف الكواليس كان امير شمت و هو يصلح كل من ينسي و يخرج عن النص و اذكر كان
عندنا عرض مسرحي بقصر الشباب و الاطفال و كان الحوار بين محمد اسماعيل و خالد الطاهر و قد نسي
خالد فقرة و لم ينتبة لامير الذي كان يذكره النص من خلف الكواليس فنجر محمد اسماعيل من رأسة نص
فيه شتيمة لخالد أذكر منها(انت غبي أنت غبي) و كان منفعل انفعال حقيقي مما اجبر كل الحضور علي
التصفيق اعجاباً بأداء محمد اسماعيل و كان عرض رائع التحية للمخرج طارق فريجون الذي تعلمنا منه الكثير.
|
Post: #139
Title: Re: نجوم اركان النقاش في نشاط الجامعة في ذلك الزمان...!!!
Author: Amin Mohamed Suliman
Date: 05-25-2009, 07:38 AM
Parent: #138
الله يديك العافيه يا حامد ، ياهو محمد إسماعيل ، و ألذ حاجه كان عندو تي شيرت راسم فيهو نجمه داود on a flipping finger و بجي لابسو في الجامعه عادي.....
|
Post: #140
Title: Re: نجوم اركان النقاش في نشاط الجامعة في ذلك الزمان...!!!
Author: esam gabralla
Date: 05-25-2009, 08:12 AM
Parent: #139
يا سلام يا كيكي ياخ
اى نعم عمر بوب حاقد و مغرض لكن كلامو القالو ده صاح
Quote: كيكي :
سودانيز اون لاين ده مكان بتاع توثيق ما تجو تنشرو لينا المعلومات المضلله
1/ عصام جبر الله ده زول كان بيسد الفرقه ساكت لامن صاحب الركن الاساسي يتغيب لاي ظرف طارئ جيتو طلعتو ابرز كوادر الجبهه الديقراطيه |
انا ما كنت اساسي في جيلنا , المتحدثين الرئيسيين كانو عبداللطيف و احمد عثمان و ابراهيم فتح الرحمن
اسم مهم سقط هو غاده عوض شوقي و كانت متحدثة ممتازة ذكية و مطلعة و شجاعه
لا اعتقد انى كنت متحدث متميز لا من ناحية فنيات الخطابة و لا من حيث المحتوى لانى كنت قليل الاهتمام بالمعرفة و الاسئلة حينها مقارنة مثلا بعبداللطيف و احمد.
شخصيا لا اعتقد ان هناك حوارات و نقاشات حقيقية كانت تدور بذهن مفتوح و نقدى لاسباب كثيرة قد نتناولها اذا سمح المجال هنا.
عنى لم اكن احب الشغلانية دى, لما يتم تكليفي بركن كانت اعصابي بتكون بايظة و عرقان لحدى ما العشرة دقايق الاولى تمر, و في اى لحظة القي طريقة ادرعا في زول تانى طوالى بعملا, عبداللطيف كان عارف القصة دى و بضحك على فيها. زى ما قال ابراهيم السمين عبداللطيف و احمد كان عندهم قدرة مذهلة على اثارة قضايا نظرية و فكرية عميقة . شخص اخر انقطعت تجربته مبكرآ و كان احتمال يصير من المبرزين جدآ هو خالد عايس اقول ده لانى اعرفه من الثانوى .
ابراهيم فتح الرحمن كان مشهور بطبزاته او لخبطة الامثال , مثلا مرة قال "الناس في شنو و البقارة في شنو!!!!" , او عاوز يوصف مسيرة للكيزان بانها قصيرة جدآ زى ضنب العتوت قال زى ضنب الككو اللى هو طويل .
رغم ان البوست معنى بالرصد و التوثيق لكن شايف انو مهم تناول التجربة على مختلف عهودها من زاوية تانية و هى انو هل كانت الاركان و الندوات منابر حقيقية للحوار بين التيارات الفكرية الحقيقي مع بعضها من جهة و مع من هم خارجها اى جمهور الطلاب؟ خاصة اننا نتحدث عن مؤسسات اكاديمية يفترض ان يكون دورها الرئيسي المعرفة و الاسئلة و النقد و التعلم
ايام مجيدة و شبان و شابات ممتلئين بالاحلام الكبيرة و العظيمة, حق كل من كان طرف فيها ان يفخر بها و ان يعيد النظر فيها بعين ناقدة لانها مليئة بالفخاخ و الالغام و الاسئلة
|
Post: #182
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 10:46 AM
Parent: #140
| Quote: لا اعتقد انى كنت متحدث متميز لا من ناحية فنيات الخطابة و لا من حيث المحتوى لانى كنت قليل الاهتمام بالمعرفة و الاسئلة حينها مقارنة مثلا بعبداللطيف و احمد. |
هلا يا عصام
حكاية انت بتاع اركان نقاش دي اثارت جدل وفي ناس القصة دي ما واقعة ليهم
وعاوزين يطلعو كمان مظاهرات..
بس انا ثبتهم وقلت ليهم روقو ياخي شوف عيني الكيزان بجناحهم كافتين بيهو الفرة وزانقنو في نقاش وعصام عرقاااااان ههههه
وقلت ليهم ياخي الزول ده اركانو احسن منها اركان عمر اووومو بس قلنا نرفع معنايتو مع عيد ميلادو المايوي...
بقيت تعمل عيد ميلاد ياعصام.. والله بختك
|
Post: #141
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-25-2009, 08:16 AM
Parent: #139
Quote: وكنت متخيل اشوف اسم صحبي (عبداللطيف) العاضيهو كلب ههه
فالقنا في المنبر ده وبالله طلع ما بتاع اركان نقاش
وحاتم يوسف ايضا... صحباني طلعو فصاحة اسافير ساااااكت ههههه |
ياعبدالكريم ياخي إنت بتاع مشاكل ولا شنو
عبداللطيف صاحبي وأناكاتب اسم بس تخيل كتبت اسم الكلية غلط
لكن حتومة دا كان حنكوش الاقتصاد
تحيات لإسماعيل المان وكلي شوق لسماع صوته والسؤال عن أخباره هلا تكرمت علي بتلفونك على البريد
[email protected]
|
Post: #145
Title: Re: نجوم اركان النقاش في نشاط الجامعة في ذلك الزمان...!!!
Author: M A Muhagir
Date: 05-25-2009, 09:35 AM
Parent: #141
فى زمننا (82-87)
ابطال اركان النقاش والندوات من الانصار هم
الفاضل ادم اسماعيل - علوم
صديق موسى بولاد - بيطرة
الطاهر تربية ثم اداب
ومن الجامعات الاخرى
حمد الزنارى الاسلامية
سلامة الاسلامية
صلاح الدين جلال لما يجى من مصر
حسن احمد الحسن القاهرة الفرع
دفع الله الكليات التكنولوجية
انشا الله ما يكون نسيت زول
|
Post: #146
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-25-2009, 09:36 AM
Parent: #145
هذه الرسالة وردتني توا في الإيميل وأنشرها كما هي
Quote: سلام يا ابو الجعافر
اول شى انا ما عندى اشتراك فى سودانيزاونلاين ولكنى متابعو بشكل يومي
ومستمتعبيهو جدا لانو من المواقع الممتازة
تانى شى لقيت ايميلك دا فى البوست حق الاركان دا وقلت اكتبليك وانت تنزلو كاضافة وتوثيق واسف اذا
انتهكت خصوصياتك
تالت شى انا درست هندسة مساحه زى كيكى صاحب البوست
دخلت فى العام الدراسي 1996 – 1997
وطبعا ناس هندسة دايما بكتبوا سنة الدخول فقط وذلك لانو الخروج ما معروف يكون متين وهسى انا سنة خروجى خلوها مقفوله غايتو انا حاضر كاس عالمين جوه الجامعه بتاع 98 وبتاع 2002 وقربت احصل بتاع 2006
وتحديدا بدا عامنا الدراسي يوم 8 مارس 1997
وقرينا فقط شهر ونص تقريبا وتم اغلاق الجامعة بدواعي
الحرب لمدة اكثر من 6 شهور
وفتحت الجامعه ابوابها فى 4 اكتوبر 1997
بعد المقدمة الطويلة دى عايز اقوليك انى كنت متابع لاغلب الاركان وطبعا فى الفترة ديك كان النشاط كلو فى كافتريا علوم ويمكن بعد فترة حتى اتحول لنجيلة اداب,المهم ابرز المتحدثين كانوا كما يلى:
خالد عويس ومحمد فول وحسن اسماعيل والتعايشى ديل عن حزب الامة وخالد عويس ومحمد فول كانوا بتميزوا بسخريه وكوميديه وبتذكر انو خالد عويس مره كان بيتكلم عن المرحوم الزبير محمد صالح فقال هو طبعا من جنبنا وبحكولينا القرو معاهو انو كان بليد جدا والنوع الاصلو ما بيرفع يدو ويشارك فى الحصص فمره الاستاذ سال عن "انا غايتو ما متذكر الحته دى بالذات كويس يمكن الاستاذ خالد يتذكرها ويصلحها لو انا غلطت" الاستاذ زى تقول سال عن طائر معين فقام الزبير رفع يدو وكورك استاذ استاذ والرقبه طبعا ما تديك الدرب – دى كلمات خالد عويس بالنص – فقام الاستاذ قال الليله الزبير عايز يجاوب قوم اها يا الزبير جاوب فقام قال التمساح او شى لا علاقه له بالطيور فالفصل ضج بالضحك وسخر الاستاذ من الزبير.
وبرضو بتذكر مره خالد عويس قال عن الحناكيش الكان بقعدوا فى شارع المين انو العصافير البتغرد تحت اشجار المين ديل ما بشبهونا وديل ناس سامى المغربى امبارح غنى شنو ونحنا ماشين نصيف فى لندن والاولاد المعاهم يقولوا ليها جزمتك حلوة وفستانك حلو وكلام فارغ.
اما عن متحدثين الجبهة الديمقراطية فاذكر محمد الاشرف وشيراز محمد عبد الحي وخالد بتاع طب كان بجى مع شيراز قصير كدا وفصيح وتانى بتذكر برضو واحد اسمو مصعب من ناس هندسة وعلى ما اذكر كان بقرا كهربا وهو نحيف اصفرانى بلبس نضاره واذكر انو مره قال : سبحان الله حسين خوجلى يجى يقولينا اربطو حجر هو عليك الله حسين خوجلى الحجر بقدر يشيلو بيدو خليك من يربطو فى بطنو؟
وكان فى متحدث تبع الجبهة الديمقراطية بجى من شمبات اخضرانى تخين وشعرو سبيبى كتير وما كان بجى كتير بس اسمو ما متذكرو منو والله . وكان ابرز بتاع كولينغ تقريبا اسمو وليد وكان فى اقتصاد وكان عندو صوت زى الرعد بسمع الجامعه كلها.
ويا شيراز انا متذكر اول ما حركة حق انشقت من الحزب الشيوعي وكان عصمت الدسيس بجى يعمل اركان باسم حق وانتى كنتى بتقولى انو عصمت دا لمن كان جبهه ديمقراطيه وكان يعمل ركن فى الاهليه كنا بنطلعو بالدس دس هسى بقى يمشى يعمل اركان لغاية جامعة الجزيرة وكنتو بتشككو انهم عملاء كيزان ..وبمناسبة حق اود ان اذكر حقيقة اقتنع بها وهى ان عصمت الدسيس هو اكثر متحدث مرتب ومقنع فى فترة التسعينات وكنت استمتع بثقافته الواسعه وطول نفسه وايمانه بمبادءه غض النظر عن اتفاقى او اختلافى معه واذكر ايضا انه هو وقرشى عوض مره عملو مناظرة مع اتنين من كوادر الاخوان المسلمين جناح الحبر وهم معتز كان فى اقتصاد ووائل السيد ان لم تخنى الذاكرة او على والاثنين كانو من هندسة ووائل عضو هنا معاكم . تانى من المتحدثين اذكر ايمن خالد ومحمد السنى من الاتحادى الديمقراطى وايمن خالد كان زول ظريف جدا اذكر انو لمن ضربوا مصنع الشفا قال الرئيس البشير قال ضربونا بطائرات ميه و
Eleven
وكان يقصد ميه وحداشر فلخبط الانجليزى والعربى بالخلعه فقام ايمن خالد قال دى زى الزول البيقول كريم تونتى واحد وعشرين "بدل كريم تونتى ون " .
برضو من متحدثين انصار السنة كان فى محمد زكريا من قانون ولؤى ودا كان من النيلين اظن وامجد واخوهو اسامه ديل من من هندسه وطب والواثق الصادق من هندسة وهو برضو عضو معاكم فى البورد هنا وكان فى برضو وليد تيمه من اداب ووليد دا اذكر انو كان بيقول لناس المستقلين انتو مش بتدعو للتراث والفلكلور طيب ما تجوا لابسين قرون وكشاكيش. وكان الواثق اظن بيقوليهم برضو هسى نجيبليكم واحد من مؤسسي مؤتمر الطلاب المستقلين من السبعينات يقوليكم اننا ما كان عندنا اى برنامج لمن كنا فى المستقلين ..طبعا الزول البقصدو الواثق دا كان مستقل وبقى انصار سنة بس انا ما متذكر اسمو منو.
وبمناسبة المستقلين اذكر متحدثهم محمد فاروق ودا كان اكتر واحد مشهور فيهم واذكر مره فى ركن كان بتكلم عن انصار السنة والدنيا كانت رمضان قام قاليهم ما تقولوا لى الصيام بعلم الزول الصبر والزهد ...زهد شنو البتعلمو اذا بكون صايم وبمشى افطر مع شيخ الهديه بزبيب وقمردين.
اما الكيزان فكان عندهم عمار باشري بتاع قانون والناجى عبد الله وحبيب "ومره محمد اشرف قال نحنا من جينا الجامعه بنسمع الناجى حرامي الزيت وحبيب طحنية – ومن المتحدثين الكانو بيجيبوهم من الخارج انس عمر ودا كان صعب شديد ولسانو سليط وما برحم تنظيم بتذكر مره كان بضرب فى انصار السنة قام قال واحد انصار سنة قال حقو يوقفو شريط المرسال بتاع وردى دا –طبعا الكلام دا سنة 97 والمرسال كان طالع جديد- قامو قالوليهو ليه ياخ يوقفوهو قام قاليهم ياخ اى كفتريا اى باص تلقى شغال صدفه صدفه لمن انا ذاتى بقيت اعمل معاهو كدا – يعنى الزول الانصار سنه انطرب لمن بقى يتمايل مع صدفه لذلك طالب بايقاف شريط المرسال -
تانى بتذكر الطلاب السلفيين وديل كان ابرز متحدثينهم اسامة الحاردلو وسيف الدين والاتنين من طب وبالجد كانو مقنعين وكلامهم جميل وسيف دا كان شرس شديد وكان اقرب ناس ليهم من حيث المنهج والفكر الاخوان جناح ابو نارو وابرز متحدثنهم مازن محى الدين ووليد الطيب واذكر انو ثقل الطلاب السلفيين كان فى طب وهندسه وبتذكر انو خامسه كهربا كانو اغلبهم من السلفيين او من المتعاطفين وخامسه دى كان ابرز الفيها ماهر الفلسطينى وهو كادر سلفى معروف وبرضو رابعه ميكانيكا وكان ابرز الفيها صالح بتاع الجبهة الديمقراطيه واذكر انو شدة ما دفعتهم اغلبها من السلفيين او المتعاطفين فى احد رمضانات تلك السنين وفى مسجد 41 بالعمارات وفى صلاة التراويح التى كان يؤم المصلين فيها الشيخ محمد عبد الكريم اذكر جيدا ان احد كوادر الجبهة الديمقراطيه من تلك الدفعه كان يحمل مصحفا ويصلى خلف ذلك الشيخ ذو الصوت الندى – ودى من سماحة الاخلاق السودانية مهما بلغ الاختلاف فانه لا يفسد للود قضية -
اما الطلاب المحايدين فاذكر متحدث اسمو مدنى واسماعيل وادى واسماعيل دا مره قال والله تكون كوز شين بس يرموبيك قدام اما الكيزان الوجيهين فتلقاهم فى المكاتب وشايلين موبايلات – طبعا الموبايل كان جديد طالع الوقت داك – وصراحه المحايدين بقوا اغلبهم حناكيش وناس شهادات عربيه .
اما حزب البعث فاذكر متحدثهم اشرف وكان من هندسة
الناصريين كانو تقريبا كلهم زولين البمثلو الحزب حتى الكيزان كان بقولوليهم بسخريه الناصريان (بصيغة المثنى) اشارة الى انهم 2 فقط
ملحوظة :
شهدت حادثتين كبار وهما حرق معرض الكتاب المقدس وحرق انتخابات الاتحاد سنة 97
هذا ما جادت به ذاكرتي الخربه فارجوك يا دكتورة نشر هذه الرسالة فى بوست كيكى لانكم قلتو انو البوست للتوثيق فدى شهادة واحد كان متابع الفترة ديك بشكل لصيق وشكرا جزيلا ليكم كلكم ولصاحب الفكرة الزميل السنير المساح كيكى وحقيقة انا استمتعت جدا واتمنيت والله لو كنت حضرت ذلك الزمن الجميل وتلك الايام الغراء .
فى الختام اسف للاطالة وتقبلوا تحياتى
اخوكم المساح : احمد
ملحوظه تانيه توضيحية:
الرسالة دى نفسها كنت رسلتها للدكتورة شيراز محمد عبد الحى عشان تنشرها لكن شايفها اتاخرت وماردت على
وانا عدلتها تعديل بسيط لانى كنت موجهها ليها والتعديل كان فقط لتحويلها اليك ولم يمس المحتوى الاساسى لجسم الرسالة فلو نشرتها ذكرها انها ماتنشر ديك منعا للتكرار
-----------------------------------------------------
بالمناسبة دى شوفوا لينا معاكم خانه فى سودانيز دا ياخ يمكن تلقو عندنا شى نافع |
|
Post: #147
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-25-2009, 09:45 AM
Parent: #146
Quote: اول شى انا ما عندى اشتراك فى سودانيزاونلاين ولكنى متابعو بشكل يومي
ومستمتعبيهو جدا لانو من المواقع الممتازة
تانى شى لقيت ايميلك دا فى البوست حق الاركان دا وقلت اكتبليك وانت تنزلو كاضافة وتوثيق واسف اذا
انتهكت خصوصياتك
تالت شى انا درست هندسة مساحه زى كيكى صاحب البوست
دخلت فى العام الدراسي 1996 – 1997
وطبعا ناس هندسة دايما بكتبوا سنة الدخول فقط وذلك لانو الخروج ما معروف يكون متين وهسى انا سنة خروجى خلوها مقفوله غايتو انا حاضر كاس عالمين جوه الجامعه بتاع 98 وبتاع 2002 وقربت احصل بتاع 2006
وتحديدا بدا عامنا الدراسي يوم 8 مارس 1997
وقرينا فقط شهر ونص تقريبا وتم اغلاق الجامعة بدواعي
الحرب لمدة اكثر من 6 شهور
وفتحت الجامعه ابوابها فى 4 اكتوبر 1997
بعد المقدمة الطويلة دى عايز اقوليك انى كنت متابع لاغلب الاركان وطبعا فى الفترة ديك كان النشاط كلو فى كافتريا علوم ويمكن بعد فترة حتى اتحول لنجيلة اداب,المهم ابرز المتحدثين كانوا كما يلى:
خالد عويس ومحمد فول وحسن اسماعيل والتعايشى ديل عن حزب الامة وخالد عويس ومحمد فول كانوا بتميزوا بسخريه وكوميديه وبتذكر انو خالد عويس مره كان بيتكلم عن المرحوم الزبير محمد صالح فقال هو طبعا من جنبنا وبحكولينا القرو معاهو انو كان بليد جدا والنوع الاصلو ما بيرفع يدو ويشارك فى الحصص فمره الاستاذ سال عن "انا غايتو ما متذكر الحته دى بالذات كويس يمكن الاستاذ خالد يتذكرها ويصلحها لو انا غلطت" الاستاذ زى تقول سال عن طائر معين فقام الزبير رفع يدو وكورك استاذ استاذ والرقبه طبعا ما تديك الدرب – دى كلمات خالد عويس بالنص – فقام الاستاذ قال الليله الزبير عايز يجاوب قوم اها يا الزبير جاوب فقام قال التمساح او شى لا علاقه له بالطيور فالفصل ضج بالضحك وسخر الاستاذ من الزبير.
وبرضو بتذكر مره خالد عويس قال عن الحناكيش الكان بقعدوا فى شارع المين انو العصافير البتغرد تحت اشجار المين ديل ما بشبهونا وديل ناس سامى المغربى امبارح غنى شنو ونحنا ماشين نصيف فى لندن والاولاد المعاهم يقولوا ليها جزمتك حلوة وفستانك حلو وكلام فارغ.
اما عن متحدثين الجبهة الديمقراطية فاذكر محمد الاشرف وشيراز محمد عبد الحي وخالد بتاع طب كان بجى مع شيراز قصير كدا وفصيح وتانى بتذكر برضو واحد اسمو مصعب من ناس هندسة وعلى ما اذكر كان بقرا كهربا وهو نحيف اصفرانى بلبس نضاره واذكر انو مره قال : سبحان الله حسين خوجلى يجى يقولينا اربطو حجر هو عليك الله حسين خوجلى الحجر بقدر يشيلو بيدو خليك من يربطو فى بطنو؟
وكان فى متحدث تبع الجبهة الديمقراطية بجى من شمبات اخضرانى تخين وشعرو سبيبى كتير وما كان بجى كتير بس اسمو ما متذكرو منو والله . وكان ابرز بتاع كولينغ تقريبا اسمو وليد وكان فى اقتصاد وكان عندو صوت زى الرعد بسمع الجامعه كلها.
ويا شيراز انا متذكر اول ما حركة حق انشقت من الحزب الشيوعي وكان عصمت الدسيس بجى يعمل اركان باسم حق وانتى كنتى بتقولى انو عصمت دا لمن كان جبهه ديمقراطيه وكان يعمل ركن فى الاهليه كنا بنطلعو بالدس دس هسى بقى يمشى يعمل اركان لغاية جامعة الجزيرة وكنتو بتشككو انهم عملاء كيزان ..وبمناسبة حق اود ان اذكر حقيقة اقتنع بها وهى ان عصمت الدسيس هو اكثر متحدث مرتب ومقنع فى فترة التسعينات وكنت استمتع بثقافته الواسعه وطول نفسه وايمانه بمبادءه غض النظر عن اتفاقى او اختلافى معه واذكر ايضا انه هو وقرشى عوض مره عملو مناظرة مع اتنين من كوادر الاخوان المسلمين جناح الحبر وهم معتز كان فى اقتصاد ووائل السيد ان لم تخنى الذاكرة او على والاثنين كانو من هندسة ووائل عضو هنا معاكم . تانى من المتحدثين اذكر ايمن خالد ومحمد السنى من الاتحادى الديمقراطى وايمن خالد كان زول ظريف جدا اذكر انو لمن ضربوا مصنع الشفا قال الرئيس البشير قال ضربونا بطائرات ميه و
Eleven
وكان يقصد ميه وحداشر فلخبط الانجليزى والعربى بالخلعه فقام ايمن خالد قال دى زى الزول البيقول كريم تونتى واحد وعشرين "بدل كريم تونتى ون " .
برضو من متحدثين انصار السنة كان فى محمد زكريا من قانون ولؤى ودا كان من النيلين اظن وامجد واخوهو اسامه ديل من من هندسه وطب والواثق الصادق من هندسة وهو برضو عضو معاكم فى البورد هنا وكان فى برضو وليد تيمه من اداب ووليد دا اذكر انو كان بيقول لناس المستقلين انتو مش بتدعو للتراث والفلكلور طيب ما تجوا لابسين قرون وكشاكيش. وكان الواثق اظن بيقوليهم برضو هسى نجيبليكم واحد من مؤسسي مؤتمر الطلاب المستقلين من السبعينات يقوليكم اننا ما كان عندنا اى برنامج لمن كنا فى المستقلين ..طبعا الزول البقصدو الواثق دا كان مستقل وبقى انصار سنة بس انا ما متذكر اسمو منو.
وبمناسبة المستقلين اذكر متحدثهم محمد فاروق ودا كان اكتر واحد مشهور فيهم واذكر مره فى ركن كان بتكلم عن انصار السنة والدنيا كانت رمضان قام قاليهم ما تقولوا لى الصيام بعلم الزول الصبر والزهد ...زهد شنو البتعلمو اذا بكون صايم وبمشى افطر مع شيخ الهديه بزبيب وقمردين.
اما الكيزان فكان عندهم عمار باشري بتاع قانون والناجى عبد الله وحبيب "ومره محمد اشرف قال نحنا من جينا الجامعه بنسمع الناجى حرامي الزيت وحبيب طحنية – ومن المتحدثين الكانو بيجيبوهم من الخارج انس عمر ودا كان صعب شديد ولسانو سليط وما برحم تنظيم بتذكر مره كان بضرب فى انصار السنة قام قال واحد انصار سنة قال حقو يوقفو شريط المرسال بتاع وردى دا –طبعا الكلام دا سنة 97 والمرسال كان طالع جديد- قامو قالوليهو ليه ياخ يوقفوهو قام قاليهم ياخ اى كفتريا اى باص تلقى شغال صدفه صدفه لمن انا ذاتى بقيت اعمل معاهو كدا – يعنى الزول الانصار سنه انطرب لمن بقى يتمايل مع صدفه لذلك طالب بايقاف شريط المرسال -
تانى بتذكر الطلاب السلفيين وديل كان ابرز متحدثينهم اسامة الحاردلو وسيف الدين والاتنين من طب وبالجد كانو مقنعين وكلامهم جميل وسيف دا كان شرس شديد وكان اقرب ناس ليهم من حيث المنهج والفكر الاخوان جناح ابو نارو وابرز متحدثنهم مازن محى الدين ووليد الطيب واذكر انو ثقل الطلاب السلفيين كان فى طب وهندسه وبتذكر انو خامسه كهربا كانو اغلبهم من السلفيين او من المتعاطفين وخامسه دى كان ابرز الفيها ماهر الفلسطينى وهو كادر سلفى معروف وبرضو رابعه ميكانيكا وكان ابرز الفيها صالح بتاع الجبهة الديمقراطيه واذكر انو شدة ما دفعتهم اغلبها من السلفيين او المتعاطفين فى احد رمضانات تلك السنين وفى مسجد 41 بالعمارات وفى صلاة التراويح التى كان يؤم المصلين فيها الشيخ محمد عبد الكريم اذكر جيدا ان احد كوادر الجبهة الديمقراطيه من تلك الدفعه كان يحمل مصحفا ويصلى خلف ذلك الشيخ ذو الصوت الندى – ودى من سماحة الاخلاق السودانية مهما بلغ الاختلاف فانه لا يفسد للود قضية -
اما الطلاب المحايدين فاذكر متحدث اسمو مدنى واسماعيل وادى واسماعيل دا مره قال والله تكون كوز شين بس يرموبيك قدام اما الكيزان الوجيهين فتلقاهم فى المكاتب وشايلين موبايلات – طبعا الموبايل كان جديد طالع الوقت داك – وصراحه المحايدين بقوا اغلبهم حناكيش وناس شهادات عربيه .
اما حزب البعث فاذكر متحدثهم اشرف وكان من هندسة
الناصريين كانو تقريبا كلهم زولين البمثلو الحزب حتى الكيزان كان بقولوليهم بسخريه الناصريان (بصيغة المثنى) اشارة الى انهم 2 فقط
ملحوظة :
شهدت حادثتين كبار وهما حرق معرض الكتاب المقدس وحرق انتخابات الاتحاد سنة 97
هذا ما جادت به ذاكرتي الخربه فارجوك يا دكتورة نشر هذه الرسالة فى بوست كيكى لانكم قلتو انو البوست للتوثيق فدى شهادة واحد كان متابع الفترة ديك بشكل لصيق وشكرا جزيلا ليكم كلكم ولصاحب الفكرة الزميل السنير المساح كيكى وحقيقة انا استمتعت جدا واتمنيت والله لو كنت حضرت ذلك الزمن الجميل وتلك الايام الغراء .
فى الختام اسف للاطالة وتقبلوا تحياتى
اخوكم المساح : احمد
ملحوظه تانيه توضيحية:
الرسالة دى نفسها كنت رسلتها للدكتورة شيراز محمد عبد الحى عشان تنشرها لكن شايفها اتاخرت وماردت على
وانا عدلتها تعديل بسيط لانى كنت موجهها ليها والتعديل كان فقط لتحويلها اليك ولم يمس المحتوى الاساسى لجسم الرسالة فلو نشرتها ذكرها انها ماتنشر ديك منعا للتكرار
|
مداخلة ثرة وانا حضرت جزء من احداثها وبديت اتذكر عن ناس كانوا في الفترة ديك
شكرا يامساح
صراحة مداخلتك مليانة
عفوا تم التعديل لخطأ في طريقة الاقتباس
|
Post: #148
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 09:51 AM
Parent: #147
من الضروري تحية الاخ المهندس المساح احمد
وحبابك يا مساح وشرفت والله..
وشكر يا جعفر علي الاهتمام...
ويا بكري بالله ما تتوصي بولدنا ده وباقي احنا في حكاية مساح وما مساح دي عنصريين عديل كده وبنضارب..
ويا احمد شوت ايميلك لبكري واكيد ما بقصر معاك..
والذهن المرتب واستحضار الذكريات وحديثك الذو شجون اكيد حتكون اضافة لهذا المكان
وكل الود والتقدير
|
Post: #154
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-25-2009, 10:13 AM
Parent: #148
Quote: ويا بكري بالله ما تتوصي بولدنا ده وباقي احنا في حكاية مساح وما مساح دي عنصريين عديل كده وبنضارب..
ويا احمد شوت ايميلك لبكري واكيد ما بقصر معاك..
والذهن المرتب واستحضار الذكريات وحديثك الذو شجون اكيد حتكون اضافة لهذا المكان
وكل الود والتقدير |
نثني بشدة انضمام أحمد علي (المساح) للبورد يا بكري
|
Post: #185
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:20 AM
Parent: #147
Quote:
مداخلة ثرة وانا حضرت جزء من احداثها وبديت اتذكر عن ناس كانوا في الفترة ديك
شكرا يامساح
صراحة مداخلتك مليانة |
فعلا يا شبكة
مساحنا زي الصاعقة ومداخلتو شحمانة وثرة وتداعيات نتمني ان يعطيه الاخ بكري اذن مرور حتي يكون هذا البوست قد
اضاف الينا مساح جديد وشديد
|
Post: #184
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:18 AM
Parent: #145
| Quote: صلاح الدين جلال لما يجى من مصر |
هلا يا مخير
ودي الجية ابو بلاش
زول مكرب كريبة شديدة خلاص
وبعرف يرازي الكيزان ديل بطريقة تعحب شديد..
وتتمني ان يكون قااعد معانا في الجامعة طواالي وما يرجع..
وماعارف ناس جامعة الجزيرة ممكن يكلمونا عن اخوهو (احمد جلال) هل كان منضمة زي اخوهو الكبير..
فلهم التحية ولي قريتهم الوديعة الشيخ طلحة كل الحب والشوق الكثيف
|
Post: #183
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:14 AM
Parent: #141
Quote: ياعبدالكريم ياخي إنت بتاع مشاكل ولا شنو
عبداللطيف صاحبي وأناكاتب اسم بس تخيل كتبت اسم الكلية غلط
لكن حتومة دا كان حنكوش الاقتصاد
تحيات لإسماعيل المان وكلي شوق لسماع صوته والسؤال عن أخباره هلا تكرمت علي بتلفونك على البريد
[email protected] |
هلا ياجعفر
وعبداللطيف ده ياخي صحبي ومرة عمل علي هجوم اسفيري ليلي
وقال لي انت بتنضم كثير (التقول عاضيك ) كلب هههههه
وحتومة طبعا عرفناهو في الجامعة لمن ناسكم اتحولو للمواصلة في جامعة الخرطوم
وباذن الله وعبر الايميل بوصل ليك تلفون المان صاحبك قريبا
|
Post: #160
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-25-2009, 10:52 AM
Parent: #102
سلام يابخاري
وحبابك
|
Post: #167
Title: Re: نجوم اركان النقاش في نشاط الجامعة في ذلك الزمان...!!!
Author: مجاهد محمد عباس
Date: 05-25-2009, 06:48 PM
Parent: #19
Quote: واحنا في فترتنا من اشهر المتحدثين كان محمد فول
وخالد عويس كان بشوت الكولينغ (ديل ناس الامة)
في من طب شيراز او شهرزاد ما اذكر تحديدا
من زراعة كان في هيثم (الاتحاد الديمقراطي)
من زراعة كان الكولينغ لرامي جعفر من المحادين لكن ما متذكرة كان البعمل الركن منو
ديل الاتذكرتهم هسة لغاية ما اعمل ريفرش واجيكم |
يبد وانو نحن قريبين لبعض..!!
فعلا من أبرز الركانة في ذلك الوقت .. خالد عويس و حسن اسماعيل و التعايشي من الانصار وحزب الأمة
ود الفكي من الاتحاديين .. شيراز من الجبهة الديمقراطية .. محمد زكريا من انصار السنة ..محمد فاروق و خالد سلك من الطلاب المستقلين .. و جا برلوم جديد متحدث بإسم حق هو عمر الفاروق ..
أركان الطلاب الاسلاميين كانت ما منتظمة .. لكن سخنت بعد المفاصلةو اذكر من متحدثيهم النيل و ناجي .. الاول وطني و التاني شعبي
و كان ركن (الطلاب الأنصار - حزب الأمة) يوم الأحد ما بتفوت ...!!
|
Post: #168
Title: Re: نجوم اركان النقاش في نشاط الجامعة في ذلك الزمان...!!!
Author: الواثق الصادق
Date: 05-25-2009, 08:40 PM
Parent: #167
سلام للمساح كيكي والكرام هنا
يا حليل ركن أنصار السنة يوم الثلاثاء في شارع المين..
مداخلتي :
أذكر من أبرز متحدثي أنصار السنة في الجامعات في الفترة المذكورة :
جامعة الجزيرة : مسيب يوسف,,أبكر إبراهيم..والدكتوران محمد عبد الرحمن..
جامعة القضارف:نزار,عبد الدافع عكاشة,محمد السنجك,محمد الحاج..
جامعة البحر الأحمر:معاذ,منتصر,معتز..
جامعة شندي:مندور,أبوبكر..
جامعة النيل الأزرق:عباس..
جامعة الفاشر:عاطف عمر,محمد عبد الله جميل..
جامعة أمدرمان الأهلية:أشرف كمال,صلاح برلوم..
جامعة أمدرمان الإسلامية:محمد حسن,نادر بابكر..
جامعة جوبا:خالد السنجك,عمار عباس..
جامعة النيلين:الترابي قرشي,عبد المنعم صالح,لؤي,عاصم محمد حسن,وليد محمد خير,منصور شعيب,مزمل فقيري..
جامعة الخرطوم:أحمد حسبو,محمد زكريا,الواثق الصادق,أمجد أحمد عبد الرحيم,عاطف بلول..
جامعة السودان:رضوان محمد إبراهيم,ياسر إبراهيم,محمد حامد كساب..
جامعة كردفان:شيخ إدريس,عمار عمر الفضل,ياسين,الهاشمي..
ولا أنسى الشيخ محمد سيد حاج كمتحدث متنقل رغم دراسته بجامعة القرآن..
ومعذرة لمن خانتني الذاكرة فلم أذكره
ربما أعود بأسماء بعض أبرز المتحدثين من التنظيمات الذي عاصرتهم في كافة الجامعات السودانية فقد كان أخوكم (حوامة بن لواصة الكدرابي)
|
Post: #169
Title: Re: نجوم اركان النقاش في نشاط الجامعة في ذلك الزمان...!!!
Author: Abu Eltayeb
Date: 05-25-2009, 09:06 PM
Parent: #168
| Quote: حسن احمد الحسن القاهرة الفرع |
حسن احمد حسن يخيل لي كان حزب امه
ولكنك نسيت بطل الأركان متوكل مصطفي حسين و سميه محمود محمد طه, هدي نجم (جمهوريين)
ياسر عرمان و اثنين اخرين اظن احدهم اسمه خالد من الجبهة الديمقراطيه
من الناصريين طه ميرغني
لطفي
|
Post: #189
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:37 AM
Parent: #169
ده يالذات ياابو الطيب
ركنو بكون wayeeeeeeee
|
Post: #187
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:26 AM
Parent: #168
Quote: جامعة الجزيرة : مسيب يوسف,,أبكر إبراهيم..والدكتوران محمد عبد الرحمن..
جامعة القضارف:نزار,عبد الدافع عكاشة,محمد السنجك,محمد الحاج..
جامعة البحر الأحمر:معاذ,منتصر,معتز..
جامعة شندي:مندور,أبوبكر..
جامعة النيل الأزرق:عباس..
جامعة الفاشر:عاطف عمر,محمد عبد الله جميل..
جامعة أمدرمان الأهلية:أشرف كمال,صلاح برلوم..
جامعة أمدرمان الإسلامية:محمد حسن,نادر بابكر..
جامعة جوبا:خالد السنجك,عمار عباس..
جامعة النيلين:الترابي قرشي,عبد المنعم صالح,لؤي,عاصم محمد حسن,وليد محمد خير,منصور شعيب,مزمل فقيري..
جامعة الخرطوم:أحمد حسبو,محمد زكريا,الواثق الصادق,أمجد أحمد عبد الرحيم,عاطف بلول..
جامعة السودان:رضوان محمد إبراهيم,ياسر إبراهيم,محمد حامد كساب..
جامعة كردفان:شيخ إدريس,عمار عمر الفضل,ياسين,الهاشمي..
ولا أنسى الشيخ محمد سيد حاج كمتحدث متنقل رغم دراسته بجامعة القرآن..
|
الف تحية وسلام يا الصادق
ومرحب بنجوم انصار السنة اصحاب اركان النقاش المولولة ودائما
المايكرفون بتاعهم معلق في السماء فوووق ونقاش عالي السخونة و غزير
و ايامنا كان صلاح علي يجذبنا الي مداراته ولانو ود دفعتنا فكنا بنحضر ليهو وبنسمع
وتحياتي
|
Post: #170
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-25-2009, 09:08 PM
Parent: #167
مجاهد
| Quote: يبد وانو نحن قريبين لبعض..!! |
دا فعلا واضح من مداخلتك
مجاهد
ما تنسى برضو يوم الاربعاء برضو مهم لانو غالبا بيكون فيهو ركن محمد فول وهو اشيل ورقة صغيرة فيها كم من المعومات هايل
والناس قاعدة في اللبخة لغاية الساعة 4 و5 عشان الركن
وبتذكر مرة في رمضان قاعدين لقريب الفطور في الكلية متابعين محمد فول
وبعدداك بقينا في جري المواصلات عشان نحصل بيوتنا والفطور
|
Post: #171
Title: Re: نجوم اركان النقاش في نشاط الجامعة في ذلك الزمان...!!!
Author: Hamid Elsawi
Date: 05-26-2009, 05:56 AM
Parent: #170
أظرف مظاهرة
انطلقت من سينما النيل الازرق
و ذلك اثناء فيلم رهيب كان له جضور جماهيري كبير
ليس من طلبة الجامعة و حسب بل من كل مواطني العاصمة
كان هناك مجموعة من الطلبة يدمنون مشاهدة الافلام من أعلي شجرة
بالقرب من داخلية كردفان و من الناحية الشمالية الغريبة للسينما
و كانت فروع هذه الشجرة الضخمة تمتد داخل فضاء السينما
تجاوز عدد الطلبة المملحين قدرة ذلك الفرع الضخم من الشجرة علي التحمل
فسقط الفرع داخل السينما و علي متنه عدد من الطلبة و هم بملابس النوم
الحمد لله كانت الاصابات طفيفة و حدث هرج و مرج و اذكر واحد كان يصيح ياجاعة
الحقوا فلان دة بي جلابية نستره بيها لحدي ما يرجع الداخلية
تعالت المظاهرات و كان الهتاف ملح ... ملح و سرعان ما حول طلبة الهندسة
الهتاف الي كوم تراب و لا الاداب ... و كان تعليلهم لذلك ان طلبة الاداب
ما بعرفوا رياضيات ولا فيزياء عشان كدة وقع بيهم الفرع و الجدير بالذكر ان
واحد من الذين وقع بيهم الفرع طالب هندسة مدنية (أخشي ان يكون عمر الحبر)
له التحية عبره لكل طلبة و خريجي مدنية.
|
Post: #173
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-26-2009, 06:58 AM
Parent: #171
علاءالدين
سلامات
Quote: بس والحقيقة تقال كان بيعمل ارهاب شديد للكيزان وبعدين نسيت محمد طه مالك
ده كان فردة حسن عطية |
كيف يا علاء انسى محمد طه، ياخ دا ارجل سوداني انا عرفتو، على الاقل جاب طلب ابوه!
اتذكر مرة الكيزان ضربوا حسن عطية بالصباح من غير سبب، جينا انا وقاسم عبدالعزيز و محمد طه
ادينا الكيزان الفيها النصيب، قاموا الكيزان كتبوا في جريدتهم: الشيوعيان حسن عطية و محمد طه و
الطالبان بدرالدين و قاسم و عملوا لينا فضيحة! ما عايزين يدونا حقنا! لما مشينا النقطة لقينا
الضابط كوز شايقي قام فك كل الكيزان(عبدالله عدلان عربي جزيرة و ابن عوف شايقي) وفك محمد طه(شايقي) وقاسم(عربي جزيرة)
وودونا انا وحسن عطية سجن امدرمان، تقول تهميش مافي!
----
طيب يا علاء ليه انا ماقادر اتذكرك؟ انا قعدت في شمبات من 1984-1989 و رجعت للماستر من 1990-1993
وناس رجاء ديل اصحابي جدا!
بعدين النفرين القلتهم من الكيزان ديل ما من زمنا، ما بعرف اي واحد منهم!
|
Post: #174
Title: Re: نجوم اركان النقاش في نشاط الجامعة في ذلك الزمان...!!!
Author: على عمر على
Date: 05-26-2009, 07:12 AM
Parent: #171
Quote: نزار ابو دقن له التحية
وحياه الغمام ونسائل الرب ان يلهمه الصحة والعافية
لكي يعود معافيا لاسرته الكريمة.. |
السلام عليكم ايها الاصدقاء الجميلين
وسلام وتحية الى صاحب البوست الكريم عبد الكريم وصحبه
استمتع جدا وانا اتصفح هذا البوست
لاسيما والتجربة هى التى ادخلتنى فيها!!
اعنى اركان النقاش..
مستعيننا بالمقولة المنسوبة للسيد المسيح
(اللهم لا تدخلنى فى تجربة)..
رغم فارق الحال والمقال
ولذلك بوست منفصل قد يكون وقد لا..
والمقام هنا للتحية لنزار ولصحبه..فقط اسمحوا لى بالتساؤل هذا
من الذى افترع اركان النقاش فى الحياة السياسية السودانية؟؟
والآن اذكر شهادة كريمنا بكرى ابو بكر فى هذا البوست والتى ارى نقصانها قد يكملها..
تحية أخرى لصاحب البوست
وتحية لسيدى نزار
وتحية لكل الرائعين..
|
Post: #177
Title: Re: نجوم اركان النقاش في نشاط الجامعة في ذلك الزمان...!!!
Author: أحمد الشايقي
Date: 05-26-2009, 07:44 AM
Parent: #174
Quote: ياا احمد الشايقي
بس اوووع تقول لي..؟؟؟
يبقي فعلا السودان ده ضيق خلاص..وتكون انت يا احمد هو ود القانون القاصدو انا...
متحدث قووي ومنظم وعالي التحضير وزول وجيييييييه كده ومربوع القامة كده..... |
طبعا يا كيكي
هـو ذاته هـو وبعرفك شديد وعندكم اصدقاء مشتركين
ايوا بالضبط
بس ياخي شكرا على الاشادة طبعا الوجاهة راحت زمااان وربنا يكبر العقول
أحمد الشايقي
|
Post: #192
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:49 AM
Parent: #177
Quote: طبعا يا كيكي
هـو ذاته هـو وبعرفك شديد وعندكم اصدقاء مشتركين
ايوا بالضبط
بس ياخي شكرا على الاشادة طبعا الوجاهة راحت زمااان وربنا يكبر العقول |
يااااااااا
احمد الشايقي
وسلام تاني وتاني
وخالك ياخي ضرب الشيب والزهايمر علي قولة ازهري
وانا زاااتي بعرفك بالحيل يا احمد يا صديقي...
واركانك نشهد وللتاريخ بانها كانت قوية ومميزة وقادرة علي ابقائنا جالسين القرفصاء
فشكرا يا احمد علي ذلك الزمن الجميل والاضافات الثرة التي لا ولن تنسي ابدا
|
Post: #191
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:44 AM
Parent: #174
Quote: والمقام هنا للتحية لنزار ولصحبه..فقط اسمحوا لى بالتساؤل هذا
من الذى افترع اركان النقاش فى الحياة السياسية السودانية؟؟ |
مرحب يا علي عمر والف تحية...
ونتمني ان نقراء عن تاريخ النقاش في الحركة السياسية والفكرية عموما في السودان
فاركان النقاش بالتاكيد حصلت فيها تطورات نوعية منذ بدايتها وماعارف هل القصة بدت مع كلية غردون ام هنالك تراكم اخر قبل هذه الفترة..
وبالمناسبة هي مساحة جيدة للدراسة والبحث وبالتاكيد بكون حديث عنها في حتة كده ما في يدنا الان...
واعتقد بان لمة الحوار والتفاكر والنقاش في اجواء جماعية متواجدة في التركيبة العشائرية علي مستوي القبيلة والاسري
فهل لهذا علاقة مع ذاك
كل التحية وياريت تتحمس للبوست الذي ذكرته حتي نسعد به ايضا
|
Post: #190
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:39 AM
Parent: #171
Quote: (أخشي ان يكون عمر الحبر)
|
قطع شك يا حامد الحبر بكون اساسي
وااتوقع طه النور وشلة الاشرار في النشر
|
Post: #188
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:35 AM
Parent: #170
والله يا شبكة شهيتونا اركان محمد فول دي...
الزول ده انا معجب بيهو عديل كده..
اسمو ياخي عالي الموسيقي
|
Post: #193
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-26-2009, 11:58 AM
Parent: #188
Quote: والله يا شبكة شهيتونا اركان محمد فول دي...
الزول ده انا معجب بيهو عديل كده..
اسمو ياخي عالي الموسيقي |
الصراحة كان حضرت ركنه
تتمنى ما ينتهي
ياخ دا في رمضان بقعدنا في الكلية لقريب الفطور ويخلينا نتجاري في المواصلات عشان نحصل الفطور في البيت
|
Post: #186
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 11:23 AM
Parent: #167
Quote: أركان الطلاب الاسلاميين كانت ما منتظمة .. لكن سخنت بعد المفاصلةو اذكر من متحدثيهم النيل و ناجي .. الاول وطني و التاني شعبي
|
سلام يامجاهد ودي من الاحداث الفاتتنا مفلعين وماحضرناها
زي مفاصلة حق والجبهة الديمقراطية برضو
فاكيد االقصة بتكون رابة ونضمي واحداث تقيلة
فياريت تنعشو الذاكرة وتدونا ماذا كان هناك...
بالذات مفاصلة بني كوز دي اكيد بتكون روتانا بس
وتحياتي يا مجاهد
|
Post: #194
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-26-2009, 12:10 PM
Parent: #186
Quote: شبكة بالله نورنيا
باقي احنا كلامات حب وماحب دي ما كنا بنشوفها الا في افلام سينما النيل الازرق |
جمعية الحب بلا مسئولية دي يابشمهندس
عملوها اول دفعة من تامنة دخلت الجامعة
ديل قروا تمانية سنسن ابتدائي وتلاتة سنين ثانوي
وكملوا باقي طفولتهم في الجامعة
المهم ياسيدي
يوم واحنا في رابعة
جايين من لاب ومسخنين نص النهار كدا
جاتنا واحدة من الدفعة القلت ليك عليها وهي وقتها في تانية اظنها ولي اولي ما بتذكر تحديدا
لقتنا قاعدين بنات واولاد والجو مسخن وقاعدين
قالت لينا منو فيكم بحب منو
طبعا كلنا اندهشنا من السؤال والرد عليها واحد من الاولاد
قال ليها كلنا كدا مع بعض يعني قصدو ما في زول حبيب زول لانو السؤال كان محرج وكان مفاجئ
المهم دعتنا للاشتراك معاهم في الجمعية
واللي من اهم شروطها
اي ولد وبت يقعدو مع بعض يحبوا بعض
كل زول يجي بفطورو براهو والبارد بتاعو براهو
يتونسوا زي ما عايزين
ولما كل واحد فيهو يقوم
يمشي يفتش عن بديل والبت برضو تفتش عن بديل
وبالتالي الناس تعيش حياتها الجامعية بفهم تاني
بعيد عن اي زول يحب ليهو زول ويقعد قصادو طول سنين الجامعة
تقولوا لي اركان نقاش وضرب ومطاوي وسكاكين حايمة
دي بشر بتفكر برومانسية
|
Post: #195
Title: Re: نجوم اركان النقاش في نشاط الجامعة في ذلك الزمان...!!!
Author: Siham Elmugammar
Date: 05-26-2009, 02:06 PM
Parent: #194
Quote: المهم دعتنا للاشتراك معاهم في الجمعية
واللي من اهم شروطها
اي ولد وبت يقعدو مع بعض يحبوا بعض
كل زلو يجي بفطورو براهو والبارد بتاعو براهو
يتونسوا زي ما عايزين
ولما كل واحد فيهو يقوم
يمشي يفتش عن بديل والبت بروض تفتش عن بديل
وبالتالي الناس تعيش حياتها الجامعية بفهم تاني
بعيد عن اي زول يحب ليهو زول ويقعد قصادو طول سنين الجامعة
تقولوا لي اركان نقاش وضرب ومطاوي وسكاكين حايمة
دي بشر بتفكر برومانسية |
يا شبكة يااااخ ده الكلام ....
زول يجى يقول ليك اركان نقاش و ترهات مافى
لوووووووول
|
Post: #196
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-26-2009, 02:19 PM
Parent: #195
عمر اومو
فتح فرصة للنقاش
تداخلت واحدة سمينة دون ان تعلم ان عمر اومو ورقو زائد
قام قال ليها
(انتي ) بتلقي (كلوت) قدرك وين
|
Post: #198
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 05:14 PM
Parent: #195
وين يييكة يا سهام
الزول زاااتو قلعها ولاشنو
هههههه
|
Post: #290
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-31-2009, 07:01 AM
Parent: #195
Quote: يا شبكة يااااخ ده الكلام ....
|
ياسهام
عليك الله دا مش جيل مواكب للفضائيات ؟؟؟
|
Post: #197
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 05:11 PM
Parent: #194
Quote: يمشي يفتش عن بديل والبت بروض تفتش عن بديل
وبالتالي الناس تعيش حياتها الجامعية بفهم تاني
بعيد عن اي زول يحب ليهو زول ويقعد قصادو طول سنين الجامعة |
والله فكرة عال العال...
وديل طبعا لو حضروهم ناس عمارادم كان قرقشو ليهم باقي عضامهم دي
والفكرة ما بناباها تب
بس لو البارد والسندوشات والجكس بقي من الجمعية دي
ممكن كان نربتا ليهم زي الما حصلت حاجة لوووووووول...
.....
ياخ بالجد السطحية الظاهرة عليها ضربت بجذورها في البلد ديك
ومفاهيم زي دي كان لايوجد من يجرو الاقتراب او التصوير قريب منها
|
Post: #199
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-26-2009, 05:17 PM
Parent: #197
ركن نقاش مسجل كخطر منطقة كوارث
والخبرا كانو ينصحون البرلومات بعدم الاقتراب او مجرد المرور بدائرة قطرها 20 متر من ركن عمر اومو..
طبعا السنيورات بكونو عارفات الحاصل شنو
|
Post: #200
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-26-2009, 06:50 PM
Parent: #199
| Quote: وكان فى متحدث تبع الجبهة الديمقراطية بجى من شمبات اخضرانى تخين وشعرو سبيبى كتير وما كان بجى كتير بس اسمو ما متذكرو منو والله |
ياهو ده يا شبكة الولد الطعنوهو الكيزان أيام الإنتخابات إسمو برضو هيثم تقريباً بس ما متأكد ..
وبالمناسبة هيثم العسل الأنت قاصداهو ده ولد بيطرة وتابع للمحايدين وأسمو هيثم العسل عشان وجيه وحياتك الأسم ده أخدو قبل ما ياخد البكالريوس زاتو خلي الماجستير ..
هيثم ده كان تخصص برالمة يقعد ليك مع البرلومة عشرة دقائق يشيل صوتها في جيبو و يتخارج ..
والله العظيم شوف عيني شلتنا كان فيها مجموعة من البرلومات وقاعدين نفطر هيثم ده جاء ماشي في الممر البرلومات شاغلوهو ليك زي الما حصل حاجة .. خجلونا زاتو !!
الناس دي ليه نست رشا عوض يا أخوانا ؟؟ الزولة دي نضامة لي يوم الليلة ؟؟
الجمعية دي زمنها ليه ما كانت في ؟؟ كملنا قريشات أهلنا كلهم بيبسي و سندوتشات ولا نفع فيهم البرلومات !! 
|
Post: #201
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-26-2009, 07:09 PM
Parent: #200
Quote: وبالمناسبة هيثم العسل الأنت قاصداهو ده ولد بيطرة وتابع للمحايدين وأسمو هيثم العسل عشان وجيه وحياتك الأسم ده أخدو قبل ما ياخد البكالريوس زاتو خلي الماجستير ..
|
خالد
هيثم اللي انا قاصداهو هو هيثم من زراعة كان دفعة خالد عويس (الفرقة التانية) وبعد اتخرج غاب ليهو زي سنة وجا راجع للماجستير
والماجستير في النحل او العسل لانو كان من قسم الحشرات او الوقاية ما متاكدة مية المية
انت قاصد هيثم تاني بكلامك دا
| Quote: الجمعية دي زمنها ليه ما كانت في ؟؟ كملنا قريشات أهلنا كلهم بيبسي و سندوتشات ولا نفع فيهم البرلومات !! |
خالد
انتو ما حصلتوا الجميعة لانكم مرقتوا بدري
كنتوا لاحقين شنو برة
انا بنات دفعتي لي هسة لا اشتغلوا لا عرسوا وحارسين البيوت
قلت ليهم المارقكم شنو
الربيت دا عيبوا شنو؟؟؟
|
Post: #202
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-26-2009, 08:35 PM
Parent: #201
| Quote: وكان فى متحدث تبع الجبهة الديمقراطية بجى من شمبات اخضرانى تخين وشعرو سبيبى كتير وما كان بجى كتير بس اسمو ما متذكرو منو والله |
الأخ خالد عبدالله محمود
المقصود حسب الأوصاف هو الأخ عبدالوهاب بوب متحدث الجبهة الديمقراطية في شمبات وفي جامعة الخرطوم عموما.
الأخ شبكا
ربما تقصد الأخ هيثم عوض وهو موجود حاليا في أبوظبي.
كدي كلمني بي رواقة عن الجمعية دي أنا ما فهمت حاجة؟؟
بعدين ياخوي انت عايزنا نقعد كم سنة في الجامعة؟؟ أها عد..ناس الجيش الشعبي دخلوا مقوي وفرجوك سنة 97 سنتنا اتلخبطت فوق تحت أيام هضربة الكيزان ديك وخوفهم من الجامعات..وسنة تانية قعدونا فيها بسبب مادة واحدة..وطبعا السبب الحقيقي مختلف..تضيف ليها 5 سنوات..دي 7 سنوات..يعني عايزني اطلع من الجامعة على المقابر دغري ولا شنو؟؟
|
Post: #203
Title: Re: نجوم اركان النقاش في نشاط الجامعة في ذلك الزمان...!!!
Author: إسماعيل وراق
Date: 05-26-2009, 10:19 PM
Parent: #202
الأخ كيكي
تحية طيبة.،
أشكرك على فتح هذه النافذة الهامة.. وجامعة الخرطوم لها تاريخ ناصع يجب أن يسطر ويدون بصورة دقيقة.
..
..
محطات:
* التحقت بالجامعة في الفترة من 1991م الى 1995م.
* في الفترة من 1991م الى 1992 لا يوجد نشاط داخل الجامعة بحجة إيقاف النشاط من السلطة الحاكمة.
* بدأت معركة إعادة النشاط وأخيراً تمت الموافقة على أن يكون النشاط في دار الإتحاد فقط وحجتهم أن النشاط داخل الجامعة يسبب إزعاج للطلاب.. وللمرحومة زكية عوض ساتي عميد كلية آداب قول مشهور في ذلك، بل طبقت قولها بالفعل وذلك من خلال إنشاء (حمامات) في مكان النشاط المعروف بكلية الآداب.
* بعد عودة النشاط، بدأت التنظيمات تظهر في الساحة السياسية بشكل أفضل من سابقه إذ كان العمل تنظيمي بحت.
* إبرز (المركناتية) كانوا كالتالي:
الجبهة الديموقراطية
- محجوب حسن حماد (سكول اوف ماس) وكان كذلك طالب تجارة بجامعة القاهرة فرع الخرطوم والآن يعمل بالمملكة العربية السعودية بمنطقة عفيف.
- علي موسى، طالب كلية الآداب وهو من ريفي المناقل.. وعلي موسى شخص صديق وهو من دلني على انتماء حسن اسماعيل لحزب الأمة منذ الثانويات والتقيت بعدها بالأخ حسن اسماعيل سيد احمد ومن ثم كان نشاطه بالجامعة.
- شيزاز عبد الحي
- سامر حسن (لفترة وجيزة)
- محمد الأشرف
الطلاب الأنصار وحزب الأمة:
- محمد الباقر (كلية الزراعة)
- قاسم اسماعيل (كلية التربية)
- محمد احمد بلل (كلية التربية)
- فتحي حسن عثمان (كلية الآداب)
- سامي بلة آدم (كلية الآداب)
والذين آتوا بعدنا من تنظيم الأنصار حزب الأمة
- محمد المهدي حسن الشهير بمحمد فول
- خالد عويس
الإتحاديين:
- يوسف الهندي
- اشراقة سيد محمود (بداية دخولها الجامعة كانت ضمن ناشطي حركة الطلاب المحايدين)
مؤتمر الطلاب المستقلين:
- بكري الجاك
- جعفر بشير (أبو آمنة)
- الشهيد نصر الدين الرشيد (طالب بالأهلية)
حركة الاسلاميين الوطنين (الكيزان)
- علي عبد الفتاح (الهندسة)
- محمد المجذوب (اقتصاد)
- علي فرح (زراعة)
- عبيد الله محمد عبيد الله (اقتصاد)
- عمار باشري أو (البرلوم)، وله مشاكسات مع محجوب حسن حماد (جبهة ديموقراطية)
المحايدين:
- اسماعيل محمد علي وادي (اقتصاد)
- النور جابر (هندسة)
- أبو الوفاء شريف (اقتصاد)
- عمر صديق ، أعتقد اسمه هكذا (زراعة)
جبهة كفاح الطلبة
- ناصف بشير
..
..
اهدي الجميع هذا البوست الذي يتناول فصول من سيرة جامعة الخرطوم
جـامعـة الخرطوم .. عـبق الـزمـان وروعـة المـكان.. دعـوة للتلاقي
|
Post: #248
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 10:52 AM
Parent: #203
Quote: * التحقت بالجامعة في الفترة من 1991م الى 1995م.
* في الفترة من 1991م الى 1992 لا يوجد نشاط داخل الجامعة بحجة إيقاف النشاط من السلطة الحاكمة.
* بدأت معركة إعادة النشاط وأخيراً تمت الموافقة على أن يكون النشاط في دار الإتحاد فقط وحجتهم أن النشاط داخل الجامعة يسبب إزعاج للطلاب.. وللمرحومة زكية عوض ساتي عميد كلية آداب قول مشهور في ذلك، بل طبقت قولها بالفعل وذلك من خلال إنشاء (حمامات) في مكان النشاط المعروف بكلية الآداب |
هلا يا اسماعيل وراق
وانتو يا وراق دخلتو الجامعة واحنا متخارجين لانو جزء كبير من الشباب الذكرتهم ديل احنا حضرناهم
موضوع عميدة الاداب الحولت ميدان الاداب الي مراحيض برضو حضرناهو..وده كان حدث مفجع وبحدث عن مقدراتواصرار الكيزان في تدمير وهج الجامعة التي ازعجت هذه الحكومة في بداياتها ازعاج شديد
وقدمت اوائل الشهداء في عصر الانقاذ...
وكل التحية يا سمعة وكن بالجوار
|
Post: #204
Title: Re: نجوم اركان النقاش في نشاط الجامعة في ذلك الزمان...!!!
Author: علاء الدين صلاح محمد
Date: 05-26-2009, 10:48 PM
Parent: #202
يا بدر الدين
ايه رايك بعرفك و الان شايفك قدامي - بنظارتك ذات الفريم المدور.
اعتقد المشكلة التي تحدثت عنها هي امتداد لمشكلة حسن عطية مع الكوز عبد الرافع.
وعن رجالة حسن عطية احكي ليكم:
يقال والعهدة على الراوي ان اعداء الحب الكيزان ترصدوا لعشاق الخلط يوم خميس خاصة المجموعة التي تبدأ
الخلط في الكافتيريا و تتمها بمسطبة السفرة القديمة (جوار داخلية الطالبات) و اصطادت المجوعة الكيزانية المسلحة
الوجيه (ك) خالط واحدة من الحجم العائلي
اصلو الوجيه (ك) ود حتة و حليو و جنوا خلط
وخلطوا من جميع الاوزان من وزن الريشة الى ما بعد الحجم العائلي
على العموم لقوا المسكين (ك) خالط و وقعوا فيهوا جلد بصوت العنج
صحبك المسكين كورك زي اطفال الابتدائي
و اكتر شي عملوا
قال للمجموعة المعتدية التي تكره الحب والجمال
انتو اكان رجال صح صح ما تمشوا لحسن عطية
راجع
التحية للجميع خاصة الشمباتة
|
Post: #206
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-27-2009, 05:42 AM
Parent: #204
علاءالدين
سلام
Quote: يا بدر الدين
ايه رايك بعرفك و الان شايفك قدامي - بنظارتك ذات الفريم المدور. |
كتلتني تب، و هسع بقت واحدة للسواقة وواحدة للقراية وواحدة لشوف الناس، اخوك موضوعو بايظ، بس الله
يبارك في ناس النضارات!
"ك" زول صاحبنا ياخ!
حقيقة حسن عطية ضحى بكل ما يستطيع من اجل الناس. له التحية و التقدير
|
Post: #205
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 05:38 AM
Parent: #202
خالد عبد الله
Quote: الأخ خالد عبدالله محمود
المقصود حسب الأوصاف هو الأخ عبدالوهاب بوب متحدث الجبهة الديمقراطية في شمبات وفي جامعة الخرطوم عموما.
|
دا كلام مية المية ياخالد
وفعلا اسمو عبد الوهاب
|
Post: #207
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 05:42 AM
Parent: #202
الاخ / خالد عويس
اول شي صلح
عشان احكي ليك عن
Quote: كدي كلمني بي رواقة عن الجمعية دي أنا ما فهمت حاجة؟؟
|
ومشكور على ايراد اسم الاخ هيثم عوض وفعلا هو المقصود باسم هيثم نحل او عسل
دي لي هسة ما قادرة اتذكرها
خالد
متذكر لما حبسوا الناس جنب كافتيرا عدلان وطلعنا من الكلية الطلعة الياها ما جينا الا بعد 9 شهور تقريبا؟؟؟
وكسير كراسي عم حسن وهو راجل لا ايدو لا كراعو لقى اي زول شايل ليهو رجل كرسي من كراسيهو وماشي على جهة اللبخة
وما قادر يقول شي غير حسبي الله ونعم الوكيل
|
Post: #208
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-27-2009, 06:55 AM
Parent: #207
السلام عليكم
عبد الكريم والشباب الجميل صباح الخيرات
وهذه مساهمة أخرى بالبريد من آدم إدريس
Quote: البوست راقي و موفق من حيث أنه توثيق نادر وهادف
هؤلاء الركانة لولاهم لما تفتق الوعي السياسي و الوطني لدى الكثير من الطلاب، فكانت خطاباتهم جاذبة للأفئدة والعقول مشحونة بكل أسباب الثورة والتمرد والنضال و الإبداع، وبما أن البوست للتوثيق أريد أن أثبت حقائق من خلال متابعتي اللصيقة لهذه المنابر من عام 1996 الي 2002
أبرز كادر خطابي عاصرناه في الجامعة على الإطلاق كان عصمت الدسيس من حركة حق، وتكاد تجزم أن عصمت الدسيس لا يوجد خطيب مثله على مستوى السودان ككل ، وتحول لاحقاً الي حزب الأمة.
أبرز كادر خطابي للطلاب المستقلين كان أحمد ضوالبيت، وهذا الشخص تلحظ صوره في العديد من بروفايلات البورداب في سودانيز أون لاين إثر إختفائه الغامض منذ سنوات ، ويليه محمد فاروق،
أميز كادر كان لحزب الأمة هو حسن إسماعيل لما يمتاز به خطابه من تحليل ذكي وساخر، يليه خالد عويس الذي كان خطابه يتسم بالموضوعية، ثم محمد فول الذي كان يجنح دوماً لكوميديا الخطاب،
أبرز كوادر الجبهة الديموقراطية كان محمد الأشرف لما يمتاز به خطابه من موضوعية وهدوء, ثم تليه شيراز عبدالحي ست الخطاب الثوري والصوت الجهور، ثم يأتي في الترتيب خالد ود كلية
الطب، وكان يمتاز بالهدوء و الرزانة ولا ينفعل
أبرز كادر للإتحاديين كان محمد مصطفى السني و يليه أيمن خالد
أبرز كوادر أنصار السنة كان وائل ثم محمد زكريا ثم الواثق, و أذكر أجمل نكتة لهذا الواثق كانت في حوار له مع الشيوعيين عن المرأة. قال ليهم: إنتو يالشيوعيين، المرأة ماسكنها من رأسها "سال من شعرها الذهب" والرقيبة قزازة عصير و هو كان الخصر أصغر، وجوز تفاح،، ياخ إنتو القاعدة في بيتها ما مريحنها " مالك مجافي الناس عايش براك في غربة"
آدم إدريس ..جامعة الخرطوم 1996 2001 |
|
Post: #210
Title: Re: نجوم اركان النقاش في نشاط الجامعة في ذلك الزمان...!!!
Author: محمد على حسن
Date: 05-27-2009, 11:05 AM
Parent: #208
Quote: تقديرا وعرفانا لدعمه المستشفى من الحكومة الاتحادية
أبناء دلقو المحس(داس) في الرياض يحتفون بالأستاذ حمدي موسى بمشاركة أبناء المحس
الرياض:-أحمد علاء
تحت شعار (من يفعل الخير لا يعدم جوازيه) وبمشاركة واسعة من أبناء المحس في الرياض,
أقام أبناء دلقو حاضرة المحس(داس) أمسية الثلاثاء الماضي باستراحة الشلال مهرجان
الوفاء وأمسية التكريم للأستاذ حمدي موسى عثمان موسى– الذي يزور الرياض حاليا-
وذلك تقديرا في سعيه ومساهمته في الحصول على دعم مادي يقدر ب332 مليون جنيه
من الحكومة الاتحادية لبناء وتجهيز وحدتين للعمليات في مستشفى دلقو حيث يجري
العمل حاليا في تنفيذه.
وقد استهل أمسية التكريم,والوفاء لأهل العطاء, التي بدأت بالقرآن الكريم, الأستاذ
أحمد علاء الدين بكلمة رحب فيها بالمحتفى به الأستاذ حمدي موسى عثمان, وقدم شكره
وتقديره للحضور من أبناء المحس, مؤكدا لهم بأن دلقو فخورة بمشاركتهم في حفل
تكريم ابنها البار, عرفانا منها بالجميل واعترافا منها بالفضل والعطاء, كما
شدد على أن تكريم المحتفى به تكريم صادف أهله لأنه رجل مواقف ظل يجاهد
ويعمل في صمت ونكران ذات من أجل أن يقدم خدمة جليلة لأهله في منطقة المحس,
وكانت ثمرة جهوده وعمله المخلص وسعيه الدءوب الحصول على دعم مادي قدره 332مليون
جنيه (أكثر من ستمائة ألف ريال سعودي)من الحكومة الاتحادية لبناء وتجهيز وحدتين
للعمليات في مستشفى دلقو, بالإضافة إلي اختياره الشركة التي تناسب مواصفاتها وهي
التي تقوم بتنفيذ المشروع على أرض الواقع, وأضاف الأستاذ أحمد علاء بأن تكريم
الأستاذ حمدي موسى وفوق أنه واجب وحتمي كما أن أهلنا في دلقو والخرطوم وهم
الألصق به قد طلبوا منا تكريمه وهم الأدرى منا بوفائه وإخلاصه وعطائه , كما أن هذا
التكريم قد يكون دافعا للمحتفى به ولأمثاله من أبناء المحس في تقديم المزيد من
الخدمات في منطقة المحس بصورة عامة, كما أشار الأستاذ أحمد علاء إلي أن الدعم
الذي سعى إليه وقدمه الأستاذ حمدي موسى يعد تحد حقيقي وأكبر إنجاز ودعم للمستشفى
منذ تأسيسه في عام 1961م, وأن المنطقة برمتها قد أهملت ولم تنل حظها من التنمية
والتطور منذ فجر الاستقلال, وختم الأستاذ أحمد علاء كلمته مطالبا أبناء المحس بتسخير
جهودهم في الداخل والخارج لخدمة المنطقة من مواقعهم وتوجهاتهم وأحزابهم السياسية
المختلفة مشيرا في هذا الصدد بأن مفهوم السياسة في عصر العولمة قد تعدى تفسيره
وشرحه إلي رعاية مصالح الناس, ويجب استغلال هذا الفهم لخدمة منطقة المحس وأهلها.
ونيابة عن أبناء دلقو المحس في السعودية ارتجل المهندس مرتضى إبراهيم عبد الرزاق
رئيس اللجنة المنظمة لمهرجان التكريم, بكلمة شكر فيها أبناء المحس فردا فردا, و
أشار إلي أن تكريم الأستاذ حمدي موسى بمشاركة أبناء المحس يدل دلالة قاطعة على صفات
أهل المحس الفاضلة التي ظلت علامة فارقة ومميزة لهم في كل زمان ومكان, وختم حديثه
مؤكدا بأن أهل المحس هم أهل دلقو كما أن أهل دلقو هم أهل المحس لا يتميزون ولا فرق بينهم
إلا بمقدار ما يقدمونه للمنطقة من خدمات.
وفي كلمة لرابطة أبناء المحس في الرياض تحدث الأستاذ قاسم صديق رئيس الرابطة, مقدما شكره وتقديره للمحتفى به ولأبناء داس في السعودية, كما قدم سردا لذكرياته الطيبة في دلقو في
عام 1984م حين تم تعيينه ضابطا إداريا, وختم حديثه مؤمنا على ضرورة أن يحذو أبناء
المحس حذو المحتفى به في خدمة وتطوير المحس كل في تخصصه وموقعه وعلاقاته والجهة التي ينتمي إليها, ومن ثم أعقبه الأستاذ محمد عوض سليمان رئيس اللجنة التنفيذية للهيئة العليا لتنمية
المحس بكلمة حيا فيها دلقو تاريخا وعطاء واصفا إياها بالدوحة الوريفة التي يستجير بها
الجميع من ثالوث الفقر والمرض والجهل, وذكر نماذجا لرجالات دلقو الأجاويد الذين كانوا يجوبون المنطقة من شرقها وغربها وشمالها وجنوبها حلا لأي إشكال, وختم حديثه مقدما شكره وتقديره
للمحتفى به الذي جسد أمنية طالما ظل يراود أبناء المحس ليل نهار, ثم أعقبه الأستاذ سيد
نصر سعد في كلمة شكر فيها أبناء داس في السعودية, مؤمنا بأن المحتفى به قد رفع وقدم رايته البيضاء لأهله في دلقو بدعمه للمستشفى الذي يقصده جميع أهل المحس طلبا للاستشفاء وختم حديثه بقصيدة تجسد عن ذكرياته الطيبة في أرض دلقو وقد نالت –قصيدته-رضاء واستحسان الحضور,
وفي كلمته دعا عميد النوبيين وشيخ المحس العم على أبوبكر محمد, على ضرورة أن تنتهج
روابط واتحادات المحس في المهجر أسلوبا مغايرا ومختلفا في وسائل إيصال صوت مطالب
التنمية في المنطقة بالتنسيق الكامل مع مجتمع الداخل الذين أثبتوا قدرتهم القوية
على تحقيق الكثير من المطالب مقارنة بالأجسام والكيانات التي تجهد نفسها في الخارج
دون أن تحقق شيئا يذكر, وختم العم علي أبوبكر حديثه شاكرا أبناء دلقو والمحتفى به
الذي ضرب أروع المثل في خدمة أهله وعشيرته, وبدوره قدم الأستاذ هارون عبد الحليم
هارون رئيس اتحاد أبناء المضيقين بالرياض في كلمته شكره وتقديره للمحتفى به على
ما قدمه للمحس من عطاء بدعمه للمستشفى الذي ظل ملاذا آمنا لأهل المحس الذين يتطلعون
بدورهم في أن يكون مشفاهم معلما صحيا بارزا ومؤهلا في تقديم أحسن الخدمات, ومن ثم
أعقبه المهندس علاء الدين عيسى محمد مشيدا بالمحتفى به وبعطائه الذي لا يصدر إلا من
شخص يتمتع بقدر عال من الإيمان ودرجة عالية من المروءة, وان هذا التكريم دليل
على أصالة وصدق أهل دلقو بالوفاء لأهل العطاء.
ومن ثم بعد ذلك خاطب الاحتفال المحتفى به الأستاذ حمدي موسى عثمان موسى محييا
ومرحبا بالحضور وعبرهم كل أبناء المحس في السعودية كما قدم شكره وامتنانه
لأبناء دلقو حاضرة المحس على حفاوة الاستقبال وحسن التكريم لشخصه قائلا(بان
ما قدمته لدلقو ما هو إلا واجب وبسيط ونعتبره أول غيث وأول خيط في المضي قدما
في مشاريع تنمية المحس التي انطلقت صافرتها في المنطقة, وغدا سيكون دعمنا
للمستشفيات في فريق والترعة والمراكز الصحية المختلفة في منطقة المحس وهي
الموعودة بالكثير من الإنجازات ومشاريع التنمية والبترول)وختم الأستاذ حمدي
موسى حديثه منوها بضرورة التكاتف والوحدة ومن ثم السعي لمطالبة حقوقهم التنموية
وفق بيانات ومعلومات ومعطيات مدروسة.
وفي فقرة التكريم قدم أبناء اتحاد المضيقين في الرياض درعا تذكاريا للمحتفى
به باسم الاتحاد, كما قدم الأستاذ خالد صلاح شهادة تقديرية باسم جمعية الجرور
الخيرية في الرياض, كما قدم أبناء دلقو المحس في السعودية درعا تذكاريا
فاخرا للمحتفى به الأستاذ حمدي موسى عثمان, حيث قام بتسليمه, كل من الأساتذة
أرو وهبي, ومحمد مرسي, والفاتح محمد إبراهيم, والشاذلي عبد العال. وقد قام
بتقديم فقرات الحفل والتكريم الأستاذ احمد علاء |
الخبر من صفحة الاخبار من( الهوم بيج )
عن دعم سخي من الاستاذ حمدي موسى لدلقو المحس
لناس العلوم وابناء المحس خاصة و الخرطوم عامة و بعد قراءة الخبر
افيدونا لو عرفتوا الاستاذ حمدي
هل هو حمدي بتاع العلوم ام حمدى اخر
|
Post: #212
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-27-2009, 01:03 PM
Parent: #210
Quote: الجمعية دي زمنها ليه ما كانت في ؟؟ كملنا قريشات أهلنا كلهم بيبسي
و سندوتشات ولا نفع فيهم البرلومات !! |
جنس غبا عليكم يا اولاد حوا..(وش فطسان من الضحك)
بالمرة كدا يا خالد بالله الوش اب سنينة دا جبتو من وين؟ اصلي مغرودة لي في وشوش وكدا..
هيثم القيافة دا عرفناه..كدي كلمنا عن الجمعية..
تعرف ياخالد عندنا زميلنا كمال (كيمو) كان زول ساخر الله يطراه بالخير..
حدثني احد الزملاء ان كيمو هذا كان عندو كراس مسطرو
ومقسمه اي وبي بلس وسي بلس ودي واف.. مصنف فيهو البنات حسب درجة سماحتهن..
طبعا الاولاد ديل زول بهبشهم مافي عشان التنصنيف الرجالي وعوامل اخرى دا ما مكانها....
المهم كمال دا كانت في بت في الاداب جميلة حد الدهشة.. كمال دا يقال انه كان يطلق عليها لقب: electricity
ومخلي ليها نص الكراس باعتباره حقل مغنطيسي ودافس الباقيات كلهن في باقي الكراس حتى ناس الايه..
طبعا صاحبات الافات دي ما كانت صفحاتهن مبذولة للجميع الا لخاصة الخاصة..
من تشوف الجماعة فاتحين الكراس وميتين بالضحك اعرفهم في صفحة الاف..
الغريبة اصلو ما في بت حاولت تجاريهو وتعمل كراس زي دا وترسل نسخة منو الى البركس..
|
Post: #213
Title: Re: نجوم اركان النقاش في نشاط الجامعة في ذلك الزمان...!!!
Author: khaleel
Date: 05-27-2009, 01:16 PM
Parent: #212
يا كيكي
ياخي انت ناس مهمين
وهم الكومبارس الذين يحضرون الماء للمتحدث في ركن النقاش
واهم كومبارس صاحبنا داك
بعدين خالد شيخة كان متحدث بارع
|
Post: #215
Title: Re: نجوم اركان النقاش في نشاط الجامعة في ذلك الزمان...!!!
Author: أبوبكر أبوالقاسم
Date: 05-27-2009, 01:40 PM
Parent: #213
عبدالكريم وجميع المتداخلين سلامات
متابعين البوست منذ البداية ومستمتعين ومتعجبين للذاكرة ( ما لقيت جمعها) الحديدية للأغلبية.
المرة الوحيدة التى جاءت سيرتنا العجائز كانت:
Quote: ودورة اتخيل لي سنة 79
وياريت يضيف الجميع زاكرتهم الحية حتي تعم الفائدة |
نعم فى تلك الفترة استلم التحالف الإتحاد لحوالى شهرين فقط ... وتفكك نسبة لإنشقاقه .. فأعيدت الإنتخابات وفاز الإتجاه الإسلامى ، واستمتع
الطلاب فى ذلك العام برشوة الإسبيشل المتواصل مرتين ( مع قدوم الإنتخابات). التاريخ يعيد نفسه.
كانت فترتنا بالجامعة (77/81) من أكثر الفترات المليئة بالعمل السياسى وأركان النقاش.
أرجو أن تجدوا من يحكى تفاصيل بعض الأحداث الجِسام التى صاحبت إغتيال/وفاة الغالى عبدالحكم وما تبعها من أحداث خاصة فى الداخليات
حيث كنا فى داخلية بحرالغزال المجاورة لداخلية هندسة ( لاادرى تهراقا أم البحر الأحمر) وكانت آخر عام واُعطيت بعدها للبنات.
اشتهر المرحوم محمد طه محمد أحمد بمجلة أدبية راقية ( أشواك) بالإضافة لمساهماته فى أركان النقاش.
استمتعنا أيما استمتاع بأحمد المصطفى دالى وسخريته اللاذعة.
|
Post: #253
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:20 AM
Parent: #215
Quote: الطلاب فى ذلك العام برشوة الإسبيشل المتواصل مرتين ( مع قدوم الإنتخابات). التاريخ يعيد نفسه.
كانت فترتنا بالجامعة (77/81) من أكثر الفترات المليئة بالعمل السياسى وأركان النقاش.
أرجو أن تجدوا من يحكى تفاصيل بعض الأحداث الجِسام التى صاحبت إغتيال/وفاة الغالى عبدالحكم وما تبعها من أحداث خاصة فى الداخليات
حيث كنا فى داخلية بحرالغزال المجاورة لداخلية هندسة ( لاادرى تهراقا أم البحر الأحمر) وكانت آخر عام واُعطيت بعدها للبنات.
اشتهر المرحوم محمد طه محمد أحمد بمجلة أدبية راقية ( أشواك) بالإضافة لمساهماته فى أركان النقاش.
استمتعنا أيما استمتاع بأحمد المصطفى دالى وسخريته اللاذعة.
|
هلا هلا ياباابوبكر
وحبابك وحباب سنيرنا الكبير...
وبالله الاسبشيل ده رشوي تاريخية والله الكيزان ما قصرو مع جموع الطلاب فقد كان وجبة مدنكلة...
اتغالطنا في احدي البوستات عن يوم لاسبيشل هل (الثلاثاء او الاثنين) انا غايتو كنت بقول الاثنين
77-81 فعلا كانت الجامعة في اوج عظمتها وكل مرة بنسمع بتداعيات انشطة طلابها
والاحداث كانت مشهورة بالتاكيد زي موت عبدالحكم ..
وياريت يا ابوبكر تدونا لمحة عن رووساء الاتحادات واشهر الطلاب السياسيين في تلك الفترة
ولقدام برضو ممكن نتونس عن جرائد النشاط وفي زماننا كانت جرية اخر تسطيح بتاعة احمد شندي اشهر جريدة حائطية غير تابعة للتنظيمات وفكاهية للحد البعيد
|
Post: #252
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:09 AM
Parent: #213
Quote: وهم الكومبارس الذين يحضرون الماء للمتحدث في ركن النقاش
واهم كومبارس صاحبنا داك
بعدين خالد شيخة كان متحدث بارع |
هلا وفعلا ياخلي الناس البجيو الموية ديل مهمين شديد ياخي
ودائما بكونو حاضرين واتخيل لي ديل بتاعين تامين الركن لو حصلت كركبة بكونو جاهزين..
واحنا يادوبك سنة اولي شايف صحبك (وليد زكريا) بقدم في موية لواحد جبهة ديمقراطية في ركن كده
استغربت ساعتها قلت هوووو متين ياربي الزول ده دخل الجامعة لمن يبقي شيوعي كمان هههههه
....
خالد شيخة ياخي متحدث بارع وزول بربها ربة صاح
وقبل ما ينسخت كانت له صولات وجولات نقاشية وعندما عندما راي ما راي
موضوعو بقي بايظ كوررتو فكت مع الكيزان الجواسيس ديل
|
Post: #251
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:03 AM
Parent: #212
| Quote: حدثني احد الزملاء ان كيمو هذا كان عندو كراس مسطرو |
هلا يا حليمة وحبابك يا زمن يا جميل..
وبالله حكاية الكراسات دي برضها كانت عند ناسكم
غايتو في الهندسة الكراسات الجكسية لو لموها ممكن تعمل براااها مكتبة كده زي المين لووووووول
|
Post: #250
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:00 AM
Parent: #210
| Quote: هل هو حمدي بتاع العلوم ام حمدى اخر |
هلا يا محمد علي
وياريت ياتي احد الاخوان للاجابة
ففي زماننا كان في كوز اسمو فلان حمدي ولا حمدي خليل ماعارف كان ريس الاتحاد
|
Post: #249
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 10:56 AM
Parent: #208
Quote: عبد الكريم والشباب الجميل صباح الخيرات
وهذه مساهمة أخرى بالبريد من آدم إدريس |
مرحب يا جعفر
وشكرا كثير ياخي علي رفد البوست عبر الايميل بمداخلتك الاخوة القراء..
وتحياتي الحارة للاخ ادم ادريس الذي ادانا مشهد من فترتهم التي هي غامضة وغايبة عنا نحن جموع االذين غادرنا ام نخيل في ذلك الزمان,,,ةياريت يا ادم تواصل زاكرتك الحية وتوثق معنا لهذه الفترة بالتحديد فقد كان فيها ايضا شغل مركب ومواصلة لمسلسل كفاح ونضال طلاب جامعة الخرطوم
وكل الود وتحياتي
|
Post: #214
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-27-2009, 01:38 PM
Parent: #207
يا ستي والله حقك على..
أنا آسف جدا
أها كدة بي روااااقة أحكي لي عن الجمعية؟
الطلعة الياها ديك يا شبكة أنا طلعت منها بي كرامة البليلة لأنو ناس الأمن كانوا منتشرين حول شمبات ومنتظرين كل السياسيين عشان يعتقلوهم..غايتو أنا من الداخلية لي الكلية لي برة الكلية طلعت بعد كل نفس ذائقة الموت..وبعدها لموا في محمد فول وفتحي مادبو اعتقلوهم يمكن 3 شهور.
|
Post: #216
Title: Re: نجوم اركان النقاش في نشاط الجامعة في ذلك الزمان...!!!
Author: مجاهد محمد عباس
Date: 05-27-2009, 03:41 PM
Parent: #214
خالد عويس لك التحية
و قسماً بالله ركن الطلاب الأنصار - حزب المة يوم الحد كنت بدك ليهو المحاضرات عديل ..
و لسع بتذكر فيهو نكتتك بتاعت حكاية (الزول المواجه عقوبة الإعدام و كيف محاميهو خلاهو يطلع براءة بإدعائه الجنون في كل مراحل التحقيقات و أمام القاضي و لما طلع برئ و جا المحامي ياخد اتعابو عمل ليهو مجنون برضو) و بتذكر مناسبتها كانت ايام المفاصلة بين الترابي و البشير و كيف كان الترابي بحاول يستلم (الأمانة) من البشير ..
طبعا محمد التعايشي طوالي شايفو في الجامعة (اصلي رجعت اعمل ماجستير) و صديقي محمد علم الهدى كنا شغالين سوا في كنانة ..
عموما سعيد جدا ان التقي بك مجددا هنا ..
مجاهد
|
Post: #217
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-27-2009, 04:03 PM
Parent: #216
شبكة و خالد عويس
الزول فعلاً ياهو عبدالوهاب بوب يادوب وقع لي
تصدقي يا شبكة يوم الكعة دي من صباح الرحمن قابلت واحد قريبي كوز بدرس في الإسلامية في اللبخة قلت ليهو جايني زيارة ولا شنو؟ قال أحسن ليك تتخارج من هنا الليلة حيحصل ضرب في الجامعة وفعلاً حصل الحصل والزول ده الليلة ضابط في الأمن تتخيلي !! طبعاً ما أتخارجت لكن أنا أصلاً ما كنت منظم عشان كده ما كنت مستهدف.
مجاهد محمد عباس أنت مش دفعتنا ولا زول تاني؟؟
|
Post: #218
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-27-2009, 04:16 PM
Parent: #217
حليمة
خليك من زولك ده ..
لما دخلنا الجامعة برالمة كانت في واحدة في سنة خامسة أسمها تسنيم,الجامعة كلها بتتكلم بي الزولة دي والناس بتجي وفود لي شمبات من السنتر و الأطراف بس عشان تشوف تسنيم دي وأنا طبعاً برلوم دايش ما عارف حاجة سألت واحد زميلنا قلت ليهو تسنيم دي منو؟ قال لي أنت بتدرس في شمبات و ما بتعرف تسنيم؟ قال لي أرح نوريك ليها .. سبحان الله ديك مستحيل تكون بشر زينا كده !!
طبعاً كان عندنا شلة بتاعت إشاعات قمنا طلعنا إشاعة قلنا تسنيم دي بت عمتي .. غايتو اليوم داك سمعت كترة كلام فارغ .. اليقول لي البطن بطران واليقول لي أنت وهي في حواء وآدم ما بتتلاقو والبقول لي يا عب ما تتسبلط في بنات العرب ندموني على إشاعتي العملتها.
بالنسبة للإبتسمات سيبك من إبتسامات بكري و شوفي الرابط ده :
http://www.s77.com/index.php?t=s/s19
|
Post: #222
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 08:09 PM
Parent: #218
خالد عبد الله
انت عارف تسنيم دي فيها اغنية كاملة
ما بتذكر فيها شي
غير تسلم تسنيم زراعة
والقصيدة كاتبها واحد من اولاد بيطرة دفعة ناس خشم الموس (دفعة قرت زي 10 سنة في الجامعة)
القصيدة لو انت في السودان بتلقاها عند عصمت قرشي
خالد
انت دفعة الهشامات مش؟؟؟
|
Post: #221
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 08:05 PM
Parent: #217
خالد عبد الله
يوم كان في كعة في اللبخة اظنها نفس الكعة الحكيت عنها
وكان عندي اختى ممتحنة شهادة واول مرة تدخل جامعة
يعني البت ممتحنة وداخلة الجامعة سقتها معاي
قلت تاخد فكرة
مرقت من كليتنا اليوم داك لي هسة ما دخلت الكلية
وطارت من حاجة اسمها سياسة
لي هسة ما اظنها عارفة غير عمر البشير في الحكومة
كلو بسبب الكعة ديك
وعرفت انها بسبب سياسة
|
Post: #219
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-27-2009, 07:32 PM
Parent: #216
مجاهد إزيك يا أخي
والله نحن ذاتنا كنا بنستمتع جدا بي ركن الأحد في السنتر..والشغلانية كانت أشبه بالوردية بينا نحن الأربعة:
فتحي حسن عثمان
محمد فول
حسن إسماعيل
وشخصي
كل أحد اتنين بشتغلوا، والأحد اللي بعدو الاتنين التانين.غايتو بعترف إنو لما نشتغل أنا وفتحي الركن بيكون في قمة السفاهة وقلة الأدب خسووووسا إذا كانوا الكيزان قلوا أبدهم في حاجة.
أيام جميلة والله يا مجاهد..برغم الفقر اللي كان كاتلنا كتل..ياخي نحن كنا أفقر ناس في الجامعة..يعني كنا (شيوعيين) الجامعة عدييييل..بعد الركن - ركن الأحد - تلاقي خمسمية واحد في صحن (فتة) واحد إما في اقتصاد أو في هندسة..اها على حس الجوع ده كان في كوز من آداب متلحنا ليك ما نقول بغم يقول عايز فرصة نقاش..ويجي يقول كلام كتير ما منو فايدة..وهو شوية مليان..أها مرة نقشتو ليك في الداخليات - السنتر - يضرب حليب وباسطة ونحن في صحن (البوش) المعتاد بتاعنا..ومسكتها ليهو بعدها يمكن 5 أركان..ما عندي شغلة غير حليبو وباسطته.
مشتاق والله جدا للأيام ديك
|
Post: #223
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 08:13 PM
Parent: #219
Quote: مشتاق والله جدا للأيام ديك
|
انت ما تتخيل ياخالد البوست دا ذكرني باحلى ذكريات في الجامعة
وخلاني بديت افتش في تلفونات الناس
|
Post: #220
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-27-2009, 08:01 PM
Parent: #214
خالد
Quote: يا ستي والله حقك على..
أنا آسف جدا |
غايتو شفعت ليك شمباتيتك (الكلمة دي اتكتبت بصعوبة )
| Quote: أها كدة بي روااااقة أحكي لي عن الجمعية؟ |
ياسيدي الجمعية دي
اتكونت بعد انتوا اتخرجتوا
وكان من اهم شروطها انو مافي زول يصرف على زول
يعني يجوا ولد وبت يقعدوا يحبوا في بعض
كل واحد يجي بالبارد بتاعو والفطور بتاعو
يعني اللقاء للونسة مافي فيهو اي وجبات
بعد الونسة تنتهي
كل زول يمشي يشوف بديل للزول الكا ن معاهو
يعني لو بت تشوف ولد غيرو
ولو ولد يشوف بت غيرها
وبنفس الشروط مافي زول يصرف على زول
وبالتالي اسم الجمعية كان
الحب بلا مسئولية
وقعت ليك فكرة الجمعية دي؟
وبالمناسبة البت الدعتنا للجمعية دي السنة الفاتت كانت بتحضر يعني ما زالت موجودة
بيكون امير محجوب وعصمت ققرشي جايبين خبرها وين هي هسة ووين وصلت الجمعية لي هسة
تحياتي
|
Post: #224
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-27-2009, 10:42 PM
Parent: #220
| Quote: بيكون امير محجوب وعصمت ققرشي جايبين خبرها وين هي هسة ووين وصلت الجمعية لي هسة |
اقطع دراعي لو ما كانت الفكرة من تأليفهم واخراجهم وبطولتهم هم الاتنين جوز اللوز ديل..اصلا مقطعين..قولي لي أمير محجوب رجع من جنوب إفريقيا ولا لسة؟
غايتو لحد هسع يكون (خلط) البلد كلها بما فيها (ويني مانديلا) وزوجة مانديلا الجديدة أرملة سامورا ميتشيل !!
شمبات دي اغرب خمسة حاجات فيها..تلاتة حاجات..عـ(ث)مـت قرشي وأمير محجوب !!
|
Post: #229
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-28-2009, 05:18 AM
Parent: #224
خالد
| Quote: قولي لي أمير محجوب رجع من جنوب إفريقيا ولا لسة؟ |
ماعندي فكرة والله
| Quote: شمبات دي اغرب خمسة حاجات فيها..تلاتة حاجات..عـ(ث)مـت قرشي وأمير محجوب !! |
ديل من دخلوا الجامعة من الثانوي ما طلعوا منها لي هسة
عشان كدا البقوا الوحيدين المتابعين التطورات الحاصلة في شمبات
وخرجوا اجيال واجيال واجيال من شمبات
ابتدا من فرقتهم الاولى ولي هسة بتكون وصلت الفرقة الرابعة عشر او الخامسة عشرة ما بعرف
تحياتي
|
Post: #254
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:28 AM
Parent: #229
| Quote: وخرجوا اجيال واجيال واجيال من شمبات |
هلا يا شبكة
وجموع الشمباتة
وواصلو ياخي
وناسسسسسسين بالجد انتو يا الشمباتة
وحكي نوعي وصهيل زمن جميل وتشهو الزول يرجع تاني وتاني للجامعة اللذيذة دي ياخي
|
Post: #225
Title: Re: نجوم اركان النقاش في نشاط الجامعة في ذلك الزمان...!!!
Author: عبداللطيف حسن علي
Date: 05-27-2009, 11:09 PM
Parent: #220
بعد فترة غياب طويلة عن البورد(تسعة ايام) نجي نلقي بوستيك الرائع ياكيكي
وهو من اجمل البوستات في الفترة السابقة..
ملاحظتي :
انو الزميلة شول طالبة في جامعة جوبا وليست في جامعة الخرطوم كما ذكر خالد
عويس واصيبت بطلقة في قدمها اثناء المظاهرات مع بداية الانقاذ وتقريبا
نفس المظاهرات التي اغتيلت فيها التاية وقبلها بشير طالب الاقتصاد
وكنا نشارك بفعالية قوية من جامعة جوبا بعد احتضانها من جامعة الخرطوم
كما ذكر صديقي جعفر محي الدين..
كذلك الطالب الناجي عبدالله (متحدث الاتجاه الاسلامي ) من جامعة جوبا
ودائم الحضور في نشاط الخرطوم وبالسيخ والتكبير ومعروف عنه امنجي كبير
راح شمار في مرقة بعد المناتلة مع شيخهم الترابي..
بعدين شايفك يا كيكي لبدت ساكت بعد لقيت اسمي في قائمة جعفر بتاعت
المتحدثين في اركان النقاش رغم ان جعفر لم يذكر جمال توفيق وهو احد
الطلاب الذين تركوا جوبا الي جامعة الخرطوم وكان خطابي ممتاز
ولم يذكر انشراح محمد احمد وشهاب علي يوسف (الزول اللي لفقوا ليهو تهمة
خطيرة فيما بعد).. ولاانسي التجاني عبدالرحمن عن المستقلين والشهيد نديم
علي عن الحزب القومي السوداني والذي انضم للحركة واغتيل اثناء المفاوضات
بنيروبي ...واخرون.
في معظم الجامعات كان دائما هناك نوعان من المتحدثين في اركان النقاش
احدهما مختص بالسياسي - اليومي والثاني بالتحليلي - الفكري
فمثلا بجامعة الخرطوم كان ابراهيم فتح الرحمن للسياسي - اليومي
واحمد عثمان للتحليلي - الفكري..ولكل مهارات خاصة لايجيدها الاخر
لذلك يصعب تصنيف المتحدثين باركان النقاش خارج هذا التقسيم حسب راي
الشخصي..
وبجيك راجع ...
|
Post: #226
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-27-2009, 11:42 PM
Parent: #225
| Quote: كذلك الطالب الناجي عبدالله (متحدث الاتجاه الاسلامي ) من جامعة جوبا |
الأخ عبداللطيف
ناجي ليس من جامعة جوبا، وإنما الخرطوم وقد التحق بالجامعة اما 86 او 87 وكان باديء الامر في كلية الطب، وفي حدود 1997 او 1998 تحول الى الآداب وهو من أكثر الكوادر المعمّرة بالجامعة.
بالنسبة لشول الذي أعنيه، فهو طالب بالخرطوم أيضا لا طالبة بجوبا..هذا إذا كنت أذكر الاسم على نحو جيد، ويبدو لي من هندسة والتحق بالجامعة تقريبا في حدود 95 او 94
|
Post: #227
Title: Re: نجوم اركان النقاش في نشاط الجامعة في ذلك الزمان...!!!
Author: عبداللطيف حسن علي
Date: 05-27-2009, 11:51 PM
Parent: #226
Quote: الأخ عبداللطيف
ناجي ليس من جامعة جوبا، وإنما الخرطوم وقد التحق بالجامعة اما 86 او 87 وكان باديء الامر في كلية الطب، وفي حدود 1997 او 1998 تحول الى الآداب وهو من أكثر الكوادر المعمّرة بالجامعة.
بالنسبة لشول الذي أعنيه، فهو طالب بالخرطوم أيضا لا طالبة بجوبا..هذا إذا كنت أذكر الاسم على نحو جيد، ويبدو لي من هندسة والتحق بالجامعة تقريبا في حدود 95 او 94 |
عذرا الاخ خالد عويس ، تشابه اسماء !
ففي جامعة جوبا يوجد الناجي عبدالله كوز دائم الحضور بجامعة الخرطوم(ويجاهد هناك !) اكثر من
(جهاده عندنا!)
وشول طالبة بجوبا والزمن في الحالتين 86 ومابعدها!
|
Post: #228
Title: Re: نجوم اركان النقاش في نشاط الجامعة في ذلك الزمان...!!!
Author: Shiraz Abdelhai
Date: 05-28-2009, 00:39 AM
Parent: #227
شايفاكم استلمتوا البوست يا الشمباته.....
وعاملين لينا فيها ابو النشاط.......
,,,...مع انو -والحق يقال- ركن اللبخه كان دائما عمران...
والشمباته طبعهم هادئ...يمكن لسيادة الماء والخضره.....
(ما بقدر افتيكم فى الوجه الحسن)
والجابريه يصدح بها "هيثم اب جاكومه" يا عويس مافى زيها....
....لكن كمان...طب كانت زى الرصاص...
ركن الأربعاء...مولع بعد الراوند....
ونقاش لما بعد العصر.....
خاصه وان احتدام المعركه فى طب بين حركات التكفير والهجره وانصار السنه وما بين
الجبهه الديمقراطيه كان صراعا لا يخبو....
وكثيرا ما يمتد الى العنف الجسدى.....
| Quote: ناجي ليس من جامعة جوبا، وإنما الخرطوم وقد التحق بالجامعة اما 86 او 87 وكان باديء الامر في كلية الطب، وفي حدود 1997 او 1998 تحول الى الآداب وهو من أكثر الكوادر المعمّرة بالجامعة.! |
...الناجى حرامى الزيت يا خالد عويس....سارق الزيت من دار الاتحاد فى دورة ما قبل المقاطعه؟؟
كان يظهر أيام المعارك الانتخابيه...حاملا الكلاش فى قلب الكليه
وشاهرا له فى وجه الطلبه العزل....ومطلقا للوعيد والترهيب...والتخويف....
لم يكن متحدثا بارعا باى حال...
حديثه عباره عن حلقه من حلقات ساحات الفداء بس....
مع تكبير تهليل...ووعيد
خالى من اى تحليل سياسي او معلومه فكريه...
ياخ ديل كان عندهم مهازل.....
كان عندهم واحد فى طب اسمو ياسر قشي....
ما عارفه كيف بقي كادر خطابي وصوتو أقرب الى النبيح....
...أركان النقاش فى جامعة الخرطوم كانت المرايا التى تعكس مزاج الشارع السياسي والخط السياسي للتنظيمات...
وبقعة استناره فكريه وسياسيه واداة هامه لتوسيع المدارك...
لذلك فان التمسك بهكذا تقليد فى الجامعات امر لا بد منه....
والتمسك بالنشاط السياسي الجامعى لابد ان يكون من اولويات كل التنظيمات السياسيه ...بدون فرز!!
....الغريبه شايفه فى غياب فى البوست ده للدفع الحديثه....
ماذا يدور خلف أسوار الجامعه الآن يا شباب....
ما أخبار الأركان؟؟
وكيف صار الإقبال عليها فى زمن السايبرسبيس؟؟!!
---------------------
مشتاقين كتير يا سهام المجمر...كيفك وكيف الوالده الجميله الكريمه؟؟
وأخبار هيام شنو؟؟
|
Post: #230
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-28-2009, 05:34 AM
Parent: #228
شيراز
Quote: شايفاكم استلمتوا البوست يا الشمباته.....
وعاملين لينا فيها ابو النشاط.......
|
الشمباتة رجال الجامعة دي نسيتيها ولي شنو
Quote: والشمباته طبعهم هادئ...يمكن لسيادة الماء والخضره.....
(ما بقدر افتيكم فى الوجه الحسن)
|
كيف ياشيراز ما بتفتي في الوجه الحسن
سكان الداخليات بطلعوا الساعة 4 من الكلية وبرجعوا يواصلوا نشاطهم من المغرب
وسكان الخارج بطلعوا من الكلية على المغرب
يبقى كيف مافي وجه حسن
وطيب ديل قاعدين مقابلين منو....
تحياتي ياشيراز
|
Post: #231
Title: Re: نجوم اركان النقاش في نشاط الجامعة في ذلك الزمان...!!!
Author: Badreldin Ahmed Musa
Date: 05-28-2009, 05:43 AM
Parent: #228
سلام يا كل الفوق
زمنا برضو كان من متحدثي الحبهة الديمقراطية في الاطراف:
1- في التربية كان عبدالباقي مانديلا اشهم طلاب الجامعة، في احدي المرات عزمنا كلنا-مجموعة كبيرة
جدا في كازينو النيل الازرق اذكر كان ضمن الحضور: الحاج وراق، عبداللطيف عثمان، عصام يسن ، صلاح
تمساح و عبدالمنعم هندسة و اخرون. كان العشاء شية و ايسكريم و كل الفاتورة على مانديلا.
2- في الطب كان محمد الرشيد رجل امدرماني ظريف و هميم، انقطعت اخباره عني منذ التخرج
|
Post: #233
Title: Re: نجوم اركان النقاش في نشاط الجامعة في ذلك الزمان...!!!
Author: Basheer abusalif
Date: 05-28-2009, 08:54 AM
Parent: #231
Quote: وماعارف ناس جامعة الجزيرة ممكن يكلمونا عن اخوهو (احمد جلال) هل كان منضمة زي اخوهو الكبير..
|
أنا ما من الجزيرة..
لكن أحمد جلال ده كان قمة في المنضمة، من النوع البيستلم الركن من عشرة صباح الي ثلاثة بعد الظهر، طبعا كان في الجزيرة و إتفصل منهاأيام أحداث الجامعة الشهيرة هناك و أصبح مطارد في كل منطقة الجزيرة و كان إسمه يذاع في الإذاعة المحلية كمطلوب القبض عليه، إلتحق بعدها بالجامعة الاهلية أيضا لم يتركوه يواصل، خرج من السودان عن طريق الصحراء الي ليبيا ثم الي مصر لبرهة الي إن إستقر أخيرا باستراليا.
صلاح جلال و أحمد جلال أخوان من طينة عجيبة.
|
Post: #234
Title: Re: نجوم اركان النقاش في نشاط الجامعة في ذلك الزمان...!!!
Author: عبدالغني كرم الله
Date: 05-28-2009, 09:24 AM
Parent: #233
....
دالي... (أحمد المصطفى دالي)!!...
صار أقرب للأسطوة في حكاوي المثقفين في بلدي، القدامى منهم، والمحدثين، ممن اسمتعموا له، وهو في الأركان، كأشهر خطيب في افريقيا، ودول العالم الثالث، أن لم نقل العالم المعاصر، مذكرا بسقراط، وابيقور، وحملة مشاعل الفكر، وتنوير الشعوب، واستياقظ النفوس، كي تعي ذاتها، ورسالتها الخالدة....
كان خطيبا قوياً، سهلا، وشجاعا، تعرض لأكبر المعضلات وأصغرها، تتذكره طرقات الخرطوم كلها، وجامعاتها، وهو يخطب او يرد، أو ينبه، حاملا بيده كتاب، وبالأخر المايك، وأمامه كرسي الخيزران المشهور، وعليه كتيبات الفكرة، البسيطة الطباعة والتصميم، والثرية المعنى، وحوله جلوسا، على العشب أو التراب، عقول عطشى للفكر، للصحو، للتجاوز، وإكتشاف الذات...
سخريته المحببة، وتهكمة السقراطي، جعل من اركان نقاشة اغنية جميلة، لا يمل منه المتابعين من عمق الطرح، وجمال الطرح، وأسلوب الطرح (الإسلام والفنون، المرأة، المنهاج المدرسي، المعراج والسير الافقي والرأسي، الهوس، الاقصاد، التسيير والتخيير، الوضع السياسي، والإسلام، والإنسان الكامل، والإسلام برسالته الأولى لا يصلح لإنسانية القرن العشرين)....معضلات كبرى، كانت تناقش على نجيلة، وتحت الاشجار، ..
وحين ينتهي الركن، ويحج الحضور لبيوتهم، تتفتح عقولهم على حقائق، اقرب من حبل الوريد (من أنا، لم خلقت، كيف أعي ما يجري فيني، وحولي،كيف أعثر على ذاتي)، فرحين باكتشاف الداء، حزانى عليه،على حقائهم المغيبة، حقائهم الكبرى، كلهم أجميعن، فقد كان خطيب (الأفراد)، بلا نظير في تاريخ الكوكب...
تحمل في ذلك الكثير، ضرب، وشتم، وقمز، وهمز، ومدح، ورشى، ولكنه ظل ثابتا، عصيا، في محاربة الجهل والخرف والهوس والكسل واللامبالاة..
أنه تلميذ مدرسة كبرى، في الفكر، والتربية، والفهم، والمعارف، والمحبة...
....
عزيزي كيكي..
ده مقال قديم،
وهو تلخيص لكلام اخي الاكبر، عبدالعزيز كرم الله،
والذي كان يحضر اركان دالي بإدمان، ومحبة، ويحدثني عنها بطرب عجيب، كأن السودان كان ملحا، عسلا، فكرا،
ماذا جرى لك ياوطني العزيز؟..
كم كنت طيبا، وواسعا، وماهلا..
ماذا جرى ياحفيد النوبة، والشلك، والكنائس، والقباب..
لم يفهمكم هؤلاء الأقزام، ... ولكن، هناك مقابر، ستأوي إليها جثثهم..
وأنت، ستظل بنيلك الخالد، تجري وتجري.. وتجري..
أركان نقاش، تسر العين، والقلب، بل هي اصل الوجود، واصل الجدل الحر، في بلوغ الفهم، والحرية المطلقة، والتي تحن لها النفوس في سويداء روحها، وكيانها..
تسلمي ياكيكي، يا اصيل..
ما سبق، كتبته، بإيحاء، من كلام أخي،ولكني في الدوحة، تعرفت على دالي عجيب، لم أرى في حياتي رجل يحترم تفكير الآخرين، ويصبر ويصغي مثله، ويصغي لأدق ما يقوله الآخر، بل حين يرد، أو يفند، تحس بأنه أصغى لما وراء الكلام..
اذن؟ متى نتعلم الاصغاء الذكي، والجيد..
إنه يحترم الفكر، أي فكر،..
دالي مدرسة قائمة بذاتها، ليتنا نتعلم الجدل منه..
كان السيد سقراط، يرسل تلاميذه للسوفسطايين، كي يتعلموا الجدل، بل الشك.. ثم يأتي يعلمهم القين، فلا يقين، لا يسبقه شك اصيل..
حتى الآية، ووجدك ضالا.... فهدى، هكذا كان فتى قريش، يترقب ويتأمل، في اعلى حراء...
ياخي مافي اعظم من الفكر..
والجدل هو وركان النقاش هي ملح الفكر..
ستعود الاركان في الجامعات، والازقة، والاحياء
سيعود الفكر..
الفكر، كالضوء، لا يدفن، على الإطلاق، ومن مادة الفكر، خلق الكون، كله..
نعود، والعود أحمد..
...
|
Post: #235
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-28-2009, 09:44 AM
Parent: #234
Quote: خالد
انت دفعة الهشامات مش؟؟؟ |
شبكة
الهشامات منو؟؟
أنا دفعة أمير محجوب وعصمت قرشي و محمد فول ( مع إنو ربيتر قديم ) ...الخ ؟
|
Post: #236
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-28-2009, 09:48 AM
Parent: #235
خالد
كانوا
هشام فريد
هشام عبد الفتاح
هشام جلال
نسيت الاتنين التانين
| Quote: أنا دفعة أمير محجوب وعصمت قرشي و محمد فول ( مع إنو ربيتر قديم ) ...الخ ؟ |
انت امرق محمد فول من المجموعة الفوق دي
لانو لي هسة ما معروف انو محمد فول دفعة منو
اذا كارم عبد المنعم قال ما دفعتي
ودا اقدم زول في الكلية لما احنا جينا
محمد فول اذاهو عبد الله ملجة
كرهوا القراية
انت الفرقة الاولى بكلامك دا
ما حضرت انت زمن استاذ أمير واستاذ عصمت
الله مرقك من الزمن دا
|
Post: #237
Title: Re: نجوم اركان النقاش في نشاط الجامعة في ذلك الزمان...!!!
Author: سيف بخيت موسي
Date: 05-28-2009, 10:01 AM
Parent: #236
Quote: 1-
في التربية كان عبدالباقي مانديلا اشهم طلاب الجامعة،
في احدي المرات عزمنا كلنا-مجموعة كبيرة
|
وكمان معاه / معاذ خيال ، كوادر الجبهة الديمقراطية بالتربية ومن ثم السنتر فيما بعد
------------------
مانديلا فعلاً كان كريم بشكل غير طبيعي ، عندو محل مرطبات في موقف بحري مشهور جداً بليمون
أقرب لبتاع البزنس داك ، وكان أي واحد بعرفوا ولا بتعرف بيه بشرب من المحل مجان ومعاه مصاريف
إن دعت الحاجة
|
Post: #239
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-28-2009, 10:18 AM
Parent: #237
متابعين يا شباب بمتعةو وشغف
وباذن الله بلقي يدي وبجيكم برواقة فردا فردا...
والبوست شكلو كده غاب وجاب احاديث السنين......
....
ومنتظرين بجانب الاخ ابوبكر ابو القاسم مرور جيل السبيعينات العتيق
ولو لقينا لينا باص باصين من الستينات برضو ما بطال معانا..
وstay شنو كده ماعارف البقولها بشاشا ديك
|
Post: #261
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:13 PM
Parent: #237
Quote: مانديلا فعلاً كان كريم بشكل غير طبيعي ، عندو محل مرطبات في موقف بحري مشهور جداً بليمون
أقرب لبتاع البزنس داك ، وكان أي واحد بعرفوا ولا بتعرف بيه بشرب من المحل مجان ومعاه مصاريف
إن دعت الحاجة |
ياخ مانديلا ده اسطوري واليتو كان صاحبنا ياخي...
وفي سيرة مانديلا من الضروري ايضا تحية الصديق الشهيد حسن مانديلا الذي مات وهو يدافع عن حقوق اهله في دارفور..
|
Post: #238
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-28-2009, 10:12 AM
Parent: #236
Quote: ما حضرت انت زمن استاذ أمير واستاذ عصمت
الله مرقك من الزمن دا |
هانت الزلابية والله يا شبكة
أنا البعرفو الإستاذ ده بكون زول مسئول و جادي في حياتو وديل أبعد أتنين عن الصفة دي !!
عصمت ده الزول الوحيد المن دفعتي حضرت عرسو و أتزوج واحدة من دفعتنا برضو و عرسو طبعاً كان كوميديا ما عادية
أمير محجوب يوم جاء لقانا قاعدين شلة عزابة معانا برلومة واحدة قال لينا والله حنيت عليكم أنتو عاملين شيرنج في البرلومة دي؟ العمادة قالو جايبا برلومات و أنا من برلوماتي بديكم تلاتة قصرت معاكم؟
الهشامات ديل فعلاً دفعتي لكن الذاكرة زي الزفت ..
أنت كنت في ياتو قسم يا شبكة؟
|
Post: #240
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-28-2009, 10:23 AM
Parent: #238
خالد
| Quote: عصمت ده الزول الوحيد المن دفعتي حضرت عرسو و أتزوج واحدة من دفعتنا برضو و عرسو طبعاً كان كوميديا ما عادية |
انا بتذكر عرس عصمت
والبت من دفعتكم
العرس كان في نادي الرياضيين لانو كان اوسع مكان في الوقت داك
والعرس كان عبارة عن شمبات كاملة العدد
والاهم ما دا كلو قالوا
السيرة كانت بحفلات الكلية البتدخل من المظلات للكلية جوة
اتخيلت دي ؟؟؟
Quote: أمير محجوب يوم جاء لقانا قاعدين شلة عزابة معانا برلومة واحدة قال لينا والله حنيت عليكم أنتو عاملين شيرنج في البرلومة دي؟ العمادة قالو جايبا برلومات و أنا من برلوماتي بديكم تلاتة قصرت معاكم؟
|
بروف عبد المنعم كان مشرف امير محجوب في الماجستير
و د.باباكر الوسيلة طبعا كان رئيس القسم في يوم من الايام
يعني ناس بعرفونا
بتكلموا بدهشة الاتنين عن كمية البنات الحضروا اليوم دا الكلية
عشان يحضروا مناقشة امير
ومن كل الجامعات
الازهري
السودان
الاحفاد
الاهلية
امدرمان الاسلامية
وكمية من التورتات والجاتوها والبارد والحلاوة
قالوا كانت حاجة غير عادية
شكلي ما كنت في الكلية الفترة دي عشان كدا ما حضرت المولد دا
وهاااااااااااااااااااااااااااااااااانت الزلابية شديد ياخالد
| Quote: أنت كنت في ياتو قسم يا شبكة؟ |
كنت في الكيمياء ودا سبب عرفتي بالجوز الفوق ديل
|
Post: #241
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 05-28-2009, 01:17 PM
Parent: #240
Quote: بعدين شايفك يا كيكي لبدت ساكت بعد لقيت اسمي في قائمة جعفر بتاعت
المتحدثين في اركان النقاش رغم ان جعفر لم يذكر جمال توفيق وهو احد
الطلاب الذين تركوا جوبا الي جامعة الخرطوم وكان خطابي ممتاز
ولم يذكر انشراح محمد احمد وشهاب علي يوسف (الزول اللي لفقوا ليهو تهمة
خطيرة فيما بعد).. ولاانسي التجاني عبدالرحمن عن المستقلين والشهيد نديم
علي عن الحزب القومي السوداني والذي انضم للحركة واغتيل اثناء المفاوضات
بنيروبي ...واخرون.
|
شكرا عبد اللطيف
ياخي ما كتر خير الذاكرة الاسعفتنا بالقليل
لولا الذكريات الجميلة التي هيجها عبد الكريم (ما كلموك طلع جنيور لينا في الثانوي)
لما استطعنا تذكر بعض هذه الأسماء الجميلة ...
وبلا شك ما زال هناك الكثير
لكن تبقى جامعة الخرطوم صاحبة الكعب الأخيل في هذا السباق الأركاني
|
Post: #242
Title: Re: نجوم اركان النقاش في نشاط الجامعة في ذلك الزمان...!!!
Author: مجاهد محمد عباس
Date: 05-28-2009, 02:50 PM
Parent: #241
| Quote: مجاهد محمد عباس أنت مش دفعتنا ولا زول تاني؟؟ |
تحياتي يا خالد
أنا دفعة 89/99
و اتخرجت 2003 الدفعة ب (ميكانيكا) (أ) طبعا الناس القدامنا و لحقناهم بسبب إحدى قفلات الجامعة قبل ما نخش.
|
Post: #243
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-28-2009, 08:58 PM
Parent: #242
Quote: هشام فريد
هشام عبد الفتاح
هشام جلال |
غايتو يا خالد عبدالله وشبكة الحقوا نفسكم بالحبوب سريع قبل ما حالة الزهايمر دي تكبر!!
وكان لقيتو حبوب عليكم الله ما تنسوني انا ذاتي بي 3 او 4 حبات
لكن عموما - عشاااان - سلبطة خالد ..يا خالد هشام جلال ده دفعتكم ..انت و ناس فول وامير محجوب (الفرقة الاولى) اما هشام فريد وهشام عبدالفتاح - ود الصحافة - فديل دفعتي (الفرقة الثانية) انا خايف بعد شوية تقول عبدالله ملجة كان معاكم في الفرقة الأولى!!
|
Post: #244
Title: Re: نجوم اركان النقاش في نشاط الجامعة في ذلك الزمان...!!!
Author: عبد الحي علي موسى
Date: 05-28-2009, 09:14 PM
Parent: #243
الأخ عبد الكريم تحياتي
غايتو الما حضر أركان النقاش بتاعة الجمهوريين ربنا إعوضو
قمة في الأدب الحواري
وتلقانا مشدودين (لفكر) لم نعهده من قبل.
وفوق ذلك نضحك أحيانا عندما نكتشف جهل الآخرين (كيزان ووهابية) بعد كشفهم بواسطة دالي أو عمر القراي وقد كانا وما زالا قمما فكرية، فقط تبحث عن الحرية.
|
Post: #263
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:21 PM
Parent: #244
Quote: الأخ عبد الكريم تحياتي
غايتو الما حضر أركان النقاش بتاعة الجمهوريين ربنا إعوضو
قمة في الأدب الحواري
وتلقانا مشدودين (لفكر) لم نعهده من قبل.
وفوق ذلك نضحك أحيانا عندما نكتشف جهل الآخرين (كيزان ووهابية) بعد كشفهم بواسطة دالي أو عمر القراي وقد كانا وما زالا قمما فكرية، فقط تبحث عن الحرية |
هلا يا عبدالحي
والاركان دي ياخي فاتتنا بسنة بس وانا ناس اصلا نحس في كل حاجة..
ولكن لاحقا شفت دالي ده في نقاش فاكتشفت قدر شنو مرتب وعارف شغلو كويس الزول ده
وبستف ليك كوز في امريكا بستفة رهيبة خلاص
|
Post: #245
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-28-2009, 09:18 PM
Parent: #243
خالد عويس
صحب الذاكرة الحديدية
بختك بالذاكرة دي
Quote: وكان لقيتو حبوب عليكم الله ما تنسوني انا ذاتي بي 3 او 4 حبات
لكن عموما - عشاااان - سلبطة خالد ..يا خالد هشام جلال ده دفعتكم ..انت و ناس فول وامير محجوب (الفرقة الاولى) اما هشام فريد وهشام عبدالفتاح - ود الصحافة - فديل دفعتي (الفرقة الثانية) انا خايف بعد شوية تقول عبدالله ملجة كان معاكم في الفرقة الأولى!! |
عبد الله ملجة الزول الوحدي العارف انو دفعة منو بيكون محمد فول
كدي اسالو وورينا
وكويس احنا متذكرين قدر المتذكرينو
ولى شنو؟؟
|
Post: #262
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:17 PM
Parent: #241
Quote: ياخي ما كتر خير الذاكرة الاسعفتنا بالقليل
لولا الذكريات الجميلة التي هيجها عبد الكريم (ما كلموك طلع جنيور لينا في الثانوي)
لما استطعنا تذكر بعض هذه الأسماء الجميلة ...
وبلا شك ما زال هناك الكثير
لكن تبقى جامعة الخرطوم صاحبة الكعب الأخيل في هذا السباق الأركاني |
هلا يا سنيرنا
والبوست ده فيهو بالجد فوائد جمة..
...
__________________
ياخي حكاية عبداللطيف صحبي ده بتاع اركان بالله كدي اعمل ليها مراجعات
احتمال تكون خانتك الذاكرة والزهماير اشتغل شغلو
الموضوع ده ما راكب لي راسي
|
Post: #260
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:10 PM
Parent: #234
Quote: ياخي مافي اعظم من الفكر..
والجدل هو وركان النقاش هي ملح الفكر..
ستعود الاركان في الجامعات، والازقة، والاحياء
سيعود الفكر..
الفكر، كالضوء، لا يدفن، على الإطلاق، ومن مادة الفكر، خلق الكون، كله..
|
سلام كثير يا عبدالغني كرم وشكرا علي تزين البوست بهذا الحديث الراقي العميق
ونعم ستعود اركان النقاش والفكر
والفكر كشعاع الضوء لايدفن علي الاطلاق...
...
وتحياتي الحارة للاسطوري الدالي الذي سارت بسيرة اركانه الركبان
وساهم بكل جماس واخلاص في نشر وعي الجدل والحوار الفكر في بلادي
|
Post: #259
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:05 PM
Parent: #233
| Quote: صلاح جلال و أحمد جلال أخوان من طينة عجيبة. |
مرحب يا بشير
وفعلا صلاح واحمد جلال اخوان من طينة عجيبة ومدهشة
ولهما التحية والتقدير اينما كانا
|
Post: #257
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 12:18 PM
Parent: #231
Quote: 1- في التربية كان عبدالباقي مانديلا اشهم طلاب الجامعة، في احدي المرات عزمنا كلنا-مجموعة كبيرة
جدا في كازينو النيل الازرق اذكر كان ضمن الحضور: الحاج وراق، عبداللطيف عثمان، عصام يسن ، صلاح
تمساح و عبدالمنعم هندسة و اخرون. كان العشاء شية و ايسكريم و كل الفاتورة على مانديلا. |
هلا يا بدرالدين
وتحياتنا للزول الضكران مانديلا ده...
ولكن بعد العشاء ده كان ضروري تعملو مراجعات علي قولتكم..
وشية وايسكريم دي فيها بلاغ جاهز لو لمو فيكم ناس العبيد وعثمان الشين لووووول
|
Post: #256
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:47 AM
Parent: #228
Quote: ...الناجى حرامى الزيت يا خالد عويس....سارق الزيت من دار الاتحاد فى دورة ما قبل المقاطعه؟؟
كان يظهر أيام المعارك الانتخابيه...حاملا الكلاش فى قلب الكليه
وشاهرا له فى وجه الطلبه العزل....ومطلقا للوعيد والترهيب...والتخويف....
لم يكن متحدثا بارعا باى حال...
حديثه عباره عن حلقه من حلقات ساحات الفداء بس....
مع تكبير تهليل...ووعيد
خالى من اى تحليل سياسي او معلومه فكريه...
ياخ ديل كان عندهم مهازل.....
كان عندهم واحد فى طب اسمو ياسر قشي....
ما عارفه كيف بقي كادر خطابي وصوتو أقرب الى النبيح....
|
سلام يا شيراز
وفعلا حادثة الناجي حرامي الزيت دي حضرناها بالحيل وناجي ده تخيل وهو برلوم كان زول الغنماية تاكل عشاهو ولكن فجاة وبدون ادني مقدما انتفجت اشيائه واصبح اكبر وجه للشر الكيزاني وكادر عنف من طراز
وكان لمن يتكلم في ركن عيونو بنقلب لعيون حمراء شديد خلاص وتتقمصه روح الشر تجاه زملائه الطلاب
وزول بتاع مشاكل كثيرة خلاص...
فعلا نتمني ان نسمع ونقراء ولو القليل عن حال النشاط في الجامعة الان ويقيني ان الخارطة السياسية التي تغييرت في فضاء السودان بتكون ولدت خطابات ونجوم كان حديثهم في ذلك الزمان مستحيل وبمثابة اعلان حرب مثل الاخوة في الحركة الشعبية..
وياريت ياتينا من يحدثنا عن ماذا هناك في سماء الجامعة اليوم..
.........................
هندسة طبعا مربوطة بالسنتر والنشاط في السنتر جماعي تشترك فيهو كل كليات السنتر وندر ان تقام
تظاهرة سياسية في الكافتريا كركن نقاشي مثلا.. والناس بتمشي النشاط حيث الامتزاج مع الكليات الثانية
...
حكاية الوجه الحسن دي انا زااتي ما داير اقول فيها حاجة
ولكن لمن ارادها في ذلك الزمان فعليه زيارة قانون ولو علي عجالة ههههه
|
Post: #255
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 11:34 AM
Parent: #225
Quote: بعدين شايفك يا كيكي لبدت ساكت بعد لقيت اسمي في قائمة جعفر بتاعت
المتحدثين في اركان النقاش رغم ان جعفر لم يذكر جمال توفيق وهو احد
الطلاب الذين تركوا جوبا الي جامعة الخرطوم وكان خطابي ممتاز
ولم يذكر انشراح محمد احمد وشهاب علي يوسف (الزول اللي لفقوا ليهو تهمة
خطيرة فيما بعد).. ولاانسي التجاني عبدالرحمن عن المستقلين والشهيد نديم
علي عن الحزب القومي السوداني والذي انضم للحركة واغتيل اثناء المفاوضات
بنيروبي ...واخرون.
|
هلا يا عبداللطيف
ووينك ياخي ومشتاقين والله...
وبيني وبينك جعفر الجمني حجرا لمن قال اي انت بتاع اركان نقاش ودبرس بي زاااتو لووووووول
لاني كنت قايلك بتاع فصاحةة اسفيرية ساااكت زينا وغادي
ويا سلام يا جمال توفيق
وانت عارف ابو جمال ده احنا اتربينا سويا في جوبا واتلاقينا بعد سنين عديدة عندما اتي طالبا في قانون الخرطوم وهو انسان جميل وعالي الترتيب ومرتب الذهن واعتقد بانه الان في شركة سكر كنانة حسب اخر علمي باخباره...
وفعلا يا لطيف تلاحظ انو التنظيمات كانت موزعة القصة الي كوادر نقاش وناس بتاعين ندوات وناس بظهروا في المخاطبات الطلابية الدايرة تحميس وخطاب قوووي
والخلود لروح الشهيد نديم علي
|
Post: #258
Title: Re: نجوم اركان النقاش في نشاط الجامعة في ذلك الزمان...!!!
Author: ALazhary2
Date: 05-29-2009, 01:57 PM
Parent: #255
.
.
أتذكر في ركن من الاركان قبل إنتخابات الإتحاد في كافتيريا علوم على شارع النيل الناجي عمل ركن نقاش وكان في ساوند سستم وفي نفس الوقت كان في واحد من أنصار السنة زعلان زعل شديد عشان ماقدر يدخل ساوند سستم. فقام الناجي في ركنه قال ليه مالكم بتبكوا واي واي واي حمونا ندخل الساوند سستم حقنا؟ ماياهو نحن هسع بنتكلم بي ساوند دخلناه كيف؟ نزل لينا من السماء ولا لقيناه مزروع وقايم هنا؟
وأتذكر كمان مرة الناجي في ركن من الاركان واحد قال ليه إنت ياناجي بدل ماقاعد تجعجع هنا ماتمشي الجنوب؟ فرد الناجي قال ليه : إنت قايل المتمردين ديل إلا في الجنوب بس؟أمال الزيك ديل شنو؟
:)
ومرة تانية حصلت عكة في الجامعة فقام الناجي عمل ركن قال: عمرنا كله نسمع الشيوعين يغنو عصافيرك عصافيرك مجرحة بي سكاكينك . أنا يادوب أمبارح إتاكدت إنهم عصافير وبطيروا فعلاً لمن شفتهم طايرين من أسوار الجامعة جارين :)
دايرين تغردوا وتطيروا ساكت من غير ماتتجرحوا ؟
ياكيكي ياخي البوست ده جرسني جرسة شديدة ذكرني أم نخيل :(
.
.
|
Post: #264
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 02:38 PM
Parent: #258
Quote: :)
ومرة تانية حصلت عكة في الجامعة فقام الناجي عمل ركن قال: عمرنا كله نسمع الشيوعين يغنو عصافيرك عصافيرك مجرحة بي سكاكينك . أنا يادوب أمبارح إتاكدت إنهم عصافير وبطيروا فعلاً لمن شفتهم طايرين من أسوار الجامعة جارين :)
|
هلا يا ابو الزهور
وبوست فعلا بجرس الزول جرسة شديدة خلاص
ولنا الله والزكريات...
وناجي ريت ده ماتشوف الفصاحة دي ساكت شوف عيني هو وعلي عبد الفتاح وحاج ماجد بتاع اداب فاكين البيرق فك شديد وتلبو السور بتاع شارع النيل ايامات الكعة الشهيرة مع الكيزان...لووووول
ابو النجا كان زول كعات وجناح صقوري متشدد جنو مشاكل ياخ واركانو ملانة دراب تقيل
|
Post: #265
Title: Re: نجوم اركان النقاش في نشاط الجامعة في ذلك الزمان...!!!
Author: esam gabralla
Date: 05-29-2009, 02:56 PM
Parent: #258
يا كيكي و الله خجلتونا ساكت
البوست بقي ذكريات شفع ساااااااااكت
شنو سنة 99 و سنة 2003
بعد شوية يجى زول يقول لينا جدو عصام و عمو احمد عثمان
عجيب انو التقاليد دى والارث كله رغم عيوبه الكثيرة لم تندثر
رغم المحاولات المستميتة لوأدها
واصلو يا ابنائنا و بناتنا - وش بي دقن بيضاء طويلة
|
Post: #266
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-29-2009, 05:27 PM
Parent: #265
Quote: كيكي و الله خجلتونا ساكت
البوست بقي ذكريات شفع ساااااااااكت
شنو سنة 99 و سنة 2003
|
عمو عصام
جيت امسي عليك
|
Post: #267
Title: Re: نجوم اركان النقاش في نشاط الجامعة في ذلك الزمان...!!!
Author: Abubakr Osman
Date: 05-29-2009, 06:55 PM
Parent: #266
يا لذاك الزمن الجميل وتلك الأيام التى لن تعود ثانية
رغم حدة أركان النقاش والإختلاف لكن كان الود بين الفرقاء عندما كنت تجد ابراهيم فتح الرحمن ومحمد ابراهيم الفكى بعد ركن النقاش يتبادلان الحديث الودى والضحك وربما يذهبا للغداء سويا لا تصدق بأنهما من كانا قبل قليل محتدمان فى النقاش.
كانت لأركان النقاش فى ذلك الزمان حلاوتها والكولات تنطلق والشعر وقود الثورة وتلك الأسماء الخالدة فى عمل الكولات
كما لا ننسى ود البلد الأصيل المرحوم أحمد المجذوب وهو ينادى لاركان نقاش الجبهة الديمقراطية بلكنته البلدية البسيطة وكذلك هو متحدثا فى بعض الاحايين . وايضا من متحدثى الجبهة الديمقراطية الذين يأتون كليات الأطراف عبد الباقى مانديلا وطارق التقى ومعاذ خيال وهنالك محمد الرشيد ومأمون ابو سن فى مجمع الطب.
هذا البوست فتح طاقة لزمن جميل يا ليت كل من عاش ذلك الزمان ان يأتى و أخص الزميل احمد عثمان عمر ليوثق لتجربته ويا احمد القرشى واصل فى سرد ذكريات الحكى للتوثيق للتاريخ.
طبعا يا كيكى نحن ولاد خرطوم وكدة رغم اننا دفعة لكننا كنا بنجى الجامعة وحضرنا بعض من الزمن الحلو واركان دالى والقراى ومناكفات محمد طه وكذلك عهد الزملاء مأمون سيد احمد ونزار ايوب وغادة شوقى وزينب عباس ودة طبعا كلو قبل نخش الجامعة
وتانى راجع بي مهلة
ـــــــــــــــــــــــــــــــــــــــــــــــــــــــــــــــــــــــــــــــــــــــــ
كتبت هذه المداخلة من> بداية هذا البوست الرائع ولكن مشكلة الباسويرد حالت دون نشره فى موعده
|
Post: #278
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:25 AM
Parent: #267
Quote: يا لذاك الزمن الجميل وتلك الأيام التى لن تعود ثانية
رغم حدة أركان النقاش والإختلاف لكن كان الود بين الفرقاء عندما كنت تجد ابراهيم فتح الرحمن ومحمد ابراهيم الفكى بعد ركن النقاش يتبادلان الحديث الودى والضحك وربما يذهبا للغداء سويا لا تصدق بأنهما من كانا قبل قليل محتدمان فى النقاش.
كانت لأركان النقاش فى ذلك الزمان حلاوتها والكولات تنطلق والشعر وقود الثورة وتلك الأسماء الخالدة فى عمل الكولات
كما لا ننسى ود البلد الأصيل المرحوم أحمد المجذوب وهو ينادى لاركان نقاش الجبهة الديمقراطية بلكنته البلدية البسيطة وكذلك هو متحدثا فى بعض الاحايين . وايضا من متحدثى الجبهة الديمقراطية الذين يأتون كليات الأطراف عبد الباقى مانديلا وطارق التقى ومعاذ خيال وهنالك محمد الرشيد ومأمون ابو سن فى مجمع الطب.
هذا البوست فتح طاقة لزمن جميل يا ليت كل من عاش ذلك الزمان ان يأتى و أخص الزميل احمد عثمان عمر ليوثق لتجربته ويا احمد القرشى واصل فى سرد ذكريات الحكى للتوثيق للتاريخ.
طبعا يا كيكى نحن ولاد خرطوم وكدة رغم اننا دفعة لكننا كنا بنجى الجامعة وحضرنا بعض من الزمن الحلو واركان دالى والقراى ومناكفات محمد طه وكذلك عهد الزملاء مأمون سيد احمد ونزار ايوب وغادة شوقى وزينب عباس ودة طبعا كلو قبل نخش الجامعة |
ياااااااا
ابوبكر يا دفعة ياخي
وحبابك وانت تكاتبنا من بلاد الهند والسند
واتمني تكون عالي العال في ربوع دلهي....
وهي فرصة اخري يا ابوبكر يا دفعة يا ان نترحم علي روح ود دفعتنا وصديقنا الراحل ود المجذوب
وكان فعلا كثيف التواجد في الشان السياسي بنشاط وحماس عالي... وله الرحمة والغفران..
وبختكم انتو يا اولاد الخراطيم يا راحات (خارطننا في كل شي يا ناس المركز حتي في اركان دالي لووول)..
بالامس الاول تحدثت مع الاسطوري احمد عثمان ونحن في دهاليز ندوةامين مكي مدني بالدوحة واحمد مشغول وحالما يجد زمن
سيكون معنا هنا باذن الله لنسعد باحاديث الزمن الجميل
بصحبته وود القرشي وكل الاخوة والاخوات
|
Post: #268
Title: Re: نجوم اركان النقاش في نشاط الجامعة في ذلك الزمان...!!!
Author: Amin Mohamed Suliman
Date: 05-29-2009, 06:58 PM
Parent: #266
Quote: هلا يا امين
انت بتعرف الناس القلتهم فووق ديل اذن انا بعرفك دون شك او تردد..لانو ديل دفعتي وخشينا الجامعة سوي
وطبعا واحد منهم معانا في البوست ده وكتب كم مداخلة ولو عرفتو فلك الف ناقة اسفيرية..
ناظم نسعد ونطرب بصحبته الان وهو في الدوحة وابو تلة كان ايضا مقيما بها ولكن ماعارفو وين اليومين دي
ابو سمرة الشين عضو المنبر ده وكسول وننوم اضاحي اسفيرية..
ويا امين تحياتي ياخ وانت زولي تبب ما دام فردي هم فردي.. واكيد بنكون اتقاطعنا في ركن من اركان الجامعة..
زول الهندسة بتاع الشعر الكويسة انو حامد الصاوي جاب ليك خبرو...
قالوا نميري لقي رئيس روسيا وقال ليهو بتعرف نقد..؟؟
اها انت مادام زول اقتصاد فدحين بتعرف نادر ابوكدوك وامير بابو وايهاب عليه الرحمة
والصادق محمد عثمان ود بزينس... |
كيكي التفكيكي ! سلام يا صاح !!
يا كيكي نحن بنتعارف أيام الجامعه و كان في سلام و كلام ، و أول ما شفته صورتك فبل فتره هنا ، عرفتك طوالي ، و أنا متأكد كان اتقابلنا حى تعرفني طوالي لو زحزحت الشيب و الصلعه !!
الشباب ناس نادر ابكدوك ، هشام الحاج ، مبارك و المرحوم إيهاب ديل فردي في الكليه !
ناقاتك الاسفيريه ماني دايره ، ضربت لمحمود الأسد في السودان و فت لي زولك ، و بي دربي ده ماشي ليهو في الماسنجر
تعرف أنا أسمي المشترك بيهو ده - اللي هو إسمي الحقيقي - أظن أمي ذاتها ما عارفاهو لانو لقبي طاغي بصوره مبالغه عن إسمي عشان كده مافي زول من الناس البعرفهم عرفني لمن اشتركت هنا !!!
سلام تاني يا صاح و سعيد بالرييونين ده معاك و مع بقيه الشباب !
و بالله سلم لي علي ناظم ، حسن خضر و عماد عايد !!!
|
Post: #269
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 09:04 PM
Parent: #268
Quote: بوست مميز بحق يا كيكى
نحن دخلنا الجامعة بعدكم بكتير
لكن عاصرنا من حزب الامة
محمد فوله
فتحى مادبو
وخالد عويس
واذكر الاخ ابوذر (اساسى) كادر كولنغ)
محمد حسن التعايشى دخلت معه الركن فى يوم واحد
عندما فتح الاخ خالد عويس فرصة للنقاش.
ومن المحايدين
اسماعيل وادى
وبكرى الجاك
ومن الجبهة الديقراطية
محجوب (وهو مغادر الجامعة)
على موسى
محمد اشرف
منى محمد سعيد القدال, كادرة كولنغ من دفعتى.
وشيراز
من جبهة كفاح الطلبة
ناصف بشير
من المستقلين
محمد حسن عربى (من قانون)
وياسر (اصبح كوز فيما بعد)
الكيزان
عمار
والله ايام الواحد بيحضر كل أركان النقاش الا الكيزان
لان منطقهم ضعيف جدا وبيتعمدوا على منطق القوة
وعاصرنا محاصرة التنظيمات السياسية ليهم سياسيا واجتماعيا
والواحد منهم كان كوز بتخفى وينكر والله.
هذا ما اسعفتنى به الذاكرة . شوية والواحد يمكن يتذكر |
هلا يا محمد علي النقرو
وعفوا علي تاخير الرد لانو مداخلتك دي نكتها نكت من وسط غابة من المداخلات
ومنتظرنك للحضور ونحت الذاكرة,,,
ويبدو ان محمد فول هو النجم الدائم في ذلك الزمان فالف تحية له
|
Post: #270
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 09:10 PM
Parent: #269
Quote: ازيكم يا شباب
بالجد بوست ممتع جدا وبعيد من التوتر القاعد تعملو بعض البوستات
المهم
عجبني جدا القال موضوع العزموهو ايس كريم - كل ما يمص يدوهو صفارة ههههه
اها اقول ليكم دي
في زميل في الجبهة الديمقراطية كان معانا من ناس الجزيرة وكان متطرف جدا وعندو راي انو اصلو بنات البندر ما ممكن يكونو زميلات ومقتنعات ببرنامج مرحلة الثورة الوطنية الديمقراطية - المهم - كان بفتكر انو الثورة بتجي من الريف وبذلك غير ناس الريف مافي زول صادق في نواياه
يوم مشينا اجتماع في بيت زميلة في العمارات وهو مفروض يحضر الاجتماع - اها اول ما جاء لقى في البيت في ود يومية جنوبي بغسل في هدوم ناس البيت
طوااالي رجع بي دربو - استغربنا مشى زميل لحقو - قال ليهم ايوة ما بجتمع في بيت ناسو بضطهدوا الطبقة العاملة لوووووول
تاني مرة برضو نفس الزول جاء اجتماع للجبهة الديمقراطية وكنا عاملينو في شقة اختي - المهم معانا واحدة قيااافة ولابسة بنطلون اول ما جات قبل وشو - اها الزول ده كان بسف وسفتو كبيرة - والحتة طبعا بلاط - فقامت الزميلة بكل احترام عملت قراطيس من الورق وختتها في صحن صغير قدامو وقالت ليه اخد راحتك
طوالي طلع من الاجتماع ومشى كتب بلاغ لمكتب اداب قال ليهم انتو بتستفزوا طبقتنا ههههههه
بالمناسبة نحن ناس الفرع وانشاء الله ربنا يهون نعمل بوست زي ده لانو حتكون في زكريات رهيبة
شكرا اخي سيد البوست على استرجاعنا لايام ما بتجي تاني زيها |
هلا يا ام سهي
وحبابك والله وشرفيتي البوست...
ويوم يا ام سهي داير البد للاخوة والاخوات الزملاء ديل ونعمل بوست عن الحنكشة في الجبهة الديمقراطية
امثلة ونماذج لوووووول
وياريت كمان تشيدو لينا بوست عن زكريات الفرع البتاكيد بتكون حكاية روعة ودهشة لما يمتاز به الفراعة من روعة وجمال
وكل التقدير
|
Post: #271
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-29-2009, 09:14 PM
Parent: #270
Quote: متابع من قبيل بس الحته دى عجبتنى شديد
وزولكم دا فى الكوره كورتو حبه |
الف سلام يا ابراهيم سائحون
والكوز طلع كيشة كورة واركان نقاش
|
Post: #272
Title: Re: نجوم اركان النقاش في نشاط الجامعة في ذلك الزمان...!!!
Author: عاصم ابوبكر حامد
Date: 05-29-2009, 09:35 PM
Parent: #271
الحبيب كيكى
تحياتى
والله من امبارح وانا بقراء فى البوست دا ...
جدا جعلتنى استمتع بجامعة الخرطوم بتلك البقعة العريقة الرائعة التى خرجت اجيال
فى كل بقاع العالم يحملون راية جامعة الخرطوم ...
والتحية الى شارع المين الذى اخرج اشاوس فى السياسة وصناع قرار فى العالم ...
تلك الجامعة التى لا يعرف الشخص معناها الا بعدها ان يتخرج منها ...
ومن هنا التحية الى كل اصدقائنا والى كل طلاب جامعة الخرطوم ..
والتحية خاصة الى طلاب اسكول اوف ماس ...
تسلم
|
Post: #273
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-30-2009, 05:29 AM
Parent: #272
| Quote: والتحية الى شارع المين الذى اخرج اشاوس فى السياسة وصناع قرار فى العالم ... |
عاد يا عاصم دي ما في زول سبقك عليها.. ضحكت شديد لاني حكمت على الموضوع من وجهة نظري البحتة..
بعدين تساءلت عما اذا كان على ايامكم الامور اتغيرت وصار المين رود زي قهوة النشاط والقنا هاوس؟
على ايامنا يا عاصم المين رود دا كان حصريا على الحناكيش والخلط المدعوم بليمون البزنس الما خمج..
ما كان في اي ركن نقاش بيفوت النشاط والاداب والقانون.. دي حتات النشاط السياسي وصناع القادة المستقبليين..
اما المصالح الدنيوية الاخرى، بما فيها ليمون البزنس الساااااااااااقط فمكانه هناااااااااااك...
المين رود دا يكاد يكون exclusively حناكيش بس..
حكى لي احد الاخوة الغبش ان السكن رماهو مع واحد حنكوش مغترب.. قام هذا الحنكوش تخلص دفعة واحدة من 24 بنطلون
لانهم اوت اوف ديت زي ما قال لي ..وصاحبنا الاغبش اهله جهزوه للجامعة باتنين بنطلون واتنين قميص.. وبس..
اها الحنكوش دا جايي مكرب امورو من بيتهم وجاهز يخلط بالكمشة زي ما بقولوا زمان..
المهم صاحبنا طلع معاه الصباح.. ببنطلون.. الباقي كم..واحد موش؟..
المساء عايز يطلع بنفس البنطلون قام الحنكوش غير هدومه وقال ليهو ياخي لازم تغير نحن ماشين لصاحباتي ناس فلانة وفلانة
وفلانة .. وذكر اسماء عددا..
صاحبنا على مضض غير هدومو.. اصلو ما كان ناوي يعمل كدا لانه عايز يخليهو مفاجاة ولا يعيد بيهو ما بعرف..
المهم لبس البنطلون عبد الواحد داك وطلع..
بكرة الصباح عايز يكرر نفس الفعلة.. قام الحنكوش احتد بشدة واداهو درس في اهمية تنويع اللبس..
صاحبنا ما كان منو الا ان انفعل وقتح الدولاب الى نهاية الضلفة وقال للحنكوش اسمع هوي..
انا من امبارح حالك دا ما عاجبني.. شابكني البس قلع غير خت.. اسمع هنا شايف الدولاب
دا نضيف كيف؟ انا القدامك دا جيبي انضف منو.. واهلي لما زودوني بيهن عشان اقضي بيهن السنة كاملة
واستثمرهن في العام الدراسي القادم.. نحن يا ابوي بنلبس البنلطون لما يابانا.. موش لانو اوت اوف ديت..
واسمعني هنا دا من الليلة انت بسكة وانا بسكة.. مبروك عليك المين رود بتاعك وناس فلانة وناس فلانة..
انا جيت عشان اقرأ..موش عشان امد رقبتي واتناطا لحاجات المين رود..
ويقال انه مرق كيسه وعمر سفته وكان بيهم فراق الطريفي لجمله..
المين رود يا عاصم زمان كنا بتيابنا ديك البتذكرها زي جوع بطني ما بندخله الا لما النور يقطع..
نسمع ليك الالسن التي ترطن خواجة ما خمج..والاصوات التريانة ورويانة ليمون بزنس..
الا ان الامور اختلف وصارت الاركان تدار من المين رود.. تلقى ليمون بزنس ارباحه ضربت السما
وصاحبه عمل ليهو عمارات عديل كدا..
|
Post: #274
Title: Re: نجوم اركان النقاش في نشاط الجامعة في ذلك الزمان...!!!
Author: ALazhary2
Date: 05-30-2009, 05:46 AM
Parent: #273
Quote: حكى لي احد الاخوة الغبش ان السكن رماهو مع واحد حنكوش مغترب.. قام هذا الحنكوش تخلص دفعة واحدة من 24 بنطلون
لانهم اوت اوف ديت زي ما قال لي ..وصاحبنا الاغبش اهله جهزوه للجامعة باتنين بنطلون واتنين قميص.. وبس..
اها الحنكوش دا جايي مكرب امورو من بيتهم وجاهز يخلط بالكمشة زي ما بقولوا زمان..
المهم صاحبنا طلع معاه الصباح.. ببنطلون.. الباقي كم..واحد موش؟..
|
ياحليمة والله قاعدين تتلوموا معانا زي ما أوكامبو إتلوم مع البشير :)
ياحليمة وحات سيدي الحسن أب جلابية في مغتربين وشهادة عربية غبش مفلسين دخلوا الجامعة وعندهم عدد(2) بنطلون و النصيحة عشان الكضب خيبة (3) واحد منهم جينز :)
الحناكيش ديل ياهم ناس الخرطوم زاتهاوناس شهادة لندن .
والله بين غالبية أبناء المغتربين وبين الحنكشة بعد المشرقين .
.
.
|
Post: #275
Title: Re: نجوم اركان النقاش في نشاط الجامعة في ذلك الزمان...!!!
Author: محمد عبدالرحمن
Date: 05-30-2009, 06:51 AM
Parent: #274
http://photos-f.ak.fbcdn.net/photos-ak-snc1/v320/179/11...80921_50053_6640.jpg
صاحب الصوره أعلاه هو عمر محمد على حامد ..
كادر حزب الامة بجامعة ا لخرطوم فى فترة التسعينات
وطالب كلية الاداب ..الملقب ب(تقراى) و(الحلاوى) ..
كادر خاطبى مميز وتنفيذى وحركى من الدرجة الاولى ..
كان يعطى منبر طلاب حزب الامة كثير من الزخم
بحضوره ...له قدرات تنظيمية مهوولة فبجانب الخطابى
كان ممسكا بكثير من ملفات العمل الداخلى ..حيث انه له
قدرة على الحركة والمناورة وخلق الاحداث وصناعتها ..
|
Post: #281
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:53 AM
Parent: #275
Quote: صاحب الصوره أعلاه هو عمر محمد على حامد ..
كادر حزب الامة بجامعة ا لخرطوم فى فترة التسعينات
وطالب كلية الاداب ..الملقب ب(تقراى) و(الحلاوى) ..
كادر خاطبى مميز وتنفيذى وحركى من الدرجة الاولى ..
كان يعطى منبر طلاب حزب الامة كثير من الزخم
بحضوره ...له قدرات تنظيمية مهوولة فبجانب الخطابى
كان ممسكا بكثير من ملفات العمل الداخلى ..حيث انه له
قدرة على الحركة والمناورة وخلق الاحداث وصناعتها .. |
هلا يا محمد عبدالرحمن
ومرحب بالانصار الصعبين الصاعقة
وياخ رسل لي الصورة دي الايميل لاني حاولت انزالها بدون لنك لكن ما ظبطت معاي
فياريت تشوتها لي في الايميل عشان نوثق ضوئيا للتقراي والحلاوي هذا الرجل المميز
|
Post: #280
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:43 AM
Parent: #273
Quote: المين رود يا عاصم زمان كنا بتيابنا ديك البتذكرها زي جوع بطني ما بندخله الا لما النور يقطع..
نسمع ليك الالسن التي ترطن خواجة ما خمج..والاصوات التريانة ورويانة ليمون بزنس..
الا ان الامور اختلف وصارت الاركان تدار من المين رود.. تلقى ليمون بزنس ارباحه ضربت السما
وصاحبه عمل ليهو عمارات عديل كدا |
ههههههه
يا حليمة حبابك ودائما منداحة في الحكي الطاعم
والامور بعدنا جاطت يا حليمة والخرطة الجيو حنكوشية للجامعة اتغيرت
وفقد المين رود انضباطه الحنكوشي وحصل تلاقح اخيلة والصراع الطبقي شكلو كده فك..
وفعلا في زماننا المين رود ده ما بكانا كدي يستوعب ركن مع ناس سوسو وحمادة وبني حنكش
حيث الوردة والفيروز والعربية الواقفة بره والناس المستحمية مرتين في اليوم لووووول
......
المين رود في اول شقا ليهو بالتاكيد بكون في رهبة وبتخشك خوفة من الخلق النضيفة التقول سراميك
ولكن لمن يقوي عووودك بتدنكل ليك سفة ليها ضل وبتجي شاقي الشارع دون تردد او خوف وراسك فووووق
ولو لقيت زول دفعتك ممكن تسلم عليهو وتاخد معاهو خشم خشمين وانت ماشي في طريقك الي مضارب جموع
الاولاد قرف في الجانب الاخر من النهر
|
Post: #304
Title: Re: نجوم اركان النقاش في نشاط الجامعة في ذلك الزمان...!!!
Author: عاصم ابوبكر حامد
Date: 05-31-2009, 07:59 PM
Parent: #273
الاخت الكريمة حليمة
لكى تحياتى وتقديرى ...
Quote: بعدين تساءلت عما اذا كان على ايامكم الامور اتغيرت وصار المين رود زي قهوة النشاط والقنا هاوس؟
على ايامنا يا عاصم المين رود دا كان حصريا على الحناكيش والخلط المدعوم بليمون البزنس الما خمج..
ما كان في اي ركن نقاش بيفوت النشاط والاداب والقانون.. دي حتات النشاط السياسي وصناع القادة المستقبليين.. |
ياحلوم انتى عارفة اننا مجرد ما دخلنا المين لقينا فيه اركان نقاش طويلة وناس بتكورك ...
وكان اول مرة اشوف فيها التعايشئ ويرحب بالطلاب الجدد وتانى بيتكلم فى السياسة الكبيرة وبيهدد من جانب اخر وصحبى قال لى يازول اختا المكان دا ...
ولقيت قدام شوية وائل طه بيقول لو الكيزان رجال كان ما زوروا الانتخابات وكان جابو حرية للشعب ..
وشوية كدا سمعت بحاجة اسمها ركن للناصريين العرب وفيها بنت حلوة كدا بتقول ان السودان يجب ان ان يكون بلدا حرا وديمقراطيا ..
قلت امشئ واحضؤ المحاضرة فى قسم جيولوجيا واجى راجع ...
ومن ديك وانا عرفت المين باركان النقاش ..
واهم شئ فى المين الجكس يتاع بزنس وليمون بزنس والعجب لمن تلقى ليك واحد صحبك قاعد فى المين مع وحدة شديدة ..لازم يناديك مرات ..ومرات حسب القعدة لو الونسة حلوة يناديك ولو شغال غراميات بيكرهك طوالى لانك بتكون قاطعته ..
Quote: اما المصالح الدنيوية الاخرى، بما فيها ليمون البزنس الساااااااااااقط فمكانه هناااااااااااك...
المين رود دا يكاد يكون exclusively حناكيش بس.. |
اسئ المين لكل الناس زى ما بيقول ...
يا اختى المين رود الان بقى هملة ساكت حتى ناس الاهلية والنيلين بيقوا يجوا هناك ..
ايامنا فى الجامعة كانت حلوة بالجد بالرغم الحديث الذى يقول ان الجامعة انتهت وما شابه ذلك والتعليم انتهى ..
مازالت اتذكر جامعة الخرطوم جيدا واتذكر طلابها واساتذتها....
انها فعلا ام الجامعات ...
|
Post: #279
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:32 AM
Parent: #272
Quote:
والتحية الى شارع المين الذى اخرج اشاوس فى السياسة وصناع قرار فى العالم ...
تلك الجامعة التى لا يعرف الشخص معناها الا بعدها ان يتخرج منها ...
ومن هنا التحية الى كل اصدقائنا والى كل طلاب جامعة الخرطوم ..
والتحية خاصة الى طلاب اسكول اوف ماس ...
|
هلا يا عاصم
ووينك يا زول انت ولعلك بالف خير وبركة
وفعلا الجامعة لها وهج وطعم ومزاق خاص ...
وحكاية المين رود دي فيها نقة ومراجعات علي قولة الاخوة بني شيوع
وشايف حليمة سخنت طوالي لانو الموضوع ده كبير خلاص لوووول
|
Post: #277
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:17 AM
Parent: #266
Quote: عمو عصام
جيت امسي عليك |
شبكة انتي للدقة مفروض تقولي لعصام ده
ياجدو عصام
الزول ده قديييييييم اقدم من شجر المين رود الكبار دااااااااك
|
Post: #276
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:11 AM
Parent: #265
| Quote: بعد شوية يجى زول يقول لينا جدو عصام و عمو احمد عثمان |
هلا
وكلنا منتظرين يا خالو كيكي
والقصة خلاص جرت ياعصام والعيال كبرت يا زول
وبعد ده الجامع الناصية والابريق الكبير وجب تب لوووول...
|
Post: #282
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 08:59 AM
Parent: #276
Quote: كيكي التفكيكي ! سلام يا صاح !!
يا كيكي نحن بنتعارف أيام الجامعه و كان في سلام و كلام ، و أول ما شفته صورتك فبل فتره هنا ، عرفتك طوالي ، و أنا متأكد كان اتقابلنا حى تعرفني طوالي لو زحزحت الشيب و الصلعه !!
الشباب ناس نادر ابكدوك ، هشام الحاج ، مبارك و المرحوم إيهاب ديل فردي في الكليه !
ناقاتك الاسفيريه ماني دايره ، ضربت لمحمود الأسد في السودان و فت لي زولك ، و بي دربي ده ماشي ليهو في الماسنجر
تعرف أنا أسمي المشترك بيهو ده - اللي هو إسمي الحقيقي - أظن أمي ذاتها ما عارفاهو لانو لقبي طاغي بصوره مبالغه عن إسمي عشان كده مافي زول من الناس البعرفهم عرفني لمن اشتركت هنا !!!
سلام تاني يا صاح و سعيد بالرييونين ده معاك و مع بقيه الشباب !
و بالله سلم لي علي ناظم ، حسن خضر و عماد عايد !!! |
هلا يا امين
وياخي ما تباصي لخالك الصورة ام صلعة دي انشاء الله من خلف الكواليس
واكيد بنتعارف يا امين لانو الناس الذكرتهم ديل ناسي تبببببب
وما دام ضربت لمحمود الاسد اكيد شمار وليد القرود بكون وصلك الود متحاوم في الاسافير دي
ومركب مكنة خليل (اعتقد انه خليل ابراهيم) ههههه
تحية
وتحياتك حتصل للشباب ديل باذن الله ومتابعك يا امين في مدارات كثيرة في هذا المنبر
ومتكيف لمن غلط زاااتو
وكن بالف خير
|
Post: #283
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-30-2009, 09:14 AM
Parent: #282
جدو عصام
خالو كيكي
صباح الخير
|
Post: #284
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-30-2009, 09:22 AM
Parent: #283
Quote: جدو عصام
خالو كيكي
|
ايوووه يا شبكة وكده انتي ماشة في الخط الثوري مية مية
وجدو عصام دي مريحة بشكل
وصباح الانوار
|
Post: #285
Title: Re: نجوم اركان النقاش في نشاط الجامعة في ذلك الزمان...!!!
Author: Abubakr Osman
Date: 05-30-2009, 02:03 PM
Parent: #284
حليمة
يا حليل زمنا وزمن المين رود كان ليهو شنة ورنة
من سنتين كدة رجعت الجامعة طالب تانى لقيتها ليك اتغيرت وما ها الجامعة البنعرفها
النشاط اتحول الى المين رود وكل خمسة امتار ركن نقاش فيهو بين 20 و40 طالب
ترابيز البلياردو ما تديك الدرب
وابواب الكليات زى بوابات السجون حديد وشبك من الساعة السادسة يتم إغلاقها !!!!!!!!!!
|
Post: #286
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 05-30-2009, 09:19 PM
Parent: #285
Quote: ياخ بالجد السطحية الظاهرة عليها ضربت بجذورها في البلد ديك
ومفاهيم زي دي كان لايوجد من يجرو الاقتراب او التصوير قريب منها |
كيكي يا عمك ارخي ياخ
نحن قادة الانهيار دا . . . و كيلك الله اديتونا ضهركم كدا و الشغلة فكت وراكم
طبعاً و اكيد في موضوعي في الشغلة و فيها الذاتي لكن الموضوعي اكبر و اكتر تأثير
الانقاذ كانت في عز شراستها و بكل آلتها التدميرية قابلت التعليم العالي و استهدفت جامعة الخرطوم" الصنم الجاثم على صدر الثورة " دي تحديداً
بدوها من الدفاع شعبي ، وتموها بتصفية السكن و الاعاشة ، ومن افدح محن الانقاذ بروز دور جديد للطلاب القى على كاهلنا عبء جديد في دعم الصندوق كمان ! ياخ ما تزحوا مننا كدا ياخ ! هو نحن قادرين ندعم نفسنا ياخ ؟ وكيلك الله يا كيكي الناس من الجوع الواحد لو داير يكورك و لا يشاكل ليهو زول الا يتكي ليهو في حيطة و لا عمود ! تقول لي ركن نقاش ؟!
بعد احداث المقاطعة و استشهاد طارق زهري باشا في 17 يوليو 1991 م، و بعد حل الجهاز النقابي ( الاتحاد ) ، تم تجميدالنشاط السياسي و اتخلقت حالة فراغ دستوري انتهت في 93 بالاستفتاء و تعديل الدستور . حتى النشاط الاجتماعي و الثقافي الاكاديمي ( الجمعيات و الروابط ) تم حظره . . .
لا والادهى شغلونا برويحاتنا ذاتنا ، بقن علينا همبيرقر و هم المبيت . شفوتنااللذين سبقونا بالاسترهاق ( داخلية ترهاقا ) وصونا بالمادة الصفراء لمن استطاع اليها سبيلاً في سفر الداخليات - هي من جنس البقوليات لكن و الله ما عدس . لا ياخ ! الما بعرف ساي بقول عدس ! - و الحريف يفتش قرايبة ولا اولاد منطقتو او اصحابو السناير ( ناس التِكت ) يا كمان يتحرفن و يصاحبهم و يغني : بجافي ليك برالمتي و اسكن معاك " البركس "
بهلوا القبول بالآلاف و داك يا تقطيع اوصال افقي و راسي و بالجمبة، و بالجمبة دي اهم شي . اولاً عزل البرالمة - الهم حضراتنا - عن السناير ، بعد داك بجي تقطيع البرالمة ذاتم اولاً ناس هندسة و ادارية و رياضية و علوم ( إعدادي ) دمسونا كلنا في ترهاقا
شفوت الاقتصاد و الآداب و القانون ديل شمبات بس . محل الرجال هناك .
ياخ اشتر هتاف كان بتاع الشمباتة ديل شنو يعني " الشمباتة رجال الجامعة ؟ " و بقولنو الجكس كمان ؟ اسي الاخ / شبكة شابكة فيهو . بالمناسبة تسنيم دفعتنا و الغنية وقتها على رتم " يسلم شبابك . . . سلامات " تسنيم زراعة ، تغريد بيطرة ، منال آداب . . . و القبلي شابك و سلامات
طبعاً انا استخدامي ليها مبرر ، لاني ما بتكلم عن الجكس البرالمة ! لا ديل كلهن كومهن في " عمارة طلب - بحري " انا بتكلم عن " رجال " و دي حقيقة لانو دفعتنا فتحوا القبول للشهادت عشرة سنة كدا لوراء ! اها كان معاناواحد درّس واحد معانا ! شفتوا كيف ؟ . الله يطراهم بالخير ناس الطيب عبد الله ( المناقل ) سفيان علي بابكر ( صراصر ) و الله انا كنت بحترمهم ليك قايلهم اساتذة في الكلية في الاول !
يا شباب و الله اظنها سيرة و انفضحت اسي الطربقة الفوق دي كلها و لسة ما قلت الجيت اقوله
على العموم ربنا يرحم الجميل نصر الدين الرشيد القمر الافل قبل آونه و تبقى كلماته خالدة في ذاكرة مجايليه " الزملاء عايشين زهو تمتع بجمليات الفكر الاشتراكي . . . " و شنو كدا ما عارف عن السخف الابداعي في تعقيب على ركن علي موسى بتاع " جاياك يا ابشرا جاية افتوا معاك " الشهير . . .
ربنا يتولى ناصف بشير و يعافيه فهو شاب جميل و في منتهى الاكتمال
و تشكرات يا سفيان نابري و محمد عبد الرحمن على المعلومة " بالمناسبة عندي صورة مجموعة ليكم فيها اشرف غزالي و ديفيد قارجنق ، انزلا يا برلوم ؟ "
و تحية مني لكوادر العنف ياخ : علي حمودي ( آداب ) و عاصم شرزم ( علوم )
يا كيكي اجمل حاجة انك تلعب دور محيميد في موسم الهجرة الى ام نخيل دي و تكون راوي بس و العجب ان بقيت قيقا راوي
الناس دي ما تعبت معانا ؟. . . بجي احكي ليكم تجربة التنظيمات العاطفية ( الشهيد ( يسار راديكالي ) ، الدمعة ( اصوليين متطرفين ) ، و النقض الاجتماعي ( حزب الوسط ) )
سمعت " بكيس خدمات " ؟ او " واحد في الكف و واحد في الرف و واحد للسف " ؟ و " صديق علاقة " و " موسم فك التسجيلات " . . . و عيييييييييييك
اسماعيل وراق ازيك ياخ
انت زولي تب
و الله مداخلتك دي كأني كتبتها انا
سلام بنكهة بحر ابيض يغشاك في رياضكم ياخ
و سلام للجميع بدون فرز
|
Post: #287
Title: Re: نجوم اركان النقاش في نشاط الجامعة في ذلك الزمان...!!!
Author: خالد عويس
Date: 05-31-2009, 01:48 AM
Parent: #286
شبكا الحقي
محمد فول قال لي عصمت قرشي وأمير محجوب الشمار كاتلم يموتوا ويعرفوا شبكا دي منو.
|
Post: #288
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-31-2009, 05:33 AM
Parent: #287
Quote: شبكا الحقي
محمد فول قال لي عصمت قرشي وأمير محجوب الشمار كاتلم يموتوا ويعرفوا شبكا دي منو. |
خالد
مش عبارة في المنبر متداولة بتقول قوم لف
اها قول لمحمد فول يقول لامير وعصمت قوموا لفوا
امير رجع من جنوب افريقيا عشان يموت بشمارو؟؟؟؟
تحياتي لكل الشمباتة وصراحة اشتقت لشمبات الزمان مش بتاعة استاذ امير واستاذ عصمت
|
Post: #291
Title: Re: نجوم اركان النقاش في نشاط الجامعة في ذلك الزمان...!!!
Author: خالد عبد الله محمود
Date: 05-31-2009, 07:19 AM
Parent: #288
Quote: خالد
مش عبارة في المنبر متداولة بتقول قوم لف
اها قول لمحمد فول يقول لامير وعصمت قوموا لفوا |
في الحقيقة يا شبكة مفروض عصمت يقوم يلف لأنو أمير ده لافي طبيعي
خلاص يا أمير محجوب شميت ليكـ ريحة برلومة !!
|
Post: #292
Title: Re: نجوم اركان النقاش في نشاط الجامعة في ذلك الزمان...!!!
Author: SAIF MUstafa
Date: 05-31-2009, 07:27 AM
Parent: #291
ألأخ عبد الكريم
سلامات
البوست الرائع دا أول مرة أشوفوا بعد نبهونى ليهو... وبصراحة رجعنى لزمن جميل وما بتكرر. شمبات وأركان اللبخة..و .و..
كنت أتوقع وجود ناس عجايز شوية.. . و لكن كلكم طلعتو برالمتنا... وأتوقع أنو بعض الشمباتة الشفع ديل أكون درستهم فى معامل الكيمياء والتربة أيام الدراسات العليا...
طبعا بدر وعلاء صلاح ديل أصحابى ... وهما ورانا..وكل الكوادر الخطابية والسياسية الذكروها عاصرتهم... بالأضافة لمن ذكرهم صديقنا دكتور أحمد القرشى...أيضا أود أن أضيف من الشمباتة الحضرناهم:
صديق بولاد وأسماعيل بلول-أنصار وحزب الأمة
بابكر - جبهة ديمقراطية
الفادنى والأبوابى - مؤتمر الطلاب المستقلين
ألأمين عبد الرازق - الأتجاه الأسلامى
يوهانس بول- أنصار السنة وكان بيعمل ركن كل يوم أثنين على ما أذكر رغم أنو أنصار السنة كانو نادرين جدا... والطريف أنو كان عندوا أفضل لاود أسبيكر...
الجماعة الفوق ديل بعدهم مباشرة جات فترة ناس صديقنا أبراهيم فتح الرحمن اللى سبق ذكر كوادرها بالتفصيل...وهو وراى بدفعتين..
المهم يا شباب ما تقولو أنا عجوز شديد... دفعتى فى البورد دا الشمباتى بريمة أحمد آدم... وقيسو على كدا..
تحياتى للجميع
سيف مصطفى
|
Post: #293
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-31-2009, 07:27 AM
Parent: #291
| Quote: خلاص يا أمير محجوب شميت ليكـ ريحة برلومة !! |
ياخالد
امير ما بعتق كلو كلو
من الفرقة الاولي(بنات دفعته) لي هسة بكونوا وصلوا الفرقة 20
ياخي امير وعصمت ديل
ودوهم الخدمة الالزامية هربوا بالسور جوا شمبات
حيروا العمداء والعمادة
|
Post: #294
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-31-2009, 07:35 AM
Parent: #288
يا اخوانا في خضم التوثيق لاركان النقاش ما تنسوا الكورة ومصطلحاتها
ومشجعينها ومشجعاتها ولاعبيها واين رمى بهم الزمان..
دافعي هذا سببه ان بعضهم ادعوا ان الشمباته رجال الجامعة ..
صحي يا جماعة الكلام دا ولا الجماعة ديل كانوا بيعرفوا كيف يسوقوا لروحهم..
يخيل اليى ان الشمباتة اخوانا ديل هم براهم قالوا نحن رجال الجامعة.. وصدقوها..
والتانيين وَالوهم.. حكمة الله كانوا الوقت داك ضخام الجثث ولما يجوا ماشين بشارع النشاط تسمع ليك الزلط رت رت..
غايتو انا عندي كلام عايزة اقولو واقف لي هنا دا.. في حلقي..في الكورة لما يندرشوا صاح الناس كانت بتقول ليهم شنو؟ حد عارف؟
ما في ؟ انا عارفة..
الشمباتة كان الفريق المتضرر منهم بيناديهم: جزم باتا ولا الشمباتا
ويا ناس شمبات جرجريكم مات..
ناس الهندسة كان يطلق عليهم لقب بالوعات (كيكي والسادة المهندسين ما تحدروا لي)
ناس الطب لقبهم كان الدايات
ناس اداب كان يقال لهم: ليكشر واحد في الاسبوع دخلوا الجامعة بلا مجموع
والحال في جزئيته الثانية ينطبق على الاقتصاد ناس بي كبيرة وبي سغيرة..
نحن ناس كورس يونت سستم..درجونا ناس بروفيسور مهدي امين التوم..
ومعاهم ناس محمد محمود وشين ومجذوب في اللغة الانجليزية
وناس ديومة وعبدالرحمن الامين وخالد عبد المجيد مرسي ويونس الامين وبريرا
وجان كلود، خلونا دخلنا الاداب ومرقنا منها ما بنعرف للجامعة اي شئ .. حتى
الخلط البلوشي الذي كان الناس يغترفون منهم بالكور ما جربناه..
كان من اشهر المشجعات نجوى من اداب وهي من بنات كسلا..
كان ممكن تكون البت الوحيدة القاعدة في المدرجات تشجع ومستعدة تدك اي مشوار عندها
بس ما تفوت اي ماتش.. تنافسها واحدة في حب الكرة اسمها غنية من بنات اقتصاد..
اشطر اللعيبة جو بعدنا ناس الامين يوسف وواحدين نسيتهم..
Quote: ياحليمة والله قاعدين تتلوموا معانا زي ما أوكامبو إتلوم مع البشير :)
ياحليمة وحات سيدي الحسن أب جلابية في مغتربين وشهادة عربية غبش مفلسين دخلوا الجامعة
وعندهم عدد(2) بنطلون و النصيحة عشان الكضب خيبة (3) واحد منهم جينز :)
الحناكيش ديل ياهم ناس الخرطوم زاتهاوناس شهادة لندن .
والله بين غالبية أبناء المغتربين وبين الحنكشة بعد المشرقين . |
نصيحة تخدر ليك..
يعني بمقاييس زمان برضو حناكيش .. كنتم تشربون عصير التانج الاصففففففر وتاكلون المكرونة الاسباغتي
لما يعجبكم العدس او ابو قجيجة كما كان يطلق عليه احد زملائنا..
واحد من زملانا في الاداب لما كنا برالمة كان في خامسة وكنا زملاء شاي عمك بتاع اداب داك الكان ببيعوا
تحت سلم شعبة اللغة العربية..
المهم مرة حكى عن الفقر بصورة طريفة ومؤلمة في ان..
قال نحن بالنسبة لينا الجية للجامعة دي نوع من الرفاهية.. القراية المابياها الناس دي ومستنين متين الاجازة تجي عشان يفرحوا
نحن عكسهم.. بنكره الاجازة وكان بمرادنا الجامعة ما تقفل كلو كلو.. لانو لما نمشي اهلنا في الجزيرة بدرشونا درش جد..
الواحد من يصل ويخت شنطتو يلموا فيهو اهلو يلا الضحوة كربت.. الضحوة كربت يجيبوه منتصف النهار راجع للفطور
وياخذونه بعد صلاة العصر مباشرة والمبيت بالورديات في الحواشة..
واضاف انه في احدى المرات تعب تعب شديد مع الفار في الحواشة.. كان قاطع ليهو نومتو..
نطت شبه حنكوشة رماها حظها العاثر فينا فصاحبتنا.. قالت ليهو انت ما تقفل الناموسية كويس لما تجي تنوم..
صاحبنا عاين ليها زين وقال ليها بكل سخرية .. لكن ابوي ما نسى باب الحواشة فاتح والفار دخل قرض الناموسية..
ثم باكثر جدية.. انت عويرة ناموسية شنو.. اقيفي سمح النحكي ليك عن نومنا واكلنا كيف..
شوف يا خية.. نحن عندنا حلة وكفتيرة وكبابي ومعاهن الدقيق والشاي والسكر والملح والشطة وكورة..
ديل كلهن خاتنهن في شنطة صفيح، اذا كانت صفيحتين ملصوقات ديل اسمهن المقرون وعندهن غطا واحد
برضو بتاع حديد.. ومرات بتكون واحدة.. المهم..الفار ما بقدر على المقرون دا..
نحن بنعوس الكسرة وجبة العشا في الحواشة دي.. وبنشيلها حاجة قوية خلاص ..كتلة واحدة بنرميها في الشوال وبعدين نعمل ليها حفرة في النص
نكب فيها الادام الذي غالبا ما يكون بصل وملح وشطة قبانيت وزيت سمسم وناكل ونشرب الشاي ولما نجي ننوم.. بنقوم مرات نشيل
الشوال دا ذاتو ندخل فيهو ونكوويهو من جوة وننوم.. باعتباره فرشة وغطا. اثناء النوم ايدك بترخي الفار في اللحظة دي مجذوبا بريحة
الكسرة بيقزقز ويجينا بعد شوية داخل جوية يقلل منامنا..
تقول لي كمان شد الناموسية..
الحنكوشة المسيكينة نطتت عويناتها وتاني ما لمت علينا.. اخونا صاحب القصة دا. . هسع محاضر في الخليج.. وفعلا الجامعة لم يغادرها
قط.. من طالب في السنة الخامسة الى مساعد تدريس ثم انهى دراساته العليا بامتياز وكان ذلك فراقا نهائيا بينه وبين الحواش ذات الفيران.
ويبدو ان الرجل كان من الذكاء بحيث طرد الحنكوشة عن سكته حتى لا تطول اقامته في تلكم الحواشة..
تقول حناكيش فقراء يا الازهري.. يمكن اولادي واولادك مع اغنياء السودان الجدد يحسبون في عداد الفقراء عديل..
الا انتو حاشا وكلا..انت يا الازهر اغبش.. اغبش والله الا يكتبوها عليك ببنط عريض ويلصقوها ليك في قميصك..
(بالله دردق لي وجوه ضاحكة من رابط اخونا خالد احمد عبدالله).
اتمنى ان لا اكون قد انحرفت بمسار البوست..
--------
كيكي صباح الخير
الحناكيش بقوا سكان الخرطوم.. والغبشة في الاغتراب يا الازهر.. يظهر انو عطية دا مبارينا مبارينا اينما قبلنا..
|
Post: #295
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-31-2009, 07:54 AM
Parent: #294
Quote: ويا ناس شمبات جرجريكم مات..
ناس الهندسة كان يطلق عليهم لقب بالوعات (كيكي والسادة المهندسين ما تحدروا لي)
ناس الطب لقبهم كان الدايات
ناس اداب كان يقال لهم: ليكشر واحد في الاسبوع دخلوا الجامعة بلا مجموع
|
حليمة
واصلي في تشجيع الكورة
اقتصاد سكرتيرات اولاد وبنات
ولي
البياطرة طراطير الدكاترة
ياجماعة الكلام دا من راسي
كانوا بقولوا كدا في التشجيع وخصوصا لما يكون بص السيرة(المشجعين)جايين من شمبات
ورابطين ليهم حاجات في راسهم وشايلين الطبلة
ودي اسالوا منها عبد الله الخطيب من بيطرة
اما حكاية الفار والشوال والحنكوشة دي ما وقعت لي سمح
|
Post: #296
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-31-2009, 12:09 PM
Parent: #295
البوست بصراحة بقي يجنن ومولع جمور احياء كثيرة
|
Post: #297
Title: Re: نجوم اركان النقاش في نشاط الجامعة في ذلك الزمان...!!!
Author: محمد عبدالرحمن
Date: 05-31-2009, 12:31 PM
Parent: #296
| Quote: سمعت " بكيس خدمات " ؟ او " واحد في الكف و واحد في الرف و واحد للسف " ؟ و " صديق علاقة " و " موسم فك التسجيلات " . . . و عيييييييييييك |
يافتح الرحمن قيقراوى ..أخبارك ..
بعدين كان فى حاجه اسمها (صداقة متقدمة ) ...( واخد بال حضرتك ) ..
بقى الصداقة المتقدمة دى زى (تهمة لاننكرها وشرف لاندعيه ) ..لاواصلة
حب ولاواقفة فى الزمالة ...و التحيه للدكتور الشقيق عبدالهادى الذى
له حق الملكية ...اما فيما يخص الصور ...فأسترنا يسترك الله ...فقد كنا
جوعى (يعلم الله ) ..
|
Post: #298
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-31-2009, 01:02 PM
Parent: #297
| Quote: البياطرة طراطير الدكاترة |
شكرا يا شبكة على ايراد لقب ناس الاقتصاد..
الكلام الفوق دا لواحد من هيئة حليمنتيش العليا حاليا.. واعتقد انه المتجبجب الودكي..
والقصيدة اذكر منها..
يا بياطرة يا طراطير الدكاترة..
يا زرايب يا زكايب يا تيوس للريد مهاجرة..
يعني ايه يا جاهلية لو تموت غنماية او ترجى الضحية
|
Post: #299
Title: Re: نجوم اركان النقاش في نشاط الجامعة في ذلك الزمان...!!!
Author: حافظ حسن ابراهيم
Date: 05-31-2009, 01:23 PM
Parent: #298
سلام للكل و سلام خاص لحليمة .... لكن يا حليمة لقيتك قديمة قدم شجر المين روود يا خي انت من زمن
الشمباتة رجال الجامعة .... ديل بقي اسمهم شمبات بهايم السنتر و بالمناسبة دي اهديك مقطع التشجيع دا
شمبات بهايم السنتر صلاة النبي فوقو
لا عندو أب لا سمستر صلاة النبي فوقو
نحنا رغم سمستر صلاة النبي فوقو الجكس فينا مكسر
المقطع دا من تاليف هندسة لزوم الملكية الفكرية و كدا ... بعدين يا حليمة ناس هندسة ديل في زمنا كانو زي اسرائيل
الدنيا كلها بتكرهم لكن في نفس الوقت كلها بتخاف منهم ... لانو عندهم لسان اجارك الله و لو بخيتة ما تقعي فيهم
يا خي من الكاركاتيرات الجميلة الشفتها كان يوم مبارة فاينل بين هندسة و شمبات ... ناس هندسة راسمين ليهم كاركاتير بتاع غنم
و فيهم غنماية صغيرة (سخلة) كاتبين عليها برلومة
|
Post: #301
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 05-31-2009, 02:17 PM
Parent: #299
Quote: يا حليل زمنا وزمن المين رود كان ليهو شنة ورنة
من سنتين كدة رجعت الجامعة طالب تانى لقيتها ليك اتغيرت وما ها الجامعة البنعرفها
النشاط اتحول الى المين رود وكل خمسة امتار ركن نقاش فيهو بين 20 و40 طالب
ترابيز البلياردو ما تديك الدرب
وابواب الكليات زى بوابات السجون حديد وشبك من الساعة السادسة يتم إغلاقها !!!!!!!!!! |
تعرف يا ابو بكر الناس ديل صدقت فيهم نبوءة واحد اغبش كدا..
قال سنة 2000 الاحتياطي المركزي ح يختفي.. لان المظاهرات ح تكون بقت ارث تاريخي..
والناس ح تكون صغار واقف راجية بوكسي كوسو بتاع اللبن البجي داخل الداخليات الصباح والمساء
وشوفتهم للبوكسي يقعدوا يكوركوا : اللبن .. اللبن اللبن جا..
زمان الواحد يدخل الكلية شنبو عامل زي الساعة تلاتة الا ربع..
هسع وين يجيبوهو الجامعة لسع حسو مقروش ..
hung between childhood and manhood.
الجامعة بقت مسيخة وطاردة..والناس كلها صغار ومهجنة
وفصيحة اللسان في عجمتها (الغياظة)..
|
Post: #302
Title: Re: نجوم اركان النقاش في نشاط الجامعة في ذلك الزمان...!!!
Author: M A Muhagir
Date: 05-31-2009, 02:32 PM
Parent: #301
حليمة نكشت حاجة سمحة: تشجيع الكورة
كان عندنا فريق قوى جدا فى العلوم بقيادة الكابتن كمال كسلا
كنا بنغلب كل الكليات
الفريق الوحيد ال بجهجهنا هو الهندسة
بعدين اعداءنا التقليدين هم الشمبات
كانو يسخرون من ان غالبية مشجعى العلوم هم بنات
وكانو يرددون كلمة غاغ
باعتبار انو ناس العلوم بتاعين ضفادع
اذكر فى الفترة ديك فى واحد لعاب جدا, كان يلعب فى احد فرق الدرجة الاولى
اتقد ان اسمه انور وهو من الاقتصاد
كانت ايام حلوة, بس الذاكرة خربت
|
Post: #303
Title: Re: نجوم اركان النقاش في نشاط الجامعة في ذلك الزمان...!!!
Author: انور الطيب
Date: 05-31-2009, 02:46 PM
Parent: #302
الأخ كيكي سلامات وشكرا على البوست الجميل وأتأسف جدا للمداخلة المتأخرة ولكن في كل مرة أمشي أقرأ البوست عسى أن أجد نقطة أبدأ منها وأعيد الكرة واجتر الذكريات واستمتع بالكتابات ويغلبني الرد ، اقول المرة الجاية والمرة دي .... أها المرة دي قلت أجيكم من الآخر ......
طبعا الأركان في الجامعة كانت عجيبة بكل ألوانها السياسية وحتى الهزلية منها كانت أركان ممتعة ... ولكن لا أنسى أبدا أركان الجمهورين وخاصة الأستاذين دالي و القراي فكان الحضور عالي والنقاشات لها متعة وما يعجبني في الجمهوريين عدم الإنفعال في الردود وهذه محمدة كبيرة لأن الإنسان المنفعل يفقد توازنه بشدة وينهار أمام التحاور وأظن أن الجمهوريين نجحوا إلى حد بعيد في إدارة نقاشاتهم وبداياتها بالأناشيد الجميلة وتحبيب الناس إليها ولذلك لا يمكن بأي حال من الأحوال تجاهل أركان نقاش الجمهوريين مهما اختلف الإنسان معهم .
كان دائما برفقتنا في هذه الأركان العتاولة ماجد حسن فضل المولى وعثمان عبد الخالق وسعد التيجاني وغيرهم من أبناء الدفعة ...
كذلك من الشخصيات التي كانت تناطح الجمهوريين كثيرا الشيخ الصديق أبو ضفيرة " أستاذ اللغة الفرنسية " والشيخ الصديق أبو ضفيرة أستاذ في تجويد القرآن وكنا ندرس معه القرآن في مسجد الجامعة أنا وزميلي وصديقي مأمون الطيب المأمون " أنصار سنة" ، لكن لم يصمد الأخ مأمون كثيرا مع الشيخ أبو ضفيرة لأنه بعد كل درس قرآن كان يحدثنا عن معجزة الأعداد في القرآن تحت الرقم 13 وأذكر بعد حلقتين أو ثلاثة اعتذر مأمون عن حضور الدرس وخشى على نفسه منه ولكن أخوك واصل معاه وكان له فضل كبير عليّ خاصة في تعليمي القرآن كما تعلمت من الشيخ أبو ضفيرة الزهد . فهو إنسان زاهد لدرجة بعيدة ويحفظ القرآن بطريقة لم أعهدها في الحفظة إذ بإستطاعته أن يذكر رقم أي آية في القرآن بل يذكر رقم الآية في السورة ورقمها من بداية المصحف ويربط ذلك بالرقم 13 ... وذات يوم دعانا الشيخ أبو ضفيرة في " بيت القزاز" أنا وزميل آخر لي ربما هو مأمون وكان بيت القزاز بيت القزاز لكنه ما إن أكل لقيمات معدودة إلا وأنه حمد ربه على ذلك وعندما سألناه .. قال : حسب ابن آدم لقيمات يقمن صلبه .... ورغم هذه النصيحة الغالية وإقامة الصلب إلا أننا لم نأبه كثيرا لهذه النصيحة وأكلنا ما لذ وطاب وتركنا الصحون على قول شارلز دكنز لا تحتاج إلى غسيل كأنما كنا في بيت أيتام أوليفر تويست ... ذات مرة وأنا في الحلفاية وفي رحلة عادية من بيتنا إلى بيت عمي وجدت قطع بلاستيكية مكتوب عليها elmahadi 13 قمت بأخذ القطعة وذهبت بها مباشرة إلى الشيخ الصديق أبو ضفيرة وسلمته القطعة فقال لي : تأتي بدليل مهديتي ولاتؤمن بي ... وفي ظني أنه لا يرقى كدليل ولكن طيبت خاطره واستأذنت ...
ومن الشخصيات التي أذكرها أيضا بابكر " بتاع الكهرباء " الذي يتحدث عن الكهرومغناطيسية والنظريات المصاحبة ودائما ما أضحك عندما يتحدث عن ذكاء الإنسان وغباء الحمار ... فعندما يسأل هذا السؤال يجيب بتهكم الحمار غبي لأنه parallel to the magnetic field of the earth أما الإنسان ذكي لأنه perpendicular to the same field نضحك لهذا التعليل ضحكا كثيرا وكان بابكر مدخنا من الطراز الأول وعندما يقابل دكتور الربعة يسأله سيجاره ويجاذبه أطراف الحديث ، أما الدكتور بدر الدين " قسم الجيولوجيا " فكان دائما ما ينزعج من عثمان " زيدان" الذي يقف عند ال junction ويغني أخووونك وغيرها من أغاني زيدان بصوت جميل ... لكنه في بعض الأحيان يذهب إلى كافتيريا العلوم وخاصة ساعات العصر فينقل أنشطته إلى هناك فكان الدكتور بدر الدين يفتح النافذة ليرى ما يحدث فعندما يفاجأ بأن هذه الجلبة من عثمان زيدان لا يزيد على قولته المشهورة " الله يرد غربتو" ....
كما أن عمر محمد عمر أومو فرقم لا يمكن تجاوزه في كلية العلوم ومقالبه للبرلومات خاصة عندما يصطحبهن إلى مكتبة الجامعة معللا ذلك بشرح دروس التشريح وخاصة تشريح السمكة فكان مغرما بها أشد الغرام ويعمل على إنزال كل المراجع من رفوف المكتبة التي لها علاقة بتشريح السمكة ووجاهة تصاحب سمته ومنديل يستخدمه في إحداث صوت رهيب بأنفه وما إن تنعدل البرلومة لبداية الدرس يفاجئها بأن تشريح السمكة يسبقه الكلام عن الجنس ال sex يعني فتهرول البرلومة بعيدا وتسمع همس ضحكات مكتومة كانت تراقب الحدث عن بعد ...
كما أن عمر أومو كان يجمع أموالا طائلة في أيام الخميس ويعمل على إقناعنا بأن زوجة الدكتور .... تعمل في مدرسة ..... وبحاجة إلى ركوب تاكسي بدلا من المواصلات العامة فهذا لا يليق بها فيتبرع له الطلبة بما تجود به القريحة ....
ومن الأركان الشهيرة ركن نزار" أبو دقن" والحق يقال نزار رجل مهذب وربما إن ابتعد عن ركن الجبهة الديمقراطية وقصر بنطاله قليلا لظننت أنه أنصار سنة هههه ..
كذلك من الشخصيات التي لا أنساها أبدا الأخت ناهد جبر الله فهي كانت من أبناء دفعتنا وكان نقاشنا معها يطول ولكن يربط بيننا حبل من الود لا يمكن تصوره فكنا إخوة وتمتاز الأخت ناهد بنفسها الطويل في الحوار وكذلك بمحاولة إقناع الأطراف التي تقف في ضفة غير ضفتها بأدب جم وأخلاق عالية ...
كما أذكر أحد كوادر حزب البعث الذي يشتهر بكلمة " تغبيش النضال " والشخص يبدو ماثلا أمامي و جسم به شيء من البدانة ولحية خفيفة ولكن لا أذكر اسمه الآن ... والزمن أكل وشرب ياكيكي وربما فعل أشياء أخرى ...
وكان هنالك من الآداب حيدوب ومن القانون محمد طه محمد أحمد ومن طب الأسنان عبد السميع حيدر ومن الشخصيات التي لا أنساها " عبد الله الطيب الصغير " محمد الأمين كاكوم في الآداب فكان رجلا ظريفا ويمتلك نواصي الكلم وطرافة الحديث .. والآن صاحب برنامج مشهور في الأدب الشعبي ومازال يحتفظ بنفس نكهته ...
على العموم أكرر شكري لك يا كيكي ولكل المتداخلين الذين مروا من هنا ولكل قرائك المتابعين لهذا البوست الظريف ...
|
Post: #305
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 05-31-2009, 08:12 PM
Parent: #303
ياخي البوست دا يعجب الزول ويخليهو يتذكر حاجات كتيرة
|
Post: #306
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 05-31-2009, 10:05 PM
Parent: #286
Quote: يا كيكي اجمل حاجة انك تلعب دور محيميد في موسم الهجرة الى ام نخيل دي و تكون راوي بس و العجب ان بقيت قيقا راوي
الناس دي ما تعبت معانا ؟. . . بجي احكي ليكم تجربة التنظيمات العاطفية ( الشهيد ( يسار راديكالي ) ، الدمعة ( اصوليين متطرفين ) ، و النقض الاجتماعي ( حزب الوسط ) )
سمعت " بكيس خدمات " ؟ او " واحد في الكف و واحد في الرف و واحد للسف " ؟ و " صديق علاقة " و " موسم فك التسجيلات " . . . و عيييييييييييك |
هلا يا محميد قيقا محميد
وبحضوركم الواحد حيرقد قفا ويقعد يقراء بمزاج ومتعة
وسفة من الوطنية بحري..
والبوست ملي ودسم بالمحيمدين والمحميدات ومتعة الحكي فيكم يا نراجسة (او كما قال )
اخونا الزمان داك لووووووووول
وواصل اصلك ما تقيف حتي وان ذهب مصطفي سعيد شمالا مع النهر فتتبع لنا يا قيقا حكاوي ام نخيل ودهاليزها
|
Post: #307
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 06-01-2009, 01:14 AM
Parent: #306
Quote: والبوست ملي ودسم بالمحيمدين والمحميدات ومتعة الحكي فيكم يا نراجسة (او كما قال )
اخونا الزمان داك لووووووووول
وواصل اصلك ما تقيف حتي وان ذهب مصطفي سعيد شمالا مع النهر فتتبع لنا يا قيقا حكاوي ام نخيل ودهاليزها |
ياخ ما احلى النرجسة مع سيرة ام نخيل دي ياخ
عمك الطاهر دا زولي . . . نرجسوا ساي ما تشتغلوا بيهو
و إن كان عندي رغبة كدا اطرح استثمار للحب الفاض ملأ جنبات البوست دا لعمل يعبر عنو . ..
هو شنو (العمل ) دا ما تسألوني ؟!
انحتوا رأسكم و تعالوا ؟
| Quote: سيقوم طلاب كلية التربية جامعة الخرطوم وخريجيها برد الجميل للسيد / أزرق كير دينق أيويل لما قدمه لطلاب الكلية منذ التحاقه بها وكذلك للعمال طيلة فترة تواجده في النقابة ووقوفه مع قضاياهم العادلة مما أدي لتشريده ، ويعتقد السيد أزرق كير بأن الجامعة قد اجحفت في حقه لذلك لم يحضر الاحتفال الأخير بمعاشيي الجامعة ، ويعمل الآن باليومية في مدرسة التدريب التابعة لكلية التربية جامعة الخرطوم ، وليس لديه منزل (لا ايجار ، لا ملك) وتوقف ابنه عن الدراسة في كلية المختبرات ، ولديه ابنة في كلية التربية جامعة الخرطوم ، وزوجته موجودة في أويل وهي مريضة ، تنادي طلاب وخريجي كلية التربية جامعة الخرطوم بمختلف ميوليهم السياسية من أجل رد الجميل لهذا الإنسان الجميل في أمسية الأربعاء 26/3/2008م في دار الرابطة الساعة السادسة مساء بليلة شعرية يرد فيها الجميل معهم الأستاذ محجوب شريف ويغني ابو عرب |
لي وكتها خلونا نبدأ الشغلة من الاول بعد داك بنجبدا ليكم من واحد و تسعين
A painting of the construction of the University 1900
افتتاح كلية غردون التذكارية 1902 - مع خالص الشكر لعمك قوقل
المصدر
غايتو دي الجامعة القرينا فيها - يا كيكي : على اسفل اليسار شوف ليك حلاة خلطة بينشية نهارية - ودي واضحة من الظلال ؟
ولد دا . . . حداثة جد قليك !
اها خلو الدهشة صاحية . . . هي سيرة و انفتحت
|
Post: #308
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 06-01-2009, 02:10 AM
Parent: #307
Quote: يا اخوانا في خضم التوثيق لاركان النقاش ما تنسوا الكورة ومصطلحاتها
ومشجعينها ومشجعاتها ولاعبيها واين رمى بهم الزمان..
|
دا كلام صاح
د. صلاح يوسف فرح ( صلاح " قندراني )
Quote: *حدثنا عن مشاركات مع منتخب جامعة الخرطوم ؟
بدأت ألعب للفريق الأول لجامعة الخرطوم منذ إلتحاقي بالجامعة وحتى تخرجي وقد إشتركت في جميع المباريات الداخلية والخارجية لفريق الجامعة وكنت رئيساً للاعبين في الفترة من 1967م 1969 .
أما في دوري الجامعة فكنت ألعب ضمن فريق وداخلية الطب وقد فزنا بكأس الكليات والداخليات عام 1963م -1964م وهي المرة الأولى التي تفوز بها كلية الطب منذ إنشائها .
أبرز اللاعبين في الجامعة في تلك الفترة هم عبد الله التوم شقيق لاعب الموردة عمر التوم ، محمود أبوبكر حبشي ، جيلاني ، مسعود ، محمد سعد أبو الروس أبن لاعب النيل مدني سعد محمد إبراهيم ، بنى ، قدورة ، محمد خير الزبير وزير المالية في عهد الإنقاذ ، باقوري لاعب الشاطئ أم درمان ، عوض عطا لاعب المريخ العاصمي ، هشام أمان من ابناء حي بري ، صلاح سعد .
-من أبرز المدربين بجامعة الخرطوم في تلك الفترة سليمان فارس " السد العالي " عثمان الديم – عثمان الصبي ويوسف مرحوم . |
طبعاً الكلام دا كلو اناما حضرتو لكن النحدثكم عن الحضرتو :
تكسب يا كيكي . . . ما ُذكرت الرياضة في جامعة الخرطوم الا و كانت الهندسة الزعيم
ياخ التحية للخير المساح ( المرابيع ود اللبيح ) لكن كان مسلبط في مرابيع كوستي و ماخد عضوية الرابطة سلفقة ساي
اوسم المشجعين و من مخضرمي الجامعة عموماً . الزول دا عايش كل الاجيال ، غايتو نحنا لقيناهو و مرقنا خليناهو فيها ، او على احسن الفروض اتخرج معانا
طبعاً عضو هيلاهوب و لاحقاً عضو عقد الجلاد اكيد يكونوا خارتين بيهو الجو ناس هندسة
عقدونا في نمرنا الدخلنا بيها . و سار علينا ما سار على الآداب :
تلاتة لكاشر في الاسبوع . . . و داخلين الجامعة بدون مجموع
لكن الهتاف المضاد بجيهم هادر ، ننتظر اول ما لاعب يقع في ارض الملعب طوالي :
عاوز عمرة ودهوا الورشة
و الابدع آداب طبعاً ، يقوموا بتصعيد مهارات ما بنافسوا فيها المهندسين مهما بقوا فنانين . . . ( اللغات ) :
آداب . . . آداب . . . اتخي جولي ( فرنسية )
آداب . . . آداب . . . اوتشن خرشوا ( روسية )
آداب . . . آداب . . . استك تش تش ( المانية )
آداب . . . آداب . . . احي انا ( راندوك )
او نحو ذلك . . . انا شن عرفني باللغات ؟ و الاخيرة دي مني انا
|
Post: #309
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 06-01-2009, 12:44 PM
Parent: #308
قيقراوي منور البوست
بس ياخي بعد كل فاصل كورة أدونا فاصل أركان
الصور جميلة وبها تاريخ عجيب
نساء السودان كن يعملن منذ ذلك الحين
ويبدو من الصورة أنهن يساعدن على الأقل في جلب الماء
|
Post: #310
Title: Re: نجوم اركان النقاش في نشاط الجامعة في ذلك الزمان...!!!
Author: حليمة محمد عبد الرحمن
Date: 06-02-2009, 06:51 AM
Parent: #309
فوق الى حين عودة كيكي...
|
Post: #311
Title: Re: نجوم اركان النقاش في نشاط الجامعة في ذلك الزمان...!!!
Author: سيف بخيت موسي
Date: 06-02-2009, 07:50 AM
Parent: #310
سلام للجميع
من طرائف إبراهيم فتح الرحمن :-
بعد قرارات إدارة الجامعة الخاصة بتعديل نظام السفرة المفتوحة إلى نظام ( التيكيت) للوجبات الثلاثة " كل وجبة لون مختلف" على ما أظن " أبيض ، بمبي ، أخضر" وكان الركن مسخن في الحتة بتاعت إنو الكيزان ما بهمهم التحويل لتكيت أو إلغاء السفرة نفسها ، وأنهم مستفيدين من قوت الشعب ومتاجرين بيه ، والراجل فيهم تلقى سمين ونظيف ومندي و يلمع أكثر من البنات ، عندكم واحد ذي حسين خوجلي شوفتوا جنس دا ، فقام واحد من الكيزان الموجودين في الركن بدأ يقاطع ويتكلم ، فرد عليه إبراهيم إتفضل يا اللخوو خير ، فرد الكوز حسين خوجلي البتتكلم عنه دا بيلمع من وضوء الصلاة وخاصة صلاة الصبح والنعمة دي أنت يا إبراهيم وباقي العلمانيين والملحدين محرومين منها ، فرد على إبراهيم طيب نتفق في حتة الوضوء دي، لكن مسؤل من الخير علي الحاج اغبش كدة مالوا بتيمم ولا شنو .
|
Post: #313
Title: Re: نجوم اركان النقاش في نشاط الجامعة في ذلك الزمان...!!!
Author: عمار يس النور
Date: 06-03-2009, 02:17 AM
Parent: #311
كيكي سلام
مستمتعين بالبوست الجميل ده
Quote: والجمهوريين يا بكري ما حضرناهم وبختكم انتو طبعا استعتمو بالاركان بتاعتهم لمدة سنة
وبعدها القصة قفلت.. |
فعلا صدقت في دي. بالرغم من اننا كنا اول دفعة بعد الإنتفاضة و دخلنا الجامعة في نوفمبر 1985 و لكن للاسف لم نلحق اركان الجمهوريين بس سمعنا عنها سمع.
حكى لي احد اصدقائي ان الاستاذ دالي كان يستمع في ركن لاحد رموز انصارالسنة و اظنه شيخ الهدية عليه رحمة الله.
المهم الشيخ كان بيتكلم عن الصوفية و أن فيها بدع و إنحرافات و في نص كلامو قام الشيخ رمى عصايتو و قعد ينادي :" يا أبشرا ، يا المكاشفي، يا كباشي ارفع لي العصايا دي". ثم واصل: "وين الشيوخ بتاعنكم ديل ؟ مالم ما رفعوا لي العصاي"ا؟
قالوا دالي كان بيسمع ساكت و قال ليه : يا شيخنا قول يا الله خليهو يرفعها ليك.
المهم و العهد للراوي، شيخ الهدية سكت و ما قدر يقول اي حاجة و إلتفت لي دالي و قال ليه: يا ولدي إنت شاطر بالحيل بس مباري لي الشيطان بتاعك ده.
طبعا الحضور ضحكوا شديد جدا جدا لدرجة إن الشيخ لمه عصايتوا وفرتق ركنوا براه و خرج.
| Quote: الكيزان ياخي موهوبين جدا في التعبئة |
عارف يا كيكي صاحبنا قراف كان دئما بيتخم بالحاجات دي، تصدق خمس سنوات و هو يصوت للكيزان مع إنو ممكن يعمل السبعة و ذمتها.
كنا كل سنة نقول ليهو يا قراف الناس ديل ما بتاعين دين و ما تصوت ليهم يقوم يقتنع و يقول خلاص ما ح اصوت ليهم.
اهه بعد ما يخرج من مركز التصويت نقول ليهو حصل شنو . يقول و الله من غير ما يشعر يدو إتحركت و ادت قائمة الإتجاه الإسلامي.
و يمشي بعد داك يعمل العاوز يعملوا.
سلام
عمار يس
|
Post: #314
Title: Re: نجوم اركان النقاش في نشاط الجامعة في ذلك الزمان...!!!
Author: عبد الحي علي موسى
Date: 06-03-2009, 08:55 PM
Parent: #313
تحياتي أخي عبد الكريم وأحييك على البوست الرائع
فقط أريد تصحيح مقولة أوردتها أنت في خيطك هذا وهي (الأخوان المسلمون يفوقون سوء الظن)، فهذه المقولة للأستاذ محمود محمد طه وليست لخالد.
الأخت حليمة محمد عبد الرحيم تحياتي الحارة ووينك إنت، اتذكر آخر مرة إلتقينا ونحن خريجين جارين ورا تفتيش العمل وإنتي تبحثين عن وظيفة بوزارة الخارجية(وأنتي أهل لذلك) ولكن كانت المؤهلات غير كافية في تلك الفترة الكيزانية بل اللحية والنفاق هو المؤهل.
|
Post: #315
Title: Re: نجوم اركان النقاش في نشاط الجامعة في ذلك الزمان...!!!
Author: عاصم ابوبكر حامد
Date: 06-03-2009, 09:57 PM
Parent: #314
التحية الى كيكى
صاحب البوست الرائع
والى كل طلاب جامعة الخرطوم والى اساتذتهاواركان نقاشها والى مينها ...
والى قاعاتها ...
ولا انسئ تلك الكلية الرائعة كلية العلوم الرياضية
وايضا التحية الى الاحباب فى كلية الهندسة والعلوم والاقتصاد والبزنس والقانون ...
ولا انسئ اصدقائنا بالمجمع الطبى لهم تحياتى وتقديرى ...
تلك البقعة الراقية السامية التى خرجت الالاف من الطلاب السودانيين ...
انها جامعة الخرطوم ...
وايضا لا انسئ اركان النقاش فى الجامعة والشخصيات التى نراها دائما تتحدث ...
لهم منا كل التحية والتقدير ..
فعلا انهم نجوم ..
شكرا كيكى وحليمة وكل طلاب جامعة الخرطوم على الاستراحة الرائعة..
|
Post: #316
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 06-04-2009, 10:13 PM
Parent: #315
سلامين يا جعفر مسئول من الخير : انت كيكي طفش وين ؟
اها وقفنا وين مع النرجسة و النرجسية ؟
نبدأ من الاول طيب . . .
القاعدة النرجسية الكبرى : " انو مدرستنا احلى مدرسة و نادينا اقوى نادي و كلب جيرانا شو كِتير مهضوم اكتر من كلاب الحلة الغادي "
اها لا استثناء ، انا ازعم انو : " دفعة 1991 - 1992 م اخطر دفعة ، و البزانسة اوسمهم و ناس محاسبة الاحلى . . . شنو ليكم ؟ "
اكيد لي الحق مش ؟ لاني ما كنت في دفعة تانية و لا حلمت معاها و شهدت خيبة امانيها و ارتطامها بصخر الامكانات و سخرية و قسوة الظروف اكتر من دفعتي
نهايتو . . .
بس ان شاء الله المكنة مشت كمبرر للنرجسة ؟ ولا قسّمت ساي ؟ كرفستوا مشاعري ياخ !
بعد احداث معسكر الشهيد عيسى بشارة - القطينة في اواخر عام 91 و بدايات 92 ، اعتقد انو سيرة الدفعة دي في جامعتي السودان و الخرطوم وصلت قدامهم .
المهم تقطيع الاوصال الحكيت عنه في المداخلة الفاتت ما ممكن ينقري بعيداً عن اضافة ما ذكر اعلاه لمجمل الواقع بتاع ، استشهاد طارق ، المقاطعة و ما تلاها من عنف الاحداث و الخسائر في الانفس و الثمرات في صفوف السناير ( اكاديمياً ) – External & Dismissed و حتى جسدياً في الداخليات . و بدا التمكين و ترسيخ ماسمي " ثورة التعليم العالي " و مواصلة برنامجها رغم انف الحقيقة - و الحقيقة احد ركائز شعار الجامعة " الله ، الوطن ، الحقيقة ، الانسانية " - في تصفية السكن و الاعاشة و التعريب ، و تشريد غير الموالين في هيئة التدريس و قد كان التعريب قد تكفل بتشريد غير الناطقين بها سلفاً و زاد الطين بله - كسائر تهريفات ثورة التعليم العالي دي - انو التعريب جا بدون دراسة و لا تخطيط و اتخلقت ازمة مرجع حقيقية .
حصار . . . حصار . . . حصار . . . و من كل الجبهات
و اتولى قيادة الكليات عناصر موالية فقط : " زكية عوض ساتي " آداب - المرحوم حافظ الشيخ الزاكي " قانون " " دفع الله الترابي " معمار – " اسماعيل الخليفة " بزنس و دا بالذات كوم براهو تصدقوا القصة ما واقعة ليهو ابداً وقايل الشغلة مكتبة بس ، شفتوا ليكم زول بفتخر بانو كان في المكتبة لما استشهد القرشي !! مرة كنا بنتكلم معاه عشان يغيّر مواعيد محاضرة الـ MIS - ودا كان تخصص نادر وكتها و كان قاشر بيهو - و هو ماشي ما عاوز يقيف لينا و نحن جارين وراه " عطا ابو القاسم بس ! . . زي ما قال الرشيد بدوي عبيد : عطا ماشي و الجماعة جارين وراه –" لما علقنا على الشغلة دي ، كغياظ تاريخي قام حكى لينا قصة من الاثر قال سيدنا عمر قال : " فكنا نجهد وراءه " طبعاً ما شايفنا لما وسوسنا " لكن انت نبي ؟!! قوم لف ياخ "
مرحب بيكم في مملكة اسماعيل الخليفة ! مملكة شنو قولوا اقطاعية عديل ! . اها رئيس الشعبة دا او كما قال البروف ، كان مخلوع بـ ، و ما مصدق انو عضو مجلس " السنت " لانو الوحيد الالتزم بقرار خطة اعادة الكليندر لما كان عليه قبل اختلاله بالمقاطعة و ما تلاها . ليعود مارس مرةً أخرى كشهر كوارث تاريخي .
الوضع دا خلق تقطيع جديد لاوصال الحركة الطلابية و عمل قطيعة لاي تواشج ممكن . ديل مأجزين ، ديل في امتحانات ، ديل يا دوب مدقشين ما فاهمين حاجة و لا لاقين ليهم زول فاضي يبرلمم ساي ان شاء الله ! الشغلة كانت هايصة خالص . حتى على مستوى الكلية الواحدة الكليندر ما كان ظابط . و في بعض الاحيان بكون دفعتين شغالين و دفعتين مؤجزين !
دا الوضع العام الح يخلي باقي النرجسة نرجسة على الطريقة الصاح . . .
اقوال شاهد اثبات من البوابة الشرقية " بزنس "
|
Post: #317
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 06-04-2009, 10:33 PM
Parent: #316
في السنتين الاولتين ارتبطنا بشكل غريب بداخلية ترهاقا - الآيلة للسقوط - حسب اشاعة قوية بسبب الطفح الدائم لحماماتها الداخلية 24 ساعة في 30 يوم في كامل عمرها - بالمناسبة ترهاقا هدية الجمعية الهندسية لزملائهم طلاب الهندسة و كانت مخصصة لطلاب الفاينل صفوة ؤ كدا يعني - اقله كدا بقول المكتوب على ديباجة معلقة على سفرتها .
و " ترهاقا " او " تهارقا " زي ما مذكور في اللوحة آنفة الذكر ، نجحت في اختبار البقاء و حافظت على وجودها مرتين : مرة كإسم : صمدت ضد لوحة صندوق دعم الطلاب " داخلية الشهيد ابو دجانة " المعلقة على بابها الرئيسي على شارع الجامعة . و مرة اخرى كرسم : اخدت Pass في امتحان البقاء ، ضد " زلزال " ضرب العاصمة و نحن قاطنيها اعتقد 93- 94 م و كذّبت كل الاشاعات بما فيها المقولة المغرضة الشائعة " باب النجار مخلّع " كما تنص ايدلوجيا الذم في فكر " الشناف " الشعبي الكلاسيكي .
و " ترهاقا " برضو اسم اول جريدة تصدر بعد اعلان تجميد النشاط ، ايدية و حمرة عين ساي كدا ! في تحدي سافر للجبروت ، و زي ما قالوا سمحة المقدَرةَ . و كانت تعلق على سفرة داخلية ترهاقا ، كان المشرف عليها زميلنا الجميل " سامر حسن " و اذكر كمان عبد الجليل هجو ، الطيب عبد الله محمد صالح ( المناقل ) ما الطيب عبد الله الكوز . علاء الدين ابراهيم ( شنكل ) . قد اكون بخرت الباقين فلهم العذر ، و المعلومة خاضعة للتعديل / الحذف / الاضافة / النقض ذاتو . و سامر حسن و بكري الجاك و صداح وراق و اعتقد اسماعيل وراق شهود عصر ، و اعضاء في البورد دا
ما عارف علاقة الخطاطين التاريخيين " جعفر ابايزيد و شوقي اسماعيل " شنو بترهاقا ؟ يا ريت برضو معلومات ممن يملك
و طبعاً " جريدة ترهاقا " تعرضت للتمزيق اكتر من مرة . . .
اها اول ركن احضره في الجامعة - وانا طالب فيها - دقاهو ( استاذنا ) الطيب عبد الله محمد صالح دا ذاتو و كان مناسبتو دعوة لحماية الجريدة ، و توصيل صوت اصحابها بانهم قادرين على حماية مكتسباتهم و حقوقهم و اولها صوتهم " تماماً " - بالله ركزوا لينا على " تماماً " دي بالذات لانها مهمة ياخ ! .
و كشأن الدخُلة ، الركن دا بالذات خدش ذاكرة بكر و كان في عز الثورة الخطابية دي الطيب عبد الله وعدنا بأنو " لوح التلج دا قرّب " و كان يشير بكلتا يديه اعلى لوح تلج متخيل في حركة جاسة على سطحه مجسمة لحجم اللوح المتخيل ، و كان شكل و اتجاهات الحركة تحمل دلالات النفي ( الفناء – الزوال ) في نفس الوكت .
قابلته – في سنة 2003 م و سألته عن وعد التلج بتاعو المذكور اعلاه ، و انو طلع بتاع اشاعات ساي . قال لي كلوا من الصادق المهدي هو القال العبارة دي . و شبك فيها هو .
نسيت اقول ليكم انو الطيب يساري سابق بذاكرة يميني - وقت اطلاق عبارتو المستلفة دي – و كان معجب بالسيد الصادق و شباب الكفاح
|
Post: #320
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 06-06-2009, 07:33 AM
Parent: #317
يا كيكي غيابك طال
وعبد الحي علي موسى أظنه (ظن يرقى لليقين) من سنايرنا في النيل الأبيض الثانوية.
لك التحايا عبد الحي على موسى في كل الأحوال .
وواصل يا قيقراوي في الحكي الجميل ولا تلتفت لغياب صاحب الصالون
|
Post: #321
Title: Re: نجوم اركان النقاش في نشاط الجامعة في ذلك الزمان...!!!
Author: عبدالكريم الامين احمد
Date: 06-06-2009, 07:53 AM
Parent: #320
سلام لكل البوست وتحية
وعذرا للتاخير والغيابات يا جعفر لمشاغل الدنيا ام قدود
وجابت ليها ايضا مشاغل انتخابات
وقريبا سالتحق بهذا البوست الذي جملتم صفحاته بالحكي الطاعم والزمن الجميل
وتقديري لكل الاخوة المتداخلين والمتداخلات
وساعود برواقة باذن الله
|
Post: #322
Title: Re: نجوم اركان النقاش في نشاط الجامعة في ذلك الزمان...!!!
Author: قيقراوي
Date: 06-06-2009, 11:52 PM
Parent: #321
Quote: وعذرا للتاخير والغيابات يا جعفر لمشاغل الدنيا ام قدود
وجابت ليها ايضا مشاغل انتخابات
وقريبا سالتحق بهذا البوست الذي جملتم صفحاته بالحكي الطاعم والزمن الجميل |
سلام يا كيكي و جعفر و سلامين للجميع
على سيرة الدنيا ام قدود دي طريتني عبدو الكهربجي و رجعتني لسيرة " التنظيمات العاطفية" و اركان نقاشا
لكن خفت افتل ليك البوست يا كيكي
يا زول هارد لك . . . و مزيد من الممارسة الديمقراطية بنعدل الحال المال
ارجع استلم بوستك ولا بنجوطوا ليك !
|
Post: #324
Title: Re: نجوم اركان النقاش في نشاط الجامعة في ذلك الزمان...!!!
Author: جعفر محي الدين
Date: 06-07-2009, 06:50 AM
Parent: #322
ودي إضافة بالبريد أيضا من إنسان جميل وشكله مذاكر كويس
Quote: والله يا كيكي وضيوفوا الكرام ليكم وحشه اليد ما مطلوقه ولا نقول الا حسبنا الله ونعم الوكيل
انا شفت ناس ظالمين كتير بس انت اظلم من ظلم
الزول دا ضميرو في اجازه ، الزول دا هموا كرشو ، الزول دا عندو عمي الوان ، الزول دا ما بشبهكم ، الزول دا ضربت معاه بجاي وبهناك ، الزول دا ما شبه البوست دا والله .
يا كيكي اقول ليك :
طبعا اخوك سكن البركس عام كامل ونصف العام وانا لست بخرطومي كما تعرفون
سكنت في داخلية الاقتصاد امام كافتيريا البركس الرئيسيه وكان صاحبي الهلالي رمضان
حارس السفره المعنيه (يعني اكلنا من حق الدوله والدوله حقتنا )
ذكرت اسم غازي المساح من اولاد مدني ، الزول دا صديقي ومعه نادر خليفه وهشام بن عم الرائد ابراهيم شمس الدين من اولاد حلة حسن وديل زملاء ابن عمي المهندس الدكتور عمار حسن محمد البشير ( زراعيه ) .
طبعا الشله دي (غازي + نادر + هشام + كمال ضرس معاكم في قطر ) عالم في منتهي الفوضي والهزل عالم مليانه ضحك لمن مدفق عالم رائعة كروعتك يا كيكي الجميل .
في داخلية الاقتصاد سكنت مع ابن عمي شقيق عمار قبل تخرجه الطيب حسن محمد البشير وكان يسكن معاه اقربائي من فارس الكتاب (عبداللطيف الزين وهاشم فارس ) ومعاهم الطيب حمدون واخونا بن حنتوب (الجعلي ) وكان يسكن جوارهم احلي شيوعين
(حسن فضيل ومعاويه وشاب اخر اتهم عصام جبرالله لان الشكل قريب ليه )
بالهندسه من اولادنا
حسن العبيد ابراهيم هندسه مدنيه الان علي وشك الانتهاء من الدكتوراه وهو مقيم بكندا وهو شقيق الدكتور العالم عثمان العبيد مكتشف عينة (طابت) من الذره وحسن اشطر من عثمان ومتفوق جدا تعليميا ممكن يطلع لينا باكتشاف .
الدكتور الصادق مهدي احمد سعد بقطر الان معاكم في جامعة قطر زول حزب امه سكينو في ضراعو وابن عمتي رحمها الله
شقيقه احمد مهدي احمد سعد والاثنان ميانيكا ومعم الطف زول السماني الطيب السماني بن عمي الراحل المقيم الشيخ الطيب السماني .
ومعاهم بالاسكول اوف ماس بن اختي ابراهيم علي ابراهيم
المهم يا كيكي انا عايز اربطك زياده بمزيد من المعرفه .
لو بتذكر في حفل تخريج بالاسكول اوف ماس غني ابوعركي وبعد البدايه في اغنية أذن الاذان الملتوف جانا بفوق واصيبنا ثلاثه كنت انا واحد منهم حيث حرق ساعد يدي اليمني شبه كامل وكان يمكن ان تسقط زجاجة الملتوف في راسي لولا لطف الله (الزول القام بالعمل دا قالوا اسمو فيصل كوز مهووس ومشهور يا ريت لو حي تدونا عنوان ليه ولا لاهله وسكنه ) طبعا من اتي بي للحفل هو الفنان التشكيلي والغنائي الصديق عمر خليل ود الابيض وزاغ مني بعد الضربه المهم في الامر هو موقف ابو عركي الذي لم يتحرك من المسرح نهائي بينما الاوركستيرا المرافقه اطلقوا ساقينهم للريح والذ زول بتاع الاكورديون يا اخي دا جاري وبعزف اتاري الموت حار
الموقف الثاني كنا داخلين النيل الازرق وكان يعرض فيلم اسمه ( خليل بعد التعديل ) وقبل بداية الفيلم واحد بصوت عالي كورك لاخر اسمع يا فلان ( خليل دا خشيتو بعد التعديل ) فرد عليه فلان ( لا والله خشيتو قبل التعديل ) وانفجرت السينماء بالضحك غايتو لو خليل دا زولنا دا وانت فلان ولا فلان تكون الدنيا دي اضيق من الضيق ذاتووووووووو
الموقف الاخير كنا لاعبين ضد الاهليه وكان معاهم ابو ورقه طبعا معانا مشجعين من كلية فنون عينة المرضي يعقدوا الما بتعقد ، المهم يشيلوا ويعقدو في ناس الاهليه ( حنكوش وقع براهو مافي زول رماهو ) بعد شويه اتلقطوا شفوت الهندسه وطبعا عينهم علي بنات الاهليه وما ادراك ما الاهليه وسوس لبعض وبدوا يشجعوا وشايلين مساطرهم ومناقلم ظاهرين ( ويا الصادق عايزين جامعه ويا الصدق عايزين جامعه ) طبعا الصادق المهدي كان رئيس الوزراء وقدم طلب ليه وقتها بتحويل معهد اللكليات لجامعة السودان .
دي فرصه نشكر فيها الاخ اسامه سكرتير اتحاد الجامعه (المحايدين ) حينما طبع لينا اول بيان يوزع في معهد الكليات حينما خضنا انتخابات باسم المحايدين وسقطنا في الهندسيه بالتزوير واكتسحنا الكيزان في التجاريه ، يا كيكي من دخولنا للجامعة حتي خروجنا الكيزان ما فازوا ولا في جمعيه ولا رابطه اخوك معتصم رقم صفر كان زعيمنا لكن ما كنا عارفنو هناي .
سكنت مع ناشطي مؤتمر الطلاب المستقلين بكلية التربية بامدرمان الغرفه رقم 10 الاخوان حسن حاج يوسف وعمر الطيب وعمر اخر وناجي بلدو وجمعيهم طلاب بشعبة علم النفس وشهدنا معهم نشاط كبير في عمل الجرائدالحائطيه فلهم التحيه والتجله
|
|
Post: #323
Title: Re: نجوم اركان النقاش في نشاط الجامعة في ذلك الزمان...!!!
Author: Samer Osman
Date: 06-07-2009, 06:46 AM
Parent: #321
يا شعبنا
يا والدا ًأحبنا
يا من منحت قلبنا ثباتك الأصيلا
إليك هذه الرسالة
القصيرة
الطويلة
إليك من زنزانة تخاصم الفصولا
إليك رغم أنف كل بندقية
وحقد بربرية
وكلمة شقية
إليك الحب والسلام والتحية
ودمت يا حبيبنا، وبعد
أدبتنا ........
أحسنت يا أبي
لم نتابع الهوى
لكنه غوى
وما ارعوى
وكم عوى
وتابع الهوى
وتاه في الأنا
أراد للدماء أن تسيلا
ونحن مثلما عرفت يا أبي
بفضلك الكريم أشرس الرجال
حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا
أبناؤك الرفاق
باسمك العظيم
أقسموا
فصيلة فصيلة
أن يثأروا
لفرحة الأمومة الجليلة
بطفلة جميلة
تنفست قليلا
تمددت قتيلة
رصاصة في جنبها
وطعنة في قلبها
ولم تعش طويلاً
لكنما مليون مثلها
سينجب النضال
يا أبي حقيقة
فكم حديقة
تفتحت على حطامها حديقة
وكم مكان نخلة
هوت
علت نواتها وزادت ارتفاعا
وأجمل الأطفال قادمون
ساعة فساعة
عيونهم أشد من عيوننا بريقا
صدورهم بما وهبت أكثر اتساعاً
وحين يكبرون يا أبي
سيوفهم تزيد
من سيوفك الطوال طولا
لأن بذرة الحياة ليست بالرصاص
بقصيدة معلم الأجيال محجوب شريف كان يبتدر ركنه المميز محجوب الجميل .. أستاذي في فن الخطابة ... تعلمت منه كيفية "سواقة الركن" وتوصيل رسالة السكرتارية تعلمت منه أن الكادر الخطابي هو واجهة لذا يجب أن يكون مثالياً في أدق التفاصيل.. تعلمت منه مثلما تعلم هو ممن قبله وهكذا كان العمل السياسي جيل يورث جيل
ولنا عودة
""قيقراوي .. أخوك تأمينو صفر""
|
Post: #325
Title: Re: نجوم اركان النقاش في نشاط الجامعة في ذلك الزمان...!!!
Author: SHIBKA
Date: 06-08-2009, 06:49 AM
Parent: #323
ونواصل ياخريجي جامعة الخرطوم
|
|